بصِدري ‘ وجعْ كنت احـَسبَه نامْ ، يا صَدري ..! للكاتبه وحيدة و اهلي كثيرين

[lost girl]

البارت الرابع ..

رمت جوالها على آخر السرير وهي تحط تحط جسمها على السرير وهي دافنه وجهها فيه .. بكت الين ذبلت وجف دمعها ونامت عقب يوم سيئ جداً كان من المفترض بأن يكون قمة بالروعة ..
,,,
لوبي الفندق ..
كان سطام يشرب قهوة مره ويتصفح النت عبر لاب توبه الموجود معه..
سمع الاذان ناظر ساعته 3 الفجر .. سكر لابه وطلع يرجعه للسيارة اللي تركها له أخوه .. وراح لاجل يصلي الفجر .. صلى الفجر وماحب يرجع للجناح وجلس بالمسجد يقرأ القرآن .. ابتسم وهو يفتحه وشي عوره بقلبه من كم ماقريته ؟! من كم مالمسته ؟! ..
حس برعشه تجتاحه من قسوته وهجره للقرآن ..
﴿ وَقَالَ الرَّسُولُ يَا رَبِّ إِنَّ قَوْمِي اتَّخَذُوا هَذَا الْقُرْآنَ مَهْجُورًا ﴾ ] الفرقان: 30 [. قال ابن القيم في كتابه القيم " الفوائد ": وهجر القرآن أنواع: أحدها: هجر سماعه والإيمان به والإصغاء إليه. والثاني: هجر العمل به والوقوف عند حلاله وحرامه، وإن قرأه وآمن به. والثالث: هجر تحكيمه والتحاكم إليه في أصول الدين وفروعه، واعتقاد أنه لا يفيد اليقين، وأن أدلته لفظية لا تحصل العلم. والرابع: هجر تدبره وتفهمه، ومعرفة ما أراد المتكلم به منه. والخامس: هجر الاستشفاء والتداوي به في جميع أمراض القلوب وأدوائها، فيطلب شفاء دائه من غيره، ويهجر التداوي به ... وإن كان بعض الهجر أهون من بعض .
جلس يقرأ فيه إلينا شرقت الشمس .. وقام وهو يدق على جوري ..
ماردت بالمرة الاولى لانها كانت نايمة .. ردت للمره الثانية على آخر الرنة : إلو ..
سطام بجفا:معاك سطام .. اسمعيني اجهزي على الساعة سبعه راح نسافر ..
قالها وسكر الجوال بسرعة ..صرخت من قهرها وهي تشد على الجوال وتبكي بإلم : الله لايسامحك ولا يسامحك ي بوي ..
جلست وقت وهي تبكي .. إلين هدت شوي ووقفت وهي تشوف نفسها لابسه فستان الزفاف رجعت تبكي وهي تحوس بالشنطة وتبكي وتتحلطم .. طلعت لها لبس أي كلام .. دخلت تأخذ شاور ووأخذت وقت وهي تمسح المكياج .. وتالي كلمت الشاور وانتعشت شوي لبست السكيني والقميص وطلعت وابتسمت على شكلها وهي تكلم نفسها بالمرايه : ي عيني اكوس عروس بصباح زفافها ..
دخلت الفستان بالشنطة وسكرت كل شي وطلبت لها فطور وهي تفطر عقب ماطلبت لها فطور كروسان وعصير .. دق جوالها :ي كرهك ي أخي ..
فتحت السبيكر وهو يقولها تنزل صكت بوجهه .. وراحت لاجل تفرش أسنانها ولبست عباتها وكلمت الرسبشن لاجل يجي أحد يأخذ الشنطة وينزلها ..
شافته واقف وهي حاقده عليه وبقوة مشت الين وصلت لعنده والموظف مشى الين السيارة وحط الشنطة .. ركبت ورى مالها خلقه ..
حرك ولا تكلم لان لو ماركبت راح يقولها تركب ورى ..
رجعت راسها وحست بحقرانه لها ونظرته كرهته كثثير على تصرفاته .. شغل المسجل وهو يردد ببرود ويعلي الصوت ومطرب على الاخر ولا كأنه مسوي شي ..!
.
.
.
بريطانيا ..
قريب من البحر ..
رتيل كان مستانسة بأنها راح تنزل للبحر وتكتشف ..
نادر وصل .. ناظرته بنظره : وين طارق؟
نادر يخزها: مهوب جاي اليوم تعبان شوي ..
رتيل بتعصيب: مفروض يدق ويتعذر بدينا البحث سوى نكمل شوى أما أنه يرسلك ونقعد نتوه لا ..
نادر بتأفف : ي قلق امشي بس .. يكون بعلمك أذ طارق قمه بالذوق أنا عكسه ..
رتيل تكمل عنه وبنظره : بقمه ب الدناءة والغباء والتخلف ..
مشت وهو يمشي قدامها : ي زفت احترمي نفسك .. الشرهه مهيب عليك على طارق اللي جابك معنا بالبحث ي بزر ..
رتيل مالفت وبنره احتقار : آمش بس ..
عطتهم التصريح وودخلت ..
لبست اللبس الخاص بالغوص وطلعت وشافت نادر مخلص لبس ويناظرها من فوق لتحت ..
رتيل : خل نظراتك لك ..
نادر يردها لها: امشي بس ..
ركبوا باليخت ..
رتيل ركبت النظارات الخاصة بالغوص : شوف معك ي أنك تمسك الكام وتصور أو تكون دقيق وأنت تلاحظ لاجل نكتبها بعدين ..
نادر يركب نظارته : امسك الكام ,,
رتيل : آوك ..
طلعت الكام وعطته ..
نادر يستغبي: طيب الكام راح تخرب لاننا تحت المويه ..
رتيل ناظرته شوي وطولت : فيه كامات خاصة للتصوير تحت الماء ..
لبست لايف جاكت لاجل تسمتع برحلتها بإعماق البحر ..
رتيل : صور فديو وصور ..
سمت بالله وهي تناظر البحر وجاها شويه خوف ..
ماحست الا بيد نارد تسحبها وتقفز لها بالبحر ..صرخت فيه بصوت بس لان الكمامات ماطلعت لها الصوت حييل..
دخلت معه إلين وصلت لتحت السفينه ..
لها أخذت كورسات بالسباحة سحبت وتحركت وهي تناظر بالسفينه من تحت وتكتتشف اللي فيها رجعت لمكان نادر وأخذت منه الكام وهي تصور.. سبح الين قرب لها وأخذ الكام وهو يقربها منه ويصورهم سوى و بسرعة بعدت بسرعة وصعدت للسفينه بخوف .. طلع نادر وهو يفك الكمامات ويضحك : ي خوافة ..
رتيل صرخت فيه وهي تدفه الين جلس على مكان مخصص للجلوس باليخت .. مسك يدينها وهو يجلسها بحضنه : ي مجنونه اعقلي ..
ماتحملت حركاته وتفلت (بصقت ) بوجهه ..وقامت : ي واطي .. على بالك بنت ووحدي وعلى يخت بخاف .. لا تهبئ مابقى الا هالشي .. دام الله معي ووكلت له يومي من الصبح فالله بأذنه حافظني منك ومن أشكالك ..
قال ابن القيم رحمه الله: ولو توكل العبد على الله حق توكله في إزالة جبل من مكانه وكان مأموراً بإزالته لأزاله.
فالمسلم لا يرى التوكل على الله في جميع أعماله واجباً فقط بل يراه فريضة دينية ليس متعلقاً فقط بالأمور الدينية بل بالأمور الدنيوية وليس بالأمور الدنيوية وطلب الرزق فقط بل بعبادة الله سبحانه وتعالى فهو عقيدة (( وعلى الله فتوكلوا إن كنتم مؤمنين)) ولهذا كان التوكل على الله نصف الدين ، بل هو الواجب لأنه أصل من أصول الإيمان .
نادر يناظرها وبهدوء: رتييل .. تراها صورة للذكرى بس وبعدين فيه بنات هنا يقبلون بأننا نصور مع بعض ..
رتيل بعصيبه : مثلك أنت وبنفس مستواك بس أنا ي أنت أعلى بكثثثير من أني اوصل للمستوى الغبي والمبتذل ذا ..
امرت الشخص المسوؤل عن البخيت يحرك ويرجع ..
نادر وقف: ي حلوه خير نرجع ماسوينا شي كذا ..!
رتيل لفت عليه وهي تهدده : تدري بأن تصرفك ذا ممكن أوديك فيه بخبر كان .. وأبلغ الدكتور بأني تعرضت لمضايقه منك أثناء عملنا للبحث وصدقني هالشي راح يخليك تحمل الماده .. ف (بنرة تعصيب قوية ) لاتقرب لي ولاتعيد حركتك معي تراي رتيل ..
نزلت من اليخت وهي تستقل سيارتها وتمشي ..
نادر يناظر السسيارة وهي تمشي بسرعة : مجننننونه ..مجنننونة..
ركب سيارته وهو يناظر الكام جنبه ابتسم بشراسة للكام وصورته مع رتيل باإعماق البحر ..
.
.
.
الرياض ..
ضحكت مع جدتها وخالتها وهي تحضر الفطور ..
خالتها : عقبالك ..
ضحكت أكثر: أنا معاي أحلى اثنين بالكون كلهم أتركهم وأروح مع احد ثاني..
جدتها جلست : لكن أنا وجدك ودنا نفرح فيك يانور عيوننا ..
جلست عند رجل جدتها وهي ماسكه كفها : ي بعد عيني .. تخيلي ماتصبح بوجيهكم كل صبح .. مقوى واللي خلقني جعلني ماذوق حزنكم ..
ابتسمت جدتها وهي تلمس خدها بحنان : ي عين جدتك كم لك تردين بالخطاب وأنا وجدك ساكتين لاجلك .. ولاننا ندري عن الخافي المستور واللي يبيك محمد ولد خالتك ويبيك وموافق لك تسكنين معي أنا وجدك وهو يسكن معنا .. ضحى باللي الكل رفض هالشرط ..
كادي حاطه كف جدتها بين يدينها وهي تناظرها: محمد يشرفني دامه وافق على هالشرط ..
لمتها جدتها : ي سعد جدك بهالخبر ..
ابتسمت كادي ب حيا ..
خالتها : مبروك ي قلب خالتك .. تستاهلين أنتي ومحمد كل خير ..
كادي : الله يبارك فيك خالتي ..
خالتها بمزح : عاد رحتي على ولدي( عمره 5 سنين)..
ضحكت كادي وتمزح: بزوجه بنتي ..
ضحكت خالتها : خلاص اجل علمي محمد من الحين ..
دخل سلمان للمطبخ : جوكم رايق على وشو؟
امه: تمت خطبه محمد وكادي..
انصدم سلمان للحظات واستدرك نفسه: مبروك كادي..
كادي تناظره بنظره إلم :الله يبارك فيك خالي( شددت بالنطق على كلمه خالي) ..
طلعوا من المطبخ ومعها وخالتها الصواني ..
ضحك جد كادي : أفلحنا دام فطورنا الساعة 11 شوي ويأذن للظهر..
ضحكت مع جدها وجلست جنبه : ي ناسي أنت .. خبرك ي بعدهم كان البارح عرس جوري وتأخرت أنا وجدتي بالرجعة .. والحلوه وعيالها جايين اليوم ولهيت ..
جدة كادي: بشر محمد بموافقة كادي ..
استبشر جدها وبارك لها وهو يدعي لها بالتوفيق والسعادة ..
دق على محمد من فرحته وبلغه بالخبر .. سكر وهو يضحك : غداه من غدانا يقول بيلفي علينا الحين ..
ضحك الكل على محمد وجنونه المعروف من مبطي بـ كادي ..
.
.
.


.
.
الشرقية ..
ناظرت جوري للشقة وهي داخله فيها ,, شافت غرفة مفتوحه قدامها سحبت شنطتها ودخلت للغرفة وصكت الباب عليها وهي تخلي المفتاح فيها لاجل مايفتحه ..
دخل سطام وراها ودخل لغرفته وصك الباب وهو يدور السرير يبي ينام من الارهاق ..
رد على جواله وكان أبوه : آآيييه يبه الحين بنام وصلت للشرقية ..... (كان يهاوشه) لاحول ولاقوة الا بالله يبه كيفي شهر عسل حقي وابيه بالشرقية مافيها شي ..
سكر أبوه بوجهه ..
انقهر من أبوه واغلق جواله ونام ..
.
.
.
بريطانيا ..
شقة العيال ..
طارق يكح من التعب : ي خي أنت مجنون .. وش هالتصرف أنت وهي؟!
نادر يشرب كوفي : أنت ماشفتها .. مغروره بنت اللذين .. مهيب شايفه أحد في طرف عينها ..
طارق : مهوب شغلك شخصيتها .. تجاهل كل اللي مايعجبك .. تدري أنت لو نفذت تهديدها وقالت للدكتور معناه كل المجموعه بخبر كان ..
هاني خاف: تكفى ي نادر خل البنت بحالها تصور كل السنوات الماضية تروح مننا بسبب هالشي ..
نادر يضحك الكوفي ويفكر بعمق بكلام اصدقائه ..
طارق يقطع تفكيره: عطني الكام وأنا بكمل مع رتيل من بكره .. ي جنونك ي أخي ..
عطاه نادر الكام : خذ وكلم المغروره خذ منها اللي تبيه .. أنا بروح اخمد ..
هاني : رح ي مجموعة مصايب متحركة ..
ضحك نادر ودخل ينام ..
طارق دق على رتيل ..
طارق: السلام عليكم ..
رتيل تجلس : وعليكم السلام ..
طارق: شخبارك ؟
رتيل: مابيينا اخبارك وهالشي بيننا بحث أنت وربعك ..
طارق (ي ساتر) : طيب أنا اعتذر عن تصرف نادر .. ماكان يقصد ..
رتيل: للحين براسي وأحطها عند الدكتور بمحاضراتنا الأسبوع الجاي ..
طارق توتر: رتيل لو سمحتي لاتسوين هالشي ,, صدقيني بعدين راح تندمين لانك ضيعتي مستقبل مجموعة كاملة يعني كل غربتنا تروح هدر فكري بالمنطق ,,
رتيل سكتت ماحبت تتكلم ..
طارق حب يدخل معها بسالفة البحث: طيب ممكن أقابلك الليلة بأي كوفي لاجل نفرغ الصور ونلخص كل شي ..
رتيل : أوك ..
طارق: راح اكلمك على العصر .. واعتذر لك مره أخرى ..
سكر الجوال ..
هاني: ها بشر؟
طارق: زين أنها اقتنعت بأننا نكمل .. راح أشوفها الليلة ونفرغ الصور بالجهاز وهي تركب المعلومات الموجودة عندها على الصور ..
هاني : زين زين ..
رجع طارق راسه على الصوفا وهو ينزل الصور من الكام للاب ..
هاني يناظر الصور : مششالله علييها صاروخ..
خزه طارق: ترضى أحد يناظر بمحارمك ؟! ويمدح فيهم ؟ أكيد موب راضي فلا نعطي أنفسنا الحق بالنظر لاعراض الناس ..
هاني يحك شعره : طيب راح تحذف الصورة؟
طارق: أكيد ..
حذف الصوره وكملوا وضع الصور بمجلدات الخاصة بالبحث ..وهم يتكلمون عن البحث وطريقته ..
.
.
.
العصر ..
جلست رتيل تتنظر طارق .. جا وجلس طلبت له قهوه ودونات معها..
طارق: نبدأ ؟
رتيل: تفضل ..
طارق : أبي منك معلومات لاهنتي لكل صوره ..
رتيل : اوكي ..
وجهت لها الاب وهي تكتب معلومات عن الصور بالكشكول الخاص بالبحث..
جا الطلب وأخذ طارق وهو يشرب القهوة ويأكل دونات ويناظر الصور وهي تكتب عنها خلال مشاهدتها لها بالبحر ..
رتيل: بقولك ترى ماكملت وطلعت من البحر لاجل كذا متى ماتشافيت نكمل..
طارق : إن شاء الله ..
كملت كتابه وهي تعلمه عن كل معلومة .. لاجل يكون عنه خليفات خلال مناقشة البحث ..
خلصت عقب ساعتين .. عطت طارق الكشكول : باقي بس كتابته على الاب المعلومات كلها موضحه ومفصلة .. لنا لقا متى ماتشافيت ..
وقفت وهي تلم كتبها ونظاراتها وجوالها ..
ابتسم طارق وهو يسكر لابه : شكراً على القهوة ..
ابتسمت :ولو .. عن أذنك ..
طلعت من المقهى وهي تمشي ودقت على ديما : آهلن .. الحين جايه للبيت ..هههههههه مشكلة ي زوجة أخوي .. لا عيوني أنا كنت بالمقهى ..آييه آييه .. يلا سسلام ..
.
.

[lost girl]

الرياض ..
ببيت جد كادي ..
كادي تناظر خالتها : لا خاله احراج ..
خالتها : ي عيوني هو يبي يشوفك ويترجى وده بشوفك والشوفة الشرعية مافيها شي ي حبيبه خالتك ..
كادي : جدتي تروحين معي ..؟
جدتها : ي نور عين جدتك .. امشي بروح معك ..
كادي بتردد: طيب خالتي خليه يخليها بالليل ..
خالتها : بروح اكلمه..
كان جالس بالمجلس يشوف التلفزيون وجده غافي ..
خالتها اشتر له يجي لها ..
طلع مع خالته للحوش ..
خالته : محمد خل الشوفه لبعد العشا ..
محمد يفكر : ذا راي كادي؟
خالته : اييه ..
محمد : ي الله المهم أني بشوفها .. الله يتمم لنا .. ودي بها ياخاله ..
ابتسمت خالته : وساكت طول هالفترة ..
محمد ابتسم: مهيب حلوه بحقي اتكلم واقول أني أبيها ولانيب مكون نفسي .. بس الحمدلله عقب ماتخرجت من الكلية العسكرية وتعينت هنا بالرياض تقدمت لها وموافق على كل شروطها ..
خالته رحمت نبره حب ورضوخ واضحه بصوته وقبلها بعيونه خلال كلامه عن كادي ورغبته فيها ..
محمد يشيل ولد خالته : طيب خليها تخلي الملكة بالعطلة.. والعرس متى ماتبي..
خالته : بقول لها ..
دخل مع خالته وجلس بالمجلس على التلفزيون وكله انتظار للعشا ويشوف مهلمه فكره ..
.
.
.
ببيت أهل الجوهرة ..
دخلت للمجلس وكان ريان جالس .. مدت كفها وكان بادر جداً بالسلام : آهلن..
الجوهرة جلست على الطرف : هلا بك ..
ضلو وقت ساكتين ,, كرهت بروده ,,
ريان يعدل جلسته ويدخل الجوال بيجيه : معليش أدري جيت من كم يوم بس خبرك مافضيت عزايم وقلق ..
الجوهرة : لاخذ راحتك ..
ريان سكت شوي وهو يناظرها وتالي تكلم :ششخبارك؟
الجوهرة بنفس بروده: بخير..
رجع جوهم للسكوت ماحب هالجو : طيب أنا استأذن ..
الجوهرة توقف معه : اذنك معك ..
طلع من مجلسهم وهي جلست على الكنبة : يقطع هالعرف وهالعادات وهالتقاليد الا بالجبر البنت مالها الا ولد عمها ..
.
.
.
الشرقية ..
صحت جوري على المغرب ,, صلت المغرب وجلست وهي ميته جوع وتفكر وشو ممكن تسوي وتطلب لها .. قامت وهي تشوف من الستاير ضحكت بهستريا : زين تعدل الحظ معي ..
كتبت الرقم بجوالها من المطعم المقابل للشقة ودقت وطلبت لها وجبه كاملة وعطتهم العنوان للشقة .. انتظرت ربع ساعة الا جوالها يدق لاجل تحدد رقم الشقة ,, دق الجرس وعطتهم الفلوس من ورى الباب وأخذت الوجبه وهي تدخل لغرفتها وتصك الباب ..
دق أبوها ردت عليه : هلا يبه ..
أبوها: حيها جوري ..كيفيك يابوي؟
جوري نزلت البيبسي : الحمدلله يبه .. ششخباركم ؟
أبوها: الحمدلله .. كيف رجلك ؟
الجوري بقلبها( مالت عليه من رجل) : الحمدلله ..
أبوها: وينه مانبي نطول عليكم ..
كتمت ضحكتها على انخداع الكل بوضعهم : مهوب عندي يبه خامد ..
ابوها : وشو ؟
تدراكت بسرعة: نايم يبه نايم ..
أبوها : الله يغطبه .. أجل يابوي منيب مطول عليك انتبهي لنفسك ولرجلك الله الله تربتي ماتطلع بالشين ..
ابتسمت بمود غريب : لاتوصي يبه .. وين امي ؟
عطاها امها كلمتها شوي وتالي سكرت .. تذكرت مصعب كلمته ..
مصعب يضحك : لا ,, لا مش معقول جوري تتذكرني بثاني ليله زفافها..
ضحكت : عشان تدري بس عن غلاتك ..
ضحك : ي فديتتتك .. ششخبارك ؟
جوري: تممام .. كيفك ؟
مصعب: بخيير دامني سمعت هالصوت .. ها طميني عنك عسساك مرتاحة له ؟
بحزن تخفيه : الحمدلله ..
مصعب: راح تتعودين عليه مع الوقت ..
جوري: آييه خلاص تعودت عليه ..
مصعب: حلو .. ي قلب خيك منيب مطول عليك .. انتبهي لنفسك..
جوري: أوكي .. يلا سلام ..
سكرت منه وكملت أكلها وهي تشغل التلفزيون وتشاهد ..
,,,
غرفة سطام ..
تقلب بالسرير وقام شغل جواله و يشوف الساعة : آوفف ي السحبه ..
جلس وتوضئ وصلى ,, وتالي دق على أخوياه بالشرقية لاجل يطلعون ..لبس وطلع بكل بساطة متناسي وجود شخص آخر معه ..
ركب سيارته وحرك وهو يدق ويحدد موقعهم لاجل يفلها ..
.
.
.
الرياض ..
ببيت جد كادي ..
عدلت شكلها ودخلت مع جدها وجدتها وكان جالس وقف بسرعة لما شافها داخله وهو يتمتم بداخله ويسمي عليها جلست بين جدانها وهو يناظرها بكل ماعطاه الله من آحسسساس شعور فكر نظر روح ..كان النظر وتمتيع عيونه بروحه أفضل عنده من إي كلمه تقال ..
جدهم انتظر شوي وتكلم: يا محمد ويا رتيل كلكم عينين في راس وغلاتكم وحده عطوني العلم كان لكم الرغبة ببعضكم عقب الشوفة ..
محمد أخذ نفس بقوة وهو يبتسم : أبيها ياجدي ..
ابتسم جده : وأنتي ي كادي ؟
دنقت بحيا .. وهي تبي تقوم محمد مارحمها بنظراته فيها ..
ضحكت جدتها وقومت معها كادي وهي تبارك لهم وبأسعد لحظاتها لان ربي حقق لها ماتمنى بجمع أغلى اثنين عليها ..
(محمد 24سنة , متخرج برتبة ملازم من الكلية العسكرية , شخصية متواضعه ,رومنس , حساس , طيب, طبعه لما يحب يسرف بالعطا )
.
.
.
بعد اسبوع ..
الشرقية ..
صارخ من الفرحة : قووووووولي اقسسم بالله السيارة الحين بالكراج ..
سهى : والله ..
سطام : اقول 3 ساعات بالكثير وأنا بالرياض ..
سكر ودق على جوري : اسمعيني جهزي نفسك بسرعة راح نرجع للرياض..
سكر وقام يلم ملابسه وهو يغني ويهستر من الوناسة بوجود البنتلي ..
بغرفة جوري..
جوري تتأفف منه : ي ربي صبرني على بلواي ..
سحبت شنطتها اللي مانزلت الملابس منها ولبست عباتها عقب ماصلت المغرب ..
طلعت وسحب الشنطة ولافكر يناظر وشده صغره بنيه البنت اللي امامه بس فكر بالسيارة حلمه من مبطي وطلعوا ..
ركبت السيارة ورى وهي تسند ظهرها وحتى عيونها مغطاها ناظرته سبحان الله معطيه الله الوسامة والجمال والمال بس وش الفايدة دام أخلاقه وتعامله صفر..
.
.
.
اليوم الثاني ..
ببيت أبو سطام ..
أبو سطام : وين سطام ؟
سهى : بشقته..
أبوها : اطلعي له وبلغيه ينزل العزيمة الليلة عندنا ..
طلعت سهى لشقه أخوها ..
فتحت الجوري باب الشقة وهي تناظر سهى : هلا ..
سهى تناظرها :وين أخوي؟
جوري تناظر شين النفسية : أخوك من امس داج برى البيت ..
سهى بتجريح: ماينلام اخوي جسد هنا وروحه كلها مع أمجاد ..
جوري ابتسمت : خليه يروح لها .. همني أخوك يعني؟!
سهى انقهرت: اصلاً ميته على أخوي أنتي..
ضحكت جوري وصكت باب الشقة بوجهها وهي توقف عليه : جايه تسأل عن هالصايع آفففف وش هالحظ ..
دقت على كادي ..
كادي: آهلنننننننننننننننننننننن ننيو ..
جوري بحماس: هلالا والله ..آززييييك ؟
كادي بصوت رايق: أكوووس شي ..ششخبارك ؟
جوري تأخذ نفس : نحمدو ..
كادي تأخذ معها أنفاس: صوتك كاسية حزن شفيك ؟
جوري بدت تبكي : مرآ مرآ حقيير وواطي ونذل وموب رجال ..
كادي تحركت من مكانها : ي قلبي أنتي شفيك ؟
جوري تحط كفها على عيونها وهي تبكي : تخيلي للحين ماشافني .. تخيلي ارسل لي مسج ليلة الزفة بأنه مايبيني .. تخيلي سافرنا للشرقية وطول الوقت برآ الشقة ولايرجع الا ينام ويطلع .. ومن البارح جينا وطلعنا للشقة واهو فتح باب الشقة وطلع وللحين ماجا فرحان بسيارته الجديدة ..تعبانة كثثير من حياتي ..
كادي كانت ساكتة وهي تسمع لنزف جروح الجوري ..وبهمس صدمة : ماشافك اببداً ؟!!
جوري تشهق: لا , ارسل لي مسج ليلة العرس ومدري من وين جاب رقمي وقال بأنه مايبي يشوفني ..
كادي بصدمة: حقيير ..
جوري تأخذ كلينكس : بقوة..الحين شسوي ؟
كادي بعصيبه : مصير الكلب للقصاب ومصيره يجي عندك صديه واياك تعطينه وجه ..
جوري : كارهني بس له الله أني كارهته أكثر بكثير منه..!
كادي : آييه خليك كذا .. آووف ي ثقل دمه ..
جوري سمعت الجرس : قلبي الجرس يدق ..
كادي: آوك طمنيني عنك ..
جوري: آوك سلام ..
نزلت جوالها وفتحت وكانت عمتها أم سطام .. سلمت عليها وتحمدت لها بالسلامة وعطتها الهدية وهي تبلغها عن موعد العشا ..
أم سطام: جوري شفيك ؟
ترقع لعمرها : لا عمتي مافيني شي ..
عمتها ماقتنعت بس سكتت : اجل وين سطام؟
جوري (استنجت بـأن سهى ماعطتهم خبر بأنه موب موجود) :طلع لاجل يجرب سيارته ..
ابتسمت ام سطام: الله يهديه .. طيب يابنتي الليلة العزيمة وكل أهلنا راح يجون حبيت اعطيك خبر لاجل تجهزين ..
جوري ابتسمت لها .. استأذنت عمتها وطلعت من الشقة ..
نزلت جوري هدية عمتها بالغرفة وهي تحوس بالدولاب وطلعت لها فستان كيوتاً حيل لنص الساق مقصوص من تحت بطريقة جذابة ومتلفه و ماسك من الصدر والخصر مع حركة مبرزة جمال جسمها وتناسقه ..
ناظرت شعرها فكته وهي تشوف طوله حبت تسويه كيرلي خفيف مع مكياج يناسب فستانها والعزيمة وخاصة بأن كل العيون عليها ..
دورت بجوالها ولقت رقم الكوفيرة دقت عليها .. سكرت منها عقب ماعطتها العنوان .. وراحت لاجل تأكل أي شي لانها جيعانة ..
.
.
.
شقة عزابية ..
سطام :اقول لو يدري الوالد بأني تارك المدام وحدها ذبحني ..
ثامر: ي حممار أحد يسوي سواتك .. لو أنها إيش .. جرحت البنت والله ..
سطام يناظر خويه : لاتخليني اندم بأني قلت لك .. اعترف لك فيه شي بسيط من الندم لاجل هالشي ومتأكد راح اندم بس خلاص شي وصار اصلاً راح احاول اكلمها على بكرة ..
ثامر : خلاص انسى بنت خالك انسساها .. صدقني ماراح ترضى فيك من تالي وأنت اللي بعتها لاجل سيارة ..
سطام بتفكير: تهقى ترفضني؟!!
ثامر : ترى البنات جرحهم كايد أجل تتركها لاجل سيارة ..!
سطام : هي تحبني وبعدها صغيرها ينلعب عليها بسهولها بأخذها لاتخاف ..
ثامر : ان شاء الله تأخذها .. المهم رح لابوك قروشنا ..
ضحك سطام : طيب بطس ي خي عزيمة وجمعه أهل قلق بس اسمع يطلعون من هنا وبجيكم خل نطلع للشرقية ..
ثامر :توك تقول بكلم البنت بكرة ..
سطام : لاحق عليها الله ومن جمالها يخليني ماأفارقها ..
ثامر : ترى الصور خداعة ..
سطام : كان اثبتت الصورة بأنها حلوه مهوب شينة .. يلا سلام ..
طلع من شقه أخوياه وهو يفكر للمرة الاولى ب كلام ثامر عن تصرفه بحق جوري لو مهما كانت البنت المفروض مايجرحها ويقلل منها بالشكل ..!
.
.
.
الليل ..
ببيت أبو سطام ..
تضايقت من النظرات المتركزة عليها وخاصة من امجاد وسهى من نزلت من شقتها .. رفعت راسها : هلا ..
جدة سطام : تعالي يابنتي جنبي ..
قامت جوري وجلست جنب جدة سطام ..
جدة سطام : كيف سطام معك ؟
جوري بحيا: الحمدلله ..
جدة سطام : اصبري عليه ..
ناظرتها باستغراب بس ماطولت النظرة وكرست عينها لاجل ماتحس جدة سطام بكسرها الواضح من تجاهل سطام لها ..!
,,,
المجلس الداخلي ..
سطام فتح عيونه : هاااه ..
امه : سطام عماتك وخالاتك وجدتك يبون يشوفونك ويسلمون عليك ..
سطام : لا ..
امه: ووجعاه .. ليش لا ليكون تستحي طال عمرك ..
سطام بطنازة على نفسه : بنت مثلاً لاجل استحي .؟!
امه: أنا ادري عنك .. امش بس كل البنات راح اقولهم يدخلون لداخل الصالة وجدتك والكل بمجلس الحريم ..
سطام جلس على الكنبة وهو يطلع البي بي : خليهم يجون هنا طيب ..
امه : ياربي صبرني .. سطام متى راح تعقل علمني ؟! .. ماتستحي على وجهك أقوم جدتك وخالاتك وعماتك لاجل يجون يسلمون عليك ..!
وقف : خلاص خلاص قمنا .. وين جوري طيب ؟
امه: توها قبل شوي نزلت من شقتكم ..
سطام حس بتوتر مايبي يشوفها الحين : طيب خليها تدخل مع البنات ..
ناظرته امه أكثر وبغرابه : خير ان شاء الله تدخل زوجتك مع البنات ؟!!
سطام يبرر: يمكن تنحرج لما اقعد هنا ويمكن احرجها بأي حركه ..
امه وصلت معها : سطيم وعله قل امين .. الحين بقول للبنات يدخلون داخل وتجي تسلم على جدتك والكل ..
طلعت امه ..
ناظر المرايا الكبيرة وهو يعدل الغترة ومتأفف ..
,,,
مجلس الحريم ..
تعلقت عيونها بعمتها وهي تقول للبنات يقومون لاجل سطام بيدخل حست بهم كتم على صدرها .. استوعبت شوي وجات تقوم بس عمتها قالت ماراح يدخل الا سطام وجلست لاجل مايحسون بالخافي المستور ..
شوي الا وهو تسمع الصوت الغير محبب بالنسبة لها وهو تناظر الطاولة الصغيرة قدامها لاجل ماتناظره وتهلها ..
تقدم وهو يسلم على جدته ..
جدتها: مببروك مببروك ..
ابتسم لجدته: الله يبارك فيك .. افا مين هالحلوه ماتبين تسلمين علينا
جدته على بالها يمزح: الله يغربل ابليس ,, لاتحرج مرتك ..
ابتسم بتوتر غريب
ومشى لاجل يسلم على عماته وعينه كثر ماهي كارهه تشوف الجوري الا أنه وده يلمحها بعد كلام ثامر بأن الصور مهيب كل شي ..
جدته شافت بيجلس جنب عماته : سطام تعال هنا جنب مرتك ..
مشى وهو حاس بشي غريب بداخله ..جلس جنب جوري بالضبط..وهو يسولف ويحاول ينسى وجود جوري وبرغم كذا يبي يثبت ملامحها لانها منزله راسها وتكافح دموعها لاجل ماتبكي ..
رجع ظهره على الكنبة وهو يعدل غترته ويسولف مع خالته لاجل يلهى لو شوي عن اللي جنبه ..شافت عمتها معها صينيه تقديم من تربيتها وأخلاقها ولو هي عروس قامت وأخذتها عنها وهي ترجف بخوف من كل مايصير بحياتها وباللهحظه بالذات ..
فهى ولحظات يستوعب يحاكي نفسه بصوت مسموع : جوري ..
ناظره الكل مستغرب من وقفته ونظراته لها ..
.
.

