هايم في بحر الشوق ولذة هيامك الكاتبة / ضحية حبيبي / مكتمله

[اسطورة !]

سيف : بس امسكيها وامسحي عليها شويه

انا عقب تردد كبير حطيت ايدي ومن حطيت ايدي تجدمت وتقربت وتمت تتحرك صوبي لدرجه اني خفت ورجعت ع ورى

سيف ابتسم : مانستج . .

صديت اطالعه . .

ذكرت لما كنا صغار . . كان يييبني عندها ويخليني امسح عليها و يجبرني أأكلها . . وكان يحلللفني اني ما اخلي اي حد غيري يوكلها . . وكنا لما نلعبها نرش عليها ماي بآآرد واخر شي ينتهي المطاف ان سيف يرش علي وانا اندس وراها واحظنها او العكس . . انا الي ارش وهو يحتمي فيها . . عشان جي ميزت ايدي وعرفتني . . شكثر كنا نلعب معاها وشكثر كنا ننضرب بسبتها . . ابوي الله يرحمه كان يحامي عني لما اميه تضربني وتضرب سيف كيف مخيسين عمارنا وكيف فالشتاء نسبح ب ماي بارد ونلعب ولا مهتمين . . وبالذات لما كنا نرقد فالعزبه عاد ذيييج الايام كانو بانين لها مثل كوخ صغييير وكنا نشششرد وني ونسكر الباب ومحد يدري ان نحن نلعب وياها . . اخخخ يا سيف شكثر ذكريات جمعتتني فيك !!!

نورة : سيف انت اهني . .!!

سيف صدلها : هيه . .

عميمه نورة : كانت تدورك قلتلها انت اكيد اهنيه مع المهـ . . " وسكتت ما بغت تقول ان هو مسمي المهره علي انا " مع حصانتك هااي الي تحبها . .

نوره تطالعني : وانتي ؟ هه شو تسوين معاه . . بروحكم . .

سيف : بنت عمي لا تنسين . .

عميمه نورة : بنت عمك بس كان بينكم ماااضضضضي سيف . .

انا : ألماضي انتهى عميمه . . و وقفتي معاه وقفه بنت عم مع ولد عمها لا غير . .

نورة : و ريلج يعرف انتي واقفه مع الماضي وعادي عنده ؟

سيف يطالعها : نورة !!!!

نوره بعصبيه : يعني خليتني اتغدا بروحي وياي اهني ولما اي اشوفكم مع بعض

انا عطيتهمم ظهري ومشيت . .

سيف : مهره لحظة . .

لكني مارديت ومشيت . . ماكنت ادري ان عميمه ورايه لين ما زقرتني . .

عميمه : مهره !!

انا وقفت : هلا عميمه .

عميمه : شلي تسوينه مع سيف يا مهره ..

انا: عميمه انا بس يايه مادريبه كان موجود وزقرني وقعدنا نرمس عن المهره بس

عميمه : انا اعرف اني انا قاسيه معاج وايد . . لكن والله لمصلحتج

انا : في شو غلطت عميمه

عميمه : وقفتج معاه اكبر غلط . .

انا : . .

عميمه : هو بيجرح نورة وانتي بتجرحين وليد لو عرف . .

انا ساكته

عميمه : ادري وانا عارفه الماضي الي بينكم وشاهده عليه واعرف مش بسهوله انتو الاثنين تفترقون عقب كل شي جمعكم . . لكن انتو جي تجرحون اطراف معاكم . . وماظن انتي تبين تجرحين وليد

انا اتنهد : معاج حق . .

عميمه : ع الاقل مش الحين . . وقفتكم الحين تنفهم غلط

انا : صح . .

عميمه ابتسمت لي وراحت . .

وانا مسكت فوني اتصلت لوليد لكنه مارد علي . .

رحت صوب يدي كان قاعد مع عمي حمد . .

انا : السلام عليكم . .

مديت ايدي بسلم ع عمي حمد لكنه ما مد ايده . .

يدي : عليكم السلام والرحمه . . مهره؟

انا اطالع عمي حمد : ما بتسلم عليه عمي . .

يدي : حمممممد !!!

عمي حمد يطالعني عين بعين . .

ابتسمت ونزلت ايدي وطنشته ورحت عند يدي وبست راسه وجتفه . .

يدي : حمد اكلمك . .

عمي حمد : ها ابوي . .

يدي : بنت اخوك سلمت . .

عمي حمد : وعليكم السلام . .

واطالعني بنظرة وقام راح . .

انا : يديه جان ما قلتله شي احين بيكرهني اكثر من هو يكرهني . .

يدي : شو فيه صوتتج .؟ كنتي تصيحين . ؟

بالفعل . . كنت امشي واصيح لكن ماضنيته يميز .. لاني ماصحت وايد

يدي : شوه فيج ابويه

انا : يدي يمكن انته ما تذكر . . الي صارلي والي قلتلك عليه ولا تذكر الماضي والحب الكبير الي حبيته سيف . . و وليد ما قصر فيني . . عوضني وحطني بين اعيونه . . ماعرف شو اسوي . . انا لحقت قلبي مره . .

يدي : وهالمره الحقي عقلج . .

انا اطالعه . .

يدي : كل الي يقوله لج قلبج . . سوي عكسه .. هذا بيكون الصح

انا ابتسمت . . مع انه قال كلمتين لكن ريحتني وايد . .

انا : الله لا يحرمني منك يالغالي . .

يدوه يت : امييييين امييييين . . يالله سيري تيددي صلي العصر يدج بيصلي وبيرقد شويه

انا ابتسمت وبست راسها : ان شاء الله . .

وسرت عنهم صليت العصر وعقبها انسدحت فالغرفه . .وايد اشياء في بالي . . شو اسوي ف موضوع شهد و راشد . . ومايد وميره . . شسوي !!

خذتني نومه لين ااذان المغرب . .

قومني حبيب القلب . . الولد مدخلينه علي عشان يقومني . .

صقوري : كااااااكام

انا : ههههه عيوني لك كاكام . . " وبسته "

تميت ادور له كاكاو بس ما حصلت ماظن حد يايب . . عقب جان اجازف وافتح سده رقوي عرفت ان هاي مستحيل ما تيب . . وسرقت كاكاو من عندها وعطيته . .

وعقبها خليته ع سريري ياكل وسرت توضيت وصليت وقعدت اقرا اذكار المساء واستغفر . .

اندق الباب ودشت . .

عنود : العيوز كللللله راقده

انا ابتسم : كنت مدوخه . .

ونشيت سلمت عليها . .

عنود : شحاالج ..

انا : بخير . . ليش ما ييتو ع الغدا . .

عنود : انا ف دبي توني راده راك . .

انا : احلفي انتي بس

عنود : والللللله . . امس مخبره امايا سرت ويا عبدالله . . عنده اجازه وحجزنا ف فندق . .

انا اغمزلها : اوب اوب منو قدج . .

عنود تضربني ع جتفي : انطبي . . بدال لا احوط سرت خذت لج قطع وعطيت ربيعتي توديهم العين تخور لج حق العرس سويتلج 14 وحده

انا اشهق : حسبي الله ع ابليسج شحقه . .

عنود : اشوفج ترى راقده ما تسوين شي . . متى بتروحين تجهزين ..

انا : اجهز تراني

عنود : وين تجهزين وانتي يالسه فالعزبه

انا : اطلب طلبيات من البي بي

عنود : عنلات العيااازه الي فيج . . كلللللهن حراميااااات

انا : انزين شسوي مجبوره محد يطلعني . . مسكين شهاب روحه يرد من الدوام تعبان وعقب يحن علي يقولي بوديج بوديج . . واسير وياه ويغمضني لانه يتم روحه ماحب . . اخلص ع السريع

عنود : بنحدد يوم بنسير انا وانتي رواحنا . . بخلي عبدالله ينزلنا ف دبي مول ويروح وبندور شوي عشان تخلصين ماشي وقت . .

انا : انا اهم شي عندي حصلت الفستان . .

عنود : احللللفي ما قلتي لي . .

انا : بأجره من وحده . . توه يديد محد لبسه بكون الاولى . . طرشتلي الصوره تخبلت عليه . . بروح اقيسه عقب باجر وبترتب لي قياسي . .

عنود : زين بنسير سوا بشوفه وياج وعقب بنسير نخلص لج امورج . .

انا ابتسم : ان شاء الله . .

عنود تطالع صقور : يا ولد الحمممممممار ه . . خيست ثيااااااابك توني ملبستنك اياهم

انا : خليييييه عقب بسبحه وبلبسه . ." انتبهت لخاتمها " الله . . يجنن

عنود تبتسم . . : اااه يا مهور هالخاتم له قصصصه . .

انا : شو قصته . . ؟

عنود : من زمان . . قبل لا يتغير عبدالله . . لما كان قاسي ويعاملني بقسوه ! حتى ماكنت حامل ف صقر بعدني . . كنت قايلتله ابا اروح محل الذهب اشتريلي خاتم . . و وداني وعيبني هالخاتم . .

انا : انزين ؟

عنود : عبدالله شرايك فيه ؟

عبدالله : زين زين . .

عنود تلبسه :حلوو صح . .

عبدالله من دون ما يطالع : هيه

عنود : جوف شوي ركز بتعرف ليش عيبني . .

عبدالله : خلصينا عنود !! بتاخذين ولا اردج

عنود : انزين بس شوف ابيك تشوف ليش عيبني . .

عبدالله : االلهم طولج يا روح . . " يشوف الخاتم " شو فيه شو اميزنه عن غيييره

عنود : ما لاحظت

عبدالله يطالعها : لا تخلييني اعصب جدام الناس . .انططقي فكيني

عنود : انزين انا اباك انت تعرف ليش عيبني . .

عبدالله : امشي نرد البيت

عنود : انزين باخذه

عبدالله : رديه بنرجع البيت

عنود : انزين عبدالله شفيك انا شو سويت ابيك بس تعرف ف شو غلطت الله يهديك

عبدالله بعصبيه : قلتلج قومي نرجع البيت وردييييييه الحين . .

عنود طلعت فونها وصورت االخاتم وهو فايديها . .

عبدالله : تبيني اكسر الفون ع راسج . .

عنود : انزين ما تباني اخذه ولا تباني حتى اصوره ليش كل هذا . . ليش جذيه تسوي عبدالله

عبدالله طلع وخلااها . . وماتت حزتها واتقطع قلبها من النص .! وفجت الخاتم وردته وسارتله السياره . .

انا : حيييييييييييوان والله حييييييوان . .

عنود تضربني : جب لا تسبين حبيبي . . المهم . . امس فالفندق زقرني

عبدالله : عنوووووود . .!!!!

عنود تلبس صقوري : ها حبيبي انا اهني . .

عبدالله : تعالي شوي

انا : الحين بلبسه وبيييك . .

عبدالله سحبها : خليه بتلبسينه عقب . .

و قعدها ع السرير . .

عبدالله : غمضي عيونج . .

غمضت عينها ..

عبدالله سحب ايدها ولبسها الخاتم . .

عنود تطالعه وشهقت : هاا الخاتم . .

عبدالله ابتسم : عرفت ليش حبيتيه . .

عنود تطالعه . .

عبدالله : لان الرسمه المنقوشه عليه طالعه جنها باسم عبادي . .

عنود ابتسمت ونزلت دمعتها : كيف . .كيف تذكرت شكله كيف حصلته . .

عبدالله : وربي من شهر انا ادوره . . لما اخترب فوني وشليت فونج الجديم شفت الصوره وتذكرت هاك اليوم . . ورحت المحل وما حصلته وقلتله اباه وطلبته وماسوالي سالفه . .سرت عند الفرع الرئيسي وكلمتهم وانا يبتج دبي بس عشان استلمه من اهني والبسج اياه ع طول ماقدرت اتريا . .

عنود حظنته : حبيبي . .

تمت تصيح . .

عبدالله : انزين ليش الصييياااااح . .

عنود : لانك قاعد تعوضني بطريقه تعور القلب . . لا تسوي جيه بس كافي . . انا مرتاحه معاك وسعيده ونسيت كل شي جديم . . لا تسوي شي زياده خلك مثل ما انت . .

عبدالله : انا بصلح كل شي غلط سويته .. وكل ذكرى حزينه ما نسيتيها مني . . ما بخلي شي حزين ف قلبج كنت انا سبته . . عشان يوم اموت ما تذكرين شي شين فيني . .

>

<

>

انا ابتسم : ياويلي عليك يا عبدالله . . مش هيييييين ولد عمي . .

سمعنا صوت صراخ وصياح وحتى الولد خاااف وركض يا عند ريولي لاصق . .

شليته وطلعت برع . .

انا : شصاااااااير شو مسسسسستوي . .

ميره تطالعني وتصيح : مهور . . مايد سوا حادث . . انجلبت فيه السياره

انا :شووووووووووووووووووووووو� �وووووووووووو . . شصاااااااااااار فيييييييييييييييييه

ميره تشهق : ماعرف ماعرف . . ! محد يييييعرف . . واحد من ربع مايد اتصل ف راشد وقاله شاف سياره مايد مجلووووووووووبه والاسعاف يشلونه . . " تصفع ويهها " راح ولد عمي بسبتي راااااااح . . .

[اسطورة !]

البارت الـ 28

الساعه تشير للـ 11 الا ربع فليل . .

شكله يكسر الخاطر . . يفتح عينه يطالعها مجابلتنه ويرد يغمض . . كل شي يبان ف عيونه . . حرقه القلب والعين كل شي واضضضحه ومفضوح ولد عمي حيييل . . او يمكن انا الي ملاحظه اكثر شي . .

ميره تمسح دموعها قد ما تقدر عشان ما تخلي حد يشوف ولا حد يحس فيها . .!

بعد حشره طويله راحو البنات ويا عيال عمي الباقيين العزبه . . انا تميت مع عمي سعيد لانه هو ياي بسياره روحه وانا ادري انه ما يشوف عدل فالليل فـ اصريت اني بتم وياه فالمستشفى لين يرد برد معاه . .

عمي خالد : ليش التهور يا ابويه ليش جذه . .

حرمت عمي خالد تصيح : تبا تموتني . . تبا تذبح قلب اميمتك . .

مايد يطالع عمي خالد : ابويه انا ابا ميره . .

عمي خالد انصدم : شو . .

مايد : انا خاطري في بنت عمي واحببها . . ما يصير تاخذ اخويه وهي فخاطريه

عمي خالد بعصبيه : الحين ياي ترمس عقب ما كلمت عمك

عمي سعيد : خالد . . الولد بعده تعبان لا تصارخ عليه

مايد : لا انا مش تعبان انا بخير . . " يدمع " تباني اقولك اني مسكت ايدها ؟ انا مسكت ايدها كيف بتاخذ اخويه وانا لمستها . .

حرمت عمي خالد : ليش يا مايد ليش يا ابويه هذا وانا مربتنك احسن تربية . . ما تخاف الله ؟ ما تعرف ان الي سويته حرام وبتتحاسب عليه وهي ما تحل لك ؟ تبا حد غريب يمسك ايد خواتك ؟ تبا الدنيا ادووور . . ؟ اخ عليك يا مايد اخ علييييك . . الي يخاف الله ما يسوي سواتك . . هاي غريييييبه عليك يا مايد غريبه

مايد : انا لمست ايدها عشان ما تحل لغيري وعشان لو حد من عيال عمي بغاها اقولهم اني لمستها ومحد بيرضى وبيعيبه واعرف الي سويته غلط والله جازاني بهالحادث . . انا اااباها ابويه لازم اتزوجها . . انا مابا الا ميره ولا برضى اني اشوفها عند اخوي وهي فخاطري

عمي سعيد : خالد اذا ما تروم ترمس حمد انا برمسه

عمي خالد : انا بكلم حمد فالوقت المناسب

مايد : لازم تستعيل ماباها تضيع من ايدي

عمي سعيد يروح صوبه : ما بتضيع من ايدك . . من نصيبك ان شاء الله . . بس انت قول يارب

مايد يطالعني . . فهمت من نظراته انه يقولي كلميها لا تخلينها ترفض . . وابتسمت طمنته اني ما بسكت وبسوي كل الي اقدر عليه . .

مايد : شو صار في سيارتي . .

