بردان يا حضن الدفا .. عطشان واظماني الجفا / بقلم مشاعل السعودية ، مكتملة

[لامارا]

÷÷÷÷÷÷÷÷÷÷÷÷


"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..







البارت 59 ..










سلامة رماحك اللي جرحها غالي
طعنتني غاضب لين أنكسر رمحك
لو قلت لي كان أجرح حالي بحالي
لا عاش قلبٍ جزع وارتاع من جرحك
لاجلك جروحي غدن اليوم عذالي
ذميت ظلمك وأنا من عادتي مدحك
ياليت لي ذنب وألقى علقمك حالي
وياليت بك عدل .. وأرضى فـ الهوى ذبحك
ياسيدي وإن نويت تزيد غربالي قلي
وأنا أبعد ظلامي عن سنا صبحك
لو ما يسرك أطول الشمس بجبالي
مايكفي إن عشقت جبالك وسفحك
كل الهوى بالهوى يزهى ويختالي
وأنا الذي في خسارة عزتي ربحك
ياعل ماتزهر الأشجار في رمالي
لو أعتذر عن شموخي في رجا صفحك
سلامة رماحك الي جرحها غالي
طعنتني غاصب لين أنكسر رمحك






" بدر بن عبد المحسن " ..









بعد المغرب ..




بمجلس ابو سطام ..





.... بغضب هامس / قوم اضربني احسن ..
.. بضيق هامس / اعتذر .. بس والله ما عجبني .. هذي ام عيالك ..
ابو بتال بحدة وهو يهمس / الحين شفت صار شي .. و بعدين هذي خصوصيات مالكم دخل فيها لا انت ولا زوجتك ..
رعد بحرج / اعتذر بس ....
ابو بتال قاطعة / خلاص انتهينا .. " والتفت على الجهة المقابلة " ..
ابو عناد / اي والله قال انه حجز وبدا يكمل بيته ..
ابو سطام / وياسر وبنتهم ما مشيتوا بالموضوع ..
ابو سند / الا ردو خبر لنا .. بس حنا ننتظر ياسر ..
ابو سطام عقد حواجبة / وايش تنتظرون منه ..
سند بهدوء / ياسر للحين طايش .. حنا وظفنه بالشركة .. وضغطنا عليه شوي .. وبنشوف يحتمل و الا بيلعب ..
راكان ببرود / بعد الزواج كل شي يتغير .. الي خبل يعقل .. و الطايش يكبر ..
طلال / مو شرط .. فيه بعضهم مايتغير الا بالعكس بيزيد سوء ..
ابو سطام بحزم / المصلح الله .. و ياسر مابه عيب .. مغير حب براسه و اطحنه .. مثل ماكان بروسكم حب و طحنتوه ..
" التفت على ابو سند " .. بكرة اتصل على ابو عبدالعزيز و قله انه بنتقهوى عنده بعد المغرب ..








ـــــــــــــــ








يوم جديد ..







العنود وهي واقفه بنص الشالية .. تنهدت / الجو مره ماينفع ..
بتال بجنون غريب / بالعكس .. رائع .. " وغمز بعينه " .. و رومانسي ..
العنود قلبت عيونها بعدم رضا و طالعت بسلطان والظبي الي بيطلعون برا ../ لالا ماما .. لا تطلعون برا ..
سلطان والظبي وقفوا يطالعونها و يطالعون بعض .. و يطالعون البحر ..
العنود وهي لساتها بعبايتها قفلت الباب الزجاجي الي يودي على الشاطئ ..
سلطان و الظبي طالعوا ابوهم .. بتال / شويه يا بابا نطلع ونلعب .. " طالع بالعنود " .. عاد الساعة 2 الجو دافي ..
العنود رفعت حواجبها / والشمس ..
بتال بضيق / اوووه العنود .. بلا وسوسه ..
العنود وهي ترمي عبايتها على الكنبة / انا حاسة ان في شي .. ما ادري .." حطت يدها على صدرها " ..
اعوذ بالله من الشيطان ..
بتال بضحكة / ايه كثري منها تعوذب من الشيطان .. و استغفري .. و ان شاء الله مو صاير الا كل خير ..
" و بمزح " .. يعني ما راح يجينا سمك قرش او تمساح و ياكلنا ..
" فتح عيونه للاخر ورفع يدينه وهو يهجم على الظبي و سلطان " .. همممم .. راح اكلكم انا الوحش ..
الظبي و سلطان ضحكوا بطفولة و صاروا يجرون بالشالية ..
و العنود تصارخ و راهم / شوي شوي .. لا تطيحون .. بتااااال ..
وبتال و عياله ساحبين عليها ومطنشين ..








ـــــــــــــ








بيت سلطان ....





مشيرة بهدوء / انا من قبل قلت لك و دي اطلع .. مو حلوة قعدتي في بيتها ..
سلطان بقوة / هذا بيتي مو بيتها ..
مشيرة بهدوء / المهم .. قبل فترة خالتي موضي تمنت مياسة و بناتها يرجعون عندها ..
بس مياسه قالت ماتقدر علشان صقر و روان و ريما .. اذا امكن .. خلني اسكن عندهم منها اونس خالتي ..
ومنها اتونس انا بعد .. " وبرجاء " .. طبعا اذا انت راضي ..
سلطان بتفكير اثواني .. / من زمان .. كان فيه ممر بين الجزء الي ساكنين فيه امي و ابوي .. و بين بيتي ..
لكن البنات كبروا و العيال و قلت خلني اقفلة .. الحين تغيرت اشياء كثير في البيت و محل المجالس تغير ..
راح ارجع افتح الممر .. و الجناح الي كانت فيه مياسة قريب من الممر وكبير .. راح نقعد فيه ..
مشيرة / خلاص .. الجمع اغراضي و بكرة او بعده انقل ..
سلطان ابتسم / لا .. خلني اضربها بوية " صبغ " و اغير الاثاث ..
مشيرة ابتسمت / ملها داعي .. بس غرفة منصور بننقلها معانا ..
سلطان باصرار / راح يتغير كل الاثاث .. والبوية .. هذا حقك ..
مشيرة برجاء / سلطان ..
سلطان باصرار / انا قلت خلاص ..







ــــــــــ







العنود لفه الشال على كتوفها و جالسه وراء الطاولة .. و بتال و اقف قبال الشوي ..
العنود وهي تسمع صوت الموج و قوته و الهواء القوي / اكرهه البحر بذا الاوقات ..
بتال ابتسم / انتي غريبة .. الناس يحبون صوت البحر .. وانتي تكرهينها ..
العنود بضيق / مو اكرهه .. بس هذا الصوت القوي يخوفني .. ما احبه ..
بتال بخبث / طيب لو اقول لك اني مشتهي اسبح الحين ..
العنود بعصبية / والله لا اذبحك .. ناقصة رعبات انا و شيب ..
بتال التف عليها وبيده صحن فيه الشوي .. وهو مبتسم ترك الصحن على الطاولة وهو لافه بخبز ..
جلس جنبها و العنود تطالعه بعصبية .. ضم وجهها بيدينه و باسها بقوة ..
العنود تغيرت ملامح وجهها و بارتباك / انا جوعانه .. امم .. العشاء خلص .. والا ..
بتال ابتسم / الا خلص .. " وهو يرفع الخبز ".. قربي السلطة .. وسمي بالرحمن ..








ـــــــــــــــــ








بيت مياسة ..




منسدحة على الكنب و تحس بطفش و النفسية معدومة .. شي عادي في كل شهر تجيها ها الاعراض ..
لكل البنات .. وهي تقلب بجوالها قالت بملل / خاطري اغير الجهاز .. من كثر ما يرمي فيه فهودي صابه خرف ..
روان وهي تاكل من صحن الفواكة / اشتري ايفون 5 اس ..
ريما طلعت صوت اعتراض من فمها / تؤؤ ابي جالكسي اس 4 .. من شفته مع ريهام ومميزاته حبيته ..
روان رفعت حواجبها / قديم ..
ريما مدت شفتهها السفلية و هزت اكتافها / عادي ..
روان / براحتك .. بس اكثر شي اكره من تغير الجهاز الذكريات .. والصور والاسماء و البرامج ..
يبغالك من اول وجديد تنزلين برامج و " التفتت على اختها و شافتها مركزة على الجوال " ..
روان زمت شفايفها بضيق و رجعت تطالع التلفزيون وهي يهمس لنفسها / ابربر و محد حولي ..
ريما الي دخلت لرسايل و بعدها راحت لـ الاستوديو و شافت الصور .. حست بغصة كل مالها وتكبر ..
والدمع يعلن العصيان .. تذكرت روان و وقفت تبي تبتعد عنها .. رمت الجوال على الكنبة ومشيت بسرعة ..
روان طالعتها باستغراب وشافتها رايحة للمطبخ .. رجعت تطالع بالتلفزيون .. مدت يدها على صحن الفواكه ..
وانتبهت انه خلصت .. وقفت و توجهة للمطبخ ومعاها الصحن .. / امي وين راحت .. كانها تاخــ....
شافت ريما تقطع بالتفاح بطريقة قاسية و مو منتبه لنفسه .. حتى تجرح يدها .. ريما اول ماحست بالوجع رمت السكين ..
حتى تنفجر تبكي بانهيار .. روان بخرعة فتحت عيونها للاخير تطالعها .. مو عارفة ايش تسوي ..
فجاه دخلت مياسة / السلــ.... " وبخرعة " .. بسم الله .. ريما ...
" وهي تتقدم بسرعة لها وريما جالسه على ارضية المطبخ تبكي بنهيار " ..
مياسة تضمها / بسم الله عليك .. ايش فيك .. ايش صار ." وهي تطالع روان " ..
روان بارتباك وخوف / ما ادري بس .. يمكن يدها توجعها لان ....
مياسة وهي تنتبه ليد ريما .. والدم الي ينزل منها وبكثره .. / اعوذ بالله .. ايش الي جرحك .. يمه ريما حبيبتي ..
ريما وهي تشهق / تعبانه .. والله خلاص .. معاد اقدر .. اوجعني .. اوجعني يمه ..
مياسة وهي تضمها / روان بنت .. جيبي فوطة نظيفة و جيبي شنطة الاسعاف خلنا نوقف الدم ..
واتصلي على صقر .. خله يجي نودي اختك المستشفى .. بسرعة تحركي ..
ريما وهي تغمض عيونها بحضن امها وتحاول تهدي نفسها وامها ضاغطة على يدها ..
بمحل الجرح حتى يوقف النزف .. جات روان ومعاها الفوطة و شنطة صغيرة فيها الادوية ..
و صحن الفواكه الفاضي .. الي من الخرعة ماسكته بيدها ونسيت تنزله ..
بعد ما نظفت مياسة الجرح و لفت علية الشاش الابيض .. بحزم لروان / وين اخوك .. ابطئ ..
همست ريما / ما ابي المستشفى يمه .. خلاص الجرح مو كبير ..
مياسة باصرار / لا لزم تروحين المستشفى .. والجرح عميق .. يمكن يبغى له غرزة .. الدم للحين ماوقف ..
ريما بداخلها " هالجرح يمه بيبرى .. لكن الي بقلبي كيف يبرى " .. و مسحت دموعه بيدها السليمه ..




الصـوره اللـي ( بجوالـي ) تعذبـنـي
ياكثر ماجيـت ابمسحهـا ! واخليهـا
ياللي جفيت وجفـاك امـر .. ذابحنـي
عقبك وجيه البشـر .. مانـي بدانيهـا
اقـرى رسايلـك ودموعـي تسابقنـي
وارد ! واقرى الرسايل .. واحتفظ فيهـا
انت آخر انسان هاقي منـه يصدمنـي
والظاهـر ان هقوتـي بانـت مواريهـا
لو الوصايـا ليـا احتديـت ! تنفعنـي
ياكثـر نـاسٍ علـى ذودي بوصيهـا
ليت الفرح ( بنك ) لاجيتـه يسلفنـي
واقاصده ( راحتي ) وحقوقـه اوفيهـا
من كثر ماكنـت ! جارحنـي وظالمنـي
قمت اعزل جروحك بقلبـي واسميهـا
تدري وش اللـي يبكينـي ويضحكنـي
انـك محامـي قضيتـنـا وقاضيـهـا
تدري متى ؟ تعرف قـدري وتفقدنـي
لارخصت نفسك ,, لشخصٍ مايراعيها
بكـره الا هملـوك النـاس تذكرنـي
وتقول عزاه : عينـي مـن يداريهـا ؟
مدام غيري ؟ علـى قلبـك مشاركنـي
وش هو له ؟ اعلـق الأمـال وابنيهـا
يكفيني انك رحلـت ومنـت عايفنـي
هذا عزا النفس مـن كثـرة بلاويهـا
اهديتك : دموع من طعنتـك تحرقنـي
وانت اللي تستاهـل الدنيـا ومافيهـا
واهديتني جرح .. موجعني ؟ وعاجبني ؟
لـن الهدايـا علـى مقدار مهديـهـا
صحيح ! ( حنا انتهينا ) .. بس صدقني !!
والله ان تبقى ( هوى روحي ) وغاليهـا
مفضوح ؟ راع الهيام .. ونظرته !! تغنـي
ملامحه واضحه ! , في وجهـه راعيهـا
لكـل داءٍ دوا .. لـو هـو متعبنـي
إلا محبتك ؟ .. أعيـت مـن يداويهـا
ان قلت : علمنـي انسـى ؟ لاتعلمنـي
دنياي لامـن نسيتـك ويـش تاليهـا
فارقتنـي وضحكتـك عيـت تفارقنـي
والله يلعـن ابـو الفرقـا وطاريـهـا
مقدر !! أفكر بغيرك ؟ .. وانت عارفنـي
عشان حاجه ؟ بقلبي .. مقدر !! أخفيها
اخاف لاحبنـي غيـرك ؟ .. وعاشرنـي
يشوف صورتك فـي عينـي ويوحيهـا
نشدت عنك وسمعت اللـي يفرحنـي
وارتاح صـدري مـن همـومٍ يحاتيهـا
تبي تعرف ! وش ؟ على الفرقا مصبرنـي
انك بخيـر .. وحياتـك مهتنـي فيهـا
من يوم ماغبـت ! والوحـده تعذبنـي
اقرى ( رسايلك ) في حرقـه والاحيهـا
اشوف ( صورتك ) .. ودموعي تسابقني
وياكثر ماجيـت أبمسحهـا ؟ وأخليهـا





( لسالم الفراع ) ..






