صدّگ حفر بقلبي من الحزن آهٱت.! / للكاتبة هواجيس كاتبة.

[لمحة جنون]

البارت الاول من رواية " صدگ حفر بقلبي من الحزن آهات"

حمد: يبه انا ما اريد زواج قرابه وانت عارف هالشيء خصوصا بعد الي صار مع فيصل.
ابو فيصل قام بضيق: هذي بنت عمك ياحمد لا تنسى وبعدين خلينا نسكر على الموضوع نبي طالعتنا مع عمومتك تمر على خير .
ناد على زوجته لتجهز الاغراض لروحتهم للبر.
حمد : اووفف ابووي موو راضي ابد يتقبل اني زواج القريبين ما ابيه.
فيصل : لاتلومه وبعدين ترا ابوي معطي عمي كلمه لكذا الحين مو عارف وش يسوي .
الكل كاان مربوش حيل في بيوت العايله ومتحمسين لانهم بيجلسون ٣ ايام فالبر..
رناد: اوووف الحين ٣ ايام يعع شلوون بنسبح بالله!؟
رهف: وشش فييكك انتي كذا ترا احمد خبرني انهم بياخذون كرفانه معهم لجل نسبح خلاص ارتحتي وبعدين يزيينن البرر والله متحمسهه الفف والبنات بعدد.
رناد: مالتت عليكم بسس. الكل اتجه للسيارات وانطلقوا للبر .
في سياره عبد العزيز..
كانوا مشغلين شيلات ومتحمسين إلا تهاني كانت تطالع الشارع وعقلها بعيد.
تهاني : ريم قولي اذا كنتي تعزيني اخوج مايبيني مو؟
ريم مكسور خاطرها: والله مدري شقولج بس حمد اي رافض لكنن احلف لج انج مو السبب هو مامتقبل الزواج من قريب بعد الي صار مع فيصل ودلال بنت عمي.
تهاني بوجع: لكن بالاخير النتيجه وحده. .
نرجع للواقع ..
تهاني بخاطرها: انتظرتك ترجع على احر من الجمر لكن خلاص مو انا الي ارخص نفسي الي مايبيني ماعمري بغيته.
وصلوا للبر ...
نزلوا وبدوا يرتبوا الخيام وينزلوا اغراضهم كانوا مبسوطين وسوالف وضحكك.
طبعا الحريم كالعاده راحوا يطبخون الغداء والبنات راحوا يتمشون بعد ما عطوهم الاذن الحريم.
عند الشباب منهم في الخيمه مع الشياب ومنهم من راح يمشي .
عبد العزيز وهو يسحب حمد لحضنه: والله واشتقناا لكك ياكلبب.
حمد : هههه وانا اكثر والله الغربه .

