آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
07-12-11, 08:02 AM
| #101 | ||||
|  البارت الخامس والثمانين,,,,ـــــــــــــــــــــــــ ـــــــــــــــــــــــــ ـــــــــــــــــــــــ ابو مطلق ـ انتي شقاعدة تسوين هني بروحك؟ لفت له ام مطلق وهي تبكي وقالت بانكسار ـ وش بيكون فيني يعني ولاشي,,,, ابو مطلق ـ ام مطلق...صارحيني انا ابو عيالك... تنهدت وقالت ـ ابو عيالي....وينهم عيالي يابو عيالي وينهم!!! ابو مطلق ـ ام مطلق الله يهداك شها الحكي؟ ام مطلق ـ وانا الصادقة يابو مطلق وينهم مطلق وجراح عيالي؟؟؟ ابو مطلق ـ اختيارهم كان بيدهم شتبين تسوين يعني؟ ام مطلق بانفعالـ يمكن مطلق اختار قدره بيده مثل ماتقول ولو انها مو عاجبتني وتمنيت غيرها بس بسكت وبرضى بس جراح لاوالف لا يابو مطلق ولدي مو هاذي عيشته ولاهذا اللي لازم يكون نصيبه؟؟؟ ابو مطلق تنهد ـ وش تبيني اسوي يعني؟ ام مطلق بلوم وعتب ـ شنو شتسوي يابو مطلق انت ابوه,,فهمه,,كلمه,,,مايصير تتركه يسوي اللي هو يبيه؟ ابو مطلق ـ تزوجها وسافر واي شي ماعاد يفيد بنات الناس مو لعبة يابنت الحلال...انا هم بناتي فوق راسي وكاسرن ضهري ياام مطلق ماابي اتحمل ذنب وحدة غيرهم بعد!! ام مطلق ـ وولدي!!!يظل على هالة؟ومايشوف العيال بحياته؟لامستحيل انا انا يابو مطلق بخيره ياارضى عليه ولا يروح لها ولايوريني وجهه ولااني براضية عنه لادنيا ولااخرة؟؟؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ مسك ذراعها ولفها له بالقوة وصارت قريبة من حضنه ومايفصلهم شي... هالة بقوة ـ جراح فك يدي بلا حركات المراهقين ذي؟ جراح برغبة ـ ترى حاجتك عندي يالدكتورة بلاش ترفعين صوتك كثير علي ولاترى مافي روحة مستشفى ؟ هالة ـ بالله!!!اللي اعرفه ان في بينا عقد واني شارطة اظل بدوامي وانت وافقت!!! جراح ـ أي بس هناك مو هني!!! هالة ـ زين مدام مافي دوام يالمراهق فك يدي لانك تاْلمني مرة,,,, تنهد وتقرب من الخط الفاصل بينهم,,, هالة بهمس وهو مايفصله عنها شي ـ جنيت انت!!!احنا مادخلنا داخل بعد!! جراح ويده على شيلتها اللي اصلا نصها كان زينة ولاهو مغطي شي ـ كل شبر بها البيت هو بيتنا ومحد له شغل فينا....خلينا من ذا واتركينا بالاهم,,,, هالة بحدةـ مافيا هم!!!انا بدخل وانت ظل على ها المراهقة اللي مابتكبرك ولابتعقلك.... جراح بهمس ـ تدرين وش نفسي فيه ياهالة,,, ظلت تناظره وهي عيونها بكل مكان بحسمه غير عيونه لاتشوفها وتتوهق,,, قال برغبة اكبر وهمس اكثر حرارة ـ اني اضمك واحضنك بقوة ومااتركك تبعدين عن حضني!!! يوم رفعت عيونها تقول لا...كان اخذها بحضنه خلاص... ودي أضمك على صدري المجروح = وأنسى شقا الغرام واتوب ودي بكفك يضم كفي المحروم = وسقي عروقي بحسٍ يذوب ودي أسمّـك بسم دمي المكبوت = وصب دمي لك بكل الدروب ودي بهمك يلم فكري المشتوت = عسى بهمك أحس بدفئ والطروب ودي ألمك بالحب بأحلى صوت = أه يا لمحبة كيف توصلك يا لمحبوب ودي أشمك يا وردي المفتون = يا عطر الشوق يا ألوان الغروب ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ دارين ـ تصدق عاد للحين مو مصدقة هالة تزوجت جراح؟ مطلق ـ وليه ماتصدقين؟ دارين ـ مدري احس في شي ناقص بالسالفة..... مطلق وهو يلعب بشعرها ـ من زمان كان يحبها ويوموت فيها...ماشفتي شصار فيه يوم تزوجت بغى يموت والله!! دارين ـ لهدرجة؟ مطلق بتنهيدة ـ ماقدر ينساها لحظة.... دارين سكتت وهي تتذكر جراح وهالة ذاك اليوم.... مطلق ـ الحلو وين سرحان؟ دارين ـ اقول ببابا مطلق... عدل قععدته وابتسم وفتح حضنه لها ـ قولي يااحلى بيبي بحياة مطلق... تسندت بحضنه وقالت بدلع ـ ترى ايام الدلع والولع ولت!!بكرة بيبدي الجد بحياتنا لانزلنا!!! مطلق مسوي انه خايف وناسي ـ لا؟؟جد؟؟والله خوفتيني!!وش بيصير يعني!! دارين بدلع وهي تحط رجل فوق الثانية وتنورتها اللي كانت قصيرة ارتفعت ـ ولاشي بس فكرك شلة الانس اللي عندك ردة فعلهم شبتكون؟ مطلق ـ انا اقو لاذا كلش كلش ذبحناهم وارتحنا منهم!! دارين بدلع وهو يلعب بشعرها لسه ـ ياي...احد يذبح بناته...؟؟ مطلق بهمس وهو يبوس رقبتها ـ وليه مايذبحهم؟؟خل يذبحهم علشان يرتاح مع غيرهم!! بدلع اكبر قالت وهي لافة عليه ـ معناته يابابا بيجيني انا بعد الدور وبتذبحني!!! مطلق وهو خاق ـ ايه..منى عمري اذبحك وارتاح والله!! تقربت منه وباسته على خده بنعومة وقالت بدلع واغراء مو طبيعي ـ ياحرام يالشرير انا احبك وانت بتذبحني؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ دق جوالها وكان المتصل زياد,,, ترددت تشيله ولا تتركه؟؟ حست انها تبي تكلمه ليه ماتدري!!! كلمته بعد اكثر من اربع رنات.... زياد ـ هلا زينة شلونك... بجفاها المعتاد قالت ـ هلا..... زياد ـ اسف لو ضايقتك.. زينةـ لو تضايقت مابرد عليك لاتخاف!! زياد ـ مشاءالله ماتعرف تجامل ها البنت ابدا!! زينة ـ وليش اجامل؟ زياد ـ على قولتك....كيفك اليوم... تنهدت وقالت بزعل ـ مقهورة.. زياد بحنان ـ وليه مقهورة عاد؟ زينة ـ اخوي تعبان...متضايق.... زياد ـ وضع طبيعي للي يمر فيه.....سالفة خطوبته شوي صعبة يازينة.... زينة بتنهيدة ـ الله ياخذ ها الحب اللي معذب البني ادم وماهو تاركه بحاله... زياد ـ امين... يوم قالها سكتت... كمل بثقة ـ شكلك مجربته يازينة... بالم قالت ـ اندفن فيني قبل لايعيش؟؟؟ زياد ـ صرتي احسن مني!!!انا عاش فيني وتعشش وبالنهاية نسياني كان مثل شربة المويه؟ بعد فترة سكون قالت ـ جربت الحب يازياد... زياد ـ واقولك انه احلى شي...وبنفس الوقت هو الشي الوحيد اللي يعذب بها الدنيا.... ـــــــــــــــــــــــــ ـــــــــــــــــــــــــ ــــــــــــــــــــــ في غرفة بشاير,,,, شيخةـ شفيكم تطالعوني؟ فاطمة بعصبية ـ قولي الصدق؟ بشاير ـ ـاي صدق؟؟؟ شيخة ـ عمي جراح صدق تزوج؟ بشاير وهي تناظرهم ـ أي... فاطمة بصراخ ـ وبعد...تقولها أي...؟!! بشاير ـ انتوا سئلتوني؟ عايشة ـ ابي افهم بس يوم رحنا لاامي رجعنا لقيناه متزوج؟ليه؟ شيخة ـ طيب وينه؟ فاطمة بدت موجة البكي ـ مافي يتزوج عمي جراح...عمي جراح حقي انا بس!!!خلوه يرد لايتزوج؟ شيخةـ طيب وينه اللحين؟ بشاير ـ سافر... فاطمة بغضب اكبر ـ بعد سافر؟؟؟يعني البابا تزوج وسافر وهو تزوج وسافر...ياربي باقي بس غسان يتزوج ويسافر ونظل بروحنا مامعنا احد؟ بشاير ـ صدق فلم هندي؟ عايشة ـ مو حارقك اللي حارقنا!! بشاير ـ يبى اخوي الله يبارك له ويهنيه ويوفقه انتوا شكوا؟؟؟ فاطمة ـ ابي اعرف منهي اللي تزوجها وماعلمني؟ شيخة ـ وليه ماعلمنا!! بشاير ـ لانه مو مجبر كل شي يقوله لكم؟ فاطمة ـ ابيه ليه مقفل جواله؟؟ابي اكلمه اقوله يرد....ابي اسئله؟ بشاير ـ وش تبين تسشلينه؟ فاطمة وهي تبكي ـ ليه ماسوى عرس!!انا ابي البس فستان عروسة واظل ارقص طول الوقت!!!! ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ مريم بعصبية طلعي برى؟ نسايم بتعجب ـ اوووف قوية هاذي؟ مريم وقفت قبالها وقالت بقوة ـ طلعي برى مانبي نشوفك هنا؟ها البيت لاتوطينه ياواطية؟ نسايم ـ انا شسويت بالله؟ اروى باحتقار ـ انتي دودة تلعبين على الكل؟ مريم بانفعال ـ انتي اللي خططتي على مشاري وانه يتركني وياخذ اختك؟ نسايم بصدمة ـ شنو؟انا مو فاهمة شنو عنه تحكون؟ اروى ـ تقولك مو فاهمة فهميمها؟الكذابة؟ نسايم بغضب ـ اروى ليه تقولين كذا عني وش مسوية انا؟؟؟ اروى ـ جراح يحبني مو؟ سكتت نسايم.. مريم بنفس الانفعالـ انتي اللي قلبتي مشاري....نيتك كانت سودة...تبينه لااحتك؟وش فيها بشاير من زود بس علشان يتركني وياخذها؟ نسايم بصدمة حقيقة ـ مشاري خطب بشاير؟محد قالي لي!! مريم بقوة ـ لعبي غيرها ياكلبة...وطلعي من بيتنا....صبري شوي شوي وبنخليك تطلعين من ها البيت نهائيا انتي واهلك,,,, نسايم ـ اروى ليه تقولين كذا 111 ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــ مايدري أي قلق عجيب انتابه بها اللحظات,,,, تمنى يكلم أي شخص....لامو أي شخص...شخص قريب مرة منه..يحبه بيخفف عليه ويواسيه.... رفع الجوال ودق على ابوه.... صديق العمر مثل مايسميه دايما... جاه صوت ابوه الملهوف وزاد تعبه ـ ها ...بشر يااحمد ولدت ريم؟ احمد بقلق ـ لايبى... ابو احمد ـ احمد يبى شفيك؟ احمد بشرود وخوف ـ مدري....... ابو احمد ـ يبى شفيك...علامك كذا متبهدل...... احمد بارتباك ـ مدري يبى...ريم بغرفة الولادة وانا حاس اني مو قادر اوقف على رجلي... ابو احمد ـ افا؟؟؟وش ها المرجلة ذي!!!!يبى كل الحريم ولدوا وش جاهم؟قاموا وجابوا عيال وعيال وربوا وكبروا... احمد بتنهيدة ـ يبى انا قلبي مقبـوض ووهي ماطمنتي..حسستني بشي ماابي اتخيله.... ابو احمد ـ انا صاعد لك يااحمد انتظرني... احمد ـ يبى انت هنا بالمستشفى,,,, ابو احمد بصدق ـ وانت مفكر ان ولدك اللي جاي للدنيا هاذي بس انت تنتظره؟؟؟لا انا قاعد اعد له يوم اللي بيشرفنا ساعة بساعة وقلت خلني اكون قريب منك علشان بس تبشرني اشوفه واشيله .... سكر ابوه منه ومسح دمعة نزلت منه.....فرح ....فرح حييل يوم عرف ان ابوه موجود هنا وجالس يشاركه نفس المشاعر...... ابوه بعد قاعد ينتظر جية ولي العهد ويشيله ويسميه.... مرت ثواني طويلة وهو بسرحانه ماانتبه فيها على وجود ابوه غير يوم ضمه لصدره,,,, احمد بهمس ـ ـيبى تكفى انا محتاج كبها اللحظات اترك الدنيا كلها وكون جنبي يالغالي.... ابو احمد ـ انا جنبك يااحمد...تطمن وهد بالك مافيهم الا العافية شوي وبيطلعون لك الصغير لو الصغيرة وبيقولن لك ريم مافيها الا العافية انت بس خلي توترك يايبى شوي.... احمد بقلق ـ مو قادر يبى...تكفى حس فيني... ابتسم له ابوه..... تنهد احمد وقال الابو علشان يغير له جو ـ خلاص زوجني وانا اجيب لكم اخو جديد واعي شبها الموقف علشان احس فيك!!! ابتسم له احمد وهو ماوده..وحط ابو احمد كتفه عليه...ووقف جنبه,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ دق الباب وقالت بملل وهي متوقعة شلة الانس جاية تكمل ـ نعم... دخل ابوها الغرفة وها الشي ماتخيلته ابدا!!! صار له كم يوم مقاطعها.....ومايكلمها على حساب وليد النحس الزفت!!!! وقفت يوم شافت... وظل يناظرها بنظرات حيرتها...... ابو مطلق ـ قالت لك امك ان في واحد جاي يخطبك؟ سكتت ماعرفت شتقول..... ابو مطلق ـ مشاري اللي كان مناسب عمتك...... تنهدت وماعلقت... ابو مطلق ـ انتي شرايك؟ ها السؤال طلع من ابوه بصيغة استجواب مافاتتها...اي كلمة منها ممكن تحسس ابوها ان بينها وبين مشاري شي وتخليه يرفض هالزواج نهائيا ويعتبرها هي السبب بتركه لبنت عمتها؟ رجع عاد عليها السؤال من جديد وكانه ينتظر اجابة مرضية ـ شقلتي!! بصعوبة قالت ـ الراي رايك انت يبى انا مالي شور بعد شورك..... قال بتشكيك ـ يعني منتي موافقة عليه... بشاير وهي بالعة غصتها وقالت بمرارة ـ وانا شقدر اقول بس يبى....انت اللي لك الشور مو انا!!! تنهد بارتياح وقال ـ انا رافضه بس حبيت اشوف رايك...انتي مالك الا وليد يابشاير؟ هزت راسها وكانها تسايره وبس طلع من الغرفة دفنت راسها بين المخدات وقامت تبكي بحرارة وقهر...وبدون صوت....ماتبي احد يسمعها ؟ ماتبي صوت بكيها ودموعها يفضحونها.... ابوي شقاعد يقول؟ انا اخذ وليد؟؟؟وانسى مشاري؟؟؟ ياربي لا......انا مااخذ مشاري برضى بس لااخذ وليد؟؟؟ وينك ياجراح انت وعدتني...لاتتخلى عني...ماابي وليد ابي مشاري...احب مشاري ياعالم,,,مالي عيشة مع غيري..فهمهم ياقلبي...قول لهم بشاير تتنفس اسم مشاري مو بس هواه!!قول لهم هي من دونه ماتعيش....كيف تحرمونها منه وليش؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ اشوفكم بكرة على خير ان شاءالله... | ||||
|  |
|
07-12-11, 08:04 AM
| #102 | ||||
| البارت السادس والثمانين,,,,,,ـــــــــــــــــــــــــ ـــــــــــــــــــــــــ ـــــــــــــــــــــــــ ــــ مطلق بهمس في السيارة ـ وين حبيبي اللحين؟ دارين ببتسامة ـ ليه في خيارات؟ مطلق ـ طبعا في...علشانك انت نو جد كل الخيارات؟ دارين..... مطلق ـ تبي نروح البيت ولاالفندق ولاالشاليه ولاالفيلا.... دارين ـ مطلق...احنا ماراح نسكن مع ابوي؟ مطلق ـ لاطبعا انا عندي الفيلا الخاصة فيني.... دارين ـ أي بس انا صرت اخاف منك وابي اقعد عند ابوي.. مطلق بهمس ـ ماخلص الدلع لسه؟ دارين وهي تلعب بثوبه ـ لا... كانت عيونه على يدها اللي حاطتها على رجله وتلعب بثوبه وحط يده عليها وقال بهمس ـ هذا كله وماخلص؟ قالت بثقة مغرية ـ اصلا الدلع مابيطلع الا بالشرقية ياروحي .. تنهد وقال بحرقة ـ وهذا اللي راح كله شنو؟ قالت وهي تغمز له بعيونها ـ تقدر تقول مقدمة... مطلق ـ ياقلبي...؟ دارين ـ وش فيك؟ مطلق بتنهيدة ـ اذا كذا معناته بذوب وبيذوب قلبي معي!!!بتطلعين الشيب براسي من بدري... تقربت منه وقالت بهمس ذوبه اكثر ـ خل يطلع الشيب وين مشكلتنا!!!يبى كل شي فيك عاجبني وبيعجبني!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ دخلت الغرفة وسكرت وراها الباب,,,وتنهدت بعمق.... هذا اكيد بيجننها لامحال.....وش اللي تبي توصل له وترسي عليه ياجراح بس!!! دخلت الحمام اللي بنفس الغرفة وبدلت ثيابها بعد حمام صغير ,,, طلعت ورفعت شعرها كله لورى ولبست لها ثوب قصير اسود مكمم يوصل لين الركبة.... اللحين شلون بقعد معاه ذا بدون عباية!!احس اني مو قادرة اتعود على ها الوضع الجديد ابدا!!! ياربي انا عشرتي الاولى ماشلتها من بالي دخلت بعشرة جديدة اللحين؟؟؟ وش اللي جاي ياهالة وش اللي جاي؟ يوم ترفع راسها لقته قاعد ومتمدد على الفراش... قالت بحدة ـ خير ان شاءالله.. جراح مسوي توه يشوفها ـ قمتي...حمام الهنا ان شاء الله.... هالة بعصبية ـ لاتسوي لي فيها مسكين وطيب؟ جراح ببراْة مصطنعة ـ وانا شسويت عاد؟ هالة ـ انت شمقعدك بها الغرفة؟ جراح ـ وين مشكلتك... هالة ـ مشكلتي انك قلت لي انها غرفتي!!! جراح ـ واذا... هالة ـ فيها انك لازم تعرف اني مااحب احد يشاركني أي شي.....اغراضي لي بروحي...بالمختصر انا مااتعاشر؟؟؟ قام من السرير وكان يناظرها من طلعت وهي محاولة تبعد عن نظراته وهذا سبب عصبيتها... صارواقف قبالها مباشرة وقال ـ ماسمعت!! هالة بانفعال واطي ـ لاسمعت...مااحب احد يشاركني شي...الفيلا طول بعرض وكلها غرف جت على الغرفة اللي انا فيها جلست فيها.... جراح مسك يدها اللي حاولت تبعدها عنه وقال بثقة ـ هذا يابابا مايسمونه مشاركة,,,أي اثنين متزوجين تكون لهم نفس الغرفة يعيشون فيها مع بعض.وابشرك في اشياء كثيرة غصبا عنك بشاركك وبتشاركيني فيها,,,,, هالة بحدة ـ انا محد يغصبني على شي فهمتني!!! صار وجهها بوجهها يوم يجرها من يدها وتصير بحضنه وقال ـ لامافهمت,,,,بس بعد اذنك يادكتورة,,,ترى فيني رغبة قوية وقاعد اداريها من وصلنا اني ابوسك...ومو قادر ااْجلها اكثر من كذا!!! يوم فتحت عيونها على وسعها علشان تعترض على كلامه كان هو تقرب منها اصلا!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ نسايم بحدة ـ بشايروا.... رفعت بشاير راسها وناظرت بالباب اللي دخلت منه نسايم مثل الصاعقة واللي صار محرم عليها انها تقفله,,, قالت بخوف ـ نسايم... نسايم بدون تصديق ـ انتي هيه...صدق الكلام اللي سمعته!! بشاير بتعب وتوتر ـ أي كلام؟ نسايم ـ انتي انخطبتي!! بشاير ـ مدري.... نسايم بحدة ـ قولي الصدق؟ بشاير ـ .................... نسايم ـ يعني صدق مشاري خطبك؟اه منك يالداهية تلعبين من ورى الكل؟خططتي تاخذينه واخذتيه!! بشاير بدفاع ـ انا شكوا؟؟؟هو مايبيها وتركها...ليه يوم خطبني صرت انا اللي بوجه المدفع؟ نسايم بتشكيك ـ لانك تعرفينه من كان معها؟واحد مثله ماتملي عينه وحدة مثل مريم والاكيد انتي بعد ماتملين عينه.... بشاير ـ انتي ليه تقولين كذا!! نسايم ـ انتي كنتي تكلمينه صح؟ذاك اليوم يوم سمعتك كان هو مو جراح؟ ماعلقت بشاير وقالت نسايم بتهديد ـ وابوي عرف انك كنتي تكلمين خطيب بنت عمتك وسكت لك مااْدبك؟انا لو منه مااوافق على ها العرس؟تدرين ليش...لانك تدعين البراْة وانتي خرابة بيوت اصلا!!!! بشاير بانهيار ـ بس...بس..كافي حرام عليكم!!شسويت انا؟وش الذنب اللي ذنبته اللي خلاني اكفر بالنسبة لكم!!!مشاري خطبني وقامت القيامة عندكم وماقعدت!!انتوا ماوافقتوا..خلاص اعتقوني...ارحموني...اتركوني اعيش...حلوني احس اني انسانة طبيعية بدل ها اللي تسوونه فيني.... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ زينةـ ـ احمد.... رفع راسه لها ولقاها واقفة قدامه.... قالت بتعاطف ـ مدري وش اقولك....... احمد وعيونه تدمع ـ لاتقولين أي شي....بس شيليها عني!!! قالها ومد يده لزينة بالبيبي الصغيرة اللي كانت عنده.... اخذتها منه زينة وهي تبوس فيها ودموعها ماهي راضية توقف من سمعت الخبر... احمد وهو يمسح دموعه ـ ليه خلتني وراحت وتركت بنتها عندي!!! زينة وهي تبكي ـ هاذي بنتك يااحمد..... احمد بعصبية ـ ماهي بنتي وماابيها...هاذي مو بنتي ..هاذي ذبحت الغالية وموتتها وخلتها تغيب عن عيوني ودنيتي!! زينة ـ اذكر الله يااحمد.....هذا كان يومها... احمد بضعف ـ زينة..انا ماعندي احد.؟ قالت بعتب ودموع ! ـ افا يااحمد افا..وانا وين رحت بس!!!