آخر 10 مشاركات |
|
| LinkBack | أدوات الموضوع | انواع عرض الموضوع |
30-03-11, 03:01 AM | #1 | ||||
نجم روايتي و أميرة حزب روايتى للفكر الحر
| طريقه لإخفاء عيوب الجدار أو الحيطان عمل يدي انا السلام عليكم كيف الحال ياأحلى وأرق أعضاء ... اليوم موضوعي مش بس مجهود في الصور فقط حتى اللي بداخل الصور من تعبي ...واتمنى انو يعجبكم ...أنا بصراحه عاجبني لأني أنا اللي تعبت فيه وعيوني ضربت في بعض من كتر التركيز ومن رغم التركيز الشديد في أخطاء وجل من لا يسهو ...هوا الموضوع عباره عن اخفاء عيوب الجدار والأبواب كانت اطارات الأبواب خشب وأكلها العت غيرناها بإطارات حديد بس التغير ترك تشوهات ...حزنت على شكل الجدار وقلت يابت قومي بلا كسل وضبطي بنفسك لأنو ماما تعبت من الرجال من كتر ماتقولهم جيبو عمال وأدهنو الجدار المشوهه ...راح ابدأ معاكم الخطوات وان شاء الله تعبي راح يعجبكم الطلبات 1- معجون جاهز من محل الدهانات 2- ورنيش لونو بني او شفاف على حسب اللون اللي تبوه 3-طلاء بيج او حسب ذوقكم ...هدي الألوان كانت طلبي ندخل في الجد صورة الباب قبل طبعا حددتو بالشطرطون هدا شكلو المعجون تدهني بيدك او بالفرشه حقت الدهانات انتو حرين انا حطيتو بيدي عشان أسهل اني أشكل المعجون على الشكل اللي اباه وباإمكانكم تعملو اي شكل غير شكل جزع الشجره ممكن تعملو رسومات عاجبتكم اهم شي ماتسيبو المعجون فتره وبعدين تشكلو لأنو بينشف بسرعه وهدا شكل تاني على باب تاني هدا يبالو قياسات وتعبت فيه بصراحه اللي بالو مو طويل بلاش يسويها ماأخوفكم بس ممكن هدي الأشغال هوايتي عشان كدا سهله بالنسبه ليا وخلصتها في يومين وكمان جلست اتدلع لو مااتدلعت كنت خلصتو في نفس اليوم ....تعبتني ريحة البويه عشان كدا اتعطلت ليوم تاني بس انتو اعملو القياسات او ريحو نفسكم بالشطرطون اعملو الشكل اللي تبوه وبعدين عبو المساحه اللي تبوها بالمعجون اول شي تدهنوه بالورنيش عشان المعجون يثبت بس يكون المعجون نشف وجف طبعا انا ماحطيت شطرطون عشان كدا اضطريت اني احدد الجوانب بالورنيش اول وبعدين ادهن جوا هدا بعد الورنيش هنا بعد الورنيش دهنتو بالبيج وماعجبني حسيت منظرو غلط رجعت مره تانيه غمست الاسفنج بالورنيش وعملت كأني بأطبع بالإسفنج اتمنى اني اكون وصلت الفكره صح وطبعا راح احطلكم صورة الأبواب بشكلها النهائي هيا تلاته ابواب وماتاخد وقت والعمل سهل منو اتسليت ومنو اخفيت العيوب والتشوهات تصدقو اليوم جو الجيران يحسبونا غيرنا لون البيت كلو ومالاحظو هوا بس شكل الأبواب اللي غيرناه اترككم مع باقي الصور هدا الباب ماعجبهم كتير بس انا عاجبني جاي كأنو جزع شجره والناس أذواق لا حظو المربعات اللي فوق حلوه صح هههههههههههههههههههه بالقوه اباكم تقولو حلوه بس عشنو عاجبني هدي الأبواب كلها حولينها اسمنت ابيض ولا مدري ايش يقولولو نسيت اصورو زي الباب الأولاني قبل بس من جد كانت مشوهه بس دحين احسن من اول هوا كلو تمشية حال الين مايغيرولنا لون الغرف كلها اغيب وارجع لنفس الباب ترى انا خاقه عندو كل يوم اجلس عندو ومعايا قهوتي وحلايا هههههههههههه تقولي منتزه هدا عملتو قبل خمسه سنين يعني قديم بس برضو عاجبني هدا مش اخفاء تشوه بس عملت كورنر في البيت اتمشى عندو ههههههههههههههه ترى دحيت اتغير اول ماعملتو مره كان حلو كان عباره عن جدار مشقق وصخور وطالعه من بينها اعشاب خضره هيا كانت الأعشاب صغيره بس خمسه سنين كفيله بأنها تكبر الأعشاب هههههههههههههههههههههههه ترى من جد انا حطيت اشياء خضره صغيره بس ماما الله يعطيها العافيه مدري ايش تحس فيه وهيا تخرب عليا وتعدم شغلي الله يخليها ويشفيها يارب ودحين صلو على النبي هدا شغل خالتي يارب يخليها لينا يارب ترى ماهي عجوزه اكبر مني بقليل وهدا شغلها حتى الطلاء هيا اللي عاملتو حق الجدار الله يحفظها ويحميها يارب مدخنه وهميه بس شبه الحقيقه وماهي نفسها اللي دخل منها الحرامي وهوا عريان اللي في قسم الحوادث:winki ng_smile: وهدي شغالتنا ترحب بيكم ...طبعا حبت تتصور قبل لا تسافر جنب التحفه الفنيه اللي عملتها ماخدا مقلب جامد انا ترى شكلي راح اطير وطالما انكم في بيتي ماراح تخرجو كدا قهوتكم جاهزه اتفضلو والحلى تراه نفس الحلى اللي نزلتو في قسم الطبخ حلى بالزبادي مرررررررررره طعم لا يفوتكم بالعافيه على قلوبكم وياهلا وسهلا بيكم في بيتي ...وخلاص انتهت الزياره وخلص الشغل اتمنى اني وصلتلكم المعلومات بطريقه صحيحه وتستفيدو من موضوعي المتعوب عليه عقليا قلبيا وجسديا | ||||
