09-02-12, 04:59 AM
| #521 | ||||||||
| مراقبة عامة ومشرفة منتدى الروايات المنقولة  
|  السلام عليكم ورحمة الله وبركاته بارت أليم واكثر المتألمين وضحى راح يكون ردي خاص بالمسببين للأم او سوبر ستار القائمه السوداء في هذا البارت الجد :7R_001: الجد ساس البلاء والمصايب يالله على الظالم تدور الدوائر قـهـرتنا والـكـــل منك هـايب وبخوفهم زدت في حكمك الجائر فهــــــــــــيد  فهيد ياشــين وقوي عين أحمد الله إن زوجتك وضحى وإلا أنت لادنيــا ولا ديــن من رضى بك يالخايس إصحى نايف :7R_001: في الصبح دكتور وفالمساء ثور مافي طريقه تستر بها عيوبك دمرت ســـــاره وإتهمتهـــــا زور لابـد يجي يـوم ينكشـــف ثوبك ضاحي  لاتحسب اللبس والصد يبعدك واللـه ولا حتى كلامك الجافي يـجـيـك يــوم وتـمــد لي يــدك وأرد مـن عـافنا اليـوم ينعافي سهومه  يعطيك العافيه منتظرين جديدك المميز | ||||||||
|  |
|
09-02-12, 04:16 PM
| #522 | ||||||||
| مراقبة عامة ومشرفة منتدى الروايات المنقولة
| بسم الله الرحمن الرحيم .. السلآم عليكم ورحمة الله وبركاته وآسعد الله مساءكم .. وجعلنا من هاليوم من السعداء والمغفور لهم بإذن الله قولوا آمين .. وارحب بكل اللي انضموا لنا .. ويآهلا فيكم .. وماراح أطول عليكم في الكلام اليوم مره انهكت في هالبارت .. وحطيت كل طاقتي فيه .. وفكيتكم من بربرتي اللي مالها داعي .. هالبارت حابه اهديه لـــ منضمين حديثا للروايه .. سواء هنا او في المنتديات اللي حابه الروايه والقراء الحمد والشكر لك ياربي انها حازت على رضاءهم واعجابهم وهاذي أعظم هديه .. وهالشي قاعده اطلع فيه كل إبداعاتي يمكن يوم انحرمت من الجامعه .. ومادرستها ربي عوضني بهالشي اللي قاعده احصده منكم والكلام المشجع لي واللي يدعمني .. وماأكذب عليكم لو أقول تنزل دموعي فرح من اللي قاعدين تسوونه لي .. الله يسعدكم مثل ماأسعدتوني قولوا آمين ويحقق لكم اللي في بالكم يارب مع اطيب الأمنيات بقراءه ممتعه . سهم المملكه . لإله إلا الله ( البارت الســــــــــــــــابـ 37 ـع والثلاثين ) انا ماجيت لك .. ابيك تعلمني عن اي احد من اهلي ماابي اقعد معك ثانيه وحده انصدم منها .. ماتوقع انها تسوي كذا أبد حس ان الكلمات وقفت في حلقه ..هي عارفه ان ابوها مات .. بس هي حامله اسم عائلته .. يعني متوقعه ان لها أهل وعمام ضغط على يدينه بقوه وهو يقول - نـ ااا الجازي انتي عارفه ان ابوتس ميت قاطعته وهي تدمع - ابي عماني دلني على واحد فيهم ,, انا ماابيك افهم ماابيك مسك يدها وهو مقهور من اللي بيسويه - اهدي حبيبتي انتي تعبانه لاتنفعلين مشاها معه للسرير وهو يسدحها عليه وينسدح جنبها وهو يحاول يهدي نفسه قبل ان يهديها ,, ماأصعب اللي يمر فيه .. مستحيل أحد يتخيل أبد أحساسه.. نار تكويه في كل لحظه وحين .. طلعت الجلال اللي لافته على راسها وهي تفرد شعرها على صدره وتبكي بألم .. وهو حتى اللمس بيصير متهورلو فكر ولمسها ضربت النخوه بصدره وهو يتلفت على اللي حولها .. خوف لو اي أحد اذاها بكلمه عادت عليه وهي تبكي - تكفى فارس طلعني تكفى ابي ارجع البيت هز راسه وهو يقول - ابشري ياساره هالحين بنرجع اصلا نايف معلمني اول ماتصحين اطلعتس ( مايدري انها تهرب من نايف ) نايف .. ونايف كم مره بينعاد عليها هالإسم وبتخاف هالخوف .. هالإنسان متفنن في تعذيبها .. ألتمت على نفسها بألم وهي تقول ومنزله راسها وبعذاب وألم داخلي وخارجي - اجل يالله امش بسرعه استغرب كلامها وقال بمراقبه لتصرفها - أول شي بنمر نايف ونأخذ منه وصفة العلاجات بغت تعترض .. وناظرت فارس ؟؟ وشافت وش كثر نظراته مدققه عليها وعلى تصرفها هزت راسها بألم وهي تقول - طيب جارته ومشت معه لين مكتب نايف ,, تحنحت وهي تقول - انا تعبانه بحتريك على هالكرسي هز راسه وقال - طيب دخل على نايف اللي كان يبي يتكلم معه .. ويشرحله اللي سواه وصار قبل شوي بس كان حسن عنده .. سلم عليهم .. وأخذ الوصفه وطلع طلعوا متوجهين للصيدليه .. وسمعوا صوت نايف يناديهم .. لف فارس عليه بينما ساره .. قبضت على يدها بقوه وقف في وجيهم وعيونه على ساره ويمد الورقه لفارس - نسيت هالورقه بعد فارس يناظر فيهم .. ولسان حاله يرحم ساره اللي تحبه .. وأخوه مايعطيها وجهه حب يفسحلهم المجال ومايدري على اللي في النفوس - انا بروح اجيب العلاج وانت يانايف خلك معها راح عنهم وهو ماسمع اي كلمه بس عيون نايف غارقه في عيون ساره اللي نزلت دمعتها عقب مامشى فارس .. رفع حاجبه من شكل دمعتها اللي انزلت وصار عين البرقع اللي لابسته السد المنيع انه يتابع باقي إنحدار الدمعه تنهد بألم وهو يقول - الحمدالله على السلآمه انقهرت من تطنزه الواضح عليها - عسى تشمت زين فيني اتقن الدور وهو يتذكر اللي قاعد يسويه وبخبث ظاهر لها - تصدقين كنت بنادي رجلتس المؤقر سياف يشوف كل شي على الطبيعه إسلوب إجرامي قاعد يعذبها فيه .. قالت في وجهه وهي رافعه صوتها وناسيه المكان - روح حسبي الله عليك دنيا وآخره زاد بكأها أكثر وهي تناظر آثار خواتها في المكان .. المطبخ اللي احتوى وضحى وهي تطبخ فيه .. والصاله اللي كان جلسة نوره وكتابها اللي تذاكر فيه .. لفت راسها للغرفه اللي منقبعه فيها ساره وزاد بكاها وعلى صوتها .. وهي تتذكر اللي حصل لهم حست فجأه ان كل خواتها ابعدوا عنها سمع صوتها سعد وهو راجع من عند خوياه .. خاف عليها باين بكاها بألم ,, بسرعه دخل للبيت ينادي على أمه – يمه يمه طلعت منيره من جناح محمد اللي تحت – هلا يمه انت جيت اقترب سعد وهو يتذكر صوت دموعها – يمه صوت وحده من بنات عمي قاعده تبكي اضربت منيره على صدرها – يويلي هند نسيتها وطلعت بسرعه من البيت متوجهه للملحق .. وسعد دخل لأخوه محمد وهو يقول – السلام عليكم بو ( وتذكر وسكت ) ناظره محمد ونزل الملعقه .. وحس بالغصه سعد مايدري وش يسوي ناداه محمد وهو حزين – سعد تعال ابيك سعد مشى وجلس على الكرسي قريب منه – سم محمد وهو متألم وخاطره حزين تنهد وهو يقول – سعد تعرف ان ربي عاقبني وبقوه على ضناي اللي مات سعد قاطعه وكأنه يصبره – الله يرحمه ,, ومعوضين خير غمض عيونه محمد بألم وعض شفايفه – معوضين خير سعد ناظر في شكله وفي عضه على شفايفه بتحسر واضح وقال – ايه إن شاءالله الله بيرزقك انت وموضي محمد ابتسم إبتسامه في عز ألمه وقال – تصدق ياأخوي ان ربي عاقبني ومعاد انجب انصدم سعد وانبلم من اللي قاله | ||||||||
