يوم جديد مع حكي نسوان

[نسيم الغروب]

مساء الخير
اليوم طلعت براسي احط هذا الموضوع بالقهوة وباللهجة العراقية الجلفي
طبعاً الحوار يدور بين نسوان اثنين من اللي يحبون يطيرون فياله (ينسجون قصص من خيالهم )
بس هذولي مجرد نموذج صغير واجهني بحياتي ...
طبعاً النسوان الاثنين كانوا جايين من البقالة الصبح

- شلونج عيني ام أحمد
- هلا خيتي ام عمر
- شلون الجهال وابوهم .. اخبارهم ويه هالحياة ؟
- الحمد لله عيوني بخير .. سوده عليه ميروحون ويجون للكلية والمدرسة وبيه روح تعرفين هالانفجارات كل شوية سيارة مفخخة تنفجر لو عبوة بشارع ربي يخلص هالسنة على خير
- اي والله عيوني مساكين ماشافوا من حياتهم هالجيل غير العذاب والخوف وهالمرة زادت ويه ابو المولدة فوق مو الكهرباء غسلنا ايدنا منها رجع ابو المولدة يقطر علينا بالكهرباء وخطيه تعرفين الجهال يقرون وامتحانات نص السنة وكل شوية مطفي علينا .
- البارحة حمودي بقى يقرأ للفجر ويدور كتاب على الانترنيت (طبعاً حمودي بقى يصول ويجول على الفيس وبالشات للفجر وشعاره اذا وقف العقل استخدم النقل) الى ان أذن شفته يصلي وينام واليوم كعد من الصبح يراجع شوية (حمودي كَعد من الصبح يمشط شعره ويحط جل وكل شوية يغير قميص على مود البنات ) وعموري شلونه ويه الامتحانات ؟
- ويلي على قلبي عموري لو تشوفين عيونه شلون صايرة منفوخة من كثر ميقرأ( عموري سهران على مباراة الريال وبرشلونة وبعدها ختمها بفلم ) واليوم قعد يشكي من رقبته متيبسة مو قادر يحركها ( اكيد حبيبتي لان الاخ ماشي على مبدأ علمتني الحياة ان لا انظر خلفي الا في قاعة الامتحان) عيوني والبنات شلونهم فدوة صار شكَد مو شايفتهن ؟
- نور عيوني فروحة وشهودة مثل النسمة من الصبح كاعدين شهودة تقرأ ويكملون شغل البيت (البنات الحبيبات ميقعدن للساعة 12 الظهر) تعرفين شهودة سادس وفروحة كملت كلية والى هسه ماكو تعيين .
- اي البنات كملن والولد بعدهم كله من الاساتذة شادين وياهم وكل سنة يطلعوهم اكمال وهم يرسبوهم بالدور الثاني (مسكين الاستاذ ما شاف وجههم من بداية السنة) ما عدهم ضمير بس صاروا اساتذة شاخوا على الدنيا .
- الله يسهل هالسنة ابو الجهال كل يوم يوصيهم يركزون حتى يخلصون هالسنة (ابو الجهال البارحة راد ينجلط من ورا مستواهم الاسود) خطية تعبان من الصبح بشغله وكل هذا مو مقصر بشي والبارحة اخذني لشارع الصياغ(سوق الذهب) ولح عليه الا اشتري قلت له يارجال الذهب غالي وهسه اني مو محتاجة عندي هواية (طبعاً البارحة سمعت كم كلمة بالعظم بسبب صعود اسعار الذهب وما خلاها تشتري شي ) وبالاخير حلفت ما اشتري شي .
- اي اني اشتريت القلادة قبل كم يوم تعرفين ابو الجهال مو ناسي ذكرى زواجنا (هههه اصلاً صارت خناقة للسما والقلادة من ورث امها) وحتى شفت بنت ام جاسم هناك ما شاء الله خطيبها طاير بيها وما خلا شي ما اشتراه الله يهنيهم .
- خيه بيني وبينك (سرك بقهوة) هذولي الناس اجوي خطبوا بنتنا فروحة قبل بنت ام جاسم بس ابوها مارضى لان شهادتها اعلى من شهادته وقال الفلوس ابد متعوض .
- اي عيوني أم أحمد أهم شي راحة البال يله خيتي اشوفج على خير لازم اروح اكمل الغدا قبل يرجعون من الدوام (اي غدا والوقت راح يصير الظهر اليوم الرزايل تشتغل) هسه سمورة بدت بيه بس اكلمه ما شاء ست بيت شاطرة شايلة عني الطبخ وطلبات اخوانها (ام عمر حاطة عينها على حمودي )
- الله يخلي فروحة هسه القاها هي دتسوي بالغدا ست بيت وشاطرة (طبعاً تمشي سوق بنتها) سوده عليه ما قلت لج تفضلي اخذنا الكلام .
- بيت العامر ان شاء الله نجي نزوركم عصرية .. مع السلامة
- الله وياج عيوني

