21-07-11, 04:38 PM
| #1 | ||||||||||||||||||||||
| نجم روايتي 
|  خــانـي وذليته ..للكاتبه مشاعل الراشد
التعديل الأخير تم بواسطة فيتامين سي ; 21-10-13 الساعة 09:29 AM | ||||||||||||||||||||||
|  |
|
21-07-11, 04:39 PM
| #2 | ||||
| نجم روايتي
|  البـــــــــــــارت الثــــاني ,,,, الجزء الاول .... عبدالعزيز دخل البيت شاف امه تشرف عند اخدم ع طاوله الطعام :السلام عليكم ... ام عبدالعزيز ساميه : أهلين ابني وعليكم السلام ..روح حبيبي بدل وغسول دياتك وتعى = تعال .. عبد العزيز متوجه للدرج : اوكيه وصلت اجوان (وقال بصوت ساخر) وسالم ؟! ام عبدالعزيز فهمت عليه بس ماحبت تعلق خصوصا الوقت مو مناسب : أيه كلون وصلو هلئ بينزلوا .. في جناح اجوان... كانت جالسه ع الكنبة الريش البنك ومعها لوشن وتدهن يدينها ..في نفسها تقول :انا الغبيه صدقته ..بس حتى ولو مارحت مارح يكون بالي مرتاح زين رحت وعرفت السالفه وانه كذاب ..مالت عليك يافيصلوه على بالك اني كيذا بخق معك مسكيين كـان غيرك اشطر .... عــــلى الغداء .... الكل جالس ياكل بهدوء... عبد العزبز كسر حاجز الصمت وقال :يبه اذا ماعندك مانع ودي نروح للرياض مع الاهل . ابو عبد العزيز وهو يشرب المويه وبعدين نزل الكاس :ماعندي ماعندي مانع بس لا تطولون .. ام عبد العزيز تناطر ولدها وفي نفسها تقول شوو هيدا مألي شي :..... عبد العزيز فهم نظرت امه :... سالـم عادي عنده الوضع ماتفرق يروح او لا ...علشان كيذا ساكت ويأكل بهدوء:..... أما اجوان كــانت ســرحااانه ومو معاااهم اصلا ولا تدري وش جالسين يتكلمون فيه في نفســها :: اااخ يا القهر من جد يبيلي اعلمه قدره قال ايش ابي اشوفك .. ولد الفقر هذا مقيوله عيال الفقر مايعقلون الا بطقه ع روسهم ..((. ********************************* في الــريآآآض ... الـكل تغداء وراح يريح في غرفته .... رائد ماسك جواله ودق: جاسر .. جاسر رد عليه وهو ع السرير يفرك عيونه : هـلا وش عند يابـو داق الظهر ماتدري ان ها الوقت وقت قيلولتي .. رائد وهو ممدد ع السرير ويفصخ بلوزته : عارف بس حبيت ااكدلك اليوم لاتنسى تمر حمود اذا جيت جاسر :طيب خليني اقيل الحين .. رائد : خلاص يله سلام .. ........................ ريوف جالسه في الكنبه الي في الصاله وتحط مناكير :أأأف >> تنفخ يدينها ام رائد واهي تشرب الشاهي : تبيني اصبلك ريوف : لا معاي ببسي .. ام رائد : شكلك رايقه اليوم .. ريوف : لا والله احس نفسي طفشاااانه حدي ..ودي اطلع اغير جوو او رائد :وين تبين تروحين تغيرين جوو؟ ريوف أي مكان بس نطلع احس روحي متملله .. ام رائد :اليوم دقت علي خالتك تقول انهم حاجزين شاليه ويبونا نجي ...ايش رايكـ .. ريوف بفرح ::والله يااااي ونااسه خلينا نروح تكفين .. ام رائد : انا ماعطيتها خير قلت اشاوركم واشوف اذا مااعندكم اختبارات نروح .. ريوف : لا ماعندي شي .. ام رائد: خلاص اجل ادق عليها واقولها اننا جايين ريوف تنط عى امها : يالــبى قلبك انتي احلا ام في العالم .. ام رائد : أي وخري عني وجعتيني ..ااه بس يا ال مصلحه مو لله .. ريوف : حرام عليك( وتأشر ع نفسها) انا اكذب عليك في مشاعري الجياشه ام رائد : اقول بس قومي قولي للبندري خليها تجهز نفسها بكرا ..