انا تحت امرك انت وبنتك...بشيلك وبشيلها من عيوني يالغالي...انت تامرني وانا اخدمكم وانا ساكتة؟ ظل يبكي وهي مو عارفة تظل شايلة الصغيرة ولا تروح تحضنه تواسيه,,, لين قطع الجو كله ابوه وهو يهزه ـ احمد احمد يبى... رفع راسه وهو شارد ونظرات الخوف بعيونه... ابو احمد ـ احمد علامك اسم الله عليك...صار لي ساعة اكلمك.... احمد بشور ولاوعي ـ ها... ابو احمد ـ شفيك؟تعبان يبى.... احمد تنهد وماعلق بشي حس انه ضايع ومو عارف وين هو فيه.. ابو احمد ببتسامة ـ احمد لاتسطل مو وقتك...قوم يبى صحصح....ريم ولدت وجابت لك ولد يالغالي...قوم شوفه قوم.... احمد بذهول ـ ريم جابت ولد؟ ابو احمد بفرح ـ أي يبى.... احمد بنفس الذهول ـ ولد مو بنت؟ ابو احمد بتاْكيد ـ أي ولد ولد يااحمد.. احمد ـ وريم مافيها شي.. ابو احمد ـ مافيها الا العافية...انت بس قوم شوف الولد..... احمد بتنهيدة ارتياح ـ لايبى انا بروح المصلى اول ابي اسجد لربي سجدة شكر.... لازم يشكر ربه على انه بلحظة من لحظات الشيطان كانت عاميته ومبعدته عن الواقع اللي هو فيه,,,,الحمد الله ياربي ريم ولدت بالسلامة الحمد الله... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ وليد ـ يمه....ياام وليد... ام وليد ـ خير ان شاءالله؟ لف لها وكانت قاعدة على الكرسي الملكي اللي قبال البابا.. راح لها يركض وقالت بتهجم ـ توقعتك ماتجي بس اشوفك جيت... وليد ـ ولدك قرب يصير مليونير.... ناظرته بشك واسكتت.. وليد ـ عطني اول يدك ابوسها.... ام وليد ـ ادخل بالسالفة مباشرة... وليد ـ تدرين وش محتاجين يمه.... ام وليد ـ .... وليد بهمس ـ التوكيل اللي ابوي مسويه باسم احمد؟ بشماتة قالت ـ باسم احمد مو باسم وليد؟ وليد بدهاء ـ هني وليد يعجبك... ام وليد باهتمام ـ شبتسوي؟ وليد بحقد ـ ان شاءالله بترك احمد العاقل اللي يخاف الله يلهف الحلال هو وولده اللي جاي وانا اتفرج؟معصي....بقلب التوكيل باسمي... ام وليد ـ التوكيل باسم احمد وعليه توقيع ابوك؟ وليد ـ شايف لي واحد شاطر بدبي بيشيل اسم احمد وبيخليه وليد وبدون محد يحس....واذا اخذنا حقنا انا وانتي نرده باسم احمد ولامن شاف ولامن درى...وش رايك باللي منتي واثقة فيه يالغالية؟ ام وليد ـ ششمسوي لبشاير بنت خالك انت!! تغيرت الوانه وقال بعصبية ـ انا بالتوكيل وانتي ببشاير؟منتي معي ايلغالية؟ ام وليد ـ لامعك...بس حبيت اسئل؟ تنهد وقال ـ انا ابي اتزوجها يمه... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ في فيلا مطلق ودارين,,,,, كان مطلق جالس بالصالة وبناته قباله ودارين بالغرفة تبدل.... فاطمة ـ زعلانة منك ولاتحاول تكلمني!! مطلق ـ على عيني وعلى راسي.... شيخة ـ وانا بعد؟ مطلق ـ والله منى عيني اللي بتزعلون كلكم؟؟ عايشة ـ انا مو زعلانة؟ مطلق بخيبة امل ـ افا؟؟؟والله تمنيتك اياهم زعلانة؟ عايشة ـ اللحين مو من صدقك ماجبت لنا ولاشي اكيد بعدين بتطلع لنا الهدايا مثل الافلام؟ مطلق ـ ول قديمة بنتي من زمان طلقوا الافلام؟ فاطمة بغضب ـ قلت لك لاتكلمني!! مطلق ـ يبى...كلمتك انا!!متى؟ شيخة ـ احنا ماشفنا دارين من جينا؟؟؟راحت بيت اهلها؟ مطلق بتميلح ـ لاماراحت بيت اهلها...رحت تبدل وبتجي؟ فاطمة بسخرية ـ من العصر واحنا هنا وهي تبدل؟؟؟حشى وش بتلبس؟؟؟ مطلق ـ هههههه الله عليك ياقمر...طالعة خفيفة دم لاابوك.. فاطمة ـ أي مرة بعد!!اصلا وين خفة الدم وهو وين؟قول بس وش تسوي؟ شيخة ـ لايكون ماتبي تقعد معنا؟ مطلق ـ لاحووول عصابة انتوا!!!!يبى البنت جت تعبانة ونامت علشان تسهر لي الليلة واللحين بتجيكم؟ عايشة ـ على بالنا بعد ماتبي تقعد معنا!!! فاطمةـ انت ليه تبيها تسهر؟ مطلق ـ لاني اجازة ولانها ماعندها دراسة اللحين فلازم مانضيع وقت؟ فاطمة ـ شلون يعني؟ مطلق ـ انتي لو تقعدين للصبح ماتخلين سؤال ماتسئلينه فا الاحسن اني مااجاوبك ولا اجابة ؟ شيخةـ زين يبى انتوا تسهرون شتسوين؟ فاطمة ـ اذا بتشاهدون احنا بعد بنشاهد؟ مطلق ـ لامحنا مشاهدين ياام لسانين تطمني؟ فاطمة ـ حتى بغرفتكم؟ مطلق ـ حتى بغرفتنا عمتي...وقت نشاهد بعد!! عايشة ـ اجل يبى وش تسووون؟ مطلق ـ طال عمرك نلعب.... عايشة ـ وش تلعبون؟ مطلق بضحكة ـ عريس وعروسة.... فاطمة باعجاب ـ الله...يبى بلعب معكم الليلة؟ مطلق ـ قومي انقلعي نامي من اللحين قالت بلعب معكم!!! عايشة ـ شلون تلعبونها يبى؟ دارين ـ السلام.... لفوا لها كلهم ومطلق ناظرها وابتسم...... دارين ـ عندكم اجتماع عائلي؟ شيخة ـ شلون تلعبون عريس وعروسة انتي وابوي؟ دارين ـ شنو؟ مطلق ـ ههههههه سحبتها عايشة من يدها وقعدتها جنبها وقالت لها ـ ابوي قال انكم تلعبون الليل لمى تسهرون عريس وعروسة شلون تلعبونها.. رفعت راسها ولقتها يطالعها ويضحك..قالت بقوة وهي تضحك له ـ تبي تطيحني بيدينهم يعني؟؟؟؟ مطلق ـ يالله دبري حالك..... قالها وقام من مكانه وجلس جنبها... شيخة بضيق ـ يبى انت جالس هناك ليه جيت هنا بس!! مطلق ـ بيتي واقعد بالمكان اللي يرحني منو له عندي شي؟ شيخةـ أي بس يبى المكان ضيق.... همس لها مطلق ـ وين الثوب الزهري اللي جهزته لك؟ دارين بنفس الهمس ـ حسيته قصير مرة.... مطلق ـ صغار مايفهمون؟ دارين ـ لا...شيخة وعايشة كبار ويفهمون...وذيك البلوة طالعة لاابوها كل شي تعرفه خله لبعدين؟ مطلق ـ اجل اول مانقوم تروحين تبدلين وتلبسينه؟ دارين ـ وكم تدفع؟ مطلق ـ نص عمري.. دارين بضحكة وصوت عالي ـ مااصدقك!!!كل ليلة تقول لي نفس الحكي ؟ عايشة ـ أي دارين ماقلتي شلون تلعبينها؟ دارين ـ توي اقول لاابوك وقال قومي انتي فوق وانا بعلمهم شلون يلعبونها...يالله تصبحون على خير.... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ الليل في فيلا جراح,,,, جراح ـ قومي نامي بلا سهرزايد؟ فهمتها هالة شي ثاني وقالت له ـ ماابي انام كيفي!!! قال بحنان ـ حبيبي مايصير بكرة وراك دوام ولامفكرة انك بتظلين كذا وحاطة رجل على رجل يادكتورة؟ ناظرته بدون ماتتكلم وها الحركة تسويها هالة لااي شخص قدامها لو مافهمت عليه وش يقصد..ولانه جراح ولانه عاشقها من الصغر قال بكل اهتمام ـ متى يناسبك يمرك السايق...ترى من هنا لين المستشفى اللي انتي تداومين فيه فوق النص ساعة.... تنهدت وحست بالارتياح نسبيا.....اذا بتداوم بالمستشفى معناته هو مهتم فيها وبوظيفتها,,, بس سئلته باهتمام ـ وش معنى ها المكان ياجراح؟ليه مو منطقة ثانية ولامستشفى ثاني وكلتهم يعطوني تغطية فيه؟ قال بصدق ـ يمكن لان المكان هنا طبيعته روعة...صدقيني الجنوب شي يريح النفس والاعصاب وبتشوفين؟؟؟ قالت بسخرية وهي قايمة وتاركة وراها المخدة ـ بس واسطتك قوية مرة اللي بتجيب وبتودي فيها البشرعلى كيفك!!! قال وهو يحط رجل على الثانية ـ لدرجة ماممكن تتصورينها...حتى اني وظفت دكتورة بالخبر علشان تكون قريبة من عيني واشوفها دايم الا اذا هي على بالها تووظفت كذا هذا شي ثاني!!! قالها وهي كانت تمشي بتطلع من الصالة ويوم ترجمت كلمته وفهمتها وقفت مكانها وهي بعدها عاطيته ضهرها وهذا هو اللي كان يبيه انه يوصل لها ها المعلومة بها الوقت علشان تعرف ان حتى مكان شغلها باختياره هو.... اما هي جمدتها الصدمة,,,, معقول وصلت لهنا يختار حتى المستشفى اللي يبيه؟؟؟صحيح كان املي انه يكون قريب من اهلي مو بعيد بس ماتوقعت لهدرجة من القرب؟؟؟ومشيتها انها ضربة حظ جتني....اثاري السالفة فيها انت ياجراح؟؟ ماانتبهت انه قام ووقف جنبها غير يوم قال بهمس باذنها ـ وعسى بس ارتاحت فيه وماكان عندها ضغط هناك!! قالها ومشى من قدامها يوم رفعت راسها...بس علشان ياْكد لها انه له دور بحياتها من زمان مو توه؟؟؟ اخذت نفسها ومشت بعصبية للغرفة وحمدت ربها انه ماكان هناك,,, توها بتقفل الباب الا جوالها يدق على الفراش... راحت له وهي عرفة ان ابوها اللي متصل لانها منتظرة منه اتصال يطمنها... ردت بلهفة بعد ماشافت اسم الوالد مضوي الشاشة ـ هلا يبى.... ابو احمد ـ هلا دكتورتنا...عسى بس ماازعجناكم؟ هالة ـ لايبى قاعدة ..بشر؟ كان جراح توه داخل وابتسم على كلمتها(قاعدة) لاغية وجوده نهائيا ها البنت!!! ابو احمد بارتياح ـ هالة...احمد صار ابو....جاه اليوم ولد.... تنهدت بارتياح بس مرت عليها لمحة حزن على ملامحها ماغابت عن جراح اللي كان متسند على الباب يناظر بوجهها وكانه يناظر بمرايا..... هالة بعد مابلعت ريقها وهي تحاول تخفي مسحة الزعل من صوتها بس كانت البحة واضحة فيه ـ صدق!!!مبروك يبى...عساه يتربى بعزك وبعز ابوه ان شاءالله.... ابو احمد ـ تراه هو يبي يكلمك يبشرك بس انا مارضيت قلت محد يبلغ بنيتي الا انا... سكتت وماعرفت شتقول...... ابو احمد كمل و كانه مايبي يعطيها مجال لااي سكوت وزعل ـ احمد وريم طلبوا مني اسمي ولدهم وانا قلت لهم محدب يسميه غيرك.....ها وش قلتي ياهالة وش نسميه؟ هالة ودموعها بدوا ينزلون بقوة ـ وش بيكون يعني احلى من اسمك يبى؟ ابو احمد ـ هههه هالة بانكسار ـ عبدالله يبى...لى اسمك....علشان يكون شبهك.... ابو احمد ـ خلاص بعد مدام عمته هالة سمته اكيد بيكون غير الناس وبيكون متميز...عسى الله يحفظه,, كملت بسرعة قبل لايجرح فيها ابوها شي باسلوبه اللي كان يواسيها فيه ـ احمد جنبك يبى ابي اكلمه ابارك له؟ ابو احمد ـ لاوالله انا قايل له يرجع البيت يرتاح ل شفتيه ميت من التعب بس ماشكله راح .. هالة ـ خلاص اجل بكرة الصباح انا بكلم ابرك له ..تصبح على خير يبى..... قالتها وهي مقررة تنهي المكالمة اللي قلبت لها مواجع اتعبتها بجد وماانتظرت حتى وش يقول ابوها... رمت الجوال عند السرير وامت تمسح دموعها وهي تشاهق..... قالت وهي تكلم نفسها بس بصوت مسموع ـ ادري يبى اني مااجيب عيال؟؟بس مو معناته انك تواسيني بها الطريقة....ترى والله ذبحتني يبى بكلامك وطلب ك؟؟؟ادري اني في يوم مارا ح ا كون اْم ادري!!! جراح بهمس من ورها علطول ـ من قال ياماما..... لفت له وماانتبهت انه كان جالس ورها علطول ويوم لت صار حضنها بحضنه قالت بانهيار وهي تبكي ومغرقة نفسها بدموعها ـ ليه يسوون فيني كذا ويعايروني بني مااجيب عيال؟ جراح وهو يمسحفي دموعها ـ ابوك مايقصد....بس انه عطاك دور الاخت الكبيرة ولاالعمة الكبيرة اللي جاية للبيبي الجديد لاتتحسسين؟ هالة بانفعال وهستيريا ـ ادري اني مارا حاكون ام ادري؟ مسكها من كتوفها وقال برقة ـ من قال بس!!!!اتي احلى ماما؟؟؟الحلو فيك انك ماما لي انا وبس!!! بانهيار قالت ـ جراح...... قال وهو يبوس دموعها ويهمس ـ بالعادة الماما تاخذ ولدها بحضنها صح؟بس ها المرة لان الماما بكت وولدها معها فهو بياخذها بحضنه ويحميها من كل شي,,, قال وماعطاها مجال تعترض دفن راسها بصدره وطبق بحضنه عليها بقوة وهو اصلا يبكي لبكاها بس بدون ماتشوفه,,,, ظلت تبكي وتبكي وتبكي وهو يبكي معها ويمسح على شعرها بين كل لحظة والثانية,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ اشوفكم على خير بكرة ان شاءالله... أي صحيح قبل كم يوم وحدة قالت لي تبي بارت خاص بدارين ومطلق وهالة وجراح...انا ماتناسيته ولاحقرت انا مجهزة لها ان شاءالله البارت الخاص هذا بس لان احداث اللحين مابتمشي معه بس بتشوفه قريب ان شاءالله... | ||||
|
| |
|
07-12-11, 08:06 AM
| #103 | ||||
| البارت السابع والثمانين,,,,,,,ـــــــــــــــــــــــــ ـــــــــــــــــــــــــ ــــــــــــــــــ كان يناظر فيها وهي بحضنه,,,, غفت عينها بعد ماانهارت بالبكي,,,, لمتى بتظلين كذا ياهالة وبيظل ها الموضوع معذبك ؟؟؟ياربي وش اسوي... كيف فيني اخفف عنك بس يالغالية,,,, تنهد بقوة وهو يناظر شعرها اللي كان طايح عليها باهمال.... ملامحها كانت كلها حزينة ومرهقة..... بالها دايم مشغول....كيف تفهمين بس ياهالة ان العيال مو كل شي بالدنيا!!! حاس فيك بالقوة..وعارف لانك محرومة من ها الشي فهو عندك اساسي ومهم!! بس صدقيني ياروحي بحاول اني اسعدك وانسيك ها السالفة .... شوفيني ياهالة....سنين طويلة وانا احبك وابيك,,,وها الرغبة بيني وبين نفسي وكل مايمر يوم احس ان تحقيقها اصعب شي بالوجود.... بس هذا انتي بحضني...وصرتي ملكي ولي.....يمكن ماهو بكيفك وغصبا عنك بس انا بعزيمتي تركت كل شي حتى الاهل وزعلهم وجيتك....لانك فرحي....لانك الشي اللي تمنيته طول عمري...... كان يناظر بوجهها وهو يقول بينه وبين نفسه ـ ياترى بقدر بيوم اشيل قناع ها الهم والزعل من وجهك وابدله الى قناع فرح وارتياح ! لو هي مجرد امنية صعبة بها العالم مابقدر احققها؟ رفعها من على صدرها وحطها على الوسايد علشان لاتتعور وهي نصها نايم عليه ونصها قاعد,,,,, ظل يناظر بوجهها وهو قبالها....هاذي مشكلته معها انه كل ماشافها ماشبع من شوفتها!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ احمد بهمس ـ حمد الله على سلامتك يالغلا... لفت له وقالت بتعب ـ احمد,,, تقرب منها وباس راسها وقال بهمس ـ ياروح احمد.... ريم بعتب ـ وينك؟ليه توك تجي... تنهد بارتياح ومارد عليها... ريم ـ شفته؟ احمد وهو يبتسم ـ لا قلبي...ماطاوعني اشوفه قبلك وقلت بشوفك انتي اول... ابتسمت له بضعف وقالت ـ حتى انا ماشفته قلت مابشوفه الا وهو بحضنك وانت شايله.... احمد وهو يضحك ـ وش ها الاهل اللي مافيهم خير...الولد طالع صار له فوق الساعة وماشافته لاامه ولاشافه ابوه؟ ريم بنفس التعب ـ وامه شلون تشوفه وهي تحب ابوه وتبيه هو يشيله قبلها لانه هو كل الخير... نزل احمد لمستواها وقال بصدق ـ ماولدتي ياعمري وانا فيني نقطة دم تجري؟؟؟احس روحي كلها طلعت... ريم ـ احمد تعبت حييل تعبت.... مسك يدها وقال بحنان وهو يبوسها ـ راح التعب خلاص.....هذا انتي قدامي واللي باقي بيروح مع الايام...اهم شي طلعتي بالسلامة وطلع منها وليدنا الحلو.... بها اللحظة جابته الممرضة بعد مادق لهم احمد يجيبونه واخذه منها وتقرب من ريم..وحطه بينهم...... صارت نظراتهم اثنينهم في بعض بدل ماتصير عليه وابتسموا لبعض وناظروا فيه,,,,, ريم باعجاب ـ احمد يشبهك مرة.....ماتخيلت انه بيكون كذا... كان ساكت ويناظر بولده بس... ريم ـ ياربي انا شلونا تحمل اناظر فيكم اثنينكم مقدر؟مابعدل بينكم.... احمد بتهديد وهو بعده يناظر بولده ـ ياويلك العدل مايكون من صوبي ويروح له اذبحك بعدين.... ريم ـ بذمتك مو يشبهك؟ احمد بتمتمة ـ امم...عبدالله احمد.... ابتسمت له... قال بفرح ـ ريم..هذا الولد وصار يشبهني وش رايك تحملين بعد وتجيبين بنت وتصير تشبهك؟ لا طبعا ,,,قالتها بكل صدق.... قال وهو يناظرها بخبث ـ ليه؟ ريم بتعب ـ على الاقل خليني اطلع من المستشفى واطلب ها الطلب؟؟؟توي طالعة من ماساة حقيقية وماصدقت متى انتهت الولادة وانت تقول لي احملي واولدي بعد!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ ابو احمد ـ لو شفتيه ياام وليد يطير عقلك؟ ام وليد بحقد ـ اسم الله على عقلي لايطير.. ابو احمد بارتياح ـ مشاءالله عليه...قطعة يشبه ابوه تماما.. ام وليد بقهر ـ أي....الله يهنيهم,,,, ابو ااحمد بارتياح ـ ماصدقت اني بشوف عيال عيالي بيوم من الايام لين اليوم شفت ولد احمد وشلته بين يديني.... ام وليد بحقد ـ أي الله معاوضك يوم مابتشوف عيال هالة.. كمل وكانه ماسمع كلامها ـ تصدقين شلته قبل امه وابوه...ريم مارضت قالت انت اول من يشيله ياعمي؟ هي جابت له طاري هالة علشان يتضايق ويشيل سيرة ولد احمد ويوم شافته مااهتم لكلامها زادته ـ أي بعد ريم تبي تثبت نفسها عندك باي طريقة يابو احمد قالت مالي الا اني اعطيه كل الجو علشان انسيه سالفة عرس ولده على غيري!!! او احمد ـ ومن قال اني بعرس احمد على وحدة ثانية غير ريم؟ ام وليد ـ ها...راقت لك بنت القرى اللي ماتناسب مستوانا!!1ولاعلشانها قالت لك انتش يله قبل الكل شلت ها الفكرة؟ ابو احمد ـ انا من خطبت له ذيك المرة وانا متندم,,,وحلفت مااعيدها بعد...احمد رجال عارف يسير ويختار حياته مثل مايبي..... والبنت ماهي مقصرة معه ولامعنا بشي...وكاهي حتى الحفيد جابته.....ماابي اهدم سعادة ولدي.......مدامه مرتاح وسعيد هذا عندي بالدنيا كلها.... ام وليد بحقد ـ أي..... ابو احمد بتنهيدة ـ ان شاءالله شوف باقي عيالي كلهم مرتاحين ومستقرين.....هالة ووليد ومريم واروى ودارين وغسان قولي امين ياام وليد.... بدون نفس وتفكيرها رايح بس لعيالها قالت ـ امين,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ غسان ـ عسى بس مو نايمة؟ دارين ـ لالسه مانمت,,,انت شلونك... غسان ـ انتظر بكرة يجي علشان انزل واشوف ولد احمد؟ دارين ـ مشاءالله...على بالي تبي تشوفني؟ غسان ـ ههههههه وش اشوف فيك.... كان مطلق دخل وقفل الباب وتمدد جنبها وقام يناظر فيها وهي عاطيته نص ضهرها.... دارين مسوية زعلانة ـ زين ياغسان زين....انا وش تشوف فيني...طيب اعلمك بكرة وش تشوف فيني ولايهمك.... غسان ـ خوب اللحين عندك ادوات حرب جاهزة...ثلاثي مايقرصون ابدا!!! دارين ـ هههههه مابغوا ينامون جننوا ابوهملو شفتهم!!! غسان ـ وليه مانيمتيهم انتي!! دارين ـ عندهم اسرار مع ابوهم.... غسان ـ مشاءالله وانتي خارج القائمة... دارين ـ هههههه غسان بصدق ـ مرتاحة يادارين مع مطلق.... لفت له وقامت تسندت على حضنه وعيونها بعيونه وقالت بدلع ـ لاوالله مو مرتاحة معه ياغسان ....