ماتغيرهالكـون بس هالكون صار فاضي للكاتبه/مصرقعه نص كم (مكتملة )

[فيتامين سي]

الجزء العااشر..


خلصنا غداء وغسلنا المواعين.. وصلينا العصر بشقـة واحد من الشباب اسمه(عبدالملك).. وكنا خمس..
انا..عبدالعزيز ..عبدالملك..عادل(ولد اخته بس كبره)..سالم(صاحب الشقه اللي قبالنا).. وكنا كلنا جايين هنا الدمام للجامعه..
اتفقنا ويا الشباب ان بكرا نطلع للبحر.. لان كان باقي ثلاث ايام.. وتبدا الدراسه"الجامعه"..

رجعنا للشقه..
ومازال عزوز حاط اللي سار امس في باله..
جيت لمه بالصاله وقلتله:عزووز.. وشبك تغيرت..وين الضحكه حقت اول وين خبالك يوم اشوفك اول مره..تراك كذا مضيقن صدري معك..
قال وهو متضايق:نصوور..مع وين يجي الضحك..اللحين لو انت بمكاني وش كنت راح تسوي..
قلتله ونا مبستم:تهقى يهون علي اشوفك تسذا واخليك..
اكيد لاء..صدقني راح ندور على حل لمشكلتك.. بس نبي نفلها قبل لاتبدا الجامعه..
قال:جد والله..
قلت:ايه وليه لاء.. ابي عزوز اللي اول يرجع.. ابي عزوز اللي صراخه من اخر السكن تسمعه.. واللي من جرأته ودك تجلس معه..
قام يضحك وقال:يعني..!!!!
قلت:يعني لو نطلع ونتمشى بالشوارع..ونرح نسبح بالبحر..
قال:تسان نفلها ..
قلت ونا اضحك:يعني خبره صرت بلهجة القصمان
قال:وادمنتها بعد..
قلت ونا استهبل:انتبه لنفسك،والله لو تخرب مانييب موديك للامل
قام يصارخ:هييييه يالدووبي بسم الله علي..مااشرب
قمت اضحك وقلت:بجد حتى "..هييييه.." فقدناها..
قال بخبث :يلا اجل جهز عمرك ورانا سباحه.."وغمز لي"
قلت:شتقصد..
قام يضحك وقال:لا ولا شي..
قلت:اورييك يالحقيير فهمتها..
قال وهو يهز كتووفه ببرائه:ماقلت شي..
قلت ونا مومصدق:اييييه هين
ويوم قرب المغرب جهزنا قهوه وشوكلاطات معها وحطيت على ام بي سي اكشن..
راح اخذ عزوز الريموت وحط ع اسبيتتون..
قلت:اقوول ترا عطيناك وجه..
قال:اقول ظف بعد دقيقتين بيجي توميـــن جيري..(يعني توم آند جيري"مختصره")
قلت:وشووو..لايكون بتتابع حق الورعان ذا
قال:اجل وشووو
قلت:اقوول رح مناك بس..
إلا شوي ويبدأ..ومعلي الصوت ع الاخر..وموسيقته ترفع الظغط..
قلتله:تكفى عزوز ارفق احس الارض تهتز "عاد احب ابالغ شوي"

واناظره إلا الاخو مو معطين وجه وفاطس ضحك ع حركاتهم..
كانت الحلقه(اللي فيها قطوه بيضا "بنت" ويتهاوش عليها توم مع قطوتن ثانيه سودا)
قلت:والله حتى الكراتين خربوا..
واناظر عزوز مطنشني كان ودي ازنطه لان مااحب احد يزلبني.. قلت في قلبي هين اوريك..
وجا وهو يناظر التلفزيون مد لي فنجان القهوه"يعني صب"وهو يناظر الشاشه..قلت في قلبي انا اوريك يالدوبي.. وهز الفنجان يعني يلا صب قمت وفتحتها ع الاخر وكانت حاره كبيتها ع ايده..
ام يرمي الفنجان و يصرخ بقوه لين نقزت وخفت لايجي حد من الجيران يشتكي..
قال:يالمخابووول..صاحي انت.."وقام يهف ع ايده"..
قلت:ايه احسن
قال:احسن في عينك يالخايس..
وفجأه طب فوقي وقام يدغدغني"عاد نقطة ضعفي"...
ونا عاد مت ماقدرت اتحمل..وقلت:خلاااص خلاااص والله معاد اتحمل
قال وهو مستمر:بتقول اسف ولا..
قلت ونا ميت ضحك وجالس افرفر:اييه اسف بس انت فكني..
قال:لا آسف ماتكفي..
ونا ابي افكه ماقدرت ماسك بطني منه.. وجريت شوووشته..
وهو يصاارخ:عااااااااااااااا فكني..
قلت:لين تفكني اول..
قال:طب فك انت..
قلت ونا خلاص بطني يوجعن من الضحك:نفك سوا..
قال:سوا ولا موبايلي..
قلت:هيه حقتي سرقتها.. فكني يالدووووووووووووب
وماوقفنا الا يوم سمعنا صوت الجرس..قمنا بسرعه ونا رحت افتح
وخليت عزوز يمسح بسرعه القهوه..
كان واحد من الشباب ويبي نتفق على طلعت بكرا ونا جالس اسولف عندالباب علشان عزوز يخلص..
والرجال يلمح يعني دخلني جوا..
اناظر لعزوز القاه مضيع الفوطه حقت التمسيح..واحس وجهي راح وطي..
قمت دخلت الرجال وعزوز توه يلاقيها..
قام يضحك وسلم عليه..
قال عزوز:معليش والله علشان طبيت فجأه..ولا دايم مرتبه الشقه..
عبدالملك وهو يضحك: لا عادي عندنا وعندكم خير..
قمت سألته عن عاادل ورا ماجابه..
قال :انه راح يمر على سالم علشان نجتمع ونتكلم سوا..
قبصني عزوز يعني رح قم جيب القهوه..
قلت في قلبي بس انت خلهم يروحون ونا اوريك..كافي فشلتنا..
ونا اجهز القهوه واسولف معهم لان المطبخ مفتوح ع الصاله.. دخلوا سالم وعادل.. جلسو الشباب وجا سالم ساعدني وكان حبوب ياحليله.. وحط الجالكسيات وجلس ينقي من الكيسه الحلوات..
قلت:ماخلصت ونت تنقي من اليوووم..
قال وهو يضحك قال:ادور شي يناسب كشختي
قلت:اقوووووووول اذلف بس..
ضحكنا سوا وودينا الصينيه وجلسنا بالارض ووخرنا الطاولع علشان يصير وسع..
قال عزوز وهو يصب القهوه:ومتى طالعين..
قال عادل:بعد الفجر
سالم:لاااا ومتى ننام..
عادل:نام بدري اليوم..
قلت:طيب بنفطر بالسكن ولا هناك
عبدالملك وشكله عارف الدمام من زمان:لاهناك لو تشوف الجو خطييير ومع شرووق الشمس شيييي..
سالم:راح تسبحوون
عزوز:ايه افا عليك بس..
سالم:يوه ماعندي حق سباحه
قال عزوز يستهبل:اسلفك صروالي..
سالم:تخيل..
عزوز:تبطي عظم والله ماتاخذه
سالم:من زينه تكفى..
قامو العيال يضحكون ع دلاختهم وبدوا الاثنين يندموجون مع بعض..
..المهم سار الفطور كلن يجيب اللي يبي يعني قطه..
اذن المغرب وصلينا كلنا..
عاد حلف عزوز ع الشباب ان مايروحون الا لما يتعشون..
والدووبي يعزم الناس على حسابي..
عبدالملك:بس لاتتعب حالك وتجيب من برا..نواشف والسلام ختام
سالم:اقول اذلف انت..من زومان ما اكلت من مطعم..
عبدالملك:استح على وجهك يالخايس
قمت اضحك عليه قلت:لا خله يفضفض يقول اللي بقلبه
عبدالعزيز:وش رايكم تذوقون كبسة نصوور
عادل:جد يعرف يسوي كبسه..
سالم:انا بيض ويااالله..
عبدالملك:لا عاد نبي نذوقها اجل..
قلت:من عنووني والله..
المهم..صلينا العشا وجلسنا لين حول عشر بالليل..ودخلت انا وسالم للمطبخ..
قلتله:شكلك راعي مطابخ..
قال:عزووبي وش تبي..خخخ
ناظرنا العيال كانوا يلعبون اونو..ويشربون شاي
قلت لسالم:شفت الخايسين حتى ماينادوونا
قال:شفت كيف
دقيت على اختي وحطيت ع الاسبيكر وحطيته ع الطاوله ونا وسالم نسوي اللي تقووله..
كانوا العيال متحمسين ويصارخون..ويوم سمعوا صوت اختي سكتو الدوبيين..
قلت انا:هييي خييير كملو لعبكم
عبدالملك:اووخص تغار..
إلا وختي..تنادي..((هيييه نصور معي؟؟))
قلت:ايييه اييه..وش بعد ما احط المويه..
قالت:ماشفت دبشه زيك يسوي كبسه غدا وعشى..
مات عزوز ضحك عليها..
ونا اناظره يعني يالحقير تتجسس وعادل مسوي رزه مايسمع..
قلت بس خل اصكر الاسبيكر..

[فيتامين سي]

وكملنا انا وسويلم شغلنا..ومره استانسنا وقلت ياليت عرفناهم من اول..
حطينا العشى بعد فترهـ..
ويوم قضينا طبعن كل يمدح في الكبسه ماغير اثنين..
عزوز وعبدالملك يمدحون اختي من اليوم..قلت انا اوريكم يالدوبيين بس..

