|
احسب الدنيا مثل امي ..ازعلها وتراضيني روايه قطرية مميزة
|
الجزء الاول ..... انسدحت على السرير وانا ميته من الوناسه ..لاني خلصت القصه واقول حق غايه اختي وانا شاقه الحلج : غااااااايووه .. غايه وهي تلعب باظافرها وتسمع اغنيه اليسا: هاااا .. قلت لها وانا اطالع السقف والعب بشعري : خااااااطري احب .. لالا خاطري اتزوج نفس اللي في القصه ..واحب بعد الزواج نفسهم ..^.^ غايه : خلصتيها ؟ قلت لها بغباء : شنوو ؟ غايه : القصه بعد شنوو ؟ قلت لها : ايه خلصتها .. ما تتوقعين شكثر هالقصه حلوووه .. ياخي عندهم مشااعر .. خاطري اشوف الابطاال .. غايه تظحك باستهزا : هههههههاههههههاههاااي .. حبيبتي هذا خيااال .. يعني وحده متفرغه كتبت هالقصه .. قلت لها بصدق : لا والله العظيم صجيه القصه .. غايه : من قاالج ؟ قلت لها وانا افكر : لطوف رفيجتي قالت لي .. غايه : ساروه سكتي واللي يرحم والدينج .. " اعرفكم على عايلتناا .. انا ساره عمري20 سنه .. ادرس في الجامعه وعندي 3 خوات .. غايه وهي اصغر مني عمرها 17 .. تدرس ثانويه عامه .. وهي جباانه درجه اولى .. تخاف من كل شي ..وتموووت على اليسا شكلا وصوتا .. واختي الثانيه ريم وعمرها 6 سنوات وملسووونه .. واختي الثاله فديت رووحها ميمي عمرها 2 ونص تقريبا .. اما الاولاد بعرفكم عليهم اذا ذكرتهم ..^.^ " ريم اختي دخلت علينا : سارووه وغاايوه امي تقووول لكم .. تعالو ساعودها .. قلت وانا انافخ : ونساااااعدها في شنوووووو ؟؟ توني مغسله المواعين ( الصحون ) ريم : والله قالت لي خلي ساروه تعلق ثياب الغسيل وغايوه تنظف الصاله .. ورحت اركض قبل غايوه عشان اخذ قبلها السله.. وما تاخذها عني .. لاني ما اداني انظف الصاله وهي نفس الشي .. وسبقتني وخذت السله وهي تضحك .. ياتني الصيحه ..ورحت عند امي .. وانا شوي واصيح : يماااااااااااا شوفي غااااااايووه .. امي وهي تنظف المطبخ : شفيها ؟ قلت : خذت سله الغسيل عني .. انا ابي انشر الثياب .. امي وهي تفرك الطاوله : مادري شعاجبتكم في هالشغله .. قلت : والله هي مب عاجبتني بس احسن من تنظيف الصاله .. امي : روحي خلصيني .. رحت وانا اتوعد في غايوه السباله .. رحت فوق السطح ما لقيتها ولا لقيت الثياب معلقه .. رحت الصاله لقيتها قاعده تطالع Tom and Jerryمع ريم وميمي اللي منسدحه تطالع التلفزيون .. صارخت عليها : عطيني السله بسررررررعه .. امي قالت لي انا ما قالت لج انتي .. غايوه تحرني وتطلع لسانها : مب ماعطتج .. انا سبقتج .. ياتني الصيحه وقعدت اصارخ عليها : بس امي قااااااااالت ليييييييي انااااااااااا .. وسمعت صوت من وراي .. صوت خرعني : لااااااااا تصااااااارخين .. التفت وراي ولقيت تركي اخووي .. تيبست مكاني .. " تركي اخوي عمره 24 سنه .. ماشفت واحد عصبي كثره .. على اتفه الاسباب يهاوش ويعصب وغااايوه تموت من الروع منه ,, وانا بعد بس مب كثرها .. " قلت له وانا اتنافض : امي قالت لي انا انشر سله الغسيل فوق السطح وغايوه تنظف الصاله .. وراحت غايوه وخذت السله عني .. تركي : انزين انتي رتبي الصاله .. قلت له وانا فيني الصيحه من القهر : ما ابي .. طالعني بنظرات ما احبها : طوفي رتبيها .. قلت له : بس امي قالت لها اه قاطعني : خلصيني رتبي وانتي ساااكته .. قعدت اتحلطم : يعني ريموه وخلوود العنووز يعفسون الصاله وانا ارتبها .. صرخ علي وهو رايح غرفته : باااااااااااااااااااااااا س .. رتبت الصاله وانا ودي اصيح من القهر .. وتوعدت في غايوه .. وبعد ما رتبت الصاله طرقعت ظهري ورحت غرفتي انا وغايوه طبعا ..وتسبحت وتميت اقرى قصه جديده .. ودخلت علي غايوه وهي تغني كرمالك ل اليسا.. بطت جبدي .. تميت ساكه وانا اقرى .. غايوه بدلع : يلا غدى .. واذا ما تبين احسن توفرين .. قلت لها باعناد : ابي .. ورحت الصاله لان احنا دوووم نحط الاكل في الصاله .. ماعندنا غرفه طعام نفس العالم والناس ..ولقيت الكل متجمع .. تركي وامي وغايوه وريموه وخلود وخالي وميمي في حظنه.. " خالي مشاري هو ساكن معانا وعمره 24 كبر تركي..وهو طيب وحنون .. نفس امي .. بس امي لها عرات احيانا توقف معانا واحيانا ضدنا .. بس خالي مشاري دووم معانا وهو الوحيد اللي مصبرني على هالعيشه .. لا بيت مثل الناس ولا لبس مثل الناس ولا شي ..واخوي خالد عمره 9 سنوات .. عابد السوني .. ما يقوم منها .. خالي شراها له هديه نجاحه العام ولا قام منها .. ونسيت اقول لكم .. ? ابوي مطلق امي من سنتين .. والسبب انا للحين ما اعرفه " قلت وانا داخله الصاله : السلام عليكم .. الكل : وعليكم السلااام .. خالي : تعالي اكلي اكلتج المفضله .. طليت والا اشووووف كشري .. جان تلوع جبدي .. طالعت خالي : خااااالي حراام عليك .. انا ما احب الكشري .. غايوه وتدعش الملعقه في حلجها: المهم انا احبه .. قلت لها : حبج برص .. تركي وهو يدخل اللقمه في حلجه : يعني بتتهاوشوون .. قلت وانا رايحه غرفتي : ارووح اقرى قصتي احسن لي من مجابل وجهج ..وتميت اقرى القصه لين ما تعبت .. لبست بجامه التيشيرت ابيض وعليه قلبين كبار باللون الوردي والبرتقالي وعلى البنطلون قلوب صغيره بنفس الالوان .. وفتحت شعري اللي يوصل لين اخر ظهر وفركت فروه راسي بسرعه وقفلت الباب ورقدت .. ترى قفلته عشان ما تدخل غاايوه .. لانها حارتني .. وقمت على تصفق الباب .. فتحت عيوني وشفت الدنيا مظلمه .. وطالعت الساعه لقيتها 7 المغرب.. شهقت لين ما حسيت ان الهوى اللي في الغرفه كله شفطته .. وتميت اكح .. وقلت وانا اعدل شعري بيدي بسرعه :كح كح منوووو؟ تركي وشكله معصب : بطلي الباب لا اكسره الحين .. شهقت ومن الخوف تميت ادور في الغرفه بدون هدف .. فتحت الليت وفتحت قفل الباب بسرعه .. شفت تركي ووراه غايوه وحاطه صبعها في حلجها .. شكلها خايفه .. تركي معصب : هالكثر رقاااااااد ؟.؟ قلته وانا القط انفاسي : ما ادري .. محد قعدني .. دز غايوه داخل الغرفه .. والتفت علي .. قال لي : ان قفلتي باب الغرفه مره ثاانيه مب احسن لج .. " وراح " طالعت غايوه بنظرات ودخلت الحمام وتوضيت وصليت العصر والمغرب وقعدت اقرى قران لين ما أذن العشا لان كان ربع ساعه ويأذن .. وصليت العشا ورحت الصاله .. امي : اسمع صوت صريخ تركي .. شمسويه .. رفعت راسي وانا انفخ :اوووف يعني هذا من متى ما صرخ .. خالي يحاول يكسر الجو : هالكثر رقااد .. قلت له : والله ما حسيت بروحي .. رقدت رقااد مب صااحي .. امي : والحين شنو اللي بيقعدج للجامعه .. قلت لها وانا اطلع التلفزيون : بكره اجازه .. امي : وليش اجازه .. وانتي كل ما بغيتي تروحين تقولين اجازه .. عصبت عليها لانها تطلع اشاعه عني : يمه شفيج .. بكره الجمعه .. امي سكتت .. خالي : هههههههههههه شفيج فاطمه .. شوي شوي على بنتج .. امي : ما قلت شي .. هذا عشان مصلحتها .. كنت بروح غرفتي بس ادري بلاقي غايوه عابده الكتاب تدرس .. رحت المطبخ ادور لي شي اكله .. فتحت الثلاجه لقيتهااا فااااااااضيه .. مافيها الا خضره .. رحت الصاله وانا انافخ .. امي : شفييج تنافخين .. قلت لها وانا اخذ الجهاز من يد خالي : الثلاااجه فااضيه وانا يوعااانه .. اعنبوه عمري ما شفتها مترووسه .. ياربي شهالقحط .. خالي يحاول يسحب الجهاز من يدي وانا اسمع امي شتقول امي : لا قحط ولا شي .. كاهو اخوج رايح الجمعيه يجيب الاغراض اللي وصيته عليهم .. شقهت وانا امط الجهاز من يد خالي : وليش ما قلتو لي عشان اكتب لستة الحلويات اللي ابيهم .. امي : مافي حلويات ولا شي .. غايه طلبت بس اخوج ما رضى .. قلت وانا اتصارع مع خالي على الجهاز : يا ربي هو على كل شي مب راضي هالزطي (بخيل ) مطيت الجهاز بكل قوتي من يد خالي وخالي هده وطحت على امي .. امي : ويه شفيج .. قلت لها وانا اعدل قعدتي : لا ولا شي.. وخالي يطالعني وميت من الضحك : هههههههههههههههههه الحين الجهاز كان عندي تاخذينه ليش ؟ طالعته وانا كاتمه الضحكه : ابي افر عن المباراه .. خالي : جيبي .. هاي العربي والسد يلعبوون .. نقزت عنده : ان شالله السد يفوووووووز .. خالي : لا ن شالله العربي .. عشان اذا فاز العربي بيلعب مع الريان .. قلت له وانا مب فاهمه شي : وانزين .. قال لي : السد اذا لعب مع الريان بيفوز عليه .. اما اذا مع العربي في احتمال الريان يفوز .. قلت له وانا حاطه يدي على خصري : وانت تشجع الرياااااااااان ؟؟ قال وهو رافع راسه : وبكر فخر.... قلت له : وييييييي امحق ما اخترت .. خالي : هاااا ؟ ضحكت : هههه شنووو ؟ خالي : الريان احسن من السد .. قلت وانا ارفع يدي : قووم زين .. خالي : شكلج ناويه تتسطرين اليوم .. قلت له وانا ابي ازيد حجي : ليش خالي ؟ خالي : لا تقولين لي خالي .. قلت له وانا مستغربه : ليش تبريت مني ؟؟ خالي : لا تكبريني جي .. انا كبر اخوج .. انتي شتقولين حق اخوج ؟ قلت له : تركي .. خالي : قولي لي مشاري .. قلت وانا مستغربه : عاادي ..؟؟ قال لي : لو مب عادي ليش انا قلت لج قولي لي مشااري حااف.. قلت له :بس انا اقول حق تركي ترووك .. >> عشان يخليني اقول له مشاريوه قال لي وهو يضحك : تبينه يدوووس في بطنج .. ضحكت على تعليقه .. واللي خرب علينا .. هادم اللذات تركي .. قال لي وهو شايل الاكياس : شيليهم .. رحت اركض انادي غايوه وجينا نشيل الاغراض ونحط اللي ينحط في الثلاجه في الثلاجه واللي ينحط برع برع ..واستانست يوم شفت تركي جايب حلويات .. اخذت الكيس الي فيه كوافي ورحت اركض كأني ياهل حق تركي .. أسأله اذا هذا لنا او له .؟ قلت له وانا الهث : تركي .. هذا حق منوووووو؟ تركي طالعني وطالع الكيس : حق غايوه . شهقت : وليش ما جبت لي ؟؟ تركي : خل ينفعج الرقااد .. حذفت الكيس ورحت اركض غرفتي .. ووقفتني صرخته .. تركي : تعالي .. قلته وانا متكتفه : خير ؟ قالي : شيليه وعطيها اياه في يدها .. قلته له وانا متخصره : نعم ؟؟ تركي : ونعااامه ترفسج في بطنج .. شيليه اقو ل لج .. بيني وبينكم خفت .. بس عااندت وقلت له: مب شايلته .. ورحت اركض غرفتي قبل لا يطرش لي نعااله .. وسمعته يتحرطم ويتوعد مادري شيقول .. قعدت على السرير وانا اناافخ من التعب .. طالعت تلفووني .. لقيت مكالمه >> انتو لو تشوفووون تلفووني بتصيحوون .. لانه بيكسر خاطركم .. تلفوني اثري من قلب .. هاي اللي بو كيمرا وحده اللي يصور صوره فوتوغرافيه مب فيديو .. آآه يالقهر .. بعد مب انا شاريته هذا هديه نجاحي من لطوف فديتها شرت لي وشرت لها نفس الجوال ..المهم شفت المكالمه من لطوف.. " لطوف هذي بنت جيرانا وحبيبه قلبي.. وهي رفيجتي الروح بالرووح .." اتصلت لها ما ردت .. بعد دقيقه اتصلت لي .. كله تسوي هالحركه مادري شبتستفيد .. لطوف : هلا بحيااتي .. رديت : هلا بعمري .. لطوف : شخباارج .. شعلومج .. قلت : الحمدلله بخير .. انتي شخبارج .. شمسويه بدووني ؟ لطووف : والله اجازه ممله .. صج انها يومين .. بس ملل .. مافي الا انا و حمد اخوي اللي في البيت .. امي كل يوم مسافره من بلاد لي بلاد .. ... على فكره .. انا ولطووف بدوون ابهاات .. هي ابوها متوفي.. وانا ابوي مطلق امي. . وامها لبنانيه وكل شهر تسافر بلاد .. لان ابو لطيفه عنده ثرووه كبيره ويوم مات ورثوها هم الثلاث.. امها وهي واخوها .... قلت لها : ليش ما تسافرين معاها ؟ لطوف : والله انتي تدرين ان عندنا امتحانات .. ليش تسألين .. قلت لها بصدق : والله والله لو انا منج . وعيشتي عيشتج .. والله لا اترك الدراسه واطير مع امج .. ضحكت : ههههههههههه انزين في الصيف بنساافر .. بس ملل .. قلت لها : انا ولا عمري ركبت طياره تصدقين ؟ لطوف : ايه ادري .. قلت لها : شدراااج .. لطوف : قلتيلي .. قلت لها : المهم وين بتسافرون هالسنه .. ماليزيا والا لندن والا فرنسااا ؟ ما سمعت ردها لاني اسمع صرراخ عندها وهواش مادري شالسالفه .. قلت : الووو .. الوووو لطووووف .. الا يصدمني ذااك الصووت الخشن .. ما عرفت شاسوي .. توهقت .. .......... : الوو .. من ؟ قلت بصوت يرتجف : من ؟ قال لي : انتي منو .. انا حمد اخو لطوف .. قلت له : انزين عطني لطيفه .. قال لي : انا بدال لطيفه ما يصير ؟ قلت له : لا ما يصير .. عطني لطيفه .. قال لي : من انتي .. انتي ساااره ؟ استغربت انه عرف اسمي : ايه شدراااك .؟ ضحك مادري ليش : ههههههههههههههه .. لطوف ما عندها سيره في البيت غير سيرتج .. قلت بدون ما احس : فديتها .. قال لي : وانا ؟؟ انتبهت اني قاعده اكلم ريال من مساعه : انت ما تستحي ؟؟ عطني لطوف والا اسكر .. ضحك : هههههههههههههه من مساعه مطيحه معاي سالفه والحين تقولين لي ما تستحي .. انتي اللي ما تستحين .. عصبت عليه وسكرت في ويهه .. ورد اتصل ما ادري هاي لطوف والا اخوها .. صج طلع قليل ادب ..ياني مسج .." ساروه سووري والله ردي انا لطووف فديتج " واتصلت رديت بسرعه .. قلت : هذا اخووج ما يستحي ؟ قالت لي : والله سوووري سااره .. قال لي اسوي له عصير .. وسحب الجوال مني وان قاطعتها لان ما يهمني العذر : مب مهم .. قولي لي هاي اخووج شكبر ؟ لطوف : ليش ..؟ قلت لها : بس اسأل .. قالت لي : عمره 23 سنه .. ويشتغل في شركه ابوي وهو عريض وابيض وشعره فاتح نفسي عيونه فاتحه على امي واسمه حمد بن منصور ال .. و .. قاطعتها : ايه بس بس .. انا ما قلت لج قولي لي مواصفاته .. انا كنت اسألج عن عمره .. لطوف : عشان ما تكثرين من الاسأله .. قلت لها : صج عيونه فاتحه وشعره فااتح .. قالت لي : ايه والله العظيم .. حتى هو كاره هالشي لان ربعه يعايرونه يقولون له لبناني .. قلت لها : ياازينها من معايره .. عادي لبناني .. مب سبه .. قالت لي : عاد هو يبي يفتخر انه قطري وولد قباايل .. ما تسوى عليه امه لبنانيه ..هههه ضحكت : ههههههه انزين ما قلتي لي وين بتسافرون هالسنه .؟ لطوف : مادري يمكن لبنان او المانيا وبعدها فرنسا نفس العام .. قلت لها : ايه العام رحتو المانيا وعقبها فرنسا .. روحو هالمره فينا عشان خااطري .. ضحكت : يعني احنا بنرووح انتي تحددين البلاد ليش؟ قلت لها : يالبااايخه .. اصلا اذا انتي رحتي كأني انا رايحه ..لان انتي ما تقصرين ..ترويني صور بالفيديو وصور فوتوغرافيه ..احس اني رحت معاكم .. قالت لي : فديتج والله ساروه ودي تروحين معانا .. جربي هالسنه تقولين حق امج .. قالت لها وانا اضحك لان كل سنه تقول لي نفس الكلام وانا اقول لها نفس الكلام : يعني تبيني اعيد لج اسطوانة كل سنه .. تترجاني وكأن الشور بيدي : عااد حاااولي .. والله اني بطير من الونااسه اذا جيتي .. قلت لها : حبيبتي تركي ما بيرضى وامي ما بترضى .. فيهم عقد هذيلا الحمدلله والشكر .. سمعت حد يناديني .. قلت لها بسرعه : لطووف اخليج الحين بروح حد يناديني .. قالت لي : اوكي باي .. قلت لها : بااي .. ورحت اركض برع لقيتهم كلهم يتعشون جان ارز ويهي واتعشى معاهم .. لقيت تركي يطالعني بنظرات .. طالعته وقلت له : شنو ؟؟ شفيك جي تطالعني ؟؟ قال لي ولقمته في يده : تكلمي عدل ... تميت ساكته واكل .. امي : ليش شصاير فيكم بعد ؟ قال لها : ولا شي .. وقمت ..وسمعت أمي تقول : زين جي سديت نفس اختك... وقال : والله ما قلت لها شي .. خل هي تعدل اسلوبها هالخايس .. وما سمعت الباقي لاني وصلت غرفتي .. وشفت تلفوني و لقيت مكالمتين .. طالعت الرقم .. ثنينهم من رقم غريب ما اعرفه .. واتصلوا مرع ثانيه ورديت.. قلت بصوت واطي : الوو .. تخرعت بصوت خشن : هلا ساره .. استغربت انه عرف اسمي .. ولا بعد انا هالصوت سامعته قبل .. قلت : منو ؟ قال لي : افاا ما عرفتيني ؟؟ قلت له : وانا شعرفني فيك ... شتبي انت مغلط .. وتوني بسكر الا اسمعه يقول : انا اخووو لطيفه حمد .. شووووفو السباله لطووف عطته رقمي .. رديت بسرعه وقلت له : خير ؟ قال : لا بس بغيت اعتذر .. لاني بصراحه غلطت عليج وانا آسف .. قلت له بسرعه : عذرك مب مقبوول .. يلا بااي .. قال لي بسرعه : لا لا ارجوووج تمي على الخط .. قلت له : خير شتبي ؟؟ قال لي : ابيج تسامحيني .. قلت له : وإذا ما سامحتك ..؟ قال : بانتحر .. ضحكت على سخافته : ههههههههههه انتحر .. أنا مب مستفيده شي منك غير ملاغتك .. قال لي : افااا انا ملغ ..؟ قلت له : ايه .. قال وهو يتمسكن : انا الحين متصل اعتذر لج وانتي بهدلتيني ..؟؟ ليش جي .. قلت له : والله اللي يبي يعتذر يعتذر باحترام مب بقله ادب .. ولو قلت حق لطوف انك معتذر لي منها جان قبلت اعتذارك .. قال لي : زين اقبلي .. قلت له وانا اتدلع لان عجبتني السالفه: لا . قال : بالطقااااااق .. استغربت من كلامه وانا ماسكه الضحكه : يه .. انت متصل تكحلها والا تعميها .. قال : والله انا متصل اعتذر بس انتي مب ويه اعتذاار .. قلت له : والله انت قليل ادب .. والله يعين لطووف عليك .. قال : ليش هي زوجتي ؟ قلت له : انا بسكر الحين بااي . قال : لالا انا استانست معااج خلينا نتم اكثر . قلت له : حمد استح على ويهك وسكر .. قال : الله يا زين اسمي يوم تقولينه .. جان استحي واسكر في ويهه ..بصرااحه وبيني وبينكم استانست يوم كنت اكلمه لكن عيب اللي اسويه ولازم ما اكلمه مره ثانيه ..بس لو هو اتصل برد بشوفه شنو يبي .. وقطعت غايوه علي افكااري .. غايوه تفتح الباب بدفاشه العالمين : تركي متحلف فيج يالعنز .. قلت لها: عنز انتي.. وليش يتحلف فيني بعد انا شمسويه .. غايوه : ليش تحذفين حلوياتي وماتعطيني ايه .. قلت لها : ياااسلااام.. رفعت يدها وكأنها مستسلمه : انا مالي خص هو جي قال .. كنت بانزل بتفاهم معاه بس اللي وقفني رنه جوالي .. وكان يايني مسج .. نقزت على السرير وحسيته انكسر .. لان هو واقف على خشبتين بعد انقز عليه ..المهم طالعت المسج وكان المرسل هو .. لانه من نفس الرقم . قريت المسج " أنا آآآآآآآسف يالغاليه .. وما كان قصدي اغلط عليج.. هااا شرايج فيني .. اقبلي اعتذاااري عااااد " ابتسمت وظميت الجوال بيدي ..غايوه بفضول : منووو؟ قلت لها: مطرشين لي والا مطرشين لج ..؟ قالت : فيني فضوول .. قلت لها : رقدي رقدي .. بكره ورااج امتحااان .. غايوه خافت : ايه صج لا براجع لي كم كلمه وبعدين برقد .. قلت من كل قلبي : الله يوفقج .. غايوه وهي تدور كتابها : آآآآآآآآآآمين .. ابي اخذ نسبه مب اقل من ال90 % .. قلت لها : شدي حيلج وان شالله تجيبينها .. خذت كتبها وراحت .. وطرشت مسج حق حمد " لا عادي الشيخ " وتميت انتظر منه رد مادري ليش ؟ وعقب طرش " عاادي اكلمج الحين " خفت مادري ليش . يمكن عشان اللي اسويه غلط .. بس طرشت له مسج " انا بناام .. بكره وراي جامعه " وعقب شوي طرش لي " اذا ما كلمتج الحين ما بودي لطوف الجامعه " يه شنو هاي يتسهبل .. وتوني بطرش له مسج الا رصيدي ما يكفي حق رساله وحده .. مت من القهر .. وشوي واتصل .. تميت متردده ارد والا لا .. عقب فتره رديت .. قلت بصوت واطي كأن خايفه حد يسمعني : الووو .؟ حمد : هلا والله .. قلت له بجديه : شتبي ؟ قال : افااا . مب تونا متراضيين ..؟ قلت له : ايه خلاص .. لا تتصل على هالرقم مره ثانيه .. حمد : ليش ؟ قلت له : لاني بنت محترمه وما اكلم ريال ما اعرفه .. حمد : بس انتي تعرفيني .. قلت : لا ما اعرفك .. حمد : انا حمد اخو لطووف .. قلت : ادري .. حمد : كاهو تعرفيني.. قلت بملل : بس ما تصير لي شي .. حمد : عادي .. يمكن مع الوقت اصير لج ., محد يدري .. قلت : اووووووف وبعدين معااك يعني والله ترى اعطي رقمك اخوووي .. وانا في قلبي : والله اذا ابي الخلاص على روحي اعطي الرقم تركي .. قال : اوكي خلاص المسامحه .. وانا ادري اصلا انتي ما ترضينها علي .. مهما كنت انا اخو لطوف حبيبه قلبج .. قلت وانا ميته من الحره : اصلا لطوف ما تستحي ولا تخيل ماعطتك رقمي الخايسه .. انا ارويها قال : لا هي مسكينه والله لو تدري ان عندي رقمج جان بتزعل .. انا اصلا خذته من جوالها .. قلت له : ياااسلاااااام .. وليش تاخذه ..؟ قال : عجبني صووتج .. قلت : لا والله .. في بنات وايد اصواتهم احلى من صوتي .. قال : بس صوتج عجبني .. قلت : ليش بالله مغنيه لك وانا مادري ؟ قال : عااد سويره لا تصيرين جاسيه علي .. كوني ريلاكس .. قلت : اوووف انت ما بتفكني من شرك .. اصلا انا الغلطانه اللي راده عليك .. وسكرت ودخل علي تركي .. ومت من الروع .. اكيد سمعني وانا اصارخ .. حسبي الله عليك يا حمد .. تركي عاقد حواجبه : ليش قاعده لهالحزه .. يوم شفته مب معصب ارتحت .. قلت : شتبي فيني انت بعد .. كيفي بنام متى ما انام .. قرب مني ومسكني من ثيابي ووقفني : انتي بتتكلمين عدل والا شلووووون ؟ بصراحه صوته يسوي لي رعب .. قلت : شنو يعني انت ياي متسبب .. قال : والله انتي المتسببه .. وقليله ادب بعد .. تخصرت : يه الحين انت العايل علي وتقول لي انا المتسببه ؟ مسكني من رقبتي : سااااااارووه بتحترمين نفسج والا شلوووون ؟ قلت : انت شفيك جنيت ؟ مااااالك خص فيني .. تفهم ماااااااالك خص فيني .. شليت يده من رقبتي ورحت اركض غرفه امي .. ما لقيتها وتوني بطلع لقيته جدامي ..وكنت اتنفس بصعوبه ..وما عرفت شاسوي من الخوف .. يصارخ علي : انتي تعرفين تتكلمين عدل والا لا ؟ حطيت يدي على خصري : لا علمني .. وياني ذاك الكف اللي ما حسيت بروحي الا وانا على الارض طايحه .. ومن قوه الكف حسيت بونه في اذني .. وماكفاه هاي نزل مستواي وقال : المره اليايه يوم بتكلميني جي اعرفي ان مووتج على ايدي .. " وراح " تميت اصيح بصوووت عالي واسبه وانا اصاارخ.. وامي وخالي ياو .. وياني تركي يركض يبي يضربني بعد لاني سبيته .. وغطيت ويهي بيدي ابي احمي روحي .. وحسيت ان شعري كله طاح لان مسكني من شعري يبي يقومني .. وانا اصارخ .. ويا خالي ودزه عني وامي ظمتني لصدرها .. وانا اشاهق ابي اقول لها السالفه .. بس ما كنت اقدر لان كنت اصيح من قلب .. خالي اخذ تركي برع مادري وين وداه هالحقير.. وامي تمت معاي تواسيني .. وريم وخالد اخواني الصغار كانوا يطالعون المشهد وهم خااايفين وميمي فديتها مادري وينها.. اما غايوه مادري وين طاسه .. امي تمسح على شعري : شقلتي له يمه ؟ وانا اصيح وبصوت مبحوح : والله ما قلت له شي .. هو اللي ياي غرفتي متسبب علي .. وتميت اصيح .. وحسيت بالتعب ودتني امي غرفتي .. ونمت على طووول .. فتحت عيوني على صوت رنه جوالي ..تننانا تننانا تننانا نا > رنه جوالي .. مسكت الجوال وشفت الساعه 11 الضحى يعني امي ما قعدتي حق الجامعه احسن .. الحمدلله ان ما علينا امتحان .. جان رسبت .. رديت بدون ما اطالع منو متصل وبكسل :الوووه .. حمد : رقاااااااااد هااا .. ليش ما رحتي الجااامعه .. لطوف شكثر متصله لج ليش ما رحتي ؟ رديت : وانت شلك خص .. حمد : لا حبيت اتطمن عليج.. شفيج شكلج تعبانه .. عاد انا ما صدقت حد يسأل عني .. جان اصيح .. حمد : ساااره .. سااره شفيج .. انا أذيتج .. اذا تبيني اسكر بسكر بس لا تصيحين .. سارووه ردي علي شفيج .. قلت له وانا اشاهق : اخوووي .. قالي بسرررعه : ماااااااات؟؟ قلت له : ياااريت .. اخوووي ظربني ظرب امس .. قال بخووف : ليش .. ليكون عرف اني اكلمج ؟ قلت له : لا هو متسبب والله العظيم متسبب .. واشك انه سمع كلمه عشان كنت اصيح وانا اتكلم .. قال لي : انزين الحين سكتي عشان اقدر اسمعج .. انتي اهدي وقوليلي شصاار ؟ قلت له : انا ما سويت شي .. هو يا يابفيت يبي يعلمني الادب وانا ما احب حد يأمرني صرخت في ويهه وضربني .. قال : يعل تنكسر اي يد تنمد عليج مره ثانيه .. سكت وتميت امسح دموعي .. قال لي : ترى مب كل الرجاجيل جي .. مسكين خايف اني اتعقد .. ضحكت : ههههههههههه ادري .. فيه الاخس .. قال بصدق : لا والله انا مب جي .. سألي لطوف اذا انا مره مديت يدي عليها .. قلت : انت اصلا مب داري عن لطوف وعن هوى دارها .. قال : بس هي مب قاصرها شي .. سمعت صوت طقه الباب .. قلت له بسرعه : امي امي .. بااي .. وكأنه كان بيقول كلام بس انا سكرت بسرعه لان امي دخلت .. .. |
الجزء الثاني يات امي وقعدت على حد السرير ومسحت على شعري : شلونج يمه الحين ..؟ سويت روحي زعلانه : مب بخير .. هذا ولدج اذا تم في البيت انا بطلع .. مب حاله هذي قاعده في بيت اهلي ومب ماخذه راحتي حتى في الكلام .. امي : حبيبتي هذا اخووج ولازم تتحملينه .. قلت لها : انزين جاان انتي تحملتي ابووي وما خليتيه يطلقج .. جان ما صار اللي صاار .. امي تنهدت وحسيت اني جرحتها بالكلام .. وقالت : قومي نرتب البيت .. اخوانج اعفسو الدنيا امس .." وراحت " قعدت اصارخ : بس هذي حاالتنا .. ريموه وخلووووووود وميمي يعفسوووون البيت وانا ارتب وراهم .. حد قاااااال لهم اني خداااااااامتهم .. خذت نفس طويل .. لان رااسي حسيته بينفجر علي .. دخلت الحمام وتسبحت .. وشفت الكحل اغراني .. جان اشخطه في عيني .. ولبست جلابيه بنفسجيه ..وخذت لي شيله لان اعرف امي بتقول لي انشري الملابس فوق السطح .. واول ما وصلت الصاله لقيت ريموه مرتزه في الصاله .. حطيت يدي على خصري .. وقلت لها : وانتي حااظرتج ليش ما رحتي المدرسه ؟؟ ريموه : وانتي ليش ما رحتي الجااامعه .. قلت : انا تعباانه .. ريموه : وانا خلصت امتحااان .. استغرب ورحت عند امي في المطبخ .. وقلت لها : يمه صج ريموه خلصت مدرسه ؟ قالت : ايه خلصت ,.. هي ابتدائيه غير عنكم .. قلت : ياااااااااااحيييييييييييي يها .. يمه ترى عندي امتحاان بكره هاا .. امي شهقت : ليكووووون كان عندج امتحان اليوم وضيعتيه .. قلت لها : لا ما كان عندي .. حمدي ربج .. قالت : انتي المفروض تحمدين ربج ان ما عنج امتحان اليوم .. قلت لها : انتي اللي ما قعدتيني .. قالت : والله قعدتج قعدتي تونين خليتج ورحت .. وبسج هذره خذي هالسله ووديها انشريها .. قلت : يمه انا قلت لج عندي امتحان مب تكرفيني .. قالت : وغايوه عندها امتحاان .. من بيساعدني .. قلت : خلي خالد وريموه يساعدونج .. قالت لي : صغاار .. وخذت السله وانا انااافخ وركبت فوق السطح .. وكنت اشوف بيت لطوف يالله محلى هالبيت .. فله على كيف كيفكم .. واحنا بيت شعبي ولا يلوع الجبد .. خذت الثياب وقمت انشرهم وشفت حد مر .. رفعت عيوني لقيت واحد يطالعني من دريشه بيت لطووف .. هااي اكيد حمد اخووها .. عدلت شيلتي وكملت .. شفته فتح الدريشه .. عاد انا خفت .. وتم يطالعني .. خفت زياده .. سمعته يتكلم لكني ما كنت اسمع الكلام اللي يقوله واضح .. وشفته التفت ورى يعني داخل بيتهم .. كملت تعليق الملابس .. وشفت لطوف تأشر لي .. طالعته وصرخت .. قلت : لطوووووووووووووووف .. لطوف تصارخ عشان اسمعها : ليش ما جيتي الجاامعه .. هااااااااااا .. قلت لها : كنت تعباااااااانه .. وعلى طول اختفت من عيني .. لان اخوها جرها وتم هو واقف عند الدريشه .. طالعته وصديت كملت تعليق الملابس .. سمعته يقول لي : واخيررررررررراااااا شفتج .. ابتسمت وسويت روحي ما اسمعه ولا منتبهه له .. قال : ساااااااااااااااااارووووو ه .. تسمعيني ؟؟ التفت له وقربت عشان ما ابي اعلي صوتي وايد : شتبي ؟ قال وهو مبتسم : انا حمد .. عرفتيني .. شفته نفس الوصف اللي وصفته لطوف لي .. والله تعرف توصف .. قلت له : ايه عرفتك .. قال لي : والله طلعتي حلووه .. ترى يبين من صوتج .. قلت له وانا مستحيه : يالعيااااااار .. سمعت امي تناديني تبي السله .. قلته له :ا مي تناديني الحين بنزل .. وخذت السله وشفت موجوده بيجامه غايوه فيها ما علقتها حذفتها على الدرام مال الماي .. وخذت السله وركضت تحت .. امي : سنه قاعده فووق .. قلت لها :وانتي تحسبين ماعطتني السله فااضيه ..؟ قالت لي : خذيها وجمعي الثياب اللي في الحمامات خلني اغسلهم .. تأففت كالعاده ورحت .. والحمدلله ما قيت ثياب وايد .. وعقب خليت ريموه ترتب الصاله وانا اشرف عليها ^.^ ..وعلى الساعه 1 ونص البيت نظف والاكل جهز .. وانا كنت ميته من الجووع .. عادي اكل اي حد يمر جدامي ..وحطو الغدى مجبوس لحم .. يمي يمي .. وكلت لين ما حسيت انه بيطلع من خشمي .. وقمت على طووول رقدت .. لاني تعبت اليوم تعب مب طبيعي .. وقمت الساعه 4 ونص وخذت كتبي وقعدت ادرس لين الساعه 7 وطول الوقت كانت ميمي معاي تدور في الغرفه وعقب حسيت بتعب رحت الصاله وشفت خالي وسلمت عليه لاني ما شفته من امس وحتى على الغدى ما يا مدري ليش ؟ .. قلت له : شلوونك مشاري . حسيت استانس يوم قلت له مشاري : بخير دامج تقولين لي مشااري .. ضحكت : ههههههههههه انت وايد تصغر عمرك .. قال : والله ما اصغر عمرج جفتي واحد عمره 24 ويقولون له خاالي .. قلت : ايه واايد .. قال : بس انتي اصغر مني ب 4 سنوات .. يعني مب وايد .. قلت له : اوكي .. مشااري .. ضحك .. عقب يا تركي وكان يتكلم في التلفون .. وكان يكلم ماجد رفيجه وانا هالريال اكرهه مادري ليش مع انه مدير تركي في الشغل .. وتركي كل مره يسولف عنه وعن اعماله وهو وايد مفتخر فيه مادري على شنوو .. على هالكم عماره اللي عنده . ما اقول الا الطيور على اشكالها تقع .. وكم مره شافني .. مره كان تركي عازمه على العشا .. وانا كنت بعطي تركي العصير وماجد اللي فتح الباب .. ومن الربكه عطيته العصير شوي شوي ورحت .. بهدووء .. مادري ليش صدمتي كانت بالبطيئ .. والمره الثانيه كنا طالعين مع تركي وهذا نادر طبعا.. وشفنا ماجد رفيجه وسلم عليه تركي وماجد يطالعني بنظرات .. ماادري شاسميها .. بس انا ما حبيتها .. المهم .. ورحت اساعد امي في المطبخ لانها كنت تسوي العشا ..و كاان في سؤال يدوور في باللي من اياام .. وقلت بفاتحها بالمووضووع .. قلت بصوت واطي : يمه .. امي مشغوله بحوس الجدر : همممم .. قلت : يمه ابي اسألج .. امي : شنو ؟ قلت : يمه بس ما ابيج تعصبين .. امي : قولي شنو خلصيني ؟ قلت وانا العب في اصابعي : ابي اعرف انتي وابووي ليش انفصلتوا عن بعض .. امي التفتت بسرعه كأنها ما كانت متوقعه سؤالي .. قلت لها بسرعه : انا من حقي اعرف .. خذتني وقعدتي على الكرسي نزلت راسها وتنهدت وبعد فتره قالت: كانت بينا خلافات وما قدرنا نستمر اكثر من جي .. قلت لها : انزين ما قدرتو تستحملون هالخلافات عشان عيالج الصغار على الاقل .. امي منزله راسها : ما كانت خلافات بس .. قلت لها بسرعه : شنوو عيل .. امي : كان يشك فيني .. لان اهلي كانوا محيريني حق ولد خالتي وما تزوجته لاني ما ابيه ولا هو يبيني واهلي تفهمو الموضوع ما جبرونا على بعض .. ويا ابوج وتقدم لي ووافقت .. ويوم درى اني كنت محيره حق ولد خالتي تم يراقب حركاتي .. وقام يمنعني من زياره خالتي الله يرحمها .. حتى العزى ما خلاني اروح الا يوم واحد واللي هو اخر يوم العزى .. وجابر اللي هو ولد خالتي واخته ميسون وايد كانوا زعلانين مني .. لاني انا قبل لا تزوج ابوج كنت كل مره ازورهم .. بس من تزوجت ابوج ما زرتهم الا كم مره وتنعد على اصابع اليد الوحده .. وانا وابوج كنا كل يوم نتهاوش على هالسالفه .. وعقب كم شهر من وفاه خالتي .. سمعته يكلم بنت على التلفون .. انا قلت يمكن عمتج نهله .. لكن لا .. عمتج وين فاضيه حق ابوج عشان تسولف معاه وتضحكه .. هي فاضيه بس تجابل شركاتها وحلالها اللي زوجها خلاها تلعب فيه لعبه بعد تعبه .. قلت : ليش زوج عمتي تعبان .. امي : ايه يمه تعبان لان هو فيه السكر.. وارتفع عليه فجأه وعمى .. يعني صار عمي .. كسر خاطري زوج عمتي . بس ابي اسمع سالفه امي .. قلت لها : المهم .. امي : المهم .. صرت كل يوم اسمعه شنو يقول .. وشنو يوعدها فيه .. اثاريه يوعدها بالزواج .. ما قدرت اصبر اكثر من جي .. هو يشك فيني ويغار علي من واحد متزوج .. وانا ماعطته كل الثقه اخرتها يخووني .. " وشفت عيون امي تلمع " انا ما قصرت بحقه ولا بحق البيت ولا بحق عيالي عشان يخوني .. دخلت عليه الغرفه وهو من الربكه سكر في ويهها .. وتميت اهاوشه وتهاوشنا وطلبت منه الطلا ق .. وطلع من البيت وما رد الا بعد سبوع وورقه الطلاق في يده .. وانتو سألتوني وين ابوكم قلت لكم مسافر .. وبعد ما شفت ورقه الطلاق انهرت .. تحسفت على عمري اللي قضيته مع واحد خاين وانااني .. ونزلت دمعه منها وانا سبقتها بدمووع ..وتمينا نصيح وظميتها وعقب شوي هدينا وكل وحده تمسح دموعها وتضحك .. والله سالفتنا سالفه ..وعقب راحت امي بسرعه وشافت الجدر وتمت تحمس ومدري شتسوي .. فديتج يمه .. والله كنتي معانيه من صغرج من ابوي .. بس تصدقوون ابوي وحشني .. بس احنا وحشناه والا لا .؟. يعني معقوله تاركنا سنتين وما فكر يسأل عنا .. احنا عايشين والا ميتين .. محتاجين شي والا لا ..؟ تنهدت ورحت الصاله وشفت تركي مرتز في الصاله يطالع المباراه كانت ما بين الريان والسد .. وخالي كان معاه ولابس بنطلون اسود وتيشيرت احمر.. عشان يثبت لنا انه رياني ( لان لون الريان اسود واحمر ) ورحت اركض غرفتي وتميت ادور شي اسود وابيض لون نادي السد فديته .. ولقيت بنطلون اسود ودورت بدي ابيض ولقيت ورفعت شعري وربطت الشيله على راسي اوني رياضيه .. ورحت اركض وقعدت احذى مشاري ولا معبره تركي الزفت .. مشاري : يالتقليد .. قلت له : والله ما قلدتك انا لابسه ابيض واسود .. " تميت اطالعه من فوق لتحت " مب اسود واحمر .. قال لي : شقصدج .. تركي : يااخي سكتو نبي نشووف المباراه .. قلت له بصوت واطي : شوف حد مغطي عيونك .. مشاري مسك يدي عشان اسكت وتركي طالعني بسرعه .. بصرااحه خفت .. ومشاري يبي يكسر هالجو .. مشاري : اذا فاااز الريااان ابيج تهمزيني لين ما ارقد .. واذا فاز السد شتبين اسوي لج ؟ قلت له : امممممممم .. " وكلمته في اذنه " ابيك توديني المسيره .. مشاري : حااظرين .. مع ان بيكون قهر لي بس شاسوي .. حكم القوي على الضعيف .. وتمينا نطالع المباراه .. والريان جاب هدف وانا انقهرت .. وتميت اتابع انا ومشاري وتركي .. وفي الوقت الضايع السد جاب هدف .. وسويت حفله في البيت .. قمت اناقز ورايحه ويايه ما اعرف شاسوي .. ووعقب خلص وقت المباراه وجا الوقت الاضافي .. وفي الوقت الاضافي السد جابوا هدف وجااااااان اطير من الونااسه .. واقعد اناقز في البيت ودخلت على غايوه في الميلس وخربت عليها دراستها .. قلت لها وانا انااقز : غاااااااااااايوووووه السد فاااااااااز .. غايوه ابتسمت : مبرووك .. همست : قوومي لبسي عشان مشاري قال بيودينا المسيره اذا فااز السد .. غايوه انقزت .. ورحنا لبسنا ولبست خلود بعد .. وخليت ريموه عند امي لان اذا عرفت احنا وين رايحين بتفضحنا عند تركي .. وتركي اذا عرف ان احنا رايحين المسيره عادي ينحرنا كلنا .. ورحنا انا وغايوه نركض سياره مشاري خالي .. واللي يوقفنا صوت تركي .. تركي بصوت عالي : على وين ؟؟؟ التفت عليه بسرعه : مشاري بيطلعنا .. تركي : اصغر عيالج تقولين له مشاري ..؟ قلت : والله هو الي قالي .. وانت لا تتدخل بشي ما يخصك .. تجدم مني : ساااروه والله العظيم اذا ما تس وقاطعه مشاري من وراه : انا بوديهم مكان .. تركي التفت له : وين .؟ مشاري : مكان .. مب لازم تعرف .. اذا انت تشجع العربي تم شجعه .. وراح عنه واحنا لحقناه ..وخالد ياي يركض ورانا ورابط علم السد ورى ظهره.. فديته سداوي.. وركبنا كلنا سياره مشاري وانا طبعا جدام .. ايه انا العوده .. جان فيهم خير يبطلون حجلهم بكلمه .. وراح مشاري صوب المسيره مادري وين تقع .. ترى انا ما ادل ولا شي في قطر ولا غير قطر .. لان مب من كثر طلعاتي من البيت .. من الجامعه للبيت ومن البيت للجامعه ..واذا غيرت خلاص يعني بروح بروح مكان راقي . اروح بيت خالتي زينب ..المهم .. خلود وغايوه بطلو الدريشه وانا بطلت بعد .. خلود طلع علم السد برع ويلعب فيه وخالي يظرب اشارات وهرانه .. مسكين كسر خاطر .. هو رياني وخليناه يودينا المسيره .. هع .. وانا طلعت راسي مستانسه على الجو الحار .. وقعد اغني معاهم .. لانهم حاطين اغنيه حق السد طبعا مب في سياره خالي في سياره ثانيه ومعلين عليه وانا اقول : ايوه ايووووه .. وخالد اخوي معااي .. وغايه تصفق ومستانسين .. والله لو كان تركي بدال خالي .. جان كان اليوم عزانا ..بيذبحنا كلنا وبيفتك من فضيحتنا .. بس خالي فديته طيوب ومايقول شي .. وشرينا لنا عصاير من السوبر ماركت ورجعنا البيت ومحد بيقول حق تركي وين رحنا طبعا .. واول ما دخلنا البيت تركي كان يستقبلنا .. تركي : وين كنتوا .. قلت له : والله كنا مع خالي مب مع حد غريب .. تركي : انتي انطمي ولساني ما ابيه يطب بالسانج .. قلت له وانا رايحه : يكوون احسن .. فصخت عباتي في غرفته وركضت المطبخ وفي يدي كيس العصاير .. وانا ميته من الجوع ..حطيت العصاير في الثلاجه ورحت اشوف امي شمسويه لنا .. يااااي صنيه البطاطا بالفرن .. شنو احب هالاكله .. يمي يمي .. قعدت ادور امي . لقيتها في الصاله تتكلم في التفلون .. قلت : يماا يووعانه .. خلنا نحط العشا ,, امي : روحي حطيه انا الحين يايتج .. ورحت المطبخ وشفت غايوه تدور .. سويت عمري بخرعها جيت من وراها : بووووووووووووه .. غايوه التفت ولا كأن حنجرتي كانت بتطيح وانا اصارخ عليها .. دزيتها : مالت عليج سوي عمرج تخرعتي عشان حنجرتي .. غايوه : والله انج متفيجه .. قلت لها : شنو تركي هاوشج .؟ غايه : هذا اذا ما نطق يوم واحد وهاوشنا ما يكون تركي ولد امي وابوي .. قلت لها : عاادي تهاوشي معاه .. ويقول لج لا يطب لساني بالسانج نفس ما قال لي وبتفتكين من شره .. غايوه : بعد شنو افتكيتي من شره انتي .. بعد ما ظربج وطيحج .. قلت لها : لازم حبيبتي تنظربين وتاكلين تبن عشان تفتكين منه .. غايوه : وانتي شظمنج انج افتكيتي منه .. بكره بيقوم وبيتسبب عليج وبيكفخج .. قلت : خسي الا هوو .. وامي دخلت : ما حطيتي العشا .. توج ميته من الجووع .. قلت : غايوه ما خلتني ... غايوه شهقت : انا يالعاياااره .. امي : بس بس سكتوا.. ثنينكم ما في اعير منكم .. جهزنا انا وغايوه سفرة الاكل وحطينا الصحون والملاعق وامي جابت الصينيه وحطتها في وسط السفره ؟؟ وقعدت اكل بشراهه ماعلي من تركي اما غايوه تاكل وعيونها على تركي خايفه يطلع اللقمه من حلجها .. وخلصت شبعت ورحت غرفتي ابي اناام ..شفت تلفوني يرن .. نطيت على السرير واخذت الجوال ورديت وما شفت من.. : الوووووووووو .. حمد: هلا والله بهالصوت . استانست يوم كلمني واسوي روحي ما عرفته : من حمد ؟ حمد : ايه حمد .. شلونج ؟ قلت له : بخير .. وانت شلونك وشلون لطوف .؟ حمد : كلنا بخير وودنا نشوفج .. قلت : لطوف شبعت مني .. حمد : بس انا ما شفتج الا مره وابي اشوفج .. قلت : ليش .. مب كفايه مره .. حمد : لو وحده تلوع الجبد امثال لطوف جان بقول مره تكفي .. بس اللي يشوفج وين تكفيه نظره .. ومن بعيد بعد .. قلت : بكره ان شالله .. حمد بلهفه : متى ؟ قلت : مادري .. انا يوم اعلق الملابس محد يكون مووجوود عندي فوق .. حمد : بس ما اشوفج عدل .. من بعيد .. قلت : بعد هذا اللي اقدر عليه .. حمد : بكره عندج امتحان صح .. قلت : ايه .. حمد : بعد الامتحان باخذج انتي ولطوف وبنروح مطعم نتريق .. خفت وقلت : لا لا لا لا لا لا لا لا لا لا لا لا لا .. حمد : بل بل بل ليش عاااااااااد ..؟ قلت : واذا حد شافني ..؟ حمد : من بيشوووووفج .؟ مب اخوج يكون في الشغل ؟ قلت : ايه .. حمد :وخالج بعد صح ؟ قلت : ايه .. حمد : عيل من شنوو خايفه .؟ قلت : اوكي خلاص .. متى قلت .. حمد : بعد ما تخلصون امتحانكم .. قلت في قلبي : زين قلت عشان اكشخ شويه .. ^.^ حمد : هاا شقلتي ؟ قلت : اوووكي .. حمد : ما ابيج تكشخين .. بعدين ينعجبون فيج .. ضحكت : هههههههههههه شدعوه .. حمد : ايه بعد انا ابيج لي بروحي .. انحرجت .. وتمينا نسولف حوالي نص ساعه .. وسكرنا من بعض وانا كنت ميته من النوده ابي اناااااااام .. وماصدقت سكرت التلفون والتفت على سرير غايوه مالقيتها .. يحليها تدرس .. وتوني بغمض عيوني عشان اروح بسابع نومه والا ميمي تفدع الباب .. قمت بسرعه .. ميمي : لا لا ابي انام اندش >> طبعا مافهمتو .. قول : ساره ابي انام عندج .. فتحت لها يدي ويات تركض وضميتها ونمت على طوول .. ووعيت على ظربات في بطني .. فتحت عيوني الا ميمي فديتها ترفسني .. شفت الساعه 4 الفجر .. استغربت ان امي ما قعدتني حق الصلاه .. قمت صليت ورديت نمت .. ووعيت على صوت امي تقعدني .. قلت التفت على سرير غايوه شفتها محد : قمت يمه خلاص .. امي : قومي يلا اليوم امتحااانج .. شهقت . يعني اليوم بقابل حمد .. قمت بسرعه وغسلت ويهي ولبست تنوره فوشيه وبدي زيتي نك .. ورفعت شعري كله بعضاضه ( كليب , توكه ) ونزلو خصل حلوه ونزلت غرتي اللي كنت قاصتها من سبوع .. وحطيت ميك اب خفيف .. بودره وظل وردي خفيف وكحل بطريقتي وطلعت من غرفتي ماسكه عباتي وكتبي وشنطتي الورديه .. امي : تعالي تريقي .. قلت في خاطري : انا معزوومه على ريوق تبيني اتريق ريوق البيت .. بلاليط ..؟ قلت : لا يمه مستعيله .. بروح الجامعه .. وين تركي ؟ امي : تركي راح .. تصرت : لاااااا والله .. ومن بيوصلني ؟؟ امي : خالج بيطلع من الحمام الحين وروحي معاه .. قلت : يمه انا مستعيله .. امي : بعد شاسوي فيج .. انتظري مشاري لين ما يطلع من الحمام وروحي معاه .. دقيت الباب على مشاري .. قلت : ميشووووووووو يلا انا بتأخر .. مشاري : زين بطلع .. وطلع وكان لابس الحمدلله ووداني الجامعه وشفت لطوف توها نازله من السياره .. ودخلنا الجامعه مع بعض .. قلت لها : لطووووووووف انا خاااااااايفه .. لطوف : من شنوو ؟ قلت لها : ما درست للامتحان عدل .. والله اخاف يعطوني طرد .. لطوف : درجاتج القبليه اوكي .. يعني مب طاردينج .. قومي يلا .. ورحنا قدمنا امتحان وكان سهل شوي .. رفعت جوالي ابي اتصل بتركي او مشاري يجوني .. لطوف : حق منو متصله ؟؟ قلت : حق تركي والا مشاري .. لطوف : ليش ؟؟ تخرعت : ليش ما اتصل خلصت .. واليوم ماعندي محاظرات .. لطوف : انتي نسيتي ان اليوم بنروح المطعم مع حمد.. تذكرت : ايه صج .. لطوف تغمز لي : يقوول انج حلوه .. شعندها .. انحرجت : ما عنده سالفه اخووج .. لطوف : لا والله من صجه .. قلت : انزين متى بيجي الشمس بطت راسي.. لطوف رفعت جوالها عشان تتصل بحمد اخوها .. لطوف : هلا حمد .. ايه خلصنا .. ايه ايه معاااي .. هههههههههههههههههههههه ان شالله عمي .. يلا باي باي .. اوووووووه سخيف .." وسكرت في ويهه " لطوف : الحين ياي .. قعدنا في الكفتيريا لين ما يجي حمد .. عدلت كحلي وظبطت مكايجي وحطيت لي قلوس وردي .. وعدلت شيلتي .. لطوف ماسكه التلفون : يلا ساروه حمد عند الباب .. شقيت حلجي مع اني احس ان الجامعه كلها يسمعون دقات قلبي .. طلعت من باب الجامعه وشفت واحد راكب سياره مرسيدس سوده وطالع من الغتره شعره الكستنائي .. وعرفت على طووول ان هاي حمد .. لطوف ركبت اول ... وتاشر لي اني ايي .. كانت بتنزل من السياره والتفتت على حمد شكله يقول لها شي .. نزل احمد شهقت . وانا بصراحه مادري ليش انا للحين واقفه مب قادره ادخل .. حمد قرب صوبي وتم يطالعني .. انا انحرجت ونزلت راسي .. حمد : شلوونج ساره ؟ همست : بخير .. وانت شحالك ؟ حمد : طيب من شوفتج .. سمعت لطوف تصارخ مادري شتقوول .. حمد : يلا ركبي لا تستنزل علينا هذي .. كتمت الضحكه ركبت ورى لطوف . وطول الطريج اسمع سوالف حمد ولطوف وهواشهم .. واقعد اضحك .. حمد : ساره ليش سااكته ؟ قلت : اسمع سوالفكم .. حمد : خلاص بنسكت وبنسمعج شتقولين .. لطوف : شفيج ساروه حاطينج على الصامت . خخخخخخخخخخخ قلت لها بعفويه : لا على الهزاز .. ما وعيت الا . حمد : ههههههههههههههههههههههههه ههههههههههههههههههههههههه ههههههههههه .. لطوف : اعجبتك ؟؟ حمد : ههههههههههههههههههههه واايد .. وطول الطريج سوالف وضحك وانا كنت شوي اسولف مب وايد .. مستحيه من حمد .. ووصلنا فندق .. شهقت داخلياً .. معقوووله بنتريق هنيه ..؟ وقف حمد سيارته .. حمد : يلا نزلوو .. نزلنا انا ولطوف وتميت ماسكتها من يدها .. لطوف : شفيج ..؟ ترى حمد ماياكل .. قلت : والله انا مب خايفه منه .. خايفه اضيع .. لطوف : هههههههههههههههههههه شنو اللي بيضيعج .. قلت : سكتي سكتي .. وقعدنا على طاوله .. بصراحه او ل مره في حيااتي ادخل معطم جي .. فخم .. يااااي .. ونااسه .. انا انسدت نفسي عن الاكل .. بس ابي اقعد واطالع هالفخامه .. حمد يأشر بيده : ساااااااااره .. وين رحتي ؟؟ انتبهت له : ولا مكان .. معاكم .. حمد : عجبج المكااان ..؟ قلت له : وااااااااايد .. حمد : كل يوم بجيبج هني .. انتي ولطووف .. استانست : لا مب كل مره .. انا اصلا مادري شلون رضيت .. حمد : افاا .. يعني انا لو بقول لج شي او بطلب منج طلب بترفضينه لي ؟؟ قلت: على حسب الطلب .. حمد : اهااا .. لطوف : يلا أكلنا ..بعد جايبنا هنيه عشان تذلنا .. ابي اكل انا .. حمد : زين زين .. كلتنيني .. اعنبووووووووه .. ونادى واحد من اللي واقفين فوق راسنا .. وتم يتكلم معاه بالانجليزي .. وانا بصرااحه مافهمت الا شوووي .. انا اعرف انجليزي بس مب وايد .. >> ثقافتها فرنسيه ..هع وتمينا ناكل وحمد يقط نغزات وانا اسوي روحي مب فاهمه شي .. وشفت حمد ماسك جواله ومادري شيسوي .. وعقب رن جوال لطوف .. وكأنه مسج .. قرته وتمت تضك .. ظحكت على ظحكتها وسكت .. شفت لطوف قامت .. قلت لها : وين ؟ لطوف : في شي بروح اتأكد منه .. قمت : بروح معاج .. لطوف تطالع حمد : لا انتي قعدي .. دقاايق وبجي .. وراحت بسرعه .. شالساااااااااالفه .. حمد : ماتبين تقعدين معااااااي ؟؟ طالعته : عادي بس ليش راحت لطوف .. وين راحت .؟ حمد : ماعليج منها .. بس انا في بالي سؤال .. ليش انتي تتصنعين الهدوء .. في التلفون حاشرتني هواش وسب .. وهنيه عاد انج ساكته وتستحين ؟؟ بصراحه احرجني كلامه : الكلام مباشره يختلف عن الكلام في التلفون .. حمد : اي احلى ..؟ قلت : لا على التلفون اخذ راحتي اكثر .. حمد : ليش شكلي ما اعجبج ..؟ قلت بعفويه : لا والله حلو .. بس استحي شوي .. حمد : صج انا حلو ؟؟ قلت : ليش شااك ؟ حمد : اناااااا اقوووووووووول كل ما ارووح مركز من هالمراكز يتلايموون علي البناااااات .. تخصرت : لااااااااا والله .. حمد : ههههههههههههه شفيج تغاارين .. انتبهت على نفسي : لا ما اغار .. بس يبين من كلامك انك كذااااب .. حمد : انا ما اكذب .. قلت : امبلا .. والا البنات ما يتلايمون على شبااب .. حمد : امبلا .. انا اكوني جدامج .. يتلايمون علي البنات قلت : بس ترى المطعم بينفجر .. حمد مستغرب : ليش ؟؟ قلت : من الصواريخ اللي تطلعها .. حمد : ههههههههههههههههههههههههه .. صج عاد .. يرن جوال حمد .. احمد : شتبين.. استغربت.. يكلم بنت وجدااامي بعد .. شوفو الوقااحه .. احمد يكمل : ليش تين .. خلج شوي .. ههههههههههههههههههه زين تعالي يلاا .. جب جب تعالي وانتي سااكته .. قلت له بفضووووووووووول : منوو ؟؟ حمد : وحده .. احتريت مادري ليش .. وتميت ساكته الا لطوف يايه ... لطوف : شقلتووووووووووووووو ؟؟ ضحكت : ههههههههههههههه ماقلنا شي .. يلا ترى تأخرت .. بيحشرني تركي .. حمد : يلا بوصلج .. قلت : اووكي يلا .. وركبنا السياره وحط حمد اغنيه محمد عبدوه " اخر طموحاتي " وتميت اسمع والكل سااكت .. ووصلني حمد البيت .. وانا افتح باب السياره : مشكوورين على التوصيله والعزيمه .. حمد : حااظرين .. وسكرت الباب وهم دخلوا فلتهم .. دخلت وشفت الساعه كانت 11 ونص .. واتصلت حق تركي بسرعه ..رد علي على طول .. تركي : وينج صار لي ساعه الا ربع متنقع عند الباب واتصل لج مغلق .. وينج هاااااااا ؟؟ خفت : انا في البيت .. تركي : شنووو ؟؟ في البيت منو موصلج .. ارتبك وماعرفت شاسوي .. تركي وشكله الشرار يطلع من عبونه : انا ياااااااي الحين ... خفت دخلت الصاله وشفت امي وميمي وريموه قاعدين .. سلمت على امي ورحت غرفتي وبدلت ورجعت الصاله .. امي : وين تركي اخوج ؟ قلت لها : الحين بيجي .. امي : ليش وين راح .؟ قلت : مب هو اللي وصلني .. امي مستغربه :عيل منووو .. قلت : لطووف .. انفتح الباب بقوه وحسيت ان البيت تزلزل .. بلعت ريجي .. وعلى طووول يا صوبي .. تركي معصب : منوو موصلج ؟؟ قلت له : انت ليش معصب الحين ..؟ خلاص اللي صار صار .. لا تعصب .. تركي يمسكني من ثيابي ويقومني : من اللي موصلج ..؟؟ قلت له : لطوووووووف .. لطووف موصلتني ... هدني ,.. تركي يرص على اسنانه : ولطووووووووف من وموصلهاااااا ..؟؟ قلت له : اخوووها يعني منووووووو ؟؟ مد يده وعطااني كف طيحني على الكرسي .. وتميت ماسكه مكان الكف واصيح .. وامي يات على طول ووقفت في الوسط : بسك يا تركي خلاااص .. تركي مب معبر كلام امي .. وراح من وراها وسحبني وانا امسك جلابيه امي وكأني اترجاها تتصرف او تسوي شي .. لان شكلي بمووت على يده اليوم .. تركي يصطرني كففه على ويهي وانا احط يدي واصااارخ وابي اشرد منه لكنه ماسكني عدل .. وكنت انتظر خالي يجي من دوامه يتصرف معاه . لكن خالي يرجع الساعه 2 .. تميت اصيح واصااارخ .. وانا اشوف وجوه ميمي وريموه شلون كانو يطالعون المشهد.. وامي تمسكه وهو يدزها بعيد عنا .. ومن بعدها ماحسيت بالدنيا .. واسمع صراخ امي وتركي ومادري شكانوا يقولون ..واسمع امي تقوول ماااتت اختك ماتت .. كنت احس بيد ماسكه يدي .. واحاول افتح عيوني لكن احسها ثقيله .. وجسمي احسه مكسر .. وفتحت عين وحده بس والثانيه كانت تعورني مقدرت افتحها.. وشفت امي جنبي ماسكه يدي وخالي واقف فوق راسي وخالد وريم وميمي مصطفين قاعدين على كرسي واحد ..وغايوه قاعده تصيح .. امي نقزت صوبي : شلوونج يمه ..؟ ان شالله الحين احسن .. شفت الخوف بعيونهم لكني ما قدرت اتكلم .. حسيت ان صوتي راح من كثر الصراخ .. وتلفت يمين ويسار وعرفت اني في المستشفى .. يات الممرضه وتطمنت علي ويا الدكتور .. الدكتور: شلونك ساره .. ان شالله دحين احسن ..؟ قلت له بتعب وبصوت مبحوح : مادري . كشف علي الدكتور وطلع .. مشاري مسك يدي : شنو يعورج ؟ صحت : شفت تركي شسوى فيني .. مشاري : لا تصيحين حبيبتي .. لاتصيحين .. حاولت اسكت لكن ازيد من صياحي .. لان حسيت اني بموت من الم ويهي وجسمي .. ونادولي الممرضه ويات عطتني ابره ونمت على طوول .. وعيت على الساعه 2 الفجر .. تلفت يمين ويسار شفت خالي مشااري بس موجود ويطالع التلفزيون .. همست : خالي .؟ خالي التفت بسرعه : ساره .. قلت له بتعب : ابي مااي .. خالي نادى الممرضه عشان تعطيني ماي .. وعطتني بس شوي .. خالي مشاري : شلوونج الحين . ابتسمت : بخير .. خالي : خوفتي امج عليج .. واليهال يصيحون .. يحسبونج متي .. قلت : لو اموت احسن من هالعيشه .. خالي : سوير لا تقولين جي مره ثانيه .. والله ثم والله ازعل عليج .. قلت : والله يا خالي انت اللي مصبرني على هالعيشه .. تركي يضربني من صوب وانت تهديني من صوب .. ليش هو يكرهني ؟؟ انا شسويت فيه .. " وابتديت اصيح " خالي قرب مني : لا لا ساروه انا ما ابيج تصيحين .. وتركي غلطان وهو شكله ندمان على اللي سواه فيج .. اصيح : خالي هاي مب اول مره يضربني .. كسرني والله كسرني .. لين متى عاد بتم جي لين متى ؟؟ خالي يحاول يهديني : انتي اهدي وانا بكلمه وبقول له ما يمد يده عليج .. ترى انا هاوشته.. وقلت له ماله خص فيج دامني حي .. انا اللي بأدبج .. قلت : بس انا ما سويت شي غلط .. خالي : بس طلعتج مع حمد غلط .. قلت بسرعه : ما كنا برووحنا .. كانت لطوف معاي .. خالي : بس لازم كنتي تقولين حق تركي والا حق امج والا لي .. مايصير تروحين سكاتي .. فكذبت عليه : كان تلفوني مفضي واخذت بطاريه لطوف عشان اكلم تركي .. خالي : انزين حبيبتي خلاص لا تتعبين روحج .. ان شالله تركي مابيمد يده عليج .. انتهزت الفرصه : قووووووله ماله شغل فيني .. خالي : ان شالله ..اي اوامر ثانيه انسه ساره ..؟ ابتسمت : مشكوور .. خالي: ايه جي ابتسمي .. طلع جواله : سمعي هالنكته : سأل مدرس طالب .. ماذا تعني لك الوطن .. قال له امي .. سأل رفيجه الثاني .. ماذا تعني لك الوطن .. قال له .. ام صديقي .. ههههههههه ضحكت : هههههههههههههههه سخيف .. خالي : انا .. ضحكت : ههههههههههههه لا اللي مألفها .. خالي : هههههههههههههههه ايه تصدقين .. عيل سمعي الثانيه .. غبي يقلب في الثلج .. قلت له : ليش ؟؟ قال : ههههه يدور وحده حاره .. ههههههههههههه ضحكت : هههههههههههههههه صج غبي .. وتميت طول الوقت اسمع نكت من عند خالي .. ويوم خلصو من جواله قام يألف نكت وبقول مواقف تضحك صارت له .. وانا بس اضحك .. فديته خالي والله اني ماراح القى واحد مثله يهتم فيني واهمه .. |
لجزءالثالث بعد يومين طلعت من المستشفى .. واخذت معاي عذر طبي عشان اقدم الامتحان الي فاتني .. ولطوف يحليلها اتصلت علي وأسألتني ليش ما جيت .. جان اخر لها السافه كلها .. وتمت تتحلطم على تركي .. رديت من المستشفى وكانت الساعه 4العصر .. دخلت الصاله وشفت تركي قاعد في الصاله وامي وغايوه معاه .. امي وغايوه يوم شافوني يايه مع خالي وقفوا وسلموا علي .. استااانست .. اول مره احس اني مهمه .. ولا عبرت تركي رحت غرفتي ارتحت شوي وهذا طلب امي .. وبدلت ملابسي وتسبحت وطلعت ودرست شوي لان بكره بقدم الامتحان اللي فاتني .. وتميت ادرس لين الساعه 8 .. غايوه دخلت علي .. ابتسمت لها ويات قعدت جنبي : شلوونج .؟ ابتسمت : بخير .. شسويتو بدووني .؟ رفعت جتوفها مب مهتمه : ولاشي .. ملل وجو البيت متكهرب وامي ماتكلم تركي وتركي يحط الحره في اليهال .. وانا دايما اخليهم في غرفتنا عشان مايلحقونج .. هههههههههههه ضحكت : زين سويتي .. هذا ثور مايحسب حساب حق حد .. المعفن .. وتمينا نسولف لين موعد العشا .. تعشينا وكان تركي محد .. ترى تركي نااادر ياكل معانا . كله برع .. و24 ساعه التلفون في يده .. قلت : يمه .. امي : نعم ..؟ قلت : يمه ابي تلفوون ثاني .. هذا كله يسكر في ويه اللي اكلمهم .. وكل 10 دقايق يبي جرج .. يمه هذا الجوال من يكون عنده في الوقت .. تراه منقرض .. حتى المتحف مابياخذونه .. خالي : ههههههههههههههههههههههه ولا يهمج انا باخذ لج جوال وبحول كرتج فاتوره .. بلا رصيد بلا كرووت .. استاااااااااانست : مشكوووووووووور يا احلى خال في الدنيا .. خالي يطالع ويهه في المنظره الصغيره اللي في الصاله : والله ابيض .. فطست عليه من الضحك : ادري .. شفت غايوه نقزت راحت صوب التلفزيون .. اثااااري حاطين اغنيه اليسا " كرمالك " وهي تموووت عليها .. و تعشىينا وانا مع الايام نفسيتي كل يوم تتحسن .. قدمت غايوه امتحاناتها ونجحت وافتكت من الثانويه ومن المدرسه بكبرها .. اوانا بكره اخر امتحان عندي وعلاقتي بحمد كل يوم تزيد عن اللي قبله .. وما يصير شي في يومياتي الا وخارته له وهو نفس الشي .. ولطوف هي الوحيده اللي تدري .. طبعا هي مرسال اللي بينا .. وحسيت اني ما اقدر ابعد عن حمد .. ما ادري هو حب والا شنو .. بس ما اقدر يوم ما اكلمه .. صار شي مهم في حيااتي .. التفت بسرعه لان جوالي رن .. رديت : هلا بهالصوووت .. حمد : للحين ما سمعتي صووتي .. هههههههههههههههه ضحكت : هههههههههههههه بس عارفه .. حمد : هلا حبي .. شلوونج ..؟ من زمااان ما لكمتج ..!! قلت : شنووو ؟؟ من نص ساعه مكلمني .. حمد : اشتقت لج .. قلت بدلع : عن المصاخه .. يلا سكر ابي ادرس .. حمد : اووكي حبي .. درسي عدل وبكره طوووووول اليوم بكلمج .. ماعندج عذر .. دراسه وبتكونين مخلصه .. ابتسمت : اووكي .. حمد : مع السلامه .. رديت : في امان الله .. واول ما سكرت انفتح الباب .. دخل خالي وحاط يده ورى ظهره وكأنه خاش شي : شلووووون الحلوه الامووره ..؟ وانا اخذ كتابي من على الكمودينو : زينه .. انت وين طول اليوم مب مبين .. قعد على سرير غايوه : انا كنت في الشغل رديت البيت ونمت وقمت ورديت طلعت وجيت الحين .. ابتسمت : شنو اللي خاشه ورى ظهرك .. خالي يطلعه : ترررااااااررررااااااا .. شهقت : جوااااااااااااااااااااااا اااااااااااااال يدييييييييييييييييييييييد .. وخذته على طووول وفتحته .. وكان نوعه N72 وبست خالي على خده : مشكووووووووووور يا احلى مشااري في الدنياا .. خالي : العفوو حبيبتي .. وبعد غيرت خطج من رصيد الى فاتوره .. طرت من الوناااسه : احبك خااااااااااالي .. خالي ابتسم وقعد يعلمني على الجوال وانا شاقه الحلج .. وعقب غايوه نادتنا على العشا ورحنا تعشينا .. وطبعا تركي مب موجوود .. وعقب كنت بنام بس امي قالت لي اروح اسقى الزرع .. انطبت جبدي .. رحت برع وانا اتحلطم .. وشفت تركي عند باب الحوش وماسك جواله ومبتسم ويتكلم .. وكاااااان خااطري اسمعه شنو يقوول .. قربت منه وكنت ورى شجره وهو جدامها .. يعني ما ابين واضح .. تركي : ايه حبيبتي .. ترى ما اقدر اتم عندج اكثر من جي .. اهلي بيشكوون .. وانا في قلبي : شنشك فيه ..؟ تركي .. ما توقعته . الاخ النصوح اللي مايرضى بالغلط .. يكلم بنت ولا يروح لها بعد .. تركي : لا والله اني احبج شعوول لا تقوولين جي .. هااا .. ههههههههههههههههههههههه لا والله انا عند باب بيتنا .. ليش ؟؟ .. اييج الحين ..؟ لا ما اقدر وصلت البيت وبيني وبينج تعبان ابي انام .. لا ما اقدر انام عندج اليوم .. شوفي حبيبتي .. بقول لهم اني مسافر يومين او سبوع وبيي بقعد عندج .. شراااااايج ..فديتج والله .. لا مب هالايام .. الحين ما اقدر ..عندي ظروف شوي .. ايه هي مهلكتني.. الله يسلمج ..اوكي حبي ترى انا من مساعه عند الباب اكلمج .. ما اقدر لا ادخل ولا اطلع .. ههههههههههههههه شلون ارجع لج بعد .. شوفي مشاعل ماما .. انا بدخل البيت الحين وبنام وبكره اول ما اقووم بكلمج .. اوكي حبي ..؟ مع السلامه .. وسكره وانا فاتحه حلجي على وسعه من الصدمه .. معقوووووووووووووووووله .. تركي يحب وحده ويروح لها ويتقابلون .. ولااااااااا بعد بيروح يبات عندها .. يالله شوفو الدنيا .. دخلت داخل البيت وافكار توديني وافكار تجيبني .. ورحت غرفتي وانا سرحانه .. غايوه : ربعي كلهم مسجلين في الفنيه .. اما انا ابي اسجل في اداره واقتصاد .. مارديت عليها لان بالي مشغول في تركي مب فيها .. يعني معقوله تركي من هالنوع .. شلوووووووووون .. يالله .. نمت وهالافكاار في بالي .. وعيت وانا بردااااااانه .. فتحت عيوني بالغصب وشفت ميمي ساحبه عني الالحااف .. سحبته منها بقوه وطاحت وتمت تصيح وانا اغطي اذني عشان انام .. بس ما قدرت هذا صياح مريم بنت راشد وين تسكت .. قمت وخذتها وسكتها وبالغصب سكتت يوم طلعت لها حلاوه من شنطتي .. ودخلت الحمام وتسبحت ولبست بيجامتي ورحت الصاله .. وشفت امي تجهز الريوق بستها على راسها .. سألتها : يمه وين تركي ؟؟ مادري ليش سألتها هالسؤال مع انه مايهمني ..! امي : تريق بسرعه وراح دوامه .. خالي : يلا تريقي عشان اوديج الجامعه ومااتأخر .. هزيت راسي بمعنى اوكي وانا في حلجي اللقمه .. تريقت ورحت غرفتي بدلت ولبست عبايتي وشيلتي واخذت كتبي وبست امي على راسها ورحت مع خالي اللي كان ينتظرني في السياره .. ورن جوالي وكان حمد اللي متصل .. ارتبكت وحطيته صامت .. خالي التفت علي ورد طالع الطريج وهو ساكت .. ارتحت لانه ما سألني .. ووصلت الجامعه .. خالي : انا بمر عليج هاا .. اتصلي لي اذا خلصتي .. قلت : ان شالله .. دخلت داخل وشفت لطوف تتلفت كأنها تدور حد .. شافتها وشافتني .. لطوف : هااااااااا ليش تأخرتي .. خفت عليج .. ابتسمت : ما تأخرت .. يلا امشي وراي امتحانين .. لطوف : ليش امتحانين ؟؟ قلت : واحد ما قدمته .. لطوف : اهاا .. يلا امشي .. رحت وقدمت امتحاني ورحنا الكفتيريا واكلنا شوي ورجعنا .. ووقفنا عند الباب .. رن جوال لطوف .. لطوف : هلا حمد .. ليش ؟؟ .. زين لحظه " تكلمني " ساروه من بيوصلج ..؟ قلت : خالي .. ليش ؟ لطوف ردت تكلم حمد : خالها .. ليش ؟ ليش مب ياي . اووكي خلاص .. زين بااي .. قلت لها : شنو ؟ لطوف : عادي توصليني ساروه . قلت لها : ايه ايه عاادي افااا عليج .. " شفت سياره خالي يايه " يلا كاهو خالي يااا .. وركبنا السياره .. انا ولطوف : السلام عليكم .. خالي يطالع لطوف وشكله مستغرب : وعليكم السلام .. قلت له : خالي هذي لطوف رفيجتي .. خالي : جارتنا ..؟ قلت : ايه .. خالي : شلوونج لطيفه .. لطوف مستحيه : بخير الحمدلله . شحالك انت .؟ خالي : طيب طاب حالج .. وخالي حط اغنيه " هلي " لراشد الماجد وقعندنا نسمع بأنصات .. ووصلنا لطوف بيتها ونزلت لبيتنا .. وكانت الساعه1 الظهر .. دخلت : السلام عليكم .. امي : وعليكم السلام .. تعالي شووفي اخوج .. طالعت تركي وهو كان يطالعني : اي اخوو ؟ امي : يبي يساافر .. قلت في قلبي : اهااا .. يعني بتسوي اللي في بالك ياترووك .. بترووح لها .. قلت لها : وشالمشكله يعني ؟ امي : يرووح ويخلينا برروحنا .. قلت لها : لا يمه افا عليج عيب تقولين هالكلام .. وخالي وين راح ..؟ امي : خالج البركه فيه .. بس ماله حايه يروح هذا .. تركي : يمه لازم ارووح .. امي : قلت لي كم يووم ؟؟ تركي : سبوع او سبوعين .. ما ادري .. شهقت داخليا وفي قلبي : كل هذا بيتم معاها .. ما توقعتك جي يا تركي .. طحت من عيني .. امي : وين بترووح ؟ وين بتسافر .؟ تركي : بروح الايمارات عندي شويه اشغار وبرجع .. في قلبي : وبترووح معاها الايمارات بعد .. واحنا على الكرنيش ما تخلينا نتمشى .. امي : متى بترووح ؟ تركي :يمه هالكثر الواحد يسأل انا رايح عندي شغل مب مجاهد .. خالي : انزين شبيصير فيك اذا جاوبت وانت ساكت ..؟ تركي قام وبدون نفس: بعد يومين بذلف زين .. قلت في قلبي : روحه بلا رجعه .. تركي وهو رايح : ساروه ابيج تعالي .. استغربت .. شيبي فيني ... رحت غرفتي بدلت ولبست بجامتي وتوضيت وصليت وراحت الصاله ما لقيته .. وعقب انفتح باب غرفته .. تركي : تعااالي انا هنيه .. رحت صوبه : خير ؟ تركي: تعالي الغرفه ابيج في موضووع .. وانا في قلبي : ليكوون شافني وانا اتسمع يوم كان يكلم حبيبه قلبه .. وبيهاوشني .. بس لو بيهاوشني ليش يكلمني ببرود .. يمكن يبي يعترف لي .. زين ليش انا و هو مكفخني من كم يوم ..لا اكيد بيعتذر لي .. لا تركي اصلا متى اعتذر .. المهم .. قعدت على سريره .. ويا قعد حذاي .. وانا دقات قلبي تسمع فريج .. مادي خوف منه والا من الي بيقوله .. والا من قربه مني وقربي منه ..؟؟؟!!! تركي : بدون لف ودوران والمقدمات اللي الكل يقولها .. شرايج بماجد ..؟؟ حيرني سؤاله : وانا شلي خص بماجد وغيره .. تركي يعني انتي يوم شفتي ماجد اعجبج .. اعجبتج شخصيته .. ترى هو ريال والنعم فيه .. قلت له : ما يهمني.. طالعته كأي واحد .. ليش ؟؟ " وقلت بأستهزاء " مات .؟ تركي : مب وقت سخافتج الحين .. وقفت : شكلك ناوي علي . وانا مافيني شده حق ضربك .. تركي يرني من يدي وقعدني على السرير : قعدي انا ما خلصت كلامي .. تأففت : شتبي ..؟ تركي : ماجد اخطبج مني .. شراااايج ؟؟ انصدمت : نعععععععععععععععممممم ..؟؟ لا ما ابيه .. تركي شكله انقهر : وليش انشالله ..؟ قلت له بكل ثقه : مايعجبني .. تركي : حلفي عاد ..؟ قلت ببرود : والله .. تركي : عاد انا رديت عليه بالموافقه .. تخصرت : ياااااااسلااااااااااااام .. عيل ليش شاورتني حاظرتك .؟؟ تركي ببرود ماتوقعته : لا بس حبيت اشوف رايج بالاول .. وقفت : انا ما ابيه .. تركي : ما يهمني رايج .. المهم الريال تقدم وخطبج وانا وافقت وانتهى الموضووع .. قلت له وانا ماسكه الصيحه : انت لا تشووف ابوي مطلق امي وقلت بتتصرف فيني على كيفك .. لا حبيبي .. انا برووح عند ابووي وبقول له كل اللي صاار .. تركي بكل ثقه : روحي له . اللي يسمعج يقول بيعطيج ويه .. قهرني اسلوبه وصرخت في ويهه : انا مااااااااااارااااح اتزووووج هالحيووووااان تسمع .. لو على قص رقبتي ما راح اتزووجه .. ورحت اركض غرفتي وانا اصيح وسمعته يقول : بتتزوجينه يا سوير بالغصب ياسوير وبنشووف من اللي بيمشي كلامه بالاخر .. طحت على سرير ميته من الصيااح .. ودقيت على حمد على طوول .. حمد : هلا حبي .. قلت وانا ميته من الصيااح : حمد بيزوووووجووووووووني بالغصب حمد بيزووجووووووووني .. "واصيح بصووت عالي " حمد : شنوووووووووووووو ؟؟ شتقوووولين سااااروه شتقوولين ... من بيزووجج ..؟؟ اهدي وكلميني شوي شوي .. من بيزوجج ..؟ من بيزووجج بالغصب ؟؟ رديت عليه وانا احاول اخفف صياحي عشان يفهم انا شاقول : تركي اليوم كلمني وقال ان رفيجه خطبني منه وهو رد عليه بالموافقه .. ويوم قلت له ما ابي قال بتتزوجينه بالغصب ... انا ما ابي اتزووجه حمد ما ابيه .. حمد تم ساكت .. وعقب : هالحيواااااااان من قال له ان انتي ما عندج والي .. على كيفه يقرر ويوافق .. وين ابووج ..؟ قلت له : قلت له اني بقوول حق ابووي .. بس شكله ابووي ماراح يسوي شي .. حمد انا تعباانه .. تعبت خلاااااص من تسلط تركي علي .. كفايه يتحكم في طلعاتي .. بعد يتحكم في شريك حيااتي .. هنيه وبس .. حمد : اهدي حبيبتي خلنا نتفاهم ونعالج الموضوع بهدووء .. قلت له وانا اصيح واشاهق : تركي بيسوي اللي في راسه انا اعرفه .. حمد انا ما ابي اتزوووج غيرك .. حمد انا احبك .. حمد : انا بعد سارووه امووت فيج .. ومستعد الحين اجي اخطبج .. بس خلنا نفتك من هذا اللي ياي يخطبج وبعدين بخطبج على طوول .. والله اني امووت عليج سارووه .. قلت : تمووت علي تعال اخطبني الحين .. حمد : ساروه من صجج .. الحين .؟ هالحزه .؟ وبعدين اخوج غاصبج على اللي مايتسمى واذا انا جيت بسبب حق روحي الاحرااج .. قلت وانا معصبه : تسبب حق رووحك الاحراااااج وانا تسبب لي الموووووت ..؟ حمد : لا تقولين جي بعد عمري .. ان شالله انا ولا انتي .. عصبت : مااا منك فااايده . انا ابيك تشوووووووووووفلي حل حق هالمصيبه .. وسكرت في ويهه او انا منهااره .. اصيح واصيح .. ورحت اركض طلعت برع الحجره .. ورحت اركض المطبخ .. وشفت امي بتحط الغدا .. رحت صوبها وطحت عند ريولها وانا ميته من الصياح .. امي تخرعت : ويه ساارووووووه شفيج ..؟ قلت لها وانااحاول القط انفاسي وانا اصيح : يمه تركي .. امي : شفيه ضربج ؟؟ قلت لها : يااااااااليته ضررررررربني يا يماااااه يا ريته .. امي بحيره : عيل شفيج .؟ اصيح وانا اصاارخ : يماااااااه تركي بيزوجني بالغصب .. بيزوجني بالغصب يا يمه .. امي شهقت : شتقوولين انتي .. شلوون يزوجج بالغصب ؟؟ مب على كيفه .. قلت لها وانا اضرب ويهي : قال حق الريال اني مواااااااافقه .. وبيرد له خبر الموافقه بعد يوووومين .. يمه انا ما ابيه ما ابي مااااااااااااجد .. امي مسكتني من كتوفي ووقفتني : لا تصيحين ولا تسوين بنفسج جي . انا بكلمه .. ومب على كيفه يغصبج على الريال .. وودتني غرفتي وانا ما اقدر اوقف من الصيااح .. وخلود وريموه يطالعووني وميمي تلحق امي وهي تصيح .. وغايوه مادري وين تطس بهالمواقف .. ودتني غرفتها وسدحتني على السرير .. امي : رقدي انتي الحين وانا بكلمه .. سكت لاني وايد متفائله بأمي .. اكيد بتغير رايه .. بس هاي تركي اذا ما مشى اللي في باله ما يكوون تركي بن راشد .. فتحت عيوني . بأول استغربت المكان وعقب تذكرت ان امي يابتني غرفتها .. رفعت راسي ابي اقعد حسيت ان راسي ثقيل .. عوورني .. قمت بكسل وشفت الساعه 7 المغرب .. استغربت .. وانا رايحه غرفتي مريت الصاله .. وشفت غايوه وامي وميمي راقده في حظن امي والتلفزيون مسكر .. استغربت .. رحت غرفتي وانا ساكته وهم بعد ساكتين .. دخلت الغرفه وتوضيت وصليت العصر والمغرب .. وتميت اقرى قران لين ما اذن العشا .. وفكرت اروح الصاله بس اخاف اشوف تركي ويفتح معاي الموضوع .. فتحت الكمبيوتر .. وفتحت المسنجر وشفت 5 اون لاين .. ومن ظمنهم هاجر بنت عمتي .. من زماااااااااان ما كلمتها ..او بالاحرى من زماااااااان مادخلت المسنجر .. تميت اطالع المتصلين .. كلهم صديقاتي ايام الثانويه .. دخلت علي هاجر .. استانست .. صج اني ما اعرفها ذاك الزود بس اللي اعرفه انها احسن خوانها وخواتها ... وكان نكها .. "مجروحه الخاطر" .. وانا نكي " الحايره " مجروحه الخاطر : هاااي .. رديت: هاياات .. مجروحه الخاطر : منو معااي ؟؟ فكرت اني العب عليها لكن مالي بارض : انا الحاايره .. سااروه .. ردت : هلااااااااااااا سااااااارووووووه شلوووونج شخبااااااارج ؟؟ شمسووووووويه ..؟ ضحكت : هههههه الحمدلله بخير .. انتي شحالج .. من طول الغيبات جاب الغنايم .. ردت : بخير الحمدلله . تصدقين من كم يوم انتي في بالي .. رديت : ليش ؟؟ عسى ما شر ..؟ قالت : شفت وحده تشابهج في التلفزيون .. وفكرت ازووركم .. قال لها بلهفه : ايه تعاااااااالي واللي يسلمج هجوور .. والله اني متملله .. والجامعه وخلصت بعد شاللي معطلج ؟ هاجر : انزين انتي ليش ما تجينا ..؟ قلت : انتي الدريول 24 ساعه تحت امرج .. اما انا وعليه علي.. الجامعه يوصلوني بالحسره .. هاجر : ان شالله ايكم بكره .. شرااااايج مناسب .؟ قلت لها : واااايد منااسب .. قولي حق اريج تجي بعد .. هاجر : لا مب قايله لها .. انتي تعرفينها فديتج .. ما تحت تروح الا بيوت ربعها هالمعفنه .. ضحكت : ههههه وانتي وياها للحين تتهاوشوون ؟؟ ردت : لين باجر .. وتمينا نسووولف وخذت رقمي واخذت رقمها ..وسكرنا .. الله يسلمكم هاجر هذي بنت عمتي نهله .. عمتي نهله وحده شرانيه واهم شي عندها المظاهر والفلوس .. عندها بنتين وثلاث اولاد .. غيث البكر .. هو اكبر من تركي ب 4 سنوات.. يعني عمره تقريبا 27 سنه .. ماتزوج للحين وهو يشتغل في شركه امه ..وبعده اريج .. هذي شايفه نفسها وكأنها مب مصدقه ان عندها خير .. مب متزوجه للحين وهي نفس امها في الطبع .. اهم شي عندها المظاهر ومن جي محد جاها .. تبي واحد مب اقل منها تعليم ومايجي حلو ولا خايس . مب فقير ..وتبيه غني .. ما اقول الا الحمدلله والشكر .. المهم وبعد اريج توأم اولاد .. ذياب وراكان .. عمرهم 23.. يتشاابهون وايد .. بس اقدر افرق بينهم لان راكان يلبس ثوب .. اما ذياب يلبس بدل .. واشوف ملامح ذياب احلى شوي .. بسوي بس لان الفرق بسيط .. ذياب : متكبر وشايف نفسه وهو دلوع امه .. كل طلباته مجابه .. وهو عايف الثوب والزي الخليجي ورايح للأجنبي .. بنطلون وسلاسل وكاب وهالحركات .. اما راكان : محامي .. كان يشتغل في شركه امه لمده سنه وبعدين طفر من تسلط امه عليه وهي ماتبي تمشي على رايه .. تبي اللي تقوله يمشي وهالشي ما عجب راكان . وطلع من الشركه واستقل في شغله .. وهو طيب غير عن ذياب اخوه .. وكل هلاشياء والمعلومات عرفتها من هجووووور اخر العنقووود .. عمرها 21 سنه طيبه وحبوبه احسن من اريج اختها ودايم اوافيها بالمسنجر .. ومن زماااااان مارحنا بيتهم ..يمكن صار لنا سنه او سنه ونص .. بالعاده امي ما تروح بس انا وغايوه وتركي يكون من التوأم ..اما خالي مايحب يطب بيتهم .. رن جوالي وقحصت رحت صوب تلفوني .. وشفت لطوف المتصله .. اكيد حمد قال لها .. رديت : هلا لطووف .. لطوف : هلا حبيبتي .. شلوونج الحين شخباارج .. قلت لها والغصه ذابحتني : قالج حمد ..؟ لطوف : ايه قال لي .. ولا يهمج ساروه ان شالله تركي يلين راسه .. ماقدرت استحمل صحت .. لطوف : بس سااروه مايصير جي .. خلاص بسج صيااح .. قلت لها : لطوف انا بارتبط في واحد ما احبه ولا اعرفه .. لطووف انا احب حمد والله اني احبه ما اقدر اعيش مع انسان غيره .. لطوف : هو بعد كان يقول لي والحزن بعيونه .. بس قال انه ماراح يسكت .. قلت لها باستهزاء : هه يعني شبيسوي ؟؟ دخلت علي غايوه .. لطوف : مادري عنه . بس قال بيتصرف ما راح يسكت .. سكت شوي .. لطوف : ساروه حبيبتي لا تزعلين روحج واعتبري ان ما صار شي .. صرخت عليها : شلوووون اعتبر ان ما صااار شي ؟؟ وتركي قال له موافق .. ومادري بعد اذا قال ان انا موافقه والا لا .. هذا حيوااااان ما يحس .. لطوف : ساروه انا الحين بايي بيتكم .. قلت لها : انصحج لا تجين لان الجو متكهرب وماراح تستفيدين شي .. لطوف انا الحين بسكر باي .. وما عطيتها فرصه ترد .. سكرت .. طالعت غايوه وصديت .. غايوه : ليش جي قلتي لها .. هي مالها خص .. ليش تحطين حرتج فيها .. عصبت عليها : انتي مالج خص .. انا ولطووف ننياز .. غايوه : لا تاكليني بس .. كيفج والله .. هديت شوي وفكرت بكلام غايوه .. وطرشت حق لطوف مسج .. " سوري لطووف كنت معصبه شوي .." نطرت واول ما تم التسليم ياني مسج " لا عادي انا حاسه فيج ومراعيتج " تنهدت وانسدحت على السرير افكر بحالي .. غايوه : مادري اقول لج والا ما اقول لج .. قمت متخرعه حسيت ان في شي صاير : شنوو ؟ غايوه بلعت ريجها : امي كلمت تركي عن موضوع خطبتج من ماجد .. قلت لها وانا ومتجمده مكاني : انزين ..؟ غايوه : تركي عصب وقال ملجتج بعد ما يرجع من السفر .!! صرخت في ويهها : شنووووو ؟؟ هذا على كليفه ..؟ رحت اركض الصاله ابي اتفاهم معها . يظربني يكفخني يطرشني قبري اليوم عاد عندي .. ولا انه يتحكم فيني ويزوجني واحد ما اطيقه ولا احبه والمشكله اني احب غيره .. وصلت الصاله وانا كل همي اعفد على تركي واطيح فيه ضرب لين ما يتوب عني ويتركني بحالي .. تلفت يمين ويسار مافي في الصاله غير امي وخالي وريموه وميمي .. يعني تركي محد .. قلت بكل عصبيه : وينه .؟ امي : بسم الله الرحمن الرحيم .. منو ؟ قلت : تركي وييينه ..؟؟ خالي : طلع شتبين فيه .. قلت : ابي اتفااهم معاااه .. لين متى وهو بيتحكم فيني .. توصل لمسأله الزواج ويوقف .. خالي : ان شالله انا بقنعه .. قلت بأستهزاء : بتقعنه ؟؟ ليش امي ما قنعته خلااص .؟ امي : يعني شاسوي اذا اخووج عنيد وراسه يابس ..؟ قلت : لا تسوين شي .. بس خلي حياتي تنبني على خراب وانتي شوفي لا تتعبين روحج وتساعديني .. خالي : امج مالها خص .. كلمت تركي غير جي شبتوي .. قلت لج خليه علي .. قلت بعصبيه : يعني امي بتكله وانت شبتسووووي يعني .. بترقص له ..؟ خالي شكله عصب وقام وصطرني .. امي شهقت ويات صوبي .. امي : مشااري شفيك عليها ..؟ مو كفااايه تركي .. خالي قرب صوبي وشكله ندمان وانا بعدت عنه ورحت اركض غرفتي وحمدت ربي ان غايوه محد وقفلت الباب .. وقعدت على السرير .. ما اعرف اصيح على الكف والا اصيح على الكلام الي قلته والا اصيح على حالتي ..؟ تميت ساكته والدموع تنزل مني بهدوء وبدون استأذان.. وعقب ما قدرت استحمل .,. انا احب حمد ما اقدر اتزوج غيره .. ماااااااااااااقدررررررررر رر .. وتميت اصيح بصووت عالي وانا اضرب الارض .. لين ما حسيت ان يدي بتنكسر .. غطيت ويهي بيدي وتميت اصيح .. اسمع تلفوني يرن .. بس مابي ارد على حد .. وسمعت صوب طقه باب .. ومن بعدها ماحسيت بروحي .. فتحت عيوني وشفت امي تصيح وخالي واقف جنبها وغايوه قاعده جنبي .. والتفت ادور تركي للحين فيني حره عليه ابي اصطره .. امي يات صوبي .. امي بخوف : يمه شفيج شسويتي بعمرج ؟ مارديت عليها .. قامت دموعي تنزل وانا سااكته .. امي تكلم خالي : مشااري شووفها ما ترد ما تتكلم .. ليكوون قصت لسانها .. وي بنتي . وتمت تصيح ..وغايوه تصيح .. غايوه تصطرني بالخفيف على ويهي : سااروه .. سااااروه .. قولي شي لا تخوفين امي عليج . تمت دموعي تنزل وانا اطالع السقف .. مشاري يا صوبي : ساره .. ساره قومي نوديج المستشفى .. امشي .. صرخت عليهم : طلعووووووووووووووووو برع مااااااااااا ابي اشوووووووف حد طلعووووووووووو .. امي بفرح : انطقت .. خالي مسكهم من يدهم وطلعم برع وسكر الباب ودخل علي .. قعد على سريري مجابلني .. شفته وصديت الصوب الثاني .. خالي : شاللي مضاايق .. سألت عنه وطلع ماجد ريال زين وم ... قاطعته : انا ما ابيه انتو تفهموون والا لا .. ما ابيه ولا ابي غيره .. انا لو الموت ما تزوجته .. خلو تركي ايي ويذبحني وافتك من الدنيا .. خله يذبحني ويقول له ماتت ويفتك مني وافتك منكم كلكم .. وتميت اصيح بصوت عالي .. خالي مسك يدي : ساره خلاااص .. بسج صياح .. وان شالله ماجد ماراح تتزوجينه .. انا بكلم تركي ما رااح ارقص له .. تذكرت الكلام اللي قلت له وضحكت : هههههههههههههههه اسفه خالي والله كنت معصبه وما اعرف شاقو ل .. خالي : ههههههههههههههههه حتى انا اسف لاني سطرتج انتي بروحج مب ناقصه .. اعتدلت : خالي واللي يسلمك سو ا شي يمنع هالزواج .. خالي : رقدي وانتي متطمنه .. ابتسمت مرتاحه .. خالي : انتي ما اكلتي شي من قمتي صح ..؟ هزيت راسي بمعنى ايه .. خالي : قومي يلا امج مسويه خوووووش عشاا .. قلت : مالي نفس خالي .. خالي : لا بتقومين وريلج فوق رقبتج .. ضحكت : هههه عيل شلوون انزل ..؟ ضحك : ههههههههه انا بشيلج .. ههههههههه يلا قومي .. قمت وانا مييييييته من اليووع .. ورحت الصاله وشفت الكل متجمع ما عدى تركي ..اكيد راح لها الدقس .. قعد احذى امي .. ابتسمتلي وابتسمت لها .. امي : احط العشاا ؟؟ غايوه : عيل بتذبحينا يووع .. خالي : جاان فيج خير روحي انتي حطيه شاطره تتأمرين .. قمت : انا بروح احطه .. امي : لا انتي تعباانه .. انا برووح وغايوه بتجي معاي .. غايوه : قالت لج انزين بتروح هي تحطه تتعبين نفسج وتتعبيني ليش ..؟ خالي: غااااايوه ووجع .. قومي جدامي اشووف .. غايوه قامت : زين لا تهاوش .. خالي : ما يخصج .. غايوه وهي رايحه صوب المطبخ : هذا يزااي خايفه على بلاعيمك .. ضحكت وقعد جنب خالي .. وحطينا على قناه فتون وتمينا نطالع ونضحك .. وشوي الا جات امي ومعاها الاكل ورحت اساعد غايوه في المطبخ ..و حطينا العشا في الصاله وكلت بشراهه لاني ما كلت شي من رجعت من الجامعه .. وشبعت وحسيت ان بطني بينبط .. شلينا الاكل وديناه المطبخ ورحت غرفتي وكنت حاسه ان تلفوني بينفجر من المكالمات .. طليت فيه ولقيت 15 مكلمه .. كلها من لطووف وحمد واستغربت يوم شفت رقم هاجر .. توني بظرب حق هاجر الا هي متصله .. قلت : احم احم .." رديت " الوو .. هاجر : هلا والله بشيخه البنات سويره .. ضحكت : هههههههههههه هلا فيج . شخباارج وشخباار الكل .. هاجر : انا الحمدلله بخير بس متملله .. اما الباقي مادري عنهم .. قلت : ليش ماتدرين عنهم ..؟ مب كلكم في بيت واحد ؟ قالت : ايه .. امي 24 ساعه برع او عندها ناس .. وابوي تدين شفيه وكله في غرفته .. اما ذياب ما يقر في البيت وراكان نفس الشي وغيث مسافر وبعد يومين بيرجع .. قلت لها : واريج ؟ قالت : اروويج قاعده على النت اشوف ايميلها عندي .. قلت : يحليلها . سلمي عليها .. هاجر : تنجلع الخايسه مب مسلمه عليها .. قلت : بعد متهاوشه معاها .. هاجر : لا بس للحين محتره عليها يوم خذت جوالي .. الحين رفيجتي يايبته لي هديه تاخذه هي ليش ؟ قلت : ههههههه هدي وقولي السالفه .. هاجر : الحين مريوم رفيجتي يابت لي جوال حق عيد ميلادي .. وهو مب موجود في قطر يايبته من دبي .. وانا ينيت عليه وماخليت حد في البيت ما رويته .. وشافته الزفته وخذته .. قلت : زين ليش خليتها تاخذه .. هاجر : مادري .. انا كنت نايمه وهي خذته يوم كان يجرج وحطت فيه كرتها وماخلت حد من رفيحاتها ما روته .. والقهر انها قيله لهم اني انا يايبته لها هديه .. يااااربي مب تقهر سااروه .. قلت : زين ليش ماتاخذينه منها ؟؟ هاجر : تخسي .. انا اخذ الجوال الي خذته مني .. قلت xxxxxه : عيل ليش معصبه منها .. هاجر : ليش تاخذه .. هالطبع قهرني .. قلت : خلينا من اريج الحين .. وقولي لي شمسويه .. وبشريني خذتي نتيجتجه الجامعه .؟ هاجر : لا بكره بتطلع نتيجه كم ماده مب كلهم .. قلت : انا بعد .. بكره بتطلع الله يستر .. وتمينا نسولف واستانست على سوالها .. سوالفها عفويه ومافيها تصنع وعياره ..وهذا اللي حببني فيها .. رحت الصاله لان اجاني نوم .. شفت خالي يطالع فلم وخالد منبطح على بطنه يطالع معاه .. غريبه هاد البلاي شتيشن وقاعد يطالع التلفزيوون .. قعدت جنب خالي وتميت اطالع الفلم وكان اكشن وضرب مضارب .. استانست على الفلم واندمجت فيه .. وفجاه انفتح باب الصاله .. التفتت شفت تركي توه راجع من برع وشكل مزاجه عاال العال .. خالي طالعني على طول وانا طالعته .. ووقفت .. تركي : السلام عليكم .. خالي : وعليكم السلام .. تركي : والعرووس ليش ما ترد ؟ قلت له بسرعه : انا مب موافقه على ماجد .. ووصل له هالكلام .. تركي : ياماما انا وصلت له الكلام اللي في بالي خلاااص .. بطلت عيووني على الاخر : شقلت له ؟؟ تركي : قلت له البنت موافقه والملجه بعد ما ارجع من السفر وبيسوي لج عرس لا صار ولا استوى .. صرخت : ماااااااااابيييييييييه ماااااابييييييييييه .. تفهم والا لاااااا ما اابببببببببببيه .. تركي : شوي شوي على حنجرتج ماما .. شوفي انا اعرف مصلحتج وماجد ريال طيب وشهم وعنده خير خير عنده .. يعني بيعيشج ملكه والخدم يحوطون حواليج ينتظرون منج طلب وااحد .. وغير جي اذا تزوجتيه بيعيني نائب مدير العاام .. قربت منه وصطرته .. مادري شلون ياتني هالجرأه .. بس ما هقيت اخووي الي مالي غيره يبيعني عشان الفلوووس .. يبيع اخته عشااان الفلووووووس .. صج ان الفلووس تغير النفوس .. تم وافق مكانه منصدم وانا تميت اضربه بصدره واصيح : حقير حقير واااااطي .. خالي يا بسرعه ومسكني من ذراعي وبعدني عنه .. وتركي ياي يبي يضربني وخالي وقف في طريجه .. تتوقعووون بتكبر السالفه والا راح يسكرها خالي ..؟ هل بيتسكر موضوع الزواج من هاللحظه .. والا تركي بيعاند ..؟ واذا عاند انا شبااسوي ؟؟ باستسلم والا راح اجازف اكثر ؟؟ |
