|
| LinkBack | أدوات الموضوع | انواع عرض الموضوع |
20-11-11, 03:44 PM | #21 | |||||
نجم روايتي
| اقتباس:
| |||||
20-11-11, 03:52 PM | #22 | |||||
نجم روايتي
| اقتباس:
فعلاً البداية يمكن تكون مبهمه لكن مع البارتات القادمه بيختفي الغموض ومها بنشوف قصتها بالبارتات الجاية فهد بينكشف كل شي بالبارت القادم او اللي بعده مشاري لا ماعرف الولد لأنه مايدري ان له ولد من الأساس لكن ماراح تكون اخر مرة يلتقي فيها مع شوق هههههههههههههه ساره وماأدراكـ ماساره !!! إن شاءالله جروووحه مابطول عليكم وكل يوم بنزل لحد مانوصل مع الكاتبه كوني بالقرب يالغلا وديــ ... " دلع الكويت " | |||||
20-11-11, 03:54 PM | #23 | |||||
نجم روايتي
| اقتباس:
لا الكاتبه للحين تنزل فيها لكن هي منتظمه بالتنزيل وان شاء الله ماتخذلنا وديــ ... " دلع الكويت " | |||||
20-11-11, 04:09 PM | #25 | ||||
نجم روايتي
| بسم اللــــه الرحمن الرحيـــــم البــــــااارت الخامـــس... وش تسوي لو عشقت انسان ماهو من نصيبك لا لك بهالوضع يد .. و لا له بهالوضع سبه !! وشهو ذنبك لو غدى من بين خلق الله حبيبك تعرف إن قربه محال .. و قلبك مصمم يحبه ؟! و انته متأكد و عارف يبى يجي يوم و يسيبك يعني متوقع بأي لحظه يغيب و تغترب به كل دربٍ يرحل بطيفه .. على وجهك يجيبك كل حرفٍ يُكتب لغيره .. تحسه منكتب به !! كن كل عيون خلق الله عيون ٍ له تذيبك تنثر احساسك جمر ملح وْعلى جرحك تصبه و اللي كاسر ظهر قلبك و بشقا الدنيا مصيبك عارفٍ بانّك تحب .. و ما يعَرْف انّك تحبه ساكنٍ بأصغر تفاصيلك و قلبه ما دري بك ماكنٍ بأقصى معاليق الكيان اللي لعب به وش تسوي لو مرضت بعشق من وصله طبيبك و انت عارف لو ذبحك العشق ما داواك طبه ?!! الساعــه ثمــان في بيت ابو تركــي في ضيافة الرجال,,, الكل تجمع ماعـــدا ذيــاب للحيــن مابيــن.. بعد العشــاء .. فهد قرب من عمه ..وبهمس:ياعم ابي اشوف حلا اذا مالــك اعتراض.. ابتسم له عمه بفرحه وهو يوقف:تعال يابوك هذا من حقك .. وقف معه فهد وتوجهو للغرفه الجانبيــه .. لف عليه عمه وبسعاده:اجلــس هنـــا على ماجيبها معاي.. ناظر بابو تركــي ..وببراحه:خذ راحتك .. قبل يجلس سمع الصوت اللي وراه ..وبجمود:الحين تفسخ الخطوبـــه قبل ماتشوفها لف على وراء بغضب ..وبسرعة البرق اختفت ثقته وكبريائه وحل محلـــها الخوف وعيونه معلقه بالورق الرصاصي اللي بيدهــا هوا عاااارف هالورق بالذات حق منــو...؟ ابتسم ابتسامه كذابه ..وهو متلخبط وبتردد:احــم هلا يمه بغيتي شي..؟ تقدمت منه الجده نوره وهي تضرب بعصااتها الارض... وبجديه..قلت لك ابيك تعتذر من عمك عن خطبة حلا قبل تشوفهــاا.. ناظر جدته بنظرات رجاء ..:يمه هذي وصااات الغالــي... ناظرته الجده بحده وهي ترمي بوجهه الورق اللي بيدها وبصوت عالي:لا تكذب يافهد..اخوك لاوصاك ولاشي واذا بتحاول تكذب هذي وصاته بالاوراق اللي قدامك اشوف ان كنت صاادقه اقراها عشان اصدقك.... تلخبط من تاكدت شكوكه انو هالوراق من اوراق اخوه... استجمع قوته وطالع بجدته وبمحاوله عشان تتفهمه..