وافترقنا علشان نام بدري لان ورانا طلعه بكرا..
حسيت انا وعزوز يوم راحوا ان بجد فليناها اليوم.. وحسيت عزوز خرج شوي من الهم اللي كان فيه وهذا اكثر مافرحني بالسالفه كلها..

وشوي طفيت لمبات الصاله والمطبخ علشان خلاص بننام..
دخل عزوز بيتروش
قلت:انت وش قصتك كل شوي طابن لنا تترووش
قال:لا فرق فيه سبااحه
قلت:طيب...!؟!
قال:افهم يالدبشه..!!! ابــــ... <<<لايروح تفكيركم بعييد
قلت ونا فاتح فمي:اح اح ..
قال:عاتي صقيقي..امون
قلت:طيب انقلع..ولا تخلص المويه الحاره ابتروش انا بعد
قال:وشوله..اليوم متروش
قلت:ذكرتني..
وقام يضحك وما وقف لين دخل الحمام ونا اسمع ضحكه طقيت عليه الباب قلت اسكت لايدخلك شي..

جلست اضحك عليه..
وافكر بجد وشلون ابكون لو ماكان عندي هالعزووووز...

الموهيم..
قمنا من بكرا الفجر وعزوز قايمن قبلي.. وكان هذاهو اليوم الثالث من ماعرفت هالآدمي..وكل مايمر يوم اقعد احسب كم باقي لين يروح عزوز..
طلعت من الغرفه ونا فيني نووم..وجالس اتثاوب عند باب الغرفه,,..
لقيت عزوز قايم من قبل الفجر وفاتح باب الحمام ..
دخلت عليه..لقيت الولد متحمس..ماسك موس حلاقه ويظبط سكسوكته..
ضحكت في قلبي عليه لان مالي خلدز اضحك ونا قايم من النوم..
قالي:صباح الخييير..
قلت:صباح النوور.. شكلك قايمن بدري..
قال وهو يغسل وجهه من الرغوه:يــــــــــص..
قلت:اكشششخ ياخروكتات.. تعرف تظبط لحيتك..
قال:انطم اسمها سكسوكه..وليست بلحيه..
قلت:متعووب عليها اللغه خخ..إلا ماقلت لي وراه يعني..شافوك الشبيبه امس يعني لو اول مره ظبط لين تشبع..
قال وهو يمسح وجهه بالمنشفه:تخبر يعني.. فيه بنات هناك..
قلت ونا مستغرب:بنااات...!! وفي ذي الحزه..يعني مابيجون الا الفجر
قال:ايه يالعبقري علشان يسبحوون لان يحسبون مافيه احد..خخخ
قلت:يالحقيير يعني مخطط من اول..
قال:لا والله حرام عليك.. بس من زوماان ماظبطت..
قلت ونا اظحك:طيب يلا خلص بسرعه وتعال جهز معي الفطور..
قال:اصبر علي شوي..
رحت لغرفتي لين يخلص وطلعت دفتر من تحت السرير.. كانت بذا الدفتر اكتب مذكراتي وبالذات الاشياء اللي تصر لي وتكون مميزه ..
فتحت على ثالث صفحه.. وكتبت..
((حبيبي صار مرتاح .. ومعه قلبي ارتاح .. ليته دايمن مرتاح .. ونبقى سوا وكلن مرتاح))..
ورسمت قلب بالزاويه..ثم خربشت عليه وقلت بلاش حركات مراهقين..
سمعته يصارخ:هييه يالعله منادين من الحمام وبالآخر ما القاك
ضحكت عليه وحطيت الدفتر تحت السرير ورحت للمطبخ..

[فيتامين سي]

تاابع الجزء العاااشر


جهزنا اغراضنا وحطينها بأكياس ورحنا للبحر بعد ما اتفقنا ع المكان وجلسنا نحتريهم لين يجون..
خلينا الاغراض بالسياره ونزلنا انا ويا عزوووز..
جلسنا عند الشاطئ.. وانسدحنا ع الرمل
كان الجو خطييير والشمس ع وشك تطلع.. كنت حاط يديني تحت راسي وسافطها وماد رجليني واناظر السما..
وكان عزوز نفس الشي..بس كان يناظر للنوارس اللي كانوا فيه..
ناظرته.. وابتسمت..ثم رجعت اناظر للسما وسرحت بعيييييييييييد..

باااااااااااااااااااهـ ..((روعني عزوز الدوبي ))
قلت:بسم الله وشو
قام يضحك وقال وهو يغمز لي:وين وصلت..
قلت:خلك يارجــال عاقل..
وشوي الا نشوف دلوخ يتهاوشون عند الرصيف اللي قبال البحر..
وتسأني اعرف هالخشش..وشوي يقربون..
وطلعوا شلة الانس.. ملووكيـــــ وسلومـــ وعادلــــــ
قمنا انا وعزوز وقالي بصوت واطي..((شكلهم بيفشلونا اليوم هع))
قلتله:خلك هاجد لايترفسون ببطنك..
وصل سالم قال:هااه وش تتساسروون..
عزوز:طيب سلم ع الاقل خخ
ملوكي وعادل:سلاااامــــ ..
سالم:وعليكم السلام..
ملوكي:وش دخلك انت..
سالم:السلام سنه وردهـ واجب..
ملووكي:وانتم يالطمخان ورا ماتردون..!؟
تسدح عزوز ضحك والظاهر ان كل شي يضحكه..
عادلـــ :كيفــ الشبـــيــبه اليووووم..!؟
قلت:والله تمام التمام.. وشبكم يلا ..اجلسوا ولاناوين تكملونها وقفه..
جلسوا العيال...سالم:ها بتسبحون ولا..؟؟
عادل:تونا بدري بعد الفطور ع الاقل..
ملوك:لا اللحين ازين علشان ماتثقل بطوننا..
عزوز باستعباط:سالم جبت معك صروال سباحه
سالم:لا يابعدي ابلبس حقك.."وهو ينافخ" ايه جايب اجل..
عزوز:يممه بس الله عليّ...
قلت:يالله شمينا..
ملوكي:بتسبح انت بعد..؟؟
قلت:ايه..ليه؟؟
قال:لاماودي اسبح اللحين..وش رايك نجلس وهم يسبحون ثم العكس..
قلت:ماعندي مشكله..
وراحو العيال ولبسوا لبس السباحه.. والدوبي عزوز طلع حريفـــ
وجلسنا نناظرهم ونسولف..
وشوي دق جوال عبدالملك..قام الرجال وراح بعيد.. وقلت شكلها مكالمه..اللي بالي بالكم..
وشفته بعّد وجلس يكلم..ناظرت للفرشه ادور شي اتسلى بوه.. لقيت جوال عزوز..
خطرت في بالي فكره جهنميهـ.. وقررت اسويها لحبيبي الدوووبي..
اخذت جواله وبدون ماينتبه لي..ارسلت رقم من الارقام لجوالي بطاقة اعمال..
قمت انا بعد وبعدت شوي عن المكان رفعت جوالي..ودقيت..

,,,عــــزوز,,,
كنت كل ما اسوي حركه اناظر القى ناصر يضحك علي او يستهبل ويقول ((عليهم)) "يعني غرقهم"..
جيت اناظرهـ لقيته راح ومافيه احد عند مكاننا..شوي رجع ملووكي..لكن نصوور لاء.. جلست ادوره بعيوني.. لقيته بعييد ويكلم جوال..يوم شفته ارتحت ورجعت اكمل سباحه..

ناصر,,,,
قلت ونا مرتبك شوي:الووو..
ردت علي:الوو..سلام عليكم
قلت:وعليكم السلام,,هذا جوال ام عبدالعزيز..
قالت:ايه ياهلا والله وغلا مين معي..؟؟
قلت:وشلونك يا خاله..انا صديق عبدالعزيز..
قالت وهي منهبله:جد والله..عبدالعزيز..يعني هو له صديق الحمدلله موب لحاله..وينه ياولدي حولك هو..
قلت ونا مدري مع وين ابدأ:لا والله بعيييد شوي..
قالت وهي شوي وتصيح:وشلونك ووشلونه ياولدي..
استغربت منها وقلت:والله الحمد لله بخير..اسمعي ياخاله..
قالت:هلا والله وليدي..امرني..
قلت:ابيك بكلمة راس..بصراحه انا ياخاله عبدالعزيز قالي السالفه كلها..ونا ابيك تسامحينه ع الي سواهـ..
قالت:وشلون ياولدي تبي اسامح واحدن مخرب ع اخوه وسبب مشكله بينه وبين زوجته..!!!
قلت:بس تخيلي ياخاله انتي مكانه..ترا والله ذا سن مراهقه..يعني يبي يبرز شخصيته ويوم شاف ماحد عطاه وجه سوا تسذا..
قالت:بس ولو ياولدي ماطاعني ذا الولد..
قلت:والله ياخاله مايقصد..بس جد تخيلي من زمان تجمعين فلوس وفي النهايه تروح لغيرك..
ترا والله عبدالعزيز صاح يوم سألته عنك..
والله تراو مشتاق لك وخايف عليك..
ووده يرجع بس خايف منك ومن خوانه..
"والام ياقلبي ماتحملت وصاحت"..
قالت:والله ياولدي انا حاسه اننا ظلمناه معنا بس تعرف انقهرت منه.. مهما كان هو ولدي..ويوم راح فقدته وفقدت ازعاجه..البيت ساير هادي يوم راح..والله اني حاسه فيه..ومشتاقه له..
بس هو وينه ابيه يجي..
"عاد انا حسيت شي ثقيل في حلقي واحس ابصيح وانا اسمعها"

ملاحظه: ناصر حساس..بس مايحب يبين لاحد حساسيته,,,..

