آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-03-12, 06:58 AM
| #21 | |||||
| نجم روايتي 
|  اقتباس:
ياهلا دلع منورة وياگ عزيزتي دمتي بخير | |||||
|
|
06-03-12, 07:00 AM
| #22 | |||||
| نجم روايتي
| اقتباس:
منورة الروايه دمتي بخير | |||||
|
|
|
06-03-12, 07:38 AM
| #23 | ||||
| نجم روايتي 
| هلا وغلا وصباحك اخير   :syri asuperstarra8:الله يهدي نجود مفروض تعطي فياض شوية اهتمام علشان مايروح يدوره بره بيته وفياض ماحبيته ولا بلعته ابو عيون زايغه ساره وسلمان احس حياتهم فيها برود من ناجية سلمان وايش سر اهتمامه ببيت خالته الله يستر الله يتمم لترف وطارق يعطيكي العافيه وتسلمين لنا | ||||
|
|
|
06-03-12, 05:12 PM
| #24 | ||||||||||||||
| مراقبة ومشرفة سابقة ونجم روايتي  
| الله يعطيك الف عافيه حور ع الاختيار المميز لكاتبه مثل ام وسن مشكوره قلبي وبانتظارك احنا على احر من الجمر | ||||||||||||||
|
|
|
08-03-12, 08:19 AM
| #25 | |||||
| نجم روايتي
| اقتباس:
صباحگ خييير فياض ونجود گلهم غلطانين وگل واحد لاهي بس راح تحصل لهم صدمه تفوقهم *^▁^* سلمان عاد سالفته سالفه ماراح احرقها عليگ ترف وطارق الله يستر من تهورهم آسفه على التاخير صبوحه | |||||
|
|
|
08-03-12, 08:21 AM
| #26 | |||||
| نجم روايتي
| اقتباس:
الحين بنزل الفصول وسوووري ع التأخير | |||||
|
|
|
08-03-12, 08:42 AM
| #28 | ||||
| نجم روايتي
| السلام عليكم ورحمة الله وبركاته • • [ 5 ] ____ تخييل تتكتك لشي وترتب له وتخط مساارك للنهاايه .. و فجأه ينكب كل شي .. و ترووح افكارك و هواجيسك و خططك اللي سهررت عليهاا اياام ولياالي بلمح البصر .. * [ عبدالعزيز ] _________ .. موقف لا احسد عليه .. الرجاال مجتمعين ومافيه اي فرصه للرفض او الترااجع بعد كلمة عمي يوم ناداني على جنب .... ابو فياض / عزيّز وانا ابوك .. انت مع من بااعك والا مع من شراك ! عبدالعزيز / افاا ياذا العلم .. .. الا مع من شرااني .. ومن باعني ابيعه .. ابو فياض بخجل / ندى باعت و غناادر شرت شرت .. شرت رجاال وحشيمة ابوها .. عبدالعزيز بمشااعر مختلطه يغلبها الاحباط / *كفوو بنت عبدالله .. على العين و الرااس . و لو تبي تشرط شروطهاا مقبووله .. ابو فيااض / انا ما سالتها عن شروطهاا بس ان شاآ ء الله ماتشرط على ولد عمهاا .. قداامي وانا ابوك نملك .. • • لا سلم العوود الحال تعوود .. داايم امي ترددهاا .. واليووم اقولهاا .. لاسلم لي ابووي احواالي وكل شي يهوون .. * [ غناادر ] ______ .. وافقت لعيوون ابووي لا اقل ولا اكثر .. تعب عليناا عمره كله ومن حقه نريحه بااقي عمره اذا صارت راحته بيديناا .. .. ندى عنيده .. وابوي في موقف مايقبل التفاوض والاقنااع .. .. ماكاان قداامي الا هذا الحل .. .. ادري ان هوااه ندى .. ومشتهااه قربهاا .. بس مااقدرت اشووف ابووي في ضعف و اسكت .. .. لو اعيش حيااتي كلها تعيسه .. اوول مااوقعت ع سجل الملااك ضمني ابوووي بقووه .. ومهوب من عاادة ابووي يجيب السجل بنفسه في ملكة خوااتي .. العااده فيااض .. .. بلعت الغصه .. ورسمت الخجل على وجهي .. وامنت على دعواات ابووي لي بالتووفيق والذريه الصاالحه .. .. وكلهم بااركو لي الا ندى اللي اختفت وماشفناهاا ..! • • .. يااشين لاصاار الشي ملكك .. وغيررك هو اللي يتحكم فيه .. ويدبره على كيفه وغصب عنك .. [ طـــارق ] _______ ادق عليهاا جوالهاا مقفل !! خيررر ... *ليييش !! اتصلت بنجوود عشاان تعطيني اياهاا *ونجوود تعطيني مشغوول ..! عسى ماااشر !! تنرفزت بصرااحه ..* اليوم ملكت اختهاا واكيد متجهزه .. وبشووفها غير هذيك الشووفه ..! ماحسيت بنفسي وانا اهز رجلي بتووتر وعصبيه .. الا لمن نبهني ثقيل الطينه فياااض .. فيااض بانتقااد / عسى ماشر يابو حمد .. ووش فيك تهز رجلك عند الرجااجيل .. طارق / سلاامتك انتظر اتصاال .. فيااض بخبث و تحدي واستهزااء /* اخااف الاتصال اللي تحترريه راعيه مصادر جوااله .. ! طاارق بمفااجاءه كشف نفسه / من مااخذ جواالها ؟؟