آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-02-15, 11:20 PM
| #241 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  اليوم الثاني اللكل جالس في الصاله ويسولف سوسن : يمه معقول هذا كله نوم في عنود ولا تهرب ماتبي تجلس معناا ونجلس نسأل وش قالهاا ام فيصل وهي تهز راسهاا بعجزز من هالبنت: اقول سوسن حبيبتي متى ناوي تعقلي وتخلي هالطبع الشين فيك الجدة وهي ترفع العصى : والله بهذي تتكلمي على سوسن فديتهاا هي العسل كله سوسسن وهي تناظر جدتهاا: اقول جدة وش عندك على هالمدافعه اذكر اني الطفقه عندك الجدة: صدز مافيتس حيااا اجل قومي توطيهاا بذي جوري وهي داخله: اقول ميمه ماطفشتي من هالعصا من كثرر ماترفعي فيهااا على الفاضي ماعمرك توطيتي فيهاا حددد الجد ة وهي تعزوى: وانا بنتك ي ضاحي سسوسن وهي تضحك: من زين اسم ابوك عشان تتعزوي فيه جوري: ياليتهاا تجلس على اسم ضاحي كل يوم مغيره اسم زهايمر فديتك الجدة رمتهم بالعصااا وهمم طلعووا يركضوون وناوين على عنود اللي مسويه نايمه فتحوا الباب بقوه ودخلوا جوري وهي تجلس بقوة على سرير عنود: عنوده قومي تغدي معناا والله طفش مافي احد مسنترر غيرر مميه وجالسه تهددد عنود وهي مغطيه راسهاا بالمفرش ماتبي تخليهم يشوفووا هي كيف حالهاا من امس ماوقفت بكي وكل ماتتذكرر كلامه تبكي زودد قالت بصوت واطي ي دوب ينسمع: جوري تعبانه ابعدي عني سوسن وهي متكتفه: يعني اشلووون اسافرر اليوم واناااماعرفتت وش صاررر جوري وهي تناظرر: اوف سوسن اجلسي تكفين بس سفري بنتك ذي الثقيله مقهورة منهاا كيف تنام عند سمرر واناايطردوني قهررروالله عنود وهي تحس راسهاا يبي ينفك من كثرر الصداع وهذولا على راسهاا مارحموهااقالت بتعب: تتتكفوووون اطلعوووا والله تعبانه جوري : طيب قومي بس اوصفي لناا شكله ولا اقولك شكله عارفته من زينه يفجع بس قولي وش قال لك كذاا سوسن بشك: اقول عنود وش فيك صوتك تبكي صح وهي تسحب المفرش وتناظرر شكلهاا وقالت وهي فاتحه عيونهاا:يمه لايكون سطرك عنود سحبته من يدهاا ورجعت غطت راسهاا وبكت زيادة هذولاا مايحسووون وينك رهف تعالي محتاجتك كثيرررر جوري وهي مصدومه من شكل عنود: والله شكل كلامك ي سوسن صدق البنت مكفخه اااه نذل ادري فيه ليه رفضته قام كفخهاااا ااااه ياختي قلت لك خليني اخذه اناا عيتي وسويتي فيهاا موافقه ومدري ايش يالله ادفعي ثمن غلطتك لا لا وش ثمن غلطتك ذي انااكمان اقصد ثمني حركاتك و نذالتك اللي سويتهاا فيني وانااااكان ابيه بس عشان انسيه رفضك له على انه غسلت يدي منه الغبي الثووررر اللي مايفهم ومايحسسس إلا فيه واحد يخطب قرد ويترك قمررر سوسن قاطعتهاا بصرخه:انكتمي ماتشوفي حالهاا كيف تزيدي عليهاا بمساختك صدق ماتحسي فارقي خليني اشوف وش فيهاا وجلست بهدوء بجنب عنود وسحبت المفرش وسحبتهاا وضمتهاا لصدرهاا : حبيبتي هدي هدي ليه هالبكي اللحين قولي وش مسوي معك والله الحين اروح اصحي تركي واخليه يروح يحوسه عنود وهي تبكي وتشهق مع البكي: هوو البلى كله من تركي قلت ماابيه مااببه بس عيااا وركب دماغه وشوفي كيف صارر سوسن بشك: طيب وش صارر عنود وهي تبعد عن حضنهاا :خلاص ماصار شي بس انااماابيه . جوري : صدق ماعندك سالفه فيه حد يحصل له عريس ويجلس يبكي شوفي حالتي ابي ابكي لاني بدون عريس مصيبه عن مصيبه تفرق احمدي ربك سوسن قاطعتهاا وهي تقوم وتسحبهاا من كم بلوزتهاا: مصيبه تصيبك انقلعي اطلعي براااا وهي تفتح الباب وتتدفهاا بقوه على الارض ورجعت قفلت الباب وجلست قريب من عنود وناظرتها بهدوء: ممكن اعرف وش حكايتك انتي عنود ماصار رفض ذا صراحه احس فيه شيء ثاني عنود وهي تمسح دموعهاا وهي تتدف المفرش عنهاا بعصبيه: مافي شي خلاص هااا قمتت سوسن وهي ترفع يدهاا: اوك اوك لااتاكليني حبيبتي اناا وش ذنبي وطلعت عنود دخلت أخذ شورر تذكرتت جوالي من امس عنه اوف ليه ماقفلته اخاف الغلس ذا يدق ولا شيء اوف كل مااتذكررر اني زوحته احس بقرف من حالي بسرعه نشفت جسمي وطلعت قبل مااصلي اتجهت لجوالي فتحته شفت مكالمه لفيصل بس اكيد يبي يبارك لي غريبه مارسل لماا مارديت وهووماشفت اي مكالمه او رساله أحسن اخيرآ حسيت بس ياليتك حسيت قبل ماينكتب اسمي جنب اسمك اااه لوو بيدي امسح اسمك من العالم كله ياناس كيف تأمن حياتها مع واحد حتى خان العشررة مع صاحبه ورقم اخته ........ @@@@@@@@@@@@@@@@ @@@@@@@@@@ في الصاله ام فيصل وهي تحط سماعة التلفون : الجدة : علامه احمد ام فيصل : يقول يبي يجي وفضي الصاله يخاف رهف تكون قدامه الجدة وهي تضحك: هههه خايف من المجنون اخوه والله ي تركي انك رجل والكل يهابك ام فيصل : الله يهديه على عصبيته بس والله قلبه حنون تكفل بالملكه كلهاا على حسابه من ناحية العشاء وكل شيء الجدة: كريم مثل ابوه الله يرحمه أحمد وهوو داخل عليهمم ويسلم: السلام عليكم ردوا السلام الجدة : اقول يمه اخبار المزرعه ماودك كذا تمشيناا فيهاا شوي نغيرر جووو غيرر هالحكره طفشناا والله أحمد : ابشري يمه اللحين لوو تبي امشيك لماالمغرب وارجعك وش رايك ام فيصل بسرعه: لا اللحين مايصلح خليها مره ثانيه ونروح من الصبح الجدة : على شورتس وهذاا اللي اشوفه الحين يمه شوي ونمسي أحمد وهوو يمد ظرف في يده: وهذاا يمه مهر عنود خذيهاا واعطيهاا وهي تاخذ فيه الللي تبي ابي اجيبه من البارح بس والله كنت تعبان وقلت لتركي خذه معك قال انت اعطى امي احسن ام فيصل بهدوء وهي تاخذ الظرف: انت وهوو واحدد الله يخليكم لي وبعدين امس اللكل كان منهد حيله تعب اللمكه لمااا تكون في البيت لكن هالمره لوو فيه مناسبه احجز استراحة الله لايعوق بشرر أحمد وهوو يضحك : ايه تهاني نايمه حتى اللحين غداء ماحصلت مثل الناس ام فيصل : اللحين اقوم احضرر لك غداء سوسن توهاا طابخه أحمد وهوو يقوم: لا لا يمه تهاني الللحين تصحى وتتطبخ ام فيصل : لا يمه والله انهاا تعبت امس معناا ماشاءالله عليهاا ربي يخليكم لبعض حبيبي احمد وهوو طالع: امين يارب الجدة :هووو علامه هالولد بس طايرر ماعمره جلس معناا مثل الخلق يعني خلفتس كلهاا لازم في كل واحدن بوه عيب ام فيصل: والله يمه خلفتي وش زينهاا بس انتي الله يهديك تتطلعي غصب فيهن عيوب الجدة بسخريه: ايه من تشهد اقول قومي حضري قهوتس اليوم اشوف مابوه قهوو ه ام فيصل وهي تضحك: ابشري الحين تجهزز وتشربي احلاا قهووه ياااحلاا ام الجدة بستنكارر: الا اقول اليوم رهف والصياح ولدهاا مالهن حس وحتى ولدس ماطلع من غرفته معقول ذاا كله نوم ام فيصل : ايه نايمين @@@@@@@@@@@@@@@@@ @@@@@@@@@ | ||||
|  |
|
21-02-15, 11:21 PM
| #242 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عند رهف فتحت عيوني على صياح مشعل قمت بسرعه اخذته وجلست على طرف السريرر وارضعه وسحبت جوالي شفت الساعه باقي شوي وتجي 2 يمه ذا كله نوم وصلاة الظهر راحت عليناا شفت تركي كان نايم غريبه حتى الحين لسى ماصحي وبعدها خليت مشعل على السريرر وقمت اتوضى واصلي لازم اصحيه يلحق على وقت الظهر ويقوم يصلي: صح اني زعلانه منه بس هذا مايمنع اني اصحيه للصلاة : تركي قوم صل رفعت صوتي زيادة تركي قوم صلي حسيته حتى ماتحرك تقربت منه غريبه اناا اللي اعرفه نومه موو ثقيل ع طول يصحى من اصله غريبه ماصحي وقال فطوور وهي تقلد صوته : تركي قوم صل خلاص باقي شوي ويدخل وقت العصررر هزيته تركي قوم بس شفت غصب يفتح عيونه حسيت انه موطبيعي بسرعه حطيت يدي على وجههه كان ناررر حسيت بخوف عليه غصب عني نزلت وجهي له وبصوت واطي : تركي تعبان صح تركي وهوو يحس جسسمه كله مهدود من السخونه وموقادرحتى يفتح عيونه قال بصوت واطي: طفي النورر ذبحني رهف بخوف منه وعليه لمااسمعت صوته فيه حدة أعوذ بالله حتى وانت مريض معصب: تركي قوم كل لك شيء وخذلك مسكن حرارتك مره مرتفعه واناارفع يده واخليهاا على وجههه شوف كيف مولع تركي سحب يده بقوة منهاا: جيبي مسكن بس وشوي واقوم بخيررر رهف بخوف عليه: تركي حرام كيف مسكن بدون اكل تركي وهوو مو قادر ياخذ ويعطي معاهاا طنشهاا وسحب المخدة من تحت راسه وحطه فوق وجههه رهف لماا شافت كيف معاند قمت وطلعت للصاله وهي تنادي خالتهاا: خاله تعالي شوفي تركي شوي تعبان ام فيصب بخرعه إلا تركي عندهاا الدنياا ومافيهاا لوو مرض بس شوي تقلب البييت مناحه: بسم الله وش فيه ولدي رهف : مافي شيء بس شويه سخونه بسم الله عليك شوفي وجهك كيف صار ام فيصل طنشتهاا وهي متجههه لغرفة تركي دخلت وركضت لسريررر وهي مفجوعه ودموعها تنزل : يمه وش فيك وهي تبعد المخدة من على راسه تركي ببتسامه تعب: مافيني شيء يمه لاتخافي هذي رهف اكيد خوفتك رهف من عند الباب وهي ماسكه جدتهاا وتتدخلهاا الغرفه: والله بس قلت لها ابيهاا تخليك تاكل بس ماقصدي افجعهاا الجدة وهي تجلس على طرف السريرر وتهمز له رجوله من فوق المفرش: بسم الله عليك ي وليدي يمه هذي عين البارح اكيد انت برزتك طيحوكك بعيونهم تركي موو قادرر يتكلم حتي: ميمه اي عين بس شكلي اخذت برد اخذت شورر ونمت والتكيف عالي الجدة : هووو وش ذا شور اللي اخذته كيف يمه تاخذ شي يضرك رهف بضحكه : يمه قصدة اخذ دش الجدة : هووو وش ذي دشه الللي تحكي عنه كيف تخلي زوجك ياخذ دش هماك مرة عوبه اام فيصل موو وقت امهاا الحين: يمه حبيبتي يعني غسل جسمه ونام الجدة : مالت عليكم وعلى حكيكم ي هالجيلل قول تغسلت وش يصيرر لك ضروري تعوج لسانك تركي قال بتعب: يمه ابي مسكن ام فيصل وهي ماسكه يده : طيب كل شي وبعدين نجيب لك مسكن وهي تناظرر رهف روحي حطي غداء لزوجك وهاتي معك مسكن وبدون اعتراض تركي تررى مافيني احس اني متخرعه تركي وهوو يشد على يدهاا يطمنهاا: يمه ليه متخرعه مافي شي اتعب شوي اكيد اي احد يمرض ام فيصل ودموعهاا تنزل: لايمه انت يصيرر لك شي اموت تركي رففع يدهاا لشفايفه وسلم عليهاا: بسم الله عليك يمه والله مافيني شي والحين شوفيني قايم اصلي وبعدهاا اكل واخذ مسكن واقوم مافيني الا العافيه بس انتي الله يهديك خوفك ذا هوو اللي يتعبني ام فيصل نزلت وسلمت على راسه : فديتك يمه يالله قووم صل تركي قام وام فيصل مسكت يد امهاا وطلعووا جلستهاا في الصاله وراحت تشوف رهف وش حضرتله : هاا يمه سخنتي الغداءء لانه من توو مصلحته سوسن رهف وهي تغرف:ايه خاله سوسن : وش فيه ميمه تقول تركي تعبان دخلت ماشفته في الغرفه ام فيصل : تعبان حرراته مرتفعه واكيد في الحمام لانه قال بياخذ دش عشان يصحصح شوي رهف اخذت الصحن واتجهتت للغرفه دخلت اشوفه ماشفته معقول ذا كله دش حسيت بقلق تقدمت لباب الحمام ودقيت ع خفيف : تركي فيك شيء تركي فتح الباب ع طول وطنشهاا ومرر من عندهاا رهف شديت على شفايفي قهرر اوف منك والله موو وقتك شوف كيف شعرك كله مبللل موياا سحبت المنشفه واناااناوله خذ نشف شعرك لاتمرض زيادة تركي ماناظرهاا حتى رهف بقهرر:تركي بلى شغل اطفال خذ نشف شعررك والله راح تمرض زيادة تركي بطفش من حنتهاا: مو محتاج شفقتك ولا تمثلي علي انك خايفه لااامرض رهف بصدمه : انااامثل هذا ردك علي تركي : دواك محد قالك تكلميني وسحب المنشفه من يدهاا