أنا الشموخ ومارضيت البهاذيل كسرت خشم الناس من قو ذاتي .. للكاتبه : ظميانة عشقهy

[nadog]

احس ان القصة مبالغ فيها جدا جدا وفيها وقاحة كبيرة من الجازي والشخصية الي كذا ماتفرض لا حبها ولا احترامها علي احد <<<<< اعتدر لان اكمل الرواية

[em esoos]

السلام عليكم ورحمة الله وبركاته
تسلامين يا دلع جد الروايه حلوه فيها مزي من الشاعر المتناقظه لشخصية الجازي

بس قد ما يكون حبها واهتمهما في سلطان ما يعطيها الحق انها تغلط علكل بذات


ريم . لازم تحترمها بظل اختها اكبر منها . حتى لو كانت شخصيتها مساله

ومو اجتماعيه . الجازي بمعالتها بتخليها معدومه الشخصية علاخر . حتى لو

بحبو بعض

لزم نعرف ليش عبد العزيز مو طايق ناديه هل انفرضت علي وهو ما يبيهااكيد راح


تصير حرب ضروس بينهم لو حست باعجابوا بالجازي :240567671 لو كان في


اعجاب مو تحدي

طلال ولله ما بعلم في حبه لها اللا الله وفيصل مسكين مو عارف كيف يو صلها الحب


بلا يا طلال لك الله



تسلمين يا يالغلا تكفينها تقبلي مروري


شـكــ وبارك الله فيك ـــرا لك .. موفق بإذن الله ... لك مني أجمل تحية .


ام السوس

[semsam]

مرحبا روايه جميله انتظر نزول الاجزاء الباقيه

[دلع الكويت]

المشاركة الأصلية كتبت بواسطة em esoos

السلام عليكم ورحمة الله وبركاته
لا عدمتك يا احلا دلع جد شدتني كتيير الروايه تسلمين يلغلا .لد انها تستاهل المتابعه

والانتظار . خلنا نشوف الست الجازي شنو راح تعمل من فضايح قدام عمامها عن جد مزودتها

علاخر .مني من ناصر لسطرها واقل قيمتها قدام الكل خللها تعرف حجمها وكيف تحترم ابوها

شـكــ وبارك الله فيك ـــرا لك ... لك مني أجمل تحية .

تقبلي مروري يالغلا

ام السوس

العفو ياأحلى أم السوس

كوني بالقرب عزيزتي

[دلع الكويت]

المشاركة الأصلية كتبت بواسطة babo

بسم الله الرحمن الرحيم
صباحك خير
والله وقدرت عليهم الجازي ورجعت زي ما وعدت
بس ياترى قالت لابوها شنو؟
ناصر كل ما الجازي تعطف عليك تكون في غلطة جديدة لوكان اسمك ابو سلطان كان رحمتك
بارتات قوية جدا
يسلمو علي المثابرة دلع
دمتي بود
لك احلي تقييم

مسائج فل

العفو غاليتي

كوني بالقرب

[دلع الكويت]

المشاركة الأصلية كتبت بواسطة غداف

مشكوره ع الروايه فديتك ع الابداع

العفو فديتج

كوني بالقرب

[دلع الكويت]

المشاركة الأصلية كتبت بواسطة nadog

احس ان القصة مبالغ فيها جدا جدا وفيها وقاحة كبيرة من الجازي والشخصية الي كذا ماتفرض لا حبها ولا احترامها علي احد <<<<< اعتدر لان اكمل الرواية

هذا رأيج وأحترمه عزيزتي منتي مجبوره تكملين الروايه إذا ماعجبج محتواها

بس من وجهة نظري ونظر كل قراء الروايه فالكل متحفظ شوي على شخصيه الجازي وطريقة تعاملها مع أبوها ولكن إن شاء الله تتعدل هالمعامله وتصفى النفوس مع البارتات القادمه
ولو بنحلل شخصية الجازي بنلاقي تصرفاتها نابعه من حبها لأمها ولأنها عاشت معاناة أمها من كانت صغيره وبنفس الوقت عارفه أن امها تحب أبوها ولو أخفت هالشي للحين وهي في قرارة نفسها شايفه ان اسلوب القسوة والتجريح هو الأسلوب اللي بياخذ حقها وحق امها واخوانها من ابوها لان هذا الاسلوب اللي كان يتبعه مع أمها ولكن في اسلوب افضل من هذا للتعامل

[دلع الكويت]

المشاركة الأصلية كتبت بواسطة semsam

مرحبا روايه جميله انتظر نزول الاجزاء الباقيه

كوني بالقرب عزيزتي

دقايق والبارت عندكم

[دلع الكويت]