* وليييش !! فيااض ولازالت نظرة التحدي في عيوونه / اللي صادره امي .. ولو انهاا ماخذته كان خذته اناا .. اماا ليش انت ادرررى .. وماابي اللي صاار يتكرر .. طاارق يحااول يضبط اعصاابه / مهوب من حقك تمنعها من جواالهاا* واللي صاار انا وهي حرين فيه وشي راجع لناا بس .. فيااض / حقي وحقي ونص .. ولاجت في بيتك سوو اللي تبي انت ويااها .. قلعتكم .. .. دمه يفوررر مااتحمل ثقل طينته وانه يستقووي عليه و عليهاا .. .. قطع وعد لفيااض / هين يااافيااض .. الوعد قدااام .. • • [ تــــــرف ] _______ كاان جواالي يدق متوااصل .. وانا مطنشته .. وفجأه انفتح البااب بقووه وانسحب الجواال من قداامي وانا كنت بعطيه مشغوول ..! رفعت رااسي لقيتهاا امي مووولعه من الزعل .. وواضح من عيونهاا اللي مطيرتهاا فيني* انهاا ناوويه لي بنيه .. وقفت وانا اقوول لهاا .... / خير يممه .. ليش خذتي جواالي .. ام فيااض بغضب / ووينتس فيه عقب المغررب !! قلتي بترووحين بيت اخووتس .. واخوتس جاا ولا لقااتس !! ترف بخجل ورجاا عرفت ان الاوراق انكشفت بس ماتوقعت تكوون بهالسررعه / يمممه والله ثم والله ماا..... قاطعتها ام فياض بصراامه / اقطعي وكلي ترااب .. والله لو ابووتس يدري ان يلحقتس ايااه في ساعتها ولاعااد تطبين بيته .. صااحيه انتي ..! وفيااض لو اني ماحلفت عليه تساان لحقكم وكسر رووسكم .. لاصار هو رجاال ولا يستحي .. انتي ياقووية الوجه مااتستحين !! هاااا لو انه لعب عليتس ..* ووداتس شقته ولعب فيتس بسم الله عليتس ثم رمااتس عندناا .. وقاال خوذو بنتكم قووية الووجه ماعااد ابيهاا .. .. ياخذ وحدة حشيم و ستير وتعرف العيب والمنقوود .. اغرورقت عيونهاا بالدمووع بعد ماتفاجأت من تحليل امهاا للطلعه معه .. وندمت اشد الندم .. معقووووله تفكيرره كذاا .. .. ام فيااض/ ذا المره احمدي ربتس جت على ستر و مصوونه .. بس مهووب كل مره تسلم الجرره .. جواالتس باخذه معي .. ورجلتس ان عتبت البااب كسرتهاا لتس .. الاا وانا معتس .. .. مااقدرت تنااقش امها او ترفض مرره معصبه و ثاايره .. و يديهاا تنتفض من الغيض .. السكووت احياان ابلغ من الكلاام طلعت انهاا وصفقت البااب وراهاا .. • • [ نجوووود ] ________ .. اليووم انا راايقه مرره .. فستااني نعووم ومكيااجي انعم وكل من شاافني قاال لي نحفتي و طاالعتي بنوووته .. .. عياالي ناامو في بيت ابوهم عبدالله .. وماامعي الا غدوونه .. .. شفت فيااض متشيك و مضبط الغترره ومتعطر و طاالع هيبه *.. وراايق مثلي .. يسوولف وحنا بالطرريق و يعلق على غير العااده .. .. وااضح انه فرحاان و مبسووط عكس يوووم ملكة طاارق .. * سبقته عشان ارتب نفسي و لبسي وازيد من عطرري بعد مانوومت غدي اللي نايمه اساسا *في السيااره بفراشهاا .. شفت دااخل علي ومبتسم ومسفهل وياحلاااااته وهو راايق .. ! بادلته الايتساامه ببسمه احلى وارق .. غمز لي .. / طاالعه قمر اليووم* نجود بخجل / تسلم .. تقدم خطوووه و تقدمت خطواات اساابق لاحضاانه .. وانتشي رجولته و عطره الرايق مثله .. حبيت اليووم اخلي ليلتناا مختلفه لاني اناا انا اليووم مختلفه اكثرر .. • • [ فياااض ] اليووم عشت خطواات فرحة العرريس مع عبدالعزيز لاني تخيلت نفسي مكاانه وقرريب بكوون بمحله .. حبيت امهد لنجوود واحنا بالطريق عن ساالفة زوااجي عشاان افااتحها فيه بالبيت وارتااح .. مااعااد فيني صبرر .. ابي اجدد* اغيررر اكسر الرووتين والملل .. .. والغبيه ماااشكت بشي ابداا .. ولا قرربت ساالفة الزوااج خير شر .. .. نزلت قبلي .. وانا طاالعت سااعتي .. وحده الا ربع .. باجس النبض واشووف .. ارسلت لمريم بنت عمتي .. [ مريم انا بكلمكم بكره اخذ الرد عشاان ان وافقتو اكلم سند رسمي] اتتظررت الرد مااوصل شي شكلهم ناايمين .. حطيت لجواالي رقم سرري لفتحه ونزلت للبيت .. * .. كل منااسبه اشوفهاا بصورره .. وبكل شكل ..