شهاب يدخل : تحاتي سيارتك يالمخبل بدال ما تحاتي روحك

مايد يبتسم : الحمدلله ها بخير مجبس من فوقي لين تحتي بس بعدني حي

حرمت عمي خالد : الحمدلله

شهاب : يالله مهره يالله خالوه . . انا ياي اردكم . .

انا : لا انا برد ويا عمي سعيد

شهاب : كلكم بتردون الحينه يالله . . انا برقد وياه

حرمت عمي خالد : لالا انا برقد ويا ولدي

شهاب : خالوه ما يخلون حريم يرقدون اهني قسم الرييياييل الله يهديج

عمي خالد : انا برقد وياه شهاب

شهاب : افا عمي انا موجود والحين باقي الشباب بيوون بعد ناوين عليه نيه سودا ما بنخليه يرقد

عمي سعيد يبتسم : هيه زين تسسوون فيه لا تفارجون ولد عمكم .. ونسوه

شهاب : لا توصي ابويه . .

عمي سعيد يبتسم ويربت ع جتف شهاب . .

ومن بعدها رجعنا كلنا العزبه . . وخلينا شهاب مع مايد . .

اول ما دخلنا شفنا الكل واقف والعيون عليّ . . نوره تصيح ف حظن عمي حمد . . ! شيخه وخلود وعنود وميره واقفات شوي بعيد وحذال بعض . . وعميمه نورة تخزني بعينها بكل قوة . . .

عمي سعيد : السلام عليكم . . شصصصاير ؟؟

عمي حمد يصارخ : شصاير ؟ اسالها شصاااااير . . اسال هذي الي بتتزوج ولدك الي بدون اخلاق . .

عمي خالد : اذكر الله حمد . . شو مستوي . .

عمي حمد : زين انه كلكم اهني عشان تشوفون بنت اخوكم وتشوفون سواد ويهها . . كلكم كنتو تعاتبوني ع تعاملي معاها . . لاني اعرف ف داخلها قليله ادب ومحد رباها . . وكنت ابا اربييييييها بس ماقدرت . .

اميه كانت عينها مليانه دموع وتطالعني بعتب . .

لما شفت عين امي علي وتصيح بعذاب اتخخخخخبلت . .

انا بعصبيه : جان ربيتني انته يوم تشوفني اني مش متربيه ولا عندي اخلاق . . كل واحد كان مشغوووووول ف حيااااته وعياله محد افتكر فيني لا تون تعاتبوني وتصارخون عليّه الحين وتوصوفوني بلي ما تربت . . حتى لو ابويه كان حي ومارباني جان محد فيكم نطق بححححححححرف وااااااحد لكن لانه مييييت كلكم تركبون ع رااااسي . .لو يدي واعي جان محد فيكم بطططططل حلجه بككككككلمه

عمي حمد يبتعد عن نورة وييي صوبي يعطيني طراق بكل وحشيه طيحني ع الارض . .

عمي سعيد : حححححححمد !!!!! ابوي لو عرف ما بيستوي خير

عمي حمد : ابوي خل يعرف سواتها خل يعرفها ع حقيقتها

انا حاطه اييدي ع مكان الكف واطالعه مصدومه واطالع نورة . .

سيف الحين دش العزبه وشاف الموقف : ابويه . . . !!! " يطالعني " شو سويت فيها . .

عمي حمد يطالع نورة : قولييييلهم الي قلتيلي اياه . . قوووولي . . " يطالع عمومي " بنت اخوكم المصووووون كانت عند سيف بروحححححححهم مستفرديييييين . . تقوله ارجعلي انا ماباااا غيييييرك . . ارجعععععلي وطلق نورة وانا مابا وليد وباخذك ومحد بيوقف ضدي لانهم يعرفوني قوووووويه . . وفوق ها كله الي بدون تربية " يتفل علي " تفوووووو . . تمسك اييييييييده وتترجااااه .. تقوله تزوجني انا مابا غييييرك انا احبببببك وما نسسيتك ومسامحتنك ع حرررررررررحك وع الماضضضضضي ومستعده افتح معاك صففففففحه يديده وخلنا نتركهم ككككككككككلهم وراااااانا اهم شي سسسسعادتنا اهم شي ما نفترق . .

عميمه نوره : مع اني يييت ونصحتج بطيب نيه ماعرف الي كنتي مسوتنه . . صدق انه ينخاف منج . .

انا اطالع اميه اشوفها تصيح بعذاب وماتتكلم بس تطالع . .

رفع عمي حمد ايده بيرد يضربني

وليد : نزل ايدك . .

عمي حمد : تعال تعاااااااال انت اسسسسسمع الي تقوله الي بتتزوجها . .اليوم لازم تجتتتتتتتتتتلها وتدففففففنها هاي عار ع العايله عااار . .

انا اشهق واطالع سيف : انا .!!! انا قلت هالكلامممممم !!! قلت هالكلام الي قاعد يقوووووووووووووله ؟؟؟؟

تميت اشوف نظرات التردد في سيف . . حسيت انه يبا يقول لا ما قلتي لكن لما شاف وليد ما قال . . اعرف انه بأي طريقه يبا يضيع كل شي بيني وبين وليد . .

لكن ظلللللللللللللللللللم . . قسسسسسسم بالله ظظظظظلم . . اناااا ما سويت كل ها . . ليش قاعدين يتبلون علي . . تميت اشوف نظرات الكل . . نظرات الكل عليّه والكل يطالعني بوصاخه . .

وقفت وسرت صوب سيف وجابلته: قولهم الكلام كلللللله جذب في جذب قووووولهممم . .

سيف يطالعني عين بعين وعقبها نزل عينه

انا اصارخ : سيف انت تعرف انه جذذذذذذذذب انطققققققققق قول شي . .

يا وليد صوبي ومسكني من ايدي : امشي . .

انا هديت ايد وليد : ماااابروح مكان لين يعترف ويقول الصصصصدق . . قوووووولهم انها جذاااااااابه قوووووول . . قول انها تتبلى عليييييي . .

سيف ساكت ..

عمي سعيد يطالعني ويرمس بصوت واطي : شلها وليد . . " يطالعني " لا تحرجين نفسج اكثر . .

انا اطالع عمي : بس انااا . . اناااا . . انا ماسويت شي غللللللط . . " اطالع امي " والله العظيم ما غللللللللطت . . .

سحبني وليد بقوه و وداني بعيييد عنهم . .

لما اختفينا عنهم هديت ايده . .

انا عيني تبرق وخانقتني العبره وتنزل دموعي : واللللله العظيم يتبلون عليّه . .

وليد يطالعني : يعني ماكنتي معاه ؟

انااطالعه بس ما اتكلمت . .

وليد : انطقي . . كنتي معاه ولا لاء ؟

انا اطالعه : كنت معاه بس ما قلت هالكلام والللللله ما قلت هالكلام

وليد يغمض عينه : لما دقيتلج وبندتي فويهي كنتي معاه

انا : انا ما بندت فويهك . . الفون طاح من ايدي وليييييد . . والله الفون طاح وانجلعت البطاريه

وليد يصارخ : بسج حللللللف باسسسم الله . .

انا مصدومه : انت ما تصدقني . . حتى انت ما تصدقني . .

وليد مسك جتفي بقوة ورجعني ع ورا واندق ظهري بقوة ع اليدار . .

وليد : شو تسوين كنتي معاه بروحكم . . " يصارخ " اتكككككلمي شوووووو . .

انا اطالعه . .

وليد : بترمسسسسين ولا لاء " يصارخ " عقب كل الي سواااااه لج . . عقب مااااا " يطالعني من فوق لين تحت " اغتتتتتتتصبحج . .

يضرب ايده بقوه ع اليدار . .

وليد : ضيع شرفففففففففج . . " يصارخ " بعدج توقفين معاه ليييييييش . . عقب كل شي سواااااااه فيييييييج كيف توقفين معااااااااااااااااااااااا ااه . . . لهالدرجه انتي رخيصه ؟

انا دموعي بس تنزل وما اتكلم . .

وليد : قولي الصدق . . سالفه الاغتصاب كانت مسرحيه ؟ انتي تحبينه اصلا وكل تصرفاتج تدل انج تحبينه . . شو الي يخليني اصدق ان الاغتصاب كان صدق اغتصاب بدون رضاج

انا عطيته كففففففففففففف بكل قوة : يا حيييييييييوان . . يا حققققققير .

نزلت وقعدت ع الرمل وتميت اصيح . .

انا : حييييييوان . . حقققققققير . . والله حيييوان . .

تميت قاعده وحاظنه عمري اصيح بحرقة . .

قومني على طول وخلاني اوقف ودزني ع اليدار مره ثانية . .

وليد يمسح دموعي بعنف : بسسسسني وانا اشوف دموعج بس مليت تعبت . . اتكلمممي انططططقي . . " يصارخ " شو تحبين فيه هالكثر رغم كل الي يسوووووووووووويه فييييج شووو . . شو الي يسسسسسسسسسويه لج هالسيف عشان ما تخافين منه وبعدج توقفييييييين معاه بدون خوووووووووووووووووووف وبكل حنيييييييه وبكل لههههفه . . شو هالحببببببب الي في قلبببببج له والثثثثثثثثثثثثقه رغم كل شي سواه فيج . .شو تشوفين ف سيف هالكثثثثثثثر شووووووووووووووووووووو

كان يبا يرفع ايده يضربني لكن ضرب اليدار بعد مره وصرخ عقبها من قوة الالم . .

انا يايه امشي عنه بس مسكني بقوة ورجعني مره ثانية . .

انا : وخخخخخخخر عني . . لا تصصصصصصدقني . . لازم اكلم اممممي . .

وليد : امج ؟ احين افتكرتي ف امج ؟ امج الي فشلتيها جدام الكل . .

ميره تصارخ : وليييييد . . مهرررره . .

وليد يطالع مصدر الصوت وانا مسحت دموعي بسررعه . .

ميره تركض ويت صوبنا : امج ودوها المستشفى . .ألضغط يمكن ارتفع . . فجاه عينها صارت حمرا واغمى عليها

انا اشهق : اممممممي . .

يايه امشي بس وليد مسك ايدي . .

مييره : لا تروحين . . ما تبا تشوفج . .

وليد : منو يبا يشوفها اصصصلا

انا اهد ايده : وخخخخخر عني انزين لا تشوففففففففني . .

وليد يرد يمسك ايدي ويصارخ : لا تتحرككككككككككككككين . . " يطالع ميره " روحي . .

ميره : وليد . .

وليد يصارخ : روووووووحححححححي . .

راحت . .

انا : وووووووخر عني بروح اشوف امي . .

وليد ماسكني ما يهد ايدي

انا : هددددددددددددددني اقوللللللك بروح اششششووووف اممممممي . .

وليد يصارخ : ما بتروحححححين مكان . . خل ينحرق قلبج لو مره . . حسي بشعور الي يحبونج كل مره كيف يعانون بسببـج

انا اصارخ واصيح : انا شو سويت .. شو الذنب الي سويته شووووه . . الكل يتبلى علي شسوي .. محد فيكم يصصصصصصدق يعلكم ما صدددددقتوني ماتهموني كللللللكم

وليد بقوه يمسكني بايدينه الهنتين ويرص ع جتوفي . . : انتي بعدج مش مستعده للزواج .. انتتتتتتتتي مش ويه وحده بتتتتتتتتتتتزووووووج . .

انا اطالعه : هييييييه انا وحده ******* و ******* و ****** ومحد عرف يربيني وقليله اددددددددددددددددب وحقييييييره وكل طبع خايس و وصخ فالدنيا فيني " اصارخ " محد جبركم اتمون معايه محححححححححد . . .هددددددني خلني اشششششوف امي . .

وليد : منو بيوديج . . حبيبج ؟ روحي له . . قولي له وصلننني عند امي . . " يطالعني عين بعيييييين " رووحي

قعدت اضربه ع صدره واصصصصيح : حححححقير حققققير . . والله انك حقييييير

تميت اشهق واصيح واصيح . .

انا : كلكم تتحروني بدوووووووووووون قلب ومافيني مشاعر وما احس لكني اكثر وحده فيكم تتتتتححححتتتتتتتتترررررق والله انا اككككككثر وحده امووووووووووت من كل شي يصييييير . . ألاقيييييها من منو ولا من منووووووو . . والله تعبببببت تعبت . .يرحم امك هدني خلني اشششوف اميه . . ابي اططططططططمن ع اممممممممميه مابيها تروح عني

وخفف ايده عني وبعدها قمت عنه وتميت اركض ومشى ورايه وسحبني بقوة وطلعنا من الباب الوراني وركبنا السياره . . كنت ارجفففف من فوقي لتحتي . . لو صار ف امي شي بسبتي بموووووت بموت .. كنت مكوره ايديني الهنتين وميمعتنهم مع بعض وحاطتنهم عند شفاتي وارججججف . . كان كل شوي يتصدد ويطالعني لكنه ما يتكلم . . وصلنا المستشفى وكنا نمشي بسرعه . . اتصل وليد ف ماعرف منو وقالوله عن مكانها . .

[اسطورة !]

تلاقينا ف شهاب لانه ف نفس المستشفى ومادري منو خبره . .

شهاب : وينها امي . . شو فيها !!!!!!!!!!!!

وليد ساكت ما يتكلم . . وانا رحت للغرفه الي خبرونا عنها . . اول ما دخلت شفت امي والنيرس حاطتلها مال الضغط تقيس ضغطها . .

عنود : هيه بخير الحممممدلله .. عطوها حبه ونزل الضغط

انا اطالع اميه وكانت صاده ويهها عني . .

دخل شهاب. .

انا : امايا لا تصدقينهم . . انا تربيتج . . انا ما اخيب ظنج امايا والله . . هاي مش سواتي . . والله مش سواتي . . يعني ماتعرفيني انتي . . انا ما اسوي جيه امي والله ما سوي جيه

اميه تطالع عنود : خل تطلع برع . .

انا مصدومه : حتى انتي ما تصدقيني امايا . . . اذا انتي ما صدقتيني كيف بيصدقون البقييييييه كيييييييييف . . .

عنود : مهور امي مش ناقصه الحين مش وقته

انا اطالع عنود ومذهوله : عنود محد فيكم يصددددددقني . .

شهاب يمسكني : تعالي ياوخيتي . .

انا اهد ايده : خخخخخخخخخلني انت ماتعرف شي . . اماااايا شوفيني . . انا مهره الي ربييييتيها كيف ماتعرفين تربيييييتج امايا كيف . .

وليد دخل ومسك ايدي : اطلعي من اهني . . بسج مشاكل

انا : انت مااااالك خصصصصص فيني

عنود : مهور اميه محتاجه راحه دخيييييلج . .

شهاب : كل شي فوقته مهره . . خليها الحين . .

انا اطالع اميه وخنقتني العبره . . ماهقيت كل هذا يصير فيني . . والله ما هقيت . . شو الغلط الي سويته انا ؟ ليش محد راااااااااااضي يفهمني او يصصصصصدقني ليش . .

سحبني وليد بقوه وطلعني وكنت اقاومه . .

وليد يجابلني : امممممشي وبلاها العناااااد . . انتي ابد مش فوضع تعاندين فيه حد . .

انا : امج لو شافتج الحين بيزيد الي فيييييييها . .

تميت اطالعه ثواني وعقب هديت ايده ومشيت . . ومشى معايه رجعنا السياره . .

ركبنا السياره وتم يسوق . . انتبهت للساعه كانت تشير للـ 1 ونص . . الدنيا ظلام والشارع هادي . .

وليد : ماعرف متى بتوقفين عن هالسسيف مممممتى بنخلص من طاريه . . متى بتحسين انه شي غلط ف حياتج " يصارخ " متى بتفهمييييييييين هالشششششي متى

انا اصارخ : انا مااااااقلت الي ققققققققالووووه واللللللللللله ماااااا قلتله ولا حرف من ها الكلام الززززززززفت

وليد يصارخ : ليش كنتي معااااااااه ليش كنتي معااااااه روحكم !!!! شو الي يخليج اتمين معااااااااااااااااااااااا ااااه عقب كل الي سوااااه " يصارخ " انتي ماااا تخاافيييييينه حتىىىىىىىىىى ؟ ماتخافيييييييييييييييييين انه ممكن يضرج مره ثااااانيه . . انتي عايبنج الي يسوييييييييييييييييييه عاييييييييبنج كل ششششششي

كنت منفعله وكلامه قوووووووووي تخبلت سحبت البررييييك بالقو تميت احركه جدام و ورررررررررا بالقوووووووووووو و وقفت السياره ف نص الشارع

وليد عطااااااااني كفف بالقووووووو : انتي تخخخخخخخخخخبلتي . .

