يا ليتهن هموم قلبي معازيم تحل وسطه عدة أيام وتروح "مميزة"

عِتق السنين ! · 13-05-13, 12:46 PM

ليلة 3/6/1434 بداية من الشهر السادس يصير القمر فيها قد اكتمل
ليلة بداية خير بإذن الله

يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !

’.

(1)

في ذات ليلة ككل الايام تشرق فيها الشمس يوم الخميس ..

انثى قد شَابت الوجع ... دُميتها خطيئة العشق الــ ........
تذكرها الاسباب ، وترفضها القناعات ،.. وتحرق وجهها الخيبات

العين عمياء لا تدرك المطر .. يضربها حَب الغمام اليوم بصفح وجنتيها فلا تعيه ...
افة تلك اصابتها تُخمت حزنا ... آه عله يعود واعود طفلته التي فقط تقرأ القصص وتهوى اللعب تحت المطر

في منتصف الليل
في قاعة الفرح ...

وبين متاهات الطرق هنا مشاعري تختبئ ارتباكا وتمتلك حنجرة حرفي غصة لعلي ألفظها سريعا
تعناقني رفيقة الدرب حنين/ بثينة الزين كله اكتمل فيك اليوم ...
لأول وهلة من النظر ارتسمت على شفتي ابتسامة/ حنين خايفة كثير .. اول مرة بعد غياب السنة اخرج من البيت
فَ رددت حنين/ لا تخافين حبيبتي انا جنبك ما راح ابتعد عنك .. تدرين ان عمك سوا خير يوم طلعك من سجنك
نظرة الامل وابتسامة لا تغادر ثغري/ حنين .. احس نفسي غلط .. خلينا نخرج
حنين تجلس على الاريكة تغلفها قماش من الحرير الابيض/ بثينة اجلسي حبيبتي خلينا ننسى

،

على الجانب الآخر .. تذكر الله ،.. نظرات الاعجاب تتلألى في عينيها
تتحدث ولسانها مرتبك/ خلصتي نظرات والا باقي ما حمضتِ صورة
لتردف بهمس/ ياسمين ماشفت مثل هالفتنة .. عين وسيعة كما عين المها ,, والا شفتيها توت هذا اللي تستاهل اخوي راجح
تقاطعها ياسمين/ بس ما تشوف يا ياقوت
شهقت/ لا اله الا الله كل هالجمال وما تشوف .. سبحان الله الكمال لله .. بس تدرين العمى ماهو منقص من جمالها .. والله ما اخليها في خاطري تعالي خلينا نسلم عليها
ياسمين/ بصفتك شنو إن شاء الله
لتهمس بهدوء/ بصفتي وحده من المعازيم ,.. تعالي بس .. لحظة لحظة اللي معها مو كانها حنين بنت العامري
ياسمين/ الا والله هي
ياقوت بجنون/ تعالي بس الله جابها حنين

،

على الجانب الآخر
هدوء مريع ينقضُ علي ويفترسني .. لا اسمع من الضجيج الا دقات قلبِ تكاد تنبض ،.. وريق يعبر بوابة الحنجرة
وأنفاس تغدو زفيرا وتروح شهيقا...
عيني حنين الساقطة على كفي بثينة/ ليه يدك ترتعش
بثينة/ بردانة .. تكفين حنين خلينا نخرج احس نفسي مخنوقة

وهي تقف بعد ان كانت جالسة ورفعت فستانها الليلكي بطريقة ناعمة .. رفعت الخصلة التي تزعج عينيها للاعلى وضعت اناملها على كفي حنين

حنين تبتسم/ هلا ياقوت عاش من شافك حبيبتي
عانقت يد ياقوت وصافتها
ياقوت/ هلا فيك حنين عاشت ايامك .. واخيرا شفتك ما بغينا ...
قهقهت حنين/ حرام عليك ... يعني ما تدرين اني مسنترة كل يوم في المعهد
ياقوت/ ما علينا ما عرفيتينا على الجميلة
حنين تبتسم/ صديقتي بثينة وبنت اخو زوجي
صافحتها ياقوت/ هلا فيك بثينة تشرفنا
ابعدت يدها لتهمس ومحاجر الحزن طاغي/ الشرف لي
ياقوت/ ما شاء الله يا حنين ما قلتِ لي ان عندكم قمر
واردفت بالم/ من ذوقك .. عن إذنكم

ابتعدت بخطوات لتلحقها حنين ...
ابتلعت الريق المتدحرج بحنجرتها/ اعذروني يا بنات اشوفكم على خير

،

حنين/ بثينة وراك مستعجلة البيت مو طاير

أُرِيد بِالبكاء أن أَشق قلبِي وأنبذ هموماً فتكت بِه , وأركلها بعيداً
أُرِيد بِالبكاء أَن أُسقط دمعاتٍ أبت إلا الاعتِصَام داخِل عَينَاي
أُرِيد بِالبكاء أن أُطهِر روحي من ضيقٍ أَرقها كثِيراً
فقط أُرِيد أن أَبكي ..

حنين/ بثينة وش فيك حبيبتي لا يكون تضايقتِ مني
بثينة/ لا ماني متضايقة منك .. ممكن تاخذني لفوق بسلم على عمي وابارك له
حنين/ طيب حبيبتي ولا يهمك وهذا هي نور تأشر علي اظاهر تكلمك
بثينة/ حنين سامحيني
حنين/ على شنو .. ما صار الا الخير... طيب ما ودك تشوفي عروسة عمك
لتهمس بهدوء/ سلمت عليها وباركت لها ...
حنين/ طيب على راحتك

،

في زحمة الناس خرجت من القاعة وباركت لعمها ثم خرجت سمعت صوت فتح الباب السيارة/ هلا والله بـ اميرتنا
بثينة/ عمي
محمد/ اي عمك يا بعد عيونه
لتهمس بشوق وعدم تصديق/ عمي
محمد/ ادري انك مشتاقة لي .. ادخلي السيارة
جلست في المقعد الامامي وعانقت كفي عمها/ حمدلله على سلامة
محمد بحنان/ الله يسلمك .. شلونك يبه عساك طيبه
لتردف بغصة/ حمدلله بخير .. متى وصلت من ايطاليا
محمد/ في الصباح ..
بثينة/ وزوجتك وينها
بضيق/ ماجت لا هي والا العيال .. المهم الليلة بتباتين عندي
بثينة/ وجدتي اخليها بروحها
ابتسم/ ام احمد عندها ابو احمد لا تخافين عليها
بثينة/ طيب ما جهزت اغراضي ...
محمد/ بعد لا تخافين اغراضك جاهزة
لتهمس/ الله لا يحرمني منك

’.

يتبعْ ..

مقدمة بسيطة عن البارت 1 اتمنى ان تنال على حسن ارضائكم ..,

روابط فصول الرواية ...

الفصول الخمس الأولى ... في الصفحة الأولى من الرواية

الفصول 6 & 7 & 8 ج1 ... https://www.rewity.com/vb/t283989-2.html

الفصول 8 ج2 & 9 & 10 & 11 & 12 .. https://www.rewity.com /vb/t283989-3.html

الفصل 13 ... https://www.rewity.com/vb/t283989-4.html

الفصل 14...https://www.rewity.com/vb/t283989-11.html

الفصل 15...https://www.rewity.com/vb/t283989-12.html

عِتق السنين ! · 13-05-13, 12:57 PM

(1-1)

يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !

وداع يـا نفـس قدرهـا دعـاهـا
تنازعت والموت ما عنـه مـردود
تشبّثت بحبال زخـرف(ن) حياهـا
تبى نهار(ن) زود واليوم موعـود
تسلّلت مثـل الهـوا مـن خفاهـا
عجزَت تقضّب في ذرى يابس العود
تبخّرت روحي من حيـاض ماهـا
يتلّهـا نــزّاع الأرواح بـركـود
بالهون يا نـزّاع روحـي تراهـا
باقي عذاب أيام بيض(ن) على سود

خالد الفيصل

في سيارة "فورد فيلكس الفضي"

محمد/ ويخليك لي يا بنت الغالي .. وعقبال ما افرح فيكِ
لتهمس بهدوء/ بوجودك عمي ...
محمد بحنان ابوي بحت/ كيف دراستك
بغصة/ ما قدرت اكمل ياعمي ...
محمد/ افااا تبكين ياعيون ابوك .. والله يا بثينة انك بنتي اللي ماجبتها .. اعذريني ضيقت عليك يبه
لتردف/ حصل خير عمي .. الى ما قلت لي بتطول هنا والا بترجع ايطاليا
محمد/ والله يابوك شغل مايخلص .. لكن إن شاء الله خلال هالاشهر راح استقر هنا ...
بثينة/ الله كريم ...

توقفت السيارة في سور وبصوت حنون/ لحظة لحظة بثينة الله يهديك كم مرة قايل لك ان الاميرات ما يفتحون الباب
ابتسمت بهدوء/ عمــي عادي تراني ادل الطريق
محمد ينزل من السيارة ويتوجه لبابها ويفتحه/ سمي الله
بثينة/ بسم الله الرحمن الرحيم ...
لتنزل بطريقة صعبة فينكسر احدى كعب قدميها لولا يده المثبته لها/ على هونك يبه ادري مشتاقة لي
لتقهقه/ الله يسامحك عمي
محمد/ دام كعبك مكسور اجل اشيلك اهون
بثينة/ لالالالا عمي تكفى لا
لكن تجاهل كلامها وهو يحملها لخفة ورشاقة جسمها الهزيل
بثينة/ عمـــــي
قهقه محمد بصوت عالي/ انتِ اللي جبيته لنفسك ..

سارا لداخل البيت ويستقبله تركي

تركي بترحيب/ يا مرحبا بالحامل والمحمول
كان ينحني ليقبل جبينها وهو بـ آخر درجه من السلالم
همست بالم/ عمي تركي
نزع نقابها/ ايه وبعدين اسمي تركي كم مرة قايل لك ان تركي وراه تكبريني
محمد/ اقول ابو حمد متى وصلت هنا
تركي يطنشه/ وش اخبارك بثينة إن شاء الله طيبة
بثينة/ بخير عمي انت اخبارك .. زمان ما شفتك
وهو يتأمل فيها/ الله يهديك هو انتِ تخرجين من البيت عشان اشوفك
ابتسمت بالم وهي تسير امامه لصالة ..

تركي/ لا يكون زعلانة مني .. بثينة تدرين كلامي دفش لا تاخذين بخاطرك مني
لتبتسم بعذوبة/ لا عادي ما صار شيء ..
تركي/ انا قايل ماخذه ذوق مني
ليقهقه محمد/ ياخي والله انك متناقض .. وشلون تركب دفش مع ذوق ما تصلح يا ابو حمد
تركي/ سلكها ياخي الا تعلق .. الا بثينة تعشيتِ
بثينة/ لا ما اشتهي
تركي/ هذا اللي بذبحها اليوم
محمد/ ياخي اتركها .. بابا بثينة ليه ما تعيشتِ
بثينة/ عمي صدقني ما كان لي نفس
محمد يجلس بجنابها/ بثينة يا عيون ابوك احد مضايقك قولي لي منهو حتى اوريه ان الله حق
لتبتسم/ ماحد مضايقني لا تقلق بس انا ما اشتهيت
تركي/ يالليل العشا عندكم من اطيب والذ وتقولين ما اشتهيت ... طيب اش رايك اسوي لك بيض وطماط
بثينة واقفة بارهاق/ لا عمي لا تعب نفسك .. انا رايحة انام
تركي/ انتِ ما تقولين لي وش هالشيهة المنسدة فيك ... وش فيك خلاص انعمت عيونك ما عاد تاكلين مثل الناس
جلست بالكرسي/ عمي انا اسوي رجيم دايت ابي اخفف وزني
بغضب/ رجيم ودايت ومدري خرابيطكم يا نسوان .. انتِ شفت عودك مايل للمرض وش ريجمه يا ام دايت
محمد/ تـــــركي تراك تعديت حدودك .. البنت ماتبي تآكل بالغصب هووو
تركي/ علها ما اكلت ... ترى انا اخوي مات ولدي بعد مات ما سوينا الحال اللي سويته
ليصرخ محمد/ تـــــــــركي اطلع براااا

ارتفعت انظاره لاخيه .. ليزفر هو بضيق ..، وهي لم تعلق بل وقفت وصعدت لطابق العلوي بمساعدة عصاتها ، وتركته متوقف بضيق