* تعررف تلبس وتعررف تتشيك .. وذوقهاا مرره رااقي .. لكن للاسف هالززين كله* ماايطلع الا للنااس مهووب لي .. جيت بجلس على الصوفاا بكلمهاا في زوااجي وافتك .. وتفاجأت انهاا قربت لي اكثرر وضمتني .. ماابغيت اقلب ليلتي سوداا .. واخرب على عمرري .. ضميتهاا واستمتعت بليلتي .. الصبااح ربااح .. لاقمت و تنشطت علمتهاا .. • • [ هيــــاا ] _______ المرأه في دوول الغررب عند سن الثلااثين توه نضجهاا يكتمل وتنطلق للحيااه تستمتع بحيااتها تغاامر تحب تساافر تسووي كل شي يخطر بباالها .. وفي مجتمعاتنا الشرقيه سن الثلااثين جررس انذار للعنووسه وسن الاربعين تدق لهاا طبوول الشيخووخه ..! وسن الخمسين يفكروون لمتى بتلف بكفنهاا .. عاانس عمرهاا ثلااثين !!! عجووز عمرهاا اربعين !!! خمسين ياالله حسن الخااتمه .. تمسك مصحفهاا وتذكر ربها وتقعد ببيتهاا .. وش تبي بالروحاات والجياات .. !! * .. ليييش .. لييييش المرأه يقصروون عمرهاا اكثر مما هو عليه ويبوون ينهوون دورهاا بالحيااه باقصى سررعه .. مع العلم ان اكثر المعمراات حرريم مهووب رجاال .. .. انصدمت من رأي ساره اختي اللي قاالت بحسرره ... ساره / واافقي .. يالله تلحقين على ثلاثه والا اربعة ورعاان .. العمر يركض وانتي مااعاد انتي بصغيرره .. ولاعااد هو بجايتس الا شاايبٍ عاايب والا عوير وزوير والمنكسر واللي ماافيه خيرر .. مريم / الرااي لتس اولا واخيراا بس نصيحه لا تاخذين فيااض مهووب من عيب فيه .. الا عشاان نجوود بس .. هيا بانانيه / نجوود لاهي بنت عم ولا بنت خاال عشاان اراعي خااطرهاا .. وفيااض فرصه ماتعووض .. تووه شبااب وعااقل وفااهم وعنده خبره ومكوون نفسه .. وانا ماابي اعنس .. ابي حاالي من حاال غيري .. ترف اصغر مني وخذت اللي الاحسن عني .. واذا مااخذت فيااض ماابي غيرره .. مريم بمحااولة اقنااع / هياا نجوود داايم انتي ويااها قعدتو *على صحن وااحد .. وقعدتس و سواالفتس اغلبهاا معهاا هي و ترف .. وشلوون ترضين على نفستس تخدعينهاا وتاخذين رجلهاا استخيرري وبيجيتس ابررك منه .. كبير عليتس و معيل بعد .. *هياا / ماخدعتهاا ولا سرقته منهاا هذي قسمه و نصيب لازم ترضاا فيهاا .. وهو اللي جااني ماجيته .. سااره بتشجيع / احسن خوووذيه وحرري سلماان بيموووت قهرر هو واهله .. لادرو ان اختي خذت رجل اخته .. .. هيا / انا ماايفرق معي فيااض والا غيرره اي رجاال والسلاام * وبجررح ... / اهم شي ما اعنس مثـ...... مريم تكمل / مثلي .. عاادي قوليهاا لاتستحين .. عنست عشاانتس انتي وخوانتس .. عشاان ماتضيعين انتي وخواانتس *لا اعرست عشاان ماتدورين بين البيووت يوم عند فلاانه ويووم عن علاانه .. *عشاان تقعدين في بيتس معززه ممررنه ماحد يهووش عليتس وتحير دمعتس في عينتس .. عشاان ماتلطشكم الدنياا من بيت لبيت والا من شاررع لشواارع .. عشاان تكملون دراستكم خليت دراستي ومدرستي اللي بكيتهاا من دم قلبي .. سناايني مدرساات متقااعدات* وانا حتا المتوسطه ماحبتهاا .. اشتغلت في بيتي للنااس اخيط ذيا و ابيع ذيااك اجمع دراهم عشاان اغنيكم عن مدة اليد والحاااجه .. اكف يدي عن العيشه لين تشبعوون كللكم* واكل فضلتكم .. وصرفت ماجااني من ورث ابووي عليكم خليت ورثكم لخاالي يشغله وينميه .. وورثي اوكلكم منه و اشربكم واسدد به فواتيركم واقضي عازاتكم .. هذي اناااا هذي اختس العاانس .. .. انفجررت عليناا ودخلت غرفتهاا وقفلتهاا .. .. اوووول مرره تتحسس من هالكلمه .. يااما سمعتهاا كثيرر وطنشت اكثرر .. .. ليش هاالمرره انفجرت فيناا .. !! • • [ انتهى ] والى لقاء قريب * التعديل الأخير تم بواسطة لامارا ; 23-06-16 الساعة 03:34 PM | ||||
|
|
|
08-03-12, 08:56 AM
| #30 | ||||
| نجم روايتي
