ربي اللي عطاك وربي اللي اخذ لاتعمي عيونك عما غيرك يشوف للكاتبة جافينى النوم

morano · 06-05-11, 06:37 PM


	بنات جيت اليوم وجبتلكوا معايا رواية فعلا رووعة وانت عارفين انى محبش انزل غير الروايات المميزة الرواية لسة شغالة مكتملتش بس نزل فيها اجزاء كتير وان شاء الله تعجبكم وما تحرمونيش من تقيماتكم وردودكم المميزة بسم الله نبدء ها انا اعود بشوق احمل لكم بين اكف راحتي صوره من الماضي طبعت في المستقبل وصور في الحاظر نرى ماستطبع في مستقبلهم مقـــاطع مما سأسرد : .........: يمه الله يهديك يضربونه وانت ادرى وحتى لو انهم بزران عذرناهم بس اصغر واحد فيهم ثالث ثانوي ..........ببكى : آآآخليآآآهم يضآآآربآآآوني انآآآآ ابآآآي آآبوآآي ما ابيهمآآآ (خليهم يضربوني انا ابي ابوي ما ابيهم) ......... بقهر : ابوك مو سأيل فيك ولا درى عن هواك دارك @@@ ..........:المعاش اللي اخذه من شغلتي مايورد شي في الشهر ثلاثميه القاز خربان والنسم مغلق والكهربه الماطور ميه الشهر والددسن يبي بنزيم وانت تباني اصرفك وعويلك انا ادور من يصرفني[‎] @@@ ......... : بدر بدر افهمني ابي طريقه اصيد هالغزال بدر : انا خلني عنك بعيد .......... : افآ ماهو العشم بدر : انا وظيفتي حساسه اقل غلط بروح فيها والغزال انت شفتها وعرفتها وش تفيدك مساعدتي اروح امسكها لك .......... : لا لا تروح تمسكها ابيك تخطط معي بدر : حرام عليك يا....... هذه عرض وش تبي فيها ترى العرض دين ومن طق للناس باب طقوا بابه .......... : انا مابي مضرتها ولا ابي عرضها بس بعطيها قرصه تربيها واثرها على نفسها بس @@@ ماحسيت الا بضربته بإيده على جبيني عالخفيف وراح اول مارجع الضوء اللي كان حاجبه عني وسمعت صوت تسكيره الباب وانا بلا شعور بعد مافقت من ازمه الخوف الا احس بالبلل بين رجولي ناظرت اسفل بفشيله وانا اجري لغرفتي اخذت شور خفيف وغيرت لبسي ومسحت مكان وقفتي بالمناديل وهذه هي اصل معاناتي @@@ .........صوتها المتردد الخايف : انت وش تبي ؟ والله لأعلم اخوي عليك .......... : حتى انا والله لأعلمه بحركتك الأخيره فيني وقبلها وقبلها بس الآخيره غيـــــــــر ..........انت انسان مريض ومو صاحي وكملت بصوت متهدج : الله يردها لك في خواتك .........: انا ماسويت شي لاعاكستك ولا رقمتك ولا خنت ثقه احد لا اخوك ولا خوالك انتي اللي تصدفيني ماهو انا سمع خطواتها راجعه لداخل البيت آآآآآآآآآآآآآآآآآآآآه وش نهايتك انتي بعد آآآآآآآآآآه تدعين على خواتي مو كافي انا آآآآآه عذابي يكفيني ويزود لهم @@@ ........:تكفى عمي آخر مره والله ما اعودها والله سامحني ياعم انا محتاجه اشتغل طلع من غير رد بيحسسها بغلطها مايدري انه شب في قلبها الخايف نآ‎ر ] @@@ ناظره بإلم شايب حواجبه بيضاء أكل من الزمن حتى شبع شاف شين اكثر من الزين وصبر واحتسب الا هذه الضربه بتقضي عليه شاف دمعته اللي انتهت عند لحيته كسروه الله يكسرهم كل مني جبتها للنار بيدي .......... بخنقه وقهر : ياعم ارفع راسك واللي خلقني بقدرته والله ما يأخذ حقك منهم الا انا والبنت ان جاتك حيه انا متزوجها وهذا وعدي ياعم ولا عاش من يوطي راسك ] @@@ .........: امس عصير جاي لابوي يقول ان كان عندك قروش انا معتازها ..........: اي اوحيته وربي ياغيضتن محضت كبدي كيف بابوي قال له ابوي عيالنا مافيهم خير احنا من حاجتنا شغلنا معاورنا(بناتنا) ] @@@ ...........: روحي لها قولي ابوي يقول ان ماجيتي انا غضبان عليك الليله وكل ليله @@@ .............:خطبك......... مني وعطيته والليله نملك وتسرين معه ........تفأجات امس يطردها والحين يتزوجها ] @@@ .............:خلينا ننسى اللي فات والليله بعوضك عن لليالك اللي فاتت واصبري لين اقوم على حيلي وابشري باللي تبينه @@@ انهالت عليها الذكريات مثل حبات اللولو وحده وراء الثانيه .........بعصبيه : بنتك قلبت راسي بكى اقلعيها عن وجهي قلعها الله @@@ وشافت علبه عليها صوره حرمه شعرها طويل اسود (زيت الهندي المعروف قديمآ الزيت ابو حرمه) شهقت : يافضحي فضحاه هذه الحرمه وش جابها هنيا وتلمست العلبه ومسكت الورقه وشقتها ........... بفجعه : ياويلي ياويلي شلحت صوره اخته هذه تاليت الزمان مصور معاوره (اخر الزمان =مصور خواته) ............... من وراها : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههه آآآه ياجنوبي من الضحك ههههههههههههههههههههههههه ههههههههههههههههههههههه

@@@]

morano · 06-05-11, 06:39 PM

$$
هذه هي الدنيا حظوظ وتوافيق
اما وطاك الحظ والا وطيته
تعيش في غيبوبه الوقت وتفيق
شي تذكرته وشي نسيته
بس الوكاد انه بعد نشفت الريق
مالك سوا بنيناك اللي بنيته
والضيق كل انسان به هم وبه ضيق
ولا كل واحد يسألك به طريته
السد خله دايمآ في الصناديق
من شان ماتنصدم بشي هقيته
والحب لعبه حظ بين العشاشيق
اما نحته نحت والا محيته
وتبي الصحيح اللي عليه المواثيق
الحب حلق شاربي لا لقيته
والطيب فعل وله دورب وطواريق
وسوه لوجه الله لا منك نويته
وفعلن ماهو لك لاتلفقه تلفيق
الحق يظهره الزمن لو كميته
كم واحدن صيته بروس الشواهيق
ولا تسرك سمعته لا نصيته
وكم واحدن ماسمعته سمعه طويق
لكن يقوم بواجبك لا نخيته
واللي يحمل طاقتك فوق ماتطيق
اللي يلومك خبل لو ما عطيته
ياكثر ما مروا علي المطافيق
وانا الخطا من يمهم ما بديته
لو كنت ادقق في خطأ الناس تدقيق
ما كان حب الناس فزت وخذيته
كم مطلبن حاولت اسوقه ولا سيق
حاولت به لكن عجزت وجفيته
واضك همي ضك بين المعاليق
خله مدام ان المعاليق بيته
الرزق عند الله رب المخاليق
ماهوب بمخيب رجوتك لا رجيته
منقول
$$
غاده : ابوي تكفى بس هالملعقه
ابومحمد : خلاص اكتفيت مالي خاطر ازيد
انفتح الباب من وراهم
محمد : السلام عليكم
غاده وابو محمد : وعليكم السلام
جلس محمد على سرير ابوه
محمد بحده : يالله يالله برا بأخذ راحتي مع ابوي
غاده : دقيقه بقطع له التفاح
محمد عصب : اذلفي برا وانا ادبر الباقي
غاده بزعل وخوف من صراخه : طيب
بعد ماطلعت
ابو محمد : اتق الله يامحمد هذه اختك
محمد : ابشر يبه بس انت ارتاح
ابو محمد : هذيلا اخوانك من لهم من بعدالله
محمد : لا تخاف عليهم آخذين حقهم وزياده
ابو محمد بغبن : لاحول ولا قوه الا بالله
اما غاده طلعت من غرفه ابوها وجري لبيتهم ومنها لدوره المياه في غرفتها بس مالحقت اضطرت تبدل لبسها وتاخذ شور خفيف
طلعت غاده وهي لابسه بجامتها ونزلت لأمها
ام غاده : رحتي لابوك
غاده : ايوه
وسكتت دقيقه
بس محمد طردني
ام غاده تنهدت : تحملي يابنتي عشان ابوك
غاده : بس ابوي ماصار طيب الا بعد مامرض
ام غاده : ماعليه كل شي بأجره عند رب العالمين
غاده : ونعم بالله
%%%%
نحن ابناء اليوم لكن كل منا له ماضي مفرح او محزن
قبل سته وعشرين سنه
في ازقه وحواري تكاد تختنق بساكنيها وبيوت صغيره تكاد تنطبق على اهلها
الشيبه ابو صالح : نوره نوره
نوره : عونك يبه
الشيبه ابو صالح : هاتي الفطر(الفطر=الفطور) انا بسرح(بسرح=الذهاب في الصباح بدري) وانتي مؤخرتن عيشتي علي
نوره : طيب طيب
حصه يا حصه
هاتي حليب ابوي
حصه جابت الحليب ونوره جابت التمر وصحن فيه خبز وسمن
جلست عند ابوها : اقدع(اقدع=اكل) يبه اقدع
ابو صالح : لاعاد تتوخرن علي بعيشتي وش تسون من غبشه(غبشه=وقت الصباح لما تكون السماء زرقاء) لو هي ذبيحه ولمت(ولمت=جهزت)
هالحين اتوخر على الرجال ويخصم علي من معاشي(معاشي=راتبي)
نوره باست رأس ابوها : سامحني يبه والله ما اعودها(اعودها=اعيدها)
واكملت بخوف : يبه
ناظرها ابو صالح وعارف انها بتطلبه طلب
حصه تريدها تدخل الدرس
ابو صالح بغضب : انكعمي( انكمي=انطمي) لا اسمع طاري الدرس وش بتجيب من عند الدرس مسراح ومضوى(مسراح ومضوى=روحه وجيه) على غير فود(فود=فايده)
الشيخه اللي علمتك القراءن والكتابه تعلمها
نوره بخوف : ابشر يبه تم واحنا عصاك اللي ماتعصاك
بعد ما افطر ابوها
ابو صالح : يانوره
روحي ضرمي(ضرمي=اكلي) المعزى واسرحي ابها شوي ثم عودي واسقيها
نوره : ابشر يبه
طلع ابو صالح
حصه : نوره ابوي وشبه مايبيني اتدرس(اتدرس=اتعلم) مثل بنات عمنا اجهاد
نوره : والله ما اعرف ياحصه مالك الا الشيخه
قومي اكنسي الحوش وحطي حب للدجاج
حصه : طيب
راحت حصه للحوش واخذت مكنستهم اللي عباره عن جريده من جرايد النخل ورفعت ثوبها الواسع واللي مطفي لونه وباهت من كثره غسله واستخدامه واكنست حوشهم
نوره اخذت برقعها ولفت على راسها شيله متقطعه
نوره : حصه انا بروح ارعى الغنم وانتي اذا غلقتي(غلقتي=جهزتي) روحي اجلسي عند الحريم في الفيه(الفيه=الظل) وانا اذ غلقت حضرت(حضرت=سكرت عليها في مكانها) الغنم وجيتك
حصه : طيب]
%%%
في الوقت الحاضر
رائد بطفوليه : ابي اروح لبابا
غاده بملل : ياربي رئودي حبيبي خل شوي
رائد : الله يخليك بس شويه
آآآآ وبكى
ام غاده : خليه يروح ياغاده حرام عليك غاده : يمه الله يهديك يضربونه وانت ادرى وحتى لو انهم بزران عذرناهم بس اصغر واحد فيهم ثالث ثانوي
رائد ببكى : آآآخليآآآهم يضآآآربآآآوني انآآآآ ابآآآي آآبوآآي ما ابيهمآآآ
(خليهم يضربوني انا ابي ابوي ما ابيهم) غاده بقهر : ابوك مو سأيل فيك ولا درى عن هواك دارك
ناظرت فيها ام غاده بقوه وعتب
غاده : طيب خل بعد العصر اوديك عشان محمد ماهو فيه
الحين ما اقدر اروح معك
رائد : لآآآآآآ
غاده بقهر : هيا انقلع لهم ان شاءالله يكسرون رقبتك
رائد
مسح دموعه بطفوليه وراح للباب الفاصل بينهم وهو يسمع سواليف محمد ومرام وراشد
دخل بخوف لغرفه ابوه اتوجهت الإنظار له
وجري بسرعه لسرير ابوه وانسدح وحظنه
ابو محمد : هلا بالرجال هلا بالشيخ
رائد بطفوليه ابتسم بخجل وانظار الجالسين تتجه له بحقد
ابو محمد : مرام هاتي حلاوه
ابعطي رائد ويعطي اخوه ريان
مرام بكذب : يبه خلصت
ابو محمد بحده : يابنت هاتيها
قامت مرام بقهر واعطت ابوها سبت الحلاو
واول ماشافها رائد دخل في ابوه بقوه خايف منها
ناظره ابوه وابتسم يطمنه واخذ مجموعه حلويات واعطاها له
فرح بها وقال شكرآ
دخلها في جيب ثوبه الجانبي
وأخذ وحده وفتحها يأكلها بعد ما خلص اخذ قرطاسها وراح عشان يرميها في السله اكرمكم الله
مد راشد رجله وتعثر فيها رائد وطاح على حافه السله
رائد يبكي : آآآآآآآآ
ابو محمد : سلامات سلامات وش فيك تعال عندي تعال
راح رائد له ضمه ابو محمد يهديه وناظر بجبهته الا فيها ضربه متحجره صغيره وحمراء
وجلس يدلكها ابو محمد دقايق
رائد : آي اي تعور
ابو محمد : كيف طحت
ناظر رائد براشد بخوف
ناظر ابومحمد مكان نظره رائد وشاف راشد وهز راسه وقال : الله يهديك
حاول يراضي رائد ويلعبه ويسليه واعطاه عشره ريال
طلع رائد من عند ابوه بيروح بيتهم جري
وهو عند الباب القاسم مسكه راشد وضربه على ظهره ودفه وسكر الباب عشان ابوه مايسمع صوته اذا بكي
سمعوا غاده وام غاده صوت رائد يبكي
مسكت غاده راسها وهي تزفر بقهر وراحت ام غاده تسكته وهو يشكي منهم
%%%%
في الزمن الماضي
ابو صالح : المعاش اللي اخذه من شغلتي
مايورد شي
في الشهر ثلاثميه القاز(القاز=الفرن) خربان والنسم مغلق
والكهربه الماطور ميه الشهر والددسن يبي بنزيم
وانت تباني اصرفك وعويلك انا ادور من يصرفني
صالح : يبه ادخل فالضمان
ابو صالح : الضمان لازم الرجال عمره سبعين
وانا باقي علاها سنتين
صالح : طيب نبيع المعزى(المعزى=الغنم)
ابو صالح بغضب : تبيع حلالي وانا اقعد
اللي قهوتنا(قهوتنا=عيشتنا) علاها
صالح : يبه انا بسويلي شغيله استصرف منها وتستصرفون
ابو صالح : والله ياخوفي تسوي سوات اخوك جابر تروح السوق(السوق=المدينه) وتساتعش فيه وما اشوفك الا في عيد الله
صالح : لا يبه انا بكرك وماني مقصر معك اذا ربي رزقني]
%%%%
ابو محمد : طيب انا بروح قبلها للبيت الثاني
محمد : لا يبه التدليك مابقي عليه الا نص ساعه يادوب
ابو محمد : تودوني اذا رجعنا
راشد : لا يبه اللي يبيك يجيك
ابو محمد بقهر : انا من يوم طحت مارحت لهم
شيلوني شيلوني الله يشدني بعافيتي و لا يحدني عليكم
محمد وراشد كل واحد اخذ ابوه من طرف
محمد : بسم الله
واحد
اثنين
ثلاثه
وشالوا ابوهم عالكرسي المتحرك
محمد : يمه تجهزوا عشان اوديكم بيت عمي
ام محمد : طيب بس ودوا ابوكم الله يرضى عليكم
واخذوه للمستشفى
%%%%
نوره : يبه مافي شي نتعشى به
ابو صالح : والتمره اللي امس جابتها موضي وين وديتوها
نوره : هي اللي تغدنا علاها
ابوصالح : وش السواه والمعاش باقي لها جمعتين ويجي
حصه : يبه روح لصالح شوف لنا من عنده شي
ابو صالح : ماوراه ولا دونه قبيل امس هرجته(هرجته=كلمته) يقول مابه حصيل(حصيل=بمعنى فلوس او منفعه) ماجاه شي
باع غنيمتنا اللي علاها عيشتنا نبيع سمنها وحليبها ولبنها ومضيرها ونأكل اللي نأكله منها
هاللحين تو الله ما اندري وش نأكل
نوره : يبه دور لي شغيله اشتغل فيها وتجيب قروش
ابو صالح بحده : ابو صالح مابقى الا هي معاورنا(معاورنا=بناتنا) تشتغل
نوره : يبه اشتغل في محل حريم والا اعاون في البيوت والا اطبخ لهم
ابو صالح : كل العرب اللي اهنيا حالهم مثل حالنا واردى
نوره : لا يبه شوف العمآن اللي تشتغل عندهم]
%%%%
بعد ماجاء من المستشفى جلس مع عياله وهذه اول مره يجلس معهم في الصاله من بعد اللي صار له من ثمان شهور
ابو محمد : متجهزين بتروحون
مرام : آي اكيد
ام محمد : عقبال نجمعهم بعزومه سلامتك
ابو محمد : الله كريم
سلموني عليهم وقرت عينهم برجعه فارس
ام محمد : بشوفه نبيك ابشر يوصل
ابو محمد : ياعيال ودوني عند عيالي
راشد : لا يبه مانبيك تروح لهم
ابو محمد : انا جالس لحالي جالس ودوني عندهم احسن
راشد : طيب لا انا اجلس عندك اسليك ولاتروح
ابو محمد : لا حول ولا قوه الا بالله امكم ماسوت الحال اللي انتم مسوينه
محمد : يايبه احنا رضينا تجيبهم هنا بس مو معناته إنا نبيك تروح لهم
ابو محمد بزعل : خلاص روحوا ولا ابي احد يقعد عندي بعد
بس ودوني سريري
بعد ماصعدوه توجهوا للعشاء في بيت عمهم
%%%
في الماضي
في الصباح (في المدينه او كما يسميه اهل القرى السوق)
شرب من كوب الحليب الساخن واخذ غترته واتوجه للباب بيطلع
ام عبدالرحمن : عبدالرحمن
عبدالرحمن : هلا يمه
ام عبدالرحمن : افطر ياولدي ما افطرت
عبدالرحمن : لا يا الغاليه افطرت بس بلحق على المعمل
ام عبدالرحمن : في وداعه الله
عبدالرحمن : دعواتك ورضاك يا الغاليه ام عبدالرحمن : الله ييسر امرك ويسهل لك كل عسير
طلع من بيتهم على صوت دعوات احب الناس لقلبه
ركب سيارته الكابرس الصفراء هذه اللي عنده مثلها يعتبرونه اغنى شخص بالعالم
وساكن بالمدن اللي يسموها اهل القرى السوق
مع انها غير متطوره حتى العماير والفلل ماهي فيها بس بيوت شعبيه متطوره
اتجه للمعمل المختص بإعاده تصنيع العبوات الفارغه وبيعها على اصحاب شركاتها بثمن غالي في وقتهم
اللي عباره عن شركه مصغره مبتدئه ومايسموها شركه ولا يعرفون هالإسم من اساسه
بس اللي معروفه عنه انه ولد نعمه مع ان ثروته ما تتجاوز عشرين الف اللي الحين ماتجيب شي حتى عروس ماتجيبها
اتجه لمعمله اول مانزل سلم عالبواب اللي راتبه 150ريال في الشهر
وسلم على موظفينه اللي مايتجاوز عددهم تسعه
ودخل مكتبه وجلس خلف الطاوله
وهو يرتب اوراقه ومستنداته
جاه القهوجي بقهوته وحطها عالطاوله
ابو صالح : سم ياولدي
عبدالرحمن : سم الله عدوك ياعمي
(احترام الصغير للكبير وتقديره حتى لو ان الصغير هو الوالي)
عن عبدالله بن عمرو بن العاص رضي الله عنهما قال قال رسول صلى الله عليه وسلم : ( ليس منا من لم يرحم صغيرنا ويوقر كبيرنا )
ابو صالح : تكفى ياولدي ابغى شغيله لبنتي نفك ابها فاقتنا(فاقتنا=حاجتنا وفقرنا)
عبدالرحمن : طيب ياعم اجلس اجلس
انا اسلفك
ابو صالح : لا والله ما اريد الدين في ظهري حتى لو اخذته من وين ارده
احنا نبي الشغل الحلال الطيب
عبدالرحمن : بس ياعم هنا عندي وين احطها
ابو صالح برعب : لا لا يابوك هنيا مايصلح
لا ان كان تعاون في البيت
عبدالرحمن بإستغراب : تشتغل عندنا]
%%%
في الوقت الحالي
ابو محمد : آلو
غاده : هلا يبه
ابو محمد : تعالوا لي انتي وامك واخوانك
غاده بتردد : طييب و....
قاطعها ابوها : مافي احد عندي بس تعالوا
غاده : ابشر يبه
راحت غاده لإمها
غاده : يمه ابوي يقول تعالوا لي انتي وامك واخوانك
ام غاده : كيف تروحون وزوجته وعياله موجودين
غاده : لا يقول مااحد عنده
ام غاده : خلاص روحوا
غاده : وانتي يمه
ام غاده : انا بجلس ببيتي لين تجون
غاده : بس هو قال وامك بعد
يمه انتي كم لك مارحتي له
من اول ماطاح زرتيه في المستشفى وعليها ماعاد رحتي الحين فرصتك
ام غاده : مابي اروح روحوا انتو
%%%
عبد الرحمن : طيب ياعم كم تبي راتبها ابو صالح : اللي يجي منك كثيره والا قليله خير وبركه
عبدالرحمن : خلاص انا بشور عالوالده واعلمك
وان عيت(عيت=رفضت) دورت لها مكان ثاني
ابو صالح : جعل ابو وامن ربتك تارد(تارد=تروح) نهر الجنه وانت معهم
عبد الرحمن : واياك ياعم
خرج ابو صالح وقد انشرح صدره بفضل من الله اولآ ثم من هذا الشاب فكانما ازاح همه من صدره ليضعه في صدر من يستطيع تحمله
اما عبد الرحمن فقد زفر بحيره كيف يفك ضايقه عالشيبه وهو كان يتعقد ان ليس لديه ابناء ذكور
عن عبدالله ابن عمر قال قال رسول الله صلى الله عليه وسلم : (المسلم اخو المسلم لا يظلمه ولا يسلمه ومن كان في حاجه اخيه كان الله في حاجته ومن فرج عن مسلم كربه فرج الله عنه كربه من كرب يوم القيامه ومن ستر مسلمآ ستره الله في الدنيآ والآخره ) رواه البخاري ومسلم]
%%%%
اخذت غاده اخوانها وراحت للباب ودخلت المفتاح بس مو راضي يدخل معناته من جوه محطوط مفتاح بالعرض لو بالطول قدرت تفتحه
اخذت جوالها واتصلت على ابوها
غاده : يبه الباب فيه مفتاح بالعرض مو قادره افتحه
ابو محمد تنهد : طيب حاولي فيه قد ما تقدرين
غاده : مو قادره يبه
ابو محمد : طيب انا بحاول اجي للباب
غاده برعب : لا يبه كيف تجي للباب لا لا انا بحاول وانت ارتاح
ابو محمد : طيب
حاولت وحاولت وعكت في المفتاح بس مو راضي ينفتح
هذه حركه مقصوده بعد ربع ساعه سمعت صوت المفتاح ينسحب من الجهه الثانيه
رجعت خطوات لوراء مفجوعه
ودقيقه
دقيقتين
دخلت مفتاحها فالباب وفتحته وشافت اللي ما كانت متوقعته
%%%
عبدالرحمن : يمه هذيلا ناس فقراء يبون يكسبون عيشهم من عرق جبينهم مايبون فضله احد ولا حسنه احد
ام عبد الرحمن : يابويه وين احطها ووش تشتغل عندنا أنت عارف بيتنا مافيه الا انا وانت واخوانك كلن حايز(حايز=ساكن لوحده) عنا في بيته
شوف اخوانك يمكن يريدونها
عبد الرحمن : لا يمه الحريم مايرضنها في بيوتهن
وانا ابيها تحت عيني
امانه ابوها عندي
ام عبدالرحمن : يابوي والله ما ودي اردك بس انت ادرى
عطه ستميه ريال صدقه لا يردها وخل بنته عنده
عبدالرحمن : يمه كيف اتمم له وارد في كلمتي هذه ماهي بسلوم الرجال
ام عبدالرحمن : اجل بصرك(بصرك=بكيفك) ياولدي دور لها ادنات شغله خشها(خشها=دخلها) فيها
عبدالرحمن : بفكر واشوف]
%%%
فتحت غاده الباب مرعوبه
غاده : يبه الله يهديك ليه تتعب نفسك
ابو محمد : ماعليه ماعليه ادخلوا يابنتي ادخلوا
دخلوا العيال وريان جري لحظن ابوه الجالس قدامه لإنه الوحيد اللي حس بحنان ابوه من صغره عمره ثلاث سنوات
ورائد عمره تسع سنوات ماشاف حنان ابوه الا من فتره قصيره بس فرحته بها الحنان نسته اللي فات
اما غاده فاللي فالقلب كثييير هي اللي عايشت الصعاب اربع وعشرين سنه والحنان جربته من شهور بس
بس صبرها ومجاهده نفسها عن العصيان اقوى
تقدر تجازي بإبوها بالمثل بس تعرف ان هذا ابوها ولو ذبحها
وطاعته وبره واجبه
قال تعالى : (وان جاهداك على ان تشرك بي ماليس لك به علم فلا تطعهما وصاحبهما في الدنيا معروفا) فسبحان الله حتى في الشرك امر الله عدم الطاعه لكن مع الصحبه بالمعروف
فكيف بالامور التافهه الإخرى
غاده : يبه بجيب كرسيك اوديك لغرفتك ابو محمد : لا يابنتي ما انتي بقادرتني خليني على ما انا عليه
غاده : لا نتساعد انا ورائد نشيلك
وراحت جري لغرفته وجابت الكرسي المتحرك وحطته وراء ظهر ابوها
غاده :رئودي تعال ساعدني
شالوا ابوهم بتعب وشده حتى حطوه بكرسيه
ووداوه الغرفه وانسدح على السرير بس شالوا رجوله عالسرير
قفز ريان عند ابوه
ريان : بابا
ابو محمد : ياروح بابا وهو يبوسه ويضمه
ناظر برايد المتردد عن ضمه ابوه
ابومحمد فاجأه بقولته : تعال رئودي
كأنه ينتظر هالإشاره من زمان وجاء جري لإحضان ابوه
ناظرتهم غاده بإلم ولسان حالها يقول ياليتني لحقت هالحنيه زمان وانا صغيره
ابو محمد : اجلسي ياغاده
غاده : لا بروح اجيب القهوه والحلى نبي نتقهوى
راحت بيتهم وجابت قهوتها وحلاها جلست قدام ابوها وريان في حضنه ورايد جنبه لاف يده عليه
صبت فنجال لها وفنجال لابوها واخذت ريان جنبها عشان تأكله
ابو محمد : وين امك ياغاده
%%%%
نوره : يبه شفت لي شغيله عند العمام
ابو صالح : هرجت(هرجت=كلمت) الرجال وقال تم محريه(محريه=اظنه) بيشاور اهله
نوره : متى ابدأ ؟
ابو صالح : اذا رد علي النهار التالي تسرحين معي
نوره : ان شاءالله يبه
ابو صالح : انا بروح لجابر في السوق اذنه يعطيني اللي يسدنا نهارين
نوره : ماظنته يعطي شي عواله واجد واللي عنده دوب يسدهم
ابو صالح : اجل وين القي(اروح)
نوره : انا بندب(بندب=برسل) حصه تجيب لنا خبزه من عند عمه لطيفه نستاعش منها الليله والله يرزقنا باكر
ابو صالح : اجل اندبيها]
%%%
غاده : امي مي جايه
ابو محمد : ليه
غاده ما تبادر بذهنها الا تقول : نايمه
ابو محمد بإستغراب : نايمه الحين
رائد بطفوليه : لا مو نايمه جالسه تغسل فراش ريان وصخه
ناظر ابو محمد في غاده بعتب ونزلت غاده راسها بحياء
كان نفسها العلاقات بإمها وإبوها لو حتى تضطر تكذب
بس انكشفت قدام ابوها وهو عتبان عليها
ابومحمد : قولي لها ابوي زعلان عليك غاده تبرر لإمها : لا يبه هي ماتقصد هي مشغوله وبتنام والا ك.....
قاطعها ابو محمد : انا قلت اللي عندي
راح رايد جري وجاب دفاتره يبي ابوه يشوف كيف هو شاطر والمدرس حط له نجمتين
وقال اذا كتبت واجب بكره احط لك نجمتين
وراح ريان يقلد رائد وجاب دفتر التلوين واللي مايقال عنها الا خرابيش لا اكثر وفرحتهم وفرحه ابو محمد ماتوصف وحاول يتناسى اللي حاز بخاطره