تم يعطيني طرااااق ورا طراق وررررررررى طراق ع وييييهي بكل قووووه . .

وليد يتصدد يمين ويسار . . وبطل الباب ونزل من السياره وعقبها بشوي رد ركب

وليد : كنتي بتنفدييييينا " يصارخ " تبينا نمووووووووووووووت . . تبين تموتييييييين !!!!!!َ

وعقبها رد ركب السياره وحررك . .

اما انا . . !!!

كنت ف عالم ثاني . . اول مره في حياته يمد ايده عليّه . اول مره في حياته يضربني . . شعوري بالضبط نفس الشخص الي يقولون له انت محكوم عليك بالاعدام . .نفس هالشششششخص الي ينسسسسسسحب يودونه لمشنقة موته . . الالم الي يحسسسسسسسسسسه احسسسسه . . احس روحي بتظههههر من الصدمه ومن الالم . . من الحررررررررررقه ومن العذاب . . خلاص . . ماتم فيني ذره امل . .ولا تم فييني شعور حتى لو واحد بالميه حلو . . قلبي محروووووووووووووق حرررررق

تم سااااااكت ما يتكلم ولا يصد صوبي . . لين رن فونه . .

وليد : الو . . هلا ابويه . . هيه رحت . . الحمدلله احسن . .هيه نزل الضغط . .. متى ؟ . . ايووووا ........... ومنو تام فالعزبه عيل . . ؟ زين . . . زييين " يطالعني " . . انا جريب العزبه . . لالا بنرد ويا يدي باجر . . تمام . . تمااام . . لا ابويه خلاص واصل . . تمام . . . فمان الله . .

دخل السياره العزبه ومن بعدها انا ع طول نزلت وركضت دخلت داخل وعلى طول سرت الحمام وقفلت الباب وقعدت عالارض وتساندت بالباب وتكورت ع روحي وتميت اصيح . .اصيح ؟؟ لا ما اصيح . . انووووووووووح .. انوووح .. اشهق من العذاااب من الالم من كل شي . . ليش ولا شخص واحد . . شخص واحد بس يصدقني ليش محد !!! ما اقدر اتحمل خلاص . . احس بألم وحرقه وعذاب محد يحسسسسسه ولا حد بيحسه في يوم . .

تميت ع هالحال . . اصيح واصيح واصيح وع كثر ما كنت اصيح ما اشبع ولا اتعب ولا حتى ارتاح شوي . .

عقب فتره طويله اندق علي الباب . .

وليد : افتحي الباب . .

مارديت عليه وتميت بمكاني اصيح بصوت مسموع . .مع اني كنت ااحاول امنع صياحي لكن بدون فايده . . الحرقه الي فيني اكبببر . .

وليد يدق الباب : دخيلج افتحي . . .

حسيت صوته تغير شكله يصيح !

وليد : دخيلج بطليي الباب . . لا تخليني اتخبل . .

انا تامه اصيح ما ارد عليه . .

وليد : يرحم امج افتحي البااب دخيلج لا تموتيني . . انا حيوان انا حمممار . . بس بطلي الباب . .

قمت و مسحت دموعي وقمت سرت غسلت ويهي بماي بآآآآآآرد . . وقعدت اشوف اثار الكف . .باينه عدل لانهه ضربني فنفس المكان اكثر عن مره . .

ماراح اصيح حتى جدامك يا وليد خلاص . . ماراح تشوف دموعي . . تبي تظلمني ؟ اظلمني مش مشكله خلاص . . انا واثقه من نفسي و واثقه اني ما قلت الكلام الي قالوه . . الي يباني بيتم معايه والي ما يباني براااااااااااااايه مابييييييه الف مره بعد . .

وليد يدق الباب : افتتتحي البآآآآآآب . .

اتنهدت وخذت نفس عميق وبطلت الباب ومشيت من دون ما اطالعه لكنه جابلني . .

وليد : اناا . .

انا ما اطالعه تامه واقفه بس قباله . .

وليد يرفع ايده بيحطها ع ويهي لكني ابتعدت . . : انا سويتلج هذا . .

انا رفعت راسي اطالعه ولاحظت ان عيونه جممر : شتبي الحين . .

وليد يطالعني : سامحيني لاني مديت ايدي . . " رفع ايده بيحطها ع ويهي لكني بعد رجعت "

انا اطالعه : بس لانك مديت ايدك ؟

وليد : محد مصدقنج . .

انا : لو رحت ليدي بيصدقني . . انا تربيت يدي . . يدي يعرفني اني مش بهالانحطاااط . .

وليد : امج ماصدقتج

انا : امي حرمه وتتاثر بلي تشوفه بعينها . . وانا متاكده ألف بالميه انه امي فداخلها مصدقه اني ماسويت شي . . واني ماغلطت . .

وليد يطالعني . .

انا اطالعه :كنت المفروض انت الي توقف ويايه وتصدهم كلهم وتثق فيني . . لكن انت بعدك مش واثق فيني . .

وليد : مشاعرج تشكك . .مشااعرج متضاربه

انا اصارخ : مشاعري مضاااااااربه صح . .21 سنه مش شوي . . الف مره اقول 21 سنه مش شووووووووووووووووي . . لكن اناا اخترتك . . ليش مش راضي تشوف هالشي ليييييييش . . ليش مش راضي تشوف ان لو شو ما كان انا اخترتك انتتتتتتت وابيك اننننننت . . انت ما تثق فيني اببببببدا . . انت تتحراني قاعده العب واتسلى فيك . . ليييييش ليش تشوفوني من هالنووووووووووووع حرام عليكم . . ليش محد يصصصصصدقني ليش , . ليش تتحرون لو شو ما يصير انا ما بشوف الا سيف . . انا وقفت وياه وقفت بنت عممممم لولد عمها بس . . مهما كاااااااااان انا وسسسسسسيف جمعتنا ذذذذكريات سنيييييييين . .

وليد : بسسسسسسس سيف ضررررررج ضرررررررررررج

انا : ضررررررررررني لكننننننن 21 سنه مااااااضرني فييييها . . ادرررررررري الي سواه مافي اي حد فالدنيا يتحمممممممله لكن محد عاش الي انا عشششته محد . . انا انحرمت من ابو . .انا قست علي الدنننننننننيا من كل النواحي . . امي كانت نتظلم وتنسب وتنشتم من عمي جداااااام عيني . . عمي من مات ابوي وهو يهييييييني ويذلننننننني . . حتى يدي ماكنت ادخله فالمواضيع عشان ما تكبر المششاكل . . حزتها كان حبي لسيف هو الي يهون علي كل هااااااا . . امممممملي في سيف واحلامي وذكرياااااات كلها ترحمني وتخليني اتنفسسسسسس أمل . . وها كلللللللله مش معناته اني سامحت سيف . . يخخخخخسي . . هو كسسسسسسسرني وكسر امور كبيره فيني . . وانا عانيت من سيف واهله بما فيييييييييه الكككككفايه مافي شي يجببرني ارجع لللعذذذذاب . . , ولا تننسى انك خيرتني ماجبرتني عليك وانا اخترتك باقتناااااااااع لكن انت .. انت مش مقتنع فيني . .

وليد يغمض عينه

انا : انت مش واثق فيني . . مش واثق فيني الثقه الي تقدر توقف فيها جدام الكل وتقول مهره ما غلللللطت . . مهره تحترررررمني . . مهره ما بتطعني فالظهر . .

يرن تلفون وليد . .

وبعدها ابتعدت وقعدت ع السرير . .

وليد : الو ..

كان صوت عنود واضح حيل . .

عنود : وليد انت وين . . مهره وين ؟ امي تبا مهره . .

وليد : فالعزبه

عنود : بس الكل مروح البيت ليش تامين فالعزبه ؟

وليد : . .

عنود : المهم اميه تباها الحين

وليد : ليش شصار . .

عنود تقول لـ وليد الي صار . .

>

<

<

عنود تطالع سيف : سيف شو يايبنك اهني . . دخيلك روح امي مش ناقصه

سيف : انا يييت بس اقولها كلمتين وبروح

امي تطالعه : بنتي ما قالت الكلام صح

سيف يطالعها وينزل راسه : صح . .

اميه تصيح : اعرف . . والله من داخلي اعرف . .

عنود : وليشششش ما تكلمت ليش ما قلت . . ليش احرجت اختي ليش خليتها تنهان من الكككككككككككككل حرام عليييييك . .

سيف ساكت . .

عنود : ايوا . . لانه همك بس وليد يسمع . . ويتاثر ويصدق صح ؟ هه وصار الي فراسك . .

سيف : خالوه لا تقسين ع مهره . . صدقيها . .

عنود : روووووووووووح عند الكل وقوووووووووولهم . .

سيف يطالع عنود : انا ما بقول لحد . .

عنود :حرام عليك صلح غلطتك !ّ خل الكل يعرف انها انظظظظظلمت . . لو انا قلتلهم انك يييييييت قلت هالكلام محد بيصصصصدقني بيتحروني اغطي ع اختي

>

<

>

وليد يقاطعها : وليش ما تكونين صدق تغطين علليها . .

انا اطالع وليد بألم . . لين اخر لحظه مش راضي يصدق ولا يقتنع . .

قمت وطلعت من الحجره بسرعه وعلى طول لحققققني . ,

وليد : لحظظظظظظظه

انا اطالعه : رجعني البيت الحين .

وليد : اسمعيني

انا : ودنننننننننننني البييييييييت

وليد : لا تصارخين يدي ويدوه راقديييين . . اهدي خليني اكلمج

انا : شتقول شو بتقول بععععععععد ما تم شي تقوله خلاص . . رجعني البيت

وليد يطالعني : مهره

انا اطالعه : وخلاص انا ما ابيك . .

وليد انصدم : شقلتي . .

انا : الي سمعته

وليد : ماتبيني ..

انا احط عيني ف عينه : شتبي ف وحده تترجا واحد غيرك ياخذها شتبي فيها

وليد يطالعني : انا اسف . .

انا اطالعه وبلعت ريجي . .

وليد : انا جد اسف . .

انا غمضت عيني بقوه ابا امنع الدمعه تنزل . . بسني مابي اصيح خلاص . .

وليد يحظني بقوه : سامحيني

انا احاول افج عنه : ووووخر عنننننننني

[اسطورة !]

وليد يرص بقو : اششش دخيلج . . سامحيني . .
انا تميت ساكته . .ما بادلته الحظن ابدا . . تميت صنم . . رص علي باقوى ماعنده وحسيت بدموعه لانها نزلت ع رقبتي
بعدها خزت عنه بقوه . .
انا : ودني البيت الحين . .
وليد تم يطالعني وعقبها قالي : يالله . .
ومشيت قبله وبعدها ركبنا السياره وحرك . .
كنت حاطه اييدي اليمين ع يبهتي . . احس بصداع وايدي الثانيه ممدوده ع رييلي . .
سحب ايدي اليسرى صوبه وباس اييدي ورص على اصابعي بكل قوة . . تبون الصدق ؟ شعر ينبي وقف . .
انصدمن من حركته . . حاولت اسحب ايدي لكن ايده كانت اقوى وانا مافيني حيل اعارض ف تميت ساكته ولا سويت شي ولا تكلمت لين وصلنا البيت . .
وليد : بترقدين فالبيت روحج ؟ شهاب فالمستشفى ويا
انا ماسمعت الباقي لاني نزلت من السياره وسكرت الباب بالقو . .
واول ما دخلت داخل انصدمت من الي شفته . . كل بنات عمي كانو موجودات . .
شما ع طول يت وحظنتني بقوه : انا كنت حاسه اني بشوفج وقلتلهم لا تروحون بتي . .
انا اطالعها . . : انتو ليش اهني . .
ميره وخلود وشيخه ورقوي ربعو بعد وحظنوني . .
انا ابتسمت غصب : اختنقت . .
رقوي : انتي بفضضضضضلي
خلود تقاطعها : بفضل الله جب
رقوي : انزييييين المهم انا كنت فالحمام لما يا سيفوه . . ماكان يدري اني موجوده عند امج ولما قالت عنود حق سيفوه خبر البنات محد بيصدق جان اصووووووره فيديو ههههههههههههههههههههههههه ههه وعقب سرت فوق عند مايد قسم الرييييايل جان ادق الباب ع شهاب كان بيصفعني كففففففففف والله لما شافني وقلتله ردني البيت
شيخه : وتعرفينها خبله طرشت لنا فالبي بي كلنا الفيديو مع ان نحن والله مصدقينج . .
خلود : عقب شماني قالت لازم نتيمع ونتم عندج بما ان امج محد ويدي محد وحتى عنود محد . .
انا ابتسمت : فديتكم ..
رقوي : خلي عنج فديتكم وين بنرقد . . انا راضيه برقد ف حجره شهاب . .
ميره : يا حيوانه في حجر فاضيه . . .
انا اطالع ميره : بترقدين ف الحجره الي كان فيها مايد . . ؟
شماني تحط ايدها ع ويهي : مهور ها شو ؟
انا ع طول رجعت ع ورى . .
شيخه : هاي ضربت عمي حمد ؟
شوي واندق الباب واتحجبو البنات بسسسسرعه وشماني ربعت داخل . .
وليد يدخل : هووود هود . .
ودخل . .
ميره : شعندك ولييييد ياي هالحزه
وليد : سمعت صوت حشره وصراخ حسسبالي مهره فيها شي
خلود : اطمن بنت عمي ف ايادي امينه
وليد مبتسم ويطالعني : لو تبين شي دقيلي . .
مارديت عليه وصديت عنه . .
ميره ترفسني : ايه يكلمج . .
وليد : برايها خليها زعلانه . .
شيخه : نخليكم روحححححكم . .
انا : لا طبعا . .
ميره : وانتي تسالين بعععععد ؟ امممشششششو بنخليهم روحهم شوي لا اطولون ها

