نبي رد الثنا رووووووعه للكاتبة / عجااايب ( مميزه مكتملة )

[فيتامين سي]

ان شاء الله تستمتعون بالقراءه..

..البارت الاربعون..

ماانتبهت انه حط جواله هنا انسدحت ع السرير بسرعه وغمضت عيوني ع اني معاي النوم وهو بيتأخر ماعندي احد يوديني غيره وبعدين ماابغى اطلبه يمكن يرفض كذا راح يعطيني الرد برساله نفس الشي او يتجاهلني وبعد كذا احسن هو مسئول عني ولازم يتحمل وبعدين من متى انا قد طلبت منه شي عادي المفروض ارهقه من كثر الطلبات لما انفتح باب الحمام انشدت اعصابي وانا انتظر احس فيه ينسدح ع السرير دقيقه وجات رساله بجوالي احترت هي من رماح ولا من حامد وزاد توقعاتي مع فضولي اذا نام راح افتح جوالي واشوف انتظرته ينسدح وقت طويل ماطلع من الغرفه ولا دخل الحمام اش يسوي فتحت عيوني بشويش اشوفه لقيته واقف قدامي ومرجع ظهره ع الجدار ومكتف يده ويطالع فيني طالعت فيه ثواني وكل الكلام الي قاله لي قبل ماروح بيتنا يجي بعقلي وبذات لما قال كويس انتبهت قبل مااندم رجعت غمضت عيوني واحساس التشتت يسكني كتمت انفاسي وفكره وحده براسي ليه واقف اش لسى يبغى يقوله ماني عارفه للحين مصدق كلام حامد ولا لا سمعته يقول بنبرة صوت خفيفه""ليش كنتي تحبيني""
بسؤال وضح حاجتين انه مصدق كلام حامد وانه حاس انه كان ما قال ليش تحبيني مع اني قلت بطنشه بس جاني نفس مو طبيعي ارد بأسلوبه ودام معاي الجرائه الحين استغليتها قلت وانا مغمضه عيوني لسى""كنت طفله وانت تدري""
لسى مابرد قلبي ماحسيت اني تكلمت بأسلوبه فقلت وانا افتح عيوني علشان اشوف ردة فعله""خلاص كبرت وفهمت وصرت احب الي يستاهل""
مع ان كلامي غلط بحقي قبل حقه ولا بيوم فكرت اتكلم كذا بس طلعت مني كذا كنت ابغى اي شي يبرد قلبي اي شي حاسه انه زايد كل شي يسويه ينتظر مني عكس افعاله يبغى الاحترام والالتزام والثقه كانت ملامح وجهه عكس ماتوقعت كنت ابغى اقهره بس ملامحه تدل ع انه ماسك ابتسامته يعني يتريق علي مو هو صدق في البدايه ان الدفتر لرائد ليش الحين يتريق لما قال بنبرة صوت مرحه""بس هو قال ان الدفتر لي واعطاني اخر ورقه في الدفتر تتذكرين اش كاتبه فيها""
قلت بعصبيه""قلت لك كنت طفله مو متذكره وانا الحين ندمانه ع كل حرف فيها""
وانسدحت ع صدري ودفنت وجهي بالمخده مو مهتم والله مو مهتم احب مين يكون المهم الشخص مايبادلني هذا الحب حسيت بأكثر كأبه يمكن يحس فيها شخص انا قلت بطنشه اش الي خلاني اتكلم اش الي خلاني افتح عيوني سمعته قال بنبرة صوت رايقه""عندي الورقه محتفظ فيها تبغين تشوفينها""
انا عارفه ان كل صفحه فيها كل معاني الحب اش بتفرق الصفحه الاخيره اكيد مثلها ليش مبسوط قلت له ندمانه وكنت صغيره ولسى رايق حاسه اني حتى خسرت نفسي مع كل هذي الحياه خسرت عفويتي خسرت روحي المتفأله وخسرت اهتمامي بالي حولي خسرت راحت بالي خسرت كل شي كنت مفتخره انه عندي واهمها الثقه ماني واثقه بأحد هو لما قال اني بعد هذي الفتره كلها مو واثق فيني وانه كويس انتبه قبل مايندم كانت اكبر خساره لانوثتي وكاني شلون اقولها جلست بعنف ولفيت بوجهي عليه وقلت بحده""اسمع كلامك الي قلته لي اول ماراح اسامحك عليه ابدا ابدا ابدا والله ماراح اسامحك""
ونزلت من السرير وانا مااشوف قدامي من الضغط الي باعصابي والله ماراح اسامحه حتى ع اهماله لي والله لاخليه يندم انه خسرني لما مد ذراعه قدامي يمنعني كأني ماصدقت ضربتها بكل قوتي باليدين مع ان يمديني ادفها بسهوله وطلعت من الغرفه وطلعت الحوش مره وحده ودخلت مجلس الرجال وقفلت الباب بقوه مره وانا اشوف رماح جاي بتجاهي دق الباب وقال وانا لسى واقفه""افتحي الباب""
كنت اطالع الباب وكاني اشوف الي وراه ماراح ارد عليه التفت ادور شي وكاني اذا رميت الباب بتوصله وبس علشان اريح نفسي اخذت فنجان ورميت الباب فيه وبعده سكت شوي وقال بنبرة صوت متوتره""رؤيا اش تسوين""
مارديت عليه جلست ع الجلسه الارضيه حقت الرجال وانا اسمعه يقول بعصبيه""بلا جنون ردي علي""
خايف ع ايش انتحر مثلا من هو ماراح استمر كذا اذا ابغى احمي نفسي من كلامه لازم ابعد هذي مو حياه راح اتغير والله راح اتغير وانا حاسه اني بديت اتغير لو اتم اسبوع مااشوفه ماراح اهتم واسأل مو هذا تغير غير عن اول منجد قرب ينتهي حبي له قال بصوت عالي""والله ان مافتحتي الباب لااكسره""
مارديت عليه اولا هذي النوعيه من الابواب مستحيل تنكسر من رجال واحد مهما كانت قوته وثانيا اش بيسوي لو فتح الباب سمعته يحاول يفتح الباب وبعدها قال شتيمه قويه واختفى صوته البرود هو التصرف السليم تعبت وانا احاول القى طريقه اتفاهم معاه فيها احسه استنزف صبري ومكانته عندي اش يبغى هذي الحياه الي كنت ابغاها هذا الرجال الي كنت ابغاه زوجي وين عقلي كان وين لا يتعب نفسه ولا يحاول يسوي شي قمت وفتحت الباب وطلعت من مجلس اش الي خلاني ادخله بالاساس هذي الحياه كلها من خلاني ادخلها تو امشي خطوتين شفت رماح يطلع من الصاله وهو يقلب بيده مفاتيح والخوف واضح في وجهه ابتسمت بحسره وقلت لنفسي بس بصوت عالي""راح اكرر هذي الحركه اذا تميت هنا""
وقف مكانه وطالع فيني شوي وبعدها لف ودخل البيت وهو يوجه كل سبات الدنيا لي وسكر الباب وسمعته لما قفله بالمفتاح بس بعد نص ثانيه رجع فتح المفتاح انقهر لهذا السبب التافه كيف انا وش المفروض تكون ردة فعلي وقفت مكاني وتكتفت وانا اطالع بالسماء اش اسوي علشان يمتلي وقتي كيف اهمل حياتي الخاصه راح ادور لي شي يخليني بالنهار مشغوله في الدوام وباليل اكمل الشغل في البيت حتى غصب القى لي وقت لنوم متى يجي هذا اليوم كان الجو مايل للبروده شوي يعني الجو مريح احس اني اكثر وحده بالدنيا حياتي محتاسه ومخربطه كذا مشيت بتجاه الباب بقراء وردي وبأرتاح ان شاء الله وبرجع اطلع هنا الجو حلو فتحت الباب بس ماانفتح لي حاولت فيه ورفض يفتح منجده رماح سكره كان هذا اخر طاقتي والله كان اخر شي منجد حسيت بكره له مو طبيعي كرهته والله العظيم كرهته ولا ابغى منه الا شي واحد وهو الطلاق كذا عرف النهايه حسيت بقناعه تامه ومعاها راحه اني قررت شي بهذا الوضوح كويس انه بتصرفه خلاني استقر ع قرار بكامل حواسي موافقه عليه اعطيت الباب ظهري وطالع بالسماء شويه وانا حاسه باستقرار روحي من بعد هذا الشتات مايستاهل رماح اصبر عليه اكثر من كذا لفيت للباب ودقيت بخفيف وقت حتى فتحه رماح بنفسه ونظرت الصدمه بعيونه قال وانا امر من جنبه""انا فتحت الباب""
ماطالعت فيه ولا علقت دخلت حمام الضيوف وضيت وطلعت ماراح اروح البيت الحين هم نايمين ومن بعد هذا الثبات الي احس فيه عادي اروح الصبح مو مشكله وقفت لما شفته فجاءه في وجهي قال""انا متأكد اني فتحت الباب استغربت لما سمعت الدق""
حركت راسي بطريقة طيب بعدم اقتناع واضح ومريت من جنبه ودخلت الغرفه علشان اخذ القران فتحت الدرج واخذته لما لفيت شفته واقف ع الباب وقال بنبرة صوت جديه""انا صح قفلته من قهري لاني خفت ان صار لك شي بالمجلس وشفتك مافيك شي بس رفعتي ضغطي بس رجعت فتحته بسرعه وانا متأكد""
قلت بضحكه وانا امشي بتجاه الباب يعني بتجاهه""تصدق كنت بصدقك""
انسدت نفسي عنه ماابغى منه حتى الاهتمام لما وصلت عنده رفعت عيوني بعيونه بثقه وقوه وقلت برسميه جافه""ممكن طريق""
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

[فيتامين سي]

ان شاء الله تستمتعون بالقراءه..

..البارت الواحد والاربعون..