ونشف شعره وفرش السجادة وصل وبعدهاا تمدد على السريرر وهوو يسحب المسكن ويبلعه حتى بدون موياا وهذاا كله وهي تتتباعه بصمت ومصدومه من رده : ليه العناد ترى ذي صحتك تركي بهدوء سحب المفرش يحس ببرد ذبحه وغطى نفسه بالكامل من غيرر ولا ينطق ولا كلمه رهف تقربت منه وجلست قريب منه واناامد يدي للمفرش وابعده عن وجههه وبهدوء: تركي قبل ماترجع تنام خذ لك لقمتين وانااارفع الملعقه وفيهاا رز كل بس شوي عشان المسكن مايثرر على جسمك ويسبب لك هبوط لاسمح الله تركي رجع سحب المفرش: رهف ابعدي عني ترى والله تعبان ومافيني حتى افتح عيوني تكفين أجلي حنتك لبعدين رهف رجعت سحبت المفرش: لا موو قبل ماتاكل شي تركي بصرخه : يعني ماتفهمي اقولك مافيني اكل ولاا اناظرر خشتك ذي ابعدي عني وبعدين قلت لك شغل التمثيل ذا كله عشان قلت ابي اتزوج مسويه مهتمه رهف قمت بهدوء من عنده وانااااسمع كلامه :انت حرام اتكلم معك تركي :خلاص ابعدي أجل رهف بصرخه: ليه كل ذا اللحين مفروض انااللي ازعل تركي طنشهاا وماتكلم عليهاا لانه عارف لوو قام راح يكسرهاا ويطلع مرضه كله عليهاا رهف بقهرر اخذت ولدي اللي جالس يلعب ويطلع صوتت مايدري وش اللي في امه من قهررر بالله اللحين وقت حركاته ذي قال ايش امثل حرام عليك لكن انا استاهل شفقانه عليك طلعت عند البنات احسن وانت انفلق امرض موت كيفك ماتساهل شفت خالتي في وجهييي : هاا كيفه اللحين رهف بهدوء: رفض ياكل شوفيه انتي شرب مسكن بس ام فيصل بصرخه: نعم بدون اكل شربه كذا هذا الولد يبي يذبحني دخلت عنده وعصبت عليه وخلته يأكل غصببب ورجع نام عنود وهي تشرب قهوة تحس بصداع يبي يفك راسهاا من قوته وهي تناظر كيف امهاا تبي تجنننن عليه وبقساوه: اللي يشوف خوف امي يقول راح يموت هزت راسهااا بقهرر منه رهف جلست بجنبهاا:اخبارك عنود هزت راسهاا بدون صوت رهف بصوت واطي: دق عليك غسان عنود بجمود: لا واناامقفله جوالي من اصله رهف: هااافتكرت مسوي مثل صاحبه مطنش عنود : مالت عليه والله اني ماابي اشوف خشته ولا اسمع صوته سوسن وهي تصب قهوة: اقول ي ترفعن اصواتكن ي تنقلعن الغرفه امااااكذا لاا حرقتووا دمي جوري وهي ترفع في مشعل وهوو خايف : هم كذاا دايم تخيلي واناالمسكينه مايقولووا عندي شيء عنود بسخريه وهي تناظرهم: معليش مافي ثقه سوسن وجوري بصوت واحد: نعععععععم رهف :ااااخخخ الليمه سوسن: اقول انتي ي القزمه قومي خذي ولدك هذي كسرته ومن ناحية مافي ثقه اكيد قصدكم جوري امااااناا عارفه انكم ماقصدتوني ومن غيرر تبرير اناا فاهمه رهف : ابوك ي الثقه اقول والله انتي المقصودة الاولى عبيرر دخلت عليهم وهي تفسخ العبايه : السلام عليكم اللكل رد عليها إلا جوري جوري بقهرر : ليه ماعزمتوني اروح اكمل سهر معاكم وانام معكم وش هالخيانه ليه كذاا عبيرر ببرود: كان جيتي ي بعد البيت كله حوش جوري: لا حبيبتي كرامتي ماتسمح لي حتى اعتابكم عاد اشلون اجي رهف بتريقه: اقول والحين انتي وش تسوي اجل موو جالسه تعاتبي كليتي البنت من دخلت جوري: لوو سمحتي حد وجهههه لك كلام بدل جلستك هناا روحي اجلسي عند زوجك وريحي امي شوي مسكنيه تعبهاا كل ساعه يبي شيء تقول موو متزوج سوسن: خلاص انكتموووا وجع محد يسولف في هالبيت والله ي ام رجلي احسن منكم عبيرر : يمه شكلك تتريقي في جدتي سوسن: انقلعي والله اني اموت فيهاا على حنتهااا هي زينة البيتتت عبيرررر : يمه ترى مااراح اقول لاابوي خذي راحتك سوسن وهي تخلع الشببب ورمتهااا جوري طاحت من الضحك:هههههههههه اخذتي حقي فديتك ياختي العزيزة وهي تنط عليهاا وتضمهاا رهف تكلمت بصوت واطي عنود امشي نروح الغرفه ابيك تقولي لي وش صارر معك امس عنود بجمود: ماصار شيء رهف : اوك على راحتك حسيت انهاا ماتبي تقولي شي ااه الله يعيناا ي عنود مدري وش الحظ معناا كل وحدة من جههه تعيسه تنهدت بحززن والله احس اني مقهورة اللحين شفقتي عليه تصيرر تمثيل ااخ كل ماتذكر كلمته احس بنار جواي مالي نفس في شيء حتى اضحك مع جوري وسوسن بدون نفس بس حرام سوسن وش ذنبهاا في هالجوو وعليهاا طيارتهاا ع الليل يارب انه يكذب علي في موضوع الزواج ماااتخيل صراحه احس اني راح انظلم اكثرر يكفي معاملته لي وانقلاب مزاجه اللي عجزت افهمه لا لا اكيد يبي يقهرني وهوو بعدين قال يحبني وين هالحب مااشوفه خلاص رهف لا تفكري فيه شفت خالتي طلعت من عنده معصبه اكيد عصبهاا بعناده ام فيصل: جوري دقي على احمد يجي يوديه المستشفى لماااجيب كمادات مره حرارته مرتفعه وهي تناظرر رهف بعتب : ياليت تشوفي زوجك احسن من اللجلسه معاهم سوسن : اللحين اناا يمه اجيب كمادات وابي اشوفه رهف ودي الارض تنشق وتبلعني من كلام خالتي ياناس هوو ماوده اقرب منه غصب يعني افرض نفسي عليه سحبت ولدي بزعل ورحت الغرفه انااغلطانه طلعت موو اقول ابي شقه لحالي اسوي االي ابي محد ينقد علي وحضرته معند دخلت وناظرته وهوو مقفل عيونه وجههه احمرر اكثرر من قبل حسيت قلبي وجعني بس اخاف اقرب منه يصدني بس ماقدرت وتقربت منه وتكلمت بهدوء: تركي زاد عليك صح تكفى لاتعاند تركي فتح عيونه اللي كان حمرر : روحي بمشعل بعيد خايف عليه لا ينتقل له رهف رحت فيه على سريرة ورجعت جلست قريب منه مسكت يده حسيتهاا نارر في يدي قلت بخوف : تركي والله حراتك مولعه اذاا جااااحمد روح المستشفى لا تعاند طيب تركي ضغط على يدهاا وناظرهاا وقال بهمس: خايفه علي من جد رهف وانااهز راسي بقوه: ايه والله خايفه انت ابووو ولدي اشلون مااخاف عليك تركي ابتسم بسخريه: قلتي ابوو ولدك ورجع سكرر عيونه بقهرر وتعب @@@@@@@@@@@@@@@@@@@@ @@@@@@@@@@@ | ||||