	((17)) هنا انهبلت...بأي حق؟....مها مستحيل تفكر هالأفكار.....هذي أكيد أفكار فهد.....وبعدها....صارت الصدمه الكبيرة....وأن مها حامل...أسعد خبر سمعته بحياتي....كنت أحس اني بهالحمال ربطتها للأبد...رحت لهم مستانس وطاير....نسيت كل شيء صار....هالحمال كان أمل جديد....باستعادة حياتي.....بس اللي صدمني وجه فهد اللي كرهته.....وهو يقول ببرود:بس تولد...نلتقي بالمحكمه من جديد... هنا ثرت...وحلفت الا لأربيهم....بنفس اليوم...رحت خطبة بنت عمي....وثاني يوم ملكت...وقلت :العرس الشهر الجاي..... كنت أبغى مها تغير...وأندمها...بس ما فيه أمل....تزوجت بنت عمي....بس مانستني لا مها ولا عيالها...كنت دايما أودي عيال أخواني يجيبون سلطان وريم....كنت متعلق فيهم كثير....كان يؤلمني ضياع سسلطان.....اللي يناظر الكل باستغراب....ودايما جالس بحظني....ويده بفمه....وخجل ريم اللي لازقه فيني....كنت أتالم.....أتألم كثير.....وهم بعيد عني....بعدها ولدت مها....ونزلت حكم الطلاق مباشره...شفت الجازي بالمستشفى بس...صغيره حيل....ملامحها مخيفه....بستها وأذنت باذنها....وقطعني صوت فيصل بسرعه وفرح:أنا ترا أذنت باذنها.... ابتسمت بوجهه بألم"حتى من ذي بتحرموني...".....أخذاها من يديني فيصل....وهو يناظرها بولع.....ودخل الغرفه...ناظرت باب الغرفه اللي تقفل...ماعاد تجوزين لي....كنت كل يومين آخذ سلطان وريم....بس بعدها انتقلوا للدمام...وأنا التهيت بشغلي....رغم انهم دوم ببالي....بس الالم كل ماشوفهم كان يجرحني....فابتعدت وانا متأكد ان مردهم لي...."سالت دموعي بألم.....ياليتني ما تركتكم....غلطه عمري....كنت أخاف من ضعفي كل ما أشوفكم....ماهقيت اني ببعدي جرحتكم كثير....وعذبتكم....كنت أبغى أجرح أمكم وخالكم....كنت أبغى اذل خالكم....كنت أبغاه يجيني يقولي...أبغى مصروف لهم....علشان أتفنن بذله.....بس خاب ظني....انتظرته 19سنه....أنتظر جيته....وأصبر جرحي منهم....اني برد الذل لهم...ماحسيت بالوقت اللي يمشي بسرعه...والايام اللي تمضي.....كنت دايما أدور أخبارهم....كنت مرتاح أن مها ماتزوجت عقبي...كنت حالف انها لو تزوجت لأطين عيشتها....وارتحت أكثر لما دريت ان فيصل طلع ببيت بروحه عن فهد....وانه هو اللي يصرف عليهم.... تنهدت بألم....رحت لهم وأنا ودي أطير كلمت فيصل.....اللي انصدم من كلامي....بس كلامه صح انه جاف...بس كان قمه بالاحترام....صدمني ماتوقعت البزر...اللي كان يناظرني ويهرب....صار رجال....ورجال ثقيل بعد....خاصه سمعته الحلوة بين الكل...الكل يمدح فيه....وهذا اللي كان مريحني....حسيت بربكته كل لما سألت عن الجازي....بس فرحتي خلتني أطنش....رحت لهم...وقلت لعزيز ولدي اللي ماجبته يسري معاي...ومشعل وتركي قالوا بنخاويكم.....رحنا وأنا فرحان....بس كنت خايف ان ريم ماراح تتقبلني...خاصه انها كانت متعلقه فيني كثير...وفجاة غبت عنها.....كنت أرسم أشكالهم....وشخصياتهم....مدري ليه كانوا غير عن عيالي الباقين؟.....يمكن لأنهم عيال مها....زفرت بألم.....دخلت بيتهم وأنا طاير....فرحت بللقاء ريم.....ومثل ماتوقعت ضعف مها وطيبه قلبها وحنيتها.....حسيت بحنين وشوق قوي لمها....حسيت وأنا حاضن ريم...كاني حاضنها هي.....كل مخاوفي زالت....بس بدأ الشك يلعب بقلبي من تأخيرهم الكبير....ومن قبلوا فزيت وفزوا العيال معاي....طاحت عيوني عليهم اثنينهم....ناظرت بسلطان...اللي كاني أناظر نفسي بشبابي...بشعر طويل...ونظرة طفوليه....ناظرت باللي جنبه وانصدمت....وقفه شاامخه مغرورة.....عيون واسعه تقدح شرار وذكاء وقوة وبرود....باختصار قلبي رجف من شفتها....ماصدقت انا لطفله الصغيرة اللي حملتها بالمشفى....هي نفس هالبنت اللي قدامي......فتحت يديني وانا أحس بالفرح....بس اللي صدمني وجمدني النظرة البارده...أللي رمتها علي وبعدها جلستها....وأخوها يتبعها....قمة الاذلال....حسيت نفسي صغير صغير كثير.....وتأكدت من شكوكي انه البنت فيها شيء غريب...بعدها كلامها وثقتها....امسحت فيني البلاط...وأنا الصدمه مخرستني.....صح كنت أتمنى أولادي أقويا بس مو كذا....مو قوتهم تتسلط علي....كنت أراقب كلامها الواثق...حدتها....نظراتها اللي خناجر بقلبي....كلامها اللي يوجع....وبعدها تنغيزها لعزيز....وثوران عزيز....كنت منلجم....ثقتها مو طبيعيه....هالبنت مو طبيعيه ابد...وبعدها الكف اللي بوجه عزيز....أللي جنني...ووعاني من سرحاني....خفت عليها من غضب عزيز اللي مايرحم...تدخلت...وطلعنا من بيت خوالهم....رغم اني ما كنت بأخذهم....بس عقب ماشفتها...وشفت غضبها علي وكرهها اللي لمسته...خفت أخسرها...وأخسر سلطان اللي لازق فيها.....بعدها الحروب اللي بالسيارة....كنت أحس كل حرف تنطقه مدروس....ووصولنا للبيت...استفزازها وتصغيرها المتعمد لي....بعدها الكف اللي ضربتها...حالة سلطان....تصرفها الكبير.....بعدها غرقها بدمها...صراخ ريم....ركض عزيز ومشعل وراه....المستشفى وحالته....حدتها علي....ثاني يوم...وعنادها...حنيتها مع الكل...الا معاي....معرفتها لشخصيات أخوانها اللي صدمتني....مكالمتها لأهلها....حنيتها مع أمها....ودلعها على خالها....ضحكها على جدتها...اللي لأول مرة اشوف ضحكها.....كل شيء أثر فيني....حسيت بغيرة كبيرة من مها ومن فيصل....ليه تعاملهم كذا وأنا لأ.؟.....بعداها لما راحت للسوق....ومطنشتني....وبيدي البطاقه اللي رمتها علي....وفلوسها اللي رمتهم بوجهي....ومشت وانا منصدم...ماستوعبت الاذلال اللي صار الا بعد فترة....قلبت البيت وانا أصارخ....وأتحلف واتوعد فيها....وبعدها اتصلت على وليد وسفلت فيه...رجعوا وخفت اني أكلمها....أحسها راح تذلني أكثر قدامهم....هالبنت غير غير كثير....حطيت الحره بوليد...بس وقفت بوجهي...حاولت أكسرها ...ضربت ابغاها تسكت....بس مانفع...كل ماحسيت انها انكسرت زادت قوه....وأرعبتي.....ولما حطت عينها بعيني أرتكبت....حسيت انها مها...ايه مها...مها قويه....حسيت انها مو بنتي....الا عقاب مها جابتها لي....تأخذ حق الليالي الطويله اللي قضيتا بضربها....بعدها حضنها...حضنها الدافي....لأول مرة ألقى الراحه.....الحين عرفت ليه سلطان وريم مايفارقون أحضانها....كنت أحس بوجع خفيف من ضرباتها....بس مافكيتها....صحت بقوة....وبدون صوت....حسيت بقلبي يرجف بأحضانها لأول مرة.....حسيت بكبر خطاي....وكبر خسارتي بهالبنت....بعدها ضربة سلطان اللي أجبرتني أفكها...صمتها والكل يكلمها...ارتعبت وخفت عليها بس كابرت....حضن سلطان القوي لها وكلامه وهو يصيح...بعدها كلامها الواثق انها بتروح للدمام......وعنادها اللي جنني....دخولنا المكتب....كشفها لوجهها اللي جمدني.....أول مرة أشوف وجهها....جمال مها وارثته....بس بملامح حاده أكثر....كانت وارثه ملامح مها الحلوة والجذابه كثير...ووارثه حدة ملامحي....ونظراتي....حسيت بالانشراح وانا أشوف ملامحي وملامح مها المندمجه بهالشابه....اللي شكلت انسانه لاتقاووم....تجاوزت جماااااااال مها بمراحل.....وتجاوزت سلطتي كثير.....بس قطعني كلامها اللي نطقته بخبث.....