،

في غرفة بثينة والتي كانت لها غرفة في بيت عمها محمد .. كانت تغط في نوم عميق حتى صارت الساعة التاسعة والنصف مساء
والظلام يكسي الغرفة ولا سيما إضاءة الهاتف وصوته المزعج التي استيقظت من نومها .. امتدت كفيه وسحبت الايفون
لتهمس بنعومة/ الوو
صبا/ ياربي منك ... بثينووووه الى الآن نايمة دقيت فوق 20 مرة ما تردين
بثينة/ هلا صبا
لتردف بحماس/ هلا بثينوه وينك من خرجتِ من عند عمي سلمان اختفيتِ
بثينة/ جاني عمي محمد ووصلني بيته تعرفين مواصلة ما نمت
صبا/ ما شاء الله عليك اكيد ما صليتِ ولا فرض
لتردف بهدوء/ ليه ساعة كم
بثينة/ الساعة 9 بالليل يا جميلة
لتشهق/ من جدك والا تمزحين ياربي .. حتى صلاة الفجر ما صليت .. صبا مع سلامة بعدين اكلمك
صبا/ لحظة بثينووووووووه
اغلقت الهاتف وسحبت عصاتها وسارت الى دورة المياه ... ثم صلت الفروض الخمس وبداخل ضلعها استغفار واعتذار من الله ولوم لعمها محمد ما صحتها لوقت الصلاة
بعد ما انتهت من الصلاة .. وضعت يدها على ساقها بالم ..، اخذت لها شور دافئ بالاعشاب .. ارتدت فستان اسود حرير واطرافه دانتيل ارتدت كعب عادي وشعرها تركته على طبيعته .. وضعت
بعض المساحيق التجميلة .. روج لحمي وبلاشر خوخي فقط

نزلت لتحت .. جاء محمد يعدل شماغه/ صح نوم يا كسوله .. ايش الحلاوه هذه .. حصنتِ نفسك يبه
بثينة/ ايه عمي .. الا وش المناسبة
محمد/ بثينة وش فيك يا بابا صايرة تنسين .. اليوم ثاني من ايام العيد .. كل عام وانتِ بخير
لتبتسم بهدوء/ والله نسيت .. وانت بخير عمي
ليردف/ وين عباتك خلينا نستعجل
بثينة/ إن شاء الله

،

الساعة 9 والنصف مساء - في احدى الفلِل

ام راجح/ راجح
دخل راجح المقلط/ سمي يمه
لتردف بهدوء/ تعال اجلس وانا امك

ليبتسم لأمه وجلس بجنابها ونظر الى اخته .. ياقوت مستغرب
لتهمس/ يا راجح يايمه .. اخترت لك وحدة من البنات اللي شفناهن انا واختك
ياقوت برضا/ صدقني بتعجبك
راجح يعدل جلسته ويلتفت لياقوت/ كم عمرها
ياقوت/ بصراحة اللي يشوف شكلها يعطيها 22 السنة
ليردف بتنهيدة ويلتفت لوالدته ويحرك مسباحه الازرق/ اسمعي يا يمه الله يرضا عليك هذه 20 وحده تختارينها لي وانا ارفضها بعد الشوفة .. اللي ابيها محتشمة كبيرة وعاقلة والمهم تدري ان
اني انسان ملتزم
تأففت ياقوت لسماع المنوال دائما من اخيها عندما يخطبون له/ والله يا راجح تهبل انا اعرف حرمة عمها انسانه خلوقة ومحترمة بس انها
يقاطعها راجح/ بس شنو
ام راجح بكِره/ والله يا يمه البنيه حلوة بس استغفر الله .. ما تشوف ... انا اقول بنت خالتها ازين
راجح ينظر لوالدته/ لا حول ولا قوة الا بالله .. يعني يا يمه وش فيها لا كانت ما تشوف وبعدين للحين ما اتفقتوا
لتردف ياقوت/ ما عليك ياخوي انا اضمن لك بنت
راجح بغموض/ طيب .. ياليت نلقى نتيجة

لتلتفت ياقوت لوالدتها/ يمه الحين مين احلى ذيك المغرورة شهد والا بثينة بنت جمال
ام راجح/ يايمه البنت ما تشوف بكره لا خذت اخوك مين بهتم في اخوك في اكله ولبسه ... انا اشهد انها مزيونة طالعة على امها الله يرحمها
ياقوت بصدمة/ يمه تعرفين امها ...
ام راجح/ ايه يمه وفي ما احد يعرف امل .. ما شاء الله تبارك الله حرمه حره ورزينة .. بس الموت اخذها هي ورجلها
ياقوت/ إن لله وإنا إليه راجعون ... يمه وشلون ماتوا
لتردف أم راجح بحزن/ بيتهم احترق ... وامل ماتت محروقة وابو بثينة مات مخنوق والله سلم بثينة كانت عند جدتها
ياقوت/ يا حياتي عليها والله يا يمه يوم شفتها البارحه عيونها مليانه حزن .. بس على حزنها الا اني اجمل عيون شفتها في حياتي الله يحفظها ويخليها لأهلها
ام راجح/ ورثت جمال امها ... عطيني قهوتي
ياقوت/ ابشري يمه ... طيب الحين نبي نتلاحق على البنت قبل ماحد يسبقنا
ام راجح/ إن شاء الله بكره نمر على ام احمد ... الا اخواتك وينهم
ياقوت/ في المجلس يمه خلينا اوصلك عندهم

’.

يتبعْ ..

اشوفكم السبت القادم ^^

عِتق السنين ! · 13-05-13, 01:01 PM

(3)

يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !

’.

المنزل ثلاث جدران .. ورابع ..
ما بينهم ضايع .. متشقق وعاري ..
ويميزه شباك .. ضيق ..
مصبوغ.. بالأحمر الناري ..
ومحاصرٍ باسلاك .. علقت بها وردة ..
أوراقها المنزل .. والبرعم الأفلاك ..
***
وعلى الجدار الثاني ..
وأمثال .. وأغاني
مكتوبة بكسرة فحم ..
وصندوق خشب ..
مزخرف بغير الذهب .. غير الجواهر ..
تحت الكتابه نافر ..
فوقه ظلالٍ عريق ..
مثل العنيد .. من الجروح ..
مثل السيوف اللي مقابضها حديد ..
أسرار من ماتوا بعيد ..
وما خلفوا حتى الورق ..

***
أما الثالث من الجدران ..
معلقٍ عليه صورة .. لإنسان ..
من دفتر نفوس .. مكبره ..
مدري جفونه مبخره ..
ولال تجاعيد خيوط .. دخان
وفي الركن كرسي خيزران ..
يجلس عليها الوقت ..
وجريدة ٍ عنوانها باهت .. تغفى على الإسمنت ..
وفوقها كوب فارغ .. وفتات خبز ..
وأصابع ٍ للجوع صفرا مكسره ..

***
ويبقى الجدار الأول ..
وهو أعرض الجدران .. وأكثرها وقار ..
وهو الوحيد اللي انبنا ف نور النهار ..
بوابته على الطريق الرملي ..
صَفت أحجار درجها .. بصبر ..
وش كنها .. ؟؟
سنونٍ صفر .. في فمٍ مذهول ..
وظلما تشدك للدخول .. تشدك ..
وكل ما مسكت اكرة الباب النحاس بيدك ..
تلطخت بدم ٍ طري ..
الجرح نزفٍ يحتري .. أما الطعون ..
وين الطعون .. راحت ..

***
البيت ثلاث جدران .. ورابع ..
مالهم طابع .. يجمعهم ..
يشبهون أهلهم ..
وما صادفوا غير الحياة ..

بدر عبدالمحسن

بعد نصف ساعة .. فتح الباب بمفتاح ودلف الباب بهدوء ..، رؤيتها بهذا الشكل وقد بدت ملامح وجهه مصدومة ..
وضع انامله برفق/ بثينة يبه بثينة اصحي
انتبهت لمناداة عمها .. فتحت عينيها وبنعاس رددت/ نعم
بحنان/ قومي نامي بسريرك ولا تنسين تصلين الفجر ما باقي عليه شيء
رفع محمد نظره لـ بثينة وهي ترخي جسدها على سريرها الوثير
جلس على كرسيه القريب من سريرها وترتسم على شفتيه ابتسامة/ تصبحين على خير
ابتسمت بتعب وارتخت عينيها ليجد صغيرته تغط بنوم .. ابتسم لها بحزن لينسحب بهدوء ويغلق الباب من خلفه ...،

،

يوم السبت – 4 عصراً

ركب سيارته متجها إلى بيته فـ وصل إليه بعد بضع دقائق ..، اوقف سيارته ثم ارتجل منها داخلا الى البيت .. اخذ طريقه ناحية غرفة والداته ..، سلم عليها وقبلها على رأسها/ اخبارك يمه
اجابت وابتسامة مرسومة على محياها/ هلا يمه .. تغديت يابعد عيني
ابتسم بكسل/ حمدلله يمه .. وانتِ وين زوجك فيه
لتجيب بضيق/ متزاعله معه
راجح باستغراب وهو ينظر لعيني والداته/ يمه وش فيك يالغالية
زفرة بضيق/ ياوليدي ياسعد عينه اللي بتضوي حياتك ..
لتردف عن والداتها/ بثينه ما واقفت
اغمض عينيه بصدمة .. تأمل وجهها الحبيب وهي تعتدل في جلوسها/ يمه لا تضايقين قلبك .. هي مو اول وحدة ترفضني غيري انرفض منها
بصدمة/ يعني مو هامك الموضوع ليه رفضتك
ببرود ليردف/ عادي .. المهم انا ماشي الحين
ام راجح بخوف/ وين بـ تروح ياوليدي .. ترى البنات ياكثرهم طب واتخير
مسك يدها وبقبلها بهدوء/ يمه قلت لك رايح جدة عندي دورة .. وبنت جمال بتوافق عن طيب خاطر لا تخافين
أم راجح/ يامك ربي بـ يرزقك غيرها الله يكفيك منها ومن شرها
رفع راسها بين كفيه بابتسامة وعيونه العاشقة تتأمل ملامح وجهها/ سامحيني يمه مو انا اللي انرفض .. واهتمي بصحتك يالغالية لا تهملين نفسك .. وياقوت انتبهي على امي لا اوصيك ..

صعد الى غرفته قبل ان يخرج ثم نزل من درجات السلم بسرعة كبيرة سلم مرة اخرى على والداته واخته ثم خرج من عندها ودعواتها الحنونه ترافق خطاه ..، ركب سيارته متجها للمطار ...،

،

الَليلةُ هَذه ,
تَحْمل اللَامُبَالاة كَ وزرٍ لَا ينفك !

قبلها بنصف ساعة

في الجانب الآخر – فِله أبو ميمونه

دخلت ام ميمونه وجدتها جالسة على الكرسي/ يمه ميمونه
رفعت عينيها/ هلا يمه ناديتني
ابتسمت لابنتها/ ايه يمه .. تدرين من زرانا اليوم
ميمونه/ اظن عمي سعود ..
ام ميمونه/ عليك نور جاين هو ولده يخطبونك
نظرت لها باندهاش ثم اتسعت ابتسامتها بخجل/ يخطبوني انا ..
وتبلع ريقها لتحاول استيعاب الموقف/ بالله عليك يمه عيدي وش قلتي
ام ميمونه/ أي يمه .. ولد عمك تركي خطبك
وهي ترفرف بشعور حدا لا يطول به احد ..، لتبتسم/ يمه تدرين كنت حاسة انه بـ يخطبني
لتضحك من جديد بسعادة عكس تركي تماماً ...