تصدق معدبني مرة؟ غسان ـ بدا الفلم؟ ضحكت بقوة ومطلق تقرب منها وباس رقبتها... دارين ـ خلاص انا بكرة اكلمك ولاانت اول ماتوصل حاكيني... غسان ـ معناته سكر....فهمتها خلاص...تصبحين على خير..... ماتدري هي ردت عليه قبل لايسكر ولا رمت الجوال ... دارين بدلع لمطلق ـ خير وش لك عندي؟ مطلق برغبة ـ انا معذبك... دارين بدلع ـ أي... مطلق وهو يتقرب منها اكثر ـ وعلشان كذا جاي اكمل عذابي معك.... غمضت عيوننها وتنهدت بارتياح.... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ اليوم الثاني,,,,, طلعت بدون ماتشوف اذا كان جراح موجود ولا ميت ولاباي داهية....!!!! اصلا هي من البارحة وهي حاسة بالضعف.... ماتوقعت تنهار وتبكي قدامه وهاذي ثاني مرة تسويه...والبارحة انهارت تماما بحضنه.... ياربي خلاص مو قادرة....كل مااقول بنسى ها العيب اللي فيني واحمد الله الاقي نفسي كل ماسمعت بسالفة من هنا ولاهنا اموت ومااحس على نفسي!!! ياربي الهمني الصبر ياربي...ياربي عوضني.....عوضني بكل شي.....ممكن ينسيني العيال وطاريهم!!! تنهدت وركبت السيارة اللي كانت تنتظرها قدام الفيلا..... ركبت وانتبهت ان جراح كان بالسيارة... ماعلقت بالبداية بس يوم مشوا شوي قالت بحدة ـ مرافق ولامحرم؟ جراح بهدوء وهو ماد يده بالقهوة لها ـ تقدرين تقولين خوف عليك ؟ هالة بقوة ـ وليه ان شاءالله خايف علي!! جراح ـ غريب سؤالك ..وش اللي بيخليني مااخاف عليك؟ هالة بنفس القوةـ لاني قادرة امشي اموري بنفس ومو محتاجة لوجود رجال جنبي؟؟؟ جراح ـ غلطانة؟ هالة ـ نعم؟؟؟ جراح وهو يشرب من قهوته ويناظرها برواق ـ نون النسوة شابكة فيك حتى لو بغيتي تنفصلين عنها ...وانا مافيني اترك انثتي الانثى اللي احبها مووت بروحها باي مكان تكون متواجدة فيه ولازم اكون جنبها.... رفعت كوب القهوة لشفايفها علشان تنهي الحوار وظلت ساكتةطول الطريق وهو بعد ماعلق بشي ابدا واحترم سكوتها.... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ زينة ـ حبيبي.... لف لها وهو شارد ومتضايق... كانت جايبة صينية فيها سندويشات وخفايف زينة ـ ترى ذبحني الجوع ومو ماكلة شي الا معك لاتقولي ماباكل ومو مشتهي ترى ذنبي برقبتك,,,؟ تنهد وقال بصدق ـ انا فعلا مو مشتهي اكلي انتي يازينة لاتتعبيني وتشغلين بالي وكني قاصر تعب؟ زينة بعناد ـ لا...بدونك ماراح المس شي..... تنهد وجلس جنبها وقال ـ بقعد جنبك؟ زينة ـ هي مافرقت المكان...فيني كنت اخذ اكلي واوقف جنبك وين المشكلة؟ابيك تشاركني.... مشاري بتعب ـ ماراح تكون لي!!! زينة بتنهيدة ـ مالنا حظ بالناس اللي نحبهم ياخوي.؟ تنهد بقوة وقال ـ بس انا ماابي غيرها..... زينة ـ ريح بالك وانتظر واصبر وشوف وش يصير؟ مشاري ـ انتظر موتي يعني؟ زينة ـمشاري...ماتدري قدرك وش اللي مخبيه لك مع الايام؟؟؟لاتستعجل مصيرك كذا!!! تنهد وماعلق...... زينة ـ مشاري...... مشاري ـ نعم...قالها بشرود... زينة مدت له بسندويش واخدها لانها من عندها ومايبي يزعلها وسوى روحه ياكلها ـ.... قالت بعد تفكير ـ ابي امسك الشركة واديرها.... ناظرها وماعلق... زينة ـ شغل ابوي الله يرحمه كله اعرفه....وماعندي مشكلة....وانت بها الفترة لازم ترتاح...سافر لك كم يوم وغير جو وبعدها ارجع امسك الشركة والحلال....لاتقولي شي فكر بهدوء بعديني عطيني رايك....... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــفي المستشفى,,,,, دارين ـ يامشاءالله طالع لعمتك دارين؟ احمد بضحكة ـ مناك بس مناك قالت لعمتك دارين... دارين ـ انتي وش رايك ريم مو شبهي؟ ريم ـ وهو في احلى منك.... دارين ـ قولوا الصدق شلون طلع نسخة من ابوه؟ احمد بتفخيم ـ بس انا احلى منه شوي... ريم ـ انت اللي مناك قال احلى من ولدي؟؟؟ولدي احلى منك ومافي مجال مقارنة بينكم!! دارين ـ هههه كانهم احرجوك حمودي باشا... احمد ـ زين ياريم...زين ياعمري ياام ولدي عبدالله,,,, دارين ـ اللحين طول وعرض علشان تقول ها الكلمة؟ ريم ـ حقري بس يادارين... احمد ـ انا قايل انتي معها ماتجتمعون مع بعض لاني اكيد بكون ضحية اجتماعكم,,,, دارين ـ تعالوا صدق....ريم انتي وين بتقعدين؟ ريم ـ بالشقة وين يعني؟ دارين ـ ورى ماتظلين بالبيت؟؟ احمد بضحكة ـ اكيد ابوي قايل لك تبلغيني...من امس وهو يقول تعالوا البيت... ريم ـ ـ دارين منو بالبيت علشان اروح...ماغير عمي!!وانا مو منتظرة مثلا ا نام وليد تقوم فيني؟؟ دارين ـ لابس اريح لي انا بعد لمى اروح البيت كل يوم عندك ..بس بالشقة مابقدر اجيك كل يوم.... احمد ـ ليش؟ دارين ـ بيكونون معي البنات....مطلق مايرجع الا المغرب وهو من بكرة بيداوم.....اما اذا ظليتي بالبيت بيروحون هم بيت جدهم وانا بكون معك... احمد ـ ووين المشكلة لو جبتيهم معك؟ ريم ـ أي.... دارين ـ مدري....بجرب يوم وبجي معهم بس لو مامشى الوضع ترى منك يااحمد ولاتقول قصرتي مع مرتي!!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ وليد ـ ها يمه شسويتي؟ تنهدت..... ماودها تسوي ها الشي.....بس فرحة ابو احمد بولد احمد مخلينها تعيش حالة عصبية وقلق... يعني مو كفاية عيال العراقية ماخذين كل الاهتمام ...ها الساعة يجي دور عيالهم بعد!!! هذا توه ولد يوم وابو احمد طاير فيه...بكرة لاكبر شوي شبيسوي؟ مو بعيدة يقسم الحلال بينهم ويخليها هي وعيالها برى الحسبة.... وليد ـ يمه.... ام وليد ـ نعم... وليد بهمس ـ جبتيه؟ ام وليد بتنهيدة ـ أي.... وليد بفرح ـ وينه؟ ام وليد ـ معي.... وليد ـ يالله يمه انا الليلة رايح دبي.... ام وليد بقلق ـ وبتتاْخر؟ وليد ـ بكرة العصر انا هنا.... ام وليد ـ وانت ضامنه اكيد؟ وليد ـ شلون مو اكيد؟اعجبك انا؟ ام وليد ـ المهم قوم نروح المستشفى علشان لاتفتح عيون ابوك عليك ترى بروحه مو شايف غير ولد احمد قدامه وها الشي جاي من صالحك ؟ وليد بضحكة خبث ـ مو بس نزور مرة احمد...نزور المستشفى كله اذا يبي ابوي مدام اخذنا التوكيل وضمناه؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ مطلق ـ مرحبا... لفو له وقالوا هلا.... ام مطلق ـ جاي بروحك وين البنات؟ مطلق ـ وديتهم عند امهم اتصلت تبيهم؟ نسايم ـ والمدام؟ولامايشرفها تزورنا؟ مارد عليها ورجعت امه سئلته عنها... مطلق ـ راحت تشوف احمد...جابوه له ولد البارحة... ابو مطلق وهو جاي ـ أي سمعت اختي امس قالت... مطلق ـ هلا يبى.... ابو مطلق ـ زين انك بروحك بغيت اكلمك..... مطلق ـ خير يبى.... ابو مطلق ـ اختك بشاير؟ مطلق ـ شفيها؟ يوم سئل ها السؤال جالت عيونه بينهم وقال بسرعة ـ وـ وينها صحيح انا حتى امس ماشفتها... ام مطلق بتنهيدة ـ واحنا نشوفها يعني؟حابسة روجها بغرفتها تنتظر القرار اللي بيصدر لها... مطلق ـ أي قرار؟وش اللي صاير؟ زاد شي على سالفة وليد.... ؟؟ ابو مطلق ـ تعرف مشاري يامطلق.... مطلق ـ كيف مااعرفه اكيد اعرفه؟ ابو مطلق ـ طلب يد اختك بشاير؟ مطلق بعد سكوت قال ـ وهذا اللي مخليكم مقلوبين فوق تحت؟ نسايم بعصبية ـ انت واخوك شلون تفكرون بالله!!!هذا كان بياخذ بنت عمتها شلون تاخذه هي؟ مطلق بعنف ـ انتي ياتقعدين حالك حال الطاولة وماتتكلمين ولاماتلزمينا بالقعدة من اساسها... جت ام مطلق بتتكلم الا ومطلق قايل بسرعة ـ انت وش تفكر فيه يبى؟ ابو مطلق ـ اخوك مصر على ها العرس ومايبيها لوليد.... مطلق ـ محد يبيها لوليد يبى وخلصنا من ها السالفة...سالفتنا هي مشاري اللحين؟ ابو مطلق ـ ............... مطلق ـ سئلتها عن رايها؟ ابو مطلق ـ ـ قالت رايك انت يبى اللي بيمشي وانا ماابيه اذا تبيني اقول ماابيه؟ مطلق ـ يعني رفضت علشانك.... ابو مطلق............................ مطلق ـ يبى انتش مشكلتك مع مشاري عدا انه كان نسيب عمتي!!! ابو مطلق ـ ولاشي بس نسبه مع عمتك بيوم من الايام بيخرب العلاقة بينا وبينها من جديد.... مطلق ـ حقنا عندنا ومحد له عندنا شي...هذا اولا...ثانيا ليش وليد ماخرب العلاقة بينك وبين اختك يبى؟؟؟؟ نسايم ـ وليد شسويى؟ مطلق بحدة ـ مو من خصوصايتك.....وروحي قولي لااختك تلبس عبايتها وتنزل... ام مطلق ـ وين؟ مطلق ـ باخذها معي شوي.... ابو مطلق ـ وين بتوديها؟ مطلق ـ اشوف بتحاسبوني لاني باخذ اختي اطلع معها مشوار؟يبى بسولف معها وبدردش وبشوف وش رايها...ويمكن اخليها تنام مع بناتي البارحة طلعوا عيني لين ناموا؟وين المشكلة.... نسايم ـ ـ أي بس انت بتخليها تتمرد زيادة لو عطيتها وجه... مطلق ـ انتي بتنادينها ولا شلون.... راحت نسايم وسط نظرات مطلق اللي كانت تقول شي مو مفهوم.... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ زينة ـ قول انا اسمعك؟ زياد ـ وش اقول؟انتي اللي لازم تسولفي... زينة ـ ماعندي شي مهم بالحكي... زياد ـ احكي لي عن قصة حبك؟ زينة بعصبية ـ وش تبي تعرف فيها...قصة فاشلة ومااكتملت اصلا!!!! زياد ـ كانت من طرف واحد؟ زينة بنفس العصبية ـ أي.... زياد ـ وهو يعرف... زينة ـ أي... وبعد تنهيدة قالت ـ هو مرتبط اصلا!!! زياد ـ اه يازينة اه...ليه كل اللي يحبون مايرتاحون... سكتت وماعلقت وكمل هو.... زياد ـ اللله يسامحها مرام...عيشتني بالم وقهر.....تركتني احبها وارسم معها بيوت وردية وبالاخير قالت انت ماتستاهل تاخذني!! زينة بحنية ـ ليه؟ زياد ـ جاها اللي هو اكبر واسمن وفلوسه بتريحها اكثر!!! زينة ـ كانت مادية؟ زياد ـ معي ماكانت تنظر لها الامور.....بس مدري وش اللي قلبها مرة وحدة؟ زينة ـ أي بس انت دكتور ومستواك حلو..... زياد ـ بس هو تاجر وفلوسه اكثر...رغم انه لايقراْولايكتب....وهمجي بكل التصرفات.....بس فلوسه؟هي ميزته الوحيدة؟ تصدقين عنده ثلاث غيرها؟ زينةـ متندة انك حبيتها؟ زياد ـ قد شعر راسي!!!!لو اختارت احد ثاني..بقول اغراها جماله ولاعلمه ولامنصبه؟بس تفضلني علشان فلوس مع رجال كذا فها الشي مااتصوره ابدا..... زينة ـ وبعد... زياد ـ البعد عليك انتي!!! زينة ـ وينك بالبيت؟ زياد ـ والله لسه بالسيارة ماطلعت منها رغم اني من زمان بالكراج.... زينة ـ خلاص انزل لااعطلك,,, زياد ـ ابي اظل اسمع صوتك...... تنهدت وسكتتت..... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ هالة وهي واقفة بوسط المسطح الاخضر ـ تدري بشنو ذكرني؟ جراح من وراها ـ بمكان شفتيه بفيلم يوم من الايام؟ هالة بنفي ـ لا... جراح ـ ها... هالة ـ بمكان حلمت فيه يوم من الايام ياجراح؟مابتصدقني بس فعلا كنت احلم دايم بمكان مثل كذا... جراح بهمس ـ انتي كل شي تقولينه اصدقه.... فضلت تسكت لاينعاد نفس موال الصبح ويجيب حبه بالنص وها الشي ماتبي تسمعه... قال وهو يمشي وراها ـ وش رايك نتغذى هنا اليوم ترى مع الشمس اروع من الليل يكون ها المكان... هزت كتوفها وقالت ـ كيفك.... جراح ـ طيب وش جاي على بالك تاكلين,,,, هالة ـ ولاشي..... جراح ابتسم.....وقال بحنان ـ طيرت نومة العصر منك؟ هالة وهي تناظر المكان ـ لا المكان منسيني النوم,,,الجو يهبل.. جراح بتنهيدة ـ والله انتي اللي تهبلين ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــا شوفكم بكرة على خير ان شاءالله | ||||
|
| |
|
07-12-11, 08:08 AM
| #104 | ||||
| هلاوغلا فيكم... معليش صار عندي ظرف طارئ وماقدرت حتى اعتذر لكم منه ولااعطيكم موعد محدد فياليت تسمحولي ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ البارت الثامن والسبعين,,,,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ في المستشفى,,,,, كان مشاري طالع من الجناح اللي فيه ريم واحمد بعد ماسلم على السريع وبارك لهم ومطلق جاي مع بشاير علشان يبارك لااحمد وياخذ دارين,,,, يوم طلع مشاري من الجناح ورايح بينزل الا تجي عينه بعين البنت اللي كانت تمشي قبل اخوها... هي بعد وقفت تناظره بصدمة وكان الزمن وقف عليه وعليها.... لا..الزمن ماعاد يضم غيرهم وغير حكي عيونهم..... تجمعت دموعها لاشعوريا وقالت اسمه ببحة وماتدري شلون طلع منها.... هو مطلق شاف مشاري جاي وقرر يتاْخر ويعطيهم جو يتكلمون فيه براحتهم ولا هو فعلا تاخر وهو يتكلم مع الشخص اللي واقف يكلمه بدون أي اهتمام ويوصف له مكان يبيه ومبين انه مو من المنطقة وغريب عنها.... وقف قريب منها وتنفس بقوة وكانه هواها هي بس اللي فيه حياة ويبي يشبعه لااطول مدة ممكنة,,,, مشاري بهمس ـ بشاير.....انا...مو عارف شقولك.... ماردت غير بدموعها....... بحزن قال ـ ماوافقوا اهلك؟ مسحت دموعها وتنهدت..... مشاري بتعب ـ احبك... قالها ويوم رفعت راسها تشوفه علشان تودعه لقت دمعة بطرف عينه..ويوم هي دمعت طاحت دمعته مع دموعها... قال بحرقة وهو يمر جنبها...ـ ـ ماراح اربط مصيري مع أي انسانة غيرك وبظل انتظرك طول العمر بس امانة لاتاخذين احد غيري وانتظريني...... قالها ومشى وترك قلبها يهوي للقاع من جديد......مع حب ماانكتب له يعيش !!! مع اهل بيجبروها على الرفض بس لانه كان بيناسب عمتها وماصار نصيب؟؟؟؟ بس لانها حبته هو من بين الكل وتعلقت فيه وماقدرت تنساه يوم بحياتها؟؟؟ مسحت باقي دموعها يوم شافت مطلق جاي ناحيتها ,,,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ هالة ـ الجو يهبل.... جراح بصدق ـ الا انتي الا تهبلين... سكتت ولفت للجهة الثانية... جراح بحماس ومابخاطره شي...ـ تدرين هالة...مع ها الجو وش اللي ينقصنا نسويه؟ هالة بدون اهتمام ـ شنو؟ جراح ـ نركب تلفريك...... هالة ـ نعم؟ جراح ـ أي... هالة ـ مااتخيل نفسي.... جراح ـ ليه!!تخافين مثلا!! هالة ـ لا..مااخاف...بس ماتخيلت بيوم من الايام اني اركبه ليش مدري؟حتى يوم كانوا اخواني بتركيا والمغرب يركبون انا كنت بعيد عنهم ومااحب اجبر ها الشي..... مسك يدها وصار يمشي بسرعة وهي تناظر بيده وهو يتكلم ـ عارف ها الشي ودايم في بالي انك تخافين.. هالة وبعدها نظراتها عليه لانه سحب يدها وقاعد يمشيهاـ لاماهو خوف بس شي مقدر احدده بالضبط؟ جراح ـ بغض النظر عن أي شي بنركب؟ هالة ـ هذا امر ولا .. قاطعها بسرعة ـ لاتعتبرينه امر ولااجبار... هالة ـ أي وشنو اعتبره بالله؟ جراح ـ مدري أي شي....اعتبريه عرض مغري تركبين وتطلبين بعدها أي طلب يتنفذ لك.... هالة باستهزاء ـ اقول جراح وش رايك بعد نروح الملاهي نلعب؟؟؟ جراح ة ـ أي وين المشكلة نروح نلعب بالملاهي... هالة فتحت عيونها على وسعها وقالت ـ أي هذا اللي قاصرني بعد....اروح الملاهي العب....شقالوا لك بالله!!! لف لها وقال بحنان ـ وش مشكلتك ماتلعبين؟ هالة ناظرته وقالت بصدق ـ انت عارف كم عمري؟ جراح ـ أي.... هالة ـ انا بالثلاثين والعب في الملاهي..... جراح ـ ـ مابعد دخلتي الثلاثين ياهالة ليه تبين تكبرين عمرك وتزيدين سنينك؟عيشيها لحظة بلحظة ياقلبي...باقي لك على الثلاثين سنتين واربعة شهور... بلا وعي قالت ـ وكم يوم؟ بصراحة قال ـ وتسعة ايام...... ظلت تناظره بنظرات غريبة....هذا حاسب عمرها حتى بالايام!!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ زياد ـ اشوفك مارديتي يازينة.... ظلت ساكتة وماقالت شي واكتفت بانها تتنهد..... زياد ـ ماابي منك شي يضايقك ولايضغط عليك...كل اللي ابيه منك اني اظل اسمع صوتك واتطمن عليك.... يعني تظل بينا الاتصالات.. زينة بهدوء ـ وبعدين؟ زياد ـ ............... زينة ـ نهاية القصة شنو؟ زياد بهمس ـ ضايقك طلبي!! زينة ـ زياد انت عشت قصة حب فاشلة مع انسانة مااهتمت بمشاعرك.....وانا عشت القصة نفسها مع انسان ماهو لي لغيري....برايك اتصالاتنا لبعض وكل واحد شكوته للثاني وفضفضته وش نهايتها؟او خل نقول ليه اصلا!!! تنهد وقال ـ زينة..... زينة ـ خلينا نكون صريحين مع بعض.....انا ماراح انسى الانسان اللي حبيته بيوم من الايام وبيظل علطول بذاكرتي وماراح ينمحي منها......مايعني اني ماتزوجته اني بنسى حبه وبروح لغيره ابدا.... زياد ـ ادري انك مابتنسينه....ولاراح تنسينه...لانه الحب كذا يعلقنا بناس حتى لو انقطعنا عنهم افكارنا ماتنقطع لهم....بس انا اقول لو نترك لبعض مجال نتقرب من بعض اكثر تزيد اتصالاتنا وسوالفنا ... زينةـ ـ ادري اني لو احتجت أي مشورة بلاقيك موجود ومابتردني..ولو بغيت اتكلم بتظل تسمعني....بس قلبي يازياد ماعاش الا لذاك الانسان ومن صده ماعاد لي قلب...قلبي مات...توفى؟؟؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــنسايم بعصبية ـ يمه بشاير شلون تطلع مع مطلق؟ ام مطلق ـ وين المشكلة؟ نسايم ـ انتي شفتي ابوي ماكان عاجبه طلعتها؟ ام مطلق ـ اخوها وماخذها بيته وين المشكلة بس يانسايم؟ابوك لو مايبيها تروح قال لمطلق اتركها.. نسايم ـ ابوي مايقدر على عياله...انا شايفة نظراته ابدا ماكان مرتاح لطلعتها؟ ابو مطلق ـ فكينا زين من كلامك اللي لايودي ولايجيب.. نسايم بخبث ـ طيب افرضي مطلق راح زوجها لمشاري من ورانا؟ ام مطلق ـ لي شان شاءالله وين قاعدين احنا يزوجها من ورانا!!! نسايم ـ يسوونها عيالك ذاك اللي اسمه جراح ضرب الكل بالحايط وتزوج المطلقة العقيم؟ تنهدت ام مطلق وقالت ـ ذاك رجال شوره بيده بس هاذي بنت وامرها عند ابوهاهو ولي امرها يانسايم محد يزوج بنته وهو مايدري!!! نسايم ـ والله مدري بس مو مرتاحة لقعدتها مع بنت العراقية احسها بتزيد الخراب فوق روسنا.... ام مطلق ـ انتي بدل ماتوقفين جنب اختك وتسلينها دايم ضدها؟