وصدمني...مثل ماصدم أبوي......ولوت ذراعي بطريقه صدمتني....وايقنت بهاللحظه...ان هالبنت....ماهي الا نسخه مطورة مني....واكتشفت عناد يوازي عنادي....وغضب مسلط بقوة لجهتي..... ضغطت على راسي بألم...وأنا أستعيد كلماتها الحاده بقوه....وأحس بوجع.....لازم أسوي اللي ببالي....لازم.....كلامها اللي مفروض ينفرني منها...مازادني الا ولع فيها....وأيقنت كبر خسارتي بهالبنت....لازم ارد أكسبها...لازم....مهما كان الثمن....ابتسمت بألم....هذي اللي كنت أحلم فيها طول عمري....ياليتك بس رجال.... كنا جالسين ببيت عمي حمد الله يرحمه....النسوان بزاويه....والرجال بزاويه....المهم ولد عمي بيرجع من برا... الأسبوع الجاي....ويبون يسون له عشا كبير...الكل جالس ويسولف.....ووناسه....حنا البنات نسولف بصوت واطي.......جدي كان يناظر الكل بهدوء.....فجأة قال بهدوء:ريــــم.... قلت بخوف لأن بصراحه جدي يخوف:هلا جدي.... قال بضيق:أختك مالها نيه تجي..... دعيت بداخلي على الجازي ....أكثر من مرة ترجيتها تجي بس مو راضيه...قلت بارتباك:ها...ما أدري جدي.... الكل سكت بترقب....وأبوي نزل راسه وهو ملتزم الصمت......قال بعصبيه:اتصلي عليها....واتركي صوتها يطلع...وعطينياها.... ضحك وليد بخفه:ريموه قصد جدي حطيه سبيكر....مايسمع عدل من ورا الجوال.... قلت بارتباك :طيب.... اتصلت عليها ...وحطيته سبيكر....وأنا أدعي أن جازي ماترد....أربع رنات وماردت...ثواني ووصلني صوت أمي بكل حنيه:هلا وغلا باللي ناسيتنا... نسيت الكل وانا اسمع صوت أمي...وبفرح:هلا فيك أكثر...وبدلع...والله مانسيتكم....يمه ترا أزعل... ضحكت بخفه وبحنيه:يابعد قلبي أمزح معك....أهم شيء أنتي مرتاحه ومستانسه......عادي....وبحب....شل ونك أخبارك قلبي؟.... قلت بشوق:الحمدلله أنا بخير...انتي شلونك....وجوجو وسلطون وجده وخالي وسعاد وجوده؟.... ضحكت:كلنا بخير....وبمزح....وكل شيء على حطة يدك....وتنهدت بس جوجو زايد هبالها حبتين.... قلت بضحكه:ليه شنو مسويه بعد؟.... قالت بضحكه:قولي شنو مو مسويه؟....وبتعب....والله اني تعبت مع هالبنت ...كل ما اقول عقلت زاد هبالها......مافيكم اللي عذبني كثرها....من هي ببطني....ليومك ذا....اسكتي أمي وش سوت بالمره المسكينه..... قلت بخوف:يمه وش مسويه؟.... قالت بالم:لا تشغلين بالك...سالفه عاديه........وبتعب....بس هالبنت جايبه الشقا لروحها...وتحسس من أي كلمه....وبجديه...ريم صار شيء لما كنتوا ببيت أبوكم.... بلعت ريقي بخوف:هاه...لا يمه...ماصار شيء أبد عادي.... ناظرت عيون الكل اللي تناظرني....قالت بنرفزة:لاتقولين ماصار شيء....لا تحسبوني مصدقه سالفتكم.....أنا ادري وحاسه الا متأكد انه صاير شيء وكايد بعد.....بس أنتي ماتبغين تقولين....وأنا متأكده أنها أوامر الجازي.....وبألم...الجازي فيها شيء....قلبي يقولي....ماني مرتاحه ابد....أحسها متضايقه كثير....من رديتوا....بنتي متغيره كثير.....ولا سألتها قالت مصدعه....وأنا ادري شي شاغل بالها....بس ماني عارفه وشو؟....وصايره تفكر كثير....وماتسولف نفس أول.... قلت وأنا أبلع ريقي:يمه ماصار شيء عادي....بس أنتي صايره شكاكه....وجازي دايما غريبه....وتفكر...وماتسولف معنا....الوحيدين اللي تسولف معاهم سلطان وخالي....وجدي ابو فارس...... قالت بثقه:لا تكذبين....ولا تحاولين تقنعيني....أنا متأكده انه صاير شيء....حتى خالك حاس بنفس احساسي....وجيتكم كنتوا مسويين مصيبه.....والله يستر منها....بس حنا عديناها بمزاجنا....وباستهزاء.....لا وجازي اذا سألناها هبت فينا....علشان نسكت.....جازي وأعرفها....ومارستها على بر مع ابوك....والله يستر وش مسويه؟...وبضيق....لا وعصبيتها زايده هاليومين....حسرة على أحد قال كلمه هبت فيه.... قلت بضيق:اذكري الله يمه....وهذي جازي وهذا طبعها من وعينا على الدنيا.....نار والعه...ماتحمل كلمه...وبهروب...يمه وينها أبغاها ضروري؟.... قالت بزفرة:وينها بعد؟....هبلت بجدتك وسلطان.....قاعدين يترقصون.... ضحكت وأنا أتذكر ليالي جازي المجنونه:والله....أجل جازي مروقه اليوم.... قالت بضحكه:ايه...اليوم تمام...من قعدت وهي تشعر وتغني....وسلطان قالها أبي أرقص....وبنت ناصر ماصدقت....شالت جدتك وسلطان...جدتك تصفق...والجازي وسلطان يرقصون....حتى انوار جابوها من بيتها.... قلت بضيق:كلبااااات....والحمارة جازي...ماروقت الا لما رحت..... قالت وهي تضحك...وصوت الأغاني بدأ يوضح شوي شوي:عاد جازي طول عمرها معصبه.......وبحب...بس عسل على قلبي.... قلت بغيرة:ياسلام....هذا وأنا الللي مفارقتك... قالت بضحكه:هههههه...كلكم سوى...بس آخر العنقود غير.....وبصراخ....أنتوا وش مسوين؟....وبعصبيه...ريم انتظري شوي.... وصوت الأغنيه العاليي..... ۈآقۈل آنآ مآهۈ آنآ من بعد يآدآنه صرت آسمع آم ڪلثۈم معذۈر من زهرة آلفلي متغيرن ڪلي ۈآلأمس مآهۈ آليۈم ۈش صآر ۈش صآر لهآلقلب حب ۈآعشق ۈآنحب ۈآنآ آدري آنه صعب وطت امي الصوت وبعصبيه:شنو هذا؟.....ليه مسوين بالغرفه كذا؟.... قالت جازي بضحكه وبدلع:يوووووووه مهاوي نستانس..... قال سلطان بدلع:أي والله... قالت جدتي:مها توكلي على الله.....خل نكمل....سليطين عل الصوت.... قالت بعصبيه:يمه علامك؟....هبلوا فيج....تمرقصين معاهم كنك بزر...وفاكه شوشتك.....وبصراخ....جازي شاللبس المعفن ذا....وانتي يامحترمه...من زود الحيا ترقصين بعباتك....ماتعرفن الحيا أنتن....تمرقصن تقل مهبل.......وصوت الاغاني طالع للجيران....قسم بالله الحين يجي فيصل يتودس ببطونكم..... قالت جازي بضيق:يوووووه يمه....الحين يعني كفرنا....ضاقت أخلاقنا...وقلنا نتونس.....ليه النكد؟.... صرخت أمي بنرفزة:جازي ابلعي لسانك...لا تنرفزيني....انتي غلطانه فاسكتي....انتي ماعندك احترام ابد....لعنبو دارك....مهبله بأمي ....تراها عجوز....راعية ضغط وسكر...مخليتها تمرقص تقل بزر....ترى بجد نرفزتيني فوق ما انا متنرفزة.... قالت بعصبيه:قولي أنتي متنرفزة من شيء....وجايه تفرغين فيني.... صرخت أمي:جــــــــــــــازي ... قالت أنوار بضيق:خلاص جوجو....اسكتي أنتي بعد.... قالت بعصبيه:لا مو خلاص...تجي تصارخ علينا كذا ليه؟.... تنهدت أمي بضيق:اتركيها أنوار...ذي ماتسمع كلام غيرها....وكل الناس غلط...الا هي الصح....بس الغلط مو عليها...الغلط علي أنا اللي دللتها.... وحذفت الجوال...خذي أختك..... ووصلني صوت جازي بضيق:خيييير أنتي الثانيه شتبغين؟.... قلت بنرفزة:أنتي شفيك؟....على أمي... قالت ببرود:مالك شغل....شيء بيني وبينها لاتتدخلين..... قلت بعصبيه:جازي بلاش طوالة لسان.... قالت بملل:وليييييييييييه؟....ريم عندك شيء سنع بتقولينه قوليه؟.....ماعندك....سكري..... زفرت بضيق:جازي وربي حرام عليك شيبتي فيها..... قالت بعصبيه:شيبت فيها....والا هي شيبت فيني....وبحده....لعلمك ترا موع لشان الأغاني معصبه....لا ياماما....أمي تبغى الناس يدوسونا وحنا ساكتين ونبتسم.....ونبوس رجلينهم....ونصير مساكين... قالت أنوار بضيق:خلاص جازي....