|
مشاهدة نتائج الإستطلاع: ما هي الرواية الجديدة التي تفضلونها | |||
فكرة جديدة تماما | 2,055 | 56.56% | |
جزء ثاني لرواية بأمر الحب | 665 | 18.30% | |
جزء ثاني لواية لعنتي جنون عشقك | 913 | 25.13% | |
المصوتون: 3633. أنت لم تصوت في هذا الإستطلاع |
| LinkBack | أدوات الموضوع | انواع عرض الموضوع |
19-01-15, 01:44 PM | #10612 | ||||||||
نجم روايتي
| صباح الورد انا جيييييييييييييييت نبدأ بالمواجهه الحاميه جدااا بين الاتنين حلوين سيف ووعد الصراحه سيف اتكلم كتير جداااا الفصلين دول لا وايه كلام في الجوووووووون بعد ما قرأت الفلصين قولت " يخربيتك يا سيف ثم بعدها قولت يا قلب امك على اللي هيحصلك " بس كان لازم يقول الكلام القاسي اللي قاله ده من ناحيه عشان يطلع اللي في قلبه واللي اثبت انه بيبص لزواجهم من خلال انه انقذها من الحضيض وضحي كتير عشان ينتشلها من اللي كانت فيه ومن ناحيه تانيه اثبت لوعد انها كانت محقه في احساسها واثبت كلام كرمه والجاموسه ورد والزفته ميرال والاهم خليتها تتأكد ان قرارها بالرحيل هو القرار الصح في الوقت الحالي نيجي بقى لكلامه اللي قاله طبعا الكلام ده رد فعل للي شافه ... اللي هو علي وهو موجود بجانب وعد والبيه كان ناسي ان راويه موجوده معاهم وناسي ان علي مراهق بس مش هقول مراهق بقى هو راجل وسيد الرجاله يا سي زفت ومتنساش انك سبب في كل اللي حصل من البدايه انت اللي رفضت عوده عبدالحميد وقررت ان وعد تشتغل مكانه رغم انها معاها شهادتها الجامعيه اللي متاكده لو كانت بدأت في الشغلانه اللي حضرتك تكرمت وسبتها فيها كانت هتبقى قد المسئوليه وتنجح فيها الا ان الانتقام ساعتها كانت مسيطر عليك وخليتها ساعيه ثم خادمه ليك ولاهلك مرة واتنين ... متنكرش انك استغليت الحته دي لاحتياج وعد للمال ساعتها يعني انت اللي خليت الكل يتكلم عليك ويبصولك نظرات لوم ورفض يبقى متلكش كتير بقى وتطلعها هي الغلطانه والفاشله والمذنبه في الليله دي حقدك وكرهك لعبدالحميد وكرهك انها بنت الراجل اللي بتكرهه في الدنيا خلاك اعمى عنها وعن اللي عانته واللي نفسها فيه وطريقه تفكيرها والاهم الحاجه اللي بتلاقي فيها نفسها ومننساش اهم حاجه برضه ... نظرتك ليها على انها استغلاليه وبتحب المال جدااا وكرهك انك تصرف عليها حاجه مع ان ده حقك بما انها زوجتك بس طبعا شايفها بنت عبدالحميد اللي ميستاهلش تصرف عليه حاجه وفي الاخر انت اذيتها ... يبقى تحمل نتيجه اللي عملته اما الموقف الكارثي اللي حصل على العشاء عاجبني جداااا ... بس مش كله واقصد مش كله طبعا بالسخيفه الغبيه العيله الصغيره مهره يا تيمو خلصيني منها وجوزيها بقى لتموت على نفسها وورد هانم اللي فاكره نفسها الوحيده اللي عانت لا ياماما فوقي ... الناس كلها بتعاني وحصلتلها اضعاف اللي حصلك انتي انجرحتي وانضربتي ... وسيف كذلك ... وامك وابوكي عانوا بس برضه وعد عانت اكتر منكوا يا كلاب