06-03-18, 11:17 AM | #12129 | ||||||
كاتبة في قسم قصص من وحي الأعضاء
| اول ريفيو ليا على عمل من اعمال كاردينيا حطيته ع الفيسبوك واكيد لازم احطه هنا #سلسلة_الياذة_العاشقين 😍 السلسلة دي كان اول تعامل ليا مع كاردينيا وحبيت اعمل فيها ناصحة وابتدي من اول السلسلة خالص ولقيت نفسي فعلا ناصحة لانه المجموعة القصصية طلعت مسلسلة.😂 . #امرأتي_والبحر في الاول ماكنتش حابة الثنائي #آسر_نادية كنت بشوف آسر جرئ بزيادة ومستفز بزيادتين كان شاددني اكتر #شاهر وحبه لنهى . . #شاهر_نهى كانو الثنائي التقليدي في الروابة كتت بحب جدية شاهر وهدوءه اما نهى فضلت ما احبهاش لحد اخر الاجزاء مش بحب هشاشة شخصيتها ولا الاطتها الحقيقة وان كانت طول الوقت بنت ناس . . لكن الثنائي الي اتجننت بيه كان #بلال _نجلاء بلال الناجي من الانماط الي يمكن مع تقليديتها ويجي الحب يشقلب كيانه بالنسبة لي كان الجمال كله ..😍 . في الاول ماكنتش ابدا متخيلة انه ممكن علاقة تبقى ناجحة بينهم .. مش بس عشان فرق السن .. لكن نجلاء فعلا كانت صغيرة قوي .. وكل المخاوف الي كان بيفكر فيها بلال كانت بتيجي على بالي .. ماذا لو كبرت ولقت نفسها اتسرعت او كانت ضحية مشاعر مراهقة .. بس منطق بلال كال رائع بصراحة ( انا هخليها تحبي وهي مراهقة وهي شابة وهي امرأءة وهي جدة )حالة كدة من التفاني من اجل الاخر . . مع الوقت الاتنين اقنعوني بجمال العلاقة بينهم . تيمة الرجل الكبير الي بيحب بنت صغيرة تاني افضل التيمات الي بحبها انا شخصيا . نجلاء كمان كانت جريئة وشجاعة بكفاية انها تثبت للكل انها مش مراهقة وهي عايزة ايه بلال الناجي كان من الفرسان وكان لافت انتباهي اكتر واحد في الجزء دة 😍 ومش هنسى تعبيره لنجلاء ( انتي صغيرة قوي 😍) وتعبيره لامه ( انا في ورطة😍 ) .... . #آسف_مولاتي اولا اتفاجئت بانها جزء تاني للابطال وابناءهم ودة في حد ذاته كان مفرح جدا وفيه ألفه😍 .. ثانيا شخصية آسر هنا بدأت احبها اكتر واكتر على مدى باقي الاجزاء😚 .. آسر الاب كنت بحب مشاهدة جدا مع ظافر .. بحب مكر آسر وذكاؤه ومراقبته لكل الي حواليه .. بحب تحرره من القيود الي مش منطقية الي في مجتمعنا العربي . بالنسية للثنائيات في الجزء دة : #ظافر_حوراء طبعا ثنائي رائع والثنائي الافضل بالنسبة لي ف الاجزاء كلها .. حوراء برقتها وجمالها والتزامها كانت رائعة ظافر بقى يا عيني عليه 😍 .. كان مخبول بيها بالمعنى الحرفي ونوعية الحب الخبلان دي بتكيفني قوي❤ .. لا حقيقي بحب التيمة دي وهي افضل تيمة بالنسبة لي تيمة ( الحب المتشحتف 😂) انا استمتعت بمشاهدهم مشهد مشهد وكنت بستنى مشاهدهم في الأجزاءالي بعد كدة شخصية ظافر بعنفوانة وان الحب يخليه مش يستسلم يتمرمط .. يسلم كل اسلحته .. يستلذ بالاسر .. حاجة كانت خرافة والله. وحوراء بسكوته خالص بنت الاية .. حقدت عليها حب ظافر المتيم دة 😍 . #سلسبيل_مهدي كانو ثنائي ظريف وان كنت مش متيمة قوي بسلسبيل يمكن عشان مش نمطية يمكن عشان جريئة.. كانت الحقيقة واخدة خليط من عملية نادية ودهاء أسر .. وسحرهم طبعا لكن كانت بنوتة بنكهة خاصة الامازونية دي . ..... #صبرا_يا_غازية طبعا الفتى الذهبي ماهر كان لازم يبقى ليه جزء لوحده ف الجزء الي قبله مع بداية ظهوره ما حسيتش بيه لحد.