آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
12-02-14, 11:44 PM
| #111 | ||||||||
| مراقبة عامة ومشرفة منتدى الروايات المنقولة  
|  البارت الاخير تملك الحزن ارجاء قلبي , و لكن الفرحة تصارعه لتحتله هي الاخرى , اود القول بالبداية , ان كان هناك من فضل او خير باركان ما كتبته , فهو من فضل ربي و كرمه , و ان كان هناك من اخطاء او ما يسيء باي شكل فهو مني , و ازره اتحمله , فرحمني برحمتك يا رب ؛ بدأت مشواري ساعية لنقل طرح بسيط و متفائل ينقل الطريف و المفيد من القول , و ارجو ان اكون اصبت , شكرا لكل من ساهم بنشر روايتي او ساندني باي شكل ؛ تتصارع الكلمات بجوفي , تريد طرح المعزى من روايتي , و نقل اخر افكاري , و لكني اثرت ان اصمت و اترك كلام خلف السطور هذه المره يقال صامتا الفصل السادس و السبعون الجزء الاول : بينما جواد نائم شعر بيد صغيرة تلعب بملامح وجهه , انقلب للجهة اخرى , و لكن بعد قليل عادت تلك اليد الصغير لتلعب بملامحه , بل هذه المرة اليد كانت مبللة باللعاب .. جواد : اسيــــــــــــــــل ... اسيـــــــــــــل .. اسيل بصوت نائم : شو في ؟؟!! جواد : ليه جايبه جنا هون ؟؟!! اسيل : صحيت بكير و ما بدها تنام , فجبتها ... ثم تثاءبت و سألته : ليش بشو مذايقتك ؟؟!! جواد : و لا اشي بس عملت لي ماسك بريالتها ... اسيل : تحمل .. مو بتحبها اكثر مني , و هي نور حياتك , يلاه و هي بتحبك كمان , الا كل يوم تحشر حالها بحضنك .. فتح جواد عينيه و ابتسم لجنا : يا رووووووووح بابا انت , بس اذا بدك تنكدي على حد الصبح , بفضل تنكدي على امك , ماشي .. قالها بنبرة حنونة , فبدأت ضحكات جنا بالتعالي , فقال جواد : ياااااااااااا روووووحي ما احلى هالضحكة .. اسيل : يييييييييييي علينا , طيب حبوا بعض برا الغرفة , و الله نعسانه و اليوم عطله .. جواد : اه اليوم عطله عشان تقعدي مع عيلتك , مو تنامي .. اسيل : قبل شوي كنت تنق و مو عاجبك انه جنا صحتك من النوم .. جواد : ما هو بس اشوف هالوجه بده حد ما ينبسط , يااااااااا ويلي شو بحبها .. و قبّل جنا ببطنها , فبدأت ضحكات جنا بالتعالي , بينما اسيل قالت : و الله ازعجتوووووووووني , خليني اقوم اخذ دوش و اروح احضر فطور , احسن من ازعاجكم .. ضحك جواد بمرح , و قال : و الله بتعملي خير , لانه كثير جوعا .. قالت له اسيل و هي تدخل للحمام : خسا الجوع .. ثم خرجت و قالت بدلع : جواد يا حبي , ما بدك تقولي كيف حبيتني قبل 13 سنه ؟!! جواد بحسم : لأ .. اسيل : يا الله منــــــــــــــــــــك , لمتى بدك تخليها بنفسي ؟!! جواد بحيرة مفتعله : مو عارف ... بس بجوز بس نختير ما نلاقي مواضيع , و احكي لك هاي القصة من باب التغير .. اسيل : و الله ما بمزح , بحكي جد , متى بدك تحكي لي ؟؟! جواد : ما بعرف , بس انت ليش مصره تعرفي ؟؟!! ************************ جورجينا : عدي اليوم بدي اروح عند اسيل , عاملين جمعة الصبايا ... عدي و هو يأكل : ليش الجمعه ؟؟!! بعد بكرا عرس رحيق على علمي .. جورجينا : بتعرف حفلة حنا صغيرة , رحيق جننتنا , بدها تعمل حفلة , و خالتي ما كان بدها , بس بالاخر اقتنعت , شو اروح ؟! عدي ببسمة : و انا بقدر اقول لأ , بس ما تطولي و الله بشتاق لك .. جورجينا : يا الله شو بكاش .. عدي ببسمة مكر : و شو بكاش هاي ؟؟!! مو بقولك مفراداتك غريبة .. جورجينا : عدي بالله جننتني و انت بتعلق على كل كلمة .. عدي : ههههههههههههههه , انت يلي مجمعه من كل لهجة كلمة شو اعمل لك ؟!! ********************************* امل : ماهر عرفت اخر كذبة للعشاق .. ماهر ببسمة و هو يشاهد التلفاز : لا و الله , بس منكم نستفيد , شو هي ؟؟! امل : بقولوا انه انت حبيبي و روحي و حياتي .. ماهر : ههههههههههههههههه , اه هاد قالوا , بس يلي بعده لسا ما سمعنا .. امل : ههههههههههههه بدي اروح على الصالون اليوم , و بعدين بدي روح عند اسيل , عاملين لبنت احماها حفلة حنا .. ماهر : اه هاي مو كذبه هاي حقيقة هههههههههههه , بس ما تخربي حالك قبل ما تروحي .. امل : هههههههههه ماشي , بس خلي عندك اسيد و اسيل .. ماهر : ههههههههههه اه استغلي الموقف .. امل بمكر : حاول بس ارجع يكونوا نايمين ... ماهر : اذا هيك من عيوني هههههههههههههه ******************************* عادل و احمد على التلفاز , خرجت احلام و اسراء و هن بقمة اناقتهن , فسأل احمد اسراء : وين رايحه ؟؟!! اسراء : الك عين تسأل , ناسي اني ما بحكي معك ؟؟! احمد : ولك و الله هاي هي يلي بتلاحق , ولك بشعة شو بدي احب فيها .. اسراء : يعني لو حلوه عادي .. احمد : انت ليش بتحرفي الكلام!! تجاهلته و خرجت فتبعتها احلام , و لكن اوقفها سؤال عادل : وين انت كمان ؟؟!! رايحه من دون و لا كلمه ؟؟!! احلام بغضب : اتوقع انه لحد الان انا كمان ما بحكي معك , و اساسا مستغربه منكم الاثنين ليش لحقينا , وين ما بنروح بلاقيكم بوجهنا ؟؟!! عادل : احلام ما تنرفزيني , و احكي لي وين رايحه .. احلام : اطمن مو رايحة على مرقص , رايحين على حفلة ببيت صاحبكم جواد .. عادل : طيب ليش بتحكي بعصبية ؟؟! احلام : عامل حالك مو عامل شي ؟!! عادل ببسمة مكر : احلام مو بدك تشتغل , انا خليتك تشتغلي و تاخذي راحتك كمان .. احلام : اه لحالي , انا باربع حيطان , بعدين انا شغلتي ممرضة مو بالارشيف و الملفات .. عادل : انت حكيت بدي تثبتي حالك و تشتغلي , و انا امنت لك هالشي .. احلام : خليني اروح احسن لي .. عادل ببسمة : الله معك حياتي .. خرجت فوجدت اسراء بوجهها , سألتها : ليش اتأخرتي ؟!! احلام : ههههههههه , و لا شي , بس اعملت زي ما اتفقنا , حكت لعادل بس سالني وين رحنا , و كمان شعرته اني مقهوره من شغلة الارشيف .. اسراء : برااااااافو عليك استغلي الظروف مثلي , ههههههههههه احلام : و الله ريحني بشغلة الارشيف , ولك اول شوي و كان بده يحط بايدي و ايده كلبشا , وين ما يروح اكون معه , ههههههههه هيك بيجيوا البنات و بنطق حنك و بنشبع سوالف و الشغل مريحيني على الاخر , و خاصة بس دربتني يلي كانت قبل .. اسراء : شفتي , لو سمعتي كلامي من اول و بلا مشاكلكم الفارطه .. احلام : ههههههههههههه , بس ما احلى شكله و هو مبسوط انه قاهرني .. ******************************* جلست رحيق بارهاق و قالت : اوووووووووووووف و اخيرا خلصت الحفلة , و الله اتعبت .. اسيل : و الله يلي بده الدح ما بقول اح .. رحيق : ههههههههههههه انت و امثالك الغريبة , اسمعي شفت امي و هي تجحر فيّ و انا ارقص هههههههه , قال بدها اكون عروس راكزه , هههههههههه ولا سيدات المجتمع كيف طلعت عيونهم من راسهم , و الله قعدت اقاهر فيهم لشبعت , قال شو بحكوا لامي , ليش كل زواجات اولادك مو بمستوى ابو جواد , و انه تيته الله يرحمها لو كانت عايشه لانقهرت .. ابتسمت اسيل بود : و امك شو ردت عليهم ؟؟!! رحيق : قالت لها ابن العالم و الناس بياخد بنت يعزها و تعزه , احسن ما ياخذ منصب و زوجها داير ورا الرقصات , هههههههههههههههههه , يا حرام هاي المره زوجت بنتها لواحد هيك , و الله المسكينة حالتها بتحزن , و المشكله البنوته اموره بس امها ظلمتها بس زوجتها اله .. اسيل : بلكي هي كانت بدها اياه ؟؟!! رحيق : لأ , انا بعرفها كانت تحب واحد تاني .. اسيل : يا ستي , كل حد بنام على الجنب يلي بريحه , و بجوز ربنا يصلح حال زوجها .. رحيق : و يصلح لسان امها , اميـــــــــــــــن يا رب .. اسيل : صحيح ولك شو قصة سهى بنت خالك ؟؟ متى لحقت تتزوج لحتى تتطلق ؟؟!! اليوم و انا اسمع قرايبكم بحكوا عنها انصدمت .. رحيق بحماس : يييييييييييييي انت ما بتعرفي عنها , ولك هاد ايام ما كنت زعلانه , حكت امها انه جايه عريس بده يتزوج و ياخد مرته و يسافر بسرعه لانه هو مقيم بامريكيا , المهم تزوجت بجوز بعد ما ابوك توفي بشهر , و هاي من كم اسبوع راجعه و بتقول انه هامل و شغل نسوان , بس هو حكى انه اتزوج وحده عربية تصونه , بس للاسف لو اخذ اجنبة اسلمت كان احسن له , و صار حكي و قصص , بس حاسه انه سهى الكذابه لانه هو يلي طلقها .. اسيل باسف : الله يستر على خلقه .. رحيق بمكر : اسيل اقولك كيف سهى وافقت عليه .. اسيل ببسمة جانبية : شوفي صرت حافظتك , لهجتك بدل على شي بدك تجاكريني في , فما بدي اعرف .. رحيق : هو اولها بجلط , بس اخره رح يبسطك .. اسيل : خير شو في ؟؟ رحيق : بتعرفي اول ما اجاها العريس لسهى , رايحه على مكتب جواد , و المهم يومها جورجينا كاينه جاي عنده و على فوتتها كانت سهى طالع بتبكي , سألت جواد بالاول ما رضى يحكي , و بالاخير قايل لها , انه جايه تقوله انها بتحبه , و انها عارفه انه مو مرتاح بزواجه , و المهم شوية هبل و بالاخير عرضت حالها عليه , بتتخيلي ؟؟!! اسيل بقهر : يخرب بيتها , ولك هاي شرش الحياء طقيته , هاي بس هدفها تدمر حياتي !! رحيق : ههههههههههههههههه , طيب هدي , ههههههههههههه كل هاد حب باخوي .. اسيل بقهر منها : ولك و الله لو مو بكرا عرسك كان هسا عملت فيك عجايب .. رحيق بمكر : ما بدك تعرفي رد جواد .. اسيل بثقة : اكيد بهدلها , ما بدها اثنين يحكوا فيها .. رحيق : ههههههههههههههه , شو هالثقة ؟؟!! اسيل ببسمة : جربته اكثر من مره و راقبت نظرته , ولك اول رجل بشوفه ما بنتبه على نظرات البنات , ولك و الله بالمره ما بشوف ابدا , ههههههههههه ... و بس يجاكرني ببنات , بجاكر ببنات ممكن اشك بحالي و فيهن لأ , ولك بجاكرني ببنت ام احمد .. رحيق : رولا ؟؟!! يلي عينها كاسره ؟؟ ولك يا حرام هاي مسكينة و فوق هيك عندها ضعف , اشك انها بتشوف جواد ... اسيل : هههههههههههههههههه , ولك و انا بسايره انه جد بغار .. رحيق : بتسايري و لا جد بتغاري ؟؟!! اسيل : ولك يلي بغار منهم من جد بزحلقهن بهدؤ بدون ما يحس ... رحيق : زي السكرتيره ريما , ههههههههههههه يلي حبتيها و اصريتي الا ينقلها عندكم على الشركه , هههههههههههههه .. اسيل : ههههههههههههههههههههه , المشكله و لا حس بش .. رحيق : صدقي جواد حاس , بس بطنش ؛ ما بحب المشاكل .. اسيل : ههههههههههههههه , و انا هيك مرات بحسه , بس اخوكي قوي , ما بتقدري تطلعي منه شي ما بده يحكي .. رحيق : ههههههههههههههه زي قصة حبه الاسطورية , ولك بتستاهلي , لما حكى لك عن حبه , يومها كان بامكانك تعرفي كل شي , يعني اقل ما فيها اسألي كيف كان من 11 سنه بحبك .. اسيل : هههههههههههههه ولك بالله عليك لا تزيديها علي , ولك انا نفسي مو فاهمه كيف ما انتبهت على انه بحبني من عمري 15 سنه , ولك انا سمعت انه بحبني من هون و بطلت جمع من هون ... ولك فعلا اني هبله , و هسا كل ما افتح الموضوع بقلبه مسخره .. رحيق : هههههههههههههههههه , بتستاهلي , عشان ثاني مره تنتبهي .. اسيل بسخرية : هاهاها , على اساس لو سألته كان رح يحكي , ولك اخوكي ما بقول الا يلي ناوي يقوله , ولك هاد مخه ادغال من الخبث .. رحيق : ههههههههههههههههه ... طيب هسا فكيني من قصصكم .. اسيل بذكاء : ليش شو بدك ؟؟ رحيق ببسمة دلع : اســـــــــــوله حياتي انت ... اسل ببسمة : يلي بعده .. رحيق : مو اليوم حكت لي بتعملي لي كل شي نفسي في ؟؟!! اسيل بمزاح : لا حول و لا قوة الا بالله , قرفتيني من الصبح طلبات , خير شو بدك هسا كمان ؟!! رحيق ببسمة : بدي نضل اليوم سهرانين , مو تروحي على جناحك و يسكر عليك جواد و ما عاد نشوفك .. اسيل : هههههههههههههههههه , قاهرك جواد بحركته هاي .. رحيق : لا يقهرني و لا على باله , قاهرك الك , انا خلص رح روح من هاد البيت و اخيــــــــــــــــــرا .. اسيل و هي تقف : يلي بسمع بقول كاينه مثل رابنزل , ههههههههه حبسينك بالبرج و اخيرا اجى الامير .. رحيق : ااااااااااه و الله معك حق , و اخيـــــــــرا اجى الامير .. وين رايحه ؟؟!! اسيل : بدي احقق حلمك , بدي اروح اتحمم و ارجع , جهزي لوازم السهره , بدي ارجع الاقي كل شي جاهز .. ******************************** | ||||||||
|  |
|
12-02-14, 11:48 PM
| #112 | ||||||||
| مراقبة عامة ومشرفة منتدى الروايات المنقولة
| الجزء الثاني : سرح بافكاره مستغرقا بما حدث بالسنتين السابقتين , فسحر تلك الطفلة طغى على عالمه , و اجتره الى عالم مليء بالالوان و الجمال , جعله ينساق اليها و روحه تقيد بها , فلم يعد يستطيع الابتعاد عنها , و فرحته اليوم لا تقدر بثمن .. عيسى بتنهيده : ااااااااااااااااه , و الله يا جواد ما بعرف كيف مروا هالسنتين , ما كنت مصدق متى يمضوا و يخلصوا .. جواد ببسمة : عشان اخلص من نقك , و الله قرفتني بعيشتي ... عيسى : الله لا يحكمك على بشر , شو فرق عندك اذا تزوجنا و كملت الجامعة عندي ؟!! جواد : بدي اضمن انه هي عارفه تاخذ قرارها , مو قصص المراهقة مأثره عليها .. و بعدين على شو زعلان ؟؟!! ما انت كنت خاطبها و كابس على نفسها و نفسنا , و انت كل يوم بتوصلها و كل يومين الا تتغدوا سوى , ولك شوي و كنت بدي آجرك جناح ببيتنا .. عيسى : هههههههههههه و الله ما حد كان راحمني الا امك , ولا انت و ابوك و اخوانك قرفتوني عيشتي بزياراتي .. جواد : طيب شكله قصصك مطوله , انا خليني اروح اشوف مرتي .. عيسى : ما ازنخك بتقاهر اه ؟؟!! جواد : هههههههههههه , امي كانت بدها تخليك تيجي , بس رحيق ما قبلت , خذ حقك منها , ما بدك وصاة .. عيسى : ما توصي حريص , ههههههههههههه جواد : يييييييييي