morano · 06-05-11, 06:41 PM

البارت الثاني

&&
ينجرح قلب ولكن ...... ترتفع هامه
والله اني لاموت ولا ينحني راسي
لو رماني زماني وسط داومه
العواصف شديده والجبل راسي
انقل الحزن وامشي منتصب قامه
قاسي الوقت لكني بعد قاسي
واسمع الحلم يصرخ لحظه اعدامه
رابطه الجاش ماهز الخبر باسي
عزتي غاليه والناس سوامه
قلت ما اطيع حتى تنقطع انفاسي
زانت ايام عمري شانت ايامه
مارجيت العزا من رحمه الناسي
من عجز لا يدوس الهم باقدامه
لا بد انه مع الايام ينداسي
يندمل جرح قلب .......ماتت احلامه
بس ما اظن يبرى جرح الاحساسي
((يوم صارت مابين القلب والهآمه
وش ابي بالحياه اليا انحنى راسي))
&&‎
محمد
محمد : بدر بدر افهمني
ابي طريقه اصيد هالغزال
بدر : انا خلني عنك بعيد
محمد : افآ ماهو العشم
بدر : انا وظيفتي حساسه اقل غلط بروح فيها
والغزال انت شفتها وعرفتها
وش تفيدك مساعدتي
اروح امسكها لك
محمد : لا لا تروح تمسكها
ابيك تخطط معي
بدر : حرام عليك يا محمد هذه عرض وش تبي فيها
ترى العرض دين ومن طق للناس باب طقوا بابه
محمد : انا مابي مضرتها ولا ابي عرضها بس بعطيها قرصه تربيها واثرها على نفسها بس
بدر : مستحيل يا محمد مستحــــــــــــيل لو واحد من الشباب وقفت معك عليه لكن هذه بنت
محمد : بس انا حركتها صعب امررها بدر : مصيرك تنساها
محمد : لها شهرين ولا انا قادر انساها في بيت اهلها ماقالت رجال وعيب وضيفنا وله احترامه
وكمل بعصبيه وهو يتذكر الإحداث : على تبن والله والله ما اسكتها لها لو اخسر اي حاجه اي حاجه
بدر : يامحمد نصيحه مني لا تخسر اهلها وابوها وصاحبك عشان بنت
محمد : الهــــــــــــنوف صبرك علي
%%%%
عبدالرحمن
اخذ جوله في معمله لغايه في نفسه ناظر بالأماكن اللي مر بها ماتناسب لبنت رجع لمكتبه وهو ***** وين يحطها
مسك راسه ***** ويفكر حتى وجد المكان المناسب
ابوصالح : السلام عليكم ياعم
عبدالرحمن: وعليكم السلام ياعمي انا كم مره اقول انا ولدك سمني عبدالرحمن
ابو صالح : ابشر ياولدي
لقيت مطلبي
عبد الرحمن : ياعمي الوالده تقول مابه شغل عندها لإن في البيت مافيه الا انا واهي
بس انا بدور لبنتك شغل هنا
ابو صالح : بس هنيا خوف عليها
عبد الرحمن : بحطها قريبه منك ومني ننتبه لها
ابو صالح : وين تحطها ؟
عبدالرحمن : في غرفه الملفات
جنب مكتبي وجنب قهوتك ونعطيها مفتاح تقفل على نفسها
ابو صالح : على شورك
متى تداوم ؟
عبد الرحمن : بعد يومين
وانا بعطيك قروش تزهب عمرها ابها وتداوم بعد نهارين
ومد على ابو صالح ميه ريال
ابو صالح : لا لا ياولدي
عبدالرحمن : ياعم هذا من راتبها
ابو صالح : طيب
‎
%%%%
غاده : يمه ليه سويتي في ابوي كذا البارح
ام غاده : هذا شي بيني وبين ابوك
غاده : كذبت عليه وكشفني
التفت لغاده : بإيش كذبتي ؟
غاده : قلت انك نايمه بس رايد قال لابوي انك جالسه تغسلين
ام غاده : هههههههههههههههههههه احسن الكذب حرام
غاده : يا الله انقص وجهي من الفشله ههههههههههههههه
وناظرني بعتب كيف اكذب عليه فشـــــــــله وربي
ام غاده : هههه
طيب كيف صحته ؟
غاده : تمام
كانوا حاطين المفتاح في الباب بالعرض عشان مانقدر نفتحه
ام غاده : طيب كيف فتحتوه ؟
غاده : ابوي سحب المفتاح من جهته
ام غاده بتعجب : كيف ؟
غاده : اكيد يزحف وسحبه لإني شفته متكي وساعدته وجلسته
وجبت كرسيه ورفعته انا ورايد عليه ورجعناه لغرفته
ام غاده : الله يعينه
%%%%
:ابو صالح رجع بيته فرحان بالميه ريال اللي شرى بها على قولته نسم وجاب دقيق وجاب تمر وأخذ له ذبيحه لبيته وبقى منها عشرين ريال
ابو صالح : حصه حصه نوره
حصه : ها يبه
نوره : عونك يبه
ابو صالح : ارفعي ياحصه ها الغريضات في البيت
وانتي يانوره اسقي الشاه ابى اذبحها لنا
حصه : ابشر يبه
نوره : عونك يبه

%%%
في بيت ابو محمد
عالغداء
ابو محمد : شوف يامحمد طلبات البيت الثاني واشتريها لهم
محمد : ابشر يبه
ابو محمد : قول لغاده تكتبها
راشد : يبه امس جوك هنا
ابو محمد : ايه انا سحبت المفتاح من حطه؟
ام محمد : المفتاح في ايش؟
ابو محمد : المفتاح في الباب القاسم بين الشقتين محطوط بالعرض عشان ماينفتح من الجهه الثانيه
سكتوا ولا شخص من المتواجدين رد وتفكيرهم راح بعيد كيف ابوهم سحب المفتاح متفاجئين
ابومحمد : هذه حركه راشد او مرام والله ان عدتوها مايحصل طيب
ام محمد : هدي نفسك يابو محمد وانا بنفسي بإخذ المفتاح واخليه عندي
%%%
نوره دخلت غرفتهم المشتركه بينها وبين حصه وأخذت قميص اسود ولبسته عشان تساعد ابوها في ذبح الذبيحه
راحت لإبوها وهو يحد في السكين
ابو صالح : نوره امسكيها لي
مسكت نوره الشاه لأبوها
ابو صالح : بسم الله والله اكبر
وبعد مافصل الرقبه عن الجسم علق ابو صالح الذبيحه برجولها فوق في مسمار من الحديد مثبت بالجدار اما رقبتها فهي ناحيه الارض عشان ينزل منها الدم
ونزع الجلد بحرفه وخبره ثم قصصها اوصال كم يريد
واعطى الأعضاء الداخليه (المعده والإمعاء) لحصه عشان تنظفها
فأخذت ماء وراحت بعيد عن البيت بمسافه ونضفتها
واما نوره فأخذت اللحم وغسلته ووضعته في الشمس لعدم وجود ثلاجات كما هو الحال الآن حتى ينشف
وأخذت لحم وركبته لهم غداء
ابو صالح : يانوره تعالي صبي على ايديني الماء
نوره: ابشر يبه
بعد ماغسل يدينه
غير ملابسه من اثر ذبيحته
ابو صالح : نوره ركبتي لنا غداء
نوره : اي يبه عالنار
جاتهم حصه
ابو صالح : نظفتيها
حصه : اي يبه
ابو صالح : يانوره هاك عشره لك وعشره لحصه سووا بها ثياب لكن
نوره : يبه تسلم احنا بنصبر والعشرين للفاقه (للحاجه)
ابو صالح : لا يابوك لازمن تأخذينها لزوم تداومين بعد نهارين
نوره بفرحه : لقيت لي شغل يبه
ابو صالح : ايه الرجال ماقصر وجد لك شغيله تستاعشين منها
نوره : كم معاشي؟
ابو صالح : ما ادري به يابنتي ولانيب ناشدن عنه
نوره سلمت على يدها وجه وقفى : الجود من الماجود ياربي لك الحمد
طيب وش اشتغل ؟
ابو صالح : تفرزين الورق حق العم
نوره بفجعه : يبه عند الرجاجيل
ابو صالح : لا في غريفه لحالك بين غرفته والمطبخ توصدين بابك بالقفل وتشتغلين
نوره : تم يبه انا عصاك اللي ماتعصاك