ليش ان شاءالله هي اللي قايلة لمشاري اترك مريم وتعال اخطبني؟ نسايم ـ والله تسويها بنتك مو بعيدة عليها؟ ام مطلق بحدة ـ انتي أي قلب هذا اللي تشيلينه على اخوانك ابي افهم؟لعن بو دارك ماوقفتي مع واحد منهم بحياتك دايم ضدهم؟ماتقولين لي ليش؟ نسايم ـ من زين اخواني اللي اوقف معهم؟ ام مطلق بذهول ـ لابالله انتي مو طبيعية فيك شي...بس تدرين زين ماكان يسوي فيك مطلق والله,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ ام وليد بدون نفس ـ يتربى بعزكم ان شاءالله ولفت على ابو احمد وكملت وهي تناظر في احمد ـ وفي عز ابوك يااحمد.. احمد ـ الله يسلمك ياخالتي..... ام وليد ـ أي بعد ابوك طاير بها الولد تقول ماجوه عيال ولاشاف من قبل عيال؟ ريم ـ الله يخليه ويطول عمره ويشوفهم كلهم مع عيالهم ان شاءالله احمد ـ ان شاءالله.. ام وليد ـ أي ياحسرتي عليك ياهالة زين انها مو هنا لاينكسر خاطرها؟ ابو احمد ـ الله بيعاوضها ان شاءالله.... احمد ـ العيال مو كل شي ياخالتي.... ام وليدـ ـ لا موصحيح ها الحكي...الحرمة بس هي اللي تعرف الحريم شلون يفكرون اذا ماعندهم عيال....الا هي متى نازلة؟ وليد من ورى الستارة ـ اللحين انتوا فتحتوا سيرة هالة وتركتوني واقف.... ابو احمد ـ انت جاي مع امك؟وينك فيه مااشوفك... لوت ام وليد فمها على انه مو عاجبها... احمد ـ خالتي عطيني اياه.. ام وليد ـ خايف على ولدك مني يااحمد؟؟ناسي اني انا اللي مربيتك مع اخوانك؟ شاله احمد وقال بصوت عالي ـ بعطيه عمه وليد يشوفه..وبعدين الله يرحم امي هي اللي ربتني..... ام وليد ـ زين بعد ذاكر ان وليد اخوك ويكون عم عيالك... احمد ـ خالتي حرام عليك....انا مااحب اخواني ولاعادهم اخوان؟الله يسامح بس اللي مفرقنا؟ ابو احمد ـ غسان ماوصل.. ريم ـ كلمه احمد قبل شوي وقال على المغرب بيكون هني.... ابو احمد ـ أي هو قايل بيجي يشوف ولد اخوه وبيرجع مابيقعد مايقدر.... ريم ـ الله يعطيه العافية...ان شاءالله عقباله..وعقبال ماتفرح فيهم ياعمي كلهم.. ابو احمد ـ الله يسمع منك ياام عبداللله.....يوم اللي افرح فيهم هو يوم راحتي,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــ دارين ـ متضايقة من وجودي... رفعت راسها وقالت بتعب ـ لا دارين ـ من رجعنا وانتي ساكتة ماتكلمتي!! بشاير ـ مو قصدي شي يادارين بس انا تعبانة شوي.... دارين ـ التفكير مرهق صح.... ناظرتها بشاير بدون تعليق... دارين ـ بيضايقك لو عرفتي اني عارفة سالفتك وسالفة خطبة مشاري....مطلق قال لي|| تنهدت بشاير وماقالت شي....واحترمت دارين سكوتها... بعد ثواني قالت ببحة ـ حاسة اني قاعدة انخنق؟ دارين ـ وين المشكلة بالضبط؟ بشاير ـ دارين..مشاري كان بيكون زوج مريم اختك اللي هي بنت عمتي بيوم من الايام!! دارين ـ انا مااكرهك ولااكره اختي بس في شي يسمونه انصاف....الرجال مايعيبه شي وبشهادة الكل انه خوش رجال انا كنت اسمعها من ابوي واخواني واللحين اسمعها من مطلق....صار وارتبط بمريم وماصار بينهم توافق والكل تقبل انفصالهم ..هل هذا يعني انه مايكون له نصيب مع احد ثاني؟ بشاير بغصة ـ بس انا اللي صرت الاحد الثاني؟ دارين ـ بتكون غيرك لو ماكنتي انتي!! تنهدت بشاير.. دارين ـ هاذي نظريتك انتي ولانظرية اهلك يابشاير.... دمعة بشاير جاوبت على سؤال دارين اللي سئلته.... دارين وقفت وقالت ـ انا بروح اشوف مطلق والبنات وش يبون عشى وبنزل المطبخ بتلاقيني هناك اذا حبيتي تسولفي.... بشاير ـ فيني اجي اساعدك لو مايضايقك.... دارين ـ البيت بيتك... بشاير ـ شكرا...بغسل وجهي وبلحقك..... طلعت من الصالة وراحت فوق لمطلق اللي كان بغرفة البنات وبس شافها جاية اشر لها لاتدخل وراحت غرفتهم وتوها داخلة الا وهو وراها سكر الباب... دارين ـ شفيك؟ مطلق بهمس ـ بموت؟ دارين بنفس الهمس ـ وش مسوين فيك شلة الانس اللي بيموتونك ياعمري.... مطلق ـ مو منهم.. دارين فهمت عليه وعلى نظراته وقالت بدلع ـ يعني اذا مو منهم اكيد مني!! مطلق ـ برافوا.... دارين ـ طيب فيني افكر....انت شتبي بالضبط؟ مطلق ـ بس بشكل سريع.... دارين ـ اممممممم تبي تحضني مثلا!! مطلق سحبها من يدها لحضنه وقال ـ هو انا ماكنت بحضنك بس مابردك مدامك طلبتي! دارين بضحكة ـ يمه منك يالعيار....اللحين انا اللي ابي مو انت..... مطلق ـ تعالي بس تعالي .....حضني يبيك ويبي يدفا فيك.... دارين بهمس ـ احبك... مطلق ـ وليه ماتقولينها بصوت عالي... دارين وهي متوسدة حضنه ـ هاذي مايقولونها بصوت عالي..... مطلق بارتياح ـ خليكي علطول بحضني ياقلبي ولاتفارقينه مهما صار..بدونك انا بردان و.دفاي الاقيه عندك يادارين..... انا بردان في جوفي وابي ادفابأحضانك ودفا شوقي يبي مره يضمك وسط أحضاني تعــال وظمنــي مــره وخــذ بالعين أوطانك ـتعال وكون في عمري أول وآخر أوطاني تعــال بهالعــمــر مــره واســكنـ بأعيانك وخذ منــي عهد صــادق أحطك داخل أعياني وإذا زادت متــاهــاتــك وزاد الحزن بأزمانك تعال وخذ مسراتي وخذ فرحي من أزماني أنا لوجيــتــنــي مــره ودمعــك بلل أجفانك غصب عنــي تهل عينــي دموع تبلل أجفاني أنا عــونــك بهــا الدنيــا إذا خلــوك أعوانك وكل النــاس أخليهم لاجــل نضرتك ياعيني ـــــــــــــــــــــــــ ـــــــــــــــــــــــــ ـــــــــــــــــــــــــ ـــ زينة ـ شفت ولد احمد؟ اممم قالها بتمتمة وافكاره كلها رايحة بعيد وماهي معه.... جلست وقالت بهدوء ـ صار شي؟ مشاري ـ ............ زينة ـ قايل لك عمي بو احمد شي وزعلك بخصوص خطبتك يامشاري؟ تنهد وماعلق..... زينة ـ مشار يشفيك...تكلم ترى شكلك طالع من حرب.... مشاري بشرود ـ الى أي مدى تؤمنين بالصدفة يازينة.... قالها وناظرها وسكتت وكانها تفكر وبعد ثواني فتحت عيونها وقالت بصدمة ـ بشاير... تبسم بمرارة وقال ـ أي بشاير.... زينة ـ وين؟ مشاري ـ بالمستشفى...كانت مع اخوها جايين لااحمد يباركون له وشفتها... زينة بلهفة ـ كلمتوا بعض؟قلتوا لبعض شي....؟ مشاري نزلت منه دمعة مسحها بسرعة بكم ثوبه وقال ـ ياليت عيونها ماحكت يازينة ياليت... زينة ظلت تناظر فيه وهي ساكتة.... مشاري بتعب ـ كل دموعها قالوا اللي ماقوت تقوله بلسانها يازينة..... زينة بتنهيدة ـ أي بس هذا مايعني ان مشاري بانفعال ـ ان شنو؟ان اهلها بيعطوني اياها ولامابيعطوني؟زينة انتي ماشفتي بشاير اليوم,,,ماعرفت تقول اهلي ماوافقوا وظلت تبكي وتبكي وشلعت قلبي يازينة..... اخوك اليوم تيتم من جديد.....ليش كل شي احبه افقده بها الدنيا ليش؟ قامت من مكانها وهي تداري دموعها اللي طاحوا وحضنته بالقوة وبكت معه وعليه وعلشانه..... ـــــــــــــــــــــــــ ـــــــــــــــــــــــــ ــــــــــــــــــــ حط لها الوسايد ورى ضهرها وجلس قبالها وابتسم... ريم ـ حمودي احمد بضحكة ـ لاتقولين ابي اطلع من المستشفى لان هالطلب مرفوض.... ريم باعتراض ـ أي ليش عاد؟ احمد ـ لازم ترتاحي كم يوم؟ ريم ـ حبيبي راحتي بتكون معك..هناك في شقتنا مو هني.. احمد ـ حبيبي خلاص...انا مابرتاح الا اذا ظليتي هنا كذا يوم وتطمنت عليك وعلى البيبي.. ريم ـ مافينا الا العافية.... احمد ـ خلاص انا مو موافق.. ريم بتنهيدة ـ عنيد.. احمد ببتسامة ـ بذمتك ماتحبين ها العنيد.... ريم بهمس ـ الا اموت فيه والله.. احمد ـ ماسمعك وش قلتي... ريم بضحكة ـ خلاص راحت عليه... تقرب منها اكثر وقال بهمس ـ طيبي بسرعة... بهمس قالت ـ ليش؟ مرر يده على شعرها وقال بهمس ـ مايستاهل احمد تقومين له بالسلامة ... ريم بدلع ـ اول اشوف شلون بيدلعني هو ها الكم يوم وبعدين افكر اقوم له بالسلامة... احمد ـ كذا يعني؟ ريم ـ ههههه احمد مسك يدها وشد عليها وقال بصدق ـ ريم..مهما كان ومهما صر ظلي معي لاتتخليني عني ترى بدونك انا فعلا مااعيش يالغالية,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــ في ابها وتحديدا بمطعم الدوار بفندق قصر السلام.... جراح ـ خلاص خلصنا من فوق نزلنا للارض ركزي شوي... همست له وهي تناظره وقالت بشرود ـ تدري انك عنيد؟ جراح برقة ـ مو اعند من حبيبتي اكيد... هالة ـ اللي اعرفه اني قلت لا...وش اللي خلاني اصير بالتلفريك مرة وحدة ماادري؟ جراح بضحكة ـ بعد وش اللي ماتحبينه علشان نجربه معك.... هزت راسها وناظرت بالاكل.... هالة ـ مشاءالله ماظلت سلطة ماحطيتها؟ ابتسم وماعلق... حطت ملعقتها بصحنها وقامت تقلب بالاكل وبعدها قالت ـ طبعا هذا اثبات على انك تعرف كل شي متعلق فيني حتى ذوقي بالاكل طيب وش بعد اللي تعرفه ياجراح... جراح بصراحة ـ كل شي.... هالة وهي تناظر بالاكل ـ ومن متى بديت تجمع معلومات عني!! جراح بهمس ـ من كنا صغار...... رفعت عيونها تناظره ولقته مو شايل عينه عنها وظلوا يناظرون في بعض فترة طويلة,,, جراح ـ مو قايل لك لايبرد الاكل لاني ادري فيك هالوقت مايمشي معك غير السلطة وبس||بس الوقت يمشي يادكتورة وانتي وراك دوام ياقلبي وماابي اكون السبب اللي يخليك تتاخرين وتنقمين علي؟ بصراحة قالت ـ ليش ياجراح؟ جراح باستفهام ـ ليش شنو ياعمري.... بتنهيدة قالت ـ لي شانا مو غيري اللي اخترتهاا علشان تعيش معها قصة حب؟ تنهد ومد يده ومسك يدها وسط اعتراضها... هالة باحراج ـ جراح شفيك احنا بمكان مفتوح!! جراح ـ اللي اعرفه اني زوجك ومايهمني حكي أي احد بها العالم مدامك ملكي!!!حط يدها على قلبه وتنهد وقال بعمق ـ هذا...هذا هو اللي يختار الناس اللي يبي يحبهم ياهالة مو البني ادم يختار لنفسه؟فيه يختار الناس اللي تعذبه وتهمله ويظل يركض وراها لسبب واحد انه مايقدر يتصور حياته بدونهم !!! حاولت تسحب يدها ونظراتها عنه وتنهد هو... جراح باسى ـ انا بسئلك وش اللي يخليني احب بنتي عمرها مااهتمت فيني ولابشعوري؟اصلا ماحست اني احبها بيوم من الايام؟طيب يوم عرفت كل اللي شفته منها التعذيب ولاغيره....تنهد وكمل...الصد...الاحتقار....العن اد...هذا اللي كان يجيني منك ياهالة....وانا مصر على حبك وبظل مصر عليه لااخر نفس.....مو لاني بدون كرامة ياهالة ..بس لاني مااقدر اعيش بدونك.....انا اتنفسك انتي ياهالة تفهمين وش معنى اتنفسك ياهالة....انتي وجودي ...انتي كياني....انتي كل حياة جراح اللي يحبها ويبيها.. باعتراض قالت وحس هو انه بلهجتها بكي ـ جراح انت المفروض تقسى على قلبك وتحب لك وح قاطعها بقوة تشوفها فيه في بعض ا لاحيان ا ذا شافته معصب ـ انا غير حب هالة ماابي من ها الدنيا,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ في بيت بو احمد.....مطلق توه جايب بنته فاطمة لاامه لانها مارضت تقعد بالبيت وطلع من الباب والا نسايم طالعة من بيت عمتها وغسان توه بيدخل قسمهم وابو مطلق توه بيدخل البيت .. كانت صورة غسان ونسايم اقرب لمطلق من ابوه اللي كان لسه عند البوابة, نسايم ببتسامة يوم شافته ـ هلا وغلا,, غسان بتاْفف ـ لاحول... يمكن القدر بس هو اللي ماخلى نسايم تتلفت حوالينها تشوف مطلق اللي كان واقف يناظرها بنظرات غريبة وخلاها تشوف ابوها بس اللي جاي... تقربت بسرعة من غسان وقالت ـ شخبار ناريمان؟ بحدة قال ـ انتي مالك شغل بحياتي.... نسايم بدلال ـ بس انا حاطتك في بالي!!! غسان بتنهيدة ـ وش تبين؟ نسايم بغرور ـ على شنو شايف نفسك ياولد العراقية ماتقولي؟ غسان بحدة ـ على اني ولد العراقية شايف نفسي لك عندي شي... نسايم ـ لا....بس بخسرك ها الغرور وبكسر لك راسك ياولد العراقية؟؟؟ تقربت اكثر يوم تقرب ابوها ناحيتهم وفتحت عبايتها ورمتها بالارض وتقربت من غسان اكثر وصارت في شبه حضنه.. وصرخت بقوة خلت غسان يفتح عيونه ويوقف مكانه من الصدمة ـ وخر عني ياحقير,,,وخر عني ياكلب.....بصرخ وبفضحك بها البيت اذا ماتبتعد وتشيل يدك عني؟ ابو مطلق رجله قربته من غسان ومسكه من قميصه وغسان بعده بحالة ذهول...حتى مطلق ماافاق من حالة الذهول بعد... نسايم بروحها قامت تبكي وشالت عبايتها وهي تستنجد باابوها اللي اول شي سواه عطى غسان كف ونزل دمعته منه,,, غسان بذهول ـ انا...انا ماسويت شي؟انا جاي اشوف ولد احمد وارد جامعتي ...والله العظيم ماسويت شي؟ ابو مطلق بعصبية ـ بتكذب عيني بعد ياولد العراقية؟؟؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ اشوفكم على خير ان شاءالله لو صار عندي وقت بكرة ولايوم الثلاثاء ان شاءالله | ||||
|
| |
|
07-12-11, 08:09 AM
| #105 | ||||
| هلا وغلا فيكم حبايبي.... معليش اسمحو لي بس عندي ظرف ها اليومين مابقدر انزل كل يوم لين تستقر اموري.... ومعوضتكم مابنساكم ان شاءاللهـــــــــــــــــــــــــ ـــــــــــــــــــــــــ ـــــــــــــــــــــــــ ــــ البارت التاسع والثمانين,,,,,,,,,,,,ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــ في غرفة هالة,,,, طلعت من الحمام بعد مااخذت لها دوش سريع وجلست قبال المرايا...مشطت شعرها وتركته يجف براحته وتعطرت وقامت.... يوم وقفت شافته قاعد على الفراش,,,,, ابتسم وماقال شي.. ازعجتني...قالتها وهي تناظره... جراح ببتسامة ـ ليه؟؟ هالة ـ لاني مااحب احد يدخل مكاني بدون اذن مني!!! جراح وهو يتمدد ـ سئلتي قلبك عن جد ازعجته؟ بثقة قالت ـ ومن قال انك بقلبي اصلا علشان اسئله؟ جراح بنفس ثقتها ـ مغرورة...بس لايق لك.... هالة برواق وهي تحط رجل فوق الثانية ـ بعد...طلعت تعرف تقيم؟ جراح ـ اقيمك..وترى اصيب ومااخيب... سكتت وحس هو انها تنرفزت لانها دايم تسكر سالفة اهتمامه وحبه لها... جراح بهمس ـ زعلتي؟ هالة وهي صادة بعيونها ـ صاير تشوف نفسك مهم علشان ازعلك علشانك؟ جراح بتنهيدة ارتياح ـ مو قلت لك مغرورة؟ هالة بثقة وهي واقفة ومتقربة صوبهـ ـ ... مدام ان البشر من طين او خلنا نقول تراب... انا من جيت ل الدنيا ادوس الطين وترابه,,, انا عايش على ها الارض ولافيها حسبت حساب... وربي ماانخلق لليوم شخص احسب حسابه؟؟؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ غسان بدفاع ـ عم بو مطلق والله اني ماسويت شي... ابو مطلق بعصبية ـ عمى بعينك يللي ماتستحي.....انا شايفك بعيني وتقول ماسويت شي...... غسان بدفاع وخوف حقيقي من الموقف اللي انحط فيه ـ والله العظيم ماسويت شي...هذا انا حلفت لك... ابو مطلق بثورة وعصبية ـ قالوا للحرامي احلف قال جاني الفرج!!!والله اندمك على الحركة اللي سويتها فيها اذا مااخسرك .... تقرب مطلق من ابوه وفكه من غسان... ابو مطلق ـ اتركني اذبحه ها الواطي اللي ماتربى,,, مطلق بحزم قال لغسان ـ تيسر...روح بيتكم... ابو مطلق بمعارضة ـ اتركني عليه يامطلق انت ماتدري وش مسوي؟ مطلق بتنهيدة ـ روح ياغسان... غسان بقلق ـ بس انا ماسويت شي لازم يفهم ابوك ها الشي... مكلق ـ انت روح وماعليك.... مشى غسان وكانه يبيها من الله... ابو مطلق بعصبية ـ انت تدري وش مسوي اللي تركته يمشي ولا بس عشانه اخو مرتك خليته يروح؟هذا مايستحي على وجهه... مطلق بشدة ـ يبى انا كنت قاعد مع بنتي من اكثر من نص ساعة هنا وشايف كل شي بعيوني وشايف من الغلطان!!! قالها وهو يشدد على ها الكلمة ويناظر بنسايم اللي تراجفت من الخوف لانها ماتوقعت ابدا وجود مطلق.... مطلق كمل بعصبية ـ ويوم شفت اللي مايسر ولايشرف من اختي دخلت بنتي عند امي علشان لاتشوف سواد وجه عمتها؟؟؟؟ سكت ابو مطلق وهو يناظر بنسايم اللي كانت تبي تتسحب من الموقف بس يد مطلق مسكتها من كتفها بقوة والشرر يطلع من عيونه ـ وين؟؟؟فاكرة اني بصبر على افعالك الشينة اكثر من كذا؟ بترجي قالت ـ يبى..قوله ماله شغل فيني!! مطلق ـ لايانسايم....انا من زمان اجمعها لك وحسابك الليلة بتاخذينه وبموافقة ابوك بعد!!! قالها وهو يجرها من عبايتها وينادي ابوه يطلع وراه,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ ماعرف وين يروح...حتى المستشفى اللي هو نازل علشانه وعلشان يشوف ولد اخوه مو قادرة رجله توصله.... ياربي لوين وصلت السالفة منك يانسايم؟؟؟ ياربي انت شاهد علي وشاي فاني ماتقربت منها وهي اللي كذبت؟؟ ياربي انا مالي شغل...انا ماالوم ابوها بس لازم يصدق اني مااكذب عليه؟ انا مالي ومال بنته ؟والله مابيني وبينها شي؟ اذا وصلت السالفة لاابوي شبيقول عني!!! دمعت عيونه من ها الطارري... بيقول حسافة التربية فيك ياغسان؟؟؟ بيقول منت رجال اللي تتعرض لحريم بيتك!!! بيقول الكافر اشرف منك ومن سواد وجهك؟ ياربي لايدري ابوي ويزعل ويتعب ويتضايق بسببي!! ياربي اخواني شبيقولون عني!!شبينظروني فيه؟ مطلق شبيقول...شلون بتكون حياته مع دارين؟وهل بياْثر على حياتهم وبيصدقونها؟ جراح اذا عرف شبيسوي مع هالة؟ معقولة خواتي يتطلقون وتنهدم حياتهم بسببي!!! لاياربي لا....ماابي احد ينهي سعادته وانا السبب!!! ماعرف شيسوي...بس هو محتاج احد قريب يتكلم معه ويفضف له.... رفع سماعة الجوال وهو xxxxx منو يكلم في اخوانه بالاول ويشكيه..... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ بشاير ـ طول مطلق؟قال بيودي فطوم وبيرجع يتعشى؟ دارين وهي تضحك ـ بعدك ماعرفتيه يابشاير؟؟؟مطلق مواعيده جرينش حيي لاذا واعدك الصبح ماجاك الا المغرب واذا قال الليل يسويها فجر؟سكتي بس قالت مواعيد مطلق.... بشاير وهي تضحك ـ ههههه لحق يوريك الجانب السيء منه؟بعدكم ماكملتوا شهر؟كان انتظر شوي ههههه دارين ـ ياحليله والله ههههه بس المهم انه مايخلف ويجي....واذا قال سوى.... بشاير بارتياح ـ اهم شي انك راضية عن اخوي تراه متعلق فيك ومايرضى عليك.... دارين ـ ويعني انا ارضى عليه هو عارف غلاته وش قد بقلبي.... بشاير ـ الله يخليكم لبعض ان شاءالله...تصدقين دارين احس نفسيتي تغيرت حيل يوم جيت عندكم اشكري مطلق عني لانه سوى ها الشيع لشاني... دارين ـ اشكريه انتي وانا مالي... بشاير ـ ها بتقلبين علي! دارين ـ هههههه دق جوالها وكان جنب بشاير .. دارين ـ هذا اكيد هو.... بشاير وهي تناظر بالشاشة ـ لا ..غسان...ومدت يدها بالجوال لدارين اللي اخذته وردت وهي تضحك ـ ادري ادري ميت من فراقي ومنت قادر وش بعد غيره؟ ضحكت بشاير وقامت عند التلفزيون تقلب في محطاته... كتم تنهيدته وقال ـ شلونك؟ دارين ـ ماشي حالي....انت شلونك.... غسان ـ عسى بس ماتتعشون انتي ومطلق وخربت عليكم باتصالي!! قالها متعمد علشان يشوف اذا كان مطلق راح لدارين ولا لسه رغم انه متاْكد انه الليلة مابيروح لها بدري وبيقعد مع ابوه,,, دارين ـ لا مطلق ماو هنا راح يوصل بته البيت وبعدين بيجي....وصلت انت.؟ غسان بهدوء عميق وهو شوي ويبكي ـ أي.. دارين ـ رحت المستشفى؟ غسان ـ لا حسيت الوقت متاخر وقلت يمكن احمد راح الشقة يريح فبخليها للصباح وبعدين بمشي... دارين ـ حياك تعال تعشى معنا؟ غسان ـ بالعافية؟ دارين ـ لايفوتك ترى مسوية عشى ملوك الليلة؟ بشاير وهي تضحك ـ مكرونة عشى ملوك؟ دارين ـ سكتي انتي !!يعني اذا المكرونة مو عشى ملوك وش بيكون عشى الملوك على غفلة؟ها بتجي؟ بدمعة وبحة ماانتبهت لهم دارين ـ قال بالعافية...تصبحين على خير بكلمك بكرة,,, قفل منها وهو يتنهد.... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ يوم تقربت منه وقف هو على ركبه وهو على الفراش وتقرب منها وماصار يفصلهم شي...... جراح بهمس ـ غرورك شي احبه موت!! هالة بنفس الهمس ـ قوم لاني بنام؟ جراح بنفس الهمس ـ مو قايم!!!ابي انام عندك؟ هالة ـ بسوي روحي كني ماسمعت!! مسكت يده يدها وقال بهمس اقل منه ـ لاسمعي....بنام عندك الليلة وكل ليلة انتي زوجتي؟ هالة وهي حاطة يدها الثانية على يده اللي على يدها علشان تشيلها ـ مرة ثانية ماتحط يدك علي الا باذن مني!!! جراح ـ لاوالله؟ قالها وحوط كتوفها بيدينه وقربها لعنده.... صارت بنص حضنه وقالت بارتباك ـ جراح لاتسوي ها الحركات الطايشة لااذبحك؟ برقة ورغبة قال ـ ذبحيني!!فدوتك انا وسنين عمري...ذبحيني يالله من زمان وانا انتظر ذبحك لي كيف بيصير؟ تنهدت بقوة وهي خانقها انفاسه والرغبة اللي بصوته ولمسته وحمدت ربها ان تلفونها دق علشان تبتعد عنه... جراح سحبها من يدها وطيحها بحضنه وعطاها جوالها وهي بحضنه وهمس لها ـ تعلمي ماتردين على تلفونك الا وانتي بحضني!!! توها بتعترض الا وهو ظاغط لها زر الرد وحط السماعة باذنها علشان مايعطيها مجال تقوم ولاتعترض... هالة وهي تحاول تثبت ـ هلا غسان.. غسان بهدوء ـ شلونك هالة... هالة وهي تناظر بجراح ـ بخير....انت شلونك... تنهد غسان ومارد,,, هالة بخوف حقيقي حاولت تخفيه بس شافه جراح بعيونها ـ غسان فيك شي؟ غسان بتنهيدة اعمق ـ محتاج لك ياهالة...ابيك تشورين علي!! هالة وهي تعتدل بقعدتها بدون ماتقوم من حضنه ـ شفيك؟ غسان بتعب ـ انتي تصدقين فيني؟ هالة ـ يعني يعتمد على الشي اللي بسمعه.. غسان بترجي ـ هالة.. هالة مسوية انها شديدة وحادة ـ غسان انت ماعندك ثقة بنفسك كيف بتخلي الاخرين يوثقون فيك؟كم مرة بقولك اذا انت متاكد من نفسك لاتعطي انطباع التردد بكلامك؟ غسان ـ تكفين مو وقت حكيك ابيك تشورين علي مو عارف شسوي؟ هالة ـ شصاير؟ غسان ـ وحدة تبلت علي؟ هالة بسرعة وثقة ـ غبية....ومحد بيصدقها؟يبى انت شايف نفسك وشايف حركاتك؟انت حق تغوي بنت انت؟ماعندها نظره هاذي اللي بتتبلى عليك؟ سكت وماعرف شيقول لها....يبي يقول نسايم ويبي يقول ابو مطلق بالسالفة بس حس انها قاعدة جنب جراح ومايبي يقول شي يمكن يثير الموضوع بينهم لانه للحين ماعرف مدى علاقتها بجراح اللي توها بادية... قال بهدوء ـ بس تنزلين بتفاهم معك.... هالة ـ انتبه على نفسك مايحتاج اوصيك.. غسان ـ شكرا....تصبحين على خير... قفلت وحضنها جراح بقوة وهي تباعد نفسها منه وهمس لها ـ يبى اعطينا من ها الحنان شوي؟كله لغسان؟؟ بنفي قالت ـ انا مو حنونة انا اقسى انسانة ممكن تصادفها بحياتك؟ جراح ـ حتى لو حلفتي مابصدقك؟تدرين ليش...لاني عارف ان هذا اللي يعيش بداخلك...اطيب قلب بالعالم.....ابيض صافي ومامنه اثنين... قالها وهو يحط يده على قلبها وارتعشت هي من مسكته لها,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ نسايم ببكي وانهيار ـ يبى لا تكفى لاتوافق؟ مطلق ـ انتي سكتي لااسمع لك صوت ؟ نسايم ـ يبى لا ..اذبحني بس ماتزوجني ها الحافي المنتف؟ مطلق ـ انتي وقعي وبس؟ كان ابو مطلق ساكت وهو متضايق عارف ان مطلق مايكذب وان نسايم هي المتبلية وانه مازوجها لمحمد اللي يشتغل عنده الا وهو مجمع لها اغلاطها من زمان....بس هو وافق مطلق وجاء معه لبيت محمد ووقع على الورقة وعطى موافقته...اصلا هو الليلة يبي يخلص من هم نسايم؟يخاف يقعد بكرة الصبح ويلاقيها مرتكبة جريمة اكبر ومايدري حزتها وش يسوي...بس ولد العراقية لازم يتاْدب يمكن انه مسوي لها شي من قبل ولا ليشب تحطه براسها؟ نسايم ببكي ـ يبى اكلمك انا؟ ابو مطلق ـ انا بركب السيارة يامطلق ياليت توصيه عليها بدالي!! مطلق وهو يناظر بنسايم ـ اكيد بوصيه عليها وبوصيه زين بعد لاتشيل هم؟ راح ابو مطلق ونسايم ماتت بكي.... وقعها مطلق على الورقة غصب وشالها وقال بقهر ـ تدرين ...قلتي مرة يوم نجيب طاري محمد وانه فقير مسكين ونبي نزوجه لانه من زمان عند ابوي خل تتزوجه دارين بنت العراقية ومن ذيك اللحظة وانا شايلها بقلبي عليك؟ انا ادري اني قاعد اعاقب محمد بشي ماله ذنب فيه ولا ليش يبتلي فيك ويتزوجك علشانه فقير وماعنده الا الله ثم ابوي واحنا؟ ابي اقولك ترى ربك مايضرب بعصا ابدا يانسايم...انتي شغلتك بس تفسدين بين اثنين حتى اللي يمشون بحالهم ماتتركينهم...هاذي نهايتك اللي وعدتك فيها.... رجال ماتخيلتي ابدا انه ياخذك وانتي بنت العز.... شغيل عند اهلك من صغره ومابيحقق لك ربع احلامك ومتطالباتك....هاذي جزات لعبك واستهتارك وشرك...زوجتك وبرضى ابوك لواحد مادفع لك ريال واحد...احنا اللي بنعطيه علشان يتحملك؟؟وش تبين بعد!!!لازواج ولامهر ولاشبكة ولاكلمة مبروك من احد؟وابشرك بخليك تخدمين اهله وتشيلينهم شيل وياويلك اذا قصرتي!!! انسي اهلك يانسايم.....انسي كل شي يتعلق فينا...... مسكها من يدها وراح لعند محمد اللي كان واقف بهدوء عند بيتهم المتهالك...وبس شاف مطلق فز.... مطلق ـ خذ مرتك يامحمد...... سكت محمد و تنهد,, مطلق بتاْكيد ـ ترى البنت عذراء يامحمد وماغلطت مع احد ونبيك تستر عليها؟؟؟ انا ابي اوصل لها مبداءان الدنيا دوارة وماتدوم لااحد!!ويتراواللي من اللحين هي فهمت ها الشي؟ نسايم بترجي ـ مطلق...صدقني بتغير اوعدك؟ مطلق بدون مايلف عليها ـ سكر بابك زين وعلمها تحترم اهلك وتخدمهم يامحمد امانة... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ اروى ـ خاطري اشوف ولد احمد؟ ام وليد ـ من زينه لو من زين ابوه عاد اروى ـ يشبه منو؟ ام وليد ـ يعني بيطلع شبه توم كروز على غفلة؟؟؟شبه ابوه نسخة.. اروى بضحكة ـ أي بس يمه احمد اوسم من توم كروز.. مريم بغيظ ـ مالت ثم مالت!!!!خصوصا لاقام يتفلسف..... مدريي ياربي وش يفكر نفسه محد قراْولاتعلم غيره!! اروى ـ يمه منتي معنا؟ ام وليد وهي تناظر الجوال ـ انتظر وليد يدق؟ مريم ـ ليش وينه بعد ها الطايش؟ تنهدت ام وليد .. اروى ـ يمه شسالفة وليد مايقعد بالبيت؟ ام وليد بحقد ـ بياخذ حقي وحقكم وحقه لايروح لعيال العراقية؟ مريم ـ احسن؟ اروى ـ شلون.... ام وليد ـ لاصار قلت لك شلون؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ ام مطلق ـ يارجال وينكم من طلعتوا مابينتوا؟ ابو مطلقـ ................. ام مطلق ـ فطوم مانامت غير يوم طلعت عيوني.....مدري شفيها اليوم متحسسة مرة وزعلانة ....الله يسامحك ياجراح دلعتها لنا مرة وهذا احنا مو قادرين عليها؟ ابو مطلق ـ .................. ام مطلق ـ ابو مطلق شفيك منت معي؟ تنهد وقال بصوت مخنوق تعبان.. ام مطلق ـ سلامتك يالغالي..... سكت... ام مطلق ـ احط لك شي تاكله؟ ابو مطلق ـ لا..... ام مطلق ـ بقوم انادي نسايم من بيت عمتها تجي تجهز العشى من تروح هناك تنسى نفسها وماترد الا بعد كم اتصال؟واختها هنا ماتقعد معها دقيقة وحدة وان قعدت مااتفقوا؟ ابو مطلق بهدوء ـ نسايم ماهي في بيت اختي... لفت له وقالت بحذر ـ وينها فيه؟اكيد ماراحت مع مطلق بيته ؟ ابو مطلق ـ أي احد يساْلك عن ها البنت اللي ماتستحي قولي ماتت دفناها....سود الله وجهها؟ ام مطلق بهدوء شديد ـ وين بنتي يابو مطلق؟وش مسوية بعد من مصيبة؟؟؟ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ جراح بهمس ـ اطفي النور.... هالة بهمس ـ ماتفرق عندي... قالتها لانها كانت مغمضة عيونها ويده بعدها على قلبها ماشالها.... صار يلعب بشعرها وهي شاردة عنه وماهي بدنيته.... جراح بهمس ـ في شنو سرحان حبيبي... كان هو متسند على الفراش ومسندها عليه بحضنه...يعني ضهرها بصدره,,,,, ماردت عليه بس تنهدت.... شال يده من على قلبها وقام يمررها على رجلها وشعرها وكتوفها وكل مكان فيها..... تنهدت ولفت له وخبت راسها بصدره وقالت بهمس وهي ترتعش ـ جراح شيل يدك عنيَ!!َ جراح باستمتاع ـ مو شايلها وش بتسوين يعني؟ هالة برجا ء ـ لاتربكني بلمساتك الله يخليك؟ جراح بتنهيدة ارتياح ـ ارتبكي ابيك ترتبكين وتفكين عنك ها الثقل شوي....خليني اشوفك لاذبتي وش تسوين؟ هالة رفعت راسها وقالت بهمس وهي وجهها بوجهه ـ بس انا مو مستعدة لها الشي ومااتفقنا انه يصير بينا|| جراح وهو يبوس خدها ـ هذا الشي مايتفقون عليه يادكتورة...هذا لازم يصير بين أي اثنين متزوجين؟؟ولاتصيرين مستعدة مانبيك تستعدين؟ هالة ـ ماابي اعطيك شي بدون رضاي و.. جراح ـ غصب ابيه غصب وش تبين بعد!!انا راضي... تنهدت وقالت ـ لا....اتركني اقول لا وخليها تمشي.... ضمها له بقوة وقال وهو يبوس رقبتها ـ بسمعها منك وبمشيها بس مو بها المكان...هنا الكلمة لي انا ياهالة..لي انا وبس!!!! ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ رفعت نفسها وتغطت باالمفرش وتسندت جنبه... قالت بزعل وبدون ماتناظر فيه ـ مليت مني خلاص؟انتهت صلاحيتي؟ماعادت لك رغبة فيني!!! ناظرها وقال بشرود ـ ليه تقولين ها الحكي؟ دارين ـ اساْل نفسك؟ مطلق بتنهيدة ـ دارين انا مو قصدي شي... مسجت دمعة وقالت برجاء ـ لاتكمل...ماله داعي تجرحني!!! سحبها من يدها ورماها على صدره العاري وقامت تبكي... مطلق بهمس ـ افهميني فكري مشوش للغاية ومو قادر اركز بشي...انتي مالك علاقة بس احس اني دارين ـ ماابي اسمعك... مطلق ـ شاكة بحبي لك..... رفعت نفسها تبي تبتعد عنه.... مطلق ـ داريني...انا تعبان... دارين ـ انت من جيت وانت متغير...فيك شي مو قادرة افهمه؟ تنهد وتسند... دارين ـ انا مزعلتك بشي؟ مطلق ـ انتي مالك علاقة....السافة تحص بيتنا!!! دارين بعد تردد ـ يبونك تتركني!!! مطلق ـ قلت لك انتي مالك علاقة ولو كانت السالفة مثل ماتقولين ماشلت هم لاني مابستغني عنك وعارف اني ابيك فليش بزعل وبتضايق؟ حطت وجهها على صدره العاري وباسته وقالت ـ احكي لي...فضفض لي...خلنا نتقاسم الهم مع بعض....ترى مااقدر اخليك تشيل الهم بروحك يالغالي وانا مااشيله معك؟ مطلق ـ شقولك. بس......شخبار غسان؟ دارين ـ وش يجيب غسان اللحين بس باا لنص؟ مطلق ـ هناك ولاهني؟ دارين ـ الليلة نزل بيشوف ولد احمد وبيرد,,,,انت قولي شفيك؟وش اللي مضايقك ومباعدك عن دارين بس قولي!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ صباح اليوم الثاني... وتحديدا بمستشفى ابها العام.... كان ينتظر دوره ومن نادوا اسمه بعد انتظار مو طويل دخل الغرفة.... جلسته الممرضة على كرسي الكشف وهي تعبي بياناته وهالة تغسل يدينها... رجعت هالة لمكتبها ونشفت يدينها وماساءلت حتى عن اسم المريض....قعدت على الكرسي ولفت تقابله وقالت ـ شبتسوي؟ يوم جت عيونها بعيون جراح سكتت..... لغة العيون بس هي اللي اشتغلت بينهم!!! عيونه مليانة شو ق ووله وهيام....مافارقها غير من كم ساعة يوم تقوم من حضنه وتتحمم وتصلي وتروح دوامها بس ماقدر يصبر عنها...جابته رجله لهنا علشان يشوفها ويملي عينه منها اكثر وماكانها بترجع معاه نفس البيت وبيتسكر عليهم نفس الباب؟ هي عيونها كانت اكثر خوف واكثر تمرد واكثر طيش واكثر انتصار,,, كل شي كان متلخبط عندها بذيك اللحظة من شافت عيونه... كل بالها رايح لليلة البارح واللي جرى فيها وسواه جراح.... خوفها كان من انه يسوي أي شي مجنون لانه اذا قال بيسوي شي غصب فهو يسويه وهي شافت بنفسها البارح!!! تمرد على انها بتصده وبتقوله لا..كفاية ضياع منك لي ياجراح كفاية!!مو قادرة اركز باموري وانت السبب؟ طيش...لانها حست باحساس غريب.....احساس انها شي محبوب ومرغوب وان نظراته اللي كلها وله ممكن تدفعها لااي تصرف مو مسؤل؟ انتصار....لانها شايفة الحب اللي غرقها فيه بليلة وحدة وكاهو جاي لها برجله يكمل وكانهم مابيشوفون بعض بعدين؟مافارقوا بعض الا من كم ساعة وبيلتقون بعد كم ساعة بس احساس الحب وصل عندها النشوة والاعتداد..جراح مو صابر بدونها وكاهو جاي لها وشوقه سابقه؟ رجعها للواقع صوت تنهيدته...قالت وهي تحوس بالاغراض قدامها ـ وش بتسوي؟ جراح بهمس ـ أي شي....المهم ابقى قريب منك..... فتحت عيونها على وسعها من جرئته وقالت بهمس ـ اعقل!!! يوم تقربت الممرضة سوت روحها تلبس القفازاتوقالت للممرضة ـ تنظيف...... كانت الممرضة تجهز لها الاغراض اللي بيستخدمونها وهي مو عارفة وين تروح من نظرات جراح اللي تاكلها.... مسكت كل شي من الممرضة وقالت تبي تصرفها ـ داني شوفي لي كم مريض باقي لاني يمكن استئذن وامشي.... طلعت الممرضة واول ماسكرت الباب شالت قفازها بعصبية وقالت ـ قوم... جراح ـ وين اروح؟ هالة ـ خلصنا.. جراح بارتياح ـ بس احنا لسه مابدينا؟ هالة ـ جراح؟ جراح برقة وهمس ـ يالبيه... هالة ـ قوم... جراح ـ قلتي بتسوين لي تنظيف.... هالة ـ ماتحتاج..... جراح بعيارة ـ شلون مااحتاج؟بلى احتاج...مااحس ان اسنانس بالمستوى المطلوب؟ هالة بنرفزة ـ وماحسيت الا اليوم؟ جراح بضحكة وهو مستلذ بارتباكهاـ وماحسيت الا اليوم؟ جراح ـ ها....اسنانس وكيفي لك عندي شي!!بعدين المستشفى للحكومة؟ هالة وقفت تناظره بهدوء وقالت ـ انت ليه تسوي كذا!!!جراح هذا مكان عمل؟ جراح مسوي بري ـ وانا مريض وين المشكلة؟ بترجي قالت ـ قوم وبالبيت بنتفاهم... جراح حط رجل على الثانية وقال ـ جاي اسوي تنظيف ماابي كل يوم اصف سرى انا؟ترى من سنتين وانا ماخذ الموعد؟أي وابي شي قبل لاتبدين.. تنهدت وقالت باستسلام وهي تلبس قفازاتها ـ خير..وش تبي بعد؟ جراح بحب ـ قبل لانبدي ابي بوسة؟ رمت قفازها وقالت بارتباك وعصبية ـ خلاص غيرت راي قوم اطلع!! جراح وهو يضخك ـ لالالالا خلاص بعقل بعقل مو بقايل شي...بس امانة لاخلصتي عطيني حلاوة ولاتقولين ماعندي ترى بزعل اذا جيبك مافيه؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ قعدت من النوم وشافته قاعد لفت للساعة وناظرت فيها وقالت ـ مو رايح الدوام؟تاْخرت؟ مطلق بضيق ـ لامو رايح.....مالي نفس.... دارين ـ كلمت ابوك؟ مطلق ـ امم...وقال انه مو زعلان؟ دارين ـ طيب انت ليش مضايق نفسك؟ تنهد وقال ـ تحبيني!! بزعل قالت ـ أي بس زعلانة منك..... ابتسم لها وقال ـ صدق!!! عطته ضهرها وهي نازلة من الجهة الثانية وماعلقت... لف بسرعة ومسكها من يدها ولفها لجهته وقال ـ بتقومين لاقلتي صباح الخير ولا عطيتين يبوسة مثل كل يوم؟ تقربت منه وباسته ببرود شديد وقالت ـ صباح الخير....تبي شي بعد!! مطلق ـ افا..وش ها النفسية من على الصبح؟ووش ها البوسة الباردة ذي؟ دارين ـ نفسية منو بالضبط خل نفهم؟ مطلق بمرارة ـ انتي مفكرة السالفة سهلة؟ دارين بتنهيدة ـ اللي انا اعرفه ان مطلق مايسوي الشي الا اذا قولبه براسه وفكر فيه زين....وياعمري ابوك معك بالخطوة اللي انت سويتها؟لاتفكر اني شمتتانة فيها ولااكرهها علشان كذا ابي اهديك؟لا يامطلق بس اكثر انسان المفروض يعترض لو ماعجبه هو ابوها ومدامه رضى ووصلها بنفسه معناته هو مرتاح ومتطمن... مطلق ـ ماادري يادارين ماادري... جت بتقوم وشد على مسكتها .. قالت بدون ماتناظره ـ تبي شي.... مطلق ـ انتي ماسئلتيني عن نيران البارحة؟يمكن انها تجمعت وتبيك اللحين؟ دارين ـ اللي ماكان يبيني البارحة انا ماابيه اليوم مهما كانت اعذاره ولاعاد يحلم بقربي!!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ اشوفكم على خير يالغلا,,,,, | ||||
|
| |
|
07-12-11, 08:10 AM
| #106 | ||||