باين من اولها .. ابتسم جواد مفكرا , و استرجع تلك الذكرى الجميلة بحينها , و المؤلمة فيما بعد , فبعدما فاتحه عيسى برغبته بالتقدم لرحيق , فُجأ عند رجوعه للمنزل لمفاتحت رحيق بالامر , بسماع اسيل تطلب من رحيق الحديث مع عيسى , لم يريد ان يتقبل ان صديقه و اخته على علاقة , و ان من ملكت قلبه تشجعهم , لم يستطع تقبل تلك الصدمة ؛ و كلما وثق ان اعصابه تحت تحكمه , يضعه الله بامتحان اصعب , و لكن لا شيء يأتي ببساطة , و خاصة اذا كان اجره كبير , كاجر كاظمين الغيض , و اصبح ركن من اركان دعائه ان يكون منهم .. ************************ علاء : خلص حبيبتي و الله بنحكي بعدين , و بكرا بدك تحضري خطبة اختي , خليني اركز باللعبة .. يوووووووه انت ليش بتزعلي من كل شي ؟؟!! انا حكت لك انه هاد طبعي , ما بعرف جامل ... طيب .. خلص , ماشي بنتفاهم بكرا .. التفت نحو رحيق و جهاد و اسيل : يلا نكمل .. رحيق : يقطع الرومانسية يلي بتعرفها .. علاء : ولك هاد تكنيك , شو فهمك انت , العبي العبي .. جهاد : يا رب بس تتجوزا تطلع كل تكتيكاتك من عينك .. علاء : ههههههههههه , مفكر كل الطير يتاكل لحمة .. اسيل : انا طالبه سبعة .. علاء : احلى شريــــــــــــك .. رحيق : انا باس .. جهاد : هاد الشاطره في , بتقوميني , "يلا نلعب" , و بالاخير بتحرقي اعصابي على الفاضي , ليش ما تعليها ؟؟!! دخل جواد , سأل : شو بتعملوا ؟؟!! علاء و هو يدقق بورقه : بنلعب لعبة الختام لرحيق , على قولها ... جهاد : و الله اسمها لعبة القهر .. جواد تعال شاركنا .. نظر جواد لاسيل و سألها , و هو يخفي ملامح القهر : اسيل وين جنا ؟؟!! اكملت اسيل اللعب و لم تلتفت اليه : نايمه من زمان .. جواد بهمس و هو يجلس بجانبها : مو قلت لك استنيني ؟؟!! ليش قاعده هون ؟!! اسيل بهمس : و الله دبقت من العرق , و اضطريت اتحمم , و بعدين رحيق اترجتنا ما حبينا نكسر خاطرها .. ركز جواد باللعبة قليلا : انت بتلعبوا طرنيب ؟!! اسيل بصبر : اه جواد باستفسار : و علاء شريكك ؟؟!! اسيل ببسمة : اه و فايزين لحد الان .. نظر اليها بحقد , و التفت نحو اخوته قائلا : انا بدي العب , و اسيل شريكتي , و هاد كلام نهائي دبروا حالكم .. علاء : لا يا زلمه , صرنا مبلشينها , و احنا الفايزين .. جواد : عادي عيدوها .. جهاد : خلص علاء تعال مكاني , ما بدي العب .. ابتسمت كلا من رحيق و اسيل , و علمتا ما سبب فعل جواد لذلك , ففي يوم الرحلة الى العقبة , اكتشف جواد طريقة احتفال اسيل بالنجاح , فهي تحضن من يلاعبها ثم تبدأ بالقفز , و كانت هذه بوابة العبور لعدي و الافراج عنه بابعاد جهاد عنه و عن جورجينا , فلقد ساوم جواد على هذا السر مقابل الصلح بينهما , من ذلك اليوم منع اسيل من اللعب مع اي احد غيره او احد الفتايات , لانه حماستها بالفوز لا تستطيع كبتها .. ******************************** بعد انتهى الحفلة خرج المدعوين من الصالة , و كانت امل و جورجينا تتحدثان معا و مستغرقتان بالحديث , و فجأت ركض منذر مسرعا , فلحقتاه كلتاهما بسرعة خوفا عليه , كان عدي شاهد على الحدث , فركض مسرعا و سحب جورجينا و منعها من تواجز الرصيف , بينما امل اسرعت و امسكت بابنها , و بهذه الاثناء توقف السير , و السيارة التي كانت على مقربه صوت مكابحها تعالى , رغم انها لم تكن مسرعة .. بينما عدي انب جورجينا على تصرفها : انت مجنونه ؟؟!! سيارة كانت اقرب الك و مستحيل تلحق تضرب بريك بدون ما وقف , انت بتصرفاتك هاي رح تشليني .. بينما اكتفت جورجينا بالابتسامة , و شعرت بانها تحلق بالسماء عاليا , فاليوم كانت هي و حبيبته السابقة بموقف محرج , و اختارها هي , حمدت الله كثيرا على فضله عليها , فصبرها كوفئ خيرا , فهي لم تحلم يوما ان يفضلها عدي على حبه الاول , و اخيــــرا بادلها حبها له , لم تجرئ يوما على سؤاله , و لكن الان اتاها ما هو افضل من الاقوال , الافعال .. ******************************** مر اسبوع منذ تزوج رحيق و عيسى , و جواد ما زال غاضب من اسيل و كسرها لقوانينه و كلامه , جالس يطالع الجريده و لا يحدث اسيل , بينما فتحت اسيل جهاز الحاسوب المنقول , و شغلت اغنية لكاظم " لا تتنهد " و لم ترى منه اي رد فعل , ثم قررت تغير المعركة , فوضعت اغنية " اغازلك غصبا عنك " , ثم خاطبته : جواد و بعدين معك ؟!؟! يعني البنت طلبت مني افرح قلبها باخر يوم .. جواد : و انا مو مهم عادي برجع برضى .. اسيل : طيب اسبوع و انت متجاهلني ما بكفي ؟؟!! .. انا اشتقت لك انت ما اشتقت لي ؟؟!! نظر اليها بطرف عينه قم قال لها : في حد براضي حد بحط له , اغازلك غصبا عنك ؟؟!! و بعدين يلي زعلني انك بتلعبي مع علاء شريك ... اسيل بضحكة : ههههههههههههه و الله بطلت اتحمس باللعب , ليش مو راضي تقتنع ؟!!... طيب رح احكي لك سر , اساسا انا ما بتفاعل باللعب , و هاد عدي اقنعني اعمل هيك , عشان انت تسامحه .. التفت اليها جواد بتفاجئ : قولي و الله ؟؟!! اسيل : هههههههههههههههه و الله .. جواد ببسمة : هالولد ما بقهرني الا ذكائه .. اسيل بمكر : جواد انا حكت لك سر , ما بدك تقولي سر انت كمان ؟!! جواد : انا ما طلبت تحكي لي و لا سألتك , انت تبرعتي , ههههههههههه اسيل : جووووووووووووواد بعدين معك ؟؟!! متى بدك تقولي قصة حبك الخرافي ؟؟! جواد : هههههههههههه , بس ابطل حبك .. اسيل : جووووووووووووووواد , و الله جلطتني و انت مو راضي تحكي لي , صار لنا سنتين على هالقصة .. جواد : طيب الك مني وعد , اذا ما سألتيني عنه من هون لاسنتين , بحكي لك .. اسيل : و شو الهدف بالله ؟؟ جواد : ههههههههههه , بدي اختبر صبرك .. اسيل بقهر : هاهاهاهاها , طيب انا رايحه اليوم زياره عند خالتي فاطمه .. انتصب جواد و سأل بسرعه : ليش ؟!! اسيل بمكر مخفي : و لا اشي , بس بنت خالتي جابت ولد و انا بدي روح مع امي ابرك لها .. جواد : وين بدكم تروحوا ؟؟ على بيت خالتك و لا بيت بنت خالتك ؟؟!! اسيل : لا على بيت خالتي , لانه هي بتتنفس عند امها .. جواد : طيب استني لتروح على بيتها و بعدين روحي لها اسيل : و ليش يعني ؟!! بدي شوف خالتي كمان .. جواد : و فرضا كان فيصل هناك ؟!! اسيل : انا حكت لك , فيصل بحب غاده بنت خالتي التانية , و هي يلي اخت رعد يلي سمعتهم .. قاطعها جواد : بحكوا عنها , فهمت , بس انا انسيت اسم اخوه يلي كان بحبك .. اسيل بمكر : اااااااااااه قصدك حاتم , لولا ابوهم النذل و لا كنا انا و غاده متزوجين منهم .. رفع جواد حاجبه , ثم قال : اسيل يعني انت بس بدك تجاكري ؟!! قبل شوي كنت بتراضيني .. اسيل : و انت ليش ما تحكي لي عن قصة حبك الي , مع انه انا كل شي بحكي لك عنه .. جواد : ههههههههههههههههه , اه يعني مقهوره .. اسيل : المهم , هسا بدك تروح معي يوم الخميس على الدكتور ؟ جواد : ليش ؟؟ شو في ؟؟ ليش بدك تروحي عند الدكتور ؟؟!! اسيل : ما بعرف بس دورتي قاطعه .. جواد : معقول حامل ؟!!! اسيل : ما بعرف , انت شو بدك احمل ؟!! جواد : و الله احب ما على قلبي , جنا يصير لها اخت ... اسيل بقهر : او اخ .. ابتسم و سألها : لسا جنا عندي ابوي ؟!! اسيل ببسمة : يا حرام كثيـــــــــــــر متعلق فيها .. ****************************** جلست ام جواد بجانب زوجها و خاطبته : ما بدك ترجعها لامها ؟؟!! ابو جواد ببسمة : و الله ما شبعت منها .. قالت جنا بضحكة : داااا ههههههههه ابو جواد بضحكة : يا روووووووح داااااااااا انت .. ام جواد ببسمة : و الله اولادك ما كنت تلاعبهم هيك .. ابو جواد ببسمة : بتغاري ؟؟!! ام جواد بانكار : ياااااااااااااااا ويلي , بدي غار من حفيدتي .. ابو جواد : هههههههههههههههههه , اه مو بحبها اكثر .. ام جواد ببسمة : بدك تعمل زي جواد , هههههههههههه .. ابو جواد : و الله هالاسيل بتجنن .. ام جواد : الحمدلله , ربنا انعم و فضل علينا .. ابو جواد : شو يا روح جدو انت , ليش نكدتي ؟!! ام جواد : هي بس تنعس بتبلش تتنكد , هات ابعثها لامها .. قبل ابو جواد حفيدته , ثم اعطاها لزوجته : و انا كمان بدي ارتاح شوي .. ام جواد ببسمة : شكلك ختيرت .. ابو جواد : الحال من بعضه .. ام جواد بمزاح : لاااا , بالله شو ؟؟! انا لسا بشبابي , ههههههههههه ابو جواد : الله يستر على الصبغة بس , ههههههههههههههه ***************************** بعد تمانية اشهر من ذلك الحدث .. جواد بقلق : اسيل انت رح تخلفي يلاه حبيبتي بلا عناد و خليني اوصلك للدكتور .. اسيل بالم : انا حكت لك , ما رح روح الا تقولي شو قصة حبك .. جواد باقناع : خلص و الله بقولك , بس بعد ما تخلفي , هسا يلاه خلينا نروح .. اسيل بالم : اااااااااااااااااه , جواد شو ما تحكي , ما رح اقتع بشو ما تقول , بدي اعرف , و انت حر .. جواد بتهدأ : طيب , طيب ... و الله ناسي حتى اسمي .. اسيل بالم : اااااااااااه , مشان الله جواد بسرعه احكي .. جواد بارتباك : كنت .. كنت ... اووووووووف يا اسيل , و الله مو زابطه معي و انا بشوفك بتتوجعي .. اسيل بالم : جواد خلصني قول .. جواد : طيب طيب , انت بتعرفي انه انا و ابوي ما كنا متفقين و دايما مشاكل , المهم ايامها كنت راجع من برا و مخلص دارستي و متشجع بلش شغل , و متخيل انه ابوي رح يرحب فيّ و ما يصدق انه اتخرجت ... المهم مر شهر و هو بطاوش معي عشان ارجع و اكمل دراسة , هيك .. المهم ايامها من القرف ارجعت اعمل كل شي ابوي بكرهوا , طوش , سجن , رجعات اخر الليل , حتى تعرفت بالسجن على مجموعة شباب .. اسيل مشان الله خلينا نروح و الله قصة طويلة , و خايف هسا يصير فيك شي .. اسيل : اسمع جواد , انت شكلك بس بتتحجج , مو ضروري تقول كل شي المهم كيف شفتني .. جواد : اووووووف منك و من عنادك , المهم يا هبله , هدول الشباب كانوا ببيعوا مخدرات و رحت عندهم كذا مره , حاولوا اتعاطى او اروج , بس ما كنت حب اسلوبهم , بالاساس انا لولا انه بدي اقهر ابوي بجوز ما عرفتهم , كان نفسي يمسكوني معهم و اخلي ابوي ينفضح , المهم بيوم وصلت بابوي يمد ايده علي , انقهرت و ما اجى ببالي الا اتعاطى و اندمج مع شلة الشباب هديك , بعرف اني كنت شب و مو صغير , بس و الله اكثر شي بقهر بالحياة , انه الناس الاغراب , و على شرطك محترمين و الهم مركزهم بالحياة زي دكاترتي مثلا , بحترموني و بقدروني , وبس ابوي يلي لازم يكون جنبي و يفهمني , بعاملني زي الحشره , بعرف انه انا كمان كنت فترتها عصبي و شايف حالي بجوز , بس و الله كان كل املي و همي انه ابوي يشوفني , فيك تقولي اسلوب تعبيري كان غلط , و ابوي ما كان قادر يفهمني او يتنازل فترتها و هو يلي يحتويني ... ياااااااااا ربي , من جهة بدي فهمك افكاري و مشاعري و من جهة ماكل همك .. اسيل باقناع : جواد على فكره الطلاق باوله , و كل ماله بقرب , يعني هسا بينهم نص ساعه , فبقدر اتحمل .. جواد : طيب امشي معي بالسيارة بحكي لك بطريقنا .. اسيل باصرار : انا من مكاني هاد مو متزحزه الا لما تقول كل شي .. جواد : ماشي , ماشي , انت الخسرانه , اذا صار لك شي رح تندمي .. اسيل : عادي .. جواد : المشكله صايره مثل البلون , كيف بدي شيلك ؟؟ اسيل : جووووووووووووووووواد .. جواد ببسمة : خلص فضحتينا , و الله و انت تتوجعي ما صرختي هيك .. اسيل : انت يلي شكلك مو فارق معك , رح موت و انت لسا ما خلصت قصة حياتك .. جواد : المهم يا ستي زي ما قلت لك , كنت مسرع و بطريقي عندهم , و اذا بتطلع ست كبيره بالعمر قدامي , بحاول اضرب بريك , بس فجأة الست الكبيرة حد بيسحبها من على الشارع , و مع السحبه بتوقع الست الكبيرة على البنت يلي حاولت تنقضها , و بدل ما هاي الست تشكرها بتبلش بهادل , انا بس استوعبت شو صار نزلت شوف الست و البنت , يلي الست كبيره وقعت فوقها , بلاقي الست راحت و البنت بتكت بحاله , بسألها شو مالها , بتبهدلني و بتقل قيمتي , و فوق هيك بتعطيني درس , بتعرفي يلي فجأني من كل الموضوع انها ما ردت على الست الكبيرة , و ما عبرتني و اعجبت فيّ زي مو متخيل , هسا مو غرور بشكلي , بس على الاقل السيارة يلي بسوقها ما بتخلي حد ما يعبرني بالعاده حتى لو بنظره ... بدك الصراحة اول مره بنخرس قدام حد معصب و ببهدل .. اسيل بشوق : ايوه ؟؟ و مين هاي البنت .. رفع حاجبه جواد : انت بطلت تتوجعي ؟؟ اسيل باستعجال : حكت لك بين الطلق و التاني نص ساعة , يلاه كمل .. جواد بتنهيده : المهم تركتني و راحت , و ما لقيت حالي الا بلحقها , و صرت كل يوم الا امر بسيارتي و اوقف بسيارتي اراقب بيتهم , ما بعرف ليش بوقتها كنت بعمل هيك , بس هيك عملت , وصرت شوفها و اراقبها , و اكثر موقف عجبني الها , مره كان شب بلاحقها و هي ماشية بطريقها , و شكله بلاحقها من لما طلعت من المدرسة , و غالبا كان بسمع كلام , بس هي ضلت ساكته و انا كل هاد براقبهم , و اول ما وصلت بيتهم تفت عليه و فاتت على بيتهم , و بعدها بيوم اجى الشب و معه مجموعة شباب و شفتهم و هم براقبوا البيت , و اول ما شافوها طالعه من البيت لحقوها , بصراحة خفت , يعني بنت و الساعة سبعة صبح و لحالها , قلت الا بدهم يعملولها شي , لحقتهم و بس حاوطوها وقفت و طلعت عليهم و حكت معهم كلام سمعت منه طراطيشه , و كان بس انه هي ما بتقدر عليهم , و اكيد هم عاملين احسابهم حتى يعملوا لك شي و يهربوا , بس اذا اخذوا منك شي او اذوكي ما رح يكون همك بالدنيا الا تنغصي عليهم عيشتهم لاخر يوم بحياتهم , و يلي شايف انه قد وحده بايعة الدنيا يقرب , سمعوها للبنت كم كلمة و حالوا يخوفوها , بس و لا حركوا فيها شي و ضلت تتطلع عليهم باحتقار , و بالاخير راحوا , بتعرفي يومها تخيلت تبكي , تهرب , بس قوتها و هي تحكي خلتني انا اخاف , حسيت عيونها بتقدح شرر , قررت و قتها اتدخل , بلشت اصرخ من عندي و اعمل حالي بنادي على ناس , هربوا الاولاد و كمان هي بعدت , و بس انا خفت عليها و لحقتها , شفت كيف استندت على الحيط و قعدت على الارض تبكي , و الله كان نفسي ارجع و امحيهم , هو صح ما قصرت بعدها , بس حتى ولو قهري يومها منهم بتسوى عمرهم , كنت حاب ادخل من البداية بس شي ربطني و خلاني شوف كيف تتعامل معهم , و بس بكيت كنت بدي اوقف كمان معها بس حسيت رح خوفها اكثر , من يومها جذبتني و قررت هاي البنت رح تكون الي , و رح كون احسن شخص بالعالم و اتحمل يلي ما كنت اتحمله بس عشان ربنا يكرمني فيها ... ما تركت عادتي وصرت اراقبها و كنت استنى اليوم يلي تكبر و تتخرج لتصير مرتي .... ااااااااااه , هسا شو رأيك نروح على الدكتور ؟؟!! اسيل بحزن : يــــــــــــا الله من هداك الوقت يا جواد و انت تعرفني ؟؟!! طيب ليش مو متذكريتك ؟؟!! يعني الاحداث بعرفها و بتذكر سيارتك و قديش كانت تقهر شباب حارتنا , و بعرف انه عدي تعرف عليك و ضرب مع صاحب السيارة صحبة , بس مو متذكره او رابطه الاحداث معك ... قابلها الصمت , فقالت بحسم : جواد كمل .. جواد بسخرية : شو اكمل !! اسيل : جـــــــــــواد ... جواد ببسمة باهته : شو بدك تعرفي ؟؟!! كيف تقبلت خبر خطوبتك ؟!! .. اقل شي اقولك انقهرت , و العرض يلي ابوي كان اله سنتين يقنعني فيه شفته حبل النجاة الي , تركت لك الاردن و رحت , بس ما قدرت ما اخذ اخبارك , عيسى صاحبي كان طالب من اخته امل تتعرف عليك , طبعا بعد ما كنت حكت له , و خاصه انه كان ساكن بمنطقتكم , و هو يلي حكى لي انه اخته امل بنفس مدرستك , سألته امل ايامها ليش تتعرف عليك , حكى لها اخت صاحبي و حاب تتعرف العائلات على بعض , و انا بطبيعة الحال كنت ايامها متعرف على عدي اخوكي و معرفه على عيسى ... المهم ما تركت الاردن الا لما أكدت على عيسى يدير باله عليك , و كنت منشئ شركة التصميم الداخلي , يلي كنت ناوي تكون الك و تشتغلي فيها اول ما تتخرجي , و طبعا من فلوسي انا و استثماري انا , وقبل ما تسأليني كيف عرفت انك بدك هاد التخصص , بقول لك اكيد من امل ... مرت سنتين خطبتك على قلبي زي الجمر , انشأت هناك شغل النا , بس يلي خلاني اتراجع عن اقامتي هناك هو خبر المشاكل بينك و بين رامي , حسيت في امل انه تكوني الي , و انه ربنا كافئني على رجوعي , و فعلا انفصلتوا بس كل يلي بعرفهم نقلوا صورت حقدك على رامي , و الاشياء الغبية يلي كان يعملها فيك , قررت اتركك لحتى تستقري حتى اتقدم لك , بس خليت عيسى يتأكد من امل انه تقدموا اوراقكم لشركتي , هههههههههه كان عندي امل تبطلي حوله و تشوفيني .. اسيل : ههههههههههههههه , ااااااااااااااااااااه هسا فهمت على جورجينا شو قصدها اول مره شفتها فيها , ههههههههههههههه ... انت كنت تيجي كثير على شركتنا ؟!! جواد : ههههههههههههه , لا ابدا سلامتك , بس كنت اوصل جورجينا كل يوم و ارجعها , ههههههههههه المسكينة بعد ما تزوجنا طنشتها , ههههههههههههه دايما بتأسفني باني رخيص , ههههههههههههههه لانه بعتها من لما اتزوجتك .. اسيل : و قصة زواجنا الصوري ؟؟!! جواد : ابدا كانت خطة فاشلة من شب يأس .. اسيل : غلط , كانت خطة رائعه من شب ارووووووووووووووع .. رفع جواد حاجبه مستفسرا : مو ملاحظه انه مر اكثر من نص ساعة و ما توجعتي ؟؟!! اسيل ببسمة : بجوز انذار كاذب ؟؟!! رفع جواد كلا حاجبيه , ثم قال و هو يقترب منها و يحاوطها بيديه : انذار كاذب حكت لي .. اسيل بضحكة : جواد بالله عليك لا تضغط بلاش يصير بالبيبي شي .. جواد : هههههههههههه لا باين كثير انه خايفه عليه , ليش بتكذبي علي ااااااه !! اسيل : ههههههههههههههه , و الله انت يلي ما زبط معك الا هاد الاسلوب لتعترف .. جواد بمكر و هو يضايقها : و فكرت مين هاي ؟؟!! اسيل : هههههههههه , جواد بالله عليك و الله ضايقت بطني .. جواد : قولي مين بالأول ؟؟!! اسيل ببسمة : فكرتي انا .. جواد : يعني مو عدي , مبارح كنت عندهم اكيد هو يلي اقترح عليك صح ؟؟!! اسيل : جووووواد , ابعد و الله تضايقت . ابتعد جواد و هو يضحك : ههههههههههه , ولك