تحلا الحياة بقربك يا سيد الاحساس / للكاتبة Remee ، مكتملة

[لامارا]

(الجزء العاشر)

بعد يومين في بيت ابو سعود عبير طولت بالرد على ابوها وخاف انه ضغط عليها وهو كل شي ولا بنته وراحتهااااا..
قال لام سعود تناديها له علشان يشوف وش عندها ويعلمها انه مافيها شي حتى لو رفضت لان الزواج قسمه ونصيب وانه ماراح يضر العلاقه بينهم وبين
بيت ابو عبدالعزيز وعياله نزلت عبير لابوها وحبت راسه وجلست جنبه...
ابو سعود/ هلا والله في بنتي ماعاد نشوفك العصر.
عبير مبتسمه/ دوامات يالغالي واذا جيت نمت لي شوي واذا صحيت تصير انت طالع.
ابو سعود/ الله يعينكم بس مارديتي علي بموضوع نايف علشان ارد على الجماعه وتاكدي ان وافقتي ولارفضتي ماراح يغير شي بعلاقتنا فيهم ان شاء الله.
عبير في عينها دمعه لكلام ابوها اللي يطيب الخاطر بس تدري انه يقول هالكلام علشان لايضغط عليها ويريحها ولا هي تدري بقدر ابو عبدالعزيز وعياله عنده
وهي بعد ارتاحت لهم ماتنكر هذا الشي بس خايفه من التجربه...
عبير/ انا موافقه يالغالي بس عندي طلبين.
ابو سعود مبسوط لموافقة بنته/ اللي تبينه يصير وانا ابوك.
عبيرشافت الفرحه بعيون ابوها / ابي الملكه بنفس يوم الزواج متى ماتبون والزواج يكون عائلي في البيت.
ابو سعود ماحب كلمة متى ماتبون / يابنتي اذا انت موافقه علشاني وعلشان امك ماارضها لا لك ولا لنايف واذا عن رضى وقناعه منك الزواج متى ماتبين انت.
عبير نزلت راسها من كلام ابوها لان 50% علشانهم والنص الثاني بعد ما صلت استخاره..
رفعت راسها وردت على ابوها علشان تكمل فرحته /انت تدري كم رفضت قبله ولا وافقت هالمره الا عن قناعه.
ابو سعود ابتسم لبنته/ الله يكملك بعقلك ويوفقك صدقيني انه رجال من اطيب الرجال ولاراح تندمين ان شاء الله.
عبيرمبتسمه/ تربيتك يالغالي تامر على شي بشوف امي وش عندها.
ابو سعود/ مايامر عليك عدو سلامتك.
طلعت عبير وكلم ابو سعود ولده سعود يبشره بالخبر وبعده كلم ابو عبدالعزيز وانبسط بالموافقه ونقل ابو سعود طلب عبير علشان يوصله لنايف اذا ماعنده
مانع قفل ابو عبدالعزيز وقال لعياله ع الموافقه ولا قدر يصبر لحد مايوصل نايف من البر لانهم بالطريق راجعين..
نايف/ هلا ابوي.
ابو عبدالعزيز مستعجل/ هلا فيك عندي لك بشاره .
نايف/ بشر يالغالي.
ابو عبدالعزيز/ ابو سعود كلمني يبشرني ان بنته وافقت.
نايف شق الابتسامه/ بشروك بالجنه انت وياه.
ابو عبدالعزيز/ماطول عليك اخليك مابي اشغلك وانت تسوق واذا جيت ان شاء الله علمتك بعلومه.
نايف يلف راسه لوليد/ لا ماعليك مشغلين النسيب يسوق وش شغله حتى سيارته موفرها.
ابو عبدالعزيز ابتسم/ مايقصر ابو خالد.
نايف/ ههههههه لو يقصر سحبت اختي من بيته.
وليد رفع حاجب وابتسم على جنب/ اذا صار على كيفك .
ابو عبدالعزيز/ سلم على وليد وانت سالم.
نايف/ يوصل الله يسلمك .
قفل نايف من ابوه وهو مبتسم وغير جلسته وصار ظهره على باب السياره / يسلم عليك الوالد.
وليد عطى نايف نظره وبعدين شاف طريقه/ الله يسلمه ماشاء الله اشوف الاخو مبسوط.
نايف/ الحمدلله ابو سعود رد على ابوي بالموافقه.
وليد انبسط لنايف/ تستاهل كل خير ابو فهد.
نايف/ تستاهل الطيب.
قي قصر الجد انتشر خبر موافقة عبير على نايف وانبسطوا له وبعد المغرب الكل راح لبيته دخل نايف البيت وكان فيه ابوه وامه ونوره والعنود وغاده...
سلم نايف على الكل وباركوا له وقال للعنود ان وليد بالمجلس وراحت له ...
قربت العنود بتسلم عليه /هلا الحمدلله على السلامه.
وليد عطاها بوسه على السريع/ الله يسلمك اخباركم؟؟
ابتسمت العنود/ مشتاقين شكلك تعبان؟؟
وليد مبتسم/ تشتاق لك العافيه حياتي لا بس ارهاق بسلم على اهلك ونمشي للبيت.
العنود/ان شاء الله بروح اقول لروز تنزل الاغراض .
بطلعه العنود من المجلس دخل ابوها وامها بيسلمون على وليد وجت الجوري تركض لحضن ابوها...
ابو عبدالعزيز/ القهوه وانا ابوك.
وليد / اسمح لي عمي خيرها بغيرها .
ام عبدالعزيز/ ياكافي العشاء جاهز.
وليد/ ان شاء الله مره ثانيه خالتي طريق وتعب .
ابو عبدالعزيز/ والله ودنا تتعشون معنا بس على راحتكم.
وليد/ ماقصرتوا الله يسلمكم يله نشوفكم على خير.
ام عبدالعزيز/ الله يحفظكم.
طلع وليد مع بنته للسياره وجلس ينتظر العنود تطلع له وبعد وصولهم للبيت..
وليد/ حياتي باخذ لي دش صلحي لنا شي سريع.
العنود/ من عيوني .
وليد/ فديت العيون وراعيتها.
العنود قالت لروز تطلع فوق تسبح الجوري قبل لاتنام..
الجوري/ ماما ابي العب اول.
العنود/ لا ماما اول شي ناخذ دش مثل بابا.
الجوري انبسطت انها بتكون مثل ابوها وطلعت تاخذ دش..
العنود دخلت المطبخ تجهز شي سريع لهم وبعد عشر دقايق دخل وليد بدون لاتحس وضمها من ورى وحط راسه على كتفها / ماخلصتي؟؟
العنود طقت راس وليد براسها على خفيف/ ثواني بس حياتي .
وليد وهو يلمس بطن العنود/يسلم قلبه وقلب امه لايكون متعبك؟؟
العنود ابتسمت/ تعبه راحه بس شغال ترجيف.
وليد / هههههه مستعجل على رزقه مدري من طالع عليه.
العنود وهي تحط الاكل على الطاوله / مدري من ابوه؟
وليد جلس على الكرسي ورفع حواجبه/ ليش مااعجبك ابوه؟؟
العنود قبل لاتجلس طبعت احلى بوسه على خده/ اذا تشك بغلاك اكون مقصره .
وليد ابتسم/ خلينا نتعشى اول وبعدين اشوف غلا ابوه عندك.
تعشى وليد والعنود معه وبعد ماخلصوا نزلت الجوري وجابت لها العنود شي تاكله وطلعوا فوق العنود راحت تاخذ لها دش سريع والجوري مع ابوها بالسرير
تسولف عليه وش سوت عند جدها مع البنات طلعت العنود ولبست لها قميص قصه صدر ابرز بطنها وصارت كيوت جففت شعرها وتعطرت...
وليد يغمز لها / خفي علينا السماء فيها غيوم.
العنود /هههههه بيجيب الله مطر .
الجوري/ الله ماما بيجينا مطر.
العنود مبتسمه/ اذا دعينا ربي يجينا مطر كثيرررر.
الجوري/ يااارب يجينا مطر علشان نلعب انا وغلا وفرح ورغد ونوف.
وليد ابتسم/ وانت جايه طفي النور لعل وعسى.
قامت العنود بعد ماحطت لها لوشن وطفت النور وباقي نور الابجوره وانضمت لهم في السرير..
العنود/ يله ماما اقولك قصه علشان ننام.
الجوري/ لا ابي بابا يقول لي قصه.
وليد/ ياليل بابا اللي شكله ماراح يخلص.
العنود/ههههههه حرام عليك تبيك انت تقولها قصه.
وليد الف لها قصه جديده والعنود تساعده والجوري من الفرحه تتحرك كثير شوي الا رجلها في بطن امها.
وليد / ياماما شوي شوي دخلي رجولك.
الجوري دخلت رجولها ودخلت راسها في صدر امها شوي وهي نايمه ..
وليد/ نامت؟؟
العنود/ من دخلت راسها وانا عارفه انها زعلانه وبتنام.
وليد/ بنتك حساسه وانت لو تطب عليك الظاهر ماقلت شي.
العنود/ الله يعين هذا والثاني مابعد شرف .
وليد/ اقوم احطها في سريرها ولا شوي.
العنود/ لا شوى علشان ما تصحى .
دقايق واخذ وليد بنته وراح يحطها في سريرها وعطاها بوسه قبل لايطلع ورجع للعنود وبما انهم صرفوا بنتهم اكيد راح تتصرفون انتم بعد ههههههههههه...

بعد يومين عند عصافير الحب ريم اليوم من كانوا بالشلالات وهي تحس الم في بطنها لان امس شرفت الحلوه مثل ماتسميها فرح رجعوا للفندق لان التخطيط
يريحون شوي ويبدلون ملابسهم وينزلون يتعشون بس خالد لاحظها وغير رايه في العشاء وقال لريم انهم راح يطلبون وراحت تبدل ملابسها وبعد ماطلعت
جلست جنبه ورفع يده وضم اكتافها له..
خالد/ دلوعتي اليوم مو اللي اعرفها.
ريم / لاحياتي عادي حبة مسكن تفي بالغرض.
خالد/ ههههه متعوب عليها تفي بالغرض اخذتي طيب.
ريم ابتسمت/ لا نسيت الحين اروح اخذ.
خالد/ خليك انا رايح ابدل واجيبه معي.
ريم مبتسمه/ بس اطلب عشاء قبل لاتروح تبدل.
خالد عطاها بوسه / من عيوني .
بعد ماطلب خالد راح يبدل ملابسه قبل لايجي العشاء..
خالد من الغرفه/ حياتي المسكن وين ؟؟
ريم/ في شنطتي على كرسي التسريحه.
اخذ خالد شنطتها بيطلعه وشاف شي ثاني عرف تعبها ليش طلع المسكن معاه ومده لريم..
ريم/ يسلموو قلبووو وفكت الحبه علشان تاكلها.
خالد مسك يدها وابتسم/ استني بعد العشاء .
ريم ابتسمت/ لا عادي متعوده.
خالد /ههههه حلوه متعوده مايصلح وانت مابعد اكلتي.
ريم وهي منحرجه وبتمهد له الموضوع على بالها ما يدري/ تذكر لما قلت لي مره سمعت فرح ونوف يقولون ان الحلوه اذا شرفت اتعب ثاني يوم.
خالد ابتسم لانها منحرجه وهي تقول له/ عليكم مصطلحات علشان كذا ماجاوبتيني وانا صرفت الموضوع حسيت مالي داعي.
ريم/ بصراحه ماكنت ادري وشلون اجاوبك.
خالد / طيب اليوم قلت لك نبدل وننزل نتعشى وماقلت مااقدر. ليش؟؟ كذا ولا كذا راح اعرف.
ريم انحرجت من تعليقه وقالت/ لا ني عادي مو تعبانه وكنت اقدر انزل .
قطع عليهم حوارهم الجرس معلن وصول العشاء وريم جد مستغربه من نفسها دايم ثاني يوم اذا جتها تتعب وكل اليوم في السرير واليوم بس مغص خفيف...
نتركهم يتعشون وياخذون راحتهم وبعدين نرجع لهم...

قي قصر الجد طبعا ابو عبدالعزيز نقل كلام ابو سعود لنايف عن طلبات بنته ان الملكه والزواج في يوم واحد ويكون عائلي في البيت ونايف ماعارض طلباتها
لانه مقدر ظروفها بس قال لابوه يكلم ابو سعود ويقوله اذا جينا نخطب ابي اشوفها شوفه شرعيه وهو شايفها بس يبي يملى عينه منها بالحلال..
اليوم ابو عبدالعزيز وعياله بيرحون لبيت ابو سعود يخطبون رسمي كشخ المعرس ونزل لهم وام عبدالعزيز كانت موصيه غاده تجيب المدخنه من المطبخ
الكل مبسوط في هالمناسبه جت غاده واخذ منها نايف المدخنه وبعد ماتبخر حب راس امه / دعواتك يالغاليه.
ام عبدالعزيز/ الله يوفقك ويسهل امرك.
طلعوا لبيت ابو سعود ورحب فيهم وهو مبسوط لبنته ..
ابو سعود/ حي الله من جانا وهذي الساعه المباركه.
ابو عبدالعزيز/ الله يحيك ويبقيك علينا ابرك ياابو سعود.
وبعد ماتكلموا بالموضوع ابو سعود طلب من ولده عبدالله يروح يقول لاخته تجي في المجلس الثاني علشان يشوفها نايف..
ابو سعود ونايف طلعوا للمجلس ينتظرونهم وعبير ارتبكت من شافت عبدالله اخوها لانها تدري انها راح تدخل معه للمجلس ودخلت بعد مادخل عبدالله ..
نايف من شافها وهو واقف عبير بصوت واطي سلمت وعينها بالارض وردو السلام ..
نايف / اخبارك عبير؟
عبير مستحيه/ الحمدلله .
ابو سعود سوى في نايف معروف لانه كان جالس جنبه وهي جالسه قبالهم عند اخوها عبدالله /عبير.
عبير رفعت عينها لابوها/ سم.
ابو سعود/ ارفعي راسك وانا ابوك.
عبير لما رفعت راسها صارت عينها بعين نايف لانه كان جنب ابوها ومركز عليها رجعت نزلت راسها وطاح شعرها على وجهها جلست شوي وبعدين استئذنت.
وبعد الاتفاق على كل شي طلع ابو عبدالعزيز وعياله ودخل ابو سعود وعبدالله عند اهلهم وباركوا لعبير والكل مبسوط لها..
وبعد نص ساعه كلم سعود والجوهره يباركون للاهل ولعبير ...
الجوهره/ هلا عبوره مبروك حياتي والله يوفقكم.
عبير ابتسمت لطيب هالانسانه/ الله يبارك في عمرك.
الجوهره مبسوطه/ ان شاء الله ماتندمين بيوم على هالقرار.
عبير/ اذا انت اخته مافي شك ان شاء الله.
الجوهره/ الله يسعد قلبك تستاهلين كل خير انت وياه .
عبير / الله يسلمك يارب.
الجوهره/ مااطول عليك بس حبيت ابارك لك.
عبير مبتسمه/ تسلمين ماقصرتي .
الجوهره/ مع السلامه.
عبير/ الله معك.

في بيت ابو عبدالعزيز دخلوا العيال علشان يباركون لامهم ويسلمون عليها وبعد ماطلعوا كلمت الجوهره اهلها علشان تبارك لهم ولنايف..
الجوهره/ هلا بالمعرس العروسه تسلم عليك كلمتها قبل شوي ابارك لها.
نايف مبتسم/ هلا بك اكثر اذا انت مكلمتها انا قبل شوي طالع من عندها.
الجوهره/ ههههههه اجل الشوفه احسن .
نايف/ شي اكيد.
الجوهره/ وش رايك فيها؟؟
نايف ابتسم لانه تذكر شكل عبيرلما رفعت راسها لابوها/ شهادتي فيها مجروحه اختي اعذريني.
الجوهره مبتسمه/ الله يوفقكم ماتدري شكثر انا وسعود مبسوطين لكم.
نايف/ الله يسلمكم ادري مايحتاج تقولين.
الجوهره/ يله سلم على الاهل وانت سالم.
نايف/ يوصل سلامك الله معك.
قفل من اخته وجلس شوي مع اهله وطلع قبل العشاء يبدل ملابسه وقال لغاده تجي معه..
على الدرج نايف مبتسم/ غدو ماراح تكلمينها تباركين لها.
غاده ابتسمت/الا بكلمها ان شاء الله بس مو اليوم.
نايف / علشاني اليوم والله مااطلع صوت بس بحط اذني عند السماعه بسمع صوتها.
غاده/ههههههههه خالي والله مستحيه اكلمها اليوم.
نايف/ يعني مافي امل.
غاده مبتسمه لخالها/ لا فيه ان شاء الله بس يوم ثاني ووعد اكلمها عندك.

بعد اسبوع مافي جديد غير ان غاده كلمت تبارك لعبير بوجود خالها نايف عندها وانبسط بسماع صوتها وتحدد الزواج بعد عيد الاضحى ..
وخالد وريم باقي لهم ايام وراجعين...
اليوم الكل يستعد لطلعه المزرعه وعلى الساعه 4 العصر كلهم متواجدين والجو كان روعه وانبسطوا لانه تغير جو وكسر للروتين على الساعه1 الكل نايم.
الصباح صحوا بدري وافطروا وطلعوا البنات يتمشون وفيه ناس اخذوا قيلوله بعد العصر الجده برا ومبسوطه والتوصيات شغاله بتجهيز القهوه والشاهي
الكل طلع برا شوي ويجيهم مشاري على دباب وغلا على دباب ثاني فرح من شافت مشاري وهي تناديه تبي تاخذه منه ...
فرح/ مشاري تعال بس شوى ماراح اطول.
مشاري/ لاجدي يقول بعد المغرب طلع الدبابات للبنات ماقال الحين.
فرح/ ياسمجك بس دوره وارجعه لك.
مشاري/ لا الحين فيه عمال بعد المغرب خذي راحتك.
مشاري ابعد بالدباب عن اهله علشان يفحط ولا يغبر عليهم ..
فرح عصبت على مشاري/ اووووه مع انه هادي بس عليه حركات تقهر.
غاده مبتسمه وتناظر فرح/ اهنيه بصراحه لايمكن يكسر كلام جدي.
فرح تناظرها على جنب/ وانت مبسوطه انه ماعطاني الدباب لانك ماتحسين بالمتعه اللي انا احسها.
نوف مبتسمه/ وانت بعد مافيه صبر قالك جدي يقول بعد المغرب.
رغد/ ولايهمك فروحه انا اول من يتسابق معك.
فرح ترمي بوسه على رغد/ يااااسلام عليك تعجبيني.
غاده ابتسمت لانها تدري وش رده فعل فرح/ وانا بركب بس بدون سباق.
فرح/ لانك جبانه.
بعد المغرب مشاري جاب الدبابات للبنات وكل وحده ركبت دباب شوي وبدء السباق وكان السباق الاول بين فرح ورغد والحكم غاده تعطيهم التعليمات
ومشاري مساعد الحكم بيروح يراقبهم لحد مايوصلون للمكان المحدد ويرجعون...
غاده/ اسمعوا اللي تغش تكون الثانيه هي الفايزه.
رغد وفرح متحمسين/ طيب.
غاده / ماتمشون لحد مااقول 3 واشر لكم بالعلم.
فرح بمزح/ اخلصي علينا مصدقه انك حكم.
غاده ابتسمت/ من زينكم بعيشكم جو المسابقه وانت مستعجله.
رغد/هههههه ماعليك منها كملي.
غاده/ خلاص يله استعدوا للانطلاق ببدء العد.
فرح ورغد/ جاهزين.
غاده تعد/ 1-2-3.
انطلقوا والكل متحمس ويشجع ومشاري كان معاهم يراقبهم بس في الرجعه صار حادث خطير لدرجة ان البنات غمضوا عيونهم عن المنظر لانها طاحت من
الدباب وانقلب وضرب بجنبها اليسار نزل مشاري من دبابه ورفع الدباب عنها اما البنات للحين مو مصدقين اللي صار بس بعد مارفع مشاري الدباب عنها
ركضوا لها كانت ماسكه يدها اليسار باليمين وتتالم وخشمها يصب دم ورجلها فيها اصابه ...

هنا ينتهي هذا الجزء على امل اللقاء ..
بس السؤال من اللي كان في الدباب فرح ولا رغد؟؟وش راح يصير لها؟؟

[لامارا]

(الجزء الحادي عشر)