في مجلس الرجال

استقبله عمه عند الباب .. دخل المجلس جلس على احدى الكراسي الجلدية الفخمة المقابلة لـ طاولة دائرية الكبيرة وعريضة ، سلم عليه وهو ينظر لساعته يريد ان يلحق على موعد طائرته

ابتسم بود/ يا مرحبا يا مرحبا .. حي الله ابو احمد
أبو احمد/ الله يبقيك يا ابو ميمونه .. والله جاين اليوم وإن شاء الله ما تردنا
أبو ميمونه/ انت غالي يا ابو احمد ..
ابو احمد/ انا جاي اليوم اطلب القرب منك ياخوي ويشرفني اطلب يد ميمونه لولدي تركي
تهلهل تقاسيم وجهه/ هذه ساعة المباركة .. اللي ولدي تركي ياخذ بنتي ميمونه .. والله انها جاتك عطيه ياولدي ما وراها جزيه
ابو احمد/ وش هالكلام ياخوي ميمونه بنتي ومن حقها نسمع موافقتها ..
ابو ميمونه/ ابشر إن شاء الله .. وانا من عندي موافق
تركي بضيق/ تسلم عمي .. اجل استأذن الحين
ابتسم ابو احمد وهو يهز رأسه بأسف ..
ابو ميمونه/ ما شربت قهوتك يا ولدي
ليردف ببرود/ ما عليه مستعجل مرة ثانية
وضع فنجان القهوة على الطاولة الصغيرة .. ثم رفع رأسه لأبيه وعمه/ اسمح لي يا عمي بس مشغول ..
أبو ميمونه/ مسموح يا ابوك

،

في غرفة كبيرة جدارنها مطليه بنقوشات زهرية
ناعمة كـ نعومة صاحبتها

صبا/ من جدك رفضتي من دون ما تفكرين
لتردف بلا مُبَالاة/ صبا انا ما اشوف يعني ما افيد له كـ زوجة وغير كذا هو متعلم ومثقف ودكتور كمان
نظرت اليها بضيق/ لا والله وانتِ وش ناقصك بالله هذا كلام ينقال
لتهمس ببرود/ صبا الموضوع انتهى
لتردف بغضب/ لا ما انتهى .. اسمعي يا بثينه مو معناته ما كملت دراستك والا فقدت نظرك تفقدين كل شيء .. الحياة حلوة يابنت عمي
بثينه/ صبا يكفي انتِ من جهة وعماني من جهة ثانية .. ارحموني عاد
صبا/ انتِ اللي ارحمي نفسك .. اسمعي الحين تصلين صلاة استخارة وشوفي وش يدلك عليه قلبك
وعينيها تذرف الدمع من غير إرادة منها علها تخفف وطأة الوجع بقلبها ..،
صبا/ ليه تحرمين سعادة لنفسك .. امسحي دموعك ترى ما احد يستاهل ..، وبعدين فكري في كلامي يمكن يحن قلبك وترحمينه
بثينه/ صبا ليه من بد البنات اختارني انا ... عميا وما تشوف وغير كذا ماني متوافقة مع مستواه العلمي
صبا بإقناع/ مسألة انك ما تشوفين اكيد عارف هالشيء وماعنده مشكلة .. وتعليمك ما شاء الله مو ناقص باقي لك ترم وتتخرجين من كلية الهندسة ،

صمتت لدقائق
لتهمس بوجع حقيقي/ بس انا رافضة فكرة الزواج .. ما اتخيل نفسي زوجة وام ..،
صبا/ مافي احد يبقى على حاله .. وبعدين هذه سنة الحياة ترفضين شخص فيه كل مقومات الحياة .. الفرصة ماتجي مرتين يا بثينه .. فكري حبيبتي ودام عمي عطاهم مهلة اسبوع تقدرين تفكرين ..، الحين بروح بيتنا
بثينه/ وتخليني لوحدي اجلسي ونامي عندي
صبا/ لا وش نومه انتِ ناسيه اخواني صغار من يجلس عندهم
لتردف بضيق/ إلى الآن عمي صالح ما رجع من المزرعة
بحزن/ لا اصلا ناسينا وامي جالسة في بيت جدتي موب راضية ترجع .. خليها على ربك
بثينه/ ونعم بالله .. غرقتك بحزاني
لتبتسم بضيق/ الله يصبر راجح عليك
وتقف على سريع وتتفادى ضربتها/ اشوفك على خير يا حرم المصون
لتصرخ بغضب/ صبــــــــــا
لتقهقه/ يا حلو وجهك لما تخجلين .. اشوفك بكره ولا تنسين تفكرين في الموضوع

،

في الجانب الآخر

فتح باب شقته .. دخل بخطوات بطيئة .. وضع معطفه على الاريكة ليسير لدورة المياه .. وبعد الشاور وهو لابس الروب على جسده وبيده منشفه صغيره بيضاء يفرك بها شعره على رنين هاتفه " محمد "

انتبه لهاتفه ... ليرد عليه/ هلا محمد
محمد/ هلا بك
صمت لثواني ليردف/ اخبارك انت طمني كيف دورة معك
راجح/ حمدلله ..
ارتبك ليردف/ راجح اعذرني على اللي صار
ليجلس على الاريكة/ ما صار شيء .. وبعدين انا شاري بنت أختك احاول فيها مرة ثانية
محمد/ والله يا راجح بغيتها لك بس هي عنيدة حاولت اقنعها بس الله ما اكتب ..., الله يرزقك
راجح/ والا يقول لك يقنعها وش قولك
وهو عاقد حاجبيه/ كيف
راجح/ اخطبها من جديد ومن حقي النظرة الشرعية
ليبتسم محمد/ على بركة الله ... بس متى
راجح/ إن شاء الله على نهاية هالا سبوع ..
محمد/ على خير إن شاء الله .. اجل ما اطول عليك
راجح/ مع سلامه
محمد/ بحفظ الله ...

بعد ما اغلق من محمد سار ليسترخي ويغط بنوم عميق بـ اسرع من ما توقع ..

سعود2001 · 13-05-13, 01:01 PM

هلا فيك اخت عتق السنين ...

قرات المقدمة و اجدها مشوقه و بدايه قويه لاحداث ثقيله ..

فقط احب ان اهدي لك ملاحظه وهي ان تحددي يوما او يومين لانزال الاجزاء الجديده ..

دمتي بخير ..

عِتق السنين ! · 13-05-13, 01:06 PM

هدوء يطغى على كل شيء ..، لا يقطعه سوى صوت الساعة ... لم يتبق شيئا على شروق الشمس ، وهي لا تزال على قيد الاستيقاظ

ما يتبادر بذهنها كلام صبا المبعثر ..، بودها ان تعيش كـ أي فتاة
تتزوج لكي تحب ثم تنجب ابناء العشق ولكن الخلل ليس فيها انما في رفض الفكرة .. تعبت كثيرا استغفرت ربها .. وسارت لدورة المياه لتاخذ شاور يبعد تفكيره .. طلعت من دوره المياه بعد شاور صباحي غسلها لساعة كاملة بـ الفانيلا .. لبست بلوفر صوفي رمادي اللون وبناطل يغطي ساقيها وشعرها المبلل ينزل بعنف على كفتيها بنعومه توجهت لنفاذتها ..، كانت تهرب من قدر تفكير الذي سبب لها ارق .. تحن للدفء والداتها
تحن لملامح الماضي الراحل .. صوت اصدقاء قدامى كانوا يملئون تفاصيل عمرها بعمرهم .. وهي تبحث عن طعم السعادة الحقيقة فلا تجدها الا بقرب الله ...

،

فتح الباب .. لتسقط عينيه على سجادة .. وتسلم لتنهي صلاتها
ابتسم بحب/ صباح الخير .. تقبل الله
لترد ابتسامته/ صباح النور .. آمين .. من متى وانت هنا
ليردف محمد/ من شوي .. ليه وجهك اصفر
لتهمس بهدوء/ عادي قلة النوم ..
محمد/ قلة النوم واكل .. مدري متى تكبرين .. قومي البسي عباتك بـ نفطر برا
بثينه/ عمي لا تحسسني اني صغيرة
محمد/ انت ما يبي لك الا هالأسلوب كم مرة قايل لك اكلك لا تهملينه .. تبين ازعل عليك .. بثينــــــــــه
اغمضت عينيها بإرهاق نفسي قبل ان يكون جسدي ..
أخذ يخطو ناحيتها بخوف وشدها قبل ان تسقط على السجادة .. صفع وجهها/ بسم الله عليك .. بثينه يبه تسمعيني
بألم/ عمي راسي مو قادرة ....
وانقطع صوتها .. تركها بخوف ثم سحب عبايتها المعلقة سترها بأي كلام وحملها بين كفيه .. نزل من السلالم وهي شبه ميته بين يديه لتقف سارة باندهاش ..،
ساره/ محمد اش فيها ليه شكلها كأنها ميته يا ويلي على بنت اخوي .. لحظة محمد بروح معك انتظرني

ولكن لم ينتبه لها فـ جل ما يشغله ذهابه الى المشفى ويطمئن قلبه بـ ابنة اخيه .. ركب الى سيارته متجه الى اقرب مستشفى – بضع دقائق .. اوقف سيارته ثم ارتجل منها داخلا الى المشفى .. قابله بعض الممرضات والدكاترة .. دخلت الى داخل غرفة الكشف ..، بينما هو ينتظرها بالخارج
مضت نصف ساعة ولم احد يخرج .. ازداد القلق عليها وهو يخطو يمنى ويسره .. وتوتر قد اخذ وقته ضرب برجليه على ارضيه/ احد يخرج يطمني عليها

خرجت الممرضة .. سار اليها/ كيف بثينه
الممرضة/ مافي يعرف .. دحين دكتور يخرج ..

وبالفعل خرج دكتور ..
محمد بقلق/ عساها سليمه
دكتور مشعل/ تطمن اخوي المريضة بخير بعد الله ثم المغذي .. تقدر تروح معي المكتب
محمد/ لا تخوفني يا دكتور بثينه فيها شيء كايد
ليردف بهدوء/ ندخل المكتب من فضلك ..
خطى خلف دكتور ليدلف الباب وثم يدخل ويجلس على مقربة من دكتور
ليبلع ريقه بخوف/ خوفتني دكتور قول بنتي وش فيها
دكتور مشعل/ اخ
ليردف بضيق/ معك محمد اكون عمها قلي وش فيها طمن قلبي يادكتور
دكتور مشعل/ المريضة بـ تعاني من الآم نفسيه وانجرحت بجنابها الايسر وغير وعكتها صحية .. باين انها سوء تغذية واهمال من طرفكم
بحيل مهدود وجه مسود/ يعني شنو آلام نفسية وش تقصد يادكتور
دكتور مشعل/ لا حول ولا قوة إلا بالله .. إن شاء الله بتعدي هالمرحلة .. يبي لها تغذية مكثفة .. انا الحين عطيتها بعض المهدئات وظاهر جرحت نفسها بجنابها الايسر مما سبب لها دوخة .. هذه بعض الادوية تستمر عليها .. وما عليها الا العافية إن شاء الله
ليقف ويمد يده ليصافحه/ جزاك الله خير .. اقدر اخذها معي
دكتور مشعل/ ولو ما سويت الا واجبي يا اخ محمد .. اي اكيد تقدر تاخذها

،

اغمضت عينيها حينما سمعت صوت الباب ،.. وادعت النوم
خطى بهدوء نحوها وكأن مدركا ان النوم مجافٍ أجفانها .. جلس على مقربة منها .. تأمل وجهها الحبيب/ ليه كذا تهملين نفسك
لم تقدر على حبس دموعها وشهقاتها لتردف/ انا آسفه تعبتك معي
مسك يدها وقبلها بهدوء ثم برجاء/ ان كان لي خاطر عندك لا عاد تعدينها
لم تقدر على تحمل نبرة صوته هذه .. ببساطة رمت نفسها في احضانه وشاهقتها ترتفع ودموعها تهطل بغزارة/ عمي صدقني غصبن عني .. والله افتقدتهم .. عشان كذا ما اشتهي آكل والله غصبن علي .. وتبوني اتزوج بس ما اقدر والله ما اقدر
مسح على رأسها وهمس/ خلاص يا عيون ابوك .. وبعدين ليه ما تبين افرح فيك .. ليه يائسة من الحياة بعدها حلوة
رفع راسها بين كفيه وابتسم لها/ انتِ ما تدرين ان راجح شاريك والله لو مو واثق فيه كان ما زنيت على راسك .. تدرين اتصل علي وطلبك مرة ثانية .. انتِ استخيري يمكن يكون من نصيبك يا بثينه
هزت راسها بمعنى نعم
قبلها على جبينها/ الله يكملك بعقلك .. يالله خلينا نخرج ادري فيك تكرهين ريحة المستشفيات ..
لتهمس بهدوء وهي تردد بداخلها بأنها سـ تصلي الاستخارة من اجله – من اجل ان تكون حياتها سعيدة لا تشوبها أي شائبة (لأجل عين تكرم مدينة)

،

يوم الجمعة – بعد مرور 5 ايام

بعد صلاة الظهر ..