الجزء الرابع تركي : مشااري قوووووم عني خلني اعلمها الادب .. مشاري : تركي روح غرفتك .. رووووح عنها يا اخي مالك شغل فيها .. تركي : انا اخووووووها شلوووون مالي شغل فيها .. ما شفتها شلوون سطرتني كأني اصغر عيااااالهاا .. ودز خالي ويا صوبي وتوه بيمسكني الا خالي ساحبه عني وعطاه بكس على حلجه .. وتم حلج تركي ينزف دم .. وتركي وخالي قاموا يتكافخون وانا اصاااااارخ .. واصيح .. يات امي وغايوه يركضوون .. امي شهقت ويات في وسطهم وبعدتهم عن بعض .. امي خايفه : شفيكم ينيتو .. شصاااااااار ؟؟ تركي : هذا ماله شغلي بيني وبين اختي .. ماااااله شغل . خالي معصب : انت اللي مالك شغل فيها .. عنده ابو وعندها ام .. انت محد سمح لك تتصرف فيها وكأنها سلعه .. تركي عصب وراح غرفته وطلع بشنطته .. تركي : الزواااااااج بيتم يعني بيتم ..واعلى مافي خيلكم اركبوووه .." وطلع " شهقت ومسكت حلجي بيدي : ماااااااااراح اتزووجه ..وشووف شلوون ماجد بيتزوج بدون عروس .. ورحت اركض غرفتي ودخلت وقفلت على نفسي الباب وقعدت اصيح .,.بس غايوه كسرت خاطري ..مسكينه كل ماقفل الباب ترقد عند امي .. فتحت قفل الباب وانسدحت على السرير .. غايوه طقت الباب .. قلت وانا اصيح : الباب مفتووح .. فتحت غايوه الباب ويات صوبي .. وتمت تطالعني وانا اصيح .. قلت وانا تصيح : غايوه انتو حاسين فيني ؟ غايوه تهز راسها بمعنى ايه .. ما قدرت صحت زياده ويات ظمتني وقعدت تصيح وياي .. عقب فجيت عنها ورحت الحمام وغسلت ويهي ورحت الصاله .. وشفت امي عند خالي وتمسح عنه الدم اللي ينزف من خشمه وحلجه .. امي تصيح : ليش ضربته ليش ..؟ خالي ساكت .. قلت : تركي يستاااهل الذبح .. امي ردت على طوول : انتي سكتي ولاااااا كلمه .. انتي السبب في الي قااعد يصير .. قلت وانا كاتمه صيحتي : ليش انا شسويت ..؟ امي : لا ماسويتي شي .. اخووووج طلع من البيت معصب والله يعلم بيرد لنا والا لا .. وسويتي عدااوه بين خالج وتركي .. خالي : ما عليج فاطمه .. بكره تركي بيرد وكل شي بيرد نفس اول .. قلت : خالي انا ما ابي اتزوج ماجد .. مااا ابي .. امي : ليش ماتبين تتزوجينه يعني ..؟ تركي يقوول ان الريال ما ينعاااب .. قلت : رياااااال حق نفسه .. والله لا تحدووني اوصل حق رقمه بأي طريقه واقووول له اني ما ابيه ولا ايجي ويتقدم لي .. والله ترى اسووووووويها .. خالي : شفيج انتي جنيتي ..؟ قلت وانا اصاارخ : بين من فعاايله هالحقير الانااني .. ما يفكر الا شلوون يسعد نفسه .. ما فكر فيني وفي مشااعري ..ما فكر الا بالفلووس .. حسيت ان احبالي الصوتيه انقطعت من الصراخ .. والفريج سمعوني .. خالي : لا تصاارخين .. واللي فيه الخير الله بيجدمه .. قلت : انا ما شفت حد في حيااتي جي باارد مثلك .. الحين بنت اختك بتنغصب على واحد ما تبيه وانت قاعد .. امي عصبت : يعني شتبينه يسوووي ..؟ يروح يذبح اخوج ويذبح الرياال .. اكثر من جي ما يقدر يتصرف .. قلت : والله اكلم ابوووووووي انا ما رااح اسكت .. ورحت اركض واخذت جوالي واتصلت حق ابووي بدوون تردد .. رد : الوو مين ..؟ استغربت الصووت : الووووو .. رد : مين معايه .. عاوزه مين .. سكرت في ويهه وتميت اصيح .. ليش جي يا يبه .. حتى اتصاال ما تبينا نتصل .. كنت باتصل بعمتي يمكن تعرف رقمه واول ما رن .امي يات وخذت مني الجوال وسكرت .. قلت لها : ليش ؟؟ امي : ابووج مايخصه .. وقلت لج اذا تركي يبي شي محد يقدر يوقفه .. لا انا ولا ابووج ولا حد .. صحت : يمه انا مب بنتج .. ليش جي تسوين فيني .. امي يات قعدت جنبي : يمه انا ما اقدر اسوي اكثر من الي سويته .. ويمكن يطلع ماجد ريال والنعم فيه .. انتي ما تدرين .. قلت : ويمكن يطلع مب ريال ونفس تركي .. انا شاسوي عقبها .. امي : خالج سأل عنه والكل مدحه .. قلت : بس انا ما ابيه .. امي : ممكن تعطيني سبب واحد يخليج ترفضينه .. قلت في قلبي .. احب حمد .. وهذا اهم سبب يخليني ارفضه .. امي : ليش سكتي .؟؟ قلت : يمه انا ما ابيه خلاااص . الزواج مب بالغصب .. امي قامت : بس تركي ما يفهم هالشي .. اللي في راسه بيسويه .. حطيت يدي على راسي وتميت ساكته .. ما ابي اصيح وماعرفت شلون اعبر عن مشاعري لا بصياح ولا بكلام .. لان مهما بتكلم وبقوول محد بيفهمني .. طلعت امي .. واتصلت حق حمد على طووول .. حمد : هلا حبي .. رديت : اهلين .. حمد :شفيج .. صوتج حزين .. قلت : لانهم غاصبيني بعد شفيني .؟ حمد : لا يهمج حبيبتي .. انا انطر امي تجي من السفر وبكلمها عن هالموضووع وان شالله اجي اخطبج على طوول .. قلت بيأس: لا تتعب روحك .. امك بترجع بعد شهوور .. وانا ملجتي بعد سبوعين .. حمد منصدم : واااااااافقتي ؟؟؟؟؟؟ قلت : قلت لك غصبوووووووني .. وما اقدر اسوي اكثر من اللي سويته .. حمد اذا انت تحبني تصرف .. والا حبنا بيضيع .. حمد : ساروه ما في الا انطر امي وامي بترجع بعد سبووع اكيد بلحق عليج قبل لا تملجين .. سكت .. حمد : تعااالي .. الحين هاي اللي ما يتسمى ماجد .. خطبج رسمي ..؟ قلت : مادري عن شي . هو خطبني من تركي وتركي قال له اني موافقه .. حمد : حيوووااان .. قلت : يه انت بس شاطر تسب .. اما اذا قلت لك تعال ساعدني.. تعذرت لي بأمك .. انا بتزوجك انت والا امك .. حمد : بعد لازم امي تكوون موجوده .. والا اخطبج بدون علم امي وتنصدم .. وترى امي فيها القلب يعني ماتستحمل صدمات.. انبطت جبدي من بروود حمد : حمد انا تعبانه .. باي .. وسكرت على طول لان اسلووبه قهرني.. الحين انا بعد اسبوعين بصير حرم ماجد وهو عادي عنده .. آآآآآه يالقهر .. شفت الساعه 10 .. انسدحت على السرير ويات غايوه تركض .. غايووه : سااروووووه .. خفت : هاا شنوو ؟؟ غايوه قعدت على سريرها وحاظنه يدها : بكره النتاااااااايج .. قلت : نتاايج شنووو ؟؟ غايوه : نتايج امتحاناتي بعد شنوو .. نجوي بنت خالتي زينب قالت لي .. سااااارووه والله خاايفه .. قلت : ان شالله مبيضتها .. غايوه : ان شالله ان شالله .. ابي ارووح الجامعه واكمل واردس برع .. ضحكت ضحكه استهزاء : هههههههه اذا ما زوجج تركي ما اكوون انا ساره بنت رااشد .. غايوه : ايه لا تفااولين علي .. قلت : انا ما افاول .. بس اقول اللي يبي يسويه .. انا كان حلمي ادرس برع واكمل دراستي واحب زوجي قبل او بعد الزواج .. بس ما اعتقد هذا يصير .. غايوه : انزين يمكن تحبينه بعد الزواج .. انتي ا تدرين .. تميت ساكته .. افكر اقوول لها والا ماا اقووووول ..؟ قلت بتردد : غ .. غااايووه ؟ غايوه : هاا .؟ قلت : بقوول لج شي بس يكون سر بيني وبينج .. غايوه لزقت فيني : قوووولي افاا عليج سرج في بير .. قلت : انا احب واحد .. غايوه شهقت : منو ؟؟ قلت : حمد اخو لطووف .. غايوه تمت سااكته .. غايوه : عشاان جي ماتبين تتزوجين ماجد .. قلت لها : مو هذا السبب الوحيد .. اصلا هذا ماجد انا شايفته اكثر من مره ونظراته لي ما اعجبتني وهو اصلا ما عجبني .. غايوه : بالعكس اشوف وجهه مقبول يعني لا شين ولا زين .. قلت : خذيه انتي زين . غايوه : لا لا لا انا وراي دراسه .. وما ابي اتزوج الحين .. بس ما قلتيلي شلوون حبيتي حمد .. وشلون وين عرفتيه ..؟ نتهدت : شوفي .. حمد كانت اول علاقه لي فيه .. كنت اكلم لطوف على التلفون .. وهو طرشها مادري شتسويله وكلمني .. صج طول المكالمه هواش .. بس عجبتني شخصيته .. ودمه خفيف .. وعقب انتهت المكالمه يوم سبني .. هههه مادري شالسبب بالظبط بس سكرت في ويهه .. وياتني مكالمات من رقم غريب .. وعقب اتصل مره ثانيه وكان يبي يعتذر .. وتمينا نتهاوش بعد وعقب طرش لي مسج يعتذر .. وبصراحه استانست .. وشفته مره فوق السطح وانا انشر الثياب .. غايوه : ااااااااهااااااااااا من جي كله تتهاوشين معاي تبين تنشرين الغسيل .. قلت : لا انا بديت اكلمه يوم كانت عندج امتحانات .. غايوه : يعني ما طولتووو .. قلت : لا .. بس كل يوم يتصل لي وانا ارد .. بس كنت ارد عليه من الملل والفراغ .. ولطوف تدري .. لاني انا قلت لها وغير جي حمد بعد قال لها .. وكانت لطوف هي مرسال الغرام من بينا .. وحبيته .. ويوم تعلقت فيه .. ياني تركي الاخ وقال لي عن هالسالفه الي مب ناويه تعدي .. وانا يوم كنت اتكلم.. اتكلم وانا اطالع الفراغ .. قلت : تحملي غايوه تسوين نفسي .. ترى انا غلطت .. بس ما اقدر اصحح غلطتي .. لاني تعلقت فيه بدرجه ما تتوقعينها .. رن جوالي .. غايوه تطل : من حمد .؟ قلت : لا هاجر .. رديت : هلا هااجر .. هاجر : اهلين .. يعني اذا انا ما اتصل انتي ما تتصلين .. انحرجت : سوري والله بس عندي ظروف شوي .. هاجر : خير ان شالله .. اعتدلت وقلت لها السالفه كلها .. هاجر : ليش ليش تركي يسوي في جي ؟؟ قلت : والله مادري يا هجور .. تصدقين فكرت اشرد من البيت ارووح عند ابووي .. بس ابوي مغير رقمه وما اعرف عنه شي .. عندج رقمه هجوور .. هاجر : لا والله اصلا ابوج اللي هو خالي من زماااان من جانا .. قلت : والله اني محتاجه له .. ابيه يتصرف يسوي شي .. انا ما ابي مااااجد ما ابيه .. هاجر سكتت .. قلت : الوووو هجوووور .. هاجر : هاا . قلت : وين رحتي .؟ هاجر : افكر بشي .. وبتكونين جريئه اذا سويتيه .. قلت : يعني هالشي بيفكني من زواجي من ماجد .. هاجر : ايه يمكن .. قلت اترجاها : قوووولي واللي يسلمج .. هاجر : شراايج تشردين .. قلت : ايه وين ارووح .؟ هاجر : تجين بيتنا .. وقلتي ان تركي بيسافر سبوعين وبيرجع .. انتي تعالي بيتنا قبل لا يرجع .. شرااايج .. ترى هاي الفكره الوحيده اللي بتفكج من شر اخوج .. تميت افكر : لا لا لا لا لا هجور .. شلون اروح بيكم .. فشيله .. هاجر: لا حبيبتي مب فشيله ولا شي ..ترى بتنتظرين حمد لين ما يجي يخطبج .. قلت : اوكي هاجر بفكر وبرد لج خبر .. اووكي .. هاجر : اوكي حبيبتي .. وترى هالفكر اشوفها هي الفكره الوحيده اللي بتنقذج من اللي انتي فيه .. قلت : ان شالله بفكر عدل وبرد لج .. هاجر : اوكي حبيبتي .. تامريني بشي .؟ رديت : سلاميج .. هاجر : مع السلامه . انا : في اماان الله .. وشفت غايوه اللي كانت تطالعني وهي مستغربه .. قلت : شفيج ؟ غايوه : قالت انج تجين بيتهم .. قلت : ايه شفيها .. اجي بيتهم لين ما يخطبني حمد . غايوه : ومتى ناوي يخطبج حمد ان شالله .. قلت : اذا ردت امه .. غايوه : والله اشك ان هالريال يقص عليج . قلت : لااا حرام عليج .. حمد غير عن كل الشبااب . غايوه : سكتي سكتي ابي ارقد .. سكرت الابجوره اللي عند راسي وتميت العب في شعري وافكر باللي قالته هاجر لين ما رقدت .. وعيت على صراخ ميمي .. حاولت ارقد ما قدرت .. قمت غسلت ويهي وتوضيت وصليت الظهر .. ورحت الصاله وشف الانسه مريم قاعد على الارض تصيح وهي مغطيه ويهها .. قربت منها وشليتها وتميت ابوووسها.. قلت لها بحنان : شفيج حببتي .؟ من طقج عشان اطقه ..؟ ميمي تأشر على ريمووه .. حطيت ميمي على الكرسي ورحت حق ريموه يوم قربت منها شردت وتميت اركض وراها .. وطلعت برع الحوش وركضت وراها .. ايه ليش تطق ميمي حبيبه قلبي .. ووصلت عند قفص الحمام .. وتدري ان هاي نقطه ضعفي .. اخااف من الحمام .. قلت وانا القط انفاسي : تعاالي .. ريموه وهي داخل القفص : والله اذا قربتي صوبي احذف عليج حمامه .. قلت : والله ان حذفتيها علي بكسر بيظهم .. ريموه : لاااااااااااا .. والله ياويلج .. شوفوووووو .. بعد تهدد .. صج قويه عين .. قلت : ليش ضربتي ميمي ..؟ قالت : والله ليش تكت الكورنفليكس مااالي وتخلي امي تهااوشتني .؟ قلت : تستاهلين .. حد قال لج تتريقين الظهر وقت الغداا .. ريموه : والله كيفي .. قلت لها وانا رايحه : اراويج يام لساان .. سمعتها تقوول : يعني انتي ما عندج لساان .. يا ام عين زين.. ضحكت عليها ودخلت داخل لقيت غايوه بعبايته وتبوس امي .. قلت : خير خير انا مالي نصيب .. وكأنها ماصدقت يات عندي وبوستني .. ضحكت : شالسالفه شصااااااير ؟؟ غايوه : ساااااااروووووه نجحت نجححححححححححت .. صرخت : مبروووووووووووووووك مبرووووك الفال لي .. امي : امين افرح فيكم كلكم .. ودخل خالي وكان توه راجع من الدوام .. باسته غايوه . خالي ابتسم : خير شالسالفه .؟ لان احنا ما نبوسه او نسلم عليه الا اذا غاب فتره .. غايوه : خااااااالي بااااارك لي نجحت .. نجحت ..ونسبتي 92% خالي مبتسم : مبرووك مبروووووووك .. عقبال الجامعه والدكتوراه .. غايوه رافعه يدها : آآآآآمين .. امي : بكره باعزم خالتج .. عشان نجحتي .. قلت والغيره بتذبحني : وانا ؟؟ امي : انتي ان شالله بتنجحين .. قلت : ما تسون عزيمه الا اذا خذت نتيجتي . خالي : لا اذا خذتي نتيجتج العزيمه علي انا .. لزقت فيه : فديك .. فد و فد .. وتجمعنا في الصاله ورحنا انا وغايوه نساعد امي في المطبخ .. وكان الغدا مكرونه بالبشميل يمي يمي .. وحطينا الاكل هالمره في المطبخ .. وتمينا ناكل .. وامي مسكت التلفون وكلمت خالتي وبعد نجوى بنت خالتي نجحت .. ونسبتها 75% .. ما شدت حيلها كثر غايوه فديتها .. مع ان نجوي يدخل مدرس من عندها ويطلع مدرس .. بس اللي قلبه على الدراسه غيرعن اللي قلبه في اللعبه .. وعقب رحت غرفتي واتصلت حق نجوي ابارك لها وعقب كلمت نور اختها الكبيره .. عمرها 21 .. اعرفكم عليهم .. نجوى بنت خالتي زينب .. كبر غايوه اختي وكانوا يدرسون في مدرسه وحده .. ونور اكبر من نجوي عمرها 21 دلووووووووووعه ابوها وهي اللي دايم اسولف معاها .. وجاسم يبجي فوقها عمره 23 سنه .. .. دمه خفيف و من عرفه وهو ما يقعد في البيت .. 24 ساعه برع .. واللي فوقه نوف .. عمرها 25 سنه .. وهي متزوجه وتموت عل زوجها وماتجي بيت امها وايد .. وخالد البكر عمره 28 سنه .. ويشتغل وعنده حرمه .. اسمها حصه .. وكان متزوجها عن علاقه . وللحين ما يابو عيال وهو يموت عليها .. يحظه تزوج اللي يحبها وتحبه .. الله يحنيهم .. ما اقوول الا الله يصبرني .. رحت الصاله وحطيت على على دبي وشفت برنامج للاغاني.. وحاطين اغنيه الجديد للراشد الفارس .. وتميت اسمعها واعجبتني .. وفريت وحطيت على روتانا كليب وتميت اسمع اغانيهم .. وعقب حطو اغنيه نجحنا والله وفقنا لأحلام .. طولت عليها وغايوه يات تركض .. كأن الاغنيه تناديها .. يات وتربعت وهي مستااااانسه .. وامي يات وهي مستانسه ويات ميمي ترقص ويات ريموه بعد وتمت ترقص وانا قمت وارقص معاهم وغايوه قامت وتمينا نرقص واحنا نضحك .. قام خالي لانه كان نايم .. خالي يعلي صوته عشان نسمعه : قصروووووو ايه .. ضحكت : خااااالي تعال ارقص معانا .. خالي هز راسه بالنفي وراح غرفته وسكر الباب .. وتمينا نركص مع ان الاغنيه ما ترقص وايد .. بس احنا كنا مشتطين .. وشليت مريوم وتميت ابوسها وارفعها وارد امسكها . ويا خالد مستغرب من الوضع .. وتم يطالعنا وهو مبتسم .. غايوه مسكته من يده وتمت ترقص معاه وهو منحرج .. وغايوه تغني معاها .. امانينا رسمناها .. بعوون الله وصلناها ..بذلنا بالعطا حبنا .. حصدناها بلا تقصير .يلااااااااا وخلصت الاغنيه .. وحطو اغنيه حزينه .. غايوه : ياااااا متفرغين .. خلهم يحطوون اغنيه ربشه .. خلني ارقص فيني رقص .. قلت : انا بعد .. رحت اركض الغرفه ويبت المسجل وطلعت شريط من سياره خالي .. وكان معلايه .. وحطيت دقني وتمينا نرقص وامي تطالعنا وهي مبتسمه .. وخالد يطالعنا وشكله منحرج وريموه طلعت تعرف ترقص الملعونه .. وميمي من الوناسه والربشه تمت تدور في الصاله وهي تصارخ من وناستها .. وعقب انا تعبت وقعدت .. وفي هاللحظه دخلت خالتي علينا وفي يدها كيكه ونور ماسكه اكياس ونجوى بعد .. غايوه شكلها انحرجت وقعدت على طول .. وانا حمدت ربي اني قعدت قبل .. خالتي زينب : السلام عليكم يالناااااااااااجحين .. الكل : وعليكم السلام .. غايوه راحت لها تركض وظمتها من الونااسه : وعليكم السلام يا احلى خاااله .. خالتي باستها : هههههههه فديتج .. وسلمت على خالتي وعليهم كلهم .. خالتي : جاسم عند الباب يبي يسلم على بنات خالته .. رحنا انا وغايوه ولبسنا جلابيات وشيل .. ورحنا الصاله وشفنا جاسم قاعد .. قلنا : السلام عليكم .. جاسم : وعليكم السلام .. جاسم : شلونكم بنات خالتي ..؟ ردينا : بخير .. قلت : شلوونك جاسم .. جاسم يطالعني وكأنه اول مره يشوفني : بخير ربي يسلمج ..ها طلعت نتيجتج .. والا ؟ قلت وانا اقعد : لا ماطلعت النتيجه .. بكره يمكن بتطلع كم ماده .. انا مب رايحه بخلي لطوف تشوف .. جاسم : من تطلع لطوف .. قلت : رفيجتي .. جاسم : ايه صح غايه نسيت اقول لج " ابتسم " مبروووووك مبرووووووووك .. غايوه ابتسمت : الله يبارك فيك .. جاسم : ها جامعه والا بتنطرين الريل .. غايوه وكأنها نحرجت : ههههههههههههه لا الجامعه ان شالله .. جاسم : شتبين في الجامعه وهوايلها .. انطري ريل احسن من الجامعه .. الا ما قلتي كم نسبتج ..؟ غايه : 91% .. جاسم : ايه عاد نبي جامعه ها .. مب نفس بنات هالايام قاعدات ويبون يشتغلون والا ينطرون ريل .. فطست عليه من الضحك .. جاسم : خير ساره .. كلامي فيه شي غلط .. قلن وانا احاول امسك الضحكه : لا اخوي.. محشووم .. بس كأنك تهلوس شوي.. جاسم : ليش ؟ قلت : لا ابد سلامتك .. جاسم يكلم غايوه: ما عليج منهاااااا .. انا بدور لج وظيفه سنعه .. ما عليج لا تحاتين . نور : هههههههه جاسم ارجوووك بس .. بس ارجوووك .انت ما نمت من امس ليش ياي . قلت : اهااااا منيه السالفه .. من جي قاعد يقول كلام مادري من وين يجيبه .. جاسم : عيل انا استأذن .. غايوه اخر كلام .. اذا تبين تكملين دراستج برع قولي لي هاا .. فطسنا عليه من الضحك انا وغايوه وهو يطالعنا وكأنه هو الصح واحنا الغلط .. سلم على امي وطلع .. نور : تراه مب نايم من امس .. من جي يخربط ما عليج منه .. ضحكت : هههههه والله ان اخوج عجيب .. رن تلفون الصاله رديت : الوو .. لطوف : هلا سااروه .. شخباارج .. قلت :هلاااا لطوف .. بخير الحمدلله انتي شخباارج ؟ لطوف : تمام .. ليش ما تردين على جوالج ؟ قلت : انا في الصاله وجوالي في الغرفه .. لطوف : والله متملله ابي اسولف مع حد .. فلت : تعااالي بيتنا .. ترى بنات خالتي وياي .. وغايوه نجحت .. لطوف : والله .. مبرووووووووك .. قلت : الله يبار فيج .. لطوف : باركي لها فديتها تستااهل. .. وطيت صوتي : شخبار اخوج .؟ لطوف : والله صرت ما اشوفه في البيت .. كله برع .. قلت : ليش ما يقر ..؟ لطوف : يفكر يحل المشكله .. اللي انتي وهو انحطيتو فيها .. تنهدت : لطوف غيري الموضوع .. توني مستانسه واضحك .. تعالي بيتنا ... لطوف : محد بيجيبني .. قلت : انتي عبيطه والا تستعبطين .. بين بيتنا وبين بيتكم شبر .. يلا تعالي . لطوف : اخااف امشي بروحي والحين بتظلم الدنيا .. قلت لها : اوكي الحينا انا وخالي بنيج ناخذج .. لطوف : لا بعد ما يأذن المغرب عشان اكشخ بعد .. قلت : اوكي على راحتج .. لطوف : يلا باي .. بدور لي لبس . قلت : باي .. سكرنا من بعض ورحنا انا وغايوه نبدل ملابسنا .. انا لبست تنوره بيج وفيها ورود موزعه باللون البني وبدي بيج .. وفتحت شعري مشطته ورفعته بكليب بيج عليه ورده كبيره وخليت الباقي ينزل ونزلت غرتي وحطيت لي ظل خفيف بالبيج وكحل بطريقه حلوه وقلوس بيج .. وغايوه لبست بنطلون احمر وبدي ابيض فيه بوسه حمره على الطرف .. وفتحت شعرها لانه قصير يوصل لين اكتافها وحطت ربطه حمره على راسها .. ونزلنا وتمينا نسولف .. امي : أذن المغرب .. قومو صلوا .. قلت : يمه وين خالي .؟ امي : مادري عنه .. شهقت : انا قايله حق لطوف اني باجيها مع خالي بعد اذان المغرب . امي : اتصلي له .. مسكت جوالي واتصلت .. خالي : هلا ساره . قلت : هلا خالي .. خالي انت وين .؟ خالي : انا عند المسيد بصلي وباجي .. ليش ؟ قلت : لان ابيك توصلني بيت لطوف اخذها .. خالي : انزين بصلي وبرجع .. قلت : اوكي .. وسكرنا وانا رحت اصلي وشفت نور ونجوي وغايوه في الغرفه يصلون .. اصطفيت وياهم وصليت .. وبعد ما خلصنا رحنا الصاله شفت خالي قاعد .. راحو نور ونجوى يسلمون عليه .. قلت : يلا خالي .. خالي : وين .. قلت : شفيك .. بروح اجيب لطوف .. خالي قام : يلا .. رحت اركض الغرفه لبست عبايتي وشيلتي .. ومسكت جوالي ورحت عند خالي وكان وافق عند الباب ويسولف مع خالتي زينب .. قلت : يلا .. ورحنا انا وخالي مشي .. لان اللي بين بيتنا وبيت لطوف طوفه بس .. دخلت بيتهم واااااااااو يجنن .. صج صج فخم .. فتحت الباب شوي شوي .. ناديت : لطووف .. لطووف .. وتخرعت من الصوت اللي وراي .. ....: ما يصير حمد ؟ التفت : حمد .. حمد وهو يطالعني من فوق لتحت : شلونج ساره ؟ قلت وانا منزله راسي: بخير .. وانت شلونك .؟ حمد : والله انتي تعرفين احوالي .. متضااايق حدي .. قلت : عيل انا شاسوي .. حمد : والله انا اعذر ماجد هذا .. يشوف هالجمال وما يخطبج .. يطلع اكبر غبي .. قلت وانا احاول انقزه بالكلام : ايه بيطلع غبي اذا ما خطبني .. حمد شكله فهم النغزه : ساروه والله اني ما اقدر اسوي شي بدو...... قاطعته : انا ما ابيك تسوي شي .. انا بسوي .. وين لطوف . حمد منزل راسه .. كأنه زعلان : مادري انا توني ياي من برع .. رحت فوق فتحت عليها الباب ولقيتها تحط لها كحل .. شهقت : انتي ما جهزتي ..؟ لطوف : ساااااااااااارووووووووووه .. وسلمت عليها .. قلت :يلا خالي مسكين متنقع برع .. لطوف تلبس عبايها : يلا يلا .. ونزلت تحت عشان اروح عند خالي .. حمد : وين بتروحون .. قلت وانا رايحه : خل اختك تقول لك .. حمد مسك يدي : ساروه ليش جي تعامليني وكأني انا السبب في خطبتج من ماجد .. دمعت عيني : انت تقدر تسوي شي .. بس انت اللي ما تبي .. وانا ما ابي اذل عمري اكثر من جي .. وهديت يده عن يدي بقوه ورحت وانا امسك دموعي .. ما يمر يوم الا واصيح .. ما يصير هاليوم ما اصيح ؟ مسكت دموعي بالقوه وتميت ابتسم عشان ما اصيح ورحت عند خالي اللي كان ينطر عند الباب .. خالي : وينها ؟ قلت : الحين بتجي .. وشوي الا لطوف يايه . لطوف : السلام عليكم .. شفت خالي يطالعها .. حسيت انها اعجبته ... خالي : وعليكم السلام ... لطوف تطالعني : نمشي .. خالي ابتسم لها : يلا .. ورحنا البيت و لطوف سلمت على الكل ورحنا الغرفه .. وعرفتها على نور بنت خالتي وشكهم حبو بعض وخذوا ارقام بعض وايميلات بعض .. اما غايوه ونجوي كانوا نفس Tom and Jerry طول الوقت هواش .. وعقب امي نادتنا حق العشا وتعشينا وعقب لطوف راحت البيت وتمينا سهرانين مع بيت خالتي .. وعقب جاسم يا لان هو اللي بياخذهم وكان للحين مواصل وعيوونه حمر .. سلمنا عليهم عشان بيروحون .. ويوم وصلوا عند الباب انا التفت وعطيتهم ظهري .. وسمعت رضخة الباب .. صديت بسرعه صوب الباب ولقيت جاسم منزل راسه وماسك جبهته ونجوي منبطحه على الارض وميته من الضحك ونور ماسكه امها وتضحك وخالتي ماسكه الضحكه .. فطست من الضحك : ههههههههههههههههههههههههه هههههههههههههههههههههههه .. شفيك ما تشووف . جاسم يتألم : وانا شدراني ان بابكم ابيض .. مخلينه بفس لون الطوفه .. قعدت ادور وين الباب .. غايوه قاعده على الكرسي وتعور من الضحك : العصر هههههههه داخل منه هههههههههههههههه والله انك هههههههههههه مب صااحي . جاسم : بس جب انتي وياها .. والله .. اححح والله راسي عورني .. خالتي : يلا سلامات .. وصلنا البيت يلااا .. امي: ان شالله توصولون بالسلامه .. جاسم يطالعها بطرف عينه : شقصدج .؟ امي : ههههههه ولا شي . وراحوا وقعدنا على الكرسي .. وامي خايفه لا ينام في الطريج ويدعم فيهم .. امي تتصل حق خالتي .. قلت : يا يمه انتي مكبره السالفه .. الريال يبي يرقد بس مب راقد في السياره وهو يسوق ..هههههه شدعوه .. امي : سكتي واللي يسلمج .. " تطالع التلفون " ردت .. امي : الووووووو .. هلا زينب .. وين وصلتوا .. ايه ايه ضحكي .. انا قاعده في البيت وميته من الروع عليكم .. ليش ما شفتي عيونه شلون حمر وهو ياخذكم .. انتو في الفريج .. لا مب مسكره الا لين ما تدخلون البيت .. هههههههههههه زين ..دخلتوو .. مب تجذبين علي .. زين زين .. باي يلا .. قلت : ها تطمنتي . امي تنهدت : ايه .. تتوقعون بيكون دايما الجو هادي وفرح بغياب تركي ..؟ والا في شي بيخرب وناستنااا .؟ وانا بمشي بخطه هاجر والا استسلم للأمر الواقع .. والا بتطلع لي خطه افضل من كل الخطط وبمشي عليها .؟؟ كل هاااا في ....الجزء الخامس |
الجزء الخامس رحت غرفتي ابي انام .. وشف جوالي وقريت مسج.. فتحته طلع من حمد .. " يا كم تمنيت السعاده بدنياي .. وشفت السعاده تبتعد ما تبيني .. اشكي لربي خالق الخلق شكواي .. عساه يسعد ما بقى من سنيني .. وأخفي من الجلاس همي وبلواي .. وأضحك ولكن دمعتي وسط عيني .. " فكرت اطرش له مسج .. تميت ادور بمسجاتي مسج .. ولقيت بالمسودات ناقلته من الكمبيوتر ..وبالتحديد في المنتدى .. " في زمانك محد يشيل همك .. لا اخوك لا رفيقك لا صديقك ما تهم اللي يهمك في زمانك لو بغيت تعيش صح .. صل فرضك .. وحب اللي يحبك خلك قنوع خلك صبور خلك حريص لا تسأل الا عن من سأل عنك .." تميت انطر مسج منه مادري ليش .. وعقب غلبني النعاس ونمت .. وقمت وحسيت روحي شبعااانه نووم .. شفت الساعه 2 الظهر .. شهقت لاني ما قمت حق صلاه الفجر ولا حق صلاه الظهر ..رحت توضيت وصليت الصبح والظهر .. ورحت الصاله على طوول .. شفت امي قاعده في الصاله ساكته وغايوه تقلب في الجرايد والتلفزيون مسكر .. حسيت ان في مصيبه .. طالعت امي اللي طالعتني ونزلت راسها .. قلت : شصاااير ؟ ساكتين .. قلت : شفيكم شصاااااااير .؟؟؟؟؟؟؟ امي : تركي اتصل .. من سمعت تركي عرفت ان في مصيبه .. الا بلوووه .. قلت : شسوى .. شفيه .. شيبي بعد .. مب كفايه مسافر وفاكنا من شره وبعد يتصل .. امي : لا تقولين جي عن اخووج .. هو غايب .. قلت : بعد كل اللي سواااااه بعد تدافعين عنه .. سكتت امي .. قلت : شفيه ..؟ ليش متصل ..؟ امي : يقول بيرجع بكره ويبي الملجه اليوم الثاني .. لان ماجد مستعيل .. شهقت : شنوووووو .. ومن قال له اصلا اني بتزوجه .. امي : خلااااص ساره اعقلي .. وماجد مافيه عيب .. قلت : ليش يعني انا مينونه اذا رفضته ؟ وقلت لكم ماجد ما ابيه .. " كذبت " صليت الاستخااره وما ارتحت له .. خلاااااص عيفوني منه .. غايوه : هالكلام سمعيه تركي مب امي .. امي مالها شغل فيج .. مت عيلها من الحره رحت لها وكفختها .. وهي مسكتني من شعري وانا مسكت يدها وعضيتها .. وعقب حسيت روحي ارتفعت عن الارض .. الا خالي شايلني .. وانا اقااحص مكاني : هدني خلني اكفخهاااااااا هدني . خالي نزلني على الارض ومسكني من يدي ودخلني الغرفه .. قعدني على السرير وانا لين الحين انافخ .. خالي بهدوء: شفيج .. شسوت لج غايه ..؟ قلت وانا اصارخ : هذي باااااااطه جبدي .. قووووول لها ما تتدخل فيني .. خالي : زين اهدي ووطي صوتج لان مافي داعي للصراخ وقولي لي .. كلمج تركي .. قلت : لا كلم امي وقال ان الملجه بعد بكره وهو بكره بيرد .. يعل تنفجر فيه الطياره ويمووت وافتك منه .. خالي : هو رايح بالسياره قلت : عسااه ينقلب فيها .. خالي : وبتستانسين اذا انقلب وماات ؟ سكت لان بصراحه ما يهون علي مهما يكون هذا اخوي .. والي قلته بلحظه غضب .. خالي : شوفي ساره .. زواجج من ماجد بالغصب يمكن يكون خير لج .. وخاصه انه ريال عنده خير وهاي الي منحرمه منه على قولتج .. قلت : خالي انا ما تهمني الفلوس .. انا ابي اعيش مع ريال يعزني ويحبني .. مب ماجد .. وتميت ساكته شوي .. وقررت اعترف حق خالي .. قلت : خالي اخو لطيفه .. خالي : شفيه ؟ قلت : اخو لطيفه يبي يخطبني .. خالي ابتسم : بس انتي مخطووبه .. صرخت :انا مب مخطوووووووووووبه .. خالي : بس عطنا الريال كلمه .. قلت : حراام عليكم انا ما ابيه .. والله العظيم اني بقووول له اني ما ابيه وبشووف انا والا تركي النذل .. خالي : ساره عن هالافكار الغريبه .. تميت افكر بكلام هاجر .. ابي ارووح بيتهم .. بس مادري شلوون احسها فشيله .. لا اصلا ما راح اطوول .. كلها كم يوم لين ما حمد يخطبني من ابووي .. خالي : في شنو سرحااانه ؟ قمت : ولا شي .. ورحت غرفتي بسرعه ابي اكلم هاجر .. شفت غايوه منسدحه على السرير وماسكه مجله .. صديت عنها مسكت جوالي وطلعت برع عشان ماتسمعني .. رحت الحوش وتميت ادور لين ما ترد علي .. ردت : هلا سااروه . قلت : اهلين .. هاجر : هههههههههههه والله انتي تتصلين في اوقات احتاجج فيها .. قلت : خير .. هاجر : كنت بكلمج عن الموضوع اللي دار بينا من كم يوم .. قلت: وانا متصله عشان هالموضوع .. هاجر بسرعه : هااااا بتجين ..؟ قلت بتردد : ا .. اايه هجوور بايي .. لان تركي بكره بيرجع وعقب بكره ملجتي .. ما اقدر اتم في البيت .. هاجر : وحمد ..؟ قلت : حمد بينتظر امه لين ما ترجع من سفرتها هاي اللي كأنها سفيره ما تقر في مكان .. وبيخطبني من ابووي .. هاجر : هههههه الله يتمم على خير .. بس انتي قلتي له .. قلت : لا لاني كنت افكر .. وتوني متخذه القرار . هاجر : بجهز لج الغرفه اللي جنبي وبقول حق امي .. قلت : ليش ان شالله ما قلتي لها .. ؟ هاجر : لانج ما رديتي علي خبر .. قلت : يمكن انج ما تبيني ... هاجر : شدعوه .. انتي بنت اخوها شلون ما تبيج .. قلت : انزين هجور كلمي امج ورديلي خبر اذا رضت او لا اووكي .. هاجر : مع ان ادري انها بترضى ومابتقول شي .. بس بقول لها وبرد لج خبر .. تمي عند جوالج .. قلت : اووكي .. يلا مع السلامه .. هاجر : في اماان الله .. سكرت وعلى طووول اتصلت بحمد .. حمد : هلا حبي .. قلت : حمد شوف .. حمد كأنه خايف : شنو ؟ قلت : انا قررت قرار وارتحت عليه وايد .. حمد : خير ؟ قلت : انا بروح بيت عمتي قبل لا يرجع تركي ..وبتم عندهم لين ما امك ترجع من السفر وتخطبني من ابووي .. شقلت .؟ حمد شكله استانس : اووووووووكي عمري .. اهم شي ننجمع احنا في بيت واحد .. مب مهم الطريقه وشلون .. انا احبج سااروه احبج .. ابتسمت : وانا بعد . حمد : انتي بعد شنوو ؟ تدلعت : حمد .. حمد : عيووووووووووون حمد انا .. شوفي انا الحين ساكت عنج .. بس خلنا نتزوج والله ما راح اسكت لج .. بتقولين الكلمه اللي في بالي يعني بتقولينها .. ضحكت : هههههههههههههههههههه .. وبقول لك غيرها بعد .. بس خلنا نتزوج .. حمد : ان شالله ان شالله نتزوووووووج .. ساااااااااروووووه مستااااااانس .. ومن وناااااست خاااطري اسكر في ويهج .. كتمت الضحكه : يه .. حمد : فدييييييييت خشمج والله .. وتمينا نسولف شوي وعقب سكرنا .. وانا دخلت داخل وانا مب مصدقه .. صج برع موووت حر بس كلام حمد كان يبرد علي .. امي : شمطلعج انتي برع ؟ قلت : اتشمس .. المهم وين خالي . امي : ليش .؟ وشوي الا تدق هاجر .. اشر حق امي بأنها تصبر .. رديت : هلا هاجر .. هاجر : متى بتجين بيتنا .. قلت : امج ما عندها مانع .. هاجر : لا قالت كيفج انتي وبنت خالج .. يعني عادي عندها .. قلت : ليكووووون قلتي لها السالفه .. هاجر : لا قلت ان انتي متملله وتبين تقضين الصيف وياينا .. قلت : ما بتسافرون .؟ هاجر : ههههههههههه حظج هالسنه امي مشغوووله وبتسافر وبتروح وبتجي بروحها .. قلت : هجور بتصل لج بعدين اوكي .. هاجر : اوكي عمري .. وسكرنا .. قلت : ابي اكلمكم في مووضوع .. او قرار اتخذته ومحد بيراجعني عنه .. ولو شنو ما تراجعت .. امي حطت يدها على قلبها : شبتسووووووووين ..؟ قلت : خل خالي يجي اول .. خالي : انا جيت .. ابتسمت : حياك ابيك بسالفه .. قعدنا انا وام وخالي .. خالي : خير .. مستويه كأنج مديرنا .. ضحكت : هههههههههههه ..السالفه اللي بقولها لكم .. بتتنفذ اليوم او بكه بالكثير .. امي: تكلمي صايره كأنج ظابط شرطه .. قلت : يمه حمد اخو لطيفه ناوي يخطبني .. وانا ارتحت حق هالانساان وابيه .. وما ابي ماجد .. وقلت ان تركي ما راح يخليني بحالي .. فقررت .. امي تقاطعني : شقررتي حاظره جنابج .. قلت : يمه انا قررت اروح بيت عمتي كم يوم .. لين ما ماجد يغير رايه وحمد يخطبني من ابووي .. واكون انا راضيه ومب مغصوووبه .. امي : شنو شنو شنووو ؟؟ انتي من صجج .؟ قلت : ايه .. وهاجر هي اللي قالت لي وقالت حق امها اني ابي اصيف عندهم .. وعمتي ما قالت شي .. امي : لا لا لا .. ما ترووحين .. شبيقولون عنا النااس .. بتسووودين ويهنا .. قلت : عيل انتي ما فكرتي شبيقولون عنا الناس اذا ولدج زوجني بالغصب .. خلاص يمه انا قررت .. مابي رايكم .. انا بس ابلغكم .. طالعت امي وعيونها تلمع وخالي يطالعني وهو ساكت ,, قلت : خالي ما سمعت ردك .. خالي : ترى انتي ما يهمج راينا .. قلت : بس ابي اسمع ردك وابي اعرف رايك .. خالي :انا ما عندي مااانع .. تبين تروحين روحي .. استاااااااااانست : صج .. خالي ابتسم : ايه صج .. لان انا اصلا مب عاجبني اللي يسويه اخووج فيج .. وحمد اخو لطيفه ريال والنعم فيه .. كل يوم اشوفه في المسيد واسلم عليه .. تشققت .. ياااااااااي يمدحوووون حبيبي ..^.^ خالي : واذا تبين انا اللي بوديج .. تشققت ورحت له وبسته .. امي : وتركي ...؟ قلت : شفيه تركي .. امي : تركي ان درى باللي سويتيه بيروح لج بيت عمتج وبيسحبج من شعرج .. وبينحرج جدامنا .. قلت : لا تقولوووون له اني في بيت عمتي .. قولو له قالت حق ابووها وابوها ما رضى بالوضع وخذاها عنده .. وتركي ما يعرف ابوي وين .. وبجي بنرتااح منه ومن شره .. خالي : قومي جهزي اغراضج لان تركي بيرجع بكره العصر .. رحت اركض الغرفه وشفت غايوه قاعده على الكمبيوتر تقرى القصه اللي كنت اقراها .. طلعت الشنطه اللي حاطتها فوق الكبت .. وكانت مغبره حدها .. وديتها الحمام وخذت فوطه فيها ماي وقعدت انظفها .. لين ما بين لونها .. والحمدلله هي من النوع اليابس مب قماش .. وحطيتها على سريري وفتحت الكبت .. وقمت اخذ ملابسي واحطهم في الشنطه .. وشفت في مكان زياده .. خذت عطوري وشامبوي وصابوني وكل شي .. وخليت لي بيجامه وبدله حق الطلعه .. التفت على غايوه شفتها تطالعني وعلامات التع!!!جب في ويهها .. سألتني : وين بتروووووووحين .. قلت بتمثيل : شتبين فيني .. انا مالي قعده في هالبيت .. غايوه : ليش .. شصاار .. قلت وانا اسكر الشنطه : مايخصج .. غايوه قربت صوبي وعيونها تلمع : سااروه انا آآآآآسفه .. لا تروحين مكان انا ابيج .. والله اسفه كسرت خااااااااااااطري . قربت منها وظميتها وصاحت .. وانا حسيت اني بشتاق لها مع ان مب من طول الفتره كلها اسبوع تقريبا .. بس بعد انا وغايوه مافترقنا ابد .. نفس المكان ونفس البيت ونفس الغرفه .. والحمدلله مب نفس السرير جا ذبحتها .. المهم .. غايوه : ساااروه من صجج بترووحين ..؟ ووين بترووحين .. قلت: انا بروح بيت عمتي كم يوم لين ما تركي ينسى خطبتي من ماجد ويتقدم لي حمد وعقب بارجع .. وبكوووون جارتكم غايووه .. يعني كل يوم انتي في الفله .. ياااي غايوه .. انا انتظر متى يبي هاليوم .. غايوه : بترووحين وبتخلينا ..؟ قلت : لازم غايوه اسوي جي لازم .. والا اتزوج ماجد هالطفس .. انا ما ابيه .. طالعتني ونزت دموعها على خدها .. ظميتها وتمينا نصيح .. عقب قمت عنها ومسحت دموعي وغسلت ويهي ورحت الصاله .. قلت : يمه يوعااااانه .. امي : ما سوينا اكل .. قلت : ليش ؟؟ امي : قمت متأخر وتكيسلت اسوي اكل .. وخالج عنده ايجازه عادي مب لازم تاكلون .. نطرو العشاا .. قلت : يمه انا بروح اليوم .. مب بكره .. ابيكم تعشوني وتغدوني عدل .. امي بحزن : انتي للحين مصره .. هزيت راسي بمعنى ايه .. امي : انزين يمكن يكون ماج قاطعتها : يمه انا قررت خلااص .. وشنطتي جهزتها.. امي : انزين رووحي بكره .. مب اليوووم .. قلت : يمه تركي بيي بكره . ما اقدر .. امي : بيجي العصر .. عاد انا ادري ان تركي مب مسافر رايح يجابل الحبيبه ويمكن يجي بأي لحظه .. قلت : لا يمه بروح اليوم .. بعد صلاه العشا بخلي خالي يوصلني .. امي صاحت .. قلت : لا يمه ما ابيج تصيحين .. كلها سبوع بالكثير .. لطوف قالت لي ان امها مسافره بس ترجع بيخطبني حمد .. " رحت لها وحضتها " يمه لا تصيحين .. امي : والله ما تهونين علي .. قلت : تركي يبي جي .. هو اللي خلاني اتصرف هالتصرف .. لوماغصبني على اللي اسمه ماجد جان انا قاعده في البيت معززه ومكرمه .. امي مسحت دموعها: الله يهديج .. رحت غرفتي وصليت العصر ورحت المطبخ اكل لي شي .. شفت الاندومي .. طلعت زهره وفلفل بارد وملفوف وجزر وقطعتهم وسويت الاندومي وحطيتها في الطابي مع الخضره .. وسويت حق البيت كله .. قعدنا في الصاله وياو غايوه وخالي وريمو وميمي يايته وفي حلجها صبعها .. دووم في حلجها ما تشيله ..وياو كلهم ياكلون .. انا استااااانست الكل مدح طبخي .. ورحت اركض اسوي لهم عصير ..سويت جيك عصير اناناس .. امي : شنو هاي .. قلت عصير امي : ليموون .؟؟ قلت : لا pineapple .. امي : تكلمي عدل اهوو .. ضحكت لان ادري امي ما تعرف شي بالانجليزي : ههههههههههههههه عصير اناناس .. امي : صبيلي .. صبيت لها وصبيت حق الكل .. خالي : من معلمج هالطريقه .. قلت برووحي .. خالي : عن العياره انتي تسوين شي بروحج .. من معلمج .. قلت : لطووووووووووووووووووووووو ف .. خالي : ههههههه ايه استعدلي .. والا انتي متى تطبخين .. رن جوالي .. شفت المتصل هاجر .. رديت : هلا هجوووووووور .. هاجر : ها يلااا متى بتجين .. قلت : بعد صلاه العشاا .. ليش .؟ هاجر : انتظرج من مسااعه .. قلت : لا بصلي العشا وبجي .. هاجر : اوكي انا في انتظااارج حبي .. ابتسمت : اوكي .. مع السلامه .ز هاجر : في امان الله . امي : ها هاجر .؟ قلت : ايه تحسبني الحين بايي .. امي سكتت والحزن باين عليها .. رحت لها وضميتها قلت : والله مب بيدي .. يمه انا ابي اعيش سعيده ومرتاحه .. ما ابي حد ينكد علي عيشتي .. امي : الله يوفقج .. خالي : شوفي انا بطلع وبرد بعد صلاه العشا .. كوني جاهزه هاا . قلت : اووكي .. لا تتأخر . خالي : اوووووووكي .. وتميت اطالع التلفزيون ورن جوالي .. شفت مكالمه من برع .. رديت : الووو .. تركي : هلا بالعروووووووووووس . ياتني غصه : اهلين تركي .. تركي : امي قالت لج عن الملجه ..؟ قلت : ايه قالت لي .. تركي : اوكي انا اليوم يمكن ايي .. شهقت : شنوووووووووووووووووو ؟ تركي : شفيج ؟ انتبهت لنفسي : لا بس انت قايل بكره .. تركي : ماجد مستعيل .. ويقول خير البر عاجله .. بلعت ريجي : اوكي . تركي : يلا بااي . قلت : باي .. وعلى طوووووول اتصلت بخالي ..لكن ما يرد .. اوووووووووف خااالي هذا وقته ما ترد علي .. تميت ادووووور في البت من التوتر .. عقب رن جوالي .. شفت خالي المتصل .. قلت : الووووووووووووو خالي : ها شفيج صااير ؟ قلت : خالي تركي اليوم بيرجع تعال خذني بسرعه .. خالي : وين اخذج الحين انا في الخور .." منطقه بعديه عن الدوحه الي انا اسكن فيها ." قلت : مااااااايخصني تعااااااااال بسرعه والا اقوووووول حق اخو لطووووف يوصلني . خالي : لا لا يااي الحين ... امي : شفيج انتي ما قلتي بعد صلاه العشا .؟ قلت بخوف : يمه تركي بيوصل اليوم وانا ابي خالي الحين يجي .. امي تنهدت : الله يستر .. بعد ربع ساعه من التوتر والخووف والقلق .. سمعنا صوت هرن .. مت من الخووف .. قلت : ليكووووووون تركي ..؟ امي : لا هاي صوت سياره خالج .. روحي لبسي عباتج .. رحت طياران لبست لبسي وعبايتي وشيلتي وتميت اسحب الشنطه وخالي دخل واررررررررتحت .. قلت : بسرعه يلااا تركي بيوصل .. خالي مسك عني الشنطه ببرووود قال : يلا زين .. وركبت السياره واول ما طلعنا من الفريج ارتحت .. اتصلت حق هجور .. هاجر : هلاا والله .. قلت : اهلين .. هجور انا الحين يايتكم .. هاجر : ما قلتي العشا .. قلت : عاد الظروف تغيرت .. الحين يايه .. هاجر : حيااج الله بعد عمري .. قلت : الله يحيج .. يلا سكري .. وصلت بيتكم .. هاجر : صج .. قلت : لا يعني قربت .. هاجر: اوكي .. باي . قلت : باي . وتمينا ساكتن انا وخالي طول الدرب .. خالي : ترى انا ما ادل بيتهم .. ما ادل الا فريجهم .. قلت : ولا انا.. خالي : اتصلي بهاي اللي اسمها هاجر .. ما تعطلت اتصلت بهجور . ردت : هاا وصلتو.؟ قلت : لا هجور ترى احنا ما ندل بيتكم .. وصلنا اول الفريج .. هاجر : ايه عدي اول فله .. حطيته على السبيكر عشان خالي يسمع .. قلت : ايه .. هاجر : بتلاقين فله حذاها بيضا . قلت : ايه . هاجر : روحو وراها بتلاقون فلل . احنا فلتنا البيج .. كلهم بتلاقونهم بيج الا فلتنا .. خبرج امي خالف تعرف .. خالي ضحكت بصوت .. هاجر شهقت : حاااااااطته سبيكر الله يسندرج .. رديته وضع التلفون : ههههههههههههه لا خالي يضحك على شي ثاني .. هاجر : اوكي يلا وصلتوو.. قلت : ايه وصلنا يلا طلعي لي .. هاجر : اوكي انا ياايه .. وقفنا السياره وخالي نزل عشان ينزل الشنطه .. وانا نزلت وانا اطالع الفله .. يااااااااي تجنن .. احلى من فله لطوف اللي اشوفها احلى بيت في العالم .. ههههههه مالت علي بس .. خالي حط الشنطه عند الباب : ما تبين تودعيني . ياتني الصيحه ورحت له بسرعه وظميته وصحت .. خالي : هههههههههه انا قلت ودعيني مب صيحي .. قلت وانا اصيح : خااالي بتوحشني .. خالي :لا ان شالله مب مطووله .. يلاا ان شالله نشوفج حرم حمد .. قلت بعفويه : ان شالله .. الله يسمع منك .. خالي يطالعني وهو رافع حواجبه .. ابتسمت : يلا بااي .. وسلم على امي وبوووووووووووس لي ميمي فديتها .. خالي : ان شالله .. دخلت داخل وانا اشيل الشنطه .. وشفت خدامه يايه صوبي تركض.. خفت .. خذت الشنطه وراحت داخل .. وتميت واقفه عند الباب انتظر هاجر.. يات هاجر وكانت كااشخه من الزين .. هاجر : هلاااااااا ساااااارووه .. ابتسمت : اهلين هجووووووووووور .. ورحت سلمت عليها .. هاجر : ساروه احلويتي .. قلت : انتي بعد ... وشكلج متنانه .. هاجر تمسك بطنها : ايه سكتي .. قلت : بس ترى مب شين عليج المتن .. هاجر : ايه يلا امشي داخل.. تميت امشي معاها وانا اشوف الحدايق مكمله البيت .. واحنا مستانسين على زرعنا اللي في بيتنا .. الا هو شجره و وردتين .. ههههههه دخلت داخل وانبهرت .. شفت اول ما ادخل صالتين .. وحده على يميني ووحده على يساري .. وعلى صوب الدري .. هاجر : امشي برويج غرفتج .. يااااااي استوت لي غرفه بروحي ..^.^ ورحت معاها وانا رقبتي انكسر وانا اطالع يمين ويسار في بيتهم .. والله كل الفخامه فيه .. يجنن .. والفازات والاكسسورات البيت ماليه الصاله والممرات .. قلت : هجوووور بيتكم يجنن .. فضيع هاجر: عيونج الفضيعه ههههههههههههههه ودتني غرفه عنابيه والسرير كبير والابجورات تحوط الغرفه وما تقل اكسسوراتها عن باقي الغرف .. هاجر : هاي غرفتج .. قلت : صج .. هاجر : ايه .. يلا حطي شنطتج عشان تشوفين غرفتي .. قلت : انا من دخلت ما شفت حد .. وينهم ..؟ هاجر : مادري عنهم .. انا كله بروحي " ومدت بوزها " ضميتها : وااااي فديتج .. انا وياج الحين .. هاجر : ما تشوفيني مستانسه ..يلا امشي غرفتي .. فضخت عبايتي وكنت لابسه تنوره زيتيه كلوش وبدي نك فوشي ..وحطيت شيلتي على كتفي ..وكنت رافعه شعري وطايحه منه خصل .. ودتني هاجر غرفتها .. شهقت : يااااااااااااااااااي .. تجنن ..لونها بيج وبني .. لو امي شافتها جان ينت عليها .. كان السرير كبير ومترووس مخدات .. وفي على زاويه غرفتها صاله صغيره وتلفزيون بلازما ودش و DVD .. والله لو كانت هاي غرفتي ما طلعت منها ولا تمللت .. وفي على زاويه الصاله ثلاجه صغيره .. رحت وقعدت في صالتها .. قلت : ياااي هجووور غرفتج تجنن .. هاجر : عيونج اللي تجنن .. ابتسمت ودخلت الحمام اشوفه .. ياااااااااااااااااااااااا ي . كبير وفيه جاكوزي .. وانا اخبر البانيو اللي اتسبح فيه دايما يكون فيه رشاش واحد .. اما هي عندها واايد .. حتى في الطووفه .. يالله شوفو التطور وين وصل واحنا للحين .. وطلعت من الحمام .. قلت : يلا ابي انبهر في باقي بيتكم .. هاجر : يلا بوديج .. وخذتني غرفه اريج وشفتها قاعده على اللابتوب وكانت تضحك.. يوم شافتني سكتت وشكلها انصدمت بوجودي وسلمت عليها .. وخذتني هاجر وودتني اشوف باقي بيتهم .. ودلتني على المطبخ والميلس و دلتني الملحق .. سألتها : ليش الملحق بعد .. هاجر : لان ذيك المره عمي رجع من المانيا .. خبرج فيه السرطان .. وخلينا في الملحق .. والحين امي مخليه الملحق للضيوف .. يعني اي حد يبي يبات عندنا نحطه في الملحق .. قلت : وانا ليش ما حطيتوني في الملحق .. هاجر: لا ابيج قريبه مني .. وين تروحين الملحق برع وبروحج .. ابتسمت لها .. ورحنا الصاله وتمينا نطالع التلفزيون .. توقعااااااااااتكم شنوو ..؟؟ بعيش براحه وسلام في بيت عمتي .. والا بيصير شي يخليني ارجع بيتنا ..؟ والا بيصير شي يخليني اتزوج ماجد برضااي ..؟ كل هاي بتعرفونه في ..الجزء السادس |
الجزء السادس.. واحنا قاععدين في الصاله ..سمعت حس ريال .. ..: السلاام عليكم .. هاجر نقزت والتفتت ورى .. وصرخت : غيث .. وراحت لها تركض وظمته وسلمت عليه وشفت غيث يطالعني وكأنه مستغرب من وجودي .. انتبهت لنفسي ولبست شيلتي .. ووقفت .. غيث : ساره ؟؟ ابتسمت : شلوونك غيث .. ترى لو هاجر ما صرخت بأسمه جان ما عرفته .. ^.^ غيث : طيب طاب حالج .. انتي شحالج ..؟ قلت : الحمدلله بخير .. هاجر : ترى بتشوفها كل يوم .. غيث بطل عيونه : ليش .. راكان والا ذياب تزوجوها بدون ما يعزموووني ..؟ ضحكت : هههههههههههه هاجر : هههه لا تبي تصيف عندنا وانا اقترحت عليها .. غيث قعد : البيت بيتج .. حياج الله .. يا هلا ومرحبا .. ابتسمت : هلا فيك .. غيث : شخاار تركي هالقاطع .. واخبار خالج .. وامج وابوج والاهل كلهم .. ضحكت : هههههههههه كلنا بخير .. غيث : دووم ان شالله .. قلت : يدوم عزك .. وشوي الا تدخل وحده ضعيفه .. تقريبا نفس جسمي بس هي امتن شوي .. وشعرها باذنجاني وحاطه ميك اب احمر ولابسه جلابيه حمره فخمه .. ....: السلام عليكم .. هاجر : هلا يمه ..عليكم السلام .. شهقت ت بصوت واطي .. هذي عمتي .. شلوون صاايره .. كأنها ملكه جمال بيتهم .. يااي طالعه تجنن .. احلى من ارووج واحلى من هاجر .. يمكن عشان كشختها .. عمتي : غيث فيديتك رديت . وقام غيث وسلم عليها .. طالعت عمتي وابسمت لها .. ما ردت لي الابتسامه .. رحت سلمت عليها .. عمتي : هلا ساره .. شلونج حبيبتي .؟ قلت : بخير ربي يسلمج .. شلونج انتي .؟ عمتي : انا زينه .. وأشرت حق هاجر تاخذني غرفتها .. هاجر : يلا يمه احنا بنروح الغرفه تبين شي ..؟ عمتي : ليش ما تبون تقعدون معاي .؟ رديت بسرعه : امبلا .. وقعدت وهاجر ضحكت علي .. عمتي تنادي : ماااااااااارسيلاااااااااا اااااا .. مااااارسيلااا . مارسيلا : yes madam .. عمتي : وين عصيري ..؟ واشوف الخدامه اللي يايه تركض تاخذ شنطتي .. يايه تركض ووياها العصير .. عمتي : يعني كل يوم اقول واعيد نفس الاغنيه .. الساعه 6 يكون عندي العصير .. الخدامه : sorry madam . عمتي : بس انتو شاطرين تعتذرون .. هاجر : انابيلا روحي سوي قهوه وشاي .. عمتي صرخت : بعد ما سوت القهوه والشاي .. انابيلا : لا في .. وراحت تركض المطبخ ويايبه معاها صنيه القهوه والشاي .. ابتسمت .. يحليلها هالخدامه كله تركض .. ههههههههه صاصرت هاجر : عندكم خدامتين .؟ هاجر تأشر بأصابعها 3 .. ابتسمت .. قامت عمتي .. عمتي : ذياب حبيبي وين..؟ هاجر : مادري .. شفته اليوم الصبح ..بس من بعدها ما شفته .. وراكان بعد ما شفته .. عمتي : حد سألج عن راكان الحين .. راحت ورن جوالي وكان حمد المتصل .. التفت يمين ويسار ما شفت غير هاجر حذاي .. رديت : هلا حمد .. حمد : هلا بروح حمد .. هلا بقلب حمد .. ابتسمت : شتبي .؟ حمد : بل .. من مساعه اهلي عليج وانتي شتبي ..اي مقيوله .. من لقى احبابه نسى اصحابه .. قلت : انت احبابي واصحابي واهلي كلهم .. هاجر طالعتني وهي مبتسمه .. ابتسمت لها منحرجه وكملت كلامي .. قلت : بس وقتك غلط .. شتبي .؟ حمد : ابي اسأل عنج .. اتطمن عليج .. ما يصير ..؟ قلت : لا حبيبي يصير .. وقمت بدون ما احس وطلعت برع وانا اتلكم .. حمد : وين انتي الحين .؟ قلت: انا في بيت عهمتي .. حمد : يعني خلااص ..اللقى قريب .. قلت : والله انت الي تحدد .. انا سويت اللي علي عشان احافظ على حبنا .. الدور والباقي عليك انت .. حمد : حبيبتي انا انتظر امي لين ما ترجع .. وابشر الخميس بتجي .. قلت : اليوم الخميس .. حمد : ههههه لا حبيبتي الخميس الياي .. تنهدت : زين بصبر وامري لله .. وتمينا نسولف شوي وسكر مني .. وما وعيت الا انا في الحديقه .. يااي حديقتهم حلوه .. بس شلون وصلت هنيه .. هههههههه قالتها غايوه انا اتكلم وامشي وانا ما دري .. هع التفت وراي .. شفت واحد لابس بنطلون بني وسيع سبورت وتيشيرت اخضر قامج وكاب اخضر وحزام على شكل سلاسل .. طالعته من فوق لتحت .. ياي شكله حلو .. من هااي ليكوون دريولهم .. بعد يجووز .. خداماتهم ويلبسون بدلات حلوه .. يسمونه ينيفورم .. قال : منو الشيخه .. قلت : انا ساره .. انت منو ؟ قال : انا ذياب .. انتي ساره بنت خالي .؟ قلت : ايه .. ذياب : ما اخبر خالي عنده بنات حلوين جي .. انحرجت وسكت .. ذياب: .. ليش برع الغاليه .. دخلي .. مسكت جوالي : كنت اتكلم في التفلون .. وقمت ودخلت داخل وكان هو وراي ..شفت هاجر قاعده والمبرد في يدها تبرد اظافرها .. طالعت ذياب ونزلت عينها : امي تبيك .. ذياب : فديها ماماتيه .. شتبي .؟ هاجر : مادري سألت عنك من شوي . ذياب : اوكي بروح لها .. وشفته صعد فوق .. قلت : شفت واحد ابي اشوووف الثاني . هاجر : من ..؟ قلت : شفت ذياب ابي اشووف راكان .. هاجر : ويه لاحقه عليهم .. ذياب هاي ما ادانيه .. قلت : ليش ؟ هاجر : دلووع امه .. من يقوول لها شي على طووول في نفس اليوم تسويه له .. وانا لو اقعد احن وازن فوق راسها ما سوت لي شي .. قلت : ليش يعني .؟ هاجر : انا ادري ..؟ قلت : وراكان وغيث واريج ..؟ هاجر: شفيهم ..؟ قلت : تعاملهم نفس معامله ذيااب..؟ هاجر : لا هو الوحيد المدلع والمدلل .. مادري ليش مع اني اخر العنقوووووود .. قلت : خلي ابووج يدلعج انتي .. هاجر تنهدت : ابووي مسكين هو يحتاج من يدلعه ويراعيه .. قلت : ليش؟ هاجر : ابوي ما يشوف .. من مرض السكر اللي ما يرحم حد .. اهااااااااا .. تذكرت .. امي قالت لي عن هالسالفه .. قلت : يعني ما في امل يعالج .. هاجر : ما حاولنا .. عمى ومحد فضى له .. كأن امي ما صدقت على الله .. قلت : لا لاتقولين جي عن امج .. هاجر : انتي تدافعين عنها لانج ماشفتي شي منها .. سكت .. قلت : هجووووور .. ابي اشوف ابووج .. هاجر : يلا هو في غرفته .. والحين موعد اكله .. امش نروح لها قبل لا يحطون الاكل .. رحنا الغرفه وشفتها مظلمه وباارده ومافيها تلفزيون ولا شي من الزينه .. مافيها الا سرير وكبت همست حق هاجر : وينه.. هاجر : يبه .. بو غيث : هلا هاجر يبه تعالي عطيني ماي .. هاجر فتحت الثلاجه وفتحت له قرشه ماي وعطته اياه في يده ودنعت عليه . كأنها تكلمه . بو غيث : هلا هلا بنيتي ساره .. رحت له وبسته على راسه .. لانه وايد كبير .. اكبر من عمتي ب 10 سنوات .. قلت : شلووونك عمي .؟ بو غيث : الحمدلله بخير عساج بخير .. انتي شلونج وشلون اخوج وخالج ؟ قلت : بخير عساك بخير .. كلنا بصحه وعافيه .. بو غيث : وشلون امج وغايه .. ليش ما جبتوهم .. هاجر : يبه ساره بتبات عندنا .. بوغيث : البيت بيتها واحنا الضيوف .. حياها الله .. قلت : الله يحيك .. وعقب جاو الخدامات .. وحده ماسكه الصنيه ووحده ماسكه علبه الدوا وصينيه الماي.. وطلعت ووراي هاجر .. هاجر : شفتي ابوي .. والله يوم اتملل اقعد عنده ويونسني .. ويقول لي الدنيا ما تسوى .. ويخفف عني .. قلت : الله يخليه لكم .. هاجر : آآآآآآآمين .. رحنا فوق وحسيت بالملل .. اتصلت حق لطوف ما ردت .. تذكرت ان تركي اليوم بيجي .. وتميت على اعصاابي ... يااربي .. الحين بتطليح في راس امي .. ان شالله يكون خالي معاها علشان ما يضرها والا يسوي لها شي .. هاي تركي انا اعرفه اذا عصب ما يعرف من جدامه لا امي ولا ابوي .. يالله استر .. هاجر : سااااروه .. قلت : هاا ..؟ هاجر : ودي اعترف لج بشي . تربعت على سريرها: قوولي .. هاجر : انا احب .. ونزلت راسها منحرجه .. قلت : صج .. من من من.. انا اعرفه .؟ هاجر : لا .. قلت : عيل من وين تعرفينه ..؟ هاجر : كان رفيج ذياب .. وذياب اصلا محد يصير رفيجه على طول .. محد يستحمله .. وعاد شافني اكثر من مره ويطالعني بنظرات اعجاب .. وانا بصرااحه مت عليه .. يجنن .. ويوم من الايام ذياب عزم ربعه عندنا في البيت على الغدى .. وانا ما كنت ادري .. وعبدالله .. قاطعتها: اسمه عبدالله .. هاجر ابتسمت : ايه عبودي فديته .. ابتسمت : كملي .. هاجر : وعبدالله كأنه كان متأخر شوي .. يعني ذياب كان مشغول بربعه داخل .. وانا كنت في الحديقه اقرى المجله .. كنت كل يوم في الشتا اطلع برع هالحزه اقرى مجله .. وشفت ظل وراي .. انا حسبته راكان .. مديت يدي ورى وعطته جوالي : ابيك تجيب لي هالاغراض فديتك .. اخذ الجوال وعقب ما سمعت حس .. استغربت .. التفت ورى و وشفته عبدالله ماسك الجوال ويتعبث فيه .. وقفت منصدمه .. وابتسم وعطاني اياه .. وخذته ومادري ليش طالعت الجوال وشفته كاتب لي " انا مب راكان .. انا عبدالله ".. عقب كم يوم شفت رقم غريب ورديت : الوو عبدالله : هلا .. هاجر : منوو . عبدالله : انا عبدالله .. اخذت رقمج .. اول شي هزئته .. لكنه بعد يتصل .. ومن هنيه صارت علاقتي معاه .. ووصلت للحب .. وانا اكنت اسمعها وانا مبتسمه .. يااي .. احب اسمع قصص الحب... لكني ما احب اسمع نهايتها تكون حزينه .. تعتم فيني الدنيا .. وان شالله تكون قصة حبنا انا وحمد تنتهي على زواجنا .. ياارب .. هاجر : هووووووو وين رحتي .؟ ابتسمت : اعجبتني سالفتج .. هاجر : صج .. بس احس اللي مسويته غلط . قلت : هو غلط بس الحب مب غلط .. قولي له يجي يخطبج .. هاجر : خايفين من امي .. قلت : ليش هو فقر .. هاجر : لا مب فقير بس امي بتقول مب من مستوانا .. ماادري ليش تشين صوره عمتي في بالي .. يمكن هي تطلع جي .. بس يوم سلمت عليها ارتحت لها .. هاجر : شااسوي ..؟ قلت : انتي فاتحيها بالموضوع .. هاجر : لااا ساروه والله اخااف .. ترى عادي اقول لها اني اكلمه في التلفون .. تاخذ التلفون عني .. قلت : انتي لا تقولين لها عن كل شي .. قولي لها ان عبدالله خطبني .. هاجر : بتقولي من وين عرفتيه .. وانا شاقول لها .. فكر : اممممممم .. احسن حل يجي هو ويخطبج من اخووج .. ويقول انا ابي اناسبكم ومن هالسوالف وبجذيه تفتكين من خوف امج .. هاجر : امي بتسأل عنه .. بتفصفصه تفصفص .. ضحكت : ههههههههههههههههههه .. انزين يمكن ترضى عنه .. ماتدرين .. هاجر بحزن : واذا ما رضت عنه .. شاسوي .؟ سكت لانها كسرت خاطري .. مشكلتها ما تقل عن مشكلتي .. بس انا ان شالله قريب بتنحل^.^ هاجر : شااااااسوي ساروه .؟ والله انا وعبدالله كل ما تنكلم نتفتح هالموضوع .. قلت : شوفي انتي حاولي تكلمين امج ان هالسالفه سالفه رفيجتج .. وشوفي رايها .. هاجر : امي ما تهتم فينا بتهتم بسالفه رفيجتي .. قلت : عيل روحي لها وسوي روحج عبيطه وقولي لها لو واحد تقدم لي ومستواه كذا بتوافقين .. وانتي بتقيسين نبظها بس ماراح تقولين لها السالفه .. هاجر: اخااف تشك .. قلت : لا مب شااكه .. انتي روحي قولي لها وبترتاحين .. هاجر : بكره بقول لها .. قلت : على راحتج .. رن جوالي .. شفت المتصل رقم خالي .. رديت : هلا خالي .. سمعت حس غايوه تصيح : انتي اي نوووووووووع من الحيوااااااانااااااات .. خفت : ليش شصااار ..؟ شفيج غايوه .. غايوه تشاهق : تررررررررررررررررررركي .. " وتصيح " قلت بخوف : شسوى بعد ؟؟ غايوه : يبي .. يبي يزوووووووجني مااااااااااجد .. " وزاد صياحها " وبكره ملجتي شهقت : شنووووووووووو ؟؟ غايوه : كله منج .. كله منج يالحقيره .. وسكرت في ويهي .. وانا حاطه الجوال على اذني للحين مب مستوعبه الكلام اللي قالته .. تركي يزوجها مااجد .. شلووووون ما جا على بااااااااالي .. وليش غاايوه صغيره .. شلوووووون يزوووووجها شلوووووون ..؟ حقير واطي .. ما تهمه الا الفلوس ومصلحته .. رحت غرفتي او بالاحرى الغرفه اللي عطتني اياها هاجر .. وانسدحت على السرير وانفجرت من الصيااح ... مسكينه غايوه .. انا اخطط وادبر عشان سعادتي .. مادريت اني بهدم سعادتها بنفسي .." زايد صيااحي " هي كانت تبي تكمل دراااستها في الجامعه .. وتبي تروح الخارج بعد .. بس اانا خربت كل شي.. كل شي انا خربته .. حققت رغبتي على تعاسه غيري .. انا لازم اروح واقول لهم اني ابي اتزوج ماجد لاااازم .. وتميت اصيح مكاني لين نمت .. وعيت على حس هاجر .. فتحت عيوني . هاجر : يلا ساروه عشا .. انقلبت الصوب الثاني : ما ابي .. هاجر : يلا ترى راكان موجود .. متفرررررررررررررغه هااي : ماااااابي هجوور خليني بروحي .. هاجر قعدت على السرير : شصااير ؟ ما قدرت امسك روحي .. صحت .. هاجر خافت : شفيج ساروه .. امي ضايقتج .. ذياب ضايقج .. حد زعلج ..؟ هزيت راسي بمعنى لا .. هاجر : عيل شفيج ؟؟ قلت وانا اشاهق من الصياح : غاااايوه .... غايوه بتتزوج مااااجد وهي ما تبغيه ..... تركي غصبهاااااااااااا " وزاد صياحي " انا السبب .. انا ظلمتها .. هجور شلون يهون على تركي يبيع خواااته شلووووون .. غايوه كانت تبي تكمل دراستها في الجامعه .. بس انا خربت كل شي .. خربت عليها " ضربت ويهي " انا حقيره .. ما تمني الا نفسي .. هاجر مسكت يدي : خلاااااااص سااااروه خلاااااااص .. ما صار شي ..ان شالله تنحل الامووور.. صرخت عليها : شلووووون تنحل وبكره ملجتها .. شلوووووووون .. هاجر ظمتني وتميت اصيح على حظنها .. هاجر : لا تسوين في روحج جي ساروه .. تميت اصيح وانا افكر بحال غايوه .. وعقب راحت هاجر وجابت لي ماي .. هاجر تعطيني الماي : اهدي خلاااص .. خذت من يدها الماي وشربت .. حطيته على الطاوله الي جنب السرير .. قلت : انا لازم اروح .. وانا اللي بتزوج ماجد .. هاجر كأنها تذكرني : وحمد .. سكت وكتمت صياحي : بس مايصير اهدم سعاده اختي على سعاادتي .. سكتت واتصلت حق خالي عشان اقول له اني برجع لهم .. خالي : الووو قلت : خاااااالي .؟ خالي : خير ساره .؟ قلت : خالي انا ابي ارجع البيت .. وانا بتزوج ماجد.. خالي : انتي شاايفه المووضوع لعبه اشوووف .. خلاص ماجد تقابل مع غايه وبكره ملجتهم وانتي اذا جيتي البيت بتموتين على يد تركي .. لانه متحلف فيج .. صحت : خااااالي غاايوه ما تبغيه .. خالي : بالعكس ما قالت شي .. سكتت وراحت الغرفه .. زاد صياحي لان غايوه كتومه ما تقول اللي يضايقها .. حتى لو وصل للزواج .. قلت : غاااااايوه اتصلتي على جوالك .. وقالت لي انها ما تبغيه .. وسبتني .. خالي كأنه مستغرب : غاايه ما تبغي ماجد .. قلت : لا .. خالي : بس محد يقدر يقنع تركي .. انا حاولت اكلمه وبعد تهاوشنا وزين ما وصلت للضرب .. تميت ساكته واكتفيت بالصايح .. خالي : انتي ما عليج .. ان شالله تمشي الامور على خير .. قلت : قلتوا حق ابوي .؟ خالي : مادري تركي بيهتم في الموضووع .... يلا شي في الخاطر .. قلت : سلامتك . خالي : الله يسلمج .. مع السلامه .. همست : مع السلاامه .. شفت هاجر اللي كانت تنتظر جواب ..وانسدحت ابي اكمل نومي.. هاجر : شفيج ..؟ شقال خالج .. قلت : ما اقدر اروح البيت .. تركي متحلف فيني وخالي هزئني ..يقول انتي تحسبين الزواج لعبه.. هاجر : ان شالله خير .. تنهدت و طلعت هاجر وسكرت الليت وانا نمت مع التفكير.. قمت على حس غايوه .. غايوه : بسج نووم .. شفت الساعه 10 الصبح .. قلت بكسل : شتبين .؟ غايوه : قومي من مساعه قاعده برووحي .. فتحت عيوني وشفت المكان غريب .. شالسالفه .. تلفت يمن ويسار .. واستوعبت اني في بيت عمتي واللي تكلمني هاجر .. هاجر : هههههههههه شفيج .؟ قلت وانا ارد انسدح : حسبالي في بيتنا .. هاجر : ها بيتج حبيبتي .. يلا قومي حلنا نتفطر .. راحت وانا قمت رحت الحمام تسبحت وتنعنشت ولبست لي تنوره بينج وبدي احمر .. وحطيت لي كحل وبودره شوي.. ولبست شيلتي وطلعت .. نزلت تحت ادور هاجر .. لقيتها في الصاله ومعاها ذياب .. قلت : السلام عليكم .. هاجر : وعليكم السلام .. صح النوم . ابتسمت لها .. هاجر تهمس لي : ما تبين تسلمين على راكان .. قلت منصدمه : هااااااااااااااي راكاااااااان .. هاجر تستعبط : ايه ليش تحسبيته تركي .. قلت : لا يشبه ذياب .. قالت لي : اولا هم توم .. وراكان يشبه ذياب يوم يلبس بنطلون .. اما يوم يلبس ثوب ما يشبهه .. وذياب انا ولا مره شفته لابس ثوب .. من عرفته وهو يلبس بدلات .. التفت صوب راكان : شلوونك راكان .؟ راكان طالعني : الحمدلله بخير .. شلونج انتي .؟ قلت : طيبه طاب حالك .. التفت صوب التلفزيون وانا التفت صوب هاجر .. تمينا نطالع التلفزيون .. وكانت مسرحيه .. وعقب اذن الظهر وطلع راكان .. وانا رحت الغرفه وصليت وتميت اقرى قران سوره الكهف .. لان اليوم الجمعه .. وسكرت القران على حس هاجر .. هاجر : يوووووعانه .. قلت : ايه صح انتي قلتي قومي نتريق وما تريقنا . هاجر : قوانين ست الوالده .. مافي ريوق بعد الساعه 9 ونص .. كتمت الضحكه : ليش ؟ هاجر : عشان الغدا .. قلت : والله احنا نقوم الساعه12 نتفطر والساعه 3 او 4 نتغدى .. يعني مافي وقت محدد .. هاجر : يحيكم .. قلت : بالعكس جي احسن .. اووووووه اليوم ملجه غايوه .. مسكييينه والله لو في يدي شي جان سويته .. لكن ماباليد حيله .. الله يعينج ياغايوه ويصبرج على ما ابتلاج .. ويمكن يطلع ماجد احسن من تركي .. انا اصلا رفضته مب عشان فيه عيب.. لان ما وحى لي اعرف عيووبه .. انا رفضته عشاان حمد فدييييييت روحه .. خله يرجع من المسيد باتصل له اتطمن على الاخباار .. هاجر : اووووووووووووووووووه .. وين رحتي .. قلت: معااج .. هاجر : يلا خلنا ننتظر خواني تحت عشان نتغدى .. قلت : هالطابق مافيه الا ثلاث غرف .. وين الباقي ينامون .. هاجر : هههههههههههه شفيج في الطابق الي فوقه .. يعني الطابق الثالث .. قلت : اهااا .. هاجر : يلا قمت : يلا .. نزلنا تحت وشفت عمتي .. سلمت عليها وتمنا ساكتين .. وشوي الا راكان وغيث وبوغيث جاين .. عمتي : وين ذياب .. بوغيث : ذياب ماجامعانا المسيد .. عمتي : انت وين تشوووفه .. غيث يمه وين اخوك .. غيث طالع امه بنظره ومسك يد ابوه : تعال يبه بوصلك غرفتك .. ووداه الغرفه وراكان قعد في الصاله .. راكان : ذياب ما جا .. ما سمعتي ابوي شقال .. عمتي : ابوك عمي وين يشوفه اذا جا والا لا ..؟ راكان : بس يسمع الحس .. وعرف ان انا وغيث بس اللي جينا .. واصلا انتي غريبه تسألينا احنا عن ذياب .. ذياب من متى يجي معانا مكان .. حتى المسيد ما يجي .. عمتي تغطي : لا هووو يرووح مسيد ثااني .. هو يقول لي .. راكان : عيل انتظريه .. نادونا الخدامات على الغدا .. ورحت ورى هاجر وهي تبتسم لي .. ونادوا اريج بعد .. وبوغيث حطو له الاكل في غرفته ومعاه الخدامه تأكله .. قعدت عمتي مجابله الكل .. وراكان على يمينها وغيث جنبه .. وهاجر على يسارها وانا جنبها .. وحطت لي هاجر اكل في صحني وتقعدت اكل مع ان نفسي مسدوده .. وراكان ياكل لقمه ويطالعني .. وانا انزل عينوني .. اما غيث كأنه متعود على وجودي .. وهاجر تصب لي العصير قايمه بخدمتي يحليلها .. ويات اريج .. اريج : يعني ما قدرتوا تصبروون لي .؟ عمتي : تعالي اكلي وانتي ساكته .. يات اريج وقعدت جنب غيث : وين ذياب .. عمتي : اتصلي له شوفيه وين .؟ غيث : لو احنا اللي ما جينا جان ما سألتي عنا .. عمتي : ذياب غير وانتو غير .. غيث : شيفرق عنا يعني .؟ عمتي : انت كبرت .. غيث : انزين انا كبرت .. وذياب تشوفينه صغير .. ترى راكان كبره .. عمتي : اووووووووووه .. شفيك انت على اخووك . غيره على كبر .. غيث ببرود : لا غيره ولا شي .. بس يعني مستغرب .. عمتي قامت: الحمدلله .. سديتو نفسي .. غيث : خلي ذياب يفتح نفسج .. راحت عمتي وانا اطالع الموقف .. هذي عمتي اللي يقولون ما يقدرون يردون عليها .. والا بس غيث اللي يقدر عليها .. راكان : ليش جي سويت .. انا ما اشتكيت لك .. غيث : لازم تعرف .. ترى تعامل ذياب كأنه ياهل.. حتى هاجر ما تعاملها جي .. هاجر : ايه والله .. انا معتمده على نفسي .. ذياب مخلي اعتماده على امي .. خلها بنشوف من بيتزوجه .. راكان: انتو شتبون فيه . خلوه في حاله .. هاجر : والله انت اللي في حالك .. راكان : انا مالي شغل الا في اللي احبهم .. هاجر شهقت : يعني ما تحبه .. راكان : ما اكرهه .. بصراحه ما قدرت اسمع اكثر .. احس روحي متطفله قاعده بينهم .. قمت : الحمدلله.. غيث : وين .؟ قلت : شبعت .. عليكم بالعافيه .. ورحت غرفتي واتصلت حق حمد على طوول .. حمد : هلا حبيبتي .. حطيت له اغنيه نوال الزغبي " شو اخبارك " وخليتها شوي مب وايد .. وشليته .. حمد : حبيبتي اذا انا ما اشتقت لج اشتااق حق منوووووووووووو قولي لي .. ابتسمت : والله انا متولهه عليك موووووووووت .. حمد : والله قاعد انتظر امي احر من الجمر .. قلت : وانا اكثر منك .. حمد يهمس : احبج .. استحيت : وانا كثر .. حمد : لا انا اكثر .. قلت : لا انا اكثر قلت لك .. حمد يقول بشكل سريعه: اختلفنا مين يحب الثاني اكثر .. انا والا انت اكثر .. واكتشف انا اكثر .. ضحكت : ههههههههههههههههههههههههه هههه شنوو هااي ههههههههههههههه حمد : ههههههههههههههه اغني لج .. قلت : ههههههههههه لا ارجوك لا تغني ..ههههه حمد يمثل الزعل : يعني صوووووتي مب حلوو ؟ قلت : كلش .. بس يوم تتكلم معاي حلو .. حمد : فديج قلبج حيوته .. ضحكت : ههههه شنو حيووته .. حمد : ايه مصغر حياتي .. حيووووووته .. قلت : عجبني الاسم .. حمد : اذا تزوجنا كل يوم لج اسم من هالاسامي .. قلت : يعني تكافئني .؟ حمد : ايه .. ضحكت : ههههههههههه محق.. حمد : حيوته حياتي .. لطوف تبي تكلمج .. قلت بلهفه : عطني عطني اياهاااااااااا .. عطاني حمد لطوف اكلمها وتميت اسولف ياتني الصيحه .. وسولفنا شوي وضحكنا وسكرت مني .. حاولت ارقد يعني اقيل ماياني نوم .. نزلت تحت ما شفت حد في الصاله .. الظاهر كلهم نايمين .. فتحت التلفزيون وحطيت على mbc وكانوا حاطين دعايه يهال .. وكان الياهل حاط صبعه في حلجه .. تذكرت ميمي فديتها والله وحشتني مووووووت .. وخنقتني العبره .. وسرحت فيها وشلون كنا نلعب انا وريموه وميمي تلاحقنا غيرانه .. وغايوه تصفقني بالمخده اذا زعلت ميمي .. وامي تقعد من بعيد تطالعنا وتضحك .. والله هبالتنا هباله .. بس حسبي الله عليك يا تركي سودت حياتنا .. وبعدتنا عن بعض .. ورن جوالي .. طالعت الرقم وشفت المتصل خالي.. الله يستر ليكون في مصيبه ثانيه .. رديت : الووو . خالي : هلا ساره .. قلت : اهلين خالي .. خالي : طلعي برع عند الباب بعطيج شي .. قلت : انت عند الباب الحين .؟ خالي:ايه فتحيه .. قلت : زين .. ورحت صوب الباب وانا اعدل شيلتي وفتحته شفت خالي واقف وماسك ورقه مادري ظرف .. تتوقفووووووووووووون شنو في هالاورقه او الظرف..؟ وتتوقعون خالي كلم تركي وبيأثر علي ويخليني ارجع البيت ؟؟ كل هاي في الجزء الياي .. |
الج السابع زء قلت : هلا خالي .. وسلمت عليه .. خالي : خذي هالظرف .. مسكته : شنو فيه .؟ خالي : يمكن تحتاجينه بشي .. يلا انا الحين بروح .. التفت .. ناديته . ناديته : خااالي .. التفت لي : نعم .. رحت له وضميته وتميت اصيح .. خالي : شفيج .. حد ضايقج .. قمت عنه وهزيت راسي بمعنى لا .. خالي : شفيج تصيحين .؟ قلت : وحشتووني .. خالي ابتسم : والبيت كله مفتقدج .. لاااااااا ما اقدر اصبر اكثر من جي .. ابي اروح بيتنا .. البيت اللي نولدت فيه المحبه والتعاون .. مب هنيه كل واحد يكره الثاني ومايدرون عن بعض .. خالي : يلا مع السلامه .. وسلمي على راكان . قلت له : وذيااب ؟ خالي يأشرمب مهتم : مب لازم .. ركب سيارته وتميت اطالعه لين ما اختفى عن عيني .. سمعت صوت خشن من وراي : من هذاا .. التفت الا ذياب واقف وراي .. بعدت شوي عنه : هذا خالي .. ذياب : شيبي ياي .. هاي بدل ما يقول لي ليش ما دخلتيه وضيفتيه يقوووول شيبي ياي .. ذياب : ما تتكلمين قلت : ياي يسأل عني .. وانت بعد ليش تسأل .. ورحت عنه ومسك يدي .. اتفت له بسرعه.. ذياب : زعلتي ..؟ قلت : لا وهديت يده عن يدي ودخلت داخل ورحت غرفتي وحطيت راسي على المخده وفتحت الظرف .. شفت فلووووس .. الله يهداك يا خالي . امي عطتني ويكفيني .. انا ما راح اطول هنيه .. سكرت الظرف وحطيته في شنطتي ونمت .. قمت على رنه تلفوني وشفت الساعه 5.. فتحت عيني بالغصب وشفت المتصل حمد .. رحت الحمام وغسلت ويي ومشطت شعري وياتني هاجر تصح .. شهقت : شفيج هجووووور ؟ هاجر تصيح : انتي قلتي لي " وتصيح " انتي قلتي لي المح حق امي .. قلت : عن سالفه عبدالله .. هزت راسها بأيه .. قلت : وشسوت .؟ هاجر زاد صياحها : قلت لها ان لو واحد تقدم لي ومستواه مب مثلنا .. بتوافقين .؟ قالت لي يخسي الا هو .. اصلا انتي حق ولد عمج .. قلت : شنو ؟ يعني امج تبيج حق ولد عمج .. من هذا .؟ هاجر : زايد ولد عمي .. امي تبيني له .. عشان فلووووووسهم .. انا ما ابيه ما احبه .. انا ابي عبدالله .. ظمتها .. حسيت ان امها هي تركي وتركي امها .. نفس الطبع .. يغصبون الواحد على شي ما يخصهم ولا من حقهم .. هاجر :ساااروه شااسوي ..؟ قلت : انتي ما انخطبتي رسمي حق زايد ..يعني في مجال تخططين وتسوين .. هاجر : شنو اخطط انتي الله يهدااج .. انا ابي زواجي يكون نفس كل الناس .. يكون بموافقه امي وابوي .. قلت : انزين روحي كلمي ابوج يمكن يوافق .. وخلي عبدالله يخطبج من ابوج وامج مب لازم تعرف .. هاجر : امي بتزعل .. قلت : كيفج انا قلت لج اقترااحي.. وانتي شوفي عبدالله شيقول .. يمكن يكون عنده شي احسن .. هاجر : بشوووووف .. رن تلفوني وشفت المتصل حمد .. قلت : حمد .. هاجر : صج .. اشرت لها بأنها تسكت سكتت وطلعت.. ورديت : هلا حبي .. حمد : اهلين ساره .. شلونج .. استغربت : بخير .. حمد : امي وصلت اليوم الظهر .. استاااااانست : صج .. كلمها على طوول حمد ما ابي اقعد زياده هنيه .. حمد سكت .. قلت : الوو حمد .. وينك . حمد : ساره .. امي .. قلت : ايه ادري رجعت .. كلمها ورد علي اووكي .. حمد : ساره انا كلمت امي في الموضوع .. وما رضت .. قالت هي كلمت خالتي ان انا ابي اتزوج بنتها .. سكت مب مستوعبه الموضوع .. قلت : حمد انت من صجك والا تبي تلعب بأعصااابي .. حمد : ساروه انا فاضي لهالدرجه العب في اعصاابج .. قلت لج هاي كلام امي .. قلت : وكلامك .. يعني انت بتطاوعها حمد .. حمد : حبيبتي انا قلت لج امي فيها القلب ومب مستعد اخسرها .. اذا تزوجتج بكون جنيت على امي .. وام قاطعته : وانا .؟ واللي سويته عشااااانك .. يضيع .. انا هديت اهلي ما همني زعل منوو عشانك يا حمد . سويت المستحيل عشان نكون مع بعض .. ويوم قربت الخطه تنجح ياي تتعذر لي بأمك .. حمد : ساره فهميني ان قاطعته وانا اصرخ: انت شنوووووووووو .. انت واحد حقير وااطي .. ظحيييييت بأهلي وسعاااادتي عشاااانك .. وعشان ارتبط فيك .. ياي تقولي امي .. حمد يعلي صوته: انا ما قلت لج شردي من بيتكم وانخشي في بيت عمتج عشان اترزوجج .. انا قلت لج بشوف راي امي اول .. وانتي اللي تسرعتي .. قلت : لااااااااااااا والله .. يعني ما جنك وافقتني على الموضووع .. وانا شردت بيت عمتي على قولتك مب عشان شي .. عشان ما اتزوج ماجد وتعتبرني خادعتك .. انا كنت ما ابي اخدعك يا حمد . لكن انت خدعتني .. خدعتني وخنت ثقتي فيك .. وسكر ولا سمعت رده وانفجرت من الصيااح .. هاي اللي ما حسبت حسابه .. ان حمد يخدعني ويروح ياخذ غيري .. حمد لي انا .. وتميت اصيح واصارخ بروحي ومافي حد يخفف عني ويمسح دمعتي .. وينك يا خالي .. وينج غاااايوه وينج يمه .. وينكم .. انا اللي بعتكم .. انا اللي خليتكم ورحت عنكم .. انا استاااااااهل اللي صاار لي ..وزوجت غايوه المسكينه من اللي كنت بتزووجه .. والله لو اني متزوجه ماجد احسن لي من اني اعيش مذلوله ومخدوعه .. انا انخدعت فيك يا حمد انخدعت .. ياني مسج .. فتحته من حمد .. " ساره ابي اكلمج .. ابي افهمج السالفه عدل.. ترى انا ماالي خص .. ساره انا احبج " حذفت الجوال على السرير وتميت اصيح .. وطرشت له مسج " اشوف الدنيا بعيني خساره ما لها اول اذا دنياي ودانتي خسر اول حساباتي .. عرفت الباقي من بدري ولايحتاج اتهول عرفت الجاني احيانا برئ بكل ادناتي .. صحيح الدنيا ما تصمل ودوم الدوم تتحول خسرت الربح بسهوله سببها طيب نياتي .. طواني الهم ودمرني وهام بداخلي مول بلون الحزن غناني وترقص له معاناتي .. رضيت بقسمتي ادري وراضي لدمعتي تحول اداري اهاتي وتذرف دموع العين واهاتي .." وطحت على السرير وانا افكر في حالي ودموعي ما توقف .. تنزل بهدوووء .. اتصل فيني حمد ما رديت .. وطرشت له مسج ابي انهي كل اللي بينا .. "لا تستفز القلب وتثير الاعصااب .. انا انصحك تشتري سلامتك وتروح .. ما ابيك تفتح للمواضيع ابواب .. خذيت عبرتها على درس مشروح .. قلبي رجع لك منهزم منصاب .. يبكي ويصرخ .. من حبايبه مجروووووح .." وتميت شوي الا ياني لي مسج .. عرفت على طول انه حمد .. فتحت المسج .. " ناس تفكر همهم يسعدونك .. وناس تفكر كيف تقدر تبكيك .. لا تشتري من حاولو يخسرونك .. ولا تخسر اللي فكر بيوم يشتريك .. ومافي اجمل من صديق يصونك .. ومافي اقسى من قريب يعاديك .. اكبر قهر لاصار ناس يبونك.. وانت تبيهم بس حظك لعب فيك احبج ساره" تنهدت وفكرت ان هاي المسج يكون اخر مسج بيني وبينه .. " مين انا بحياتك؟؟ مجرد حبيب تسليت معاه وبالنهايه تركته...مجرد ذكرى مرت بحياتك ونسيته...أو معلم حبيبت يعلمك الغرام وبالاخير جرحته "اتصل حمد .. مارديت عليه .. وقمت من مكاني وغسلت ويهي و والتفت على الجوال وصديت عنه بسرعه .. ونزلت تحت .. ما شفت حد في الصاله .. شفت دله شكلها غريب .. خذت كوب من الاكواب الموجوده وصبيت لي . وطلع نسكافيه .. خذته وطلعت برع في الحديقه .. قعدت في مكان حلو .. مجابل نافوره صغيره وحواليها حمام .. تميت اطلعهم وانا اشرب واحاول انسى كل اللي صار .. وسمعت حس من وراي .. التفت وشفت ذياب .. ابتسم لي ورديت له الابتسامه .. يا وقعد في الكرسي اللي جنبي .. ذياب : شتشربين .؟ قلت : نسكافيه .. تبي .؟ ذياب : ايه .. قمت عشان اجيب له .. ناداني .. ذياب : لا تعالي .. قلت : شنو ؟ ذياب : قعدي ابي اللي في يدج .. استغربت ومديت له اللي في يدي وخذه وتم يشرب .. ذياب : ليكون تبينه ؟؟ قلت : لا ما ابيه .. ذياب : كله عشان انا خذته .؟ قمت : عليك بالعافيه .. ذياب: يعني ما تبين تتكلمين معاي .. تسولفين .. تدردشين .. قلت : لا بروح فوق تعبانه شوي .. ذياب : ما تشوفين شر .. ابتسمت : الشر ما يجيك .. رحت عنه .. والله ذياب خوش ولد .. مادري ليش هاجر ما تحبه .. يمكن تغار منه عشان هو المدلل على قولتهم .. وصلت غرفتي وطليت على جوالي وشفت مكالمتين ورساله .. شفت اول مكالمه من حمد والثانيه من لطوف .. فتحت الرساله وشفتها من حمد " ساره ردي علي ارجووووج .." طنشته واتصلت حق لطوف .. لطوف : هلاا ساروه .. من صوتها يبين الحزن .. قلت : اهلين .. لطوف : شخباارج .؟ قلت : عايشه في هالدنيا اللي ما بترحم حد .. لطوف : لا تقولين جي ساروه .. ساروه حمد كلمني وق .. قاطعتها : لطوف اذا انتي يايه تتكلمين عن حمد سكري الموضوع لان الي بيني وبينه انتهى .. لطوف : حمد يحبج ساروه .. بس ما يقدر يرفض طلب امي .. قلت : شفايده حبه لي .. الله يهنيه مع من اختارت له امه .. لطوف : ساروه انا بكلم امي .. بقنعها فيج .. حسيت بالاهانه .. ليش انا شفيني عشان ما تبيني امها وتبي بنت اختها له .. ؟ قلت : لا تكلمين امج ولا شي .. اصلا انا خلاص .. اقتنعت ان حمد مب لي .. لطوف : سااااروه حمد يبييييييييييج والله يحبج .. ياتني غصه .. انا امووووووت عليه .. اتنفس هواه .. بس ما اقدر اتعلق بأمل كاذب . قلت : شالمطلوب مني .؟ لطوف : انج تكلمينه وتخلينه يفهمج .. قلت : شيفهمني .. انا فهمت كل شي .. لطوف : هو ما يبي يطلع بعينج حقير وخاين .. قلت باستهزاء : لاااااااا محشوووم .. لطوف : س .. قاطعتها : لطوف امج تبيه حق بنت اختها .. وحمد ما يقدر يرفض طلب حق امه .. خلاص يعني اللي بيني وبين حمد انتهى .. وانا اعتبره اخو صديقتي .. نفس اول يعني .. والله يهنيه ويسعده .. لطوف صاحت :بس انا ما ابيه يتوزجها .. قلت : ليش ؟؟ لطوف : مب زينه .. وامي مب مقتنعه بهالسالفه .. امي تشوفها ملاك .. حتى يوم رجعت من سفرتها شرت لها صوغات وانا ما شرت لي .. ترى انا ما ازعل من هالناحيه .. بس ارويج شكثر هي تحبها وتعزها .. قلت : هي شكبر .؟ لطوف : 21 يمكن .. تميت ساكته .. معقوووووووووله حمد يروح حق غيري .. اناالي تعبت عشانه وسويت اللي ما تسويه بنت . ذليت روحي يا حمد .. وقعدت في بيت عمتي وانا احس انهم مب متقبليني .. كل هذا استحملته عشانك وهذا الي رديته لي .. لطوف : الووو قلت :شنو ؟ لطوف : وين رحتي . قلت : معاج . لطوف : فكري ساروه وردي عليه .. قلت : لطوف انا قلت لج .. اللي بيني وبين حمد انتهى .. وباركي له مقدما و وصلي له سلامي .. مع السلامه .. سكرت وما سمعت ردها ..ودخلت علي هاجر .. هاجر: وينج انتي من مساعه ادروج .. قلت : موجوده . هاجر : شفيج ؟ طالعتها وانا مكسووره .. هاجر قعدت جنبي : سااروه شفيج.. شصااير ..؟ قلت لها بحزن وماسكه صيحتي : حمد .. هاجر بخوف : شفيه ..؟ انفجرت من الصياح : مااااااااااااايبيني . هاجر : ليش شصاار .. شاللي غير رايه ؟ قلت وانا اصيح: امه اخطبت له بنت خالته وهو ما يقدر يرفض لها طلب .. هاجر ظمتني :احسن .. انتي شتبين في ريال شوره بيد امه .. قلت وانا في حظنها : احبه يا هاااااجر احبه .. انتي لو عبدالله سوى فيج جي شبتسوين .. تمت ساكته وانا اصيح .. هاجر : خلاص ساروه .. ما يستاهل دموعج .. قمت عنها ومسحت دموعي .. هاجر : امشي معاي تحت .. قلت : مالي خلق . هاجر : امشي في فلم بيبدأ الحين .. هزيت راسي موافقه كلامها .. ورحت غسلت ويهي وحطيت لي كحل ومسكرا ولبست شيلتي وطلعت .. وشفت هاجر تطالع التلفزيون وحاطه على اغنيه اليسا " اكذب عليك " خنقتني العبره تذكرت غايوه فديتها .. لو هي هنيه كان تعلقت في التلفزيون .. قعد احذاها وابتسمت لي ورديت لها الابتسامه .. وفرت على روتانا سينما وتمينا نطالع فلم مصري ... وشوي الا يدخل غيث وانا ما كنت لابسه شيلتي .. عدلتها بسرعه .. غيث : اوه قاعدين في الصاله .. هاجر : ايه وشالغريب .. غيث متجه صوب الدرج : شالغريب؟ .. انتي ما تنزلين من غرفتج الا اذا بتروحين مكان .. هاجر : ايه ساروه غيرت روتين حيااتي .. غيث : عسى دووم .. دخل راكان من برع : السلام عليكم .. انا وهاجر : وعليكم السلام .. راكان قعد جنب هاجر .. راكان : شتطااالعوووووون ؟ هاجر : شتشووف يعني ..؟؟ راكان : روحي جيبيلي بيبسي .. هاجر : عيزااانه .. راكان : روحي قلت لج .. هاجر : يخي بيفووتني الفلم .. قمت : انا بروح اجيب لك .. راكان : لا قعدي .. الحين هاجر بتقووم .. قلت : لا انا بروح .. لاني ابي اجيب جوالي .. راكان : على راحتج .. رحت غرفتي وفتحت الثلاجه اللي فيها .. وشفت فيها 4 قواطي بيبسي .. خذت لي وحق راكان وحق هاجر .. وسكرت الثلاجه وخذت جوالي وشفت ماكالمه لم يرد عليها .. فتحتها وشفت رقم غريب .. ما رديت اتصلت .. خليته يولي .. نزلت تحت وفي يدي البيبسي .. مديت يدي حق راكان بالبيبسي.. راكان : مشكووووووووووووووووووره .. نخدمج في عرسج .. استحيت : العفو .. وعطيت هاجر .. فتحت البيبسي وتميت اشرب وانا اطالع الفلم .. ياني مسج .. تخرعت وفتحته .. كان من نفس الرقم الغريب " ساروه فديتج ردي انا غااااايووه " نقزت من مكاني وركان وهاجر طالعووني .. هاجر : شفيج .. قلت وانا خانقتني العبره : غاايوه .. هاجر : شفيها ..؟ قلت : ولا شي ولاشي .. وطلعت برع عشان اتصل لها .. وشفت الدنيا بدت تظلم .. اتصلت لها وعلى طوول ردت .. غايوه : هلا سااارووه .. صحت : هلاغايوه .. شخباارج .. شمسويه غايوه بدوني.. غايوه : الحمدلله انا بخير وكلنا بخير .. بس انتي لا تصيحين .. قلت وانا اصيح : وحشتووووووني .. غايوه : ههههههههههههههه ساروه تراج ما طلوتي .. قلت : والله طولت .. انا ما توقعت ان حمد بيطلع جي .. ما توقعته نذل وواطي .. غايوه : ليش شسوووووووووووى ..؟ قلت وانا احاول امسك روحي من الصياح : حمد مب متزوجني .. غايوه حمد خطب وحده ثاانيه غايوه : شنوووووووو؟؟ شتقوولين انتي .. ليش جي سوى .. قلت : امه طلبت منه جي وهو يابلفيت ما يرد لها طلب .. لعب بقلبي وخلاني احبه .. غايوه باستهزاء: جان استأذن من ام قبل لا يكلمج ويحبج .. قلت : حبته القرااااااده .. هو ما يعرف شي اسمه حب.. حبيته لين ما قلبي راح له ..وحسيته انقطع من مكانه .. ورده لي مجروووووح مطعون الف طعنه.. والله انا اللي استااهل .. غايوه : انزين بس خلاص لا تصيحين .. وان شالله الله بيعوضج باللي احسن منه . قلت : ما ابي غيره ولا ابيه .. انا كرهت الرياييل كلهم .. واولهم تركي .. الي شردني وخلاني متلتهه من بيت لبيت .. " مسحت دموعي " المهم طمنيني عليكم .. وشخبارج انتي وماجد .. غايوه : انا وماااجد عاااال العاااااااال .. انصدمت .. توقعتها تموت من الصياح يوم اطريه لها .. قلت : يعني شنو .. غايوه : خلاني اسجل في الجامعه وقال عقب ما اخلص بيسفرني برع اكمل دراستي .. والله ما تتوقعين يا ساروه شكثر اهله طيبين وحبوبين .. وهو بعد والله اني حبيته .. قلت وانا منصدمه من اللي تقووله : يعني انتي سكنتي معاه في نفس البيت ..؟؟؟؟؟؟؟؟؟ غايوه : ايه والا ليش ذيك المره اتصلت لج اصيح .. عشان كان بياخذني على طول . مافي عرس .. تميت ساكته من الصدمه .. يعني غايوه صارت حرمه .. يعني صار عندها زوج وقريب عيال .. انا الغبيه الي رفضه .. لو قبلت في جان ما صار هذا حاااااالي .. بس الله يهنيهم ويوفقهم .. قلت : زين تركي للحين معصب مني .. غايوه بتردد : ايه ساروه للحين .. وكل ما نجيب طاريج يتحلف فيج .. سكت .. غايوه : انتي مرتاحه معاهم والا لا .. قلت : مادري يا غايوه .. يعني هم ماسوو لي شي .. بس انا مب متعوده على المكان .. صج المكان احلى من بيتنا بملوين مره .. بس انا ارتاح في بيتنا اكثر .. عني لين متى بتم عندهم غاايوه لين متى .. الامل الوحيد اللي كنت متأمله فيه هو حمد و فقدته .. شاسوي غايوه لين متى بتم هنيه .؟ غايوه : صبري حبيبتي صبري لين ما يهدى تركي .. قلت : ومتى بيهدى هذا .. واذا هدى بيشوفني بيرد يعصب .. غايوه : مالج الا الصبر حبيبتي .. سمعت صوت من عندها خشن يقول : غايه حبي تعااالي يلا بنطلع .. غايوه : حبيبتي ساروه الحين انا بطلع بعد ما ارد في الليل بكلمج اووكي .. قلت بحزن : اوكي .. قالت :بااي . قلت : الله يوفقج غايوه : ويااااااج .. سكرنا .وانا تميت قاعده في الحديقه كنت اطالع البير اللي كان في وسطها .. قربت منه وحطيت يدي على حافته .. وتميت اطل داخله وكان ودي ارمي روحي فيه .. تعوذت من الشيطان وتميت ادور في الحديقه ووصلت عند النافوره وتميت واقفه اطالعها وانا ما ابي افكر بشي.. اطالع الحمام وهم ياكلون .. يااا حمام اصحى اصحى لا تنااام طير وعلي وانشر في الارض السلام .. وول للعالم يكفينا يكفينا والله حراام .. طير وعلي غطينا حب ووئام .. آآه لو يصير هالعالم كله يصير ..عالم واحد ونعيش بقلب وضمير .. آآآآآآآآآآآه ليت الاغاني والاشعار والاآهات والدموع تفيد .. كان ما صار كل هذا اللي يصير .. حسيت حد وراي .. التفت لقيت ذياب وراي .. ابتسم لي : وانا كل مره اشوفج في الحديقه .. بعدت عنه شوي : كنت اتكلم في التلفون .. ذياب : بس اان يوم كنت اطالعج كنتي قاعده تطالعين الحمام ما كنتي تسوين شي .. قلت : كنت تراقبني ..؟ ذياب : لا كنت ياي من برع وشفتج .. سكت .. ذياب : تعالي داخل اجو حار .. سمعت الاذان يأذن دخلت داخل .. ورحت غرفتي على طول دخلت الحمام وتوضيت وطلعت شفت هاجر قاعده على الكنبه .. هاجر : ذياب مزعلج .. ابتسمت : لا .. هاجر : عيل ليش يايه الغرفه دف ..؟ قلت : عشان اصلي .. هاجر : اهاا . قلت : وانتي ما تبين تصلين .. هاجر : لا بصلي بعدين .. قلت : متى بعدين .. انتي تظمنين عمرج انج بتعيشين لين بعدين .. هاجر سكتت .. هاجر : تصدقين .. انا من زمان ما صليت .. شهقت : شتقووووووولين ..؟ هاجر : والله العظيم مستحيه من ربي . قلت : المفروض تخافين من ربج مب تستحين منه .. الله رحيم ويحب عبده .. ويعطيج فرصه .. روحي توضي عشان نصلي جماعه .. هاجر ابتسمت .. وتوضت وصلينا جميع .. هاجر : كلمتي اهلج .؟ قلت : ايه من شوي مسكره من عندهم .. هاجر : اشوفج متضايقه .. قلت : لا لا متضايقه ولا شي .. عادي .. هاجر : شخبارهم .. قلت : غايوه تزوجت .. هاجر ابتسمت : صج .؟ ياتني الصيحه : ايه .. خذت ماجد .. اللي كنت مغصوبه عليه .. انا توقعت انها بتكرهه ومابتعيش سعيده معاه .. بس الحمدلله عايشه بسعاده .. يبين من كلامها .. هاجر : الحمدلله .. الله يوفقها ويبارك لها .. قلت : آآمين .. سكتنا شوي .. قلت : هاجر ابي ارجع البيت .. ابي ارجع بيتنا . هاجر : لاااا ساروه شفيج .. انتي نسيتي تركي ..؟ صحت : لا ما نسيته .. بس احس مامني فايده قاعده هنيه .. اهلي وحشوني هجوور .. هاجر : حبيبتي استحملي .. يمكن يوم من الايام تركي يسافر وارجعي بيتكم .. بس الحين لا .. قلت : متى يعني ..؟ هاجر : لين ما تتعدل الاوضااع .. قلت: واذا ما تعدلت .. هاجر : لا بتتعدل ان شالله .. قومي معاي يلا بنطلع .. قلت : وين ؟ هاجر : مادري بس خاطري اطلع .. توني بقول لها لا بس فكرت .. انا في بيتنا ما اطلع بهد الحين ما اطلع .. خلني اشوف نفسي .. قلت : اوكي .. هاجر نقزت : يلا انا بروح البس .. طلعت هاجر من الغرفه وانا فتحت الكبت وطلعت لي جينز من تحت لين فوق ضيق .. ولبست بدي كات عنابي .. لبست عبايتي الساده وخذت لي شيله فيها على الاطراف بيج وعنابي .. وشنطه سوده .. عدلت شيلتي ولبست نعالتي وتعطرت وطلعت .. دورت هاجر مالقيتها .. رحت غرفتها شفتها تحط ميكاب .. شهقت : شتسوين ؟ هاجر : احط لي شويه ميكاب .. قلت : ليش ؟ هاجر : عيل تبيني اطلع جي .. قلت : ايه شحلاااتج .. هاجر : لا انا متعوده اطلع جي .. قلت : هاجر مسحيه احسن .. هاجر : ليش انزين ؟؟؟ قلت: تعتبرين زانيه .. هاجر : شدخل .. قلت : والله الدين جي يقول .. مسحي مكياجج والا مب رايحه معاج .. روحي بروحج .. هاجر: خلااص خلااص بمسحه .. عشان ما اصير زانيه مب عشان سواد عيونج .. ابتسمت : عفيه عالشاطره .. راحت هاجر الحمام وغسلت ويهها وحطت لها كحل خفيف .. هاجر : الحين اوكي .. قلت : عاال العال .. هاجر مسكت عبايتها وشيلتها : يلا .. قلت : يلا .. نزلنا الصاله وشفت ذياب وراكان موجودين .. ذياب : وين على الله .؟ هاجر : نوت يور بزنس .. ذياب : وين رايحين خلصيني .. هاجر : ااااناا وساروه بنروح الستي .. ذياب : وليش ان شالله .؟ راكان : خلهم يطلعون شتبي فيهم انت ..؟ ذياب : ياسلااام .. يعني يطلعون لا حسيب ولا رقيب .. راكان : يعني انت اللي بتصير حسيب ورقيب عليهم .. ذياب وقف : ايه بصير حسيب ورقيب عليهم .. انا بوديكم.. هاجر قعدت : عيل مب رايحه .. قلت : هجور شفيج .. هاي كله عشان اخوج بيوديج .. قومي بلا تفاهه ذياب : سمعتيها .. تقول لج بلا تفاهه .. هاجر : ساروه انا ماابيه يودينا .. ذياب : عيل من تبينه يوديج .. تبين الدريول عشان تلعبين لعبتج هاااا .. هاجر : الدريول مب اول مره يودينا .. ذياب : ادري بس هالمره الوضع يختلف .. هاجر : شيختلف ..؟ عشان ساروه معاي .. ذياب : ايه .. يلا امشو انا بوديكم .. خذت هاجر على صوب .. همست لها : هجور خليه يودينا والا بتتكنسل الطلعه . هاجر : لو يموت .. قلت : عاد انا ابي اطلع .. حرام عليج .. هاجر : انزين كسرتي خاطر .. ذياب : شتقوووووولوون .؟ هاجر : يلا ودنا .. ذياب شق الحلج : يلا جدامي .. طلعنا وانا وهاجر ركبنا ورى .. ذياب : وانا دريولكم .. ليش راكبيت ورى ..؟ هاجر : انت تبي توصلنا .. وصلنا خلاص .. ذياب : ساروه تعالي جدام .. هاي وايد مطيح الميانه .. ساروه بعد .. ولا يبيني اركب جدام بعد .. جليل الحيا .. ذياب : ما تسمعين .. تعالي جدام ما احب اقعد بروحي استوحش .. ضحكت : هههههههه لا خل اختك تقعد .. ذياب : لا ما ابيها تقعد عندي .. ابيج انتي . قلت : لا اختك اولى .. ذياب : انطموا انتو الثنتين .. محد يركب جدام .. ضحكت .. كأن احنا نترجاه نقعدجدام من مساعه مب هو .. حط اغنيه مساري " inta " وتم يرقص ويغني معاه .. ذياب : ايه صح وين بتروحون ؟ هاجر : الستي .. وكمل طريجه متجه الى الستي اللي ما شفته الا مرتين او ثلاث مرات .. ووصلنا الستي ونزلت وانا مستااااانسه .. وتمينا ندور .. هاجر ماسكتني وتوديني من مكان لمكان .. قلت : هجور تعبت امشي نقعد .. هاجر: ساروه عن العياره تونا ياين.. قلت : امشي نقعد في هالكوفي يلاا تراني هلكت .. هاجر : زين زين .. رن جوال هاجر : اوووووووووووووووووووووف هاذي اروج .. مب راده . قلت : ليش مب راده .. ردي عليها يمكن تبي شي ضروري .. هاجر : لا هاي تبي تهاوشني عشان رحت وما قلت لها .. اصلا اذا قلت لها بتقول حق امي ما تخليني اطلع معاها .. وانا بتم في البيت والشيخه اريج بتطلع .. قلت : خلاص زين لا تردين .. هاجر : مب راده .. ذياب : ليش تحشون في اختي .. هاجر : الحين عرفت انها اختك.. ذياب : سكتي انتي لاني مب طايقج .. ابي اسكر الموضوع : شتبون تطلبوووووووون ..؟ هاجر : انا ابي ملك شيك .. قلت : انا اابي عصير فراوله .. ذياب :وانا بعد ابي فراوله .. وطلبنا وشربنا عصيرنا وهاجر وذياب كله هواش .. وانا كل شوي اسكر الموضوع وافتح موضوع ثاني .. وبعد يتهاوشون .. على الاقل مافي ضرب نفس الاخ تركي .. ما يتعامل الا بالضرب .. يمشي وايده تسبقه .. ذياب : ها يلا مشينا ..؟ قلت : بنروح البيت ؟ ذياب تخصر : عيل وين تبينا نروح بعد عمري ؟ قلت : نبي نتمشى شوي وابي اشتري لي شويه اغراض .. انت روح وطرش لنا الدريول .. ذياب : احمدو ربكم اني مواعد واحد من الربع بطلع معاه الحين والا انا وراكم وراكم .. هاجر : طرش لنا الديول لا تنسى .. ذياب وهو رايح : لا روحو بتاكسي احسن .. هاجر : ها حبيبتي زين تبين تروحين ؟ قلت : ابي اروح هالمحل .. شكله حلو .. هاجر : اوكي .. عقب بنروح دبنهامز ابي اشتري شويه اغارض من هناك .. قلت : اوكي .. ورحنا دخلت محل غاااااالي .. بصراحه ما شريت وايد .. وهاجر راحت دبنهامز وشرت لها بدله كامله مع اكسسواراتها وبالشنطه والنعال والمكياج .. اما انا ما شريت لي شي .. قعدت اساعدها في الاختيار .. عقب رحنا المتحجبه وخذت لي جلابيه وحده.. لانها واااايد عجبتني .. وهاجر خذت ثلاث .. قلت : هاجر هالجلابيه نفس هذي .. هاجر : ايه وحده لي ووحده لج . قلت : انزين جيبيها .. هاجر : بادفع حسابها وعقب بعطيج .. قلت : لا والله ما تدفعين .. عطيني اياها والا رجعيها .. هاجر : ساروه عن السخافه .. وراحت عني وحاسبت الجلابيات وانا خذت جلابيتي وحسبتها .. واحنا طالعين من المحل .. هاجر : ساروووووووووه .. قلت : هاااااا ..؟ هاجر : عندي بطاقه امي .. قلت : بطاقه شنو ؟ هاجر : بطاقه مادري شيسمونها .. يعني احنا نشتري اللي نبيه وهم بياخذون الفلوس من عند امي مب من عندنا .. يعني ما ندفع كاش .. قلت : اهاا .. يعني هم يسحبون فلوس من البطاقه .. هاجر : عليج نوووور .. يلا امشي نخلصها ..هههههههههههههههههههه قلت : حراام عليج .. هاجر : هاي الفلوس اللي في البنك عند امي .. شكثرها ما بتخلص امشي نتشرى منها . رحنا انوتا ولايف ستايل وكليرز لمتد تو حق الاكسوارات.. هاجر : تعبت .. قلت : حتى انا .. هاجر : باتصل حق الدريول يجينا .. قلت : اوكي .. هاجر : الوو .. محمود تعال لنا الستي .. امممم بتلاقينا في كارفور .. لا تتأخر .. ايه .. يلا اقلب ويهك .. هاجر : امشي كارفو عشان ياخذنا من هناك .. قلت : اوكي .. رحنا كارو فور وهي تاخذ حلويات واشباس وانا سيده عند الكوافي .. وخذت لي شكثر من سنيكرز وجلاكسي ومارس وتوكس وتايم اوت .. وانواع وانواع .. حتى انواع ما عرفهم خذتهم .. وشفت هاجر ماسكه جاري ومتروس من العصاير والاشباس والحلويات .. والكل يطالعها .. هاجر : هههههههههههههههههههه شوفيهم مستغربين .. ضحكت : ههههههههههههههههه هالكثر شايله اغراض .. هاجر : ايه باخشهم عن امي .. ترى اذا شافتهم بتكتهم في الزباله .. قلت : لحظه بروح اخذ لي عصير وبرجع .. هاجر : جيبي بالكارتون .. ضحكت وانا رايحه .. تميت اختار لي عصير التفت الا اشوف واحد شكله كبير بالسن لكن مب وايد .. يعني في الاربعين .. طالعته عدل وهو طالعني .. قام قلبي يرقع ويدق ويخفق .. معقووووووووووووووووله .. معقوووووووله اشووووووووفك هنيه .. معقووووله .. من تتوقعون ساره شافت ..؟؟ تركي والا حمد والا امها والامنوو ..؟؟ واذا واحد من هذيلا .. شتتوقعون يسوي فيها ..؟ واذا مب واحد منهم .. شعلاقتها فيه .. وهو شعلاقته فيها .؟؟ بتعرفونه في الجزء الياي .. |