[lost girl]

البارت الخامس ..

نزلت الصينة بهدوء وهي تتجاهل كل نظراته ورجفتها و تناظره وهو ينطق اسمها ويناظرها بقوة ..
امه قامت من مكانها : سطام شفيك ؟
سطام يناظرها وساكت ..
جدته خافت : سطام شفيك ؟
سطام من شاف لمعه عيونها تأكد لها وش كبر جرحها وضيمها منه ..تدراك الاوضاع : شفيكم خفت عليها تكب القهوة عليها ..
امه ضحكت عقب مانخطف لونها : حسسبي الله على عدوك ..
ضربته جدته بالعصا : الله يخس ابليسسك ..
ضحك وعينه وتفكيره كله باللي ماتحركت .. ابتسم لها وجلس جنب جدته : انتبهي لاتحترقين نفسك بالقهوة..
شالت الصيبينه وهي مغروقة عيونها دموع لفت عليهم وهو يوسع لها تجلس جنبه : تعالي قلبي هنا..
جلست جنبه مكرهه وهو يحوط يده بخصرها ويهمس لها : طيب تعالي واعرضي نفسك علي تراي زوجك..
انقلب لون وجهها وهي تحس بحرارة تطلع من كل جسمها من كلامه وطريقته وهمسه ..
سطام يهمس أكثر : جمالك يدوخ للحين منيب مستوعب بأنك زوجتي .. بس موعدنا الليلة ..
استجمعت نفسها وبنفس همسه: ولا أنا مستوعبة بأن زوجي عقليته صغيرة كذا..!
سطام عقد حواجبه : طيب اضيفي لها متهور ..(قالها وهو يبوسها على خدها بقوة)
جدته عصبت عليه : سطططيم.. لاتحرج البنت ..
ضحك وهو يحط كفها بكفها :زوجتي ي جدتي وأحبها وتوني معرس ..
امه : سطام حبيبي كأنها حليت لك الجلسة ..
ضحك : مافيه أحسن من القعدة معكم ..
خالته مبتسمه : بالله ياسطام ..
وقف : خلاص ولاتزعلون بروح ..
امه: زين ماتسوي حريم خوالك داخل وطولنا عليهم ..
مسك كفها : تعالي أبيك شوي ..
قامت معه تدراي جراحها وكلام الكل لو رفضت تقوم معه.. رسمت ابتسامه على وجهها وهي تطلع معه ..
بالدرج ..
وقفت: خير ..
ماحست بنفسها الا وهي مرتفعه بأحضانه وهو يطلع فيها لشقتهم ..دخل وهو ينزلها ويحط عقاله على راسه لانه مسكه بيده وهو يعدل غترته ..
صرخت فيه ..
ابتسم بهدوء مع رعشة اجتاحته بجمالها اليوسفي : حرام عليك كل هالجمال والرقة وتحرقين أعصابك ..
اذا طرفي معَ طرفّك تقابل . . تصيب الجسم رعشات ٍ قوية
تهددني وانا بالموت قابل . . اموت بنظرتك والروح حيّة
تفتح في خفوقي ورد ذابل . . سقيته من نهورٌ عاطفية
جمالك من جمال الغيد هامل . . عليه من الوصوف اليوسفيّة
بعدت لورى وهي تستوعب بأنهم وحدهم ولاول مره بحياتهم .. سطام : اقسسم بالله أنك شي جميل جداً دمعت : الله يخليك لاتلمسني ..
تقدم لها وهو يمسح دمعتها وبهدوء : تأمريني ..بس الدمع لايجرحك..
تماسك نفسه كثير لاجل ينفذ طلبها عقب وقت وهي منزله عيونها وتفرك يدينها ,أخذ نفس :نزلنا تحت..
دفت يده عنها وبحده: قلت لك لاتلمسني ..
سطام يناظرها بدقة أكبر :طيب أعصابك ي حلوتي ..
جوري فلتت منها أعصابها: حلوتك تحت بنت خالك انزل لها وفكني منك ..
سطام بصدمة: وش دراك ؟
جوري نست حياها منه وشوفتهم الحين لاول مره وكل شي وهي تقول بغبنه وعزه نفس: شف أنت لك ناسك ونفس مستواك بالتفكير الغبي .. أنت وهي بليله الزفاف انهيتم حلم حلو كان ببدايتها وأنا من حياتي مابيكم العمر كله ..!
سكت وهو يناظرها ..
دخلت ولحقها للغرفة :اسمعيني ..
جوري بعصيبه : تاكل تراب فاهم واطلع عني ..
رماها على السرير وهو يندق : واقسسم ي جوري لو مافيه بشر تحت وتونا بشهر العسل كان طلعت هالكلمة من عينك ..
جوري جلست وهو تنفح وتبعد غرتها : خفت تدري .. أنت حاسب نفسك رجال ها ؟!
صرخت وصارت تبكي وهي تتكلم ..
توتر بشدة وهو يشوف ويسمع صوت بكاها وهو عارف بأنها مابكت لمجرد البكا ..
جوري ناظرته بعصيبه وهي تمسح دموعه وكحلها السايح بخفه : أتررررركني ..
طلع بسرعة مايبي يبكيها أكثر ويخربها معها لان منظرها وهي تبكي بالنسبة له مغري جداً ومعطيها جمال أكبر..
سحبت المخده وهي تحط راسها عليها بهدوء وتهدي من نفسها ..جلست وقت على حالها إلين هدت نسبياً وقامت مسحت من الكحل السايح وعدلت بنفسها وهي تعدل الغرة لاجل تخفي وجهها وآثار البكا ونزلت تحت ..
دخلت لعمتها المطبخ وكانت وجدان وسهى بالمطبخ جالسات على الأرض ويناظرونها طلعت عمتها وجات تطلع استوقفتها كلمة من أمجاد ,, لفت ليه وهي راسمة ابتسامة : على الأقل أنا اشترى قربي بس أنتي باعك لاجل سسسسيارة ..تذكري هالشي زين ..
ضحكت خارجياً وبداخلها جمر تلاضى وهي تطلع من المطبخ ..!
ضربت أمجاد بيدينها أرضية المطبخ :أكررررررره سطام أكررررررررره ..
حطت راسها على ركبتها وهي تضم نفسها وتبكي ..سكتت سهى لان الكلام ماكان يوفي بشي..
.
.
.
ببيت عم كادي ..
منصور عدل جلسته : لحظه كادي خطبها ولد خالتها؟!
أبوه: آييه ..
منصور: أنا ولد عمها وأولى فيها..
أبوه تنرفز منه: وتوك تتكلم ؟
منصور: أبيها .. البنت ماتطلع مننا .. كفاية بأنها متربية مع جدانها وجدي راضي لو السالفة ماكان سمحت لها مفروض تعيش ببيت أهل أبوها..
أبوه : اسمعني يامنصور هالشي مهوب شغلك .. تبغى على بكرة نروح لم بيت جدها ونكلمه ..
منصور استانس : آيييه ..
أبوه : الله يكتب اللي فيه خير ..لكن منيب مقتنع برأيك لما انخطبت تبيها ..
منصور يلوح بالمسبحة بهدوء: البنت مالها الأ ولد عمها ..
اكتفى بالحديث وقام لاجل يسكر على الموضوع ومايثنية أي نقاش عنها ..
.
.
.
ببيت أهل لمار ..
بغرفتها ..
جلست وهي تكلم مساعد ..كان جوها جداً متوتر وهي تكلمه شوي تجلس وشوي تقوم تتحرك بغرفتها ..
مساعد : حبيتي ترى ودي بسماع صوتك ..
استحت منه ..
مساعد بصوت حالم : عمري .. حبيبه قلبي ..
لمار :هلا ..
مساعد ابتسم : هلا بك زود .. سولفي .. حسيت نفسي هذرت واجد ..(قالها وهو يضحك )
ابتسمت واكتفت فيها..
مساعد جلس من سريره : آييه كنت بقولك تراني حجزت شهر العسل بس منيب قايل بخليها لك مفأجاه..
دق باب غرفتها وكان فهد أخوها ..
لمار بحيا : معليش فهد يبيني ..
مساعد تأزم شوي : طيب أجل سلام ..
سكرت منه بسرعة وفتحت لاخوها..
فهد جلس على طرف السرير : ليه ماتعشيتي ؟
لمار : بس شبعانة ..
فهد مسك كفها برقة وجلسها قباله : شفيك ؟ تراك ذابله بالحيل ي خوك شفيك ؟
لمار مسكت بكفوف أخوها : مابي مساعد ..
فهد عرف بأنها خايفة وهداها وهو يناقشها : طيب ليه ؟
لمار بدت تدمع عيونها: كذا الله يخليك ..
فهد يمسح دموعها وقام سكر الباب لاجل ماتدخل امهم وتشوفها تبكي وتتضايق .. رجع جلس وهو يثني رجله تحته ويناظرها ..
لمار : خايفة منه خايييفة ..
فهد عقد حجاجه : ليه ؟!
لمار تبكي : فهد الله يخليك ..
سكت شوي وهو يناظرها : لمار خايفة من الزواج ككل موب من مساعد والأ ؟!
هزت راسها بالايجاب ..
فهد ارتاح نسيبا ً : ليه طيب ؟
لمار توترت أكثر ..
فهد حب الصراحة لان لابد منها بموضوع رفضها للزواج : كل الكلام اللي يدور بجلسات البنات وحكيهم الفاضي عن حياتهم الخاصة كله آكشن ولا حكوا فيه الا لانهم فاضيات , مالقوا حكي ف أشتغلوا بالكلام بهالموضوع ..ومساعد إنسان متفهم جداً وعارفك أكثر من نفسه ويحبك يعني لاتشيلين هم بهالامور ..
لمار بدت تتكلم مع أخوها عقب تمهيده للسالفة : بس كلهم نفس الكلام ..
فهد : لان كل وحده تنقل من الثاني الحكي وتجي تقوله ..
لمار سكتت ..
فهد : صدقيني الحياة غيير لما تعشينيها , يما تجارب كنا متخوفين منها ولانقدر ونتردد كثير قبل تجربتها بس لما نجربها تصبح جداً ممتعه ..
لمار : طيب ليه للحين ماتزوجت ؟
ابتسم وهو يخربط شعرها : لاني مالقيت اللي تباهي خواتي بالخلق والحشمة والاحترام والجمال..وتكون لهم الأخت وتكون لامي البنت البارة ..
ابتسمت لاخوها ..
فهد : ها شلنا فكرة خوفنا من الزواج ..
ابتسمت وأحتواها أخوها وهي يدعي ربه بأن الله يوفقها ويسعدها ..
.
.
.
ببيت أبو سطام ..
راح الكل واستأذنت الجوري وطلعت لشقتها ..صكت باب غرفتها على صكة باب الشقة ,فزت وخافت كثير..
سطام يدق الباب : افتحي ..
الجوري متسندة على الباب بخوف: لا منيب فاتحه ..
سطام ميت عليها :تكفين جوارة ..
الجوري: تحلم ..
سطام يأخذ نفس : جوري افتحي بلا هبال تراي زوجك ..
الجوري تتضارب أنفاسها : لا,, لالالا فاهم موب فاتحه ..
سطام ضرب بيده على الباب : راح تفتحين فاهمة بالطيب أو بكسرة ..
فزت وهي حاطه يدينها على قلبها وسكتت ..
سطام بنفاذ صبر: شوي وبغير والاقيك بغرفتنا فاهمة ..
جلست على سريرها وكلامه يتردد على مسامعها ..
بغرفة نومهم ..
طلع جواله وهو يناظر خوية ثامر يتصل بك ..:هلا ثامر ..
ثامر : وينك تأخرت ..
سطام يجلس على سريره ويحكي لخويه : شفتها ..
ثامر :زوجتك ؟
سطام بتفهية : جمالها إلييييم , حقيييرة بنت اللذين جمييييييييلة ..
ضحك ثامر بسراششة : طحتتت ي الدلخ .. أجل ذي الشينة ..!
سطام بتوهان : لحظه لحظه أجل مين اللي عطتني اختي صورتها ؟!!
ثامر : أن كيدهن عظيم .. هما أختتك تدري بأنك تحب بنت خالك يمكن مصوره أي وحده لاجل تغير رأيك..!
سطام عصب: حسابها معي..
ثامر : منت بجاي؟
سطام ضحك بجنون: أجي .. بلاك ي ماشفت اللي شفته واقسسسم بالله تسسطل يخق معها طفل غرير..
ثامر ابتسم : تتهنى ي الغالي .. يلا رح لها والله يوفقك منك المال ومنها العيال..
ضحك سطام بضيق: صاكة الباب عليها ورافضة تفتح ..
ثامر :تتوقع ترضخ لك بسرعة .. لا غلطان .. أنت جرحت البنت وجرح كايد تحمل إلين ترضى.. يلا رح لها ..
سكر من خويه ونزل الجوال وهو يبدل ملابسه ..دق على باب غرفتها : ترى راح أكسسره .
ماردت عليه وهي تلم نفسسها بخوف أنه يكسر الباب ..
كرر أسسمها بحده .. لقت نفسها تفتح له بخوف ,إلم , ضعف, قله حيله ..
تغيرت كل حدته من شافها , رحمها وهي تبعد عنه , مسكها بهدوء وجلسها على الصوفا وهو يجلس قبالها: آسسسف كثثير ,, كنت قليل ذوق وبالحيل ,, بس اوعدك أعوضك ..
كانت تشهق وهي حاطه يدينها على عيونها ..
سطام خاف عليها من بكاها واهتدى بغباء أنه يتركها وحدها ..: خلاص آسف بطلع وبصك الباب صكيه على نفسك كانك تبين ..
طلع وصك الباب وراه وهي منهاراة تماماً ..جلست وقت على حالها وسطام يسمع بكاها بس عرف بأن قربه وصراخه عليها هو السبب سكت والهم يلعب به ..بعد فترة ميب قليله سمع تسكيرة الباب..
تحركت وهي تحس نفسها تتحرك جسد بدون روح ..غسلت وجهها ومسحت كل مكياحها وهي تنام بالفستان الصيفي الخفيف وضامه مفتاح الغرفة لاجل مايفتح عليها الباب ..
.
.
.
الصباح ..
الساعة 9 ..
ببيت سلطانة ..
لبست وهي تعدل جاكيتها الرسمي الماسك على جسمها المتناسق لبست عبايتها وطحت طرحتها وطلعت..
السيارة ..
سلطانة : عم سعد( سواقها) مر كوفي ..
سألها عقدت حواجبها ..
سلطانة : عم قهوة الطريق ماتعرفها ؟!
ابتسم ومر الطريق وهو يتكلم .. ابتسمت على سواقها الشايب الوحيد مثلها تماماً ..
وقف السيارة وأخذ لها ..
سلطانة : خذ لك ي عم ..
رفض ..
سلطانة : قدم السيارة شوي ..
قدمها وطلبت لسايقها قهوة وكروسان .. حاسبت وعطت سواقها الكوفي والكروسان وهي تبتسم على كلامه بأنه مكلف عليها دايم ..
شربت من الكوفي شوي وسمعت صوت رنين جوالها ..
استغربت أمها تدق عليها الصبح : آهلن يمه ..
أمها : وينك؟
استغربت سلطانة سؤالها : بالسيارة ..
أمها: زين تعالي لبيت جدك ..
سلطانة باستغراب أكبر : ليكون أنتي بالرياض؟
امها ابتسمت : آييه حبيتي ..حبيتها مفأجاه بس ماحبيت أشغلك ..
سلطانة من غير أي رده فعل بوجود أمها بالرياض : طيب بجي بالليل بأذن الله تعالى ..
امها انفجعت: لييه ؟
سلطانة تناظر بملف معها : عندي شغل وماراح اطلع من البنك الا اربع ونص ..
امها : مهوب لازم تروحين للشغل اليوم ..
سلطانة نتهي الجدال: بالليل راح امر بيت جدي ..
امها عصبت : سلطانة تعصين امك لاجل شغلك ..!
سلطانة بهدوء : وصلت البنك ..مع السلامة ..
امها بعصيبه : انقلعي موب متربية والا هذا رد وحده كبيرة على أمها ..!
سلطانة كانت حاطه يدها على فتحته الباب ارتخت كفها شوي وتالي شدت قضبتها بضيقه وبلعت هالجرح ونزلت من السيارة ..
دخلت للبنك وهي تنزل الكوفي والشنطة تالي عباتها ورتبتها وهي ضايقة بأن يومها بدء بشي سيئ ..
ابتسمت بوجهه أحد المراجعات : تفضلي ..
وبدأت يومها تحاول تتناسى اللي صار ..وأسلوب أمها الجاف وطريقه حكيها المتعالي معها وأحتقاراها لها ولاسلوب حياتها وعيشتها وحدها ..
.
.
.
شقه سطام *الجوري..
جلست من النوم وهي تشوف المفتاح بيدها ومأخذ شكله مكان بباطن كفها من شدها عليه..قامت من السرير وهي تطلع لها ملابس دخلت أخذت شاور بارد لاجل تهدى من شد أعصابها ..
طلعت وحست بإلم مميت بأسفل ببطنها من غير الغثيان والحرارة بجسمها..طلعت من غرفتها وهي ناسية وجوده معها من الإلم بجسمها ..
كان جالس بالصالة ويناظرها , ماحب يتحرك لان خاف ترجع لها حالتها الهسترية ..ماقدرت تتحمل من الالم المفأجى لها وصرخت وتناثر الكافية على الأرضية ,ماحس بنفسه الا وهو شايلها بخوف ويحطها على الكنبة :جوووووووري ششفيك ؟ شاللي يألمك ؟!
ماتحملت الإلم واغشي عليها ..
.
.
.
بريطانيا ..
رتيل تكلم أبوها : آيييو .... معليشش معليشش ممكن تسمعني ..
أبوها : اسمعك ..
رتيل : هالزواج التقليدي منيب متزوجته ..
أبوها عصب: رتيل لانك برآ المملكة ودلعتك زيادة عن الكل تعصين أمري ..
رتيل : لا يبه أنا أنا رتيل ماتغيرت مبادءي هي هي .. بس أني أتزوج بهالطريقة لا يبه ..
أبوها : أنا اتفقت مع عمك وولده ..
رتيل ضحكت باستخفاف : وأنا هامش إن ششاء الله ؟!!!
أبوها : رتيييل اعقلي وتمت الخطبه والكل يبارك بهالشي .. ولازم تجين أنتي وأخوك على الاقل آسبوع تتم الخطبة ..
رتيل عصبت بجد ورفعت صوتها : ببجد تخلف اللي يصير ..
أبوها علا صوته: رتييييل ..
رتيل: يببه لاتفكر بهالقرار أنا مادرست كل هالسنين لاج لاجي واضيع آخر سنه ..
أبوها : والله ي ررتيل ماتتزوجين الا ولد عمك ..دامه ذا كلامك .. الشرهه علي انا مدلعك من بد أخوانك وخواتك ..
ضحكت بقلق : يبه انت مادلعتني .. أنا فرضت أسمي وشخصي وأسلوبي والا ماكنت متفوقة ببلاد الغرب.. الفضل بكل اللي أنا فيه لله عز وجل اولاً وأخير ..
أبوه أخذ بخاطره : كل اللي عملته لاجلك ي رتيل نسيتيه ؟!!
رتيل بعدت الجوال وهي تأخذ نفس , رجعت الجوال وقالت بإلم : وش الفايدة وأنت راح تهد كل هالتعب والطموح بهالقرار المتعسف ؟! ,, معليش يبه بس أنت كذا ماسويت شي ..
حست العبرة خنقتها : عندي محاضرة راح اسكر ..
أبوها تضايق: رتيل ي بوي اسمعيني ..
رتيل ماتبي تضعف وتبكي : يببه بليز اسمعني ,, ماعندي أي قدرة حالياً للنقاش أنا مصدومة جداً من هالقرار الغبي ..واقوله غبي لانه موب بشرعنا ..
أبوها: الله يصلحتس ..
رتيل : وياك ..مع السلامة ..
سكرت الجوال وغافلتها دمعه : ماراح اسمح لكائن من كان يضيع تعبي ..
قامت وهي تأخذ كتبها وشنطتها وطلعت من الشقة مع ديما لاجل يروحون للجامعة ..ركبت سيارتها ..
ديما : ي زين سيارتك اهم من شحاده أخوتس..
ضحكت : آخر عطل لها ي رب..
ديما : كأنك متضايقة؟
من ورى نظاراتها : لاع .. بس مانمت كويس ..
سكتت ومعها ديما وهي تفكر بحلف أبوها عليها بسالفة زواجها ..
.
.
.
الرياض ..
المستشفى ..
الدكتور : معاها زائدة ..
سطام : طيب اكيد عملية ؟
الدكتور : آي نعم وقع ..
عطاه الأوراق ووقع ,,جلس وقت ينتظر وكل تفكيره فيها ..دق على ثامر وعطاه الاخبار..
ثامر : آوه ماتششوف شر .. يالخايس مامدى البنت لها ليلة معك ..
ضحك : غبي من يومك اجل ليش مكلمك الحين أبي شورك .. امس حاولت اتكلم معها ورفضت عاد صرخت وفتحت الباب لي بس كانت تبكي بشكل يخوف خفت عليها تنهار وطلعت من الغرفة وتوني اشوفها اليوم الصباح .. شسوي ؟!
ثامر : هذا وقتك .. أحتويها حبها دلعها تراها فرصتك واستغلها ياشاطر ..
ابتسم بجنون : والله ي ششيخ لاجيبها ..
ضحك ثامر : بعدي يالخوي .. الله يوفقك ويسعدك ..
سطام : آميييين ..
سكر من خويه الممتن له كثثير على مواقفه المشرفة معه وطيبته وأخلاقه ..انتظر لفترة وطلعت من العمليات ..
دخل معها لغرفتها الخاصة وهي منومه بفعل المنوم ..طلع الدكتور والممرضة وهو يناظرها ويلمس خدها ووجهها ويمرر يده براحه عليها : مششالله تبارك الرحمن ..
جلس على الصوفا بالغرفة وهو يملي عيونه بحوريته ..
.
.
.
العصر ..
صحت الجوري .. ابتسم لها وهو واقف عند راسها: الحمدلله على سلامتك قلبي..
جوري حطت يدها على بطنها وهو تتألم بخفيف: ششصار؟
سطام يجلس على السرير : جاتك الزائدة وسويتي عملية واستأصلت والحين الحمدلله راحت..
الجوري غمضت عيونها : من زمان تألمني وسكتت عنها لييه ماتركتني كان خلصت من هالحياة ..
انصدم : أنا أبييك ليه تتركين الحياة ..!
الجوري دفت يده عنها : خلك بحالك وخلني بحالي ..
سطام رفع حاجب : حلم ابليس بالجنة اتركك .. بس انتي الحين توك توفقين من البنج أبيك تعود صحتك ونشوف هالكبر براسسك .. مهوب عششانك جملييية تتكبرين علينا ..
الجوري غمضت عيونها بشدة وهي كارهته ..
صرخت فيه وهي تببكي بألم : أنتتتتتتت حققققققققير مجرد من كل المشاعر الانسانية ..!
ضحك : ششعور حلو ..
بعدت شعرها على وجهها وهي تكب علبه موية على وجهها ..رجع لها بسرعة وسحبها :مجننننونة..
مسح الموية من وجهها ونحرها : تدرين توك مسوية عملية والا ماتدرين مجنننونة..
جوري : مالك ششغل خلني بحالي ..
سطام يحاول يبعد جو التوتر والكره الموجوده من جهتها له : رووووقي ي قمرر .. تدرين شعور حلو آححسسه بداخلي من شفتك ..
الجوري بحده : خل شعورك لك .. لاني كرهتك ..
خل الشعور اللي تحسه على جنب
وأسكت ولا كلمه لإني : كرهتك
ضحك وطلع من الغرفة ..
شافت التلفون جنبها دقت رقم مصعب أكثر إنسان تحتاجه معها هالوقت ..
سمعت صوته وبكت : تعااال أنا بالمستشفى ..
فز مصعب من جلسته مع امه والكل : عيون مصعب بأي مستشفى ..
سكرت منه وهي تسند نفسها على المخده ..وتتنظره ..كانت مجنونة كثير بطلبها لمصعب هالوقت ..!
.
.
.
ببيت جد كادي ..
ابتسمت وهي تناظرعمها وطلبهم وبطبعها المعروف : وتو منصور يعرف بأن له بنت عم ؟!
عمها : ولد عمك يبيك وشاريك ..
كادي : أنا الحين مخطوبة ولولد خالتي والملكة والعلم وصلكم على حول هالاسبوعين ..
عمها : لكن ولد عمك أبدى وهو يبيك ..
كادي بوضوح تام : لكن أنا مابيه ..
عمها وقف : وأنا أبو منصور ..
كادي جالسة جنب جدها ولاتحركت : اجلس عمي ..
وقفوا عمها وكان جدها بيوقف مسكت كفه: والله ماتقوم ي جدي .. خلك جالس ..
وقفت هي : تبي تجي لملكتي على ولد خالتي الله يحيك .. غير هالشي ماعندي ..
عمها بصوت عالي وعصيبه : مايأخذك غير منصور دام علمك كذا ..
كادي رفعت حاجب بثقه مجنونة: كأن فيه مرجلة ومن يسانده على هالعلم خلوني أششوفها ..
عصبوا عمها وطلعوا من الصالة ..
منصور بالمجلس سمع صوتهم ..: رفضت ؟!
أبوه : ماتبيك تبي ولد خالتها ..
كان جد كادي مستغرب من أسلوب أبو منصور وساكت حششمة لنسبهم وعلاقته مع جد كادي لابوها..
منصور بصوت الفخم : دامها وصلت للعلوم ذي .. مالنا الا سلومنا وآبششري بها ترجع لك يالكادي أنتي تحرمين على غيري والأسبوع الجاي أنتي ببيتي ..مشينا يبه ..
كادي بحده وبنفس صوته وهي متغطيه بجلالها : والله أنك تهبئ وتخسئ وتعقب ..
.
.
.



عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

[lost girl]

البارت السادس

بيت جد كادي ..
منصور عصب وهو يشد يده بقوة وبشده: كاااااااااادي احششمي نفسك ..
كادي بنفس حدته: احشم نفسك ولاترضى عليها تصرفك الحين ..
جدها خاف على كادي من منصور : اذكروا الله ..
منصور بعصيبه وقله ذوق: أنتت اسسكت ..
كادي فلتت أعصابها : منصصصصور انقلع برررآ .. والله ي منصور شفني حلفت بالله مايتنفذ اللي ببالك عقب سواتك ورفعك صوتك على جدي ..
منصور : طيب ي كادي طيب طيب موعدنا حول هالاسبوع ..
كادي بحدتها : برى وكانك رجال نفذ هالوعد ..
طلع منصور وهو يتوعدها ..
جدها ابتسم وهو يجلس : كأني اشوف جدتك قبالي بشبابها ..
ابتسمت لجدها وبداخلها نار تلتظي : أجل كل من شبهني فيها ماكذب..
جدها مبتسم: ولا والله ماكذب أخذتي من جدتك طبعها وشكلها ..
ضحكت لجدها وهي تشوف جدتها جلست جنب جدانها : اجل وين خوالي؟
جدتها: كادي الله يصلحك ويهديك وراه زعلتي عمك ..
ابتسمت: جدتي ماعادني بذيك الطفلة اللي يهدودنكم يأخذوني كبرت ي الغالية..خليهم يحسون بأن اللي كانوا يهددون فيه ولى وراح .. لو يدري جدي أبو أبوي عن بعض حركات أعمامي الكبار كان وقفهم عند حدهم .. بس جا الوقت اللي أعلمهم فيه بأن كادي صعبه ..
جدها: خايف عليك منهم ي جدك ..
كادي: لا ياجدي ,لاتشيل مثقال ذرة من الهم رب البرية راح ييسرها بقدرته ..
.
.
.
المستشفى ..
سكرت من مصعب وهي تتنظره عقب ماقالها بأنه دخل المستشفى وعطته رقم الغرفة , مجرد وجوده بنفس المكان يعطيها آمان , حنان , حب , أخوه ماتحسها مع أخوانها بسبب أبوها وأبعاد أخوانها عنها بشكل مستمر والكل ..
دق الباب ودخل , ماعرف لنفسه بس تغير وجهه من صوتها التعبان وشكلها المنهك من التعب مشى لها وهو ينحي لها ويضمها لصدره : لابأسسسس لابأسسس طهور إن ششاء الله ي بعدهم..
بكت بأحضانه : تعبااااانة كثثثير ..
لمها لحضنه أكثر :عيون مصعب ليت التعب بعروق قلبي ..
خلاها بحضنه لاجل تهدى شوي وهو ضايقة فيه الدنيا من وضعها ..هدت شوي وهو يمسح لها دموعها , حب يسألها عن وضعها الصحي وسبب العلمية وتالي يتكلم عن نفسيتها المتأزمة : وش هالعملية ؟
الجوري يقاطعها صوت شهقاتها وهي تمسح دموعها وتهدي من نفسها: زايدة ..
مصعب: ي بعدهم ماتشوفين شر ,, هي جات فجأه ..
الجوري تطقق أصابعها : لا من زمان بس كان ودي تنفجر واموت ..
ركز النظر فيها بعتب واضح وسكت ..
الجوري شدت على كفه : تكفى مصعب لاتعاتب أنت أكثر واحد عارف كل اللي مريت فيه..
مصعب بزعل وعتب غطى: مايبرر أي ضغط لك هالتصرف أرواحنا موب ملكنا ........
قطع كلامه دخله سطام صك الباب ووقف وهو ماسك مقضبه ويناظر بنظرات لاتفسر ابداً ..!
شدت على كف مصعب وهي ترجف من هاللحظة: مصعب ذا زوجي سطام ..
وقف مصعب وهو يناظر سطام ويبي يمد يده لاجل يسلم بس تأنى لان نظرات سطام ماتطمن ..
سطام بفتور واضح : مين ذا ؟!
الجوري بتردد : مصعب (سكتت تتنظر سؤاله عن سر العلاقة ) ..
سطام خالي وجهه من أي تعبير: طيب مصعب مين ؟!!
الجوري تأخذ نفس بهدوء وتعدل جلستها اكثر: ولد زوجي ..
فتح فمه بصدمة وهو يستوعب : وشو ؟!
الجوري جاها دافع للحكي ماتعرف مصدره : اللي سمعته ..
سطام بتعصيب وهو يتقدم ل مصعب : وش تبي فيييها ..
مسكه مع ياقه ثوبه : خييير رد علي ..
مصعب نزل يده من ياقته : أنا محرم لها رضيت أو لا ..
دفه إلين طاح على ظهره على الجوري وموضع العملية بالضبط صرخت من الإلم ..
مصعب وقف بسرعة وهو يدفه ويلف لها بخوف واضح : جووري ..
كانت تبكي : إلممممممممم ..
صرخ فيه مصعب وبسرعة راح لاجل ينادي الدكتور ..
سطام يناظرها بفهاوة وخوف وهي تشد على جنبها وتشاهق وتضرب بكفها الثاني على طرف السرير..دخل مصعب :تكفففى دكتور ..
الدكتور يهدي مصعب : لاتخاف بسيطة إن شاء الله..تفضلوا برى شوي ..
طلع وسحب سطام الخايف عليها معه ولاهو حاس باللي حوله ..
الدكتور بضيق: طحتي ؟ أنا حذرتك ماتتحركين ..
نظف مع الممرضة مكان الجرح والخياطة وهو يدقق بطريقة الخياطة ..ناظر الممرضة : عطيها مهدي.. الجوري انتبهي لنفسك لاتتحركين ..ماتشوفين شر..
طلع الدكتور ودخل سطام ومصعب ..
مصعب يلمس شعرها بحنان ..دف سطام يده بقوه : اطلع برى ..
مصعب دف يد سطام : أنا طالع مهوب لاجلك لا , لاجل الجوري .. سسحافه الجوري تأخذ مثلك ي السفية ..
الجوري تنزل دموعها بصمت وهي تناظر مصعب وتنقل نظرها ل سطام وتصرفه بنفور واضح منه..
مصعب : ديري بالك على نفسك ..
سطام بعصيبة : اطلعععع برى ..
طلع مصعب والجوري بدت بمفعول المنوم والتعب والألم تغفي ..ضرب سطام على الطاولة جنبه من قهره على هالعلاقة بين الجوري ومصعب ..
.
.
.
العشا ..
نزلت سلطانة من سيارتها وهي تكلم سواقها : خلك هنا ..
دخلت لبيت جدها وشافتهم كلهم جمعة سلمت على الكل ووصلت لامها كان بالحيل سلامها بارد : زين جيتي ..
سلطانة تحاول تتجاهل نبرة أمها بالحكي معها : الحمدلله على سلامتكم ..
أمها بقهر ماسكتت: الود ودك لو نموت كلنا وتخلصين مننا ..
سلطانة التزمت الصمت ..
جدتها : وراك على سلطانة الله يهديك ..
ابتسمت لجدتها وبعيونها نظره شكر على أهتمامها الدائم فيها ودافعها عنها ..
أم سلطانه: يممه أنتي موب شايفتها قليلة حيا وتربية .. ماكرهت عمري ي سلطانة كثر انجابي لتس ليتك متي بوقتها كان آحسن ..
خاله سلطانة بزعل وعتب : ام سسلطانة وش هالحكي ..
ماتحملت سلطانة وووقفت ..
جدتها: سلطانة ..
سلطانة بإلم تخفيه : لبية ..
جدتها : لبيتي بمنى .. لاتروحين ..
ابتسمت ورجعت لجدتها وهي تجلس عند رجولها: مرهقه جدتي بس حبيت أجي اسلم على امي وأخواني..
امها بتعصيب وجرح : رجاء سلطانة لاتجيبين لاحد طاري بأن عندك أخوان بصراااحه انتي غلطة ..
ناظرت في أمها بنظرة وكسرت عينها بسرعة ماتبي تدخل في العقوق كفاية شعور بداخلها تجاه أمها وأبوها تحاول تنهيه لاجل مايكبر بداخلها بس بتصرفاتهم وتركهم لها ترك مجال هالشعور بأنه يكبر بداخلها وينمو عنهم ..
باست كف جدتها واعتذرت منها وهي تغالب كل جرح بداخلها وكل نظرة من عيون الكل توحي برحمة , شفقة , غرابة من علاقتها بأمها ,حزن على حالها بعد أخوها ..
طلعت وصمتها مأخذ موقفها عن أي كلام ..
جدتها تكلم أم سلطانة : تعالي معي للصالة الداخلية ..
مشت مع أمها وأختها ..
جدة سلطانة :ليه تسوين مع بنتك كذا ؟! ماترحمين هالضعفية من توفى سعود وحالتها حاله , وأنتي وأبوها تاركينها كلن منكم بحياته لاهي ..خافي الله يابنتي فيها تراها بذمتكم ..
خالة سلطانة : جداً موقفك مع سلطانة ونبرتك لها مالها أي داعي ..
أم سلطانة : يعني راح تأنبوني .. أنا ماعتبر بأن عندي بنت بهالاسم .. حتى زوجي يتضايق منها وبصراحة ماصرت أكلمها أو اجيب طاريها امامه ..
خالة سلطانة بزعل واضح : وش هالقسسوة ؟! الى هالدرجة الغربة والعيشة ببلاد الغرب نستك بنتك ..!
أم سلطانة : قلت لك أنا ماعندي بنت بهالاسم .. وأنا ماجيت للسعودية لاجل تضيقون صدري بطاريها ..
جدة سلطانة لمعت عيونها : ماهقيت هالحكي منك الله يسامحك أحد يتبرأ من ضناه..
أم سلطانة تعدل البلوزة : ليتها ماجات لي ..
خالة سلطانة بحده : أنتي وأبوه اللي مفشلينها وقبلها سعود الله يرحمه , بطلاقكم وتالي كلن منكم شاف حياته ورماهم ببيوت جدانهم وكلن منكم بديرة وفاة سعود بسببكم وحالة سلطانة ببسبكم بعد .. كفاية كبر وغرور خافوا الله كلمي طلقيك والتفتو لبنتكم شوي ..
أم سلطانة بتبلد : تعالوا نسسهر ..
طلعت وتركت أمها وأختها وراها ..
جدة سلطانة حطت يدها على وجهها وحاله سلطانة حازه بخاطرها ..
خالة سلطانة : يممه لاتشيلن هم أنا راح يسافر زوجي عنده دوره برى المملكة وراح اجلس مع سلطانة أنا وعيالي ببيتها أو أخليها تجي معي لبيتي ..
امها : مهيب تاركه بيتها .. الله يرحم سعود ماله غير ذكرياته ..
تذكرته خالته ولمعت عيونها ..
.
.
.
سيارتها ..
سندت راسها على المرتبة الخلفية وهي تفكر بكلام أمها وأسلوبها المتعالي وطريقتها بالنظر لها.. تضايقت شوي بس فكرت بعقل من متى أمي معي مثل باقي الامهات وهي اللي تركتني بسن صغير..متى آخر مره احتوتني ..كلمتني بحنان الامهات المعهود ..متى أهدتني ولو شي بسيط ..(وقفت الدمعة برمشها )وهي تتذكر الاقسى بأن حتى بوفاة سعود ماجات ..!
سواقها : شفيك يا بوك ؟
سلطانة: مافيني شي ياعمي ..لاتشغل بالك ..
سواقها :تراني اعتبرك بنتي اللي مارزقني الله فيها ويعلم الله ياسلطانة بأني اخاف عليك واضيق من ضيقتك ..
ابتسمت : وأنت بمقام أبوي الله يطول بعمرك ..
ساد الصمت وناظرت الطرق والناس وكلن لاهي بحياته وهمومه..
.
.
.
المستشفى ..
صحت الجوري واتمدت يدها تلقائيا لموضع الإلم ..عقدت حجاجها وهي تشوف سطام على البي بي .. رفع راسه وقام عندها : شخبارك الحين ؟
الجوري تحس بجفاف : أبي ماي ..
ساعدها تجلس وعطاها ..شربت جلس مقابلها : ها كيفك الحين ؟
الجوري تذكرت اللي صار العصر وكرهته زود : وخر عني
سطام امتعض من رده فعلها وناظرها بقوة وخربها : وش نوع العلاقة بينك أنتي وذاك ..
الجوري لفت عنه ..
لف وجهها بيده : ناظريني واحكي ..
الجوري بصوت متعب وتبي تنهي الجدال : عادية ..
سطام : كيف عادية ..؟
الجوري يالله تحكي من التعب: علاقة أخوه ارتحت الحين ..
سطام : لا مارتحت .. اقطعي علاقتك فيه ..
الجوري عصبت عليه : اتطلق منك ولا اقطع علاقتي معه فهمت ..
سكت وهو يناظرها بقهر ..
الجوري : لاتخلي لكل العلاقات بأنه مشبوهه مثل حياتك وعلاقتك ..
سطام بتوتر واضح : مهوب شغلك هالشي .. أنا رجل والغيرة تجري بدمي على أي شي يخصني.. علاقتك معه تنقطع ..
ناظرته وبحزم: مصعب الموت بس يفرقنا .. أما أحد البشر إشك يفرقنا..
سطام شد كفوفها بقوة : الا بفرقكم وغصب عنك وعنه ..
دمعت ومن قلب: يدي الله لايبارك فيك
ارخى شدته وهو يشوف الدم يطلع بخفيف من المغذي ومن إلمها تألم : آسسف ..جوري تكفين لاتبكين والله آسف ..
رجعت راسها المخده وهي تحط يدينها على وجهها وتبكي بقهر وإلم ..
سطام تأزم : جوررري تكفين والله آسف .. خلاص بقوم الحين اجيب الممرضة تكفين جوري خلاص..
قام وطاح البي بي على الأرض ماعطاه اهمية وركض لبرى ينادي الممرضة لاجل تتغير المغذية لجوري..
دخلت الممرضة وبسرعة عدلت المغذية لجوري وعطتها مهدئ وتالي تكلمت مع سطام لاجل جوري والأفضل ترتاح بس قالها أهو زوجها ومرافق معها ..
طلعت الممرضة وهو يناظر الجوري اللي تعبانة منه بشكل محزن جداً ..وهو يتأملها ويشوف شلون بدت تغفي من المهدئ وشفايفها متحرقة من البكا ووجناتها موردة من دموعها ..
غطاها زين وشال البي بي من الأرض وهو يركبه حطه جنبه وغفى عقب شد الاعصاب اللي مر فيه ..
.
.
.
ببيت سلطانة ..
دخلت لبيتها وسمعت صوت استغربت شافت أبوها وأخوانها الصغار وزوجة أبوها..سلمت عليهم وتضايقت من نظرات زوجة أبوها ..
سلطانة جلست : الحمدلله على سلامتكم ..
أبوها مبتسم : الله يسلمك عاد حبيناها مفأجاه ..
ابتسمت ببرود : حلو ..
مرة أبوها: وين كنتي تأخرتي لان ورانا طلعة وأبوك رافض الطلعة ..
سلطانة عطتها نظرة : كنت ببيت جدي .. لاجل أمي جات من كندا وسلمت عليها ..
أبوها : جات امك ؟
سلطانة : آييه ..
وقفت : عموما هلا فيكم .. أنا راح اطلع لغرفتي ارتاح ..خذو راحتكم ..
مرة أبوها : لاتوصين البيت بيتي ..
لفت عليها سلطانة وبنرة تعصيب: تجلسين هنا ب احترامك أنا موب مجبرة احترمك ولا ملزمة استضيفك ببيتي ..
مرة أبوها : شوف بنتك ؟!
سلطانة وهي تأشر ب السبابه والابهام بصغر عقل زوجة أبوها : هالقد ويمكن اصغر عقلك لذلك موب من عاداتي اجادل صغار العقول ..
طلعت لغرفتها وهي تسمع هواش مرة أبوها ومحاولة أبوها لتهدئتها ..
دخلت لغرفتها وصكت الباب وهي تكلم نفسها : كملت كلهم جايين بنفس الوقت ربي افرغ علي صبراً ..
.
.
.
اليوم الثاني ..
بريطانيا ..
رتيل تلم كتبها : مشاري (أخوها) لو سمحت سكر على هالموضوع ..
مشاري بحيرة : رتيل الله يرضى عليك وافقي أنتي عارفة بالنهاية مالك الا عيال أعمامنا ..
رتيل: لا منيب عارفة ولا راح أدخل هالفكرة الغبية براسي .. مشاري أنت متقنع بكلام أبوي واعمامي ..؟!
مشاري : لا طبعا ..بس ذي عاداتنا وسلومنا ..
رتيل ب احتقار: عادات غبيية ومتخلفة جداً .. أنا مدري شلون يفكرون هالبشر..
مشاري يناظر اخته العنيدة: طيب وش الدبرة مع أبوي ؟!
رتيل: خله لي راح اتفاهم معه ..
مشاري: شراح تقولين له ..
رتيل ناظرت أخوها : مدري بس اللي أعرفه باني راح انهي هالسالفة الغبية ..
مشاري : طيب بس عنادك خليه على جنب ..
رتيل شالت شنطتها : يصير خير ..يلا سي يا ..
مشاري : انتبهي لنفسك ..
رتيل: اوك ..
طلعت حطت الشنطة والكتب جنبها وشغلت سيارتها وهي تفكر ب كلام أخوها وحلف أبوها عليها بالزواج .. زفرت الضيقة وهي بمخرج من هالسالفة لانها مستحيل تسافر والتخرج مابقى عليه شي وتخرب كل مستقبلها ويتبخر حلمها المبني من عمر كامل ..
وقفت سيارتها ونزلت للمحاضرات .. دخلت للكلاس وهي تنزل كتبها ب اهمال واضح عكس ماعرف عنها ..
دق جوالها : يبه بعد عشر دقايق محاضرتي ماعندي أي قدرة على النقاش حالياً ..
أبوها: دقي بعد ماتخلصين ..
رتيل: ان شاء الله ..
سكرت جوالها وحطته سايلنت..
دخل طارق وقروبهم للكلاس ..
سلموا وجلسوا جنبها ..
عطت طارق الفلاش : شوف شغلي ..
طارق : يعطيك العافية ..
رتيل: متى راح نخلص الجزء العملي من البحث؟!
طارق: راح ننزل بعد كم يوم بأذن الله ..بس للأسف ماراح نقدر ننزل الا بالليل ..
ابتسمت وتغير مودها فجأه : جد ..
طارق ابتسم لابتسامتها : آي نعم ..توقعت تعارضين ..
رتيل : لا تجربة حلوه ومتحمسة لها كثير..
ابتسم طارق ..
.
.
.
السعودية ..
الرياض ..
المستشفى ..
سكرت الجوري من أبوها وأمها وعطت سطام جواله ..
سطام مدخل يده بشعره الكدش بشكل إليم ومرتب وتشيرته الأخضر الماسك على جسمه والبرمودا وعيونه المرهقه وتأزمه الواضح على حياتهم وشلون يكسبها ويغير نظرتها عنه ..:تكفين اسمعيني ..
الجوري تأخذ نفس: ب وشو ؟
سطام : اول شي أنا اسسسف وبقولك كل السالفة سهى جابت لي صورة لوحده ثانية مدري مين وقالت صاحبة هالصورة أنتي وفكري فيها (محور السالفة على أنه كرهها بسبب انتشار الصورة )..
الجوري بصدمة: صورة ..!
سطام بصدق: والله صارت هالسالفة ..
الجوري سكتت شوي وتالي تكلمت عقب مافكرت بالسالفة للحظات: بس أنت تحب بنت خالك ؟!
سكت ..
الجوري : وتزوجتني لاجل سيارة ..!
إلجمته بالأدله ..
الجوري: وأرسلت لي مسج ليلة الزفة بأنك ماتبيني ..!
ضاعت كل جملة ممكن يقولها لاجل يدافع عن نفسه ..
الجوري : وقلت بأنك ماتبي تشوفني ابداً .. وانجبرت تشوفي قبل آمس بالعزيمة ..
لفت على الجهه الثانية وهي تمنع دموعها من مذلتها مثل كل مره ..تماسكت شوي وناظرته : سطام أنا مابيك ولاوافقت عليك أبوي اجبرني على الزواج منك مثل م اجبرت على الزواج من أبومصعب..رفضت هالزواج لاجلك لان مالك أي تجربة بالحياة وحرام تنظلم معي بس أبوي ماترك لي خيار بأي شي يخص حياتي الخاصة .
بهدوء وهو يمسح على خدها : أدري كنت جداً غبي وجرحتك يمكن ماينمح من قلبك بسهولة بس عزاي بأن قلبك طيب خلينا نبدأ من جديد..
الجوري بذهول من نظره للامور وسهولتها : ببساطه كذا ؟!!
سطام : راح أعوضك ..
الجوري لازالت بصدمتها : وأنسسسى مستحيل انسى حركتك..
سطام : اطلبي اللي تبينه وانفذه لك ..
الجوري: الجرح مايمحيه مال قارون .. لاتحاول الجرح أكبر بكثير من أي عطا أو عذر ..
سكت ..
الجوري رجعت راسها على المخده وهي تفكر بعرضه لها.. مهما فكرت ومهما بعدت عنه مصيرها بيوم تخضع له برضاها أو غصب عنها ليه ماتطلب مقابل استمرار حياتهم استمرار علاقتها مع مصعب وبكل أريحيه.. أخذت انفاس متتالية ومتسارعة وهي تفكر ..بالمقابل سطام كان ثاني رجله تحته ويحرك البي بي بهدوء بيده وينقل النظر بينه وبين جوري والجو المشحون بينهم واضح ..
.
.
.
بريطانيا ..
طلعت رتيل من المحاضرة وهي تشوف رقم أبوها ردت وهي تمشي بعيد عن الازعاج ..: آهلن يبه ..
أبوها: الله يحيك .. ها رتيل ماله داعي مقدمات عطيني رأيك..
رتيل : منيب جاية ..
.
.
.