وسأليها اذا عندها اختبار .. ريوف : ان شاءالله ماميتوو ووقفت في اخر الصاله وارسلتلها بوسه ام رائد ردتلها البوسه .. .................... البندري منسدحه ع السرير وحاطه ماسك ع وجهها : دقـ دقـ ... البندري تعرف طريقه طرق باب اختها :ادخلي .. ريوف تسوي نفسها خاايفه بصراخ : أأأأأأ ياامااامي مرره تخوفين .. البندري : ريووفوهـ بلا سماجه ترا مايليق عليك ريوف وتتخصر وتشوف شكلها في المرايه با القميص القصير السماوي :مسكينه يليق ونص .. البندري : هههههه والله انك حاله مستعصيه .. اخلصي ليه جايه وش تبين . ريوف : عندك شي بكرا البندري :بكرا ايش ريوف : الاربعاء البندري تحاول تتذكر : اممم.. ريوف تلفت اعصابها خايفه يصير عنها شي وتخرب السالفه :: لا اكيد ماعندك شي >> ومشت تبي تطلع البندري تبيت هبل فيها بصوت عالي :الا عندي اختبار ريوف : يا سخيفه من جدك البندري : لا من عمي ليه وش عندكم ريوف وهي مبوزه: ماتضحكين .. بنروح مع خالتي للشاليه البندري مبتسمه مانقدر تضحك علشان الماسك : خلاص لا تصيحين . ماعندي شي ريوف : اقول بس لا يتشقق وجهك > وطلعت ........................... عبد العزيز يدق ع سلطان : الوو وينك هذي المره الثانيه الي ادق فيها .؟ سلطان وصوته كله نووم :هلا عزوز بغيت شي عبدالعزيز : آها نايم . لا بس اقولك متى بتمشي بكرا سلطان :طيارتنا بكرا عبد العزيز :اها خلاص يله اخليك سلطان : سلام <<ورجع يكمل نوومه عبد العزيز يدق ع السكيرتير : الو ..بندر . بند: نعم .. طال عمرك عبد العزيز : احجزلي تذاكر لبكرا الصبح للرياض بندر : لكم .؟ عبد العزيز :اربع اشخاص . بندر : ان شاءالله بتكون عندك التذاكر اليوم في الليل . عبدالعزيز :اوكيه . بندر :بحفظ الرحمان عبد العزيز سكر الخط : .. تمدد عند المسبح ولبس النظارت وحط في اذانه السماعه ع اغنيه ....خيـانه .نبيل شعيل .. وسرحـــ مع كلمــات الاغنيه يحسها الكلمات إنكتبت له وكل الم وجرح في قلبه ينولد من جديد .. مشاعره من القهر والم ..عــ كل اللحظات الي حصلت معها بكذب... *¤ô§ô¤*~كلمات اغنيه خيانه لنبيل شعيل~*¤ô§ô¤*~ خيانه وانتهت اخر سوالف عشقي المجنون سوالف عشق ياما الناس قالتها وعادتها حكوا عني وحكوا عنها وعن الحب ملا هالكون وصاروا يحلفون بحبنا وصدقي وطيبتها وكم واحد تمنى لوخذا من لون حبي لون وكم وحده تمنت لوتشابهنا حكايتها انا وياها كنا حلم بالمعنى وبالمضمون لكل اثنين قصه حبهم تعلن بدايتها وفي الليله بكى فيها الوفا من ظهره المطعون بدايتها جروحي والوفا مات ابنهايتها في ذيك الليله كان اهون علي احيا بدون اعيون ولا اشوف الي شفته من حبيبه قلبي ساعتها بعيني شفتها وياه تضحك له واهو مفتون سعادتها في قربه تشبه في قربي سعادتها واهو طاير ابفرحه ولايدري بأنها تخون يمكن يدري وساكت ولاتهمه حقيقتها ابعيني شفتها ماهو حكي واشي وخيال وضنون بعيني ليت عيني عمرها مايوم حبتها وقفت لسان حالي تقول ليه ومن متى واشلون عسى ألقى سبب واحد يبرر لي خيانتها وادور للجريمه ثغره في كل مذهب وقانون لكني عجزت ألقى عذر يغفر لي جريمتها خيانتها عطت حجه لكل الي يبي يخونون ومن هالليله كل خاين يتعذر ابقصتها عبد العزيز النظاره الشمسه تخفي دموووع تنزل بقهر ..