|
| |
|
09-02-12, 04:19 PM
| #523 | ||||||||
| مراقبة عامة ومشرفة منتدى الروايات المنقولة
| ضربه على علباه بقوه وهو يصرخ – انطق من اللي ارسلك اللي قدامه صامد ولايبي ينطق بحرف .. انقهر منه صقر ونادى على العسكري اللي دخل وهو يقول – سم صقر – جهزت الغرفه اللي قلت لك عليها المجرم اللي قدامه كش من الخوف .. بس ثبت ولا أرتبك العسكري اللي ناظر في المجرم برأفه من ذا الغرفه – ايه طال عمرك ماحس المجرم غير باللي تله مع فانيلته من ورى .. واتجهه فيه على الغرفه .. اللي خاف منها المجرم ذََّرع صقر واخذ السوط .. ومعه عسكريين قويين .. سدحوه على الأرض وكتفوه وصقر ضربه بالسوط وصرخ – خــــــــلاص بقول والله بقــــــــــــــــول صقر وقف ومعصب – يالله قل المجرم قال وهو يبكي ودموعه مو لايقه على شكله الغليظ والطويل – أم زوجته أم زوجته هي اللي بتنتقم منه وبنتها قام بسرعه وكأنه تذكر .. وانلسع بسوط موجع .. بلع ريقه وجلس على السرير بألم .. ناظرت فيه وسكتت لف لها وهو يمسح الإرتباك – وش رايك نطلع نتعشى برى جلست جنبه وهي ترتب نفسها وهزت راسها وقف ومشى طالع وهو ينفث الهواء اللي متعبه في صدره سكر الباب وقف عليه وتكلم بقهر – اظاهر اني بخربها قريب صحت الصبح وهي تتذكر اللي صار لها عقب مارجعت ساره وناموا في جناح صقر .. عقب ماحلفت عليهم منيره ماينامون في الملحق شافت ساره نايمه بهدوء ,, وهي اللي مانامت غير بعد الفجر وهي سهرانه معها وتسمع صوت بكاها اللي عورها .. تكلمت معها بس ساره مانطقت بحرف واحد .. وارجعت تنسدح وهي ماتزال تبكي ومنهاره وهي عاذرتها .. الجد ضربها وحطمها .. وكمل عليهم سواة جدهم يوم فرقهم عن خواتهم غسلت وجهها .. وناظرت في اختها .. اتجهت لها وباستها ومسحت دمعتها اللي نزلت من منظر اختها .. اللي نايمه على بطنها لانها ماتقدر تنام على مكان الضربه اللي منتفخه .. تتذكر يوم تدهنها بالكريم وساره تصرخ وتبكي .. شكت ان هالبكاء كله من الضربه وقفت منها ومشت متجهه للباب .. قابلت في وجهها فارس اللي طالع من جناحه اللي مقابل جناح صقر .. ناظرها وبسرعه بعد نظراته تذكر ساره وقال – كيف ساره هند ناظرت نظراته اللي تتجاهلها ,, وفرحت بسؤاله – هالحين بخير هز راسه وهو يقول – ماهي بدارسه اليوم هند هزت راسها برفض – لا ,, ولا أنا بعد صدمها وهو يقول – ليه انا سألت عنتس انكسحت منه وسكتت ,, وناظرته بقهر وهو يتعداها نازل على تحت .. مشت وراه بقهر وهي تقول في صدرها ( مغرور وشايف نفسه ) ألتفت يمين ويسار .. مالقى سفرة الفطور – وين الفطور اتجهه على المطبخ يدور على أمه مالقاها .. طلع من المطبخ وشاف في وجهه هند اللي بغت تضرب فيه ناظرها بنظرات وإبتسم بمصلحه – اقول هند هند وقفت ورفعت راسها وناظرته – نعم فارس وهو مازال بإبتسامته – امي أكيد ان النوم سرقها ماهب عادتها