بعد مارفع مشاري الدباب عنها ركضوا البنات لها وكانت ماسكه يدها وتتالم وجهها اغلبه دم لان خشمها ينزف ..
مشاري وهو يمسح الدم عن وجهها بمنديل كان معه / فرح صار لك شي.
فرح وهي تتألم/ يدي مشاري تعورني بقوه.
البنات وصلوا وغاده شوي وتبكي جلست عند راس فرح/ طيب تقدرين تقومين.
رغد عقدت حواجبها / لازم تروح للمستشفى شوفوا كيف يدها انتفخت.
نوف وهي خايفه على اختها/ يله فرح قومي تكفين نروح عندهم علشان تكلم امي ابوي تقوله ويوديك للمستشفى.
ساعدوها البنات علشان تقوم قامت بس حست الدنيا تدور فيها وحسوا البنات انها ثقيله لانه اغمي عليها..
مشاري/ ماراح تقدر تمشي ركبوها معي اوصلها.
نوف/ صح مشاري مشوار عليها وهي دايخه.
غاده/ طيب اركب بسرعه.
ركب مشاري دبابه وركبوافرح معه ومشى بهدوء والبنات ماسكينها لحد ماوصلوا للمزرعه ودخلها عند الحريم وخافوا كلهم عليها..
ام فهد/ مشاري وش فيها اختك؟؟
مشاري/ طاحت من الدباب .
ام عبدالعزيز/ نوف هاتي ثلج علشان يوقف الدم.
ام فهد/ مشاري روح علم ابوك علشان تروح معه خالتي شوفي يدها وشلون انتفخت .
ام عبدالعزيز/ ماعليها شر ان شاء الله.
مشاري/ مافيه احد من الرجال كلهم طلعوا الا فيصل .
ام محمد/ انا اكلمه وروحي معه انت ومشاري ولاتكلمون ابو فهد .
ام عبدالعزيز/ ام محمد صادقه واذا رجعوا قلت له.
ام فهد/ امي نوف جيبي عباية اختك.
نوف/ ان شاء الله.
ام تركي/ حطي الثلج علشان الدم يوقف.
رغد تاخذ الثلج من نوف/ انا احطه خالتي .
كلمت ام محمد فيصل وقالت له اللي صار..
فيصل/ افااااا سلامات عسى ماصار لها شي.
ام محمد/ لا ان شاء الله بس يدها انتفخت شوي.
فيصل/ يله انا جاي خليهم يطلعون.
ام فيصل قالت لام فهد ولبست عبايتها ومشاري راح بدل ملابسه بسرعه مغبره بعد الدبابات ونوف لبست فرح عبايتها وجت تساعدها علشان تقوم بس داخت
وجلسوها شوي وحست انها تبي ترجع (وانتم بكرامه) وقالت لهم وبعد ماخلصت طلعت مع امها ومشاري كانوا ماسكينها لانها ماتقدر تمشي وركبوا مع فيصل
على طول توجه للمستشفى ونزل مشاري بسرعه علشان يجيب عربه لانها للحين تحس بدوخه اخذوها من مشاري ودخلوها غرفه وبعد فتره طلع الدكتور من
الغرفه مخيط لها الجرح اللي في رجلها 4 غرز وبعد الاشاعه صار عندها كسر مضاعف باليد اليسرى وطلع يبلغ اهلها..
الدكتور/ انتم اخوانها.
فيصل/ انا ولد عمها وهذا اخوها طمنا فيها شي.
الدكتور/ لا الحمدلله الجرح خيطناه بس عندها كسر مضاعف باليد اليسرى وتحتاج لعمليه جراحيه .
فيصل حس ان كلمة عمليه كبيره شوي/ العمليه سهله ان شاء الله.
الدكتور/ ان شاء الله بس فيه شي ثاني البنت معها فقر دم حاد لانها فقدت دم كثير وتحتاج لدم اذا معك احد من قرايبها نشوف الفصيله.
فيصل/ ان شاء الله .
الدكتور/ اوكي بتروح معكم النيرس علشان تحليل الدم .
راح فيصل مع مشاري علشان ينقلون كلام الدكتور لام فهد ..
ام فهد خافت على بنتها/ الله يستر على بنتي عمليه.
مشاري علشان يهدي امه/ بس يقول الدكتور سهله ان شاء الله .
فيصل/ والحين خالتي انا ومشاري بنروح علشان التحليل .
ام فهد/ وانا بروح معكم .
فيصل/ خالتي ارتاحي جعلك بالجنه انت معك ضغط وسكر واذا انا ومشاري مانصلح رجعنا ناخذك .
ام فهد/ فيصل بكلم عمك خلاص مااقدر اخاف يصير فيها شي.
فيصل/ لاخالتي ان شاء الله مايصير الا كل خير يله شوي ونرجع لك.
في المزرعه طبعا ام عبدالعزيز ماصدقت يرجعون عيالها وراحت لهم علشان تبلغهم بالخبر تخاف يزعل ابو فهد اذا ماعرف..
ابو فهد/ هلا بالغاليه حياك.
ام عبدالعزيز/ هلا فيكم .
ابو عبدالعزيز/ غريبه هالوقت غبار الدبابات توصلنا وينهم؟؟
ام عبدالعزيز/ الله يصلحهم كانوا يلعبون وقبل ساعه طاحت فرح.
ابو فهد وقف من الخوف على بنته/ افااا عسى ماصار لها شي؟؟
ابو محمد يهدي اخوه/ الله يهديك ان شاء الله مافيها الا العافيه.
ابو تركي/ بشري يالغاليه ان شاء الله ماجاها شي كايد.
ابو عبد العزيز/ تكلمي وش صار لها.
ام عبدالعزيز/ان شاء الله خير بس شكله كسر لان يدها انتفخت وراحت هي وامها ومشاري مع فيصل ماحبوا يخوفونكم .
ابو فهد/ بكلم فيصل بشوف في اي مستشفى لازم اروح لهم يمكن يحتاجون شي.
ابو عبدالعزيز/ وانا ابوك كلمه وكلنا بنمشى ماعاد لنا جلسه هنا يله قولي لهم ياام عبدالعزيز يستعدون.
ام عبدالعزيز/ ان شاء الله احسن بعد من طلعوا ماارتحنا ونوف كل شوي مكلمه امها تاخذ اخبارهم.
كلم ابو فهد فيصل علشان يسأل عن بنته ويشوف في اي مستشفى وقاله فيصل ان عندها كسر مضاعف باليد وتحتاج عمليه سهله ان شاء الله
ولا قال لعمه انها تحتاج لدم لانه يدري راح يجي بسرعه .
المهم اهل المزرعه استعدوا بعد مانقلت لهم ام عبدالعزيز كلام الرجال بعد ساعه الكل متواجد في بيت الجد لحد مايتطمنون على فرح .
في سياره نايف كان معه ابو فهد وتوجهوا على طول للمستشفى وكان نايف في اتصال مع فيصل لحد ما شافوهم وتوجهوا لهم.
ابو فهد/ بشروا اخبار فرح؟؟
فيصل قام من مكانه/ ارتاح عمي مافيها الا العافيه دخلت لغرفة العمليات يقول الدكتور ماراح تطول عمليه بسيطه ان شاء الله.
ابو فهد / فيصل وجهك اصفر من امس مانمت مارحت معنا علشان تنام الله يهديهم لو كلموني.
فيصل/ عمي الله يطول بعمرك انا واحد من عيالك وش دعوى.
ام فهد/ ماقصر تعبناه معنا الله يعافيه من جينا وهو واقف ماارتاح واخذوا منه دم بعد لها.
فيصل / خالتي وش دعوى ماسويت شي حسيت اني غريب عنكم.
ابو فهد/ لا والله بحسبة واحد من عيالي والحمدلله انك معهم لان لا امها ولا مشاري نفس فصيلتها بس انا وخالد.
نايف/ وانا اقول ليش الوجه اصفر طيب ارتاح في الانتظار بروح اجيب لك عصير يرد لك لونك شوي.
ابو فهد/ تسوي خير وانا اخوك .
بعد نص ساعه طلع الدكتور من غرفة العمليات وراح له ابو فهد.
ابو فهد/ بشر يادكتور انا ابو فرح.
الدكتور/ لا الحمدلله العمليه بسيطه بس لازم تجلس عندنا لبكره وبعد شوي بينقلونها لغرفه.
ابو فهد/ الله يبشرك بخير ماقصرت.
الدكتور مبتسم/ واجبنا ياعم.
بعد نص ساعه ثانيه فرح بالغرفه وعندها امها وابوها ونايف ومشاري نايف بعد ماتطمن عليها طلع لفيصل علشان يروح للبيت يرتاح وترك مفتاح سيارته
لاخوه ابو فهد يرجع فيها هو ومشاري لان مامعه سياره وام فهد بتجلس عند فرح .
فيصل نزل نايف وراح لبيتهم طمنهم نايف على فرح والكل توجه لبيته وباقي نوف جلست عند غاده لان بكره الجمعه والكل بيجي عند الجد للغداء .
اليوم السبت وفرح طلعت من المستشفى ومعها اجازه اسبوع ..
ام فهد/ شفتي قلة الاكل وش تسوي .
فرح/ ماماتي الله يخليك من سويت العمليه وانا اسمع هالكلام .
ام فهد/ ابي مصلحتك واي شي بسويه بتاكلينه غصب عنك.
فرح وهي مبتسمه/ انا تحت امرك .
الساعه 5 العصر الكل في بيت ابو فهد يتطمنون عل فرح..
ام عبدالعزيز/ وش اخبار يدك اليوم؟؟
فرح/ لا الحمدلله احسن بس ودي احكها.
ام محمد / علشانها مكتومه جيبي بودره ورشي عليها.
فرح/ جد خالتي تروح الحكه.
ام محمد/ اذكر فيصل يوم تنكسر رجله كان يموت ويحكها لين ارش عليها بودر.
فرح/ اسهل شي البودر ودي اشيل الجبس واحك واحك وبعدين ارجعه
العمه نوره/ اجل بتودعين الدبابات فرح.
فرح مبتسمه/ عمتي من جدك هذا عشقي الابدي مااقدر استغني عنه.
الكل ضحك على كلام فرح وتطمنوا عليها وسوالف وقهوه وشاهي شوي ودخلت عليهم ريم الكل يناظرها من المفاجاءة لانهم ماعطوهم خبر انهم اليوم راجعين واول من طار لها
رند سلمت عليها وبعدين ريم سملت على الكل وانهبلت من شافت فرح كذا وخاصه ان خشمها شوي منتفخ ..
ريم/ افاااا فروحه وش صار لك؟؟
فرح مبتسمه/ هذا الله يسلمك من الدباب والحمدلله جت سليمه.
ريم بخوف/ وخشمك ليش كذا؟؟
فرح/ لا الحمدلله يقول رضه مو كسر كم يوم ويخف الالم.
ريم/ الحمدلله على سلامتك خوفتيني اول شي جت عيني عليه من دخلت الجبس .
فرح / الله يسلمك مثل الحصان الحمدلله.
ريم لفت لهم / بشروني عنكم اخباركم ؟؟
ام عبدالعزيز/ ماناقصنا الاوجودكم معنا والحمدلله على سلامتكم.
ريم مبتسمه/ الله يسلمك ويطول لنا بعمرك يالغاليه.
ام محمد وهي تناظر بنتها بشوق/ ماشاء الله متى وصلتوا وليش ماعلمتوا احد.
ريم قامت من مكانها وراحت جنب امها / خالد كلم عمي على اساس يقوله بس عمي قال انكم بتروحون للمزرعه وخاف يقوله خالد ولاتروحون .
ام فهد/ اخبارك واخبار خالد ان شاء الله مبسوطين؟؟
ريم/ تمام الحمدلله بس اشتقنا لكم.
ام عبدالعزيز/ تشتاق لكم العافيه مكانكم خالي الله لايخلينا منكم.
ريم قامت تبوس راس جدتها / بعد قلبي ولايخلينا منك.
ام تركي/ الحمدلله على سلامتكم .
ريم / الله يسلمك خالتي. عمتوعنوده وش هالكرش تغيرتي .
العنود/ للأحلى ولا العكس ؟؟
ريم مبتسمه/ لا والله للأحلى .
العنود/ تسلمين ريموووو وحشتينا وربي .
ريم/ وانتم اكثر.
ام فهد/ امي ريم ليش عبايتك للحين عليك.
ريم قامت بتشيل عبايتها ومرت بكرسي فرح وهي تناظرها/ خالتي خوفتني عليها الدبا ورند ماخلت لي فرصه وسلمت ونسيتها.
نوف/ زوجة اخي هل تسمحين لي ان اخذ العبايه؟؟
فرح بمزح/ مقدر انا على العربي الفصيح وش رايك يعني بتجلس فيها خليك سنعه مثلي وخوذيها منها.
وبهمس مايسمعه الا ريم/ يمكن نشوف تغير في الجسم.
ريم رفعت حاجب وابتسمت لفرح على جنب وضربتها مع يدها / هالمره باليد السليمه المره الثانيه بالمكسوره.
فرح بأبتسامه/ ايه لقيتي لي نقطة ضعف تذليني فيها زين ماقلتي مع خشمك .
ريم نست احراج فرح لها وجلست جنبها/ طيب يمكن يكون مكسور جد وهو يقول بس رضه.
فرح/ يعني بتصيرين اعرف من الدكتورصح صرتي حرمه بس مو لدرجة انك تشخصين هل هو كسر ولالا.
ريم/ من زينك خايفه عليك.
الكل ضحك على مزح فرح مع ريم شوي ويدق جوال ريم كان خالد وقال لها تجي تسلم طلعت ريم وسلمت على جدها وابوها وعمانها وطلعت وكان معها خالد
دخلت ريم قبله وقالت للبنات وطلعوا فوق دخل خالد وسلم على الكل وطلع علشان ياخذون راحتهم وبعد المغرب الكل في بيته دخل ابو فهد وخالد للبيت...
خالد وهو يجلس ومبتسم/ اجل مالك دخل الدباب اللي انقلب ولاانت ماكنت مسرعه ابد.
فرح/ ههههههه تتريق حضرتك لا والله مسرعه بس الحمدلله جت سليمه.
خالد/ يستاهل الحمد والمره الثانيه انتبهي.
فرح مبتسمه/ مااقدر اوعدك بس ان شاء الله.
ام فهد/ نور البيت فيكم الحمدلله على سلامتكم .
ريم/ منور بوجودكم .
خالد/ الله يسلمك يالغاليه .
ابوفهد/ متى وصلتوا؟؟
خالد/ متأخر والله لما وصلنا للبيت اذن الفجر.
ابو فهد/ اخبار الجو هناك وانا عمك ان شاء الله مبسوطين؟؟
ريم ابتسمت لعمها/ ايه الحمدلله والجو كان حلو.
خالد مبتسم/ افااا يبه تسأل ريم وانا عندك نسيت اني ولدك.
نوف تناظر اخوها/ اشتغلت الغيره من الحين.
ابو فهد ابتسم/ اذا انبسطت ريم تكون انت ماقصرت عليها وبكذا تكون مبسوط.
فرح/ تتعب خالد مع الغالي لاتحاول.
ام فهد/ خالد انت وريم ماراح تطلعون اليوم الا متعشين معنا.
خالد/ لا يالغاليه يوم ثاني ان شاء الله بس قلنا نمر نسلم عليكم اليوم.
ابو فهد/ لا مافيه طلعه الا بعد العشاء وبنحطه بدري اكيد تعبانين وتبون ترتاحون.
خالد مبتسم/ اوك مافيه مانع ريم وش رايك.
ريم / اكيد مافي مانع.
خالد يسولف مع ابوه بالشغل وام فهد راحت تشرف على العشاء..
فرح تقصر صوتها/ مافي حياتي عمري شي ماشيات بنص الكلام.
ريم انحرجت تحس الكل سمع فرح/ مالك شغل .
نوف/ وش عندك انت وياها .
فرح التصريف جاهز عندها/ اسئلها عن ذوق خالد.
نوف صدقت/ صح ريم لاحظتي اللي قلنا لك عليه.
ريم ابتسمت وهي تناظر خالد/ ولاحظت بعد انه يحب يشتري كثير.
فرح/ هذا الشي نسينا نقولك عنه.
نوف/ حياتي الحين صارت تعرفه اكثر منك.
مع ان خالد كان يسولف مع ابوه بس اذنه كانت عندهم وابتسم لكلامهم وطلع ابوفهد فوق يبدل ملابسه قبل العشاء وراح خالد يجلس قريب منهم.
خالد/ لو سمحتوا لاتحرجونها حتى وانت منكسره ماخليتي حركاتك انت واختك.
نوف/ لاحظ انك كنت تسولف مع ابوي .
فرح بمزح/ ههههههه حلوه نوف وبعدين وش اسوي فيها كل ماقلت شي استحت كنت اسئلها اذا لاحظت ان ذوقك صعب بالله سؤالي فيه شي ؟؟
ريم فتحت عيونها من تصريف فرح للموضوع وابتسمت/ خليني ساكته احسن.
فرح مبتسمه/ ايه كذا خلينا حبايب.
نوف/ ماقلتوا لنا كيف فينا؟؟
خالد يناظر ريم/ انا عن نفسي حبيتها .
ريم/ جد روعه اذا جينا المره الثانيه بجيب الكاميرا نتفرج على الصور.
طلعت ام فهد من المطبخ وسئلت عن ابو فهد وقالوا لها انه طلع يبدل ملابسه ..
جاء ابو فهد وحطوا العشاء بدري علشان يروحون يرتاحون في بيتهم على الساعه 11 طلعوا من اهله..

اليوم الثلاثاء فرح عندها موعد في المستشفى خالد وريم داخلين لبيت اهله بطلعة ابو فهد وفرح سلموا عليهم وقال خالد لابوه انه هو اللي بيروح مع فرح
طلع هو وفرح ودخل ابوفهد وريم للبيت وبعد ماخلصوا من موعد فرح كلم خالد ريم..
خالد/ هلا ريم.
ريم / هلا بك.
خالد/ عندكم احد؟؟
ريم/ لا عمي طلع وخالتي كلمتها عمتي نوره بتطلع معها .
خالد مبتسم/ اجل استعدوا انت ونوف ومشاري نطلع نتمشى ونمر مقهى على حسابك.
ريم ابتسمت/ اوك وعلى حسابي ولايهمك.
خالد/ امزح انا اللي عازمكم .
ريم مبتسمه/ انا ولا انت مافرقت وبطاقتك معي كنت بحاسب فيها كذا ولاكذا انت اللي بتدفع.
خالد/ هههههههه حلالك اذا وصلنا للبيت كلمتك علشان تطلعون.
ريم انحرجت لان نوف عندها/ اوك بنستعد لحد ماتجون.
ريم قالت لنوف وراحت تجيب عبايتها ومرت مشاري في غرفته وهي نازله..
نوف/ الله الله وش هالكشخه كأنك داري بيجيك عزيمه.
مشاري وهو يضبط شعره ومبتسم/ بطلع مع صديقي قلت لابوي قبل لايطلع ووافق.
نوف/ خساره خالد عازمنا .
مشاري لف لنوف/ وخالد ماعزمكم الا اليوم اللي بطلع فيه بس يله خيرها بغيرها.
نوف/ مره ثانيه ان شاء الله باي.

يوم جديد الاربعاء بيت ابو فهد مكتض بالسكان فهد وهيفاء ونوره وزجها في الرياض علشان عزيمه ابو فهد لخالد وريم ...
الساعه 8 في بيت خالد ريم خلصت مكياج وشعر لانها راحت لمشغل وخالد دخل ياخذ دش ..
ريم عند خزانه الملابس/ نعيما حياتي.
خالد/ الله ينعم عليك.
راح خالد لريم ولف يدينه على اكتافها وحط راسه جنب راسها / دلوعتي وش راح تلبس اليوم؟؟
ريم لفت وجهها له علشان تشوفه وضربت خشمه بأصبعها وابتسمت/ تصدق محتاره عودتني على الدلع صرت مااعرف اختار بنفسي .
خالد عطاها بوسه على خدها / لي الشرف اختار لك وبعدين كم ريم عندي؟؟
ريم / وحده وماتبي تكون لغيرها والله لايحرمها منك.
خالد ابتسم/ولايحرمني منك طلعي وش حابه تلبسين واحسم لك الموضوع.
ريم/ محتاره بين 2بس الثاني احس يبي تعديل بلبسهم وانت شوف .
خالد حسم الموضوع لانه شاف واحد منهم فتحة صدره واسعه وكان هذا قصد ريم بالتعديل وماحب انها تلبسه .
خالد بعد مالبس/ حياتي الكبك اللي جبتيه لي وين؟؟
ريم فتحت الدرج اللي عندها بالتسريحه وطلعته جاء خالد بياخذهم رفضت ريم وقالت/ عطني يدك.
خالد ابتسم/ ماطلبتي كلي لك.
ريم / تسلم لي .
خالد طبع بوسه وريم تلبسه الكبك/ كذا اتعود انا بعد على الدلع.
ريم بنعومه وهي منحرجه/ خاااااااالد.
خالد بنفس النبره/عيوووونه كم باقي لك وتخلصين وبعدين اذا كلمتك تطلعين بدون اي نقاش لا شوي ولا بسهر مع البنات .
ريم ابتسمت / انت كريم وانا استاهل من زمان عن البنات يعني قبل الساعه 2 مافي علشاني .
خالد مسك خد ريم/ طيب فيه مقابل قبل لانطلع.
ريم طبعت بوسه سريعه من اللي يحبها خالد/ وهذي بوسه بس من جد من زمان عنهم.
خالد ابتسم لها/ خلصي لانتأخر عليهم لانه اعجبني الوضع ولو علي ماطلعنا من البيت اليوم.
ريم وهي رايحه تكمل لبسها/هههههههه انت اخرتني دقايق بس .
خالد اخذ مفتاحه ومحفظته من على الطاوله/ انا انتظرك في الصاله.
خلصت ريم وطلعوا لبيت اهله وكان الكل موجود ومن ضمن الضيوف عبير واهلها وام عبدالعزيز عينها عليها وماتركت وحده من جاراتها الا وعرفتها على
خطيبة ولدها نايف انبسطوا البنات مع بعض والمعازيم اغلبهم على الساعه 1 طلعوا ومابقى الا الاهل سهروا مع بعض لحد الساعه 2 وكلم خالد ريم..
فرح / فيه ناس ماصدقوا احد يكلمهم يقول يله.
ريم ابتسمت وهي تلبس عبايتها بس ماردت عليها.
ام فهد/ ماعليك منها وانا امك الزم ماعليك زوجك.
نوف ابتسمت/ ارتاحي ريم صار عندك محامي.
العنود/ الله يشغلها في زوجة اخوها تفكني شوي.
غاده/ هههههههه اشك تفتكين منها ماشاء الله عليها ماتفوت تلحق على الكل.
هيفاء مبتسمه/ اجل بس جالسه وتعلق عليكم.
رغد/ ماشفتي شي لانها منكسره مابعد استلمت ريم صح للحين.
نور/ اجل فكنا الله انا وهيفاء بعيد عنها.
الكل / ههههههههههههه.
طلعت ريم على ضحكهم والود ودها تجلس تكمل السهره معاهم بعد نص ساعه الكل في بيته وفي نهايه السهره ينتهي هذا الجزء...

[لامارا]

(الفصل الثاني عشر)

بعد شهر في عيد الاضحى المبارك الساعه 8 الصباح الكل بالمزرعه كانوا الشياب والشباب والعمال برا اللي يذبح واللي يقطع واللي يشوي ومبسوطين
بعد ماخلص الشوي ارسلوا لاهلهم داخل وبعدها اكلوا هم وبعد ماصلوا الظهر كان فيهم النوم وبعد صلاة العصر الكل صاحي يستعد لان العيد هالسنه عند الجد
واقترحوا يكون في المزرعه .
المعازيم من بعد صلاة العشاء وهم متجمعين الحلويات كانت من افخم المحلات والعشاء بوفيه والرجال ذبايح الحضور كانوا كثير وام عبدالعزيز مبسوطه
بس كان ناقصهم عبير لان زواجهم بعد 3 ايام .البنات كل وحده تقول الزود عندي وعيون الحريم الكبار عليهم..
ام سعود وهي تشوف العنود جايه تجلس/ الله يعين العنود كم باقي لها ؟
ام عبدالعزيز/ الله يسهل عليها ايام ان شاء الله وتدخل شهرها.
ام سعد من الحضور/ ماشاء الله البنات كبروا ياام عبدالعزيز.
ام عبدالعزيز ابتسمت/ الله يحفظهن ويسعدهن.
ام سعد/ من اللي جنب ام فهد من بناتها؟؟
ام عبدالعزيز/ لاوالله هذي بنت ولدي عبدالرحمن وزوجة ولدها.
ام ابراهيم من الحضور/ اقول ام عبدالعزيز وين بنات نوره؟؟
ام عبدالعزيز/ وحده شوفيها جالسه عند امها والثانيه اللي اقبلت علي.
ام ابراهيم/ ماشاء الله.
غاده/ يله يالغاليه العشاء جاهز.
ام عبدالعزيز/ ان شاء الله.
بعد العشاء طلعوا المعازيم ولاباقي الا الاهل وفارس وحلا.
فارس/ يله شباب استئذن انا.
فيصل/ والله ماتمشي تو الجلسه تبدء يوم راحوا المعازيم.
فارس / بس والله تأخر الوقت ورانا طريق.
خالد رفع راسه لفارس وهو واقف/ اقول بس اجلس بنلعب لنا كم طقه حتى انا بمشي ونخاويكم بالطريق.
فارس ابتسم/ اجل كلم زوجتك تشوف لي اختي لانها ماترد على جوالها.
خالدابتسم/ ولايهمك كم طلب مثل هالطلب.
فيصل بمزح/ كم مره قلت لك اذا انت عندنا لاتجيب سيرة اختك على لسانك.
فيصل التفت لمحمد وضحك/ نسيت ماعليه اسف.
محمدرفع حاجب وابتسم/ اقول لايكثر انت وياه.
خالد من قاله فارس شوف زوجتك ليش اختي ماترد على جوالها ماصدق لانه ماشاف ريم من جوا للمزرعه اليوم الصباح كلمها وقال لها تطلع له..
من قفلت ريم جوالها من خالد قالت فرح بمزح/ الحين ترجع لنا وتقول يله بنات استئذن خالد يقول بنمشي.
ريم ابتسمت/ مستحيل يقول يله لانهم بيلعبون ورقه بس اكيد يبي شي.
رند/ احسن خليهم يلعبون مو نتحايل على حلا تجلس وتروحين انت.
فرح/ صادقه رند وبسرعه ارجعي لو سمحتي على مايرجعون نور وهيفاء وعمتو منومين مبزرتهم علشان نسهر سهره جامده.
رغد/ والله اني اشك انهم يرجعون راح ينامون قبل المبزره وقولي ماقالته رغد.
وضحكوا البنات على تعليق رغد وريم حلت لها السوالف وهي واقفه..
غاده/ ماعليك منهم روحي بس الرجال ينتظر.
ريم غمزت لغاده ومشت/ من جد شوي وراجعه لايزعل ويقول يله.
نوف ضحكت/ ههههههه يسويها اخوي واعرفه.
طلعت ريم وكان خالد موجود من شافها غمض عيونه / ياارض احفظي ماعليك حبيبي طالع قمر .
ريم ابتسمت/ تسلم لي حياتي من ذوقك.
خالد فتح عيونه واشر على خده/ حياتي حاف مايمشي عندي.
قربت منه ريم وطبعت بوسه/ طيب والحين.
خالد ابتسم ومسك يد ريم/ ليتني ماقلت لفارس يجلس.
ريم/ قلبووو بنجلس شوي حرام عليك.
خالد غمز لها / يعني مااشتقتي لي مثل ماانا اشتقت لك.
ريم سوت نفسها زعلانه ولفت وجهها عن خالد/ خااااالد وش هالكلام .
خالد مسك خدها ولف وجه ريم له وابتسم على شكلها / فديت الزعلان انا وبعدين كله منك هبلتي فيني.
ريم انحرجت / انت قلت لي اطلعي وحبيتك تشوف لبسي .
خالد يعدل لبس ريم من عند الصدر وهو مبتسم/ حلو حياتي والاحلى اللباس نفسه الله لايحرمني منه بس تعرفين ان هالمنطقه محظوره.
ريم كانت تدري ان خالد ماراح يعديها ابتسمت / اعرف حياتي وتعبني والله وانا كل شوي ارفعه بس ماجبت غيره.
خالد ابتسم/اااااااه بس نسيت ليش جيت من شفتك.
ريم / سلامتك من الااااااااه في عدوك ان شاء الله حياتي.
خالد طبع بوسه سريعه على خشم ريم / روحي قبل لااتهور وقولي لحلا ترد على اخوها .
ريم ضحكت وهي تاشر على عيونها/ من عيوني.
خالد ابتسم وغمض عيونه/ تسلم عيونك بس واللي يرحم والدينك ارحميني وادخلي.
ريم ابتسمت/ اوك باي.
دخلت ريم وقالت لحلا تكلم فارس وطلعت جوالها وشافته على الصامت وكلمت فارس وقال لها ان الشباب بيسهرون شوي اذا ماعندها مانع..
البنات من قالت لهم حلا ان فارس يقول بنجلس شوي انبسطوا لانهم ودهم ياخذون راحتهم ويطلعون يتمشون برا..
فرح/ صراحه فارس يعجبني مو انت من اليوم نتحايل عليك.
حلا ابتسمت/ والله انبسط معاكم بس اخاف تعبانين وفيكم النوم.
غاده/ وين النوم ماصحينا الا بعد العصر.
البنات لبسوا لهم لبس مريح وسهروا لهم سهره ماراح ينسونها بوجود حلا معاهم وقبل الفجر طلعوا للخيول طبعا حلا عادي عندها تتقرب منهم ومبسوطه
على اشكالهم وتلمسهم وطبيعة الحيوانات ترتاح لمن يتودد لها..
رغد بمزح / انا مستغربه من هالخيل بالذات ماتحب الا محمد وش معنى ارتاحت لك لايكون تدري ان محمد خاطبك.
حلا ابتسمت/ احلفي بس وبعدين انتم تخافون منها علشان كذا هي تخاف منكم.
فرح تغمز لرغد / تصدقين رغد حسيتها توصل مسج لحلا من صاحبها.
انحرجت حلا من تعليق فرح وردت عليها ريم/ فروووحه مااسمح لك تحرجين زوجة اخوي.
فرح تسوي نفسها مصدومه من كلام ريم/ الله الله وصرنا نوقف بصف حلا يكون بمعلومك انا اخت زوجك.
ريم ابتسمت/ انا مع الحق فروووحه.
انبسطوا البنات وبعد صلاة الفجر ريم وخالد وحلا وفارس طلعوا من المزرعه.
وصل خالد ودخل لبيتهم وصار يناظر ريم وهي تشيل عبايتها لفت له مستغربه ليش للحين واقف بس من لفت وخالد متقدم لها ويناظرها نظره تستحي منها
وتعرف وش بيكون بعدها ومع هذا تعشقها..
خالد مسك يد ريم وتوجه لغرفة النوم/ تدرين انك اغلى شي بحياتي.
انحرجت من كلامه وتتمنى انها بالفعل مثل مايقول عنها دايم . تدري انه حنون ومايحب يزعل احد ابد بس ماتوقعت كل هالرومنسيه فيه .
جلس خالد وجلسها على حضنه قربها منه ودخل راسه بحيث تكون شفايفه عند اذنها وتعلقت هي برقبته مايدري كم جلس على هالوضع بس يرتاح
وهو بجنبها وخاصه في منطقته مثل مايسميها رفع راسه وشاف حبات لولو على خد ريم الناعم خالد مايحب يشوف دموعها ..
خالد وهو يمسح دموعها باطراف اصابعه/ ادري حياتي اني اناني لانهم جالسين بالمزرعه وانت من زمان عن جمعتهم.
ريم حطت اصابعها على شفايفه تمنعه من الكلام / بعد قلبي والله لاتكمل فهمتني غلط وبعدين على العصران شاء الله كلهم راجعين.
خالد يناظر ريم وخاف ان فيها شي/ اجل ليش هالدموع؟؟
ريم وهي تناظر عيونه اللي باين الخوف عليها / احساس انك تحتاجني مثل ماانا احتاجك يفرحني.
خالد طبع بوسه محترمه تصبره لحد مايبدلون وناظر عيونها اللي تعذبه/ قومي نبدل واعلمك كيف انا محتاج لك ولااقدر استغني عنك علشان كذا سحبتك منهم.
ريم انحرجت وقامت وهي تعدل فستانها المرتفع بعد جلستها وخالد يناظرها نظرة تفحص ماتدري انها تغريه اكثر اذا استحت ..
ابتسم خالد وهو ذايب على شكلها / روحي من قدامي لاتجي علوم بدون تبديل.
هربت ريم من قدامه وهي تضحك على تفكيره وخالد كان وراها علشان يبدل.
خالد مبتسم وغمز لها/ اضحكي على راحتك المهم من يضحك اخيرا.
نتركهم براحتهم يكملون يومهم بدون مراقبه ...
صحت ريم على الساعه 3 العصر وراحت تاخذ لها دش وبعد مالبست وتعطرت جت على السرير جنب خالد وشالت راسه من على المخده وصار على رجلها
تدري انه يحب حركة يدها على شعره وهي تصحيه ريم/ حياتي اصحى تاخر الوقت الساعه 3 ونص.
خالد كان صاحي بس مغمض عيونه / صاحي قلبي بس خليك على وضعك دقايق .
ريم ابتسمت على شكل خالد وصارت يدها على شعره ونزلت تحدد ملامحه باطراف اصابعها ولما وصلت خده اخذ يدها وطبع عليها بوسه..
خالد مبتسم/الله لايحرمني من هاليدين .
ريم ابتسمت/ ولايحرمني منك اصحى لاتفوتك الصلاة.
خالد فتح عيونه ورفع راسه علشان يشوف ريم/ لاتكثرين الدلع اتعود عليه وبعدين وش يفكك مني.
ريم ابتسمت ومسكت خشمه اللي مثل سلة السيف وصارت تحركه بيدها / تستاهل اكثر بس الحين قوم خذ لك دش علشان الصلاة لاتفوتك.
خالد قام من رجل ريم وهو مبتسم / انت تامرين امر حياتي وعندي مشوار بعد لعمي نايف موصيني اجيب له اغراض.
ريم وهي قايمه تبدل ملابسها/ اجل نزلني عند اهلي لحد ماترجع رند تبي السوق امس قالت لي.
خالد وهو يناظر لبس ريم كان شورت وهو للحين جالس على السرير/ بتروحين كذا؟؟
ريم ضحكت لان خالد لللحين فيه النوم ولا من متى تروح لاهلها في لبس البيت/ من جدك ببدل على ماتخلص انت.
قام خالد من السرير وراح ياخذ له دش ومر على ريم بغرفة الملابس وعداها اخذت ريم روب خالد وتوجهت له ..
ريم مبتسمه لان خالد للحين فيه النوم/ حياتي نسيت روبك.
التفت واخذه منها ومسك خدها بيده/ هو اللي يشوفك يذكر شي الله يصلح عمي هو واغراضه كان اسحبها نومه اليوم.
ريم ابتسمت/ النوم لاحق عليه ان شاء الله.
خالد غمزلها/ النوم صح لاحقين عليه بس بعد يومين بتروح علينا ويصير هو المعرس الجديد.
ريم مسكت يد خالد وصارت تناظر عيونه/ مايهمنها احد حتى لو صار هو المعرس الجديد كل حياتنا ان شاء الله احلى واقرب لبعض.
خالد غمض عيونه وهو مبتسم لكلامها / حرام عليك كذا تزيدينها علي ياااااارب الصبر من عندك.
ضحكت ريم وهي تدفه تبيه يخلص بسرعه اخذ خالد شور سريع ولبس وريم تنتظره كانت مجهزه له فطور خفيف(اهم شي فطور العصر)..
بعد مالبس خالد اخذ مفتاحه وجواله من على الطاوله وطلع لريم وبعد ماخلص فطوره جلس يشرب الشاهي.
ريم/ اغراض عمي نايف متى تخلص؟؟
خالد/ يقول قبل المغرب تعال خذهم ماراح يفتح المحل بعد المغرب.
ريم/ يله اجل قبل لايروح عليك الوقت.
خالد ابتسم/ اوك بس قبل ابي تصبيره .
ابتسمت ريم وفهمت قصده قربت من عنده واخذ تصبيره معتبره..
خالد غمز لها/ احلى تصبيره بحياتي.
ريم وهي رافعه حواجبها ومبتسمه/ نصاااااب اذا هذي تصبيره وشو الاكل الدسم اجل.
خالد قام من مكانه وهو يضحك على ردة فعل ريم/ اقول انا بالسياره انتظرك لا اكنسل موعد عمي واعلمك وشو الاكل الدسم.
طلع خالد وابتسمت ريم على كلامه وراحت قدام المرايه تعدل نفسها وتلبس عبايتها...
واخيرا طلع خالد من بيته مابغى نزل ريم عند اهلها وراح هو لمشواره لان عمه نايف ازعجه بالمكالمات..
نايف وده كل شغله يخلص/ للحين ماوصلت للمحل يااخوي بسرعه قبل لاياذن المغرب.
خالد رايق/ اذا خايف على اغراضك ليش مارحت تجيبهم انت .
نايف ابتسم / بستغلكم شوي عيال اخوان على الفاضي .فيه مانع اخ خالد؟؟
خالد ضحك وبمزح/ ماعندي اي مانع كلنا لك ولو تامر على عيوني فداك مع انها مو ملكي الحين.
فهم نايف قصد خالد وابتسم/ اللله يسعدك انت وياها.
خالد/ امين ومن قال.