صدق حاسه اني محميه منه الحين مهما راح يقول ماراح يأثر فيني طالع فيني بنظرات غريبه مافهمتها وهو يقول""مهما يكون مستحيل يطلع مني هذا التصرف(سكت شوي وكمل)وانتي تدرين""
ع قد ماحاولت افهم نظراته ع قد ماتنفزت لما تذكرت اني وجهة له نفس الكلام قبل فتره ورديت برده قلت""لا انا ماادري مااعرفك""
بعد هذا الكلام اتوقع اكتفينا من بعض لانه بعد عن الباب وانا طلعت اتوقع الحين كل واحد فينا عنده القناعه التامه فالبعد كذا اريح والله من فتره طويله وانا حاسه اني مو عارفه اش ابغى لاني خايفه من نتيجة الي ابغاه بس الحين مرتاحه جليت ع الكنبه الي بالصاله وبديت اقراء وردي لما خلصته طالعت بالساعه كانت وحده وربع رجعت ظهري بكره ان شاء الله بروح مدرسة نجود ومن بعدها برجع معاها هناك واغراضي بخلي عمتي تجيبها لاني ماراح استعد قدامه وكاني اطلب منه يحاول فيني اللتفت لما سمعت صوت بغرفة زيدان شكله صاحي للحين حطيت القران ع الطاوله وانا عندي فضول اعرف اش يسوي قمت ومشيت بتجاه غرفته كل مااقرب اسمع الصوت عالي كأنه مو وحده مين عنده بهذا الوقت ماسمعت الباب يمكن كان برا ينتظره بس ماشفته ترددت لما وصلت عند الباب بلحظه احس مالي دخل وبلحظه احس اذا في احد عنده انا اشوف ولا رماح ماادري شلون بتكون ردة فعله حطيت يدي ع المقبض تو كنت بفتح الباب اللتفت لما سمعت خطوات رماح القريبه وقف وراي وحط يده ع يدي وفتح الباب رجعت طالعت قدام شفت زيدان جالس ع السرير وولد واقف وريحة الغرفه كلها دخان قبل مايطلع من رماح اي تصرف الولد بلحظه طلع مع شباك الغرفه بسرعه قياسيه وزيدان وقف ورجع ورا السرير كانت نظرة الرعب واضحه بعيون زيدان اللتفت وراي اشوف رماح وعرفت سبب هذي النظره لفيت بكامل جسمي ع رماح وحطيت يدي الثنتين ع ذراعه وضغطت عليها وقلت""لا تصحي امك وتخوفها""
نزل عيونه وطالع فيني ورفع عيونه لزيدان ولف بكامل جسمه وراح بتجاه باب الصاله بخطوات سريعه جريت بسرعه ووقفت قدام الباب وقلت""رماح مالك دخل فيه عنده اهل سيبه""
قال بصوت منخفظ بس حاد جدا""هذا ماعنده اهل انا اوريه(وحط يده ع كتفي يبعدني عن الباب وكمل)بعدي رؤيا""
مسكت يده الي ع كتفي احاول اخفف ضغطه وقلت بجديه""رماح منجدك خلاص الولد راح وين بتروح""
كنت اتعمد ااخره علشان يكون الولد بعد عن البيت بس المشكله الحين زيدان نظرة الرعب بعيونه خلتني اوعد نفسي ان رماح مايقرب منه قال رماح بغضب وهو يبعدني""هذي مو اول مره""
عرفت ان العقاب راح يكون اكبر لزيدان صح هو غلط بس مايستاهل كل هذا الغضب فتح الباب وطلع قلت وانا واقفه عند الباب""اكيد تصرفك اول مره كان غلط ولا كان ماعادوها""
لف علي وقال""يعني انا الغلطان""
كنت هذا الي ابغاه ااخره قلت""اش سويت اول مره مديت يدك""
حرك راسه بطريقة لا وقال""بس هذي المره ايوه""
وطلع مع الباب اخذت نفس قوي شكل الولد سريع طلع من الغرفه حتى قبل مانرمش ان شاء الله مايلقاه سكرت الباب ورحت غرفة زيدان كان الباب مفتوح بس مو موجود بالغرفه خفت يكون راح عند عمتي رحت للحمام حتى اتاكد ولقيته مقفل ع نفسه قلت وانا ادق الباب""افتح زيدان رماح طلع""
فتح الباب بدون تردد وامنت نفسي اني مااخيب ثقته فيني قلت اول ماشفت وجهه المحمر كان واضح انه ماسك البكيه بالغصب""والله مااخليه يقرب منك""
قال بعد مابلع ريقه كذا مره""والله اني مالمست السقاير بس هو""
حركت راسي بطريقة ايوه بقوه يعني اسانده قلت وانا امسك يده""يمكن حتى رماح حاس كذا لانه راح للولد ماجاء عندك""
حرك راسه بطريقة لا بدون مايتكلم لان البكيه خانقته سحبته وقربته مني وقلت وعيوني بعيونه""اذا انت ماسويت شي غلط لا تخاف""
قال""انا مادخنت بس رماح قال لي لا اكلمه كيف يدخل غرفتي""
مسحت ع شعره وانا حاسه ان رماح معاه حق بس الرعب الي حاس فيه زيدان هو الغلط مع انه يقول المره الاولى مامد يده ليه هذا الخوف ولا حاس بتأنيب الضمير قلت""عادي نتفاهم مع رماح اذا جاء وانت اعتذر له بالغلط الي سويته وبس لا تعتذر ع شي ماسويته وانا بكون جنبك خلاص""
حرك راسه بطريقة طيب وسحب يده من يدي ومسح وجهه كذا مره ابتسمت بتشجيع له لفيت بكامل جسمي لما سمعت باب الصاله انفتح وصار زيدان وراي انتظرته حتى وقف عند الباب وطالع بزيدان الي وراي شوي وبعده رفع عيونه شوي وطالع فيني قلت بأندفاع""يقول انه مادخن الولد بس لا تصير ظالم""
قال بسخريه""طلعت ظالم(وكمل بأبتسامه)طبعا غير الصفات الي سمعتها من ابو راكان""
مافهمت بس اتوقع ابو الولد يعني راح لبيت الرجال بهذا الوقت منجده قال زيدان بصوت يرتجف""والله انه اول مره يجي عندي وانا مادخنت بس في المدرسه اكلمه ماقطعته""
لما سمعت كلامه وحسيت بشجاعته حطيت يدي ع كتفي وقدمته وخليته جنبي قال رماح وهو يتكتف""وليش ماقطعته""
رفع زيدان راسه وقال بعد تردد""في المدرسه مايجيب شي معاه وبعدين كل اصحابي اصحابه مااقدر اقطعه""
قال بتهديد واضح""يعني انقلك مدرسه جديده""
قلت""رماح لا تجلس تخوفه اذا هو من اول معاه وماتأثر فيه فعادي""
قال بحده وهو يطالع فيني""ومين يقول انه ماتأثر""
قال زيدان بدون ندم""بس جربت كل اصحابي.....""
سكت لما اندفع رماح بتجاهه وقفت قدامه وحطيت يدي ع صدر رماح وقلت""اهدا رماح اهدا خليه يقول كل الي بقلبه""
قال وعيونه ع زيدان وراي""سمعتيه اش يقول""
ماكنت انا الي امنع تقدمه كان واقف بكيفه وبمزاجه قال زيدان بسرعه""اسف ماكنت اقصد الي ابغى اقوله اني اقدر مااتأثر فيه واني كبير اعرف الصح والغلط هو جاء لين غرفتي وحاول فيني وانا رفضت من نفسي مو خوف منك ماابغاك تزعل مني بس تتذكر وقت رفضت اروح الرحله ورحت يعني انا مثلك مااسوي الشي الا اذا كنت مقتنع فيه""
حسيت ان جسمه ارتخى شوي وكان كلام زيدان ارضاه قال""وراكان""
قال زيدان بقوه""بقطعه علشان ابوه غلط عليك بس""
حاسه اني متفأجاه من طريقة كلامهم كلها ومن اسلوب زيدان حسيته يتكلم بأسلوب كبير قدر يقنع اخوه بثواني سبحان الله انا من متى احاول اقنعه فيني وهذا مااخذ وقت كثير رفض يرجع لعقلي صورته قبل مايجي رماح وانا بعد استرخيت وارتحت بشكل كبير حتى استغربت من التوتر الي كنت شايلته مع ان الجو هدي وراح التوتر الا اني ماانتبهت ان يدي ع صدره للحين حتى طالع فيني شوي بتركيز نزلت يدي وبعدت خطوه لورا وطالعت بزيدان وقلت""نام بكره وراك مدرسه""
واللتفت ع رماح وانا احك شعري وطلعت من الغرفه وانا مبتسمه ماادري ع ايش بس مبتسمه جلست بالصاله عدلت جلستي لما سمعته سكر الباب
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

[فيتامين سي]

ان شاء الله تستمتعين بالقراءه..

..البارت الثاني والاربعون..

ماادري توقعت الموضوع يكون كبير من ردة فعل رماح الاولى وخوف زيدان بس هذا هو انتهى والحمدلله مافي خساير من اي جهه يعني لما قالت لي عمتي زمان انهم رجعو هنا علشان رماح نقل زيدان شكل له سوابق طيب ليش رضي بسرعه رماح ولا علشان يعطيه الثقه احس اني في مواضيع مثل كذا مااعرف اتصرف بعقل ومنطق اي شي يجي في بالي اسويه والدليل اني كنت مع زيدان وهو كان الغلطان بس علشان هذا الي جاء في بالي اساسا احسن رماح مايستاهل اكون بصفه مهما كان والحمدلله اني للحين ع موقفي منه ولا حسيت بأي ردة فعل اجابيه ع موقفه مع ان ردة فعله ع الموقف من النوعيه الي احبها رفعت راسي بطريقه طبيعيه لما جلس رماح ع الكنبه الي مقابله لي ورجعت نزلت نظري اتوقع مافي شي بيننا ينقال بس هو قال وهو مغمض عيونه""تحسين اني ظالم""
ابتسمت بدون ماارد ع كلامه للحين في باله هذي الكلمه احسن ياليتني قلت اكثر طالعت بيدي الي بحضني اكيد الحين عرف الاجابه قال بعد وقت طويل بصوت واضح الكسل فيه""بتنامين متى مافي وقت علشان بكر تصحين بدري ماتبغين تروحين مدرسة اختك""
رفعت راسي وطالعت فيه اكثر شي مااحبه انه يتصرف وكأن مافي شي صار قلت وانا اضغط ع الحروف""طيب انتبه بكره لا تسكر الباب وتقول رجعت فتحته لان ضروري اروح مدرستها""
طالع فيني شوي وطبطب ع الفراغ البسيط الي جنبه وقال""تعالي""
قالها بصوت امر رقيق اخذت نفس عميق ووقفت ومشيت بس مو بتجاهه بتجاه الغرفه وانا اقول بدون ماافكر""رماح لا تحاول خلاص هي تراكمات لكل المواقف الي بيننا معد اقدر اكون معاك بأي مكان كيف بجنبك""
ودخلت الغرفه واتوقع كلامي كان واضح سكرت الباب بالمفتاح ومن غير مااحس لقيت نفسي ابكي راح ابكي لاخر مره علشانه برجع بيتنا وماراح يكون هو السبب انسدحت ع السرير طول الليل وانا مو قادره انام ولا حتى اغمض عيوني طول الوقت اطالع بالفراغ واتذكر اشياء ماكنت ابغاه تجي براسي كل شي كل شي بس بصدق حاسه نفسي اودع هذي الحياه الي عشتها هنا يقولون تجرب شي وتندم احسن من انك ماتجرب شي وانا الحين ضد كلامهم ميه بالميه لو ماجربت كان ماندمت والندم شعور مو سهل كل الناس مثلي كذا ماقدرت اخذ موقف الا بشي مو كبير بعد ماتراكم كل المواقف وانتهى صبري ع الاقل انا حاولت انجح حياتنا بس هو مو راضي بعدين ماراح اندم ع شي كل فكره جات في بالي جربتها يعني قبل ماانام كل يوم راح يزيد العتب عليه وماراح احس اني انا الغلطانه طالعت بالباب وانا اسمع صوت اذان الفجر راح يجي يدق الباب ولا لا بعد عشر دقايق من الانتظار تأكدت انه راح للمسجد بدون مايدخل الغرفه جلست ورجعت شعري ورفعته ودخلت الحمام وضيت وصليت الفجر حسيت ان معاي النوم خلاص بنام واعدل المنبه الساعه ثمانيه ع بال مااصحصح وافطر واتجهز الا الساعه تسعه انسدحت ع السرير واخذت الجوال لما فتحته شفت الرساله وتذكرتها والله بجد نسيتها فتحتها كانت من رماح كاتب فيها(حاضر يااجمل احلامي)قريتها كذا مره وانا مو فاهمه هو يقصد انها لي ولا يتريق بالعباره الي اكتبها جنب حرفه في الدفتر دايما مسحتها وانا اتذكر كلامه لما طلع من الحمام كان اسلوبه تريقه يعني هذي مثلها حطيت الجوال وغمضت عيوني قرا كل شي بضمير نفسي افهم اذا الدفتر زاده غرور بنفسه اش بيكون لو قلت شي بلساني الحمدلله انتهى كل شي بدون مااغلط بالكلام بتصرفاتي ياني خربتها بس عادي اسمها جربت لفيت للجهه الي ينام فيها رماح وفتحت عيوني وتنهدت وقمت بدافع رد الجميل انه بيوديني اليوم المدرسه وفتحت الباب ورجعت انسدحت حتى هو مانام امس قدامه كم ساعه هذا اذا ماداوم اليوم بس ماجاء اخذ بذلته يمكن عنده مشوار غمضت عيوني وانا اتمتم بسورة الملك وبعدها نمت..
فتحت عيوني وانا اسمع احد يناديني وبيد ع ذراعي رفعت عيوني بشويش اشوف مين الي يكلمني قال رماح""قومي الساعه تسعه ماتبغين تروحين مدرسة اختك""
حركت راسي بطريقة ايوه بخفيف وانا ارجع اغمض عيوني رجعت احس باليد ع كتفي تهزني""رؤيا قومي مافي وقت""
رجعت حركت راسي بطريقة طيب بدون ماافتح عيوني مااشوف شي معاي النوم احس اني تو غمضت عيوني سمعته يقول كلام بس مافهمته وهو يهزني ارتحت لما راح ورجعت انام بعمق بس بعد وقت حسيت بنفس الازعاج قلت بطفش""طيب""
قال""الساعه عشره""
جلست بدون ماافتح عيوني زين ورجعت شعري وانا احس بطفش مو طبيعي طالعت فيه وقمت ومشيت بتجاه الحمام لما استوعبت استغربت المفروض يصحيني المنبه وش جاب رماح هذا الوقت لما طلعت ماكان موجود رماح بالغرفه خلاص مافي وقت اخذت لبس سريع وغيرت ومشطت شعري وحطيت لمحه من المكياج واخذت عبايتي وطلعت وانا البس عبايتي بسرعه لما وصلت عند باب الصاله تذكرت جوالي كيف يرجع لي فرجعت بسرعه الغرفه ودورت عليه ومالقيته وقفت وانا محتاره وين ادور عليه خلاص بروح اهم شي مااتأخر طلعت وفتحت باب الشارع وكان رماح موجود بالسياره فتحت الباب وطلعت وسكرت الباب وانا اطالع بالساعه كانت عشره وثلث يالله ان شاء الله الحق اللتفت لما مد رماح الجوال وقال""عرفت بتنسينه""
قلت وانا اخذه""الي اخرني اني ادور عليه يلله""
حرك السياره وانا سؤال في بالي مانام للحين معقوله نزلت المرايه وعدلت شكلي رفعتها وانا اسمع رماح يقول بسؤال""مااكلتي شي""
قلت وانا ارجع ظهري""ماابغى شي بس احس اني تأخرت""
قال وبصوت واضح الضحكه""انتي نايمه بقوه""
طالعت فيه ورجعت طالعت قدام ماراح افكر بشي الحين بروح المدرسه وبس متى اخر مره رحت مدرستها قبل سنه تقريبا قال لما قربنا من المدرسه""بنتظرك عند الباب""
طيب اش فايدة الجوال قلت""بتأخر""
قال بتأكيد غريب""بنتظرك""
وقف السياره وفتحت الباب بس قبل ماانزل سمعته قال""بنتظرك""
طالعت فيه بستغراب ليش كل هذا التأكيد اش فيه خايف يعني اهرب مثلا اساس هو الي بيوصلني لين بيتنا ومعد برجع له وهو شكله عارف نزلت وسكرت الباب ودخلت المدرسه ولاني قد زرتها اعرفها زين فرحت فصل نجود ودقيت الباب وفتحت الباب سلمت ع الاستاذه وانا ادور بعيوني ع نجود مو في الفصل قلت""وين نجود""
قالت الاستاذه بستغراب""ماداومت استأذنت اليوم""
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه..
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا

[فيتامين سي]

ان شاء الله تستمتعون بالقراءه..

..البارت الثالث والاربعون..

قلت بصدمه""استأذنت متى""
قالت""في الصبح انتي اختها صح""
قلت وانا افكر بسبب استأذانها من المدرسه""ايوه اختها""
قالت بشك""وليش استأذنت ماتدرين""
ضحكت بتوتر وقلت""قالت لي امس بس ع بالي تمزح""
طالعت فيني بستصغار وبعدها طالعت بساعه الي بيدها فهمت وقلت بأحراج""يعطيك العافيه""
وطلعت من الفصل حسيت نفسي غبيه بدرجه كبيره وزادت نظراتها احساسي رفعت الجوال واتصلت ع حامد اشوف اش السالفه لايكون تعبانه ولا فيهم شي فجاءه زاد خوفي وانا انتظر رده في الاتصال الاول مارد بس رجعت اتصلت وانا اجلس ع كرسي ولما رد زفرت لاني شبه ارتحت وصوته الرايق لما قال""هلا رؤيا""
زاد راحتي اكثر قلت بسرعه""اش فيها نجود رحت لها المدرسه وقالت استأذنت ليش تعبانه هي""
قال بعد ضحكه""لا مافيها الا الخير""
قلت""الحمدلله(وسكت شوي وبعدها كملت)وليش استأذنت دلع""
قال بستغراب""شكلك منجد بالمدرسه""
قلت باستغراب اكثر منه""ايوه قلت لك اني بالمدرسه""
قال""يعني ماتتريقين""
قلت بعدم صبر""لا قول لي ليش اش صاير""
قال بأبتسامه واضحه بصوته""ماتعرفين ماتعرفين""
قلت""لا"" قال طيب سكري خليني اسأل رماح اش اقول لك""
قلت بعصبيه""لا ياشيخ""
ضحك بقوه وبعدها سمعت صوت احد جنبه يتكلم معاه شكلها جميله ومنجد طلعت هي لانها اخذت الجوال منه وكلمتني""سيبيك منه احنا مسافرين ونجود معنا لا تخافين عليها واشكري زوجك ع الهديه""
عقدت حواجبي وحطيت يدي ع جبهتي بعدم فهم فجاءه كذا مسافرين ونجود امس ماقالت لي الا طلبت مني بعتب اني اجيها المدرسه والحين مسافره وهدية ايش قلت""اسمعي جميله والله مو فاهمه شي ليش فجاءه كذا سافرتو وهدية ايش الي اعطاكم اياها رماح""
قالت بعدم فهم""رؤيا منجدك من زمان زوجك هديته لزواجنا تذاكر السفره هذي بس مااعطانا الا امس وكانت وقتها الصبح ماتدين ماقال لك""
قلت من بين اسناني""الا جابني المدرسه""
سكتت وقت طويل اش تقول منجدها مافي كلام قلت وانا ابين ان الموضوع عادي""وكم بتجلسون ان شاء الله""
قالت بتردد""اسبوع ويمكن اقل""
خايفه تخربط بالكلام ماتدري اني مااعرف شي اساسا قلت""سلمي ع نجود وان شاء الله تستمتعون بالسفره يلله مع السلامه""
وسكرت حركت اصابعي ع جبهتي كل شي كوم ويسفرهم وانا ماسفرني كوم ثاني ولا مره طلعت الا علشان اصحابه بس كلموه والحين يسفرهم لا الصدق يسفرهم وانا لا كوم وانه مايقول لي ويجيبني المدرسه كوم ثاني اش يبغى رماح مني اش يبغى يحسسني فيه اكثر من كذا اني ولا شي بحياته نزلت الجوال وتغطيت وقمت ولما وصلت عند باب الشارع ماقدرت اطلع رجعت فسخت نقابي وجلست مرو من عندي صاحبات نجود وسألو عنها وطبعا قلت لهم مسافره وكلهم يسألون ليش ماقالت لهم وليش تسأفر الحين وانا ماعندي اجابه جاوبت مثل عند الاستاذه اجابات غبيه بس هم صغيرين مشيتها عليهم لما راحو وقفت وسمعت الجوال يدق رفعته كان حامد مارديت ماادري ليش بس كذا شي قالي لا تردين بس بنهاية الاتصال رديت رفعته وقلت""هلا""
قال حامد""اسمعي بقفل جوالي لا تنشغلين علينا وعيشي حياتك""
قال الاخيره بضحكه ماسخه يعني كان حياتي واقفه عليهم انتظرهم يروحون واخذ راحتي مايدرون اني بروح بيتنا وبأنتظرهم فيه ولما ماسمع اني علقت قال""المفتاح الاحتياط بمكانه اذا ابغيتي شي روحي""
قلت بأبتسامه ع جنب""اكيد""
قال""اذا يلله مع السلامه وسلمي ع رماح كثير""
قلت وانا ابعد الجوال عن اذني""يوصل""
وسكرت راح يوصل سلامه بتوصيل خاص تغطيت وقمت فتحت الباب وطلعت الشارع وكان رماح ينتظرني بنفس مكانه طالعت فيه بنظره خاليه من كل شي فتحت باب السياره وطلعت وسكرته وعدلت جلستي ورجعت ظهري بدون مااطالع فيه احساسي بهذي اللحظه اني ابغى اسافر حتى انا ابغى اغير جو واطلع من هذا الروتين الي عايشه فيه حتى احساسي صار مافيه اي تغير بس انتظر و انتبه لوجوده بس طبعا ماابغى مع رماح ابدا ليش ماخلاني اروح معاهم الصدق الصدق لا ماابغى اروح معاهم بس ابغى اسافر اخذت نفس بس راح وقتها لو اول ماتزوجنا كان راح يكون بيننا تقارب اكثر من كذا شالني وحطني بين اهله وراح لشغله مو مشكله انا زمان ماكنت ابغى اطلع من البيت كنت مكتفيه بحياتي ومقتنعه بكل شي بس الحين لا حاسه بنقص بكل شي يعني لما ارجع بيتنا راح ارجع نفس احساسي القديم حسيت فيه لما التفت علي وقال واحنا لسى واقفين ماحرك السياره""تأخرتي مره""
اش قصده عرفتي ولا لا قلت ببرود""حامد يسلم عليك كثير""
شلون كان يبغى يوصل لي الخبر وشلون يبغى تكون ردة فعلي قال بأبتسامه""يعني وصلو الحمدلله""
وحرك السياره والابتسامه لسى ع شفايفه كنت اشوفه بطرف عيوني كنت ابغى اعرف ردة فعله بس كانت عاديه وهذا الي قهرني اكثر لو سأل كان قلت يبغى يقهرني ولو ركز بقول مهتم يعرف رائي اي شي المهم مو كذا وكأن منجد ماجيت في باله صدق ماجيت في باله تمنيت امسح هذي الابتسامه ع وجهه ويحس بأحساسي انقهرت وقلت علشان نرجع لنفس الموضوع""ويشكرونك ع الهديه كثير""
قلتها وانا اضغط ع الحروف اتسعت ابتسامته واللتفت علي ورجع يطالع قدام وهو يقول""يستاهل حامد(وطالع فيني شوي وكمل بنبره مخمليه هاديه)وعلشان سبب ثاني بعد""
ورجع يطالع قدام قلت من بين اسناني""اذا كان السبب الي في بالي فانت نجحت وبقوه""
حاسه بفراغ كبير جواتي تفاجأة اني للحين عندي امل فيه توقعت بعد قرار امس انتهى بنسبه لي زاد تأكيده مو بس كلام صار فعل حاسه اني مستحيل راح انسى هذا الاسلوب منه صح مقهوره منه وبقوه لدرجة حتى مو قادره ارتاح ع جلسه معينه كل ثانيه اتحرك بس فكرة لثانيه بعمق علاقته مع اخوي ليش مو انا طالع فيني ثواني ووقف السياره ع جنب وقال بجديه""اش الي في بالك""
رفعت اكتافي لاني مو قادره اتكلم لما قررت اروح بيتنا والقى المسانده من اخوي طلع اخوي مسافر حاسه اني ضعيفه طيب ليش ماقال لي من امس كان ع الاقل نمت وهو اساسا صحاني بأصرار قوي يعني ايش ماله معنى الا الشي الي في بالي قال وهو يلف بكامل جسمه بتجاهي وقرب وجهه شوي وقال""ماتشوفين شي بالموضوع ايجابي""
غير انه زاد قناعتي بأن البعد افضل لا حركت راسي بطريقة لا وبقوه وين الايجابي ولا قصده يعني موضوع انفصالنا فهم قصدي زين لما قلت امس اني مااقدر اكون معاه في مكان واحد ولا اهتمامه بأخوي المبالغ خلاه يروح علشان ماازعجه طالعت فيه وانا بلسعة الدموع بعيوني انتظر اي تفسير بس اهم شي مو الي في بالي حسيت بنظرته تغيرت لصدمه تقريبا لما شافني واخذ يدي وحطها بين يدينه وقال وهو يقلب فيها ويطالع فيها""انا من اول ناوي للهديه هذي حتى كلمته انها علي بس امس(ورفع عيونه وكمل)من طريقتك فهمت انك تبغين تروحين بيت اهلك فقلت هذا وقت مناسب علشان ماتطلعين من بيتنا خلينا نتفاهم ع كل شي و ع الوقت الي تحتاجينه بدون ماتروحين بيت اهلك""
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

[فيتامين سي]

ان شاء الله تستمتعون بالقراءه..