جاسم يغمز له : لكننن الشهادة تستاهل ولا يا ولد العم.؟
حمد : ههه صادق تعالوا يحمير تطلعوون من دووني هاااه بر وحركات .
الشباب: هههههههههههههاي.
رائد : حلووو انت حمير ولد عمك كلب وش رايك نصير حديقه حيوانات بعد.
حمد : هههههاييي لايق. راح يركض والشباب وراه يرمونه بنعولهم.
عند البنات ...
راحيل بحماس : بناات تتذكروون اخرر مره جينا وجابوا الشباب جيتارهم يالله عسى جايبينه فناان.
سميره مبوزه : اسكتييي في الطريق اسأل سامي يقول مافي جيتار المره الماضيه عمي راضي نازعهم فما جابوه.
راحيل تشهج : احلفيييييي اوووفف .
ريمم : بناات تعالوا نجلسس تعبت.
جهان : لاا تونا ماشينن لاتكووني عجوز.
ريم مسكت تهاني: رووحوا احنا بنجلس هنا .
البنات :طيب.
جلسوا تهاني وريم.
كانت ريم تبي تجلس مع تهانيي من البدايه لتتطمن عليها لانها تعرف بمدى حبها لحمد : تهوون.
تهاني : عيونها.
ريم : تسلملي عنوونج غناتي قوليلي كيفج الحين (كانت مخيلهه حيل بسبب اخوها وقلبعا يوجعها على بنت عمها ورفيقه عمرها) .
تهاني بابتسامه تخفي اوجاعها: لا تحاتين ياقلبي وبعدين انا بديت انسى موضوع حمد وانتي تدرين عني ما ارضى اتمسك باحد وهو عايفني .
ريم ضمتها بقوه وهي تدري ان قلبها يخبي كثير: يااقلبي انتي اعرفج جبل وراح تتخطين حمد وعشر من امثاله وان شاء الله ربي يكتب لج احد احسن من حمد.
تهاني بالم : ان شاء الله.
مر الوقت حاولت ريم تغير الموضوع وتونس تهاني وخصوصا بعد ماردوا البنات غيروا جوهم.
عند الحريم..
جهزوا الغداء ونادوا على الشباب وشالوا الغداء لهم ولشياب ونادوا على البنات وتوجهوا هم بعد ليتغدوا.
بعد الغداء راحوا البنات وساعدوا الحريم وبعدها جلسوا فالخيمه الي للحريم.
تهاني : بناات خلونا نمشي شوي.
البنات إلا ريمم : لاا تونا متغدين .
ريم : قوومي انا اروح معاج.
تهاني : فدييت اناا بسسس. ابتسمت لها ريم وعقب طلعوا .، وكانوا الشباب طالعين بعد يمشون .
حمد طالع البنات كان يلمح اخته بس ماعرف الثانيه فكمل طريقه مع الشباب.
ريم وتهاني جلسوا فوق العرقق يسمعوون لشيلات ويسولفوون.
اسيل تصارخ من تحت : بناااات اذا تبووون ديووو تعاالواا .
تهاني : اووف مافيني .
ريم فزتت: لا تقوومي انا ارووح بعد كبدي انا يشربون وانا لاا مستحيل (تغمز لها) اجيب لنا واجي.
تهاني : اوووكك حبب. راحت ريم.
تهاني خلت السماعه وجلست تسمع وشردتت بعيدددد.
الشباب وهم يمشون شافوا شله شباب يدورون بسيارتهم حمد لمن شافهم تذكر اخته الي طالعه تمشي.
حمد : شبااب بروح وبجي .
الشباب : اووكك.
راح يدور بعيونه كان تطيح عيونه على وحده جالسه فوق .، اتجه صوبها.
حمد بعد ماقرب : لقاها مو ريم لكن توقها وحده من بنات عمه .
حمد : اووويي . ماكان في رد ^حاطهه الاخت سماعه.
حمد : وشش فيها هايي ماتسمع اووويي.
قرب منها اكثر حتى صار قريب.
بعصبيه: هييييه اكلمج ما تسمعين؟
تهاني سمعته وشالت السماعه ورفعت راسها اول ماجات عيونها بعيونه كانت مصدومه هذي اول مره تشوفه من بعد ما جاء من السفر.
حمد بعصبيه: انتي ماتسمعيني قوومي من هنا روحي عند الحريم.
تهاني نزلت راسها وهي تحاول تخفي دموعها قامت بصمت وراحت بدون ماترد عليه.

[لمحة جنون]

البارت الثاني..

استغرب من ردت فعلها عقب نزل عند الشباب.
تهاني وهي نازله لاقت ريم.
ريم متشققه وهي جايبه الديوو: ليييش نزلت( سكتت بعد مالمحت دمعه تهاني) وشش فيييكك؟؟؟ رفعت راسها لفوق تبي تلمح احد كان تشوف اخوها حمد راح باتجاه ثاني.
ريم: وششش قالج ؟؟؟
تهاني مسحت دموعها : ولا شيء . راحت بسرعه متجاهله ريم عند الحريم.
ريم كان قلبها يتقطعع على بنت عمها وهي تشوفها بهالحال.
مر الوقت حتى بدت الدنيا تظلم ووالحريم بدوا يجهزون العشاء والرجال اشعلوا نارهم .
كانوا الشباب كلهم مع الشياب سوالف وضحك.
والبنات مو اقل بس تهاني كانت بعالم ثانيي تماما وريم كانت ساكته طول الوقت والافكار تجيبها وتردها ودها بس بو تعرف وش صار حتى انقلب حال تهاني كذا.
قامت صوب خيمه الشباب وهي تحاول تلمح اخوها كان تلاقيه توه نازل من الكرڤانه راحت بخطوات سريعه صوبه قبل مايروح عند الشباب.
ريم : حمدد.
حمد التفت صوبها: وشش عندج؟
ريمم: تعالي ابيك بموضوع . راح لنعدها وابعدوا شوي عن الانظار.
حمد : خيير وشش فيك؟
ريم : وشش قلت لها.
حمد مو فاهم وش تقول : لمن قلتت وش قصدج انتي؟؟ عن من تتكلمي؟
ريم : تهااني من غيرها الظهر انت كلمتها فوق العرققق وشش قلت لهاا هااه؟؟
حمد باستنكار : ذيج تهاني.، ولاشيء عصبت وقلت لها ماتسمعين روحي عند الحريم وراحت حتى ماقالت ولا حرف.
ريم " ياعمريي اكيد لانها اول مره تشووفه من بعد مارجع هالمسطول وفوقها يعصب عليها بسس لو تدري عن حبها كان مارخصت فيها: طيب خلاص سلام. راحت .
حمد رجع مع الشباب.
تعشوا ووعقب كملوا رمسه حتى الساعه ١٠ الشياب ناموا والشباب كملوا رمسه .، والبنات بعد كانوا سهرانين لكن تهاني راحت عنهم تنام.