هيفاء بابتسامه وهي تجلس على الكرسي قبال مكتب اخوها في البيت / وين ها الغيبة ..
غيث ابتسم باردة / مشغول ..
هيفاء هزت راسها وبنبرة مقصودة / ولمتى .. امي متضايقة .. تقول بالايام مااشوفه .. هالك عمرة بالشغل ..
غيث ابتسم / انا اهملت شغلي لفترة طويلة .. و صار لزم اصلح الوضع ..
هيفاء بتركيز / وريما ..
غيث وهو يفتح احد الملفات الي قدامه / هيفاء .. هالموضوع تقفل .. خلاص .. الله يستر علينا و عليها ..
هيفاء برجاء / بس بنعرف السبب ..
غيث اعتدل بجلسته و بحدة / انا عقيم .. يعني ما مني ذرية .. ومستحيل راح احرم ريما من هالمتعة ..
والسبب الاساسي .. ماراح ارضى بنظرة الشفقة بعيونها ..
هيفاء سكتت من الصدمة ومن اسلوبه / ...........
غيث بحزم وهو ياشر على الباب / والحين اطلعي .. بكمل شغلي ..
هيفاء وقفت بذهول و طلعت من المكتب وهي ضايعة مو عارفة ايش تقول .. او ايش تسوي ..
غيث رمى القلم الي بيده و تسند بظهره على الكرسي .. تنهد بضيق و بوجع وهو يشد شعره / يا الله .. يا الله .. يا الله ..








ــــــــــــــــ

[لامارا]

...... بعصبية / بتال .. خلاص ..
بتال وهو ينزل رجل الظبي بالموية و يطلعها .. التفت لـ العنود / الموية دافية ..
العنود بعصبية / بس الجو بارد .. كذا تمرض ..
بتال بانزعاج / طيب ها .. " وهو يطلع من البحر نزل الظبي على الكرسي جنب سلطان " .. ارتحتي ..
العنود وهي تصب مويه عادية على رجل الظبي .. و تلبسها جراباتها .. / لا ما ارتاح الا لرجعنا البيت ..
بتال حط يدينه على خصرة / انتي والنكد فيه عشق بينكم ..؟
العنود وقفت و بقهر / انت و العناد فيه عشق بينكم ؟ .. تحب تعاندني يعني ..
بتال تراجع خطوتين على وراء و التف على البحر حتى يملئ يده بماء البحر ويرش عليها / ما اعشق غيرك انا ..
العنود قفزت و الظبي وسلطان ضحكوا عليهم .. العنود بقهر وهي تتقدم منه ../ يااااا .. وسختني ..
بتال يرجع ويرش عليها .. حتى العنود تهجم عليه بترش عليه .. بتال راح يجري مبتعد عنها ..
العنود كانت بتلحقه .. لو ما صرخته وهو يرتمي على الارض و ماسك بقدمه ..
العنود بخوف قربت بسرعة منه .. جلست على ركبها / ايش فيك ..
بتال بوجع / فيه شي دخل برجلي ..
العنود وهي تطالع بقدمه .. / الدم مغرق رجلك ..
بتال وهو ياخذ من موية البحر و يصب على رجله / شوفي .. " وهو يسحب الزجاجه من رجله " ..
العنود وهي توقف / الجرح كبير .. لزم تروح لـ المستشفى .. خلاص خلنا نرجع ..
بتال ابتسم / لا كبير و لا شيء .. بس الرمل دافي و البحر .. و انا حامي .. علشان كذا الدم يسيل بغزارة ..
العنود واقفه وبحزم / بتال .. راح نرجع البيت .. خلاص ..
بتال بابتسامه / الحين روحي جيبي شي اربطة على رجلي .. وبعدين نتكلم ..
العنود وهي تاشر بيدها .. / راح اجيب شي تلف فيه جرحك .. بس كمان راح اجمع اغراضنا ونرجع البيت .. خلاص ..
بتال ابتسم و هو يشوفها تدخل الشاليه .. وبهمس / الامر بيدك لانه .. " طالع بعياله وبصوت عالي " ... نروح البيت ..
سلطان هز راسه بلا و الظبي هزت راسها بنعم .. بتال ضحك عليهم .. / تعادل .. بس الصوت الارجح لـ الرجال ..








ــــــــــــــــ








دخل الشقة وهو ينزل المفاتيح على المدخل ..
تلفت يمين ويسار .. ما شافها في الصالة .. دخل غرفة النوم وشافها تحط مكياج .. عرف انها متضايقه ..
من عقدة حواجبها و زمت شفايفها و صوت تاففاتها .. و اكيد راح تضايقه .. صد عنها ورجع لصالة ..
حست بوجودة حتى ترمي الفرشة على التسريحة و تطلع وراه ..
ابرار بنبرة جافه / تاخرت ..
فارس وهو يقعد على الكنب ويرمي شماغه على الكنب .. تنهد / وراح يتغير في الايام الجاية موعد رجوعي ..
ابرار لفت يدينا على صدرها / ولية ..
فارس تنهد و بضيق / فيه اكل .. تراني ميت جوع ..
ابرار هزت راسها / ايه امي ارسلت و خالتي العنود ..
فارس طالعها و بعصبية / وليه ما طبختي .. بيدينك نقش حناء ..
ابرار رفعت حاجب / كنت باطبخ .. بس لمن امي ارسلت و خالتي .. قلت ليه التبذير .. خلاص ..
فارس وهو يفرك جبينه / طيب طيب .. جيبه خليني اتسمم ..
ابرار قلبت عيونها بعدم الرضا و راحت المطبخ .. دقايق ورجعت حتى تشوف فارس نايم على الكنبة ..
ابرار وهي تنزل الصحن على الطاولة قباله ../ فارس ..
فارس فتح عيونه بخدر .. و انتبه على الاكل .. حتى ييقعد بكسل اكل كم لقمة .. وقام .. / انا بنام شوي ..
ابرار باستغراب / الحين .. اقل من ساعة وياذن المغرب ..
فارس طالع فيها بنظرات و طنشها ودخل الغرفة .. رمى نفسه على السرير وغمض عيونه ..
ابرار بصالة حاسة بالعبرة خنقتها .. بلعت ريقها بصعوبة ووقفت .. دخلت الغرفة / بروح لامي ..
فارس وهو ينقلب على جنبة الايمن / روحي ..
ابرار تركته وهي تتوجه لغرفة الملابس .. جهزت نفسها و هي طالعه انتبهت لجوال فارس ..
فتحته و حطت المنبه قبل المغرب بـ10 دقايق .. و لبست عباتها و طلعت ..








ـــــــــــــــــ








هيفاء بهمس / طيب يمكن هي بترضاء تبقى معاه ..
عزام بهدوء / هو مقتنع و راضي وفكر كثير قبل لا يخطي هالخطوه .. وانا اعرف غيث .. ما هو عجول ..
هيفاء بقهر / لكن بهذي استعجل ..
عزام بحزم / هصصص خلاص .. الموضوع انتهاء .. " وبتغيير للموضوع " .. اخبار الجوهرة ..
هيفاء بدون نفس / بخير .. ملتهيه بعيالها .. بس تنتظر طلوع سلطان ..
عزام عقد حواجبة و بحدة / من فين يطلع .. ليكون رجعت اختك لخبالها ..
هيفاء بانتباه / لالا .. سلطان بيطلع زوجته الثانية من البيت و يسكنها في بيت خالتي ..
عزام براحه / اهاا .. بكيفه .. كلها بيوته وين ما يخليهم يخليهم ..
هيفاء بتقلب عيونها بعدم رضا / كان بيطلع اختي .. بس رعد غير رايه ..
عزام بسخرية / حيلك حيلك .. ابو بتال ما يسويها .. اعرفه .. وتفكيركم الخبل اتركوه ..
" وقف " مابقى شي على المغرب .. اتصلي على رعد وقولي له يجي يتعشاء عندنا .. و ان ما جاء تراها بحق ..
هيفاء ابتسمت احترام لاخوها / ان شاء الله ..









ــــــــــ









بصالة الشاليه ..




العنود بعصبية / بتال خلنا نرجع و نشوف رجلك ..
بتال الي مريح على الكنب ورافع رجله على الطاولة .. بطفش / لا اله الا الله .. مو الحين جاي من الصيدلية ..
وهالادوية الي قدامك ما انتي شايفتها .. ايش بنسوي لرجعنا ..
العنود بعصبية / انا برتاح ..
بتال بنظرات لها الف معنى / وهذا الي يهمك دائما .. راحتك وبس , والي تبينه وبس , والي تحبينه وبس ..
وغيرك ما يهم .. ايش يبي و ايش يريحه و ايش يبسطه مو مهم .. انانية يا العنود .. الله يعينك على نفسك ..
العنود تطالع ببتال بصدمة و استغراب .. متفاجاه من الي قاله .. معقول هي كذا .. / ........
صد بتال عنها وطالع التلفزيون .. العنود وقفت ودخلت الغرفة الي نايمين فيها عيالها وهي مازالت بحالة الصدمة ..









:
:
:






الساعة 2:45 ص ..



صحيت من النوم وهي متوجعه من رقبتها و كتفها .. ماتدري متى نامت .. انتبهت انها مازالت لبسة جلال الصلاة ..
بعد ماخلصت من صلاة العشاء جلست بجنب سجادتها و سندت ظهرها على الكنبة الي بالغرفة ..
وضلت تفكر بكلام بتال بس النوم غافلها و ما حست بنفسها ونامت .. تنهدت وهي تتذكر بتال ..
ما تدري تعشاء او لا .. وقفت وهي تنزل جلال الصلاة و تلفه مع السجادة و تحطها على الكنب ..
طلعت من الغرفة وهي تفرك رقبتها و كتفها .. شافت بتال على نفس الوضعه بس نايم ..
تنهدت وهي تتوجه للمطبخ بتجهز شي ياكلونه .. حست بشي ببتال غريب ..
رجعت التفتت على بتال و قربت منه .. كان وجهه احمر و يتصبب عرق .. وكل ما اقتربت منه ..
سمعت صوت يطلع منه .. وقفت عند راسه .. وهي تنادي / بتال .. بتال ..
فتح عيونه بتثاقل و رجع غمضها .. العنود حطت يدها على جبينه .. نقزت برعبه ..
جبينه كانها جمرة .. وقفت لثواني وهي تطالع فيه .. تذكرت جوالها الي بالشاحن ..
رجعت للغرفة بسرعة .. وسحبت جوالها من الشاحن .. و اتصلت على راكان ..










ــــــــــــــــــــ









عقد حواجبه بانزعاج من الصوت .. حس بيد سمر على كتفها / راكان .. راكان ..
فتح عيونه و رفع راسه بسرعة وهو يسحب الجوال القريب منه على الكوميدينه ..
اول ماشاف اسم العنود و الساعة .. رمى الفرشه من عليه و اعتدل بجلسته .. بصوت ثقيل من النوم / الو ..
العنود / السلام عليكم ..
راكان باهتمام وخوف / وعليكم السلام .. عسى ماشر ..
العنود تنهدت / بتال حرارته مرتفعه حيل .. و رجله مجروحه .. شكلها التهبت ..
راكان عقد حواجبه / يعني مايقدر يسوق .. و لا هو صاحي ..؟
العنود وهي واقفه عند بتال / لا .. قاعد يهذي .. اعطيته الحين مضاد مارضي ياخذه ..
راكان وهو يوقف / خلاص انا جايكم الحين .. " قفل المكالمه وهو يتوجه لغرفة الملابس " ..
سمر نزل من السرير وهي تساله / ايش فيه .. بتال فيه شي ..
راكان لبس بنطلون جينز رمادي .. وهو يلبس بلوزة سوداء التفت عليها .. / ما في شي .. بس ارتفعت حرارته ..
وبروح اجيبهم .. ويمكن امر به على المستشفى .. انتي نامي .. "
وهو يسحب الجاكيت الجلد الاسود والمفاتيح و الجوال و المحفظة ويطلع "
سمر واقفه مكانها تقضم اظافرها .. وتهمس / ليه ما رجعهم بتال .. اكيد فيه شي ..
شافت جوالها على التسريحة .. توجهت له وفتحته حتى تتصل على ابوها ..








:
:
:




كانت ليلة الجوهرة ..



ماجاه نوم و راح للمكتب يشوف كم ملف .. كل مرة بليلة الجوهرة تكون ليلة بارده بنسبة له ..
انتبه لجواله الي تاركة على هزاز .. شاف اسم المتصل و بخوف فتح المكالمة / هلا ..
سمر بغصة / بابا .. العنود اتصلت على راكان و قالت ان بتال تعبان .. وراكان راح لهم ..
ما ادري ايش فيه .. والحين راكان راح لهم .. اتصل على بتال بابا شوف ايش فيهم ..
ابو بتال و هو يوقف .. / خلاص خلاص .. انتي نامي و لا تهتمين .. وانا اشوف الموضوع ..
قفل من سمر و اتصل على بتال .. ردت العنود عليه و بلغته بحال بتال ..
ابو بتال اتصل على سعود و بلغه .. سعود مر على ابوه و توجهوا لشاليه ..









:
:
:







الساعة 7:00 صباحا ..





( اول ماوصل الشاليه شاف العنود جاهزة هي و اولادها و اغراضها جاهزة .. نقل الاغراض بمساعدة العنود ..
وبعد 10 دقايق تفاجاء بعمه سلطان و سعود .. و عرف بان سمر هي الي بلغتهم .. اخذ العنود و اولادها ..
و سلطان وسعود اخذو بتال نقلوه المستشفى .. )
اول ما دخل البيت قابلته سمر .. و هي بقمة قلقها على اخوها .. و راكان بقمة غضبه منها ..
سمر بقلق وعيونها مركزه بوجه راكان / ايش فيه ايش صار ..؟
راكان بغضب وصوت مرتفع / من قالك تتصلين على ابوك و تبلغينه ..
سمر فتحت عيونه بصدمه .. قالت شي و رد عليها بشي ثاني / .............
راكان بغضب / انتي متى تكبرين .. انا ما قلت لابوك تقولين انتي ليش ..؟
اختي طلبت شي .. تتلقفين و تنقلين الي قالته ليه .. بغبغان انا متزوج .. لمتى بتقعدين على هالغباء ..
" وهو ياشر على راسها بـ اصابيعه وكانت موجعه " .. هذا متى يكبر ..
سمر حست بالغصة تطلع لحنجرتها و دموعها بدت تملا عيونها ..
راكان بسخرية / بدت البزر بالبكي ..
هنا سمر انفجرت بكي و راكان تركها وهو يتوجه للحمام " اكرمكم الله " ..
سمر جلست على الكنبه و يدينها على وجهها تبكي و تشهق بقهر من اسلوب راكان الساخر ومن فترة طويلة ..








