عليك قلبي من حرقة الشوق خفاق للكاتبه /عيونك دنــــــــــــــياي (مكتملة )

[فيتامين سي]

الفصل الرابع...................


نزل سعود تحت عند امه وسلم عليها وبيطلع الحين الساعه 7 وربع..

ام نواف/ يمه سعود لاتطلع والله قلبي ماكلني من اليوم ماادري شفيني احس بيصير شيء يمه..

سعود حب راس امه ومسك ايدها / يمه بديتي تخافين ...يمه مو صاير الا الي الله كاتبه ولو الله كتب شيء بيصير حتى لو اني بغرفتي ومصكر على نفسي دعواتك انتي بس...

ام نواف/ طيب وين بتروح..

سعود / يمه اليوم مو سهران معهم ساعه وراجع واحد من ربعي يبيني بروح اكلمه وارجع..

ام نواف/ ومافي سهر اليوم بتجي وتسهر معي انا امك ...

سعود / ان شاء الله تامريني شي يمه..

ام نواف/ لا ياحبيبي روح الله يوفقك ويحميك ويسعدك بحياتك..





ابتسم سعود لدعوة امه وطلع ..وعلى ماوصل الشقه كانت الساعه تسع ونص وخمس جلس ينتظر نايف دق عليه شفيه تاخر جواله مقفل ياربي وينه..شغل التلفزيون وجلس يتفرج..انفتح الباب ولف شاف ياسر ومحمد..انقهر من داخله لانه توقع نايف الي مسوي كل هذا سوا نفسه ماشافهم..جاء محمد عنده..

محمد/ماشفت نايف...

سعود / لا هو كان يبيني بشغله وللحين ماجاء..

محمد/ ادق عليه مقفل جواله مادري وينه؟؟.ولف على ياسر./ياسر جيب الاغراض ماعندنا وقت..

سعود كان يغلي من داخله وين نايف..

شوي وطلع ياسر من الغرفه ومعه شنطه..

محمد/يله ياسر وانت اذا جاء نايف قوله خلاص ياسر اخذ كل شيء له والباقي الي له حلال عليك ..وناظر في سعود وراح..



نزلوا وتركوا الباب مفتوح..وهم تحت شافوا سيارات الشرطه بتحوطهم ركبوا سيارة ياسر ومشوا بسرعه سرعتهم ماخلتهم يشوفون الطوب الي كان على جنب الطريق ومشوا بسرعه وصدموا فيه ومن شدة السرعه انقلبت السياره ..

سعد /مبارك اتصل على الاسعاف بسرعه وانا بطلع للي فوق قبل مايهرب..

مبارك / خلاص يله...وطلع سعد وكم واحد للشقه..

دخلوا وشافوا سعود معطيهم ظهره ويتفرج على التلفيزيون وهو يتافف..

سعد/ اوقف وارفع يدك..

سعود استغرب الصوت لف وشاف الي صدمه او الي ماتوقعه..

سعود/ انا..

سعد/ ليش شايف غيرك..

وقف سعود وراحوا له ظاابطين وكلبشوه..

سعود / شسويت عشان تمسكوني.

سعد / يعنني تسوي روحك ماتدري..

سعود/والله مالي ذنب بشيء ولا لي خص كله منك يانايف..

سعد / هناك بالمركز بيبان كل شيء.امشي قدامي..

سكت سعود مومصدق الي صار مو معقوله انك تكون جالسه بهدوء ويدخلون الشرطه وياخذونك بتهمة انت مالك خص فيها احساس صعب...

نزلوا وركبوه بالسياره..سعود /ممكن اتصل بخالي بس عشان اقوله اني معكم ويعرف مو يجلس يدور علي..

سعد / احنا بنتصل بالبيت وبنخبرهم..

سعود / لادخيلك امي وجدتي هناك واخاف لو وصلهم الخبر يصير فيهم شيء مو ناق بلاوي..والي يسلمك خلني اكلمه..

سعد / خذ وتراهها مسؤليتي انا والا ممنوع اخليك تكلم..

سعود دق على تركي..

تركي/هلا..

سعود/ هلا تركي انا سعود..

تركي/ سعود من وين تكلم..

سعود/مو مهم من وين لاكن اسمع مسكوني مكافحة المخدرات وانا والله يشهد مالي ذنب بس انت لاتعلم احد تعال انت وعمي راشد للقسم وقول لامي لاتنتظرني لاني بسهر واذا قالت ليش مادق قولها دق على البيت ومحد رد ودق علي اعتذلها وعدتها اسهر معها قولها صديقه بالبمستشفى وبيرافق معه ومتى ماطلع بيجيك...ولاتتاخر..

تركي الي منصدم/ خلاص الحين بمر على ابو فيصل ونجيك انتبه لنفسك..فمان الله..

سعود/ فمان الكريم..وصكر وعطا سعد الجوال وشكره...

سعد استغرب هو قلبه يقوله ان هالولد مو من حقين المخدرات يحسه طيب وخصوصا يوم كلم خاله ووصاه على امه..بس عمله علمه انه مايغتر بالمظاهر ابد...





وصلوا للمركز ودخلوا سعود بالحبس ..سعود مستغرب او مو قادر يقتنع كل هاذي الحداث تصير بساعه وحده..يمسكونه ومو باي قضيه قضية مخدرات ..هالقضيه بتخسره كل شيء امه الي يتمنى الارض تبلعه ولاتدري بهالخبر...بيخسر احلامه والي تمناها زوجه له وكل هذا وهو ماله ذنب في شيء...وينك يانايف انا متاكد انك مو انت الي دبرت هالشيء بس ليش ماتطلع وتريحني.....

************************************************** **

[فيتامين سي]

الفصل الخامس...........



في المستشفى.....

الظابط مبارك/ كيف حالتهم يادكتور...

الدكتور/ ياسر دخل بغيبوبه بسبب ان الصدمه جات براسه اما محمد شوية كسور وهذي نتايج الاشعه كلها توضح ان ماعنده كسور داخليه بس بالرجل واليد اليمنى..

مبارك/ ممكن ناخذه اليوم...

الدكتور/ ايه تقدر بس خليهم يخلصون من تجبيس ايده وخذه...

مبارك / مشكور..وقال لاحد العساكر الي معه ينتظر محمد يخلص ويجيبه للمركز ..وراح هو يبي يشوف المتهم الثالث....( دنيا ياسعود صرت متهم )....

وفي الطريق اتصل على صديقه خالد الي يشتغل بنفس الشغله بس بالشرقيه....

خالد / هلامبارك.

مبارك / هلا شخبارك....

خالد / الحمد الله وانت شخبارك وشخبار قضيتك؟!..

مبارك / والله الحمد الله ابشرك مسكناهم الثلاث وفي واحد رابع كثير يتردد على الشقه بس ماندري وينه بس مع الصبح بنعرف وين...

خالد / علمني اسمه يمكن القاه لك ..

مبارك/احنا مسكنا محمد وياسر ولقينا واحد اسمه سعود بالشقه وباقي نايف ومايحتاج تكلف على روحك احنا عممنا اسمه ومواصفته على كل الاقسام والمستشفيات والخطوط واول مايلقونه بيحولونه لنا بس الين الصبح ونعرف...

خالد/مبارك محمد وياسر من زمان وانت تقولي عليهم بس مين سعود..

مبارك / واحد اسمه سعود محمد بس مادري عن لقبه..

خالد/صغير بالسن...

مبارك / مادري اسال سعد هو الي في المركز الحين وانا بلحقه ..

خالد / طيب هو معهم..

مبارك / احنا مسكناه بالشقه وكان جاي قبلهم ويوم فتشنا الشقه لقينا كيس مخدرات وشكله طاح منهم او كان له هو...وعلمه بالي صار لياسر ومحمد..

خالد / طيب انا الحين استأذنك وان شاء الله بكره بدق وباخذ الاخبار...

مبارك / يله فمان الله اجل....



صكر خالد وجلس سرحان لو كان الي بباله لا لا مستحيل هالشيء..

نوره / خالد حياتي شفيك سرحان...

خالد / الشباب مسكوا حقين المخدرات وهم متلبسين...

نوره / طيب الحمد الله ..الله يجزاهم الخير الي ينظفون الدنيا منهم..

خالد / مسكوا واحد معهم اسمه سعود محمد..

نوره / واذا تعرفه يعني...

خالد / اخاف يكون سعود.....

نوره / سعود سعود ولد محمد الله يرحمه..

هز راسه خالد ...نوره / مستحيل يكون معهم...

خالد / مو شرط انه يكون معهم يمكن متورط معهم..قلبي يقولي هو...

نوره / دق عل سعد واساله وتاكد..

دق خالد على سعد وللاسف صدق ظنه سعود طلع هو سعود..بس لازم يتصرف ويساعده سعود مو راعي مخدرات ومستحيل يكون يتعاطى مخدرات لانه يبان..مايدري شيسوي..

خالد / باخذ اجازه وبروح هناك للرياض واشوف السالفه..

نوره / وبصفتك مين يخلنك تطلع على اسرا العمل.انك صديقهم مو صفه كافيه..

خالد /بدق وبحاول اخليهم ينقلون العمل من مركز الشرقيه لمركز الرياض ووبقولهم عندي ظروف مدة شهر ومااقدر اتركها ولااخذ اجازه عشان كذا هم مظطرين يوافقون علي بس خلني ادق الحين على المدير وبشوف...

دق عليه وقاله المدير ان شاء الله خير وهو اساسا مانتضر الموافقه خلى نوره تجهز اغراضها واخذها هي وولدها وبنتها ومسك خط الرياض...لان الموافقه او الرفض راح تكون بالفجر..مشوا وكان مسرع ووصلوا على الساعه 12.نزلها عند اهلها وقالها ماتقول شيء وراح للمركز,,,

**************************************************

دخل خالد للمركز .. وشاف تركي وابو فيصل..

خالد بعد ماسلم عليهم../ عرفت بالخبر وجيت هنا ابي اشوف شالسالفه..تعالوا انتوا واجلسوا هنا عند هالمكتب الي بيكون مكتبي لاني نقلت الشغل هنا.وبشوف السالفه وبرجع اطمنكم..

ابو فيصل / ماتقصر ياوليدي...

دخل خالد على سعد الي كانت معه اوراق القضيه الي بيبدى بالتحقيقات الجديه فيها من الحين وبيبدى تحقيقه اول شيء بتهمة محمد لسعود بانه مروج مخدرات لسعود اما مبارك راح يشوف ياسر الي بالمستشفى وبعدها بيروح يشوف واحد من معارفه يشتغل بالمطار هو كلفه يشوف اذا نايف سافر داخل او خارج المملكه ومتى بيرجع لو سافر.وهذا زميله كان عنده اخبار....

نرجع لخالد وسعد..........................

خالد / سعد شسالفة سعو بن محمد.؟!,

سعد / والله ياخالد باين عليه ولد ناس بس انت تعرف وظيفتنا علمتنا مانغتر بالمظاهر ابد , مع ان قلبي شك انه يكون مروج..

خالد / مروج؟!.

سعد /ايه هذي تهمة محمد له..واحنا لما قبضنا عليه وفتشنا الشقه لقينا كيس مرمي عنده ولكلام محمد وتهمته ادله وخصوصا ان سعود اول من جاء للشقه..

خالد / سعد ادري انك بتستغرب من الي بقوله صحيح عملنا لازم نسويه باخلاص حتى لو كانوا المتهمين اخونا وانا لو بقولك يمكن تفهمني غلط بس اعرف اني مهتم لاني اعرف اذا كان سعود بريء او مدان ولو بريء هذا بيكون عشمي فيه اما لو العكس صحيح بحزن بس لازم يتعاقب مثل غيره..سعود قريبي وانا اعرفه زين مستحيل يكون له عاقه بهالشيء..

سعد / احنا حللنا دمه وتوها جايه النتيجه ومثل مانت تقول هو مايتعاطى المخدرات وما بدمه ولو نسبه صغيره شيء منها..

خالد / يعني الحمد الله قلتلك سعود مايتعاطى..

سعد / وفي هالحاله ممكن يكون كلام محمد صدق او يثبت التهمه عليه انه يكون مروج..

خالد / ومحمد شقال....

سعد / قال ان سعود هو أي يعطيهم المخدرات ويروجها لهم والدليل انه كان بالشقه ينتظرهم..واحنا اليوم بيجونا الي كانوا المفروض يستلمون المخدرات بس احنا مسكناهم عشان نحقق معهم وبعدها يرجعون للسجن..

خالد / انا بدخل عمه وخاله لازم يعرفون وضعه لانهم جالسين على نار..دخلهم وجلسوا..

تركي/ سعود شوظعه الحين ياحضرة الظابط...

سعد / بصراحه موقفه خطير متهم انه مروج ومافي دليل يثبت برائته ..احنا استجوبناه وقال لنا انه ماله ذنب او دخل بالسالفه هو كان جاي لصديقه الي طلب يكلمه بموضوع وراح مالقاه وبعدين دخلوا ياسر محمد واخذوا شنطه وطلعوا وهو جلس يستنى الين مادخانا حنا لشقه وقبضنا عليه..وصديقه مختفي بس ارسلنا ظابط يسال عنه يقولون انهم عرفوا وينه..

خالد / بيضل بالحبس..الى متى؟

سعد / احنا بنحقق اليوم مع الي المفروض يستلمون البضاعه وبنشوف يعرفونه ولا لا..وحتى لو قالوا انهم مايعرفون بيكون دليل بس مو الدليل الي يثبت برائته لانهم مو شرط يعرفونه..لازم يقوم ياسر من غيبوبته ونستجوبه ونعرف اذا كان سعود له يد بالموضوع او مثل مايقول..

خالد / ممكن نشوفه...

سعد / الحين بخليهم يجوبونه ونادى العسكري وخلاه يجيب سعود..دخل سعود عليهم وسلم ومن شاف عمه راح له..

سعود/ عمي والله مالي ذنب انا تربيتك وتربيت امي ومستحيل اكون مروج او مدمن مخدرات صدقني اني مالي شغل بس جيت شان اكلم نايف الي مادري وينه ..

عمه / مصدقك ياسعود والله مصدقك ادعي ربك يفرج همك ويثبت الحق وهو ماراح يخليك

سعود / تركي لاتقول لامي قولولها سافر أي شيء بس لاتقولولها هالشيء..

تركي /لا ياسعود لازم تعرف امك بهالشيء انت يمكن تطول هنا وهي لازم تعرف وهي اكيد متاكده مثل مانا وعمك متاكدين انك بريء..

سعود نزل راسه كان يتمنى الارض تبلعه ولايدري انه امه بينقالها ولدك مسكوه بقضية مخدرات..

قام سعود حس ان السجن الي هو فيه لحاله ارحم على الاقل بيقدر ينزل دموعه ..وقبل مايطلع لف على تركي..

سعود وبالم /اذا قلتلها قولها اني مالي ذنب بشيء وانه تربيتها ماضاعت ومستحيل واحد

يطلع راعي مخدرات وهي الي مربيته سلملي عليها وحب راسها..

تركي /سعود ,,

سعود مالف عليه بس وقف..

تركي / ان شاءالله ياسعود تطلع ماينظلم احد عند ربك...

هز سعود راسه وطلع.....

************************************************** *****

دخل تركي ولقاهم جالسين بالصاله ...

ام نواف / هلا بالغالي شفيك مضايق ياتركي وزعلان..

تركي حس انه لازم يقولهم السالفه كلها/مو زعلان.. بس لازم تعرفون ان الشرطه مسكت سعود.....

بدريه حطت ايدها على قلبها/ وليدي قلتله لايطلع قلبي ناغزني من الصبح وقلتله لايطلع وقالي ماراح يتاخر..شمسوي ياتركي.

تركي بحرقه /قضية مخدرات......

هنا اغمي على بدريه ..الصدمه كانت قويه مره بالنسبه لها هذا ولدها الي تعتبره الى الان طفلها المدلل هذا له ميزه عندها بد عن البندري وعن نواف..

حنان راحت تركض لها /خالتي بدريه ردي علي ياخالتي

تركي / نواف خلنا نشيلها وندخلها غرفة امي حصه وانتي ياحنان جيبي مويه بسرعه..

شالها تركي ونواف ودخلوها الغرفه وحاولو يصحونها وبعد خمس دقايق قامت.. وكانوا الكل عندها بالغرفه ماكانت تقدرتتكلم بس تبي تسمع شالي صاير بالدنيا ولدها سعود يمسكونه وبتهمة وشو مخدرات.!,

الجده / شمسوي؟!,

تركي/ داهموا شقه كانوا عارفين ان فيها مخدرات وان اصحاب المخدرات بياخذونها وبنفس الوقت صادف وجود سعود وقبضوا عليه..

نواف / وليش يقبضون عليه نواف مو مدمن..

تركي/ هو مومدمن ولافيه ولانسبه من المخدرات بدمه هو ماله شغل .ومو هذا المهم المهم انه في واحد من الي داهموهم ومسكوهم اتهم وقال انه مروج مخدرات وانه هو الي يعطيهم وانه مايتعاطى مخدرات يمكن تثبت هالتهمه فيه..

نواف / اه يالخسيس مالقيت الا سعود تقول انه يروج..وهو شقال اقصد سعود.......

تركي/ سعود يقول انه راح للشقه بس عشان يكلم خويه الي الا الان مايدرون وينه...

الجده حصه / وهم بيحبسونه الين متى..

تركي /هم اربعه سعود ومحمد الي متهمه وياسر الي بغيبوبه ومتى مافاق منها بيحققون معه ويشوفون ..والرابع نايف صديقه هو مختفي من العشاء ويدقون عليه مقفل جواله هو يمكن متورط مثل سعود لان نايف شبه ساكن بالشقه..ادعوله ولف على بدريه..

تركي / بدريه ولدك قالي اقولك انه تربيتك ماضاعت وانه هو ماله شغل بهالسالفه وانه مستحيل احد يطلع مدمن مخدرات ولامروج وانتي امه وانتي الي ربيتيه..

بدريه وهي تبكي/ياحسرتي عليك ياسعود..

قرب منها وحب راسها / لايابدريه لاتبكين تطمني ان شاء الله ربك بيظهر برائته ..

بدريه / هذا وليدي ياتركي وماسكينه ومو باي قضيه بقضية مخدرات وشكله بيطول لاننا ماندري هذا متى بيلقونه ولامتى الثاني بيقوم من غيبوبته..