وصوته راخي:يمه بس انا احبها وابيــ قاطعته بغضب وهي تتقرب منه وبقهر:لاتكمل ياولد ابــوك وبصوت اعلــى..:لاتفكر اني ماعرفت باللي سويتوه في حلا.. بس انا خلاص مابي اكبر السالفه..وخلني محتفظه بجميلك اللي سويته مع بنتي...والحين هذا صوت ابو تركي جاي اتصرف معاه ...وطلعت وتركته لوحــده .... ام حاتــم بستفهااام:شــرط...؟ نزلت راسها بضعف..وبتردد:أي اشرطت اني اكون معااها لو تزوجت لانها ماتقدر تتركني بهالحــال... انصدمت ام حاتم من شرط مها وماعرفت بشنو ترد على ام مها.. وبتردد واضــح:امم انزين خليني اقول لحاتم على شرطها ونشوف وش يقول ... حركت راسها بالايجاب واهي ا متفشله من طلب بنتها وخايفه من ردت فعل حاتـــم.. قطع الصمت اللي بينهم دخلت مها وبنت ام حاتم..بدور.. بدور ببتسامه:يلا يمه تاخرنا وانا وراي مذاكره طالعتها امها بهدواء.. ورجعت ناظرت مها وحلاها اللي مايخفى على احد وببتسامه :كيفك يالمهاا عساك مرتاحه بدوامك ردت مها لها الابتسامه..وبخجل:أي الحمد الله وعقبال ماتتوضف بدور وتفرحين فيــها وقفت وبيدها عباتها ..وبرجاء:الله يسمع منك ويكون حضها بمثل حظك ياارب... ..... وبصوت اعلــى..:لاتفكر اني ماعرفت باللي سويتوه في حلا.. بس انا خلاص مابي اكبر السالفه..وخلني محتفظه بجميلك اللي سويته مع بنتي...والحين هذا صوت ابو تركي جاي اتصرف معاه ...وطلعت وتركته لوحــده وقف xxxxx وشلون بيتصرف ... وشوي دخل عليه ابو تركي وبوجه علامة استفهام.. قرب منه ..وبتعجب:ليــش رفضت تشوف حلا ...!!؟؟؟؟ وانت اللي من شوي مطرشني اجيبهـــااا...؟؟ نزل راسه بتوتر ويدينه يفركم ببعض وبصوت راخي:ياعــم مايبناااا نصيـــب...!! انصدم من رد فهد.. وبشــك..:نعـــم..؟؟ طالع في ابو تركي ..وبكذبه..:احم امي من تو مخبرتني انها خطبت لي وحده من معارفها واهما وافقو ..مابي اضلم حلا معاااي ابو تركي بدون تفكيــر:واذااااا... الجده نوره من وراه بصوت عالــي:واذااا! انت مابقلبك رحمه على اولادك..انت ماتستحي يقول مايبي البنت تقول الا تااخذهاااا وبنظره حاااده:خلاص انتهينا فهد مايبها وبكره انا بجيك واخطب حلا حق ذياب ..والحين اطلعو للرجال اللي براء جلستكم هنا مالها فايده ... الدكتور..:لاتخااف مجرد رضوض بسيطه..تقدر تشوفه الحيــن ذياب وباين عليه القلق:يعني مشاري طيب ونقدر ناخذه اليوم.. الدكتور ببتسامه:أي صدقني اهوا بخير .مسالت انك تشيله اليوم اممم اتوقع صعبه خله تحت الملاحظه الين بكره عشان نتاكد انه سليم ميه على ميه.. ابتسم براحه من كلام الدكتور ..ومد ايده يصافحه..وبامتنااان:مشكور دكتور تعبتك معاي الدكتور..ولو هذااا واجبــي... جر خطواته الين وصل لغرفة مشاري ودخل بدون لايطق الباب ... اول مارفع عيونه طاحت بعيون صاحبه واخوه تقدم منه براحه بانت على ملامحه وهو يسلم عليه..:اووووف منك خوفتني.. الحمد الله على سلامتك... طالعه مشاري بنظرات ثابته وهو متجاهل كلامه..وبخوف واضــح:لاتقول انك مارحت توقف خطوبتــها..؟ بسرعه رفع عيونه على صاحبه بعد ماسمع سؤاله ووجه تغير وانقلب بشكل ملحوظ قرب من الكرسي وجلس بتعب وهو يحرك راسه بالنفي ..وبقهــر:ماصار لي وقت اروح انت تدري باللي صار لــك وانــا ماقدرت اتركـــ صرخ فيه بقوه وهو متجاهل الالــم اللي بجسمه...:اسكت اسكت واللي يعافيــك لاتقول مابي اسمع زياده يعني خربت عليك رفع ايده وهو يضغط على راسه بقوه:ليش مارحت وتركتني ..اهياا اهم صدقني انا بتلحق علـــي نزل عيونه للارض .وبجمود:لو كنت انا اللي صار لي الحادث وانت كنت بمحلي بتروح ولا. بتجلس معاااااي...؟؟ بعدين من قال انت السبب؟ مشاري ضغط على رسه بقوه وهو مقهور من وضع صااحبه ووضعه اللي اهو فيــه... .... واقفه بالممر تنتظر جدتها تجي وتفهمها ليش ردتها واهيا مع ابوهاااا.. وبالـــها كل شوي يوديها لذياب كانت متاملــه انه ماراح يتركها وهذا هو ماتتدخل بالمــره... .....:هااا بشري اش صــارر شفتيـــه.. لفت على لناحية الباب ..وبستفهام:روز امي نوره ردتني تقول ادخلي لداخل وبعدين ابفهمك وللحين ماااجت روز بتعجب..:يعني شنو فهد ماشــافك..؟ حلا حركت راسها بالايجاب وعيونها على الساعه واهياا تحس انو جدتها تاخرت عليـهاا. ... مــي:يمه اش فيك الله يهداك هذا انتي كلمتيه ليش تبكيــن الحيــن...؟ ام مشاري..:انا مالي الا مشاري اخااف فيه شي واهو مخبي عنـــي.. مي ببتسامه.. ومبالغه عشان ترفه على امها:هالله يالغاليــه ماعندك الا مشــاري وانا وين رحت لالالا خلاص زعلت وابي اروح اهاجر واخلي لك مشاري وحيدك.. ابتسمت امها وهي تلمها ..:مالي غنا عنكم يمه. بس مشاري الكبير وغير هذا دووم حزين وتعبان في نفسه عشان كذا اشيل همه.. مي تنهدت بضيق وهي تتذكر حال اخوها وسبب تعبه..وبامل..:الله كريم يمه سبحان الله مايدووم حال... امهــا بامل اكبـر:الله يسمع منك يابنتي ويتغير حاله لاحسن من اللي اهو فيــه.. سحبت الجوال من على الطاوله وبتردد عشان لاينكشف اللي بقلبــهاا..:يمه اش رايك نتصل فيه مره ثانيه ونطمن عليــه امها بطيبه:اممم اهوا مقفل جوالـــه..بس مايخالف اتصلي على جوال ذيــاب اكيد اهوا للحين يجنبه... تنهد براحه انو امها اختصرت عليها الطريق وضغط على رقمه باصابع مرتجفه رفعت الجوال لاذانها وقلبها يدق بصوره مو طبيعي كتمت انفاسها اول ماسمعت صوته الجدي وهي تسكر عيونها بالــم صحت على صواته الجامد:هلا يمــه حياااااك بسرعه مدت الجوال لامها واهياا ملتزمه الصمت... تدري بكل شي عنـــه... تدري انه تعذب بسبب حبيبته حلا اللي تتمنى تشوفها.. تعرف انه متزوج وعنده ولـــد تدري بكل احلامه ومعاناااته بس اش تسوي قلبهااا يحبه غصب عنها حتى واهي تدري انه مو لــها ولا يدري عنـها.. وقفت وهي تحس انها مخنوقه من تفكيرها واشرات لامها انها راح تطلع لحديقة البيت .... جلست بصدمه ..وبصوت متقطع..:يعني شلون يمه مافهمت...؟؟؟ جلست بجنبها جدتها ..وبجديــه..: يعني مالك في فهد نصيـــب لهدرجه ماقدرتي تستوعبين حكيي...؟ ناظرت جدتها بذهولــ وهي تنكر الراحه اللي حست فيها من عرفت انو الموضوع انتهي..: انزين ليش يمه..؟