ما بقهرني الا ذكاء اخوكي الخبيث .. بس انت و هو الا ما اعاقبكم .. اسيل بمزاح : انت ما بتزهق من العقابااااااااااات ؟؟!!! و على فكره هو مو اخبث منك , يعني كان يشوفك بحارتنا و مستنر , و ما عرف انه كله عشاني ... جواد و هو يقلد صوتها : كله عشاني ... مبسوطه على حالك ؟!! هههههههههههههه بالله لما يشوف كتب و اوراق المشروع و بلاوي سوده بالسيارة , هاد عدا خزانة الأواعي يلي بالسيار ة , كيف بده يشك ؟؟!! اسيل : وليش كل هاد ؟؟!! انت كاين عايش فيها ؟؟!! جواد : هههههههههههه ولك كنت اعيش فيها اكثر من بيتنا , يعني عشان اخفف من المشاكل و بنفس الوقت اهرب منها .. اسيل بمرح : و عشان مين كمان ؟؟!! جواد ببسمة : عشان روحي , يلي كانت ساكنه بحيكم .. حدثته اسيل و هي تحضنه : بتعرف بحمد ربي على الصدفة يلي جمعتنا , و بحمده اكثر على عنادك و صبرك لحتى صرت ملكك , يعني فيك تقول , صدفة حضنك لمني و عنادك حضن قلبي ... بادلها جواد الحضن و قال : هاي مو صدفة , هاي رحمة من ربي .. اسيل : اكيد رحمة , يلي خلاني بعيونك ملاك .. جواد و هو يقبل خدها مبتعدا : اميرة , خلاكي اميرة بعيني يا اميرتي ... ارجو ان يكونوا ابطالي تركوا اثر طيب لديكم , و ارجو ان تكون رواية ناجحة بدأ مشواري معكم منذ اشهر ليست ب قليلة , شاركني بعضكم تطورات روايتي منذ البداية و الجزء الاخر انظم و اضاف طابعه و ترك اثره , بصدق اود ان افرح بوجودكم و التعرف عليك و بانهائي لروايتي و انا بكامل الرضى عنها , و لكن الحزن يستملك ارجاء قلبي بوادعكم , بوداع ردودكم و ارائكم و فكركم الجميل , اشكر حروفكم و اناملكم و عيونك و عقولكم المبهرة , اشكركم لسمو اخلاقكم , احببتكم بالله و تركتم لي ذكرى جميلة , اضفتم لحياتي الكثير , و بالنهاية يقف الشكر و التقدير معكم عاجز , فلا اطلب الا من الدعاء ان يحضر و يضلكم بضله و ينقل خير الدعاء و افضله الى ربِ كريم تولى جزاء من هم بروعة قلوبك ؛ ارجوا منك الهي ان تفرح قلوبهم بالدنيا و الاخره , و ان تحشرهم مع الاولياء الصالحين , و ان تضلهم بضلك يوم لا ضل الا ضلك , و ان تسترهم فوق الارض و تحت الارض و يوم العرض , اللهم انهم اخوة لي فلا تفجعني بهم و لا تنقل لهم مني الا كل ذكر طيب اشكركم .. assyirt alhorrya أحلى بنتs $ غروري سر أنوثتي $ ملاك ينتظر نورتي انثى متفائلة سجى_الليل عبير المطر سر أنـــوثتـــي كبريائي سر سعادتي رهوووفا المهره العصيه كيوي وليمون جبرني الوقتـ فيتامين سي احلامي تعلو بي الى السماء جود الدنيا رغمـ الالمـ يبقى الاملـ meshaa sara-07 MOOGAH احلام بنوته.. future dream رحوبه الرشيدي 5doooj -Esoo- Lama9 nono-00 احلى بسمة 1405 اسيره مشعل siwon nana lala ندى الفجر نورالكل الـبَـرَاءَة for my dream شهوة طاغيه #أرجوان# ميرة الدلوعة m7mo7h AM4L مكاويه أصيله بنوته وشفايف توته *-* متبلدة المشاعر جنوني يخصني اعلام الهدى بنت الشيوخ ماتحب الدلوخ العشق الجنوبي غغمآزه :$ همـــــــــــي ودنــيتي هبوش|habosh ظلمتني واقفيت doedee منير33 تى تى بك منهو بعدك مهم ..Nuna.. ملكة إحساااااس صمت اyنين sho_awr وردة الزيزفون تشوف الوقت ! شهوده المزيونه اضحك لعنبوها من دنيا !! ملكة نفسي ، اسيرة الصمت..! حياةة ~~ كل الحكاية ~~ رجل غامض ر.البدري بـٌـٌٌـٌٌٌـٌٌـٌيشُـُـو nahe24 لامارا زهرة الصبار هرجوان طيوبه2 sosoangle s.aiman fatmeh omnue2006 samora11 ساكنة القلوب تم ذكركم حسب عدد الردود ^_^ , استودعكم الله لموعد لقاء اخر .. | ||||||||
|
| |
|
18-02-14, 02:14 AM
| #115 | |||||||||
| مراقبة عامة ومشرفة منتدى الروايات المنقولة
| اقتباس:
الله يسلمك وآمين والكاتبه ليس لها روايات أخرى وشكرا يعطيك العافيه | |||||||||
|
| |
|
22-02-14, 03:40 PM
| #120 | |||||||||
| نجم روايتي ومشرفة سابقة وعضوة فريق الكتابة للروايات الرومانسية  
| السلام عليكم فيتامين سي بداية الرواية مرة حلوة حبيتها كثير و قولي آمين مثل ما ضحكتيني ربنا يفرحك كمان و كمان هههههههه صح خطيرة و دمك خفيف مرة بصي يا ستي أنا راح أقراها و لما أكمل راح علق الي رجعة يا سكرة | |||||||||
|
| |
|
| مواقع النشر (المفضلة) |
| الكلمات الدلالية (Tags) |
| /للكاتبه, أمنى, الورد, حضنك, رياحين, صدفه, وعنادك, قلبي |
| أدوات الموضوع | |
| انواع عرض الموضوع | |
|
|
10Likes
.png)
.png)
العرض العادي