%%%
غاده
وانا طالعه من غرفتي رايحه المطبخ لأمي وانا في الطريق سمعت صوت محمد
وانا التفت يميني وشمالي وين اروح وين اروح وين اتخبى لإنه اذا فتح الباب اللي بيني وبينه انا علطول في وجهه وانا اتخبى وراء الستاره واحاول اسيطر على رجفتي وضربات قلبي من الخوف سمعته دخل وامي ترحب به واسمع صوت الأكياس اكيد جايب لنا اغراض البيت دخل المطبخ
شوي الا اسمع خطواته قريب مني كتمت انفاسي واغمض عيوني واشد عليها الا حسيته واقف عندي وحجب عني الضوء
ياربي رحمتك خلاص انفاسي صرت اخذها بقوه كأني اشاهق
ماحسيت الا بضربته بإيده على جبيني عالخفيف وراح
اول مارجع الضوء اللي كان حاجبه عني وسمعت صوت تسكيره الباب
وانا بلا شعور بعد مافقت من ازمه الخوف الا احس بالبلل بين رجولي
ناظرت اسفل بفشيله وانا اجري لغرفتي
اخذت شور خفيف وغيرت لبسي ومسحت مكان وقفتي بالمناديل
وهذه هي اصل معاناتي
%%%
نوره
نوره : السلام عليكم
تفرقت الردود : وعليكم السلام
هلا ببنيتي
هلا بننت المرحومه
استريحي هنيا
نوره : كيف حالكن اليوم
احد النساء الجالسات على البساط : بخير ونعمه
انتي طيبه بشرينا عنك
نوره : طيبه طاب فالك وزان حالك
خالتي بدريه
الخاله : عونك يا بنيتي
نوره : اريدك تخيطين لي ثوب
الخاله : ابشري
نوره : وهذا القماش وهذه قروشه
الخاله : متى اولمه لك
نوره : بكره المغرب ولميه لي
الخاله : ان شاءالله يابنيتي
حصه : السلام عليكم
الجميع : وعليكم السلام
...........حصحوص تعالي يا امي عندي
جلست حصه جنب الحرمه اللي دعتها
‎]
%%%
ام غاده : اشفيك وش صاير لك
غاده تتنهد : لا مافيني شي
ام غاده : وش مضايقك لا تخبين علي
غاده : يمه مافي شي
ام غاده : عشان محمد جاء بيتنا
غاده : لا عادي مو انا اقابله في بيتهم
ام غاده : لاتهتمي من عصبيته تراه احسن اخوانك
غاده : اكرهه يذكرني بإبوي زمآن
ودايما يعصب علي
حتى اول مره اشوفه عصب علي
ما اطيقه هالإنسان
%%%%
حصه
بنت الخمسه عشر عامآ شخصيه نقيضه لنوره نكتشف خلجاتها من خلال ماسيكتب عنها
حصه : سمي ياعمه
...........جوازك ياحصه من مطلق بعد شهرين
حصه بحياء البنت المعروف امتنعت عن الرد والابتسام
ام مطلق : الله يرزقكم بالبني الصالح
‎]
%%%
محمد
محمد : هههههههههههههههه
انا عازم نفسي عندك اسآسآ بس على شرط ابي طبخ البيت
...............
براحتك اعزم اللي تعزمه
...............
خالك سلمان
.........
اي براحتك بس اعزم بدر مانستغني عنه
...............
تسلم ما تقصر
............
مع السلامه
.............
ضغط جواله بيده كأنه بيكسره الغضب اللي بصدره انتقل ليده وهو ضاغط على مافي يده
تنهد بقوه
تخلص من الرسميه ولبس بنطلون وتيشرت
أخذ نضارته الشمسيه وشنطته السبورت اللي ميزته
مستحيل يلبس بدله ومامعه شنطه
طلع من غرفته
شاف اهله جالسين في الصاله باس راس ابوه وامه
ابو محمد : وين؟
محمد : بروح افرفر بالسياره وبروح الحديقه مع هالجو الإبداع
مرام : بروح معك تكفى
محمد : اقول روحي بس ناقصك بعد
مرام : يبه
ابو محمد : اخذها يامحمد هي وغاده والصغار لعبهم في الملاهي
مرام : والله ما اروح مع هالبزران بس انا وغاده
ابو محمد : احسن لا تروحين
محمد : خخخخخ يابختي احسن
مرام : ياسلام هم عندهم سواق الشركه اذا يبغون طلعوا واحنا لا
ابو محمد : انتي عندك اخوانك
مرام : بس مايطلعوني
ابو محمد : ابشري كم عندي مرام بكره اخلي راشد يطلعكم
مرام : تسلم باباتي
محمد : يا الله تأمروني بشي
الجميع : سلامتك
محمد : لا تعملوا حسابي فالعشاء
ام محمد : بتعشى عند واحد من العيال
ابو محمد : لا تطول بالسهر الشركه يبغى لها مقابل
محمد : ابشر يبه
مع السلامه
الجميع : في حفظ الله
%%%%
نوره : حصه حصه شوفي ثيابنا جبتها اخذت حصه ثوبها بفرحه عميقه
وكل وحده منهم تقيس
حصه : زوين يانوره احس كأنا يوم العيد
نوره : اي حتى انا احس زيك
بس انا خايفه بكره بسرح مع ابوي
حصه : ان شاءالله اذا كبرت بتشغل واعاونك وابوي يرتاح
نوره : مالقى الراحه من عياله ليته يلقاه منا
حصه : الله كريم
مع ان زواج حصه بعد شهرين الا انهم مايطرونه لإن الزواج قديمآ عيب والبنت ماتتكلم فيه
حتى الفرحه اللي يعيشنها بنات هاليومين ماكانوا زمان يعرفونها والزواج من المحظورات البنت ماتتكلم فيه
حتى بين مجتمع البنات
ولاتعلق الآمال بالشخص اللي بترتبط فيه
اما الحين تعلق آمالها وغالبآ تخيب
الله يحقق آمالنا وآمالكم وييسر لنا كل عسير[‎]
%%%%
محمد
ركب سيارته واتجه لبيت صاحبه مع انه عارف انه مو موجود من بدر اللي قال له
دق الباب
سمع صوتها من خلف الباب : مين ؟
محمد : افتحي الباب بلكي تفتكريني
.........صوتها المتردد الخايف : انت وش تبي ؟ والله لأعلم اخوي عليك
محمد : حتى انا والله لأعلمه بحركتك الأخيره فيني
وقبلها وقبلها بس الآخيره غيـــــــــر
..........انت انسان مريض ومو صاحي وكملت بصوت متهدج : الله يردها لك في خواتك
محمد : انا ماسويت شي لاعاكستك ولا رقمتك ولا خنت ثقه احد لا اخوك ولا خوالك
انتي اللي تصدفيني ماهو انا
سمع خطواتها راجعه لداخل البيت
آآآآآآآآآآآآآآآآآآآآه وش نهايتك انتي بعد
آآآآآآآآآآه تدعين على خواتي مو كافي انا
آآآآآه عذابي يكفيني ويزود لهم
في الليل
سهرت الشباب والعشاء في بيت صاحبه
جلسه شبابيه
محمد و بدر و زياد وخاله سلمان
قناه السعوديه الرياضيه
فشار و مكسرات وشاي وبلوت واونو
زياد : والله ضيعوا الهدف كان قريب
محمد : والله عار نوصل النهائي ومانحلم بالكأس
بدر : هاتوا نلعب بلوت
سلمان : لا شكلي بسري
محمد : وين يارجال السهره بأولها
بدر : لا خله وراه بيت وزوجه
زياد : لا يغرك ترى له ثلاث ايام بايت عندي
سلمان : وجودها مثل عدمها
محمد : تزوج ماوقفت الحياه عليها
سلمان : لو اجيك خطاب تزوجني
محمد : ابشر وانت ماعليك كلام
زياد : بس الأخ مستعمل
محمد : احنا مانزوج الا صاحب خبره ههههههههههههههه
بدر : هذه شماعه للرفض
سلمان : اي اذا جيت تتوظف وماعجبتهم قالوا لازم خبره
بدر : كلها راحت وسطات
زياد : ولا يهمك اتوسط لك عند محمد تأخذ اخته
بدر : اخته من ابوه آكيد لإن الثانيه مخطوبه
زياد : ماشاء الله مابقي الا الشباب في عايلتك
محمد : اي
سلمان : تزوج تراك عنست وقفت نصيب اخوانك
زياد : ههههههههههههههه بزوجك ابشر بس انت شاور
محمد : هههههههههه شكلي بنحاش عنك لا اصبح في القفص
سلمان : ههههه ذهبي ذهبي لا تخاف ماودك تطلع منه
زياد : مره وانت الدليل ياخآلي هههههههههه
سلمان ضرب زياد بكتفه : هي عاد احترمني انا خالك
الجميع : هههههههههههههههههههه
%%%
(قبل ما اقول عن داوم نوره بهذر عليكم عن حياه ابوي وجدي قديم ايام بيوت الشعر [زي الخيام] ولاجات بيوت الحجر ولا بيوت الطوب اوكي
يقول ابوي كان اذا جاء الضيف نفرش له خيشه (الخياش هي مثل اللي يجي فيها رز ابو كأس)
يجلس عليها او ينسدح
والمتطور يحط خصفه زي البساط بس بسعف النخل
ولما كانوا بدو كان الرجال الفقير يشغل بناته وعياله وهم صغار بس كانوا يعدونهم كبار
يشغلهم عند اي شخص بوظيفه [راعي]يرعى غنمهم والمقابل وش ماهو فلوس أكيد
المقابل يأكل ويشرب عندهم على قوله الوالد الله يسخره لنا [يصرفونهم]
عشان كذا عرضت سالفه نوره بس بقصه غير واسلوب غير واحداث غير
ويقول الوالد زمان وهو وحيد امه بس مو وحيد ابوه لإنه متزوج كثير غير امه يقول كانت امي تسوي لنا عصيده كلنا انا وخواتي
تقسمها نص للبنات ونص له وتحط عالنص حقه تمر تصير[عصيده بالتمر]تقول عشان يستشد ويقوى عوده
والوالده يحفظها ربي ويرعاها تقول زمان كانوا البنات قليل ويادوب بالعافيه يلقى له الرجال خطيبه
ويزوجونهم صغار
وتقول اذا جينا نشكي من رياجيلنا يطردنا ابوي ويخاصمنا ويقف بصف الرجال
بس امي الله يغفرلها
عندها سوالف كثيره بس ان جلست احكيها ماخلصت تصير روايه ثالثه
بس اللي عندها حكاوي تشاركنا بعد نبي نسولف ونشارك ونشجع سوا طيب يابنات]
في الصباح
لبست ثوب واسع كوم طويل وهو اسود فيه ورد اخضرصغيره طويل واسع
ولبست عبايتها بسرعه عبايه راس وغطاء من دون فتحات داكنه لا تكاد ترى من خلفه
وهذا اللبس تلبسه بس اذا جات بتروح للصحيه على قولهم(المستوصف) واما في حارتهم تلبس برقع وطرحه طويله
وراحت تمشي وراء ابوها بخوف
وماسكه عبايتها بإحكام خايفه ينكشف ماتحتها
وركبت جنب ابوها في الددسن وبعد مشوار ربع ساعه
وهي مستغربه التطور ذا وتتلفت تحس نفسها في احسن مكان فالإرض
تحس نفسها توها عاشت
توها شافت الحياه
بس هي خايفه خايفه موت
امنيتها تغمض وتفتح الا هي في بيتهم وهذا الكابوس مو فيه
وقفت السياره
قالت بخوف : يبه خلاص نحول(نحول=ننزل)
ابو صالح : ايه حولي(انزلي) هذا المعمل
قالت بخوف : طيب
دخل ابوها : السلام عليكم واللي سمعوه ردوا عليه السلام
وهي تمشي وراه منزله راسها ماتشوف الا رجول ابوها وتحاول تجاري خطواته
والعاملين يناظرونها مستغربين تواجدها هنا
بس اول مايتدارك الشخص منهم نفسه ويتدارك استغرابه يلتفت عنها
أخذها ابوها ودخلها الغرفه
ابو صالح : خليك هنيا بشوف الرجال وش يريدك تسوين
بس صكي عليك الباب زين
نوره : ابشر يبه
راح ابوصالح لعبد الرحمن
عبدالرحمن : هلا عمي
ابو صالح : السلام عليكم
عبدالرحمن : وعليكم السلام
ابو صالح : البنت حظرت اليوم
عبدالرحمن : زين
ابو صالح : وش تريدها تسوي ؟
عبدالرحمن : شوف انا حطيت البارح الاوراق والدوسيات (الملفات) في كرتون خلها ترتبها بارقام وتكتب اسم المصنع حقها وترصها في الكراتين اللي عندها
ابو صالح : طيب
اما عند نوره
دخلت الغرفه وقفلت عليها وفتحت غطوتها واخذت شهيق زفير شهيق زفير لإنها مستحيه ومكتومه هفت على نفسها بيدها تبي تشيل الحراره اللي بوجهها
شافت يدها معرقه مسحتها في جنب عبايتها
دق الباب وراها وفزت مفجوعه
وجلست تقرأ ايه الكرسي
(الله لا اله الا هو الحي القيوم لا تأخذه سنه ولا نوم له مافي السموات والارض من ذا الذي يشفع عنده الا بإذنه ........)
طق طقطق
نوره بصوت خايف : من
ابو صالح تنحنح عشان تعرف صوته وتغطت و فتحت له الباب
ابو صالح : هذه الكريتينات فيها ورق ودوسيات رتبيهن وقيدي اسم المصنع ورقمها عشان الرجال اذا طلبها تعرفين رقمها
نوره : طيب يبه
وراح عنها وسكرت بابها
طبقت عبايتها وتربعت في الغرفه وجلست ترتب وتكتب بتفاني عشان تحلل لنفسها الفلوس اللي تندفع لها
‎]
%%%%
ام غاده : خلاص قوم توض وروح صل
رايد : طيب دقيقه
غاده : روح شاطر عشان ربي يحبك و يدخلك الجنه ويرجع بابا يمشي ويعطينا كل شي نحبه
رايد بفرح : يرجع بابا يمشي
غاده : ايه
رايد : ومايخلي راشد ومرام يضربوني
غاده : ايه
عن عمرو بن شعيب عن ابيه قال : قال رسول الله صلى الله عليه وسلم (مروا ابنائكم بالصلاه لسبع سنين واضربوهم عليها لعشر سنين وفرقوا بينهم في المضاجع )
رايد : طيب بروح اتوضى
جري لدوره المياه الله يكرم الجميع وتوضى وجاء بفرحه
رايد : توضيت
ام غاده تتوضى : خلاص روح انتظر محمد تروح معه للمسجد
رايد : وريان مايروح يصلي
ام غاده : اذا صار في عمرك لازم يروح الصلاه والا ربي مايحبه
غاده : رايد رايد
خذ اشتري لك ولريان ولي ولماما اشياء حلوه
رايد : طيب
طلع رايد في الحوش ينتظر محمد بعد دقايق طلع محمد وراشد
محمد : رايد وش فيك ؟
رايد يناظر راشد بخوف : بروح معك اصلي عشان بابا يطيب
راشد قبلهم يمشي ضحك بسخريه : ههه
محمد : طيب توضيت
رايد : اي
محمد : يالله زين
راحو الثلاثه مشي للمسجد المجاور وبعد انتهاء الصلاه
وهم في الطريق مشى رايد جهه البقاله
محمد بتساؤل : وين
رايد : بروح اشتري اشياء حلوه لماما وغاده وريان ولي
محمد : طيب خلاص انا بروح معك
راشد : تعال وش تبي فيه
اتركه يرجع بنفسه
محمد : لا فكني يضيع الورع وش يفكني من امه وابوه
اقطه عند اهله وافتك
راشد : معني نفسك على غير فايده
توجهوا للبقاله وفرحه رايد ماتوصف
%%%%
التوقعات
من هي نوره في الجيل الجديد؟
ماهو سر غاده مع ابوها ؟ معاناتها كيف حدثت؟
ماهو سر محمد مع الهنوف؟
مرام .. غاده ..التوقعات القادمه لهن ؟
%%%%

morano · 06-05-11, 06:51 PM

]

البارت الثالث
&&
عشقت القمر حيث ان القمر به نور
واخص الليالي البيض تزهاه وتزهنه
واحب الهوى لا هب من خايع ممطور
وريح النفل حيث النفل طيب الخنه
واحب الجماله والجماله عمل مبرور
واحب الغناه وعز نفسي عن المنه
واحب الصراحه والصراحه بها مسرور
حيث ان الصراحه تقطع الشك والظنه
واحب الكريمه اللي يفرج عن المعسور
اليا من عطى حتى اهله مادروا عنه
احب الرجال العارفه واكره المغرور
من اغتر في بعض المظاهر غرنه
سقا الله ليالي ماضيه قبل هدم السور
نحفر العدود ونشرب الماء من الشنه
نشوف البنات الليا وردن كأنهن الحور
مهار ماشاويلن بالاعياد معتنه
على الماء تشوف بيوتهن كأنها القور
كثير القبايل تقطن العد بالكنه
على البال ذاكرها ياليت الليالي تدور
ياليت الليالي ماخذنه يجيبنه
تذكرت شيبان لنا يوم كنا بزور
يحثونا بالطيب والفرض والسنه
لو عاشوا حياه قاسيه في بحر وبرور
عسى الله يعوضهم بما فات بالجنه
لو دورن مضى من بينهم وين ذاك الدور
زمان مضى له ذكريات يحلنه
يوم الذهب مايلبسونه بدون خصور
جمال النسا ماهو من السوق يشرنه
فقدنا حياه البدو مع شوفه المظهور
ولا عاد به بدو ولا الطرش له حنه
&&‎
فرشوا بساط خفيف يسمى (الخصفه ) وجلسوا عليه وجابوا القهوه
تفوح رائحه عبق الهيل ارجاء منزلهم
نوره : يبه هذا مضير(هذا شي يسوونه من حليب الغنم بس انا ما احبه) خالتي ام مطلق
ابو صالح : اعرفه سواتها فيه طيبه والله ان هالحرمات عن سبع رجال
تقهر(ترعى) غنيمها وتربي عويلها احسن من بنات السوق(المدينه)
حصه : يبه الدجاج موت منه حبيتن
ابو صالح : فداء يابنتي فداء
سمعوا صوت عند باب البيت : ياولد عمي عم ابو صالح
من عاده البدوان قديم مايتسكر لبيوتهم باب ابد
اذا صلوا العشاء كلن عود بيته وسكر بابه وتعشى وبات
لإنهم يشوفوا ان يقفل بابه ماهوب كريم ومايبي الضيف وتسكيره الباب عيب ومنقود
واذا جاء رجال اكيد مايدخل لازم يستأذن لقوله تعالى :
( يا ايها الذين آمنوا لا تدخلوا بيوتآ غير بيوتكم حتى تستأنسوا وتسلموا على اهلها )
ابو صالح : جاك جاك ياولد
طلع عنهن ابو صالح ورجع يقول : زهبن(جهزن) القهوه
نوره : ابشر يبه
جهزوا القهوه لأبوهن ورجعوا يتقهون‎]
%%%%
رحت لأبوي لي عنه ثلاث ايام واخذت ريان اما رايد نايم والا كان سابقني
دخلت غرفه ابوي مالقيت احد
رحت الصاله شفتهم جالسين يأكلون طالبين من ماك
غاده : السلام عليكم
ردوا : وعليكم السلام
ابو محمد : ياحبيبي
غاده : كيفك يبه
ابو محمد : طيب الحمدلله
غاده : كيف صحتك
ابو محمد : صح بدنك بخير
واخذ رايد يبوسه ويلعبه ويبعثر شعره وعمتي ام محمد تأكله من ساندوتشها
اخذت مرام من الكيس ساندوتش ومدته لي
غاده : لا ياقلبي....
مرام : والله تأخذينه
غاده : مشكوره طيب هو لأحد
مرام : لا طلبته لراشد بس راشد نايم ماقام يدبر نفسه اذا قام
غاده :اوكي مشكوره
مرام طيبه حيل معي بس مع رايد تتحول شبح اما ريان فما تحبه ولا تتحنن عليه ابدآ
وراشد سخيف مع كلنا بس انا اطنشه وما ادير له بال يمكن عشانه صغير
اما اروى هذه اصغر من محمد واكبر من مرام ما تبلعني من زور
عندها بنت
ابو محمد : وين رئودي ؟
غاده : نايم يبه
ابو محمد : نوم العوافي
نزل راشد توه صاحي من النوم وجلس قدامنا ولا قال سلام ولا فكر
وقال لمرام : ما طلبتوا لي
مرام : لا
رفع جواله وكلم صاحبه يمره
حط جواله بالارض
جاه ريان عشان الجوال وهو يحبي عالارض مع انه يمشي بس عشان قرب المسافه
بس بادره راشد بعصبيه : انقلع
رجع ريان لابوي وضمه وهو يسمي عليه
ام محمد تمسح راسه : بشويش عالولد ماسوى شي
غاده قهرني راشد وزاد قهري سلبيه ابوي ساكت عنه : رجال بعقل بزر
راشد قزني بحرقه قلب
طنشته مو ناقصني الا هو
قمت بروح بيتنا
ام محمد : اجلسي وين رايحه؟
غاده: مشغوله شوي مره ثانيه ان شاءالله
نزلت بشيل ريان
ابو محمد : لا خليه عندي
غاده : ما اقدر يبه امي بتنيمه
عذر واهي بس احسن من ان يضربوه ولا احد ينتبه له
%%%
في الماضي
بعد الإحداث بإسبوع
الحاره
الصباح بدري قبل شروق الشمس
طلعت نوره ورى ابوها تناظر البيوت حواليها
شافت الابواب مفتوحه والبزران يلعبون بجريد النخل
والحريم كل وحده عند غنمها اللي تضرم(توكلها) واللي تحلب واللي ترضع
والبنات يوكلون الدجاج ويطلعون بيضهم والا يساعدون امهاتهم
ركبت جنب ابوها في الددسن
الشي الوحيد المضايق نوره في شغلها ماجنب غرفتها دوره مياه الله يكرمكم جميع
فكانت تطلع من غرفتها وتروح تقريبآ مسافه اربع غرف وتدخل دوره المياه
المشكله تصادف الشباب احيانآ
وصلاه الظهر تأخرها لين يبدون يصلون الشباب عشان تتوضى
نوره : يبه مافي قريب مني حمام
ابو صالح : لا يابوك قريب مابه بعايد
نوره : بس انا ودي بشي لي بس
ابو صالح : لا معليك اخوانك اخوانك مايمشون درب الخنا(الرديه)
نوره : ابشر يبه
نزلت من ددسن ابوها تمشي خلفه مع ان لها اسبوع مداومه الا انها ماتعودت الدخول الصباح
بس الظهر احسن مايكون فيه عند خروجها الا ابوها وعبدالرحمن وثلاثه غيرهم
الشباب تعودوا تواجدها فكان ما احد يناظرها كلهم يشتغلون بتفاني وامانه دخلت غرفتها بإنفاس لاهثه كأن لها سنه تمشي وعرقها مغرقها
عالساعه عشره
دق الباب عليها وكان ابوها فتحته
ابوصالح :الرجال يبآ اوراق معمل ابن ..........
متعوده على هذه الطلبات توجهت بإليه للكراتين وفتحت وفتحت ودورت مالقت شي
نوره : يبه ما عينت(لقيت) شي
ابو صالح : وشلون ما عينتيها(مالقيتها) انتي مقيدتها(مسجلتها)
نوره : اي يبه بس ما ادري
دورت من جديد ما في امل دورت في الغرفه بعد لاشي
راح ابوها وخبر المدير
عبدالرحمن : ذكرها تو عطيتها قبل ثلاث ايام
راح ابوها ونفس الشي اصلآ مستحيل تذكر لإن الاوراق تجيها بالهبل اذا كان مفتوح ملف سابق بس تدخل الاوراق واذا مافي تفتح لها جديد وهكذا
رجع ابوها لعبدالرحمن
عبدالرحمن : هيا ندورها تعال معي
لبست عبايتها وتغطت ووقفت عند الركن بخوف كأنها مظلوم ثبتت عليه جريمه
دخل عبدالرحمن دون يناظرها وفتش وفتش الاسماء ما فيها معمل ابن .......
ورجع يفتش داخل الدوسيات يفتش يفتش
آخيرآ لاقها تنفس ببطء ناظر بالأسم معمل ابن ........ غير المعمل اللي هو طالبها واكيد ما انتبهت للإسم
عبدالرحمن بحده : الدوسيه ذي بإسم معمل ابن .........والاوراق نص لنفس المعمل والنص الباقي اللي انا طالبهم انتبهي لا تلخبطين
نوره بصوت خايف ورجفه وبكاء : تكفى عمي آخر مره والله ما اعودها والله
سامحني ياعم انا محتاجه اشتغل
طلع من غير رد بيحسسها بغلطها
مايدري انه شب في قلبها الخايف نآر‎]
%%%
محمد
دق جواله برقم غريب ناظره بإستغراب وش هذا الرقم ما عمره شافه
رد
محمد : آلو
.........:السلام عليكم
محمد : وعليكم السلام
...........:كيف حالك طيب؟
محمد : بخير الحمدلله
...........:ما عرفتني آفآ واحنا بنصير اهل
محمد: هلا سلمان يا الله حيه
سلمان : اخبارك ياولد عساك طيب
محمد : بخير الحمدلله
سكت محمد متفاجى بالاتصال ذا
سلمان : ماتجمعت مع العيال قريب
محمد : تونا اليوم تغدينا سوا
سلمان : ماعزمتوني
محمد : اخاف الحرمه تزعل كل شوي ساحبينك معنا
سلمان : الحرمه عند اهلها
محمد : عسى ماشر
سلمان : خلافات
محمد : الله يحلها
سلمان: بجيك خاطب
محمد : حياك
سلمان : تسلم
الليله
محمد : على خير
سلمان : سلم عالأهل
محمد : يوصل
سلمان : مع السلامه
محمد : ياهلا
%%%%
بعد مرور شهر على توظيف نوره
جالسه بغرفتها تصارع الآم الدوره واغراضها اكيد ماهي بذاك التطور اللي صاير اليوم
كل ست دقايق تروح دوره المياه الله يكرم الجميع
قبل آذان الظهر دخلت وسمعت اصوات الشباب داخلين يتوضون سكتت ما بتفضح نفسها جلست في الحمام تنتظرهم يروحوا
........هذا الحمام مقفل
........اكيد فيه احد
........والا خربان
........اتركه اتركه الحمامات واجد
تسمع صوت ابوها وعبدالرحمن والشباب الباقين يتوضون ويستغفرون
وهي تسمعهم وخايفه
وكانت مقفلته كما في ذاك الزمن بالسوقاط (الزرفيله)
في اقل من عشر دقايق طلع الجميع حاولت نوره تفك الباب ماقدرت
نوره :يمه شكله مسوقط من برا
ياويلي
هزت الباب حاولت ماقدرت تفتحه‎]
%%%%
محمد : يبه بعد المغرب بيجيك خطاب لغاده
ابو محمد : من هو ؟
محمد : خال زياد *سلمان*
ابو محمد : متزوج
محمد : اي بس علاقته بزوجته خربانه عند اهلها لها ثلاث شهور يقولوا طالبه الطلاق
ابو محمد : نشاور البنت ونشوف
محمد : غاده خلها علي انا
%%%%
لما خرج ابو صالح عشان بيرجع البيت راح يشوف بنته بس كان الباب مفتوح وهي موجوده
راح لعبدالرحمن
ابو صالح بفجعه اب على بنته : بنتي بنتي نوره ماهيب فيه
عبدالرحمن ردد ببلاهه : ماهيب فيه
لما استوعب جري للغرفه ناظر يمين شمال مافي احد
جري لدورات المياه ناظرها نظره خاطفه كلها مفتوحه ماعدا الإخير مقفول من صلاه الظهر له ساعتين ونص مستحيل تكون موجوده فيه
ابوها يدور وعبدالرحمن يدور متوقعين السيء والاسوء
رجعوا بخيبه للغرفه بعد بحث دام ساعه كامله
ومعهم ثلاث اشخاص طلعوا حوالين المعمل يدوروها
جلس ابو صالح بتعب وقهر شيبه في التسعين من عمره ينطعن في بنته وشرفها
اول ما تبادر في ذهنهم ان خاطفها ابن حرام
ولا هي ماتروح للدروب الرديه برجولها ارخى راسه وبكى
عمر دمعته مانزلت مات له ولدين في عز شبابهم وماتت زوجته وصبر وما بكى ليتها ماتت ولحقتهم
بس هالمره بكى عرضه رآآآآآح
ناظره عبدالرحمن بإلم
شايب حواجبه بيضاء أكل من الزمن حتى شبع
شاف شين اكثر من الزين
وصبر واحتسب
الا هذه الضربه بتقضي عليه
شاف دمعته اللي انتهت عند لحيته
كسروه الله يكسرهم
كل مني جبتها للنار بيدي
عبدالرحمن بخنقه وقهر : ياعم ارفع راسك واللي خلقني بقدرته والله ما يأخذ حقك منهم الا انا
والبنت ان جاتك حيه انا متزوجها وهذا وعدي ياعم
ولا عاش من يوطي راسك
ابو صالح ما رد ما رد ابد
التفت لعبدالرحمن : وين ادورها وين
‎]
%%%%
غاده
جالسه اذاكر لريان
غاده : ( كلا لينبذن في الحطمه )
ريان : ( كلا لينبذن في الحطمه )
سمعت صوت جوالها يرن
غاده : اصبر دقيقه
آلو
وعليكم السلام
بخير
الحمدلله
انت كيفك
هاه
طيب دقيقه
وسكرت
وراحت جري لامها اللي جالسه تطبق ملابس العيال في الدولاب دخلت جري طيران
غاده : يمه يمه شوفي محمد عند الباب يقول افتحوا لي انتي افتحي له وانا بروح غرفتي
طلعت طيران لغرفتها زي مادخلت
راحت امها وفتحت الباب لمحمد
محمد : السلام عليكم ياعمه
كيف حالك وش اخبارك
ام غاده : وعليكم السلام طيبه طاب فالك انت وش اخبارك كيف حال الوالده والوالد واخوانك
محمد : كلهم طيبين ينشدون عنك
ام غاده : الله يستر عليهم
محمد : وين غاده ؟
ام غاده : في غرفتها
محمد : انا قايل لها افتحي الباب تروح غرفتها
ياريان...ريان
ريان : نعم
محمد : ناد غاده قول محمد يبيك
راح ريان لغاده : غاده محمد يبيك
غاده بفجعه : يبيني
وجري لدوره المياه
طلعت وتدعي بسرها يارب تستر يارب تكفيني شره
نزلت من غرفتها متردده الخطى والخوف وضربات قلبها تخنق انفاسها همست بالسلام
محمد : وعليكم السلام
قامت ام غاده تبيهم يأخذون راحتهم اخوان ومع بعض
محمد : لا ياعمه اجلسي الموضوع يخصكم كلكم
ام غاده : بسوي قهوه
محمد : لا تسلمين ياعمه ارتاحي
جلست ام غاده
محمد : جاك خطيب ياغاده
كح كحح بفجعه ورهبه ضاقت انفاسها اكمل محمد : ونعم الرجال ياغاده
اسمه سلمان عبدالله ال.......
عمره37
ام غاده : كبير
محمد : لا ياعمه حتى غاده 26 وما احد خطبها ابد
غاده مستحيل تعارض محمد بشي وتهابه بقوه
وام غاده مسالمه
محمد : متزوج وزوجته عند اهلها بينهم خلافات مدرس تربيه بدنيه
ابوي موافق وانا موافق والرجال بيجي بعد المغرب
يخطب رسمي
استخيري وعطيني قرارك
%%%