ــــــــــــــــــــ

[لامارا]

الساعة 9:30 صباحا ..





خارجين من عيادة النساء ..
غرام تقلب في الاوراق الي بين يدينها ..
عناد وهو يعدل شماغه / اخذ لك فطور و تنزلين بيت جدتي و الا بيت امك ..
غرام وهو مازالت تطالع بالاوراق / لا عند جدتي الكل متجمع عندها .. " انتبهت ان عناد وقف مشي " ..
طالعت بعناد باستغراب و انتبهت للمكان الي هم واقفين فيه .. كان امام الكونتر ..
والممرضات و الممرضات واقفين يتكلمون مع بعض .. مكان فيه شي غريب يخلي عناد يوقف بها التصلب ..
وعيونه بارزة من الصدمة رجعت تركز بالي تشوفه .. مراجعين موظفين المستشفى ممرضين ممرضات " ..
بهت وجهها وهي تنتبه لممرضة المحجبة الي تبتسم لزميلتها وتسلمها ملف .. بعد ما راحت الممرضة ..
التفتت على عناد و قربت منه و بنبرة مقهورة غاضبة / لها الدرجة عاشقها .. طيب لو رحت لها ..
و رجعت الايام الخوالي .. " عناد طالعها وطنشها وراح لاحد الممرضين وسالة عن الممرضة ..
الي حاطة على حجابها دبوس فيروزي ولفه شال صوفي فيروزي على رقبتها .. " ..
بالاول رفض الممرض لكن بعد محاولات من عناد .. ذكر الممرض اسمها .. تنهد عناد و مسح وجهه ..
وغرام واقفه بمكانه و لفه يدينها على صدرها و تغلي من العصبية .. بسخرية / ها بشر اخذت الرقم ..
عناد طالعها باستغراب / ها .. ايش تقولين ..
غرام بقهر / اسالك عن الحب القديم .. اخذت الرقم حتى تتواصل معاها ..
عناد بفحيح وهو يرص على اسنانه / وطي صوتك .. و امشي وراي اشوف ..
تركها وهو يتوجه لبوابة المستشفى خارج لمواقف السيارات .. غرام لحقته وهي ترجف من القهر ..










ـــــــــــــــــــ








بعد اسبوع








تو واصلين البر عند حلال ابو عبدالعزيز .. كان مجهز من كل شي .. ابو عبدالعزيز وعياله لهم يومين وهم بالمكان ..
بتال نزل من السيارة و نزلت العنود وراه الي يسوق السيارة راكان .. العنود بهمس / انتبه على رجلك ..
لا تخليها مكشوفه و لا تخليها مغطاه طول الوقت .. والعلاج لا تنساه ..
بتال بيطير من الفرحه من داخله بس مايبين .. ببرود / تراك خنقتيني .. خلاص الجرح معاد احس فيه الحمدالله تشافى ..
العنود حطت يدينها على خصرها / بتال .. لا تقلقني ..
بتال ابتسم لها .. / من عيوني .. خلاص ابشري الي تامرين فيه ..
العنود براحه هزت راسها / احسن .. " التفت حولينها و شافت سلطان و الظبي يلعبون بالرمل مع مريم و منصور " ..
بتال بحلفان / والله ما تنغصين عليهم خلهم يلعبون شوي و بيقنعون من نفسهم .. لا تمنعينهم و يعاندونك ..
العنود تنهدت / خلاص مو مانعتهم .. " اخذت شنطتها الصغيرة و توجهة لجلسة الحريم و بتال راح لرجال " ..









:
:
:








الساعة 11 مساء ..






ام سيف نايمة جنب ام طلال و ام عناد .. تنهدت بضيق وهي تسمع ضحك البنات / الله يهديهم ..
اماني لها يومين مانامت وهذي الثالثة .. والله لتطيح عليه ..
ام عناد ابتسمت وهي مغمضة عيونها / خلها الحين تستانس و تنام ان شاء الله شوي ..
ام طلال / انتي ما تعرفين اماني ان منام تصير كانها سكرانه تهرج ماتعرفين ايش تقول و لا هي تعرف ..
ام سيف وهي تقعد و تنادي اماني بصوت منخفض قليلا / اماني بنت .. نامي .. لا تفضحينا مع الناس ..
اماني ترفع راسها / يمه لا تخافين محد بيعرفني لان بالبس لبس التخفي ..
البنات كتموا ضحكتهم .. و اماني ترجع تنام على بطنها ووجهها بوجه ابرار / ايوه كملي ..
ابرار / بس صحيت ..
اماني عقدت حواجبها / ارجعي نامي ..
ابرار بضحكة / ولا رجعت نمت بيرجع الحلم ..
اماني تهز راسها وهي تغمض عيونها / ايوه .. " وبحماس " .. اصلا انتي احلامك مثل جوال ابو كشاف قديمة ..
ابرار رفعت حواجبها / لا والله .. و ايش الاحلام الجديدة ..
اماني بعبط / يرسلونه لك بي سي .. متى ماحبيتي تفتحين و تشوفينه ..
البنات / ههههههههههههههههههههههههه ههه
اماني / والله انا احلامي ترا كذا .. اول ما انام احلم اني يا افتح قوقل عن طريق الابتوب و الا الواتس و الا البي بي ..
عاد اي رابط افتحه يدخلني حلم .. "بضيق " .. عاد يا الله ان كان حلم قديم و يجيك ديناصور يلاحقك ..
ساره وهي تمسح عيونها من دموع الضحك / ايش تسوين ..
اماني وهي تنزل راسها على كتف روان الي جنبها / المشكلة اقول قديم ما يخوف الا وانا مرتعبة و اجري ..
و القهر الاكبر اضيع المخرج واقعد اراكض اراكض و اخر شي ما اصحى الا على طيحتي من السرير على الارض ..
البنات الي صاروا يفحطون من الضحك .. و نوال الي كانت تحس بالم اسفل بطنها البارز بوضوح ..
كل ما تبي نتنام وتنسى الالم يصحونها البنات باصواتهم و ضحكهم .. بتهديد / اماني سمي برحمان ونامي احسن لك ..
اماني تبي تنام بس عيونها مو راضية تتقفل و تريحها / انا بانام بس عيوني حالفه انها ما تغمض ايش اسوي ..
والبنات الي كانهم شاربين لهم شي اي شي تقوله اماني فطسهم من الضحك و اماني ما تبتسم صايبها ضياع بالاحاسيس ..
نوال تنهدت / استغفر الله العظيم ..
رنيم طلعت من الخيمة الي نايمة فيها هي و العنود و مرام ومشيرة و الصغار .. قضة حاجتها ورجعت ..
انتبهت لنوال .. حتى تناديها / نوال تعالي نامي بالخيمة .. دافيه و ما فيها ازعاج ..
نوال وهي تقوم بتثاقل / يكون افضل .. هالمحششات ما راح ينيموني ..
اماني وقفت / بطني يمغصني .. بروح الحمام اكرمكم الله .. احد يروح معاي ..
البنات كل وحدة تشد فرشتها و يريحون اجسامهم لنوم / لا ..
سارة بمزاح / بس انتبهي من ابو العبيد لا يخطفك به اليل ..
اماني وهي تمشي بدون توازن / اصلا لشافني اكيد بيخطفني من الزين ..
روان وهي تتثاؤب / لا يسمعك ثم يطلع لك صدق تعوذي منهم .. وقولي اعوذ بالله من الخبث و الخبايث ..
ساره بضحكه / انتي تكلمين من ..؟
روان / اماني ..
سارة / البنت مديها وصلت وقضة حاجتها ورجعت وانتي توصينها ..
روان / والله انتي سامجة احد يجيب طاري الجن بذا الوقت و بذا المكان ..
سارة بضحكة / انتي صدقتي الحكاية الي قالها جدي عن جني اسمه ابو العبيد .. ترا بس يبي يخوفنا ..
الكل فزع وهو يلتفت جهت الصرخة الي سمعوها .. قامت ام سيف بسرعة وهي تنادي / اماني يا بنت ..
البنت كل وحدة قعدت بفرشتها و عيونهم كانها كشافات متوجهه جهت المكان الي راحت له اماني ..
سمعوا صوت ضحكة الشباب .. و صوت ابو طلال وهو ينادي على ام سيف ..





ابو طلال وهو ضام اماني الي تشهق بحضنه من الرعبة و البكي / اعوذ بالله من الشيطان ..
قولي بسم الله يابنتي هذي شجره تعلقت بعبايتك .. اي جني الي ماسكك .. قولي اعوذ بالله من الخبث و الخبايث ..
اماني بصوت متقطع / اعوذذذ... بالله .. من .. الخخببث و اللللخبااايث ..
جات ام سيف وبرعب / بسم الله الرحمن الرحيم ايش جاها ..
ابو طلال بضيق / القشعة " شجرة صغيرة تنموا بالصحراء " علقت بعباتها و انفجعت تقول الجني ابو العبيد مسكني ..
ام سيف تنهدت / الله يصلحهم يا ها البنات .. " ضمت بنتها و هي تسمي عليها وتقرا من الايات و السور الي حافظتهم "..
ام عناد بحزم / والله ان ما سميتوا بالرحمن و نمتوا لا اخلي سلطان بكرة يسلخ جلدكم بالعقال .. فضحتونا عند الناس ..
ام سيف تنيم اماني بينها وبين ام طلال الي جابت فرشة اماني و فرشتها بجنبها و نامت عليها ..
و اماني نامت على فرشة ام طلال بحضن امها .. و ام سيف تقرا عليها وتسمي .. والبنات دخلوا بسابع نومه ..









ـــــــــــــــــــ








يوم جديد ..





الساعة 8:00 صباحا ..





غرام بيدها كوب حليب دافي وسمر نفس الشي ..
غرام بضيق / قعد يبحلق فيها و اخر شي يقول تتوهمين ويصارخ عليه ..
سمر بقهر / كانا خدم عندهم مو زوجاتهم .. طالع ينافخ و يصارخ داخل ينافخ و يصارخ ..
حتى الابتسامة صارت بالحسرة .. مرات اقول ليتني ماتزوجت والا عرفت الزوج .. استغفر الله العظيم ..
غرام وهي تنزل الكوب على الرمل / قهرني وربي .. " وبهمس " .. بيني وبينك ..
سمر ركز معاها بانتباه / هممم ..
غرام بهمس / انا رحت المستشفى و دورتها وسالت عنها الا ان عرفت انها مصرية واسمها رُقيه ..
سمر مو فهمه / ويعني ..
غرام بهمس / هذيك من اصل فلسطيني بس عايشة بأمريكا ومعاها الجنسية الامريكية .. واسمها لينا ..
سمر تهزز راسها / اهاا .. يعني طلعت تشبهها مو هي نفسها ..
غرام / ايوووه ..
سمر زمت شفايفها / انتبهي منهم بس .. ترا صايرة موضه هالايام يتزوجون ثنتين و مسيار و مسفار بعد ..
غرام عقدة حواجبها / بسم الله عليه .. لا ان شاء الله .. مو ماخذ غيري ..










ـــــــــــــــ








تلفتت يمين ويسار وهي عاقد حواجبها / هذي وين راحت .. اوووف منك يا سوير ..
.... بضحكة / ليه ايش سوت لك سوير ..
اماني فزت بخرعة وهي تحط يدها على قلبها / بسم الله .. خوفتني ..
نايف وهو يتقدم منها و يقبل خدها / بسم الله على قلبك ياقلبي ..








انتهى ..



لا اله الا الله محمد رسول الله ..

الحمدالله .. و .. سبحان الله .. و .. الله اكبر ..

اعذروني على القصور و الاخطاء الاملائية و التاخير ..


مشاعل السعودية ..



"


لا تروحون بعيد انتظروا البارت الثاني ..

[لامارا]

"





بسم الله الرحمن الرحيم ..

السلام عليكم ورحمة الله وبركاته ..

الحمد لله والصلاة والسلام على رسول الله ..

توكلنا على الله .. لا اله الا الله محمد رسول الله ..







البارت 60 ..










لا جيت أنا بــ سامحك..
تبكي الجراح ما ودها..
مشتاق ودي أصافحك..
عيت يدي لا مدها...
آه. .يا لجراح .. راح اللي راح ..
وراحتي .. من يا ترى بيردها ..
يا حب.. ياذ كرى واسم..
مدري انا ابكي عليك من العذاب اوابتسم..
صدقني في يأسي .. نفسي تبي نفسي تبيك ..
لا يا دفا شمسي تبيك..
ليه خنتني ..الله عليك ..
آه يا الجراح .. راح اللي راح..
وراحتي .. من يا ترى بيردها ..
لا تحاكي عيوني .. يمطر سحاب الملح ..
ولا تلمس أشجوني .. ينبت في قلبي جرح ..
ناظرني يا خلي .. جرح انا كلي ..
وشلون أبـ ارضى الصلح ..
صار الخريف حبي ..حزن وورق أصفر..
...ودعني يا قلبي..وخل العذاب أقصر..
آه يا الجراح .. راح اللي راح..
وراحتي .. من يا ترى بيردها ..





" بدر بن عبدالمحسن " ..