الج الثاامن زء همس : ساره ؟ خنقتني العبره : ابوي .؟ هز راسه بمعنى ايه : انا ابوج .. توقعني ما عرفته .. لكني عرفته على طوول .. رحت لها وضميته وصحت على طووول .. قلت : يبه ليش خليتنا .. ليش رحت عناا. احنا ما لنا غير .. ابوي ساكت .. كملت : حرام عليك .. تلتهنا . تركي ما خلانا بحالنا .. زوج غايوه بالغصب كان بيزوجني لكني شردت وجيت بيت عمتي .. وابوي ساكت .. قمت عنه : يبه ليش ما تنطق .. شفت عيونه تلمع .. كأنه بيصيح .. ابوي : انا ندمان على اللي سويته فيكم .. و . وسكت ونزل راسه .. قلت : يبه شصااير .. شفيك .. احنا مسامحينك يا يبه .. سمعت صوت من وراي : خاااااااالي ؟؟؟ ابوي رفع راسه وسلم على هاجر .. ابوي : من يايبكم ؟ هاجر : ذياب اللي يايبنا واللي بيودنا الدريول .. ابوي : انا بوديكم .. هاجر : اوكي مافي مشكله .. وانا طول الوقت اطالع ابوي وعيني ما شلتها من عيونه اللي شكلها مليانه حزن .. ورحنا وخذنا الاغراض ووصلنا صوب االباركنات .. وشفت ابوي متجه صوب سياره فخمه وكشخه .. ليكون سيااارته .. وقف ابوي عند السياره .. ابوي : امشوو .. هاجر راحت بسرعه صوب السياره وانا تميت امشي بالبطئ ..ووصلت عند السياره . سألته : هذي سيارتك ؟ ابوي : ايه .. حلو ه؟ هزيت راسي بمعنى ايه .. ركبت جدام وهاجر ركبت ورى .. وصلنا بيت عمتي .. وكنت بنزل .. ابوي : لا ساره قعدي ابيج .. رديت وهاجر راحت ونادت الخدامات ياخذون الاغراض .. قلت : خير يبه .. ابوي : ابي اشوفج واسولف معاج .. وحشتوووووووني كلكم.. ابتسمت .. ومشينا .. في الطريج .. ابوي: انتي قلتي ان تركي مبهدلكم .. شمسوي .؟ تنهدت : يعني هو ما قال لك شمسوي .؟ ابوي : لا .. اصلا ما شفته الا ليمن قال لي ان يبي يزوج غايه ماجد .. بس .. وانا والملاج وماجد وتركي كنا موجودين .. ملج عليهم وطلعت .. سكت .. ابوي : تركي شمسوي ؟ قلت له السالفه كل ابوها .. ابوي : وليش ما قلتي لي .. هو مب على كيفه يغصبج ويغصب اختج .. قلت : يعني انا اشوفك وادري عنك عشان اقول لك .. حتى رقمك غيرته وما اعرفه .. ابوي : انا غيرته من زمان .. ورقمي عند تركي وانا قايل له يعطيكم اياه .. قلت : ما عطانا شي .. انت كنت تكلم تركي وتتواصل معاه .؟ ابوي : لا .. اتصل له بس هو ما يرد علي .. وهو ما يكلمني الا في المناسبات .. وكل ما اقول له ابي اشوفكم يتعذر لي .. مادري ليش يبي يفرقني عنكم .. حتى زياره ما يخليني ازوركم .. خنقتني العبره .. حسيت ان ابوي ضعيف .. قلت : ليش تركي جي يسوي ؟؟ ابوي : مادري .. قلت : المهم .. شخبارك انت .. وشمسوي في حياتك .. ابوي وقف السياره ابوي : نزلي في البيت بقول لج .. نزلت وشفت بيت اقصد فله كبيره .. وشكلها الخارجي رووووووووعه .. قلت : هذا بيتك .. هز راسه بمعنى ايه .. دخلنا وانا في بالي ستين الف سؤال .. دخلت الصاله واول ما شفتها انبهرت .. صاله مرتبه وحلوه وراقيه .. واثاثها مرتب .. ابوي من وين له كل هالفلوس عشان ياخذ له بيت هالكبر .؟ قعدت .. ابوي : ببدل وبجيج زين .. قلت : زين . ما قدرت اتم قاعده .. قمت ومشيت ووصلت المطبخ .. شفته يااااي يجنن .. فيه حركات وديكورات .. وطلعت وفتحت باب كان جنبه .. لقيته حمام .. سكرته ورحت صوب الباب لان كان في باب بعد جنبه .. فتحته شفت ميلس .. يااااي البيت يجنن بس معقووله هذا بيت عزووبي .. سمعت صوت التلفزيون قلت هذا اكيد ابوي .. رحت بسرعه الصاله .. وشفت واحد صغير مع الخدامه اعطيه عمر سنتين .. قلت : منو ؟؟ التفت صوبي وتم يطالعني .. ويات وحده كأنها كبره .. .. وكأنها كانت بتتكلم ويوم شافتني سكتت .. قلت : منو انتو ؟؟ قالت : ابي بااااباااا.. ليكوون ابوي مغلط وجايبني بيت جيرانهم .. شفت ابوي نازل من فوق ولابس جلابيه .. تميت اطالعه ابيه يفهمني الموضوع .. ابوي : شفيج ؟ قلت : منو هذيلا ؟؟ ابوي طالعهم : خوانج .. شهقت : نعم ؟؟ ابوي : ايه شفيج .. قلت : من متى خواااني .. يعني انت متزوج ابوي نزل راسه : ايه .. قلت : شلووون .. ابوي مسك يدي : تعالي بقوول لج السالفه .. قعدنا على الكرسي واليهال يطالعونا .. ابوي : جينا .. خذي ناصر وفاطمه وديهم الغرفه .. قلت : مسميها فاطمه ؟ ابوي : ايه احب هالاسم .. قلت : عشان امي والا ..؟؟ ابوي : مب هاي سالفتنا .. قلت : قوول كلي اذان صااغيه .. ابوي : انا متزوج وحده من اصل مغربي .. بس عندها جواز قطري .. قلت : ليش امي قصرت في حقك ؟!! ابوي : امج ما قصرت .. بس انا ما ااقدر اتم بدون زوجه .. وهذي اسما شفتها كانت تشتغل معانا وحبيتها .. وتزوجتها .. قلت : انت حبيتها قبل لا تطلق امي صح ؟ ابوي منزل راسه ويهزه بمعنى ايه .. قلت : ليش يبه .. ليش .. حرام عليك امي ما قصرت بحقك .. صانتك وصانت بيتك وربت عيالك وتحملت شكك وغيرتك الزايده عليها .. وتحازيها بأنك تحب غيرها وتتطلقها ..؟ ابوي : انا ندمااان .. والله العظيم ندماان .. انا اكتشفت ان مافي ام نفس امج يا ساره .. والله الحين عرفت قدرها .. هذي اسما طلعت لي قروون .. راحت عند اهلها وخلت ناصر وفاطمه عندي .. ولا فوق هذا خلتني ابيع الشقه اللي كنت شاريها لها .. وخذت هالبيت بعد ما بعت اللي وراي واللي دووني .. وتسلفت بعد .. وخلتني اسجل هالبيت بأسمها .. وانا من زود حبي لها سجلته على طوووول بدون ما اتردد .. ..وتميت معاها ويابت فاطمه وناصر توأم عمرهم سنتين .. وبعد ما راحت حق اهلها صدمني واحد ياي يطق الباب ومعاه ورقه .. ويقول ان هالبيت بيته .. يعني باعته .. باعته وخلتني سكت شوي .. عقب تكلم : الحين انا شاسوي .. مديون ولا عندي بيت اروح له .. راعي البيت جزاه الله الف خير خلاني اتم في البيت لين ما ارتب اموووري .. كسر خااطري ابووي .. وانا اللي فكرته عايش مرتااح في حيااته .. طلع همه اكبر من بيته .. كان الصمت سيد الموقف .. قلت بعد فتره من الهدوء : انزين ليش ما تسكن عند عمتي ..؟؟ ابوي : عمتج ما راح تستقبلني .. اصلا حتى لو استقبلتني ما اعتقد راح تستحمل وجودي واايد .. وانا يبيلي وايد لين ما اسدد هالديون واشتري لي بيت واثثه .. يعني ببتدي من الصفر .. تعرفين يعني شنوو من الصفر .. قلت : ما تقدر تتسلف من عمتي وتسدد ديونك وتشتري لك بيت .. وعقب على مهلك رد لها شوي شوي .. ابوي : عمتج يا حبيبتي ما تهتم الا في نفسها . وانا ما احب اذل روحي اكثر من جي .. انا حاولت افاتحها بالموضوع بس .. بس بالمقدمات .. قالتها لي بكل صراحه ووقاحه .. اذا تبي فلووس ما عندي .. وانا حبيت اغير السالفه عشان ما اتفشل وانحرج اكثر .. وبيت لها اني مو محتاج فلوس .. ياااربي ابي اسااعد ابوووي. . لكن ما اقدر ولا اعرف شلوون ..انا بروحي ابي من يساعدني .. قلت : بيع سيااارتك .. سيارتك فخمه .. وبالفلوس اخذ لك سياره عاديه وبتبقى فلوس شوي سدد فيهم ديونك .. ابوي : والباقي .. قلت : في ذاك الوقت يحلهم الف حلال .. ورن جوالي .. وشفت الرقم مب غريب علي .. كأنه رقم حمد .. انا مسحت رقمه بعد شيبي .. مب راااده .. ابوي : منو امج ..؟ ارتبكت :لا هااااي لطووف .. ايه لطووف رفيجتي متصله لي .. مادري شتبي .. ابوي : ردي عليها شوفيها شتبي .. سكت الجوال .. قلت : سكرت ..! وبعد دقيقه رن مره ثانيه .. ابوي : ردي على البنت يمكن تبي شي ضروري .. رديت : هلا لطوووف .. حمد : سااره واخيرا رديتي .. قلت : الحمدلله بخير شلونج انتي ,, حمد : سااره انا مشتااق لج .. سااره انا مستعد اعصي كلام امي ... بس نرجع لبعض .. ارجوووج ساره .. ابيج تفهميني وتحسين فيني .. ارجووج عطيني مجاال اتكلم .. قلت : ايه ايه انا عند ابووي .. تامريني بشي .. حمد : لا سااره ارجووج لا تسكرين .. قلت : الله يسلمج .. مع السلامه .. وسكرت على طووول وبندته مره وحده .. وانا خانقتني العبره .. ابوي : تبي شي ضروري .؟ قلت : لا تبي تسولف بس .. ابوي قام : ما تبيني اوصلج بيت عمتج .. قمت : ايه يلااا .. لبست شيلتي وكنت لابسه عبايتي .. قلت : يبه .. ابوي : هلا .. قلت : ابي اشوف فاطمه وناصر قبل لا ارووح .. ابوي ابتسم : اخواانج ..؟ قلت : ايه ..اخواني .. ووداني لهم .. شفت ناصر نايم في حظن الخدامه وريم تمص صبعها وتلعب في شعرها وشكلها بتناام .. دنعت لهم وبستهم .. ياااي شكلهم يجنن .. فاطمه دبدوبه وشعرها لونه كستنائي فااتح وبيضا ماشالله عليها وعيونها فااتحه اكيد على امها لان ابوي عيونه بني قاامج .. وناصر ابيض وعيونه فاتحه بعد وشعره كستنائي بس اقمج منها شوي .. يحليلهم يتشاابهوون .. بس فطومه احلى .. >> لازم هي بنت .. طلعت من غرفتهم ورحت عند ابوي اللي كان ينطرني في السياره .. ركبت جدام وابتسمت له وبادلني الابتسامه .. ابوي : شفتيهم .. قلت : ايه يجننووووون .. ومشينا وطول الطريج سااكتين .. ووصلني البيت .. ورحت غرفتي على طول وماشفت حد في الصاله .. فتحت جوالي وعلى طول ياي مسج .. فتحته لقيته من حمد !! " يا اهل هالبيت بشكي بنتكم .. تعبت روحي والله بصدها .. اقسمت قلبي هي القسمتين نصف عندي ونصف باقي عندهاا .. يا اهل هالبيت شوفي حالتي صار لي من العام ناطر وعدها البشر تسهر كم ليله وتنام وانا كل عمري سهر من بعدهاا ارضعتني الحب واسقتني الغرام واسقت احساسي انا من شهدها افطمت قلبي وهو توه صغير كل قلوب الناس لعبه بأيدها دموعي غرقت خدي اناا ولا مره دمعه بخدها يا اهل هالبيت حلوو علتي لاني من قلبي ولا من ودها " يعني شقصده .. انا اللي ما اسأل عنه .. وهو برووحه اللي متعذب ..؟ والله انه يبط الجبد .. خليه يولي .. والله وحشتني امي فديتها والله .. خلني اتصل لها .. ما اتصلت لها كلش .. مسكت جوالي واتصلت على البيت .. يرن ويرن ويرن .. محد يشيله .. اوووووووف .. كاااااااهم ردوو .. رديت : الوووووووووه ميمي : الوووه .. قلت : ميمي !! ميمي : منوو ؟ قلت : انا ساارووه .. وين امي ؟؟ ميمي : ماما في المطبخ .. قلت : ناديها .. ما سمعت حس .. قلت : الوو محد يرد .. رديت : الوووووووووو محد يرد .. اسمع ميمي تصيح .. قلت : الوووووووو ميمي .. ميمي حبيبتي شفيج .. صوت خشن نقزني: ويهمج شفيها .. قلت : منوو تركي ؟؟ تركي : شتبين .؟ ليش متصله ؟؟ قلت : ابي امي ابي اكلمهاااا .. تركي : انتي طلعتي من هالبيت .. ابيج تنسينه وتنسين اللي فيه .. قلت : تركي حراام عليك .. انا طلعت من البيت والسبه تسلطك .. غير طبعك ياخي عشان الواحد يقدر يعيش معاك .. تركي : والله اكاهم قدروا يعيشون معاااي .. انتي اصلا محد يقدر يعيش معاج .. وبعد كم يوم عمتج نهله بتطردج من البيت وعاد قعدي بروحج .. لان مالج رجعه لهالبيت مره ثانيه .. انتي طلعتي منه ولازم تنسين ان عندج بيت .. وانسي اهلج بالمره .. قلت : حقير طووول حمرك حقير ونذل .. عطني امي ما ابي اكلمك .. تركي :قلت لج انسيها انتي فااااااهمه .. انسيها .. وماسمعت الا صوت طووط طوووط ..سكر التلفون .,, حذفت رووحي على السرير وقعدت اصيح .. حراام عليك تركي حراااااام .. انت اخوو انت؟ .. انت اخوووووووووو ..؟؟؟ والله انا ابي اعرف شلووون هم مستحملينك قااعدين وياك في نفس البيت .. خذت جوالي ويدي ضرب لرقم ما اعرف اي رقم .. بس اللي اذكره اني وايد اتصل عليه .. قلت وانا اصيح : الوووو . ردو : سااره ..؟ والله كنت حااس انج بتتصلين .. قلت : حمد ؟!!!!!!!!!! حمد : ايه حمد .. متصله لي وماتعرفين اذا انا حمد والا لا .؟ ما قدرت امسك رووحي .. صحت على طوووول .. حمد : ساره شفيج ..؟ حبيبتي لا تصيحين .. تركي ضربج ..؟؟ سوى لج شي .. شالي مضاايجج حبيبتي .. ما قدرت ارد .. تميت اصيح .. حمد : ساره تكلمي .. والله الحين اجي لين عندج .. تكلمي .. حولت اسكت : انا متضاايقه... حمد : انزين شاللي مضاايقج .؟ قلت : خلاص خلاص .. انا بسكر بااي.. حمد : لحظه .. الحين متصله عشان تصيحين وتقولين لي متضاايقه وتسكرين؟؟!! سكت .. حمد : ساره انا ادري انج متضاايقه وادري اللي مضايقج انا .. بس انا كنت اتصل لج وانتي ما تردين حتى لطوف ما تردين عليها .. شفيج ؟ سكت .. حمد : ساره .. ساره تكلمي ارجووج .. ساره انا ما انام الليل .. ساره انا .. انا احبج ... حسي فيني .. صرخت : حمد حرااااام عليك حرااام .. اناا مب ناااقصتك والله مب ناااقصتك .. انا مشااكلي وااااااايد واااايد... لا من تركي ولا من ابوي ولا من قعدتي في بيت عمتي .. حمد انت حس فيني .. انا متعذبه في حياااتي .,. انا متلتهه انا وحيده .. انا لو بأيدي الموت جان طلبت الموت في هاللحظه ..انت اللي حس فيني وخلني بحااالي .. انا ما ااعرف شاسوي بعد هاللحظه .. ما اعرف بتم في بيت عمتي لين متى .." صحت " حمد : انا مستعد اخذج من بيت عمتج ونروح للمحكمه على طول مع ابوج ونتزوج .. شقلتي ..؟ صحت زيااده لان اللي يقوووله مستحيل : حمد انت ما تفهم .. انت حق بنت خالتك .. واذا انت ما تبيها شي راجع لك .. بس انا ما اقدر اتزوجك .. لاني حطيتك في بالي كواحد متزوج .. حمد : بس انا ما تزوجتها للحين .. قلت: حمد ارجووك سكر الموضوع وانسى اني اتصلت لك .. اسفه على الازعااج .. فمان الله .. وسكرت على طول ما انتظرت رده .. انبطحت على السرير وتميت افكر بحالتي ..رن جوالي وقحصت .. شفت غايوه المتصله لي .. رديت.. قلت : هلا والله .. غايوه : اهلين وسهلين بالقاطعه .. شلوونج شخبااارج .؟ قلت : الحمدلله بخير .. انتي شلونج وشلون ريلج .؟ غايوه : الحمدلله كلنا بخير ,,انتي شلونج ؟ قلت : نفس كل يوم .. المهم كلمتي امي .؟ غايوه : ايه توني مسكره من عندها ليش ؟ قلت : غاايوه طلبت ارجوووووج لا ترديني .. غايوه : طلباتج اورلمر طلبي حبيبتي .. قلت : ابيج تتصلين حق امي وخليها تقعد عن التلفون عشان انا ابي اتصل لها ..ابي اكلمها غااايوه غايوه : ليش شالسالفه .؟ قلت : انا مب فاضيه الحين اقول لج السالفه .. قولي حق امي هالكلام وخلاص .. غايوه : ان شالله .. مع السلامه .. قلت باي ونطرت شوي الا غايوه متصله .. رديت بسرعه : هااا ؟ غايوه : اتصلي قلت لها . قلت : اووكي .. باي .. وسكرت بسرعه واتصلت حق امي .. امي : الوو . قلت : هلا يمه .. امي : هلا يمه هلا ساره شلوونج شخباارج ..شمسويه .. خنقتني العبره : بخير يمه انتي شلوونج شخباارج .. وشخبار ميمي وريموه وخلود .. شخبارهم كلهم ..؟ امي : كلنا بخير يمه نسأل عنج . قلت : شخباار خالي من فتره ما جاني ولا اتصل لي .. امي : خالج مسافر يمه .. شهقت : وين مساافر ..وليش ما قال لي .؟ امي : ماري سفرته يات فجأه .. قلت : ليش سافر ؟ امي : دوره يمه .. راح لندن .. بيتم كم شهر بس ما راح يطول .. قلت : الحمدلله .. امي : متى بتجين يمه .. خلاص تركي نسى .. قلت : يمه تركي مستحيل ينسى .. يمه انا حياتي صارت مبهدله .. يمه انا ما اقدر استحمل اكثر من جي ما اقدر .. امي صاحت : يا يمه لا تعذبين روحج وتعذبيني معااج .. انا كل يوم افكر فيج واحمل همج .. وكل يوم اكلم تركي انه يرجعج البيت .. بس كله يسكر الموضووع .. قلت : يمه خلاص انسي الموضوع .. انا بدبر كل شي .. وتمينا نسولف عقب سكرنا .. وسكرت الليت ونمت .. فتحت عيني وشفت الساعه 11 الضحى .. قمت غسلت ويهي ولبست جلابيه وحطيت شيلتي على كتفي وفتحت البلكونه وتميت اطالع الحديقه .. لان غرفتي تطلع على حديقه الفله .. شفت هاجر تتكلم في التلفون وشكلها منفعله .. لبست شيلتي ونزلت الصاله لقيت غيث قاعد .. قلت: السلام عليكم .. غيث : وعليكم السلام .. هلا ببنت العم اللي تحس فيني .. تدرين اني قاعد بروحي ويايه تونسيني صح ؟ قلت : لا انا مادري انك هنيه .. غيث : عاد قولي ايه جامليني .. ضحكت : هههههههههههههههه ايه اصلان انا اول ما فتحت عيني لقيتك قاعد في الصاله جيت ركض عشان ما اخليك بروحك .. غيث : بل بل يالصواريخ .. يودي السقف لا يطيح .. اعنبوه دارج انا توني قاعد وين لحقتي تطالعيني .. قلت : مب الحين انت قايل جاملي .. غيث : انا قلت جاملي ما قلت شلخي .. قلت : هذا ويهي ان عطيتك ويه مره ثانيه .. غيث : قعدي بس قعدي طالعي معاي هالكارتون .. خوش كارتون والله .. يلست على الكرسي اللي جنبه وتميت اطالع .. التفت على صنيه القهوه والجاي .. وصبيت لي جاي حليب .. قلت : تبي ؟ غيث : عزيمه بحارنه هي ..؟ صبيلي خلصي .. قلت : زين .. لا تقعد تصاارخ .. صبيت له في كوب وعطيته .. غيث : مشكوووره .. قلت : اخيرا طلعت منك كلمه عدله .. ولا بدون نفس يقولها .. غيث : حمدي ربج وبوسي يدج عدله ومقلوبه .. تخصرت : عشان شنو يااحظي ؟ غيث : عشان شكرتج .. حطيت ريل على ريل ومسكت الكوب بيدين وتميت اشرب .. وشوي دخلت هاجر وراحت غرفتها على طووول .. لا شي مستوي .. اكيد هذا عبدالله .. متهاوشه معاه .. بس بعرف السالفه منها .. عاجل ام آجل .. شربت حليبي كله وقمت .. ابي اشوف هالهاجر شمسويه .. رحت غرفتي .. قلت الحين بتجيني وبتقول لي السالفه .. ما جات .. اروح لها احسن لي .. الفضول بيذبحني .. طقيت باب الغرفه .. هاجر : الباب مفتوح .. دخلت : انتي ما تقولين لي شفيج .؟ هاجر : شفيني.؟ قلت : ابيج انتي تقولين لي . هاجر : متهاوشه مع هالسخيف .. ياربي هو ما صار زوجي للحين ويتحكم .. اوووف .. انا قلت .. كنت حاسه ان عبدالله في السالفه .. قلت : عبدالله ؟ هاحر : ايه .. قلت له بروح بيت رفيجاتي اليوم قال لي اي وحده .. قلت له ميس .. قال لي انا ما ارتاح لها .. يخي يبط الجبد .. قلت : وانتي ليش تقولين له . هاجر : انا متعوده من يصير شي بسيط اقول له .. قلت : قولي له اوكي وروحي .. بيزعل خله يزعل .. بيرضى عقب ,, هاجر سكتت .. قلت : شقلتي .؟ هاجر : ايه بروح . انا شعلي منه ..قومي انتي بعد تجهزي ابيج تروحين معاي .. قلت : الحين بترووحين ..؟ هاجر : ايه بتغدى عندها .. قلت : لا مابي اروح .. هاجر : لا عاااااد ارجووووج . قلت : والله ما ابي ما ابي.. هاجر : ليش انزين .. قلت : مالي خلق حتى اطلع برع غرفتي .. هاجر: كيفج .. انا بتسبح الحين عشان اروح الصالون ويسون شعري وويهي مكياج .. قلت : روحي .. طلعت من غرفتها متوجهه لغرفتي .. انبطحت وعلى طول نمت .. ما حسيت بروحي ... وعيت على حس هاجر .. هاجر : شينوووووومج الحين .؟ قلت : والله مادري شلون نمت .. بس المهم شتبين .؟ هاجر : ابي رايج في لبسي .. كانت لابسه بدي طويل يوصل للركب احمر وعليه وجه اسود .. وتحته برموده ضاقط اسود يوصل لنص الساق ونعال واطيه سوده وفيها ورده حمره ومكياجها احمر وبيج نااعم وشعرها مسويته بف خفيف وحاطه ربطه ..طالعه روووووووعه .. قلت : لا اله الا الله .. روووعه هجوووور رووعه .. هاجر ابتسمت : صج .. والله انا ما كان عاجبني المكياج .. انا قلت لها ابيه دفش .. قلت : لا مب حلو الدفس وحفله غدى .. لا مب حلو .. مكياجج واايد حلوو .. هاجر : اوكي حبيبتي مشكووووووره على رايج .. بصراحه زرعتي فيني الثقه .. يلا انا بروح .. بااااااي .. قلت : مع السلامه .. شفت الساعه 3 ونص .. مسرع مر الوقت ..بروح الصاله احسن لي .. غسلت ويهي ولبست شيلتي ونزلت .. شفت اريج قاعده في الصاله وتتكلم في التلفون .. اريج : لا حبيبي خلنا نأجل العرس شوي .. لا بسرعه بعد 6 شهور .. شرايك 8 \8\2008 والله حلو .. ربعي كلهم بيجنون عليه .. لا ان شالله بنلاقي ..ليش انزين .. شفت ويها احمر .. مادري شيقول لها .... شافتني وطلعت برع .. اوووف يوعانه .. ايه صح انا وهجور امس شرينا شكثر حلويات .. بروح اشوفهم .. دخلت غرفتها ولقيت الاكياس على صوب .. خذت لي شوي في كيس وطلعت .. شفت ذياب على ما اعتقد .. لان هو يلبس بدل .. قلت : السلام عليكم . ذياب : عليكم السلام .. هلا ببنت الخاال .. هلا .. ابتسمت : هلا فيك .. ذياب : شعندج ..؟ قلت : شبس .. تبي ؟ ذياب : ايه ويبيلها عزيمه .. مد يده وخذ الكيس من عندي ..اووووف عاد انا يوووعانه .. ذياب : اوه هاي ليز الاخضر بالملح والخل .. انا ما احبه يوديه .. مسكته وانا احمد ربي ان خلا لي شي .. قعدت وفتحته وتمت اكل .. ذياب وهو يفتح الكافي : الا اقوول .. قلت : خير ...؟ ذياب : العنز وين عنج . قلت : هاجر ؟ ذياب : ايه .. قلت : راحت عند رفيجتها .. ذياب : وماودتج الدقسه .. ياتني الضحكه بس كتمتها : لا انا ما ابي اروح .. ذياب : ااافا ليش؟ قلت : مالي خلق .. ذياب : احسن ما رحتي .. عشان اشوفج .. سكت .. ذياب : انتي مب متزوجه صح ..؟ استغربت من سؤاله .. بس جاوبته : لا ذياب : ولا مخطوبه .. قلت : لا .. ليش تسأل .؟ ذياب : لا ولا شي .. فضووول .. قلت : اهاا التفت صوب التلفزيون الا عمتي يايه .. ذياب : ماااااااااااااااااماااااا اااااااتي !! وراح لها .. عمتي: هلا حبيبي هلا .. والله وحشتني .. ولمو بعض .. الحمدلله والشكر اللي يشوفهم يقول هذي مرته وهي زوجته . ما كنه ولدها .. كل 5 دقايق شافوا بعض .. وكلمه وحشتني ما تفارق عمتي .. طبعا بس لذياب .. والا لعيالها الباقي ما تقوول .. والحين انا شحارني .. عمتي : وين كنت اتصل لك ما ترد .؟ ذياب : امبلا رديت ماما .. حتى قلتي لي رد البيت وانا جيت وقعدت مع بنت الخال .. عمتي : اهااا .. عيل ما بتجي معاي .؟ ذياب طالعني : لا يمه انا بقعد هنيه وعقب بروح عند الربع .. مواعدهم .. عمتي : على راحتك حبيبي .. يلا بااي ذياب : باايو .. طلعت عمتي ويا ذياب قعد جنبي .. وانا بعدت شوي .. لان الكرسي لشخصين .. انا وهو قاعدين عليه .. ما يصير .. ذياب : الا بسألج .. انتي ما عندج اصدقااء .؟ قلت : امبلا .. ذياب : ما اشوفج تروحين لهم .. قلت : انا مب متعوده اروح لهم .. ذياب : ايه احسن من هالعنز اللي عندنا 24 ساعه مطيحه في بيت ربعها .. الي يقول محد عنده ربع غيرها .. قلت : كيفها البنت تبي تروح وتجي .. انت واقف في طريجها ليش ؟ ذياب : لاني واقف في طريجها ولا شي .. حط يده على حد الكرسي من فوق .. يعني فوق ظهري .. شفت ان الحبيب مصخها حبتين .. قمت ورحت الكرسي لشخص واحد .. ذياب : ضايقتج في شي ..؟ قلت : لا سلامتك .. قام .. ليكوون بيقعد في حظني بعد .. يه وقعد في الكرسي اللي جنب الكرسي اللي انا قاعده عليه .. جدم على اساس يكون قريب مني .. مديت يدي ابي اخذ الريموت حط يده في يدي .. صرخت : وبعدين .. شكله تخرع وتم يطالعني وهو فاتح عيونه على الاخر .. قمت ورحت غرفتي على طووول .. فصخت شيلتي وانبطحت على السرير .. وانا افكر شيبي يوصل له ..؟ اووووف ملل .. حياتي كلها ملل .. قمت تسبحت ولبست جلابيه اللي شريتها ومشطت شعري ورفعته بكليب فيه ورده كبيره شوي .. حطيت لي بودره خفيفه وكحل .. ولبست شيلتي وطلعت .. ما شفت ذيااب الحمدلله .. تميت اتمشى في البيت .. بروحي محد موجود .. وصلت عند غرفه بو غيث .. طقيت الباب .. قال : دخلي هاجر .. دخلت : انا ساره عمي .. لقيته قاعد على الكنبه صوب الدريشه .. والدريشه مفتحه وطالع الغروب بو غيث : هلا هلا ساره تعالي .. شميت ريحه غرفته ريحه مستشفى .. في كل مكان ادويه .. آآخ يا عمي يالمسكين .. شبتتحمل ..؟ وحدتك .؟ والا مرضك .؟ والا اهمال زوجتك وعيالك ؟؟ قلت : شلونك عمي .؟ بو غيث : والله عايش في هالدنيا .. قلت : ما تشوف شر .. بو غيث : الشر ما يجيج .. قلت : تامرني بشي عمي .؟ بو غيث : سلامتج يمه .. بس لو تنادين لي الخدامه تساعدني .. ابي اقوم على الفراش ابي ارتاح .. ظهري يعورني .. قلت : انا بساعدك .. ورحت مسكته من يده ووصلته سريره .. وطلعت برع .. وانا احس بالفراغ .. ابي اتصل حق حد من اهلي بس اخاف يطلعون لي مشاكل وسوالف معالها اول ولا تالي .. وصلت عند المسبح .. فتحت الباب شوي شوي .. يااااي .. كبير .. هالمسبح ما روتني اياه هجوور .. دخلت وشفت طالولات راقيه حلوه حواليه من طرف واحد .. وكان الليت مطفي .. وكان النور جاي من اشعه الشمس البسيطه .. دخلت وما اسمع الا صوت كعبي .. شراح يصير في هالمكان ..؟ والا ماراح يصير شي ..؟ وبعد ما تطلع من هالمكان شبتسوي .؟ ومن بتقابل ..؟ بتعرفون في الجزء الياي .! |
الج التاسع زء سمعت صوت خشن خرعني .. ...: من ؟ قلت : من ؟ ...: ساره ؟ قلت : ايه من .. وينك ؟ ...: ورااج .. التفت وراي .. هذا راكان .. شيبي قاعد على زاويه المسبح ..؟ قلت : راكاااان ؟ راكان : ايه .. تبين حد هنيه ؟؟ قلت : لا بس كنت بروحي في البيت .. قاعده ادور .. راكان : وين هاجر واريج عنج .. قلت : اريج مادري عنها .. وهاجر طلعت .. راكان : طلعت وخلتج بروحج .؟ قلت : انا ما ابي اروح .. المهم انت ليش قاعد هنيه ..؟ تنتظر احد ؟ راكان يأشر لي على الكرسي : قعدي ما انتظر حد .. قعدت .. تم ساكت ويطالع البركه ..انا احترمت سكوته وتميت اطالع البركه بعد .. حسيت براحه في هالمكان .. ليش ما ادري .. راكان : ساره .. التفت عليه : نعم .؟ راكان : شفيج ؟ قلت : مافيني شي . راكان : امبلا .. شكلج متضايقه .. لمعه الحزن تبان من عيونج .. نزلت راسي .. راكان : في حد ضايقج في البيت ؟؟ قلت : لا محد .. بس انا متضايقه من اهلي .. راكان : ليش ؟؟ قلت : سالفه طويله .. ما ابي ازعجك فيها . راكان : لا ازعاج ولا شي .. انا ابيج تقولين لي هالسالفه .. قلت: انت اللي جايبه حق نفسك .. وقلت له سالفتي مع تركي من اول ما غصبني على ماجد لين جيتي لبيتهم .. بس ما قلت له سالفه حمد .. ايه يخسي .. راكان : يعني جيتج لبيتنا مب عشان تتونسين وتقضين الصيف بس ..؟ قلت : لا .. نفس ما قلت لك .. هاجر اقترحت علي هالاقتراح وانا اقتنعت فيه .. راكان :اهاا .. طالعته .. بصرااحه وايد يتشابهون .. هو واخوه .. بس ما ادري ليش اشوف ذياب احلى .. راكان طالعني وانا اطالعه .. راكان : في شي..؟ ابتسمت : لا بس انت وذياب وايد تتشابهون .. ابتسم : لان احنا توأم .. قلت : انت بعد شكلك حزين . راكان : لا عادي .. قلت : امبلا .. كله سرحان .. والاحظك انت ما تقعد مع خوانك وايد ... راكان : اصلا احنا ما نتجمع الا على الغدا .. وبعد نادر من ياكل .. قلت : ايه بس فيك شي .. راكان : عشان قلت لج فيج شي .. الا تطلعيني حزين ..؟ قلت : لا بس انا اعرف .. سكت راكان شوي .. راكان : انا سالفتي سالفه .. قلت : قول .. ترى ثنينا ما ورانا شي .. ابتسم : انا احب وحده ... وهي بعد تحبني .. بس ما اقدر اتزوجها .. قلت : ليش؟ راكان : فتحت الموضوع مع امي وقلت لها عن اهلها وهي طيبه وبنت ناس .. بس ما رضت .. وهاي اللي مكدرني .. نفس هجوور .. مساكين عيال عمتي .. كل واحد فيهم يحب وامه قاطعه عليه حبه .. قلت : وشلون حبيتها .؟ راكان : من 6 او 5 سنوات انا احبها .. يوم كنا في معهد كمبيوتر .. ربعي قالوا هم بيدخلون في الاجازه .. انا كنت بتم بروحي .. دخلت معاهم بس جي .. مع ان انا اعرف حق الكمبيوتر . بس هم يبون يدخلون عشان ما يدخلون الجامعه .. يبون ياخذون الشهاده من هناك .. اما انا ابي ادخل الجامعه .. المهم .. على الطلعه من ثاني يوم من اشتركنا .. شفت تجمع بنات قريب منا شوي .. عقب اكتشفت ان في باب لبنات .. وشفت بدور واعجبتني .. قلت : اسمها بدور ؟ راكان : ايه .. تعرفينها.؟ قلت : لا .. راكان : المهم .. تميت اطالعها لين ما جات عيني في عينها .. ابتسمت وهي فرت راسها على طول عني .. تميت انتظرها تروح عشان انا اروح .. بس تأخرت .. ما راحت .. انا تميت انتظرها .. لين راحوا كل الشباب والبنات تموا شوي .. قربت منها وشفت ملامح الخوف في ويهها .. قربت شوي لين ما وصلت عندها .. قلت لها : اوصلج .؟ بدور تمت ساكته .. قلت لها : اوصلج .؟ بدور : لا .. الحين الدريول بيجي .. قلت لها : انزين خليني اوصلج .. ترى بوديج بيتكم على طول .. بدور : روح في حالك .. ترى والله انادي لك الشرطه .. بصراحه خفت شوي .. بعدت عنها .. بس بعد شوي قربت لاني قررت اروح .. بدور شافتني وتخرعت : بعد ؟ قلت لها : لا بس بعطيج رقمي .. اذا تأخر عليج الدريول بطرش لج دريولنا .. حرام بتموتين من الحر .. اسكتت .. وانا كنت جاد في كلامي .. مديت يدي وعطيتها رقمي .. طبعا ما خذته .. شفت فتحه في شنطتها ..دعست الرقم في الشنطه .. وما اتصلت الا بعد سبوع من انتهاء المعهد .. ولا بعد متصله لي عشان كانت تبي تعرف رقم منو هذا .. تقول لقت رقم في شنطتي .. ما عرفت رقم منو .. وبس عاد راكان عرف رقمها .. ما هديتها الا ليمن حبيتها واعترفت لها بحبي .. وهي بعد اعترفت .. بس بعد سنتين او ثلاث سنوات .. وفتحت معاها موضوع الزواج وعرفت انها موافقه .. ويوم كلمت امي حبطتني. . شاسوي الحين .. انا احبها .. ابيها .. سكت ابي افكر .. قلت : تزوج وحط امك امام الامر الواقع .. راكان : فكرت في جذيه .. بس بدور ما رضت .. قلت لها هاي الطريقه الوحيده اللي بتخلينا نتزوج .. بس مافي فايده .. تقول اهم شي امك .. قلت : اصيله .. لو وحده غيرها جان هي اقترحت عليك هالاقتراح .. راكان : وهاي اللي محببني فيها .. الحين مسافره .. وماتقدر تكلمني كل شوي .. اهلها عندها .. قلت : الله يصبركم .. راكان : آآمين .. انا اعرف فراق الحبيب شلون يعور .. وراكان وهاجر يسون المستحيل عشان يحافظون على حبهم .. آآه .. محد خسر حبه الا انا .. رن جوال راكان .. راكان : استأذنج .. سمعته يقول : هلا حبيبتي .. وينج صار لي ساعه اتصل ما تردين .. اهااا .. ايه حبيبتي وانا اقدر ازعل منج .. وما قدرت اسمع الباقي لاني طلعت .. رحت غرفتي لقيت جوالي يرن .. على اخر لحظه سكر .. شفت المتصل لطوف .. فديتها والله وحشتني .. اتصلت لها .. لطوف : هلا بالقاااااااااطعه .. قلت : اهلين اهلين .. شخبااااارج .؟ لطوف : انا الحمدلله بخير .. انتي شخبارج .؟ ان شالله مرتاحه .. تنهدت : انا حالي واحد .. اذا تغير بقول لج .. لطوف : ليش شصاير بعد. ؟ قلت : تركي ما يبيني ارجع البيت ولا اكلم امي حتى .. الحمدلله ان غايوه تزوجت عشان اقدر اكلمها واتواصل معاها .. لطوف : صبري .. الصبر زين .. قلت : صبرت وصبرت لين ما الصبر مل وطفش مني .. لطوف : حبيبتي تامريني بشي من فرنسا ..؟ قلت : خلاص عزمتو تروحون ؟ لطوف : ايه انا في المطار الحين .. شهقت : اياااااااا الخاااااينه .. ليش ما قلتي لي قبل .؟ لطوف : اتصل لج لين ما فضت بطاريه جوالي ولا تردين علي .. قلت : مادري انج بتسافرين .. ان شالله تروحين وترجعين بالسلامه .. لطوف : الله يسلمج .. وعقب السفر ملجه حمد .. ياتني قصه : مبرووك مقدما .. لطوف : من قلبج .؟ قلت : اكيد .. حمد مثل اخوي. . لطوف : ساروه ينادونا للطياره .. يلا باي برووووح .. اذا وصلت هناك بكلمج .. قلت : ان شالله توصلون بالسلامه .. لطوف: الله يسلمج حبيبتي .. بااي .. قلت : الله يحفظكم .. سكرت من عندها وطلعت برع ... ما شفت حد في الصاله .. سمعت الاذان .. رحت توضيت وصليت خذت جوالي وطلعت برع الحوش .. تميت اتمشى .. شفت ذياب ياي من برع .. رحت صوب الباب ابي ادخل داخل .. ذياب : ساره .. سارووووووه .. التفت : نعم ؟ ذياب : يوم كنا قاعدين في الصاله ليش رحتي وخليتيني .. ولا بعد صرختي في ويهي .. انا شسويت لج .؟ حسيته ياهل .. دلع امه اثر عليه .. الحمدلله والشكر .. ذياب : شفيج جي تطالعيني .. ردي علي .. قلت : كيفي .. ذياب: ياا سلااااااام .. قلت : زين انت الحين شتبي .. سحب الجوال من يدي وتم يتعبث وعطاني اياه .. وانا مفتحه عيوني .. ذياب : بااي . قلت : ايه لحظه .. ذياب راح ولا عبرني.. شسوى في جوالي .؟؟ تعبثت في جوالي .. حطيت السماعات في اذني ودخلت على الراديو وتميت افرفر في القنوات .. قعدت على الكرسي الي جنب النافوره اللي تتجمع فيها الحمام .. وسمعت اغنيه اصاله سواها قلبي .. تميت اسمع .. الاغنيه حلوه والكلمات احلى .. سواها قلبى يا حبيبى وحبك ماطاعنى وأنا عن الحب ناهيه الظاهر أنه مايبى غير قربك عاف الجميع وأول الناس راعيه عليه ماوصيك لا صار جنبك صبح عليه بالحب وبالحب مسيه نبضه وفا وبتضحياته يعجبك صافى ولكن مالاقى من يصافيه خلى دروب الكل وأختار دربك داريه تكفى قد مافيك داريه وابشر بقلب مايبى غير قربك يموت وغير محبتك ماسكن فيه آآآآآه ياربي .. حياتي كلها فراغ وملل وقهر .. شاسوي .؟ رن جوالي .. شفت رقم غريب .. منو هااي .. مب راده .. سكت .. بعد شوي ياني مسج .. فتحته من نفس الرقم .. " انت البدر اذا طل .. انت البدر اذا هل .. انت الورد اللي من شوفته ما ينمل .. <انت الكل في الكل> انت اخلى من الحلى.. واغلى من الغلا.. " امدحك كيفي " " وادلعك كيفي " " الرصيد رصيدي " " وارسل على كيفي " يه .. هذا يغازل والا يبي يتهاوش .. من انزين ..؟ يمكن هجوووووور والا وحده من ربعها .. والا غايوه غيرت رقمها .. والا ليكون امي طلعوا لها رقم .. بس امي شعرفها بهالسوالف .. اوووووووف .. احسن لي اطرش لهم رساله .. " من ؟! " اتصلوا بعد .. بس ما رديت .. خفت مادري ليش .. عقب ياني مسج من نفس الرقم .. " اذا تبين تعرفيني من انا ردي " بصراحه الفضول بيذبحني .. اتصلو مره ثانيه ورديت .. رديت : الووو ؟ سمعت صوت خشن : ما بغيتي تردين .. قلت : منو ؟ قال : افاا .. توني رايح من عندج .. نسيتيني ..؟ قلت : ذياب !!؟ قال : عليج نووووووور .. ذياب ولد امه وابوه .. قلت : من وين يايب رقمي .. وشتبي ؟ ذياب : بالعاده جي تكلمين الاوادم .؟ قلت : ايه اللي ما عندهم سالفه جي اكلمهم .. ذياب : بس انا عندي سالفه .. قلت : وشنهي سالفتك .. ذياب : عازمج على مطعم .. شرااااااااايج .. قلت : والمناسبه .. ذياب : عيد ميلادي .. والا ما تبين تحتفلين بعيد ميلادي ..؟ قلت : احتفل مع امك واخوانك .. انا شلي خص فيك .. ذياب : بس انا طالبج الحين .. قلت : انا شلي خص فيك .. روح دور لك على غيري .. ذياب : اافاا .. بنت الخال موجوده ادور على غيرها .. قلت : الزبده ؟؟ ذياب : انا مب بقره .. وبعدين شهالاسلوب اللي تكلميني فيه .. انا اشتغل عندج والا شنو .؟ قلت : اسفه استاذ ذياب .. بس شتبي لوعت جبدي .. ذياب : هذا يزاي عازمج على العشااا .؟ قلت : مشكوووووور ما ابي عزيمتك .. ذياب: بس انا ابيج تجين معاي .. قلت : يعني غصب ..؟ ذياب : ايوه .. غصب .. قلت: ذياب انت من صجك والا تستعبط معاي .. ذياب : والله من صجي شفيج ساره . قلت : عازمني على العشا ..؟ ذياب : ايوه .. قلت : وبروحنا ؟؟ ذياب : وشفيها .. انتي بنت خالي مب ماكلج .. انا ما اكل لحوم بشر .. وخاصه انتي .. لان شكل لحمج مر .. خلصيني يلااا .. انا دقايق وبكون عند البيت وباخذج .. اووووووووووكي .. قلت : مب رايحه معاك .. وسكرت في ويهه .. وايد واثق هالريال .. يبيني اروح معاه المطعم .. خووووش خوووووش.. يهبى بنت عبدالله تروح معاك .. ليش ناقصه عقل .. رحت المطبخ وشفت خدامتين .. وحده تمسح ووحده تغسل المواعين .. قلت : هاااااااااي. . الخدامتين : هلوو .. انابيلا : yes madam ? قلت : I want orange juice .. انابيلا : ok madam .. قلت : Im not madam .. im miss sara ^.^.. مارسيلا : oh miss .. she don’t know sorry.. قلت : no broblem وطلعت من عندهم .. احسهم حليوين .. احسن من اهل البيت .. سمعت صوت من وراي .. .: ليش تسكرين في ويهي التلفووووون ؟؟ التفت بسرعه : لان ما عندك سالفه .. شهق : انا ما عندي سالفه ..؟ والله عندي .. قلت : ذياب روحه معاك المطعم انسى . ذياب : انزين ليش ؟ قلت: بصفتك شنو توديني المطعم ؟ ذياب : بصفتي ولد عمتج .. واذا بيشوفونا مع بعض بيقولون هذيلا خطاطيب والا متزوجين " ابتسم " لان احنا لايقين على بعض .. انصدمت من كلامه .. شيقصد .؟ شيبي .؟ قلت : مب رايحه يعني مب رايحه .. خلاص لا تزودها .. ذياب : اووووووووكي .. بس ابيج تسوين لي عشا .. طالعته مستغربه .. ذياب : يعني تبيني اموووووت من اليوع في يوم عيد ميلادي .. قلت : لا والله ما بتموت من اليوع .. الخدم تارسين البيت .. خل وحده منهم تتنحنح تسوي لك عشاك .. ذياب : ابيه من يدج .. والله فكره .. اسلي نفسي شوي .. بس انا ما اعرف اسوي شي .. قلت : انا ما اعرف اطبخ .. ذياب : اي شي من يدج حلو .. كاهو كتاب الطبخ بتلاقينه في المطبخ .. طبخي اللي فيه كله .. قلت : انزين بس اذا ما عجبك مالي خص .. ذياب : لا تطمني .. بخلي سياره الاسعاف واقفه عند الباب .. ضكحت : ههههههههههه سخيف .. ذياب : من جي ضحكتي .. دخلت المطبخ وتميت ادور .. وجات انبيلا تركض .. قلت : what ? انابيلا :! orange juice قلت : yes yes .. I forget sorry.. ابتسمت لي وراحت .. يحليلهم خدمهم والله حبيتهم .. شحلاتهم .. شربت العصير كله مره وحده .. وتميت ادور كتاب الطبخ اللي قال عنه ذياب .. ما لقيت شي .. يشلخ علي هاي بو شلخه .. فتحت الكبت لقيت اندومي .. يمي يمي .. بسوي له طبختي .. جبت الفلفل البارد وجبت زهره وجبت جزر وبصل وملفوف وبيضتين.. وبشرت البصل والجزر وقطعت الفلفل البارد والزهره والملفوف .. وخليت كل واحد في صوب .. وجبت جدر وحطيت فيه 5 اندومي مع ماي عشان يطبخون .. وجبت طابي ( مقلاه ) وحطيت فيه البصل وعقب الجزر والبيض والملفوف والزهره والفلفل البارد .. وحطيت فيهم النكهه مالت الاندومي وتميت احوسهم لين ما طبخت الاندومي .. وشخلتها .. نزلت من الجدر الماي وحطيت الاندومي في الطابي مع الخضره .. وتميت احوسهم شوي لين ما اندمجو مع بعض .. وحطيته في صنيه بيضا كبيره .. وفتحت الدرج .. لقيت تشوباتشوبس ( اعواد صينيه ) فتحتهم لانهم كانو مغلفين .. وحطيتهم جنب الصينيه .. ناديت انابيلا .. وقلت لها تودي الاكل غرفه الطعام وتودي معاه صحون وشوكات .. فتحت الثلاجه وخذت علبتين بيبسي خذتهم وفتحتهم وصبيتهم في قلاص مع ثلج .. ووديته غرفه الطعام وشفت ذياب قاعد يطالع الاكل .. ذياب : انتي اللي طابخته .. قلت : حلو ؟؟ ذياب : ما ذقته للحين .. بس انتي اللي طابخته ..؟ قعدت : ايه انا .. تعبت وانا اطبخ .. الشغله تكسر الظهر .. ذياب : سلامتج .. قلت : الله يسلمك .. قمت وحطيت له في صحن وحطيت جنبهم الاعواد الصينيه ..وحطيتلي .. ذياب كل شوي .. ذياب : حلفي ان انتي اللي مسويته .. قلت : والله العظيم شفيك ..؟ ذياب : فضيع .. وتم ياكل .. حسيت خطوات حد ياي .. راكان : ايااا الخونه .. ولا تقولون .. ذياب : تعال تعال لا يفوتك اكل سويره .. والله طلعت طباخه .. راكان : هذا هي مسويته .. ذياب: ايه هي تقول .. قمت وحطيت حق راكان .. قلت : اطعم ما بتخسر شي .. سحب له كرسي وقعد .. وحطيت الصحن جدامه .. وتموا ياكلون ويمدحون طباخي .. وانا تميت اكل لين حسيت روحي بتطلع .. قمت وشفت كل واحد فيهم حاط يده على بطنه ويتنفسون بصعوبه .. ضحكت : ههههههههه شفيكم ؟ راكان : انتي حاطه شي في الاكل .. ذياب : انا موقف سياره اسعاف .. امش امش .. ضحكت : هههههههههههه ليش .؟ يمدي يعوركم بطنكم .. ذياب : ليش هو بيعورنا ؟؟ قلت : ايه نص الليل .. راكان : ههههههههههههه .. الساعه كم .؟ ضحكت : هههههههههههه على حسب كميه الاكل .. ذياب : قووووم قوووم نروح نزوع الاكل .. راكان: اسكت الله يلوع جبدك .. رحت الصاله وانا اضحك على تعليقاتهم .. شفت هاجر توها يايه .. هاجر : هاااااااااااااااااااااااا اااااااي .. قلت : هاااياات .. مابغيتي تجين .. هاجر لزقت فيني : سووووووووووري حبيبتي .. بس سوالف الربع شوي خذتنا .. قلت : عادي حبيبتي .. هاجر : دقاايق ببدل وبنزل اوكي .. قلت : خذي راحتج .. راحت فوق وانا قعدت الا راكان وذياب ياين من غرفه الطعام .. راكان : تسلم يدج ساره على الاكله .. قلت : الله يسلمك .. ذياب : ايه والله تسلم هالايادي .. بصراحه الاكل فضيع .. ابتسمت : الله يسلمك .. راكان : الا طابخه شالمناسبه ؟ قلت : عيد ميلاد ذياب .. راكان التفت عليه .. راكان : على كيفك عيد ميلادك اليوم .. ذياب : عيل متى .؟ راكان : عيد ميلادنا 5-5 .. ذياب : اووه يعني راح .. قلت : لا والله .. مخليني مصخره انا ما اعرف شي ولا شي .. ذياب : انا كنت ابي مناسبه ما لقيت الا عيد ميلادي .. شاسوي .؟ راكان : وانسه ساره ما تطبخ الا في المناسبات .. قلت : ايه .. راكان : ااهاا هاجر يايه من فوق : شفيكم على سااااااااره روووحي هااا ..؟ ذياب : مافينا شي .. بس انتي ما ذقتي طباخها .. هاجر : ليش شسوت .؟ راكان : مادري جي شي ينأكل .. هاجر : وي انا حسبالي شي ينعض .. ذياب : ها ها هاااي .. سخيفه .. وتمينا نسولف ونضحك وعقب راكان انسحب عشان ينام .. بكره وراه دوام .. وتمينا انا وهاجر وذياب .. وعقب ذياب راح يجب فلم رعب .. وانا وهاجر قمنا نسوي الفشار ونطلع البيبسي .. واول ما ابتدى الفلم بصرخه .. انا نقزت عند هاجروهاجر تضحك وذياب ساكت وشكله خايف بعد .. وتمينا نطالع الفلم بصمت .. وكلما مرت لقطه تخوف هاجر تضحك .. كأن مدلدغينها .. ويوم خلص الفلم .. ذياب : بل عورني راااسي .. هاجر : من كثر ما كنت ميود اعصابك .. ههههههههههههههههههه ذياب : ايه هو من ناحيه يخرع يخرع .. هاجر : ايه شوي .. قلت : شنو ؟؟ انتي خفتي انسه هاجر .؟ هاجر : ايه ليش شنو شايفتني عديمه احساس .. قلت : خفتي وكل ما جات لقطه ضحكتي .؟ هاجر : ههههه ايه عشان ما اخاف .. لان اذا ما ضحكت بصيح .. هههههه ضحكت : ههههههههههههه وانا عبالي طول الوقت انتي الشجاعه بينا . ذياب : اافاا .. وانا وين رحت .؟ قلت : انت اكثر مني خايف .. ذياب : لا والله .. انا اصلا هالفلام ما تخرعني .. انا ما اخاف من شي اصلا .. ضحكت عليه .. يبرر لنا كأنه ياهل .. قام طلع برع .. هاجر : انا تعبانه ابي انام .. بتنامين ؟ قلت : ايه بنام شاسوي قاعده بروحي .. هاجر : اوكي حبي تصبحين على خير .. قلت : وانتي من اهله .. مادري شفيها اليوم هجور .. اكيد عبدالله طيب خاطرها ..والا ليش مستانسه هالكثر .؟ هالمره ما راح احط اسأله .. بحط لقطات من الجزء العاشر .. ذياب : دووم ان شالله .. ابيج تروقين شوي .. صايره ضو .. نار محد يكلمج الا هبيتي عليه .. راكان : شصااير ؟؟ شفيكم متجمعين .. من مات ؟؟ بو غيث : ذياب وين كنت في الليل .. لطوف : مادري والله .. امس واصلين .. ياااااي ساروه اشوف برج ايفل ..! ابوي : تسلمين .. بس بغيت ابشرج .. ذياب : ليش شايفه جني .. عفريت .؟ شبح ..؟ |
الجزء العاشر رحت غرفتي ولبست بيجامتي وقفلت الباب وفتحت شعري وانبطحت على السرير .. ماجاني نوم .. شفت الساعه 11 .. ياربي .. ابي انام .. خذت جوالي ما شفت مكالمه والا شفت مسج ولا شي .. طرشت مسج حق غايوه .. " يا صاحبي يا كثر من تخلوا .. اجي ادورهم وهم ما يجوني .. وان جيت اسلم رحبوا وهلوا .. وان غبت عنهم وقت ما يفقدوني .. مادري كثير اشغالهمن والا تخلوا .. اخاف اعاتبهم وهم ما يبوني .. " استلمت المسج وشوي الا مطرشه لي مسج .. " انت تسكن بالعيون .. لا تغيرك الظنون .. صاحب بالحب وافي.. وانت له صدر حنون .. انتظر لحظه لقاك .. ليتني دايم معاك .. يابعد كل القوافي .. كيف ابين لك غلاك .. لو تفرقنا الظروف. .! او تعاندنا الحروف .. انت تدري عن غلاتك .. وحدك بفكري تطوف .." توني بطرش لها مسج الا رن تلفوني .. شفت المتصل .. هذا رقم ذياب .. شيبي متصل هالحزه ؟ .. مب راده .. لا يمكن يبي شي ضروري .. برد احسن لي .. رديت : الوووه .. ذياب : هلا والله .. هلا بالغلا كله .. هذا اكيد مغلط .. قلت : من تبي .. ذياب : انا ذياب . ما عرفتيني ..؟ ما سجلتي رقمي عندج .. قلت : وليش اسجله ؟ ذياب : بعد سبحان الله .. يمكن يصير شي وانا اللي انقذج .. قلت : اوكي شتبي متصل الحين .؟ ذياب : افاا .. انتي جي تتكلمين مع الناس بالعاده .؟ قلت: لا بس انت شتبي متصل .. ذياب : ابي اسولف معاج ما يصير ..؟ قلت : امبلا يصير .. بس اذا عند اهلك مب بروحنا عالتلفون .. ذياب : انتي قلتيها بنفسج .. عالتلفون .. يعني مب ماكلج .. قلت : انزين شبغيت .؟ ذياب : اول شي شلونج .؟ قلت : بخير .. غيره .؟ ذياب : شخباارج .. قلت : تمام .. ذياب : دووم ان شالله .. ابيج تروقين شوي .. صايره ضو .. نار محد يكلمج الا هبيتي عليه .. صح كلامه .. انا صايره وايد عصبيه .. مادري شالسبب .. ما اعرف اتحكم في اعصابي .. قلت : آسفه .. ذياب : ايه هذي ساره اللي اعرفها .. شوفي ساره .. الحين انا بروح المطعم وفي المطعم بكلمج اوكي ..؟ قلت : مطعم هالحزه ؟ ذياب : ايه شفيها .. انا كل مره اكل هالحزه .. قلت : كيفك .. ذياب : يلا حبي .. باي . قلت : مع السلامه .. سكرنا .. طفيت الليت عشان انام .. حاولت انام بس ماجاني نوم .. بعد ربع ساعه اتصل ذياب .. ردت : هلا .. ذياب : هلا والله .. هلا بشمه داااااري ... استغربت من ترحيبه لي بهالطريقه .. قلت : اهلين .. شعندك ترحب هالكثر ؟ ذياب : تصدقين اشتقت لج .. صج انها دقايق بس حسيت بضياع بدون ما اكلمج .. قلت : بس عن سوالف الشباب اللي مالها داعي .. ذياب: افاا .. الحين انا سوالفي مالها داعي ..؟ مقبوله منج .. بس المهم .. انا الحين شاطلب ؟.؟ قلت : انت الحين في اي مطعم ..؟ ذياب : ابل بيز .. وي وانا شعرفني شيبيع هالمطعم .. هذا راقي .. انا ما اعرف هالسوالف .. ذياب : وينج ..؟ قلت : كاني .. ذياب : شاطلب ؟ قلت : كيفك انت اللي بتاكل .. ذياب : بيني وبينج انا شبعان بس شاسوي عازم الربع .. لان بصراحه السباقتي اللي سويتيها ملت معدتي .. قلت : مب لازم تاكل .. خلهم ياكلون وادفع الحساب .. ذياب: لا مب عدله .. قلت : اخذ لك شي بسيط .. اذا كلت وايد بيغثي عليك وبعدين ما تقدر تنام في الليل .. ذياب صرخ: واااااااااااااااااااااااي فديت اللي يخااااااافون علي .. قلت: ايه اوش اووووش ..شفيك مافي حد غيرك في المطعم ..؟ ذياب : لا في .. قلت : ليش تصارخ عيل ؟ ذياب : لانج تخافين علي.. قلت : انا ما اخاف عليك بس هاي عشان مصلحتك .. ذياب : نفس الشي .. عشان مصلحتي يعني تخافين علي .. عقب سمعت حد يكلمه .."من تكلم انت ايه .."؟ ذياب : اكلم خطيبتي وانت شعليك ؟ ..: جابلنا شوي عاد .. ذياب: مالك خص .. اذا خطيبتي ملت وسكرت انا برد عليك .. ..: انزين اطلب ترى ذبحتا يوع .. ذياب : طلبو انتو .. ذياب : ايه عمري ..؟ قلت : منو خطيبتك ؟ ذياب : انتي .. انصدمت : متى ؟؟ ذياب : حبيبتي هذا بس مسمى .. بعدكم يوم بيصير صج .. قلت : يا سلااااام .. ذياب : حبيبتي الحين الشباب بياكلوني من اليوع .. بأكلهم وباتصل لج .. اوكي عمري .. قلت : اوكي .. ذياب : ببااااي .. قلت: مع السلامه .. سكرنا وتميت افكر باللي قاعد يصير .. شيقول هذا .. على كيفه بصير خطيبته .. السالفه مهزله يعني .. اووف ينجلع .. تلحفت عدل ونمت .. وعيت عالساعه 12 الظهر .. قمت رحت الحمام وتوضيت وصليت الظهر .. وتميت اقرى قران .. حسيت اني من زمان ما قريت .. وتميت اقرى لين ما هاجر ياتني .. قلت : صدق الله العظيم .. شفيج انتي شوي شوي الناس يفتحون الباب .. هاجر : حسبالي للحين نايمه .. كنت بصرخ عليج صريح لين ما ينبط مخي .. ضحكت : ليش انزين .. هاجر : ابوي قاعد في الصاله .. ما حبيت تطوفين هالمشهد .. قلت : ليش يعني اول مره يقد في الصاله .. هاجر : ايه حبيبتي .. من صار هاي حاله وهو ما يقعد في الصاله .. كل في الغرفه .. مادري هاي اوامر الست الوالده والا الخدامه يايبته .. قلت : اوكي الحين بلبس جلابيتي وبنزل .. هاجر : لبسي نفس هالجلابيه .. " الجلابيه اللي هي لابستها " قلت : زين .. لبست الجلابيه وكانت سماويه وبنفسجي وفيها شك طوالي وفيها نك وفيها حركه في اليد فضيعه .. ولبست شيله بنفسجيه فاتحه وفيها شك بالسماوي .. وعلى الاطراف شك .. وحطيت لي بودره خفيفه وحكل .. ونزلت .. شفت عمتي ! وبو غيث وهاجر واريج وذياب وغيث .. شالسالفه ...؟ الكل متجمع .. الله يستر بس .. قلت : السلام عليكم .. الكل : وعليكم السلام .. بو غيث : هلا هلا ساره .. تعال قعدي .. قعدت جنب هاجر .. وانا علامات التعجب والاستفهام على ويهي .. همست حق هاجر : شالسالفه .. شسبب هالتجمع الكبير ؟؟ هاجر: ناقص راكان .. ومادري شالسبب .. امي مجمعتنا . قلت : يمكن بتموت .. وبتقول وصيتها . هاجر : ههههههههههههههههههههههههه هههههههههههههههه .. ساروه .. الكل طالعها وطالعني .. لان المكان كان هادي .. افتشلت .. همست لها : الله يفضحج يالرزيله .. شحقه جي تضحكين .. هاجر: والله انتي توقعاتج تضحك .. شوي الا ينفتح الباب ويدخل راكان .. راكان : السلاام عليكم .. الكل : وعليكم السلام .. راكان : شصااير ؟؟ شفيكم متجمعين .. من مات ؟؟ هاجر : ههههههههههههههههههههه امحق .. عمتي : اقعد .. لا تفاول على الناس .. راكان : عيل ليش متجمعين ؟ عمتي : اقعد انت وبتعرف .. راكان : لا بروح اتسبح وباجي .. عمتي : لا تعال وعقيب روح تسبح .. راكان وهو رايح : انزين بتسبح اول .. هاجر تهمس لي : يخي يعجبني راكان .. قلت : ليش ان شالله .؟ هاجر : هو الوحيد الي يعصي كلام امي وعادي عنده .. قلت : من جي امج تكرهه .. هاجر : ما تكرهه .. بس ما تعامله زين .. قلت : نفس الشي . وعقب فتره من الصمت .. جا راكان .. راكان : هههههههههههههههههههه والله شكلكم يضحك ... مرتزين جي .. اول مره اشوف هالتجمع العائلي الغريب .. عمتي : اقعد وانت ساكت .. راكان : ان شالله.. قعد .. وعمتي تمت تطالعنا .. قلت : اذا وجودي يضايقج عمتي بروح .. بس تكلمي . عمتي : لا قعدي .. عمتي : شوفوا .. انا بكره عندي سفره مهمه لباريس .. وبطول فيها .. سكتت وتمت تطالعنا .. راكان : انزين هاي مب اول مره تسافرين فيها .. ما تسوين هالاجتماع .. ليكون رايحه تجاهدين ..!! عمتي : لا تستخف دمك انت .. راكان وقف : انا بروح ارقد .. احسن لي من هالقعده .. وراح وعمتي تطالعه وشوي بيطلع من عينها شرار من العصبيه .. ذياب : يمه كملي ما عليج منه .. عمتي : انا بطول .. انا كل مره اقعد بالاسابيع .. وان طولت شهر او شهرين .. بس هالمره بقعد 6 شهور .. وابيكم تنتبهون على نفسكم .. وانت غيث ..ابيك تكون ابوهم وامهم .. ابي ابتعادي عن البيت ما يأثر عليه .. بو عيث : من زود اهتمامج لبيتج .. والا لعيالج .. نفس الشي .. ترى وجودج من عدمه .. عمتي : لا يا بو غيث .. انا اهتم فيهم واعابلهم .. بس انت شدراك .. 24 ساعه في الغرفه .. بو غيث : انزين ما تقولين لي ذياب وين كان الساعه 11 بالليل .. عمتي شكلها توهقت .. عمتي : ذياب كان في البيت بعد وين كان .. وهو مب ياهل عشان احاسبه وين رايح ووين ياي. بو غيث : ذياب وين كنت في الليل .. ذياب شكله متوهق .. مع من يوقف مع امه والا ابوي .. طالعته بنظره عشان يقول الصج .. لاني انا الوحيده اللي ادري وين كان .. ذياب : الحين بتسونها سالفه وين كنت .. كنت مكان ما اكون خلاص زين .. واحنا ما نتجمع الا انسوي مشكله .. اريج : يمه خطيبي الحين بيتصل .. ان شالله تروحين وترجعين بالسلامه .. بباي . وراحت .. هاجر تمت ساكته وانا ساكته .. وعمتي ساكته وبوغيث ساكت وغيث ساكت ..وذياب ساكت .. يعني كلنا ساكتين .. >>> بتتصطر هذي .. قامت عمتي : انا بروح اجهز باقي اغراضي .. هاجر .. هاجر : نعم .؟ عمتي : نادي مارسيلا تجهز اغراضي واغراضها هي بعد .. لانها بتسافر معاي .. هاجر : ان شالله .. قامت هاجر وانا تميت مع غيث وذياب وابوهم .. قلت : اوديك عمي غرفتك والا بتم هنيه .. بو غيث : لا يمه وديني غرفتي .. اسمع قران لين ما انام .. هنيه كآبه .. قلت : ان شالله .. مسكته من يده ووصلته غرفته وشغلت له القران نفس ما قال لي وسكرت الباب .. وطلعت لقيت ذياب بس .. مشيت ابي اروح صوب الدري .. ذياب : ليش ما رديتي علي ؟؟ التفت عليه : متى ؟ ذياب قام يا صوبي : الساعه 1 اتصلت لج .. ليش ما رديتي ؟؟ قلت : رقدت .. ذياب: اهاا .. مره ثانيه اذا تبين ترقدين قولي لي عشان ما اتصل واحاتيج .. يااااااسلاااااام بيحاتيني .. يا بوقلب حنين انت .. بتحاتيني انا .. جان حاتيت خواتك اللي ما تدري عنهم .. ما اقول الا ما اشلخكم يا الريايل .. ذياب : شفيج جي تطالعيني .. في شي مب عاجبج فيني .. قلت : لا سلامتك .. ورحت غرفت هاجر .. هاجر : هلا والله .. قلت : انتي شسالفتج اليوم وامس .؟ هاجر : ولا شي .. قلت : لا فيج شي .. وايد اشوفج مستانسه .. شالسالفه .. هاجر : والله بصراحه ابي اقول لج شي من رجعت من بيت صديقاتي .. قلت : شنو ؟؟ هاجر : انتي تدرين ان انا ما اقدر استغنى عن عبودي فديته .. قلت : ايه ادري .. هاجر : اتصل لي وانا كنت عندهم يعتذر لي لان هاوشني .. وقال اذا تبين تروحين بيت صديقاتج روحي ..قلت له ان شالله .. ما قلت له اني في بيت صديقاتي .. اخاف يزعل علي ويسوي لي سالفه .. بعد ربع ساعه اتصل .. وقلت له اني وصلت .. قال لي اذا فضيتي كلميني .. وبعد ما تغدينا الكل قام يسولف .. فأنا انسحبت عشان اكلمه .. طلعت الحوش واتصلت له .. عبدالله : هلا والله بالحب .. هاجر : اهلين حياتي .. عبدالله : جاهزه حق الخبر حبي .. هاجر : ايه حبيبي قول يلا .. عبدالله : انا فكرت .. وقلت اني اموت عليج فما اقدر استغنى عنج وعن سوالفج بعد عمري .. هاجر : انزين .. عبدالله : ابي طريقه تقنعين فيها ابوج فيني .. وانا مستعد اجيه البيت واعرفه على نفسي ونتفق على كل شي بدون علم امج .. واهم شي ان ابوج يدري .. وان شالله اذا وافق بنتزوج .. وامج بتنحط جدام الامر الواقع وما بتسوي شي .. وانا طبعا وافقت على طول .. لان ابي شي يربطني بعبدالله .. وعبدالله يسوي المستحيل عشان نتزوج .. شرااااايج .. قلت : والله خوش فكره .. وحمدي ربج انتي ورفيجج ان امج بتسافر ولا بعد بتطول .. يعني بتجي وبتشوفج حامل .. ههههههههههههههههههه هاجر : ياااااااي ما اصدق .. ابي عبوووووووووووووود .. قلت : حبيبتي اتصلي له وقولي له ان امج بتسافر بكره .. وتموا فكرو ا لين ما تخيسون .. هاجر : ههههههههههههههه زين روحي .. رحت الصاله ابي اطالع فلم .. شفت Cd مستر بن .. ياااااي .. حطيته وتميت اطالع واضحك .. رن جوالي وتخرعت .. شفت رقم طويل ..وي هاي اكيد لطوف فديتها .. قمت طلعت برع . رديت : الووووووووه .. لطوف : هلااااااا سااروه شلوووووونج ..؟ قلت : بخير الحمدلله .. انتي شلونج شخبارج ..؟ لطوف : بخير الحمدلله .. قلت : شلون شفتي فرنسا .. لطوف : تجنن .. الحمدلله ان حمد اقتنع ووداني منطقه ثانيه .. كان بيودينا نفس المنطقه اللي رحناها قبل .. قلت : ان شالله هاي احلى ..؟ لطوف : مادري والله .. امس واصلين .. ياااااي ساروه اشوف برج ايفل ..! قلت: ليش ما شفيته ذيج السفره .. لطوف : لا ما شفته .. لان المنطقه الي رحناها قبل كانت بعيده عنه ويوم قررنا نروح تهاوشت مع حمد وهون النحيس.. تدرين ان شقتنا تطل على برج ايفل .. واناااسه .. وفي الليل يجنن ساروه يجنن .. والناس من حوله ما تخف .. دايما متجمعه .. قلت : الله يسعدكم ان شالله ويهنيكم .. لطوف : وياج حبيبتي .. قلت: انا ويني ووين السعاده .. انا والنحاسه ربع من زمااااان .. بلاج ما تدرين .. لطوف : لا ساروه لا تكونين متشائمه لهالدرجه .. قلت : حبيبتي انا مب متشائمه .. بس هذا اللي اشوفه .. وين تكون لي معنويات مرتفعه وهذا حالي .. متلتهه ..!! لطوف : ان شالله تهون حبيبتي ان شالله تهوووون .. قلت : ان شالله .. لطوف : يلا حبي انا بروح اكل يوووووعانه .. قلت : اوكي حبيبتي .. بالعافيه .. لطوف : الله يعافيج .. سمعت صوت حمد " يلا لطوف هالكثر .. بسرعه يلا انا يوعان " لطوف : يلا باي .. قلت : باي .. وسكرنا ... حظنت الجوال بيديني .. وتذكرت ايامي مع حمد .. الله يا حمد .. والله كنا مع بعض مثل السمن عالعسل .. بس امك خربت كل شي .. ايه صح امك خربت .. بس انت بأمكانك تواجهها بالحقيقه وتقول اني احب ساره وبتزوجهاا .. لكن اذا انت مو قد المواجهه .. انا ما احتاجك .. رن جولي مره ثانيه شفت المتصل ابوي .. رديت : هلا يبه .. هلا والله .. ابوي : اهلين ساره .. شخبارج .. قلت : انا الحمدلله بخير .. انت شخبارك وشخبار فطوم وناصر ..؟ ابوي : الحمدلله كلنا بخير .. قلت : دوم ياربي .. ابوي : تسلمين .. بس بغيت ابشرج .. قلت : خير يبه ..؟ ابوي : ياني ريال البيت .. اقصد صاحب البيت اللي انا فيه الحين .. وقلت له اني بطلع بس بعد ما اعدل وضعي .. هو الحمدلله تفعم الوضع لان البيت مو له .. حق ولده لانه بيعرس قريب.. والحمدلله للحين ما عرس .. وعندي وقت لين ما ولده يعرس بفتره قصيره .. عشان يعدلون البيت ومن هالسوالف .. المهم .. انا رحت بيتكم .. وشفت خالج .. قلت : خالي ..؟؟؟؟!!! ابوي : ايه شفيج مستغره ..؟ قلت : لان خالي مسافر .. ابوي : ايه رجع من كم يوم .. هو قال لي .. قلت : بس امي قالت لي انه بيتم شهرين .. ابوي : عاد امج شعرفها بين السبوعين والشهرين .. قلت : اهم شي رجع بالسلامه .. ابوي : ايه الحمدلله .. وعاد انا قلت حق خالج الي صار لي .. وعن ديوني .. وعطاني مبلغ يساعد .. وكلمت اخوج وبعد موت من التحقيق عطاني بعد .. وسلمت لكل واحد من اللي تسلفت منه فلوسه .. والحمدلله الفلوس كفت .. والحين ببيع سيارتي وبشتريلي سياره على قدي وبشتري لي شقه صغيره تلمني انا وعيالي .. والخدامه بسفرها .. لاني مب فاضي اصرف عليها هي الثانيه .. اصلا ما عندي .. قلت : بس من بيتهم في عيالك ..؟ ابوي: والله ما ادري يا ساره مادري .. قلت : لحظه انا عندي فكره .. ابوي : نوريني.. قلت : انت روح حق خالي فديته وقول له السالفه كلها .. وهو بيتفهم الوضع وخل العيال عند امي على اساس انهم عيال رفيج خالي .. وامهم متوفيه .. وكملوا كذبتكم .. اهم شي بيتمون العيال عند امي .. يعني في ايادي امينه .. ومتى ما تبي تشوفهم روح عند خالي وبيجيبهم لك .. ابوي : والله خوش فكره .. بس امج يمكن ما توافق .. قلت : لا ان شالله بتوافق .. لان امي تحب اليهال .. ابوي : ان شالله .. يلا الحين اخليج .. بروح حق خالج دام اليهال راقدين .. قلت : اوكي .. الله يحفظك .. ابوي : مع السلامه .. قلت : مع السلامه .. وسكرنا ..حمدت ربي ان مشكله ابوي انحلت .. تميت ادور في الحوش .. حسيت ان عصافير بطني تصوصو .. رحت المطبخ على طول .. شفت الخدامات يودعون بعظهم .. ضحكت وفتحت الثلاجه .. شفت فواكه .. خذت كم برتقاله وكم موزه وتفاحات وخوخات ومنجايات وعنبات ورمان وفراوله وكل انواع الفواكه .. وتميت اقطعهم وانا اغني .. وحطيتهم في مله كبيره .. وانا اغني .. وصبيت فوقهم عصير منجا .. وتميت اخلطهم .. وعقب حطيت لي في مله صغيره وحطيت الباقي في الثلاجه .. وتميت اكل واكل .. ياااي لذيذ .. وخلصت المله طبعا من اليوع .. وطلعت من المطبخ .. شفت ذياب قباللي ..خرعني .. قلت : بسم الله الرحمن الرحيم .. ذياب : شفيج ..؟ قلت : خرعتني .. ذياب : ليش شايفه جني .. عفريت .؟ شبح ..؟ قلت : لا بس طلعت لي فجأه ما كنت متوقعه انك بتطلع لي .. ذياب : اهاا .. شتسوين في المطبخ ..؟ قلت : اكل بعد شاسوي ..؟ ذياب : تعبين هالتانكي.؟ يقصد بطني جليل التربيه .. ضحكت : هههههههههه وانت شعليك .. ذياب : علي بنطلون وتيشيرت .. تبينهم ..؟ قلت : لاخلهم لك .. شابي فيهم .. رحت الصاله وقعدت .. ذياب لحقني .. ذياب : تدرين .. قلت وانا العب في اظافري : همم .. ذياب: ضحكتج حلوه .. رفعت راسي اطالعه .. وابتسمت : شكراً .. ذياب : والله من صجي .. قلت : ليش انا قلت انك جداب ..؟ ذياب : لا بس شكلج مب مصدقتني .. قلت : لا تطمن .. مصدقتك .. ذياب دخل يده داخل مخبتاه > جيبه < وطلع ورقه .. ومد يده وعطاني اياها .. قلت : شنو ذي ؟ ذياب قام : ورقه .. قريها وبتعرفين كل شي .. بصراحه خفت افتح الورقه .. خفت لا يكون فيها كارثه .. مو انا منحوسه .. كل بلوه في العالم بتطلع لي انا .. جيت بسأله عن الورقه اكثر ما لقيته .. شتتوقعوووووون مكتووووووووب في الورقه ..؟ كلام عادي .؟ والا تعبير عن الشعور ..؟ والا مصيبه ..؟ والا اعتراف و... والا .. والا ... والا ؟؟ وهل للورقه تأثير ولا عادي ..؟ بتعرفون في الجزء الياي .. |
الج 11 زء فتحت الورقه بيدين تنتفض .. وقريت اللي فيها ..وكان مكتوب فيها .. [[ تصدقين اني حبيتج ..؟ وابي اقول لج فديتج ..؟ وانا في هالدنيا ما شفت نفس عيونج . انا عارف اني انا مالك قلبج وشجونج .. لا تقولين لا انت مو في عيوني .. ممكن اكون اول انسان يمتلك سحر نظراتج ..؟ ارتاح اذا اكون يمج وأسأل عن احوالج واخبارج .. اذا انا الحين مو في بالج ..اكيد خيالي في خيالج .. اتمنى اني اسرق كل اوقاتج ..واعطيج دقايق لفراغج .. اذا عني ما ادري اقول حبيتي والا هويتج ؟؟ ابي ابني سنيني وحياتي في قلبج .. ممكن تأجريلي قلبج ابني فيه امالي وحياتي وحياتج .؟ بعد كل هذا ممكن تقولين لي منهو حياتج .؟ ]] وي .. ذياب يحبني ..؟ من متى ..؟ ويبي يعرف منهو في حياتي .. ليش .؟.. ياربي هذا من صجه والا يتغشمر .. بس ما شفت الحب في عيونه .. نفس ما شفته في حمد .. يمكن كل واحد يحب بطريقه غير .. هاجر : هيه سوير وويعه . قلت : ها ها هاااااااا شتبين .. بطيتي اذني .. صوتج دش في مخي .. هاجر : ههههههههههه محد قال لج ما تسمعيني .. في منو سرحانه .. منو هذا اللي ماخذ عقلج هااااااا ؟؟ قلت : ولا حد .. هاجر : كنت حاطه فلم مستر بن .. مدري وينه . قلت : ويييييييي انا شغلته ورحت عنه .. هاجر : يااااازينج .. ضحكت : ههههههههههههه والله شفته وعقب لطوف اتصلت لي ورديت عليها .. هاجر : شوفي هالفلم فضيع .. مستر بن في فرنسا كأنه ويغامر هو وولد .. والله فضيع شوفيه .. قلت : انزين بشوفه .. شوي وبتبوسين يدي عشان اشوفه .. قلت لج الحين انا لا عشان تترجيني هالكثر ..؟ هاجر : لا عشان ما تفكرين ترفضين .. هههههههههههههههههه ضحكت : ههههههههههههههههه لا مب رافضه .. روحي سوي فشار .. هاجر : زين وانتي طلعي ال Cd وردي دخليه عشان يشتغل .. قلت : اوكي .. وراحت هاجر المطبخ وانا تميت اعابل في ال Cd .. سمعت حس من وراي .. التفت لقيت راكان .. راكان : شتسوين .؟ قلت : اشغل الفلم .. راكان : فلم شنو ..؟ قلت : مستر بن .. راكان : اوووووووه مستر بن .. قديم .. قلت : لا هالفلم جديد .. راكان : سوى فلم بعد .. والله هالشيبه تطور .. قلت : لا مب شيبه حرام عليك .. توه شباب .. راكان : اي شباب .. شوفي من متى عايش هاي .. يمكن صار له 55 سنه على وجه الارض . ضحكت :هههههههههههههههههههههههه� � هاجر : وهذا الفشااار .. راكان : هجووووووووووووووووووووور فديت روحج .. هاجر: خير خير .. راكان : غرفتي .. هاجر : آآآآآآآآآآآآآآآه ظهري يعورني .. آآه يمه يمه .. ظهريييييييييي .. وانا فاتحه عيوني على الاخر .. راكان : هههههههههههههههههه هجور والله من قرن ما ترتبت .. بليز .. هاجر : انزين بس وقفوا الفلم .. قلت : وين بتروحين .. هاجر : برتب غرفه الشيخ راكان .. راكان مبتسم .. قلت : ليش والخدم وين..؟ هاجر : الشيخ راكان ما يحب الخدم يرتبون غرفته .. قلت : عشتووووووووو .. راكان : يرحمج الله .. ضحكت : هههههههههه انا ما عطست .. راكان : عيل..؟ قلت : قلت عشتو .. ليش يعني ما تبي الخدامات يرتبون غرفتك .. هاجر تتدلع وتتصنع الزعل : قولي ليه .. راكان : ما احب .. ما احب حد غريب يدخل غرفتي ويقعد ينبر ويتعبث فيها .. راحت هاجر ترتب وانا وراكان تمينا نسولف لين ما تجي هاجر عشان نشغل الفلم .. قلت : شخبااار بدور .. راكان : آآه .. بيرجعون اليوم .. قلت : صج .. راكان : ايه . الحمدلله .. كنت بموت .. ابي اكلمها على راحتي .. قلت : لين متى بتم تكلمها .. مافي تطور في العلاقه .. راكان : شاسوي ..؟ قلت : بتنتظر امك لين ما ترجع من باريس عشان تقول لها ولين ما توافق ..؟ راكان : لا لا لا لا .. انا بقنعها ان نتزوج بدون علم امي .. وعقب باحطها امام الامر الواقع .. قلت : كلكم جي .. راكان : من كلنا .. وي وي وي .. جان ما اخوره .. قلت : لا يعني .. كلكم امكم ما توافق على اللي تبونه .. راكان : شلون يعني .؟ قلت : يعني امك ليش رافضه بدور .. راكان : امي اصلا تبيني حق وحده من بنات عمي .. عشان عندهم خير ..وهي حاجزه لي وحده بس تنتظرني اقول لها اني ابي اتزوج عشان تخطبها لي .. وانا ما ابيها .. حتى شكلها ما اعرفه .. ويوم قلت لها ابي اتزوج بس مب من بنات عمي .. حشرت الدنيا .. وقالت ما تتزوج الا من بنات عمك .. ويوم قلت حق بدور ما رضت اني اتزوج من دون علم امي .. قلت : انت تحبها ..؟ راكان ضحك ضحكه استهزاء بسؤالي : هههههههه احبها ؟؟ الحين اقول لج قصه حبنا وعشقنا تقولين لي تحبها .. بس تصدقين ..مادري ليش قلت لج .. اذا انا هاجر اللي هي اقرب وحده لي من اهلي .. ما قلت لها .. بس ما ادري ليش انتي بالذات اللي قلت لج .. قلت : سبحان الله . يمكن انا اوصلك لحل .. راكان : ان شالله .. وشوي الا هاجر يايه وشكلها يخرع .. راكان : ههههههههههههههههههه متهاوشه مع اسد .. هاجر : غرفتك هذي مب غرفه .. حرام عليك راكان .. يعني الثوب اللي تفصخه ليش ترميه في الارض .. ليش .. مافي كبت .. مافي سله للغسيل .. وجوتيك .. شلون طاير فوق السرير .. انا وراكان : ههههههههههههههههههههههههه ههههههههههه .. هاجر : ما تقول لي .. وعقالك في الحمام .. ونظارتك الشمسيه تحت السرير و.. قاطعها راكان : لقيتي نظااااااااارتي ..؟ هاجر : ايه تحت السرير .. يالمهمل .. راكان : والله .. انا صار لي سبوع ادورها .. ما لقيتها .. وبعد انا مب من الدوحه شاريها .. من برع .. قلت : دام انك تحب اغراضك هالكثر .. حافظ عليهم .. راكان : احااول والله بس ما اقدر .. اجي من الشغل تعبان .. ما اشوف جدامي .. احذف كل شي .. هاجر : ويطيح على راسي انا .. راكان : ههههههههههههههههه فديتج .. والله ما يروح تعبج بلاش .. بوديج بن داوود يدلكونج هناك ويطرقعون كل عظمه فيج .. هاجر :هههههههههههههههههههه انزين بشوف .. شغلنا الفلم وتمينا نطالع وفي نص الفلم دخل ذياب وتم يطالع الفلم .. والتفت الاقيه يطالعني .. ويرد يطالع الفلم .. والتفت الاقيه يطالعني .. اووووووووووه انا ما احب جي ..تسندت بحيث هاجر تغطي علي ما اشوف ذياب ولا هو يشوفني .. وتمينا نطالع الفلم ونظحك .. خلص اليوم .. وانا حسيت شوي براحه .. لاني ضحكت ..وطبعا ذياب اتصل لي وتمينا نسولف ولا جاب طاري الرساله .. بس زاد كلام الغزل .. وانا ساكته .. بشوف لين وين بتوصل معاه .. قلت : ذياب انا الحين بنام .. ذياب : اوكي حبي .. بس لا تطولين .. قلت : شلون ما اطول بعد ..؟ ذياب : يعني لا ترقدين لين الظهر .. قومي الضحى جي .. بتلاقيني قاعد .. قلت : ان شالله .. ذياب : يلا تيك كير حبي .. قلت : يو تو .. يلا باي .. ذياب : بايات .. وسكرنا ونمت على طول .. قمت على رنه جوالي .. طالعت رقم بيتنا.. هذي اكيد امي .. رديت : الووووووه يمه ..؟ امي : هلا والله هلا حبيبتي .. قلت : اهلين .. يمه شخبااااارج .. شخباااركم كلكم ؟؟ امي : الحمدلله كلنا بخير ..انتي شلونج .. شخبارج .؟ قلت : انا الحمدلله بخير.. امي : عيل ما قلت لج .. خالج رد من كم يوم .. قلت : ادري .. ابوي قال لي .. امي : ابوج .؟ قلت : ايه .. امي : تتواصلين مع ابوج انتي ؟ قلت : ايه يمه .. امي : شبخباره . قلت : الحمدلله بخير .. امي : وابوج شدراه ان خالج رجع .؟ توهقت : مادري .. امي : المهم خالج كلمني وقال لي ان وده يتزوج .. قلت : صج ..؟؟ من يبي يتزوج .. امي: مادري .. بس كأن في وحده في باله .. بجرجر منه الكلام وبقول لج .. قلت : ايه يمه ارجوج لا تقطعين .. انا ما اقدر اتصل لكم .. امي : يا يمه تعالي وما لج شغل في تركي .. قلت : ان شالله يمه .. امي : الله يهداكم ان شالله .. ترى البيت فضى علي .. غايه راحت واتنتي محد وتركي ما يقعد في البيت .. وخالج عنده شغله .. وماعندي غير هالبزارين .. خنقتني العبره : ان شالله يمه اذا الله قدرني بجي .. امي : ايه والله ياريت يمه .. ساره اكوه تركي ياي .. بتصل لج بعدين .. قلت :اوكي يمه .. بوسيلي اليهال كلهم .. قولي لهم من عند ساره .. امي: يو صل ان شالله .. خلي بالج على روحج يمه . قلت : ان شالله يمه لا توصين .. امي : يلا فمان الله .. قلت : مع السلامه .. سكرت من عندها وتميت اصيح ... وحشتني امي .. وحشوني اليهال .. وحشتني عيشتنا .. غسيل وخم وتنظيف طول اليوم .. مايكون عندنا وقت .. اما الحين .. ماعندي شغل اسويه .. ياربي شالفراغه .. وينج يا ميمي وريموه وخلود .. والله وحشتوني .. اذا كنت فاضيه العب معاكم والا اتهاوش .. والله الحياه هناك حلوه .. مسحت دموعي ورحت الحمام وتسبحت ومشطت شعري ولبست جلابيه ورديه وفيها شغل برتقالي .. ولبست شيلتها .. وشفت الساعه 9 .. اوووووووه الساعه 9 وانا كاشخه .. ياااااربي .. الحين شلون ارد انام .. اوووووف .. نزلت الصاله شفت عمتي قاعده وكأنها تجهز اغراضها للسفر .. قلت : السلام عليكم .. عمتي : وعليكم السلام .. قلت : بتسافرين الحين .. عمتي : ايه .. تميت اطالعها وهي تامر الخدامات .. وشلوا الخدامات الشنط وطلعوا وهي لحقتهم .. حتى كلمه باي ما قالت .. تنهدت وقعدت في الصاله .. والخدامات يحليلهم جابوا لي الفطور .. وكلت وانا اطالع التلفزيون .. حسيت بالملل .. مع اني تذكرت بيتنا .. كنا في الاجازه نقوم انا وغايوه هالحزه .. غايوه : سااااااااااااااروه .. ساااااااروه يلااااااااااااا قومي .. قمت متخرعه : هاااااااااااا شنوو ؟؟ غايوه : يلا قومي تعالي .. قلت : وين بنروح .. غايوه : وين بنروح يعني .. مب رايحين مكان .. بس قومي .. توم اند جيري يه . قلت : يا سلااااااام .. غايوه : يلا ساروه عفيه .. قلت : شتبين .؟ غايوه : ما احب اقعد بروحي .. قلت : اليهال معاج .. غايوه : بالله عليج بقعد اسولف مع اليهال ..يلا سوسو حبي .. قمت : زين زين .. ورحت الحمام وتغسلت ومشطت شعري وتمينا نطالع التلفزيون .. وسوينا لنا ريوق .. وعقب رحنا الحوش تمينا نغسله ونرش على بعض ونضحك .. وياو اليهال وتموا يلعبون معانا .. وعقب لقينا زفه من عند امي عشان تخاف على اليهال لا يمرضون .. الله على ايامنا .. والله وناسه .. انا شنو اللي جايبني للهم والغم .. الله يسامحك يا تركي .. الله يهديك .. حسيت بقبظه في اكتافي .. التفت الا ذياب .. ذياب : فديت اللي يسمعووون الكلاااااام .. قلت له وانا اشيل يده عن كتفي : اي كلام ..؟ ذياب : انا قلت لج ابيج تقومين الضحى مب الصبح .. قلت : والله انا ما قمت عشانك .. انا قمت عشان امي اتصلت لي . ذياب: اافاا .. بدل ما تقولين لي اقوم من الفجر عشانك .. وافطرك وادللك يا بعد عمري .. قلت : ليش تدلل على حسابي .. امك ما قصرت في تدليعك وتدليلك .. ذياب : ايه امي الله يخليها لي .. سافرت الحين .. الله بردها بالسلامه .. قلت : ان شالله .. وتمينا نسولف وهو كل كلمه والثانيه يقط كلمه غزل .. تصدقون استضرفته هالريال .. هو الوحيد اللي يسولف معاي ومهتم فيني .. ^ ^ .. تطورت علاقتنا انا وذياب وبديت احبه وهو يحبني .. وتطورت حاله هاجر وعبدالله .. وبعد راكان وبدور .. وقرر راكان انه يكلم ابوه عن موضوعها .. وانا واريج كل يوم والثاني هواش .. هي اللي تتحرش والا انا شحلاتي معاها .. الساعه 4 العصر .. اليوم صار لي 3 اسابيع من غبت عن بيتنا .. ياربي .. وايد تميت هنيه .. بس ما اقدر افارق ذياب حبيبي ..اوووف خلني انزل تحت احسن لي .. نزلت تحت لقيت هاجر تطالع التلفزيون واريج قاعده كاشخه على الاخر .. لابسه بنطلون جينز ضيق .. وبدي احمر فيه سلاسل .. وفاتحه شعرها وحاطه ميكاب .. قلت : شعندج اريج كاشخه ..؟. اريج بدون نفس : خطيبي بيجيني .. اوه غريبه .. اول مره يجيها البيت .. قلت : اول مره يجيج البيت ..؟ اريج : لا .. قلت : ما شفته جا قبل .. اريج : لانه كان مسافر شهر فديته .. قلت : وين رايح .. اريج : اووووووف ترى وايد اسألتج انتي .. وقامت . قلت بصوت واطي: عنت الله على هالشيفه .. هاجر : هههههههههههههههههههه علي صوتج .. قلت : لا مالي خلق للمشاكل .. قعدت : شتطالعين .. هاجر : برنامج .. تميت اطالع وياها .. وقامو الخدامات يجيبون الفواكه والقهوه والشاي .. قلت: هجور تبين شاي ..؟ هاجر : نو .. صبيت لي شاي .. وقعدت .. سمعت صوت باب ..التفت ورى شفت راكان جاي وشكله معصب لان وجهه احمر ومنزل راسه .. راح يركض غرفته .. قلت : ويه شفيه .؟ هاجر بخوف: مادري .. قلت : الله يستر .. خفت .. ليكون متهاوش مع ذياب ..؟ ابيه .. بروح اسأل ذياب .. رحت اركض غرفتي .. نقزت على السرير وفتحت جوالي واتصلت حق ذياب .. ذياب : هلا عمري .. ارتحت .. لان لو متهاوش معاه جان ما بيرد علي جي .. قلت : اهلين .. ذياب : وحشتيني .. ما شفتج اليوم .. قلت : حتى انا ما شفتك .. ذياب : انزين .. قلت : شنو .. ذياب : ايه قوليها .. انتي ما شفتيني يعني شنو .. قلت : وحشتني .. هههههههههههههههههههههه ذياب : فديت هالضحكه .. قلت : انت وين الحين ..؟ ذياب : عند الربع .. قلت : عيل ما اعطلك .. بسكر الحين ذياب : لا وين وين .؟ قلت : خلاص تطمنت عليك .. ذياب : بس جي ..؟ قلت : ايه .. ذياب : اوكي حبو .. انا الحين بتغدى لاني ما تغديت .. وبجيج اوكي .. قلت : اوكي .. ذياب : يلا باي حبو .. قلت : بايات .. تنهدت .. عيل شفيه راكان .. والله عور قلبي .. شصاير .. يمكن متهاوش مع واحد من الربع .. والا يمكن صاير شي في شغله .. وي وي وي .. ليكون تهاوش مع بدوور ..انا اذا ما عرفت خلال دقيقتين بموت .. قمت ادور في البيت ابي اعرف شصاير .. رن الجرس وشفت اريج تركض .. هاي اكيد خطيبها .. يلا الله يوفقهم .. والفال لي انا وذياب .. ^.^ اوووووف ياربي .. راكان شفيه .. اوووووه .. والله احس نار في صدري .. ايه بقول حق هاجر تسأله .. رحت الصاله .. قعد جنب هاجر .. هاجر : انتي فيج شي اليوم .. رايحه ويايه .. شعندج .؟ قلت : ما عندي شي .. سكتت وسكت انا بعد .. قلت : لا عندي شي .. هاجر : ههههه شنو ؟ قلت : راكان شفيه .؟ هاجر: مادري والله .. قلت: زين روحي سأليه .. هاجر : ما بيرد علي انا اعرفه .. اذا زعلان او متضايق ما يرد على احد ... قلت : انزين شوفيه .. والله بموت .. هاجر: ليش .؟ قلت : الفضول ذابحني .. مادري ليش .. هاجر : بسأله بشوف. . قامت هاجر الا اشوف راكان طالع بسرعه ونفس الحاله .. هاجر : راكااااان .. ما رد عليها وطلع برع .. هاجر: شفتي .. قلت : الله يستر .. هاجر : وي ما قلت لج .. قلت : شنو .؟ هاجر : كلمت ابوي .. قلت : عن .؟ هاجر : عن عبدلله شفيج .؟ قلت: اهاا .. ايه ايه شقااااااااااال ؟؟ هاجر : قال انا ما عندي مانع .. بس بخلي غيث يسأل عن الريال .. وبيبين اذا امج رافضته بس جي والا فيه عيب .. شهقت : لحظه انتي شقلتي له .. هاجر : قلت له رفيجتي خاطبتني حق ولد خالتها .. عادي .. قلت : ايا الملعونه .. هاجر : اعجبج .. خذت لي تفاحه وقرمتها .. وشوي الا تطلع اريج من الميلس متضايقه شكلها .. قلت : عسى ما شر اريج ..؟ اريج صرخت في ويهي : ماااااالج خص .. قلت : ايه انتي احترمي نفسج .. وثمني كللامج احسن لج .. اريج : انتي اللي احترمي نفسج .. انتي قاعده تكلمين صاحبه البيت .. قلت : ومن تكون صاحبه البيت يعني .. اريج : انا اعلمج من تكون .. شوي الا يايتني تبي تظربني .. واللي وقفنا صرخه ذياب ذياب : اريج ..!! .. التفتنا انا وهي عليه .. ذياب : طوفي انجلعي غرفتج يلاااااااااا .. اريج : لا حبيبي انا ما انجلع .. هذي " وتأشر علي " اللي تنجلع من البيت .. ذياب ياها ومسكها من شعرها : هي الداخله وانتي الطالعه .. فهمتي .,.! اريج تصيح : هد شعري .. هدني .. هاجر يات وقفت من بينهم : هدها ذياب خلها تولي .. اريج : ولت حياتج قولي آمين .. اذا بتتكلمين تكلمي عدل .. شنو تولي بعد .. ذياب : هجور انتي قومي هناك .. اريج هدت يده من شعرها : انت ما تمد يدك علي مره ثانيه .. تفهم !! انا اختك الكبيره وانا اللي اضربك مب انت .. مد يده ذياب وعطاها كف خلاها تفر راسها من قوته : انتي انجلعي غرفتج ومالج خص في حد في البيت .. وخطيبج ان شبر هنيه مره ثانيه ومحد من الريال في البيت يا ويلج وياوله مني .. راحت اريج تركض غرفتها وهي تصيح .. وهاجر راحت معاها .. وانا تميت مكاني .. ضايعه في الموقف .. ما عرفت وين اروح .. ولا وين اجي .. تميت واقفه مكاني ونزلت راسي ونزلت دمعه حاره من وسط عيوني .. قلت : انا آسفه .. قرب صوبي ذياب : لا تتأسفين حبيبتي .. انا اللي اتأسف عن اللي سوته اروج العفنه .. وان غلطت عليج مره ثانيه قولي لي .. عشان اادبها لج مره ثانيه .. قلت : بس انت وايد قسيت عليها .. ذياب : انا ما قسيت عليها .. بالعكس .. انا ما سويت لها شي .. شوفي ساره .. انا ادري ان اريج ما راح تفكج من شرها دامنكم تهاوشتو .. انا انصحج وانتي وكيفج .. انج تروحين الملحق .. هناك احسن لج ومكان اكبر .. ومتى ما تبين تجين الصاله احسن لج .. حسيت ان روحي ثقيله عليهم .. ما عرفت شاسوي .. قلت :لا خلاص انا بروح البيت .. بروح بيتنا .. ذياب شهق : شنو .. لا لا لا يمه .. انتي هنيه مكانج .. وجان على سالفه الملحق خلاص لا تروحين .. اخلي اروج هي اللي تروح.. اذا رحتي انتي من البيت انا اموووووت .. قلت : لا خلاص بروح الملحق .. اريح لي .. ذياب ابتسم : فديتج والله .. انا قايل ساره تسمع الكلام .. خلاص انا بقول حق الخدم يرتبونه ويعدلونه لج .. فديت روحج والله .. ابتسمت ورحت غرفتي ارتب اغراضي .. احسن بعد افتك من اروج .. الا رايحه ويايه تهاوشني .. كأني خدامه عندها .. بعد ما رتبت اغراضي .. رحت غرفه هاجر ابي اشوف وينها وشسالفتها ..؟ دخلت لقيتها تتكلم في التلفون .. هاجر : ان شالله .. يلا مع السلامه .. قلت : قاطعتج .. هاجر : لا وي فديتج .. حمدي ربج اني ما كنت اكلم عبودي .. والا ذبحتج .. قلت : لا والله .. هاجر : اي تخربين علينا . قلت : عيل منو تكلمين .. هاجر : اكلم رفيجتي .. ملجتها بعد كم يوم .. قلت : وي يحليلها منو ..؟ هاجر : هنادي .. بتتزوج واحد تحبه من زماااااااااااان .. بس الحمدلله ولد خالتها .. وهو كان يحبها بعد .. اقولج شفته مره يخبل ساروه.. يجنن .. لحظه لحظه .. بتتزوج ولد خالتها .. ليكون حمد .. قلت : شنو اسم ريلها .. او ولد خالتها .؟ هاجر : يا احمد يا حمد .. قلت : لا حمد .. هاجر : شدارج .. قلت وانا منزله راسي : هذا حمد اللي احبه .. اكيد .. بس هو مغصوب عليها .. هو قال لي انه مغصوب من طرف امه .. هاجر : على حسب علمي ان هو يحبها بعد .. قلت : يكلمون بعض على التلفون .؟ هاجر : لا .. قلت : هي امها لبنانيه ..؟ هاجر : ايه اايه .. قلت : قلتلج .. هذا حمد اللي بيتزوجها .. تنهدت .. انزين انا ليش متضايقه .. ذياب عوضني عن حمد وغيره .. وان شالله بنتزوج قريب .. بس احس ان للحين احب حمد .. لا لا .. لو احبه بفكر فيه .. وانا كل تفكيري بذياب فديته .. هاجر : وين رحتي.. قلت : ما رحت مكان .بس انتي وين رحتي يوم ذياب هاوش اريج ..؟ هاجر: رحت غرفتي .. لازم بعد كل هوشه اصيح .. كانت لي والا مب لي .. قلت : ليش ؟ هاجر : مادري .. قلت :وذياب كل مره يهاوش اريج .. هاجر : لا مب كل مره .. نادر يهاوشها .. اكثر شي غيث وراكان بعد .. قلت : وانتي .؟ هاجر : انا ما اتهاوش الا مع ذياب .. لان حركاته تقهرني .. قلت : ههههههههه هو يسوي حركات معاج قاصد .. هاجر : شدراج .؟ قلت : يبين .. هاجر: انا يوعانه .. ابي اتعشى .. قلت : ليش الساعه كم ..؟ هاجر : اممم الساعه 8 ونص .. قلت: امشي نسوي عشا.. هاجر : يلا .. رحنا نسوي عشا .. طلعت نقتس من الفريزر وبطاطا .. وهاجر طلعت الطابي ( المقلاه ) والزيت وتمينا نقلي الدجاج .. ونصه محروق طبعا .. تاخذنا السوالف وننسى .. قلينا البطاطا .. وجبت سجق وقليناه .. وسويت لي عصير اناناس وهاجر خذت لها بيبسي ..وتمينا ناكل لين ما حسيت بطني بينفجر .. قمت ورحت غرفتي وشفت الشناط .. وي ما قلت حق هجور .. طلعت من الغرفه .. ذياب : الملحق جاهز .. قلت : اوكي بس ثواني .. ورحت عند هجور في الصاله .. قلت : هاي . هاجر: هايات .. قلت : بروح الملحق هناك بسكن .. هاجر : شنو .؟ قلت : ايه احسن لي .. عشان اريج .. هاجر : انتي من صجج .. خليها تولي .. قلت : لا انا احس ان في الملحق برتاح اكثر .. هاجر : كيفج .. قلت : يلا باي . هاجر: شنو الحين بتروحين .؟ قلت : ماما هاجر .. الملحق في بيتكم .. يعني فتحي باب الصاله والتفتي يمين بتلاقيني انا مرتزه هناك .. هاجر : هههههههههههه زين بس لازم ينظفونه الخدامات .. قلت : لا ارتاحي .. نظفوه .. هاجر : عيل بروح معاج اقعد هناك .. تغير جو .. قلت : يلاا .. وخذو الخدامات ااغراضي وانا سبقتهم الملحق .. بصراحه فخم .. كأنه بيت كامل مو ملحق ,, فيه حمام >> الله يعزكم << وفيه مطبخ صغير والسرير كبير .. وتلفزيون بلازما .. هاجر : ومبخرينه بعد .. ويه فديته .. هاي اكيد هو الي قال لهم يبخرون .. شكثر احبه هالريال .. هاجر : يترقدين الحين والا ..؟ قلت : لا بخلي الملحق يبرد شوي .. بروح الصاله بطالع معاج التلفزيون .. هاجر : اوكي .. وتمينا تفرفر في هالقنوات .. وحطت هاجر قناة روتانا كليب .. وجات اغنيه اصاله سواها قلبي .. وتمينا نغني معاها .. وانا في قلبي اقول .. هذا اهداء مني ل ذياب .. سواها قلبى يا حبيبى وحبك ماطاعنى وأنا عن الحب ناهيه الظاهر أنه مايبى غير قربك عاف الجميع وأول الناس راعيه عليه ماوصيك لا صار جنبك صبح عليه بالحب وبالحب مسيه نبضه وفا وبتضحياته يعجبك صافى ولكن مالقى من يصافيه خلى دروب الكل وأختار دربك داريه تكفى قد مافيك داريه وابشر بقلب مايبى غير قربك يموت وغير محبتك ماسكن فيه هاجر : ايييووووووووووووووووواااا اااااا .. عااشو .. يلااا .. واسبح .. ضحكت : هههههههههههه شدخل اسبح .. وتمينا نضحك ونسولف لين الساعه 11 وعقب كل واحد راح لدربه .. انا كنت بروح غرفتي كالعاده .. بس تذكرت ورحت الملحق .. قبل لا افتح باب الملحق سمعت صوت ذياب يناديني .. ذياب : ساره .. التفت : نعم .. ذياب : الله ينعم بحالج .. شنو بترقدين ؟ قلت : ايه .. ليش تبي شي .. ذياب : ابي اسولف معاج .. قلت : الحين ؟؟ ذياب : ايه مافيها شي .. قلت : اوكي .. ورحنا صوب الكراسي وقعدنا .. ذياب : شخبارج .؟ قلت : تمام .. شفيك .؟ ذياب : مافيني شي .. بس متملل .. قلت : انت بالعاده ما تقعد في البيت .. ذياب : ايه بطلع .. بس ابي اسولف وياج شوي .. قلت : خير ..؟ ذياب : انتي وحده حلوه .. وفي الجامعه .. وكل الشباب يركضون وراج .. استغربت من كلامه وقلت : انزين ..؟ ذياب : ما كانت لج علاقات قبل ..؟ صدمني سؤاله ... ليش يسألني هالسؤال ..؟ ليكون حمد يعرفه وقال له كل شي بيني وبينه .. ذياب : ما جاوبتي علي .. قلت : وانت ليش تبي تعرف ..؟ ذياب : مادري .. فيني فضول مب طبيعي .. قلت : ايه . ذياب : كنتي تعرفين وااحد .؟ قلت وانا منزله راسي : ايه .. كنت احبه وهو يحبني .. بس فرقتنا الظروف . ذياب : انزين منو ؟ قلت : مب مهم .. ذياب : لا مهم عندي .. قلت : ما تعرفه .. حمد ولد جيرانا . ذياب : حمد ؟؟ قلت : ايه تعرفه ..؟ ذياب : لا ما اعرفه .. بس حمد شنو ..؟ قلت : حمد منصور .. ذياب : جيرانكم .. قلت : ايه .. ذياب : اهاا .. والحين ما تكلمون بعض ..؟ قلت :لا افترقنا خلاص .. ذياب : وتحبينه ..؟ قلت : لا .. كل الي بينا انتهى .. ذياب تنهد : ارتحت . قلت : ليش كنت تبي تعرف .؟ ذياب : حسيت من حركاتج ان لج علاقه قبل .. استغربت من استنتاجه .. قلت : شدراك .؟ ذياب : عندي خبره .. " وابتسم " تميت ساكته .. كلامه ما دخل مخي .. ولا الكلام اللي قلته .. ليش انا قلت له .. يمكن يغير رايه فيني .. ذياب : شفيج .؟ قلت : لا بس ابي انام .. ذياب : تو الناااس .. قلت : لا انا نعسانه .. بكره بنكمل سوالفنا .. ذياب : اوكي .. بكره بكره .. ودخلت الملحق وكنت خايفه شوي.. بروحي وبنص الليل وبرع .. دخلت وقفلت الباب وراي ونمت على طول .. لاني قايمه من الصبح .. قمت استغربت المكان وعقب تذكرت ان انا في الملحق ..وحسيت اصابعي متجمده .. المكيف بااااااارد .. اووف .. قمت وسكرته ورجعت ابي انام ما قدرت .. قمت ورحت الحمام اغتسلت لبست جلابيه وشيلتها وعدلت كحلتي و طلعت .. واول ما طلعت لقيت راكان توه داخل البيت .. دخلت وراه .. راكان : السلام .. هاجر: وعليكم السلام .. ودخل غرفته على طول .. من امس لا غدى ولا عشا .. شالسالفه ..؟ هاجر : تعالي .. مابغيتي تقعدين ..؟ طالعت الساعه كانت 10 .. قلت : عادي الساعه 10 .. هاجر : امس قايمه 9 .. قعدت انتظرج الحين قلت بتقوم .. ابتسمت : الجو كان بارد .. ما قدرت اقاوم .. هاجر : ارتحتي .؟ قلت : ايه .. تمينا نسولف وفطرنا .. وعقب جا ذياب والساعه 1 حطينا الغدى .. تغديت وحسيت اني تعبانه .. رحت الملحق عشان ارقد .. حطيت راسي ونمت .. وعيت على الساعه 4 ونص .. اوبس ..,هالكثر نوم ... قمت غسلت ويهي .. و لبست شيلتي .. طلعت من الملحق وشفت راكان قاعد بروحه .. هذا وقته اسألك يا راكان شفيك .. تتوقعون راكان شفيه ؟ مريض ؟؟ والا متضايق .؟ وشنو الاحداث الجايه في الجزء الجاي .. كل هاي بتعرفونه في الجزء ال 12 .. |
