آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-08-13, 07:23 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجزء التاسع والعشرون . صعب السؤال ... ليه نفترق صعب السؤال ... وين نلتقي انتى الجنوب .. وانا الشمال .. ومابيننا .. بحر ..ورمال لكن نحب .. والله نحب .. وفوق الخيال ... صعب السؤال ياللي اجمل من كلامي عنك واقرب من سكوتي آه ياطول المسافه بين احساسي وصوتي ماهو غريب ... انى اسألك وانتى انا .. كيف اوصلك لامستحيل .. هذا الرحيل من يقطع الصمت الطويل ويـــدلــنــي *بدر بن عبدالمحسن *بالمستشفى العايله كلها متجمعه اسماء مانزلت منها وﻻ دمعه مصدومه إلى الان الجد يمسح دموعه بشماغه : خلاص روحوا ماله داعي تتجمعون ام راكان اغمى عليها وهي بغرفه من غرف المستشفى ابو راكان يستنى الدكتور فواز ضام ندى اللي تبكي بقوه هيفاء تبكي الدكتور طلع الجد وقف الدكتور : احم الحمدلله ع كل حال الدخان راكان استنشقه وسبب كتمه له قويه فيه تشوهات برجله بسبب النار يمكن مايقدر يحركها قلبه دقاته ضعيفه بسبب الكتمه ادعوا له والله يطول بعمره ويخليه لكم راح الدكتور واسماء جلست وهي تناظر الارض وتترد ع مسامعها صوت الدكتور ابو راكان خانقته العبره : الكل ع بيته ودعوا له محتاج لنا الكل راح وهو يدعي لراكان ماعدآ اسماء والجد مارضوا وهيفاء جلست مع اسماء وندى جلست عند امها ع بال ماتصحى اسماء همست لهيفاء : بشوفه هيفاء وقفتها : تعالي نقول لدكتور هيفاء تدق الباب : لوسمحت دكتور الدكتور ابتسم : تفضلي هيفاء : آحم زوجة راكان تبي تشوفه تقدر الدكتور : اوكيه بس هي ,لان هو يحس ونخاف تصير له ضغوطات هيفاء هزت رأسها اسماء دخلت بالغرفه البارده شافت راكان نايم بسلام وصوت الاجهزه يعم ع الهدوء اسماء تقدمت ومسكت يده :تتذكر لما وعدتني ماتتركني مهما كانت الاسباب تتذكر لما قلت لي انتي الوحيده اللي بقلبي تتذكر لما حكيت لي حكاية سندرﻻ وخليتني أنا بصدرك وتقول انتي طفلتي اسماء بكت ماتحملت وهمست له : ﻻتتركني الله يخليك أنا كنت اتغلى بس والله اتغلى وانت واثق اني احبك واعشقك ﻻتتركني ماصدقت ألاقي احد يعوضني غياب ماما وبابا أسماء بلعت ريقها وحطت رأسها ع صدرها وهي تدعي له ................................................. بصباح اليوم الثاني ام راكان : بشوف ولدي خلوني اشوفه الدكتور : تفضلي بس ترا زوجته عنده ام راكان هزت رأسها ودخلت شافت راكان ماسك يد اسماء وهي نايمه ع صدره ام راكان غمضت عيونها وتقدمت له وهمست : راكان راكان يحس فيهم بس مايقدر يفتح عيونه ام راكان : يمه ولدي عسى عمرك طويل ياربي ياحبيبي ﻻتحرمني من ولدي يارب دخلت عليها ندى : يمه خلاص تكفين ﻻتبكين تراه يحس ام راكان سكتت لما شافت اسماء قامت اسماء تناظر يدها ابتسمت ورفعت رأسها : خاله شوفي امس مسك يدي ام راكان ابتسمت لفرحة اسماء اسماء : لاتخافين خاله بإذن الله مو تاركنا ام راكان ابتسمت وهي تبكي الدكتور : لوسمحتوا خلاص اطلعوا بنشوف حالته الكل طلع الدكتور : مناهل جيبي الابره مناهل تعطيه الدكتور : بإذن الله هذي راح تحسسه براحه مناهل : دكتور مفروض هو صاحي من امس بس طول بنومته الدكتور لما عطاه الابره : ايوا ﻻن دقات قلبه ضعيفه منآهل بخوف : دكتور الجهآز الدكتور لف وشاف ان الجهآز يأشر ع ان قلبه بإنخفاض الدكتور : بسرعه مناهل جيبي الصدمات الكهربايئه وعطي الدكتور عبدالعزيز خبر ......................................... الدكتور عبدالعزيز يركض ومعاه ممرضين اسماء وقفت وقلبها يوجعها الدكتور عبدالعزيز دخل الدكتور ع :ايش فيه مناهل : قلبه دقاته تنزل دكتور يلا الدكتور ع : حطيها ع السبعه وعطيني اياها مناهل تعطيه الصدمات وهو يسوي وبصراخ : زيدي ع العشره بسرعه مناهل تزيد الدكتور ع وقف وهو يهز رأسه بأسى : ﻻ إله الا الله منآهل : دكتور كمل بزيد ع 12 الدكتور ع: خلاص شكله مافيه امل مناهل : دكتور مايصلح لازم نحاول الدكتور ع مسك الصدمات : يلا واحد اثنين ثلاثه اسماء تنآظر راكان من القزاز من برا تشوفه وهو يرتفع وينزل وتبكي من قلب الدكتور ع : الحمدلله مناهل : حالته صعبه الدكتور ع : الله يعين طلع ابو راكان : ايش صار الدكتور ع : شوف بكل صراحه حالته بتدهور ملحوظ يعني مانأكد لك انه بيصحى اليوم او بكرا ابو راكان : ﻻحول وﻻ قوه الا بالله الدكتور ع : خلوا ايمانكم بالله كبير ................................................. بعد مرور شهر وحلول شهر رمضان المبارك *شقة سلمان فوز تضمه : الحمدلله ع سلامتك سلمان ابتسم : الله يسلمك فوز : الحمدلله ع كل حال ﻻتيأس سلمان بتعب من السفر : وديني للكنب فوز توصله وتجلس جمبه : احكي لي سلمان بحزن : مانجحت ايش تبيني اقول اكثر أنا تعبت وانتي تعرفين رحت بس عشانك فوز طاحت دمعتها : ماعليك ربك كريم سلمان ابتسم لما شافها تروح للغرفه ووقف وراح لها بالغرفه فوز تهز رجولها وتبكي وجالسه بالسرير سلمان ابتسم : حرام ع العيون هذي تبكي بعدين اللون الاخضر حلو عليك فوز تناظر فستانها بصدمه : سلمان انت انت سلمان شالها من السرير وضمها فوز تبكي من الفرح : مااصدق سلمان ثبت نظره عليها : احبك فوز فوز ضمته : اه ياربي شكرا شكرا سلمان باس شفتها وهو يهمس : اشتقت لك فوز ابتسمت بحرج : وانا فقدتك بقوه سلمان عض شفتها من تحت فوز تبعد عنه : احح سلمان رجعها له : خليني ارتوي ترا عطشان فوز ابتسمت له وضمته ................................................ اسماء سكرت القران وهي تدعي ربها مسكت يد راكان : قوم تراك وحشتني راكان ضغط ع يدها وهو مغمض عيونه الدكتور دخل : حصل شيء اسماء هزت رأسها : بس ضغط يدي الدكتور ابتسم : هذا مؤاشر زين الدكتور وهو يفحصه : ليه ماتروحين ترتاحين بالبيت وتفطرين مابقى شيء ع المغرب اسماء هزت رأسها : راحتي أني اجلس عنده الدكتور ابتسم : لا كذا ﻻزم نعلم راكان لما يصحى اسماء : ان شاء الله لما يصحى الدكتور ابتسم لها وطلع اسماء باست يده وجلست تدعي ربها ......................................... ندى بحزن : ﻻ فواز ضمها : ليه ندى ودموعها تنزل : بس مااقدر فواز : شوفيه من القزاز ع الاقل ندى تضمه بقوه : مااقدر مااقدر فواز تنهد وهو يتمنى راكان يصحى صار له شهر وحالته نفس ماهي ام راكان : يلا يافواز ﻻزم تفطر معنا فواز ابتسم وهو يشوف الحزن بأم راكان : حاضر فواز : يلا ندى ندى وقفت من دون كلام عمر جلست بالطاوله : ماما راكان ليه مايجي ياكل معنا ندى نزلت رأسها بتعب ابو راكان : راكان بيجي بيجي عمر بكى : دايم تقول بيجي بيجي وهو ماجاء وﻻ حضر مباراتي وﻻ شاف الاستاذ وهو يعطيني الميدليه ندى وخانقتها العبره : خلاص عمر عمر زعل وراح لغرفته ....................... طيف : لا الله يخليك ابراهيم يضحك عليها : شكلك بتولدين قريب طيف بزعل : تضحك بعد ابراهيم قرب منها طيف تبعده : برهوم توه ترا ماأذن ابراهيم ضحك عليها : اللهم اني صائم غاليه : عمي انت تحب خاله طيف ابراهيم ابتسم : ﻻ بدر : غاليه خليك رجال ماما ايش قالت ﻻتزعجون خاله طيف وعم ابراهيم طيف تضحك : أجل رجال هاه غاليه : أنا مو رجال انت حرمه ابراهيم ضحك عليهم طيف : انتي اللي ماتحبني لا تضحك ابراهيم : شكلك وانتي حامل طالعه دوبا طيف بزعل : ايوا بدت تطلع عيوبي أجل ابراهيم همس بإذنها : أنا مااحبك أنا اعشقك بعدين انتي أجمل بنات حوا بعيوني ومحد يجي مكانك طيف استحت ................................................ فجر اليوم التآلي هيفاء طلعت من الحمام وهي تنشف شعرها وتدهن جسمها ولبست شورت وتوب سمعت دق الباب استغربت مين جاي بالفجر هيفاء :افف الخدامات نايمين طلعت من الغرفه وفتحت الباب انصدمت وهي تشوف تركي تركي يناظرها وهمس : وحشتيني هيفاء ضمته بقوه تركي ضمها وسكر الباب برجله وهو يدور فيها بالبيت ويهمس : وحشتيني وحشتيني هيفاء تبكي وتضمه تركي بعد عنها ومسك يدها : سامحيني أنا كان عندي شغل هيفاء تمسح دموعها : والشغل ذآ مايخليك تكلم زوجتك دقيقه مايخليك تطمن ع اختك ابوك ؟ تركي بقلبه ماتدرين اني اتعالج من الايدز ابتسم لها : ماشتققتيلي تركي ضمها وهو مو مصدق انه رجع لها هيفاء بعدت عنها وراحت للغرفه تركي ابتسم لها هيفاء : اشتقتلك وحشتني حسيت اني فاقده الدنيا تركي عض شفته وابتسم لها : ماتقدرين تقطعين صيامك هيفاء ضحكت : لالالا تركي ضمها وهو مو مصدق انه رجع لها .................................................. ...... بعد أسبوع كان الكل حزين ومكتئب على راكان اللي حالته كل يوم تتدهور *طيف قربت ولادتها بنهاية الشهر آل8 الحين* طيف : اهه إبراهيم أنا خايفه إبراهيم ضمها لحضنه : ليش تخافين حبيبتي عادي مأفيه شيء يخوف طيف : الكل يقول إن الولاده تاللم مرأ وبعضهم ماتو منها وجلست تبكي إبراهيم :بعيد الشر عنك ياقلبي طيف حبيبتي إنتي مو واثقه إن كل شيء الله ييسره ليش الخوف ؤالله معك لا تخافين بس توكلي على الله وقل لن يصيبنا إلا ما كتب الله لنا طيف : ونعم بالله وجلس إبراهيم يهديها زي العاده طيف من دخلت آل8 وهي خايفه ................... *سلمان وفوز* كانت فوز سعيده جدا لسلمان بعد رجعته ورجعت نعمة الله البصر فوز : اههه يا حبيبي مأتعرف قد إيش أنا سعيده سلمان : حبيبتي ؤالله ؤانا سعيد انك بحضني الحين فوز : بس فرحتي مو كامله سلمان : آفا فوز : ؤالله الكل حزين على راكان يأسلمان انت ما تعرف راكان راكان صقر لجدي فخر لأبوي وعمامي حبيب للبنات طيب مع الأطفال سعادتنا كلنا وقلت أسماء صح أنها الحين ما تبي وكذا اأنا أحس أنها تكابر والحين وضح للكل أنها تحبه وتعشقه سلمان : الله يقومه بالسلأمه إن شاء الله ويرجع يفرح أهله ادعيله يأفوز ................... *تركي وهيفاء * إقل مايطلق عليهم طيور الحب صاروا قريبين جدا لبعض هيفاء بنفسها اهه سبحانه اللي خلا الكره والحقد والانتقام يتحول لحب ؤعشق واهتمام الله يخليك لي يا تركي يا كل دنيتي والحين يوم رجع حتى حقوقي وحقوقه تنفذت بس أنا مستغربه حتى يوم حبينا بعض ما قد قرب مني اما الحين غير .. تركي لف عليها : هيفاااء ؤش فييك واقفه كذا تعالي ساعديني هيفاء ضحكت وراحت له : ؤش أساعدك فيه تركي : تعالي قوميني هيفاء: هههههه لآلا منت صاحي إنت وراحت له جلست تبوسه : يالله بيب قوووم تركي :اههه بس لو أني مو صايم هيفاء نقزت عنه : هههههه لآلاا أنا بروح إشوف الفطور أجهزه واشوف سماح وانت أنزل لا تتأخر إوك شوف تروش