|
| |
|
21-02-15, 11:22 PM
| #243 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ام فيصل والبنات يدخلون الغرفه عندهم رهف وقفت : هاتي ي خاله اناااكمد له ام فيصل بزعل : لا اناااابي اكمد له رهف ابتعدت بهدوء لماا شفتت تركي ناظرنا خفت يفشلني بكلمه سوسن بحزن عليه: حبيبي ماتشوف شررر جوري : اللحين أحمد جاي يبي يوديك تركي مافي يتكلم خلاص حس كل جسمه يوجعه وراسه ثقلل من قوة السخونه ام فيصل بخوف: تركي يمه رد عليه لاتقفل عيونك كذاا تركي هز راسه يبي يطمنهاا وبتعب: يمه مابي اروح المستشفى دقي على احمد قولووا له لايجي والحين المسكن يجي مفعوله ام فيصل طنشته ورجعت دقت وجاااا احمد وراح المستشفى فيه @@@@@@@@@@@@@@@@@@@ @@@@@@@@@@ في المستشفى تركي وهوو مرقد على السريرر وينتظرر يبعدوو عن هالمغذي اللي معه قهرر منه مايبيه بس غصب ركبوه له يكره المستشفيات ويكره ريحتهاا معصب على احمد: اعجبك اللحين احمد وهوو يضحك عليه: انت ليه كذا بس معصب نفسي اعرف تركي وهوو يحس نفسه احسن بعد المغذي: قلت لكم سخونه وتروح الا معزمين لازم مستشفى وقرف وبعدين خلاص خلناا نمشي أحمد: اقول انثبرر مكانك باقي شوي وتنتهي ونروح جواله دق ناظر الرقم ياربي بالله امي كم مره دقت من وقت ماطلعنا من البيت تركي ابتسم: فديتهاا والله أحمد وهوو يرد: هلاا يمه والله بخيرررر ام فيصل : من جد وش قالووا له احمد: ولا شي شويه حرارة وانتم مسوين فيهاا ام فيصل : اعطني اكلمه احمد : طيب مدام كذاا ماتصدقيني ليه تسالين كان قلتي اعطني تركي بدون مااجلس اقولك حالته وانتي في النهايه تتطلبي تكلميه ام فيصل بصرخه: انت وش فيك اليوم طول عمرك ساكت واليوم حبكت تنفك عقدتك ولا اشلووون احمد: هههههههههه فديتك يمه اللحين اعطيك هوو وارجع لصمتي على قول جوري الرجل الصامتت وهوو يناول تركي ام فيصل : هلا يمه كيفك تركي وهوو يضحك: والله يمه مافيني شي والحين جاين بس هذااا ولدك يبي ذبح جالس يحرش علي يقول رقدوه اليوم عندكم ام فيصل بخوف : ايش بيرقدوك تركي : ههههه يمه وش فيك اقولك جالس يحرش فيهم ام فيصل : بسم الله عليك وهذاا ماعليك فيه تركي فتحه سبيكر احمد وهوو يضحك: اسمعك اسمعك وهذاا وانااابي مصلحته صراحه اناا صرت اشك اني ولدك ام فيصل: ههههه حبايبي انتوووا بس هذاا ولدي الصغيرر له معزة شوي احمد بقهرر: نونوو حضرته والله انه اعرض مني واطول ام فيصل تعانده: ايه ادري بولدي عريض المنكبين طويلاا فديته روحه احمد: وش قصدك يمه اني عديم المنكبين قصيرر قولي ماراح ازعل ام فيصل : هههههه ايه هذا قصدي احمد : خلاص قفل السبيكرر يكفي تحطيم ام فيصل : ههههههه يالله انتظركم حبايبي الله يحفظكم تركي : ههههه يمه والله اخذتي حقي منه ان شاءالله دقايق ونكون عندك وقفل احمد يناظره بنص عين: مصدق نفسك الصغيرر انت ترى صرت ابوو تركي : هههه ياخي مالك شغل في نظرهاا لسى صغيررر احمد: ياخي نفسي اعرف وش اعجبهاا فيك والله انك مشكلجي وعصبي وتحب الشررر ومافيك صفه زينه تركي بقهرر: الا فيه صفه نسيتهااا وشكلي ابي اقوم اطبقهاا فعل عليك عشان تتذكرهاا أحمد وهوو يقوم: اقول خلني اطلع اناديهم يبعدووا هالمغذي ونطلع تركي وهوو يناظره بنص عين: ايه يكون افضلل أحمد : طلع وهوو يضحك على اخوه من جد متهوور يسويهاا ويقوم يمردغه هناااا ولا يفكرر في صغيرر ولا كبيرر بعدهاا طلعووا وصلوو البيت تركي وهوو داخل الكل تجمع عليه معاد رهف جالسه بعيد على الكنب ماتبي تتفشل الجدة وهي تناديه يجلس قريب منهاا:تعال يمه تعال عندي اشلونك اللحين تركي بتعب : الحمدلله يميمه والله تمام مافيني شيء احسن من اول بكثيرر ام فيصل وهي تتتقرب منه وتلمس جبهته : لا الحمدلله مافي حرارة سوسن وهي تسلم عليه: الحمدلله على السلامة حبيبي تركي :الله يسلمك جوري : فديتك تروك والله بغيناا نموت وراك كلناا بس لوو انك رقدت في المستشفى موو احسن لاتفتكر شيء بس عشان بكره ماادوم وكمان امنيتي اجيب باقة ورد كذا لحد مرقد في المستشفى تركي : ليه مايكون انتي وحناا نجيب لك باقة ورد جوري : لا حبيبي ادري فيكم انذال راح تقطفووا لي من ورد المستشفى اللي مزروع براا ام فيصل وهي تصفق يد بيد: اقول جوري اناااخلاص سلمت منك وعشان كذا ابي اطلب منك طلب وياليت تنفذيه لماانكون في الصاله ماتطلعي من غرفتك يعني بالمختصرر مكان حناا فيه يفضل ماتكوني متواجدة ياليت فهمتي عاد جوري بقهرر: ااايه انااقلت من اول انتوو تكرهوني وماتحبوني وتحبون القزمه ذي وزوجهاا العملاق ذا رهف بقهرر: هييي انااماحكيتك جوري: وانااماقلت رهف عشان تنطي رهف تبي تجتننها البنيت ذي: موو قلتي القزمه جوري:ههههههه الحمدلله وانتي عارفه نفسك ي قزمه الجدة وهي تناظرهاا بسخريه: ترى كثرر الطفاقه موو بزينه للبنت بس وش نقول و تناظرر بنتهاا سوسن وهي تتدق جوال:ايوه احمد الله يعينك باقي ساعتين ع الرحله بسرعه بسرعه بالله ي دوب نصل المطاررر تركي وهوو يناظرها بتعب: فديتك ياليت فيني حيل والله محد يروح فيك غيرري سوسن وهي تتقرب منه وتسلم فوق راسه: جعلك سالم لناا مايطلع منك اقصوور وربي يشفيك ياقلبي تركي ضمهاا بحنان:ربي يحفظك جوري بصرخه : هيي بنتك الحيزبوون انتبهي تنسيهاا ترى ملزقه في سمرر يقال تودعهااا مالت بس وع وع سوسن: من قهرك حبيبتي مااعطوك وجهه اللحين ادق عليهاا تجي عشان تودعكم : : بعدهاا اللكل تودعهااا هي وبنتهاا تركي قام بهدوء