قلت بتردد:هو ياخاله خايفن منك ومن خواله بعد.. بس تراو والله خايفن عليك.. وودهـ يرجع لكم..
قالت:ياقلبي عليه ولدي..يبطون خواله عظم لو يلمسونه..وينه ياولدي اقدر اكلمه..
قلت ونا امسح دمعه تجمعت في طرف عيني:لاء ياخاله ما ابيه يعرف اني كلمتك.. بس ابيك تسامحينه..وبس"مدري وش جاني وقتها"
قالت:ووشلون ما اسامحه.. وهو نور وحركة البيت كلها..
قلت:مشكوورهـ ياخاله..
قالت:الله يشكرلك ياولدي ويوفقك وين رحت ووين ماجيت..
قلت:اجل سلام عليكم..
قالت:وعليكم السلام..الله معك..
وسكرت الخط... احس تذكرت امي وكان ودي ادق عليها..بس اعرفها تكون نايمه..

"يمكن تقولون وشلون دق بعد الفجر والناس نايمه..هو دق لانه يعرف ان الكبار,,الله يحفظهم,,غالبيتهم ينتظرون الشرووق بعد الفجر..فكان متوقع ردها وقال احسن وقت لان ماحد بيكون معها"

رجعت للمكاننا.. ولقيت العيال طلعوا ولابسين مناشفهم وجالسين يساعدون ملوكي في تجهيز الفطور..
ناظرت عزوز ونا فرحان.. لان احس ارتحت يوم سويت كذا..


مع اليوم بيصير باقي اربع ايام..وينتهي الاسبوع اللي تلاقوا فيه الصديقين..
تتوقعون بس كذا يرجع عزوز وتسامحه امه..وتنتهي الاحداثــــ..؟؟
او انه بعد الاسبوع بيروح عند عمته..او انه بيجلس مع ناصر..!!

ناصر..ومع مين بيجلس اذا راح عبدالعزيز..!!
وكيف راح تكون حياته بدووون عزووووز...

الاحداثــــ بدأت تهدأ.. وغموض عزوز..انزاح...

[فيتامين سي]

الجزء الحاادي عشر..

عزوز..
بعد ماخلصنا الفطور.. كنت حاس ان ورا ناصر شي..مدري ليه.. بس كذا ما احس اني ارتحتــــ
جو الشباب ولعبو باصره او (كوتشينا)..
قام ناصر وقف من بين الدويــــره اللي مسوينها..
سألته:على وين نويصر..؟؟؟
رد واحس انه متنح :لا بس ابتمشى شوي..
كنت ابجي معه بس خفت لا اضايقه.. ومدري وش هالاحساس اللي جاني وقمت اراقبه..

مشى نصور وكان لابس بنطلون جينز طويل.. وبلوزه نص كم بنيه ..
ولابس نظاره شمسيه مظلله ع خفيفــ وساعه "سخيفه"مخمل من حقات "سواتش"..وكان شعرهـ مع الهوا يطير..
وكان يمشي..ويبعد..ويبعد..عننا..وكأ ن ه يمشي وهو موعارف متى بيوقف.. مدري وش طرا علي..وقمت اناظرهـ ونسيت الشباب,,..

قاطع تفكيري سالم:هييه عزوووز معنا..!!
قلت:عن إذنكم شباب شوي.. "وقمتــــــ.. ورحت ورا ناصر وكان بعيد عننا بحول كيلوين...
لحقته ونا اركض..

عبدالملك..
مدري وش فيهم ناصر وعبدالعزيز عجت لا افهمهم..
قلت للعيال:مدري وش عندهم ذولي الاثنين
عادل وهو يناظرهم وهو مبتسم:هه..!!ياحليلهم مايحبون يبعدون عن بعض..
سالم:ثنائي غريبـــــــــــــ..!!
قلت:مالغريب الا الشيطان..يلا العب دورك.."وكملنا لعبــــــــ

ناصر..
مدري وش فيني.. احس ان شي بيصير..يارب اللي سويته صح..!!
ولا..؟؟
حسيت ان فيه شخص قرب مني.. لفيت راسي.. لقيت حبيب قلبي عبدالعزيز..
ابتسمت..ووقفت علشان يجي ونمشي سوا..
قرب مني وحط ايدهـ ع كتفي وميل راسه..وقال:تحس بشي..
قلت:احس اني ما احس بأني احس
ضحك وقال:نصوور..مدري احس بيصير شي..كذا مدري
قلت :لاتخوفني..
قال:بس احس ان كذا بنفترق او شي..
قلت:لا ان شاء الله..
قال:مدري اذا ناظرتك.. كذا احس انها اخر مره ابشوفك..
قلت:لا تتفاول بالشر.."للأسف كان نفس شعوري اللي احس فيه بس كنت ساكت"
قال:مو كذا يعني.. بس نصووور...
قلت:وشوووو...!؟!؟!؟
قال:ناصر...احــــــبــــكــ ـ..
خميته وقلت:ونا بعد ياقلبي..وحسيت ان دمعه في عيني تجمعت..
مسحتها قبل لايشوفها عزوز..
ونا اقول في قلبي::يارب وش سر هالشعور::

لفيتـــ وراي لقيت عادل قال:والله ولا لو إن توكم متزوجين وقام يضحك..
احس تفشلنا شوي بس ضحكنا معه..
وقال:عسى ماشر..لايكون بص فيه شي ومخبين عنا..
قال عزوز:وحنا نقدر نخبي شي ع الدوووبي
ضحكت في قلبي ونا اناظر عزوز..واحس ان اذا شفته بقربي ارتاح.. واذا بعد عني اخافــــــــــ اني ما اشوفه ثاني..
يارب وش صار فيني..
لمست جبهتي لقيتها حارهـ.. صدق لي ثلاث ايام مرتفعه حرارتي ومهمل نفسي..
نادونا سالم وعبدالملك..علشان نشرب الشاهي..
رحنا لمهمـــ,,,
جلسنا وسولفنا واستانسنا بقوهـ بس ذا الاحساس اللي يقرقع بصدري عيا لايروح..
الموهيم..يوم صارت الشمس قويه..حول الساعه عشر..
ظفينا اغراظنا علشان نروح.. وحنا نرفع الفرشاتـــ والاغراض
نادان عزوز:نصووور..
قلت:هلا..
قال:وعدتني ان نسبح بس ماسبحت انت اليومــ
قلت:حرارتي مرتفعه شوي..خلها المره الجايه..
قال بأسلوب بزاريين:لا..لا ابي اللحين نسبح سوا
قلت:سوا ولاموبايلي..
قال:يعني ماراح تترك هالكلمه..
قلت:لين اروح لقبري..
قال:جعل يومي قبل يوومكــ
قلت:موولت جعل يومي قبل يوومك..
جا ملووكي يستهبل:ولا تزعلوون جعل يومكم قبل يومي وقام يضحك وماسكت الا لين اخذ تسم علقهـ...
قال عزوز وهو يناظر العيال رايحين لسياراتهم:ناصر..لا لا مالي ابي اسبح وياك..
قلت:عزوز..خلاص بــطِّــــلْ.."يعني وقف"
قال بنظرات تخترق قلبك:واذا ترجيتك..
قلت:لاء..لاتناظرني كذا..ماأتحمل هالنظراتـــ
سمعت سالم يستهبل:لحد الان ذولي يغازلون بعض..
ضحك عادل وقال:اذا كان ماهو بشذوووذ شسميه اجل..
وشوي جاه كوع مني على بطنه ع الكلمه اللي قالها..
ويوم خلاص قضينا..
راحوا لم سيارتهم..وأشروا لنا يعني يلا..
قال عبدالعزيز:روحوا وحنا بنلحقكم..

قام ملوكي دز عادل بكوعه..ويتساسر وياهـ..مدري وش كان يقول..بس انه كان كلام عننا..ضحكت وطنشته..

مشو الشباب وراحو..
قال عزوز:يلا رح البس لبس السباحه حقك..
قلت:يعني مُــــــــصِـــر
قال:وبقوووهـ بعد..
استسلمت لعنادهــ.. ولبست حق السباحه..
ماكان معي اساسا حق سباحه..بس كنت جايب معي برمودا بيج لبسته وصفطته شوي
اما عزوز كان معه واحد اسود..
ونا واقف عند المويه..جت على رجليني..قلت:ييييييي باردهـ
قال:ماراح تدخل جوا..
قلت:معك اكيد...
ضحك..وجرني من ايدي وقام يركض بوسط البحر..
المويه غطت رجلي ثم..ساقي..ثم تعدت ركبتي..وصلت لفخذي يووهـ بارده..ثم غطتني بالكامل..
وقف عزوز وترك يدي.. وقام يضحك وقال تسابقني..
قلت:لوين..؟؟؟؟؟؟
قال:لحد ذيك الحجرهـــ
قلت:وعلى وش..
قال:على كفـــــــــــــــــــــــ ـــــ ـــــ ...
قلت:يلاااا..ومشيت سبحت ع طووول.. كان من زمان ماسبحت..
وعزوز سباحته شيي..ماقدرت انافسه..هديت شوي.. وتركته يفوز بالتحدي..
وصل قبلي وهو يضحك..وقال:تستسلم بسررعه..
قلت:ما اقدر عليكـــــــــــ ..يلا عطني الكف خخخ
قرب مني وهو بالمويه وقال بأذني:جعل ايدي الكسر لو مديتها عليك..
ابتسمت وقلت:هو فيه احد علشان تكلمني بإذني..
ضحك ع دلاخته..وسبحنا وجلسنا نطشش ع بعض..احس اخذت راحتي اكثر يوم راحوا.. لان احس بعض تعليقاتهم سخيفه..
جات الساعه 11..وطلعنا من المويه..تمشينا شوي.. ورحنا لجسر البحرين ورجعنا..
وصلنا حول وحدهـ وكنا دااايخييين... رحت رميت نفسي ع كنبة الصاله ونمتـــ ..
اما عزوز شغل المكيفـــــــ ونام بالغرفهــ ...