جلست على الفرشة وهي مستحيه و بتطير من الفرحه بنفس الوقت ..
جلس جنبها نايف وهو يكتم ضحكته .. وبنغزة / وين الي ترسل ذيك الرسايل و الي تقول ذاك الكلام ..
اماني طيرت عيونها وطالعت فيه / اي رسايل و اي كلام .. انت الي قلت و الا بتحطها براسي ..
نايف ابتسم / لا ما ابي احطها .. بس استرخي ما ابي اكلك انا .. " وهو يصب لها فنجان قهوة و يمده لها " ..
اماني اخذت الفنجان و بثقل مو لها / عشت ..
نايف الي التفت عليها و انفجر ضحك / هههههههههههههه حسستيني اني جالس مع جدتي ..
اماني طالعته و هي تشرب الفنجان دفعه وحدة .. وبقهر / ان عقنا ما عجبناكم و ان تجننا ما عجبناكم ايش نسوي يعني ..
نايف وهو يتنحنح يعدل صوته / لا تسوين شي .. خلك على راحتك و طبيعتك يا روحي .. انتي بكل حالاتك حلوه ..
اماني الي ابتسمت ابتسامة ايش كبرها .. وبخبال / وماراح تعيب عليه ..
نايف طالع فيها باستغراب / لا ..
اماني ببراءة / قول والله ..
نايف ابتسم بحب / جربي والله مو قايل لك شي .. الا خذي راحتك بالكامل .. " وبخبث " .. بس بشرط ..
اماني الي كانت مبتسمه .. لمن سمعت اخر كلمه طالعت فيه / ايش ..
نايف بخبث / حلفي انك تطبقينه ..
اماني بعفوية / والله اطبقه ..
نايف يقرب منها و هي رجعت على وراء .. نايف بخبث وهو يصغر عيونه / تذكرين اخر كلامنا بالواتس ..
اماني هزت راسها بلا وهي مبحلقه عيونها .. عقلها وقف مو متذكره شي ..
نايف وهو يبتسم بخبث / الدفا و الحضن و البوسة .. ترا البرد مصع قلبي ..
اماني ضلت ثوانين وهي تطالع بنايف حتى فجاه تضحك بصوت عالي .. / ايييوووووووووووه تذكرت ..
نايف بضحكه / اجل طبقي ..
اماني اول مافهمت السالفه تجمد كل شي فيها .. و ببلاها / هاا ..
نايف وهو ياشر لها على حضنه / تعالي هينا ..
اماني بخرعة وهي تطالع ورا .. وتطالع بنايف .. و ترجع تطالع وراها جهة الخيام و تطالع بنايف ..
نايف انتبه لحركتها و اول ما شاف نقزتها سحبها لحضنه حتى يختل توازن اماني و تطيح بحضنه ..
نايف لف يدينه حولينها وبهمس / قلت لك لا تلعبين بنار ..
اماني برجفه / نايف .. والله امزح .. اتركني .. الحين احد يشوفنا ..
نايف بضحكه / خلهم .. ما عليه باحد ..
اماني وهي متوههقه مو عارفه ايش تسوي تبتسم مرة و مره تلتفت برعب جهة الخيام ..
تفاجاة من قرب وجه نايف لوجهها .. وكانه التماس كهرباء لسعتها بشفايفها ..
حتى تفز واقفه و تهرب و هي تتعثر بخطواتها .. ونايف يضحك عليها .. و بهمس / حتى ما تتحديني مره ثانية ..







:
:
:







بخجل و هي تهمس / انا مدري ايش صابني ذاك اليوم .. ارسلت رسايل و ربي لو بعقلي ما ارسلها ..
روان وهي تغطي خدودها الي تحسهم بتنفجر من الخجل و الاحمرار .. / ياربي .. انتي فضيحة يا اماني ..
اماني وهي تهز حواجبها وبضحكه / بس مدري و دي اقول شي بس اخاف تصفقيني بهالكوب الي معاك ..
روان وهي توقف / انقلعي انتي الي يقعد معاك نهايته الموت بجلطة قلبيه ..
اماني بضحكة واثقة / من الحب و حياتك هههههههههههههههههههههه ..
ساره من خلفها و هي مستغربه ضحكت اماني و وقوف روان / ايش فيكم ..؟
وجلست جنب اماني على الرمل .. اماني وهي تحضن وجه ساره و تبوسها بقوه على خده ...
وبحب / ساررووونه فديتك على المفاجاه الحلوة .. تكفين سارونه عيديها دائما بين الحينة و الاخراااا ..
ساره الي انفجرت ضحك .. و روان جلست و هي فاتحه عيونه للاخير / يا قليلة الادب استحي شوي ..
اماني وهي تحط يدها على خصرها / وليه استحي انا تغزلت بواحد غريب .. تغزلت بزوجي و طلبت بشوفته دايم ..
روان وهي تحط يدها على فم اماني / اصصص اصصص لا احد يسمعك ..
وساره تضحك و هي تشرب من القهوة .. و مستمتعه بالجو و طعم القهوة ..









ـــــــــــــــــــ









جالسه لوحدها و تطالع لبعيد جهة شبك الحلال .. و جدها ابو سطام و ابو عبدالعزيز ..
و عمها فهد و خالها سلطان واقفين يطالعون بالحلال و يسولفون و ياشرون بيدهم ..
وصلت عندها مشيرة و جلست جنبها وهي تتنفس بصوت واضح / يوووه تعبت ..
ريما تطالع بمشيرة و ببطنها البارز .. ابتسمت لها / الله يفرج لك ..
مشيره وهي تلف الشال عليها / امين ..
بعد صمت لفتره ,, بصت غريب / انتي كيف قدرتي تتزوجي مرة ثانيه ..
مشيرة التفتت عليها باستغراب / نعم ..
ريما بارتباك / اممم .. يعني ... " و صدت عن مشيرة محرجه و معارفه ليش سالت هالسؤال " ..
مشيره حطت يدها على يد ريما .. التفت ريما لها .. مشيرة بابتسامه حنونه / قولي ايش بخاطرك ..
ريما بمنحرجه .. / امم .. يعني .. كيف تزوجتي من خالي ..
مشيره سكتت شوي .. و بهدوء / قصدك كيف قدرت اعيش مع زوج بعد زوجي الاول ..
كيف تقبلت الموضوع و عشته .. و كيف استمريت بحياتي ..؟
ريما ضلت تطالع بمشيرة .. مشيرة كملت / لمن توكلين امرك لله .. حق توكل .. و تومنين بان الله هو من يسير حياتك ..
هو من يختبرك .. ليشوف صبرك .. و تومنين بان بعد العسر يسر .. و بعد الظلام نور ..
راح تقدرين تتغلبين على كل شي محزن .. ما اقول لك ان انا على طول رضيت و ما حزنت و لا تضايقت ...
و لا راح اقولك انا ما رفضت الارتباط رة ثانية .. لا .. انا حزنت و بكيت .. و قلت ليه انا الي ..
اول شخص خطبني و حبيته و تمنيته مات .. و اول زوج مات .. و تزوجت واحد كبير كبر ابوي ..
انا تعيسه ايش سويت .. لكن بعد ما هديت .. و انتبهت للي انا فيه .. و الي يصير .. انا بخير و ما فيني شي ..
ولدي سليم معافا .. امي و اخواني و جدي حولي و ما عليهم خوف وبكامل صحتهم و عافيتهم ..
عندي بيت يحميني من البرد و الحر .. عندي فلوس و الي ابيه احصل عليه .. ما عمري نمت جوعانه ..
انا بنعمه .. غيري ما لقيها .. و انا ولا شي الي مريت فيه .. الي يشوف مصايب غيره تهون عليه مصيبته ..
انتي بنعمة يا ريما .. لتخربين على نفسك .. ربك قال .. و ان اصابكم خير فهو من الله ..
و ان اصابكم شر فهو من انفسكم .. يمكن فراقك عن غيث خير لك .. راح تلقين الي افضل منه و يرزقك الله بالذرية ..
الي هم زينة الحياة .. و الي انتي مسويته بنفسك .. شر لك .. بياخذ من صحتك و من عافيتك و من جمالك و من وقتك ..
فتقبلي الي صار لك .. و قولي الحمد الله على كل شي .. لعل ما اصابني خير و اجري عند الله ..
........./ سلااام عليكم ..
نوال وهي تجلس جنب مشيره / يالله .. توبه معاد امشي بالرمل هالمسافه كلها ..
مشيرة و ريما / وعليكم السلام ..
رنيم تجلس جنبهم / اسفل بطني احسه اشتد .. " وهي ترمي نفسها على الرمل وتنسدح و تغمض عيونها " ..
ريما تطالع برنيم و مشيرة و نوال / الحين انتم حوامل و المشي متعب لكم ايش خلكم تجون ..
ابرار معاها سله بها ترمس شاهي و ترمس قهوة و معمول .. ابتسمت / تمارا مسكته ام عبدالعزيز ..
البنات طالعوها / ليه ..
ابرار / تقول توك نقول والدختر موصية عليك ..
ريما / شنو يعني نقول ..
مشيرة ابتسمت / يعني حامل ..
ابرار / ورنا و شجون و غرام و سمر والبندري و الجوري و ريهام جلسوا عندها ..
ريما ابتسمت / حبوبه تمارا هادئة و خجوله ..
مشيرة بضحكه / عكس شخصية متعب .. الله يوفقهم و يسخر بينهم .. " و بتساؤل " .. و وين العنود ..
رنيم بهدوء / راحت عند اخوانها ..










ــــــــــــــــــــــــ









مفرش على الارض و متكي و يطالع في بنته وهي تلعب بالرمل قباله ..
الي يشوفه و هو يطالع في بنته يتوقع انه مركز معاها ..
قربت منه و انتبهت لحركة اصابع يديه في السبحه .. وعرفت انه سرحان لبعيد ..
انتبهت لنايف الي جالس وراء راكان وياشر لها باصباعه بان تسكت ..
العنود طنشت نايف وبهدوء / السلام عليكم ..
راكان التفت على العنود و ببحه / وعليكم السلام .. " اعتدل بجلسته و تنحنح يعدل صوته " ..
العنود وهي تجلس جنب اخوها ومعاها ترمس القهوة و الفناجين / فايش مسرح .. " وهي تصب القهوة " ..
راكان وهو يمد يده ياخذ فنجان القهوة / سلامتك ..
العنود طالعت بنايف / تبي و الا ..
راكان التفت على نايف وعقد حواجبه / من متى انت هينا ..؟
نايف وهو يلعب بالعصا الي معاه .. / مو منك من النظارات الي لبسها ..
العنود بهدوء / ايش فيك يا بو سطام ..
راكان تنهد و هو يشوف زياد جاي جهتهم / طرت عليه طواري .. و سرحت معاها ..
زياد وهو يجلس جنب راكان امام العنود / السلام عليكم ..
الكل / وعليكم السلام ..
العنود طالعت براكان / الشغل به مشكله ..
راكان بانقباض / لا .. " طالع بزياد " .. متى تنقل الشرقيه .. ترا محتاج لك اكثر ..
زياد ابتسم / ما اقدر اقرر الحين .. اسال ريهام اول ..
راكان عقد حواجب و بسخرية / لا والله ..
العنود بضحكه / وهو صادق هي شريكة حياته ما يقرر لحاله .. فديتك زيودي ليت اخوانك يتعلمون منك خاصه راكان ..
راكان يطالع بالعنود وبنغزه / احد شكالك الحال ..
العنود بنفس نغزته / مانا عميان .. كل شي واضح .. ترا مالها ذنب بالي صار .. لتعيد سواياك الاوله ..
امك و ابوك راحوا وتندمت .. لتروح منك ام عيالك وتندم .. مو انت تغلط و تحمل الغلط غيرك ..
تحمل مسؤولية افعالك لو مره وحده بحياتك ..
راكان تنهد / مو محمل احد شي .. بس ...
العنود قاطعته / لا محمل الادميه شي مالها ذنب فيه .. ومعاقبها على اغلاطك ..
راكان طالعها لفترة و صد عنها .. العنود طالعت بشيخه الي مستمتعه بالرمل تحفر و تدفن فيه ..
نايف بعد ما ساد الصمت لثواني .. بصوت عذب ..
يالعين لا تبكين يالعين يالعين
كثر البكى يا عين جرح جفوني
حنا على المكتوب بالحيل راضين
وماقدر المولى علينا يكوني
ابوي وامي حبهم بالشرايين
وانا فقدت اليوم قلبي و عيني
ياحر طعم الوقت في بعد الاثنين
قفت مراكبهم بعد ما رعوني
اهيم في الشارع و لا ادري على وين
احباب قلبي روحوا واتركوني
راكان الي صار يطالع بسبحه و يلعب بها بين اصابيعه بدون لا يعلق على شي ..
...../ سلام .. يسلم هالصوت .. بس ليه حزين .. اعطينا شي غزلي يا ابو راكان ..
الكل / وعليكم السلام ..
نايف بابتسامه / نمدح لك بنت الجنوب ..
متعب وهو يجلس ابتسم / ايه اعطينا شي جنوبي .. ترا ماهم بعيد يسمعونك .. " وهو يرفع الصوت " ..
تراها مني انا متعب بن منصور لزينت البنات .. " التفت على نايف " .. زين صوتك وارفعه .. اسمعك ..
نايف يرفع حاجب / والله .. شحاد و يتشرط ..
متعب بخبث / اقول .. تقول و الا اعلم عليك انت و اااا .. على الي ورااا .. شفتكم ترا ..
نايف نقز / احلف ..
متعب وهو يحرك حواجبه / الله الله .. " وبابتزز " .. هاا .. تسمعني شي زين والا ..
نايف تنهد / بسمعك مو علشان الي تبتزني به يا رجل الامن .. علشان انا تطربني شيلات الجنوب ..
راكان ابتسم و بهمس لـ العنود / مستخفين بكره يطبون صح يتفلون هالعافيه ..
العنود طنشت راكان وهي تسمع لنايف / ..
تعالي خبريني عـن سواليـف المطـر والغيـم
إذا بارق خيالك مرنـي فـي وقـت عصريـه
وانا جالس على جال البحر واجـاذب الترنيـم
على ذكرك بنيـت احلامنـا والنـاس منسيـه
تذكرتك على حد الشفق فـي حـزة التعتيـم
قمر والشمس راحت للمغيـب ومالـت لفيـه
جبال ابها تناظر للسحـاب وتشتكـي للريـم
اجل سالت دموعك يا متعب مـن شـان ريميـه
تحضنين السحاب وينتشي من ناصيتـك يهيـم
تنادين الضبـاب ويقتـرب ويلامـس ايديـه
احس في بردك الهادي على صدري هنا ويقيـم
يدفيـه الحنيـن المكتـوي مـن بعـد غاليـه
فديتك لاضحكتي للبروق اللـي تهـل الديـم
واشوف خدودك اللي من حمار الـورد مكسيـه
تأكدت ان شمسك ما حضت منك سوى التسليم
توارت عن عيونك والخجل من عينـك الحيـه
هلا يا طهر جفن الماء هـلا ياروعـة التقسيـم
على اوتار الخفـوق وجـرة الألحـان قمريـه
دخيلك لاتأخر عاشقـك لاتشتكيـن الضيـم
انا لجلك سريـت وسيرتـك للنـاس مرويـه
نعم يا ابها البهيه شاعرك يعجـز عـن التقديـم
وش يقولـوا خفوقـه ممتلـي شـوق وحنيـه
ربى في ارضك كبر في ارضك تعلم والزمن تعليم
تعلم كيف يشـدوا للوطـن لاحـان طاريـه
احبك حب لو قسم علـى العربـان بالتقسيـم
يكفي من سكن في ارض الجنوب وفي الشرقيـه
جنوبيه تعالـي سوالفـي لجـل المطـر والغيـم
وعينـي ذي سعوديـه وعينـي ذي جنوبـيـه
متعب / يسلم هالصوت .. سمعنا شي ثاني ..
نايف وهو يقوم من مكانه و يجلس جنب العنود / مو كانك زودتها ..
متعب بتعصيبه / خالك ياتبن .. المفروض تقول سم ..
نايف يعانده / سم لعدوك ..










ـــــــــــــــــــــــــ ـ








..... بصوت جهوري / ام فهد ..
رنيم التفتت وهي توقف وتمشي بتثاقل / هلا ..
سند واقف و فهد بين يدينه / هلابك ازود .. تعالي ابي اسولف معاك ..
رنيم ابتسمت وبنغزة / مو تبي تجلس مع الشباب ..
سند ابتسم / عناد نام .. و طارق راح جهة ابوه و راكان ومتعب راحوا لام سلطان ..
رنيم عقدت حواجبها / اهاا .. عناد ليش نايم هالوقت مو غريبه ..
سند هز كتوفه / مدري الظاهر مانام زين البارح .. المهم .. اخبارك ..






:
:
:






فز من غفوته وهو يتنفس بقوة .. عدل قعدته و مسح وجهه بيده .. وبهمس / اعوذ بالله من الشيطان الرجيم ..
طالع بالساعة الي في يده .. ووقف .. عقد حواجبه وهو يشوف مافي احد حوله ..
عدل لبسه و اخذ الفرشة الي عليه و رتبها وتركها مكانه .. اخذ الجاكيت و الشال و لبسهم وطلع من الخيمه ..





,
,
,






غرام بهمس وهي متضايقه / مدري ..
سمر وهي متثاقله تبي تنام / ليه ما تكلمينه ..
غرام زمت شفايفها / ما ابي .. وخلاص خلينا نغير سيرت هالراكان و ها العناد ..
ريان وصل لغرام وهو يلهث / غرام عناد يبيك هنااااك .. " وهو ياشر جهة السيارات " ..
ريان ترك غرام و راح .. غرام طالعت بالمكان الي اشر عليه ريان وصدت / ......
سمر صحصحت و بابتسامه / روحي شوفي ايش يبي ..
غرام بزعل / لا .. ما ابي اشوفه .. مو هو مطنشني له كم يوم .. خليه يذوق التطنيش ..
سمر رفعت حواجبها / بتطنشين عناد .. انتي ..
غرام بنص عين تطالعها / ايوه .. احد قالك الخبلة سمر من كلمة تروح تجري له ..
سمر بسخرية / لا سلامتك ..
..../ بنت غرام .. عناد يناديك من اول .. قومي شوفي ايش يبغى بك رجالك ..
غرام تفز واقفه / ان شاء الله يمه ..
سمر تضحك / هههه بتطنشينه .. ما صدقتي اصلا .. روحي روحي بس .. الله يسهل لك ..
غرام زمت شفايفها وهي تعدل شيلتها و تتوجه لمكان عناد ..
سمر شافت العنود جاية جهتها .. العنود / سمر قومي روحي لزوجك و بنتك .. شوفيهم بالمكان الي امس جلسنا فيه ..
سمر بارتباك / وانتي وين بتروحين ..
العنود بستعجال / بروح اشوف بتال ايش مسوي مع رجله و سلطان والظبي معاه ..








:
:
:








ركبت السيارة جنبه وردت السلام ببرود .. عناد حرك السيارة و ابتعد عن المخيم ..
عناد بعد ما ابتعد مسافه وقف السيارة .. و نزل منها و غرام مازات بالسيارة ..
عناد بعد ما فرش الفرشه .. التفت على السيارة / ما بتنزلين ..
غرام نزلت وجلست على الفرشة وهي تنزل الشيلة على اكتافها ../ ليش جبتني هينا ..
عناد وهو يتكي جنبها و بابتسامه / وحشتيني و بغيت استفرد بك ..
غرام صد عنه بزعل / ...........
عناد ابتسم / زعلانه .. ترا الموضوع ما يسوا هالزعل كله ..
غرام التفتت عليه بسرعة وبسخرية / لا والله .. مايستاهل .. تشفق على حرمة كانت حبيبتك زمان ..
عناد ببرود وهو يرفع حاجب / تشفقت ..
غرام بقهر / ايوه ايوه عيونك بغت تطلع من محاجرها .. وقلبك اسمع دقت من بعد كيلو ..
عناد ضحك ضحكه صغيرة وكتمها ..
غرام بقهر قفزت عليه وصارت تضربه على صدره / لا تضحك لا تضحك .. " وفجاه انفجرت بكى " ..
عناد تفاجاء من بكاها .. و بارتباك / والله ما تشفقت عليها .. بس تفاجات من وجودها .. و هي ما طلعت هي ..
سند ما قالك كل شي .. قالك علشان ما شيسمه .. يا بنت .. اسمعيني لا تبكين .. ترا تتوهمين و الله ..
غرام وهي تمسح دموعها / قهرتني ..
عناد يقبل جبينها / والله ما اقصد بس انا تفأجات .. يعني عادي .. و خلاص اسف بس لا تزعلين ..
غرام صدت بزعل وهي تمسح دموعها / ......
عناد بارتباك / طيب .. ايش يرضيك .. انا جاهز ..
غرام طالعته بنص عين / .......
عناد بتاكيد / والله .. الي تبينه ..
غرام بخبث / اي شي ..
عناد بثقة / اي شي ..
غرام بخبث / المهره الي اشتريتها اخر مره .. ابيها ..
عناد فرك انفه .. / طيب هي لك .. " ابتسم بخبث " .. اصلا ماراح تروح بعيد في حلي ..
غرام بخبث تضحك / هاااهااااهاااا .. في حلك .. اها .. طيب نشوف ..









ــــــــــــــــ

[لامارا]

بعد المغرب ..





العجايز حول بعضهم و يسولفون .. والبنات متجمعين جنبهم ..
اماني تاشر لسارة / ايش فيها ..؟
ساره تطالع اماني / تقصدين روان .. بطنها يوجعها .. شكلها بتعيد ..
اماني هزت راسها / اهااا .. اشوف النفسية خايسه اليوم ..
ساره بنغزة / خليك من روان .. ركزي بهمس العجايز ووجه عمتي مياسة ..
اماني تطالعهم بتركيز وهي تاكل من المكسرات / ايش عندهم ..
ساره تهمس / شكل راشد مسوي مصيبة جديدة ..
اماني بعدم تركيز / راشد من ؟.. " وبانتباه " .. اوووه ابوهم .. " عقد حواجبها " .. ايش مسوي ..
ساره تاففت / اوووففففف انتي خليتيني اسمع شي او افهم ..
اماني سكتت ثواني .. ساره تهمس لها / بس الظاهر و الله اعلم ان بكرة راجعين لبيوتنا ..
اماني طالعت بساره و طالعت بعمتها مياسه .. طالعت برنيم .. وهمست لساره / رنيم معصبه ..
ساره تهمس / لان راحت لسند تساله ايش الي صار و ماقالها ..
و سند و عمي رعد و عمي خالد و صقر بكره مسافرين للمدينة ..
اماني بضيق / افففف من ذا الادمي عمري ماحبيته ..
ساره بضيق / الله يعينهم ..









ـــــــــــــــــــــــــ ــ









فجر اليوم الثاني ..





ابرار معاها شنطتها و واقفه جنب فارس وهو يرتب الاغراض بسيارة ..
فارس طالعها ببرود / عندك شي ..
ابرار بهدوء / انتي الي ايش عندك ..
فارس تنهد / ابرار مو فايق لك .. ولا لي مزاج اتكلم .. فا فارقي عني ..
ابرار طالعته بقهر وغصه .. تركته وراحت لجلسة البنات ..
شجون انتبهت لاختها و جلست جنبها .. وبهمس / ايش فيك ..
ابرار تصد عن البنات / فارس ما مدري ايش فيه عليه ..
شجون عقدت حواجبها / ايش صار ..
ابرار تتنفس بعمق حتى تضيع العبراه / من وصلنا و قبل وهو ولا يكلمني و لا يسال عني ..
شجون هزت اكتافه / بس .. عادي .. انا طارق اكثر من مره امشي لحالي و اصادفه يصد عني .. ولا ارسل شي لي ..
ابرار طالعتها و بسخرية / و فرحانه .. ما انتي شايفه البنات .. كل وحدة زوجها يناديها و يدلعها ..
وانتي كانك الخدامه .. والله حتى الخدامه ينادونها و يسالون عنها .. ما اقوال الا مالت ..
شجون رفعت حواجبها وبكذب / وانتي كل وحده يناديها زوجها معناته يناديها يدلعها ..
والله مانتي عارفه شي لو انك مفتح عيونك و اذانيك تقولين الحمدالله على الي انا فيه ..
ابرار طالعتها بفضول / ليه ايش فيه ..
شجون / كل وحدة مايناديها زوجها الا معطيها محضره .. والكل يعرف بها .. و بدال ما تفرح تتفشل ..
ابرار بستغراب / تمزحين ..
شجون تهز راسها / تؤ .. طالعي ووجيههم و تتاكدين ..
ابرار طالعت في البنات بتركيز .. و شجون بداخله " الله يهديك يا ابرار وتبطلين هالطبع " ..








ـــــــــــــــــــــ







عند سيارة بتال ..




راكان يسولف مع بتال وهم جو السياره يتكلمون و زياد واقف برا / لا حول و لاقوة الا بالله .. نسال الله حسن الخاتمه ..
زياد تنهد / انا ماشي .. سلام ..
راكان وبتال / وعليكم السلام ..
راكان وهو يطالع جهة العنود و سمر / ايش الي ماخرهم ..
بتال / مدري .. " رفع شنطة العنود وبضيق " .. نفسي اعرف شنطة اختك ايش فيها .. ثقيلة ..
راكان ابتسم / مو صعبه افتحها وشوف الي فيها ..
بتال / تلقاه حركات البنات مكياج وعطر و مدري ايش ..
راكان هز راسه / العنود ماعمرها حطة المكياج بشنطتها الصغيرة ..
بتال رفع حاجبه / مسوي نفسك تعرف اختك ..
راكان بتحدي / تتحدا ان مافيها مكياج ..
بتال وهو يفتحها / نتحدا .. ها .. قلم .. محفظه .. " عقد حواجبة " .. ايش العلبة هذي ..
" فتح عيونه و هو يطالع راكان " .. سلاح ..
راكان طالع بالسلاح و اخذه .. انتبه للعنود و سمر وهم يركبون السيارة .. العنود / بسم الله توكلنا على الله ..
بتال و راكان / ..........
راكان بمكان السايق و بجنبة بتال .. و العنود خلف راكان و سمر خلف بتال ..
العنود طالعتهم / ايش فيكم ساكتين ..
راكان يرفع السلاح وبنبرة / من متى معاك ..
العنود ابتسمت / اهااا .. من زمان ..
راكان بحدة / متى ..؟
العنود بستفزاز / لا تصر على المعرفة .. لا تزعل ..
راكان طالعها و جه السلاح على وجهها / اذبحك ..
العنود / ههههههههه فداك ..
راكان رجع ريح بجلسته وهو يبتسم و بتال يطالعهم / بس ..
طالع بالعنود بحدة / لاعاد تشيلين سلاح معاك .. لا يطيح بيد احد من الصغار و يروح فيها ..
العنود بهدوء وهي تعدل عبايتها / على امرك .. خلونا نمشي بس ونلحق الجماعة ..
" وبتذكر " .. ورجع السلاح لمكانه ..
راكان هز راسه / السلاح .. طيب يا اخ العنود .. السلاح باخذه ..
بتال بتساؤل / من وين جبتي السلاح ..
راكان بهدوء / حق ابوي الله يرحمه ..








ـــــــــــــــــــ








يوم جديد ..


بيت ابو سطام ..






العنود جالسه مع مشيرة ..
مشيرة / يقولون جرعة زايدة و ميت بالحمام ..
العنود بضيق / لا حول و لا قوة الا بالله ..
الجوري / حزنتني روان ..
العنود / كلهم تاثروا ..
بعد صمت لثواني .. مشيرة / روان اماني البندري سارة سمر غرام شجون خزامى تمارا ..
كلهم اعمارهم متقاربه .. الا ان كل واحده فيهم لها شخصية و دلع خاص فيها ..
العنود طالعتها تبيها تكمل / اهاا ..
مشيرة / اماني بسبب دلع ابوها لها و لان ماعاشت شي مصيري وهي الي تقرر وهي الي تتعب فيه ..
صارت جريئة وقوية و لا تخاف .. تمارا دلعها خالها .. بس كانت عارفه ان اي غلط راح تتحمله و تخسر ..
علشان كذا هادئة و رزينه وتاخذ قراراتها بعد تفكير .. ساره تكتم و تخاف .. روان الدموع و الانطوا ..
البندري متخبطة .. خزامى ناضجة .. غرام و شجون يتشابهون مرات تشوفينهم ناضجات و مرات خبلات ..
سمر ضعيفة شخصية .. برغم انها صارت زوجة و ام .. الا ان شخصيتها منعدمة ..
ماتسوي شي الا اذا ابوها او امها او اخوها قرروا عنها و قالوا لها سوي .. شخصيتها تنرفزني ..
الجوري بسخرية / الحمل يخليك فيلسوفه .. ومحللة شخصية ..
مشيرة تطالع بالعنود / بالله مو صح كلامي ..
العنود تهز كتوفها / فيه شي صح و شي مو معاك فيه ..
......./ السلام عليكم ..
الجوري و مشيرة و العنود التفتوا على مرام و نوال / وعليكم السلام ..
نوال تجلس / كيفكم ..
الكل / الحمد الله بخير ..










ـــــــــــــــــــــــ









بعد اربعة اشهر ..





بيت مياسة ..





ام صقر وبناتها متجمعين حولها .. رنيم تشوف نفسها للمره المليون في المرايه و تتاكد من زينتها ..
رنا وهي تاكل من صحن فيه ليمون مع الملح / رنيم خلاص .. ما طفشتي ..
رنيم بتطنيش التفتت على امها / كان سند تاخر ..
ام صقر ابتسمت / لا اله الا الله .. يابنتي ماله دقيقتين من كلمتيه و قالك خمس دقايق ويوصل ..
شوفي بنتك و رضعيها وقت الرضعه الحين ..
رنيم تطالع بريما / ريما انتبهي لفهد لا تغفلين عنه .. ترا كل ماشاف اخته العنود اعطاها كف والا عضاها ..
ريما تطالع بالطاولة الي قدامها و عيونها ثابته و كانها تفكر بشي و بعميق ..
ريهام طالعت برنيم / ريما من زمان وهي مو معانا ..
رنيم / من يوم جاء سند وقال لها عن حاتم و خطبته وهي متغيره ..
ام صقر بتنهيدة / ليتها توافق .. " وبمحبة " .. حتى بنيته الصغيره غلا .. حبيتها وحسيتها وحدة من بناتي ..
ريهام بهدوء / المهم ابو غلا مو غلا ..
ريما وهي مازالت عيونها على الطاولة و بصوت خاوي / انا وافقت و بلغت سند ..
ام صقر و بناتها طالعو بريما متفاجئين .. ريما طالعت برنيم وبخوف / قولي لسند ما ابغى خلاص ..
ام صقر بغضب / مو انتي كلمتي الرجال وقلتي له .. خلاص كلميه وقولي له الحين ..
ريما وهي تقضم اظافرها .. دخل صقر / السلام عليكم ..
الكل / وعليكم السلام ..
صقر لرنيم / ابو فهد ينتظرك برا .. " ابتسم " .. والله حاله ..
رنيم ما انتبهت له اخذت شنطتها الصغيرة و رفعت طرف فستانها الابيض و راحت للمدخل تلبس عبايتها ..
صقر يطالع باخواتها / سند محلق و متزين كانه عريس وهذي كانها عروس .. الله يهني سعيد بسعيدة ..
ام صقر ابتسمت / من حقه.. اختك من اربع اشهر وهي عندنا .. " تنهدت بضيق " .. من وفاة ابوكم .. الله يغفر له ..
البنات بحزن و ضيق / ..............
صقر بعد صمت ثواني بيغير الجو / اي صدق .. مبروك ريما .. الله يتمم لكم على خير ..
حاتم رجال و النعم فيه .. بعد بكرة نروح علشان التحاليل و باذن الله اسبوع و تطلع النتايج ..
ريما بارتباك / .............
ام صقر وهي تتشاغل عن ريما / الله يتمم لهم على خير ..
ريما بصدمه و ارتباك طالعت بامها و اخواتها و تحس انها فقدت القدرة على الكلام ..








ـــــــــــــــــ







بيت راكان ..




رتبت شنطتها و شنطة بنتها .. و اخذت اهم الاغراض و طلعت من الجناح بهدوء ..
مسكه بنتها بيد و اليد الثانية تسحب الشنطة .. نادت وحدة من الخدم حتى تساعدها بشنط ..
وهي بصالة واقفه تعدل عبايتها و نقابها .. طلعت ساره من المطبخ .. و باستغراب ../ سمر ..
سمر التفتت لها و ببرود / هلا ..
ساره عقدت حواجبها / وين رايحه به الوقت ..
سمر بجمود / رايحة بيت اهلي .. اشوفك على خير ..
دخات الخدامه و سمر طلعت .. ساره بتساؤل / وين رحتي ..
الخدامه / روه ودي شته هق مدام شياره ..
الخدامه راحت المطبخ و سارة جلست قبال التلفزيون مو فاهمه شي ..








ـــــــــــــــــــ







بيت ابو عبدالعزيز ..






مشيره تعدل جلستها شوي شوي .. و هي ترفع ولدها " عبدالله " .. و ترضعه ..
البندري وهي تاكل من التمر / الحمدالله ولدتي بعد شبكتي .. و ولدتي قبل زواج طارق بشهر ..
ام طارق وهي ترتب ملابس البيبي / الا والله الحمدالله الي افرجها لها بسلامه ..
مشيرة تنهدت / منصور وين ..
ام طارق / راح يلعبه ماجد و يقول فيه محل العاب فتح جديد وعليه تخفيضات بيروح يشوفه ..
البندري بقهر / النذل ما اخذني معاه .. يقول اول استاذني من زوجك ..
مشيرة وهي تكتم ضحكتها .. ام طارق بضحكة / عارف انك قوية بس عليهم والا على غيرهم خرطي ..
مشيره بهدوء / ايش باقي لطارق من تجهيزات ..
ام طارق تنهدت / والله مدري عنه .. كل ما سالته قال ابد مابقي شي .. اقوله يامك بشوف المطبخ ان ناقصه شي ..
قال ابد الي تبينه قولي عليه وانا اجيبه لعندك .. ارجيلاتك توجعك ...
مشيرة بحنية / ياروحي .. اي والله يمه انتي تعبانه .. ومايبي يتعبك زود ..
ام طارق بمحبة / ياروح امه .. ان ماتعبت لجله لاجل من اتعب هو ماقصر علينا .. شالنا على كتوفه من هو صغير ..
ما ارتاح .. ما اقول الا يالله .. تفتح عليه باب الرزق و السعادة و ترزقة بالذرية الصالحة البارة ..
البندري و مشيرة / امين ..







ـــــــــــــــ






بيت ابو طلال ..





نوال الي من اسبوع في بيت اهلها استعداد للولادة .. جالسه على الكنبه وهي تحس بالم اسفل ظهرها ..
ام طلال / لا اله الا الله .. تقديم موعد زواج شجون و طارق خبصنا ..
ام سيف / وهذا احنا مالنا الا الطرف من الهم .. كيف ام طارق و ام عناد ..
ام طلال / اي والله .. الا اماني وينها ..
ام سيف بعدم رضا / في المجلس مع نايف ..
ام طلال بضيق / الله يهديك يا عبدالعزيز هو الي مشجعها ..
ام سيف / البارح قعد عندها الين 8 الصبح ويوم قلت لعبدالعزيز قال ارسلوا الفطور لهم ولا تقولون كلمه ..
نايف ولدي و اماني بنتي ..
نوال بالم وهي تعض شفايفها / اممممممممممممممممممم ..
ام طلال برعبه طالعت بنوال / ايش فيك ..
نوال تبكي / ظهري ظهري .. ما اقدر اتحمل ..
ام سيف وهي توقف / والله انه الطلق .. خلني اكلم احد يودينا المستشفى ..
ام طلال / تراها بكرية والله ان راحت الحين ليعسرون فيها ..
ام سيف وهي تتذكر ولادة مرام الاولى / تروح المستشفى تتوجع عندهم و لا تتولد علينا ..








:
:
:







بالمجلس ..




اماني رافعة حاجب وبعصبية / لا والله .. انا الي بدات .. انت ابد مؤدب ما سويت شي ..
نايف كان يمزح معاها و تفاجا من عصبيتها / اماني ايش فيك ..
اماني بعصبية / شوف نايف .. ابوي امن فيك .. علشان كذا تنام معاي و كانا متممين هالزواج و فبيت اهلي ..
وانا راضيه و ساكته .. بس لان انت زوجي وانا عارفة انك ما راح تلعب معاي .. نايف انا مو بنت حرام ..
نايف احتد وجه / اماني بالا جنان .. انا مو قصدي شي ..
اماني و تحس العبرة واقفه بنص بلعومها / لا والله .. تقول ان الي نسوية سوات السكار .. وتبيني اسكت ..
نايف وقف وهو يقفل ازرار ثوبه و يسحب شماغه و عقاله / انتي مو صاحية اليوم .. اطلع الحين افضل ..
اماني بعصبية / انقلع .. احسن ..
نايف طالعها بعصبية وتركها .. و طلع من المجلس على الممر الخلف و بعدها لخارج البيت ..
اماني جلست على الكنب تبكي ..






ـــــــــــــــــــ







يوم جديد ..





العنود تتقهوه هي و ساره .. / وين سمر ..
ساره هزت اكتافها / ما ادري .. " وبتذكر " .. البارح بعد العشاء شفتها طالعه من البيت .. وقالت بروح لاهلي ..
و لقيت الشغاله تقول انها وده شنطة سمر لسيارة .. فالاول قلت يمكن شنطة اليد بس بعدين تذكرت ان الشنطة بيدها ..
" طالعت بالعنود " .. اتوقع زعلانه و راحت لبيت اهلها .. و الفجر شفت راكان طلع و شكله معصب ..
العنود تنهدت وبضيق / لا حول و لا قوة الا بالله .. الله يهديه بس ..





:
:
:



في بيت ابو بتال ..




الجوهرة تطالع في بنتها بتفحص و نظرات غريبه الي ناايمه على الكنب بخدر .. وبنبرة / سمر
سمر طالعت بامها وبتعب / نعم ..
الجوهرة بنغزة / كم شهر ؟
سمر ضمة المخدة على بطنها اكثر وبحزن / خمسة ..
الجوهرة بقهر / خمسة شهور و لا تكلمتي .. ليه ؟
سمر انفجرت بكي .. الجوهرة قامت وجلست بنتها وجلست جنبها وهي تحضنها / بسم الله عليك ..
سمر بشهقه / تعبت منه مدري على ايش يعاقبني انا ايش سويت له ..
مع غيري يضحك و يسولف و انا بس يصارخ و يكشر .. معاد ابيه .. خلاص ..
........ / السلام عليكم .. سمر بابا .. ايش فيك ..
سمر تبكي وتشهق بحضن امها .. الجوهرة / زعلانه من راكان وتركت بيتها البارح و جات عندي ..
ابو بتال باهتمام / ليه ايش صار ..
سمر تمسح دموعها و تهدي نفسها شوي / من سنه وهو يعاملني بجفا كاني خدامه عنده و كل يوم يصرخ عليه ..
اي شي يصير له يحط الوم عليه .. " وبغصة " .. حتى موتت امه وابوه .. انا ايش دخلني بموتتهم ..
ابو بتال عقد حواجبه / استغفر الله العظيم .. انتي ارتاحي الحين وبعدين نتكلم ..
الجوهرة / وتراها حامل خمسة شهور و لا قالت لنا ..
سمر تمسح انفها بالمنديل / محد يدري ..
ابو بتال بتفاجاء / حتى راكان ..؟!!
سمر هزت راسها بنعم .. الجوهرة / وكيف تروحين العيادة ..
سمر هزت راسها / ما رحت ..
الجوهرة بقهر / لا والله ذي الي مو بصاحية ..
ابو بتال وقف و طالع بالجوهرة / وديها الدكتورة و اكشفي عليها .. وراكان انا الي اكلمه .. فمان الله ..
الجوهرة وسمر / فحفظ الرحمن ..









ـــــــــــــــــــــــ

[لامارا]

بالمستشفى ..




اماني تقرص خدود البيبي / يا حلاته يا حلاته ..
نوال بتعب / سعود وين ..
ام سيف / راح يكلم امه يقول لها انك ولدتي ..
ام طلال تراقب اماني بنظرات تفحص .. اماني الي منزله شيلتها على اكتافها و لفه شعرها ..
نوال بتعب / يمه .. ابي الحمام " اكرمكم الله " ..
ام سيف تساعد نوال تنزل من السرير شوي شوي .. بعد ما دخلوا الحمام " الله يكرمكم " ..
ام طلال بجدية / اماني ..
اماني التفتت على خالتها / هلا ..
ام طلال بجدية / صار شي اكبر من الي برقبتك بينك وبين نايف ..
اماني تغير لون وجهها .. فجاه انفتح باب الغرفه ودخل ابو طلال و طلال و سيف ..
ابو طلال بابتسامه / الحمدالله على السلامه .. وين نوال ..
اماني تلف شيلتها .. ام طلال / الله يسلمك .. الحين تجيكم .. ارتاحوا ..
سيف تنهد / ما بقي الا الجوري ..
طلال ابتسم / توك ما لحملها شهر ..
انفتح باب الحمام اكرمكم الله و طلعت نوال حتى تبتسم بفرح من شافت ابوها و اخوانها وهم يهنونها ..








ـــــــــــــــــ








بعد اسبوع ..





*طلعت نتائج تحاليل ريما و حاتم .. و تطابقها .. و تحديد موعد الملكه و الزواج .. وريما ملتزمة الصمت ..
*رجوع مشيرة لبيتها بعد عشرين يوم من نفاسها بطلب من ابو بتال برجوع لبيتها ..
*فارس و ابرار كل انشغل عن الثاني .. ابرار بتجهيز شجون لزواجها و فارس بالمشروع الجديد ..
*سند و رنيم .. عرسان جدد مع ايقاف التنفيذ .. وانتقلوا لبيتهم الجديد ..





راكان طالع من بيت جده .. و شاف شيخه تبكي وهي مع سامر .. تقدم منهم ..
راكان وهو ينحني على شيخه و يحضنها / حبيبة بابا من زعلها ..
ابو بتال الي كان طالع من بيته و شاف راكان وسمع كلامه وبنبرة / يوجعك زعلها .. عرفت ان زعل الضنى غالي .. ؟
راكان وهو يوقف بحرج / هلا عمي ..
ابو بتال بشرهه / اذكر يا راكان قلت لي ان سمر بتكون في عيونك وما تزعلها .. و الحين .. لا وفيت بكلامك ..
ولا قلت الحرمه حامل اداري خاطرها .. واغض بصري ان قصرت بشي .. لين تعدي هالفترة ..
راكان بهت وجهه .. / ما قالت لي انها حامل ..
ابو بتال و هو يعدل غترته و بسخرية / ما انت فاضي لها ..
راكان عقد حواجبه / بغيت اكلمها ..
ابو بتال وهو يعطي راكان قفاه و يتجه لسيارة / الحين مو فاضيه .. لمن تفضى تناديك ..
راكان طالع عمه بصدمه .. و سامر ابتسم بشماته .. اخذ شيخه و دخل البيت ..
راكان بقهر / طيب يا سمر .. يصير خير ..








ـــــــــــــــــ








بعد الساعة 10 مساء ..



صقر طالع من بيت خاله سلطان .. انتبه لاضاءة بدروم بيت خاله عبدالعزيز ..
قرب حتى يشوف طلال من احد الفتحات .. دخل وهو يتلفت بالبدروم .. وباستغراب و ذهول / لا اله الا الله ..
طلال رفع راسه وشاف صقر و بابتسامه / هلا .. " اخذ الفوطه و مسح يدينه " .. ها عجبك ..
صقر يطالع بالسيارات و الدبابات " الدرجات النارية " و ترتيبها و ديكور الي مصمم .. / ايش هذا ..
طلال ابتسم / الله يسلمك .. من زمان كان عندي جنون شراء السيارات السريعة .. و بعض الاوقات دبابات ..
صقر رفع حواجبه / ومن وين لك الفلوس ..
طلال بدلع / من البابا مو انا حبيب البابا ..
صقر يطالع بطلال ../ هههههه مو لايق عليك ..
طلال ابتسم وهو ياشر بيده / هذي اول سياره .. واول حادث سويته فيها صدمت جدار جارنا ..
وحلفت امي معاد اركبها .. و علشان ما اكسر حلفانها .. اشتريت غيرها .. هذي هي ..
بعدين تعرفت على مجموعة شباب جنونهم الدبابات .. وركبني هالجنون .. و اشتريت اول دباب ..
و صار عليه حادث كسر يد .. و بعدين هالسيارة و مليت منها و غيرتها و اخذت هذي ..
صقر يطالعه / طيب بيعها .. لا تخزنها ..
طلال ابتسم / لا .. عندي حب تملك مزعج جدا .. اخر سيارة اخذتها هذي .. " و هو ياشر على خلف الستار " ..
صقر قرب و ابعد الستار .. و عقد حواجبه / حتى هذي .. يا شيخ خاف ربك .. امك شافتها ..
طلال يهز راسه / لا ..
صقر هز راسه / الله يهديك و يشافيك ..
طلال / ههههههههههههههههه . امين ..









ــــــــــــــ





يوم جديد





بجناح زياد ..





زياد يطالع بريهام وهو شايف تغيرها من فترة من بعد رجوعهم لشرقية .. شاف الساعة ووقت قرب اذان العصر ..
وقف و توجه لدورات المياة ليتوضأ و يتوجة للمسجد ..



بعد الصلاة ..




....../ كيف حالك .. عساك بخير ..
...../ الحمدالله .. بخير من الله ..
.....ابتسم / ما شاء الله معاد تسال و لا تزور .. استغنيت عنا ..
زياد ابسم / لا والله مو كذا .. بس انشغلت ذا الفترة كثير .. و رجعت لشرقية .. وانا باذن الله ناوي ازورك ذا الايام ..
د.سالم / حياك باي وقت .. " وباهتمام " .. فيه مشكله او شي ..
زياد تنهد و بتساؤل / ممكن اكون عقيم ..؟!!
د.سالم عقد حواجب / وليه .. تقصد بسبب المشكلة الي قبل .. لا ان شاء الله .. لكن اذا عندك مشكله بها الشي ..
روح لدكتور مختص به الشي .. و لا تاخذه من جانبك بس .. حتى زوجتك .. يمكن عندها مشكله ..
زياد بتفكير / ممكن ..
د. سالم وهو يمد يده حتى يصافحه زياد .. ابتسم / انتظر زيارتك بالعيادة او بالبيت كاصديق ..
زياد ابتسم / باذن الله ..
د . سالم / مع السلامه ..
زياد / فمان الله ..








ـــــــــــــــــــــــــ ـــ







بغرفة اماني ..






وهي واقفه قبال المراية و يدها ترجف .. تنتظر نتيجة الاختبار .. اول ما وضحت النتيجه جلست ببرود على الكرسي ..
حست بتعرق جبينها .. مسحت جبينها بيدها .. و عيونها بدات تظلم .. اخذت نفس عميق وهي تهمس / يالله ..
سمعت صوت رنين الجوال .. وقفت بصعوبة وتوجهت لسرير تبي تسكر الجوال .. شافت صورت نايف ..
يعني هو الا متصل .. فتحت المكالمه .. و بصوت خاوي / انا حامل ..
نايف ما سمع ايش قالت بابتسامه / السلام عليكم ..
اماني بعبرة / اقولك حامل .. حاااامل ..
نايف مو مستوعب / ايش تقولين .. من حامل ..
اماني انفجرت بكى / بانفضح .. بانفضحح ..
نايف بصدمه / .............
اماني تشهق وهي تعتصر بطنها ... نايف بارتباك / اماني .. اهدي ..
اماني تشهق / كيف اهدا .. كيف زواجنا محددينه بعد العيد .. واحنا بشهر اربعه .. يعني ..
" وهي تعد على اصابعها " .. خمسه و سته و سبعه و ثمانية و تسعه و بعدها عشره الزواج .. كم شهر ..
ايش نسوي .. نايف .. ايش اسوي ... قولي ايش اسوي ..
نايف جالس بسيارته قبال البحر مسح على جبينه / ما ادري .. ما ادري .. انتي الحين اهدي ..
و بعدين نشوف ايش نسوي ..
اماني بعصبية / متى بعدين متى .. لمن يكبر بطني و الكل يعرف ..
نايف يحاول يهديها / لا يعني .....
اماني تقاطعه بعصبية وقهر / الله ياخذك .. الله ياخذك .. كله منك كله منك ..
" حتى تقفل الجوال بوجهه " .. وترمي نفسها على السرير تبكي بقهر و خوف وندم ..







ـــــــــــــــــــ








بيت ابو عناد ..





عناد و بدر و ابو عناد و ام عناد قاعدين بالصالة .. يسولفون ..
دخلت ابرار وهي محملة باكياس و وراها شجون محملة بعد .. ابرار تجلس على الكنبة / السلام عليكم ..
شجون وهي ترمي الشيلة / سلام ..
الكل / وعليكم السلام ..
عناد عقد حواجبة / بنت .. هذا كله قشيتيه من السوق .. ايش خليتي لناس ..
ام عناد / قول لا اله الا الله ..
عناد بابتسامه / لا اله الا الله ..
بدر وهو يسحب احد الاكياس الي عليه اسم محل يعرف ايش يبيع هالمحل .. ابتسم بخبث وسحب الكيس ..
ابرار و شجون نطوا بنفس الوقت / لالالالالالالالا ..
عناد طالع ببدر .. بدر وهو حاط الكيس ورا ضهره / هاا هاا هااا .. ايش عندكم .. بشوف ايش بالكيس ..
ابرار و شجون ووجههم محمر برعب / لالالالالالالا ..
ابو عناد عقد حواجبه / ايش فالكيس .. خله يشوف ..
ام عناد تدق ابو عناد بكوعها و تغمز .. ابو عناد / ايوووه .. " التفت على بدر " .. خل عنك القافه ..
عناد ابتسم / انا بشوفه اذا عجبني باخذه لغرام ..
ابرار وهي تسحب الكيس من يد بدر وهو يمده لعناد / عندك السوق طب وتخير .. وخذ لحرمتك ..
عناد ابتسم وهو يوقف / تهنين فيه وملبوس العافية ..
بدر وقف وبمزاح / مبروك يا ابو الشباب .. اقصد ام الشباب .. وربي يوفقك ..
شجون حمر وجهها وعيونها غورقت بالدموع ..
ابو عناد بمزاح / اوووه يا ام عناد .. الحين بنقعد لحالنا و نتونس و نرجع ايام الشباب ..
ام عناد / لا من غير شر .. ما نقعد لحالنا .. عناد وغرام يجون عندنا .. بدال الايجار و الشقق ..
ابو عناد وهو يطالع بعناد / اي والله وانا ابوك .. تعال عندنا تونسونا و تكثرونا ..
عناد تند / ان شاء الله يبه .. نرتب امورنا و ابشر .. " قبل راس ابوها وامه " ..
تصبحون على خير .. تامرون على شي ..
ام عناد / سلامتك .. بس خذ اختك وصلها بيتها ..
ابرار / لا ما يحتاج .. بنام هينا علشان بكره نرتب اغراض شجون .. و فارس عنده خبر ..
ام عناد / اها براحتك ..
ابرار بهمس لشجون / وكان هالفارس يدري عنن هواء داري .. " وقفت " .. يالله خلنا نطلع فوق ..








ـــــــــــــــــــــ







بيت راكان ..





راكان / الزواج بعد العيد ..
نايف ابتسم / الزفة عليه .. والله لزفك من البيت للقاعة و من القاعة للبيت ..
ساره بخجل داخله ورا ظهر العنود وتممتم بكلمات مو مفهومه ..
العنود ابتسمت / على خير ..
راكان وقف / بتروحين لسمر اليوم ..
العنود وهي تشرب من فنجان الشاهي .. / مالي دخل قلت لك .. نصحتك اول و انت ما سمعت .. طلع شوكك بيدك ..
راكان تافف و هو ياخذ الجوال و المفاتيح .. / حسبي الله ونعم الوكيل .. حتى مو وقتة ابد .. الي براسي مكفيني ..
يالله .. ادعولي .. اليوم عندي شغله مهمه ..
العنود / الله يوفقك ويسر امرك ..
ساره وقفت / انا بروح لغرفتي .. " بعد ما ابتعدت عن العنود ونايف " ..
نايف بتوتر / العنود ..
العنود بهدوء / امم .. قول .. شايفتك من مده وفيه شي بخاطرك تبي تقوله ..
نايف ببحه / اماني حامل ..
العنود سكتت شوي وصلبت نظراتها .. بعدها بهدوء / نعم ..
نايف وهو يمسح على شعره / انا واماني .. يعني .. ما ادري .. المهم .. " وبسرعه " .. هي الحين حامل مني ..
العنود طالعت بنايف و بصدمة / تمزح ..
نايف هز راسه .. وتنهد / لا .. هالموضوع مافيه مزح ..
العنود فتحت عيونها للاخير / لا والله ..
نايف بارتباك / انا ادري انه غلط .. " وبتبرير " .. بس مو حرام .. انا زوجها .. يعني حلال ..
العنود بعصبية / نايف .. نايف .. صح مو حلالك .. بس مو فبيت ابوها في بيتك .. يعني ايش يقولون الناس ..
" حطت يدها على راسها " .. الله اكبر عليك .. الله اكبر عليكم ..
نايف يمسح وجهه / والله يا العنود مدري .. مدري ايش الي صار و كيف .. المهم .....
العنود بعصبية / اص اص .. كيف ماتدري .. ما خطر في بالك عمك .. اهلك .. مستعجل على العرس قول ..
عمي بيجيبها لك لبيتك بثيابها .. بس مو تغدره .. هو امن فيك وانت غدرته .. حسبي الله و نعم الوكيل ..
نايف غطا وجهه بيدينه .. وهو مو عارف ايش يقول ..









ــــــــــــــــــــ









بغرفة اماني ...






سمعت طقات الباب .. بتعب وهي نايمه على السرير / نعـــم ..
فتحت مرام الباب بهدوء وهي مبتسمه / سلام ..
اماني طالعتها / وعليكم السلام ..
مرام وهي تقرب منها .. وبتساؤل / تعبانه ؟!!..
اماني بتافف / ايوه .. تبغين شي ..
مرام بهدوء / سلامتك .. بس نوال سالت عنك .. شكل هذيك معاك ..
اماني غمضت عيونها و سحبت الفرشه عليها / ...................
مرام تركت اماني وطلعت .. حتى تقابل ام طلال على الدرج وبهدوء / اخلاقها مقفلة .. معاها عذرها ..
ام طلال ابتسمت / خلني اشوفها اذا تبغى لها شي ..
ام طلال دخلت على اماني و تقدمت من السرير حتى تجلس جنب اماني وحطت يدها على جبين اماني ..
اماني بتافف / مو مسخنه .. بس تعبانه شوي و بنام ..
ام طلال بحنان / فيه شي بينك وبين نايف ..
اماني بعصبية / ما ابغى اسمع اسمه .. الله ياخذه .. الله ياخذه .. " وانفجرت بكي " ..
ام طلال بحنان / ياروحي لا تبكي .. هذا شي عادي يصير بين كل زوجين ..
انفتح الباب و طلع لهم طلال / سلام .. ايش بها تبكي ..
ام طلال ابتسمت / ما فيها شي .. غير دلع البنات .. " وهي تغمز لطلال وتاشر له بان نايف في الموضوع " ..
طلال ابتسم / اهاا .. طيب يا الدلوعه لا تطولين الزعل ما نقوا على بعادك .. سلام ..
ام طلال ابتسمت / وعليكم السلام ..
اماني وهي تمسح دموعها / خالتي ممكن تخليني انام ..
ام طلال وهي تطبطب على كتفها / نوم العوافي .. " وقفت " .. الله يهدي سرك ..
اماني تنهدت وهي تسمع قفل الباب وغمضت عيونها بتعب / .................








ـــــــــــــــــ







يوم جديد ..





بيت سند ..




سند وهو يتقهوا مع عناد بالمجلس .. / ايه انا اقنعته .. ومع اصرار امه وخواته رضخ اشوي ..
عناد وهو ينزل الفنجان / ريما تستاهل مثل حاتم .. غيث كسر بخاطرها ..
سند تنهد / والله بالاول شلت عليه كثير وكنت ناوي عليه .. لكن من سمعت منه السبب .. غيرت رايي ..
عناد / الله يرزقه بالي يسر خاطره .. و ييسر لريما وحاتم و يرزقهم الذرية الصالحة ..
سند / امين .. " انتبه لغرام ومعاها صينية الشاهي ابتسم " .. هلا بالغرام .. اتعبناك ..
غرام ابتسمت / تعبك راحه فديتك ..
سند وهو ياشر لها تجلس جنبه / تعالي علميني بعلومك .. كيف صحتك ..
غرام وهي تجلس بجنب اخوها بعد مانزلت الصينية على الطاولة ../ الحمدالله بخير وعافية ..
سند وهو يصب الشاهي / ليته ولعله ..









ــــــــــــــــ








بيت راكان ..





المكتب ..




دخلت العنود بعد ما طقت الباب / سلام .. فاضي ..
راكان ابتسم / وعليكم السلام .. افضا علشانك .. حياك ..
العنود دخلت وقفلت الباب وراها وبجديه / بكلمك بموضوع مهم ..
راكان وهو يقفل الملف الي بيده وو يقوم من الكرسي / كلمتي سمر ..
العنود وهي تجلس على الكنب تنهدت / موضوعك انت وسمر مالي دخل فيه ..
" وبجديه اكبر " .. الموضوع يخص نايف واماني ..
راكان يجلس قبالها عقد حواجبه / خير .. ايش صاير ..
العنود بلعت ريقها بتوتر / اماني حامل ..
راكان / ................
العنود تكمل حتى لا يفهم راكان الموضوع غلط / من نايف ..
راكان ضم يدينه وعقد حواجبة وتقدم شوي / نعم ..
العنود وهي تضغط على راسها / من قالي نايف وانا مو قادر انام .. ولا قادره افكر ..
راكان رجع ريح بجلسته / يمكن يمزح ..
العنود طالعت براكان / يمزح .. هالموضوع فيه مزح .. حتى اماني لمن رحت ابارك لنوال واتحمد لها بسلامه ماشفتها ..
ولمن سالت عنها قالو لها فترة تعبانه و مما تبغى تكلم احد .. يعني الموضوع جد ..
راكان بضياع / طيب ليه .. يعني .. كلنا بايام الخطوبة نتملعن بس .. مو نتعمق ..
" ابتسم وبعدها ضحك " .. ههههههههههههههه والله يا نايف ما عندك فرامل .. طلعت خفيف ..
العنود فتحت عيونهها للاخير / راكاااان .. انا بايش اكلمك وانت بايش تفكر ..
راكان ابتسم / طيب .. ايش فيها .. مو زوجته .. تقصدين الزواج والطقطقة والعزايم ..
بعد اسبوعين زواج طارق نخلي زواج نايف بعده بشهر ..
العنود / وعمي عبدالعزيز .. ايش تقول له .. ايش سبب تقديم الزواج مو على اساس بعد العيد ؟..
راكان تنهد / راح اقوله السبب ..
العنود طالعت باخوها / نعمم .. ايش بتقول له ..
راكان ابتسم / بنتك اغتصبت اخويه و هي حامل هههههههههههههههههههههههه ..
العنود ضربت بيدينها الطاولة و وقفت بعصبية / وبالله المستعان .. حسبي الله ونعم الوكيل .. ناقصة جنونكم انا ..
راكان يكتم ضحكته وهو يرفع الجوال بيتصل على نايف .....









ــــــــــــــــــــــــ

[لامارا]

شقة طلال ..





مرام بهدوء / اها علشان كذا منفسه ..
طلال ابتسم / عادي مثلك .. اول ما تزعلين تنفسين على الكل ..
مرام ابتسمت / وانت ماتقصر ..
طلال / ههههه كل الي ببداية زواجهم يتمشكلون ويختلفون وبعدين تعتدل حياتهم ..
مرام تنهدت / مثل فارس وابرار .. نفسي اساله بس اخاف يقول ملقوفه ..
طلال بتنبيه / لا .. لا تتدخلين .. مثل ما احنا من قبل ما كانا نحب احد يتدخل بينا .. هو اذا احتاج شي راح يتكلم ..








ـــــــــــــــــــ






بعد الساعة 10 مساء ..




شقة فارس ..





جالس على الاريكة بغرفة النوم و متشاغل بالاب توب .. وبطرف عينه يطالع ابرار الي ترتب فستانه بالدولاب ..
وبداخله " قاصة شعرها .. كانه صابغته مغمقه الون .. القميص الي لبسته جديد .. والعطر بعد مغيرته ..
يعني تجهز اختها وتتجهز معاها .. " عقد حواجبه " .. مغيره بوجهها شي .. شفايفها .. منفختها ..
و بصدمه وصوت عالي / منفخه شفايفك ..
ابرار بعد مارتبت الفستان و حطت جزمتها اكرمكم الله بالدرج , التفتت عليه باستغراب / نعم ..
فارس يرمي الاب توب على الاريكه جنبه ويوقف ويقرب منها وهو يركز على شفايفها / منفخه شفايفك ..
ابرار ركزت ظهرها على الدولاب و عقدت يدينه على صدرها وبسخرية / مدري .. ما ركزت ..
فارس وهو يقرب منها اكثر وبعصبية / جاوبي بدون تريقه ..
ابرار وهي تعض شفايفها / مو منفختهم .. ملتهبه شوي .. مثل كل مره لمن اكل شي حار و مفلفل ..
تركت فارس و توجهت لسرير حتى ترفع الفرشه وتنام .. فارس مسح على شعره بفشله و راح لسرير ..
رفع الفرشة و دخل تحتها .. وبهمس / برو .. حبيبي ..
ابرار بغصة / خلاص فارس .. بنام ..
فارس وهو يسحبها لحضنه / مو خلاص من البعد و الجفا ..
ابرار وهي تكتم شهقاتها / انت مو وانا ..
فارس وهو يضمها ويضحك / طيب انا اسف .. " وبهمس " .. بس اقولك شي وما تزعلين ..
ابرار بعدت عن حضنه وهي تمسح دموعها بقوة / اهاا .. تو تقول اسف ..
فارس بضحكه / محلوه هالايام ومجننتني .. ايش خليتي لشجون ..
ابرار بغرور / الحلو حلو لو يصحى من النوم ..
فارس بخبث / والله .. طيب تعالي يا حلوه ..








ــــــــــــــــ








قبل زوج طارق بليله ..





اماني جالسه على السرير وتطالع بفستانها الي مصممته لزواج شجون ..
حطت يدها على بطنها بتحسس .. " وبداخلها " .. راح يكون واضح .. الفستان ضيق من البطن ..
وقفت وطالعت بالمرايا .. شدت بلوزة البجامه الواسعه على بطنها .. " الاسبوع الي فات لمن رحت مع العنود لدكتوره ..
قالت شهر واسبوعين .. والحين مر اسبوع .. يعني شهر وثلاث اسابيع ..
سمعت رنين جوالها حتى تنقطع افكارها .. بسرعة راحت لجوالها وفتحت المكالمه / ايوه ..
نايف تنهد / كلمت راكان وقال بعد بكرة راح يكلم عمي ..
اماني مسكت راسه وبغصة / نايف انا خايفه ..
نايف بهدوء خارجي / لا تخافين حبيبتي .. بعد بكره من تصلين العصر روحي لبيت جدي ..
وخليك عند ام منصور لحد انا اكلمك .. تمام ..
اماني بتوتر / تمام ..
نايف بحب / اماني .. ابي اقولك شي ..
اماني بانصات / امممم ..
نايف بحب / عمري كله ما عشت السعادة مثل ما عشتها معاك .. انتي خليتي لحياتي طعم ثاني ..
وكان ولدت من جديد .. خالي من الالم و الاوجاع والذكريات الموجعة .. احبك كبر الكون واكثر ..
اسال الله الي جمعني بك بالدنيا يجمعني بك بالاخره في جنان عرض السموات والارض ..
اماني تمسح دموعها / دب بكيتني .. هههههاا ..
نايف بابتسامه / سامحيني ..
اماني اخذت نفس / مسموح حبيبي .. انت الي سامحني صرخت عليك و زعلتك ..
نايف بابتسامه و راحه / مسامح يا روحي .. استودعتكم انتي و ولدي الله الذي لا تضيع ودائعه .. فمان الله ..
اماني بابتسامه وهي تمسح على بطنها / مع السلامه ..








ـــــــــــــــــــ







بيوم الزواج ..




اجتمع كل البنات و الحريم في بيت الجد و مسوين صالون صغير باحد الاجنحه ..
معادا شجون وابرار الي راحوا الصالون ..
ريما واقفه وماسكه بيدها غلا بنت حاتم .. قبل يومين عقد قرانها .. و صارت زوجة حاتم ..
العنود وهي تحط الشيله على راسها و وراها ساره .. / انا رايحه البيت اكمل لبس ..
ساره ابتسمت لغلا / ياناسي يا ا هالبنت تجنن .. والفستان روعه ..
ريما ابتسمت / انا اشتريت لها .. و بعدين بنتي محليه الفستان ..
العنود ابتسمت / يخليها لك .. يالله .. اشوفكم باليل .. سلام ..
ريما بابتسامه / امين .. وعليكم السلام ..







:
:
:





بيت ابو عبدالعزيز ..




ام طارق وام عبدالعزيز والبندري ومشيرة و الجوري يمسحون دموعهم .. وهم شايفين طارق كاشخ ولبس البشب ..
ماجد بمزح / ها ها .. لو انا متزوج معاك ماكان شفتهم زعلانين و يبكون ..
ام عبدالعزيز وهي تمسح دموعها / لا والله وانا امك انه مو زعل الا والله من فرحتنا ..
" وبغصة " .. وليت ابوك حي و يشوف ذا اليوم .. الله يرحمه ..
دخل ابو عبدالعزيز وشاف طارق واقف قدامه .. و بغصه / ما شاء الله ما شاء الله .. مبروك مبروك وانا ابوك ..
طارق قرب من جده و يقبل راسه / جعل عمرك مبارك يا جد .. و يطوا بعمرك الين تزف عيالي ..
ابو عبدالعزيز هز براسه وهو يتصدد عن طارق / انا احمد الله الي خلاني اعيش لذا اليوم الي شفتك فيه معرس ..
طارق بحب / يعطيك الصحة و العافية ..
ابو عبدالعزيز / يالله مشينا للقاعة ليوصلون المعازيم ولا يلقون احد .. بسم الله وتوكلنا على الله ..









:
:
:






بعد صلاة المغرب ..






نايف يدخل البيت .. شاف العنود و ساره وهم جلسات يجهزون الظبي و سلطان .. / السلام عليكم ..
العنود التفتت عليه / وعليكم السلام ..
نايف بابتسامه / ما شاء الله تبارك الله .. لا تنسون التحصين والذكر .. و صاتي لكم .. احفظوا الله يحفظكم ..
ساره بابتسامه / لا توصي حريص ..
نايف بابتسامه / انا نعسان شوي .. باخذ لي غفوة و صحون قبل اذان العشاء ..
العنود / خلاص .. و حنا نخلص تجهيزاتنا ..
نايف بابتسامه / استودعتكم الله ..





























بعد سنه ...











واقفه قبال المرايا .. بفستانها الابيض .. و باقة الورد بيدها .. اخذت نفس عميق وهي تشوف العنود تطالع فيها ..
ساره صوتها يرجف من العبرة / وعدني انه يزفني من البيت للقاعة و من القاعة للبيت ..
وهذا انا اليوم .. من الصبح انتظره يدخل عليه .. " طلعت شهقة منها " .. وهو ما جاء ..
العنود جلست على الكرسي وهي تحاول تكون قوية قدام اماني / ادعي له بالرحمه .. الله يرحمه ..
سمعت صوت صراخ الصغير .. وقفت وتوجهت لسرير .. حملته بين يدينها وهي تسمي عليه ..
ساره وهي تشهق / حتى ولده من سمع اسمه بكى ..
العنود تنهدت بوجع / خلاص ساره .. ادعي له و لاماني بالرحمه ..
دخل راكان بهدوء / السلام عليكم .. ما شاء الله تبارك الله .. صقر ينتظرك برا .. اذا جاهزة خلينا نمشي ..
ساره هزت راسها و طلعت مع راكان من الغرفة ..
و العنود تطالع راكان والتغيرات الي صارت له من بعد وفاة نايف ..
مو بس راكان الكل ..
في ليلة زواج طارق و شجون .. ذاك الليلة ..
قبل صلاة العشاء ..
دخلت ساره الغرفة حتى تصحي نايف لكن ما صحي .. صرخت ونادت .. بس الروح سلمت للباري ..
الغي الزواج .. و اماني انهارت .. وساءت حالتها .. قضت شهور حملها الاخيرة بالمستشفى ..
وبيوم الولادة .. توقف القلب .. و تم انقاذ الطفل .. الي سموه " راكان "..



,



راكان ..
من توفى نايف وهو متغير .. كل شي فيه تغير .. التزم .. و بدا بحفظ القران ..
و تغيرت معاملته مع سمر .. الي انجبت ولد سموه " سطام " ..


,



زياد ..
ينتظر مولودة الاول .. اصبح اقوى شخصية .. ريهام تعني له الحياة ..


,


بتال ..
اقترب اكثر من العنود وصار يفهمها اكثر .. العنود صارت ام لثلاث اطفال " الظبي و سلطان و راكان ابن نايف "
وهي الان حامل بشهورها الاول ..


,


سند ..

زاد قوة .. واصبح شخص مقرب من الكل .. رنيم اصبحت ربة منزل رائعة ..


,


عناد ..
انتقل للعيش بمنزل والده .. غرام في شهرها الاخير من الحمل .. كل وقته مسخر لها ..


,


ياسر ..
تزوج من البندري .. و اصبح رجل مطيع .. من الشركة المسجد للبيت هذا الاماكن الي يروح لها فقط ..
وان اراد غير ذلك .. البندري تكون له بالمرصاد ..


,


طارق ..
باول حياتهم الزوجه .. او بالاصح اول ليلة زواج .. تخطوا فيها ما حصل .. وامنوا بقضاء الله وقدره ..
ولعل الامر خيره .. فسارت الحياة بهم الى طريق السعادة .. نضوج فكر و قوة ايمان ..


,


ماجد ..
كسر لفقدان صديقه المفاجا .. انطوا على نفسه لفترة .. ولكن خزامى كسرت قيود الانطواء .. فاخرجت من العزله ..
حياتهم مشتركه ..



,


متعب ..
اصبح لديه طفلان .. كل يوم يزداد عشق وجنون بتمارا .. مازال صديق العنود و قاهر بتال ..


,


طلال ..
حياتهم سعيده .. وهاجسه الان .. تامين مستقبل أولاده .. فالموت لاياتي بموعد ..


,



سيف ..
رزق بطفله .. اسموها " لين " .. يعش حياه وردية مليئة بالحب ..


,


ابو طلال و ام طلال و ام سيف ..
بعد ما حدث لاماني .. اصبح اكثر قربا لأولادهم .. مازال بالقلب الم .. ولكن قضاء الله و قدره ..
وانا لله و انا اليه لراجعون ..



,


ابو سطام و ام سطام ..


مازاول يراقبون اولادهم و احفادهم بحب .. يتوجعون لوجعهم و يفرحون لفرحهم ..


,



رعد ..
اصبح و هيفاء اكثر قربا و نضج .. هيفاء صديقة و مساعدة له ببعض المشاريع ..
من شدت حبها وتعلقها برعد .. تعلمت منه طريقة عمله بسرعة ..



,



ام عزام ..
شغلها الشاغل الان تزويج غيث .. ولكن غيث رافض الزواج من فتاة لم يسبق لها الزواج ..
ويفكر بالزواج من ارمله لدية ثلاث اولاد ذكور .. شقيقة احد زملائه ..








النهاية ..


سبحان الله .. و الحمد الله .. و الله اكبر .. و لا اله الا الله ..


اتمنى تعجبكم .. واعتذر من اي شخص غلطت عليه بقصد او دون قصد ..
اعتذر عن الاخطاء الاملائية و التعبيرية .. اعتذر عن التاخر ..
شكرا لك من ساعدني .. و من شجعني .. و من نبهني عن الاخطاء ..
وشكرا لمن نصحني و وجهني .. وجزاكم الله خير ..
وسامحوني .. و دعواتكم لي دائما ..




اختكم ..
مشاعل السعودية ..



ـــــــــــــــــــــ

[nabooll]

رواية رائعة

شكرررررررا جزززززززززيلا

[hidaya 2]

شـكــ وبارك الله فيك ـــرا لك ... لك مني أجمل تحية .

[~senorita~]

رواية راااااااااااائعة......وكاتبة اروووووووووووووووع

شكــــــــــــــــــــرا عالنقل