هدي ماله داعي..... قالت بضيق:والله يا أنوار ملييت ملييت....هي ليه ضعيفه كذا؟....بعض الأحيان ما ألوم ناصر انه تمادى بضربها....وهو يشوف ضعفها.... قالت انوار بضيق:جازي خلاص بس.... قالت بألم:لا مو خلاص أنا عجزت...وربي تعبت....لمتى حنا شماعه لسوالف الناس؟....لمتى حنا سالفه كل مجلس؟....سكت الصوت وراحت لسلطان....حبيبي لاتخاف مافيني شيء..... قال سلطان براحه:ايه ادري.... وبهدوء:أنوار خذي كلميها....أنا رايحه مع سلطان....وشوي وأنزلك..... ووصلني صوت انوار:هلا ريم.... قلت بضيق:هلا أنوار....أنوار تكفين شصاير؟... قالت بضيق:ماصار شيء....بس مره جزمه زباله....جازي وقفتها عند حدها..... قلت باصرار:أنوار تكفين قوليلي السالفه كامله.... زفرت بضيق:أبدا...أمس خالي سوا عشا....وتجمعوا النسوان....المهم تعرفين أم سالم....اللي تصير لجدتي.... قلت باستغراب:ايه....شفيها؟.... قالت بضيق:وجابت طاري أبوك...وانه يجيكم والا لأ.....وتعرفين حساسية جازي من هالموضوع.....قالتلها:ايه يجينا ونجيه.....وريم الحين عنده.....وأنا بس أخلص دراسه بروح... وقالت أم سالم بعيارة:تروحوله عقب مارماكم....ولاهو سائل عنكم.... قالت الجازي بحده:والله يظل أبونا طال الزمن والا قصر....ومردنا له....رضينا والا مارضينا....ومارمانا على قولتك...الا وهو واثق اننا عند اللي يحفظنا....ويكفي اننا عاذررينه....واللي مو عاجبه يضرب راسه بالجدار..... المهم المره تجيبها يمين....جازي تجيبها يسار....لما فشلت المره وضحكت الحريم عليها.....وطبعا قامت تعاند وتفدى بأبوك....وتمدح فيه....والمره ولعت...قالت تبغى تقهر الجازي:الا مها أقول ...مالك نيه بالزواج...أخوي مثل ماتعرفين...أرمل ومن عمرك....ويبغى العرس....وذكرتك له.... شهقت بصدمه:يمه وللحين عايشه....جازي ماذبحتها..... جازي أكثر موضوع يعصبها زواج أمي....تغار كثير.....أذكر لما كنا صغار....خطب أمي واحد....وخالي فهد أصر ان أمي تأخذه....وعصب على أمي....يقولها غصب....وأمي انجنت....خافت اذا تزوجت ابوي ياخذنا....جازي راحت ضربت الرجال بصخره براسه..... ضحكت أنوار:لا تخافين....وبحماس...بس طافك ياجازي....وش سوت فيها....ياهي مسحت فيها الأرض....ياهي هبلت فيها.....وبجديه....أنا طول عمري أدري جازي عوبه وقشرا.....بس لأول مرة أتمنى من كل قلبي...اني ما أصير لها عدوه.... ضحكت بحماس:تكفين شسوت؟.....تصدقين...أموت على جوجو اذا سفلت بالناس تصير حلوة.... قالت بضحكه:الا تصير ملكة جمال....وبحماس...اسمعي.... قلت بحماس أكبر...وأنا مو منتبهه للوجيه المركزة معاي وناسيتهم:معاك.... وبحماس:بصراحه وقتها أنا وعمتي نطن عيوننا....والنسوان قامن يتراعشن.... حنا توقعنا جازي الحين تحذفها برا من شعرها...وتضربها....بس اللي صار ياطويله العمر...انها حطت كرعانها على بعض....يعني رجل على رجل.... قلت بملل من سخافتها:أنوار تكلمي عدل.... قالت بضحكه:طيب....اسمعي....والا جازي تقول ببرودها اللي يرفع الضغط.....والله قوليله معندنا حريم له....يروح يدورله مره من غيرنا....ربي يرزقه..... أم سالم قالت بعصبيه:وليه لا يكون أنتي أمها وأنا ما أدري.... وبنفس البرود:والله أنا أمها....هي أمي....مالك صالح...المهم موضوعك سكريه أحسن لك..... عمتي مها متفشله....والمجلس انخرس.....قالت أم سالم بعصبيه:مانيب مسكرته....وبكمله....مو أنتي اللي تسكتيني.... قالت بنفس البرود:اذا بتكملين موضوعك ذا....فبدون كلام....البيت يتعذرك..... صرخت بصدمه:تطرديني.... قالت بنفس البرود:اعتبريها اللي تعتبرينا...دامك مانتي محترمه أهل البيت....فجزاك وأقل من جزاك.... طبعا عمتي صرخت وجت تراضيها.....وأمي وسعاد معاها....وقالت أم ساالم بعناد:مها مانيب قاعده....وناسيه سوات بنتك الشينه...الا اذا رضيتي وافقتي على أخوي؟..... عمتي انصدمت...وجازي بضحكه استهزاء....صدمت الكل:يا أم سالم....احفضي نفسك لا تخليني أغلط عليك.... أم سالم بعصبيه:وليه باغي ماغلطتي يابنت ناصر.... الجازي بغرورها اللي يقهر:وأفتخر....وبخبث...وقلتيه ا بنفسك....بنت ناصر....وبلعانه وهي تضحك....شيخ الرجال....وامي لافكرت بالعرس...ما بترضى الا برجال مثل ناصر....والا تظل علينا أحسن.... قالت بعصبيه:شقصدك.؟...أخوي ماهوب رجال بعينك.... قالت ببرود:لا عزلله...رجال ماعرفه....بس أمي ما يعقبها رجال من بعد أبوي.....وموضوعك سكريها....واحفظي ماي وجهك....واقعدي باحترامك....وأخوك مو من ثوبنا...وباستهزاء....ومابه ررجال بيعقب على أمي.....من بعد أبوي....لأن مابه رجال يستاهل يخلف ناصر بمرته وعياله.....وهذا الهرج الوكاد خوذيه من فمي....وتبين تجلسين....ياهلا ومرحبا....العين أوسع لك...من الحاجب....بس تبين تفتحين مواضيع مدري وش تبي؟....فالباب يوسع جمل.... هنا المره انهبلت واطلعت من البيت....وهي ترعد....وعمتي عصبت....وزعلت...وماتكلم الجازي....تقولها المفروض ماتدخلين...وأنا اللي أنهي الموضوع....وجازي قومت الدنيا تقول قليل بحقها....وطبعا الوحيد اللي فرحان بأفعال جازي.....خالي وقال لعمتي تستاهل....خل تولي...زين ماسوت فيها.....خل جازي تربيهن....وعمتي انهبلت ليه تقول كذا؟....... وبعدها سكرت الجوال وانتبهت للعيون اللي تطالعني.....قال وليد بصدمه:ذي من صجها تسوي كذا؟.... ناظرت وجهه وضحكت....قلت بمرح:عادي....لاتستغرب من جوجو شيء....أصلا لما كنا صغار....فيه رجال خطب أمي...جازي...ضربته بصخره....شقت راسه.... الكل شهق بصدمه....وليد بخوف:قولي والله... ضحكت:أي والله...ترا جازي ماتمزح...خالي فهد كان يصارخ على أمي الا توافق...وأمي كانت تصيح...ماحسينا الا صياح....وطلع خالي فهد ولقى الرجال....مضروب...وودوه المستشفى...ولما قال الرجال بنت صغيره ضربتني...خالي فهد جاء بيضربها...بس خالي فيصل حلف...انه اذا ضربها....يسوي اللي ماصار....وذبحوا للرجال ذبيحه....لسلامته....وبعدها قال خالي فيصل...مالك نصيب عندنا.....أختي تبغى تربي عيالها....وخالي فهد عصب وزعل...بس بعدين سكت..... زفر أبوي بعصبيه....وقام وهو معصب وطلع من البيت....قال جدي بضيق:طيب...ردي اتصلي على أختك.... قلت بخوف:لا يمه جدي...وربي تذبحني....هي ما عطت الجوال لانوار...الا انها معصبه....وماتبغى تسمع حرف.... قال بضيق:لا تخافين...اتصلي من جوالي وماعليك..... قلت بخوف:جدي وربي...تذبحني...وبعدين الحين هي أكيد بتهدي سلطان...هو ينرعب اذا شافها معصبه....وماراح ترد على احد...اذا كانت مع سلطان.... زفر بضيق...قلت برجا:جدي....ناظرني....وكملت وانا أبلع ريقي....لا تبين لها انك سمعت المكالمه....والله جدي تفضحني.... هز راسه...وسكت...قال بهدوء:أهلك مايدرون باللي صار هنا... هزيت راسي بلا...وقلت بتوتر:جازي قالت ماله داعي...اللي صار اني غلطت لما وافقت أجي...وهو غلط...وبينا وبينه المفروض ما أحد يتدخل....وموضوع وانتهى...وماله داعي أحد يدري فيه....حتى أقرب الناس لنا....والموضوع انحل...وانتهى..... هز راسه وسكت....وبعدها رجع الجو شوي شوي.....الا جدي الصامت.....