تركي / انتي ادعيله وقلتلك ربك مايظلم احد هو ماله شغل وان شاء الله قريب يطلع دعوتك مستجابه ان شاء الله ادعيله ياختي واعرفي واعرفوا كلكم سعود ماله دخل بهالسالفه...

طلع تركي وطلع نواف وبقت حنان والجده عند بدريه الي جلست تدعي ربها وتصيح..

***************************************

[فيتامين سي]

الفصل السادس...................................... ..



دق جواله رقم غريب رد ..

تركي / هلا..

المتصله / هلا..

تركي الي استغرب /مين معي..

المتصله / هذا مو جوال الجوهره..

تركي /لا مو هذا...

المتصله / اسفه اخوي على الازعاج مادريت شكلي غلطانه بالرقم..

تركي / لازعاج ولاشيء,,

المتصله/مشكور فمان الله..

تركي / فمان الكريم...وصكر.

تركي عجبه صوتها وجالس يفكر اكيد ناعمه صوتها يدل على هالشيء ..انا شقاعد اهذر هذا وقته وبعدين انا متزوج أي متزوج باقي على الزواج قريب السنه وتصير متزوج..ولو..بس عادي ماهو الا كلام ..كان تعبان ونام..وكانت اصايل تدق وتدق عليه ومايرد نايمم ولايدري على الدنيا..

************************************************** ***

اتصل سعد على خالد عشان يعلمه بالاخبار..

خالد/ هلاسعد شالجديد.

سعد / ابشرك ياخالد لقينا نايف..

خالد /وينه؟!.

سعد/سافر على طيارة الساعه 3 امس هو وامه لامريكا وشكله كان يبي يعالجها..

خالد / ومتى بيرجع..

سعد / حجز رجوع الاسبوع الجاي..

خالد /مده طويله...

سعد /حتى لو رجع بيثبت صح انه دق على سعود وقاله يجي..وحتى لو اعترف انه سعود ماله شغل هو ماكان متواجد اواقصد هو مثلهم ماله شغل ومحمد ماجاب طاريه بالتحقيق بس قال انه يسكن بهالشقه..لازم نسمع كلام ياسر.عشان نثبت برائته..

خالد / الله يسهلها ان شاء الله ومشكور ياخوي ..جاتكم اوراق النقل حقي..

سعد / العفو.....وايه الاوراق جاتني..ويله تتمسى على الخير..

خالد / وانت من اهله..

************************************************** ****

دخلت غرفتها بنتها نايمه وماتبي تقومها من نومها وفتحت الباب بشويش ومعها صينية العشاء الي مسويته لزوجها بيجي بعد شوي ..حطت العشاء على الطاوله..اليوم هو يوم عيد زواجها اليوم هي تزوجت بشهر 6 وحملت شهر سبعه وعلى نهاية شهر واحد ولدت اظراري بسبب الحادث والحين عمر بنتها 5شهور ونص..واليوم كملت سنه ايام تجري..

ولعت الشموع واخذت ملابسها ودخلت الحمام تسبحت وغيرت ملابسها وجففت شوي شعرها الي صبغته قبل شوي بالبيت باللون الاحمر...حطت مكياج خفيف من الي جابته معها بالحمام هي لو بتصلح هذا كله بالغرفه بتصحي بنتها ..تعطرت وطلعت بعد ماشافت شكلها الجديد الي بالصبغه ..ابتسمت وطلعت..وتفاجأت ان فيصل منسدح على السرير وحاط غلا فوقه ويلعبها وهي تضحك..ويكلمها((قلب بابا انتي ..وعطست غلا..الحمد الله ياغلوي باسها وجلس يلعبها وهي تضحك من الاصوات الي يطلعها ..حبيبتي وروحي انتي ياغلا الخبله))

البندري ابتسمت فيصل رجع مثل ماكان واحسن وهي الحين خلاص واثقه انه مستحيل يتخلى عنها وعن غلا لان غلا صارت جزء من قلبه وهالشيء باين عليه وعلى كل شيء يسويه لغلا...

البندري قربت / الله عليك الحين غلا حبيبتك وروحك وانا ولاشيء وين رحت..

فيصل ابتسم يوم شافها اساس هو كان مستانس من دخل الغرفه ولقا البندري مسويه كل هالاشياء البندري مانست ان اليوم عيد زواجنا الاول ومعنا طفله هو جابلها هديه وحطهاعلى السرير..قام وحط بنته على السرير وراح لها..

فيصل وبكل حب/ انت الغلا كله يام غلا..الله لايحرمنا منك انا وغلا..

البندري ابتسمت ../ شرايك؟؟؟وتناظر بالغرفه..

فيصل/ جنان الجو شاعري بصراحه بس الي بيخرب هالشاعريه اني جوعان وبطني بدت تطلع اصوات..

البندري / انا مسويه عشاء يحبه قلبك كل شيء تحبه سويته..بس عشانا اليوم بنحتفل بعيد زواجنا الاول..

فيصل/ عقبال مانحتفل بعيد زواجنا الميه..

البندري/ لاياشيخ شنبيبه واحنا اعمارنا فوق الميه ونحتفل بعد...

فيصل/ههههههههههه تراني ميت جوع يله خلنا نتعشى وخلني اشوف شمسويه..بس قبل تعالي اوريك هديتك..وراح للسرير واعطاها العلبه..

فتحتها وشافت الي فيها ومرره عجبتها..كانت سلسال كاتب فيه اسمها ومن ورى اسمه وهو وتركي راحوا يشترونه تركي سوى لااصايل وهو للبندري..

البندري/ مرررره حلو تسلم يالغالي..

فيصل/وانتي شجبتيلي..

البندري/هه ماجبت شيء يكفي لي ساعتينن بالمطبخ او اكثر وانا جالسه اطبخ لك..

فيصل/ مو لازم هديه انتي بكبرك احل هديه..

البندري/ خلنا نتعشى لاني حتى انا بديت اجوع..

وراحوا يتعشون وكملوا سوالفهم وسهرتهم وامانيهم ان الله مايفرقهم ويعطيهم العيال الصالحين ويديم الصحه والحب والسعاده بينهم....

(طبعا يمكن تستغربون ليش البندري بهالسعاده وماهمها سجن اخوها..الي كان امس منسجن..

وهي طبعا مادرت ماحب يقولها ابو فيصل لانه كان مأمل ان سعود بيطلع هاليومين..)

************************************************** ****

دخلت غرفتها..وهي ماسكه بطنها الحين ببداية السادس..

نواف/ هلا بالغاليه...

حنان ابتسمت له ابتسامه مصطنعه../ نواف اذا كنت تبي تتفرج على الفلم الي بيجي بعد شوي اطلع اتفرج عليه برى انا ابي انام روح الصاله..

نواف/ طيب الحين انا ساكت بس عشانك حامل وعشان ولدي او بنتي الي ببطنك لاكن انتي اولدي وشوفي شبسوي فيك ..وطلع..

حنان كاسر خاطرها وجلست تبكي تحس انها زودتها معه بس من جدماتقدر تستحمله لفت على التلفزيون وشافت القناه الي بيجي فيها الفلم وصكرت التلفيزيون ورمت الجهاز بعيد..

وجلست تبكي ونامت وهي على هالحاله...

************************************************** *******

كانت تطقطق بجوالها وشافت رقم هي داقه عليه جلست تفكر مين الي داقه عليه.وتذكرت ان اصايل دقت من جوالها لان جوالها مافيه شحن ايه دقت على خطيبها تبيه يجي ياخذها هي وحنان..كانت طفشانه لان الثنين الي هي تعرفهم ولااحد فكر يجيبلها هديه بمناسبة عيد ميلادها..كلهم مطفرين بس يعنني يسون قدامها..

وخطرت لها فكره انها تدق على هالرقم يمكن يصيرلها نصيب هي شافته وشافت اخو اصايل الي مسافر وشافت اخوها الي يصير زوج البندري..بس خطيبها احلى..

خلها تدق هي تدري انه يحب اصايل من كلامها مع سميه بنت خالتها بس مايم بتخليه ينساهااو حتى لو مانساها بس بتقوله يكونون اصدقاء..وعشان تنفذ الي براسها..

ارسلت مسج فيه شعر غرام وكانت تبي تجس النبض وفعلا الي كانت تبيه صار وهذا الرقم يدق عليها...

تركي الي من قرى المسج حس بشيء غريب هو مايدري ليش هالايام فكرة انه يرفه ويوسع صدره جالسه تدور حوله ..ودق..

العنود/هلا..

تركي/ هلامساء الخير...

العنود / هلا والله مساء الورد..

تركي / اختي غلطتي برسالتك مو انا الي تدورينه الرقم غلط...

العنود / اسفه الغالي لايكون يعني ازعجتك..او ضايقتك..

تركي / لاعادي لاضيق ولاازعاج...

العنود /طيب ممكن ندردش مع بعض شوي..

تركي طرت في باله اصايل حرام يخونها بس هو ماحب هالبنت عشان يقول انه خانها مجرد كلام ومره وحده بس..

العنود / الغالي وين رحت؟؟

تركي / معك بس شكنتي تقولين..

العنود / اسالك عنك..

تركي / انا تركي وعمري 23.. موظف حاليا ..

العنود /انا العنود وعمري 20 وادرس بثالثه جامعه..

تركي /أي قسم .؟.

العنود / اداره واقتصاد..

تركي / حلو بس دراسته يحتاجلها تركيز مره..

العنود /هههه انا امر من جنب التركيز..

تركي/ههههههههههههههه..

العنود / تسلملي هالضحكه..بس انت وين تشتغل وشتحب وش تكره؟..

تركي /انا اشتغل بشركة انسباي....اما الاشياء الي احبها احب(طرة على باله اصايل شكثر يحبها) النعومه والرقه والحب..احب الكلمه الحلوه ..واحب السوالف والضحك والفرفشه..اما الي اكرهها..اولها الانتظار(هو حاقد على الانتظاريكرهه له كم منتظر اصايل تخلص هالسنه ويتزوجون)..

العنود / الانتظار؟! كيف يعني..

تركي /انك تنتظرين شيء وتبينه يجيك اليوم قبل بكره ويطول انتظارك له..

العنود / ماحب هذا الشعور...

تركي /ولاانا....

العنود / اوكي ياتركي انت لازم تنام الحين وراك دوام بكره وانا ان شاء الله بكره بدق عليك..هذا اذا كنت تبيني ادق..

تركي / لادقي متى ماتبين..

العنود / خلاص اجل يله روح نام انت ويله مع السلامه..

تركي / مع السلامه...

اول ماصكر تركي حس قلبه بيطلع معقوله انه يكلم وحده غيراصايل حبيبته وزوجته بعد..

بس هي ليش ماتدق عليه وتساله عن اخباره..هي عندها اختبارات ومشغوله فيها وبعدين هو الي قالها لاتكلمه هالفتره عشان امتحاناتها..صحيح مو نهائيه بس مهمه..هو لازم اذا دقت العنود بكره يقولها انه مرتبط .. رن جواله وقطعت تفكيره النغمه الي حاطها ((كيف نخفي حبنا والشوق فاضح وفي ملامحنا من اللهفه ملامح عاشقين وحبنا طفل كبير.لو تزارعنا يسامح)) هذي اصايل الي مسميها نور عيوني مايبي يرد عليها ضميره بيأنبه ويحس بتعب ويبي ينام..حط على الصامت ونام...

************************************************** *******



دخلت اصايل الصاله ولقت امهاونوره اختها...

اصايل بعد ماسلمت جلست عند اختها..

نوره / سمعتي امي بتسافر بعد فتره..

اصايل ناظرت في امها/ليش..ووين..

ام طلال /يمه تعرفين ان اخوك طلال مرته بتولد ولازم اسافر معها هي لحالها.مسكينه..

اصايل / ومتى..

ام طلال/على نهاية الشهر هذا تكون بنهاية الثامن..وانا بروحلها وبقعد عندها لين تولد وتخلص اربعينها وبرجع..

اصايل / وانا بقعد بروحي..

ام طلال/لافي عندك نوره وابوك وبيت عمك راشد متى مامليتي روحيلهم وبعد زوجك عندك..

اصايل في داخلها..اي زوج لي يومين او ثلاث ادق عليه ولايرد وهو عارف ان امتحاناتي خلصت../لانوره بتروح عني..ماراح تقعد كل هالفتره..

نوره/ لابجلس الين ماتنتهي سالفه سعود على خير..يمكن نجلس شهر واسبوع هنا..

اصايل/يعني بتروحين بعد سفر امي باسبوع..

نوره / يله بلا دلع الي يسمعك يقول صغيره بتدخلين الواحد والعشرين.وتخافين وبعدين عندك ابوي..

اصايل / امرنا لله..

راحت امهم تنام وجلسوا يسولفون نوره مرتاحه عيالها مشعل وملاك نايمين فسهرت للفجر براحه وهدوء ولان زوجها عنده استلام سهرت مع اصايل الي كانت تحس ان في شيء بقلبها بس ماتدري وشو..

************************************************** ******

العصر في بيت ام راكان الي كانت جالسه عند اختها من مسكوا سعود..

راكان/يله يادلال تاخرنا..

دلال/ يله بس بلبس عبد العزيزالجزمه واجيك انزل للسياره..

لبست ولدها ولبست عبايتها وشالته ونزلت وركبت السياره.

دلال /معليش تاخرت ..

راكان /قوليها لامي هي الي بتلومنا انا اخرنا والى انا دلولي عادي.

وصلوا بيت محمد ودخلوا ولقوا ام راكان والجده جالسين في الصاله وحنان توها بتدخل لهم سلمت عليهم..

راكان / كيفك وكيف الي في هالكرشه معك..

حنان /ههههههه الحمد الله..

دخلوا الصاله وسلموا على الموجودين..

راحت دلال وعطت عبدالعزيز لام راكان..

ام راكان/وينكم تاخرتم..

راكان يناظر بدلال ويكلم امه/اساليها هي انا مالي ذنب..

دلال/قمت متاخره يايمه راحت علي نومه ويله بسرعه تجهزت وجهزت عزيز ..

ام راكان / لاعاد تتاخرون وتكلم عبد العزيز..الي بحضنها وانت لو بيتاخرون صرقعهم اجلس صيح عليهم..

راكان / هههه يمه واين خالتي بدريه..

ام راكان / والله ياوليدي لها اسبوع على هالحاله لاتكلم احد ولاتطلع من غرفتهاوزاد همها انهم رفضوا الزياره لسعود..فارشه سجادتها وتصلي وتدعي وتقرى بالقران..موهين الي يصير..

راكان / وهو شصار عليه الحين..

ام راكان / الى الان ولاشيء اليوم او بكره بيرجع صديقه الي كان طالبه يروح لهناك

وان شاء الله يثبت انه ماله شغل وانه هو الي طالبه ..

راكان / طيب خويه ليش مايمسكونه..

ام راكان/يا وليدي خويه ماه تهمه ثابته والمفروض حتى سعود مايمسكونه بس هالي مايخاف الله يقول انه يروج ولازم ياخذون اقوال هالي بغيبوبه ..

راكان / هالنذل هي مو فارقه معه مسجون مسجون عشان كذا بايعها..

الجده / واحسرتي على وليدي سعود الي مرمي بهالسجن وهوماله ذنب بس الله مايظلم احد ولايرضى الظلم..

دلال / الله يوسعها عليه ..وماراح يضيع حقه والله يطلعه بسرعه..

الجميع / امين..

************************************************** ******

بعد ماخلص من الي كان همه رجع ويوم درى بالسالفه راح للمركز..ويوم شافه سعد دق على خالد الي بسرعة البرق جاه..

خالد / خير ياسعد شفيه..

سعد / اليوم جاء نايف وهو عندنا بالقسم والحين بدخله وبنحقق معه وان شاء الله خير..

دخل نايف عليهم وبعد ماسلم كان شكله حزين ومتضايق ومهموم..

سعد / زين انك رجعت بدري سعود كان محتاج لرجعتك..

نايف/ وليش اقعد هناك ..الي رحت عشانها راحت..

سعد / شتقصد؟!.,

نايف /امي ..رحت اعالجها لاكنها ماتت وهي الوحيده هي وسعود الي لي بهالدنيا..

سعد / عظم الله اجرك..

خالد /عظم الله اجرك والله يرحمها ويسكنها الجنه..

نايف / امين يارب ..المهم انا جيت يوم دريت ان سعود مسجون وهو والله ماله ذنب وانا بقولكم السالفه من البدايه للنهايه وان شاء الله هالشيء يساعد ببرائته..

خالد / تفضل..

نايف /حنا كنا شله سوالف وضحك وكل شيء ومحمد ماكان معنا بس كان يعرف ياسر ويجي بين فتره وفتره وكنا نتضايق منه ومن حركاته واسلوبه بس كنا مانقدر نقول شيء..

الي كانوا يدفعون الايجار بالشقه انا وسعود ومشعل وياسر الي كان يدفع اكثرنا لانه ساكن بالشقه..المهم احنا ماكنا ندري ان محمد يتاجر بالمخدرات..الايوم كنت انا وسعود في الشقه وياسر كان بغرفته..كنت تعبان وكنت اقول لسعود عن تعب امي..

دخل محمد علينا وسال عن ياسر ودخل له الغرفه..طبعا سعود كان يبي مويه راح للمطبخ الي طريقه على طريق غرفة ياسر وشاف ياسر يطلع المخدرات ويعطيها محمد ومحمد يعطيه الفلوس انذهل سعود وطلع من الشقه من كثر ماعصب انا كنت احس انهم لهم بالممنوعات بس ماكنت ادري انهم يتاجرون بالمخدرات..

المهم قالي سعود ..وهو ماعاد يجي للشقه ودقيت عليه في يوم الي مسكتوهم فيه وماادري يمكن الفجر.وقلتله يجي لاني ابيه بموضوع..بس هو رفض وانا اصريت عليه وقلتله يجي بدري عشان مايكونون محمد وياسر بالشقه..ووافق..كنت ابي اكلمه بموضوع خاص..وبظهرذاك اليوم امي تعبت وقال الدكتور انها لازم تسوي عمليه وبسرعه ولازم نسفرها للخارج .دقيت على سعود بس كان مقفل جواله..دقيت على ياسر ورحتله الشقه واخذت من عنده فلوس عشان السفر وسمعته يقول لمحمد بالجوال انه بياخذون الاغراض اليوم من الشقه ماتكلمت وطلعت وسافرت على الرحله الي بغت تفوتني ماقدرت افتح جوالي الرحله طويله وممنوع هالشيء...والباقي تعرفونه..