[lost girl]

البارت السابع ..
بريطانيا ..
أبوها بحده : وش قلتي ؟!
رتيل بهدوء أعصاب: اللي سمعته منيب جاية ..
أبوها عصب : رتيل لاتقولين بأنك برى والله إني اجيبك لفيذا ..
رتيل: يبه ممكن تهدى لاجل اقدر اتناقش معك ..لان كذا ماراح اقدر اتكلم ..
أبوها : لاحول ولاقوة الا بالله .. أخوانك رجال لحاهم بوجيهم ماعصوني بأمر وأنتي يارتيل تعاندين بكل الامور..
رتيل بهدوء: يببه بليز اسمعني ممكن ..
سكت أبوها لسماعها ..
رتيل راسها مصدع من هالقرار المجنون :أنا موافقة بس مايصير الحين ولاشي الا لما أخلص دراستي ..
أبوها ارتاح نسبيا: اجل ليه تقولين موب موافقة ؟!
رتيل: ماتركتني أكمل كلامي ..
أبوها : لكن تعالي الحين لاجل نتمم الملكة ..
رتيل تنرفزت وهي تمشي بهدوء ب الساحة الخارجية للجامعة : يبه الحكي واضح اللي قلته موب جاية الا لما أخلص دراستي .. بس أتزوج وادرس لا أنا ضد هالمبدأ في مرحلة البكالوريوس ..
أبوها : رتيل أنا اتفقت مع أعمامك ..
رتيل بعصيبه : بحريقة تحرق هالكلمة ,, يبه لاتقول عصيت وعقيت جيه قبل ماتخلص دراستي منيب جاية .. تفاهم مع أعمامي بطريقتك الخاصة خلاص باقي أقل من سمستر والحين اشتغل على بحث التخرج كيف تبيني أجي ..!
أبوها تعوذ من ابليس : رتيل اسبوع مهوب ضار ..
رتيل : وحتى العرس لو تأجل مهوب ضار ..
أبوها : ملكة مهوب عرس ..
رتيل جلست :عرس ملكة خطوبة كلها عندكم وحده وبعدين أنا م ضمن كلمة أي رجل منكم ..
أبوها لنبره التهديد : أجل مافيه عرس وزفة ..
ضحكت ب سخرية واضحه : معليش شوف المعرس وتالي قولي مافيه زفه ..
أبوها : رتيل احترمي رجلك ..
ضحكت أكثر بجنون : بليز يبه احترمني كيف رجلي أنا مابعد تزوجته ف بليز لاتقرن أسامينا ببعض .. هالزواج وعد مني يبه ولكل أعمامي ماراح يطول ف لاتطلب مهر كبير ولاتسون عرس ..
أبوها وصل منها : رتيييل رتييل ..
رتيل ببرود : يبه اهدئ أنا أبلغك باللي راح يصير , يعني لاتنصدم لما يصير عندك بنت مطلقة وهالشي بعرفكم عيب ..
أبوها سكت لفترة وهو يتعوذ من إبليس ..
رتيل سكتت وهي تتنظر رأي أبوها ..
أبوها: اسمعيني كان وافق ولد عمك كان بها وإن ماوافق فتجين للسعودية..
رتيل بحزم: منيب جاية قبل ماخلص دراستي آخر الحكي عندي .. وولد أخوك وافق أو ماوافق بحريقة تحرقه ..!
جلس أبوها يتكلم انتظرته إلين خلص :يبه الكلام اللي ابيه وصلته لك وأي كلام غير كذا ماعندي ..
ناظرت ساعتها : يبه عندي الحين محاضرة ..
تكلم أبوها شوي معها وتالي سكرت ..كرهت لمعه انكسار بعيونها عقب موافقتها بسبيل إتمام دراستها ..
.
.
.
ببيت جد كادي ..
كان محمد جالس : مابقى الا هي يأخذ كادي .. خلاص ياجدي خل نعجل بالملكة ..
جده: كادي تقول الملكة مهيب قايمة بغير وقتها ..
محمد رفع حاجب: ليه ؟!
جده: بنت خالتك عنيدة .. تقول كان فيهم خير ينفذون زواجها من منصور..
محمد يحك ذقنه : يبطي يأخذها تو اعجبته ..
خالته : الله يسستر منهم أخاف عليها وهي مأخذه الامور عناد وكسرة خشوم لهم ..
محمد : أنا واثق ب كادي واللي راح تسويه بس شايل هم من أي شي مفاجئ ..!
.
.
.
بعد كم يوم ..
.
.
.
ببيت أبو سطام ..
شقتهم ..
سطام كان يناظرها من طلعت من المستشفى ومن قبل كم يوم رافضة تتكلم معه..
جلس وبتصريح واضح : أبيك ..
ناظرته بسرعة وهي تقول : تحلم ..
سطام عض على شفته السفلى وهو ساكت ..
صدت عنه بقوة ماعرفت مصدرها ..
سطام بتوتر وندم وغرابة بكلامه : تدرين أنا الغلطان من البداية والا ماكان همني امرك اببداً بس لاني البادي بالصده ..!
ماتكلمت ..
سطام :أنا بعدي عند عرضي اطلبي اللي تبيه مقابل رضاك ؟!
الجوري لفت عليه بعد فترة وهي تفجرها بوجهه: علاقتي مع مصعب تستمر....
قاطعها : أنتي اللي تحلمين الحين ..
الجوري بحده: اجل انقلع عني ..
فتح عيونه زود : مين اللي ينقلع ..
الجوري : أنتتت ..
سطام : تراك ي حلوه موب قدي ..!
الجوري : لقيت إشياء أصعب في الحياة وتجازواتها فما بالك بشي صغير ولايستحق الذكر مثلك ..!
عصب : على اللي تبينه فاهمه ..
الجوري : ولاتهون ..
قام من عندها معصب ..سندت راسها على مخدتها وهي تفكربالجاي أكيد راح يكون أصعب من الماضي ..
.
.
.
ببيت سلطانة ..
جلست من نومها وهي تسمع دق باب غرفتها , تحركت ببطء وقامت فتحت :هلا..
زوجة أبوها بقله ذوق : تحركي ساعديني بترتيب البيت ..
ناظرتها سلطانة وهي توها تصحصح : نعم ؟!
مرة أبوها :اللي سمعتيه امشي اشوف..
سحبتها بخفه من شعرها وسكرت الباب وهي تقول بتعصيب : مسوية فيها مثلاً زوجة الأب اللي راح تعذب بنت زوجها الضيعفة المسكينة؟!
جاتها أم الركب مرة أبوها ..
سلطانة :شوفي أنا كائن كفاية كل البشر شري انصحك لاتأخذيني عدوه ..ومثل ماقلت من قبل اجلسي بهالبيت ب احترامك ..
تحركت وطلعته من غرفتها وهي ترجع لسريرها: مشكلة زوجات الابوان على بالهم كل طير ينأكل لحمه ..!
نزلت زوجها أبوها للصالة وهي باين عليها التوتر والخوف من سلطانة جلست وهي تكلم زوجها :خل نطلع من هنا هالبيت يضيق الصدر ..
أبو سلطانة يناظرها: شفيك ي مره؟!
زوجته بعصيبه : قلت لك نطلع نأجر بفندق أنا ما استحمل العيشة مع بنتك المريضة ..
أبو سلطانة: سوت لك شي؟
زوجته بخوف: لا .. بس مابي اعيش معها ..أو بروح بيت أهلي مع العيال وانت اقعد معها ..
أبو سلطانة بسرعة : لالا مالي غناه عنكم .. امرنا لله جهزي أغراضك مع العيال وبنطلع بعد شوي ..
بعد وقت نزلت سلطانة وهي تنادي الشالغة لاجل تجيب لها عصير..جلست وهي تناظرهم ينزلون وعلى ملامح مره أبوها الكبر والكرهه لها ..استغربت ولاحبت تبادر بالسؤال لان هالشي مايعنيها ..
قال–صلى الله عليه وسلم- عن أبي هريرة رضي الله عنه قال قال رسول الله عليه وسلم: (من حسن إسلام المرء تركه ما لا يعنيه) حديث حسن رواه الترمذي وغيره.
أبوها : راح نطلع يابوي لاحد الفنادق ..
سلطانة تأخذ عصيرها وبهدوء: الله يسهل دروبكم .
اكتفت بهالكلمة لانها من عقب فقد سعود ماعاد يهمها من حضر ومن غاب ..
عقبك ..
ماعدت انشد ،،/ من خذته الليالي ؟
بـ ترآب " كل " اللي يروحون
كلهم بترآب ..!
طلعوا وهي تناظر آخر شنطة نتسحب ويتسكر الباب وهي ترجع وحيدة مثل دائماً وابداً ..!
حستت بملل ماتعودت تجلس بيوم إجازتها بالبيت نزلت العصير وهي تدق على كادي : صباحك كادي ..
ابتسمت كادي لانها متعودة من سلطانة دوم تصبحها بإسمها : صباحك حلو .. شحالج ..؟
ابتسمت سلطانة : يسرج الحال ..
كادي ابتسمت : فديتها اللي تحكي اماراتي ..سوس تعالي لبيت جدي مافيه غيري أنا وجداني ..
سلطانة : وخوالك ؟
كادي : خالي سلمان سافر من عقب ماخلص الاختبارات وخالي الوليد طلع مع ربعه للبر وماراح يرجع الحين ..يلا تعالي ..
سلطانة وقفت: أوكيك ..
سكرت من كادي وقامت لاجل تجهز ..فتحت الدلاوب واحتارات بين الجنيزات والنتانير اختارت تنورة لاجل جدة كادي تعرفها ماتحب البناطيل ..
لبست التنورة على طولها تماماً وقميص تركت شعرها المتعادة عليها ناظرت شكلها تذكرت سعود بنفس تسريحه شعره وبنفس طول شعره الواصل للاكتاف وبنفس انسابيه شعره, حبت شكلها وشي بسيط من حياتها لانها تشبه له لدرجة الجنون ..
احببت ملامحي
لدرجه انك اخذتها معك لما رحلت
يجب ان اقتني الاقنعه..
همست : افتقدك كثيير ..
أخذت شنطتها والعباية ونزلت من غرفتها نادت الشغالة : تعالي معي ..
طلعت من بيتها وتوجهت لمحل حلويات جابت لكادي الحلويات اللي تحبها وهي تدق عليها لاجل تجهز القهوة ..
ركبت السيارة وهي متأملة بيوم حلو دامه مع كادي وجدانها ..
شوي وهي تدخل الحارة , ونزلت مع سواقها وشغالتها ابتسمت وهي تشوف سواقها يقعد مع جد كادي بالمجلس ويمضون وقتهم بالسوالف مثل كل مرة ارتاحت أنها خلقت مساحه للفرح له ,وشغالتها كذلك ..
دخلت لداخل وهي تشوف جدة كادي سلمت عليها وجلست الا شوي بدخله كادي : سوري سوري كنت أخذ شاور ..
ابتسمت : لاعادي ..
قامت سلطانة وكادي للمطبخ لاجل يحضرون لهم ويتقهوون مع جدتهم قهوة الصبح ..
.
.
.
ببيت أهل لمار ..
لمار تناظر امها وخالاتها وهم يتكلمون وهي تأكل أظافرها ..
خالتها : خلي اظافرك خلاص عرسك جا ..
لمار : طيب بروح لفهد ..
تركت الكل وطلعت لسندها دقت باب مكتبه ودخلت ..
رفع راسه من ملف بيده: هلا لموي تعالي اجلسي..
جلست على الكنب الاسود بمكتب أخوها وهي ننتظره يخلص سكر الملف وقام جلس : هلا حبيبتي ..
لمار :هالحين امي وخالاتي يقولون اتعامل مع عمتي ام مساعد وخواته برسمية ولو طلبت مني امه طلب مالبيه لها بسرعة ..
عقد حواجبه بعتب على امه وخالاته : ليه طيب ؟
لمار رجعت تأكل أظافيرها : لان امه لو تعودت اخدمها راح تخليني كل مرة اخدمها ..!
فهد هز راسه بأسف : طيب اسمعيني وبسألك هالحين لو تزوجت وشفتي الوالدة طلبت من زوجتي طلب ولا قامت كيف نظرتك عنها ؟
لمار بسرعة: أكيد راح اعصب منها لانها ماطاعت امي ولااحترمتها ..
فهد :آييه هذا اللي أبيه , حتى بناتها راح يسوون نفس تصرفك ..وحتى مساعد لو درى بأنك ماطعتي امه راح يقل احترامك في عينه وحتى راح يعامل أمي بنفس تعاملك مع امه ..
لمار خافت: يعني ماسوي نفس اللي يقولون ..
فهد : لا طبعا .. شوفي ي خوك عاملي أم زوجك بمثل معاملتك للوالدة وكذلك خواته بمثل معاملتك خواتنا ..
لمار : طيب لو هم مش كويسين ؟
ابتسم من مصطلحاتها الطفولية واختفى طيف هالابتسامه لان موب وقتها حاليا:خليك وسط معهم لان خير الامور أوسطها ..
لمار : طيب ومساعد ؟
فهد أخذ نفس : لا هذا زوجك مابينك وبينه حدود و ياخوك أنا عارفك وعارف طبيعه شخصيتك الحياوية (كان مبتسم وهو يقولها) والله يعين مساعد على هالطبع فيك بس تراه طبع حلو ..
ابتسمت بحيا لاخوها ..
فهد وهو يحط كفه على خدها: حبيبه أخوها والله إني بفقدك لكن الله يسعدك وهذي سنه الحياة .
لمعت عيونها ..
ابتسم فهد: لالا ماتفقنا طيب متى موعد الحنا (قالها وهو يبى تكف دمعتها من رمشها ولاتبكي )
لمار :الليلة ..
فهد : الله يوفقك ياخوك .. لمار محتاجه فلوس شي؟!
لمار تمسك بكف آخوها بهدوء : بس تواجدك معي يكفيني ..
فهد احتواها: وأنا معك بكل لحظه ..
لمار : جعلني ماخلا ي فهد ..
ابتسم لها وهو يقوم ويسولف معها ويرتب ملفاته ..
.
.
.
الليل ..
شقة سطام *الجوري ..
سكرت باب غرفتها وهي تدق على مصعب ..
مصعب استانس وهو يشوف رقمها: حبيبه مصعب هلا وغلا..
ابتسمت من قلبها : حبيب الجوري أنت ششخبارك؟
مصعب براااحه: والله تمام دامني اكلم هالانسسانه ..
ابتسمت: فديتك ..
مصعب: ششخبارك؟ طمنيني عنك وعن العملية ؟
الجوري : الحممدلله تمام .. العملية بدت تتحسن وماتألم مره ..
مصعب : الحممدلله عسساها تتحسن بالمره.. طيب وشخبارك مع سطام ؟
الجوري :آممم للحين وبكل صراحه زفت ..!
مصعب متأزم : أكيد لاجلي .. جوري عيون أخوك عادي تنقطع علاقتنا بس حياتك ماتخترب ..
الجوري بزعل : من جدك ؟
مصعب مافهمها : آييه بجد ..
الجوري دمعت : يعني عادي عندك مانكلم بعض مانشكي لبعض ..
مصعب قاطعها : لالا جوري موب كذا بس أنا خايف على حياتك ..
الجوري بدت دموعها تنزل : مصعب أنت ماتبي علاقتنا تستمر عادي قول ..؟
مصعب تأزم بجد : جورراة وش هالحكي؟ مسستحيل افكر بهالشي أنتي عارفة غلاتك عندي ويعلم الله يالجوري بأن ماعمري حبيت ولافضفضت لاحد كثرك ..
الجوري وهي تمسح دموعها : لبى أنت ي الدوب تدري لو مابررت الحين كان بجد زعلت منك ..
ابتسم : لاني خايف عليك لو درى أبوك ي الجوري مهوب ساكت ..
الجوري : اصلاً سطام ماراح يقدر يتكلم ..
دق باب غرفتها : شكله هو يدق باب الغرفة ..
مصعب : لاتقولين بأنك ساحبه عليه؟!
الجوري : الأ ..
مصعب : لا جوراة خلي علاقتك معه مثل قبل مايشوفني ..
ابتسمت بإلم (لو تدري بإن قبل ازفت من الحين ) : إن ششاء الله ..
زاد دق الباب ..
مصعب : يلا ديري بالك على نفسك ومثل ماوصيتك ..
الجوري : إن ششاء الله ..سي يآ ..
سكرت منه وهي تحط الجوال على الطاولة وقامت لاجل تفتح الباب ,وقف على الباب وهو يقول بزهق واضح: وبعدين معاك ؟!
الجوري : كل شي له مقابل ..
سطام يحك حاجبه : لا ..
الجوري: اجل حتى أنا لا ..
سطام بتوتر: طيب إلى متى ؟
الجوري: وافق على علاقتي ب مصعب ..
سطام بصرخه خفيفه: لااا ..
الجوري تناظره وهو بادي يعصب أكثر إلتزمت الصمت..
سطام بصوت خافت ويرتفع شوي شوي ببداية حديثه: أبييييك (علا صوته)
فاهمه أو لا ..؟!
الجوري بداخلها خوف تجاهلته : أذ وافقت على طلبي وقتها أنفذ لك اللي تبيه بس الحين احلم ..
سطام دفها إلين وقفت على الجدار وهو يمسك وجهها ويندق عليه : جووري لاخر مره أقولك لاتحديني اوريك وجهي الثاني ..!
دفته بدفاع عن نفسها وهي تصرخ فيه :سطططام ..
سطام يندق وأنفاسه على وجهها ونحرها : أنا شخص بايعها مايهمني أي شي بالحياة يعني ماجات عليك أنتي ترى ولا أنتي زوجتي يعني ابن امه يكلمني فيك..
أخذ أنفاسه وطلع من الغرفة ,صكت الباب وهي تجلس وراه بخوف وتلقط أنفاسها برعب واضح من سطام وتصرفه ..
.
.

[lost girl]

.
ببيت جد كادي ..
كادي تسولف ل سلطانة عن خطبه ولد عمها منصور ..
سلطانة بتعصيب : وش يبي ذا ..؟!
كادي بلكنه تحدي: آييه بس وأنا الكادي لعلمه كيف الله حق ..
سلطانة :انتهبي لاتضعفين ..
كادي ابتسمت : ماعاش من يخليني آغير رأيي ..بس خلي هالمنصور لي لاجل يعرف بأن كادي صعبة وصعبة حيل ..
سلطانة ابتسمت لصديقتها ..
كادي قومتها : تعالي بوريك فستاني حق عرس لمار..
قامت وهي توريها : ها شرأيك؟
سلطانة: إلييم ..
كادي تتكلم معها بجدية : سوس إلين متى هالحال ؟ موب حرام عليك حداد من سبع سنين ..
سلطانة جلست على السرير : آوه كادي لو تكلمنا بهالموضوع راح تقبلين مواجع أنا ورب البيت بغنى عنها..
كادي جلست مقابلتها : هالمواجع ماراحت صاحية لك بكل لحظه .. سلطانة ربي كتب ل سعود هالشي مثل مافقدت أمي وأبوي وأخوي بليلة وحده ربي كتب لنا ولهم هالشي ..
سلطانة : أدري ..
كادي : طيب دامك تدرين ليه ماتؤمنين بالقضاء والقدر وتسلمين أمرك لله وتنسين ؟!
سلطانة ناظرت كادي شوي وتالي وقفت وهي تمشي بالغرفة وتتكلم وعيونها على برى : أنا مؤمنة والله بكل ماصار .. بس للحين منيب مستوعبة فراقه لان كل أغراضة ملابسه صوره كل شي بمكانه للحين غرفته نفسها نفسها , سعود للحين عايش معي وفيني صعب إنسساه ..
كادي لمعت عيونها: حاسسه فيك بس لازم تعيشين تدرين بإنك بهالحزن تعذبين سعود لان مايجوز نبكي ونحدد عليه أكثر من ثلاث إيام الا الزوجة على زوجها ولها فترة بالحداد بس اربعة أشهر وعشر إيام ..
حدثنا أبو بكر قال نا عبيدة عن ابن أبي ليلى عن نافع عن صفية بنت أبي عبيد أنها أخبرته أنها سمعت أم سلمة وعائشة وحفصة يقلن قال رسول الله صلى الله عليه وسلم لا يحل لامرأة تؤمن بالله واليوم الآخر تحد على ميت فوق ثلاثة أيام إلا على بعلها فإنها تحد عليه أربعة أشهر وعشرا).
تكمل لاجل تصحى من واقعها المر وتنصحها كيف تفيده : سلطانة انسي ادعي له تصدقي عنه اكفلي إيتام على نيته وكلي أي شخص يحج عنه وكذلك اعتمري عنه ..
سلطانة لفت لصديقتها وعيونها مغشيتها دموع : كل اللي تقولينه مسويته كل شي لسعود ماتركته , سعود بحياته كان معيشني ملكه كنت له البنت والاخت والصديقة والأم وهو كان يعني لي آوكسسجين هالحياة , لاجل كذا أحاول أقدم له كل اللي اقدر عليه بس وفاته تركتني وحيدة (صرخت بألم ) وحيييييده ي كادي..
كادي دموعها بس تنزل من غير توقف ..
سلطانة تبكي : كل يوم اموت فيه آلف مره , كل يوم أعاني الوحدة ,
كل لحظه ب أيامي اسمع جرحهم وطعنهم فيني ب أبشع المسميات واسكت واتحمل , لان القدرة عندي على الرد معطلة تدرين مين كان يدافع عني سعود ,,وسعود وينه ؟!
(ببحه بكاء إليييمه) : مااات وتركني ..وتبيني اعيش وانسى وين إنسسى وكيف انسى؟!!
قامت كادي وهي تضمها وتحتويها وتبكي ببكاها وحرقتها وإلمها ..
.
.
.
اليوم الثاني ..
العصر ..
ببيت أبو الجوهرة ..
دخلت وهي مجهزه نفسها لمقابلة ريان ببروده بس لقت شخص ثاني مبتسم يهلي فيها ..ماقدرت تخفي نظرات تعجب واستغراب من اللي تشوفه ..
ريان يمسك يدها ويجلسها : شخببارك ؟
الجوهرة تلقائيا انمدت يدها لجبهته : موب مصخن؟
ضحك : أكيد معك تستغربين تغيري المفأجى بس خبرك كنت بدراسة هناك وضغط ..
الجوهرة :بس راح ترجع تكمل دراسة ..
ابتسم : أكييد بس خفت الضغوط .. ها جاهزة ؟!!
الجوهرة بحيا : تقريباً ..
ريان ابتسم لها أكثر ..
مدت له العصير : تفضل ..
ريان مسك كفها على الكوب وهو يناظرها ولافك يدها ..انحرجت كثير منه ومن نظراته لها وأنفاسه المسموعة ..
ضحك :آوف آوف ي حياها ..
فك يدها وهو يشرب العصير ويناظرها..
استغربت كثير منه ومن تغيره المفاجئ من ناحيتها فكرت ممكن كلامه يكون صدق ودعت بصدق ..
ريان : راح نسافر اليوم الثاني بالعرس لامريكا ..
الجوهرة : آوك ..
ريان ناظر أصابعها الطويلة بجمال مبهر مع المناكير الفوشيآ نزل العصير وهو يرفع كفها ويبوس أصابعها ويتأملها كلها : إلييمه كششختك والله ..
بحيا : الليله عرس صديقتي ..
ريان بهمس حالم : آه بس ..
حمدت ربها مع دق باب المجلس وبعدت عنه شوي وهو يبتسم لها ووقف لاجل يسلم على عمه ..
.
.
.
شقة سطام*الجوري..
طلعت الكوفيرة ودخلت الجوري الغرفة وهي تبدل وتلبس فستانها الطماطي وتشوف شلون لونه مناسب جسمها وبياضها ..
صرخت وهي تشوفه يناظرها وفاتح فمه بذهول ..
الجو كان بينهم هدوء وشتان بين تفكير اثنينهم هي خافت وهو خق معها ..
الجوري تبلع ريقها : وش تبي ؟
سطام يناظرها بهدوء تام ..
تحركت بعد فترة بسيطة ولبست عباتها وهي تسفهه وتسفه نظراته الجرئية بحقها المتفحصة لها المتأملة لكلها ..!
مسك كفها وهي تلف الشيلة : أنا مقدر أعيش معك كذا ..!
تعلقت عيونها فيه بخوف ..
سطام يناظربعيونها ويتكلم : أنتي موب أختي ولامن يحرمون علي ..أنتي زوجتي يعني حلالي فاهمه كل كلك ملكي أنا ..
فك كفها وهو يفرك جبهته وبتوتر : كل شي غيرته بحياتي من دخلتيها وش تبين أكثر من كذا ؟ ليه صادتني عنك ؟!
الجوري تناظره بقهر : أنت تغيرت من شفتني موب من دخلتها بلاش تكذب على نفسك وتصدق الكذبة قلت لك تبيني وافق على علاقتي بمصعب ..
عصب وصرخ فيها : مصعببب لا فاهمممه .. أنا اغار عليك من أهلك أخوانك أعمامك خوالك أبوك وهو أبوك اغار عليك منه تبيني اخليك تشوفين وتجلسين وتكلمين ذا لا حلوتي فوقي لنفسسك زين ..
الجوري: ومين أنت لاجل تغار ؟ بجججد وضعك صعب أنت ولاشي بالنسسبه لي ..
وضعك صعب
تغار ولّ حد الجنون
. . كنك على قلبه تمون
ماتدري إن قلبه يقول
. . من إنت يوم إنك تغار
سطام بصراخ : آيييه اغار بجنون ..وبعدين موب محرم لك..
الجوري بنفس صوته : ذا محرم لي تبي تفهم افهم ماتبي طز لاتفهم علاقتي فيه راح تستمر ..
سطام ينحي لها وبعصيبه : لا يعني لا فااااهمة ..
الجوري جاتها قوه : مهوب كيفك أبوي مامنعني عن هالعلاقة تجي أنت تمنعني..
ضرب بيده على الجدار وهو يتكلم بعصيبه ..تسمرت مكانها من ضربه الجدار ولحظات وهو يناظر تقدم لعندها وبهمس: أبيييك فاهمه أبييك ..
الجوري بنظرات : مامليت من تكرار هالكلمة..
بحمقه وهمس: وليتك فهمتيها ..!
بعدت عنه وهي تلف شيلتها وتحط النقاب ..
طلعت وهي تعبانة من النقاش معه وماطلعت للعزيمة الا لاجل تخلص من هواشهم كل لحظه وتستانس شوي ..
بسيارته ..
سطام : غطي عيونك زين ..
الجوري : مافيه شي باين منها ..
سطام : الا تبان..
الجوري :لا ماتبان ..
مد يده ونزل الشيلة على النقاب أكثر ..
الجوري : وجع قل آمين ..
سطام ناظرها وكمل طريقه :ترى موب مطوله داخل إلين آخر الليل ..
ماردت عليه وهي تفكر تعلمه كيف يتأدب معها ويهدد ..
.
.
.