الصبح الكل كان في حاله إغماء إلا الشياب كانوا من الصبح قايمين.
قامت تهاني راحت الكرفانه سبحت وعقب راحت عند الحريم.
في مكان قريب توه كان حمد قايم سبح بعدها راح الخيمه عند الشياب.
عند الحريم ..
ام فيصل : يمهه تهاني روحي شيلي هذي القهوه لخيمه الرجاجيل .
تهاني : ان شاء الله. اخذت الدله والفناجين وراحت للشياب دخلت كان تطيح على حمد سرعان ما خطر فبالها ليلة امس.
كانت على الفراش : مافي مجال للتراجع خلاص حمد ذكرى قديمه وانتهت.
نرجععع..
كملت صوبهم .
تهاني : صبحكم الله بالخير .
الكل : صبحك الله بالنور .
ابز فيصل بسعاده : تعاالي يابنتي هنا جنبي والله اني اشتقت لج. ابتسمت تهاني وراحت جنبه صبت له قهوة وعقب صبت للبقيه .
حمد كان يراقب تصرفات ابوه ويطالع تهاني .
ابو فيصل طالع ولده وابتسم عقبها رجع يطالع تهاني: ياشوق قلبي لشوفك
ويا حرتي لا عاف قلبي فراقك..
اطالع السماء واناشد الرب بغيابك..
لعله يرفق بحالي ويوصلني ليبابك
تهاني ابتسمت : ياجميل الوصف وياحسين اللسان ..
اشتاق لشعرك وٱجمل ٱلالحان.
لاجاتني الذكرى اتغنى انا الولهان
وادندن بحلم كنت فيه انا بك الربحان..
ابو فيصل : كفوو والله عاد هنا انا مجدر ارد وريها ياحمد من قصيدك.
حمد كان متوقعها من ابوه : لا بقيت الصد ياعم والهجران ..
افتح مياديني واقول انت خسران..
يكفيني عزتي اني ابن فلان ..
ماهزني حب ولا يكرمني عدوان..
امشي واثق خطى ولا ارجع لميدان.
يذكرني في واحد يهوى ذلي انا ابو حمدان..
ابو عبد العزيز : ابب ابب هاه وش ردج ياتهاني؟
تهاني بهدوء وابتسامه قامت وهي تقوم كانت عيونها معلقه بحمد : استأذنكم لازم اقوّم البنات ( طالعت ابوها)
ماني من الي لاجاه صد يقبل باحسان..
ولاني من الي لاجاه حب يرمي بالاسهام..
اخذ من الدنيا بلطف وما ارجع اطالع الوديان..
ياكم عمقها يحرق بقلب انسان ..
لاطاح من عيني فلان ..
اشوفه عمق ولا احرق قلبي على شان..
احدن ارخص بقيمتي لا والله قلبي ابد ماهان..
راحت وخلتهم . كان حمد مصدوم حس وكانه هو المقصود .
قاموا البنات وراحوا تسبحوا إلا ريم الي كانت منخمده .
ساعه إلا واقموا الشباب .، كانت الكرڤانه كلها شباب ينتظرون الدور كل مره واحد فيهم يدخل يسبح.
عبد العزيز : اخخ احس جسمي متكسر الله ياخذكم خليتيني انام على الرمله قاصين علي .
هاني: هههههاييي والله يوم انه ينقص عليك.
عبد العزيز سحب بوكس التيشو ورماه عليه.
فيصل وهو طالع من الحمام: يهاال بس خلاص ماعندكم سالفه بس مضارب يالله دخلوا ترا عمومتي معصبين.
عبد العزيز نقز من مكانه: الشيمه الا عصبيه الوالد عاد قم قم خلني ادخل.
الشباب كلهم انسدحوا ضحك .، كان ابوه معروف اش قد هوو عصبي .
عند البنات ريم توها راجعه من الكرفانه : اوووف الكرفانه الشباب مسيطرين عليها.
تهاني : ماعليه بعدا الغداء روحي.
ريم : وهوو كذاا. مر الوقت وكانوا كذا مفرفشين .، عقب قاموا يساعدون الحريم في الطبخ .، ثمن تغدوا بعدها كلا جلس بالخيم.
راحيل بهمس: بناااتت.
البنات كلهم يطالعونها : هاااه.
راحيل بحماس: الحين الحريم بينامون والشياب بعد خلونا نروح ناخذ بساط ونروح فوق العرق (غمزت لهم وكل البنات كتموا ضحكتهم وهم فاهمين قصدهم).
طلعوا اخذوا البساط وراحوا فوق العرق .
عند الشباب ..
جااسم قوموا نتمشى شوي. كلهم قاموا وراحوا صوب العرق.
عند البنات..
راحيل وسميره رافعين ثوبهم ورابطينه على خصرهم والبنات الباقي على البساط.
راحيل وسميره مسكوا البساط: جاهزين ؟؟
البنات : اييييي. سحبوا سميره وراحيل البساط بسرعه وهم نازلين لتحت والبنات يصرخون وهم ينزلون لتحت.
الشباب كانوا يطالعونهم مصدومين .
عبد العزيز فاتح عيونه على كبرهم وهو يشوفهم : تشوفون الي اشوفه.
جاسم بحماس: فناااانن.
اما البقيه انبطوا من الضحك وهم يطالعون البنات.
البنات سمعوا صوت الضحك.، راحيل وجهتت راسها صوبهم كان توقف وسميره تسحب طاحت على وجهها والبساط تحرك بصوب ثاني والبنات كلهم طاحوا بس كانت راحيل اووفر وجهها كله بالرمل.
الشباب انبطوا ضحك ماقدروا الي انسدح والي فقد توازنه من اشكالهم إلا فيصل كان مصدوم قلبه على ريم اخته .
كل البنات قاموا إلا راحيل وهم بسرعه يعدلون ملابسهم بعد ذي الفشله .
فيصل ركض صوبهم : صار لكم شيء ؟؟
البنات بفشله : لا . البنات طالعوا راحيل الي للحين منشدحه على الرمل.
البنات : ويييهههه راحييل. ركض فيصل صوبها كان وجهها بالارض حاول يرفعها من ايدها .( الشباب بعد ماشافوا فيصل يركض صوب راحيل وقفوا ضحك وراحوا لهم ).
فيصل : رااحييل اووي !/ راحيل قامت وجهها كله رمل حتى فمها .
فيصل لمن شافها ماتت ضحك ماقدر يمسك نفسه ابدد.
راحيل انحرجت الفف سحبت ايدها ونزلت ثوبها وراحت بسرعه صوب الخيمه .
البنات اجوا يروحون ولكن لمحت تهاني شيء اسود بظهر ريم قربت منها كان تبقق عيونها وهي تشوف عقرب.
تهاني : رييم وقفي مكانك.
ريم بخوف : وششش فيه؟؟
تهاني : ااش اصبري . كل الانظار عليهم حمد وفيصل ايدهم على قلوبهم وريم متصلبه مكانها ودموعها تطيح تلقائيا.،،