| السلام عليكم ورحمة الله وبركاته ** • • [ 6 ] .. تقلب على فراااشه وهو يسترجع كل اللي صاار .. وكأنه حلم .. او خياال .. او اي شي ضباابي .. [ عبدالعزيز ] _________ يعني يلاقيها من ووين والا من ووين !! من هالعاالم اللي تحت جنااحه امه اللي ماشافت الدنياا من وهي بنت الين ماصارت عجووز .. .. والا اخته ديمه الدفشه المهمله بحكم تربيتها بين عياال وبدوون اخت !! * *والا من اخواانه مساعد اللي ماتوفق لا بعرس ولا وظيفه ولا سنع والا سعود المرااهق وجنوونه !! وفووق هذا هم التدريس وطلاابه ومحااظرااته .. ويوم بغاا يستقر وينهي معانااته مع العزوبيه ومن ندى .. بطرررفة عين كل شي انقلب رأساا على عقب !!! غنااادر ماكاانت في حسابااته ابد صارت هي الاسااس *.. وندى اللي هي *كل الحسبه طلعت براهاا بكاف ونون .. .. ليته مااخطب من عمه ولا قررب باب بيتهم .. ليته تعناا للبعيد ابررك من القرريب بس يالله كل شي قسمه ونصيب !! .. شاال هم قلقهاا وازعاجهاا وتربيته لهاا من جديد على مايحب و يشتهي .. اكررره ماعليه انه بعقله النااضج يتعاامل مع مرااهقين يبي لهم طوولة باال ورااحة اعصااب وهذي كلهاا مهب عنده .. وعشاان كذا توجه للتدريس الجاامعي وترك الثانوياات ومشاكل المراهقين .. .. خلااص اللي صاار صاار ولازم يتمم كل شي بسرعه .. ماهو بفااضي بكره تطلع له بعله والا مصيبه .. .. قرر عمه يعزم على *عشاا بمنااسبة الملكه و يعزم اهله وربعه عن لا يزعل احد والا يشيل واحد منهم في خااطره .. اثقل عززيمه على قلبه .. . .. تنهد وفز وااقف بيروح يشيك على لبس ابووه .. هو صح رجل امه وعمه لكنه مااعمره نااداه الا بابووي .. ولا عمرره حس بانه ماايعني الكلمه وهو ياشر له قبل يعمى .. كاان حنوون عليه مرره .. ودايماا يأشر بيده وعيوونه له* وهو عينه عليه .. ( عطوو اليتيم .. لا تنسوون اليتيم .. ووين اليتيم ) لحد مااركبه لقب اليتيم .. من دوون اخواانه اللي هم من امه بس .. .. دخل على امه وهو تمسك بيد ابووه وتحط اللقمه فيهاا .. وترفع كااس اللبن لفمه وتمسح الاثر اللي على شفاايفه .. وقبل لاتنزل يدهاا يوم عرفت انه شبع .. مسك يدهاا وحب عليها.. هذي طريقته عشاان يعبر لها عن شكره .. .. منظر تعوود عليه عبدالعزيز خااصه بعد مافقد ابووه بصره قبل عشر سنواات .. وامه صاايره له عيوونه اللي يشووف بهاا وسمعه اللي يسمع به .. ولساانه اللي يتكلم به .. ورجله اللي تسووقه للي يبي .. ماينساا عزيز ابووه قبل سنه وش سواا يوم تنوومت امه بالمستشفى بسبة المرااره *.. كاان يصحاا في الليل على شهااق ابووه ودمووعه مبلله لحيته ..! ماايحط لقمه بفمه الا لين يروح لهاا .. ولا تهناا له قعده لين يودوونه لهاا .. هي روووحه لو رااحت معنااها روحه هو بعد رااحت ..! .. وقفت امه وهي تمسك يد ابووه وتهديه لفرااشه .. وقابلهاا عزيز وهو يحضن ابووه ويكلم امه .. يمه بكرره عمي عازم على عشا كبير عشان ملكتي .. جهزو لابووي بشته الاسوود وتاكدو انه نظيف ومكوي ومعطر .. وثياابه انا بطلعها من الخياط بكره العصر وبوديهاا مع ثياابي تكوى .. وملابسه الداخليه في الكيس اللي معلق على الشماعه .. .. ام عبدالعزيز / مايخاالف .. وترددت ... اااا ااااا ياولدي بناات اختي يوم تملكن جابو لهم رجالهم طقم ذهب واللي المااس* وعطوهم اياهم يوم جو يسلموون عليهم .. شف يابووي العرب وش يجيبون لحريمهم وجب لها .. لا تقصر في بنت عمك .. وبحر الزين تستااهل بنتها الحشيمه عشانهاا .. عزيز / هههههه مانتيب سهله يام عزيّز عندتس علووم ماهيب عندي .. ذي دعابير مالها لزمه .. لا جت عندي تبشر بالخير .. .. ولا كأنه اللي كاان قبل يفكر وشلوون يقنع ندى انه يشبكهاا لا تملكوو !!! • • .. ياكووود طلعة العلووم لا عرفت انهاا بتغث احد ..! ودك تنعررف باقصى سرررعه وترتااح من همهاا .. [ فيااض ] _______ .. كل ماجاا بيقوول لنجوود تردد .. مرره ماايبي يهجد ليلتهاا ويكدرهاا ومرره لين تسكت بنتهاا ومرره لين تخلص مذاكرره لعيالهاا ومرره لين ترجع من مسياارهاا والحااصل حس انه يتهررب من الفررص اللي سنحت له ولا استغلهاا .. قرر يقوول لامه قبل ويشووف ردة فعلهاا .. بكرره يبي يملك بعد ماخطب لنفسه من سند وسند يبي الفكه من خوااته .. دام انهاا مواافقه خل تووكل هم و طااح .. .. دخل على امه وهي تصاايح على البناات .. وتتاكد من اغرااض العشاا بكره لايكوون نااقص شي والا احد