ماتقوم انا بروح اشوف وش فيها وانتي جهزي الفطور هند لقت الفرصه عشان تقهره مثل ماقهرها – وش قالولك شايف مكتوب على وجهي طباخه ولا أختك وأمك مثلآ عقد حواجبه وتكتف وقال – هه لا بنت عمي .. ( وعدل وقفته ) اصحي امي يعني تسويلي فطور .. منتي بدارسه سويلي انتي دخلت المطبخ ولحقها وهي ساكته – هاه وش قلتي هند بتطنز – خلاص اشفقت على امك ولا أنت ماتستاهل الشفقه ابتسم وقرب منها وحط عينه بعينها وخوفها بنظراته – صدق اشفقتي علي رجعت خطوه للورى وهي ماتدري وش صابها توه يدخل البيت .. عقب ماسجل أقوالهم وكتبه في المحضر واليوم بيأخذ أذن من النيابه بإستدعاهن .. هذولي سكتوا عائلته عنهم كثير حتى لو القرابه تجمعهم بس مايسببون الإذى القوي اللي سببوه لأخوه .. جلس في الصاله بإرهاق .. وطلع جواله ودق على محمد اللي كان نايم وسعد عنده عشان يساعده صحى على رنة الجوال – ألو صقر – ألو .. نايم انت محمد وهو يتعدل – لاصحيت صقر – اسمع تراني سويت اللي ماقدرت تسويه محمد عقد حواجبه – وش هو صقر بقهر – تخيل من وزى عليك الناس اللي ضربوك محمد بألم من اللي سووه فيه وهو يسترجع في ذاكرته كلامه هو وسعد عن اللي صار له – من !! صقر – مريم وأمها أنصدم ,, وأهتز – مـــــــــن ,, صدق اللي تقوله صقر مقهور – ايه ,, وأنا توني دخلت البيت عطيت القضيه خوي ضاحي هزاع وهو اللي بيتفاهم معهم .. وترى خذينا إذن من النيابه بإستدعاهن بالقوه محمد حس بالمر مشى في حلقه لين أسفل بطنه ومعصب وصرخ بقهر وهو يضرب السرير بيده – الخسيســـــــــــــــــــ ــــــــــات صحى سعد على صوته .. وركض وهو يأخذ السماعه من يد أخوه عقب ماشاف حالته وكلم – ألو من فيه صقر عقد حواجبه – سعد وش فيه محمد سعد وهو يشوف محمد يضرب السرير بقهر ويصرخ ويسب – انا اللي بسألك وش فيه ,, وش قايله انت صقر – اعلمه ان اللي سوى فيه اللي صار مريم وامها سعد انقهر ,, وشاف محمد هدى وسكت وباين انه حمقان ويفكر – مريموه ماغيرها صقر – ايه ,, وشلونه هالحين اخوك سعد – خلاص انت سكر هو هدى هالحين وأنا بكلمه صقر – زين مع السلامه سكر منه ووقف وهو يدخل الجوال في ثوبه .. مشى للغرفه ودخل وشافها نايمه وهي حاظنه مخدته وراقده ضحك من منظرها .. وتذكر يوم دق عليها يطمنها عن أختها ساره وغلس عليها وسكرت التلفون على وجهه ,, ومتحلف فيها عقب مايرجع وهاذي رجعته .. أخذله دش سريع ولبس بجامته وقرب منها وهو يمشي بخفه على رؤوس اصابعه وبخبث .. جلس في السرير عند راسها .. وانسدح معها على مخدتها وابعد مخدته عنها .. كتم ضحكته وهي تقرب منه أكثر في عز نومها .. وتحضنه أكثر .. حس بالدفئ والحنان ونام وهو يبتسم ومغمض عينه وش بيكون ردة فعلها ان صحت وشافته على هالحال | ||||||||
|
| |
|
09-02-12, 04:21 PM
| #524 | ||||||||
| مراقبة عامة ومشرفة منتدى الروايات المنقولة