[فيتامين سي]

الجزء الثااني عشر..

عزوز:هييي..نويييصر حلوووووووه بس لاتعيدها..
ناصر:اللهـ يرجك بس..
عزوز بعد ماهدأ:خلاص عاد عطيناك وجه وضحكنا معكـ كافي
ناصر:اقوول طس بس فيه حد قالك اضحك..ياشين النفس وبس.."ولف وجهه يقاله زعلان"
عزوز وهو يطلع كرتون من جيبه :ياحبليكـ والله يانويصر..
لف ناصر وجهه وفتح عينه ع الاخر يوم شاف اللي بيد عبدالعزيز..
ناصر:عزووووز...
عبدالعزيز: ....... لارد
ناصر:هييه يا استاذ انت ..هيييه.. ياابوو صاحي انت.. رد عليّ
عزوز: ......... لارد
ناصر:عبدالعزيز.. يالطمخه انتـــ لاتقولي انت .... !!"وسكت"
عبدالعزيز كان منشغل يفك القرطاسه الشفافه.. يفك الكرتون .. ويطلع اصبع من ... للأسفــــ ابقولها لكم (سجاير) ..
هز ناصر كتف عزوز وقال:هييه هييي يالاخو ماتسمع..
رفع عبدالعزيز ايدهـ وحط السقارهـ بفمه.. رفع الولاعه شغلها..

انصدم ناصر ..وانصدم بقوهـ .. وماكان متوقع اوحاط فكره بباله ان ممكن عزوز يدخن..ماقال شي وقام يناظرهـ وهو منهبل
رفع عينه عبدالعزيز وهو مبتسم..سحب السقاره من فمه ومدها لناصر وقاله:تبي تجربــــ ..
ناصر مرتاع:عبدالعزيز ..صااحي انت.. متأكد ان حرارتك مو مرتفعه ولا شي..
عزوز وهو يضحك:لا ابد.. .."عدل جلسته" والله شوف نويصر
قاطعه ناصر وبجد تكلم:عزوز لاحظتك تحب تبرر كثيييير.. بصرااحه طحت خلاااص من عيني وبقوووهـ
عزوز وهو يوخر السقاره من فمه:لا ناصر حرام عليكـ لاتقولي كذا .. والله تحسبني مستانس.. حرام عليكـ ذا ابتلاء من الله .. بس خلاص ادمنت ماعاد اقدر..
ناصر وهو متفهم وضعه:بس وشلون ماتقدر تتركها ونا اشوفك من يومين ماتدخن..
عزوز:ناصر بصراحه انا اتعالج..بس ماقدرت اتحمل اكثر وطلعت البكت الاخير "ان شاء الله" من شنطتي..ماكان ودي اقولك من الاول بس حبيت احطك في الامر الواقع.."نزل راسه" راح تنصدم مني كثييير..و راح تكتشف كل يوم شي يزيدكـ كرهـ فيني..
حط ناصر ايده ع كتف عزوز وقال:شدعوى ياعزووز اكرهكـ .. بس يرضيك يكون صديقك.. رهيين سقارهـ ..


ظغط عزوز بقوه ع السجاره بإيده وطفاها..وقال:ناصر لاتكوون قاسي كذا علشان يعني انا موقادر اسيطر ع نفسي..تهزأ فيني..
ناصر:انا ما تهزأت فيكـــ
عزوز:والله قوويهـ "رهين سقاره" لحالها..
ناصر يسكر الموضوع: ع العمووم آسفــــــــــ ..
ناظر عزوز للبكت لفترهـ ثم ناظر ناصر وهو متألم قال:يااخ احبهــــا,,
فهم ناصر ان قصده السقاير وقال: كانكـ تحبها اكثر من نفسكـ اعشقها مو تحبها بس.."قام من الكنبه" واذا نفسك اعز من سم ملفوف بورق.. انتبه لانك كذا"رفع حاجبه اليسار"تحب الموووتــــــــ .."ومشى"..
اثرت كلمات ناصر في عبد العزيز..وندم لانه رجع من جديد ودخن.. لكنه قرر ان يحاول قدر الامكان يتركهـ..
جلس عبدالعزيز بالصالهـ وكان منسدح بالكنبه ويناظر السقفــــ ,, حس ان الجو هدوء.. دور ع ناصر بعيونه,,.. شافه يرفع كموم بلوزته..
عزوز:على ويين لايكون بس رايح تظارب احد"وضحكـ"
ناصر:لااا يابووو ..رايح اغسل المواعيين..
عبدالعزيز وهو يضحك:أي مواعينه.. الاكل من برا اليوم..
ناصر:كاسات الببصي.."وراح للمطبخ"..
لحقه عبدالعزيز:هيي اصبر جاي اساعدكـ
شغل ناصرالمويه وقال..من كثرها اقول اذلف كلها كاستين..
عزوز:لا ابي اغسل وحده..ع الاقل..
ناصر يصرفه:رح شووف يمكن ناراتو جا..
عبدالعزيز حاط ايده ع خصرهـ يستهبل:تصريييفه يعني..
ناصر:اجل وشووو..
عبدالعزيز:موولت عليك ذا جزاي جاي افزع..
ناصر:قلتلك ماراح اظارب..
دفه عبدالعزيز عن المجلى وغسل الكاسات..
ضحك ناصر وقال:يادبشه..كذا انا المرتااح.."يحسبه بس يبي يعاند"
عبدالعزيز:ونا شأبي ..ابيك ترتاااح..
ناصر:ياحبيلك واللهـ ..
راح كب عليه عزووز مويه..وغرق صدرهـ
ارتاع ناصر وقام ظربه ع ظهره يصارخ:يالحماااار وش سويتلكـ
عزوز يقاله رزهـ:لا تغاازلــــ ..
ضحك ناصر من قلب ونشف ايده ببلوزته.. وراح شغل التلفزيوون.. ع اسبيستون.. وهالمرهـ هو اللي شغلها لعزووز..
جا عزوز.. وجلس بجمب ناصر.. وكانو يتابعون كونان صح ان ناصر مايحب افلام كرتون..بس كونان كان يحمله من النت اساسا..

حط عزوز ايده ع فخذ ناصر وهو بجمبه ناظره ناصر يعني"وش تبي".. (ذي الحركه ترا دايم نسويها لاشعوريا)..
عزوز:اممم عادي ادخن..
ناصر باستخفاف:ياحليلك وتستأذن..
عزوز:امم..ماودي اضايقكــ
ناصر:ياولد ع المؤدبــ .. مايمديييني.."ضحك ثم قال" شووف هي لو في الاوضاع العاديه ابوافق بس لانها سقاره لاء..
ناظره عزوز بنظره كانت دايم تخلي ناصر يوافق وكأنها نظره مسكين يترجى شخص عظيم..
ناصر:كم مره اقولك لاتناظرني كذا..
عبدالعزيز:نصووور تكفى بس وحدهـ ..
ناصر:اوووفــ يالله بس اليووم.. "كان ناصر يستحقر كل شخص يدخن بس ماحب يقول كذا لعزوز"..
طلع عزوز سقارهـ وهو يتذكر وشلون قال بيتركها وماله ساعه من قالها..
رفعها وبطريقه علشان مايحسس نفسه بالذنبــــ قال لناصر..
تشغلها لي..؟؟
ناصر باستغراب:وليه ماتعرف تفتح ولاعه..
عزوز:إلا عاد شدعوى.. بس منكـ غير..
ناصر:جعل ايدي الماحي اللي يمحيها لو شغلت..
عزوز يناظر الارض وبصوت واطي:افففف..
دخل ايدهـ ولع السقارهـ وبدا يشفطها .. امم بس شكل في واحد متضايق من ريحة السقاير..
لفـ للجه الثانيه وهو يقول:حشى ماقظت ذي..
عزوز:هه..لا تونا .."مسك وجه ناصر ولفه لجهته"لذي الدرجه يظايقكـ
ناصر:يظايقني ان صديقي يدخــــن ..
عزوز:اووفــ نااصر لا تقولي كذا.. ترا والله اتحطم..احسك بتتركني
ناصر:هه.. يكون احسن لو تحـــس
عزوز:ارجووكـ نصوور لا عاد تفتح معي ذا الموضوع ثاني..
حس ناصر انه ضايقه وقال:والله آسفـــ ترا اذا شي ظايقن وتكلمت ما احس بنفسي "وحط ايده ع كتف عزوز"وقاله بصوت واطي"خذها مني حتى" لو جا يووم وقالوا لي ان صديقك عزوز محشش" .. ماتكرتكــ"
ابتسم عزوز وحط هو بعد ايدهـ ع كتف ناصر..وقال"ولو يوم صرت محشش وقالوا لي ان ناصر صديقكـ يكرهه التحشيش..درت الارض كلها اتعالج وارد لكــ"
ضحكـ ناصر وقال:يعني نشبه..
ضحك عزوز وقال:اجل وشو... وقاموا يضحكون الاثنين سوا


وش توقعااااااتكمــــــــــــ ـــــــ..