ساره تسير وهي تبخر ارجاء البيت .. والفرحة غامرة اهل أبو احمد
خلال الايام السابقة تحسنت صحة بثينه .. واستخارت ولكن مترددة بينها وبين نفسها لكن عمها القى عليها الحل .. ذهبت معها صبا وحنين وساره وقاموا بتجهزيها فـ الليلة تتم مراسيم الخطبة ولعل بثينه توافق ...،

صبا/ بثينووووه والله طفشتيني دوم تلبسين كعب جات على هاليوم .. وبعدين ما شاء الله طولك حلو ومع ضعفك كمان احلى واحلى
بثينه/ صبـــا حرام عليك مابي البس حذاية "الله يكرم القارئ" عادي وبعدين راعي شعوري
ضحكت حنين/ يا حياتي ليه التوتر .. ترى كلها دقائق يشوفك ثم تظهرين يعني ما يحتاج هذا كله خليك مروقه
بثينه/ تتطنزين حضرتك .. وبعدين انا خايفه يقولون عنه انه ملتزم يعني بنكد علي عيشتي
حنين بحب/ بثينه حبيبتي النبي صلى الله عليه وسلم قال (من جاؤكم ترضون دينه وخُلقه فزوجوه) وبعدين انتِ ليه متعقدة من الملتزم بالعكس شفتي صديقتنا إلهام مأخذه واحد ملتزم وإمام كمان وعايشه احلى عيشه وبعدين اصابعك مو وحده
بثينة/ خايفه يا حنين اكون اني ما اعجبه
صبا/ هذه اللي بـ تذبحني إذا انتِ مو حلوة اجل انا شنو
ضحكت حنين/ حرام عليكم انتم الثنتين كل وحده احلى من ثانية ما شاء الله تبارك الله .. بثينه صليت فرضك
بثينه/ أي حمدلله ..

،

5 ونصف العصر – فِله ابو راجح

جالسين تحت في المقلط
"راجح – مريم – ياقوت – ياسر - أم راجح – وابو راجح"

راجح/ مريم اكتبي عندك الاغراض اللي تبينها واجيبها لك بعد صلاة المغرب
مريم/ طيب ياقوت انا بروح المطبخ
راجح ينظر لساعته ثم يتنهد/ اخلصوا علينا
ياسر يغمز له/ وراك زوجـــــــــة
وشبح ابتسامة ارتسم على شفاه/ لا حول ولا قوة إلا بالله .. كل من يرى الناس بعين طبعه
ياسر/ انا في الشوفة ما تحمست مثلك .. ما شاء الله انت ما عندك وقت اما انا تأخرت ساعة كاملة على العروسة
مريم/ والله انك كذوب ياسر ما تأخرت عيني بعينك
رفع نظره لمريم/ لحووول انتِ واقفة هنا
ضحك باستهزاء/ كلمها لا حول ولا قوة إلا بالله
ياسر/ يالليل اقول اليوم خذ استراحة بس لا تفضحنا عند البنت ودقق على كل سالفة تقولها
اردف راجح بغضب/ حتى الكلام وقت الخطوبة حرام .. ما صارت حليلة لي .. لسه اجنبية
ياسر/ يعني حتى لو طلعت تحاليل وتم كل شيء
هز راجح راسه/ حتى لو تم كل شيء .. ما يجوز تكلمها الا بعد ما تقعد عليها
ياسر/ يالليل طيب يمه دام سالفة كذا اجل اخطبي لي بنت اخوك
لتنظر له بنظرات حادة/ تمزح انت .. وبنت عمك هند ما تبيها
ياسر/ أي والله يما امزح .. الله يهديك والا وين الاقي مثل حبيبة قلبي
أم راجح/ الله يهديك بس والا هالامور احد يمزح فيها الله الهادي
ياسر/ والله آسفين يما .. انت وراك جالس كذا قالب ثلج
ام راجح/ اعوذ بالله من شرك .. بـ تنضل اخوك
ضحك راجح .. لتقف ام راجح بصعوبة/ رح جهز والبس للشوفة لا تتأخر ..
وقف راجح وابتسم في وجهها/ إن شاء الله .. دعواتك يالغالية
أم راجح/ البنيه جميلة بس نظرها .. بس شالسواة الله يوفقك يـ امك
ياسر/ يمه بدينا .. انتِ تبين ولدك الغالي يهون
ضحك/ بأحلامك اهون .. ليه انا ناقص اخليكم تتطنزون علي بالواحد والعشرين
ليبتسم ياسر/ ياخي الله يوفقك وإن شاء الله تعجبك وتفكنا من شرك
لـ يصعد راجح لغرفته/ الله كريم ..

،

المغرب 7 ونصف – فِله ابو احمد

كانت بثينه معها صبا وحنين وساره .. جهزت نفسها من العصر ..
يحاولون ان تضع بعض المساحيق التجميلية ولكن ابت بالرفض

حنين/ يا عمري بثينه .. يجوز يشوفك بـ احلى طلة والا تبينه يهون
بثينه/ احسن انا ابيه يهون
صبا/ ياربي ما شفت عناد مثلك عنـــــيدة
لتهمس بهدوء/ طيب تحطين روج بس غيره لا
صبا تأخذها على قد عقلها وتجاريها/ طيب من عيوني .. ممكن الحين تأخذين نفس وتروقين شوي
لتردف/ طيب
صبا/ يا زينك وانتِ هادئة .. حنون طلعي لها الفستان زهري
لتردف ساره/ لا يصغرها الفستان النيلي حلو ونعوم في نفس الوقت
حنين/ وانا رأيي كمان النيلي احلى
بثينه/ بنات .. الله لا يحرمني منكم ..
بهمس/ ولا منك ..
صبا/ ايه الجمال ده من اقدك يا جميل وليلة البخيت بشوفك واخيرا بثينه بـ تودع العزوبية
بخجل/ صبــــــــا
لتضحك صبا بسعادة ..
ساره/ الله يديم علينا الفرح
حنين/ آمين .. الا ساره القهوة جاهزة
ساره/ أي حبيبتي .. بس باقي نوزع العصير
حنين/ اوكي خلينا ننزل ما عاد فيه وقت
لتنظر لساعتها/ أي والله .. صبا لا اوصيك على بثينه
لتبتسم/ ولو عمتو بثينه بـعيوني

لبست فستان نيلي طويل منثور عليها كريستالات ناعمة .. ارتدت كعب عادي زهري وفردت شعرها الناعم .. وضعت الحلق الناعم .. وميك آب ناعم جدا واقرب لطبيعتها روج زهري فاتح وبلاشر برونزي وتضيف ايلاينير لجفنها وخُتمت بـ ماسكرا لتكثف اهدابها لتصبح كـ اجمل زهرة لذيذة تغري ...،

صبا/ يا عيني بثينه والله قمر بسم الله عليك .. تعالي احصنك
بثينه بغصه وبداخلها " هذه اول فرحتي ولا اقدر اشوف حتى شكلي " مسحت دمعتها قبل ان تنتبه عليها صبا ..

،

دخلت ساره عليهم وهي تذكر الله/ يمه بثينه ام راجح تحت خلينا ننزل
بـ ارتباك/ عمتي ضروري انزل
ضحكت ساره وهي تمسك يدها الباردة/ اكيد حبيبتي .. انتِ توكلي على الله ..

،

تحت بالمجلس النساء

دخلت باللحظات من باب المدخل بثينه وكانت ناعمه برنسيسة
سقطت عيني ياقوت وابتسمت على شكلها/ ما شاء الله تبارك الله .. الله يهنيك يا اخوي مسكين الليلة نوم بعيد عن عينه .. مريم شفتي اللي اشوفها
مريم/ بسم الله ما شاء الله تبارك الله .. والله انها فتنة جميلة قليلة في حقها ..
أم راجح/ ما شاء الله .. ما شاء الله
ياقوت بضحكة/ طالعي امي .. ما ينلام اخوي
مريم/ بصراحة على كلامك ما توقعتها كذا ..

ام راجح/ هلا والله بحرمة وليدي
لتردف بخجل/ هلا فيك خالتي ...
ام راجح/ قربي يـ امك .. لا اله إلا الله ..،

سارت لصالة المقابلة ... جلست وهي تهدأ من روعها ..
بثينه/ حنين الحين اروح
حنين/ أي حبيبتي لا توترين .. وهذا عمك فارس جاء ومعه عمك محمد .. يالله انتبهي على نفسك
بثينه/ حنون وين رايحة وتاركتني
حنين/ ياقلبي عمك محمد جاي وعيب اكون هنا ..
صبا/ حنون ما عليك فيها .. وانا وين رحت ست بثينوه
وهي تمسك يدها/ صبا لا تخليني والله احس نفسي بموت
صبا بحنان/ بسم الله عليك .. في عدوينك إن شاء الله .. وبعدين لا متِ مين بعوض راجح
وكزتها/ بثينــــه
لتضحك/ طيب طيب خلاص ما راح اتكلم هممم بسكت
بثينه/ احسن بعد ......

،

في ناحية الاخرى – مجلس الرجال

تأملها من بعيد وقرب منها ليقبل جبينها/ ما شاء الله تبارك الله وش هالحلا
بثينه/ عمي فارس ..
فارس/ سامحني ما عديتك تعرفين طبيعية شغلي .. بس ما حبيت افوت شوفة بثينه .. كل عام وانتِ بخير ولو انها متأخرة
بثينة/ وانت بخير عمي ..
صبا/ الله لنا .. طيب انا بعد ماتبي تعايدني والا بنت البطه السوداء
ليضحك فارس/ هو انا اقدر كل عام وانتِ بخير .. الا حنين وينها
بثينه/ راحت ماحبت تجلس دام عمي محمد بجي
فارس/ لا هو جالس عند العريس
الم في بطنها .. من مسمى العريس
فارس/ المهم يالله تعالي
بثينه/ انت بتدخل
فارس/ ايه كلنا عمانك معك
بثينه/ لا خلاص هونت مابي ادخل
بنذالة/ ليه .. تعالي بس اجل تبينا نتركِ لوحدك عشان تركي يفصل رقبتك
بثينه/ لالالا عمي اصبر مو الحين
فارس/ اجل متى بكره .. استهدي بالله وادخلي
بـ ارتباك وخوف تردد " المعوذات وآية الكرسي "

’.

يتبعْ

عِتق السنين ! · 13-05-13, 01:09 PM

(4)

يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !

ما سألته .. إسمه .. عنوانه .. مكانه ..
ومرني .. أجمل زمانه ..
مر في قلبي وراح .. خطوته مست جراح ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..
يا إنت .. خبرني من إنت ..
جرحتني وين الدوا .. وين إنت ..
انامين انادي .. وليه أنادي ..
من أي وادي العطر ..
من أي شمس النور ..
ولا الشجن من أي شارع ..
وما سألته كيف .. ضيعته خجل ..
ما سألته ما مداني .. كلها كانت ثواني ..
حرف من خوفي قتلته ..
وحرف عانقني وعصاني ..
بس وقفت ف مكاني ..
آه .. مديت النظر .. وآه .. جرحني النظر ..
وما سألته كيف .. ضيعته خجل ..

بدر بن عبدالمحسن

’.

تمسكت بعمها فارس وبـ ارتباك/ عمي لا تخليني بروحي
فارس ابتسم لها بحنان/ من عيوني .. هاتي عصاتك عنك
شدت على العصا/ لا عمي عصاتي ما تبعد عني
فارس/ على راحتك

ليدلف باب المجلس بهدوء .. لتدخل وترتجف من برودة الجو ومغص في بطنها خطوت بخطوات بطيئة " يارب ما اطيح يارب ما اطيح .. ياربي بموت" لتردف بهدوء/ السلام عليكم

ليشد كفها البارد لـ الاريكة العنابية ويبتسم ..

سمع صوت فتح الباب فـ رآها تجلس بجانب فارس .. ليهمس بهدوء/ وعليكم السلام ورحمة الله وبركاته ..

