24-08-13, 10:04 PM
| #1 | |||||
|  مشرحة العطارين !! السلام علييكم ....اعتذر عن كتابة هذه القصة باللغة العامية المصرية ....لكنها سوف تنال اعجابكم ...قصة قصيرة مشوقة  الحكاية بتبدتي من عم "زناتي" راجل غلبان على قد حاله مش متجوز سنه يجيب 45 سنة شغال في مشرحة في العطارين , زي أي راجل بيشتغل في المشرحة بيجيلو جثث كتيير اشكال والوان بيغسلها ويحطها في التلاجة ..."غسل الجثة دي ياعم زناتي وحطها في التلاجة عشان هنيجي يوم السبت وناخدها منك عشان ندفنها" ده الي قالوا "عم محمود " سائق عربية الاسعاف لعم "زناتي" ..عم زناتي غسل الجثة عادي جدا بس وهوا بيغسل الجثة حاسس ان في حاجة غلط !!! حاسس ان في حاجة مش طبيعية !! ...مداش اهتماام للموضوع وقال "هيا اول مرة هغسل ولا اييه" ...وبالليل حط الجثة في التلاجة عادي جدا ..وكل ده كان يوم "الخميس" عم "زناتي" كان بينام في بيت صغير جنب المشرحة ...قفل المشرحة بالليل وراح على بيته عشان ينام ...بس وهوا نايم سامع صوت حد بيتكلم "هناخده ..هناخده ..اااااااااااااااااه" ده الي سمعه عم "زناتي " واتفزع واتنطر من على السرير ....طلع بره البيت يشم شوية هوا ...سمع صوت خبط ورزع جاي من المشرحة ..."لالالا انا مش هروح ادخل المشرحة بالليل ازاي يعني " ده الي قالو لنفسو عم "زناتي" بس الصوت كل شوية بيزيد بشكل غرييب .."لأأاااااااااااااااااااا� �ااااااا" الصرخة دي فوقت عم "زناتي"من تفكيره ...جري جاب المفتاح من البيت وجري على المشرحة ...فتح الباب ...ملقاش حاجة !!! الصوت كله سكت!! .."هوا انا اتخبلت ولا اييه " ده الي قالو عم "زناتي" ..طلع عم "زناتي" وهوا قلقان وخاايف وبيفكر "امال ايه الي انا سمعته ده " اول ما دخل بيته ..الصوت رجع تاني !! وجاي من المشرحة ..راح جاري تااني على المشرحة وفتح ..بس!! بس!! الصوت المرة دي موقفش !! ...الصوت جاي من التلاجة !! وعمال يعلى ويعلى ويعلى ...عم "زناتي" قفل الباب بسرعة وجري على بيته ..وصلى ركعتين وقرء قرأن وناام !! ...جه تاني يوم " الجمعة " عم "زناتي عمال بيفكر "هوا ايه الي انا سمعته امارح ده !! لالا يمكن كابوس ..كابوس ازاااي ايوا انا رحت وفتحت الباب وكان في صوت قوي جداا جاي من التلاجة ..يمكن الجثة بتاعت امبارح ليها علاقة ؟؟ جثة اييه بس هوا في ميت بيصحى ؟؟ ..كان يوم خفيف على عم "زناتي مفيش جثث كتير جتلو ...الليل جه ..وعم "زناتي" رجع بيته عشان ينام ..بس المصيبة ان الصوت بتاع امبارح رجع تاااني !!..."هنجييبك معانااااااااااا هناااخدك ..محدش هيحمييك مننا " ده الي سمعه "زناتي بكل وضووح" وكان الصوت جاي برضو من المشرحة ..جري عم "زناتي " يشوف حل للموضوع الي مش عاوز يخلص ده !!....فتح المشرحة والصوت لسا شغاال ..جاي برضو من التلاجة ..بس ملحقش يهرب زي المرة الي فاتت ..لان !! لان !! الباب اترزع وراه ..جرى "عم زناتي" يولع نور المشرحة كلوو ..بس اول مولعوو ..شاف منظر رههييب ..شاف اجسام صغيرة ملياانة شعر ملهااش ملامح وشكلها بشع بشكل رهييييب جداا !! ..بيتكلمو بصوت غرررييب وبسررررعة جدااااا !!! ...النور قطع !! وعم "زناتي" لازق في الجدار ومرعووب ..بس شايف نوور جاي من ! من !! التلاجة !!....راح يشوف في ايه ..بس كل لما يقرب يبعد تاني !! كل لما يقرب يبعد تااني !! ...."هوا ايه الي بيحصل ..طب هوا انا همووت ولا اييه !! ..ميين دوول شيااطين ؟؟ جنن ؟؟ طب ايييه .." ده الي كان بيقولو عم "زناتي" لنفسو بس مقدرش يكمل عشان فاق على حرييق كبيير جداااا ..ايوا ..المشرحة كلها ولعت !! طب ولعت ازاااااي !!...المطاافي جت والنااس اتلمت حوالين المشرحة والناس كلها مصدوومة باللي بيحصل ...المطاافي قدرت انها تطفي المشرحة وقدرت برضو انها تطلع الجثث الي جوا ومعاهم عم "زناتي" الي ربنا نجااه من مووت على الابوااب ...وهوا في المستشفى عم "زناتي" ..."ازيك يا زناتي عامل ايه ..الحمد لله ربنا نجااك " ..ده استاذ "حسن" مدير المشرحة وبييجي كل فين وفين عشان يطمن على المشرحة .. "المطافي طلعت الجثث وادتها لاهاليها يازناتي " .." كويس يا استاذ حسن ..بس عاوز اسال عن جثة التلاجة 11 ..اهلها خدوها ؟!! ..." اهل مين ..مفيش جثة اصلا يا زناتي في التلاجة 11 !!! " عم زناتي اتصدم ومبرق !! .."لالا يا استاذ حسن اسال عم "محمود" هوا الي جابهالي وانا غسلتها ومن ساعتها حصلت المصايب دي " ...."ياراجل يا طييب ..عم "محموود" مساافر البلد بقالو اسبووووع !!!!!!!!!!!!!!!!....يعني اييه ؟!! طب والجثة ؟؟! طب والاجسام والاصوات الي شفها خيال؟!! طب وايه الي وداه المشرحة طالما هيا خياال !! ؟؟؟؟؟؟؟ https://www.mediafire.com/download/29...9%8A%D9%86.doc رابط التحميل : التعديل الأخير تم بواسطة كاردينيا الغوازي ; 26-08-13 الساعة 05:22 AM | |||||
|  |
|
24-08-13, 10:09 PM
| #2 |
| | اتمنالك التوفيق وتلاقي في روايتي النجاح اللي يرضيكي |
|
| |
|
24-08-13, 10:43 PM
| #4 | |||||||||
| نجم روايتي  
| والله أنا أحسست أننى أنا التى لست موجودة فى النهاية !!! هههههههههه ... يا إلهى .. إذًا ، ما الذى جرى ؟!! أكاد أجزم أنه فعلا يتخيل ، و إلا ماذا ؟!!! قصة رعب جميلة .. لكن ، أود أن ألفت نظرك إلى شىء مهم .. شىء جميل الكتابة باللغة العربية الفصحى ، لأنها لغة الأدب العربى الحقيقى .. إلا أنها قصة جميلة .. و بداية موفقة لك فى المنتدى .. شكرا .. | |||||||||
|
| |
 |
| الكلمات الدلالية (Tags) |
| مصرية, العطارين |
| أدوات الموضوع | |
| انواع عرض الموضوع | |
|
|
.png)
.png)
.png)
العرض العادي