[فيتامين سي]

تابع الجزء الثااني عشر..

قام و راح فتح الدولاب حق الملابس وقال خل اكشخ شوي.. دام ماعندي لاشغله ولا مشغله وبهالمناسبه الحلوهـ بعد..
طلع له بنطلون جينز كان طويل عليه.. خلاه ماسفطه
ولبس عليه "ونتو بكرامه" زنوبه اسود وابيض.. واخذله قميص ابيض ورفع كمومه وفتح حول اربع زراير..
وراح لم المرايا وحوس شعرهـ طلع شكله احلى رغم حوسه شوي..
وقف قدام المرايا الطويله.. وجلس يناظر نفسه.. وهو يضحكـ ..قال اكيد ناصر بيقول محشش شعندهـ الاخووو..
عـــــــــزوز..
والغالي على ذكرهـ جا..دق الجرس ثم سمعت صوت المفتاح..
عاد انا كومت الملابس ورميتها بالدولاب وسكرته بسرعه قبل لا يشوفني ناصر لانه دايم يهاوش ع هالحركهـ..
شافني ونا واقف عند الدولاب واضحكـ جا لمي وقال:وخر اشوووفـ
قلت:لا لا.. ماكبيت الملابس..
ضحك وقال وهو مو مصدق:ماكبيتها..طيب خلني اشوووفــ..
قلت ونا مغطي ع الدولاب:يابن الحلال لاتدقق..
ضحك من جديد وقال ماودك نطلع نتمشى شووي..
قلت مستغرب:والله شكل وراك شي
ابتسم وقال:ليه وش المشكله في اللي قلته..
قلت:لا.. لا ولاشي ..
قال وهو طالع من الغرفه..بصرعه انتظرك تحت..
ثم رجع طلع راسه من باب الغرفه وكـأنه تذكر شي..
قام يناظرني من فوق لتحت..
قلت:هييي خير وش عندكـ..
قال:احلىىى ياحركتااات انتا.. لو ادري انك بتكشخ لنا كان خليناك تكلم امك من زمان..
قلت:هين يالدووبي شقصدك..
رفع حاجبه:ماقصدت شي.."رحت رميت علي المخدهـ وهو انحاش ويصارخ: يلا احتريك تحت عند المواقف..
قلت:اصبببر ادور فردت شرابي..
سمعته من بعيد يقول:اوووهوو وبعدين معك كل يوم تضيع شراريبكـ
قلت ونا اصاارخ:اقووول بس طس يالدووبي..
سمعته من السيب يقول:بطل هررج يالقرد واخلص..
قلت بقلبي:هيين انا اوريكـ..
لحقته ركض ومدري حتى سكرت باب الشقه وراي ولا نسيته.. مسكته من رقبته وقلتله:كم مرهـ اقولكـ لاتقولي يالقرد..
قام يعد بأصابعه يستهبل وقال:اوول مرهـ
قلت:قوول آسف..
قال:تبطي عظم والله..
مسكت بلووزته وقربت وجهه عند وجهي:بتقوووول ولا لاء..
قال وهو مطلع لسانه:لاء..
جريت شوشته الطويله من قدام ومطيتها عشر امتار..
جا عبدالله"حق الاستقبال وهو يضحك":هييه شعندكم.. يالربع.. استهدوا بالله..
ناصر:لا اله الا الله..
قلت:انا إن ما ادبتك يالدووب.."طبيت فوقه وبطحته في الارض"...
عاد ناصر ماقدر يقاوم كان ودهـ يكفخني بس من الضحك ماقدر..
عبدالله:عبدالعزيز..فضحتنا ياشيخ.. الناس رايحه وجايهـ
قلت بإصرار:ماعلي منهم..وانت الثاني بتقول آسف ولا لاء..
لقيته متخدر من الضحك..وهي كانت نقطة ضعفه اذا احد دغدغه..
صرت انا اضحك على شكل ناصر وهو يضحكـ وعبوود بعد معنا تسدح ضحكـ..
رحت قومت ناصر لان كان منبطح بالممر يعني عليه شكل..
الموهيم اخذنا لنا دش حار من المسؤول الثاني بالسكن..
بس ضحكنا بالاخر ومشينا.. رغم ان عبود كان في البدايه شديد معنا بس اللحين صار من اخويانا وسرنا اذا انتها وقت مناوبته نناديه يسهر معنا..
ركبنا السياره ومرينا على محطة بنزين وعاد على طول انا وناصر فتحنا الشبابيك نستنشق هالريحه الخطيرهـ ..
ناظرت البقاله ونا المح لناصر لان وكالعاده مامعي فلوس..
قلت:والله ذي البقاله شكل عندهم اشياء حلوهـ
فهم ناصر قصدي بس يسوي مو فاهم وقال :ايه والله..بس مو زي سوبرمارقطنا
قلت:موولت يالعله..
قال يناظرني:يعني تلمح..
قلت:اخيرا فهمت!!
قال:ماودي اعيد الكلام اللي قلته من شوي بالشقه..
قلت بصوت واطي:افففففففف..

[فيتامين سي]

تابع الجزء الثااني عشر..


سمعنا صوت واحد "يصارخ"ويطق الباب..
ناظرنا انا ويا نصور..لقينا الهندي يبي حق البانزين..
ضحك ناصر وقال:الدبشه ذا مايدري اني فاتح الشباكـ
قلت: ياااحليله..
مشينا شوي وقمنا نلفف بالشوارع ونا احس ان نويصر وراه بلا..
جاني كذا حساس خلاني اسرح واتبلد..
حسيت ان انا وناصر... لاء ماودي اقولها.. تعوذت من الشيطان..

سمعت جواله يرن رفع السماعه وهو حاط ايدينه ع الدركسون ومميل راسه"ماسك السماعه بكتفه"..
قال:هلا والله وغلا.. ايه زين..اجل يلا سلام.."وسكر"
والله ماتصدقون وش كثر احب هالناصر و ماودي يروح من حياتي..ووش كثر اتوتر كل مارجع لي هالاحساس.. ناظرت الساعه كانت احدعش ونص.. رجعت طليت في وجهه كان مبتسم ويناظر الطريق قدامه..
جلست افكر.. ناصر مبتسم ويضحك ودايم يخفف عني.. طيب انا ماعرفت وش داخل هالآدمي مافكرت مره اساله عن اخته امه ابوه اهله.. وش اللي خلاه يجي هنا ماعمري سالته عن احواله مشاكله ظرووفه بس انا اللي اشتكي دايم وهو يتحملني ويسمع..
نصووور..لاموني فيك كثير..ومادروا ان "لي فيك اسباااب"..
انتبهت ان ناصر غير طريقه و"ديور" من الشارع يعني راجع للسكن..
استغربت بس ماعلقت.. ناظرته وانتبه لي ناظرني ابتسم ورجع يناظر قدام..
سألته:نصوور..شخباركـ..؟؟
رفع حواجبه ولبق السياره على جنب..ناظرني ولمس جبهتي..
قلت:وش فيك..
قال:لا بس حاب اتطمن على حرارتكـ يمكن عديتك ولا شي..
قلت:يعني فيك حرارهـ ؟؟
قال:ايه وليش تسأل..
قلت:وليش انا ما ادري..
قال:طبيعي يعني لو انت عندك صداع وشلون ابدري
قلت:اكيد ابجي وابقولكــ ,,"ثم فكرت شوي بجد انا اشتكي كثير"
قال:لاء موب شرطـ فيه اشياء ماتجي تقولي عنها بس اعرفها
قلت:ووشلون
قال:اذا سألتك انا عنها..
قلت ونا حاس بتأنيب الظمير:يعني كل هالفتره فيك حراره ونا مدري
قال:إلا تدري.. ماتذكر يوم بالبحر قلتلك..
حسيت اني حيوان لاني في كل مره افكر بمصلحتي حتى ماحطيت كلامه في بالي.. قلت:طيب وشلونك اللحين..
سكت شوي وحسيت انها بجد اول مره اقولها له..واساله عن حاله
تنهد وقال:خلها على ربكـ.."وشغل سيارته"..
لأول مره احس ان ناصر غامض..وان في كل هالفتره ماعرفت عنه الا ان عندهـ اخت يوم سمعتها..
وهو عرف عني تقريبا كل شي.. ناظرت الارض ونا منقهر من نفسي..
حط ايده على كتفي وقال:متظايق من شي..!!
قلت:خليها على ربكـ ..
ابتسم وقال:عزوز..دايم اذا تضايقت ..لاتقول يارب همي كبير.. قول ياهم ربي كبير..واكيد دام عندنا رب ابد مافيه كرب..
ابتسمت انا بدوري وحسيت ان ناصر انسان عظيم بالذات لو جلست معه ووصلت لنقطه يكون هو معك فيها بجديه..