القاعة
كادي تناظر سلطانة وهي تعطي لمار هديتها وتطلع ولمعه بعيونها عقب كلامها وجرحها النازف ..
لمار بخوف: بنات ها كيف ؟
الجوهرة مبتسسمة: مششالله تبارك الله الله لايضرك جمممال بشكل ملفت ..
الجوري : عسسى ربي يسسعدك ي قلببي ..
ابتسمت لصديقاتها : ي عسساني مانحرم ..
وقفت وهي تناظر شكلها الماسك على الصدر مع قصه مبرزة جمالها بشكل خورافي مع الطقم الهدية من فهد والمسكة آختيار أخوها عزام رشت لها أسيل العطر الهدية من أخوها عبدالعزيز ..
لمار : الله لايحرمني من أخواني كل واحد جاب لي هدية ..
الجوري : ي حظك فيهم عساهم ذخر ..
دخلت حريم أخوان مساعد ..سلمت عليهم وجلست على الصوفا ..
زوجة لافي : وش هالفستان العريان ؟!!
ناظرتها بغرابة ..
أسيل : اعتقد موب شغلك هالشي ..!
زوجة لافي: البنت صارت منا وفينا وهالفستان ماينلبس .. ولو عرف لافي عن هالفستان سوى لنا سالفة ..
كادي ماتحملت ودافعت عقب ماشافت صمت لمار : وش دخل لافي , وأنتم بالسالفة , هالفستان لابسته لمساعد وغير مساعد ينثبر ..
بلعت لسانها زوجة لافي وسكتت ..
كادي خزتها بنظرة : غرفة العروس ي ليت تتفضلون برى ..
طلعوا والفشلة بوجيهم ..
أسيل تضم كادي ب استهبال : أقدع بت بالعالم ..
ضحكت كادي والبنات ..
كادي وهي تجلس جنب لمار : لاتسكتين لها وأي وحده تحاول تتدخل فيك , لك حياتك الخاصة مشيها بكفيك انتبهي احد يفرض شي ماتبينه عليك ..
لمار تدمع عيونها :مرآ حاده بالتعامل ..
الجوهرة جلست مقابلها وهي تمسح دموعها : هووس لاتخربين المكياج , وبعدين تخافين وظهرك فهد وعزام وعبدالعزيز ..
جلسوا صديقاتها حولها وهم يهدونها ..
.
.
.
الاستراحة ..
ثامر : طيب روق آعصابك ياخي ..
سطام : أنت ماتشوفها تقل منب زوجها , بينها وبينه علاقه مجنونه..
ثامر : اجلس اشوف واسمعني ..
جلسه على مرجيحه بالاستراحه وهو وقف ويناظره :شوف لو تكلمنا بمنطق علاقتها معه بحدود وضوابط شرعية لانها كانت زوجة أبوها يعني محرم لها..
سطام بحمقه : لاموب محرم لها ..
ثامر : ياخي افهم هالشي بشرع ربي .. هالحين تقدر تمنع علاقتها مع أخوانها؟! لاطبعا لانهم محارمها وذا محرمها انسى بأنه ولد زوجها ..
سطام : منيب قادر اتخيل مجرد تخيل بأنها كانت مع شخص غيري , ياثامر مجرد تفكيري بهالشي يصدع راسي .. اغار عليها ..
ثامر يناظرها وهو يتكلم إلين سكت : أنت تحبها ؟!
سطام يناظرها وتالي نقل نظره وهو يناظر السما : لا ماأحبها , أنت عارف مين اللي بقلبي ..بس ذي زوجتي مهما يكن السالفة سالفة ماحب أحد يشوف شي لي..
ثامر احتار مع خويه : اسميه حب تملك هالشي ماتحبها وماتبيها لغيرك..!
سطام : لانها صارت لي ..
ثامر يحط يدينه على كتوفه : ممكن تهدى شوي ..الحين راجع لك..
دخل جاب عصير ليمون بارد : خذ ..
أخذه سطام : تسلم ..
ثامر : آشرب اشوف يكود تهدى شوي .. جابت راسك بنت أبوها واختبص حالك..
ابتسم : شف اللي يغين بجد بأنها حلالي وصاده عني والسبب مين أنا ..!
ثامر : طيب واسمع نصيحتي خل علاقتها مع مصعب تستمر ..
سطام يناظره ويشرب بهدوء ..
ثامر : ولما تقرب منها أكثر وتحتويها وتعطيها من حبك راح تنفذ لك اللي تبيه بس اصبر عليها ..
سطام : يعني العب عليها؟!!
ثامر: لا أسلوب الخداع ذا مهوب زين .. خل علاقتها معه تستمر يالحبيب لما تتمعق معها بالعلاقة راح تلهى معك وتنسى الكل ..
سطام : مقدر اخليها تكلمه ..
ثامر : يعني مسوي راح تمنعها وأنت تقول كل ليلة تكلمه .. خلنا واقعيين وخلها تكلمه وخذ منها اللي تبيه ..
سطام يحك بذقنه ونحره بتفكير ..
ثامر : وبعدين شمعنى كلامك قبل شوي ؟! قصدك بأنك باقي تبي أمجاد ؟!
سطام : أكيد أبيها , أنت عارف أن حياتي كلها هالبنت شف حرفها بكل شي يعني لي .
ثامر بنظره خاليه من أي تعبير: أنت متأزم على الجوري لاجل رغبة ..!!
سطام ناظر خويه : تقدر تقول هالشي وإشياء ثانية بعد ..
ثامر بنفس تعابير وجهه: راح تسأل يوم القيامة عن هالجرح للجوري..تخيل لو عرفت بإن اصرارك عليها لاجل هالشي راح تجرحها أكثر ..
سطام بتبلد : ماراح تدري لاني بخليها تحس بأن مافيه غيرها بحياتي وصدقني مثل مانجرحت أمجاد بسببها وبكت بسببها راح أجرحها وأبكيها مثل أمجاد تماما..
ثامر سكت وهو مصدوم من تفكير خويه البشع ..!
سطام يرمي الكوب وبجنون : أحببببب أمجاد وبأخذها وأبي الجوري لاجل انتقم من أبوي وابوها فيها لانهم اجبرونا على الزواج من بعض, ولاجل جمالها اللي صعب الاقيه بغيرها ..
ثامر بصدمة أكبر: وهي بعد رافضتك ؟!!
سطام يضحك بتلبد : شفت كيف عاد ..!
ثامر يناظره ..
سطام : يعني أحنا الاثنين مانبي بعض بس صبرهم علي ..
ثامر يوقفه ويهزه من كتوفه : بلا جنون , البنت مالها ذنب , خل تصرفك حلو لو مره بحق هالانسانه ..خاف ربك فيها ..
سطام يبعد يدين خويه ويمشي بضيق : وليه ماتخاف هي الله فيني ..
ثامر يمشي وراه إلين وصل جنبه : لانك متعود اللي تبيه تأخذه , وهذي انسانه ولها عزتها وكرامتها مهيب أي شي ..!
جلس على الأرض وهو يناظر ثامر يبي الحل منه مثل دايم ..
ثامر جلس قابله وهو يحط يدينه على أكتافه : اترك نظره الانتقام البنت وأحتوي البنت ..
سطام يناظره : إن شششاء الله ..
طلع جواله وهو يدق عليها ..
.
.
.
القاعة ..
ناظرت بالجوال ..
كادي: سطام؟
الجوري: آييه ..
كادي: ردي عليه ..
الجوري: لا خليه لاحقه على الهواش معه ..
دخلت الجوال الشنطه وهي تتكلم مع كادي بخصوص خطبه محمد ..
كادي : الملكة على نص الاسبوع الجاي ..
الجوري: طيب ومنصور شلون راح تتصرفين معاه ؟!
كادي : علمه عندي مهوب عند غيري, راح أعطيه درس شلون مايناظر ولايفكر بشي لغيره ..
الجوهرة تضحك: تقولين وتفعلين ..
كادي: آفا علييك ..
ناظرو لما وهي ببداية الزفه ..
كادي: ي عيونها تزنن ..
الجوري: اسسم الله عليها ..
الجوهرة: إلييمه لمار وحتى الزفة خقق ..
الجوري: تناسب شخصيتها الكيوتا..
جدة كادي : عقبال ماتزفك يميني ..
ابتسمت لجدتها ..
الجوهرة : قريب ياجدتي راح نزفها ..
جدتها: الله لايحرم عيني شوفتها عروس ..
دق جوال الجوري رفعته :هلا ..
سطام : أنا جايك ..
الجوري: لاتجي الحين بعد بدري..
سطام : الساعة 1 وين بدري .. أنا جاي..
الجوري: لاتجي لان منيب طالعة الحين ..
سطام بعصيبه : جووري احسن لك اجهزي ..
الجوري: وأذ ماجهزت ؟!!
سطام : راح أرجعك بيت أهلك ..
ضحكت : حلو حلو زين قلت هالحكي لاجل مااطلع الحين ..
سطام صرخ ولف أخوياه..
سكرت منه وهي متوترة من عصبيته ..
.
.
.
الاستراحة ..
فز ثامر وترك لعب الورق : كملوا اللعب بروح لسطام ..
وصل له وسحبه معه برى: شفييك ؟
سطام يرجف من العصبيه : كارهتني ماتبيني ..
ثامر خاف عليه وجلسه وهو يهديه ويغسل له وجهه بماي فاتر(دافئ)
حط راسه على فخذ خويه وهو بحاله يرثى لها ..
تضايق ثامر كثير من حال سطام واللي ماتوقع ابداً صدة الجوري عنه راح تتسب له بهالشي وخاصة بأنه قال مايبيها بس اللي يصير عكس كلامه والدليل تأزمه من صدها ..
.
.
.
الفندق ..
رفع راسها وهو يبوسها ..
مساعد يتأملها : جعلنا مانفارق بعضنا ..
الدمعة برمشها من تصرفاته الجرئية من دخلوا للجناح ..
ابتسم وهو يمسح دموعها ويبوس موضعها :باين عليك متوترة خليك ريلاكس..
وقف وهو ينزل بشته وينزل شماغه وهو مبتسم : أحب أخذ راحتي..
حط كفه على موضع القلب وقال بخوف عليها: لمار عيوني هدي من نفسك شوي جعلني ماعدمك ..
لمار عرقت يدينها أكثر من حركة مساعد ..
وقف ونقلت له التوتر بتوترها : طيب شوفي بروح اشوف شصار على العشا غيري ملابسك وعيني من الله خير ..
طلع وصك باب الغرفة ..جلست وقت إلين وقت رجفة برجولها وأخذت لها شاور وكان طويل ,طلعت ومساعد كان لبق جداً ما دخل الغرفة ولاسألها سلى نفسه إلين طلعت ابتسم وهو يوقف لها وتحدى نفسه مايقولها كلمة غزل ولو بسيطه لاجل ماتخجل زيادة : تعالي نتعشى ..
.
.
.
القاعة ..
لبست الجوري عبايتها وهي تطلع مع كادي وجدتها والجوهرة وأمها ..
دقت على سطام : وينك ؟
سطام بصوت متغير : الحين تونا وصلنا .. المهم أنا مع خويي بس بسيارتي..
ماناقشته وكرهت تصرفه خير جايب خويه معه ..
ركبت ورى ولفت انتباهها ترجيع سطام للمرتبة ومسيح جسمه عليها وكل شوي خويه يسأله عساك أحسن الحين ..
ثامر : خل أوديك للمستشفى أحسن .
سطام كفه على راسه : لالا هو صداع بيروح إن شاء الله ..
ثامر شد كفه: خلني اتطمن عليك أول مره تصير معك هالحاله ..
سطام يمسك بكف خويه: لاتشيل هم شوي وأخف ..
ضاقت أكثر وهي تفكر شفيه , توه العشا كان بخير ..
شوي ووصلوا للفيلا ..
سطام : خل السيارة معك ..
ثامر : لا ياشيخ أي تكسي يوصلني للاستراحه سيارتي هناك..
سطام :لا بعد راسي السيارة كلها تفداك ..خذها ..
ابتسم ثامر له وهو يضمه :مثل ماقلت لك نفذ حكيي وبيروح هالصداع والتعب..
ابتسم له سطام بتعب وارهاق ..
حرك ثامر البنتلي وطلع من حوش الفيلا ..
طلع سطام لشقته , سكر باب الشقة بقوة خلت الجوري تفز من مكانها :آفف هالانسان يقهر ..
قعدت تمسح المكياج ودخلت لاجل تأخذ شاور خفيف ..طلعت وهي تفكر فيه ومقرره تروح له تتطمن عليه ..
وقف على باب غرفتها وهو مسند نفسه ب مراهقه واضحه بتصرفه وهو يناظرها ..
الجوري : سلامتك فيك شي؟!
سطام مدخل يدينه في جيب بجامته : منك هالتعب ؟!
الجوري تناظره : أنا ..!
سطام : آييه أنتي ..
الجوري ناظرته شوي: طيب شلون؟
سطام : لانك ماتبيني ..
لقت نفسها تضحك على طريقته بالحكي وإسلوبه ..: ي نوغا , ماكنت أدري بإني راح اتسبب لك بهالشي..
ناظرها بقهر وصك باب غرفتها وراه بقوة ..
فزت : وجع لو انقطع الضنا السبب تروعيه لي كل شوي ..
طفت النور ودخلت بفراشها وهي حاطه كفها على بطنها والعملية تألمها شوي أخذت مهدئ وغفت ..
.
.
.
بييت اهل لمار ..
دخل فهد لغرفة أخته جلس شوي فيها وهو يناظر لدفاتر مذكراتها ,خوطراها, دبابيها ,مفارشها ,فتح درجها الصغير ابتسم على الحلويات الموجودة تذكر لما يجي غرفتها يسولف معها تفتح الدرج وتضيفه , وقف وهو يمش دموعه : الله يوفقك ي نور عين أخوك ..
سكر غرفتها ودخل لغرفة أسيل غطاها زين وخفض التكييف وصك الباب عقب وطلع ..
دخل لغرفة أخوه عزام غطاه وهو مبتسم مايعترف بشي اسمه سرير , منزل كل المطراح والشراشف على الارض ابتسم : ي هالولد ..
شال الشراشف من تحته وغطاه وهو يأخذ الريموت ويخفض المكيف نزله على الكومدينة ..
شاف امه تصلي الوتر ماحب يزعجها , دخل لغرفته رمى جسده على السرير عقب ماصلى الوتر ,وفكر بحياته وكلام أمه وخالاته عن سالفة زواجه وتأخيره للزاوج برغبته هو , فكر يكلمهم عن إنهم يشيلون هالفكرة لانه تعب من حكيهم كل مره ويبي ينهي السالفة كلها ..
.
.
.
الفندق ..
ابتسم بحب على براءتها ,طفولتها ,طهرها , حياها , جمالها , حكيها, ماجاه النوم قام أخذ شاور وهو يناظر الساعة قرب الاذان ..
ماطول طلع صلى الوتر قبل الفجر وقام وهو يسمعه يأذن ,صحاها بهدوء : لمو..
حط أصبعها على خدها وهو يهمس لها إلين صحت :قومي حبيتي صلي الفجر..
أخذ الطاقية والشماغ وطلع ..
تحركت بهدوء من السرير سمعت باب الجناح يتسكر , ناظرت جوالها وهي تناظره خلته وقامت ..
جلست بعد وقت وهي تجفف شعرها على دخله مساعد ابتسم : صباحك غير..
ابتسمت له بحيا ..
مساعد ضيع لونها من حركته وهو يجلس ,ضحك وهويخربط شعرها وباس راسها ..
رفع السماعة وطلب لهم خفايف ,سكر: لمار فهد موصيني عليك يقول ماتأكل ..
لمار تجر الحكي : لا أكل ..
شالها بخفه وهو يطلع فيها من الغرفة : واضح تقولين وزن ريشه ..
ابتسمت ..خق معها :عسساني بس..
حطها بحضنه وهو يلعب بشعرها ..: راح نسافر على الساعة 8 ..وأخييراً بأخذك عن الكل راح اختفي فيك شهر كامل ..
كان راح يكمل قطع عليه صوت الباب : ليتي ماطلبت ..
ضحك وهي تبعد عنه وقام لاجل يجيب الخفايف ويأكلون وعقبها يطلعون للمطار..
.
.
.
العصر ..
ببيت جد كادي ..
ناظرت أعمامها: طيب أنا موب موافقه وأنت عارف ياعمي بأني مخطوبة لمحمد ..
عمها الكبير :لكن ولد عمك يبيك ..
كادي : طيب مين اللي متقدم أولاً منصور أو محمد ؟
عمها الكبير: مهوب ذا , ولد عمك الاحق فيك ..
كادي ب سؤال : عمي سألتك ؟!
عمها الكبير: محمد ..
كادي : حلو .. طيب أنت ياعمي رجل تخاف الله ولاتحب تغضبه واللي سواه منصور مايرضي الله ..
عمها: ماسوى حرام ..
كادي بنظره : ولدك خطب على خطبه الغير وذا حرام ..
عَنْ أَبِي هُرَيْرَةَ -رضي الله عنه- قَالَ : (( نَهَى رَسُولُ اللَّهِ -صلى الله عليه وسلم- أَنْ يَبِيعَ حَاضِرٌ لِبَادٍ . وَلا تَنَاجَشُوا وَلا يَبِعِ الرَّجُلُ عَلَى بَيْعِ أَخِيهِ . وَلا يَخْطُبْ عَلَى خِطْبَتِهِ . وَلا تَسْأَلِ الْمَرْأَةُ طَلاقَ أُخْتِهَا لِتَكْفِئَ مَا فِي صَحْفَتِهَا)
سكت الكل ..
كادي : ها ياعمي ترضاها على نفسك توافق على هالزواج ؟!
عمها: دام جدك أبو أبوك وافق مجبرة توافقين ..
كادي جالسة جنب جدها : عمي للحين محترمه هاللقب فلاتخليني اسوي شي ممكن اندم عليه ..
عمها بحده: اسمعيني الشيخ بالمجلس والشهود والكل ..
كادي وقفت : طيب اجل الله يعيني عليكم ..وين اجل الشيخ حرام اخليه ينتظر..
جدها مسك كفها : ماعاش من يجبرك وجدك راسه يشم الهوى ..
باست كف جدها : أنا تربية يدك ويد موضي ..
ابتسم وعرف بأنها قد كلمتها وراح تعلمهم درس ماينتسى ..
الشيخ يسألها عن رأيها ..
كادي بكل ماعطاها الله من قوة وشخصية ماتهاب الأ خالقها : موب موافقة ياشيخ ..
الشيخ : لاتريدينه زوجاً لكِ ..
كادي : لا ياشيخ أنا مش موافقة على هالزواج ..
صرخ منصور لف الشيخ عليه والكل ..
منصور: غصب عنك أتزوجك أنا ولد عمك ..
كادي ماردت عليه وكلمت الشيخ : ياشيخ ولدعمي خطب على خطبه غيره وأنا أبيك تعطيه موعظه عن هالشي الله يجزاك خير..
طلعوا أعمامها معصبين مع الشهود ومنصور يتوعدها ..
جلس جدها مع الشيخ شوي وتالي راح ..
جدها دخل للصالة : ماراحت تربيتي أنا وموضي هدر..
ضحكت عقب ماكسرتهم :أفا عليك ياجدي ..ماعاش من يكسر تربيتكم ..
جدتها تناظرها بفخر بتربيها ..جلست تتكلم مع جدانها ولا كأن السالفة صارت لانها قرارها برفضه كان محل تفكير طويل مايشاوبه أي ندم ..!
.
.
.
بريطانيا ..
جلست رتيل وبداخلها خوف بسيط ..
هاني : ترى انزل مكانك عادي..
رتيل: لا أنا مكلفة بهالشي أنا أكلمه , يعطيك العافية ..
أخوها مشاري: رتيل تراي خايف عليك ..
رتيل تناظر اخوها : مشاري ماراح اتراجع .. بدخل البحر وهالشي حلم بالنسبة لي أبي أغوض بإعماقة اكتشفها, أبي أعرف ادق تفاصيله ..
مشاري ناظر فيها بقله حيله ..
نادر : يابنت اسمعي كلام أخوك ..
رتيل: أنا قررت وتوكلت على الله ..
ركبت مع طارق القارب الصغير وأخوها مشاري خايف عليها كثير من هالرحلة ..
هاني مسك كتفه: لاتخاف ترى طارق محترم وصدقني بأيدي أمينه..
مشاري ابتسم بتوتر: متأكد من هالشي أعرفه طارق من خيار الشباب أعرفه من بداية دراسته هنا ..
نادر: جد ؟!
مشاري : معرفة وجهه موب علاقة بس ماششاء الله عليه الكل يشهد له بالخير..
مشوا لاحدى الكافيهات ..
بعد وقت ..
القارب ..
وقفت على القارب وهي تناظر القارب الثاني بخوف ..
.
.
.

[lost girl]

البارت الثامن ..
كانت تشوف القارب وهو يمشي بالبحر بهدوء مع حركة الامواج المتجه للتسارع, أبهرها منظرها وهي تتأملها وتتفاعل بمشاعرها من كل حركة للموج..عكس طارق حزنه طغى عليه وهو يناظر الأمواج وعيونه يغاشها الدمع وهو يتذكر كل أحزانه والامه وهروبه من الرياض والمملكة كلها لاجل تنسيه حبيبه قلبه اللي رحلت وتركته , تألم كثير لشوفه البحر وأمواجه صحى نفسه من هالتفكير واستعاذ بالله من ابليس وهو يلف على رتيل ويشوفها واقفه ..
طارق : رتيل اجلسي ..
رتيل : تشوف القارب الجاي صوبنا ..
طارق : الله يستر ..اجلسي ..
جلست بهدوء ..
تسلح بالهدوء وهو يتكلم مع البحار
(هل يحصل في طريقك مثل كذلك عادة ؟!)A gets in your way such as those usually
البحار بخوف:
(يبدو لنا بأن القارب يحمل الاخبار السيئة) but this boat seems to us that a bad news
رتيل : يقول شي موب سار لنا ..!
طارق : لاتخافين ..خلي ننزل للبحر ..
تسلحت بالقوة وطبت معه لاعماق البحر ..
عالم آخر من خلق الله تبارك الخالق وعلا في سماه ,نست القارب الثاني وهي تتأمل زدات النور وهي تصور , غاصت مع طارق لاكتشاف أحدى السفن من آخر طبقاتها, كانت تناظر ب انبهار تام من أشكال المخلوقات البحرية الصغيرة ومتوسطة, بصدمة تناظر سمكة صغيرة تنزل صغارها من فمها تلقائيا لفت لطارق وهي توريه هالشي ابتسم بذهول وصور السمكة ..
.
.
.
رومانيا ..
براشوف ..
الفندق
صحى من النوم وهو يناظر الفراش جنبه ماشافها ..فرك عيونه وهو يقوم..ضمها من ورى وفزت ابتسم : نمت وتركتك
جمدت بين يدينه وحركته :لاعاتي كنت نايمة وصحيت من شوي
مساعد ابتسم وبهمس: ليه صحيتي قبلي ؟!
لمار بصوتها الهادي: ماجاني النوم ..
مساعد يبوسها : ليه ؟
حمر وجهها وضاع منها الحكي من طريقته وحركاته ..
مساعد استانس أكثر وكرر : ترى ماستحي مثلك بالعكس أخربها كذا ..
ماشاف أي حكي منها ابتسم بفتور : راح تتعبين معي كذا , زوجك جداً جرئي وأنتي عكسه تماماً وهالشي راح يتعبك معي ..
دمعت من حكيه وهي تحاول تبعد يدينه عن خصرها ..
لفها له : آوح دموع .. لمار من البارح وعيونك ماجف دمعها خايفة مني؟! , متوترة من التجربة الجديدة أذا كذا إيام وراح تتعودين على وجودنا سوى, أو فيه شي ثاني معكر عليك ؟! صارحيني أنا زوجك ..
لمار تحاول تتكلم معه وتكسر حاجز بداخلها : أنا شخصيتي كذا ..
مساعد : بس حاولي تتحررين من الخجل ..
لمار تناظره وهي تبي توصل له معلومه: ذا طبع فيني مقدر أغيره ,لاتتنقده ..
لاتننتقد خجلي الشديد , فإنني :
بسيطةٌ جدآ ..
وأنت خبيرُ ..
ياسيد الكلمات هب لي فرصة , حتى يذاكر
درسه العصفور ..
خذني بكل بساطتي وطفولتي أنا لم ازل
اخطو وانت تطير .. !
مساعد استانس وهي تناظره وتحكي معه : لا تقدرين ..
لمار استرسلت بالحكي : طيب طبعك تقدر تغيره ,عطني فرصة لاجل اتحرر شوي منه ..
انفجر ضحك : اصير مثلك خجول عز الله كدينا خير..
تقوست شفايفها وهي تستنكر ضحكته بحق حكيها ورأيها ..
ابتسم بفهاوة وعيونه كلها على تقوس شفايفها الطفولي جداً :نونو حبيبي أنتتا ..لاتصيحين
بدت دموعها تنزل ..
مساعد اغراه منظرها الطفولي وهو يلمها ويشبع من حبيبه قلبه , بعد عنها شوي: آوه نونو حقي بصيير لك مثل ماتبين ..
رجع لها بجراءه أكبر كأنه يعاقبها على حركتها الأ اراديه ويعلمها بأنها بكل حالاتها مغرية له مهما كان الموقف ..
.
.
.
بريطانيا ..
البحر ..
جلست بالقارب عقب طلوعهم من البحر ..حطت الكام بشنطتها الخاصة ..
طارق مستانس: رحلة ممتعه ..
رتيل : حيل..
ناظرت ساعتها : ساعتين ماحسيت بالوقت..
طارق : وأنا كذلك ..
رتيل نزلت الشنطة بمكان منزوي من القارب وهي تناظر القارب الثاني يتجهه نحوهم ..صرخت مع قفزة أحد ركاب القارب الاخر لقاربهم ..صرخ طارق بصراخ وهو يشوف القارب ينجر بسرعة رهيبة مع القارب الاخر ..
طارق سحبها وصارت وراه :
(وت)Ot
الشخص :
(أريد المال)I want money
طارق :
We do not have, we are working on research for graduation
: (ليس لدينا ونحن نعمل على بحث للتخرج)
الشخص ضاحكا:
(يكفي هراء)Enough nonsense
طارق بتوتر وهو يلف يده على رتيل أكثر من روى ظهره وخايف عليها :
I swear to you that we have not come to here for the money or pearls We are working on
(أقسم لك بأننا لم تأني لهنا من أجل المال وونحن نعمل على بحث)research
الشخص بقوته سحب رتيل وطارق يدفه ويسحبها لحضنه وهو يدفنها بصدره أكثر :
(خذ القارب ولكن دعنا نذهب)Take the boat, but for us to go
قطع الحوار الحاد جوال رتيل الملقي على القارب سحبه الشخص ورتيل تبعد عن طارق : هااااتية ..
رد جلس يتكلم معه بالانجليزية .. سكر الجوال وماتحملت رتيل الموقف وهي تنهار بوسط القارب لان مستقبلها انتهى..!
رفعها على نقزه الشخص الثاني للقارب وحديثه الخايف ..
طارق يضرب على خدها بهدوء : رتيييل ..
كب مويه شوي على وجهها ونحرها لاجل تفوق .. رفع ضغطه جوالها وجواله رنين متواصل , ترك الاجهزة وهي يناظرها تصحى ..
صرخ طارق وهو يشوف القارب والسرعة الرهيبه وربطه بالقارب الثاني ..
.
.
.
الرياض ..
شقة سطام *الجوري ..
رفعت راسها من كتاب تقراه وهي تشوف مسند نفسه على حافه الباب :وشو؟!
سطام : موافق ..
الجوري حطت كفها داخل الكتاب لاجل ماتضيع الصفحة :على ؟!
سطام بنظره: على استمرار علاقتك بمصعب ..
بلعت ريقها وهي تناظره , كثر ماكانت تتمنى تتواصل مع معصب ب راحتها كثر ماتوترت بموافقة سطام ..
سطام يناظرها ..
الجوري شوي وتصيح ..
سطام مستمر يناظرها ..
رفعت راسها عقب فترة وهو تقول بحيرة وحيا وتوتر وضيقة : اخلص الصفحة هنا..
سطام يحك بين حواجبه : لا ..
الجوري ناظرته : راح اخلص الصفحة ..
تقدم وهو يسحب الكتاب منها بعنف ويتكلم من بين اسنانه : جوووري .. لاتخليني اغير رأيي وأخذ اللي ابيه منك غصب فاهمه .. للحين ساكت ومأكل تراب لاني أنا اللي بديت بالصد ولا حبيت أكون قليل ذوق وقوي عين أرفضك وتالي أجيك ..
الجوري : طيب جيب الكتاب ..
رماه : زين كذا ..
الجوري دمعت: حقير ..
سطام جلس على طرف السرير وهو يناظرها بهدوء :تعبنا مع بعضنا كثير خلاص ي الجوري طلبتك خلينا نبدأ وننسى الماضي الغبي كله..
دموعها تنزل بدون توقف ..
سطام : الجوري ..
ماردت ..
انتظر وقت وبدأت أعصابه تخرب وخربها : مهوب أول زواج لاجل اجل تخافين وتتروعين كذا ..مجربة الحياة كلها الغبنة علي أنا اللي مأكل تراب ومتزوج وحده متزوجة قبلي وعارفة الرجال مهوب أنا ..
تلقت جروح ب أشكال وأنواع بس جرح سطام الليلة شي ثاني إلم لايضاهيه إلم..!
وقف وهو مقهور من زلت لسانه ومن صدها وحياها ورفضه , طلع من الغرفة ووقفت ببابها : الجوري معك أحد الخيارين ي أنك تجيني ,أو تحملي اللي يجيك ومصعب انسيه فاهمه أذا اخترتي الخيار الثاني ..
صك الباب بقوة وهي تتابعت شهقاتها وجروحها ..
دقت كادي ..
الجوري ردت وهي تشاهق وتقولها عن اللي صار ..
كادي تضايقت : ي عمري .. الجوري اسمعيني ..
الجوري: ي الله مخنوقه كادي .. كنت متوقعة موافقته على استمرار علاقتنا راح يريحني بس خفت منه..
كادي قامت وهي تمشي بغرفتها : ليه خايفة منه .. شوفي صار بينك وبين أبو مصعب شي؟!!
الجوري قامت من سريرها وبحيا: آييه ..
كادي : آوها ..
الجوري تبي تحكي عن اللي مضايقها : آمممم بقولك كادي ,كان الزواج ببدايته ورق ×ورق هذا كان كلام أبومصعب الله يرحمه بس بعدين لما شاف علاقتي مع مصعب وخواته تقوى كلمني عن هالشي وقالي أذا تبين علاقتك تستمر انفصلنا أو جاء امر الله (وفاته) لازم يصير هالشي ....
وقف حكي الجوري وهي تبكي , سكتت كادي وهي تبيها تحكي وتفضض عن اللي فيها ..
الجوري وهي تمسح دموعها وببحة صوت من بكاها : كل شي بحياتي بمقابل صرت أكرهني ليه كذا ؟!!
كادي تهديها: طيب لو ماصار هالشي كان الحين ماتقدرين تكلمين مصعب ولاتجلسين معه لان لو أبوه مادخل عليك كان الحين مهوب محرم لك ..والحين سطام زوجك لازم ترضينه ولاتعصين له امر ..
الجوري : ماتعرفين كلامه شقد يقهر ..!
كادي: باين عليه صعب هالادامي .. بس ارضي الله سبحانه وتعالى ترضين تلعنك الملائكة من تمسين إلين تصبحين بسبب رفضك لزوجك ..
في حديث أبي هريرة رضي الله عنه عن النبي صلى الله عليه وسلم قال : إذا دَعَا الرَّجُل امرأته إلى فِراشه فأبَتْ أن تَجيء لَعنتها الملائكة حتى تُصْبِح . رواه البخاري ومسلم.
وفي رواية لمسلم : إذا بَاتَتِ المرأة هاجِرة فِراش زَوجها لَعَنتها الملائكة حتى تُصْبِح.
وفي رواية لمسلم أيضا : والذي نفسي بيده ما مِن رَجُل يَدعو امْرأته إلى فِراشها فتأبي عليه إلاّ كان الذي في السّماء سَاخِطًا عليها حتى يَرضى عنها.
الجوري تمسح دموعها وبخوف : يالله ..
كادي : الجوري فكري بالعقل وخلي قلبك على جنب اكسبي رضا الله , ولاتخلين نفسك مكسورة ..
الجوري تلعب بطرف المفرش بتوتر: راح انكسر كذا ..
كادي بقوة : لا حبيبتي .. ماعشت إن رضيت لك هالشي .. شوفي جوراة الحين اغلسي وجهك بمويه بارده وتكفين خليك أقوى لا تخليه يشوفك ضعيفة كذا , ترى الرجال مايحبون الوحده الضعيفة ..
الجوري كانت تسمع لها وساكته ..
كادي : عيوني لاجل ماتخسرين إشياء كثيرة وافقي له ..
الجوري : إن ششاء الله .. تدرين بإوقات كثيرة أحسك امي
كادي ابتسمت: أنا ام لكل الشلة .. يلا حوبي روحي للدلخ زوجك ..
ضحكت الجوري ببحه : دلخ وبقوة ..
ضحكت كادي : دامه دلخ جنني ب أهل أهله ..
سولفت معها شوي وروقت بالها وتالي صكت منها ..
أخذت أنفاسها وجمعت نفسها وهي تفكر بتهديده , بحكي كادي , بكل شي ..
.
.
.