بااقي ماعزمووه ..! ناظرت في ساعتهاا وحده بالليل قليل ماتسهر لذا الحزه .. .. ام فيااض../ الله لا يغضب عليناا انتصف الليل .. لاصلااة ولا عبااده ولا نووم مثل العرب ! توجهت للمغاسل وهي تكسر كمومهاا تبي تصلي الوتر قبل ماترقد شكلهاا ماهيب قاايمه الا على الاذاان .. .. تفاجأت بفيااض وهي يحب راسها من وراهاا .. استحت منه لانهاا كااشفه راسهاا ماعليه شيله ولا شي .. ماودهاا ولدها يشووف شيبهاا البسيط اللي ملوونه الحناا .. شاف رجلها ممدوده على المغسله* ومد يده وهو يفرك رجلهاا عنهاا وهي يد متمسكه بالمغسله ويد بكتف ولدهاا .. وهي تدعي له بخجل بالرضاا و التوفيق وبر عيااله به .. نزل رجلها وعينه بعينهاا .. فيااض / يمه ابكلمتس في موضووع .. بيني وبينتس وماابي احدن يدري به لين اقوولتس .. قبضهاا قلبها .. ماتحب الاسراار والموااضيع الخااصه .. تحس ماوراهاا خيرر .. .. مااعليه يااولدي ارتااح لين اصلي ركعتين .. صلت وابليس اللعين في كل عااير و صااير يطلع لهاا .. مااخلا و لا بقاا مصيبه ماطراهاا لهاا .. سلمت وفي نيتهاا تعيد صلاتهاا اللي ماعقلت منهاا شي .. جلست على سجادتهاا وابتسمت له تحثه يتكلم .. / هاا يابووي وش عندك .. / يمممه اناا ابي اعرس !! عقدت حواجبهاا وعضت على شفايفهاا رمت الجلاال من عليهاا وهي تستااذنه للحماام / مااعليه يابووي ابرووح للحماام الله يكررمك شووي وآجي .. *تحس بمغص قوووي من سمعت الخبرر .. دقاايق وهي تطلع له ونبرة صوتهاا متغيرره وكأنهاا تحقق معه ..!* / ووش علتك بتعررس !! زين و سنع عندك وعياال وعندك وخير و نعمه عندك وشو له تغث ذا الضعيفه وتنكد عليهاا وعلى عمررك .. انصدم .. *مااتوقع امه بتعاارضه ابد !! / يمممه مهووب نقص في ام عبدالله بس انا رجاال عندي خير واقدر افتح بيتين .. ومنهاا اضف ذا البناات لا يعجزن عند اهلهن .. / عندك خير تصدق به .. الفقرا والايتاام والاراامل واهل افريقيا اولى .. .. والبناات مهوب ضافهن عن العجاازه الا عرسك ! البناات بيرزقهن الله .. ماهم محترينك .. واعقل واناا امك وخل ذا الطيش عنك لا تخرب بيتك بيدك .. / يممممه انتي غريبه مانتيب مثل الامهاات اجل .. الامهاات يفرحن بعرس عيالهن .. / فررحت في عرسك الاوول وغير الاوول ماالي فررحه .. الا هم عليك وعلى عييلك وبيتك .. / عياالي بخير ولانيب مقصر عليهم وامهم في بيتهاا معززه مكررمه .. اناا ابي اغيرر .. مليييت بعدين اناا مانيب بزر طاايش انا عاارضي خطه الشيب* واعرف وش اسووي ابي بس رضااتس وتبااركين لي .. / اسمع علمٍ جاااك و تعدااك عياالك ان مابزتهم امهم لادرت عن عرسك ترااني ماانيب بازيتهم وبيتي يتعذررهم .. تبيه يترراجع .. بس هو مصمم .. ومتشررب الفكرره شرااب .. .. حب رااس امه مرره ثاانيه .. / ابد العيااال ازهليهم .. حتى لو زعلت امهم .. ادندن عليهاا بكلمتين .. وارضيهاا برضووه .. و سفرره وبتقبل الامر وترضاا بالووضع .. / ومن هي اللي بتااخذهاا ؟؟ .. / هياا بنت عمتي .. مسكت رااسهاا امه بعد مااحست انه يدوور مااتدري هو الظغط والا السكرر اللي ارتفع .. قالت له ولازالت عيونهاا مسكرتهاا .. / ومااالقيت غيرهاا !! تسان خذت من بعيد السعه .. / يمممه هي اولى .. ع الاقل نعرفهاا اصلهاا و فصلهاا وتربيتهاا .. مهووب اطيح في وحده لا دين ولا مله !! عطته قفاهاا وهي تنسدح على سجداتهاا .. / بصررك سوو اللي تبي .. بس لااشووفك تطرريه عندي .. والا تجيني تشتكي .. وموقفهاا عكس مووقف ابووه اللي شجعه ع الاقل يسترر على بنت اخته اليتيمه ..* • • .. الماال الساايب يعلم السررقه .. .. واللي عينه فاارغه احذره .. [ طاااارق ] ________ .. فرد الاوراااق على مكتبه وهو يسب و يشتم ويلعن .. .. المقاااول الخبيث استغل انشغاال طاارق عنه بزوااجه والتجهيز له* واستغل التووكيل اللي موقعه طارق له .. عشاان يخلص له بعض الامورر .. صاار يزور تووقيعه .. والاختاام معه .. ويااخذ مشااريع صغيرره *باسم طاارق .. و بمعدااته اللي منزلهاا في السووق .. / الخبيث 90 الف وهج لبلااده قبل ينكشف .. وحلق لحيته و تركهاا مع عهدة الاختاام ..