بعد يومين الكل يستعد للزواج ومتحمسين له مع انه عائلي بس مبسوطين لهم كثيررر وبما ان عبير ماعندها خوات كانوا الجوهره ومها بمثابة خوات لها ...
في بيت ابو سعود الجوهره من جت من المزرعه وهي عندهم تساعد خالتها في التحضيرات ومها ماقصرت صح مافيه ناس كثار بس لابد من المساعده..
بعد صلاة العشاء مباشره كانوا الرجال في بيت ابو سعود وكان مبسوط في زواج بنته الوحيده لانها مبينه للكل انها مبسوطه بس من الداخل الله اعلم بها
مو كره في نايف بس لانها قبل كم يوم حلمت في ولد عمها وهو مبسوط فيها انها راح تتزوج وصحت وهي تناديه ...
صحت من النوم وراحت تصلي لها ركعتين واستغفرت ربها من زمان ماحلمت فيه وتضايقت لانها بعد يومين راح تكون على ذمة رجال غيره..

كان يتردد عليها حلم بعد وفاة ولد عمها اسبوع كامل وهو كل يوم يجيها مبتسم وكله ابيض في ابيض ويوقف جنب راسها ويقول لها / عبيري انا قويه
وراح تواجه صعوبات الحياةوببقى انا ذكرى حلوه في بالها تحتفظ فيها وراح ازورك اذا جاء شريك حياتك الجديد المناسب صدقيني راح انبسط لك كثيررررر
ومثل مايجي عندها بكل هدوء يروح عنها بكل هدوء...

نرجع للزواج قلنا الرجال بعد صلاة العشاء مباشره موجودين في بيت ابو سعود وعبير خلصت من مكياجها والتسريحه على الساعه9 واغلب الوقت كانت
سرحانه وتفكر في حياتها الجديده هل راح تقدر تسعد نايف وابوها اللي من الصباح والبسمه مافارقته ولاماراح تقدر تكمل مع نايف وتخذل ابوها..
انتهت من لبس فستانها كان لونه اوف وايت وكان روعه مع انه غالب عليه النعومه .كانت ضايعه واذا دخلت عليها الجوهره ولا مها تصنعت البسمه لهم
علشان مااحد يلاحظ عليها شي اخر مره دخلت فيها الجوهره تبلغها ان اهلها جو علشان تستعد للزفه...
البنات من دخلوا لبيت ابو سعود وهم متحمسين يبون يشوفون عبير ولاتهون ام عبدالعزيز هههههههه لانها ماصدقت تفرح في ولدها نايف...
الجوهره كانت تحت تضبط موسيقى الزفه ومها كانت معها فوق بطلب من عبير بدت الزفه والحضور بس اقارب من الدرج لحد الكوشه اللي في غرفه جانبيه
كلها مفروشه احمر والورد كان معبي المكان نزلت عبير على انغام الزفه ومن طلت والكل يذر الله ويصلي على النبي عليه الصلاة والسلام منبهرين من
حضورها ماشاء الله وكان عليها طقم الماس هديه من اخوها سعود والجوهره نزلت درجه درجه لحد ماوصلت لاخر الدرج وقفت شوي للتصوير ...
وبعدين كملت لمكان الكوشه وهي تتصنع البسمه لحد مادخلت الغرفه وجلست وكل شوي داخل احد يسلم عليها واول من دخل ام عبدالعزيز بمساعدة الجوهره
بس عبير من شافتها قامت ومشت لحد عندها وسلمت عليها وصارت ام عبدالعزيز تدعي لهم بالتوفيق والذريه الصالحه ومن هالكلام..
كان لها حضور مو طبيعي بالفستان لان عليها جسم ولا عارضه ازياء كانت فخمه بكل ماتعنيه الكلمه من معنى مع ان فستانها يميل للنعومه...
عند الرجال ابو سعود مبسوط في ابو عبدالعزيز وعياله والبسمه مافارقته سعود وعبدالله ملاحظين ابوهم ومبسوطين فيه لانهم من زمان عن هالبسمه..
المعرس كاشخ وطوله اللي معطيه هيبه واكتافه طالع ولا احلى بس متوتر حبتين وسرحان مايدري كيف راح تكون حياته مع هالانسانه اللي سلبت له عقله
من لمحها ويتمنى تكون هالتجربه احسن من الاولى بكثيررررر..

محمد كان على يمينه وكان حاس فيه ابتسم وقال/ المعرس شكله سرحان.
نايف ابتسم يجامل محمد/ ايه وسرحان فيك.
ضحك محمد/ ادري اني مشغلك بس لاتفكر فيني كثير .
نايف ناظر محمد على جنب وابتسم على كلامه من جد/ اقول لايكثر ولاتصدق عمرك .
محمد غمز لنايف وحب يطلعه من الي هو فيه/ على باله معرس ماينمزح معه اقول توكل على الله وان شاء مايصير الاكل خير كذا ماتشجعني على الزواج .
نايف عقد حواجبه لقرب محمد منه/ اقول ابعد شوي مو لازم تلزق فيني تقول زوجتك احس الناس صاروا يناظرونا.
محمد ابعد شوي عن نايف وعقد حواجبه وقال/ ادري انك عمي بس لو كانت زوجتي مثلك ماتزوجتها وين اطولها هي واكتافها.
ضحك نايف على تعليق محمد وقال/ يحصل لك انت ووجهك من زينك.
محمد ابتسم وقال/ مااقدر اقول شي نايف بن فهد ومعرس جديد وش نسوي خذ راحتك يحق لك اليوم مالا يحق لغيرك.
نايف ابتسم ونسى التفكير وارتاح شوي جاهم صوت ابو سعود وهو يقولهم حياكم الله على العشاء ..

بعد العشاء قرب سعود من نايف وقاله هاه ابو فهد جاهز..
ابتسم نايف وقال/ جاهز بس بقول للوالد.
قام نايف وقرب من ابوه وقاله علشان يستعد اللي بيدخل ابوسعود وعياله سعود وعبدالله والمعرس نايف وابوه...
كلم سعود الجوهره وقال لها بندخل استعدوا لبست عبايتها وراحت تقول لعبير علشان يطلعون من عندها البنات اول من دخل ابو سعود ومعه نايف..

اول ماشافت عبير ابوها وقفت وابتسمت بدون شعور تبي تفرحه لو على حساب نفسها ماتدري ان هالبسمه دخلت قلب نايف بدون استئذان ..
حاسه ان الارض تدور فيها من للمحت ان اللي مع ابوها نايف بس حاولت تركز على ابوها سلم عليها ابو سعود وتعلقت فيه ...
قرب منها نايف وطبع بوسه بهدوء على جبينها وقال/ الف مبروك.
غمضت عيونها وردت عليه بصوت مرتبك ماسمعه الا هو لانه قريب منها / الله يبارك فيك.

دخل بعدهم سعود وابوعبدالعزيز وعبدالله وباركوا لهم وطلع ابو عبدالعزيز مع ابو سعود وهم يدعون ان ربي يوفقهم ويجمع بينهم بخير وكان معهم عبد الله..
الجوهره تعتبر عبدالله اخوها وكانت عندهم بالعبايه بطلب من عبير بعد ماطلع عبدالله شالت عبايتها وكان سعود مابعد طلع وكان فستانها روعه ولونه احمر..

قرب سعود من الجوهره ومسك يدها وناظر نايف وعبيرعلى جنب وقال/ على بالكم بس انتم المعاريس ترا عندي عروسه.
نايف ابتسم على سعود لانه احرج اخته ولف على عبير وشاف بسمتها اللي اخذت عقله مسك يدها وضغط عليها يبي يحس انها ملكه ..
ابتسم نايف وقال/ سعود احرجت اختي وبعدين ليش غاير.
وكمل بس بصوت مايسمعه الا عبير / ماالومه شايف احلى عروس.
نزلت عبير عيونها بالارض وهي منحرجه من تعليقه الاخير الللي ماسمعه غيرها وصوته اللي حست فيه يدخل لاعماقها..
شاف سعود عبير منزله راسها لانه كان مشغول مع جواهر/ نايف شكلها وحده بوحده اشوفك احرجت اختي.
ابتسمت عبير على مزحهم مع بعض وقال نايف وهو مبتسم/ تعال بس انت وعروسك نبي صوره معكم .
سعود اخذ الجوهره من يدها وراح لهم وقال/ بس ماطلبت ياابو فهد.
عبير من قال سعود لنايف ابو فهد شدت على المسكه بقوه وجاء من جنبها اخوها سعود وجنب نايف الجوهره بترتيب من المصوره...
سعود مااعجبه ترتيب المصوره وعلق وهو يناظر الجوهره/ يعني ماتطلع الصوره حلوه لين تلصقين فيه.
ابتسم نايف وقال له/ وليش انت مالاحظت كيف لاصق في عبير.
عبير اول مره تسمعه ينطق اسمها بصوته ...
سعود مسك يد الجوهره وهو على باله معصب على المصوره/ لاتنسى انها اختي اخ نايف.
ضحك نايف ضحكه قاتله/ لايكون الجوهره بنت الجيران وانا مدري.
سعود مبتسم/ ماقلنا شي اختك بس بعد زوجتي واذا تبي نسهر معكم نرضيك ماعندنا مانع.
ابتسمت الجوهره هي وعبيرعلى مزحهم مع بعض...
نواف بمزح/ سعود توكل سرى الليل.
طلع سعود مع الجوهره علشان توصله للباب وتتاكد ان ماقدامه احد من البنات..
قبل لايطله سعود مع الباب التفت للجوهره وعطاها نظره وقال/ الله لايفتنا.
الجوهره ابتسمت/ عادي حلالك.
سعود/ وين حلالي والرجال بالمجلس احسن شي اطلع لهم لايقول الله وجبت .
ابتسمت الجوهره على تعليقه وطلع سعود وراحت تبلغ اهلها ان عبير ونايف ماعندهم احد علشان يلبسها الشبكه ويصورون معهم ..
دخلوا الامهات كانوا مبسوطات ويدعون لهم بالتوفيق والبنات البسمه مافرقتهم وخاصه غاده ولاحظت عبير اهتمام نايف فيها اكثر من الباقين..
انبسط نايف فيهم وعبير حست انها غيرت جو بوجودهم بس لما جاء وقت الشبكه رجع لها التوتر لانه راح يكون قريب منها وكان طالب من غاده تكون
قريبه منه لو يحتاج شي لان الجوهره طلعت تجيب العصير والعنود بما انها حامل ماحب يتعبها ..
تعليقات وتصوير ومساعده من غاده خلص من تلبيس عبير الشبكه وجاء وقت الكيكه مسكت عبير السكين وحط نايف يده فوقها للصوره..
كملت غاده الباقي وقصت لهم منها وحطتها في صحن مع الشوك وقدمتها لخالها والجوهره قربت لهم العصير اكلها قطعه صغيره على قد فمها
بعدين هي اخذت لها قطعه صغيره بالشوكه هنا فرح ماقدرت تمسك لسانها وعلقت/ حياتي عبير صغري القطعه اكثر فم عمي مايقدر على كذا.
اكلها نايف والكل ضحك على تعليق فرح حتى عبير ابتسمت ناظر نايف فرح واشر لها تقرب من عنده مسك خدها على خفيف وابتسم وتكلم بصوت مايسمعه
الا هي وعبير لان صوت الاغاني مغطي عليهم/ اول شي حياتي مايقولها احد غيري .طبعا عبير بعد ماسمعت جملته صارت ماتسمع شي من الاحراج..
وثاني شي احرجتي زوجتي وثالث شي لايكون مااعجبتك ورابع شي حسابي معك بعدين .
فرح بعد ماترك عمها خدها طبعت بوسه على خده وقالت وهي تضحك/ لا والله كلك على بعضك حلو وبالنسبه لحسابي بعدين هذا اذا ذكرت وهربت من عنده.
هنا عبير تطلع من احراج وتدخل في احراج اكبر كملوا تصوير وهم مبسوطين بالتعليقات وحبوا يتركونهم براحتهم طلعوا كلهم وباقي غاده والجوهره
يرتبون الوضع جت غاده بترتب الطاوله اللي قدامهم وقال لها نايف/ غدو ماقصرتي اردها لك بيوم زواجك ان شاء الله..
ابتسمت غاده لخالها وهي منحرجه وطلعت هي والجوهره مع بعض..
كملت المصوره تصوير بدون مايكون احد معاهم طبعا لايخلو الموضوع من الاحراجات في بعض طلبات المصوره لحركات معينه وانتهى التصوير بحمد الله..
جلس نايف هو وعبير بعد ماطلعت منهم المصوره والتفت لعبير ومسك يدها وقال/ الله يقدرني واسعدك.
انحرجت عبير ونزلت راسها رفعه نايف وصار يتأمل الجمال اللي من اليوم صار ملكه ..
على الساعه 12 طلب منها انهم يمشون كلم الجوهره علشان تساعدها وقبل لايطلع قال لها/ انا بسلم على الرجال وانتظرك بالسياره .
حركت عبير راسها بالموافقه بدون ماتتكلم وطلع ...
دقايق وطلعت له عبير مع سعود نزل من سيارته واستلمها منه وقال/ ماقصرت لا انت ولاالجوهره تعبتكم معي .
سعود ابتسم/ ماسوينا شي مافي اغلا منكم . نايف مااوصيك على عبير.
نايف رد له الابتسامه/ لاتوصي حريص ولايهمك في عيوني.
فتح لها الباب وركبها وانطلقوا للفندق بعد ماودعوا سعود عند الباب ...
بعد ماوصلوا طلب نايف لهم عشاء خفيف مع انها كانت معارضه على اساس شبعانه ماسمع كلامها وجاهم العشاء واكلت بس على خفيف..
بعد العشاء جلس يسولف معها يحاول يخفف الاحراج عنها حس مافيه امل ولا يلومها لان ماكان فيه ملكه تعودهم على بعض ...
بعد ماياس نايف من المحاولات فيها انها تتكلم قال/ طيب يله نبدل علشان عندنا رحله بكره.
من قال جملته وهي رافعه عيونها له بسرعه ثواني وبعدين نزلتها وصارت تفكر بالكلام الللي راح تقوله لنايف ممكن يجرحه بس لازم تصارحه..
عبير تكلمت وهي منحرجه منه/ ممكن اطلب طلب؟؟
نايف ابتسم لان كلامها قليل وقال/ امـــــــري.
هنا ينتهي هذا الجزء على امل اللقاء بس ابي توقعاتكم لطلب عبير ؟؟ وهل راح ياثر على حياتهم؟؟

[لامارا]

(الجزء الثالث عشر)

في بيت ابو سعود بعد ماطلع ناي وعبير على الساعه 12 الجوهره قبل لاتطلع امها ونوره وغاده مع تركي كلمت سعود على اساس ان بيت اهلها راح يفضى
عليهم بعد نايف وحبت تكون معهم هي ونوره...
الجوهره/ هلا سعود.
سعود/ هلا بك.
الجوهره/ حياتي اذا ماعندك مانع ودي اروح مع اهلي اليوم.
سعود خاف ان احد من اهلها فيه شي لانها مو بالعاده تطلبه هالطلب وطلع برا علشان ياخذ راحته/ الجوهره الوالده فيها شي.
الجوهره حست انه خايف على امها/ لا والله الوالده مافيها الا كل خير بس حبيت اكون معهم بالبيت بيفضى عليهم من بعد نايف.
سعود ارتاح وابتسم/يالبى الحساس ياناس بس انت تدرين ان هذا الطلب اجرام في حقي.
ابتسمت الجوهره لانها عرفت وش يقصد/ يعني مافي امل.
سعود وهو يضحك على صوتها اللي تغير عن اول ماكلمته وهالحين وعرف انها كانت متحمسه للموضوع/ لافيه بس مو اليوم بكره الصباح ان شاء الله .
الجوهره مبتسمه/ اوك باي.
سعود ضحك بصوت عالي وقال/ باي حاف يعني فيها زعل.
الجوهرهرفعت حواجبها وابتسمت/لا والله مافيها زعل بس كنت متحمسه للموضوع.
سعود ابتسم/ خليك متحمسه وبكره الصباح ان شاء الله وانت عندهم.
الجوهره/ الله لايحرمني منك.
سعود تنهد وقال / ولا يحرمني منك .


بعد ساعتين الكل في بيته ومبسوطين لزواج نايف وعبير في بيت وليد وتحديدا في غرفتهم العنود جالسه بتعب ولابعد بدلت فستانها وكان وليد جنبها..
العنود/ اشتقت لجوري بعد قلبي احس اليوم اهملتها ونوره رفضت اخذها تقول اكيد الحين نايمه وانت تعبانه واقنعتني تقول غاده بتنام عندها.
وليد رفع حاجبه وابتسم على شكلها وهي تتكلم مبين التعب عليها/ ماالومها شكلك تعبانه مره اعترفي وش مسويه. وبعدين ابو الجوري مايكفي؟؟
العنود ضحكت بتعب/ ابوها يكفي وزياده والاعتراف والله ماسويت شي بس خلاص صرت ثقيله مررره.
وليد ضمها لصدره لانه حس انها خايفه من قرب الولاده وضحك/ ههههههه يالبى بطتي بس والولاده باقي عليها مو الدكتوره تقول.
العنود ابتسمت وضربته على صدره بخفيف/ لاتتريق علي لو سمحت.
وليد ضمها لصدره اكثر وبضحكه عاليه/ والله مو قصدي اتريق الله يهون عليك قلبي بس جد صايره بطه جميله يااااااناس.
العنود رفعت راسها الوليد وصارت عيونها على عيونه وابتسمت/ رجعنا للبطه مره ثانيه.
وليد طبع بوسه وغمز لها / بكل حالاتك تعجبيني الله يخليك لي.
العنود بتعب تمددت على الكنبه وصار راسها على فخذ وليد وقالت/ ويخليك لي قلبي بس انا مافيني نوم.
وليد ابتسم لها ومسك خدها / ومن قالك نامي لاتنامين . بس حياتي بدلي وتعالي على السرير اريح لك.
العنود رفعت راسها لوليد وهي مغمضه عيونها من الم في ظهرها / السرير يعني نوم وانا مافيني ولاابيك تنام.
وليد ابتسم على كلامها وطبع بوسه على عينها المغمضه وقال/ ماراح انام لين اشوفك نايمه.
العنود فتحت عيونها / صدق ماراح تنام ولا اشوي وانت نايم واجلس انا بروحي.
وليد يدري انها هاليومين قليل نومها لان الولاده قربت وابتسم على خوفها وقال/ ليش متعوده اكذب عليك .
العنود مسكت يده اللي على خدها وباستها وقالت/ لا والله مو متعوده اوك قلبووووو بروح ابدل وراجعه لك.
وليد ساعدها علشان تقوم وقال وهو مبتسم/ بطتي اساعدك في التبديل بعد.
ابتسمت العنود له وقالت / مشكور ماتقصر بحتاج لك قريب.
وليد غمز لها/ انا بالخدمه في اي وقت.
راحت العنود لغرفة التبديل وبدلت فستانها في بجامه مريحه ورجعت للغرفه راح وليد وبدل ثوبه سريع وتوجه لعندها بالسرير انسدح وقرب من عندها
وحط راسها على صدره وجلس يسولف معها لحد ماتاكد انها نامت ونام بعدها...

في بيت ابو سعود بعد ماطلعوا اللي عندهم بالمجلس دخلوا داخل البيت وكان مافيه الا ام سعود لان الجوهره وزوجة عبدالله مها يشرفون على الخدم.
دخل ابو سعود وهو يعلن دخولهم علشان يتغطون الجوهره ومها...
ام سعود/ جياكم مافيه احد.
سعود لمح امه وهي تمسح دموعها وقال/ افا الغاليه وش فيها؟؟
ام سعود/ مافيني شي الله يخليكم لي بس والله مكانها فاضي من اليوم.
ابو سعود/ الله يوفقها مو هذا اللي نبي لها.
ام سعود/ الا والله بس بفقدها.
ابو سعود/ كلنا بنفقدها . وبعدين وين بتروح عندك احمدي ربك مابعدت عنك.
ام سعود/ الحمدلله والله يسعدهم.
عبدالله ابتسم لامه وقال/ يالغاليه اذا تبين من بكره انا وعيالي نجي عندك في البيت مستعد.
ام سعود/ ماتقصر الله لايقصر بعمرك وبنت سعد والله مااعدها هي والجوهره الا مثل عبير عندي بس بعد لازم تاخذ راحتها في بيتها .
ابو سعود/ مثل ماقالت امك الحرمه تبي تاخذ راحتها في بيتها . وناظر ام سعود وكمل وهو مبتسم/ ولو جيتوا عندنا بتخربون انت وعيالك علي انا وامك .
ضحك عبدالله وقال/ في هذي صدقت طال عمرك .اجل وين مها والجوهره يالغاليه؟؟
سعود رفع حواجبه لعبدالله/ خير يالاخو اشوفك تمون.
ضحك عبدالله وقال/ اسفين بس قلت اقصر عليك المشوار وبما اني سئلت عن مها قلت اسئلك بالمره على حرمك المصون.
سعود ابتسم/ ايه كذا تادب وانسى تعيد اسمها على لسانك.
ابتسم عبدالله وقال/ ابشر ياسيادة المستشار.
ابتسموا ام سعود وابو سعود على عيالهم ودعت ام سعود في خاطرها ان الله مايفرق عيالها ويرزق سعود بالذريه الصالحه...
سعود مبتسم/ كل هالهوشه وللحين ماجاوبتك الغاليه.
عبدالله/ وانت خليت لها فرصه.
ام سعود/ في المطبخ الله يجزاهم خير من طلعوا الناس بس اكيد خلصوا بروح اشوفهم .
سعود/ هذا وقتهم وبعدين مثل ماقلتي في مقام بناتك.
ام سعود/ الله يوفقهم عزالله ماقصروا .
عبدالله/ اجل انا استئذن بغلي مها يمه انا في السياره انتظرها.
ام سعود/ ان شاء الله .
سعود/ وانا طالع فوق علشان تاخذ راحتها مها.
طلع سعود فوق لقسمه وطلعوا من المطبخ ومعهم خالتهم بلغت ام سعود مها ان عبدالله برا ينتظرها وطلعت له والجوهره بعد ماتاكدت من كل شي تمام
طلعت فوق وعلى بالها سعود مابعد طلع ولما دخلت شافته على اللاب يشيك ايميلاته...
سعود من شافها وهو مبتسم/ هلا والله بوجه الخير وش هالحلا.
الجوهره ابتسمت لانها تعودت على كلامه الحلو/ الله يحلي ايامك حياتي.
سعود غمز لها/ دام انت معي ايامي كلها حلوه ان شاء الله.
الجوهره رمت له بوسه/ الحلو والله كلامك اتعب اوصل لك.
سعود مبتسم على حركتها/ ياروحي انااااا انت الحلا كله حرام عليك كنت بتروحين لبيت اهلك وتتركيني.
الجوهره مبتسمه وجت وجلست عنده وقالت/ انت قلتها بنفسك كنت . من تزوجنا بعمري مافكرت اتركك بس حسيت امي وابوي محتاجين وجودنا معهم اليوم.
سعود طبع احلى بوسه وقال/ واذا قلت لك اليوم بالذات انا محتاجك اكثر. وامك عندها نوره وانت قبل اروح اصلي الجمعة عندهم ان شاء الله.
الجوهره اخذت كفه وطبعت عليه بوسه وقالت/ الله لايحرمني منك.
سعود مارد عليها لانه كان سرحان ويتأمل ملامحها اللي ماتغيب عنه ولاثانيه حتى وهي بعيده عنه ماقصرت معه من تزوجها وتحملت الغربه عن اهلها
علشانه بس يتمنى يجيب منها عيال يكملون احلى شركه بنظره ....
قربها من عنده وطبع كم بوسه واخر شي حط راسه على صدرها الجوهره بدورها ضمته اكثر وغمضت عيونها وبعد مده كل واحد منهم مايدري كم كانت
بس الاكيد انهم عايشين اللحظه وافكارهم قريبه من بعض لان الجوهره تذكرت تاريخ اليوم ..
الجوهره يدعلى شعره واليد الثانيه على ظهره وخايفه من الرد/ سعود جايك ايميل من المستشفى صح.
سعود رفع راسه ومسك وجه الجوهره بين يدينه مع ابتسامه تبشر بالخير وقال/ صح ياقلب سعود ونبضه.
الجوهره دمعت عيونها خافت من النتيجه وقالت بعبره/ لاتقول... وسكتت ماقدرت تكمل مو يأس من رحمة ربها لا بس تعبت من العلاج مسح سعود دموعها
اللي مايحب يشوفهم مع انها دايم تمثل القوه وقليل ماتبكي قدامه بس هو يعرفها اكثر من نفسه وقال/ حياتي التحاليل الاخيره تبشر بالخير وربي راح يعوض
صبرنا بالخير ويعطينا على قد نيتنا ان شاء الله.
الجوهره رمت نفسها بحضن سعود وجلست تبكي وهو ضمها اكثر وتركها ترتاح ...
وبعد انا وانتم عندنا ذوق وبنتركهم براحتهم وندعي لهم ان الله يوفقهم ويعطيهم على قد نيتهم ويرزقهم بالذريه الصالحه...