| طلع من غرفته وهو يزر ثوبه ويغني .. وهي جالسه في الصاله بقهر من اللي يصير لها وحاسه انها بتنفجر ناظرها بطرف عينه وقرب منها وهو يضحك .. وشد خدودها وهي ابعدت يدينه .. ضحك اكثر وقال – افا معصب ياحلو يامزيون اتأكدت انه يطنز عليها من قامت وهي تهدي نفسها بقراءة القران .. ومن طلعت من الحمام عقب اللي صار لها .. وهي مقهوره انه راقد ولاطلع من غرفته وهي بين كل اذان والثاني تقول بيصحى يروح للمسجد وأخذ لي لبس وهي لابسه ملابسها القديمه جاء الليل وجابوا العشاء لهم .. بس ماقربت له وهي تتراجف من برودة المكان اللي كانت فيه وهو راقد ومقفل حجرته مشت بقهر للغرفه .. وسحبت شنطتها وهو يناظر فيها .. ودخلت للغرفه الثانيه وسكرت على وجهه بقهر وقفلت عليها الباب وهو كش على الباب ولاوي وجهه – اظاهر متزوجلي حيزبونه ماهب حرمه ( كش على وجهه وهو يقول – مالت علي ماطحت غير في العرجا والشينه صدق شينه .. وطلع من البيت وهو يتذكر سياف اللي يوم صحى وشاف كثر المكالمات اللي بالهبل حاسه انها بتموت .. جوع .. خوف .. ومارقدت ابد وهي تلتفت حولها في المكان الغريب عليها .. وصابتها أزمه نفسيه وقلق وتوتر .. وكل شوي تترقب وش بيصير فيها نزل تحت وهو يتلفت يدور العم حمزه .. اللي كان الفطور على السفره وماحوله أحد .. ناسي وجودها بالمره أخذ التلفون ودق على جوال حمزه اللي رد عليه – صبحك الله بالخير ياولدي سلطان – صباح النور ,, انت وينك !! حمزه – في الملاحق اللي برى ليه تبي شي سلطان بإستغراب – ايه تعال أفطر معي حمزه صدمه وذكره باللي ناسيه – وزوجتك وينهي ؟؟ سلطان تذكر وسكت ,, اظاهر انه مكان حلم .. لا طلع اللي صار واقع مفروض عليه فرض بلع ريقه .. وهو متوتر من الوضع اللي انحط فيه ,, والخيبه القويه اللي تلاحقه ( نلتقي بمشيئة الله تعالى .. يوم الأثنين القادم ) | ||||||||
|
| |
|
10-02-12, 09:10 PM
| #525 | ||||
| نجم روايتي 
| اهلين سهومه ومرحبا بغاليتنا فيتامين سي بارت قصير وجميل اعجبتني حركة صقر وضحكت كثير لانه استغل الوضع لصالحه ههههههههههههه من زمان عن مشاكل ومشاكسات هند وفارس ياحلووو فارس لما رد عليها انا ماساالت عنكهههه نوره وضاحي حالتهم حاله لاتعليق فهيد اجل مشبه شيخة البنات بالحبزيون على   قولتك استح على وجهك واحمد ربك انهم زوجوك والايام بيني وبينك يا مروح ياابو ريح شين وخايس نشوف بكره بتموت تبي كلمه او رضا منها وتحبها حب مجنون الله يستر من سياف ويش يبي من فهاد يوم انه داق عليه انشاء الله يهون من ساره نايف ياناس مابلعته بليز سهومه طيحي بحب ساره وخليها ماترد عليه وادبيه بليز سهومه ارتحت لما اعترف المجرم عن مريوم وامها وانشاء الله يااخذون جزاهم سلطان ياعيباه بس الناس ينسون غرض لهم ثوب اي شيء اما الواحد ينسي زوجته هذه اللي ماتمر بعقل احد والله فيها قبايل وانت المتحسف يعطيكي العافيه والمره الثانيه نبي بارت اطول ومشوق لاخلا ولا عدم | ||||
|
| |
|
11-02-12, 08:27 AM
| #526 | ||||
| نجم روايتي
| بسم الله الرحمن الرحيم صباح الخير ضاحي ربنا يقدرك فارس وهند حمدا لله علي سلامة الرجوع سلطان اتق الله في نورة انت رجل ومغلوب علي امرك في هذه الزيجة فما بالك بها هي الفتاة االيتيمة انت ما عارف جدك سارة ربك روؤف رحيم وان شاء الله تنزاح الغمة صقر برافو خلي شيخة تصحي وتجنن فيك وبرد حرتنا فيها بارت قصير وجميل يسلمو | ||||