وملابسك مجهزتها تركي : اهه حبيبتي الله لا يخليني منك هيفاء : ؤلا منك ...................... *بالمستشفى* كانؤا الجد والجده وأم راكان وأبو راكان و أسماء وفيصل و هيفاء وندئ وعمر موجودين الدكتور : الحين بسمح لكم واحد واحد تدخل وتتكلمون عليه تحاولون أنكم تتحاورون معه تسولفون معه تذكرونه بمواقف بإذن الله راح ينفع الجد : أنا بدخل دخل عند راكان دخل عند ذراعه الأيمن الجد : اههه ياراكان وينك وينك يا عضيدي يا الصقر أرجع لنا أرجع انت ما تدري ؤش صار بعد ما رحت فقدناك فقدناك انت عارف ياراكان عارف معززتك عند الكل اهه بس الله يرجعك لنا سالم أبو راكان وأم راكان دخلوا وتكلموا وطلعوا من غير استجابه فيصل : أسماء ادخلي الحين عمر : لا أنا بدخل فيصل : حبيبي عمر خل تدخل أسماء قبل مسكينه أسماء ابتسمت ابتسامه صفراء : خلاص ندخل أنا وعمر سواء مسكت يد عمر ودخلت بهدوء عكس اللي بقلبها كانت تدعي من جواتها انه يستجاب باذن الله مع إن ما كان عندها أمل يصحى توكلت على الله ودخلت عمر ترك يدها وراح بسرعه لراكان وهو يبكي : راكان أصحى أصحى الله يخليك راكان تذكر اللعبه اللي جبتها لي وقلت أول ما أرجع من الشركة أسويها لك تذكرر لما كنت تلعبني معك راكان الله يخليك قووم أنا أحببك مرا ؤالله ؤالله خلاص ماراح إعصبك وبس بسمع الكلام ؤالله ؤالله أنا حلفت أسماء راحت لعمر وضمته : خلاص حبيبي خلاص لا تتعب راكان الحين هوا تعبان وبس يصحى يسوي معك اللعبه عمر : أنا بطلع أسماء : طيب تركته وراحت جمب راكان جلست تمسح على رأسه مسكت يده ونست أو غفلت عن وجوده بمستشفى نزلت لشفايفه وبأسته وهي ماسكه يده بعدت عنه بسرعه خافت أحد يدخل بس هي اشتاقت له ولحضنه لكن تفاجات بمسكت راكان لها بقوه بدون لا يفتح عينه أو ينطق بحرف وجلست تبكي : رأأكاان راكان أرجع لنا تكفى راكان حاول حاول عشاني أو نقول انت تكرهني حاول عشان أمك راكان جلس يهمس بكلمات مو مفهومه أسماء فرحت : راكان قولها قولها تكلم قول انك منت مخلينا تكفى راكان راكان بس كان مقطع فتح عيونه : ااس اااسم اسمااا اسمااء أسماء : راككاااان وحضنته : بروح أقول للكل طلعت وهي نست حجابها وغطائها : راككااان راككااان صحىى راكان الكل وقف متفاجأه جإ الدكتور ودخل بسرعه أبو راكان يبي يدخل على ولده : خلوووني بشوف وللللددي النيرس : بليز سير ممنوع الدكتور طلع : مبروك ألف مبروك راكان صحى والحين بنعمله فحوصات واشعه .................. هيفاء ضمت اسماء : آلف مبروك الله لايحرمنا ضحكت ايوا كذا نبيها من زمان اسماء همست لهيفاء : روحي وقولي له رغم الجفا ياما ع بالي طريت هيفاء ناظرتها :ادخلي يااسماء يبيك هو اسماء بلعت ريقها وهزت رأسها بلا هيفاء مسكت يدها :اسماء خلاص مكابره اسماء بكت :مااقدر خلاص روحي عنده انتي انا برجع البيت دامني تطمنت عليه هيفاء هزت رأسها ودخلت عند راكان #انتهى همسه: وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَى .. الا بِذِكْرِ اللَّهِ تَطْمَئِنُّ الْقُلُوبُ | ||||
|  |
|
26-08-13, 07:26 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثلاثون لا ترحلي ... يا أغلا ماعندي علي ... كوني معي شوفي وصوتي ومسمعي ... الدنيا من غيرك وهم معزوفة مافيها نغم ... انت الحياة ... انت الهوى وانت الشجن انت العشيرة والوطن وانتي هلي .... لا ترحلي *خآلد الفيصل بعد يومين بعد ما طلع راكان من المستشفى الجد سوا عشاء كبيييييير لسلامة راكان أبو نايف : أكرمكم الله يا بو خالد أبو ماجد : عساه من خيرن كثير الجد : ما أكلتوا شيء ؤالله خالد أبو راكان : كثر الله خيرك يبه ؤالله الأكل كثير خلصوا الرجال الأكل *وفالمجلس الرجال * أبو أحمد : لاإ ألحمدلله راكان استصح راكان : إيه ؤالله ألحمدلله هذا كله بفضل الله أبو نايف : أنا استأذن أبو ماجد : واانا بعد ؤالله استأذن منكم وكثر الله خيرك يابو خالد الجد : أجلسوا بعد أبو نايف : لا ؤالله مشكور يالله سلام راكان يفكر : من طلعت من المستشفى ؤانا ما شفتها خلت هيفاء تحكي لي ولا شفتها بالمرا !وينها معقوله يوم صحيت رجعت تتغلى أو كان نفاق قدام أهلي بس ... قطع أفكاره فواز فواز : شفتها راكان : من ؟ فواز : زوجتك راكان اههه : كأنك تقراء أفكاري لا ؤالله يا فواز ما شفتها فواز : ؤش تنتظر قم شوفها راكان ناظر فواز وهمس بضيق :طيب عطني جوالك ابتصل ع ندى فواز : خذ يالله ولا تسود عيشتك بكلمه راكان ابتسم واخذ عكازته ................... فمجلس الحريم جوال ندى ندى : الو هلا فواز راكان : أنا راكان ندى استحت : أحم هلا راكان كيفك راكان : ألحمدلله بخير إلا وين أسماء ندى : هذي هي قدامي خل أعطيها الجوال راكان : لآلآ خليها تطلع لغرفتك وانا بجي ندى بحب: تآمر ..................... *مجلس الرجال * فواز : والحين كيف بعطيها إياها اوووف وذا الكلب أخذ جوالي ؤلا رجعه شاف عمر : عمر عمر حبيبي تعال لف عليه فيصل : اووه حبيبي عارفها مو لله عمر لا تروح له بيستغلك فواز مسك يد عمر ؤلف ع فيصل : هش انت هش خلك بنفسك فيصل : هيين يأحمار أنا أوريك فواز سفهه : أسمع عمر أنا برسلك تسوي شيء واذا سويته بعطيك هدييه كبيره عمر : أمانه ؤش هي ألهديه فواز : اهه بس يالاستغلالي أسمع أمم ألهديه ألهديه بعطيك مئة ريال عمر : ميه ؤش أسؤي فيها خلها عندك أبي 200 فواز طير عيونه : شف شف ؤالله لو ما عيون حبيبتي كان عطيتك 200 تفله عمر : عيون حبيبتك عيون حياتك مالي دخل تبي 200 إوك فواز : طيب طيب بعطيك خلاص بس أسمع أبيك تروح لندئ و تقول لها .......... عمر راح بسرعه لندئ : اهههه نددىئ ضربوووني وجلس يبكي عندها ندى ضمته : خلاص خلاص يأحبيب أختك لا تببكي مين اللي ضربك أنا أوريه عمر : اههههه ضربوني ؤالله شوفيهم هنااك شوفيهم ندى : وين حبيبي عمر : أمشي معي ندى مشت معه وهي تشوف المكان الهاادي والرومانسي وبنفسها إيش هالمكان الهادي : عمر تستهبل معي مأفيه أحد إلا يجئ من ؤراها فواز غمض عيونها وعمر أنحاش : ندى: ميين عمممر يأحيواان اوووف بنااات أتركوؤوني بلا سخافه ما يضحك جلست ندى تتحسس يدين اللي مسكها بتشوف مين لمست يده فواز أول ما مسكت يده بأس رقبتها بكل رقه وحضنها من وراء ندى بعدت بسرعه وقلبها يدق بقوه: فواز فواز عض شفايفه : عيونه إيه فواز ندى وهي مستحيه : ليش جايبني لهذا الممكان فواز: عشإن هذي ورفع ألهديه ندى وهي مستحييه : وش دعوا مكلف علئ نفسك حبيبي فواز : أنا كلي لك وقرب لها يبي يبؤس فمهها بعدت علئ طول ندى: تستهبل ماتخاف أحد يشوفننا فواز: مالي دخل بأحد آنتِ ملكي الحين حلالي أنا وقرب لها وبأسها وهي استحت أخذت الهديه من يديه وبأست خده ؤانحاشت بسسرعه فواز وهو خق معها : متى متتى الزواج بس الله يصبرني .................. آسماء بستغراب : جدتي بغرفتك آيش رقاها ! هيفاء : خلاص روحي شوفيها ماقالت لندى الا انها تبيك اسماء بهمس : طيب قربت من غرفة ندى وفتحت دخلت وسكرت الباب ناظرت حياتها واقف بالعكازه ويناظرها بلعت ريقها وهي تشوفه راكان ارتبك وهو يناظرها يحبها ! مع انه مايدري ايش قصتها مع تركي بس برضو يحبها ! راكان همس بتعب : دامي ع بالك طريت ليش تركتيني وانا محتاجك اسماء تناظر عيونه ومنتبها مع كل حرف ينطقه راكان كمل بنفس الهمس : حياتي بدونك مالها وجود ابيك يا اسماء اسماء غمضت عيونها وهي مو متخيله شكت انه خياله من كثر مآيمر ع بالها فتحت عينها وراكان يراقبها نزلت دمعه لها معنى كثير لراكان وهمست : تبيني ! راكان ضغط ع عكازته وهمس : ابيك ! اسماء وهي تناظره بتعب : وتركي وقصة تركي واستهزائك فيني راكان غمض عينه ليش يا اسماء تذكريني ليش ! احاول انسى وانتي مصره بتذكيري يارب عونك فتح عينه وهمس : لاني ابيك ابي اسمعك اسماء نزلت عينها :تأخرت راكان بلع ريقه وهو يشوف دموعها تنزل : ليش تعملين فيني وبنفسك كذا اسماء نزلت رأسها: انا ماني بنفسي انا فيك راكان ابتسم رغم التعب حتى بانت اسنانه تكى ع الجدار ورمى العكازات ومد يده وهمس : تعالي اسماء لما شافته يناديها يبيها تحضنه يالله قد ايش اشتقت لحضنه ركضت له وضمته بقوه راكان وهو يضغط ع شفته رجله تألمه بس عشان اسماء كل شي يهون .................................................. ............................... *مجلس الحريم * هيفاء : اووف بنات طفشت دلال : مراا طفش حتى ممنوع نضحك بقوه فوزيه : تستهبلين عييب إيه ست الحبايب مأما نوير متراسه المجلس حتى الكلام ممنوع إلا للكبار فوز : اووووف هيفاء : والبنات جالسين يتسحبون شوي شوي أول أسماء والحين ندى دلال :إيه وبعدها إنتي و فوز وما يبقى إلا أنا وفوزيه اهه بس فوزيه : العزابيه صعبه دليل أمشئ نطق لنا رجل دلال : مشينا مشينا فوزيه : تدرين عاد إنتي عندك سلطان على الأقل أنا اللي مسحوب علي دلال :اههه يابعدي يا سلطاني سلطان قلبي تصدقون بنات أححببه أححببب... ما إمداها تكمل إلا طيف رمت عليها الجزمه دلال : هييه يالدوبه اهه لو بس مو حامل كان علمتك كيف ترمينها ثاني مرأ طيف : لآلالا أمزح أمزح عاد إنتي من يقوا عليك حتى الفراعنه ما تحملوك دلال : إيه أحسن سماح : هههههههههههه أنا بعد ترا مثلكم لا رجل ؤلا شئ دلال : إنتي إحساسي بتتزوجين قريب سماح نزلت رأسها بحزن : مين بيتزوجني ؤانا كذا هيفاء ضربت دلال دلال بهمس لهيفاء : أنا ؤش عرفني بيصير كذا فوزيه : بنات أمشو نطلع برا نتمشئ البنات يالله طيف : لاإ ؤالله أجلسوا معي ما أقدر أمشئ أحس بولد فوز : يابقره أحسن تمشين عشان تسهل مدرئ تسرع الولاده طيف : لآلالالا يرحم أمك أحس بولد مأبيها تسرع أكثر هيفاء : بولد ؤلا تورش هاهأهاهاهاهاي دلال : طيف الحين هذي جد تستحق الجزمه بوجها ,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,, *عند اشخاص من زمان ما زرناهم* سهام : إنتي ؤش تبيين بعدي عنني أنا بتزوج بططلع من هالبيت بطلع وافتك من وجهك أم وليد تبكي سهام :لاتبككيين لا تسوين فيها العاطفيه أنا مستحيل ادخل فبيتي معااقه تبين الناس يضحكون علي ههههههههههههه يأحرااام كيف كذا وحده ما تتحرك ؤلا تتكلم لا وبعد عمياء بس تسمع تصير أم لزوجة الملياردير ههههههههههههههههههههههههه هههههههههههههههههههه وطلعت سهام من البيت بدون رجعه ( أم وليد بعد ما دورت لسهام وخلتها تأخذ أحسن رجال من غناء وحسب ونسب جاها يوم ارتفع عندها السكر مما إدا لها إلى شلل صارت ما تتحرك كله منسدحه وعمياء و ما تتكلم طبعا سهام