نروح لريم وخالد ريم كانت لابسه لزواج عمها نايف فستان حرير طبيعي لونه نيلي لحد الركبه من (شانيل) وكان one shoulder يعني بكم واحد بس
علقت عبايتها وراحت للمطبخ تشرب لها مويه ..
خالد دخل بعدها وتوجه لغرفة النوم وجلس على الكنبه شال شماغه وحطه جنبه ودخلت ريم وهو كان ظهره للباب قربت منه وصارت تضبط شعره بعد الشماغ
مسك يدها اللي على شعره وجلسها جنبه ..
خالد مغمض ويد ريم للحين بيده ومبتسم/ وش قصدك بالحركه.
ريم ابتسمت/ مااقصد شي بس اعدل شعرك بعد الشماغ.
خالد رفع حاجب وناظر ريم نظره تعرف مغزاها وقال/ لا والله انت تدرين من احد يلعب بشعري وانا متخدر وجايني النوم وانا مابي انام لاني مابعد شبعت
من بعض الناس اللي ماعطوني وجه قبل لايطلعون حتى لو بتصبيره صغيره.
ريم ضحكت وطبعت بوسه من اللي يحبها قلب خالد تعويض له/ تصدق عاد الناس اللي تقول عنهم مايحبون يرفضون لك طلب وطلباتك اوامر بالنسبه لهم
بس كانوا متأخرين واخر من وصل لبيت ابو سعود كانوا هم واخذوا لهم كم تعليق من البنات.
خالد ابتسم على كلامها ومسك خدها/ وبعض الناس من يهمهم اكثر انا ولا البنات وتعليقاتهم؟؟
ريم مبتسمه/ اكيد حياتي يهمني اكثر وهو يدري بس بعد مااحب التعليق وخاصه من فروحه تحرجني.
خالد ضحك وقال/ ماتترك احد بحاله هالبنت انا اوريك فيها.
ريم ابتسمت على تعليق خالد وقالت/ تدري البنات اعجبهم الفستان مرره الا جدتي طبعا تقول خالد شايفك قبل لاتطلعين وراضي .
خالد ناظرها على جنب مع تنهيده/ شفتي حتي جدتي الله يطول بعمرها حاسه فيني .
ضحكت ريم وقالت/ وين راح تفكيرك جدتي قصدها انه عاري ماتدري ان خالد نفسه هو اللي مختاره .
خالد ضحك على تعليق ريم وقال/ ماقلت لي كيف كان عمي عند المدام لانه عندنا كان متوتر ويسرح كثير مع انه اكثر الوقت يبتسم مايبي احد ينتبه له.
ريم مبتسمه/ بسم الله عليه يهبل عندنا ومبسوط وحتى لو توتر شوي مااحد راح يلومه اول شي مابعد تعود عليها وبعدين كلهم سبق وكان له تجربه
بس والله لايقين على بعض الله يوفقهم .
خالد ابتسم لريم/ يستاهل كل خير ابو فهد .
ريم/ امين.
خالد غمز لريم وقال/واناسعادتي في يد دلوعتي وراح تعوضني عن تطنيشها لي اليوم صح.
ريم ضحكت ضحكه كملت فيها الناقص على خالد وقالت/ ودلوعتك ماتبي غير سعادتك ولو تامر على عيونها ماتغى عليك.
خالد ابتسم على كلامها واطلق ااااه تعبر عن كل مافي صدره/ اجل نبدل قبل لاتسحبين كلامك ويروح علي اليوم كله.
ريم مبتسمه/ مايروح عليك شي ماشاء الله واذا راح تعوضه.
خالد طبع بوسه على خد ريم وقال/ اموت انا على الناس اللي تفهمني.
ريم بدلت وجلست قدام المرايه تمسح مكياجها طلع خالد بعد مابدل وشافها كانت عذاب بالقميص الاحمر طالعه انثى بكل ماتعنيه الكلمه وقف خالد في مكانه
وصار يتأملها . خلصت ريم وانتبهت له وابتسمت ابتسامه خاصه له .
خالد بعد ابتسامتها ضاعت علومه وقرب من ريم ونزل راسه عند اذنها وهمس لها / حرام عليك انا بشر .
ريم رجعت يدينها على ورى وتعلقت في رقبته وابتسمت لانها تدري وش سوت/ طيب ماسويت شي.
خالد شال ريم من الكرسي وقال/ انت تدرين ابتسامتك هذي وش تسوي فيني.
ريم انحرجت ودخلت راسها في صدره وقالت/ خلاص ماراح ابتسم.
خالد ضحك عليها وقال/ لا حياتي ابتسمس بس تحملي العواقب.
نترك ريم تتحمل عواقب ابتسامتها الخاصه لخالد ونروح لاحد ثاني نشوف اخباره...

نرجع لنايف وعبير اكيد تنتظرون طلبها على احر من الجمر عبير كانت محتاره بس متأكده ان هذا الطلب ضروري صحيح انها ممكن تجرح نايف وتخسره
للابد بس لازم تقول له اللي بخاطرها .حس نايف انها متوتره وحب يتركها براحتها علشان تتكلم بدون ضغط منه...
عبير وهي تضغط على اصابعها من التوتر وعيونها في الارض قالت بصوت واطي/ ممكن انام في الصاله.
نايف انصدم من طلبها بس لازم يسايرها هاليومين يمكن مستحيه منه راح اكسبها بصفي واوفق على طلبها ..
نايف رفع وجه عبير وصار مقابل لوجهه وقال/ لا يابنت محمد انت نامي بالغرفه وانا بنام هنا.
تركها نايف وراح للغرفه واخذ اغراضه الشخصيه وبجامته وطلع علشان تاخذ راحتها شافها بنفس مكانها اللي تركها فيه..
نايف/ فضيت لك الغرفه روحي ارتاحي اكيد تعبانه.

عبير من سمعت صوته وهي واقفه لانها حست في صوته هيبه مشت وعيونها بالارض بدون ماتناظره لانها خافت ومبين من صوته انه متضايق من قرارها
وهي كل قصدها تبي تبدء حياة جديده معه بدون مشاكل لانه لما رفع وجهها حست في عيونه كلام كثير بس ماراح تتراجع عن قرارها على طول تخاف يرجع
لها الحلم مره ثانيه وتنادي ولد عمها تعرف انها مو سهله على اي رجال في العالم يتقبل هذا الشي ...
دخلت عبير الغرفه وجلست على السرير بفستانها واخذها التفكير في الشخص اللي جالس برا ماله ذنب في قرارها بس راح يكون افضل لها وله ان شاء الله
يتضايق شوي ولايحس ان احد مشاركه في اول ايام زواجه وكل هذا لانها ماتبي تندم على قرارها لانه هو بعد مثلي من كلام البنات انه مر في تجربه سابقه
وللحين ماتدري عن اسباب الطلاق بس مهما كان هو رجال ويتحمل قراراته . بس السؤال/ هل راح يتحمل قراري كثير ولابيطلب حقوقه كزوج.
اتعبها التفكير وحست انها بحاجة شور يريح لها اعصابها بعد هاليوم المتعب وبعد ماخلصت لبست بجامه ناعمه وتوجهت للسرير على بالها راح تنام..

نطلع لنايف اللي برا حتى هو تعب وهويفكر بس هو كان موقفه اصعب منها لانه خاف انها تكون مغصوبه عليه او انها وافقت علشان ترضي ابوها وسعود
على حسابه وحساب نفسها او انها للحين تفكر في ولد عمها وقلبها راح معه هذي الفكره تعبته كثير وخاف ان اللي شافها وتعلق فيها من اول نظره واذهلته
اليوم بشكلها ماراح تكون له زوجه ولاام عيال اخر ماتوصل له من افكار انه راح يتركها كم يوم لحد ماتهدى الاوضاع وبعدين بيجلس يتكلم معها ويعرف منها
اذا هي مغصوبه عليه هنا ينتهى دوره وماراح يكون لها الا الرضى وترجع لبيت اهلها معززه لان هذا الشي لايرضاه بحقه ولابحقها..
صارت الافكار تاخذهم وتجيبهم لحد ماصار وقت صلاة الفجر نايف صلى برا لانه ماحب يضايقها بالغرفه بس عبير بعد ماصلت فتحت الغرفه له لانها خافت
يصحى قبلها وملابسه والحمام عندها مهما كان قرارها ماتكون انانيه ...

اليوم الجمعه والغداء عند الجد والكل موجود الا العنود مابعد وصلت ومكان نايف فاضي واكثر من فقده الجده وغاده ومبين عليهم مع انهم مبسوطين لزواجه
بس غاده فاقده دخلته عليها اذا كانت عندهم علشان يتطمن عليها بس وجود الجوري عندها اشغلها شوي ..
الجوري من سمعت صوت الباب عرفت انها امها لان مابقى الا هي وراحت لها ركض غاده من شافتها تركض راحت وراها لانها خافت عليها وصلت غاده
للمدخل وشافت خالتها بعد ماعلقت عبايتها الجوري كانت ضامه رجول امها والعنود نزلت لها علشان تشيلها لانها مشتاقه لها قربت غاده وشالتها ..
غاده بعد ماسلمت على العنود قالت للجوري/ الحين صرتي طول ماما.
العنود ابتسمت وناظرت بنتها/ حياتي انت اشتقت لك وين بوسة ماما.
الجوري ابتسمت لامها/ ماما مايصير لازم بابا يكون موجود بس علشان انا نمت غاده تصير مثل بابا.
غاده ماتدري وش قصدها بس العنود فاهمه وابتسمت لها الجوري تعلقت في رقبة غاده في يد واليد الثانيه مدتها لورى رقبة امها يعني صارت هي بوسطهم
وطبعت بوسه على خد امها وبعدين على خد غاده.
غاده فهمت عليها ومسكت خدها وقالت لها/ الحين انااا صرت مثل بابا طيب اوريك .
الجوري ضحكت وهي تلمس خد غاده وقالت / لاغدو انت هنا ناعم بابا عنده شعر يعور.
العنود ابتسمت على كلام بنتها وقالت وهي تناظر غاده/ الله لايفضحنا زين ماجانا الا هذا وانت الموجوده بس لو فرح سامعتها والله ان تمسكها علي ..
تعطرت العنود ودخلوا مع بعض وهم مبتسمين على كلام وحركات الجوري سلمت على امها والموجودين وجلست وهي تعبانه والجوري الا تجلس بحضنها
ام عبدالعزيز/ عسى ماتعبتي عقب امس ؟؟
العنود تلمس اهتمام وحنان بصوت امها تشتاق له احيانا ابتسمت وقالت/ لا والله ماسويت شي يتعب بس انت عارفه ماعاد باقي الا ايام واحس اني ثقيله.
كل احد من الموجودين صار يقول لها جمله/ الله يسهل عليك. الله يقومك بالسلامه. الخ...
العنود ابتسمت لهم/ اااامين والله يسلمكم. وكملت وهي تناظر امها / وانت بشريني عنك يالغاليه؟؟
ام عبدالعزيز/ يارب لك الحمد وانتم حولي مافيني الا العافيه بس مكان اخوك فاضي .
العنود ضاق صدرها لان امها تعودت على نايف وصوته بالبيت وتدري انها راح تفقده هالايام وقالت/ ان شاء الله بيرجع لك ويملى عليك البيت هو وزوجته
مو هذا الللي كنت تتمنينه انه يتزوج وتشوفين عياله .
ام عبدالعزيز/ الا والله منى عيني والحمدلله تحقق الله يوفقهم .
فرح ماتحب تشوف جدتها متضايقه وحبت تسوي جو قالت لها / مني لك ياجده انه اسعد انسان هالحين لان عبير معه بسم الله عليها اعجبتنا يالبنات
اجل عمي وش راح تسوي فيه.
ام فهد وهي تناظر فرح/ ماعاد فيه حيا بنت وش هالكلام.
ام عبدالعزيز مبتسمه على كلام فرح وقالت وهي تناظر ام فهد/ ماقالت شي غلط الله لايحرمني من لمتكم ويوفق نايف ويرزقه بالذريه الصالحه.
رغد ابتسمت وقالت بصوت واطي علشان ماتسمعها جدتها/ الغاليه تسمع بعصر السرعه ماعندها وقت تبي عيال على طول.
البنات كلهم ضحكوا على تعليق رغد وكملوا سوالفهم بمزحهم المعتاد وروحهم الحلوه نتركهم يكملون سوالفهم ونروح لغيرهم...

على الساعه 1 الظهر صحى نايف وجلس على الكنبه اللي نام عليها ويده على شعره يعدله بعد النومه وانتظرها لحد ماتصحى وتفتح له الباب ربع ساعه بس
وسمع صوت الباب قام نايف وطق الباب قبل لايدخل وشافها قدام المرايه ماحب انه يطول وهو يناظرها خايف لايتعلق فيها اكثر وهو مايدري وش مصيرهم
ولا كيف راح تكون حياتهم , ماحب انه يدخل ياخذ شور قبل لايقولها شي علشان يبن انه مو متضايق ابتسم وقال/ مساء الخير ان شاء الله نمتي مرتاحه؟؟
عبير/ مساء النور.
حست ان سؤاله الثاني دقه على قرارها ونزلت راسها بدون ماترد عليه نايف طلع تنهيده من صدره ولاحب يزود عليها وعليه العذاب وراح ياخذ له دش
سريع علشان يطلعون للمطار عشر دقايق وطلع ماحصلها بالغرفه وعرف انها فضت له الجو علشان ياخذ راحته لبس له بنطلون وقميص armani
وتعطر وسكر شنطته وطلع لها كانت جالسه مشى قدامها وجلس على الكنبه الثانيه ارتبكت منه ومن ريحة عطره ..
قرب نايف التلفون من عنده وقال/ راح اطلب لنا شي ناكله قبل لانطلع.
حركت عبير راسها بالموافقه وهي منحرجه بدون ماتقول ولاكلمه لانها جايعه وعندهم رحله وخافت لاتدوخ عليه ...
بعد ماطلب التفت لها وده ينطق اسمها ويتمنى ياخذ ويعطي معها بس كرامته ماتسمح له لحد مايعرف اسباب قرارها ..
قال بصوت هادي/ شنطتك جاهزه بنطلع للمطار بعد نص ساعه.
عبير بصوت واطي ماتدري اذا سمعها ولالا / ايه جاهزه.
غمض نايف عيونه بعد ماسمع جوابها حتى صوتها ماتبيني اسمعه/ طيب تدرين وين راح نسافر؟؟
عبير قالت وهي تطقطق اصابعها / ايه قال لي سعود .
ابتسم نايف على نفسه وين اللي يقول كرامته ماتسمح له وهو جالس يتكلم معها وهي تسدد عليه فتح عيونه وقال بدون شعور/ يعني اسكت احسن.
عبير ماحبت تعليقه والتفتت عليه اول مره تناظره من بعد امس وقالت بصوت مسموع / ماقلت اسكت بس اعلمك ان سعود قال لي.
ماحب يكثر عليها لسى في البدايه وان شاء الله راح يفهم منها كل شي قريب علشان يرتاح ويريحها..
نايف حس انها تضايقت من كلامه وقال وهو مبتسم ابتسامه مجامله/ امزح معك.
عبير من شافت ابتسامته نزلت راسها بالارض ونزل معها شعرها وبعد هذي الحركه تأملها نايف ثواني لحد ماقطع عليه صوت الجرس...

بعد العصرالجو كان خيال وطلعوا يجلسون برا مرح كانت جالسه قريب من العنود وحبت تمزح معها ...
قربت اذنها من عندها وقالت/ كيف الاوضاع امس والجوري مفضيه لكم الجو مع اني اشك مع هالكرش.
العنود ابتسمت على كلام فرح/ ليش وش فيها الكرش لايكون بس مااعجبتك.
فرح غمزت لها وقالت/ مو مهم تعجبني اهم شي تعجب غيري بس الواجب تعلقين عليك لوحه ممنوع الاقتراب قابله للإ نفجار.
العنود رفعت حواحجبها وهي مبتسمه وقالت/ مالك شغل انت بس خليني بحالي .
فرح ابتسمت/ شي يقرقع بخاطري ودي اقوله وبعدها بسكت احسك بلونه في اي وقت بتنفجر.
العنود ضحكت ورفعت يدينها / ياااارب اشوفك مثلي قريب علشان تعرفين وشلون تتريقين.
كملوا سوالفهم بعد ماقالت فرح اللي بخاطرها للعنود وانبسطوا بالجلسه الحلوه...

الجوهره ماقدرت تجي من الصباح مع ان سعود قال لها تعالي انزلك عند اهلك قبل لايروح يصلي بس هي رفضت لان بيت اهلها مليان وراح تشوفهم
ان شاء الله بس عمها وخالتها اللي هم اهل سعود ماعندهم غير عبدالله ومها وعيالهم وجلست معاهم وبعد العصر كانت الجوهره بتطلع لبيت اهلها..
الجوهره توجه كلامها لمها / مها باخذ معي زياد لبيت اهلي انا امس واعده البنات انهم يشوفونه.
مها ابتسمت/ اخاف يتعبك الله يصلحه وبعدين اخوه والله مايخليه يروح وهو لا.
الجوهره/ يجي معنا حمودي شوي بس وارجعهم مع سعود.
مها تمسح يد ولدها/ والله ماعلي منهم بس اخاف يزعجونك.
الجوهره شالت زياد من امه عمره 8 شهور وطبعت بوسه على خده وابتسم لها وقالت/ ياحلوه ياناس يدنن ماراح يطولون قلت لك ولافيها ازعاج وش دعوى.
مها ابتسمت لان ولدها مبسوط ان احد شاله واخذت جوالها / تحملي ازعاجهم اجل براحتك بس بعطي عبدالله خبر يركب كرسي زياد في سياره سعود
علشان اذا رجعه مايزعجه .

طلعت الجوهره لبيت اهلها ومعها عيال عبدالله لان حمودي مارضى ان اخوه يروح الا وهو المرافق الرسمي له وخاصه انه مع خاله الجوهره اللي يحبها كثير
دخلوا لبيت اهلها سعود دخل يسلم على اللي في المجلس والجوهره راحت لقسمهم كانت شايله زياد وماسكه يد حمودي الجوري من شافت حمودي وهي طايره
لخالتها ماتدري من اللي معها بس اهم شي احد بعمرها وصلتهم ومسكت يد حمودي وهو مستحي وهي ماجابت خبر وتسحبه عاجبها الولد هههههههههه
وصلت الجوهره لهم واخذت نوف منها زياد على ماتشيل خالتها عبايتها وتسلم على امها والموجودين ...
العنود شافت بنتها كيف ماسكه حمودي ومبسوطه ابتسمت وقالت/ وانا اقول وش عندها طارت من جيت وهي جالسه في حضني وتضغط على بطني.
وكملت وهي تناظر فرح/ الظاهر مضايقها مثل بعض الناس.
فرح ابتسمت لانها فهمت انها تقصدها وقالت/ لاحظوا حمودي مستحي وهي ماجابت خبر احد .
الجوهره ابتسمت/ حمودي تعال سلم على خاله.
غاده ضحكت على شكل الجوري وهي ماسكته بقوه وقالت/ بصراحه اشك انها تترك يده .
وصدق الجوري مافكت يده لانها سوت نفسها مرشد سياحي لحمودي وتعرفه على العائله وهو يسلم لحد ماوصلت لامها وتفكر كيف تغايره هههههه..
الجوري/ هذي ماما وعندنا في بطنها بيبي .
ضحكوا كلهم عليها وعلقت رغد/ لاحظول عندنا مشاركه امها حتى في الحمل.
نور ابتسمت/ عز الله طاح كرت ولدي عندها من بعد هالمسكه.
العنود ضحكت / من زين ولدك من جاء وهو عند ابوه متكبر علينا ولد جده.
هيفاء مبتسمه/ لاتفوتكم بنتي وين رايحه نوف انتبهي بتكتشف الولد.
الجوهره ضحكت وراحت لنوف تاخذ زياد منها لان ام عبدالعزيز تبي تشوفه/ نوف هاتي الولد امانه .
نوف/ خاله يشبه سعود .
الجوهره/ زياد على عمه وحمودي على ابوه .
ام عبدالعزيز وزياد معها/ بسم الله عليه صادقه نوف فيه من عمه كثير.
ام عبدالعزيز وهي تتامل زياد تمنت لو يكون هذا ولد الجوهره ودعت لبنتها بقلبها ان الله يرزقها وصار زياد من يد في يد بيشوفون الشبه...
كلمها سعود يعطيها خبر انه طالع علشان ياخذ العيال معه اخذت زياد وراحت تشوف حمودي ولقته مع الجوري وولد نور معهم ..
الجوهره/ حمودي عمو يقول يله علشان تروح لماما.
حمودي بطفوله/ ابي العب معاهم.
كسر خاطر الجوهره وكلمت مها تستأذن منها انه يجلس عندهم لانه مبسوط ووافقت مها بس قالت لها اذا ازعجهم تكلمها ترسل عبدالله ياخذه...
وصارت الجوهره كل شوي رايحه وراجعه تشوف حمودي اذا يبي شي..
العنود/ الجوهره ارتاحي روز ماعندها شغل تجي تجلس عندهم .
ريم/ انا رايحه اجيب جوالي من داخل واناديها معي.
فرح بمزح غمزت لريم / وانا اقول غريبه جوالها ليش ماله صوت مثل امس ازعجنا عند الناس .
العنود ابتسمت وهي تناظر ريم وقالت/ حط حيلهم بينهم هي وزوجة اخوها خلها تفكني شوي.
ريم ضحكت على تعليق عمتها وراحت تجيب جوالها من داخل بدون ماترد لانها تدري لو علقت فرح ماراح تسكت وريم تنحرج وخاصه بوجود جدتها...

اليوم الاحد ونايف وعبير في باريس وفندقهم قريب من الشانزلزيه على الساعه 9 مساء طلع نايف لابس من الغرفه علشان عبير تاخذ راحتها..
نايف / عبير بدلي راح نطلع نتعشى .
عبير/ اوك دقايق واكون جاهزه.
في هاليومين عبير صارت تجاوب نايف ولو احتاجت شي تسئله مع انه اذا نطق اسمها تحس بكهرباء في جسمها ماتدري ليش ..
نايف صار يعاملها بكل احترام بس يحس ناقصه كثير من القوه علشان يجلس معها ويواجهها ويريح فكره اللي مشغول بسؤال معين.
السؤال هو/ هل هي مغصوبه عليه؟؟
عبير ارتاحت لتعامله معها وتاكدت انه حنون وكبر في عينها لانه للحين مخليها على راحتها وينام على الكنبه بس من حسن حظه انها تتحول لسرير..

في بيت ابو فارس فاتح فارس اهله على العشاء بموضوع سفره لكندا من قال الخبر وحلا سرحانه وتلعب في صحنها بالملعقه ..
ابو فارس/ الله يكتب لك الخيره اذا هي من صالحك .
فارس ابتسم لابوه/ ان شاء الله انها من صالحي بس ابي دعواتكم.
ابوفارس/ الله يوفقك ويحقق مرادك.
ام فهد/ والله البيت بيفضى بدونكم انت بتسافر وحلا راح تتزوج وتتركنا.
فارس مبتسم/ الله يخليكم لنا بس عندك ابو فارس ماراح يفضى عليك البيت.
فارس ملاحظ حلا من قال الخبر انها مو معاهم قامت وقالت/ الحمدلله.
ابوفارس/ حلا مااكلتي شي.
حلا ابتسمت لابوها غصب وقالت/ بابا الحمدلله شبعت.
طلعت حلا لغرفتها وهي تفكر في قنبلة فارس اللي رماها ضايقها الخبر كثير لانه قريب منها وراح تفقده حتى لو كانت راح تتزوج تحتاجه منها قريب..
دخل عليها بعد ربع ساعه وكان عارف انها متضايقه وحب يغير جوها شوي قرب من عندها وجلس جنبها / وش فيه الحلو قام ماكمل اكله.
حلا مارفعت عيونها لانها تخاف تناظره وتنزل دموعها/ مافيني شي.
فارس رفع وجهها وهو مبتسم وقال/ اول مره تكلميني بدون ماتناظريني.
حلا تحاول قد ماتقدر ماتبكي علشان ماتضايق فارس وقالت/ فارس من جدك بتسافر ولاهروب بعد ماسمعت الخبر؟؟
عقد حواجبه فارس وقال/ هروووب وش قصدك وبعدين اي خبر اللي تقولين عنه.
حلا انصدمت انه مادرى وخافت يزعل لو عرف بس لازم تقوله/ يعني ماتدري ان هند بنت عمتي مخطوبه ووافقت.
فارس ابتسم لاخته وقال/ اول شي مادريت عن هالخبرالا منك والله يوفقها صدقيني ماكانت في بالي وانت تدرين ان ابوي اللي كان يتمنى اخطبها .
حلا ارتاحت ان اخوها ماعليه من بنت عمتها ومسكت يده وقالت/ ريحتني بس بعد انا راح افقدك ابيك تكون معي بالتخرج والملكه والزواج.
فارس ابتسم وحط يده الثانيه على يد حلا وقال/ وانا ماراح اسافر الا بعد مايخلص كل شي يخصك باقي وقت بس حبيت اعطيكم خبر.
حلا انبسطت شوي وقالت/ طيب ليش ماتفكر تسافر انت وزوجتك.
ضحك فارس على كلام اخته وقال/ من جدك من راح يرضى يتزوج على طول وبدون زواج ويتغرب عن اهله لحد مااخلص .
حلا ابتسمت وصارت تفكر من جد انه يسافر ومعه زوجته وقالت/ تثق بذوق اختك؟؟
فارس انبسط انها روقت وحب يجاريها بالمزح وقال/ اذا مثلك ماعندي مانع.
حلا مبتسمه/ واذا قلت لك طلبك موجود بس فيه بعض الاختلاف .
فارس ابتسم وغمز لها/ من احلى انت ولاهي؟؟
حلا ضربت كتف فارس على خفيف وقالت/ لاتاخذني بالكلام واقولك كل شي عنها وانت شكلك تمزح وانا من جد اتكلم.
فارس ضحك على حلا المتحمسه / خلاص بطلنا مزح ولاتزعلين . من تقصدين ؟؟
حلا ابتسمت وهي تناظر فارس وقالت/ اقول مستعد اقصد غاده.
فارس عقد حواجبه / حلا انت تدرين وش ظروفي وبعدين انت دايم تقولين انها متعلقه في اهلها كيف راح توافق.
حلا/ اذا جد موافق مالك شغل ماعليك الا تروح انت وابوي وتخطبها لاني احسها تناسبك وبعد الخطبه انا اكلمها وافهمها كل شي بدون اي ضغط مني.
فارس حس الموضوع مو سهل وقال/ والله مدري حاليا مشغول بالسفر وترتيب اموره بس اوعدك راح افكر بالموضوع وارد عليك.
حلا ابتسمت / اوك خذ راحتك بس لو وافقت ماراح تندم.
فارس ابتسم لاخته / يصير خير ان شاء الله بس بعد مابي اظلمها معي في الغربه.
حلا/ صدقني غاده قدها وقول حلا ماقالت.

بكذا ينتهي هذا الجزء بس توقعاتكم ...
هل راح تستمر حياة نايف وعبير على هالحال ولا بتنتهي ويرتاح الطرفين؟؟
وفارس بيفكر بالموضوع مثل ماوعد اخته جد ولالا؟؟

[لامارا]

(الجزء الرابع عشر)

الثلاثاء عند وليد والعنود الساعه 8 الصباح وليد مابعد صحى والعنود صاحيه لانها حست بتعب وماحبت تخوف وليد لحد ماتتأكد انها ولاده بعد نص ساعه
حست انها بتموت من الالم وماقدرت تصبر راحت لوليد وقربت من عنده وقالت بصوت تعبان/ وليد وليد اصحى.
وليد من سمع صوتها فز من نومه وقال/ هلا حياتي فيك شي.
العنود بألم/ شكلي راح اولد.
خاف وليد لان شكل العنود مبين عليها التعب وقال/ دقايق بس واكون جاهز.

خلص وليد بسرعه وطلع مع العنود وصل على المستشفى وراح يجيب لها عربه لانها خلاص واصله حدها اخذوها منه وبعد ساعتين دخلت غرفة العمليات
وجلس وليد ينتظر حس ان الوقت مايمشي وماحب يعلم احد من اهلها لحد ماتولد علشان لايخوف ام عبدالعزيز عليها بعد طول انتظار طلعت عليه النيرس
تعلمه ان المدام جابت ولد وفرح وليد بس على طول سئل عن العنود وقالت له المدام ساعه وتطلع للغرفه ..
جلس على الكرسي لانه من جاء من الصباح وهو واقف حمد ربه وبعدين كلم الاهل وبشرهم بسلامة العنود وانها جابت ولد وارسل للباقي رسايل..
بعد ساعه طلعت العنود ولاصحت من البنج الا العصر وكان وليد عندها بالغرفه متمدد على الكنبه ولما شافها صاحيه قرب من عندها ومسك يدها..
طبع بوسه على جبينها وابتسم/ الحمدلله على سلامتك ياام خالد.
العنود ابتسمت بتعب/ الله يسلمك وين ولدي؟؟
وليد/ مابعد جابوه شوي واخليها تجيبه عندك.
العنود/ وليد شفته؟؟
وليد ابتسم/ اكيد شفته وكل شي سليم الحمدلله.
العنود/ الحمدلله وغمضت عيونها تحس في ارهاق من هالكلمتين اللي قالتهم.
نص ساعه ودخلت عليهم النيرس ومعها خلودي الصغنون والعنود من شافت السرير ابتسمت اخذت النيرس خلودي من السرير وتقدمت للعنود تعطيها ولدها
النيرس تمون وتوجه الكلام لخالد/ بابا بيبي انت جميل سيم سيم انت.
راح اكتب لكم الحوار بالعربي خالد شق الابتسامه وقال/ شكرا بس لو كان مثل ماما صار اجمل.
النيرس مبتسمه/ اكيد بس الولد لازم مثلك والبنت مثل ماما ناعمه.
العنود من اخذت ولدها وهي تلمس كل شي فيه يدينه وفمه وخشمه ضمته لصدرها وطبعت بوسه ناعمه على عيونه المغمضه وليد كان يتفرج على العنود
وهو يتكلم مع النيرس ومعجبه منظرها وهي ضامه ولدها بس حس من دخل خلودي اكل الجو عليه ولاحتى عبرته هو بنظره..
النيرس قطعت الصمت وقالت/ مدام لازم رضاعه طبيعي علشان بيبي انت يصيركويس.
العنود ماعطتها وجه وبصوت واطي ماسمعه الا وليد/ انتظرك تعلميني.
وليد ضحك على تعليقها وقال/ الحلو ليش معصب هذا جزاها الحين متحمسه وتعطيك نصائح.
العنود/ بغنى عن نصائحها واظن ثاني مولود لي مو الاول والحين ممكن تطلع معها تكملون سوالفكم برا برضع ولدي.
خالد ابتسم وكلم النيرس/ اوك شكرا بعد ساعه تعالي .
قام وليد من الكرسي اللي كان جالس عليها بعد ماطلعت وجلس جنب العنود وضم اكتافها وابتسم / وش افهم من الطرده المحترمه؟؟
العنود/ مدري عنك انت وياها كأن مافي الغرفه احد غيركم سوالف وانت ماقصرت الابتسامه من هنا الى هنا.
ضحك وليد من كلامها وقال بمزح / يالبى اللي يغارون وانت مالاحظتي نفسك من شفتي خلودي ماعبرتيني لو بنظره تحسسني اني ابوه لاوبعد زياده على كذا
اطلع برضع ولدي اقول لايكثر بس.
العنود ابتسمت / وانت خليت لاحد فرصه يناظرك او يكلمك غيرها.
جلس وليد على الكرسي علشان تكمل العنود رضاعة ولدها ابتسم وقال/ والله لو تشوفكم الجوري بالمنظر هذا ان تحوسكم انا وهو انا غرت من هالنتفه ولدك.
العنود ضحكت وناظرته على جنب/ هي تغار عليك انت اكثر مني يعني انتبه لها وبعدين حلوه ولدك لايكون ولدي بس وانت لا.
وليد مبتسم/ لاماعليك يشبهني اكيد انه ولدي مو ولدك بس.
كملوا سوالف وخلصت العنود مرضعه ولدها واخذه وليد شوي وكل مره يكلم فيها بالجوال العنود تخاف على ولدها امسكه زين وانتبه له ...
طبعا بعد ساعتين صاروا الاهل يجون للعنود زياره وطلع وليد من عندها وتذكر انه ماكلم نايف في هذا الوقت كان نايف مع عبير في احد مقاهي الشانزلزيه
رن جوال نايف ولما شاف الرقم ابتسم ورد/ هلا والله بالنسيب.
وليد وهو مبسوط لسلامه العنود وفي ولده/ هلا بك اكثر اخبارك واخبار المدام بشر عنكم.
نايف يشغل نفسه بالكوب اللي قدامه/ الحمدلله تمام اخباركم انتم؟؟
وليد مبتسم/ اخبارنا تسرك خالد شرف ويسلم على خاله ويبي هديه من باريس.
نايف ابتسم ابتسامه من زمان عنها لدرجة ابهرت عبير اول مره تشوفها وقال/ ماشاء الله مبروك يبشر بعزه ماطلب شي بس طمني عن امه.
ابتسم وليد / ماعليها الحمدلله كل شي تمام.
نايف مبسوط بسلامة اخته/ يستاهل الحمد اجل تنتظرون السماوه من خالد .
وليد ضحك/ والله مدري عنه يقول مالي شغل فيكم ولاطرى لك تسميه علي.
نايف ضحك/ يعجبني خالد عارف نواياك .
وليد رفع حواجبه وهو مبتسم وقال/ اقول بس اسكت انت لاتخربه علينا راضين لو بطراطيش لو سياره بنتلي موديل2011 .
نايف ضحك/ والله ماتشتهي بعد ومحدد النوع.
وليد/ مالك شغل انا وخالد نتفاهم اطلع منها انت بس .
نايف / ابشر طال عمرك طيب العنود قريبه منك اقدر اكلمها.
وليد/ لا انا برا كلمها على جوالها ويله مااطول عليك نقدر الظروف وفاهمين انك معرس جديد.
نايف خفت ابتسامته/ اوك ومره ثانيه مبروك ماجاكم.
وليد/ الله يبارك في عمرك نشوفكم على خير.
سكرنايف من وليد ورفع نظره لها وكانت تناظره/ العنود جابت ولد.
عبير ابتسمت/ ماشاء الله مبروك والحمدلله على سلامتها.
نايف رد لها الابتسامه مع انها تعذبه ابتسامتها بس يشتاق لها/ الله يسلمك ويبارك فيك.

نرجع للمستشفى مره ثانيه زوار العنود اليوم بس الاهل ولاحبوا يطولون عندها علشان ترتاح على الساعه7 كانت هي ووليد بس بالغرفه مع ولدهم
لانه وقت الرضعه . طق الباب عليهم خالد وريم خالد كان شايل معاه فازة ورد كبيره بس روووعه طلع وليد من الغرفه لانه توقع ريم معه دخلت ريم
وسلمت على عمتها واخذت خلودي منها وجلست على الكنبه وصارت تتأمل فيه على دخول خالد للغرفه قالت/ ولبى النتفه ياناس.
دخل خالد ولما سمع كلام ريم قال/ احم احم مو معناته اسمه خالد تاخذين راحتك .
حط الورد خالد على الارض والعنود وريم مبتسمين على كلامه وتوجه للعنود يسلم عليها/ الحمدلله على سلامتك ياام سميي اقصد ياام خالد.
العنود مبتسمه/ الله يسلمك بس لاتقول ان الورد يكفي سماوه.
ضحك خالد/ والله تو تكلمنا بالموضوع انا ووليد وقلت له بركه جبنا لكم ورد وبعدين انت لاحظي ان زوجتي المصون متحمسه معاه يعني اخسر فلوس الورد
واخسر زوجتي وش بقيتوا لي.
ضحكت العنود على كلامه وخالد راح يجلس جنب ريم وطبع بوسه لخلودي وهو بحضنها انحرجت ريم من تصرفه وكلامه وقالت/ تبي تشيله؟؟
خالد ابتسم/ لا والله مااعرف اشيلهم اللي كذا صغار مرره.
العنود مبتسمه / نشوف اذا جاك ولد تعرف تشيله ولا ماتعرف.
ريم خافت خالد يحرجها زياده وحبت تغير الموضوع وقالت/ عمتو مايشبه لك.
ابتسمت العنود/ لايشبه لابوه اكثر.
خالد ناظر للولد وعقد حواجبه وبعدين ناظرريم ابتسم وقال/ جد يشبه لابوه اقول قومي عطيه امه وانت جالسه تناظرينه.
العنود تعبت من الضحك على خالد واحراجه لريم وقامت ريم تحط خلودي الصغنون في سريره ..
ماحبوا يطولون عندها لان وليد برا وهي بعد شكلها تعبانه وتبي تنام وقبل لاتطلع ريم جابت خلودي لعمتها..
دخل وليد بعد ماطلعوا وكانت العنود ترضع ولدها وحست انه حتى هو تعبان وفيه النوم لانه من الصباح وهو معها حتى الجوري راحت غاده وتركي لبيتهم
واخذوها العنود ابتسمت من دخل عليها وقالت/ بعد قلبي تعبتك معي اليوم ليتك تروح للبيت ترتاح.
قرب منها وليد وطبع بوسه على خد ولده وبعدين خدها وابتسم لها / تعبك راحه ياعمري وقومتك لي بالسلامه والنتيجه هالنتفه اريح لي من الف نومه
ولاتحاولين ماراح اروح للبيت بجلس معك.
العنود/ حياتي بس نومه المستشفى مو مريحه.
وليد/ لعيونك كل شي يهون وبعدين كلها يومين وانت طالعه ان شاء الله.
العنودابتسمت له/ الله لايحرمني وجودك.
وليد ابتسم/ ويخليكم لي انت وعيالي.
بعد نص ساعه جت النيرس واخذت خلودي من عندهم واستسلمت العنود للنوم لانها تعبانه وراح وليد وتمدد على الكنبه يريح له شوي..

يوم الخميس في باريس كان نايف وعبير يتمشون بعد العشاء ومثل كل يوم مابينهم الا سؤال والرد عليه مع كم ابتسامه مثل كلمتي اهلك؟ اخبارهم؟
فجاءه طلع عليهم شاب سكران قرب من عبير وصار يناظرها نظرات غريبه ويرمي عليها كلام هنا فار دم نايف وعبير تعلقت في يده تعتبره حمايه لها
ماحب نايف يتمشكل معه ولامايبي له الاكف ويطيح بالارض من كثر ماهو سكران..
مسك عبير من يدها بقوه لاول مره يحس انها ملكه وبعد عنه قال وهو متنرفز من الموقف اللي قبل شوي/ نرجع للفندق؟؟
عبير حست بخوف وعيونها تجمعت فيها الدموع ولاحظت نايف كيف تضايق من الموقف لانه ضاغط على يدها بقوه وهزت راسها بالموافقه بدون ولا كلمه..
رجعوا للفندق وهي متعوده يدخل قبلها للغرفه علشان يفضيها لها وتدخل هي بعده بس اليوم مادخل جلس على الكنبه على طول وحط راسه بين يدينه..
نايف وهو على وضعه/ تقدرين تروحين لغرفتك ماراح ابدل بنزل تحت شوي بس طلعي بجامتي على الكنبه قبل لاتنامين.
تدري انه متضايق ولاحبت ينزل وهو كذا قالت بكل هدوء وحنان ملحوظ بصوتها / نايف ممكن نتكلم.
اول مره تنطق اسمه عذبته اكثر من العذاب اللي بقلبه من الغيره عليها من الموقف اللي مر عليه قبل شوي/ يوم ثاني ان شاء الله ارتاحي اليوم.

وطلع نايف من الفدق وماكان عليه الا تي شيرت نص كم مايدري وين يروح المهم انه يطلع ولايشوفها ولايكون بينهم كلام لانه يتعذب في كل مره يشوفها
ولايبي يجبرها على شي ماتبيه وكرامته طبيعي ماتسمح له يقرب لها قبل لايعرف كل شي منها وقرر وهو يمشي بكره راح يكلمها واللي يصير يصير
لانه ماعاد يقدر يتحمل اكثر من كذا بدون لا يواجهها لازم يعرف الحقيقه مهما كلفته حتى لو فيها جرح لكرامته بس يبي يحسم الموضوع ويرتاح من الافكار
اللي ماتفارقه لا ليل ولانهار والموقف اللي صار اليوم زاده وحس بغيره عليها مع ان الرجال كان سكران كان يمشي بلاهدف ولافيه مكان معين يبي يروح له
بعد ماحس على نفسه شاف انه ابعد عن الفندق خاف على عبير لانه اليوم شاف الدموع في عيونها ولاحب يضعف ويجلس عندها ...
وهو راجع للفندق كان يفكر بحال عبير بعد ماطلع وفجاءه نزل مطر وصار الجو بارد حب يمشي في هالجو يمكن همه ينزل مع المطر على الارض ...
عبير من طلع نايف وهي داخله للغرفه ومقفله على نفسها وصارت تبكي بصوت عالي تتمنى يطلع كل اللي فيها مع الصوت لانها تحس نفسها مخنوقه
واللي ضايقها اكثر حال نايف ماكان كذا نحف شوي وتحت عيونه اسود تحس هي السبب في كل هذا وخافت عليه اكثر اليوم لما طلع وهو متضايق ..
تعبت عبير ونامت على نفس وضعها حتى بدون ماتبدل ملابسها ...
بعد ساعه وصل نايف للفندق ودخل بكل هدوء كان يتمنى ياخذ له شور ويبدل ملابسه لانها مبلله بس من وصل للكنبه اللي هي سريره طاح عليه لانه حس
بصداع من التفكير اللي ذبحه اليووم ونام بملابسه وبدون غطى من التعب التعب والصداع مايدري كيف نام..
الساعه 11 الصباح صحت عبير وهي خايفه وتعوذت من الشيطان لانها حلمت بس هالمره مو في ولد عمها لا في نايف وانها راح تفقده..

قامت على طول وطلعت تشوف اذا هو موجود ولالا وفتحت الباب وشافته نايم بملابسه ولاتغطى والمكان بااااارد ارتاحت لوجوده بس ماقدرت تقرب منه
تغطيه رجعت للغرفه علشان تاخذ دش لان اكيد نايف راح يصحى بعد شوي وينزلون يفطرون كالعاده بس نايف اليوم تأخر ماصحى وهو كل يوم يصحى قبلها
خافت يكون فيه شي وطلعت له وحصلته على نفس وضعه بس كان يقول كلام مو مفهوم بالنسبه لعبيرقربت من عنده وشافت وجهه كله عرق وتجرأت وحطت
يدها وشالتها بسرعه لانه كان حار وخافت عليه جاها قوه ماتدري من وين حاولت تصحي نايف وتروح معه تحطه على السرير اريح له قام معها وهو مايدري
عن اي شي لان حرارته كانت مرتفعه وكان مرهق وكانت ملابسه للحين مبلوله من ورى وصلته للسرير وتمدد عليه بمساعدة عبير وقبل لاينزل راسه بدلت
اللي عليه في تي شيرت قطني خفيف وراحت تركض تجيب لها مويه بارده وفوطه صغيره كمادات لنايف وفي بالها اذا مانزلت الحراره راح تطلب مساعده
من الفندق ، طول اليوم وعبير عند نايف وتكمده ومن حسن حظها ذكرت ان معها مضاد تستخدمه اذا تعبت ويريحها مره راحت لشنطتها وطلعته رجعت لنايف
وحطت يدها تحت راسه ونادته بصوت كله خوف عليه/ نايف نايف .
بعد المره الثانيه رد عليها وهو يحس انه في حلم/ همممممم.
عبير بصوت مخنوق من حالته/ بس ساعدني وقوم كل هالحبه.
رفع راسه بتعب وعبير تساعده اخذت الحبه ودخلتها في فمه وقربت له الكاس وشرب منه شوي ورجعت راسه مره ثانيه...
بعد نص ساعه بدء مفعول الحبه ونزلت حرارته وارتاحت عبير بس للحين مابعد صحى مو مهم الاهم مايكون حار ...
على الساعه 5 العصر قامت عبير من عنده وطلبت له شوربه خافت ان المضاد يتعبه ومعدته فاضيه ...
نايف يصحى شوي ويرجع ينام لانه يحس ان حيله مهدود دخلت عليه ومعها الشوربه وكان صاحي قربت من عنده وحطت الفطور على الطاوله
وعدلت له المخدات علشان يجلس...
نايف بصوت تعبان/ مشكوره تعبتك معي.
عبير وهي تاخذ الفطور من الطاوله/ لاتشكرني واجبي.
ضحك نايف بحسره على عمره من ردها لانه صدق عمره انها خايفه عليه من اهتمامها ..
عبير مااهتمت لضحكته لانها ما تبي تفتح معه مواضيع وهو تعبان وكل شي بوقته حلو..
نايف/ خوذيها من قدامي مااشتهي شي.
عبير تناظره وهي خايفه عليه/ لازم تشربها لانك اكلت مضاد مايصلح على جوع راح يتعبك .
ماحب نظرتها له يحسها شفقه/ انا مافيني شي ولا ابي لامضاد ولا شوربه.
قربت من عنده علشان تغصبه ياكلها تخاف تنتكس حالته لو مايكمل المضاد/ اذا ماشربتها بنفسك انا بشربها لك .
نايف غمض عيونه لان قربها يتعبه اكثر وقال/ لا للحين اقدر اخدم نفسي وماراح اكون عاله عليك.
جرحها كلامه بس هي تدري انه متضايق من وضعهم وماراح تلومه لانه تعبان واخذت وعد على نفسها تكون قويه هاليومين علشان لاتخسره للابد..
شرب له اربع ملاعق وهي تناظره ودها يشرب اكثر علشان تقويه لان المضاد يهد الحيل بس هو حط الملعقه دليل انه خلاص شبع..
ريم/ بس ملعقه اخير علشـــ.
نايف ناظرها بتعب وقال/ ليش ماكملتيها؟؟
عبير خافت من ردة فعله لو قالت علشاني وقالت اسلم من الكلام اللي ممكن يجرحني وانا ابي اكون قويه وقالت/ تكفى كملها علشان المضاد.
نايف بدون لايناظرها عصب ورمى الملعقه بالصينيه وقال/ ممكن تاخذينها من قدامي وتطلعين برا ابي ارتاح.
عبير انصدمت من تصرفه وحست ان وجودها مضايقه وقربت من عنده واخذت الصينيه ورجعت له ومعها حبت المضاد ..
عبير/ خذ المضاد وراح اطلع علشان ترتاح.
نايف اخذها منها وشرب بعدها مويه وحس اعصابه تعبانه ، عدلت له المخده وطلعت من الغرفه وجلست على الكنبه اللي ينام عليها فتحت الـtvوتمددت
تريح لها شوي شمت فيها ريحة نايف ضمت مخدته وصارت دموعها تنزل غصب عنها تحس هاليومين كل شي تجمع عليها مع انها كانت مخططه اذا
رجع من مشواره اللي تعب فيه ماراح تخلي له فرصه وراح تفهمه سبب قرارها بس هو تأخر وهي نامت ، وجلست تفكر بحالها مع نايف وهي ضامه مخدته
لحد مانامت...

اليوم العنود طلعت من المستشفى على بيت اهلها والجوري من شافت امها وهي جايه لها وضمت بنتها اول مره تغيب عنها يومين بدون لاتشوفه ..
الجوري/ ماما وين رحتي انت وبابا.
العنود طبعت بوسه على خد بنتها / ياماما رحت اجيب خلودي اخوك اللي مع جده.
الجوري راحت لجدتها وقالت/ جده عادي اشيله لماما.
ام عبدالعزيز/ لا غاده تشيله لانه صغير واذا كبر شوي انت تشيلينه.
اخذت غاده خلودي لعمتها وجت الجوري عندهم على السرير وقالت/ ماما ليش خلودي مغمض عيونه؟؟
العنود تجاوب بنتها على كل سؤال / لانه صغير يشرب حليب مثلك وبعد سنه يصير كبير .
الجوري/ متى يعني بعد سنه؟؟
العنود بطولة بال قالت لبنتها/ يعني لما تدخلين الروضه.

غاده هي وامها مبتسمين على اسئلة الجوري اللي ماراح تخلص وحبت غاده تريح العنود من الجوري شوي لانها اكيد جايه من المستشفى تعبانه ..
غاده / الجوري نطلع فوق نلعب في العابك.
الجوري/ ماما عادي ناخذ خلودي انا وغاده معنا.
العنود/ لاحياتي الحين خلودي نايم.
طلعت الجوري مع غاده مع انها ماحبت تترك امها مع خلودي ...
نوره/ الله يعينكم عليها اللي بتشيله معها يلعب من الحين شكلها ماتبي تخليكم مع بعض.
العنود/ الله يعين تغار من زمان فما بالك جاء احد ينافسها .
ام عبدالعزيز/ بجيب لك شي دافي تشربينه ونامي لك ساعه.
طلعوا من عند العنود علشان ترتاح وبعد ساعتين دخلت عليهم الجوهره وراح تنام عندهم لانها بكره بتسافر لبنان ..

على الساعه 10 الليل صحت عبير وهي ماتدري كم الساعه ولاوشلون نامت هالنومه لامت نفسها لانها اهملت نايف خافت لايكون موعد المضاد فات
شافت الساعه وصار باقي ساعه عليه حبت تتطمن علي نايف راحت له وفتحت الباب بهدوء علشان مايصحى قربت من عنده وهو مغمض على بالها نايم
بس هو له ساعه صاحي ويحس بكسل وخمول حتى مايقدر يرفع راسه حطت يدها على جبينه ولقت حرارته عاديه استغلت الفرصه وتأملت وجه نايف
على نور الابجوره هو كان حاس فيها من دخلت ومتأكد انها للحين جنبة من ريحة عطرها حب يتركها براحتها ولايتواجهون بالكلام ويخسر اهتمامها
ووقفتها جنبه ماطمع في اكثر من كذا وهو تعبان فتح عيونه بتعب وحب يملى عيونه منها ..
ارتبكت عبير من فتح عيونه وقالت بصوت حنون/ الحمدلله حرارتك مو مرتفعه راح اطلب عشاء علشان المضاد.
ابتسم نايف لحنانها وقال/ بشرط تاكلين معي.
عبير مبتسمه/ اوك راح اكل معك بس وش تحب اطلب.
نايف/ عادي اي شي راح تطلبينه راح اكله.
عبير مبسوطه من تجاوبها معها بدون تعصيب وقالت/ يعني مافي شي محدد تشتهي تاكله.
نايف/ لا عادي.
مشت عبير من قدامه وتنهد نايف تنهيده قويه وصلت لعبير قبل لاتطلع وعذبتها لانها حست انها هي السبب زياده على تعبه وصارت تتكلم بينها وبين نفسها
انت قوم بالسلامه وراح تعرف كل شي ويكون القرار بيدك اوعدك راح تترتاح وانا ارتاح من تأنيب الضمير..
نايف يفكر من طلعت عبيرعنه في وضعهم كنت مرتاح وهي جنبي ليش طلعت ماتدري انها دواي بس راح اصبر ياعبير واشوف كيف راح تكون نهاية قرارك
وصل العشاء وتعشوا مع بعض مع ان نايف اغلب وقته يسرح في عبير وهي ملاحظه بعد العشاء اخذ نايف المضاد ..
راحت عبير لشنطتها بتاخذ لها بجامه وتطلع لانها ماتبي تضايقه وقبل لاتطلع نايف قال/ عبير لاتطلعين خليك هنا .
عبير انبسطت ان وجودها معه مو مضايقه مع انها انحرجت من طلبه بس خافت يعصب من اي رد ويفهمها غلط وقالت / بس ببدل وراجعه.
نايف حس فيه امل من قربهم لبعض بس ماراح يجبرها على شي لحد مايعرف كل شي ...
عبير جلست يومين وهي ماتفارق نايف ومنتظم على المضاد وتعودا على وجودهم مع بعض اكثر واكثر..
بعد يومين صحى نايف وهو يحس انه اليوم احسن بكثير من الايام اللي فاتت والفضل يرجع لله ثم اهتمام عبير فيه وهي للحين نايمه على طرف السرير لانها
اليومين اللي فاتوا ماكانت تنام وهي مرتاحه لانها ماتبي تترك نايف تخاف ترتفع حراراته ولقربها منه وكان تي شيرت البجامه مرتفع شوي قام من عندها
لانه خاف يندم على اي تصرف راح ياخذ له دش وبعده طلع للصاله لانه من زمان عنها له كم يوم على السرير وكل شي يجيه لحد عنده وصار يسئل نفسه؟؟
هل راح ينتهي هذا الدلال ؟؟ وهل بيفقد الحنان اللي بعيون عبير ؟؟ وهل كانت بالاصل حنان ولاشفقه لتعبه وانا اشوفها حنان؟؟
هانت اليوم ان شاء الله بتوضح الامور لانه راح يجلس مع عبير ويتكلم بكل شي يبي يعرف سبب قرارها ...
صحت عبير ماشافت نايف عندها خافت يكون فيه شي ولايبي يزعجها مع انه امس الحمدلله ماارتفعت حرارته ابد لفت لجهته وشافت جواله على الطاوله
ارتاحت يعني موجود طلعت له تبي تتطمن عليه وكان رافع راسه ويده على عيونه لانه يحس بشوي صداع من التفكير بالموضوع اللي بتكلم مع عبير فيه
من شافته عبير على طول قربت من عنده بخوف ولمست جبينه فز من لمستها لانه كان ماخذ له غفوه تعلقت عيونه في عيونها اللي فيها خوف عليه واضح
تمنى انها ماتفارق عيونه ولالحظه حس انه محتاجها ولازم يتنازل عن كرامته راضي بالحقيقه حتى لو فيها عذابه اهم شي يرتاح مسك يدها وجلسها جنبه ..
عبير انحرجت من الموقف بس ارتاحت انه هو اللي راح يبدى معها مهما كان صعبه على البنت وكانت منزله عيونها ..
رفع نايف راسها وصار يناظر ملامحها وعبير منزله عيونها لحضنها وقال/ عبير سؤال واحد اجابته عندك وهي اللي راح تحدد كل شي في حياتنا.
رفعت عيونها لانها المسأله جد وقالت/ اذا جوابه عندي اكيد راح اجاوبك عليه.
نواف غمض عيونه لان الجواب ممكن يخسره حياته معها وقال/ انت مغصوبه علـــ وكان راح يكمل بس عبير سبقته وحطت يدها على شفايفه
ماتبيه يكمل كلامه وفتح نايف عيونه وقالت/ اشششش لاتكمل واللي يخليك ادري فهمت قراري غلط وانا السبب في كل اللي صار بس كل واحد منا مر في
تجربه وكان قصدي نفهم بعض اكثر لانه بطلب مني ماكان فيه ملكه وهذا ثاني قرار اتخذه غلط بس كنت خايفه ودمعت عيونها .
نايف حس انه طاير من سمع كلامها بس من شاف دموعها عوره قلبه ومسحهم بيده وضمها لصدره/ طيب ليش الدموع ماصدقت اسمع هالشي منك.
عبير/ مدري بس حسيت ظلمتك كثير كنا راح نفقد بعض من قرار فهمته انت غلط.
نايف صار يمسح على شعرها لانه من زمان كان يتمنى هذا الشي من زمان ورفع وجه عبيروصار يمسح دموعها بأطراف اصابعه ويبعد شعرها عن وجهها..
نايف/ تدرين حتى وانت تبكين شكلك اليم الله يقدرني واسعدك.
عبير وهي مبتسمه له من بين دموعها / سعادتي بوجودك جنبي .
نايف انبسط من كلامها ابتسم وطبع بوسه على جبينها وقال/ الله لايحرمني منك بس ماكنتي تدرين وش معنى ان الواحد يكون عطشان والمويه قدامه عذبتيني.
انحرجت عبير من كلامه ونزلت عيونها وهي في بالها الليله راح تعوضه عن الايام اللي فاتت ان شاء الله..
نايف مبتسم معجبه شكلها وهي مبين عليها منحرجه وماحب يستعجل كل شي بوقته حلو وقال/ الحين نروح نبدل وننزل نفطروالليله ابيك احلى عروس..