[دلع الكويت]

	((18)) لمحاااات سريعه..... طلعت من جمعتهم...وأنا أحس صوتها يتردد باذني....ألمها اللي حسسني بفداحه فعلي....وكبر ذنبي....حسيت بانكسارها...نبرة صوتها والألم محفور فيها....كرهتني الدنيا ومافيها.....لأول مرة حسيت بمقدار ألمها....من نبرة صوتها....ضربتها ضرب....بس ماحسيتها متألمه كثر الحين.....معقوله الناس تجرئوا على عيالي صدق...وراسي يشم الهواء....عيالي شبعوا شماته ووجع وأنا بعيد عنهم....أفكر شلون آخذ حقي من خالهم....وأعذب أمهم....وماعذبت الا نفسي....وجرحت عيالي....آه ياكبر حسراتي عليكم....ناظرت نفسي وأنا أسوق سيارتي بعشوائيه....استغفرت ربي...وركنت سيارتي....وتصميم كبير جاني....لازم أرد كل شيء لمكانه...لازم أقص لسان كل من تعدى على عيالي بفراقي الطويل لهم....تذكرت كلام البنت عنها....ووش سوت بالمره؟...وابتسمت بأسى....وأنا أقول لنفسي....صحيح الكلام اللي قلتيه.....صحيح أنا كبير بعيونك....وأنت الوحيده اللي بهالدنيا أشوف نفسي صغير قدامها....عمري ماحسيت اني فاقد أعصابي....ومسلوب الاراده كثر ماني قدامها.......تذكرت دفاعها اللي فرحني كثير....شعور ان لك من ظهرك....شخص له لسان حاد....يخرس كل لسان....اذا جاب كلمه شينه عن شخص يحبه...احساااااس جميل كثير....لأول مرة...لسانها اللي تفنن بتجريحي...ولسعي بمهاره....مالسعني....الا دافع عني....ولسع الكل أنهم قالوا كلمه عني......وابتسمت بألم....كافيك يابوك....ماقصرتي....حفضتي كل شيء لي...أحسس بامتنان كبير....عرفت سر ان مها ماتزوجت....كنت متأكد ان فهد بيزوجها...عنادا فيني...كنت أتقصى أخبارهم...عشان أطين عيشتهم.....بس مها لا أعرست ولا الشيء ريحني كثير...وابتسمت بحب...مادريت اني مخلف ظهر قوي....ماسمح لهم....وقف بوجه الكل.....تنهدت بالألم.....جاء دورك ترتاحين.....لزوم أريحك....ابعدي الهم عن قلبك يابوك....وارميه علي...ارميه على أبوك....لزوم أكسب ودك....مشاعر جديده تجرفني لهالبنت......قويه كثير....فخر واعجاب وندم وحسرة وغضب وحب.......تنهدت بزفرة....ياني مشتاق لك كثير.....بس بأرضيك قريب....وأصلح أغلاطي كلها....ولأجل عين تكرم مدينه.....بغفر عمايل أمك وخالك....رغم ان قلبي مو صافي من خالك....أثره يبغى عرس أمك.....بس زين مسويه فيه.....شكله يكرهكم من كرهي....وقفيه عند حده...تراه جارح أبوك كثييير....وجرحي ينزف...للحين وقفتي بالمحكمه....وهو ضدي غصه....الأوراق اللي لوى أوراقي فيها ذبحني فيها....كلامه وهو يصرخ علي...عايفتك ماتفهم أنت....طلقها وريحها....للحين كلماته ترن باذني...وتدمي قلب ابوك.......سمعت صوت المأذن....وتنهدت بألم....ورددت معاه.....وحركت للمسجد...وأنا مقرر بالموضوع اللي تعبني كثير....ولازم أحله....وربي يقدرني....ولو كان عمري الثمن بادفعه....كفايه 19 سنه ضاعن....وعيالي بعيدين عني.......لزوم هاليومين منهي كل شيء.... طلع عمي والكل بهول الصدمه....ناظرت وجه جدي المنصدم.....معقوله فيه بنت كذا....أي قوة؟...أي عناد عندها؟....تذكرت كلامها عن عمي....معقوله كبير بعيونها كذا...بس تكابر.....صدمنـــــي وصدمني كثير....دفاعها المستميت عنه....يمكن حب ويمكن كبرياء.....هالبنت غريبه....عجزت أفهمها أبد.....ناظرت خالد الهادئ....وحسيت بالضيق....ظلم اللي بيصير ظلم.....شفت النظرات المصدومه وريم تقول أفعالها.....ومافاتتني نبرة الاعجاب بصوتها.....ووقفه فيصل معاها صدمتني....أكيد هو سبب هالوجه اللي ماخذته......أكيد هو طبعها بهالطبع ذا....قطعني صوت جدي الحاد:عزيز....أتصل على عمك.....خل نشوف وين راح؟.... مسكت جوالي وانا اتصل عليه...وماكان يرد....وبدأ الخوف يلعب بقلوبنا....وأذن المأذن...ورحنا المسجد وبعدها....جلسنا بديوانا....حاولنا نلهى مع الرجال بالسوالف....والخوف على عمي بدا يلعب فينا.....وجدي وجهه شاحب....حسيت بالخوف يذبحني....أشرت للعيال وأنا ناوي نقوم....وندور عليه...ولا اننا نقعد على اعصابنا كذا....بس وقفنا دخلته بكل هيبه وشموخ:الســــــــــــــــ� �ـلام عليكم..... انهلعت......بس تداركت نفسي....اني مع هالعم....دوم بصدمه.....فز المجلس كله...وهم يسلمون عليه.....باس راس جدي وجلس بمكانه المعتاد....بصدر المجلس....جنب جدي...اللي يناظره بحب وفخر...وهو يسولف ويضحك....ولا كأنه صاير شيء.....حسيت بحسرتي عليه تخنقني...لا تمثل ياعم....تراك تجرح نفسك بزود....ناظرت الرجال اللي تناظره بارتباك وخوف...وابتسمت بأسى...وهي مره ماهابت هالهيبه والشموخ كله....انتفضت من ملاحقتها الدائمه لي....فزيت من مكاني وأنا استأذن.....لحقني مشعل كالعاده:وين رايح؟... قلت بضيق:حاس بضيقه...بآخذ سلاحي وأسري لمخيمي.....عساني أفرغ اللي بخاطري.... قال بصدمه:من صدق تتكلم....الجو حار... قلت بهدوء:لا مو حار....الجو بدأ يبرد....وبأروح أستانس والصبح أرجع.... قال بحماس:أجل بأخاويك.... قلت بهدوء:حيآآآآك..... رحت للملحق حق بيتنا....فتحت كبت السلاح حقي....ناظرت بالأسلحه الكثيره.....طاحت عيني على الرشاش....قلت بقهر:من فرغ هذا براسك...وريح بالي... أخذت سلاحي وفشق....وحذفتهم بسيارتي....وتنحنت وأنا ادخل البيت.....صعدت بدون ولا كلمه لفوق....لبست لي بدله خفيفه....وأخذت شماغي وأنا أسوي الحمدانيه....دخلت ناديه....زفرت بضيق بداخلي....قالت باستغراب:عزيز وين رايح؟.... قلت ببرود:ومن متى أعطيك تقرير بروحاتي وجياتي؟.... برد وجهها....وهي تناظرني بقهر....أخذت مفتاح الجمس...وجوالي....وطلعت ونزلت بسرعه....ووقفني صوت أمي:يمه وين رايح؟.... غصب عني وقفت....ورسمت ابتسامه بالغصب....قربت منها وبست راسها:بروح للمخيم شوي.... قالت بخوف وهي تعرف اني ما أروح للمخيم الا بأشد حلات ضيقي:مع من؟.... قلت بهدوء:مع مشعل....يالله يمه تأخرت...تبغين شيء؟.... بحنيه:سلامتك ياقلب أمك... قامت تدعي لي...وأنا أحس بالموت وأنا أشوف دموعها المتجمعه بعيونها.....ياعسى دموعك بعيده يالغاليه.....لا تزوديني هم فوق همي.....هربت من نظرات أمي لمشعل اللي يستناني برا.......وركبنا الجمس....وطيران رحت للمخيم.....واثنينا ملتزمين الصمت.....مشعل الوحيد اللي أتقبل خوته وأنا بأشد حالات فوراني....لأنه الوحيد اللي يقدر يهديني.....ويفهمني...كان الطريق طويل....واثنينا ملتزمين....الصمت.....وأنا متعشم بهالروحه خير....أزيل كل ضيق...وأشيل هالضياع اللي أحس فيه....وأحط النقاط على الحروف.......وأطفي النيران اللي والعه بقلبي.... كنت أناظر وجهه الجامد...طول الطريق...وأحس بالحسرة....تمنيت الضيق لي ولا له....علامك ياعزيز؟....وش اللي مغير أحوالك؟....ومسبب لك أزمه كذأ....مايعرف من أنت....مايعرف منهو عزيز ولد حمد....كنت أناظر لأخوي....اللي أعز من أخواني اللي طلعنا من بطن وظهر واحد....ياضيق الدنيا بعيوني بضيقك....فضفض ياخوي.....واشكي وجع قلبك.....وابتسمت بأسى....بس مو عزيز اللي يشكي مو عزيز....عزيز اللي يتحمل المصايب وهو ساكت....ياحسرة قلبي عليك ياولد عمي.....عسى الضيقه بعيده عنك....وراحة البال ماتفارقك....لأنك تستاهلها.....تذكرت طفولتنا...مراهقتنا ....شبابنا....