الج 12 زء جدمت من عنده وهو سرحان .. حاولت اطلع صوت الفت انتباهه لكن مافي فايده .. قعدت على الكرسي اللي مجابله .. قلت: السلام عليكم .. راكان عدل قعدته : وعليكم السلام .. سكت وهو بعد سكت .. تحرك .. التفت صوبه .. شفته بيقوم .. قلت : لحظه راكان .. راكان : نعم .؟ قلت : ممكن اكلمك شوي ..؟ قعد : اسمعج تفضلي .. قلت : ابي اسألك .. امس ما كنت طبيعي .. واليوم بعد .. شالسالفه ..؟ راكان تم يطالعني وكأنه مستغرب من سؤالي .. راكان : متضايق شوي .. قلت : بدور زعلتك .. اذا زعلتك عطني رقمها وانا بكلمها .. راكان نزل راسه .. قلت : شفيك .. والله اني بموت .. راكان : يهمج .؟ قلت : شي طبيعي .. ليكون كلمت ابوك ومارضى .؟ راكان : بدور .. بدور راحت .. قلت : وين ؟ راكان : توفت .. شهقت .. قلت : شنو .. ماتت ..؟؟ شلوون ..؟ ومتى .. وشمنه .؟ راكان : فيها السرطان من زمان .. لكنها تعالجت .. وردت مافيعها شي .. بس فجأه رد لها كل شي .. وحاولت اتصل لها ما ترد .. بس مره ردت وقالت انها في المستشفى .. ورحت لها على طول .. وثاني يوم قالوا لي توفت .. لاحظت عيونه بدت تلمع .. قلت : الله يرحمها .. عظم الله اجرك .. راكان : اجرنا واجرج .. ما قدرت استحمل .. رحت الملحق وتميت اصيح .. حرام .. كان يحبها .. وما يتخيل حياته بدونها.. شالسالفه .. ليش جي كل طيب يروح من هالدنيا .. ليش ..؟ انا فقدت حمد .. وراكان فقد بدور .. الله يستر .. جان ما هاجر تفقد عبدالله .. قمت غسلت ويهي وطلعت برع ما لقيت راكان .. الله يهون عليه .. فراق الحبيب صعب صعب .. دخلت داخل الصاله .. ما شفت حد .. رحت غرفه هاجر .. وقبل لا ادخل شفت اريج جدامي .. قلت : بسم الله .. اريج : شايفه عفريت .. صديت عنها ودخلت الغرفه .. هاجر : هلا والله . هلا بسوسو .. قلت : اهلين .. هاجر : الحين يمديج تقومين عشان تردين ترقدين .. قلت : والله من الملل .. هاجر : ايه والله وانتي الصاجه .. ملل من قلب .. بس انا شغلت لابتوبي .. وقعدت على النت .. قلت : في اي منتدى مشتركه ..؟ هاجر : والله اكتب اي اسم يطلع لي منتدى .. اشوف شنو الاحسن واقعد اشارك .. وبعد انا مب مال منتديات .. انا مال مسنجر وفوتوشوب بس .. قلت : انا ما اعرف للفوتوشوب .. ياليت اعرف .. هاجر : اعلمج .؟ قلت : ياريت .. وتمت هاجر تعلمني .. هو سهل وحلو .. وتمت تعلمني لين الساعه 6 .. هاجر : اوووووووووووووووووووووووو وووووووووووبس .. قلت : شنو ؟؟ هاجر : انا بروح بيت عبودي اليوم .. قلت : نعم اختي ..؟ هاجر : هههههههههههه لا انا طقيت صحبه مع اخته .. واليوم بجيها .. قلت : اهاا .. هاجر : يلا انا الحين بروح الصالون .. ومن الصالون بروح بيتهم .. تأخرت وايد .. قلت : اوكي حبيبتي .. روحي ... وسلميلي على عبدالله .. هاجر : تخسين الا انتي .. اصلا انا ماراح اطالعه .. بس بقعد عند اخته وبنات خالتها وجي .. يعني يمعة بنات .. قلت : ااهااااا .. طلعت ورحت الصاله ولقيت اريج هناك ..خفت تستوى مشكله .. طلعت برع عنها وتميت اتمشى في الحوش .. تذكرت اني ما صليت لا العصر ولا المغرب .. رحت بسرعه المحلق وتوضيت .. وصليت وتميت اقرى قران .. لين ما سمعت اذان العشا .. وفرشت سيادتي وصليت العشا .. بعد ما خلصت صلاه .. طلعت من المحلق ورحت الصاله .. لقيت غيث قاعد .. قلت : السلام عليكم .. غيث : وعليكم السلام .. هلا هلا بأم الزين .. قلت : اهلين .. وقعدت .. غيث : عاش من شافج .. قلت : عاشت ايامك . غيث : انا ما اشوفج كلش .. وين تنخشين ..؟ قلت : انا اللي اخش والا انت اللي ما تجي البيت .. غيث : شاسوي ايي البيت .. ملل .. قلت : تزوج .. مب ناوي تتزوج .. صرت ريال شكبرك .. غيث : يلا على ايدج .. قلت : لا انا مالي خص .. عقب اختار لك وحده ما تبيها امك وانا ابتلش .. لا مالي خص .. غيث : هههههههههههههههههههههههه .. ليش ما تبيها.. انا بتزوج والا هي .. قلت : لا يعني انت ما تعرف امك .. لازم بنت مادري شلون شكلها .. غيث : لا عادي .. قلت : ليش ما تتزوج وحده من بنات عمك .؟ غيث : من .؟ قلت : ما ادري انا ما اعرفهم .. بس ليش ما تاخذ وحده منهم .. غيث : لااااااا .. هذيلا شايفين نفسهم .. وبعدين هم وايد متحررين .. وانا ما احب هالنوع .. قلت : اهااا .. اصلا انت لو تبي تتزوج جان طلعت لك بنت من تحت الارض .. بس انتو يالريايل عليكم حركات .. غيث : هههههههههههههههههههه اي حركات الله يهداج .. تتكلمين وكأنج عيوز .. قلت : انا ؟؟؟ غيث : ايه .. قلت ليش .؟ غيث: ههههههه تتكلمين بسرعه .. وي .. صج .. اول مره حد يقولي هالمعلومه .. قلت : لا .. انا اتكلم عادي .. غيث : لا والله تتكلمين وكأن *** يلاحقج .. ابتسمت وصديت اطالع التلفزيون .. وحاطين قناة فتون وتمينا نطالع ونظحك .. وعقب سمعت صوت الباب .. انا وغيث التفتنا صوبه .. ذياب : السلام .. غيث : وعليكم .. شفت نظرات ذياب لي كأن فيها غضب او متضايق مني .. مادري ليش .. شالسالفه .؟ صديت عنه .. وعقب غيث قام .. وقعد ذياب مكانه .. قلت : شفيك ..؟ ذياب : شفيني ..؟ قلت : اوووش وط صوتك .. ذياب : قاعده معاه صار لج ساعه وتضحكون .. قلت : انا قاعده اضحك على التلفزيون ما اضحك معاه .. ذياب : تعليقاتكم وضحككم واصله اخر الشارع .. وتقولين ما اضحك معاه .. لو كنتي بروحج جي بتضحكين ..؟ قلت : هو يعلق وانا اضحك .. يعني شصاار .؟؟ ذياب : لا والمشكله مب حاسه بغلطج .. قلت : انا شسويت ..؟ ذياب قام : لا ماسويتي شي .. بس انا اللي اتبلى عليج... سوري انسه ساره .. وطلع برع .. وي شفيه هذا ماكل حصى .. ماسويت شي .. هالكثر يغار علي .. واي فديته .. اذا السالفه سالفه غيره عادي .. رحت الملحق ابي اجيب جوالي عشان اتصل له .. اتصلت له على طول وانا في الحوش عشان اخذ راحتي .. وتم يرن وعقب فتره رد .. ذياب بدون نفس : ها .؟ قلت : للحين زعلان .. ذياب : شتبين متصله ..؟ قلت : براضيك .. ذياب يتطنز: ليش انتي سويتي شي ..؟ قلت : ذياب عاد .. لا تصير جي .. ذياب : جي شلون ؟ قلت : عصبي محد يقدر يكلمك .. ذياب : انا جي الحين .. قلت : لا انا قلت لك لا تصير .. .. انت وين الحين ؟ ذياب : شتبين فيني .. قلت : ذياب .. ذياب : نعم . قلت : ابيك . ذياب : شتبين فيني ..؟ قلت : ابي اراضيك .. ما احب حد يزعل مني .. ذياب : وانا اي حد .. قلت : لا انت حبيبي .. ذياب : صج .. قلت : ايه .. يلاااا وينك .؟ ذياب : التفتي وراج .. التفت وراي لقيته قاعد على الكرسي وحاط ريل على ريل .. رديت اكلمه في التلفون : انت هنيه في البيت ولا تقول لي .. انا حسبالي طلعت .. ذياب : كنت بطلع بس قلت ماعندي حد اروح له .. ربعي كلهم سافرو .. وانا تام في الدوحه عشانج .. سكرت من التلفون لاني وصلت له .. ذياب : يا ويلج يا سواد ليلج اذا شفتج مع غيث والا راكان مره ثانيه .. قلت : ان شالله .. ما راح اقعد معاهم .. اهم شي رضاك .. ذياب ابتسم : فديتج والله .. ويني عنج من زمان .. ابتسمت .. ذياب : تعالي قعدي عندي .. قلت : لا هنيه ظلام .. خلنا نروح هناك .. " وأشرت له صوب النافوره .. لان دايم جنبها ليتات .. ذياب : لا هنيه احسن ..." قصده جنب الملحق .." قلت : كيفك .. ذياب : تدرين يوم شفتج مع غيث شصار فيني ..؟ قلت وانا اقعد على الجبس اللي يفصل بين باب الصاله والزرع : همممم .؟ ذياب : كان ودي ازنطه واظربه ظرب وعقب ما اخلص منه اظربج انتي .. قلت بدلع : وانا بعد .؟! ذياب : ايه .. انا قلت هو اول عشان انتي يطلع عليج الظرب خفيف .. قلت : لا والله .. ذياب : هههههههههه بس زين مسكت اعصابي .. حبيبتي اانا اغاااااااااااااار .. قلت : مافي داعي تغار .. راكان وغيث خواني .. ذياب : لا مب خوانج .. وانا احذرج .. ما تقعدين معاهم .. قلت : شدعووووووه ذياب .. ذياب : اوكي قعدي بس لا تسولفين .. قلت : واذا هم سألوني .. ذياب : لا تردين .. قلت : لا والله .. ذياب : ما بيسألونج .. قلت : اوكي .. ذياب : فديت قلبج .. استحيت ونزلت راسي .. ذياب : اول ما تجي امي بقول لها تخطبج لي .. استحيت وابي اضيع السالفه : الا متى امك بتجي ..؟ ذياب : ههههههههههههه مستعيله على الزواح هاااااااا ..؟ وي ابي اكحلها عميتها .. ضحكت ودزيته : يالسخيف .. اول ما كنت بروح مسك يدي .. وتم قلبي يدق بقوه .. سحبت يدي منه شوي شوي .. ذياب : ليش .. خلي يدي تحتظن يدج .. قلت بارتباك : لا ذياب .. ذياب : الحين انا بصير زوجج .. قلت : اذا صرت سوتويت زوجي سو اللي تبي .. وقمت عنه .. وسمعت خطواته وراي .. ذياب : اذا الحركه ضايقتج انا آسف .. ابتسمت وصديت صوبه : مسموح .. وكملت طريجي.. ذياب يصارخ : اموووووووووووووووووووووت عليج .. ضحكت ودخلت الملحق بسرعه ورحت الحمام على طول .. غسلت ويهي بماي بارد .. لان حسيته ان شب .. شفت البانيو واغراني .. وتسبحت على طول .. حسيت بانتعاش .. وي ما خذت لي ملابس ... تغطيت بالفوطه وطلعت خذت لي ملابس ودخلت الحمام البس بيجامتي عشان برقد على طول ..وطلعت وانا حاطه فوطتي على راسي .. قعدت امشط شعري اللي يوصل لاخر ظهر .. والله طويل شعري .. من زمان ما اهتميت فيه .. لاني كله بشيلتي قاعده .. كأني عيوز .. وكحلت عيوني بكحل بني خفيف .. وحطيت كريم مرطب حق ويهي .. سمعت صوت باب .. التفت ما لقيت حد .. وي بسم الله .. رديت اكمل فرك ويهي .. سمعت نفس الصوت.. التفت الا ذياب واقف .. شهقت وهو اشر لي اني اسكت .. همست : شتبي انت ياي هنيه ..؟ ذياب : بس شوي بقعد معاج .. قلت : اطلع برع انا مو لابسه شيلتي .. اطلع .. التفت يمين ويسار ادور شيلتي مسكتها وسحبها ذياب من يدي .. صرخت : عطني الشيله .. ذياب : ليش ؟ قلت : عطني اياها بغطي شعري .. ذياب ببرود : نوو .. قعدت على الارض وتميت اصيح .. قلت : اطلع برع .. قرب ذياب صوبي وانا ابعد عنه .. ذياب : ليش خايفه حبي .. مابسوي لج شي .. قلت وانا اصيح : ذياب اطلع برع .. اطلع .. ذياب : ليش اطلع ..؟ انا ابيج .. قلت : اطلع برع والا اناديهم كلهم .. ذياب : ههههههههههههههه ناديهم .. من بتنادين .. ابوي العمي ..؟ والا هاجر اللي في بيت رفيجتها ..؟ والا اريج اللي ما تدري عن الدنيا .. والا راكان وغيث اللي ما يقعدون في البيت .. من بتنادين هاااااا .؟ تميت اصيح .. حسيت روحي وحيده بهالعالم .. فقدت الكل وانا في امس الحاجه لهم .. ليش ياربي ليش .. ذياب جا وقعد جنبي .. بعدت عنه لين ما لزقت في السرير .. جا جنبي ومسك يدي .. قلت : هد يدييييييييييي .. ذياب : ههههههه ليش احنا بروحنا الحين .. محد بيشوفنا . سحبت يدي عنه وقمت اركض صوب الباب .. وهو سبقني وسد الباب .. تميت اضربه بيدين تتنافض .. قلت : قوووووووووووووم عن الباب .. قوووووم . ذياب : ليش انا غبي اضيع الفريسه اللي تميت اخطط لها .. قلت : شنو ؟ ذياب: ايه .. ايه ساره .. انا تميت اخطط لهذا اليوم .. تبيني اضيعه بسهوله .. قلت : تخطط ؟؟ تخطط حق شنو .؟ ذياب : كل الكلام اللي قلته لج كذب .. كل الشعور اللي قلته لج كذب .. كل كلمه قلتها لج كذب .. بس من ناحيه الجمال ما كذبت .. قرب صوبي وانا ابعد عنه .. ذياب : انا ما شفت بنات مزيونات جي .. قلت وانا اصيح : اطلع برع خلني بحالي.. اطلع .. انا بنت خالك مب عدووووتك .. ذياب : وانا ولد عمتج .. قلت : شتبي فيني اطلع برع .. في بنات وايد احلى مني .. ذياب : بس انتي عجبتيني .. صرخت عليه : اطلع .. اطلع ياللي ما تستحي .. ذياب : بطلع .. بس عقب ما اخذ اللي ابيه .. وجا بسرعه ومسكني من اكتافي .. وانا اصرخ واركض عنه .. لكنه اقوى مني .. مديت يدي على مزهريه وكسرتها على راسه .. مسك راسه وانا ركضت عنه .. وهو سحبني من ريولي طيحني على الارض .. ويحاول يشقق ملابسي اللي علي ... خذت نعالي اللي كانت على الارض وتميت اظربه فيها وانا اصارخ .. وهو ولا يحس .. رفسته تحت الحزام وقام عني .. ركضت ابي اطلع برع بس ما فلت .. مد ريله وطيحني على ويهي .. مسكت ويهي وانا اصيح .. وادعي ربي يفكني منه بأي طريقه .. قرب مني ومسكني من ثيابي يبي يقومني .. قمت بروحي وتوني بشرد منه .. خذني وحذفني على السرير .. تقلبت على السرير وقمت من الصوب الثاني .. لكني صرت محصوره اكثر وتميت اصرخ بأعلى صوتي.. مد يده وانا غمضت عيوني وانا ادعي ربي في سري .. تميت انتظر شي منه لاني خلاص استسلمت .. بس سمعت صوت راكان يصارخ .. وهالصوت قريب مني .. فتحت عيني لقيت راكان ماسكه من ثيابه وباعده عني .. ذياب التفت لراكان وتم يضربه وراكان يضربه .. وتموا يتضاربون وانا اصيح .. ما اعرف شاسوي .. طلعت برع ادور حد يبعدهم عن بعض .. لان محد بيفك عن الثاني الا اذا مات .. ما لقيت حد .. مسكت راكان من ثيابه اترجاه يتركه عشان يروح .. لكن مافي فايده .. شوي الا راكان عطاه بكس في عينه وتم ذياب ماسك عينه ويدور في الملحق ما يعرف وين يروح .. راكان رفسه برع الملحق .. راكان يصرخ : اطلع يالنجس .. راكان يلهث: سوى فيج شي .. هزيت راسي بمعنى لا وانا اصيح .. طلع برع .. وتميت انا بهالحاله .. ما تسر لا عدو ولا رفيج .. قعدت وانا ضامه ريولي لسدري آآآآآآآه يا خساره الحب اللي عطتك اياه يا ذياب .. يا خساره الثقه .. كل الرياااااايل نفس الشي .. كلهم من طينه واطيه ووسخه ... كلهم.. كلهم .. تميت اظرب نفسي وانا اصيح .. محد يحبني .. محد تم لي في هالدنيا .. انا لازم اطلع من بيت عمتي .. لاااااازم .. لكن وين اروح .. تركي بيذبحني .. بيذبحني اذا درى بسوالفي .. انا وحده وسخه .. قليله ادب .. لو كنت متزوجه ماجد مب احسن لي .. والله لو كنت متزوجته ما كنت تبهدلت هالبهدله كلها .. يااااااااااااااااربي ساعدني .. يااااااااربي ما عندي غيرك اشكيله همي .. يارب سامحني .. ياااااااارب اغفرلي .. يااااااااااااارب ارحمني برحمتك الواسعه يا ارحم الراحمين .. انفتح الباب بقوه .. رفعت راسي بسرعه .. الا هاجر ياتني بعباتها بسرعه .. هاجر : ساااااااروه حبيبتي شفيج .. شصاااااااير .. راكان قال لي اشوفج .. ليش شصاير ؟ اهلج فيهم شي .. سااااروه شصاير خرعتيني .. تميت اصيح وانا مب معتبره كلامها .. اصيح على حظي اللي هدني في هالبيت .. محد يدري عن الثاني . ولا حد مهتم في الثاني .. وانا جيت وصرت عله عليهم .. ياااااربي سامحني .. يارب.. هاجر تصيح : ساروه شفيج .؟ ليش ما تردين علي ..؟ تعبانه .. اقول حق راكان يوديج المستشفى ؟؟ قلت وانا اصيح : طلع كذااااااااااب يا هاجر .. كذاااااااااااب .. هاجر : منو ؟ ما قدرت اقوول لها .. شااااااقول لج ياهاجر شااااقول .. هاجر : حبيبتي انتي ارتاحي الحين .. ونامي وبكره بعرف السالفه منج .. صرخت : لاااااااااااا .. انا بروح بيتنا .. ابي ارووووووح .. هاجر : ليش شصاير ؟؟. قلت : ما ابي اقعد عندكم .. كلكم كذابين .. كلكم .. هاجر: ليش شسوينا ؟ قمت : انا بروح البيت وماعلي منج .. هاجر : ساره اهدي .. بكره الصبح ان شالله بقول حق الدريول يوديج .. ارتاحي الحين .. طالعت الساعه كانت 12 .. قلت : امي قاعده هالحزه .. بروووووووح لها .. هاجر: حبيبتي الصباح رباحي .. انتي اهدي .. وعلميني شفيج ..؟ قلت وانا اصيح : خااااين .. كذاااب .. هو خلاني اجي الملحق عشان هالفكره الوسخه .. حقير . نذل .. ما عنده احساس .. هذا مب ريال مب ريال .. هاجر : منو .. ذياب تقصدين .؟ طالعتها على طول .. شدراها .. وانا ليش جي اقول جدامها .. بس هي لازم تعرف اخوها على حقيقته .. قلت : شدراج ..؟ هاجر : انا اشوف حركاتكم .. حسيت ان في اعجاب من بينكم .. انا لو ادري انج تحبينه جان حذرتج منه .. ترى ذياب مب ويه حب ولا بنات .. هذا يقص عليهم وبس .. صرخت عليها : وليش ما قلتي ليش ؟؟ هاجر : وانا شدراني .. مادري ان بيلعب معاج هاللعبه الخايسه .. تميت اصيح وانا مغطيه ويهي .. هاجر بهدوء : سوى فيج شي ؟ قلت : لا .. قمت ورحت صوب الكبت وتميت ارتب اغراضي .. هاجر: خلاص .. بتروحين ..؟ قلت : مالي قعده في بيتكم بعد اللي صار .. تميت ارتب اغراضي وانا ساكته .. وهاجر تطالعني وانا ارتب .. واغراضي بعد مب وايد .. لان ضبيتهم من كم يوم عشان اجي الملحق .. وما طلعتهم كلهم .. هاجر : انتظري لين الصبح . قلت : زين .. لين الصبح بس .. بعد ما خلصت ترتيب اغراضي قعدت على السرير وهاجر واقفه مكانها تطالعني .. رفت راسي اطالعها .. قلت : شنو ؟ هاجر : لا تخلين علاقتنا تتأثر .. ترى اللي سواه ذياب محد يرضى عنه .. قلت : لا ما بتتأثر ان شالله .. بتم باتصال معاج وبشوف اخر التطورات معاج انتي وعبدالله .. ابتسمت هاجر ويات ضمتني .. صاحت : ما اتخيل بيتنا بدونج .. والله انتي اللي مسليتني ومونستني في البيت .. تميت ساكته .. هاجر : انا اعتذر لج بدال ذياب عن اللي صار .. قلت : الاعتذار ما ينسيني اللي صار .. وانتي ما غلطتي عشان تعتذرين .. ترى الغلط مني انا .. لاني ما استحي على ويهي .. قعدت اكلمه وحبيته .. حسبت ان علاقتني بتنتهي بالزواج .. لكن كنت غبيه يوم اني صدقت ريال من هالنوع .. كل الريايل حقيرين .. كلهم .. هاجر : حتى ابوج ..؟ انصدمت من سؤالها : شنو ؟؟ هاجر : حتى خالج ..؟ سكت .. هاجر : حتى اخوج .. ؟ حتى عبدالله وراكان وغيث .. سكت .. هاجر : لا يا ساره .. الريايل كلهم زينين .. بس من نوعيه ذياب ما تلاقين وايد ..كاهو حمد .. ما كان جي .. كان يحبج حب صادق .. بس الظروف ما جمعتكم .. تنهدت وسكت .. طالعت الساعه شفت الساعه 1 ونص .. اوووف يعني بنطر لين الساعه 7 والا 8 لين ما يروح خالي وتركي الدوام .. آآآآآآآه يالحالتي آآآآآآآه أدري إنّي لو بديت بشرح حزني مانهيته وادري إنّي لو نهيت القول عبراتي بدنّي واعرف إنّي لو تمنيت المحال اقول جيته كيف أوصل للمحال اللي أعرفه بالتمنّي؟ أذكر إنّي لاحييت الفرح دونك ما حييته واذكر إني ماعرفت الجرح وانت اللي حظنّّي كيف تنسى حبّنا اللي فات دامي ما نسيته؟ دامني أذكر هواك وحبك الغالي سكنّّي كيف تتجرأ وتحكي شي عمرك ما حكيته؟ كيف يبدا الكذب منّك بالمهانه والتجنّي؟ دامك اللي بعت حبي بعد ماحبك شريته ما بقالي من هواك إلا ألم سيفٍ طعنّي ما أصدق إن مثلك يطلب الحب وعطيته ما أصدق كنت مغرم في عيونٍ خادعنّي كنت أقول الحب نعمة لين بعيوني رئيته واتضح لي عكس ظنّي ياغلاي وخاب ظنّي كنت أقول ان كل عرقٍ بك رويته مارويته واثرني أسقي عروقي سم منّك وغدرنّي جيت أدور عن وفاك اللي تقول وما لقيته مالقيت اللي تقول إلا خياناتك لقنّي أنت من خالف بعهده والا انا عهدي وفيته وما بقالي من هواك الا ألم سيفٍ طعنّي ما يستاهل حبي الخاين ما يستاااااهل ..آآه ياربي .. الحين شاسوي لين الصبح .. هاجر : انا بروح ابدل وباجي عندج زين . قلت : على راحتج .. راحت وانا انسدحت على السرير ابي ارتاح .. وماحسيت بروحي .. حسيت شي على راسي .. فتحت عيني بسرعه وقمت على طول .. التفت شفت هاجر مبتسمه .. هاجر : شفيج ؟ قلت : خرعتيني .. هاجر : سلامتج .. طالعت الساعه كانت 4 الفجر .. اوووف يعني باقي وايد .. هاجر : انا بروح انام زين .. خفت .. يعني انا بتم بروحي .. قلت : انزين .. وانا ؟ هاجر : تعالي غرفتي .. قلت : لالا .. خلاص بتم هنيه.. انتي روحي .. هاجر : اكيد .. قلت : ايه اكيد .. راحت وانا عيني على الباب .. تميت ادور المفتاح .. لقيته جنب الباب طايح .. خذته وقفلته على طول .. رحت انسدحت على السرير وتميت افكر باليي صار من كم ساعه .. وشوي وغفيت .. وعيت على صوت طقه باب .. فتحت عيني متخرعه .. تلفت يمين ويسار .. شفت ظل على الباب .. رحت صوب الباب ومسكت القبظه .. قلت : منو ؟؟ .......: انا هاجر فتحي .. قلت : من .؟ هاجر .. هاجر : ايه حبيبتي فتحي .. صار الصبح .. تطمنت وفتحت لها الباب .. هاجر : نمتي .؟ قلت : ايه .. هاجر: خفت تروحين قبل لا اسلم عليج .. قلت : لا انتي اللي بتوديني .. هاجر : من عيوني .. شفت الساعه 8 .. هذا الوقت المناسب .. مادري اتصل حق امي اقول لها اني باجي والا لا .. لا ما راح اتصل لها .. هاجر : عيل انا بروح البس .. قلت : اوكي .. وانا بعد .. فتحت الشنطه وطلعت لي بنطلون جينز وبدي وردي فااتح .. ودخلت بيجامتي داخل الشنطه .. ورتبت الملحق على الخفيف .. مع انه كان مرتب .. بس ذياب عفسه عفس الله راسه .. شراح يصير بعد ما اطلع من بيت عمتي ..؟ هل تركي بيخليني بحالي ؟؟ والا بيطلع لي زوج ثاني ..؟ والا راح يطردني من البيت ..؟ وشراح تكون رده فعل امي ..؟ |
الج 13زء خذت عباتي المتعلقه ولبستها .. ولبست شيلتي الا هاجر يايه .. هاجر: خلصتي .. قلت : ايه . هاجر التفتت وراها: انابيلا تعالي شيلي الشنط .. شلتهم وانا اطالعها لين ما وصلت السياره .. هاجر : السياره مشغله .. قلت : يلاا .. قربت هاجر مني وضمتني .. وانا ما قدرت امسك روحي .. انفجرت من الصياح .. وهي تمت تصيح معاي .. سمعت صوت هرن السايره .. قمت عنها .. قلت : يلاا هاجر .. هاجر : يلاا .. روكبنا السياره .. وفي غمضه عين وصلنا البيت .. هاجر : هذا بيتكم صح .؟ التفت : قلت ايه .. بس بسرعه وصلنا .. هاجر : لانج سرحانه طول الوقت .. فتحت باب السياره ونزلت .. ونزلت هاجر معاي .. يات وسلمت علي .. هاجر : سلمي على امج .. قلت : الله يسلمج .. يوصل ان شالله .. وركبت هاجر السياره وانا مسكت كبضه الباب .. راحت السياره .. وانا ما قدرت افتح الباب او ارن الجرس .. قعدت عند الباب وغطيت ويهي بيديني وتميت اصيح .. اصيح على حظي .. اصيح على حالتي الي مالها حل .. الناس شلون يتزوجون .. وانا مع كل واحد يخطط للزواج مني تطلع المشاكل مادري من وين .. يااااااربي شهالحاله .. ما اقدر ادخل البيت ,, احسه مو بيتي .. والله في خاطري الحين اغوص في حضن امي وانفجر واصيح .. ودي افجر عبراتي .. محد بيواسيني غيرج يا يماه .. " كفاك دموع يا قلبي ترى دمعك علي غالي ... أنا مالي بهالدنيا سواك أحدٍ يواسيني دخيلك حتى لو صاحت جروحك ترفق بحالي ... أخاف صياحها يحيي جروحٍ ميته فيني صعيبه والله هالدنيا على مثلك وأمثالي ... صغار أعمارنا لكن بتستوعب حزنا سنيني سقتني المر في عمرٍ شرب به غيري الحالي ... وحيده عشت أنادي الفرح بعد عني ولا جالي رحت بكل صوب وما لقيت اللي يداويني ... وتراها ما غدت تفرق معي لو طال ترحالي أنا أصلاً سكنت الجرح وضاعت به عناويني ... عشقت الحزن مو برضاي وعيا الوقت يصفالي ويوم إنه رجف دمعي ذبحته في وسط عيني ... لك الله وش يفيد الدمع ولو هو يسيل متوالي لك الله أمسح دموعك ترى هالدمع يشقيني مصير جروحنا تذبل قصر هالعمر أو طالي وإذا جرحك أبى يبرى بضمده بشراييني " آآآآآه يا قلبي .. ريح اعصابك .. ترى الزمن طبعه قاسي .. قمت ونفضت ثيابي ومسحت دموعي ..وفتحت الباب .. مادري ليش مخلينه مفتح .. دزيته شوي شوي وتلفت يمين ويسار .. مالقيت حد .. دخلت داخل الصاله .. شميت ريحه بخور .. وصلت نص الصاله وشفت بنت قاعده على الكرسي .. عمرها في العشرينات .. وشكلها حلو .. ليكون تركي باع البيت وما قال حق حد ..؟ سألتني : من ؟ منو انتي ؟؟ شتبين .؟ قلت : انتي منو .. انا جايه بيتنا .. قالت : من انتي .. التفت اطالع البرواز .. وفيه صوره ميمي فديتها .. يعني بيتنا .. قلت : هذا بيتنا .. انتي منو ..؟ وين امي .. قالت : انتي ساره .. ترى قالوا لي انج في بيت عمتج .. قلت : من انتي ..؟ قالت : انا مشاعل .. زوجه تركي .. شهقت : منوووووو ؟؟ زوجه تركي ؟؟؟؟؟؟؟؟؟؟؟ ومتى تركي تزوج ..؟ مشاعل : ملج علي وسوى حفله صغيره .. وخذاني .. ااااااااااااهاااااااااااا ااااااااااااااااااااااا .. هي اللي كلمها تركي يوم طلعت الحوش وسمعت محادثتهم .. تركي : لا والله اني احبج شعوول لا تقوولين جي .. هااا .. ههههههههههههههههههههههه لا والله انا عند باب بيتنا .. ليش ؟؟ .. اييج الحين ..؟ لا ما اقدر وصلت البيت وبيني وبينج تعبان ابي انام .. لا ما اقدر انام عندج اليوم .. شوفي حبيبتي .. بقول لهم اني مسافر يومين او سبوع وبيي بقعد عندج .. شراااااايج ..فديتج والله .. لا مب هالايام .. الحين ما اقدر ..عندي ظروف شوي .. ايه هي مهلكتني.. الله يسلمج ..اوكي حبي ترى انا من مساعه عند الباب اكلمج .. ما اقدر لا ادخل ولا اطلع .. ههههههههههههههه شلون ارجع لج بعد .. شوفي مشاعل ماما .. انا بدخل البيت الحين وبنام وبكره اول ما اقووم بكلمج .. اوكي حبي ..؟ مع السلامه .. بس شلون تركي يقول ان يبي ينام عندها .. يعني هي كانت زوجته قبل .. ولا نام معاها وهو مو متزوجها .. تركي يحير .. قلت : انتو توكم متزوجين .. مشاعل : ايه .. من سبوعين .. كنت بقول لها عن السالفه بس تذكرت اني قاعده في بيتنا وما شفت امي للحين . قلت : امي وين ..؟؟!! مشاعل : امج في المطبخ .. يحليلها امي .. من تقوم من الرقاد تروح المطبخ بدال الحمام .. فديتج ياحلوه اللبن .. رحت على طول المطبخ ولقيتها تحوس مادري شتسوي .. امي بدون ما تطالعني : تعالي مشاعل غسلي الصحون .. قلت : يمه !! التفتت بسرعه : ساره ..؟ واااااي فديت روحج .. وياتني بسرعه وانا رحت لها اركض وضميتها وتميت اصيح .. وحشتني ..شهر ما شفتها .. شهر !! وهي بعد تمت تصيح .. امي : وحشتيني يمه .. انا قلت لج تعالي .. قلت : سااامحيني يمه ساامحيني .. وتمينا مع بعض نصيح وانا ابيها تسامحني .. وامي فديتها قلبها ابيض .. ماشالت علي.. وشوي الا اثنين يهال داخلين المطبخ وهم يفركون عيونهم وشعرهم كشه .. امي : وي تعالي فطامي ونصووري .. تعالوا .. وي فديتهم اخواني .. وي تدري انهم اخواني والا تمت بالكذبه اللي قالها خالي لها .. امي : شوفي هذولا توأم.. ناصر وفاطمه .. عيال رفيج خالج .. قلت وانا اسوي روحي ما اعرفهم: وي يحليلهم .. ليش قايمين هالحزه ؟؟ امي: دوم هالحزه يقومون .. قلت : عيل اخليج انا الحين بروح ارقد .. امي : روحي فديتج .. رحت غرفتي .. وشفت خالد والريم نايمين على سريري وسرير غايوه .. فديتهم والله ..بوستهم وبدلت ملابسي وطلعت .. وكنت ميته من النوده .. رحت على طول غرفه امي وحطيت راسي على المخده ونمت على طول .. وعيت وحسيت ان شعر حد يجره .. فتحت عيني لقيت ميمي قاعده فوق راسي وتمص صبعها وتجر في شعري .. خذتها وبوستها تبوس .. والله وحشتني .. قلت : شخبااارج ميمي .. وحشتيني فديتج .. ميمي : اماه .. مسكينه .. تحسبني امي .. فديتج والله .. قلت : لا حبيبتي انا ما ماما انا ساره .. ميمي : لاالاه قلت : ايه لاالاه قمت وشفت الساعه 3 ونص .. رحت الحمام واغتسلت .. طلعت برع لقيت امي قاعده .. قلت : السلام عليكم .. امي : هلا هلا .. تعالي يمه .. رحت وقعدت جنبها وحطيت راسي على ريلها وتمت تلعب في شعري .. قلت : يمه .. امي : هممم .. قلت : تركي يدري اني هنيه . امي : لا يمه .. هو نايم الحين .. قمت بسرعه : شنو ؟؟ امي : بسم الله الرحمن الرحيم .. شفيج ..؟ قلت : متى بيقووووووم ..؟ امي : مادري .. يمكن الحين .. ليش ؟ قلت : بيذبحني .. امي: لا ان شاء الله ما بيسوي لج شي .. ما يقدر يسوي شي .. خالج هنيه .. قلت : ياما ضربني وخالي ما قدر يسوي شي .. رفعت راسي شفت مشاعل جايه الصاله .. مشاعل : السلام عليكم .. انا وامي: وعليكم السلام .. قلت : تركي قاعد .. مشاعل : ايه توه قايم .. بيتسبح وبيطلع .. قلت : ان شالله ما يشوفني .. امي : يعني لين متى .. انتي معاه في نفس البيت .. لازم بيشوفج .. قلت : ايه بس مب الحين .. امي : لا الحين احسن .. وطلع لي صوت خرعني : انتي هنيه ؟؟ التفت بسرعه صوب الصوت .. لقيت تركي كاشخ ويطالعني .. تركي : ليش يايه البيت هنيه .. انا ما قلت لج ما تطبينه .. مشاعل تعاتبه : تركي ...!! تركي : انتي ما تعرفين شي.. ولا تتدخلين بيني وبين اهلي .. نزلت راسها وراحت .. تركي : هااااااااااااا ..؟ قلت : والله بيتي مثل ما هو بيتك .. وانا يوم طلعت رحت بيت عمتي ما رحت اصيع .. تركي يصارخ : وبعد تطولين لساااانج .. فوق شينه قوات عينه .. صرخت : اناااااااا مااااسويت شي غلط .. تركي : واللي سويتيه شنو ؟.؟.؟. قلت : انا شاارده منك ومن تسيطرك علي .. تركي : يعني الحين جايه تحسبيني بتركج بحالج .. ؟؟ قلت : ايه لانك مالك شغل فيني .. تركي : انتي ما ينفع معااج الكلاام .. يبيلج ضرب .. امي صرخت : بس خلااااااااص .. صج ما تستحوووووون .. الحين اانا صار لي ساعه واقفه وتتهاوشون وتتناجرون جدامي .. لا احترام ولا تقدير .. من سمعت هالكلام رحت على طول غرفتي وتميت اصيح .. انا شذنبي.. ليش جي يكرهني تركي .. ليش جي يعاملني .. لو هو عاملني نفس ما يعامل غايوه جان ما طولت لساني عليه .. مسحت دموعي لاني سمعت صوت باب .. امي : لا تكلمينه بهالطريقه مره ثانيه .. قلت : يا سلاااام .. يعني طلعت انا الغلطانه ..؟ امي : لا مب انتي ولا هو الغلطانين .. وانا اسفه اذا غلطت عليج مدموزيل ساره .. ويات تبي تطلع رحت لها بسرعه وحبيت راسها .. قلت : اسفه يمه .. بس انا ما اقدر اشوف تركي يهاوشني ويغلط علي وانا اسكت واقول له مشكور ما قصرت .. امي : لا انا ما قلت جي .. بس لا تكلمينه .. قلت : ان شاءالله .. ما راح اكلمه .. بس هو بعد لا يكلمني .. امي : انزين .. وطلعت وانا تميت داخل الغرفه .. انسدحت على السرير وطالعت جوالي .. لقيت عندي ون مسج .. فتحته من هاجر .. " انا الذي خاويت وايد من الناس .. واعرف مزايا الشخص بأبسط طريقه .. لكن مثلك مالقيت بهذي الناس .. ماهو علشان امدحك , هذي حقيقه .. (حقيقه) تنقال يا اطيب الساس .. وتنحسب شهاده من رفيق لرفيقه .." يحليلها هاجر .. والله هذي البنت فيها خير .. قمت ورحت صوب الكمبيوتر .. دخلت وفتحت فايل القصص وتميت اقرى قصه [ احبك والوله فيني يبان من نظرت عيوني .. احبك يانظر عيني وانا لك عاشق وولهان ] بل هالطول عنوان .. حطيت اول صفحه وتميت اقرى ..وفاطمه وناصر كل شوي يدخلون علي .. شايفيني من قبل لانهم .. فديتهم .. صارت لي ساعتين وانا قاعده و ما حسيت بالوقت .. طالعت وصلت نص القصه .. والله هالقصه خطيره ... تحمست ابي اعرف الباقي .. بس تعبت .. قمت مع فتحته الباب .. طالعت الباب شفت غايوه واقفه .. صرخت : غااااااااااااااايوه .. غايوه ياتني بسرعه وهي تضحك : ههههههههههههههههههه .. فديتج وحشتيني . ضميتها : والله انتي اكثر بعد عمري .. غايوه : شخباااارج .. قلت : نفس كل يوم .. انتي شخباارج وشخبار حياتج الجديده .. غايوه : الحمدلله .. مستااانسه .. ماجد ما قصر معاي بشي .. ما اقول الا مالت علي بس .. قلت : عسى دووم ان شالله .. غايوه : يدوج عزج حياتي .. غايوه : ها يازت لج القعده هنااك .. قلت : سكتي زين.. غايوه : ها ليش .؟ ايه صح للحين متأثره بسالفه حمد .. قلت : لا حمد نسينا سالفته .. انا سالفتي سالفه .. غايوه : ليش خير .. قلت : تعالي قعدي .. غايوه قعدت : ها شصار ..؟ قلت : ليش جي متخرعه ..؟ غايوه : مادري مب متطمنه .. تنهدت وبديت اقول لها سالفتي مع ذياب من البدايه للنهايه .. غايوه : وانتي تفتكين من حمد تركضين عند ذياب .. قلت لها منفعله : يعني شنوو ..؟ انا مب بنت ؟.. ماعندي احساس ومشاعر ..؟ انا انقص علي مثل ما انقص على غيري انقص علي .. غايوه : وانتي اصلا من المفروض ما تسمعين كلام هالاشكال .. قلت : ليش ؟؟ وانا شدراني ان هذي نواياه . غايوه : خلاااص اصلا من المفروض تاخذينها عبره من حمد ... قلت : حمد ما سوى لي شي .. هذي الظروف ما جمعتنا .. غايوه : اللي سويتيه كله غلط .. لان من المفروض ما تبنين علاقات مع شباب .. سواء كانوا زينين والا شينين .. قلت : ايه صح انا غلطانه .. بس محد سأل ليش غلطت .. محد سأل ولا حد بيفتكر ليش صار فيني جي انا بالذات ..؟ محد سأل ولا حد بيسأل بعد .. السبب واضح . السبب ان محد يسأل عني .. محد مهتم فيني .. اكلت والا ما اكلت .. مرتاحه والا مو مرتاحه .. مريضه والا صاحيه .. هذا كله واحد عندهم .. وامي وابوي منفصلين عن بعض .. ولا حد داري بي .. محد يوجهني ولا حد يعلمني الصح من الخطأ .. " نزلت دمعتي " وتركي يضربي يحسب انه بيعلمني بالضرب .. ترى الضرب ما ينفع .. انا انضربت وبعد سويت الخطأ .. انا ادور عن الحناااااان .. الحنان اللي فقدته من ابوي ومن امي ومن اخوي ومن الكل .. ما لقيته من اللي حولي .. قمت ادوره برع .. لقيته في حمد .. وذياب .. حسيت ان هم الي بيعوضوني عن سنين الحرمان اللي عشتها .. بس ما دريت ان هذي النهايه .. مادريت اني طحت بين ايادي ذيابه متوحشين .. " قمت اصيح" ادري اللي سويته غلط .. بس بعد شنو ..؟ بعد شنو ؟؟ غايوه انا حياتي كلها ضاعت .. انا هدمت مستقبلي .. هدمته .. انا رحت بيت عمتي عشان ابني مستقبلي مع حمد ..مادريت ان بهالخطوه هدمته .. آآآآآه يا غايوه والله اني متعذبه .. لا ليلي ليل ولا نهاري نهااار .. غايوه قامت تصيح : اثاريج متعذبه يا ساروه وانا حسبالي عايشه متفخفخه .. جات وضمتني .. وتميت صيح معاها .. غايوه قامت عني : ايه صح .. انا نسيت اقولج . قلت : الله يستر .. غايوه : ههههههههه لا .. امي تقول اليوم بنروح بيت خالتي زينب .. قلت : صج ؟؟ والله وحشووني .. غايوه : يلا عيل امشي .. قلت : من بيودينا ؟ غايوه : مادري .. بس اعتقد خالي .. لان تركي طالع .. قلت : مشاعل بتجي معانا ..؟ غايوه : ايه يعني بتتم بروحها هنيه .. قلت : فديته خالي ما سلمت عليه .. غايوه : ايه سأل عنج لان امي قالت له انج رجعتي من الصبح .. قمت : بقوم اسلم عليه .. وانا رايحه اسمع غايوه شتقول .. غايوه : بسرعه عشان بنروح .. تأخرنا .. قلت : زين .. واول ما وصلت الصاله لقيت خالي كأنه ياي صوب غرفتنا .. خالي : هاااااااااه السروو .. ضحكت على السرو : ههههههههههههههه هلا خالي هلا .. وسلمت عليه .. خالي : شخباارج ..؟ قلت : الحمدلله .. انت شخبارك .. لا تتصل ولا تسأل .. خالي : انتظرج انتي تتصلين .. قلت : ههههههههه انا ما اعرف رقمك .. خالي : افاا . غايوه تصارخ : يلااااااااااا ساااااااااروووووووووه .. قلت : اوه بروح البس .. خالي : ايه صج .. كاهي امج في السياره ... قلت : ويي .. الحين امي بتحشر الدنيا .. ورحت اركض الغرفه وفتحت كبتي وشفته فاضي .. فتحت شنطتي وطلعت لي تنوره بيج توصل لنص ساقي .. وفيها طريقه للحزام طريقه حلوه .. ولبست بدي بني وفيه على اطراف الايادي دانتيل بيج .. هاللبسه وايد عجبتيني .. ولبست عبايتي وشيلتي وخذت شنطتي وحطيت فيها جوالي على السريع وتعطرت وخذت علبه المكياج وحطيتها في الشنطه .. رحت اركض صوب السياره وركبت وانا الهث .. قلت : عسى ما تأخرت عليكم .. الكل بتطنز : لااااا .. ضحكت : هههههههههههههه .. ومشى خالي وانا طول الطريج اعدل ويهي .. حطيت لي بودره خفيفه وحطيت كحل ومسكارا وقلوس وردي خفيف .. عدلت شيلتي وقعدت .. وشوي الا وصلنا بيت خالتي .. اول من دخل انا .. قلت : السلااااااااام على الجميع .. خالتي : وعليكم السلام .. هلا بالقاطعه . رحت وبستها على راسها . قلت : شلونج خالتي ..؟ خالتي : الحمدلله بخير .. انتي شلونج شمسويه ..؟ قلت: انا الحمدلله عايشه .. خالتي : وين الباقي .. قلت : انا سبقتهم .. وشوي الا تدخل امي ووراها غايوه وخالي ومشاعل واليهال .. وسلمنا ويو البنات نجوى ونور ونوف .. وسلمنا عليهم وتمينا نسولف .. قلت : غريبه نوف يايه اليوم .. نوف : ايه والله سكتي .. من مساعه وانا اكلمه .. وحشني .. ضحكت : هههههههههههههههه هذي نوف الله يسلمكم متزوجه وتمووووووت على زوجها .. لدرجه ان ما تطول في بيت امها .. عشان تقعد معاه .. واذا بيطلعون يطلعون مع بعض .. ما يصير كل واحد بروحه .. الله لا يغير عليهم .. قلت : بتملووون من بعض بتملوون .. نوف : من سنتين متزوجين والحمدلله ما ملينا .. قلت : ها مافي شي في الطريج والا ماشيات .. نوف : احنا ما كنا نبي .. بس الحين انا شاكه .. قلت منفعله : صج ؟؟! نوف : اووووووووش .. سكتي .. ابي اسويها سربرايز للكل .. قلت : يعني انا الوحيده اللي ادري .؟ نوف : ايه .. خالتي : يااابناااااات تغطن .. جاسم بيدخل .. لبست شيلتي وطالعت الساعه .. شفتها 9 .. شعنده بيجي هالوقت .. هو اذا ما صلى الفجر ورجع البيت ما يكون جاسم ولد امه وابوه .. التفت صوب نور : شعنده بيجي هالوقت ..؟ نور : لا عادي .. احيانا ايجي يتسبح ويتكشخ ويطلع مره ثانيه .. قلت : ااهااا .. جاسم : السلاااااااام عليكم جميعا .. الكل : وعليكم السلام .. تذكرت ذاك اليوم .. يوم جا بيتنا ودعم الطوفه من النوده .. ههههههههههههههه والله انه اهبل .. جاسم : اوووووووي .. ساروه .. قلت : هلا .. جاسم : من مساعه اقول شخباارج ولا تردين .. قلت : وي ما سمعتك .. انا الحمدلله بخير .. انت شخباارك .؟ جاسم : تمام الحمدلله .. انتي شخبارج .. ضحكت : ههههههههه تمام .. جاسم : دووم . وقعد جنب امي وباسها على راسها .. جاسم : احب ريحه العيايز .. امي : عمى بعينك .. انا عيووز يعني .. جايم : اللي على راسه بطحه يتحسسها .. خالتي : جسوووووووووووووووووم !! جاسم ولا كأنه مسوي شي : هلا .. خالتي : اذا خالتك عيوز انا شنو ..؟ جاسم : لا يمه انتي توج دخلتي ال 17 .. خالتي استانست : ايه عفيه عليك .. امي : نعم ؟؟ الحين امك اللي هي اكبر مني عمرها صار 17 .. عيل انا 10 سنوات ,. جاسم : لا خالتي انتي سنتين .. هههههههه ضحكت : ههههههههههههههههه .. لا امي 40 وخالتي 45 .. صح .؟ خالتي : لالا الاعمار اللي وزعها علينا جاسم زينه .. نور : يختي مادري ليش هالعيايز يحبون يصغرون اعماارهم .. قلت : ايه اونتي الصاجه .. خالتي: انطمي انتي وياها .. اي والله .. نصغر اعمارنا تقوول .. غايوه : ههههههههه ليش يعني .. ترى الكبار بركه .. جاسم يطالع امي بطرف عينه يبي يشوف رده فعلها: لا خليهم .. يبون يعيشون عمرهم وعمر غيرهم .. امي: لا احنا مب من كبرنا .. جاسم تربع : لا اصلا الحريم دايما ما يبون يقولون اعمارهم .. قلت انقزه : حتى الشبااب .. جاسم كأنه ياهل : لا والله انا عمري 23 .. العمر كله ان شالله .. قلت : اذا وصلبت الخمسين ما بتقول . جاسم : ايه لان محد بيسألني .. وتمينا نسولف ونضحك مع جاسم .. عقب راح وحطينا العشا .. وعقب شوي ماجد اخذ غايوه وعلى الساععه 12 رجعنا بيتنا .. رحت غرفتي على طول وحطيت راسي ونمت .. صارت لنا 3 شهور وهذي حالتنا .. انا وتركي هواش شوي ..واحيانا ما نتكلم مع بعض.. بس ما صار يمد يده .. وانا ومشاعل وايد تأقلمنا مع بعض .. واعترفت لي ان صارت بينها وبين تركي علاقه قبل .. وخالي يبي يتزوج .. بس كل ما قالت له امي عن وحده ما يبيها .. وانا اتنمى انه يتزوج لطوف .. وبنات خالتي كل يوم انا عندهم والا هم عندي .. وغايوه صارت يوم ورى يوم تجينا .. كانت حياتي كلها فراغ .. والجامعه قريب تفتح .. ويييي تذكرت ان ما شريت لي اغرااااض للجامعه .. قمت رحت اركض حق امي .. قلت : يمااااااه .. امي : وي بسم الله .. شفيج ؟ قلت : ما شريت لي ملابس ولا شي حق الجامعه .. امي : ايه صح .. روحي مع تركي والا خالج .. قلت : شوفي من فيهم فاضي اليوم وبروح .. امي : كاهو خالج في غرفته روحي شوفيه بيودج والا لا.. قلت : انزين .. طقيت الباب على خالي .. خالي : الباب مفتووح .. دخلت لقيته قاعد على الكمبيوتر .. قلت : شتسوي .؟ خالي : انزل دروس للفوتوشوب .. قلت : انا اعرف شوي .. خالي : صج .؟ قلت : ايه .. اعلمك .. خالي : ايه يلااا . قلت : لا بشرط .. خالي : بعد ..؟ قلت : ايه . خالي : امريني . قلت : توديني السوق ابي اشتري لي اغراض حق الجامعه .. خالي : اوووديج المريخ لو تبين .. قلت : وااي فديتك .. يلا الحين بعلمك .. خالي :اول شي شاسوي .؟ قلت : عندك صور .؟ خالي : صور شنو ؟ قلت : صور عاديه .. صور بنات اولا طبيعه خيال .. شي .. خالي : لا .. ضحكت : هههههههههه وشلون تبي تتعلم على الفوتوشوب ..؟ خالي : يعني ما يصير يعني بدون صور ..؟ ضحكت : هههههههههههه خالي شفيك .؟ خالي : شنو .؟ قلت : لازم يكون عندك صور عشان تعرف تقصهم وتزينهم وتسوي فيهم اللي تبيه .. خالي : اهاا .. عيل دخلي على Google وطلعي صور كارتون و ورود وصور وحركات .. قلت : اوكي .. طلعت له صور وهو يختار اللي يبهم .. وتميت اعلمه على الفوتوشوب لين ما مل .. خالي : خلاص خلاص .. هاي الدرس الاول .. روحي لبسي الحين وبكره الدرس الثاني .. قلت : اووووووووكي .. رحت البس بسرعه .. وطلعت لقيت خالي لابس ويشرب قهوه .. خالي : خلصتي ..؟ قلت : ايه يلا .. ورحنا السياره .. خالي: وين .؟ قلت : فيلاجيو .. خالي : فيه شي .. قلت : مادري .. يمكن .. خالي : انا اروح اتفرج واطلع .. قلت : ايه تصميمه وااايد حلو .. خالي : شدرااج .؟ قلت : شفت صور له في النت .. خالي : ايه حلو .. وعلى سوالفنا وصلنا فيلاجيو .. وتميت اتشرى .. بضاعتهم روووعه ... ما خليت شي ما شريته .. من شنط ونعل >> عزكم الله << وبديات وبنطونات وكل شي .. قلت : تعبت .. خالي : امشي اشربج عصير .. يحليله خالي بيوديني كوفي يشربني عصير .. لو تركي بيحذفني البيت .. وبيقول : عصاير البيت يمدحونهم ... ما وعيت الا انا جدام كارفور .. قلت : شاسوي هنيه .؟ خالي : تشربين عصير .. قلت : لا ابي اشربه من الكوفي .. خالي : يلا زين .. كله شباب.. وي مالت علي .. ترى انا وايد رزيت روحي .. انا عصير المعصره وايد علي .. رحت شريت لي عصير و ايس كريم عن خاطري .. ويوم طلعنا انصدمت .. تتوقعون ليش انصدمت ..؟؟ شصار .؟ من شفت ؟ ترقبوه في الجزء ال 14 .. |
وهاااااااااااذا الجزء الثاااااني .. بس عشان ماتزعلون ^^ الج 14 زء شفت ماجد .. ايه ماجد .. وجنبه غايوه .. شفته وهو شافني .. وشعر بدني كله قام .. لزقت في خالي وهو ما شال عينه عني .. غايوه : اووه انتو هنيه ..؟ خالي: ايه .. شخبارك ماجد .. سلموا على بعض : الحمدلله بخير . انتو شخبااركم ؟ خالي: الحمدلله بخير .؟ ماجد : الا من متى انتو هنيه ..؟ خالي : والله طولنا .. من الساعه 4 اهنيه .. ماجد : يعني صار لكم 4 ساعات .. خالي : ايه .. ماجد : عيل يلا اخليكم .. بنروح احنا توه مشوارنا بادي.. خالي : في امان الله ماجد : مع السلامه .. ورحنا وانا طول الطريج ساكته .. وركبنا السياره وانا سااكته .. وصلنا البيت وانا سااكه .. رحت غرفتي وبدلت ملابسي .. وانسدحت على السرير .. ياربي ليش جي انا حظي .. ليش ؟؟ شلون التقي فيه مره ثانيه شلووووون ..؟ عدلت قعدتي لاني سمعت صوت امي .. امي : فتحي الباب .. قلت : دخلي يمه .. امي : الباب مقفووول ياحظي .. رحت بسرعه وفتحت الباب .. امي : شفيج ..؟ قلت : مافيني شي .. بس كنت ابدل .. امي: شنو شريتي .. قلت : مادري وين اغراضي .. امي وهي رايحه : اغراضج في الصاله .. لحقتها : انزين جان شفتيهم .. امي : يمكن ما تبين تراويني .. قلت : شدعووووه .. مسكت اكياسي وتميت اراوي امي ومشاعل .. وعقب قمنا انا ومشاعل نسوي العشا .. مشاعل : سااروه مافي طماط .. قلت : امبلا في .. في الثلاجه . مشاعل : لا مافي .. رحت اشوف .. دورت ما لقيت .. قلت : وي .. مافي .. مشاعل : شنسويي ؟؟ المكرونه ما تستوي الا بالطماط .. قلت : لا تستوي .. بالصلصله .. مشاعل : تهقين بتطلع حلوه .؟ قلت : اكيد .. رحنا وتمينا نحوس في المطبخ .. انا احوس الصلصه واللحم المفروم وهي تطبخ المكرونه .. يات امي وسوت السلطه وطلعت .. وانا سويت عصير فراوله فرش وحطيته في الثلاجه .. وخلصنا على الساعه 10 .. في الصاله .. خالي : ريحه .. ويشم .. خالي : ريحه طبخ ..! انا ومشاعل ابتسمنا .. خالي : ليكوون طابخين ..؟ قلنا : ايه .. خالي : الله يكوووون في عونا .. قلت : ليش ان شالله .. بتاكل المكرونه واصابعك رواها ... خالي : مسوين مكرونه ..؟ قلت : يب .. تركي يه من برع .. تركي : وين العشا .. يووعان .. خالي : انت بسك اكل يالدب .. تركي يرص الثوب صوب بطنه : والله ضعيف .. مشاعل :لا شحلاته زوجي .. ضعيفون .. تركي : ايه من هنيه اسمع الكلام .. خالي : لا بس تروك متنان .. تركي : شاسوي بعد .. الاكل حلو .. انا اقووووووول شفيه تركي صاير حلو .. اثاريه متنان .. غريبه تركي ياي البيت ومو معصب .. مع انه يوعان .. ياربي شهالتغير ..؟ يمكن تركي يجي بالسياسه .. بس انا اذا حرني ما اقدر امسك روحي . خالي : بس امسك نفسك .. مشاعل : لا جي اوكي .. مب متين .. جسمه اوكي .. تركي : اهم شي شهاده الزوجه .. خالي : عشان صحتك طاح حظك .. تركي : وين امي ...؟ خالي : مادري .. شتبي فيها .. تركي : اقوووول لكم يوعان .. خالي : خل الانسات يقومون .. تركي : منو .؟ خالي : مدام مشاعل والانسه ساره .. تركي : اوكي خلهم يقوووومون .. تركى باكل وحده منهم .. خالي : والله انت الخسران .. تركي : لا لا يلا قومي اشوف .. قمنا انا ومشاعل و رحطينا العشا .. و صبيت العصير في جيك .. تركي حط اللقمه في حلجه : بل بل بل .. شنو ذيه ..؟ قلت : شنو ؟؟ تركي : ماالح .. امي : شكثر حاطين ملح ..؟ مشاعل : شوي مب وايد .. امي : حطيتو صلصه ..؟ قلت : ايه .. امي : حطيتو ماجي .؟ قلت : ايه . امي : من حط ملح .؟ قلت انا ومشاعل مع بعض : انا .. امي : ثنتيناااتكم .؟ انا ومشاعل طالعنا بعض وضحكنا : هههههههههههههههههه .. خالي : اهاا .. يعني الملح حطيتو مقدارين .. انتي حطيتي وراحت مشاعل حطت بعدج .. قلت : ايه يمكن .. تركي : بس بعد بااكل .. مشاعل صبيلي عصير .. وتموا ياكلون بالغصب .. وانا مشاعل ناكل ونحلي على طول بالعصير .. زين طلع العصير اوكي والا بنموت من كثر الملح .. بعد ما خلصنا .. خالي : آآآآآآآآآآه .. وين دوى الضغط .. امي : هههههههههههههههه .. بسم الله عليك من الضغط يمه .. تركي : المره اليايه ولا حده تطبخ .. قلت : لا تعب .. تركي : وحده تجيب الاكل ووحده تحوس في الجدر .. عيل تبون تذبحووووونا ..؟ مشاعل : ههههههههههه انزين اول مره نطبخ .. لازم تصير هالاخطاء .. وبعد السوالف كل واحد راح غرفته .. وانا نمت على طول لاني شبعانه .. وانا كل ما اشبع اروح ارقد .. وعيت على صراخ .. قمت متخرعه .. واسمع امي تقول بتموووووووت .. رحت اركض برع .. لقيت مشاعل طايحه وتركي حاط يده ورى راسها يبي يقومها وامي ماسكه راسها وقاعده تطالع وتصيح .. واليهال حاطين يدهم في حلجهم وخايفين .. قلت : شصااااااااااير ؟؟ خالد : مشاعل طاحت .. قلت : شفيها .. تركي : روحي جيبي عبالتها وشيلتها بسررررررعه .. رحت اركض غرفه تركي .. وشفت عبايه معلقه في باب الكبت .. شكلها جديده .. مسكتها بسرعه وكانت شيلتها معاها .. انا وتركي تمينا نلبسها العبايه والشيله .. رحت اركض غرفتي البس عباتي وشيلتي وركبناها السياره ورى .. وانا قعدت وياهاا .. قلت : شفيها ..؟ من شنو طاحت جي مره وحده .. تركي : مادري مادري .. كان بطنها يعورها .. بس مادري ليش طاحت .. سرع تركي وانا خفت .. وظليت بخوفي قاعده اطالع مشاعل .. وصلنا المستشفى وراح تركي بسرعه داخل .. ويا ومعاه سرير وممرضات .. وشلوها وانا نزلت بسرعه .. وصلت عند تركي لقيته يدور ويدعي ربه .. قعدت على الكرسي وانا اهز ريلي .. بعد فتره طلع الدكتور .. وهو منزل راسه .. ياه تركي بسرعه .. تركي : شفيها .؟! رحت عندهم عشان اسمع الدكتور .. الدكتور : هذي زوجتك .. تركي : وانت شعليك .. قولي شفيها وخلصني .. قلت : تركي اهدأ .. بيقول لك بس شوي شوي.. تركي : مايبي يقووول لي شفيها ..!! الدكتور : اذكر الله .. تركي يتنهد : لا اله الا الله .. الدكتور : الحمدلله على سلامه المره .. والجنين الله يعوضك ان شالله .. انتو لسى شباب صغار .. وانشاءالله تعوضكم خير .. تركي : شنووو ؟؟ يعني هي كانت حامل ..؟ الكتور : ايوه .. كانت .. تركي : ليش سقطت ..؟ شالسبب .؟ الدكتور : يمكن من الزعل الطويل .. الاكتئاب .. ويمكن شالت شي ثقيل .. الله يعوضكم بغيره .. وراح الدكتور وتم تركي بحاله ما يعلم فيها الا الله .. انا شفته جي تخرعت .. قلت : شفيك ؟ تركي يهمس : يعني هي كانت حامل ..؟! قلت : انشاءالله الله يعوضكم بغيره .. وردخلت عندها لقيتها نايمه .. قعدت على الكرسي اللي جنبها .. افنتح الباب وكان تركي طبعا .. تركي : ما قامت .؟ قلت : لا .. يه تركي جنبها ومسح على شعرها .. اول مره اشوف تركي بهالحنيه .. مادري ليش صاير حنون .. يمكن مشاعل غيرته .. بس ماتغير علي .. امبلا امبلا تغير .. لو ما تغير جان ذبحني يوم رديت من بيت عمتي .. بس هو ما لمسني .. صج ان الله يهدي من يشااء .. تركي : الحمدلله على السلامه .. مشاعل بكسل : وين انا .؟ التفتت يمين ويسار .. مشاعل : ليش انا هنيه .. تركي اهدي حبيبتي اهدي .. انتي هنيه لانج طحتي وتعبتي .. مشاعل قعدت وعقب ردت انسدحت بسرعه وهي تتألم .. تركي : ريحي حبيبتي ريحي .. قلت : الحمدلله على سلامتج دبوه .. مشاعل ابتسمت : الله يسلمج .. انا شطلع فيني بالظبط ؟؟ تركي : انتي تدرين انج كنتي حامل ..؟ مشاعل شكلها انصدمت : شنو .؟؟ تركي : يعني انتي ما كنتي تدرين .؟..؟. مشاعل : شنو ادري ما ادري .. شنو السالفه .. انا حامل .. كنت بتكلم بس خفت اخرب السالفه .. تركي يعرف يتصرف .. تركي : انا حسبالي تدرين .. مشاعل علت صوتها شوي : شنو تدرررررري .. تركي والي يرحم والدينك قووولي شالسالفه .؟.؟. تركي : انتي كنتي حامل .. مشاعل : كنت .؟ تركي وملامح الحزن باينه على وجهه : كنتي .. لانج سقطتي الجنين .. دايما تركي جامد .. حتى في هالاوقات .. مشاعل صاحت : شنو ..؟؟؟. ليش طااااااح .؟ ليش ؟ تركي كأنه يواسيها : الله كاتب يامشاعل الله كاتب .. مشاعل تمت تصيح .. وانا خنقتني العبره وصحت بهدووء .. تركي : خلاص ما صار الا كل خير .. الله بيعوضنا غيره ان شاءالله .. مسحت دموعي .. وتوني باخذ جوالي اكتشفت ان ما عندي شنطه .. يعني ما جبت جوالي .. والحين الساعه 12 الظهر .. قلت : تركي .. تركي : خير .! قلت : اتصل حق امي طمنها .. تلاقيها كلت روحها من المحاتاه .. تركي يتهيس جيوبه .. تركي : اووووبس .. نسيت جوالي .. قلت : انا بعد نسيته .. اتصل من الرسبشن .. تركي : روحي انتي اتصلي وطمنيها وارجعي .. لا تطولين .. قلت : اوكي .. قمت وطلعت من الغرفه .. ورحت يمين ويسار .. ما ادري وين الرسبشن .. شفت واحد ينظف .. سألته وين الرسبشن ودلاني .. رحت بسرعه لان تركي قالي لي لا تطولين .. وصلت عند الرسبشن .. قلت : ممكن استخدم التلفون .. .....: ممكن تفضلي .. خذت التلفون ودقيت على بيتنا .. شلوه على طول .. امي : الوووووو .. قلت : هلا يمه .. امي: شصاااار في البنيه .؟ قلت : يمه هي بخير الحين .. مافيها الا العافيه . امي : ليش طاحت ..؟ قلت لها السالفه كلها .. وتمت تصيح .. وسكتها وقلت لها ان احنا الحين جايين .. سكرت التلفون وصديت .. وفي نفس اللحظه انصدمت بوجود شخص .. راكان :ساره .؟!! ابتسمت .. راكان : شخباارج ..؟ قلت : الحمدلله بخير .. انت شخبارك .؟ راكان : والله عايش .. انتظر الله ياخذني معاها .. شهقت : لا تقوول جي .. استغفر ربك .. الله ياخذ ويعطي .. راكان : والله حياتي كلها كدر من دونها .. انتي ما تدرين .. نزلت راسي .. راكان : الا شجايبج هنيه .. عسى ما شر .؟ قلت : لا بس مرت اخوي تعبت شوي .. راكان : مرت اخووووج .؟؟ تركي تزووج ؟؟ قلت : ايه .. من فتره قصيره .. ما سوو عرس .. راكان : اهاا .. ولا قال .. قلت : عادي .. انا بعد ما قال لي ... يوم جيت البيت انصدمت .. راكان : يعني يبي يسوي لكم مفاجأه .. قلت : هههههه مادري عنه .. وانت شجايبك هنيه .؟ راكان :اريج تعبانه شوي .. من هدها خطيبها وهي مب مترقعه .. شقهت : خطيبها هدها ..؟؟؟؟ ليش ؟؟ راكان : مادري شالسبب بالظبط .. بس يقولون مافي تفاهم .. ما دش مخي السبب .. بس مالي دخل فيهم .. قلت : الله يعوضها بداله .. واحسن منه .. راكان : ان شالله .. قلت : عيل عطلتك .. راكان : لا والله فاضي .. قلت : اوكي عيل انا اترخص .. وسلم لي على هاجر .. راكان :الله يسلمج .. يوصل .. في امان الله .. رحت عنه بسرعه قبل لا يعصب تركي .. ووصلت الغرفه .. تركي : اتصلتي لها. ؟ قلت : ايه .. تركي : هالكثر عاد .. قلت : ضيعت الغرفه .. وبعد شوي جا خالي وخذاني و وداني البيت .. مر اليوم عادي .. امي دوم تتصل حق تركي تبي تتطمن على مشاعل .. وانا قاعده في البيت متملله .. واليهال ناموا بسرعه عشان بكره عندهم مدارس .. حطيت راسي على المخدمه ونمت .. وعيت على رنة تلفوني .. شفت المتصل لطوف .. فديتها وحشتني .. هي ردت من فرنسا من زماان .. رديت : هلا والله هلا .. لطوف : اهلين بالقاطعه .. شخباارج .؟ قلت : بخير الحمدلله .. انتي شحالج شمسويه .؟ لطوف : تمام الحمدلله .. جهزتي حق الجامعه ..؟ قلت : ايه جهزت .. وانتي ؟ لطوف : ايه شوي من فرنسا .. وبكمل اليوم .. بتجين ..؟ قلت : وين اجي .؟ لطوف : بروح اليوم لاند مارك بتشرى .. قلت : لا انا خلصت .. لطوف: انزين تعالي معاي استانس معاج .. قلت : من بيوديج .؟ لطوف : يعني من بيكون غير حمد .. قلت : عيل لازم تعرفين الجواب من نفسج .. لطوف تنهدت : زين شاسوي .؟ قلت : روحي بروحج .. انا رحت بروحي .. لطوف : بس متعودين كل سنه نروح مع بعض .. قلت : هاي نصيبنا .. لطوف : ايه على طاري النصيب .. قلت : خير ؟؟ لطوف : انخطبت امس .. قلت : حلفي ؟ لطوف : هههههههههه والله العظيم .. قلت : منوو ؟؟ لطوف : ما ادري .. اللي اعرفه ان رفيج اخوي قبل .. قلت : ما قال لج اسمه .؟ لطوف : لا ما يهمني اسمه .. قلت : ليش ؟؟ لطوف : لاني مب موافقه ..! قلت : ليش ؟؟ لطوف : مادري .. صليت الاستخاره اول ما قال لي حمد .. وما ارتحت له .. بس للحين ما قلت حق حمد عن رايي .. قلت : صلي مره ثانيه .. لطوف : ان شالله بصلي .. المهم .. انتي وينج امس اتصل لج ما تردين .؟ قلت : امس كنت في المستشفى مع مشاعل .. لطوف : خير شفيها ؟؟ قلت لها السالفه .. لطوف : وي مسكينها .. الله يعوضهم ان شالله .. قلت : ان شالله . لطوف : تركي شسوى ؟؟ قلت : مادري .. ماسوى شي .. انا توقعته يقول ان انا السبب .. لطوف : ليش انتي السبب .. قلت : مادري .. تركي دوم يطلعني انا الغلطانه .. حتى لو مالي خص .. لطوف : عاد مب لهالدرجه .. قلت : بس الحمدلله تركي تغير شوي .. لطوف : شلون يعني . قلت : يعني ما قال يضربني .. ما قمنا نتهاوش وايد نفس قبل .. صاير حنون .. لطوف : يمكن مشاعل غيرته .. قلت : ايه بس هو من زمان يعرفها .. جان غيرته من قبل .. لطوف : شنو ؟؟ منزمان يعرفها ؟! قلت : ايه .. انا سمعته من زمان يكلمها .. وسمعته ينطق اسمها بعد .. يعني كانت لهم علاقه قبل لا ياخذها .. لطوف : بس هم صلحوا غلطتهم وتزوجو .. حسيت انها تقصدني بالكلام : شقصدج ؟؟ لطوف : لا ما اقصد شي .. تميت ساكته ماسكه اعصابي .. لطوف : الوو .. قلت : انا بسكر الحين .. باي .. ما سمعت ردها .. على طول سكرت .. وتميت اصيح على حظي الردي .. اللي اقرب صديقه لي تعايرني .. تعايرني انا ان مالي حظ في اللي احبهم .. ياربي ساعدني .. مالي غيرك اشكيله .. انفتح الباب وانا على طول مسحت دموعي .. خالي : ادخل ؟! قلت : حياك .. خالي : شفيج ؟ قلت : مافيني شي .. خالي : كنتي تصيحين ؟؟ قلت : لا .. تم خالي سات .. قلت : خير خالي بغيتني في شي .؟ خالي : ايه بغيت اسولف معاج .. ابتسمت : يلا سولف .. خالي : شخبار رفيجتج اللي بيتنا جنب نيتهم .. قلت : لطوووف ؟؟ خالي : ايه .. قلت : الحمدلله بخير . توني مسكره من عندها .. ليش تسأل .. خالي : هي مخطوبه ؟ ابتسمت .. شكلي عرفت شتبي يا خالي .. قلت : ايه .. خالي كأنه انحبط : صج ؟ قلت : خطبها امس رفيج اخوها من اخوها .. خالي : اهاا .. قلت : بس قالت لي مب موافقه .. كأن الروح ردت حق خالي : صج ؟؟ قلت : ايه بس انت ليش مهتم .. ؟ خالي : هي زينه .؟ قلت : من اي ناحيه .؟ خالي : انا ناوي اخطبها .. شقلتي ؟ استااااااااااانست : صج خالي ..؟ خالي : ههههههه ايه .. قلت : هاي الساعه المباركه .. الحين اشووف رايها .. خالي : اوي اوي .. اعقلي .. قلت : شفيك .. بشوف راي البنت .. خالي : ايه بس مب الحين .. انا للحين افكر .. بصلي الاستخاره وبشوف .. قلت : ايه يلا الحين .. لا تطول .. خالي : ههههههه بروح اصلي العصر وعقب بصلي الاستخاره .. يلا بايو . قلت : الله يحفظك .. مسكت جوالي وطرشت رساله حق لطوف .. " لطوف .. اذا عطيتي اخوج رايج باللي اخطبج قوولي لي ضرووووري "شوي الا طرشت لي رساله .. " وي بسم الله .. ليش شصااير ؟؟ " طرشت لها . " انتي قولي لي وانا بعدين بقول لج " لطوف طرشت . [color="silver"]" ان شاءالله .. "[/COLOR ]قريت المسج ورحت الحمام اتوضى .. وصليت العصر والظهر لان ما صليت ودعيت ربي ان الله يوفق ما بين خالي ولطوف .. ياربي يتزوووجووون .. دخلت علي امي .. امي: هالكثر رقاااااااد ..؟ قلت : شاسوي يمه ..من الملل .. امي : ما عندج سالفه .. يلا قومي الحين تركي بيجي مع مرته .. قلت : بيطلعونها ..؟ امي: ايه ..وتعالي بدلي حفاظه ميمي .. من زمان ما بدلتي لها .. قلت : زين زين بجي .. اووف .. انا ناسيه هالسالفه .. رحت الصاله لقيت ميمي راقده .. رحت بستها وقعدت جنبها .. شوي الا خالي ياي .. قلت : هلا بالمعرس .. خالي : اوش اوووش لا تفضحينا . قلت : ليش ؟؟ خالي : بسويها سبرايز حق فاطمه .. ردت عليج لطيفه والا لا .. قلت : اوه اوه .. قمنا نقول لها لطيفه .. خالي : وانا متى ناديتها اصلا .. لازم اقول لها لطيفه .. هاي زوجه المستقبل .. قلت : ان شالله تكون زوجه المستقبل .. امي يات : ها غسلتيها .. قلت : لا يمه راااقده .. امي : قوووميها راقده بخياسها .. قلت : يمه الحين بتقوووم وبتجر شعري .. خالي : هههههههههه لبسي شيله .. ههههههههههههههه .. قلت : بتزنطني هههههههههههه .. امي : روحي زين .. انا يوم اغسلها ما تسوي شي .. غنيت لها : يرضيك تقسى عليا ..ياروحي ذا يرضيك .. يااروحي ذااا يرضيك .. امي : بلا يرضيك بلا خرابيط .. يلا روحي جدامي . البنت بتلتهب .. قلت : ان شالله .. خذتها من على الكرسي وهي نايمه .. حطيتها في حظني .. قلت : ميمي .. ميمي ماما قوومي .. مدت يدها تبي تقول وكرخت راسي ... امي : ههههههههههه يلا تعلمي على اليهال .. شكبرج وماتعرفين لهم .. قلت : امبلا اعرف .. انتي شوفي التفنن الحين .. مسكتها من يدها وهي نايمه .. ومشيتها بالغصب وهي نايمه .. وفي نص الطريج طاحت .. امي: يعلج البركه ان شالله . قوميها .. مافيج رحمه على البنت .. ضحكت : هههههههههههههههه شوفيها شلون تمشي .. وين غايوه خلها تصورها .. شليتها لان امي بتعصب اذا شافتني اعاملها جي .. وتميت العبها عشان تقوم .. وصلت الحمام وفتحت عيونها .. وشافتني وصرخت وتمت تصيح .. قلت : لا لا حبيبتي سكتي .. ما يصيحون الحلوين .. مدت يدها وجرت شعري وانا اصااارخ : مريوووووووووووم هدي شعريييييييييي .. وهي تصيح ولا كأن في حد يطلب الرحمه منها .. وتنتف في شعري انا اصاارخ .. وعقب سمعت صرخه من تركي .. تركي : شفيج ؟؟ ليش جي تصارخين .. قلت له وانا تحت يد ميمي : تعااااال شووفهااا .. جرت شعري تنفته لي .. يه تركي ومسكها وباسها وهي تصيح .. قلت : خااسيه وحده .. مسكت شعري ويطيح .. قلت :حسبي الله عليها .. طيحت هالشعرتين اللي تموا .. تركي : انف .. يودي يودي .. قلت : ايه بس غلوها علي .. والله .. راح تركي وانا تميت اعابل فيها لين غسلتها بالغصب .. امي ياتني : شسويتي فيها .. قلت بتعب : ما سويت فيها شي .. انا قلت لج بتصيح .. امي: جيبيها اشوف .. وروحي اكلي نصور وفطوم يلا .. يااربي .. مشكله اذا البيت صار كله يهال .. رحت الصاله لقيتهم كاتين الشوربه على الزوليه ويحطون يدهم على الشوربه المكتوته ويمصون يدهم .. صرخت : لاااااااااااااااااء .. طالعوني متخرعين ... قلت : ليش كتيتوووووها .. مااااافي اكل زين .. مسكت المله الفاضيه .. ووديتها المطبخ .. لقيت امي هناك . امي : ليش تصرخين ؟ قلت : فطوم ونصور كتو الشوربه على الارض .. امي : مسحيها .. قلت : يماااه !! امي : خير شتبين .. بسرعه مسحيها بدون حس .. اوووووووه كله انا كله انا .. والله مليت .. خذت الممسحه وتميت امسح وهم يطالعوني وكأنهم خايفين مني .. ووديت الممسحه المطبخ وغسلتها ورديت لهم وغيرت لهم ملابسهم وهم بعد مبوزين ويطالعوني .. كسرو خاطري .. بوستهم وابتسمت لهم .. وانفجرو من الصايح اثنينهم .. توهقت: ليش ليش . امي تصرخ من الصاله : شسوووووووووووووووووويتي فيهم .. قلت : مااااااااااسويت شي .. بس بستهم .. مسكتهم من يدهم ومشيتهم معاي الصاله وهم يصيحون .. امي : ليش جي يصيحون .؟ شمسويه فيهم . قلت : والله ما سويت لهم شي .. بس بستهم .. امي : اكيد شايلين في قلبهم عليج .. قلت : ليش بعد هذولا يحسون .. امي بطنازه : لا بس انتي اللي تحسين .. ضحكت : ههههههههههههه والله اليهال بلوه .. امي : الا يونسون .. فديتهم والله .. حبيتهم .. احسهم عيالي .. مادري شباسويي اذا خذاهم رفيج خالج .. آآآآه يا يبه .. تعال شوف امي شلون تحن على عيالك .. شبيصير فيها لو تدري ان هالعياال عيال شريكتها .. آه ياربي .. مانبي مشااكل خلاااص .. اكتفينا بهالقدر .. امي : وين ميمي .. قلت : انتي خذتيها .. امي : وي خليتها في المطبخ .. قلت : العفيسه اللي بتسويها انا مب منظفتها .. امي : لا مب مسويه شي .. روحي جيبيها .. قلت : يه .. يمه انتي اللي مخليتها هناك .. عقاب لج روحي جيبيها انتي .. امي : ههههههه مالت عليج .. صايره ملسونه .. ضحكت : هههههههههه .. امي : عيل تمي مع فطوم ونصور .. امي راحت وانا تميت اطالعم وهم يطالعوني .. مديت يدي لهم عشان يجيون في حظني .. جو عندي وعضو يدي .. ضرخت : ويعه .. امي : انا ما اروح عنج مكان الا صرختي .. قلت واانا ماسكه اصابعي : عضووني .. امي : ههههههه تستاهلين .. حد قال لج هاوشيهم .. قلت : وانا شدراني انهم شريين .. امي : مب شريين ولا شي . بس يبون ياخون حقهم .. قلت : فديتهم والله يجننون .. بس ما يحبووني .. امي : من اللي تسوينه فيهم .. شوي الا ينفتح الباب .. وتركي مشاعل ياين .. امي : هلا هلا والله .. وراحت امي وسلمت عليها .. امي : الحمدلله على سلامتج يمه .. مشاعل : الله يسلمج خالتي .. سلمت عليها : الحمدلله على السلامه .. مشاعل : الله يسلمج .. تركي : يلا الفراش .. ولا تتحركين .. قلت : باااال .. حركااات المسلسلات ..هههههههههه .. تركي : انا اعذرهم هالمسلسلات .. انا كان على بالي يباغلون .. ترى هم ما سوو الا شوي . قلت اتطنز : بل مب حب هذا .. امي: ويه سكتي لا تنظلينهم .. الله يدوم المحبه .. تركي يطالع مشاعل وهي مستحيه : انتي للحين ما رحتي الغرفه .. يلا جدامي .. رواحوا الغرفه روميو وجوليت .. اقصد تركي ومشاعل .. وانا تميت مع امي .. اذن المغرب ورحت اصلي في غرفتي .. وفتحت الكمبيوتر وتميت اقرى باقي القصه .. شوي الا ينفتح الباب .. ريم : ساره .. امي تقول لج تعالي الصاله معانا .. قلت: ان شالله .. اكيد يبوني اطالع توم اند جيري معاهم .. لاني من اطالعه اقعد اظحك .. وهم يستانسون اذا شافو حد مندمج في التلفزيون غيرهم .. رحت الصاله شفت غايوه قاعده وتضحك هي وامي .. قلت : هلا والله بمدام غايه .. غايوه يابلفيت زعلانه : انطمي انا مب مدام .. سلمت عليها .. قلت : عيل شنو ؟؟ مره متزوجه وقريب يصير عندها بيبي .. لازم نقول لها مدام .. غايوه : وي مادريتي .. قلت : شنو .؟ غايوه مبتسمه .. قلت وانا بموت من الفضوول: شنو ؟؟ غايوه : انا حاااامل .. قلت : صج ؟!؟! غايوه مستانسه : ايه ايه .. رحت لها بسرعه ولميتها : مبروووووووووووووووووووووو ك حبيبتي مبروووووك .. غايوه : الله يبارك فيج حبيبتي .. قلت حق امي : مبروك يالغاليه .. بتصيرين يده .. امي : الله يبارك فيج .. شوفي غايوه .. غايوه : نعم .. امي : اذا عيالج قالوا لي يديده بذبحهم كلهم .. ضحكنا : ههههههههههههههههههههههههه ه .. غايوه : ليش ؟؟ امي : ايه يكبروني على الفاضي .. خلهم يقولون لي يمه .. غايوه : وانا شنو يقولون لي .. امي: يمه بعد .. عادي .. قلت : انا عيالي بيقولون لج يديده .. جد كبرتي وعيزتي .. امي : لا ليش ؟ انتي خلاص بتتزوجين قريب .. قلت : استغفر الله .. وانتي تعرفين الخافي يمه .؟ امي ابتسمت : لا بس تقدم لج واحد .. حسيت ان شعر بدني كله وقف : شنو ؟؟ امي : تقدم لج واحد .. يعرفه خالج .. بس ما جو رسمي .. قال حق خالج انه يشرفه يناسبنا .. وخالي قال بس بيعطينا خبر .. شقلتي .. قلت: اشووف وايد ماخذين السالفه ببساطه .. امي : لا حبيبتي .. مب ببساطه ولا شي .. هو تقدم واحنا نبي رايج بس .. قلت : من هو .. شسمه سأصله ..؟ بس جي تبون تعرفون رايي بدون اي مقدمات .؟ امي : على ما اظن ان خالج قال اسمه فهد .. وعمره 27 سنه .. زين مناسب لج .. قلت : ما ابيه . امي : ساروه استهدي بالله وفكري زين .. قلت : يمه انا من البدايه ما ابيه .. ولا ابي غيره .. غايوه : ما يصير جي ساره .. لازم تفكرين .. يمكن يطلع خوش ريال ويروح عليج .. فكرت : بصلي الاستخاره وبعطيكم خبر .. امي : الله يهيج .. شوي الا دخل خالي وتركي علينا .. خالي : هااا غايه بنت راشد عندنا .. غايوه : هلا خالي . وقامت له وسلمت عليه وعلى تركي .. تركي : شالسالفه .؟ عندنا اليوم .. غايوه : يعني ما توحشووني .. تركي : امبلا .. حياج الله في بيتج .. غايوه : الله يحيك .. وتمينا نسولف ونضحك وعقب شوي مشاعل يات وتمت شوي وعقب تركي قال لها تروح ترتاح .. وغايوه قالت لهم انها حامل .. وخالي طار من الوناسه .. وعزمنا على العشا .. غايوه : انا باتصل في ماجد بشوف .. خالي : يعني بيرفض .. غايوه : بعد لازم اقول له .. امي: ايه قولي له يمه .. قلت : وانا بروح البس .. خالي : ساره انا يايج الحين .. لا تسكرين الباب .. قلت : ان شالله .. دخلت غرفتي وتميت ادور .. شيبي فيني خالي ..؟ شوي الا دخل خالي .. قلت بخوف : خير خالي .. خالي قرب مني وقعد على السرير : خير ان شالله .. شفيج جي شكلج خايفه .. قلت : لا مب خايفه بس مستغربه .. خالي : لا تستغربين .. امج قالت لج ان تقدم لج واحد .. ارتحت شوي : ايه قالت لي .. خالي : فكرتي .؟ قلت : انا ما ابيه .. بس باستخير ربي .. خالي : ليش ما تبينه .. قلت : امم مادري .. جي حسيت .. خالي : لا فكري .. تراه خوش ريال .. هو صج اكبر مني .. بس انا اعرفه من زمان .. وانا اللي اصغر منه ما يعلي صوته علي .. يوم اكلمه كأني انا الكبير .. وايد خجول وطيب .. انتي فكر زين .. وقولي لي .. يلا الحين لبسي .. قلت : ان شالله .. طلع خالي وانا انسدحت على السرير . تنهدت وتميت افكر .. شاسوي .. اوافق والا لا .. انزين شلون اختارني انا بالذات .. يااارب سااعدني ياارب .. صليت العشا وعقب صليت الاستخاره .. ودعيت يوفقني بحياتي .. ولبست لي تنوره سوده حرير وبدي اسود كات .. ولبست عباتي وشيلتي .. شفت غايوه ماسكه التلفون وتضحك .. غايوه : ههههههههههه لا .. لا حبيبي ما راح اطول .. ايه كلها ساعه بالكثير .. اذا تبي بتجي .. ايه اكيد باكل اكل مفيد .. يعني شباكل ..؟ ههههههههههههه ان شالله .., اوكي حبي .. مع السلامه .. ما فهمت شي ممن مكالمتهم .. يلا مب لازم .. قلت : وين الباقي .. غايوه : امي تلبس اليهال .. وتركي ومشاعل قالوا مب ياين عشان مشاعل ترتاح .. قلت : عيل خل امي تخلي اليهال عندهم .. غايوه : لا وين .. لا تركي يعرف لهم ولا مشاعل تقدر عليهم .. وماشالله فاطمه وناصر ما يسكتون الا عند امي .. قلت : غاايوه ابي اقوول لج شي بس متردده.. غايوه : لا قولي حبيبتي .. قولي .. توني بفتح حلجي الا خالي ياي .. خالي : يلا مشينا .. قلت : امي وين .؟ خالي : امج وراي .. الحين بتجي .. يلا سبقوها على السياره .. قلت : ان شالله .. ورحنا انا وغايوه السياره وعقب اليهال جو ورانا .. وامي وخالي ركبو السياره بعدهم .. وتمينا طول الطريج ضحك وسوالف .. لين وصلنا مطعم ناندوز .. انا وغايوه قعدنا جنب بعض .. وامي جنبها اليهال .. وخالي مجابلنا بالكرسي الرئيسي .. وطلبنا وكلنا .. خالي : يلا شتبون تحلون ؟؟ امي : بطونا انترست .. بعد في حلاوه .. قلت : ايه .. كل مره بروح مطعم ؟.. يلا ناد الجرسون .. خالي صوت على الجرسون وجابو لنا صحن فيه انواع من الكيكات .. كل واحد فينا اختار له كيكه .. وانا اكل رن جوالي .. فتحته لقيت مسج .. فتحت المسج لقيته من لطوف .. " ساروه انتي قلتيلي اذا رديتي على حمد بخصوص اللي تقدملي ردي علي .. وانا رديت على حمد قلت له اني مب موافقه عليه .. صليت الاستخاره وما ارتحت له " رفعت راسي وانا مبتسمه لقيت خالي يطالعني كأنه عرف من منو المسج وشنو مكتوب فيه .. خالي : منو ؟؟ حبيت افشله شوي : وانت من متى تسألني منو ؟؟ خالي شكله انحرج : لا بس انتي تعرفين انا ليش سألت .. ضحكت : هههههههههههههههه ايه .. اللي في بالك صح . خالي : صج والله .. ما وافقت عليه .. ضحكت على شكله .. اول مره اشوفه جي ملتقع : هههههههههههههههه ايه ما وافقت .. خالي : اليوم احلى يوووووم في حياتي .. من باجر انا في بيتهم .. ضحكت : هههههههههههه الله يجدم اللي فيه الخير .. غايوه : ايه انتوو .. من مساعه اشوفكم تتكلمون وشادين حيلكم . شالسالفه يبه .. طالعت خالي عشان هو يتكلم .. بس شكله خالي من الوناسه ناسي روحه .. قلت : اقوووووووووول .؟ خالي : شنو ؟. قلت : قول لهم شالسالفه . خالي : ايه صح .. فاطمه .. امي : هلا . خالي : انا قررت اخطب . امي : ويه هاي الساعه المباركه .. وليش ما قلت لي في البيت عشان الولش .. ضحكت : ههههههههههههه صبري لين البيت .. غايوه : مبروووك خالي مقدما .. بس منو بتاخذ .؟ خالي : الله يبارك فيج .. انا ياخذ الله يسلمج لطيفه رفيجه ساره .. غايوه : ياازين ما اخترت .. والله هذي شيخه البنات .. امي : وي الف الف الف مبروووك .. ما بغيت تعرس .. خالي : لحظه انتو .. شوي شوي علي .. انا ما خطبت وما عرفت راي البنت عشان جي تسون .. شوي وتقولون لي شبتسمون ولدكم .. انطرو شوي .. خلو هالعفيسه حق الملجه اذا الله كتب .. امي : ان شالله الله يجدم اللي فيه الخير .. وما بنلاقي احسن من بنت منصور .. خلصنا اكل وركبنا السياره وانا في نص الطريج شفت سياره تشبه سياره ذياب .. قام قلبي يدق بقووووه .. خفت .. رجعت للماضي التعيس .. آآه ياربي .. كل ما قلت بنسى .. يطلع لي شي يذكرني .. ليش جي ياربي ليش ؟ وقفت سياره خالي لان الاشاره حمرا .. ووقفت جنبنا سياره .. مادري ليش لفيت اطالع الشخص الموجود فيها .. طلع هو ذياب ..!! التفت هو علي وشكله كانت صدمته مب اكثر من صدمتي .. تميت اطالعه وهو يطالعني .. عقب التفت عنه لان عيوني امتلت دموع .. وشبت الاشاره خضرا ومشينا .. وتم يمشي بمستوى سيارتنا .. خفت .. ايه خفت لا يفضحني .. والا يلمح حق شي .. تميت طول الطريج مرتبكه .. ولايعه جبدي .. حسيت لحظتها بالضايع .. حسيت اني وحيده .. لان اذا عرفوا سالفتي كلهم بياخذون عني فكره .. مع ان انا مالي خص .. انا مالي دخل باللي صاار .. واللي قطع تفكيري صوت خالي .. خالي : كأنه هذا ذياب .. في هاللحظه كان بيغمى علي .. امي : وقف سلم عليه .. قلت : يه مب لازم .. ابي اروح البيت انا تعبانه .. امي : شنو ما عندج سنع .. شافنا وشفناه .. يعني لازم نسلم عليه .. اووووووف .. يعني لازم يسوي هالحركات .. هذا مقصده .. وقف خالي على صوب وذياب وقف ورانا ..نزل خالي وتلاقوا وسلموا على بعض .. مع ان ادري ان خالي يكره ذياب .. وذياب يبادله نفس الشعور .. بس لابد من المجاملات .. شفت خالي مر صوبي ارتحت شوي .. لكن خفت زياده يوم شفت ذياب وراه .. ذياب يطل من دريشه (شباك ) خالي : السلام عليكم .. امي : وعليكم السلام .. هلا يمه شلوونك .. ذياب : تمام .. انتي شلونج ؟؟ امي : بخير الحمدلله .. ذياب : شلونج غايه .؟ غايوه : بخير .. التفت علي : ها ساره .. شخبارج .. تميت العب باصابعي ومارديت عليه .. وغايوه تنقزني عشان ارد .. لكن مب راده .. ذياب : لا الظاهر ساره ما تسمع .. صرخت : اسمع احسن منك .. بس كيفي ما ابي ارد .. بالغصب يعني .. خالي يهاوشني : ساره شفيج ؟ قلت : مافيني شي .. قلت لكم تعبانه ابي اروح الببيت .. ذياب : سلامتج يابنت الخال .. ما تشوفين شر .. الشر ويهك يالحقير .. ياعديم الاحساس .. ذياب : يلا انا استأذن .. سلمو على تركي .. امي : الله يسلمك .. يوصل .. السموحه منك .. ذياب : لا مسموحه .. انا متعود على لسانها .. عادي .. يعل لسانك القص يالنذل .. خالي ركب السياره وكأنه معصب من تصرفي .. شتتوقعوووون راح يصير بعد اللي صار ..؟ هل ذياب بيسوي شي .. والا كأن شي لم يكن ..؟ ولطوف .. بتوافق على خالي والا لا ؟؟ راح تعرفون بالجزء ال 15 .. |