| بصراحة شديدة انا جدا محرجة منكم على ها الكم يوم اللي مروا وماقدرت ادخل ولااعتذر بس اتمنى تسامحوني كان عندي ظرف قاسي شوي ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ البارت الاخير,,,, ,,,,,,,,,,,,,,,,,,,,,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ مطلق.. ـ وش النغمة الجديدة ذي بعد؟ سكتت وظلت بمكانها وهي شبه بتقوم... تقرب منها ولمس كتفها العاري وهمس ـ بابا لفي شوي هنا بشوفك؟ تقرب منها ولف وجهها بيده ناحيته لانها ظلت بمكانها,,, مطلق بهمس ـ سمعيني ماسمعت.. دارين بشوية عناد ـ لابلى سمعت.... مطلق برواق ويده تلمس كتوفها ـ ماتبيني؟؟؟ دارين لفت له بزعل ـ انت ماتبيني!!وانا اللي مايبيني خلاص ماابيه؟ رفع وجهها له ويوم التقت عيونهم في بعض كسرت هي عيونها وصدت بعيد عنه وقال وهو مستمتع ـ على الاقل قوليها بشوية ثقة وعينك بعيني علشان اصدقها؟ تنهدت وسكتت.. مطلق باستمتاع ـ يالله حطي عينك بعيني اشوف... دارين بتهرب ـ بقوم.... مطلق ـ وين بتروحين..... دارين ـ بروح اشوف البنات اكيد صحوا من نومهم.... مطلق ـ وابو البنات اللي مابيروح المعارض اليوم علشانك وعلشان يكون قريب منك تتركينه... رفعت عيونها شوي شوي ولقته يناظرها ببتسامة....وها الابتسامة تعرفها زين... قالت وهي تبي تقوم ـ لاتقعد تلعب علي خلاص انت رفضتني مرة فلا... مطلق ـ اششششش البارحة كان بالي مشغول بس هذا مايعني ابدا ان قدرك نقص ولا ان مشاعري ناحيتك تغيرت!!!ابدا والله....يشهد الله اني كل مااشوفك قبالي احس اني توي اشوفك اول مرة...تعالي عاد بلا دلع زايد علي.... دارين بدلع ـ وليه ماتبيني اتدلع بعد ان شاءالله؟ مطلق وهو يرميها بحضنه ـ علشان دلعك بيوم من الايام بيموتني اكيد.... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ اروى ـ يمه انا ...حاسة بشي قاعد يصير؟ ام وليد بتوتر ـ لامافي شي... اروى ـ يمه.....وش اللي صاير؟ ام وليد بحدة ـ اروى مالي خلق اسئلتك السخيفة اللحين وروحي دوري لك شي تسوينه ولافارقي عني؟ اروى ـ يمه انتي شايفة نفسك وشلون صايرة؟ من امس لليوم منتي على بعضك وكل ماسمعتي صوت ابوي زادت عندك الحالة؟وش اللي صاير يمه... تنهدت ام وليد واحساس الندم قاعد يقطعها بس لو يرد وليد على اتصالاتها ولايدق عليها كان قالت له ارجع وجيب التوكيل بلا ها السالفة كلها بس وينه ها الوليد..... اروى ـ يمه السالفة تخص وليد.... غمضت ام وليد عيونها من انطرى اسمه.... اروى ـ وش مسوي من مصيبة جديدة بعد!!! ام وليد ـ اروى روحي غرفتك واتركيني..... اروىـ ................... ام وليد ـ .................... اروى ـ يمه....كلمي احمد......هو صدق بيعصب على وليد وبيعطيه كم كلمة من هنا ومن هنا بس ابدا مابيتركه غارق بمشكلته ومابيساعده....احمد رجال ينشد الضهر فيه وانا ندمانة على الساعات اللي تعاندت فيها معه وكسرت كلامه......ادري مايفيد الندم بس صدقيني لو تكلمين احمد بيحل الموضوع وانتي مجربته من قبل له معنا وقفات ماننساهم ابدا يمه...واذا خايفة ان ابوي يعرف عن مصيبة وليد تطمني احمد مايسوي شي ويروح يقول هاذي مو من صفاته...... ام وليد في نفسها.....احمد....اكلمه وش اقوله بس يااروى؟اني سرقت التوكيل اللي باسمك وعطيته ولدي لاني اكرهك ومااتمنى لك الخير؟اني ابي الشي لي ولعيالي بس؟؟؟؟انا ادري ان احمد مابيقصر يااروى بس مقدر اقوله مقدر...باي عيون اقابله اصلا!!!اه يااحمد اه...تمنيت وليد يصير ربعك بس....طول عمرك الزين والعاقل...... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــ كانت طالعة من المستشفى والسايق واقف عند الباب ينتظرها تطلع ودق جوالها وكان المتصل جراح ردت بسرعة وهي ناوية تشب فيه على حركته اللي سواها بالمستشفى ـ هلا جراح.... كان السايق فاتح لها باب السيارة بها اللحظة وركبت وهي تكلمه وتحوس باغراضها.... جراح ـ هلا وغلا...شلونك... هالة ـ الحمد الله.... جراح ـ وش برنامجنا اليوم... هالة ـ انا راجعة البيت مو رايحة أي مكان.... جراح ـ كيف.... هالة ـ بينا حساب اول لازم نصفيه قبل كل شي..... جراح بتنهيدة راحة سكتتها مرة وحدة ـ شكلك مستعجلة اكثر مني!!! هالة بصدمة من كلمته ـ نعم... مل بنفس اللهجة ـ تقولين بينا حساب ولازم نصفيه!!!وبالبيت؟؟؟ هي تدري ان افكار جراح شطحت لليلة البارح واللي صار فيها...صدق انها ماسمحت له يتمادى كثير رغم ان هذا حقه بس بعد ماخلت الليلة من كل شي.... قالت وهي ماسكة نفسها لاتعصب ـ انا اقصد الحركة اللي انت سويتها بالمستشفى..... جراح ببراْة ـ وانا شسويت بس؟ هالة ـ لاماسويت شي... جراح ـ بذمتك مواطن سعودي ورايح مستشفى حكومي يتعالج ودخل لزوجته هي تعالجه وين المشكلة فيها ذي بالله!!!! هالة ـ ابدا مافيها شي...بس انت احرجتني مرة بجيتك؟ جراح ـ ليش منو بالله يدري اني زوجك؟ هي تدري انم حد يدري بس قالت ها الكلمة وتورطت فيها لانها نحرجت فعلا من وجوده بس بينها وبين نفسها.... رفعت راسها وظلت تناظر قدام وانتبهت انه موجود بالسيارة جنب السايق وهي يوم تدخل كانت تحوس باغراضها وماانتبهت عليه.... سكتت مرة وحدة وقال لها ـ وين سرحتي... قفلت الجوال وقالت ـ مادريت انك هنا... قال بطبيعية ـ ليه انتي متوقعة اني اتركك تروحين أي مشوار بدوني!!!! ماردت عليه وقال بحالمية ـ يابختهم والله اللي يد الدكتورة هالة تلامسهم وتعالجهم...... كانت تناظر فيه بدون أي تعليق... جراح ـ انا نويت اظل باقي العمر كله مريض واخلي اسناني دايم تعورني علشان ماافارق عيادتها.... لفت عنه للنافذة وهي ساكتة واحترم هو سكوتها باقي المشوار وماعلق بشي,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ احمد وهو يفتح باب الشقة ـ نورتوا البيت يابعد طوايفي انتوا الاثنين.... دخلت ريم وهي حاملة عبدالله وقالت بتعب خفيف ـ حدد منهو فينا اللي نوره اكثر من الثاني بالضبط؟علشان كلنا يعرف قيمته ومقداره من اللحين زين؟ شال عنها عبدالله ودخله فراشه لايصحى من نومه ورجع لها وهي بعدها بعبايتها وبنفس مكانها بها الصالة.... ريم ـ تصدق يااحمد اشتقت لها المكان ولكل لحظة عشتها فيه.... احمد ـ هذا انتي رجعتي بالسلامة له... ريم ـ الحمد الله..... احمد ـ ريم... ريم ـ حبيبي..... احمد بصدق ـ افتقدتك.... ظلت تناظره وابتسمت.... تقرب منها اكثر وقال ـ خاطري اسوي شي من ولدتي للحين وانا انتظر اني اسويه.... ريم ـ حبيبي وش بغيت..... احمد بتنهيدة ـ ابي اضمك بصدري...... ماانتظر منها لاجواب ولاتعليق...تقرب منها وبهدوء شديد حضنها عنده.... ظلوا حاضنين بعض فترة وبعدها قال لها بهمس ـ تعالي ارتاحي.... ريم ـ مدامي بحضنك فتاك داني مرتاحة... احمد ـ ريم انا احبك ومااقدر اعيش بدونك....واللحين بعد عبادي تعلقت فيك اكثر واكثر ياقلبي,,,,,عسى ربي مايحرمني منك ويقدرني اكون مثل ماتبين وارضيك علطول,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ام مطلق ـ احط لك شي تاكله؟ تنهد وماعلق بشي.... ام مطلق ـ اللي تسويه بنفسك ماهو زين يابو مطلق... ابو مطلق ـ البيت ماهو حلو...مافي احد من العيال ابدا.... تنهدت وقالت ـ مطلق وجراح...هاذي سنة الحياة وش تنتظر بعد !!اكيد بيتزوجون ويكوون لهم عيلة... ابو مطلق ـ بشاير مابترد من بيت اخوها؟ ام مطلق ـ الا كلمتني قبل شوي وقالت بيجي اخوها العصر وهي معه..... سكت وماعلق بشي.... ام مطلق ـ جراح بعد قايل انه بيجي خلاص الليلة.... ابو مطلق ـ خير ان شاءالله..... رجع لسكوته وماعرفت هي شتقوله علشان تخليه يتكلم... اما هو راح بافكاره لغسان واللي لازم ياخذه جزى اللي سواه مع بنته....صدق مطلق قال له ان نسايم غلطانة وهو مصدق ولده بس اكيد انه مسوي لها شي من قبل ولاليه بتتقصده يعني!!! ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـ زياد ـ وينك فيه؟ زينةـ ماتلاحظ ها السؤال غريب؟ ضحك وقال ـ لاماهو غريب بس سمعت عندك صوت وحوسة فقلت اكيد منتي بالبيت.. زينة ـ فعلا انا مو بالبيت...انا بالشركة......تبي شي؟ زياد ـ وليه تتكلمين معي كذا بدون نفس؟ بدون نفس قالت ـ لاعادي.... زياد باصرار ـ بلى فيك شي... تنهدت وقالت ـ شفيك زياد مافيني شي قلت لك.... زياد ـ انتي متضايقة مني!!! زينة ـ مو منك.... زياد ـ مافهمت.... تنهدت وقالت ـ انا قاسية وهذا طبعي ومااعرف اجازي احد بخير ابدا... زياد ـ شتقصدين؟ زينة ـ زياد ممكن تكون ذي اخر مكالمة بينا اذا سمحت...انا اشكرك على الوقت اللي تكلمت فيه معي وحاولت تخفف عني بس انا فعلا مااقدر استمر بها المكالمات معك.. قاطعها بسرعة ـ طيب ليه؟ زينة ـ من غير ليه...وش نهاية المكالمات ماتقولي؟حب مااقدر احبك ولابحبك بيوم من الايام؟زواج ..انا شايلة الفكرة من بالي نهائيا ومابسويها لااخر يوم بعمري....وش بعد؟ زياد بتنهيدة ـ اتركينا اصدقاء على الاقل.... زينة باعتذار ـ لاما ينفع دور لك صديق احسن من انها اتكون صديقة...شكرا واسفة..... سكرت منه ودقت على بشاير....اللي طولت على ماردت.... بشاير بتردد ـ الو.. زينة ـ هلا بشاير.... بشاير بتنهيدة ـ هلا...هلا زينة.... زينة ـ وينك في ها الدنيا ماتبيبني ولاتسالين؟ بشاير ـ ماعليه بس ظروفي شوي.... زينة ـ اممم الله يكون بعونك ترى احنا متفهمين ان السالفة صعبة وبالنهاية كل شي نصيب... تنهدت بشاير وماعلقت.... زينة ـ ماتبين تعرفين اخباره؟ نزلت دمعة من بشاير وقالت بصوت كله غصة ـ وش فيه؟ زينة ـ حاله مو اقل من حالك....ترى تاعبه اللي تاعبك يابشاير ومن شافك بالمستشفى امس زادت اوجاعه.....انا اول مرة اشوفه كذا وكاِنه خسر حياته كلها.. بشاير ببكي ـ وانا وش اسوي بس يازينة؟ زينة ـ ابدا انا مو متصلة الومك بس قلت يمكن لو عرفتي ان وضعه مثل وضعك يخفف عنك ها الشي من تعبك شوي.... بشاير ـ اه.... زينة ـ انا غصبت عليه يسافر شوي لين تردون له خبر... بشاير ـ زينة...بلغيه عني ان حتى لو ماكان نصيب انا مارا حاكون لغيره وبيظل حبه الوحيد والخالد بقلبي.... قالتها وانهارت بالبكي من جديد.... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ جراح بهمس ـ وش فيها الدكتورة سرحانة؟ رفعت راسها وكان واقف قبالها يناظر فيها..... هالة ـ ولاشي... جلس جنبها وقال بتشكيك ـ اكيد... هالة ـ امممم جراح ـ ترى لو هي نسمة هوى اللي مضايقتك مانتركها نحاسبها؟ ناظرته بنظرات مبهمة مافهمها... صدت عنه وقالت ـ جراح... جراح بحالمية ـ لبيه.... تنهدت بقوة....هذا ناوي على ضياعها...كل ماقالت شي وكل ماطلبت شي تلاقيه موافق ولايعارض ويلباها.... هالة بدون ماتحط عيونها بعيونه ـ مو انت اللي جبتني هنا... جراح ـ امممم غمضت عيونها وقالت ـ يعني تقدر تردني الشرقية.... جراح بثقة ـ الليلة انتي بالشرقية وبكرة تداومين بالخبر... فتحت عيونها بسرعة وطلع لها تذكرتين للدمام.... ناظرتها باستغراب..... وقال بثقة ـ عارف انك تبين ترجعين...تبين تشوفين ولد احمد وتبين تتطمنين على غسان... هالة بصدمة ـ كيف عرفت؟ قرب راسه منها وقال ـ مشكلة اذا ماعرفت الشي قبل تطلبينه وانا غرقان فيك لحد الثمالة,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــ كانت تناظر بسقف الغرفة وهي على حالها من البارح... بعد عز بو مطلق وخيره صارت نهايتها بها البيت الصغير واللي كله انفار على بعض ومحد له غرفة خاصة فيه؟وهي اللي نص بيتها غرف مسكرة؟ هاذي الغرفة اللي هي قاعدة فيها يمكن تساوي بس غرفتها التبديل...لالالا حتى ذيك اكبر من ذي... اه يانسايم اه.... وين راح بيتك وعزك زخيرك.... هنا بتقعدين نهاية حياتك...بها البيت وبها الغرفة ومع ها لرجال؟ انا بالنهاية اشخذ شغيل عند ابوي واخواني!!!! ليه؟وش سويت انا؟؟؟ شسويت....ماسويت شي... بس ماتركت مطلق يرتاح بحياته لحظة وحدة مع زوجته وام بناته وصرت ادخلهم من مشكلة واطلعهم من الثانية لين صارت الحياة بينهم مستحيلة واتركوا بعض؟؟؟ دايم الدوم لساني لايط على جراح ومن ورث من جدي الخير ماخليت ولابقيت فيه ودايم اطلع عليه اشاعات انه صارف الفلوس على خرابيط وبنات وهو مسكين من اهل الله لا له ولاعليه لين صار دايم بروحه ومايقعد معنا الا بالنادر؟ بشاير...عمري مااعتبرتها اخت....دايم كانت عدوة...اغار من الشي اللي بيدها حتى لو بيدي انا اثنين منه؟ليه ماادري... ماكنت اقعد معها مثل باقي الاخوات ونتكلم ونسولف وقلوبنا على بعض....حتى اذا قعدت معها واخذت لي عندها رحت علمت امي وابوي عنها وبعدها تناظرني بنظرات لوم ومااهتم!!!! حتى بنات مطلق مارحمتهم يااضرب يااخليهم يفتنون على بعض ولا يقولون لاامهم كلام ماصار واخرها بغيت اقلبهم على بنت العراقية بس ماصار وربي ماكتب.... ابي ارد هناك....بتغير ياربي بتغير حتى اروى ومريم بتسامح منهم على اللي سويته فيهم وعلى الكلام اللي كنت اخذه منهم وانقله وافسره لمصالحي!!! حتى غسان بعتذر منه...اصلا لو ابوي يعطيني مجال قلت له اذبحني انا الغلطانة مو هو والله انه ماسوى شي بس انا كنت حاطته في بالي من زمان من شفته وحداني وماشي بروحه قلت لازم امشكله مدري المسكين وش بتكون نهايته مع ابوي؟؟؟ رفعت راسها يوم شافت ولد صغير يكلمها... اللود ـ امي تقول لك نزلي طبخي معها الغذى لان العيال ماباقي شي على ردتهم من الدوام وانتي مسوية انك الاميرة بغرفتك؟ نزلت منها دمعة وثنتين وثلاث....ومسحتهم لانها عارفة انها تستاهل...... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ عايشة ـ اليوم طولتي بنومتك؟ ابتسمت لهم دارين بخجل وحست انها مصختها بنزلتها لهم متاخرة اليوم بس كله من ابوهم!!! دارين ـ ماعليه بس البابا كان مشغول شوي وكنت معه... شيخة ـ مشغول بشنو.... دارين توهقت... فاطمة ـ يالله قولي... دارين ـ عنده اوراق يبيني اتابعهم معه واتاك دانهم صح... شيخة ـ وعسى خلصتوا... دارين ـ أي الحمد الله.... عايشة ـ مرة ثانية قولي له يخلص شغله بدري مو يقوم الصباح وبالعجلة يخلص شغله... دارين ـ أي حاضر... فاطمة قعدت على الطاولة ـ وش الفطور اليوم؟ دارين ـ وش ماتبين؟ فاطمة ـ ابي سنيبون.... دارين ـ على امرك..... شيخة ـ انا ماابي انا ابي فطيرة تفاح... عايشة ـ لاانا ابي شي مالح...امممم عجة بيض وكثري الزيتون لاسود... فاطمة ـ خلاص انا ماابي سينبون بي دونات... دارين ـ بس لايكون احنا قاعدين بمطعم ولاعندنا طباخ؟اقول كلكم اتفقوا على نفس الشي اللي بتاكلونه,,,, فاطمة وقفت ـ بروح اقول لاابوي انك صارختي علينا وضربتينا... ركضت لاابوها وظلوا شيخة وعايشة يضحكون عليها... عايشة ـ ماعليك منها خالتي ابوي مايصدقها ... شيخةـ هاذي عمي جراح بلشنا فيها يوم يدلعها كل شي يقولون لها لا تقول بروح اشتكيكم وبروح اشتكيكم... شيخة ـ بساعدك خالتي.... دارين ـ تعالي..... عايشة ـ انا بعد بساعدك... دارين ـ تعالي... شيخة ـ اقول خالتي عادي اذا خلصنا حطين لي مناكير اللي كنتي حاطته البارحة....عجبني... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ ابو احمد ـ انتي عطيني عبادي ونامي ارتاحي شوي,,, ريم ـ خله عنك ياعمي انت ماتغذيت... ابو احمد ـ أي ماتغذيت؟الحمد الله صحني صار نظيف لاني ماتركت فيه شي.... ريم ـ بالعافية... اروى ـ مابتجين عندنا.. ريم ـ لاانا مرتاحة هنا شكرا يااروى بس ادري احمد مايرتاح ا لا بالشقة ابو احمد ـ اهم شي راحتك انتي مو راحته هو... ريم ـ لاعمي راحته هو اكيد اهم.... ابو احمد ـ تعال عن جدك بس ياعبادي....االلله...مذكرني بااحمد اول ماجاني.... اروى فتحت كاميرتها ـ يبى بصورك معه... ابو احمد ـ أي تعالي هنا علشان تطلع صورته واضحة.... دخل احمد ـ ها متجمعين بالخير... اروى ـ تعال اقعد جنب ابوي علشان تطلع انت بعد... احمد ـ تصوير وتصوير وماتكلمتوا؟ ريم ـ ليش وش عندك؟ احمد ـ بالله شافتها بنت حلوة الصورة تقول احمد مو مرتب شكله قبل لايصور؟ اروى ـ ههههه ريم ـ لاتعليق... احمد جلس جنب ابوه وابو احمد اللي شايل عبادي... اروى ـ يالله احمد شيله انت اللحين... احمد ـ لاخليه عنده علشان يفكرون ولده ويفكروني مابعد تزوجت اذا بيخطبوني؟ ريم ـ رايقة لك السالفة انت؟ ابو احمد واحمد واروى ـ ههههههه ابو احمد ـ ها تبي تعرس نشوف لك حرمة؟ احمد ـ يالله على يدك؟ ريم باعتراض ـ عمي.... ابو احمد ـ ههههههه يبى نمزح,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــ وحده مااكان عارف وش صاير بالدنيا..... اقوى صدمات تلاقاها على راسه من امس لليوم؟ رجع للجامعة يبي ينسى هم الشرقية واللي صار له امس مع نسايم لقى اكبر صدمة تنتظره بحياته... ورقة فصله من الجامعة؟؟؟كيف ؟؟ليش؟؟؟؟وش الاسباب؟؟؟كل شي مبهم؟مافي أي سبب واضح؟فصله اصلا صاير من ورى الستار؟؟؟ هذاالشي رجعه بس لتهديدات نسايم وابوها؟ ماقدروا يتواجهون معه ولايقولون لاابوه فصلوه؟ أي مو غريبة عليهم ذولا واسطاتهم قوية وكل شي بفلوسهم يشترون... اذا جراح مودي هالة ابها مثل مافهمت احمد يعني مو بعيدة يفصلوني... قعد على اول عتبة صادفته وبيده اوراقه... مو عارف وش يسوي... حتى مو قادر يقابل مدير الجامعة ويكلمه ويحاول فيه مرة ومرتين وثلاث وكانه اكتفى.... ليش هدمتوا مستقبلي بس ليه؟انا ماسويت لكم شي ولاضريتكم...