"وقف السياره".. ناظرت من الشباك وصلنا للسكن..
طلع ناصر واشر لي يعني يلا..
نزلت ولحقته.. شفته راح لم حق الاستقبال وسأله عن شي..
اشر لي يعني اسبقني.. هزيت راسي يعني اووكيشن..
وشوي وجا وراي..
وقفت عند باب الشقه وفتحتها..
لقيت الشقه ظلااام مع اني اذكر اني ماسكرت لا لمبات الغرفه ولا الصاله.. استغربت..
وشوي بهالظلام طلع ضوء كشاف كبير بالغرفه ع الجدار..
لقيت مكتوب كلام عليه ببخاخ الثلج حاولت اقر وبصعوبه قريت "دوووم الفرحه ياعزووووز"
فرحت يوم قريتها عدتها مرتين وثلاث..بجد كان مكتوب ياعزوز..
طيب مين سوى كذا؟؟؟؟
دورت ناصر مالقيته بوسط الظلام..وشوي انطفى الكشاف..
سار ظلام..قلت:ناااصر..ناصر يالدوب وينكــ ..
وسرت احاول اوصل لزر اللمباتــ .. وشوي..
تولعت كل الانوار..واسمع صوت طراطيع"حقت الحفلات"...
وشوي اشياء تطيح من السقف الواان.. قلت يااهوو ونااااسه مين اللي مسوي كذا..
وشوي..اصوات دق سامري عاد انا اعشقه ..وشوي التلفزيون انفتح ومعلين الصوت..
دورت بعيوني على نصور.. طاحت عيني ع الطاوله...لقيتها مغرقه شوقلاطات وبباسي وبطاطسات كبيرهـ ليز حار وجبن ودوريتوس وبجمبه اندومي صحن كبييير وبطاطس مقلي وكندر وخرابيط و..و..
واللي لفت انتباهي تورته كبيرهـ ثلاث ادوار.. وعليها شموع صغيرهـ مكتوب عليها "دوووم فرحتك ياعزوز"
وبعدين مكتوب عالجنب بالتوفي.. n,s,3,m,a
على طول عرفت انهم ناصر وسالم وملوكي وعادل وعبوود..
ناظرت لم الغرفه لقيتهم واقفين وبالنص معهم ناصر..
ركضت لمهم.. وخميته..ونا مستانس..
ثم خميتهم واحد واحد.. ونا ابطير فرح..
ثم جلسنا نستهبل ونرقص ع الدق.. وبلعنا شوقلاطات كان بجد وناااسه.. فرحت من قلب..ونا اقول بجد الله يديم هالفرح..
جلسنا ع الطاوله وكان عادل يصبب لنا الكولا والببسي..
سألتهم..مين صاحب هالفكرهـ..
كلهم ناظروا ناصر عرفت انه هوو.. وقمت لانه كان جالس قبالي وجلست بجمبه..
كان يووم خطير..ذاكرات جوالاتنا كلها تعبت من الصور والتسجيلات اللي سجلناها ومقاطع الفديو..
فرحت مرهـ بجد ورغم كان ودي اروح لمطعم بس قلت وش المطعم ياشيخ والله ولا احلى مطاعم لشرقيه مايسون هاللي سووهـ
والاحلى ان لما يكون كل ربعك واخوياك يشاركوونك فرحتكـ ..
مانمنا الا بعد صلاة الفجر.. وكان العشى على حساب عبوود
مسكين توهـ مستلم الراتب وحطه نصه بالاكل..
قلتله: والله ليتنا عرفناك من قبل ياعبود
قال:والله انا ليتني عرفت من قبل ان فيه ناس رهيبين بالسكن ونا مدري عنهم..
قال سالم:الله يخلي ناصر اللي جمعنا الليله..
ناصر:هه الله يخلي عزوز اللي خلاني اتعرف عليكم بصوته..وضحكـ
عادل:الله يخلينا لبعض وبس اختصروها..
ملوكي:يالله شباب استانستوا وفرحتوا..يالله ع بيوتكم..اذن الفجر وبتطلع الشمس..
عبود:جد والله.. عيدوها مرهـ ثانيه
ناصر وهو يضحك:اعجبتك الشغله يعني..
عبود:والله ياويلكم وياسواد ليلكم لو تسون مثل هالخرابيط من وراي..
قلت:وحنا نقدر نسوي شي بدونكـ
سالم:يالله شبااب تأخرنا.. ويبي لنا نرتب نومنا باقي يومين ع الجامعه..
عادل:جد والله..يالله شمينا..
قاموا العيال وودعناهم..وكلن راح..



ابغى اشووف حمااس اكثير

[فيتامين سي]

الجزء الثالث عشر

ناظرت المكان كان بجد حووسه..بس فديت هالحوسه دامها خلتني كذا مستانس.. ناظرت ناصر لقيته يجمع الصحون والكاسات..
رحت انا جمعت القراطيس..ورتبنا المكان حول سبع دخلنا الغرفهـ..
حطيت لي بطانيه تحت سرير ناصر وخذت مخده.. ونمت بالارض
ناداني ناصر:هييه.. خير يالاخوو..
قلت:وش فيه..
قال:اقوول اطلع نام فوق..
قلت:لا ماودي اضايقك كافي خسرتك كثير..
قال:لا شدعوى كلها ماكلفتن ميه وخمسين ريال..
قلت:وتشوفها قليله..؟؟
قال:وهو يغلى عليك شي.. يالله جد ارقى فوق
قلت:ناصر.. خلني مره وحده احس اني سويت شي علشانك
ابتسم وقال:اذا تبي تسوي بجد شي علشاني نام بالسرير..
قلت بعد اصرارهـ:دامه يريحك..ابنام فيه..
ونام هو بالارض.. مدري بصراحه وش اللي جابر نصور يسوي كذا..
كل يوم يزيد حبي له.. وكل يوم يمر يوتر اعصابي..
باقي يومين ع الجامعه ويومين ثانيه ع نهاية الاسبووع...
ونا مع التفكير ماحسيت بنفسي ونمممممممت..

ناصـــر..
قمت اتقلب ماجاني النوم رغم اني تعبان واحس جسمي متكسر..
تذكرت وحدهـ بجد احس اني مقصر وساحب عليها..
دخلت ايدي بجيبي..لقيت الجوال بوسطه طلعته وفتحت انشاء رساله.. وكتـــــبت ..
((فقدتكـ ,, وجيت اتصل..ثم هونتـــــ ..
دامكـ بقلبي وش يفيد اتصالي,,
ماراح اشغلكـ ,,بقول وين انتــــــ ..
ولا انتـــِ ساكنه فــــكري وخيالي,,))..
حطيت الجوال بجمبي وحاولت انام.. سمعت صوت رسالهـ
قلت اشوهـ اجل صاحيه ما زعجتها..
فتحت الرساله..كان مكتوب
((عطــني سبب وآحد يبرر غيابكــ
يعني اذا طمنتني,, مابها عيبــــــــ
ع الاقل ارســـــــل وش اللي غدآبكــ
انـســى المحبـــه واعتبرها موآجيـــبــــ))..
حسيت قلبي اعتصر لاني انسان ما اقدر اوفي بين اكثر من شيئين..
اذا اهتميت بشخص لازم انسى واحد ع حسابه.. رجعت وارسلتلها
((لك وحشه يالغالي بغيبتكـ
لولاك بالقلب ما جا للوله طاري
وحشتني بسواليفك وطلاتكـ
لكن وش اسوي لا جارت اقداري
حبيت ابين غلاك وطابت اوقاتكـ
هذي سوالف غيابيـ وهذي آخر
اخــــــــــــبــــــــــ ـــــ ــــاري.. ))
بعد شوي ردت..
((اضحكـ فدتكـ الرووح يا غالي..
اضحكـ وخـــــــــل العمر يهنآلي..
اضحكـ وبابـــــ الهم بنصــكهـ ..
محدن بهالدنيا تــــــــرا خالي..
والكل من هـــــمه يبي الفكهـ ..
وغـــــيركـ بــهالـــدنيا انا مالـــي..
يا اغلى وأروع شي عـــرفتهـ .. ))
مدري وشلون حست اني متضايق..
ودي كان اكلمها وادق عليها.. لكن الوقت مو مناسب..
واخاف بعد يقوم عزوز ويصير موقفي مال ابوهـ داعي..سكرت جوالي..ونمتــــ ..

بعــــــــــد فتـــــــــــرهـ ..

آآآوووتـــ .. احس المكيف طاح فوق صدري.. لاء وش المكيفــ إلا الثلاجه شكلها طاحتــ عليّ.. فتحت عيني بصعوووبهـ ..
ونا اقول يااهوو وش السالفه.. في البدايه ماقدرت اميز وش اللي طاح فوقي.. وشويتين اشم ريحة شامبو.. لايكون بس نمت بالحمام ونا مدري..
حاولت افتح عيوني ماقدرت من ضوء الشمس..انتظرت لين تأقلمت عيوني وفتحتها.. ارتعت يوم شفت شي اسود قدامي..
وما مرت دقايق الا ونا ميت ضحكـ يوم قدرت اميز هالشوووشه اللي قدامي..
دفيته لانه الدوبي طاح من السرير فوقي.. وماكان فيني حيل اقومه لاجل مايطير مني النوم..
ورجعت نمتـــ ,, ونا فيني ضحك بس مالي خلق اضحكـ