.
.
بريطانيا ..
مكان مظلم ..
صحت وهي على رجله , ناظرته بخوف وبالمكان وجلست ودموعها على خدها : أبوي درى؟!
طارق يناظرها ويناظر الاشخاص حوله وباين بأن رتيل تايهه وللحين مأثر عليه مكالمة الشخص لجوالها : لا ..
رتيل : الا أبوي , أنا مخصصه له نغمة خاصة هو دق ..
دق جوالها وهي تناظر الشخص اللي معاه جوالها وجوال طارق , وتوها تستوعب المكان شدت كفه : وين أحنا ؟
طارق يساعدها تجلس وينفض التراب من كفوفها وبقله حيلة : ماتشوفين المكان..
وقفت وهي تناظر شخصين أجسادهم ضخمه جداً مقرونة بعضلات مخيفه بشكل أكبر تقدمت :
Ot Hbn
للحظات حست نفسها راح تنعصر بين يدينه , صرخ طارق وهو يضربه ويسحبها منه : اترررررررررررركها ..
انتبه بأن فيه شخص يتكلم العربية ناظره بعصبية : وش تبون مننا ؟
ابتسم الشخص : خذوهم للداخل ..
كان طارق بيحكي , ركض ل رتيل وهو تتهاوى للأرض بفعل بخاخ مع أحدهم..
جلس وهو يصرخ فيهم : لاتسسسون فيها شي ..
لحظات وغاب عن الوعي هو الاخر ..!
.
.
.
الرياض ..
شقة سطام *الجوري
قامت أخذت شاور وفكرت وهي تقلب بدولابها دامها خاربة خاربة تخربها معه خاصة أنه مصر عليها وتقبلها من بعد شوفته لها ..أخذت قميص أسود :ليلة سودا أكرهه ..
تكلم نفسها وهي تطالع بالمراية بغرفتها : لا طالعة حلوه ..
جات تبدله بس هونت ورشت عطر وأنفاسها تتسارع ..حالها كان مضحك جداً تطلع من غرفتها وترد بسرعة لها وترد تطلع من ثاني , بطلعه آخيره لها وهي تعبت من نفسها , فتح باب غرفته وهو مجهز نفسه لهواش معها ماجاه النوم براسه حرش (هواش) ,وقف وهو يناظرها بصدمة ,ذهول , انبهار ,,
بحركة موب مقصودة عضت أصبعها بخوف ..
تحرك من مكانه عقب وقفه وهو يسحبها لحضنه ويشيلها من غير أي حكي ..
جلس على سريره وهي بحضنه وهو مايدري وش يحكي , يد على خصرها والثانية يحك فيها شعره : شخبارك ؟
لقت نفسها تبتسم باين عليه خاق معها ( طيب أنا أعلملك ) ابتسمت أكثر وبصوتها المبحوح بجمال : بخير , وأنت ؟
سطام يناظرها بجنون :ها..
الجوري بعدها مبتسمه: آقول شخبارك ؟
سطام بتفهية وهو يبلع ريقه:الحمدلله .
الجوري : دوم ,آممم ممكن تبعد شوي ..
فكت نفسها منه وتحررت ..
وقف معها , ضحكت : خلك مرتاح ..
سطام بعده واقف : لا عادي .. تبين شي ؟
الجوري تناظره : لا شكرآ ..
سطام بلع ريقه وجلس على طرف السرير ..جلست على الطرف الثاني ومالها أي قدرة تضحك أكثر أو تتصنع أي شعور معه , حكت معه : سطام أنا جيت لك مثل ماطلبت ولاتفكر تمنع علاقتي مع مصعب , وتأكد علاقتي معه علاقة أخوه ولا راح تأثر علاقتي معه على حياتنا ..
سحبها لحضنها وبنفور من سيرة مصعب قدامه : لاتجيبن سيرته لاني أكرهه ..
الجوري تناظره بقرب من ملامحه الحاده : دامك وافقت تتحمل أي تبعات لعلاقتنا..!
سطام حط راسه على المخده وهي على صدره ويناظرها بقرب : لما نكون سوى ماتجيبن سيرته قدامي ..
.
.
.
بريطانيا ..
على الموانئ ..
مشاري بتوتر مميت : شببباب اختتتي عرضي ..!
هاني جالس ويناظر بالبحر :طيب وش نسوي ؟
نادر متكتف : الامن المسؤول راح يتصرف ..
دق أبو مشاري وكان يهزئ مشاري ويتهمه بأنه السبب ..سكر أبوه وقاله بأنه راح يكون متواجد بلندن بأقرب فرصة ..
جلس مشاري وهو يناظرهم ب هم وضيق ..
هاني وقف وراح لمكانه :هونها ..
مشاري ناظره وكسر عينه : تهون الا بهالسوالف ..!
سكت هاني وبقلبه معاك كل الحق ..
.
.
.
اليوم الثاني ..
الرياض ..
البنك ..
سلطانة : آهلن ..
أبوها : هلا يبه , شخبارك؟
سلطانة : من الله بخير ..
أبوها ابتسم : ومن عباده ؟
سلطانة : بعد بخير .. شخبارك؟
أبوها: كلنا بخير ..أبوي بغيتك تجين الليلة على العشا عند جدك ..
سلطانة أخذت نفس : فيه شي مهم أو مجرد مجاملات أجتماعية ..
أبوها : الاثنين ..
سلطانة : على ثمان راح اكون هناك ..
أبوها: ماتقدرين تجين قبل؟!
سلطانة: لا ..
أبوها: ليه ؟
سلطانة : موعد خروجي من الشغل اربعه ونص وخمس اوصل للبيت وراح اتارح وتالي امر..
أبوها : تنازلي عن الراحة وتعالي بدري..
سلطانة : مقدر اغير نظامي ..
أبوها: ولا لاجل أبوك ؟
سلطانة بقسوة : لا ..
أبوها: افا ..
سلطانة : ليه أفا ؟ يبه اللي يربط بيني وبينك الاسم بس غير هالشي الغيته بتصرفاتك وبعدك ..
انصدم أبوها ..
سلطانة : عموما أنا ماقول هالحكي لاجل اعاتبك أو الفت اتباهك أو أي شي ممكن يخطر ببالك بس قلته لان لي حياتي الخاصة وأتمنى تتفهمها ومهما صار يبه تراك تظل غالي ..
أبوها بإلم: بس بحدود ؟!
سلطانة : أنت رضيت هالحال .. عموما أشوفك على الثمان بأذن الله تعالى , بعد شوي راح يبدأ الشغل ..
سكرت من أبوها وهي ترجع ظهرها للكرسي : ربي ..
.
.
.
ببيت أبو سطام ..
كانت الجوري جالسة مع عمتها في الصالة ..
دخل سطام وهو معصب : وينك ؟
الجوري تناظره بقهر : سلم بالأول ..
امه ضحكت على شكله : صادقة الجوري سلم ..
ماسلم وهو يناظرها : لما تقومين تصحيني معاك ..
الجوري انقهرت منه خير يتكلم معها قبال امه كذا : برز ؟!
سطام : آييه برز عندك شي ..
امه قامت : الله يصلحك وراك شاب على البنت..
الجوري : خليه عمتي ..
ابتسمت عمتها وراحت للمطبخ , جلس جنبها وهو يحط راسه على أكتافها ..
الجوري تبعد راسه : بعد عني ..
سطام رافض يتزحزح : لاع ..
الجوري بملل : ياخي وخر آوف .. وبعدين ليه ماقمت تصلي الفجر ؟
سطام : مهوب مني , منك ماتركتيني انوم ..
الجوري بعدته وهي تخليه يناظرها : هالحين أنا ماتركتك ..!
ضحك على عصبيته وهو يبوسها : يلعن شكلك وش هالجمال,حتى وأنتي تهاوشين تتلين العقل ..
الجوري انقهرت منه: خير تلعن ..
سطام عدل جلسته : اقولك ..
الجوري : لاتقولي ولا أقولك رح صلي الفجر لانك مأخره وتالي اهذر براحتك ..
سطام :طيب تعالي ..
الجوري تسحب يدها: لا ..
سطام وقف :قومي ..
الجوري تناظره: لا ..
انحنى وهو يشليها ..
الجوري : وجع نزلي لاتفشلنا لو شافتك عمتي وجع سسطام ..
ضحك وهو يطلع فيها لشقتهم , دف الباب برجله وصك برجله ..
الجوري: نزلنننننننني ..
سطام نزلها على الصوفا وهو يجلس : حلوتي شكثر أحببك غيرتي كل مزاجي ..
حمر وجهها وذاب الحكي بلسانها ..
سطام يتأملها وجاذبته بحياها ,بهاوشها , بصدها , بقبولها ..
رفع ذقنها : ي حلوووووك ..
بعدته :سططططام ..
سطام : آووش ..
الجوري دمعت وهي تبعد : سسسطام ..
ابتسم وهو يمسح دموعها : ماكفاك البارح وكم بكيتي قسم كرهت الليلة ,والحين تبكين بعد ..!
مسحت دموعها: مهوب شغلك هالشي ..
سطام : ليكون رجعت لك ذكريات زوجك القديم ..
نتاظره بغرابه , أي إسلوب يملكه للجرح والتعذيب ..
سطام ببرود : ماقلت كذب , أنتي كنتي متزوجة من قبل , وعندك خبره بكل شي , فلا تسوين فيها البنت الخجولة اللي توها متزوجة وتستحي ..صح أنتي جلستي معه سنه ومتأكد بس اللي يحير بجد كأنك توك بنت ..!
من ذهولها وصدمتها بحكيه عيونه تعلقت فيه وهو يحكي ..
سطام ببرود : ماكنتي تبينه ؟!
الجوري تناظره والدموع مغشية عيونها ..
.
.
.

[lost girl]

[lost girl]

الرياض ..
بيت جد كادي ..
ضحكت مع جدانها وعلى جدتها بالذات : جدددتي الا جدي ..
جدتها : جدك مايفتهم ..
ضحكت أكثر وهي تقوم تعطي جدها الريموت لاجل يشوف القنوات الشعبية..
جدها : الكادي تعالي ياجدك اهمزي يدي شوي مدري وراها اليوم شابه علي..
رجعت لجدها ب اهتمام وهي تجلس جنبه وتمسك مكان الوجع : ليتها فيني..نمت عليها ؟
جدها : مدري ياجدك ..
قعدت تهمزها ووتسوي لها تدليك خفيف : شوي جدي وراجعة لك ..
شوي الا وهي جاية ومعها زيت زيتون مسخن وجلست تدلكه بخفه..غفى جدها ابتسمت بحب له وهو يغفي .. عدلت له المركى صحى جدها ابتسمت : خذ لك غفوة جدي إلين يجي الغدا ..
انسدح جدها على جنبه وهي تشيل الزيت وتقوم ..
جدتها : كاد يعطيني الريموت جدك خذاه ورقد ..
ضحكت وهي تعطي جدتها ووطلعت لاجل تشوف الغدا ..
شافت أنه قرب يخلص , جلست وهي تقطع السلطة وقللت الملح لاجل جدها عنده الضغط ,دقت خالتها :هلا والله ..
خالتها: هلا عيوني ..كيفك ؟
كادي : الحمدلله .. شخباركم ؟
خالتها : كلنا بخير ..كيف جدانك ؟
كادي : الحمدلله تمام .. جدي اخذ له غفوه وجدتي تشوف التلفزيون ..
خالتها : طيب اسمعيني محمد راح يمركم العصر وتعالوا تعشوا معي..
كادي ترفع حاجب : محمد ماغيره ..
ضحكت خالتها : آييه ..
كادي : لا خالتي ..
خالتها : لييه عاد .. هالمسكين يترجى فيني لاجل هو يجي يأخذكم..
كادي : مهيب السالفة كذا خالتي , بس والله جدي يده تعوره شوي وتو دلكتها له ولو ماخفت راح أكلم أحد خوالي الكبار لاجل يودونه للمسشتفى دام خوالي مهوب هنا ..
خالتها : جعلها فيني عنه .. طيب أجل أنا بجيكم ..
كادي : الله يحيكم ..
ابتسمت خالتها : كأنك عارفه اللي راح يجي معي ؟
ضحكت كادي : وهل يخفى محمد الأطخم ..
ضحكت خالتها : اسمعيني بسوي معي أي حلا شاللي تحبينه ؟
كادي تفكر : آممم أي شي ..
خالتها : تبين طيب حلا بارد أو فرن ؟
كادي : أي شي من يدينك خالتي حلو ..
ابتسمت خالتها : فديتك أجل راح اخلي الاختيار لمحمد تراه الحين واقف جنبي وشوي ويدخل بالجوال ..
كادي تلقائيا : آآآعع الحين بيقول وش هالدفشة ..
ضحكت خالتها : الا شوي ويقطر ريقه ..
ضحكت كادي ووهي تسكر من خالتها لاجل تحضر الغدا ..
ودت السفرة والصينية اللي فيها السلطة والعصير واللبن لجدانها ..
جدتها : كادي اساعدك ..
مسكت خدود جدتها وهي تبتسم : أخدمك أنا بعيوني ..خليك مرتاحة ..
ابتسمت لها جدتها ..
جابت الغدا وحطته وهي تصحي جدها بهدوء : جدي قوم حضرنا الغدا..
قام جدها وغسل وتالي جلس ..
كادي : ها جدي كيفها يدك الحين ؟
جدها ب ابتسامه : الحمدلله أحسن , خبرك ياجدك بهالسن ماعاد حنا بطالعين من المرض الا يالله حسن الخاتمة ..
كادي جاها من الفقد مايكفيها عمر : لاتقول كذا جدي جعلني افداك ..
ماحبت تتكلم بالموضوع اللي من تفكر فيه برغم شخصيتها القوية الا أنها ماتلاقي نفسها الا وهي تبكي ..صبت لجدها لبن وعطت جدتها ببسي ..
جدتها حست أنها خافت على جدها : تغدي جدك مابه الا العافية ..
ابتسمت ونفسها كارهه الغدا , تذكرت : جدتي ترى خالتي راح تمرنا ..
جدتها : الله يحيها .. لكن رجلها مسافر من اللي بيجيها؟
كادي تبتسم : محمد ..
ابتسموا جدانها وكملوا غداهم ..
.
.
.