قبل هذه الأحداث بساعتين
نوره
ياويلي هاللحين كيف اظهر
ياربي ساعدني
ان طقيت الباب فضحت نفسي وان سكت روعت ابوي
بجلس لين يصلون واطق
جلست نص ساعه
وصارت تطق الباب بس ما احد سمعها طقت حتى تعبت ايديها
ما احد سمعها لإنهم كانوا يتغدون في غرفه الأكل
استلمت تبكي وتفرك ايديها وبطنها من الألم والجوع
وسمعت صوت فتحت الباب الرئيسي الحمام بعد ساعه تقريبآ لبست نقابها ونادت انا مقفولن علي
بس ما احد رد بس سمعت خطواته تبعد بعجله
وهذه كانت هي خطوات عبدالرحمن
‎]
%%%
بعد صلاه المغرب
جاء سلمان ابوه متوفي ومعاه عمانه3
العمر37
الوظيفه مدرس تربيه بدنيه
واخوه سعد واخوه سالم كلهم اصغر منه متزوجين
وجات امه واخته عمرها33
طبعآ تمت الخطبه مابي ادخل في التفاصيل
لإنها شي معروف ومعتاد تم خطبتها ووعدهم بالرد قريب
%%%

نوره صارت تبكي وتضرب الباب بإيدها الثنتين عالباب
وتضرب الباب بنفس الزرفيله (السوقاط)
اما عند مكتب عبدالرحمن و ابوصالح
عبدالرحمن : انا بدورها في الغرف
قام معه ابو صالح
داروا الغرف بس سمعوا صوت طق باب سار عبدالرحمن يجري خلف هالصوت وابوصالح يحث خطواته ورى عبدالرحمن مروا دورات المياه ودخلوا الا الطق بإخر باب وصوت بكي وصياح
عرفوا الصوت صوت بنت
ابو صالح : نوره
نوره تبكي : يبه فك الباب يبه وتشاهق
رجع عبدالرحمن لمكتبه
وابو صالح فتح عن نوره الباب رماها بإحضانه بفرحه اب فقد ضناه ولقيه
‎]
%%%
غاده ببكى : يمه آآه مابي اتزوج مابي آآه
امها شاركتها البكاء : ليه ؟ انا ودي افرح فيك
غاده تبلع غصتها : ياامي ياحياتي انا مو زي اي البنات يفرحون فيهم امهاتهم
امها : يابنتي هذا رجال كبير وعقلاني يتفهم
غاده تبكي : مابي تنكسر نفسي فوق ماهي مكسوره
تكفين قولي لإبوي
امها : ابوك لا لآآآ
بشوف محمد وانتي بعد قولي له
كملت بكاها وآساها
%%%%

دخل ابو صالح لمكتب عبدالرحمن بعد ما تفقد بنته جزء جزء
وسألها عن حكايتها ووش صار فيها احد تعرض لها والا لا
بعد ماتطمن راح لعبدالرحمن وهو يشكر ربه ويحمده
اللي رد له بنته سليمه مو مثل ماكان متوقع بالسيء
عبدالرحمن : قرت عينك ياعم
ابو صالح : بشوفه نبيك
عبدالرحمن : قالت لك من صك عليها
ابو صالح : ياولدي عيالنا فيهم خير ما احد تعرض لها بس جو يفكون الباب الا لقوه مصكوك
وجد حطوا السوقاط وازرت تفتحه
عبدالرحمن : خلاص ياعم قول لها لا تجي بكره ترتاح بالبيت
فتح ابو صالح عيونه بقوه كان فرحان با400راتبها الشهري حتى فكر بيشتري بالراتب الجاي ابل
بس سبحان الله يمنع شي ويعطي اشياء
ابو صالح : ابشر ياولدي
‎]
%%%
اتصلت ام غاده على محمد
ام غاده : السلام عليكم
محمد : وعليكم السلام
ام غاده : كيف حالك ياولدي طيب ؟
محمد : بخير ياعمه الحمدلله
انتم طيبين
ام غاده : بخير
محمد : كيف صحتك
ام غاده : صح بدنك طيبه
ام غاده : محمد
محمد : سمي
ام غاده : سم الله عدوك
ياولدي غاده تقول ماهي موافقه على اللي خاطبها
محمد : ياعمه الرجال طيب ومامثله
ام غاده : كل شي نصيب
محمد : انا بكلمها واشوف ردها
ام غاده : طيب مع السلامه
محمد : مع السلامه
%%%

ركبت في الددسن جنب ابوها شافت وجه ابوها اختلف مو وجه ابوها البشوش اول ماشافها
نوره : يبه وش فيك
ابو صالح : الرجال عيا مايباك تداومين
نوره شهقت : يبه تكفى قوله اتلاها(اخرمره) والله ما اعودها
ابو صالح : والله منيب غاصبه جزاه الله خير لمنا شهر
انا عندي من معاشك200بإقتضي إبها غنم ونستاعش منها الله المغني عنه وعن غيره
‎]
%%%%
محمد
أخذ جواله واتصل بغاده
واكيد غاده مرعوبه منه وتهابه وتهاب اي رجال بالذات اذا عصب عليها
خلاص تكرهه و تهابه
محمد : آلو السلام عليكم
غاده : وعليكم السلام
محمد : كيف طيبه
غاده : الحمدلله
محمد : فكرتي باللي خاطبك
غاده : آآي
محمد : تراها رجال ورفضك ماله سنع حتى ابوي يقول خلها تستخير واتمم
غاده : طيب
محمد : خلاص اقول انك موافقه
غاده : ايه
محمد : مبروك الله يوفقك
غاده : الله يبارك فيك
ناظرتها امها بفجعه هذه اللي تقول ما ابيه بكلمتين من محمد تممت و يباركون لها
وكلامها لي وصياحها نسيته
محمد : مع السلامه
غاده : مع السلامه
محمد مع معرفته بخوف غاده منه ومن ابوها استغل هالنقطه عشان يجبرها توافق لغايه في نفسه نكتشفها بعدين
سكرت الجوال وبكت
امها ما قالت لها شي وش تقول ما بيدها شي مستحيل تقدر توقف بوجه محمد او ابوه
( وعسى ان تكرهوا شيئآ وهو خير لكم وعسى ان تحبوا شيئآ وهو شر لكم والله يعلم وانتم لاتعلمون ) وهذا دلاله تفويض الأمر لله خيره وشره
%%%

في البيت
جالسه نوره بحزن تفكر
حصه : وش اللي مضيقك ياوخيتي اصبري اللي عقدها يحلها
نوره : وشهو له يطردني انا ماسويت شي
حصه : عشانه خايفن علاك
نوره رفعت يديها للسماء بتذلل : يارب يارب تيسر لنا رزقن من عندك يارزاق ياكريم
حصه : لا تضيقين خويطرك ولا يقوله الله ربنا اللي خلقنا ماينسانا
نوره : صادقه وخيتي بس النفس ضعيفه همها على قيسها (قدها)
حتى ابوي ضاق خويطره
حصه : من بعد صالح خسر قروش ابوي
نوره : امس عصير جاي لابوي يقول ان كان عندك قروش انا معتازها
حصه : اي اوحيته وربي ياغيضتن محضت كبدي كيف بابوي
قال له ابوي عيالنا مافيهم خير احنا من حاجتنا شغلنا معاورنا(بناتنا)
نوره : اي وزعل يقول خلها تنعثر بالبيت قال ابوي لو عيالي سدونا ما احتجنا تشتغل
جابت اللي عيالي ماجابوه
حصه : ربي بضيقتنا يتكفل
‎]
%%%
محمد
طفش له اسبوع مافي فرصه يصادفها يحس نفسه يهدد بس ماسوى شي لها
عادت به الذاكره
وهو داخل بيت اهل صاحبه زياد وعدهم يجي واتأخر مره
اول ما دخل شافها وعرفها وهذه اللي قاهرته كم لها من مواقفها الإخيره
جالسه على كرسي قدام مسبح اطفال صغير
مصدقه نفسها قدام البحر خخخخ وقف وراها
محمد : هي ابو الشباب
ما التفت
محمد : صدق ما تستحي
قامت ووقفت وارخت جسمها وترمي شعرها يمين و يسار وتقول : عاشوا ... يمين ... يسار ... ايوه ...تنكس
"موضي على غفله"
سمعت جلجلت ضحكته : ههههههههههههههههههههههههه ههههههههههههههه
شالت السماعه والتفتت ماشاف الا غبارها
زياد : اشفيك محمد ونسنا معك
ناظر جواله بيده
محمد : واحد من اصحابي ارسل لي نكته
زياد : هاتها بنضحك
محمد : لا ذي خاصه لي هههههههههههههههه
%%%%%

morano · 06-05-11, 06:53 PM

البارت الرابع
&&
باللي بقآلــــــي مع الأيـــام.!وفيتـــه! والضيــــق لو ينهمــــر تشربـــــه وديآنـــي
مـــآهي كبيره علــــي وآلحــزن غــنيتــــه
ولآهــي غريبــــه إذا وقتي تحدآنـي؟
الــخ ـوفــ لآمن نبشــــت القلـــــــب" وآدميتــــه
لآعشـــت زهــــرة شبابـــكــ وأنــــــت وحدانــــي
كــــم جــــــرحــ، خذتـــه مــــن الأحبـــــاااب ضميتــــــه! وجــــروح قلبـــــــــي زكــاة لحب خلآني
مطـعـون عـــاادي جفـــآ الاقـــرآب داويتـــــــه"
تعبـــــآن مبطـــي
ردى هاالوقــت خاوآنـــــي!
صدمــــه.. بسيطــــه.. ادري
الجـــرح آرحـــــم إذا يرجـــع من اغليتــــــــه
&&
بيت عبد الرحمن
دخل بيته على اذان العصر
عبد الرحمن : السلام عليكم
ام عبد الرحمن : يمه وينك تأخرت؟
عبد الرحمن : انشغلت اليوم تو فضيت
شال غترته وانسدح على الطواله بتعب عبد الرحمن : آآآآآه
ام عبد الرحمن : سلامتك يمه وش هو تتعب نفسك زود
لايحمل الله نفس الا طاقتها
احط لك الغداء
عبد الرحمن بإستغراب : يمه ما تغديتي
ام عبد الرحمن : لا احتريك
عبد الرحمن : كان تغديتي يوم ابطيت
ام عبد الرحمن : اكلني قلبي عليك
عبد الرحمن : يمه الله يخليك لي كل شي بيد رب العالمين
ام عبدالرحمن : ونعم بالله
قامت ام عبدالرحمن تحط الغداء وعبدالرحمن فكره مشغول عما هو فيه
عالغداء
عبد الرحمن : يمه انا قررت اخطب
ام عبدالرحمن بإستغراب : بس انت خاطب بنت عمك
عبد الرحمن : بس ماهوب عيب اخذ ثنتين
ام عبد الرحمن : بس لو يدري عمك انك خطبت وبنته ماضوت(ماصارت تحت عصمته) عندك يمكن يفتكها(يطلقها منه)
عبد الرحمن : لا انا الزوجه الثانيه ابيها سر ما احد يدري به
حتى اخواني وخواتي لا يدرون به
ام عبد الرحمن : من هي؟
عبد الرحمن : البنت اللي اشتغلت عندي قبل شهر
ام عبدالرحمن : وأبوك (هذه دلاله التعجب)
عبد الرحمن ضحكه بغير وقتها : ههههههه
ام عبدالرحمن : ليه من بد هالبنيات عشانها زوينه
عبد الرحمن احتفظ بالسبب الحقيقي عن امه : لا يمه بس خايفن علاها من الشغل بين الرجال وبشيل حملها عن ابوها
ام عبد الرحمن : ليه هي عنوس(عانس)؟
عبد الرحمن : اي يمكن انها عشرين
طبعآ قديم البنت بها العمر تعتبر عانس وكبيره
‎
%%%%
طبعآ غاده سوت تحاليلها وضبطت لها اسبوع وعا اساس بكره ملكتها عائليه مختصره
ورفضت تشتري فستان تقول عندها وبتسوي نفسها في البيت
رائد : بابا تعال عندنا
ابو محمد : طيب انتو عندي هالحين
رائد : اجلس عندنا زي هنا نام وتغدى وتعشى
ابو محمد : ان شاء الله اذا صرت طيب
رائد : متى؟
ابو محمد : اذا ربي اراد
دخلت غاده على ابوها شايله ريان
غاده : السلام عليكم
ابو محمد : وعليكم السلام
مبروك يابنتي
غاده همست : الله يبارك فيك
ابو محمد : وين امك ؟
غاده : ماهي جايه يبه
ابو محمد : روح رائد ناد امك قول لها ابوي يقول تعالي
راح ورجع
رائد : تقول بنام
ابو محمد بحده :
غاده
روحي لها قولي ابوي يقول ان ماجيتي انا غضبان عليك الليله وكل ليله
%%%
في اليوم الثاني
بعد صلاه العصر
ابو صالح : حصه يا حصه
حصه : نعم يبه
ابو صالح : تعالي سوي الشبك بنزل الغنم من السياره
سألت نوره اللي تعجن في العجين : يبه كم جبت ؟
ابوصالح : اربعه
نوره : بكم ؟
ابو صالح : بثمانين
نوره : عانك الله
بعد ما دخلوا الغنم في مكانها دخلت حصه البيت ودخلت المطبخ تسوي القهوه
نوره : وش هو له القهوه ؟
حصه : ابوي جاء عنده رجال وبسوي لهم قهوه ومعه حرمه
نوره : من هو؟
حصه : ما ادريبه ماهوب من حارتنا طرقي(ضيف) غريب
نوره : عسى خير

%%%
دخلت ام غاده : السلام عليكم
ما رد ابو محمد
تداركت غاده الأمر وردت السلام على امها
ابو محمد : غاده اخذي اخوانك وسكري الباب معك
اخذت غاده اخوها ريان اللي يتلزق بإمها ورائد وسكرت الباب وراها
ناظر ابو محمد لإم غاده
ابو محمد بعتب : كم لك ماوقفتي علي وسألتي عن اخباري؟
ام غاده بنفس وقفتها سكتت
كمل : ماكني مريض وعياده المريض فيها اجر ولا بعد رجالك
تعالي هنا وضرب بيده على السرير جنبه
والا عشاني ما اقدر اجيك
وقفت بتردد : تعالي انا ماني ولد عشرين تخافين على نفسك مني
جات وجلست جنبه
ابو محمد : انا زعلان كيف تبغين تراضيني؟
ام غاده : واثق من غلاتك
ابو محمد : مثل ما اشوفك قدامي
مبروك ملكه بنتك ان شاء الله نفرح في عيالها
ام غاده : الله يبارك فيك
ابو محمد : نسيتيني كم شهر
ام غاده : مو اكثر من السنين اللي نسيتني فيها انا وعيالك
%%%

عبد الرحمن
رحت لبيت ابوصالح انا والوالده عشان اخطب بنته
ما خبرت احد من الأهل غير امي
لإني ابيها سر لو يدري عمي ابو خطيبتي كان فك بنته
وبعد لإني بستر على البنت بعد اللي صار لها في الحمام الله يكرمكم
اكيد احد دخلها وبعد ما انتهى سكر الباب عليها
بس سترت على نفسها وما قالت لابوها وانا رحمت شيبات ابوها ودمعته
وقفنا عند بيته في القريه حاله احسن من حال كثير هنا
بعضهم في خيام ساكنين
شفناه واقف يدخل غنمه في الشبك تساعده بنته بس ما اظنها اللي اشتغلت عندنا لإن هذه قصيره وذيك طويله
نزلت ودخلت البنت بيتهم وسلمت على ابو صالح وقلطني واشرت لأمي تنزل تدخل للبنات في البيت
بعد ما اخذنا في السوالف كثير
عبدالرحمن : عمي
ابو صالح : سم ياولدي
عبد الرحمن : سم الله عدوك
انا جايك ياعم ابيك تزوجني
ابو صالح : ابشر ياولدي فيك الخير
عبد الرحمن : شاورها ياعم
ابوصالح : شورها من شور ابوها
عساها زواجن مبروك
عبد الرحمن : الله يبارك فيك
بجيب المملك بعد المغرب واسري بحرمتي
ابو صالح : لك ما طلبت ياولدي بس عيالي ماعندهم خبر وهم ساكنين بالسوق
عبدالرحمن : انت ياعم عندك عيال
ابو صالح : اي ياحافظ اثنين
عبدالرحمن : الله يخليهم لك
ابو صالح : آمين
عبدالرحمن : ماعليه ياعم نروح انا وانت تمر عيالك وتقول لهم واجيب لي ذبايح نعشيها الضيوف
ابو صالح : تم ياولدي
**
اما عند البنات وام عبد الرحمن
كانت نوره تعجن ودخلت ام عبدالرحمن شافتها نوره وراحت ترحب بالمره اللي جايتهم
نوره : ارحبوا ياهلا يا الله حيها وبيها
ام عبدالرحمن : السلام عليكم
نوره : وعليكم السلام ماصافحتها لإن يدها العجين خابصها
فام عبدالرحمن مسكت الكف من فوق دلاله على المصافحه
طلعت حصه من الغرفه بها المراءه اللي جات ضيفه في بيتهم
نوره : تفضلي ياخاله حياك الله
ام عبد الرحمن : تسلمين يابنتي
وش حالك طيبه ؟
نوره : طيبه طاب حالك كيف صحتك؟
ام عبد الرحمن : صح بدنك بخير
ما غير انتي واختك هنه؟
نوره : اي الوالده توفت وانا عمري 12سنه
واخواني راحوا السوق واستعاشوا فيه ماعاد نشوفهم
ام عبد الرحمن حزنت عليهم : انتي ما تعرفيني صح
نوره: لا والله ياخاله ماعرفتك انتي ما انتي من الديره
ام عبد الرحمن : لا ماني من الديره انا ام عبد الرحمن اللي يشتغل ابوك عنده
نوره : والنعم
ام عبدالرحمن : ما عليك زود
جاتهم حصه بالدله والتمر وحطتها عند نوره وراحت تودي لإبوها قهوه الرجال
نوره صبت فنجال لام عبد الرحمن وحطت التمر قدامها : اقدعي اقدعي
وشالت ام عبد الرحمن برقعها وسط تفأجي واستغراب نوره وحصه خاصه انه عيب عندهم الحرمه ترفع برقعها حتى وقت النوم
بعد دقايق السوالف والاسئله نادى ابوصالح نوره
ابوصالح : نوره
نوره : عونك يبه
ابو صالح : خطبك عبدالرحمن مني وعطيته والليله نملك وتسرين معه
نوره تفأجات امس يطردها والحين يتزوجها : تم يبه
‎
%%%
ابو محمد : نوره لاتقسين
ام غاده "نوره": انت القاسي وانا صبرت واللحين ابي اشتري راحتي واستعوض الله فيك
ابو محمد "عبدالرحمن" : مابعد هالعمر عوض
نوره : الله كريم
عبد الرحمن : انا بعوضك عن غيري
نوره : السنين اللي فاتت عوضك ماتنسيني اياها
عبد الرحمن لف يده ليدها وقربها منه : يعني 27 سنه زواج مافيها شي حلو يشفع لي
نوره : الشين طغى عالزين
عبد الرحمن : خلينا ننسى اللي فات والليله بعوضك عن لليالك اللي فاتت واصبري لين اقوم على حيلي وابشري باللي تبينه
%%%