بعد يومين بالرياض في قصر الجد العنود كاانت تبدل ملابس ولدها علشان ترضعه قبل لاينام لان وليد راح يكون عندهم بعد الدوام لانه بيروح لجده يومين..
دخل عليها وقال/ ماشاء الله اشوف الشيخ مبسوط 24 ساعه بالحضن.
ابتسمت العنود وقالت/ والله مدري من اداري انت ولابنتك علشان ماتغارون من خلودي.
قرب وسلم عليها وطبع بوسه على خد ولده وجلس على السرير وقال/ ماألوم بنت ابوها كان كل مادخلت عليكم وانتم كذا حرام عليكم.
العنود رفعت حواجبها/ لا والله احاول ماابين لها ولااشيله الا وقت الرضعه اكثر الوقت مع امي.
وليد اخذ ولده من عند العنود وصار يبوسه من كل مكان وقال/ ياحلو ريحته .
العنود ابتسمت/ من جد بنت ابوها تدري انها تقول ماما ريحته حلوه مثل البودره.
وليد/ صادقه بنتي وينها غريبه ماشفتها.
العنود/ طلعت قبل شوي مع روز تبدل ملابسها واذا جت حط خلودي في سريره.
وليد/ ابشري وقبل لاتجي يكون في سريره ماعندي مشكله بس بحضنك لا تخربينه علينا بعدين.
راح وليد وحط ولده في سريره ورجع ضحكت العنود ودخلت الجوري تركض لابوها شالها وحطها على رجله وقال/هلا بابا وينك ماشفتك.
الجوري/ رحت ابدل ملابسي علشان اصير مثل خلودي نظيفه وريحتي حلوه.
وليد طبع بوسه على خد بنته ومسك خشمها وقال/ مشكلة هالخشم مثل ابوك بابا انت ريحتك احسن من خلودي علشانك كبيره.
الجوري/ لا ابي اصير مثل ريحته ماما هاتي خلودي لبابا علشان يشم ريحته.
وليد/ لابابا ماابي اشمها احب ريحتك انت.
جلس وليد معهم وتغدى وطلع قبل العصر من عندهم علشان يمشي لجده ...

بعد العصر حب خالد ينزل مع ريم لانه ماشاف عمته بعد المستشفى ويسلم عليها قبل لايجي قبل لايجي احد ولايقدر يدخل كلمت ريم غاده وقالت لها...
دخل وسلم عليهم وريم من دخلت سلمت على الكل وراحت عند العنود علشان تاخذ خلودي منها وجلست على الكنب وجاء خالد وجلس جنبها..
خالد/ عمتي ولدك ذا ساحر ريم اذا على السماوه ابشروا اللي تبون يوصلكم بس فكوني ماعندها غير خلودي وخدود خلودي .
العنود ابتسمت/ والله مالي شغل اذا ولدي جميل وبعدين يمكن تحبه علشان اسمه خالد واذا من الحين تغار من ولدي الله يعينك اذا صار لك عيال.
خالد ابتسم وقال بصوت مايسمعه الا ريم/ متى بس؟؟
فرح كانت تمشي قريبه منهم وسمعت خالد وابتسمت وقالت/ فيه ناس مستعجلين على رزقهم.
خالد ناظرها على جنب وهو مبتسم وقال/ وفيه ناس عليهم اذان .
ضحكت فرح/ قول ماشاء الله.
خالد مبتسم/ ماشاء الله ولاتخافين عيني بارده .
جلس خالد عندهم شوي وطلع وبعد ساعه جاهم ضيوف .
نتركهم في حوستهم ونروح شوي لباريس اذا ماعندكم مانع هههههههه..

في الفندق بعد ماخلصوا من مشوارهم اليوم اخذ نايف دش سريع ولبس بجامته وطلع بعده عبير خلصت وكانت لابسه قميص نوم وكان روعه وشعرها للحين
مبلول تعطرت وحطت لوشن وطلعت له وجت بتجلس جنبه بس مسك يدها وسحبها لعنده وصارت في حضنه وكان هذا اللي يبي وصار يتأملها وعبير منحرجه
نايف مبتسم/ شعرك لو غيرتي فيه شي بدون علمي لاتلومين الا نفسك .
ابتسمت عبير ورفعت شعرها بيدها حركه كثير تسويها وقالت/ ان شاء الله.
كان ودها تقوم وحس نايف انها بتهرب منه ومسكها من خصرها بتملك وقال وهو يضحك على وجهها اللي يعطي كم لون وقال/ وين بتروحين؟؟
عبير منحرجه/ احس اني تعبتك بجلس جنبك ماراح اروح لمكان.
ابتسم نايف/ واذا قلت لك انا مرتاح.
عبير رفعت عيونها له وصارت تتأمل عيونه تحس فيها حنان وقالت/ دووم ياارب وانا ماحسيت بالامان الا بعد مسكة يدك.
مسك نايف وجه عبير وابتسم لها وقال/ حياة نايف وقلبه انا كلي ملكك مو بس يدي.
تعلقت عبير في رقبة نايف بدون ماتتكلم وقال نايف/ تدرين انا الحين في نعمه اخاف احسد نفسي عليها.
قربت عبير من اذنه وقالت/ حياتي قول امين.
تنهد نايف ودخل راسه بشعرها وقال/ امين قلبي.
عبير على نفس وضعها/ الله لايحرمني منك.
رفع نايف وجه عبير وطبع احلى بوسه وشالها مع انها طويله بس بالنسبه لطول نايف ولاشي دفنت راسها بصدره ومشى للغرفه ..
بعد 4 ايام في مدينه (توفينو الايطاليه) نايف وعبيرعلى يخت من اجمل مايكون لان المكان روعه والجو اروع كان نايف جنب عبير ويده على اكتافها
وكانت سرحانه قرب منها بحيث يكون قريب من اذنها وقال/ حياتي .
عبيرلفت له وكان وجهه قريب منها/ لبيه.
نايف ابتسم وقال لها/ لبيه .. ياللي وحدك ان قلت لبيه ..
يذبحني لبيهك ويذبحني الصوت ..
وان طاح قلبي ميتن فيك خليه ..
ياحي قلبن طاح وياحيه الموت ..

عبير مسكت يده وقالت بخوف/ بسم الله عليك بعد عمر طويل.
نايف وهو هالايام الابتسامه صارت ملازمه له قال/ في سبيل وجودك جنبي كل شي يهون بس علميني كنت سرحانه في مين؟؟
عبير ابتسمت وهي تتأمل وجه نايف/ جد جد كنت مبسوطه وانا دايم اذا مبسوطه اتذكر اهلي .
نايف ضمها لصدره وابتسم / ممكن تكونين لي هالايام بس واذا رجعنا ان شاء الله اسمح لك يشاركوني فيك بالتفكير.
عبيرابتسمت على كلامه وقضوا كل ايامهم كل يوم احلى من الثاني ونايف مبسوط في حياته الجديده بمشاركه عبير اللي يحس انها كملته وملت عليه دنيته..

وبعد 3 اسابيع رجع نايف وعبير من شهر العسل بعد مامدد اسبوع عن الاسبوع الاول اللي ماعاش فيه مثل مايقول طبعا بعد ماسلم من تعليق الشباب عليه
وش عندك؟ وش سوت لك بنت محمدجابت راسك ومن هالكلام بس طنشهم ولاجاب خبرهم وكانوا احلى ثنائي..
طبعا ابو عبدالعزيز عزم الكل بمناسبة رجوع نايف وعبير وكانت العزيمه كبيره والكل حاضر لان ماكان فيه زواج ..
بعد شهر ونص اعلنت الجوهره انها حامل والكل فرح في هذا الخبر اكثر من اي خبر..
وبعد شهرين ثانيه تمت ملكة محمد وحلا وكانت في بيت ابو فارس والحضور قليل الاهل بس والقرايب..
وبعد اسبوعين من الملكه فاتح فارس حلا بموضوع غاده فرحت حلا ونزل هو وياها يكلمون ابوه وانبسط وقال لفارس بكره يكلم ابو عبدالعزيز..
وبعد خطبة فارس بيومين شخص كان راجع للبيت وكان مسرع شوي لان عنده مشوار ثاني وفجأه طلعت له سياره كبيره وطلعته عن الطريق قلبت سيارته
مرتين وبعدين تعدلت اغلب اللي في الطريق وقفوا للمساعده وكان الشخص اللي بالسياره الباب ضاغط على رجله ولافكها الا الدفاع المدني وراسه كله دم
وهو في حالة اغماء تام وفيه نبض بس على خفيف كلموا على طول الاسعاف ونقلوه للمستشفى...

هنا ينتهي هذا الجزء بس ابي توقعاتكم..
من هذا الشخص وهل راح ينتهي دوره من القصه؟؟
وهل غاده بتوافق على فارس ولابيكون فيه شي يمنعها؟؟

[لامارا]

(الجزء الخامس عشر)

ابو عبدالعزيز صار يفقد وجود غاده صارت تحب تجلس في البيت اغلب وقتها من فاتحها بالموضوع وكلمتها حلا عن وضع فارس انه يبي كل شي سريع
وبدون زواج كبير علشان السفر تبي تحط غاده بالصوره ردت عليها غاده ان المظاهر ماتهمها ومو قصدها كل هالمده بالتفكير الزواج وخرابيطه بس فكرة
انها راح تبعد عن اهلها حيرتها بالموضوع كثيررر..
بعد كم يوم من كلام جدها معها كلمت غاده تركي علشان يجي عندها للبيت تبيه ضروري خاف تركي وعرف ان عندها موضوع مهم جاء تركي على طول لها
وقالت له الي في خاطرها وارتاح لانه كان خايف انه اكبر من كذا طمنها وفهمها وضع نايف وقال لها ان الرجال اذا فكر هالتفكير انه يتزوج قبل يسافر فمعناه
انه يبي معاه احد في الغربه واكد لها انها ماراح تندم لان فارس رجال ينشد فيه الظهر ولاراح يقصر معها وفيه زيارات ان شاء الله وراح تعدي بغمضة عين
طمنها كلام تركي وارتاحت نسبيا بس للحين شايله هم الغربه اللي لها دور كبير بترددها في الموافقه على فارس ..
ونايف بعد فاقد وجودها كثير بس حب يتركها براحتها بس طولت وماقدر يصبر بعد الدوام على طول راح لها البيت وتكلم معها بالموضوع وكلمها عن فارس
وقال لها مهما كان ردك ماراح يغير شي وتأكدي مليون بالميه ان فارس فاهم الوضع وبيقدر بس فكري . لانه بنظره يناسبها بس ماحب يضغط عليها ...

في قسم نايف وعبير نايف كان مريح شوي بعد الدوام ودخلت عليه عبير تصحيه لانها ماتبيه يطول علشان مايسهر وصلت عنده وصارت يدها على كتفه
وبصوت هادي قالت/ نايف اصحى تاخر الوقت.
نايف بكسل/ همممممم.
ابتسمت عبير ونزلت راسها وطبعت بوسه على خده/ فيك كسل مو طبيعي اصحى اهلك تحت ينتظرون القهوه جاهزه.
نايف فتح عيونه وصار يناظر لمعة عيونها وغمز لها وهو مبتسم / على بالك كذا راح اصحصح واقفه قدامي وتسوين شي لو اطلبه منك وانا صاحي ماجاني
انت بحركاتك تقولين كمل نومك وانا بجي ارتاح جنبك.
عبير ضحكت وقالت/ مااحلاني طالعه من اهلك اصحيك واسحبها نومه.
نايف ضاعت علومه مع ضحكتها وسحبها مع يدها وطاحت على السرير ابتسم وقال/ قلبي لاتخليني اسويها احيانا افصل ولايهمني احد .
ابتسمت عبير ويدها على صدرنايف وقالت/ الحين اصحي علشان ننزل عند اهلك والفصله اتركها بوقت ثاني.
نايف اشر لعبير اشاره فهمتها وبدون كلام نفذت اللي طلبه لانها تعودت على حركاته وصارت تعرفه اكثر من نفسها مع انها ماطولت معه ...
نايف وهو ماسك يدها اللي على صدره ابتسم وقال/ تمشي الحال مع انها مو مقنعه .
قطع عليهم جوال عبير ردت وهي على وضعها ومبتسمه/ هلا حبيبي .. وانا بعد مشتاقه لك اكثر.. حياتي انت بكره ان شاء الله اجي عندكم..
نايف يناظرها والبسمه مافارقتها من ردت رفع حاجب وكل ماقالت كلمه ضغط على يدها وهي تناظره لحد ماخلصت المكالمه ..
عبير وهي تناظر نايف/ حمودي يسلم عليك ويقول متى تجين عند جده انت وعمي نايف.
تعدل نايف وجلس على السرير ومسك يدها وباسها وقال وهو مبتسم/ اولا كلمة حبيبي لااسمعها لاحد غيري وثانيا اول مره اسمعك تكلمينه شكله مشتاق لك.
ابتسمت عبيرمن كلامه وقالت/ اولا مثل ماقلت انت تدري ان كلمة حبيبي لك انت غير , وثانيا حتى انا مشتاقه لهم لاني متعوده عليهم واحب وجودهم عندنا.
نايف رفع حاجب وقال بمزح وهو مبتسم/ الحين مابيك تشتاقين لغيري ولعيالنا اذا ربي رزقنا .
عبيرابتسمت وحاست شعر نايف وقالت/ ان شاء الله طلبات ثانيه حبيبي.
نواف ضحك ضحكه شريره ومسك وجهها بين يدينه وقال/ ولو اطلب راح تنفذين اللي بطلبه.
عبير على طول قامت من على السرير لانها عرفت قصده وقالت/ نايف والله تأخرنا يله ننزل وبعدين يصير خير.
قام نايف من السرير وهو مبتسم وقال قبل لاتطلع عبير من الغرفه/ يالخوافه طيب انتظري لاتنزلين ثواني واخلص.
عبير ابتسمت وقالت/ بعد يالخوافه اجل بنزل قبلك علشان تعرف.
ضحك نايف وهو متوجه يغسل ويبدل ملابسه / اذا بتتحملين العقاب سوي اللي تبين .

نروح لبيت وليد والعنود خلودي الصغير مالي عليهم البيت وصار يطلع اصوات تجنن وطبعا وليد مايقدر يقاومه ولايخفي مشاعره قدام الجوري مع ان العنود
كم مره قالت له يراعي مشاعرها وهو يحاول قد مايقدر بس شي غصب عنه..
العنود جايه ومعها القهوه ابتسمت على منظر وليد وهو متمدد على الكنبه وخلودي على بطنه ومبسوط معاه ..
العنود جلست / غريبه وين الجوري عنكم؟؟
ابتسم وليد / طلعت فوق بتجيب لها لعبه وقالت لي بابا لاتشيل خلودي لين تجي ماما.
العنود/ شفت اذا قلت لك انها تغار عليك اكثر مني.
وليد/ والله اني احاول قد مااقدر بس غصب عني يجبرني اشيله هو ويدينه من يشوفني وهو رافعها.
ابتسمت العنود / الله يخليك لهم ولايحرمنا وجودك. عطني خلودي وقت رضعته.
اخذته من ابوه على طلة الجوري لهم من فوق واللعبه بيدها تبي ابوها يشوفها..
وليد ابتسم/ توقيت مناسب رضعتة بعدي والله ولدي انقذني من زعل بعض الناس يستاهل بوسه مع عضه.
العنود مبتسمه/ حرام عليك شوف خدوده كيف صار لونها وبعدين انا اللي انقذتك لاني اخذته منك.
وليد غمز لها/ انت بس افضي لي وانا اعلمك وش لك لانك من تاخذين الشيخ بحضنك تنسين الدنيا ومافيها ولاتقدرين مشاعر غيره اللي يغارون من عيالهم.
العنود ضحكت لدرجة ان خلودي خاف وهو يرضع/ اجل العائله الغيوره.
وليد مبتسم/ تقدرين تقولين لاني اشوف الحضن شاغر على طول.
دخلت عليهم الجوري وتوجهت لحضن ابوها على طول وهي مبسوطه وباست خده وقالت/ بابا صح كذا حلو انا عندك وخلودي عند ماما.
وليد ابتسم ورد لها البوسه وقال/ انت عندي لانك كبيره وحلوه وخلودي لانه صغير لازم يصير عند ماما.
جلس يلعب مع بنته لحد ماغلبها النوم ونامت وكان وليد بيطلع فوق يبدل ملابسه/ اطلعها معي فوق.
العنود / على بلك بتواصل هذي قيلوله بس بتصحى بعد شوي تشوف الاوضاع.
وليد مبتسم/ اوك انا بطلع شوي مواعد لي واحد وراجع ماراح اطول ان شاء الله.

نرجع للحادث اخذ احد المسعفين جوال صاحب الحادث وكان اخر مكالمه اسم كان مبين عليه انه لبنت واللي قبله فيصل على طول بدون تردد كلم عليه
فيصل كان في المقهى مع الشباب ناظر الرقم وكان خالد وقال يمزح مع الشباب / غريبه خالد وش عنده يمكن غير رايه وبيرجع يكمل السهره .
المسعف/ السلام عليكم.
عرف فيصل انه مو صوت خالد وقام من الكرسي / وعليكم السلام.
المسعف/ الاخ فيصل .
فيصل عرف ان فيه مصيبه وقال/ اي نعم اخوي صاحب الجوال وينه .
المسعف/ للاسف صاحب الجوال صار عليه حادث والحين هو في نقل لمستشفى الـ .. .
فيصل تغير لون وجهه ولاحظوه الشباب وقام له محمد وقال فيصل بدون اعصاب/ طمني عليه اخوي هو بخير.
المسعف/ مااقدر اقولك اي شي عن حالته بس ان شاء الله بخير .
فيصل ضاقت فيه الدنيا/ ماقصرت انا بكون هناك ان شاء الله .
محمد/ فيصل وش صاير؟؟
فيصل/ محمد خالد صار عليه حادث وهو الحين في المستشفى.
توجه فيصل للشباب واخذ مفتاحه من على الطاوله وطلع والشباب كل واحد يناظر الثاني محمد قال للشباب الخبر وطلعوا مع بعض .
وصلوا وسئل فيصل عن حادث وصل لهم قبل شوي واسم المريض خالد وصار يناظر في الاوراق اللي قدامه ورد عليهم انه وصل قبل نص ساعه والحين
بغرفة العمليات , وبعد ساعتين من الانتظار طلع لهم الدكتور وتقدم له محمد/ دكتور لو سمحت ابي اسئل عن المريض خالد.
الدكتور/ ان شاء الله خير عنده اصابات كثيره وكسور واخطرها اصابه بالراس بس تعدي 24 ساعه يتوضح معنا كل شي.
فيصل وهو خايف على خالد/ طيب نقدر نشوفه اذا ممكن.
الدكتور صار يضرب على كتف فيصل يهديه وهو واضح القلق عليه/ اسف بس حاليا لا يعني جلستكم هنا مالها داعي واذا جد علينا شي راح نتصل فيكم.
من قال الدكتور الكلام هذا لفيصل الشباب عرفوا ان حالة خالد صعبه محمد يبي يريحهم وقال/ ان شاء الله مايصير الا كل خيروراح يقوم بالسلامه .
فيصل يناظر محمد اخوه/ محمد كيف راح ننقل الخبر لاهلي صعب صعب.

في بيت ابو محمد ريم لها ساعه وهي تحس بشي كاتم على صدرها وخالد واعدها يرجع ماراح يتأخر ساعتين بالكثير علشان يطلعون يتعشون برا
لانه ملاحظها هاليومين ناحفه ولونها شاحب ودايم ماتشتهي وحب يغير لها جو ..
ماقدرت تصبر وكلمت على جواله مع انها ماتحب تحرجه اذا طلع مع اصحابه بالمكالمات وكانت الصاعقه ان جواله مغلق وحست الدنيا تدور فيها..
جلست على السرير وقالت بينها وبين نفسها/ لا ان شاء الله مافيه شي اكيد خلص شحنه.
شوي ويطق عليها باب الغرفه وكانت رغد لانها ملاحظه اختها من جت وهي تعبانه ولما شافتها تطلع لغرفتها تأكدت شكوكها ولحقتها..
رغد/ ريم ليش طلعتي فوق؟؟
ريم بتعب والوجه اصفر/ طلعت اصلي شوي ونازله.
رغد قربت لريم/ وجهك لونه اصفر وشكلك تعبانه فيك شي؟؟
ريم حضنت اختها وصارت تبكي/ مدري رغد احس نفسي متضايقه وكاتم على صدري شي.
رغد خافت يكون بينها وبين خالد شي وقالت/ ريم بينك وبين خالد شي؟؟
ريم رفعت راسها عن اختها وقال/ لا والله مابينا الا كل خير بس مدري ليش هالاحساس.
رغد حبت تهدي اختها/ طيب صلي وترتاحين وتعالي ننزل تحت عند اهلي .
ريم/ طيب بس انزلي لايلاحظون اهلي واناراح اصلي وانزل بعدك.
رغد ابتسمت لاختها وحبت تغير جوها/ لاوالله على غيري صلي وخلصي وننزل مع بعض.
خلصت ريم ونزلت مع رغد وكان محمد وفيصل موجودين معهم بعد ماشافت اخوانها خافت اكثر لانه كان معهم وهو اللي قال ماراح اطول وهم راح يكملون
السهره ركضت لمحمد بدون شعور ومن شافت اخوانها وهي متأكده من شكوكها اللي كانت تبعدها ان خالد فيه شي وقفت قدامه وهي خايفه من رده..
ريم/ محمد وين خالد؟؟
محمد مايدري كيف يقول لها الخبر/ خالد بخير بس صار عليه حادث بسيط وهو الحين بالمستشفى.
ناظرت اخوها بضعف وانكسار وقالت/ محمد قول الصدق خالد صار له شي.
خالد مسك ريم مع كتفها / ريم والله هذا الصدق.
ريم / تكفى ابي اشوفه.
محمد اخته كسرت خاطره بس مايقدر يسوي شي وقال/ ريم اليوم ممنوع وبكره ان شاء الله من الصباح راح اخذك له.
ريم من سمعت محمد يقول هالكلام وشافت فيصل ساكت ومنز راسه عرفت ان خالد حالته مو بسيطه وحست انها راح تدوخ حس فيها محمد ومسك يدها
محمد بخوف/ ريم تحسين بشي؟؟
بس ريم طاحت بين يدين محمد قبل لاترد عليه شالها وطلب عبايتها من رغد اللي واقفه وهي مصدومه من احساس ريم وخوفها على خالد ..
الكل عرف في موضوع حادث خالد الا ابو عبدالعزيز وام عبدالعزيز ماحبوا يعلمونهم الا بكره ..
رغد من طلعوا وهي كل شوي تكلم تطمن على ريم واخر مكالمه رد عليها محمد وبشرها ان ريم حامل بس تعبانه شوي ولازم ترتاح كم يوم في المستشفى
جلس عندها محمد وفيصل راح للبيت يجيب امه تنام عندها ..

ريم كانت في عالم ثاني مافيه الا هي وخالد ربع ساعه صحت وشافت محمد جالس عندها وعرفت هي وين وهي على بالها كل اللي صار لها كابوس وراح
تصحى منه ونزلت دمعه وتبعها كثير محمد قرب من عندها وقال لها / ريم علشان خالد واللي في بطنك خليك اقوى.
ريم كانت تدري لانها محلله في البيت وكانت تبي تتأكد وتعلم خالد بطلعتهم للعشاء/ محمد طمني ماصار شي على خالد.
محمد ضغط على يد ريم وقال بصوت مخنوق على حال خالد/ لا بس ان شاء الله كل شي بخير.
محمد صار يفكر بكل شي بحال خالد اللي مايطمن من كلام الدكتور وهل راح يعيش لبكره ولالا وحال اخته اللي يكسر الخاطر والدكتور وصى انها لازم ترتاح
عندهم كم يوم لان صحتها مره ضعيفه وهذا ممكن يأثر على الجنين وتفقده حس ان كل شي جاء مره وحده واستغفر ربه ..
ريم ويدها على بطنها ودموعها للحين على خدها وقالت / كان يتمنى هذي اللحظه.
محمد ابتسم ابتسامه صفرا علشان يريح اخته/ ان شاء الله بيقوم بالسلامه ويدري .
دخل عليهم فيصل ومعه امه وراحت لبنتها وضمتها/ مبروك والله يقوم ابوه بالسلامه.
ريم كانت ماتبي تبكي قدام محمد وفيصل بس ماقدرت تتحمل وبكت/ ابي اشوفه لو من بعيد بس بتطمن عليه.
فيصل من شاف حال اخته وهي تبكي ومنهاره وسمع كلامها طلع ماقدر يتحمل شكلها لانه يدري عن حال خالد انه مايطمن..
محمد/ ريم وش قلنا قبل لاتجي امي والدكتور يقول اليوم لاتتحركين كثير وبكره ان شاء الله اذا قدرنا نخليك تشوفينه لانه هنا بنفس المستشفى.
ريم/ محمد الله يخليك بس بتطمن عليه.
محمد/ مااحد يقدر يشوفه اليوم ريم والله مافي احد دخل عليه الدكتور مانع الزياره يقول لازمه راحه اليوم وبكره تطمنين عليه.
ريم زادت دموعها ومسكت يد امها/ يعني تعبان مره ويمكن مااشوفه مره ثانيـــه.
ام محمد رجعت بنتها لصدرها وضمتها بقوه وقالت/ لا ان شاء الله مايشوف شر بس انت ادعي له.
ام محمد حست بثقل على صدرها وقالت لمحمد/ شكلها نامت احسن لها علشان ترتاح.
محمد/ اكيد لان الدكتور يقول نص ساعه وراح تنام من المسكن.
عدلتها ام محمد على سريرها وقرب محمد من امه وباس راسها وقال/ ارتاحي انت بعد وانا بروح للبيت توصين شي يالغاليه؟؟
ام محمد/ سلامتك والله يسمعنا الاخبار الطيبه عن خالد.
محمد/ ان شاء الله وانا من الصباح وانا عندكم.
ام محمد/ الله معك.
طلع محمد وكان هذا اليوم صعب على الكل ولااحد نام فيه لانهم خايفين على خالد ومايدرون بكره وش راح يصير له مع انه جاهم خبر حمل ريم بس تعبهم
تعبها وانها في المستشفى اكثر من فرحتهم بحملها..
يوم جديد الصباح ريم تصحى شوي وتسئل عن خالد وانها تبي تشوفه وترجع تنام مره ثانيه وعلى هالحال والاهل بعد العصر احد يدخل والثاني يطلع لزيارتها
وعلى بالهم بيشوفون خالد بس للحين الزياره ممنوعه ..
ام عبدالعزيز من قالوا لها الخبر والضغ عندها مرتفع وجابوا لها في البيت احد يهتم فيها وابو عبدالعزيز تعبه الخبر بس كان اقوى منها وحب يكون مع ولده
في وقت الشده ..
على الساعه8 ابو فهد ماقدر يصبر اكثر من كذا ودخل على الدكتورالمسئول عن خالد وكان يكلم انتظ ابو محمد لحد مانتهت المكالمه ..
ابو فهد/ السلام عليكم.
الدكتور/ وعليكم السلام.
ابو فهد/ انا والد المريض خالد عبدالعزيز الـ .
الدكتور من سمع الاسم نزل راسه لانه الحين جاه خبر عنه وقال لابوفهد / ابو خالد انت انسان مؤمن بقضاء الله وقدره والله سبحانه قال(وبشر الصابرين)
قطع ابو فهد كلام الدكتور وهو مابعد استوعب / انا لله وانا اليه راجعون.

نرجع لريم بعد ماطلعوا منها الزوار حست نفسها راح تموت وهي ساكته انفجرت في اهلها اللي كانوا موجودين عندها وقالت/ حرام عليكم حسوا فيني لي يوم
كامل ماشفته ولا ادري عن حاله كل مااسئل عنه احد مايجاوب علي جواب يطمني .
رند هنا ماقدرت وصارت تبكي , محمد حس انه ماعاد فيه يتحمل يشوف ريم في هالحاله اكثر من كذا وطلع من الغرفه وهو يمشي شاف عمه ابو فهد وعلمه
عن خالد وزاد الطين بله ..
محمد راح لسيارته وحس نفسه تعبان ومتضايق ويفكر في ريم كيف راح يكون حالها اذا وصل لها الخبر اذا ماتدري عن حاله وكذا حالتها لو تدري وشلون
بتكون , رفع راسه على مرتبة السياره يمكن يرتاح شوي لانه حس انه ثقيل من كثر التفكير هاليومين بحل خالد وريم وهو على حاله سمع جواله وعرف انها
حلا من النغمه ماحب يرد عليها وهو في هالحاله مع انه محتاجها في هالوقت بس خاف تشك بالموضوع وهو مايحب يكون ضعيف وخاصه قدام حلا,
حول جواله على الصامت لحد مايرتاح شوي ويرجع يكلمها هو فتح عيونه بعد نص ساعه ورفع جواله شاف كم مكالمه من حلا وكم مكالمه من فيصل
ورساله من حلا (ادري مشغول بس كنت ابي اتطمن على ريم واخذ اخبارها منك حياتي الله يخليك لاتخوفني عليكم واذا شفت الرساله طمني)
ماهمته مكالمه فيصل لانه راح يرجع لهم الحين عند ريم بعد ماارتاح له شوي , بس حب يسمع صوت حلا ويطمنها لانه يدري انها راح تقلق لو ماكلمها
ومن ثاني رنه وهي رافعه الجوال وبخوف عليه قالت/ هلا محمد خوفتني عليكم.
محمد من سمع صوتها حس نفسه عاجز عن الكلام وطلع منه تنهيده سمعتها حلا وضاق صدرها عليهم وحست ان فيه شي صاير ونزلت دموعها غصب عنها
حلا/ محمد طمني حرام عليك خالد صار له شي ولاريم؟؟
محمد غمض عيونه من كلامها وقال/ حلا محتاجك كثير حال ريم مايطمن ادعي لها ان الله يصبرها.
حلا من سمعت صوت محمد عرفت ان فيه شي ولما قالها هالكلام حطت يدها على فمها من الصدمه وقالت/ لا محمد لاتقول , ولاقدرت تكمل كلامها لانها صارت
تبكي ومحمد كان محتاج اللي يريحه وصار هو يهدي في حلا وفهمها الوضع ولاسكر منها الا بعد ماسكتت وتطمن عليها, وبعد ماسكر منها كلمه فيصل...

نرجع لغرفة ريم بعد ماهدت ونامت والكل عرف عن خبر خالد الاريم ,الخبر ماكان سهل عليهم واستقبلوه بصدمه بس يدرون ان هذا قضاء الله وقدره
بس خافوا على ريم اذا كذا حالها وهي للحين ماتدري عن شي , دخل محمد على ريم وماكان عندها الا امه ومن ريم نايمه توقع انهم للحين ماقالوا لها
قرب من امه وقال بصوت واطي/ بشري عنها وش اخبارها؟؟
ام محمد تنهدت قبل لاترد على محمد/ حالها مايسر بس الله كريم.
محمد نزل راسه عند راس امه علشان ماتحس فيهم ريم وقال/ ماقلتوا لها؟؟
ام محمد / ماصدقنا تهدى الله يعينها ويصبرها ويستر عليها هي واللي في بطنها الدكتوره ماطمنتني على حالها تقول جسمها ضعيف .
محمد باس راس امه وتنهد على حال اخته وقال/ الله يعين , توصين شي يالغاليه بروح لبيت عمي فيصل يقول كلهم متجمعين عنده .
ام محمد/ لا ابوي مابي غير سلامتكم وهذا وقتكم روح لهم.

في بيت ابو فهد الكل موجود ويهدون ام فهد هذا ولدها ضناها اكيد صعب عليها الخبر فما بالك بريم اذا وصل لها الخبر, الرجال والشباب عند ابو فهد
كلهم مصدومين من هالخبر بس ماشاء الله ابو فهد كان اقوى من الكل ومؤمن بقضاء الله وقدره..
على الساعه 2 تفرقوا لازم يرتاحون لان بكره عندهم يوم طويل واكيد متعب بس من راح ينام الليله ..
ريم ارتاحت لها ساعتين وبعدها كل شوي تصحى وتقول كلام لامها شي تفهمه ام محمد وكثير يعي عليها بدون ماتدري ريم وش تقول وترجع تنام مره ثانيه
على الساعه 8 الصباح قررت تطلب من ابوها انها تشوف خالد لو كلفها هذا الشي حياتها بس اهم شي تشوفه وتتطمن عليه, كلمت امها على ابو محمد
ومحمد علشان يساعدونها في توصيل الخبر لريم ربع ساعه وصلوا المستشفى مع بعض دخلوا عليهم وراح لها ابوها وسلم عليها ووقف عند راسها ومسكت
يده وصارت تناظر ابوها وعيونها تدمع وقالت/ طلبتك ابي اشوف خالد.
ابو محمد مهما كان قوي بس هذي بنته/ ان شاء الله بس ارتاحي نص ساعه وراح اخليك تشوفينه.
رفعت يد ابوها بتعب وطبعت عليها بوسه/ الله لايحرمني منك.
طلع ابو محمد من عند ريم بدون كلام لانه لو يجلس اكثر من كذا يمكن يتأثر ولاقدر يرد عليها بعد طلبها وحالها اللي كل يوم يزيد السواد اللي تحت عيونها
وتتعب اكثر وجسمها ينحف حس انه في اصعب موقف مر عليه بحياته لانه وعد بنته انه راح ياخذها تشوف خالد , طلع من بعده محمد وشاف ابوه جالس
على الكرسي برا الغرفه وراسه بين يدينه جلس جنبه وحط يده على رجل ابوه ورفع راسه ابو فهد..
خالد حاس ان ابوه حط نفسه في موقف صعب وقال/ يالغالي انت قلت لريم انها راح تشوفه وشلون وهي مابعد للحين عرفت.
ابو فهد غمض عيونه وقال/ الله كريم انا راح اتصرف ماعليك.
خالد خاف على ريم وقال/ انت شايف حالتها وشلون اجل لو تدري.
ابو فهد بحكمه/ خالد بنقدر مانقولها يوم او يومين بالكثير طيب وبعدين مسيرها راح تعرف.
خالد/ ادري بس انتظروا عليها لحد ماتستقر حالتها علشان مايكون فيه خطر على الجنين.
ابوفهد تنهد من قلب/ الله يسهل علينا ويصبرها.

طبعا نور وزوجها وهيفاء وفهد من سمعوا بالخبر توجهوا على الرياض مع ان الوقت متأخر بس لازم يكونون عند اهلهم والجوهره وسعود مع ان الطياره
خطر عليها بس لازم تجي لاهلها وقالت لسعود انها خلاص مافيها ترجع مره ثانيه معه لانها صعبه عليها وهي حامل رايحه جايه بالطياره وهي لازم تكون
على ظهرها اغلب الوقت وسعود من حملت الجوهره وهو يفكرانه يستقر بالسعوديه وراح ينفذه لان هذا وقته ومستحيل يترك الجوهره هالفتره وهي حامل
ويرجع لبنان بدونها..
الكل كان في بيت ابوفهد الا ام محمد عند بنتها ريم وابو محمد ومحمد وفيصل كل فتره يروح واحد منهم يتطمن عليهم بالمستشفى..

نرجع لغرفة الدكتور قبل فتره لما كان ابو فهد عنده ويسئله عن حال خالد الدكتور رفع نظره لابو فهد بصدمه وقال/ لا ابو فهد انت فهمتني غلط.
ابو فهد وهو عاقد حواجبه ويتمنى اي شي غير الموت/ وشلون يعني فهمتك غلط.
الدكتور/ انا اقصد خالد عايش بس قبل شويوصلني خبر انه دخل في غيبوبه.
ابو فهد / الحمدلله على كل حال شي اهون من شي.
الدكتور/ ان شاء الله خير ياابو خالد وهو هالوقت بس يحتاج دعواتكم.
ابو فهد/ الله كريم .
الدكتور/ هالحاله تمر علينا كثير ومنهم ماتطول وبأذن الله خالد منهم .
ابو فهد وهو قايم مد يده للدكتور يصافحه وقال/ الله يسمع منك يله اشوفك على خير.

ريم صحت من بعد المسكن وكانت امها جالسه على الكرسي وقريبه منها تمسح على راسها وتقراء عليها..
ريم بتعب/ وين ابوي هو قال راح اخليك تشوفين خالد وهو بعمره ماقال كلمه وتراجع فيها.
ام محمد وهي خايفه على حال بنتها / الحين يرجع طلع للدكتور قبل شوي.
دخل ابو محمد عليهم الغرفه هو ومحمد ومعه عربه..
ابو محمد/ محمد ساعد اختك .
محمد/ ان شاء الله.
ركبت ريم العربه بمساعدة امها ومحمد وراح معها للعنايه بدون لاتعرف ان خالد في غيبوبه ..
استلمتها النيرس من خالد واخذتها لغرفة التعقيم ولبستها لبس خاص ودخلتها عند خالد لحد ماوصلتها عند راسه ..
مسكت ريم يد خالد بين يدينها وكانت بارده وطبعت عليها بوسه وصارت دموعها تنزل على يده اول مره تشوف خالد جامد على السرير مايتحرك منه اي شي
وصارت تتكلم بدون شعور/ خالد الله يخليك اصحى انت قلت لي راح نون مع بعض على طول , حياتي انا حامل كنت تنتظر هذا الخبر اصحى علشان اقولك
تعبت كثير هاليومين وانت بعيد عني حياتي الحياة بدونك صعبه علي .
ونزلت راسها على يد خالد اللي ماسكتها لانها ماقدرت تكمل كلامهاوصارت تبكي على حال زوجها اللي مااعجبها ابد ومبين من وجهه انه تعبان.
قربت من عندها النيرس ودفتها علشان تطلعها مع ان ريم كانت رافضه تطلع بس لو طولت راح تأثر على صحته والدكتور منبه النيرس انها ماتطول عنده ..
طلعت وكان محمد ينتظرها برا اخذها وراح لغرفتها وريم للحين تبكي وحالتها صعبه ومن دخلت وشافت امها انفجرت اشتاقت له وتعبها حاله بعد ماشافته
اكثر امها على طول جت وضمتها لصدرها وريم تعلقت في امها بقوه محتاجه لحضن دافي يريحها بع ماشافت حالة خالد , مسك محمد اخته بعد ماارتاحت
وجلسها على السرير وكانت ام فهد موجوده لانهم سمحوا لامه بعد تزوره ومن شافت شكل ريم بعد مارجعت من ولدها تأثرت ومسحت دموعها قبل لا يشوفها
احد على حال ريم وتأكدت ان صحة ولدها ماتطمن بس ايمانها بالله قوي..
قربت ام فهد من ريم بعد ماجلست على السرير وضمتها مع اكتافها وصارت تكلمها تخفف عليها وتقويها / الحمدلله على كل حال وانا خالتك اليوم شفتيه
وارتحتي وبكره ان شاء الله يقوم لنا بالسلامه..
ريم اعجبتها قوة خالتها مع انها مبين عليها التعب من عيونها وماقدرت ترد عليها تخاف تضعف وترجع مره ثانيه تبكي ..

بعد يومين وقت صلاة الفجر ام محمد تصلي وتسمع لريم انين بعد ماخلصت قربت من عندها وشافت وجه ريم كله عرق خافت عليها وضربت الجرس اللي عند
راس ريم وصارت تناديها/ ريم ريم ريم.
ريم بعد النداء الثالث استجابت لامها/ همممممم.
فتحت امها الغطاء عنها على بالها حراره وانصدمت من اللي شافته ودخلت عليهم النيرس ..

الى هنا ينتهي هذا الجزء...

[لامارا]

(الجزء السادس عشر والاخير)

ريم اجهضت والكل جاء يزورها بعد يومين لانها في اليومين اللي فاتوا كانت متضايقه وتعبانه نفسياً وجسدياً على خسارتها للجنين وعلى خالد اللي مافيه اي
تطورفي صحته , هي جد متأثره بفقدها للجنين ولكن عندها قومة خالد لها بالسلامه اهم وكل شي راح يتعوض ان شاء الله , طبعا اغلب الوقت كانت تسرح
وهم يحاولون يطلعونها من حالتها بس لاحياة لمن تنادي وجسمها ضعف اكثر وتحت عيونها هالات سود..
اليوم اللي بعده على الساعه10 الصباح كان فيه شخص يرجع للحياة مره ثانيه النيرس من سمعت الصوت وهي متوجهه للغرفه تتأكد وبعد ها طلعت وتوجهت
للدكتور المسؤل عنه على طول من سمع الخبر طلب طاقم طبي وتوجهوا للغرفه دخل وقرب من سريره ومسك يده وشد عليها خالد وبعد ساعتين من المعاينه
نقل خالد لغرفه ثانيه الدكتور طلع من خالد وراح للمكتب وكلم ابو فهد وبشره بالخبر وابو فهد بدوره سجد لربه سجدت شكر ونشر الخبر كلهم حسوا ان الحياة
رجعت لهم من جديد طبعا ابو محمد في هذا الوقت كان عند ام محمد وريم في غرفتها فرح كثير من مكالمة اخةه وطول المكالمه وعين ريم على ابوها وحست
ان فيه خبر حلو لانه مبسوط وتمنت ان اللي في بالها يتحقق ويصير خالد قام لهم بالسلامه, انبسط ابو محمد بسلامة خالد وقرب من ريم بعد ماقفل من اخوه
ابو محمد/ الحمدلله على سلامة خالد عمك تو بشرني ان صحتة تحسنت.
ريم دمعت عيونها / صحيح يعني خالد راح يرجع لنا.
ابو محمد ابتسم لبنته/ ان شاء الله.
ام محمد تمسح على راس بنتها ودموعها تنزل/ الحمدلله على سلامته .
ريم/ الله يسلمكم بس ابي اشوفه اللي يخليك لي.
ابو محمد/ ابشري بس مو الحين بكره ان شاء الله لان الدكتور موصي محد يدخل عليه لين يتأكد من كل شي.
ريم ماعلقت على كلام ابوها وام محمد ضمت بنتها / المهم قام بالسلامه الحمدلله.
ابو محمدابتسم/ يستاهل الحمد.
ريم بعد ساعه من هالخبر الحلو اللي اسعدها راحت في سبات عميق تحس انها ارتاحت ويمكن من صار الحادث اول يوم تنام فيه نومه وهي مرتاحه..

يوم جديد حالة خالد تحسنت كثير الحمدلله بس محتاج لعلاج طبيعي كم يوم ومن الصباح بدت الزيارات له بس مايطولون عنده علشان مايتعب
بس هو من صحى وباله مشغول ويتمنى يسئل عن ريم بعد ماطلعوا اللي عنده قرب محمد من عنده قبل لايطلعوهو ملاحظ سرحانه الكثير
محمد مبتسم/ الحين متعنين نزورك وانت سرحان ماصدقنا نشوفك وتقوم لنا بالسلامه.
خالد بتعب/ وانا والله مبسوط فيكم بس ودي اسئلك .
محمد يدري ومتأكد من اللي مشغل باله قال/ ريم تسلم عليك والحين بطلع وانت ارتاح لك شوي واوعدك اذا خلصت الزياره اجيبها لك .
خالد / طيب طمني عنها ؟؟
محمد / الحمدلله الحين احسن بكثير وهي هنا معك بالمستشفى.
خالد مسك يد محمد وناظره/ محمد تكلم ريم فيها شي؟؟
محمد/ من متى وانا اكذب عليك صح مرت عليها ايام صعبه بس راح اثبت لك انها طيبه واجيبها لك ان شاء الله بس ارتاح لك شوي واذا صحيت تشوفها عندك
يله انا استئذن العالم طلعوا من زمان بتوصيه من دكتورك وانا جالس للحين المهم الحمدلله على سلامتك للمره الالف.
خالد/ الله يسلمك بس وعد الحر دين .
محمد/ ولايهمك ابشر.

على الساعه9 صحى خالد ودخل عليه دكتور العلاج الطبيعي وراح يبدأ معه من بكره بكم تدريب وبعد كم سؤال لخالد طلع من عنده..
وبعد نص ساعه سمع صوت الباب بس ريم ماانتظرت انه يسمح لها بالدخول من لهفتها لشوفته , ومحمد فضل انه ينتظرها برا لانه حب يتركهم براحتهم..
دخلت ريم بسرعه وتوجهت لسرير ووقفت قبله لحد مااستوعبت انها بعلم مو بحلم من صوت خالد اللي يناديها
خالد/ حياتي اجلسي جنبي مشتاق لك.
ريم مسكت يده وطبعت بوسه على جبينه ودموعها تسبقها/ وانا اكثر الحمدلله على سلامتك يالغالي.
خالد رفع يد ريم اللي ماسكه فيها كفه بكل قوته لانه لحين مابعد استعاد كل صحته وطبع عليها بوسه/ الله يسلمك حياتي. انتِ طمنيني عليك وش اخبارك؟؟
ريم جلست جنبه على السرير وعيونها في عيون خالد / ماكان ناقصني الا وجودك معي ومن بشروني انك قمت بالسلامة وانا اسعد انسانه بالدنيا الحمدلله.
خالد كان وضعه مثل ريم مايبي تغيب عنه عيونها ومانزلهم من عليها/ طيب ليش وجهك شاحب وعيونك تعبانه؟؟
ريم رجعت دموعها تنزل/ على بالك كنت عايشه وانا مدري عن حالك بس الحمدلله على كل حال كل هالايام ماشفتك الا مره وكل مااسئل عنك محد يعطيني خبر.
خالد/ تعالي بحضني مشتاق لك خليك جنبي وعطيني اخبارك كلها ضمها لصدره وكان وده يدخلها بين ضلوعه ولايشوف تعبها اللي مبين بعيونها وطع تنهيده
ريم اشتاقت له كثير بس ماتبي تتعبه قالت له كل شي صار سريع من يوم الحادث الى اليوم وفرحة الخبر اللي صل لهم من عمها بدون ذكر الحمل والاجهاض.

الصباح طلعت ريم من المستشفى بعد مامرت على خالد وتطمن عليه وماتركها لحد ماوصها تهتم بنفسها لحد مايطلع ان شاء الله وهو يهتم فيها بنفسه..
بعدها بيوم الساعه 8 مساء طلبت من محمد تروح لخالد لانها لازم تعلمه قبل لايوصل له الخبر من احد غيرها ويزعل منها وهي ماحبت تعلمه على طول
لانه شافت انه مو وقته وهو تعبان واليوم محمد طمنها عليه وقال اليوم ماشاء الله خالد احسن بكثير علشان كذا قررت تروح له..
راحت ريم مع محمد ودخلت على خالد وماكان عنده الا عمها وفيصل ومن شافوها سلموا عليها وطلعوا وجلست معه ربع ساعه سلمت عليه وتطمنت عليه
لحد ماوصلت ريم للخبر اللي جايه علشانه تأثر خالد لما سمع من ريم انها كانت حامل وعرف اسباب تعبها اللي مبين بوجهها وضعفها الواضح
خالد وهو ماسك يدها ويمسح دموعها/ تعبتك معي كثير ادري بس ان شاء الله نعوض اللي راح.
ريم من بين دموعها / تعبك راحه اهم شي قمت لي بالسلامه.
خالد وهو يناظر عيون ريم ويبي منهم وعد/ طيب اوعديني انك ترتاحين مبينه عليك مجهده نفسك.
ريم تشد على يده/ وعد بس انت لاتشيل همي وارجع لي ولبيتك بسرعه.
خالد ابتسم لها/ حياتي انتِ اذا ماشلت همك من اشيل همه.
ريم طبعت بوسه على خده وهي قايمه/ الله لايحرمني منك يله انا ماشيه محمد ينتظرني برا.
خالد مسك يدها وغمز لها / باقي بوستي ولا استغنيتي عنها.
ريم ابتسمت على كلامه/ اذا قدرت استغني عنها هذا دليل على اني اقدر استغني عنك وهذا من سابع المستحيلات وانت شفت بنفسك.
خالد / من جد شفت الحمدلله عدت على خير والله لايحرمني منك.

بعد اسبوع طلع خالد من المستشفى بعد ماخلص العلاج الطبيعي وصار احسن مع بعض الكدمات وكسر بيده مابعد فكها..
ابو فهد اليوم اسعد يوم بحياته وتصدق على الفقراء والمساكين وعزم اهله واقاربه بمناسبة سلامة خالد وطلعته لهم بالسلامه..

بعد يومين كلم محمد حلا وقال لها انه راح يزورها اليوم بعد المغرب وطبعا ابو فارس وفارس عندهم خبر ..
بعد المغرب مباشره توجه محمد لبيت ابو فارس وكان معه هديه لحلا ساعة الماس مغلفه تغليف روعه ..
وصل البيت وفتح له فارس وكان ابو فارس في المجلس ينتظرهم شرب القهوه معهم واستئذن انه راح يطلع لانه يدري امه جاي يشوف حلا..
فارس قبل لايطلع ينادي اخته قال وهو مبتسم لمحمد/ اسمع بروح انادي حا واخليكم براحتكم بس ماراح اطول شوي وارجع لكم.
محمد ابتسم وهو رافع حواجبه وقال/ انت روح نادها ويصير خير.
فارس غمز له/ مستعجل على رزقك . وش معنى يصير خير ؟؟
ابتسم محمد/ مالك شغل وبعدين لاتنسى اني متملك عليها واقدر اخذها الحين للبيت.
فارس ضحك/ ههههههه اووووه المسئله وصلت تاخذها للبيت اجل اطلع اناديها قبل لايصير شي ثاني.
محمد/ اقول بس اخلص علي وروح نادها.
طلع فارس وهو يضحك على تعليق محمد , شوي ودخلت عليه حلا ومن شافها محمد وقف وهو مبلم صح يكلمها يوميا بس ماشافها بعد الملكه الا مره
وهذي الثانيه قربت منه حلا بتسلم عليه ومسك يدها وقربها منه وطبع احلى بوسه على جبينها يحس انها ملكت روحه لانها وقفت معه في الايام اللي فاتت
والمكالمات لاتقل عن ثلاث مرات يوميا مكالمه منها ومكالمه منه علشان يتطمنون على بعض طبعا يده مافكت يدها ومشى معها علشان يجلسون
جت بتجلس على الكنبه الكبيره نفس الكنبه اللي كان ناوي يجلس عليها بس بعيد عنه شويعلشان تقدر تشوفه بدون لايحرجها بس هو قرب من عندها مره
وقدم لها الهديه وجلس معها نص ساعه سوالف وحب فارس ينرفز محمد شوي ..
توجه فارس للمجلس ولما قرب قال بصوت عالي يااااولد اعلان للدخول ههههههههه ودخل عندهم وجلس يسولف شوي وهو قاصد محمد مايبي يطول عندها
علشان لايتضايق عمه ابو فارس بس فارس قطع عليه وخرب جوهم..
محمد سوى نفسه معصب على فارس/ اقول يالاخو ماعندك شغل غيرنا.
ابتسم فارس/ الله لايشغلنا الا بطاعته ماخلصتوا .
انحرجت حلا ووقفت/ انا بروح اجيب العصير.
مسكها محمد مع يدها وسفه فارس وقال بصوت ماسمعه الا هي/ بدري ماشبعت منك.
ولع وجهها وطلعت بسرعه تجيب العصير مثل ماقالت..
فارس غمز له/ وش قلت لها لاتنسى ان الله سهل وجتنا الموافقه اني راح اتزوج يعني ومنكم نستفيد.
محمد ابتسم على كلام ارس وقال/ الله يوفقك ان شاء الله ويتمم اموركم على خير بس روح تعلم من غيري.
فارس حط رجل على رجل وقال/ امين . من زينك ادور لي احد احسن منك .
محمد عقد حواجبه/ شكلك مطول بالجلسه.
فارس ابتسم على شكل محمد وقال/ بشرب معكم العصير واطلع ماراح اطول كل الوقت معاها وانا مؤدب مادخلت عليكم.
انهى كلامه على دخول حلا بالعصير وسكت محمد قدمت لمحمد وبعدين فارس وجلست على نفس الكنبه بس بعيد عن محمد بكثير علشان فارس موجود
ولا قرب منها محمد علشان لايحرجها عند اخوها ..
فارس مسوي مؤدب ويناظر محمد/ تسمح لي اشرب العصير عندكم ولا اخذه واطلع.
محمد ابتسم لانه يدري ان فارس يمزح يعرف طبعه/ لا ولو البيت بيتك خذ راحتك.
فارس رجع ظهره لوراء وقال/ ادري ان تتمنى اجلس معك بس انت تدري الواحد مشغول.
ابتسم محمد ولف لحلا ولمح ابتسامه لحست مخه/ اقول اشرب عصيرك وتوكل اخلص علي.
وقف فارس وقال وهو مبتسم/ احسن شي اشرب عصيري برا احس اني بشرق فيه من كثر ماتناظرني.
ضحك محمد على تعليق فارس وبعد ماطلع قرب محمد من حلا نص ساعه ثانيه وكان بيطلع وقف ومسك يد حلا علشان توقف معه توصله للباب
في هذي اللحظه وحلا قريبه من محمد لانه قربها من عندها بحركه مقصوده منه رجع لهم فارس وقبل لايدخل قال احم احم محمد كان في عالم ثاني بنظرة
عيونها وبعدين استوعب وابعد شوي عنها.
فارس مبتسم/ محمد اقرب تراك بعيد عنها.
ابتسم محمد/ لاحول ولاقوة الابالله عليك اوقات غلط.
هنا حلا ماقدرت من الاحراج وطلعت تركض قبل لايكملون كلامهم وبدون توصيل محمد للباب مثل ماكان ناوي ههههههه ..
فارس ماقدر يمسك نفسه/ هههههههههه لا والله بعد وتعترف شايفني تحفه قدامك ياولد الشيوخ.
محمد مبتسم على احراج حلا وانسحابها من عندهم/ انا حر وبعدين نسيت انها زوجتي انت ووجهك كل شوي طالع لي.
رماه فارس بالمخده وقال/ مالت عليك من زينك شين وقواة عين.
محمد/ ههههههههه ماعليك اعجبك.
فارس مبتسم/ شي مفروغ منه لو ماتعجبني ماصبرت عليك كل هالسنين وبعد وافقت عليك تتزوج اختي وبعدين تعال نسيتني ليش جاي ايه صح
الوالد يقول اجلس للعشاء.
محمد/ ماعليه فارس اعتذر للوالد عندي كم شغله لازم اخلصها.
فارس/ الله يعينك .
ابتسم محمد/ ماصدق الله يخلف على عيالي اذا انت خالهم حتى مالزمت علي لو كذب.
فارس رفع حاجب لمحمد/ ايه مبين الله يخلف عليهم انت تتمنى واحد منهم يطلع علي.
محمد طقه على كتفه وقال وهو طالع/ والنعم والله فيك.
فارس يعدل ياقة ثوبه وهو يتنحنح وقال/ ماعليك زود.