الج 15 زء خالي : شفيج انتي جنيتي .. شلون جي تكلمين الريال .. هذا يزاه ياي يسلم عليج .. صحت : بس خلااااص .. ودوني البيت .. ما ابي اسمع شي .. ومشينا وطول الطريج انا اصيح وهم ساكتين .. ومن طريقه سواقه خالي عرفت انه معصب .. بس هو ما يعرف شي .. والي قلته انا ولا شي .. انا ما اخذت حقي منه للحين .. انا ضعيفه وما اقدر عليه .. بس الله فوق .. نزلت من السياره رايحه غرفتي على طول .. قفلت الباب وطحت على السرير وانا ميته من الصايح .. كلهم يحسبوني انا الغلطانه .. لو شنو صار انا الغلطانه .. ربي ينتقم منك يا ذياب .. الله يحاسبك ان شالله .. غسلت ويهي وخذت المصحف وتميت اقرى وعقب نمت بملابسي .. وعيت وانا متضايقه على اللي علي .. كنت نايمه بملابس امس .. بتنورتي وبديي .. اووف .. قمت تسبحت ولبست لي بجامه ورديه .. ومشطت شعري وخليته مفتوح عشان ينشف .. وحطيت كريم مرطب على ويهي .. وشخطت الكحل على عيني .. و طلعت .. لقيت امي نايمه في الصاله وجنبها فاطمه وناصر نايمين .. وميمي قاعده تدور وريم وخالد في المدرسه للحين .. قلت : يمه .. امي : هممم .. قلت : روحي رقدي في غرفتج .. امي قامت : لا مب راقده .. ما جو خوانج من المدرسه .؟. قلت : لا .. طالعت الساعه كانت 1 .. يعني الحين بيجون .. شوي الا خالي داش ومعاه اليهال .. خالي : يلا حطو الغدى ميت من اليوع .. امي : يلا دقيقه ويكون جاهز .. لاعت جبدي .. رحت الغرفه وفتحت الكمبيوتر وقعدت اكمل باقي القصه .. تميت اقراها لين خلصتها .. عيووني عورتني .. صار لي ساعه مجابله الكمبيوتر .. رن جوالي .. رحت اركض .. شفت المتصل لطوف .. رديت : هلا والله .. لطوف : اهلين .. شخبارج ؟ قلت: تمام . وانتي ؟ لطوف : الحمدلله طيبه .. بكره دوام هاا .. قلت : ايه اوف سكتي .. لطوف : والله انج وحشتيني .. بكره اللقاء .. قلت : ايه والله . انتي بعد لج وحشقه فديتج .. وتمينا نسولف عن الجامعه وعقب تذكرت سالفه خالي .. قلت: ايه لطوووووووف .. لطوف : هااا هاا ؟؟ قلت : خالي . لطوف : شفيه ؟ قلت : لقينا له عروس . لطوف: صج والله .. مبرووك يستاهل .. منو ؟؟ قلت : وحده انا اموووت عليها .. لطوف : منو ؟؟ هاجر ؟؟ قلت: لا لا . هاجر تعتبر مخطوبه .. لطوف : عيل منو ؟؟ قلت : جيرانا . لطوف : من سلمى ؟ قلت : لا سلمى ياهل .. جيرانا .. بيتهم لازق في بيتنا .. وعندها اخو واحد .. وامها لبنانيه .. وابوها متوفي الله يرحمه .. عرفتيها .. تمت سااكته .. قلت : عرفتيها .ههههههههه ؟ لطوف: انا ؟ قلت : ايه انتي فديتج .. ابيج تقولين لي رايج قبل لا يخطبج خالي رسمي .. لطوف : شلون جي .. من مرشحني له ؟ قلت : والله العظيم مب انا .. هو يه وسألني عنج .. من جي طرشت لج ذيج الرساله .. لطوف : اهاا .. انا اقول ليش مهتمه هالبنت .. قلت : عرفتي ليش مهتمه .. لطوف: ايه مب حباَ فيني .. قلت : والله اني اموت عليج .. بس بعد احب خالي .. لطوف : بفكر وبرد عليج.. قلت : فكري على راحتج حبيبني .. ترى خالي مستعيل .. لطوف : هههههههه مشتعيل وافكر على راحتي ؟؟ قلت : ايه عشاان اذله.. ههههههههههههههههه .. لطوف : حرام عليج .. قلت : هااااااا .. بدا القلب يحن .. لطوف : لا يحن ولا شي .. يلا يلا بااي .. ضحكت : هههههههههههههه اعرفج لين تنحرجين .. لطوف : قلت بااااااااي .. وسكرت وانا ميته من الضحك .. من زمان ما شفتها انحرجت .. يحليلج يا لطوف. . اسميج بتموتين من الحيا اذا خذتي خالي .. بيغرقج بالكلام العسل .. مادري من وين يجيبه .. الله يهنيهم ويكتب اللي فيه الخير .. طلعت من الغرفه لقيت خالتي زينب ونجوى .. قلت : خااااااالتي عندنا ومحد قااالي .. خالتي : ايه اندسي في الغرفه .. بتجيج العصفوره بتقول لج .. ضحكت وسلمت عليها .. وسلمت على نجوى .. قلت : الا وين نور .. ليش ما جات .. نجوى : الله يسلمج نور بكره عندها جامعه ..وراحت السوق تكمل اغراضها .. بعد ما تخلص بتجي .. قلت : اهاا .. تمينا نسولف وشوي الا جات غايوه ومعاها نور .. وكلمت سوالفنا وضحكنا .. جا رمضان وصمنا .. وبعده العيد وعيدنا .. وكان هالشهر من اورع الشهور اللي مرت علي .. ما كان في مشاكل ولا عوار راس .. الحمدلله .. يارب تدوم هالسعاده علينا ..مرت 4 شهور .. وامتحنت وخذت في كل المواد جيد جدا .. لان ما وراي شي غير دراستي ..وفهد الي تقدم لي رفضته .. انا صج صليت صلاه الاستخاره ومارتحت ..ولقيتها حجه ورفضته ... وغايوه بطنها شوي انتفخ .. وانا ونور ولطوف كنا نتنافس من يجيب اعلى في الجامعه .. وتقريبا طلعنا كلنا نفس المستوى .. وخالي خطب لطوف .. وبعد فتره وافقت وخالي طار من الوناسه .. وسوو ملجه بس ما سوو خطوبه .. احسن .. لان عرسها قريب .. وعبدالله ملج على هاجر.. طبعا عمتي مب موافقه .. بس بو غيث قال انها راح تتزوجه .. وعمتي ما دري شلون سمعت كلامه .. والحمدلله الله تمم على خير .. وعيت على رنه تلفون .. شفت المتصل هاجر .. رديت بكسل : الووه .. هاجر : بل للحين راقده ..؟ قلت : اجازه كيفي .. هاجر : انزين صحصحي .. انا في مهمه .. قلت : شنو ؟ هاجر : بدون لف ودوران .. راكان يبي يخطبج .. وقال لي كلميها شوفي رايها .. قلت : شنوووووو ؟؟ هاجر : ها صحصحتي ؟ قلت : راكان بيخطبني انا .؟ هاجر : ايه حبيبتي .. ليش انتي شفيج .؟ قلت : مافيني شي .. بس من غاصبه ؟ هاجر : يمه ساره حبيبتي .. من متى الرجاجيل ينغصبون على الزواج ..؟ هو اختارج انتي .. لا ماايصير .. وبدوووووور ..؟ حبيبته .. معقوووله نساهاااا .؟ لا هذا خبر ما يتصدق .. هاجر : الوووووو .. شفيج .؟ قلت : انتي متأكده ان راكان اللي تلكم مب ذياب .. هاجر: الله يهداج يعني بخربط بين خواني .. اصلا ذياب من ذيك السالفه وانا ما اكلمه ولا هو يكلمني .. اصلا ما يكلم حد في البيت .. كله برع .. وصاير يرقد في الملحق .. يعني محد يشوفه ولا حد يدري عنه .. تنهدت : مادري والله . هاجر : ليش يعني .. انتي ما تبين راكان .؟ قلت : لا مب جي السالفه .. بس ما خطر على بالي .. هاجر : حبيبتي فكري بالموضوع زين .. وردي علي .. قلت : ان شالله .. هاجر: لا تطولين .. قلت : زين .. هاجر : يلا باايو .. سكرت منها وانا مب مصدقه .. راكان يخطبني .. شلوون .. هو يحب بدوور .. شلون يفكر يتزوج .. يااربي .. كل شي في الدنيا يحير .. قممت واغتسلت وصليت الظهر ورحت الصاله .. امي : صباااح الظهر . ضحكت : ههههههههههههه صبارح النور .. مشاعل : انا كنت بقعدج بس هونت .. قلت : جان قعدتيني .. من متى انتي قاعده .؟ مشاعل : من 9 الصبح .. قلت : انا عندي اجازه . . خلوني ارتاح .. خذت الجهاز (| الريموت ) وفرت على الدوحه وقعدت اطالع الطبخ .. امي : ايه تعودي على الطبخ.. بكره اذا تزوجتي شبتطبخين حق زوجج .. مشاعل : مكرونه .. هههههههههههههههه ضحكت : ههههههههههههه بيموت .. امي : ههههههههه لا تعلمي .. قلت : يمه على طار الزواج .. امي : خير.؟ قلت : هاجر اليوم متصله لي وقالت ان راكان يبي يخطبني .. امي : رااكاان .. هذا الي زفيته من كم يوم .. قلت : انا زفيته ؟؟ امي : ايه في السياره .. قلت : بااال .. اولا هذا ذياب .. ثانيا هذا مب من كم يوم .. هذا من شهوور . امي : ايه صح .. والله راكان خوش ريال .. انتي فكرتي .؟ قلت : لا توها هاجر قالت لي .. امي : فكري حبيبتي زين ما زين هاا .. هذا زواج يمه .. قلت : ان شالله .. انا اللي مب داش مزاجي ان راكان هو اللي خطبني .. ياربي شلون وهو يحب بدور الله يرحمها .. بهالسرعه نساها .. على قولته يمووت عليها .. والا يمكن يبيني انا انسيه اياها .. ياربي شلون .. شاسوي .. لا ما راح اوافق .. بتوهق معاه .. واذا تزوجنا .. يعني بشوف ذياب كل يوم .. لا لا لا .. ماابيه .. التفت على امي وقلت : يمه ما ابيه .. امي : بسم الله .. من .؟ قلت : ما ابي راكان . امي : ليش يا حافظ ..؟ قلت : خلاص ما ابيه .. ما يصلح لي .. وقمت بروح غرفتي .. سمعت امي تقول : شوفيها مشاعل .. ليكون البنت صار فيها شي .. توها شزينها .. ما سمعت الباقي لاني وصلت غرفتي وسكرت الباب .. ياربي الي سويته صح والا خطأ .. بس ما اقدر اتزوجه .. شلون وانا بعيش معاه ومع ذياب في نفس البيت .. ما اقدر .. انا اذا شفت ذياب اموت .. شلون اذا بجابله كل يوم .. في الروحه والجيه .. سمعت طقة باب .. قلت : الباب مفتوح .. دخلت مشاعل : عادي ادخل .. قلت : حياج افا عليج .. مشاعل : بقول لج بصراحه .. امج تضايقت من اسلوبج .. قلت : اي اسلوب ؟ مشاعل : كنتي تتكلمين عادي .. وسكتي ..وفجأه صدميتها بقرارج .. قلت : لاني فكرت عدل . مشاعل : ما يسمونه تفكير هذا اللي سويته .. التفكير هو انج تجمعين افاكر وتستقرين على قرار .. مب اي فكره جاتك قلتيها وتعتبرينها قرارج .. قلت : بس انا فكرت زين .,. ما اعتقد اني راح اتراجع في قراري . مشاعل : حبيبتي لا تخلين مشاكلج مع هاجر والا اريج بنات عمتج تكون سبب الرفض .. قلت بتردد : انا .. ان .. اناا اللي مضايقني ومخليني ارفض شيين .. مشاعل : قولي .. قلت : بس ما تقولين حق حد .. مشاعل : اوعدج ما اقول .. قلت : ذياب اخوه .. انا ما احبه .. ويضايقني وايد .. واريج اخته ما تستحملني ولا انا استحملها .. يعني اذا تزونا بتصير مشاكل مع عايلته .. مشاعل : والشي الثاني .. قلت : اممم .. راكان .. مشاعل : شفيه ؟ قلت : كان يحب وحده .. واعترف لي .. بس ماتت من 7 شهور على ما اعتقد .. مشاعل : وهذا الي مخليج ترفضين .. قلت : لا بس هوز كان يحبها .. يحبها وايد .. شلون قدر ينساها .. مشاعل : المشكله الاولى سهله .. انتي قلتي ان ذياب واريج يضايقونج صح . قلت : ايه .. مشاعل : طلبي بيت بروحج .. وان شالله راح تتعدل امورج كلها .. والمشكله الثانيه .. انا ما اعتبرها مشكله .. لان كل انسان يحب .. وفيه الي يلتقي بحبيبه .. وفيه اللي يفترق .. وراكان ما كان له نصيب فيها .. ويمكن راكان يدور الحنان والحب .. من جي راح وراها .. ويوم فقدها يبي وحده تسد مكانها .. يبي وحده يتعلق فيها ويحبها .. وراح يتكون الحب في الحياه الزوجيه .. كلام مشاعل دخل راسي .. و تميت افكر فيه .. يمكن يكون راكان احسن من ذياب .. بس لازم اشرط عليه بيت بروحي .. والا بقعد اجابل ذياب واريج .. والي قطع افكاري صوت خالي .. خالي : هوووود .. مشاعل عدلت شيلتها .. قلت : اقلط .. خالي : ساره تعالي ابيج بسرعه .. قلت : خير ان شاءالله .. الله يستر .. ليكون في مصيبه ثانيه .. رحت وراه ودخل غرفته ولحقته .. قلت : خير .؟ لطوف فيها شي .. خالي : لا لطيفه بخير .. قلت : عيل شالسالفه .؟ خالي : ابوج . تخرعت : شفيه ؟ خالي : مافيه شي .. بس كلمني في موضوع .. وما اقدر افتح هالموضوع الا معاج .. قلت : خالي تراك خرعتني .. ثواني وبتصيدني جلطه .. تكلم . خالي : ههههههه ليش جي خايفه .. تفائلي .. قلت : خالي ارجووك .. خالي : ابوج اليوم جا عشان يشوف عياله .. وانا طبعا كالعاده اقول حق امج ان رفيجي يه يبي يشوف عياله .. وابوج كلمني .. وقال لي انه يبي يرد فاطمه .. قلت : شنوو ؟؟ خالي : ابوج يبي يرد امج .. ودورنا انا وانتي ان نفاتح امج في الموضوع .. قلت : الله .. ابوي بيرد امي .. يعني بنصير عايله من جديد .. واكيد المشاكل بتخف .. خالي : ايه وان شالله امج توافق .. قلت : ما اعتقد انها راح ترفض .. لانها تحب فطوم ونصور ووايد متعلقه فيهم .. ويوم بتدري انهم عيال ابوي بتحبهم اكثر .. والا انت شرايك ؟ خالي : والله مادري .. قلت : الحين نقول لها .؟ خالي : لا شوفي مزاجها اول .. قلت : اوكي .. بس اقول لها ان فاطمه وناصر مب عيال رفيجك .. خالي : ايه شي طبيعي لازم بتقولين لها .. قلت : اوكي .. طلعت من غرفة خالي ورحت الصاله .. لقيت امي تتكلم في التلفون .. امي : الله يسلمج .. يوصل .. مع السلامه .. قلت وانا مبتسمه : منو تكلمين . امي : عمتج نهله .. اتحمد لها بالسلامه .. سلم عليج .. قلت :الله يسلمج و الله يسلمها .. امم . ابتدي الحين .. قلت : يمه .. امي : خير .؟ قلت : شوراج الحين .. امي : ما وراي شي .. فاضيه .. ليش .؟ قلت : لا ابي اكلمج في موضوع . امي : بخصوص راكان ..؟ قلت : لا راكان خليه بعدين .. امي : عيل منو ؟ قلت : بخصوص ابوي .. تغير ملامح امي : ابوج ..؟؟ قلت : ايه يمه .. امي : شفيه ؟ قلت : يبيج ..! امي: شنوو ؟؟ يبيني .. من قال لج انتي .. من اللي قاص عليج .. قلت : يمه ابوي هو اللي كلم خالي .. يمه ارجعي له .. امي : لا مب راجعه له .. انا جي مرتاحه في حياتي .. قلت : يمه بس احنا مب مرتاحين .. امي : شنو اللي مضااايقكم اذا انا صرت لكم الام والابو ..؟ قلت : يمه ناقصنا جو العائله .. ابي احس فيه .. اذا يمكن كبرت وقريب اتزوج .. بس خالد وريم وميمي .. وناصر وفاطمه .. شفت على وجه امي علامه التعجب : وفااطمه وناصر شدخلهم في الموضووع ..؟ نزلت راسي .. لان شكلي توهقت .. امي: شدخل فاطمه وناصر بعيالي .؟. قلت : يمه فاطمه وناصر اخواني .. امي وشكلها فهمت الموضوع على طوول : شنوووووووو ؟؟ اخوانج .. يعني ابوووج ما خذ وحده علي ..؟؟ ولا تبيني ارد له بعد .. قلت : يمه انتي كبرتي .. بسج من هالكلام الفاضي .. يمه لا تفكرين في نفسج بس .. فكري في اليهال .. فكري فيهم .. صدقيني يا يمه بيتشتتون .. انا وغايوه بنكون محد .. بنكون في بيت ازواجنا .. وتركي وخالي تزوجو وقريب بيطلعون من البيت .. يمه محد بيتم عندج يربي هاليهال غيرج انتي وابوي .. يمه ارجووووووو ج لا تحرمينهم من جو الاسره .. امي نزلت دمعها وانا ما قدرت اقاوم .. صحت .. قلت : يمه فكر بالموضوع زين .. احنا محتاجين هالجو رغم كبرنا .. بس محد يشبع من الحنان ومن الدفا .. نبي نعيش حالنا حال غيرنا .. ما ناقصنا شي .. امي : يعني شنو اللي ناقصكم وما جبته لكم .. قلت : يمه اللي ناقصنا مب ملابس ولا فلوس ولا اكل .. احنا اللي ناقصنا بيت .. بيت فيه الام اللي تخاف على عيالها وتراعيهم .. فيه الاب اللي يحافظ على عياله ويلبي طلباتهم .. فيه الاخوان اللي يحبون بعض .. شفت امي منزله راسها .. رحت غرفتي على طول وطحت على السرير اصيح .. انا ما كنت ابي اسوي السالفه جي .. كنت بتكلم معاها ببرود .. ليش صحت ياربي ليش .. ليش دموعي ما تخلص .. خدي شبع من هالدموع اللي تنزل عليه كل يوم .. بسبب وبدون سبب .. آآآآآه ياربي ارحمني وارأف بحالي .. سمعت طقة الباب .. مسحت دموعي وعدلت قعدتي .. خالي : ادخل .. قلت : حياك .. خالي دخل : هااا شسويتي .؟ ما اشوفها في الصاله .. وينها .؟ انتي كلمتيها والا لا .. قلت : خالي شوي شوي علي .. خالي : انزين كلمتيها .؟ قلت : ايه كلمتها .. مادري شنو رايها .. خالي : ياسلااام .. عيل انا مطرشج لها ليش .. قلت : رفضت .. بس انا عطيتها من الكلام الزين وسكتت .. يمكن بتفكر بالموضوع .. خالي تنهد : يالله تنحل الامور على خير .. طلع خالي من الغرفه وانا فرشت السياده وصليت العصر ودعيت ربي في صلاتي ييسر الامور .. بعد ما خلصت صلاه رن جوالي .. رحت شفت هاجر المتصله .. رديت : هلا هاجر .. هاجر تقلد صوتي : هلا ساره .. ضحكت : هههههههههههههه شخبارج .؟ هاجر : بخير .. انتي شخباارج .؟ شمسويه .. قلت : والله تمام .. هاجر : حددنا عرسنا انا وعبدالله .. قلت : صج ؟؟ متى .؟ هاجر : يعني بعد شهر .. قلت : شنو .؟. بعد شهر .. هاجر : ايه ليش .؟ قلت : قريب .. هاجر : الناس يخلون فترة الملجه طويله عشان يتعرفون على بعض .. اما انا اعرف عبدالله زين ما زين .. قلت : الله يهنيكم .. هاجر: آآآمين .. قلت : شكانت ردة فعل امج .؟؟ هاجر : الله يسلمج اول شي انا قلت حق ابوي .. وابوي قال حق غيث اخوي يسأل عنهم .. والحمدلله طلعو خوش ناس .. وبعدها بيومين جو الريايل يخطبون رسمي .. قلت : مب المفروض اول شي يجون الحريم .. هاجر : ايه .. بس امي كانت مسافره .. راجعه من كم يوم .. واهلها شافوني ذاك اليوم .. قلت : انزين كملي .. هاجر : و بعد ما خطبوني وخلصوا خذت فتره افكر يابلفيت عشان ما يشكون بشي .. وصليت الاستخاره للمره المليون .. والحمدلله ارتحت وقلت لهم رايي .. قلت : ويوم امج درت .؟ هاجر : يوم امي درت جد انا ملجت .. ويوم رجعت ابوي ناداها وكلمها بهالسالفه ..ويوم سألت ابوي شصار قال لي انها صاحت.. بس انا ماادري شصار بالضبط .. لان كان الحوار في غرفه ابوي .. قلت : والحين تكلمج ..؟ هاجر : لا بينا حوار بسيط .. روحي نادي وروحي سوي وجي بس .. واصلا انا من متى اسولف معاها والا اكلمها .. قلت : هجوور مب زين .. هذي امج .. والجنه تحت اقدامها .. هاجر : يه .. اللي يقول بتدخل الجنه الحين .. عاتبتها : هجوووووووووووووووووووور !! هاجر : هههه ايه صج .. ما تدل الجبله .. انا الحمدلله من قلتيلي ذاك اليوم عن الصلاه وانا ما اتركها فرض .. و هي لا تعامل زوجها ولا عيالها معامله عدله .. بالله عليج شلون بتدخل عيالها الجنه وهي لا .. قلت : حتى ولوووووو .. ما تقولين عن امج جي .. بدال ما تكلمينها وتنبهينها تشمتين الناس فيها .. هاجر: ما راح تسمعني .. وبتطلعني انا الغلطانه .. قلت : عادي كلميها مره مرتين .. الدق يفج اللحام .. هاجر : بحاول .. قلت : ايه حاولي .. هاجر : ساروه ساروه .. اكلمج بعدين .. عبود اتصل لي . قلت : لحظه زين .. هاجر: شنو ؟ قلت : الحين صار زوجج وللحين تقولين له عبود .. استحي .. هاجر : هههههه ايه هو بعد يهاوشني .. يقول قبل غير والحين انتي زوجتي .. ياااااااي ساروه مب مصدقه .. ضحكت : هههههه اعقلي بسج خبال .. هاجر : زين يلا بررررررب .. قلت : تت . هاجر : عنز شايفتني ..؟ لج حساب عسير بعدين .. يلا تيك كير .. وسكرت .. يحليلها هاجر .. رغم المشاكل اللي تمر فيها تظل قويه .. اما انا من اقل مشكله انهار .. ابي اصير قويه نفسها ياربي .. خرعني صوت رنه موبايلي .. رديت : هلا .. لطوف : اهلين .. شخباارج .؟ شمسويه .؟ قلت : تمام .. وانتي شخباارج .؟ لطوف : الحمدلله .. اوف الاجازه قربت تخلص .. قلت : ايه والله .. اوف ما ابي اروح الجامعه .. لطوف : بعد الاجازه قصيره .. كلها شهر وكم يوم .. قلت : ايه الحمدلله عطونا اجازه .. لطوف : لازم يعطونا .. هذي اجازه الربيع .. قلت : ايه وانتي الصاجه .. الا ما سافرتو هالاجازه .. ليش ؟؟ لطوف : والله انا مب متفيقه .. وحمد مشغول مع زوجته .. وييي نسيت اقول لج .. حمد ملج من فتره .. وكانت ملجه عاديه .. ما سوو خطوبه .. مع ان بنت خالتي ميته تبي تسوي .. بس حمد رفض .. قلت من قلبي : الله يهنيهم .. لطوف : يارب .. قلت : ايه صج .. لطوف : شنو ؟ قلت : قلت لج ان راكان ولد عمتي خطبني .. لطوف : صج ؟؟ وافقتي والا للحين .. قمت رحت الصاله وانا اكلمها لاني تمللت في الغرفه .. قلت : لا للحين .. بس مرتاحه شوي .. لطوف : الله يهنيكم ويسعدكم .. شفت خالي قاعد .. اشر لي من تكلمين .. قلت : لحظه لطووف .. سديت السماعه وهمست : لطوف .. خالي : اهاا .. سلمي عليها .. قلت : لطوف خالي يسلم عليج .. لطوف : الله يسلمه .. قعدت : انزين .. لطوف : انتو ما تبون تسافرون .؟ قلت : لا والله .. محد تكلم .. من بعد بيتفرغ يسفرنا الله يهداج .. لطوف : لا قلت يمكن تتغير الامور .. قلت : لا مابتتغير .. لطوف : وي فديت مشاري انا .. متصل لي .. رفعت عيني اطالع خالي .. لقيته ماسك الجوال ومبتسم لي .. قلت : يالنحيس .. ما تخليني اتهنى معاها .. خالي : هههههههههه خلص وقتج يلااا .. قلت : عيل اخليج مع قيس .. لطوف : هههههههههههههههههه اوكي حبي .. سلمي على خالج .. قلت : حلفي عااااااااد ..؟ لطوف : هههههههههههه خلاص ااناا بسلم عليه .. قلت : قلبو ويهكم انتو الاثنين .. وسكرت عنها وخليتهم هالثنائي ورحت ادور امي بشوفها وين .. لقيتها تسقي الزرع .. امي كل ما تضايق تسقي الزرع .. رحت عندها وبست راسها .. قلت : اسفه يمه .. قسيت عليج بالكلام .. امي : بس كان كلامج صح .. وبعد ما خلصتي كلامج حسيت اني انانيه .. قلت : يعني افهم من كلامج انج موافقه .. امي : لا ابي افكر .. قلت : اخذي راحتج .. ورحت الصاله لقيت خالي شاق الحلج ويكلم لطوف .. ابتسمت ورحت غرفتي .. فتحت الكمبيوتر وقعدت على المنتديات .. وسجلت في منتدى (................) وكان حلووو .. من الستايل ومن الاعضاء .. استانست فيه واايد .. وشوي الا يدخل علي خالي .. خالي : شتسوووووووووووووين ..؟ قلت : ليش جيت .. رووح كلم لطوف .. مخليها تسكر من عندي عشان تكلمها انت .. رووح كلمها روح خلها تنفعك . خالي : بل بل بل .. شوي شوي .. كلتيني بقشووري .. ابتسم : انزين اسف .. قلت : شوراك انت ..؟ خالي : لطوف كلمتني وقال لي انها تبيج تجين بيتهم .. طرت من الوناسه : صج ؟؟ خالي : ايه ايه صج .. مشاري بن فيصل ما يكذب .. قلت : ومنو يكون مشاري بن فيصل ؟.. خالي : تاااج فوق راسج يالعنز .. ضحكت : ههههههههه اسفين .. غلطنا عليك .. خالي : ها بتروحين ؟؟ قلت : وانت شفيك جي مشتط وشاد حيلك ؟ خالي : عشان قالت لي " ويقلد صوتها " عشان خاتري مشاري .. ضحكت : هههههههههههه وهذا كله عشان خاطرها .. عيل مب رايحه .. خالي : سااروه لا تصيرين بايخه .. البنت تبيج تجينها .. حمدي ربج انتي .. قلت : الف والحمدلله والشكر لك يارب .. بس بعد مب رايحه .. طبعا هالكلام من ورى قلبي .. والا انا بموت عشان اروح لها فديتها .. خالي : اوكي لا تروحين .. وعرسي لا تحظرينه .. وبقول لها ما تعزمج .. وبشووف شلون بتدخلين .. قلت : مب على كيفك .. بدخل مع الطبالات .. خالي : هههههههههههههه خلهم ينفعونج ..واصلا انا ماراح اجيب طبالات في عرسي .. بجيب فرقه تغني ورى حاجز .. جي احسن . وي ليكون من صجه .. قلت بدلع : خااااااااالييييييي ..!! خالي يصد عني اونه زعلان .. خالي : بتروحين .. قلت : وانا مينونه عشان ما اروح .. تجيني الفرصه لعندي وارفض .. ليش انا هبله .. خالي : ومن قال العكس ..؟ ضحكت : ههههههههه طالعه على اخو امي .. خالي : الحمدلله مب انا .. ضحكت : هههههههه انزين ممكن تطلع عشان ابدل .. والا مب رايحه .. خالي : لا بروح شدعوه .. وطلع خالي يحليله .. والله لطوف هبلته .. جي الحب يسوي .. تنهدت وفتحت الكبت .. وتميت اطالع اللي فيه .. غمضت عيوني وطلعت لي بدله .. لبست تنوره ورديه فااااتحه .. وعليها بدي ابيض وفيه حركات بالوردي .. حطيت لي بودره وزيدتها شوي .. وحطيت كحل بطريقه غجريه .. وقلوس وردي .. واستشورت غرتي اللي توصل لنص خدي .. وفتحت شعر الكستنائي الطويل ومشطته .. ما يحتاج استشوار لانه سيده مافيه كسرات وايد .. طالعه على امي فديتها .. وحطيت لي بتر فلاي صغيره على طرف شعري .. ومسكت عباتي وشيلتي وشنطتي .. دخلت الصاله شفت خالي كاشخ قاعد في الصاله .. قلت : يلا .. خالي : يه يه يه .. شهالزين .. ابتسمت بخجل : ايه طالعه على امي .. امي ابتسمت : فديتج .. الله يحفظج ويحرسج من عين الحسود .. خالي : يه .. شوفوا هذي " ويأشر علي " قلت : شنو ؟ خالي : الحين انا اللي امدح وتقولين طالعه على امي .. قلت : ما قلت شي غلط .. طالعه على حلوه اللبن .. خالي : امشي امشي لا اهون .. قلت : لحظه انت ليش كاشخ ..؟ خير ؟ خالي : بروح .. قلت :وين ؟ خالي : معاج ,. قلت : شتبي .. خالي : خطيبتي هناك بعد شنو .. قلت : اااهاااااااااااا .. يعني صار لك ساعه تحن علي عشان اروح بيتهم .. بالاخير طلعت انا الواسطه اللي بينكم .. خالي : بعد شاسوي .. قلت لها ابي اجي بيتكم .. قالت جيب ساروه وياك .. شاسوي انا .. قلت : اوكي .. مشيت .. قلت : يلا وراي .. خالي مسكني من يدي وسحبني وراه .. خالي : ورااي .. سمعت امي تضحك : الله يهديكم .. وركب السياره .. قلت : شحقه راكب السياره ؟ بيتهم كاهو .. خالي : رزه شفيج .. قلت : رزه الفيس من طبايع الشسمه هاااا .. خالي نزل بسرعه : شنوووووو .؟ رحت بسرعه عند باب بيت لطوف وانا اضحك .. خالي : يالغجريه يطقون الجرس ما يوقفون عند الباب .. رن خالي الجرس والخدامه فتحت لنا الباب .. خالي : مدام لطيفه هنيه ..؟ الخدامه : يس .. قلت : توها مسكره من عندك وتسأل اذا هي في البيت والا لا .؟ خالي : لازم نرز ويهنا شوي .. قلت : انا قلت رزه الفي ... قاطعني ودخلني داخل بسرعه .. طقيت باب المجلس وانفتح الباب .. وشفت حمد كان كاشخ بالغتره والعقال والثوب .. من طالعته نزلت راسي بسرعه وقلبي يدق بقوه .. وقمت ارتجف .. للحظه فكرت ان ارجع البيت .. حمد : هلا مشاري هلا .. خالي : هلا فيك .. وسلموا على بعض .. حمد : حيااكم .. لطيف داخل .. دخل خالي وانا وراه وماسكه ثوبه كأني ياهل .. خالي يهمس لي : هدي ثوبي عفستيه (كرمشتيه ) .. بتخترب الكشخه الحين .. هديت ثوبه .. وشوي الا تدخل لطوف .. كانت لابسه فستان قصير يوصل لنص الساق احمر وفاتحه شعرها القصير وحاطه ميك اب احمر خفيف وطالعه تحفه .. شفت خالي لقيته مفتح شفايفه ويطالعها .. لطوف بابتسامه خجل : السلام عليكم .. خالي وقف وانا وقفت معاه : وعليكم السلام والرحمه .. سلمت على خالي بيدها وشكلها منحرررررررررجه .. وسلمت عليها وقعدت جنب اخوها .. وانا طول الوقت منزله راسي واهز ريلي .. مرتبكه وخايفه .. اما خالي معتبر البيت بيته .. يسولف ويضحك مع لطوف وحمد .. رفعت عيني شفت حمد يطالعني .. صادتني رجفه .. وجسيت بالبرد .. وحسيت بالشوق لايام الحب اللي كانت بينا .. للحين يا حمد سوالفك ما تغير .. ولا ضحكتك .. مافيك شي تغير .. الكل تمر عليه ظروف ومشاكل وتعدى وينساها .. الا انا .. ما ادري ليش المشاكل والهموم تنحبس فيني .. في كل دقيقه اتذكرها واتألم وكأن توني عايشتها .. آآآه ياعذابي آه .. قلت : لطوف .. لطوف : هلا . قلت : ابيج شوي .. وقفت ورحت اخر الميلس .. وشفت حمد وخالي يطالعوني .. لطوف تهمس : خير خرعتيني .. قلت بهمس : لطوف ابي اطلع من الميلس .. ما ابي اقعد معاه ... لطوف : بس انتي مب معاه بروحكم .. قلت : لطووووووووف طلعيييييييييني من الميلس الحين .. لطوف : زين خلاص .. يلا امشي الصاله .. ومشينا شوي .. حمد : على وين ..؟ لطوف : بنروح الصاله وبنخليكم على راحتكم .. حمد : اوكي .. مع ان كنا مرتاحين معاكم .. مو جي مشاري .. خالي يطالع لطوف : ايه وااااااااايد .. لطوف استحت مسكت يدي وودتني الصاله .. ما اقدر اوصف لكم شنو شعوري في هاللحظه .. حسيت برااحه مو معقوله .. في الميلس كنت قاعده باعصاابي .. وكنت مرتبكه .. والحين حسيت براحه فضيعه .. انا الحين في بيت لطوف .. ومعانا حمد ..شتتوقعون حمد يسوي ..؟ والا شتتوقعون يصير في هالبيت .. والا ما راح يصير شي دام ان خالي موجود ..؟ وانا هل بوافق على راكان والا بحن حق حمد وبرفض راكان ؟؟ كل هذا في جزء ال 16 .. |
[CENTER]الج 16 زء .. لطوف : ساروه حمد ضايقج بشي ؟؟ .[/CENTER]قلت : لا .. لطوف : عيل ليش جي خليتينا نقوم ؟ قلت : ما قدرت استحمل القعده معاه .. لطوف : ساروه انسي .. انسي .. قلت : ما اقدر .. لا تطلبين مني شي مب بيدي .. لطوف : للحين تحبينه ؟؟ قلت : لا تسأليني ؟ لطوف : بس انا ابي جواب . قلت : شيهمج اذا انا احبه والا لا .. هو تزوج خلاص .. لطوف : لا يهمني ..قووولي .. انتي تحبينه ..؟ قلت : هذا كان حبي الاول .. ولازم بتأثر اذا شفته .. لطوف : تحسبين هالجواب كافي .؟ قلت بملل: ايه كافي .. لطوف : شفيج عصبتي ؟ قلت : ما عصبت.. بس انتي تسأليني اسأله انا ما اعرف جوابها .. لطوف : لازم تعرفين جوابها .. لانج راح ترتبطن ما واحد .. قلت : منو ؟ لطوف : انتي غبيه والا تسغبين .. راكان ما قلتي انه خطبج .. قلت : امبلا بس انا للحين ما قلت رايي .. لطوف : يعني بترفضين ؟ قلت : ليش لا ..؟ لطوف : لان لازم يكون عندج سبب مقنع .. وانا اللي عرفته عن راكان منج انه ولد حبوب وحليو .. قلت : بس اذا رفضته تكون لي عذاري الخاصه .. مب الكل لازم يعرفها .. لطوف تنهدت : بروح اجيب لج شي يبرد اعصابج ويهديج .. تنهدت وتسندت على الكرسي .. صج انا ما ادري شفيني اليوم .. وبالذات يوم شفت حمد .. ذكرت ربي عشان اهدأ شوي .. مب وقته قاعده في بيت ناس ومعصبه .. يات لطوف ومعاها عصير .. لطوف : تفضلي . قلت : دام فضلج .. حطيت العصير على الطاوله .. قلت : اسفه لطوف .. كنت معصبه شوي .. لطوف : عادي فديتج .. مراعيه شعورج .. سكت وانا منزله راسي .. لطوف : المهم .. ما قلتيلي .. شراااااايج في كشختي ؟؟ فصخت شيلتي : تجننين .. اسميه خالي انهبل .. لطوف انحرجت : مشكوره .. ضحكت : ههههههههههههههه يحليلج .. قلت : ما قررتو متى العرس ؟ لطوف : توه من سكر من عندي من شوي قال لي شرايج بعد شهر .. قلت : لااااااا .. قريب .. عرس هجور بعد شهر .. لطوف : شاسوي .. قلت له قريب .. هو يبي جي .. قلت : عيل اذا حجر الفندق روحي جهزي عمرج .. لطوف: ايه اكيد .. انا من امس ابتدت رحلتي .. قلت: الله يوفقج فديتج .. لطوف : ويوفقج انتي حبيبتي رن جوالي .. شفت المتصل خالي .. رديت : هلا خالي .. خالي : اهلين .. وينج ؟ قلت : في الصاله مع لطوف .. خالي : انا طلعت من بيتهم ها .. بروح مع الربع .. اذا بترجعين البيت قولي حق تركي والا خالد يجيبونج . قلت : انزين ليش ما خذتني معااك .؟ خالي : مادري .. ما قلتي .. اذا تبين تروحي اتصلي لهم .. قلت : اوكي .. خالي : يلا مع السلامه .. قلت : في امان الله .. قلت : راح .. لطوف : راح مشاري ؟ قلت : ايه راح .. ما خذاني معاه . لطوف : يااسلاااام .. وتبين تروحين بدون عشا .. قلت : كاهو خالي راح .. لطوف : خالج برويه شغله .. بس خلني اكلمه .. ضحكت : ههههه .. زين بقعد .. وتمسكنا نسولف ونضحك .. وجابت لي صور رحلتهم .. وتمت تعلق وتقول مغامراتها في المكان .. والله وناسه فرنسا ..وشوي اسمع صوت حمد .. حمد من ورى الباب : هوووود .. لطوف : حمد بيدخل .. قلت : شيبي ؟ لطوف : مادري .. عدلت قعدتي ولبست شيلتي .. لطوف: تعااااال .. نزلت راسي نطرته يروح غرفته .. حمد : شخبارج ساره .. رفعت راسي لقيته قاعد مجابلني وجنبي لطوف .. طالعت لطوف وقلت : بخير .. حمد : شمويه ؟ قلت : ما شي .. حمد كأنه يتطنز : حبيتي غيري .. طالعته باحتقار : لا مخطوبه اخوي .. شفته وكأنه انصدم .. حمد : من صجج ؟ قلت : ليش انت مب متوقع اني اتزوج والا شلون ؟ حمد : لا توقعت للحين حبي في قلبج .. قلت : وشلون احبك وانت تزوجت غيري بعد ما وعدتني بالزواج ؟ حمد : بس انتي تدرين ان السالفه مب بيدي .. قلت : حمد ارجوك ما ابي اتكلم في هالسالفه .. لو ما انخطبت وتزوجت شبتسوي انت يعني .؟ حمد : بتزوجج .. قلت : لااااااا والله .. حمد : ساره انا للحين اح ,, قاطعته : لا تقص على روحك وتقص علي .. اي حب اللي تتكلم عنه وانت متزوج حاظرتك .. دام انك تحبني على قولتك ليش تزوجت ..؟ حمد : انتي تدرين يا ساره ومافي داعي اعيد هالسالفه .. قلت : وانا مب مستعده اخذ واحد يبيع حبه عشان ناس قالوا له اترك حبيبتك وتزوج غيرها .. هذا اصلا عذر ما يقنع احد .. حمد : بس امي مب اي احد .. امي هي اللي قالت لي .. وقفت : على العموم آسفه اذا ازعجتكم .. انا رايحه . لطوف وقفت ومسكت يدي : لا سااروه . الحين حمد بيروح .. قلت : لا لطوف مره ثانيه .. الوقت تأخر .. حمد : من اللي خطبج ؟ التفت عليه : هذا ما يخصك .. حمد : يعني ما يصير اعرف .. لطوف : بس حمد بس .. البنت في بيتك احترمها عاااد .. خذت شنطتي وطلعت برع .. ولطوف وراي .. لطوف : سوري ساروه .. ارجوووج مسحيها في ويهي . قلت : ما صار شي .. مسكت قبضه الباب .. قلت : مع السلامه .. ورحت بسرعه ما ابي حد يشوفني امشي بروحي .. وصلت البيت ودخلت الصاله .. قلت : السلام عليكم .. تركي : من وين يايه ..؟ طنشته ورحت غرفتي بسرعه وطحت على السرير وانا اصيح .. ليش شفته ياربي ليش .؟؟ ليش رحت بيتهم .. آه ياربي .. ابي انساه .. ابي انسى .. سمعت طقه باب .. رحت الحمام بسرعه .. وغسلت ويهي وطلعت .. لقيت تركي واقف عند باب الغرفه .. طالعته .. تركي : من وين يايه ؟ قلت : من بيت لطوف .. تركي : يا سلااام ..؟ وبأذن منو رحتي ؟ قلت : خالي كان معاي .. تركي : وينه الحين .؟ قلت : راح مع ربعه .. تركي : تدرين لو جايه بروحج البيت ما بيحصل لج خير .. قلت : ليش يعني .. انا يايه من باار ؟ تركي صرخ علي : لاا تطولين لسااااانج .. قلت : وانت كله مكبر السالفه وبس .. تركي : يعني انتي يايه من بيت بوحمد بروووحج .. قلت : ايه بروحي .. تركي : ومشاري ؟ قلت : خالي طلع قبلي وراح مع ربعه .. وانا جيت بروحي .. ما اعتقد ان البيت بعيد .. كلها خطوتين .. تركي صرخ : بس انتي تدرين السالعه كم الحين ؟؟ طالعت السعه لقيت1 .. تركي : شوفي سوير .. انا طلعتي مكان حتى لو مع مشاري .. بدون علمي ما تلومين الا نفسج .. صرخت : لااااا يكون زوجي وانا مادري .. ما وعيت الا انا على الارض .. لانه صفعني صفعه فرت راسي .. تركي هدى شوي: شوفي ساروه .. انتي الطيب ما نفع ولا العنف .. شتبيني اسوي فيج .. صحت : يعني انا شسويت الحين .. تركي : شلون تطلعين في نص الليل بروحج .. ترى كله هذا خوف عليج .. بس انتي ما تفهمين .. غطيت وجهي بيدي وتميت اصيح .. جا تركي وضمني لسدره .. ما صدقت خبر .. على وزاد صياحي .. تركي : بس خلاص زين .. انا آسف .. واذا ما كررتي اللي سويتيه ما راح امد يدي مره ثانيه .. ما صدقت ان هذا تركي .. بس نفس الصوت .. نفس الشكل .. نفس العنف .. بس هالحنيه ما مرت علي .. قام تركي عني .. تركي : قومي غسلي ويهج يلا .. قمت وانا حاسه ان جسمي مكسر .. رحت غسلت ويهي وانسدحت على السرير بملابسي ونمت .. حسيت بضيق .. فتحت عيوني لقيت نفسي نايمه بملابسي .. اوووف .. قمت رحت الحمام وبدلت ولبست لي بيجامه .. وصليت الظهر وطلعت .. لقيت امي توها نازله من فوق السطح .. اكيد تنشر الملابس .. قلت : السلام عليكم .. امي : وعليكم السلام .. قلت : وانتي للحين تنشرين الملابس فوق السطح .. ما تطورتي .. امي : بعد شلون اتطور .. انتشرهم في غرفتي .؟ قلت : ههههه لا اشتري لج نشافه .. وهي بتنشف كل الملابس .. امي : يصير خير .. رحت قعد في الصاله وحطيت على برنامج مال الفن والرسم ومادري شنو وقعدت اطالعه .. خالي دخل : السلام عليكم .. قلت : وعليكم السلام .. خالي : شخبار ؟ قلت :زينه .. خالي قرب صوبي وهمس لي : ما ردت امج جواب .. قلت بنفس النبره : على شنو ..؟ خالي : على ابووج ؟؟ قلت : لا والله ما ردت .. خالي يصوت : فاااااااطمه.. قلت : شنو بتقول لها ؟ خالي : بتسمعين الحين .. امي : هلا مشاري .. خير .؟ خالي : شنو ردج على راشد .؟ امي : اي رد ؟ خالي يطالعني ويطالع امي : شفيكم انتو اليوم .. يومين ونسيتو السالفه .. ردج على راشد موافقه انه يرجع لج والا لا .. لانه مللني. . كل يوم يتصل لي .. قلت : امبلا امي موافقه .. امي : من قال لج .. قلت : عيل ؟ خالي : مب موافقه ..؟ امي : من قال لك ..؟ خالي : ياااااااااااااااااااااااا اااااااا .. حيرتيني معاج ..؟ امي ابتسمت : موافقه .. نطيت عليها وبوستها تبويس .. قلت : فديتج يمه والله .. خالي : مبرووووك يالعروووس .. امي شكلها انحرجت وراحت .. وانا وخالي تمينا نضحك .. وشوي ويدخل تركي.. تركي : السلام عليكم .. انا وخالي : وعليكم السلام .. تركي : وين مشاعل عنكم ؟ قلت : مادري انا من قمت ما لقيتها .. راح غرفته وخالي بعد .. وانا رحت المطبخ اساعد امي .. حطينا الغدى في طاوله الطعام الجديده ويا خالي وتركي ومشاعل .. وكلنا .. تركي قام: ساره بعد الغدا ابي اكلمج .. بعد لقمتي : خير ,, تركي : خير ان شالله .. انسدت نفسي .. مادري حسيت ان في مشكله يايه في الطريج .. غسلت يدي ورحت الصاله .. ما شفت تركي .. رحت غرفته ولقيته قاعد على السرير يقرى جريده .. قلت : خير ..؟ تركي : تعالي قعدي .. قعدت جنبه وانا انتفض .. تركي : ما سمعنا رايج .. قلت : في شنو ؟ تركي : في راكان .. قلت : بس انا للحين ما فكرت .. تركي : والريال ينتظر الرد منج .. قلت : بفكر .. تركي : انا ما راح اجبرج نفس ما جبرتج على ماجد .. بس كل ما تكبرين اكثر فرصه الزواج تقل .. قلت : انا مب ملتقعه على الزواج .. الزواج اصلا من اخر خصوصياتي .. وانا بعد مب من كبري .. توني ياهل .. الا غايوه اللي مزوجينها وهي بزر .. تركي : يعني شنو ؟ قلت : مادري .. تركي: ابي جواب الحين .. موافقه على راكان والا .. حطيت يدي على قلبي .. ما عرفت شاسوي .. اخاف اقول قراري واندم .. تركي: السكوت علامه الرضا .. بس ويهج ما يدل على جي .. قلت : مادري يا اخوي مادري .. تركي تربع : شوفي .. راكان غير عن ذياب .. بطلت عيني وطالعته .. تركي : ايه غير .. ذياب حركاته طايشه وللحين ياهل .. يركض ورى البنات وورى الموضه في كل شي .. يعني ما يصلح كزوج .. اما راكان ماشالله عليه عين الرزانه .. رجال والنعم فيه .. محامي عود ويعتمد عليه ..وهو قد الزواج .. نزلت راسي .. xxxxxه ..خايفه اظلمه اذا خذته .. واخاف هو يظلمني .. تركي : ما قلتي شي .. سكت .. تركي : اذا مب موافقه عطيني خبر .. ترى الرجال ينتظر .. بيني وبينج هو امس كلمني يستعجلج في الرد .. بس انا قلت لج اليوم .. قلت : اوكي خلاص .. تركي : شنو خلاص .؟ نزلت راسي : موافقه .. تركي ابتسم وباسني على راسي : مبرووووك .. مبروك مقدما .. قلت : الله يبارك فيك .. طلعت من غرفته ورحت غرفتي على طول .. انسدحت على السرير افكر .. آه .. ان شالله ما اندم على هذا القرار .. هذا مصيري ياربي ..القرار اللي اتخذته صحيح والا لا .. آآه ياربي انا متحاره .. دخلت علي امي : الف الف الف مبروك ياحبيبتي .. باستني وبستها : الله يبارك في حياتج .. قلت : يمه .. امي : نعم ؟ قلت : متى بترجعين حق ابوي .؟ امي : مادري .. مشاري يكلمه .. انا مادري .. قلت : اوه عيل عرسي وعرسج مع بعض .. هههههههههههههه امي : هههههههههه .. الله يسندر بليسج .. انا مب مسويه شي .. قلت : لا يمه لازم نسوي حفله صغيره .. وعقب تروحون فندق .. امي : ههههههههه شدعوه تونا معاريس .. اذا رجعنا بيكون يوم عادي .. ما بسوي حفله ولا شي .. وبنام في بيتي .. قلت : يه شدعوه .. امي : ايه حبيبتي .. كيفي .. قلت : اوكي كيفج .. طلعت امي ودخلت مشاعل : مبرووووك حبيبتي .. ابتسمت : الله يبارك فيج .. مشاعل : واخيرا باحظر عرس .. قلت : انتي ما سويتي عرس صح .. مشاعل : ايه ما سويت .. لان ابوي كان متوفي من سنه .. وما حبيت اسوي عروس ودوشه .. سوينا حفله بسيطه وخلاص .. قلت : مشاعل ودي اسألج سؤال .. بس ابيج تجوابيني بصراحه .. مشاعل : قولي حبيبتي .. اسمعج .. قلت : بتجوابيني بصراحه .. مشاعل : امممممم ايه بجوابج .. قلت : انتي كانت لج علاقه مع تركي قبل لا تتزوجون ؟؟ مشاعل بلعت برجها : تبين الصج .. قلت: ايه .. مشاعل : ايه كانت لنا علاقه .. قلت : من متى ؟ مشاعل: والله من زمان .. كلمته بالصدفه .. حسبالي اخوي . لان يختلف على اخر رقم .. وانا بدال ما اضرب 6 .. ضربت 5 واتصلت حق تركي .. وطلع نفس الصوت .. هههههههه لا تذكريني ترى افتشل .. قلت : ليش ؟ شقلتي له .. مشاعل : هههههه كنت متهاوشه مع اخوي الصغير وجر شعري .. وانا اتصلت حق مشعل اخوي على اساس يكلمه ويهاوشه .. قلت : انزين .. مشاعل : اتصلت حق تركي وانا مادري وقلت : مشعل تعال بسرعه شوف عزوز .. تركي : من ؟ مشاعل : شووف عزوز طقني .. تركي: طقيه .. مشاعل : لا انت تعال هاوشه .. تركي : انا بعيد .. مشاعل : انزي هاك كلمه على التلفون . تركي : لا ما ابي اكلمه .. انتي منو ؟ مشاعل : انا شعول ما تعرفني يعني .. والا رقمي مب مسجل في جوالك .. تركي : لا مسجل بس انا ما شفت منو .. مشاعل : انزييييييييييين هاوشه .. انا هددته فيك .. تركي : انزين تأكدي انتي حق منو داقه تلفون وساعتها تكلمي .. مشاعل تكلمني : عاد انا هنيه صخيت .. ضحكت : هههههههههههه وتركي كمل معاج في البدايه .. مشاعل : ايه كمل .. وهذا اللي خلاني ما اشك فيه .. لانه يتكلم نفس برود مشعل .. قلت : وبعدين .. مشاعل : وبس حفظ رقمي وتم يتصل لي ويقول : هااا عزوز طقج والا لا .. ضحكت: هههههههههههههه ويتطنز بعد .. مشاعل : ايه وانا كل ما يجيب لي السالفه اضحك وانحرج .. قلت : والله خوش تعرف .. مشاعل : اي بس لا تقولين حق تركي .. قلت : ايه افا عليج .. ما راح ابطل حلجي .. عقب ناديت : تركي ..!! مشاعل : يااااااااماااااااااااال العافيه .. انطمي .. ضحكت : هههههههههههههههه .. عقب تذكرت . قلت : لحظه لحظه .. مشاعل :شنو ؟ قلت : بس انا سمعت محادثه بينكم .. ان تركي كان يبي يبات عندج .. مشاعل تغيرت ملامحها .. قلت : شفيج .. مشاعل : لانا تزوجنا بالسر وعقب اعلنا زواجنا .. قلت : وليش تزوجتو بالسر ..؟ مشاعل: مادري .. تركي شار علي .. وانا كنت اموت فيه . ما قدرت ارفض .. قلت : امج واخوج يدرون .. مشاعل : امي تدري .. بس اخوي لا . قلت : انزين شلون ما حس ؟؟ مشاعل : مشعل دووم يسافر .. وما يقعد في البلاد ابد .. اذا بيطول في الدوحه يقعد شهر .. وهو مب داري عنا .. قلت : وشلون تزوجتي .؟ مشاعل: امي قالت حق عمي الوحيد وعمي وقف معاي وساعدني .. قلت : ما خفتي ؟ مشاعل : امبلا خفت .. بس تركي كان يشجعني . قلت : وليش تزوجتو بالسر ..؟ ليش ما قلتو حق احد .. مشاعل : انا ما كنت ابي اتزوج بالسر .. بس تركي اللي لزم علي .. قلت : ليش ؟ مشاعل : اقول لج مادري .. وهذا الشي الوحيد اللي محيرني لليوم .. قلت : ما سألتي تركي .؟ مشاعل : سألته .. سألته وايد .. بس دوم يضيع السالفه والا يقول السالفه طويله .. والا يقول مب مهم .. ما عرفت منه الجواب .. قلت : انتي شنو تتوقعين .. مشاعل : ممممادري .. بس انا شاكه في شي .. قلت بلقافه : شنو ؟؟ مشاعل : كان هذا اول مشاورنا انا وتركي عشان نتزوج .. قلت : ليش زواجكم كان له مشاوير .. مشاعل : ايه .. قلت : انزين .. مشاعل : تركي قال لي بروح اخطبج من اهلج .. وانا قلت له الباب مفتوح حياك الله في اي وقت .. وبعد كم يوم تقدم لي من اخوي .. وقال لي تركي بعد ما طلع من بيتنا وكان معصب .. تركي معصب : انتي ليش ماقلتيلي ان اخووج مشعل ؟؟ مشاعل : وانا شدراااني انك تبي تعرفه منو .. شسوى فيك .؟ تركي : انصدمت يوم عرفت ان هو اخوووج .. ويوم قلت له اني ابي اتزوجج رفضني .. مشاعل : ليش انزين ..؟ تركي : تسأليني انااا .. بس انا ما راح اخليه .. ما راااح اخليه .. بتزوجج يعني بتزوجج .. وسكر التلفون في ويهي .. وما اتصل لي الا بعد يومين .. قلت : وما عرفتي منه السالفه .. مشاعل : لا .. كان يقول ان مشعل كان يعرفه قبل .. يعني كانوا ربع .. قلت : وهاي اللي مضايق تركي ..؟ مشاعل : مادري عنه .. قلت : انزين شلون عقب تزوجتو .؟ مشاعل : كلمني تركي وقال لي إنا نتزوج بالسر .. انا قلت لا على طول .. بس هو قال انه يحبني وما قدري يستغنى عني .. وعقب لان راسي ووافقت .. وقلت له اني بقول حق امي .. وقلت لها وامي طبعا رفضت .. بس انا بكيت في حظنها وقلت لها ان مشعل ما راح يزوجني .. وانا بكبر ومشعل مب دراي عني .. وامي من النوع اللي بسرعه ينقص عليها لانها طيبه .. فقالت لي سوي اللي تبينه بس انتي اللي بتتحملين اللي بيصير .. وانا كنت واثقه من تركي كل الثقه .. وكنت متطمنه .. وقلت حق تركي وتزوجنا الحمدلله .. قلت : شلون عقب اخوج وافق ؟ مشاعل : من قال لج انه وافق .. قلت : عيل شلون اعلنتو زواجكم .؟ مشاعل : انا اقول لج .. رجع مشعل من السفر بعد ما صار لنا متزوجين شهرين .. وياني مشعل وقال لي ان في واحد خطبج مني ..وانا رفضته .. ومشعل يبي يغصبني عليه .. ورحت على طول اتصل حق تركي .. وقلت له .. وتركي عصب ويا البيت .. اللي هو بيتنا .. وتهاوش مع مشعل .. وانا في هالحزه كنت في غرفتي مع امي اصيح .. خايفه تركي يطلع من البيت ومشعل يذبحني .. قلت بندماج : انزززززززززين .. مشاعل : عقب تركي اتصل لي .. تركي : شعول تعالي الميلس بسرعه .. مشاعل :رحت الميلس مع امي .. ما قدر اروح بروحي .. واول ما دخلت الميلس لقيت مشعل وتركي واقفين جدام الباب وشكلهم معصبين .. مشاعل : خير ؟ مشعل معصب: الكلام اللي يقووووله هذي صح ؟؟ مشاعل بخوف : اي كلام ؟ مشعل : زواااااااجج منه .. مشاعل قربت من تركي : ايه صح .. انت رفضته .. وانا احبه وهو يحبني . وتزوجنا على سنه الله ورسوله .. تركي : سمعت الكلام بنفسك .. اظن الحين لي الحق اني اخذها بيتي .. مشعل : لا حبيبي .. بتطلقها الحين .. مشاعل شهقت .. تركي يضحك ضحكه استهزاء : اطلقها .. ليش انا تزوجتها عشان اطلقها ..؟ مشعل : انت خذتها بدون شوري ولا راي رجال .. تركي : بس الحين القرار قرارها .. وانا ما انتظرك تقبل والا ترفض .. والحين انتهى الكلام اللي بيني وبينك .. ومشاعل بتجي معاي الحين .. مشعل : سويتها .. سويتها ياتركي .. تركي : انت اللي ما رضيت من البدايه .. وانا قلت لك اني بتزوجها .. مشعل يطالع مشاعل : لا انتي اختي ولا انا اعرفج .. برررررررررررع .. امي : مشعل استهدي بالله .. مشعل : يمه انتي لا تتدخلين .. بنتج نجسه .. نجسسسسسسسه .. تركي صرخ : احترم نفسك .. هذي زوجتي صارت .. وهي الحين بتاخذ اعراضها وبتجي معاي .. من زين القعده معاااااك .. مشاعل تكلمني : وخذت اغراضي وانا اصيح وودعت امي .. ومن طلعت من البيت ما شفتها .. قلت : ومن طلعتي من بيتكم جيتي بيتنا ..؟ مشاعل : لا سكنت في فندق مع تركي .. وقال لي انه بيجهز كل شي وبيرتب الامور وبياخذني بيتكم .. قلت : وشلون كانت امي تستقبلج ؟ مشاعل : عادي .. رحبت وهلت .. اصلا امج عسل .. تفتح الباب بسرعه خرعني .. شفت تركي واقف .. تركي : انتي هنيه وانا ادورج .. مشاعل : خير ؟ تركي : ليش مندسه هنيه .. تعالي .. مشاعل قامت : ان شالله .. رحت صاله شفت امي تسولف وهي منفعله .. امي : لااااا انا مب طالعه من البيت يعني مب طالعه .. خالي : فاطمه الله يهداج .. ما بيحذفج في مزبله .. بيوديج فله احسن من هالبيت .. امي : بيتي وتعوت عليه .. ما اقدر افارجه .. قلت : خير خير .. شصااير ..؟ امي : سمعي رمسة خالج .. يقول ابوج يبي يشتري بيت ثاني ويسكنا فيه .. قلت : ايه يا زين ما قرر ابوي .. امي : وانتي موااافقه .؟ قلت : ايه .. عادي .. خالي : شفتي .. هذا البيت يا فاطمه قديم .. اذا انتي ما تبين تطلعين منه .. الحكومه بتطلعج بالغصب .. امي : شخانتها الحكومه فيني وفي بيتي .. خالي : خلاص هالمنطقه بياخذونها كلها .. وبيعطونكم بيوت يديده .. يعني روحي البيت اللي قال عنه راشد احسن لج .. امي سكتت .. قلت : واخير بنروح بيت ثاني .. خالي : ايه صح .. مبروووك انتي.. ابتسمت : الله يبارك فيك .. خالي : بكره الملجه هاا .. قلت : بل بل .. بهالسرعه تبون تفتكون مني .. خالي : ايه خلاص .. ياج نصيبج وروحي مع زوجج .. رحت عند امي ولميتها : لا حبيبي .. انا بتم مع امي شوي .. ما ابي اروح بسرعه .. خالي : انتي بتروحين بيتروحين .. بسرعه والا شوي شوي .. قلت : لااااا خالي .. ابي اشوف البيت اليديد وابي احجز لي غرفه .. خالي : ههههههههههههه قولي جي من البدايه .. امي : هههههههههههه . تركي : عيل يلا .. خلنا نرتب اغراضنا عشان نطس .. ورحت غرفتي وفتحت الكبت وطلعت كل اللي فيه وحطيته على السرير .. فتحت الشنطه وقمت ارتب ملابسي .. وشوي الا دخلت علي مشاعل .. تخرعت .. دخلتها علي غريبه .. هي بالعاده تطق الباب .. شصاير .. طالعتها مستغربه .. مشاعل منزله راسها : ممكن ادخل .. قلت : حياج مشاعل .. شفيج ..؟ مشاعل : طلع زواجي منه تحدي .. تحدي يا ساره تحدي .. قلت : مشاعل شفيج ..؟ فهميني شصاير ..؟ مشاعل تصيح : طلع متزوجني عشانه متحدي مع مشعل .. قلت : مشاعل اهدي وفهميني شصار.. شلون تحدي .. يات وقعدت على السرير .. وانا قعدت جنبها .. مشاعل مسحت دموعها : انا سألته .. سألته عن كل شي محيرني.. سألته ليش تزوجنا بالسر .. قلت له ابي اعرف كل شي الحين .. تم ساكت وشكله مستغرب من اللي اقوله .. صرخت عليه وقلت له يقول لي الصج .. وقال لي كل شي وياريته ما قال .. قلت : انزين شقال ..؟ مشاعل : قال ان كانت له علاقه مع بنت .. وكان يحبها .. واكتشف ان مشعل اخوي اللي هو رفيجه يحبها بعد .. وتصادفو وصارت هوشه كبيره .. وراحت البنت حق اخوي مشعل .. وطلعت خاينه له ولتركي .. يعني طلعت تلعب عليهم هم الاثنين .. وتركي كان يبي يقهر مشعل .. وحلف انه يتزوج اخته .. وهو كان له علاقه معاي .. يوم عرف اني اخته تزوجني عشان يقهره .. قلت : بس هو كان يعرفج قبل لا تصير هالسالفه .. مشاعل : لا هالسالفه استوت قبل لا يعرفني .. يوم عرفني ما كان يعرف اني اخت مشعل .. ويوم خطبني عرف ان اخوي مشعل .. من جي عصب ..ورفضه اخوي .. يعني كان مصر على زواجي عشان يحر مشعل .. مو حب فيني .. قلت : يعني تركي يكرهج ؟ مشاعل : ما اعرف عن مشاعره الحين .. انا اللي كنت اعرفه انه يحبني وانا احبه .. بس الحين ما ادري .. انفتح الباب بسرعه .. التفت لقيت تركي .. تركي : وينج انتي ..؟ رايحه تتشكين لها .. مشاعل : اتشكى حق منوو ؟؟ يعني ما يصير اقعد مع اختك شوي اذا كنت متضايقه .. تركي : وشنو اللي مضايقج .. عشان قلت الصج .. انتو يالبنات ما تحبون تسمعون الا كلام الغزل بس .. قلت : شفيك تركي الله يهداك .. مشاعل ما سوت شي .. تركي : انت سكتي .. " ويأشر على مشاعل " وانتي مشي يلاا .. وراحت مشاعل مع تركي .. الله يستر شبيصر معاهم .. ان شالله ما يتهاوشون .. اوووف ياربي .. رحت وحطيت في الشنطه كم لبسه وعقب انسدت نفسي .. رحت الصاله ما لقيت حد غير فطوم وميمي .. قلت : وين ماما .. ميمي : ماما داحل عفتها ( ماما داخل غرفتها ) امحق لغه .. دخلت داخل لقيت امي ترتب اغراضها واغراض اليهال .. قلت : متى بنطلع .؟ امي : ليش مستعجله .؟ قلت : لا بس اسأل .. امي : مادري .. تنهدت وطلعت .. تميت ادور في البيت .. تمللت ورحت انام .. فتحت جوالي لقيت مسج ومكالمه .. فتحته لقيته من حمد .. " انا اكلمج لازم تردين علي .. مب تطنشيني .. على فكره انا كنت محترمج عشانج كنتي في بيتنا .. والا كنت بطلع كل اللي في قلبي "وي هذا شفيه .. انا اشهد انه مب صاحي .. الحين على ذمته مره .. وانا قايله له اني مخطوبه ويسوي جي .. شفت المكالمه بعد منه .. يوم رحت حق التفاصيل طلع هالكلام من يوم رجعت من بيتهم .. بل ما شيكت على موبايلي طول هالفتره .. حطيت الجوال على الطاوله اللي عند راسي وقمت البس بجامتي ..وانسدحت على السرير وانا افكر بحمد .. شسالفته .؟ شيبي مني .. خلاص انا ما ابيه ..على ذمته مره .. اووف .. ارقد احسن لي من هالتفكير ., غمضت عيوني ونمت .. حسيت باصابع يدي تعورني .. فتحت عيوني لقيت نصور وفطوم مشبصين على اصابعي .. صرخت : آآآآآآآآآآآآآآآآآآآآآآآآآ آآآآآآآآآآآآآآآآآآآي .. قوووووموووووووووووووووووا .. قاموا عني وهم متخرعين .. مسكت اصابعي اهمزهم .. قلت : شفيكم .. هديتوا اكل البيت وجيتو على اصابعي .. متووووحشين .., رحت الحمام وتسبحت وطلعت .. نشفت شعري وكششته واستشورت غرتي وصليت الظهر وطلعت .. لقيت خالي وتركي ومشاعل وامي في الصاله .. قلت : صباااااح الخير .. امي : اي صباح .. الحين الظهر قريب العصر .. قلت : عاد انا عندي صبح .. وقعدت جنبها .. قلت : شلونج ..؟ امي: وي شطاري عليج ؟؟ قلت : ولا شي .. بس مالكم بالعاده متجمعين في الصاله .. شالسالفه .؟ خالي : ماما اليوم اليمعه .. قلت : ااهاااا .. امي : ما حددتو الملجه .. خالي : لا ما كلمت راكان بالموضوع .. تركي :انا كلمته .. طالعته بسرعه .. تركي طالعني .. خالي : متى حددتوها .. تركي : بكره .. شهقت : شنوووووو ؟؟ تركي : شوي شوي على احبالج .. بكره ملجه عاديه .. وعلى ما اعتقد مافي خطوبه .. لان العرس راح يكون قريب .. امي : شلون يعني .؟ تركي : يعني بكره بيملجون و بيجيها ويلبسها الشبكه بدون معازم بدون حس .. وخلاص .. قلت : بس ؟ تركي : وشتبين يعني .. اذا عرسج قريب شتبين في الخطوبه .؟ قلت : انا ما اابي خطوبه .. بس من قال لك ان عرسي قريب .. شنو انتو تحددون كل شي من وراي .. تركي : لا مب من وراج هذا احنا قلنا لج .. طالعت امي ابيها تتكلم .. بس ساكته .. قلت : بس انتو تعطوني الخبر بصيغه امر .. مب خبر .. تركي طفر: يه .. امر والا خبر شفرقت يعني .. بينقص من عمرج يوم ..؟ بكره الملجه وانتو حددو العرس .. بس على فكره .. راكان الي قال لي ان يبي العرس قريب .. قام وراح غرفته .. طالعت امي بحيره .. قلت : راضيه عن اللي يصير .. امي : شصار .. اخوج قال الكلام الي قاله راكان .. قلت : وهم يحددون كل شي وانا ما ادري .. ما بقى الا يحددون العرس وقبله بيوم يقلون لي .. خالي : الحين شصار ..؟ خلاص الحين دريتي .. لا تكبرين السالفه .. طالعتهم وفي قلبي حره قلت :الحين انا مكبره السالفه ؟؟ يجيني خبر ان بكره ملجتي وانا مادري .. وعرسي يقلون انه قريب وانا ما عندي خبر .. وبعد ما تبوني اتكلم .. شنو انا مب من البشر .. شنو جنسكم انتووو .. وقمت رحت غرفتي ورقعت الباب وقفلته .. ما عرفت شاسوي من العصبيه .. مسكت المخده وقعدت اضربها في السرير انا اصيح .. اصيح على حالي .. مادري حالي بيتطور يوم بتزوج الا لا .. هديت المخده لان حسيت ان يدي تكسرت .. طحت على السرير وضميت روحي .. رن جوالي .. ما شفت من المتصل .. حذفت على الارض وتفتح .. سمعت طقه باب .. قلت : منو ؟ مادري كان صوت منو .. يا خالي يا تركي .. رحت وفتحت الباب .. وانصدمت بوجود ابوي.. ايه ايه ابوي .. صرخت : يبه .. ابوي ابتسم .. وطحت في حظنه وانا اصيح .. وتم يمسح على شعري .. ابوي : شفيج حبيبتي ..؟ من زعلج .. قلت : وينك يبه .. ليش ما جيب من زماان .. ابوي : كاني جيت حبيبتي خلاص .. قمت عن حظنه وانا امسح دموعي .. قلت : رجعت امي .؟ ابوي ابتسم : ايه .. ما عرفت شاسوي من الفرحه .. نقزت عليه وحظنته .. ابوي : هههههههههههه شوي شوي .. خالي : وانا اقووووول وين راح راشد .. ابوي ابتسم : يلا بكره بننقل البيت الجديد .. قلت : صج ؟؟ ابوي يقلد صوتي : ايه .. الا وين غايوه .. ما تجيكم ..؟ خالي : امبلا تجي .. بس اليوم ما جات .. غايوه من ورى خالي : ومنوووو قااااااااال ..؟ ابوي : هلا هلاااا والله .. هلا بغايتي هلا والله .. وضمها وسلموا على بعضو ورحنا الصاله .. وتجمعنا كلنا .. امي وابوي .. واختي واخوي .. وخالي ومشاعل .. واليهال يلعبون .. والله فرحتي ما تتصور .. راح احط لكم مقاطع من الاحداث اللي راح تصير في الجزء ال 17 ابوي : بكره ان شالله بجي وباخذكم البيت اليديد .. الحين اخليكم ترتبون اغراضكم .. تركي : يعني اذا حاطه في بالج ان بتأجلين الملجه فماراح تأجلين .. امي : ليش يعني ...؟ عشان تشترين لج شي تلبسينه حق ملجتج .. والا نسيتي ان اليوم ملجتج يا ست الحسن .. قلت : يوعانه .. مقعديني من النوم على لحم بطني وبعد ما تبوني اكل .. معدتني تهاوشني من مساعه .. تركي : المستشفى .. هاجر : مب اليوم ملجتج .. هاجر تغني : ززززي العسل على البي هوااه .. كتمت الصيحه : غايووووووه .. قلت بروع : منو ..؟ .....: يعني شدعوووه ما تبين تنزلين لنا آآآآآآآآنسه ساره . |
الج 17 زء شفت ابوي يمسك بطن غايوه .. ومستانس عليه .. وغايوه شكلها منحرجه .. هههههههه والله شكلها يضحك .. ابوي : مبرووووووك ساره .. نسيت اقول لج من البدايه .. ابتسمت : الله يبارك فيك .. تمينا نسولف ونضحك وعقب امي حطت العشا وتعشينا .. غايوه : يلا عيل انا بروح .. مع السلامه يا جماعه .. ابوي : وين ..؟ غايوه : ماجد عند الباب .. امي : الله يحفظج .. وسلمي عليه .. غايوه : الله يسلمج .. ان شالله يوصل .. وطلعت .. وشفت ابوي قام .. ابوي : يلا عيل انا بعد بروح .. قلت : وين .؟ ابوي : بكره ان شالله بجي وباخذكم البيت اليديد .. الحين اخليكم ترتبون اغراضكم .. امي قامت وطلعوا في الحوش .. وانا رحت غرفتي وقمت ارتب بعض اغراضي .. وعقب تركي دخل علي .. تركي : ادخل .؟ قلت : حياك .. تركي: للحين ترتبين .. قلت : ايه انت شعليك .. قاعد ومشاعل المسكينه اللي ترتب اغراضك ... تركي : لا انا رتبت معاها .. قلت : انزين هالبيت شبتسوون فيه .؟؟ تركي : مادري عن ابوي .. يبي يبيعه والا يأجره .. قلت : اهاا .. تركي : انا قلت حق راكان ان بنغير البيت .. قلت : وانزين ؟ تركي : يعني اذا حاطه في بالج ان بتأجلين الملجه فماراح تأجلين .. اووف الله يسندره انا كنت ناسيه .. قلت : وانت ليش جي مشتط وشاد حيلك .. ليش تبيني اتزوج بسرعه .. تركي : انا مالي خص فيج .. بس راكان هو اللي يقولي ان الملجه في هاليوم .. وعقب انتي راح تسمعين منه كل شي .. لانه راح يكون زوجج .. سكت وتميت ارتب اغراضي وانا ساكته .. وكاتمه حرتي .. بااط جبدي .. يتحكم فيني على كيفه ولا يقول لي ان راكان الي قالي .. يبي يكرهني فيه .. اوووف شهالحاله .. حطيت اغراضي كلها في شناط ووديتهم الصاله .. امي : هذول كل اغراضج .؟ قلت وانا اتنهد : ايه كلهم .. ورحت غرفتي وطحت على الفراش ونمت .. حسيت براحه مب طبيعيه .. انزعجت من صوت امي اللي صار لها ساعه تصارخ .. امي : قووووومي ما في وقت ساااروه .. قمت معصبه : يماااااااااه .. شتبين قومتني الساعه 9 .. شفيج ؟؟ امي: ليش قمتي حبيبتي .. جان كملتي نومج وخليتيني اصاارخ عليج لين ما اموت .. وعقب بكل برود فلعي علي نعالج >> عزكم الله << وقوليلي طلعي برع .. ضحكت .. اول مره اشوف امي جي معصبه .. قلت : هههههه شفيج يمه الله يهداج .. انزين ليش تقعديني الحين .؟ امي : قووومي رووحي السوق بروح معاج .. قلت :ليش ؟؟ امي : ليش يعني ...؟ عشان تشترين لج شي تلبسينه حق ملجتج .. والا نسيتي ان اليوم ملجتج يا ست الحسن .. قلت : ويي .. ايه صح بروح .. زين فكرتو عني .. يلا بسبح وبطلع .. امي : عقب تسبحي .. يلااا قومي .. قمت وسمعت امي تتحرطم .. امي : يعني الواحد ما يبي يصارخ ويعصب .. بس ناس ما يساعدونه .. ابتسمت ورحت الحمام اغتسل .. وطلعت حطيت لي بودره خفيفه وحكل بني .. ومشطت شعري ولبست كليب بني .. وفتحت كبتي ولبست تنوره سكريه وبدي بني .. ولبست عباتي وشيلتي .. ورحت الصاله سمت ( بسرعه ) .. خالي وتركي : تو النااس .. ابتسمت : صبااح الخير .. خالي : صباح النور .. يلا تأخرنا .. قلت : انزين ليش مستعجلين ..؟ السوق مابيخلص .. خالي : وانتي تحسبين احنا ما ورانا غيرج ..؟ ورانا شغل وعفسه .. هه ليش مستعجلين قالت .. قلت : انزين يلاا .. قاموا واستغربت يوم مشاعل وتركي جاو معانا .. واستغربت اكثر يوم ما شفت اليهال .. سألت امي وانا اركب السياره: وين اليهال .؟ امي : خليتهم في بيت خالتج .. بعد مالي بارض اجابلهم في السوق .. قلت : وانزين ليش تركي ومشاعل جاين معانا ..؟ امي : يعني ما يطلعون ..؟ قلت : امبلا بس مالهم بالعاده يطلعون .. امي : ساروه لا تجننيني .. اليوم ملجتج .. ولازم مشاعل تكشخ وتلبس وتتعدل .. قلت : هذي ملجه .. وبعدين هاذي ملجتي يعني انا الي أكشخ مو مشاعل امي : يااااااربييييييي هالبنت بتجننييييييييي .. خالي : هههههههههههههههههههه .. ماما ساره .. خلاص .. امي : وبالمره نشتري حق عرس خالج .. خالي : احم احم .. عاد كشخووو في عرسي هااا .. قلت : ايه افااا عليك .. اذا بيضت الوجه في ملجتي .. بكشخ لك كشخه بنت .... امي : بنت شنو .. قلت : كشخه بنت امي .. ههههههههي .. امي ابتسمت : ايه حسبالي .. وتمينا طول الوقت واحنا نسولف عن عرس خالي .. ووصلنا الستي .. نزلت من السياره : يمه .. انا يوعانه .. امي : بنتغذى داخل .. بس سكتي .. استانست وسكت .. دخلنا وعلى طول محل الفساتين .. هم قالوا لي ان هم بيسون حفله صغيره .. الفستان ليش ؟ قلت : يمه .. امي : شنو ؟ قلت : بشتري فستان ؟؟؟ امي : ليش ما تبين ..؟ قلت : امبلا بس ليش .؟ انتو قلتو ان بسوي ملجه صغيره .. يعني مافي داعي حق الفستان .. امي مسكت راسها : ساروه انتي بتجننيني .. شفيج اليوم ..؟؟ قلت : شنووو ؟؟ امي : وفي السياره صار لنا نرطن ساعه عن اي موضوع ..؟ قلت : مادري ..!! امي : اشتري الفستان وانتي سااكته .. قلت : انزين ابي اعرف حق اي مناسبه عشان احدد فخامه الفستان .. امي تنفخ : حق عرس خالج حبيبتي .. حق عرس خالج .. ارجووج حفظي الكلام هااا ثبتيه في مخج ... ضحكت : ههههه زين .. دخلنا المحل وتميت اختار .. بس ما لقيت شي يعجبني .. قلت : يمه مافي شي عجبني .. ابي افصل .. امي : مافي وقت .. و عرس خالج بعد شهر .. يمديج تختارين القطعه وتختارين الموديل وتفصلين .. وبعد اي مصصم واي خياط بخيط لج ؟؟؟ قلت : اوووووه .. يمه في هالساعه بيحلها الف حلال .. امي : انزين اختاري حق ملجتج شي ناعم .. ودرت في المحل ورحت محل ثاني .. وشفت فستاان عجبني .. قلت : يمه يمه يمه .. امي : خير ..؟ قلت : هالفستان عجبني .. ناعم مافيه شي .. امي : ايه حلو .. قايسيه يلاااا .. دخلت غرفه القياس اللي دلتني عليها صاحبه المحل وقسته .. طلع على جسمي .. عجبني .. طلعت : يمه ابيه .. امي : اكيد تبينه .. مب نوصل البيت تغيرين رايج .. قلت : لا تطمني عاجبني .. شريته.. ورحت محل ثاني حق الاكسسورارات .. وشريت .. قلت : يماااااااه ..!! امي : وصمه .. قلت بدلع : يمه انتي وايد صايره قاسيه علي .. " ومديت البوز " امي : شتبين الحين .. قلت : يوعانه .. مقعديني من النوم على لحم بطني وبعد ما تبوني اكل .. معدتني تهاوشني من مساعه .. امي : زين باتصل حق خالج .. قلت : ليش هو وينه ..؟ امي : يعني وينه .. تلاقينه راح منيه والا منيه .. اتصلت امي حق خالي وكان قريب منا .. ورحا مطعم ناندوز الموجود في الستي .. المطعم المفضل عند خالي .. مع اني اشوفه عادي وبعد ما قعدنا جا تركي ومشاعل .. وشكلهم جاين من برع .. يعني طلعوا من المركز وردو .. امي : وين رحتوا ..؟ تركي : المستشفى .. امي حطت يدها على قلبها : حق منو ؟؟ تركي : وانتي كله متخرعه وبس .. تطمني .. احنا رايحين المستشفى حق مشاعل .. امي تطالع مشاعل : شفيج ..؟ عسى ماشر .. مشاعل : ما شر يمه .. بس رحت اشيك .. امي : ايه على شنو .. قولوا غثيتوني .. تركي : مبرووك بتصيرين يده .. امي استانست : ويه .. مشاعل حااااااامل ..؟ مشاعل انرجت ونزلت راسها .. تركي : ايه حامل .. امي : مبروووووك مبروووك .. تركي : الله يبارك فيج ويخليج .. يلا الفال تشوفين عيال مشاري .. خالي : شوي شوي علي.. انا عرس للحين ما عرست .. تركي : بعد لازم عرس .. ملجه وخلاص .. قلت : ايه ايه لا تقعد تخرب مخ خالي .. مسكت يد خالي .. قلت: خالي ما عليك منه .. بشتري فستان فضيع حق عرسك .. بخلي المصمم زهير مراد يصمم لي اياه .. خالي شق الحلج .. طلبنا وكلنا وكان المكان محتشر من سوالفنا وضحكنا .. امي : وي وعليّا اليهاااااااااال .. ( وعليّا يعني مساكين ^.^ ) قلت : ليش شفيهم بعد ؟ امي : من مساعه مخليتهم في بيت زينب .. حرام بروحهم قاعدين .. خالي : هاا جبتو سيره القط جانا ينط .. كاهو شوفوهم .. التفتنا صوب ما خالي أشر .. لقينا فطوم وميمي ماسكين يد بعض ويمشون خطوه وينقزون (يقفزون ) وناصر وراهم اللي يقول محرم هع .. وخالتي ونور ونجوى وجاسم وراهم .. قمنا عشان نسلم عليهم .. نور وتفتح يدها لي : سااروووه . قلت بنفس النبره : نووروووووه .. وضمينا بعض واحنا نضحك .. نور : وحشتيني وينج يالخايسه .. قلت : والله موجوده في بيتنا بعد وين بكون .. انتي ليش ما تجين ..؟ نور : والله عندنا حوسه .. قلت : حوسة شنو ؟ نور : رفيجتي هنادي بتعرس قريب .. وانا وياها دوم .. هذي اللي بتاخذ حمد جاركم.. قلت : ايه عرفتها .. تطلع رفيجتج ..؟ نور: ايه .. قلت : عيل تعرفين هجور بنت عمتي ..؟ نور: ايه هجور .. اعرفها بس مب وياها دوم .. قلت : صج الدنيا صغيره .. وشوي الا احس بشي ظرب ظهري بقوه .. التفت لقيت نجوى متكتفه وتطالعني .. نجوى : لا كملي سالفتج .. كملي سالفتج حبيبتي وطنشيني واعتبريني انا والطوفه واحد .. ضحكت ورحت اسلم عليها : هههههههههههه والله مادري وين كنتي .. نجوى : وين غايوه فديتها .. هي اللي تجي تركض لي تسلم .. مب انتي .. مطنشتني انا والطوفه واحد .. نور : خلاااااااص درت عارفت .. حفظت . ضحكت : ههههههههههههه .. والله سوالفهم تجنن .. الله يخليهم لبعض .. شفت تركي يأشر لي .. رحت صوبه : خير .؟ تركي : لا تقعدون تتكركرون جدام الله وخلقه .. قلت : ليش .. شي ضحكني وضحكت يعني ما يصير .. تركي : ضحكي بس مب لازم المركز كله يعرف انج ضحكتي .. قلت : ان شالله اخوي .. تامرني بشي ثاني ..؟ تركي ابتسم : سلامتج الغاليه .. رحت صوب نور ونجوى اللي من هديتهم وهم يتهاوشون .. قلت : بس انتي وياها ويلا خلنا نتشرى .. وتمينا ندور في المحلات وشفت فستان عجبني .. اخضر عشبي واحمر واصفر ومن هالدرجات .. بس ما لقيت سايزي .. كنت بموت من القهر .. انا بالزور يعجبني شي .. بعد ما القى قياسي .. امي: خيرها في غيرها .. امشي كاهو فستان حلو .. دخلت المحل وهو ثاني محل ادخله للفساتين .. لان الستي مافيه وايد محلات للفساتين .. المهم .. دخلت وشفت فستان اسود ناااااعم .. وكلاسك .. عجبني .. امي: بس وايد ناعم .. خليه حق ملجتج .. قلت : لا انا خذت حق ملجتي .. امي : عيل هذا وايد ناعم حق عرس خالج .. قلت : احسن ناعم .. رحت عنها وقايسته وطلع اوكي .. وبعد الحوسه واللمه رجعتنا البيت .. وكنت اتمنى ان نجوى ونور يجون معانا البيت .. بس احنا بننقل الحين .. نزلت من السياره وانا حاسه ان ظهري بينكسر .. شليت لي كيسين ورحت على طول الغرفه وانسدحت على السرير .. امي دخلت علي : قومي قومي .. مافي وقت .. كاهو ابوج اتصل وقال لنا يلا البيت جاهز .. وبنروح الصالون عشان تتحنين .. قلت : يمه .. امي : هاا .. قلت : ابوي شبيسوي في هالبيت ..؟ امي : بيعطيه تركي .. قلت : بس تركي شل ثيابه واغراضه .. امي : لان بيعدله قبل لا يسكنه .. قلت : اهاااا .. امي : يلا قومي .. يا خالي وتركي وتموا يشيلون الاغراض .. وخالد يساعدهم شوي .. ( مادري ليش احسكم ماتعرفون منو خالد ..تعرفونه ..؟ هههههههه خالد اخوي عمره 10 سنوات ^.^) ركبت السياره بعد ما ركبوا الاغراض في سياره تركي .. وفي الطريج .. مسكت جوالي واتصلت حق لطوف .. ما ردت .. حطيت جوالي في الشنطه ..وطالعت الطريج .. 10 دقايق ووصلنا الصالون .. ما كان في زحمه لان الحين الظهر .. محد يجي وايد .. قلت لهم ابي اتحنى .. وجاو ثنتين هنديات وبدوا يشتغلون .. وانا اشوفهم ومندمجه .. وحنوني لين الكوع .. من ظهر اليد ومن بطنها .. خلصت وانتظرت الحنه تنشف .. شوي ونشفت بس امي ماخلتني اغسلها .. قالت لي في البيت .. المهم طلعنا من الصالون متوجهين للبيت .. عشر دقايق ووصلنا البيت .. طالعته من الدريشه قبل لا انزل .. كان شكله حلو وكبير .. اابوي من وين له كل هالفلوس عشان يشتري هالبيت ..؟ وشلون شراه بهالسرعه .. سؤااال يحير .. خرعني تركي يوم طق علي الدريشه .. تركي : مب نازله ..؟ قلت : امبلا بنزل .. ونزلت ودخلت .. شفت امي واقفه في وسط الحوش .. ضميتها من ورى وقلت : عجبج البيت .. امي : ايه. . حلو من برع .. كملنا لين وصلنا داخل البيت ,., أول مافحنا الباب كان أبوي بأستقبالنا .. رحنا سلمنا عليه ..^_^ ابوي : شحالكم .. امي : بخير كلنا الحمدلله .. ابوي : وين الباقي .. امي : ينزلون الاغراض .. ابوي : بروح اشوفهم عيل .. وانتو شوفوا البيت .. اخذووا راحت راحتكم .. ابتسمت وطرت يمين ويسار وفوق وتحت اشوف البيت .. كان مكون من 6 غرف .. وحده لي ^.^ ووحده حق امي وابوي ووحده حق تركي وزوجته ووحده حق خالي ووحده حق خالد وناصر ووحده حق ميمي وفاطمه .. والمطبخ فخم وحلو .. وفي مجلس بس برع .. نزلت من فوق .. امي : عجبج ..؟ قلت : ايه يمه فضيع .. روحي فوق شوفيه .. امي : عيزانه .. اذا رحت فوق ارقد بروح اشوفه .. ضحكت : ههههههههه يمه ما اخبرج كسوله جي .. امي : انا مب كسوله .. لكن انتي عيزتيني .. تدورين في السوق دوراة اليهد .. وين ما اتعب .. ضحكت :هههههههههه عيل تبوني اشتري من محل واحد .. امي : سكتي بس .. وروحي ودي شنطتج غرفتج .. قلت : بس انا ما اعرف اي وحده غرفتي .. انا اللي اعرفه ان لي غرفه .. بس اي وحده ما ادري .. سمعت حس حد من وراي : غرفتج مجابله الدري ( السلم ) التفت الا ابوي يطالعني وهو مبتسم : وانت محدد لي في اي غرفه اقعد ..؟ ابوي : ايه .. قلت : اوكي .. الحين بودي اغراضي .. شليت شنطتي الصغيره لاني ما اقدر على الكبيره .. وشليت شنطه في اغراضي من العطور والمكياج .. ورحت غرفتي فوق .. واول ما وصلت غرفتي رن جوالي .. رحت بسرعه صوب شنطتي وفتحها وشفت هاجر المتصله .. رديت : هلا والله هلا .. هاجر : اهلين بمرت اخوي .. ضحكت بخجل : ههههههه هلا فيج .. شخبااارج ..؟ هاجر : طيبه الحمدلله .. انتي شحالج .؟ هاجر : اليوم بالذااات بخير . قلت : دوووم ان شالله مب يوم ... بس شالسبب .؟ هاجر : مب اليوم ملجتج .. تذكرررررررررت .. ايه صح اليوم ملجتي .. شلون جي انا نسيت .. مع ان امي الصبح مذكرتني ورايحين السوق عشان هالسبب .. قلت : ايه امبلا .. هاجر: ايه هاي المونسني .. قلت : هجووور ابيج تقولين لي الصج .. هاجر : خير قولي .. بقول لج كل اللي اعرفه .. قلت : من قال حق راكان يتزوجني .. هاجر شكلها مستغربه من سؤالي : هااا ..؟ قلت : جاوبي .. هاجر : محد قال له .. هو اللي جا وقالي عشان اقول لج.. قلت : يعني محد قال له روح تزوجها والا شار عليه .. هاجر : يعني من بيقول له .؟ محد قال له عنج .. قلت : مادري .. خلاص زين انسي السالفه .. شخبار عبدالله .. هاجر تغني : ززززي العسل على البي هوااه .. ضحكت : ههههههههههه دوووم ياربي دوووم .. وتمينا نسولف ونضحك وعقب سكرت وانا نمت على طول .. قمت بسرعه متخرعه من صوت امي .. قلت : شفيج ؟؟ امي : قووومي شوفي الساعه كم الحين .. وانتي للحين ما جهزتي ولا سويتي شي .. قلت : ليش وين بنرووح .؟ امي : ياربي هالبنت بتذبحني .. بتذبحني .. قمت ومسحت ويهي بيدي : اسم الله عليج يمه .. اسم الله عليج .. بس ليش البس ^.^ امي تنهدت : ملجتج اليوم على راكان ولد عمتج .. والا انتي نسيتي بعد .. قلت : لا ما نسيت .. بس انتي دودهتيني .. تصرخين علي وانا نايمه .. امي : آسفه الشيخه ساره .. قومي يلاا. . ابتسمت ورحت الحمام اتسبح .. وطلعت شفت الساعه 6 ونص .. بسرعه رحت حق امي تحت .. قلت : يمه شاسوي الحين .. امي : الحين بتجي مره طلبتها لج مشاعل .. بالزور رضت تجي اليوم .. قلت : شتسوي لي المره ..؟ امي : حق الشعر تسوي شعرج .. قلت : والمكياج ..؟ امي: المكياج ..مشاعل بتمكيجج .. ماشالله عليها تعرف .. قلت : صج ..؟ امي : ايه يلا بسرعه الحين بتجي المره .. قلت : اووووكي .. ورحت غرفتي وعلقت فستاني الذهبي الناعم البسيط .. وما كان معفس (مكرمش ) مع ان القطعه حرير .. ورحت المطبخ وشفت وحده مستمته قاعده على الكرسي .. وشكلها اندونيسيه .. قلت : منو انتي ؟؟.. .....: انا سونيتا .. قلت : منو سونيتا .؟ سونيتا : كداما .. اهاااا .. خداااامه .. والله خوش فله .. يايبين عندنا خدامه .. زين سوا ابوي .. قلت : انزين سوي بخور .. تعرفين .. سونيتا : ايه انا يعرف .. انا يشتقل في سوديا اول .. اهااا .. مشتغله في السعوديه .. قلت : يلا سوي بخور بسرعه زين .. سونيتا : شنو اسمك ..؟ قلت : ساره .. ورحت عنها عند امي. . لقيتها كاشخه بجلابيتها الكشخه ومتعطره ومنسله الشعر .. قلت : يه يه يه .. شهالحلاااااه .. امي مبتسمه : عيونج الاحلى .. بس يلا روحي .. المره في الصاله الثانيه .. روحي لها مافي وقت .. قلت : زين .. رحت عندها .. قلت : هااي .. قالت : هاااي .. انتي العرووس. . ابتسمت : ايه انا العروس .. قالت : اقعدي هنيه .. " اشرت على الكرسي اللي جدامها " قعدت وبدت تسوي شعري .. وانا طبعا قلت لها اني ابي حركه بسيطه .. ما احب الدفش .. بعد نص ساعه يمكن خلصت شعري ورحت على طول صوب المنظره .. وطالعت نفسي .. عجبتني التسريحه .. تناسب ويهي .. مسويه شعري باف ( يعني مرفوع او منفوخ على فوق بس مو كله ) وحاطه سلسله جابتها بطريقه حلوه .. المهم عجبتني التسريحه وخاصه انها مخليه شعري على طوله .. وخاصه انه طولان .. الكوافيرا : ما عجبتج التسريحه ؟ قلت : لااااا بالعكس .. واايد حلوه .. مشكووره تسلم يدج .. قالت : العفو حبيبتي .. جات امي حاسبتها وراحت و جات وراها مشاعل ومعاها عدة المكياج .. مشاعل : طلبااتج ..؟ ضحكت : هههههههه شنو بتخطبيني حق اخوج.. مشاعل : ههههه لا شدعوه .. بس يعني طلباتج للمكياج .. تبينه سموك تبينه قصه والا تبينه وحشي والا شلووون ؟؟ قلت : والله مادري .. ابيه لبناني .. مشاعل : اووكي .. واللبناني لايق عليج اكثر من اي مكياج ثاني .. لان ملامح ويهج حلوه وناعمه .. ابتسمت وجات عندي وحطت عدتها على الطاوله الموجوده في نصف الصاله و بدت تمكيجني .. بعد فتره امي جات : ما خلصتوا ..؟ ترى مافي وقت.. توه راكان متصل حق ابوج وقال له ان هم في فريجنا ( الحي , الحاره ) .. خفت : شنو ..؟ امي : ايه هم قراااب .. يلا جهزي .. قلت وانا شوي واصيح: يمااا وين غاااايووووووه .. ؟ امي : قالت لي عند الباب وطرشت خلود يفتح لها الباب .. خلصت مشاعل من المكياج وراحت هي تتعدل .. وشفت نفسي في المنظره وعجبني المكياج .. ما شالله عليها مشاعل تعرف تمكيج .. وشوي الا دخلت غايوه .. غايوه : السلام عليكم .. هلا بالعرووووووس .. كتمت الصيحه : غايووووووه .. ورحت لها وضميها .. غايوه : هههههههههه شفيج حبيبتي .. لا تقلبينها مناحه وصياح . قلت : الحين بيجوون .. غايوه : انزين يلا روحي لبسي .. مسكتني من يدي وودتني الغرفه فوق .. قلت : انتي شفتي البيت .. غايوه : ايه صباح النور. . شفته ويوم سألت عنج قالوا لي راقده .. قلت : ليش انتي جيتي العصر ؟؟ غايوه : ايه .. كنا انا وماجد برع ومرينا صوب بيتكم ونزلنا نشوف .. قلت : اهااا .. غايوه : يلا لبسي .. قلت : وانتي بتقعدين تتفرجين علي .. غايوه : ههههههههههههه عادي الا اختج .. قلت : يلا عاد . انا استحي .. خلج عند الباب عشان ما ادورج .. غايوه : زين بتم هنيه .. بس لا تطولين .. قلت : زين .. بس وين لطوف ..؟ غايوه : لطوف برع عند امي .. يلا تنتظرج هي .. قلت : اوكي .. سكرت الباب وتميت اطالع الفستان مده .. عقب لبسته .. وحاولت اسكر السحاب لكنه صعب .. ورى في الظهر .. ما قدر له .. فتحت الباب شوي شوي وناديت غايوه .. غايوه : شتبين .. خلصتي .؟ قلت : لا تعالي سكري لي الفستان .. غايوه : زين .. ودخلت وسكرت لي الفستان .. وطلع يجنن علي .. مع اني ضعفاانه وايد عن قبل .. بس مو ذاك الضعف الشين .. غايوه : ساروه الفستان خبااال عليج .. قلت بتوتر : صج .؟ حلو ..؟ .. انزين شوفي مكياجي مب مخترب ..شعري ..؟ غايوه : هههه شفيج .. كلج على بعضج قمر .. يلا روحي خلي امي تشووفج .. وعلى فكره .. ترى وصلو .. قلت بروع : منو ..؟ غايوه : راكان واهله .. قلت : من اهله .. غايوه : يعني بعلمج منو عيال عمتج ..؟ قلت : لا يعني اقصد من اللي جا معاه .؟. غايوه : هجور واريجوه العنز وامهم الي هي عمتي نهله .. ضحكت على تعليقها : ههههههههه وليش تقولين العنز .. ؟ حرام عليج .. غايوه : ايه الحين صارت اخت راكان حبيب القلب ما نقدر نتكلم .. قلت : هههههه قومي زين .. بس كاسره خاطري مسكينه .. غايوه : ليش مسكينه ..؟ قلت : انفصلت هي وخطيبها الله يكافينا .. غايوه :صج والله ..؟ ليش ؟ قلت : مادري والله .. ما عرفت السبب .. الي عرفته ان سوء تفاهم صار بينهم .. غايوه : الله يستر علينا .. يلا يلا قووومي نزللي .. ترى هم ينتظرونج .. قلت : وخالتي زينت ما جات .. غايوه : امبلا تحت كلهم .. يلا نزلللللي عاااااااد .. سمعت حس من ورى غايوه .. .....: يعني شدعوووه ما تبين تنزلين لنا آآآآآآآآنسه ساره .. طليت من ورى غايوه ابي اشوف منو .. الا لقيت هجور .. فتحت يدي : هجوووووووووووووور .. هاجر : فديتج سااااروووه طالعه تجننين .. يابخت اخوووووووي فيج . ابتسمت باخجل : عيونج الاحلى حبيبتي .. هاجر : يلا نزلي من مساعه امي تسال عنج .. خفت وحسيت نفضه في جسمي .. قلت : لا مب نازله .. ابي امي .. هاجر : وي وي وي .. شرايج بعد نجيب لج مرضاعه وحليب ونعطيج حليب قبل لا تناعمين .. قلت وانا شوي واصيح : ابي امي مالي شغل .. غايوه : بروح اناديها لج .. هاجر : قعدي انتي ودبتج .. انا بناديها .. غايوه : هههههههههههه بتشوفين يالدبه .. بيجونج يهال .. هاجر وهي رايحه : ههههههههههههههه لا ان شالله .. قعدت على في الصاله اللي فوق .. وكل شوي التفت اشوف المنظره .. وشوي الا جات امي .. قلت : يماااااااه .. امي : وي شفيج .. قلت : ما ابي انزل .. يمه يصير تكنسلون الموضووع .. امي : ويه حسبي الله على عدوج .. قومي يلا اهووه .. الحريم نتظرونج تحت .. وعمتج كل دقيقه سألت عنج . قلت : شهالحب اللي نزل مره وحده عليها .. امي : عيب يلا عيب .. وعمتج ترى مستويه حليوه .. مادري عشان بتصيرين جنتها والا شي مستوي عندهم .. قلت : قبل لا استوي جنتها كنت بنت اخوها .. امي: الله اعلم شفيها .. بس يلااا قومي بلا دلع .. والحين بيجيبون لج العقد توقعين عليه .. لطوف ياتني : هلااااا ساااروه .. فتحت يدي لها : لطووووووووف .. ياتني وسلمت علي : يلاا يلا نزلي .. الكل متحمس يشوفج .. قلت : صج ..؟ لطوف : ايه يلا .. تراج طالعه قمر .. ابتسمت .. لطوف : يلا انا بنزل اول وعقب انتي نزلي .. عشان اشوفج وانتي نازله .. هههه نزلت وشغلوا غنيه "الف الصلاه والسلام" والكل كان يطالعني وعيونهم علي .. نزلت بنعوومه ودلع تصنعته عشان أكون نعووومه .. وفي نفس الوقت كان يتراودني شعور الخوف والرجفه .. وأول مانزلت سلمت على عمتي .. عمتي : مبرووك حبيبتي مبروووووك .. قلت بخجل : الله يبارك فيج عمتي .. وجوا كلهم يباركون لي .. ويوم جات أريج تسلم علي قالت : مبروك .. وكانت طالعه منها بجفاااا .. قلت : الله يبارك فيج .. وسلمت على نور ونجوى اللي كانوا بيطيرون من الفرح .. وهالشي كان باين من عيونهم .. نور : مبرووووك فديتج مبرووك .. قلت : الله يبارك فيج .. الفال لج .. ^.* نور : لا واللي يسلمج .. الفال حق نجوى ههههههه .. انا ما ابي اتزوج .. نجوى: ايه وين الجبله .. الله يسمع منج قولي آآآآمين .. ضحكت : ههههههههههههههههه الله يسندركم .. امي سكت يدي .. امي : يلا تعالي .. قلت : وين .؟ امي : بتقعدين مكانج بعد وين.. والا عاجبتج الوقفه هنيه .. قلت بدلع : يمه اليوم ملجتي وانتي تزفيني ..؟ امي باستني : وي اسفه يا نظر عيني .. يلا حبيبتي .. ابتسمت رغم الخوف اللي سكني .. وقعدت مكاني وانا ماسكه باقه ورد صغيره واهز ريلي من التوتر .. شفت غايوه وامي يضيفون الحريم والخدامه وخدامه غايوه بعد .. والكل يدور وكأنهم نسوني .. حسيت روحي وحيده رغم ان الكل متجمع صوبي .. ونور شكلها تأقلمت زياده مع هاجر رغم معرفتهم السطحيه ببعض .. ونجوى مع غايوه تروح وتجي .. واريج تطالعني وكأني خطفت اخوها منها .. وعمتي نهله ولا التفتت صوبي .. وخالتي كل شوي طالعتني وابتسمت .. حسيت بالملل مع ان ما صار لي وقت من قعدت .. بس ما احب اكون انا صاحبه الحفل .. الكل يخدمني وانا قاعده .. احب اكون معاهم .. اسوي اللي يسوونه .. ما تعودت اقعد جي .. خنقتني العبره ونزلت دمعه تحرق من عيوني .. امي طلت في ويهي : يمه ساره .. شفيج .. صحت زياده .. كأني انتظرها تكلمني .. امي : شفيج بسم الله عليج .. قلت : ليش خليتوني ورحتو ..؟ امي : وين خلينااج .. احنا معاج يمه .. قلت : لا مب معاي .. كنتوا مشغولين وخليني انا العروس بروحي .. ما ابي استوي عرووس خلااص .. امي : ويه ساروه .. شفيج يمه مستوي عقلج عقل ميمي .. حبيبتي كنا نشتغل حق المعازيم .. والحين بيجيج راكان بينسيج هالزعل .. " قالتها وهي مبتسمه " يات خالتي ووقفت جنبي : يمه ساره شفيج ..؟ قلت : لا خالتي سلامتج .. امي : يلا زينب الحين بيجي راشد .. قولي حق بناتج يتغطن .. قلت : ليش ابوي يجي .؟ امي : عشان توقعين على العقد .. قلت : واذا ما وقعت على العقد شبيصير ..؟ امي : اذا ما وقعتي على العقد ما راح تتزوجينه .. ساره لا تصغرين مخج يمه .. خلاص .. سكت وشوي الا ابوي يايني وهو كاشخ فديته .. ابوي : يلا يلا وقعي نبي نباارك .. ابتسمت ومسكت القلم وانا ارجف .. قلت : وين اوقع ..؟ ابوي : تحت هنيه .." واشر لي وين اوقع " في هاللحظه خفت اني اندم على هالخطوه .. خفت هالتوقيع يكلفني حياتي .. ابوي : ساره ..؟ صحت .. ما قدرت اكتم اكثر .. ابوي : ساره ..؟ انتي موافقه والا لا ..؟ قلت : مادري .. ابوي : يه ..؟ شلون بعد ما تدرين .. الملاج والشهود وراكان وابوه والكل في الميلس ينطرون توقيعج .. وانتي قلتي انج موفقه .. والا انا ما راح اغصبج على شي ما تبينه .. سكت .. ابوي : ليكون تركي غصبج ؟ قلت : لا ما غصبني .. خلاص بوقع .. ابوي مسك القلم وبعده عني .. ابوي : انتي تبينه ..؟ تصدقون .. ما سألت نفسي هالسؤال .. والله مادري اذا ابيه والا ما ابيه يا يبه .. ما تفرق عندي .. قلت بتردد : امبلا .. ابوي: عيل ليش ما توقعين ..؟ خذت القلم من عنده ووقعت .. وابتسم لي وباسني فوق راسي .. ابوي : مبروك .. الف الف مبروووك .. قلت بصوت ما ينسمع : الله يبارك فيك .. وراح عني .. ويات امي وسلمت علي وباركت لي .. ومن بعدها عمتي وخالتي والبنات وغايوه ومشاعل .. قلت : الله يبارك فيكم .. الفال لكم يابنات .,’ وشوي تميت قاعده مع نور ونجوى .. واضحكت على سوالفهم اللي ما تخلص .. وشوي الا جاتني عمتي .. عمتي : يلا حبيبتي .. راكان اتصل لي وقال لي انه يبي يدخل .. شهقت : شنو ..؟ عمتي : هههههه شفيج ..؟ قلت : ليش يدخل ..؟ عمتي : عشان الكرسي اللي جنبج فاضي .. طالعت الكرسي وانا احس برجفه .. وييي فشيله جي يشوفني راكان .. لبسي عاري .. فستاني مافيه اكمام .. قاموا البنات من عندي وراحوا لبسوا شيلاتهم وتغطوا ويات هاجر عندي .. هاجر : يلا من قدج .. بتاخذين اخووووي ..^.^ قلت : لا والله .. سكتي هجوور تراني ميته من الروع .. هاجر : ليش حبيبتي .. الا بيجي يسولف معاج بس .. سمعت وقفوا الاغنيه وحطوا اغنيه ثانيه .. وكانت اغنيه نوال ( تفضل ) وقامت يدي ترجف وماعرفت شاسوي .. يات امي جنبي.. امي : وقفي .. قلت : ليش داخل علي الشيخ وانا مادري .. امي : ساروه ؟!!؟! قمت وانا مب مقتنعه .. وشوي الا اشوف عمتي دخلت .. لانها طلعت برع عشان تدخل راكان .. وراكان وراها .. وانا اول ما شفته نزلت راسي .. ورفعت عيني ابي اشوف وين وصل .. شفته راح حق امي وباسها على راسها .. ويوم شفته ياي صوبي نزلت راسي .. بحط لكم مقاطع من الج 18 زء راكان : انزين ليش تصارخين ..؟ هاجر : لا لا مب ماسكه لسااني .. خليني اعبر عن فرحتي .. قلت : خايف تمل ..؟ مشاعل : وليش تقولينها وكأنج مفتكه منه ..؟ جاسم :كنت ناوي اتزوج .. بس هونت .. تركي : على كيفج ..! بدت حبيبتي .. راكان : عيل نبتدي بالهواش .. قلت : احنا في السياره .. بنروح المستشفى .. تركي : غرفه الدكتور .. كملت : ويمكن تموت ..! |
