16-10-12, 02:07 AM
| #1 | |||||||||||||||||||||||||||
| نجم روايتي ومشرفة سابقة وفراشة متالقة بعالم الازياء  
|  عاقل قتله جنونها الكاتبة : انثى دكتاتورية
 التعديل الأخير تم بواسطة فيتامين سي ; 11-10-13 الساعة 02:26 AM | |||||||||||||||||||||||||||
|  |
|
16-10-12, 02:08 AM
| #2 | |||||||||
| نجم روايتي ومشرفة سابقة وفراشة متالقة بعالم الازياء
| السلام عليكم ورحمة الله وبركاته انا مشاركة من خلف الكواليس في منتدى ***** من ثلاث سنوات وكانت لي رغبة في التسجيل ولكن برتبة كاتبة وحمدلله بعد ثلاثة سنوات من المتابعة الصامتة نزل الالهام عندما قررت ان اكتب ترددت كثيرا لم يمضي الكثير لي في عالم الروايات وعندما قررت وامسكت باكيبوردي كنت احتاج إلى الالهام قصة تجمع كل ما قرأت و كل افكاري فكرت وفكرت و خطرت ببالي قصة طالما الفتها واعدت حوارها مع نفسي و طالما نصبت نفسي في اماكن بطلات الروايات وكيف كنت سااتصرف اذا كنت مكان احداهن وجمعت افكاري وعشت قصتي ولم اجد من يلمهني اكثر من نفسي وكل الخيالات التي عشتها وكل البشر الذي عشت معهم في خيالي منذ طفولتي لا تخافوا فأنا لست مجنونة ولكن فقط كنت طفلة تعاني الوحدة والاهم الشخصية التي طالما حلمت ان اكون ربما وصلت لها تقريبا ولكن ما زلت بعيدة عن بطلة روايتنا و لكن هي الشخصية اردت ان اكون عليها واعيش قصتها بكل تفاصيلها وألمها و احزامها وسعادتها كل شخصية في هذه الرواية هي جزء مني و من افكاري وشخصيتي وذاكرتي وخيالي اتمنى من صميم قلبي ان تعجبكم بطلتي ستتأخر قليلا في الظهور ولكن في النهاية ستظهر البارت الاول من رواية (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ لمحات من الطفولة رنيم : صراخ ما اسمع غير صراخ بابا جدتي كلهم بعدين مكان ابيض بعدين كل شيء يدور والمكان صار ظلام ظلام فتحت عيوني انا كنت نايمة ؟ بس اذكر اني كنت العب مع تركي ولد عمي بعدين وش حصل لحظة انا فين احس راسي يالمني اااااااخ رفعت راسي اشوف نفسي في مكان يشبه المكان الي بابا يجيبني عندوا مع ماما حنان عشان رجال عجوز يعطيني ابرة لحظة اسمع صوت بابا و رجال وجدتي وماما حنان يبكون بس ليش دخلت ماما حنان وهيا تمسح دموعها رنيم : ماما حنان انتي ليش تبكي وفيني انا وفين جدتي وبابا ماما حنان ( مرت ابو رنيم ) : رنيم حبيبي انتي بخير في شيء يألمك قوليلي الله يسعدك رنيم: راسي يالمني انا فين وفين تركي كنا نلعب اكيد فاز عليا دحين ....... و اتجمعت الدموع في عيونها ماما حنان : رنومة حبيبي انا اشتريلك احلى لعبة وجديدة كمان رنيم ببراءة طفولة : تشتريلي باربي انا ابغا باربي الي راكبة سيارة وردية الي تيجي في سبيس تون ماما حنان : احلى باربي لاحلى رنومة عندي وكل الي في نفس......... قاطعها دخول ابو رنيم ابو رنيم ( صالح) : كيفها حبيبة بابا رنيم : بابا بابا ماما حنان حا تجبلي باربي الي معاها سيارة ماما حنان : ايش قال الدكتور صالح بحزن : المرض مزمن وفرص العلاج ضعيفة جدا حا تستمر النوبات كده ولازم نبعدها عن السهر والزعل وما تنام وهيا تبكي وفي حبوب حا تاخدها دخلت الجدة وهيا تبكي بالصوت مرتفع الجدة : يا ويل حالي على بنتي يا ويل حالي ما كملت 7 سنين وجاها ده المرض ابو رنيم يقاطعها صالح: خلاص يا امي المرض مزمن ولازم نرضى بحكمة ربنا الجدة : اسكت انت ما شفت البنت كيف كانت تنتفض في يدي وعيونها مفتوحة على اخرها فكرتها حا تروح من يدي جعل يومي قبل يومها رنيم : بابا ابغا ارجع البيت عشان ادور على تركي ما اعرف فين اتخبى لازم افوز عليه صالح : يلا يا عيون بابا نروح البيت (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ سوزان : يالله يا عبد الله ارمي الكورة بسرعة بسرعة بعدين حسين يسجل جول. عبد الله يجري عشان يرمي الكورة على سور منزل الجدة ( المرمى) ويجي حسين وياخدها منو حسين : حمودي خد ..... ويرمي الكورة وتطير من فوق السور عبد الله حسين يا حمااااار طيرت الكورة علينا دحين كيف نلعب حسين : اقول لا تسب دحين لا اتوطى في بطنك عبد الله بجراءة مزيفة : جرب بس انت ويشبكوا عبد الله وحسين في بعض مضاربة با ايادي وتروح سوزان تجري تنادي عبد القادر سوزان بنفس متقطع : عبودي عبودي عبودي تعااا ...ل تعا..ل عبد الله ... وحسييين بسرعة بسرعة بسرعة عبد القادر الي كان يقرا مجلة سيارات : ايش صاير سوزان : في الحوش برا برا عبد القادر و سوزان يجروا عشان يلحقوا على اولاد عمانهم لا يسووا مشكلة حسين : انا حمار انا يا قزم انت عبد الله : ايوة حمار طيرت كورة سوزان برا دحين عمو ماهر يصرخ عليها حسين وهوه ماسك عبد الله القصير من رقبتو : ان ما وريتك ياا...... صراخ عبد القادر يقاطعهم عبد القادر : بس بس اناو وهوه يا اغبياء فضحتونا انكتموا انتو الاثنين عبد الله : بس هوه الي بدأ حسين : هوه قلي حمار عبد القادر اووووووش اسكتوا انتو الاتنين ولف على سوزان المفجوعة من مناظر اولاد عمانها عبد القادر : سوزان ايش حصل وليش عبد الله وحسين بيضاربوا سوزان : كنا نلعب كورة بعدين بعدين حسين طير الكورة برا السور وبعدين عبد الله قلو حمار و وجاه حسين وضربوا ....وبس لف عبد القادر على حسين وانتي ليش تطير الكورة ما تعرف تلعب ولف على عبد الله وانتي ليش تسبوا قاطعهم صوت الجدة وهياوتصرخ ياعيااااااااال يلا غسلوا اياديكم وقت العشااااااا عبد القادر: ادخلوا بسرعة غسلوا وجوهكم ونظفوا ملابسكم لا يشوفوكم عماني ويسولونا سالفة داخل البيت شيرين (ام سوزان) : يا عمتي خليني اساعدك الجدة : يا بنتي روح ارتاحي لا تولدي علينا شيرين : يا عمتي باقي 3 شهور لسا على الولادة خليني اشيل عنك شوية الجدة بحزم : روحي يا بنتي لا تخليني اعلم ماهر عليكي وناديلي اميرة خليها تشيل الصحون على السفرة اميرة الي كانت داخلة لمطبخ في نفسها : ايوة انا عليا الشغل وست الحسن والجمال ترتاح اف بس يارب صبرني بس اوف اوف الجدة : اميرووووو يا اميرااااااا وينك يا بنتي تعالي ساعديني اميرة ( مرت ابو حسين ) : نعععععم بغيتي شيء يا ام ماجد الجدة باحسن نية : تعالي يا بنتي رجولي ما عادت تشيلني حطي السفرة معي اميرة : اووووف بس انا ظهري يألمني ما فيا الجدة الي فهمت حركات مرت ولدها : خلاص روحي يا بنتي مب لازم اميرة وهيا خارجة من المطبخ شافت حسين الي دخل من الباب وهو مبهدل اميرة بقرف : ووووووووع ايش القرف ده مالت عليك وعلى اخواتك يا المقرف بعد عني بعد وووع حسين ما اتكلم ولا كلمة ودخل بسرعة اميرة تكلم نفسها : ااااخ بس انا ايش الي خلاني اخد واحد عندو 5 عيال ما اقول الا مالت على امي كل يوم تقولي حا تعنسي وحا تعنسي واخر شيء رمتني في دي الزواجة اااخ الصبر ما اقول الا الصبر سوزان بعد ما غسلت وجهها راحت لامها سوزان : ماما متى حا تيجي اختي شيرين : باقي ياروح ماما انتي كمان 3 شهور سوزان : يعني كم يوم شيرين : امممممممم90 يوم سوزان بوزت : كتييييير (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ رزان : ما ابغااااااااا ......: الا الا الا رزان : ما ابغا فريق معاك انا ما احبك ....... ليش ليش كده رزان : انت مو حلو خلاص انا بروح مع سهيب ولد الجيران بعد عني ....... : طيب يا رزان انا اوريكي في يوم رزان بطفولة ودلع : انت يع انا ما احبك بس تجلس تمشي ورايا طفشت منك ابغا اروح مع سهييييب راقبها وهيا تمشي بكل دلع وهيا ماسكة دميتها بيدها وشعرها الناعم يتحرك بنعومة على ظهرها وهوه يقبض يدو على سور الدرج اكتر واكتر الي صارت حمرا .....: بتشوفي يا رزان انتي ليا ليا انا لوحدي محد حا يقدر ياخدك مني رهف راحت تتخبى بسرعة قبل ما يشوفها ابوها خالد ( ابو رهف ) : رهااااااااف رهااااف تعااااالي هنا شوفتك تعالي والله لو ما جيتي يا ويلك رهف الي خرجت من تحت الطاولة ويدها وفمها كلو شوكلاتة خالد بفزع : رهف اكلتيه رهف والدموع تتجمع في عيونها تهز راسها خالد بتنهيدة : يا بنتي يارهف ما يسير تاكلي شوكلاتة كل ساعة بعدين تسيري تعبانة امشي معايا لازم اعطيكي الابرة رهف تصرخ : لاااااا لا لا لا ما ابغا ابرة ما ابغا خالد بحزم : قلتلك لا تاكلي شوكلاتة انتي ما تسمعي الكلام لازم تاخدي الابرة ودحين رهف : بصوت عالي وباكي : كلهم ياكلوا شوكلاتة وحلويات بس انا بس انا تعطيني ابرة انا ما احبكم خالد الي زعلان على حالة بنتو لسا صغيرة وجاها السكر في ده السن رهف حبيبي كم مرة اقولك انتي لمن تاكلي حلاوة تسيري تعبانة رهف ببراءة : بس يا بابا الحلاوة طعمة انا احبها مررررررة خالد بتنهيدة وهو يحضن بنتو : عارف يا روح بابا عارف ما اقول غير الله يشفيكي والله يصبرني سامر الي جاه يجري من برا : ما حصلتها يا بااا.... رهف فين كنتي كلنا ندورك خالد : رهف حبيبي روحي غسلي فمك ويدك وروحي غرفتك وانا جي دحين راحت رهف تغسل يدها خالد بغضب : سامر كم مرة قلتلك لمن تشتري الحلويات تخبيها عن اختك تبغى تموتها انت انت تعرف رهف ايش حا يصير لها اذا كثرت سكر سامر المنحرج : والله يا بابا رجعت من المدرسة وحطيتها على الطاولة ومانتبهت لمن دخلت رهف واخدتها خالد : ايوة انا احط حياة اختك على كلمة ما انتبهت لو كان ما انتبهت انا وش كنا سوينا الحين اذا منت قد المسؤولية لا تشتري الحلويات اصلا ااااخ بس لو امك تفضى لنا شوية بس وتهتم برهف انت كبير واقدر اعتمد عليك بس رهف اااخ بس (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ بعد 9 سنوات في احد المدارس الحكومية اووووف متى يخلص اليوم تعبت سوزان : دوبنا الحصة الرابعة رنيم : اسكتي يا الدافورة ابغا انااااام ااااااااه سوزان : انتي بس تبغي تاكلي وتنامي رنيم : سوزانووو اسكتي عني احسلك امس كان في فيلم في mbc max ونمت الساعة 3 ندى : خلاص انتي وهيا بسكم عاد خلوني اراجع رنيم تتثاوب : ااااااااااااااااه رهف: اقول سكي دي البلاعة لا يدخلها الذبان فضحتينا قاطع كلامهم دخول ابلة التاريخ ابلة سامية بصوت كلو نشاز : قيام يا بنات رنيم بصوت خافت : بس جات ابله فرعون كملت ندى جات تبغى تضحك بس مسكت نفسهاتعرف لو مسكتها الابله تهزيء مح تخلص من لسانها رهف بصوت خافت : اسكتي انتي محنا ناقصين محاضرات الابله الي انتبهت لحركاتهم : انتي وهي اوقفوا قدامي يلا وقفوا رنيم ورهف تدعي على رنيم في نفسها بعد ما انتهت الحصة ااااااااي يا رجلي كلو منك يارنيم الزفت سوزان : فضيحة انتو فضيييحة ما تعرفوها دي يلا كلوا وقفتكم الحصة كلها تستاهلوا رنيم الي رمت نفسها على كتف ندى بصوت كلو نوم : اششششششش خلوني اخد غفوة ندى بمفاجاة : غفوت مين يا ماما قومي لحد يشوفك يروح بالو بعيد رنيم الي قامت بفزع : وجع في شكلك انتي وتفكيرك من زين خشتك يعني ااااخ الله يرحم ايام الدمام انا ايش جابني هنا كان جلست عند بابا احسلي ندى : لو ما جيتي كان ما اتعرفتي علينا يا فالحة رنيم : ده الشيء الايجابي الوحيد سوزان : رنيم امك لها حق فيكي كمان و.... قاطعتها رنيم : اقول اسكتي بس لحد يسمعك بلا حق بلا خرابيط مشغلتني خدامة عندها وكل يوم تفرش فيا ما اقول الا الله يعين سمر الي ساكنة عندها من جد مسكينة كلو من غبائي لو ما دقيت عليها بس داك اليوم اخ بس رهف تقاطعها : الله يخليكي لا تعيدي السالفة حفظتها ندى تبغى تغير الموضوع : بنات ايش علينا دحين سوزان وهيا تحرك نظارتها بصورة فطرية : رياضيات رنيم بصرااااااااخ : لااااااااا الا هادم اللذات سوزان : اذني اذني ابغاها بشويش بعد رنين جرس الصرفة يلا بنات مع السلامة رنيم : خديني معاكي بلييييز سوزان : رنيم عن البياخة ندى : من جد سوزان انتي عشان عمتك هنا تخرجي اول وحدة رنيم : يا بختك مو زينا مالت بس سوزان في نفسها : بس لو تعرفوا كان حزنتو عليا يلا بنات اشوفكم بكرا بااااااااي رنيم بفزع : بكرا خميس يا هبله ما صدقت انا في الاسبوع الي مو راضي يخلص سوزان بفشلة : صح نسيت ابله امال من بعيد : يلا يا سوزااااااان سوزان : اوبس يلا بنات يا ويلي بااااي البنات : باااااي (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في احد شقق لندن الباردة المطلة على ساعة بيغ بين صقووووور صقر : نععععععم هنا في المطبخ شادن : فينك من اول ادور عليك فكرتك خرجت صقر: معقول اخرج بدون ما افطر اختي حبيبتي شادن وهيا تطل في منظر اخوها الي لابس مريلة مطبخ ومبهدل هههههههههههههههههههه كم مرة اقولك لا تلبس دي المريلة ما اقدر امسك نفسي من الضحك صقر وهو يدور حول نفسو : اشبها تجنن شادن : صقر بلييييز والله بطني تعورني شكلك مرة نكتة هههههههه كم مرة اقولك خليني اطبخ ما تسمعني صقر بحزم : مستحيييل بعدين تحرقي يدك شادن بوزت : والله انا مو صغيرة كلها كم شهر ويسير عمري 21 سنة صقر باستهزاء : الشهر الي فات دخلتي ال 20 شادن تتافف على اخوها الي بعملها يكنو عمرها 10 سنوات ويخاف عليها من نسمة الهوا بس مع ذلك تحبو وتموت فيه لانها بعد ذاك اليوم كل شيء تفتكروا كأنه امس لما دخل عليها........ صقر : شادن شادن شاااااادن شادن الي دوبها انتبهت : هااا! صقر : كم مرة اقولك لا تفكري خلاص كله ماضي مسك يدها اهم شيء اننا مع بعض ابتسمت شادن لاخوها بحب صقر في نفسه : دي الابتسامة ابيع عمري عشانها يارب لا تحرمني منها مستحيل اسمح لاحد ياخدها مني مستحييييييل حتى لو كان ..... شادن : 20 سنة قصيرة نسبيا شعرها بني طويل لاخر ظهرها وناعم زي الحرير عيونها بنية غامق و واسعة وشفايف حمرا زي التوت شخصيتها بنعرفها خلال الرواية صقر : 25 سنة يدرس طب في لندن اسمر طويل بعضلات له من الوسامة شعبة هادئ جدا يحب الشطرنج شادن هيا كل شيء في حياتو يتمتع بقدر كبير من الغموض والذكاء نرجع السعودية عند باب المدرسة رنيم : اااااخ فينك يا سمر ااااااخ خلاص اتتحرقت حرام عليكي اوووف سيارة تقرب من الباب وينفتح الشباك الي ورا وتطلع منو بنت لابسة نظارة شمسية وطرحتها طايحه على رقبتها سمر : رنيييييييم هناااااااا رنيم تتمنى لو اسمها يتغير في دي اللحظة ولا فضيحة سمر راحت تجري بسرعة على السيارة قبل ما تنفضح قدام البنات رنيم بغضب : سمر كم مرة قلتلك لا تعملي كده سمر باستهبال : ايييييش رنيم بغضب اكبر : سمر لا تستهبلي على راسي حا تفضحيني في المدرسة وبعدين تعالي هنا انا خست تحت الشمس فينك سمر ببرود : كنت عطشانة وخليت السواق يوديني باسكن روبنز عشان اشرب ميلك شيك وابرد على قلبي رنيم: احلفي بس وانا ايش اعمل في نفسي الصبر بس ولو سمحتي لا تلبس النظارة الشمسية تلفتي نظر علينا والطرحة صنوعها عشان تغطي شعرك فيها سمر بضجر : اووووف رنيم بلييييز كفاية محاضرات يكفيني امك في البيت بليييز خليكي كووول رنيم سكتت تعرف انو ما في فائدة من بنت زوج امها سمر الي في راسها تسوي وما عليها من احد رنيم : 17 سنة ثاني ثانوي عايشة مع امها وزوج امها وبنته سمر ولها اختين صغار من امها سمر : 19 سنة ثالث ثانوي بالمدرسة غير مدرسة رنيم راسبة كم سنة اتربت على يد ام رنيم من هيا صغيرة امها لبنانية اطلقت من ابوها وسمر عمرها 10 سنوات وبعدين اتزوج ام رنيم رنيم كانت عايشة عند ابوها بس كانت تيجي زيارات لامها من الدمام على جدة ودحين جات تعيش عند ابوها سوزان بعد ما رجعت من المدرسة اخدت دش طويل ريحت اعصابها شيرين : سوزااااااااااااااان سوزان في نفسها بدأنا : نعم يا ماما شيرين : روحي حممي ريتال ولبسيها سوزان بطفش : يا ماما دوبي رجعت والله تعبانة شيرين : اقول بال دلع بنات بسرعة قدامي اشوف سوزان بصوت خافت : الله يصبرني بس شيرين : اتكلمي لصبح الشغل موجود يستناكي مو انتي الي اكلتي راسي ابغا اخت وابغا اخت يلا دحين لمن جات الاخت مو عاجبك الوضع سوزان بصوت خافت : الله ياخد اليوم الي طلبت الاخت فيه فجأة حست سوزان شيء يشد بنطلونها ريتال : سوسااااان سوساااااان سوزان بطفش : يا نعم ريتال : ماما تقولك حنني سوزان : طيب يلا بسرعة اااااخ يا ربي بس سوزان : 17 سنة ريتال : 5 سنين عبد العزيز ( عزوز ) : 13 سنة قصي : 9 سنين ابوها ماهر : 40 سنة امها ( شيرين ) : 38 سنة رهف رجعت من المدرسة حصلت امها حاطة رجل على رجل و عاملة من الصالون بتعملها بدوكير ومناكير هاذي امها تتصرف يكنها بنت 19 كل من صالون لصالون ومن عزيمة لعزيمة وعمليات تجميل عبير ( ام رهف) : رهف حبيبي اليوم بروح عند جارتنا ام حازم ابغاكي تيجي معي رهف الي تكره طريقة امها تاخدها العزايم عشان تستعرض فيها قدام الحريم رهف بملل : ما ابغا اروح عبير : واذا قلتلك غصب تروحي رهف ببرود : حا اقل بابا عبير الي تخاف من زوجها يطلقها ويرميها تعرف انو صابر عليها بس عشان لا تتشتت الاسرة بس ما تبغى تبين ضعيفة قدام بنتها عبير : ايش قصدك تهدديني بابوكي رهف : قلتلك مني رايحة وخلاص عندي اختبار ...... قاطعها دخول ابوها خالد ( ابو رهف ) : السلام عليكم رهف : عليكم السلام يا احلى بابا في الدنيا ام رهف خرجت من الغرفة بدون ما ترد خالد طنشها ماله مزاج يتشاكل معاها : حبيبي رهف اخدتي الابرة اليوم رهف بطفش : والله والله اخدتها كل مرة لازم تفكرني خالد بحزم : لو ما احبك ما اهتم بيكي صحتك عندي بالدنيا يكفي اخر مرة تفتكري ايش حصل اخوكي فين ؟ رهف : ايش عرفني على اساس في الجامعة بس انت تعرف هوه يوم يداوم وعشرة لا ما اعرف كيف ما انفصل خالد يفكر في ولدو الصايع : طبعا مح يطردوا لاني بدفع دم قلبي في الجامعة ما يقدروا يطردوه قطع عليهم صوت قفل الباب خالد بسخرية : شرف الاخ سامر كان يتكلم في الجوال وما انتبه على ابوه واخته : يا حبيبي انا احبك ليش ما تصدقيني اكيد انتي كل حياتي صدقيني الي قالت لك كذا كذابة انتبه سامر لابوه الي يطالعه باحتقار سامر وهو يتكلم في الجوال في محاولة فاشلة : ايوة يا محمد بكرة اخد الملخصات منك يلا مع السلامة خالد : انت متى ناوي تكبر وتترك حركات المراهقة خاف ربك يا اخي عندك اخوات بنات سامر باستهبال : ايش دخل ده الموضوع دحين خالد وهو يأس من ولده : ولا شيء ولاشيء بس سلملي على محمد سامر بعبط : ان شاء الله يوصل خالد : رهف بابا لمن يخلص الغدا صحيني رهف : حاضر سامر وهو يرمي نفسو على الكنبة : كيفك حالك يا اختي العزيزة رهف: سامر مني رايقة لك عندي بحث ولازم اخلصه سامر : صح انتي باي صف رهف بعصبية : ثاني ثانوي يا اخي العزيز سامر : اشبكم اكلين فلفل على الصبح رهف الي وقفت واخدت اشياءها معاها : انا اروح غرفتي احسن اوووووف. ابوها ( خالد ) : 42 سنة رهف : 17 سنة سامر : 23 سنة عبير ام رهف : 38 سنة اتمنى تكون عجبتكم البداية في كثير ابطال راح يظهروا خلال الاجزاء القادمة رجاءا لا تحكموا عليها من البارت الاول (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ | |||||||||
|
| |
|
16-10-12, 02:09 AM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ البارت الثاني رنيم رمت نفسها على السرير : اااااااه اخيرا الاربعااء تعبااااانة ابغا انام سمر : رنيم قومي ابغا اتكلم معاكي رنيم : سمورة بليييييييز ابغا انام قبل ما ....... قاطعهم صوت ام رنيم يسرا ( ام رنيم ) : رنييييييييييييم قوميييييييي يا بنت رنيم بقهر : قبل ده دحين وش يفكني منها اااااخ وش جابني وش جابني يارب انت كاتب عليا الشقا يسرا الي فتحت باب الغرفة بااقوى ما عندها : انتي ما تسمعي و لا تسوي نفسك صمخة ها ؟ رنيم بصوت تعبان : نعم يا ماما يسرا : لا تسوي نفسك مسكينة قومي على المطبخ نظفيه بسرعة نص ساعة والمطبخ يبرق من النظافة رنيم : يا ماما تعبانة لو سمحتي والله جسمي يألمني يسرا باستهزاء : اقول قومي قدامي بلا مصخرة رنيم : يا ماما ليش ما تطلبي خدامة يسرا : نعم نعم نعم خدامة وليش ان شاء الله وانتو ايش شغلتكم خلفت بنات على الفاضي قامت رنيم ما تقدر تسمع اكتر من كد بعد تنظيف المطبخ رنيم : اااااااااااااخ اخ اخ اخ اخ يدي ضلوعي مني قادرة سمر : رنيم اسمعيني رنيم بطفش : سمر اقولك شيء سمر باهتمام : ها؟ رنيم : تصبحي على خير سمر ترمي المخدة عليها : رنييييييم يا زفت قومي رنيم بصوت كلو نوم : سمررررررر سمر بجدية : انا قابلته رنيم الي نطت من السرير : وشووو سمر بدون مبلاة : الي سمعتيه (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ سوزان في بيت الجدة سوزان جالسة مع بنت عمها دانيا اولى جامعة سوزان : دانيا التيشرت الاخضر الفايروسي الي كنتي لبستيه في بيت عمة هنادي من فين دانيا بتعجب : فايروسي ؟؟؟؟؟؟ سوزان : ايوة الاخضر الحلو الغريب دانيا استوعبت : ااااااااااااهااااااا قصدك الفيروزي مالت على الكلجة حقتك سوزان تضحك : ايش اعملك المهم هوه دانيا : والله اظن من بيرشكا تبغي تستلفي مني اعطيكي هوه جات سوزان تبغى ترد قطع عليها دخول العيال حسين : ثالثة ثانوي ( شقيق دانيا من الاب والام ) عبد الله : ثانية ثانوي ولد عم سوزان محمد ( حمودي ) : اولى ثانوي ولد عمة سوزان حمودي باستهبال : تستلف منك كم انا اعطيكي يا سوزان كم تبغي ١٠ ٢٠ عبد الله : عشرة عشرين والله انك بخيل كم تبغي يا سوزان ٥٠ ، ١٠٠ حسين : الي يسمعك زدت عنو مرة اقول يا سوزان كم تبغي قولي بس والمبلغ الي تبغيه سوزان باحراج : بس انا ما ابغا فلوس ابغا تيشرت من دانيا دانيا ماتت من الضحك على اشكال اولاد عمانها المصدومة عبد الله بعصبية : عجبتك مرة دانيا وهيا تمسح عيونها من الضحك: انت لو شفت حماسكم وكل واحد يعزم عليها سوزان : دانيا يا دبة ما تضيفيني عطشانة دانيا باستهبال : والله بيت عمك قومي help your self سوزان راحت المطبخ ولحقها عبد الله عبد الله بصوت خافت : سوزان فكرتي في الي قلتلك عليه سوزان الي انفجعت منه : عبد الله يا حمار ما تفهم قلتلك انا ما احب دي الخرابيط وانت زي اخوية لا اكثر ولا اقل عبد الله برجاء : بس انا احبك يا سوزان سوزان الي طفشت من ولد عمها خرجت من المطبخ بدون ما ترد عليه رجعوا جلسوا مع الباقين حسين بحماس : عندي فكرة جهنمية ايش رايكم نروح الكباين الاسبوع الجاي في اجازة الربيع حمودي : ايوة ايوة انا بقول لابوية سوزان : ايوة والله مرة نفسي اغير من الروتين حسين الي كان يطالع في سوزان و لمعت فكرة في راسه اقول ايش رايكم كمان نركب جت البحر دانيا : واااااو والله وناسة بس ياريت عبودي كان معانا عبودي ( عبد القادر ) شقيق دانيا وحسين يدرس في كندا هندسة من ٣ سنين حمودي : اي والله كم باقي متى حا يرجع اشتقنالو حسين : باقي سنتين بس سمعت انو حا يزورنا في اجازة الربيع حا يحاول ياخد اجازة دانيا بحماس : احلف من جد انا كلمتو قبل ٤ ايام ما قلي ملاحظة : عائلة سوزان ما يغطوا على اولاد عمانهم سوزان تعتبرهم زي اخوانها بس طبعا ده الشيء اكبر غلط لانه مهما يكون ما يعتبروا محرم لها رهف كانت في المول مع بنات خالتها اسيل : شوووووووووفي يارهف يجنن ياااااااي رهف : فين فين اسيل : هناك هناك الكدش رهف : وووووووع شكلو خدمي اسيل تضرب رهف على كتفها : ما عندك سالفة والله انو مرة يجنن كملوا البنات لفتهم في السوق كانت معاهم سديم اخت اسيل الكبيرة مخطوبة ( مملوكة ) الولد : شوف هناك المناظر الي يحبها قلبك الولد الثاني : يا شيخ فينهم من اول قربوا الاولاد من رهف وبنات خالتها الولد : يا حلو اعطينا وجه طيب خدي الرقم بس سديم عصبت لانهم بيلحقوهم وسط المول وصار شكلهم ملفت سديم : يا اخي انتي ما تستحي الولد : والله خلينا الحيا لاهلو سديم : انت ما عندك اخوات ما تخاف ربي يعاقبك فيهم الولد : عندي اخوات بس مو حلوين مثلك سديم من جد وقاحة ..............قطع عليها رنين جوالها سديم: ايوة حبيبي انا امام كليرز الولد : شوف تسوي نفسها محترمة علينا احمد ( خطيب سديم) : عندك حاجة هنا يالاخو الولد : وانت مين حضرتك الاكس بوي فريند ههههههههههههههه احمد بعصبية : اقول تحشم نفسك من قدام زوجتي ولا افتت عظامك هنا الولد خاف وفكر انه ممكن يكون زوجها من جد احمد يكلم سديم احمد : ليش ما قلتيلي انو في كلاب بيلحقوكي سديم بعدم اهتمام : عادي انا ما عطيتهم وجه اسيل : رهف قلتلك ايش سار مع يزيد رهف تحاول تفتكر : اممممم ايت واحد الي من الشات ولا من الجيمزر اسيل : لا حق الجيمزر تركتوا من زمان وحق الشات انفصلت عنو الاسبوع الي فات ده اتعرفت عليه بالفيس بوك اضافني وااااي يا رهف ياخد العقل رهف : من جد كيف شكلو وبدأت اسيل في وصف فارس احلامها لرهف الجاهلة في عالم الشات والتعارف في لندن شادن كانت تنظف البيت وتفكر في الموضوع الي حا تفتحوا مع اخوها اليوم دخلت غرفة صقر عشان ترتبها كانت تمسح الطاولة وبعدين حصلت الجاكيت اخذته عشان تغسله راحت تفتش الجيوب عشان اذا فيها فلوس شادن باستغراب : وش ذا ما وجدته شادن ( اسورة مصنوعة يدويا بس قديمة جدا وحالتها حاله شادن : غريب ما اعرف فين شفت ده الشيء قبل كده والاهم من كده ليه صقر محتفظ بشيء مثل ذا وانا وش دخلني و حطته على الطاولة وخرجت وشافت صقر وهوه داخل ومعاه الغدا صقر : وش تسوين با غرفتي شادن المستغربة من طريقة صراخ اخوها عليها : اول شيء وعليكم السلام صقر بغضب : شادن وش كنتي تسوين تكلمي شادن بخوف : كنت ارتبها صقر الي استوعب انه بيصرخ : شدونه انا اسف بس ما احب احد يدخل غرفتي شادن : اسفة بس مليت من التلفزيون وقلت انظف البيت شوي صقر الي رجع لطبيعته : انا ميت من الجوع بروح اخد دش سريع وانتي جهزي السفرة شادن : اوك على طاولة الطعام صقر : شادن قولي الي عندك انا شايف في عينك كلام من اول شادن بخجل : اوعدني ما تزعل صقر : ما راح ازعل قولي انا ما ازعل من احلى اخت في الدنيا شادن : خليك فاكر قلت ما تزعل اممممممم انت ليش ما اتزوجت رفعت راسها تشوف ردة فعل اخوها الي طاحت الملعقة من يده وقام ودخل غرفته وقفل الباب شادن : صقر صقر صقر وين بتروح راحت تحاول تدق الباب عليه صقر افتحلي الباب صقر انا ما كنت اقصد حاولت تسمع اي صوت من الداخل بس ولاشيء شادن وهيا تبكي : صقر افتح الباب الله يخليك انا اسفة سامحني افتح الباب صقر الي كان واقف وظهرو على الباب: شادن قومي روحي غرفتك شادن بعناد طفولة : لا لا لا ما ابغا افتح الباب اول وسامحني انا اسفة بس لا تزعل مني صقر الي ما يقدر يتحمل دموعها : شادن قومي و روحي غرفتك انا ما زعلت بس ابي افكر شوي شادن : اول قول انك مو زعلان مني بعدين انا اروح صقر الي ابتسم من اسلوبها الطفولي : مو زعلان خلاص روحي قامت شادن على غرفتها اول ما سمع صوت الباب الي انقفل طاح على الارض وسؤالها يتردد في راسه ليش ما اتزوجت ؟ وشبح ذكريات يمر براسه قبل كم سنة كان في جمعة للعائلة على البحر الحريم لوحدهم والرجال لوحدهم والبنات لوحدهم على بساط كان رايح يطلب دلة القهوة من اخته وسمعهم وحدة من البنات : رزان كيف اوصاف فارس احلامك رزان بغرور : امممممم والله ما ولدته امه الي يكون فارس احلامي رناد : يلا عاد نحن نلعب قولي اوصاف فارس احلامك احلااااااامك مو حقيقي رزان : اممممم اول شيء لازم يكون طويل و اسمر اممممم وهاديء ويلعب شطرنج وكمان اكيد دكتور له مركزه في المجتمع وذكي طبعا تعرفي يكون زوج رزان مو اي احد رناد : ده مو فارس احلامك ده فستان تفصيل رزان بدلع : والله قلتلك ما ولدته امه وبعدين هوه بيأخذ رزان مو اي احد اصلن يحصله وحدة مثلي سمعها سمع كل كلمة قالتها رجع السيارة وفتح دفتر وسجل كل الي قالته تبغوا تقولوا مجنون ايوة مجنون مجنون بيها وبحبها وبدلعها وبكل شيء فيها غمض عيونه يحاول يخفي شبح الذكريات الي اجتاحه بس خلاص راحت مستحيل ترجع ابدا بعد كل الي عملته فيه بس يحبها ويعشقها ولاخر يوم في حياته (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في مكتبه في المستشفى جالس سرحان كل يوم يفكر في نفس الموضوع دخلت الممرضة : دكتور جهاد الحقنا باص مدرسة منقلب اطفال ابتدائي دكتور جهاد : دقايق وانا عندكم بسرعة لبس الكوت حقه وراح يجري في الممرات هيا ذي حياته روتين روتين بعد ٣ ساعات اااااااااه تعبت خلصنا اخر حالة الممرضة مشاعل : دكتور داليا في غرفة ٣٦٧ تبغاك دكتور جهاد : داليا منصور الممرضة : ايوا دكتور جهاد : مشي بين الممرات وهو يتذكر داليا اول مريضة اتعالجت عنده كان عمرها ١١ سنة وهو ماله شهرين على تعيينه دكتور اطفال ما كان هذا حلمه و لا دراسته بس كان مضطر ما استلم ولا حالة بس يتدرب ويتفرج كانت تبكي وتشكي من اذنها ورافضة اي طبيب يقرب منها واستدعوهـ هوه و قدر عليها ومن ذاك اليوم حتى بعد ما كبرت رافضة احد يعالجها غيره حتى الابر كان هوه يعطيها هيا وهوه يجلس يخلي الاطباء يساعدوه دخل الغرفة داليا : عمرها ١٨ سنة يتيمة الام وحيدة ابوها تعتبر الدكتور جهاد واحد من عيلتها ........ ؟؟؟ دمها خفيف وحركية و عليها حركات متهورة دكتور جهاد يبتسم بعد ما كبرت استنكر اسلوبها بس بعد ما عرف انها يتيمة الام ودائما تيجي مع الخدامة والسواق حزن عليها الدكتور جهاد : وش مسويه ذي المرة داليا بحزن مصطنع : تخيل اقولهم يدي تالمني جابولي وحدة مصرية ما اعرف ايش تبغى من حياتها الدكتور جهاد : اشوف وريني ..... اوف وش مسوية انتي داليا ببراءة : كسرت عظام وحدة في المدرسة الدكتور جهاد : احلفي يا بريئة ليش ان شاء الله.........على فكرة الدكتور جهاد يعامل داليا زي اخته لانه على قولها شارك في تربيتها وله اخت في نفس عمرها داليا الي اتحمست وسارت تحكي : تخيل تقولي انتي ما عندك من يربيكي وكلام كتير تاني بس عشان شافتني في السوق ما اغطي وجهي الكتور جهاد : من الي انا شايفه شكلها هيا كسرت عظامك امشي امشي غرفة الاشعة بعد الاشعة الدكتور جهاد : عندك شعر في الزند محتاجة جبس بسيط داليا بخوف : تألم !!! الدكتور جهاد بضحكة خفيفة : اكيد داليا شهقت الدكتور جهاد يكمل كلامه : بس مو انا دكتورك اكيد ما بعورك داليا تحط يدها على قلبها : طيحت قلبي الدكتور جهاد :دلوعة داليا مدت بوزها تكره احد يوصفا بضعف والدكتور جهاد يعرف ده الشيء بحكم انها اتربت وحيدة كانت دائما تحب تبين انها قويه لانها كانت تحس انها ما وراها احد الدكتور جهاد : خلاص لا تزعلي يالقوية طالعت فيه داليا وضحكت دائما تضحك لانه الدكتور جهاد يعاملها زي الاطفال وما يشوفها كبيرة ابدا بعد ما راحت داليا رجع مكتبه يفكر ويفكر في حياته كيف سارت امه الي سارت ما تخرج من غرفتها و ابوه الي الي سار يضغط على نفسه في الشغل عشان ما يرجع البيت على حد كلامه البيت بدونها ما يسوى واخوه الصايع الي ما يعرف ايش يسوي فيه الي زواجه ما بقي عليه شي وهو بعد صار يكره يرجع البيت يحس ان الكل يلومه فقدها فقد كل شيء فيها و ولد عمه صديق عمره الي هرب من البلد كلها من بعدها يبغى اي احد يجاوبه كيف؟؟؟؟؟؟؟؟؟ رنيم رجعت من المدرسة اخر يوم وبدأت اجازة الربيع اتنهدت من قلب تمنت ترجع لابوها بس امها تتذكر.... امس رنيم : ابغا اروح لبابا في الاجازة ام رنيم : نعم نعم رنيم انفجعت من ردة فعل امها ام رنيم : طول عمرك عشتي عنده حرمني منك ودحين انت ما تبغيني كله من العجوز جدتك هيا الي ملت راسك وخلتك تكرهيني رنيم : ماما !!!!!! ام رنيم وهيا تتخصر : لا والله ما ترضي عليها رنيم بقوة : ايوة ما ارضى عليها هيا ربتني ام رنيم : يعني ايش تفضليها على امك الي جابتك اكيد تربية العجوز بس خليكي فاكرة انه هاذي العجوز كانت سبب انفصالي عن ابوك وراحت تبكي ( ملاحظة : تسوي نفسها تبكي ) رنيم طنشت تعرف حركات امها رجعت الواقع على صراخ امها ام رنيم : اخيرا شرفتي بسرعة تبدلي ملابسك وتنزلي تشوفي حمودي بعدين روحي شوفي جوري و ذاكريلها بكرة عندها تقويم رياضيات اذا ما جابت درجات انتي الي حا تنضربي رنيم لفت وجهها وراحت غرفتها المشتركة مع سمر في الغرفة : دخلت تتأفف : اففففففف سمر : الي ما راحت المدرسة اليوم ودوبها صاحيه من النوم وام رنيم ولا دريت عنها اشبك مع الصبح رنيم تضحك باستهزاء : استقبلتني زوجة ابوك المصونة خير استقبال ما شاء الله سمر : تقصدي امك رنيم بتنهيدة : ااااااه ايوة قاطعهم صرخة ام رنيم : رنييييييييييم رنيم : طييييييييييب خليني البس قبل ما تغسل شراعي (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في لندن كانوا شادن وصقر جالسين في غرفة المعيشة في شقتهم المتواضعة كان صقر جالس على ال الاب توب وشادن مشغلة التلفزيون شادن :اووووف صقر:.......... شادن : اااااااااااااه صقر : ........... شادن : ياربيييييييي صقر بدون مايرفع نظره عليها :اشبك تنافخين شادن الي اتعدلت في جلستها بحماس : ابغا منك طلب وبلييييييييز ما تردني صقر بدون ما يغير من جلسته طالع فيها بنص عين : اطلبي شادن بتوتر :ااامممممممم صقر : خلصيني شادن باتفف طفولي :طيب طيب ابغااااااااا ابغا ادرس صقر الي يكنه احد ضربه كهرباء٢٢٠ طالع. في شادن شادن الي خافت من نظرة اخوها وبدأت تبرر ااااه انت تخرج تروح الجامعة وانا اجلس لوحدي وبصراحة امل بالمرة وما اقدر ومرررة مرة طفش صقر لسا متنح (سرحان مو مستوعب ) شادن بزعل :خلاص اذا مو راضي مو ضروري صقر رجع نظره على جهازه وبصوت مهموم : خليني افكر في الموضوع شادن بحماس طفولي نطت من مكانهاوهيا تصرخ :yes !!!!!! صقر الي اتفاجأ من ردة فعلها لدي الدرجه الجلسة في البيت مملة؟؟؟ بس كيف لو سجلها في معهد يخاف يخاف احد ....... آحببتك جداا ♡♡' للحد الذي يفرض علي غض بصري '$$ عن گل مخلوق سوااك .. احببتك كماا لم يحب بشر ˛ وَ يعشق بشر ˛ وَ يتنفس بشر # احببتك وَ كاانك المخلوق الوحيد : على وجه? الارض سوزان كانوا في الشاليهات كانوا ماخذين فله كبيرة للعائله كلها سوزان بصوت عالي : هياااااا يا داااانيا خلصينا دانيا: طيب طيب بس خليني الف حجابي اوف منك سوزان : خلصيني ابغا اروح اركب الجيت مع العيال نزلوا سوزان و دانيا على الشاطئ كانوا حسين وعبد الله مستأجرين جتات ( دبابات البحر ) حسين الي لمح سوزان ودانيا نازلين وراح لهم سوزان : هاي حسين حسين : هاي سوزان يلا مستعدة تركبي سوزان بحماس: اكيد عبد الله الي توه جاه : لا اركبي معايا وخلي دانيا تركب مع اخوها سوزان ما نست حركات عبد الله : لا انا بركب مع حسين حسين انبسط : يلا سوزان عبد الله الي نار الغيرة اشتعلت بقلبه لمن شاف سوزان تركب ورا حسين بعد ما ركبت حسين : سوزان اتمسكي تمام سوزان : اتمسك في ايش ؟ حسين : فيا طبعا سوزان اترددت بس بعدين قالت عادي لانها زي ما قلت قبل تعتبرهم اخوانها ومسكت في حسين من ظهره وبدأ حسين يمشي وعيون عبد الله تتبعهم وقلبه يحترق على منظر سوزان وهيا ماسكة حسين وبدون وعي منه ركب الجت حقه وسار يتسابق مع حسين وحسين فهم على طول وسار يسابقه وسوزان صارت تصرخ من قلبها وتقول لحسين يخفف السرعة وبحركة مفاجئة يلف عبد الله في ناحية جت حسين وينقبلو حسين وسوزان عبد الله بعد ما استوعب الي سواه نط بسرعة عشان ينقذ سوزان عبودي الي كان واقف على الشاطئ وحضر الموقف كله نط في البحر بسرعة وبسرعة سبح لمحل سوزان ما كان خايف على اخوه لانه يعرف انه متعود على دي الاشياء رفعها سوزان كانت تعرف تسبح بس مع الفجعه اغمى عليها بسرعة مسك سوزان ورفعها فوق كتفه ولمن قرب من الشاطئ شالها بين يديه وساعدته بنيت جسمه القوية وراهم كان عبد الله الي كان يصرخ سوزان سوزان عبودي حط سوزان على الشاطئ اول شيء سواه عبودي انه ضرب عبدالله كف طير وجهه عبودي : يالحيوان اتهبلت تبي تذبح اولاد عمك عبد الله ....... سوزان : كح كح عبودي : سوزان انتي بخير سوزان : يب عادي بس انا انفجعت حسين وصل حسين : سوزان انا اسف وربي اسف ما قصدت بس عبد الله قاطعته سوزان : لا عادي ما حصل شيء كح كح كح انا برجع الكبينة ارتاح واغير ملابسي اما عبد الله لا تسألي عنه راح مكان بعيد عن الناس يفكر ليش سوزان ما تتقبله وما تحبه عبد الله : راح تحبيني اذا مو اليوم بكرة واذا مو بكرة ....... رهف كانت جالسة في البيت تتفرج تلفزيون سامر : رهف انا خارج مع اصحابي لو ابوي سأل قوليله برجع بعد ساعة رهف : طيب لمن تخرج اقفل الباب معك سامر بعجلة : طيب طيب ( رهف متعودة تجلس في البيت لوحدها ابوها في العمل وامها طول اليوم طلعات و زواجات وزيارات واخوها مع اصحابه او يخرج يصيع في المولات ( بيت رهف مطل على مسجد يعني امامه بالتمام مسجد ) كانت رهف جالسة في البيت لوحدها كانت لابسة بجامه وردية نص كم وبرمودا نفس اللون لها ساعتين من خرج اخوها طفشانة بالمرة اتصلت في كل صحباتها بعد ما راح الطفش منها فجاءة سمعت صوت احد يمشي بس ما اهتمت كانت جالسة على الاب توب حقها على الارض ومركزة على الشاشة ومو حاسة بحولها فجاءة حست ظل احد عليها رفعت عينها شافت حارس المسجد اليماني كان سمين شوية وطويل غريبة صح بس هوه كان كده كانت اسنانه مسوسة وشكله مقرف وكان يبتسم لرهف ابتسامة شيطانية المهم شهقت رهف وقامت بسرعة ورجعت على ورا وسارت تركض في البيت والحارس يركض وراها رهف سارت تفكر بسرعة شافت باب البيت مفتوح وراحت تركض في الشارع الي ساعد رهف انا اخف واسرع من الحارس السمين سارت تجري وشعرها يطير مختلط بدموعها فكرت تدق على احد الجيران بس مافي وقت لو وقفت تضرب الجرس راح يمسكها شافت بيت جارتهم ام فارس مفتوح و فارس واقف يغسل سيارته. رهف تعرف فارس من اخوها سامر وكانت تلعب معاهم كورة وهيا صغيرة سارت تصرخ فاااااااارس فاااااارس يا ناااااااس ساعدوني فارس انتبه وسار يطالع ايش الي حاصل كان بعيد مرة شاف احد يركض ورا بنت والبنت تصرخ رهف الي عرفت انه مو سامعها افتكرت انه قريب من بيتهم في صالون حريم بابه مفتوح دائما دخلت بسرعة وقفلت الباب الخارجي الحارس عرف انه ما يقدر يلحقها دخلت رهف الصالون والحريم يطالعوا فيها وفي شكلها المبهدل وبجامتها المغبرة قربت منها موظفة مغربية الموظفة : حبيبتي انت من وين جايه رهف كانت مصدومة وماكانت تبكي ولا شيء رهف وهيا تلهث من كثرت الجري : مـ مـ ـكـ. ن .... ممكن ... تل ... تلفون الموظفة الي عرفت انه دي وراها شيء وحالتها مو طبيعية اعطتها جوالها بدون ولا كلمة رهف دقت رقم جوال ابوها وما تعرف كيف اتذكرتهم ابو رهف : الوو رهف بصوت مو طالع : بابا ابو رهف : الوو مين معايا رهف : بابا تعال تـ. ـعـال انا انا محتاجتلك ابو رهف بقلق : رهف رهف حبيبي انتي فين ورقم مين هذا رهف : تعال صالون الحسناء الي ورا بيتنا وطاح الجوال من يدها (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ رنيم سمر : اقفلي الانوار خلاص بنام رنيم الي خرجت من الحمام : طيب طيب بس احط منشفتي لحظة قفلت الانوار وانسدحت على سريرها غمضت عينها و احداث يومها تمر عليها كانوا على طاولة الغدا رنيم كانت نفسها مسدودة وما تبغى تاكل بس جلست خوف من امها جوري : رنيم رنيم انتي دحين تروحي صح عند بابتك انتي ليش بابتك غير مو زينا يعني انتي عندك اتنين بابا رنيم حست بغصة في حلقها من كلام اختها زوج ام رنيم : رنيم انتي مسافرة لابوك دي الاجازة ام رنيم : لا مافي تروح عند العجوز ليش ان شاء الله رنيم : بس انا.... ام رنيم : ولا بس ولاشيء تبغي تروحي عند ابوكي ليش ها ابوكي الي مايصرف عليكي ولا طل في وجهك من يوم ما جيتي عندي ابوكي ذا الي انتي رافعة راسك فيه وابويا وابويا ابوك اللي قاطعها زوجها بطيبة مزيفة : خلاص يا ام جوري خلي البنت تكمل غداها رنيم قامت من طاولة الطعام وراحت جري على فوق كل هذا مر على رنيم وهيا على سريرها ودمعه حايرة تمر على خدها صحيت في الصبح وهيا تطل حولها وتشوف المكان رنيم في قلبها: اوف لفت وجهها وشافت امها ام رنيم : رنيم حبيبي انتي بخير انتي كويسة خبريني عنك سمر كانت على الطرف التاني من السرير : رنيم انتي عارفة انك رنيم قاطعتها بصوت عالي كله ضيق : اعرف اعرف ما يحتاج تقولي ام رنيم و سمر :!!!!!!!!! رنيم : اعرف انا في المستشفى عادي مو شيء جديد طول عمري انام في مكان واصحى في مكان تاني ايش الجديد يعني بعدوا خلينا نرجع البيت وقامت تبغى تمشي ام رنيم : رنيم حبيب اجلسي اتجننتي لازم نطمن عليكي رنيم بطفش : تطمني على ايش كانت معايا نوبة صرع عارفه وجبتوني المستشفى وهذا انا صحيت ايش بقي. خلاص بنرجع البيت عندي مذاكرة ام رنيم بصوت باكي : سمر نادي الطبيب اختك مخها ضرب ما شافت كيف كان شكلها دخل الدكتور جهاد ( نسيت اقولكم الدكتور جهاد ده تخصصه الاصلي مخ واعصاب والحمد لله بعد كم سنه نقلوهـ. تخصصه ) الدكتور جهاد : السلام عليكم ام رنيم وسمر : وعليكم السلام رنيم بصوت عالي : اووووف الدكتور جهاد رفع واحد حاجب : المريضة رنيم كم عمرك ؟ رنيم : ١٧ انتي تعرفي انه قاطعته رنيم : عندي صرع من ١٠ سنين تجيني الحالات دائما لمن اكون معصبة او حزينة او من الحرارة المرتفعة سببها زيادة كهرباء في المخ علاجي عندي المفروض ما اكثر منه مرضي مزمن وعلاجي ابتعد عن الانفعلات باقي شيء يا دكتور اقدر اروح البيت لو سمحت الدكتور جهاد : اتفاجئ من جرأتها وقوتها كيف تعرف كل هذا وكمان فيها نوع من الوقاحة الدكتور جهاد : لو تعرفي كل هذا ما شفناك هنا اليوم يا اخت رنيم رنيم : ممكن تكتبلي خروج من هنا لو سمحت الدكتور جهاد كان ممكن يخرجها بس حب يعرف عنها اكتر لا بنخليكي لبكرة رنيم ارتفع عندها الضغط رنيم بعصبية وكانت ماسكة جنبها اليمين وهذا الي لاحظه الدكتور جهاد رنيم : قلتلك ابغا اطلع اليوم الدكتور جهاد : اسف بس لو طلعتي بتكون على مسوؤلية اهلك لفت رنيم على امها على اساس تخرجها من الموقف ام رنيم بخوف : لا يا دكتور بتجلس ابغى اتطمن عليها الدكتور جهاد : ام رنيم ممكن تهدي اعصابك مفروض تكوني متعودة على ذي الحالات رنيم : اتنهدت باستهزاء ام رنيم : اسف يا دكتور بس انا اول مرة اشوف بنتي بالدي الحالة الدكتور جهاد : ؟؟؟؟؟؟؟ دق جهاز الاستدعاء حق الدكتور جهاد الدكتور جهاد : انا الدكتور المناوب راح يجي الدكتور المسوؤل عن الحالة بكرة وبيشوف حالة رنيم ويشخصها .... وخرج ام رنيم لفت على رنيم ام رنيم :حبيبي انا لازم اروح زوجي في البيت واختك ما عندها احد لازم امشي. سمر بتجلس عندك سمر بسرعة : لا لا انا عندي اختبار برجع انام ما ابغا اجلس بيبي سيتر رنيم بعدم اهتمام : عادي انا متعودة روحي ولا تشيلي هم انا بنام اصلن بعد ساعتين طبعا رنيم ما نامت دخل الدكتور جهاد الدكتور جهاد : السلام عليكم رنيم بطفش : وعليكم السلام الدكتور جهاد بدون مقدمات : عندك قولون صح رنيم بصدمة : ها الدكتور جهاد : عندك القولون العصبي رنيم الي مزاجها اتعدل : يب من ٤ سنين دكتوري في الدمام وهوه الي يتابع حالتي الدكتور جهاد : وو رنيم قاطعته : امي وابوي منفصلين من عمري سنة و عايشة مع ابوي في الدمام وامي اول مرة تشوفني وانا عندي نوبة الصرع عشان كدة لا تستغرب منها واظن كدة اكون جاوبت على فضولك الدكتور جهاد : بكرة الصباح بيشخصك الدكتور المختص رنيم : اوك دحين ممكن انام خرج الدكتور جهاد وهو يقول لاحول ولاقوة الا بالله كاتبتكم : انثى دكتاتورية (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ | |||||||||
|
| |
|
16-10-12, 02:11 AM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثالث (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ لندن جالسة في غرفتها متمددة على سريرها وتطالع السقف تفكر في حياتها مستقبلها ماضيها ضحكت باستخفاف اي ماضي الي تفكر فيه طفولتها الضايعة ذكرياتها المسروقة تشوف كتير ناس في احلامها كلهم تعرفهم شافتهم قبل بس ما تتذكر اي اسم رجال كبير في السن شاب وحرمة كلهم ملامحهم مو واضحة دائما في رأسها صورة مب مكتملة مالها ذكريات مالها ماضي مالها عائلة وتخاف ما يكون لها مستقبل حتى اخوها صقر ما تعرف بعض الاحيان لمن تشوفه تحس انه اكثر شخص تكرهه في الدنيا ما تعرف سبب هذا الاحساس الغريب مع انها ما تنكر انها تحبه اخوها الكبير ولا عمره رفضلها طلب مدللها بس ما تدري ليه حتى في ذاك اليوم المشوؤم لمن طلعها من المستشفى اول شيء سوته لمن دخل عليها صرخت بأعلى صوتها في شيء في ماضيها يلاحقها يخليها تشعر ان صقر سرق منها شيء ما تعرف وش هو بس تفكر اخوها طيب وحنون ما يستاهل منها ذي المعاملة القاسية لمجرد خيالات واحلام ما لها اي واقع (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في نفس الوقت في نفس المكان كان صقر جالس على مكتبه وبعد كان يفكر فكرة المعهد ليست سيئة بس اخاف احد ..... بس شادن طول وقتها في البيت لوحدها واكيد تمل قام يمشي في الغرفة هذي طريقته في التفكير امممم وهوه ماشي في الغرفة شاف شيء على دولابه كانت اسورة مصنوعة يدويا ( الرجاء الرجوع للجزء الثاني في حالة عدم التذكر ) اخذها تذكر قصة هذي الاسورة وكيف ضرب ولد جيرانهم صهيب عشان ياخذها منه يتذكر لمن جاهم صهيب وقال ان عيد ميلاده بعد يومين وهم معزومين على الحفلة كانت بيتهم عبارة عن مجمع سكني كبير لعائلة ابوه كلها وكان بيت صهيب مقابل المجمع كانوا في مرحلة طفولة كان صهيب دوم يجي يلعب معاهم تذكر كيف رزان يوم الحفلة اخدت يد صهيب و لبسته هذي الاسورة وقالت له انها تسمى اساور الصداقة وهيا سهرت تحت سريرها عشان امها ما تشوفها وهيا تحاول تخلصها له في يومين عشان تهديه هيا في عيد ميلاده وطلبته يحتفظ فيها وما يخليها ابد وصقر كان حاظر الموقف كامل تذكر كيف بعدها باليومين شاف صهيب لابس السوار في يده وما يخليه ابد و ذاك اليوم. افتعل مشكله معاه وتضاربوا و قطع السوار من يده بدون ما ينتبه وخباه عنده الكل ما استغرب من مضاربتهم لانهم متعودين دوم صقر وصهيب يتضاربوا بسبب وبدون سبب تذكر رزان ااااااااه يارزان يسمع صوت داخله رزان مين يا صقر رزان انت ذبحتها بايديك رزان خلاص انتهت مالها وجود سافرت على العالم الاخر وانت السبب قتلت اكتر شخص حبيته قطع عليه تفكريه صوت دق الباب شادن : صقر انت صاحي تعال انا عملت حلى ما اعرف كيف بس طعمو حلو تعال كل معايا طالع في الباب المقفل ربنا عوضوا با شادن اخته الصغيرة الدلوعة بس على مين يكذب قلبه مستحيل ينسى رزان خرج من الغرفة حصلها حاطة صينية حلى حالته ابدا ما تسر شادن بخجل : شكلو مو زي طعمه اوعدك صقر : طيب نشوف جلسو مع بعض صقر : شادن انا موافق على المعهد شادن : yes yes  صقر بحزم : بس بشروط شادن في نفسها : بدأنا من اولها شروط صقر : اول شيء من البيت على المعهد من المعهد على البيت ما تروحي ولا مكان ثاني اثنين انا الي اوصلك وانا الي اخذك ما تركبين مع احد ثالثا ما تركبي مع اي احد غريب لا تقوليلي صحبتي ولا اخوها رابعا : اصحاب شباب ما في و يا ويلك اشوفك واقفة مع شباب واكيد حا تروحي بحجابك موافقة ؟ شادن : اكيد اي شيء بس المهم اخرج من هنا في السعودية في القصر كانت الساعة ٣ في الليل كان جهاد جاالس يتفرج فيلم با انه بكرة دوامه مسائي ما يحتاج يقوم بدري فجاءة سمع صوت باب البيت ينفتح واخووه داخل سكران عماد : خليلوه ... خل ... ليو ..ه جهاد : ؟؟؟؟؟ عماد داخل يترنح : صباح الخير يااخوي العزيز جهاد : لا حول ولا قوة الا بالله قام جهاد ومسك اخوه وطلع غرفته ورماهـ باحوض الاستحمام وفتح عليه الماي عماد : ايش فيك انت ايش فيك علي اول ما انفتحت الماي عماد : ااااه اه اه باااااارد بارد بس. بس الله يقطع ابليسك جهاد : ها قمت ولا بعد يالصايع خرج عماد ورا جهاد بعد ما فاق و رمى حاله على السرير جهاد واقف : يا اخي انت متى بتتعدل متى بتسير رجال فضحتنا يا اخي احترم نفسك خاف الله في بنت عمك الي امها داعية عليها انها بتتزوجك عماد بخمول : اسمع انت اخر واحد يتكلم عن الفضايح انت بكبرك اكبر فضيحة واذا على بنت عمي محد ضربها على ايدها وخلاها تتزوجني خرج جهاد الي عارف ان اخوه ما في فائدة منه عماد وهوه لسا مخدر : بس انا احبها واموت عليها ما ابغا تتركني جهاااااد جهاااد اسمعنيييي يا اخوي انا احبهاااااااااا جهاد في نفسه : راحت عليك يا بنت عمي (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في الصباح في نفس البيت على طاولة الفطور كان جهاد جالس يفطر وسمع صوت احد نازل من الدرج عماد: صباح النور يا دكتور جهاد : ...... عماد باستفزاز : افااا الدكتور زعلان علينا جهاد : ممكن تخليني اكمل فطوري عماد : كل كل بس لاتنسى تفكر في..... قطع عليهم نزول ابوهم من فوق ابو جهاد : السلام عليكم يا عيال عماد وجهاد بصوت واحد : وعليكم السلام يبه ( عماد وجهاد تؤام جهاد طبيب مخ واعصاب عماد صايع ومغزلجي عماد محير لبنت عمه على حسب العادات والتقاليد في عيلتهم وزواجه بعد اسبوعين عماد كان شاطر زي اخوه وكانت نتايجهم دوم وحدة وكانوا يحبوا بعض لمن وصلوا الثانوية كان عماد ايام الاختبارات مريض ونقص علامتين عن اخوه وعلى طبيعة ابوه القاسية ضربه وقارنه باخوه وانه جهاد افضل منه وذا الشيء خلاهـ يعلن التمرد و اتعرف على شلة شباب فاسدة ) جلس ابوهم على طاولة الفطور و كملوا هم اكلهم بس ابو جهاد ما كان ياكل كان نظره معلق في الكرسي الفاضي الي بجنبه وعيونه تلمع بس كرامته مستحيل تسمحله يبكي قدام عياله ( ذلك الغرور اللعين الذي يمشي في دمائهم الذي ابى ان يندثر مع دماء الاجداد الي ورثه و اورث اولاده اياهـ ويعلم تماما ان احفاده لن يختلفو عنهم ذلك الكبرياء وتلك المفخرة اللعينة التي لم يزدها المال الا اشتعالا التي قتلت المشاعر في النفوس وتصدرت على عرش الروح بجدارة قد لا يكون للجميع نفس القدر من تلك المادة الوراثية ولكن بانظر لابناءه فهو يشعر انه رضعوه مع حليب امهم ) ابو جهاد يتكلم يكنه يكلم نفسه بس بصوت عالي : راحت راحت لبوة البيت راحت. (.ملاحظة لبوة = انثى النمر ) راحت نور عيني عماد بصوت واطي سمعه الكل : الله يجازي الي كان السبب وقف ابو جهاد بدون ما يكمل اكله و راح عماد باستخفاف : شفت يا اخوي ااااه يا حسرتي عليك يا يبه ويا حرقة قلبك جهاد بعصبية : سيتي سيييييتي سيتي وصمخ عماد بلهجة مليئة بالسخرية : هدي يا اخوي هدي لا يطقلك عرق ابوي خسر واحد من عياله وما اظنه يتمنى يخسر الثاني مع اني اتمنى اصير ولد بابا المدلل سيتي ( الخدامة ) : نعم بابا جهاد : اعطيتي ماما كبير الدوا سيتي : yes بابا عماد : ااه يا يمه كيف بتعيشي .... قطع عليه جهاد بعصبية: بس بس مو غلطتي تعرف وشو يعني مو غلطتي متى بتفهمون متى عماد : والله يااخوي لازم تتحمل اغلاطك وما ترميها على غيرك انت كيف تنام في الليل انت حرمتنا من اغلى شيء في البيت ولا تنسى مثل ما يقولون غلطة الشاطر بألف ..... تشاااو خرج عماد تارك جهاد في عذاب ضمير قد لاينتهي و حنجرته تنبهه بالم حاد وكانه تعاقبه على ذنب لايغتفر سامحيني يا رزان سامحيني (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ رهف انهت رهف مكالمتها مع ابيها ودخلت غيبوبة صامتة مع اعين مفتوحة وكأنها ترفض للزمن ان يتحرك وتتحدى الجميع بوقفة فولاذية امام اعين جميع النساء في الصالون التي يكاد الفضول ان يقطر منها ١٠ دقائق تلك الذي اخذها والد رهف فالم يكن المنزل بعيد عن عمله وعداد سيارته يصرخ منبها لارتفاع سرعة السيارة وكأنها تهدده باحياته لحظات تلك حتى خرجت رهف لأبيها بعد ان اخبرتها احد العاملات عن قدومه خرجت رهف بمنظر طفلة كانت تهرب من احدى الغارات العسكرية ابو رهف ( خالد ) : رهف رهف ابوي وش فيك لحظات تلك التي رفعت رهف فيها عينيها لوالدها لتنقل له شعرة من حجم الالم الذي تشعر به لينفذ كل ما تبقى من طاقتها لتسقط مثل الجثة الهامدة في حضن ابيها....... سوزان. ( اكتب لكم هذا الجزء من الطايرة ٩ ساعات مو قادرة ادعولي ) اكان على الصين ان تكون بهذا البعد سنترك منزل سوزان قليلا ولن نذهب إلى مكان بعيد في نفس الحي منزل الجدة. يسكن عم سوزان في الدور السفلي من بيت الجد ( للتذكير : عم سوزان ابو دانيا وحسين امهم متوفية وعايشين مرة ابوهم الي اسمها اميرة ) دانيا في غرفتها قافلة النور والباب وبتتكلم بصوت خافت دانيا : ايوة حبيبي الحمد لله انا تمام انت كيفك ماجد : تمام يا دنو وحشتيني وطرااااخ ينفتح الباب اميرة : مين با تكلمي يا بنت ##### في نص الليل دانيا تعمل نفسها نايمة بعد مع حطت جوالها تحت المخدة دانيا قامت جلست على السرير : همممممم ايش في في نص الليل ابغا اناااااام اميرة بخبث : نعم يا حبيبتي تسوي نفسك نايمة هااا طب انا اوريكي وقربت من سرير دانيا رفعت اللحاف والمخدة وشافت الجوال منور اميرة : نايمة ها نايمة تعملي نفسك نايمة نامت عليكي طوفة قولي امين عند ابوكي يا ###### وسحبت الجوال و اتصلت على اخر رقم ورد عليها ماجد كمان باتكلمي عشيقك يا #### يا £££££ راحت تجري ودانيا تلحقها دانيا بترجي : الله يسعدك بابا لا والي يخليكي بابا لا اعملك الي تبغيه حا يقتلني الي تطلبيه بس لا تقولي لبابا اميرة بخبث : الي ابغاهـ دانيا بترجي وانكسار : ايوة ايوة اميرة : طيب نشوف والجوال مح تشمي ريحته حتى وخليني اشوف في يدك جوال ورفستها رجعت دانيا الغرفة وبكيت بكى ما بكيتو من سنين بكيت وبكيت اول ما رجعت من المدرسة مسكتها اميرة وخلتها تنظف البيت كله وتطبخ الغدا وتحمي بنات اميرة الصغار وتغسل الحوش بعد ما ابوها راح العمل اكيد وحسين ما كان موجود كانت اخت دانيا الصغيرة موجودة رانيا ٣ ابتدائي وبنات اميرة ٢ لانا وتالا بعد ٣ ايام كانت دانيا مرة هلكانة وتعبانة من الشغل كل ذا ما اتعودت عليه ما كانت تشتغل وابوها يجيب الشغالة بالاسبوع لانو اميرة مهملة وما تشتغل و بس تطبخ عشان الجدة لا تخليه زوجها يطلقها دخلت دانيا غرفتها ترتاح قبل ما تقوم تغسل الحوش ودقت سوزان على البيت و ردت دانيا سوزان : هاي دنو كيفك دانيا بصوت تعبان : الحمد لله سوزان : اخبارك يا بت العم ما بتتصلي من كم يوم دانيا بصوت باكي : انا تعبانة يا سوزان تعبانة سوزان : دنو حبيبي اشبك دانيا : سوزان انا ابغا ماجد خليه يجي ياخدني من هنا انا مني قادرة اتحمل سوزان : دنو حبيبي هدي اعصابك وانسي طيب انا اغيرلك مودك امممممم يقولك في واحد بخيل يبغى يخرج من الحمام بس مو قادرليييييييييش دانيا : ........... سوزان : هيا قوليييييي ليييييييش ؟؟؟؟؟؟ دانيا : ما اعرف سوزان : عشان مكتوب على الباب ادفع دانيا : ................. سوزان : دانيا الوووو دانيا دانيا : ههههههههههههههههههههههههه ههههه هههههههههههههههههههه ههههههههههه ابتسمت سوزان بخفوت لم تكن النكتة مضحكة الى تلك الدرجة لكن نحن هكذا بنو آدم عندما تكتال علينا الهموم نبحث عن النور في كهف مظلم حتى لو كان فتحة اصبع سنحاول ان نخرج رأسنا منها اميرة عندما سمعت دانيا تضحك لم تستطع الاحتمال فا هي لديها قلب مليء بالحقد على هذه الطفلة الكبيرة التي لم تجد الحنان لا في صدر اب ولا ام ولم تجد من يقول لها توقفي او اذهبي إلى اليمين ولاتذهبي إلى الشمال كل ما وجدته اسرة مفككة واب مشغول و جدة كثيرة الشكوى منها ومن شقاوة اخوتها ومن ثم زوجة اب قاسية لا رحمة في صدرها بعد ١٠ دقائق. دانيا : سوزان اكلمك شوية بابا يناديني سوزان : اوك حبيبي استناكي بعدها بالساعتين ابو سوزان : سوزاااااان يلا خلصتي نبغى نمشي سوزان : حاضر بابا لحظة بس البس صندلي يبعد منزل الجدة ١٥ دقيقة عن بيت سوزان نزلت سوزان عند دانيا لان الدورين مفتوحين على بعض وما يفصل بينهم الا درج بسيط سوزان تدق الباب : دنو دنو ادخل حا ادخل ترى واتحملي انتي العواقب دانيا : ....... دخلت سوزان على دانيا وحصلتها مرمية على السرير زي الميتين سوزان بقلق : دانيا دانيا حبيبي اشبك دنو ردي عليا دانيا : سوزان قوليلهم يسامحوني طيب امنتك سوزان : دانيا يا مجنونة اغمى على دانيا و وقفت سوزان تحاول تفكر ايش تعمل ولاحظت علبة البندول الفاضية الي في يد دانيا سوزان : المجنونة ايش اعمل ايش اعمل حسين حسين جوالي جوالي فين في الشنطة سوزان : حسين الو حسين انت فين الحقني بسرعة دانيا انتحرت حسين : سوزان شوي شوي عشان افهم دانيا اشبها سوزان : دانيا ماتت انتحرت مااعرف الحقني بسرعة حسين بقلق : اييييش ؟؟؟؟ لحظة لحظة انا ١٠ دقائق وانا عندك. في داخلي طفل (ن) يبي العمر .. يوقف ............... قلبه ( تعب ينسى ) لو الوقت نسـّـآه .!! طفل(ن) خذى من سود الأيآم موقف .................ماهو بقآسي لكن ؟ الوقت قسـّآه رنيم. ( اكتب لكم هذا الجزء من الصين خخخخخخ ) سمر على الجوال. و رنيم بترتب في درجها سمر : ههههههههههه خلاص عبادي مني قادرة حا اموت ههههههههههه اصبر اصبر بفتح السبيكر خلي رنيم تسمع رنيم : اسمع what ??? سمر : قول قول عبادي هههههههههه عبادي : الوو رنيم : الو نعم !! عبادي : رنيم رنيم : نعم مرة تانية عبادي : نعم الله عليك تعرفي ان صوتك حلو رنيم :؟؟؟؟؟ شكرا سمر : اوووف خلصنا عبادي : سمر خلي رنيم تشوف قصت شعري الجديدة الي ارسلت صورتها لك سمر : ايوة ايوة رنيم تعالي شوفي شكله سار يجنن رنيم بعفوية : تصدق حيل تغيرت ما اذكر شكلك كان كدا عبادي : يعني سرت حلو رنيم بخجل : اااااه يب يب ماما تناديني وخرجت بسرعة عبادي : سمر لحقي علي لحقي وينها ذي مخبيتها من زمان عني سمر بلا مبالاة : هذي رنيم بنت زوجة ابوي كانت تلعب معنا ونحن صغار ما تذكر ؟ عبادي بهيام : اذكر وشو يا بعد قلبي بموت وش ذا الصوت سمر ابيها ولي يرحم ابوك ابيها تهبل سمر بتفكير : والله مدري بس ترى رنيم مو راعية هل حركات يكون في علمك وتراها تحب واحد تاني بس ما يدري عن هوا دارها عبادي : انا انسيها هوه والي خلفوه بس ذبطيها لي و غلاتي عندك الي تبيه بس جبيها لي سمر : بس بس مالت عبادي : تقدري تقدري قوليلي تقدرييي سمر : شوف تراها من النوع الصعب وما اضمنلك بس عشانك ولد الخالة وما يهون علي العيش والملح والصراحة احب رنيم وابيها مبسوطة بساعدك عندما يكون الاقارب ****ب وعندما نكتشف انه تم خيانتنا وطعننا في الظهر كيف سنفيق من طعنة قريب (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في لندن كان صقر جالس يفكر وشادن تلعب في جوالها صقر : اختي شادن شادن : ........ مندمجة الاخت في اللعب صقر : اختي شااادن شادن : امممممم نعم صقر نعم وبعدين تعال بسألك ليش تطولها وهي قصيرة ليش ما تقول شادن ليش تقول اختي شادن صقر بجدية ما انتبه لها : عشان دوم نتذكر اننا اخوان شادن فهت البنت : ........ ها ؟؟؟؟؟؟؟؟؟؟ صقر بعد ما حس على نفسه : قصدي دوم نحس اننا قريبين من بعض وما راح نفترق شادن : اهااااااا !!!!!! في نفسها : رومنسي زيادة شادن : صقر حكيني عن اهلنا امي ابوي حكيني اي شيء اشكالهم صقر : شادن انا كم مرة قلت لازم تنسي خلاص انسي عشان نعيش شادن : بس هذولا اهلي اهلنا ابغى اعرف اي شيء صقر : ما في فايدة ما في وقام وهوه يتأفف اصعب احساس انك تحاول تتذكر شيء غصبت نفسك تنساهـ (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ ان شاء الله البارت القادم كلكم معزومين على زواج في روايتنا البارت القادم بارت استثنائي بتظهر فيه حقيقة رزان سر وجود صقر وشادن في لندن وعلاقتهم بالموجودين في السعودية ترقبوا انتظر توقعاتكم دمتم بود | |||||||||
|
| |
|
16-10-12, 02:12 AM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| البارت الخامس اطراف قصتي مبعثرة بين ماضي وحاضر وخيال و واقع خيوط متفرقة تعبث بي الى متى اليوم سنكتشف جزء كبير من قصتي لذلك لنعود إلى الماضي قبل حدود السنتين واكثر او اقل رزان كيف قدرتي تقنعيه مستحيل !!!! رزان : قدرت وخلاص لا تسأل جهاد بأسف : بس حبيت اقولك انك خسرتي انسان الصراحة تتمناهـ اي بنت رزان : انت قلتها اي بنت بس مب انا هذي آنـآ .. وهذي آطبآعي .. وآخلآقي ., ......................... ما آقدر آغيّر ولا آتصنّعْ ولا آتبدّلْ ., إنْ آعجبّك .. مرحبـآ .. وآلدرب له بآقي ,, ......................... و انْ كآن ما نـآسبّك .. دوّر على الآفضل ., : صقر رزان اقنعت ابوي صقر : نعم ؟؟؟؟؟ كيف يعني جهاد : كيف ما اعرف بس تعرف رزان لمن تقول تفعل صقر : جهاد لا تقتلني بالكلام اقنعته ب وشو جهاد : صقر لا تستغبي رزان اقنعت ابوي بفسخ الملكة صقر بتعلثم : انت انت اييي وش قاعد تقول رزان زوجتي والزواج ما بقي عليه شيء وتعرف اني بأخذ رزان تكمل دراستها معي في لندن انا باقيلي تقريبا كم سنة واخلص يعني كل شيء جاهز مستحيل اطلقها مستحيل تعرف وش معنى مستحيل صار يصرخ عماني جدي مستحيل يوافقون جهاد : لا تصرخ جدي ويحب رزان اكثر من بناته وابوي واقنعته ما اظنها تعجز على عماني وبعدين هذا شرط ابوي انها تقنع عماني و حتى كلام الناس لقت له حل صقر بالصدمة : يعني خططت لكل شيء طيب وانا مو انسان مالي مشاعر احاسيس مالي دور انا مو زوجها خططت لكل شيء وانا ايش خطتها لي جهاد : تقول لو احد من الناس تكلم بتقول اننا استعجلنا بالملكة وسوينا الفحوصات بعدها ولانكم اقارب ما تطابقت وبتسبب ثلاسيما وراثية وعمااااني ...... صقر : قول وايش فيه اكثر من كدة جهاد : صقر مو لازم اقول يكفي كدة صقر مسك جهاد من ياقة ثوبه وثبته على الجدار : تكلم جهاد ببرود : ما في. شيء يجبرني وابعد من وجهي صقر تركه : جهاد ولي يرحم امك تكلم جهاد : با تهددهم انها بتنتحر يوم الزواج وبتفضحهم فضيحة اكبر من الطلاق صقر : انا مستحيل ارضى بذا الشيء انا مستحيل اطلقها جهاد انت تعرف ويش رزان بالنسبة لي جهاد : يا خوي صح رزان اختي بس ايش تبغى بوحدة ما تطيق تسمع اسمك صقر : انا احبها احبها ما تفهم ما تفهمون جهاد : تراها خلت ابوي يحجز لها موعد في المحكمة الاسبوع الجاي صقر بصوت اشبه بالفحيح : ما اطلقها ولا على جثتي.....سمعت! جهاد بعدم اهتمام : لمن يوقف قدامك جدي وابوي وابوك وبقية عماني مالك ولا كلمة صقر قام يصرخ زي المجانين : ما راح اطلقها تسمعون ما راااااح اطلقها ( كيف يسلبونني حقي بها ملكي هيا ولن تكون لغيري حبيبتي هي ) (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ ،،،،،،،أي وجع أكثر آلما و آقسى من حلم تبنيه بداخلك لكي يتحطم وأي أحساس يقتلك عندما تعيش بجسدك لشخص و كل مافيك من آحساس لآخر و أن ملكت شي من احساسك فهو مييت  ،،،،،،،،،،بعد اسبوع جهاد و رزان في السيارة في طريقهم للمحكمة عشان الطلاق جهاد : انت كيف قدرتي توقفي في وجه عماني التسعة والله انا رجال وما اقدر اسويها رزان بغرور : هذا الفرق بيني وبينكم جهاد : راح تندمين يارزان انت ما شفتي حالة صقر رزان بعصبية : جهاد انت تعرف طبعي وشخصيتي ما احب احد يجبرني على شيء وانا يوم الملكة حلفت ان هذا الزواج ما راح يتم جهاد :صقر كان بيعيشك سعيدة يكفي انه يبوس التراب الي تمشين عليه و ولد عمك بعد رزان : بس انا ما احبه و لا في يوم راح احبه يا اخي القلب وما يهوى ذبحتوني كل ما قلت شيء قلتو صقر يحبك ويحبك حبه برص جهاد : انا ما...... رزان بصراخ : جهااااااد انتبببببببه!!!!!!!!! (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ ابو جهاد : يعني اشلون ما تدرون وينها ؟؟ عماد : يبه رزان نقلوها باسعاف ثاني غير الي نقلو فيه جهاد ونحن بندور في كل المستشفيات صقر في الشمال وانا مستشفيات الجنوب ابو جهاد بالعصبية : عندك ساعة وحدة واللبوة تكون هنا فاهم عماد : يبه انا دورت عليها في كل مكان ابو جهاد وهو يمسك ولده من ياقة قميصه اسمعني زين يا عماد اختك تحصلها في اسرع وقت ولا والله بارضه وسماه لا احرق البيت فوق روسكم انت واخوك بعد ساعة كانوا رجال العائلة كلهم يدورون رزان الي كانت في الحادث مع جهاد الا صقر الي كان واقف عند بيت ابو جهاد صقر : اسمعي هذه 5000 ريال روحي وهاتي باسبورد حق مدام رزان بسرعة الخدامة : حاضر بابا هذا فلوس واااجد صقر : اقول روحي بسرعة خلصيني اتوقع كدة انا وضحت كل شيء نرجع لزمننا وقصتنا رهف طااااااااااخ كان هذا صوت الكف الي اخذه سامر من ابوهـ ابو رهف : براااا اطلع برااا سامر : ليييش ابو رهف : انت ما تستاهل تكون في هذا البيت انقلع برا بيتي ما تستاهل تكون ولدي ولا تستاهل تكون اخو تعرف رهف فين يا سامر تعرف فينها سامر: ؟؟؟؟........ ابو رهف : رهف في المستشفى معاها انهيار عصبي تعرف ليش لانها اتعرضت لمحاولة اغتصاب يا ولدي اغتصاب بنتي الوحيدة وردة البيت سارت تجري في الشوارع تدور الامان الي انا ما قدرت اوفره لها بنت في عمرها بتجري في الشارع بالبيجامة قدام كلاب الشارع الي زيك سامر بصدمة : ا اا غتــ ـصااا. ب كيف وليش ابو جهاد وعيونه مدمعة : كيف وليش هذي انت تجاوبها تركتك في البيت رجال اعتمد عليه تركتك مكاني بس شوف النتيجة انت تعرف انو اختك ما بتتكلم اختك انبكمت وانت السبب تفهم ايش يعني انبكمت يعني سارت ما تتكلم تخيل بنت في عمرها ما تتكلم بعد اسبوع في المدرسة بنات فينها رهف ؟؟ سوزان : ماادري ادق على بيتهم ما يردوا رنيم : معقول مسافرين ؟؟ ندى : والله مدري ابله فاطمة : بنات محاضرة تحت بسرعة ما اشوف ولا احد هنا البنات بصوت واحد : لااااااااااااا رنيم : ما نبغى ننزووووووول ندى : اووووف سوزان : ومين قلكم بننزل وحركت حواجبها رنيم : الله في خطة يا سلااااام قولي بسرعة سوزان تعالوا ندى : بنات انا اخاف ننكمش امشي ننزل بكرامتنا رنيم : اقول اسكتي ولا يكثر ندى : اقولكم انا بنزل سوزان : روحي روحي مالت رنيم على الحمامات سريع رنيم : ok سوزان : دقيقة امسكي دي الاوراق والملزمة و طيران على الحمام في الحمام رنيم دحين ايش نسوي سوزان بخفوت : اووووش دحين الابلات يدورو وينزلوا وتحت ونرجع نحن الفصل ابله هناء بصراخ : الي في الحماااااام اطلعوا يا ويل اوصل هناك واحصل احد رنيم بخوف : يلا يا الدافورة حلينا سوزان بتفكير : اقفلي باب الحمام الي قدامنا رنيم : ايش ان شاء الله ابله هناء عند الباب ونحنا محبوسين هنا وانت تقولي سكري باب الحمام سوزان : بسرررررعة رنيم قفلت الباب ودخلت ابله هناء ابله هناء : انا مو قلت ما ابغا اشوف احد ايش تعملوا هنا اتكلموا سوزان بوجه مختلف تماما من شوي : ابله هناء رهف في الحمام و زي ما تشوفي مافي اقفال ورهف عندها السكر ونحن واقفين ماسكين لها الباب لو احد شاف الثقة الي بوجه سوزان مستحيل يصدق ان رهف مو بالمدرسة والحمام فاضي ورنيم الي دارت وجهها على الجدار لانها مستحيل تتحمل انها ما تضحك. ابله هناء و انتي تنتظري رهف وذي رنيم ...... حا تفطس البنت خلاص سوزان بنفس الثقة والملامح الجامدة : ابله رنيم جالسة تنقل امس كانت غايبة نخلص وننزل كلنا سوا ابله هناء : طيب بسرعة اشوف بعد ما خرجت سوزان : اوووووف رنيم : هههههههههههههههههههه مستحيلة انتي ما اصدق افرضي ضربت على الباب تستعجل رهف سوزان بثقة : اول شيء لازم تغامري ولا ما يكون في اكشن بعدين كل شيء مخطط له كيف يا ذكية حا تضرب على الباب والقفل مكسور على طول الباب كان حا ينفتح رنيم : كفك بس وامشي على الفصل يا جيمس بوند ونشغل المكيفات واخر فلة ملاحظة من الكاتبة ( على فكرة اعزائي القراء هذا الموقف حقيقي وانا كنت سوزان هههههههه كان اكشن وحبيت اكتب عنه) في الفصل رنيم : يعني دحين هيا الهبله تفكر انو لو انتحرت ابوها حا يسامحها فين تفكر نفسها في مسلسل تركي سوزان : والله مدري دحين ابوها منعها من المدرسة رنيم : ما اصدق انو دانيا تعمل كدة سوزان : ترى هيا كانت تدري انها مح تموت وبس حا يعملولها غسيل معدة رنيم : غبية سوزان : ايوة وانت يا هانم حكيني عن حبيب الغفلة رنيم : ااااااه يا قلبي سوزان بجدية : رنيم انتي مو تحبي ياسر من فين طلع عبد الله رنيم : سوزان ياسر مو داري عني خلينا واقعيين وبعدين عبادي غييير عبادي يحبني سوزان : اي غير اي خرابيط بعدين تعالي هنا انا مرة مو مقتنعة بالطريقة الي اتعرف عليكي بيها عشقك من صوتك فيلم هندي رنيم : بطلي هبل وغباء قلتلك اتكلمنا و اعجب بطريقة تفكيري سوزان بعدم اقتناع : همممم طريقة تفكيرك قولتييييلي رنيم بهيام : سوزان سوزان . نعمممم رنيم : ابغا ارجعععععع البيييييت سوزان : عشاااان ؟؟ رنيم : ابغا اسمع صوتوا وحشني سوزان بعصبية : ماااااااالت بس ( عندما نركض خلف الحب و نغلق اعيننا عن الواقع ونحلق في السماء بدون اجنحة ونبني القصور الوردية والخيالات الجميلة والمستقبل المشرق هروبا من قسوة الايام و دموع الماضي عندما نستيقظ سيكون الواقع ابشع من كل مرة ومن كل ماضي و من كل مستقبل ) (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في لندن صقر دخل وهو فرحان وفي يده اوراق : شادن شااادن شدووونة فينك شادن كانت متمددة على الكنب وبصوت منخفض : اممم صقر انا هنا صقر : سجلتك في المعهد وسار يحرك الاوراق قدامها شادن : امممممم صقر بقلق : شادن فيكي شيء شادن هيا ترجف : تعبانة مرررة وبردانة صقر وهو يلمس جبينها : شادن انتي مولعة انا بروح اجيب الدكتور وارجع لحظة شادن : صقرر لا تررروح خليك جنبيييي لا تررروح صقر وهو يشد على يدها : شدونة بدأتي تهلوسي مع الحرارة راح صقر يجري عشان يجيب الدكتور شادن بصوت يلا يطلع : صقرررررر لا تروووح صقر : يا ترى لمن تعرفي الحقيقة ايش راح تعمل (جميلة هي الاحلام وجميلة تلك اللحظات التي يتحقق فيها ما نريد ولكن ما اقصرها ) في جدة كانت لجين متمددة و حاطة رأسها على فخذ صديقتها رشا تلعب في شعرها رشا : مني مصدقة انو زواجك بكرة مرة مو معقول لجين : رشا انا خايفة مرة لجين بنت عم عماد و زواجهم بكرة محير لها من زمان لجين بنت حبوبة وخوافة وخجولة وشخصيتها ضعيفة شوية بس ذكية بنت امها وابوها الوحيدة لا اخوان و اخوات امها جابتها بعد علاج طويل وتحب رزان وصديقتها روح بالروح لجين بحسرة : ياليت رزان هنا كانت خففت عني كتير وعدتني تنام عندي اخر ليلة قبل زواجي رشا : الله يرحمها لجين بالعصبية : لا تقولي الله يرحمها رزان ما ماتت رشا : اسفة لجين بالندم : انا اسفة رشا انت الوحيدة الي. تدري قدام الناس رزان سافرت تدرس في امريكا محد يدري انها مفقودة رشا باستفهام : ولد عمك مسافر يدرس كمان صح ؟ لجين ببرود : صقر في بريطانيا في لندن رشا بستعجال : طيب يا عروسة انتي لازم تنامي وانا لازم اروح بيتنا اتأخرت باااي لجين بأسف : باااي خرجت لجين من غرفتها وراحت غرفة امها وابوها ما رجع لسا ام لجين : هلا ماما لجين تعالي لجين : ماما انا خايفة ام لجين : ما في شيء يخوف ولد عمك عماد طيب وانت لبعض من زمان لجين : ما اعرف خايفة وبس ام لجين : خففي توتر وقلق ماله داعي وروحي نامي الله يسهل عليكي رهف كان ابو رهف يدور و يقلب البيت كله على رقم بيت سوزان الدوالايب والادراج لانه رهف ما نطقت من اسبوع غير اسمها ابو رهف يكلم نفسه : الجوال الجوال اهم شيء كيف ما فكرت فيها انا كمان مين يحفظ الارقام في اوراق هذي الايام حصل الجوال وسار يقلب فيه ابو رهف باستفهام : ما في سوزان في حرف السين ؟؟ خليني اقلب اسم اسم والله يعينني هنا مكتوب صديقة عمري خليني اتصل واشوف ام سوزان : سوزااااااان جوالك يرررررررن سوزان : طيييييب هذي رهف اخيرا افتكترنا الو يا بنت فينك كده ساحبة على المدرسة اسبوع ابو رهف : الووو سوزان رجعت تطالع في شاشة الجوال تتأكد من الرقم سوزان : هذا جوال رهف ؟؟ اجل مين هذا !!! ابو رهف : الوووو الوو يا بنتي انتي سوزان الوو سوزان : يمه هذا يعرف اسمي كمان سوزان بخوف : الوو نعم مين انت هذا مو جوال رهف ابو رهف : ايوة يا بنتي انا ابوها سوزان : نعم يا عمي خير رهف فيها شيء ابو رهف بحزن : يا بنتي رهف في المستشفى من اسبوعين و ما تتكلم مع احد و من يومين قالت اسمك وانا ادور على رقمك من وقتها يا بنتي ابغاكي تزوريها امكن تكلمك سوزان : طيب يا عمي اي مستشفى انا بكلم امي وان شاء الله ازورها سوزان بعد ما قفلت من ابو رهف ماما رهف في المستشفى وما ادري ليش ابغا ازورها اذا سمحتي (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ يوم زواج عماد و ولجين ابو جهاد وهو يرص على اسنانه : فين اخوك الكلب جهاد بتوتر : يبه ما ادري انا خرجت من العصر اشوف الذبايح حق المعازيم وهو كان نايم ابو جهاد بالعصبية :انتو باتفضحوني عند الرجال ايش يقولوا العريس مغصوب هرب من العرس جهاد : يبه هد اعصابك دحين باتصل فيه مع انه ما يرد بس بجرب و خرج من القاعة عشان يتصل بالعريس جهاد : رد رد رد على الجوال والله ابوي بيذبحنا عماد بصوت كله نوم : الوووو جهاد بعصبية : فينك يالغبي في احد ينام لهل الوقت يوم زواجه عماد : اوف الزواج اليوم صح ! تصدق نسيت جهاد وهو على وشك الجنون : احد ينسى يوم زواجه يا ربي الصبر في القاعة فوق في غرفة العروس كانت لجين تتصل على موسى الصغير ولد خالها الي اعطته مهمة نقل اخبار الزواج عند الرجال لجين : الو موسى الاخبار بسرعة موسى بتوتر : والله مدري ايش اقولك يا بنت الخال لجين بقلق : موسى صار شيء عماد فيلو شيء اكيد بابا انا كنت متأكدة انو ما راح يحتمل الفرحة موسى : لا يا غبية لا تفاولي على خالي بعدين المصيبة اكبر وانا خايفة يوصل الخبر لقاعة الحريم لجين و راح تشد شعرها : موسى الزفت اتكلم لا اذبحك موسى بتوتر : العريس ما وصل ل الان لجين : ايـــــــش واغمى عليها تحت في القاعة ام لجين : رشا حبيبتي خليكي عند لجين فوق انا ما اقدر اترك المعازيم واطلع رشا : حاضر خالتي فوق عند باب غرفة العروس رشا تطق الباب : لجين لجين جيجي ادخل ؟ وفتحت الباب وشهقت لمن شافت لجين الي طايحة على السرير ومغمى عليها رجعت نزلت تنادي ام لجين رشا وهيا تاخذ نفس : خالتي خالتي لحقي عليا لجين مغمى عليها فوق ما ادري ايش فيها ام لجين : يا حسرتي يا بنتي وتطلع فوق ركض ام لجين : لجين لجين يمه قومي لجين حبيبتي لجين صحيت وضمت امها وصارت تبكي ام لجين : يا ماما ليش تبكي قوليلي لجين بصوت مو واضح من البكى : ماما عمااااد ام لجين : ايش فيه عماد لجين : يمه عمااااد عماااد ما جاء الزوااااااااج ما جااء ام لجين باستغراب : مين قالك ؟ لجين وهيا تشهق : ماما اقولك عماد ما جاء الزواج وانت تقوليلي مين قااالك ام لجين : رشا نادي الكوفيرا تعيد مكياج لجين الي اخترب وانا بتصرف بس اعطيني جوالك لجين : خدي خرجت ام لجين من الغرفة واتصلت على جهاد ام لجين بالعصبية : جهاد اعطيني اخوك جهاد بتوتر : ها !! عماد مو هنا يسلم على المعازيم ام لجين : جهاد اخوك ما وصل صح جهاد : لا عمتي وصل بس ام لجين بحزم : لا تكذب جهاد اخوك ما وصل جهاد : عمتي هو في الطريق نسي شيء و راح يجيبه ام لجين : شوف جهاد اذا اخوك مغصوب على بنتي هذا ما يبرر هروبه من الزواج ويفضحنا قدام الله وخلقه انت تعرف فضيحة زي ذي ايش ممكن تعمل بين العائلة لو عمانك عرفوا جهاد : عمتي قلتلك عماد في الطريق بس قوليلي مين خبركم ام لجين : ما اعرف في احد من المعازيم الرجال بيبلغها بالاخبار وصل عماد بعد ساعة ابو جهاد بالعصبية مرعبة: حسابك معي بعدين يا عماد الكلب عماد : يبه مو اللحين خلينا في المعازيم جهاد : فينك يا اخوي لك ساعة ونص من يوم ما كلمتك ما تأخذ من البيت للقاعة ساعة ونص عماد : رحت ارقع سالفة التأخير ابو لجين : وينك يا عماد يا ولدي عماد بكذب محترف : يا عمي الحريم ويش تسوي العروس نست الطرحة في البيت و رحت اجيبها ابو لجين : معقول لجين بنتي افتكر انه جهزت كل شيء امس عماد بتوتر : تعرف يا عمي مع التوتر وكده ما عليك ما عليك جهاد : ترى مرتك عرفت انك اتأخرت عماد بعصبية : دريت دريت بس مين الكلب الي وصلها الخبر والله لا اذبحه جهاد : كيف عرفت ؟؟؟ عماد رمى جواله ومسكه جهاد : راسلتلي رسايل من جوال امها جهاد وهو يقرا : اوف اوف اتجننت هذي عماد : جهاد انت تدري انا ايش كثر احب لجين ودحين اكيد جالسة تبكي جهاد : ادري ياخوي بس انت ليش ما صحيت عماد بخجل : امس الشباب احتفلنا بأخر ليلة في العزوبية وووو......... جهاد : ايييي الشباب ااااه يا الغبي روحت تشرب في اخر ليلة قبل زواجك عماد بندم : خلاص يا جهاد والله بنفسي زعلان من نفسي و مني عارف ان شاء الله اقدر ارقعها جهاد بتشجيع : قدها يا اخوي قدها اذا انت المغازلجي الاول سابقا في جدة كلها ما ترقعها اجل مين يقدر عماد با بتسامة : ان شاء الله ابو لجين : عماد يبغونك للزفة في غرفة العروس دخل عماد ببشته لجين كانت تطالع على الارض اول ما شافت طرف ثوبه امتلت عينها بالدموع اول ما دخل خرجت امها و رشا وتركوهم عماد : ارفعي راسك و طالعيني لجين حركت راسها بحركة طفولية بمعنى لا عماد : تفتكري ايش عملت يوم خطوبتنا لجين طاحت دموعها عماد رفع راسها وطالع في عيونها : هممم قولي ايش عملت ولا حا ابوسك لجين رجعت على ورا وكانت حا تطيح بس عماد مسكها من يدها بقوة عماد بدأ يقرب منها : ها بتقولي لجين وهيا تشهق من البكى الصامت : صرخت عند شباك غرفتي وو...... عماد : كملي صرخت با ايش ؟ لجين بصوت خافت ومبحوح : احبك لاخر يوم في عمري عماد : صح شطورة وباسها على جبينها بسرعة تتوقعي ممكن اهرب يوم زواجنا مسح دموعها بأبهامه : سامحيني اوعدك ان هذي اخر دموعك اليوم الي راح تبكي فيه بيكون يوم جنازتي لجين بعفوية : بسم الله عليك عماد با بتسامة : يلا ابتسمي وخلينا نتصور لحظة باقي شيء اخلعي العقد الي انت لابسته لجين : بس هذا هدية بابا عماد : اذا سامحتيني صدق اخلعيه لجين خلعت العقد و عماد خرج عقد ذهب ثاني كان عبارة عن قلب وفيها اسمه واسمها مربوطين ببعض عماد : هذا كان سبب التأخير اتمنى يعجبك ما قدرت اجيبه قبل اليوم خلصوه عجبك؟ لجين بخجل : شكرا عماد : انا وعدتك وانت اوعديني ما تفكيه ابد لجين : وعد ( هل صدق القائل وضعت الوعود لكي تخلف ) بارت طويييييل مليء بالاحداث والاكشن اتمنى يعجبكم وتدعولي لا تنسوا توقعاتكم (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ | |||||||||
|
| |
|
16-10-12, 02:13 AM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البارت السادس (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ لجين كانت في الصباح جالسة في الارض ترتب شنطتها عشان السفر سمعت طق على باب الغرفة فتحت الباب والتقت عينها بعين عماد و هو ماسك بطانية و مخدة و اليد الثانية على ظهره الي يألمه من نومة الكنب حمرت خدودها و رجعت ذاكرتها للامس والي حصل في الامس امس اول ما وصلوا الفندق و دخلوا الجناح عماد بابتسامة : انا راح اطلب العشاء ياخد وقت لين ما يوصل لجين دخلت الغرفة بدون ولا كلمة عماد دخل وراها ورمى البشت حقه لجين اخدت نفس قوي شهيييييق و زفييييير لجين بصوت خافت : عماد ممكن نتنظرني برا على ما اخلص عماد المسكين بحسن نية تااام و ببتساامة لطيفة جدا : خدي راحتك حبيبي لجين مع كلمة حبيبي وقف شعر جسمها كله و اول ما خرج عماد بعدها با 5 دقائق بعد ما اتأكدت ان عماد ابتعد عن باب الغرفة قفلت الباب بالمفتاح وعشان تتطمن قفلته مرتين عماد كان جالس و على وجهه ابتسامة فرحاااااان عماد بتفكير : يا حبي لها من يومها خجولة وهادية ببساطة مختلفة يا ربي تجنن بس مو كأنها اتأخرت اممم تلاقيها مستحية مني ما علينا اصلن انا ناوي ما اقرب صوبها و لا المس شعرة منها اعرف دا النوع من البنات نادرين جدا .............عنده خبرة الاخ بعد نص ساعة عماد بتعجب و باملل : اوف طولت مرة انا تعبان ورانا رحلة بكرة ابغا انام والعشا برد لجين كانت تجفف شعرها وتستعد للنوم عماد بصوت مرتفع من صالة الغرفة : لجييين لجييين حبيبي الاكل بررررد لجين و جسمها يرجف ابدا ما اتعودت على اي فرد من الجنس الاخر ابوها دائما مسافر ما تشوفه و ما عندها اخوان و حالتها لله المسكينة وبيئتهم محافظة جدا من ناحية البنات لجين قالت في نفسها انا احسن شيء بنفذ نصيحة رزان قبل 5 سنوات ايام الثانوي كانت رزان تنتقد سلبية وخجل لجين الزايدة و ضعف شخصيتها رزان بامزح و ما كانت تدري ايش عملت با مزحتها : تعرفي لجين اتوقع يوم الدخلة تطردي زوجك من الغرفة و تقفلي الباب ههههههههه نرجع ل لجين لجين ببتسامة : ااااه يا رزان طول عمرك تنقذيني في المواقف الحرجة وحتى وانتي مختفية بعد ساعة ثانية كانت لجين في سابع نومة بعد ما سمعت ان عماد دخل حمام الغرفة الثاني لانه دق الباب و هيا ما فتحت ،فكرها في حمام الغرفة الداخلية فتحت باب غرفتها بسرعة و حطت بطانية ومخدة وقفلته بسرعة خرج عماد و شاف المخدة والبطانية عماد : دي مو من جدها مرررة مو جدها و صار يدق على باب الغرفة لجيييين لجيييييين افتحي ماشي يا لجين ماشييييي اردلك هيا و اخد المخدة والبطانية و راح نام على الكنبة عماد في نفسه : اصبر اصبرر يا عماد البنت مستحية مستحية مييين شايفتني حيواااان تقفل الباب على نفسها يا رب اعطيني الصبر انت عارف انها خجولة مو مشكلة الايام قدامنا نرجع للصباح عند لمن فتحت لجين الباب لعماد عماد اتكلم عااااااادي و لاسار شيء : لوجي حبيبي جهزتي الشنط لجين تتخيل ان احد رمى عليها شاحنة ثقيلة معقووول مو زعلان ولا شيء عماد فكر فيها لو عمل مشكلة و صرخ عليها حا تزعل و حا يفسد شهر العسل احسن شيء يتصرف عادي و بعدين ليش يزعل الايام قدامهم (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ في لندن صحيت شادن من النوم مع مصارعة اسبوع من الانفلونزا الحادة حصلت صقر في المطبخ بالمريلة يجهز الغدا صقر بعد ما انتبه لها : صباح النور للحلوين كيفك شكلك اليوم احسن كتييير شادن بصوت خافت مليان نوووم : يب يب كتير صقر بابتسامة : يلا روحي فرشي اسنانك و بدلي بجامتك و انا احط الغدا ولف وجهه على قدر المكرونة قامت شادن وحضنته من الخلف شادن : شكرا صقر لف عليها وحضنها صقر: انتي اغلى ما عندي و مستعد اعطي عمري كله فداكي فجاءة صقر بدأ يحضنها بقوة مرة شادن بألم : صقر بختنق صقر بعد ما صحي من الي هو فيه دفعها بقوة لدرجة انها طاحت على الارض بعد ما استوعب انه بيحضن شادن وليس رزان شادن : ااااااه صقر ايش فييييك صقر بتوتر وهو يفكر لو ما صحي لنفسه ايش كان ممكن يعمل : انا اسف ااااسف سااا محييي نيي يا يا يا رزااا ااا اقصد ومد يده بدون ما يكمل كلامه عشان تمسكها شادن و تقوم (من الجميل ان نحلق با حلامنا ولكن يجب ان نعلم ان اقدامنا على الارض ) صقر بتوتر : ايش رايك ده الاسبوع في الويكند نطلع انا وانتي والف معاكي لندن كلها مكان مكان شادن بفرح ونسيت كل الي صار : جد !! صقر بابتسامة على شكلها المتحمس : وجد الجد بعد ما راحت شادن جلس يفكر في شادن والحالة الي كانت عليها في الانفلونزا الانفلونزا شادن بتعب و حرارتها 40 وبدأت تهلوس وهيا نايمة الدكتور في الطريق بعد ما اتصل فيه صقر شادن : صقرررررر صقرررر يا حقيييييير انا اكرهككككككك اطلع من حياتيييييي محد راح يجبرني على شيء ما ابغااااااااه والله اقتلك يا صقررررر والله والي خلقني لا اذبحك واذبح عمري كان صقر واقف يسمع كلامها و دموعه شلال ليتك تموت اليوم وارتاح انا منك ويرتاح قلب أنجرح من سواتك ليتك تموت وبثوب اسود اكفنك واطوي معك صفحة عذاب رسمته ليتك تموت وبداخل القبر انا ادفنك وادفن مع الجثمان كيسك الأسود إلي بداية عذابي ليتك قبل ماتموت في صدرك اطعنك وأصيح باعلى صوتي حقي واخذته يلعنك قلبي والاحاسيس تلعنك ويلعنك دمع صادق لك نثرته جننتني ياجعل ربي يجننك لا وياحسافه أنك ولد عمي يا حسافة من فمك كلمة احبك بعد ما جاء الدكتور واعطاها ابرة مخفضة للحرارة خرج الطبيب من الغرفة صقر بقلق : ايها الطبيب كيف هي حالة اختي الدكتور البريطاني : انها حالة انفلونزا ليست خطيرة ولكن حرارتها ارتفعت كثيرا صقر : ولكن يا دكتور كانت تهلوس قبل قليل الدكتور : وقد تهلوس مرة اخرى اثناء نومها الان لقد اعطيتها ابرة مخفضة للحرارة اجعلها ترتاح و اصنع لها حساء ساخن كماداات ماء بارد وستكون بخير لا تقلق كتبت لك بعض الادوية اتمنى لها الشفاء العاجل صقر بامتنان : شكرا جزيلا لك ايها الطبيب رجع صقر لغرفة شادن شادن بتعب : صقر برررررد صقر : بروح اجهز لك شوربة وارجع شادن بصوت مبحوح : لاااااااااااا لا تروووح صقر : بروح اعملك شيء دافي عشان يروح البرد شادن هزت راسها بمعنى الرفض تعاااال راح صقر وجلس جنبها مسكت يده و ضغطت عليها بضعف و نامت وظلت شادن على هذا الحال اسبوع كامل وهي تهلوس عن الماضي و صقر يبكي جنبها ( الى الهلاك حبيبتي ارسليني بدموعك الى الهلاك ) (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ إلى متى ياصاحبي نفعل ذنوب .؟ وإلى متى نتحجج إبقول : بدري .! بدري على التوبه وبعدين بنتوب كأننآ عن موعد "الموت" ندري..! في المطار كانوا عماد و لجين جالسين ينتظروا طيارتهم عماد ماسك يدها و لجين ساكتة عماد : ما سألتيني فين حا نسافر لجين ببراءة : سألت ابوي و قلي ما يعرف عماد ببتسامة : يب انا ما قلت لاحد كنت بخليها مفاجأة يلا احزري بسرعة لان رحلتنا التالية و في نفس الوقت اعلنوا عن الرحلة المتجهة للندن لجين وهيا ماسكة ضحكتها : لندن عماد باخيببة امل : صح يا غشااشة و مو صح لجين : ؟؟؟؟؟؟؟؟ عماد : شهر عسلنا بيكون جولة في اوروبا واول مكان لندن بنسلم على ولد العم لجين : صقر عماد : يب صقر لجين كشرت و هي تتذكر رزان وصقر اقرب ناس لها (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ جهاد رجع من شغله تعبان ونفسيته زفت على الاخر مو قادر يتحمل طلع لشخص الوحيد الي يقدر يهديه طلع لغرفة امه طق الباب بهدوء وفتحه جهاد : يمه يمه انتي نايمة ام جهاد بصوت خافت : لا يا يمه تعال انا هني جهاد ارتاح لمن سمع صوت امه الي كانت جالسة على سجادتها راح عندها و حط راسه على رجولها جهاد بتعب : يمه انا تعباااان تعباااان يمه بالحييييييل ام جهاد بحنان : اشفيك يا عيون امك جهاد : يمه انتي تكرهيني !! ام جهاد : جهاد يا يمه لازم تعرف ان مافي ام تكره عيالها جهاد بشروود : يمه انا السبب صح انا الي حرمتكم منها ومن دخلتها عليكم ام جهاد بالحزن : يا جهاد هذا قضاء الله وقدره وانا راضية بحكمته جهاد : تعرفين يمه اني ما اقدر انام الا با مهدئ نفسي انااااام و ما افكر اني ذبحتها ام جهاد بفزع : لا تقولها لا تقولها رزان ما ماتت ما ماتت انا احس فيها بنتي عايشة حية وراح تدخل علي في اي وقت وتسلم على راسي وتقولي يمه انا رجعت انا رجعت جهاد بعصبية مفاجئة : وينها يمه وينها خليها ترجع خليها تريح اخوها يمه انا اموووت في اليوم الف مرة كل ما اتذكرها احس اني بذبح روحي احس كل الناس تتهمني باني حرمتهم منها كلهم كلهم ام جهاد بصبر : يا يمه حكمة ربك و انا واثقة ان بنتي عايشة وبترجع يا جهاد وبترجع جهاد رجع جسمه استرخى على رجل امه : يمه انا قررت ابعد من هنا فترة محتاج ارتاح من التفكير ام جهاد بقلق: بتتركوني كلكم وتروحوا اموت هنا ولا احد درا عني جهاد بفزع : بسم الله عليك يمه بس انا بأخذ اجازة فترة ومو الحين لمن يرجع عماد ومرته من السفر يمه بروح اغير جو شوية محتاج ابعد عن الناس وارتااااح البنات وصلوا البنات المستشفى عند رهف ودقت سوزان الباب و دخلوا رنيم بصوت عالي : هااااااي ندى : اووووش في المستشفى نحنة مو بيتكم رنيم : يا شيخة فكينا بلا هم كانت رهف جالسة و سرحانة اتجمعوا البنات حولها سوزان : رهف رهف حبيبي رهف .......... سوزان : رهوفة قلبي ردي عليا رهف .............. رنيم : عادي لا تردي نحن جالسين كلها نص ساعة وماشين خليكي لا تتكلمي ونحن بنتكلم مع بعض فرصة. اتجمعنا خخخخخخخ ندى : بياخة و ماتضحكي رنيم : اقول رهف مطولة رهف : لا مقصرة البنات كلهم انبسطوا ان رهف اتكلمت رنيم : مافيها شيء الدلوعة سوزان : رهف انت بخير رهف : انت التانية لا تعملي فيلم هندي اقدر اتكلم من اول بس ماابغا خلوني في حالي رنيم بلاعنة : قوليلي قرب منك رهف :......... ندى : رنيييييم رنيم : كيف كان شكلو وووو يخووف رهف بخفوت : بس رنيم : كيف كنتي حاسة رهف : بس اسكتي اسكتي رنيم : شكلو كان يخوف صح صوتو كيف كان ايش حسيتي لمن ...... رهف انفجرت : بس بس بس حراااام عليكم كفاية لااااا لا لا ما ابغا مااااابغا ابعدوووا عني براااااا اطلعوا براااااا وسارت تحط يدها على اذنها وتصرخ وتقفل عيونها إلى الخارج ... يا دموعي و آلامي يا أحزاني و ذكرياتي الماضي إلى الخارج يا بقايا الأمل إلى الخارج يا روحي ... و كل ما يختزن جسمي من ذرات الحياة .... و إلى الخارج ... يا اعترافات لم أكن أتوقع أنني سأبوح بها ذات يوم ... لأي إنسان ... خرجوا البنات وجلسوا في الاستراحة حقت المستشفى رنيم حطت رجل على رجل : بس هوه دا الي كنت ابغاه ندى بعصبية : ايش عملتي يا زفت سوزان : لا صح الي عملته رنيم الدكتورة قالت وابوها قال ان رهف ما نزلت ولا دمعه من يوم الحادث وعايشة في الصدمه وكان لازم تعبر عن حزنها وتبكي ندى بقهر : بس مو بدي الطريقة سوزان : بالعكس ما كان في غير ذي الطريقة ندى باستسلام : بس رجعوا البنات غرفة رهف ولقوها على حالها تبكي راحت سوزان عندها وحضنتها رهف دفنت راسها في صدر وسوزان وجلست تبكي رهف : يخوووف مرررة كان يخوف كان يبغى يغتصبني كااان وسارت تشهق رنيم : لازم تنسي وترمي ورا ظهرك رن جوال ندى : ايوا يا ماما طيب دحين انزل يلا بنات ماما تحت مع السلامة ورحت عند رهف وحضنتها بس لا تبكي قومي على رجولك سلمتي وما صارلك شيء في غيرك راحوا فيها المدرسة بدونك ولا شيء ياالدلوعه نتنتظرك باااي رهف هدأت وجلسوا البنات يحكوها على الي صار في المدرسة في غيابها يلا رهوفة لازم نمشي انا بوصل رنيم معايا رنيم : حدك يومين وتكوني معانا يالدلوعة خرجوا البنات من الغرفة وكان سامر وابو رهف واقفين رنيم طالعت في سامر نظرة احتقار خلته يوطي راسه في الارض النـدم يانـور عينـي .. مايفيـد .. ................ مايعيـد الأمـس واسألنـي ../ أنــا ..! سوزان راحت لابو رهف : مبروك يا عم رهف تكلمت وهي بخير بس لا تجبروها على شيء رنيم كملت وهي تأشر على سامر : وذا لا يدخل عليها (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ اتمنى استمتعتم بالبارت وصراحة زعلت شويتين على قلة التفاعل المرة الماضية رجاءا اي احد يمر يترك بصمة ولو اعجاب ويروح يسعد قلبي والله هههههههه يلا يا حلوين توقعاتكم لاتحرموني منها | |||||||||
|
| |
|
17-10-12, 10:29 PM
| #8 | ||||||||
| مراقبة عامة ومشرفة منتدى الروايات المنقولة  
| ياهلا وألف مرحب أسطوره حيا الله الحامل والمحمول ومشكوره يالغاليه على النقل والمثابره المميزه تابعي النقل وإن شاء الله تجدي التفاعل اللي يسرك | ||||||||
|
| |
|
19-10-12, 12:55 AM
| #9 | ||||||||||
| نجم روايتي ومشرفة سابقة وفراشة متالقة بعالم الازياء
| اقتباس:
هلا وغلا فيك يا قمري العفوو يا عسل ان شاء الله بكملها ما بخليها بإذن الله نورتِ فوفو يا عسسل | ||||||||||
|
| |
|
19-10-12, 12:57 AM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| البارت السابع لجين و عماد وصلوا الفندق وهما تعبانييين من السفر رحلتهم وقفت في الرياض و اتاخروا هناك عماد بتعب : اااااااه مو قادر اتحرك جسمي يألمني بس ابغا السرير لجين : كانت رحلة طويله الحمد لله على السلامة بدل ملابسك ونام انا بكلم اهلي عماد وهو يثاوب : انا بكلم صقر كلها ثلاثة ايام الي بنقضيها هنا و ابغا اشوفه عماد نام بثيابه و لجين وقفت في الشباك الي يطل على big bin (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ صقر وشادن صقر صحي من النوم خرج من الغرفة وشاف شادن تتفرج تلفزيون وقف يتأملها وهيا مسرحة طالع في شكلها دائما رابطة شعرها من يوم جابها لندن دائما رابطته على عكس رزان الي شعرها مفتوح دائما بطريقة تميزها شادن : صقر انت صحيت ؟؟ صقر كمل طريقه : يب يب شادن : انا بجهز الفطور صقر: وانا بروح الحمام على السفرة شادن : صقر صقر مندمج مع كيكة الوافل الي في يده شادن : صقر !! صقر : همممم نعم شادن بتحذير : لا تنسى وعدك بكرة صقر : ؟؟؟؟؟؟ اي وعد شادن بزعل : امممممم لا تقول نسيت والله ازعل صقر يمسك خدودها: اكيد مانسيت وفي الويكند انا ملكك يا حلوة شادن : yes كيف انسى ما يرسم البسمة على شفاتك وكيف و انا اعلم اني محوتها منذ ان احتفظت بك لنفسي اسأل نفسي الف مرة ومرة هل ستغفري لي اميرتي (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ رنيم كانت نايمه على السرير و تكلم عبد الله من تحت المخدة رنيم بصوت نعسان : كيفك عبدالله : تماام انتي اخبارك رنيم بهيام : بخير دامك بخير عبدالله : رنيم رنيم : هممم عبد الله : خلاص ولا شيء رنيم : قووول عبدالله : لا خلاص رنيم بدلع: يلا عبوووودي قووووول عبدالله : قوليها تاني رنيم : ايش عبدالله : الي قلتيها قبل يا زينها من فمك رنيم بحيا : عبدالله عبدالله : يا عيونه وتمر ليلة جديدة على ابطالنا في الصباح صقر : شدووووووونة شادن طلعت من الغرفة وهي لابسة حجاب وردي وبلوزة بيضاء طويله وبنطلون رمادي وعليها بالطو طووويل جاهزة ..؟؟ شادن بحماس : اكيييد صقر يلا مشينا شادن : انااا...... قطع عليهم رن جوال صقر كان رقم غريب صقر : الوو عماد : حيا الله ولد العم القاطع صقر دخل الغرفة بسرعة هلا هلا عماد : يلا بسرعة قول فين بتعزمني صقر : والله لو انك بلندن كان عزمتك على اكشخ مطعم بس روح كل رز بخاري من المطعم الي قريب من بيتكم عماااد بخبث : اهاااا الرز البخاري خلينا لك يا ولد عمي انا في لندن وعزومتي وصلت صقر بصدمة شلت لسانه : أ ا أنـ .. ت بلندن عماد بالمرح : يب يب يب ويلا تراك عزمتني على افخم مطعم صقر : قفل الخط بوجهه ياربي وش هالمصيبة وش العمل دحين شادن تدق الباب : صقر يلا تاخرنا وانا عملت ساندويشات خفيفة عشان نفطر ونلحق هيااااا صقر فتح الباب وهو مو عارف وش يقول شدونة امممم اسمعي شو رايك تسير طلعتنا الاسبوع الجاي شادن ......... وعيونها امتلت دموع بس ... بس انت وعدتني يا كذاااب صقر : شادن والله ما اقصد شادن راحت تجري على غرفتها : كذاااب روح عني كذاااب صقر مسكها بسرعة : خلاص خلاص امزح عليك على طول تصدقين يلا يلا لحظة بس اعمل تلفون ودخل الغرفة تاني ودق على عماد عماد : الوو انا تقفل بوجهي يا صقووور صقر بكذب : انت الي قطعت الخط مو ب انا المهم انا اعتذر منك اليوم مااقدر عماد : اوك خلاص بكرة يصير خير صقر بتعلثم : ااا ولا بكرة عماد بشك : يا رجال لا تكون تزوجت بريطانية من ورانا صقر : اي بريطانية واي خرابيط بس تعرف اختبارات وكدة والطب و زحمته عماد بتفهم : اوك على خير بس طمعنا بشوفتك صقر بخجل : والله وانا كان ودي خلاص ولا يهمك بودعكم في المطار الا انت متى ماشي عماد : بعد يومين تعرف عريس و شعر عسل بنكمل على اوروبا صقر في نفسه : الحمدلله يلا سلم على بنت العم وبارك لها والعذر والسموحة منك يا خوي مع السلامة عماد : مع السلامة لا استطيع خوض مغامرة بهذا الحجم ليس بعد ان اصبحت حلم الليالي الطويلة بين يدي اعذروني ابي امي عائلتي من اجل حبيبتي انا مستعد للموت حتى النهاية وليست الغربة بأمر من الموت لجين : هذا صقر عماد : يب شكله اخوكي تزوج بريطانية لجين : لااااا صقر ما يسيويها يمكن انت تسويها بس صقر لا عماد بتعجب : اهم شيء الثقة يا زوجتي العزيزة لجين بدلع : اصلن يا ويلك بس تفكر لجين تتذكر تؤام روحها وصديقتها رزان يوم ملكتها على صقر كانت رزان طول الوقت ساكتة بس لجين تفهمها نظرت الحزن في وجهها و فيضان الدموع الي في قلبها وما تقدر تطلعه بس لانها اللبوة اتربت تحت يد جدي وطول عمره يناديها ياللبوة على قوله لانها نظرتها شامخة مثل اللبوة متمردة ، قوية ، قاسية في ذاك اليوم حست انها انكسرت تذكرت لجين كيف كانت عيون رزان مثل الدم تشتكي الدمع الي جوتها يبي يتنفس يسيل على خدها بس هياااااان اللبوة تبكي مستحيل و من ذاك اليوم ولجين كل ماتتذكر صقر لانه كان سبب في تعاسة اغلى الناس على قلبها الاثنين غالين على قلبها صح صقر اخوها بس رزان تؤام روحها مستحيل تنسى ملامح رزان ذاك اليوم مستحيــــل ........! جمعتني الأيآم بهم . . لـ يبقوا أغلى مآ أملڪ أضآفوآ نڪهـۃ خآصـۃ لصفحآت حيآتي أصبحوآ صفحة مهمـۃ تجبرني ڪل يوم على أن أتصفحهآ بعنآيـ? و ڪل يوم اڪتشف فيهم صفآت أروع من قبل [ ع ظ م ا ء ] هم فـ وجودهم حولي ثروة [ ث ر و ة ] ڪبيرة لن أفرط فيهآ جعلوني أبتسم واضحك ڪثيراً جعلوني أتذوق طعم الفرح لن تسعني الحروف لـ أحڪي أڪثر فـ أمثآلهم ليس بحقهم > ح ر و ف قطع سرحانها صوت عماد يلا ننزل نفطر ؟؟ لجين : ها !! عماد و هو يمسك يدها : في ايش سرحاان الحلو لجين بشرود : في صقر عماد : ؟؟ بس لجين كملت : افتكرت رزان وسالت دمعه من عينها مسحها عماد بسرعة و مسك يدها وسحبها : خلينا ننزل نأكل مت جوعااااان لجين ابتسمت غصب عنها من طريقته (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ شادن يلا ويييين بنرووح صقر : امممم اول شيء على حديقة الحيوان ( london zoo ) شادن تسحبه عشان يركبوا الباص : هيا هيا بسرعة لا يمشي الباااص لجين حبت المرة ذي تبدأ مع عماد شوي شوي : يلا وين بتوديني عماد : بنروح ال Hyde park ( منتزه ) تمام ؟ لجين بابتسامة : تمام التمام عند شادن وصقر شادن تشهق : صقرشوووووف مرررره حلووووووووو صقر : فرحان عليها وهي تشاهق عن كل حيوان زي الاطفال شادن : فلامنغيو مرة حلو طالع يوقف على رجل وحدة صقر : يب سبحان الله شادن : صورني صورني هنا كمان بعد دارو اغلب الحديقة واتصورا مع كل حيوان فيها جلسوا يشربوا عصير صقر : كيف فرحانة ؟ شادن والفرحة تشع من عينيها : بس ابغا ذكرى من هنا كنت باخد ريشة ببغاء بس خفت احس يألم صقر مسك يدها : تعالي واخدها على محل الهدايا : يلا اختاري الي تبغي شادن بضحكة : صقر صقر شوووف مسكت طوق على شكل اذن ارنب وحطته على راسه شادن : هههههههههههههه صقر : اي اضحكي ايش عليك امشي امشي بس شادن : اصبرر ما اخترت شيء اممم وجلست نص ساعة لحد ما اختارت دب كوالا ماسك قلب ممكن تحطي صورة وسطه شادن : ابغا ذا وبحط صورتنا فيه بس ابغا احد يصورنا وصورتهم صاحبة المحل ونطت شادن وحضنت صقر وسط المحل : مررررة شكرااا وطبعت بوسة على خده شادن : صقر انا بروح الحمام اعدل حجابي صاحبة المحل : هل هي صديقتك الحميمة صقر : ماذا !!! لا ليست كذلك صاحبة المحل : اذن زوجتك صقر بعصبية وألم : لا ، بل شقيقتي الصغرى صاحبة المحل : حقا !؟؟ انا اسفة ولكن عينيك كانت تقول عكس ذلك اسفة لازعاجك . ( لازم يا قدر ... تصحي فينا جراح دفناها مع مرور الزمن ) لجين وعماد كانوا واقفين على جسر يطل على البحيرة في الحديقة وكان فيها اوزات وبط كانت لجين سرحانة في منظر الوزتين و ماشي معاهم وزة صغيرة عماد : لجين لجين : همم عماد : اليوم بروح اسهر مع الشباب لجين بمفاجئة : نعم ، اي شباااب ؟؟؟؟؟ عماد برتباك : اصدقائي اثنين لجين بحزن : وتتركني لوحدي عماد : مو مطول ان شاء الله كلها ساعة بالكثير لجين : طيييب واطلقت تنهيدة عماد : لجين تحبيني ؟ لجين : ........ لجين : عماد ابغا اسكريم عماد: ؟؟؟؟؟؟؟؟ عماد عرف انها تتهرب من السؤال بس تركها بمزاجه وراح اشترالها يلا نمشي لجين : ويين ؟ عماد : مكااااان متأكد انك راح تحبيه صقر وشادن شادن : صقر بروح اشوف ساعة bigben صقر : غالية والطلب رخيص عند ساعة bigben تحتها ساحة كبيرة متجمع فيها طيور الحمام صقر : امسكي ذا حب قربي من الطيور وبتيجي عندك شادن بخوف : اخاااف تقضم يدي صقر في نفسه : يا ربي انا ويش سويييت مافي امل لو مرة وحدة تتصرف مثلها يارب يارب اغفرلي يا رب رزان اتدمرت ما بقا منها شيء ما بقا تخنقني العبره ولا أقوى ذهول وصمت || وآوجآآع هقوى ! وارفع يديني للسمآء يــآرب ، يـآرب ، يـآرب مـآعآد اقوى ......مآعاد اقوى .............مآعاد اقوى صقر: شوفي انت قربي يدك و وعد ما بيصير لك شيء شادن : مسكت الحب وقربته واول ما قرب الطير سحبتها صقر : شااادن شادن بدلع : والله اخااااف صقر باستسلام : خلاص انثري الحب وهم بياكلونه شادن : حاضر طلع صقر كاميرته بيصورها بس فجأة طلع طفل صغير و قام يجري يبغى يمسك الطيور وطار الحمام كله وصارت الصورة احلى.... عند عماد و لجين كانوا في build your bear و عبارة عن محل العاب تصنعي فيه دب او ارنب على ذوقك وتشتري له كل شيء من ملابس رسمية، سباحة ، مدرسة ، طبيب الخ ...... نظارات ، شنط . اكسسوارت لجين : واااااااو عماد بابتسامة : يلا bulid your bear ( اصنعي دبك الخاص ) لجين : اختارت لون الدب وشكله وملابسه لوحدها و طلبت من عماد ينتظرها بعد ما خلصت نادته و خبت الدب وخلته يحاسب عماد بحماس : وريني لجين طلعت من وراها دب يشبه عماد و نفس نظارته الشمسيه و نفس الوان ملابسه حتى لونه اختارته قريب من بشرة عماد الحنطية لجين بضحكة : هههههههه كيف عجبك عماد باستهبال : بس ما ادري ليش يذكرني با احد اعرفه وانفجروا الاثنين في الضحك شادن وصقر صقر : تعبتي ولا نكمل شادن : لا ما تعبت بس قربت تغرب الشمس صقر : يب وانا اخترت المكان المناسب عشان نتفرج على الغروب شادن بحماس : صدق صقر ؟؟ عند ال London eye وهي عبارة عن عجلة دوارة عملاقة تطل على النهر في لندن شادن بذهول : بنركب هنا وااااااو يخووووف صقر بحزم عشان ينهي النقاش وسيل الذكريات : لا ما تخوف وانا بركب معاك ايتها الذكريات الرحمة فأنا عبداً فقير لم اعد استطيع الاحتمال نعم لفد فعلتها قتلت معشوقتي لاعيش مع شبح الذكريات ونصف انسانة بنصف ماضي ومستقبل مجهول لاتلوموني ايها الناس فلم يجرب احدكم ان يكون الحلم بين يديك كالماء كلما حاولت امساكه اكثر انساب من بين يديك اكثر قبل 5 سنين او اكثر كانت العائلة كلها مجتمعة مع بعض في الملاهي رزان : يلا بنركب معهم لجين : لا لا لا اا مستحيييييل انسي كانوا اولاد العائلة الكبار بيستعدوا عشان يركبوا لعبة الشواية رزان : يلا عاااااد عن البياخة لوجي صقر قرب من عندهم : منتم با راكبين كل اللعبة شباب رزاان لفت عليه : انت مالك كلمه علي سمعت ؟ صقر بعصبيه : انا ولد عمك وخطيبك رزان قربت من وجه : لا تتعدى حدودك معي انت ما تعرف وش ممكن اسوي وقربت سبابتها من وجهه لا تفكر حتى انك تحلم ان اكون لك في يوم من الايام صقر : وش تقصدين ؟ رزان بقوة : الايام بتثبت لك وبسخرية : يا ولد عمي و طنشته وركبت وعلى عكس اغلب الي خرجوا الي استفرغ و الي راح الحمام وحالتهم حالة كانت هي كا عادتها لبوة شامخة ما يهزها شيء لــم يكن يجب علي ان انظر اليك كان يجب علي ان اعيش في عالم اخر اذا كنت عشت بدون ان اعرفك لم اكن لاعرف ذلك الالم على الرغم من انني كل يوم احاول محوك على الرغم من انني كل يوم احاول تركك لكنك بالفعل دخلت الى قلبي ولا اريد تركك لقد كنت اؤمن ان الحب سعاده لكن الحب الذي لاتستطيع ان تصرح به عقاب لذا فقلبي يؤلمني في كل مره اتذكرك بها لقد نسيت انك عقابــي وشفاهي نسيت ايضا يلا لجيييين بيفوتنا الغروب لجين : طيب طيب زحمة بالمرة وقفوا في الطابور لجين : دحين ذي ال London eye عماد : يب اخترتها الغروب على النهر فيها راائع لجين : عماد شووف شوف هناك عرب عماد : فين ؟ لجين : بداية الطابور بس معطينا ظهرهم ما اشوف وجههم عماد : يلا يلا اتركينا منهم اتحرك الطابور وركبت مجموعه كبيرة كل اثنين في مركبة ومنهم عماد و لجين و صقر وشادن ( هناك لحظات ما اجمل الصمت فيها ) حـــديث .. الصــمـــت .. أحــبــ الصــمــت وجــنــونـــه .. وصــمــت الصمــت وسكــونه وهــــذي فلــســفــة حبــــي.. وذا قلبــي .. أخــاف / أشكــي وأسبــب جرح أخــاف / أشكـي و أكــدر فــرح أخــاف / أشــرحـ ولا أوووفــي ويضيــع الحــب .. ويضيــع الجــرح الكل ظل ساكت يشاهد ابداع الله في خلقه كيف تشوف الشمس تدخل وسط البحر في احلى صورة ربانية خلصت اللعبه ونزل الكل منها صقر : شادن اوقفي هن ولاااا تتحركي تشوفي الباب الي هناك بروح الحمام دقايق واكون عندك شادن : بس لا تتأخر عماد : لحظة لجين بشتري غزل البنات و ارجع لجين : طيب لفت لجين وجهها وشافت نفس البنت العربية واقفة بعيد جات بتقرب منها بس البنت لفت وجهها ناحية لجين لجين شهقت :هييييييييييييئ مستحيل لا لا مستحيل مو ممكن خيال رزان الي اشوفها رزان كانت تبغى تجري عندها و وتضمها لها بس رجلها صلبت مكانها تبغى تصرخ با اعلى صوتها رزاااااااااااااااااااااان انا لجيين يا صديقة عمري كل الي قدرت دمعة تلت من عينها تلت الاف وهيا تشوف رزان تركض بعيد في نفس الوقت وصل عماد عماد با بتسامة و هو مو ملاحظ شكل لجين : تفضلي حبيبي لفت لجين عليه وقامت تركض بين الناس وتصرخ رزاااااااان رزااانن ارجعي رزااااان عماد ركض وراها ومسكها وضمها لجين غصب عنها ضمته با اقوى ما عندها وهيا تشاهق وتبكي با اعلى صوتها وما. على لسانها غير شفتها والله شفتها رزان لا تروحي عماد : بسم الله بسم الله عليك اهدي اهدي حبيبي لجين : ضربت عماد على صدره شفتها اقسم اني شفتها عماد رزان و رب المصحف كانت قدامي شفتها يا عماااااد. عماد بهدوء : خلينا نرجع الفندق هُنَاك فَرقّ بَين :: شَخصّ يُعانِقك أثنَاء بُگائِك .. لأنه يُشفِقَ , على حَالك ! ۈبين شَخصّ يُعَانقك أثنَاء بُگائك . . ۈهُوَ يشعُر بحَجم الألم الذِيُ تشعُر به . . تَشآبه الأفعَآل !!! لآ يَعنِيُ تشَآبه الشّعُور!!! صقر : ايش فيييك شادن تاخد نفس : كنت اركض ورا وحدة طاحت لعبة ولدها من يدها كنت بعطيها هيا صقر : انتبهي لو ضعتي شادن : عادي صقر : نعم ؟؟ شادن بابتسامة : انت بتحصلني لانك تحبني صقر : ياااااارب الصبر من عندك باستخف كل يوم مدللتي الصغيرة كم اتمنى ان اسجنك بين اضلاعي لتسمعي ذلك الخافق ينبض بإسمك حتى اخر رمق من حياتي ستبقين انتي العشيقة الاولى والاخيرة لايهم ماذا افعل من اجلك فـل ينعتوني بالمجنون فأنا حقاً كذلك مجنون بعشقك (($(( عاقل قتله جنونها ))$)) ....للكاتبة .... أنْثَى دٌكْتَاتُوْريِةَ البارت حلو طوله مو قصير ولا طويل اتمنى عجبكم واستمتعتم فيه توقعاتم كيف ممكن تكتشف شادن انها رزان وش سبب كره رزان لصقر بهذا الشكل المريع عماد ولجين كيف بتكون حياتهم رنيم وش بتكون نهايتها بالنسبة لقصص البنات ما راح اركز عليها كثير لانها فقط مواقف حقيقية حصلت معاهم وحبيت اعرضها زي قصة رنيم و البنات الي يكلموا شباب على التلفون وسوزان والبنات الي ما يغطوا على اقاربهم ممكن تولد مشاعر مراهقة تؤدي إلى نتايج سلبية دانيا وقضية الانتحار المنتشرة بين البنات رهف موقف واقعي حصل مع صديقتي بس طلبت عدم نشر اسمها والهدف منو كان بيان اهمال الاهل وقلة المسوؤلية وكما قلت هي مواقف حقيقية حبيت تكون رسالة من خلال روايتي إلى كل البنات في العالم وشكرا على متابعتكم وهذا البارت اهداء إلى الاخت الغالية ANAAT AL R7EEL | |||||||||
|
| |
 |
| أدوات الموضوع | |
| انواع عرض الموضوع | |
|
|
.png)
.png)
العرض العادي