طبع عزيز اللي الكل مخدوع فيه...ويظنون انه لا يطاق.....كره دانه له....وخوف بناتنا وأولهم خواته.....دايما من أكبر أسباب هواشي مع دانه...انها تسب عزيز.....وانا انهبل...ابتسمت بألم....بلاك ماتدرين هالرجال وشو؟....والله عمري ماتمنيت يادانه شيء....الا انه يكون رجال لك....ولولا الحيا....كان عزيتك وخطبته لك....وماكون بهالفعل مرخصك....لاعزلله ماكون مرخصك.....بس أدري انه بينحرج مني...وبيخطبك حتى لو ماكان باغيك.....لخاطري....ومو عزيز اللي يرد أحد عطاه.....وخاصه أنا....وخاصه ان العطيه بنت عمه.....ضغطت على راسي...وانا أشوف عزيز اللي الجمود هو عنوانه....تنهدت بألم....ياترا بنت عمي ناصر هي السبب....أكيد هي...خاصه أن جدي قال لعزيز مالك صالح بالموضوع....هي وأبوها لو يتذابحون....مالك شغل ياعزيز.....تذكرت طبعه المتغير....عزيز اللي كل شهر مبدل نسوانه.....من طلعوا بحياتنا....حتى زوجاته اللي بالسر مايروحلهم...واول مره يطول مع مرته"ناديه"اللي باللعن....طول هالفترة....رغم أني حاس انه مشمئز منها...وموطايقها....وأحس يومك غريب...عزيز من أكثر خلافاتي معاه...زواجاته الماصخه...كل شهر يتصل علي...تعال أبغاك تشهد على زواجي...وطبعا مافيه أحد يدري....بكل زواجته....كل زواجاته كانت بالسر....بس زواجتين كانت بالعلن....بنت ولد خالته الاولى...وشهر وطلقها....وبعدها ناديه...أبوها رجل أعمال ....وتزوجها عزيز...وشكل يومها قرب....طول عمره يدور عن مره غير....كان يحتقر جميع النسوان....ويستهزيء فيهن....تذكرت بنت عمي الصغيره....وطول لسانها وقوتها....اللي صدمت الكل....للحين صوت الكف اللي ضربت عزيز فيه باذني ....ابتسمت بأسى....ربي يعينك....لايغرك السكوت....هالكف بتدفعينه أضعاف.....عزيز وأعرفه......وصلنا المخيم.....مصدر راحتنا....مخيمنا اللي صيف شتا مبني....رحنا شفنا الحلال....وحسيت نفسية عزيز شوي تحسنت....وأخذنا "ولايف"شيهانة عبدالعزيز....وانطلقنا نمارس هوايتنا المفضله..... أخذت أمي وأنا بأشد حالات غضبي....مشطت شعرها...ولفيت شيلتها....وهي ساكته....اليوم وصلت حدي....هالبنت صارت تتمادى كثير... كثير.....عطيت أمي دواها....وأنا مكشرة....وطفيت النور وطلعت....جلست وأنوار وسعاد جالسات يسولفن....ناظرت أنوار بضيق وسكت....حسيت بضيق وأنا أدري انها زعلت.....طول عمري ضعيفه قدامها......أحس اني قدام ناصر...بوقاحته بنظراته...دايما يطلعني غلطانه حتى ولو الحق معاي.....يقلب الطاوله فوق تحت....زفرت بضيق....حل عني ياناصر.....يكفيني عذاب بنتك...لا تصير أنت وبنتك علي....طول عمري أدعي ان عيالي مايطلعون على ناصر...بس ربي بلاني باللي أنقس من ناصر....تذكرت شسوت بأم سالم....لا والبلا فيصل واقف معاها... الناس الكل يتكلم فيها وعوابتها...وأي مجلس تدخله...الحريم يخافن ويحاسبن على كل حرف.....وبس يشوفن وجهها يكشرن....من هي بزر...تفشل بالحريم.....وكرهتهن فيها....وربي أخاف عليها من دعاويهن...مسكت قلبي بألم....يارب أهدها يارب خلها لي.....تذكرت جيتهم المفاجأه قبل أسبوعين....وكلامهم ان الشوق جابهم....نظرات عيون ريم وهي ماتحط عينها بعيني...وتنزل عيونها بسرعه وتهربها....ريم ماتعرف تكذب وتخبي أبد....كل شيء يبان عليها....وسلطان ماعنده ماعند جدي....مايمشي الا بأمر الجازي...وجازي هي المصيبه.....بنتي واعرفها...والبلا حاطه عينها بعيونا بقوة....وماصار شيء....ولا يرتف لها جفن...تكذب...ومانقدر نقول لها كذابه....ياعذابي منك ياناصر....كنت أبي أهرب من عصبيتك....وعنادك...أثر عنادك وعصبيتك لاحقني لاحقني....لا وبنتي...بنتي اللي ماقدر أقولها كلمه وحده....أدري انها على حق بعض الأحيان....بس مابقاها تعالج الأمور بعصبيه....وتهين الناس وتذلهم...كأنهم عبيد عندها....لا تحشم شيبهم ولا تحشم أعمار.....الغلط عندها غلط...وماتسكت عنه أبد.....وياويل ويل اللي يدوس لها على طرف....حتى ولو مايقصد.....تقلب الدنيا كلها....زفرت بضيق.....وأنا أتذكر أفعالها ومواقفها اللي دايما تحرجني....خوف النسوان منها....ومن يشوفنها يقولن كش وبرا...... كنت جالسه وأناظر وجه عمتي مها السرحانه...وأسولف مع سعاد......مسكينه عمتي تكسر خاطري كثير....كثير انهزاميه....ضعفها هدم حياتها....وهذا من أكبر أسباب مشاكلها مع الجازي....أذكر النسوان بس يشوفنا لجازي يحشمن نفسهن....أما اذا كانت عمتي وريم....بس يضحكن عليهن....وينغزن بالكلام....حتى أمي دايما تسويها...وريم وعمتي ماينبهون....بس ما كنت أقدر أسوي شيء....وأمي هي اللي تضحك عليهن... كنت أحس أمي مربطه يديني....كنت أحس بحقد لأمي....بس وش أقول؟....كرهت خوالي والسبب استهزائهم بعمتي....خاصه لأنهم حاقدين عليها.....أن جدي رفض خالي...وزوجها ناصر.....ولما تطلقت كانوا هم اول من تشمتوا فيها.....وبكذا موقف يجرحونها.....وهي مالها ذنب...جدي هو اللي رفض يزوجهم....كانوا أكثر الناس اللي فرحوا بطلاقها.....هالشيء حز بنفسي...شماتة أمي وخالاتي بعمتي....تجرحني...تدمرني كثير....كثير أحيان أفكر أقول لأبوي....بس بعدين اتراجع....أدري أبوي عند عمتي مها توقف الدنيا....ويمكن حتى يطلق أمي....وأبوي طبعه حامي...رغم انه نادرا مايعصب....بس اذا عصب عصب......ومابي أهدم بيتنا...مهما كان هي أمي....بس أمي تجرحني من الداخل كثير....لكذا انبنت حزازيات كثيرة....بيني وبين خوالي...بس الجازي قدرت تقص لسن الكل....وبقوة...وأول لسان قصته أمي....ودخلت أبوي بالسالفه...وكانت راح توصل للطلاق....ما أنكر اني كرهت الجازي بوقتها....وأنا أشوف أمي تنطرد قدامي وقدام الكل من بيتها.....عصبية أخواني....سعود اللي شوي ويضرب خالتي.....بعدها رجع أبوي أمي....بس صارت حزازات بينهم...ولحد اليوم....وأبوي من النوع اللي مايغفر....المهم على كثر مالمت جازي بالأول....بس بعدين عذرتها....وسامحتها...جازي من اكثر الشخصيات اللي ألعبت بحياتي دور....ياما كانت الملجأ لي من قسوة امي.....كنت أحس بالقوة معاها....أحس اني أكون وياها على طبيعتي.....أسعد لحظات حياتي...كانت تجمعني انا والجازي....رغم كره أمي الكبير لها....خاصه بعد ماعرفت ان طلال يحبها....وهي متكلمه مع خالتي انها تبغى ملاك له......بس طلال رفض حتى الكلام بالموضوع.....وكره الجازي الواضح لها....رغم انها عمرها ماذكرتها بالشينه قدامي....أصلا تتجنب الكلام عنها بوجودي....علشان ماتجرحني.....بس للحين كلمته اللي قالتها لي بيوم من الأيام...ترن باذني.....مسكت يدي بقوة....وبثقتها وقوتها الدائمه حطت عيونها بعيوني"أنوار...انتي تدرين انتي شنو بالنسبه لي؟...أنتي مو بس بنت خال...أنت أختي ورفيقة دربي.....يمكن احيان راح اجرحك...أو أغلط بحق ناس يعنون لك كثير...وبثقه....وأنتي أكثر وحده عارفتني....واني ما أغلط الا اللي يغلط علي....ومهما صار....أبغاك قبل لايصير أي شيء...تحطين نفسك بمكاني....وتشوفين شنو يكون ردك؟.....وبحنيه....أنتي شيء كبير بالنسبه لي أنوار؟......ما أتحمل خسارتك أبد.....والا ان بيوم من الأيام تحقدين علي......" وعاني من سرحاني...صوت جوالي...وطلال يتصل علي..قال انه بيدخل يسلم...قلت له يدخل...ولسعاد تتغطى......