أواخرالرواية عرفت انه هيكون ليه احداث مهمة #ماهر_صفصف ماهر شخصية ذهبية فعلا وعنده تناقضات غريبة محب لعائلته بشكل قوي جدا ودة المحرك الي بيحركه .. وهو في المقابل قاسي في كل ما يخص عيلته .. ماهر كان امتداد لاسر الغازي اخد من عمه قوة الشخصية والذكاء واخد من ابوه شاهر حب العيلة . صفية كانت طموحة .. شوية فيها من قوة شخصية نادية .. كانت بتصعب علي عشان حملها التقيل والحقيقة فرحت للعيلة كلها لما اتبدل الحال للاحسن الفقر وحش والعوزة مرة 😔.. لكن الفتى الذهبي حقيقي كان رائع 😍.. قصتهم كانت أشبه بالتيمة الي بتدوب قلوب اي حد ( سندريلا والامير ) مش هنكر انه الجزء الواقعي مني كان عمال يعترض وينكد علي ويقولي يا سلام في عيلة كدة هتحتضن عيلة تانية بكل الشهامة والسمو والجدعنة دي ! .. في امير هياخد السندريلا وعيلتها كمان 😏.. بس كنت بفحم الجزء الواقعي مني بانه ( هو في اصلا امراء اليومين دول😏 .. شاحح في السوق والله ) 😅... ... #واني_قتيلة_يا_حائرة طبعا اول ما ظهر لصفصف اختين انا على طول من قبل ما اكمل الحقيقة شبكتهم بالتوأم محمد ومحمود 😂 . الجزء الرابع طبعا زي ما توقعت وفرحت الحقيقة انه لتؤام الناجي مع توتة ووجه العبوس😍 . . الثنائي #محمد_وفاطمة كانو هاديين جدا محمد بالتزامه واستقامته اخد كتير من بلال الناجي .. وفاطمة كانت ساحرة رقيقة جمالها كان في فترة من الفترات نقمة لكن فاطمة كانت شجاعة ومش هنسى اخر المشاهد في الجزء التالت اول مرة اجتماع بين العائلتين وهي لسة مراهقة لما دخلت ع التؤام مرتبكة لكن جريئةوعايزة تشارك وتندمج عجبني جرئتها كانت اشجع من زينب مع ان ممكن لاول وهلة تعتقد العكس .. #محمود_زينب اولا محمود كان شقي خلبوص بطريقة عسولة جدا😍 .. كان بيعجبني تهييسه لكن التزامه بحدود هو مش مقتنع بيها لكن كرامه لابوه الفكرة دي فكرة جميلة قوي .. . زينب من الشخصيات الي بتبقى ملفته الي قارئ عشان التناقضات الي بتبقى جواها .. انا كنت معاها في حيرتها.. كنت مشفقة عليها من حبها لمحمود .. ماتلاقيش غير الخلبوص تحبيه طبعا لازم النار تقيد فيكي .. الثنائي دة كانو تاني ثنائي مفضل ليا بعد ظافر وحوراء .