خفض راجح عينيه ..
محمد/ راجح هذه هي بثينه
راجح يتأمل في رخام/ كيفك بثينه ..
وبداخله يردد/ وقدرنا نشوفك يا بنت جمال
وتختنق الكلمات لآخر نفس .. نبرة صوته غريبة ليس كصوت عمها محمد او فارس او تركي صوته كـ بحة جميلة في ليل معتم ..
لتردف بهدوء/ حمدلله ...
تنزلق عينيه بـ نظرة وفي سواد العين تهيم ...
وكيف لذات النظرة أن تربك النبض وتقاسيم قلبه الوريد ...، تأمل وجهها المربع الجميل ، في عينيها سحر مباح .. يا رمشها الظالم وشعرها الداكن الليلي يضيف فتنة .. انفها الصغير الذي يتلون بـ الاحمر وخدها المملي خجل .. عذاب النظرة اسكرته وما زال يستلذ في غيبوبته ..
ضحك محمد وهو ينظر لـ صديقه المندهش ..
ابتسم للخجل الذي اعتراها/ كم عمرك يا بثينه

بداخلها تردد "يعني ما يعرف عمري .. يممممه صوته يخوف"

ورمش يداعب عينيها .. لتبلع ريقها .. وتشد يد فارس/ 25 سنة
امسك كفها من جديد بعد ان افلته
لتهمس/ عمي خلاص بخرج ..
فارس بضحك/ طيب
ابو احمد/ يبه بثينه روحي ..
لتقف بهدوء ونبضاتها تتسارع بشكل مفاجئ .. تمسكت بعمها فارس لكي تخرج بسلام .. واضعة يدها على صدرها وهي تتنفس سريعا ...

،

حنين/ كيف بثينه
وهي تشيح بوجهها بخوف/ ما ابيه صوته يخوف
ضحكت صبا واقتربت منها أكثر وبخبث/ بس صوته يخوف ...
ابتعدت عنها للخلف/ ايه ما ابيه ... والله يخوف .. تتدرون كنت خايفه اطيح الحمدلله ..
ومن خلفهم يضحك/ اجل صوته يخوف يا بثينة
لتردف بتهرب وهي تفلت نفسها من صبا/ عمي انت هنا
فارس بمكر/ تبينه اقوله بثينه ماهي موافقة عشان صوتك يخوف ويخرع
لتردف/ عمــــي لااااا
ضحك فارس/ يعني موافقة ..
حركت راسها بمعنى لا/ لا ماني موافقة ياعمي .. اصلا ما ارتحت له
ليسير اليها ويمسك كفها وبجدية/ بثينة الرجال شاريك .. ويكفي انه اخلاق وسيرته طيبه بين كل الرجال لا تخسرينه بـ تهورك
بتهكم/ عمي تراك توجع يدي
لـيرتفع حاجبه الايمن/ مشكلتك ما انتِ عارفة مصلحتك .. فكري زين ولا تتهورين ..
ابتعدت عنه بصمت .. وشدت على عصاتها متوجهة لغرفتها ..،

صعدت للأعلى واغلقت على نفسها .. تريد الانزواء .. العزلة .. الانسلاخ من كل شيء ..

متعبة هي ..، حد الانكسار
متعبة هي ..، حد التيه
متعبة هي ..، حد الصراخ
متعبة هي ..، حد الانهيار
متعبة هي ..، حد الشهيق

تريد نسيان هذا السيناريو الجديد لـ ثقل آخر في حياتها ..، كلما أردات البدء من جديد ..، باغتتها الحياة بهموم أكبر
تردد بداخلها

" يبه ورب الكون احتاجك الحين أحتاجك ... يارب ..، رحمتك فـ اليتم استنفذني "

وهي في كل ليلة .. في حضن وسادتها تبكي وطنٌ يموتْ !

بثينه/ 25 عاما
حنين/ 26 عاما
صبا/ 23 عاما
ساره/ 29 عاما

،

في الاسفل – مجلس الرجال

ارتسمت على وجه راجح ملامح الراحة .. وهو يلوذ بالصمت وكأنما غرق في بحر الحلم ، وصوت في داخله يوسوس للجنون .. وبداخله " البنت شكلها مؤدبة بـ تموت من الخجل والخوف ..
فتح عينيه لـ يشاهد محمد يجلس بجانبه ..
ليبتسم بمكر/ ها ابو رائد نقول ابو رحم
التقط مكره وبثقل رجولي , وانتبه لخلو المجلس ما عدا محمد
محمد/ ترى انت اخ وعزيز وإذا ما وافقت معزتنا ما تتغير يا راجح
قاطعه راجح لـ يرتفع حاجبه الايسر/ ما يحتاج هالكلام كله .. إذا موافقين نقدر نحلل ..
بعينين متلاعبة/ اعترف عجبتك بنت اخوي .. قول ترى ما يردك الا لسانك
ليتجاهله/ محمد اعقل وعن الخرابيط
محمد بخبث/ هي وصلت للخرابيط اجل الله يعينك
بصوت ساخر/ الله كريم .. تقدر تعطيها هذه الهدية
ليهمس بهدوء/ ملتزم وفي هدايا عيني عينك .. اقول ابو رحم هجد شياطينك ..
ارتفع حاجبه وبـستغراب/ محمد اعقل وقم نلحق على صلاة العشاء
انحنى ليشد الصندوق/ أي ضيع السالفة .. المهم عشاك عندي
ليقف راجح/ ما اقدر مرة ثانية يا محمد .. عندي المستشفى ولا اقدر اجل شغلي ..
محمد/ يوه نسينا انك دكتور جراح ويتطلب عملك طول الوقت .. المهم ما يخالف تجلس عندي تتعشا ثم تضف الباب
راجح مبتسم/ نعودها مرة ثانية .. واسمح لي الحين
محمد/ يا رجال والله ما تخرج من هنا الا متعشي وهذاني حلفت
راجح زفر بضيق/ الله يهديك بس ..
ليردف بهدوء/ إذا تم الموضوع نروح نكشف بكره الصباح
ليبتسم/ إن شاء الله .. وبعدين ما شاء الله مستعجل يا ابو رائد
راجح بجدية/ ماله داعي نطول الموضوع وخير البر عاجله
يضحك ضحكة هادئة/ خير إن شاء الله

محمد/ 32 عاما
راجح/ 32 عاما

،

عِتق السنين ! · 13-05-13, 01:27 PM

،

يوم جديد

الساعة 9 صباحاً – فِله ابو احمد

امسكت طرحة من جديد بعد ان افلتتها بثينه .. لتقف بملل/ بثينه عادي .. انتِ ليه متعقدة من الموضوع .. عمك محمد بنفسه بروح معك
لتجلس على الاريكة وتحتضن يديها .. تحاول تهدي من شعورها .. هو بنفسه قال لها ما راح يرجع الا بعد نصف ساعة .. استعادت وضعها الطبيعي .. وصمتت من جديد

دخلت ساره الغرفه لتردف/ يالله بثينه عمك ينتظرك تحت
صبا/ وكمان موقفه رجال ينتظرك المسكين
حضنت نقابها لتردف بخوف/ هو بعد جاء .. خلاص هونت مابي اروح
زفرة بضيق/ صبا عطيني عباتها .. يالله تحركي يا بثينه ترى رجال عنده شغله لا تضيقين عليه ..
نزلت للاسفل بمساعدة عصاتها .. واستقبلها عمها محمد

محمد بترحيب/ يا مرحبا بالعروس الله يهديك وراه تأخرتِ
بثينه بـ ارتباك/ عمي هو ضروري اروح
محمد/ اكيد .. توكلي على الله

خرجا لتركب سيارته مُتجها إلى المستشفى .. فـ وصل بعد بضع دقائق ، اوقف سيارته ثم ارتجل منها .. وفتح باب بثينه لتنزل بخوف ...
محمد مبتسم/ حيا الله العريس
دبلت كبده منه .. من البارح وهو مزعجه بهذه الكلمة

وهي مرتجفة جدا ..، وهي تشد كفي عمها لتهمس/ عمي تكفى خلاص بطني بـ نفجر
ضحك بخبث/ راجح بنت اخوي طالبه تعويض
ليبتسم/ تبشر بنت جمال
وكزته على كتفه لتشهق/ عمــي
محمد بمكر/ تقول لك تفطرها في مطعم معتبر
عينيه ضاحكه لسماعه صوتها الغاضب وضربتها لـ محمد اشفت غليله
محمد/ افاااا من الحين ما ترضين عليه
بألم وهي تزفر الوجع/ عمي خلاص ارحمني تراني بموت من الخوف
ليهمس محمد بهدوء/ آسفين ولك رضاوة من عندي .. ولا تزعلين علينا

تحرك محمد و بثينه تضع يدها على يده القريبة .. دخلا الى المستشفى
كانت جالسة في كراسي الانتظار والجهة الاخرى يقف رجال الامن وممرضتين لكي يتم مناداة واخذ عينات الدم

/ راجح عبدالملك الـ ...
/ بثينه جمال الـ ....

تحرك راجح لقسم الخاص للرجال .. بينما هي بقت جالسة وهي تشعر ببرودة اطرافها .. استهدت بالله لتقف وتستند على عصاتها ثم همت بدخول

الممرضة السعودية/ تفضلي يا بثينه ..
جلست على الكرسي/ تكفين لا توجعيني
ابتسمت بدفئ/ إن شاء الله ما تحسي فيها .. غمضي عينك
لتغلق عينيها بشدة والوجع يتعاظم وهي تشد كثرا على قلبها بل تعصر هذا الالم الذي لا ينتهي
الممرضة/ ارخي يدك .. وبعدين ليه تخافين بالشكل هذا لدرجة وجهك يصير شاحب
زفرة بألم/ خلاص تعبت ما خلصت
لتردف/ خلصنا من زمان .. ما شاء الله عليك قوية

رصت اسنانها وخرجت بمساعدة الممرضة لـ يستقبلها عمها ..
محمد/ ها عساها ما توجع
لتغلق عينيها بارهاق/ عمي حاسه بدوخة

ليشدها من معصمها ويجلسها على الكرسي .. لينادي على الممرضة/ هاتي عصير او أي بسكويت مالح
فهمت الممرضة لـ تسير لـ مكينة العصائر ...،

راجح بخوف/ عسى ما شر
ليردف/ الضغط انخفض عليها .. عطني شيء مالح .. بثينه يبه تسمعيني
ان كان تسمعيني شدي علي يدي
لتشد كفه بضعف ...
اردف بغضب/ واضح انك ما فطرتي والا اخذتي دواك .. الله يصلحك
راجح/ تفضل .. وسلامات ما تشوف شر
ليهمس بهدوء ويضع البسكويت بيدها/ تسلم ابو رائد .. اخذي من البسكويت
مضغت البسكويت بـ ارتباك/ عمي
لـ يتجاهلها/ قومي خلينا نمشي ..
وقفت بخجل لتضع كفها الصغيرة بكف عمها وتذهب لخارج المستشفى وهي تشعر ان الدموع تتحول إلى مسامير فـ تسيل عينيها دماً .. وصلت سيارته وعبرت باركنات المستشفى .. دخلت بهدوء سيارة لـ يحرك محمد سيارة والصمت حليف اللحظة هذه ..،

،

بعد ساعة والنصف

كانت حنين تطرق الباب .. لتدلفه بهدوء .. وهي تبحث عن بثينة وضعية سريرها مرتب لتلفت الى النافذة المفتوحة لـ تشد الخطوات لتلك الطاولة

لتفتح عينيها وهي من التقطت دخولها وعينيها مغمضة برائحتها المميزة
رائحة رفيقة الدرب .. وطفرت من عينيها دمعة حارة
حنين تجلس بقربها وتكسب لنفسها كوب من الحليب بـ زنجبيل
لتردف/ بثينه وش صاير معك .. ليه كل ما اشوفك حزينة ومتقوقعة بنفسك
بثينه/ عمي محمد زعلان مني عشان دخت في المستشفى .. ما كنت اشتهي افطر .. حنين تعبت والله تعبت ..، كل شيء يصير ضدي
حنين/ افا متضايقة وانا عندك هنا .. بثينة ترى الحياة ما تستحق الحزن تستاهل نطالع فيها في عيون انكسارها عشان نكسرها
لتبتسم وتنكأ عينيها فتدمع ..، تسيل قطرة الملح فتلسع لسانها بطعمها النفاذ
لتبتسم حنين/ انا حامل وانتِ اول وحدة اقولها حتى قبل فارس
البسمة تجلد ظهر شفاها بـ عنف/ مبروك ياعمري .. والله فرحت لك من قلبي .. واخيرا ولي العهد بـ يشرف علينا
لتردف/ الله يبارك فيك والفال لك
بعدم اهتمام/ بدري علي .. الا في أي شهر
بصوت هامس/ في الشهر الثاني .. فطرتي والا لسه
ابتسمت بود لترجع خلف كرسيه/ لا .. بس مشتهية قهوة وكروسان
تمسكها من ذراعها وتسير بها خطوات مرتخية/ حنين بسم الله وش فيك وين بتوديني
حنين بجدية/ اششش البسي عباتك وانا بدق على فارس يجي يأخذنا
لتهمس بهدوء/ انتِ من جدك يترك شغله ويجي لا شكلك فيوازتك ضاربة
حنين/ ما عليك .. وبعدين ببشره بالحمل .. لحظة بثينه
ضغطت على اسمه "خافق الروح"