[حكآية طيف]

ججججمممال جججمالل الففففف روآية سرريعة وبدعتتييي فيهااا حبتتتتقلببيي ):❤❤❤❤❤☺☺👏🏻🌟🌟☺☺ كفووو عليكككك )؛💘💘💘💘💘😻👏🏻👏🏻👏🏻

[لمحة جنون]

المشاركة الأصلية كتبت بواسطة حكآية طيف

ججججمممال جججمالل الففففف روآية سرريعة وبدعتتييي فيهااا حبتتتتقلببيي ):❤❤❤❤❤☺☺👏🏻🌟🌟☺☺ كفووو عليكككك )؛💘💘💘💘💘😻👏🏻👏🏻👏🏻

منحرمم من مروورج غناتي .، يسلموو🌹💕💕

[لمحة جنون]

البارت الثالث...

البنات اجوا يروحون ولكن لمحت تهاني شيء اسود بظهر ريم قربت منها كان تبقق عيونها وهي تشوف عقرب.
تهاني : رييم وقفي مكانك.
ريم بخوف : وششش فيه؟؟
تهاني : ااش اصبري . كل الانظار عليهم حمد وفيصل ايدهم على قلوبهم وريم متصلبه مكانها ودموعها تطيح تلقائيا.،،
طالعت حواليها ما شافت عصا قربت وسحبت العقرب بايدها ورمتها بقوه حتى طاحت على الارض فيصل ركض وداسها تحت رجله حتى اختفت تحت الارض.
حمد بخووف : رييييم انتي بخير؟؟
ريم وهي تبكي ضمته : اييي. عبد العزيز طالع اخته الي بدت تفقد توازنها وتعصر ايدها.
عبد العزيز : تهااااانيييييييي . طاحت على الارض .
ركض عبد العزيز وشالها بين ايديه للخيمه وكلهن وراه.
ابو عبد العزيز : وڜش فيييههه؟؟؟!
عبد العزيز بصريخ: العقرببب اكيد قرصتهااا.
الحريم سمعوا الصريخ وجوا.
ابو جاسم قرب منها ومسك ايدها واشر لهم ان يسكتون .، وبدأ يقرأ سوره البقره .، البنات كاتمين شهجاتهم وريم طايحه على الارض تبكي وهي تشوف بنت عمها الي كانت اخت لها ورفيقه عمرها طايحه مغمى عليها.
حمد سحبها وطلع برا الخيمه.
ريم بين شهجاتها: والله لو صاآر لها شيءء امووت اههه اهههه كللهه بسبتيي اههه بالأول انت والحين انا بعد آذيها (هنا حمد حاله صدمه مو مستوعب الي تقوله وقصدها بانت !) اههه على شانيي سوتها اههه سوتها اختي الي جابتها الدنيا لي اههههه اههه . وكملت بكى وحمد حاول يخفف عليها وفكره مشغول بكلامها.
في الخيمه شوي شوي وبدت تستعيد تهاني وعيها .
ابو جاسم بابتسامه: الحمد لله على سلامتج بنت اخوي الغاليه.
امها قربت منها بعد ما ابعد عمها وضمتها وعقبها شالوها لخيمه الحريم .
راحيل كانت واقفه عند الخيمه : الحيين كل هذا صار بغيابي؟!. شوي إلا تحس احد يطالعها التفتت كان تشوف فيصل الي اول ماشافها ابتسم كاتم ضحكته .
انقلب وجهها احمررر من نظراته وهي تتذكر الي صار.، شردت لداخل الخيمه وهي تتمنى الارض تنشق وتبلعها.
ريم راحت للخيمه بعد ماعرفت انها صحت وكانت حيل مبسوطه.
بليل الساعه ٩ ..
كان جالس بينهم ولا كأنه موجود كلامها يتردد بأذونه "بالأول انت".
طالع الخيمه وتذكر قصيدتها حس انه ضايع قام من عندهم وراح ونام وهو يبي يوقف الافكار الي تكاد تجنن فيه.
الصبح ..
كانوا البنات حوالينها ..
تهاني : وش سالفتكم جايين هنا يالله خلونا نروح نتمشى.
ريم : لاااااا اجلسي ولا تتحركي.
تهاني : بموووت منج ترا ايدي مو رجلي . قامت متجاهله كلامهم وجلست مع الحريم.