..البارت الرابع والاربعون..

كان واضح بوجهه انه جاد بكلامه وقالها بنبرة صوت مخلصه بس منجد كانت صدمتي لما قال كلامه الاخير بنبره قريبه من الترجي يعني يبغى اكون معاه يحاول يعدل علاقتنا هذا الشي كان كبير بنسبه لي كبير بقوه مجرد نية انه يحاول كبيره تحولت نظراتي من الاستماع بتركيز لحب واضح انا الحين عندي الاستعداد والقوه ارجع احاول انا بعد نزلت نظراتي بخجل من الي كان واضح علي ومن نظراته العميقه ومن يدي الي بين يدينه قال رماح بنبرة صوت منخفظه""اوعديني رؤيا""
نقزت بقوه من صوت بوري السياره العالي وطالعت بالسياره الي كانت واقفه تبغى تتحرك واحنا مسكرين عليها بسيارتنا ترك يدي وهو يقول شتيمه صغيره وحرك السياره احسه صار يشتم كثير اخس شي لما يتعود عليها بس بصدق الحين كانت بنسبه لي حلوه لانه كان مايبغاه يقطع عليه عدلت جلستي ورجعت ظهري تنحنح رماح وقال""اش تبغين تاكلين""
قلت بأبتسامه مخفيه""ماابغى شي""
حسيت بقوه وغرور واحساس فريد صراحه لما قال انه يحاول علشان كذا راح استمر بنفس طريقتي هذا الي خلاه ينتبه لي لما تعود ع الاهتمام والحب ماصار يفرق معاه بس لما يأست منه ونويت البعد انتبه لوجودي مع اني غيرت رائي ميه في الميه وان حتى انا ابغى اكون معاه بس راح اوضح اني لسى ع رائي ابغى احس بالاهتمام منه وبنفس الوقت يكون في مكاني قال""ليش""
لاني ابغى اكون في مكان الاهتمام واني للحين ع رائي ومااقنعني كلامه""ليش طيب وديتني المدرسه ماقلت لي من البيت""
صدق كان هذا السؤال في بالي بقوه اش قصده قال وهو يتجاهل كلامي""ماتبغين نطلع مكان انا استأذنت اليوم""
حسيت بشك لما ماجاوب ع سؤال وغير الموضوع فقلت بختصار""لا""
وانا مشغوله بالموضوع ليش مصغر الموضوع ومو مهتم فيه معقوله يلعب علي بالكلام وبس طالع فيني وقال بستغراب""ليش تغيرين جو وانتي اختاري المكان الي تبغينه""
حسيت بربكه وتوتر من احساسي المخربط بكل شي حاسه بامتنان لاهتمامه المفأجئ وبنفس الوقت بستغراب ليش كذا فجاءه وحاسه اني ابغى اطلع بس مو معاه علشان ماتورط ابغى اكون بنفس هذي السيطره ع نفسي ابغى يكون عندي الخيارين وبنفس الوقت حاسه ان في شي بالموضوع مو مريحني ابدا قلت بصوت احسه بعيد وكأنه طالع من مكان قديم""بنام""
متخربطه بقوه ماابغى اخسر هذي اللحظه ولا ابغاها تغير شي بخططي ماقد حسيت بحيره مثل هذي قال""خلاص طيب بليل""
والله اصراره زادني خوف مو متخيله ان رماح يتغير بين يوم وليله اكيد في شي في باله اخذت نفس هو الي اخذ مني الثقه فيه عارفه اني اذا رجعت البيت ماراح انام بس اكون بمكاني وعندي كذا مخرج اذا ماابغى اكون معاه اساسا وين بنروح بهذي الشمس ارتاح ضميري ورجعت ظهري وانا اطالع بالساعه كانت احدعشر ونص ساعه ويأذن الظهر عذر حلو ماراح انام استمر السكوت وانا كل شوي اطالع فيه كان وجهه خالي من اي تعبير وعيونه قدام حتى وصلنا البيت نزلت وهو ماطفى السياره يعني مابيدخل البيت مسكت لساني في اخر لحظه ماراح اسأله وكأني مو مهتمه سكرت الباب ودخلت البيت كانت عمتي جالسه بالصاله فسخت عبايتي وسلمت عليها وجلست جنبها وقلت""اش اخبارك""
قالت""بخير الحمدلله رجعت امس الساعه تسعه ماكنتي في البيت صح""
قلت""ايوه رجعت الساعه احدعشر بليل""
قالت بستغراب""تأخرتي عندهم""
قلت بأبتسامه لاني فهمت تفكيرها""لا هم راحو مطعم وانا جلست عند نجود""
ابتسمت وهي تحرك راسها بطريقة طيب وقالت""سويتي خير وين رماح مادخل""
قلت بعد تردد""مشغول شوي""
قالت""وين رحتو من الصبح""
حسيت فضولها خلاها تتكلم لان واضح ان من اول مادخلت وهي تبغى تسأل بس متردده ليش يعني متردده قلت بأبتسامه واسعه بدون تفكير""رحت مدرسة نجود""
طالعت فيني شوي وبعدها حركت راسها وقالت بأستنتاج""رحتى تأخذين لها اجازه""
يعني تعرف هذي اول فكره جات في راسي تعرف حتى قبلي قلت وانا ناويه افهم منها لان رماح مافهمت منه شي""لا والله رحت اسأل عنها مدرساتها بس طلعت مستأذنه""
لفت علي شوي وقالت بستغراب""وداك رماح""
حركت راسي بطريقة طيب وانا مركزه عليها ابغى افهم من ملامحها بس المفاجأه هي وضحت ع ملامحها اكدت لي انها بعد مو فاهمه ع ولدها قلت بتفكير""ايوه وصحاني من النوم لاني نسيت اعدل المنبه""
وضح عليها التفكير العميق رجعت ظهري وتكتفت وقلت بتفكير بعد""يقول من اول قال ان سفرتهم عليه""
حسيت بشك يزيد اكثر في راسي قالت وهي تقوم""اذا جاء اسأليه""
وقفت معاها وقلت بسرعه""متى قال لك""
قالت وهي تلف علي""امس لما كنت معاه بالسياره""
قلت بسرعه""ماقال شي ثاني""
قالت بعد تفكير""لا مااتذكر ماقال شي بس الدوره الي اعطوه بي(لما شافت ملامحي عرفت اني مااعرف كملت بتردد وانا ابلع ريقي)ماتعرفين ماقال لك صح""
عضيت ع شفايفي بقوه لدرجة اوجعتني منجده رماح هذا منجده قلت وانا احس بصداع قوي بقوه""لا ماقال لي متى بيروح الدوره رماح""
قالت بسرعه وبنبرة تكذب نفسها فيها وهي تقرب مني""اتوقع انه اعتذر اذا ماكلمك يعني ماراح يروح صدقيني""
حركت راسي بطريقة طيب باصرار فهمت الحين يبغى حتى هو يروح دورته ويتركني هنا قال ايش قال خلينا نتفاهم بس بفهم ليش يسفرهم اش يستفيد يأدبني يعني ويخليني هنا انتظره حتى اسلوب عمتي وضح انها ابدا مو معاه قالت عمتي بسرعه""صدقيني رؤيا قال عن دورته لاني زمان سمعته تكلم عنها وسألت بس""
حركت راسي بطريقة طيب بقوه غريبه ع احساسي وشي واحد براسي ماراح انتظره هنا ولا راح اخليه يتهنى بأفكاره يشوف والله يشوف مسحت خدي بعنف وقلت""بذمتك ياعمه ماتقولين لرماح انك قلتي لي اكيد نسي بشوف متى يقول لي""
قالت""صدقيني اذا ماقال لك يعني اعتذر من زمان لان السالفه قديمه صدقيني""
ابتسمت من اسلوب عمتي السريع وكأنها تبغى تدخلها راسي بالغصب قلت اطمنها هي ليش خايفه كذا انا ماعندي شي اسويه ماعندي حتى ردة فعل مثل الناس اذا بتخاف تخاف علي انا من رماح بنبرة صوت هاديه""مو مشكله راح نتفاهم اذا فيه او مافيه""
هذي نتفاهم قلتها بنفس المعنى الي قالها لي بالسياره يعني نتفاهم
قالت عمتي بشبه راحه""لا تأخذين ع خاطرك لو بيروح اكيد بيكلمك تتجهزين""
اتجهز ضحكتني حاسه اني الحين بجد بجد اني فاهمه عليه والشك كان احسن لي من التصديق كانت راح تكون صدمتي اكبر لو صدقت واندمجت معاه المخادع اوكي كذا انا مركز القوه انا عارفه اش بيسوي بس هو مو عارف اش بسوي يمكن ابالغ بس ماراح امشيها اخذت عبايتي والجوال الي جنبها
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

[فيتامين سي]

ان شاء الله تستمتعون بالقراءه..

..البارت الخامس والاربعون..