خالد / طيب انت شكنت تبي من سعود وشالموضوع..

نايف / انا حالتي الماديه ماكانت تساعد على السفر وتكاليف العلاج والمستشفى كنت ابيه يسلفني وكنت يعد ابيه يخليني اتوظف بشركة ابوه واعمامه..وهذا كل شيء وهو جاء الشقه على موعدنا الي ماقدرت اخبره انه تاجل..بس الحين هذا كل شيء بيفيد سعود هالكلام..

سعد /سعود يمكن هالكلام يثبت برائته جزئيا..لاكن محمد والي قاله لازم ناخذ اعتراف ياسر..

نايف / طيب انا الحين متهم بشيء..

سعد / لا..وبامكانك تروح بس اتمنى تبقى هنا بالرياض وماتسافر يمكن نحتاجك بشيء..

نايف / خلاص بس ممكن اشوف سعود..

سعد/الى الان ممنوعه الزياره عنه بعد اسبوع راح يمكنكم تزورونه لين التحقيق يخلص جزئيا..

نايف اساذن وطلع..

خالد / سعد لو ياسر ماقام من غيبوبته وطول.سعود بيبقى بالحبس..

سعد / ادعي ربك يقومه ويعترف..ولاتفكر بهالاشياء ربك قادر على كل شيء..

************************************************** *******

[فيتامين سي]

*&$#^الجزء السابع^#$&*

**عندما يتيه حبنا في طريق الحياة فيدخل احد الافرع فيمشي بها وهو ياكد لمن كان معه وانزله قبل الدخول لهذا الفرع بانه سوف يعود ولكنه يريد فقط ان يكتشف هذا الطريق

و(يرفه على نفسه بهذا الطريق)ولاكنه يتوقف فجاه ليكتشف انه لايستتطيع العوده ..فيتخطى للامام على امل وجود مخرج ..ولكنه طول هذا الطريق يفكر بمن وعد نفسه بالعوده اليه..الذي ينتظره الان وطال انتظره....فيبقى السؤال ..هل من عوده؟!..

(( تركي ))

^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^



الفصل الاول...............................

تركي / وهذا الي قالي اياه خالد يام نواف..ادعي الله انه يفرج عنه ويقوم ياسر من غيبوبته عشان يعترف..

ام نواف/ يارب اك تقوم ياسر بسرعه وتخلي وليدي يطلع من السجن..

تركي/ وبعدين هالحزن هذا شيليه عن وجهك انزلي وسولفي ورفهي عن نفسك شوي..

ام نواف / ان شاء الله..

طلع من عندها وراح غرفته وجلس على السرير فتح الدرج الي جمبه وشاف صورتها بوجهها البريء الي يجذبه من زمان عنها اه يااصايل شبتسوين لو دريتي بالي سويته..

دق عليها..وهي من شافت رقمه استانسة من زمان ماسمعت صوته او شافته..

ردت / هلا بحبيبي وقلبي وعمري وروحي بعد..

تركي/هه هذا كله لي..انا.

اصايل / ايه ..ليش مستهين بعمرك..

تركي يحس قلبه ينغزه /اخبارها قلبي..

اصايل /قلبك زعلان منك..

تركي وهو عارف ليش/ليش؟.

اصايل/ 4ايام ماتدق علي يالظالم وانا ادق وارسل وانت مو معبرني..

تركي /حقك علي يالغلا هالايا منشغل بالعمل وبسالفة سعود..

اصايل/ دام كذا خلاص عذرتك..((لحظة صمت ))

اصايل / تركي..

انت من زمان ماشفتك لنا اسبوع ما شفنا بعض..

تركي / هم حقك علي لاكن ابشري بعد بكره بجيك واسهر عندك بعد..

اصايل / والله..

تركي / ايه..

اصايل / ماتدري شكثر انا مستانسه..

تركي / خلاص جهزي نفسك الخميس بجي واخذك نجيب لنا عشى ونرجع نتعشى بالبيت..

اصايل /لا انا بسويلك العشا..

تركي / احلى واحلى..شبتسوين؟.

اصايل / الاكل الي انت تحبه ..

تركي/ اجل خلاص انا مو ماكل شيء عشان لاجيتك اطب بالاكل..

اصايل/ بالمناسبه انا توقعتك متذكر بس للاسف ناسي انا بعد بكره عيد ميلادي وبدخل 22..

تركي / ياهو كبرنا والله ابشري بتصير السهره سهرتين..

اصايل / بنشوف بس لاتتاخر بعد العشاء تعال..

تركي / ابشري..

اصايل / يله عاد انا بقوم الحين وبروح عند امي تامرني بشيء..

تركي / سلامتك ..

اصايل/اوكي انتبه لنفسك ولقلبي الي عندك باي..

تركي بذهول / باي..

تركي مانزل الجوال من اذنه يفكر انتبه لنفسك ولقلبي الي عندك كيف اخونها واجرحها معقوله اجرح هالانسانه ؟؟ مايكون له قلب لو سوها هي تحبه ......حتى هو يحبها..

************************************************** *******

توها طالعه من تحت اليوم نزلت مثل ماقالها تركي..البيت من دون سعود ماله طعم..ضحكت على نواف وحنان الي دخلت السابع..الكل فرحان حتى الجده فرحانه الوحيد ولدها التعبان ..

فرشت سجادتها وصلت لها ركعتين ورفعت يدها تدعي ربها وبصوت كله حزن ورجا دعت من كل قلبها ودموعها تسيل...

((((( يارب...يارب من لي غيرك اشكيله ..ومن لي غيرك ادعيه ويستجيب..يارب انت تعلم ان ولدي ماله ذنب بهالسالفه..فايارب ساعده واثبت برائته..يارب محد يدري وين الخير بهالدنيا فاذا بقومة ياسر ير فعجلها واذا كان الشر بيجي لوليدي اذا طلع فخليه بالسجن ..

يارب شباب وحياة ولدي بيدك ثم بيد هالي بالغيبوبه...يارب قومه وخليه يعترف بالحق..وليدي مظلوم يارب وانت ماترضى الظلم..فيارب ساعده ..يارب لاتردني هذا وليدي وبار فيني ولازعلني او ضايقني ولامره..فانا طالبتك وراجيتك فلا تخيبني ولاتد ايدي خايبه..يارب الي فيه الخير عجلبه والي فيه الشر اخره يارب..))))

يمكن يكون هالدعاء عادي بالنسبه لكم بس هذا الدعاء غير.. كان دعاء من قلب راجي لرب الخلق..دعاء ام ذاقت فراق ولدها..ام ..وقلب الام غير عن كل قلب.......

************************************************** ******

شافته يحرك يدينه وبسرعه نادت الدكتور الي كان جاي هو ومبارك عشان يشوفون ياسر..

دخل بسرعه..وراح لياسر وبعها شاف الجهاز الي عنده..

الممرضه/دكتوردا حرك ايديه..

الدكتور لف على مبارك /بدى يقوم من غيبوبته..

مبارك /الحمد لك يارب ..حرام هالمسكين الي له 3اسابيه وكم يوم في السجن يارب فرجها..

الدكتور/الى الان يااستاذ مبارك هو مافاق من الغيبوبه بشكل طبيعي ونهائي..فابي هالشيء يكون سري ولاتخبرون سعود فيه لانها ممكن تكون مجرد حركه مو افاقه من غيبوبه..

مبارك / ان شاء الله يقوم بس انا لازم اخلي اثنين من الظباط لانه ممكن يتكلم او شيء ..

الدكتور/ في هالحاله عادي..

مبارك /مشكور يادكتور..

الدكتور/ العفو هذا واجبي..

طلع مبارك ودق على سعد وخالد وقالهو وقالهم مايقولون لسعود او قرايبه..

************************************************** ****

تركي من شاف رقمها قال انه لازم يقولها انه متزوج..هي ذاك اليوم قالت بدق بس مادقت الى اليوم وهو مستحيل يدق عليها مايبي يروح للهلاك بيدينه..

تركي /هلا..

العنود / هلا فيك..اخبارك..

تركي / الحمد الله.وانتي اخبارك.من متى مادقيتي..

العنود/ انا الحمد الله انشغلت كان عندي اختبارات.وهذا انا دقيت..

تركي /العنود انا ابي اقولك شيء انت لازم تعرفينه..

العنود خافت شبيقول/قول....

تركي /انا ماقلتلك ذاك اليوم عنهالشيء توقعت انها مكالمه بس بذاك اليوم بس لما شفت رقمك قلت اني بقولك..اا يالعنود انسان مرتبط ومملك يعني متزوج ومملك على قريبتي وانا احبها واموت فيها وهي تستاهل الحب وزياده وانا لي سنه وكم شهر وانا مملك عليها..

العنود سكتت ماتوقعته يقولها انه متزوج ..

تركي / انا اسف بس هذي الحقيقه زواجنا في نهاية هالسنه في ااجازه يعي بعد 8شهور ونص..

العنود ماتبيه يضيع من يدها / انا ياتركي ارتحتلك واستانست عك من اول مره كلمتك فيها يمكن تستغرب بس قلبي تعلق فيك وماقدر اتركك حتى لو ..

تركي/بس انا متزوج..

العنود/لاتقول متزوج انت الى الان مملك يعني ماتزوجت اذا جاء ذاك الوقت قول متزوج..

تركي / بس كذا انا اخونها..

العنود/مين قال ياقلي انك تخونها انت ماسويت شي مجرد انك تكلم وحده قلبها تعلق فيك ومع الوقت بتحاول تنساك يعني الى زواجك باقي شهور كثيره..

تركي مارد وجلس يفكر..

العنود / احنا مانسوي شيء غلط مجرد كلام عادي وحتى لوتقابلنا مايعتبر شيء هي ماتدري ولاراح تدري..خلنا نعيش هالايام بوناسه..

تركي تحمس لكلامها هو صح مو مهتم لهذي العنود وبالنسبه له بنت منزوع الحياء منها ولاتساوي التراب الي تمشي عليه الاصيله..ومدام كذا عادي خلني افلها وقبل زولجي بشهرين اقلعها ..

تركي/ ايوه وشخبارك بعد..

العنود استانست انها اقنعته ماراح تطيره من يديها حتى لو كان زوج اصايل الي بنظرالعنود انها هي احسن منها على ايش يحبها..جلست تسولف معاه وشوي وصكرت...

************************************************** *****

دخل غرفته ووهو عارف انها موجوده فيها..

شافها جالسه على السرير وحاطه يدها على كرشتها.والثانيه على ظهرها..ابتسم لها..

لفت عليه وشافته يبتسم ابتدت الحرب العالميه الثالثه عندها نواف يبتسم بعد ماناظرها جريمه كبرى ..

حنان/انت على ايش تبتسم انت ووجهك..

نواف/ولاشيء حبيبتي انتي ليش معصبه..

حنان /حبتك القراده اولا..ثانيا روح عني ولااقولك خلني انا اطلع بروح لتركي..

نواف/حنان الى متى وانتي كذا ماتبيني اجلس معك لي 6شهور حتى ايدك مالمستها..

حنان تفاجات من كلامه ماتوقعته بيوقلها هالكلام..

نواف/ لا وهالايام صايره عصبيه بزياده ماتطيقين تسمعين كلمه مني..

حنان قطع قلبها كلام نواف /نواف ماادري من حملت وانا مو قادره اشوفك احس بلوعه والحين صايره اعصب لااني احس بثقل فيني مالي خلق للكل بس مااقدر اطلع حرتي الا فيك هانت يالغالي استحمل هالشهرين الباقييين وسامحني على غلطاتي معك..

نواف ابتسم حنان قالتله يالغالي قرب منها /انتي قلتي يالغالي من حملتي ماسمعت كلمه حلوه والحين الغالي مره وحده..

حنان معصبه كشت عليه/ روح زين مين قال انك غالي وطلعت..

جلس يضحك من الخاطر عليها وعلى شكله وعلى خطته الي سواها مع حنان ونجحت..

************************************************** ***

الصباح الساعه 10

اصايل اليوم متوتره ماتدري ليش هالتوتر ومع ذلك فهي مستانسه عشان حبيبها بيجيها وبيسهر عندها..خلت الشغاله تنظف الغرفه الي بيجلسون فيها والحين هي بتروح للسوق تجيب الاغراض الي تبيها للعشاء..

نوره/يله السواق يحتريك بسرعه..

اصايل/يله طيب تعالي ..

وطلعت هي واختها وقضت الي تبيه وهم راجعين..

نوره / متى تركي بيجيك..

اصايل/بعد العشاء..

نوره / خلاص اجل اذا بقى عن المغرب ساعه ابدي سوي الي بتسوينه عشان لاجاء العشاء وانتي مخلصهتروحين تسبحين وتتظبطين عشان لاجاء يشوفك حلوه..

اصايل/ايه انا قلت بسوي كذا بس المهم شيلي مشعل عني..

نوره / حرام عليك هو يحبك ويحب تركي..خليه معكم ((وتغمزلها))

اصايل/ لاياشيخه يجي يسلم ويطلع الله لايهينه..

نوره / انتي شريتي مقادير المعكرونه وترى مشعل يحبها يعني لاجا وقت العشاء بدخله عليكم يتعشى معكمم..

اصايل/ لا بالله اقول لايكثر بحط له شوي وياكلها عندك..

نوره / تبيني اساعدك..

اصايل/ يعني مو كثير بس شويء..

نوره/انتي شبتسويله اليوم..

اصايل/ بسوي له معكرونة الباشمل وبسوي معها صينية الخضار بالباشمل..

نوره/حشى كله بشامل..

اصايل/ هو يحب البشامل..

نوره/ وبعد شبتسوين..

اصايل/ بسوي عصير الكوكتيل وبسوي كريمة الفرن وبسوي تبوله..

نوره/ياعيني كل هذا ياحظه اليوم عشاه شيء..

اصايل/هه يستاهل بعد عمري..

نوره/ياعيني ياشيخه (وتقلدها) يستاهل بعد عمري بدينا نحب من قلب..

اصايل استحت وصدت على الشباك تناظر..

************************************************** **

خالد يكلم سعد..

خالد/ تظن انه بيعترف..

سعد/ اكيد..بعترف الي ذاق طعم الموت غير الي عارف ان مصيره السجن طول الحياه..

خالد/يارب يعترف ويخلصنا..

سعد/تدري ياخالد الكل يمدح باخلاق سعود وانا اشهد له باخلاقه مايستاهل هالشيء بس هذا الي ربك رايده بس الحمدالله فرج ربك قرب..

خالد/ ايه الحمد الله على كل شيء..

**************************************************

دخل غرفته وشاف بنته غلا على السرير تتقلب..شكلها توها قايمه من النوم شالها وراح للصاله ولقاهم كلهم مجتمعين في الصاله..

فيصل/ السلام عليكم..

الجميع/ وعليكم السلام....

البندري/ وينك تاخرت اليوم قلقتني..

خلود/لا ما قلقنا ميتنا جوع..

فيصل/ وانتي هذا الي همك الاكل..

خلود/ راجعه من الجامعه تعبانه ابي اكل وانام يقولون لي انتظري الطعس اخوك تاخرت ابي اكل لحالي تقولي الطعسه مرتك لامافي اكل لين مايرجع شين الحلايا الاستاذ فيصل..

فيصل/هههه وانتي شفيك مشفوحه على الغدا اليوم..

خلود/ ابي اذوق طبخ ام غلا..

فيصل/صدق..البندري انتي طابخه الغدا اليوم..

هزت البندري راسها..

ام فيصل/ ايه ماشاء الله عليها مع اني احب اني انا الي اطبخ الغدا الى انها اصرت هي تسويه ولاخلتني اساعدها وبصراحه ريحته وشكله يشهي باقي نذوق طعمه..

ابو فيصل/شهيتيني يام فيصل زياده..خلنا نتغدا يله

فيصل/ يله خلني اذوق طباخ زوجتي وغلاي ام غلا..

ونزلوا كلهم يتغدون ومدحوا طبخ البندري وغارت ام فيصل من كثر مايمدحونها وجلست تهزءهم وتقولهم انها دوم هي تطبخ ولااحد يمدح طباخها وجلسوا يضحكون عليها ويالله ياله رضت بعد ماقالها ابو فيصل كمن كلمه حلوه....

************************************************** ******

[فيتامين سي]

الفصل الثاني...............................

دقت عليه اليوم لازم تشوفه..

العنود/ هلا تركي..

تركي/ هلا والله..

العنود / تركي قول تم..

تركي/ تم...ها شتبين..

العنود / اليوم بعد العشاء انا عازمتك على كفيه وشوية فرفره لاتقول لا.

تركي/مادامني قلتلك تم فانا لزم اجي بس انا مابي اتاخر عندي موعد مهم ولازم اروحله نا غالين..

العنود حست انه بيروح لاصايل وحلفت بنفسها اها تنسيه اياهااليوم/ لاماراح نتاخر بس المهم تعال المملكه وبدق اقولك وين نلتقي..ونروح نشرب لنا قهوه ونفر شوي وبعدها روح لموعدك..

تركي/ اوكي خلاص..بعد العشاء بكون موجود..

العنود/ وانا بانتضارك..

جلس تركي يفكر هو عنده موعد مع اصايل الي اليوم عيد ميلادها هو ماراح يتاخر عادي بس شوي ويرجع ماراح تفرق ساعه ولاساعتين وبعدين عشان مره وحده يشتريلها هديه..

************************************************** *****

خلصت اصايل طبخها وجهزت كل شيء وطلعت تتسبح..صلت وحطت لها مكياج ولبست فستان حلو..وصلحت شعرها ولفلفته تركي يحب يكون شعرها ملفوف من تحت..تعطرت ولبست خاتم اهداه لها تركي باول ايام ملكتهم ..

نزلت تحت وشافت نوره لابسه عبايتها..نوره صفرت يوم شافت اصايل ..وجلست تغني لها

نوره/ مذهله ماهي بس قصة حسن..

اصايل وهي تلعب بشعرها/ رغم ان الحسن فيني بحد ذاته مشكله..

نوره/ ههههه اموت على الواثق..

اصايل/هه على وين ان شاء الله..