وربي يشهد علي من فوق اني بري .... غمض عيونه وهو يحاول مايترك عيونه تدمع وتفضحه بين الناس,,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــ بشاير ـ يبى شلونك؟ ناظرها بدون مايرد عليها ودمعت عيونها.... كان شكل نسايم وغسان في باله امس وشكلها هي ووليد مو مفارقه اصلا بالتوقيف؟؟؟ تقربت منه وطاحت على رجله تبكي بهستيريا... بشاير ـ يبى الله يخليك ارضى عني... ربي فوق شاهد اني ماسويت شي؟والله ماخليته يلمس مني شعرة يايبى ليه منت مصدقني؟ طيب اذا انت شاك فيني اذبحني وريحني ولا صدك عني... يبى انا ماابي الا رضاك...بتوافق على وليد ولاعلى مشاري ولابترفض الاثنين بكيفك...بس ارضى عني وكلمني... انا مو قادرة اعيش يبى الله يخليك... والله ماسويت شي يخليك تعاملني كذا؟ نهد ومارد عليها... مطلق من وراها ـ قومي دارك ..ابي ابوي شوي... بشاير رفعت راسها وقالت لمطلق ـ مطلق قوله...والله ماسويت شي...ماابي منه الا انه يرضى عني...يسوي فيني اللي بيسويه...بس يكلمني واسمع صوته... مطلق ـ خلاص روحي غرفتك... اخذت بعضها وقامت... يوم ركبت لف مطلق لاابوه وقال بتاْنيب ـ يبى...خلاص عاد لمتى انت وبشاير بتظلون كذا... نزلت دمعة من عين ابو مطلق وقام مطلق له بسرعة وجلس جنبه ومسحها وحط يده على رجل ابوه وقال ـ صدقني ربي بيكتب اللي فيه الخير انت بس هدي نفسك شوي,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ دارين ـ كلنا بخير .. هالة بغصة ـ والبيبي شلونه؟ دارين ـ تمام مافيه الا العافية.. بتردد قالت ـ ابوي يقول انه شبه احمد صحيح؟ دارين ـ كربون من احمد ياهالة؟ هالة بحماس ـ صدق!!اخليتيني اشتهي اشوفه اكثر.... دارين ـ ادز لك صورته اللحين وسائط؟ هالة باعتراض ـ لالالا ماابي اشوف صور ابي اشوفه بالطبيعة,,,, دارين ـ كيفك... هالة ـ ابوي شخبراره.. دارين ـ طاير بها الولد.. هالة ـ وريم صحتها احسن اللحين.. دارين ـ الحمد الله وين يوم اللي ولدت ووين اليوم... هالة ـ الحمد الله... دارين ـ لايطوفك اليوم اروى شرفت وجلست من الصباح بشقة احمد وخذ لاتاخذ بالاعتذارت لااحمد انها تبيه يسامحها وانها ندامنة على البعد والتقصير ومن ها الكلام.. هالة ـ وطبعا احمد قال جملته المشهورة لاتشغلين بالك اللي فات فات واحنا عيال اليوم... دارين ـ ههههه شتبينه يقول يعني وهي بوسط بيته...بس بيني وبينك حسيتها رجعت مثل اول يوم كانت معنا مو ضدنا.. هالة ـ والله عيال ام وليد وتقلباهم مامثلها.... دارين ـ على قولتك... هالة ـ وشخبار مثلث برمودا اللي عندك... دارين ـ ههه هذولا اكبر شياطين الدنيا ياهالة...اذا يبون منك شي بعد مايحتاج..بس كله كوم ولادلوعة جراح كوم ثاني.. هالة ـ دلوعة جراح؟منهي؟ دارين ـ فطوم وفي غيرها؟انا انتظره بس يرد وارميها عليه علشان يربيها من جديد بدل ها الدلع اللي فيها وبعدين يردها...ترى محنا بقدها كله مبوزة ومي طايقة احد وشغلتها بس تتشكى... هالة ـ اممم دارين ـ المهم حبيبي مطلق وصل بشوفه وبعدين بدق لك.. هالة ـ يالله سلام... حضنها من وراها وقال ـ في ناس يتكلمون عن العيال؟ هالة وهي مغمضة عيونها وكل ماسوى لها ها الحركة غمضت عيونها وكانها ماتبي تشوف نفسها بحضنه ـ أي جاية شكاية عليك... جراح ـ علي انا؟ هالة ـ يقولون مدلع فطوم مرة...ومو قاويين عليها... جراح ـ اه من فطوم...ها البنت غير شكل...زماتبي تكلمني... هالة ـ ليه؟ جراح ـ زعلانة علي لي شاني تزوجت وماشاورتها ولاسويت عرس؟ هالة وهي تضمه لصدرها وكانها غيرانة الشي اللي خلاه يبتسم بينه وبين نفسه ـ ليه بالله ولية امرك ها البنت ولا شسالفتها؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ مشاري ـ كيفك... زينةـ ـ بتصدقني اذا قلت لك مشتاقة لك؟ مشاري ـ طبعا وانا اقدر مااصدقك.... زينة ـ وانت اكيد اشتقت لي... مشاري ـ باجل الجواب لين اسئلك السؤال اللي بعده...كيف الشركة؟ زينة ـ والله تتوقع من يوم بتكون ماشية على الخط المستقيم...يبيلها شويات... مشاري ـ اممم زينة ـ يالله جاوب اللحين اشتقت لي!! مشاري ـ وش تتوقعين؟ زينة ـ خليني افكر... مشاري ـ بطريقة ثانية بجاوبك...انا بالمطار راجع من لبنان... بصدمة قالت ـ مشاري انت الصباح رايح... بضيق قال ـ انتي على بالك اذا غيرت المكان افكاري بتتغير؟ يبى كل اللي سويت هاني جبت همي معي....انا مو قادر يازينة افكر بشي واحس اني قاعد اكذب على نفسي بها السفرة.... زينة ـ أي بس يامشاري... مشاري ـ صدقيني بكون مرتاح وانا بالشرقية.... تنهدت وماحبت تقوله عن مكالمتها مع بشاير لين يرجع,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ يوم ثاني الصباح ـ احمد دوهو يفرك عيونه من النعس ـ صباح الخير والورد والبكي... ريم ساكتة عنه وهي تدور بعبادي اللي مو راضي ينام... احمد بتذمر ـ ولدك ماتركناه ننام مثل العالم البارحة؟كل شوي يصحينا... ريم ـ احمد ربك نمت شوي انا للحين مانامت ومدري شفيه مو راضي يسكت.... احمد ـ لاعشنا اذا كل ليلة كذا انا بنام بالمجلس مالي فيك ولافي ولدك.... ريم بتعب ـ اقول احمد اللحين انت صحيت ولابس قايم تهذر... احمدـ يعني بعد سيمفونية ولدك اكيد صحينا وين ننام؟ تقربت منه وقالت ـ حلو... احمد ـ خير... حطت عبادي بحضن ابوه وعطته المرضعة وقالت ـ بما انك قعدت استلمه شوي لاني بجد تعبانة وابي انام لي ساعتين فتفضل ورينا شطارتك مع البزارين وشلون تتعامل معهم وتسكتهم؟ احمد باعتراض ـ نعم؟ ماردت عليه لانها دخلت الغرفة وقفلت الباب... احمد وهو يناظر فيولده اللي يبكي ـ اللحين امك نذلة لو يتراواللي.... زاد بكي عبادي عن اول وقال احمد ـ خلاص سحبتها ادري فيها مونذلة تعبانة مسكينة تبي ترتاح خلاص اسكت ...من اللحين مضامنات مع امك ضدي؟؟؟عشنا والله,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ بشاير طلعت ورى فطوم اللي كانت مناديتها ومريم طالعة وصاروا في وجوه بعض... بلا مقدمات قالت مريم ـ حقيرة.... بشاير بصدمة ـ مريم... كملت بعصبية ـ مادورتي تسرقين الا زوجي!!! تنهدت وماعرفت شتقول حتى اللي بتقوله اكيد ضايع مع عقلية مريم..... مريم بحقد ـ عسى الله لايهنيك وين ماتكوني ومع مين ماتكوني؟ بشاير بحدة ـ احترمي الفاظك يابنت عمتي عاد!!!انا ماضربت زوجك يتركك ويجي ياخذني؟ مريم ـ قولي يخطبني مو ياخذني لانكم ماراح تكونون لبعض ؟ تنهدت بشاير بتمشي وقالت لها مريم ـ انتي من زمان حاطة عيونك عليه؟؟؟ وقفت مكانها وماعرفت شترد؟؟تنفي وتنكر ولا تقول الصدق؟؟؟وضعها كان بالمرة صعب.....بس يوم سمعت مريم تدعي بقساوة وبصوت عالي اخذت بعضها ومشت لداخل وتنهدت وشافت امها واقفة وكانت تناظرها من ورى النافذة... يمه...قالتها بارتباك.. ام مطلق بتنهيدة ـ هذا وانتي مااخذتيه؟؟كيف لو تاخذينه؟وهاذي مريم مو عمتك؟ تنهدت بشاير ونزلت منها دمعة وقالت باسى ـ يمه في شي اسمه نصيب... ام مطلق ـ وانا من راي ابوك النصيب مو متوقف عند مشاري اكيد في غيره؟ بشاير بدفاع ـ ماابي مشاري يمه ماابيه...بس مو النصيب اني اخذ وليد تكفين؟ تنهدت ام مطلق ولفت عنها وتركتها تدمع بروحها وبدون محد يحس فيها..... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــ على المغرب في شقة احمد... احمد ـ هلا وغلا ومرحبا بالدكتورة...حمد الله على السلامة... هالة وهي تحضن اخوها ـ انا اللي اقول حمد الله على السلامة احمد ـ وشلونه معك... ابتسمت له وفهم انها مو متضايقة... احمد بحب وهو يحضنها ـ اشتقت لك... هالة ـ وانا اكثر... احمد بهمس ـ شلون جراح.. بصدق قالت ـ الحمد الله هالة بحماس ـ وينه يااحمد بشوفه؟ ريم ـ كاهو قبالك لاشفتي اخوك كنك شفتيه؟ هالة ـ بالذمة ياريم انتي مو مبسوطة انه نسخة من احمد؟يعني لاغاب واحد صار الثاني عندك,, ريم ـ هو هذي النقطة الوحيدة الزينة بالموضوع... احمد ـ اه ياهالة وش اشكي لك بس تخيلي اليوم رمته علي وراحت تنام متصورة شكلي كيف كان.... هالة ـ انا لو منك كل يوم ارميه والله اللي يبيهم يتحملهم.. احمد ـ بعد حتى انتي!! شال ولده من فراشه وجابه لعندها ـ يالله عاد هاذي عمتك هالة الكبيرة...لازم تسمع كلامها من اللحين.... اخذته من اخوها بااصابع مرتجفة وشالته بحضنها... قبل حتى لاتشوفه حضنته بقوة لصدرها وغمضت عيونها وهي تشم ريحته وتتنهد,,,, اشبعي منه ياهالة لانك ماراح تشوفين ها المنظر بحياتك... فتحت عيونها بشويش وقربته لوجهها وهي تتامل فيه وابتسمت لاشعوريا وهي تشوفه يناظرها.. قالت ـ صاحي..ماهو بنايم... ريم ـ غريبة مايبكي.. هالة بحب ـ لامايبكي اكيد عند عمته لانه يحبها مثل ماتحبه... كان احمد يناظرها من بعيد وهو حاسان دمعته بتخونه باي لحظة وتنزل...تمنى هالة تكون ام وتعيش ها اللحظات مع عيالها بس الله مو كاتب... ورغم كل مشاعرها اللي تخشها كاهي قاعدة تخضع عند ولده.... هالة وهي تناظر احمد ـ خمادة صغير.. احمد بمرح ـ لاتحاولين انا اوسم... رجعت للصغير تفك لفته وتشيل القفازات وتطلع يده وتبوس باصابعه واحمد وده يشيله منها ويقولها بس قطعتي قلبي بس ماهو قاوي لانها كاسرة خاطره,,,تركها على راحتها وراح يسولف مع ريم,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــسعلى سفرة العشى في بيت ام وليد... ابو احمد وهو يصارخ بالتلفون ـ شلون يعني؟ طاحت الملعقة من يد ام وليد وحست بالخطر جاي..... الله ياخذك ياوليد وياخذ اللي تعتمد عليك على بالها انك رجال؟اخذت التوكيل وذلفت وقفلت الجوال ولاادري وينك فيه ولا شمسوي؟الله يعني بللي جاي؟ ابو احمد وهو يصارخ ويسب ويلعن ـ كلم البنك اللحين اكيد في غلط عندهم؟مو معقولة كذا؟؟انا مايهمني ليل ولانهار؟شلون يعني الرصيد مافيه شي...احنا طول عمرنا ينا صفقات ماهي اولها بس يابو بدر لاتزعلني منك واكيد البنك عنده مشكلة ولاشي....انا بكلم احمد يشوف وش السالفة وبكرة الضهر احنا عندك بالمكتب ولايصير خاطرك الا طيب... سكر وهو يتنهد... ام وليد ـ عسى ماشر... ابو احمد ـ ضيق خلقي ها الرجال الله يضيق خلقه..... يقول الشيل اللي عطيناها اياه بدون رصيد؟شلون يعني انا اتعامل كذا مع الناس؟انا طول عمر سيام وليد سمعتي فوق ومااحب احد يذكرني بغير الخير ليه بسوي ها الحركة بس؟ حست بالخوف والرجفة منه بها اللحظات وانها مو قاوية تكمل وتناظر فيه لاسيما ان اتصال ثاني جاه وشكله اعقد من الاول لانه مو بس قام يصار خالا قام من السفرة بكبرها,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ جراح ـ معقول..... مطلق ـ هذا اللي صار... رفع جراح عيونه يناظر بابوه ولقاه ساكت وشكله متقبل مو متضايق...... تنهد وقال ـ طيب مريت شفتها يمكن قاصرها شي... مطلق ـ مريت لمحمد وسئلت عنها بس ماحبيت اشوفها قلت له بعد اسبوع يجيبها....اختك تعبتنا ياجراح بتصرفاتها المريضة.... ابو مطلق بدون مقدمات ـ ردوا على مشاري باني موافق؟ ناظروا فيه اثنينهم بصدمة وقالوا ـ شتقول يبى؟ قال بدون مقدمات ـ اللي سمعتوه... احتاروا اثنينهم وسكتوا... هم اللي ناويين يكلمونه ومو عارفين شلون يبدون السالفة معه من جديد بس هو اختصر كل شي وقال لهم ردوا على مشاري..... جراح بتردد ـ ليه وافقت يبى؟ ابو مطلق ـ سويت خيرة يبى ووليد ماكانت من نصيبه...ابي ايسر اتكم وارتاح ماتدرون شلون هم البنات؟ مطلق تسند وقام يضحك ـ معناته جيبوا ثلاثة من اللحين وبوزوج بناتي بالجملة من الليلة؟ ابتسم ابو مطلق لولده وقال مطلق بفرح ـ مابغيت تضحك يابو مطلق...يبى اللي يتعبك يتعبنا والله بس كل شي قسمة ونصيب يالغالي.... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ | ||||
|
| |
|
07-12-11, 08:11 AM
| #107 | ||||
| ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــ احمد ـ يبى هدي زين خل افهم السالفة.. ابو احمد بصدمة ـ انا يااحمد بموت.... التوكيل اللي باسمك انلغى؟ كيف؟؟ماادري؟وينه؟بعد ماادري؟قلبت عليه البيت ماشفته؟انا ماعندي ولاريال واحد بالبنك وكل شي صار باسم وليد؟فهمني شلون؟ووينه ها الوليد؟ احمد ـ يبى مو كذا تنحل الامور صدقني....اكيد في شي صاير؟يعني وش اللي بيخلي البنك يرفض يصرف الشيكات اللي باسمك؟ ابو احمد ـ اقولك المحامي كلمني وقال مالك شي كل الحلال باسم وليد وانت مالك تتصرف بشي... احمد ـ يبى صل على النبي وش ها الحكي بس.... جيب غيره...من متى الحلال باسم وليد ماتقولي؟لو فرضنا من التوكيل التوكيل باسمي مو باسمه؟الا اذا انا سرقتك وعطيته هذا شي ثاني؟ ابو احمد بضيق ـ احمد انا مو قادر اوقف على رجولي ياولدي افهم وش صاير وتعال قولي الله يخليك... احمد ـ ارتاح انت بس ارتاح وانا بطمنك ان شءالله... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ رفعت راسها وقالت بصدمة ـ شنو؟ جراح ببتسامة ـ كنا xxxxxين انا ومطلق كيف نقنعه بس هو من نفسه بلغنا.... مطلق اللي كان يحوس باغراض بشاير اللي على المرايا ـ وصدمنا صراحة ماتوقعناعناه هو من نفسه يوافق!! بشاير بنفس الصدمة ـ انا للحين مو مستوعبة؟ جراح ـ يبى استوعبي كلمنا مشاري وقلنا له انك موافقة وطار ذاك الثاني من الفرحة وكاهو يتفاهم مع الوالد مطلق ـ بس قال انه يبي يعتذر منك لانه مايبي يسوي عرس وابوه ماصار له شي من توفى وهو مستعجل بشاير بسرعة ـ انا ماابي عرس من قال اني ابي عرس عاد؟ مطلق رفع سلسلة من اغراضها ـ حلوة يمكن اخذها.. ناظروه جراح وبشاير وقالت بشاير ـ انت وش تسوي تحوس باغراضي؟ مطلق ـ اشوف وش عندك من اغراض علشان اشتري لمرتي مثلهم,,, بشاير بضحكة ـ ياسلااام..... جراح قال لها ـ مبسوطة يابشاير.... بكت بهدوء وهي تتنهد وقالت ـ وعمتي؟ مطلق بحدة ـ عمتي اخر انسانة المفروض تتكلم....اشوف يوم ولدها نوى الشينة ماتكلمت ولاقالت شي ولاحتى اعتذرت.... جراح ـ عمتي اذا بتومن بالقسمة والنصيب بترضى بالنهاية ومابتخلي ها الشي يفرقنا من جديد,,,, بشاير ـ هي بروحها من سالفتك انت وهالة متضايقة وكل يوم تجي تشبها...وامي احس انها مو متقبلة... مطلق ـ انتي بتتزوجينه بالحلال وبموافقة ابوي..وابوي ماوافق وامي ماهي راضية يابشاير.... امي صحيح تعرض وتقول لا بس تراها في النهاية تختار مصلحتنا والشي اللي نبيه واكبر مثال قدامك انا وجراح,,, مارضت اخذ دارين وحطت وشالت بس يوم اني اصريت واخذتها اقتنت بالنهاية واشوفها اليوم بعد تسال عنها وقالت لي لاتجي الا وهي معك خل تونسني... جراح ـ انا بس جبت طاري هالة شفتي شلون قامت الدنيا وماقعدت واخذتها ورحت وهي زعلانة وبس رجعت كلمتني طبيعي ويوم شافتني مبسوط تمنت لي السعادة.... تنهدت بشاير بارتياح ومسحت دموعها,,,, ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ في بيت ابو احمد... هالة وقفت وقالت بصدمة ـ مجنون انت؟ غسان وهو شارد ـ لا هالة ـ ,,,,انت تطالعني لو سمحت.... غسان بتنهيدة ـ وش تبيني اقولك يعني بالله؟ هالة بصدمة ـ ابي شي غير الحكي اللي قلته.... غسان ـ ماعندي غير اللي قلته.. هالة ـ طلعت من الجامعة ياغسان؟؟؟ليه سحبت اوراقك بس!!! غسان بحرقة ـ مامشيت وحسيتا ني مابمشي...الدراسة اصعب من اللي تخيلته.... كان يبي يقول شي مغاير بس فضل انه يسكت... هالة ـ وحلم المحاماة اللي كنت تحلمه طول عمرك تبخر؟ غسان بغصة ـ خلاص هالة... هالة ـ لامو خلاص....هاذي مو سالفة تشرب عصير وترمي وراك الغلبة ..افهم انت تارك دراستك...ساحب اوراقك نهاـئيا من الجامعة وانت ماباقي لك غير سنة وحدة بس!!! غسان بتعب ـ هالة.. هالة ـ كلنا عارفين مستواك وانك ماشي صح وش اللي صار بس ياغسان.... غسان ـ قررت اشتغل مع ابوي بالشركة... هالة ـ لامو صحيح مو هذا الشي اللي تبيه انت ياغسان....فهمني وش اللي صاير.... غسان ـ ................. هالة ـ غسان انا بتكفل بدراستك من جديد بس لاتضيع الحلم اللي ظليت تحلمه طول عمرك ياخوي.... تنهد وقام من مكانه وتركها بروحها وسط دهشتها من للي سمعته منه.... ـــــــــــــــــــــــــ ـــــــــــــــــــــــــ ــــــــــــــــــــــ ابو احمد ـ انا تسرقيني ياام وليد وتسرقين حلالي مع ولدك؟ ام وليد ببكي وندم ـ ابو احمد اسمعني.... ابو احمد ـ اسمعيني انتي.....انتي طالق ..طالق ..طالق....وخلي بناتك وولدك اذا شرف عندك مابيكم كلكم؟؟؟ ام وليد ـ انا مالي شغل هذا وليد.... ابو احمد بانفجار ـ وليد متى اخذ التوكيل من غرفتي اصلا!! سكتت.... اصلا التوكيل اذا رجع بيطابقونه هنا وبيلقونه مزور..بس خسارتي اكبر منها ولدك صادر الحلال كله باسمه..كله ياام وليد كله...شقاي وتعبي انسرق من ولدي وعلى حياتي!!! انتي فكرتي شلون بعيش انا ولا شلون بعيشك انتي وبناتك؟ كانت تبكي بصمت .... ابو احمد بتعب ـ عارفة كم صفقة عندي معلقة ووكل الشيكات اللي انا كاتبهم بدون رصيد وان انا مطالب اسددهم خلال اسبوع ولاانسجن واروح بستين داهية؟ ليش ماكمل جميله وكتب الشركة بعد باسمه..ليه خلاها وهي مصفرة وبتنهار بدون ميزانيتها؟ مافكر بالموظفين اللي عندي شلونا قابلهم ومن وين اعطيهم؟واذا قلت لهم ولدي سرقني بيصدقوني؟ ام وليد انا عمري ماقصرت عليك ولاعلى عيالك بشي بحياتي...كل اللي تبينه يجيك انتي وبناتك وولدك ها الحرامي.. أي مكان تبون تسافرون له بس تاْشرون وتروحون.... كرهتي عيالي وفرقتي بينهم وانا ساكبت .