اكلوا فطورهم عقب قاموا ليتمشوا .
حمد خلص فطوره وقام يتمشى كان يشوف البنات قدامه.
حمد وعيونه بتهاني: صباح الخير.
البنات إلا تهاني: صباح النور.
حمد : كيف صرتي تهاني؟ تهاني حست قلبها فز من مكانه وهي تسمعه ينطق اسمها.
عضت شفاتها وهي تجابه: الحمد لله احسن. راحت بخطوات سريعه والبنات وراها.، بينما هو ظل يطالعهم وهم يختفون .بعدها رجع للخيمه.
العصر...
فيصل : شبااب خلوونا نصييد .
عبد العزيز فز من مكانه: ابشررر. قام وجاب السلاح وتوجهوا للسياره كان تشوفهم جهان وهم حاملين السلاح وركضض صووب البنات.
جهان : بنااااتتت الشباب رايحين صييد خلوونا نروحح.
كلهم فزوا من مكانهم إلا تهاني ولكن ريم سحبتها.
راحيل بصريخ : اصبروااا.
فيصل وقف السياره ونزل النافذه .
بابتسامه : هااه راحيل وش عندج؟
راحيل سكتت ماقدرت تنطق وهي تتذكر موقفهم من جديد.
ريم : نبا نروح معكم .
فيصل : هههه وين راح تركبوون بالله؟
ريم طالعت البنات عقب ردت تطالعه: بنركب في ورا .
عبد العزيز : تهوون ايدك موو زينه لا تروحين لاتتعورين.
تهاني توها تبي ترجع كان تمسكها ريم : لاااا بتروووح مافيها إلا الخير بتتونس معنا.
حمد : عبد العزيز صادق بس اذا تبي يالله ركبوا .
جاسم : اووهوو الحين السياره ماراح تتحرك من الثقل .
راحيل : نعمممم وش قلت اخووي العزيز؟؟
فيصل بابتسامه : جااسم حرام عليك يالله ركبوا . راحيل تمشي وتلعن اليوم الي قررت فيه تلعب فالعرق وهي تشوف ابتسامه فيصل.
كلهم ركبوا كانت السياره زحمه الفف.
جاسم كان متعلق عند النافذه وعبد العزيز الجانب الثاني .
رائد : اقوول المح شيء اسودد على اليميين.
عبد العزيزز: ايي فيصل شوي شوييي كاهووو صفرد.
قرب فيصل شوي شوي بالسياره وعبد العزيز جهز السلاح والبنات كانوا ناطين بوجوهم لقدام وهم يراقبون الي بيصير.
جاسم بهمس: اطلقق. اطلق عبد العزيز ولكن جات بطرف جناحه حاول يطير وفيصل اسرع ووجه عبد العزيز السلاح من جديد واطلق وهالمره جاب راسه.
جاسم بصريخ: كفوووووو والله عزوووز.
عبد العزيز متشقق : طالعع عليكك ولد العم. جاسم يرسله بوسلت من بعيد.
رائد بسخريه : حبيبي جاسم عن الشواذ وش ذي البوسات بعد .
البنات ماتوا ضحك وجاسمم احمر وجهه وهو يحس جبهته تطااير.
فيصل كانت عيونه على المرايه وهو يلمح راحيل ميتهه ضحكك.، ابتسم وعقب رجع يطالع قدامه.
حمد طالع المرايه شاف البنات ميتيين ضضحك إلا وحده كانت ساكته وجالسه على جنب.
حمد : تهااني فيج شيء؟
الكل طالع صوب تهاني الي انصدمت منه.
عبد العزيز بخوف وهو يشوف البنات فوق بعضهم من الزحمه : تهاانييي ايدكك تعووركك؟؟؟؟
تهاني هزت راسها بالنافي : لا .
حمد : خلونا نرجع احسن.
فيصل: الي تشوفونه. رجعوا للخيم وهم طفشانين .
اسيل : يااخييي مللل الففف وش الحل؟
جهان بعد تفكير بحماس: قووموا خلونا نشعل نار كذا بعيد شوي عن الخيم لجل ناخذ راحتنا بنلعبب صراحه جرأه.
رناد : اول مره تقولون نسوي شيء سنع يالله.
ريم : اييي حلوووو قوموا اشوف. كل وحده حملت شيء معها وتوجهوا للعرق.
اشعلوا نار وبعدها عملوا شاي وطبعا بلا شك لابد من ٱكل بالموضوع "ككك.
رناد بحماس: يلاا نبدا.
البنات : يلااا.
حركت علبه المويه حتى وقفت قدام اسيل وراحيل.
اسيل : جرأه ولا صراحه .
راحيل : اممم صراحه مافيني على جرأه.
اسيل : ههههاي طيبب (بمكر) كيف كان احساسج وانتي تطلعين وجهك من الرمل وفيصل قدامج.
راحيل وجهها انصبغ احمررر سحبت الكيس الي جنبها وفرته على اسيل الي نقعتت ضحك على شكل راحيل.
حكوا العلبه من جديد حتى وقفت قدام رناد وريم .
ريم : جرأه او صراحه ؟
رناد بحماس: جرأهه.
ريم : قومي رقصي اشوف .
رناد وقفت وطالعت حتى تطمن على الوضع انه امان .ككككك.
رناد : شغلوا شيء يابخيلين.
ريم : ابششريييي. شغلت لها اغنيه مصريه ورناد على طوول شبكت معها ومن فرط الحماس قامت اسيل وراها ججهان يهزون معها.
راحيل وهي تصفر : عاااشووووااا.
عبد العزيز وجهه احمر قلب وهو يشوفهم يرقصون نزل راسه : اووووي . البنات التفتوا عليه كان يتصلبون مكانهم إلا جهان الي الامور عادي لانن اخوها .
عبد العزيز رجع لورا : شميت ريحه شايي كرك وجيت . البنات جلسوا وهم يلعنون ويسبون .، وتهاني قامت صبت شاي لاخوها وريم ساعدتها.
تهاني وهي كاتمه ضحكتها : هااك. اخذ الكوب وراح.
ريم نقعت من الضحك بعد ماشافته راح وتهاني وراحيل معها.
راحيل وهي منسدحه مو قادره توقف ضحك : ويووو توها تضحك علي هاه اسيل ههههههههههههههاي.
اسيل كانت سايلنت وجهها احمرر الفف .
رناد حاسه وجهها احترقق .
جهان : اييهه خلاص إلا عبد العزيز تراا .، يالله نكمل.
رناد : مابا خلاص عذرت اووف احس وجهي فحم بروح . راحت عند الحريم بعد ذي الفشله وراحيل وجهان واسيل راحوا يتمشوا وبقى ريم وتهاني.
ريم : ههههاي ماظنتي عزيز بيتجرأ يجي مره ثانيه كاااكككككك.
تهاني : ايي والله ههههه. شوي بعد صمت طالعت ريم تهاني .
ريم : اممم تهوون مالاحظتي على حمد شيء ؟
تهاني عقلها راح بعيد مرهه.
ريم : مو كأنه صاير يهتم لكك؟
تهاني بشرود : ياطيف اريدك واريد رؤياك ...
لاعاد تحرمني مثل ماصاحبك مني حرماك... اريدك واشفق على شوفقك يابعد قلبي عيناك..
ارجع ترا دمعي على جفني يناشدك بلقاك..
(طالعت ريم) مو عشاني عشانك لجل الي سويته لك.
ريم وخاطرها مكسور: هالكثر تحبينه؟
وقف مكانه بدون حراك وهو ينتظر ردها.
تهاني ودمعتها تسبق حروفها ابتسمت بألم: احبه هه انا اعشقه لو يطلب روحي عطيته لكن للاسف حمد مايبيني ولا شاريني ياريم هه الي احبه مرخص قربي.
ريم ماقدرت تمسك نفسها ضمتها بقوه : وربي اهوو الخسران ولو يلفف الدنيا كلها ماراح يلاقي وحده مثلج . رجع بخطواته لورا مصدوم ماكان يتصور بنت عمه تعشقه هالكثر بنت عمه الي رافض انه يتزوجها!.

[لمحة جنون]

البارت الاخير..

الساعه ١٠ بليل...
عند الشياب ...
ابو فيصل : والله هالمكان ماينتركك .
ابو رائد : صدقتت ياخويي يشرح الصدر.
ابو جاسم يطالع حمد : كييفف شفت البر ياحمد من بعد هذي الغيبه؟
حمد وهو يحاول يستجمع نفسه : هااه والله زيين.
ابو جاسم بابتسامه: اشووفك ماعندنا كأنك لايكون احد من هالاجنبيات شاغل فكرك؟
ابو عبد العزيز طالع اخوه ثمن حمد الي خلا ابو فيصل يتوتر.
حمد : ههه لا والله ياعمي هالاجنبيات ماييون ظفر من بنات بلادي وبعدين (طالع ابوه) انا ماعاد ابي اشغل بالي إلا بالي هو حلال لي.
ابو رائد : الظاهر عندك نيه بالزواج ياولد اخوي.
حمد بثقه بعد تفكير طويل : اي والله ياعمي نويت باقي آخذ القبول من عمي ابو عبد العزيز.
هنا الدنيا ماوسعت ابو فيصل ماكان متوقع ولده يوافق بعد آخر كلام حصل بينهم.
ابو فيصل وهو متشقق : هااه ياخووي وش ردك؟
ابو عبد العزيز : البنت لك يالغالي .
حمد : سالم ياعمي . الخبر انتشر مع الحريم لمن كانوا البنات جالسين برا الخيمه.
ريم توها جايه من عند الحريم متشققه : تهوون تعالي ابييج . سحبتها ورااحت .
البنات البنات مبوزات والفضول ماكلهم.
راحيل : اموووتت واعرف وش بينهم (فزت من مكانها) برووح عند الحريم وشووف وشش صاير لتجي متشققه كذا.
جهان : كفووو. راحيل دخلت عند الحريم وعرفت عن حمد وتهاني وطيران ركض صوب البنات كان وهي تركض تتعثر وتطيح على وجهها.
اول ماشافها ماقدر يمسك نفسه ونقع ضحك من خاطره وكأنه ماضاحك من زمان.
اما راحيل اول ماسمعت صوته وهو يضحك ماقامت وظلت تبكي فمكانها من الفشيله وقدام ذات الشخص.!
فيصل بعد ماحس مالها حس خاف قرب منها وحاول يساعدها : راحيل راحييل. قامت راحيل ووجها رمل ودموع.
انصدم لمن شاف دموعها : راحيل تعورتي ؟. حركت راسها بنفي.
ضحك حرك ايده على وجهها وهو يحاول يبعد الرمل وساعدها لتوقف : ليش تبكين عيل؟
راحيل بطفوله بين دموعها : وش سالفتك كالمره تشوفني وانا اطيحح رووح اكرهك.
فيصل : ههههههه الحين تكرهيني لجل اشوفك وانتي تطيحين طيب لو قلت لج ابي اشوفج دايم تطيحين؟
راحيل تمسح دموعها وهي موفاهمه: وش قصدك ؟
فيصل بابتسامه: تتزوجيني؟
راحيل وجهها اشارات مرور : اي قصدي لا قصدي ايي اقوول رووح منااك وطيران للخيمه .
فيصل نقع ضحككك وهوو يحس بنشوة سعادة تحيط بقلبه بعد مانسى طعم الفرح من سنتين مضوا.
تهاني: وشش عندج؟
ريم بوناسه ضمتها: حمد يبيييكك يبييك بتكووني من نصيييبه.
تهاني كانها بلا روح تسمعها ولا قادره تستوعب.
ريم ودموعها تبكي: خلاااص ماعاد في بكى حمد الي تحبينه لجج لجج ياتهاني.
تهاني ابعدتها وبعصبيه: مستحيل يغير رايه بسرعه كذا وشش قلتي له ياريم وشش قلتي؟
ريم بصدمه : هااه ماقلت شيء.
تهاني ودموعها تطيح وهي تحس كبريائها ينكسر: احلفيلي انج ماقلتي تكفين لا تخليني بموضع شفقه تكفين؟
ريم تذكرت الي صار معهم لمن قرصت العقرب تهاني وكلامها مع حمد : بس انا ماقلت الي قلته انه انت وجعتها بس والله ماقلت غيره.
تهاني ودموعها تسكب منها : ليش خليتيني بهالوضع قدامه ليش.
حمد يطالعها مصدوم من كبريائها تذكر اول مره يلاقيها على العرق وبعدها فالخيمه والحين هنا كبريائها نفسه.
قامت تهاني تبي تروح كان تلاقيه قدامها.
تهاني نزلت راسها وهي ترص على كل كلمه : انا ما ابيك ابد ما ابي شفقه منك ياولد عمي ما ابي ما ابي منك وفى بعد مانسيت ايامي معك(طالعته) اشهد انك قصه وانتهت بالنسبه لي . راحت .
حمد فجأة ظهرت قدامه صوره صوره طفله وهو واقف قدامها لمن كان عمره ١٠سنين .
حمد بعصبيه : تهاانييي بتزوجكك انا تفهمين ماراح اخلي احد يتزوجك غيري ولا ترا قتلتك.
تهاني بابتسامه : طيب (وهي تبوز بكبرياء )لكن لو نسيت كلامك اشهد انك قصة وبتنتهي بالنسبه ليي تفهمم .
حمد بابتسامه: ماا انسى انا احبكك ياهبله.
تهاني ضحكت وراحت تجري لبيتهم .
نرجعع للواقع...
حمد جسد بلا روح : هذي تهاني الي حبيتها ماكانت حلم هي حقيقه.
بعد شهر من اليوم ...
في ملكة حمد وتهاني....
كانت جالسه بلا اي تعابير تنم على انها عروس وگانها ماخذته غصب .
ام عبد العزيز : يمه الحين زوجك بيدخل . راحت وخلتها.
دخل حمد كان كشخهه لابس ثوب ابيض وشماغ ٱزرق مبينه تفاصيله الحاده.
طاحت عيونه عليها قرب وجلس جنبها .
حمد وعيونه معلقه بتهاني : ماراح تبتسمين لشوفتي.. مسك ايدها وسحبه لعنده ورفع راسها حتى صارت عيونها بعيونه) اسف وربي اسف تفكريني شفقه لا وربي انتي تهانيي تعرفين وش بالنسبه لي تهاني هي روحي والنفس تهاني الي كنت اضارب عشانها كل العيال تهاني الي لابقت حاجه جريت على شانها ارجووك عوّدي ارجووك.
غمضت عيونها لتنساب دمتها .
رفع ايده ومسح دمعتها وضمها لحضنه بكل قوة وكأنه يحاول يخبيها من الدنيا .

كانت طالعه تمشي وتطقطق بفونها وماشايفه قدامها كان ينزلق كعبها ولكن هالمره في ايد لحقة تمسكها.
رفعت راسها كان تشوفه بابتسامته وٱناقته واقف قدامها ماسكها.
فيصل : متى تردين علي لأقدر امسكك في كل مره تطيحين فيها؟
راحيل نزلت راسها بخجل : موافقه .

انتهى بأنامل : هواجيس كاتبه.

[حكآية طيف]

نهااااااايةةةةة جمااال
ابددددعتتتتي يااقلبييي😭💓💓💓🤩🤩💓💓

[لمحة جنون]

المشاركة الأصلية كتبت بواسطة حكآية طيف

نهااااااايةةةةة جمااال
ابددددعتتتتي يااقلبييي😭💓💓💓🤩🤩💓💓

ياحياتيي.، هيي قطرة من بحر جمال عينيگِ ياجميلتي.،
ما انحرمم من مرورگ اللطيف💓💓