نوره/بروح السوق ابي شوية اغراض وبعدها بروح لاهل خالد وبعد مانطلع من عندهم بنروح نتعشى ونلعب مشعل في الملاهي...

اصايل / على خير بس متى بترجعون شكلكم مطولين..

نوره/يمكن 12 وحده ماادري ..لاننا من زمان ماطلعنا مع بعض..

اصايل/اهااا اجل تروحون وترجعون وانتم مستانسين..

نوره /هههههه متى بيجى الفارس الابيض..

اصايل/ قالي بعد العشاء..

نوره/ دقي عليه تاكدي ..

اصايل/ لاهو عارف وبيجي انا بستناه شوي ويجي..

نوره/ طيب تامرين شيء..

اصايل/لاسلامتك..

وطلعت نوره مع عيالها ..البيت فضى مافيه الا الشغاله والسواق واصايل ..ام طلال وابوطلال.رايحين ياخذون لهم عمره...

وجلست اصايل على الدرج الي برى تستناه..

************************************************** *******

تكشخ ولبس وتظبط اليوم لازم يكون شيء..بيقابل العنود وبعدها بيسهر عند حبيبته..دق على العنود وقالتله انها بالطريق وطلع هو ..وصل وشافها بالمكان الي قالتله عليه..شافها وحس بالفرق الكبير بينهم العنود كانت لابسه عبايه على الكتف ومزينه كانها فستان وكانت حاطه لثمه ومن فوقها طرحه جايه من فوق العين ..صح ان اصايل تلبس عبايه على الكتف بس مو مثل هالشكل..ماعمرها حبت انها تكون بعبايتها مسويه حفله ..ناظر بعيونها الي كانت مغرقتها مكياج وبالعدسا كانت من جد عيون تسحر سحرت تركي الي كانت دوم تسحره نظرت البراءه الي بعيون اصايل مو هالنظره الغريبه والوقحه نوعا ما الي بعيون العنود وم هذا انسحر..

تركي/هلا والله..

العنود/ هلافيك..

تركي/هاوين تبين الحين..

العنود/ معليش قبل مانروح نتقهوى ابي ادخل كم محل ..

تركي /اوكي..

************************************************** *****

جالسه تنتظر الساعه الحين عشر وهو ماجاء ..ماتبي تدق عليه وتكسر كبريائها هو بيجي يمكن شيء اشغله او يمكن بيجيبلها هديه وتاخر عشان كذا ابتسمت لهالفكره الي طرت بهالبال الي ماكان يدري بالي قاعد يصير من وراه..

************************************************** *****

نوره/بكم عطاك الهديه.

خالد/ بثلاثميه وخمسين..

نوره/ يله ماتغلى على اصايل الحين اكيد تلقاها مستانسه..

خالد/ههه لايقين على بعض هو بغروره وتصميمه وهي بكبريائها وعنادها الله يسعدهم دوم..

نوره/ امين..

خالد/ شرايك نروح نتقهوى وبعدها نطلع نزور اهلي..

نوره/ اوكي حبيبي..بس كم الساعه..

خالد:/عشر ونص..

نوره / روح اطلبلي كالعاده وانا الحين بجي بروح دورة المياه وبعدها بارجع للمحل باخذ الهديه اكيد غلفها وبجي..خذ مشعل ولاك..

راح خالد مع عياله وهي دخلت دورة المياه عدلت برقعها وطلعت بتروح للمحل فكرت تدق على اصايل.تشوف الاخبار..

اصايل/هلا..

نوره/هلا توقعتك ماتردين..

اصايل/ ليش ياحظي..

نوره/ليش تركي ماجاك الى الان..

اصايل بخيبة امل/ لا..

نوره استغربت/ يمكن اخره شيء..

اصايل/ اكيد اخره شيء..

نوره/ دقيتي عليه..

اصايل/ لا هو بيجي..

نوره/ ياربي على عنادك..عالعموم تامرين شيء..

اصايل/ سلامتك..

صكرت وجلست اصايل تستناه دقت ومارد عليها..

************************************************** *****

بعد ماطلب كان يشوف الي قدامه نفس الشكل لامايتوقع انه هو بس هذا هو مستحيل مايكون هو..مايبي نوره تشوفه بس خلاص فات الفوت ماعاد يمدي..لمست نوره كتفه..

نوره/ شعندك سرحان؟؟......

حاول مايخليها تشوف/ولاشيء بس ذا طلبنا جا اجلسي خلنا نتقهوى..

نوره حست خالد فيه شيء لفت على المكان الي كان يناظره وشافت بنت متلثمه هي صح حلوه بس عادي معقوله هذا الي كان يناظرها خالد وليش متوتر يمكن يعرفها لامااعتقد حتى لو يعرفها مستحيل يقدر يعرفها بهالمكياج الي حاطته بس يمكن يعرف الي معها لفت وكان المفاجاه تركي زوج اختها مو مصدقه.......

خالد/نوره

نوره ماكانت ترد عليه ماكانت تسمعه ولاكانت تشوفه كانت تشوف تركي يرفع الجوال كل شوي وينزله الظاهر في احد يدق عليه وبكل وقاحه تمسك البنت الي معه الجوال وتحط صامت وتعطيه الجوال..نوره منصدمه معقوله هذا تركي لو تدري اختها بهالشيء شبتكون ردة فعلها..بتموت لو تدري هي تستناه وعلى احر من الجمر وهو بكل برود واستفزاز جالس مع وحده صرخت بداخلها بلا حست ان الكل سمعها..

نوره/ مستحيل يكون هو..

خالد قام ووقف جمبها/نوره هدي نفسك احنا بمكان عا امشي خلينا نروح نرجع البيت..

نوره / نرجع البيت والمسكينه الي جالسه تنتظره على اعصابها شاقولها اقولها زوجك مع وحده ثانيه لاتستنينه ..

خالد/ لاتقولين لها شيء..

نوره/ بروح له بروح اكلمه واهزئه..

خالد /لايانوره خلنا نطلع من هنا ومابيك تقولين لاصايل شيء..انا بكلم تركي بكره وبعرف من هذي الي معه لاتظلمينه..

نوره والدموع بعيونها/اظلمه..

خالد مسكها من ايدها وطلعوا..وفي السياره ماكانت تتكلم .بس صوت بكاها المسموع تبكي على اختها الي ماتدري بشيء وتبكي على قلب اصايل الي متعلق بانسان بايعه تبكي خوفها لودرت اختها شبيصير..

خالد/نوره انتي انسانه فاهمه وعاقله لاتخربين حياة هالثنين بسبب بنت مالها موقع من قلبه..

نوره/ بس هو خاين..

خالد/ طيش شباب يانوره ومع ذلك فهو شيء غلط..

نوره/ والحين..

خالد/ ماتقولين لاصايل شيء ولاتلمحين لها وانا بتصرف مع تركي..

نوره/ حرام منغشه فيه..

خالد عصب /وش منغشه فيه..تركي اخلاق ورجال بمعنى هالكلمه والكل يشهد وهالشيء نزوه او طيش بدل ماتقولين هالكلام المفروض تنصحين اختك توخر عن عنادها وتعجل بزواجها تقرب منه الرجال مايحب ينتظر وتركي انتظر كثير عشان سبب ماله معنى اخاف حمل وانا ادرس..

نوره/والحين انت تدافعه عنه وانت شايفه مع وحده غريبه بس لو انعكست الايه وكانت اختي بداله ماراح ترحمها ..

خالد/ نوره كبري عقلك ولاتفهمين كلامي بحزازيه ..انت عاقله وتعرفين طبع الرجل..الرجل يبي زوجه تكون معه تسمعله تكون ملكه هو مااحد يلومه اذا قعد معها فاي وقت محتاج لانسانه تشاركه حياته بكل وقت وبكل شيء..مو محتاج لوحده يشوفها كل يومين او ثلاث والا يكلمها بالجوال..ترك طول الانتظار وهذي النهايه..انا مو ابريه انا الومه صبر وماباقي الا شوي..بس انتي علمي اختك وفهميها واقنعيها تقدم هالزواج..

نوره/ ان شاء الله الله يهديها ويهديه..

خالد/ يله الحين اقدر اسوق وانا مرتاح خلنا نروح البيت..

نوره/ ليش وبيت اهلك..

خالد/ وقت ثاني..

نوره الي ماكان لها خلق تروح بس عيب هذول اهلها لازم تروحلهم/لا يالغالي على بيت اهلك لي اسبوع عنهم ماعليك من شيء انا الحمد الله تمام..

خالد/ على امرك..

************************************************** ******

تركي كان وده يقوم بس العنود مو مخليته حتى ينطق بهالشيء وبصراحه سواليفها حلو بس حرام اصايل شاف الساعه..

تركي/ يوه مر الوقت ولاحسيت..

العنود / ليش كم الساعه..

تركي/11 وثلث..

العنود / روعتني حسبالي تاخرنا ولاانت مليت مني..

تركي/ لامو مليت بس لاتنسين انا عندي موعد مهم ولازم اروحله وتاخرت عليه..

العنود/ اوكي يله قوم بنروح بس لهالمحل الي قدامنا وابيك تختارلي كم بلوزه على ذوقك

تركي/ اوكي يله..

************************************************** ******

تكلم نفسها يارب ليش تاخر عني وينك ياتركي..اكيد في شيءمهم اخرك وخلاك ماترد علي..

ياربي قلبي بدى ينغزني لايكون صاي فيك شيء..الحين الساعه 12 الى خمس والمفروض انت تجيني من الساعه 9 ماراح ادخل داخل معني حرانه بس لا بنتظرك..

سمعت الباب ينفتح قالت بخاطرها تركي بس تذكرت تركي مامعه مفتاح هذي نوره..الي من شافت اختها جالسه بنفس المكان كسرت خطرها وجت عندها..

اصايل/ هلا والله غريبه ماطولتوا..

نوره/ بس تعبنا وقلنا بكره نودي مشعل للملاهي بس انتي تركي ماجاء..

اصايل/ لا..

نوره/ دقيتي عليه شكله ماراح يجي..

اصايل/ من اليوم ادق ومايرد علي..

نوره تذكرت موقف الجوال والبنت الي مع تركي وحست ان دمعتها بتخونها..

اصايل/ شفيك نواري احد مزعلك..

نوره/ لا يالغاليه بس احس بتعب اسمعيني شكل تركي ماراح يجي الحين الساعه 12ادخلي نامي مو زين تجلسين بهالوقت وبالحوش ولحالك..

اصايل/ لانواري ان شاء الله بيجي هو واعدني وبعدين اليوم عيد ميلادي ومو معقوله مايجي..

نوره /نست..خذي هاي هديتك مني كل سنه وانتي بخير ..هبي فيردر تو يو..

اصايل ابتسمت ابتسامه صادقه من اخت لااختها ضمت نوره وخذت الهديه..فتحتها لقتها دب كبير لونه ابيض وفيه جيب من عند بطنه طالع من دبدوب صغير ومسكته علبه صغيره خذت العلبه وفتحتها لقت فيها سلسال صغير منقوشه فيه حروفها بالنقليزي وبالوان مختلفه..من جد عجبها..

اصايل/ واي نواري مره حلو تعيشين وتجيبين لي غيره..

نوره/ههه وانتي تعيشين وتاخذين غيره..

اصايل/انتي روحي شكلك تعبانه روحي نامي يله..

نوره/ وانتي...هزت اصايل راسها بالنفي..

نوره/ براحتك ودخلت وقلبها يتقطع جلست تدعي على هالبنت الي كانت مع تركي...

اما اصايل الي كانت تحس بالنوم جلست تنتظر..وتتعذرله بداخلها..

************************************************** *******

رجع بيته وهو نازل شاف الساعه الساعه الحين وحده وصعب يروحلها وهو طلع الساعه 12وربع بس الطريق كان زحمه ومعروفه العليا يوم الخميس بزحمتها..الحين اصايل زعلانه علي ويمكن الى الان تنتظر بس صعبه ارح لها بهالوقت..برسلها مسج واعتذرلها فيه وحتى لو زعلت بكم كلمه ترضى..

والله يستر من زعلها..

************************************************** ******

[فيتامين سي]

الفصل الثالث...............................

تحس بالم بعظمها فتحت عيونها وهي تسمع صوت الاذان..معقوله اذن الفجر وهي كانت نايمه بالحوش وعلى الدرج من التعب هي كانت تنتظر شافت الساعه 3 ونص معقوله جالسه انتظره الى الحين طيب ياتركي تخليني كذا فتحت جوالها وشافت في مسج من تركي فتحته كان مرسلها. ((اعذريني انشغلت وماقدرت اجي يوم ثاني ان شاء الله)) شافت متى مرسله الساعه وحده وخمس تحطمت وانجرحت كانت مستانسه وتنتظره على امل ان هالزياره تقرب بينهم وتقوي علاقتهم ببعض بس ياحسافه ياتركي ..نزلت دمعه ولحقها سيل من الدموع..دخلت بسرعه للبيت شافت ختها طالعه من غرفتها..

نوره/اصايل للحين مانمتي..

اصايل وهي تبكي/ لا....

دخلت المطبخ شافت الكل الي كانت مجهزته لتركيكله رمته بالزباله ..نوره كانت واقفه عند الباب تقطع قلبها كانت تبي تكلمها بس هي تعرف ان اصايل ماتحب احد يكلمه بهالوقت طلعت اصايل وراحت هي لغرفتها ماقدرت تنام تفكر بالبنت وباصايل وبتركي..

دخلت اصايل وتوضت وصلت وبعدها رمت نفسها على السرير وبكت وبكت وبكت بكت تغير تركي عليها وكلامه العادي الي ماكان يقولها اياه لازم يقولها كلمه حلوه بس له اسبوعين متغير بكت حظها وبكت حرتها على الموقف والامل الي عاشته..بكت نفسها الي مو قادره تلقى عذر للي سواه تركي..وبكت احلامها الي حلمتها بهالليله..بكت عيد ميلادها وسنتها الجديده الي دخلت عليها باسوء يوم...

************************************************** ******

رن جواله وصحاه وصحى نوره..معه من كثر مايرن رفع الجوال وشاف ان سعد الي داق..

خالد/ هلاسعد ..عسى ماشر داق من الصباح..

سعد/ ان شاء الله خير بس الي اسمه ياسر الي بقضية سعود عطاك عمره..

خالد فز/ نعم..انا لله وانا اليه راجعون..متى..

سعد/ قبل ساعه ونص..

خالد/ وانتوا وين..

سعد/ انا بالمركز ومبارك بالمستشفى بيشوف الوضع هناك..

خالد / انا ماعندي دوم الا العصر بس انا باخذه الحين وبروح لمبارك..

سعد/ خلاص فمان الله..

خالد/فمان الكريم...



نوره/خالد شفيك..

خالد/ ياسر الي كنا ماملين انه يعترف ويطلع سعود مات..

نوره/ لاحول ولاقوة الا بالله والحين سعود شبيصير فيه ياخالد..

خالد/ ماادري بشوف الحين ..

قام غير ملابسه وطلع..

************************************************** ***

دخل يمشيء بهدوء لمكتب الظابط سعد..الهم هده.

سعد/ تفضل ياسعود

جلس/نعم ياحضرة الظابط..

سعد/ياسر عطاك عمره..

قام سعود من الصدمه/ مات انا لله وانا اليه راجعون..لاحول ولاقوة الا بالله..وانا ياحضرة الظابط اذا هو مات انا بتم هنا بالسجن طول عمري..ولابتنفذون فيني حكم المروج..

سعد/اجلس ياسعود وارتاح وهدي نفسك الله مايظلم احد ولاتجعل املك بهالشيء ضعيف..

رمى سعود بنفسه على الكرسي..

سعد/ ارسلت مبارك وخالد يشوفون اسباب الوفاه وهل قال شي او مات وهو بالغيبوبه

انت اهدى واحنا مستحيل نضيع روح ظلم..وان شاء الله الخير جاي..

سعود/ ان شاء الله ..وطلع مع الظابط الي معه ..دخل السجن وناظر بكل الي حوله..الي يروج والي يتعاطى والي والي..كلهم مسجونين عن شيء سووه هو الوحيد المظلموم..

اه لو انه سمع كلام نواف وترك هالشله كان هو مهتني وقيده خاطب البنت الي يحبها..

اكيد الحين ماراح توافق لا هي مو كذا هي عاقله وفاهمه وبعدين هو ماله ذنب..ليته سمع كلام نواف..ماينفعه هالندم الله يثبت برائته..جلس يستغفر..وطلب الله النجاه..

************************************************** *******

دخل المستشفى وراح عند الريسبشن وسالهم عن غرفة الدكتور المسؤول عن حالة ياسر..وراح للغرفه ولقى الدكتور ومبارك..

خالد/ السلام عليكم..

الجميع/ وعليكم السلام..

خالد/ها يامبارك..شصار..

مبارك / رد عليه يادكتور..

الدكتور/الوفاه كانت طبيعيه هو فاق مثل ماتعرف او بدى يفوق قبل يوم بس كان مايقدر يتكلم امس على الساعه وحده تقريبا او 2 فاق نهائي من الغيبوبه..طبعا تكلم عن اشياء كثير وكانت حالة هلوسه ماقدرنا ناخذ شيء منه هدى شوي وبعد الفجر كان بكامل وعيه وقال اشياء كثيره قبل الوفة وتم تسجيلها..

خالد/ شقال اعترف..

مبارك/ انا خليت عنده 2 من الظباط فحالة اذا تكلم يسجلون اقواله وخلونه يبصم بالاضافه الى تسجيلها على كاست عشان تكون اوثق..وهذا ناصر الي كان عنده..

خالد/ تراكم حيرتوني شقال ياناصر..

ناصر/ قال انه هو عارف انه بيموت ويبي يبري ذمته قال انه مايدري بالي صار بس اذا كانوا ماسكين سعود عشانه بالشقه فانه ماله ذنب حتى نايف ومشعل مالهم ذنب اصحاب المخدرات هو ومحمد..والباقين مالهم دخل..ووصى على امه وطلبني اخليها تسامحه قالي وين ساكنه..وقالي اخل سعود والكل اذ كانوا مورطينهم يحللونه..

خالد/ الحمدالله يعني بهالشيء ثبتت برائة سعود..

مبارك/ ايه..بس هو بيجلس اليوم نخلص الجرائات ونثبت الاقوال ويطلع..