دخل وسلم على عمتي وسعاد....دخل وهو كاشخ كشخه معرس.....وهذي عادته بس نجي لبيت عمي فيصل....يكشخ....علشان الجازي....كنت اشوف عيونه اللي بس تفتر تدورها...ابتسمت بأسى من حالة أخوي العاشق لحد الجنون....ربي يكتبها من نصيبك....يارب....تستاهل الجازي وربي.....تذكرته جنونه اليومين اللي طافوا بعد ماسمع شعرها....وفرحه اللي مو طبيعي....الكل لاحظ روقانه....تذكرت عيونه اللي تشع فرح....أنوار أكيد كاتبه هالأشعار لي....أنوار وربي للحين يرجف.....ابتسمت وانا أتذكر.....يابختك ياجازي.....طول عمرك محظوظه....ربي يرزقني بواحد يحبني مثل مايحبك طلال..... وبأسى...بس ياليتك ترحمينه شوي....وتخفين عليه....كنت دايما أنصدم من حب طلال المجنون....وولعه المجنون فيها.....من حنا صغار مطنش الكل....ودلع بالجازي....كان هو وعمي فيصل يتنافسون على حبها....وهي مطنشتهم وتلاحق سلطان.....دايما كنت أنا وأنوار مركونات بالزاويه اذا احضرت الجازي.....كانت غريبه من هي صغيره....كانت تسوي المصايب.....وتخلينا غصب نشاركها....وننضرب حنا....وهي مايحوشها شيء...يقولونا مالنا قلوب تقوى على ضربها.....وياليتنا نتوب.....من نشوفها تبتسم لنا....نتراكض لها مثل المهبل.....وهي مطنشتنا ولاهيه بعالم عجيب لحالها مع سلطان....نادرا ما أشوف جازي عفويه قدام الناس....الا مع سلطان....تنقلب شخصيتها 180درجه....دايما كنت أغار من علاقتهم الغير طبيعيه.....انتبهت لطلال....وضحكت بداخلي.....ورحمت عيونه من كثر ما يناظر الدرج....وأنا متأكده أن الجازي ماراح تنزل أبد.....مستحيل سلطان راح يتركها....أو هي تتركه وهو بهالحاله.... قلت بهدوء وانا البس عباتي:طلال يالله.... ناظرني بعصبيه....وقام بضيق....وهو يناظرني بتهديد...وبس طلعنا من البيت صرخ فيني:يعني ماتقدرين تنتظرين شوي.... قلت ببرود:رخي صوتك بالأول....لايسمعك عمي فيصل....ويتوطى ببطنك....وبعدين راحت مع سلطان فوق....وأبشرك معصبه وزعلانه....يعني لو تموت ماراح تنزل..... ومشيت وهو يركض وراي....وبخوف:ليه.؟....من مزعلها.؟... ركبنا السيارة....وقلت له:حرك وانا أقولك وانت تسوق.... حرك السيارة.....وقعدت أقوله وهو كشر...قال بضيق:أوووووف من عمتي.....وخرا على الزفت أم سالم....يعني زواج بالغصب....وبرجا...أنوار تكفين اتصلي عليها.... قلت بضيق:طلال...لا تكفى...هي لما درت انك سمعتها وهي تقول الشعر....هبت فيني.... ناظرت ابتسامته الخفيفه....وتنرفزت:ايه أضحك.....بلاك مو أنت اللي انمسحت بكرامتك الأرض..... قال بهمس...وهو للحين مبتسم:تمون....والله تموون على العمر بنت العمه..... ناظرته بعصبيه وقهر...وأنا أتذكر لما حكرتني فوق....وهي تناظرني بنظراته المرعبه...والتحقيق اللي أفتحته معاي...وأنا كالعاده..خريت الأول والتالي..وأنا منزله راسي.....وأنا داريه ماراح تعديها على خير.....وهي متكتفه قدامي...وساكته....لما طال سكوتها....رفعت راسي وشفت ملامحها المتجمده....قالت ببرود:تدرين طحتي من عيني.... ناظرتها بصدمه....وكملت بنفس البرود:ترضينها لنفسك....يابنت خالي....والا أخوك يرضاها لك.....وبعصبيه....تخيلي قلت شيء أكبر....بأي حق يسمع؟....شهالتصرف الغبي؟.....وأنتي بكل وقاحه ساكت....وبحده....لا وانا أخربط واقول أشعار غزل....وانتي واقفه....وبصراخ.......ترا مايجوز...لا لك ولا لأخوك...وذنبي برقبتك..... المهم وغصب رضت علي...بعد حب خشوم.....دايما كانت عندي قناعه....أن طلال له الحق بكل مايخص جازي....لأني أحسها له خلاص...ولكذا كنت أجاريه كثير...من أشوف نظرته اللي كله عشق لها....ورجا لي....كنت أنفذ مطالبه.......رد طلال يترجاني....بس هالمرة كنت مصرة....حاول معي بكل الطرق....بس رفضت....وكلمتها مايجوز.....وذنبي برقبتك...مسببه لي رعب....وعصب طلال...ورماني بالبيت...وشخط بسيارته.... الزفت الجزمه"تكرمون" أنواروه .....والله لأربيها....الحين بعد ماخوفتني عليها....وضايقتني....وماخلتني ارتاح وانا أسمع صوتها....زفرت ضيق وأنا أفرفر بالشوارع....رحت للبحر....رميت جزمتي"تكرمون"....وشرابي...وغت� �تي وعقالي...وفكيت زراير ثوبي الاولى...ورفعت ثوبي....ودخلت جو الماي....رديت للبيت مخصوص....علشان أكشخ وياليتها شافتها....الا راحت وماتهنيت فيها....رحت وانا متعشم اني بكحل عيوني بشوفتها....بس صدمني زعلها....حسيت بقلبي يوجعني....بس لأني عارف انها زعلانه ومتضايقه...دعيت على ام سالم وأخوها الزفت.....وعصبت على عمتي....ليه ياناس؟....اتركوها....حذفت الماي برجلي...وأنا أتذكر أطباعها...من وهي صغيره...أكثر شيء كان يعجبني فيها...طبعها اللي ماله مله ولا دين أبد....قوتها ...حدتها...ثقتها...غرورها...دلع ها....ضحكتها...نظرا تها.....من هي بزر تحركني كأني لعبه بين يدينها....من هي بزر....ربطتني وانا لاحول ولاقوة....نظرات عيونها الغريبه....ابتسامتها الخبيثه.....كل شيء فيها كان يجذبني لهالبنت بقوة....لماغرقت....وماعاد لي خيار....نظرات الاستهزاء بعيونها....اذا ناظرتها بحب....أو قلت كلام حب...أكثر من موقف كبرها بعيني كثير....تذكرت قبل أربع سنين....بيوم عيد ميلادها بالضبط....كنت ذابح نفسي قبلها بأسبوع.....وأنا أفتر أدور هديه...للي ملكت قلبي....شريت الهديه....وغلفتها باللون الأحمر....كنت فرحان كثير....أي بنت بتجيها هديه مثل ذي بتفرح.....مهما كانت...ابتسمت بحب...بس مو الجازي...مو الجازي....للحين أتذكر أنوار ووهي تصعد السيارة وترمي هديتي بوجهي وتصيح....انهبلت وش صار؟....لما قلت لها:وش فيك؟.... قالت بألم:رمتها بوجهي...وتقولي وصلي كلامي لأخوك....لا يجوز له يهديني ولا أهديه....لا هو اخوي ولا أبوي ولاخالي....مابينا شيء...وقولي له يالكبير يالمهندس....مو قال ذي بزر أضحك عليها بهديه وكم كلمه....لا ياماما...ذي ماوراها أحد....لا أبو ولاشيء.....بس الشرهه مو عليه الشره عليك انتي....موافقته بهالمصخره...وعلمن ياصلك....ويتعداك أنتي وأخوك.....عيدوا هالحركه....والله كل شيء بيوصل لخالي...وقولي لأخوك الفاهم....يحلها كانه رجال..... ابتسمت بألم....وأنا أتذكر ألمي بهذيك الفترة...انجرحت كثير....بس كالعاده بسرعه برا وأنا اشوفها...وأستوعب حروفها....وأيقنت بهذيك اللحظه...اني حبيت ووحده فوق التوقعات....وكبرت بعيني....على كثر ماكنت أشوف حركتي عاديه.....بس بعد كلامها....لمست تربيتها النادرة.... وأيقنت اني طيحة طيحه ماوراها قومه أبد....وانجرفت بهالحب...وعلى وجهي أكبر ابتسامه....وكل موقف يزيد مكانتها بعيوني....ويزيد تمسكي فيها...... كنت أناظره من شباك غرفه سلطان....ودموعي تسيل....وحاطه يدي على فمي...مابغى أطلع صوت وازعج سلطان...اللي بالموت نام....ناظرت كلامه مع أنوار...وبعده تكشيرته والخوف اللي انرسم على وجهه....حسيت بحسرة بقلبي....أوجعوا قلبي ياطلال....أوجعووه كثير....ترضاها لي...قلبي يدمي يالغالي....الكل متفنن بتعذيبي....تعال بسرعه أرجاك داوه...أخطفه من بين يدينهم وداوه...الكل خذلني....الكل طعني.....وأولهم أمي وأبوي....آخ ياطلال....جروح قلبي تنزف...تنزف كثير.....محتاجه لك كثير....كثير....ودي أرتمي بأحضانك...