.
بريطانيا ..
كان تصرف ابو رتيل حكيم جداً وهو يتكلم مع عساف ورجال الشرطة بهدوء تام بعيداً عن أي امتعاض ممكن يصدره .. انتهت السالفة بهدوء ماتوقعته رتيل ابداً.. شكر مشاري عساف على موقفه الرجولي وكذبته اللي مايدري عنها..!
طارق مشى مع أخوياه وكان باله مع رتيل ونظره بعيون أبوها ماطمنته ابداً ..
سيارتهم ..
طارق : صدقوني مدري عن السالفة اللي اعرفه بأنهم عطونا بخاخ واغشى علينا وتالي لما صحينا الصبح لقيت عساف وقال بأنه تفاهم معهم وعطاهم المطلوب وتركونا ..
نادر :كذاب ياخي مدري أحس له يد بالسالفة ..
ناظره طارق : لالا ماظن ..
نادر : مدري مارتحت له .. يناظر في رتيل تقل حليله له على نظراته قطع البنت هاني : والله جد , يناظرها شوي وبيأكلها لا استحى من أبوها ولا أخوها ولا حتى احنا ..
طارق : شباب احسنوا الظن ..
هاني : أنت قلبك طيب والا ماشفت نظراتها لها , وحتى لما تكلم مع الشرطة باين عليه يكذب ..
نادر : آيييه صادق ..
طارق يناظره اخوياه : خلاص أنت وياه تأخذون في ذنوبه كأنكم تأكلون لحمه الله يهديكم ..
قال تعالى: { ولا يغتب بعضكم بعضاً أيحب أحدكم أن يأكل لحم أخيه ميتاً فكرهتموه واتقوا الله إن الله تواب رحيم} الحجرات:12
قال ابن عباس: حرم الله أن يغتاب المؤمن بشيء كما حرم الميتة.
نادر :ياخي الله يعينك على بروده أعصابك ..
ضحك هاني وطارق ..
طارق : شباب اشتغلوا على تفريغ الصور ومقاطع الفديو بصراحة أنا هلكان تعب..
نارد يناظره: أنتم اشتغلوا شي ؟
طارق : آيييه وعساف ماقصر عطانا الكامات الله يجزاه خير..
هاني : هالحين تأكدت بإن له يد بالسالفة بس خل أشوف رتيل وأخذ العلوم منها..
ضحك نادر: عاد الحين مالقيت الا هالمغرورة تتكلم وتعلمك بشي..
ضحك طارق : قوية باس هالبنت تصورو ياشباب ماهلت الدمعة وقاعدة تتلاسن معهم , بكت بس بلحظه إن أبوها درى ..
نادر: أكيد عاد شايب تتوقع بيسكت لها ..
طارق : مالها ذنب البنت ..
سكت وهو يتذكرها وهي تدفن نفسها ب أحضانه , حط يده على فنيلته تلقائيا وهو يتلمس آثرها ومبتسم ..
.
.
.
شقة مشاري ..
رتيل تناظر أبوها وهي تمسح الدم من فمها :أنا ماخنت ..!
أبوها وهو يرمي السلك : انطمي .. الحين وين أودي وجهي من الكل ..!
رتيل وقفت وهي تتألم بس مابينت إلمها : أنا شسويت بالله قلي ؟
أبوها يقرب وهي يشد شعرها : هاربه مع واحد وتقولين شسويتي ..! الله يسود وجهك ..
رتيل تحاول تمتص غضب أبوها بأي طريقه : يبه الله يخليك اسمعني ..
أبوها : انطمي قلتك .. هذا هو رجال ولاعابه شي ..
عصبت رتيل وهي تصرخ : ليه دامني على قولتك طلعت معه مامسكته وشربت من دمه ..؟!
والله نزلنا لاجل البحث مانزلنا لشي ثاني , واسأل عساف ..
أبوها عصب أكثر : وقالوا لك راح يفلت لكن ماحبيت أسوي شي يزيد الطين بله قدام الكل دامهم مقتنعين بالسالفة الكذب كلها .. والا هو الحين بكلمه ..
رتيل تناظر أبوها بذهول : ليكون راح تقوله يتزوجني ؟!
أبوها : أجل شرأيك يالفاجرة ..
غمضت عيونها بصدمة من هالكلمة ..
أبوها : وولد عمك ماعاد يبيك وراح يعلم العائلة بأنه يفضل يفض الخطبة لان التحالييل ماتوافقت ..
رتيل فتحت باب غرفتها وهي تنادي مشاري : شوف أبوي ..
مشاري كان جالس بالصالة وباين عليه الهم من الدمار اللي راح يلحق حياة أخته بطريقة أبوه المتخلفة بحله للمشكلة ..
أبوها : كلم اللي كان معها ..
مشاري يناظر أبوه بصدمة أكبر من أخته ..
أبوه بصراخ : كلمممممممه ..
مشاري :يبه ....
قاطعه أبوه بحزم : أقولك كلمه ..
رتيل تمسك بيد أبوها وهو يدفها : انقلعي هناك بس أزوجك اياه لا عاد اسمعك بطاريك ..
رتيل : منيب متزوجته ..
أبوها وهو يمسك شعرها : الا راح تتزوجينه والا بأخذك للسعودية وراح احبسك ولا يدري عنك بشر ..
رماها بغرفتها وهو يصك الباب :دق أنت ..
أخذ الجوال من ولده وهو يكلم طارق بعصبية ويقوله يجي ..سكر بوجهه..
دخل مشاري لغرفته وهو يصكها بضيق : واقسسم بالله مهيب حاله اللي يسويها ابوي ..
ديم تهديه وهي خايفة بنفسها : خلاص حبيبي..
مشاري : وين خلاص .. تدرين أنه كلم الحين طارق ..
ديم : أدري الله يهديه بس إن شاء الله يهدأ , وتنحل السالفة ..
وقف وهو يطلع لاجل يكلم أبوه وراسه مصدع بجنون ..
.
.
.
شقة طارق وربعه ..
نادر : اقولك ياخوك ترى بالعلوم علوم ..
طارق وهو يأخذ جواله : أعوذ بالله من ابليس أحس بالسالفة إن ..!
هاني : باين اصلآ من لهجة أبوها ..
نادر : عطنا العلوم أول ماتوصل ..
طارق : إن شاء الله , يلا سلام ..
طلع من ربعه وهو يركب سيارته ويفكر وشو ممكن تكون السالفة ..
ماطول بالتفكير وهو يوقف قبال العمارة الساكن فيها مشاري..
نزل والتفكير يأخذ ويجيبه ..
دخله مشاري وهو يناظره والعلم مايبشر بخير ابداً ..!
جلس وبعد فترة تكلم أبوها وطارق يسمع الكلام بصدمة ..
طارق الصدمة عليه : والله مالمستها ولاجا ببالي أي شي من هالقبيل , والكلام اللي تقوله بالحرام أنه ماصار ..
أبو مشاري : الا صار ..وتتزوجها والا مصيرها الحبس ويحرم عليها الزاد والاكل إلين تلاقي ربها وقلبي عليها غضبان ..
طارق من غير تفكير : ابيها ..
مشاري يناظر أبوه بزعل واضح ..
أبوه كأنه ارتاح : يتم الزواج بسرعة وخذها من غير عرس ..
مشاري وقف : يبببه ارحمها ..
أبوه : مششاري اصص ولاكلمه .. الشرهة مهيب عليك علي أنا أطلعها تدرس وهي بنت مكانها بالبيت وبس..
طارق وهو يوقف : أبي اشوفها ..
أبو مشاري بعصبيه : هماك شفتها وشبعت منها ..
طارق بحده : دامها بتصير زوجتي أبي أشوفها ..
أبو مشاري : انقلع أنت وياها الله لايردكم .. واسمع أنت (يقصد مشاري) خله يشوفها ..
كانت رتيل بغرفتها وتسمع الحوار الحاد والحكي اللي انقال وهي منهاراه بكى وقهر , دق مشاري باب غرفتها ورفضت تفتح ..
طارق بضيق وبصدمة من تصرف أبو رتيل : طيب خلها الحين ..
مشاري ويده على كتفه : موب ملزوم , خل السالفة علي كلها ..
طارق : يامشاري اشتري نسبك واتشرف فيه ورتيل أبيها وزين أنها جات من أبوك ..
مشاري يناظره ..
طارق :صدقني رتيل أبيها , أخت تربية رجال وأي شخص يتشرف يأخذها والحمدلله بأني بأخذها ..
مشاري: ملامحك ماتبان عليها فرحة ..!
طارق ابتسم بضيق : لان طريقة عمي ماحبيتها وهو يعرض رتيل , والا رتيل اشتري قربها واللي يقدرني واسعدها ..
مشاري من غير احساس لم طارق : والله منيب عارف كيف أشكرك..
طارق ابتسم وهو يناظره : انتبه ل رتيل , وقلها بأنها بعيوني لاتخاف وإن شاء الله خيره اللي صار لنا ..
ابتسم مشاري ب امتنان كبيره ل طارق وتصرفه ..
.
.
.
رومانيا
بران ..
لمار : يزنن , شووفه ..
ابتسم مساعد وهو يشوف الطفل الصغير وهو يناظرها : عقبال مانناظر ولدنا..
لفت عنه بحيا ..
ضحك وهو يلف وجهها بهدوء : فكرة موب بطالة نجيب بيبي بالسنة الاولى بزواجنا ..
لمار تناظره وتكسر عينها وهي تناظر الطفل : أنت تبي طفل؟
مساعد مبتسم : حاليا لا , لان ودي زوجتي تعطيني حقوقي بكل شي , (بجدية أكثر) لمار تكفين حاولي تتحررين من خجلك الزائد لانك راح تتعبين معي..
لمار وهي ماتناظره : صدقني موب مجبور تتحملني
ناظرها بشكل أقوى وهو يوثق كفوفهم ببعض ويمشون وسكت , وسكوته اثار خوف بداخل لمار وكون الف فكرة وفكرة ..!
مساعد يحاول يتناسى حكيها : شوفي هذي قلعة دراكولا ..طبعا هي على اسم ابن ملك رومانيا ..
لمار تناظر القلعه بخوف : ليه شكلها كذا كأنها للسحرة الكراتين دايم تطلع كذا..
ابتسم مساعد : آييه هي بالفعل فيها من هالاشياء ..تدرين بأن دراكولا هو مصاص دماء وخاصة للمحتلين لرومانيا ..
لصقت أكثر فيه بخوف وهي تناظر القلعة من برآ ..
مساعد يكمل :تدرين بأنه اخترع آله خاصة تخرج من عنق ضحاياه وخاصة المحتلين لبلادهم لاجل كذا اشتهر عندهم بمصاص الدماء ..
بدت تدمع عيونها :بس بس ..
ناظرها وتذكر بأنها خوافه :حبيييتي أنتي نسيت والله واسترسلت بالحكي..
لمار تبكي : رجعني للفندق بلييز ..
مساعد يحتويها: حبيتي لاتخافين ..
لمار بخوف وبكا :رجعني للفندق ..
تضايق مساعد من غبائه ليه يحكي لها هالاشياء وهي خوافه ..:طيب مين عيوني الحين نرجع ..
.
.
.
الرياض ..
شقة سطام * الجوري ..
صحى العصر وهو يناظرها نايمة جنبه تذكر الصبح واللي صار ..صار جنبها وهو يصحيها وانفه على خدها : جورراتي ..
تحركت بشويش ..
ابتسم ووجهه كله نوم وهو يناظرها بقرب منها مجنون ..تحركت بسرعة وهي تحس فيه وتبعد عنه : لا سطام ..
ضحك وهو ماسك كفها ..
ابتسمت وهي تناظره ..
جلس وهو يناظرها :تجين نسافر ؟!
الجوري : وين ؟
سطام : مو مهم المهم مكان نكون وحدنا , محتاج اكون معك..
الجوري تناظر سطام : ليكون كسرت خاطرك الصبح ..
ابتسم بغرابة مايقدر يكذبها بأنه رحمها كثير بس اضطر يقول غير هالشي :لا..بس اكتشفت اليوم بإن معاي جوهرة ثمينة ونادرة ..
ابتسمت بحيا ..
باس كفها وخدها :بقوم اخذ شاور وتالي نطلب لنا غدا ..
وقف وراح لدلاوب ملابسه وهو يختار : جورراتي تعالي اختاري لي..
تحركت وهي تقوم وقفها قدامه وهو ضمها من ورى ومندق على أكتافها..
كانت منحرجة منه حيل ..
ضحك وهو يبوسها : اختاري لي ترى بسوي شغله ببالي..
أخذت له تشيرت بسرعة ..
انفجر ضحك :خوووواااافة وااككككك ..
ضحكت معه مجنون هالانسان ..
حط يده على فكها : مذهله ضحكتك ليه ماتضحكين دوم ..
الجوري تناظره : موب على كل وقت الضحك ..
سطام يتأملها وهي تحكي : بالعكس حلو الضحك مفيد للقلب..
الجوري وهي تطلع له باقي ملابسه : مفيد للقلب لاكان يهز أعماق قلبك ..
سطام : يعني مافيه شي يستدعي ضحكك ؟
الجوري: لا ..
لفت وهي تعطيه ملابسه ..: تفضل ..
سطام ابتسم : شكراً ..
الجوروي تبادله الابتسامه : ولو ..
ابتسم بجنون وهو يبوسها بقوة : يازينها منه ..
حمر وجهها وهي تشوف يدخل يأخذ شاور ..
سمعت الاذان العصر وراحت لغرفتها وهي تأخذ شاور ..
أخذت شاور وطلعت وهي تشوفه يصلي , لبست جلالها وصلت الظهر والعصر وتالي جلست بغرفتها ..
دخل وهو يناظر الغرفة ويبتسم : راح اسكرها بقفل لاني ماحب هالغرفة..
ابتسمت ..
وقفها : وين ملابسك ؟ يلا ننقلها لغرفة نومنا الرئيسية ..
قامت وهي تدله وينقلون الأغراض سوى ..
سطام : انجاز سوينا .. يلا البسي نبي نطلع نتغدا ..
الجوري ابتسمت: نتغدا بعد العصر..
سطام وهو يكدش شعره زود : آيييه ..يلا ..
لبست عبايتها وطلعوا ..
سيارته ..
سطام : فخامة سيارتي ..
ضحكت على طريقته بمدح سيارته ..
ضحك معها : معك حق مشفوح ..
استرسل وجلسوا يسولفون ..
.
.
.
بريطانيا ..
نادر اننصدم : هاني اصفقني بكف بالله بس على خفيف لاتطلع حرتك فيني ..
ضحك طارق على أخوياه ونسوه شوي من اللي فيه ..
هاني يمسك يده لاجل مايرد له الكف وهو يضحك : أنت قلت صكني كف..
نادر : اصكك كف وتالي نسمع ..
وقف طارق : لاخلصتم عطوني خبر..
سحبه نادر وجلسه : أنت حسابك بعدين ..طارق جد راح تتزوج رتيل؟!
طارق ابتسم : آييه..
نادر : وهالشي صار خبط لزق ؟
طارق :نصيب ..
نادر : بالسالفة شي ؟!
طارق وقف وهو يمشي لغرفته : لا بس أنا أبغى البنت ..
نادر : توك طيب تبغاها ؟
طارق وقف وهو يلف : لا من مبطي , بس زين هالسالفة جات وإن شاء الله انها خيره لنا ..
نادر ابتسم وهو يقوم ويبارك له : مبببروك مبببروك منك المال ومنها العيال..
ابتسم : الله يبارك فيك ..
نط هاني : افا تبارك له وأنا مابارك للغالي..
لم صديقه : الله يوفقكم ..
طارق ابتسم له: اللهم امين ..
استأذن منهم ودخل لغرفته وهو ينسدح على سريره ويفك أزارر القميص بضيق وهو يفكر بالقرار وسرعته وكيف راح تتقبله رتيل وشخصيتها الصعبة , كيف راح يبلغ أبوه بالسالفة وكل أهله , كيف راح يأمن سكن ببريطانيا له ولرتيل صحيح الشقة له بس مستحيل يطلع ربعه وخاصة بأنه كلهم آخر سنه , غفى ولاحس من تعبه والليلة المتعبة له جداً اللي مرت فيه مع رتيل..
.
.
.
الرياض ..
الليل ..
ببيت جد سلطانة ..
انتظرت عمها إلين خلص من حكيه , وهي تناظر أبوها وهو يسألها : صدق كلام عمك ؟
سلطانة تناظرهم وهي كارهتهم لدرجة لاتعقل : آييه صحيح ..
عمها : شفت بنتك تعترف ..
رفعت حاجب : اكذب يعني ؟! .. آييه عايشه وحدي واشتغل ببنك واطلع للشغل من الصبح تسع ونص إلينا ربعه ونص العصر ..
أبوها : سلطانة احنا اتفقنا تعيشين عند جدانك ..
سلطانة : ادور راحه نفسي وراحتي اكون وحدي ..
عمها : لاجل تدجين براحتك ..
سلطانة : كويس دامك تعرفها لانك من أهلها ..
أبوها : سلطانة لاترفعين صوتك على عمك ..
سلطانة : اولا هالشي مايشرفني يكون عمي , ثانيا بدال ماينتقد ليته يقوم بواجباته تجاهه اسرته ويشتغل , ثالثا أنا حره نفسي ولاعاش هالكائن لاجل يتكلم علي ..
عمها عصب: سلطااانة ..
سلطانة : أعصابك طلع مرجلتك على حرمتك , (ناظرت أبوها) كيف تبيني اعيش بهالبيت وكله ازعاج وقلق ..
أبوها : بس مايعطيك هالشي تعيشين ببيت وحدك ..
سلطانة تناظر أبوها وتكلمت: أنت كنت موافق ..!
سكت أبوها ..
عمها يدافع : وهالحين رفض ..
سلطانة ناظرته ب اشمئزاز : أنت تعرف تسكت ..
جدها : اسمعوني كلكم سلطانة لا أحدن يحكي معها , بنتك مامشت بدروب المذلة وأنت تاركها وعايشين حياتك وأمها مثلك , بنتك عن عشرة رجال , افخر فيها ولافيها شي لو عاشت وحدها دامها ماغضبت ربها ..
جا عمها يعترض..
جدها : كلكم مالكم كلمة على سلطانة ..
قامت وهي تبوس راس جدها: عساني مانحرم ..
باست راس أبوها : لاتسمع كل راعي هرجة ببنتك ..
استأذنت منهم وطلعت عقب ماسلمت على جدتها ..
ركبت السيارة وهي تأخذ أنفاسها .. شوي وهي ببيتها ..دخلت نزلت عبايتها وهي تخلي شغالتها تسوي لها قهوة ..
أخذت القهوة منها وجلست تقرأ كتاب اعجبها كثير وهي تتناسى اللي صار ..!
.
.
.
ببيت جد كادي ..
عالجت جدها وتالي طلعت من غرفته ..
خالتها : الليلة محد راح ينام عندكم ترى ..
ضحكت وهي تجاريها : بس خالتي الحلوه وعيالها ومحمد ..
ضحكت خالتها : ضيوف حلوين صح ..؟
كادي وهي تضحك وبصدق: الله لايحرمني منهم بس ..
ابتسمت خالتها : ولامن كادي , الا كادي خلاص طلع الفستان ..
كادي : آيييه , تعالي شوفيه ..
دخلت لغرفتها وهي توريها خالتها ..
خالتها : ماششاء الله يجنن ..
كادي : آيييه اعجب جداني حيل , بس جدتي تقول انها تخاف من عيونهم لانه شوي ..
خالتها : آيييه بجد .. راح احصنك وجدتك مهيب مقصرة .. لكن محمد من يصده..
ابتسمت: كادي تصده ..
ضحكت خالتها : ينتحر علينا , كل شوي يقول خلوها تعجل بالملكة ..
كادي : خلاص هانت كلها يومين يصبر..
خالتها : طيب راح تحطين حنا ..
كادي : جدتي تقولي لازم احط وراح احط لاجلها ..
خالتها : آييه امي باقي على عرف القدامي ..
كادي تشيل ولد خالتها وهي تجلسه بحضنها وتسولف لخالتها عن الملكة ..شوي ومحمد يدق على خالته , سكرت خالته : يقول جوعان..
كادي : ماعنده الا شيبس وعصير تصبيره للفطور ..
ضحكت خالتها : هاتي ..
قامت كادي وهي تعطي خالتها وتالي اخذت لها ولعيال خالتها وخالتها ..
المجلس..
عطت خالته محمد وعيالها شبيسات وعصير..
محمد مبتسم : لو أني بزر..
خالته ابتسمت: خطيبتك تقولك تصبيره..
فتحته وهو يأكل : دامه منها اكل ومن عيوني ..
ضحكت خالته عليه : طيب اسمع نام أنت والعيال خلو السهر ..
محمد : ان ششاء الله ..
تركتهم ودخلت ل كادي وعيالها الصغار ..
.
.
.


.
.
رومانيا ..
براشوف ..
فز من نومه وهو بكاها ..
مساعد: اسسم الله عليك ..
تبكي وتتابع شهقاتها ب هلع مجنون : هالحين ممكن يجيني دراكولا ..
مساعد لمها لصدره وهو يغطيها معه : روحي أنتي هو انقتل ومات مستحيل يرجع ثاني ..
لمار تبكي :مكان القلعه يخوف أحسسه للحين فيه ..
مساعد وهو يجلس ويجلسها قباله : هو مات وقلته شخص تركي وحتى فصل جثته عن راسه ....
صرخت وهي تبكي وتسكته ..
ضرب على راسه : آسسسف أنا حمار دلخ اللي تبين بس لاتبكين حبيتي
يدينها على وجهها لمها لصدره وراسها تحت رقبته :حبيتي أنتتي لاتخافين شوفيني معاك , لاتخافين ..
كانت تتمسك في بجامته بقوة وهي تبكي بقهر وخوف ..احتواها زود وهو ينسدح وهي ب أحضانه ويقرأ عليها المعوذات والاذكار ..
.
.
.
بعد يومين ..
.
.
.
شقة سطام * الجوري ..
كانت تكلم مصعب ..
مصعب : ي روحي أنا , اهم شي بأنك مرتاحة ..
الجوري : آييه بالحيل ..
مصعب : يعني اتزوج ؟
ضحكت بحيا : آيييه , وبعدين معاك ي الدوب ليه ماتتزوج ؟
مصعب ابتسم : قريب إن ششاء الله , لكن اللي أبيها مابراسها زواج هالوقت..
الجوري: ليه ؟
مصعب: مدري والله .. تعبت معها تدرين تقدمت لها قبل سنة تقريبا وكانت آخر سنة بالجامعة ورفضت ..
الجوري : غريبببة ..مفروض توافق بس لتكون قلت تتزوجها بنفس السنة ؟
مصعب : لا قلت بالعطلة بس هي رافضة الزواج ..أبغاها ولاني متزوج غيرها..
الجوري ابتسمت : ي بعد قلبي تحبها ..
ابتسم : آيييه وأعشقها بعد , اذكر كنت اجي عندهم وهي صغيرة وتطلع لي وتجلس قبالي ونسولف لدرجة ننسى بأن اخوها معنا وكانت تطلع معي للبقالة ونروح كل مكان ,علقتني بنت أهلها ونستني ..
الجوري رحمته : ياقلبي أنت , إن شاء الله توافق وبعدين ارجع تقدم ثاني ..
مصعب : قريب إن شاء الله بس على الله توافق ..
الجوري : إن ششاء الله , أنت عطني خبر وراح أكلمها ..
مصعب استانس وعدل جلسته : جد بالله ؟
الجوري ابتسمت: آيييه حبيبي بس عطني خبر ..
مصعب : تدرين بأني خواتي رافضين قالوا وش تبي بوحده صدتك ..!
الجوري : دامك تبيها لاتفكر بأي حكي , فديتك والله آثر مصعب متعذب بالحب وساكت ..
ضحك : نصبر وأنا أخوك ..
الجوري : ونهاية الصبر خيره دوم ..آيييه مصعب تقدر تمرني ..
مصعب استانس زود : آيييه ..
الجوري: طيب تعال لاجل أبي توديني ملكة صديقتي وبنفس الوقت ودي أشوفك..
مصعب استانس : اجهزي طيب بمر أخذك نمر نطلع نسولف بأي مكان وتالي أدويك لصديقتك ..
الجوري ابتسمت : أنا جاهزة تقريبا ..
مصعب : أجل بمرك عطيني توصيف بيتك لان اعرف الحي لكن ماعرف البيت.
الجوري : آوك , لما تدخل الحي عطني خبر..
سكرت منه وقامت وهي تكمل تجهيزات نفسها , خاصة بإن سطام مسافر لجدة عنده شغل وقالها تطلع عادي بس المصيبة ماعرف بأنها راح تطلع مع مصعب..!
.
.
ببيت جد كادي ..
كادي وقعت وهي تحس آحساسيس مختلفه بداخلها , بعد فترة دخلوا جدانها أبو أبوها وأبوها أمها وخوالها وبعض أعمامها ..انحرجت كثير منهم وكان دخولهم مفاجئ بالنسبة لها , جلسوا معها جدانها وحدهم ..
جدها أبو أبوها : مبروك ي الكادي والله يوفقك , وأعمامك لاتزعلين منهم لانهم ماجاو لكن تخبرين السالفة وزعلهم ولالهم حق بالزعل واشهد بأنه عقب تصرفك ارتاح قلبي عليك وعرفت بأنك تريبة رجال ..
ابتسمت لجدها وارتاحت بأنه مازعل ..
طلعوا جدانها ومامداها تأخذ أنفاسها الا خالاتها وجداتها داخلين بس كان معهم محمد ,ابتسم بهدوء وهو يشوف ملهمه فكره جالسة قباله بفستانها الفخم بلونه الغريب والجميل جداً ,ماسك على جسمها من فوق ومن تحت مأخذ الطابع لفساتين الخطوبة مع حركة معطيته طابع آخر من الجمال والروعة ,كان ترفعه من جهه الصدر وهي متضايقة ومحرجه بأنه كت ,جلس جنبها وهو مستحي من الكل والا كادي أسعد مايكون بهالكون هو وهي زوجته وجنبه ..
أمه وهي تعطيه الشبكه : لبسها يانظر عيني , الله يوفقكم ويبلغني فيكم ..
لبسها الدبلة وابتسم على رجفة أصابعها همس لها : مبرروك ..
بهمس : الله يبارك فيك ..
حسوا بجدتهم وهي تساعده يلبسها العقد , ابتسمت بحب لجدتها وهي تسمي عليها وتندق وهي تقرأ عليها الاذكار ..
خالتهم نزلت ولدها وتقدمت لهم وهي تضمهم اثنينهم : حبايب خالتهم الله يوفقكم ويسعدكم ..
ابتسم محمد وهو يبوس راس خالته وبحب لها على لمته وحبيبه قلبه ..
بعد فترة طلع الكل وتركهم وحدهم ..جلس جنبها : ممكن لو قلت لك شعوري بهاللحظه أكون ظلمت آحاسيسي اللي تحمل لك شي صعب جداً أي شخص يتخليته , بس أبي أقولك بإنك كنتي حلم والحين الحمدلله نلته والله يقدرني وأسعدك ..
كادي :والله يقدرني وأكون لك الزوجة اللي تحلم فيها ..
رفع كفها وهو يبوسها : وهذا العشم ..
مامداه يكمل الا خواله الصغار داخلين سلمان والوليد ..
الوليد يضحك : أدري ثقيلين دوم بس الكادي لازم نبارك لها ..
ضم بنت أخته : والله فرحت لكم مبروك يانوراة هالبيت كله ..
ابتسمت لخالها : الله يبارك فيك خالي ,عقبالك ..
خالها اتسعت ابتسامه: آميين ..
ابتسمت لخالها سلمان لمها بطريقة غريبة تضايقت منها كثير بس حست بيد تسحبها بهدوء ..
محمد وهو يقرب كادي لجنبه : لو سمحتم زوجتي ترى ..
ضحك الوليد : ياليل تراها بنت اختنا ..
محمد يضحك :وهي زوجتي ..
سلمان يناظرها بقهر , طلع من الصالة الداخلية وهو ضايق من الدنيا بكبرها..
محمد عقد حواجبه : ليكون زعل لاني سحبت كادي منه ؟
الوليد : لا , اليوم كله نفسيته زفت , تلاقيه متهاوش مع أي أحد ..
الكل مشت عليهم حركة سلمان الا كادي , تنكد عليها جزء من ليلتها..
انتبتها بأنهم وحدهم , ابتسم لها : راح اطلع الحين وراح ادق عليك الليلة لان رقمك معي أخذتها قبل الملكة بساعات من خالتي ..
ابتسمت له بحيا على حركته ..
طلع وشوي بدخله صديقاتها والكل , نست معهم حركة سلمان وتفكيرها فيه ..!
.
.
.
كانت أحوال الصديقات هنا وهنالك سواء , ولكن شتان بين الفرحتين ..!
.
.
.
بريطانيا ..
شقة مشاري ..
من رجعت من السفارة السعودية وتزوجت طارق هنالك وهي تحس بضعف مجنون مخيم عليها ومسكرة على نفسها باب غرفتها ..
رجع مشاري من المطار عقب ماودى أبوه وسافر للسعودية ..
سأل ديم : وين رتيل ؟!
ديم بضيق على حال رتيل المتردي : بغرفتها ..
مشاري: طيب أكلت شي ؟
ديم : لا , حاول فيها تأكل من هالسالفة ماذاقت الأكل ..
فك جاكيته وهو يرميه على الكنبة : بروح لها ..
دق باب غرفتها ومافيه أي تجاوب منها ..
مشاري : رتيل افتحي أبوي سافر خلاص مافيه عليك خوف ..
ماردت ولافكرت تفتح الباب ولاهمها سفره من عدمه دامه لبسها ثوب مهوب ثوبها وركبها الجرم وهي برئية منه ..
مشاري دق الباب ولافتحت ..
ديم تناظره وهو يجلس بضيق وهم :طيب كلم طارق تراه بنفس السالفة يمكن تتفهم معه السالفة ..
مشاري: خليه المسكين الولد أكلها ولا له ذنب , رتيل حسستني وهي توقع على عقد زواجها كأن اعدام لها وهالشي لاحظه طارق..
ديم حست ب احتياج مشاري لها هالفترة أي من أي فترة مضت , قامت من مكانها وهي تجلس جنبه وتومي براسه لصدرها وتهديه :حبيبي تأكد بأنها ماضاقت الا لتفرج ..
تشبث ب أحضان رفيقة دربه وهو بحاجتها كثثير لاجل تخفف عنه مافيه ..
جلست تقرأ عليه بعض آيات الهدوء والسكينة الين غفى مع همومه وضيقته..
(هو الذي أنزل السكينة في قلوب المؤمنين ليزدادوا إيماناً مع إيمانهم ولله جنود السماوات والأرض وكان الله عليماً حكيما) الفتح آيه 4
.
.
.
شقة طارق وربعه ..
هاني : راح تأخذها ؟!
طارق : آييه ..
نادر : مافيه زفه ولا شي ..
طارق يناظر أخوياه : أبوها الله يسامحها كسرها بس أنا الحين بروح لاجل اتكلم معها أهم شي بأنها تطلع من حالتها النفسية السيئة ورانا اختبارات وبحث تخرج مابي النفسية تخرب عليها طموحها ..
نادر يصارح طارق باللي بباله : تدري بأني كنت متأكد بإن زواجكم فيه سالفة ..
ابتسم طارق : الله ييسرها ..
هاني : طيب بجد انت تبي البنت ؟!
طارق هو مبتسم : أحد يعاف رتيل , آبيها كنت أتمنى تكون ظروف زواجنا غير هالشي ..
نادر وهو يحط المخده على وجهه ويبتسم باحراج : عاد انسى الملاسنة بيني وبين حرمكم المصون ..
ضحك طارق من قلبه على كلام خويه ..
هاني :هههههههاااي أوما والله وتذكرت هالحين عاد ماتقدر تسب فيها ..
طارق بعده يضحك وهو يناظرهم وهم يتذكرون مواقفهم مع رتيل وهواشهم الدائم..
جلس معهم شوي وتالي قام بدل وطلع ل رتيل لازم يتكلم معها بأي وسيلة ..
.
.
.
الرياض ..
بيت جد كادي ..
الوليد : ياخي وش تبي من بنت أختي ؟
محمد :ي ليل النكد , خالي تكفى تلايط ..
الوليد يضحك وبنحاسة : آها بس , ماعاد أنت بشايفها الا بالعرس..
محمد : رح بس , خل نذكرك قبل ماتسافر بخير..
الوليد :راح تفقدوني ..
محمد يجاريه :آيييه الله يصبرنا على هالشهور اللي راح تطس فيها..
نادته جدته : تعال يامحمد ..
محمد :هع هع
مشى لجدته وهي تعطيه العشا لاجل يتعشى ..
الوليد: الله لنا يمه ..
امه ضحكت : تعال تعشى مع محمد , لكن محمد يستحي وجده يقول ماتعشى كان مع كادي ..
جلس الوليد وهي يتعشى معه وجننه ..خلص عشا ونادى الوليد :تكفى تكفى نادى كادي ودي أشوفها قبل ماروح ..
قعد يستنذل : لا ..
جات خالته : محمد تبي تشوف كادي ؟
محمد وهو يمشي لخالته : طلبتك .. هالنذل رافض لي أشوفها ..
ضحكت خالته : الوليد ياشينك راح يستقعد لك نسيبك لما تتزوج ..
ضحك وهو مسوي خايف ينرد له الدين وطلع لغرفته ..
شوي وطلعت كادي لمحمد ..
ابتسم وهو يعدل شماغه ويشوفها : هلا قلبي تأمريني بشي..
كادي كانت محرجة منه : سلامتك ..
محمد : ي قلبها اللي تبي سلامتي , بدق عليك ردي علي نهاية رقمي 10
ابتسمت وببالها كم مره قالها ترد عليه ..
محمد وهو يناظره : طيب بروح ..
رجعت شعرها وماسكه نفسها لاتضحك : بحفظ الله ..
ابتسم وهو يطلع من حوش جدهم ..سكر الباب وضحكت : الله يحفظك ..
كانت داخله وماحست الا بيد تسحبها للظلماء وهو عاجزه عن أي صوت بسبب كتم فمها ..
.
.
.

[lost girl]

البارت العاشر ..