* كاان يكلم نفسه.. شووي يلووم نفسه وشووي يواسيهاا وشووي* يقر بانه يستااهل ... .. / مااعليه ياطاارق غلطة الشااطر بالف .. وهالكلب اقدر اجيبه بأذنه وادووس عليه بجزمتي .. بس هذاا رااح يضر سمعتي بالسوووق وانا تووني تااجر مبتديء .. زين مااعليه .. ياعلهاا جمر يتلظى في جووفك يا احمد .. ياعلهاا دااخله عليك بالسااحق والمااحق والفقر المتلااحق .. ياعلك تصرفهاا على صحتك .. تعووذ من ابليس بعد ماابردت حررته واستغفرر ربه .. شررب كااس موويه يبررد على قلبه .. مااهمته الفلووس كثر مااهمه استغفااله له وانتهاازه لثقته فيه .. .. قرر يلتفت لشغله شووي بعد ما انشغل عنه .. كاان يدرس بنوود مشرووع كبير مقدم عليه .. راح يقدم اقل عررض .. و بينتظر فتح المظااريف بعد اسبووعين * * .. اذا رسى عليه المشرووع راح ياجل زوااجه ع الاقل سنه .. واذا طاار منه .. فـ راح يحدد زوااجه باقررب فرصه .. لانه بيدخل بثقله في هالمشروع .. وبيحط فيه اللي ورااه و دوونه .. • • .. كنهاا حبة قهووه في *مقلاااه .. بيحرمونهاا انهاا تستمتع في ذكرياات الخطووبه و المكاالماات والمسجاات والسهرر بانتطااره .. وهو حتى مااكلف على نفسه يساال عنها او يجي يسلم او يمر حتى مرور الكراام .. [ تـٓـــرف ] _______ .. خذت جوال ندى ابكلم نجوود كوود تعطيني علووم المااخووذ طويررق سلمت عليهاا وسولفناا وانا احااول اسحبهاا لطااري طارق والا العررس وهي غبيه ماغير تشررق بي و تغررب وتخرط في كل شي الا سيررة طاااارق !! .. علمتهاا بان جواالي مصاادر عل و عسى تنقل لطارق الخبر .. و يدبر اي طريقه عشاان يكلمني .. ماادري وش فيهاا اليووم متنحه مااطاعت تفهم علي .. حتى تعليقااتها علي بطاارق مااعاد ذكرتهاا ياااااااااااااااااليل ماطووووووووولك ،.! نجوود / هههههه الحين من جدتس جووالتس مصاادر ! طيب اشتري ثااني بالخش عنهم ! ترف / لااا اناا ماطلع الا رجلي برجل امي خلااص رااحت الثقه والبركه في اخووتس .. .. كانت بترد .. بس السمااعه انسحبت من يدهاا بعد مااعرف من تكلم .. هو جااي زهقااان و طفشااان والنفسيه ترااااااب وكانها توها تطري عليه .. سحب السمااعه من اخته ورد بصوته الخشن .. طارق / ووش دخل اخوهاا ..! هو اللي سحب منتس الجوال ؟؟ البرركه في اخووتس ذا فيه لقااافه العاالم كلهاا .. .. تنحنحت وكحكحت بعد مااشرقت بريقهاا من المفاجأه .. / طااارق ..! */ طاارق بزهق وهو يطلع فووق بعد ماشااف نظراات امه اللي مااعجبهاا الوضع .. / ايه طاارق .. ووش اخباارتس / الحمد لله طيبه .. وبترردد ... اممم كيفك .. / زفت و طفشاان* وعلى فكرره احتماال نأخر زواجناا للسنه الجاايه .. مهووب اكيد بس احتماال .. / انقهررت .. كاان مزعج ابوهاا يبي يقدمه والحين يأخرره سنه !!!! .. بغت تقوول شي *بس ترااجعت ماتبي يحس انها بتمووت عليه .. * حست *باحبااط والعبرره بحلقهاا .. ابكيفك لو تأجل عشر سنين بعد عاادي */ ههههه عشر سنين مش بطااله ع الاقل آخذ راااحتي و حريتي بس وقتهاا انتي بتكوونين على مشاارف الاربعين يعني عجوز !!! / ياسلاااام يعني انت اللي بتثبت على عمررك و شكلك ! ماانتب طااق الخمسين و تركّض من مستشفى لمستشفى ضغط وسكر وبلاااوي العجاازه ! / الرجاال ماايعجز لو هو التسعين وانتم حدكم اخر الاربعين بعدهاا تبدوون العد التناازلي .. تحس بغثه من كلاااامه .. داايما تشتااق تكلمه ..* ولا كلمته دبل كبدهاا بحكيه .. / ااا عن اذنك .. ندى تبي جوالهاا ضرورري .. قالتهاا وهي تلووي فمهاا بملل .. / لحظه لحظه !! ابقولتس شي .. فز قلبهاا .. وحمررت اذانها بخجل .. تحترريه يتغزل بهاا .. الا اكيييد .. او بيعتذر عن دفااشته ..! او .... قااطع تفكيرهاا .. / ترف .. *ترا بنسكن مع اهلي لاتزوجناا ..