في قصر الجد الساعه 11 راحت الجوهره ترتاح في غرفتها اللي تحت جهزها لها نايف علشان ماتطلع فوق وهي حامل وطلعت نوره وغاده لبيتهم
بعد مااعطت ابوها فهد الموافقه على فارس شوي وطلع نايف لقسمه بعد ماغمز لعبير وابتسم وهي انحرجت لان خالتها ام عبدالعزيز لسى للحين جالسه
وبعد ماطلع نايف فوق قالت ام عبدالعزيز وهي قايمه بتروح تنام/عبير يمه روحي مع رجلك.
عبير انحرجت من خالتها وتحس انها شافت حركات نايف/ ان شاء الله خالتي توصين شي قبل لااطلع.
ام عبدالعزيز ابتسمت لها وقالت/ لا يمه الله يرضى عليك.
عبير دخلت قسمهم وكان نايف مبدل ومتمدد على السرير قالت/ نايف كم مره قلت لك اذا خالتي موجوه لاتحرجني قدامها والله استحي منها.
نايف مبتسم/ من جدك انت بغمز لك وهي ملاحظه والله ماتدري ولاشافتني.
عبير توجهت لغرفة الملابس وهي تكمل كلامها/ لاتحلف احس انها شافتك لانها من طلعت قالت لي اطلعي مع رجلك.
نايف ضحك وسمعته عبير وهي تبدل/ اول شي ماحلفت الا وانا متأكد انها ماشافتني وثاني شي ام وتبي راحة ولدها فيها شي.
ابتسمت عبير/ بالله عليك كل شي تفسره على كيفك .
بعد دقايق طلعت عبير ماخذه لها شور ولبست قميص نوم وجلست قدام المرايه حطت لها لوشن وتعطرت وفكت شعرها وجففته شوي نايف من طلعت عبير
وهو يراقبها ابتسم وقال لها/ قلب نايف ونبضه تعالي اشرح لك كيف امي تبي راحتي.
ابتسمت عبير وتوجهت له/ على غيري حياتي اعرف حركاتك .
ضحك نايف لان عبير فاهمته وقال/ انت قربي وانا بحاول ادور لي حركه جديده.
جلست على السرير جنب نايف اللي متمدد وسحبها وصار راسها على صدره وقال/ صحيح قلت بدور حركه جديده بس مايمنع تجين بمكانك لحد مايجي الالهام.
عبير رفعت راسها وصارت تناظر عيونه ويدها على صدره وقالت/ شكل عندك كلام تبي تقوله.
نايف رفع راسه وطبع احلى بوسه احرجت عبيرومسك خدها وقال/ لبى اللي فاهمني ياناس.
ابتسم نايف على شكلها مع انها تعودت على حركاته بس للحين تستحي منه وهذا اللي يهبل فيه زياده وقال/ غدو وافقت على فارس ومبسوط لها لانه يستاهلها.
عبير فرحها الخبر وابتسمت/ من جد الله يوفقها تستاهل ل خير بعد قلبي عسل هالبنت.
ناي ابتسم ومسك خشمها بيده/ انت والله العسل ولو سمحتي قلبك مو على كيفك لي انا وبس.
ابتسمت عبير/ الواجب انا اللي اغار منها بس من غدو مستحيل اغار احسها قريبه مني مرررره وتستاهل دلالك لها.
انبسط نايف من كلامها وقال/ الله لايحرمني منك صحيح غدو غاليه عندي وزاد بعد ماتوفى ابوها لدرجة اني اتمنى اجيب لها الشي قبل لاتطلبه ومع ذلك
غلاها بقلبي شي وغلاك انت من دخلتي بحياتي شي ثاااااني مااقدر اوصفه.
رجعت عبير راسها على صدر نايف وضمته ماتدري كيف ترد عليه بالكلام نتركهم يعبرون براحتهم ..

يوم جديد طبعا ابو عبدالعزيز وصل خبر موافقة غاده لابو فارس وانبسط ولاصبر ابو فارس وحب يفرح ولده وراح له بمكتبه علشان يبشره
وطلب فارس ن ابوه يكلم ابو عبدالعزيز يطلب منه اذا وافقت تكون الملكه بعد اسبوعين علشان يتعودون على بعض قبل السفر..
بعد اسبوعين تمت الملكه في قصر الجد وكان كل شي بسيط وناعم بطلب من غاده..
بعد الملكه على الساعه 2 في بيت خالد وريم صارت تحب تكون بجنبه وماتفارق حضنه من بعد ماحست انها راح تفقده بالحادث
رفع خالد وجه ريم بين يدينه وقال/ دلوعتي متى راح ترجع لي مثل اول وتبعد عنها هالخوف اللي اشوفه بعيونها؟؟
ابتسمت ريم بس مو ابتسامتها اللي يعرفها خالد وقالت/ مااظن الخوف راح يبعد عني من بعد الظروف اللي مريت فيها حتى اللي في بطني ماقدرت احافظ عليه
ضمها لصدره وهو حاس ان هالموضوع متعبها اكثر شي وحب يغير جوها شوي/ حياتي انت العمر قدامنا . وبعدين معك نسيتيني المفاجاءه اللي مسويها لك.
ريم مسكت كف خالد بين يدينها وقالت/ رجعتك لي تغنيني عن كل المفاجأت.
خالد طبع بوسه على راسها / وسعادتك عندي بالدنيا كلها علشان كذا حجزت لنا اسبوعين على مكان نريح فيه .
ريم رفعت يده لشفايفها وطبعت عليها بوسه وقالت/ سعادتي في وجودك بحياتي الله لايحرمني منك.
ابتسم خالد/ ولايحرمني منك بس انا حجزت وخلصت ولاراح ترديني .

بعد شهرين طبعا الجوهره وزوجها استقروا بالسعوديه وهذا اللي كان في بال سعود من زماااان ونفذه واليوم زواج محمد وحلا وكان حفل اسطوري رائع
وكل شي غريب وطلبت حلا من محمد يدخل معها لانها محضره زفه روعه ولازم وجوده وماحب يرفض طلبها طبعا القاعه من افخم القاعات والاستقبال
كان روعه والتقديم من احلى مايكون ...
وعلى الساعه 12 كانت الزفه وطلعوا مع بعض وكانت حلا احلى عروس من جد ومحمد كاشخ بس كان خايف على الحوريه اللي جنبه لانها كانت تجنن..
(الكورال)
فرس فرس فرس فرس
من حسنها الحسن انخرس
تتزاحم قلوب البشر في حسنها

فرس فرس وقفة فرس
مشية فرس لفتة فرس
من حقها تغتر حيل بحالها

(حسين الجسمي)
فرس فرس من حسنها الحسن انخرس
تتزاحم قلوب البشر بقبالها
وقفة فرس مشية فرس لفتة فرس
من حقها تغتر حيل بحالها

كم ساحراً بعيونها النجلى درس
وكم شاعرا ً من حسنها غنى لها
واحلى الغواني بقربها كنهن حرس
كن الحلا مخلوق فيها لحالها

(أصالة نصري)
أنا فرس ومعربٍ ساس الفرس
وأنت الغلا والفارس وخيالها
والفارس الي بالحشا حبه غرس
هو فارس احلام الفرس وآمالها

والقلب وعيوني على شخصه حرس
والروح عـ(كفوف) المحبه شالها
والحب في قلبي وفي قلبة انغرس
واليوم طاول بالشموخ اجبالها


(حسين الجسمي)
كم قلب في دربه انشد فيه انغرس
يحلم تمرة لو بظل ظلالها
ماتلتفت حتى لطويلين المرس
متربعه ماكلمن جا طالها

ياما احترست من الغرام وما احترس
قلب تعلق في طرف زلزالها
والي غرس فيها المحبه بي غرس
حب يفوق الي في بالي وبالها

(أصالة)
فارس ماغيره له القلب انفرس
مالي عيوني عن جميع ارجالها
الـ(ميم) مجد فيه كل مجد اندرس
تشهد له الدنيا وطيب افعالها

والـ(حاء) اقروا من اطوال المرس
والـ(ميم) مامثله برز بأبطالها
والـ(دال) درع في المواقف محترس
والمرجله هو عمها وهو خالها

(حسين الجسمي)
ياما احترست من الغرام وما احترس
قلب تعلق في طرف زلزالها
والي غرس فيها المحبه بي غرس
حب يفوق الي في بالي وبالها

فرس فرس لحالها مية فرس
يوم لمحتها العين قلبي شالها
في خافقي اسمع لخطوتها جرس
ويرن في صدري صدى خلخالها

(أصالة)
فارس كتاب المجد من مجدة انترس
لو هو تمنى كل عاليه نالها
صوت الوفا والحق لو الحق انخرس
مايخلي الشقرة عليها يلالها

فارس فراسه وعزم لا دق الجرس
يهوا المعالي والمعالي طالها
وانا فرس ومعرب ساس الفرس
ماتمتثل الا لأمر خيالها

بعد ماخلصت الزفه وجلسوا على الكوشه محمد ماهمه احد غير حلا واصلا ماعبر احد عايش في عالم مافيه الا هو وهي وبس ويتخيل كيف راح تكون حياته
بوجودها ماسك يدها وسارح فيها وفي عيونها وهي ملاحظه ومنحرجه ..
بطلب من البنات وخاصه ريم طلبوا اغنية الطير لانها اغنيتها المفضله ...

عمرك سمعت بطيرويحب سجانه
من شافك انت نسى وش تعني جنحانه
انا تراني طيرك اللي يحبك موت
لو حب قلبي غيرك بدعي عليه يموت
في قربك انت نسى انه ياعمري طير
ماتشد عينه السما ولا يريد يطير
هذا الغلا و الحب من الله سبحانه
عمرك سمعت بطير ويحب سجانه
**********************
انت زرعت الوفاو امسيت هدانه
وانت الوحيد الذي احيا علشانه
ما اقدر اعيش بدونك يادنيتي والكون
والله وغلات عيونك ما انساك مهمايكون
قربك لقيت الدفا لأنك يا حبي غير
كل ماحلمت بوفا القاك له تفسير
هذا الغلا والحب من الله سبحانه
عمرك سمعت بطير ويحب سجانه
******************
قبلك فؤادي انا غارق في احزانه
واليوم حبك ترى نساها حرمانه
يا تاج راس محبك يا تاج فوق الراس
تحلا الحياة بقربك يا سيدالإحساس
ما عمر قلبي شكى في دنيتك تقصير
مهما يا ذخري حكا يعجز عن التعبير
هذا الغلا والحب من الله سبحانه
عمرك سمعت بطير ويحب سجانه

يتبع.....

[لامارا]

بعد 6 ســـــــنــــــــوات من الاحداث ....

الجد / توفى بعد زواج محمد وحلا بسنتين وفقده الجميع وللحين مايجلسون بدون ذكره...

الجوهره وسعود /ومابعد الصبر الا الفرج احلى حياة مع عيالهم .
عيالهم/ التوأم ديم ومحمد ـــ وبنت عمرها 7 شهور...

نايف وعبير/عوضهم ربي نايف عن زواجه الاول وعبير المتخوفه من الزواج وصاروا روحين بجسد وحده وكل واحد يفهم الثاني بدون لايتكلم .
عيالهم/ فهد 5 سنوات ـــ ومحمد 3 سنوات ـــ ونايف ماسكه معه يبي بنت وتطلع مثل امها...

العنود ووليد/ كل سنه حبهم لبعض يزيد اكثر من اللي قبلها ..
عيالهم/ غير الجوري وخلودي ـــ جنان 3 سنوات ـــ ولد عمره 3 شهور...

فهد وهيفاء/ الحب والعطاء اللي بينهم مازال موجود.
عيالهم/ غير فجر ـــ عبدالعزيز 4سنوات ـــ وبنت عمرها سنه...

خالد وريم حب الطفوله واحلامهم وهم صغار تحققت في حياتهم الواقعيه واكثر بالذات بعد عيالهم..
عيالهم/ عزوز 4 سنوات ــــ واسيل سنه ونص...

محمد وحلا محمد عنده جمله دايم يقولها (حياتي كلها حلا في حلا) لدرجة ان بنته تقول نفس جملة ابوها ههههههههه.
عيالهم/ سلاف 4 سنوات ـــ فهد سنه ...

نور غير ولدها حمودي صار عندها بنت وولد...

غاده وفارس مع ان كل شي تم بسرعه علشان السفر بس فارس لقى في غاده حنان الام اللي فقده والزوجه اللي وقفت معه بالغربه .
عاشوا حياتهم الحلوه بوجود عيالهم/ عبودي 4سنوات ــــ بنت عمرها 9شهور...

الحدث الجديد عليكم زواج فيصل وفرح مره جد وعشره مزح وكل واحد يهبل بالثاني مع وجود الحب المتبادل بينهم .
عيالهم/ ريناد عمرها 3 سنوات ـــ وحامل بالشهر السادس...

نوف ورغد تزوجوا وكل وحده منهم عندها ولد ...
مشاري خلص الثانوي وسافر يكمل دراسته برا ...
رند السنه الجايه بالجامعه وطالع فيها شبه مو صاحي من ريم اختها..

في مزرعة الجد في اجازة الربيع كلهم موجودين في قسم النساء قمة الازعاج الكل يسولف وقليل اللي يسمع هههههه وام عبدالعزيز مبسوطه فيهم وفي عيالهم
الصغار الانتاج الجديد واكثر واحد ماترد له طلب فهد ولد نايف غالي عندها مرررره رند متضايقه من الازعاج لانها متعوده على الهدوء في بيتهم الا اذا جو
عيال اخوانها وخواتها بس عندها اسوله بنت ريم تسوى عيونها وتموت فيها واسيل تحبها مره ومتعلقه فيها..
رند جالسه ومعها اسيل بحضنها/ اعوذ بالله قسم بالله ازعاج سكتوهم شوي.
رغد بمزح/ ايه لنا الله انت بس جلسي اسيل بحضنك وولدي اذا صاح صار مزعج.
رند وهي تبوس خد اسيل/ حرام عليك والله احبهم كلهم بس هذي لها محبه خاصه.
رغد/ مبين حياتي بدون لاتقولين.
ريم وهي مبتسمه على خواتها/ الرازق في السماء والحاسد في الارض بسم الله على بنتي من عيونك.
رغد / احمد ربي اني جبت ولد مو بنت كان تنجلط من الغياره انا الام وغايره من اسيل بس ياويلك لو اجيب بنت ولا تدلعينها مثل اسيل.
رند مبتسمه/ ان شاء الله انت بس جيبي بنت ولايهمك لاني اميل للجنس اللطيف بصراحه.
كلهم ضحكوا على كلام رغد ورند ومزحههم مع بعض وكملوا سوالفهم مع ازعاج اطفالهم..

الساعه 5 العصرعبير مع فهد فوق تلبسه لان نايف طلب منه يروح يلبس علشان يطلع معه وحركات فهودي يحب ويكره بالملابس..
عبير/ فهودي حبيبي اختار واحد علشان البسك وتروح مع بابا.
فهودي وهو يطلع لبس من الشنطه/ ابي هذا بس اذا لبست ابي اروح اجلس عند جده اول واخذ منها حلاوه وبعدين اروح لبابا.
عبير / طيب تاخذ حلاوه من جده بس ماتاكلها علشان ماتوصخ ملابسك .
فهودي بطفوله تجنن/ طيب.
كلم نايف يستعجل عبير علشان فهودي يطلع له لان الشباب بيطلعون برا المزرعه شوي وبياخذون عيالهم معاهم..
نايف/ هلا حياتي.
عبير/ هلا بك.
نايف/ وين فهودي الشباب طلعوا.
عبير/ نزل والله من عندي بس اول بيروح لخالتي .
ابتسم نايف/ يالبى اللي يحب جدته.
عبير ابتسمت/ واثق من نفسه وعارف غلاه , جد لاقالوا من شابه اباه فما ظلم.
نايف بمزح/ ايه الله لنا لو ابوه غالي جد سمعتي كلامه وجبتي له بنت مثلك.
عبيرتدري انه يمزح / لو انا بمكانك ماشكيت بغلاي لحظه .
نايف يدري ان الموضوع قريب راح يصير وبرضاها لان حمودي كمل 3 سنوات ابتسم وقال/ اول شي تدرين اني مستحيل اشك بغلاي لحد ماترجعين لي قلبي
اللي ملكتيه انت وعيالك , وثاني شي اهنيك على تصريف الموضوع , وثالث شي لي رجعه للموضوع مره ثانيه.
عبير مبتسمه على تعليق نايف وقالت/ قبل لانملك قلبك انت ملكت قلوبنا الله لايحرمنا منك.
نايف ابتسم/ ولايحرمني منكم بس الكلام بدون الفعل مايمشي معي بس بالبيت نتفاهم توصين شي قبل اسكر.
عبير / هههههه سلامتك حياتي بس انتبه لفهودي .
نايف / اضحكي ووصي على فهودي وابوه صفر على الشمال بس قلت لك بعدين نتفاهم مع السلامه جاني ولدك هادم اللذات .
عبير مبتسمه/ حرام عليك المهم مااوصيك عليه والله معكم.
نزلت عبير وهي مبتسمه ولازم تعليق من فرح طبعاً..
فرح بمزح علشان تعرف سبب ابتسامتها/ عبير صاير شي فوق؟؟
عبير عقدت حواجبها/ لا ليش؟؟
فرح غمزت لها/ مدري اشوفك مبسوطه قلت يمكن صاير شي منا ولا منا.
فهمت عبير انها تقصد نايف وابتسمت/ ليش شايفته طالع فوق ؟؟
فرح/ لا بس قلت يمكن كل شي جايز لانه يمون.
عبير ابتسمت/ لا ماصار شي ارتاحي وطلعوا اصلا ماقال لك فيصل.
فرح تغير وجهها وقالت بسرعه/ مدري اصلا جوالي فوق .
نور تدري ان اختها عليها حركات ومدام قالت جوالها فرق اكيد متعمده تتركه مثل عادتها اذا صار بينها وبين فيصل لو خلاف بسيط حبت تاخذها على جنب
وتكلمها بالموضوع وفهمت منها انه خلاف بسيط ومايستاهل تكبر الموضوع طلعت فرح فوق تجيب جوالها بعد كلام نور لها خافت انه هو يزعل عليها لانها
ماردت عليه لا امس لا اليوم وشافت منه مكالمات كثيره ورساله:
يآخِي/ زعْلك مِن حَبيبَك لآ يطوُل . .
كآن شيْ ب خآطِرك قِمْ صآرحَه !،~
مِن عِرَفت الْدنيآ والْعآلم تِقوُل :
." صآحبَك لآ أخطَى عَليك سآمِحَه ".
وعلى طول كلمت فيصل وهو متعود على حركاتها من شاف اسمها ابتسم وابعد عن الشباب لانه مشتاق لصوتها ولايحب زعلها وخاصه وهي حامل ..
فرح وهي منحرجه من تصرفها بصوتها المبحوح قالت/ الــو.
فيصل ماحب يعاتبها لانها ماردت عليه لانها يعرف طيبة قلبها/ هلا في هالصوت وبحته اللي تعذبني.
فرح تعرف طبعه وماتقدر تستغني عنه وتحبه ومها صاربينهم من خلاف يردون احسن من قبل/ افهم من كلامك انك مازعلت مني.
فيصل ابتسم / انت تدرين اني مااقدر ازعل منك بس ممكن اشره عليك لاني احبك وقلت لك قبل لانطلع من البيت عطيني سبب واحد مقنع لزعلك على موضوعنا.
فرح ذكرت الموضوع ولاحبت ترجع له لانها ماتبي تخرب على فيصل طلعته/ حياتي انسى الموضوع الحين وبعدين افهمك كل شي.
فيصل جلس على الرمل ورفع راسه وهو مبتسم / تدرين انك مجنونه وانا اموت في جنونك , تعالي ماقلت لي اخبار ريناد اليوم.
فرح / لا الحمدلله اليوم احسن خفت الكحه, بس حياتي جد ارتاح يعني انت مو متضايق مني.
فيصل / فروحه قلبي تبين اذا جيت اثبت لك ماعندي مانع.
فرح ابتسمت وبسرعه قالت لانها تعرف حركاته / لا لا خلاص اهم شي راضي علي هذا اللي يهمني.
ضحك فيصل وقال/ ياجبانه , اوك حياتي بقفل الحين وجوالك ابيه يكون قريب منك .
فرح مبتسمه/ من عيوني .
فيصل/ تسلم لي العيون وراعيتها باي حبي.

بعد مارجعوا الشباب دخلوا عليهم عيالهم ملابسهم كلها غبار وكل وحده اخذت ولدها لفوق تسبحه بعد ماخلصت ريم من عزوز ولبسته طبع على خد امه
بوسه طوووويله وقال لها/ يقول بابا شكراً.
ضمته ريم لصدرها وقالت/ عفوا حبيبي بس الحين لازم ننام علشان تصحى بكره بدري وتلعب معاهم.
عزوز وهو يناظر سرير اسيل وهي نايمه فيه/ ابي اسيل نام جنبي.
ريم / بابا اسيل من زمان نايمه في سريرها ويمكن تصحى اذا شلتها.
عزوز مصمم/ ماعليه هاتيها ابي انام جنبها وانت تنامين جنبي.
ريم ابتسمت لولدها لان راسه يابس وتدري انه يحب هالحركه لانه يحب اخته / طيب بس بدون صوت علشان ماتصحى.
حط عزوز يده على فمه علشان امه قالت له بدون صوت هههههه وجابت ريم اسيل ونام جنبها ونامت ريم جنبه لحد ماينام وتنزل تسهر معها تحت متواعدين
يسهرون بدون ازعاج كل وحده تنوم عيالها بطلب من رند لانهم ازعجوها ولاتصير السهره حلوه اذا كل شوي صاح واحد منهم..
وصارت تلعب بشعر عزوز لحد مانام وشافت جوالها وصار فيه من خالد ( حياتي وصل لك عزوز الامانه)
ردت عليه(وصل لي والله النظافه اللي هو فيها وش هذا شعره كله تراب)
بعد ماشافها خالد ماصبر وكلمها اسهل عليه من الكتابه..
خالد على طول/ هلا حياتي من جدك ماوصل لك شي هذا وانا وصيه ومعلمه كيف تكون بعد.
ريم عرافه وش قصده من البدايه ابتسمت وقالت / وصلت وبتخرب ولدي علي.
خالد/ هههههه اما اخربه حرام عليك وش سويت انا الحين اعلمه الادب قلت له اذا خلصت ماما مبدله لك ملابسك بوسها وقول شكراً.
ريم مبتسمه/ ايه واضح هذا قصدك تعلمني فيك مااعرفك انا.
ابتسم خالد/ اموت انا في اللي فاهمني, اخبار حبيبة ابوها.
ريم/ ماعليها لها نص ساعه نايمه وعزوز الا يبي ينام جنبها وانا ماصدقت تنام خفت يصحيها لا بعد وبشروط يبي هو جنبها وانا جنبه هو.
خالد مبتسم/ ولد ابوه يعرف احلى الاماكن من يحصل له نومه مثل كذا ويقول لا جنب احلى ثنائي.
ريم/ هههههه اكيد ولد الوز عوام.
خالد/ ليت الوز بعد كان معكم جنب البطه علشان تكتمل العائله.
ريم ابتسمت على كلام خالد/ الله لايحرمني من الوز وعياله اللي بيخربهم علي.
خالد/ايه العبي علي بكم كلمه اجل يالظالمه ثلاث ايام ماشفتك فيهم الا مره وكأن فيه احد يلحقك اخذت اسيل مني وانحشتي.
ريم ذكرت وابتسمت/ انت تدري ليش؟؟
خالد/لا ماادري ليش.
ريم/ لاني اعرف حركاتك.
خالد ابتسم/ طيب تعرفين حركاتي عطيني جوي.
ريم مبتسمه/ كم مره قلت لك جوك بالبيت فقط.
خالد/ اهاااا البيت صح ماتقولين لي خالد عزوز صار يفهم ولا اسيل صحت بروح اشوفها وارجع ولا اشوفك الا بكره الصباح تنومك قبلها.
ريم ابتسمت لانها جد احيانا تاخذها نومه بغرفة اسيل وتنام ماتدري عن نفسها / وانا صادقه بسم الله عليه يلقط بسرعه وانت تدري انه يحب يقلدك .
خالد مبتسم لان عزوز جد هذا طبعه يقلده في اي شي/ يعني راحت علي انسى حركاتي ايام الشباب .
ريم مبتسمه لتعليق خالد/ لايكون الشيب غطى راسك وبعدين تعلمني فيك لو تنسى حركاتك ماتصير خالد.
خالد/ هههههه تدرين طيب انت اني اشتقت لك وللبيت.
حتى هي اشتاقت له لانها مو متعوده تترك البيت اكثر من يومين/ كلها يومين حياتي ونكون في البيت حتى انا اشتقت لك.
خالد اعجبه الموضوع وقال بمزح/ اقول ماتبين نرجع بكره .
ريم خافت انه جد يسويها/ لا حياتي حرام باقي يومين وكلهم بيرجعون.
خالد/ من اجل عين تكرم مدينه لو علي مشيت بكره.
ريم ابتسمت/ الله لايحرمني منك.
خالد/ ولامنك دلوعتي ادري طولت عليك اوك باي والله يصبرني هاليومين.
ريم/ الله معك قلبي وانتبه لنفسك مدري متى بتترك هالعاده وتلبس التي شيرت وانت نايم حرام عليك برررررد.
خالد ابتسم/ حرام عليك انت كذا ماتخليني اقفل منك او اسحب كلامي ونمشي بكره.
ريم مبتسمه/ لا امزح بس انتبه لنفسك ويله باي.
وقفلت منه ونزلت تكمل السهره معاهم وكانت رند مجهزه لهم كل مالذ وطاب لانها سهره محترمه مثل ماتسميها بدون ازعاج اطفال...

بعد ماقضوا احلى الايام في المزرعه بوجودهم مع بعض مشى كل واحد لبيته وتأخر محمد ماحرك سيارته وكان قاصد هذا الشي..
سلاف/ بابا نبي نسبقهم.
محمد مبتسم وهو يرد عليها وعيونه على حلا/ ماعليه بابا الحين نروح نركب الخيل وهم مايركبون .
سلاف مبسوطه لانها مثل ابوها تحب تركب الخيل/ حتى ماما تركب؟؟
محمد غمز لحلا/ اكيد بس ماما خوافه ماتركب بدون بابا.
سلاف/ بس انا اول معك وبعدين ماما.
حلا مبتسمه/ والله وصارت تمشي الامور على كيفها.
محمد وهو يشيل بنته على اكتافه/ ههههههههه يحق لها بنت محمد.
حلا ناظرته على جنب / لا ولله يعني اطلع من الموضوع انا.
محمد مبتسم/ نشوف وش تقول بنتك هي اللي راح تحدد تطلعين من الموضوع ولالا.
حلا لفت عنه هو وبنته على بالها زعلانه/ احسن لي اروح بكرامتي انا وولدي للسياره واذا خلصت انت وبنتك تعالوا نمشي.
محمد ابتسم ونزل بنته من اكتافه ومسك خدها وقال / بابا دايم وش يقول لماما؟؟
سلاف وهي مبسوطه وتقولها مثل الاغنيه بلحن/ حياتي كلها حلا في حلا .
محمد/ ههههههه ويطاوعك قلبك تروحين للسياره بعد اللي سمعتيه.
حلا لفت لهم وهي مبتسمه/ انت وبنتك تلعبون على بلد.
ضحك محمد على حلا بعد جملتها ومسك يدها وتوجهوا للاسطبل ...

،

وبكذا تنتهي روايتي ( تحلا الحياة بقربك ياسيد الاحساس)...

فرفوشية &جود الدنيا اشكركم على المتابعه واتمنى انها اعجبتكم ادري انها رواية بسيطه بس لاتنسون انها تجربتي الاولى ..

[لامارا]

	السلام عليكم ورحمة الله وبركاته كيف حالك إن شاء الله دائما بخير ؟ كانت هذه رواية منتصف الاسبوع إن شاء الله قد أعجبتكم قراءة ممتعة لكم شـكــ وبارك الله فيك ـــرا لك ... لك مني أجمل تحية . موفق بإذن الله ... لك مني أجمل تحية .

[نوني والكل يحبوني]

شـكــ وبارك الله فيك ـــرا لك ... لك مني أجمل تحية .