قلت لعمتي الي تطالع فيني بهتمام""خلاص طيب بتكلم معاه بعدين""
ودخلت الغرفه حاسه الحين اني بايعته بمعنى الكلمه لا بتكلم ولا بفتح معاه موضوع ولا حتى بشوف وجهه جلست ع طرف السرير وانا مو مصدقه ان هذا هو الي كنت احلم فيه ليل ونهار كنت خايفه من تفكيري فيه اغلط والحين لما صرت زوجته ماافكر فيه بنفس الطريقه وهو السبب لو اعرفه من بعيد مثل اول كان استمر حبه بس الحين مااقول انه انتهى او خف مدري شعور اني ابغى ابعد عنه وارتاح طاغي ع كل شي ثاني بس ابغى اريح عقلي من تفسير كل حرف ابدا ماكانت عادتي ولا كان اسلوبي هو علمني وقفت وفتحت الباب ع خفيف اشوف عمتي لما تأكدت انها مو بصاله طلعت بسرعه للحوش ولبست عبايتي فيها وجوالي لسى بيدي ندمت اني ماحطيته خلاص بأخذه معاي انا خلاص ماابغى اكون جالسه هنا وبغرفته وانتظر منه يتكرم ويلتفت علي بدل مايروح هو لدورته انا اروح اذا يبغاني انا بحد ذاتي يجيني وانا عارفه انه بيجي علشان امه وعلشان صاحبه وعلشان البيت فاضي علشان كذا ماراح افرح او اهتم لاني عارفه انها مو لي مثل ذيك المره كل مااتذكرها احس نفسي غبيه وشعور لما سمعته يكلم امه ان شاء الله مااجربه مره ثانيه الوحده المفروض تشرط ان يكون لها بيت وحدها مع ان عمتي مافي احسن منها والله بس ماابغى يجي لي عشان امه تغطيت وطلعت مع باب الشارع يمكن الموضوع فيه خيره اكون وحدي بدون ضغط من اخوي لا بالكلام ولا بالاحساس ولا لما يتكلم عن رماح كذا احسن دخلت بيتنا وغريب عن العاده سكرت باب الشارع لو يدري حامد بيخاصم بس هو مسافر وبعيد انا متعوده بهذا الوقت دايما اكون وحدي علشان كذا مافي شي غريب علي خليني ارجع لجوي الاول وحياتي الاولى سكرت الباب بالمفتاح الي اخذته من مكانه المعتاد فسخت العبايه واخذت نفس احس اني هربانه منه حتى مااخذت معاي لبس ولا شي بس يمكن كذا يجي في باله اني برجع لان اغراضي ماشلتها احسن حتى مايجي ويحاول كان هذا الكلام من ورا قلبي كذا ماراح يحاول يراضيني كذا بيخليني حتى ارضى من نفسي وارجع بس انا ماراح ارضى ولا حتى بمحاولاته راح ارضى الا اذا كانت قويه جلست بالصاله ورجعت ظهري وغمضت عيوني حتى لو ماقلت لعمتي بيعرف اني هنا ليش يعني حاولت ماتشوفني رماح ماراح يقلق علي ولا راح يفكر مثل العاده ماراح احط عليه اي توقعات طالعت بارجاء المكان مااكلت شي احس اني جيعانه قمت ودخلت المطبخ توقعت لما ارجع هنا بقرار ثابت راح اكون مستقره ومرتاحه لما كنت هناك وقررت ارجع حسيت براحع بس لما جيت ماحسيت فيها حسيت اني مضيعه وقتي وان في كل يوم انلعب علي او انسحب علي مو حياه الي عشتها كانت تجربه فاشله بكل معنى لهذي الكلمه فشلت بتمسكه فشلت بثقته فشلت باهتمامه ولا لحظه حسيت اني قريبه منه ولا لحظه وحده رجعت ظهري ع الجدار وغطيت عيوني بيدي مافي ولا لحظة تشارك بيننا ولا لحظة تفاعل كنت الطرف الوحيد بهذي العلاقه كنت اعطي واعطي ولا شي بالمقابل تذكرت كل احساس عيشني اياه كانت اكثرها مو حلوه معقوله بعد فتره اصير مااحب اتذكر هذي المرحله من حياتي ولا ابغى احد يذكرني فيها ولا افكر فيها معقوله لان مافيها شي حلو جلست ع الارض وانا اطلق دموعي واعطي الحريه لاحساسي خليني اطلع كل شي خلاص انتهت هذي المرحله وانتهى رماح من حياتي اذا خليني انهيها بطريقتي وهي الدموع والاستسلام كنت كل مااسترجع موقف تزيد دموعي ويزيد احساس النقص جواتي كل شي يذكرني بضعفي قدامه ولا يوم حسيت اني تصرفت مثل مايقول لي عقلي بديت من اول مره حسيت بوجوده من اول سالفه لفتت انتباهي له حتى تذكرت لما قال لنجود يوم اعطته المحفظه الي نسيها بالمجلس عندنا بمعنى كلامه اتذكر انه احسن من بعض ناس تفتش باغراض الناس ابتسمت وانا ادخل هواء لصدري بعمق احس انها من زمان احس اني كنت بذيك الفتره سعيده وكنت احس نفسي حياه عايشه مو الحين احس اني كبرت بالعمر سنوات وين نشاطي وين حماسي ووين تركيزي ووين اهتمامي حاسه اني مجهوده بقوه عندي اسبوع استرخي فيها استرخاء تام ماراح اشوف ولا اكلم احد راح اعرف اش ابغى وراح اتحمل نتايجه قمت وانا امسح وجهي من الدموع احس اني الحين ارتحت شوي اخذت نفس ثاني عميق وفتحت الثلاجه اسوي لي فطور ماابغى اطبخ الي موجود بطلعه واكله ان شاء الله شلت فطوري وحطيته بصاله اليوم بدلل نفسي لاخر درجه مو محتاجه تدليل من احد صح دايما اقول اني اذا بعدت برتاح وكاني تفكيري بمزاجي بس مو مشكله بشغل نفسي حتى لو بشي تافهه شغلت التلفزيون وعليت الصوت بزياده واكلت وعيوني بالتلفزيون وتابعت بدون هدف لما خلصت شلت الصحن وحطيته بالمطبخ بدون مااغسله بس رجعت الاغراض الثلاجه ماراح ارتب شي برتاح دخلت غرفت نجود وفتحت دولابي اشوف الملابس الموجوده لاني بعد مااصلي الظهر ان شاء الله بأخذ لي دش طويل كانت ثلاث ملابس وبس وقديمه بس راح البسها انا وحدي هنا مع اني في البدايه فكرت اهتم بنفسي بزياده وضيت وصليت بالغرفه واخذت ثوب ورحت لتلفزيون وعليته اكثر ودخلت الحمام بس ابغى اغير كل شي اليوم بعد وقت طويل طلعت بدون مااجفف شعري وقفت عند باب الغرفه وانا مو مرتاحه من الثوب بس يمشي الحال ودخلت المطبخ ولقيت ايس كريم رجعت شعري بحماس واخذته ومشيت وانا اقلب فيه بعني اكيد لما يرجعون ماراح يسألون عن شي وانا موجوده هنا جلست بالصاله وخفظت الصوت شوي وقلبت حتى استقريت ع قناه وتو بديت اكل بالايس كريم سمعت جوالي يدق رفعته من ع الطاوله كان رماح الي يدق بكل برود ظاهري فقط قفلت بوجهه وقفلت الجوال مره وحده بعد ماشفت ان له ثلاث مكالمات شكل لما كنت بالحمام ورميت الجوال ع ابعد كنبه مع اني احس بديت اسوي لنفسي جو بس بعد اتصاله حسيته خرب علي جوي وشغل بالي بيجي ولا لا قالت له امه انه دريت بسالفة دورته قالت له اني هربت بدون ماتشوفني خفظت الصوت بزياده ورجعت ظهري وانا اكل بشهيه كل تسألاتي ايوه ولا لا اش تفرق عندي مو قلت انه خلاص انتهينا من هذي المرحله خلاص بس كان هذا كلام فقط ماقدرت انفذ كلامي بالحرف الواحد حاسه اني مو بالقوه الي ادعيتها مجرد اتصال منه زعزعني كيف لو جاء اش بسوي ماعندي الا التجاهل مدري هذا يعتبر حل ولا لا توقعت الصبح انه حل لان اسلوبه تغير معاي بس طلع قاصده وتخطيط منه يعني يمكن مايكون حل معاه طيب اش بيسوي اذا تجاهلته شلون بيتصرف لما اكتفيت رجعته الثلاجه وطالعت بالمطبخ وقت ادور لي ع حاجه وبنهايه اخذت لي كوب مويه ورجعت جلست وانا اطالع بالساعه كانت وحده ونص ياربي وانا ع بالي مر وقت طويل تأففت ماعندي شي اسوي طيب وين اروح ماعندي صاحبات ولا معارف لزيارات تذكرت قد قالت لي عمتي انها راحت محاظره في دار تحفيظ قران قريب من هنا حلو حسيت بفرح ان جات هذي الفكره في راسي زمان فكرت اروح بس كنت احس ان وقتي مشغول ولا راح اركز معاهم وحفظت في البيت جزء عم بروح واكمل جزء ثاني راح استفيد ان شاء الله ماراح اضيع وقتي وراح انشغل حسيت انها فكره جهنميه انا مستغربه انها جات ع بالي احس اني اكتشفت اني غبيه علشان كذا مستغربه اخذت الريموت وخفظت الصوت اكثر وكأنه ازعجني او بالاصح والاصدق والامانه انتظر اسمع صوت الباب وماابغاه اذا دق يسمع صوت التلفزيون وماطال انتظاري سمعت دق الباب
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(استغفر الله العظيم واتوب اليه اللهم عافنا واسعدنا ووفقنا وارزقنا من حيث لا نحتسب اللهم حقق ما نتمنا..امين)

[فيتامين سي]

ان شاء الله تستمتعون بالقراءه..

..البارت السادس والاربعون..