ماتخاف الله ؤمن تزوجت الملياردير تركت أمها بالبيت ورجعت تأخذ لها أغراض ) أم وليد جلست تبكي تبكي بألم وقهر على الماضي جلست تبكي على بنتها اللي ربتها كل هالسنين تبكي على قهرها وظلمها للمسكينه جوري عرفت إن كل شيء صار لها الحين عاقبة ظلمها لليتيمه اهه بس ....................... فيصل :....... وأمي رفضت أتزوجها خالد : أنا إشوف إن ما فيها شيء تتزوجها وجلوسها بكرسي مو عيب أهم شيء عاجبتك بس أبيك توعدني انك ما تظلمها بأنانيتك بعدين مو تقول طفشت منها أو تعبت معها أبي وحده غيرها أنا هنا بنفسي برفض الزواج !! فيصل : من جدك خالد أنا حبيتها أنا عشقت كل ذره فيها سماح ردتلي روحي سماح صارت ما تغيب عن بالي ؤلا ثانيه !! مستحيل أتركها بعدين لو إيش ماصار ماراح يفرقنا أسباب تافهه زي كذا خالد انت تعرفني زين !! خالد ابتسم : أجل تطمن بإذن الواحد الأحد بتكون لك فيصل تنهد : اهه يا خالد أنا خايف أمي ما ترضى وما أبغى إعصيها خالد : أمي خلها علي هاه وعد كلمتين بس ؤانا مقنعها ففيصل بأس رأسه : مشكور يأخوي ماتقصر ومتى بتكلمها خالد : إن شاء الله جمعتنا الخميس أكلمها فيصل طلع عيونه : لاإاا لا ما اتفقنا على كذا بعيد مرأ بعيد تكفى خالد لا ترد إخوك الصغير الحين تكفى !! خالد ضحك بقوه : الله يصلحك و يجمع بينكم على خير فيصل : أمين يالله روح لها لغرفتها خالد : أبشر يأخوي ..................... راكان انسدح ع السرير وهو يحس بألم فضيع برجله اسماء جلست عند رجله ومعها المرهم راكان غمض عيونه اسماء ابتسم : يألمك كثير راكان يهز رأسه : اكثر مما تتصورين اسماء : جعله فيني وﻻ فيك راكان : اسماء اسماء وهي تفك الشاش من رجله طاحت دمعه من عينها وهي تشوفها متشوهه راكان حس بألم لما طاحت دمعت اسماء برجله اسماء لما خلصت غطتها بالشاش وراحت لصدر راكان راكان ضمها له اسماء همست : راكان راكان : روحه اسماء عدلت جلستها : وانا بالجامعه اول كنت طالعه من الكلاس وشفت شخص يبكي ماقدرت امر من عنده واتركه رحت وسألته قالي بس تذكرت امي ﻻني أنا سبب وفاتها قعدت اهديه وانصحه وهو شكرني واليوم الثاني شافني وجاء سلم وعطاني هديه بس رفضتها قلتله مااقبل من غريب قال اتمنى اكون صاحبك ابتسمت له ورحت وصار صاحبي بس واللي خلقني ماقد لمس يدي وﻻ حاجه واعترف لي مرا انه يحبني بس أنا قلتله اذا تبي صداقتنا تستمر ﻻتحكي كذا وسفهت حبه لي بس راكان ابتسم : تركي ! اسماء هزت رأسها راكان : وليه ماقلتي من البدايه اسماء ناظرته بطرف عين : وانت عطيتني مجال راكان ضحك وسحبها لحظنه وهمس : اسف اسماء ابتسمت وضمته بقوه .......................... خالد : يمه ؤالله مأفيها شيء الجده : خلااص خالد أنا قلت كلمتي سماح ما تصلح لولدي فيصل خالد : ولييش ؤش ناقصها الجده : بس كذا أنا أبي أحسن البنات لولدي فيصل خالد : طييب سماح مو ناقصها شيء و أنا اللي فهمته من فيصل انه يعشق التراب اللي تمشي عليه و عاجبته و أنها جميله يعني حتى ما قال انه متضايق من أنها مقعده ليه إنتي كذا تفكرين الجده تنهدت : مدرئ ؤالله مدرئ يا خالد أنا أحس أني أبي أحسن البنات لولدي فيصل وو سماح ماراح تعطيه حقوقه كامله كذا ؤلا بتقوم فيه خالد : ؤانا أحس إن سماح بالنسبه لفيصل أحسن البنات يمه مايهم ؤالله مايهم ترا أنها مقعده ؤش بيفيدك إذا تزوج له وحده مو ناقصها شيء حسب ونسب و جمال و جسم بس تتعبه يمكن بأخلاقها يمكن تكون مهتمه لنفسها بس مااتهتم له أو أنها ممكن تكون كويسه وأخلاق والخ بس راح يظلمها فيصل بحبه لسماح راح يظل يحبها ويفكر فيها ترا والحرمه بتنظلم كذا حرام ؤالله إنتي كذا يمكن تظلمين 3 أفراد ترضينها على نفسك يا يمه ؟ الجده سكتت شوي : لا ؤالله ما أرضاها خلاص بكيفكم خالد : لا يالغاليه أبيك توافقين وانتي راضيه هذئ مبتغى فيصل الجده دمعت :الله يكتب اللي فيه خير ؤانا الحين موافقه بكاملي خلاص أنا اقتنعت الحين يمه بعد قليبي وليدي ......................................... آسماء جلست عند التسريحه فكت شعرها تمشطه راكان مشى بخفيف عشان رجله ومسكها من كتفها :شعرك جنني يابت اسماء ناظرته من المرايا وابتسمت رآكآن نزل نفسه وهمس بإذنها : نفسي يجيني اولاد منك اسماء انحرجت ونزلت رأسها رآكآن اخذ المشط ومشط شعرها ووقفها بصعوبه عشان عكازته وباسها من عينها : قد ايش تسحرني عينك اسماء ضمته : تعبت عشان ارجع لحضنك رآكآن :حضني وصاحبه ملكك آسماء بعدت عنه وناظرت عيونه وابتسمت رآكآن تنهد : ربي لا يبعدني عنك ................................. دخل ابراهيم : طيف كنت ادورك سكت لما شافها تبكي ابراهيم ركض لها : ايش فيك طيف تبكي : شكلي بولد ابراهيم ضحك وضمها : ايش تحسين طيف تعض شفتها من الألم ابراهيم سكت وهو يشوف دم احمر ينزل منها انصدم وﻻ تحرك طيف تهز رأسها : ﻻ ﻻ ياربي ﻻيموتون ياربي تكفى ابراهيم شالها وبسرعه للمستشفى الدكتوره : ﻻزم توقع ابراهيم ويده فيها دم : ليش الدكتوره : ﻻن بندخلها عملية قيصريه ماراح تتحمل الطبيعي ابراهيم وقع وشاف طيف بالسرير يودونها غرفة العمليات ابراهيم مسك يدها : قلبي طيف بتعب : ابراهيم لو صار لي حاجه عيالي امانه عندك ابراهيم سكتها وباسها من فمها والممرضات انحرجوا ابراهيم بتسم :ﻻتخليني ازعل عليك طيف ابتسمت :ادخل معاي أجل ابراهيم هز راسه #آنتهى همسه : {رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ} [النمل: 19].الحمد لله على نعمك يا رب ♥ | ||||