وسارو وانا اتنهدت ..
وليد يبتسم : كلهم مصدقينج . .
انا اطالعه : لو تبا بطرشلك الفيديو الي مصورينه
وليد : اي فيديو
انا : تراك ما صدقت عنود لما قالت سيف يا .. شوف الفيديو احسن بتصدق
وليد تقرب مني وباس يبهتي : مصدقنج . .
صديت ويهي الصوب الثاني . .
وليد : ااذا بغيتي اي شي كلميني . .
مارديت عليه ..
وليد يحط ايده ع الضربه فويهي : يعل ايدي الكسرر . .
انا بعد مارديت عليه .
وليد يمسح ع خدي بايده : سامحيني . . والله مابنسى ولا بسامج نفسي ع الي سويته
انا اطالعه : يالله روح . .
وليد : زعلانه مني . . ؟
انا اطالعه: ما يحق لي ازعل . . دومك الاحسن ودومك الي تتحمل وايد اشياء . . لازم اتحمل هالموقف . .
وليد يطالعني : ماتيبني اطلعج ؟ احوطج ؟ اغيرلج مودج
رقوي تصارخ وتي : اممممممبلا ولد عممممممممممممممي ودنا ودنا الله يخليك . .
شيخه تطلع : سوري هاي ماتعرف تيود لسانها
وليد يبتسم : تبون تطلعون
انا اتنهد . . : لا
بنات عمي يصارخن ماعدا شما : بلا بلا ظهررررررنا . .
وليد يطالعني : شقلتي . .
ميره : مهرو ما بتقولين شي جبببب . . نبا نطلع اول مره فالتاريخ بنطلع الساعه 2 من الليل
وليد : بدونها محد بيروح مكان
رقوي : مهووووووووووووور لا تتناحسين علينا
انا : افف . . انزين . . " حطيت ايدي ع راسي " باخذ بندول بس وبييكم . .
وليد : اترياكم فالسياره . . انا بسير اييب سويج الاستيشن عسب تسدكم من البيت وبصفها عند الباب من ادق هرن اظهرو . .
البنات : اووووووووكي . .
اول ما ظهر يت شماني صوبي : عيل انا بروح حبيبتي . .اهم شي اطمنت عليج
انا : ماتقصرين حبيبتي والله . . " حظنتها " ما انسالج وقفتج . .
شماني : ياما وقفتي وياي وساعدتيني . . انا ما سويت شي . .
يندق الجرس
شيخه : اويه امنو
شماني : مروان .. اتصلت فيه قلتله تعال شلني بنرجع البيت . . الحين بظهر له . .
انا : زين حبيبتي الله وياج . .
و وصلتها لين باب البيت . .
مروان : بنت عمي
انا ابتسم بتعب : هلا ولد عمي
مروان : مسامحه ع الي سواه سيف وحرمته . .
انا : ماعليه الله كريم
مروان : ومسامحه ع الي سواه الوالد . . والله لو كنت موجود ما انضربتي يا بنت عمي
اانا ابتسم بتعب : ماعليه عدت ع خير ولد عمي
مروان : امرره لا تخلين شي ف خاطرج . . لو شي صغير ف قلبج خبريني والله لاخذ حقج
انا : الله ياخذ حقي يا مروان الله فوق .
شماني : والنعم بالله
مروان : ميروه عيل وين خل تي مره وحده منو بيردها عقب
انا : بترقد عندي ما عليك
مروان : هيه احسن . . " يطالع شماني " ادريبها ماتروم ترقد الا ع صدري
انا ابتسم
شماني : مرررررررروان جذذذذاب
مروان : هههههههههههه يالله بنت عمي سلام
انا : الله يحفظك " وابتسم "
ورديت دخلت داخل بدلت عباتي وشيلتي لان احس فيها ريحه مستشفى . . ودخلت تغسلت شوي وعقب لبست لي عباه يديده زينه وظهرت . .
ميره : سننننننه ! وليد يدق الهرن من الصبح
انا : يالله يييت . .
وركبو السياره . .وركبت انا جدام . .
رقوي : ولد عمي وين بتشلنا ؟
وليد : وين تبون . .
شيخه : كرك كرك . .
خلود : هيييييييه والله يبالنا كرررررررك . .
رقوي : شو كرررررررررك
وليد يطالعني ويبتسم : شو تبين . . ؟
انا : الي يبونه البنات عادي . .
رقوي : انا ابا باسكن
وليد : باسكن ابوج الحين ؟
ضحكو البنات . . .
رقوي : انزييييييين خلاص كررررك اوووف . . بس ما نرد البيت ودنا البحر . .
وليد : ساحرات تروحن البحر هالحزن
شيخه : ولد عمي شوي بس الهوا بارد وعليييييل ويصفي القلوووووب المتزاعله
وليد يطالعني ويبتسم : صدقتي . .
انا اوني بعدني مبوزه واصلا راسي يعورني . .
رقوي : وليييييد خبروك الي صار
وليد : عن شو . .
شيخه : عن ابوي وعمي حمد . .
وليد : لا شصار . . ؟؟ اكيد عن ميروه مسوده الويه
رقوي : هيييييييه هييييييه . .
عمي خالد : والله يا حمد انا متلوم منك ماعرف من وين ابدا . . وادري مش وقته لكن توني ياي من المستشفى من عند مايد وفخاطره شي . .
عمي حمد : شو فخاطره ولدنا قووول
عمي خالد : ف خاطره ميره . .
عمي حمد انصدم ..
عمي خالد : انا ادري طلبتها منك عشان راشد لكن طلعت فخاطر الولد مايصير تاخذ اخوه وقلبه عليها . .
عمي حمد : اكيد ما يصير . . لككن
عمي خالد : أدري بتقول كيييف وليش ميره . . لكن ولد عم ويشوف بنت عمه ودشت خاطره وانت تدريبه راشد وغد وما ينطق وميره الله يحفظها فرفوشه يبالها واحد شرح مثل مايد
عمي حمد يبتسم : والله يا خالد , راشد ولا مايد كلهم شيوخ وميره تبوس ايدها وريلها لكن خل راشد يرخصها واسمع من راشد ان البنت مش فخاطره . . .
عمي خالد : امرره البنت مش ف خاطره وراشد محللنها ومرخصنها . .

[اسطورة !]

وليد يبتسم : يعني نقول مبروك . .
ميره : لا طبعا
انا بعصبيه : ليش لا طبعا شعندج بععععععد . .تيبن تموتين الولد عشان توافقين
الكل سكت . .
وليد يطالعني : اششش . . اهدي . .
قرب ايده صوبي وسحب ايدي وخلاها ف حظنه وتم يرص عليها . .
رقوي : ههههههههههههههههههههههههه ههههههه هزبوها . .
ميره : جججججب انتتتتتي
شيخه : بسسسسسس لا تضاربون
خلود : صدقها مهره ما قالت الا الصدق . .
ميره : انزين انا موافقه وقلت اني موافقه . .
شيخه : اححححححححلفي . .
ميره بصوت واطي : والله
وتمو يزغرطون ويصفقون ومستانسين . .
وليد يطالعني : بس عاد . .
انا اطالعه : انزين خلاص مافيني شي . .
وليد يهمس لي : احبج . .
انا تميت اطالعه وانصدمممممممممممممت . . فششلني يعني الحيوان . .
انا صديت الصوب الثاني وعقبها رفع ايدي الي عنده وباسها . .
انا اطالعه : عن الاستهبال
وليد يطالعني : مشغولين محد ويانا ع الخط . .
انا صديت الصوب الثاني . .
وليد : ههههه فديت . .
تم يضرب هرنات حق راع الكرك ..
خلود : ولد عمي ابا اثنييييين انا . .
ميره : انا بعد ..
رقوي : انا ابا بيبسي . .
شيخه : انا بس واحد ..
وليد يحسب : هات 5 كرك . . لالا هات 6 " يطالعني " ماتحبين الكرك صح . .
انا : لا . .
وليد : محمد هات 6 الله يخليك جلللللللدي ومزبوط مزبوط . .
ضحك الهندي وسار وعقبها بدقايق ياب . .
و وزعه عليهم . .
ميره : مهرو اندوج امسكي مالي الثاني عشان تمزمزين شوي
وليد : ماتبا مالج . . انا بعطيها مالي شوي . .
انا : مابااا مال حد خلاص . .
رقوي : هاي نفسيه لا تسويلها سالفه ولد عمي طراق بس بترضى . .
انا ابتسمت وبصوت واطي بس هو يسمعه : لاتحاتين كفى و وفى . .
وليد يطالعني . .
وعقبها اتوجهنا البحر . . نزلو البنات الدرايش . ..رقوي كانت ورا وبتموت بتتخبل لانها ماتروم تنزل الجامه . .
رقوي : بنزززززززززززززززل
وليد : محدددددددددد ينزل بتردون لي ريلكم خايسه وبتخيسون السياره
رقوي : مهووووووووووور دخيلللللللج قوليلللللللله
انا اطالعه : عن خاطرهم . .
وليد يصد ورا يطالع : انتي ام الدويس ؟ بررررررد موت بتموتين من البرد
رقوي : عاادي عاااادي . .
وليد يطالع شيخه وخلود وميره : تبون تنزلون
شيخه : انا عادي عندي
ميره : هيه هيه نبا ننزل . . مش كفايا خطيبي فالمستشفى ابا اشكي للبحر همي
كلنا : ههههههههههههههههههههههههه هههههههه
وليد يطالعني : عشانج بس . . . انززززززلووووو يالللله . .
وماصدقققققققن بطلن الباب وبسسسسسرعه نزلو . .
انا ييت ابطل الباب بس مسكني . . : انا قلت انزلو . . ماقلت انزلي . .
انا اطالعه . .
وليد : انتي خلج ويايه اهني . .
انا : خلاص كفرت عن ذنبك وايد ماله داعي اتسوي اكثر . .
وليد : ما اودرج لين تضحكين وتكونين راضيه علي
انا : ماعليك شوي وروحي بكون عال العال
وليد : وانا شو خانتي اذا ما صلحت الي سويته . .
تقرب مني وانا رجعت : شعنننندك
وليد يبتسم وتقرب مني اكثر وباس راسي : انا اسسف . .
انا : ما صار شي خلاص . .
وليد : تبين تنزلين . .
انا : عادي . .
وليد : نزلي . .
وبطل الباب نزل وبعدها نزلت . .
وليد : شوفي الخبله . .
انا ابتسم كانت رقوي تركضضض ومستانسه والبنات يضحكون عليها . .
مشينا انا وهو شوي بعدها مسكني من خصرني . . . انحرررررجت واحس اني كنت ارجف بشكل يخليه يلاحظ لانه بعدها رص علي اقوى . .
وليد : برداااانه هاااه ..
انا : لا . .
وليد يبتسم : عيل مستحيه مني
انا : لااااااااا . .
وليد : ههههههههه ..
انا : انت الي لابس قميص قصير وبرمود .. ليش ماحاط جاكيت . .
وليد : يبته فالسياره
انا : روح البسه . .
وليد : اترييني . .
وبعدها راح شوي السياره ورجع بالجاكيت واول ما رجع فيه لبسني اياه . .
انا اطالعه : لا والله . .
وليد : انا ما ابرد ماعليج . .
بعدها مسك ايدي ومشينا جدام بنروح صوب البنات . .
ميره : هاي اخرررررر ليله اسهر فيها سهره صيااااعه . . عقب ميود ما بيييبني اخر الليل ادريبه
شيخه : هههههههههههههههه
رقوي : اااااااااااااه لو يتحققق حلللللممممممممممممممممممي . .
وليد : شو حلمج ..
رقوي : اويه انت سمعتني . .
انا ابتسمت . .
وليد : حلمج مع منو يا مسوده الويه
رقوي تبتسم : اخوك . .
وليد يطالعني : والله هاي ماتستحي ترى
رقوي : الحب حررررام يعني . . كاااا انت تحب مهرو من زمان محد قالك شي
وليد يسحب ايدي ويضرب رقوي ع راسها بايدي . .
رقوي :اااااااه يا حيوانه
انا : انا شو ييييييخصني . . " اطالعه " هدددد ايدي . .
يسحبني ويضضضضرب خلود وعقب يضرب شييخه . .
ميره : جوف لو ييييت صوبي بخبر عليك . . خلاص انا تيكن الحين
وليد : ريييلج مجبس من فوقه لتحته شو بيسويلي يعني . .
ويسحبني ويخليني اركض وراها . .
انا : ولييييد بسس مارووووووم . .
وليد ابتسم و وقف . .
ميره : متى العرس ؟ نبا نفرح ياخي نبا نرقص . .
وليد يطالعني : لو هاي رقصت ف عرسي انا مش ياي القاعه
انا ابتسمت . .
خلود : عقب شهر صح ؟ محد وداااااانا ناخذ فسسسساتين . .
رقوي : شوفي الصور الي راويتكم اياها !! كلنا قلنا بنلبس شرا بعض . . شوفي القروب كل وحده اختارت لها لون . . انتي وعنود بجيتو . .
خلود : انا وعنود ما بنلبس شراتكم . .
رقوي : برااااايكم عيايزززززز ما نباكم تلبسون شراتنا
انا ابتسمت
وليد يطالعني : وانتي . .
يسحبني بعيد . .
وليد : خلصتي امورج . .
انا : هيه . .
وليد يبتسم : وفستانج . .
انا ابتسم لا ارادي من الحيا : الاسبوع الياي عندي بروفا بقيسه
وليد : وين
انا : دبي
وليد : منو بيوديج
انا : عنود وعبدالله
وليد : وليش انا ما اوديج شرات الافلام " يبتسم " واشوف فستانج
انا : عاد ها فالافلام عندنا نحن انت اخر واحد لازم تشوفه . .
وليد يبتسم وبعدها حطا ايده ع خدي ع المكان الي ضربني فيه
وليد : خازت العلامه . .
انا مارديت
وليد : يعورج . .
انا : لا . .
وليد تقرب وباس خدي بحنان : ما استحي ع ويهي ..
انا ابتسمت . .
رقوي من ورانا :سووووووري لاني خربت عليكم اللحظات الحلوه بس احنا تجمدنا ونبا نررررد لو سمحححححححت . .
وليد : حسبي الله على ابليس . . تعرفين حتى لو شهاب بغاج .. . بقوله لا تاخذها
رقوي تشهق : والله ما تقووووووووله والله . .
انا : ههههههههههههههههههههههه
وليد : ههههههههههههههه هاي بتموت
رقوي : حرام عليك وليد والله ما تقوله
وليد : انتي فكري فدراستج وراج ثانوية عامه لاحقه
رقوي : انزين وعد ما تقول
وليد : زين زين ما اقول فكينا . . ازقرينا بنات عمي يالله خل نرد . .
وبعدها ركبنا كلنا السياره وراجعييييييين البيت . .
وليد : بترقدون عند حرمتي اليوم . .
انا غمضت عيني تفشلت من الكلمه . .
رقوي : هييييييييييييه
وليد يطالعني : ارقدن فوق عيل انا برقد ف حجره شهاب . .
رقوي : اففففففف ليشششششش ما نبا
خلود : نبا يلسه بنات ما نبا حد يخرب علينا
ميره : هيه والله لازم يخربون حشى
وليد : جب . . بنات اتمون رواحكم ف بيت بدون حرمه عوده ولا ريال . . ها الي قاصر
رقوي : شو ها الواحد ما يعيش حياته حتى ف بيته
وليد : يوم بتسيرين بيت ريلج سوي الي تبينه
رقوي : ترا انا ببات في بيت ريلي اليوم
الكل ضحك عيلها . .
اول ما وصلنا الفريج
خلود : ولد عمي وقف صوب بيتنا . . بيييب فلم رعب ييييديد الكل يمدحه . . عبدالله يايبنه حق عنود وعنود يابتلي اياه اشوفه . . بنقعد نشوفه كلنا شرايكم
ميره : هييييه هييييه يبااااااله والله . .
انا : لالالا مابا فلم رعب انا مارقد فليل
وليد يطالعني : ماعليج انا وياج " يبتسم "
خلود : هااا ايييب ولا . .
شيخه : هيه هيه سيري هاااتي
ونزلت . .
وليد يطالعني : راسج زين ؟
انا : هيه الحمدلله احسن . .
وليد بصوت واطي : والنفسيه ؟
انا ابتسم : الحمدلله تمام . .
يت خلود وهي تربع . . وركبت السياره . .
وتجدم وليد شوي صوب بيتنا ونزل بطل باب البيت وعقبها دخل السياره داخل ونزلنا . .

[اسطورة !]