طبعاً الكلام اللي فوق دار كله بالباب لان الشارع فاضي كل الناس بالدومات والفاضين نايمين
اكو معاني يمكن ما فهمتوها

معاني المفردات
الجهال : كلمة تطلق على الطفل وبقدرة قادر تبقى ملازمة له للكلية واحياناً لما بعده (اكيد مو اني )
سوده عليه : ياويل حالي ويمكن لها معنى اخر
على مود : على شان
كَعد او يكَعد : تأخذ معنى يستقيظ صباحاً واحياناً يجلس
أبو المولدة : شخصية تاريخية مشهورة عند العراقيين وعلامة الجودة لهم
واللي مو فاهم معنى يسأل
هذه القصة اليومية مشتقة احداثها من جيراننا من تجي تمدح ببيناتها واولادها وهم عكس الصحيح كل مرة تقول طلعوا الاوائل وسبحان الله تجي نتيجتهم تحت ايدي وشايلين درسين لو ثلاثة .. بنتي ماكو مثل طبخها وبنتها صديقتي واذا اني اعرف طريقة الطبخ نظري هي لانظري ولاعملي واحاديث كثيرة وأمي سبحان الله لو طالعين الاوائل ابد متجيب سيرة كله تقول نجحوا حتى مرات اقول لها انتِ مو فرحانة لنا عبالك لاقيتنا بالشارع تقولي مو كل شي مظاهر المهم مصلحتكم وانتم أعرف بيها ميحتاج أحد يتباها بيكم تقدرون تفرضون وجودكم بالشي اللي توصلون له بتعبكم مو بكلام الناس والكذب .

بالمناسبة الموضوع مفتوح لباقي اللهجات العربية ومنها نتعرف على يوميات بلدان اخرى

سلملم


سوالف نسوان

عراقية
جيزانية

[~sẳrẳh]

هههههههههههههههههههه

حلو هاليوم العراقي عجبتني الفكرة هواية خاتون

نرجع بيوميات بس بالاشتراك مع جرح الذات ههههههههههه
يوميات نجدية وجيزانية و نشوف بعد كم بنت من كم منطقه بالمملكة على مود احنا اللهجات هواية وبلدنا قاره

[نسيم الغروب]

ههههههههههههه سارة لو تعرفين مالحيت بالكلام هواية ولا ماكان فهمتوا شي
وياويل حالي لو احجي بلهجة الغربية متعرفون بس حرف القاف بس المشكلة حتى احنا منقدر نفهم كل كلامهم
وحيا الله خاتون بكل اليوميات

[جرح الذات]

ههههههههههههههههههههههههه ههههههههههههههه نسومه موضوع رائع يالغلا والله يعطيك الف عافيه

هههههههههههههههه تدرين انا لاني اقرأ ردودكم جتني فتره والا الان مستمره معي اكتب القاف كاف مثلكم ههههههه وما انتبه الا في الاخير اني غلط فأرجع اعدله هههههههههههه حاليا الله اعلم وش بيأثر هالموضوع علي خخخخخخ

اممم تقريبا احنا عندنا نفس الشيء بس في جيزان الوحده بالغصب تشتغل ولازم تكون متقنه لامور تدبير المنزل بشوشه لبقه مع الضيوف <<< البنت اللي تنطبق عليها هذي المواصفات يجون لها الخطاب من كل صوب ..

ههههههههههه القانون السائد هناك الوحده مردها لبيت زوجها نجحت والا لا مو مهم المهم شهاده بيتيه من اعضاء عجائز القريه

والحين الوحده تدرس لين تتزوج وبعدين بكيف زوجها يوافق على دراستها او وفظيفتها والا تنطق في البيت تربي عيالها خخخخخ

منوره القهوه نسومه لا عدمت طلتك يالغلا

[جرح الذات]

هههههههههههههههههههههه ساره مدري عن افكارك بس ولا يهمك اذا تبون لهجتي الجيزانيه عادي ترون ما فيني حيل اترجم خخخخخخخ

[~sẳrẳh]

ههههههههههههههههه

الله ياسبدي تطبخ عليس ياما اللي مانيب قايله

ارسلي بالخاص وانا اعلمتس ههههههههههههه

[نسيم الغروب]

ههههههههههههههههههههههههه ه
هلا بالملكة
هذا نموذج يا كرابي لو كتبت بلهجة اهل الغربية كله بحرف القاف والكاف بس احنا عدنا حرف الجيم نحوره ونحط تحته ثلاث نقاط منحب رقم واحد
قطعوا راس الجاجة الله يقطع راسهم ... هذا من جماعة اهل راوه حتى احنا مرات منفهم عليهم
مو قلت هذني من جماعة الفيله تصوري الفيل يطيروه فما بالك بالباقي
يا حبيبي لو شايفه هسه الاهل كلهن يكَولن بنتي تشيل العزيمة على اصبعها ويا سلام تطلع بنتها تعرف بس النوم وانا أمي فاضحتني ما اعرف اطبخ ياربي شأسوي غبية بهذا المجال ولو تبقى تعلم بيه ما اعرف اني متأكدة امي اللي كاسرة سوقي ومكَعدتني على قلبها ... هههه تخيلي جروحة واحد تقدم لي عايش لحاله واهلي واهله يصيرون بعيدين عنا تخيلت وانا احاول اطبخ لو احرق الملابس والطفل يبكي وهو يريد غدا ودوامي حسيت بفلم رعب ورفضت .
يله ممتظرين يومياتكم
عسى وعل تتلاقى قلوب العرب على شي

شكراً جروحة نورتي

[نسيم الغروب]

المشاركة الأصلية كتبت بواسطة ~sẳrẳh

ههههههههههههههههه

الله ياسبدي تطبخ عليس ياما اللي مانيب قايله

ارسلي بالخاص وانا اعلمتس ههههههههههههه

ههههههههههههه سارة والله لهجتكم حلوة
ولتخافين جروحة راح نفهم شكثر قرأت قصص بهاي اللهجة
واحسها تشبة لهجة بعض القطريين
بس الاماراتيين لهجتهم صعبة شوية
ههههههههه اتذكر في بنت اخوالها سوريين وهي عراقية تقدم لها واحد سوري ورفضت
والسبب تقول هو راح يقول كلمة بحبك خفيفة واني احيها باللهجة العراقية تقيلة وتملأ الفم (أحبج)
سوري ليفهمها اخوانا الشاميين خطأ مجرد مداخلة

[~sẳrẳh]

هههههههههههه

اقول نسوم اهل قطر واهل الكويت واهل الامارات (اهل العين)

فيه ناس حكيهم كذا

بالتستسه والتشتشه

[غناء الروح]

نسوووم حلووو الموضوع
ههههه الحمد لله فاهمة كل كلمة
ماخدة كورس كامل أنا من غسوق و سلفر
شوية و دا أحجي نفسج عراقي
ههههه