ليش سويتي كــذااااا..؟؟ جدتها بجديه اكثر وهي تطالعها ..:لانو من باكر بتكوني خطيبة ذيــاب..!!! حلا عقدت حواجبها ..وبستفهام..:شنـــو.!! الجده نوره ماتبي ترد وكل همها انو الحين تعرف شعور حلا اتجاه ذيــاب.. حلا بعد مالاحضت صمت امها وقفت وهي تتكلم بجنون ..:يمه انتي موصره تذبحينــي..؟؟ ورجعت تناضر بجدتها ..يمه لو كان يبيني كان اتكلم او على الاقــل كان حظر اليــوم صــح..؟ يمه ذيــاب يبي مرته مايبيني.. ابتسمت جدتها براحه وعيونها بعيون حلا.. وبستفهااام:وانتي اش عرفك انو ذيــاب ماحضر اليـــوم..هااا. بلعت ريقهاا بتوتر وهي تشتت نظرتها بالغرفه وتحاول تكون طيبيه ..وبصوت راخي..:عرفت من روز بالصدفــه.. وقفت وهي تتستند على عصاتها ..وبصدق..: روز من شوي تسالنــي اذا ذياب موجود ولا لا. اجل شلون علمتـــك...؟ ..وواصلت خطواتها للباب وقبل تطلع... ناضرتها ..وبجديه..:هالمره انا اللي بزوجكم غصب عنكم اثنينــكم..وبعدين لاتفكرين اني ماعرفت باللي صار لـــك بديار الغربـــه.. وطلعت وتركتها تصارع همومها وحيرتها.. وخوفها من جملة امها الاخيــره.. .... مشــاري بصوت ضايق ..:تفضــل دخل جهاد وتركي وتقربو من مشاري وتحمدو له بالسلامـــه... تركي وملامحــه متغيره..وعيونه على مشاري وبصوت ثابت..:كيفك الحيــن ان شاء الله احســن..؟ مشاري وهو يحاول يبتســم..:تمااام الله يسلمك والف مبروك.. وهويحاول يبعد عيونه عن صاحبه .ذيـــاب.. تركي نزل راسه وهو عاقد حواجبه :....... جهاد وهو يحاول يغير اجواهــم... قرب من مشاري وجلس بجنبه ..وبمرح:الا مشاري يعني ماطلع فيك ولاكسر ولاشي بل عليــك موب جسم حديــد... ذيــاب بنظرات حاده ..وبجمود..:جهـــاد اذكر ربك... مشاري ضحك بصوت خفيف وهو يضرب كتف جهاااد...:لا يالخاايس تبيني اتكســر ..موت قهر كاني اسد قدامـــك... ذياب ابعد نظراته من على جهاد ومشاري وطالع بــتركي اللي شكله معفوس وضااايق ليش متكدر واليــوم بذات المفروض ينبسط.؟ يكون رافض فهد بس خالي ماسمع لــه..؟ تنهد بصوت عالي..وبهدوء..:مبروك تركــي. رفع تركي راسه من بعد ماكان سارح باللي حصل لهم اليـــوم وباله يقط خيط وخيط.. طاحت عيونه بعيون ذياب اللي تنتظر منه جواب... رفع حاجب وابتسم بسخريه وطالعه من فوق لتحت...قدم انظار الــكل... رجع نظراته على مشاري ..وبصوت شبه عالــي..:مشاري تامرني بشي قبل اترخص.. مشاري تعجب من تصرف تركي..,وبهدوء:مايمر عليك ضالم ماقصرت .. ذياب عقد حواجبه وهو مستغرب تصرف تركي وبصوت عالي وهو يشوف تركي متوجه للباب ..:لحظـــه تركــي... لف عليه تركي وبنفس الاسلوب الجاف..:نعم باقي شي ماسويته..؟؟ ذيـــاب للحين مو فاهــم شي... حاول يمسك اعصابه من تصرف ولد خاله وقف وقرب من تركي وهو يفتح الباب..:تعال خلنا نتكلم براء.. ابتسم تركي بسخريه وهو طالــع..:بس انا ماعندي وقت لسواليفك..!! ذياب وهو يحاول يهدي نفسه..ناظر بخوه.. وبجمود..:جهاد لاتروح من هنا اليــن ماجي.. وطلع وصفق الباب وراه .... خـــالد بعصبيه..:ابي افهم ليش يتصرف بهالشكل..؟ ميس وهي للحين ماعرفت سبب الكلام اللي عرفته..وبصدق..:حبيبي ماعرف ليــش ..؟ بس انت ليش زعلان..؟ خالد بصوت عالــي..:شلون مازعل وفهد يقول انو اخوك السبب في انو يترك حــلا.. وقفت قباله ..وبقهــر..:وانت اش دخلك اصلا.. خالد ناضرها بحــده..:شلون مالي دخل... هذااا صاحبي وابي له الخيــر..بعدين اخوك معقــد وماينفع يتزوج المسكيــنه... ابتسمت بالم وهي مركزه عيونها بعيونه..وبهمس ..:ولد عمك معقـــد!!اهاعشان فهد طلع اخوي معقد وماينفــع.. هه انزين احترم مشاعري على الاقــل... نسيت من سهل زواجنا واقنع ابوي فيك ..؟ولا اقــول انت صادق صاحبك طلع اللي يستاهل بس اخوي ولا شــــي وناظرته بحسره ومشت وتركته ناادم على كلامه..وضايق على صااحبـــه... ..... وقف وراه ولفه على جهته ..وبجديه.:تركي ممكن اعرف اش فيـــك..؟ تركي ضغط على عيونه بقوه وهو يدعي الهدوء..:ولاشي ممكن توخر عن طريقي.. ذياب شد على قبضة ايده اللي ماسك فيها ايد تركي..:شــوف فيه هنا كوفي قريب اركب سيارتك واتبعني وهناك بنتفااهم تركي ناضره بعتراض..وقبل لايتكلم..مشى ذياب وركب سيارته ومشى بسرعه عشان مايترك له فرصه يعترض.. بعد دقايــق.. نزل من سيارته وتوجه لتركي اللي واقف يطالع فيه ذياب بهدوء...:خلنا ندخل ونتفاهم داخل.. تركي بختصار..:ليش ماقلت لي انك تبيها رفع عيونه بسرعه اول ماسمع سؤال تركي وهو يحس انو جسمه كله تصلب ... ماتوقع هالسوال ابداا وخاصه من تركــي حاول يكون طبيعي..وبستفهام..:عن شنو تتكلم تركي بجديــه..:انت عارف زين انا عن شنو اتكلــم... ذياب عيونه على ملامح تركي وللحين ماوصل للخيط اللي ممكن يدله على زعل تركــي ..تركي تضايق من صمت ذياب.. قرب منه اكثر ومن صار قباله رفع ايده وضرب صدر تركي..وبجمود..:ليش تخلي الخلق تتكلم علينا..لو جيت وقلت لي تبيها كان اختصرنا الموضوع..مو تخلي امي نوره تنهي كل شي واحنى نتوه مع الناس ومانعرف بشنو نبرر لهم ذياب بلع ريقــه من ضربات قلبه اللي يحسها تهزه بعنــف.. يعني ماراحت لغيـــره..؟؟؟ معقول خرب كل شـــي...؟؟؟ يعني اهياا لي مو لغيـــري غمض عيونه براحه ورجع يناظر بتركي اللي باين عليه الانفعال..وبصدق.:صدقني تركي انت فاهم غلط انا ماانكــر انــــ قاطعه تركي وهو يرفع ايده..وبسخريه:خلاص خلاص مابي اسمع اكثر ...بس صدقني ذياب لو ماانت قريبي كان شفت مني شي مايعجبك واعطاه ظهره ومشى لسيارته ذياب بصوت عالـــي..وبجمود..:على فكره تركي انت الخسرااان مو انا.. اول ماغاب عنه تركي رجع لسيارته وعلى فمه ابتسااامه غريبه اهواا متاكد انها له حتى لو تمت خطوبتهاا بس مااتوقع بهالســــــــرعه.. ماراح يفرط فيها اكثر من كذااا ..... باسل بزعــل..:ماما ابي اروح عند بابا ساره بضجر.:وبعدين خلاص لاتشوشرني اكثر باسل وهو يضرب برجوله على الارض:انتي ماتحبيني مثــل بابا صــح تنهد بصوت عالي..:اللهم طولك ياااروح انت شفيك كانك مو متعود تنام عندي في مثل هاليــوم.. باسل بزعل..:خلاص بنام بس انا زعلان منك ومن بابا... وقفت بطفش وهي تتمتم..:اوووف الله يعيني عليــك وعلى دلعك المااصخ.. .... دخل وابيده اكياس العشاء قرب من مشاري ووزع العشاء على الطاوله بصمت... جهاد بستفهاام..:ويــن تركي..؟ ذياب بدون لايطالع فيـه..:اممم شلي صار عشان فهد ترك حلا..؟ جهاد حكى لهم كل الســـالفه.. مشاري بصدمه..يعني بكره بيخطبها ذيااب.. جهاد وعيونه ع اخوه..:أي بكره بكره ذيـــاب ناظرهم بحيره وطلع السيجاره عشان يلهي نفسه... جهاد وقف:اجل استاذن ابي اشوف تركي لانه اليوم تعبان حيل الكل..:الله ويـــــــــاااك مشاري لف على جهة ذياب ..وحصله يدخن بشراهه ضحك بصوت عالـــــــــــي.. ذياب رفع عيونه عليها وهو عاقد حواجبه من ضحك مشاري اللي بدون سبب.. مشاري فهم عليه ..وبراحه..:وش فيك تحرق السيجاره كذا..وغمز لــه..كل هذا توتر وشوووق.. ذياب نزل راسه وهو مبتسم من كلام مشاري وبقلبي نيران مايطفيهااا احــد... .... حاتم بتعجب..:شلون يعني تكون معاهااا؟؟ ام حاتم..:يعني تبي امها تسكن وياها بنفس البيت..وتكون تحت عيونها... رفع حاجــب ..وبسخريه..:ليش ان شاء الله فاتح لي دار عجزه ولا ادري بدور بواقعيه..:ياخي ماتنلام بعدين انا لما اتناقشت معاها كانت موصره على شرطــها ..وانا ايتها مالها بهالدنياء غير امها..فلا تلوموها. نزل راسها وباين على وجهه الحيــره.. ام حاتم فسرة صمت حاااتم..غلط..وبحنان:ولاتهتم حبيبي انا بتصرف واقول مابيناتنا نصيــب وراح اشوف لك وحده تملى عينك وزود.. ناظر امه بسرعه ..وبتمرد:لالا يمه انا ابيــها اهي بذاتها..واذا على امها خلينا نملك وراح ارويك فيـــهااا بدور بخوف..:انت اش نااوي عليــه بالضبط.؟ طالع اخته ببتسامه جانبيه..وهو يعدل وقفته ..:وانتي اش دخلـــك اش ناوي عليه... كل اللي عليك تكلميها الحيــن وتقولي انو انا راضي بشرطــها.. رفع ايده وهو يناظر امه:يلا يامي ســلام.. .... الســــاعـــ9ــه من يوم جديد في بيت ابو تـــركي... تقدم منه اخوه وهو مبسوط..:الف مبــروك ..اخير نويت ترجع لعش الزوجيه.. ذياب ..بجديه..:الله يبارك فيـــك مشــاري من بعيد:يالذيب الف الف مبـــروك وعقبالـــي.. حرك راسه بايجاب بدون لايتكلم يطالع الكــل الكل بارك له.. وعيونه على ملامــح الكــل اللي مبسوط عشانــــــه.. واللي شكله مو راضــي.. تنهد بضيـــق ... وبقلبـــه.. ليــش موب مبســـوط مثلهـــم.. ليـــش اخاف انصــدم وقلبي تعب من هالدنيــاء كاهــي اليوم صارت لــي بس مابي غصب عنــها.. كل اللي يدور براســه الحين..يبي يطلع من هالمكان باسرع وقـــت.. ماراح ينسى لما تسمت باســم حبيها سيـــف سيـــف سيـــف هالاســم اللي عاش معه كابوس طول السنين اللي راحـــت فاق من غيبوبة افكاره على صوت ابـــوه طالع ابوه وهو يحاول يرسم ابتسامه فاشله على شفايفــه..وبهدوء..:هلا يالغالي تامرني بشي.. ابوه براحه لولده..:شوف امك نوره اش تبي فيك توها مكلمتني تقول ادزك لــها.. وقف بهيبته ورجولته المعروفه..وبهدوء اكبر.:ان شاء الله يبــه وقف بجنب البوابه الداخليه وبصوت عالــي..:يمه نوره ويــنك..؟ طلعت له روز ببتسامه صادقه..:هلا هــلا بالمعرس ..