|
| |
|
26-08-13, 07:33 PM
| #33 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الحادي الثلاثون والأخير لنا مزاجية البحر وجنونه.. وتحولاته ولنا أيضاً.. مراهقة الزبد.. وحماقة الأمواج.. نقاتل بعضنا بعضاً ونكسر بعضنا بعضاً وعندما تهدأ العاصفة نتدحرج على الرمل كطفلين في عطلتهما المدرسية.. *نزار قباني الكل عرف بوﻵدة طيف الجد وهو ينآظرهم ومبتسم ابراهيم :ماكنت متوقع صح الجد هز رأسه وطآحت دمعته ابراهيم آبتسم : يلا خلنا نروح لطيف الكل مجتمع عندها *عند طيف هيفاء : تكفين خليهم يجبونهم طيف قالت للممرضه أسماء : ايش بتسمينهم طيف ابتسمت : أنا بسمي البنت وابراهيم الولد فيصل : ايش اسم الولد ابراهيم ابتسم : عبدالملك فيصل : والبنت طيف : ملاك أسماء : جميله الاسماء الله يخليهم لكم دخلت الممرضه ومعهآ التؤام عبدالملك وملاك اسماء شالت ملاك : بسم الله عليها اسم ع مسمى راكان همس لأسماء : ابي بنتي تشبهك اسماء انحرجت دلال تشيل عبدالملك وتوديه للجده ابراهيم ضغط يد طيف وهو يناظر عيونها ويبتسم راكان : يلا استأذن بروح اشيك ع رجلي عند الدكتور اسماء : بروح معاك راكان ابتسم : لا ماله داعي طلع ولقى تركي جالس يستنى هيفاء راكان ناظره بستحقار وقرب من عنده وهو معاه عكازته : والله لو اني عارف طينتك من آول ماخليتك تشم ريحة عايلتنا تركي : أنا تغيرت راكان وهو يحط عكازته ع صدر تركي ويدفه : لو مآآشوف السعاده بيعون هيفاء كان علمتك كيف بس عارف انك تغيرت ليه ع بالك راح اسيبك من دون مراقبه ابتسم بسخريه وراح تركي تنهد ........................ الدكتور يشيل الشاش بخفيف : ﻻ الحمدلله خف عن آول بس مآرآح يروح اثره الا بعملية تجميل راكان : بس دكتور بالليل مقدر انآم من الألم الدكتور :شوف هو لان جلدك انصلخ من النار عشان كذا هذا مو شيء بسيط بترتاح لما تعمل العمليه الحين حرك رجلك راكان وهو يحرك رجله بألم الدكتور يطبطب عليه : لا الحمدلله التحسن واضح راكان ابتسم : ماقصرت يادكتور الدكتور : عارف راكان فيه حاجه من زمان ودي اقولها لك راكان : تفضل الدكتور وهو يجلس : انت عارف اني كنت اشرف ع حالتك وانت بالغيبوبه صراحه جذبني تصرفات زوجتك صرت ألاحظها ماتتحرك الا من متى إلى متى كله عشان ماتبعد عنك لدرجة فطور رمضان ماتفطر بالبيت حبيت انصحك انك تحافظ عليها لان من الصعب بالزمن هذا تلاقي زوجه وفيه راكان ابتسم : شُكرا ع النصيحه دكتور .................................................. . وليد جلس جمب امه ومسك يدها وبهمس : شفتي يايمه ربي يمهل ولا يهمل قلتلك يايمه البنت يتيمه عامليها زي بنتك او ع الاقل اتركيها ع راحتها بس ماسمعتي كلامي ماتدرين لو هي دعت عليك بوقت الاستجابه ودعوه المظلوم مستجابه يايمه ام وليد منزله رأسها ودموعها تنزل : تضحك علي ياوليد اذا انا حمل عليك اتركني زي ماعملت سهام وليد باس يدها وحطها ع صدره :حشآ لله يالغاليه فيه احد يبعد عن جنته ام وليد تبكي : ياوليد دام كتبي رضاي دور اخوك ريان لي زمان ماشفته وليد تنهد : يمه ولدك خربوه اولاد الحرام والشرطه مسكتهم ايش تبيني اسوي نصحته وضربته وحبسته بس مافاد معاه ام وليد : خلي الجوري تجي خلها تسامحني قبل لا يآخذ روحي ربك وليد : بسم الله عليك جعل يومي قبل يومك ابشري والحين بدق عليها .................................................. .. فراس يضحك : ايشبها ايدك كأن جايها زلزال الجوري رفعت رأسها وناظرته : فراس فراس راح عندها وجلس ع ركبته : عيونه الجوري تبتسم : طيب مااعرف احط مناكير الا بإيدي اليسرى فراس ضحك :وكل هالزلزال عشان ايدك اليمنى الجوري ناظرته فراس ضحك : خلاص خلاص لا تناظرين كذا عطيني المناكير انا احط لطفلتي مسك المناكير وحط لها بعدها باس يدها ورفع رأسه : شفتي كيف بسيطه الجوري تبتسم : وانت كيف تعرف فراس وقف وجلس جمبها : والله دايم احط لدلال شكل كلكم يالبنات ماتعرفون لليد اليمنى الجوري تمد ايدها وتشوف المناكير : الله حلو ع ايدي اللون الاحمر فراس مسك ايدها :انتي كل شي حلو عليك الجوري ابتسمت :تعرف حاجه ان.. قطع كلامها صوت جوالها ناظرته وراح اخذته وردت الجوري : هلا بأخوي وسندي وليد ضحك: كيفك ياقلبي الجوري تبتسم وتناظر فراس : حطيتني بإيد امينه كيف بكون يعني وليد ابتسم :الله يديم المحبه طيب حبيبتي امي تبي تشوفك الجوري نزلت رأسها : ليه وليد بجديه :الجوري ماكنت ادري ان قلبك يحقد امي غلطت وتبي تسامحينها الجوري بكت : انا قلبي مو حقود لو قلبي حقود كان ماسامحتها من اول ماطلعت من بيت ابوي وليد سكت الجوري تكمل :انا والله سامحتها وليد والله اني ماابي منها شي انا بكل صلاتي ادعي لها ان ربي يشفيها ماابي حاجه منها ابيها لك والله وليد بهمس : اص خلاص ياقلبي والله اني عارف اللي بقلبك طيب تعالي طيبي خاطرها بكم كلمه الجوري بهمس:ان شاء الله وليد : يلا ياقلبي مع السلامه الجوري قفلت منه ورفعت عينها ع فراس اللي يناظرها