ع كل لحظه صدقها فيها ... وصار فيها غبي ... اكثر شي كرهـ في نفسه انه صدقها وصار مغفل .. زيه زي غيره ... يتذكر كلامها له ... فتون :انا مستحيل احب احد كثرك عبدالعزيز وعيونه تلمع حب للانسانه الي قدامه : وانا بعد مستحيل اعشق احد غيرك .. ........ رجع لارض الواقع .... ابتسم عبد العزيز ع نفسه وهو يقول :انا مستحيل احب مره ثانيه منك .. وقام فسخ التيشيرت ورمى نفسه في المسبح يمكن كيذا يقدر يطفي النار تشتعل جوات صدره :.... .................................................. ...... فـي الليــل ؛؛؛ المغرب ريوف :ماما بندوري تقول ماعندها شي ام رائد : زين طيب قلتي لرائد .. ريوف : لأ ام رائد : روحي قوليله يمكن حاب يجي معنا ريوف : تيب ... ابو رائد دخل البيت ومعه كيسة حلويات بيدهـ : السلام عليكم ريوف :: وعليكم السلام (وعيونها ع المالتيزارس) ام رائد : هههه عطها الكيسه لتآكلك الحين .. ابو رائد بنذاله :لا مافيه اصلا انا جايبها لبنتي الغاليه البندري وينها .. ريوف بوزت: افاا ماصار لنا مكان ابو رائد يجلس : ماادري انتي اذا تبين لك مكان فيك تقرري ام رائد تنادي الخدامه : مايري .. مايري : نعم مادام ام رائد : روحي جيبي القهوه مايري : حاضر ريوف :يوووبهـ ابي ابو رائد يستعبط : وش تبين . ريوف : ابي شوكلت ابو رائد ببتسامه : عطيني بوسه ريوف قامت وطبعت بوسه ع خد ابوها .... ع دخلت رائد ... رائد : خير ان شاءالله وش ذا الدلع لبعض الناس وحنا لنا الله ام رائد تفتح حظنها لولدها : تعال يا حبيبي ولا تزعل رائد يستهبل (ويروح لمه )::مااامووو ابو رائد : ههههههه اقول قوم بس ترا مو لايق عليك الدلع خليه لاهله ام رائد تناظر فيه : ماموو في عينك وش ماموو ذي رائد : وش فيك يا الغاليه لازم ادلعك ثامر دخل : السلام عليكم .الكل وعليكم لسلام ثامر :: هييه يابوو الشباب استح ع وجهك رائد يحرك شعره بيده يبي يقهره: ليه استحي شنو مسوي يا طعس ثامر :ابي افهم ليه مطول شعرك من زينه يعني رائد : محد طلب رايك .. قطع عليهم الحكي الخدامه دخلت الخدامه وحطت القهوه ...<<< ثامر قام يصب القهوه : سـم يبه ابو رائد : تسلم . ثامر :ريوفـ وش فيك لازق في ابوي كيذا ابعد شوي ريوف : مو شغلك رائد شاف الكيسه .. مع ابوهـ وعرف ليه جالسه كيذا : ههههههه مدمنه ... ريوف : مو شغلك ثامر :بلاهي من معلمك الكلمه ريوف : مو شغلك .. دخلت البندري :اااه مشتهيه شوكلت ابو رائد يحط الكيسه في الطاوله :.. ثامر :رائـد <<<فهم رائد عليه قام رائد اخذ الكيسه وطلع من الغرفه .. ريوف قامت ولحقته بصوت عالي : راااااااااااااااااائد البندري ركضت ورآهم ..: رائد يا سخييييييف ابو رائد : هههههههه مهبل مارح يركدون ابد ام رائد :ع فكره دقت اختي ام تركي ابو رائد : خير ان شاءالله ؟ ام رائد: الخير بوجهك ابد عازمتنا ع الشاليه بكرا وش رايك ..؟؟ ابو رائد : زين تغيير جوو ام رائد : زين اجل خليني اقوم ابلغها بجيتنا بكرا .. &&&&&&&&&&&&&&&&&&&&&& نــــــــــــــهاية الجزء الاول من البارتي الثاني ..^^ يتــبع | ||||
|
| |
|
21-07-11, 04:40 PM
| #3 | ||||
| نجم روايتي