جا من بكرا الساعه وحدهـ ونص الظهر.. قمت من النوم..
صليت الظهر ورحت قومت عزوووز..
جلست اصارخ عند اذنه وهو ولا كأن احد بجمبكـ ..
قلت:عزوووز يالدوووب"ورفسته"..
قال وصوته رايح مناكـ :ناااصر خلني اناام.."وقلب ع الجه الثانيه"
قلت:عزووز ترا والله ان ماتقوم لا اتمردغ ببطنكـ .. قم يامال الـ ...
قاطعني:تكفى نويصر اذلفـــ ..
قلت:يالييييلــ يعني ابسنتر هنا بلحالي.. اسمع جا ناراتو..
رد وهو شبه نايم:وش اسويله..جا طيب افتحله البابــ..
قلت:عزووز يالماصل..يلا قوووووم..
وشوي دق الجرس ورحت افتح البابـ ..
طليت من العدسه لقيته سالم.. فتحت الباب.. قلت ياهلا والله وغلا بسويلم..
قال بعد ماسلم:ياهلابك اكثر.. إلا اقول ناصر.. عندك عبدالعزيز
قلت:بوهـ مير نيم..
قال وهو فاتح عيونه:وشوووو
قلت استهبل لاني داري ان ماراح يفهمها :بوهـ مير نييييم..
قال:طيب لا تصارخ بس وشي ذي..!!
ضحكت عليه وقلت:موجود بس نايم..
ضحك وقال:عليكم مصطلحااتـــ
قلت:اقووول طس من مايعرفها ذي..
قال: إلا قول ميين يعرفها..
ضحكنا سوا ثم قالي:ذا جواله اخذته امس بالغلط لانه نفس جوالي.. "سولفنا شوي ثم راح لان كان عندهـ مشوار"
رجعت لقيت عزوز قام وفي الحمام يغسل وجههـ مريت عليهـ
وقلتله:صباح الخير..
قال:صباح النور..
يوم طلع قالي وصوته ثاقل وعيونه تقل واحد سكران: يعني لا نمت انت بالسرير ولااني انا اللي نمت فيهـ ..
قلت ونا كاتم ضحكتي:والله مدري عنك انت اللي طحت فوقي..
قال يستهبل:وعجزان يعني تقومني..اللهـ يغربل ابليسكـ ..
إلا ماقلت لي من اللي دق الجرس.."وقلتله السالفه..
راح للمطبخ وبدا يحوس بالدواليب ..دخلت معه وزينا فطور..
حلسنا بالصاله وكان حاط ع اسبيستون توم & جيري.. بصراحه ارتفع ظغطي من مصالتهم بس حاولت اتحملــ ,,
بس بعدين قمت من السفرهـ لان بطني تقلبت فوقــ تحتـــ من طريقة اكل عبدالعزيز..
كان يحط بيض ثم عسل.. قلت:الله يقرفكـ وش تسوي انتــ
قال وهو ياكل:والله لذيذ ..ماجربته انتـــ
قلت:الله يحوم تسبدكـ
قال:طول عمركـ وماعندك سالفهـ !
قلت وا انفظ فتافيت الخبز اللي عليّ.. الله يصبرني عليكـ
قال وهو مطنش كلامي:باقي من البكسويت اللي بالدولاب..
قلت:ايه باقي بس ماراح تاخذ..
قال:ولييه؟؟
قلت:لانك بتصير دوبي على كذا..
قال:ياليييل .. ياخ ماشبعت وش عندكـ ..؟؟
قلت:هي موب على كذا..لانك ماتعرف تاكل"بكسويت"على قولتك زين
قال:اووووفــ ياخ قلق..
قلت:احمد ربكـ متحملكـ ومتحمل مصالتكـ ..
قال:وغصبن عليكـ بعد
قلت استهبل باسلوب جاد:اللحين انت المفروض تاكل تـ ... وتسكت ,, احمد ربكـ اني مخليك بعد تسكن عندي..
(فهم عليّ عبدالعزيز غلط) وقال:يعني بتمن عليّ..
قلت:لا والله ماعمري منيتــ ولا احب امن على احد"كنت استهبل يوم اقولها"
قال وهو يقوم من الطاولهـ :واللحين كل ذا مو من,,..!!
قلت:وش فيك انت بسم الله,,,
قام راح(وهو معصب)من السفرهـ وقال: خليت الباقي لكــ
عصبت انا من حركته قمت مسكته من كتفه وقلت:تعال انت هيه.. وشفيكــ !!
لف علي وناظرني نظرهـ .. هدتني..
وقال:فكني يالحقـــير.."حس عبدالعزيز انه يطر وانه ذال نفسه عندي كل هالمدهـ هو كيف فهمها .. مدري عنه"
ناظرته ثم فكيته وقلت:ذا جزاي يعني اللحين تقولي يالحقير..
قال وهو لاف وجهه:الله لايحيجني لأحد..
رفعت حاجبي:صدق.. اتق شر من احسنت اليه..
ناظرني وهو حاقد:يعني مازلت مصر اني انا اشحذ منك وانك محسن ومتفضل علي..
عصبت انا وقلت:انت شكل فيكـ شي.. وش قالبك فجأهـ
رد وهو ينافخ:اتق شر من احسنت اليه؟؟.. شكرا خوي ماطلبت احسانكـ.. يامهزوز الشخصيه.."قالها ونا احس انها من قلب"

ياترى يرجعون لبعض وتنتهي القصه ولا
خلاص تفرقوو ع لطوولـ..

[فيتامين سي]

تابع الجزء الثالث عشر..


قلت ونا منفجر قهر منه: انا ولا انت مهزوز الشخصيهـ يالمريض..؟! (كنت اقصد السقاير)..
قال وهو معصب:اصير مريض جسدي ولا مريض نفسي..
عاد انا هنا بس خلاص تحطمت يعني بجد هو يقصد كلامه يعني انا مريض نفسي..

حطيت عيني بعينه وناظرته بقوهـ وقلت:عزوز .. تصدق.. الشرهه موب.. عليك الشرهه عليّ انا الحيوان اللي فكرت في يوم اساعدكـ..
قام هو وراح للباب وقال:رحم الله امرء عرف قدر نفسه.. ونا ماقلتها انت بنفسك قلت انك حيوان,,..
وسكر الباب وراهـ بقوووهـ..
بصراحه انا بذاك الوقت اعصب مني مافيه.. حاولت اهدي ونا منقهر منه ومن اسلوبهـ الحقير يعني انا مهزووز شخصيهـ ..
انا اقول عن نفسي حيوان بس هو لاء..
جلست ع الكنبه ونا متكي بايدي على رجليني ومغطي راسي..
بجد توترت ونا اعيد اللي سار بمخي..
يعني اللحين وين الغلط باللي قلتهـ ,, دقيت عليه لاني اعرفه متهور مدري لاعصب وش بيسوي..
دقيت عليه كثير..مرتين وثلاث وعشر ماكان يرد عليّ..
سكرت جوالي ونا منقهر منهـ ,,
قلت بقلبي اكيد بيراجع نفسه وراح يعرف انه غلط بإلي سواهـ وبيرد
بعـــد ساعتين بديت اقلق اذن العصر واخونا في الله ماجا..
رحت اسأل عنه العيال.. سألت ملوكي وعادل قالوا ان ماشفوهـ من امس..
سألت عبدالله والهنود والموظفين.مايدروون..
تذكرت سالم دقيت عليهـ الباب.. فتح لي الباب ودخلني..
قلت اسمع سالم ماراح اطول بس ابسألك عزوز فيه ولا لاء.. ماشفته!!
حسيته ارتبكـ ثم ناظر لغرفته وقال:لاء ماشفتهـ
قلت ونا مو مصدقهـ:ايه اجل خلاص سلام
قال:ليه تسأل عنهـ
قلت:لا بس تأخر ع البيت ومايرد ع الجوال..
قال:اذا شفته علمتكـ
طلعت من شقته ونا مو قادر اصدقه دقيت على عبدالعزيز ونا واقف عند الباب..سمعت نغمة جواله.. عرفت انهم يكذبون عليّ..
قلت اهم شي انه قريب وعند سالم..يعني مافيه خوف عليهـ
ثم فكرت اللحين هالخايس يستحق افكر فيه واشيل همه..
سار ضميري وقلبي يتاصرعون.. مرهـ اقول لا شدعوى ياناصر تخلي تفاهات تفرقكم ومرهـ اقول هو اللي شبها وتبلى عليّ..


مــــر وقت طويل ونا بالشقه اقول وش النهايه ياهووهـ
رحت زينت لي غدا وقلت مافيه الا ان اطنشهت لاني مازلت اشوف انه الغلطان..
صلحت غدا بس ماهان عليّ اتغدا واخليه بدون غدا..
رحت زينت له بصينيه لحاله وحطيت ببسي وملعقه وزينت صينيته وحطيتها ع الطاولهـ حطيت جمبها ورقهـ وكتبت عليها..
(( عزوز .. هذا غداكـ .. احتريتكـ بس طولتـ .. اذا احتجت شي تراي نايم بالغرفه )) ووقعت بعدها..
دخلت الغرفه ونمتـــ .. حسيت بصوت مفاتيح حاولت اتغاضاها ونمتـــ

عــــــــــزوز..
دخلت الشقهـ ونا مغصوب بس لأن مافيهـ مفر منها.. شميت ريحة كبسه..عرفت انه ناصر..
ناظرت الطاولهـ شفت صينيه وبجمبها ورقه.. عرفت انه
هو اللي كاتبها قريت الكلام واول ماشفت عزوز تذكرته وهو يبتسم بالسيارهـ يوم امس .. مدري ليه تذكرتها كملت الباقي وعرفت انه كان يحتريني حسيت بتانيب الظمير بس يوم تذكرته يقول (اللحين انت المفروض تاكل تـ ... وتسكت ,, احمد ربكـ اني مخليك بعد تسكن عندي) انقهرت منه وحطيت بجمبها ورقه وكتبت..
((اللهـ لا يحيجني فيوم لفضايلكـ)) عبدالعزيز..
وانسدحت بالكنبه حقت الصاله وعطيت الصاله ظهري ونمتـــ ..
قمت على صوت جوال كان يهز عند رجلي.. مديت ايدي وناظرت كان جوال ناصر,,.وكان بعد "حبي الاول والاخير يتصل بكـ"
كنت ابموت واعرف من هاللي متصل لان ناصر اتصالاته قليلهـ
سمعت صوته جاي من باب الغرفه رميت الجوال بالارض وعطيته ظهري..