بتمعن فراس ابتسم وتقدم لها وضمها وهمس: لك الحمد ياربي عطيتني زوجه صالحه ومطيعه وقلبها ابيض مثلها الجوري ابتسمت ودفنت رأسها بصدره .................................................. ............. هيفاء تنط ع السرير : قوووم تركي يحط المخده ع وجهه : هيفاء تكفين خمس دقايق بس هيفاء تتأفف : طيب انا اعرف كيف اصحيك طفت المكيف وفتحت الستاره وشغلت الانوار وصرخة بقوه :قوووووووووووووووووم تركي ابتسم ع خبالها وانسدح ع بطنه وكمل نوم هيفاء تضرب رجلها بالارض : افف تركي سخيف تركي وبصوت فيه النوم : السخيف بيعلمك كيف لما يصحى هيفاء راحت له وجلست فوق ظهره وتضربه بخفيف :يلا قوم تركي يستهبل عليها : أي الله يجزاك خير اقوى بعد ظهري يحكني هيفاء عضت شفتها وقامت : تنرفز بشكل وطلعت وسكرت الباب تركي ضحك عليها وقام شغل المكيف وطفى النور وكمل نوم هيفاء جلست بالصاله وجتها فكره ودقت عليه تركي ناظر جواله وهو معقد حواجبه وابتسم خبله ذي انسدح وفتح ع السبيكر وحط جواله جمبه وجلس يشخر يستهبل عليها هيفاء بصوتها الناعم : تروك ابتسم ع دلعه بصوتها ولا تكلم هيفاء همست :احبك تركي جلس بسرعه وارتبك اول مرا تنطقها اخذ جواله :ايش ! عيديها عيديها ! هيفاء ضحكت وقفلت بوججه تركي لبس تيشيرته وطلع لها هيفاء ناظرته وتخصرت :اخير قمت تركي تقدم لها : عيديها هيفاء :ايش اعيد ! تركي ابتسم : أيش حكيتي لي بالجوال قبل شوي هيفاء بستغراب : أي جوال واي خرابيط انا توي طالعه من المطبخ كنت اشوف الاكل تركي عقد حواجبه : تستهبلين هيفاء ابتسمت ع جمب :ليه من اللي كلمك خلاك تصحى من النوم تركي ناظرها وعرف انها تستهبل جلس بالكنب ورجع رأسها ع ورا وحط رجل ع رجل : والله صوتها يدوخ تمنيتها كانت جمبي وهمسها قصه ثانيه هيفاء راحت عنده ودفت رجله وجلست بحضنه تركي مسكها من خصرها :بتعيدينها ولا لا هيفاء رفعت حاجب : لآ تركي ضغط ع خشمها بخفيف: الا هيفاء:لآ تركي تنهد:الا هيفاء :افف خلاص طيب انا احبك قطع كلامها بقلبه هيفاء بعدت عنه وطلعت ألسانها بستهبال وراحت .................................................. ................. فوز تنهدة: وليش ماتوافين رجال يمدحه ابوي فوزيه :خايفه خايفه فوز:حبيبتي استخيري واختاري للخيار اللي ترتاحين له فوزيه:طيب ياتؤامي الحين روحي لزوجك فوز ابتسمت وسكرت الجوال عقدت حواجبها وينه هذا رآحت المطبخ : سلمان اف وينه ! راح الحمام والغرفه والصاله مالقت احد جت بتلف ولا تلقاه وراها صرخة بقوه سلمان حط ايده ع اذنه : ايش هذا يابت فوز تحط يدها ع قلبها : ياماما ليش كذا كنت ادورك والشيطان لعب بعقلي والف الاقيك قدامي سلمان قرب وحط رجله فوق رجلها : مانبطل خوف فوز هزت رأسها : مانبطل ! سلمان ابتسم وتنهد : اه بس ربي لايحرمني منك فوز ابتسمت : خالتي دقت علي تعزمنا سلمان: ياحليلها امي زمان عنها فوز تضربه بخفيف : ياخي مو لازم اروح معاك بس مفروض يوم ايه ويوم لا تزورها مايصلح كذا سلمان عض خدها بخفيف : يخليلي الناصح ان شاء الله فوز ابتسمت .................................................. .................. ناصر سكت وبلع ريقه يستنى جواب شاف الشيخ ساكت ناصر بخوف : علي اغلاط ! الشيخ دمعت عينه: آلف آلف مبروك ماعليك ولا غلط انا فخور فيك ياناصر ناصر سجد لربه وهو يبكي اخيرا تحققت امنيه حفظ القران كآمل يالله قد ايش انا محظوظ حفظت كلام ربي يارب الشيخ بكى فرحه لناصر وراح عنده وضمه : ماشاء الله عليك ياابني الله اهداك لآتنسى تدعي دعاء الختم ناصر بعد وهو يمسح دموعه فتح يده بتذلل وخضوع للخالق ودموعه مو راضيه توقف دموع فرح دموع عدم تصديق اللهم أرحمنى بالقرءان واجعله لى إماما ونورا وهدى ورحمة اللهم ذكرنى منه ما نسيت وعلمنى منه ما جهلت وارزقنى تلاوته آناء الليل وأطراف النهار وأجعله لى حجة يارب العالمين * اللهم أصلح لى دينى الذى هو عصمة أمرى وأصلح لى دنياى التى فيها معاشى وأصلح لى آخرتى التى فيها معادى وأجعل الحياة زيادة لى فى كل خير وأجعل الموت راحة لى من كل شر * اللهم أجعل خير عمرى آخره وخير عملى خواتمه وخير أيامى يوم ألقاك فيه * اللهم إنى أسألك عيشة هنية وميتة سوية ومرادا غير مخز ولافاضح * اللهم عنى أسألك خير المسألة وخير الدعاء وخير النجاح وخير العلم وخير العمل وخير الثواب وخير الحياة وخير الممات وثبتنى وثقل موازينى وحقق امانى وأرفع درجاتى وتقبل صلاتى وأغفر لى خطيئاتى وأسألك العلا من الجنة * اللهم إنى أسألك موجبات رحمتك وعزائم مغفرتك والسلامة من كل إثم والغنيمة من كل بر والفوز بالجنة والنجاة من النار * اللهم أحسن عاقبتنا فى الامور كلها وأجرنا من خزى الدنيا وعذاب الأخرة * اللهم أقسم لنا من خشيتك ما تحول به بيننا وبين معصيتك ومن طاعتك ماتبلغنا بها جنتك ومن اليقين ما تهون به علينا من مصائب الدنيا ومتعنا بأسماعنا وأبصارنا وقوتنا ماأحييتنا وأجعله الوارث منا وأجعل ثأرنا على من ظلمنا وأنصرنا على من عادانا ولا تجعل مصيبتنا فى ديننا ولا تجعل الدنيا أكبر همنا ولا مبلغ علمنا ولا تسلط علينا من لا يرحمنا * اللهم لا تدع لنا ذنبا إلا غفرته ولا هما إلا فرجته ولا دينا إلا قضيته ولا حاجة من