بعد ماراحوا ابو صالح وعبدالرحمن للسوق"المدينه" وشروا اللي يبون وخبر ابو صالح عياله اللي راحوا لبيت ابوهم بعوايلهم وعبدالرحمن جاب معه اربعه من اصحابه وجاب المملك اللي يجبونه من المدن التي تعتبر قمه الرقي
لكن نعتبرها في وقتنا الحالي تراث شعبي
رجع ابوصالح وعبدالرحمن على اذان المغرب ولقي عياله فالبيت وطلب منهم يجمعون اهل الحاره عشان عشاء ملكه بنته
بعد المغرب ملكوا لهم ومهرها12الف وكثيره عندهم كأنها 80الف عندنا اليوم
لإن اغلب بنات ديرتهم خمسميه وان طقت الحمى الف وبعضهم يعطي ابل وبعضهم بدايل
الاخو يتبدل بأخته بس هذا الزواج حرام حرام في حديث صريح من الرسول صلى الله عليه وسلم وسمي بزواج الشغار قال الرسول صلى الله عليه وسلم ( لا شغار في الاسلام)
بحيث يقول زوجتك ابنتي على ان تزوجني ابنتك وليس لهما مهر فهو يسمى بدايل ومعروفآ قديمآ ومشهور بالذات للي ماعنده فلوس
بس يجوز ان يزيد احدهم عن مهر الأخر بحيث ان الأخ اعطى مهر20الف تكون اخته مهرها 25الف حتى لا يكونوا في حكم البدايل ولايشترط تزويج اخته او بنته بزواجه
واللي تبي تفصيل اكثر ترجع لفتاوى ابن باز رحمه الله
**
اما عند الحريم
حريم اخوانها جهزوا لنوره اغراضها طبعآ كانوا يجمعونها في زي الشرشف مربع منقوش له اربع جهات ويربطونها ماكان فيه شناط
تحممت ولبسوها ثوب ازرق اخذت من سالمه بنت جيرانهم زواجها الاسبوع الجاي ماسك على جسمها محدد تفاصيله البنت رويانه مش نحيفه ومشطوا شعرها وضفروه واحد ورتبوه وحطوا لها كحل ووحده من حريم اخوانها حنت عليها واعطتها عبايتها وبرقعها وطرحتها عشانه اكشخ من اللي نوره بتلبسه
%%%
‎
اما عند غاده
بكره ملكتها وجالسه على السور في حوشهم برى
كيف اتزوج؟
واعيش حياتي مثلهم
وانا مو مثلهم
كيف اعيش مع رجل
انا ابوي احس بعذاب نفسي لما اجلس معه ساعه
ومحمد اقوى عذاب لي
طيب كيف اعيش مع رجال
تذكرت معاناتها وسبب احراجها وعقدتها
انهالت عليها الذكريات مثل حبات اللولو وحده وراء الثانيه
.........بعصبيه : بنتك قلبت راسي بكى اقلعيها عن وجهي قلعها الله
.........بعصبيه :شيلي يدك عن اوراقي بنتي الشاطره مرام مو انتي
.........بعصبيه : دواء غاده الضرب عشان ما تأكل من التميس هذا مو لنا لرجل وصاني فيه
.........بعصبيه : غاده كسرت الفنجال كسر بيدها
.........بعصبيه : اشتكوا المدرسات منها يقولوا ما خلت بنت ماضربتها
.........بعصبيه : شنطتها كل شوي مقطوعه نفسي اعرف هي تأكلها
كثير وكثير وكثير بس ضربت يدها على راسها عشان يوقف سيل الذكريات
غاده : آآآآه يارب اتطلق قبل اتزوج وارتاح
نفسي اسوي شي عشان يطلقني
بس اخآآآف
%%%

في السياره
كابرس اصفر
عبدالرحمن جنبه والدته ووراء زوجته نوره
ام عبدالرحمن : مبروك ياولدي منك ومنها العيال
عبدالرحمن بصوت جهوري احتد ظهوره : يبارك فيك
اتجه لبيت امه ينزلها فيه نزلت امه وتكلم عبدالرحمن: نوره تعالي قدام نزلت وجلست جنبه
واتجه لبيته اللي بعيد من منطقته بس قريب من المعمل وقريب من بيت اهلها اشتراه امس لما قرر يتزوجها وجهز الاساسيات فيه
عبدالرحمن : انزلي هذا بيتنا
نزلوا كل واحد شايل بقلبه كثير بعيد كل البعد عن تفكير الآخر
اخذ اغراضها وخرج مفتاحه من جيبه وهي واقفه وراه تناظر عرض اكتافه واهبطت راسها للإرض بسرعه ودخل ودخلت وراه سكر الباب وهي دخلت تناظر البيت بإعجاب وتتلفت يمينها ويسارها نست وجوده معاها اشتغل فضولها نفسها تبدأ رحله اكتشافيه
سكر الباب والتفت لها
شاف استغرابها وفضولها وهي باقي بعابيتها وبرقعها مافصختهم
عبد الرحمن : احمممم
فزت بفجعه
لاحت ابتسامه على شفايفه
دخل غرفه وحط اغراضها فيها وهي جلست في الصاله على طواله اسفنجيه بعبايتها
ماتدري وين تروح ولا وش تسوي ولا وش تقول
جلست بإستسلام وانظارها ليديها
طلع من الغرفه
عبد الرحمن : استريحي استريحي
بمعنى خذي راحتك
قامت نوره للغرفه اللي حط اغراضها فيها
وفسخت عبايتها وطبقتها
‎
%%%%
بعد اذان المغرب
اخذت فستان ولبسته ناعم كيوت يوحي بشخصيه هادئه مسالمه لا تحب الصخب رصاصي بشرايط احمر خفيفه استشورت شعرها وانساب بسواده على نصف ظهرها بتدرجات خفيفه ومكياج خفيف
صلت العشاء لإنها باقيه على وضوءها وخرجت من غرفتها تستقبل الضيوف مع ان امها حاولت فيها تأجل نزولها وتخرج بزفه
بس رفضت عشان مخطط في بالها تبغى تنفذه
شافت قدامها امه واخته اللي جو في الخطبه ومعاهم ثنتين من خواته وسبع من بنات خواته وحريم اخوانه ثنتين وبناتهم اربع صغار
وهي واخواتها ثنتين (اروى ومرام )وعمتها زوجه ابوها وامها
استقبلوهم بالترحيب والبخور ضيفهوهم بالعصير
اخت سلمان اللي جات في الخطبه (سلمى) : هذه اختي نوال وهذه اختي هدى
وهذه حرمه اخوي عفاف وهذه حرمه اخوي الثاني هيا
وهذيلا بناتي الهنوف والعنود ورغده
وهذه بنت نوال الماس
وهذيلا بنات هدى ملاك ومروى ومرام والصغيره عهد
غاده
تعدد علبالها بحفظهم انا يادوب حفظت شكلك بحفظ الأسماء
رحت عنهم بإفكار بعيده يارب تنجح خطتي وارتاح
ياربي خايفه بمجرد التفكير يدب الرعب بإوصالي من الرهبه
رجعت عالواقع على لكزه من اروى اختي
اختي ذي متزوجه من ولد خالها اسمه عمار اصغر من محمد بسنه ونص بس ما تحبنا لو ما كلام الناس ماجات تحظر شبكتي عندها بنت عسل تجنن عمرها ست سنوات اموت فيها اسمها غريد وولد سنتين اسمه وافي ويمكن سبب كرهها لنا من زوجها لإنه يهددها بالزواج عليها زي ما ابوي سوا ويعايرها بزواج ابوي لإن زواج ابوي قصه تعرفوها مع الإيام
واحس مرام احسن منها بكثير مرام عمرها 24 اصغر مني بسنه مخطوبه لولد عمتي اسمه اسامه
انتبهت على لكزتها لي
ناظرت حولي بدهشه كأني غايبه عن الوعي وفقت
عادت سلمى كلامها بهدوء لي كأنها تبغاني استوعب : سلمان
غاده في نفسها "قطيعه عسى ما سلمان مغثه سلمان وسلمان سلمان وسلمان اوف"
سلمى : يقول شاوروها في العرس يبي يسويه بعد شهرين
طبعآ سلمان قال شاوروها متى تبي العرس
بس البنات حددوا بنفسهم عشان مايكون في مجال تغير او ترفض
ردت ام غاده رفعآ للحرج عن بنتها : اللي يريحه
ام سلمان : الله يوفقهم ويسعدهم
رن جواله اروى ونادى محمد غاده عشان توقع وقعت وارتاحت لبدء ما تخطط له
اول ماتجمعوا ضيوفهم على العشاء راحت غرفتها وسكرت بابها فسخت فستانها واخذت شور وارسلت مسج ونامت
بعد اقل من نص ساعه سمعت طق عالباب طنشت صوت امها واخواتها وبعدهم محمد ماكانت اصواتهم عاليه عشان الضيوف موجودين
%%%%

عبدالرحمن نام في الصاله ونوره نامت في نفس الغرفه اللي فيها اغراضها من دون مايكون بينهم اي كلام يذكر
عالصباح
صحت نوره على عادتها كل يوم مع الأذان دخلت دوره المياه الله يكرمكم جميع اول ماشافت الكرسي العربي تفأجات واصابتها الدهشه
الله يرحم ايام الحفره اللي كنا ببيتنا حافرينها
توضت وشافت عبدالرحمن عند الباب ينتظرها يبي يتوضى
اول ماشافها اندهش وعلامات الاستغراب ظهرت عليه لا تقل عن دهشتها بالكرسي العربي
مرت من جنبه ولا يزال يناظرها
هالبرقع من البارح ما انشال من وجهها للحين
الله يسعدك يمه ترمينه اول ما تطب رجلك البيت
لبس ثوبه وتوجه للمسجد
اما نوره صلت وراحت المطبخ بتسوي فطوره
تفأجات بفرن كبير اوغاز كبير غير غازهم اللي كان بالبيت تجلس بالإرض وتشغله
هذا يشتغل وهي واقفه
وبدأت رحلتها الاستكشافيه شافت قدامها دولاب حديد
صغير من ثلاث دروج وثلاث دولايب فقط
فتحت الدرج الاول شافت اداوت من حديد ماعرفت منها الا السكاكين
مسكتها ناظرتها
وهمست لنفسها : يابوي ياسيدي هذه وشهي له
شافت ملاعق حديد كبيره وصغيره
سكرته
فتحت الثاني
شافت فناجيل قهوه وشاي بس غير عن اللي كانت ببيتهم
همست لنفسها : ياحلوها حلواه اطيب من حقتنا
فتحت الدرج الثالث
شافت صحون صغيره حديد بإحجام مختلفه
همست : اشوى ذي عرفتها
فتحت الدولاب الاول
شافت قدور صغيره وكبيره
همست : ماشاء الله اي حين عليهم صنعوها (قصدها مسرعهم صنعوها)
فتحت الثاني
شافت صحون واجهزه مبدئيه
همست : ياذكر الله ماخلى شي ماقضاه (اشتراه)
فتحت الثالث
شافت معلبات بس ماتعرف ذي وش وشافت عبله عليها صوره حرمه شعرها طويل اسود
(زيت الهندي المعروف قديمآ الزيت ابو حرمه)
شهقت : يافضحي فضحاه هذه الحرمه وش جابها هنيا
وتلمست العلبه ومسكت الورقه وشقتها
نوره بفجعه : ياويلي ياويلي شلحت صوره اخته
هذه تاليت الزمان مصور معاوره (اخر الزمان =مصور خواته)
عبد الرحمن من وراها :
ههههههههههههههههههههههههه ههههههههههههههههههههههههه ههههههههههههههههههههههههه ههههههههههههههههههههههههه هههههههههههههههههههه
آآآه ياجنوبي من الضحك ههههههههههههههههههههههههه ههههههههههههههههههههههه
سكرت الدولاب بخوف وحطت يدها على اسفل برقعها تناظره بفشيله تنتظره يخاصمها شقت صوره اخته
عبدالرحمن بعد هدأ من نوبه الضحك : وش تسوين ؟
نوره ردت بخجل وعينها بالارض : ابي اسوي لك فطير (فطور)
عبدالرحمن : طيب وش بتسوين لنا
نوره بقهر : مالقيت شي نأكله
عبدالرحمن فتح عيونه بقوه كل هالنعمه اللي اشتراها وتقول مافي شي نأكله
عبدالرحمن حط الخبز فوق الدولاب : طيب انتي وش تبين تسوين
نوره : ابالي سمن وحليب وبيض وتمر ولبن وان كان تبي عصيده سويت لك
%%%%%

morano · 06-05-11, 06:55 PM

[size="5"]البارت الخامس
&&
ياقلب لاتشره اذا الناس عافوك
لاتشتكي وتقول ما احدن بغاني
وش ترتجي منهم اذا هم نسوك
وش ترتجي من كل قلب اناني
غروك بالطيبه وبالحب شدوك
وتبدلت عندك جميع المعاني
تلبسوا زيف المشاعر وباعوك
للجرح والدنيا وقسوه زماني
اغتالوا آمالك وبالحيل ذلوك
تصرخ تبي مافات يرجع ثواني
توك صغير السن لابأس هزوك
قبلك خذوا مني ولا احد عطاني
لاتشتكي ياقلب ياقلب ارجوك
ياما طواني الهم واسقط كياني
&&
غاده
صحيت من النوم الساعه3بالليل غسلت وجهي وفرشت اسناني وانا اسمع الهدوء شكل امي والعيال ناموا اخذت جوالي لقيت فيه 35اتصال وثلاث رسايل
18 اتصال من محمد
6 من ابوي
2 من رقم غريب
5 من امي
4 من مرام
فتحت الرسايل
الرساله الأولى
من محمد
بلا هبل تنامين اللحين انتظري خطيبك يشوفك ونامي
الثانيه
من محمد
والله مانساها لك هالحركه مقصوده بس دواك عندي
الثالثه من نفس الرقم الغريب اللي اتصل علي
ردي ياغاده
رميت جوالي عالكومدين بخوف
ماظنتي هالحركه بتمر وان مرروها كل اهلي مستحيل محمد يمررها لي فتحت باب بغرفتي وانا انطنط على اصابعي عشان ما احد يصحى
طليت على غرفه امي شفتها نايمه وجنبها ريان نايم
تنفست براحه واتجهت للمطبخ وحظرت لي عشاء وجلست عالطاوله اتعشى
وانا عقلي بعيد كل البعد عن واقعي وش مصيري مع هالسلمان
وش بيسوي فيني محمد
كلها خمس ساعات واشوف وش مقرر لي
%%%%%

عبدالرحمن جلس وحط الخبز جنبه وقال : شوفي البيض هنا
واشار للثلاجه قدامه
ناظرت بالصندوق الابيض وهي مستغربته وقفت عنده كانت بتسأل كيف افتحه
بس استحت
كانت الثلاجه توصل لصدرها بفريزر صغير
فتحته اول انفتحت ولع النور داخل الثلاجه وفزت وهي تقول : ياوجه الله فلختني(فجعتني)
عبد الرحمن : ههههههههههههههههههههههههه ههههههههههههههههههههههههه ههههههههههههههههههههههههه ههههههههههههه
استحت من نفسها هذه ثاني مره يضحك عليها
شافت قدامها اغراض ماعرفت منها الا البيض
اخذت ثلاث بيضات وراحت للفرن ووقفت بحيره
ناظرها ورد : الصاج في الفرن
ناظرته بحيره وحياء : وينها
قام من مكانه بطفش فتح الفرن وطلع الصاج (هذه الصاج اللي نسوي فيها المقلقل مالها حواف) وحطه عالنار وجاب ملح وزيت وحطهم وفك البيض وحركه
واخذ الكبريت واشعل النار
عبد الرحمن ناظرها : خلاص
نوره بحيا وخوف : والله اني اعرف بس ماشفت العوايز(الاغراض)
ادار ظهره وجلس مكانه
صلحت البيض وجهزته وسوت الشاي وعبد الرحمن حط لنفسه عسل
وحظروا فطورهم وجلسوا عليه
‎
%%%%
محمد
اتجه للشركه الساعه 7ونص الصباح وقف سيارته عند البوابه ونزل
رمى المفتاح عالسكيورتي وقال : السلام عليكم
ابراهيم وقفها في مكانها
ابراهيم : تبشر
دخل الشركه وهو يرد السلام عالجميع وصل عند السكرتير الخاص فيه
عبد الواحد
ومعاونه
زيــــــــــــاد
رد السلام ودخل وراه زياد
محمد : هلا زياد
زياد : زين جيت انا بستأذن
محمد : سلامات تو الدوام بدأ ترى
زياد : ادري بس وحده من خواتي تعبانه
محمد : سلامتها عسى خير
زياد : الله يسلمك ان شاءالله خير بروح اوديها الدكتور
محمد : غايبه عن مدرستها
زياد : عن الجامعه وانت الصادق
محمد : خلاص روح وطمني
طلع زياد وسكر الباب وراه
جلس محمد على مكتبه
الهنـــــــــــــــــــــ ـــــــــوف اش صاير لك
اتذكر رسالته لها
نور البيت بوجودك
كيف ماصادفتيني في بيتنا زي ماتصادفيني في بيتكم
%%%%

عبدالرحمن
بعد ما خلص فطوره قال : انا بروح المعمل وانتي قفلي بابك لين اطق عليك يمكن ارجع تو (تو=بدري)
نوره : طيب
راحت وراه بتسكر الباب وسألته بفضول : ما عندك غنيمه
عبد الرحمن التفت لها بإستغراب : لا
ليه؟
نوره : كنت ابا اتسلى فيها
عبد الرحمن : لا العيشه هنا ماهيب مثل القريه
نوره اشارت براسها ايه
طلع وسكرت الباب وراه ورجعت بتستكشف وتطفي نار الفضول عندها
شافت الغرفه اللي فيها اغراضها وجنبها دوره مياه ومقابل لها المطبخ وبينهم صاله وفي اخر الصاله باب وفي اول الصاله باب اللي طلع منه عبدالرحمن واتجهت للباب اللي في اخر الصاله وفتحته شافت حوش بحجم الغرفه وفيه غرفه على يسارها وغرفه على يمينها
فتحت الغرفه اللي على يسارها عرفت انها مجلس
وفتحت الغرفه المقابله شافته مخزن لأغراض معينه
سكرت البات ورجعت
وهي تحمدها ربها ان عندها متنفس لها فالهواء الطلق
جلست في الصاله بإنتظار وطفش
‎
%%%%
عالساعه 7:30
غاده : هيا رائد استعجل عشان تروح المدرسه
رائد : طيب خلاص بروح
غاده : لا خلص حليبك شاطر حبيبي
رائد : امي فين ابي فسحتي
غاده : امي نايمه انا اديك
وراحت لغرفتها جري واعطته 5ريال
غاده : ثلاث ريال فطورك وريالين جيب لك انت وريان زي بعض حاجه حلوه
رائد : طيب شكرآ
غاده : عفوآ
ياالله مع السلامه
استودعتك الله الذي لاتضيع ودائعه
رائد : مع السلامه
بعد عشر دقايق صحت ام غاده وغاده جالسه في الصاله
ام غاده : صباح الخير
غاده : صباح النور
ام غاده : فيه فطور
غاده : اي يمه
ام غاده : حطي لي
غاده : ان شاءالله
راحت غاده وجهزت فطور امها وجابته ام غاده وهي تفطر : راضيه عن نفسك البارح
غاده : اش صار طيب ؟
ام غاده : ابد ابوك هزأني ومحمد هزأ خواته كيف خلوك تنامين
ورقعنا السالفه بإن لك يومين مانمتي و محمد وعد خطيبك بزياره لك
غاده : اسألك بالله
ام غاده : بس تفشلت لما امه اسألتني عنك
غاده : وش قلت لها ؟
ام غاده : قلت نامت تعبانه
غاده بتبرير : انا كنت خايفه وربي
ام غاده : المواجهه فيك فيك وش بتسوين ليله زواجك
غاده : مرعوبه وبس اخاف يعصب علي
ام غاده : لا تخافين ما كل الرجال ابوك بعضهم طيب وابن حلال
غاده بتردد : ما ادري ما ادري
%%%%