،

استقبله سكرتيريه عند باب المكتب وهو يذكره بأعماله والتزاماته وختم كلامه/ طارق في مكتبك استاذ فارس
ليهمس/ شكرا يا سعيد تقدر تروح

دخل مكتبه.. فوجد صديقه طارق جالسا على احد الكراسي الجلدية الفخمة المقابلة لطاولة المدير الكبيرة والعريضة .. سلم عليه وهو ينظر لـ ساعته

ليردف/ ياخي تأخرت مو من عوايدك
ابتسم بود وهو يجلس على كرسيه الذي يمكن خلف الطاولة/ اعذرني لكن صادفني زحمة الطريق ..
وبـ استغراب/ اليوم عندنا من الصباح بدري عساه خير
طارق بثقة/ اصلا لك الشرف تتصبح على وجهي المملوح
نظر اليه فارس بازدراء ..، ثم نقل نظره لملف بين يديه/ استغفر الله العظيم ...
وينقل نظره لـ رفيقه/ وش تبي
ضحك طارق/ ياخي اطلب شيء اشربه .. عشان افتح الموضوع
وهو يرفع نظره اليه/ اش رأيك انادي رجال الامن يخرجونك لأنك تعطلني
ليرد بطرف عينيه/ يا البخيل والله
ابتسم فارس وهز رأسه بأسف ،.. وتناول سماعة الهاتف/ فنجانين من القهوة ياعم مصلح
طارق بابتسامة/ وش مدريك اني ابي قهوة يمكن ابي عصير
رمقه فارس بنظرة جعلته يصمت ثم وضع الملفات التي بين يديه جانبا والتفت لـ طارق/ خير طارق
حك طارق ذقنه وبتردد/ الحقيقة انا جاي عشان موضوع عبدالرحمن
جعل فارس ينظر اليه لبضع ثوانٍ ثم رفع حاجبه الايسر بتعجب/ افهم انك جاي واسطة بينا
وهو يتناول فنجان القهوة خاصته من عم مصلح/ لا انا جيت اعرف سبب المشكلة بينكم
وضع طارق فنجان قهوته ...، بعد ان اخذ رشفة من على طاولة صغيرة أمامه ثم رفع رأسه لـ فارس/ انت حتى ما سمعت مبرراته على طول رسلت سكرتيرك عشان تقول خدماته انتهت .. حتى يا فارس تعويض ما قدمته له
توقف عن الحديث ليأخذ نفسا ثم استرسل بملامح متعجبة/ ليه طردته يا فارس و هالشيء اللي انا مستغرب منه

رفع نظره للشخص القابع أمامه .، ابتسم وهو يرخي جسده على كرسيه/
تدري انك شخص عجيب .. وقدرتك على تقليب مزاجي على كيف مودك .. لو اني عندي مزاجك كان
قاطعه طارق وهو عاقد حاجبيه/ فــارس خليك في موضوعنا لو سمحت
اخذ فارس نفسا وهو ينحني بجسده للأمام وينظر لعيني صديقه/ عبدالرحمن لو عنده ذرة كرامة كان ما ترك شركة ولا يبرر افعاله
يقاطعه بغضب/ لا تنسى انه صديقنا يا فارس

ليردف ببرود/ وانت صديقي – تغيرت ملامح وجهه
ليهمس بهدوء/لكن وقت الشغل وما يخص الشركة ما اعرف صديقي من غيره .. هو غلط ويتحمل غلطه
صمت طارق متفاجئاً مما سمعه .. وقد بدت ملامح وجهه مصدومة غير مصدق لما قال
اردف فارس بغضب وهو يشد على القلم الخشبي الذي انكسر بين يديه/ لما جاء عندي يطلب انه يشتغل .. فرحت وكيف وهو اخ عزيز وغالي .. اعطيته بعض صلاحيات اللي غيره يحلم بها .. شغله كان امانة وهو وش جازني خان الامانة بكل بساطة .. اغروه بالفلوس وقبل يهدم الشركة على راسي ...، الشركة اللي تعب فيها ابوي عمره كله عشان تكون على هالحال
اسند ظهره على الكرسي وهو يزفر بغضب
طارق الذي بدأ مصدوما جداً/ وكيف عرفت انه هو اللي قام بالفعلة الشنيعة
ضحك باستهزاء/ عرفت وانتهى الموضوع
الصدمة ألجمت طارق الذي لم اعرف بما يجيب
صمت طارق ثم هم واقفا/ اعذرني يا طارق .. انا مصدوم منه للحين
وقف فارس وابتسم في وجهه/ لا تعتذر انت مالك دخل وبعدين بينا عشرة عمر يا طارق
ارتسمت على وجه طارق ملامح الراحة وهز رأسه بتأييد/ صادق .. اجل اشوفك على خير
تصافحا ثم خرج طارق ترافقه نظرات فارس ...
فارس الذي همس بغضب والشرار يتطاير من عينيه/ مو انا اللي اسكت عن حقي ببساطة .. اصبر علي يا عبدالرحمن ...

فارس/ 33 عاما
طارق/ 34 عاما

’.

يتبعْ ..

عِتق السنين ! · 13-05-13, 01:32 PM

السلام عليكم ورحمة الله وبركاته
مساء/صباح ثقة بالله عزوجل ... اخباركم إن شاء الله انكم بخير

،

قارئاتي الكل من يــسأل عن مواعيد البارتات واعيد واكرر كل

السبت والاثنين
السبت والاثنين
السبت والاثنين
السبت والاثنين
السبت والاثنين
السبت والاثنين

،

ويافرحتي فيكم والله نورتوني الله يسعدكم بارت اليوم بـ تبدأ فيه الاحداث الحقيقة وظهور شخصيات جديدة
إن شاء الله اكون على قد الثقة وما اخيب ظنكم بإذن الله

قراءة ممتعة ~! استمتعوا احبتي

عِتق السنين ! · 13-05-13, 01:38 PM

يا ليتهنّ هموم قلبي معازيم تحل (وسطه) عدة أيام وتروح

بقلم/ عِتق السنين !

’.

(5)

لو حبت النجمه نهر .. وطاحت على صدره سنا

أن مرت الغيمة قهر .. وان هبت النسمة قهر
والى رمى طفلٍ حجر .. عكر مواعيد الهوى
انتي وانا نجمه ونهر .. وطالت مشاوير السهر
بينك وبيني الغيم ....
والشمس .. واغصان الشجر ..
وحكي العواذل والحذر ..
ولو رمي طفلٍ حجر .. عكر مواعيد الهوى
يابنت للنجمه سما .. وانا لي الوادي
ماختار في قربك ولا ... اختار في بعادي
امشي .. ولاودي .. لوتمسكي يدي
لااضيع فـ أمواج البحر .. ويفوت ميعادي
ان مرت الغيمه قهر .. وان هبت النسمه قهر
لو حبت النجمه نهر

بدر بن عبدالمحسن

،

عينيه يتفحص الرقم المميز لـ قلبه ، الذي أضائة به الشاشة فجأة
ليرد بهمس/ الو
ليأتيها صوتها وفي ملامحه يشتعل لهيب الوحشة/ تصدقين اشتقت لك .. يا حي هالصوت
وهي تشعر بالخجل غريب هو الشعور ان تجد كل هذا الدفء في صوته/ هلا حبيبي وانا اكثر .. الا مشغول
صوته هادئ جدا
ليردف/ وان كنت مشغول افضا لعيونك
حنين بهمس/ يسلم لي عيونك حبيبي .. تعال خذني انا وبثينه عازمتك على حسابي
فارس/ تبشرين .. الا بثينة متى وصلت
حنين/ من ساعة ونص .. طيب حبيبي مابي اعطلك عن شغلك اكثر
ليبتسم بخبث/ ليتك دوم تتصلين تفكيني من غثا الشغل
حنين/ فـــارس
ختم بضحكة هادئة
لتصمت
اغلق الهاتف .. ليقف خارجا من مكتبه .. القى نظرة على سكرتيريه/ سعيد انا خارج وألغي كل المواعيد اليوم
سعيد/ إن شاء الله استاذ فارس
ربت فارس على كفيه/ يعطيك العافية ..

،

ايطاليا – ميلان

دخل البيت وهو يشد خطواته .. ليجلس على الاريكة وجسده يرتعش
بمقابل اخيها الجالسة بمكان ،.. انعقدت حاجبيها بـ استغراب/ وش فيك اسامه عسى ما شر
تأفف بضيق/ هو في شيء ما ينرفز في هالدنيا
لتردف/ اسامه قول الحمدلله عايش احسن من غيرك
وقف اسامه بغضب/ تدرين اليوم اتصلت على محمد ابي افاتحه بـ موضوع الخطبة وتفاجأت انه قبل البارحة كانت الشوفة الشرعية لها
لتردف بصدمة/ شوفة ولـ مين لـ بثينه انت صادق والا تمزح
اسامه/ وتظنين امزح في هالامور .. مو خطبها ولد عبدالملك ومين يرفضه حضرة الدكتور
اشارت بـ رأسها بوجع/ والله محمد ما خبرني ولا جاب لي طاري للموضوع
اسامه يشير بألم/ هو وافق عليها واكيد هي ما رفضت ..
اطلال بصدمة/ اسامه حبيبي فهمني شوي .. مين اللي واقفت عليه
ليصرخ بوجع يتعاظم على خافقه/ وش زوده عني راجح قولي لي وش زوده عني .. مال وعندي وشهادة عندي وهذاني اكمل ماجستير ..

زمجر يمتلئ المكان بصوته ... تهب الرياح صوبه يشعر بـ ثورة تلك المشاعر المختلطة فيه مشاعر يملؤها الخوف .. الغضب .. الفقد .. الوجع .. الحب ، وكل بعثرة الحياة ... تنفس بصعوبة ليقف بسرعة من الكرسي
لتردف بخوف/ اسامه وين رايح
تجاهلها وهو يصعد للاعلى لغرفته حالة انعزال مع ذاته

اما هي ليس بيدها رغم شعورها بالوجع والخوف ليس بيدها لم تعلم عن شوفة بثينه ، ومحمد لم يخبرها بشيء لتتصل عليه

لتهمس/ الو
محمد/ حي صوت .. وش اخبارك
اطلال بـ اضطراب/ ماني بخير يا محمد
ليفزع/ خير إن شاء الله وش فيك اطلال صاير شيء .. علي به شيء
اطلال بوجع/ طول السنين الي مضت يا محمد وانا معك .. لكن أتفاجأ انك رافضين اخوي ولسبب مجهول
محمد بحده/ لـ يعلى صوتك علي تسمعين يا اطلال .. و الزواج قسمه ونصيب ماهو غصيبة .. بثينه لقت نصيبها وهي موافقه برضاها ، و اسامه الله يرزقه بالبنت الي تستاهله
لتجيبه ايضا بذات الحده/ ما عليت صوتي يمكن يتهيأ لك .. لكن مالك حق توافق بنت اخوك و الرسول صلى الله عليه وسلم قال: (لا يخطب أحدكم على خطبة أخيه) ما تجوز يا محمد ما يجوز يخطب راجح على خطبة أخوي والا عشانه صديقك
محمد/ اطلال اصحي حبيبتي .. اخوك من فترة رديت له الجواب وهو يعرف وبعدين وش سالفة صديقي الي مطلعتها لي .. ما هقيتها منك يا ام علي
اطلال لتبكي/ طيب يا محمد مشكور على العموم الله يتمم لها على خير
اردف محمد/ اطلال الله يهديك بس .. المهم جهزي نفسك لان خلال يومين بـ رجع بإذن الله
حتى الكلمات لم يعد لديها قدرة على الكلام
محمد/ طيب مافي حمدلله على سلامة والله يرجعك سالم غانم ومن هالحكي الحلو
لتردف/ ترجع بسلامة يا ابو علي ...
محمد بحنان/ اطلال .. لا تفكرين بـ شيء الحين لا جيت نتفاهم
لتردف بحزن/ إن شاء الله بلغ سلامي لعمتي وعمي ابو احمد
محمد/ يوصل إن شاء الله .. ناقصكم شيء تبين شيء اجيبه من السعودية
اطلال/ سلامتك
محمد/ الله يسلمك .. انتبهٍ على نفسك .. فمان الله

لتغلق الهاتف وتضع اناملها على جبينها والاخرى على صدرها .. كان هينا ضعيفا إمام هيبة الحنين في داخلها كان الشوق يصعقها وروحها تتجمد ...
توجهت اطلال لـ غرفة اسامه .، تقدمت لتحاول دخول الغرفة لتدلف الباب وتدخل ...