* **بناخذ جنااح لنا .. وعزام اخوي بينزل غرفته تحت .. تضاايقت / يعني مارااح تااخذ راحتهاا بالبيت .. بيت اهله دايماا داخل و ظااهر وبزاررين و خدم وعياالهم ..! غير كذاا وااضح ام طاارق مااتبيهاا لاجت يوم الملكه ولا اتصلت تباارك الا بعد يومين .. .. بس سكتت وش تقوول! .. / عاادي مايخاالف .. يـ الله بااي .. سكررت منه وحلفت بنفسهاا ماعاد تكلمه قبل العررس ماقد سكررت منه واعصاابها راايقه ..! الا لازم يحرق دمهاا .. تنهدت ..* ورااحت تجهز لها لبس للعزيمه .. • • .. بعض الناس يعتبر الوقااحه قووة .. يغلط ولا كانه سواا شي .. [ هيـــــا ] وليش ان شاء الله مارووح !! خاالي ملزم عليناا .. وحنا ماسوينا شي غلط .. بعدين لازم يتعودوون على جيتي واني بصير وحده منهم .. لازم احضر كل عزايمهم .. ولا رااح اجلس عشانهاا .. كانهاا ماتبي تشووفني بالطقااق لاتجي .. مريم / هياا استحي على وجهتس .. اول شي ملكتس الخميس اللي رد هالخميس .. وعيب يشوفونتس النااس جااايه لبيته ووش بيقولوون !! ثااني شي عيب توااجهين نجوود وانتي ماخذتن رجلهاا وانتم معررفه من قبل .. خليهاا ع الاقل لين تقبل الموضووع .. / مااااعلي من احد .. برووح واللي له كلمه يقولهاا لخالي والا لفيااض عشان يعرفون يسكتونهم .. لاني اوول وحده ولا اخر وحده تزووج واحد متزووج قبل .. لا سوويت حراام ولا منكرر ،، / ماانتيب رااايحه ياهيااا وحلفن اشهب ماانتيب رااايحه .. ولا صرتي خبله ماانيب مطااوعتس .. / اووووووف منتس تحكميييين فيناا على كيفتس ترااتس مانتيب امي ولا ابووي ماااالتس دخل فيييييييييني .. .. دخل هيثم وهي تنفخ على مريم .. سحبهاا من شعرهاا ودفهاا ع الكنب اللي وراهاا / ياالكلبه .. بتحكم فيتس على كيف كيفهاا وفيااضووه والله ماتااخذينه وهو راادني يووم اخطب منه .. **.. خله على قوولته يجيب ولي امرره معه* وعقبهاا بقضبه البااب .. هياا بعصبييه */ منقهرر منقهرر يووم ردك فيااض بدوون مايشااور ترف ولا احد .. لانه شاايفك ماانتب رجاال و كفوو .. قالتهاا وهي تر كض للدرج .. * جن جنووونه .. ماعااد يشووف الا هي و الشيااطين .. نط الدرج ثنتين واربع لين لحقهاا على اخرر درجه .. وضرربهاا ضررب القفرره وركلها لين حبت الارض .. مرريم ركبتهاا ماسكتهاا من الالم وماخلتهاا تطلع الدرج بسررعه .. *لحقت عليهاا بعد ماصاارت خرقه مايتحررك فيهاا عضوو .. ابعدت هيثم بقووه وهي تدفه ع الجداار وتنزل لاختهاا .. مهماا غلطت تبقى اختهاا .. تحبهاا و تغليهاا .. واللي سووته اكيد بسبب ضغط نفسي عليهاا يوومين وبتعقل .. كذا هي دايماا تبرر لهم اغلااطهم عليهاا .. • • خلااااص بس .. الهرووب له حد و ينتهي .. [ ريـــــاض *] .. رجع من المطاار بتاكسي لبيت اهله .. ماقاال لاحد عن مووعد جيته ..* وقف وتفاجأ بالسياارات اللي عند بيت اهله ..! ووش عندهم .. عزيمه اكيد بس شكلها كبيرره .. اووووف زفرهاا بضييق .. هو جااي بقميص عاادي و بنطلوون جنز .. وغير كذاا معه * هالعبوودي اللي يبي له ووضع خااص .. .. وجوااله هناا مايتصل ووش السواااة ..! دخل عبوودي اللي عمره خمس سنواات ..* من جهة بااب الحرريم اللي مطررف .. تنحنح .. ياااااااااولد .. شااف البزارين بالحووش وناادى اكبرهم .. تعاال يااشااطر .. انت مييين !! / انا برهووم ولد منيراان .. ضحك من قلب .. / هههههه من منيراان هذي ووش تطلع !! / منيراان جيراان الفيااض انت من ؟؟ / رفع حااجبه متعجب لسؤااله ورد بسؤاال .. / تعررف بناات جيراانكم نااد لي اي وحده منهم وخلهاا تناادي امهاا معهاا .. / طيب برووح .. قالهاا *عينه على الولد المزيوون* اللي يلعب بمفااتيح معه ولا التفت له .. • • يعد العشاا طلب عبدالعزيز عمته *بحر الزين يسلم عليهاا لانه يووم الملكه ماسلم عليهاا .. طلعت للحووش يوم قالو لهاا ترااه فالحووش .. شاالت برقعهاا وعطروهاا بناتهاا .. طلعت له وهي مستحييه .. ونااويه تدخله باي مكاان غير الحووش .. لازم يجلس وتقهويه ع الاقل .. طلعت .. ورفعت راسهاا وشهقت .. وبلحظه طااح جوالهاا من يدهاا .. ما التفتت له عينهاا على اللي مقبل* عليهاا و الشووق فعيووونه .. لووى عليهاا وضمهاا وهو شووي يحب راسهاا وشووي يدهاا وشووي خدهاا ورقبتهاا .. بعد عنهاا شووي ويلتفت لعبوودي* اللي لازاال يقرقش بمفااتيحه ويلعب بها ويشقلبها بين يديه .. شااله ورفعه لامه .. والولد مااهمه شي ولا طالع فيهم حتى .. جفلت وعقدت حواجبهاا .. / من ذااا ؟؟؟ بخجل وخووف من ردة فعلهاا *.. / ااا عبووودي وولدي !! .. صدمــــــــه !! ضربت على صدرهاا .. / ووووووولدك !! ماااخذ لك كاااافررره !! ريااض بخجل / يمممه الله يرضاا عليتس .. مااهيب كاافره امه .. هي عربيه بس مهاجره لامريكاا من وهي صغيرره .. والحين هي مهيب في ذمتي طلقتهاا .. غصب عنهاا انتحبت تبكي .. مالهاا الا الله ثم هالوولدين .. وكلن يقدح من راااسه .. لاشاوروهاا في عررس ولا سمعوو لهاا رااي .. ياااشماااتة النااس فيهاا وفي عيالهاا .. بيخلوونهاا هي وعياالها علك في حلووق اللي يسواا ولللي مايسواا .. * ضمهاا لصدرره وهي تحااول تدفه عنهاا مقهوررره .. .. قررب لهاا عبوودي يمكن تحن له و تساامحه .. عطته قفاااهاااا ودخلت ..!!! • • .. كاانت مرره فرحاانه لاختهاا وممتنه لهاا انهاا خلصتهاا من هالبلووى .. واليووم كررفت بعشاا اختهاا كرف الحميرر وعسل على كبدهاا هالكررف .. ماا اهتمت لنغزاات النااس وكلاامٍ تلقطه منهم .. وشلوون الصغيرره تعررس قبل الكبيرره ووشلوون عزيّز خذ اختهاا وهي من حينهم ومعرووف انهاا له .. .. زي الفرااشه .. تشتغل وتعلق وتنكت وتسوولف .. حتى ان النااس الفااضيه ماخلوهاا بحالهاا .. .. قاالو اكيد انه عاافها يوم شااف اختهاا وانهاا تحااول تظهر للعرب انه عاادي عشاان مااحد يتفررح عليهاا او يتشمت فيهاا وعشاان ماتحس اختهاا ان عينهاا على رجاالهاا .. كل هذاا لقطته سوااء بتلميح او تصريح .. بس هي ولاااااااااهمهاا .. طززز في اللي يدورون *الحكي كلهم .. *اهم شي سووت لللي تبيه .. وغيرره ياكلوون هوااا .. ماا لاحد شغل فيهاا .. • • النااس تحت خبصه وربشه .. وسواالف و قهااوي و حلوياات وتبااريك .. وهي كنهاا في بيت مهووب بيتهاا .. [ غناادر ] _______ متربعه ع السررير بقميصهاا الاصفر اللي يغطي كعب رجلهاا .. وشعرهاا الاسوود لامته بشبااصه سوداا.. وعندهاا ترمس قهووه و صحن حلاا مشكل .. .. تعيد و تزيد .. .. تكرر و تسمع .. الحفظ عندهاا مشكله .. لو هو موااد علميه تفهمهاا وبس كاان خلصت بسررعه .. .. السبت اللي بعده امتحاناتهاا النهاائيه وماهيب فااضيه للجمعاات و الخراابيط وتضيع وقتهاا على فلاانه و فلتاانه .. لازم تجييب نسسبه زينه بااي شكل .. ريم / غناادر انزلي .. فشله العاالم يسألوون عنتس بيبااركوون لتس .. نص سااعه واطلعي .. / لا والله مااانيب فااضيه .. نص سااعه اتجهز ونص سااعه اسلم .. ضااع من ووقتي سااعه ..! والمااده الزفت يبي لهاا صم .. / ياابنت الحلاال العمر يقضي والدرااسه ماتقضي .. انزلي بس ووسعي صدرتس وتعشي .. / لا والله مااانيب راايقه لهم .. قوولي لهم رجعت مووضة تخفر العرووسه ههههه /وقبل لاتررد انفتح البااب ودخلت تررف وعلى وجههاا ابتساامه .. ومعهاا طفل شاايلته .. ترف / اتحدااااااااكم تعرفووووونه .، نطت غناادر / اللـــــه يجنن .. من ولده ذاا !! ريم باستغرااب .. ذا مهووب من بزااريناا ..* اشقر ههه .. دخل ريااض والتهوو فيه عن الولد وهم يسلموون عليه بفرررحه .، واحلااااا شي جيته بدووون ميعاااد .. وقفوو قبااله وهم يسالوونه عن اخبااره .. وشااال الوولد من تررف وهو يساالهم .. / ووشراايكم بوولدي .. حلوو صح !! شهقوو باستغرااب .. بس الوولد يفتح النفس ماخلاا لهم فرصه يعترضوون او ينااقشوون ... تراكضوو عليه يضمووونه .. ويشيلووونه من يد ليد .. وهو زي الاطررش في الزفه .. ريم باستغرااب / وراا ولدك كذاا مستحي والا خاايف والا ماايعرف عرربي .. ريااض بحناان ورحمه له وحسرره عليه / لااا عنده توحـــــــــــــد .. • • الى الملتقى .. التعديل الأخير تم بواسطة لامارا ; 23-06-16 الساعة 03:39 PM | ||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
2Likes
.png)
العرض العادي