نايمه ماصحت الا بصوت تسكيره الباب فتحت عيونها و ناظرته جايب معه غداء
عبد الرحمن : السلام عليكم
نوره : وعليكم السلام
عبد الرحمن : حطي الغداء
نوره : من وين جبته ؟
عبد الرحمن : من المطبخ اللي في اول الشارع
نوره : انا اسوي غداءك وش له تخلي امك تسوي غداءنا
عبد الرحمن : هذا مو امي مسويته هذا مطبخ يسوي الأكل ويبيعه وصاحبه رجال نعرفه
نوره بإستغراب : تشتري غداء بقروش وانا اعرف اسوي
عبد الرحمن بملل : ياربي انتي وشبك حطي الغداء لا تسألين عن شي
حطت الغداء وجهزته
جاء وجلس
نوره : انا اعرف اسوي زي كذا لا عاد تجيب انا اسوي
عبد الرحمن : طيب طيب انا بكره اجيب لك دجاج تسوينه
بعد ما انتهوا من الغداء سوت له شاي بنفس طبع ابوها
وجلست وحطت الشاي وصبت لها وله
عبد الرحمن : نوره
نوره : سم
عبد الرحمن : سم الله عدوك
انتي دايم ماتشيلين البرقع
نوره : ايبله(تأكيد) ما اقشعه (اشيله) ابد
عبد الرحمن : اخذي راحتك وشيليه ما فالبيت غير انا وانتي
نوره : ماضريت (ماتعودت)
عبدالرحمن : بتضرين بتضرين (بتتعودين)
ومد يده لبرقعها وكان بيسحبه بس تمسكت فيه بيدها
ورجع بيده الثانيه ومسك يدها وسحب برقعها وارخت نظرها وهي مفتشله من نفسها كأنها مو لابسه شي ومليون يناظرونها
والحراره انتشرت بجسمها حياء
نوره همست ب : لا
واخذت جزء من طرحتها وغطت وجهها بخجل
عبد الرحمن : لا خليك كذا
وارخى نظره عنها عشان ما تخجل منه
‎
%%%%
محمد
الساعه 11 الصباح
زياد ماله حس ولا رجع وش السالفه
اتصلت عليه وانا قلقان
محمد : آلو هلا بو محمد
زياد : ياهلا فيك مصدق نفسك بخلي ولدي سميك
محمد : لك الشرف ياشيخ
زياد : والله ما وراك الا الخلا
محمد : هههههههه بشر وراك مارجعت للشركه ترى بخصم من راتبك
زياد : ههههاي مالك علي درب انا مستأذن
والله منشغل مع الاهل قرورا المستشفى عمليه الساعه وحده الظهر
محمد : ليه سلامات وش طلع عندهم
زياد : حصو بالمراره
محمد : سلامات فالهم العافيه
زياد : الله يسلمك ويعافيك
محمد : خلاص خذ راحتك عند الأهل و عد نفسك بإجازه
زياد : مشكور ما تقصر
محمد : حق وواجب مع السلامه
زياد : الله يجزاك خير مع السلامه
%%%%

بعد اربع ايام من زواج عبد الرحمن
على الفطور
جلس عبد الرحمن عالسفره ناظر بالأكل بدائي بقوه
بيض مسلوق ؛ حليب ؛ سمن ؛ خبز ؛ تمر ؛ لبن
نفس فطورهم خلال هالاربع الايام اللي فاتت
وش فايده المعلبات اللي جايبها وان كانت بدائيه بالنسبه لنا
جبنه كرافت ؛ مربى حبحب (بطيخ) اول مربى ظهر بس اللحين يكاد يكون اندثر
والتونه والعسل
والمطبخ اللي اسمائها حاليآ مطاعم يطبخون فقط (سليق لحم وسليق دجاج؛ ومكشن اللي هو الكبسه)
عبد الرحمن : غيري لنا حطي اليوم قشطه وعسل بكره جبنه وبعده مربى نوره تناظره مستغربه كأنه يتكلم بلغه غير لغتها
ولا تدري انه يقصد حطي لنا عالفطور انتظر منها اجابه ما ردت لإنها ما فهمت عبد الرحمن : وش فيك ؟
نوره : انت اللي وش فيك وش تقول ؟
عبد الرحمن : افطري افطري بعد الفطور افهمك
بعد ما افطر وخلص
عبد الرحمن : اول شي
اليوم مو جاي البيت صكي الباب على عمرك ويمكن ما اجي بكره ولا بعده
وثاني شي تعالي
راحت وراه للمطبخ
فتح الدولاب
وجلس يسمي لها الأشياء وكيف تستخدم ومتى تنوكل
قطعت نوره كلامه تقول : وها البنت اختك
التفت للدولاب بإستغراب وشاف صوره الحرمه عالزيت :لا هذه بنت عمي
وردت بفجعه : واقطيعتي (بمعنى وافضيحيتي) متصيوره(متصوره) ومعطتك صورتها
عبد الرحمن : ههههههههههههههههههههههههه ههههههههههههههههههههههههه ههههه
اي لإنها زوجتي الثانيه
نوره فتحت عيونها من وراء برقعها مستغربه تناظره بتعجب
عبد الرحمن :
ههههههههههههههههههههههههه ههههه
امزح امزح لا تأكليني بعيونك
نوره بعد ما استوعبت نفسها نزلت نظرها للإرض
عبدالرحمن كمل بهمس :
ثالثا انا وش قلت عن هالبرقع
ان ما رميتيه رميته انا
نوره : طيب طيب
مر من جنبها عبدالرحمن وهو طالع : مثل ما قلت لك انا بروح يم اهلي ويمكن ابطي (اتأخر) نهار والا نهارين
‎
%%%
محمد
رجعت بيتنا قبل ماينتهى داومي وانا ناوي غاده بنيه شر عشان ما تحتاط لجيتي قاهرتني قصت وجهي قدام سلمان واهله
وبالذات لما قال بشوف البنت
تلون وجهي ماعرفت وش ارد عليه او وش اقول
اتصلت عليها عساها بالعافيه بس ماردت
فالأخير اضطريت اقوله
البنت نامت بس تقول قريب راح اشوفه
كل ما تذكرت شكله انقهر من نفسي ومن غاده
الرجال اعطاني نظره بمعنى انت بتضحك علي
استحقرت نفسي وكذبتي
لو ما اهله داخل كسرت بابها وسحبتها مع شعرها له
بس ربي رحمها بوجودهم
نزلت من السياره ودخلت بيتنا سلمت عالوالد اللي كان جالس بالصاله والوالده في المطبخ ورحت الباب القاسم بين بيتنا وبيتهم
سمعت الوالد ينادي رجعت له
محمد : هلا يبه
ابو محمد : وين رايح ؟
طبعآ ابوي عرف اني رايح لهم لإنه ماهو اتجاه غرفتي
محمد : بروح البيت الثاني
ابو محمد : غاده لا تقول لها شي
عرف غرضي من الروحه لإني مستحيل اروح لهم الا لغرض
محمد : مستحيل اسكت عن حركتها فينا البارح
واتجهت للبيت الثاني
مادقيت الباب عشان ما تنتبه وانا امنيتي الاقيها صاحيه
طلعت من الصاله الاولى ودخلت الصاله الثانيه شفتها جالسه عند التلفزيون وجنبها ريان
مشيت بهدوء ووقفت عند راسها
انتبهت لي وصرخت وراحت جري لدوره المياه اللي وراها
محمد صرخت بقهر : تعالي هنا
طلعت عمتي من المطبخ راح ريان لها ومسك رجلها وبكى فجعناه
عمتي : وش فيك ؟
وانا الهث من الغضب جلست وانا اتعوذ بالله من الشيطان الرجيم
محمد : بتفاهم مع غاده ليه سوت البارح بالرجال كذا
ورفعت صوتي عشان تسمعني غاده : انا جالس لك هنا لحد ما يطخ اللي برأسك وتطلعين
بعد عشر دقايق جابت لي عمتي عصير برتقال وفطاير من فطاير سهره البارح محمد : مشكوره عمه
طلعت غاده بعد ثلاث دقايق او اربع من دوره المياه وسكرت الباب ووقفت عنده ما جاتني
ناظرتها والا دموعها على خدها وخايفه حزنتني بس في نفس الوقت قاهرتني
محمد بحزم : ليه البارح ماطلعتي لرجالك
وانا اركز على كلمه رجالك وما قلت خطيبك عشان تعرف ان مافي مجال لحركاتها
غاده همست بخوف : انا خايفه
محمد هديت شوي : خايفه من ايش ؟ الرجال مو أكلك اللحين تخافين من ايش اذا جاء موعد زواجك خافي مو اللحين
فشلتيني فيه
مصيره بيشوفك بيشوفك ارتاحي وريحي وبلاها هالحركات
ولا تخافين تراه طيب مايأكل الا السمك مايحب لحم البشر
قلت كلمتي الأخيره بإستهزاء وطلعت من عندها
نفس اعرف هالبنات في ايش يفكرون مع هالخوف كله
حشى صرنا ذئاب مو رجال
%%%%

عبد الرحمن
اليومين صارت اربعه
بعد ما راح لأهله حدد زواجه من بنت عمه بعد اسبوعين
لإنه مايبي يربط نفسه بنوره وان قدر يضمن نفسه الاسبوع اللي فات ما اظنه بيضمن نفسه الاسابيع الجايه
هو ناوي تعيش تحت جناحه وماهو ناوي الطلاق لان الزواج بنيه الطلاق باطل مهمآ كانت اسبابه
بس يبي يعيش بخير ونعمه ويصرف على ابوها واختها
وان ماعجبها الحال وتبي حريتها بيشوف له صرفه
رجع لبيت نوره بعد اربع ايام من جلسته عند اهله
فتح الباب والا يشوفها جالسه في الحوش وحاطه قدامها كروانه (يسمونها قديمآ طشت ) ولاول مره من دون برقع وطرحه
مضفره شعرها واحد اسود طويل نص ظهرها ولابسه ثوب احمر فيه لمعه يسمونه قديمآ (ثوب كهربه)
[دعواتكم لإمي هذه معلومات من عندها فديت قلبها يعني فكره امي وتنفيذي واخراجي ]
وتغسل في ثياب قدامها
عبد الرحمن بإستغراب تغسل طيب وش فايده المغسله( الغساله ) : السلام عليكم
نوره : وعليكم السلام
عساك سالم علامك ابطيت؟
عبدالرحمن : الله يسلمك
لا عند اهلي انشغلت معهم وابطيت
وش فيك تغسلين على يدك ؟
نوره : اجل كيف اغسل
عبد الرحمن : في المغسله
نوره : وش ذي ؟
عبد الرحمن : تعالي تعالي
دخل المخزن وهي وراه
صارت تشوف قدامها صندوق فيه فتحه مستطيله
وفي اسفله مروحه فتح عبدالرحمن المويه لين تعبت للنص وجاب صابون زمان ماكان مطحون كان مكعب صلب يفركونه على الملابس يطلع رغوه
عبد الرحمن : حطي ملابسك
حطتها في الفتحه وحرك الصابون لين جات الرغوه
وفتح الغساله وطلعت صوت
نوره انفجعت وسكرت اذانيها وغمضت عيونها
عبد الرحمن : ههههههههههههههههههههه وسحب اصابعها من اذانيها
ماتسوي شي شوفيها
فتحت عيونها بخوف
ناظرها بتمعن اللي يشوفها ما يصدق ان عمرها 19سنه برئيه وخوافه وماتعرف في اسلوب التقدم شي بس تجذب
سحب ايدينه بتوتر من ايدينها وطلع من الغرفه يتفادى شعوره واحساسه وهو يصبر نفسه بإن الله بيعوضه ببنت عمه
‎
%%%%
بيت اخت عبد الرحمن
الأم بدريه
الأب عبدالله
المها 39 متزوجه وعندها اولاد وبنات
لطيفه 35 متزوجه وعندها اولاد وبنات
عبدالإله 32 متزوج هبه وعندهم 3بنات وولدين
سعود اصغر من عبدالإله بسنتين متوفي من ثلاث سنوات غرق في البحر متزوج آيه عنده بنت شذى عمرها 4سنوات
اسامه 28 خطيب مرام زواجه بعد ثلاث شهور ضابط في قوى الأمن العام
عبد الإله مجمع بنته وولده الصغار يهزئهم عشان ضربوا شذى
عبدالإله : حرام عليكم بنت يتيمه تسون فيها هالسواه
اقسم بالله هذه اخر مره اسكت لكم بعدها والله لتأكلون الضربه
سامعين
راويه وفراس : سامعين
عند آيه وبنتها شذى
شذى تبكي وآيه تسكتها
آيه : خلاص حبيبتي خلاص شاطره بس ياروح ماما
شذى : آآآآآآ والله لأعلم عمي اسامه انهم ضلبوني
آيه : لا شاطره انتي لاتصيرين فتانه الفتان الناس ماتحبه
شذى : طيب
بس هم يضحكون علي يقولون سعرك (شعرك) ولد
آيه : خلاص ولا يهمك نخليه يطول طيب
شذى : طيب
سمعت صوت جناح عمها اسامه ينفتح جري وطلعت
شذى بدلال وطفوليه : عمو
اسامه : عيون عمها
نزل لطولها وجلس على ركبه
شذى حظنته
شذى : ايش دبت (جبت) لي؟
اسامه بنفس اسلوبها ويقلد دلعها : ايش خاطرك فيه ؟
شذى حطت اصابعها في فمها وتفكر : ابي لعبه وابي حلاو وعصير
اسامه باسها : ياطماعه انتي
جبت لك لعبه وعصير وبسكويت
شذى بعجله : فينها فينها ؟
اسامه : عند جدتك
شذى باست خده : شكرآ
اسامه : عفوآ
ناظرها بإلم وهي تجري نازله لجدتها الله يرحمه بواسع رحمته ويجعل مثواه الجنه
شاف الإنسانه اللي طلعت من الجناح المقابل لجناحه
اسامه بجفاف : خير
آيه : عند شذى موعد .....
اسامه قاطعها وادار ظهره : مانسيته اذا صحيت اخذها
ناظرته آيه سبحان الله
الله خلق والله فرق
%%%%

قبل زواج عبدالرحمن بثلاث ايام
بيت نوره
نوره : عبد الرحمن
عبدالرحمن : هلا
نوره : بروح لأهلي ابطيت عليهم
عبد الرحمن : خلاص بأروح لأهلي الليله و بحطك عند اهلك وبكره المغرب ونرجع
نوره : جزاك الله خير ماتقصر
أكل من الغداء اللي له اسبوع ونص يأكل زيه مايتغير
حتى الفطور تحط له النوع اللي يبي بس ما تأكل معه
ساكت عنها طيبها رابط يدينه
وبراءتها حاجز بينهم
وشعرها وجسمها الرويان جاذبته
خلاص هانت ياعبد الرحمن كلها ثلاث ايام وبنت عمي ببيتي
عبد الرحمن : تجهزي عشان نروح
نوره : هاللحين
عبد الرحمن : اي
وقامت تجمع السفره وراحت تتجهز
‎
%%%%
محمد
لبس جنز اسود و تيشرت اسود وكاب اسود
من لبسه واضح انه ناوي نيه
حتى شنطته اللي يعدها اهم من البناطلون تركتها
ركب سيارته
ورفع جواله
محمد : ابو فهد دربت لي السالفه
ابو فهد : اي بس انت تعال
محمد : مشكووور
اتوجه للمكان اللي يبي
ابو فهد بهمس : من هنا يامحمد من هنا
محمد بنفس الهمس : اوكي
ابو فهد بهمس : خذ البس
لبس محمد ودخل ورى ابو فهد من البوابه الخلفيه
صعدوا من درج الطواري
اشر ابو فهد لمحمد وراح محمد للمكان اللي اشار له ابو فهد فيه
بس ماتوقع ان احد شافه و همس بإسمه
...........بإستغراب همس : محمد
%%%%
‎

‏‎

taman · 07-05-11, 07:24 PM

السلام عليكم ورحمة الله وبركاته

سبحان الله توقيعك مثل توقيعى هههههههههه
الرواية باين عليها حلوة ..أتابع معك

morano · 07-05-11, 07:48 PM

اقتباس:

المشاركة الأصلية كتبت بواسطة taman

السلام عليكم ورحمة الله وبركاته

سبحان الله توقيعك مثل توقيعى هههههههههه
الرواية باين عليها حلوة ..أتابع معك

السلام عليكم ورحمة الله وبركاته ههههههه يمكن القلوب عند بعضها بس الصراحة هو توقيع مقتبس يعنى مش حصرى لية غشاة بس قلت لازم الواحد ياخد ثواب ويكون توقيعة حاجة مفيدة تنفعنا فى اخرتنا والرواية بجد حلوة وانا استؤزنت الكاتبة قبل ما انزلها والله المستعان

morano · 07-05-11, 07:52 PM

بسم الله الرحمن الرحيم

البارت السادس

&&
عزاه صرنا نلتقي مثل الاغراب
عقب الغلا كلن بوجهه يصدي
من عقب حنا عزيزين واصحاب
اليوم كلن صد قصده تحدي
لكن يطول الوقت وتعرف الاسباب
تندم على وقتن مضى كنت ضدي
**
وفر كلامك وورني عرض الاكتاف
قلبي كرهك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياخي خذ حبك وقلبك ومشكور
&&‎

نوره في بيت اهلها
نوره : يا ويل حالي ياحصه وربي ان بيته جنه جنه حلو وفيه عوايز (اغراض) حلوه بعد حصه : وش شفتي؟
نوره : لقيت في بيته مغسله وصابون تغسل الثياب
حصه بإستغراب : وابوك صدق
نوره : وربي اني صدوق
ولقيت ..... اسكتي اسكتي حمامهم ماهوب حفره
حصه : اجل
نوره : كرسي
حصه : كيف كرسي؟
نوره : تعالوا لي اوريكي اياه
وعنده تون وجبن وعسل وقشط(جمع تونه وقشطه)
حصه : ليش ذي ؟
نوره : للفطور
حصه : تأكلونها
نوره : آي
حصه : ذقتيها
نوره : ازريت(ماقدرت)
حصه : والاه(ليه)؟
نوره : ما ادري خفت مااطاقها(ما اطيقها ثم مااحودره (ما ابلعه)
حصه : صدق انك خبله
نوره : اسكتي يقول انطلي (ارمي) البرقع فالبيت
حصه : وا لوفي (وامصيبتي)عيب عيب
نوره : يباني اسوي مثل امه
وماعندنا غنيمه اتسلى بها
حصه : روحي لجوارينك (جيرانكم) زوريهم تسلي عندهن
نوره : ما اشوفهن يلتمن عشان اروح لهن
حصه : روحي بيوتهن
نوره : استحي ابدي(اطل) عليهن‎

%%%%

محمد : حمدلله عالسلامه ماتشوفي شر
سحبت ملحف السرير على وجهها بفجعه
..........:خير ابو الشباب جاي تزور صاحبك عشان تقلط هالقلطه
محمد : اي صاحبي واعز اصحابي بعد
...........:اقول توكل على الله واقضب الباب
محمد : افآ ماهو العشم والله
...........:يالأخو شايفك قاط الميانه
محمد بدقه : عادي احنا مو صرنا حبايب
...........: اقول روح لأهلك لاتسوي لي مشاكل زياد على وصول
محمد : ماشبعت منك
..........: هي انت احترم حالك وتفضل برى
محمد : ابشري ماتشوفين شر في عدوينك ولافيك
.........بتوسل : آمين
طلع من الغرفه وقصده مو انه يشوف هالشخص بالغرفه
بس ازعاج ومغثه
ولو قصده الشوف كان جاب معه ورد اقل شي
ونفس الشخص اللي شاف دخلته راقب طلعته وهو ناويه بالشين

%%%%

قبل زواج عبد الرحمن بيوم
بعد العصر
طلعت نوره من دوره المياه الله يكرمكم
لابسه ثوب او بالاصح جلابيه ناعمه بس زمان ماكان اسمها كذا كانوا يسموها ثوب ابيض منقوش بأسود جابه لها عبد الرحمن مع ملابس قبل يومين شراهم
وشعرها اسود طويل مفرود على ظهرها
وعبد الرحمن فارش اوراقه يكتب فيها نوره : خاطرك بشي
عبد الرحمن : كوب ماء
راحت المطبخ وجابت له كأس المويه ورجعت لغرفتها بتمشط شعرها وتظفره
بس اتفجأت بضمه عبد الرحمن لها
وهو يهمس بذوبان ويمسح شعرها :
ضعيت قلبي في سواد طوله‎

%%%%

مرام : غدو خلينا ندبش سوا
غاده : انا ما فيني اروح ابدآ
مرام : ياسلام بتروحي بملابسك
غاده : عادي ملابسي حلووووه
مرام : طيب روحي معي منها نتسلى و نتشرى
غاده : اوكي ولا يهمك
مرام : مين يصدق زواجك قبل زواجي بشهر
غاده : قهر كان نفسي اطول عالاقل استوعب
مرام : مداك وراك شهرين استوعبي بالراحه
غاده : تمشي بسرعه ترى الشهرين راح منها اسبوعين
مرام : كيف شفتيه قبل
غاده : اسكتي تفشلت وبس
وشكله قوي وشديد
مرام : ههههههههههه لا يستقوي عليك بس بيخوفك
حكي لي حكي لي وش صار

