ما هو حكمكم على ريم من رواية "عندما تنحنى الجبال" بعد سماعكم لدفاعها ؟؟؟

[جلنارag]

ههههههه انت أصلا دوختيني يلله عرفت شنو القصة ههههه
الله يساعدك والله ..انت كاتبة شجاعة وانا أقدر اهتمامك بشخصيات روايتك ..
بس صدقيني لا أحد يفهم ماهي مشاعر الطفولة الا الذي مر بها ..
سلمت

[سحابه نقيه 1]

انا ارى انها بريئه

لان سلاحها الوحيد مع نانسى كان الكلام والادعاء و الغلط كله على نانسى التى صدقتها مع انها كانت تعرف ان ريم خلف زوجها

يعنى احتمال الكذب وارد كتير

بس هذا لا يعنى ان ريم بريئه من كل ما حدث ... هى تتحمل جزء من الذنب وليس كله لذلك لا تستحق بنظرى حتى محاكمتها لانها انسانه مشوشه مريضه نفسيا وتحتاج لعلاج سريع حتى تستطيع ان تعيش حياة سويه

[ons_ons]

مممممممم بصراااحة انا مقريتش الدفاع هو فين دلونى عليه

[blue me]

المشاركة الأصلية كتبت بواسطة ons_ons

مممممممم بصراااحة انا مقريتش الدفاع هو فين دلونى عليه

ايناس
الدفاع بيبتدي هنا
https://www.rewity.com/vb/t126181-27.html

[hadya]

إممممممممممم..مش بريئة



بس مش مذنبة...دى واحدة خلاص لاسعة ماينفعش أساسا نحاكمها

يعنى نسيب الكلاكيع الكبيرة و نمسك فى العقدة الصغيرة؟؟؟؟

حكمى عليها كان من البداية أساسا مش محتاج لدفاع..يمكن كمان بعد المحاكمة زعلت منها أكتر

بس بصراحة دفاع جامد.. واثقة إنه أخد مجهود جامد جامد جامد ......كفاية تظبيطه على كل البلاوى إللى حصلت فى الخاتمة و ماتنسيش منها فتفوتة...........هههههههه هم يرتجلوا و زوزو تشيل ههههههه

بجد كان تحفة..و كمان الدفاع حمل إجابات لأسئلة كانت مش مؤكدة فى نهاية الرواية..زى مثلا إن ريم عرفت إيه إتعمل فى الكوخ الجبلى...أوكى كان التخمين إنها إتصلت بجيرانه المسئولين عن تنظيمه..بس برده غريبة ..و هم إزاى جاوبوها ببساطة..كان تخمين مش كامل

بجد زوزو ما شاء الله عليكى .. تسلم الدماغ الجامدة و الافكار إللى تهبل


ريم أكيد غلطت... غلطت كتير و غلطات محدش يغفرها
بس أصلا هى مش طبيعية.. من بداية ظهور ريم فى الرواية واضح إنها فى دماغها كام فيوز كده مفرقعين ده غير إللى مش موجودين أساسا
عاملة زى الطفلة....بس طفلة شريرة معقدة ..تربية غلط و أهل سايكو ..زى بالظبط لما طفلة تتربى على تفرقة بينها و بين إخواتها ..مع شوية إضطهاد......ممكن تتحول الطفلة لأسلوب المقالب و الخطط..و حاتسخر كل الذكاء إللى حيلتها فى حبك مقلب ورا التانى
و دى مش بس تفرقة......هى تربية غلط و معاملة غلط من كل إللى حواليها
مش حانقول حب طفولة بقى لإنه كان تملك أكتر منه حب

بس مع كل ده تظل تحمل لقب ... طفلة
مع وجود حد زى فراس ببساطته و عقله ..فيها جزء كويس رغم السواد إللى بيغطيه....بدليل وجود نفس الجزء عند والدتها...... لازم توازن يعنى مفيش حد بيبقى إسود بالكامل .........ماعدا المتزحلقين الملزقين إللى زى طلال دول مش ناس أساسا

و بعدين أوكى هى عملت بلاوى ... بس فى الأول و الآخر هى عملت إيه؟؟؟؟
نسيب إللى أعمى عينه عن تصرفاتها و كان عايز الكل يعمل زيه و نمسك فى ريم لوحدها؟؟؟
نسيب إللى بيذل و يجرح كإن عنده عقدة نقص و نمسك فى ريم؟؟؟ جرحه هو أقوى و أكتر إيلام..لإنه بيجرح فى الصميم......
و نسيب إللى بيصدق و يأمن ورا كل كذبة بتقولها من غير تشغيل مخ و نمسك فى ريم؟؟؟

مفيش حد مش بيغلط حتى لو بنسبة صغيرة
فى رأيى كان كفاية جدا عليها إللى حصل عقاب مرضى...خصوصا إنه كان من نفس الكأس

كان مقطع ساحق جدا إللى أصبحت فيه ريم موصومة بأفظع من إللى إعتبروه عار على نانسى ...و عرفت يعنى إيه يشار إليها بالبنان و يقال...إبنة مجرم........كان فعلا من أقوى أقوى أقوى الأجزاء فى الرواية


معلش طولت كتير بس أتحمئت

[hadya]

تستاهل ترمى إللى فات و كفاية كده...و تركز بقى فى حياتها

و بعدين بدأت تشغل عقلها.. و حاجة تحسب لها مش عليها إنها ماوافقتش على الإرتباط بأى حد و السلام مادام مفيش أمل تحصل على محمود....ولو إنها محتاجة تراجع قرارها