اترميت في ملجأ ... اختها ضاعت منها واتفرقوا عن بعض ... بعدت عن امها لحد ما ماتت من غير ما تعرف حتى ... شافت عذااااااااااب مع ابوها ... عانت في شغل مهين ومذل ليها عانت اكتر مع البيه اخوكوا وفي الاخر انتي يا حلوة بتتمني الموت ؟!! مش هقولك غير ربنا موجود واكتر حاجه مش عجبتني بقى موقف سيف >_< ادي حاجه كان لازم وعد تسيبه عشانها برضه مكنش هيوفق بينها وبين اهله خااااالص الكفه الرابحه كانت هتبقى ليهم اهي زعقلها وطردها من القعده ... كتر خير انه مكنش يقصد يطردها من البيت كله انما منيره بقى اللي الوحيده اللي عاجبتني في الليله دي شكلها بدات ترجع لعقلها رغبتها انها تتكلم مع وعد ... وتسمع اخبار ابوها اللي هو اخوها رغم كل اللي عمله ورغبته في انه يشوفها وتسامحه ومش مهم ان عبدالحميد مطلبش كده ... مادام قضى الغرض وريح قلب منيره لفتره يبقى مش مهم بس انا مش مع منيره في كلامهالما طلبت من وعد انها متجرحش قلب سيف عشان متعلق بيها ؟؟ طب هو يجرحها ويكسر قلبها عادي يا حجه ؟!! لو سيف متعلق بيها يبقى متعلق بيها كبنت عبدالحميد وبس بيقول انه مش بينتقم منها الا اني شايفه ان كل اللي بيعمله انتقام وتعذيب ده كفايه اللي قاله البعيد ده ( سأحتقر نفسي لهذا طويلا ...... لكنني مضطر للنطق بها كي تغلقي فمك البشع .... أنا أحبك يا وعد .... ) ده اعتراف بالحب ؟!! في شرع مين طيب ؟؟ ده مش اعتراف بالحب ده اعتراف بالكره ... بالجنون ... بالغباااااااااااااااء .... حب بضرب الجزمه يعني للاسف مكنتش عايزة لما يقول انه يحبها يكون بالطريقه القاسيه دي بس ارجع واقول انه بيعترف لبنت عبدالحميد ... لما يحس انه عايز يعيد الاعتراف يبقى ساعتها هيعترف لوعد حبيبته .... بس ياريت يكون الاعتراف من غير الجزمه انقبضت يده بذهول على الورقة وهو ينظر حوله بعدم تصديق ..... ثم لم يلبث أن صرخ كحيوان متوحش مصاب بشدة ( وعد ............... ) الجمله دي اثرت فيا جامد حسيت ان سيف مصاب بشده بجد بس يلا هو اللي جابه لنفسه ... شيل بقى ياعم الحلو ورحلت وعد هييييييييييييييييه يارب تبقى فتحه خير ان شاء الله عليها يوسف يا عسل انت ... امتى تظهر فصل كامل بقى بدل ما انت بتظهر خمس دقائق كل فصل كده ... لا والخمس دقائق بيحصل فيهم مصيبه وعاهه من عاهات وعد يلا اديك هتشوف كتيييييييير حاتم بقى مبرووووووووووووووك يا عريس اديك حققت نص حلمك وكرمه بقيت زوجتك عقبال ما تحقق الحلم كله بقى بس انا معاه في انه استغل حاله كرمه ووافق على الزواج على طول اصله لو معملش كده مكنش هيعرف يحصل عليها ابداااا الهانم بقى ياريت تفوق وتتقبل انها بقيت زوجه حاتم المز ده بس للاسف لسه بتخبي وتدافع عن البيه الاولاني وتقول انه عايز طفل يعني بتثبت ان العيب من عندها يلا احسن عشان لما تبقى ماما كرمه ان شاء الله المفاجاه تبقى احلى واحلى وحاتم استمر في اللي انت بتعمله وسيبك من امينه والبيض بتاعها الست دي هتجيبك لورا على فكرة بكلامها وامثالها وتشبيهاتها لازم تخلي كرمه تعرف انك بقيت زوجها مش واحد مغتصب وخلاص يا هبله شيراز ووليد ظهروا ؟!! اول لما شفتهم قولت مين دول ؟!! يلا ربنا يسامح اللي كان السبب المهم انهم ظهروا ومش بس ظهروا دول اتعلقوا ببعض جامد والرحله امتدتت وطولت وطولت هو انا مكنتش فاهمه شيراز ولا فاهمه سبب زواجها من 3 اشخاص وكل شخص يختلف عن التاني شكلا وموضوعا وتفصيلا الي افتكره انها لاقيت مع واحد الامان والراحه ومع واحد الترف وانها تعيش مدلله و غنيه رغم انه واطي وحقير والتالت مش فاكره الصراحه ظروفه ايه بس عمتا هي مقالتش اي حاجه من لوليد ليه بقى ؟؟ خايف يشمئز منها ويبعد عنها بعد ما بقى حاجه اساسيه في حياتها خايفه تفقد الصدر الحنون اللي لاقيته بعد عذاب بس لو هي خايفه تفقد يبقى ليه بتكلم الحقير علوان ده ؟!! ايه الاسم ده يا تيمو ؟؟ اسم يدل على واحد مجنون واخرته هتكون مجنونه ان شاء الله رغم انها عارفه انه عايز يتقرب منها لمجرد انه ياخد متعته منها الا انها راضيه وشايفه انه عادي مادام هيبقى كله في الحلال والاسم زواج ليه مصره تدمر حياتها بالشكل ده كل ده عشان مترجعش فقيره وترجع مفلسه من كله تفكيرها هيوديها في داهيه على فكرة الا ان وليد شكله لازق فيها ومش هيسيبها تهرب منه بسهوله ياترى هيصر يعرف هي خايفه من ايه ؟؟ ولا في عرض زواج جاي في السكه ؟!! ملك المجنونه بتعمل ايه ؟!! اعترفت بحبها لشادي وكريم انا بحب شادي وكريم اه بس خايفه من اللي هيحصل هو كويس ... بس شكله معقد ... خايفه من نهايته اتمنى انها تكون سعيده وميبقاش وحيد بس هي ملك متعتبرش اتسرعت وهي بتعترفله بحبها ؟!! يعني لحد الان هي متعرفش عنه ... وبعدين ده يخوف كفايه تصرفاته اللي مش مظبوطه رد فعله لما تقرب من عائلته هو بيقول ان مفيش فرق بينهم ... وهي هو ... وهو هي طب ايه المشكله بقى لما يتجوزها بس شكله عايز كل حاجه في السر ؟؟ ليييييييييييييه عشان عائلته مترفض مثلا ولا عشان يعيش حياته التانيه زي ما هو عايز عمتا انا مش عارفه ايه اللي هيحصل بين الاتنين دول شكرا يا تيمو على الفصلين الاجمد من بعض بجد تسلم ايديكي حبيبتي في انتظار الفصلين القادمين | ||||||||
19-01-15, 02:01 PM | #10619 | ||||||||||
نجم روايتي وكاتبة في منتدى قصص من وحي الأعضاء و كاتب في الموسم الأول من فلفل حارو عضو الموسوعة الماسية بقسم قصص من وحي الاعضاء و ملهمة كلاكيت ثاني مرة
| اقتباس:
اقرأوا المتناقضات في المشاعر و المظللة بالأحمر ههههههههههههههههههههههههه ههههههههههههههههههههههههه هههههههههههههههههههههههه | ||||||||||
19-01-15, 02:08 PM | #10620 | |||||||||
نجم روايتي
| اقتباس:
ههههههههههههههههههههههههه هههههههههههههههههه يالهوي ايه صحيح اللي انا قولته ده ؟؟ جننتيني واستريحتي يا تيمو يا خسارتك يا سوسو | |||||||||
أدوات الموضوع | |
انواع عرض الموضوع | |
|
|