يوميات جرح الذات

[جرح الذات]

السلام عليكم ورحمة الله وبركاته


قررت اني اعمل يومياتي في موضوع واحد :heeheeh:

بس ابي هديه من ماما وخالو ما قد اعطوني هديه حتى لو كانت صغيره قد النمله طبعا هديتي ما ابيها مثل




ماما وخالو بليز اذا جيتو بتهدوني اسألوني عن الهديه ايش اللي ابيها .. و وعد اكون طيبه وما اكلف عليكم






يوميه (1)




سمك مشوي




لي اسبوع نفسي بسمك مشوي بس متكسله اطبخه في البيت .. يعني تقدروا تتخيلوا افكاري مع حالات التسطيل والكسل ..

بمجرد ما اتخيله وهو مشوي جاهز .. اتذكر طوالي اني بأنظفه وابهره واشويه

فعلى طول تهبط الهمه وتنسد النفس << مشوااااااااااااااار صح

المهم قلت اروح لبنده واخذ سمك جاهز للشوي ويبقى علي انا الشوي بس .. ولاول مره اسويها دائما السمك يا يجي مطبوخ جاهز او انا اسويه في البيت .. ومعها كنت ابي اشتري طاحونة هيل لان حقتي الله يبارك لي في العيال حطوا فيها مويه بدون علمي وشيء ثاني الله العالم ايش هو

وبما إنا في الدمام فالصدأ مصير الحديد المسكين خاصه انهم يوم يحلون لنا المويه ويوم يملحونه زياده

رحنا وبالطبع بعد جولة التسوق اشترينا فيها ما كتب الله لنا بإخذه معادا السمك وطاحونة الهيل




والعجيب اني دائما اروح السوق ابي غرض او غرضين محدده اخرج وانا ما خذه اغراض بعيده كل البعد عن السبب الرئيسي اللي رحت علشانه السوق



وعلى طاري الهدايا اللي فوق ذكرت مرينا بالقسم اللي فيه الكورن فلكيس حبوب الافطار .. فالاربعه وقفوا وبصوت واحد بابا نبي كورن فليكس قالهم طيب .. فراح جايب كرتونين من الحجم الكبير بالنكهة العاديه والشيكولاته .. هم رفضوا والا ياخذوا واحد اصغر كان بجنب اللي ناوين عليه .. يا عيال هذي احسن وشوفوها كبيره علشانكم ودايم متعودين عليها رفضوا الا الثاني .. فأنصعنا واخذناها .. هم يبونها مو علشان الكورن فليكس .. لا كله علشان الهديه اللي في داخل الكرتون فأخذناه بالاضافه لهذيك .. ولشوقهم انهم يشوفوا الهديه رجعوا للبيت طوالي فتحوا الكرتون هههههه بس الصدمه كانت للأسف ما فيه هديه والله ضحكت عليهم ضحك مو صاحي .. اشكالهم تجنن والخيبه على وجوههم ... سألتهم قلت تبوني اسوي لكم الحين كورن فليكس ههههههه ردوا بصوت واحد لا نبي غدا خخخخ كرهوه




رجعنا للبيت وبينما كنت منهمكه في ترتيب الاغراض سألني محمد ابني ؟؟ جيب لي كيسة الصامولي

























قالي ماما عادي ندلع الصامولي ؟




فالعاده انا ما يصيبني من اسألة محمد ... صدمه ... ثم تناحه ... ثم اجابه ..



فبعد صدمتي تنحت شوي استوعب السؤال .. وبعدها جاوبت









ايه حبيبي ايش معنا الصامولي ما ندلعه خذ راحتك حق وواجب علينا اتجاه العم صامولي




فرد علي يعني عادي اقول سأتي لك بالفطائر


متأثر جدا بافلام الكرتون الحلو اخذ الفصحى مع خلطها بالهجه الجيزانيه والعاميه الدارجه والشين في تأثره انه يقلد حركاتهم العنيفه ضد اخوانه .. وبعض المعتقدات مصدقها ..وكذلك مهند نسخه طبق الاصل عن محمد بالحركات والكلام الا ان الفارق مهند كلامه مكسر اكثر من محمد ..