خلود : شيخو تعالي خل نعابل الدي في دي ماعرفله . .
ميره : انا بسير المطبخ بسوي بابكورن وبييب بيبسي . .
رقوي تطالعني انا و وليد : امشو وصلوني بيتنا
وليد : ليش بعد
رقوي : ماتبون كااااكاوات ؟ بييييب لكم
وليد يطالعني: مهور عندها
انا : لا ماعندي شهاب شلهم كلهم ..
رقوي تبتسم : احلفي . . شو يحب اي نوع
ولييد : اممممشي خلصصصصصينا يالله . .
رقوي : مهور دخيلج قولي
انا : هههههه والله مادري يدش يشل عني دوم ويروح . .
رقوي : اففففففف . .
وطلعنا مشي كلنا برع . .
تمينا واقفين عند باب بيتنا لان بيت عمي خالد مجابلنا . .
وليد يطالعني : تخافين من افلام الرعب . .
اانا اطالعه : لا . .
تم وليد يتكلم بس ما لقطت شو يقول لاني حسيت بدوخه وحسيت الدنيا ادور فيني وطحت وزخني بين ايده على طول . .
وليد : شششششششفيج . . .
انا : ماعرف . .
وليد شلني بيدخل داخل بس مسكت قميصه : رقوي بتخاف . . مايصير . . " اغمض عيني " نخليها روحها اصبر . .
شوي ويت رقوي وشافته شالني ويت تركض
رقوي : اييييييه شو تسسسسووووووون
مارد عليها وليد وركض فيني داخل . .
وليد : مممميره . . خلووووود . . هاتو ماي
يت ميره : شو فيك تصاررررخ
خلود يابت ماي : شو فيها مهوووووور ..
وليد شل الماي وتم يرش ع ويهي
انا افتح عيني واغمض . .
ميره : رقوي بطلي كاكاو عطيها يمكن هبوط . .
وسوت رقوي الي قالته ومدت لوليدد الي اكلني . . وبالفعل من كلت حسيت اني صرت احسن . .
وليد : انتي ماكله شي . .
ميره : لا ماكلت ولا شي
وليد : انتي تستهبلين ولا شو سالفتج يعني " بعصبيه " تيبن الواحد يحرج علييج ..
انا كنت طايحه ع ريله : خلاص انا احسن . .
كنت يايه اقوم بس ما خلاني
وليد : خلج . . ارتاااحي . .
وتميت ع وضعي مغمضه مال 5 دقايق عقب فتحت عيني . . كان يمسح ع شعري
انا خزت : انا احسن خلاص . .
ميره : خوفتينا والله
وليد مسك التلفون واتصل لـ بيتزا . . لكن محد رد . .
شيخه : كل شي مسكر الحين . . انا بسير اسويلها سندويج خفيف . .
انا : تعالي مابا شي . .
وليد : روحي بنت عمي لا تسمعين لها . .
وراحت شيخه . . عقبها ب عشر دقايق يت .. ويايبه صينيه . .
وليد : شغلي الفلم خلود ..
وعابلت خلود وشغلت الفلم ورقوي سكرت الليتات . . و وزعو البابكورن والبيبسي بينا . .
البنات كلهم قاعدين ع الارض . . انا يالسه ع الغنفه و وليد قاعد يوكلني السندويجه لقمه لقمه . . لين خلصتها كلها . . وعقبها شربت عصير برتفال وحسيت ان جد احسن . .
اندمجن البنات ف الفلم وكنت ملاحظه عيون وليد كلها معايه مول ما كان يتابع . .
صديت له : شوف . . اهناك التلفزيون
وليد يبتسم وحطا ايده ع خدي الي ضربني فيه . . جد يحس بتانيب الضمير بشكل كبير . .
وليد : قربي . .
انا اطالعه . .
وليد : قربي اقولج . .
سحبني صوبه وخلاني احط راسي ع جتفه وهو تم ماسك ايديني الثنتين وانا حزتها مادري شصار فالفلم ولا ادري ب شي ورغم صراخ بنات عمي ع اللقطات الي اني رقدت بساااااااابع نومه . . بالنسبه لي كان يوم جدا جدا جدا متعب ومرهق وتعبت فيه حيل وجد محتاجه رااااااااحه . .

.
.
البارت الـ 29
العصصر . . الساعه قريب ال4 ونص تقريبا . . دقات قلبي اسمعها عدل . . تساعدني الحرمه فاللبس وتبتسم وانا قلبي يرجف بالحيييييييل . . اغمض عيني احاول استوعب وارد افتحها . .
الفلبينية : فنننشش مدااااااام . .
وابتسمت وطلعت اظن سارت تزقر عنود . . وانا تجدمت بصعوبه صوب الجامه عشان اشوف عمري بفستاني الابيض . . كان كل شي مثل ما اباه . . فستاني مخصصر حيل ع الخصر وعقب منفوششش حيل . . ادري ان الموضه الفستان المخصر الاوروبي لكن انا حلمي بالفستان المفنوش . . . تميت ابتسم لان كل شي عايبني . . الكرستال المزين ع الفستان العاري ! الي لو شافته امي بتنجلط . . فستاني بس فيه حماله رفيعه صغيره ع الجتف بدون اكمام طبببببعا . . دخلت عنود وهي تشهق
عنود : مهوووووووووور
انا ابتسم : شرايج . .
عنود عينها تمتلي دموع : روووووووووووووووووووووووو ووووووووووعه
انا ابتسم واحس بعدني ارجف . .
عنود : والله وااااااااو وايد واو . .
يرن تلفوني وانا عارفه انه وليد لان هالمس كول الخامس وانا اطنشه . .
عنود ترد : الوووووو
انا اطالعها : ليشششششششش ترديييييييين . .
عنود : هلا وليد . . هيه هكي . . اندووووووج رمسيه بسير اشوف ميره شو اختارت . .
انا أغمض عيني وبتردد كبير واحراج : الو
وليد : يعني ماكنتي ناويه تردين ! وتهزبين عنود لانها ردت
انا : لاني قلتلك مابا ارمسك وانا اقيس الفستان
وليد : قستيه
انا : جججججب ما بقولك
وليد : هههههههه والله تقولين
انا باحراج كبير : قلتلك مالك خصصصصص
وليد : حلفت
تميت ساكته منحررررررررررررررررجه وايد والله
وليد : ليكون بعدج لابستنه
انا اتاكد من الفون . .ها داق فيديو كول شو ..
وليد : لابستنه ؟
انا : هيه
وليد : حبيتيه ؟
انا : هيه
وليد : كل شي ضابط ؟
انا : هييييه هيه هيه خلاص لا تسال
وليد : ههههه . . مابتراويني
انا : فعيننننك انزين
وليد : صوره وحده بس دخيلج
انا : لااا والله لا . .
وليد : يالله عاد
انا : وليييييد عاد
وليد : راويني انزين شو بتخسرين ؟ والله لين عقب 3 اسابيع بنساه . .بسوي عمري فالعرس متفاجأ
انا : هههههههه طييييرررر . .
وليد : مرتاحه فيه . .
انا اغمض عيني واتنفس بصعوبه : الحمدلله
وليد : لو مخلين عرسنا روحنا مش احسن ؟ ع الاقل تكونين انتي سيده الحفل مش سيدتين
انا : انا المهم عندي ألبس فستان ابيض . . وبعدين ميروه ربيعتي الروح بالروح
وليد : ربيعتج بتشاركينها ليله عرسج . .
انا : نحن ما صدقنا تيسرت امورها هي ومايد وملجو ع خير !! خل يعدي العرس بعد ع خير . .
وليد : انتي غبيه اصلا . .
انا : مححد غبي غيرك
وليد : وين بتروحون عقب .؟
انا : بسير اييب العبي من الغرير وعقب بنخلص امور ميروه لان بعد باقيلها كم شي ما خلصت . .
وليد : عيل بمر بشلج بدال ما تلفلفين وياهم وتتعبين
انا : لالا برايه بشوف يمكن يعيبني شي واتشرا حق السفر . .
وليد : ناقصنج شي . .؟ محتايه شي ؟
انا : لأأأ . .
وليد : أكيد . .
انا : هيه اكيد
وليد : لو نقصج شي خبريني . . لا تتلومين
انا مفتشله وابتسم : انزين خلاص ممكن تسكر بردت بالفستان . .
وليد : ليكون عاري . .
انا : لا والله هههههههه اكيد عاري .. فستان عروس عيل كيف تباه فيه شيله مثلا
وليد : يااااا الـ . . انتي ما اتوبين شوووووو . . امج تدري ؟ بخبرها
انا : وليد دخيييييلك . . كل شي تمام وكل شي عايبني . . لا تخبر امايا وتشوف وتعصب وتقول لي بدلي . . انا حابه كل شي والله . . وكل شي مثل ما اتخيلته بالضبط
وليد : عيل اهني ماروم اقول شي . .
انا ابتسمت . .
وليد : مستعده للقفص الذهبي . .
انا : ههههههه مستعده
وليد : ماتحسين ان استعيلنا وتبين تاخرين ؟
انا سكت . .
وليد : قولي لا تترددين . . . اهم شي راحتج ونفسيتج . .
انا: لاتحاتي . . انا مرتاحه ومطمنه
وليد : فديتج
انا : . .
وليد : . .
انا : يالله سسسكر
وليد : ردي عليه يوم اتصلبج سمعت
انا : ان شاء الله
وليد : تحملي ع روحج وألصقي ف عنود . .
انا : ان شاء الللللله
وليد : يالله فمان الله
انا : فمان الكريم . .
وبعدها تميت اطالع عمري فالجامه وابتسم . . وتذكرت مكالمه بيني وبين سيف قبل ما نفترق بشوي . .
انا : لالالا اصصصصلا انا فخاطري فستان منفوششششش وايد . . وتاج كلاسيكي راقي وشعري طبعا ما بيخلوني افللله ف اباه ملموم كله ع فوق بطريقه جيه حلوه
سيف : شو فستان منفوش !! جيه مابقدر اشلج هههههههههه
انا : انزين مش لازم تشلني بالفستان
سيف : انا خاطري اشلج بالفستان ف اختاري فستان خفيف ع قولة ميروه اختي اوروبي
انا : لالالاا ما افكر بالاوروبي اببببببدا
سيف : انزين احلى
انا : انزين بس انا فخاطري فستاني يكون منفوش وطرحته طوييييييله والباقه حممممرا
سيف : انزين بس انا ابا اشوفج ف وايد مخصر ومافيه ذره نفشش
انا : اخخخ مش حلو جي
سيف : بس انا عايبني
انا : انزين وانا العروس لازم اختار الي يعيبني انا
سيف : والعروس ليش تكشخ ؟ عشان المعرس الي هو انا وانا ما بيعيبني الي تقولينه
انا : بس انت تعرف ذوقي والكل يعرف ان ذوقي ماشي منه وما بختار شي عنقاش ويلوع الجبد وحتى المنفوش ما بيكون المنفوش الي ف بالك والزحمه وايد
سيف : انزين انتي ما تبين انا يعيبني ؟ لو لبستي الي فراسج ما بيعيبني
انا : انزين ليش ما يكون الي يعيبني بيعيبك
سيف : لان اصلا انا ما احب جيه !!!
انا : كل مره تقول ما احب جيه وماحب جيه لكن يوم اسوي الشي عقب تغير رايك ع طوووووووووول ! كم مره صصصصصارت حتى
سيف : اوكي بس فالعرس انا مابا اشوف الي فراسج !
انا : اقولك ف خاطرررري
سيف : حتى لو فخاطرج طلعيه . . قلتلج انا ماحب جي ولا ابا اشوف عروستي جيه
انا : مش ع كيفك وبلبسسسسسس كيفي الي اباه وطز حتى لو ما عيبك ما يهمني . .

[اسطورة !]

وعقبها اضاربنا وتميت مضايجه وايد لاني حتى لو عاندته وقلتله بلبس منفوش كنت بالاخيير بلبس إلي بيعيبه هوو لان هو الاهم عن الناس وهو الي لازم يعيبه فالمقام الاول . .
اما وليد ! عكسه تماما . . من قلتله ف خاطري البس فستان منفوش قالي سووي كل الي فخاطرج وانتي حلوه وكل شي يركب عليج . . ولو ما حصلتي الي تبينه خبريني وبنطلب من برآ . .
ها العيب من تجربه سابقه وحديثه ! المقارنه لا ارادي تصييييير . .
يت الفلبينيه بعدها وساعدتني افصخ الفستان وقلتلها كل شي مضبوط وتمام . . وعقبها سرت عند ميره ودقيت الباب ودخلت . .
عنود : شوفيها تبا هالفستان اونه
انا : اخخخخخ ميروه شو ها . . ستايل جديييييم والله . .
ميره : انزين انا عااااايبني . .
اانا : انزين مش حلوووو . . وبعدين شوفي كيف من تحت . . مبهدل . .
ميره : دار راسي ابا اختار اي شي خلاااااص تعبتتتتتتتتت
انا تميت اشوف وعقب عيبني واحد : شرايج ف ها
ميره : تعبتتت ماروم ألبسسسسس
انا : ميروه تستهبلين . .
عنود تيلس : والله ظهري عورني بسبتها
انا ساعدتها وبدلت لها فستانها ولبستها الي اخترتلها ااياه . . وتخخخخخخخخبلنا انا وعنود عليه . . الفستان كان وايد شبيه بـ كيت زوجه الامير وليام لما عرست . . خفيف وسمبل وكمه طويل نفس فكره فستان كيت بس شوي منفوخ اكثثثر من تحت ومن فوق رقبته وسييييعه وايد ومفتوح . . . وكان راكب عليها لولا ان ابتسامتها عابسه ويهها شاحب . .
يرن فونها . .
ميره : لو رديت عليه بطلللللللللق لا تخلونه يتتتتتتتتصل . .
انا : بل بل بل اذكري اللللللللله انتي بلاج
ميره : ماتشوفين كيف معفوسه ومافي شي يضبط معايه
انا : كل شي بيضبط بس محتاج طولت بال . . ليش تتحرين السالفه سهله اول فستان تختارينه تلبسينه ! لا طبعا . .
ميره : ها عاشر فستاااااان ألبسه . .
انا ابتسمت : انزين الحمدلله وطلع وايد حلو عليج . . بس خل يفتحون لج الرقبه اكثر . . ويكون بدون هااا الشي الي ع الاطراف يكون الصدر مفتوح يعني احلى عشان يبين العقد
ميره : اووكيه . .
عقب اتفقنا ويا الفلبينية ان نباه يكون جاهز الاسبوع الباي لان العرس عقب 3 اسابيع وماشي وقت . .
ركبنا السياره كان عبدالله يتريانا . . احسه مسكين متحملنا وطفر بس ما يقول . .
عنود تحط ايدها ع ظهرها حسيتها تعبت بعد وميره لاحظت . .
انا : عبدالله خلاص مر بس الغرير بنشل العبي وعقب ردنا راك
عنود : شو نرررررررد راك انتي تخبلتي بعدنا ورانا وايد اشياء
انا : ماعليه باجر باجر انا تعبانه ماقدر وميروه مضايجه جيه ما بتروم تتسوق اصلا . .
تعلثنا باعمارنا لان لو قلنا انتي تعبانه بتعاند وبتقول عادي . .
ميره : هيه والله نفسيتي داون
عبدالله يطالعها : ليش عروس ونفسيتج داون
ميره تحط ايدها ع ويها وتصيح . .
عبدالله : افااا . . شفييييج ياوخيتي عسى ماشر
انا : ميرووووووو بلاااااج
ميره : أحس كل شي مش مرتب وكل شي استوى بسرعه وانا مش مقتنعه ولا اعرف شو اسوي . .
عبدالله : ههههههههههههههههههههههههه ه
عنود : حبيبي عاد لا تضحك انزين
عبدالله : والله انتو البنات تضحكوووووووووون
انا مسكت ايدها : ماعليه حبيبتي . . انا حاسه فيج والله واعرف شعورج . . بعدين انتي اصريتي يكون عرسج ويا عرسي . . قالولج البنات ما بيمديج ولازم تسوين كل شي ع راحتج وانا قلتلج بعد مابيكفيج وقققققت وبتنضغطين وقلتي عادي
ميره تمسح دمووعها : ماتوقعت بتعب جيه . .
عنود : كلنا وياج والبنات كلهم مش مقصرين . . المخاوير عند شماني وهي بتخلصج لج اياهم و الجلاليب عند شيخه وخلود . . والعبي مهور مسوتلج وياها والذهب الحريم متكفلات فيه ومريحيييينج بعد . . انتي ركزي ف باقي الاشياء بس
ميره : احين لو اقول حق ميود بأجل العرس بيودرني
عبدالله : انا الي بضربج ضرررررب . .
عنود : حبيبي هههههههههه
عبدالله : هههههههههههههههههه
انا ابتسمت : صدقيني كل شي بيعدي . .
شوي و وليد اتصل . .
انا : الوووو . .
وليد بعصبيه : ميرووووووووو وين . .
انا : بسم الله . . هكي حذالي
ميره سمعته : هههههههههههه اكيد عرف
انا : عرف عن شو
وليد : يعني انتي ماعرفتي
انا : شووووو بسم الله ارمس
وليد : هاي تبا تي شهر العسل ويانا . . ميود يقول احجززززلي وياكم . .
انا استانست : اححححححلف . . الللللللللله
وليد : نعمممممم
انا : كشششششخه انزيييييين بنستانس كلنا . .
وليد : سافري وياهم عيل شرايج
انا : ههههههههههههههههههههه
ميره تسمع : ههههههههههههههههههههههههه ه
وليد : اسولف انا اصلا استانست . . بنستانس جذه اكثر . .
عبدالله يطالع عنود : تسافرررين .؟
انا : اووووب اسمع وليد . . عبدالله يقول حق عنود تعالي نسافر
وليد : خليهم يحجزوووون كلهم وعقب انا والله ما اسافر
انا وميره : ههههههههههههههههههههههههه هه
وليد : قوليله بس المعاريس اليداد يسافرون
اناا : وليد يقولك بس المعاريس اليداد يسيرون
عبدالله : وانا معرس يديد انزين . . " يطالع عنود " ولا شو تقولين . .
عنود : انا وين فيني شده ع السفر الله يهديك من اركب الطياره برجع . . روحي يالله اشيل عمري ويا هالحمال
وليد سمعها : الحمدلله . .
انا : هههههههه ويا راسك . .
وليد : هلا ششششهاب . . خلاص بنت عمي برمسج عقب . .
انا : تمام . . فمان الله
وسكرررت عنه . .
عقبها سرناا الغرير عطيت عبدالله الفاتوره بس ونزل يييب لي العبي وبعدها رجعنا راك . .
اول ما وصلنا شفنا وايد سياايير صوب بيت يدي عرفنا ان الكل مجتمع اهناك جان يوقف السياره عبدالله عند بيت يدي ونزلنا . .
انا : عنود بخلي الاكياس فالسياره عقب طرشيهم البيت . .
عنود : اوكي فديتج . .
ونزلنا . .
مسكت ايد ميروه ودخلنا سوى . .
اول ما دخلنا زغرطت عميمه نوره و يدوه . .
انا اضحك وميره مستحيه . .
سلمت عليهم كلهم عقب سرت صوب يدي وقعدت حذاله وحطيت راسي ع جتفه . .
انا :ابويه شحاااااالك
يدي : بخير اميه انتي شخبارج
انا : الحمدلله فديتك . .
يدي : هاااه نزقرج العروس الحين ما نزقرج مهره . .
انا : هيييه كبرنا شفت عاد
يدي يبتسم : الله يسعدج يا ابويه وينولج الي تبينه . .
ميره تي صوب يدي : يديييييييه . .
يدي : اوه اوه .. حي هالصوت . .
ميره تبوس راسه : شحالك يديه . .
يدي :بخير يا ميره بنت حمد
ميره : يديييييه بنعرسسس انا ومهروه ف يوم واحد . .
يدي : هيييه عاد من صغار انتو رفجه . . تتجاتلون وتصاحبون بعض مالكم غنى عن بعض والله خلاكم تعرسون ب ليله وحده
ميره : وبنسافر ويا بعض بعد
يدي : اوووه يا سلام يا سلام . . " يبتسم " خلكم رفجججه جذه طول العمر . . لا يقصون عليكم عيال الحرام ويفرقونكم . . انتو من دم واحد محد بيخاف عليكم كثر بعض ولا الغريب بيخاف عليكم اكثر من بعض
انا ابتسم : لا توصي يدي . .
عميمه نوره تبتسم : الله يوفقكم يارب . . والله كبرن البنات يا امايا . .
يدوه : كبار عيايز هايييل . . لو ما عرسو الحين كنت بزقرهم العوانس . .
كلنا ضحكنا . .
شوي ودخلت رقوي وهي تركض وقعدت ع طوووووووول
يدوه : رقوي ويهههههد . . بنيه تركض جذه جنها صبي !!! ماتستحين انتتي
انااا اطالعها : شو هببتي . . اي مصيبه . .
رقوي تطالعني ..
>
<
>