حوائج الدنيا والأخرة هى لك رضى إلا قضيتها ياأرحم الراحمين * ربنا آتنا فى الدنيا حسنة وفى الأخرة حسنة وقنا عذاب النار وصلى الله على نبينا محمد وعلى آله وأصحابه الأخيار وسلم تسليما كثيراً. سجد لربه ووقف والابتسامه ماتبعد عن شفته طلع من المسجد وهو يناظر السماء : آه يايمه لو انتي فيه وشفتي ولدك ختم القران ايش بتسوين لو انتي وابوي موجودين ايش راح يصير فيكم لما تدرون اني رآح ألبسكم تاج يوم القيامه الله يرحمكم برحمته الواسعه *في كُل يوم أحفظي صفحة واحِدة من القرآن , أقرأي السطر 10 مرات ثم سمّعيه لنفسكْ وهكذا مع كل الأسطر وعندما تنتهي من الصفحة أرجعي أقرأي الصفحة كاملة 20 مرة حتى تثبتْ في عقلك صورة الصفحة فتتذكرها لو بعد زمن . . وتكُوني مع الأنبياء والمرسلين وتكُوني من أهل الله . . أيُوجد فضلاً أكبر من ذلك , عندما تتعدى عُمر الـ 25 تبدأ الذاكرة تضعفْ فأستغلي هذه السنوات بحفظ كتابه الكريم * .................................................. ........ جهزت الغرفه وقفت قدام المرايا وشافت نفسها لابسه فستان طويل وماسك ع جسمها اسود وفيه فتحه بنص الفخذ وتوب وفاكه شعرها وحاطه روج احمر ضغطت ع ايدها وهي تسمع صوت خطواته تقترب من الباب رآكآن فتح الباب ووقف وهو يناظرها اسماء لفت عليه وابتسمت راكان بلع ريقه حوريه قدامه غمض عينه وهو يستنشق ريحة عطرها اللي يحبه تقدم لها اسماء حطت ايدها ورا ظهره وناظرت عيونه وبهمس: ايش تتمنى بحياتك راكان ناظرها وابتسم : اني ماافارقك اسماء ابتسمت وهمست : ايش كمان راكان حط خشه بخشمها: ربي مايبعدني عنك اسماء ضحكت بخفيف وهمست : وكمآن ! راكان ابتسم: مايحرمني ربي من وجودك ابد اسماء بوزت وهي تناظره راكان ضحك وهمس: مفروض تفرحين اقولك كذا اسماء ابتسمت :وانا تدري ايش اتمنى راكان حط ايده ع خصرها وهمس:ايش اسماء غمضت عيونها وبهمس:ان يكون عندي طفل يربطني فيك يكون طفل منك انت وانت تكون ابوه راكان ناظرها وابتسم :الله يرزقنا اسماء بعدت عنه وحطت يدها ع بطنها وهمست : والحمدلله ربي رزقنا راكان ناظرها بصدمه ولا تكلم اسماء ناظرته وابتسمت راكان تقدم لها وحط رجله فوق رجلها وايده ببطنها : كيف يعني ! اسماء ضحكت وبعدت عنه واخذت علبه :افتحها راكان يبلع ريقه ويفتحها شاف صور سودا اسماء وهي توصف له بفرحه كبيره : الدكتوره صورت لي البيبي شفت مو واضح منو حاجه راكان لف عليها وهو يضحك مو مصدق : يعني الحين انا بيصير عندي ولد منك اسماء هزت رأسها رآكآن ضمها :احلى خبر سمعته بحياتي كلها .................................................. ..... بعد مرور خمس سنوات *الكل مجتمع وفرحان برجعة سلطان لوطنه أسماء : مُلاذ ماما اجلس لا تتعبني راكآن يجلس مُلاذ جمبه وهو يبتسم لها أسماء وهي تمسك بطنها بتعب رآكآن همس لها : لايكون غزل متعبتك سلطان : احم ارجوا من الجميع ان ينظر لي فيصل وهو يجلس جمب سماح ويمسك يدها : اخص صرنا نتكلم فصحى سلطان لف ع فيصل : بالله اسكت ترا متوتر راكان : آسلم طآلع عمرك سلطان وهو يدور دﻻل من بين البنآت رآح لها وجلس ع ركبته وفتح علبة الدبله : آتمنآك زوجه لي الكل صارخ فرحان ع رومنسة سلطان وخجل دلال سلمآن : ﻵﻵ تكفى مااتحمل فيصل ضرب جبهته : حسافه ماجت الفكره ببالي عشان اسويها لسماح هيفاء وهي تشيل دُنآ وتعطيها تركي : خذ بنتك وخل زوجها يسوي مثل ولد اخوي تركي ضحك عليها فواز : افا ياذا العلم اخوي ولا تعلمني بالرومنسيه الجوري : لا كذا يادلال راح تخلينا نقلب ع ازواجنا فراس : الله الله ياخذك ياسلطان ايش نعمل فيهم الحين سلطان هز كتفه : شوف يابابا أنا لاني احبها فالرومنسيه هذي تطلع ﻻاراديه فهمت كيف نوف لفت ع مشعل : أجل ازواجنا مايحبونا ع كذا مشعل اخذ جرآح وحط ع وجهه بأستهبال دلال ماتحملت وقامت سلطان ناظرهم : ايش اسوي فيكم خليتوا البنت تقوم وماعطتني ردها مُلاذ جلس جمب دُنا ويبتسم لها راكان : هيا شوف خليفك ياسلطان آمل :طلال اليوم مااسمحلك تدخل بيتي الا بورده طيف تضحك : بطلوها ياأمل راكان رجع رأسه لورآء وحط يده ع بطن آسماء وبصوت عالي : آلله يخليها لي بس .................................................. ....... رآكآن وأسماء *مُلاذ وحآمل بإذن الله بغزل * نوف ومشعل *جراح* تركي وهيفاء *دُنا * فواز وندى *لسى حآمل * فيصل وسماح *ربي ماكتب لهم * الجوري وفراس *نآصر و وليد * فوز وسلمان *ملكهَ وعبدالرحمن* #انتهى وبكذآ آنهينآ روآيتنآ بحمدالله وفضله .. بعيداً عن الكذب سأفتقد الكتابهَ عنهآ ~ صفحتي من هذا المنتدى بيضَاء إن شاء الله، و أتمنى قراءة ممتعة لكم و أن تكون الروايـة ذكرى طيَبة في قلوبكم. اللهم إن كانت عملاً حسنًا أغفر لي به سيئاتي وإن كان عملاً لا فائدة منه فيارب لا تجعلهُ بميزان سيئاتي، اللهم أغفر سلبياتها بإيجابيتها و أغفر لنا أخطاءنا وارحمنا. دمتم بود ~ آختكم بعثره ! | ||||
|
| |
|
15-10-13, 08:06 AM
| #34 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
| الكلمات الدلالية (Tags) |
| للكاتبة, مكتملة, الجفا, بالي, بعثره, حالا, روحوا, وقولوا, طريت |
| أدوات الموضوع | |
| انواع عرض الموضوع | |
|
|
العرض العادي