30-03-11, 03:46 AM | #2 | ||||||
مشرف منتدى الديكور وعضو مميز في القسم النفسي وبطل اتقابلنا فين ؟وقلم مميز بالقسم الأدبي
| السلام عليكم ورحمة الله وبركاته ما كنت اتوقع انك ذواقة و فنانه احساس جديد هي بجد مجهودات رائعة و مش سهل اننا نغير عيوب ابواب او ديكورات او طلاء حائط بطريقة متقنه و من ايدي هاوية بدون احتراف اهناك على هذا الانجاز الرائع و كان نفسي لو ان الموضوع نزلتيه في قسم الديكور تقبلي مودتي و اعجابي الخالص و احلى تقييم ***** | ||||||
30-03-11, 03:57 AM | #3 | |||||
نجم روايتي و أميرة حزب روايتى للفكر الحر
| اقتباس:
يعطيك العافيه أخي على الكلام الجميل في حق مجهودي ... انا فكرت اني انزلو في قسم الديكور بس مدري اشوف المشرفه راح تخليه في هدا القسم ولا راح تنقلو ... ومنور صفحتي المتواضعه بطلتك المخمليه | |||||
30-03-11, 04:03 AM | #4 | ||||
نجم روايتي وعضوة في فريق الروايات الرومانسية المكتوبة
| ههههههههههههه الله عليكي يا بنت وطلعتي ما نك هينة ابدا وبيطلع بايدكي تغيري بديكور البيت بجد يسلمو ايديكي على هالمجهود الرائع ويمكن استخدمك عندي بديكورات الشقة لذلك شدي الهمة ولا تفشليني رح اعملك دعاية بين صاحباتي احلى تقيييم ليكي | ||||
30-03-11, 04:11 AM | #5 | ||||
نجم روايتي
| وش الحركات يابنت طلعتي موووهوبة ويجي منك بجد شي حلو لما الواحد يجلس يعدل في بيته بنفسه ذاك الوقت تحسي بالللي سويته شي غير ترى حتى انا خقييت معاك على الباب >>قلت حررام تعبت عليه خليني اشد من همتها شوية ههههه بجد تسلمي على الممجهود اللي عملتيه واحلى تقييم للشغل الجامد ياحلوه تبغى كمان تقييم للشغالة وللحلى ولا بس للموضوع>>>هههههههههههههههه� �ههه دمتى بود | ||||
30-03-11, 04:50 AM | #7 | ||||
نجم روايتي وعضوة في فريق الروايات الرومانسية المكتوبة وأميرة حزب روايتى ومحلل ادبى بنادى كتاب قلوب احلام ومرشد سياحى لدولة فلسطين وباحث بفريق عمل شخصيات صنعت التاريخ ومدققة بقسم قصر الكتابة الخي
| انتي مبدعة بصراحة جد جناااااااااااااان والكورن عجبني جدا كمان انا حابة اغير ديكور غرفة ولادي لانه انا عندي فنانين تشكيلين معبيين حيط غرفتهم فن وابداع هههههههه فخلص باستأجرك تعمليلي ديكور نايس لغرفتهم جد غاليتي مش مجاملة شغلك كتير حلوووووووووو يعطيك الف عافية واحلى تقييم لاجمل احساس جديد | ||||
30-03-11, 05:36 AM | #8 | |||||
نجم روايتي و أميرة حزب روايتى للفكر الحر
| اقتباس:
خلاص اتقاولي معايا وانا راح ابسطك اصلن ماما قالتلي حطي رقمك تحت الموضوع ونسيت خدي رقمي وانا في الخدمه الاسم/معلمه روز رقم السكرتيره 999 السكرتيره التانيه 998 ولمن ماحد يرد عليكي دقي على رقمي الخاص 0000000000 ههههههههههههههههههههههههه ههههههههههههههههههههههههه يعطيكي العافيه ياقمر على الطله المميزه وشكرا على التقييم | |||||
30-03-11, 05:44 AM | #9 | |||||
نجم روايتي و أميرة حزب روايتى للفكر الحر
| اقتباس:
كويس انو عجبك الباب اللي عاجبني يختي مو حطموني !حسيت زي كأنهم يقولولي انو البابين التانيه احلى ليه ماعملتي زيها .... بكيفهم لا قيمي الشغاله مسافره الأسبوع الجاي مسكينه تستاهل تقييم مو هيا اللي فتحتلكم الباب....تسلمي ياقمر على المرور الرائع | |||||
مواقع النشر (المفضلة) |
أدوات الموضوع | |
انواع عرض الموضوع | |
|
|