الف مبروك رد عليها وعيونه على الجوال اللي بيده:الله يبارك فيــك..نادي لــي امــي على السريــع روز بطيبه..اممم روح لها من الباب الجانبي تقول تبيك بغرفتها.. رفع راسها ..وبستغراب..:ليش هالشي ظروري اللي تبيني فيه..؟ رفع كتفها ببراءه:مــادري ... ساره وصوت شهقاتها عاليــه..:يمه انا كنت حاسه بس انتو اللي عيتو تصدقون... امها بتعب..:خلاص يابنتي وبعدين وياك..لك كم ساعه وانتي تنوحيـــن جلست بقهر وحسره..وبصوت متقطع..:يمه انا اللي ضيعته بغبائي..والحيــن ماصدق على الله اخذ هالنسره.. رجعت تدق على اختهاا فوزيــه اللي كانت حاضره الحفلـــه...بس ماترد..؟ رمت الجوال بقوتها على الطاوله اللي قبلها ودموعها مغطيه خدودهااا ليــش ياذياااب ماتدري اني احـــبك تكفى قول اني بحلم تكفـــى صدقني بعوضك عن كل شــي وبعدل من اخطااائي جلست بتهالـــك وروحهاا تنزف الــم وبعاااد... .... الجده نوره..بعصبيه..:انت ناوي تذبحني وبعـــديــن..؟ عصر على ايده بقوه..وبهمس..:بس انا مابي اشوفــها..زين يمـــه وقفت بعتراض..:لالاموزيــن اش تبي الناس تقول عنـــااا هااا..؟ طالع امه بتركيز وهو عارف انو الناس بعيد عن تفكيرهااا..وبواقعيه..:اجل ليش ماهموك الناس امس..؟ طالعته ومول يدور براســها..وبتمثيل..:خلاص مو مشكله بس اكيد بتشوفها عن قريب صــح..؟ تنهد بضيــق وهو يحرك راسه بالايجــاب ابتسمت له بحب..وبختصار:اجل خلاص خلنــي اشوف لك الدربـــــــ. ... ناديت على الشغالـــه..وبامــر..:روحي حق مدام حلا قولــي لها اني ابيها الحيــن بغرفتي ريتــا..:انزيــن مامــا رفعت ايدها على راسها.. يااارب تصلح الحال وتبدله بحال افضــل يارب لاتجعلني من الضالـــمين .. حلا بطواعيـــه..:اوكــي الحين بشوفها وقفت قدام مرايتها وهو تحاول تغطي الانتفاخ اللي حولين عيونها.. والشحوب اللي مغطي ملامحــــــها غمضت عيونها بالـــم.. الله يسمحك يمـــه..الله يسااااامحك قربت من باب جدتها ومااستغربت انو الباااب مفتوح بشــكل بسيط.. تنهدت بصوت عالـــي..وسمت دخلـــت ولفت على وراءو سكرت الباب عقبهاا وعيونهاا على خاتمــها اللي ضاف ليدينها جمال زيــاده.. ذيــاب بسرعه التفت على صوت الباب وهو يتسكر.. اول ماطحت عيونه عليـهاا جمدت محله..تصلب..وعيونه مركزه عليــها وقلبـــه رجع يدق لهــا مثل قبل.. ماكانه انجــرح منها باشنع جريمه بحقه انفاسه بدت ترتفع وهو يناظرها قدااامه واهيااا للحين مارفعت راســها حلا ماحبت صمت امهاا وماتبي تسمع شي بس خوفها خلاها تجي وتشوف شنو المطلوب منــها رفعت راسها بهدوء وهي تبعد خصل ناعمه من على وجهها ومااسرع ماصارت عيونها بعيـــونه شهقت بصوت عالــي وغطت على فمــها وعيونها رجعت تمتلى دموع من جديـــد ماتبي تضـعـف..كفااايه اللي راح من العمر بسرعه استدركت نفســها ولفت على وراء بتجاه البابـــ قبل تنفضح مشـــاعرها لـــه وقبل تمسك قبضت الباب.. مسكها من زندهــــا بعنف ولفهـــااا ناحيـــته وعيونه مركزه بعيونـــــها الحيــن بس يقدر يقول انها فعلا كانت تبكي.. تكون تبكي عشان حضهــا رمها علــي..؟ ابتسم بسخريه اول ماطراء على بالــه سيف وهو يقرب وجهاا لوجهه..انحنى بهدوء اليــن لصق جبينه على جبينهـــا..وقفل عيونــــه.. وهو يشم ريحة عطرها المعرووف تنهــــد بصوت عالـــــي..وهو يحس بمشاعر غريبه داخلـــــــه وبهمـــس ميـــت..:؟؟؟؟؟ الــى هنـــا يتوقف رسم يـــدي.. توقعـــاتكم..وارئكم..غايتي ومحل اهتمااامــي.. | ||||
20-11-11, 04:48 PM | #27 | ||||
نجم روايتي وشاعرة متألقة في القسم الأدبي
| الله يعطيك الف عافيه اختي دلع الكويت على الاختيار المميز واللي يدل على ذوقك الرفيع حاتم اتوقع بيحط ام مها في دار الرعايه بس الغريب ليش ما تمنعه امه هل لذي الدرجه شخصيتها معدومه .. ذياااااااااب وحلا بداية العذاب اللذيذ لهم اثنينهم وما يمنع من تدخلات ساره في بعض الاحيان آمممم فيه سر بين فهد وصديقه يخليهم يتمنون ان حلا تاخذ فهد ويمكن بالفعل حبها بانتظارك غاليتي على احر من الجمر | ||||
20-11-11, 07:54 PM | #28 | ||||||||||||||
مراقبة ومشرفة سابقة ونجم روايتي
| الله يعطيك الف عافيه دلوعه على البارت وضح اشياء القليل من الاشياء ولاكن باقيه الكثير من الغموض قصة فهد وماذا عملوا اهله لحلا اتوقع ان سيف كان مريض وهي تتعرض للعذاب من اهله لسبب نجهله ولاكن اتوقع انها مازلت هي نفسها الطفله البريئه .. فهد انقاذه لها هل بسبب دافع ام رحمة من معاملة اهله ولماذا الاصرار في الزواج منها الجده طلعت مو بهينه كنت شاكه في اللي تكلم وهدد فهد بس ماتوقعت انها تطلع الجده متوقعاه اخو ذيااااااب او مشاري او تركي اذا عرف بمعاملتهم السابقه لاخته مها الله يستر عليها من اللي ناويه لها حاتم وش بيسوي بأمها .. وخضوع امه غريب يدل على انه عاق وغاسله يدها منه طيب ما فكرت انه يمكن بيوم من الايام يرميها .. او يمكن بياخذ مها علشان ينتقم منها بس ايش اللي يسبب هذي الرغبه في الانتقام مشاري الحمدلله ع السلامه ... يقطع الحب كيف يقلب الانسان ويلخبطه خخخخ ^_^ شورأيك بالمثل تركي وحلا بدأت حياته والاثاره في حياتهم من الحين بس غريبه الجده بالرغم من انها عارفه ظروف حلا ما علمت ذياب باللي صار لحلا حبيبتي دلوعه بانتظارك يالغلا | ||||||||||||||
20-11-11, 11:05 PM | #30 | ||||
نجم روايتي
| السلام عليكم ورحمة الله وبركاته مساك الله بالخير دلع معقولة بس امس تتخمينا بالبارتات والليلة بس تدينا طلة وتغيبي لسه الاحداث غامضة بالذات حكاية سيف مع حلا وشنو البتعرفو الجدة عن الغربة ابو حلا من اي طينة مصنوع سبحان الله مشاري وقصة حب ما قادرين نستوعب تفاصيلها يارب تتضح مع الاحداث شكله عرفها من ورا اهله ذياب وحلا اصلا احنا بنصبح ونمسي علي الرواية عشانكم بليز مع نيرانكم المشتعلة دي دايرين شوية رومانسية وعاطفة عشان تطفي علينا حاتم ناوي علي شنو ومها ماغلطت خلتك علي بينة بشرطها يارب ما يتصرف تصرف خاطئ في امها يسلمووووووووووا جاري الانتظار.................................. ... | ||||
أدوات الموضوع | |
انواع عرض الموضوع | |
|
|