الج 18زء راكان : مبروك .. قلت بحيا : الله يبارك فيك .. كنت ميته ابي اشوفه .. كأن شكله متغير .. بس ما قدرت ارفع عيني .. حسيت انه قعد وقعدت .. قرب وجهه صوبي : شخباارج ..؟ حسيت بالخجل وقلت بصوت واطي : بخير .. راكان : ما اسمع ..! عليت صوتي شوي : بخير .. راكان : انزين ليش تصارخين ..؟ افتشلت .. عقب شفت امي ياتنا .. امي نزلت مستواي : تبون اجيب لكم عصير تشربون بعض .. قلت بسرعه : لا لا لا لا .. ما ابي .. امي : لا حلو .. حركه حلوه .. قلت : لا يمه لا تحرجيني .. مابي .. امي : مب ويه رزه .. وراحت عني وجات هاجر وسلمت علي .. هاجر : واااي واااي ما اصدق .. مبروك سااروه .. ابتسمت : الله يبارك فيج .. راكان : ما باركتيلها قبل .. والا رزه فيس ..؟! هاجر : امبلا باركت .. بس من الوناسه خلني .. وباستني وانا منحررررررجه .. راكان : بس خلاااااص .. خلي حق غيرج .. هاجر : منووو غيري يعني .. من تقصد ..؟ راكان : احم احم .. هاجر : لاحق حبيبي لاحق .. وي وي وي الله يخسج يا هجووور .. حسبي الله على بليسج من بنت .. سحبتها من ثيباها ونزلت لعندي .. قلت : هجور لو تمسكين لسانج تسوين خير .. هاجر : لا لا مب ماسكه لسااني .. خليني اعبر عن فرحتي .. راكان : لا خلااااص وااضح .. معبره بما فيه الكفايه .. وجات عمتي وسحبتها ومادري شقالت لها .. وياتنا عمتي ومعاها امي .. اعمتي : يلا .. ما تبون تلبسون بعض الدبل والشبكه .. راكان وقف : ايه يلا .. وقفت وانا مب فاهمه شي .. ويابت هاجر الطاوله اللي فيها الشبكه .. خذت عمتي العقد وفتحته وعطته راكان .. بدا راكان يلبسني وانا قلبي يدف .. وخذ الاسواره ولبسني اياها .. طبعا كل هذا بمساعدة هاجر وعمتي .. واريج كانت تطالعنا من بعيد لبعيد .. ومسك يدي اللي صار لها ترجف ساعه .. ولبسني خاتم الشبكه .. وبعدها خاتم الدبله .. وانا خذت الخاتم اللي عطتني اياه عمتي عشان البس راكان .. ومسكت يده الدافيه ولبسته وانا ارجف .. بعد ما خلصت من هالمرحله الصعبه .. ابتسمت حق الكيمرا لان نجوى ما وقفت تصوير .. ويات هاجر : مبرووووك " وسلمت علي وعلى راكان " قلت : الله يبارك فيج .. قعدنا شوي وانا اشوف امي رايحه ويايه .. ما عرفت شاسوي .. تميت قاعده اطالع باقه الورد اللي في يدي .. وشوي الا يايتنا هاجر .. هاجر : يلا ساروه وراكان .. راكان : وين ؟؟ هاجر : مادري .. روحوا ورى خالتي فاطمه .. قلت : شنو ..؟ امي يات : تعالوا .. قلت : وين .. امي : بتروحون الميلس بروحكم بعد ليش .. قلت : لا انا مرتاحه هنيه .. راكان وقف ووقفني : ايه يلا بنروح .. واااي احرجني .. ما قدرت اتكلم .. وامي مشت وراكان وراها وهو للحين ماسك يدي .. ووصلنا الميلس .. وكانت ريحته بخور وعود .. سحبت يدي بشويش من حظن يده الدافيه .. وطالعني وابتسم وقعد .. وانا قعدت بالكرسي اللي جنبه .. راكان : مبروك عليج رجعه ابوج لامج .. قلت : الله يبارك فيك .. تمينا ساكتين فتره .. راكان : ترى العرس بيكون قريب .. ما ابيه يكون بعيد .. قلت : ليش ؟؟! راكان : بس .. مب حلو ان تكون فتره الملجه طويله .. قلت : خايف تمل .. راكان : شهالسؤال ..؟ امل من شنو .؟ قلت : عيل ليش ما تبي فترة الملجه تكون طويله .؟ راكان : احسن .. انا ابي جي .. لحوووول .. غموض من البدايه .. تميت ساكته وانا اطالع الارض .. راكان : زعلتي ؟! قلت : من شنوو ؟؟ راكان : لا خلاص .. اذا ما تعرفين سبب الزعل يعني ما زعلتي .. قلت : امبلا زعلت .. راكان ابتسم : تبيني اراضيج .. ايه ايه .. يمكن يأجل العرس .. قلت : ايه .. قام على طوله .. خفت وطالعته .. قلت : وين بتروح ..؟ راكان : براضيج .. قلت : لا لا لاااا .. راكان : ها ها هاااا ..! قلت : مب جي .. راكان : مب انتي زعلانه .. وانا براضيج بطريقتي الخاصه .. قلت : اذا تبي تراضيني تأجل العرس .. طالعني ورجع مكانه .. قلت : شنو ؟ راكان : مافي تأجيل .. قلت : انزين متى بيكون العرس ..؟ راكان : امممم .. انا بكره بروح اشوف متى اقرب موعد تكون القاعات فاضيه فيه .. قلت : واي قاعه بتحجز ,,.؟ راكان : انتي الحين ما عليج من العرس .. ان شالله بنتفاهم عليه عقب .. سكت ونزلت راسي .. راكان : طالعه حلوه .. هنيه حسيت ان ويهي شب ناار .. ابتسمت بخجل : انت الاحلى .. راكان : صج .؟ نزلت راسي زياده .. راكان : ههههههه الله يعيني على الخجل .. قلت : لا صج انت متغير .. راكان : صرت حلو والا شيفه .. ابتسمت مستحيه : مادري .. راكان قام من مكانه قعد جنبي : لا والله تدرين والله .. ضحكت : ههههههههههه شنوو .؟ راكان : قولي زين .. عشان اذا انا الوع الجبد اعدل روحي .. ما اخرعج .. قلت : لا انت فضيع .. راكان : والله عيونج الافضع .. راكان : ليش كاشخه هالكثر ..؟ قلت : مادري .. يعني ما اكشخ ..؟ راكان : امبلا بس اخاف يحسدونج .. قلت : لا كلهم اهلي .. محد غريب .. راكان : ما يحسد المال غير اصحابه .. راكان : انتي بعد متغيره .. قلت : صايره الوع الجبد .؟ راكان : ايه .. تخصرت : يه .. راكان : ههههههههههههههههههههههههه هههههههههه .. قلت : ما يموت من الضحك .. راكان : امبلا يموت يموت .. هههههههههههههههههه .. ضحكت على ضحكته : هههههههههههه .. والله احلى منك .. راكان : ايه في هاااي صدقتي .. سكت وتميت العب في اصابعي .. راكان : لا بس طالعه تحفه .. قلت : يعني عيوز ..؟ راكان : شنو .؟ هههههههههههههه عيوز ؟؟ هههههه شدخل ..؟ قلت : مادري انت تقول .. راكان : تحفه يعني تخبلين .. تجننين .. استحيت وضحكت على روحي .. وخليت راسي في الارض .. شفته ما تكلم رفعت عيني اطالعه لقيته يطالعني .. استحيت ونزلت راسي .. طالعت الساعه في في يدي وشفتها 12 .. الوقت مر بسرعه.. ماحسيت فيه .. راكان قاعد معاي 3 ساعات ..؟ راكان : شفيج تطالعين الساعه .. تمللتي .. قلت : لا بالعكس .. راكان : القعده معاج ما تنمل .. بس انا مضطر اروح .. قلت : ليش ؟؟ تو النااس .. راكان ابتسم: وراي جلسه بكره .. قلت : اهااا .. الله يحفظك .. راكان وصل عند باب الميلس البراعي .. يعني اللي يطل على الحوش ... راكان : ما تبين تسلمين علي قبل لا اروح .. قلت : امبلا.. رحت عند ومديت يدي .. طالعني ومد يده وسلم علي .. راكان : يلا في امان الله .. قلت : في امان الكريم .. الله وياك .. طلع راكان من الميلس ومن البيت ومن الفريج بكبره .. صكيت الباب وتسندت ..حسيت اليوم يوم متعب وممتع .. طلعت من الميلس لقيت امي وخالتي ونور ونجوى في الصاله.. قلت : السلام عليكم .. كلهم : وعليكم السلام .. نجوى يات تركض عندي : ها ها .. شقال لج .؟ شقلتي له ..؟ شسويتو ..؟ شسالفتوا عنه ..؟ قلتي له عندي بنت خاله اسمها نجوى ..؟ خليه يدور لي عريس .. نور : نجوووووووووووووووه وويعه .. قومي عنها خلها تتنفس .. ضحكت : هههههههههههههههههههه بقول لج كل شي .. بس بروح ابدل وبرجع .. رحت فوق لقيت مشاعل توها طالعه من غرفتها .. مشاعل مبستمه : هااا راح .؟ تنهدت : ايه .. مشاعل : وليش تقولينها وكأنج مفتكه منه ..؟ قلت : لا مب جي .. بس طول الوقت كنت متوتره .. مشاعل : انزين هو ولد عمتج مب غريب .. يعني مسولفه معاه من قبل وتعرفون بعض .. قلت : ايه بس ما كنت متوقعه في يوم من الايام بيصير زوجي .. وسوالفنا مع بعض ما كانت وايد .. كانت سوالف سطحيه .. مشاعل : الله يهنيكم .. بتتعودين عليه .. يلا روحي بدلي .. قلت : اوكي .. دخلت الغرفه وقعدت على السرير .. مادري برتاح بعد هالخطوه اللي خطيتها والا بتزيد همومي .. بس خلني اكون متفاءله بالخير .. قمت ورحت صوب المنظره اطالع نفسي .. وسمعت طقه باب بقوه .. فتحت الباب متخرعه . قلت : منو ؟ نجوى : الحمد لله ما فصختي .. قلت : شتبين .؟ نجوى : يايه اصورج .. يلا يلا روحي الميلس .. قلت : يه مالي بااارض .. نجوى : يلا عيل وقفي عند بابج .. وقفت وهي تقولي اسوي حركات واسوي وانا مالي خاطر .. كنت تعباانه وابي اناااام .. صورتني كم صوره وراحت .. دخلت ابي البس بيجامتي لكني توهقت بالسحاب .. ماعرفت اوصل له .. فتحت الباب وطليت .. ناديت : نجووووووووووووووووووووووه .. نجوووووووووووووي .. محد رد علي .. ناديت : نوووووووووووووووروووووه .. نوووووووووور .. تركي : ها ها ها شفيج .؟ قلت : وي انت هنيه .. تركي : ايه .. ايه صح نسيت .. مبرووووووك .. ما باركت لج .. ابتسمت : الله يبارك فيك .. تركي : شتبين الحين .؟ قلت : ابي نوروه والا نجوي يفتحون لي السحاب .. تركي ابتسم : خلي راكان يفتحه لج .. انحررررررررررجت .. وانقلب ويهي احمر ,,. تركي : ههههههههههههههههههههههه خلاص بناديلج حد .. دخلت وشوي الا مشاعل يايتني .. وفتحت لي السحاب وبدلت ولبست جلابيه ورديه ومشطت شعري ومسحت مكياجي ورحت الصاله .. خالتي : كاهي جات العروس .. قلت : شنو كنتووووا تحشون فيني .؟ خالتي : لا والله ما طريناج الا بكل خير .. رحت صوبها وضميتها : ايه اعرفج خالوه .. طيبه وماتذكرين حد الا بكل خير .. خالتي : هههههههههههه .. فديت قلبج .. رن جوال نور .. نور : هااا .. اوووه قصب يعني .. زين هلا هلا .. هلا والله بجاسم .. ههههه شتبي .. اوكي اوكي .. نور : يلا كاهو جاسم عند الباب .. بس قال بيجي يسلم على العروووس .. قلت : بروح البس شيلتي .. رحت اركض غرفتي وطلعت لي شيله .. ولبستها في الطريج .. وشفت جاسم قاعد .. قلت : السلام عليكم .. جاسم : وعليكم السلام .. هلا بنت خالتي .. هلا هلا .. ابتسمت : اهلين .. جاسم : شحالج .؟ قلت : يسرك الحال .. انت شخبارك .؟ جاسم : طيب طاب حالج .. مبروووك عليج الزواج .. قلت : الله يبارك في حياتك .. جاسم: شخبار عريس الغفله ..؟ قلت : تمام .. جاسم : متى عرسكم ..؟ قلت : والله للحين ما حددنا .. جاسم : الله يهنيكم .. قلت : وياك .. وانت مب ناوي تتزوج .؟ جاسم :كنت ناوي اتزوج .. بس هونت .. قلت : ليش كنت ناوي ,.؟ جاسم : كنت .. خالتي : من صجك جسوووم .؟ جاسم: يمه انا ريال شكبري وتسميني جسوم .. في البيت بس .. خالتي : انت تبي تتزوج .. قولي وانا ادور لك العروس اللي تبيها .. جاسم : يمه ما سمعتيني قلت هونت .. ما ابي يعني .. بتم في جبدكم .. وبعدين انا اذا تزوجت من بيوديكم وجيبكم .. نجوى : يعني الحين صار تفكيرك فينا ..؟ جاسم : لا انا مب مفتكر فيكم .. بس اقول جي عشان ما ابي حنه وقرقه .. يلا جداااامي كلكم السياره .. قاموا كلهم وراحوا .. ومن طلعوا انا رحت غرفتي على طول ولبست بيجامتي وطرت في سااااااابع نوووووومه .. وعيت على صوت امي .. امي : ساره يمه .. قووومي صلي .. ما صليتي الفجر ولا الظهر .. وبعد ساعه بيأذن العصر .. قومي الله يرضى عليج .. مطيت لالحاف صوبي وقلت بكسل : يماااه تعبااانه ..! امي : قومي زين .. بتفوتج الصلاه .. قمت ورحت الحمام على طول .. اغتسلت وتوضيت وطلعت .. ما لقيت امي .. فرشت السياده وصليت الفجر والظهر .. بعد ما خلصت صلاه رحت اشيك على جوالي وشفت رساله ومكالمه .. فتحت المكالمه شفتها من رقم غريب .. طنشتها وفتحت الرساله .. شفتها من نفس الرقم ومكتوب فيها " انا راكان وهذا رقمي " خزنت رقمه بأسمه ورحت الصاله .. شفت امي وابوي وتركي ومشاعل .. قلت : السلام عليكم .. الكل : وعليكم السلام .. قلت : وين خالي .؟ ما شفته من امس .. امي : خالج في الدوام وين بيكون يعني .. قعدت : وتركي ليش ما تداوم ..؟ تركي : انا ماخذ اجازه اليوم .. انتي شحقه ما تروحين الجامعه ..؟ قلت : ما بدت .. تركي : على كيفج ..! بدت حبيبتي .. قلت : شوفوا السباله لطوف ما قالت لييييي .. امي : لا تقولين سباله بعدين خالج يزعل .. قلت : ويي هذا رفيجتي قبل لا تصير زوجته .. امي : بس صارت زوجته .. قلت: يه .. بروح اكلمها وبزفها النحيسه .. ابوي : يعني انتي ما تدرين متى يبتدي دوامكم ..؟ قلت : وانا شدراني .. تركي : لازم عندج خبر بالتاريخ .. قلت : وانا شدراني كم تاريخ اليوم .. امي : يلا بلا كلام فاضي .. يلا ساعدوني بحط الغدا .. تركي : يلا مشاعل وساروه .. قومي ويا امي .. قمنا انا ومشاعل وامي ورحنا المطبخ .. وحطينا الغدى هناك لان طاوله الطعام هناك .. ويتغدينا ورحت على طول غرفتي .. اتصلت حق لطوف .. لطوف : هلا بالعروووووس .. قلت : اهلين .. لطوف : شخبارج ...؟ قلت : تمام الحمدلله .. اخبارج انتي .؟ لطوف : الحدلله بخير .. قلت : ولا قلتيلي ان الجامعه قربت .. لطوف: ليش يعني انتي ما تدرين .؟ قلت : لا والله .. وانا شدراني .. ما قلتي بتشترين اغراض ..؟ لطوف : ما ابي اشتري .. في ملابس شريتها وللحين ما لبستها .. مافي داعي اشتري بعد .. لاعت جبدي من الطلعه .. صايره كل يوم اطلع عشان اجهز .. قلت : ايه صح .. الله يعينج .. لطوف : ويعينج انتي بعد .. والا نسيتي ان وراج تجهيز .. قلت : الله يكون في عون الجميع .. بس ما قلتيلي .. متى الدوام بالظبط .. لطوف : بعد بكره .. قلت : اووووووووف .. مابي اداوم خلاااص . لطوف : استحملي كلها هالكورس ونخلص ان شالله ونفتك .. قلت : ان شالله .. بس يصير نداوم واحنا عرايس ^.^ لطوف : لا لا ما يصير .. " شهقت " اصلا شلووون نداوم واحنا تونا مالجين .. ما يخلون .. صدقت : صج ..؟ لطوف : ايه ما يصير .. واذا رحتي ما يخلونج تحظرين المحاظرات .. يخلونج قاعده على الكرسي ويبردون اظافرج ويعدلونج .. قلت : لااااا والله .. تتطنزين حاظرتج ..؟ لطوف : شاسوي فيج .. هناك في الجامعه كلهم يداومون بكروشهم .. امثال غايوه وانتي توج مالجه تقولين " وتقلد صوتي " شلون نداوم واحنا تونا مالجين ..! قلت : اعصاابج زين .. لطوف تنهدت : ههههههههههههههههه لا بس بطيتي جبدي .. قلت : آآسفه مدام لطيفه .. لطوف : لا عادي بس لا تكررينها .. ههههههههه قلت : مالت عليج .. لطوف : ساروه سكري سكري .. كاهو ميشو اتصل .. قلت : منو منو .؟!! لطوف بدلع : ميشوه .. قلت : ومن ميشوه بعد ..؟ لطوف : مشاري شفيج .. يلا سكري .. قلت : هههههههه اوكي باي . لطوف : بايات .. وسكرنا وانا نزلت الصاله .. لقيت خالي قاعد وحاط ريل على ريل ويتكلم في التلفون .. ورحت المطبخ ادور الباقي لقيت امي قاعده تأكل ابوي كيك وهم يضحكون .. ضحكت عليهم ورحت وغليتهم غرقانين في العسل .. دورت مشاعل ما لقيتها . الكل لاهي مع حبيبه وانا ادور على محبوبي .. رحت الغرفه بكلم هجور والا غايوه والا نور .. ابي حد يفرفشني .. دخلت الغرفه لقيت جوالي يرن .. رحت بسرعه ابي اشوف من لقيته مسكر .. اوووف سكروا .. شفت المكالمه من راكان .. اوه راكان ..؟! وي شيبي متصل ..؟ اتصل له والا لا ..؟ متردده .. وتوني بضغط على زر الاتصال الا اتصل .. وقمت اتنافض ورجف ومادري شصار فيني .. رديت وبصوت ناعم : الووووه .. راكان : هلا والله .. هلا بهالصوت .. قلت : هلا فيك .. راكان : شخبااارج ..؟ شعلووومج ..؟ شمسويه ..؟ قلت : بخير الحمدلله .. انت اخباارك .؟ راكان : طيب طاب حالج .. شخبار امج وابوج ..؟ قلت : بخير الحمدلله .. راكان : وتركي ومشاري ..؟ واليهال واختج ..؟ ابتسمت : كلنا بخير الحمدلله .. شخبارك انت و شخبار عمي ..؟ راكان : كلنا بخير .. لكن ابوي لاهو بعايش ولا ميت .. شهقت : ليش عسى ما شر ..؟ شفيه ..؟ راكان : والله ما ادري للحين شفيه .. هو مافيه مرض عضوي .. فيه مرض نفسي .. ومادري من شنو ياله هالمرض .. قلت : انزين وديتوه المستشفى .؟ راكان : رافض يتحرك من مكانه .. يقول خلوني اموت في بيتي وفي غرفتي .. مايبي يطلع ولا ياكل .. قلت : لاااا جي مب زين .. كلموه والا طلعوه خلوه يتنزه .. راكان : انا كل ما ادخل عليه اشوف اخباره يردد كلمات ما افهمها .. يقول ما عرفت اربيكم .. ويقول حقير ويقعد يسب .. وانا من ادخل عنده احتار .. ويوم اسأله ما يجاوبني .. قلت :مايشوف شر ان شالله .. راكان : الشر ما يجيج .. آآسف والله غثيتج .. قلت : لاااااا والله عادي .. اصلا لو ما قلت لي جان زعلت عليك .. راكان بهدوء : صج ..؟ بتزعلين علي ..؟ ابتسمت : ايه ليش لا ..؟ راكان : تقدرين ..؟ قلت : مادري .. ما جربت .. بس انا ما احب ازعل حد او ازعل من حد .. راكان : يعني مابتزعلين مني ..؟ قلت : لا .. راكان : عيل نبتدي بالهواش .. ضحكت : هههههه يه ..! راكان يابلفيت يهاوش : ايه .. انتي ليش ما تردين على الجوال .. صار لي ساعه اتصل ومحد يرد .. كنت بجي عندكم ركيض .. ضحكت : هههههههههههه والله انا كنت في الصاله مادري عن جوالي .. راكان : من اليوم ورايح جوالج يكون في يدج .. عشان من اتصل لج تفزين وتردين علي .. قلت : ان شالله .. اي اوامر ثانيه .. راكان : سلامتج ..بس ليكون زعلتي .. قلت : لا ما زعلت .. مافي شي يزعل .. راكان : ايه جي ابيج .. فديت امج والله .. ضحكت : هههههههههههههههه .. وفديت امك .. راكان : تسلم لي هالضحكه .. عسى دووم يارب .. وتميت اسولف معاه لين ما اذن العصر وقال لي انه بيروح يصلي .. وانا سكرت من عنده ورحت اصلي .. بعد ما خلصت صلاه نزلت الصاله .. شفت ابوي وامي وغايوه .. قلت : اوه اوه اوه .. غايه بنت راشد عندنا ..؟ غايوه قامت عشان تسلم علي : ايه عندكم .. قلت : قعدي انتي وكرشتج .. هههههههه .. سلمت عليها .. غايوه : هذا يزاااااي اني قايمه لج .. قلت : غصبن عنج بتقومين مو طيب منج .. ابوي يعاتبني : ساره ..؟! قلت : لا يبا شدعوه .. اتغشمر معاها .. ابوي : انزين ما اتفقتوا انتي وراكان على يوم تحددونه يجيج فيه .. قلت : لا ما اتفقنا .. يعني لازم يجيني ..؟ امي : وي .. بعد صرتي زووووجته .. قلت : انزين بس صرت زوجته ما صرت زوجته رسمي .. امي : خلااااص انتو مالجين .. يعني هو زوجج .. يقدر يتلج من شعرج يوديج بيته .. قلت : يخسي الا هو .. ابوي : ساره ...؟ قلت : شنو يتلني من شعري ..؟ ابوي : وشنو يخسي بعد .. هذا زوجج .. تحترمينه قد ما تحترمين نفسج .. قلت وانا منزله راسي: آآسفه .. ابوي : لا تتأسفين لي .. بس انا اعلمج .. وشوي الا تركي ياي من برع .. خالي : السلام عليكم .. كلنا : وعليكم السلام .. تركي : اوه غايه هنيه .. ولا تسلمين على اخوج اللي صار له ساعه واقف عند الباب .. غايوه : هههه توك داخل البيت.. وهل علي شوي .. تركي يمد وجهه صوبها عشان تسلم .. وغايوه تضحك .. استانست على جو الاسره .. حبيته .. تمنيت ان احنا دووم نكون جي .. ابو يلعم وام توجه واخت تحن واخو يفرفش .. دخلت من وراه مشاعل وشكلها تعباانه .. سلمت على غايوه وراحت فوق ..لحقتها .. مادري ليش حسيتها تناديني من نظرتها لي .. وصلت فوق والتفت وراها لاني ناديتها .. مشاعل : خير ساره ..؟ قلت : شفيج ..؟ مشاعل : مافيني شي .. تعبانه شوي .. قلت : دام انج تعبانه ليش ما تقرين في البيت ..؟ مشاعل قعدت على الكرسي الموجود في الصاله الفوقيه .. مشاعل : شدراني عن تركي .. يبي كل شي بسرعه .. قلت : شنو كل شي بسرعه .؟ مشاعل : احنا نراكض حق البيت .. قلت : اي بيت ..؟ مشاعل : بيتنا الجديد .. انتي ما تدرين ان الحكومه ماعطه تركي ارض من فتره وقمنا نبني وانا بدوري اختار الاثاث .. قلت : تو الناس على الاثاث .. دام انكم للحين ما بنيتو ,. مشاعل : لا من قال لج ما بنينا .. البناي خلص من فتره .. بس بقالنا التبليط والدرايش والبيبان .. وهالسوالف .. اما الاثاث باخذه من برع .. احلى وارخص .. قلت : اهاا .. وانا اخر من يعلم .. مشاعل : مادري انج ما تدرين .. قالت :المهم ما علينا .. دام انج تعبانه قولي حق تركي يخفف شوي .. مب كل يوم تطلعين وتدورين .. مشاعل : انا طالعه مافيني شي .. بس فجأه جاني التعب .. قلت : روحي المستشفى زين .. مشاعل : لا عادي .. برتاح في غرفتي وان شالله اكون احسن .. قلت : ان شالله .. ما تشوفين شر .. مشاعل : الشر ما يجيج فديتج .. وراحت غرفتها وانا رحت غرفتي اشيك على جوالي .. لقيت مكالمه من لطوف .. اتصلت لها .. لطوف : هلا والله .. هلا باللي يتغلوووووون .. قلت : شنو اتغلى .. توني مسكره من عندج .. لطوف: ههههههههههه بس وحشتيني .. قلت : المهم ليش متصله .. لطوف : بل بل بل .. شدعوه عاد .. شهالاستقباااال سااروه ..؟ ضحكت : هههههههه سوري ما اقصد .. بس مكلمتج الظهر .. يعني ما صار لنا وقت .. لطوف : ادري ادري.. انا ابي اشوووفج .. قلت : ليش شمستوي ..؟ لطوف : مب مستوي شي .. بس ابيج .. ابي اسولف معاااج .. متملله .. قلت : مب كثري.. لطوف : ساروه انتي عندج من يسليج .. نور ونجوى وغايه اختج .. وامج وابوج الله يخليهم لج .. حتى مشاري وتركي ومشاعل .. اما انا من عندي ..؟ حمد اللي ما ادري عنه وين راح وين جا .. البيت ما يقعد فيه ولا لحظه ..الا اذا كان يبي يتسبح او ينام .. وامي اللي كله زيارات وسفراات .. وحتى عمتي الله يرحمها ما جابت حد عشان يكون معاي .. وبنت خالتي انتي تعرفينها .. محد يحبها ولا حد يواطنها .. ولا هي تحبني .. كسرت خااارطي لطوووف .. ما كانت تشتكي لي .. قلت: فديت رووحج لطوووف .. هالكثر كان في قلبج وسااكته .. لطوف : انتي بروحج كانت لج مشاكلج .. وما حبيت ازيدج همومي .. قلت : بس الصديج وقت الضيج .. خلنا نشيل هموم بعض .. لطوف : ما تلاحظين إنا احنا صغااار واايد على المشاكل .. قلت : حبيبتي المشااكل ما تعرف كبير والا صغير .. المشاكل تجي واحنا مالنا ذنب فيها .. لطوف تنهدت : وانتي الصاجه .. بس يختي مب عاجبتني هالسالفه .. قلت : أي سالفه ..؟ لطوف : ابي اشوفج ما ابي اكلمج في التلفوون .. قلت : زين تعالي بيتنا.. لطوف : شنو .؟ اجي بيتكم ؟ اجي بيت خطيبي .. ما يصير ومب حلوه .. انتي تعالي بيتنا .. قلت : لا لطوف .. حمد هناك .. لطوف : قلت لج ما يقعد في البيت .. قبل كان يحن علي ويقعد معاي لاني بروحي .. الحين مب معتبرني .. قلت : يمكن بنت خالتج غيرته ..؟ لطوف : هه بنت خالتي .. اصلا هو يشوفها والا يكلمها .. قلت : ما يكلمها .؟ لطوف : لاه .. ولا يعرف عنها شي .. بس اسم مالجين على ورق .. حتى عن أخبارها ما يسأل .. قلت : ليش انزين .؟ لطوف : يقول مب طايقها .. تدرين ان مأجل عرسه للسنه الجايه .. قلت : صج .؟ ليش ؟ لطوف : اقوول لج ما يطيقها .. سعمت ابوي يناديني .. قلت : لطوف .. ابوي يناديني .. بروح اشوفه شيبي وبكلمج اوكي .. لطوف : اوكي .. يلا مع السلامه .. قلت : مع السلامه .. رحت اشوف ابوي وينه .. طليت تحت شفته واقف وامي جنبه ومعطيني ظهرهم .. نزلت .. قلت : خير يبه ..؟ ابوي : تعالي شوفي .. شفيها مشاعل .. قولي لها نوديها المستشفى .. قلت : خير مشاعل شفيج ..؟ التعب زاد عليج .. مشاعل بتعب : لا .. قلت لكم شوي تعبانه ..بصير زينه الحين .. قلت : لا لا .. يلا قومي دامي خلنا نوديج المستشفى .. المستشفى اذا ما نفعتج ما راح تضرج .. مشاعل : مافيني حيل اقوم .. قلت : انادي تركي يشيلج ..؟ مشاعل : لا خلوه برع يستانس .. مدت يدها عشان اساعدها .. ابوي مسكها وقومها.. مسكتها وامي من يدها الثانيه وانا رحت اركض اجيب عباتها وعباتي وعبايه امي .. لبست عباتي في الطريج ولبست مشاعل وامي لبست عباتها .. وودينهاها السياره .. وانا بدوري اتصلت حق تركي اقول له .. تركي : ها .؟ قلت :تركي انت وين ..؟ تركي خاف : ليش شصااير ..؟ تكلمي .. قلت : مشاعل تعبانه ووديناها المستشفى .. تركي : وين انتو الحين ..؟ قلت : احنا في السياره .. بنروح المستشفى .. تركي : انا سابقكم .. وسكر مني وشوي ووصلنا المستشفى .. جبت الكرسي المتحرك وحطينا مشاعل فيه .. وبمساعدة السسترز ودوها عند الدكتور بسرعه .. وانا وامي وابوي تمينا في غرفه الانتظار .. وشوي الا اشوف تركي ياي بخطوات سريعه .. تركي يلهث : مشاعل وين ..؟ امي : ودوها غرفه العلاج .. تركي : ليش هي شفيها .؟ امي تصيح : مادي .. نزلت من غرفتها وهي تعبانه .. وقعدت معاي وتشكي من الم مادري وين وعقب تعبت زياده ووديناها .. تركي قعد وحط يدينه في راسه .. شصار في مشاعل ياربي .. شصااار .؟ شاللي قلب حالتها جي ..؟ وانا قاعده على اعصابي اتصل راكان .. مابي ارد عليه .. بالي مشغووول بمشااعل .. وشوي الا يطلع الدكتور من عند مشاعل .. تركي راح له بسرعه .. تركي : خير دكتووور ..؟ شفيها .؟ الدكتور : تطمنووو .. المدام حامل .. بس حملها ضعيف .. تركي نزل راسه .. والدكتور حط يده على كتف تركي .. الدكتور : شد حيلك .. امي يات بسرعه : شفيها مشاعل ..؟ قلت : حامل .. امي : وي يعله مبارك ان شالله .. كل هالتعب عشان حامل .. الف الف مبروك يا تركي .. بشوووف عيالك .. تركي : بس يمكن ما تشوفين مشاعل .. ابوي : تركي الله يهدااك .. شهالكلام بعد ..؟ الاعمار بيد الله .. ومشاعل مهي اول ولا اخر وحده تحمل .. وشفيك انت مب مستانس ..؟ تركي : الدكتور يقووول حملها ضعيف .. يعني الامل انها هي و الجنين يعيشون ضعيف .. امي : انت شتقووول ؟؟ ابوي : لا يا تركي .. خل ايمانك بالله قوي .. واعرف ان هذا كله اختبار من الله .. يبي يشوف قوة ايمانك به .. لا تضعف وانا ابوك .. لا تضعف .. تركي رفع راسه وتنهد .. وراح .. امي : وين بتروح .؟ تركي : غرفه الدكتور .. قلت : ما بتشوفون مشاعل .؟ امي : امبلا .. يلا دخلي الغرفه .. دخلت الغرفه وشفت مشاعل طايحه على السرير .. كسرت خااطر.. كان ودي اظمها .. اواسيها .. لان مالها حد في هالدنيا غير الله وتركي .. قربت من سريرها .. والا جوالي يرن .. توقعته راكان بعد .. بس شفت المتصل خالي .. رديت : هلا خالي .. خالي : هلا ساره .. وينكم .. محد في البيت .. قلت : احنا في المستشفى .. خالي : في المستشفى ؟؟! شتسون ..؟ وحق منو رايحين .؟ قلت : مشاعل تعبت علينا ووديناها المستشفى .. خالي : مسكينه ما تستااهل ..وشطلع فيها ..؟ قلت : حامل .. خالي بفرح : صج .؟ مبروووك مبروك .. تروك بيصير ابو انا بصير جد .. قلت وانا خانتني العبره : بس حملها ضعيف .. خالي : لا حول ولا قوة الا بالله .. بس ان شالله اذا كلت مقويات وارتاحت ما بيصير عليها شي بأذن الله .. قلت : بس تركي يقول بيأثر عليها .. طلعت برع خفت ازعجهم . كملت : ويمكن تموت .. خالي : لا لا لا .. شفيه تركي ذيه .. يفاول على مرته .. صج ان الاعمار بيد الله .. بس مو عشان حملها ضعيف تموت .. يمكن تتعب شوي .. وهالتعب ما راح يطول اذا التزمت بالعلاج .. قلت : انزين هي مسقطه من قبل .. لازم يأثر عليها .. خالي : بيأثر عليها شي طبيعي .. بس بتتعب ما راح تموت بسبب ضعف الحمل ..! تنهدت : ريحتني الله يريحك .. خالي : يلا انا الحين في الطريج يايكم .. قلت : اوكي .. خالي : مع السلامه .. قلت : في امان الله .. سكرت وياني مسج .. وكان من لطوف .. فتحته وانا ادخل الغرفه .. " لأهل المكارم عند الاجواد تقدير.. وعلومهم تفخر بروح الشجاعه .,’ وراعي الوفا والطيب مذكور بالخير.. (( مثلك )) وذكره حي في كل ساعه ,’ عز الرفيق اللي شراتك اخاويه .. سود الليالي ما تغير طباعه ..’" فرحت بهالمسج مع انه عادي .. بس حسيت ان لطوف معاي الحين .. حتى لو هي ما تدري باللي يصير فيني .. بس قلبها كان وياي .. |
الج 19 زء امي : وانتي من مساعه ماسكه هالجوال .. ومب مراعيه حاله مرت اخووج .. قلت : يمه كنت اكلم خالي .. والحين هو ياي .. الا ابوي وينه ؟؟ امي التفتت عني : ابوج مع تركي .. مادري وين راحو .. فتحت شنطتها وطلعت قران صغير وقعدت تقرى .. وانا قعدت اسمع بأنصاات .. وشوي رن جوال .. امي التفتت علي بسرعه .. ابتسمت لها قلت : خالي .. رديت : هلا خالي .. خالي : انا عند باب الغرفه .. يلا طلعوا لي انتي وامج .. قلت : ليش ..؟ خالي : طلعي انتي الحين بكلمج .. قمت وطلعت له .. قلت : خير خالي ..؟ خالي : وين راشد وتركي ..؟ قلت : ابوي وتركي مادري وين راحوا .. اعتقد عند الدكتور .. خالي : يلا قولي حق امج يلا.. قلت : وين ..؟ خالي : يعني وين بنروح .. البيت طبعا .. قلت : ونخلي مشاعل بروحها ..؟ خالي : مشاعل معاها ريلها .. يلا قوومي نادي امج .. دخلت داخل الغرفه .. قلت : يمه .. امي سكرت المصحف : صدق الله العظيم .. خير .؟ قلت : خالي يقول يلا .. بنروح البيت .. امي : لا انا بقعد عند مشاعل .. مهب رايحه .. قلت : بس خالي قال.. وهو عند الباب الحين .. امي : قولي له مابي اتحرك .. قعدت على الكرسي .. قلت : انتي قولي له .. اذا قلت له الحين بصير مطراش لكم .. تفاهموا بروحكم .. امي وهي رايحه : جليلة حيا .. تميت قاعده اطالع هالمسكينه .. مادري شحالتها الحين .. ودخلت امي .. امي : يلا امشي .. قلت : اقتنعتي ؟! امي : ايه .. لان بكره الصبح بجي هنيه .. قمت .. طلعنا من المستشفى .. وخلال نص ساعه وصلنا البيت .. من هالزحمه الواحد يقدر يمشي .. وصلت البيت هلكاااااااانه .. رحت الغرفه بسرعه وتوضيت وصليت المغرب والعشا .. لان اذن في الطريج .. وحطيت راسي على المخده ونمت .. وعيت وانا حاسه بالحر .. لقيت المكيف مسكر والدريشه مفتحه .. يااربي .. هاي اكيد امي .. شفت الساعه 1 الظهر .. قمت وتوضيت وصليت ونزلت الصاله .. ما لقيت غير خالد .. قلت : خلووود ..! خالد : نعم ..؟ قلت : وين امي ؟؟ خالد : امي طلعت من الصبح وللحين ما ردت .. مادري وين راحت .. قلت : مع منو راحت ..؟ خالد : مع ابوي بعد مع منو .. قلت : ابوي وتركي متى ردو .؟ خالد : اووووف مادري مادري .. وكمل لعبه على السوني .. قلت : مالت على اللي يسألك .. خالد : ومالت على اللي يجاوبج .. ضحكت عليه ورحت غرفتي بتصل لهم .. شفت مكالمتين ورساله .. المكالمتين وحده من راكان ووحده من هاجر ..والرساله من راكان .. " ساره شفيكم ..؟ شصاير ..؟ ليش ما تردين علي ..؟ " مسكين يحااتيني .. باتصل حق امي اول وبعدين باتصل له .. اتصل في امي وردت : هلا ساره .. قلت : هلا يمه .. وينج .؟ امي : انا في المستشفى مع مشاعل .. قلت : وليش ما قعدتيني عشان اروح معااااج .. امي : ما قلتيلي .. وانتي تدرين اني بروح الصبح لها .. قلت : انزين ومتى بيطلعونها ..؟ امي: الحين قاعدين يشطبون .. قلت : يعني اليوم بتطلع ..؟ امي : ايه ان شالله .. قلت : اوكي يلا عيل باي .. امي : مع السلامه .. سكرت من امي واتصلت على طول وبدون تردد حق راكان .. رد : هلا .. قلت : اهلين .. راكان : ها ساره .. شخباركم .. ليش ما تردين علي ..؟ قلت : احنا الحمدلله .. كلنا بخير .. راكان : وليش ما رديتي علي امس .. ؟ خفت عليكم .. قلت : كنت في المستشفى .. راكان : في المستشفى ؟؟! ليش خير ان شالله ..؟ قلت : مشاعل مرت اخوي تعبت ووديناها المستشفى .. والحين احسن الحمدلله .. راكان : اهاا .. الحمدلله على سلااامتهااا .. قلت : الله يسلمك .. راكان : عشان جي بس ما قدرتي تردين علي ..؟ قلت : لا ما كان لي نفس اتكلم .. لاني كنت خايفه عليها .. راكان : اهاا .. ساره انا الحين مشغول .. بطلع من الدوام وبكلمج .. اوكي ؟؟ قلت : اوكي .. على راحتك .. راكان : يلا فمان الله .. قلت في امان الكريم ... سكرت منه ونزلت احط لي غدى .. ياني خالد .. قلت : تغديت ..؟ خالد : لا .. قلت : تعال تغدى معاي .. قعد على الكرسي وانا حطيت لي وحطيت له .. وبعد ما خلصنا غدى رحنا الصاله .. شوي الا ينفتح الباب وامي وابوي وتركي ومشاعل داخلين .. قلت : جيتووووووووو ..؟ امي ابتسمت : ايه .. رحت بسرعه اسلم على مشاعل .. قلت : الحمدلله على السلامه فديتج .. مشاعل ابتسمت : الله يسلمج .. تركي : يلا مشاعل الغرفه .. الدكتور يقول لاززززززززززززم ترتااحين .. يلا جدامي .. ياربي من هالتركي .. حتى بأهتمامه جاسي .. مشاعل : ان شالله .. وراحت فوق مع تركي وانا وامي وابوي تمينا في الصاله .. ابوي : تغديتو .؟ قلت : ايه الحمدلله .. الا وين نصور وفطوم وميمي ..؟ امي : عند خالتج .. قلت: شيسوون عند خالتي ؟؟ ما عندها حد كبرهم ..؟ امي : خالتج تبيهم .. وراحت امي تحط الغدى لين ما يجي خالي من الدوام .. رحت غرفتي وشفت تلفوني يرن .. رديت : هلا راكان .. راكان : اهلين .. شخبارج مره ثانيه .. ابتسمت : الحمدلله بخير .. انت شخبارك بعد الشغل ..؟ راكان : والله تمام دام ان القضيه انتهت .. قلت : الله يكون في عونك .. راكان : وفي عونج .. الا اقول بدور .. قلت : شنو ؟؟ بدوووور ..؟ راكان : اوه اااأقصد ساره .. سكت .. ما عرفت شاقول .. من الصدمه ما قدرت افج حلجي .. راكان : ساره .؟ قلت : للحين تحبها ..؟ راكان : ساره شهالسؤال الله يهداااج .. قلت : ليش انت تشوفه غريب ؟؟ راكان : ايه غريب .. لاني لو احبها جان ما اتزوجتج .. سكت .. راكان : والله انها زلت لسان .. بس لا تكبرين السالفه .. قلت : لا ما راح اكبرها .. لانها ما تستااهل .. تقول اسم وحده كنت تحبها قبل حق زوجتك وما اكبر السالفه .. صج ان اعصابك بارده .. راكان : والله ما كنت قاصد .. قلت : ادري انك مب قاصد .. ومن جي انا محتشره .. على العموم انا مشغوله الحين .. مع السلامه .. راكان سكت ما سمعت منه حس .. وسكرت وتميت اصيح .. يعني راكان للحين يحبها .. بس ليش تزوجني دام انه يحبها ..؟ ياربي انت كاتب لي التعاسه في عمري .. ليش ياربي ليش .. سمعت طقه باب .. مسحت دموعي وتغطيت بألحافي .. دخل خالي : شخبارج ساره ..؟ قلت : زينه .. خالي : ليش ما تتغدين ..؟ قلت : تغديت .. خالي : اهااا .. انزين ليش جي تتكلمين ..؟ من مضايقج .؟ قلت : محد مضايقني .. بس شوي تعباانه .. خالي : ما تشوفين شر .. وطلع من الغرفه وانا تميت افكر .. ليش قال اسمها وما قال اسمي .. يعني هو للحين يحبها ..؟ اذا يحبها ليش تزوجني .. ليش ما تم عايش على ذكراها .. واذا ما يحبها ونساها ليش ذكر اسمها الحين ..؟ واللي قطع افكاري صوت امي .. امي : ساروه شفيج .. اقول لج قومي لبسي .. قلت : هااا .. ليش ..؟ امي : بنروح بيت خالتج .. قلت : هالحزه ..؟ امي : ايه لان خوانج هناك ويصيحون يبوني .. فخالتج قالت نجيها .. يلا قوومي تأخرنا على اليهال .. قمت : ان شالله .. فتحت الكبت ولبست بنطلون جينز وبدي رصاصي وفيه حركات بالوردي .. واستشورت غرتي وخليت شعري مموج بالخفيف وحطيت لي كحل ولبست عباتي ومسكت شيلتي وشنطتي وطلعت .. نزلت واشوف امي قاعده بعاباتها في الصاله .. امي : للحين ما لبستي شيلتج بعد ..؟ قلت : اووووه يمه .. تراج وايد مستعيله عالفاضي .. اخواني في بيت اختج مو في الشارع .. امي طالعتني بنظره وطلعت .. لبست شيلتي وطلعت وراها ..ركبنا السياره بهدوء وطول الطريج ساكتين .. وكان ابوي اللي موصلنا طبعا .. بعد ما وصلنا نزلت وانا احس روحي مب طايقه حد .. دخلت ورى امي .. انا وامي : السلام عليكم .. الكل : وعليكم السلام .. نور : هلاااا هلا .. هلا بالعرووووس .. شفت جاسم قام بعد ما سلم على امي .. واستغربت لانه ما سلم علي .. ابتسمت : هلا فيج .. وبعد السلام والسؤال عن الاخبار .. نور : امشي ساروه برويج فستاني الي شريته حق عرس خالي ., قمت : اوووكي .. ورحنا غرفتها وفتحت لي الكبت وطلعت لي فستانها .. نور : شراااايج ..؟ قلت : الله .. حلو نوروووه .. لا لا جي شكلج بتغطين علي .. نور : ان شالله .. قلت : لا والله .. نجوى دخلت علينا : ايا الخايناات .. تروحون بدوني .. والله لو غايوه هنيه جان ما خلتني بروحي .. نور : دشي وانتي ساكته .. نجوى : انتي ما تعرفين تقولين كلمه حلوه .. ابي ساروه تقولي .. ضحكت : هههههههههه دخلي حبيبتي انا مب طاردتج من بيتج .. قعدت جنبي .. قلت : انزين نوروه ليش اخترتي فستان برتقالي .. لو ماخذه اخضر مثله احلى .. نور : لا مب شي اخضر ما احب هاللون .. قلت : حتى انا بس هاي الموضه .. نجوى : لا خليها .. عشان اذا غنو يالبرتقاله تقوم ترقص ..هع هع هع .. نور : لا مب راقصه .. بخلي الرقص حق ساروه .. قلت : لا انا مب راقصه .. نجوى: لا بترقصون ثنتيناتكم .. عيل تبوني ارقص بروحي ..؟ نور : اذا رحنا العرس تكلمي .. قلت : وانتي نجوى .. مب مراويتني فستانج .. نجوى قحصت : امبلا .. شلووون نسيت ..؟ ضحكت : يلا عيل قومي .. راحت وثواني جابت فستانها .. وكان لونه وردي .. قلت : الله .. حلووووووو .. بس ما يليق عليج الوردي .. نجوى تخصرت : لا والله .. قلت : ايه لانج سمرا شوي .. يعني حنطاويه .. مب مثل اختج نور .. فاتحه .. نجوى : اصلا اللون الوردي اخترعوه حقي .. هه وتقول مايناسبني والله .. نور : وانتي شلون فستانج .؟ نجوى : فستانها بخير يسلم عليج .. ضحكت : ههههههههههههههههههههههه والله انج عجيبه يا نجوي .. نجوى : ايه اعجبج .. نور : سخيفه .. ساروه شلون فستاانج ..؟ قلت : اسود .. نور : بل .. اسود عاااد ..؟ شهالتشااؤم عاد ..؟ قلت : مب تشاؤم بس عجبني الفستان وحركته .. نجوى : ساروه انتي حلو عليج الاحمر .. لانج بيضا يالعنز .. قلت اقلدها : اصلا اللون الاحمر اخترعوه حقي .." وابتسمت " نجوي : لاااه ؟؟ زين قلتيلي .. نور : ايه صح كلام نجوي .. لان مره لبستي بدي احمر وكان حلو عليج .. لانج بيضا على **** .. نجوى : بيضا على **** .. ههههههههههههههههههه .. انا سمرا على *** .. ههههههههههههههه .. ضحكت : هههههههههههه الله يخس سوالفج يا نجوي .. قصدها اني حمره .. مب حماره مالت على اسلوبج .. نور : هههههههههه زفته لانها .. نجوى : ويه امي تنايني .. بروح وبرجع زين .. نور : زين ذلفي .. طلعت نجوى ونور قفلت الباب من وراها .. قلت : ليش قفلتي الباب .. نور : ابي اقول لج سالفه .. قلت : تخص منو ..؟ نور : تخص جاسم اخوي .. قلت : ايه .. ليش ما سلم علي .. كنت بتكلم بقول له شخبارك .. بس ما وعيت الا هو محد .. شسالفته ..؟ نور : بقول لج بس ما ابيج تقولين حق احد .. قلت : زين قولي .. مب قايله حق احد .. نور : جاسم كان يحبج ..! قلت : شنو ...؟ يحبني ..؟ نور : ايه وطي صوتج انتي .. قلت : ما يدري اني متزوجه .. نور : يدري .. بس كان يحبج قبل لا تتزوجين وقبل .. قلت : شلون ..؟ نور : يوم ملجتج .. هو جا ياخذنا من بيتكم .. قلت : انزين .. نور : واول ما وصلنا البيت دخل غرفته .. وهو من عادته انه يقعد معانا في الصاله ويسولف ويضحك .. مب متعودين عليه جي هادي .. قلت : انزين .. نور : تمينا في الصاله نسولف عن الي صار في الملجه .. وانا رحت غرفته .. قلت يمكن راقد مع انه ما ينام هالحزه ..دخلت عليه لقيته قاعد وحاط يده على راسه ..قلت له : جاسم شفيك ..؟ جاسم : مافيني شي طلعي وخليني .. سكرت الباب من وراي وقعدت جنبه : لا مب طالعه .. بتقولي شفيك .. مب على نور بتخش يا جاسم .. جاسم : خلاص .. راحت .. نور: منو ..؟ جاسم : ساره ..! نور : وين راحت ؟؟ جاسم : راحت عني .. نور : ليش انت كنت ناوي تتزوجها ..؟ جاسم : ايه .. كنت .. نور : وليش ما قلت حق امي ..؟؟والا حق حد .. جاسم : عاد صار اللي صار .. وانا كنت ناوي اجمع فلوس حق الزواج .. واذا ترتبت اموري بقول .. بس سبقتني وتزوجت .. نور : لا تزعل روحك يا اخوي .. عسى ان تكرهوا شي فهو خير لكم .. جاسم : بس انا حبيتها .. نور : ويمكن خير انها تزوجت غيرك .. ارضى باللي الله كاتبه لك .. نور تكلمني : وبس .. نزلت راسي وانا افكر .. لو متزوجه جاسم يمكن اعيش مرتاحه .. لاني اعرفه .. وماحب بنت .. ولا عمره فكر يحب .. ويوم حب حبني انا .. بنت خالته .. وهذا دليل انه ما يكلم بنات ولا له علاقات .. " تنهدت " بس النصيب .. نور : وين رحتي ؟؟ قلت : وياج .. بس ان شالله جاسم يلاقي الزوجه المناسبه له .. اللي يحبها وتحبه .. نور : ان شالله .. وشوي الا سمعنا طقه باب هزة البيت .. نور راحت تركض تفتح الباب .. نجوى : اناااا ما قلت لكم برجع .. شحقه قااااافلين البااااااب ..؟؟ نور : مالت على ويهج .. خرعتيني .. وقفتي الدم في عرووقي .. حسبي الله عليج .. ضحكت : ههههههههههه .. نجوى : امي تقول صلوا المغرب .. اذن .. قمنا وفرشنا السياده وصلينا جماعه .. بعد ما خلصنا صلاه ردينا قعدنا مكانا .. نور : ساروه ..؟ طالعتها بدون ما اتكلم .. نور : شكلج اليوم مب عاجبني .. قلت : ليش ؟؟ نور : فيج شي .. شفيج ..؟ من مضايقج ..؟ آآآه يا نور .. شاقول لج بس شااقول ,,. اقول لج ان زوجي نطق بأسم حبيبته القبليه بدل ما ينطق بأسمي ..؟! والا اعبر لج عن حيرتي اللي ما تنوصف .. نور تهزني : وين رحتي ..؟ قلت : وياج .. مافيني شي .. نور : انزين جاهزه حق الجامعه ..؟ تنهدت : مادري مادري .. انا بروح عند امي .. طلعت وانا متضايقه ولزقت في امي .. كان ودي اضمها وانام في حضنها .. مادري ليش حسيت بهالشعور .. كان ودي افضفض لها عن اللي في قلبي .. خالتي : ساره جاسم بيمر .. لبست شيلتي وعدلت قعدتي .. خالتي : اقلط يمه .. مر جاسم وهومنزل راسه وطلع بسكااات .. امي : زينب .. خالتي : نعم ..؟ امي : شفيه ولدج .. مب من عوايد الهدوء .. اخبر اذا مر بس البيت يحتشر .. خالتي : مادري شفيه .. بس هالايام .. امي : الله يهديه .. وتموا يسولفون ويات نور ووراها نجوى وقعدوا .. وانا فكري مب معاهم .. ويا وقت العشا وتعشو ورجعنا البيت من كثر ما احن على امي .. امي : وهذا البيت .. شبتسوين فيه يعني ..؟ قلت : مب مسويه شي .. ورحت غرفتي وانا حاسه ودي اصيح لين ما تجف دموعي .. بدلت ملابسي وانسدحت على السرير .. وشوي ورن جوالي .. طلعت جوالي من الشنطه وشفت المتصل راكان .. ما كان ودي ارد عليه .. طنشت الجوال وخليته صامت ونمت .. وعيت على صوت امي .. امي : ساروه بسج نوووم .. قومي خلاص .. صايره انتي تحبين النوم .. قلت بكسل : ان شالله يمه .. بقووم .. راحت امي وانا قمت ورحت توضيت وصليت الظهر .. وقعدت على سريري افكر .. اوووف ياربي .. بكره الجامعه .. بدينا بالغثا وعوار الراااس .. قحصت من رنه جوالي.. اووف تخرعت .. شفت راكان المتصل .. كنت بطنشه بس ليمتى انا واطنش كل شي .. لازم اواجهه .. رديت : نعم ..؟ راكان : بل .. خوش استقباال .. شفيج شايله الدنيا على راسج .. وليش ما تردين علي من امس .. قلت : ياااااسلااااام .. تتكلم ولا كأنك مسوي شي .. ولاه ..مطلعني انا الغلطانه بعد .. راكان : اوه اوه .. ساره شفيج يمه .. اهدي وفهمني شفيج ..؟ قلت : دام انك ما تعرف شنو فيني انا ما راح اقول .. ومع السلامه .. راكان : ايه ايه .. لحظه .. ساره فهميني انا شسويت .. لا تخليني مثل الاطرش في الزفه .. قلت : يعني انت ما تعرف .. راكان : عاد لا تصيرين مثل اليهال وتخليني في الغاز .. ترى ادري ان السبب اللي زعلانه عشانه تالفه .. قلت : تافهه ..؟ تافهه .. تغلط بأسمي وتذكر اسم بدور .. حبيبتك وتقول تااافه .. راكان : يعني انتي زعلانه على هالسبب ..؟ قلت : وانت تشوفه تافهه مو جذي ..؟ راكان : لا ساره انتي لج الحق انج تزعلين .. بس مو جي .. قلت : وانت تبي تعلمني بعد شلون ازعل ..؟ راكان علا صوته شوي : ساره عاد لا تكلميني وكأني ياهل جدامج .. اصحي تراج تكلمين زوجج .. قلت : آسفه يا حضرة المحامي .. بس انت قبل لا تحاسب الناس شلون يتكلمون حاسب روحك اول .. وسكرت منه وتميت اصيح .. ما توقعته بيتطنز على مشاعري وبيستخف فيها .. توقعت اقل كلمه بيقولها لي "آسف " .. انفتح الباب وانا مسحت دموعي بسرعه .. امي : انتي للحين ما قعدتي ..؟ قلت : امبلا يمه قعدت وصليت .. اي : ليش ما تنزلين الصاله ..؟ بعد شوي بنحط الغدى .. نزلت راسي : مالي خلق يمه .. امي : شفيج يمه ؟ ما قدرت استحمل .. صحت : مافيني شي .. امي قربت صوبي : ويه ساره يمه .. شبلااااج ..؟ قلت بصوت صياح : مافيني شي .. بس تهاوشت مع راكان . امي حطت يدها على قلبها : طلقج ..؟ قلت : لا ما طلقني .. امي : عيل ليش تصيحين ..؟ وشسبب خلافكم ... شاااقوول لج يا يمه .. شاااقول ..؟ اقول لج طرى اسمها .. خليني سااكته بس خليني ساكته .. امي : سارووه تهاوشتو في شنو ..؟ خلصيني يمه قوليلي .. قلت : خلاص يمه انسي انسي .. خليني برووحي .. امي قامت : لا حول ولا قوة الا بالله .. سكرت الباب وانا طحت على الفراش .. ما عرفت اصيح والا اسكت والا ارضى بالواقع والا شاسوي ..؟ اذا تزوجنا بيقعد يطريلي اياها كل مره .. وانا شدوووري ..؟ انا ابي اعرف .. هو تزوجني على اساس اني ساره والا بدور .. ؟!؟! صارت لي ساعات وانا داخل الغرفه بروحي .. توضيت وصليت العصر .. ونزلت الصاله .. ما شفت احد فيها .. قعدت على الكرسي وضميت المخده .. سمعت خطوات حد بينزل .. عرفت ان مشاعل لاني سمعت صوتها .. مشاعل : اوه ساره هنيه ..؟ ابتسمت لها وصديت اطالع الفراغ .. مشاعل : ساره شفيج .. انا حاسه ان فيج شي .. من الصبح ما نزلتي .. وحتى غدى ما تغديتي .. شنو كل هاي رقاد .. قلت : لاا .. انا قاعده من الظهر .. مشاعل : وليش ما نزلتي ..؟ قلت : مالي خلق .. مشاعل : ليش ؟؟ شفيج .. حتى امج طلعت من غرفتج زعلانه .. قلت : شفتيها ..؟ مشاعل : ايه شفتها وانا طالعه من غرفتي .. بس ما قلتيلي شفيج ..؟ ترددت .. ما ادري اقول لها السالفه والا لا ..؟ بعد تردد قلت لها كل السالفه .. مشاعل : وهذا اللي مزعلج ومكدر خاطرج ..؟ قلت : وانتي تشوفينه شويه ..؟ انتي لو مكاني شبتسوين ..؟ مشاعل : انا لو مكانج بعذره .. قلت : بتعذرينه ..؟ مشاعل : ايه بعذره .. لانه حبها .. واعتبريها زلة لسان .. قلت : بس هاي مو اي زله .. مشاعل : امبلا .. هو غلط بأسمها لانه متعود كان يكلمها الله يرحمها وما ينطق الا بأسمها .. سكت ابيها تكمل .. مشاعل : مب مقتنعه ..؟ قلت : مادري .. مشاعل : دام انه اول مره نطق بأسمها سامحيه .. وهي الحين ميته .. ليش زعلانه هالكثر .. ما راح يرجع لها .. قلت : انا يا مشاعل مب خايفه يرجع لها ..لانه ما يقدر ادري .. بس .. بس .. قاطعتني : بس انتي ما عندج سالفه .. روحي راضي بعلج .. ترى اذا نمتي وهو زعلان منج .. بتقعد الملائكه تلعنج لين تصبحين ..وانتي صاير رقادج وايد .. ابتسمت وقمت رحت الغرفه .. مسكت جوالي لالقيت مكالمتين ما فتحتهم .. متردده.. اتصل له والا ما اتصل ..؟ شاسوي ؟؟ وشوي الا يهتز جوالي .. ياني مسج .. اكيد من راكان .. " يا تردين على مكالماتي والا والله ثم والله ثم والله يا ساره اجيكم البيت واتصرف معاج "شفيه هذا .. يهدد .. مب راده زين .. وبشوووفك شتسوي .. رن جوالي وتخرعت .. رديت على طول: الوووه .. راكان : ما بغيتي تردين .. لازم مسج تهديد .. قلت : خير .. راكان : للحين انتي على هالحال .. ؟ تذكرت كلام مشاعل .. فسكت .. راكان : شوفي ساره .. انا مب بالغصب افهمج اني يوم قلت اسمها كانت زله .. لانج وعلى حسب ظني انج عاقله وفاهمه .. وما اعتقد هالكلمه راح تسوي شرخ في علاقتنا .. قلت : وانت الصاج .. بس اوعدني ما تجيب اسمها على لسانك .. راكان : اوعدج ما اجيب سيرتها .. ترى انا يوم جبت سيرتها ما كنت متعمد .. سكت .. راكان بصوت هادي : رضيتي ..؟ ابتسمت ووجهي احمر كأنه يشوفني .. راكان : هاا رضييتي والا اجي بيتكم .. ضحكت : هههههههه خلاص رضيت .. راكان : بل .. يعني ما تبيني اطب بيتكم .. قلت : احنا خصصنا يوم الخميس على ما اعتقد .. راكان : ايه بس عادي اجي يوم السبت .. الثلاثا .. كيفي صح .. قلت : ههههههه ايه كيفك .. لانه بيت خالك مب بيتي .. راكان : فديت هالضحكه .. هنيه حسيت بشي غريب .. لان راكان من كلمته ما قال لي كلمه غزل.. بس قلت يمكن هالكلمه عربون صلح .. راكان : هههههههههههه شفيج سكتي ..؟ ابتسمت بخجل : لا ولاشي .. " حبيت اضيع السالفه " الا حجزت حق العرس .. راكان : ايه زين ذكرتيني .. قلت : خير .,؟ راكان : حجزت وبيكون اممممممم هم عطوني التاريخ متى .. يمكن يعني تقريبا بعد شهرين .. قلت : شنووووو ؟؟ راكان : شنو .؟ بعيد صح ..؟ قلت بتطنز : ايه وايد بعيد .. جان خليته الاسبوع الياي .. راكان : ايه قلت لهم .. بس قالوا اقرب يوم بعد شهرين .. قلت : راكان انت من صجك .. ؟ راكان : شنو .. قلت : من صجك بعد شهرين .. حرام عليك .. متى اتجهز ومتى اخلص اموووري ..؟ راكان : وشهرين ما يكفون ؟؟.. اللي جهزو في شهرين مب احسن منج .. قلت : يه .. راكان : لا تتحندين .. صدقيني بيكفوون .. يعني شنو اللي بتشترينه ..؟ الفستان وبتشتريه في يوم واحد .. والكوشه بنحجزها وبنفك في يوم واحد .. والقاعه وحجزت انا امس .. بعد شنو التجهيزات ..؟ الحرمه اللي بتعدل ويهج خليها تعدل شعرج مره وحده .. وخلصت السالفه .. كل هاي بتسوينه في يوم واحد بعد مو في شهرين .. قلت : هه .. راكان انت وايد مبسط الامووور .. في وايد اشياء بشتريها .. هاي اللي قلته السهل والمعروف .. راكان : يعني شنو بتشترين مثلا .. قلت : ملاااابس .. ومكياج وعطور وبودرات .. وحجز وحده حق المكياج واحجز وحده حق الشعر ووحده حق الاظافر .. وافصل فستان العرس .. ووايد اشياء ما ذكرتها .. راكان : شنهي الاشياء اللي ما ذكرتيها ..؟ قلت : اشياء مابي اذكرها .. اشياء تخصني .. راكان : مافي خصوصيات بين المره وزوجها .. قلت : امبلا في .. راكان : اوكي الحين بخليج ما تقولين لي .. بس خلني اشوفج فيس توفيس .. والله لا اسحب منج الكلام سحاب .. قلت: ههههههههههه ماراح يطلع مني كلام انا مابي اقوله .. راكان : لا بس بيطلع بطريقتي الخاصه .. وسمعت تلفون يرن من عنده .. راكان : اوه .. ساره بعدين اكلمج اوكي .. ياني اتصال .. قلت : من جوالك الثاني ..؟ راكان : ايه .. جوال الشغل .. قلت : اوكي .. مع السلامه .. راكان : في امان الله .. سكرت منه ورحت الصاله .. لقيت نجوى قاعده مع مشاعل .. قلت : اوه اوه .. نجووووى عندنااااااااا ..؟ نجوى بدون نفس : هلا .. قلت : بل بل بل .. شفيج مخيسه النفس ., نجوى : لا تخليني انفجر الحين .. بروحها الصيحه واصله خلاص .. رحت عندها : وي نجوه اسم الله عليج .. شفيج ؟؟ نجوى بدت عيونها تلمع : والله هالطفس .. صاير ما يعرف يتعامل بأسلوب عدل نفس الاوادم .. قلت : من هاي ..؟ نجوى : يعني من بيكون غير جاسم .,. قلت : جاااسم ..؟ ليش شسووووى ..؟ نجوى : شوفي .. الحين انا لبست وكشخت عشان اروح معاهم .. لان كلهم بيروحون السوق مادري شيبون وانا لزقت وياهم .. قلت : انزين .. نجوى : ومن عادتي اقعد اسولف واضحك وانتطنز مع نوروه .. وانا اضحك استفزيتها .. ونوروه قالت حق جاسم .. جاسم شووووف نجووووووه .. " وكانت تقولها بس جي " وعاد هو ما صدق خبر .. كأنه يبي اشاره علي .. وتم يصارخ ويهاوووشني .. على اتفه الاسباااب .. وعاد انا ما اعرف اسكت .. رديت عليه .. وهاوشني ونزلني عندكم .. الحمدلله لإنا كنا قراب من بيتكم .. والا نزلني في الشاارع .. قلت : ليش جي يسوي فيج ..؟ نجوى: والله العظيم ياساروه مادري .. مادري شفيه ..؟ معقوووله كل اللي يسويه جاسم عشان ما صار نصيب بيني وبينه ..؟ مو معقوول .. وهو عقله كبير .. مب صغير لهالدرجه .. نجوى : انا خلاص مب راجعه بيتناا .. لين ما يعدتل هالخايس ,. مشاعل : لا يا نجوى .. مب حل هذا انج تتمين هنيه .. نجوى : يعني ما تبوني .. خلاص عيل بروح بيت عمي ,, مشاعل :لا والله العظيم مو هاي قصدي .. وانتي تدرين بعد .. بس لازم تكلمينه وتعرفينه منه شسبب هالعصبيه الزايده .. قلت : لا خلها تتم عندنا كم يوم .. يمكن بعد يتهاوشون وتكبر السالفه .. شفت خالد يررررررركض بجوالي .. قلت : من المتصل .. خالد يلهث : مادري شوفي .. خذت عنه الجوال وشفت هاجر المتصله .. بيني بينكم ما كان لي خاطر ارد لها .. ابي اواسي هالمسكينه .. حاسه فيها والله .. رديت : هلا هجووووووور .. هاجر : اهلين .. شنو شريتي حق عرررررررسي ..؟ قلت : ههههههههههه .. لا ما شريت .. هاجر : ليش .. باقي سبوعين .. قلت : لا باقي 3 اسابيع .. هاجر : نفس الشي .. قلت : ههههههههه مستعيله .. هاجر : ايه ابي الفكه من البيت .. قلت : مب خايفه ..؟ هاجر : ليش اخااف .؟ قلت : يعني .. لانج عروس .. وبتروحين بيت ثاني وحياه ثانيه .. هاجر : ايه هاي اللي متحمسه له .. بيت ثاني وحياه ثانيه .. قلت: والله انا خايفه يا هجوور .. خااايفه .. هاجر : لا والله راكان ما يخوف قسم بالله .. قلت : شي طبيعي ما راح تخافين من اخوج .. هاجر : لا بس لو تعرفين راكان عدل بتحمدين ربج انه صار من نصيبج .. قلت : ما جنج تدمحين اخوج وايد .. هاجر : هههههههه فديت اخووي .. كيفي .. قلت : من يمدح اخوه يبيله رفسه .. هاجر : بس عكست المثل .. سمعتها تقول : ايه ايه شفيك .. لا مب ماعطتك .. ايه يالخااااايس .. وي شسالفتها ؟؟ وسمعت صوت خشن : الووووو .. قلت : الووه .. راكان ؟؟ .....:لا مب راكان .. قلت : منووو ..؟؟ ....: نسيتي صووتي .. هههههههههههههههههههه .. ما يمدينا .. ذيااب!! .. قلت : ذ .. ذياب ؟ ذياب : عليج نووووووووور .. ذياب حبيبج السابق .. قلت : ايا النذل يالحقير .. ذياب : لاه لاه لاه .. ليش تسبين اخو زوجج .. يمديج تطيحين الميانه وتضيعينها بعد ..؟ قلت بعصبيه : شتبي انت ..؟ شتبي ؟؟ ذياب ببروود : لا ما ابي شي .. بس قلت دام اني ما باركت لج ابارك لج بالحبيب الثالث .. بس هالمره لعبتيها صح يا بنت فاطمه .. خليتيه يملج عليج هااا .. يلا الله يهنيكم مع بعض .. بس انتي ما اخترتي الا راكان هالطيب .؟. ريال مصلي وخايف ربه وعلى نياته .. وخطفتيه من اهله .. هو شسوى لج .. بس عشان سحبني عنج ذاك اليوم .. بس تدرين .. كان يوم حلو .. في احداث خطيره .. هههههههههههههههه .. كل ما اذكر ذاك اليوم اذكرج يوم تصيحين .. هههههه والله ان شكلج يضحك .. اخبرج انتي متعوده على ..... وسكرت على طوووول ما قدرت اسمع الباقي .. مادري شاللي خلاني اسمع الكلام اللي قاله الخااايس الحقير .. ورحت اركض غرفتي وتميت اصيح بصوت عالي .. حسيت اني مفضوحه .. انا ليش احب بسرعه .. كلهم يقصوووووون علي .. كلهم .. كلهم قالوا انهم يحبوني .. وطلعوا يحبوون يعذبوووني .. محد بيفهمني ويفهم معاناااتي .. آآآآخ ياربي آآخ .. انا ما راح اعيش بسلام ما دام ذياب عاايش وعلى وجه الارض .. ما رااح ارتااااح .. غطيت ويهي بالمخده وتميت اصيح .. ونمت على صياحي وقهري .. وعيت وانا احس شي على خدي .. فتحت عيوني شفت نجوى تقعدني تطق خدي بصبعها .. نجوى : سارووه قومي .. شحقه مخليتني بررروحي .. قوومي انا ناديت غايوه قلت لها تجي .. قلت : شتبين .. نجوى : قوومي انا من مساعه قااعده برووحي .. مشاعل راحت غرفتها فووق .. تركي سحبها .. وانا برووووووحي مع ابووج .. قوووومي .. قلت : انا قاايمه يالعنز قاايمه .. نجوي : يلا جداامي .. شيرقدج الحين ..؟ قمت ورحت اغتسلت ولبست الجلابيه اللي انا وهاجر شرينا نفس الشي .. ونزلت مع نجوى .. شفت غايوه يايه صوب الدري مع كرشتها .. غايوه بتعب : الحمدلله نزلتووو .. كنت برووح لكم .. قلت : بسم الله الرحمن الرحيم .. شفيه خشمج صاير شكبر .. غايوه مسكت خشمها : ايه انتي .. لاتقعدين تتطنزين على انفي .. هالحمل منفخ كل شي فيني .. امي يايبه صنيه الدلال .. الشاي والقهوه .. امي : لان فيج ولد .. غايوه : لاااااا يمه ابي بنت .. امي : على كيفج انتي .. حمدي ربج ان بيجيج ولد .. بعد تتذمر .. راحت غايوه وقعدت وانا قعدت جنبها ونجوى جابلتنا وامي حذاها .. مسكت بطن غايوه : انا بعرف اذا بنت والا ولد .. يوم مسكت بطنها شفته يتحرك .. وجاان استااانس .. صرخت : يتحرررررررك .. غايوه : هههههههههههههههههههه .. الحمدلله والشكر يااربي .. امي : هههههههه خليها .. ما شافت وحده حامل من قبل .. قلت : ايه ما شفت .. امي : وانااا ؟؟ كا شفتيني وانا حامل في ريموه وخلود وميمي .. قلت : امبلا بس ما كان يهمني .. كان شي عادي بالنسبه لي .. اما الحين غير .. غايوه : ايه لازم غير .. لان اختج الحامل .. قلت : وي مالت على اختي .. غايوه : اغصاااااان الجنه ان شالله .. طالعت نجوى لقيتها سرحاانه وسااكته .. قمت : نجوى يلا قومي تعالي معاي .. غايوه : وين بتروحون بعد ..؟ قلت : بنسوي عصير .. سحبت نجوى معاي المطبخ .. قلت : شفيج ؟؟ مب طبيعيه انتي اليوم .. نجوى نزلت راسها : شفتيهم .. ما سألوا عني .. انا عندكم من العصر ولا رفعوا السماعه يتطمنوون علي .. قلت ارقع السالفه : يمكن مشغوولين والا يمكن ما خلصوا اغرااضهم .. نجوى : مهما يكوووون السبب .. على الاقل يقولون نجوى وصلت عندكم والا لا .. قلت : انزين انتي ليش ما تتصلين لها .؟ نجوى: مابي اتصل لهم .. خلهم يولووون كلهم .. مسكت جيك العصير وسويت عصير على السريع .. وانا احاااول اهدي نجوى .. تتوقعون شرااايح يصير من احداااث في الج 20 زء ..؟ هل بيمر كل شي عادي وبتنتهي السالفه ..؟ والا بتصير احداااث حلوه وخطيره وحزينه ؟؟! |
الج 20 زءباتت نجوى عندنا وبعد غايوه .. لان زوجها ماجد بيسافر سبووع .. ونجوى تمت يوم واحد عندنا وبعدين جا اخوها جاسم واعتذر منها واخذها معاه البيت .. وغايوه تمت معانا وشوي تتألم من بطنها .. لانها في ااااخر الشهر الثاامن .. يعني دشت شهرها .. وراكان صار يكلمني كل يوم .. وصرت استاانس اذا كلمني .. صج ان العرس قرب وكل يوم خوووفي يزيد .. بس راكان كان يهووون علي شوي .. لانه يقول ما راح نقعد في بيت ابوه غير سبوع وبعدين بننتقل بيتنا الجديد .. تمر الثواني والدقايق والساعات والاياام .. وصاار اليوم عرس خاالي ..^.^ قمت من النوم متخرعه من صوت طقه الباب .. رحت اركض فتحت الباب .. لقيت خالي ماسك جيك ماي ورشه علي .. شهقت : خاااااااااااااااااااااااا ااااااااااالي ..!!!! خالي : ههههههههههههههه يلا قووومي .. اليوم عرسي .. يلا يلا .. وراح وهو يغني .. خالي : حلو على قلبي هواااكم .. عايش مع اياامي سعيد .. غاايتي اطلب رضااكم .. وان حصل ذا اليوم عيد .. عاااااااااااااشوووووووووو وو .. ضحكت : هههههههههه والله استخف خالي اليوم .. حسيت بالبرد .. طلعت ثلجه من سدري .. لا بعد حااط الجيك في ماي بارد وثلج .. اووف .. رحت بدلت ملابسي وشفت الساعه 10 الصبح .. شووفووو الخاايس .. قعدني من الصبح .. كنت برد ارقد بس ماجاني نووم .. صحصحني بالماي الباارد .. نزلت وشفت امي رايحه ويايه .. تشيل وتحط ووراها الخداامه .. قلت : صباح الخير يمه .. امي : هلا صباح النور .. زين قمتي .. يلا شيلي هالبااقه وحطيها في هالزاويه .. وشيلي الجره وحطيها فوق الطاوله .. وعدلي الشرااشف اللي على الطاوله .. وروحي المطبخ وقولي حق الخدامه اذا في شي ناقص والا لا .. قلت : بل بل بل .. كل هاااي تبيني احفظه واسويه .. انا ما حفظت الا اروح اقول حق الخدامه اذا في شي ناقص والا لا .. امي عصبت : رووووووحي سووووووووي اللي قلت لج عليه يلااااااااا .. رحت المطبخ وتريقت وعينت من الله خير وعقب تميت اشتغل مع امي .. خلصت شغل مع امي ورحت غرفتي ريحت شوي .. وشفت جوالي رن .. رديت : هلا نور .. نور : اهلين .. سااروه متى بتجين ..؟ المره جات .. قلت : وي .. مادري .. انا حسبالي ان انتو اللي بتجووني .. نور : لا انتو بتجوون .. يلا ترى المره على وصوول .. وسحبي مشاعل معاااج .. قلت : زين .. بلبس وبجيب فستاني وبجي عندكم .. نور : ايه يلا .. سكرت من عندها ورحت غرفه تركي ومشاعل .. مشاعل فتخت لي الباب .. مشاعل : هلا ساره .. قلت : اهلين .. هااا مب يايه معااي .. مشاعل : وين ؟؟ قلت : بيت خالتي .. هنالك بيجون الحريم اللي بيعدلونا .. مشاعل : لا يختي استحي .. انتي قلتي ان بيجون بيتنا .. مب بيت خالتج .. قلت : ايه بس نور توها فاجأتني .. يمكن دلتها بيتهم .. مشاعل : لا يختي انا مب رايحه .. قلت : لا لازم تروحين .. احنا حاجزين لج .. قلنا لها 4 حريم .. مشاعل : ماادري .. قلت : يلا يلااا .. مافي اعذاار .. يلا لبسي وانا بلبس .. مشاعل : زين .. رحت غرفتي تسبحت بسرعه وطلعت لبست بنطلون ابيض وبدي بنفسجي .. ولبست عباتي وحطيت فستاني واكسسواراتي ونعال > عزكم الله < في كيس كبير وطلعت .. طقيت الباب على مشاعل .. مشاعل : زين جيتي .. تعالي ساعديني .. دخلت وساعدتها .. حطيت فستانها وعلبه اكسسواراتها في كيس .. وهي لبست عباتها وطلعنا مع بعض .. شفت امي في الصاله .. قلت : يمه من بيوصلنا ..؟ امي : مدري .. شوفي من في البيت ..؟ اتصلت حق خالي ما يرد .. واتصلت حق تركي .. تركي : ها ساروه .. شتبين .. قلت : من يوصلنا .. تركي : وين يوصلكم ..؟ قلت : انا ومشاعل بنروح بيت خالتي .. بنتعدل هناااك .. تركي : انزين شالمطلوووب .؟ قلت : زين وين ابوي ؟.؟ تركي : مادري عنه .. قلت : زين باي .. وسكرت واتصلت حق ابوي .. ابوي : هلا ساره .. قلت : هلا يبه .. انت وين ؟؟ ابوي : انا مشغوول حبيبتي .. شتبين ..؟ قلت : ابي حد يوصلني بيت خالتي .. ابوي : شوفي مشاري .. قلت : زين .. مع السلامه .. ابوي : في امان الله .. ورديت اتصلت حق خالي .. خالي : الوووو .. قلت : هلا خاالي .. خالي : اهلين .. قلت : خالي انت وين .. خالي : انا بعيد شتبين ؟؟ قلت : يه .. ابي حد يوصلنا بيت خالتي .. خالي : والله انا ما اقدر اجي الحين .. شوفي اخوج والا ابو .. قلت : كلهم مشغوولين .. خالي : انزين روحو مع دريول بيت زينب .. قلت : ايه صج .. يلا يلا بااي .. خالي : باي .. سكرت واتصلت حق نور .. قلت : الووووووو .. نور : هلا .. للحين ما وصلتوا ..؟ قلت : ماعندنا حد يوصلنا .. وين دريلوكم ..؟ نور : وييييي .. دريولنا امي مطرشته مادري وين يوزع .. قلت : عيل شلون بنجي عندكم ..؟ نور : محد بيوصلكم ؟؟ قلت : لا .. نور : بشووف جاسم وين وبتصل لج .. قلت : اوكي يلا .. سكرت منها ورحت قعدت صوب مشاعل .. مشاعل : هاا .. من بيوصلنا ..؟ قلت: والله لحد الحين ما ادري .. يمكن جاسم ولد خالتي يوصلنا .. اذا كان فااضي يعني .. مشاعل : لااااااا يختي استحي .. قلت : يعني انا اللي مطيحه الميانه معاه ,.؟؟ بعد انا استحي بس شاسوي .. اذا هوما وصلنا محد بيوصلنا .. كلهم مشغوووولين .. قعدنا شوي والا يرن تلفوني .. قلت : هلا نور .. نور : اهلين .. يلا جهزوا .. جاسم يايكم في الطريج .. قلت : انزين شرايكم انتو اللي تجووووووووونا .. نور: االكوافيرا عندنا .. وابتدت في نجوى .. يلا تعالوا بلا دلع .. قلت : زيييييييين .. نور : باي .. قلت: باي .. مشاعل : بيجينا جاسم ..؟ قلت : ايه .. بعد شوي .. نطرنا شوي وشوي الا نسمع صوت هرن .. مشاعل : وي يه .. قلت : يلا قومي .. قمت وطلت من الدريشه .. شفت سياره جي اكس سوده .. ايه هذي سيارة جاسم طلعت ومشاعل وراي .. ركبت ورى ومشاعل جنبي .. قلت : السلام عليكم .. جاسم : وعليكم السلام .. شخباارج ساره؟؟ قلت : الحمدلله بخير .. شخبارك انت ..؟ جاسم : الحمدلله .. شخباارج مشاعل ..؟ مشاعل : بخير .. مشينا .. وتم جاسم يسولف كالعاده .. جاسم : الا متى عرسج ؟؟ استغربت من سؤاله .. يمكن الكلام اللي قالته نور غلط .. يمكن ما يحبني .. بس شفايدتها من انها تطلع كلام بس جي .. قلت : بعد شهر .. جاسم : اوه قريب .. قلت : ايه .. الفال لك .. جاسم : الله كريم .. ووصلنا البيت .. نزلنا ودخلنا داخل .. قلت : السلام عليكم بنااااااااات .. نور ونجوى : وعليكم السلام .. وجو يسلمون علي وعلى مشاعل .. قلت : وين دينا مالت المكياج ؟؟ نور : توها متصله وقالت انها عند اللفه .. يعني قريب .. وسمعت صوت جرس.. نجوى : اكيد هذي هي .. نور : انا بفتح الباب .. وراحت تركض وفتحت الباب لها .. يات دينا .. دينا : السلام عليكم .. كلنا : وعليكم السلام .. دينا حطت اغرااضها في الطاوله وفصخت عباتها وشيلتها وفرزت اراضها .. دينا : من يبي يتمكيج اول. . قلت : انا ^.^ دينا ابتسمت : يلا تعالي .. قلت : عاد انا ما ابي مكياج دفش هاا .. ابي ناااعم .. دينا : ولا يهمج .. بس اي لون فستانج ..؟ قلت : كله على بعضه اسوود .. قعدت وبدت تمكيجني .. وانا متطمنه لها .. اشوف نجوى وهي مكشره وهم يسون لها شعرها .. كل شي ولا حد يمسك شعرها .. الله يعينها .. بعد ساعه الا ربع خلصت مكياجي .. وطرت على طول صوب المنظره .. كان المكياج حلو علي .. لونه وردي فااتح وداخل عليه الاسود بطريقه حلوه .. طالعت شعري الكستنائي .. ودي اصبغه اسوود .. بس مافي وقت الحين .. مره وحده اصبغه في عرسي ^.^ .. قلت : مشكوووووره وتسلملي يدينج .. حلو المكياج .. دينا : الله يسلمج حبيبتي .. ترى مكياجي ما يطلع حلو الا على الوجه الحلو .. قلت : تسلمين حبيبتي .. شفت صوب الشعر نجوى خلصت ونور يات بعدها .. وراحت مشاعل تتمكيج وانا تميت انتظر نور لين ما تخلص من الشعر .. خلصت نور من الشعر وانا رحت قعد .. سوت شعري رول وقالت لي اروح البس فساني عشان تكمل التسريحه .. رحت غرفه نور ولبست فستاني بمساعده من نجوى .. ورحت كملت تسريحه شعري .. تقريبا على الساعه 6ونص خلصنا كلنا .. طالع شكلي حلو وعاجبني .. لابسه فستان اسود حرير ..وله ذيل وحركه من السدر للخصر .. ومكياجي وردي واسود .. نااعم .. وخلت شعري على طوله .. لانها سوته باف وخلت شعري مرول .. طالع رووعه .. ونور لابسه ذاك الفستان البرتقالي .. وفيه شوي من البنفسجي .. ومكياجها كان برتقالي وبنفسجي .. وطالعت حلووووووه .. وشعرها اللي يوصل لين كتوفها رافعينه لها وبطريقه حلوه .. لان شعرها صابغته خصل .. ونجوى لابسه فسانها الوردي وحاطه مكياج وردي وخلت شعرها مفتوح بطريقه حلوه .. مشاعل لبست فستان بنفسجي .. طااالع حلو عليها .. ومكياجها كله بنفسجي واسود .. طالعه حلوه ونعومه .. اما غاايوه اللي ياتنا بعد فتره .. لابسه فستان ازرق .. فيه حزام تحت الصدر ومن بعده مكسر .. عشانها حامل .. وكان مكياجها بيج وازرق .. وطالعه حلووووه .. وشعرها رافعه لانه مب طويل وايد .. بعد ما خلصت مكياج وشعر .. اتصلت حق ابوي عشان ياخذني الفندق حق لطوف .. ووداني الفندق .. واتصلت لي لطوف .. قلت : هلا بالعرووووووس .. لطوف : سارررررررررررروه .. قلت : هااا ؟؟ شفيج ؟ لطوف : تعالي عندي .. قاعده بروووووحي .. بموت من الصياااح .. قلت : زين زين حبيبتي .. انا عندج .. دقيقه ويايتج .. سألت عن غرفه العروس ورحت لها .. واول ما شافتني لطوف ياتني وضمتني .. قلت : شفيج حبيبتي .. لطوف : ساروه ترى انا اما عندي حد غيرج بهالدنيا .. ماعندييييييي .. قلت : ليش ؟؟ شصااير ؟؟ فكت عني لطوف .. قلت : وين امج ؟؟ لطوف : مادري .. انا بروحي يايه هنيه مع حمد اخوي .. وكل شي انا مسويته برووحي .. الشي الوحيد اللي سوته امي لي انها صممت البطاقات .. ووزعتهم على رفيجاتها .. كسرررررررت خاااااااطر لطوووف .. صج محد عندها .. لا بنات خاله والا ام عدله .. ولا حد .. بس انا ..؟ وانا في هالايام بعد مقصره معاها .. فديتج والله .. قلت : حبيبتي والله .. بس وين اللي تسوي شعرج وويهج ..؟ لطوف قعدت على الكرسي وباين الحزن على وجهها .. لطوف : طلعت من شوي تاخذ باقي اغراضها من تحت .. قلت : هي وحده ..؟ لطوف : لا بس مالت المكياج يات.. الكوافيرا للحين .. قلت : انزين ليش مااده البووز ..؟ اليوم عرسج .. لازم تكونين شاقه الحلج ^.^ لطوف : ههههههههههه اشق الحلج عاااد .. قلت : ايه .. تراج بتاخذين خالي .. لطوف : فديته والله .. ابتسمت لها .. انفتح الباب الا مالت المكياج يات .. اسمها عبير على ما اعتقد .. : مرحبااااااااااااااااا .. انا ولطوف : مرحبتين ..^.^ عبير ابتسمت : اختج ؟؟ لطوف : تقدرين تقولين جي .. بس هي رفيجتي اللي ما اقدر استغنى عنها .. عبير : الله يخليكم بعض .. يلا جااهزه ..؟ لطوف : ايه يلا .. عبير فتحت علبه المكياج : يلا بسم الله .. وابتدت مكياج لطوف وانا احاول اخترع سوالف تضحك .. عشان افرفش لطووف خلصتها تقريبا في حدود الساعه ساعه وربع .. وفي هالوقت دخلت الكوافيرا .. الكوافيرا : السلام عليكم .. كلنا : وعليكم السلام .. لطوف : هلا دينا .. دينا : اهلين حبيبتي .. اسم الله .. هيدا عبير اللي عامله المكياااج ؟؟ عبير ابتسمت .. لطوف : ايه .. حلووو ؟؟ دينا : ازا عبير اللي عاملتو اكيد حلو .. بعد سوالف شوي بدت دينا تسوي شعر لطوف .. وانا اطالعهم وكل شوي طالعت نفسي في المنظره .. ابي اتأكد هذي انا والا وحده غيري ..^.^ لان المكياج وايد مغيرني.. رن جوالي وكان المتصل امي .. رديت : هلا يمه .. امي : اهلين .. ها وينج ..؟ قلت : انا عند لطوف .. امي : عيل انا وخالتج وغايوه وبنات خالتج جاين الحين .. قلت : وين تجون ..؟ امي : القاعه بعد وين ..؟ الحينه الساعه 7 ونص .. قلت : اوكي .. تميت اطالع لطوف ومندمجه في تسريحتها .. بعد نص ساعه رن جوالي .. رديت : هلا غايوه .. غايوه : نزلي يلا .. احنا كلنا تحت .. قلت : اوكي بنزل الحين .. سكرت من عند غايوه .. قلت : لطوف انا الحين بنزل عندهم تحت .. لطوف : لااا وتخليني برووحي .. قلت : بجيج بعد شوي .. اووكي .. وطلعت من عندها متوجهه للقاعه .. شفت امي من بعيد وخالتي زينب والبنات كلهم .. قلت : يه يه يه .. شهالكشخه يمه .. امي ابتسمت : عيل بس انتو تكشخووون .. وقعدنا مكان ما نستقبل الضيوف .. وبعد فتره قاموا يجون الحريم .. من صديقات امي وجاراتها .. وصديقات خالتي وجاراتها .. وصديقات نور ونجوى وصديقاتي اللي في الجامعه وصديقات لطوف .. وبعد من الدكاتره عازمتهم لطوف .. وعمتي جات واريج وهاجر .. بصراحه ما توقعت اريج تجي .. بعد ما انفصلت عن خطيبها احسها تعقدت .. هاجر تسلم علي : سااااااروووووووه .. تيننييييييييييييييييين .. ابتسمت لها : والله انتي الاحلى .. هاجر : بصورج حق راكااااااان .. والله بصورج .. قلت : هههههههههه لا استحييييي .. هاجر : بعدين بنتفااهم .. يلا وديني طاولتنا .. قلت : بعد شنو طالولتكم .. اي طاوله روحي ارتزي فيها .. هاجر : لا احنا ال vip .. قلت : ما عندنا VIP.. يلا روحوا الطاوله اللي جداام عشان تشوفوني وانا اررررررقص .. هاجر صررخت : بتررررقصين ؟؟ قلت : ايه .. يوم بيجي خالي .. برقص جدامه .. هاجر : عاااااشت قويه العين .. قلت : مب قويه عين .. بس جي فله .. نجوى : انتوووووووو .. صار لكم تسولفون وايد .. يلا روحوا هناك .. واقفين عند الباب بعد .. هاجر : ان شالله مدموزيل .. هاجر كانت كاشخه وكأنها وحده منا .. ترى خالي ما يصير لها .. وعمتي ما تداني امي وخالي .. بس سبحان من يغير النفووس .. سلمت على الحريم وقاموا يكثرون .. وانا تعبت من كثر ما اسلم .. حسيت ان خدي تورم .. رحت عند نور ونجوى وهاجر .. وتمينا نسولف ونرقص .. بس نجوى ما كانت تعرف ترقص .. بس ترقص خرابيط ..اما هاجر ونور ما عليهم كلام ..ابدعو في الرقص .. ياتني امي .. امي : يلا دخلي العرووس .. قلت : الحين ..؟ امي : ايه الحين .. رحت بسرعه فوق .. لقيتهم قاعدين يعدلون مكياجها .. قلت : ماااااااخلصتووووووووو ؟؟ عبير : احنا مخلصين .. بس هي الله يهداها صاحت وخربت المكياج .. رحت ضميتها : ليش حبيبتي ليش ؟؟ لطوف : وين امي ؟؟ قلت : امج كأني لمحتها هناك مع رفيجاتها .. لطوف : ليش ما جاتني ..؟ قلت : لانها مشغوله الله يسلمج .. هناك كله حريم .. وهي تسلم عليهم ..خبرج عرس بنتها .. لطوف : عررررس بنتها تجااابل الحريم وتخلي بنتهااا ..؟ قلت : اهدي لطوف الله يهدااج .. خلاص اهدي .. مابغيتي تنقلبين على امج الا في يوم عرسج .. خلي همومج ورى ظهرج وعيشي فرحتج .. لطوف سكتت .. قلت : يلا الحين بتنزلين .. امي قالت لي .. لطوف : انزين " عقب قامت تتلفت " وين باقتي ..؟ التفت يمين ويسار لقيت الباقه على الكرسي .. قلت : كاهي .. ورحت جبتها لها ونزلتها .. وكان يبين عليها ملامح الخوووف والحزن .. مسكينه يا لطوف .. حتى كشخه امها ما شافتها في عرسها .. في طريجنا عند باب القاعه شفنا امها توها جايه .. ام لطوف : اوه انتي جيتي .. هههههههه .. يلا حبيبتي .. الحين بقول لهم يحطون زفتج .. طالعت لطوف وابتسمت .. وكانت ملامح لطوف عاديه .. دخلت لطوف وانا كنت جنبها .. وبعدين ابتعدت شوي عنها عشان تمشي بروحها .. كانت تمشي بثقه .. حسيت انها مب خايفه كثر ما هي حزينه .. وصلت عند الستيج ورحت لها عشان اساعدها عشان تركب .. ووصلت عند كوشتها والمصورات وراها .. وقعدت وانا رحت لها .. قلت : مبروووك حبيبتي .. لطوف ابتسمت : الله يبارك فيج .. قلت : ما ابي الابتسامه تفارقج .. انتي تجننين.. وبالابتسامه احلى واحلى .. لطوف طالعتني وابتسمت .. رحت عنها وتمت قاعده مكانها كأنها ملاك .. طول هالوقت وانا شوي عند لطوف .. وشوي اقعد .. وشوي اقعد عند رفيجاتي .. يعني ما قريت مكان واحد .. وانا رايحه عند امي لقيت وحده في طريجي .. المره : السلام عليكم حبيبتي .. سلمت عليها : وعليكم السلام .. المره :شخبارج يمه شمسويه ..؟ قلت : الحمدلله تمام .. انا ما اعرفها هالمره .. من تبي ..؟ قلت : السموحه خالتي ما عرفتج .. المره : انتي بنت منو ؟؟ من بنته .؟ قلت : انا ساره بنت فاطمه .. المره : شسم ابوج .؟ قلت : راشد .. خير ؟ المره : ههههه لا حبيبتي لا تخافين .. انتي متزوجه ..؟ قلت : ليش هالاسأله ..؟ المره : انا آسفه بس حبيت اخطبج حق ولدي .. ابتسمت : لا انا مخطوبه ..^.^ المره : وييي .. هههههههههههه انا ادور له بنت حلال .. وشفتج انتي ما شالله عليج حلوه قلت انتي اولى .. ضحكت مع اني ما فهمت شي .. المره : عيل اخليج الحين .. قلت : اوكي .. مع السلامه .. رحت عند امي .. قلت : يماااااه .. خالي اتصل لي يبي يدخل الحين .. امي: ما جنه تو الناس .. الساعه 11 الا ربع .. قلت : شاسوي فيه .. قلت له العروس للحين ما نزلت ههههههههههه .. امي : وي تكذبين على خالج .. قولي له امي تقول لك انتظر ربع ساعه بس .. قلت : واذا عاند .. امي : اذا عاندج عطيني اياه .. قلت : كلميه الحين انتي .. امي قامت عشان تروح مكان هادي وخالي من الاغاني المزعجه .. وانا رحت ارقص على اغنيه حلوه ترقص .. وعقب انتشر خبر ان المعرس الحين بيدخل .. وانا طرت رحت البس عباتي وشيلتي .. لان اكيد حمد اخوها والا خال من خالوالها بيدخلون خالي .. وشوي دخلوا الريايل .. كانوا مب وايد .. ابوي وتركي وحمد وكم واحد بعد .. وانا كنت عند امي قاعده .. وصلوا خالي عند لطوف يعني الكوشه .. وابوي وتركي والريايل راحوا .. اللي تم بس حمد .. شلوا عن لطوف الغطا وتم حمد يصور معاها .. وشفته يتلفت يمين ويسار .. يمكن يدورني .. بس انا الحمدلله كنت منخشه عند امي .. بعد ما خلصوا تصوير .. راح حمد وتم خالي ولطوف قاعدين على الكوشه .. رحت فصخت عباتي وشيلتي ورحت عند غايوه ونوروه ونجوي .. سحبتهم معاي عشان يسلمون على خالي .. سلمنا عليه وطلبت منهم يحطون اغنيه انا طلبتها عشان ارقص جدام خالي .. ورقصت وخالي يضحك .. لاني اسوي له حركات عبط .. نزلت من الاستيج وياتني هاجر .. هاجر : يلا احنا بنروح .. قلت : لا وين توها الناس .. هاجر : لا خلاص اريج تبي تروح .. قلت : اوكي .. الله يحفظكم .. بنتشاوف في عرسج الاسبوع الياي .. هاجر : ان شالله .. بس تعالي معاي شوي .. سحبتني وطلعتني برع القاعه يعني في الممرات وين ما المصورات واقفين .. هاجر : يلا .. قلت : شنو ؟ هاجر : يلا بلا استعبااط .. انا قلت لج اني بصورج حق راكان .. استحيت لانها تكلمني جدام امها واريج .. قلت : لاااااااه شفيج ..؟ هاجر : ماعلي منج انا .. سحبتني صوب المصورات وتموا يصوروني وانا مستحيه خلصت تصوير وحمضوا الصور في نفس الوقت وخذتهم هاجر وراحت .. رحت داخل وكملنا العرس .. صارت الساعه 2 الفجر .. والناس كلهم راحوا تقريبا .. وسوينا التشطيبات اللازمه .. ورحنا البيت .. حسيت ان جسمي مكسر تكسير .. على طول رحت غمست في نوم عميق.. قمت من النوم وانا حاسه بضيج .. فتحت عيني لقيت نفسي بمكياجي وبفستاااني .. وي الحمدلله والشكر نمت بكشختي .. رحت الحمام على طول تسبحت ولبست بيجامتي ورحت الصاله .. امي : سااااااااروووووووه ..! تخرعت : هااااااااا ؟ امي : هالكثر رقاااد ؟؟ انا حسبالي انتي ميته .. قلت: ليش الساعه كم .؟ امي : الحين الساعه 3 العصر .. قلت : اوووف .. ما حسيت بالوقت .. بس شاسوي .. كنت تعباانه .. شباسوي في عرسي عيل ؟ ورحت انبطحت على ريل امي .. امي : في عرسج غير .. قلت : شلون غير يعني ؟؟ تمت تلعب في شعري المبلول .. امي : في عرسج الكل بيشتغل لج .. مب انتي اللي تشتغلين لهم .. قلت : بس بعد بحس بتعب .. احس .. امي : عاد انتو بنات هالايام كشختكم غير عن كشختنا احنا الاول .. قلت : شلون يعني .. انتي في عرسج ما كشختي .. امي: امبلا .. بس غير .. انا اول ما حطيت في ويهي غير الكحل والروج .. ولا الروج بعد ترجيت امي الله يرحمها ترضى تخليني احطه .. قلت : بل شدعوووووه .. امي : ايه .. حبيبتي زمان اول يختلف بالظبط عن هالزمان .. قلت : بس يمه ابيج تقولين لي الصج .. اي زمن احسن ؟ امي : زمن اول احسن .. قلت : اووووول ؟ امي : ايه .. قبل البنت تقوم من الصبح وتشتغل وتنظف البيت ولا تطلع منها كلمه اوف ولا تحندي .. انا هالزمن .. حتى عيزانين تشربون الماي .. ودكم حد يشربكم .. ابتسمت : لا يمه مب لهدالرجه .. انفتح باب الصاله .. تركي : اوه اوه .. شهالحنااان ؟ قلت : بس بدت الغيره .. امي : روح حق مشاعل عند فوق .. هي للحين ما دزيناها حق ريلها .. انحرررررررررجت .. ليش تتكلم جدام ترررركي .. تركي : هههههههههههههههههههه يمه شوفي ويها .. قمت من ريل امي وغطيت ويهي .. امي : هههههههههه خلها توها عروس .. تركي وهو رايح فوق : ههههههههه يحليلج والله يا ساروه .. قلت : يمه ..؟ امي : نعم ؟ قلت : الاخالي ولطوف وين ؟ امي : وانتي تدرين على هوى دارج ؟ خالج ومرته سافروا من اول يوم عرس .. شهقت : ويييييييييييين راحوووو ؟ امي : شهر عسلهم .. قلت : اي بلاد يعني ؟ امي : والله نسيت مادري .. شفت ريموه يايتني تركض .. قلت : شفيج ..؟ ريموه تلهث : جووووووووالج يرن .. قلت : وانتي مقعدينج حارسه على غرفتي كل ما رن جوالي ركضتي فيه؟ امي : هههههههههههههههههه .. خذت الجوال ورحت غرفتي .. لان راكان هو الي متصل واستحي ارد عليه جدام حد .. اتصلت له ما رد .. حطيت الجوال على السرير ورحت بنشف شعري الا اتصل .. رديت : الوووه .. راكان : هلا هلا بهالصوت .. ابتسمت : اهلين .. راكان : شخبااارج ..؟ قلت : الحمدلله طيبه .. وانت شخبارك ؟ راكان : زين زان حالج .. ساااروووووووه ؟ قلت : هاا ..؟ راكان : انتي تقطيع .. تفجير .. ضحكت : هههههههههههه شنو ذيه ؟ راكان : الصور اللي جابتهم هاجر .. تجننين .. استحيت : شكرا .. عيونك الاحلى .. راكان : ليش كاشخه هالكثر ؟ قلت : بعد ليش .. عرس خالي .. راكان : وفي العرس جي بتكشخين والا ؟ قلت : واكثر .. راكان : صج ؟ ضحكت : هههههههههههه تحب التكشخ انت ؟ راكان : مافي ريال ما يحب يشوف الزين جدامه .. سكت .. راكان : ابي اجيج .. قلت : هااا ؟ راكان : لا تقولين هاا .. قولي نعم .. خير .. مب هااا . ضحكت : ههههههه ان شالله .. راكان : استعدي بعد ساعتين بكون مزروع في بيتكم .. قلت : من صجك .. راكان : عيل من كذبي .. يلا بكره وراي اجازه وبسهر عندج .. والا ما تبين ؟ قلت : امبلا .. حيالك الله في اي وقت .. راكان : يلا عيل تجهزي هاا .. مع السلامه . قلت : في امان الله .. سكرت من عنده وكششت شعري سويته كيرلي وحطيت الجيل عشان يثبت .. واستشورت غرتي ( قصتي ) ونزل الصاله .. ابوي : على وين العزم .. قلت : ولا مكان .. بس راكان بيجيني اليوم .. ابوي: اااهااااا .. قعدت في الصاله شوي وعقب رحت اتعدل .. لبست تنوره بنيه قصيره توصل لين تحت ركبي وعليها بوت بني وفيه حركات بالتركوازي وبدي تركوازي .. وحطيت لي بودره وكحل وظل بني خفيف وحطيت حط تركواز تحت الكحل اللي تحت عيني .. وفتحت شعري وكششته مره ثانيه واستشورت غرتي مره ثانيه وطالعت شكلي النهائي .. اقتنعت بنفسي ونزلت الصاله .. ابوي : يه يه يه .. شهالزيييييييييين ..؟ استحيت وضحكت : ههههههههه .. طالعه على باباتي حبيبي .. وشوي وانقز لان جوال رن .. قلت بدون شعور : رااااااااكااااااااااااااا اااان ..! ابوي : ههههههههههههههههههه .. روحي له تلاقينه عند الباب الحين .. انحرجت .. رديت : الووه .. راكان : الووو .. يلا باي .. ضحكت : ههههههههههههههههههههههه باي .. امي : شهالسالفه اللي ما خذت لها ثانيه .؟ قلت : ههههههههههه هو عند الباب الحين .. ورحت بسرعه الميلس وفتحت له الباب .. اول ما شفته قلبي قام ينبض بشكل فضيع .. راكان مبتسم : السلام عليكم ابتسمت له بخجل : وعليكم السلام .. شفته دنع شوي لمستواي .. انحررررررررجت يعني يبي يسلم علي .. سلمت عليه وانا حاسه اني ذبت .. راكان : شخبارج من بعد العرس ؟ قلت : الحمدلله بخير .. انت شخبارك ؟ راكان :طيب طاب حالج .. وقعدنا وبدينا نسولف وانا شوي خذت على راكان وقام يمدح فيني وفي لبسي وفي كشختي وانا مستحيه .. وهو يضحك علي يوم يشوف ويهي محمر ..وجاب لي هدايا وانا استحيت .. ما احب لحظه الخجل فيني ..ومادري ليش راكان هو الوحيد اللي استحي منه هالكثر .. ما عمري استحيت من حد جي ..! مر سبوع واليوم عرس هاجر .. جهزت على السريع ومكيجوني وعدلوني ورحت العرس متأخره .. يعني هالحزه بتدخل العروس .. الحمدلله لحقت عليها وسلمت على عمتي وعلى الكل .. وطبعا سحبت نور ونجوى معاي .. وغايوه ما جات معانا .. تقول تعبانه وايد .. الحمل وايد متعبها ..لان قرب شهرها مسكينه .. كان العرس وايد حلو واستانسنا .. وشفت اخيرا عبدالله هاللي تمدح فيه هاجر .. حسيتهم ربع .. يعني حسيت ان هاجر ما كانت خايفه ابد .. وزوجها بعد ..دخل وعلى طول تم يسولف معاها وضحك .. ما عطوا المصوره فرصه تصورهم .. راحوا هاجر وعبدالله وانا طلعت معاهم لان امي تحاتي غايوه .. ووصلنا نور ونجوى في طريجنا .. وصلت البيت .. قلت : يمه خربتي علينا العرس .. كل ما قمت ابي ارقص قعدتيني .. وكل ما ضحكت واستانست قلتي امشي نروح البيت .. امي : اختج اليوم والا بكره والا في اي وقت بتربي وانتي ما همج الا نفسج .. قلت : انزين اذا بيودونها الولاده بيقولون لنا .. انتي لا تحاتين الله يهدااج .. امي : شلون ما احاتي واختج بتربي .. ما يندرى عن حاتلها فديتها .. وشوي الا يرن تلفون البيت .. رحت اركض ابي ارد .. رديت : الوووووه ..؟ سمعت صوت خشن : مرحبا .. تخرعت : مرحبتين .. من ؟ ....: انا ماجد هذا بيت راشد بو غايه..؟ قلت : شفيهااااااااا غاااااايوه ..؟ ماجد : مافيها الا العافيه .. بس هي جاها الطلق وبتربي اليوم ان شالله .. حذفت السماعه ورحت اركض عند امي .. امي : شفيج بسم الله .. قلت وانا الهث : يماااه .. غايوه بتربي الحين .. امي :من قالج ؟؟ قلت : ماجد .. اتصل البيت وقال لي .. امي : يلا روحي مسحي مكياجج امشي .. رحت غرفتي بسرعه وغسلت ويهي وفتحت شعري ع السريع ولبست لي جينز وبدي اسود عادي .. ولبست عباتي وشيلتي وطرت تحت عند امي .. لقيتها ماسحه مكياجها ولابسه عباتها ومخلصه .. قلت : من بيودينا ؟؟ امي : اخوج عند الباب يلا .. قلت : وابوي ؟ امي : ابوج راقد .. اذا اتصل لي وقال لي وينكم بقول له .. يلا امشي .. ركبنا السياره وكانت مشاعل في السياره .. وصلنا المستشفى وشفنا ماجد واقف عند باب غرفة العمليات .. امي : شسووووو فيها ..؟ ماجد : ما سوو شي .. تعبت ووديتها المستشفى وقالوا بيولدونها .. امي :ان شالله تقوم بالسلامه ياربي .. رفعت عيني شفت ماجد يطالعني .. خفت ونزلت عيني .. ماجد : شحالج ساره ..؟ قام قلبي يدق بقوه قلت : يسرك الحال .. اخبارك انت .. ماجد : طيب طاب حالج .. واندسيت ورى امي وشفت تركي يطالعني .. وهالنظره نظرة عصبيه احسها .. طنشته وتميت انطر وانطر .. تأخرت وايد غايوه .. قلت : يمه .. غايوه وايد تأخرت .. امي : لازم هذي ولاده .. قلت : وجي يتأخرون ؟ امي: ايه .. طلعت امي المصحف من شنطتها وتمت تقرى .. وانا تميت قاعده متوتره ومشاعل ماسكه يدي تهديني .. وتركي وماجد شفتهم بعاد شوي عنا .. انتظروني في الجزءالجاي ^^ |