واشكي لك...منهم...من اللي سوه بقلبي...أبغاك تداوي قلبي بشويش.....أبغا أهرب معاك لعالم ثاني.....عالم بعيد....أبغاك تنسيني ظلم أبوي....وضعف أمي....مرض سلطان....خذلان الدنيا....أبغاك تدخل نورك لدنياي....آخ يالغالي....ومليون آخ....رحت وأنا أقرب من سلطان....جلست على طرف السرير...وأنا أراقب ملاممح وجهه....اللي أموت فيها....نايم كأنه ملاك...فاتح فمه....وبراءة الدنيا بوجهه....ناظرته وأنا أمسح دموعي بعناد....والله لأخلي الدنيا تفتح يدينها لك ياخوي...والله لأعيشك أحسن عيشه....وماخليك تحس بوجع.....وما أتهنى بحياتي...الا بعد ما أظمن هناك انت....ولو كلفني عمري....سالت دمعتي بهدوء....ما أدري سر حبي لهالأنسان النايم.....ليه مستعده أسوي اللي مايتسوى علشانه؟.....ما أدري متى انبنت هالروابط بيني وبين سلطان.......من وعيت على الدنيا....وسلطان ظل لي...وأنا ظل له...مانتفارق....كنت أخاف أحيان من حبي الكبير لسلطان....من كنت صغيره...كنت أنهبل أنجن اذا أحد قال كلمه لسلطان....حتى لو كانت أمي....أو خالي....كنت أقعد طول اليوم اصارخ واكسر البيت....وهم تجنب لأزعاجي وخوف من طبعي المرعب اذ عصبت....صاروا يتجنبون سلطان.....ابتسمت بأسى...وأنا اتذكر عيال حارتنا لما كنا صغار....كنت أخليهم غصبا عنهم يلعبوني أنا وسلطان....وأعصب اذا أخذوا الكورة من سلطان....كانوا اذا شافوني انا وسلطان يتضايقوني....يدرون انا للعبه بتخرب...وسلطان بيسجل الأهداف....واللي يقرب له....أو يفكر انه ياخذ الكرة موته يصير.....وكتمت صوت ضحكاتي....وأنا أتذكر لما كنت بثاني ابتدائي....كنت بالمدرسه.....وشفت رجال شعره طويل....وانهبلت...الا سلطان يطول شعره...وفعلا طولت شعره....وسلطان ماكان يخلي أحد يمشط شعره الا أنا....وسبب أزمه لأمي.....فقالت لخالي بما اني بالمدرسه...رح حلق شعره....وراح تعصب شوي وتسكت.....جيت من المدرسه وانصدمت....وأنا أشوف شعر سلطان الخفيف كثير...سلطان يشكي لي ويصيح.....وأنا انهبلت....قلت بعصبيه:من قص شعره.؟... وقالولي وقلبت البيت فوق تحت....وحلفت لأتوبهم....رحت اخذت عشره ريال من بوك امي...وسلطان معاي طبعا...وطلعت من البيت....رحت للحلاق اللي يبعد عننا شارعين...دخلت وقلتله قص شعري نفس هذا ولد...وفعلا ناظرت شعري اللي كان لكتوفي...طايح بالأرض....وشعري الخفيف الحين....وصرت كأني ولد....ونفس قصة سلطان....بس شافني سلطان فرح وماصدق....واستانس اني صرت مثله....دخلت البيت بقوة وماحسيت الا بصراخ أمي ...و تبغى تضربني...بس جدتي مسكتها وهي تضحك.....وصوت ضحك خالي...اللي واصل للسما....وريم حاطه يدها على فمها بصدمه.....وأمي من الحرة قامت تصيح...ومنها فعلا تابوا وماقربوا لشعر سلطان أبد.....بس أنا الكل كان بس يشوفني يضحك...البنات بالمدرسه احتروا مني....وطلال انهبل لما شافني....وزفني وزعلت عليه....سعود انفجر بالضحك....ويقولي قسم بالله لايق عليك...أنتي المفروض ولد....بس لكل شيء حكمه.....ههههههه.... ابتسمت وأنا أناظره وهو ينقلب على بطنه نومته المفضله....وشعره الناعم...غطى ملامح وجهه....قربت له...وأنا ابعد شعره...وأبوسه بقوة...وناظرته بتصميم....كل شيء علشان اشوف الضحكه بعيونك....مستعده أسويه....مو بس قص شعري....لو تطلب أني أمشي عالجمر ...والله لأمشيه...وأنا أضحك...وأقولك بارد مايحرقني.... ناظرته بتصميم ....قريب بتطمن عليك...وأضمن حياتك.....وأنا أختك...بس عطني شوية وقت...>>>وابتسمت بخبث....لأفكاري اللي طبختها على نار هاديه....وبديت بتنفيذها....بس بقى ضرباتي النهائيه....اللي راح اضربها بالصميم....وأتطمن على حياة اخوي......ناظرته بأسى....علشانك ادوس على الكل....وبدم بارد....عندك ماعرف أمي من أبوي....المهم مايصيبك ضيم...وعهد على رقبتي....مايصيبك ضيم وفيني نفس باقي....وراحتك راح تبقى أهم شيء بحياتي...ولأخر نفس فيني....سعادتك وبس.....هذا المهم.....والباقي عادي....راح أسوي لخاطرك اللي مايتسوى....واندسيت بسريري....القريب من سرير سلطان....وأنا أعيد سرد أفكاري....وترتيب خططي....وأعالج ثغراتها....واذكر نفسي...الا هالموضوع ياجازي لاتستعجلين فيه....وتحكمي بأعصابك فيه....الا هالموضوع اي ثغره بتحطم مو بس سلطان....الا انا قبله....لاتهدمين كل اللي بنيته بالعجله...خليك هاديه.....وانتي الربحانه.... أما في غرفتها....من زمن طويل.....كانت قافله الباب مثل كل يوم...تصيح حالها...تصيح حسرة أمها عليها....شفقه عزيز عليها.....استهزاء الكل فيها...الزمن جرحها كثير....كثير....موذنبها ان ربي خلقها عاديه....مو ذنبها...ان رجلها اليسرى فيها عرج.....مو أسباب تمنع الكل من النفور منها...صارت عجوز....وعمر ما احد طق بابهم طالب ليدها...الكل يمشي بحياته الا هي...خواتها....بنات عمها...الا هي...راح تظل حياتها طول عمرها كذا...محبوسه بهالغرفه....وشفقة الكل تحيط فيها.....للحين وصايا أبوها لأخوها باذنها"لاتقهرها يابوك....ولا تكسره...ترى زمانها كاسرها"....وهو على فراش الموت داري ان بنته مكسورة...وشايل همها...لأنه داري اني بظل عالقه برقبه عزيز طول عمره....لأنه واثق انه مافيه رجال يرضى فيني كزوجه...وحتى اذا رضوا....مارضوا فيني الا طمع بفلوسي....وهذا شيء واثقه منه....تذكرت آخر واحد خطبني...شاب بمنتصف العشرينات....حلو كثير....بس مو متوظف....وبكل وقاحه جايين يخطبون....يحسبون اني بصرف عليهم وعلى ولدهم العاطل....يحسبوني بأرخص نفسي....تذكرت غضب أمي وهي معصبه على عزيز....وهي تقول"ما أحد بيخطبها بعد أختك تعدت الثلاثين....تصبر سنه سنتين...تحصل بزر بزرين منه....وتطلق عادي...قلعته....وبحيله...على الأقل يشيلونها بكبرتها....ان مشى زين ...زينن على زين....مامشى معها...الباب يوسع جمل....وبألم...هم أختك كاسر ظهري ياعزيز.....خلها تروح بدال لا الناس ياكلوون وجهنا بالشماته....ويقوولون عنست بنت حمد...ومنها ينفك الطريق قدام خواتك الباقيات......واللي يطلبونه يايمه قلهم تم وان شاء الله....هذي فرصة أختك الوحيده...." حطيت يدي على فمي....أمنع صوت شهقاتي لاتطللع....لهذي الدرجه ترخصيني يايمه....هذا وانا بنتك قلتي عني كذا....أجل ما ألوم الناس لو ايش ماقالت عني...بس اللي صدمني صراخ عزيز على أمي:قلعت الناس...ألعن أبوهم لا أبو اللي جابهم....هذا همك الناس....الناس يمه...وبنتك لهذي الدرجه رخيصه عندك....بنتك شيختهم وتاج راسهم.....ووالله لأقص لسان اللي يجيب سيرة اختي...أختيي ما أرخصها أبد...أختي غاليه وغاليه كثير...وماعطيها الا للي يستاهلها....وهذا البزر والله لو يصعد سبع سما....مايشوف ظفر شذى....وبحده عزيز اللي تخوف...وهالموضوع منتهي... وبس سمعت خطواته....ركضت لغرفتي وأنا منهاره....وأحس بامتنان كبير لعزيز....لأخوي اللي ما أرخصني...أمي وهي أمي أرخصتني... والقاسي اللي دايما أرجف منه عزني عزني كثير...ناظرت صور الأطفال اللي ماليه غرفتي وانا اصيح بألم....والله مابغى شيء من هالدنيا...الا رجال حنون...وعيال يشيلوني لا كبرت..وأسمع كلمة ماما منهم بس....ياقساة قلبك يادنيا!!....مستخسرة فيني هالشيء.....والله ماني طالبه كثير.....