خربتي بينهم وفرقتي وقلتي عيال العراقية وعيال العراقية وانا ساكت... بس بقولك بذمتك منتي متحسفة لانك سويتي هالشي؟ كل ماتشوفين عيال العراقية بكرامتهم ورفعتهم واخلاقهم بين الناس ومراكزهم وسعادتهم وتشوفين عيالك ماتنقهرين,,,,, انتي هذا اللي تبينه... انا تارك لك هالبيت وماشي....... طلع وتركها بروحها منهارة وتبكي وتدعي على نفسها وعلى وليد وعلى تربيتها له ولحواته لــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــ مد لها جراح بشيك موقع وترددت تاخذه بس الموقف اللي هي فيه اكبر من كرامتها ومن كل شي.. جراح بصدق ـ هالة حبيبي حلالك وحلالي واحد...وبعدين اعتبريه مهرك انا المهر اللي جبته لك ماكان قدرك ومستواك... هالة بضيق ـ أي مهر ياجراح انت شايف كم المبلغ.... جراح جلس جنبها ومسك يدها ـ يفداك...ولا ها الضيقة اللي اشوفها على وجهك... هالة بنرفزة ـ سواد الله وجهك ياوليد....كذا تسوي في ابوي وتذله بين الناس... جراح حط كتفه عليها وقربها منه ـ حبيبي ماصار شي...محد للحين يدري..وبعدين انتي واحمد فيكم البركة.... هالة ـ انا اللي عندي مايكفي ولايوفي ولااللي عند احمد...الارقام اللي مطلوبة خيالية....لو نشتغل عشر سنين انا واحمد مانجيبها؟ جراح وهو يحط الشيل بيدها ـ احمد قايل انه بيحاول يدبر مبلغ من معارفه وبتنحل ياهالة... هالة ـ جراح... حط الشيل وسكر على يدها وقال ـ حبيبتي بلاش اعتراضات الله يخليك...من متى انا وانتي بنتحاسب على فلوس... هالة ـ انا ماطلبت منك حتى ربع ها المبلغ؟ليش بس تحرجني... جراح ـ اولا انا ماانتظرك تطلبين.....لانك تامرين يالغالية وبعدين وش اللي تنحرجين منه بس...انا وانتي واحد ياقلبي... هالة بتردد ـ باخذه بس يكون سلف....ونكتب فيه ورقة وتوقيع شهود... جراح ـ انا عندي حل ثاني...موافقة عليه.. هالة ـ ماعندي مجال ارفض أي شي تقوله... جراح بضيق ـ معناته بطلت اتكل ماذا كذا لهجتك؟ تنهدت وسكتت وقال بنرفزة ـ انا مااحب هالة الضعيفة...انا ماابي غير هالة القوية واللي كلمتها ماتنزل القاع...وينها..وين راحت شفتيها... بكت...قالت بصدق ـ وليد ضيعنا ياجراح ضيعنا...كرامة ابوي وكرامتنا واحد وش تتخيل نكون بعد اللي سواه.... جرح ـ مابيروح منها صدقيني...لو كان واحد غير وليد قلت لك أي بس وليد وطيشه بيجيبونه خايب وذليل صدقيني وهذا راس جراح ياهالة.. هالة ـ ماعلينا وش قلت شرطك بدل الورقة اللي نكتبها على المبلغ.. جراح ـ اول قولي موافقة عليه.... هالة بتنهيدة ـ موافقة ياجراح.. تقرب منها وقال بهمس في اذنها ـ ابي احضنك بقوة ياهالة...... قالها وحضنها بكل قوة فيه بدون مايترك لها مجال تعترض ولاتوافق؟ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــ رفعت راسها وهي تشوف اللي واقف قبالها زينة بصدمة ـ احمد... احمد بانكسار ـ ممكن اشوف مشاري.... زينة ـ مهو هنا....بالرياض عنده اجتماع ومابيرد الا الاربعاء خير في شي.... احمد ـ كنت ابيه بحاجة وماابيه يردني... زينة ـ خير يااحمد..... احمد بتنهيدة ـ كنت ابي وقفته معي... زينة ـ احمد تفضل اقعد ليه واقف,,, جلس وهو تعبان.. زينة ـ وش فيك يااحمد عاد؟وش اللي متعبك.... احمد ـ انا بضائقة مادية وبغيت سلف من مشاري.... زينة ـ بس هذا اللي متعبك.... احمد بتعب ـ ماتدرين عن شي يازينة.... زينة وهي تفتح دفتر شيكاتها ـ ولاابي ادري بعد...اللي اعرفه ان عمي بو احمد قاطعنا ها اليومين ومدري ليه وكل ماادق له مايرد وقررت اني ازوره بس مستحية اجي بدون موعد فاذا تبلغه سلامي بكون شاكرة لك.... احمد بتنهيدة ـ الوالد تعبان شوي.. زينة ـ لا..سلامات..وينه فيه.. احمد ـ عندي بالشقة... زينة ـ اممممم...طيب بلغه اني ابشوفه.... احمد ـ هامك... زينة بتنهيدة ـ عمي بو احمد من ريحة الوالد الله يرحمه...من زمان واحنا معه وهو معنا....ودايم اذا احتجنا لااي شي يكون جنبنا ومايتركنا وماابي انسى افضاله بصراحة.. احمد ـ فيك تزورينه باي وقت.... مدت له الشيك وعطته القلم وقالت ــ احمد اكتب الرقم اللي تبيه انا وقعت لك الشيك.. احمد تنهد ـ الله يعلم يازينة اني ماجيت الا وانا ضايقة فيني ارض الله وماتوقعت مشاري يردني وانتي ماقصرتي بس اللي ابيه شي كبير.... زينة ـ احمد انت اخوي اخوي بها الدنيا وانا اذا احتجت اكيد بلاقيك جنبي.... حط الرقم ياخوي ولاتستحي مني....الفلوس عمرها مابتفرق بينا وبينكم مهما كان...واللحين بالاذن انا عندي اجتماع وانتم وغريب..... احمد باعتراض ـ أي بس يازينة.. زينة وهي واقفة ـ شلون عبدالله وريم... احمد ـ بخير... زينة ـ تغير عن المرة اللي شفته فيها...امه تقول لا.. احمد ـ لاماتغير بس يبيلك تشوفينه علشان تحكمين.. زينة ـ قريب ان شاءالله... قامت ودخلت الغرفة الثانية بعد ماعطته دفتر الشيكات... دخلت علشان تمسح دموعها اللي طاحوا منها من شوفة احمد اللي ماتوقعتها... زينة ماتوثق باي انسان غير مشاري بس شوفة احمد وهو مكسور كذا ذوبها.... وش اللي جاري عليك بس يااحمد..... الله يهون لك امورك ويحميك يارب.... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــ في شركة ابو احمد..... ابتسم ابو احمد يوم يدخل ويلاقي غسان مشغول بين الاوراق وبالاتصالات وظل يناظره من بعيد لين بعد فترة كان غسان رافع راسه وانتبه على ابوه ووقف بسرعة وراح لاابوه.. غسان ـ يبى حياك تفضل.. ابو احمد بابتسامة ـ ناقصتك الزوجة والعيال...ت نهد غسان وابتسم.... ابو احمد ـ وانا الصادق يايبى.. غسان بضحكة ـ يبى انا بدل البنت عندي ثلاث الله يخليهم؟؟ ابو احمد ـ هههههههه والله انهم قادرين عليك بنات مطلق واختك تقول صايرة تهددهم فيك كل ماعاندوها قالت بقول لغسان ويمشون سيده... غسان ـ اه منهم البارحة شيبوني بالالعاب كل وحدة بجهة وكل وحدة براي بغيت اضيعهم وارجع عنهم بس قلبي ماطاعني.... ابو احمد ـ الله يعطيك عيال يريحون بالك وقبلهم زوجة ان شاءالله مثل منت مريحني ... غسان ـ يبى تعال مكانك هنا... قالها وهو يفتح له الكرسي علشان يقعد عليه.... ابو احمد جلس على الكرسي المقابل للمكتب وقال ـ لايبى انت اللي شايل الشغل اللحين انا هنا مكاني.. غسان باعتراض ـ افا بس افا...انا ها المكان مايسوى ادخله وانت مو فيه....يبى انت الكبير وبظل دايم تحت امرك واتعلم منك.... تنهد ابو احمد وقال ـ الله يريحكم انت واخوانك يايبى مثل ماريحتوني..... غسان بتردد ـ يبى وليد جابوه.... ابو احمد وهو يهز راسه ـ قالت لي هالة الصباح.....انت وش عرفك.... غسان ـ انا مريت الصباح اشوف اروى وخالتي اذا يبون شي واروى قالت لي.... ابو احمد ـ وطبعا مريم ماقابلتك؟ غسان ـ يبى مريم متضايقة لاتلومها اللي.. ابو احمد بقهر ـ لاتدافع عنها قدامي!!!لعن ابوها طحت قدامها طيحة مايوم رفعت سماعة تلفون وقالت يبى شلونك؟كاهي اروى الله هداها ومواصلتني بشقة احمد ومواصلتكم ...بس ذيك نسخة من امها الله يهديها بس.... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــ طلعت من غرفة التبديل بعد مالبست ثوبها القصير الاحمر اللي كان شاريه لها البارحة احمد ... جابت شعرها على جنب وحطت الروج الغامق... تعطرت وراحت تقعد على الفراش تنتظره لانه قايل بيجي اللحين.... توها بتدخل الفراش الا مطلق فاتح الباب وداخل ومن شافها قام يصافر..... مشت للسرير وبس رفعت الغطاء الا توقف مكانها وتتلاشى ابتسامتها.... مطلق يوم شافها تناظره تقرب منها بعد ماشال شماغه ورماه..وشاف بناته ثلاثهم نايمين على فراشهم.. دارين وهي تهمس له ـ راحت عليك الليلة؟ مطلق ـ علشان اذبحك قبلهم؟ دارين قعدت على الكرسي اللي عند المرايا وقالت ـ ياحرام نايمين وش بتسوي لهم... شمر اكمامه للنص وابتدى يشيلهم وحدة ورى الثاني... يشيل وحدة ويوديها فراشها يويرجع ياخذ الثانية لين خلص منهم ورجع وقفل الباب وقال بتعب ـ مابغينا... دارين بدلع وهي قايمة فراشها ـ تصدق عاد انا تعبت تصبح على خير.. وقفت مكانها يوم تمسكها يد مطلق من خصرها وتلفها له وصار راسها بصدره وقال بهمس ـ جايك تعبان ومحترق وتقولين بنام وتعبانة شلون ها الحكي عاد؟ دارين بدلع ـ من زمان وانا انتظرك؟ مطلق ـ لاوالله الا انا اللي من زمان وانا انتظرك.... دارين ـ وليه ماجيت من زمان... مطلق ـ الله ياخذ الشغل يابعد عمري..هو اللي اخرني.... اممممم قالتها وهي تلعب بياقة ثوبه..... مطلق ـ اقول دارين.. دارين ـ قول يابعد طوايفي قول انا اسمعك.... مطلق وهو يحملها ويحطها بحضنه يوم قعدوا بالفراش ـ انا ودي بتغيير.. دارين شهقت ـ بتتزوج؟ مطلق مات من الضحك وهي تفشلت... مطلق ـ لافهمتيني غلط؟ دارين ـ اجل... مطلق ـ اقو لانا عند ي اربع بنات ابي اشوف ولد .... دارين ـ عندك ثلاث ماعندك اربع.... مطلق ـ واللي قاعدة بحضني هاذي؟ رفعت عيونها له وابتسمت بحب ودلع واغراء وقالت ـ انا بنتك... مطلق بتنهيدة ـ واقرب بناتي لقلبي بعد واحلاهم وانتي اللي بتطلعين الشيب رباسي..... دارين بهمس يادوبه ينسمع ـ احبك... مطلق بخبث ـ اذا قدها جيبي لي ولد... ماردت عليه بس رمت روحها بحضنه وحضنته بقوة وهو بادلها الحضن... مطلق بهمس ـ دارين... دارين ـ قول حبيبي.... مطلق ـ الا الليلة حلينانة.... دارين ـ ماتدري ليش؟ مطلق ـ لا..... دارين ـ لاني احبك مووت وكل ماجاني احبك اكثر واكثر ...ياربي مايحرمني منك ابدا...قول امين... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــ كانت واقفة تناظر بولدها اللي واقف بين شرطيين..... ماعرفت شتقول ولاشتسوي..... وليد بتذلل ـ يمه قصوا علي..... ام وليد بغصة ـ تلعب بعقلي انا ياوليدوا....تقولي بنقل الحلال باسمي وبنتقاسمه انا وانتي وبرد التوكيل ولامن شاف ولامن درى...وانا بنفس الليلة اتصل فيك وتطنشني ماترد علي؟؟؟ وليد كان يبكي ومو عرف شيقول... ام وليد ـ تستاهل اللي انت فيه تستاهل... وليد ـ يمه سرقوني.....وبعدها ورطوني بقضية مخدرات مالي شغل فيها... ام وليد ـ اللحين جايني بعد ماضيعت الحلال كله؟جايني بعد مابعت ابوك وعشرته علشانك؟ابوك طلقني ياوليد ورماني؟ استاهل يوم اني سمعت كلامك ياولد امس... وليد ـ يمه لاتتركيني حطي لي محامي يطلعني منها وانا بوريك بعدين وش... جاه كف ماتوقعه من امه بذيك اللحظة وقالت بكل قهر وبكي ـ انا اللي ماعرفت اربي انا؟ياليتني ربيتك مثل احمد وغسان ياليت؟؟يليتني تركتك تتعلم منهم وتتخالط معهم علشان تصير مثلهم ياليت؟؟؟ ماجبت لي غير الهم والاذية...ياليتني بس لو ماجبتك بحياتي ولا ابتلشت فيك.... فارق ماابي اشوفك...خيس هني لين تتاْدب وتتعلم...انا مالي شغل فيك... وليد ببكي ـ يمه لا تكفين لا.....ابوس يدك... لفت عنه وماكانها تسمع ترجيه لها... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــ كان قاعد بحضنها وهي تلعب بشعره وهو مغمض عيونه.. مشاري بهمس ـ قولي اني احلم واني مو بحضنك؟ بشاير بهمس ـ مشري تراك تحلم ومنت بحضني!! ابتسم لها وفتح عيونه وقال ـ ليه قلتيها ؟ بشاير بحب ـ لاني مااخالف رايك واقول الشي اللي تبيه دايم؟ ابتسم وقال ـ خفت ان حياتي توقف اذا مااخذتك... بشاير ـ انا شفت الموت بعيونيك.. بشاير ـ.... والله مو قادرة اتصور كيف ظليت عايشة ذيك الايام!!! مشاري ـ احبك... بشاير ـ بتفرط فيني!! مشاري ـ اللحين بعد ماتملكتك وصرتي بحضني مستحيل اضيعك مني....اه يابشاير اه لو تدرين انتي شنو بقلبي... بشاير ـ بظل احبك طول عمري... مشاري ـ وعد.. بشاير ـ وعد حبيبي وعد ااتركك الا على قبري ولا غيره مابيفرقني عنك.... مشاري ـ وبتجيبين لي عيال واجد.. ابتسمت له... مشاري ـ ابي البيت يمتلي ترى هاذي مورغبتي بس هاذي رغبة زينة بعد... بشاير حضنته بالقوة وقالت ـ مشاري خبيني بحضنك ماابي أي دقيقة تمر علي واكون بعيدة عنك ابي اقعد بحضنك بس..... ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــ احمد اللي توه داخل غرفة النوم ـ ها نام... ريم وهي تمشط شعرها ـ من زمان.. احمد ـ وليه مادقيتيلي حضرتك؟ ريم ـ ياسلاام على الابو المثالي اللي يترك ولده ينام ويرجع البيت مايبي يسمع صياحه.. ضحك احمد وشال شماغه وبدل ثوبه وتقرب منها وقام يناظرها... ريم ـ في شي ياعمري.. احمد ركع لمستواهاوقال ـ ريم شعرك طول...اول مرة اشوفه طولان... ابتسمت له.. قال باعجاب ـ واخيرا شفناه طويل مابغينا... ريم ـ أي انا قلت الليلة اخليك تشوفه علشان بكرة بروح اطيره كله بالكوافير... احمد ـ مالك امل ولاتلمسين ولاشعرة فيه سامعتني؟ ريم ـ يمه صاير تخوف.... احمد ـ كم صار عمر عبادي.... قالها وهو ماسك يدها ومقومها معه وداخلين فراشهم... ريم ـ كمل الثلاثة شهور وداخل على الرابع.... احمد ـ خلاص بعد... ريم ـ وشو اللي خلاص.. احمد ـ كبر...ذريم ـ أي الله يخليه ان شاءالله وش لك عنده؟ احمد ـ معناته لازم تجيبين لنا بنت بدل ولدك اللي كله يبكي؟ ريم تخصرت وقالت ـ ياسلاام...يعني ولدي صار كله يبكي؟وش رايك اتصل اللحين على عمي ولاعلى هالة ونشوف رايهم بالموضوع؟ احمد ـ لالاخلاص انسحبت اذا السالفة فيها ابوي ولاهالة انا منسحب ولدك احلى واحد بالدنيا وكل ليلة مايتركنا ننام عادي نفداه احنا عمرنا مانمنا بس ولا تشتكين علي..تعالي ارتاحي تراني مشتاق لك.. ريم بتهديد ـ فكرت بعد بتحط بالك وبال ولدي.. احمد بصدق ـ والله اغلى هدايا جوني بحياتي انتي وولدك.. لفت له وباسته على خده وقالت ـ عسى الله لايحرمني من حبك يااحمد ويخليك لي طول العمر ويقدرني ارضيك... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــ لبست ثوب نوم مغري باللون الاسود واللي عرفت ان جراح يفضله.. ورجعت شعرها كله لورى..... الليلة بتكون فصل تغير بحياتها مع جراح.... بتسلمه نفسها وقلبها وحبها... الانسان اللي يشتري سعادتها قبل تطلبها... اللي يجيب لها نجوم السما ويقول تدلل وش تبين بعد.... حب جراح غزاها ومواقفه معها كبرته بعيونها لحظة ورى الثانية..... ماتقدر تنكره ولا تبقى بعيدة عنه باقي العمر.... بظل سرحانها دخل وماانتبهت عليه غير يوم يحضنها.... جراح ـ وش ها الحلاوة ياعمري... لفت له وقالت ـ متى وصلت.. جراح ـ قبل دقايق بس انتي سرحانة.... هالة ببتسامة ـ كنت سرحانة فيك... بارتياح قال ـ صدق.... هالة ـ اممم... جراح ـ في شنو.... فتحت يدها وكان فيها السلسال اللي عطاها اياه جراح بليلة زواجها من علي ومكتوب فيه احبك... شاله من يدها وهو يناظر فيها وقال ـ لسه محتفظة فيه؟ قالت بصدق ـ داي كان معي ومافرطت فيه مدري ليش؟ تنهد وهو يناظر بين السلسال وبين عيونها... لفت له ورفعت شعرها وقالت ـ تلبسني اياه... اخذ السلسال وتقرب منها وهو حاس بالربكة...الليلة راضية عليه ومخليته يتقرب براحته بدون حواجز وش بعد عندك ياهالة لليلة؟ لبسها اياه وضمها لصدره من ورى وصار صدره بظهرها.. قالت بتنهيدة ـ انت مرتاح معي... جراح بثقة وهو يناظرها بالمرايا ـ عندك شك.... هالة ـ حتى مع اللي يقولونه عني... جراح سكت فترة ويلة وبعدها دندن لها وهو لسه حاضنها ـ للواخسر الدنيا معك انا ربحان.. ماابي من الدنيا غيرك ابد انسان... ومهما يعيبونك اذني ماتسمع فيك... وانت غايب ولاانت بقربي والله راضي راضي عليك قلبي... تنهدت بقوة ولفت له..وقال وهو يطالع بثوبها المغري وقال بهمس ـ الليلة متغيرة.. قالت بتاْكيد ـ امم.. جراح وهو يلعب بشعرها ـ والاسباب... هالة ـ لسه ماعرفت.. جراح ـ لا..قولي انتي.... ذات ليلة...ساْلتني عن سرجمالي,,,وعن مصدر ابتساماتي,,وعن اللمعة في عيني,,,ذات ليلة ساْلتني مئة سؤال وسؤال ,,ساْلتني ماذا بدل من احوال,,؟ ذات ليلة راْيتني بدر مطل قبل الاوان..راْيتني حورية قبل الممات,,راْيتني ساحرة تسحر الكون بابتسامتها,,, وانا ارد عليك مبتسمة..اءمعقول انك لم تعلم بعد!!امعقول انك لم تدرك بعد!!امعقول انك لم تعرف انك سر التغيرات التي انت سبب كل التغيرات التي احدثت فيني بسبب حبك... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــكان احمد قاعد يقلب بالبوم الصور يوم انتهت اخر صورة وانتبه من شروده وان هالة تناديه... لف لها....وقال ـ وش تبين انتي؟ هالة ـ امي تناديك يالله حطينا الغذى.... احمد ـ هالة...انا كتبت قصة... هالة ـ وينها... احمد ـ كتبتها بخيالي.. هالة ـ عن منو .. احمد ـ عنا كلنا انا وانتي وغسان ودارين ومطلق وجراح وخواتهم ووليد ومريم واروى.. هالة ـ مدام فيهم ها المغثة اكيد بايخة... احمد ـ هههه هالة ـ ليه تضحك.... احمد ـ لانك بالقصة ماتجيبين عيال ياهالة.. هالة بقهر ـ انت اللي مابتجيب انا بجي.. احمد ـ لاانا بجيب انتي اللي مابتجيبن.. هالة ـ بروح اشتكي واقول لاامي يااحمد... احمد ـ خلاص يبى لاتقولين لاتقولك انتوا بعدكم صغار توه عمركم عشر سنين تفكرون بها السوالف ركزوا بمذاكرتكم ولاكبرتوا يصير خير.. هالة باصرار وهي تمشي ـ بجيب عيال وبتشوف يااحمد... ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ كان هذا اخر بارت لروايت واذا الله كتب لنا لقاء اخر بيكون استودعكم الله وسامحوني كلكم والف شكر على كل كلمة قلتوها بحقي وحق الرواية | ||||
|
| |
|
| أدوات الموضوع | |
| انواع عرض الموضوع | |
|
|
العرض العادي