شهاب : انتي شـ تسوين في بيتنا . .
رقوي : الكل مجتمع في بيت يدي وقاعدين اهناك . . انت ليش مش ويا الريايييل ؟
شهاب : وش لج انتي . . ليش حاشره نفسج فيني
رقوي : انزين اسسال خفت يمكن فيك شي . . وبعدين خالوه ام مهره سايره السوق ويا امي ف تروعت لانك بروحك فالبيت قلت اكيد فيك شي وصارلك شي . .
شهاب : انتي ما تستحين ع ويهج ؟ ماتشوفين البيت مافيه حد غيري ويايه بعد ؟
رقوي تعلي صوتها : انزين انا كنت احاااااتيك هاي يزاتي
شهاب : ما اباج تحاتيني محد قالج حاتيني . . انا ريال شايل نفسي مش محتاج ل وحده زعطوطه مثلج تحاتيني .
رقوي : ايييييه انته يالشيبه لا تقويل زعطوطه ع الاقل انا ف عز شبابي مش شراتك شيبه ومن كثر ما انت نكدي شعرك ابيضضضض
شهاب تام يطالعها عين بعين . .
رقوي : شو شو تتحرا بتخوفني . . ها الصدق . . انت نكككككدي وكله معصب
شهاب : انا ما اعصب الا لما اشوفج . . ف لا تخليني اشوفج ما بعصب

رقوي : وانا شو مسوتلك عشان تعصب علي . . انا بنت عمك انزين !!!
شهاب : اللهم طولج يا روح . .
رقوي تبتسم : انزين يالله تعال بيت يدي لا اتم روحك . .
شهاب يصارخ : اطلععععي برع روحي انتي . .
رقوي : بسسسسسسم الله زيغتني . .انزين انا اسمعك ليش تصارخ . .
شهاب يتجدم . .
رقوي تشهق : بتضضضضرب بنت عمك . .
شهاب وقف : روحي بيتكم ..
رقوي : برووووووح بروح يالنكككككدي . .
شهاب يصد راسه الصوب الثاني . .
رقوي : يالمصخرررره ردولك سيارتك ؟ ههههههههههههههههههههههه من سالفه يمعه الصالون هههههههههههههههههه
شهاب يطالعها بعصبيه وما يتكلم . .
رقوي سارت بعيد وعقب اطالعته وتمت تنفخ : حشى جبريت . . افففففف اوووووف اووووف عشان تخف الحريجه شوي
شهاب : اقسم بالله يا رقوي
رقوي : بدووووووووووون ما تقسسسسسم . . بروح بروح .
ومشت بتروح وشهاب ياي يدخل حجرته
رقوي : انزييين تعال بيت يدي لا اتم روووووحك
شهاب يصارخ : اطططططلعي برررررررررررى . .
رقوي : انزييييييييين بروووووووح افففففف . .
ومشت وطلعت من بيتنا . . وعند باب البيت في 5 دريات . . من عقب الدريات الحوش وعقب الباب الثاني الي يطلعها من البيت . .
رقوي طاحت ع الخمس الدريات تعلقت مخورتها ب الكعب وتزحلقت وتمت تصارخ . .
شهاب عقب ثواني طلع وشافها طايحه ع الارض وتصيح . .
شهاب ياها بسرعه : كيف طححححححتي
رقوي تصيح . .
شهاب : ويييين تعورتي . .
رقوي ماسكه قاعه ريلها وتصيييييح . .
شهاب يطالعها : تعورتي صدق . .
رقوي تصيح ما تتكلم . .
شهاب : اجوووووف راويني وين انزين
رقوي تبتعد : مااااابا . .
تمسح دموعها بـ كم المخور . .
شهاب :عطيني رقم حد من البنات بزقرهم يشلونج . .
رقوي : ماريد . .
شهاب يطالعها : انا ما اقدر اهمزج . . لازم حد يهمزلج ريلج شويه عشان تصح
رقوي : مااااريد مارررررريد
شهاب يطالعها : وايد يعورج
رقوي تطالعه وتبتسم : خفت عليّه ؟؟؟؟؟
شهاب عاقد حياته . .
رقوي تبتسم وتوقف : اصلا انا ماطحت . . بس كنت ابا اشوف شو بتسوي . .
شهاب منصدم . . : ودموعج وصياحج . .
رقوي : دموعي صصصصصصدق لان انته كله تهزبني وتصارخ علي جان افكر فيك جان اصيح . .
شهاب يغمض عينه يقبض غيضه . .
رقوي : يكفييييييني اني شفتتتتتك تخااااف علييييي . .
وركضضت عنه . .

[اسطورة !]

انا اطالعها وابتسم : وعقب .!؟
رقوي تبتسم : بسسسسسس
انا : هههههههههههه والله انتي خببببببببببببببببله . .
راشد : هود هود . .
يدوه : هدا ابويه ادخخخخخخل . .
دخل راشد وسلم ع الكبار . .
راشد يطالعني : شحالج بنت عمي
انا : بخير يسرك الحال . .
راشد : بغيتج شويه
وطلع برع . .
رقوي : اخويه ف شو يبااج . .
ميره : انتي شلج رازه ويهج ف كل شي . .
وطلعت عنهم . . كان واقف فالحوش يترياني و على اليسار ميلس الريايييل . .

راشد : بنت عمي شخبببار شهد . .
انا اطالعه : . .
راشد : ترا والله اني ما اكلمها مارضت تكلمني تقول تباني تعال لي بالحلال تعبت وانا اترياك . .
انا : ولد عمي انت تعرف ان محد بيرضى انك تاخذ برا العايله . .
راشد : وانا مابا غيرها . .
انا : بتتزوج بدون شورهم
راشد : لو حدني الامر بتزوج بدون شورهم . .
انا : شوف حال عمي خالد وشوف شصار مع ام شهاب وشو سوو فيها وكيف عاش شهاب متغربل تبا عيالك يتغربلون جيه ؟
راشد : مهره انا احبها . . احببببها . .
انا : شوف ولد عمي ماشي الا حل واحد . . وهالحل الاخير الي وصلناه انا وشهد
راشد : الي هو
انا : انك تخبر كل شباب العايله وعقب تفتحون الموضوع ويا الكبار والشباب كلهم بيوقفون معاك وبيقنعون الكبار
راشد : وان ما صار ؟
انا : ع الاقل تكون حاولت . .
راشد : انا ما قدر اعصي امايا ولا اعصي ابويه لكن
انا اطالعه : لا ياولد عمي . . ولا بتعصيهم ان شاء الله بدون لكن
راشد : لو وقفو بطريجي باخذها
انا : واهلها بيرضون
راشد : شباب العايله ما بيقصرون ويايه
انا : بدون حد من الكبار محد بيرضى . .
راشد : عمي بو وليد بيوقف ويايه . .
انا : عمي سعيد بيسكتووووونه كلهم حرام لا ادخللللله فالموضوع بيطيحون فيه الكبار ويبقولون انت سودت ويهنا وبييبون طاري شهاب وشهاب الي بينجرح من الموضوع كله
وليد : انت شعندك متخشش ويا حرمتي . .
راشد بضيج يبتسم : سلامتك . . " يطالعني " اترخص بنت عمي . . وبسوي الي قلتي عليه اليوم برمسهم . .
دق جتف وليد بخفيف وسار . .
وليد : ها مستشاره . . اشوف مش بس البنات . . احين عيال العم يووون . .
انا ابتسمت : جب جب . .
وليد يبتسم : ليش رديتو بدري . . قلتي بطولون . .
حطا ايده ع يبهتي ودخل الشعرات الي طالعه . .
انا : عنود تعبانه ف ردينا . . باجر بنروح بعد
وليد بعده يدخل شعري فالشيله . . : لو سمحتي مره ثانيه ركزي وانتبهي لشعرج الي يطلع من كل صوب . .
انا ارجع راسي : بس انزين وخر ايدك . .
وليد : منو بيوديكم باجر . .
انا : شهاب
شهاب يا : شفيني
انا : انت بتودينا دبي باجر . .
شهاب ياشر ع عينه : تامررين . .
انا ابتسم: تسسلملي . .
ودخل الميلس . .
اذن العشا . .
وليد : منو داخل عيل
انا : البنات بس . .
دخل سيف وحطا عينه علينا . . و وقف شوي ورد طلع . .
وليد يتنهد . .
انا اطالع وليد بس ما قلت شي . .
وليد : يالله دشي داخل ويوم بتردين البيت خبريني انا بردج . .
انا : ردني الحين . .
وليد : يالله امشي . .
ومشينا سوى . . رجعني البيت . .
انا : ما بتدخل ؟
وليد : لا بسير المسيد وعقب عندي كم شغله ابا اخلصها . .
انا : زين اوككككيهه . .
وليد ابتسم وقرصني ع خدي وعقب راح . .
وانا دخلت وانسدحت فالصاله . . تميت ادور ف سده الصاله بين الاغراض حاطه دفتر كاتبه فيه شو الي ناقصني وشو الي سويته وخذته . . تميت اشطب وازيد واكتب وجيه لين ما دشن البنات . .
انا : شو فيكم . .
شيخه : مادري شو مستوي . . راشد ميمع الشباب وجيه وقالنا روحو عن يدي لان بيرمس ف موضوع . . فـ ييييناج . .
ميره : ببييتكم اريييييح بيت لانه فاضي . . بيوتنا ما تخلى . .
رقوي : فيني فضول ابا اعرف راشد عن شو بيرمس . .
امايا تدخل : السلام عليكم . .
كلنا : وعليكم السلام . . وسرت صوب امايا وشليت عنها الاغراض و وديتها حجرتها . .
امايا : وديهن حجرتج حقج هاييل . .
انا اطالع امايا : اميه حق شو الله يهديج انا مرتبه اموري
امايا تبتسم وتحط ايدها ع ويهي : الله يتمم لج ع خير يالغاليه . .
انا ابتسمت : امين . .
امايا : انا بسير اتيدد واصلي . . شو تبون عشا ؟
انا : بنطلب من بيتزا فخاطري . .
امايا : يالله اطلبو وانا بدفع
انا : امايا انتي ما تيوزين هههههههههه
امايا : يالله اسمعي االكلام . .
انا : ان شاء الله . .
وعقبها اتصلت لـ بيتزا وطلبت . . وامايا عطتني فلوس وقالت انها تعبانه بترقد . .
شفت ع الصاله الي صوب اليمين ميره بروحها قاعده وترمس فون وع الصاله الثانيه الي ع اليسار البنات قاعدات . .
سرت صوب ميره كانت حاطه مايد سبيكر . .
مايد : ارمسي قوليلي شو الي مكدرنج يعني ااذا انا ماخبرتيني بتخبرين امنوه
انا اطالعها وفاجه عيني وارمس بشفايفي بدون صوت : قوليله ارمسسسسسي . .

.
ميره : تعبانه ميوووووود تعبانه من كل شيييي . . احس كل شي صار بسرعه
مايد : أنزين انتي الي بغيتي عرس وياها شو الي بسرعه . .
ميره : مش متزهبه ولا خلصت كل شي واحسني ضايعه الكل يسوي عني شغلي وانا ماعرف شلي ناقص وشلي زايد وشو لازم اسوي
مايد : انزين انتي اهم شي خلصي الامور الضروريه والباقي عقب معايا بنخلصه سوى
ميره : مابا اخلصصصصصص شي وياك لازم اكون مخلصه قبل
مايد : ليششششش لازم . . طع ويهج انتي . !!!!! شو فيها لو عقب العرس كملتي زهبه . . ع الاقل بتاخذين ذوقي
ميره : عاد من زين ذوقك . .
مايد : جب جب انتي ما جربتي ذوقي ولا شفتيه . . اسالي خواتي . . دوم ياخذون رايي . .
ميره : هيييييه صح صح صح صدقتك
مايد : انزين اطلعي برع بشششششوفج . .
ميره : ميود انا روحي مالي خلق نفسي . .
انا ارمس بصوت واطي : خل ييي عند الباب ع الاقل . . لو شفتيه بترتاحين صدقيني . .
ميره تطالعني : مادري
مايد :يالله عاد خليني اشوفج قبل ما يبدا راشد محاظرته . .
ميره : انزين شوي لا اطول . .
مايد : ما بطول راشد يبانا عقب الصلاه . . بس مروان طول فالمسيد شاف واحد من ربعه ف نترياه . .
انا : اساليه قوليله وليد موجود ؟ .
ميره : مهور تقولك وليد موجود ؟
مايد : هيه . .
انا : اوكيه
مايد : يالله انا برع اطلعي . .
ميره : شوووووو . .
مايد : شو بعد شو يالله اطلعي . .
ميره : يالله انزين باي . .
انا سرت صوبها بسرعه عدلت كشتها وجلابيتها . .
انا : البسي شيله شعرج ناقز . .
عطيتها شيلتي ولبستها وعطرتها بسرعه من العطر المفرور فالصاله وطلعت ..
سرت صوب الصاله الثانيه وين البنات لان اهناك اوضح والبنات ع طول سكرو ليت الصاله عشان ما نبين وفتحنا الستاره وشوي من الدريشه عشان نسمع . .
مايد يبتسم : اصلا من ويهج باين كيف انتي مضايجه
ميره تطالعه بنص عين : جب لا
مايد : ألسلام عليييييكم انزين
ميره : وعلييكم . .
مايد يمد ايده : شحاالج . .
ميره تطالع ايده : بخير
مايد : ما بتسلمين شو
ميره مدت ايدها بتسلم لكنه سحبها من ايدها وحظنها واحنا كلنا شهقنا . .
خلود : يالمسسسسستخفات استحن ع ويهكن
شيخه خازت : انا ما بشوووف . . قليلات ادب . .
رقوي : خلينا نتعلم . .
انا : اشششش استكو ع نسمع . .
مايد يحظنها من قلب ويبتسم : كل شي بيكون تمام وكل شي بيترتب نفس ما تبينه لكن انتي طولي بالج بس . .
ميره ساااااكته . .
مايد : انزين ميروووو ؟؟؟
وتم حاااظننها بقوه ثواني وفجججها . .
ميره تطالعه وتبتسم . .
مايد : فرق فررررررررق كيف كنتي وكيف صررررتي . .
ميره تبتسم اكثر : جججججب ويا ويهك . .
مايد : كله ولا ميرانه .. ما يسوى ترا تضيجين ع زهبه . . والله انا لو اشوفج جلحه ملحه راضي وبتم احبج . .
جان ينصدم من نفسه لانه قالها جي بعفويه وهي انصدمت وانحرجت . .
مايد يبتسم ويرفع ايده صوب الدريشه : السلام عليكم بنات عمي . .
نحن نشششششهق وكلهم خااااااااازو من الدريشه . .
انا : حسبييييييييي الله ع ابليسسسسسسسسكم . .