وكنت بحب العنف العاطفي الي بينهم . . طبعا اسر هنا كان ليه دور كبير في الجزء دة وكل ما بيكبر والشعر الابيض بيزيد بيزيد حلاوة ابن الايه😍 .. ومشاهده مع زينب كلها جميلة ومشاهد استفزازه لمحمود عسل ( عصفورتي - بطتي - بجعتي ) خط التؤأم مع بلال كان جميل ودافي جدا . .. اتكلمنا عن الرومانسية نتكلم بقى عن خطوك مضيئة في السلسلة . السلسلة ككل حالة جميلة فريدة ليها وقع وسحر خاص وفيها خطوط مضيئة دافية زيادة عن رومانسية الحب . - خط العيلة الاباء والابناء والاحفاد وتتبعها بشخصياتهم المختلفة الفريدة والشبيهة بالاباء بخلط غريب كان ممتع .. كنت بحب لمتهم بحب بيوتهم المفتوحة لبعض كنت بحب اصلهم الطيب الي بان مع الاحداث .. كنت بحب حتى برغم اختلافهم في نظرتهم للحياة لكن بيحتروا بعض بيحاولو يوصلوا لحلول وسطية وبرغم اختلافهم دة كانو صادقين مع بعض .حالة العيلة دي اتمنيت اني اعيشها مع اولادي واحفادي . . - خط الابناء وهما متكتلين مع بعض في ضهر بعض مش بس الاخوات لا وأبناء الاعمام وكل من يدخل في حما العيلة .. كنت بحب تحفزهم كلهم جنب بعض لما بيجي رياض مثلا او تحفزهم لما اتعرضت فاطمة للخطر .. الحالة الشبابية العائلية الدافية دي كيفتني . . - غرفة الالعاب حبيتها واتمنيت يبقى عندي غرفة زيها وعيالي يسجلو ذكرياتهم فيها وتفضل بصماتهم طول العمر كدة زي ما عملا نادية الاروبة . . - رياض تعاطفت معاه برغم انه تجاوز في لحظة ما حدوده لكن صعب علي وهو محترم وابن ناس . . اجمل مشهد حبيته وبكاني مشهد فرح التوام محمد ومحمود لما شالوا بلال الناجي على كتافهم وهللو ورقصوا وهز كان خجلان وبيبص لنجلاء نظرة (شكرا ) من بعيد ممتن انها كانت رفيقة رحلته ممتن لانها ساعدته انه دول يبقوا عياله ممتن لربنا بنعمة العيلة .. المشهد دة كان مؤثر وبكاني .😍 . - اسلوب كاردنيا واضح فيه التطور يعني لو قارنا اسلوب الكتابة وعرض الشخصيات في اول جزء وفي اخر جزء في فرق كبير جدا . . - عاجبني ان الاجزاء الحديثة سواء في السلسة دي او في السلاسل الاخرى في سخونة وحميمة وجرأءة في وصف اللحظات الحميمة😍 والمشاعر الي انا بعتبرها جزء مهم جدا من جاذبية اي رواية واعتقد انه المستهدفين من الادب النسائي دة مش مراهقين خالص .. وعليه باطالب بحميمية كتيرة كتيرة كتيرة .😂 . دة كان ريفيو متواضع لسلسلة الياذة العاشقين باجزاءها الأربعة اتمنى يبقى ليها اجزاء تانية يا كاردنيا للاحفاد لسة الكلام ما خلصش الواد اسر الصغير وهديل 😍 طه وواحدة من بنات سلسبيل الحوار هيبقى كبير دا البت معلمة عليه وش واخداه وضع يد مش مديالة فرصه يفكر هي قررت خلاص وانا احب الناس الي مهددة اهدافها في الحياة 😂👌 .. يعني لسة الحوار ماخلصش . . ملحوظة :انا عرفت بالصدفة انه في مشهد كمان للغوازي لوحده منفصل ان شاء الله هقرأوه قريبا واتمنى يبقى الغوازي النواجي مستمرين معانا . . انا حاليا في اخر رواية نزلت من #قلوب_تحكي واكيد هتحفكم بريفيو للسلسلة بعد ما اخلص قراءة اجدد رواية ف السلسة. 😂 . كاردنيا دمتي مبدعة 😍❤👌 | ||||||
أدوات الموضوع | |
انواع عرض الموضوع | |
|
|