رجعت غاده بإفكارها ليوم شوفتها لسلمان بتخطيط وتدبير من محمد وصدق دبرها ومانساها لغاده
رجعت بذاكرتها ايام
بعد العصر
اتصل محمد على جوال عمته ام غاده وطلب منها ان تقول لغاده تتجهز سلمان بيجيها بعد المغرب وقال لها بالحرف الواحد
والله والله ياعمه اذا ماطلعت له كسرت باب غرفتها وسحبتها من شعرها له
قولي لها لا تفشلنا في الرجال احسن لها
بعد ما خبرت ام غاده بنتها غاده
عرفت غاده ان مافي مفر لها
ودخلت دوره المياه فوق الثمانتعش مره من شده خوفها
لبست فستان طويل اسود وياقته ورديه بس الفستان علاقات بس وازارير وردي وحزام وردي
استشورت شعرها زي ماهو وتوضت عشان الميك مايمنعها من صلاتها حطت بس كحل وماسكرا وروج
بدون اكسسوارت بعد
وطبعآ اهل سلمان جابوا شبكتهم ليله ملكه ولدهم ولما عرفوا انه ماراح يلبسها اخذوا الشبكه معهم ماتركوها عشان كذا غاده ماعندها دبله تلبسها
واتعطرت بعطر هادي
وصلت صلاتها ثم جلست بالصاله جنب دوره المياه و تنتظر وهي متوتره وخايفه وتحس ببرد
وحتى قبل جيته بربع ساعه تدخل دوره المياه تحس نفسها محتاجه تدخل بقوه بس من تدخل بطنها مافيه مويه فاضي ما كأنها اللي توها تبي الحمام بقوه
طبعآ هذا تأثيره نفسي فقط
غاده
رن جوالي بإسم محمد
رفعته : آلو
محمد : تعالي عند باب بيتنا القاسم
غاده : اوكي
رحت وانا اتعثر بخطواتي حتى وصلت عشان مجالس الرجال خارجيه واقرب لبيت ام محمد من بيتنا اذا طلعت لها من بيتنا اللي في المجلس يشوفوني
محمد : يا الله وراي
مشيت وراه لما قربنا مجالس الرجال همست ب:محمد
التفت وناظرني
قلت له بتوسل : ابي دوره المياه
زفر بقهر : بسرعه
غاده : طيب
دخلت دوره المياه بن نفس الحكايه ماينزل شي
طلعت وما استوعبت نفسي الا في وسط مجالس الرجال
قدامي ثوب ابيض حرير وجزمه الله يكرمكم سوداء مقلمه مكتوب ماركه .........
شكل طول عرض ماشفت شي
وابشركم السلام ماقلت علطول دخلت وجلست خلف محمد ومرخيه راسي العب بقماش فستاني
اما محمد وجهه قلب الوان من الخبله اللي درعمت بلا سلام ولا بعد لاصقه فيه
تفشل
ناظر بسلمان وابتسم : اترككم براحتك
اما عند غاده
تحاكي نفسها لا لا تروح تكفى ابي اروح الحمام آه يابطني
خرج محمد تارك العرسان براحتهم
اما عند سلمان
متعود بقرب الحريم عارف شعورها وماسك شعوره عادي تواجدها عنده ناظرها بيحفظ ملامحها
شاف توترها وهي بكنبه وهو على كنبه
سلمان : غاده
غاده
سمعت صوته تحس بجسمها يتنفض خايفه خايفه
غاصت بجسمها في الكنب امنيتها تدخل غرفتها تتغطى بلحافها وترتاح
سلمان تنحنح : احمم
رفع جواله واتصل على محمد
سلمان بمزح : محمد متأكد ان اختك تتكلم والا طرماء
رده فعلها مفاجئه له
اكتسى وجهها احمرار واختنقت بإنفاسها**

مرام : هههههههههههههههههههههههه كملي وجهك صار أحمر
وش سوى لك هههههههههههههههههههههههه
وش تفكرين فيه
غاده بصوت مخنوق وابتسامه طفيفه : بس مرام لا تزيديها علي يرحم امن جابتك**

فتحت عيونها قدامها ضباب بس اتضحت الرؤيه و شافت محمد و سلمان
العريس من دون غتره بس طاقيه و اكمامه مثنيها ( مشمر اكمامه ) وكأسه المويه بيساره و كفه اليمين مبلوله
فتحت عيونها بقوه وشهقت وغطت وجهها بكفوفها
سلمان بيخفف حده التوتر والخوف وسخافه الموقف مسح على شعرها : بسم الله عليك شكلي ماذكرت الله يوم شفتك
محمد حاول يتدارك موقفها : لهاالدرجه مستحيه قلتك ما يأكل الا لحم السمك
واخذها بيدها وجلسها
سلمان اخذ منديل ومسح يده ورتب غترته وجلس
غاده خرجت بسرعه من هالغرفه وتاركه سلمان بحيرته وماعادت له**

مرام : ههههههههههههههههههههههههه ههه انتي تحفه وقسم هههههههه وش صابك هذه الشوفه وحالك ذا لو زواج وش سويتي
غاده : لا تحطي توقعات ما ادري وش بيصير فيني
مرام : الله يوفقك يارب
غاده : وانتي بعد يارب
مرام : يعني نروح سوا
غاده : نروح سوا وش ورانا

%%%%

عبد الرحمن
ضرب قبضه يده في الجدار بقهر
اخذ شور سريع ولبس ملابسه
ماناظرها ولا فكر
مقهور من نفسه كيف حطمها
كيف لو مارضت بحياته
خلاص قرار الطلاق انتهى وتم شطبه وكيف موقفها من زواجه
وكيف موقف بنت عمه
شافها متلحفه في فراشهم وما تقدر ترفع راسها له حياء
عبد الرحمن : انا بروح لأهلي عندي شغل ضروري يمكن اني اطول
لا تقلقين علي
واذا تبين اوديك لأهلك انتظرك هيا
رفعت اللحاف عن راسها وجلست بهدوء
طلع من الغرفه
سمع صوتها تقول : اصبر بروح لأهلي
جلس فالصاله ينتظرها
اخذت شور وجهزت نفسها ولبست عبايتها وطلعت وراه واخذها لبيت ابوها لاجل غير مسمى
‎

%%%%
في السياره
شذى : عمو
اسامه بهدوء : روح عمو
شذى : مابي الدتتور(الدكتور) يديني ابله(ابره)
اسامه : لا انتي شاطره اذا عطاك الدكتور ابره ماتبكين
واذا مابكيتي اوديك ملاهي
شذى : وماما
اسامه : طيب نأخذ ماما ولا يهمك
شذى : شكرآ
وباسته
بعد مادخلها عند الدكتور عشان تطعيمتها بس شذى ماصاحت بس نزلت منها دموع وتمسحها
وتروح وراء كرسي عمها اسامه عشان ماينتبه لدموعها
حس فيها اسامه بس يبي يشجعها سوى نفسه مادرى بدموعها وخاصه انها يتيمه والدين وصى باليتيم
قال رسول الله عليه وسلم ( انا وكافل كهاتين واشار بأصبعيه السبابه والابهام في الجنه)
وقال تعالى

واما اليتيم فلا تقهر)
جلسها بحظنه : شاطره روح عمها مابكت
الدكتوره : دا انتي اليوم قميله اوي واتفزيلي الشوكلت شاطره مابكيتيش اخذها اسامه بيدها وركبوا السياره
رفع جواله واتصل بآيه
اسامه : السلام عليكم
آيه : وعليكم السلام
اسامه : جهزي نفسك بنروح مجمع ....
آيه : طيب
وقف عند بيتهم واعطاها رنه
طلعت له وركبت قدام
شذى بفرحه : ماما ماما
آيه : عيون ماما
شذى : انا مابتيت عند الدتتور وبنلوح ملاهي
آيه : شفتي كيف انتي كذا شاطره وبطله وقويه
وتسمعي كلام ماما وعمو
ماكلمها ولا عبرها
ولا كلمته ولا عبرته
همزه الوصل بينهم شــــــــــــذى
علاقتهم اخ واخته
لا ومتزاعلين مع بعض مش راضيين على بعض
زواج صوري له اربع شهور
مافي اي صله تدل انهم ازواج
هي بحالها وهو بحاله
هي ماتبيه
وهو مايبيها
حلو انهم متفقين
بس همزه الوصل بينهم شــــــــــــــــــــــــ ــــــــــــــــــذى

%%%%
محمد
زياد له ثلاث اسبوع مأخذ اجازه ولا يرد على جواله
ارسلت له مسج
ابو محمد عسى ماشر طمني عنك شكل اخرتها اخصم من راتبك
انتظرت وطال انتظاري
اذا مارد رحت له في بيتهم بعد المغرب
معقوله صار فيها شي
رفع جواله واتصل
محمد : تكفى يابو فهد
ابو فهد مقاطع له : ادخلك لها لا
لإنها ما عادت عندنا
محمد بفجعه : وينها ؟
ابو فهد : وين يعني .....ببيت اهلها أكيد
محمد براحه : اي الحمدلله فجعتني والله
ابو فهد : وش صار لك يامحمد
محمد : ابد ابد
ابو فهد : محمد وش تبي وراء بنات الناس صون نفسك بالحلال احسن لك
محمد : ابشر ان شاءالله قريب

%%%%

غاده : اتصلتي
مرام : اي اتصلت امي وعمه جالسين عند التزلج والعيال عند الالعاب
غاده : يوه من جد امي تاركه ريان مع رايد
مرام : ليه
غاده : رايد بزر يبي له من ينتبه له
انا بروح للالعاب العب ريان واجيبه معي
مرام : تعالي تعالي اكيد بينتبه لاخوه مو تاركه
غاده : لا لا بروح له قلبي يأكلني عليه
راحت لجهه الالعاب تناظر حواليها تشوف وين اخوانها
شافت رايد راكب اللعبه والعامل بيسكره له الحزام وريان مو معه
راحت جري له
غاده بصراخ عشان يسمعها من صجه الالعاب ماتسمع : رائد وين اخوك
رائد : هناك
ناظرت غاده جهه اشاره رائد
وشافت ريان جالس يلعب بسيارته اللي اشتروها له
غاده بفرحه : ريوني حبيبي هيا
اخذته بيده وركبته سياره المجمع المخصصه للاطفال
وهي طالعه شافت خطيب اختها مرام وولد عمتهم معاه ارمله اخوه وبنتها اللي كانت في اللعبه فرحانه وتأشر لأمها وعمها
ناظرته بإستغراب
معقوله واقف جنب ارمله اخوه مايفصلهم شي الكتف بالكتف
ماقدرت غاده تحرك رجولها وتمر من جنبهم
تنحت غاده فيهم لدقايق مو قادره تستوعب خاصه ان عندنا في السعوديه لا الدين ولا العادات تسمح بذا الشي ابدآ
استوعبت نفسها ومرت وهي تناظرهم والتفت اسامه لآيه يكلمها بس على لفته عينه شاف ريان وعرفه ولد خاله الصغير
اول رده فعل سواها ابتعد عن آيه مسافه ثلاث خطوات
غاده طنشت الأمر واتجهت لمرام

%%%%
بعد المغرب
محمد
رفعت جوالي اتصلت على زياد هذه سادس مره بعد الميه
وماشفت جواب
بروح لبيته واطمن بالي
نزلت من السياره وضربت جرس الباب بعد دقايق
انفتح وطلع من وراه زياد
محمد بفرحه : السلام عليكم
ومد يده بيصافح
سلامات ابو الشباب
بس رده فعل زياد اقسى مما اتخيل واقسى مما تتخيلوا
ضرب ايد محمد وسحبه بياقته ودخله ساحه البيت (الحوش) بعصبيه
وسكر الباب
وسدد ضرباته لمحمد
في البدايه استيعاب محمد متوقف وبس يحامي عن نفسه الضربات
بس بعد ما استوعب صار يبادله الضرب
محمد بعصبيه : يامجنون وش صاب عقلك انت
زياد بعصبيه : مجنون من عرفتك
انت رخمه
تطعن الرجال بظهورها لو فيك خير جيت بالوجه
يا اخس من عرفت
جاء على صراخهم سلمان خال زياد خطيب غاده وعبادي اخو زياد
محمد لطش زياد كف بصراخ وعصبيه : اصحى يابقره لا تصدق الواشي
بس على هالكلمه هاج زياد وصار يضرب ولا يرحم وين ما تطيح يده تضرب ومحمد يحاول يتفادى ضربه
شالوا زياد عن محمد
سلمان بعصبيه : بس انت واياه فضحتونا فالناس والخليقه بزران انتو بزران
محمد جالس يرتب ملابسه ماكان فيهم جروح بس كدمات واضحه
سلمان بعصبيه : ادخلوا المجلس نتفاهم
زياد بعصبيه : بيتنا مايتشرف بواحد من امثاله
محمد قام بهدوء وطلع : مع السلامه
لحقه برا البنايه سلمان : محمد وش فيكم؟
محمد : علمي علمك ماشفته الا هاجم علي
مافهمت منه شي
سلمان : خلاص افهم منه وبيننا اتصال
محمد : مشكور ياسلمان واسف عالإزعاج وتعذر لي من زياد ان كنت غلطان بحقه انا اسف ولاني بقاصد

%%%%
اسامه
اسامه : آيه
انا بروح الكوفي انتظركم لعبي بنتك واتمشوا واذا خلصتوا دقي علي نطلع البيت
آيه : طيب
اخذ خطواته بسرعه بإتجاه الكوفي مايبي اللي صار قبل شوي ينعاد
جلس في الكوفي
رن جواله استغرب معقوله تكون آيه
رفع جهازه شاف الاسم
الوالــــــــــــــــــد
استغرب ابوه مسافر واللحين متصل غريبه
اسامه : الو
ابو عبدالاله : السلام عليكم
اسامه : وعليكم السلام
ابو عبد الاله : كيف حالك
اسامه : بخير انت وش اخبارك وكيف سفرتك
ابو عبد الاله : الحمدلله انتو وين طالعين
اسامه : نتمشى بمجمع .........
وش دراك انا طالعين كلنا
ابو عبدالاله : انا في البيت
وسألت عنك قالوا انك وديت شذى المستشفى وبعدها رجعت اخذت امها وخفت عليكم
اسامه : لا تطمن يبه بس نبي شذى تستانس ونرجع البيت
ابو عبد الاله : زين يبه جزاك الله خير
آسامه : وجزاك
ابو عبد الاله : جيب معك عشاء بتعشى معكم مع السلامه
آسامه : مع السلامه
اسامه بهمس : الحمدلله جات هالطلعه في محلها

%%%%%

بعد اسبوعين
نوره
سمعت بخبر زواجه من ابوها اللي انتشر في معمله وأخذ اجازه عشان عروسته
مابيدها شي لاتعترض ولا تزعل
حتى ابوها فرحان لعبد الرحمن ما كأنه متزوج على بنته
انقهرت نوره منه
بعد زاوجها بكم اسبوع يتزوج عليها بدون علمها
غير كذا زاوجها اللي بالسر وعرفت انه سر من ابوها
لما قالت : انا حرمته كيف يأخذ علي ثانيه وانا مالي سبوعين
ابو صالح : اخذ بنت عمه وانتي ما احد يدري بك الا امه
حاولت تنسى المها وقهرها
وزواج حصه بعد اسبوعين وانشغلت بتجهيزها
وعبد الرحمن من بعد ماجابها لبيت ابوها ما طل عليها ولا سأل عنها
بس يرسل مصروفها مع ابوها‎
%%%%

بدر : حذرتك بس انت الله يهديك غلطه الشاطر يامحمد بإلـــــــــف
محمد : هنا حط الثلج آآآي
اول مره ادري ان زياد قاسي
اخ كسرني
والله يا بدر ماقصدت العيبه في بنتهم
والله يستر حالها
شقول بس
خل الطابق مستور يا بدر
والله ماهو هاين علي اخسر زياد ولا اني ناوي اخسره
بسوي اي شي يرضيه
بدر : نصحتك ياما نصحتك
انـــــا لو عنـــــــدي اخت خفت عليــــــها منــــك
انـــــا لو عنـــــــدي اخت خفت عليــــــها منــــك
انـــــا لو عنـــــــدي اخت خفت عليــــــها منــــك
ترددت الكلمه في اذن محمد مرات
شال محمد يد بدر اللي فيها كيس الثلج محمد بقهر وزعل : انا مو بالسؤء ذا يا بدر
بدر : حط نفسك مكانه ترضاها لإختك
محمد : خلاص هذا حدي ماني متعرض لبنتهم
ويايديني فكي حلقي (هذه تقال بمعنى ابي ارتاح من هالمشكله)
بس نفسي اعرف كيف عرف زياد
معقوله قالت لزياد اني زرتها
والا يمكن احد شافني
بدر ضربه على يده : لا تفكر كثير اوكي
%%%%
في جناح آيه واسامه
جالسين على سفره العشاء
اسامه وآيه وام عبدالاله وابو عبدالاله وشذى
آيه : خذي ماما
افتحي فمك
يابنت شذى
ابو عبدالاله : خلاص شافت الكراتين نست عمرها
سكر اسامه التي في
شذى بتذمر : عمو
ابو عبد الاله : اول حاجه الأكل
شذى : حاضر
آيه : خذي كلي
شذى : ابي محمه (لحمه)
آيه : طيب
ابو عبد الاله : جيبوا لها اخ والا اخت تنشغل فيه عن هالتلفزيون اخذ شوفها (سحب نظرها)
ارخت آيه نظرها وتشاغلت ببنتها
اما اسامه قال : الله يرزقنا مانقول لا
شذى : حلاص مابي سبعت
ابو عبد الاله : لا ماشبعتي تعالي عندي اوكلك
شذى : بس دليل (قليل)
ابو عبد الاله : ابشري
جلست جنب جدها اللي فرحان فيها ويخاف عليها
هذه ريحه الغالي
وهذه روحه فيها
تشبه لابوها في الملامح بس البياض اخذته من امها
ضمها لصدره وباس راسها
ابو عبد الاله : الله يرحمه ويجعل مثواه الجنه
عم السكون من بعدها فاضت مشاعرهم
ثلاث سنوات مانستهم وجوده وكلامه وبساطته واخلاقه وتعامله
ثلاث سنوات مانستهم فجعتهم بفقدت روحه من بينهم
مات وهو يوصى على بنته
جعلها امانه برقبتك يبه اذا مت
معقوله كان حاس بدنو اجله
آيه : الحمدلله
وقامت عن السفره
أ بعد الوجع شبع

%%%%%
‎
اعشقك انت وبس]

morano · 07-05-11, 07:54 PM

البارت السابع

&&
انا زعلان منك حيل وشايل لك بقلبي عتاب
واتمنى تحملني مثل ما اتحمل عتابك
ترى بعض الصراحه جرح وثقل ونرفزه اعصاب
ابي تسمع كلامي زين وتمسك زين اعصابك
وش اللي غيرك فجأه تكلم واذكر الاسباب
انا بسمع كلامك زين وبسمع زين اسبابك
رغم كل الخطأ في وجهك ماقفلت الباب
ويوم اخطيت في حقك قفلت فوجهي ابوابك
الا ياقسوه الصدمه تجيني منك الاصواب
وانا اللي كنت اقول الحرج اذ ماصابني صابك
امانه قول وش بقيت للعواذل والاغراب
اذا هذا طبعك معي اجل وش حال اغرابك
&&‎

عبد الرحمن
رجع نوره لبيتها نزلها عند الباب ودخل الأغراض وراها وراح وتركها
نوره
هذا اليوم الثالث بعد رجعتها لبيتها
البيت قلبته قلب نظفته ورتبته وبخرته ماخلت فيه مغرز ابره وصخ
طفشت بلحالها تناظر الجدار
اشتاقت تشوف البزران يلعبون وصجتهم
واشتاقت للغنم والدجاج وعجن عجينها اشتاقت لأشياء كثير فقدتها
نوره بطفش اخذت الطماطم وجابت سكين وصحن فيه فتحات صغيره وحطت تحته قدر
وقطعت الطماطم مكعبات وحطتها فوق الصحن ابو فتحات وصارت تفرك بيدها
عشان يتسرب الماء لتحت والحب يجلس في الصحن ابو فتحات
والمويه ذي عشان يسوي الرز المكشن (الكبسه طبعآ)فهو بدال الصلصه ومعجون الطماطم حاليآ
على بال ماهذرت عليكم شوي الأخت خلصت شغلها وفرمت الطماطم وشالت صحونها وغسلتها
رجعت جلست وفلت شعرها ومشطته وظفرته
نوره : بروح لجواريني اتهرج (اسولف) عندهن
لفت شرشف ابيض عليها وبرقع الديره
وطلعت من بيتها وأخذت اول بيت على يسارها
دقت الباب وفتح لها ولد في عمر 12سنه
نوره : السلام عليك ياوليدي
........:هلا خاله وعليك السلام
نوره : امك فيه
........: امي ماتت
نوره : ياعزي عنك ياوليدي الله يرحمها ويعتني بك الله
متى ماتت
........: امس العصر
نوره بفجعه : هاه
........: ههههههههههه لا لا ماتت في ولادتي
نوره : لهدتني في كبدي (كنايه عن شده الالم والفجعه)
طيب ياوليدي حولك اناثي (عندك نساء=حريم=اناثي جمع انثى)
........: الا ياخاله عندي خواتي وعمتي حرمه ابوي
نوره : هيا حوز عني (ابتعد عني)
........: ابشري يا خاله
جات ام فهاد مستغربه
ام فهاد : ياهلا ومرحبا يالله حي من جاء
نوره تقدمت من الحرمه وسلمت عليها وهي تقول : الله يسلمك ويبقيك
ام فهاد : تفضلي تفضلي من هنيا
نوره : سلمتي ياعوينتي (عويبنتي=تصغير عيني)
جلسوا بالارض على فرشه ومساند من الطرف ( الطرف =اصله نبات يشابه القطن بس ماهو قطن اسفه هذه ماعرفت اشرحها بس اسألوا جداتكم يمكن يعرفوها)
ام فهاد : انتي من الديره
نوره : لا والله انا نوره .......من .......
ام فهاد : وكيف وصلتي هنيا
نوره : اقريت(تزوجت) وبيت الرجال على يمين بيتكم
طبعآ زمان مايقولوا رجالي او زوجي لإنها يحسوها اهانه للرجال بنسبه لها كذا
بس اللحين الله يخلف علينا
مابقي الا يقول انا رجال فلانه
ام فهاد : ماشاءالله
والله ماكن فيه احد مانشوف احد يروح منه ويجي ما استنكرنا وجودكم ( استغربنا )
نوره : اي الرجال مشغول ويبطي ما جاء (يبطي=يتأخر)
ام فهاد : اي حنا ماشفنا سيارتن نكريه (نكريه=غريبه)
وانا بقول لك اسمي ام فهاد
وعندي بنت وولدين ولهم اخوان بنت وولد
نوره : طيب تعرفين مليحه بنت .......
ام فهاد : لا والله ما اعرفها
نوره : تحالينها (تشابهينها)
ام فهاد : يخلق من الشبه اربعين
نوره : سبحانه وتعالى‎