الج 21 زء بعد فتره طويله من انتظارنا.. طلعت السستر وشفت ماجد نقز صوبها .. ماجد : خير بشري ؟؟ السستر : مبرووك .. جاكم ولد .. ماجد : الله يبارك فيج الله يبارك فيج .. انزين وغايه شأخبارها ؟ السستر : الحمدلله .. الولاده عدت سليمه .. وراحت .. وكل واحد فينا يبارك للثاني .. وودو غايوه غرفه خاصه ورحنا كلنا عندها .. تمينا شوي نتحمد لها بالسلامه وعقب رحنا عنها عشان ترتحا واحنا بعد ننام .. اول ما وصلت البيت نمت على طول بدووون مقدمااات .. وعيت على الساعه 12 الظهر وحاسه روحي متكسره .. قمت شفت 3 مكالمات .. وحده من لطوف و2 من راكان .. رحت الحمام وتسبحت وخليت الفوطه على راسي ورحت عند التلفوون .. واااااي فديتها لطوف .. والله لها وحشه .. اتصلت لها .. ردت : هلا والله .. هلا بساره .. قلت : هلا وغلا فديتج .. شخبارج وشخبار خالي ..؟ لطوف : الحمدلله كلنا بخير ... انتو شخبااركم ..؟ قلت : الحمدلله بخير كلنا .. وغايوه ربت .. لطوف : صج ..؟ شياابت ؟ قلت : يابت ولد .. لطوف : وااي فديتها .. شسموووووه ؟؟ قلت : والله مادري تصدقين .. للحين ما سموه على ما اعتقد .. سمعت لطوف تكلم خالي تقول : مشاري غايه ربت .. خالي : صج ؟ شيابت ؟ لطوف : يابت ولد .. خالي : انتي من تكلمين .؟ لطوف : اكلم ساروه .. خالي : عطيني عطيني .. خالي : الووووووووووووووووووه .. قلت : هلاااااا بالمعرس .. خالي : هههههه اهلين .. شخبااااركم ..؟ قلت : الحمدلله كلنا بخير ونسأل عنك يالقااطع .. خالي : والله انا مشغول .. المفروظ انتو اللي تسألون .. قلت : ياااسلاااام ..؟ خالي : بشوووف اذا خذتي راكان ورحتوا شهر العسل بتسألين والا .. ضحكت : ههههههههههههههههه .. خالي : غايوه ربت ولا تقول لنا ..؟ قلت : ههههههه وهي شدراها ان هاليوم بتربي ؟؟ خالي : المهم .. هي شأخبارها الحين ..؟ قلت : الحمدلله .. هي امس ربت .. واليوم ما رحت لها .. خالي : وليش ما رحتي ؟؟ قلت : توني قايمه من النوم .. خالي : اهااا .. ومتى عرسج انتي الشيخه .. قلت : اذا رجعتوا انت والشيخه .. خالي : واذا ما نبي نرجع .. قلت : بيفووتكم العرس .. خالي : عااادي .. اصلا قعدتي مع الشيخه تسوى كل شي .. قلت : زين زين زين .. خلك قااعد مع الشيخه ولا تحضر عرسي .. انا الغلطانه اللي رايحه عرسك انت وياها .. والبطايق ولا بتدور عندكم .. وبشووف شلوون بتحضرون .. خالي : ههههههههههههههه الله يقطع سوالفج .. مسويه روحج زعوله بعد . قلت : من صجي انا اتكلم .. خالي : روحي زين .. انا بدخل مع راكان .. وبدخل لطيفه مع الفرقه اللي بتجيبينها .. ضحكت : ههههههه انا بجيب فرقه ريايل .. خالي : ايا جليله الحيا .. قلت : ايه صج .. بخليهم ورى الحاجر .. احسن .. خالي : مالت عليج .. المنه عليج اصلا .. انتي اللي بنتدمين لو ما حضرنا عرسج .. ضحكت : هههههههههههههههه عشان سكتك قلت المنه عليج .. خالي : تراج خسرتيني .. قلت : انا المتصله .. خالي : بعد خسرتيني .. يلا سكري وسولفي مع راكان جان فيج سوالف .. قلت : ايه ما تبي وقتك يضيع بدون ما تسمع صوتها .. خالي : ايه تراج أخرتي علينا الطلعه .. ضحكت : ههههههه اوكي عيل .. مع السلامه .. وسلم على لطوووووف وااااايد .. وبوس خدها اليمين واليسار .. وقول لها من ساروه .. خالي : ان شالله ما طلبتي شي .. اي اوامر ثانيه .. قلت: هههههه لا سلامتك .. خالي : يلا مع السلامه وسلمي على اللي يسأل .. واللي ما يسأل مب لازم .. قلت : ههههه اوكي .. خالي : هههههه في امان الله .. قلت: في امان الكريم .. سكرت من عند خالي وما كان لي نفس اسولف مع راكان .. نزلت الصاله .. ما لقيت غير خالد وريم يطالعون التلفزيون .. قلت : وين ماما ..؟ خالد : امي طلعت من الصبح .. قلت : ووين مي مي وفوم ونصور ..؟ خالد : فطوم وميمي معاها .. اما نصور مادري وين .. ريموه : امبلا انا شفته في المطبخ مع الخدااامه .. قلت : ريموه لا تصاارخين صووتج مززززززززعج.. ريموه : كيفي والله .. قلت : والخدامه وين ؟ خالد : شفتها راحت الميلس .. ريموه طلعت لي لسانها .. قلت : مالت عليج .. رحت المطبخ وخذت لي خياره وشفت نصور ياكل تفاح مقطع .. طالعني ومد لي لسانه .. صديت عنه اوني زعلانه منه وطلعت ورحت غرفتي .. شفت تلفوني يرن .. رديت وانا امضغ الخيار : هلا والله .. راكان : هلا من ؟ قلت : هههههههه انا ساره .. راكان : ليش جي صوتج خرعتيني .. قلت : كنت اكل خيار .. هههه .. راكان : بالعافيه .. شخباارج ؟ قلت : الله يعافيك .. الحمدلله بخير .. انت اخباارك ..؟ راكان : مب بخير .. قلت : افااا .. ليش ..؟ راكان : صاروا يتغلون علينا الحبايب .. قلت : وي ما عندهم سالفه .. راكان : تقولين لي ؟ قلت : اعذرهم يمكن مشغولين .. راكان : لا ما اعذرهم .. الحين ابي ترضيه .. قلت : وشنو نوعها هالترضيه ..؟ ماديه معنويه ؟؟ راكان : انا الحين من عشر دقايق طالع من شغلي .. ابيج تفتحين لي باب بيتكم لاني قريب .. قلت منصدمه : هاااااااااااااا ؟ راكان : لا مافي ها ولا شنو .. مافي .. انا عند بابكم .. يلا .. طن طوووووون .. قلت : شنو هاي طن طووون .؟ راكان : صوت الجرس ههه .. قلت : ههههههههههههههههه بس جرسنا مب جي .. راكان : مب مهم .. وشوفي .. ابيج تطلعين لي جي .. لا مكياج ولا لبست عدل ولا شي .. ابيج طبيعيه .. قلت : لاااااا .. خلني اكشخ لك شوي .. راكان : نووووو .. يلا افتحي الباب .. والله ان عند الباب .. تبيني اطق الجرس .؟ قلت : ايه .. ورن الجرس ... شهقت : يعني من صجك .. راكان : هههههههه عيل مساعه تحسبيني اشلخ .. جابلت المنظره : لحظه شوي زين انشف شعري .. راكان : نووويه .. انا قلت لج ابيج جي .. قلت بترجي: راااكااااااان ...؟! راكان يقلدني : سااااااااره ..؟! يلا ترى الشمس حرقتني .. قلت : الخدامه ما بطلت لك الباب ..؟ راكان : لا خالد بطل لي الباب .. بس ابيج انتي تطلعين لي .. قلت : اوكي عيل يلا بااي .. راكان : بباي .. سكرت منه ورحت جابلت المنظره عدلت ويهي بيدي وشلت الفوطه ومشطت شعري بسرعه وربطته وخليته كأنه ذيل الفرس .. وتميت ببجامتي ورحت اركض تحت لقيته قاعد في الصاله .. انحرررررجت لاني جيت اركض قلت : اوه انتي هنيه .. راكان وقف : هههههه ايه تصدقين .. شفت خالد وريموه يطالعوني ويطالعونه .. حسيت اني قاعده في ناار من كثر الاحرااج .. قلت : انزين تعال الميلس .. راكان : يلا .. وسبقته ورحت الميلس .. فتحت الباب لقيت الخدامه معطره الميلس ومبخرته .. عاد شالمناسبه مادري .. توني ابي ادخل الميليس الا راكان يسحبني .. تخرعت : شنو ؟ راكان : انتي ما لاحظتي انج ما سلمتي علي .. ابتسمت بأحراج ومديت يدي .. سحب يدي وقربني صوبه وباسني على خدي .. افتشللللللت قعد على الكرسي وانا رحت قلت حق الخدامه تسوي عصير وجاي وقهوه .. راكان : وينهم ..؟ محد في البيت ؟؟ قلت : مادري .. يمكن في المستشفى .. راكان : في المستشفى ؟ قلت : ايه حق غايوه ولدت .. راكان : صج والله ؟ شيابت .؟ قلت : ولد .. راكان : بالمباارك ان شالله .. عيل صرتي خاله .. ابتسمت : ايه .. يات الخدامه وعطته العصير .. راكان : حلو شكلج جي .. ليش تكشخين ..؟ ابتسمت .. راكان : يه شهالحيا ساره ..؟ شالسالفه ؟؟ في التلفون صوتج يلعلع .. ضحكت : ههههههههه شاسوي بعد .. راكان : شوفي انا الحين بروح .. ويوم الخميس مابيج جي .. ابيج انتي تسولفين وانا ساااكت .. قلت : ان شالله .. راكان : ما تبيني اوصلج المستشفى حق اهلج ..؟ قلت : لا الحين بيجون .. راكان : لا امبلا بوصلج .. قلت : لااااا الحين بيجون والله .. راكان : لا مالي خص .. شفته من شكله انه مصر .. قلت : اوكي بس بلبس .. راكان : يلا انا بنتظرج .. طلعت من الميلس شفت الخدامه مساكه دلال القهوه والشاي .. قلت : وديه داخل وصبيله شاي زين .. الخدامه : اوكي .. ورحت طيراااان فوق البس .. لبست تنوره تركوازيه وسوده وبدي اسود .. وحطيت لي كحل بني خفيف ومسكت شنطتي وطلعت .. دخلت الميلس لقيته يشرب شاي .. راكان : ها خلصتي ..؟ قلت : ايه .. راكان : انزين تعالي شربي شاي وقهوه .. قلت : لا مابي .. راكان : لا حلو .. ضحكت : ههههههه مابي .. بس انت شربت شاي ما شربت قهوه .. راكان : ايه خلطتهم اثنينهم مع بعض .. قلت : هاااااا .؟ راكان : هههههههه يلا يلا امشي لا نأخر .. قلت : يلا .. طلع وانا وراه .. فتح لي الباب واستحيت .. ركبت جدام مع اني كنت ناويه اركب ورى .. وركب هو بعد السياره .. حطت اغنيه فداك العين .. راكان : هذي الاغنيه .. اهداء مني لج .. قلت : لي انا ؟ راكان : هه ايه .. انا لاجيت ابهديلك .. عيوني لك ابهديها .. واذا ما كفت عيوني .. فداك العين وراعيها .. انا عمري فدى عمرك .. انا كلي تحت امرك .. لانك اغلى شي عندي .. في هالدنيا ومافيها .. انا من لي في هالدنيا ..عشانه اسهر واحيا .. ومن غيرك اذا شفته ..ينسيني بلاويها .. اشوفك فرحه همومي ..واجمل شي في يومي .. ويكفي يوم اناظر فيك .. أرى نفسي والاقيها .. انا من كثر ما اغليك .. واحبك حيل وميت فيك .. ابي بس تطلب عيوني .. واقولك خذها مابيها .. وتدري يابعد هالناس ..كثر ما اعشقك باحساس .. احس روحي تبي تسأل .. انا والا انت راعيها .. طول الاغنيه وانا اسمعها كنت مستحيه .. راكان : اعجبتج ؟ قلت : واااايد .. راكان : يلا مافي اغنيه اهداء لي ؟؟ قلت : اممممم .. ايه بس في جوالي . راكان : اوكي .. اهم شي نسمع .. طلعت جوالي وحطيت اغنيه .. عيون ساره .. قلت : هاي اهدااء مني لك ..^.^ راكان يلا نسمع .. مو خساره مو خساره .. لا وربي مو خساره .. انت تستاهل احبك .. يا غلا وعيون ساره .. يا غلا وعيون ساره .. لا تحاتي لا تحاتي .. انت يا عمري وذاتي .. انا اصلا لولا حبك.. مالها داعي حياتي .. راكان : يه .. صج ؟ قلت : شنو ؟ راكان : هالكلام الي قالته صج ؟ ضحكت : ههههههههه ايه صج .. كملنا طريجنا .. بس شفت كأن الطريج صار طويل وغير .. قلت : وين بتروح ..؟ راكان : بتشوفين الحين .. قلت : لا صج راكان .. وين بتروح .. خلاص ردني البيت .. تلاقيهم رجعوا الحين .. راكان : ههههه شفيج خايفه .. طالعته وكان يطالع الشارع .. التفت صوب الدريشه اشوف السيارات .. وانا خايفه ..حتى خايفه اتصل حق امي اقول لها والا اي حد .. راكان : يلا وصلنا .. نزلت وكنا مجابلين مطعم الساحه .. قلت : شنو ؟ راكان : شنو اللي شنو انتي بعد .. ههههههههه ساره انتي شفيج ؟ قلت : راكان لا تلومني .. اول مره اطلع معاك ولا عارفه وين بتوديني .. وياتني الصيحه .. راكان قرب صوبي .. راكان : ساره .؟ شفيج يمه .. انا يايبج مطعم مب مقصبه .. شوفي حتى .. قلت : وانا شدراااني .. راكان : هههههههههه .. يلا زين امشي .. يالصياحه .. حط يده ورى ظهري ودخلنا المطعم .. قلت : راكان بتصل حق امي .. راكان : ليش ..؟ قلت : يمكن تنتظرني والا شي ؟؟ راكان : هي تعرف رقم تلفونج ؟ قلت : ايه .. راكان : لو تبيج بتتصل لج .. سكت .. راكان : شتبين تااكلين ؟ قلت : اممم انا ابي نفسك .. راكان : اوكي .. طلعت تلفوني وتميت اطالعه .. كأني انتظر امي تتصل فيني .. تسألني وين انا .. راكان : شفيج ؟ قلت : لا ولا شي .. راكان : تنتظرين حد يتصل فيج ..؟ قلت : ايه .. مب من عادة امي انها تتركني بروحي في البيت وما تسأل عني .. راكان : بس انتي مب في البيت .. قلت : ايه بس بروحي .. راكان : ولا بروحج .. انتي معاي .. قلت : مايصير اطلع معاك بروحنا .. راكان : ليش؟ انا مب زوجج ..؟ قلت : ايه بس .... راكان : لا بس ولا شي .. واذا انتي تحاتين هالكثر عشان محد يتصل لج .. انا قايل لهم لا تتصلون فيها .. قلت : ليش ؟ راكان : عشان نبي نكون في جو هادي .. قلت : وانا احاتي ..؟ راكان : ليش تحاتين .. انا قايل لهم ان انا بمر عليج وبنتغدى برع .. قلت : وعادي عندهم .. ما قالوا شي .. راكان : ساره انا ولد عمتج قبل لا اصيج زوجج .. انتي ملاحظه ..؟ قلت : ايه امبلا .. راكان : لا تفكرين بشي الحين .. بس طالعيني وفكري فيني .. ابتسمت ونزلت راسي .. وصل الاكل وكلنا واحنا سااكتين .. وبعد الاكل تمينا نتمشى انا وراكان على البحر .. راكان : تحبين البحر ؟؟ تنهدت : عادي .. راكان : يعني شلون ؟ قلت : يعني ما فكرت يوم اني اروح البحر .. لاني اخااف منه .. راكان : تخااافين ؟؟ قلت : ايه .. ولا مره جسمي طب البحر .. راكان : يعني تخافين تغرقين ؟ قلت : لا .. مادري .. يمكن .. بس ما جربت لاني اخاف .. راكان : في حد يخاف من البحر ؟ قلت : انا .. ابتسم ودخل يده في جيبه .. راكان : عطيني يدج .. قلت : يدي ؟ راكان : ايه .. مديت له يدي .. مسكها ولبسني خاتم .. راكان : شرايج ؟ ابتسمت : ياااااااااي .. ابتسم .. قلت : واايد حلو .. ذوقك ..؟ راكان : ايه .. عجبج .؟ قلت : يجنن .. راكان : قعدت ساعه اتحايل على هجور تجي معاي عشان تختار لج شي يعجبج .. لانها هي تعرف ذوقج .. بس ما جات .. قاعده مع الريل .. قلت : يحليلها .. والله وحشتني .. مسك يدي وركبنا السياره .. حسيت برااحه نفسيه .. استاانست مع راكان وحبيته .. صج اني ما ما اقول له كلام حب وعزل .. بس حسيت انه يدري بحبي له .. حبي لراكان غير عن حبي القديم لحمد وذياب .. حمد وذياب حبيتهم لاني ادور فيهم الحنان اللي فقدته .. وكل واحد ابتعد عني بمزااجه .. متى ما شبعوا من اللعب تركووني .. اما راكان بيكون غير .. ان شالله غير عنهم .. بيعيشني احلى واحسن عيشه .. ما بيحدني اني انتظر كلمه حلوه من احد .. آآه يا راكان لو تدري شكثر حبيتك .. اليوم عرسي .. ياتني غايوه تركض .. غايوه : يلا سااروه خلصيني .. كلهم في السياره ينتظرونج ..وانتي قااعده ببجامتج .. قلت : غايووووووووه .. ما اقدر اتحرك .. والله بموووووت .. غايوه ياتني ومسكت راسي وحطته في حظنها : لا تخافين ولا تحاتين .. ان شالله يعدي كل شي على خير .. امي يات : ساره يمه يلا .. الكوافيره والماكيرا كلهم في الفندق ينتظرونج .. صحت : يماااااه .. امي ياتني : وي شفيج ..؟ قلت وانا اصيح : خااايفه .. امي : يلا حبيبتي .. كلنا خفنا في هالوقت .. بس اكتشفنا ان خوفنا هذا ماله دااعي .. حطت يدها على راسي وتمت تقرى علي .. بعد ما خصلت هديت شوي .. امي : يلا قومي لبسي .. طلعوا وانا لبست وطلعت ..وكانوا خذوهم من قبل .. ودوهم الفندق .. ركبت السياره وانا طول الوقت اهز ريلي من التوتر .. وصلنا الفندق ونزلت وكانت معاي امي وغايوه .. دخلت الغرفه وبدوا في مكياجي على طول .. وسوو شعري .. وانا سااااااكته .. لبست فستاني وخلصت .. ما بقى الا يحطووون الطرحه .. انفتح الباب .. لطوف : ساروه فديتج .. صرخت : لطوووووووووووووووووووووف .. ياتني تضحك : فديت خشمج والله .. وحشتيني .. قلت : هالكثر يالدبه شهر عسل ..؟ لطوف : شااسوي في مشاري .. كل ما قلت له خلنا نرجع .. قال لا بعد شوي .. قلت : الله يهنيكم .. لطوف : ساروه تجننين فديتج .. قلت : لطوووووووووف خاايفه والله العظيم .. احسن قلبي في ريولي .. لطوف : لا تخافين حبيبتي .. انا في عرسي بعد كنت خاايفه .. بس انتي قلتيلي كلمه خليتيني افكر عدل .. قلت : شنو ؟ لطوف : خلي همومج وخوفج ورى ظهرج وعيشي فرحتج .... تتذكرين ؟ قلت : ايه بس ... لطوف: لا حبيبتي مافي بس .. فكري ان هاليوم ما راح ينعاد عليج .. افرحي وشوفي كشخة البنات .. لا تخلين شي يشغلج .. تنهدت ونزلت راسي .. لطوف : انا بنزل بسلم على الحريم .. ترى انتي اول وحده مسلمه عليها .. يلا cu راحت لطوف وانا تميت قاعده .. خايفه وما اعرف شاسوي ؟؟ طالعت الساعه لقيها 9 وربع .. واااااااي الحين بدخل .. يمه يمه يمه .. شوي الا ياتني غايوه .. غايوه : يلا .. قلت : وين ؟ غايوه : بنمر الجمعيه بناخذ بصل .. يلاا امشي نزلي بعد وين .. قلت : غايوه انا مب نااقصه سخاافتج .. ياتني وضمتني : يلا يلا يالعروووووس .. قلت : امي وين ..؟ غايوه : يعني تبين امي تجيج ؟ قلت : ايه عيل . غايوه : اممم .. بروح اقول لها .. وانتي في هالوقت هيئي نفسج هاا .. تنهدت وتميت ارتجف .. مب عاارفه شاسوي .. شوي الا امي ياتني .. امي : شفيج يمه ..؟ قلت : يمه انتي نزليني .. ما ابي انزل برووحي .. امي : يلا عيل قومي .. قمت وتموا يرتبون فستاني ويعدلوني على اللمسات الاخيره .. ومسكت مسكتي اللي هي باقه الورد اللي تمسكها العروس .. ونزلت شوي شوي .. ويوم وصلت عند باب القاعه وقفت بطلب من امي عشان يحطون زفتي .. امي : لا تدخلين الا لين انا اقول لج .. هزيت راسي بمعنى انزين .. تميت واقفه انتظر الزفه تبتدي .. شوي الا ينفتح الباب وادخل .. والكشاف علي وكل الانظار متجهه صوبي .. وانا خااايفه ومنزله راسي .. وامشي بهدوووء .. والمصوراات ورااي وجدامي ومن كل صوب .. مشيت وحااسه رووحي ثقيله .. لين وصلت عند الكوشه .. وقفت لاني احس ما اقدر اركب .. من ثقل الفستاان .. يات المصوره وشلت معاي الفستان وركبت شوي شوي .. وفي نص الكوشه قالت لي وقفي وطالعي الناس وابتسمي وخليني اصورج .. عاد انا بروحي خايفه بعد تقول لي جي .. اووف .. التفت يمين ويسار اطالع النااس وابتسم لهم مثل ما قالت لي .. وهي تصورني .. وعقب وصلت عند الكرسي وقعدت .. ويوني ناس وسلموا علي .. ومن الخوف ما ركزت من اللي سلم علي .. وشفت صديقاتي كلهم اللي في الجامعه وحتى دكاترتي .. صج كنت مستانسه .. بس الخوف بعد كان اكثر.. عقب حطوا اغنيه وتموا يرقصون .. حتى نجوى قامت ترقص اللي ما تعرف وتميت اضحك على رقصها .. واستغربت من اريج انها قامت ترقص بعد .. ونجوى تسويلي حركات وهي ترقص .. وانا امسك بطني من الضحك .. لان الاغنيه غير ورقصها غير .. ويات غايوه صوبي وتمت ترقص .. ونور وهاجر واريج بعد .. وانا مستاانسه .. بس فقدت لطوف .. التفت لقيتها تطالعني وهي مبتسه وعقب ياتني .. قلت وانا اصرخ عشان تسمعني : ليش ما ترقصين ..؟ لطوف : شااسوي في خالج .. حالف علي ما ارقص .. شهقت : ليش ؟ لطوف ابتسمت : لاني حامل .. صرخت : صج .. الف الف مبروووك .. من متى ولا تقوولين .. لطوف : اليوم كاشفه .. ضميتها وفي هاللحظه حسيت بفلاش ..طالعت التلفزيون الا لقيت صورتي وصوره لطوف موجوده والكل يطالع .. استحيت .. لطوف : هههههههههههه واي فشيله .. ضحكت : هههههههههه عادي .. يلا روحي رقصي .. لطوف : لا والله .. قلت : شوي .. لطوف : راحت ورقصت على الخفيف ونزلت .. عقب وقفت الاغاني وقالوا ان المعرس بيدخل .. وانا في هاللحظه قمت ارجف وما عرفت شاسوي .. شوي وياتني هاجر ونزلت علي شي مثل المظله بحيث محد يشوفني .. بس انا اشوف شوي .. وعقب حطوا الاغنيه اللي بيدخل عليها راكان .. دخل وانا احاول اشوف من هاللي حطوه فوقي ..شفت ابوي وتركي وخالي .. وشفت بعد ذياب جنب راكان .. ولا اللي باط جبدي كااشخ بالبشت .. اووف ياشينه .. بس اول مره اشوفه بالثوب .. كلش كلش مب حلو عليه .. كلهم وقفوا جدامي وتموا يصورون مع راكان وعقب ابوي وخالي وتركي راحوا وتم ذياب مع راكان .. وانا حاسه بالخوف من ذيااب .. خايفه يسوي شي .. لان عقل ذياب عقل مجرم مب عقل بني آدم .. وعقب صور معاه شوي وعقب راح .. ارتحت شوي .. وشل راكان اللي على راسي وانا وقفت .. طالعني وباسني على راسي .. راكان : مبروك .. قلت : الله يبارك فيك .. وعقب قعدنا .. ومسك يدي وانا منحرجه .. ابي اشيلها .. لان المصوره تحب هالسوالف .. بتصور .. وكل اللي تصوره ينعرض على الشاشه الكبيره والموجوده في كل زاويه من زوايا القااعه .. خلص العرس وطلعنا انا وراكان من القاعه وهو ماسك يدي .. حسيت اني بروحي .. ما عندي حد .. رغم انا راكان معاي .. وماسكني .. بس شفت امي وغايوه .. حسيت حياتي بتصير مثل ما صاارت وانا كنت في بيت عمتي .. ياتني الصيحه .. بس مسكتها بالغصب .. وصلنا عند باب غرفه .. دخلنا ويات المصوره وتمت تصور .. لوعت جبدي .. عقب طلعت ويات امي .. قلت : الحمدلله انج يتي .. امي: ليش ؟ قلت : يمه ما اعرف شاسوي .. امي : من جي انا جيتج .. وعطتني امي التعليمات وانا انفذها .. راكان : وينج انتي من مساعه ..؟ قلت : كنت عند امي .. راكان : شتسوين ..؟ قلت : ولا شي .. تمينا ساكتين .. راكان : حلوه طالعه اليوم .. ابتسمت : عيونك الاحلى .. راكان : صج .. ابتسمت وانا منزله راسي : ايه .. راكان : انتي الاحلى والله .. تميت سااكته وانا حااسه ان ويهي احمر وحاااااار .. راكان : يلا نروح الفندق ..؟ قلت : اوكي .. راكان : يلا لبسي انا بروح برع شوي وبجي .. يوم طلع راكان رحت بدلت ولبست عباتي وكنت توني بمسح المكياج الا هو داخل .. راكان : يلا سرينا ..؟ قلت : اوكي .. طلعنا من الفندق وانا مغطيه ويهي والا اشوف شي جدامي .. تميت امشي جنب راكان .. ووعيت على نفسي اني ماسكه يده بقوه .. ^_^ .. كنت خايفه الا اطيح .. هديتها ومشيت جنبه .. ركبنا السياره وعلى طول حنا .. وقضينا اول يوم .. قمت وانا حاسه بالبرد .. فتحت عيني واستغربت المكان .. وعقب تذكرت اني عروس ^_^ .. قمت على طول ورحت الحمام وتسبحت .. طلعت وشفت راكان توه قايم من النوم .. وشعره واقف ومكشر في ويهه .. ضحكت : هههههه صباح الخير .. راكان ابتسم : صباح النور والسرووور .. دخل الحمام وانا رحت صوب التسريحه .. مشطت شعري وخليته مفتوووح عشان ينشف اسرع .. مع انه طويل لازم انشفه بالاستشوار .. بس استحي اطلعه جدامه .. حطيت لي كريم مرطب على ويهي وحطيت لي بودره خفيفه وكحل بني على بدايه اطرااف رموشي وحطيت لي مسكارا .. وكنت لابسه جلابيه او دراعه كشخه .. أخبر انا وهاجر اخترناها مع بعض .. وقال لي ان راكان يحب هالاوان .. اللي هي السماوي والبنفسجي الفااتح .. ويحب الوردي على البنات .. وما يحب الالوان القامجه ( الداكنه ) .. رحت الصاله .. مادري عاد اسوي فطور والا بنتفطر برع والا بنطلب والا مب لازم نتريق .. راكان : ليش ما قعدتني معاج .؟ تخرعت: هههههههه بسم الله .. انت من وين طلعت .. راكان : ههههه من الحمام .. ليس ما قعدتيني ..؟ قلت : توني بقعدك الا انت قايم .. راكان : امممم ..انزين يلا خلنا نطلع بنتريق تحت .. وعقب جهزي اغراضج بنروح المطار سيده .. قلت : بدوون ما اودع امي وابوي .. راكان : امبلا .. اذا تبين تودعينهم جهزي بسرعه .. قلت : اوكي .. ورحت بسرعه اجهز اغراضي .. وما كانوا وايد .. لاني ما طلعت من الشنطه شي اصلا .. بس ترتيب سريع .. راكان : خلصتي ؟ قلت : ايه بس بلبس .. دخلت جلابيتي اللي كانت علي في الشنطه .. تميت ادور جينز ما لقيت .. خذت لي تنوره ورديه وفيها حركات غريبه ممزوجه مع اللون البني .. وبدي بني .. خذت شنطة يدي ولبست عباتي وحطيت شيلتي على كتفي .. رحت الصاله : يلا .. راكان : سرينا .. اخذ الشناط وراح ورحت وراه .. ركبنا السياره ووداني بيت اهلي ونزل معاي .. دخلت الصاله لقيت امي قاعده وجدامها دلة الشاي والقهوه وابوي قاعد بثوبه وكاشخ حق الدوام .. قلت : السلام عليكم .. امي بابتسااامه عريضه : وعليكم السلام .. ورحت لها وسلمت عليها .. امي : شحالج امي ..؟ قلت : الحمدلله بخير .. وين الباقي .. امي : رقوود بعد وين .. ما قلتوا انكم بتيوون .. قلت : مادري انا بعد .. الا الصبح راكان قال لي .. امي : راكان شحااالك ..؟ راح راكان وباسها على راسها : يسرج الحال .. وانتي شحالج .؟ امي : الله يسلمك طيبه طاب حالك .. وراح يسلم على ابوي وانا وراه .. قعدنا شوي نسولف ونضحك وما شفت تركي ولا حد غيرهم .. مرت ربع ساعه بسرعه البرق .. راكان : يلا ساره .. بنتأخر على الطياره .. قلت : اوكي يلا .. مع ان ما كان ودي اقوم .. ولا مره قعدت الصبح مع امي وابوي .. ودعتهم .. قلت : يمه سلمي على غايوه وبنات خالتي وخالتي وعلى خالي ولطوف وتركي ومشاعل وعليهم كلهم .. امي : يوصل حبيبتي .. انتي ديري بالج على نفسج وعلى ريلج .. ولا تزعلينه ولا تضايقينه .. وانت راكان .. دير بالك على بنيتي .. تراها دلوعه .. وتحملوا تاكلون من هالمطاعم الخايسه .. وحاسبوا على ارواحكم من البرد .. ابوي : بل بل .. الله يهدااج يا فاطمه .. هم رايحين يستانسون .. مب رايحين يجاهدووون .. راكان : هههههه .. خلها على راحتها خالي .. وترى ساره في عيوني .. ابوي : بعدي والله .. راكان : يلا توصوني بشي ..؟ ابوي وامي : سلامتكم .. ركبنا السياره وتمينا ساكتين .. وقف راكان صوب بيتهم .. استغربت .. راكان مبتسم: يلا نزلي .. رديت له الابتسامه ونزلت .. قلت : ليش نازل هنيه .. راكان : بجيب كم غرض وبسلم على ابوي .. قلت : وامك ؟ راكان : اذا كانت موجوده .. رحت وراه وشكله كان مستعيل .. دخلنا الصاله ما لقيت فيها حد .. راكان : قعدي هنيه بروح ثواني وبايي .. قعدت وانا متردده .. اروح اسلم على بوغيث والا لا .. وشوي الا اسمع صوت ريال يغني .. .....: خلها تروح الله لا يردها .. حبها ماضي راح وعدى .. حتى لو ماتت في بالي .. عساها بهالحال واردى .. >> عاكس الاغنيه من مذكر الى مؤنت ^_^ نزلت راسي لان هالصوت اعرفه عدل .. ذياب وهو ماسك عصير وطالع من المطبخ: اوه اوه .. العروووووس هنيه .. ههههههه مب رايحين شهر العسل يا عسل .. تميت ساكته انتظر راكان ينزل .. ذياب قعد : ههههههه شفيج ما تردين .. والا راكان اكل لسانج .. هههههههاي .. اوف هالسخيف مب رااايح .. ذياب : اوووه سااروه انا احاجيج .. قلت : مابيني وبينك كلام .. وشوي الا ينزل راكان وحسيت براحه نفسيه .. ذياب : شنو راكان .. مرتك ما عندها لسان .. راكان : والله انت اخبر .. ذياب سكت وطالعني .. حسيت ان راكان مستصغرني .. يعني شنو هو اخبر .. يعني يعايره ويعايرني بعلاقتنا القديمه .. او بالاحرى يعايرني انا .. لان ذياب من كثر عيوبه يشوفونها وكأنها شي عادي .. نزلت راسي وانا اكتم صيحتي .. راكان : يلا سرينا .. قمت وسبقت وسمعت هواش .. ما كنت اسمع عدل لان الصوت ما كان عالي وايد .. وانا وصلت السياره .. لبست نظارتي الشمسيه وكتمت صيحتي قد ما اقدر .. |
الج 22 زء ركب راكان السياره وبدون همس وصلنا المطار .. راكان : يلا بسرعه ترانا متأخرين .. رحت ورى راكان وهو يخلص الاجراءات .. وصلنا عند باب الطياره .. راكان : تخافين ..؟ قلت : مادري .. اول مره الحين بركب الطياره .. وما اعتقد اخااف .. راكان ابتسم: عيل يلا جدامي .. ركبت ووقفت عند باب الطياره انتظر راكان .. لان ما اعرف وين اقعد .. اشر لي راكان وين نقعد وقعدت ..وقعد جنبي راكان .. راكان بصوت واطي : انا آسف .. حسيت اني سخيف يوم قلت هالكلام .. انا عارفه عن شنو هو يتكلم .. بس سويت روحي ما اعرف .. قلت : تتأسف على شنو ..؟ راكان : على .. على .. لا ولاشي .. نزلت راسي .. وفي بالي اسأله واايد .. بس مب هاي المكان المناسب اني اسأل فيه .. وشوي الا تمشي الطياره .. وقالوا لنا نربط الحزام .. وشوي الا تسرع .. حسيت بالخوف .. التفت على راكان شفت ملامحه عاديه .. مسكت قبظة الكرسي بقوه .. وشوي الا الطياره تطير ..طلع مني صوت وانا ما ادري عن روحي .. قلت وانا مغمضه عيوني: يمااااه .. راكان : ههههههه شفيج .. طالعته وانا ساكته .. حسيت اني ما اقدر اتكلم .. لاعت جبدي وحالتي مب حاله .. راكان : شفيج ..؟ تبين بندوول ..؟ قلت : لا مابي .. راكان : حطي راسج رقدي .. جدامنا وقت طويل .. طالعته بنظرة يأس .. وتسندت وتميت اطالع ال Tv .. وما حسيت بروحي .. على طوول نمت .. حسيت شي على راسي وقمت بسرعه متخرعه .. راكان : هههههه شفيج ؟ حطيت يدي على قلبي : شي على راسي .. راكان : ايه انا عدلت شيلتج .. لانها طاحت وانتي غرقااانه في النووووم .. انحرجت وعدلت يلستي .. قلت : ابي الحمام .. راكان : روحي كاهو جدااامج .. قلت: وين ..؟ قام راكان ووصلني الحمام .. غسلت ويهي ونشطت عمري وتعطرت وطلعت .. قعدت .. قلت : متى بنوصل .. راكان : بقى شوي .. تميت انتظر .. وبعد فتره طويله وصلنا .. وقبل لا تهبط الطياره صار فيني الاتي .. مسكت راكان من يده : الطياره تهتز .. راكان : ايه ادري .. لانها بتهبط الحين .. قلت : قول لهم يخففون .. وايد مسرعه .. راكان : هههههه .. ساره لا تصيرين بزر .. شي طبيعي هاي .. بس انتي سكري عيونج .. سكرت عيني بقوه وانا ما سكه راسي .. وبعد فتره .. راكان : ههههههه خلاص وصلنا .. تنهدت وشفت ان يدي ماسكه يده بقوه .. ومن زود القوه مستويه يدي صفرا .. هديت يده وانا حاسه بالاحراااج .. وعقب نزلنا ورحنا الفندق على طول .. لان راكان كان مرتب كل شي .. دخل راكان قبلي الفندق وانا دخلت وراه .. ورحت على طول على الكنبه وانسدحت وانا اتنهد .. راكان مبتسم : تعبتي .. قلت وانا مسكره عيوني وحاطه يدي على راسي : وااايد .. ومن بعد هالبطحه ما حسيت بروحي .. رحت في نوم عميق .. وعيت على صوت جرس الباب .. قمت بسرعه متخرعه .. رحت الغرفه بسرعه بنادي راكان يفتح الباب .. بس ما لقيته .. دورته في كل مكان ما لقيته .. طليت من العين السحريه لقيت راكان هو اللي على الباب .. فتحت له الباب انا اتنهد .. قلت : خرعتني .. راكان : هههههههه والله انتي اللي خرعتيني .. قلت : ليش ؟ راكان : لا ولاشي .. وراح المطبخ وكانت في ايده اكياس .. وانا رحت الغرفه .. شفت نفسي في المظره تخرعت .. كانت العبايه ملتفه علي ومعفسه ( مكرمشه ) وبدون شيله وشعري واقف وويهي باين عليه التعب .. من حقه يتخرع .. اهااا.. عيل مساعه يوم قال لي انتي اللي خرعتيني .. يعني انا اللي مخرعته ..! وي مالت علي .. دخلت الحمام ورحت اتسبح ولبست جلابيه حرير .. لونها هردي واحمر هادي .. وفيها حركه في اليد ووسيعه من تحت ..وعلى السدر فيها كرستالات كأن عقد .. طلعت من الغرفه ومشطت شعري .. ورديت لفيته بفوطه ثانيه غير الفوطه اللي علي .. عشان الفوطه القبليه انترست ماي .. المهم ..دخل علي راكان وانا احط لي كريم .. راكان : انتي هنيه ..؟ قلت : لا هنااك .. راكان : هههه انا حسبالي في المطبخ تطبخين .. قلت يمكن تفاجأني وتطبخ .. وما دشيت عليج عشان ما اخرب المفاجأه يا بلفيت يعني .. ضحكت : هههههههه .. اي طبخ الله سلمك .. انا ما اعرف اطبخ .. راكان : ها ؟ قلت : والله .. راكان : والسبقيتي اللي سويتيها لنا قبل .. في بيتنا .. قلت : ايه هاي الاكله الوحيده اللي اعرف اسويها .. وعصير فراوله .. راكان : اهاا .. رديت احط لي كريم وحطيت لي كحل .. اخذ راكان الفوطه اللي على راسي وتم يلعب في شعري .. راكان : عطيني المشط .. قلت : شبتسوي .؟ راكان : بمشط شعرج .. قلت : لا انا مشطته خلاص .. اخذ المشط اللي على التسريحه وطالعني بنظره .. والي فهمته من هالنظره .. ان اللي في راسه بيسويه .. ضحكت وتم يمشط شعري وتمينا نسولف .. وقضينا اول يوم في الفندق .. لاني كنت تعبانه وما ابي اطلع .. ووعدني راكان ان بكره بيطلعني ويونسني .. قمنا الصبح انا وراكان وطلعنا .. واحنا في السياره .. راكان : ها .. وين تبين تطلعين ؟ قلت : اممم .. اي مكان .. راكان : نروح فوق الجبل .. قلت : ليش ما نروح برج ايفل .. راكان : اممم .. بكره احسن .. قلت : اوكي .. ورحنا صوب الجبل اللي قال عنه راكان .. وقعدنا في مكان حلو .. بس الجو وايد بااارد .. وحولنا الثلج .. قمت افرك يدي وانفخ عليها عشان ادفى .. راكان : بردانه ؟ قلت : ايه .. موووت.. برد .. حط يده ورى ظهري وقربني صوبه عشان يدفيني .. ابتسمت له .. وتمينا نسولف ونضحك .. راكان : هههههههههههههههه .. خلاص سكتي .. بسج تعليق في خلق الله .. قلت : ههه شاسوي فيهم .. هم اللي يايبين حق روحهم الكلام .. والا في هالثلج يلبسون جي .. ما يكفيهم الصيف .. راكان : ههه لا لان الصيف عندهم شوي .. قلت : طاح حظهم .. راكان : بسج يالعيوز .. ضحكت : ههههههه والله ماخذتها من هجوور .. راكان : ايه هاجر سوالفها سوالف عيايز .. قلت : يحليلها والله .. وحشتني .. راكان : مب حولج الحين .. قاعده مع الريل .. وناسيه العالم .. قلت : الله يهنيهم .. راكان : ويهنينا احنا بعد .. ابتسمت .. راكان قام ومد يده عشان اقوم .. قلت : وين بنروح الحين ؟ راكان : بنتمشى .. مسكت يده ورحنا نتمشى .. ومشينا صوب طريج يشبه الفريج .. على يميناوعلى يسارنا اسواق .. تمينا نتمشى وراكان يقول لي مغامراته هو وربعه في فرنسا ايام البعثه يوم كان في الثانويه .. راكان : ويوم كنا في السكن .. الظهر تقريبا .. كنت انا ورفيجي متمللين .. والمدير ما كان يبي يطلعنا .. يقول العصر بنطلع .. عاد احنا مناحسين .. نبي نطلع الحين .. وكان جدام السكن بحيره وحولها شير ( شجر) .. نزلنا بالخش .. ووصلنا عند البحيره وتمينا قاعدين .. يحليلنا ما باعدنا .. الا المدير يشوفنا من فوق .. واسمع صرخه .. راااااااكاااااااان ووجع ..التفت وراي الا اللاقيه فوق من السكن يطالعني .. والتفت جدامي ما لقيت جبر رفيجي .. كان منخش ورى الشيره الخاين .. ونزل المدير بسرعه وسحبني انا وياه ودخلنا داخل .. وطلع كل المجموعه وخلانا انا وجبر وهو قاعدين بروحنا .. صج تمللنا بس حسينا بحلاوه المغامرات .. ضحكت : ههههههههههههههههههه والله طلعت مب هين ..ههههههههه .. راكان : هاي ما سوينا شي .. كنا ناوين نباعد .. بس صادنا بو نظارات .. والله للحين عايش .. قلت : هههههههه للحين .. راكان : ايه .. كل ما اروح الجمعيه اشوفه هناك .. يقول لي .. ايوه يا راكان ازيك .. والله كبرت .. ومن هالكلام .. والمشكله كل ما اشوفه يقول نفس الكلام ما يغيره .. ضحكت : ههههههههههههههه .. حلو انك تشوف مديرك .. انا الحين ولا ادري عن رفيجاتي ولا مدرساتي .. حتى اسامي مدريراتي ناسيتهم .. راكان : انا بعض ربعي القداااام .. يجوني يبوني احل لهم قضاياهم وادافع عنهم .. قلت : ليش الشيخ انت مصلح اجتماعي ؟ راكان : بالله ..؟ انا محامي مدام ساره .. قلت : ايه صح .. راكان : اللهم لا تبلينا .. جان ما اجيج بكره تقولين لي من انت .. ضحكت :هههههههههههه لا مب لهالدرجه .. وشوي الا واحد يوقف جدام راكان وقام يرطن عليه بالفرنسي .. قلت حق راكان : فهمت ..؟ راكان : شوي .. قلت : شيبي ؟ راكان : ههههههه عرف ان احنا تونا متزوجين .. يقول شكلنا اعجبه ويبي يرسمنا على ما اعتقد .. قلت : يلا يلا .. خله يرسمنا .. وقعدنا على كرسي مجابل حديقه صغيره .. راكان : يقول ما يبي حركتنا تكون جامده .. يقول سولفوا وتحركوا وهو بيرسم .. قلت : يعني بيطلع تفننه علينا .. راكان : هههههه ايه عليج نوور .. تميت اسولف مع راكان ونضحك وهم يرسمنا .. وعقب عطانا الرسمه وقال لنا انه يرسم تعابير الوجه مب الملامح .. وتم يتفلسف ومادري شيقول .. قضينا يومنا كله برع .. وفي الليل رجعنا الفندق هلكانين .. قضينا شهر العسل كله بضحك .. وتعرفت على راكان اكثر .. طيب وحنووون .. ما يحب حد يزعل منه .. حتى تعامله مع اللي يبيعون وخادمين الغرف بطيب .. ويضحك لهم .. شخصيته وايد عجبتني .. وحمدت ربي ان راكان من نصيبي .. الله يخليه لي ولا يحرمني منه .. وقال لي ان احنا بنسكن في البيت اللي شراه ايام الملجه .. والحمدلله انه مأثث ومخلص .. ما احب عباله التأثيث .. امس رجعنا الدوحه واليوم بنروح بيت اهلي .. راكان : يلا ساااارووه .. هالكثر لبس .. قلت : اصبر شووووووووي .. هاي بعد ما يدري اني ما مشطت شعري ولا عدلت ويهي .. مشطت شعري ورفعته .. وحطيت لي بودره وكحل .. والا يفتح الباب .. راكان شهق : ما خلصتي.. ضحكت : ههههههههههه راكان عاد .. خلني اكشخ .. راكان : كشخي بس هالكثر .. قلت : والله شوي شوي بس .. راكان طلع واسمعه يقول : اللهم طولج ياروح .. طلعوا كل الحريم جي مب بس هجووور .. ضحكت وكملت تعدلي على السريع وطلعت .. راكان : يلا عمتي الشيخه طال عمرج .. تفضلي .. ابتسمت وطلعنا .. وصلت بيت اهلي ونزلت على طووول مشتاقه حق امي وابوي ومشتاقله لهم كلهم .. دخلت : السلاااااااام عليكم .. امي : ويه بنتي .. رحت لها بسرعه وضميتها .. امي : ما قلتي انج بتوصلين اليوووم .. الحمدلله على سلامتكم .. قلت : الله يسلمج .. وانا شوي واصيح .. قلت : وين ابووي وخالي وتركي وينهم كلهم وحشوووني .. امي : هالحزه كلهم يتجمعون .. انتظري شوي .. الا وين راكان .. قلت : هاا ؟ امي : ريلج وينه ؟ قلت وانا اتلفت : ما دخل ؟ امي : لا .. طلعت برع لقيته واقف مجابل باب الصاله .. ضحكني شكله : هههههههه ليش ما دخلت ..؟ راكان : وانتي رايحه سيده شاخطته ولا كأن في حد معاج .. ضحكت : هههههههههه سوري والله .. مسكته من يده ودخلته .. امي : وينك انت ؟ راكان يسلم عليها ويمثل انه معصب : عند الباب انتظر حد يدخلني ومدام ساره مطنشتني .. ضحكت : سوووري والله ما انتبهت .. راكان اونه رضا: اووكي خلاص .. الا وين خالي وتركي ؟ امي : بيجون الحين .. راكان : عيل انا استأذن وبجي في الليل يوم اخذ ساره .. امي : وراك مستعيل .. الحين بيجون .. اقعد تقهوى .. راكان : ما سلمت على ابوي .. بعدين مره وحده .. راكان مسك قبضه الباب وابوي في وجهه .. ابوي : هلااااااااااا راكان .. جيت وخليت بنتي في فرنسا ؟ راكان : هههههه لا كاهي قاعده عند امها .. وسلموا على بعض وانا رحت حق ابوي اركض ابي اسلم عليه .. ابوي : ههههههههه هلا والله هلا بالغلا .. الحمدلله على سلامتكم .. قلت : الله يسلمك من الشر .. شخباارك يبه ..؟ ابوي : ابشرج طيب .. وانتي اخباارج واخبار شهر العسل .. انحرجت شوي : تمام الحمدلله .. كل شي تمام .. ابوي : عساه دووم ان شالله .. عساه دووم .. راكان : يلا خالي انا الحين استأذن .. ابوي : وين ..؟ راكان : والله رايح اسلم على الوالد .. ما مريت عليه .. ابوي : الله يحفظك .. طلع راكان وانا تميت مع امي وابوي واقول لهم عن المغامرات الحلوه اللي صارت لي هناك .. وشوي الا تركي وغايوه وولدها النتفه جو واقحص اسلم عليهم ووراهم خالي وسلمت عليه .. وتمينا نسولف ونضحك .. وعقب فتر جاو خالتي وبناتها واكتملت الحشره والوناسه .. نجوى : الا بسألج ساروه .. قلت : خير ..؟ نجوى : مستانسه مع ولد العمه ..؟ ضحكت : ههههههههههه انتي شرايج .؟ نور : بس نجوى بلشت بالاسأله اللي ما لها داعي .. غايوه : هههههههه .. خليها تسأل وتتفحص .. ساروه .. ترى نجووه تقول انا متحلفه فيها .. بس خلها توصل الدوحه وانا اذبحها بالاسأله .. ضحكت : ههههههههههه اسأله شنو ؟ نجوى : ايه بسأل .. احم .. مسكت جولها يابلفيت مايك .. نجوى : اول ما وصلتي الطياره .. شسويتي ووين رحتو ؟ وبديت اجاوبها على الاسأله .. والاسأله المحرجه اضيعها .. وماجاوب عليها .. وتمينا نسولف ونضحك لين الساعه 11 ونص .. رن تلفوني .. والنغمه كانت ( مو خساره مو خساره . لا وربي موخساره . انت تستاهل احبك . ياغلا وعيون ساره ) نجوى نطت تبي تشوف الاسم اللي بيطلع في الشاشه .. ضحكت : هههههههههه يعني من بيكوون .. نجوى : لا ابي اشوف شنو مسميته .. قلت : مسميته راكان .. عادي .. ابتعدت عن الصاله شوي ورديت .. رديت : هلا .. راكان : اهلين .. هاا ماشبعتي .. قلت : من شنو ؟ راكان : من القعده .. قلت : ليش بتجيني ..؟ راكان : ايه حبيبتي خلاص .. بكره وراي دواام .. قلت : من صجك ؟ راكان : ايه خلصت اجازتي .. قلت : اوووووه .. راكان : هههههه ليش بعد ما شبعتي ..؟ قلت : ههههه مادري .. بس تذكرت الجامعه .. راكان : متى بتداومين ..؟ قلت : بعد شهر .. للحين ما خلصت اجازتي .. راكان : يلا الحمدلله .. هذا اخر كورس صح .. من بعدها بتتخرجين .. قلت : ايه الحمدلله .. راكان : ترى احنا نسولف في التلفون .. قلت : انزين وشالغريب ؟ راكان : الغريب ان انا عند باب بيتكم وابي ادخل .. قلت : صج ؟ راكان : ايه .. قلت : هههههه سوري ما قلت لي .. راكان : يلا انطرج .. قلت : اوكي .. رحت الصاله .. امي : وينج انتي من مساعه .. قلت : راكان عند الباب .. خالتي : شنهوووو ؟ تو الناس .. السهر توها باديه .. قلت : بكره عنده دوام .. ما يقدر يتأخر .. خالتي : خليه يروح وقولي له احنا بنوصلج .. قلت : لا معليه خالتي .. مره ثانيه لان هو عند الباب .. امي : خليه يدخل .. هو قال يوم بياخذج بيدخل .. قلت : ان شالله .. لبست عباتي واتصلت له .. راكان : وينج .؟ قلت : امي تقول لك انزل .. راكان : لااا شنو انزل .. انا لابس بدله .. قلت : عادي .. راكان : قولي لها بكره .. قلت : يمه راكان يقول لج بكره .. امي بصوت عالي عشان يسمع: لا الحين .. قلت : سمعت ..؟ راكان : هههههه اوكي بنزل وامري لله .. سكرت .. قلت : بينزل .. امي : حسبالي .. خالتي : عيل انا بروح الصاله الثانيه .. قلت : ليش خالتي .. خله يسلم عليج .. خالتي : لا يختي استحي .. نجوى : وااااهههههههههههههههههههه هه .. شنو يمه .,.؟ شقلتي ..؟ مستحى على كبر .. ما يناااسب .. خالتي : انتي انطمي واسكتي .. وتعالوا معاي .. نجوى : لا ابي اشوفه .. خالتي : تشوفين منو ؟ نجوى : ابي اشوف ريلها .. ما شفته .. خالتي : يعني لازم .. نجوى : ايه يمه ابي اشوفه .. خالتي وهي رايحه : بنات اخر زمن .. الام تستحي والبنات قويات العين .. ضحكت على خالتي ونجوى .. طق الباب وفتحته .. راكان : السلام عليكم .. الكل : وعليكم السلام .. راكان قعد : شلونكم بنات .. ردوا : بخير .. راكان : اوه غايه هنيه .. شخباارج ..؟ غايوه : طيبه طاب حالك .. اخبارك انت .؟ راكان : زانت اخبارج .. الا وين محمد ولدج ؟ غايوه : راقد .. اجيبه لك ..؟ راكان : لا اذا راقد خليه .. غايوه : لا الحين بقعده عشان ياخذ الدوى .. بروح اجيبه .. راحت جابته له .. راكان مد يده عشان ياخذه وسم باسم الله .. راكان يطالع محمد : يحليه .. يشبهني .. ضحكت : هههههههههه عط نفسك الراحه .. يشبه خالته .. راكان : لا حبيبتي .. شوف شوف العين .. قلت : على كيفك ..؟ غايوه : لا يشبهك ولا يشبهها .. يشبه ابووه فديته .. راكان : فديته منو ؟؟ محمد والا ابوه .. غايوه احمر ويهها : الاثنين .. ضحكت : ههههههههههههههههههه .. استانس اذا حد انحرج غيري .. ^^.. شرب راكان قهوته .. راكان : يلا ساره .. وطلع وانا حسيت ان حد سحبني دخلني داخل البيت مره ثانيه .. قلت : شنوووو ؟؟ نجوى فاتحه حلجها : هذي ريلج ..؟ قلت : ايه .. نجوى : هااي راكان .. قلت : ايه شفيج .. نجوى سوت عمرها مغمى عليها .. ضحكت : شفيج ؟؟ نجوى : عذااااااب .. يجنن ساارووه .. سلفيني اياه .. قلت : يالحيوووووانه .. استحي على ويهج .. نجوى : والله ساروه يجنن كشخه كشخه .. قلت: ذكري ربج وصلي على النبي .. ترى ابيه ريلي .. نجوى : ما شالله تبارك الرحمن .. هااي الريايل .. مب عيال عماتي وعيال عمامي .. كل واحد يحسب نفسه محد قده .. مااالت عليهم بس .. ضحكت : ههههه الله يخس ابليسج .. واسمع ذااك الهرن اللي ينفضني .. نجوى : ويه روحي روحي لا يطلقج .. قلت : فااال الله ولا فالج يالعنز .. يالله يالله باااي .. رحت بسرعه وركبت السياره وانا اتنهد .. راكان : هالكثر ؟ قلت : سوووري .. راكان وهو يحرك السياره : يا كثر ما تعذرتي اليوم .. ورحنا البيت وراكان على طول دخل وبدل ونام .. اما انا بدلت وتميت قاعده انتظر النوم يجيني .. رحت الصاله تميت اطالع التلفزيون لين ما حسيت بالنعاااس ورحت ارقد .. وعيت على اصوات ضايقتني .. فتحت عيني وشفت الليت مفتووح .. يعني طلع الصبح .. التفت ما لقيت راكان .. واسمع صوت في الحمام .. قلت اكيد راكان اليحن بيروح الدوام .. قمت على حيلي ورحت الحمام الثاني واغتسلت على السريع وطلعت رحت المطبخ على طول .. تميت احووووس ابي اسوي له فطوور .. بس المشكله ما اعرف شنو ابي اسوي .. دخل علي راكان .. راكان : قااعده من صبح شتسوين ؟ قلت : بسوي لك فطووور .. راكان : اهااا .. يلا سوي عيل .. انا بنتظرج في الصاله .. قلت : لا لا لا لا .. مافي .. راكان وقف : شنو ؟ قلت : تسوي معاي .. راكان : ما اعرف اسوي شي .. قلت : حتى انا عادي .. حط اي شي على النار يستوي لك شي .. راكان : ههههههههه شنو هاي بعد .. قلت : هههه هاي نظريتي .. راكان : اوكي يلا .. قلت : طلع بيضتين .. راح وجاب بيضتين .. وتمينا نشتغل وطلع نص الاكل مالح ونصه ماصخ ونصه محرووق .. بس أكلناه .. لازم الواحد يفتخر باللي يسويه .. ^^ مر اسبوع .. ونور انخطبت من ريال طيب واهله زينين يصير رفيج جاسم اخوها .. وملجتها الاسبووع الياي .. وعلاقتي مع راكان كل ماله وتصير احسن .. رجع راكان من الدوام .. راكان : جهزي روحج .. على المغرب بنروح بيت ابوي .. قلت : ليش ؟ راكان : امي عازمتنا .. قلت : واعزمت هجوور ؟ راكان : والله مادري عنها .. دخل الغرفه يبدل وانا رحت المطبخ اجهز الغدى .. تغدينا وراح راكان الغرفه ينام .. وانا انسدحت على الكنبه طالع فلم .. وغطيت .. قمت وشفت راكان مجابلني ويطالعني وهو مبتسم .. عدلت قعدتي بسرعه : شفيك ؟ راكان : ولا شي .. قلت : ليش جي تطالعني ؟ راكان : ههههه شفيج حبي .. عادي .. بس يلا روحي تجهزي .. بنروح بنت ابوي الحين .. قلت : راكان ..؟ راكان : عيونه .. ابتسمت : تسلم لي عيونك .. بس بغيت اسأل .. ابوك شخباره ..؟ راكان : بتروحين له الحين وبتشوفين اخباره .. قلت : لا .. مره من زمان قالت لي هاجر انه متغير وصاير كله يهاوش .. راكان : ايه هاي فتره يات وعدت .. قلت : من شنو ؟ راكان : مادري .. بس كله يسب في ذياب .. انتي ما عليج .. يلا روحي لبسي لا نتأخر .. قلت : اوكي .. رحت تسبحت ولبست تنوره زيتيه حرير وفيها من تحت دانيل بيج .. وبدي بيج وفيه شغلات بالزيتي .. وحطيت لي مكياج بيج وشخطت الكحل في عيني وحطيت لي قلوس لونه نفس لون شفايفي .. مشطت شعري ورفعته بكليب زيتي ولبست عباتي وطلعت .. ورحنا بيت بو غيث .. اول ما دخلت الصاله .. دخلت : السلام عليكم .. عمتي قامت بابتسامه : عليكم السلام .. رحت سلمت عليها .. عمتي : الحمدلله على سلامتكم .. قلت : الله يسلمج من الشر .. سلم عليها راكان .. عمتي : شخبااركم شمسوين ..؟ راكان : الحمدلله بخير .. قلت : عمتي الا وين هاجر .. عمتي : للحين ما يات .. عمتي : الا ما سألتي عن اريج .. ابتسمت بفشيله : لا انا ادري انها هنيه .. وعلى ما اعتقد هي تدري بعد ان احنا بنجي .. يعني المفروض هي تسأل .. عمتي طالعتني والتفتت .. طالعت راكان كان يطالعني وهو شكله كاتم الضحكه .. ابتسمت وطلعت جوالي لان ياني مسج .. وكان المسج من لطووف .. " قدرك بقلبي حي لا تحسبه مات .. رغم المشاغل وانقطاع المراسيل .. سامح من يعزك لو حصل منه تقصير .. محد تجي دنياه حسب اختياره .. ربك عطاك من الغلا لين خلااك .. تسكن قلوب الناس لو كنت غاايب .. " وااي فديتها لطوووف ... تميت ادور مسجات حلوه ما لقيت .. مسجاتي كلها سوالف .. قلت : راكان عندك مسجات حلوه .. راكان عطاني جواله : هااج شوفي .. خذته وتميت انبر .. سمعت عمتي تقول .. عمتي : وعاادي تعطيها جوالك .. راكان : ايه عادي .. شفيها ؟ عمتي : لا بس محد سواها قبلك .. راكان : هه شفيها زين .. عمتي : بعد ما تدري وين بتدخل ووين بتتعبث .. كنت برد بس راكان سبقني .. راكان : انا واثق فيها .. وخلها تسوي اللي تسويه في جوالي .. حلالها فديتها .. فديتك والله انت .. محد حاس فيني وعارف قيمتي غيرك .. فديت هالخشم والله .. لقيت مسج حلو وطرشته لي ومن جوالي طرشته لها .. اريج : رااااااكااااااان رجعت .. راكان قام : لا توني في المطار .. اريج راحت له مستنه : هههههههههه .. والله وحشتني ..شخبااارك .. راكان : طيب طااب حالج .. انتي شخباارج ..؟ اريج تنهدت : نفس كل يوم .. واخيرا التفتت علي .. اريج : اوه ساره .. شخباارج .." وسلمت علي " قلت : بخير دام اني مع حبيبي .. اريج طالعتني وطالعته وراحت فوق بسرعه .. عمتي : يعني انتي متعمده تجرحينها .. شهقت : ليش انا شقلت ..؟ عمتي : يعني انتي ما تدرين ان البنت تعقدت بعد ما انفصخت خطوبتها من ولد عمها .. قلت : وانا شدراااني .. عمتي رفعت ثيابها شوي عشان تمشي اسرع وراحت لها .. وانا تميت قاعده ومنزله راسي .. راكان : يه .. ماعليج منهم اقوول .. كلهم خرااطين .. قلت : والله ما كنت اقصد .. راكان : خليهم يولون .. وولد عمها ما فصخ الخطوبه منيه والدرب .. هاااي كله من سوواد ويهها .. بس خليني ساكت .. انتظروني ..^^ |
الج 23 زء وانفتح الباب الا بهاجر يايه .. هاجر : هيلووووووووووووو افري بدي .. نقزت : هجووووووووووووووور .. هاجر : تعالي بسرعه لميني .. رحت لها ولميتها .. هاجر : وحشتيني يالخااايسه .. قلت : والله انتي اكثر والله .. هاجر : شخباارج ..؟ شمسويه مع اخوووي ..؟ قلت : الحمدلله كل شي تمام .. راكان : احم احم .. هاجر : واااااي فديتك .. تعال سلم علي .. راكان : وليش انتي ما تجين ؟ هاجر : زين بايي الحين .. وراحت له شوي شوي وسلمت عليه .. هاجر قعدت : باركوا لي باركوا لي .. راكان وهو يتعبث في الجوال : مبرووك .. قلت : مبروك بس على شنو ..؟ هاجر : انا حامل .. صرخت : صج والله .. هاجر تمثل المستحى : ايه .. رحت بستها : الف الف الف مبروووك .. راكان : اوه بصير خال .. ان شالله الف مبروك .. هاجر : الله يبارك فيكم .. الفال لج ساروه .. راكان رفع يده : آآآآآمين .. هاجر : آآمين ان شالله .. الا وين my mother ؟ راكان : فوق .. هاجر : مب رايحه لها .. عبود موصيني ما اتعب روحي .. قلت : وانتي تبينها اشاره .. هاجر : ههههههه ايه والله .. راكان : عبوود عااد .. هاجر : هااا .؟ راكان : تقولين حق ريلج عبووووود ؟ هاجر : ايه نعم .. راكان : وعادي عنده .. هاجر : ايه نعم .. ليش ؟ راكان : لا اخبر بعض الريايل يحبون الرزه ويعتبرون تصغير اسمهم اهانه .. هاجر : انت قلت بعض .. وعبود فديته مو منهم .. طالعته : انت منهم .. راكان : احححم .. يعني في حزاات .. هاجر : ايه ايه مثلهم .. بعد بتنكر .. لازم تعدل صورتك جدام زوجتك .. انت مثلهم اخووي .. ضحكت : ههههههههههههههه .. راكان : ايه ما احب حد يقول لي راكانو والا ركون .. ما احب الالقااب .. راكان وخلاص .. هاجر : هنيه التعقيد .. قلت : لا ويه فديته ريلي .. مب معقد ولا شي .. راكان : فديتج انا .. هاجر : ايه انا هنيه .. تموا شوي بعدين روحوا بيتكم وقولوا اللي تقولونه .. راكان : ايه انتي محتره .. لان عبوود على قولتج محد .. وماعندج حد يغازلج .. هاجر :ايه محتره .. لا تتغازلون جدااامي .. ضحكت : هههههههههههه يالحسد .. راكان قام : انا بروح اسلم على ابوي .. وعقب بروح مشوار صغير وبرجع .. قلت : انا بعد بسلم على ابوك .. هاجر : بجي معاااكم .. ورحنا كلنا غرفه بو غيث .. راكان : السلام عليكم يبه .. بو غيث : هلا راااكان .. هلا يبه .. تعال تعال .. راكان باسه على راسه : شخباارك يبه شمسوي ..؟ بو غيث : والله حالي هذا هو .. انت شلونك وشلون ساره .. ان شالله كلكم بخير .. راكان : الحمدلله بخير .. كاهي ساره عند الباب .. تعالي سلمي على ابوي .. رحت بسته على راسه : شلوونك عمي ؟ بو غيث : الحمدلله .. انتي شحالج .؟. قلت : طيب طااب حالك .. هاجر نقز عند ابوها : يبه يبه .. بااارك لي بتصير يد .. بيجيك حفيد .. بو غيث : ها .. شتقوولين .. من ساره حاامل ..؟ هاجر : يااسلاااام .. الحين انا اللي اقوول وساره تحمل .. شلون هاي .. لا يبه انا الحااامل .. بوغيث : هههههههه مبرووك يا يبه مبروووك .. قلت : الله يعطيك طوله العمر وتشيل عيالها وعيالي .. كلنا : آآمين .. قام راكان : يلا انا برووح .. تامروني بشي ..؟ قلت : وين بتروح ..؟ راكان : الميلس عند الربع .. من زمان ما قعدت معاهم .. قلت : بكره روح لهم زين .. الحين امك تعزمك وتروح .. راكان : شاسوي .. انا قايل لهم من ذاك الاسبوع اني بجيهم يوم الخميس ..ومايصير اخلف في وعدي .. ابتسمت : اووكي .. الله يحفظك .. ابتسم لي وراح .. هاجر تطالعني بنص عين : انا شقلت الحين ..؟ قلت : ههههه ما قلت شي .. هاجر : هالابتساامااات شحقه بعد .. قلت : هههههه يعني اذا طالعته اكشر .. هاجر : ايه كشري .. بو غيث : شفيكم .. هاجر : لا مافينا شي .. يلا يبه احنا نخليك ترتااح الحين .. مع السلامه .. بسته على راسه : مع السلامه عمي .. بو غيث : الله يرضى عليكم .. قعدنا انا وهاجر في الصاله وياتنا عمتي وقعدت شوي ويا غيث .. وبشرتهم هاجر انها حامل .. وغيث يحليله استاانس .. وما توقعت عمتي انها رااح تفرح هالكثر .. عمتي : وي عساااااه الف الف الف مبرووووك .. هاجر: الله يبارك فيج .. عمتي : وان شالله قريب نشووف عيال راكان .. انا وهاجر : ان شالله .. هاجر : وانت الشيخ غيث .. مب ناوي تتزوج ..؟ غيث : والله شلي بالزواج وعبالته .. عايش مرتاح ولاني مسؤل عن احد .. هاجر : انزين الزواج نصف الدين .. غيث :يعني اذا ما تزوجت بدخل النااار .. هاجر : هههه ليش انت ضامن انك تدخل الجنه ..؟؟ غيث : الله ما يضيع حق احد .. هاجر: وانت الصاج .. والنعم بالله .. بس بعد لازم تتزووج يخي .. غيث : ليش لقيتيلي وحده ..؟ هاجر : ادور لك من هالثانيه .. غيث : ريحي روحج .. عمتي : انتي تكلمين منو حبيبتي .. انتي الحين قاعده تكلمين ايبس راااسج في العالم .. ضحكنا : ههههههههههههههههه .. غيث : لا راسي مب يابس بس انا مقتنع في اللي في راسي .. وانتو ما اقنعتوني بفكرتكم . عمتي : خلك مع فكرتك .. وما راح يطري عليك الزواج الا اذا كبرت ومحد يبيك بعدين .. غيث : والله حياة الاعزوبيه شحلااااتها .. هاجر : انت يبي لك قعده مع عبود وراكان .. وتفحص معاهم اذا الزواج حلو والا بلشه .. غيث : ههههه مع اني عارف اجابه عبود على قولتج .. بس بسألهم .. هاجر : ليش شبتكووون اجابته يعني ..؟ غيث : لا بسمعها اول وبعدين بقول لج .. ههه .. يلا عن خشمكم .. بروح .. عمتي : وين ؟ غيث : برع عند الربع .. هناك راكان معاهم .. عمتي : اوكي .. وتمينا في الصاله انا وهاجر وعمتي وبعدين نزلت اريج .. وقمنا نتكلم عن وايد اشياء .. بس احس اريج وايد حاقده علي .. حطوا العشا وتعشينا وللحين راكان ما جا .. استانس على القعده هناك .. عقب العشا تمينا في الصاله .. بس عمتي ماكانت طبيعيه .. شكلها تعبانه قلت : عمتي .. عمتي : هممم .. قلت : قومي ارتاحي في دارج . شكلج تعبانه .. عمتي : لا الحين بكون احسن .. صدينا انا وهاجر وتمينا نسولف .. وشوي ونسمع ون .. التفتنا احنا الثنتين على عمتي .. لقيناها طايحه على الكرسي ووجهها كله عرق وصايره صفرا .. هاجر صرخت : يماه .. وانا حطيت يدي على حلجي وانا خايفه .. هاجر عند امها : يمه يمه شفيج ؟؟ وعمتي نفس وضعها .. هاجر : اتصلي حق راااكاااااان شفيج واقفه .. خذت الجوال بسرعه وانا انتفض واتصلت حق راكان .. راكان : هلا ساره .. قلت : راااااااكاان .. تعال البيت بسرعه .. راكان : ليش ؟ قلت : امك .. امك تعباانه تعااااال بسرعه ارجوووك .. راكان :امي تعباانه ...؟ شفيها ؟؟ قلت : مادري مادري .. تعال ودها المستشفى .. راكان : يااايكم الحين .. ودقايق وراكان عند الباب .. راكان راح صوب امه : يمه شفيج .. ما ترد .. بس تون .. شلها راكان وكان غيث توه واصل وشلوها مع بعض .. راكان : انتو تمو هنيه .. هاجر تصيح: بروووح معاكم .. غيث : تمي هنيه خلااااص .. وراحوا .. انا قعدت ودقات قلبي تسمع فريج .. وهاجر تصيح .. رحت لها وضميتها : اهدي .. ان شالله تكووون بخير .. ادعي لها .. هاجر : اول مره يصير فيها جي .. اول مره .. قلت : ان شالله خير .. بس انتي لا تصيحين .. سكتت هاجر وانا رحت المطبخ بجيب لها عصير عشان تهدى .. فتحت الثلاجه وصبيت لها عصير .. سمعت حس التفت لقيت ظل .. تخرعه وطاح القلاس وانكسر .. سميت بالرحمن ودورت شي امسح فيه العصير .. .....: بل بل بل .. هاي كله عشان شفتيني .. رفعت راسي بسرعه لقيته ذياب .. لبست شيلتي بسرعه ووني بطلع من المطبخ الا يرتز عند الباب .. ذياب : انا يوم اكلمج تردين علي .. من فاكره روحج انتي .. قلت : انت الحين شتبي فيني .. شتبييييي ..؟ ذياب : هههههه اعصاابج الا ينط لج عرج انا اقوول .. بس ابي اعلمج من هاااي ذياب اللي تحتقرينه .. قلت : لا انا اعرف عدل من يكووون ذيااب .. اوسخ واقبح واحد شفته بحيااتي .. ذياب طالعني بعصبيه : ايه من كثر اللي تعرفيهم.. وانا الوحيد بين الشبااب اللي تعرفينهم طلعج على حقيقتج .. من جي تكرهيني .. قلت : اي شباب اي خراابيط .. انت تحسب الناس كلهم نفسك ونفس طينتك .. ذياب : لا الناس مب كلهم نفسي .. بس انتي اللي نفسي .. وعلى فكره .. تراني لايق عليج اكثر من راكان .. لان راكان طيب وينقص عليه بسرعه .. اما انتي سووووسه ولاحد يقدر عليج .. قلت : ذياااب احترم نفسك احسن لك .. تراني للحين حاشمتك .. ذياب : لا انا تخرعت بصرااحه .. تخرعت .. بموووووت من الخوف .. " صرخ علي " يعني شبتسوين ..؟ قلت : بعلم عليك راكان وبخليه هو يتصرف معاااك .. ذياب : هه .. راكان ..؟ تحسبينه بيسويلج شي يعني .. شي طبيعي بيوقف مع اخووه .. والا انتي على بالج الغريب يفرق بينا .. قلت : اصلا انت مب صااحي .. وانا ما عندي استعداد اكلم مينون .. دزيته وطلعت وسحبني من يدي .. ذياب : ايه انتي .. مب تسبيني وتطلعين .. لو انتي قد الكلام اللي تقولينه جان حطيتي عينج في عيني .. قلت : انا عمري ما قلت كلام انا مو قده .. ذيااب : انزين يابنت راشد .. انا اوريج .. صرخت : اعلى ما في خيلك اركبه .. وسو كل اللي تقدر تسويه .. وطلعت من المطبخ بسرعه ورحت الصاله .. لقيت هاجر نايمه .. قعدت على الكرسي وانا القط انفااسي .. ويدي ترجف .. اتصلت حق راكان .. راكان : هلا .. قلت : هااا راكان .. شصار على عمتي ؟ راكان : لا الحمدلله جات سليمه .. الضغط ارتفع عندها شوي .. قلت : ليش جي مره وحده ارتفع ..؟ راكان : والله مادري .. يمكن ما كلت دواها .. يلا الحين اخليج .. بجيج الحين .. قلت : ليش مب تام مع امك ..؟ راكان : لا غيث بيتم .. قلت : اوكي عيل .. في امان الله .. راكان : في امان الكريم .. لبست عباتي وعدلت شيلتي ومسكت شنطتي .. هاجر بكسل : بتروحين ..؟ قلت : ايه بعد شوي راكان بيجيني .. هاجر : شخباار امي ؟ قلت : ركان طمني .. قال ان الضغط ارتفع عندها شوي .. هاجر : فديتها .. الله يقومها بالسلامه .. قلت : آآمين .. هاجر : سوري نمت عنج .. بس انا من اصيح انام .. قلت: لا عادي .. تمينا ساكتين .. وانا انتظر راكان .. اوووف تأخر .. باتصل له احسن .. اتصلت له ما رد .. اتصلت له مره ثانيه سكر الخط .. يعني اكيد في الطريج .. هاجر : شفيج ؟ قلت : ولا شي .. بس انتظر راكان .. هاجر : انا طرشت مسج حق عبود قلت له اني ببات هنيه .. قلت : بتباتين ؟ هاجر : ايه ابي اشوف امي .. رن تلفوني شفت المتصل راكان .. رديت : هلا .. راكان : انا عند الباب .. وسكر .. قلت : يلا حبيبتي .. اخليج الحين .. راكان عند الباب .. هاجر : اوكي عيل انا بروح ابدل .. يلا بااي .. قلت : مع السلامه .. شليت شنطتي وطلعت .. لقيت ذياب عند باب الشارع .. قلبي قام يدق بقوه .. حسيت ان ريلي ما تقدر تمشي .. بس غصبتها ومشيت .. وركبت السياره .. قلت : السلام عليكم .. راكان : وعليكم السلام .. وعلى طول مشى ورحنا البيت .. وطول الوقت ساكتين .. ذياب شيبي كان واقف عند الباب .. ليكون قال حق راكان عن الهوشه .. لا ما اعتقد والا راكان بيهاوشني والا بيكلمني من البدايه .. وصلنا البيت ونزلنا .. دخلت الغرفه وبدلت ورحت الصاله ..شفت راكان للحين بثيابه وقاعد في الصاله والتلفزيون مسكر .. قلت : ليش ما فتحت التلفزيون ..؟ راكان تم ساكت .. رحت صوب راكان ومسكت ذراعه : راكان عمتي فيها شي .. نفض ذراعه عشان اشيل يدي وقام .. قلت : شصاير ؟ راكان تم يطالعني بنظرات تخرع .. قلت : ليش جي تطالعني ..؟ راكان : من حمد ؟ صدمني : شنووووو ؟ راكان : لا تسوين روحج بريئه .. حمد منوووووو ؟ قلت : حمد ..؟ انت عن من تتكلم .. مسك ذراعي وقومني من على الارض .. راكان :حمد .. حبيب القلب .. والا ذياب نسااج اياه .. بلعت ريجي وتميت ساكته .,. راكان صرخ : انطقي .. قلت : حمد ماااضي .. راكان : انتي كم ماضي عندج .. هااا .. كم مااضي .. وليش ما صارحتيني بماضيج .. تميت ساكته واصيح .. راكان : لا صيحين .. لا تحسبين هالدموووع راح تهديني .. قلت : انت شفيك .. بس ذياب يقول لك اي شي وانت تصدقه ..؟ راكان : لا انا ما صدقته الا لما راواني الدليل .. بلعت ريجي : شنو الدليل ..؟ راكان : كان مسجل صوووتج وانتي تعترفين له عن قصتج .. ما فهمت شي .. راكان : لا تطااالعيني بنظراات الغبااء .. انتي يوم كنتي تحبين ذياااب .. ما اعترفتي له ان كانت لج علاقه مع ولد جيرانكم حمد .. صحت .. راكان : رديييييييي .. قلت : ايه .. راكان : طلع ذياب اذكى منج .. سجل كل اللي قلتيه .. وسمعني اياه .. راكان : انتي مالج امااان .. مالج اماااان .. صرخت عليه : انت ليش تزوجتني ..؟ ليش ؟؟ اذا انت ما تدري ليش انا ادري .. عشان انسيك حبيبتك .. مو هذااا الصج .. طالعني وكانه مستغرب من الكلام اللي قلته .. صرخت : لا تطالعني جي .. والا شنو اللي يحدك تتزوج وحده كانت تحب اخووووك .. راكان قعد: انا ما انكر اني تزوجتج عشان احيي بدور في قلبي بدور .. لان كل ما اشوفج اتذكرها .. شكلج .. صوتج .. ضحكتج .. كل شي فيج يذكرني فيها .. والسبب الثاني .. عشان اغطي بلوه ذياب اللي كان بيسويها لو ما لحقت عليكم .. نزلت راسي وانا اصيح .. قلت وانا اصيح : وانا ما انكر اني حبيت حمد .. لاني كنت مفتقده هالحب في البيت وفي كل مكان .. لقيت عند حمد هالحب .. بس بعد ما اكتشفت ان حبي له اكثر من حبه لي .. قلبي تنظف منه .. حتى ما فكرت اني اسمع اعتذاراته لي .. لانه ما همني بعد ما نكرني من حياته .. اما ذياب .. قص علي .. وانا اصلا ما حبيته .. بس بغيت املي وقت فرااغي .. وكل اللي صار فيني .. لان ما عندي حد يوعيني ولا حد يقولي يا ساره هذا صح وهذا خطأ .. انا شاسوي اذا انا تربيت من الزمن .. وخذت درووس منه .. بس درووسه وايد صعبه .. صعبه وتجرح .. انا توقعت الكل بيوقف ضدي وبيحاربني .. الا انت يا راكان .. الا انت .. صج حمد كان ماضي .. بس انتهى .. اما انت ياراكان ماضيك انتهى وخليته يعيش معاي انا .. بدوووور انتهت وتزوجتني انا عشان تخليني انا بدالها .. انت ياراكان تزوجت بدوووور ما تزوجت سااره .. رحت الغرفه بسرعه وتميت اصيح .. يااي يعاتبني عشاان انا كنت احب حمد .. وهالحب انتهى .. بس ما عاتب نفسه .. انا مستحيل اعيش معاه .. مستحيل .. قمت وخذت الشنطه من فوق الكبت وحطيت ملابسي فيها .. ولبست عباتي وخذت شنطتي وطلعت .. راكان : وين ؟ قلت : بروح بيت اهلي .. راكان تم ساكت .. قلت : لان بدور ماتت .. راكان : انا بوصلج .. قلت : لا مشكوور .. بقول حق اخوي يوصلني .. راكان : لا الوقت متأخر .. محد بيكون قاعد .. يعني قلبه علي ؟ اخذ مني الشنطه وركب السياره .. وانا ركبت ورى وتميت اصيح .. وصلني البيت وطول الطريج ساكتين .. كان باب الحوش مفتوح .. دخلت وطقيت باب الصاله .. وافتحت لي الخدامه .. عطيتها الشنطه والتفت وراي لقيت راكان للحين واقف ..صديت عنه ودخلت .. لقيت امي في الصاله .. رحت لها بسرعه وصحت في حظنها .. امي : وي ساره يمه شفيج ..؟ قوومي قولي شفيج ؟؟ تميت اصيح .. شاقول لج يا يمه شاااقوووول .. امي : سارووه تكلمي .. شفيج ؟؟ ليش تصيحين ..؟ سمعت حس الباب .. ورحت اركض غرفتي .. نطيت على السرير وتميت اصيح .. يا خساره حبي .. ياا خساااره .. وانا كل ما احب شخص يطلع مايستاااهل هالحب .. محد يستااهل حبي محد .. وماحسيت بالدنيا ونمت .. وعيت على شي بارد في راسي .. فتحت عيني بالغصب لقيت امي وغايوه فوق راسي .. وحاطين فوطه بارده على راسي .. غايوه : ما بغيتي تقوومين .. هالكثر رقااد .. تميت اطالعها .. امي : يمه ساره شفيج ..؟ شصااير ..؟ شاللي خلاج امس تدخلين علي جي .. وانا وابوج نتصل في راكان وتلفونه مغلق .. شالسالفه ..؟ نزلت دمعه حاره من زاويه عيني وانا سااكته .. امي : ساره يمه مب زين اللي تسوينه في نفسج .. غايوه : ساروه تكلمي .. ترى سكوتج ما راح ينفعج .. المشكله يمكن تنحل .. ترى سكووتج ما بيحلها .. حذفت الفوطه اللي على راسي وصرخت : طلعووووووووو بررررررررع خلووووووني بروووووحي .. خلوووووني بروووووحي .. ما ابيييييييكم .. ما احبكم .. طلعت غايوه وهي تصيح وامي وراها .. وانا تميت على وضعيتي .. كل اللي يحب ما رده بيعرف ان محد يقدّر حبه .. ضميت المخده و وتميت اتذكر نفسي شلون اركض ورى اللي احبه واذل نفسي عشان ارضيه .. اتذكر نفسي يوم اضحك وافرح على كذبهم لي .. هم 3 يمكن يكونون وايد ويمكن يكونون شوي .. بس هم علموني درووس ما انساها في حياتي .. قطع حبل افكاري رنه التلفون .. شفت المتصل هاجر .. مارديت وتميت على نفس وضعيتي.. ردت اتصلت مره ومرتين .. رديت بس تميت سااكته .. هاجر : الووووو .. ما رديت ....... هاجر : ساارووووووه .. الووووو .. قلت : شتبين ؟ هاجر : هااا .؟ صرخت : شتبين .. مب كفااايه اللي سوه خواااانج .. جايه انتي بعد تكملين علي .. هم موصينج ..؟ هاجر : سااروه شفيج ؟ قلت : لا تمثلين علي دووور الطيبه .. ولا تسوين عمرج تحبيني وخايفه علي .. ترى في هالزمن محد يحب الا نفسه .. وانا بصير مثلكم .. لاني يوم استويت غير محد تقبلني .. محد .. هاجر صاحت : سااروه شفيج .. ما توقعت خلافج انتي وراكان بيصير جي .. اهدي شوي .. صرخت : انا هاااااااااااااااديه .. انتي اللي اصحي وطلعي على حقيقتج .. وما ابيج تتصلين على هالرقم .. لا تتصلين .. انسيني .. وسكرت وحذفت الجوال وتكسر .. صرخت وانا احذف المخدات: اكرررررررررررررررررركم اكررررررررررهممممم كللللللللكم .. تميت اصيح بصوت عالي ..انفتح الباب وتخرعت وطحت جنب السرير .. ابوي جا صوبي : ساره شفيج .. تميت اطالعه وانا اصيح .. ابوي : شفيج شصااير ؟؟ راكان سوى فيج شي ..؟ تكلمي .. اذا لا انتي ولا هو راضين تتكلمووون .. حد فيكم يفهمني شصاااير .. قلت : ابي اتطلق .. ابوي فتح عينه : شنو ؟ صرخت : ابي اتطلق ولا حد فيكم يعااااااارض .. انا اعرف مصلحتي اكثر منكم .. واخاااف على نفسي اكثر منكم .. ابوي : ليش الطلاق يا ساره ليش ؟ في بعض المشاكل تنحل .. مو على طول طلاق من اول مشكله .. اذا السالفه جي محد بيتم متزوج .. الكل متطلقين .. قلت : انت بالذاات المفرووض ما تتكلم .. ابوي بانت على ملامحه الانصدام والتعجب : شنو ؟؟ وقفت : انت لا تتكلم .. طلقت امي عشان نزووووه .. وتزوجت اللي تبيها وجبت منها عيال وخليتهم في جبد امي .. وبالاخير رجعت لها .. وهي المسكينه رجعت لك عشاان عيالها .. والحين تقول لي المشااكل ما تنحل بالطلاق .. واذا القلب عااافه .. ما اتطلللق ؟ ابوي : انا غلطت يوم طلقت امج على سبب تافه .. وانا ما ابيج تغلطين نفس غلطتي .. تتطلقين والسبب تافه ... قلت : انت ما تعرف السبب .. ومو مهم انك تعرفه .. بس اللي ابيك تعرفه انك تكلم راكان وتقووول له يطلقني.. وورقه طلاقي ابيها بكره الصبح .. واذا ما لقيتها برفع عليه قضيه .. ابوي صرخ : ساره اصحي .. اصحي وشوفي نفسج انتي وين .. انتي لا تحسبين نفسج قاعده على كرسي العرش وبتتحكمين في الكل .. هذا القرار مب من حقج تتخذينه برووحج .. هذا القرار لازم انتي وياه .. وما فكرتي اذا في بطنج ياهل منه والا لا ..؟ مسكت بطني وطالعت ابوي بصدمه .. قلت : انا مب حامل .. ابوي : حللتي ؟ هزيت راسي بمعنى لا .. ابوي : اذا كنتي حامل يمكن هالولد هو اللي بيربط بينكم .. بس انا ما ابي العيال هي اللي تربط بينكم .. اللي يربط بينكم الحب .. صرخت وسديت اذني : لاااااااااا تقوووووووووووول حب .. لا انا احبه ولا هو يحبني .. هو يحب بدوووووووور .. يحبها ومايحبني .. ابوي : من بدور ؟ قلت : وحده كاااااااان يحبهاااا ومااااتت .. وتزوجني عشاان اكووون بدوور .. ما تزوجني بكوني ساااره .. ابوي تم ساكت .. قلت : ما دااافعت عنه اشوووف ؟ ابوي : انا ما اداافع عنه والا ادافع ضده .. انا ما ابيكم تتشتتون .. توكم يهال .. واي كلمه بتزعلكم .. بس انتو فكروا انكم ما راح تعيشنو في هالدنيا الا مره وحده .. ولا تخلون اعداائكم اكثر من القراب منكم .. قلت : هالزمن غداار .. ابوي : لا لا لا ياساره لا تقولين جي .. ما تقدرين تحكمين على الزمن .. لان اللي مكونين هالزمن البشر .. وهالبشر احنا .. ااحنا في يدنا نخلي الحياه حلو وفي يدنا نخليها واطيه ودنييه .. سكت مب مقتنعه بكلام ابوي .. ابوي : ابيج الحين تفكرين عدل .. لان راكان ما يتفرط فيه .. وطلع وانا تميت ساكته وقاعده مكاني .. حسيت بصدااااع ودارت فيني الدنيا .. يعني اللي سواه راكان شي بسيط .. عااد ؟ يحاااسبني على ماضيي وما حاسب نفسه .. آآآآآآآه ياربي سااعدني .. انا مالي غيرك .. الشكوى لغيرك ياربي مذله .. دخلت الحمام ابي اتسبح .. تسبحت وطلعت لقيت تركي قاعد على سريري .. طنشته وتميت امشط شعري .. تركي طالعني وانا اطالعه من المنظره .. تركي : طلاق مافي .. سكت وتميت امشط شعري .. تركي : تسمعيني والا مطنشتني ..؟ قلت : مطنشتك .. تركي : طنشي على كيفج .. بس ما بتتطلقين .. صرخت عليه : وانت شدخلك .. انا ابي الطلاق ومب انت اللي بتوقف في طريقي .. تركي : لا حبيبتي بوقف في طريقج .. لانج بقره وما تعرفين مصلحتج .. صرخت : لا تغلط ولا تتدخل في حيااتي الشخصيه .. تركي : لا بتدخل .. اذا شفتج نفس باقي الحريم مب متدخل .. قلت : وانا شفيني غير عنهم يعني .؟ تركي : من خلاااف بسيط واول وااحد بعد تبين الطلاق .. انا اشهد انج مب صااحيه .. قلت : ايه انا مب صااحيه .. انا مينووونه .. شلون تبون ولد عمتكم يرتبط في مينووونه .. شلوووووون .؟ تركي قام ومسكني من ثيابي : ساااروه شوووفي .. انتي ما تكلمين راكان الحين ..ولا تكلمين ابووي .. انتي تكلميني انا .. وانتي تعرفين ان هالاسلووب يستفزني .. تكلمي عدل لا يجيج شي ما يعجبج .. قلت : لا يعجبني .. سو اللي تبيه .. بس بتطلق .. مد يده وعطاني سطاار .. ومن قوته كنت بطيح .. بس وقفت في ويهه وطالعته بنظره احتقاار .. وطلع .. صرخت عشان يسمعني : انت اصلا لو ريال ما مديت يدك على حرمه .. يالحقير .. يا وفتح الباب بقوه .. رجعت على ورى خطوتين .. ويات مشاعل وراه .. مشاعل ماسكته من يده : لا تركي خلها .. خلها كيفها .. تركي : لا شنوووو كيفها .. خليني بأدبها .. مشاعل : لا تركي خلها .. حراام عليك .. تركي تنهد وراح .. وياتني مشاعل .. ومسكتي من كتفي .. مشاعل : شفيج حبيبتي .. اهدي ترى الدنيا ما تسوى .. قلت : بهاااي صدقتي .. الدنيا ما تسوى .. مشاعل : ويهج اصفر .. روحي كلي لج شي .. مب زين اللي تسوينه بروحج .. انسدحت على السرير وصحت .. مشاعل : مهما يكون الخلاف اللي بينج وبين زوجج ما توصل للطلاق يا حبيبتي .. ياما انا وتركي نتهاوش .. ونختلف في اشياء وايد .. لكن ما طلبت الطلاق .. ولا فكرت اني اتطلق منه .. وترى محد عانا وجرب الم الوحده كثري .. انتي فكري فيها .. وبتلاقين ان سبب الخلاف اللي بينكم تافه .. قلت وانا اصيح : تافه ..؟ انتي جربتي ان زوجج يعترف لج بلسانه ان هو متزوجج عشان يتذكر حبيبته الميته .. تحسبينها هينه يا مشاااعل .. هينه ؟؟ مشاعل تمت ساكته .. قلت : طبعا مو هينه .. شلووون ترضينها على نفسج ؟؟ مشاعل : لا هينه حبيبتي .. اذا هااي المشكله هينه .. قلت : هينه ؟ مشاعل : ايه تهون .. اذا تركي اعترف لي انه تزوجني عشان يتذكر فيني حبيبته السابقه وهي اصلا ميته .. بحاول قد ما اقدر اخليه يحب مشاعل .. خليه انتي يحب سااره .. حاولي تخلينه يحبج بطيبتج .. وبضحكتج .. بسوالفج انتي .. مب هي .. قلت : انا مب مجبووره فيه .. دام انه بغاها هي .. خله يعيش وياها في الاحلام .. مشاعل : لا تستسلمين .. قلت : انا ما اركض ورااه .. هو ما يبيني وانا ما ابيه .. مشاعل : شدرااج انه ما يبيج ..؟ قلت : لو يبيني ما اعترف لي باللي في راسه .. مشاعل : هو لو ما يبيج جان طلقج .. ما خلاج عنده .. قلت : خلااااااص مشاعل عورتي رااسي .. خليني بروحي .. مشاعل : اوكي حبيبتي .. انا آسفه .. وطلعت .. تميت منسدحه على السرير .. وشفت الساعه كانت 3 ونص .. خذت جوالي اللي على الارض وركبته في بعض وشغلته .. شفت مسج .. فتحته وكان من هاجر .. " ساره حبيبتي .. لا تدخليني في الخلاف اللي بينج وبين راكان .. انا ادري ان راكان غلطان ومافي يدي اسوي شي .. ارجووج ردي علي " طنشتها وحطيت جوالي عند راسي وانسدحت على السرير وتميت العب في شعري المبلل وسرحت .. مادري ليش الكل يعتبرني انا الغلطانه .. ليش راكان ما يغلط .. ليش كلهم ضدي وواقفين معاه .. هل انا تفكيري غلط وما معاي حق ازعل .. والا هم عشان ما يدرون باللي صار ويعتبرون السبب سخيف .. يااربي شااسوي ..؟ انطق الباب .. قلت : الباب مفتووح .. دخل خالي ووراه لطوف .. رحت بسرعه سلم على خالي وضميت لطوف وتميت اصيح .. لطوف : ويه سااروه شفيج ..؟ ههههه هالكثر وحشتج ..؟ خالي : يلا ساره عاد لا تقلبينها مناحه .. احنا ياين نفرحج الحين .. مسحت دموعي : تفرحووني .؟ لطوف : ايه حبيبتي .. نفرحج .. قلت : الله يستر .. خالي : ههههههههههههههه والله انتي حالتج كسيفه .. الحين بقول لج خبر زين تقولين الله يستر .. لطوف : سااروه انا حااامل .. بيصير عندج ولد خال .. صرخت : صج ؟؟ لطوف : ايه هههههههههه .. ضميتها : الف مبرووك حبيبتي .. لطوف : الله يبارك فيج والفال لج .. قلت : لا ان شالله .. خالي : ها ؟ قلت : مابي منه عيال .. كنت قبل اتمناهم .. الحين لا .. لطوف : ليش شصااير ؟ قلت : ما ابيه لا هو ولا عياله .. خالي : انتي تتكلمين عن راكان والا غيره ؟؟ قلت : امبلا هو بعينه .. " رحت سريري وقعدت" ومن بيكون غيره .. خالي : ليش ؟؟ توكم شزينكم .. من اللي نضلكم ؟ قلت : محد نظلنا .. الحقيقه وبانت .. خالي : اي حقيقه واي خراابيط .. انتي من صجج قاعده تتكلمين .؟ قلت : وهاااي سالفه حد يتغشمر فيها .. خالي طالعني منصدم من الكلام اللي اقوله .. وطلع برع .. لطوف طالعته وياتني : سااروه شصااير .,.؟ شفيج هبيتي على مشاري جي .. قلت : انا ما هبيت على حد ..هو اللي سألني وانا جاوبته .. وابيج لطوف تكلمين هاجر وتخلينها تكلم راكان عشان يطلقني .. انا ما ابي اكلم حد من صوبهم .. لطوف شهقت : شنوووووووو ؟؟ تتطلقين .. حسيت بصدااع قلت : ايه ايه اتطلق .. انا مب اخر ولا اول وحده تتطلق .. لطوف : ليش تتطلقين .. شالسالفه .. متزوج عليج ؟؟ شمسووووي ؟ قلت : تقدرين تقولين جي .. لطوف : سااروه لا تكلميني بالالغاااز .. تكلمي عدل .. قلت : لطوووف انا مب متفيجه لج .. رااسي يعورني ومالي نفس حد .. لطوف : قووومي نزلي الصاله .. امشي .. قلت : مابي .. بنزل وكلهم بيعطووني محاضراات مالها اول ولا تالي .. لطوف : لا محد بيعطيج محاضرات صدقيني .. تلاقينهم كلهم ينتظرونج .. تنهدت : ببدل وبنزل .. لطوف : بنتظرج انا هنيه .. فتحت كبتي وما كان لي خاطر انزل كلش .. خذت لي جلابيه بنفسجيه فااتحه وعليها ورود كبيره وفي الورود شك .. رفعت شعري بكليب وتم شوي من شعري طايح .. ورنزلت مع لطوف .. لطوف : انت من متى هنيه .. قلت : من امس .. لطوف : ما كلمتي راكان .. طالعتها بنظره حسستها بمدى سخافة سؤالها .. ابتسمت وصدت .. لقيت ابوي وخالي وامي واليهال في الصاله .. ابوي : هلا ببنيتي هلا .. ابتسمت مجبوره له وقعدت جنبه .. ابوي : ما بغيتي تنزلين .. سكت وتميت اطالع التلفزيون .. امي : للحين راسج ما لاااان .. طالعتها وصديت .. امي : مادري من اكلم انا .. قمت ورحت غرفتي بسرعه وقفلت على روحي الباب .. ورحت عند الدريشه وانا كاتمه صيحتي .. بسي صيااح بسي .. كفايه اليوم صحت واايد .. يااربي ليش محد يفهمني .. ليش .. كلهم يحسبوني انا الغلطااانه .. كلهم يستصغرووون مشاعري .. ليش محد فااهمني ياربي .. قطع افكاري رنه جوالي .. رحت اشوف من وانصدمت بالمتصل .. معقوووله راكان بيتصل فيني ..؟ شيبي .. ليكوووون بيطلقني .. |
الج 24 زء رحت صوب التلفون وانا ارجف .. ما اعرف ارد والا اطنش .. توني برد الا سكر .. حمدت ربي ورجعت مكاني جنب الدريشه .. ورد اتصل وردت دقات قلبي تزيد .. سألت نفسي .. انا للحين احبه والا قلبي غسله .. رديت .. رديت : ...... راكان : الوووو .. سكت .. راكان : الووو ساره .. تميت ساكته .. راكان : سااره ردي علي .. الوووووووو .. سكرت التلفووون وتميت اصيح .. وحشني صووتك .. وحشتني ضحكتك .. وحشتني يلستك .. وحشتني .. رحت وحضنت المخده وتميت اصيح .. تميت على هالحالله سبووع .. ما اطلع من غرفتي الا نادر .. الكل عيز معاي وانا معانده وراكبه راسي .. حتى راكان يتصل فيني وانا ما ارد .. ياني مسج وفتحته بسرعه وكان من نور .. " لا تنسووون ملجتي بكره .. بحضوركم تكتمل فرحتي فديتكم " ابتسمت .. فرحت لها من قلبي والله .. عسى ان شالله يكون حظها احسن من حظي .. انا مالي حظ في هالدنيا ووين ما اطقها عويا .. تربعت بوسط السرير وجابلت الطوفه .. حسيت بلوعه و انسدحت ونمت .. وعيت على طق الباب .. صرخت : منووووووووو ؟ ابوي : فتحي .. قمت بكسل وفتحت الباب .. ابوي : يلا عشا .. ليكون كنتي نايمه من مسااعه .. قلت : ايه .. ابوي : انزين يلا نزلي تعشي .. دخلت الغرفه : مابي .. ابوي : شلون ما تبين .. لاغدا ولا عشا .. قلت : مابي وخلاص .. ابوي طالعني بحزن وطلع .. سكرت الباب من وراه وقفلته وسكرت الليت وسكرت المكيف وفتحت الدريشه وانسحدت .. حسيت بخوووف وبالوحده .. نزلت كم دمعه ونمت .. قمت لاني حسيت بتعب .. ظهري يعورني وجسمي كله متكسر .. دخلت الحمام واغتسلت ولبست بيجامتي وشفت الساعه كانت 12 الظهر .. توضيت وصليت ونزلت .. لقيت امي وتركي ومشاعل في الصاله .. وتركي ومشاعل كانوا لابسين ثياب طلعه .. قلت : السلام عليكم .. كلهم : وعليكم السلام .. قعدت .. وعم الهدوووء في الصاله .. شوي ويجي ابوي من برع .. ابوي : السلام عليكم .. كلنا : وعليكم السلام .. راح غرفته على طول .. تركي : يلا مشاعل .. امي : وين ..؟ تركي : المستشفى .. امي : ليش ؟ تركي : مشاعل عندها موعد مال الحمل شفيج يمه مسرع نسيتي .. امي : والله متدودهه .. تركي : انزين لا تنتظرونا على الغدا .. انا ومشاعل بنتغدى برع .. امي : على راحتكم .. تركي : يلا في امان الله .. امي : في حفظه .. وطلعوا .. امي : اليوم ملجه نور .. قلت: ادري .. امي : يعني جهزي روحج .. سكت .. نزل ابوي .. ابوي :يلا يلا غداا .. تراني يووعاااان .. امي قامت : يلا امشوا .. قلت : انا ما ابي .. سحبني ابوي ودخلني المطبخ .. ابوي : مب على كيفج .. بتمووتين انتي .. قلت : يبه مب مشتهيه .. ابوي : انتي بتشوفين الاكل بتنفتح نفسج .. تغديتنا وانا حطيت لي شوي وكلت .. ورحت غرفتي لقيت مكالمه من هاجر .. تشاورت اتصل لها والا لا .. اتصلت .. هاجر : هلا والله هلا سااروه .. قلت : اهلين .. هاجر : شخباارج ..؟ قلت : نفس امس .. هاجر : هونيها وتهون .. مافي شي يستاهل زعلج يابنت الخال .. تنهدت .. هاجر : ترى كلمتني لطوف .. قلت : انزين .. هاجر : وقالت لي انج تبين الطلاق .. قلت : ايه ابي الطلاق .. وقولي حق راكان .. هاجر : قلت له .. قلبي وقف : وشقال ؟ هاجر : حسيت انه انصدم وبس تم ساكت .. سكت .. هاجر : ليش تبين الصلاق ساروه ؟ قلت : اسباب خاصه .. هاجر : ساروه من متى صار بيني وبينج سبب خاص .. احنا مفضوحين عند بعض .. قلت : يا هاجر هو ما تزوجني انا .. هاجر : شنووو ؟ قلت : ما تزوجني انا .. وخلاااص .. هاجر : ساروه بعد ما يصير تخليني متعلقه .. شلون ما تزوجج وتبين منه الطلاق الحين .. قلت : هو تزوجني .. بس ما تزوج ساره بنت راشد .. هو تزوج وحده ثانيه كان يحبها .. وعشان ماتت وما قدر يتزوجها .. تزوجني انا عشان يكمل حبه .. هجوور هاي شتسمينه ؟ هاجر : انتي من قال لج هالكلام .. قلت : هو بنفسه .. هاجر : معقووووووله .. قلت : لا تستبعدين شي عن اي احد .. هاجر : لا ساروه لا تتشائمين .. قلت : انا مب متشائمه .. الا شفت الدنيا على حقيقتها .. انا احسب الدنيا مثل امي !! ازعلها وتراضيني .. بس طلعت غير يا هجوور غير .. ما توقعت انها بتنكبني .. هاجر : ساروه انا ابي ايج .. قلت : وين تجيني ..؟ هاجر : ابي اجي البيت .. قلت : ليش ؟ هاجر : ما يصير اجي .. قلت: امبلا حياج .. هاجر : يلا الحين انا يايه .. سكرت من عندها واستغربت منها .. شتبي فيني بتيني الحين .. حذفت الجوال على السرير ونزلت .. قلت : وين ابوي ؟ امي : نايم .. قعدت وحاطه ريل على ريل واهزها ومتضاايقه حتى من نفسي .. وامي ماسكه كتاب وتقرى فيه .. والتلفزيون مسكر .. واليهال نصهم نايمين ونصهم يدرسون .. وانا قاعده واهز ريلي .. تنهدت : اووووووف مملين .. امي : قومي سوي لج مهره .. قلت : شاسوي يعني ؟ امي : روحي قري قران عشان ترتاح نفسيتج .. رحت الغرفه وريولي تضرب الارض بقوه .. وسمعت امي تقول : الله يهديج .. دخلت الغرفه ولبست جينز وبدي احمر نك ويد طويله ..و شفت تلفوني يرن .. رديت : هاا .. هاجر : شنو هااا بعد .. المهم .. فتحي الباب .. قلت : مسرع وصلتي .. هاجر : ايه في قلبي حره عليج لازم اوصل بسرعه .. فتحي الباب بسرعه .. قلت : زين .. نزلت تحت وفتحت باب الصاله .. امي : وين ؟ قلت : هجور برع .. وطلعت وفتحت لها الباب وشفت سياره راكان واقفه .. انصب قلبي .. تروعت .. لزقت في الباب .. دخلت هاجر.. هاجر : السلام عليكم .. قلت: وعليكم السلام .. سلمت علي .. هاجر : شخباارج ..؟ قلت : دخلي داخل .. يعني بنسولف عند الباب .. هاجر : يلا .. دخلتها الميلس .. هاجر : شسالفه راكان ..؟ قلت : ما سألتيه ؟ هاجر : سألته لكن ما جاوبني .. قلت : كل السالفه هي اللي قلتها لج في التلفون .. هاجر : مب هاي كله السالفه .. قلت : عيل ؟ هاجر : ساروه راكان يحبج .. قلت : ما يحبني .. هاجر : والله يحبج .. قلت : يمكن يحبني .. عشان خليته يعيش احلامه شوي معاي على اساس اني حبيبته .. هاجر : ساروه لا تقولين حبيبته .. هاي يمكن كان معجب فيها .. او حب مراهقه .. الحين كل اللي في باله انتي .. قلت : هه .. معجب فيها .. وحب مراهقه .. ليش الاعجاب والا حب المراهقه يتم كم سنه ؟ معقووله من الثانويه لين الحين .. لين ما كبر وصاار محامي عووود .. هاجر : انزين دام انج تدرين انه كان يحب وحده وتدرين بالسالفه كلها .. ليش تزوجتيه .. صدمني سؤالها .. وتميت ساكته .. هاجر : ليش ما تردين ..؟ ليش تزوجتيه ؟ قلت : انا وايد ترددت قبل لا اقرر اني موافقه عليه والا لا .. بس الكل قاام يمدحه ويمدح لي اخلاقه .. وانا اعرف راكان غير عن ذياب واعرفه بطيبته .. وقلت يمكن نسى بدور .. قلت اصلا اكيد نساها .. لو ما نساها ما تقدم لي وخطبني .. بس ما توقعت اني انا الوسيله اللي بربط بينه وبينها .. هاجر : انزين يمكن راكان يوم تزوجج كان يبي بدور .. بس يمكن الحين يبيج انتي .. قلت : انتي بنفسج قلتي يمكن .. راكان ثبت لي انه ما يحبني وللحين يحبها .. وقال لي بكل قوات عين .. ما انكر اني تزوجتج عشان احيي بدور في قلبي بدور .. لان كل ما اشوفج اتذكرها .. شكلج .. صوتج .. ضحكتج .. كل شي فيج يذكرني فيها .. والسبب الثاني .. عشان اغطي بلوه ذياب اللي كان بيسويها لو ما لحقت عليكم .. صحت : يعني ما تزوجني عشاني انا .. عشان نفسه وعشاان اخوه .. انا شذنبي يا هاجر شذنبي .. غطيت ويهي بيدي وتميت اصيح .. ياتني هاجر وضمتني .. هاجر : خلاص حبيبتي .. لا تصيحين .. قلت : والله اني تعبت وانا اصيح .. تعبت وانا اتضايق .. خلاص الحياه ملت مني .. هاجر : لا ساروه لا تقولين جي .. انتي ما حاولتي انج تتكلمين معاه وتتفاهمين .. قلت : كفايه اللي قاله .. هاجر : يمكن هاللي قاله كله من الغضب .. انتي حاولي تكلمينه وتتفاهمين معاه .. تميت ساكته افكر في كلامها .. هاجر : تدرين من يايبني .. قلت : راكان .. هاجر : شدرااااج ؟ قلت : شفت سيارته يوم فتحت لج الباب .. هاجر : وماحن قلبج عليه .. هو موصلني عشان اصلح بينكم .. كابرت : لا .. هاجر : انزين هو يبي يدخل الحين .. قحصت من مكاني : لا ما يدخل .. هاجر قامت : شفيج ؟ قلت : ما ابي اشوفه .. جاني مسج صرقعني .. فتحت وكان من راكان .. "محدن سأل عني ولا قال وش فيه .. محدن دري عن علتي وش جرالي .." قريت المسج اكثر من مره وانا واقفه .. هاجر : شفيج ..؟ قعدت : مافيني شي .. وطرشت له .. " كان الخطا في عالمك شي عادي .. ماني من لاجرحته ضحك لك .. " هاجر : شتسوين ؟ قلت : اطرش مسج حق اخوج .. هاجر : اي واحد ؟ قلت : يعني من بيكووون غير راكان .. هاجر نقزت صوبي بابتسامه : شطرشتيله ؟ رويتها الجوال .. شهقت : ليش ؟ قلت: وانتي شتتوقعيني اطرش له ..؟ وانفتح علينا باب الميلس .. وانا وهاجر شهقنا ولزقنا في بعض .. كان واقف عند الباب .. كان لابس بدله .. وشعره منكوش .. وحالته حاله .. هاجر : راكاااااان ؟ لزقت ورى هاجر وقلبي يرقع .. راكان يصارخ : انتي من فااكره نفسج ؟؟ منوووووووو ؟؟ تميت اطالعه بنظره خوف .. اما هاجر كانت واقفه منصدمه .. راكان : مااا تردين ؟؟ قلت : انا ما ابيك خلاااااص رووووح .. راكان : هو على كيفج .. انا ترى بأمكاااني اخذج من بيت اهلج غصب عنج تسمعين .. بس انا مخليج قلت يمكن تعقل وتفكر .. بس مافي فااايده .. ما عندج عقل ولا عندج احساااااس .. قلت : لا تغللللللللط .. احترمني نفس ما انا محترمتك .. راكان : اي احتراام يا ام الاحتراام .. لو انتي محترمه نفسج جان رديتي لي من ثاني يوم .. شلون ترضينها على نفسج وتمين هالكثر في بيت ابووج .. قلت : انت قلتها .. قاعده في بيت ابوووي مب في الشارع .. راكان : بس عندج زووج .. قلت : وانا ما ابيه .. هاجر : اهدووو شفيكم جي شبيتو .. كل شي بالتفااهم ينحل .. راكان أشر علي : الا هذي .. ما ينفع معاها الا القوه .. وعلى قوله المثل .. اللي ما تجيبه عصا موسى .. تجيبه عصا فرعون .. قلت : يعني شبتسوووي .. بتاخذني الغصب ..؟ راكان : ايه باخذج بالغصب .. قلت : هه .. يلا جان تقدر .. يا صوبي وسحبني من يدي .. صرخت : يمااااااااه .. راكان : لا تصارخين .. امي فتحت الباب : شصااير .. |
الج 25 زء حاولت اهد يدي عن يده لكنه ماسكني عدل .. قلت : يماااااااه بيذبحنيييييي .. امي : شبتسوي فيها راكان .. صرخت : بيذبحنيييييييييييييي .. راكان : بوديها بيتي .. هناك مكانها .. بسها دلع .. امي سكتت .. قلت : يمااااا خذيني ما ابيه .. امي : هو للحين زوجج .. روحي عنده وان شالله تنحل اموركم .. راكان : عمتي ما عليج امر .. عباتها .. قلت : لااااااااااااا .. انت ما بتااخذني .. ابي اتم هنيه .. انت مالك حق علي .. طلقني .. راحت امي .. قلت : لااااا تروحين .. راكان مسكني من يدي الثانيه : انتي مب ساكته .. سكتي عوررتي رااسي .. قلت : عسااااه البط .. يات امي ماسكه عباتي وشيلتي .. قلت : يمه انتي ما تبيني .. امي : مكانج في بيت ريلج .. قلت : بعتووني .. لهالدرجه انا رخيصه .. امي : انا ما بعتج .. بس مكانج هناك .. وبيت ابوج مفتوح لج 24 ساعه .. خذ راكان عباتي وعطاني اياها .. مسكتها وحذفتها : مب لابستها .. وبتم هنيه .. راكان : سااره لا تناحسين .. تميت متكتفه وماعطته ظهري .. وامي طلعت برع الميلس .. هاجر : انا بنتظركم في السياره .. شل راكان العبايه .. راكان : لبسيها .. قلت : مابي .. مب رايحه معاااك اقول لك .. راكان : انا اقول لج بتروحين معاي .. بالطيب بالغصب بتروحين .. " صرخ " لبسي عباااتج والا انا بلبسج .. تميت واقفه مكاني .. سحبني من يدي ولبسني العباه وانا اصيح .. راكان : قولي تبيني انا البسج .. قلت وانا اصيح : ما ابيك .. طلقني .. راكان مسك يدي وطلعنا من الميلس .. نفضت يدي عشان ما امسك يده .. مسكني من ذراعي ودخلني السياره .. غطيت ويهي بيدي وتميت اصيح .. وقفت السياره وانا على وضعي .. مغطيه ويهي بيدي وقاعده اصيح .. فتح راكان الباب .. راكان : مب نازله ..؟ طالعته بنظره كره .. سحبني ونزلني من السياره .. دخلت وتميت واقفه عند باب الصاله .. راكان : هناك الغرفه مب هنيه .. تميت ساكته واطالعه .. راكان تنهد : كيفج .. راح الغرفه وانا تميت واقفه مكاني .. معانده روحي .. طلع من الغرفه لابس كاشخ بالثوب والغتره وريحه العطر تارسه المكان .. راكان : تبين شي من برع .. يكلمني ولا كأنه ساحبني حالي حال العنز .. طالعته وكشرت وصديت .. راكان : يلا مع السلامه .. طلع وقفل الباب وراه .. انصدمت من حركته .. ليش يقفل علي الباب .. ليش .. شنو شايفني .. قعدت مكاني .. عند الباب .. تميت قااعده فتره طويله .. بس اصيح .. ياني نوم ونمت مكاني .. وعيت ولقيت نفسي على السرير .. قمت بسرعه .. ولقيت نفسي بلا عبايه وبلا شيله .. من يابني هنيه .. ؟ التفت يمين ويسار ما لقيت راكان .. ليكون وانا نايمه امشي ؟ انفتح الباب ونخرعت .. راكان : واخيرا قمتي .. تعالي الصاله يلا .. تمللت بروحي .. قلت : وانت ليكووون فاكرني لعبه .. متى ما تبيني اقعد معاك بقعد ومتى ما مليت مني تخليني اولي .. راكان : لا انا ابيج .. قلت : وانا ما ابيك .. قمت وطحت من كثر ما الفراش ملتف علي .. راكان ياني بسرعه : اسم الله عليج .. ومسكني من يدي يبي يقومني .. نفضت يدي عنه .. قلت : اعرف اقووم بروحي .. راكان : هههههه عسى ما تعورتي .. طالعته بعصبيه : ما تعورت .. اصلا الطيحه كانت خفيفه .. اااااصلا ماطحت .. راكان : ههههههههههههههههههههههههه ههههه .. اوكي اوكي .. شليت الفراش مني بعصبيه ورحت الحمام .. وقمت القط انفاسي .. واسمع ضحك راكان وانا في الغرفه .. سخيف .. غسلت ويهي وتوضيت وصليت المغرب والعشا .. قلت: ابي ملابسي .. راكان : قلت لهم يجيبون كل ملابسج .. وكاهم بتلاقينهم تحت في الصاله .. قلت : وليش ما جبتهم .. راكان : كنت بجيبهم .. بس ما يبتهم .. طلعت من الغرفه ورحت الصاله .. شفت شناطي عند الباب .. حاولت اسحب شنطه لكن ما قدرت .. راكان : قلت لج انا بجيبهم .. قعدت على الكرسي وحطيت ريل على ريل .. شل الشناط ووداهم فوق .. تمللت .. ما اعرف شاسوي الحين .. راكان ما بيطلعني من البيت .. ولا ابي اروح حق حد .. كلهم ما يبوني .. التفت يمين ويسار ادور جوالي .. وينه ..؟ نزل راكان : شفيج ..؟ قلت : انت شتبي ؟ راكان : مابي شي .. بس اشوفج تتلفتين .. قلت يمكن تدوريني .. قلت : لا والله .. راكان : ايه .. قلت : وين جوالي ؟ راكان : سألي روحج .. قلت : انا يايبته معاي .. واتذكر .. وينه ؟ راكان : هه .. وليش تسأليني انا .. تحسبين ان انا اللي اخذته .. انزين .. انا اللي ماخذه .. قلت : جيبه .. راكان : انا ما خذته منج عشان اعطيج اياه .. مسكت اعصاابي قد ما اقدر وخذت نفس .. قلت : راكان انت شتبي بالضبط .. ليش تسوي كل هاي فيني .. ليش كل اللي ما ابيه تغصبني عليه .. انا شسويت لك .. المفروض انا اللي اعاقبك مو انت .. راكان : لا انا ما ابي اسوي لج شي يضايقج .. انا بشتري لج جوال يديد .. قلت : ماابي منك شي تفهم .. مااااااااابي .. عطني جوالي وكثر الف خيرك .. راكان : مابي .. نزلت راسي وتميت اهز ريلي .. فجأه تذكرت شي .. شهقت .. راكان : شفيج ؟ قلت: اليوووووووووووووووووم .. راكان : اليوم الاربعاء .. خير ؟ قلت : ادري ان اليوم الاربعااء .. اليوم ملجه نووور .. راكان : وخير يا طير .. قمت : بروووح البس .. ورحت بسرعه الغرفه وفتحت الشنطه .. دورت لي اي فستان .. لقيت فستان واحد شريته عشان البسه حق ثاني يوم زواج ولا لبسته .. دخلت الحمام ولبسته وفتحت شعري .. ما عرفت شاسوي فيه ..خلينه مفتوح وحطيت كليب صغير وحطيت بودره اخفي السواد اللي طلع تحت عيني .. وحطيت لي لون بسيط فوق عيني وحطيت لي كحل وقلوس .. دخل راكان .. راكان : وين على الله ؟ قلت : بروووح ملجه نور .. راكان : استأذنتي مني .. قلت : رايك ما يهمني .. لاني جي والا جي رايحه .. راكان : هه .. اوكي روحي .. طالعته بنظره تحدي وخذت عباتي وطالعت من الغرفه .. رحت الصاله واتصلت حق خالي عشان ايجيني .. وكان راكان واقف فوق راسي .. مسكت قبظه الباب ابي اطلع .. وكان الباب مقفول .. التفت على راكان .. قلت : افتح لي الباب .. راكان هز راسه بمعنى لا .. تنهدت وغمضت عيوني : افتح البااااب .. راكان : لا .. قلت : افتح راكان .. بروحي متأخره .. راكان : مب انتي قلتي جي والا جي رايحه .. راويني شلون بتروحين جي والا جي ..هه قلت : راااااكاااااان لا تتمصخر الحين .. تراني مو متفيجه لك كلش .. ابي ارووح .. راكان : روحي .. رفع ركان سماعه التلفون واتصل .. وان اطالعه .. راكان : هلا مشااري .. شخباارك .. الحمدلله بخير .. ايه الحمدلله .. لا بس بغيت اقول لك انا بودي ساره الملجه لا تتعب روحك .. لااا ياريال فاضي ما عندي شغل غيرها .. هههه اوكي .. في امان الله .. قلت : بتوديني ؟ راكان : لا .. قلت : عيل ليش قلت حق خالي ما ايجيني ..؟. راكان : لاني ما ابيج تروووحين .. مسكت راسي وهديت روحي على الارض : حرااااااااام عليك راكاااان حراااام عليك " صحت " اانا شسويت لك .. انا ادور شي يونسني وانت تزيدني كآأاابه .. حراام اللي تسوونه فيني والله حراام .. ضميت ريلي لصدري وغطيت ويهي بيدي وتميت اصيح .. مسك يدي .. وقمت قلت : لا تلمسني .. انا ابيك تطلقني .. انت ما تحبني ولا انا حبك .. اكرررررررهك يا راكان اكرهك .. رحت الغرفه بسرعه وقفلت على روحي الباب وتميت اصيح .. واصارخ : اكررررررررهك .. اكررررررهك ما احبك .. محد يحبني .. ولا حد يبيني .. وانا ما ابي حد .. ابي اموووووووووووووووت .. يا عسى ربي ياخذني وافتك من هالدنيا الواااطيه .. اللي ما بترحمني ولا بتخلي رحمه ربي تنزل علي .. تميت اصيح في غرفه الملابس اللي داخل الغرفه .. لين ما نمت .. وعيت على صوت صراخ و طق باب .. تخرعت بس كنت عيزانه افتح الباب .. اصلا كان جسمي مكسر .. شفت الطق يزيد .. حاولت اقوم وقمت وافتح الباب ورجعت مكاني .. راكان معصب : ليش ما تفتحين الباب ..؟ قلت : مادري كنت نايمه .. تنهد وقعد .. وانا تكورت مكاني وغمضت عيوني .. يا صوبي راكان : ليش نايمه هنيه .. قومي نامي فوق .. قلت : ما ابي .. راكان : قوومي هنيه بيتكسر جسمج .. حد ينام على الارض .. قومي يلاقومي .. صديت الصوب الثاني .. ما وعيت الا هو شايلني .. شهقت : نزلنيييييي .. نزلني بطيح .. وحطني فوق السرير .. تربعت وتميت ساكته واتنفس بسرعه .. راكان : عشان مره ثانيه ماتعانديني .. تميت اطالعه ومنبطه جبدي منه .. راكان : ليش جي تطالعيني ..؟ ذابح لج حد انا .. صديت عنه وانسدحت على السرير وسرحت .. ياربي انا شباسوي هنيه .. هو شيبي فيني .. ليش جي يعاملني .. انا ما ابيه .. ما ابيه خلاص .. بس للحين احبه .. والله احبه .. بس ما اقدر اعيش مع واحد جرحني وذلني .. والحين يكمل عذابه لي .. شاسوي ياربي .. ساااعدني يارب .. ونزلت دموعي .. راكان جاني : شفيج تصيحين ؟ ما رديت عليه ومسحت دموعي .. راكان : ما تبيني ..؟ ما رديت عليه .. راكان : كارهتني ..؟ ما رديت عليه .. راكان : ودج تذبحيني .. في خاطرج تعذبيني ؟؟ قلت : ايه .. راكان : يعني ما تحبيني ؟ قلت بسرعه : لا .. راكان : جوابج هذا بدون تفكير .. انا ادري انج تحبيني .. قلت : اووف راكان انا ابي اناام .. روح خلاص .. راكان : هااي غرفتي .. قمت : انا اللي بروح .. سحبني : هاي غرفتنا احنا الاثنين .. قلت : ما ابيها .. راكان : مب على كيفج .. تنهدت : انزين وبعدين ؟ راكان : بتنامين هنيه .. قلت : وانت ؟ راكان : هنيه .. قلت : راكان انت ما تفهم .. ما ابيك ما احبك .. راكان نزل راسه وتنهد : اوكي .. وطلع .. تميت قاعده على السرير متأنبه .. حاسه باحراج من نفسي .. غطيت ويهي بالفراش ونمت .. وعيت وانا ميته من البرد .. ابي اقوم اسكر المكيف لكن حسيت روحي ثقيله .. قعدت اتنافض مكاني .. دخل راكان ولا تكلم ولا قال شي .. بدل وطلع .. التفت وراي لقيت ريموت المكيف على الطاوله اللي جنب السرير .. اخذته وسكرت المكيف .. وتميت مكاني وانا متغطيه عدل بالفراش .. حاسه بروحي اني تعبانه .. تميت مكاني لين المغرب .. مااقدر اتحرك .. دخل راكان طالعني وانا صديت عنه .. يا عندي ومسك راسي .. راكان : راسج حار .. تميت ساكته .. راكان : قومي اوديج المستشفى .. قلت : مابي منك شي .. راكان : ساره انا يوم اقول لج قومي تقومين .. لانج تعرفين ان كلامي هو اللي بيمشي .. صحت وقمت : انت ما تحس .. لبست عباتي وقعدت .. راكان : امشي يلا .. قمت ولبست شيلتي وانا انزل بشوي شوي .. مسكني راكان من ذراعي .. كنت بهده بس حسيت براحه يوم مسكني .. حسيت اني اقدر اكمل مشي .. وصلت السياره ورحنا المستشفى ..واحنا ساكتين .. وفي غرفه الدكتور .. كشف علي ودخل راكان .. راكان : خير يا دكتور .. الدكتور : لا خير ان شالله .. بس لازمها شوي ترتااح .. لانها حامل .. الف مبروك .. ركان طالعني وهو مبتسم .. انا فتحت عيوني .. قلت : شنوووووووووووو ؟ الدكتور : ههههههه مبرووك .. وبكتب لك فيتامينات ومقويات .. قعدت مكاني مب مصدقه .. راكان قام : شكراً دكتور .. الدكتور : ولوو .. هاد واجبنا .. الدكتور عطى راكان ورقه الدواء .. وخلاني في الانتظار وراح الصيدليه .. وانا مب فاهمه الدكتور شنو يقول .. يا راكان وركبنا السياره .. قلت : انا حامل ؟ راكان : هههههه ايه فديتج حامل .. مسكت بطني بسرعه .. يعني ولدي الحين داخل بطني .. قلت : يعني بصير ام .. راكان : هههههههه وانا بصير ابو .. قلت :انزين راكان مابي اروح البيت .. راكان : لا لازم حبيبتي .. الدكتور قال لازم ترتاحين .. قلت : بس انا مابي .. راكان : بس انا ابي .. قلت : يه وانت كل اللي تبيه بتسويه وانا ماتبي تسوي لي شي انا ابيه .. راكان تم ساكت ووصلنا البيت .. نزل وانا تميت قاعده .. راكان : يلااا شتنتظرين .. قلت : ما ابي ارجع البيت .. ملل .. راكان : بس انا مستاانس .. وفتح الباب ونزلني .. قلت : يالانااااااااني .. راكان : طالع عليج .. قلت : انا مب اناانيه .. راكان : ولا انا .. قلت : والي تسويه هاي شنو ؟ راكان : تأديب .. قلت : وانا شسويت يعني عشان تأدبني ..؟ راكان :لا ما سويتي شي .. يلا دخلي داخل .. قلت : بقعد في الحوش بعد حرااام .. راكان : لا مب حرام .. بس ممنوع .. قلت : الدكتووور يبيني ارتااح .. راكان : والراحه داااخل .. مب في الحوش . قلت : بس انا ارتااح في الحووش .. راكان : اوووف .. تراج بديتي تملليني .. يلا دخلي يلاا .. قلت : وانت مللتني وخلصت .. ترى لاعت جبدي وانا اسمع كلامك .. وانفذ .. مليت منك خلاااص .. راكان : زين دخلي خلصيني .. قمت وانا اتأفف ودخلت ورحت الغرفه على طول .. دخل راكان وراي وعطاني كيس الدواء .. وعلمني كم مره اخذه في اليوم بسرعه بسرعه وطلع .. صرخت عشان يسمع : ايه انتي اطلع واستااااانس .. وانا اتم بروووووحي منزرعه في البيت .. ابي اطلع مو على كيفك تخليني هنيه .. دخل علي بسرعه : اووش اوش .. سكتي ولا ابي اسمع حسج .. بتمين هنيه وبهالحاله لين ما تعتدلين .. قلت : انا عدله فااااهم .. راكان : ساره سكتي لا تخليني اعصب واطلع عن طوري .. قلت : عصبت والا ما عصبت عندي نفس الشي .. لان ما يهمني .. تفهم .. ما يهمني .. راكان : اوكي .. انا اعلمج .. طلع وقفل علي الباب .. شهقت ورحت اركض صووب الباب .. لقيته مقفوول .. قلت : افتح البااااااااااب يالجباااااااان .. افتح الباااااااااااااااب .. قعدت وتميت اصيح .. ابي اطلع .. افتح لي البااااب .. خلاص مليت منكم كلكم .. مليت من كل شي .. ابي امي .. ابي ابووووووووي .. رحت صوب الدريشه .. حاولت افتحها .. ما تنفتح كلها .. بس النص .. مادري شمسوي فيها بعد .. تميت ادور التلفون .. ما لقيت شي .. قعدت على الارض منهاره وانا اصيح .. شاسوي ياربي ..؟ شااسوي .. انا لازم احاول اني اعيش حيااتي واكملها .. دام اني حامل .. لازم ابدي حياتي من جديد .. لا بس راكان جرحني .. راكان اهااني .. وهو ما يحبني .. هو تزوجني عشان يحيي حبه ببدور .. هو خذاني الحين عشان يأدبني .. مب عشاان شي .. بس انا لازم اكلمه .. اعرف هو شيبي ويعرف انا شنو ابي .. لاني احبه للحين .. لا انا ما احبه .. ما احبه .. ابيه يطلقني .. وولدي اللي في بطني ؟؟! بطيحه .. ايه .. هالولد اللي من راكان ما ابيه .. حراام الي بسويه .. لا مب حراام .. راكان ما يستاااهله .. وانا ما ابيه .. واذا نزلت البيبي بيكرهني وبيطلقني وبيرجعني بيت ابوي وبترجع لي حريتي .. بس اهلي .. بيسكتوون عن اللي بسويه ؟؟ بيسكتون اذا عرفوا اني طيحت البيبي .. اصلا ما بيدروون .. هم شدرااهم .. اهم شي افتك منه ومن ابوووه .. ما ابي شي يربطني براكان ولا هالعايله الكريهه .. خلاااااااااااااااااص .. خلاص تعبت .. راسي عورني .. بطني يعورني .. ظهري ريلي كل جسمي .. يمه وينج .. شوفي حالتي .. شوفيني شلون يوم رجعت له .. مب هاي اللي تبونه .. تبوني ارجع له .. شوفو شسوى فيني .. تنهدت وانسدحت على السرير .. حاولت انام ما قدرت .. تميت مكاني لين الفجر .. حسيت ان الباب بينفتح .. غطيت روحي عدل وطالعت الباب .. دخل راكان لاسلام ولا كلام .. بدل ملابسه وقعد جنبي .. تنهد : تبيني اطلقج ؟ تميت ساكته .. راكان : هااا ؟ انا :.... راكان : ليش ما تتكلمين ؟ انا :..... راكان : انا ما ابي اطلقج .. قلت : عشان اللي في بطني ؟ راكان : يمكن .. والسبب الاهم اني احبج .. قلت : تحبني ؟ راكان : ايه .. قلت : وبدووور ؟ راكان : بدووور ؟ بدور خلاص .. حلت مكانها ساره .. قلت : وساره من بيحل مكانها .. راكان : محد .. نزلت عيني .. قلت : ليش سويت فيني جي ..؟ راكان : كنت ابيج تنقهرين شوي نفس ما قهرتيني .. قلت : ومالقيت طريقه احسن ..؟ راكان هز راسه بمعنى لا .. سكت وهو سكت .. راكان : تحبيني ؟ ابتسمت .. حسيت ان سؤاله يضحك .. بس ما عرفت شاقول .. راكان : ما اسمع .. قلت : ايه .. راكان تربع : شكثر ؟ قلت : شوي بس .. راكان : شوووووووي ؟ قلت : ايه .. اول تراضيني على اللي سويته فيني وعقب بحبك واايد .. راكان : يلا نطلع ..؟ قلت : الحين ؟ راكان : ايه .. قلت : وين ؟ راكان : امشي وبتعرفين في الطريج .. بس اول شي كلتي دوااج ؟ قلت : لا .. راكان : ليش ؟ بل .. هو لو يدري اني كنت بنزل الياهل .. بس زين تلاحقني وراضاني .. وانا يحليلي بسرعه ارضى .. راكان : اكلمج .. ليش ما كلتيه ..؟ قلت : نسيت يه .. الحين باكل .. رحت وخذت الدواء .. راكان : يلا .. قلت :بلبس .. والا غيرت رايك .. راكان : لا ما غيرته .. بس يلا لبسي .. يالبرووود .. قلت: انا مب بارده والحين براويك .. ورحت بسرعه فتحت الشنطه وطلعت لي جينز وبدي شتوي عشان الدنيا برد .. طلع راكان وبدلت وانا مب مصدقه .. راكان راضاني وانا رضيت بهالسرعه ؟ هاي كله من الحب ..؟ انا لو قلت له ابي الطلاق حزتها بيطلقني ؟؟ خرعني بطقه الباب .. قلت : زين زين .. راكان : يلا والا بهوون ( بكنسل ) .. قلت : اوكي خلصت .. دورت عباتي ولقيتها جنب السرير طايحه من كم يوم .. خذتها ودورت شنطتي وتذكرت اني يايه بدون شنطه .. طلعت .. قلت : خلصت .. راكان : يلا بنا .. في الطريج .. قلت : وين بنروح ؟ راكان : اممم .. البحر .. تمينا ساكتين فتره .. راكان : تدرين سااره .. قلت : هممم .. راكان : يوم سألتج قبل لا نطلع .. قلت لج تبين الطلاق .. قلت : انزين ؟ راكان : لو قلتي لي ايه جان طلقتج .. شهقت : شنووووووووو ؟ راكان : هه .. ليش يعني يوم انتي طلبتي الطلاق ما كنتي تبين تتطلقين .. سكت .. راكان : هاا ؟ شنو ؟ قلت : مادري .. كنت اتكلم بدون تفكير .. راكان : والحين ..؟ قلت : والحين شنو ؟ راكان : الحين تتكلمين بتفكير والا نفس قبل .. قلت : امبلا رد لي عقلي .. راكان : الحمدلله .. قلت : بس اهون عليك انك تطلقني ؟ راكان : مممادري .. هاذي كانت رغبتج مو رغبتي .. نزلت راسي : يعني كنت بتطلقني ..؟ راكان : ايه نعم .. قلت : والولد .. راكان : مره لي ومره لج .. قلت : يعني شنووو ؟ راكان : ههههههههه ساره شفيج .. احنا ما تطلقنا الحمدلله .. ولو طلبتي الطلاق منيه لين باجر ما راح اطلقج .. تدرين ليش ..؟ قلت : ليش ؟ راكان : لان قلبي عندج .. واذا رحتي مع قلبي بموووووت .. قلت بدلع : اسم الله عليك .. تم يطالعني بنظره تذوووب .. استحيت ولفيت صوب الدريشه .. شغل المسجل وكانت اغنيه طقو وموتو .. طقوا وموتو قهر .. حبي لحبيبي نهر .. وحبه لي طوول الدهر .. طقوا وموتوا قهر .. ذايب انا في هواه .. دايم معي يا غلاه .. وقلبي دايم معاه .. طقوا وموتوا قهر .. يبيني والله وابيه .. وبعمري كله اشتريه .. احبه واموت فيه .. طقوا و متوتو قهر .. من حبنا ما ننوم .. نسهر نعد النجوم .. دايم معي والله دووم .. طقوا وموتوا قهر .. وصلنا البحر .. قعدنا مجابلينه .. مسك يدي وتمينا ساكتين فتره طويله .. على طول هالفتره ما تمللت ولا حسيت بضيج .. بالعكس .. كنت حاسه برااحه وانتعااش .. كنت حاسه ان انا اليوم مولوده .. ومسكته ليدي حسستني انه بيتم معاي طول العمر .. راكان : تمللتي ؟ قلت : لا بالعكس .. بس استغربت من سكوتك .. راكان : انا قاصد اني اتم ساكت .. كنت ابيج ترتاحين وتريحين اعصابج .. عشان تفكرين صح .. ابتسمت وتسلقيت على الرمل .. قلت : تدري .. راكان : همم .. قلت : خاطري اتسبح في البحر .. راكان : شنوو ؟ انتي ما قلتي تخافين .. قلت : ايه اخااف .. بس مادري ليش الحين دش في خااطري .. راكان : يلا .. قلت : الحين .. راكان : احسن شي الحين .. يلا شلحي عباتج وشيلتج .. مافي حد هنيه .. قلت : انتظر خل الشروق يطلع .. راكان : الحين بتنور الدنيا .. يلا .. شلحت عباتي وشيلتي ومسكني راكان من يدي ويدخلني البحر شوي شوي .. دست على حصى صرخت : وااااااي .. دست على شي دست على شي .. راكان : ههههههههه شفيج ..؟ هاي حصى حصى .. قلت: لا لا خلاص مابي .. راكان عشان خااطري . شوي بس .. قلت : اخاااف والله .. راكان : شووفي .. انا الحين بخليج .. بس والله عقب ما تولدين لا اخذج بالغصب وادخلج واخليج غوااصه بعد .. قلت : ههههه ايه امبلا .. بس يلا خلنا نرجع البيت .. تعبت .. راكان : اووكي يلا .. قلت : بس وين جوالي .. راكان : خليه يولي .. قلت : يه ؟ راكان : تبينه ..؟ قلت : ايه .. راكان : شفتي البحر .. قلت : شفته .. راكان : خذفته فيه .. قلت : ليش ؟ راكان : ههههههههه دوااج .. قلت : لا عاد راكان قول الصج .. راكان : والله العظيم . حذفته في البحر .. قلت : انت طاق طريج ورايح البحر عشان تحذف جوالي ؟ راكان : لا انا اصلا كل يوم هنيه .. من جيتي انتي البيت .. ما اطلع ولا اروح مكان غير البحر .. احذف همومي فيه وارجع .. قلت : فديتك والله .. وانا اللي جايبه لك الهمووم .. راكان : انتي الربع .. وفي ثلاثه اربااع .. قلت : من بعد ؟؟ راكان تنهدت : بعدين بعدين .. انا الحين بروح البيت واناااااام وارتاااح .. صار لي كم يوم ما انام عدل .. قلت : يلا حبيبي .. ركبنا السياره ورحنا البيت .. بدلنا ونمنا على طوول .. |
[CENTER] الج 26 زء ..قمت الضحى .. شفت راكان نايم .. رحت تسبحت وطلعت .. شفته بعد نايم .. رحت المطبخ سويت شاي وقهوه .. وحطيتهم في الصاله .. رحت الغرفه شفته نايم .. جيت صوبه .. يلا ما بقى لكم الا آآآخر جزء قلت : راكاااان قووم حبيبي .. مب رايح الدواام ..؟ راكان يتقلب ولا كأني اتكلم .. قلت : راكاااان .. قووم يلا .. " هزيته " قوووووم .. راكان بكسل : شنوووو ؟ قلت : قوم الساعه 11 .. راكان قام فز : الساعه 11 ؟؟ قلت : ايه .. شوراك ؟ راكان : لا عندي موعد مع نااس الساعه 10 ونص .. اوووف شلون جي ما حطيت منبه .. اوف .. قام بسرعه وراح تسبح ولبس ثيابه .. قلت : اشرب شاي انا مسويته .. راكان : لا لا مستعيل .. قلت : عشاان خاااطري .. راكان وقف وابتسم : يلا عشان خاطرج .. صبيلي .. ابتسمت وصبيت له شاي .. شربه وراح .. تميت قاعده انتظره .. شفت تلفون الصاله .. رحت بسرعه واتصلت حق امي وتميت اسولف معاها فديتها .. يا راكان الساعه 12 .. قلت : يلا يمه الحين اخليج .. راكان وصل .. امي : سلمي عليه فديته .. قلت : الله يسلمج يوصل ان شالله... امي : يلا في امان الله .. قلت : في امان الكريم .. وسلمي على الكل ... امي : يبلغ ان شالله .. مع السلامه .. سكرت وانا رحت المطبخ .. ابي اسوي الغدا .. نسيت اطبخ ^^ .. راكان : شنو بتسوين ؟ قلت : بسوي الغدا .. شتبي اسوي لك ؟؟ راكان : لا بنتغدا برع .. قلت : احسن بعد .. راح الصاله .. حسيت ان فيه شي .. شالسالفه مادري .. قعدت جنبه .. قلت : شفيك راكان ..؟ مب على بعضك .. راكان : في شي مضايقني .. او بالاحرى قضيه مضايقتني .. قلت : خير ؟ راكان تنهد : ذياب .. نزلت راسي .. راكان : ذياب يا ساره مينني .. بيذبحني هالولد .. ما جنه ريال شكبره .. تصرفاته طايشه وتصرفات ياهل .. هذي تصرفات واحد عاقل مسلم .. جي يسوي ..؟ قلت : اهدى وفهمني شسوى .. انا ما فهمت شي من اللي قلته .. راكان : انا عندي قضيه ضد اخوي .. يعني بوقف في المحكمه ادافع عن خصم اخووي .. قلت : راااكااان لا تكلمني بالالغااز .. ابي اعرف شالسالفه .. راكان : انا اقول لج السالفه .. شوفي .. راكان من كثر الاعيبه على بنات الناس .. ما تلحقين مع اي بنيه غلط ومع اي بنت سولف ومع كم بنت طلع .. انا اعرف سوالفه من زمان .. بس ما توقعت انه اب .. قلت : شنووووو ..؟ ذياب ابو ؟ راكان : ايه .. ابو .. عنده ولد من وحده .. وهو كان واعدها بالزواج كالعاده .. وماتزوجها .. وسوى فعلته الشينه وحملت .. وهو من يومها ما شافها .. ولدت المره ويابت له ولد .. ويات البنت عندي على اساس اني محامي وبدافع عنها .. وقالت لي كل سالفتها .. وانا قلت لها عطيني عنوان ابو الولد وانا بحاول احل القضيه بشكل ودي .. بلا محاكم وقضايا .. وعطتني اسمه ورقم تلفونه .. وتقول ما اعرف وين ساكن .. وانصدمت لقيت اسمه مرتز على الورقه ورقم تلفون .. قلت لها انا بتصرف .. وراحت منيه وانا رحت بيت ابوي على طول .. شي طبيعي ما لقيت ذياب .. اتصلت فيه وقلت له ايي بسرعه .. ويا وقلت له كل السالفه .. ما اعترف بالولد .. واتهمها بالكذب .. قلت : انزين شلون ولدت .. احنا عندنا في المستشفيات لازم يشوفون عقد الزواج .. راكان : سألتها وقالت ولدت في بلادها .. لان اصلها عراقيه .. بس اهلها كلهم هنيه .. وولدت في بيتهم .. ياتها وحده وولدتها .. وامها كانت هنيه .. بس هي بروحها سافرت العراق .. قلت : واهلها .. ما سألوها عن الولد ..؟ والا شلون حملت ..؟ شكان موقف اهلها .. راكان : اهلها هم كلهم امها واختها الصغيره .. كانت تشتغل وتصرف عليهم .. ويا ذياب وقام يصرف عليها عشان شي واحد وانتي تعرفينه .. ويوم حملت منه هدها وجابل غيرها .. وامها مره عوده وكبيره .. ما قالت لها ان هالولد ولدها .. قالت ان ولد رفيجتها ورفيجتها مسافره .. عشان تستر على روحها .. قلت : هااي مب من البشر .. راكان : وانا الحين ابي اخليه يحلل والولد بعد يحلل عشان اقدمهم دليل .. بس مش عارف شلون اقنعه .. قلت : تخليها علي ؟ راكان : شلووون ؟ قلت : انا بقص عليه بطريقتي وبخليه يروح يحلل ويعطيني الورقه بعد .. راكان معصب : شبتسوين ؟ قلت بهدوء : بتعرف حزتها .. راكان وكأنه يتذكر شنو سوى فيني من قبل : لا انا خايف عليج منه .. هذا مب آدمي .. قلت بهدوء وانا أحآول ألطف الجو : لا تخااف .. هاجر بتكون معانا .. راكان : يلا عيل .. الحين .. قلت : لا الحين خلنا نتغدى .. انا يووعاانه .. راكان : ايه انا بعد .. امشي عشان نروح بيت ابوي بعدين .. رحت الغرفه لبست تنوره وبدي ولبست عباتي وخذت شنطتي وطلعت .. راكان : خلصتي يلا .. قلت : يلا .. رحنا مطعم في فندق وتغدينا وسولفنا وابتعدنا عن السوالف اللي تغث .. كانت سوالفنا عن نفسنا وعن البيبي وبس .. خلصنا ورحنا .. وراكان وقف عند محلات .. قلت : وين بتروح ..؟ راكان : دقايق بس .. تميت انتظره يمكن ربع ساعه .. تمللت .. ورجع وفي يده كيس .. يوم ركب حطه في حضني .. قلت : شنو ذيه .. راكان : جوالج .. فتحت الكيس ولقيت جوال جديد .. قلت : شريت لي جواال ؟ راكان : يب .. وبتلاقين الكرت دااخل ها .. شوفي رقمج حلوو .. انا عجبني .. شفت الرقم عجبني .. وشفت الجوال وتميت اتعبث فيه وحطيت الكرت داخل وجرجته في السياره .. وصلنا عند البيت .. وخفت .. راكان : جاهزه ؟ قلت : خايفه .. راكان : لا عادي .. انا طرشت رساله حق هاجر وقالت لي انها هناك .. وابشري بعد ذياب مجابلها .. سكت .. راكان : شبتقولين له ؟ قلت : بشككه في اصله .. عشان يروح يحلل ويعطيني الاثبات .. راكان ابتسم : والله خوش فله .. بس شلون وانا وهو توأم .. قلت : انا مجهزه كل شي .. راكان : يلا عيل نزلي قبل لا يروح .. قلت : اوكي بس انت انزل معاي .. راكان : لا انا بروح من الباب اللي ورى ..وبدخل الميلس .. واذا لقيتي عبدالله زوج هاجر هناك قولي له اني هناك .. قلت : اوكي .. دخلت وانا امسك قلبي .. خايفه لا تكبر السالفه بدل ما احلها .. طقيت الباب .. هاجر : هلاااااااااااااااااا بأم الزين .. قلت بابتسامه : اهلين .. هاجر : حيااج حيااج .. قلت : الله يحيج .. سلمت عليها ودخلت .. شفت عبدالله وذياب قاعدين .. مسكت هاجر .. همست لها : قولي حق عبدالله ان راكان في الميلس يبغيه .. هاجر : زين .. هاجر : عبوود .. راكان في الميلس ينطرك .. ذياب : وانا ؟؟ هاجر : والله ما نطق بأسمك .. " تسألني " قال يبغيه ؟ هعزيت راسي بالنفي .. هاجر تخصرت : ما يبغيك .. ذياب : اوكي انا قااعد عيل عله على جبدكم .. وهااي اللي ابغيه .. ذياب : هه شخبارج ساره ..؟ ابتسمت اغايضه : تمااام .. اخبارك انت ؟ ذياب : طيب .. قعدت وهاجر جنبي وذياب مجابلنا .. همست حق هاجر : شوفي هجور .. انا الحين بقول كلام وابيج بس تمشين معاي .. لان الكلام الي اقوله مب صج .. هاجر : اي كلام .. ما فهمت .. قلت : انتي بس مشي معاي وخلاص .. هاجر : اوكي .. وسكتنا فتره .. ذياب : شفيكم ساكتين .. قلت : والله انا متضايقه .. سمعت شي وايد ضايقني .. ذياب ابتسم بخبث : خير ان شالله ..؟ قلت : ما اقدر اقول لك .. ذياب : لا عادي قولي وكأني ما سمعت شي .. قلت : والله انا خايفه عليك .. ذياب : علي انا ؟ هزيت راسي بايه .. ذياب : ليش ؟ قلت : ذياب انت متأكد ان نهله امك .. وابوك ابوك ..؟ ذياب يطالعني ويطالع هاجر .. قلت : متأكد .. ذياب : هه شي طبيعي .. نفس ما انتي متأكده ان فاطمه امج وراشد ابوج .. قلت : عندك اثباات صحي ..؟ ذياب : شفيج انتي ؟؟ يعني كل الي عنده ام وابو عنده اثبات صحي .. قلت : لا .. انا مثلا امي متأكده انها امي .. لانها امي صج .. ومستعده اسوي لك فحوصات ال DNA .. ذياب : انزين انتي شتبين مني الحين ..؟ قلت : انا ما ابي منك شي .. انت اللي قلت لي شنو اللي مضايقج .. وقلت لك .. سكتنا وانا اطالع هاجر وانا ماسكه ضحكتي .. وشفت ذياب حالته حاله .. ويحك راسه .. وشكله يتسائل .. ذياب : انزين شلون انتي خمنتي ان انا مب ولد امي ولا ولد ابوي ..؟ على كيفج يعني ؟ قلت : يااسلااام .. لا مب على كيفي .. امك الصجيه يات عندي البيت وروتني صوره وقالت لي ان هالولد ولدي وقالت اسمك الكامل .. وما قدرت اكذبها .. لانها مره كبيره .. ذياب : وانتي اي وحده بتجيج وبتقول لج ان هالولد ولدي بتصدقينها .. قلت : وليش ما اصدقها .. ذياب : لاني ولد امي وابوي .. وانا وراكان توأم .. يعني شلون ؟ قلت : يخلق من الشبه اربعين .. هاجر : ايه والا ليش امي تعاملك معامله احسن منا .. ذياب تم ساكت .. قلت : عشان تريح نفسك سو تحليل ال DNA .. ذياب قام : ايه بحلل شوراي .. وطلع .. طلعت الضحكه اللي كنت كاتمتها : ههههههههههههههههههههههههه هههه .. هاجر : هههههههههههههه .. ليش تشلخين عليه ؟ قلت : عشان تحليل ال DNA.. هاجر : شتبين فيه ؟ قلت : هههههههه سالفه طويله .. عقب باقول لج .. بس اللي ابيه ورقه تحليل ال DNA .. هاجر : اوووف .. قولي لي السالفه زين .. تنهدت وقلت لها السالفه كلها .. قلت : بس بليز هجوور .. ما ابي حد يعرف .. هاجر شكلها متضايقه : ايه اكيد محد بيعرف .. لان هالفضيحه فضيحتنا كلنا مب بس ذياب .. الله يستر من الجاي .. هاي البنت هي اللي تكلمت واشتكت .. الله يعلم كم بنت ساكته وساتره عليه .. قلت : الله يستر على الجميع .. هاجر : هذا ذياب هو اللي ما يبي يستر على روحه .. سكتنا لان راكان يا صوبنا .. راكان يا صوبي : ها شسويتي .. قلت : راح يحلل كأنه .. راكان ابتسم : الحمدلله .. ان شالله ما يطلع هو .. يارب مغلطه .. بس انا من شفت ولدها قبل لا تتكلم حسيته قريب مني .. حسيت ان يشبهنا .. لا وياخذ من هاجر بعد .. هاجر : شنووووووووو ؟ راكان : ههههههههههه .. لا تنسين ان يمكن تصيرين عمته .. هاجر : لا ان شالله .. قلت : انزين واذا طلع ذياب ابوه .. شبتسوون ؟ راكان : يا نحل القضيه بشكل ودي ولا تنرفع القضيه .. قلت : يعني شنو بيسون ؟ هاجر : لا ان شالله ما يصير هاي كله .. تمينا نسولف شوي .. قلت : هجووووور ما قلت لج .. هاجر : شنوووو ..؟ قلت : انا حااامل .. مو بس انتي .. هاجر : صج ؟؟ ضحكت : ههههه ايه والله .. هاجر : يعني مو انا بس بروحي .. ^^ .. قلت : لا انا معاااج .. راكان : ايه احسن مع بعض .. عشان يكونون نفس المدرسه .. هاجر : وييي شوفوا راكان بشنو يفكر .. راكان : ايه عشان اخلي عبوود يوصله .. هاجر : يااسلااام .. وانت وين ؟ راكان : ههههههه لا انا بجابل امه .. هاجر : لا والله .. وانا من يجابلني ..؟ قلت : ههههههههههههه ليش خلي راكان يجابلني .. هاجر : مافي مافي .. والله ما اخليه يوصله .. بخليه يجابلني زين .. راكان : هههههه ما يسوى علينا .. ما بيوصله عبوود .. بوصله انا وبدخله الروضه وبوصله الكلاس وبطلع له الكتاب بعد وبطلع .. قلت : لا والله ؟؟ يعني هناك مافي مدرساات ؟؟ راكان : اي مدرسات ..؟ قلت : يعني ما في بنات بيدرسوون ؟؟ انت بتروح ترز روحك ليش ؟؟ عشان ياخذونك مني ؟ راكان : ههههههه اهاا .. انا والله ما حطيت في بالي .. قلت : لا تحط والا ما تحط مب شغلي .. انا اروح معاك نوصله وانا ادخله الروضه ونطلع .. راكان : وارد اوصلج البيت ؟ قلت : ايه .. واذا انت خايف تتأخر على دوامك انزل معاك مافي مشكله .. احل معاك مشاكلهم ما عندي اي بروبليم .. راكان : على طاري المشاكل .. ذياب وينه ؟ هاجر : مادري .. من طلع للحين ما رد .. شوي الا ذياب يفتح الباب .. وحذف علي الورقه .. ذياب : شوفي .. قلت : لا لازم اوديها معاي .. عشان اشوف ورقه المره وهالورقه نفس الشي والا لا ..؟ ذياب : وشلون بتعرفين ..؟ قلت : لا بوديها المستشفى .. راكان اونه ما يدري : شالسالفه ..؟ قلت : لا ولا شي .. راكان : يلا ساره تأخرنا .. قلت : اوكي يلا .. راكان سبقني وانا وراه .. ذياب قرب صوبي .. ذياب يهمس : يااماال الويعه .. مافي شي يفرقكم .. التفت بسرعه منصدمه منه .. ذياب : هه .. في حفظ الله .. طلعت بسرعه وركبت السياره .. راكان مبتسم : الورقه بسرعه .. عطيته .. قلت : ليكون الحين بتخليني وبتروح الشغل .. راكان : شاسوي حبيبتي شاسوي .. ابي افتك من هالقضيه .. تنهدت : الله يوفقك .. راكان : فديتج والله .. تروحين عند امج عشان ما تتمللين ؟ قلت : ايه ايه ودني .. وغيرنا الطريج ووداني البيت اهلي .. دخلت على البيت قلت : السلام عليكم .. لقيت خالد وريموه قاعدين يطالعون TOM & JEERY ... قلت : الله .. وقعدت معاهم وتميت اطالع واندمجت وتميت اضحك معاهم .. شوي الاتركي نازل .. تركي : هلا هلا .. اهلا بمن اتانا .. قلت : هلا فيك .. ورحت سلمت عليه .. قلت : اخباارك ؟ تركي : الحمدلله بخير .. انتي اخبارج ؟ قلت : تمااام الحمدلله .. الا وين مشاعل .. تركي : داخل الغرفه .. توها كانت في الصاله تعبت وقالت بتريح .. قلت : ايه مسكينه .. في اي شهر الحين ؟ تركي : في الشهر السادس .. قلت : الله يكوون في عونها .. الا ما باركت لي .. تركي : على شنو ؟ قلت : انا حامل .. تركي : صج والله ؟ قلت : ايه والله .. تركي : مبروووك .. قلت : ايه من قدك بتصير خال .. تركي : هههههه انا استويت خال خلاص .. والا نسيتي ان غايوه حملت وربت قبلج .. قلت : لا ما نسيت .. بس اذا انا ولدت بتصير خال اسبشل .. تركي : ههههه لا والله .. شفرقت فيه يعني ..؟ قلت : في فرق لما تقول هذا ولد اختي ساااااره .. وهذا ولد اختي غايه .. في فرق صح .؟ تركي : والله ما عندج سالفه .. قلت : انزين وين امي ؟ تركي : امي مب هنيه .. قلت : وينها ..؟ تركي : كلهم متجمعين في بيت خالتي زينب .. قلت : وهاي " أشرت على ريموه وخلود " ليش ما راحو ؟ تركي : امي معاقبتهم .. قلت: خخخخ صج ؟ ليش ؟ تركي : ما حلوا الواجب .. قالت لين الساعه 4 اللي ما بيحل الواجب بروح عنه .. وماحلوا وراحت .. ياني خالد يركض : والله والله حليت .. قلت : صج ؟ ريموه وراه : والله انا بعد .. يوم راحت امي خلصنا الواجب .. قلت : يلا عيل امشو معاي .. تركي: وين يمشون معاج ؟ قلت : انت بتوديني بيت خالتي .. تركي : من قال لج ؟ قلت : انت .. تركي : والله ما قلت .. قلت : امبلا توك قايل .. تركي : ما تكلمت .. قلت : اكوه قلت .. تركي : اووووف .. يلا امشوو .. التفت صووب اليهال : بيودينا .. يلا روحوا لبسووو .. وراحوا بسرعه 5 دقايق وطلعنا من البيت .. قلت : حراام تمت مشاعل بروحها .. تركي : الحين بروح لها .. قلت : يعني ما تطلع هي ؟ تركي : امبلا اطلعها اذا شفتها احسن .. بس اليوم شكلها تعبانه .. قلت : وانت تقضي اليوم كله معاها ؟ تركي : اذا امي محد اقعد معاها .. لاني ما اقدر اخليها بروحها في البيت .. تتعب فجأه والا شي .. قلت : اهاا .. تركي: الا انتي شخبارج مع راكان .. قلت : الحمدلله كل شي تمام .. تركي : عشان تعرفين ان الحريم ما يجون الا بالعين الحمره .. قلت : لااا والله ؟ تركي : هههه ايه كلمناج بالطيب ما نفع معاج .. مافي الا راكان يعرف لج .. قلت : فديته والله .. قلت : تركي ترى انت حنون .. تدري ؟ تركي : لا والله توني ادري .. قلت : لا والله من صجي .. تركي مبتسم وشكله مستانس: زين .. قلت: اول مره اشوفك جي تخاف على احد او تهتم في احد .. تركي : عشان تعرفين .. ابتسمت وتسمّت مكاني .. وصلنا بيت خالتي .. دخلت او شي ريموه وخلود .. سمعت امي تقول : ويه .. من جايبكم .. خالد : تركي وساره .. امي : وليش جيتو .. ريموه : بعد حلينا الواجب بعد شنوو ؟ امي : انت لسانج اطول منج .. الا وين ساره .. خالد : مادري توها معانا .. دخلت : انا هنيه .. غايوه : ساااااارووووووه .. وياتني وسلمت علي .. وسلمت على الباقي كلهم وكان جاسم قاعد يلعب سوني .. قلت : شخبارج جاسم .. وقف start والتفت وراه .. جاسم : اوه بنت الخاله هنيه .. ما شفتج .. شخباارج ؟ قلت : الحمدلله بخير .. اخبارج انت ؟ جاسم : والله اخبااري خايسه .. قلت : عسى ما شر .. جاسم : انتي ما تشوفيني قاعد في البيت .. قلت : ايه امبلا .. جاسم : سيارتي في الكراج .. وربعي كلهم مسافرين .. ويوم قلت بسافر معاهم الوالده منعتني مادري ليش .. واصلا حتى لو رضت ما في حجز لي .. يعني حضي نحس في نحس .. قلت : عسى ان تكرهوا شي وهو خير لكم .. يمكن ربعك هناك ما يستانسوون .. جاسم : رايحين جزر المالديف يا ساره تعرفين يعني شنو جزر المالديف .. قلت : ههههه ان شالله بتعوضها في يوم ثاني .. خالتي : لا لا شنو يوم ثاني .. مافي .. ما يرووح .. قلت : ليش ؟ خالتي : هناك كله بحر .. يروح ويغرق ولدي .. جاسم : يايمه اذا انا اغرفت عندج بدالي خالد .. بكرج ولا نشوفه .. خالتي : لا لا انا ما افرط في عيالي .. جاسم : وحد قال لج ان اللي يروحون هنااك يموتوون .. خالتي : هناك بحر .. يعني في اي لحظه بيغرقون .. جاسم : لا يمه في سلندرات هوى ورانا وفي اغراض الغوص كلها بتكون معاي .. وولدج يا يمه الي هو جاسم اللي هو انا عنده ليسن غوص .. قلت : صج والله عنك ليسن ؟ جاسم : عيل ..؟ قلت : فله ؟ جاسم : خووش شي .. تحسين انج في عالم ثااني .. شي رهيب .. انا رحت شرم الشيخ .. وجزر المالديف عن قريب ان شالله .. خالتي : ماميش .. جاسم : لا يمه ميش ميش .. ضحكت : ههههههههههههههههههه ياسلامين على اللغه .. جاسم : شاسوي في خالتج .. نور نقزت مره وحده : سااارووووه ..؟ قلت : شنووو ؟ نور : يوصلني الكلام من هاجر وما اسمعه منج ؟ قلت : شنوو ؟ شالسالفه ؟ نور : تدروون ان ساروه حامل .. ضحكت وغطيت ويهي .. حسيت بإحرااج .. امي : شنهوو ؟ نور : والله العظيم .. حتى هاجر قالت لي .. امي : صج ساره ؟ قلت : ايه يمه .. توني كنت بقول لج .. امي حضنتني وشكلها طايره من الفرحه : مبروووك حبيبتي مبرووووك .. قاموا كلهم يباركون لي وانا احس ان ويهي صار احمر .. قلت : الله يبارك فيكم .. الفال لج نورووه .. نور استحت : انتي سكتي .. اصلا زعلااانه عليج .. ليش ما جيتي ملجتي ؟ قلت وطبعا مب صج : والله كنت باجي .. بس كنت تعباانه وحتى دورت جوالي بتصل لج ما لقيته .. وشرالي راكان جوالي جديد .. نور : عاذرتج بس العرس غصب عنج بتين .. لو بتولدين تولدين في عرسي .. ضحكت : ههههههه ايه اكيد باجي .. ان شالله يعني .. شوي الا اتصل لي راكان .. قلت : عن خشمكم دقايق .. رحت برع في الحوش : هلا .. راكان : اهلين .. ها خلصتي ..؟ قلت : وين تو النااس .. راكان : انا برجع البيت انتي من بيجيبج يعني ..؟ قلت : اوكي خلاص تعال ..انا في بيت خالتي زينب .. راكان : اي وحده زينب .. وين بيتهم .. قلت : وييييه ياراكان .. انا ما ادل .. راكان : انزين عطيني خالتج اكلمها .. قلت : اوكي ثواني.. دخلت : خالتي راكان يبي يكلمج .. خالتي : ويه ويه .. ليش ؟ قلت : هههههه يبي يدل البيت .. خالتي : لا لا لا وي استحيي .. نجوى : انا انا بكلمه .. عطيني .. جاسم قام : يلا يلا مناك .. انا ريال ليش عيل .. خذ التلفون مني وطلع برع .. خالتي : ليش راكان يبي يدل البيت ..؟ قلت : لان بيجيني خالتي .. خالتي : ليش ؟؟ توهالناس .. قلت : لا لانه شكله تعبان ويبي يرتاح ويروح البيت .. خالتي : قعدي جاسم بيوصلج .. قلت : لا خالتي ما ابي اكلف عليكم .. وكاهو راكان على وصول .. نجوى : والا قوولي ما تبين تفاارقينه .. آآآه يا حظي انا .. كلهم تزوجووا وتمت نجوى .. مادري شاسوي في حظي انا .. خالتي : نجووه وويعه .. نجوى : شنو يمه .. الواحد يبي يتزوج .. نبي نكمل نص دينا بس هالريايل ما يبون .. طالعت امي ميته من الضحك .. خالتي : خله يجي جاسم والله الا اقوله .. نجوى : ويه .. قولي له .. يمكن يلاقي لي ريل .. امي : هههههههههههههه انتي شتبين في الريل الحين .. نجوى : خله يوديني يطلعني .. ابي اروح شهر العسل .. هااني مانث .. قلت : كثري منها هاني مانث .. نجوى : انا كنت حاطه العين على تركي .. بس خاني وتزوج مشاعل .. مافي الا اخو راكان .. عنده اخوان ؟ قلت : هههههه ايه عنده غيث .. عمره 27 سنه .. كبر خالد اخوج .. نجوى : لا لا ابي توأمه .. عشان يشبهه قلت : ههههه لا الثاني مو مال زوااج .. نجوى : يعني صايع ..؟ قلت : تقدرين جي تقولين .. نجوى : ايييييوه .. وهااااي اللي ابيه .. خالتي : انتي ما تاخذين الا ولد الامام اللي يأذن في المسيد الي عند بيتنا .. نجوى : لاااااااا .. ليش انا ناقصه عقد .. خالتي : انتي شفيج مب صاحيه .. شالعقد يعني ؟ نجوى : الا مافي طلعه .. ومافي صياعه .. مافي سينما ..مافي شهر عسل .. شهر عسل يمه يرضيج ما ارووح .. امي : هههههههههههه بس نجوى سكتي .. جاسم وصل .. نجوى : انتو تحسبووني اخااف منه .. جاسم دخل : تخافين من منو .. نجوى : هلا هلا بالاخو .. خالتي : اقوووووول .. نجوى : تقولين شنو ^,^ .. قلت : ها جاسم دليته .. جاسم : هااا ؟ قلت : دليته الطريج ؟ جاسم وهو يفر عينه يمين ويسار: لاء .. شهقت : عيل شتسوون من مسااع ؟ جاسم : نسولف .. قلت :لاه .. جاسم : والله نسيت ادليه .. ضحكت : ههههههههههههههههه من صجك انت .. تميتوا تسولفون .؟ جاسم : ههه ايه والله نسيت .. اتصل راكان ورد عليه جاسم .. جاسم : هلااا .. ههههههه ايه ادري .. ههههههههه اوكي اوكي .. انت الحين وين .. وطلع برع .. ربع ساعه وياني راكان .. في السياره .. راكان : ههه اما هاي ولد خالتج عجيب .. قلت : هههه ليش ؟ راكان : من مسك التلفون وهو يسولف وانا ابي اقول له وين بيتكم بس ابيه يخلص سالفته .. يوم خلص سالفته سكر .. وانا توهقت .. هههههههه قلت يمكن بيتصل .. بس ما تصل اتصلت انا .. وزين بعد هالمره دلاني ما سولف وسكر .. ضحكت : ههههههههههههههههههههه .. مسكين قاعد في البيت ما طلع .. راكان: يحليله والله يونس .. قلت : ايه يونس .. بس انت شفيك يوم اتصلت لي كأنك متضايق .. رد تضايق وتنهد : رحت المستشفى معاها وعرفت من الدكتور ان هالولد ابن راعي التحليل .. يعني ذياب عنده ولد .. نزلت راسي متضايقه : والحين شبتسوي ؟ راكان : بكلم ذياب بكره وبشوف آخرتها .. قلت : ان شالله تنحل الامور بسرعه وتفتك .. راكان : ان شالله .. ردينا البيت وراكان على طول تسبح ونام .. اما انا تميت متملله .. لان الساعه الحين 10 .. وانا مو متعوده انام في هالوقت .. شفت فلم وخلص الساعه 12 ورحت انام .. قمت على حس راكان .. فتحت عيني بالغصب : وين بتروح ؟ راكان : الدوام حبيبتي .. قلت : انزين بقوم بسوي لك فطور .. راكان : لا لا لا .. بروح مستعيل .. قلت : ياارااكان وانت كله مستعيل وبس .. راكان يلبس الغره : شاسوي حبيبتي .. ابي افتك من هالسالفه .. وان شالله برد بسرعه يلا باي حبيبتي " طرش لي بوسه " سي يووو .. ابتسمت ورديت نمت .. قمت وانا حاسه ان ظهري بينقص .. رحت الحمام وتسبحت ورجعت الصاله وتسلقيت على الكرسي .. شفت الساعه 10 .. رحت المطبخ ابي اسوي غدا .. مع ان جسمي مكسر بس بسوي مب كل يوم من برع .. تميت احوس واحوس في المطبخ .. عل وعسى ابتكر شي .. شفت عيش .. نظفته وحطيته على الجدر وشفت ربيان ( جنبري ) في الثلاجه .. ومع الساعه 12 طلع معاي مجبوس ربيان فاتح مادري شلون .. المهم .. خذته وحطيته تحت في الفرن لين ما راكان يوصل .. رحت الصاله شوي ريحت الا راكان وصل .. راكان تنهد : السلام عليكم .. قلت : اهلين وعليكم السلام .. راكان :توج قايمه ؟ قلت :لا من مساعه .. الا انت ليش تأخرت .. قلت ما راح تتأخر .. راكان : شاسوي حاولت انهي الموضوع بسرعه .. قلت : شسويت ؟ راكان : ياليتني ما رحت له .. قلت : ليش ؟ راكان : مع ان الاثباتات عندي بس ينكر .. قلت : شلون ينكر ؟ راكان : انا جبته معاي المكتب بالغصب .. وصدمته برولا .. قلت : من رولا ..؟ راكان : رولا هاي المره الي لعب معاها وياب الولد شفيج .. قلت : ايه انزين ..؟ راكان : انا حسيته ان يوم شاف الولد توهق وماعرف شيسوي .. بس بعد نكر .. قال ان هالبنت ما يعرفها ولا مره شافها .. ويوم هي طلعت له رقمه من جوالها .. قال ان انا اللي عطيتها اياه عشان احبسه وقام يقول كلام ماله معنى .. وطالعني بنظرات وطلع .. انا احس ان هالقضيه بتفرق مابيني وبينه .. على قد ما احاول طول عمري من وانا صغير ان احنا نكون دوم مع بعض مثل أي توأم .. او اخواان .. بس هو دايماً اللي يبتعد .. انا ما اعرف شاسوي .. قلت : بتصير قضيه ..؟ راكان : اذا تم جي مناحس ومعاند حتى نفسه ومايبي يعترف .. بتصير قضيه .. قلت : انزين واذا اعترف .. شراح تسوي .. راكان : يتزوجها .. قلت : شنووو ؟؟ يتزوجها ؟؟ راكان : ايه .. عشان يغطي عيوبه .. وهذا الولد بعد ولدنا .. وله الحق في كل شي .. قلت : وشراح تسوي ؟ راكان : لا تسأليني هالسؤال .. انا ما أحبه .. لاني ما اعرف شاسوي .. قلت : انت كلمه اليوم في البيت بالطيب .. واذا ما نفع معاه قول له ان السالفته بتكبر وبتتحول قضيه .. وانت مافي حل جدامك الا انك تدافع عن رولا .. لان هاي امر انت مكلف بتأديته .. راكان : ادري بس انتي تتوقعين بيوافق .. قلت : والله مادري عن اخوك .. بس انت حاول معاه وقول له ان مافي جدامك غير جي .. راكان تنهد : الله يستر .. قلت : يلا من قدك .. سويت لك غداا بنفسي .. قام راكان : مالي نفس .. نزلت راسي : بس انا تعبت وانا اسويه .. التفت علي وابتسم : ما اخلي تعبج يروح .. باكل وامري لله .. ابتسمت وطرت المطبخ وحطيت الغدا وتمينا نتغدى ونتكلم في مواضيع كثيره .. وبعد الغدا راح راكان ينام وانا نمت في الصاله .. وعيت على صراخ .. فتحت عيني شفت التلفزيون مفتح وراكان مندمج في الاخبار .. قلت : تشوفني ناايمه ليش ما تقصر على الصوت .. راكان : عشان انتي نايمه انا خليت الصوت عالي .. قعدت وتربعت : شهالنحاسه ؟ راكان : تمللت بروحي .. صار لي نص ساعه من قمت وانتي للحين نايمه .. مادري من اللي راح الشغل انا والا انتي .. قلت : ايه وانا حامل لازم ارتاح ..ومادري من مسوي الغدا انا والا انت ؟ راكان : ايه في هاي صدقتي .. بعد اليوم سويتي غدا وبذلتي مجهود .. لازم ترتاحين .. قلت : ايه صح ما قلت لي شرايك في اكلي ..؟ راكان : اممم .. كأنه ماصخ شوي .. قلت : لا اصلا هالاكل صحي .. حتى ما حطيت بهارات وايد .. احسن .. راكان : ايه يعني ماله طعم .. والربيان يابس .. وايد طابخته .. قلت اعاتبه : رااااكاااااااان .. احمد ربك اني سويت لك غدا. . راكان يمثل الزعل : اصلا انا قلت لج مب مشتهي .. بس انتي سويتي روحج زعلانه وجان تكسرين خاطري وكلت غصبن عني .. تخصرت : لا والله .. راكان : هههههههههه لا اتغشمر .. اكلج حلو .. بس المره اليايه تعلمي من امج شوي وطبخي .. ترى يطلع منج شي .. قلت : اصلا يطلع مني اشياء بس انت ما تعرف تقدر مواهبي .. راكان قام : هههههه .. انا ببدل وبطلع .. تبين شي .. قلت : وين بتروح ؟ راكان : بروح بيت ابوي .. بكلم ذياب وبسلم على ابوي بعد .. قلت : بجي معاااك .. راكان : لا انتي تمي هنيه .. ماراح اطول .. قلت : اوووف .. انزين روح الله يحفظك .. راح الغرفه وانا رحت غسلت ويهي وتوضيت وصليت العصر .. وتميت ارتب الغرفه وبخرتها وبخرت راكان .. وطلع وانا تميت ارتب البيت وابخره من الملل .. وعقب رحت الغرفه شفت لابتوب راكان .. فتحته ودخلت على مواقع القصص وحطيت لي قصه وتميت اقرى .. وانا في نص القصه رن تلفوني .. رديت : هلا هجوور .. هاجر : اهلين .. شخبااركم ؟ قلت : الحمدلله بخير .. انتي اخبارج ؟ هاجر : الحمدلله تماااام .. بس متملله شوي .. قلت : والله انا نفسج .. متملله وخاصه بعد ان اليوم شكلي مب طالعه .. هاجر : عيل مافي الا اجي بيتج واونسج .. قلت : ايه ايه تعاالي والله .. هاجر : مافي داعي تحلفين .. دقايق اقوم عبود من الرقاد واخليه يوصلني ببجامته .. قلت : ههههه حرام عليج .. هاجر : لا مب حراام .. امس مخليني في البيت وهو برع لين نص الليل .. اليوم خلني اهلكه شوي .. قلت : يلا تعالي زين .. انتظرج .. هاجر : دقايق اقول لج .. وسكرنا وانا رحت لبست جلابيه كشخه .. وفتحت شعري وسويت نسكافيه في دله .. الا رن الجرس .. خفت اني اروح افتح الباب .. رحت عند الباب .. [/CENTER] |
الج 27 زء والاخير .. قلت : منو ؟ هاجر : فتحي خلصيني .. صار لي واقفه سااعه .. خلصيني انا حامل .. قلت : هههههههههه انزين بفتح لج .. بس شدخل حامل .. فتحت لها الباب .. سلمت علي .. هاجر : يلا دخليني .. انا حرانه .. قلت : تعالي زين .. وترى انتي طلباتج وايد زايده .. هاجر : كيفي حامل .. ضحكت : هههههههه شفيج مب مصدقه ..؟ هاجر : ايه اول مره احمل .. قلت : اووه ؟ صج .؟ هاجر : ايه .. قعدت هي وحطت ريل على ريل : قعدي قعدي يلا .. قلت : هجور انتي صاير اسلوووبج خاايس .. الله يعين عبود عليج .. هاجر : مب هو ابو اللي في بطني .. يستحمل .. قلت : بس الريال له طاقه .. هاجر : والله شاسوي .. انا بعد كارهه روحي .. الحمل جي يسوووي ... قلت : الحمدلله انا مافي هالسوالف .. هاجر : لاحقه .. قلت : يلا ما علينا من هالسوالف .. انتي اخبارج شمسويه ..؟ وتمينا نسولف لين الساعه 8 ونص ودخل علينا راكان .. راكان : السلااام عليكم .. اوه السااحره هنيه ؟ هاجر : من تقصد زوجتك ..؟ راكان : ههههه لا زوجتي فديت روحها منورته .. هاجر تخصرت : يعني انا ؟ راكان : اللي على راسه بطحه .. يتحسسها .. هاجر : لا انت تقصدني .. مافي غيري مرتز هنيه .. بس انا اوريك .. راكان وهو رايح الغرفه يضحك .. ضحكت : هههههههههههههههه شفيج حبيبتي .. ما يقصد ؟ هاجر : ايه انتي شعليج انتي ماجاج شي .. عيل انا سااحره ؟ بس اوريه .. ضحكت : هههههه .. هاجر : مب معشيتني ؟؟ قلت : امبلا .. تبين نسوي عشا والا نطلب ؟ هاجر : لا مابي اكل مطاعم .. ابي اكل بيت .. قلت : يلا امشي عيل .. هاجر : لازم اسوي معااج ..؟ قلت : ايه حبيبتي .. مثل ما نتي حامل انا حامل .. هاجر : لا والله .. شدخل زين .. التفت الا لقيت راكان ميت من الضحك : ههههههههههه والله مب صاحيين .. هاجر : اسكت انت .. حتى ولا سلمت علي .. راح لها راكان وضمها : فديت اختي .. هاجر: قوم قوم .. قوم عني .. راكان : حمدي ربج انتي اني عطيتج ويه .. هاجر : يلا هناك .. روح سولي عشا .. راكان : نعم ؟ هاجر : ايه انا متنسيه مكرونه بالبشميل من يدك .. راكان : خير ؟ هاجر : تصرف .. والا بيطلع في ولد اختك شامه شكبرها على ويهه .. على شكل صحن مكرونه .. يلا قووم .. راكان حط ريل على ريل : مابي .. خل يطلع فيه .. ولدي والا ولدج ؟ هاجر : اوووووووووووووووف .. راكان لا تينني .. ضحكت : هههههههههههههههه راكان حرام عليك .. قوم سو لها المكرونه عشان خاطري .. انا بعد متنسيه فيك وانت تطبخ .. راكان : ومااااحلاااالكم التنسي الا فيني ؟؟ قلت : عشان ما يطلع في ولدك شويمه تشوهه .. راكان : شووويمه عاد ؟؟ " تنهد وقام " برووح وبسوي بعد شااسوي .,.؟ هاي كله عشان ما يطلع في ولدي شويمه تشوهه .. وطالع هاجر .. وانا تميت اضحك .. هاجر : وييييييي مالت على ولدك .. الا يقول بيطلع ابيض واشقر وعيونه زرق ودبدووب .. اقصها عظمه سووده .. والا هالاشكاال شبتجيب يعني ؟؟ قعد على الكرسي وانا امسك بطني من الضحك على تعليق هاجر ونظره راكان المستغرب راكان : الحين ولدي عظمه سوووووده ؟ هاجر : ايه عيل شنو تتوقع يصير ... راكان : بشوووف شنو بيطلع ولدج وولد عبوود .. " التفت علي راكان " وانتي تضحكين وهي تعيب على ولدج ..؟ قلت : ههههههههههههههههه شاسوي اذا ريلي واخته يهاال .. قومو يلا روحو المطبخ .. راكان : برووح امري لله .. اخر زمن .. حمّل يتشرطوون على محااامي .. على طااااري المحااامي .. شسوووى راكان بسالفه ذيااب .. ؟ اشوفه مستااانس ان شالله خير يارب .. دخلت المطبخ شفت هاجر قاعده على طاوله الطعام وهي تقرى مجله و راكان لابس المريله ويحوس في كبت الجدور .. قلت : شتسوي ؟ راكان : ادور الجدر اللي بطبخ فيه المكرونه .. هاجر وهي مندمجه في المجله : انا قلت ابي مكرونه بالبشمل .. راكان : ان شالله مداام هاجر .. اي اوامر ثانيه ؟ هاجر : امم .. ساروه سوي لي عصير رماان .. شهقت : وشلون يسووونه ؟ هاجر : قصي الرمانه نصين وعصيريها بمعصاره البرتقال .. وبيصير لج عصير رماان يلا .. راكان يتطنز: حبيبتي استحمليها عشااني .. هاجر : ليش ان شالله انا شفيني ؟ راكان : انتي اووش خلينا نشتغل .. هاجر : عيل انا سااحره هااا .. راكان : يعني انتي تردينها لي ؟ هاجر : انت ما قلت تبي تشتغل.. يلا اشتغل وانت ساكت ,., تمينا انا وراكان نشتغل ونسوي العشا .. وهاجر شوي بس قامت تجيب الخضره وتقطعهم .. خلصنا على الساعه 10 واكلنا وراحت هاجر الساعه 11 ونص .. راكان حاط يده على ظهره : والله تعبت وانا اطبخ .. جي انتو تتعبون ..؟ قلت : ايه والله تعبت .. راكان : بجيب لج خدامات يساعدونج .. مب زين تشتغلين بروحج .. قلت : المهم .. شسويت مع ذيااب ؟ راكان : للحين .. مناحس ومب راضي يعترف بالولد .. نزلت راسي : انزين شناوي تسوي ؟ راكان تنهد : بسوي شغلي .. بدافع عن موكلتي .. قلت : ضد اخوووك ؟ راكان نزل راسه : يعني شاسوي اذا اخوي مأذني بنات العالم .. قلت : بس حاول معاه .. مب على طول تنرفع القضيه ... راكان : انا فهمته بكل شي ممكن يصير في المحكمه وشنو ممكن يكون عقابه .. بس هو مطنش .. خلني بشوف يطنش لين متى .. نزلت راسي : بس حرااام .. راكان طالعني : كااسر خاطرج ؟ قلت : مب هو كااسر خاطر .. علاقتكم ببعض هي اللي كاسره خاطري .. اخو يوقف في المحكمه ضد اخووه .. هااي اللي ما يصير .. راكان : خليها على الله .. جي الدنيا .. تنهدت .. ورن جوال راكان .. راكان : شتبي امي متصله احين اوف .. قلت : رد يمكن تبي شي ضروري .. راكان رد : هلا يمه .. شسويت ؟ ... انا مشتكي ضده ..؟ لا انتي ما فهمتي السالفه عدل ... شلون ما تبين تفهمينها صح بعد ... يمه ساااره مالها خص .. ليش كله تبين تدليها في المشااكل .. " تم ساكت فتره بس يسمع " .. شوووفي يماااه .. بكره انا باجي وبقوول لج كل السالفه ... شنووووو ؟ ما تبيني اطب البيت .؟. اذا ابوي طلع من البيت سااعتها تحكمي فيه .. وسكر وراح الغرفه على طول .. وانا تميت مكاني xxxxxه .. ما اعرف شاسوي الحين .. رحت الغرفه ما لقيته .. اكيد دخل الحمام .. فتحت تلفزيون الغرفه تميت اطالعه بصووت وااطي .. طلع من الحمام .. قلت : تسبحت ؟ راكان تنهد : ايه .. قلت : شفيك متضايق ..؟ راكان : يعني انتي ما تعرفين شفيني ..! قلت : امبلا بس لا تاخذ على كلام امك الحين .. هي معصبه وماتعرف شنو تقول .. راكان : لا تعرف .. امي اللي تعرف عدل هي شتقول .. وتحسب الف حساب على الكلام اللي بتقوله قبل لا تقوله .. قلت : مهما تكون .. هذي امك .. راكان : هذي مب ام اصلا .. شهقت : لا راكان لا تقول جي .. الجنه تحت اقدامها .. راكان : اذا شمت ريحه الجنه هاي .. قلت اعاتبه : راااااكاااااان .. استغفر ربك .. لا تقوول جي .. راكان حط يده على ويهه : استغفر الله استغفر الله .. اعوووذ بالله من ابليس .. فتح البلكونه وطلع .. رحت عنده وحطيت يدي على كتفه ولفحنا الهوى .. قلت : ادخل داخل .. بتمرض توك متسبح .. تم ساكت .. مسكت يده ودخلته .. وابتسم لي .. ورحنا ننام .. قمت الساعه 9 .. شفت راكان نايم .. صحيته على طول .. راكان بكسل : شنووو ؟ سحبت عنه الفراش : قووم الساعه 9 مارحت الدوام .. راكان تلحف : ادري .. قلت : زين قوووم .. تاخرت .. راكان : مابي ارووح .. وقفت على الفراش وسحبت عنه الفراش وطيحته على الارض : قووم بسرعه .. راكان ابتسم : شفيج مابي اروح .. قلت : بترووح .. راكان : ليش ؟ قلت : عشان تفتك من قضيه ذياب .. راكان : اوووووف .. زين قايم الحين .. قام وراح الحمام ولبس وراح الدوام بدون فطور .. رجع الساعه 2 .. وقال حددوا الجلسه .. كان ودي تنحل القضيه بشكل ودي .. بس ذياب راسه يابس ويبي يوهق رووحه .. شفت راكان يدور .. قلت : شنو تدور .؟ راكان : جوالي .. قلت : كاهو على الشاحن .. خذاه واتصل .. راكان : ما يرد بعد .. قلت : منو ؟ راكان : ذياب .. قلت : ليش ؟ راكان : ابي اقول له متى تحددت الجلسه .. بلعت ريجي .. راكان اتصل : الوو .. مابي منك شي .. بس بغيت اقول لك ان الجلسه قربت .. روح كلم ام ولدك عشان تتنازل عن القضيه .. كيفك .. راكان : سكر في ويهي الحقير .. قلت : معليش معصب .. راكان : انا امووت واعرف ليش تدافعين عنهم هالكثر .. نزلت راسي وعقب قمت : ماالي شغل فيكم خلاااص .. لو تتذابحون انا مالي دخل فيكم .. هذا يزاي الحين .. ورحت الغرفه .. كنت بصيح بس مسكت روحي .. المسأله ما تستاهل .. وتميت اطالع المطر اللي ينزل على الدريشه .. وحسيب بيد على كتفي .. سويت عمري زعلانه .. راكان : انا آسف .. لا تاخذين على كلام واحد معصب .. نفس ما انا .. ما تكلمت .. راكان : زعلانه .؟ فكرت .. بروحه الي فيه كافيه بعد ازيده .. التفت عليه وابتسمت .. قلت : محد يقدر يزعل من رووحه .. راكان ابتسم : فديت روووحج انا .. ابتسمت له .. راكان : مافي غدا ؟ هزيت راسي ب لا .. راكان : ليش ؟ قلت : بنتغدى عند امي .. راكان : اوكي .. بتسبح دقايق وبشوفج جاهزه .. طلعت لي لبس ولبست وبعد نص ساعه رحنا بيت ابوي وتغدينا .. مرت الايام وجا يوم الجلسه .. راكان كانت نفسيته تحت الصفر وما كان ياكل عدل .. وكلامه معاي صاير مختصر .. بس انا عاذرته مهما يسوي .. ذياب دخله في مشاكل مالها نهايه .. راكان الحين برع .. اكيد في المحكمه .. ياربي شيسوي ..؟ شنو شعوره الحين .. وذياب شناوي عليه .. هاي افكااره خايسه ونواياه خبيثه .. ياارب استر ياارب .. تميت انتظر لين ما غابت الشمس .. حطيت راسي على يد الكرسي وغطيت شوي .. وعيت على صوت الباب ..فزيت على طول ورحت عند راكان .. قلت : شسويييييييييييييييييت ؟؟ راكان كان ويهه حزين .. قلت : ما نجحت ؟ ابتسم وحضني وشلني : بااااااركييييييييلي سااروه بااركيللللللللي .. تميت اضحك وانا ما ادري شالسالفه .. قلت : خير ؟ نزلني : الحمدلله ذياب اعترف والمره تنازلت .. قلت: صج ؟ راكان : ايه صج .. وذياب الحين بيتزوجها رسمي .. قلت : شنوو ؟ راكان : انا مثلج مو مصدق .. مو مصدق كلش .. قلت : الحمدلله الحمدلله .. الحمدلله انها جات منه .. حتى لو آخر لحظه .. راكان : الحمدلله .. قلت : شكان شعوره ؟ راكان : مادري .. شكله حزين .. ومهزوم .. مادري شنو شعوره بالظبط .. قلت : وامك ؟ راكان : ما شفتها .. قلت : روح لها راكان مب زينه القطاعه .. راكان : ماني محتاجها في شي .. خلها في حالها وانا في حالي .. نزلت راسي : بس هاي امك .. راكان : ساره حبيبتي .. لا تخربين فرحتي .. ويلا قومي لبسي بنطلع .. قلت : وين ؟ راكان : الشاليهااات .. بنتم يوم وبنرجع .. قلت : الله ونااسه .. بروح اجهز شنطتي .. راكان : ونادي الخدم يساعدونج .. لا تشيلين اشياء ثقيله .. قلت : انت قعدت مع امي ؟ راكان : لا ليش ؟ قلت : الكلام اللي تقوله لي امي نفسه انت تقوله .. راكان ابتسم : عشان تعرفين ان احنا نخاف عليج .. يلا روحي جهزي .. رحت وجهزت كل شي .. وشلوا الخدامات الشناط وودوهم الصاله وانا تميت اتعدل .. حطيت لي بودره خفيفه وكحل وماسكاره .. خذت شنطة يدي وطلعت .. وفي الطريج اهداني راكان اغنيه وحطها عشان اسمعها .. والله احبك .. احبك ويشهد الله علي .. لما اشوفك .. ابتسم .. صدقني ماهو بيدي .. لا حاسد يقدر يبعدنا .. هذا انت لو شوي .. يالله احفظ حبي لي .. يالله ربي ياقوي .. مافي غيره سكن روحي حبيبي وانا احبه .. لوقالوا تمنى اتمنى عمري قربه .. يعشقني يعشقني يعشقني من قلبه وقال انا ادري يحبني بس شوي اغتلى عليه .. وغلاتي وغلاتي وغلاتي ياعمري تعال لو يطلب عمري كله والله عمري بين ايديه .. يفهمني يفهمني يفهمني وانا بيدي دواه هذا اللي احبه احبه ومن قلبي ابيه حبيبي حبيبي حبيبي وكل عمري معاه لو كل العواذل تفرق ما تقدر عليه احبك .. ابتسمت له وكملنا طريجنا .. مرت 3 شهوور واحنا في حاله استقرار ولله الحمد .. وفي بيت امي .. امي : الا ساروه انتي في اي شهر ؟ قلت : في الشهر الراابع يمه .. ما تحسبين لي ..؟ امي : امبلا بس ما اشوف لج بطن نفس العالم .. غايوه : يماه تو الناس على البطن .. في الخامس ويطلع صغنون بعد .. امي : ايه حسبالي بعد تقصين علينا طول هالفتره .. ضحكت : هههههههههه شدعوه يمه مب غشمره هاي اذا بتطول هالكثر .. غايوه : بعد ما يصير تكون كذابه .. عمري ما شفت وحده تتنسى كثرها .. يمه انا تنسيت ؟ امي : لا بس سألتيني متى موسم البطيخ .. والحمدلله ان في موسمه .. وانا قلت اكيد ماجد ياب لج .. غايوه : هههههههههه ايه صح .. كنت اتنسى في بطيخ .. قلت : ههههه انا اهون .. اتنسى في زيتوون .. غايوه : ايه والله .. لو البطيخ مو في موسمه جان طلعت بطيخه في ويه ولدي .. ضحكت : ههههههههه الا وينه ..؟ غايوه : نايم عند مشاعل .. قلت : فديييييييته .. الا مشاعل ليش ما نزلت ..؟ امي: يختي تعباانه من امس .. ويها ذابل وحالتها حاله .. كنت بقول حق تركي يوديها المستشفى بس خفت يخاف عليها .. سكت .. غايوه : لازم يمه هي في شهورها الاخيره .. قلت : مب اللي في الشهور الاخيره لازم يمشون وايد ؟ غايوه : ايه بس مشاعل تعبانه اصلا من اول ما حملت .. يمكن مب زين لها المشي .. قلت : الله يهون عليها ويعينها .. شوي الا ينفتح باب الصاله وكان تركي وياي بسرعه حتى ما سلم وراح فوق يركض .. خفت ووقفت .. قلت : شفيه ؟ شصااااير ؟ امي حطت يدها على قلبها : ويه ؟ مشاعل اكيد فيها شي .. وراحت غايوه تركض معاه وكنت بركض وراها وامي مسكتني .. تركي يصاارخ : يمااااااااااااااااه .. طلبي الاسعااف بسررعه .. صحت : ليش ..؟ شفيها مشاعل .. رحت فوق بسرعه .. لقيت مشاعل تصارخ وتصيح .. وشكلها كان يعور القلب .. ضعيفه ومافيها الا بطنها .. وغايوه ماسكتها من يدها تخفف عليها .. قلت : ما تشووفين شر ما تشوفين شر ان شالله .. مشاعل تصرخ : ابي امي .. ابي اميييييي .. تركي حذف علي الجوال : اتصلي بأمها بسرعه وقولي لها ان مشاعل في المستشفى . خذت الجوال وتميت ادور في الاسماء .. لقيت اسم (ام مشاعل ) .. اتصلت لها على طول وطلعت من الغرفه .. ردت : الوو ؟ قلت : هلا خالتي .. شخباارج ؟ ردت : بخير .. بس من ؟ قلت : انا ساره اخت تركي .. قالت : هلاهلا ساره .. شخبارج حبيبتي ..؟ شلونج وشلون امج ؟ قلت : الحمدلله كلناه بخير.. خالتي . قالت : هلا .. قلت : خالتي مشاعل شكلها بتولد .. وهي الحين بنوديها المستشفى .. قالت : في المستشفى ؟ هي في الشهر الثامن الحين .. شلون تولد ..؟ قلت : مادري خالتي . هي تعبت وبنوديها المستشفى .. ما سمعت ردها .. سكرت وانا رحت اساعد مشاعل وسمعت صوت الاسعاف .. خذوها وانا رحت وغايوه وامي مع تركي .. وكان تركي يسوق بسرعه جنونيه .. انا كنت خايفه وادعي طول الطريج .. وصلنا المستشفى واتصلت حق راكان وقلت له ان انا في المستشفى مع مشاعل .. وقال ان هو بيجي .. دخلوها غرفه العمليات بسرعه واحنا تمينا ننتظر برع .. الكل خايف .. طلع الدكتور .. تركي : خير دكتوور ؟ شفيها ؟ الدكتور : لااازم وبسرعه تولد .. تركي : بس هي في الشهر الثامن .. الدكتور : لسلامتها وسلامتك ابنك .. قلت : اوكي اوكي .. طمني عليها دكتوور ارجووك .. الدكتور يظربه على كتفه : ماتخاف .. وخل ايمانك بالله قوي .. ودخل الدكتور واحنا تمينا برع بحاله لا تسر عدو ولا رفيج .. تمينا ننتظر فتره طويله .. وتركي ما قعد.. وشكله متوتر وحالته عصيبه .. جا راكان وتم يهديه ويهديني .. انا شوي اصيح واسكت .. بعد وقت طويييل .. طلع الدكتور .. تركي راح له على طول : خير دكتور بشر .. الدكتور مبتسم : مبروك جاك ولد .. بس راح يكون في الحضانه لين ما نتأكد من صحتو .. تركي: ومشاعل شخبارها ؟ الدكتور: والله مشاعل تعبانه شوي .. وهذا تأثير العمليه .. وان شالله راح تكون بحاله مستقره بعد 24 ساعه .. تركي : اقدر اشوفها .؟ الدكتور : هي الحين في غرفه النقاهه .. وراح لها تركي واحنا استانسنا وتمينا نحضن بعض من زود الفرحه .. وقال تركي ان بيسمي ولده راشد .. رجعنا البيت بعد ما تطمنا على مشاعل .. ومرت الايام .. والشهور .. وانا الحين في الشهر التاسع .. وراكان مستانس على بطني .. كل ما اكون قاعده ايجي ويمسك بطني .. ولا بعد يوم البيبي يتحرك .. يستاااانس .. رن تلفون البيت ورفعت الساعه .. رديت : الووو .. خالي : الوووووووووه ساااااروووووووووه .. قلت : هلا خااااااالي .. خالي : بااركيلي يااني ولد .. قلت : صج ؟؟ لطوووف ولدت ؟ خالي : ايه ايه .. تبين تلكمينها ..؟ قلت: ليش هي متى ولدت ؟ خالي : اليوم الفجر .. شهقت : وليش ما قلت لي ؟ خالي : فرقت يعني الفجر عن العصر .. يلا تبين تلكمينها والا .؟ قلت : ايه ايه .. عطني اياها .. لطوف بتعب : الووه .. قلت : هلااااااا بالخاينه .. لطوف : ههههههه حرام عليج لا تضحكيني .. قلت : ليش تولدين قبلي ..؟ لطوف : بعد شاسوي ..؟ قلت : فدييتج والله .. مبرووك ما جااج .. لطوف : الله يبارك فيج .. سمعت خالي يقول : انا ولااااا تبااارك لي هالخاايسه .. لطوف : سمعتيه ؟ ضحكت : ههههههههههه والله شاسوي من المفاجأه .. لطوف : انتي متى بتولدين ؟ قلت : مادري بس عندي موعد بعد اسبوع .. يعني خلال هالايام .. الله يستر .. لطوف : الولاده عذاااب يا سااروه .. الله لا يرااويج .. قلت بخوف : امبلا بيراويني بعد كم يوم .. لا تقوولين .. لطوف : والله .. انا ما تخيلتها جي .. تخيلتها شوي اخف .. بس صدقيني كل الالم يرووح لما تشوفين ولدج .. فديت خشمه .. قلت : شفتيه ؟ لطوف : ايه عطوني اياه .. قلت : من يشبه ؟ لطوف : يختي ما يبين فيه شي .. نتفه .. مافي الا خشمه علي .. هااي اللي لاحظته .. قلت : زين انتي خشمج حلو .. زين ما طلع على ابوه .. لطوف : ههههههههههههه اقول له .. قلت : لا لا خلاص آسفه .. الا شنو بتسموونه ؟ لطوف : مشاري يقول فيصل على ابوه .. قلت : اهااا .. حلو فيصل .. لطوف : الا هاجر شخبارها ؟ قلت : والله مادري .. امس كلمتها كأنها شوي تعبانه .. لطوف : عيل قريب تربي .. قلت : لا ان شالله اربي قبلها .. لطوف : ليش يعني ؟ قلت : يختي اخاااف اتم في الاخير .. لطوف : هههههههههه عادي انزين .. في الاول والا الاخير .. الولاده ما بتتغير .. قلت :بعد .. شفت راكان ماسك جواله ويدور وهو مبتسم : اوه عيل ما بقت الا ساره .. هههههههه .. قلت : لطوف لحظه شوي .. قلت حق راكان : شنوو اللي ما بقى غيري .. راكان : هههههههه هاجر ولدت .. قلت بخوف : هاااااااااااااا ؟ راكان مات من الضحك : هههههههههههههههههههههه .. قلت : الحمدلله .. شنو يابت ؟ راكان : ولد .. قلت : كلهم ولد .. راكان : البكر احسن شي ولد .. قلت : استغفر الله .. اللي ايجي من الله حلو .. راكان : ايه يجنن بعد .. كملت مكالمتي مع لطوف .. لطوف : شفيج ؟ قلت : هاجر يابت ولد .. لطوف : صج .. ههههههههههههههههه مبرووووووووك ؟ قلت : الله يبارك فيج .. يختي لطوف خاايفه .. لطوف : لا تخافين حبيبتي .. ان شالله الله يهون عليج .. قلت : يلا باي الحين بلبس وباجيج وبروح حق هاجر .. لطوف : اوكي .. قلت : باي .. سكرت وخذت لهم الهديه اللي مجهزتها لهم .. ووديتها لهم وقعد شوي عند لطوف وعقب عند هاجر .. هاجر: انا ما حسيت بالالم تدرين ليش ؟ قلت : ليش؟ هاجر : لان عبود فديته كان معااي .. صج هو طول الوقت كان مغمض عيونه ومساد اذنه بيده عن صرااخي .. بس شعور حلو .. ضحكت : هههههههههه ارجوج هجور لا تضحكيني وانا خايفه .. هاجر : ترى والله من صجي .. خلي راكان يدخل معاج .. طالعت راكان .. شفت يلف عينيه يمين ويسار .. ضحكت على شكله .. راكان : لا انا ما احب الاكشن .. انا بترقب المولود من بعيد .. قلت : لا بتدخل معااي .. راكان : وقتها يصير خير .. هاجر : لا انتي شكله هالولد بيخيس في بطنج .. قلت : لا مب خايس .. انا توني داخله التاسع .. يعني باقي له كم اسبوع .. هاجر : الله يهون عليج .. قلت : آآمين .. تميت عندها شوي ورحت البيت .. مرت 4 أيام وانا احااتي .. اخاااف من الولاده .. تميت قااعده الفجر وراكان نايم .. كان ظهري يعورني .. وانا مافيني نوم .. تميت اطالع التلفزيون فلم مصري .. حسيت بألم في ظهري .. قمت بروح انام وزااد الالم .. تميت واقفه مكاني لين ما يخف .. بس كل شوي يزيد .. وبطني عورني .. قعدت على الكرسي وصحت .. آآآه ياابطني .. احسه بيتقطع .. .. صرخت : راااااااااكاااااااااااااا اااان .. راااكااان قوووووووم .. رحت صوب السرير وانا امسك ظهري : راكاااان قووم حراااام عليك .. قووم الله يخليك .. راكان يتقلب : مب رايح الدوااام .. عندي اجاازه .. قلت : قوووووووووم ودني المستشفى حراااااااااام عليك .. راكان قام بسرعه : شنو ؟ قلت : قوم الله يخليك .. راكان راح الحمام غسل ويهه وانا رحت اخذ عباتي بسرعه ولبست الشيله .. حط راكان يده ورى ظهري وبيده الثانيه مسك يدي .. وركبنا السياره على طول ورحنا المستشفى وانا طول الطريج اصرخ واصيح .. وراكان يحاول يسكتني بس مافي امل .. خذوني بكرسي وعلى طول دخلوني غرفه العمليات وانا اصيح واقول لهم ابي امي .. دخل معاي راكان يهديني .. ولدت وجبت بنت .. بس صدقت لطوف .. شوفه البيبي تنسيج الم الولاده .. اول ما جابوا لي بنتي حضنتها وتميت اصيح .. راكان خاف علي وشل البنت وتم يهديني .. كنت ابي راكان يسميها نهله على امه .. بس هو قال يبي يسميها منيره على جدته ام امه .. وانا اقتنعت .. وانا قاعده كنت ارضع منيره .. طقوا الباب .. لبست شيلتي .. قلت : الباب مفتوح .. دخلت عمتي وتفاجأت انها ياتني .. ابتسمت لها وابتسمت لي .. ويات وراها اريج واللي ما توقعتها ابدا ابدا رولا زوجه ذياب .. تميت اضحك من زود فرحتي .. سلمت علي عمتي وحضنتها وتميت اصيح .. عمتي : فديتج .. مبروووووك عليج منيره .. قلت وانا امسح دموعي : الله يبارك فيج .. عمتي : الا وين راكان .؟ قلت : توه طلع وقال ماراح يتأخر .. سلمت علي اريج ورولا .. شوي الا راكان دخل .. وكأنه تفاجأ من وجود امه واخته ورولا هنيه .. راكان : السسسسلام عليكم .. عمتي ابتسمت : وعليكم السلام .. راكان طالعها وكأنه مستغرب .. ويطالعني .. ابتسمت له .. طالع امه وسرح شوي .. وابتسم لها .. وراح لها وضمها وهي صاحت .. وانا صحت معاهم .. واريج كانت متأثره .. عمتي : من زماااااااااااااان ما حضنتك يا ولدي .. من زمااااااان .. رولا ابتسمت وقالت : عمتي نسيت اقول لج شي .. عمتي : خير ؟ رولا ابتسمت ونزلت راسها : انا حامل .. عمتي ضمتها : مبروووووووووووووووك حبيبتي مبروووك .. الحمدلله انكم تراضيتو .. الحمدلله .. انا مالي غيركم يا عيالي .. محد بينفعني غيركم والله .. ابتسم راكان وطالعني .. ويات الممرضه وعطتني منيره ويا راكان صوبي وقعد معاي على السرير.. وتمت عمتي تطالعها وعيونها تدمع .. طلعت الممرضه ودلخوا بدالها امي وابوي وغايوه خالتي وبنات خالتي .. كل الاهل تجمعوا حولي وباركولي ببنتي .. تركي ومشاعل عاشو حياه مستقره مع راشد ولدهم .. اللي صار كووبي من ابوي .. ومافكروا يجيبون غيره لسلامه مشاعل .. ولطوف وخالي مستانسين بحياتهم .. وفيصل طلع شيطاني نفس خالي .. بس كان جباان وايد .. وطلع يشبه لطوووف نسخه .. هاجر وعبود كل سنه يبون بيبي .. استانسو على اليهال .. اريج انخطبت من خالد رفيج راكان .. وخالد كان مطلق زوجته بعد وماعنده منها عيال .. ورايج وافقت والعرس قريب .. ونور عرسها امس يحليها .. كانت طالعه تجنن وزوجها يناسبها .. وحياتهم حلوه ومستقره .. نجوى انخطبت من رفيج جاسم .. وهو اهبل نفسها .. وطلعوا لايقين على بعض .. والي كانت تبغيه بيصير .. بيوديها شهر العسل :d اما انا وراكان حيااتنا حلوه .. راكان دلعني وخلاني اتعلق فيه بشكل مو طبيعي .. لدرجه انه هو يوحشني وهو جنبي .. احبه واحبه واحبه .. هذي الحياه .. فيها دروس تعلمنا الصح من الخطأ .. ولو ان دروسها قويه .. بس الدنيا جي .. اللي يبي يعيش في الدنيا .. لازم ياخذ من دروسها .. وانا احمد ربي كل يوم وكل وقت .. ان عطاني هالزوج الصالح اللي يحبني ويخاف علي اكثر من نفسي .. وان عطاني هالبنت اللي زادت حياتنا حلاه .. وهنيه اقدر اقوووول .. ""::""النهاااااااااااااااااا اااااااااااااااااا ااا ااااااااااااااااايه ""::"" |
شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية . |
شكرا كتير علي الرواية عدم الاهتمام والقسوة تولد الضياع بس مفترض قراءتها للقرآن تقربها أكتر من ربها وتعرفها الصح والغلط وين الله يعطيك العافية |
الرواية حلوه وبتفتح النفس وبعيش القارئ معك بهدوء ما بعرف شو اقول غير يسلمو اناملك |
thnxxxxxxxxxxxxxxxxxxxxxxxxxxxxxxxxxxxxxxxxxxxxxxx xxxxxxx |
موفق بإذن الله ... لك مني أجمل تحية . |
رواااااااااية رااااااااااائعة عشت الاحداث مع الابطااااااااااال يعطيك العافية |
شـكــ وبارك الله فيك ـــرا لك ... لك مني أجمل تحية . |
سبحان الله الحمد لله |
رواية جميلة مشكورة |
شـكــ وبارك الله فيك ـــرا لك ... لك مني أجمل تحية . |
رواية في قمة الروعه تسلم ايدك حبيبتي ووفقك الله |
السلام عليكم ورحمة الله وبركاته الرواية جميلة مره وتعلم دروس كثيره جدا موفق بإذن الله ... لك مني أجمل تحية . 🇪🇬💚🇶🇦 احب قطر موت 💕💕💕💕💕 |
| الساعة الآن 05:14 PM |
Powered by vBulletin®
Copyright ©2000 - 2024, vBulletin Solutions, Inc.