خالد/ خلاص انا لازم ابلغ تركي واهله عشان يستانسون مساكين واولهم امه الي ماتذوق للراحه طعم..وطلع..

************************************************** *

بعد ماصكر تركي من خالد كان مستانس نزل تحت وشاف الكل مجتمع على الفطور..

تركي/السلام عليكم وصباح الخير..

الجميع/ وعليكم السلام وصباح النور..

تركي بعد ماجلس/ يام سعود بغيت اقولك شيء..

ام سعود فز قلبها تركي يناديها باسم ولدها الي لها قريب الشهر ماشافته../ قول ياتركي..

تركي/ ابشرك يالغاليه ولدك طلع بريء ويومين وتشوفينه قدامك..

ام نواف موعارفه شتسوي من فرحتها دموعها امتلت دموع/ قول والله ياتركي..

تركي/ هذا هو خالد توه مكلمني وقايلي ان ياسر اعترف ان سعود ماله دخل..

ام نواف/ الحمدالله يارب ماخيبت دعاي ورجاي..

نواف/ الف حمد وشكر يارب..

الجده/ شفتي يام نواف يوم اقولك سععود بيطلع من السجن وببرائه تثبت للكل حسن تربيتك فيه..وهذا هو بيطلع..

حنان/ الحمدالله فرحت قلوبنا ياتركي على هالصبح..

ام نواف/ وليش مايطلعونه اليوم؟.

تركي/ اجرائات تسجيل اقوال..لاتصيرين طماعه..

ام نواف/ وكيف ماصير طماعه وهو ولدي حبيبي يحقلي اطمع فيه...

نواف/ ياعيني وانا وين مو ولدك..

ام نواف/ يله عن هالكلام انت الثاني..اسمع ياتركي دق على الكل اليوم بالليل بسوي عزومه عشاء وابي الكل يحظر عشان هالخبر الحلو لاتنسى دق على الكل..

تركي/ انتظري يومين لين يخرج وتسوينله عزومه..

ام نواف/ اليوم ونسوي بعد يومين مافي مشكله..بعدين انت تعال باقي على زواجك شوي ولاجهزت شيء..

تركي/ بدريه تونا بدري عليه..

الجده/ لامو بدري فهالاجازه بتتزوج انت لازم من الحين تجهز الجناح..

ام نواف/اسمع ياتركي..نواف ومرته بياخذون الجناح الي فوق وبنزيدهم غرفتين ..

وانت الجناح الي تحت الي له باب على الحوش خذه انت بخلي الشغالات يفضونه من الي فيه وانت رخمه واصبغه وعتقه واثثه ..هو غرفتين بحماماتهم وصاله..

تركي/ وسعود..

ام نواف/ انت تعرف الحوش كبير واحنا عندنا ملحقين كل واحد فيهم غرفه وحمام وصاله من غير ملحق السواق والخدامه الي من الجهه الورانيه هذي بدخلها على بعضها وبعطيها سعود..

تركي/ مخططه بعد .على كل شيء..

الجده/ خلي مرتك هي الي تختار الرخام والبويه والتعتيق وكل شي فاهم..

تركي/ لاانا بختار ذوقي حلو وبيعجبها..

الجده/ اقول اسكت هي تروح تنقي وانت بعدين ترخم..

تركي/ على امرك ياعسل ياقميل..

ام نواف/ تراها غاليه ياوليدي ..جيبلها الغالي الي مثلها ولاتزعلها ارضيها رضاها من رضاي..

تركي تذكر هو ماكلمها ولااعتذرلها على الي صار امس اكيد زعلانه يله العزومه اليوم وان شاء الله ترضى بس انا ليش سويت كذا معقوله اترك وحده غاليه عشان وحده ماتستهل اساسا مالها قدر..ليش انا كذا اه يااصايل..شاقولك لو سالتيني ويني امس..

ام نواف/هيه تركي وين رحت..

تركي/ معكم..الحمدالله..

الجده/ كمل فطورك.

تركي/ لا الحمدالله..

ام نواف/ دق عليهم الحين وعلمهم لاتنسى الكل..

تركي/ ان شاء الله وقام راح لغرفته..

************************************************** *******

قامت من النوم شافت نفسها بالمرايه نامت بملابسها مسحت مكياجها وجلست تبكي تحس الى الان فيها حره..دخلت تتسبح وبعد ماطلعت نزلت هي عارفه ان امها بتكون موجوده لان رحلتهم على الساعه 7 بيكونون موجودين هنا والحين الساعه 9 ونص..

شافت امها وراحت ركض لها ضمتها ..اصايل/ هلايمه وين ابوي..

ام طلال/ هلا ببنيتي...حبيبتي ابوك راح للعمل وبيرجع بعد شوي..

نوره حست بقلبها يعورها لماتذكرت شكل اصايل امس../ تعالي افطري معنا..

اصايل/ لامالي نفس..

ام طلال/ لاتعالي يابنتي هنا لني افطرك بنفسي..

نوره/ تردين امك حبيبتك..

اصايل ابتسمت وراحت جلست عند امها...

اصايل/ وين رجلك..

نوره/ خالد ياطويلة العمر راح من بعد الفجر تقريبا للمركز عشان صديق سعود الي بالغيبوبه مات وقبل مايموت اعترف ان سعود ماله ذنب..

اصايل/ الحمدالله..ومتى بيطلعونه..

نوره/بعد يومين عشان الاجرائات بس المهم اليوم الكل معزوم عند ام نواف بسبب هالبشاره..

اصايل/ اكيد خالتي ام نواف مستانسه..

ام طلال/ اكيد..

نوره/ اصايل امي بتسافر بعد اسبوعين ..

اصايل/دقيت على هنو امس العصر وقالتلي ان بطنها منتفخه مره قلتلها شكلك بتجيبين ولد..

ام طلال/ هي باقيلها كم يوم وتدخل التاسع.وعلى كلام دكاترتها يبون يولدونها بعد 20 يوم..

اصايل/ الله ييسرلها..وانتي نواري متى ناوه تروحين للشرقيه..

نوره/ بعد ماتروح امي نفسي اروح اخذ عمره وبخلي وراعيني عندك عادي مايضايقونك

اصايل/ اكيد عادي هذولي عيالي الي ماجبتهم ..وش يضليقوني..

نوره/ تسلمين بقعد يومين بمكه وارجع هنا نجلس يوم ومن بكره نسافر للشرقيه..

ام طلال/ يمه اصايل جبتلك هديه ادخلي غرفتي تلقينها على السرير ..كل سنه وانتي طيبه..

ابتسمت اصايل وحبت امها على راسها وطلعت فوق كانت امها جايبتلها جلابيه سماوي فاتح وفيه نقش بالاصفر المايل للذهابي كانت حلوه وفخمه..خذتها وراحت لغرفها..

ام طلال ماحبت تسال او تتكلم مع بنتها ليش تركي ماجاها لان نوره قالتلها كل شيء وهي حلفت نوره ماتقول لاصايل شيء..

************************************************** ***

[فيتامين سي]

الفصل الرابع................................

البندري جالسه تبي تلبس بنتها ملابسها وبعدين بتغير هي ملابسها وتصلح نفسها ناظرت بالساعه تاخرت ..

البنري/ فيصل......فيصل تعال ..

فيصل/ شتبين؟..

البندري/ تعال بسرعه..

فيصل يستهبل/ لامابي اجي بسرعه اخاف اصدم..

البندري معصبه/ فيصل مو ناقصه انا تعال بنتاخر..

فيصل قام من عند التفزيون وجاء لها/ نعم شتبين..

البندري/ فيصل خذ غلا غيرلها ملابسها على بال ماغير انا ملابسي اصلح مكياجي وشعري..

فيصل/لاوالله شقالولك مربيه انا وين الخدامه..

البندري/ حبيبي انت تعرف اني ماحب الخدامه تغيرلها ولاتاكلها عشان كذا خذ حفظلها وغير لها ملابسها..

فيصل/ حرام عليك...

البندري/ يله بنتاخر والمفروض حنا اول ناس..

فيصل/امرنا لله بس تراها الاولى والاخيره حلاتي رجال بطولي وعرضي اغير لهالنتفه..

البندري/ههه اوكي الاولى صح بس بحاول تكون الاخيره (ناظر فيها يعنني معصب وابتسمت وغصب ابتسملها) خذ اعطته غلا والملابس والحفاظه والبودره والجزمه والشراب والفرشه والعطر..

فيصل/ الله كل هذا..

البندري/ ايه لازم بنتي تكون نظيفه وانيقه..في كل شيء..

فيصل / ماعرف..

البندري/انا بغير بالحمام وبخلي الباب مفتوح وبقولك شتسوي..واذا ماعرفت شيء قولي المهم يله بسرعه حطها على السرير وابدا..ودخلت الحمام..

بدا هو بالمهمه الصعبه الي لو انتهى منها بسلام اعتبرت انجاز وابداع وهي انه غير لبنته الحفاظه..

فيصل/البندري بنتك موصخه مو العمله الكبيره الصغيره ..

البندري/ الله لايهينك تعال وغسلها ..

فيصل/ لاوالله..

البندري/ يله ياقلبي ترى بتوصخ عليك اذا طولت..

قام فيصل وغسلها بالمغسله الي برى ..

فيصل/ الحمدالله خلود ماشافتني البسها الحين..

البندري/ ايه لبسلها الحفاظه بس رش على غلا البودره بالاول..

فيصل/ الحين كيف اسوي بالحفاظه خليتها تحتها..

البندري/ شوف حبيبي في السرمات الي فوق بالحفاظه في لزق منطويه افتحها وتلقى بالجنب الثاني لزق بعد..من ورى بالحفاظه في نفس الشيء بس مو لزق لا شيء تلزق عليه اذا فتحت الثنتين..

فيصل قاطعها/ خلاص عرفت شفتك ذاك اليوم تسوينه..

فيصل/كلللللوووش خلصت مابغيت...

البندري الي كانت لابسه ومخلصه من زمان بس كانت تبي فيصل يتعلم كيف يغير لبنته عشان لاسمح الله تعبت او شيء يعرف يدبر عمره.. طلعت ولقته يلبس بنته وعليه شكل رافع ثوبه فوق ركبته وجالس ومتحمس واذا شال غلا يشيلها بخوف بصراحه نكته..

قعدت هي تستشور شعرها شعرها ناعم بس كانت تبي تلف اطرافه خلصت وبدت تحط مكياج..يوم خلصت..لفت على فيصل لقته يناظر في بنته بهدوء ومن دون مايتحرك..جلست تتامله شوي..

البندري/ فيصل حبيبي اول مره تشوف بنتك ..

فيصل ومن دون مايلف عليها/الحين صار عمرها تقريبا خمس شهور..تتوقين تمشيي ولا.

قاطعته البندري/ فيصل خلي املك بالله كبير بنتنا ان شاء الله بتمشيء واحنا سوينا الي علينا وكل اسبوع نوديها يسون لها جلسه طبيعيه والباقي على الله وبعدين يالله لانتاخر على امي..

فيصل/ماشاء الله مطقمين كلكم احمركا.

البندري/ عادي ام وبنتها بس تعال انت ليش فارق لغلا شعرها كانها هندي..

فيصل|/مادري يوم شفت جبهتها تذكرت الهندي الي يغسل سيارتي هو وفرقته سويتلها مثله.

البندري/لا والله يله بس وصلحت لغلا شعرها وعطرتها..دق الباب راحت فتحته وخذت المبخره الي قالت للشغاله تحط فيها فحم..وطلعت بخور من عندها وتبخرت وبخرت فيصل الي طلع يقول لاخته يالله لان امه وابوه من زمان رايحين للعزومه..شالت بنتها ووطلعت..

************************************************** *******

نوره/ اصايل.للحين مالبستي..

اصايل / مابي اروح..

نوره / ليش تبين خالتي ام نواف تزعل..

اصايل/ لا بس تركي بيكون موجود..

نوره/ واذا..

اصايل/ ابيه يعرف اني زعلانه وزعلانه مره..

نوره/ وكيف بيعرف الا اذا انتي قلتيله انك زعلانه منه ..

اصايل/ صح بروح وبلبس الي جابت لي امي..ثواني بس..

وفعلا ماتاخرت هي حلوه ومايحتاج تسوي شيء وهي بعد شاطره بالمكياج وبسرعه خلصت وطلعت .



راحو لعزومة ام نواف الي محد كان مستانس كثرها ..ومن زمان ماشافوا هالابتسامه على وجهها..

الكل كان حاظر عند الرجال بالمجلس الاتركي والحريم الي كانوا بالصاله وكلهم حتى جود وايمان كانو مستانسين من وناسة ام نواف..

ام راكان/ تستاهلين يالغاليه الله ماضيع دعاك وطلعلك ولدك..

ام سعود/ ايه الحمد الله ..

سمعوا صوت تركي يتنحنح ..

الجده/ نعم ياتركي بغيت شيء..

تركي/ ايه خلي الحريم يتغطون ..

تغطوا الحريم...

تركي/ تعال ياسعود وادخل سلم على امك..يام سعود طلعنا ولدك اليوم عشانك..

فز قلب بدريه وقامت تناظر الباب تنتظر الي بيدخل الحين ويملي هالبيت نور..دخل ترك وبعده ولدها الي من زمان ماشافته..

هو جلس يناظرها بعيون ذبلانه من الهم ..تجمعت الدموع..

لحظات عجز القلم واللسان عن وصفها ..لحظات جمعت بين اطهر قلب بالارض وهو قلب الام وبين قلب ولدها..

كان يفكر بلي قدامه هذي امه وحبيبته الي مايقدر يصبر عنها اكثر....فتحت يدينها ومشى بهدوء لها ويوم قرب منها ضمته..كانت تضمه لصدرها بقوه تبي تحس انه حقيقه وهو كان يدفن راسه بحظنها يبي يعوض الايام الي فقد فيها حنانها..

بدريه/ سعود يمه مو مصدقه عيوني..

سعود حب راسها وايدينها ونزل الارض كالعاده وسلم على رجلها..وقف وناظر فيها..

سعود وبكل حنان/ صدقي يام سعود..وسامحيني اقلقتك واتعبتك هالايام..

ام سعود مسحت على شعره الكثران../ مسامحتك يابعد هالدنيا كلها..

ام راكان/كللللللووووووووووش وتهنت عيونك يابدريه..

ابتسم سعود لها وراح لامه حصه..

الجده/ الحمد الله ياوليدي على سلامتك فقدناك..

سعود سلم على راسها وايدها/ الله يسلمك وانا بعد فقدتك ياقميل..

الجده/ انت ماتترك طبعك هذا..

سعود/ مااقدر ماقولك ياحلو انت احبك..

الجده/ بخليهم يرجعونك السجن عشان تادب..

سعود يغمزلها/ اهون عليك..

الجده/لا يالغالي انا طول هالمده فاقدتك وفاقده كلامك الي يرد فيني الروح..

سعود/ ادري ياعسل وعطاها بوسه على خدها..

الجده/ سعود قوم بس يالله روح سلم على خالتك..

راح سعود وسلم على خالته مريم..

مريم/ اسع يالغالي هديتك مني ان تروح بكره وتشتريلك سياره والموديل الي عاجبك ولاتحط سعر خذها باي سعر حلالك..

سعود/يعيني بدقلي همر..

الجده/ عاد انت ماتصدق بتاخذ اغلى سياره..

ام نواف/ حلاله بس لا وانا اختك يامريم نص عليك ونص علي..

مريم/ خلاص..

سعود / يغمز لامه متى بيجي بكره..بس هاه لاتنسين مو بتدفعين الفلوس وتنسين العروس..ولف لى خلو الي كانن قلبها بيطير من الفرح يوم شافته وبتموت يوم غمزلها هو شافها من اول ماخل..

ام سعود/ وانا انسى العروس جاهه ان شاء الله وارتاحلك كم يوم ونخطبها..

ام فيصل/ كيفك ياوليدي عساك بخير..

سعود/ تمام الحمدالله شلونك انت ياخالتي..

ام فيصل/ بخير..

ام طلال/ الحمد الله على سلامتك..

سعود/ يسلمك ربي يام طلال..

ام طلال/ يله ياسعود تعال معي فوق علمني كل شيء وانا بطلعلك ملابس تسبح وتلحق تكشخ زي ماعرفك عشان تروح للرجال ..

وهو طالع كانت البندري طالعه من المطبخ تاكل بنتها مادرت ان اخووها جاء ركضت له وضمته وهي شايله غلا..

البندري/شلونك سعودي وشخبارك متى طلعت وكيف وان شاء الله تكوون بخير سعود اشتقتلك..

سعود/ مااقدر اجاوب لخبطتيني..

البندري/ مو مهم اهم شيء انك قدام عيوني..

ام سعود/ وخري عن اخوك جاي تعبان خليه يطلع ياخذله شاور..

البندري/ ايه ماشاء الله..يحقلك..

تركي/ لاتتاخر تراك ماسلمت على الرجال على طول لامك يانونو ماما..

ام سعود/ معليكم منه واخذته وطلعت ..طلع تركي من الصاله وشاف اصايل بتدخل هي كانت مع البندري..دق على جوالها ورفضت الاتصال..مع انها قريبه بس حب يدق ويقولها انه يبيها هي كانت جايه بتدخل وهو خارج..

تركي/ اصايل تعالي ابيك ابي اكلمك..

اصايل/ مابي..

تركي/ قومي..يابنت الناس موحلوه شكلي بالصاله ..

اصايل ناظرت بنوره الي اشرتلها تروح وراحت معه..

دخل تركي للجناح الفاضي الي ام نواف عطته اياه عشان يسكن فيه اذا تزوج..

اصايل/ نعم؟!.

تركي/ زعلانه..

اصايل صدت عنه ولاردت..

تركي وبكل هدوء وخوف من الكلام والاسئله الي بتجي بعد كلمته/ ردي علي..

اصايل لفت والدموع بعيونها متجمعه/ ليش وش شايفني مااحس مو انسانه مالي مشاعرولاانت ماسويت شيء يزعل..

تركي/ انشغلت ياقلبي ماقدرت اجي..

اصايل/ مالي شغل انا ..كان دقيت اعتذرت قلت مااقدر اجي لكن تخليني انتظرك

لصلاة الفجر..

تركي حس قلبه بيوقف من كلام اصايل احساسه بالذنب بحق هالمخلوقه مخليه يحس بخنقه وانه مايبي يقابلها بس لا لازم يعتذر على الي سواه..