ارتفعت عيني اسامه الذي كان يقف بقرب سريره
لـ يجدها اطلال التي بدورها اغلقت الباب قفلتين وتوسطت الغرفة

نظرت الى عينيه/ اسامه انت عارفه انها رفضتك ليه تنبش في الموضوع من سنين ...
كانت انفاسه ترتفع وتنخفض بسرعة كبيرة وبصوت متألم/ اللي مهتويها وابيها تبي غيري يا اطلال .. تعبت من هذا اللي عيا ينساها - وهو يشير لناحية قلبه
شدت الخطوات له وتصرخ بوجهه/ انساها يا اسامه .. وان تبي اخطبك لك صبا بنت عمها
اسامه بحرقة/ اتزوج منو بنت عمها انت تبين تذبحيني .. واعذب بنت الناس معي ... انسي يا اطلال وانا الله يقدرني على نسيانها
اطلال/ حرام عليك يا اسامه .. تضيع حياتك ومستقبلك عشناها .. يكفي الي راح من عمرك
اسامه/ لا حول ولا قوة الا بالله .. اطلال خلاص قفلي الموضوع
اطلال/ ما راح اقفل الموضوع .. انت ناسي نفسك عمرك صار 34 السنة ما ودك تشوف عيالك يلعبون حولك تنتظرك حرمتك من الدوام تطبخ لك وتنظم لك حياتك
تنهد اسامه/ بريحك من الآخر لو تجلسين من هنا لـ سنة قدام ما راح افيدك فـ اقصري شر واقفلي الموضوع
اطلال/ كل هذا عشان بثينه الي ما درت عنك ..
بغضب اردف/ وبعدين يا اطلال .. تراني تعبان وابي انام لي لو ساعتين
اطلال/ طيب يا اسامه يصير خير ... وماني اطلال لو ما زوجتك
اسامه اعاد للاستلقاء/ تمسين على خير
اطلال/ نام ولا عليك من شيء .. اصلا عادي ما كأنها بـ تتزوج وبـ تلتهي بحياتها العقبة عليك إن شاء الله
اسامه/ يالله من فضلك
اطلال/ أي مو عاجبك كلامي .. ما كأني خايفه عليك
اسامه بطولة بال/ طيب يا اطلال ممكن تفكيني شوي تراني مصدع وابي انام أجلي كلامك هذا لوقت ثاني
اطلال/ نام ولا يهمك ونأجله ولا تضيق صدرك

كيف سأعلن اعتزالي ، و أنسلخ من حبك .. كيف أبعثر ذكريات و صور علقتها يدك؟ كيف انتشلني من بين أنقاض حبك ، وكيف أزيلُ رُكام سنين عشتُها بينَ يديك ..!

،

في الصباح المتأخر
بجهة اخرى – فِله ابو راجح

مريم/ يمه والله ماله داعي العشا ..
بعناد لتجيبها أم راجح/ الا له داعي اجل وليدي ما بغيت انه يتزوج ما تبين افرح فيه واسوي لي ذبيحة الا يستاهل 10 ذبايح دقي على ابوك وانتِ ياقوته دقي على جيراني وام احمد واهلها
ياقوت بفرح/ الا والله يمه يستاهل وافرحي به بس يالغالية اجليها للخطبة
ام راجح/ الله من قل السنع .. دقي على ابوك
ياقوت تقبل راسها/ ابشري يمه بدق على جيرانك وحتى مريم بـ تدق على ابوي بس اصبري الله يرضا عليك يمه
ام راجح/ انتم وراكم بـ تجلطوني لا يكثر بربرتك ودقي على ابوك
مريم/ إن شاء الله وهذاني ادق عليه
لتردف ام راجح/ وانتِ وراك مضيقه رجلك .. علميني يا امك
ابتسمت بحب وهي تحسس كفها المجعد/ أي والله يمه .. بس شوي متضايقة منه لا تخافين علي
أم راجح/ يمي ولد عمك جاسر ما تطلع منه الشينة اكيد انك مضايقته .. قومي هذا اخوك ياسر جهزي نفسك وروحي لـ بيت رجلك
ياقوت/ يمه انا جيت عندك مو تزودينها علي

ياسر/ خير إن شاء الله وش فيكم اصواتكم واصلة برا
ام راجح بغضب/ قم اخذ اختك بيت رجلها .. ما خليك على كيفك
ياسر/ يا ميمتي الله يخليك هدي وروقي وياقوته بـ ترجع بالها بس لا يترفع سكري عليك
ام راجح/ جالسة عندي اسبوع ويومين وتقول ما منها ضيقة والله ثم والله ان ما رجعتِ لبيت رجلك انه ما يطب لسانك على لساني وهذاني علمتك
ياقوت بحزن/ الله يسامحك يمه .. بروح عشان ما تكدرين مني

،

تتناول بثينه تفاحة وكوب ماء ..
صبا/ الا ما طلعت التحاليل
بثينه/ وين تطلع في يوم وضحاها ... قالوا لي تطلع بعد اسبوع
صبا/ كان دفع مبلغ ثم يطلعونه في يومين
بثينه/ صـــبا غيري السالفة .. اخبار اخوانك والله نفسي فيهم وخصوصا ملاك
صبا/ بخير تدرين انشغلت برجلها وشغلها .. تدرين طارق مختفي له يومين حتى زواج عمي سلمان ما حضره بثينه والله خايفه عليه .. هو الوحيد الي يهتم فينا من بعد ابوي وامي ..
بثينه/ يا حبيبتي يا صبا كان دقيتي عليه
صبا/ ليته يرد مشغل بالي الله يهديه اخاف مرافق ربع السوء والله خايفه يارب تستر عليه وتبعد عنه عيال الحرام
بثينه/ آمين طيب كان علمتي واحد من عماني يدور عليه
صبا/ علمت عمي محمد الله يجزيه بالخير وهو الحين يسال عنه انتظر رد منه
بثينه/ اهااا وانا اشوفه اليوم ما تغدا معنا خفت انه متضايق عشاني .. وهو يدور طارق الله يهديه بس

،

في مركز الشرطة

الضابط/ من حسن حظك انه ما مات والا كان بـ تسجل بـ قضية موته
طارق/ والله ما اعرفه ولا انتبهت له وبعدين انا ما كنت اسوق ..
ويشير بيديه/ مطر الي كان يسوق فينا السيارة
الضابط/ الاعيبكم من فترة كانت واضحة لي يعني لا تبرر لي .. وعشان ما تعودها عطني رقم الوالد
بخوف اردف/ لا واللي يرحم والديك لا تدق على ابوي ..
الضابط بحده/ سجل رقم الوالد يا طارق
طارق/ بـ عطيك رقم عمي بس ابوي لا
تنهد بـ قلة حيلة/ اكتب رقم عمك واستعجل
كتب رقم عمه ..
الضابط/ السلام عليكم معي اخوي محمد غانم الـ ....
محمد/ أي وصلت خير ..
الضابط/ معك الضابط فيصل .. ولد اخوك طارق عندي في المركز ومضطرين انك تجي
بخوف ليهمس/ خير إن شاء الله .. طارق به شيء
الضابط/ لا جيت إن شاء الله تعرف ..، مع سلامه

ضرب المقود/ وش اللي موصلك للشرطة يا طارق .. يالله سترك يالله سترك

،

[/size]

عِتق السنين ! · 13-05-13, 01:43 PM

دبي

لم امتلئ بضجيج الشوارع منذ زمن .. اقلع عن عادة التسكع متنكر بذريعة الذهاب لمكان ما / لشأن ما وبينما كان لا يذرع الارصفة المتشققة إلا لـ يتذكّر شقوقها , ل يعدها , ليركُل حجارة الطريق وهو يحشو فاه هواءً ثم ينفخ متصنع غضبه , مدعي أنه لولا تلك الحجارة لوصل أبكر بخمسِ دقائق إلى المكان الذي لم تحفر أسسه و لم ترتفع حيطانه و لم تلمع شبابيكه إلا ف ي ذهنه كلام ابيه . رجع الفندق والتي تعمها الفوضى غاضب .. دخل غرفته لـ ينصدم بتلك الحسناء مستلقيه على سريره أو بالأصح فتاه شبه عارية ، فترت دمائه وهي هدأت ضوضاء قرقرتها
لتبتسم بنعومة/ اهلين تركي تأخرت كثير
بحده/ اطلعي برا لا خلي ليلتك سوداء اطلعي بــــــــــرا
هي/ غريب جمالي ما يقاوم
غض بصره واردف/ لا تختبرين صبري لا اقسم بالله ما تشوفين دربك .. انقلعي بــــــــــرا
هي/ انتم كذا يا رجال الخلجين تعشقون جسد الانثى ليه تخرج من القاعدة
شدها بغضب لـ يرميها خارج في الفندق واغلق الباب وهو يتأمل السقف قد يتحزب للذبابة الشمطاء الخرفة إذا شعر ان المصباح يضطهدها .. فإنه يشم في الأعلى رائحة شيء يضطهد كلما زل وتذكر شيئا آخر لا يضاهيها .. انه يشعر بالذنب سقطت دمعت ابت ان يكابر عن حزنه فقدانها
شيء مؤلم خيانة ممن تحب مضر للصحة حزنه كبير أكبر من المدى الذي احبب خلاله عجز بـ تصديقها وكاد يموت عندما شاهدها وجع يعانقه ويلبكه لكي يشعر باختناق ... رفع كفيه لعينه واستغفر الله كثيرا دخل دورة المياه لـ يتوضأ ويصلي بخشوع وقلب منكسر ...

تركي/ 28 عاما

،

الرياض – مركز الشرطة

الضابط فيصل/ الرجال تنازل عن القضية .. مابي يا طارق يتكرر هـ الامر مرة ثانيه انا اعرف ابوك رجل صالح وحكيم وابعد عن الرفقة التعبانة .. وقع على العهد
لينحني جسد طارق امسك بالقلم ووقع على الورق .. خرج من المركز وهو منكس رأسه

محمد/ الله يهديك وش لك مرافق هالناس وابوك عرف يربي وانا اشوفك تنزل لـ هالمستوى ما هقيتها منك يا طارق
طارق بصمت
محمد/ ابيك تفكر في حياتك لو استمريت في علاقتك هذه بـ تضيع وضيع سمعة العائلة ,, ترضا انك تمشي تائه ولا احد حولك
رفع عينه وتلألأ بدمعة حزينة/ سامحني عمي .. وعد ما عاد امشي معهم بس لا تزعل علي .. والله غصب عني مليت من هواش ابوي لأمي تعبت قلت اهرب من البيت يمكن احد يسأل علي وهذاك شفت لا من احد درى ولا سأل علي
محمد/ لا حول ولا قوة إلا بالله .. الله يهديهم خلينا نرجع بيت جدتك .. اختك هناك قاعدة قلقانة عليك
اكتفى بابتسامة طارق ... ليحرك محمد سيارته متوجه للبيت ... وصلوا وطول الطريق وعينيه تبحث عن هيئة والده جاهد بـ سيره وارتجل من السيارة وهو يسلك عبر بوابة الدخول ..