متجهه لغرفته رهف شفته قام قمت ع طول مافيني على نظرات خالتي وكلام ميمه :تقربت من وبهمس جوري خلي مشعل عندك نايم اناااخاف اخذه يصحى ويزعج ابوه وهوو تعبان مافيني جوري : طيب تعطيني اللحين ولااعلى الحساب رهف بسرعه: على الحساب خليهاا جوري: ترى زاد الحساب وتركي خايس ماايسدد اللي عليه رهف اوف مطوله البنت: ابشري تعرفيهااا مني وطنشتهاا ورحت دخلت الغرفه شفته يخلع ثوبه ويغيرر ملابسه رهف بهدوء: الحمدلله السلامة تركي وهوو يتمدد على السرير: بدري على مااظن واصل البيت لي ساعه وعليهاا رهف : خفت اقولك تفشلني قدامهم تركي حس بشفقه عليها:تعالي همزي راسي شوي رهف تقربت منه وانااحس قلبي يدق ومتوتره والله استحي منه لمااقرب له جلست ومديت يدي لراسه وانااهمز له وهووومسكرر عيونه جلست اناظرر فيه قلت بهمس : ليه انت قاسي تركي فتح عيونه وتعلقت عيونهم في بعض تنهددد وقفل عيونه رهف جلست اهمزز له بحنان وانااافكر وش في هالراس وش ناوي عليه حسيت فيه نام من نفسه المنتظم تسحبت بشويش وغطيته زين بالمفرش ونزلت نفسي له وبستتته على راسه بهدوء والله غصب عني احس اني مسيره له هالفتره وطلعت اشوف ولدي هذاا اذا مالقيت جسمه معلم من الضرب اعرفهاا جوري ماعمري حطيته عندهاا الا تعضه ي تضربه والخبله ايش تقول اذا عصبت عليهاا هوو اللي بداا واناااخذ حقي بالله طفل يبدأ بااايش اااااه بس @@@@@@@@@@@@@@@@@@@@ @@@@@@@@@@@@@ | ||||
|
| |
|
21-02-15, 11:24 PM
| #244 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| غسان وهوو من قبل امس مقفل على نفسه في غرفته بس ينزل يصلي ويرجع وموو طايق يشووف احدد بس اطرر ينزل لماااامه جت عنده وسألته ومايبي احد يشك ان بينه وبين عنود شيء وهوو مابينهم شيء بس هي حطت هالشي بس هوو عاقل واكيد بيحكم عقله ومهماا كان هي مجروحه وعارف ومقدر وش الللي مزعلهاا انه تعرض لهاا قبل وكمان تتتفكتر انه لسى تبع نسوان بس الله غفور رحيم وانااتبت من ها الأشياءكلهااا بس وش يفهمهاا اوو بالاصح وش يدريهاا اااه كل مااتذكررر كلمتي لهاا امس اندم اناااغسان اللي نادرر احد يقدرر ينرفزني او يطلعني من طوري هذي بكلمه وحدة خلتني اقول شي لوو فكرت شوي كان مستحيل اقوله واجرحهااا اااه ي عنود كل مااتذكرر جمالك أحمد الله واشكره انك من نصيبي ولا عيونك اه ي هي ذباحه وخطفت قلبي من اول نظره اناايمكن اول كنت مصمم عليك بس لاني احترم المراه اللي كذا بذات الللي محافظه على حجابهاا وبذات عباية الراس احترمه كثيرر ويمكن تحدي لانك صديتيني وهذاا اللي خلاني اعزم اكثررر بس اللحين بعد عيونك ذي ااه والله اني اموت فيك ااه يازين الحلال والله يبعدنا عن الحرام ويهدي الشباب كلهن نزل عند اهله اللي كان جالسين في الصاله شاف ابوه جالس غريبه اليوم هناا رد السلام وجلس ام غسان بحده: ماشاءالله كان مانزلت احسن اناااعرف البنت الللي تحبس نفسهاا لوو متضايقه وانت من يوم ماخطبت هالبنت وانتت حالتك حاله وقبل امس ملكت ودخلت غرفتك وماطلعت إلا الللحين اوموت واعرف وش قصتك ابو غسان وهوو ماسك الريموت ويقلب في التلفاز: اكلت الولد حاس فيك والله ام غسان بقهرر: لاااارخى صوتك شوي كمان ابو غسان: شوفي تكفين لاتبدي معي خليك مع ولدك إلا والله اهج من البيت شهرر كامل ماتشوفيني ام غسان بصرخه:هج فكه من خلقتك ذي ليه جالس تهدد فيني الللي يسمعك يقول ميته فيك غسان بطفش ندم انه نزلل : استغفر الله العظيم واتوب اليه اللحين وش فيكم والله تخلون الواحد يندم يطلع حتى من غرفته يمه يبه ليه كذا دايم طلال صار بس هاج برا البيت ومطفوق وحالته حاله عشان يهرب من هالجوو وساره بس محبوسه في غرفتهاا واناا اذا جيت اكلم احد فيكم قلت يبه امك هي السبب وانتي يمه اذاا جيت قلت لك شيء قلت ابوك السببب وهذاا واناانازل ابس اسولف شوي معكم واتفق عشان موعد الزواج ام غسان معصبه بس قالت احسن اسكت وحزنت على غسان لانه شكله حد متضايق ابو غسان حزن يدري ان عياله نفسيتهم تعبانه من المشاكل اللي بينهم هوو وامهم قال بهدوء وهوو يسكرر التلفازز:وهذي جلسه ي ابوو عبدالله قول واناامعك وش االلي ناقصك وانااتحت الطلب ام غسان بصوت واطي: عشتووا ي الاب المثالي غسان ابتسم وهوو يناظرر امه عارف هي اللي دايم تبدا بس وش يقدر يسوي اويقول مهما كان امه ويحبهاا وصعب يزعلهاا واذا حاول ينصحهاا على طول تزعل وتجلس تذكره انه فضل العيشه عند جدته اكثرر منها وتجلس تبكي : فديتك يبه ولي الشرف اول ولد ع اسمك يالغالي ام غسان: ايوه اكيد راح تتفقووا علي اللحين وشكلي اقتصرهاا على عمري واطلع غسان قام وجلس قرب منهاا وحط يده على كتوفهااوضمهاا له: افاا نتفقك عليك لا والله لاعشت لوو اتفقت عليك يمه انتي جنتي وناري ابو غسان وهوو يضحك: يعني تتفق علي والله اني اناااللي بزعلل اللحين غسان : حرام والله وابي اتفق على زواجي بس ماابس اتفق ضد احد فهمتووا علي ابو غسان يضحك: ههههه مفروض انت تتعقد من الزواج وانت تشوف حالتي مع امك ماتخاف تتطلع اللي بتاخذهاا نسره ام غسان : نعم نسره ايش هادي كمان غسان وهوو يوقف: اناا احسن شي اتفق مع اخوهاا وانتوواعزمكم بطاقة دعوة وبس خلاص صراحه تعبت ابو غسان يمسكه بيده ويجلسه: يارجال اشبك كذه خلقك ضيق وسع الصدرر وانااابوك ام غسان بسخريه: من حقوه يضيق مدام انت جالس ابوو غسان وهوو ياشرر عليهاا: شفت هي اللي تبداا وانااعشان ابي اكبرر عقلي واسمعك وهي تقول اللي تبيه غسان رجع جلس : بختصار لاني لوو طولت في