تركي/انا اسف سامحيني يالغاليه..

اصايل / وبهالسهوله مخليني اقوم مس من الصبح واروح السوق واطبخ واتعب نفسي.واتصلح واتزين وامل بجيتك وبليله تزيد ن علاقتنا قوة وانتظر وانتظر ساعه ساعتين ثلاث مافرقت بس من الساعه 9العشاء الى الساعه 3 ونص الفجر..حرام عليك شهالشغل الي طول هالوقت وين كنت ومع مين وش هالشيء الي اشغلك عني عن الانسانه الي فرحت بهالموعد عن الانسانه الي لك مده وعلاقتك فيها ضعفانه لااتصالات وامسجات افتح جوالك وشوف متى اخر مره كلمتني من احساس بشوقك لي..متى اخر مره ارسلت مسج يعبر عن مشاعرك..وافتح صندوق الوارد وافتح المكالمات الوارده والي مارديت عليه وشوف شوف كم اتصال اتصلت ولارديت او رديت ومن دون نفس..ليش قولي مابعاتبك على الي قبل بعاتبك على الي امس ادق وماترد وبالاخير تقفله ملان مني قولي وشهالشيء الي اشغلك وماخلاك ترد علي وتقول كنسلي الموعد ولاتنتظريني..علمني..رد ليش ساكت..

جلست تناظره والدمع بعيونها ..مادام ماعندك رد فواحد من ثنتين يانك عارف ان الشيء الي انشغلت فيه شيء تافه ماتقدر تقوله لاني ماراح اقتنع او لانك مو مهتم سواء انتظرت انا وتعبت او لا..وبكل الحالتين اسمحلي اتركك وفكر مع نفسك وشوف يمكن ماعدت ترتاحلي او حتى ماعدت تحبني عادي تتوقع بقولك مو سبب الحب والكره من عند الله..واذا تبينا نفترق هم قول مابي اكون فرض بحياتك وتستمر معي بسبب خوفك على مشاعري..اي مشاعر الي ماهتميتلها وتركتها حايره رد علي ..قولي انت لي صرت ماتهتم فيني ماصرت تحبني.و..

لحظه كانت تبي تستوعب الي صار جاها شي خلاها سكت بس..هالشيء كان كف ومن من من تركي..كان ساكت وادي يمكن مثل مايقولون سكون ماقبل العاصفه..ردت على الواقع من الالم الي حسته بخدها حطت ايدها على خدها..كان صاد عنها وفي داخله براكين مو الغضب منها لا الغضب على نفسها بالاول جرحها والحين ضربها باي حق هو زوجها بس هو خانها معقوله صارت رخيصه عنده يسوي هذا فيه ليش ياتركي.. ليش..

اصايل ماتكلمت ماقدرت شيء غريب في داخله جالسه تهديه بركان بينفجر تتوقعون من الغضب على تركي انه عطاها كف ابوها واخوها ماعطوها اياه لا ..براكين وش اجل ..تستغربون اذا قلت براكين شوق براكين حب براكين احساس بالضعف والحاجه لانسان قريب منا انسان نحبه ومتاكدين من حبنا له..ماقدرت تنطق الابكلمه وحدها كلمه دومها ترددها بينها وبين نفسها كلمه تحبها وتعشقها ..كلمه تجيبلها الراحه..

نطقت باسمه ..بسم الانسان الي لو يطلب روحها تقتل نفسها وتعطيه لو طلب الدنيا بتعطيه اياها انسان اندمجت روحها مع روحه وماعدت تحس فيها..نطقت باسم تركي..وبكل ضعف..

فزت مشاعره وغصب عنه حمرت عيونه بسبب انه حابس دموعه دموع خوفه من انتهاء حبه الي لو انتهىء راح تنتهي حياته معه..دموع حيرته باللي صار ويصير الحين دموع رعبه من كلام اصايل عن الفراق..دموع ودموع تجمعت بس ماطلعها ..لف عليها..ومن لمحت عيونه وشافت العذاب الي فيها ركضت لحظنه ودفنت راسها فيه..وبكت وبكت ..بكت خوفها على ضياع حياتها مع تركي وبكت خوفها من انه يبتعد عنها بكت خوفها الجديد من المستقبل الي حست فيه هاللحظه..ضمته خايفه منه بس مالها احد تلجا له الا هو..احاسيس تتضارب بقلب كل واحد منهم حس كل واحد بحرارة الثاني من الداخل...تركي بخوفه واصايل بخوفها..فتره مرة على هالحاله صمت يلف المكان يتخلله صوت شهيق اصايل من بكاها وصوت تنفس تركي واهاته..حست اصايل انها طلعت شوي من حرتها بعدت عنه وجلست تمسح دموعها ناظر فيها..تركي/ ادري اني مقصر معك مره هالايام بس حقك على هالقلب يالغاليه واشر على قلبه..

اصايل/ لايمكن انا الي صرت حساسه هالايام..

تركي حز بخاطره الي يسويه ومع كل هذا الا انها ماتبي تحمله المسؤوليه كلها..

تركي قرب وباسها على خدها..

انحرجت..ونزلت راسها بالارض..

حب تركي يخليها تنحرج زياده وبنفس الوقت يغير من هالجو..

تركي/ تعرفين هالجناح حناح مين..

اصايل/ لا..

تركي/ هذا هو المكان الي بيضمني انا وانتي بعد 8 شهور بالظبط..

اصايل ابتسمت ابتسامه محرجه وبعدها رفعت راسها وشافت المكان..

تركي: انا ببدى اأثثه من الحين..وبرسلك كتالوجات للبويات والتعتقيق والرخام والحمام وللصاله وانتي اختاري و على ذوقك..

اصايل/ انت اختار كل شيء بس غرفة النوم علي..

تركي/ ا انا ابي غرفتي على ذوقي ..

اصايل/ ياسلام مو بس بتكون غرفتك هي حتى انا لي فيها..

تركي/ خلاص بنقسمها قسمين اجل..

اصايل/ لاوالله..

تركي/ لامن جد انا بختار غرفة نوم ..غرفه ماشفتيها حتى بالاحلام صحيح بتكلف كثير بس يالله انت غاليه وانا غالي ونستاهل وبعدين ام نواف بنفسها قالت اشتريلها اغى واحسن شيء..بخليها بالاخير..بس ها ابيها مفاجاه لك بس ماابيك تشوفينها الا يوم ندخل انا وانتي لبيتنا راجعين من القصر..اوعديني..

اصايل/ وعد..ووينا ذوقك..دخلت حنان حاطه يدينها الثنتين على بطنها..

حنان/ شتسون؟.

تركي/ عادي اوري زوجتي بيت المستقبل فيها شيء..

حنان/ ياعيني لامافيها شيء بس الرجال يسالون عنك وانتي خالتي تدور عليك..

اصايل/ انا بروحلها ولفت على تركي الي حس انها باقي شايله شوي في قلبها ابتسمت وراحت..

حنان التفتت على تركي/ روح انت بسرعه للرجال اعرفك لو مادخلت الحين انا كان انت ماطلعت للفجر..

تركي/ روحي انتي ياللي تكرهين زوجك عالاقل احسن منك انا..

حنان/ مااكرهه وبشاره الحين خليته يناام عندي بنفس الغرفه بس على الارض..

تركي/ تطورات..هههه

حنان / الحمد الله بديت اتقبله شوي وبعدين انت وشعليك روح عند الرجال يله..ضحك عليها وطلع والي كان شاغل باله انه خلاص مايبي يعيد هالليله بيدق على العنود ويقولها تبعد عنه..

داق ماردت وشوي قبل مايدخل للمجلس دقت هي ورد..

************************************************** ******

دخلت وشافت بنت خالتها تكلم بالجوال..وشكلها توها تكلم..

سميه/ العنود مين تكلمين اذا كانت ساره عطيني اياها..

العنود/لامو ساره ورجعت تكلم تركي الي حست انه بيقول شيء..ماتدري ليش قررت تصكر..

العنود/ حبيبي انا مشغوله الحين بس حبيت اسمع صوتك ,تامر شيء ..باي..

سميه/ عنوده مين هذا؟.

العنود/ يوه ياسميه انتيماتدرين تعالي اقولك..

سميه/ حمستيني مين؟ّ.

العنود/سميه تعرفت على واحد جديد..

سميه/ انتي مو بصاحيه بس يالله مادامك تقولين ان علاقاتك مع الي تكلمينهم بس بالجوال او مقابله بكوفي اهون اناتعبت وانا كلمك واقولك غلط هالشيء..

العنود/ بس هذا غير واكيد بتتطور علاقتنا ..

سميه/ وليش ان شاء الله..

العنود/ لاانه غير ..

سميه/ وانتي من وين تعرفينه..

العنود/ بقولك بس ماتقولين لاحد..

سميه/ قولي..

العنود/ تعرفين البندري الي معك بالشله صديقتك..

سميه/ ايه صديقة وقريبة اصايل شتبين فيها..

العنود/ هذا يصير خال البندري..

سميه انصدمت وصرخت / العنود صاحيه انتي هذا يصير زوج اصايل صديقتك..

العنود/ عادي هي مو صديقتي صديقتك انتي.وبعدين هو مالك عليها مو متزوجها.

سميه/ بس هو يحبها وهي نفس الشيء..

العنود/ بس هو رضى يكلمني بالرغم من انه يحبها..

سميه/وكيف تعرفتي عليه؟.

العنود/ ابد شفت رقمه بجوالي قبل فتره بعد مادقت اصايل عليه وقلت اجرب حظي..

سميه/ العنودخافي ربك لاتخربين بيتها وتلقين لك دعوه تصيبك..

العنود/ ياشيخه روحي مالك شغل انت اذا ماقلتيلها ماراح تدري..

سميه ناظرت بالعنود ماتدري شبيصير باصايل لو درت خصوصا ان اصايل وهي صديقات ومن قبل كانوا جيران..هي ماتقدر تسكت بكيفها بنت خالتها دومها تكلم شباب بتلقالها واحد ثاني بس رجل اصايل لاهي بتقولها او بتلمح لا هي بتقول لحنان مو حنان ساكنه مع تركي ببيت واحد فبتكلمها والله يستر..

************************************************** *

[فيتامين سي]

الفصل الخامس..................

اصايل فتحت عيونها على صوت جوالها ازعجها يدق شاف الرقم ياربي هذا الرقم له يومين يدق من عرف اني بنت وهو مبلشني..حطته رفض..وكملت نومها .الاويدق الجوال ومن دون أي تفاهم شالته وردت..

اصايل/ نعم تراك ذبحتني يااخي شتبي مني قلنا غلطان بس ترى زودتها..

حنان/اسم الله كليتيني..

اصايل/ حنان..

حنان/ ايه بسم الله الرحمن الرحيم علينا خرعتي ولدي شفيك..

اصايل/ ذبحني واحد كرهني بالجوال بس يتصل وتوه داق طير النوم من عيني..ومن سمعته رفعته واعطيتك المحاضره..

حنان/ لمفروض تشوفين الاسم افرضي كان تركي..وهزئتيه..

اصايل/تركي..تركي له نغمه ثانيه بعدين هو صارله فتره مايكلف نفسه يدق انا الي لازم ادق واسال..

حنان/ ماعلينا المهم بسرعه تراني شوي واحرك من البيت الحين تاخر الوقت بنروح للجامعه..

اصايل/يوه مايمديني شكلي بكنسل اليوم..

حنان/ لا ياشيخه انا توني بنزل وبعدين انا نفسي اروح للجامعه اليوم انتي تعرفين اختبارتنا قربت ولازم اخذ ملازم وحركات..

اصايل/ حاولي تتاخرين بالطريق عشان اخلص..الله يعين اللي بيسوق..

حنان تناظر بتركي وتبتسم/ لاعادي بنمر على البندري وخلود.. يمديك..

اصايل/ اوكي باي وصكرت..

فزت بسرعه من السرير ودخلت تسبحت وطلعت جففت شعرها ولبست بسرعهوحطت مكياج خفيف..واخذت كتبها وشنطتها ودق جوالها..

اصايل/ حنان شوي بس واطلع باي..

حنان جلست تضحك عليها هي وتركي..

نزلت تحت وسلمت على امها وتذكرت انها نست بوكها..طلعت بسرعه واخذته ونزلت طلعت بسرعه وركبت للسياره من دون ماتشوف الي يسوق ودخلت وجلستت ورى..

اصايل/ السلام عليكم..

الجميع/ وعليكم السلام..

اصايل/ سوري تاخرت..

البندري/ عادي بس ليش تاخرتي دومك تقومين بدري..

اصايل بصوت واطي/ مانمت امس هذا الي بس يدق الله ياخذه طير نوم عيوني..

تركي/ مين هذا الي يدق عليك..

اصايل/ تركي حبيبي مادريت انك انت الي تسوق حسبالي نواف..ولاراكان..

تركي بصوت عالي شوي../ مارديتي علي..

اصايل متفاجاه شفيه ذا معصب/ واحد مزعج بس يدق علي..

تركي طرت على باله علاقته بالعنود وتخيل لو اصايل ممكن تكن علاقه مع هذا الي يدق .

تركي بعصبيه/ وانتي تعرفينه..

اصايل/ لا..

تركي/ متاكده..

اصايل/ تركي شفيك قلتلك مااعرفه..

تركي/مافيني شيء بس من حقي اتاكد..

البندري/ تركي شفيك عليها..

تركي/ لو سمحتي ياالبندري هذي مرتي وعادي اسالها..

البندري/ سوري وسكت..

اصايل وهي معصبه/تسال وش هو تحقيق حلوه هذي تعرفينه وشايفني عندك وبعدين مالك حق سال هالسؤال..

حنان/قولوا لااله لا الله ماصار الا الخير واجلو هالنقاش بعدين مو الحين لا يصير علينا حادث..تركي حس صدق ان سواقته غلط موقادر يمسك اعصابه..

البندري قربت من اذن اصايل/ اصايل مايقصد هدي نفسك كلها غيرة رجال..سكتت اصايل..الجو كان متكهرب بالسياره..تركي كان ندمان على الكلام والطريقه الي كلمها فيها..كانوا يسمعون صوت تنفسه واصايل عرفت انه محترق من داخل هو مايتنفس كذا الا وفيه نيران بداخله اكيد ندمان..بس خله مايحقله يسال شاك فيني يعني..وصلوا الجامعه وطلعوا البنات كان يبي يكلمها بس هي طلعت وصكرت الباب باقوى ماعندها..

دخلوا الجامعه كانوا متاخرين واليوم هو االيوم الوحيد الي تتشابه فيه اوقات المحاظرات..للاربع..

اصايل وحنان/ علم نفس..

البندري/ انقليزي..

خلود/ ادارة اعمال..

دخلوا قاعاتهم وكانت سميه مع اصايل وحنان ..اصايل طول الوقت تتافف وقرفانه من الي صار اليوم الصبح..ومن الي يدق عليها هالغبي والي مو قادره تهزاه لانها بمحاظره..

واول ماخلصت المحاظره طلعت هي وحنان ودقت عليه..

اصايل/ انت شتبي ازعجتني ليش تدق على هالرقم..

الرجال/ بس ابي اتعرف وباين عليك..

قاكطعته/ ماعليك شباين علي اسمع هالرقم لاتدق عليه واستح على وجهك انا وحده متزوجه وابعد عني وان شفتك تدق ماراح يصيرلك خير..صكرت..

حنان/ ياخي هدي نفسك,,

اصايل/ اليوم من بدايته تنكيدات واقواها الي بالقاعه..ينني معطيني انا جزاء وتقلدها..لانك تتاففين وصايره ماتحضرين الواجب..ابحثي عن موضوعنا اليوم بحث كامل ومابرضى فيه الا اذاكان 150 صفحه وبخط ايدك.بعد..وبداية الشهر الجاي لازم يكون موجود على مكتبي..

حنان /هههههه وبتسوينه.

اصايل/ مجبوره..لازم اسويه الشهر هذا واقدمه الجاي لاني ماراح اختبر بمادتها واتعدى هالمستوى..

حنان/ الله يعينك بساعك ابحثي بالنت وارسلي لاميلي انا بكتب النص وانتي النص..

اصايل/ خير ان شاء الله..بس المهم انا ملانه ابي اسولف واضحك..

حنان/خلينا نروح للبنات البندري طالعه من ربع ساعه بس خلود تتاخر نص ساعه وخمس دقايق باقي عشان تطلع..

اصايل/ الله يعينها بس عليها محاضرة شبكه بنمر ونطلعها..

حنان/ لاتخربينها ترى دراستها صعبه..

اصايل/ههه اخربها هي دومها تطلع هذا اذا مالقيتيها قدامك..وشوي والا البندري وخلود جاين ضحكت خنان واصايل..وعلموهم ليش يضحكون وقالتلهم حنان الي سوته الدكتوره باصايل..راحوا للكفي وجلسوا على الطاوله الي دومهم يجلسون عليها..

اصايل/ البندري انتي عندك محاضره بعد شوي صح..

البندري/ ايه بس محاضرة شبكه بوقع واطلع قبل ماتجي المحضره عشان تاخذ الورقه مره ثانيه..

اصايل/ وانتي ياخلود..

خلود/ لا ماعندي شيء..وانتي حنونه والاصيله عندكم..

حنان/ لاحتى لوفي ماراح احضر انا تعبانه حبيبي الي ببطني قاعد يرافس..

اصايل/ اقول لايكثر كلكم ..خلنا روح بيوتنا ابرك مادام ماعندنا شيء..

البندري/ بس انتظروا نص ساعه عشان اوقع واطلع..

حنان/ خلي وحده من صديقاتك الي معك توقع بدالك..

البندري/ شكلي كذا..

جاتهم سميه..

اصايل/ هلا هلا بسمسومه..

سميه/ هلافيك ياقلبي وجلست عند اصايل..

سميه من زمان عنكم بنات شخباركم..

خلود/ انا قبل امس جالسه معك هذول وتاشر على البندري وحنان اساليهم..

حنان/ الحمد الله الاسبوع هذا بدخل الثامن..وهذا هو متعبني شوي..

سميه/ وانت يالبندري وشلون بنتك غلوي..

البندري/ انا تمام وغلاهم تمام توها صايره تتقلب تحاول وياله ياله تنقلب.بعد معركه طويله وصياح ارحمها واقلبها..