| البارت الثاني // الجزء الثاني .. في الحــديقـه >> رائد رفع رده فوق ومعه الكيسه : لالا صغيرين القامه مالهم شي عندنا .. ريوف تنطط تبي توصل الكيسه : رئووود يا سخيييف عطني القيسه .. رائد :لأ وش عندك البندري جايه من بعيييد ونطت وسحبت الكيسه بطريقه فاجئه فيها رائد وركضت ناحية الفيلا : هههههههههأأي مساكييين ريوف جلست ع الارض متحطمه :يوووه الحين اذا رحت الشوكلت عندها مارح اشوف منها شي رائد :ههههههه والله كسرتي خاطري ريوف تزيد :اذا فعلا كاسره خاطرك جيبلي زيها رائد : من عيوني بس مو الحين ربعي بيجون ريوف : اجل متى رائد :بكرا ريوف بتفكير وهي حاطه اصبع يدها ع شفتها:يكون احسن رائد :ليه وش عندك بكرا ريوف :ايه صح انا ماقلتلك عاومتنا خالتوو للشاليه . رائد :آها ريوف :بتروح ؟ رائد :بدق ع بدر اذا بيروح بجي . ريوف :زين . ......................... فيصل في السياره :ايوه ووين السهره اليوم محمد وهو يدخن : في استراحه فيصل يبتسم بخبث :اقول فيه بنات ؟ محمد يغمزله :افاا هذا سؤال .. فيصل وقف السياره عند محطة بزين بصوت عالي :20 ريال 95 <نوع البنزين محمد :فيصل فيصل : هآآهـ محمد :شوف هذي الي مع السايق مبين عليها بنت عزك فيصل :دقيقه .>>ونزل من السياره محمد : هييه وين رايح تعال لا نتأخر ع الربع فيصل يطق زجاج السياره :هلاااااا وغلاااا منوره محطت البانزبن افتحت نص الدرشه >>والتقت عيونهم ... اجوان :مره مكبر حالك ..روح يابابا شوف وحده تناسبك فيصل :يحقلك تقولي كيذا مو انتي طالعه با الدنيا وفمك ملعقة ذهب . اجوان :زين منك عرفت قدرك السايق : مدام خلاص اجوان : يله امشي >>عطت فيصل نظرة استحقار وراحت .. فيصل في نفيسه :بعلمك قدرك معي وبتشوفي . من وراه محمد :فيصلووه يا صايع ماقلتلي انك تعرف ها الاشكال الكاش فيصل يبتسم نص ابتسامه : لا تحطها في بالك هذي وحده يبيلها ترويض ,,\ محمد : انا بصراحه ماانصحك اتركها احسن فيصل : لا مو الحين > وراح ركب السياره .. ولحقه محمد ... .................................... من قال أن قلوبنا في ذلك السوق تباع من قال أن تائه في شارع العشاق ضاع من قال أنك مركب وأنا مع الريح شراع فلتسمع يا عزيزي إن كنت أحببت السماع فأنا أحب فراقنا وأموت في وقت الوداع عقلي قصور شيدت وعلت حصونه القلاع لم يلتوي في عمره لا لن أصيبه بالصداع اجوان : الوو هلا قلبوو .يله انزلي هيفاء : اوكيه في السيـــاره << هيفاء : هاي اجوان : هايات كيفك ؟ هيفاء : تمامو وانتي ياقمر اجوان تبتسم : الحمدالله هيفاء : وينك تأخرتي تقول 5 دقايق ولك نص ساعه اجوان : ايوه الغبي نسي يملئ السياره بانزين هيفاء:آها .. وقفت السياره عند مولـ .. نزلت اجوان وهيفاء وخدامة اجوان علشان تشيل الاغرض /// هيفاء :خينا ندخل بوتيك هذا . اجوان : ابي اشتري ساعه لماما هيفاء : شنو المناسبه اجوان :ذكرى زواجها من بابا . هيفاء : وابوك ؟؟ اجوان : شاريه له من قزاز .. هيفاء : شنو شاريه له اجوان : علبه فيها ميدليه وقلم . هيفاء: ناايس .. خلصوا من مشترياتهم بعد ساعتين <<<< هيفاء :ابي موكاا اجوان :اوكيه انتي روحي انتي وسونيا للكوفي وانا بروح للتواليت هيفاء : اوكيه بس لا تتأخرين .. اجوان : تيب .. ................................ طلعت من دورات المياة .. فجأه... الا يد تسحبها مع خصرها واليد الثانيه في في فمها بشكل سريع .. تحاول المقاومه لكن دون جدوا .. في سيب يكاد يكون خاالي من الناس :. لزقها في الجدار وهو قبالها ويده للحين في فمها اجوان وعيونها مصدوومه من الجرائه : بس حبيت اقولك انك انتي قدري.. اجوان تحاول تدفه بقووه لكون اهو كان اقوى منهاا فيصل وخر ايده من فمها .. اجوان : حقـــــــير ووطت بكعب رجلها ع رجله وراحت .. فيصل مسك رجله : ااهـ طيب بوريك يابنت العز انتي ماتدرين مين تلعبين معه . *********************************** يــــــــــــــــــــتبــ ــــــع | ||||
|
| |
|
21-07-11, 04:40 PM
| #4 | ||||
| نجم روايتي
| هذا حبيبي بس .. لا نفع لافود .. طلعت من حبك بسعر التكلفة ماني بقايل لك عسى الله يهنيك .. الله يحرمك كل ماكان هناك مو مشكله كذبّتك ياسيدي اليوم .. المشكله وشلون أصدقك بكره ؟ أنا بليت بحبكم من هبالي . . ولا انت ظلِ مالنا فيه مقيال حسبي عليك إن كنت مغرور وأبديت .. مودتي والغدر .. يازين نيه غضبت وما دريت ان الغضب ياصاحبي إنسان..وسيم مثل سلّة سيف.. وقلبه أسود بالي اجوان :صباح الخير عبد العزيز : صباح النور نزلو الخدامات الشنط اجوان : ايه ام عبد العزيز : جوني شفتيلي سالم اذا ئأم او لأ اجوان : ايوه شفته قايم .وين بنجلس هناك . عبد العزيز : بناخذ شاليه اجوان تتذكر الي صارلها البارح ..صدق انه حقير بس وش قصده هذي قدرك ؟؟!! يوه وانا ليه شاغله بالي فيه : ........ ام عبد العزيز تأشر بيدها ع وجه اجوان : شوو لوين رحتي اجوان ببتسامه : لا ماكو شي ام عبد العزيز : حبيبي عزوز .. عبد العزيز : هلا ياقلب عزوز ام عبد العزيز :لمتى تأبرني وانت ع ها الحال .. عبد العزيز :وش فيه حالي . ام عبد العزيز :ياحبيبي اليم تلك هلأ عندون اولاد وانتا ..>>قطع كلامها عبدالعزيز : يمه كم مره قلتلك ها سيره لا تفتحينها .. اجوان > عارفه شنوفي اخوها .. رن الجوال :هلا اوكيه عبد العزيز :يله مشينا ........................... في الطـــيارهـ /// مدة الرحـله ساعه فقط .. اجوان جنب عبدالعزيز وساميه جنب سالم سالم حاط سمعات الايبود ساميه تقراء مجله . اجوان من ناحيه الشباك وتتأمل الغيوم . عبد العزيز :يناظر البودي قارد الي جنبه وهو كل شوي يايدق ع زوجته يا تدق عليه <لانه توه متزوج عبد العزيز يبتسم بسخريه :يا مسكين تلقاها ماخذه راحتها الحين وانت ياغافليلكم الله . اعلن الكابتن عن وصول الطائره للرياض وطلب من الركاب ربط الاحزمه >طبعا الطياره خاصه في المطـار .. عبد العزيو دق عـ سلطان <<<سلطان رفض عرض عبدالعزيز انه يكون يسافر معه في الطياره .. سلطاان : هلا عزوز عبدالعزيز : متى توصل سلطان :العصر ان شاءالله عبدالعزيز:اجل شو فانا بتكفل في الشاليه سلطان بأحرج: يابن الحلال ماله داعي اهلي مارح يجلسون في الشاليه لانهم بيروحون لعمي ع طول عبد العزيز : زين اجل اذا انتهو من الزياره حنا عازمينهم ع الشاليه خليهم يجون بكرا خلاص عاد مالك حجه . سلطان : صار عبد العزيز :يله سلام سلطان : فمان الله ^^^^^^^^^^^^^^^^ ريوف تركض : ماما ترا اخذت معي لبس السباحه مو تقول مافيه ام رائد : والله ع حسب الجوو رائد يدق ع بدر :هلا بدور شخبارك ؟ بدر : انا كم مره قلتلك لا تقولي بدور رائد : مالت عليك هذا وانا ادلعك بدر : مانبي تدليعك . رائد بخبث : ليه من يدلعك غيري بدر :هههه لا يكثر بس وقلي بتجي . رائد :انا داق اسألك نفس السؤال هههههه بدر :حريص الاخ ع الوناسه رائد : ايه افاا عليك بس بدر:تعال ترا انا جاجز شاليه بعيد شوي عن الحريم مجمع فيه العيال ..قل لحمدان وجاسر يجون رائد : اوكيه .. بدر : يله اشوفك ثامر :قالك بيجي متعب رائد يأشر بيده ع جواله : وهذا ليه مخترعينه دق عليه واسأله ***************************** نهـــــــــــــــــــــــ ــــــــــــاية البارتي الثاني .... توقعاااتـــكم !!!^^ | ||||
|
| |
|
22-07-11, 04:09 AM
| #5 | ||||||||||||||
| مراقبة ومشرفة سابقة ونجم روايتي  
| الله يعطيك الف الف عافيه يالغلا على الروايه والمجهود المميز اعتقد ان الاثاره بتبدى الحين في الشاليهات اجوان الله يستر عليك من فيصل شكله بيوريها الويل >>لاكن تستاهل لانها هي اللي اختارت هذا الطريق بانتظارك يالغاليه على جمر | ||||||||||||||
|
| |
|
22-07-11, 09:24 PM
| #7 | |||||
| نجم روايتي
| اقتباس:
مشكورة يا احلى جرح ... ربنا لايحرمنى من تواجد يارب  | |||||
|
| |
|
22-07-11, 09:26 PM
| #9 | ||||
| نجم روايتي
| البـــــآآآرتـي الثالث الجزء الاول // في الشــــــــــــــــالــــ يـه >>>> ام بدر بصورت عالي : بدووور بدر : انا كم مره قلت لحد يناديني بدور .. ام بدر : اقول بس بلاهذره زايده ورح لمحل الحلويات جيب لنا خمس صحون بدر : ااوف 5 ليه من عازمين عاد مافي ا لا خالتي ام بدر : قل ماشاءالله انت ناسي انك عازم اخوياك بدر: ولوو ثلاث يكفي ام بدر :5 انا قلت ولاتكثر الكلام بدر : طيب لا تعصبين الحين اروح سمر :بدور لا تنسى تجيب الشبسات ومشروبات معك لزوم السهره بدر لف عليها :حره مارح اجيب علشان مره ثانيه تقولي بدور < وطلع سمر عصبت وجلست ع الاريكه المطله ع المسبح :يوووه يماااهـ شوي ولدك .. ام بدر :انا مالي شغل فيه قومي عدلي كشتك لتجي خالتك تهج الحين اذا شافتها سمر : تعرفين تنكتين ام بدر :نعــــم وش قلتي سمر خافت : هآآآه لالالا ماقلت شي < وانحاشت (سمر كبر ريوف رجه وتحب الهبال والونااسه دايم شعرها مكدشته ولايق عليها لانها سمره وملامحها حلووووووه الا انها دبدوبه حبتين ) ام بدر تدق ع بنتها :الوو هلا وينك تأخرتي سحر :هلا يمه وصلت انا عند الباب ام بدر سكرت السماعه يوم شافت بنتها داخله <<< سحر تحط بنتها ع الكنب :ااهـ تعبت ام بدر : بسمله عليك وش فيك سحر :جننتن يليان طول الطريق تصيح ام بدر : وش فيها سحر :تبي ايسكريم ..