حسيته طرب دقه للباب مع اني عارفه ومتوقعه انه بيجي مو علشانه او علشاني اسباب ثانيه بس جيته بحد ذاتها فرحتني ع الاقل ان في سبب عنده يخليه يجي طفيت التلفزيون كذا ارتحت دخلت غرفة نجود وانسدحت ع سريري انا متأكده اني قفلت باب الشارع كيف دخل مااهتميت كثير غمضت عيوني بنام حتى الساعه ثلاثه وراح اصحى ان شاء الله استعد هو مو بعيد كل مامريت من عنده بالسياره احسه قريب واتذكر ان وداها رماح فأستغرب بس انا بروح وحدي ان شاء الله بس يمكن مااصحى وانا ابغى من اليوم ابداء ماعندي الا منبه الجوال المنبه الي كان عند سريري مو موجود مدري وينه قمت وطلعت الصاله بشويش ماسمعت الدق مسرع يأس مايأس طفش لان عرف اكيد اني هنا من باب الشارع المسكر ماعلينا دق ولا لا ماراح ارد فيختصر ع نفسه كنت اقنع نفسي بهذي الافكار رفعت الجوال من ع الكنبه وفتحته وانتظرت ثواني وجاتني المحاولات من رماح خمس مرات بس مسحت الرسايل دق الجوال وهو بيدي كان رماح راح اسكر عليه كل الطرق انا عارفت اني من كلمتين برضى وانسى الموضوع وانا ماابغى كذا ابغى اتغير نفسي كل كلمه او تصرف يحاسب عليه خوف من زعلي ابتسمت وانا اشوف اسمه رماح ويخاف من زعلي وكأني اقول الطير يسبح بالبحر طيب دام عارفه هذا الشي ليش ماتسكرين في وجهه ليش ماتردين ع الباب وتقولين مابفتح ليش تفضلين يفكرك نايمه وماسمعتي وتبغي يحس بزعلك جلست ع الكنبه ولاتصال وقف اخذت نفس والله اني ابغاه يرجع يتصل مسحت وجهي وانا احس اني مو قويه لا مو قويه لاتخاذ كذا قرار ليش مو قادره اشيله من تفكيري يمكن علشانه اول يوم وبس مع الوقت راح انسى وراح احاول بس الي غريب بالموضوع ليش حاسه ان حامد مشترك معاه حتى هو يسافر ويتركني هنا مايعرف ان مالي احد قمت والجوال لسى بيدي شكله مافكر يتصل مره ثانيه مرت كم دقيقه بدون مايتصل دخلت الغرفه وعدلت المنبه وانسدحت اذا دق اكيد راح اسمعه واصحى نمت وهذي فكرتي الاكيده وكأني للحين انتظر اتصاله..
صحيت ع صوت المنبه وبعد كم ثانيه اول فكره خطرت في بالي انه مااتصل قمت دخلت الحمام وطلعت ووقفت قدام المرايه ماراح انزل العبايه راح اعرف الوقت والنظام وارجع ومن بكره ان شاء الله راح ابداء معاهم يعني مايحتاج اتعدل طلعت من الغرفه ووقفت بالصاله شوي وبعدها دخلت المطبخ وسويت لي غداء سريع واكلت بالمطبخ وانا اطالع بكل زاويه في المطبخ كذا احساس بملل وبعدم فايده متملكني مااحس اني افرق عند احد بس مع السلامه اذا كنت راضيه عن نفسي مع السلامه وان شاء الله اذا رجعت اليوم بعد مااشترك راح اكون راضيه عن نفسي ان شاء الله وماراح اقطع احد راح اتواصل وراح اكون علاقات وطلعت من المطبخ وفتحت غرف البيت كله طبعا من غير غرفة حامد بدون ماارتبها مثل العاده ودخلت الغرفه وجلست امشط شعري وبعدها صليت وجلست بالصاله ماراح اروح الحين كذا ساعه ان شاء الله واطلع شغلت التلفزيون وجلست عليه حاسه بالوحده وحاسه بملل مو طبيعي وليش كل هذا التجهم خلاص انا تعبت من كثر هذي الاحاسيس البايخه اذا رجع اخوي ان شاء الله راح يعرف يتصرف معاه لما في بداية زواجي عصب لما عرف انه داوم كيف لو اجمع كل تصرف وكل كلمه راح يقاطعه شي جواتي قال لي واذا ماوقف معاك ورماح برر له من عقله وحامد صدقه شلون بتتصرفين نفيت هذي الفكره من راسي بسرعه وقمت ع اني بستعد مع ان بقي ساعه مثل ماقلت اخذت عبايتي وبعد وقت من عيوني ع الجوال محتاره اخذه ولا لا تركته وطلعت من الغرفه اش بستفيد منه مو حامد مقفل جواله طلعت ورجعت جلست بالصاله احس حركتي كثير من غير معنى وكأنها تعكس توتري الخفي خايفه من كل شي خايفه من روحتي وحدي خايفه من رماح مايصدق ع الله وخايفه اكثر شي اني اندم ع قراري بس راح اجرب وراح اتشجع حتى لو كذب قلبت حتى استقريت ع مشهد من فلم شدني كان بنت وولد جالسين بغابه ع المغرب توقعته رعب من التصوير فجلست اغير جوي واشد اعصابي ع شي ثاني بس بعد وقت طلع رومنسي وهم طالعين رحله ندمت اني شغلت التلفزيون حتى طفيته وانا لسى عقلي مع الفلم واقارنها من غير مااحس بحياتي بنص الافكار قمت بسرعه لاني تعمقت بزياده واخذت عبايتي ودخلت المطبخ صبيت لي عصير بكوب شربته وانا افتح باب الصاله بعد الفلم ماكنت مهتمه قوه اني اتهرب من رماح او احاول اجيب الوقت المناسب الي اطلع فيه وانا متأكده انه مو موجود وكلمه وحده ارضي فيها نفسي ماراح يجي ماراح يجي كان الجو تمام يعني يمديني اروح الحين بس الحين بس كم الساعه الحين بسرعه دخلت واخذت الجوال من الغرفه وطلعت وكأني ماصدقت القى عذر اشيله معاي اشوف الساعه كم فتحته كانت الساعه خمسه ودقيقتين لهم ساعه من فتح لانهم حتى العصر يصلون فيه يعني حتى تأخرت بعد ماقريت الاذكار قفلت باب الصاله بالمفتاح وشلته معاي وطلعت من البيت بعد ماقطعت مسافه والله بعيد مو مثل ماتوقعته بديت احس بالخوف وشكيت في مكانه بس بعد مالفيت وشفت اللوحه حسيت براحه بس لما وصلت الباب حسيت بتوتر شوي لاني اول مره اسوي شي وحدي سميت بالله ودخلت سلمت وتعرفت ع الموجودين تعريف سريع بعد ماسجلت وهي كانت خيارين اما تمشين سوره سوره معاهم او انتي تحفظين الي تقدرين عليه وتجين و ع كيفك بالايام واخترت الثاني لاني ماابغى سوره سوره ابغى بسرعه واذا قدرت احفظ جزء ثاني وطلبت جزء الملك مع مراجعة جزء عم كذا ارتحت حسيت ان نظامهم حلو ومعطينا كامل الحريه بالخيارات لان ناس كثير ماشاء الله ومافي وقت لنشاط الصيفي مع اني متأخره الا انهم قبلوني ارتحت للمكان وحبيته ان شاء الله استفيد استأذنت وقلت من بكره ان شاء الله بأبدا معاهم وراح اوصل لهم وقتهم من صلاة العصر حتى بعد صلاة العشاء وفي محاظره بعد الصلاه دايما واذا جلسنا لها فينتهي الساعه تسعه تغطيت وطلعت من الدار وانا احس اني انجزت شي الحمدلله رجعت البيت بثقه غير وانا رايحه صح المسافه طويله العصر عادي بس العشى عادي اطلع مع وحده يكون بيتها قريب يمديني لما وصلت لبيتنا طالعت بجهة بيتهم لقيت سيارة رماح الي واقفه عند بيته للحين في البيت ولا مره سواها وانا موجوده والحين اخذ راحته وكأني كنت ثقيله عليه وهذا اصعب فكره جات ع بالي لا والله الا جات ع افكاري اشياء كثيره مره تعوذت من الشيطان ودخلت البيت ماسكرته ماهتميت لما طلعت من البيت كان مفتوح معد تفرق اهم شي اني اسكر باب الصاله زين فسخت نقابي واخذت نفس من المشوار الطويل معاها حق لما تروح مع رماح صعب المشي بس انا بروح وارجع كل يوم ان شاء الله وماراح يصير شي ان شاء الله فتحت باب الصاله وانا اسحب الطرحه دخلت وقبل مااسكر باب الصاله في شي منع سكرته رماح اسكره لامه دخل بنص جسمه وقال بحزم""بدخل رؤيا""من غير مااحس حاولت اسكر الباب
..نهاية البارت..
..عافاكم..
..عجايب..
الحمدلله.

..بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

[فيتامين سي]

ان شاء الله تستمتعون بالقراءه..

..البارت السابع والاربعون..

من غير مااحس حاولت اسكر الباب بقوه بس رماح كان اقوى فتحه كله طالعت فيه انا ماشفته ولا حسيت فيه يعني دخل البيت وراي بدون مااحس فيه لما رجع لي وعي الحقيقي اعطيت الباب ظهري ومشيت بتجاه المطبخ وانا اقول بصوت هادي""ادخل وسكر الباب بعدك""
عارفه ان دخل قبل مااقول بس ابغى يحس ان برضاي دخل مو غصب عني وبأسلوبي يوضح اني مو زعلانه احتاج رضوه مشيت بتزان حتى قربت من المطبخ بأخر خطوتين سرعت دخلت المطبخ وانا احس دقات قلبي سريعه ليش جاء واش يبغى يقول هذا السؤالين المعتادين بس السؤال الغريب الي خطر في بالي ليش شال عوارضه كانت حلوه تعجبني عليه ومتى شالها في اي وقت اخذت كوب وانا افتح الثلاجه شفت رماح دخل المطبخ صبيت لي عصير ورفعت عيوني له وقلت""تبغى عصير""
كانت ملامح وجهه تدل ع عدم الصبر علشان كذا تفاجأة لما حرك راسه بطريقة ايوه قلت بثقالة دم مقصوده""شوف الكوب بالدولاب جيبه""
ماني عارفه ليش كل هذا التوتر الي حاسه فيه وكان الجو مشحون بسالب حاسه بضغط كبير كيف يفهم اني ماابغى منه اي كلام ابغاه يبعد وبس نزلت عيوني بالثلاجه بعد ماشفت عضله بخده تنبض وكانه بالغصب ماسك اعصابه زاد توتري وانشدت اعصابي لاخر درجه دامه كذا مو متحمل ليش جاي يهدد ويخاصم يعني شفته بطرف عيوني مشى لدولاب اش فيه طريقته كانه يمشي الموضوع ينتظر شي لفيت نص جسمي ووجهي كله لما وقف وراي ومديت يدي اخذ الكوب وعيوني بيده مسكته بس هو ماتركه لسى ماسك فيه رفعت عيوني بعفويه اشوفه ليش ماسكه لما جات عيوني بعيونه قال بصوت منخفظ عاتب""ليش طلعتي من البيت""
كان واضح عليه انه ينتظر الاجابه باهتمام قلت بتسأل بعدم فهم وانا اسيب الكوب وانزل يدي""ليش رحت الدار""
غمض عيونه ثواني ورجع فتحها ومد ذراعه ومال علي شوي وحط الكوب بالثلاجه ورجع عدل وقفته واخذ من يدي كوبي الي مليان عصير ولانه احرص عليه من كوبه الفاضي مال علي بزياده لدرجة صدره لمس كتفي كورة يدي بقوه حط الكوب ورجع عدل وقفته وحط يده ع كتفي ولفني عليه وصرت مقابله له وكل هذا مر وكان احساس واحد متملكني وهو الانتظار ماني فاهمه عليه كل شي منه انتظره رفعت عيوني له وانا شاده ع اسناني ماراح اضعف قال بصوت مستفسر""لا ليش طلعتي من بيتنا وانا قلت لك نتفاهم والوقت الي تحتاجين له انا راضي ليش طلعتي""
تذكرت اسلوبه بالسياره لما قالها وتذكرت كلام عمتي ضغطت ع اسناني اكثر وانا اطالع فيه بحده وانا اهز رجلي مو قادره اتحمل شوي واخفي شعوري قدامه ليش تطلعين مافهمت شلون يبغانا نتفاهم بالحلم يعني مو هو رايح الدوره وبدون حتى مايذكرها وحتى لو رفضها خلاص اسلوبه مايحتمل قلت وانا اضغط ع كل حرف علشان توصل لعقله""مايكفيني العمر كله عندك صبر ع كذا""
قال بسرعه وهو يمرر كفه ع اكتافي""ليش صدقيني راح تنسين بفتره قصيره""
سكرت فمي بقوه وبعدها قلت بصوت منخفظ""واثق""
مع كل عصبيتي من كلامه حركت يده اخذت حيز مني ثبت يد ع رقبتي وهو يقول""الصبح كان عندك استعداد""
حسيت انه يضغط علي بحركات يده سحبت يده من ع رقبتي ويد الثانيه من ع كتفي وقلت وانا انظم انفاسي""تغير الوقت""
طالعت بيدي الي ماسكه يدينه وبعدها سحبها وتكتف وقال بشوي رسميه وكانها قربت تطلع حقيقته""والسبب""
تكتفت انا بعد وانا احس بالقهر والعصبيه من حركته من اول ماصديته رجع لطريقته العاديه وكانه كان يلعب علي بس وقلت بدافع قهري مع اني توقعت انه اسلوب بس والله انقهرت لاخر حد انا مو لعبه وبذات بهذا الوقت الي المفروض يكون نابع من نفسه""السبب اني معد ابغاك وقررت ان الطلاق هو الحل""
حتى بعد ماقلت هذا الكلام كان وجهه خالي من اي معاني جامد وبس ابغى اقهره انا بتركه بتركه ليش مااقول الي في خاطري عليه ماراح اخسره لانه بالاساس مو لي كملت بعد ثواني لما ماعلق قلت ابغى الطلاق ولا نهاني بقوه ولا ردة فعل واضحه وكأن الفكره معقوله بنسبه له قلت بنبرة صوت منخفظه بس كان واضح اني اقصد كل معنى حرف من الكلمه وانا اطالع بصدره""انت اناني ماتفكر الا بنفسك وبمصلحتك من اول يوم بزواجنا وانت قلت عني كلام قدام اخوك وامك وانت حتى ماتعرفني بحجت ايش اني ماطلعت لك ليش مااعتبرته خجل وجيت انت لي وثاني يوم قلت لي تعالي غرفتي نامي فيها بدون ماتراعي شعوري وقلتها بدون اسلوب ليش مااعتبرت اني خايفه وقربت مني شوي شوي وثالث يوم قلت لي انك بالقلب غيرك واني لا احاول اكسبك(حكيت بين حواجبي وكاني امنع الدموع تتجمع بعيوني)ليش مااعتبرت اني انسانه ولي شعور واحتفظت بهذا الشي لنفسك ورابع يوم جيت لي هنا مثل الحين علشان امك قالت لك تراضيني ليش ماتعتبرني......(ماقدرت اكمل الغصه وقفت كلامي حركت راسي بطريقة ايوه وانا اطالع بالارض بعد ثواني من السكوت كملت بصوت منخفظ مره بس ينسمع)ليش ارجع لك""
حط يده الثنتين ع خدودي ورفع وجهي طالعت فيه كانت نظرة عيونه غريبه مافهمتها لانها مستحيل يكون هذا الي واضح بعيونه الندم ابتسم بسخريه وهو يقول وهو يرفع نظره بشكل مستقيم""شايله علي كثير""
قلت وانا حاسه بارهاق كبير ابغى هذي المهزله تنتهي تعبت والله""واكثر من تتوقع""
حرك راسه بطريقة تفهم وقال وهو يحرك ابهامه اليمين ع خدي وعيونه ع اصبعه""واستاهل""
استمر السكوت وقت وهو كانه يفكر بشي وعيونه لسى ع اصبعه كنت حاسه ان ودي ينتهي هذا الموقف وخلاص لما قال استاهل في شي جواتي مارضي ع كلمته ليش يأس اخذ نفس واضح ورفع عيونه لعيوني ورفع يده لشعري وسحب الشعر لورا بيده الثنتين ومسك راسي من ورا وبهذي الحركه قرب وجهي منه وقال وهو ينتقل من عيون لعيون""رؤيا انا عارف ان حياتنا كانت اكثرها غلط بس كان فيها شي صح ماتنكرين انها مو غلط كلها(حسيت من تركيزه ع هذا الكلام يوضح لي ان في غلط وماتوقع هذي النهايه بس مين الغلطان بنظره انا ولا هو)ومع كل هذا انا ابدا مو ندمان لثانيه اني تزوجتك رؤيا ولو يرجع الوقت راح اكررها""
طالعت فيه بعمق وتركيز وانا حاسه بقلبي بعدت دقاته وانخفظت كان كلامه توديع قلت بدون تفكير""يعني خلاص وكلامك جائزة ترضيه""
كان هذا احساسي والله صادق او لا بكلامه قاله بوقت غلط وكانه وهو طالع يمدح العشى ويشكرهم ع كرمهم كان احساس بشع جدا قال رماح بسرعه وهو يقرب راسي منه اكثر""اش هذا العقل الي معاك""
قلت باندفاع وانا احس بلسعة الدموع بعيوني""ادري غبيه""
اني حبيتك من البدايه حاولت بعنف ابعد يده الثنتين الي كانت ماسكه راسي بس هو نزل يده لبداية ذراعي وثبتني قدامه مع حركتي البسيطه وقال بصوت تأكيد رقيق""مو غبيه بس بريئه رؤيا(اخيرا قالها اني مااعرف شي الا معاه ولا عاد يشك فيني وبنوايياي ابدا ياليته عند كذا وسكت بس كمل)من بعد اليوم وانا اشوفك داخله دار التحفيظ قررت انك تستحقين الثقه كلها""
عضيت ع شفايفي بخفيف وانا طالعت فيه ثواني بتفحيص وقلت""شكيت فيني ومشيت وراي حتى شفتني دخلت الدار""
كنت انتظر اجابته بدون ماافكر بالاحتمالات كنت انتظر كلمة لا وبس قال بعد ثواني وهو يطالع فيني بتركيز وكأنه مو متوقع ردة فعلي""ايو...""
بدون مااخليه يكمل كلمته او يبرر لنفسه وموقفه اندفعت بقوه بتجاهه وضربته بيديني الثنتين بكل مكان توصل له يدي وانا اصيح من القهر
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(اللهم اغننا بالعلم""وزينا بالحلم""
وأكرمنا بالتقوى""وجملنا بالعافية""
اللهم فرغنا لما خلقتنا له""ولاتفرغنا لماخلقته لنا""
ولاتحرمنا ونحن نسألك""ولا تعذبنا ونحن نستغفرك""
اللهم إنا نعوذ بك من قطيعة الأقرباء""ومن جفوة الأحباء""وشماتةالأعداء""
اللهم اجعلنا من الذين""إذا أحسنوا استبشروا""وإذا أساؤوا استغفروا ...امين )

[فيتامين سي]

ان شاء الله تستمتعون بالقراءه..

..البارت الثامن والاربعون..

يخرب دايما يخرب كنت اضربه بقبظة يدي في اي مكان توصل له يدي وهو لثواني بسيطه ماكان عنده ردة فعل بس بعدها مسك كفيني بيدينه بدون مايقول كلام لما ثبت يديني رفعت عيوني وانا احس اني ارتجف من الغيض قلت بحده""سيبني""
وانا احاول ابعد عنه وتنفسي واضح حرك راسه بطريقة لا بدون مايتكلم او يتحرك كانت ملامح وجهه مشدوده صح بس بدون عصبيه لما حرك راسه جن جنوني حسيته يتحداني شوته بساقه بقوه بس هو رجع خطوه وهو لسى ماسك يدي وقال""كنت متوقع""
ورجع وتقدم هذي الخطوه وحط رجله ع رجلي اليمين الي شوته فيها وثبتها بالارض نزلت عيوني بسرعه اطالع برجله مع انه مو ضاغط ع رجلي بس مثبتها في مكانها بس لما طالعت تحت تفاجأة اني لسى بعبايتي بس مااهتميت قلت وانا احاول اسحب رجلي""اااي اوجعتني""
قال بهدوء""اذا حاولتي بتوجعك حقيقه""
رفعت عيوني بسرعه وحده يهدد قلت وانا احس اعصابي فلتانه يستعرض قوته علي""اطلع من البيت الحين""
شديت ع اخر كلمه ومن عصبيتي احس ان عروقي طلعت كلها قال بهدوء ولمحة استمتاع""رجع عقلك""
اخذت نفس ووقفت المحاولات من يدي ورجلي مستمتع بالوضع وهو يشكك بأخلاقي مستمتع وانا اقول له ابغى الطلاق حسيت بضعف مفاجئ حسيت بوهن بكل عظامي كانت عصبيتي الي شاحنه قوتي بس الحين تحولت العصبيه لاحساس فاضي فارغ وقلت بصوت منخفظ""اطلع""
اخذ نفس واضح وهو يشيل رجله من ع رجلي بس ماترك يدي خفف الضغط بس قال بسؤال""تبغيني اطلع""
حركت راسي بطريقة ايوه بدون ماافكر اطلع من حياتي كلها ضغط ع اسناني وشعور الضعف مسيطر علي قال بصوت رقيق حاني""رؤيا""
كان اخر شي اقدر اتحمل كنت محتاجه حنان وبذات بهذي اللحظات محتاجه احد يطمني ان كل شي بخير وان الامور بتتعدل وان الي نمر فيه شي طبيعي وبنتفاهم رفعت عيوني بشويش البي ندائه كانت ملامح وجهه متسامحه لاخر درجه رفع يديني الي ماسكه وحطها ع اكتافه وتقدم خطوه وعدم المسافه الي بيننا وحضني ورفعني عن الارض مسافه بسيطه وقال بصوت هامس وخده ع خدي""محبوبتي رؤيا""
حوطت رقبته وانا مغطيه عيوني بكتفه كنت هذا الي محتاجته ضغطت ع يدي اكثر وانا اتنفس ريحته قال بصوت اجش""انتبهي لنفسك""
ونزلني ع الارض بشوية خشونه نزلت يدي جنبي وهو طلع من المطبخ بخطوات سريعه لما سمعت باب الصاله تسكر بقوه عرفت انها اخر مره اشوفه فيها اعطيت المكان الي كان واقف فيه ظهري كان شي نفسي بس لقيت الثلاجه مفتوحه للحين اخذت كوبي الي فيه عصير وسكرت الثلاجه بدون مااطلع كوبه وطلعت من المطبخ كنت امشي بخطوات بطيئه جلست ع الكنبه الي بالصاله واخذت الريموت من ع الطاوله بعد ماحطيت الكوب وجلست اقلب
بسرعه قويه لدرجة قبل ماتجي الصوره حتى طاح الريموت من يدي بدون قصد رفعت رجلي وحطيت راسي ع ركبي وبكيت بكيت كل حياتي معاه وبكيت عن كل الناس لما هديت حسيت راسي ينبض بقوه يوجعني ضغطت بيدي عليه اخفف الالم رفعت عيوني لساعه كان باقي ع الصلاه اقل من ربع ساعه قمت ودخلت الغرفه فسخت عبايتي الي للحين كانت علي وفتحت الادراج ابغى لي حبه تخفف هذا الصداع مالقيت شي دخلت الحمام غسلت شعري مع التدليك سمعت انه يخفف بس مااستفدت شي طلعت صليت وبعدها انسدحت ع السرير بعد ماطفيت النور وبدون مااشغل المكيف تقلبت تقلبت حتى سمعت اذان العشى وراسي مااخف المه قمت صليت لاني متأكده من وضوئي ومافيني اوضي وبعدها رجعت انسدحت بدون مااحس باي تطور يوجعني راسي بقوه بعد كم دقيقه قمت ورجعت ادور بالادراج اتأكد وماكان فيها شي يمكن بغرفة حامد مع اني ضد هذي الطريقه وغلط التفتيش بس مع الالم هذا ماكان عندي حل بس لما فتحت الباب ماانتفح لي كان مسكر بالمفتاح تنهدت ورجعت الحمام اغسل شعري وادلكه ماعندي الا هذي الطريقه رجعت انسدحت ع وجهي علشان يخف الالم تعبت والله بعد عشر دقايق يمكن من التقلب يأست انام ويأست يخف الالم طلعت من الغرفه وجلست بالصاله بتسلى علشان انسى بس لما طلعت علشان الانوار زاد صداعي طاحت عيوني ع الجوال اخذته وطالعت فيه شويه اتصل ع مين لو مسجله مين يعني اسجل اتصل ع الصيدليه ويجيبونه لين البيت فاضين لي طالعت بالساعه كانت تسعه بتصل ع البيت بهذا الوقت زيدان موجود بالبيت فتحت الجوال مسجله انا رقم التلفون من غير تردد اتصلت ع التلفون بس لما سمعت صوت رماح يقول""الو""
رجعت سكرته مستحيل اطلب منه مهما كانت حالتي خلاص هو انهى علاقتنا حسيت الصداع زاد ضغط بيدي ع راسي وانا اطالع بالساعه بعد دقيقه بدق بس ماقدرت اتحمل رجعت اتصلت بعد ثواني ورد علي زيدان طرت من الفرحه لما قال""الو""
قلت بستنجاد""زيدان ابغاك تروح الصيدليه تقدر""
بعد سكوت شوي قال""مين معاي""
قلت ودموعي تتجمع بعيوني""انا رؤيا""
قال""رؤيا اش تبغين طيب""
ماني عارفه كيف شرح لهم رماح الي يهمني الحين يجيب لي الحبوب قلت""ابغى حبوب الصداع""
قال""اي نوع""
قلت""اقوى شي الله يخليك استعجل""
قال""طيب يلله مع السلامه""
قلت براحه""مع السلامه وشكرا""
وسكرت دقايق راح اتحملها ان شاء الله حطيت الجوال ع الكنبه ودخلت الغرفه وانسدحت ع السرير هنا احسن غمضت عيوني وانا حاطه ذراعي عليها كنت احسب الوقت انقلبت ع صدري ودفنت وجهي بالمخده بعد كم دقيقه سمعت باب الصاله ينفتح فرحت اني نسيت مااسكر الباب بعد ماطلع رماح لان مافيني اقوم لما دخل زيدان الغرفه قلت بضعف""تكفى جيب كوب مويه""
وانقلبت ع ظهري وانا لسى مغمضه عيوني فتحت عيوني لما قال""هاك""
كان رماح مو زيدان بس كنت من الالم ماافكر بشي غير بالحبوب لي كم ساعه وانا صابره ع الالم جلست واخذت الحبه والكوب وبلعتها وحطيت الكوب ع الطاوله وانا ارجع انسدح بس ع صدري فهمها كانت واضح له اني بنام وتوكل ع الله لاني سمعت الباب تسكر مااخذ فعالية الحبه الا بعد تقريبا نص ساعه من التقلب حسيت براحه وحمدة الله ع الصحه لما انتهى الالم ناس يتألمون اكثر من كذا الحمدلله ع نعمة الصحه هذي الحبوب لازم تكون معاي تذكرت ان رماح هو الي جابها فتحت عيوني في الظلام وطالعت فوق بدون مااشوف شي جاء اهتمام ولا الوقت متأخر يطلع اخوه خلاص من الشك والتعقيد كذا مره يطلع زيدان الساعه تسعه يعني جاء مسؤليه هذا بالنص لا اهتمام ولا علشان اخوه اخذت نفس عميق وانا احس ان هذا اللفته حلوه حتى لو مسؤاليه يمديه يوصل زيدان للباب وينتظره عند الباب بس جاء بنفسه لفيت ع جنب وعلشان عيوني متعوده ع الظلام شفت ع سرير نجود احد طار عقلي صرخت وانا ارمي الغطا واقوم من السرير وعشرين الف فكره براسي وسواس واكبر فكره اني تركت الباب مفتوح من العصر حتى الساعه تسعه الي بغى يدخل يدخل واكيد يدرون ان اخوي مسافر هذا الافكار شلت اطرافي ومن الخرعه ماعرفت انزل رجلي من السرير لان لف عليها الغطا جاء صوت رماح مثل المطر بالصيف قال""هذا انا لا تخافين""
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)

[فيتامين سي]

ان شاء الله تستمتعون بالقراءه..

..البارا التاسع والاربعون..

لا اخاف طير عقبي اسوئ الحتمالات جات في بالي بس لما سمعت صوته راح خوفي قلت براحه وانا ابعد الغطا عن رجلي وعيوني ع رجلي""رماح الحمدلله والله خفت""
قال بصوت نعسان""هذا درس لك علشان ماتسيبين الباب مفتوح وخلاص نامي مافي احد""
طالعت فيه كنت اشوف هيئته بس كان منسدح ع جنبه ومقابل لي اش انام منجده الحين بينام عندي صح استاهل هذا الدرس ع قوله بس ليش جاء كان يمديه يسكر علي ويروح بعد مااعطاني الحبوب ليش انسدح بالغرفه عندي قلت بتسأل""بتنام""
كنت انتظره يجاوب علشان الحقه بالسؤال الثاني وهو ليش تنام هنا روح بيتكم بس جاوبني فعلي وهو انه مارد علي يعني نام بهذي السرعه معقوله قمت وشغلت النور علشان اشوفه نام او لا بعد الكلام الي قاله العصر يجي ينام عندي انزعج من النور وقال وذراعه ع عيونه""طفي النور""
قلت بعناد""انا ابغى النور شغال وتبغى تنام روح غرفتك هناك""
قلتها علشان استفزه ابغى اعرف ليش نام عندي معقوله خايف علي بس كلامه بدد هذي الفكره نهائيا قال ولسى ذراعه ع عيونه""انا قلت بتركك براحتك بس تصرفك ماخلى عندي خيارات انتي مسؤليتي حتى يرجع اخوك""
بدون مااعلق طفيت النور علشان ماابغاه يشوف ملامح وجهي مع انه حط ذراعه ع عيونه بس خفت يختلس النظر ويشوف تأثير كلامه علي كلامه حسسني انه مايبغى كذا بس مجبور مثل زواجه مني مشيت لسريري وانسدحت واعطيته ظهري ماراح يفرق وجوده وراح انام وعلشان اثبت لنفسي تمتمت بسورة الملك وبعدها حاولت ماافكر بس اتخيل من غير شعور تخيلت اني مكان جميله ورماح مكان حامد نحب بعض قبل الزواج مع انه غلط بس بخيالي كان حلو وبعدها نتزوج بفتره بسيطه لانه مايقدر يصبر اكثر ع بعدي وانا اتحدا اهلي لاني واثقه بحبه وواثقه بنجاح مستقبلنا سوا تنهدت ماجاني النوم الا اسهبت بالخيال وصلت لاول طفل لفيت للجهه الثانيه وفتحت عيوني اطالع بهيئته قلت ماراح احس بوجوده بس هذي كانت اكبر كذبه بحياتي شكله نايم ومرتاح وانا حتى اقدر اعد انفاسه قلت بصوت منخفظ متسأل""رماح""
انتظرت الاجابه بس ماجاني رد يعني نايم بعمق اذا جاء علشان المسؤليه ليش ينام بهذا العمق كيف بيحميني كيف لو تعبت ماراح يحس فيني بس جاء علشان تنحسب علي انه جاء راح يصير الطلاق سواء تأخر او لا خايفه من ايش ابغى احافظ ع ايش اش يهمني براحته او بهتمامه كيفي هذا بيتي وهذي غرفتي هذي الافكار قومتني من السرير بقوه حتى اثبت لنفسي اني بديت اتأقلم مشيت وشغلت النور انزعج بعد هذي المره وطالع بالساعه وانا اطلع كتاب قديم من الدولاب وبعدها انسدحت ع السرير وانا تفتح الكتاب سمعت رماح يقول""طفي النور رؤيا""
مارديت عليه اذا مو عاجبه الوضع يرجع بيته وهذا الي ابغاه منجده بينام للفجر هنا قال بانزعاج واضح""بنام شويه بس""
شكله مو مستوعب انه عندي قلبت الصفحه الثانيه بدون ماافهم شي بالصفحه الاولى مع اني قريتها كامله بس عقلي مع الي يتقلب في شي جواتي قلي بتحذير بس كذا بيروح وانتي ماتبغين كذا خمدت هذا الصوت جواتي خليه يروح ابغى اتأقلم ع هذي الفكره قبل الطلاق قبل مايرجع اخوي وهو كذا مايعطيني فرصه بالعكس يزيد كمية الذكرى وانا مو محتاجه شي زياده قلت بعدم صبر""روح نام بغرفتك في بيتك انا كبيره ومسؤله عن نفسي""
كان رده ضحكه بسيطه سخريه ع كلامي عصبت ماابغى ارجع اتأثر مره ثانيه اذا ودعني اول حسيت اني ماراح اشوفه ويمكن لو مااتصلت ع تلفون البيت كان ماجاء يمكن عمتي سمعت وارسلت ولدها لي بعد تحذيرات جمه اخذت نفس وانا اقلب الصفحه الي بعدها وكان نصيبها مثل نصيب الصفحه الاولى مافهمت شي من الحروف الملصقه مو مشكله مايبغى يروح يبغى يشقي نفسه كيفه حتى لو مهتمه راح ابين ان وجوده وعدمه واحد ماراح انتظر منه شي راح انشغل بالدار راح يعبي كل وقتي سكرت الكتاب وحطيته وغمضت بنام واتبعت اقدم اسلوب وهو العد ونجحت بنص العد نمت بدون مااحس بنفسي..
فتحت عيوني بشويش في شي صحاني بس ماني عارفه اش هو ماادري الحلم ولا صوت لفيت راسي وشفت رماح لسى نايم رفعت عيوني وطالعت بالساعه كانت ثلاثه وعشر بقي ساعه كامله ع صلاة الفجر علشان كذا رجعت غمضت عيوني علشان انام بس رجعت سمعت صوت برا بس قريب ماني عارفه اش نوع الصوت مو قادره احدد بس الي مستغربته ان الصوت مو واضح واعالي لدرجة انه يصحيني يمكن التوتر والخوف مأثر علي طالعت بالجدار وانا مركزه سمعي ماسمعت شي معقوله وهم طالعت برماح بنطرات استنجاد بس هو كان نايم وقفت ع اطراف اصابع رجلي ولما وصلت وصلت لباب الغرفه سكرته بالمفتاح وانا احس يدي ترتجف من الخوف سمعت رماح يقول بصوت تقريبا نايم""ليش""
مارديت عليه مافهمت كلامه يمكن قصده ليش قفلت الباب بعدين هو ماراح يسمع الاجابه وينتظر لانه نايم تقريبا ماشاء الله بس قلت لما رجع سأل نفس السؤال بصوت نايم بعد""مافي شي""
ماراح استفيد منه شي وهو كذا نايم وهو ماصدق علشان يرجع ينام اخذت نفس وجلست ع حافة سريري ومقابله لسرير نجود تأملت ملامح وجهه وهو نايم ومسترخي ومافي اي شد في ملامحه وتنفسه منتظم يعني نايم رفعت عيوني لساعه اش هذا اليوم الطويل رافض يمر نقزت بقوه وانا اسمع صوت قريب من شباك الغرفه المسكر دايما قريب مره قمت وقلت بنبرة صوت ترتجف وانا اتلفت""رماح قوم في اصوات برا""
مارد علي شكله تعبان مانام من وقت طويل قربت منه وهزيت كتفه وانا ارجع اقول""رماح والله في صوات برا""
فتح عيونه شوي ورجع غمضها وهو يقول""رؤيا نامي خلصيني""
حسيت كلامه مثل المويه في وجه النايم وانا الي اطلب النجده منه رجعت وجلست وانا اتلفت حولي بخوف وجوده مثل عدمه وانا الي توقعت بوجوده احس بالامان اكثر جات في بالي فكره لو مو موجود في البيت اش بتحسين مو ضعف هذا الخوف بمراحل يعني نفعني من غير قصد منه فجاءه سمعت صوت دق بالشباك وقفت من الخرعه وكان هذا الشي اخترق الشباك ويهدد فيني جلس رماح وهو يقول بصوت مبحوح لانه توه صاحي""هذا من برا""
مارديت عليه لان كلامه الاول سد نفسي بس طالعت فيه بنتصار لانه عرف اني مااكذب وخوفي مو مبالغ فيه قال وهو يقوم""دامك خايفه كل هذا الخوف ليش تركتي الباب مفتوح""
ماينفع هذا الوقت للعتاب والتفهم بيذلني ع هذا التصرف لفتره طويله ادري اني غلطانه بس ذاك الوقت ماجاء في بالي شي فتح باب الغرفه بشويش وقال""سكريه بعدي""
قمت بسرعه وسكرته بعده مو خايفه عليه يمديه يدبر نفسه بس بعد ثواني بسيطه قلقت عليه حسيت بخوف يمكن احد سوا فيه شي بعد خمس دقايق اذا مارجع راح اطلع له مرت الدقايق بس ماخذ وقت كثير سمعت دق ع الباب قلت بعد تردد""مين""
جاني صوته يقول""افتحي""
فتحت الباب بشويش وكانت انتظر رجعته بفارغ الصبر طالعت فيه وانا متوقعه في بالي احد وراه يهدد وكان التلفزيون اثر بافكاري وخيالي كان واقف ومرجع ظهره ع الجدار وهو يحك شعره قلت باستفسار وترقب""صوت مين""
دخل وسكر الباب بالمفتاح وقال بدون مايطالع فيني""ماادري ماشفت احد بس شفت اثار احد بالحوش""
اخذت نفس عميق من الخوف وانا ادلك جبهتي وقلت بشد اعصاب""تتوقع كم شخص""
طالعت فيه وهو يقول وهو يمشي بتجاه السرير""ماادري بس شكله مو شخص واحد والحين نامي مافي خوف""
وانسدح وغمض عيونه مع اني حاسه انه يخوفني عن قصد الا اني خفت منجد من بعد ماشفته متخيله باي وقت احد يكون مكانه قلت برجاء""لا تنام رماح""
طالع فيني بنظره غريبه وقال""ليش""
ماعرفت اش يقصد بس قلت بدون تفكير""انت خوفتني""
قال بنبرة صوت خاليه من التعبير""تعالي انسدحي عندي ونامي من امس مانمت انا""
بعد مابعد لي مكان جنبه كان الفراغ بسيط
..نهاية البارت..
..عافاكم..
..عجايب..
الحمدلله.

...بٲذن الله لي حسنه ولك حسنه...
(الله أكبر الله أكبر الله أكبر
لا إله الا الله
الله أكبر الله أكبر ولله الحمد
الله أكبر كبيراً
والحمدلله كثيراً
وسبحان الله بكرةً وأصيلا)