|
| |
|
12-02-12, 12:23 AM
| #528 | ||||
| نجم روايتي وأميرة حزب روايتى للفكر الحر وفراشة الروايات المنقولة 
| صباح الورد ...تسلم ايدك سهومة ...بس مشتهيين بارت دسم شوي يروي تعطشنا للرواية ...شنسوي ماحد قالك اخذي عقولنا بسحر ابداعك ... مانشبع منها حتى لو قرينا البارت اكثر من مرة ...يعطيك الف عافية يالغلا فتوما مشكورة ياعسل ربي يعطيك على قد تعبك معانا ....لاخلا ولا عدم منك ولا من ردودك الي تسر الخاطر ..والله احب تعقيباتك وصار عندي ادمان عليها زي ادمان شيوخ على ريحة الصقر ..امحق تشبيه خخخ فهيد ووضوح فهيد يامن يعطيني اياه ساعة بس غير ماارجعه الا بعاهات ......على ايش شايف نفسك ابي افهم .... طاح حضك اكثر من ماهو طايح من زين الخشة الي لو اوديك سوق الغنم ماحد طل بوجهك وسام سعرك ...عطالي بطالي لاصلاة ولا ديانة منخمد ولا على بالك شي وبعد ماسويت الي سويته بهاليتيمة جاي تعيب عليها لك وجه ..صدق الي اختشو ماتو .... بشوف انا هالشينة الي موعاجبتك اذا رجعت الليل ماتدل دربك اذا مانبحت عند بابها تراكض وراها لكن حريمتك مالك الا رقعة الباب بوجهك ... روح شوف مسود الوجه الي متصل عليك الظاهر سمع انهم عطوك حرمتك في نفس يوم الملكة ماقدر يرقد الليل يبي يملك ابو ريحة ...ياجعله من نومته مايقوم ولا يحلم بطيف سارة ...وابوكم ابليس نويفان جعله وهو جاي عندكم تطب عليكم الهيئة بالجرم المشهود بشوف انا جدك الي خايف من العرب شبيسوي ساعتها واللهقلبي مو موجعني الا على هالمسكينة وضوح اذا جاء خرعها مسود الوجه بحالته ياهي صدمة وكسرة لها ..ياخوفي من الصدمة تكره حالها وتحط السبب انها عرجاء زوجوها لواحد عربيد وهذا هم اهلها بس ياليتها تنفجر فيهم كلهم وتسكتهم من كبيرهم لصغيرهم وعرجها ربي بلاها فيه اختبار لصبرها بس الشرب والعربدة ذنب كبير ربي بيحاسب عليه كل من يشرب وكل من يتستر على الي يشرب .... اعتقد البارت الجاي بنتوجع اكثر لحال وضحى نورة وسلطان نورة الي متى هالحبسة وقلة النوم حاسة انك بتنهاري وبيصير فيك شي خوف ووحدة وجوع وتفكير الله يعينك وسلطان ناسيك بالمرة ... والله خايفة اتوسم فيه خير ويفجعني بأهانته لنورة ويرمي عليها كلام جارج يزيد وجعها ...دم ال قاسي يجري بعروقك مامنك امان ...ياترى البارت الجاي بيشوف سلطان نورة والله باقي خلصنا من شيوخ جات لنا نورة نبي نعرف ردة فعل سلطون اذا شاف الفتنة الي عنده وهو عايفها وناسيها ....والله شكله بيروح فيها وبيدور اي حجة علشان يمتع نظره خخخخ هند وفارس والله زمان عن هالثنائي ومشاكساتهم من قبل ايام البر .........هند طاحت بهوى فارس بس سهومة ليه ماخليتي فارس هو الي يحبها اول تغيير هههه والله حاسة انو بينقلب حال فارس اذا اجبروه على هند ومابيقصر فيها ...او اذا صار تخميني انو يمكن يخطب سارة لانو شايف حالتها وبكاها الي بيفسره انها ماتبي سيافوه وغير كذا هو عارف خياسه فعلشان يمنع هالزواجة بيوقف بوجه سيافوه ونويفان ماراح يقدر يفر من جريمته ساعتها هند بيحز بخاطرها وبتذكر سؤال فارس عن سارة وبتفسره انو يبيها ويحبها ..