جا ناصر وهو معصب..
ينافخ وشكله مدروخ وصوته تعبان قال:حتى الجوال ماسلم من شركـ
ثم ناظر للورقه.. وشال الصينيه وطلع بها برا..
رجع بعد شوي وهو يقول:والله هنود تعطيهم يدعون لك ويفرحون
وصديق تعطيه جوعه عليك مايهون
يرفضه وما يقدر حتى لو كان قبل معك يمون..
رفع جواله ونا احس انه دايخ ثم راح لغرفته وصكر الباب وراهـ ..
سمعته يكلم ماقدرت القط غير كلمة"هلا حبيبي"لان الصوت بعد كذا بدا يوطى شوي شوي..لين ماعد صرت اسمع له صوتـــ ..

جت ساعه وثنتين وثلاثـــ ونا مو قادر انام لاني جوعان دخلت للمطبخ وحاولت ألقط لي شي من الثلاجه قبل لايشوفني..
بس لحظه.. وينه هو من ثلاث ساعات تقريبا ماطلع اذن العصر والمغرب وهو بغرفتهـ .. خفت عليه لانه من النوع اللي نومهم مو ثقيل..
مشيت شوي شوي وناظرت من طرف الغرفهـ .. لقيته طايح بالأرض..
فتحت الباب اكثر ونا مرتاع بس كل ما اتذكر اللي سار ارجع..
طلعت من الغرفه بس ضميري مازال يأنبني..
خفت بصراحه لايكون جاهـ شي.. دقيت على سالم وقلتله بسرعه يجي..ويوم دخل وشافه انا كنت واقف عند باب الغرفـهـ
سالم:يالدبشه تعال صديقك مغمى عليهـ وجسمه حار..
وقفت مكاني ماقدرت اسوي شي..
قال وهو معصب:مامنكـ فايدهـ ..ودق على عادل وعبدالملك وراحوا شالوهـ للمستشفى ونا زي الدلخ بوسط الزحمه..
ناظرت للمرايا صفقت نفسي كفـــ يمكن اصحى مع العالم اللي حولي مدري شفيني يعني هالحين كل هالوقت ونا وياهـ سوا وماحد يقربنا وبالوقت اللي هو محتاج لي فيه اتركه..
يعني هو فيه يوم انا وقفت معه وسويت شي لأجلــــــــــه ..
لحقتهم واخذت مفاتيح سيارته للمستشفى الوحيد بالحي..
لقيتهم دخلوهـ وجالسين ينتظرون الدكتور قبال غرفتهـ
سألت عادل: هاهـ كيفه..؟؟
ناظرني بإستحقار:تو جاي تسأل..
وشوي طبع عبدالملك كف في وجه ولد اخته وقاله:احترم نفسك في المرهـ الجايه..
عبدالملك:عزوز..اسف نيابه عن هالخايس..
قلت ونا متبلد:لا عادي ماسار شي..
طلع الدكتور من الغرفهـ وكلهم وقفوا ويسألونه عن ناصر.. إلا انا..
قال الدكتور:صاحبكم تعبان أوي .. عندو سوء تغزيه وارتفاع كبير بالحرارهـ مابعرفش لو كنتو تأخرتو بس شويتين ايه كان بيحصل ..
عادل:طيب نقدر ندخل عنده يادكتور..
"كل ذا ونا زي الاطرم ساكت"
الدكتور:مابتأدروش تودخولو كلوكو.. حيخوش واحد وبعدو كدا كمان واحد..
عاد كل العيال قاموا يناظروني عرفت ان قصدهم انا اللي ابدخل..
تقدمت وفتحت البابـــ ..
دخلت سمعته يتنفس بصعوبهـ قربت منه ولمست راسه.. كان بجد حار..
كان مفتح عيونه بس مدري هو مصحصح معي وشايفني ولا لاء..
تقطع قلبي ونا اشوفه ومو قادر اسوي شي,, وهو كان يناظر السقف
سمعته يتنهد ورا بعض.. وبحركه لاشعوريه..
ضغطت على يدهـ كان ودي اقوله نصور انا معك بس لساني خاني وقتها..
لف وجهه بصعوبه لاحظتها وقال بصوت يالله اسمعه:عبدالعزيز,,..
ماقدرت ارد عليهـ ..
لف وجهه ع الجه الثانيه وقال:بس هنا اقدر ارتاح.."غمض عينه ضغط على يدي شوي وهو ماسكني ثم بدت ايدهـ ترتخي شوي شوي,, ونام"..
قمت انا ونا ماودي ابعد عنه بس لان فيه ناس تنتظرني
ونا طالع سالني سالم:هاهـ بشر..
مشيت وماقدرت ارد عليهـ وطلعت برا المستشفى..


راح اخلي التوقعااتـ لكمـ.

[فيتامين سي]

تابع الجزء الثالث عشر..


قمت افكر بطريقي اللي سويته صح ولا غلط تذكرت وجهه ويوم ظغط على ايدي.. حسيت انه ماكان بوعيه او ان اللي سواهـ كان من كثر التعب وانه ناسي ان تهاوشنا..
دق علي سالم وقال انهم بيروحون وان ناصر بيجلس لين بكرا وبعدها بيطلع اذا تحسن وانهم يبون اجيب له ملابس..
قلتله طيب ان شاء اللهـ وفهمت من تلميحاته ان مافيه حد غيري بيكون مرافق لهـ..
رحت للشقه وزي ما قالوا لي.. جبت ملابس وخذتـــ شاحنه وجوالهـ
رحتــ للمستشفى ونا ادور بين الاسياب على غرفتهـ..
طقيت الباب مالقيت عندهـ احد .. رتبت ملابس على جنب وخذت من السيرفيس اللي عندي مويه بارده وثلج وخذت منشفه
وصرت احطها على جبهته وبسرعه كبيره تحر المنشفه وسرت كل شوي ابدل المويه ورايح وجاي من اليوم ..
تقريبا من اذان العشاء إلى الساعه عشر جو الممرضات وحطو عشاهـ لو قام..
استمريت في الحط والشيل ونا ادعي ان الله يشفيه بأقرب وقتـــ
ويوم جيت ارفع المشفه واعصرها حسيت انه قام..
ناظرته وهو يناظر الجهه الثانيه
،،،قال:راحوا العيال..
هزيت راسي..
قال:ليش تسوي كل ذا وش علشانه.."قصدهـ ع الكمادات"
قلت:ارد بعض فضايلك عليّ
قال:عبدالعزيز انا كم مرهـ قلتلك اني ماتفضلت عليكـ وش اللي مخليك تقول كذا
قلت ونا احط المنشفه على جبهته:ناصر ارجوكـ لا عاد تناقش في شي راح..
ناظرني ناصر بتوسل فهمت منه ان انسى اللي راح..
ناظرته نظرهـ مدري وش القوه اللي خلتني اناظره كذا..
وقلتله:ناصر خلااااص اللي بيننا انتهى..
قال:من جدكـ انت ؟؟ كذا بسرعه تنسى كل شي!!
قلت:زي ما احبــ بسرررعه انسى بشكل اسرررع..
قال بجد:اجل تفضل حبيبي ما احتاج خدماتكـ
قلت:موب على كيفكـ انت تعبت معي كثير ونا لازم ارد لك ولو شوي
قال:عزوووز لو سمحت انا بجد ما احتاج لكـ كافي اللي جاني منكـ دام ماتبي نرجع سوا.. لاتقعد كذا معي كانك واحد مجبر ع الجلسه

ماعرفت وش اقولهـ بس قمت من مكاني ونا اقول:ان شاء الله اشوفك باقرب وقت وبصحه وعافيه..
وترا ملابسك وجوالك بجمب الكنبهـ "واشرت له يعني سلام"
قال:بالتوفيق..
سكرت الباب وراي ونا منقهر من نفسي ومنه..
بصراحه ماكان ودي اقوله كذا بس هو قهرني..
خلان احس اني طول هالفترهـ جالس على احسانهـ واني لو كنت بدونهـ ماراح اكون شي..
هي بصراحهـ كذا يعني انا بدون ناصر ... !!! مدري وشو ..
ياااربـــ طلعه بالسلامه..
وخلي اللي يصير اللحين ينتهي بسرعهـ ,,
رحت من المستشفى للسكن وقابلت بطريقي سالم..
قالي:هاهـ ما اشوفك مع ناصر
قلتله:سالم تعرف اننا تهاوشنا.. ماله داعي اعيد في اللي قلته لكـ .. الحياة اخذ وعطى.. ونا اللي ابسويه له مجرد رد جميل..
بس اذا كان هو مايبي انا مو مجبر..
سالم:هو قالك مايبي؟!
قلت:تقدر تقووول !!
سالم:عزوز انت اكيد فيكـ شي .. انا اعرفــ ناصر وكلن نعرفهـ انا ونت مستحيل يقول كذا الا انت قايل لهـ شي.. نصور قلبه ابيض.. ولو اظطر في لحظه انه ينسى اللي يبيه نساهـ بسهولهـ
قلت:بس اذا بغى اسود من قلبه ماتشوووفـــ ..
"تذكرت نظرته لي بالمستشفى حسيت اني كذاب او شي زي كذا"
سالم وهو رايح:صدقني بتخسر ناصر ..
انقهرت من اسلوب سالم وقلت: والله يايبا هو اللي بيخسرني..
من بعيد طل علي وقال:لا تضيع أي فرصه من يدينكـ .. الدنيا ماتعطي فرص كثير.. اذا جتك لا تضيعها ونصوور لاتردهـ..

توقعاااتكم ياحلوين اذا ما قلتو توقعاتكم مراح اكملهاا<<نذالهـ