لفت وهي تشوف خالها سلمان صرخت فيه ,عقب ماصب الخوف بكل عروقها: خييير وش ذا ؟!
خالها يبكي : الحين فرحانة تزوجتي ؟
كادي بصوت قد ماتقدر يكون واطي : ي غبي أنا بنت أختك وأنت خالي مسستوعب هالشي أو مخك المريض مابعد يستوعب ..!
خالها جلس وهو يبكي : مهوب بذنبي أني أحبببك , أحببك والله ياكادي , حاولت أشوفك بأنك بنت أختي بس ماقدرت , حاولت أحبك الحب المباح مثل الكل بس ماقدرت ..
وقف وهو يشرح لها ب يأس واضح : ماقدررت ماقدرت ..
كادي بصدمة أكبر : موب شغلي (سكتت شوي وهي تستوعب وبهدوء مسكت يدين خالها ) خاالي ارجع لله وقوي علاقتك فيه لان اللي يصير حاليا بسبب قله إيمانك ..
تركت خالها وهي مخنوقة ..جلس وهو يبكي هالحال بإلم وقهر وضيم وتبرم على كل شي بحياته ..!
الصالة ..
خالتها : كادي شفيك ؟
كادي ابتسمت : لا مافيني شي , أدور الفراش ميييته نوم ..
خالتها : حتى أنا ماصدقت خمدو عيالي وبروح انوم ..
طلعت كادي وخالتها لغرفة كادي , شالت معها ولد خالتها الصغير وهي تحطه على السرير معها ..
جلست تسولف هي وخالتها وشوي ويدق جوالها : آآه محمد ..
خالتها : ردي ..
ردت عليه , وخالتها قاطه معها ..
محمد : حبيبتي فيك شي ؟
كادي : لا ..
محمد حس بصوتها ضيقة : الأ فيك شي , أحد ضايقك ؟ أعمامك سوو لك شي؟
كادي وهي تجلس : آممم لا .. (ب ابتسامه وهي تناظر خالتها) فيني نوم ..
ارتاح : طيب حبيتي اجل ديري بالك على حالك ..
كادي وهي تلعت بشعر ولد خالتها النايم : وأنت بعد ..
ابتسم : آن ششاء الله , ي الله تصبحين على خير ..
كادي : وأنت من أهله ..
سكرت منه ..وهي تناظر خالتها وتنسدح : تدرين خالتي آحس للحين موب مستوعبة صرت زوجة ل محمد ..
خالتها وهي تعدل ولدها : ولاهو , كادي ترى محمد يحبك وطيب كثير..
ابتسمت كادي : و أنا بعد أحبببه عسسى الله يخليه ..
ابتسمت لها خالتها ..
.
.
.
بريطانيا ..
شقة مشاري ..
طارق وقف : طيب ممكن أدخل لها ..
مشاري وهو يوقف معه : على الله تفتح لك , رافضة حتى تتكلم مع أي أحد , خذ راحتك ..
دخل مشاري لغرفته وتقدم طارق وهو يدق الباب : رتيل أنا طارق ..
ماتوقعتها تفتح له ابداً وبوقت قياسي , ذهل بشكلها المتعب ..!
طارق هو يناظرها : ممكن أتكلم معاك ..
مشت معاه للصالة وهي تجلس وهو مقابلها ..
طارق جلس فترة وهو يناظرها وشوي يكسر عينه ومقدر اللي مرت فيه : أتوقع اقدر اتكلم معك ؟
رتيل وهي تناظره : آولا اعتذر لك عن تصرف أبوي , ثانياً(سكتت للحظات وهي تقولها بشعور ماتوقعت تجربه ابدا) طلقني ..
سكت طارق وهي تناظره لما شافته طول بالسكوت : آنطقها ..
طارق : آنطقها ليه وأنا آبيك ..!
رتيل تحولت نظرات الامبالاه إلى شي ثاني : والحب يجي بين عشيه وضحاها ؟!
طارق يناظرها وهو يفرك يدينه: ماعتقد بشرعنا شي آسمه اصرح لك بحبي قبل الزواج ولاهوب جايز هالشي , وأنا جيتك بشرع ربي ..
رتيل : طارق لاتلعب على نفسك وعلي , من متى تعرفني لاجل تحبني ؟!
طارق : الظاهر ناسيه بإننا زملاء من 4 سنين ؟!
رتيل : اعتقد هالسنة بس تعمقت العلاقة ..
طارق: عندك .. بس أنا أعرفك من وقت , ماعلينا رتيل خلينا بهالوقت صرنا زوجين فأفضل حل لنا بأننا نحترم هالعلاقة ..
رتيل تناظره : طارق بلاش نلعب على آنفسنا طيب ..
طارق ب استغراب : ب وشو ؟
رتيل : بزواجنا وتقبلنا لبعض ..
طارق : أنا متقبلك ..
رتيل تأخذ آنفاس وهي ترجع تناظره : أنت انجبرت بطريقة أبوي الخاصة , تقدر تقولي شلون راح تبلغ أهلك ؟!
ناظره شوي وبهدوء : مضايقك هالشي؟
رتيل: أكيد ..
طارق: لاتخافين اهلي ماراح يكونون عقبه بطريقنا .. كلهم يتمنون لي الراحة وراحتي معاك ..
رتيل وهي تناظره : كأن اللي بيننا قصة حب عظيمة لاجل تقول راحتي معاك , طارق مالي فترة من عرفتك وحتى كله دراسة ليه تظلم نفسك معي ؟!
طارق بهدوء وتساؤل : بقلبك أحد ؟
رتيل بثقه : لا , موب معنى بإني متضايقة من طريقة زواجنا معناها بإني أحب غيرك ..!
طارق براحة : أجل خلينا نتقبل بعضنا ..
رتيل تناظره بهدوء وضيقة من كل شي ..قام وهو يجلس جنبها ويبوس راسها : رتيل يمكن كل اللي صار لنا خيره ,خلينا نعطي أنفسنا فرصة ..
تناظره بنفس هدوئها ..
طارق جات اللحظه اللي محتاج يسمع ل رتيل رأيها : رتيل تجين معي الحين ؟!
بنفس الهدوء وتناظره ..
طارق ابتسم : خلاص بعد مانرجع الرياض نسوي عرس بأذن الله تعالى دام هذا رأيك ..
رتيل برأي غريب : لا , مابي عرس ولا شي , عقب الاختبارات راح أجي معاك ..
طارق وهو يعطي نفسه الحق بلمس وجهها بهدوء :بس أنا أبيك تلبسين الأبيض ..
رتيل ماعلقت على حركته ولا أصدرت رده فعل : المهم أنا .. وأتمنى أذ بخاطرك أجي معاك الحين تعطيني خبر لاني زوجتك وأقل شي ممكن أقدمه لك عقب حركة أبوي بإني أكون معاك
طارق وهو يوقف ويوقفها معاه : أبيك ب الأبيض , أبي الكل يزفك لي ويشوفون كل أهلنا طارق ورتيل ..
باس راسها وهو يقول : نامي وأبي هدوء أعصاب تام ورانا اختبارات مانبي أحد يتلف مستقبل كلفنا عمر كامل وسهر وشقى , نبي نكون ثنائي غير وأحنا قدها ..
تركها وطلع وهي تمشي بهدوء لغرفتها , ارتسمت شبه ابتسامه لشفايفها عن طارق وحكيه وشخصيته وإسلوبه ,حطت نفسها على السرير وهي تغطي نفسها وتفكر بحكيه وخياله يرتسم لها ماشدها له كثر إسلوبه الراقي ..
دق باب غرفتها جلست وهي تقول لاخوها يدخل ..
دخل مشاري وكان متأزم وهالشي وضح عليه من ملامحه وضيقته من ضيقتها وإلمها وجرحها ..جلس على كرسيها الداور ووهو يناظرها :شخبارك الحين ؟
رتيل تناظر أخوها ومشبكه يدينها ببعضها وبهدوء : تقريبا انحلت المشكلة ..
مشاري يناظرها ومستغرب حكيها : شلون؟
رتيل تأخذ نفس وهي تعدل شعرها : آمممم ماعرف بس يمكن خيره للحين ي مشاري مشاعري تمر بحاله تبلد إليم , أبي افوق منها زين وتالي أقدر احكم على مشاعري تجاهه هالسالفة ..
مشاري سكت شوي وهو يناظر يدينه وتالي رفع عيونه لاخته بضعف واضح تجاهه موقف أبوهم معها : ماقدرت امنع هالشي أبوي حطنا كلنا امام الأمر الواقع..
قامت من سريرها وهي تناظر أخوها وتجلس على ركبها قدامه وهي تمسك يدينه وتبوسها : ي تاج راسي ,قالها طارق لي وبقولها لك يمكن خيره لنا كل اللي صار..
حط راسها على فخذها وهو يلمس شعرها بهدوء وبحنان : أتمنى ذلك ..
.
.
.

الرياض ..
دخل سطام على الفجر لشقته نزل الشنطة الصغيره بالصالة وهو يأخذ كوب ماي ويشرب وتالي دخل للغرفة وشافها نايمة , نزل شماغه وثوبه ودخل لاجل يأخذ شاور ,صحت الجوري من الحركة بالغرفة شافت الغترة المرمية على السرير والثوب , لمت شعرها وقامت عقب ماتأكدت بأنه سطام جا , حبت تحضر له خفايف ويأكل إلين يأذن الفجر .. دخلت للمطبخ وهي تحضر له صبت العصير بالكأس وهي تحس ب احتواء شخص سرت حرارة بجسمها وهي تلف له : الحمدلله على السلامة ..
ابتسم وهو ينشف شعره : الله يسلمك .. شخبارك ؟
الجوري :الحمدلله ..
شالت الصينيه وطلعوا للصالة ..
سطام : تسلم يدك كنت جوعان ..
ابتسمت: بالعافية ..
سطام :الله يعافيك .. كلي معي ..
الجوري: الحمدلله ..
سطام : ليه ؟
الجوري: مالي نفس لان توني صاحية ..
جلس يأكل وهو يسرق لها النظر كل شوي وهي تشوف التلفزيون تذكر وسألها : تعالي مين وداك للملكة؟
الجوري بضيقه من سؤاله لان راح يخلف لها مشاكل : مصعب ..
رجع يناظرها ونزل الساندوش من يده وبنظره عدم رضا ..
الجوري حست بسكوته وناظرته ..
سطام بعصبيه خفيفه : ليه طلعتي معه؟!
الجوري :عادي ..
سطام : لا مو عادي ..
الجوري وقفت وهي تبي تنهي الجدال : اعتقد اتفقنا على علاقتي مع مصعب ووافقت ..
سطام يمسك كفها بعصبيه : الجوري ليه انتي غبييية ..
الجوري تفك يده : علاقتي معاه غبيه .. فكنا بس .. متسوعب هو ولد زوجي ...
قاطعها بعصبيه مجنونه وهو يوقف وبغيره : لاتجيبن طاري رجال غيري قداااامي فاهمه .. أدري بإنك كنتي متزوجة من قبل مايحتاج تعلميني ..
الجوري تناظره ..
سطام يقرب وجهه منها ويجرح أكثر : كل مره وكل لحظه وكل نظره مني لك اتذكر بإنك كنتي مع غيري كل شي لنا مع بعضنا اتخيلك مع غيري ..
نظرات امتزجت بدمع بعيونها وهي تناظره وهو يتكلم ..
سطام : أكره واقع بأن كان بحياتك رجل غيري وأكرهك كذلك ..
فكت كفها من يده وهي تشيح بالنظر عنه : أدري .. خلصت حكيك ؟
سطام يجرحها أكثر : مسويه راح تهميني لو زعلتي ..لا فوقي لنفسك زين مايملأ عين سطام بقايا غيره ..!
صرخت فيه : أدري والله بكل اللي بخاطرك .. لاتعلنها لي وتجرح بالحكي زود ..(هدت للحظات وعيونه ترقب فتنه الكون والدموع بعيونها ورجعت كملت حكيها بهدوء نسبياً) ماتهمني ولا راح تهمني تأكد بس من هالشي ..
دفته عن طريقها ودخلت للغرفة وهي تصك الباب وتجلس على السرير وهي تضم نفسها وتفرغ كل دمعة رفضت تنزل امامه , كل قهر بصوتها ماطلعتها , كل حكي ماقدرت تقوله أكثر بوجهه من تعبها وضيمها منه ..فتح الباب وهو يتقدم لها وبعصبيه : اسمعيني مصعب الزفت انسسيه فاهمه ..
أخذ بوكة والمفاتيح والبي بي وطلع من الغرفة والشقة كلها ..
رمت جسدها على السرير وهي تحط يدينها على وجهها وتبكي بصوت مسموع وتندب حظها وحياتها ..!
.
.
.
اليوم الثاني ..
شقه الشباب ..
صحى سطام العصر من نومه وطلع ل ثامر كان متمدد بالصالة ..توه راجع من شغله ..
سطام وهو يفتح الثلاجة ويأخذ عصير : صلو العصر؟
ثامر : آييه ..
ماحب ثامر يسأله بس سطام باين عليه متضايق من تقطيبه حواجبه ..
مشى ووضى وصلى العصر وتالي أخذ العصير وشرب منه وهو يتمدد على الكنبة : آمس طلعت معه ..
كان شاك بالسالفة ثامر وقف وأخذه معاه وطلعوا من الشقة ..
بسيارة ثامر ..
سطام : ليه طلعنا ؟
ثامر : ناسي بإن العيال نايمين وممكن أي أحد يصحى ..
سطام وهو يرجع المرتبة لورى : قهرتني , آمس وصلها لملكة صديقتها وآكيد جلست معاه لوقت ..
ثامر وهو يوقف للأشارة : بسألك أنت سمحت لها بإنها تبقى علاقتها معه ؟!
سطام يناظر السيارات: الا ..
ثامر : والمؤمنون عند وعودهم ..
قال تعالى:{ يَا أَيُّهَا الَّذِينَ آَمَنُوا أَوْفُوا بِالْعُقُودِ}[المائدة:1]
قال تعالى:{ وَأَوْفُوا بِالْعَهْدِ إِنَّ الْعَهْدَ كَانَ مَسْئُولًا}[الإسراء:34].
قال الله تعالى: {يا أيها الذين آمنوا لم تقولون ما لا تفعلون * كبر مقتاً عند الله أن تقولوا ما لا تفعلون
سكت ..
ثامر : دامها مهيب مقصره معاك لاتحرمه منه , وصدقني لامنك أحتويتها راح تنسى مصعب والكل غيرك ..
سطام : قلت لها بإني أكرهها ..
حرك ثامر من الاشارة وناظره للحظه: يعني من قل جروحك لها من أول وتزيدها هالمسكينة .. دامك تكرهها طلقها ..
سطام يتوهان : ماكرهها .. بس مابي أحد يدخل السعادة لحياتها غيري..
ثامر ويده على القير وبعتب : وش هالانانية ياخي ؟!!
سطام يناظره : سمه اللي تبيه بس أنا كذا .. ي أني اسعدها وحدي أو تتعذب ..!
ثامر وهو يوقف قبال المطعم : انزل وتالي تنفاهم ..
نزلوا لاجل يتغدون ..
سطام وهو يجلس ويناظر ثامر وهو يطلب لهم غدا ..
خلص ثامر وناظره : آيييه قلت ي أنك تسعدها أو تتعسها ..ليه ي خوك كذا ؟! ماخبرت بإن فيك هالصفه البشعه ..وين حب الخير والتسابق فيه لنا ولغيرنا والتنافس مهوب حصر أفعال الخير لنا وحدنا .. خل سعادتها تجي منك ومن غيرك ..
سطام : لو جات من غيري ماراح تحس فيني ..
ثامر : لو أعطيتها قلبك ووكل ماتملك ووقفت عن جرحها (شدد على أسنانه وهو يقولها من ثاني ) ماعاد تجرحها ماراح تحب كثرك لان أحتواء الزوج غير ..
سطام يفكر بكلامه ..
ثامر : أذا ماتبي البنت أو بتقعد تجرح فيها دوم أو تحرمها من اللي يحبونها أتركها بحال سبيلها وأرجع ل أمجاد ..
سطام السكوت والتفكير مأخذين باله ..
ثامر : ف رفقاً بالقوارير ي صديقي .. تراهن وصيه الرسول صلى الله عليه وسلم ..
جا الجرسون ونزل الغدا , جلسوا يتغدون وسطام شوي يأكل وشوي يسج كل تفكيره فيها وب آخر حكيه لها وشلون جرحها ومامدى عدآ آسبوع من وعده لها والحين جرحها وتمادى بجرحها ,نبهه بصوت من إعماقه بإن آحساسك ووعدك لها كان شفقه بها موب حب ..ناظر ثامر وهو يقوله باللي بخاطره : أنا ماحبها بس آشفق عليها جداً .. تصرف أبوها بحق حياتها الخاصة بشع جداً مخليها سلعه رخصيه كل ماطلبها أحد للزواج عطاه إياها ..
ثامر يناظره : أعرف بإن اللي يشفق مايجرح ويكون قمه بالحنان والرقي ..
سطام : بس ماحبها لان قلبي ل بنت خالي ..
ثامر عصب من خويه : واقسم بالله مالك داعي ياخي خاف ربك فيها والله راح تسأل عنها ..
سطام : ثامر اهدأ ..
ثامر تعوذ من إبليس ورجع يناظره : أنت تخلي بالواحد عقل خاف ربك فيها كانك ماتبيها أتركها ..
سطام : لا منيب تاركها .. بعوضها ..
ثامر : أنت عقبه وعذاب بطريق البنت مب معوضها عن شي ..
سطام شد على كف ثامر الزعلان من منه وابتسم : لا وعد آغير إسلوبي معها وبعد مانتغدا بروح وأراضيها ..
ثامر ابتسم : تكفى موب لاجلي لاجلك ي الغالي ..
سطام وهو بعده مبتسم : إن ششاء الله ..
.
.
.

.
ببيت جد كادي ..
دخلت ل محمد :هلا ..
محمد ابتسم بشوفتها : هلا بك زود ..
مدت كفها وسلمت وتالي جلست على طرف الجلسة الشعبية ..
محمد يحك طرف خده وهو يقوم ويجلس جنبها ويقطع الكلمة ل حروف وهمس : و ح ش ت ي ن ي ..
ابتسمت له وناظرته بخجل ..
محمد وهو يمسك آصابعها ويشكبها مع أصابعها وتداخلت بعضها وهو يناظرها ب عشق : ودي أغمض عيوني هاللحظه والاقي الزفة خالصة لاجل أجلس معاك متى متى بغيت وآسكن معك وفيك وبكلك ..
كادي ابتسمت له : أنا زوجتك هالحين طيب مايكفيك هالشي ؟!
محمد وهو مبتسم : لا .. أبيك ننام وننصحى سوى أبي نأكل كل الوجبات سوى أبي تبخرني كفك قبل كل صلاة جمعة مع جدي أبي آشششششياء كثيرة .. محمد ي نور عينه طماع ..
ضحكت بخفيف ..
ضحك معها وهو يتمم : ي جعلني في حناياك ..
ابتسم له زود : ومن غيرك يسكن ب أقصاها ..
ضحك بقوة وهو يبوسها بقوة ويرجع يضحك ب فرحة : والله منيب مصدق بإني اسمع هالحكي من معشوقتي .. يااااه ي كادي أحبك حب مايعلم فيه سوى الله ..
ابتسمت ونزلت راسها ..
محمد يوثق يدينهم أكثر : تجين نطلع ؟
كادي : وين ؟
محمد : أي مكان تختارينه ..
كادي : وجداني ؟
محمد : أكيد نأخذهم معنا ..
كادي : آممم خل نسألهم ..
وقفوا وقاموا لجدانهم ..
محمد وهو يجلس قبال جده : جدي خل نطلع تنعشى ..
جدهم : وين ؟
محمد يناظر كادي ويسألها : كادي وين نروح ؟
كادي جالسة جنب جدتها : ماعرف اماكن كثير اختار ..
محمد : أجل نطلع نتعشى ب مطعم ..
جدهم : مالي قدرة بالطلعه ي جدكم لكن اطلعوا استانسوا وكأننا معكم ..
كادي ماحبت تترك جدانها وحدهم بس سكتت لاجل مايضغطون عليها تتطلع ..
محمد : براحتكم ولو إنه كان ودي تطلعون معنا ..
جدتهم : استانوا وانتبه يامحمد على كادي ..
محمد ابتسم وناظرها : إن شاء الله ..
قامت كادي لاجل تحضر القهوة وجلس محمد شوي ولما شاف جدانه لاهين مع التلفزيون قام لها المطبخ لفت وهي تشوفه ..
محمد : عقب ماتنقهوى نطلع ..
كادي : آمم لا .. ماقدر اطلع واترك جداني وحدهم ..
محمد تقبل القرار ولاجادلها : اللي يريحك ..
دخل خالهم سلمان ناظرهم وسلم على محمد وجلس : كادي أبي غدا ..
سخنت له باقي الغدا وعطته بيبسي ..
جات تشيل القهوة شالها محمد عنها وهو يبتسم لها ..
خالها : كادي أبيك شوي ..
ناظره محمد : شبغيت فيها ؟!
سلمان : أبيها ..
محمد : آييه شتبيها فيه ..
سلمان يخزه : يقولون بأنها بنت أختي ..
محمد بسعه صدر : طيب لاتزعل .. كادي ماراح اتقهوى إلين تجين ..
ابتسمت له وطلع من المطبخ ..
جلست وهو تناظر خالها : هلا خالي ..
سلمان : شوفي لي صرفة أنا مقدر اتحمل أكثر من كذا .. ومحمد ماله شغل بعلاقتي معك ..
كادي : خالي تراه ولد أختك ثانيا زوجي ويحق يسأل ..
سلمان يأكل ببرود : لا مايحق له لانك حبيتي ..
كادي :معليش خالي أنت واحد مريض ..
وقفت واستوقفتها كلمته وعورتها بقلبها حيل ..
سلمان : أجل دامني مريض ماينشره علي ..
طلعت من المطبخ وهي تتسانى والخوف بدأ يتسرب بدواخلها أكثر من ناحيه خالها وجنونه ..
.
.
.
بيت سلطانة ..
طلعت من الشاور الطويل عقب الدوام وكانت مستعدة تنام عقب صلاة المغرب.. بس تفأجات من الشغالة بإن امها تحت .. نزلت وكلمت الشغالة تجيب لامها شي تشربه ..
باست آمها وجلست مقابلها : طلبت دامه بيت بنتي ..
ابتسمت سلطانة ..
آمها : طبعا متفأجاه من زيارتي لك الحين ..
ماعلقت سلطانه بأن تعبير واكتفت تناظرها تكمل حكيها ..
آمها : الليلة في عرس بنت وحده من صديقاتي وأبيك تجين معاي للعرس خاصة بإن فيه وحده تبي تشوفك عندها ولدها دكتور ماششاء الله وتوه راجع من آمريكا وتبي تخطب له ..
ضحكت بغرابة على حكي آمها ..
آمها تجاهلت ضحكتها : عاد أنا حجزت كوفيرآ وجبت لك فستان معاي ..
نزلت الشغالة العصير .. وآخذت آمها تشرب منه وهي ننتظر بنتها تقوم تجهز ..
آمها : ي الله قومي ..
سلطانة من غير آي مقدمات : موب رايحه ..
آمها وقفت شرب عصير ونزلت الكأس : الا راح تروحين ..
سلطانة : زواج انا شايلته من راسي , واسلوب الاستعراض آمام امه لاجل ترضى طال عمرها تزوجني ولدها آسلوب غبي وفيه قله كرامة كيف ترضينه على بنتك .. وآعراس بكبرها ماسبق ورحت ..
آمها وقفت وهي تهاوشها : آنتي وبعدين معاك .. ها .. الا راح تقومين الحين وشعرك راح آسوي له وصل لاجل يبان طويل أكثر .. وميك آب راح تحطين ..
سلطانة آستوقفتها كلمة( وصل شعر) : آوصل شعر ؟! يمه موب عارفه بإن حكم الشعر للوصل حرام وصاحبته تلعن ..
آمها تتجاهل : لالا ماعليك ..
سلطانة خرجت عن طورها ووقفت : لالا علي والف بس .. هذي سنه الرسول صلى الله عليك وسلم كيف ماعليك تدرين بإن من خرج عن سنة محمد كافر..!
روي عن النبي صلى الله عليه وسلم أنه { لعن الواصلة والمستوصلة ، والنامصة والمتنمصة ، والواشرة والمستوشرة . } فهذه الخصال محرمة ; لأن النبي صلى الله عليه وسلم لعن فاعلها ولا يجوز لعن فاعل المباح . والواصلة : هي التي تصل شعرها بغيره ، أو شعر غيرها . والمستوصلة : الموصول شعرها بأمرها ، فهذا لا يجوز للخبر ، لما روت عائشة رضي الله عنها { ، أن امرأة أتت النبي صلى الله عليه وسلم فقالت : إن ابنتي عرس وقد تمزق شعرها ، أفأصله ؟ فقال النبي صلى الله عليه وسلم : لعنت الواصلة ، والمستوصلة . }
سكتت آمها وهي تشوف بإن سلطانة على حق ..
سلطانة : عيشي يمه اللي تبينه ببلاد الغرب وانسي بنتك بس لاتنسين دينك .. ترى الغرب لامن جاوا هنا أكثر من يستمسكون بدينهم وعاداتهم وتقاليدهم ..
آمها عصبت : اسمعيني ماجيت هنا لاجل تعطيني مواعض .. ي الله روحي اجهزي ..
سلطانة : موب طالعة ..
امها بعصبيه: أنتي وبعدين معااااااك ؟! ها .. ي الله اجهزي..
سلطانة جلست وهي تتعوذ من أبليس وساكته ..
آمها : قومي ..
سلطانة : يمه موب رايحه ..
آمها ب آشد عصبية : لاتقولييين يمه .. هالاسم لا تنطقينه .. دامك ماتطيعني ..
سلطانة تناظرها : أنا اشوف صالات الافراح من عقب سعود الله يرحمه مقابر كيف تبيني آروح لها ..
آمها تصرخ فيها : ويعني آخوك مات .. ترى لو مات مهوب أول من يموت ولا آخرهم .. خليه يريح ويستريح , وبعدين عندك آخوان غيره مهوب هو بس ..
تجمعت دموع بعيونها وهي تناظر آمها تتكلم عن سعود كذا ..
آمها : آيييه ماااات خلاص تحللت عظامه وأنتي بعدك حزينة عليه بلاش كذب ومرض وزيف ..
سلطانة ماتحملت أكثر وطلعت لغرفتها وهي تصك الباب وتجلس وراه وهي تبكي وتحط كفها على فمها لاجل تخفي صوت بكاها من عقب حكي آمها عن سعود..
.
.
.
شقه سطام ..
دخل لشقتهم وماسمع أي همس ولاحركة بالشقة مشى لغرفتهم فتحها وشافها نايمة ,تقدم وجلس على السرير ضاق من نفسه من شاف حمره أنفسها وآطراف شفايفها وشعرها الماسك بوجهها من الدموع ..
بعد شعرها عن وجهها وحست فيه غمضت عيونها وتالي فتحتها وجلست وهي تبعد عنه بزعل واضح ..
سطام يبلع ريقه وهو يسمي عليها بداخله ..
قامت عن السرير وهي يناظرها وهي تدخل تغسل .. جلس على البي بي إلين طلعت ..
ناظرها وقام لعندها بس انصدم بأنها تصده ..: جوري ..
الجوري تناظره: لو سمحت بعد ..
سطام بعناد أكبر يقرب لها : هاتبين أبعد أكثر ؟
الجوري تبعد عنه ..
سطام يحوطها ويقرب منها بجنون : والحين ؟
الجوري تساقطت دموعها وسكتت وهي كارهته وكارهه أكثر تصرفاته ..
سطام تأثر من دموعها وظلمه لها وتعذبيه : خلاص ي الجوري فكيتك ..
كانت مكانها وهي تبكي وتناظره : خلاص طلقني والله مقدر آعيش معاك أكثر من كذا تكففى طلقني (شقهت أكثر ) تكفى كأنك رجال وتعد نفسك من الرجال طلقني ..!
ناظرها وهو الا من يتحداه ويهينه ..
.
.
.