رديت افتح الستاره بشويش. .
ميره : بسسسالك سؤال . .
مايد : اسالي . . " يطالع تلفونه " هكم يتصلون فيني اكيد تيمعو . .
ميره : خلاص روح
مايد : لا اسالي
ميره عصبت : اصلا انت مش مهتم قلبك وياهم . .
مايد : يا حرمه اتصلو فيني ترا حاطنه ع الهزاز حسيت فيه
ميره يايه تدخل ويصعد الدري الي عند باب البيت : تعااليي
يجابلها . .
اهني ما كنت اقدر اشوف شي لانهم لاصقين عند باب البيت ورقبتي بتنكسر وانا اصصصد . . لكن كنت اقدر اسمع . .
مايد : لا تسوينها قصه من لا شي . . بسنا ضرايب ع اشياء تافهة . .
ميره : خووووز روووووووحلهم
مايد : انتي ع الدقه ترى . . دقني بنقع !!!
ميره : هيه هيه انا جي . . يالله سيرلهم فكككككنا .
انا حاولت اصد واطالع . .
مايد يبتسم : انزين انا ااسسف . . جيه زين ؟
ميره تفشلت . .
مايد يبوس راسها : وها راسج نبوسه ..
ميره : قص عليه انتتتتتته بكلمتين
مايد : افا بنت عمي انا اقص عليج . . " يبتسم " يالله اسالي . .
ميره : ماتحس زواجنا غلط . .
انا : حسبي الله ع ميرو شو هالسؤال
مايد عاقد حياته : شو الغلط فيه . .
ميره : مادري احس وايد بسرعه عرسنا . .ما بنندم ؟
مايد : رديتي قلتي وايد بسرعه ترى انتي الي تبينه ويا مهره . . مستحيل مهره تاجل بعد تبين وليد يموت ؟
ميره : ما بنندم ؟
مايد يبتسم : انتي تبيني ولا لاء . .
ميره تطالعه : شوه
مايد : جاوبي تبيني ولا لاء
ميره : دامني وافقت اكيد تعرف الاجابه
مايد : خلاص عيل . . خل ف بالج بس هالشي . . انج انتي تبيني عشان جيه وافقتي . .
ميره تطالعه : . .
مايد : ومابنندم ع شي وبنتوكل على الله . .
ميره تتنهد : اتمنى ما نندم ع شي . .
مايد : ميره كلامج ما يريح . . !
ميره : ماعرف
مايد عاقد حياته : شو ماتعرفين . . انتي شكلج ما تبيني . . " يشوف فونه " يالله انا رايح . .
وعطاها ظهره ومشى وعقبها وقف شوي واطالعها : تدرين ميره . . " يطالعها عين بعين " ولا مره رحت عنج مجبور الخاطر او مبتسم او مرتاح . . دومج تكسرين كل شي حلو فيني . . كنت ياي اشوفج واريحج واشوف ابتسامتج . . وبالفعل شفتها لكن دومد انتي تكسرين وتحطمين هذا " ياشر ع قلبه " ترا كثر الدق يفج اللحام . . وانا باقيلي شوي ترى " يبتسم "
وراح عنها وعقب دشت . .
انا اطالعها وهي عينها علي وفيها صياح . .
انا : ع شو تصيحين . . ؟ ع انج تكسرينه دوم وهو متحملنج ؟ شوفي حالي مع وليد تحملني تحملني لين انبط وبروحج شفتيه لما كنا فالعزبه ومريتي علي . . شفتي كيف حالته وهو طالع عن طوره . . ماظن تيبن مايد يوصل لهالمرحله . . ع الاقل الي يصير بيني وبين وليد انا مول ما اتعمده . . الظروف والي مريت فيه وتدخل اخوج هو سبب الي احنا فيه لكن انتي . . انتي بايدج تسوين وتقسين ع مايد . . ع فكره انتي مش احسن عن اخوج ف شي . . مابيج تاخذين قسى عمى و لا مبالاه اخوج . . ترى الكل بيبتعد عنج عقبها . . وانا ما اقصد اجرحج بكلامي واعرف نفسيتج تعبانه لكن من حقي انصحج ! في امور ما يصير تقولينها لزوجج . . واذا تبين تعدلين الي سويتيه ! تقدرين تعدلينه اليوم وعلى طول والسالفه حاره . . لاتخلينه ع البراد بروحه يرضى لانه ما راح ينساها لج . . " ابتسمت لها "
وعقبها طلعت ميره من البيت . .
يمكن قسيت عليها لكن كلامي كله صح 100 بالميه . . وان شاء الله تتاثر عاد وتتغير . .
بعدها وصل العشا وتعشينا كلنا وعقبها كل واحد راح بيته . .
تميت طايحه ابدل القنوات ماعرف شو اشوف . . وما احس اني ابا ارقد . .
الساعه تشير لل12 وبعده وليد ما اتصل شكلهم بعدهم مجتمعين الله يستر شصاير !
تميت ابدل وابدل وعقبها فتحت محادثة شماني . . شفتها كاتبتلي شي . .

[اسطورة !]

مروان : ليش ما تغديتي وياهم اليوم ؟ توها امايه تخبرني . .
شماني : ما اطلع جدام ريايييل غرب مروان استحي . .
مروان : منو الغرب ؟ سيف ؟ عبدالله ؟ تراهم اخواني الله يهديج ..
شماني : انزين انا استحي وانت محد . .ماقدر اروح اقعد معاهم روحي . . وماقدر اكل وانا مغطيه ويهي . .
مروان : ليش تغطين ويهج جدامهم اصلا . . لا تحطين شي ف ويهج واتحجبي عدل والبسي لج شي ستير واتغدي وروحي . . محد بيبحلق فيج . .
شماني تدمع : انا استحي مروان . . ما اطلع جدام حد غريب ولا يطلع حسي جدامهم
مروان بعصبيه : شما بس هايييل اخواني . . انتي تلومينهم جذيه . . امس عبدالله ما اتغدا فالبيت عشانج . . والي قبله بعد . . ما يصير هالحاله . . دامنا عايشين في بيت واحد لازم تتعودين تطلعين . . وانا ما قلتلج تنحي فيهم وخليهم يشوفونج اقعدي ع طرف حذال البنات ما بتناشفين واخواني ما بيطالعونج حتىىى . .
شماني تصيح : ماقدر . .
مروان : ما تقددددددددددرين ؟؟؟؟
شماني : مش لازم اكل عادي انا ما ايوع عقب باكل بروحي . .
مروان يصارخ : مصختيها ترى . .
شماني تطالعه وتصيح : مروان لا تصارخ علي . . انا استحي . . حرام اطلع جدام غرب . . حتى لو كانو عيال عمي تراهم يحرمون علي . .
مروان : اووووه ذبحتيني جنه بيشوفون قمممممر عاااد . .
مع ان شماني جد قمر ماشاء الله . . ماتحط شي ع ويهها وجميله وتلفت النظر كيف لو حطت !! جمييله تبارك الرحمن . .
شماني : اانا مش قمر . . انا ع قد حالي . . " تمسح دموعها "
وقعدت ع السرير . .
اما مروان طلع من الغرفه ومارجع لها الا عالمغرب . .
كانت شماني توها مخلصه صلاه وقاعده تقرا قران . . .
تقرب منها مروان وباس راسها . .
مروان : الله يتقبل منج غناتيه . .
شماني تطالع مروان وتبتسم وعقب تنزل عينها . .
مروان : اعرف يوم زعلانه ماترومين تحطين عينج ف عيني . .
شماني تبتسم . .
مروان : وادري انج ما تجذبين عشان جيه ما بتنكرين ولا بتقولين انا مش زعلانه ..
شماني تطالعه : سامحني لو انا غلطانه . . " تنزل راسها "
مروان يروح صوبها ويقعد ع الارض . .
مروان يبوس رااسها : ما يطلع منج الغلط ولا العيب بنت عمي .
شما تبتسم بس ما تطالعه . .
مروان يرفع راسها : انا محظوظ فيج . . تدرين اليوم استانست وانا قاعد في بيت يدي . . لما كانو يرمسون عيال عمي ف موضوع ويابو طاريج . . كانو يرمسون ف موضوع وقالو ليت شي بنات فهالزمن جذه . . و واحد فيهم قال في . . شما بنت عمي للحين ما ناظرتها عيني ولا شفتها ولا اعرف كيف شكلها . . واخوج قال هيه اختي ملكه ما يشوفها الا اميرها بس . . حسيت كيف انا محظوظ فيج . . ومحظوظ بهالنعمه . .وبهالجوهره المغطايه الستير . . ومن اليوم ورايح اليوم الي انا ما اكون موجود فيه واكون ف الدوام . . . اكلج بيوصلج اهني . . ولا بخلي امي من اليوم ورايح تفرق الاكل عن البنات والاولاد . . جذه اريحلج . .
شما ابتسمت : مشكور . . مشششكور وايد . .
مروان : انتي المشكوره لانج رافعه راسي . . " يبتسم " نشي اباج ف موضوع
“cut”
>
<
>


ابتسمت عقبها وكتبت لها ( لا تضايجين لو كنتي مضايجه . . لازم بتصير خلافات ومثل ما شفتي انحل الخلاف ع خير . . لو تبين شي كلميني اي وقت حبيبتي . . ) وعقبها تميت اقرا لي كم برودكاااست لين رقدت . . ومانشيت الا ع صوت شهاب
شهاب : هوووود . . حد اهني . .
انا افج عيني بصعوبه : ادخل محد غريب . .
ودخل . .
شفت الساعه ع طول . . 4 الفير .!!!
انا : توكم خلصتو شووووو . .
شهاب : هيه . . " يطالعني " انتي تعرفين السالفه
انا : هيه . . ششصااااار خبررررررني . . . !!
كلنا وافقنا ومحد اعترض الا عبدالله الله يهديه . .
انا : عبدالله !!!!!! ليييييش
شهاب : قال مش حلوه وما يصير ولازم تاخذ من العايله وعطاه من الكلام الي ينكد وبالاخير قلنا له لا تدخل وخلك ساكت لكنه اصر انه بيوقف ضدهم ويا الكبار . .
انا : أسمييييييه عبدالله بعد ماتوقعتتتته
شهاب : لا تلومينه ! عبدالله رابي عدل ع هالشي وما بيغيره في يوم وليله ومن حقه مش لازم الكل يوافق . .
انا : انزييين وليش طولتو
شهاب : سرنا رمسنا يدي و وافق الله يطولي بعمره
انا ابتسمت : فديت يدي
شهاب : هيه قال دام الرسول قال الي يحبون بعض خل يتزوجون انا ليش امنع . . وقال من ناحية يدوه هو الي بيرمسها وعطانا موافقتها . .
انا : الحمممممممدلله ..
شهاب : لكن طب علينا عمي حمد . .
انا حست بوزي : واكيد خرب كل شي
شهاب : وش ما خرب اقولج زين ما شل العقال ضربنا فيه واحد واحد
انا :افف لا تقول .
شهاب : اخر شي قاله جانه خذا غريبه لا هو عمه ولا شي . . وخبر عمي خالد " بو راشد " واتصل فيه مع انه راقد ! و واااعاه والله وقاله تعال البيت العود كذا كذا كذا صاير .. ويا عمي خالد واشششتل ع راشد وقاله احين عرفت ليش ما بغيت بنت عمك الحشيم وتبا بنت غرب ما نعرف ع شو متربيه . .
انا : انزيييييييين
شهاب : اهني عصصصب راشد اقولج . . " ياشر ع الكولا الي ع الطاوله الي حذالي " عطيني . .
انا عطيته وسرت صوبه : انزين كمل وعقب . .
تلفوني رن كان وليد يتصل بس ما رديت . .
شهاب : قال هي متربيه احسن تربية واانا اعرف اخلاقها عدل وانطرو وصارت سوالف " يثاوب "
انا : ياخي خبرني بالتفصصصصصيل
شهاب :والله انتو البنات . . انا اقولج المختصر وش تبين بالتفاصيل . .
انا : ماحب جيييييه احب اعرف الفللللللعه قبل الدوا ..
شهاب يقوم : الاخير ان صارت ضرايب ومحد وااافق الا ابوي ويدي ويدي اصلا احنا ما حبينا اندخله وقلنا له ارقد ونحن بنرمس لان ما نبا يتلاسن ويا عمي خالد ولا عمي حمد ويتعب علينا .. لكن الشي الي ونس راشد ان ابوي قاله لو محد وافق وانت اصريت تباها انا بسير وبخطبلك اياها لكن عمي خالد خربها قاله انت مالك خص ف ولدي ولو سويتها لا انت اخوي ولا انا اعرفك . . كفايا شهاب الي دخلته العايله وهو ما ربى فيها " يبتسم "
انا اطالع شهاب حسيته قالها بعوار قلب . . .
شهاب : تصبحين ع خير . .
انا : لا تضايج روححك ياخوي . .
شهاب يبتسم : لا ليه اتضايق " يبتسم ابتسامه عريضه " هذا واقعي ولله الحمد . .
انا : كفايا الكل يحبك وجنك عايش معانا دهر . . ماعلكيك من الكبار . .
شهاب ابتسم وكمل مشيته وراح الغرفه عقبها بثواني رد طلع
شهاب : مهوووووور
انا : هاه بسم الله خوفتني
شهاب : يرحم امج شيلي رقوي عني .. دخيلج ترى انا جد مش طايقنها ولا طايق حركاتها . .
انا : ليش شسوت بعد
شهاب : قاعده تسوي وتسوي حسبالها بتصرفاتها انا ممكن انعجب فيها وقلبي يدق لكن انا قاعد ارمس جد ! انا مش مستلطف الي تسويه . . قوليلها لا يقصون عليج المسلسلات وركزي ف مدرستج . . انا مالي خلق يهال وربي . .
انا ابتسمت : انزين مش مشكله خلاص روح ارقد
شهاب : لا ماراح انام بروح المسيد بقرالي قران شوي لين ياذن الفير ما باقي شي ع الصلاه . .
انا : زين ششل وليد معاك
شهاب : وليد ياهل اشله معاي . . !! خل يمر رووحه . . ماشاء الله طوله طول وعرض يدل المسيد ويروم يروح . .
انا : ههههههه بل بل بل . .
شهاب : ايه شفتي كيف . . طاري رقوي يخليني منفعل . .
انا : ههههههههههههه . .
اتصلت ب وليد . .
وليد : ليش ماكنتي تردين . .
انا اثاوب : بل . . الناس يقولون ألو . .
وليد : كنتي نايمه . .
انا : لاء كان شهاب يرمسني يخبرني شصار . .
وليد : ليش واعيه . .
انا : ككنت راقده بس شهاب قومني . . شفيك وليد ما عايبني صوتك . .
وليد : اضاربت مع عمي خالد . .
انا : ليييييييش . . عشان راشد ؟؟
وليد : لا . . ع الكلام الي قاله لـ شهاب . . خبرج ؟
انا : هيه . .
وليد : فرت والله زين ما عفدت فوقه اضربه . .
انا : اوييييه .. حسيب الله شرك . . تخبلت انته
وليد يصارخ : ما رضيت ع اخوي . . أخوي بنهان جدامي تبيني اسكت . . على كل الي عاشه وعاناه ييي عمي خالد ويزززل يقول هالكلام لاخوي ويجرححححه . . عشان مره ثانيه لو بغو يرمسووون يحسبون ألف حساااااااب لاخوي العود . . وقبل لا يطرون اسمه يشرقون . .
انا ابتسمت بس ما قلت شي . .
وليد : قسسسسسم بالله مضايق ما بردت غليلي . .
انا : وينك الحين . .
وليد : فالسياره ..
انا : وين رايح هالحزززززه !!!
وليد : ادور . .
انا : تعال تعال البيت . .
وليد : مالي خلق ارد . .
انا : تعاااااال بيتنا
وليد : مهره اقولج مالي خلللللللق . .
تم ساكت فتتتتتره طووووووووووووووووويله لين اذن الفير . .
وليد : خلاص انا وصلت الكورنيش بتم فالسياره قاعد . . بنزل اصلي فالمسيد الجريب اهني وعقب برد اقعد . . خليني روحي شوي . .
عقب شفت شهاب طالع من الحجره بيطلع جان اشر له بايدي ان خل يتريا . .
انا : انزين اتحمل ع روحك . . وقبل ما تحرك اتصل فيني
وليد : تمام . .
وسكر عني
شهاب : عسى خير . .
انا : اختك بتطلب طلب من اخوها العود . . له الحق يوافق وله الحق يرفض
شهاب يحط ايدينه ع بعض ويحطهم ع خصره : بنشوف . . غرردي . .
انا : عادي اروح اشوف وليد . . ؟
شهاب عاقد حياته ويمثل انه معصب : وششش . . ماسمعت
انا ابتسمت: ممكن توديني الكورنيش عند وليد
شهاب : صارو طلبين . . الاول موافقه والحين ودني . . قررتي روحج اشوف
انا : هههههههه يالله عاد . . والله نفسيته داون
شهاب عاقد حياته : ليكن ع موضوع عمي خالد . . هذا مينون ليكون سوا شي ؟
اناا اطالع شهاب ماعرف كيف بجذب جان اتم ساكته
شهاب : يعني سواها الهرم . .قللتله يسسسكت . . لبسي عباتج بنروح له . . انا بروح اصلي احين بيقيمون الصلاه وعقب بدقلج رنه . .
انا : اوكيه . .
ورحت صليت وتسننت وقعدت استغفر . . عقبها نشيت لبست لي قميص وبنطلون وعباه مفتوحه لكن فصوصها لين تحت ف سكرت الازرار وتعطرت شوي وتجحلت وحطيت بلاشر وقلوس خفيف واتصل عقبها شهاب جان انزل . .
دخلت على اميه شفتها تسلم توها مخلصه صلاه وانصدمت
اميه : انتي وين رايحه . .
انا : طالعه ويا شهاب بنسير الكورنيش عند وليد بنونسه بنغير موده مضايج . .
اميه : هالحززه ! ما يصير يا اميه
انا : امايا ما طالعه ويا غريب طالعه ويا اخويه . . .
اميه : تحملي اميه تحملي ما اوصيج لا اطولين . .
انا : انتي ارقدي اطمني حبيبتي " وبست راسها "
وطلعت . .
سرنا صوب الكورنيش وتمينا ندور سياره وليد لكن ما حصلناها مووول . . تمينا نلف مره ومرتين . .
شهاب : هاي سياره ابوي . . اكيد هو ياي فيها . . صبري بتاكد . .
ونزل من السياره وبطل الباب الجدامي وتم يسولف ويرمس وهو واقف عرفت انه وليد داخل . . تم شهاب يرمس بس ماعرف شو يقول ومنفعل وجيه ويعصب عليه وعقب يبتسم . .
عقبها ياني : انزلي . .
انا نزلت : حشى طولت . .
شهاب يبتسم : خليه هو يردج . .
انا اطالعه : ايه وين رايح . .
شهاب يثاوب : بررررقد تعباان . . الحمدلله باجر اليمعه محتاج ارقد والله ما اشبع نوم . . تصبحين ع خير . .
وركب سيارته وراح . .
انا حسيت باحراج وفشله . . احس جيه كيف بركب السياره وشو اقول وكيف ابدا . . تميت واقفه ما تحركت لين يت سياره والي فيها نزل الجامه ويبتسم لي . .
الريال : صببببباح الخير يا حلو . . تبين تاكسي يردج البيت . .
ماعرفت شسوي جان امشي جدامم بسرعه وبطلت باب السياره وركبت . .
وليد صد وتم يطالعني بصدمه وعقبها صد ورى يشوف راع السياره بعده واقف . . جان ينززززززل . .
وليد بعصبيه : تعااااااال يا ولد الـ **********
والسياره حركت بسسسسسرعه . .
انا : اويه بدال لا اعدلللللللللها عميتها . . احين بياكلننننني . .
وليد يركب السياره وبانفعال : شو كاااااان يقولج هاااااا . . وليش كنتي واقفه معاااااااه . .
انا : ماوقفت معااااااه والله . . كنت واقفه ماعرف كيف اركب السياره . .
وليد يطالعني بعصبيه : كنتي واقفه من متى كنت اشوف من الجامه ان شي حرمه واقفه ورى سيارتي بس لانج عاطتني الظهر ما عرررفتج ! لكن شففتج واقفففففه شكثثثر شعندج ماتستحين انتي . .
انا جيه ماعرف شقوله .. احس فيني ضحكه ع قفطه ع احراج ع شي ما كان فالحسبان . .
وليد يطالعني .: وعباه مفتوحه مهرو . . وعبااااه مفتوووووووووحححححه . . وماتبين ولد الحررررررررام يغاااااااااازززززززلج . .
انا : استغفر اللللللله انت شوه فيك اصبر شوي . .
وليد يصارخ : شو قاااااااااالج قوووووولي . .
انا اصارخ : مااااااقالي شي بس قال صباح الخخخخخخخخخير . . وعقب ركضت ركبت السياره . .
وليد : ما رقمج . . ماحفظتي الررررررررقم
انا : لااا ما رقممممني والله ما ررررقم
وليد : حسبي الله عليييييييه . . " يطالعني "
انا تميت سااااااكككككككككككككككككك ككته ماعرف شقول . . مفتششششله مفتششششششله . .
وليد يتقرب شوي مني وعقبها ضربني ع راسي بعد لكن مش قو : متعطره . . متعطررررررررررررررره !!!!
انا خلاص رحت وطي . .
وليد : تعرفييييين ريحتج الي فيها عطر لو شمج غريب جنج زانيه . . انتي ماتخافين ربج . .
انا : ترا تعطرت قلت بنزل من سياره اخوي بنركب سيارتك ع طول ما ظنيت اني بووووقف واللللللله . .
وليد : مره ثانيه تطلعين من البيت رششششششه عطر ما ترشين . . رشه وحده ما ترشينههههها سمعتتتتتتي ولا لاء . .
انا : انزين انزين ان شاء الله . .
وليد : حيوووووانه وحده
انا اطالعه
وليد : هيه شو تطاااااعين . . حيوانه والللللله حيوانه . . وهاك الـ **** ولد الـ *****
انا جان اصد ويهي ع الصوب الثاني وابتسم احس ما رايمه ايود عمري . .
وليد : تضحكين بعد . .
انا : ههههههههههههههههههههههه انزين انت ضحكتني والله . .

[اسطورة !]

وليد ابتسم : اضحكي . .

انا : ههههههههههههههههههههههههه ههههههههههه

وليد ابتسم اكثر وعقب ما خلصت ضحك قال : الله يديمها . .

انا اطالعته وابتسمت . .

وليد : كل ما تشوفيني معصب . . ابتسمي ولا اضحكي . . بنسى كل شي . .

انا : لا والله

وليد يبتسم : والله . .

انا استحيت ججججججد . .

وليد يبتسم : كاشختلي ماشاء الله . .

انا : هاي تسميها كشخه . . ؟ ها ع السريع بس . . بعدك ماجفت شي

وليد : ياويل حالك يا وليييييييييييييييد . . ابوووووي انا . . ياويلي كم بعيشششش . . شو اشوف اكثر " يبتسم " شووه . .

انا : ههههههههههههههه . . " ابتسمت " ججججب لاه . .

وليد يبتسم : يايه عشاني . . ؟

انا : هيه. .

وليد : لاني مضايج ؟

انا : هيه . .

وليد يبتسم : كم تسوى هذي . . والله كم تسوى . .

انا : فرحت يعني

وليد : مع اني عصبت ع الي صار والله مع هاك الهرم . . لكن وربي فرحت بشوفتج . .

انا ابتسمت : ان شاء الله دوم شوفتي تفرحك . .

وليد يبتسم ويمسك ايدي : مهور. .

انا احس باحررررررررراج وتامه اطالعه . .

وليد : احبج . . . .!!!

انا بلعت ريجي وتميت مفتشششششششششششششششله . .

وليد : احححبج . . " يبتسم " احبج يا حماره . .

انا ابتسمت باحراج . .

وليد : ادري ما تسمعينها مني وايد . .

انا : حلاتها نفس الحين يوم تظهر من الخاطر . .

وليد يبتسم بحنان : عقبال ما اسمعها من شفاتج . .

انا اسسسسسسستحيت ماعرفت شقول تميت ابتسم مثل الهبله ..

وليد : اليوم الي ناويه تقوليلي اياه زهبي كفني مره وحده . . بسمعها وبموت ..

انا : هههههههههههه بعيد الشر . .

وليد يبتسم : فدييييت الضحكككه . . فدييييت ام حممد

اانا اطالعه وفاجه عيني ع وسعهن : حمد . .

وليد : هيه . . " يبتسم " . .ولا ما عيبج . .

انا ابتسم : لا حلو . .

وليد يبتسم : متى بس . .

انا تميت ساكته وخلاص شوي وبخش ويهي تحت السيت من الاحراج . .

وليد مسك ايدي : بتنزلين . . ؟ تشمين هوا عليل من الصبح . .

انا : لا خلنا نرد . . انا قلت حق امايا اني ما بطول . .

وليد : شوي بس نتمشى . ." يبتسم "

انا : انزييييين . .

ونزل ونزلت بعدها . .

الجو الصبح غرااااااااااااااااااااااا م . . جد ما ينوصف . . بررررررررد والشمس بعدها ماطلعت . . وجي حلو حلو وايد . .

مشينا شوي .. كان هو ع يميني . . واسهل له اخر صبع .. الي هو صبعي الصغير مادري يسمونه الخنصر او البنصر !! لالا اسسسسمه الخنصصصر . . . . تم ماسكنه ويشوف جدااام ويبتسم . . وعقبها بشوي صدلي . .

وليد : مرتاحه معايه .. ؟

انا اطالعه : مرتاحه . .

وليد : وايد . . ؟

انا اطالعه وابتسم : وايد . .

وليد يبتسم : مرات اتمناج تكونين شرات عنود . . ع لسانج كله كلمه حبيبي . . وادلع وهي ما تفتكر منو يشوف ومنو ما يشوف . . حتى لما اطالعها مع عبدالله كله ابتسم . . مااشاء الله الله يرقيهم ويحميهم من عيني . . عيني ما تفارقهم . . يبردون الخاطر . . . ومرات احسدني عليج وانتي جيه ! و اتخبل عليج وانتي جيه . . واعرف اني حبيتج لانج جيه بكل شي فيج . . ف شوي شوي عليه . . " يبتسم ابتسامه من قلب وبمكر " اخاف تزيدين الجرعه ف يوم واموت صدق . .

انا : ههههههههههههههههههه . .

وليد يبتسم : اذا ضحكتج روحها مصيبه . .

انا : بسسسسس عاد . .

وليد يجابلني و وقفنا . . حطا ايده ع ويهي : احب كل شي فيج والله . . .

انا ابتسمت ..

وليد ابتسم : هبله . .

انا : ههههههههههه . . " ابتسمت ابتسامه عريضه "

وليد : خلج دوم جيه . . " يسحب ايدي يحطها ع قلبه " شوفي كيف يدق بس . .

انا انحرجت وبان علي . . عقبها تقرب مني وليد باسني ع خدي . .

وليد : من الحين اقولج . . صح انهم بيروحون معانا شهر العسل بس مش معناته نلصق فيهم ونلتزم فيهم . . سمعتي ؟

انا : ان شاءءء الله " ابتسمت " . .

وليد : اليوم اكيد ما بتروحين السوق لانج ما رقدتي . . وشهاب سار يرقد بعد مش راقد . .

انا : لا بروح . . عقب ما نتغدى بقوله يشلنا . . حرام ميروه باقلها وايد بعد . .

وليد يدخل قصتي داخل الشيله : انتي ليش ما تلبسين شيله يابسه تثبت شعرج ؟

انا : ههههههه . . شعري ناعم

وليد يبتسم : خفي علينا . . " يبتسم اكثر " فدديت شعرج . .

انا : جب جب . .

وليد : ان هبشتيه ولا قصيتيه . . اقص راسج . .

انا : انزين انزين كم مره تهدد الحين . .

وليد : لا يقصون عليج البنات ويقولون لج والله حق العرس حلو عليج . . خليه جذه غرام ويذبح . .

انا : لا ما بقصه . .بصبغه بس . .

وليد : اي لون " يبتسم "

انا : اطااع واثق بعد اني بقولك . . خلها مفاجاه العرس . . وبعدين

وليد : هيه هيه اعرف عقب هالبعدين شوه . . وبعدين انا ما برمسك وها اخبر اسبوع ومادري شوه . . ودري عنج حركات ميروه الي قالتها حق ميود وترمسه من وراج وانتي ماتدرين . . .

انا : ههههههه لا ما كنت بقول جيه . .

وليد يبتسم : عيل شو كنتي بتقولين . .

انا : كنت بقول وبعديين لين متى تبا شعري طويل ان شاء الله ؟؟ انا عقب العرس بشوي بقصصصصصصه . .

وليد : هيه فديتج تأملي انتي بس واحلمي برايه . . الحلم ببلاش اصلا

انا : انا الي تعبانه فيه ترى مش انته

وليد : ماعليج انا عقب بساعدج فيه وبعاونج . .

انا : حرام عليك والله اتعب فيه . . ابا اتنفس شرا البنات افله احس بالحريه

وليد : اخخخخخ لا . . هالبويات الي مافيهن شعر تسمينهم بنات ؟. حلات البنت بشعرها الطويل . . والله تكون انثى وتجذب الريال غصصب لو كانت خسفه حتى . .

انا فاجه عيني : شو قصدك

وليد : يعني انا شو محببني فيج غير شعرج

انا ابتسمت . .

وليد يبتسم بعذاب : وووو ابتسامتج . .

انا : هههههههههههههههه

وليد : وضحكتج . .

انا ابتسم : هيه هيه . . هيه وليد . .

وليد يبتسم ويمسك ايدي : وعيونج . . ورموشج . . " يبوس ايدي " ولمسه ايديج . . " يطالع شفاتي "

انا ادزه بعيد : لا تكككككككمل . .

وليد : اصلا انتي واثقه من عمرج واتعرفين انج حلوه من دون ما اقولج . .

انا ابتسم : بس بعد حلو الوحده تسمع من ريلها هالكلام . .

وليد : ياويل حالي " يبتسم " انتي ناويه علي اليوم صح . .

انا ابتسمت : اهم شي تكون جيه . . ولا تكون مضايج ترى ما يركب عليك . .

وليد : دامج بتكونين ويايه جذه والله شكلي كل يوم بضايق ف روحي . .فديت عمي خالد سوا خير عيل

انا : ههههههههههه يالحممممار ..

وليد : احبج . .

جان اقفط واسكت . .

وليد : قسم بالله احبج . . مش مصدق انج بين ايدي . . وربي مش مصدق . . " يبتسم " الحمدلله يارب . . الحمممممدلله . .!!