محمد/ صبـــــــا يبه صبـــــــــــا

بثينه/ هذا عمي ينادي عليك روحي شوفيه
صبا/ خايفه اروح وانه ما حصله .. ماني قادرة اقف
بثينه/ بسم الله عليك .. قومي صبا يمكن جاء معه وتعوذي من ابليس
لتقف صبا بخوف وتسير للصالة داخلية .. لتسقط عينيها دون ان يسعفها الدهشة لتأويل هذا التوازي الذي تقاطع فجأة بين ملامحهم .. ارتمى في ريعان حضنها ذاك الشوق العابر لها يبكي ويئن بوجع استوطن قلبه
صبا/ بسم الله عليك .. وش فيك يا عيون اختك .. كذا تجازيني يا طارق لا ليلي ليل ولا نهاري نهار .. عجزت ادورك من مكان لـ مكان ثاني .. وبعدين وش هذا
وهي تشير لـ ثوبه الملطخ بالدم
طارق/ طيب ليش تبكين .. انا بخير هذا دم واحد من رجال المتصابين لا تخافين
صبا بقهر/ قهرتني من افعالك ليه تسوي فيني كذا

هو لا يعرف كيف يتخلى عن تعاستها ، كيف يصادر شقاءها ، كيف يستبدل دمعتها بـ ضحكة خفيفة لذيذة حتى وان انفجرت كـ فقاعة .. فإنه يكفيه زهوا وكبر انها عكست الفردوس على سطحها الوضيء ..
هو لا يعرف كيف يحاور بكائها ، كيف يدس صوتها بين حزنها وينتشل البكاء منها ويجعلها ضاحكه واستمرار لها ومكملا لها كـ حجر كريم عثر لنفسه على تجويف باز في التاج .. ليمسح دموعها برقه/ انا آسف ما عاد عودها بس لا تبكين يا عين اخوك والله يـ صبا عيونك تكسرني لا عاد تبكين
ابتسمت له/ من عيوني .. باين انك ما تغديت .. بروح احطه لك ..

،

في العصر – في عيادته

جلس على كرسيه الجلدي الاسود بعد ما انتهى من مراجعة آخر مريض خرج قبل دقائق ، يسجل بعض البيانات سمع بعض طرقات الباب اعتقد انها من يوسف .. لم يرفع عينه/ تفضل
دخل يوسف/ راجح وش فيك اليوم
راجح/ يوسف اتركني هالساعة
يوسف/ انا وش قلت لك .. ما قلت لك انسانه تافه ليه تشغل بالك فيها
ليردف بغضب/ لا تجيب سيرتها قدامي
بصدمة/ انت وش فيك
راجح/ ما اطيقها مكانها بيتها الزم لها واستر
يوسف/ راجح وش هالكلام .. هي مثل أي بنت حبت مهنة الطب
راجح/ البنت ما تستوعب اغلاطها يخي دبلت كبدي منها .. خلها تعيش نتائج طيشها .. لأنها واصله معي يا يوسف
يوسف يحاول ان يمتص غضبه/ ادري انك متضايق .. بس الي صار حادث مو مقصود
غليان يجعل الروح تتعرق ثم رويداً رويداً تسيل لكأنها وحل تتخبط فيه الأضلاع
ويعلو على ملامحه البراكين كأنها بثور منتفخة تتقيح حِمماً/ انت ما شفت ميوعتها ودلعها الماصخ انا اخبر دكاترة فيها منهم تحشم وتقدر نفسها .. ما خلت دكتور الا ومطيحه الميانة قهرتني الله يقهر العدو
يوسف/ انت تعرف وصلها خبر .. راجح ياخوك روق والله ما تستاهل كل هالعصبية
راجح/ داقه حنك معه وتغازله عيني عينك يخي تبط الكبد حركاتها ماصخة ...
يوسف/ طيب ممكن تقولي سبب هالعدواة .. ترا والله الى الآن ماني فاهم السالفة زين
راجح/ البيئة مو لها المكان ما يناسب لها ولا بعد تدرس صيدله هي وين والصيدلة وين
يوسف/ انت من جدك لا فيك بلا .. وش لك في بنات ناس يا راجح خلك بعيد كافي شرها
راجح/ اقول لك جايه لعندي ومعطيتي رقمها بغيت اصفقها كم كف عشان اتوب بس مسكت نفسي
يوسف/ لا حول ولا قوة إلا بالله .. طيب قم صل لك ركعتين تهدي شوي
راجح/ انا خارج دوامي انتهى
يوسف/ الا ما قلت لي وش اخبار نتائج التحاليل طلعت ولا بعدها
راجح/ ما يخرجونها الا بعد اسبوع لكن بـ حاول اضغط عليهم بـ كم فلس ماني ناقص هم ثاني
ربت على كتفه/ الله يوفقك يا ابو رائد
تنهد/ اللهم آمين ...

خرج من المستشفى وركب سيارته متجهاً الى بيته .. بضع دقائق اوقف سيارته وهبط منها .. دخل راجح عليهم وبيده حقيبته العمليه .. ابتسم لينحني ويقبل جبينها/ وش اخبار الحلوة
أم راجح/ وينك انت هالايام ما تنشاف ما غير ترجع تنام .. عود بيتي فندق
ليقبلها من جديد/ افا الغالية شايله خاطرك علي .. وبعدين يمه اجي من الشغل تعبان ابي احط راسي وانام .. وش فيك متضايقة
ام راجح/ اختك ياقوت ضيقت صدري .. متهاوشه مع رجلها وتاركه بيتها اسبوع وما راحت الا يوم غصبتها ... انا مدري أخيتك وش بلاها
راجح/ والا يحلف لك انها صارت بخير
ام راجح/ تلعب على راسي انت
راجح/ محشومه يالغالية .. قسم بالله انها بخير خلاص روقي يمه تراها تعرف تأخذ حقها يصلحون مع بعض
بـ استغراب/ يصلحون مع بعض وش ذي بعد
راجح/ يا يمه دام انه مرخي الحبل بـ شده .. لا تخافين على بنتك تراها عند جاسر ولد عمي فاهم وعاقل لا تخافين
لتردف بنبرة جادة/ انت واخوك هالايام مب عاجبني تعرفون شيء ما اعرفه
راجح/ ابد يمه ما جاك غير اللي جانا
بعينيها الحاده/ صادق يا ولد
راجح/ يمه وراك قلبت علي
أم راجح/ إذا عرفت عنه شيء ما تلوم إلا نفسك وهذاني علمتك
راجح يقبل كفيها ويبتسم/ ابد تطمني لو وصلني خبر بوصله لك .. لا تخافين يمه ، وش غداكم اليوم حدي تعبان ومكروف
بحنان/ الله يهديك كم مرة قايله لك لا تقعد على اللحم بطنك الا اتعاند
راجح/ وانا قادر اتغدا ما افضى يمه .. من عملية لـ مريض ثاني
ام راجح/ الا وش صار على تحاليل
راجح/ والله نسيت يمه قلت امر المستشفى واطلعها لكن نأجلها بكره .. المهم لا اذان المغرب صحوني
أم راجح/ يا امك والغدا ما تبيه
راجح/ جوعان نوم يمه .. تمسين على خير
أم راجح/ الله يهديك ياوليدي الله يهديك بس .. تلحف زين وهون في المكيف
راجح/ إن شاء الله يمه ...

،

بجهة اخرى - فِله ابو احمد

فراغات وكلمات متقاطعة ، ضوء رمادي اللون كأنه روت الشمس ألقي بها .. حجرة لا تتسع لأكثر من نزهة صامتة تبدأ بخطوتين وتنتهي بهما
هنا لا احد سواها والكثير الكثير من الذكرى يشكل في ثقب زحاما وظلوا واقفين كأنهم ينتظرون شيئا ازف قدومه مع انها عليها أن تؤمن بالوقائع التي تثبت انها في أجواء كهذه ، في عتمة كأنها ليل تهتز على صدغه شعرها لا تكاد ضوء ترى في دوامة خارج بحر يستحيل على أي شيء جميلا ان يحدث لها بل ان الاشياء الجميلة لا يمكن ان ترتسم في ذهن حالمة كبلته اقدراها في هكذا اجواء

لتدلف الباب وتتوسط الغرفة/ بثينة وش فيك لا يكون نمتي وبعدين وراك مطفيه النور
لتهمس بهدوء/ ابي انام ما نمت مواصلة .. بس النوم عيا يجيني
لتفتح النور/ بسم الله عليك وش فيه لونك كذا شاحب انت تغديتي
بثينه بخمول – طالما انك تحدقين في عينيها فهذا يجعلها تحس شيئا من الطمأنينة يغزو نفسها على هون/ ما اشتهي .. حنين ما قصرت معي حاولت تأكلني وعمي فارس جاء وخرجنا اول ما اكلت الكرسون رحت للحمام ورجعت اللي في بطني " الله يكرم القارئ" احس معدتي مو متقبله الاكل
صبا/ مو يا حظي عودتي بطنك على عدم الاكل .. وجهك صاير ذبلان انت اخذتي دواك
بثينه/ مره اخذته وعور بطني بعدين تركته
صبا/ ياربي منك بثينه وراك تهملين نفسك وعلى جسدك حق .. بـ تتحاسبين على اللي تسوينه انت كذا قاعدة تذبحين نفسك وما راح ينفعك هالي تسوينه .. وينه دواك وين حيطته
بثينه بدلع/ ما ابيه صبا لا تجبريني عليه
لتردف بغضب/ بثيــــــــــــــــنه وين دواك انتِ تبين تموتين نفسك والا شنو لو عمي عايش كان يزعل منك وخالتي أمل كمان ما يرضيهم الي تسوين في نفسك حرام عليك عذبتي نفسك وعطيتهم حداد لمدة سنة كاملة ما تعبتِ من الحزن ما ودك تغيرين جوك شوي .. كل مرة اجي فيها عندك واقول بـ تتحسني اكثر إذا انت تعانين انا كمان يا بثنيه ماحد خالي في هالدنيا ابوي وامي منفصلين عن بعض وانا مدري الحق على تربية اخواني والا على طارق الي مدري وين الله حاطه حتى اختي هنوف يا بثينه الي كل مره اشوفها قلبي يعورني والسبب من ابوي وامي اختي ضايعه فاقده حنان ما كملت سنتين لا تتوقعين بس انت الي حزينة كلنا فينا حزن بس نقدر نخبيه حتى عن عيون انفسنا لـ متى تعشين على حالك هذا اصحي يا بثينه ليا فات الفوت ما ينفع الصوت

في محاجرها ادخرت الدموع – فلن تبكي .. ارتمت على صبا لتعانقها/ سامحيني يا صبا والله مقدره شعورك بس غصب عني انا عايشه في الظلام خايفه اروح مع عمي وتفشل العملية خايفه اعطي نفسي امل ثم ارجع اخص من كذا خايفه من زواجي من راجح خايفه من دنيا تصفق فيني يمين وشمال خايفه لا افقد نفسي وافقدكم خايفه من كل شيء يا صبا
صبا/ ليه تخافين توكلي على الله خلي ثقتك بربي كبيرة قوي علاقتك بربي وكل شيء يسره لك .. قومي صلي ركعتين ترتاحين فيها ثم نامي واصحيك على المغرب
بثينه/ طيب
صبا وهي تأخذ الصندوق اللي لفت نظرها/ من مين هذه
بثينه بلعت ريقها/ من راجح
صبا بخبث/ يا عيني ما شاء الله وصرنا عندنا هدايا الله يرزقنا
بخجل/ صبـــا بسك تعليق
صبا/ يمديه الحين يفكر فيك .. الا انتِ ما تبادلينه الشعور
بثينه/ استغفر الله العظيم صبا والله لو ما سكتي لوريك كيف شغلك
لتضحك/ ما نقدر على الدفاع .. عيني عليك باردة ، من الحين شاغلة هجوم ودفاع ... ترى الصبر زين ، ويمدحونه بعد
بثينه/ طيب لا عاد تكلميني خلاص
لتقهقه بشدة وتنحني من كثرة الضحك/ حرام عليك انتِ ليه تغارين عليه كذا
بثينه بتأفف/ ياربي منك ابد ما تعقلين من حركاتك البايخة
صبا/ ادري يا قلبي ما يحتاج تنشرين غسيل خبالي ... المهم ناوية تسافرين مع عمي محمد
بثينه/ مدري والله .. بس عشانه بـ وافق هو ما قصر معي بـ شيء
صبا/ يا دوبه نسيتني افتح الصندوق ..
لتزفر بوجع/ طيب مين ماسك
صبا/ بسم الله توكلنا على الله

فتحت الصندوق لـ تسقط عينيها على علبة مخملية سوداء مغلفة بـ غلاف ابيض وبـ شريطة سوداء .. بدأت تقلبه بـ كفيها ،
لتردف صبا/ وين الكاميرا ابي اصورها قبل ما افتحها
بثينه/ ليه تصورين
صبا/ مالك دخل وين الكاميرا .. غيرتِ مكانها والا مثل ماهي
بثينه/ لا ما غيرت مكانها
اخذت الكاميرا والتقطت صورة جميلة .. ثم فتحت العلبة لـ تتفاجئ بـ ساعة وبريق لمعانها يعكس عينيها ...

’.

يتبعْ ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري