13-01-12, 09:11 PM | #1 | ||||||||||||||
مراقبة ومشرفة سابقة ونجم روايتي
| قمة الدنائه تحصل في المستشفى السلام عليكم ورحمة الله وبركاته تخيلو خالي له ثلاث اسابيع في المستشفى بين التحاليل وغسيل كلى وملاحظة ارتفاع السكر من زمان عنده سكر والحين كملت عليه واجاه مرض الكلى وفي شهر اربعه توفى خالي الثاني من نفس المرض الله يرحمه الحين خالي طلع الحمدلله هذا الاسبوع بس يبونه بين كل فتره يروح يعمل غسيل واحنا وربي ايدينا على قلوبنا خايفين عليه .. المهم وهو داخل لغرفة الغسيل جاله واحد حسبي الله عليه والله لا يوفقه وين ماكان قاله يا اخوك ابي جوالك ابي اطمن على الاهل ومحتاجه ضروري عاد خالي عطاه الجوال وشافه وهو يمشي بسرعه هارب بلغ الممرضات وما لحقوه هرب حتى رجال الامن ما قدروا يوصلون ع العموم مو هنا المشكله المشكله ان الكلب هذا راح كل شوي يتصل على احد من الارقام الموجوده في الجوال .. وصادف رقم خالي الكبير اكبر واحد في العيله وطبعا المسؤل عن كل العيله من بعد جدي الله يرحمه تخيلوا اتصل ورد عليه خالي قاله الرجال انت تقرب لفلان رد خالي قاله ايه انا اخوه الكبير خير عسى ماشر خالي ما انتبه ع الجوال قاله انا دكتوره وهو اليوم جا علشان يغسل كلى بس للاسف توفى وما قدرنا نلحقه عاد خالي هنا طاح مغمي عليه وتعب عليهم وعياله ودوه المستشفى ووحد من بنات خالي كانت مسافره لمكه تاخذ عمره رجعت وكانت بتموت خاصه انها اذا بكت بينقطع التنفس عنها ومانصدق على الله وهي تصحى .. وما وقف عليهم راح اتصل على جوال امي وخالتي وعلى جوالات عيال خالي المريض بس ما عطوه وجه من بعد ما عرفوا انه حقير المهم اجو عيال خالي والبيت كله مقلوب ويبكون خالي اللي مريض ومن بعد ما ودوا خالي المستشفى دخل عليهم خالي المريض وشفوا كيف انخرع من جهته وفكر ان اخوه الكبير صار له شيء وتخيلوا صاير يبكي يوم ما شافهم حاضنينه ويبكون هم فرحانين برجوعه بخير وهو يبكي خوف على اخوه الكبير الله لا يوفق من تسبب في هذا كله لا دنيا ولا اخره عمى في شكله ما فكر انه احتمال يكون السبب في موت نفس بريئه بخبره هذا والمشكله كبير وهذا اللي خلى خالي يوثق فيه ويعطيه الجوال توقع انه بالفعل محتاجه بجد احسه لو هو عندي ما سلم وربي لو يطيح بيدين عيال خوالي من كبيرهم لصغير لخلوه عبره لغيره من المستهترين بجد ناس فاضين هذا الشيء ذكرني بقصه حصلت مع جدي ابو ابوي الله يرحمه .. ما عنده في هذي الدنيا الا اخت وحده الباقي اخوانه ماتوا كلهم وفي يوم من الايام وانا باقي ادرس في الابتدائي دخلوا ثنتين حريم يصوتوا ويبكون ويعملوا عمايل الجاهليه الله يعافينا قالهم وش فيكم قالوا اختك توفت وزوج بنتها دفنها وتونا شايفينهم وهم رايحين المقبره عاد جدي بغى ينجن كيف اخته وامه وكل شيء في الدنيا تموت وما يقوم حتى بدفنها ولا يدري عنها كانت بالنسبه له كل شيء في الدنيا وخاصه انها هي اللي ربته امه ماتت وهو توه في اللفه واخته تولت تربيته لين كبر وعلا شئنه والحمدلله وهي اصلا كانت عندنا في البيت بس بنتها جت وقالت تبيها يومين عندها وجوا الحريم بخبرهم هذا المهم طلعت من البيت والله تقريبا ثلاث سيارات رايحين للقريه اللي فيها اخت جدي وفي الاخير رجعها جدي معاه حيه ترزق وطلعوا الحريم كذابات .. بس علمين على جدي وربي لولا رحمة ربي عليهم الا كانوا في خبر كان وابن امه يجي ويقول لجدي ارحمهم بس كفاهم الكفين اللي جتهم وفي الاخير اعذارهم كانت مثل وجيههم اول مره قالوا والله ياشيخ انا بس معانا ((رديمه ))<< شجرة الفل اللي دائما مزروعه عندنا نبيها تطلع لنا فل فقالوا لنا لازم كذبه كبيره علشان تطلع خيراتها وثاني شيء قالوا انا شفنا جنازه سألنا هذي جنازة مين قالوا هذي فلانه اخت الشيخ المشكله هذي الجنازه معقوله مافيها ولا واحد من العيله .. واذكر ان عماني يالله فكوا الحرمتين من بين ادين جدي والا والله ما كان يهمه ايش يكونوا خخخخخخخ اهم شيء نورونا فتره كمسجونات مهجورات من الحديث معنا الواحد لو كذب قلنا يلا بلاء من الله بس يكذب كذبه ما تودي الناس في ستين داهيه لو خالي الكبير اليوم مات بس بسبب خوفه على اخوه وش بيستفيد الكاذب هذا من كذبه حسبي الله عليه ونعم الوكيل التعديل الأخير تم بواسطة جرح الذات ; 13-01-12 الساعة 09:42 PM | ||||||||||||||
13-01-12, 09:40 PM | #2 | |||||||||||
إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي
| اقتباس:
حسبي الله عليهم بعد شين وقوات عين اكره شي بحياتي اللي يخبرني عن احد مات هذا واحد من زملاء ابوي دائما يتصل يخبرة ان احد مات يامن زملائهم او ابو او ام احد من زملائهم صار ابوي يسميه بشير الموت ههههههههههههه جد الواحد يحاول انه يتجنب نقل الاخبار الشينه كيف عاد يختلقها ويخبر عنها | |||||||||||
13-01-12, 10:16 PM | #3 | |||||||||||||||
مراقبة ومشرفة سابقة ونجم روايتي
| اقتباس:
لان الرجال عندنا اذا احد توفى خاصه من العائله او صار عليه حادث يطلعون وهم ساكتين وما يعلمونا الا هذولي الحريم .. صرنا اول مانشوفهم سوا نعرف ان فيه مصيبه الله يعيذنا ويعيذ المسلمين من المصايب .. والله يرحم وحده منهم توفت قبل فتره يختي عادي اشوف لو جا الواحد بخبر محزن على الاقل يكون صادق بس مو مثل ماقلت يختلقها يعني بالله وش يستفيد اذا مات حد عنده الضغط او السكر او كبير في السن .. وربي حصلت مثل هذا زوج عمتي توفى وهو وحيد بين امه وثلا اخوات ابو امه اول ما نقلوا له خبر وفات ولد بنته جته سكته قلبيه ومات | |||||||||||||||
13-01-12, 10:30 PM | #4 | ||||
نجم روايتي كاتب و شاعر متألق في القسم الأدبي
| إن شا الله سلامة خالك ومايشوف شر .. طيب مين هالغبي اللي سرق الجوال وصار يفتن ويكذب ويسوي مصايب !!! أعتقد أن في شي ورا الموضوع يمكن حد له مصلحة او حاقد !! أو انه مريض نفسي .. الله لايبلانا من هالمتخلفين .. | ||||
14-01-12, 12:51 AM | #5 | |||||||||||||||
مراقبة ومشرفة سابقة ونجم روايتي
| اقتباس:
والله يامحمد ما اعتقد وخاصه ان خالي جا من جده للرياض علشان العلاج وما حد يعرفه وهو قال ما عرف الرجال اللي في المستشفى الظاهر مثل ما قلت مريض نفسي يستخف بدمه منور محمد | |||||||||||||||
14-01-12, 12:59 AM | #6 | |||||||||
مشرفة منتدى الفنون الجميلة وعضوة تسالي متألقة وأميرة الخيال ووردة البحوث وعضو مميز في القسم الطبي والنفسي
| الحمد لله على سلامه خالك وخالك الثانى الله يشفيه شفاء ليس بعده سقما ابدا. وهالانسان المريض ربنا يهديه ويشفيه يارب اخر حاجه الانسان يستهتر بها مصيبه الموت,المفروض تبلغوا عنه وياخذ جزاءه وحتى يحرم يكررها مره ثانيه. | |||||||||
14-01-12, 05:50 PM | #7 | |||||||||||||||
مراقبة ومشرفة سابقة ونجم روايتي
| اقتباس:
طيب اذا ما يعرفوه كيف بياصلون له الله ينتقم لهم منه | |||||||||||||||
14-01-12, 06:41 PM | #8 | ||||||||||||
مشرف منتدى الروايات العربية
| الشين وقوي عين والله هالحرامي اللي يسرق الجوال وله وجه يتصل ويكذب أحس بيطلعلي نخل براسي وانا أسمع عن جراءة مثل هالنوعية من البشر وتبلد الحس عندهم على العموم الله يرفع عن خالك ويشفيه ويجازي هالحرامي بما يستحقه . | ||||||||||||
14-01-12, 10:23 PM | #10 | |||||||||||||||
مراقبة ومشرفة سابقة ونجم روايتي
| اقتباس:
آمييييييييييين الله يجزاك كل خير تخل اللي اكلوا هالمقلب السخيف وربي كل ما اتذكر ان واحد من اخوالي كان بيروح فيها بسبب هالحركه يضيق خلقي فما بالك باللي عاشوا اللحظه هذي بجد احسه مريض ما فيه رجال بعقله يسوي سواته وخاصه بواحد مايعرفه ولا يربطه فيه اي صله وحتى لو يعرفه الا الموت ماينمزح فيه منور مختلف | |||||||||||||||
مواقع النشر (المفضلة) |
أدوات الموضوع | |
انواع عرض الموضوع | |
|
|