السالفه ماكلمت من هواشكن اللي بينط فيهاا المهم انا ابي الزواج نص الشهر ام غسان بصرخه: ايش فاهم وش تقول يعني اسبوع انت قلت قبل رمضان بااسبوع ابو غسان : وش فيهاا اذا قدمه اسبوع مدام هوو جاهز ومهرهم سلمناهم يجهزن اعمارهم في هالاسبوع ام غسان: ياسلام والقاعه سهله اكيد مارح تحصل دحين فاضيه اكيد لازم حجز اقل شيء بااسبوعين وبعدين اناامكلمه امهاا على اسبوعين ايش دحين تغيرر وبعدين من زين خلقتك قبل امس وقت ماطلعت من عندهاا لاتحسبني موو حاسه إلا حاسه ومكتره بعد ابو غسان وهوو يطنشها:اقول ي رجال ماعليك في امك هاتي الجوال واناا ادق على اخوهاا ونتفق معه اذاا وافق خيرر وبركه وان مااوفق خلاص موو بيعد اسبوع ثاني فيك تصبرر غسان سحب جواله من على الطاوله ودق رقم تركي: خذ يبه هذا هوو يرن عند تركي وهوو جالس يتفرج بطفش على مباراة قديمه في غرفته وهوو يحس نفسه احسن من امس بكثيررر: وينك يا لمعرس المختفي ابو غسان وهوو يضحك:اهلين فيك لا انااابو المعرس تركي استغرب نادر مايكلمه: هلا والله فيك ابوغسان : اخبارك واخبار بنتنا تركي : الحمدلله تمام اخباركم انتوو ابو غسان وهوو يناظر غسان : نحمد الله ونشكره الا ابي اقولك شيء تركي حس ان فيه شيء معقول غسان تراجع بعد الملكه والله اذبحه كان من قبل مااملك له انااليه استعجل اشوف وش عندهم اول قال بهدوء: تفضل قول ابو غسان : اعتبرة طلب تركي حس براحه: ااامر بالللي تبي انا تحت امرك ابوغسان :تسلم يالغالي والله انك نشمي ولد ابوك بس حناا حابين نقدم الزواج اسبوع عن موعده تركي انصدم:ايش بس وش فرقت يعني فيه يصبرر اسبوع ابو غسان: انااطلبتك ي تقول ايه ي لا وخلاص واذا انت تبيه بعد اسبوعين تحت امرك حناا وهذا ينثبرر مكانه تركي خجل مايدري وش يقول وتخيل بس عنود يكفي مقاطعته حتى سلامات ماقالت له: ابشرر وطلبك تم ابو غسان بفرحه: والله احجز لهاا في احسن قاعه فيك ي الرياض تستاهل بنيتي عهود غسان بسرعه يصححح لاابوه عنود ابو غسان: اقصد عنود ام غسان بسخريه: من كتر الحريم الللي يتزوجهم يلخبط في اسمااء البنات اوف تركي بهدوء: اوك ان شاءالله خيررر اللحين اكلمهم واكيد ان الحريم راح يتفقووا اعطني المشفوح اللي عندك ذاا ابو غسان : هههههههههه خايف منك ورافض يكلمك تركي: هههههههههه اعطيه الأمان يكلمني بس ابوو غسان: ابشر وبحفظ الله خذ وهوو يناول غسان :هلا تركي تركي وهوو يضحك:اوف اختى وش سوت فيك غسان بقهرر من ضحكه: اقول انثبرر واختك سوت فيني اللي مايسوى ياخي احبهاا تركي : نعممم في وجههي كذا غسان:ايه زوجتي حبيبتي معاد تقدرر تتكلم تركي بقهرر:ااخخخ نسيت غسان : تكفى لاتنسى ثاني المهم اسمع كلام ابوي وزوجني اختك تركي : ايه عرفت لي خليت ابوك يكلمني تدري اني مارااح ارده بس انت ااخخخ والله لو كلمتني ماتشوفهاا إلا بعد اسبوعين غسان طنش حكيه وقال بكذب ومايدري انه صدق هي قفلت جوالهاا: اقول وين اختك دقيت عليهاا جوالهاا مقفل اعطني ابي اكلمهاا تركي بهدوء: مقفل غسان :ايوه تركي :اوك اللحين يالمزعج اروح اعطيهاا وهوو يتحلف في عنود عارف حركاتهاا مالهاا داعي صراحه طيب بس انا لك طلع من غرفته شاف الصاله فاضيه غريبه امه وجدته موو مسنترين فيهاا دخل غرفة البنات وشافهم كلهم متجمعين ومعاهم شبس و شوكولاته الللكل ناظره واستغرب دخلته كذا تركي وهوو يناول عنود: خذي كلمي زوجك عنود بلعت ريقهاا وطنشت رهف بخوف تناظرهاا خلت الجالكسي اللي في يدهاا حتى جوري حست بطنهاا يمغصهاا عارفه انهاااراح تنضرب لوو رفضت وامهاا وجدتها راحووا زيارة لبيت الجيران يعني البيت فاضي ياسلام راحت وطي رهف وهي تتدق عنود بصمت عشان ماتتطنش تركي لانه يناظرهاا بعيون شررر اجل ناوي عليهاا لوو عاندت تركي بحدة: خذي عنود بقهرر اوف ياربي : اخذت الجوال بصمت تركي وهوو ياشرر ع رهف وجوري : يالله انتوو قدامي خلوهاا تكلم على راحتهاا واعطيني ذاا وهوو ياشرر على توكس ورجع ناظرهاا شافهاا ماسكه الجوال كذا وبصوت واطي تكلمي اشوف البنات طلعووا وتركي وقف لمااسمعها تكلمت طلع عنود بخوف: الوو غسان وهوو مبعد عن اهله من اول ماطلب يكلمهاا قام طلع في الحوش شاف طلال في طريقه اشر طنشه وهوو يضغط على ريموت السيارة عشان تفتح ركب وقال بفرحه انه سمع صوتهاا: هلا والله عنود بهمس ماتبي تركي يسمعهاا لانهاا حاسه انه يسمع لهاا من وراء الباب : خير داق انت ماتفهم يعني غسان وهوو يقفل عيونه وعظ على شفته بقهرر: إلا افهم ومن زود فهمي تجهزي عندك خمس دقايق ابي امرك تتطلعي معي نتمشى شوي ونتفق على الزواج اللي بعد اسبوع عنود بصرخه: نعم غسان : الله ينعم باحالك يالله اعطيني اخوك عشان اقوله وانتي يمدك تتجهزي كمان لان مسافة الطريق واناااعندك عنود قفلت في وجههههه بقهرر البنات واقفين عند بأب المطبخ وهم مرتعبين ويرجفن يخافوون دايم لماتحصل مواجهه بين تركي وعنود وطلعت وشافت تركي قدامها مسنترر في الصاله ويناظرهاا بحقد: هاا كلمتيه مسرع اشوف عنود وهي تناوله وبتوتر: لا هووو استذان تركي بشك : ياليت اقدرر اصدقكك وحركة تقفيل الجوال ماله داعي رن وهوو لسى ماكمل كلامه قال وهوو رافع حواجبه: اشوفه رجع دق ورد : هلا غسان شكل اختي طفشتك وقفلت غسان بقهرر وحقد عليها: وهذي تجي اطفش من عنود المهم تروك ابيك تخلي عنود تتطلع معي انااقلت لها قالت تخاف منك ترفض وهي تتخجل تتطلبك ممكن اذا مايضايقك تركي : لا عادي خذ راحتك تعال وخذ مرتك بس حدك عشره وهي هناا غسان بفرحه: ابشرر فديتك تسع لوو تبي تركي قام دخل على عنود المطبخ لانها هربت عند البنات: روحي تجهزي زوجك يبيك تتطلعي معه ساعتين وترجعي عنود بهدوء عشان مايعصب عليهاا: لا خلهاا بكره انااقلت له واتفقناا تركي بقهر: بلا كذب هوو قالي انك خايفه وخجلانه مني تجي وتقولي لي انك تبي تتطلعي معه عنود بصدمه طلع اكذب منهاا: لا انااماقلت كذا تركي بعصبيه:يعني اشلون مافيني ترى ازود حكي روحي انقلعي عن وجهي اللحين وتجهزي وطلع وبعدهاا رجع : قسم بالله نص ساعه لوو يدق ويقول براا وانتي ماجهزتي امسح فيك بلاط للارض وطلععع ................ @@@@@@@@@@@@@@@@@@@ بيت ام غسان طلال وهوو داخل: لا لا مااصدق بابا وماما مع بعض ابو غسان وهوو يرمي علبة الفاين عليه: ي شينهاا منك بابا وماما ام غسان وهي تضحك: خليه يقول اللي يبي وش فيها انا احب لماا يقولي ماما احسه كذاا عاده طفلي المدلل طلال جلس عندهاا: يمه مدام طفلك المدلل ي ثقلها على لساني بس وش نسوي لازم نتدلع مثل سارة عشان نصل للي نبي وبهمس يمه قولي لاابوي يعطيني فلوس اغيرر سيارتي ابوغسان: سمعتك والله ماتشوف ريال يكفي مفشلني في الشركة جايب معه عدس وتميس وفول وفارش في الارض ويعزم الرايح والجاي وعليهاا يقول ذوق ماراح تخسرر شيء للي يرفض بالله هذا صاحي ولا تحاول تنكرر ترى قالووا لي كل شيء وترى هم صادقين ام غسان بقرف من تصرفاته دايم يفشل وبصدمه: ايششش ليه كدة طلال وهوو يسحب كاسة شاي ويصب لهاا وعارف مين دايم يحرش عليه عند ابوه اناالك والله بكره مااعزمك خربت على نفسك كان تحصل فطور بلاش وقال بدون مبالاة: وش فيهاا يعني جلست افطرر وعزمت ولا هذا جزاي جالس اعزم ومشرفك بكرمي ابو غسان بصرخه: كرم ي زفت مسوي فيهااا إلا استهبال ماله داعي طلال : يبه وش فيك معصب قلت لك كنت جوعان وفطرت ابو غسان بقهر منه وعجز من تصرفاته:كان قبل ماتجي افطرت في البيت ولا في كوفي ولا في اي مكان طلال : لا يبه اناا مستحيل افطرر من فطور اي احد غيرر عمووو مصطفى ام غسان: مين ان شاءالله دا مصطفى طلال:اللي يسوي التميس والفول ااه يمه عنده تميس بجبن يجننن حلفت بكره افطرك منه سوي انتي بس شاي ام غسان ناظرته بحتقارر جنننهاا هالولد : ايش اسوي طلال بعربجه وهوو يلعب بسبحه بيده : شاي ولا ذاا يمه نسيتي اسمه واعطيتوه اسم ثاني ابو غسان سمع صوت الآذان: قوم بس صل وانتي ها لولد يوم كنتي حامل وش كنتي تحسي بوه طلال وهو يتربع ومسوي مهتم : ايه يمه هذا سؤال مهم والله انك جبتهاا ي ابوو طلال وش كنتي تحسي بوه هااا قولي اعترفي ام غسان بقهرر وهي تتدفه عنها: وجع ان شاءالله اروح غرفتي احسن وراحت وهي تصرخ ياربي ايش هالتخلف في هالولد طلال وهوويناظرهاا وهي تمشي ومطنشته: مصيرك تعترفي وين راح تروحي مني اكيد مااراح تحسي بأهمية هالسؤال لانه يخصني وش كان تحس فيه ياربيي وجلس يفكررقطع عليه صوت جواله وهوو يشوف رقم خويه يالليل البعارين وش ذا يبي .. ....... | ||||
|
| |
|
21-02-15, 11:25 PM
| #245 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| عند عنود جلست على بلاط المطبخ وهي تبكي بقهرر: ليه كذا رهف جلست قريب منهااا: عنود حبيبتي تكفين لا تعاندي روحي قالك ساعتين وماارح تتطولي معه جوري بصوت واطي : انااارايحه اكلم امي تجي رهف : لا لاتفشليهم عندهم جمعة حريم واللحين راح تحصل مشكله اكيد عنود وهي تبكي: رهف انتي فاهمه وش ساعتين والله اكره اشوفه مابالك اجلس معه . جوري وهي تبي تتفرفش غصب عنهاا خايفه عليهاا من تركي : اقول ياخبتك اااه اناامتى كذا يوقف زوج المستقبل وينتظرني براا عند الباب على حمارة اقصده حصانة رهف بسخريه: والله لايق حماره اكثرر عليك وعلى اللي بياخذك جوري خبطتهاا بقوه على كتفهاا: لاتسبي عليه فاهمه قليلة ادب لا تتوقعوا اني مثلكم ي ست عنود وست رهف كذا عاصين ومتعبين أنفسكن بعنادكم لرجالكم لا حبايبي انااغيرر اناابي اقول له السمع والطاعة تركي سمع كلامها لانه رجع يشوف عنود عارف عنادهاا:لمين السمع والطاعة جوري بربكه: لك ي احسن اخوو في الدنياا تركي بحدة وهوو يناظر عنود: ليه مارحتي تجهزتي انا وش قلت رهف وهي تمسكها من كتفهاا وتسحبهاا تبيهاا توقف: الللحين تتجهز بس انت اهداا البنت شوي مستحيه واللحين راح تتجهز وتتطلع معه تركي بحدة: اناانازل اصلي العشاء ولوو اجي وهي لسى على حالهاا هذاك الوقت تترحم على نفسهاا عنود مشت مع رهف غصب عنهاا رهف وهي تقفل باب الغرفه: حاسه فيك وربي بس خليك مثلي بطله انااسافرت مع اخوك وانااكارة حتى النظره في وجههه ومابالك بالخوف اللي كنت احسه منه وانتي تعرفي اخوك عاد من غيرر مااعطيك تاريخه عنود وهي تمسح دموعها وقالت بتهديد: والله اكره في هالطلعه رهف بتريقه : وش يدريك يمكن تنبسطي وماودك عاد ترجعي عنودبصرخه : موو وقت سماجتك انتي اللحين وهي تسحب جوالهاا وتبي تفتحه وتدق عليه وتخليه يعتذر لتركي من هالروحه ويكون من عنده موو من عندهاا عشان مايعصب عليهاا تركي رهف بعصبيه: وش تسوي ي مجنونه يقول في الطريق عنود طنشتهاا وهي تبي تتذكرر رقمه بي عجزت حاولت وحاولت لانهاا يومهاا ارسلت ومسحت على طولل رمت الجوال بقهرر اااه ناسيت رقمه وطاحت على السريرر تبكي رهف بتوترر وهي تسمع تركي يناديهاا: عنود قومي البسي وصلي مافي وقت راح يجي اللحين وخليني اروح اشوفه وش يبي وارجع وطلعت تركض تشوفه تركي :جهزت خلاص رهف تجلس بجنبه وبهدوء وهي تحط يدهاا على كتفه: تركي حرام تضغط عليهاا كذا اكيد اللحين لوو طلعت له وهي مو راضيه يمكن