والله كل شي متوقع نور وضاحي والله حالة ضاحي صعبة وماراح يطول الامر وهو ماسك نفسه بس نور هي الي بتدفع ثمن الي سوته ...موهي ماعندها صبر الله يهديها غيرها يبي ياخذ فترة يفهم وضعه وهي ماتدري انها بتضر حالها اكثر من ماهي منظرة الله يعينها اذا رجعت لها الذاكرة ضاحي حتى لو هو عاقل بس دم ال قاسي يجري فيه والقسوة الي بالعايلة متفاوتة من واحد لواحد بس مو معدومة ..احساسي انو بيسوي سواة اخوه فهيد بس بشكل مختلف ...والله يعين هاليتيمات على هالعيلة نويفان وسارة ماادري ليه كنت متوقعة انو دعوتها عليه بصوت عالي بيسمعها احد وخصوصا فارس بس ماادري مابان هالشي ...بس يانويفان لاتستهين بدعوة المظلوم فمابالك بمظلوم ويتيم ........اجل بعد كل الي عرفته عن حقيرتك انها ترمي حالها لاي رجال يجيها ومازلت محترق عليها هي والله قدرك وكفوك بس بعد مصيبتك بسارة مالك الا تستر عليها اول وبعدين بحريقة روح لخايستك وولدك الي بالحرام وورينا شبتسوي ساعتها .... شيوخ والصقر صقور كفو والله ههههههههه جننها مثل ماجننتك واذا صحت من النوم وابليس حاضر معاها شيل عمرك وملابسك الوصخة الي فيها ريحتك واذا تقدر بعد تشيل المخدة لاتقصر خخخ ا قفل عليهم واخذ المفتاح وهج بعمرك ولاترجع الا بعد كم ساعة خليها تدور الريحة ماتلقاها واذا رجعت هددها اذا ماتعدلت بتهج كم يوم وهي بتجلس بدون لافانيلة ولا صاحب الفانيلة بنشوف تعرف تعدل لسانها لو لا .......ماقلنا لك تغزلي ولا تبوسمي بس كفي لسانك الاعوج لوقت الحاجة بس ...الله يستر على صقور نام مبتسم مايصحى الا شيوخ صاقعة راسه بالابجورة خخخخخ محمد شكل العايلة كلها بتصير ورى القضبان وخصوصا جريمة مريم وامها مو بسيطة بس هذا وجهي اذا شيبة النخرة ماتلقف وقال طلعوهم لو انا من صقر لو يفطس ماسمع له كلمة خليه يعوي الين يشبع الظالم .........سهومة شوفي لهالشايب اقرب مرض واسدحيه باقي عمره بفراشه خلي العالم تعيش بعيد عن تحكماته سهومة في انتظار البارت الجاي بكل شوق | ||||
|
| |
|
12-02-12, 03:47 PM
| #529 | ||||
| فراشة الروايات المنقولة 
| اشتكي لنفسي....... اشتكي لنفسي ضآلت الرواية واسمعها تنوح أشتكي لنفسي من فيتامين واسمعها تنوح كنها بعضي ... وبعضي وين هو ؟؟ ومن معه ؟؟ اشتكي لنفسي من (فيتامين)ن واسمعها نواحي من كثر قصر رواية و ما ادراك ما فيتامين c.. روايه لاصد قلبي صد من دون رجعه هي اقرب روايه الى نفسي واكثرها واقعية تلامس صور من مجتمعنا... واشتكي مرات كثيرة لنفسي من قصر رواية ...... لو كانت نفسي تتكلم و تعبر عن مايجول في خاطري كان انقلبت الدنيا كوارث ومصايب .. مع تحيات زوزوووو | ||||
| |
 |
| الكلمات الدلالية (Tags) |
| مبدعه سهومه, محمد وموضي .نايف وساره.سلطان ونوره, شبكة روايتي الثقافية, فارس وهند, فهيد ووضحى, قصة صقر وشيخة |
| أدوات الموضوع | |
| انواع عرض الموضوع | |
|
|
1611Likes
.png)
.png)
العرض العادي