و نايف رافض لان الجو اليوم هوى وخايف تتصخن ام بدر تشيل ليان :حبيبت الماما تبين حلوو ليان واثار الدموع ع خدودها الحمرى :أيه ابي ام بدر بصوت عالي :ياتي جيبي الحلو من الثلاجه ليان وبدت الابتسامه تشرق في شفايفها :.... ام بدر : واااهـ وفديتوو اناا سحر : اقول يمه بدر وينه ام بدر : راح يجيب حلا سحر : زين <تفسخ العبايه وكانت لابسه فستان نااعم لونه سماوي قصير .. ام بدر : ماشاءالله وش هزين .. سحر استحت : هذا اختيار نايف سمر من وراها : ياعيني سحر :بسم الله سلمي اول سمر تبوس اختها واهي حاطه روج احمر فاقع مع مكياج برونزي وطالع شكلها مع البروموده والتيشرت والتجعيد <مكسيكيه ... سمر تضغط ع خد سحر علشان يطبع الروج ويخرب مكياجها <نذاله بس سحر :ابعدي ياحمارهـ سمر بعدت :ههههه مايمديك انطبع سحر تاخذ مرايتها الي في الشنطه تناظر : بااايخه خربتيه سمر :احسن <وتروح تشيل ليان اهليييين بقلب خالتوو ليان ومعها الحلو :ههههه انتي حلوهـ سحر : توني ادري ان بنتي حولا سمر : قولي طالعه ذوق زي خالتها متعب : السلام عليكم << جلس ع الكنبه بعربجه الكل وعليكم السلام <<< متعب : شخبارك سحر سحر :الحمدالله ...كيفك؟؟ متعب وهو يحط رجه فوق الثانيه بشكل معربج :والله الحمدالله ماشي الحال متعب يناظر سمر :يا الخبله وش مسويه في وجهك كنك رونالدنهوو <لعب في سيميلان سحر :هههههههه تعرف تشبه سمر ركضت للمرايه : مالت عليك كل ذا الحلا ... صدق انكـ <قطع كلامها وهو وراها وماسك شعرها بيده متعب :اني ايش ؟؟!! سمر بخوف : هآآه لا ماكنت اقول شي (متعب مع انه اصغر من سمر الا انه اجبر منها واطول منها وعربجي بشكل يلبس ثوب والطاقيه ع جنب والشماغ في كتبه <) متعب: ايه ع بالي بعد ^^^^^^^^^^^^ يتـــبع | ||||
|
| |
|
22-07-11, 09:26 PM
| #10 | ||||
| نجم روايتي
| سلطان في الكوفي :شخبارك عبد العزيز :الحمدالله بخير كيف امورك سلطان : تمام عبد العزيز :هآه متى الجيه للشاليه سلطان : العصر ان شاءالله نكون عندكم عبدالعزيز : ترا بتناموون سلطان: صار ******** في الليــــــــــل <<< الشـــــــاليه عباره عن بيوت جنب بعض والبيبان مرقم عليها >>>> ام عبد العزيز : سالم حبيبي اطلع من البرسيم = المسبح لتبرود سالم يطلع وتعطيه الشغاله الفوطه :..... ام عبد العزيز: بدك عصير .. سالم : يس ماما ... اجوان :واو الجو الحين يجنن .. (الجو هوى والسماء مليانه نجووم والقمر بدر ) ام عبد العزيز :أيه بيجنن .. الا صحيح بكرا عازم اخوكي ضيف . اجوان : من ؟ ام عبدالعزيز :اهل صديقه سلطان اجوان :آآها اجوان : سالم بروح اتمشى تجي معي سالم : لا بروح البس الحين اجوان :.....<< اخذت الايبود حق سالم وراحت فيه مساحه كبيره وراء وفيه عشب .... عبد العزيز شافها لوحدها تتمشى :مرحبا اجوان تلتفت للي جنبها :هلا عزوز عبد العزيز يحط ايده في كتفها : وش عند القمر يتمشى لوحده..! اجوان : ماكو شي الجو حلو ... عبد العزيز يناظر السماء :اليوم بدر.. اجوان :..... اجوان :ممكن سؤال ؟ عبد العزيز :تفضلي اجوان تحط عينها في عينه :ليه تكرهـ جنس حواء .. عبد العزيز يستوعب دقايق السؤال بعدين :هههههههه... اجوان :خير فيه شي يضحك .. عبد العزيز :بلاه وش ذا السؤال .من قال اني اكرهـ اجوان : تصرفاتك ورفضك الارتباط عبدالعزيز:مو معنى اني ارفض الزواج اكون اكره جنس حواء مهما كان حواء اختي وامي <قطعت كلامه اجوان :وزوجتك .. عبد العزيز :لا تفتحين جروح خلاص انا غلطت وماابي اكرر غلطتي اجوان :تسمي الفشل غلطه عبدالعزيز :ماله داعي نفتح الماضي الحين حنا جايين نتونس سكري الموضوع . اجوان احترمت قرارهـ خاص ان الوقت مو مناسب للمواضيع هذي :. ام عبد العزيز بصوت عالى : عبد العزيز ... عبد العزيز يروح عندها : هلا .. ام عبد العزيز تمد جولها له :كلم هيدا ابوك بدو يتطمن عبدالعزيز :ياحليله ابوي ***************** في نفس المكـــان ...... لكن في شاليه اخر ...... سمر تصرخ وتضمها :هلاااااوغلاااااا ريــوف من زماان عنك .. ريوف :هههههه سمور ابعدي شوي خنقتيني سمر بعدت عنها واهي تسوي نفسها زعلانه :يعني مااشتقتيلي ؟ ريوف :بموووت من الشوووق سمر تمس ايدها بجفاسه : اجل تعالي ... سحر : حياالله خالتي شخبارك ام رائد :الحمدالله بخير انتي كيف حالك ؟ سحر: الحمدالله تمام البندري تجي تجلس جنب سحر :وش عندك محلوه اليوم انتي وذا السماوي سحر وخدودها حمرت :هههههه من زمان وانا كيذا حلوه البندري : مشكله الثقه احيانا سحر:هههههههه هذا اختيار نايف ام رائد : والله عنده ذوق البندري :مو هين سحر تمد الحلا لام رائد : تفضلي خالتي ام رائد : زاد فضلك ليان تنطط : ابي وحده ابي وحده سحر :طيب شوي شوي لا تطيحين ام رائد :ياحليلها كم صار عرها الفصعوونه سحر :داخله 5 >صار عمرها 5سنوات البندري :ياسرع الدنيا سحر :والله دايم احس اني امس كان زواجي وشوفي الحين معي ليان عقبالك يارب البندري :آمين .. دخلت ام بدر واهي تحضرم ع نفسها :ااف يا شين العيال والغثى طفشني . البندري تقوم تسلم ع خالتها :هلا خالتي وش فيك ؟ ام بدر :هلا بك عيوني مافيني شي بس ذا العيال يجيبون الشيب يازين البنيات سحر +البندري >احــم ام رائد:لا يكبر روسكن بس البندري :هههههه ام بدر: وين سمر وريوف ام رائد:مدري تو كانو هينا وراحوو سحر:يعني ماتعرفين بناتكم اذا تقابلوا ماينشافون الا اذا قلنا يله مشينا للبيت .. البندري :عطيني الدله خلوني اصب سحر :تسوين خير هذي الي برجلي مو مخليتني اتحرك >تقصد ليان ****************** سمر تعبت من كثر ماتدق ع بدر وهو سافها ويلعب بالوت مع الربع :ااف الله ياخذه بدروه مايرد علي ريوف :خليني ادق ع رائد يمكن يحن علينا ويودينا سمربنفاذ صبر :دقي عليه يله بسرعه ************* رائد جالس بين بدر وجاسر دق جواله رفع الجوال :... بدر :من ؟ رائد :ريوف مدري وش تبي .؟؟ بدر:اكيد داقه عليك علشاني مارديت ع سمر رائد:هلا ريوف تتميلح :اهليين كيفك ..؟؟ رائد :ماكني قبل شوي كنت عندكم وش تبين ريوف خايفه يرفض :اممم رائد رائد:يحوول ترا اقفل بسرعه تكلمي ريوف :لالا اصبر .. ابي تودينا للسوبر باركت انا وسمر رائد :ليش؟ ريوف:نبي نشتري اغراض رائد :وشي الاغراض سمر هينا طفشت منه وبحركه سريعه منها سحبت الجوال من ريوف :: الحين انت بتودينا ولا وشلون ...تحقيق اهوو .. رائد يحاول يستوعب صوت مين وبعدين عرف انها سمر بس ماقدر يتكلم لان جنبه اخوها اضطر يقول :اوكيه جهزوا نفسكم دقايق وجاي سمر:كفوو ولد خالتي رائد يبتسم ع عربجتها :لاتتعودون عاد سمر :اخر مره رائد:يله سلام سمر سكرت الجوال وبدت تنطط :ييييس وااافق ريوف :وناااسه ياليتني معطيتك الجوال من زماان عشان تكلمينه سمر :اقول اخلصي خلينا نروح تستأذن من الحريم ونروح بسرعه ريوف بحماس :يللله ... نـــــــــــــهايه الجزء الاول من البارتي الثالث | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
