30-01-13, 08:32 PM | #1 | ||||
نجم روايتي وقاصة في قسم قصص من وحي الأعضاء
| زى العنب زى العنب .............. مافيش اجمل من بعد يوم متعب وحر جدا بأنك تجيب طبق عنب مغسول غسلة نضيفة وتختلى بيه وتقعد تاكل فيه جنب نسمات باردة من الشباك اللى جنبك وهى بتهفهف عليك وتلاقى بطنك فرحانة مزأططة بتزغرطلك..بما حصلت عليه من نعنشة وترطيب...مافيش احسن من كده اهى كل حاجة فى الدنيا بشوفها زى الموقف اللى فات ده (انت والعنب) مع ان ممكن تلاقى الطبق مش كافى بس هو ده نصيبك مش مهم ولازم ترضى بيه سواء كان قليل او كتير مش جايز كان كتره يضرك ..كل حاجة فى الدنيا عاملة بالظبط زى العنب الحب عنب...السهر عنب...التفكيروالدراسة والشغل عنب...وقت الراحة عنب...حتى الجلوس امام الكمبيوتر او شاشة التلفزيون و على القهاوى والزيارات العائلية بين الاهالى والاقارب ...عنب ....والسياسة والدين والمكوث فى المساجد عنب ...كل شئ فى الوجود اصبح فى نظرى مثل العنب...حتى اكاد ارى الاشخاص انفسهم مثل عنقود العنب العنب ماهو الا نوع من انواع الفاكهة الجميلة التى خلقها الله عز وجل لنا كى تستفاد منها اجسامنا على طبيعتها وفطرتها التى خلقت عليها...حتى يوجد به مضادات للاكسدة المفيدة لجسمك ..فنأتى به من الاسواق ونقوم بتنظيفه والاستمتاع ....بمذاقه ونحمد الله على نعمه العنب مش بس نصيبك فى الدنيا وازاى تستفاد منه صح ...وتبقى حياتك كلها عنب لأ انك كمان متحولهوش وتغير من صفاته وخصايصه وتحوله الى مركب يذهب العقل والضمير (الخمر) ودنيتك تتحول كأنها بار كبير وممكن توصل لحد الادمان ...وكله باختيارك ...هتختار تسهر تقرا كتاب مفيد او تفكر او تعبد ربنا ولا تختار المعصية...هتختار تحب لما الحب يجى فى اوانه وحب حلال ولا حب تعيش معاه سكران هتختارتقعد على الكمبيوتر والتلفزيون تتفرج على المفيد ولا اللى يذهب عقلك..هتختار تقعد على القهوة ترفه عن نفسك فى رضا ربنا وتتكلم فى المفيد ولا تبص على اللى رايحة واللى جاية...هتختار تزور قرايبك علشان الود والتراحم ولا النميمة وتجيب فى سيرة الناس ...هتختار ايه ؟ الحقيقة بقى لانى اعشق الحرية المطلقة واكره التشدد الى اقصى الحدود فأرى... نوع وطريقة الاسلوب السابق ذكرها من كمية الاختيارات ...ها هتختار ايه ؟ هتختار ده ولا ده ها ..ها... الصراحة اسلوب مستفز وبارد وعن نفسى بضايق منه ودايما لو فى فعلا شخص يوجه لى الكلام بالطريقة دى يكون الرد ( وانت مالك ؟ ) هختار ايه... ده ايه البرود ده ؟ وانت مالك ؟ وحتى ان كانت فى قرارة نفسى ومقولتهاش كده علانية ويعتمد ايضا على ادب وتربية الشخص نفسه او من يوجه اليه الاسئلة لان من المحتمل ادخال (الاهل) فى الموضوع ويتحول الى وانت مال .......؟ ولكن ما اود ان اؤكد عليه بأنه ليس اجبار ولا حتى نصيحة وان كانت حتى من بعيد ولكن فلنعتبرها فكرة ...فكرة تفكر فيها وتختار تعيشها ازاى يعنى م الاخر هتختار تآكل العنب ؟ ولا تشربه ؟ هتختار تكون صاحى ؟ ولا سكران ؟ | ||||
31-01-13, 01:59 PM | #2 | |||||||
نجم روايتي
| عزيزتي نبض القصه جميله وتحمل معاني كثيره ومفيده خاصتاااااا وانتي تختارين احب الاشياء الى قلبي وهو العنب لتوصلي عن طريقه فكرتك موضوعك وانتي تقلوين انها فكره وهذا هو الانسب لان احيانا يوجد من الناس من لا يتقبل النصيحه ويقول وانت مالك؟؟ تسلم ايدك القصه هادفه و توصل الي كان بدك يوصل باسهل الطرق واكثرها قربااااا الى القلب والف شكرررررررر لكي | |||||||
18-02-13, 12:54 AM | #3 | |||||||
نجم روايتي وكاتبةوقاصةوعضو الموسوعة الماسية لقصص من وحي الأعضاء وحكواتي روايتي و شاعرة متألقة ونشيطة في المنتدى الأدبيومدققة بقسم قصر الكتابة الخيالية
| فكرة هامة جدا و أسلوب عرض مميز استخدام ملائم للمثال و استغلاله بشكل مدهش لكن العامية لم تكن موفقة من وجهة نظري يعطيك العافية....................... | |||||||
19-02-13, 01:03 AM | #4 | ||||||||||
نجم روايتي
| تشبيه جميل نبض وموفق جدا .. فكل ما بالحياه قد يكون ذا نفعا او ضررا والاختيار رهنا بنا .. ولكن لن يكون الاختيار موفقا طوال الطريق .. فدائما هناك صراع .. فقد تحكمنا احيانا اهوائنا .. او تامرنا بالسوء انفسنا .. او يوسوس لنا شيطاننا .. فما لنا الا الدعاء وطلب الهدايه والتوفيق من الله. تسلمى نبض على المقال. | ||||||||||
22-03-13, 11:45 PM | #5 | |||||
نجم روايتي وقاصة في قسم قصص من وحي الأعضاء
| اقتباس:
شكرا ayatdima لمرورك وذوقك اسعدنى ان العنب من الفاكهة المميزة والمحببة اليكى لاتحرمينى من تعليقاتك شكرا لكى | |||||
24-03-13, 01:04 AM | #7 | |||||
نجم روايتي وقاصة في قسم قصص من وحي الأعضاء
| اقتباس:
الله يعافيكى ساندى شكرا لوجودك ورأيك على كلماتى البسيطة كونى دائما بالقرب | |||||
24-03-13, 01:08 AM | #8 | |||||
نجم روايتي وقاصة في قسم قصص من وحي الأعضاء
| اقتباس:
تسلمى اميرة فعلا فالاختيار فى النهاية يعود لنا شكرا لوجودك وذوقك اميرة متشكرة جدا | |||||
أدوات الموضوع | |
انواع عرض الموضوع | |
|
|