سميه/ يالبى قلبها..وانت اصايل متى بتفرحيني..

اصايل/باقي بهالاجازه ان شاء الله..

سميه/ عاد ماشاء الله عليه دوم الرجال الصبر عندهم قليل وهو مستحمل..

اصايل/ايه بعد عمري..(اصايل مع الي صار اليوم الا انها ماتقدر تخبي مشاعرها")

سميه/لااحد يسمعك وتصكك بعين تاخذه منك..

اصايل/ههه لاياحبيبتي انا وتركي انخلقنا لبعض احبه ويحبني هو ماراح يناظر غيري وانا نفس الشيء..

سميه/ الله يديم المحبه بينكم..الاصح.نسيت اقولكم ترى كلكم معزومين عندي بالبيت الخميس هذا..وابيكم تجون..

خلود/ سوري حبيبتي انا عندي بحثين ومو فاضيه ابي اسويهم الخميس لان ماعندي وقت ثاني..

حنان / وانا بعد سمسوم شوفي هالبطن مااقدر ياقلبي اطلع واجيك..

اصايل/ ولايهمك انا بجيك معليك منهم العجازات..

البندري/ وانا بعد..

سميه/ حياكم..حنان عطيني رقم جوالك..

حنان /سمسومه اناعندي رقمك بدق عليك الحين وخزنيه..ودقت عليها وخزنت الرقم..

سميه/يله استاذنكم انا مع السلامه..

الجميع/ مع السلامه..

اصايل/ يله دقوا على احد يجيكم.ياخذكم..

البندري/ ليش مو جايه معنا..

اصايل/ لا لان تركي بيوديكم انا بدق على امي ترسل السواق..

البندري/ اصايل بلا دلع..

حنان/ ماعليك منه هالطعس..تعالي معنا..

اصايل/ طيب بجي بس بوريه..

دقوا على تركي الي مو كله راشد بانه ياخذ البنات دوم يوديهم الجامعه ويرجعهم صعبه شلة بنات يروحون للجامه مع سواق..ومن حسن الحظ الشركه قريبه من الجامعه متى مانتهى دوامهم انتهى دوام تركي..وتركي مستانس يودي اصايل ويجيبها..وشوي دق عليهم وطلعوا بس اصايل ماطلعت مو لشيء بس كانت تبي تتاخر شوي تبيه يهزئها عشان تفجر عليها..

البنات ركبوا ورى وخلوا قدام لااصايل مع انهم عارفين انها بتولع بس لازم يتراضون ..

جات للسياره وشافت مافي مكان الا جمبه فتحت الباب وجلست صكرته ولفت على تركي وباعلى صوتها..

اصايل/ ترى مانت ابي اجي معك بس السواق مالقيته وانحديت..

تركي تفاجا الظاهر زعلانه من الخاطر..مشى شوي ويوم حس انها هدت لف عليها..

تركي/ زعلانه..

اصايل رجعت تعصب/ لا وتسال بعد انت ماسويت شيء يزعل انت ..ليش ازعل..

تركي/ اصايل لاتكبرينها عاد ماتسوى علي..

اصايل ماتتكلم مسك ايدها وغصب فيها حست برجفه كان تركي كان يرسلها مشاعره من ايده..

تركي/ سامحيني...ماردت حس برجفتها وحمدالله انه وقف عند هالاشاره هذي تطول لين تفتح..قرب منها وقعد يكلمها بهدوء وهي ترد بهمس وشوي وجلست اصايل تضحك..

البندري منقهره تبي تسمع/ شقلتوا..

تركي/هههههه مايخصك يالملقوفه..

البندري/ طيب ياتروك اوريك..

اصايل/ لاتقولين تروك..

البندري/ الله ..مادري مين الي كان ماينادي تركي الا بتروك..

اصايل/ لايكثر بس..

تركي/ وصلنا بيتك يله ياقلبي انتبهي لنفسك ..

اصايل/ ان شاء الله حبيبي..لفت على الي ورى../ مع السلامه يالبقرات الثلاث..

تركي/ههههههههههههههههههههههههه هههههههه

الجميع/ مع السلامه وكل وحده توعدتها انها توريها لاشافتها..شوي ووصلوا بيت ابوفيصل الي قريب من بيت اصايل ونزلوا خلود والبندري..

بقيت حنان معه وحبت تكلمه..

حنان/ ماشاء الله عليك قدرت تراضيها بس لاتعيدها..تدري اليوم لو شفتها كيف دافعت عنك..

تركي/ ليش شصار..

حنان قالتله عن كلام اصايل لسميه لما قالتلها انه تركي ممكن يروح لغيرها او تاخذه وحده..تركي حز بخاطرها هالكلام تثق فيه وهو يخونها خلاص هو صمم انه ينهي علاقته بالعنود..واليوم..

اول مارجع للبيت دق عليها ..سولفوا شوي..

اصايل/تركي بعد بكره بنروح لوحده من البنات لبيتها وقلت لامي قالتلي استاذني زوجك..

تركي/ وهذي من وين تعرفينها..

اصايل/ هم كانوا جيراننا وبعدين نقلوا امي تعرف امها ونورها تعرف اختها الكبيره..

تركي/ بس انتي بتروحين..

اصايل/ لا البندري ونوره اختي بيروحون معي..

تركي/ روحي ياقلبي..بس متى بتسافر امك..

تركي/ الاحد ..

تركي/ اجل خلاص يوم السبت بنحدد الزواج..

ابتسمت اصايل / اوكي بس الحين خلني انام تعبانه..

تركي/نوم العوافي وصكر..وشوي ونام لانه تعبان بس هي تذكرت الكلام الي قالها اياه..

تركي/ يله ياقلب وياروح تركي لاتزعلين..

اصايل/ مابي..

تركي/صدقيني من كثر ماحبك اغار عليك..وبعدين يهون عليك تعذبين قلبي الي يحبك ويموت فيك..ترى اذا مارضيتي بتعب وبتعذب..

اصايل/ طيب رضيت بس انت متغير هالفتره..

تركي/ صدقيني ياقلبي انه بس مجرد شغل كثير عندي وبينتهي وبعدها ماراح اخليك بروحك ولاانشغل عنك وصدقيني ماراح ازعلك ابد هذا وعد..

اصايل/ وعد وعد..

تركي/ وعد وعد..

ابتسمت من خاطرها ماتدري ليش ماتقدر تزعل منه تحبه وتموت فيه..

************************************************** *****

[فيتامين سي]

الفصل السادس.........................

كانت جالسه في رفتا دايخه شوي بس موجايها النوم رن جوالها هذي سميه هي حست ان سميه تبي شيء..

حنان/ هلا..

سميه/ السلام عليكم..

حنان/ وعليكم السلام..هلاسميه....

سميه/ حنان انا مابي اطول علك بس انا كنت ابي اكلمك بموضوع يخص اصايل وتركي..

حنان/ خير؟

سميه/ حنان انا مادري شاقولك بس ان لازم اقول حنان تركي يخون اصايل ويكلم وحده غيرها..

حنان منصدمه/ انتي شقاعده تخربطين مااسمحلك ياسميه تقولين هالكلام عن خالي..

سميه/ حنان صدقيني انا ماكذب عليك انا ادري ودريت من نفس البنت الي يكلمها..

حنان تذكرت كم مره تدخل عليه غرفته وهو يكلم ويكلم بصيغة انثى ومن تدخل يعتذر ويصكر..

حنان/ سميه علميني بكل شيء ومين هالبنت..

سميه/ بالبدايه ياحنان انا قلت اني ممكن اضرها لو قلتلكم بس ااقدر اخرب بيت وحده مالها ذنب واسكت عن الحق..وحرام العب على اصايل واخونها انا بقولك مين وقالت لحنان السالفه كامله..

حنان/ المشكله انا ماعندي بكره دوام ويوم السبت ان اء الله بكلمها .هي تدري انه متزوج..

سميه/ ايه..سامحيني ياحنان انا مااقصد اضر احد..

حنان، انتي الي سامحيني عصبت عليك..وبعدين انتي مالك شغل بالسالفه وانا بحاول انهي العلاقه قبل ماتدري اصايل بالسالفه..

سميه/ الله يستر ياحنان ..مع السلامه..صكرت حنان وماتدري شتسوي..هي الى الحين..مو مصدقه بس هي لازم الحين تروح تكلمه..

اما سميه الي ارتاحت بعد ماقالت لحنان..دقت على العنود..

العنود/ نعم..

سميه/ اسمعني يابنت الخاله تراني قلت لحنان كل شيء عنك وعن تركي وهي بتكلمه وهو بينهي العلاقه لانه مايبي يخسر اصايل ..وحتى لو زعلتي مايهمني لان هذا الحق وماينزعل منه..

صكرت سميه وجلست العنود بحيره هي صح ماتحبه بس تعلقت فيه هذا غير عن الي كانت تعرفهم..وتركي بيروح الحين منها وبيبيعها برخصيص لانها بنظرها اصايل اقل منها بكل شيء.. تتركي اخذها وناسه وبس..وهي بترد اعتبارها بطريقه ثانيه تدمر الي قاعدين يخططونله..

لمعت فكره ببالها وجلست تفكر زين كيف تسويها..

************************************************** ***

دقت الباب على خالها..

تركي/ تعالي حنون..

حنان/ تركي بغيت اكلمك بموضوع مهم..

تركي/ امري..

حنان/ تركي انا بكلمك بكل صراحه ومن دون لف ودوران بصراحه انت قاعد تخون اصايل وانا دريت بالموضوع بس انا ماتوقعتك على حبك لاصايل وحبها لك تخونها..

تركي انصدم/ انتي مين قالك..

حنان / ماعليك مين قالي..تركي.انت لازم تعرف ان الي ماتستحي على وجهها الي اسمها العنود وحده من شلة اصايل ..يمكن اصايل ماتعرفها زين بس اصايل صديقة بنت خالتها..وصدقني لودرت اصايل ماراح يعدي الموضوع على خير..

تركي منصدم بزياده العنود وحده من شلة اصايل/حنان والله من امس والي صار اليوم بالسياره قلت ابي ادق على العنود وانهي علاقتنا الي بالنسبه لي مجرد وناسه ..

حنان / طيب دقيت..

تركي/ لا..

حنان/ دق الحين ياتركي..

دق تركي على العنود الي ماكانت تبي ترد..

تركي/ ماردت..

حنان/ انت لازم تكلمها..

تركي/مولازم خلاص ماراح اكلمها ابد..

حنان/ لالازم تكلمها وتقولها ان علاقتكم انتهت عشان مو تجلس تدق عليك ولاتسال عنك..

تركي/ خلاص..

حنان/ ياتركي والله اصايل تحبك ادعي ربك انها ماتدري انها لودرت صدقني بتصير مشاكل ويمكن توصل للطلاق..

تركي/ فالك ماقبلته لاتقولين كذا..

حنان/ تركي اصايل اهم شيء عندها كرامتها وخيانتك لها شيء بيهز حتى صورتها قدامها انها ماقدرت تغنيك عن الكل..وهي مستحيل تعيش مع انسان انخدعت معه..يمكن انتم تزاعلتوا هالايام بس كانت مشاكل بالنسبه لها تجرح مشاعرها وقلبها وكيانها بس لو صار هالشيء بتنجرح كرامتها وبتنجرح اصايل بذاتها..

تركي/ شاسوي ياحنان..

حنان/ ابعد عن هالبنت وقرب اكثر من اصايل..حسسها بحبك لها..

تركي/ الخميس هذا بنطلع انا وياها لمكان هادي وبقولها بهدوء السالفه اريحلي واريحلها..

حنان/ الخميس هي بتروح لصديقتها ولو تدري مين..

تركي/ مين..

حنان/ بنت خالة العنود..

تركي مو مصدق/ماراح اخليها تروح..

حنان/ماتقدر تمنعها سميه صديقتها من هم صغار وكانوا جيرانهم ويقربون لامها..

تركي/ بس اكيد العنود بتكون هناك..

حنان/ ماظن سميه تعزمها..

تركي/ يارب استر..

حنان/ يارب ..سوي ياتركي الي قلتلك عليه وان شاء الله خير..

************************************************** **

مر الاربعاء بهدوء يمكن كان الهدوء الي يسبق العاصفه..اصايل لاحظت ان تركي فيه شيء مرتبك ومتوتر..

تركي..يحاول مايبين لاصايل شيء بس على مين على اصايل الي كانت تراقب تصرفاته وحركاته..دق على العنود بس هم ماردت وعصب وقال انه بيدق بكره عليها واذا ماردت مستحيل يدق..وبيقول لاصايل كل شيء..

الكل كان مجتمعيوم الاربعاء ببيت ابو فيصل كالعاده ..ونسيت اقولكم ان سود شرا همر جنان..اسود واخر موديل بس هو يبي يخطب وبعد مايخطب بيطلعه من المعرض عشان اول من يركبه هي..واكيد عرفتوها..

************************************************** *****

[فيتامين سي]

*&$#^الجزء الثامن^#$&*

**في هذا الجزء تتوقف دقات القلوب..وتبداء بالعمل بهدوء لايسمع من عملها شيء..نعم ففيه يظهر المخفي عني انا عن قلب العاشقه المتيمه..

يطعن قلبها بسهم سريع اتاها من بعيد كانت تراه وتتتامله وتقول بانه سيميل لليمين اواليسار ليبعد عنها ولكنها تاكدت بعد فوات الاوان واقترابه منها بانه مصوب اليها فلامحال للهروب..وهاهو قد دخل باعماقها ليخترق كل الحواجز ويستقر بقلبها..ولكن هل تستطيع انتزاع السهم وايقاف النزيف ورميه مرة اخرى لمن ارسله لها ام ستستسلم لامرها وتجعل الدم يسيل قطرة قطرة الى اخر نقطه...

((اصايل ))


^^^^^^^^^^^^^^^^^^^^^^^^^^^^^^^^^^^^^^^^^^^^^^^^^^ ^^^^^^^^^^



الفصل الاول...............................

يوم الخميس..

اصايل/نواره تعالي شوفي وش البس الاحمر والذهبي والا الاسود والابيض..

نوره/ الاسود والابيض رسمي البسي الاحمر ..وفليها اليوم جمعة بنات الجيران القديمين..

اصايل/ اوكي..طلعت نوره وصكرت اصايل الباب ولبست الاحمر..كان تنوره حمرا وفيها نقش من جنب بالذهبي قصيره تحت الركبه بشوي..وكانت لابسه توب احمر..وفوقه جاكيت قصير ذهبي لماع ترتر..فكت شعرها الي صبغته اشقر على ذهبي والي تركي مالحق يشوفه لانها صبغته اليوم بعدالفجر..وحطت مكياج على لون لبسها ولبست بوت طويل لونه ذهبي مثل الجاكيت..طلعت خيال ومع الصبغه شيء..

نوره لبست بنطلون بني غامق وفوقه بلوزه طويله نمريه..وفكت شعرها وحطت مكياج خفيف..دقت اصايل على البندري وقالتلها البندري انها بتجي الحين لبيت اصايل وبعدها بيروحون..وصلت البندري.الي كانت لابسه تنوره قصيره ابيض وفوقها بلوزه موديلها من فوق هندي لونها وردي مخليها كيوت ولابسه بوت لونه وردي..طلعوا البنات وراحوا لبيت سميه الي مو اول مره يروحون له..وصلوا ودخلوا ,وانتظروا سميه لين انزلت من فوق كانوا بالصاله الي تحت جالسين..

سميه/ الحمدالله انكم جيتوا تاختوا الكل جاء..وتوقعتكم كنسلتوا الجيه..

اصايل/ ولو وعدنك..

البندري/ سمسومه السيارت والسواويق الي واقفه كثير بس ماسمع صجة بنات..

سميه/ فوق بالصاله جالسين ..

نوره/ من في..

سميه/ كل بنات الجيران الاولين وشلة ندى وهنا..كلهم موجودين مانقصها الا انتي..

نوره/ حمسيني..

طلعتم سميه فوق..عند البنات وسلموا وجلسوا يسولفون..

كان نظام بيت سميه من فوق نظام شقه امريكيه..المطبخ قبال الصاله والكنب وكل شيء كان تقسيمها تقسيم شقه لان سميه مستقبليا اذا تزوجت بتسكن عندهم اساسا تقريبا هي هذي شقتها وعالمها الخاص.اهلها ماعندهم الا هي. وندى ندى تزوجه وعايشه بجده وكانت عندهم هالفتره وهي بعمر نوره وصديقتها..

دخلت الشغاله وقالت لسميه ان العنود جات..سميه تفاجات هي ماعزمتها ماتبيها تحتك باصايل..شتسوي كانت تبي تروح وتقولها ترجع من وين ماجات بس الي وقفها ان العنود دخلت قاموا يسلمون عليها ومن بينهم اصايل..سميه حست هالليله ماراح تعدي على خير..

نوره من شافت العنود وبالعبايه حست انها شافتها من قبل بس وين موقادره تتذكر بس شعور بالنفور كان في قلبها لهذي الانسانه..

اصايل الي كانت تسولفمع الكل ومع ضحكها الاانها ماقدرت تتغلب على الشعور بعدم الراحه الي من قبل ماتجي هنا وهي تحس فيه وزاد يوم شافت العنود..تعوذت من ابليس..اصطنعت ابتسامه لخلود الي جت وجلست جمبها وحطت جوالها الي شرته خصيصا عشان هاليوم والي كان يشابه جوال اصايل ان 76 ونفس اللون..

قطع سواليف اصايل مع ندى رنة المسج خذت الجوال على انه جوالها بس هو جوال خلود..فتحت المسج وكان مكتوب.((وينك لي يومين ادق ماتردين ابي اكلمك بموضوع ضروروي والحين)) نزلت على الرقم وشافت مكتوب على الرقم حبيب قلبي تركي هي ماغيرت اسم تركي بجوالها مسميته حياة الروح..نزلت للرقم ومن بدت تقرا نفس رقم تركي..ماكملته لان العنود حطت ايدها على الجوال..

العنود/ معليش هذا جوالي انتي هذا جوالك..

اصايلابتسمت/ معليش بس نفس الجوال والنغمه..انا دايم اميز جوال باكسسوارت بس كنت بغيرها امس ونسيت..

العنود/ هنا ازعاج ابي ارسل لحبيبي بهدوء اركز وانا اكتب بروح لغرفة سميه وراحت..

اصايل مستغربه ومتعجبه الجوالات تتشابه ونغمة المسج تتشابه واسم زوجا يشابه اسم حبيبها ..حتى الرقم بدايته تتشابه بس هي ماكملت للنهايه اكيد في النهايه اختلاف..

اما عنود راحت وارسلت لتركي مسج..كتبت فيه ((اسفه على تاخيري بس انشغلت وانا ماعندي رصيد كافي ادق فيه عليك دق انت بعد شوي اوكي)) ورجعت عند اصايل

العنود/هذا حبيبي تركي وقريب بتسمعين اخبار حلوه..

اصايل ابتسمت وتوقعت ان العنود بتتزوجه او بتملك عليه ماكانت تدري ان العنود تقصد شيء ثاني..حطت جوالها واستاذنت تروح الحمام كانت سميه تراقب كل شيء وحست انه في شيء العنود ناويه عليه كنت تبي تروح وتاخذ جوالها بس الي منعها ان جوال العنود رن ونغمه عاليه نغمة اصايل طلبتك..رفعت اصايل الجوال عشان تبي تحط صامت وشافت ان حبيب العنود الي اسمه تركي يدق عليها غصب عنها قرت الرقم بس انذهلت فتحت عيونها زياده يمكن هي ملخبطه وقف الجوال عن الرن فتحته وحطت عرض الرقم وشافت انه نفس الرقم لاهي تبي تفسير مستحيل ارقام متشابهه..اسماء جوالات نغمات تتشابه ايه بس الرقم لا..صرخت بداخلها لما حست انه مافي تفسير الا ان تركي يخونها وبداخلها وباعلى صوتها صرخت مستحيل رجع يدق وبدت تحس قلبها بيوقف تبي تغير هالتفكير بانه تركي غير جواله بس اليوم الصبح مرسلها مسج فيه ..خلاص مافي مبرر غير هذا..تناظر بالجوال الي وف عن الرن وجاء مسج فتحته لقت من نفس الانسان ((وينك ماتردين علي اشغلتيني)) خلاص تحس انها مي قادره تستحمل صرخت وبصوت عالي مستحيل تركي يخوني...

التفتت عليها البندري ونوره وسميه الي عرفت انها درت ..البنات عم السكوت بينهم..

نوره قامت لاصايل الي الدموع تنزل سيول منها..والي كانت حاطه ايدها على قلبها..

نوره/ شفيك اصايل.اسم الله عليك..

اصايل/ شفيني اكتشفت توني ان وحده من شلتي خانتني وجلست تكلم زوجي..بالدس..

البندري/ انتي شقاعده تقولين..دخلت العنود..

اصايل يوم شافت العنود لفت على البندري/ الحين بتعرفين من هالحقيره السافله واشرت على العنود..

العنود وباصطناع واضح/اصايل شفيك وشهالكلام الي تقولينه..

اصايل/ ولك وجه تسالين عقب الي سويتيه انتي ماسويتي شيء بس خنتيني واخذتي رقم زوجي وجلستي تكلمينه ياللي ماتستحين على وجهك..

العنود /انا مااسمحلك..

اصايل راحت عند العنود وعطتها ذاك الكف اليقهر العنود من كل قلبها واليء فاجا البنات..

اصايل/ مو منتظره منك تسمحين ولالا ياخرابت البيوت..

العنود وهي حاطه ايدها على خدها وتتكلم باسلوب انتقامي واستفزازي/ سمعيني عاد اذا انا خنتك فهو خانك اكبر من خيانتي انا ماعرفك لكن هو يعرفك وزوجك ويخونك..

اصايل حست بقلبها بيوقف من كلام العنود..

البندري/ ياقليلة الادب يلي ماتخافين من ربك حسبي الله عليك..

العنو ماهتمت لكلام البندري ولفت على اصايل/واذا تبين الحقيقه هو صح يحبك بس تركك عشاني ويوم عيد ميلادك الي كنت ادري فيه من سميه كنت اعرف انه بيجيك وكان معي طول ذيك الليله وكنا نفر بالسوق وبالسياره .وانت تحترقين تنتظرين..

نوره/يعني انتي الي كنتي معه يالحقيره..اصايل ناظرت في نوره بس خلاص ماحبت تزيدها لفت على سميه الي كانت تبكي وناظرت بالكل تحس ان الكل خانها..ناظرت بالعنود باستحقار وبادلتها العنود بنفس الشيء..

اصايل/ تدرين انتي ماينشره عليك وحده سافله وحقيره تنتظر من يرمي الرقم عشان تاخذه مالها قدر ومالها قيمه حتى عند الي يكلمونها معتبرينها مثل المنديل يمسحون به طفشهم ويرمونه بالزباله وينداس عليه بالاقدام وهذا مقامك يالواطيه..حسبي الله عليك دنيا واخره..وطلعت..

كلام اصايل للعنود حسسها بقهر وحرقة شلون تقولها هالكلام كانت العنود تتوقع انها هي الي بتغلب اصايل بس بهالكلام اصايل الي غلبت..

البندري/ بصراحه ماتوقعتك حقيره لهالدرجه الله يعين اهلك والي مصادقينك والله يعينك على نفسك الحقيره..

نوره/لاتتوقعين بالي سويتيه بتضعفين اصايل اصايل قويه والي يضرها يضر نفسه وانتي الي ضريتي نفسك ماضريتيها زوجها يحبها وبيعتذر الين ترضى لانها تحبه وبيتزوجون اما انتي تشوهت سمعتك اكثر ..وبينتشر هالخبر حتى بالجامعه وشوفي من يصاحبك ..ونزلت..

لقوا اصايل تلبس عبايتها وبتطلع..خذوا عبايتهم وجتهم سميه ..

سميه/ صدقوني انا مالي شغل ومن قالتلي قلت لحنان امس وهي كلمته وهو كان بيقطع علاقتها فيه بس هي ماترد عليه بس عشان تسوي الي صار اليوم..وصدقوني انا ماعزمتها هي جات..

نوره/ مصدقينك وهالشيء بنقوله لاصايل..

البندري/ اصايل تعرفك زين ومستحيل حاسبك بذنب بنت خالتك..وطلعوا ركبوا السياره وكانت

اصايل تبكي بهدوء ماحاولوا يكلمونها اصايل ماتحب تبين ضعفها لاحد والانسان الي بينتله هالضعف خانها..

اصايل تكلم سواقهم/ جاو وديني بيت مدام بدريه..

جاو/ ليش مدام مافي روح بيت انتي..

اصايل/ مالك شغل وديني وانت ساكت..

جاو/ حاضر مدام..

البندري ونوره حسوا ان هالليله ماراح تعدي على خير..خافوا من شيء واحد بس هو الطلاق..

البندري ارسلت مسج لفيصل ((فيصل اذا كنت فاضي تعال بسرعه لبيت اهلي لاتخاف بس في شغله ضروريه ابيك فيها)) وصلوا البيت ونزلت اصايل وصكرت الباب باقوى ماعندها ونزلوا البنات وراها..

دخلت البيت وكانت حنان وبدريه جالسين بالصاله..ومن شافوها بحالتها قاموا..

حنان / شفيك..اصايل..

اصايل/وينه..

حنان/ مين..

اصايل/انا بطلعلع فوق..وراحات تركض..

ام نواف/ شصاير..

البندري / متهاوشه مع تركي..

ام نواف/ السالفه اكبر..

نوره/ خالتي تركي كان يكلم وحده من ورى اصايل واصايل توها تدري لان هالبنت كانت من شلتها..

ام نواف/ ياربي استر..ليش ياتركي تسوي فيها كذا..

البندري/ يمه اصايل زعلانه من قلب وتحس ان كرامتها انهانت واخاف توصل للطلاق..

ام نواف/ لايبنتي اصايل عاقله وهي الحين زعلانه زمنصدمه لان الي سواه تركي من جد اهانه لها بس مستحيل توصلها للطلاق..

البندري/ انا ارسلت لفيصل وقلتله يجي..بس خلني ادق عليه..

اما اصايل وصلت لباب غرفته وهو كان مشغل الاستريوا على العالي وكان توه مرسل للعنود مسج يقولها انه علاقتهم انتهت وكان مرتاح من قلب..فتحت الباب ومن دون ماتدق..تفاجا من حركتها ومن منضرها,,صكر المسجل..

تركي/اصايل.

قاطعته/ ليش ياتركي ليش سويت كذا انا قصرت معك بشيء نقصت عليك شيء عشان تسوي هالحركه..

تركي/ اصايل عن وش تتكلمين..

اصايل/ اتكلم عن قلبي الي جرحته عن صدمتي الي بغت توقف قلبي عن كرامتي الي هنتها عن حبي الي خنته وعن البنت الي تكلمها من وراي..

تركي ماعرف شيقول من وين درت معقوله حنان لا مستحيل تقولها وحتى لوخلاص هي عرفت..

اصايل/ تكلم..تكلم عن خيانتك الكبيره لي..

تركي/ اصايل والله اني لي يومين وانا منهي علاقتي فيها..

اصايل/ كذاب واكبر كذاب لاتحلف بربي وانت تكذب يالخاين..

تركي/ والله مااكذب..

اصايل/ والمسج لي يومين وادق وماتردين علي ابي اكلمك وينك ماتردين والاتصالات هذا اليوم كله وقدامي لاتحلف كذاب تفهم قول لي يومين ماكلمتا او مارضت تكلمني ..

تركي قرب منها ومسك ايدها/اصايل انا كنت ابي ادق عشان اقولها هالشيء ..اصايل انا احبك..

اصايل بعدت ايدينه عنها/ لاتلمسني يالخاين انت كنت تحبني بس الحين لا..انشغلت بالحب الجديد؟؟

تركي/ اصايل انا صح كنت اكلمها بس اسالي حناناذا مو مصدقتني لاني قلتلها بنهي علاقتي فيها قالتلي لازم تدق وتقولها عشان ماتدق عليك بس هي..

اصايل/ اسمعني خلاص الي بينا انتهى وانت الي انهيته كرامتي فوق أي شيء ولاتتوقع لو دقيت برد عليك خلاص ياتركي..كل شيء انتهى روح لها..وجت تطلع من عنده مسك ايدها..

تركي/ اصايل صدقيني اني احبك وهي كانت قطع كلامه جواله الي يرن الي كان على السرير..التفتت اصايل على الجوال وكانت الصدمه الي خلاص ماتقدر تسحمل((عنودتي تتصل بك)) تركي ماعرف شيسوي وهالحقيره ليش تدق..ناظرت فيه والدموع تسيل من عيونها ماصدقت في يوم ممكن يصير بينها وبين الانسان الي تحبه كل هالاشياء..

ناظرت فيه /ياخساره الحب ياتركي..وطلعت من عنده بسرعه..

قابلت حنان.عن الباب..

حنان/ اصايلياحبيبتي هدي نفسك وخلنا نحل الموضوع..

اصايل التفتت عليها وماقدرت تتكلم ونزلت..من الدرج وراحت هي ونوره لبيتهم..والبندري جلست تنتظر فيصل..

اما هو فمايدري شيسوي يحس انه مخنوق شاف الجوال الي للحين يرن مسكه ورماه على الجدار وتكسرقطعه قطعه حط راسه على السرير خلاص اصايل راحت منه وكله بتهوره وطيشه..شافت حنان حالته وطلعت ماتقدر تكلمه وهو بهالحاله راحت لغرفتها وهو رفع راسه اخذ مفتاح سيارته وطلع مر من عندهم بالصاله وماتكلم ركب سيارته وباسرع ماعنده مشا..حنان كانت تشوفه من شباك غرفتها ودعت الله انه يستر عليه..

************************************************

دخلت البيت وبسرعه دخلت غرفتها وقفلت الباب ورمت بنفسها على السرير وطلعت بكاها الي كتتمته وماقدرت تكتم دموعها..

نوره قالت لامها كل شيء وراحت امها للغرفه ودقت ودقت بس اصايل رفضت تفتح الباب..

*********************

فيصل وصل لبيت بدريه وقالتله البندري كل شيء وراح لبيت اصايل.لازم يكلمها..

وصل وطلع فوق بعد ماستاذن ام طلال يطلع فوق..دق الباب..

اصايلالي كانت توها مصكره من طلال اخوها وقالتله على كل شي / خلاص عاد مابي اشوف احد كلكم خاينين ابعدوا عني مابي احد..

فيصل/اصايل افتحي الباب انا فيصل..

اصايل/ مابي ابي ارتاح ابي ابكي لحالي مابي احد..

فيصل/ اصايل غصب تفتحين الباب..

اصايل/ لاموغصب ولااني فاتحته..

فيصل/ واهون عليك قلبي محترق عليك..

اصايل/ اذا انا هنت عليه فكلكم تهونون..

فيصل/ اصايل قومي وافتحي الباب ترى بكسره..

اصايل قامت وفتحت الباب وصدت عنه..

دخل وصكر الباب وقفله وقرب منها..

فيصل وبكل حنان/ ماتبين تظمين اخوك وتطلعين الي بقلبك..

لفت عليه وكانها مستنيه هالكلمه تبي احد يلملمها يشيلها من الشتات الي تعيش فيه تبي من يضمها باقوى ماعنده عشان يهدي دقات قلبها..لفت عليه ورمت نفسها بحظنه وجلست تشهق كانت تنتفض وكسرت خاطره..ضمها بقوته كلها صحيح عنده اخته خلود وان هاذي اخته من امه وابوه بس لها مكانه بقلبه اكثر من خلود واكثر من الكل ومايرضى عليها شيء وحى لوكان تركي صديقه ورفيقه..مايرضى يشوف دموعها وبيترك ويكره الدنيا عشانها..جلست تنتفض لانها خايفه ..

فيصل/ خاص ياروح فيصل ..

وخرت عنه وجلس على السرير وجلسها ومسك يدينها..

فيصل/ دريت بكل شيء..

اصايل/ تركي خانني يافيصل مو مصدقه..

فيصل/ والحين شناويه عليه الي تبينه بيصير وحتى لو الكل عارضك انا بوقف معك تبين تطلقين وتنحرمين منه وينحرم منك للابد..

ناظرت فيه ماقدرت تقول ايه ولاقدرت تقول لا..

فيصل/ قوليلي شتبين وانا معك باي شيء..

اصايل/ فيصل انا كرامتي انهانت فيصل / ماعاش الي يهين كرامتك ..اسمعيني يالغاليه تركي يحبك ويغليك وهو ماخانك لسبب فيك او لانه مايحبك يمكن انتي..طولتي وهو يبي يتزوج ويجيب عيال وانتي انشغلتي عنه فحب يرفه عن نفسه..

اصايل/ فيصل لاتبرر له عيد ميلادي وعدني بسهره محترمه وتركني انتضره للفجر وهو كان معها..

فيصل/ انا مابرر له انا بقولك رايي والي متاكد منه..الرجال مايحبون ينتظرون المره يبون يرتاحون وانت يالاصيله طولتي انا مارضيت اطول بالملكه لاني اعرف نفسي ابي مره تلزمني اترك حركات المراهقه..ملكتي وزواجي بينهم فتره قصيره مو مثلك سنتين لاتقولين ادافع عنه والومك لا حتى هو غلطان وهالشيء مايبررله بس ممكن يساعد موقفه شوي..اصايل فكري بقلبك بس من ناحيه وحده وهي انك انتي تحبينه وانه هو يحبك..وبس وفكري بعقلك بكل النواحي.. ترضين تخربين بيتك الي توك ماستقريتي فيه عشان وحده حقيره ماتستاهل..وترضين تخسرين حبك وسعادتك واحلى ايامك الي عشتيها بسبب شيء ممكن تسامحينه..

انا مااقولك ارضي عليه لا ابيك ترضين من قناعتك وابيك تسوين الي انتي تبينه وبترتاحين له..مو الي غيرك يقوله..تبين تزعلين وتعطينه درس اذا يريحك سويه بس حط داخل اعماقك انك ماتبين تخسرينه وان الرجال مايحب الانتظار..والشيء لازاد عن حده ينقلب للضد..انا الحين بروح وادري انك للان محروقه ونفسك تحطين حرتك فيه بس اعرفي شي واحد هو كان بينهي علاقته ومارسل المسجات ذيك الاعشان يقولها هالشيء وهي مارضت وحبت تخرب عليك وانتي هذي حياتك وانتي حره تبين تطلقين انا مستعد الحين اروح اقوله..

اصايل هزت راسها نافيه هالشيء..

فيصل/اجل خلاص مادام طلاق لا فالحمدالله سوي الي تبين ..يله الوقت تاخر تبين شيء..

اصايل/ لا..

فيصل/صيحي وابكي ولاتكتمين الي بقلبك عشان ترتاحين وحاولي تفظفظين لااحد واذا احتجتيني لايردك الا اتصال ولو انا بالعمل وباجتماع بجيك..ابتسمت باسها على خدها وراح صكرت الباب وفصخت عبايتها دخلت تتسبح وطلعت انسدحت على السرير وكانت تبكي بصمت بتنتقم وبطريقتها غمضت يونها من التعب وراحت في نومه..



************************************************** *****

هو من قهره وحرته مسك خط الشرقيه وتوه يوصل راح للبحر ونزل وجلس عند البحر..ماكان فيه احد لان الوقت متاخر..صرخ باعلى صوته بكلمة لا..لا مو يوم جاء زواجنا بيتحدد تصير هالمشاكل..ليش يوم انهى العلاقه درت..اصايل ضاعت منه وضاعت للابد..شبيصير بينهم..معقوله لاص ينتهي كل شيء زي ماتقول وتطلب الطلاق..مستحيل هو يبيها ويحبها وبيموت لو طلقها..بس ماله وجه يقابلها اويقابل ابوها الي يمكن يجبره يطلقها لو كانت تبي الطلاق..كيف يطلقها وهو مايقدر يعيش لحظه هي مي موجوده بحياته..الله يستر يحس انه تعبان وانه يبي احد يريحه الي كانت تريحه بكلامها تبي تختفي من حياته..ناظر بالبحر وبالظلام ونزل دمعته..ماقدر يمسكها خلاص تعب وهو كاتمها يبي احد ياخذ همومه منه ..ليته يقدر يطلع همومه ويرميها بهالبحر ليته يقدر يرجع الوقت شوي بس وياخذ اصايل ويتزوجون ويعيشون مع بعض..مايفيد الندم وكلمة ليت..بس الله يعين على الي بيصير..

*************************************************