%%%

ابو محمد
نوره : لا ماعاد اني جايتك هنا
ابو محمد : ليه عشان انا ما اقدر امشي بتلوين ذراعي
نوره تنهدت : كنت تمشي على رجولك وما اشوفك الا بالحسره
هاللحين جاي تأخذ اكثر مما عطيت
ابو محمد : كيف تنسين ؟
نوره : صدقني يابو محمد انت تطلب كثير
ابو محمد : كثير على ابو عيالك
نوره : توك عرفت
تكفيك بنت عمك شالتك طيب وشالتك مريض
وانــا بــدل فاقــــــــد
ما ادري من وراي وش استفدت
ابو محمد : تعالي جنبي
التفاهم من بعيد ماينفع
نوره : مانيب جايه عندك فايض حنان نفذه في بنت عمك
ابو محمد : شكلك ماتجين الا بالغصيبه
نوره : اتق الله فيني يابو محمد
ابو محمد : والله مايجيك مني شي بس تعالي
جات نوره وجلست جنبه على كنب الصاله في بيت ام محمد
وخاصه انهم كلهم راحوا لجمعه العايله الا ابو محمد
عشان يستفرد بعياله عيال نوره
ابو محمد : وش شاشك علي تونا الاسبوع اللي راح متصافين
نوره سألت دموعها بقهر : مابي حنانك بعد قسوتك
اكرهها سالفه اعوضــــــــــــــــك
مابي عوض اتركني في حالي
ابو محمد : الله يكتب لي الشفاء وبعدها مايصير الا الطيـــب يانوره
مسح دموعها
وهو يهمس لها : شكل غاده عطتك الحنفيه اليوم (يقصد دموعها)
ابتسمت بإستهزاء(كأنها تقول البركه فيك)
ابومحمد همسها لها : عيالك وين؟
نوره وهي تمسح دموعها : العيال نايمين وغاده بغرفتها
ابو محمد : زين سووا احسن لهم النوم بدري
نوره : اي احسن
ابو محمد : طيب هيا لغرفتي
نوره : غرفه زوجتك
ابو محمد : كلها غرف لي
نوره : لا
ابو محمد : طيب هيا بيتك
نوره : ومن بيساعدك ويشيلك
ابو محمد : الله يعين بحاول
نوره : لا تتعب نفسك
ابو محمد : لا تخافي علي بس هيا

%%%%

اسامه
نعسان وبكره وراه داوم بس امه وابوه سهرانين عنده
وهو مايبي ينام بجناح آيه يبي جناحه
المقابل لجناحه مايفصل بيهم الا خطوات والجناحين يفصلهم عن الجناحين المقابلين جدار وباب قاسم
الجناح الأول لعبدالاله وجنبه كان جناح آيه وسعود قبل يموت
اما القسم الثاني جناح اسامه وجناح آيه حاليآ بعد زاوجها من اسامه
ام عبد الاله : يمه اسامه شكلك تعبان روح نام
واحنا اهلك لاترهق نفسك عشاننا
ابو عبد الاله : روح نام طولت السهره والا اذا مانمت سرينا
اسامه : لا افآ عليكم اجلسوا وخذوا راحتكم
انا رايح انام
واتجه لغرفه النوم رمى نفسه على سريرها اللي ماعمره نام فيها
ناظر الدولاب موف فاتح وعليه رسومات ابيض
والسرير نفس الشكل والتسريحه والستاره واضح ذوق بناتي
ومريحه الغرفه والوانها مهدئه للاعصاب شاف سرير شذى موف فاتح جنب سرير امها
فسخ ثوبه وغط بنوم عميق

%%%%

محمد
عالساعه ثنتين بالليل رجع محمد لبيتهم من بعد طلعته المغرب
شاف مرام وام محمد وراشد عتي في
ام محمد بفجعه : يمه بسم الله عليك وش سوى بك كذا
محمد : لا يمه عادي تكفيخ بسيط
راشد : كل هالكدمات وبسيط
مرام : من هذا اللي افترى فيك كسر بيده
محمد : مالكم دخل وش جاكم استلمتوني تحقيق
ام محمد : روح يابوي ارتاح وارمي ثوبك ما خلى لا فيك ولا فيه شي سالم
محمد : ابوي نام؟
راشد بإستهزاء : ههه نايم بحظن الحبايب
مرام : ماصدق نروح انحاش لزوجته الثانيه
ام محمد : بس عيب هذا ابوكم
محمد : كيف راح؟
راشد : اكيد عالكرسي المتحرك
هذا الكرسي بكسره
ام محمد : هذه زوجته وعياله مثل ما انتو عياله
راشد : من متى عياله
بعد خمس وعشرين شقوا الارض وطلعوا منها
محمد : اتركك منهم
بكره تروح الشركه بدالي انا برتاح
راشد : انت تنضرب وانا اكلها وراك ومن يدوام عني في المدرسه
محمد : هي انت بمدرسه خاصه ما احد سأيل فيك

%%%%

عبد الرحمن
رجع البيت دورها ماشافها
نادى بإسمها
عبدالرحمن : نوره .. نوره ..
وين راحت
جلس بقلق يفكر معقوله اخذها ابوها وراحت لبيتهم
ياالله اروح اشوف
راح لبيت اهل نوره وتقهوى وطلع وما احد جاب له سيره بوجودها عندهم
هذا دليل انها ماهي عندهم
رجع لبيته شايش ومقهور وخايف عليها فتح الباب ودخل ومالقيها
**
عند نوره وام فهاد وبناتها
نوره : والله اني من جيت تسليت عندكن
كل مااستخليت (طفشت)بجيكن وانتن لاتقطعني
ام فهاد : ابشري جعل فالك العافيه
نوره : هي مع السلامه دوبي اسري اسوي عشاي
(اساسا المغرب ما اذن بس يحسون تأخروا)
ام فهاد : مع السلامه
**
شافت نوره سياره عبد الرحمن فتحت الباب ودخلت
واول ماسكرت الباب
سمعت صوته معصب وفزت بفجعه : من وين جايه ؟
نوره بخوف : هاه
سحبها عبد الرحمن بيدها : وين ذلفتي ؟
نوره بكت من الخوف : عند جواريننا والله عند ام فهاد
عبد الرحمن : على هواك تظهرين من البيت (يعني على كيفك تطلعين من البيت)
نوره : لا والله اكلني الخلا (الوحده) ورحت لهم عرب طيبين
عبد الرحمن بعصبيه : والله ان عاد ظهرتي من البيت وانا ما ادري انه كسر رجلك
نوره : خلاص خلاص وربي ما عاد اسير (اسير= اروح)
عبد الرحمن : انقلعي انثبري مرجتي قلبي(انثبري=اجلسي:مرجتي=فجع تي)
نوره تبكي : طيب
غسلت وجهها وركبت قهوه له يقالها بتراضيه
جابت قهوتها وتمرها
وصبت له وهي فرحانه وتضحك ما كأنه توها ماسح بخشتها الأرض
نوره : تفضل
عبد الرحمن : زاد فضلك
بعد سكوت دام عشر دقايق
نوره : عبد الرحمن
مارد طنشها
كملت : انت تزوجت ؟
رفع عينه لها : ايه
نوره : ماعلمتني
عبد الرحمن : ليه بتدخلين بدالي
(نوره بنفسها اللي هذا اوله ينعاف تاليه)
وكمل : هذه بنت عمي مسماتن لي من كنا بزران
وما تدري اني متزوج
وماني قايل لها
وانتي لا تروحي لأحد عشان مايعرفوني
نوره : بس انا استخلي (اطفش)
عبد الرحمن : روحي لاتقولين الا اسمي مابي احد يعرفني
وانا جبت غريضاتك تسدك شهر حطيتها جوه
يمكن ماعاد اجي كثير
نوره بلعت غصتها وسكتت‎

%%%%

في الصباح
صحى اسامه على صوت المنبه في جواله
ناظر حواليه اتفاجأ بها المكان بس تذكر وجوده في جناح آيه
جلس عالسرير وناظر حواليه شاف شذى في سريرها نايمه
دخل دوره المياه تغسل وتوضى وطلع من دوره المياه
واتجه لسرير شذى باسها
اسامه بهمس : هالبوسه تسوى الدنيا كلها عندي
وخرج من الغرفه شاف آيه نايمه عالكنبه ومتلحفه
نزل وصلى ورجع لجناح آيه عشان يفطر لأنه من اليوم مايقدر يفطر برا
بوجود ابوه وسفره ابوه الجايه بعد زواجه بست ايام
وحتى دوامه الساعه وحده الظهر
دخل الجناح
جلس عالكنب وسكر التكييف
ونادى : آيه
آيه
آيه
فزت مفجوعه تناظره بإستغراب
ثلاث سنوات ماصحت على صوت رجال
ثلاث سنوات فقدت هالبحه
تخيلته يصحيها
بس انصدمت بوجه غير وجهه
اسامه : قومي صلي وسوي لي فطور
رمت اللحاف عنها وقامت وتغسلت ورجعت له
ايه : اش تبي فطور؟
اسامه : اي شي عادي
دخلت المطبخ وحظرت له فطور خفيف مع انها ما تدري وش يحب
حطت الفطور
وسألته : تبي عصير والا شاي والا حليب والا نسكافيه والا كابتشينو
اسامه : هاتي كابتشينو
طيب فيه زبده الفول السوداني
ايه : اي
اسامه : هاتيها وهاتي توست
اتفأجات من طلبه
العاده مايستخدمون زبده الفول الا في الحلويات
فطور وتوست الله يديمك يانعمه ربي
اخذت ماطلب وحطته له
طلت لهم شذى بفرحه : عمو
آيه : تعالي غسلي اول حاجه
شذى : طيب
اخذتها وغسلتها وغيرت ملابسها وارسلتها لعمها
اما آيه جلست بغرفتها مو طايقه تجلس معه
رتبت السرير بعد عفيسته اللي سواها وانسدحت
شمت ريحه عطره
التفت عالجهه الثانيه مزعوجه منه
في الصاله
شذى نطت بحظن عمها وباسته بوسه الصباح (بوسه الصباح حركات عيال النعمه اما الفقارى يتسابقون على الفطور قبل لايخلص لا ابوك لا ابو البوسه )
اسامه : هلا بروح عمها
شذى : لا تلوح هنات حلك عندنا
اسامه : ابشري
شاطره اجلسي افطري
شذى : ابى حبيب (حليب)
واشارت لكوب عمها
اسامه نادى : آيه
جات ايه : نعم
اسامه : هاتي حليب لشذى وتعالي افطري
دخلت المطبخ وجهزت الحليب وهي تسمع صجه شذى وعمها
اليوم
جناحها فيه حركه غير
وازعاج غير
وحيويه غير
بدل ماكان هادي صار مزعج
بس احساس حلو

%%%%
غاده
صحت الصباح وسوت فطور لهم وراحت تصحي رايد
ومرت غرفه امها عشان مصروف رايد حاولت تفتح الباب ما انفتح
دقت الباب بإستغراب مافتحت لها
راحت لغرفتها وأخذت ثلاث ريال فطور محمد وقت الفسحه
جلست تحظر الفطور عالسفره الا بدخله رايد
غاده : يا الله تعال افطر عشان تروح مدرستك
رايد : طيب
بس اتفأجوا بأبوهم صاحي من النوم في الكرسي المتحرك جاي لهم
رايد : بابا
وراح يضمه بفرحه
غاده :صباح الخير يبه
ابو محمد ببحه : صباح النور لذ الدرجه ما انتم مصدقين
وجلس رايد على رجوله وحرك العجلات وجاء لعندي
ابو محمد : هذا فلوس فطورك
غاده : اناعطيته
ابو محمد : مايحتاج هذه تكفيه
وجلسوا عالفطور
بعد عشر دقايق جات ام غاده: السلام عليكم
ردينا السلام وفكري مشغول وبالي بعيد
ابتسامه ابوي
حنانه
لهفته
جلستنا الصباحيه
وين كانت زمان
اشياء كثيره تكشفها لكم الايام
تصدقوني لو قلت هذه اول وجبه نجلسها سوا بها الشفافيه والحب والذنب ابوي
بس ما اقدر اعصيه ولا اقدر اسبه ولا اقدر ولا اقدر
ببساطه لإن
فيه جنــــــــــــه وفيه نــــــــــــار
ورضا الله من رضا والديني
ختمتها بإبتسامه لهم
وانا ادعي من قلبي ان ربي يكتب لأمي العوض في تالي عمرها
دعواتكم يابنات
الله يرزقنا طاعتهم وبرهم ورضاهم والله يغفر لنا

%%%%
محمد
صحي من النوم الساعه عشره صباح
غسل وجهه واتصل على راشد
سمع صوت صراخ : انت سخيف سخيف وهذه اخر مره اداوم عنك
انا مو قد هالجنان
محمد : هههه
راشد كمل : زياد الزفت حاط علي حطه
كاني اشتغل بشركه ابوه
محمد مصدوم : زيـــــــــاد داوم

%%%%

لما جاء يطلع عبد الرحمن : نوره
هاتي مفاتيح البيبان الرئيسيه
نوره راحت وجابتها بطيبت خاطر وسلمته المفاتيح
اخذها وقفل الباب وراه
يعني سجن انفرادي
اليوم
وبكره
وبعده ....
وبعده .....
لها اسبوع
اندق الباب وجات نوره تسأل من وراه : من
ام فهاد : افتحي افتحي انا ام فهاد
نوره : منك المعذار (العذر)ياخاله والله ان الرجال قافل الباب ورايح
ام فهاد : وليش؟
نوره : عشانه بيروح بعيد وبيلث (يتأخر) وهو ذالن (خايفن)علي
ام فهاد : ياوليدي كان جيتي عندي لين يجي
نوره : والله ما ادري عنه ياخاله
ام فهاد : ان بغيتي شي احذفي حصاه(حجر) من حوشك يم (جهه) بيتنا تطيح في حوشنا
هي مع السلامه
نوره : مع السلامه‎

%%%%

بعد ما خلصوا فطورهم
غاده استحت من نفسها وقامت تاركه امها وابوها براحتهم
ماهي حلوه بحقها تجلس لهم هالجلسه وتطفشهم
ام غاده : ماتبي تروح لعيالك ؟
عبد الرحمن : ليه يانوره طفشتك؟
ام غاده : ماطفشت منك ولا بطفش منك
بس اشوفهم كسروا جوالك
عبد الرحمن ابو محمد : هذا راشد لو بيده سحبني البيت غصب
ومحمد اتصل مره وحده
نوره : ولطيفه ماسألت عنك
عبد الرحمن : بتغارين لو اقول ايه
نوره بتصميم قاطع : لا
بس بشوف اللي قطعتني عشانها سنين استولهت (اشتاقت)عليك والا ماهمها وارتاحت منك
عبد الرحمن : حكي في الفايت نقصان في العقل
نوره : هههههههه
ينسى المطعون ولا ينسى الطاعن
يعني اذا ربي شفاك بترجع لسيرتك الاوليه ؟
عبد الرحمن بقهر :
وش اطلب منك انا
اذا انتي ما رحمتيني في عز شدتي بترحميني اللحين
هذه كلام نوره
بس تعاملها وحنانها وطيب اصلها غيييير والدليل
انها قامت به في كل شي يبيه
حتى دوره المياه ساعدته فيها
لسانها شي وقلبها شي ثاني

%%%%

نوره
من بعد ما تركها ما عادت شافته الا يوم زواج اختها
له اسبوع غايب عنها
ويــــــــــــــــن كان؟
اكيد عند زوجته الثانيه
عند بنت عمه
مثله وشرواه بس نوره .......
نايمه نوره وهذا شغلها في اغلب وقتها انفتح الباب لاسمعته ولا حست به
دخل ودورها وتفاجأ بها نايمه
هالوقت قريب من المغرب ماهو عاده الناس في ذاك الزمان ينامون قراب المغرب ويقولون مكروه النوم هالحزه حتى تأصلت في افكارهم (حتى الوالده اللحين مستحيل تنام المغرب تقول مكروه)
عبد الرحمن : نوره .. نوره ..
حست به وقامت
عبد الرحمن : قومي اللحين حزه مبيت البسي البسي الليله جواز اختك حصه
ما كانت نوره ناسيه موعد زواج اختها بس توقعت انها ماهي رايحه
نوره : تقوله صادق
عبدالرحمن : وش لزومي يوم اني اكذب عليك
نوره : طيب طيب هالحين اقوم
اما عبد الرحمن جاهز ولابس
ونوره لبست ثوبها ازرق وحطت شيله (طرحه) وبرقع خاص للزواجات
وكحلت عيونها ولبست ذهبها وهو اهم شي عند البدو يحسونه زينه الحرمه هو والشعر الطويل
وفكت نوره ظفيره شعرها وتركته مسدول من تحت الشيله
ولبست وتجهزت وطلعت
عبد الرحمن : خلصتي
نوره : ايه
وصلوا عند بيت اهل الولد اللي كانوا عايشين في خيمه
وهم من البدو الرحل اللي يروحون ورى المرعى
والخيمه شقين (جنبين)جنب للرجال وجنب للحريم
نزلت من السياره نوره وراحت لشق الحريم
شافت اختها جالسه وحاطين عليها شرشف ابيض عشان ما احد يشوفها ويغطرفن على راسها
سلمت عالموجودين ورحبت بهم
(زمان كانوا يشدون العروس فوق البعير"الجمل" عشان تروح لخيمه رجالها حتى وان طالت المسافه بين بيت رجالها واهلها وفوق الجمل هودج "هو عباره عن صندوق مزين تجلس فيه العروس فوق الجمل"
بس بعض البنات على قوله امي "ترثع على رجلها" انا حاسه انها تقصد نفسها بس مارضت تقول لي
قصد امي ترثع على رجلها يعني تمشي على رجلها عشان الاحوال الماديه ماهي متيسره)
وكانوا المعازيم يجيبون الواجب ذبيحه وكل شخص يجيب ذبيحه يعطونه نصها والنص الباقي يطبخوه بس بعضهم مايجيبون
نرجع للروايه
بعد ماتعشوا الناس رزوا الملعبه "هذا فن شعبي معروف عند اهل الحجاز معروف حاليآ بفن المحاوره واللي ما تعرفه تفتح قناه الساحه والا المرقاب" وتجمعت الصفوف حريم ورجال سوا يسمونه قديم "الخلاط بكسر الخاء وفتح اللام" بس هذا حرام حرام
وطبعآ جاءهم شيوخ قديم وحرموه
(الوالد يقول كان الشيوخ يقولوا لنا حرام واحنا نزعل جهله مانعرف مصلحتنا بس شوي شوي تركوه واحد ورى الثاني
والوالده تقول كان ابوك مايخليني اروح العب معهم يطردني)المهم رزوا الملعبه وهم يرددون
@
ليلت البارح زان القمر بالطلوع
والليله لقينا للقمره من يغطيها
نشيد الفرح نردده كل السبوع
بنتنا خذاها شيخ القبايل وازين رجالها
@

وجات نوره تمشي جهه الصفوف ماحست الا باللي يسحبها
نوره : وش فيك؟
عبد الرحمن : وين رايحه؟
نوره : بلعب في جواز اختي
عبد الرحمن : ارجعي لشق الحريم احسن لك
نوره بقهر : ما اريد
عبد الرحمن بعصبيه : استحي على وجهك وادخلي عيب تلاعبين الرجال
وهذا حرام حرام لامحلل لافي شرع الله ولا في كتابه
عادت ادراجها بقهر زواج اختها ولا تفرح لها
دخلت داخل الخيمه واختها على حالها مغطاه بشرشف ابيض
بعد ما انتهوا من لعبهم سرى كل شخص لبيته

(انا هنا اختصرت لإن باقي الناس المفروض يجلسون للصباحيه يتغدون ويروحون)
الحريم كلهم راحوا مابقي احد وخلوا العروس في شق البيت تنتظر رجالها
والرجال ساعدوا العريس في تجميع اغراضه عشان يبات
بعد ماسروا عنه راح لشق الحريم اول ماطل شاف شرشفها ولا شافها
توقع انها راحت تفضي (دخول دوره المياه بس ماكان عندهم حمامات كان عندهم الخلاء الخالي)بس طولت عليه وعرف وجهتها
%%%%

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري