آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
15-01-13, 12:40 PM
| #31 | ||||
| نجم روايتي ومشرفة سابقةومصممه 
|  هاي . . والله ربي يحبكم من جد ههههه . . بعد شوي راح نطلع وبنطوول شكلنا فقلت احط لكم البارت لانه الساعه 8 ماراح اكون موجوده . . ما بطول عليكم < بتروح تكشخ هع هع . . . الفصل الخـامس عشر ن ـهَاايه . ناظر ساعه يدّهـ بهدووء وهو يسووق السياره ويدخـلها بالاستراحه . . " 7 ونص المغرب " دخـلت سيارته الـبي ام البيضاا بهدووء , وكانت ساره راكبه قدام وساكته طوول الطريق والعنود جالسه ورآآ وماغير تلق لق عليهم ! كالعادهـ الرجَال كانوا بهالوقت يفرشوون بوسط الاسترااحه عالزرع برآآ , ويحطوون الشاي والقهوهـ وطاقينها سوالف . . والحريم داخلين بالمجلس ويسوولفون . . نزل سعيد من السياره بهدووء وقال بهمس : العنود ادخلي انتي وساره عند الحريم . . العنود وهي تمشي مع ساره : اوك . . رفعت ساره راسها وهي تتأمل الاسترااحه الكبيرهـ , كانت وااسعه بقوهـ . . وفيها مجلسين كبار واحد للرجال والثاني للحريم , ومسبح كبير بالزاويه وكانوا الاولاد الصغار مجتمعين عليه ويلعبوون . . وبالجهه الثانيه مراجيح والعاب . . كانت مريحه مرآآ وتفتح النفس , بس عيبها بعيده بالبر خخخخخـ ! ( تنبيه بسيط ) بكتب لكم اعماام سعيد وعيالهم قبل لا ابداا , عشان لا تتلخبطون وتكونون ماشيين معاي =) العم الكبير فهد " ابو عماد " , وزوجته ام عماد / عيالهم : فوزيه 24 , تـاله 22 , عماد 20 , غاده 19 , عبد الله 17 . العمه نوال " ام عبد الله " , متطلقه / عيالها : عبد الله 19 , ناصر 13 . العم خـالد " ابو احمد " , وزوجته ام احمد / عيالهم : خلود 22 , اماني 16 , دانه 15 , غدير 9 , احمد 4 سنوات . . . . بمجلس الحريم . . كانوا ساره والعنود واقفين جنب الشمّاعه و يفتحون عبايتهم بعد ما سلّمواا على الكـل . العنود بهمس وهي تعلّق عبايتها : خخخخـ بدينا الملاقه ساره بهدوء : ليش وش صار ؟ العنود وهي تجلس جنب امها : شووفي تـاله وخلوود ماسكين جوالاتهم كالعاده مستانسين ببلاك بيري كيرف , الهيلق -_- ! ساره بهمس وهي تجلس جنبها : هههه اووش لا تخليني اضحك مو وقته العنود ماسكه ضحكتها : اوك اوك . . نهى بهمس للعنود : يا بنت اثقلي خلاص ! العنود مبوّزه : طيب خلاص العمّه نوال : شخبارك ساره , ان شاء الله مرتاحه مع سعيد ؟ ساره بابتسامه : الحمد لله بخيير . . ام عماد بهمس : فوزيه قوومي صبّي قهوه فوزيه : ان شاء الله يماا وقامت فووزيه تدوور بدلّه القهوهـ عليهم . . نهى وهي تشرب قهوه : فوزيه والبنات صاروا حريم و يهبّلوون ماشاء الله تبارك الله . . ام عماد : مشكوره ما عليك زوود حتى العنود ماشاء الله صايره تجنن العنود بهمس لساره : وععع صايرين شيّفاات , اكره امي لمّا تجاامل خخخخـ ساره : ههههه حرام عليك العمه نوال بابتسامه : تاله شرايك تاخذين البنات وترووحون تجـلسون بمجلس الرجال . . هناك ما فيه احد , يعني عشان تاخذون راحتكم وتسولفوون مع بعض . . تاله بدلع وهي تقووم : اووك عمتي . . " وناظرت بالبنات كلهم وقالت " تفضّلواا معاي . . العنود وهي تهمس لساره بكـرّه وتعيّب : تفضلواا تفضلوا خخخـ لا يطيح فمّك ! ساره ماسكه ضحكتها وهي تقووم : ههه حرام عليك يمكن زي حليمه بولند ما تقدر تمسك دلعها ؟ العنود وهي تقووم : وش جااب القرد للغزال الله يهديك خخخـ وقاموا البنات من المجلس وراحواا من وراآ الاسترااحه لمجلس الرجال وجلسواا فيه . . تاله + غاده + خلود +اماني +دانه + غدير , اون لاين =) . . تاله وهي تحط رجل على رجـل : حيّاا الله من جانا العنود : خخخـ ماله دااعي كلنا اهل الاسترااحه . . تاله بكّره : لا بس جالسه اقول هالكلام عشان سارهـ العنود : مايحتااج ساره من الاهل والا نسيتي ! تاله وهي تقلّب عيونها : على راحتكم . . ساره بهمس : خلاص العنود فكّينا من المحاارش العنود : لو يمديني كان رحت اعطيها بووكس واكفخها , بس ما تستاهل اعصّب عشان خشتها دانه بلطف وهي تجي تجلس جنب العنود : كيفكم بنات . . العنود + ساره : الحمد لله دانه بابتسامه : من زمان عنك العنود . . ليش ما تتصلين ؟ العنود بهدووء : والله بزي مع الدنيا وش نسوي دانه : اها , اليوم توقعت انك ما تجين وكنت بتصل اسألك بس استحيت العنود : هههه لا عادي كان اتصلتي ! دانه بحيا : لا بس قلت يمكن ازعجك . . العنود : لا وش دعوااا دانه : اممممـ تجون نروح عند المسبح ؟ العنود : لا الرجال جالسين برآآ واكيد بيشوفونا دانه : اي صح نسيت . . خلود بهمس لتاله : شوفي زوجه سعيد شكلها على نيّاتها مو مثل ام لسانين عنودووه تاله بخبث : اي وااضح اصلا . . بس بتشووف عنودووه هالحقيره ماراح اعدّيها لها هالمره !! خلود : وش بتسوين ؟ تاله : بتشوفين . . عدّلت تاله جلستها وقالت بابتسامه : اقوول ساره . . ساره بلطف : هلا تاله : اهلك كيفهم , ماشفناهم بالاستقبال ! فتحت العنوود عيونها بصدمه !! ولفّت على ساره بسرعه . . ارتبكت ساره بخووف ونزّلت راسها بهدووء , وبلعت ريقها وقالت بسرعه وهي تطلع من المجلس : عن اذنكم . . وقفت العنود وقالت بخوف : ساره !! تاله تسوي نفسها ما تعرف : وش فيها ؟! العنود بصرااخ وهي تلّف على تاله : انتي ما تستحين ؟ يعني تسوّين نفسك غبيه يالحقييره !! تاله وهي توقف : احترمي نفسك , انا حقيره يـاا . . ! قاطعتها العنوود وتأففت بكّرهـ , وطلعت بسرعه ولحقت سارهـ . . مشت ساره بسررعه من وراا الاسترااحه ووقفت بربكه على الجداار , وهي تحاول تمسك دمووعها " يااربي . . ليش يصير معااي كـذا !! اففف " العنود بهدوء : سااره ساره وهي ترفع راسها : هلا العنود وهي تبلع ريقها : اماانه لا تضايقين نفسك . ." وقالت بعصبيه " وهالحقييره انا بوريها شغلها ساره بابتسامه خفيفه : لا خلاص عشااني لا تتهاوشين معاها , والله ما همّتني . . العنود بعصبيه : ما تستحي وربي قااصده بس انا ماراح اسكت لها بورييك فيها والله لأخذ حقك منهاا ساره بخووف : تكفيين خلاص والله ما اقدر استحمل مشااكل ثانيه , تكفيين عشاني !! العنود وهي تناظر ساره : بس . . ساره تقاطعها : ماعليك منها , كلام وطاار بالهوااآ ما همتني والله العنود وهي تتأفف : طيب احلفي ما تضايقتي ؟ ساره بابتسامه : كـل هالابتسامات وتبغيني احلف . . العنود وهي تناظر ساره بهدووء : بـس انتي اسمعيني خليني آآخـذ حقك و . . قاطع العنوود صوت رجوولي من وراها : بنات شفيكم ؟ ساره بخوف وهي تلّف على صووت سعيد : سـ . . سعيد ! سعيد وهو يقرّب منهم بهدووء : وش صاير , ليش جالسين هنا ؟ العنود بعصبيه : سعيد انت لازم توّقف . . وقاطعتها ساره وهي تقول بارتباك : ما . . مافي شي , الحين بنرجع نجلس مع البنات العنود وهي تناظر ساره : بسس !! ساره بعيون خايفه وهي تمسك العنود : امـشي العنود . . فجأه مد سعيد يدهـ ومسك ساره من ذراعها وقال بجدّيه : العنود روحي بتكلم مع ساره . . ساره بخووف : سعيد اتركني قلت لك مافي شي !! سعيد وهو يشد مسكته : العنود روحي . . العنود وهي تناظرهم بارتباك : خلاص سعيد انا بقوولك بس لا تضاايق سارهـ خلاص اتركها !! ساره بخووف : ا . . العنود لااا !! سعيد بجديه : ماعليك روحي , انا بسمع من سارهـ العنود : بس . . سعيد : قلت لك رووحي !! العنود وهي تنزّل راسها : طيّب . . وراحت العنود بهدووء وهي مرتبكه , وخايفه على سـاره ! ساره وهي تفك يدها بارتباك من سعيد : خلاص سعيد قلت لك مافي شي . . فجأه مسك سعيد ساره من يدها ودفعها بسرعه عالجدار وحط يدينه على الجدار وحاصرها وكان قريب منها ! قال بهدووء وبملامح رجوليه : يالله قولي الصدق " ياااربي وش اسوي الحـين !! اخااف احـد يمّر من هناا ويشوفنا بهالشكـل !! ياربي وش بيكون موقفي ؟!! و لو اقووله ماراح يترك البنت لحالها , وانا خلاص ما اقدر استحمل مشاكل زياادهـ !! . . " دق قلب ساره بحياا وخووف وهـي تشووفه قريب منها لدرجه انها تسمع انفاسه , من البـدايه كانت تخاف من قربه . . بس للأسف ما تقدر تبعّده ! ساره بخوف وهي تناظر سعيد قريب منها : سـ . . سعيد بعّد عني الحين يجي احد ويشوفنا كـذاا سعيد وهو يقرّب اكثر : مالي دخـل فيهم . . ناظرته بخووف وحطت يدينها على صدره تبغى تبعدهـ شوي وقالت : سعـ . . سعيد تكفى مو وقته مسك يدينها اللي على صدره وقال بهدوء : تسمعين قلبي ؟ فتحت ساره عيونها بخووف وهي تحس بنبضات قلبه تمشي بيدينها وتحسّه حيل قريب منها !! حـسّت باحساس غريب حيييل لمّا قال هالكـلام وسمعت هالنبضات . . دايم ما تقدر تفسّر اي شي من ناحيه سعيد . . تحسّه انسان انطواائي ويتكلم بالالغاز ! سعيد بهدوء : كـل هالنبضات لك لحالك . . لك انتي بس سكرت ساره عيونها بحياا وهي خايفه " ياربي الحين وش دخّل هالموضوع . . خليني اقوله اي شي وافتّك " وقالت بارتباك : خـ . . خلاص بقولك بس بعّد بالاول ! سعيد وهو ما تحرّك : قولي اسمعك ساره وهي منزّله راسها بخجل وتدوّر كـذبه سنعه ! . . وناظرت رجولها وقالت بارتباك : ر . . رجلي سعيد بخوف وهو يبعّد يدينه عن الجدار : توجعك ؟؟!! طيب ليش ما قلتي لي !! ساره بارتباك : مـ . . ما توجعني , بس تشنّجت شووي لما كنت امشي مع العنود هنا < كـذبه كشخه هع . . سعيد وهو ينزل بمستوى رجلها : لا تتحركين خليني افتح اللفّه واشوف وش . . قاطعته ساره بسرعه وقالت : لااا ! سعيد وهو يرفع راسه باستغراب : ليش لا ؟ وش فيك ! ساره بحيا وهي تناظره بخووف " ياربي وش هالورطه " : شـ . .شسمه خلاص ما توجعني والله , وبعدين قووم من الارض ثوبك بيتوصخ ! وقف سعيد بابتسامه وهو خاق عليها وقال بهمس : يتوصخ وش فيها عادي ! ساره بارتباك وهي تشووف الطريق خالي قدامها : سعـيد انا لازم اروح الحين . . سعيد : اصبري ورجلك ! ساره وهي تركض بسرعه وقلبها يدق بقوّهـ : قلت لك ما توجعني . . سعيد باستغراب وهو يناظرها تروح : وش فيها ذي ؟! خلونا نتجـه لبـعد صلاهـ العشاا . . الساعه 9 الليل . الرجـال بعد ما رجـعوا من المسجد القريب من الاسترااحـه , دخـلواا المجـلس وعطواا فرصه للحريم يطلعوون برآآ . . طبعا الحريم الكبار جلسوا على الفرشه بالارض , والبنات حطواا لهم كراسي بجهه وجالسين يسولفون مع بعض =) بس ساره والعنوود غيير . . كانوا فاصخين جزمهم وحاطين رجوولهم عالمسبح ويناظرون الصغار وهم يسبحوون . . العنود وهي تناظر تـاله بكرّهـ : اففف ضحكت من سرهااا بلا !! وربي ودي اكفّخها ساره بهدووء : خلاص قلت لك فكيّنا من الهوااش , وش تبين عمتك وزوجات عمانك يقولون عنك لو تهاوشتي هنا ! العنود مبوّزهـ : ماني قادره امسك نفسي , القهر بيذبحني ساره بابتساامه : خلاص عامليها احسن من معاملتها . . لا تصيرين مثلها خليك احسن منها العنود : تهقين ؟ ساره : ههههههه اكـيد انتي احسن منها . . المهم سولفي لي عن بنات عمانك , احسك دايم مع خوالك صح . العنود وهي تحرّك رجوولها بالمسبح : اي اكيد مع خواالي . . ما احب عماني كثيير , دايم كذاا انا وتاله طق وهوااش , لا وبعد اذا جت هااجر توريك فيها نجووم الليل ههههه ساره : ههههههه بس احسك اوك مع دانه ! العنود : اي دانه حلييوهـ دايم اسولف معها , بس اكره اختها الكبيره خلوود ساره باستغراب : ليش ؟ العنود : لانها دايم مع تاله . . هي صح طيّبه وما تحارش , بس احسها زي تاله لأنها مصاحبتها ساره بابتساامه : اهاا . . بهاللحظات رن جوال ساره بمسج جديد ! وطلّعت ساره جوالها من جيبها وشافت المسج . . " ها ساره وش اخبار رجلك ؟ " ابتسمت ساره على مسج سعيد وارسلت له " بخير . . اصلا قلت لك ما توجعني " ورجع سعيد ارسـل لها " طيب اذا هي بخيير , انتي كيفك صار لي ساعتين ما شفتك ؟! " العنود بفضوول : وش سالفه هالرسايل ؟! ساره : هههههه اخوك يستهبل ! العنود : هههههههههههههه سعيدووه تووحفه من جد . . ابتسمت ساره بلطف وما قالت شي . | ||||
|  |
|
15-01-13, 12:41 PM
| #32 | ||||
| نجم روايتي ومشرفة سابقةومصممه
| بهاللحظات جت تاله وفصخـَت جزمتها بسرعه وجلست جنب ساره !! العنود بكرّهـ : خيير ؟!! تاله بدلع : خير بوجهك . . العنود بعصبيه : وش تبغين جاايه عندنا بعد , عندك حركه بايخه ثانيه ؟!! تاله تحارش : سلامه عمرك ما عندي شي العنود شوي وتقوم عليها : وين عمري يسلم دام انتي فييه يالـشـ . . قاطعه سااره العنود ولفّت عليها وقالت بهمس : خلاص العنود . . العنود بضيقه : افففف " وربي فييني مضااربه موّلعه مووت , ودي امسكها وافجر فييها وانتف شعرها , واقطع اذوونها , واشقق وجهها البايخ , بس والله لو ما ساره طلبتني ما احارش هالزفت كان وريتها شغلها " نهى من بعيد : العنووود . . العنود تلّف على امها : نعم ماما ؟ نهى : شووفي نايف بيطلع من المسبح رووحي جيبي له المنشفه ونشفيه وخليه ياخذ شور وساعديه يغير ملابسه . . العنود مبوّزه : ان شاء الله ! نهى : يالله حبيبتي لا يجيه برد . . وقامت العنود وهي ميته من القهر وودها تجـلس وتسمع تااله وش بتقوول ! تاله بابتسامه : سووري عن اللي قلته بالمجلس . . ساره مستغربه من الاسلوب : لا عادي " يماا . . قبل شوي تحارش ! يمكن انفصام شخـصيه خخخـ " تاله وهي تناظر ساره ماسكه جوالها بيدها : شكلك تنتظرين مكامله من احد صح ؟ " ملقووفه هالبنت ههههه " ساره بلطف : لا بس كنت اكلم سعـيد . . تاله بفضوول : اي صح كيف سعيد وش اخباره ؟ ساره مستغربه : بخيير " ياربي يالعنوود وينك فكيني من ذي افف هههه " تـاله بدلع : ياااي تدرين اول سعـيد كان يلعب معاي , يحليله هههه ساره بدون اهتمام : ههههه . . . تاله : اقوول عندك صووره قريبه له ؟ ساره باستغراب : لا , ليش ؟ تاله : لا بس كنت ابغى اشووفه , مشتااقه له ههههه مو تعرفين كان صديقي اول سكتت ساره وحسّت انه الموضوع وصل حـده وصار كلام تاله ماله دااعي ابد . . ووقفت من المسبح ولبست فلاتها وقالت بهدووء : عن اذنك تاله باستغراب : وش فيك تعالي نسوولف ! ساره وهي تروح : بروح عند العنود . . تاله بخبث : اها اوك , خذي راحـتك كانت خلود جالسه تناظرهم من بعيد , واول ما راحت ساره جت نطت جنب تاله . . خلود بفضول : هااا حارشتيهم ؟! تاله بكّره : لا . . خلود : طب شفيه وجهك كـذا وش قالت لك زوجه سعيد ؟ تاله بعصبيه : اسكتي لا تذكريني انها زوجته !! اكرهها الحقييره خلود مستغربه : ليش وش سوّت لك ؟! تاله بضيقه : ما سوّت شي اففف خلود بهدوء : كـل هذا عشانك تحبين سعـيد ؟ تاله بقهر : مو بس احبه . . اعشقه !! بس هو ما عطااني فرصه وتزوّج بسررعه !! ودي اذبحها هالسااره اففف خلود : اهدي وش فييك , خلاص ماله دااعي هالكـلام الحين تاله بقهر : اصلا هو ما اهتم بمشااعري ابد !! والا مستحيل ما انتبه للحركات الا كنت اسويها , واحاول اتقرّب منه !! خلود : خلاص لا تضايقين عمرك بشي رااح تاله بحقد : كـل شي سويته له !! ومستعده اكوون خدّامه عنده . . بس هو ما عطااني فرصه خلود بلطف : خلاص تاله سكـري عالموضوع , وبعدين احنا تكلمنا فيه مليون مرّه وخلاص الرجال اخذ نصيبه ورااح . . وانتي بتلقين اللي احسن منه تاله فيها الصيحه : ما اقدر يا خلوود . . كل ما اشوفها انقهر والله احس ناار بصدري وتجيني الصييحه !! خلود : قولي لا اله الا الله . . خلاص غيري الموضوع تاله وهي تفكّر : طيب عندي حركه اخيره معليش تساعديني فيها ؟ خلود باستغراب : اكـيد بساعدك بس وش هي ؟ تاله بنظره خبيثه : بتشوفيين . . . نتجه للغرفه الا كانت العنود جالسه تساعد نايف فيها . . نايف وهو يلبس جينزه : افف خلاص بزر انا تجلسين تلبسيني ؟ العنود منقهرهـ : اقول البس وانت سااكت ما سمعت امي شقالت . . نايف : وش قالت ؟ العنود : اففف . . تقول يجيك برد ساره وهي تدق الباب : العنود موجوده ؟ العنود بفضول : ادخلي ادخلي !! ساره بابتسامه وهي تدخـل : اهلين نايف نايف بابتسامه : هلا فييك العنود وهي تترك الملابس من يدها وتنط عند ساره : هاا وش قالت ؟!! ساره وهي تجلس : ههههههههههه ماشاء الله بالك معاي العنود : ههههه المهم قولي لي وش قالت , حارشتك ؟!! ساره بابتساامه : لا بس اعتذرت العنود مبققه عيونها : احححححلفي ! ساره : ههههه والله . . قالت انها ما كانت تقصد ومن هالكلام العنود : طيب وبعدين ؟ ساره : وبعدين خلاص قلت لها عادي وقمت . . العنود مطنقره : اففف حسافه ما حارشت , والا كان جيت فزعت لك ! ساره : ههههههههههه احمد ربي اجـل ! نايف وهو يلبس بلوزته : ساره ليش ما تسبحتي ؟ ساره : ههههه لا يماا ما اعرف اتسبّح اخاف من المسبح . . العنود : هههههه احلفي انك ما تعرفين ؟! ساره : وربي ما اعرف ! نايف : حتى العادي مو العميق ؟ ساره : ابد ولا شي ههههه , اصلا حتى لو اعرف ماراح اتسبح هع نايف : انا اليوم حطيت المايوه بشنطتي قبل كل شي هع هع العنود وهي تضربه على راسه : ياا ذكي . . تبغانا نتسبح واحنا كاشخين ! نايف : هههههههههه حتى انا كنت كااشخ ساره تغازله : اي عاد انت الزين كلّه نايف شاف نفسه : احم احم العنود ماسكه ضحكتها : لا تغازلين اخوو زوجك , ترى اناديه ههههه ساره وهي تبوس نايف : روحي ناديه انا خلاص احب نااايف وبس نايف : ياا حظي اجل هع هع العنود وهي تضرب نايف على راسه : امش اطلع مع الاولاد يالله عيب مصختها عاد نايف مبوّز : طيب طيب ! ساره : ههههه يحليله الساعه 10 عند الرجـال . . وليد : اقولك فهد العم فهد : سم وانا اخووك . . وليد : تهقى مجـلس الرجال بيكفينا كـلنا عشان ننام فيه ؟ العم فهد : اي كبير ولا يهمك سعيد مستغرب : يبا اي نوم ؟ وليد : ماقالت لك امك ؟ سعيد طارت بوهته : لا وش السالفه ! وليد : اليوم اتفقنا انا وعمامك ننام هنا كلنا . . لا يكون ما جبت بجامه ! سعيد منصعق : لا محد قال لي اصلا !!. وليد : غريبه ! انا قلت لامك تقوولك انت وزوجتك . . سعيد : وكلهم بينامون ؟ وليد : اي كلهم . . . عماد يتقهوى : ولا يهمك عمي انا عندي بجاامه زايده اعطيها سعيد وليد : تسلم وانا عمّك . . ابتسم سعيد لعمااد وقام من المجلس بهدووء وراح يكلّم احمد . . سعيد بهمس : احمد حبيبي احمد : نعم سعيد : اسمع انت تعرف زوجتي ساره ؟ احمد : امممممم لا ما اعرفها سعيد : طيّب اسمعني . . اخذ هالورقه وعطها وحده لابسه بلوزه بيضاا وفاتحه شعرها احمد : الحلوه اللي لابسه تنوره سودا قصيره ؟ سعيد وهو يضربه على راسه : اي هي . بس لا تقول حلوه هذي زوجتي ! احمد : ههههه اوك بروح اعطيها سعيد : بس اسمع اذا قالت لك مين عطاك هالورقه لا تقول لها انا اوك ؟ احمد بطفووله : اوووكيه سعيد بابتسامه : عاش البطـل . . وطلع احمد من مجلس الرجـال بسرعه وهو ماسك الورقه الا عطاها اياه سعيد , واول ما وصـل عند الحريم جلس يدوّر ساره ! احمد وهو يناظر ساره : انتي ساره ؟ ساره بصوت حلوو وهي خااقه على هالولد : اي حبيبي انا ساره . . انت وش اسمك ؟ احمد بابتساامه : انا احمد . . " وقال بخبث " انتي حلوه ساره : هههههه يا قلبي , وانت احلى وربي احمد وهو يطلّع الورقه من ثوبه : هذي لك ساره بابتسامه : الله وشو هذي ؟ احمد وهو يرووح : ما ادري . . يالله باي وابتسمت ساره على طفووله هالبزر , وافتحت الورقه الصغيره " ساره قلبي , ابغاك بشي ضرووري تعالي عند الباب الخـلفي من المطبخ . . انتظرك " ساره باستغراب : سعـيد ؟ والا مين ذا ! وحطت ساره الورقه بجيبها وهي مستغربه وراحت بهدووء لعند الباب الخلفي اللي من المطبخ . . كانت عباره عن مسااحه فاضيه وشوي ظلمه وما فيها احـد . . وقفت ساره على اعصابها وهي تناظر يمين وشمال وتنتظر وشوي خافت من الظلمه ! - بخخخ ! ساره بخووف وهي تلّف وراها : يمااا !! سعيد : ههههه شفيك ساره تبلع ريقها : يمــا روعتني . . كفايه المكان ظلمه ومافيه احـد سعيد برومانسيه : اي عشان محد يشوفنا هنا ساره بحيا وهي تبعّد عنه شوي : و. . وش الشي الضروري ؟ سعيد بابتسامه : اي صح . . اسمعي ترى اليوم كلهم بينامون هنا . . ساره منفجعه : من جدك ؟!! سعيد وهو يتركـى عالجدار : اي ابوي تو قال لي . . حتى قال انه امي المفرووض تقول لنا , بس اتوقع ما قالت لانه العنود كانت معنا وماراح ترضى تنام او تجي هناا . . ساره بضيقه : لا سعيد بليز خلنا نرجع ما ابغى انام هنا ! سعيد بابتسامه : وليش ؟ ساره بحيا : لأنه . . شسمه ! ما ادري ما احب اغيّر مكان نوومي ماراح ارتاح والله سعيد بهمس وهو يقرّب منها : اهاا . . قصدك ماراح ترتاحين لأني مو جنبك ؟ ساره وهي تبلع ريقها بحياا وتنزّل راسها : سـ . . سعييد لا تستهبل مو وقته . . سعيد وهو يحط يده على خد ساره : ههههه يسـلم لي المعصّب ساره مبوّزه وهي مستحيه : اصلا العنود بتسوي لهم مصيبه ماراح تنام هنا اعرفها سعيد بابتسامه وهو يبعّد يدهـ : لا مو على كيفها , لانهم مقررين ينامون هنا من زمان . . فمستحيل ترجع هي لحالها , واصلا محد راح يرجعها . ساره وهي ترفع راسها : طيب انت بتنام ؟ سعيد : اي ساره بهدووء : اهاا . . سعيد بابتسامه : اذا ما تبغين تنامين , اقول لهم رجلك تعورك وننحاش , شرايك ! ساره بابتسامه : هههه لا خلاص دامهم مقررين مالها داعي . . سعيد : خلاص اصلا هي كـلها يوم واحد ساره بهدوء : من جد . . وسكتوا ساره وسعيد بهاللحظات . . . ساره بحياا : اممم . . بروح اقول للعنود , خلاص ما تبغى شي ؟ سعيد بابتسامه : لا سلامتك . . ساره : يالله بـ . . قاطعها سعيد بسرعه وهو ينط عليها و يبوسها على خدها بهدووء ويهمس باذنها ويقول : احبك استحت ساره مووت وبعّدت عنه بسرعه وراحت تركـض قبل لا يسوي شي ثاني من اشيائه اللي تحرجها ! واول ما طلعت ساره من المطبخ للحديقه جلست تدوّر العنود ومالقتها . . وفجأه لمحت الخاله نهى وهي تطلع من غرفه الملابس . . ساره وهي تجي جنبها : خالتي نهى بابتسامه : هلا حبيبتي ؟ ساره : ما شفتي العنود ؟ نهى وهي تخفي ابتسامتها : شوفيها بالغرفه ساره بابتسامه : اوك شكراا وراحت نهى لعند الحريم , واول ما دخـلت ساره غرفه الملابس شافت العنود تمسح دموعها ! ساره بسرعه وهي تجي جنبها : وش فييك ؟؟ العنود وهي تمسح دموعها : مافي شي . . ساره بضيقه : العنود لا تكذبين علّي قولي وش فييك العنود بكرّه : امي قهرتني !! ساره : وش سوّت لك ؟ العنود معصبه : توها جت تهاوشني و تقوول لي اننا بننام هنا اليووم وانها جابت لي بجاامه !! الحقيرين عمااني مخططين من اول وامي توها تقول لي ساره بابتسامه : بس كـذا ؟ العنود وهي تناظرها : هو فييه اكثر من كـذاا !! هي تدري اني اكرههم وما اطييق استراحتهم الباايخه ذيي . . اففف ابغى اروح بيتنا طفشت وربي ساره : خلاص هّدي وش فيك ما تستاهل السالفه تبكـين , انتي على الاقل جايبه بجاامه انا تو سعيد قال لي وما جبت شي ! العنود بفضوول : طيّب قولي لسعييد يرجعناا بأي حجه !! تكفييين ما ابغى اجلس هناا والله مو طاايقه حتى هوااهم اتنفسه ساره : هههههههه لا تتنفسين ! العنود :هههه ساره لا تستعبطيين , يالله روحي قولي لسعيد ساره : واللله ما اقدر اصلا فشلـه ما ننام , هم كلهم مخططين وبيستانسوون , لا نخرّب عليهم حراام . . العنود : الله ! وش الحراام بعــد ؟ ساره : هههههههه خلاص رووّقي شوي العنود : كيفهم خليهم يستانسون من غيري انا ماراح اناام هناا لو يصير اللي يصير !! ساره بابتسامه : ومين قال فيه وناسه اذا رحتي ؟ العنود بحياا : افف سويره ساره : هههههه لا تصيرين بزر , اصلا خلاص كلها ساعات ونرجع , وبعدين ولا يهمك انا بقول لسعيد نرجع من الساعه 7 الفجر هاا ؟ العنود : ههههه اجل ماراح انام سارهـ : هههههه و نجلس نحاارش تاله وش رايك ؟ العنود طايره من الفرح : من جدك ؟؟؟؟ ساره مبوّزه : آآهـ يا حبك للمشاكل العنود : ههههه آآهـ يا حبك للزعل ساره : هههههههههههههه وشوو بتجلسين تكملين الاغنيه ! العنود : هههههههه يحليلك . . وبعد عنـاء وجهد وتعب طوويل اقتنعت الـآنسه العنود انها تنام بالاسترااحه , وطلَعت رووح ساره وهي تحاول تسهّل الموضوع هع ! ولمّـا صارت الساعه 12 الليل , راح واحد من الشباب لأقرب مطعم وجاب للكـل بووفيه كبير منوّع , وقام الكـل ياكل وياخذ اللي يبغاهـ . . والحريم جلسوا ياكلون مع بعض , والبنات كل وحده جلست مع وحده وياكلون ويسولفون ويضحكوون . . وساره والعنود قضووها ضحك وهباله , وطـبعا العنود ما سكتت الا بعد ما حشّت بكـل بنات عمّانها واشفت غليلها ههههه ! 3 الا ربع بالليل . . الكـل بداا يروح ينام من الساعه 2 . . طبعا الحريم من بعد العشاا ناموآ < عجايز هع . . والرجال بعضهم جلسوا يسولفون شووي وبعدين ناموآ . . والبنات على 2 وربع غطواا بسابع نووم والشباب بعد , يعني الاغلبيه ناموا وخصوصا العنود ! هع سوت لساره مصايب هههه . . جلست تسولف قصه حياتها لساره وتقول لها عن كـل شي تحبه وتكره ! < عشان ما تنام ههههه . . وساره مسكينه كل شوي تتلفت خايفه احد يصحى على صوتهم < مو البنات كلهم نايمين بمجلس واحد هع . . بس بالاخير الحمد لله هجدت ونامت . . | ||||
|
| |
|
15-01-13, 12:42 PM
| #33 | ||||
| نجم روايتي ومشرفة سابقةومصممه
| اما ساره المـسكينه للآن تحاول تنام بس كالعاده اذا تغيّر عليها المكان ماتقدر تتأقلم من اول يوم ! بهاللحظات رن جوالها مسج . . فزّت ساره بخووف وناظرت العنود " الحمد لله ما قامت ! " , وفتحت المسج وكان من سعيد . . " ساره نمتي ؟ " قامت ساره بشويش من المجلس بعد ما قرت مسج سعيد وراحت لعند المغاسل والحمامات عشان صوت المسج لا يزعج احـد . . ارسلت له سـارهـ " لا ما نمت . . توقعتك نايم ههه " وبعدها ارسل لها سعيد " ههههه انا قلت البنت شكلها تأقلمت ونامت , المهم كيف الوضع عندك ؟ " ارسلت له ساره بعد ما ضحكت " ههههه لا مو بهالسرعه اتأقلم , الوضع نايم خخخخـ " ابتسم وارسل لها " طيب اسمعي بتصل عليك حطيه صامت " ارتبكت وارسلت له " لالالا سعيد لا تتصل ! " وما امداها تحطه صاامت الا واتصل ! فزّت ساره بخووف وردت بسرعه وقالت بشويش : مو قلت لك لا تتصل !! سعيد : ما جاني شي هههههه , شفيك كأنك حراميه ! ساره بحياا : افف منك . . انا جالسه عند المغاسل عشان محد يسمعني , وانت تضحك علّي . . سعيد : ههههه يا حلووك بس , المهم اطلعي برآآ ابغاك ساره بحيا وهو تبلع ريقها : لا ما ابغى اطلع خلاص بنام . . سعيد : اقول يا بنت امشي اطلعي خلينا نسوولف , لاحقه عالنووم - ساره ؟! فزّت ساره بخووف اول ما شافت تاله طالعه من المجلس , وقالت بسرعه وهي تهمس : سعيد باي اكلمك بعدين . . سعيد : اصبري مين هذا اللي جنبك ! وما امداه يكمّل الا وساره مقفله الخط بوجهه . . تاله وهي تغسّل يدينها : وش تسوين هنا . . ما نمتي ؟ ساره بارتباك وهي تبلع ريقها : ههه . . لا شسمه كنت بالحمام وبعدين طلعت بغسل يديني والحين بروح انام . . تاله بابتسامه غريبه : لا تنومين تعالي اطلعي معااي براا ابغى اتمشى شوي ساره : لا آآسفه والله بنام . . تاله وهي تمسح يدينها : يا ذاا النوم لو بيجي جااك من اول ساره تبلع ريقها : هههه . . لا الحين احس اني بنام جد هههه . . تاله وهي تمسك ساره من يدها : افف منك , بقولك سالفه امشي بس ساره بخوف : اخاف احد موجود برآآ تاله : لا مافي احد والا كان سمعنا صووت . . ساره بخووف : لا تاله ما ابغى اطلع ! تاله : يووهـ اقولك ابغاك بموضوع مهم مرآآ ساره بارتباك : خلاص طيّب . . ابتسمت تاله بخبث وطلّعت ساره معها وجلسوا يتمشون عالعشب برآآ . . كـان الجوو هادي ومافيه غير صووت الرياح الخفيفه , والضووء خفيف ونص الانوار مسكـره . . ساره بارتباك وهي تناظر حولها : يووه تاله الله يهداك المكان موحش واحنا لحالنا , خلينا نرجع ! تاله : يووه وشو اللي موحش . . وش حلاته مافيه شي ساره بارتباك وقلبها يدق بخوف : بس يخوّف ! تاله : لا وش اللي يخوّف . . والله عادي , بزر انتي ! بلعت ساره ريقها بخوف وقالت : طيّب وشو موضوعك ؟ تاله وهي تمشي بجهه المسبح : بس احلفي انك ما تعلمين احد ؟ ساره وهي تناظر المسبح وهي تمشي جنبه : طيب ماراح اعلّم احد . . تاله بخبث : احلفي ؟ ساره : و اللـ . . وما امدآآ ساره تتكلم الا وفجــأه الكهربآآ طافيه على الاستراحه كلّها !! الظلمه صارت تخوّف والمكاان يرعب , وساره مو قاادره تشووف شي ابدد . . ساره بخوف وهي ما تشوف شي : تـ . . تـ . . تاله وينك ! تاله : بسم الله والله تروّعت , انتي اللي وينك ؟؟ ساره بارتبااك وهي تمد يدينها تبغى تتحسس مكان الصوت : تكـفيين تاله . . انا . . انا ما احب الظلمه !!! تاله بابتسامه : حتى انا , بس ما جالسه اشوف شي ابد !! ساره بارتباك وهي شوي وتصيح : ا. . اسمعي انتي مدّي يدينك انا جالسه اسمع صووتك قريب . . تاله : طيب انتي مادتهم ؟ ساره برجفه مو صااحيه وهي ميته خووف : اي . . تاله وهي تمسك اطراف يدين ساره : خلاص مسكتك !! وفجأه اول ما جت ساره تمسك يدين تاله تحرّكت تاله وكأنها عثـَرت بشي ! وطاحت عالارض وفلتت يدين ساره منها !! ساره بصرااخ : آآآآآآآآآهـ !! المفاجأه الاكبر انه تاله لما طاحت وتركت يدين ساره كانت ساره واقفه عند حافه المسبح وطااحت فيه !!! تاله وهي تفتح عيونها بخووف وتسمع صوت ساره وصرااخها وهي تحاول تتنفس : سـ . . ساره وينك !! ساره بصرااخ : بـ . . بالمسبـ . .ح فزّت تاله من مكانها بخوف وهي تحاول تبلع ريقها وتستوعب اللي صار وفتحت كشّاف جوالها ورااحت بسرعه لورى الاستراحه وقالت بخووف : خـ . . خلود افتحي اللمبه افتحيها !! خلود وهي تفتحهم : وش . . وش صار خوفتيها ؟؟ تاله بخووف مميت : البنت . . البنت طاحت بالمسبح !!! طاحت . . خلود بخووف : امشي ننحاش امشي نسوي نفسنا نايمين تاله دمعت عيونها : والبنت ؟؟؟ خلود وهي تركض : كيفها امشي المهم ما يشوفونا !!! وركضوا تاله وخلود بعد ما فتحوا الكهربا مرآآ ثانيه ودخلوا لمجلس الحريم وسواا نفسهم نايمين وهم يرجفوون من الخوف و كأنهم مجاانين ! سكـرت عيونها بهدووء ودموعها الخفيفه خالطت مويه المسبح بعد ما فقدت الامل بأنها تلقى ذرّه اوكسجين عشان تتنفسه . . كان جسمها يتحرّك بالموويه كأنها ورقه خفيفه تذووب , بدوون شعور , بدوون هواا , وبدون اي حركــه ! آآخـر شي نطقته اسم تاله , وآآخر شي شافته ظـلام , وآآخـر شي حسّت فيه المويه وهي تسحبها لتحت , يمكن كان لازم تتعلم السباحـه ! او يمكن صار لازم تروح عن هالحياهـ وتترك آآلامها وخوفها ودموعها وترجع لها البسمه بعد ما تكـون مع اهلها . . ! < احسكم جالسين تبكـون مدري ليه =( > نكمَل امسحوآآ دموعكم ! بس لا تخــاافون . . كـانت فيه يدين رجووليــه قدرت تمسك جسمها الصغير وترفعه بتعب , وتحطه برآآ المسبح . . رماها بخووف على العشب وهو يتلهّث بصدمه , وشاف وجهها الشااحب وحط يدينه عليه بذهوول ! رجف بارتباك وهو يناظرها من فوق لتحت . . جسمها الصغير المبلل اللي كانت واضحه اصـغر علامااته , شعرها اللي صار حووسه من كلور المسبح . . ووجها الناعس اللي ما يهمس بأي شي ! ولا شعوري بسررعه حط اذنه على قلبها , وفزّ بفرح وحمد ربّه لما سمع دقااتها !! همس بخووف وهو يحاول يتمالك صدمته , و حط يدينه اللي كان مليانه مويه على خدها وقال : سـ . . ساره قوومي . . ساره ! امـا هي . . كانت ضايعه وما تحـس بشي . . بلع ريقه بخووف وهو يشوفها قداامه كأنها جثّه , واللي عطاه امل مجرّد دقاتها الخفيفه !! تنفّس بصعووبه وناظر حواليه بسرعه , يبغى يفهم او يستوعب اللي صـار هناا , يبغى احـد يقول له وش اللي خـلّا حبيبته بهالشكــل . . قال بغصّه : سـ . . ساره قومي تكفيين حط يدهـ على وجهه بهدووء وقال وهو يناظرها : لا تموتين !! هزّها بشويش ما يبغى يعوّرها وكمّل كلامه وهو لأول مرّه يدمع : لا تروحين لا . . توني ماسمعت منك احبك !! طاحت دمووعه وهو مو مصدّق اللي صاير !! مافييه فايدهـ من كـلامه او من هزّته . . دايم ضعيف بهالموااقف ! معرووف بهالشي . . يا انه ينهار ويجلس يناظر اللي حوله وهو ساكـت وانتوا تشهدوون لمّا بحادث السياره ! ويا انه يجلس يتكـلم ويطلّع اللي بقلبه بهاللحظــات ويعصّب ويطلع من طوورهـ وما يفكر بأي شي ابد . . بس داايم يحاول يختار الخيـار الاول =| ! شهق بقوّهـ مو صااحيه وهو مو قادر يشوفها من كثر دمووعه اللي بعيونه . . مو سهله دمعه رجـال يا عالم !! والله مو سهـله . . !! وربي . . . مو سهله تنزل . . ومو سهله ترووح . . ومو سهله احـد ينساها حتى هو نفسه مايقدر ولا راح يقدر !! نزّل بمستواها وحط يدينه تحت راسها وضمّها وهو جالس عليها . . سعيد بغصّه : سـااره . . تكفين لاا . . سمع صوت باكي من قدامه يقوول : لا تقوول مااتت !!! رفع راسه بهدووء وهو يناظر البنت اللي طالعه من مجلس الحريم , ووجهها كلّه دمووع ولابسه العبايه بشكـل فيضوي ! نزّل راسه بدون ما يركز مين هـذي . . همس وقال : مستحيل تمووت !! تاله وهي حاسه بالذنب وتبكي بخووف : سـ . . سعيد ودها للمستشفى !! صرخ بوحشيه وهو مو طاايق يسمع صوت احد : قلت لك مو ميّــتـ . . فتح عيونه وما كمّل كلامه لمّا حس انه سارهـ شدّت بيدينها وضمته !!! فك ضمّته بسرعه جنونيه وحط راسها على فخذه وقال برجفه : سـ . . ساره !! ركضت تاله بسرعه وجت جنبهم وجلست مقابل سعيد وهي تبكـي بخووف وقلبها بيطلع من مكاانه وهي للآن مو مستوعبه اللي سوّته !! كانت تشووفهم زي الضبااب . . ومو عارفه تركّز مين هذولا ! " واحد لابس ابيض , والثاني اسود ؟؟ مين ذوول " فتحت عيونها بسرعه مو صااحيه !! كانت تبغى تفزّ بس مو قادره تشيل جسمها حااسه بثقل مو صااحـي ! قالت بصوت راجف : مـ . . ملائكه الموت ؟! فجأهـ ضحك سعيد بوسط دمعااته وهو مو مصدق انه يسمع صوتها !! آآآهـ يا محلاها من ضحكـه لمّا ضحكها هالمملوح بهالمووقف . . ضمّها بسرعه وقال بحب كبيير : ســاره !! نطق اسمها بشكـل غييير . . بصوت غير , بنبرهـ غيير !! كـل شي هالمرّه باسمها غير !! ابتسمت تاله اول ما شافتها حيّه وتتكلم , وبعدها انفجرت من البكى بشكل غريب ! تاله بصوت رااجي : تكـفين طلبتك سامحييني . . والله ما كنت اشووف شي والا كان ساعدتك والله العظيم !! ناظرتها ساره وهي مو قادره تتذكر شي . . حاسه بتعب مو صااحي حتى صوتها تحسّه ثقييل مووت ومو قادر يطلع . . لفّت وجهها لسعيد بهدووء , وقالت بهمس خفيف : ر . . رجعني البيت ابتسم سعيد بحنان وهو يبعّد خصلاتها عن وجهها وقال : بوديك . . بوديك اللي تبغين بس لا يصير فيك شي . . ابتسمت بهـدووء وسكرت عيونها وحطت يدها الصغيره على ثووبه ومسكته بهدووء وقالت : سعـيد ابغى انام . ناظر وجهها الطفوولي بحنان كبييير , وحسّ بفرح الدنيا يدخـل بقلبه لمّـا شافها بهالشكـل . . حملها بهدووء وقام من العشب وقرّبها من صدره حييل وقال بهمس : الله يعافيك معليش تجيبين لي عبايتها واشيائها ؟ تاله بسرعه وهي تقووم وتمسح دموعها : ان . . ان شاء الله . . وراحت بسرعه وهي تركـض للمجلس واخذت عبايه ساره من الشمّاعه بهدووء ومسكت شنطتها ورجعت لسعيد . . مسّكته الاشياء وقالت بخووف : بتوديها المستشفى ؟؟ ناظر سعيد بوجه ساره وهو يحط العبايه على كتوفها , وقال بهدووء : هي قالت تبغى تنام . . بوديها لشقتنا " وناظر بتاله وقال بابتسامه " شكـرا يـا . . ؟ مسحت دموعها بخجل وقالت : انا تاله . . عطاها ظهرهـ ومشى بخطوات شامخه وقال بهدووء : شكرا يا تاله . . . بعد ما وصل سيارته , جلّسها قداام وسند راسها بهدووء على كرسي السيارهـ , وركب هوو وشغّل سيارته ومشى بالطريق بهدووء وهو يحاول يتجنّب المطـَبات او الاشارات الزحمه بهالليل ! وبعـد حواالي ساعه وربع واخيرا وصلواا للفندق . . | ||||
|
| |
|
15-01-13, 12:44 PM
| #34 | ||||
| نجم روايتي ومشرفة سابقةومصممه
| دخـل الشقـه وهو للآن شايلها بين يدينه وعيونه ما تفارق وجهها ابد . . عين تناظر الطريق وعين تناظرها . . واول ما دخـل غرفه النووم , بعّد الغطاا برجووله بهدووء وحطّها على السرير وغطاها وفتح الابجورات اللي على الكومدينا عشان لا تزعجها لمّبه الغرفــه , وجلس عالسرير ومد رجووله ولفّ عليها وجلس يناظرها وهو حاط يده على وجهها ويتحسس جلدها بهدووء . . " آآهـ يا ساره . . وش هالحظ الا عندي ! هذي ثاني مرّه كنت بفقدك فيها . . والله مو عارف كيف احميك , قمت اخاف عليك حتى من نفسي ! " همست بهدووء : سـ . . سعيد " آآهـ بس . . لبى لا قلتي اسمي وصوتك مليان نعااس . , ! " قال بحنان : لبّيــه فتحت عيونها بهدووء وقالت بصوت ناعس : تـعبانه . . حس بعمق الجرح اللي بقلبه وقال بضيقه : يا جعل التعب فيني ولا فييك , تبغين اوديك للمستشفى ؟؟ هزّت راسها بلــا , وقالت بهمس : احس جسمي ثقييل . . صرّت سمينه ؟ ابتسم بوسط حزنه وقرّب منها وشال راسها وحطه على فخـذه وحط يده على زنـدها وقال : خلاص يا قلبي ارتاحي لا تقولين شي , الحمد لله انك بخير . . قالت بصوت ناعس : خفت علّي ؟ ابتسم بهدووء وقال : هذي اول مرّه ابكي فيها من قبل 6 سنين . . ساره بحياا : ليش بكـيت ؟ ابتسم باستهزاء وقال : تبغيني اشوفك جثّه قداامي وما ابكـي !! اصلا متت من الرعبه على بالي توفيتي , والله ما تدرين وش حسيت فييه . . ساره بهدووء : تدري انا وش حسيت فيه ؟ سعيد بحنان : قولي يا قلبي , لا تخلين شي بخاطرك . . ساره بابتسامه باهته : حسّيت اني لما امووت ورد بترجع وتاخذك مني ! ضحك لا شعويا وناظر فيها وقال : ههههههههه لا يا شييخـه ! و يعني عشان كـذا رجعتي ؟ ضحكت بحياا وقالت : ايه . . حرّك يده اللي على زندها وقرّبها منه اكثر وقال برومانسيه : يا جعـل هالضحكـه دووم . . حسّت بقربه هالمره شي اول مرّهـ تحسّه فييه . . ما تحركت او حاولت تغيّر جلستهم , صح انها كانت مستحيه ووجها انقلب الواان . . بس لأول مرّهـ تبغى قرّبــه ! همست بهدوء وقالت : سعـيد سعيد بحنان : عيونه ؟ بلعت ريقها بارتباك وقالت بحيـا : انـ . . انت . . انت تحـبني ؟ ابتسم اول ما سمع سؤالها . . ما ينكـر انه استغرب انها تجرأت تسأل هالسؤال , بس الصراحه حسّ بشي حـلوو ! قال برومانسه : اعشقـك . . سكرت عيونها بشويش ودق قلبها بقوّهـ وقالت بارتباك : سعيد . . بلع ريقه وهو حاس بشي غريب , وقال : آآمري يا بعد قلبي ؟! ساره بحيا : معليش تروح تجيب لي الدفتر الاسود . . قال بهدوء : وينه ؟ ساره بخدود ورديّـه : بالرّف الاخير من دولاب الملابس ابتسم بهدوء وقام من السرير وقال وهو يفتح الدولاب : ما طلبتي شي . . ومـد يدهـ وطلّع دفتر ذكرياتها الاسود القديم < تتذكرونه هع =) ؟! ابتسم اول ما شافه وتذكـر ايامهم الاولى , ونثر عنّه الغبار ورجع جلس عالسرير . . ساره بهدووء وهو تحاول تجلس : افتحه . . سعيد مستغرب : تبغين تكتبين ؟ هزّت راسها بـلـا , وجلست على السرير بهدووء وهي تناظرهـ . . فتحه سعيد وجلس يناظر الصفحاات . . كـاانت كثيييرهـ بشكـل ما تتصورونه , يعني الدفتر على وشك النهايه ! همست وهي تناظر بالدفتر : افتح آآخر صفحـه وامسك القلم سعيد وهو يناظرها باستغراب : وين القلم ؟ ساره : تلقاه بالاخيـر . . وفتح سعـيد آآخر صفحه , وفعلا لقى قلم اسوود قديم . . فتحـه وهو مستغرب , وناظر فيها وهو ينتظرها تقول شي ! " يـاربي . . خلاص انا مو لازم اكـذّب زياده . . لازم اقول الصدق " بلعت ريقها برجـفه . . واستجمعت قوّتها , وجت بسرعه جنبه وناظرت بعيونه وهو حـده مذهوول انها قدرت تقرّب منه بهالشكـل بدون ما تخاف او تبكـي ! سكرت عيونها بهدووء وهمست بأذنه وقالت بصوت ناعم : اكـتب . . بلع ريقه وهو مازال مذهوول ومسك القلم وفتحـه واستعد يكتب ! < احسه باختبار نهائي ههههه لوول ! بلعت ريقها وهي للآن قريبه من اذنه وقالت بشويش وبصووت يجنن : اكـتب . . . ساره تحبّــك فجـــــــأهـ !!! فتح عيونه بقوّه وهو مو مصدق ابد اللي يسمعه !! ترك القلم وجاا بيضمها . . بيسوي اي شي , بس عالاقل يحاول يصدّق اللي قالته ! بس هي قاطعته بسرعه وحطت يدينها على كتوفه عشان لا يتحرّك , وقالت برجفه : اذا ما كتبت ما احبّك !! بلع ريقه وهو خــاق بشكل مو صااحـي وقال ببحّـه : من جدك انتي ؟ ساره بارتباك وهي مووت مستحيه : انت اكتب ولا تناظرني وينتهي الموضوع ! ابتسم على حركتها . . وجلس يكتب بأحلى خط وهو كأنه بزر ! وبعد ما خلّص سكر الدفتر بسرعه وحطّه على الكومدينا الا جنبه ولفّ عليها ولقاها على نفس وضعيّتها . . حاطه يدينها على كتووفه ووجهها عند اذنه , يعني شبه ضاامته . . ابتسم برضآآ وقال : كتبت ؟ وبعدين ؟ دق قلبها بقوّهـ وبلعت ريقها وقالت بصووت ضعييف حـيل وهي خايفه وبنفس الوقت مرتبكه ومستحيه : و . . وبعدين . . سوو اللي تبغاهـ . . عض شفاته باسنانه وهو مو مصدق اللي قاعد يصير بهالدقيقه ! وفجأهـ بعّد يدينها عن كتوفه وبعّدها عنه شوي وحاوطها من عند خصرها بحنان وصارت هي قداامه بس المشكله منزّله راسها ! نزّل راسه وهو يبغى يناظر وش السالفه وش فيها البنت مو رافعه راسها ! قال بهمس : وش فيك كـذاا ؟ ما ردت عليه ولا تحرّكت . . ! رفع حاجبه وقال : يـااليل ما اطوولك . . ماراح ترفعين راسك يعني ؟ " وش تسوّي ذي ؟ كأنها نعامه هههههـ " حاول يمسك ضحكته وقال : الووو . . سويرهـ فجأه حرّكت راسها بسرعه ورفعته وناظرته فيه بحياا وهي معصبّه وضربته على راسه بخفّه واستغلت انه بعّد يدينه عن خصرها , وطارت للجهه الثانيه من السرير عند الحافه وغطّت نفسها ! سعيد وهو حاط يدينه على رااسه : آآي وجّعتيني !! ساره بدلع وهي مستحيه : كـ . . كذّاب ضربي ما يعوّر سعيد يمثّل : آآح سااره فييه دم !! فتحت ساره الغطاا بسرعه وقالت بفضول : اشووف ؟ ما قدر يمسك ضحكته وفطس ضحك على شكلها وهي خـايفه عليه ههههههههههه ! تفـَخت خدودها بدلع وهي موت مستحيه ورجعت غطت نفسها ! قرّب من الحافه وهمس بأذنها وقال برومانسيه : افاا ليش مستحيه ؟ قالت بحياا وهي شوي وتصييح : قلت لك بنام , خلاص جسمي يعوّرني !! بوّز وحط يدينه عند بطنها وانسدح جنبها وقال : طيّب توك قلتي اسوّي اللي ابغااهـ وش غير راايك ؟ ساره بعصبيه وهي تحاول تبعّد يدينه : افففف لأنك ملييق وما تصدق خببر . . استغفر الله اتركني بنام سعيد خاق : بس بوسه ؟ ساره بحيا : لـ . . لا بنام ! سعيد : طيّب بس نظـره ؟ ساره بحياا : افف خلاص سكرت عيووني وبنام . . ابتسم بخبث وفجأه سحب الغطاا من الجهه الثانيه ودخـل من تحته وجلس يدغدغها بسرعه وقال بصوت شرير : بس انا ما نمّت ها ها ها فزّت بخووف وقالت وهي تضحك : لا لا لا تكفى لا , خلني انام والله تعباانه ناظر بعيونها وهو يبعّد عنها الغطـا , وكان نايم فوقها . . وضاع الحكـي وجلس يناظرها بهدووء ! استحت حييل وهي تشووفه جالسه عليها ويناظرها بهالشكـل . . حسّت بشي غريب , حسّت انها تحبه !! همس بهدووء وهو يقطع صمت النظرات وقال : قوليها مرّه ثانيه . . ساره بحيا وهي تناظره وترمش : و . . وشهي ؟ سعيد بابتسامه حلوهـ : انك تحبيني . . . انقلب وجه ساره احمـر وبعّدت نظراتها عنّه وقالت بصوت واطـي : يعني تستغل ضعفي ؟ ضحك بخفّه وقال : طبعا لا . . بس بصووتك تطلع الكلمه غيير . . ناظرته بعيون ناعسه وهي مستحيه وقالت : اذا قلتها تتركني انام بسلام ؟ ابتسم بخقّه وقال : مع اني ما اقدر استحمل . . بس اوعدك بالكرت الاخضـر ! عضّت شفاتها باسنانها وناظرت فيه وتأملته بهدووء وفجأه طاحت دموعها اول ما تذكـرت سالفه الكروت والخرابيط . . اختفت ابتسامته اول ما شاف دموعها وقال بحنان : ليش تبكـين ياقلبي , خلاص امزح معاك لا تقولينها الحـين ادري انك تعبانه . . حطت يدينها على وجهها وجلست تمسح دموعها بشويش وقالت وهي تشاهق بخفيف : مـ . . ماني تعباانه . . بس ابغاك تضمّني ! سعيد بحنان : بس كـذا ؟ هزّت راسها بطفوله وقالت : اي . . ابتسم بهدووء وقام عنها وانسدح جنبها وحط يدينه عليها وضمّها بهدووء . . وهي دفنت راسها وتبكـي بشوويش كأنها بيبي . . همست له فجأهـ : احبك . . ابتسم وهمس لها بنفس صوتها الطفوولي : سويره ! ردت بابتسامه : هممم ؟ همس لها وهو يضمّها اكـثر : وانا احبـك بعد . . بوّزت بهدووء وطلّعت راسها من صدره وناظرته وقالت بدلع : لا تقول لي سوويره . . اصغر عيالك انا ؟! حاول يمسك ضحكته بس ما قدر " هالبنت مدري وش فيها كـل شوي مزااج وطريقه غيير ! " . . وحط اصبعه على خشمها , وسحبه برقّه وقال بهمس : واحلى سويره كماان بوّزت وقالت : قلت لك لا تقول سويرهـ ! اجل انت سعييّود رفع حاجبه وفتح ضمّته وقال وهو يناظرها بتحدي : لا يا شيييخه . . اجل انا رجال طول وعرض تقولين لي سعييود !! ناظرته بتـحدي وقالت بطفووله : وانا وش ناقصني دام انك طول وعرض ! ابتسم بوسط تحديه وقال : امممم ناقصك شويه طوول ! بوّزت بعصبيه وعطته ظهرها وقالت بدلع وهي مستحيه : وانت وش فايدتك متزوجني ! سعيد وهو يعطيها ظهره : ههههههه يا شييخه قالوا لك سعيد للمـساج المغربي ؟ ساره وهي تتكتّف : وش دخـّل المسااج المغربي بالطوول ؟ سعيد : خخخـ لانك جاهله ما عرفتي ساره : احسن منك ! سعيد يضحك : ههههههه نامي نامي يالتعباانه . . ساره وهي تتغطى بعصبيّه : انا اورييك . . اجـل انا انام هاااهـ !!! خقّ على تهديدها وما قدر يمسك نفسه ولفّ عليها وقال بهمس :خلاص لا تنامين ! ساره مسويه زعلانه : لا والله ! مو تو تقول لي انام ؟ سعيد بصوت رومانسي : ابيك ! ساره بحياا : توّك معطيني بطاقه اماان !! سعيد وهو يقرّب منها : خلاص اخذتها , يالله افتحي الغطاا . . تأففت بحياا وشدّت على غطااها بقوّه وقالت بدلع مو صااحـي : والله انتوا الرجـال ما منكم امـاان . . . ~ قالت هالجمله ومن بعدها ذآآب الرجـال . . وظل يترجاها تفتح الغطـا يسوّي لطييف خـخخخـ , هالمرّه ما يبغى يخرّب المزاج هع ! صح انه اخـذ اللي يبيه ذيك الليله , بس من بعد ما طلّعت رووحه هالسوويرهـ . . يمكن نص ساعه متغطيه ! ونص ساعه بالحمام متقرفه . . ونص ساعه تبكـي بدلع . . ! مو عاارف كيف يسيطر على هالبزر . . بس وش يسـوي اذا ربي بلاهـ بحبها وعشقها اللي مو راضي ينرفض من قلبه . . . . . . وهذي نهايه رواايتي . . . كل واحد بهالحيـاه يمشي على طريق يكون هو شايف نهايته بس مو عارف كيف يوصل لهاا ! مو حـابه اطوّل بهالطـريق . . مواقف حلوه صاارت مع الابطـال ككـل . . حبيتوهم , وعشتواا معاهم , بس لو بكمّل ماراح تخلّص هالرواايه للابد لأني مثلكم اعشقهم مووت =) مستقبل كـل واحد منهم بيدهـ . . الباقي معرووف وواضح بس ابغى اكتبه كـ لمسه ختاميّه . . سويرهـ / عشقت هالرجـال وعاشت معاه قصّه حب خوورافيه . . دايم تلقااهم هواش بعد ما تفاهموا بموضوعهم الاسااسي . . صارت شريره ههههه دايم تتحكم فيه بمجرّد نظره او ابتساامه او همسه دلووعه منها . . بالنهاايه هي لازم تتعوّد عليه لـآنه زوجها , وابشركم دمعتها صارت ما تنزل بعد هاليوم =) سعيد / آآهـ يهالسعيد المسكيين . . طول الرواايه وهو مستحمل وشايل فوق ظهره بلااوي , ويحمد ربّه انه ظهره ما انكـسر لين ما وصّل للنهايه هع . . بس لا تخافون عليه , طلّع حرّة الايام اللي فاتت كلها بسويره . . كل يوم تعذيب هههههه . . بس مسكين مـاله طريقه يعبّر عن حبه غير هالعيون اللي تاخذ العقل , هنيالك سويره يالقمييل =) العنود / ظلت على طيبتها وقلبها الصاافي لنهايه المطاف . . بس اكـيد بحياتها راح تصادف رجـال يمتلك هالقلب له , ويحفظه وما يضيّعه < اوصييك لا تصيرين زي ساره وانا اختك ههههههه . . هاجـر / حبيبة الملااييين . . هبالتها تزوود مع كل دقيقه مثل ما عرفتووها , يا حظ صقر بس ! صقر / آآهـ يا بعد تسسبدي , الله يصبرك لين ما تتخرج هالمهبووله وتتزوّجوون . . هيفا / آآهـ يا هيفاا انصحك لا تضيعين جمال قلبك او تسلمينه لـأحد . . نادر ما نلقى جمال دااخلي بهالشكـل =) ورد / ههههههههه لا تعليق ! بترك مستقبلها لكم , بس اتحدى لو ما فقدتووها هالصعنوونه هع هع , وابشركم مسنتره عند سعيد وساره كـل يوم لوول . . ! نهى / ربي يحبك يا حلوهـ , جعلهم ما يبكوونك =) وليد / زي زوجته هع هع , بس المسكين ودّهـ يتزوّج بنت صغيره هههههه مشتهي اخت ساره بس وين بيلقاها هع هع , حلم ابلييس بالجنه ! تاله / يمكن ربي يهديها بعـد ما اخذت هالدرس الاخير , بس شي اكـيد انها بتبعّد عن حياه ساره وسعيد للابد وتتركهم يتهنوون =) نايف / ساره تحبك هههه , يسعد هالصبي يا ناس هع هع . . امـا انا . . ضاع الحكـي وما اقدر اقوول شي غير شكـرا لكـل من تابعني وشاركني رواايتي واسعدني بردهـ وتواجده وحضووره , ومبارك عليكم الشهر ويجعل رمضانكم كلّه فرح وسعادهـ =) الله يهنيكم دنيا وآآخـرهـ ’ النهايــه , | ||||
|
| |
|
15-01-13, 12:50 PM
| #35 | |||||
| نجم روايتي ومشرفة سابقةومصممه
| "
| |||||
|
| |
|
| أدوات الموضوع | |
| انواع عرض الموضوع | |
|
|
2Likes
.png)
العرض العادي