هوو يحس ويزعل تركي وهو يضحك: لااابشرك خويي عديم احساس رهف بقهرر: ايه عارفه تعلمني فيه تركي وهوو فاتح عيونه: نعم رهف لمااشافت كيف قلب : وش فيه تركي بقهرر: وش قصدك انك عارفته وش يعرفك انتي فيه رهف : اقصد انه خطبهاا اكثرر من مره وهي رفضت فقلت ايه عارفه لأنه مايحس وش فيهاا ذي يعني تركي : مافيهاا شي بس اناا مااحب انك تتكلمي على رجال غريب عندي رهف وهي توقف: انت مجنون رسمي وتحرف الكلام على كيفك اروح اشوف شعول افضل لي تركي : فكههه رهف سحبت الخداديه اللي في طريقها ورمته فيهاا : عشان تتوب تركي والخداديه على وجههه وبصرخه: قدهاا رهف ركضت دخلت عند البنات وصرخت بقهرر: لسى انتي حرام عليك عنود : وش تبيني اسوي بالله احط مكياج رهف: ايه حطي يمكن تنزلوو مطعم مكان كذا تقدري تفتحي وجهكك جوري : وش رايك انااحط لك والله اخليك تجننني واكيد هوو ذوقه مثل ذوق امه شفتي كيف يوم جت وشافت مكياجي وخقت علي رهف بصرخه: لا لا انااحط لها وامه متى خقت نفسي اعرف جوري بصرخه: الا خقت بس وش نقول حسد عنود بطفش منهم ومن هالروحه كلهاا: فارقووا عني ماابي ولا وحدة تحط لي واخذت ملابس لهاا تغيرر لبس البيت وراحت تتوضى وفرشت السجاده وصلت وبعدها لبست العبايه بقهرر وجلست على السريرر تنتظرر متى تركي يقول لهاا يالله جااا حضرته رهف معاهاا روج مخبيته وراهاا: عنود تكفين حطي بس روح يطلع على شفايفك واو يجننن وكمان يغيرر شوي فيك وجهك شاحبب اماااعيونك مايبي لهاا اي مكياج تجنن ماشاءالله من غيررر وبشرتك مايحتاج لهاا اي بودرر بياض رباني اسم الله عليك جوري وهي تفتح علبة الظل : اقول رهف بسرعه امسكيهاا واناا احط لهاا رهف : ههههههه تصدقين عنود لوو تبي غسان يطلقك خلي جوري تحط لك جوري بصرخه: نعم لا والله إلا بينهبل عليهاا اقول اثبتي بس عنود بصرخه : ابعدووا عني الثنتين وسحبت الروج اللي في يد رهف ورطبت به شفايفهاا ورمته في الارض : ياليت انفك من حنتكم @@@@@@@@@@@@@@@@@@@@ @@@@@@@@@@@ عند غسان نزل من سيارته لما سمع صوت الآذان اتجهه للمسجد اللي قريب من بيتهم صل ورجع تكشخ بالشماغ وتعطررر لبس الساعة والكبك ونزل مايكلم احد مايبي يتأخررر عليهاا متشوق يشوفهاا ويبي يعتذر منهاا على كل شيء حصل منه وان شاء الله يوم الزفه يكونووا خالصين من اي زعل بينهم او عدواه طبعاً من طرفها ركب سيارته ومشى متجههه لبيت اهل عنود @@@@@@@#@@@@@@@@ @@@@@@@@@@@ عند عنود تمنت الارض تنشق وتبلعهاا لمااسمعت تركي ينادي بااسمهاا ويقول تتطلع شدت على يد رهف : ماابي اروح رهف :تكفين روحي وفكي عمرك تركي لماااا ماشافهاا طلعت اتجههه للغرفه وفتح الباب بعصبيه:يعني اشلون عنود وقفت ع طول: ايه بس امي ماتدري تركي بحدة: امي انا اقول لهاا يالله قدامي ومسكهاا بيدهاا وسحبهاا معه وطلعوووا غسان شافهم نزل من السيارة على طول تركي وقف عند الباب الخارجي: يالله ساعتين واشوفهاا اوك ودخل قفل الباب عنود ناظرت الباب وهوو يتقفل: وجع لك ولصاحبك ذا شافته متجهه لهاا عصبت ودهاا تسوي له فضيحه في الحارة بس ااخخخ البع بع اللي داخل خايفه منه إلا هوو ماعملت له حساب غسان شافهاا واقفه ماتحركت وعرف من عصبية تركي انها نرفزته شكلهاا بعنادهاا تقدم لهاا بهدوء : يالله تعالي اركبي ومسك يدهاا عنود سحبت يدهاا بنعف : ابعد اناااركب غسان متفشل وهوو يناظر حوله خاف لوو احد شافهم: يالله اجل عنود ركبت وهي تحس بتوترر وتخفيه بعصبيتها نفسهاا ترمي حالهاا من السيارة بس خوفها من ربهاا هوو اللي رادهاا ناظرته بطرف عيونهاا شافته متكشخ على الاخرر مالت عليك وش له ذي الكشخة تتتفتكر اني راح اناظرك غسان يبي يتكلم بس يخاف تقلب وتعصب وهوو مايبي كذا ويخاف اذا جرحته يجرحهاا وهوووعد نفسه انه لازم يحاول يكسبهاا : حابه مكان معين ولا على مزاجي عنودوهي تناظر الشارع: حابه ارجع بيتناا غسان وهو يحاول يمسك نفسه واكيد هوو عنده طاقة تحمل معروف فيهاا: اكيد ي قلبي راح ترجعي بس بعد طلعتنا اللي ان شاءالله تنبسطي منهاا عنود بسخريه: اوف قلبك مره وحده توناا ترى وبدقه ولا متعود ومتفننن كمان في هالحكي غسان عرف قصدهاا غسان اهداا وخلهاا تقول الللي تبيه لان مستحيل راح توثق فيك على طول :وانتي كمان لازم تتعودي على هالحكي وكمل ببتسامه عشان احب اسمعه منك كثيرران شاءالله عنود بسخريه: واثق مرره غسان وهوو يوقف عند الإشارة مد يده ومسك يدهاا : ايه واثق وبقوه كمان عنود طنشت ماسحبت يدهاا لانه هذا مايحس وغبي ومايفهم خليه يمسكهاا حتى يملل غسان استغرب ماسحبت يدهاا ناظر بياض يدهاا مع يده السمرة شد عليها وقال بهمس: الله يسعدنا قولي يارب عنود بهمس: واناابيعده عنك ان شاءالله غسان سحب يده وتنهد بتعب عرف انهاا راح تتعبه كثيرر كمل الطريق وهم ساكتين وقف عند مول وناظرهاا : يالله ننزل نتسوق لوو تبي شيء وبعدها نروح مطعم ونتعشي وش رايك عنود بقهر: ياليت ترجعني البيت والله كاره الطلعه معك حرام عليك تغصبني انت وتركي غسان انجرح بقوه لا كذا مستحيل يرضى على نفسه اكثرر قال وقلبه مكسورر: ابشري لك ماطلبتي عنود اوف اخيرآ فهم ياربي راح اتعب معه ناظرت نص وجههه كان ملامحه حاده انفه سيف واسمرر شوي وسيم بس تكره بشكل ماعمرهاا كرهت احد مثله وشكله معصب بس ماسك نفسه غصب عرفت من عروق يده وهوو يسوق يالله ههههه انتصرت عليك انت وصاحبك ايه كذا عاشت الكرامه الميته اللي عندك غسان يحس انه هوو الللي مو طايقهاا اللحين وده يذبحهاا على لسانها السليط بس تذكرر وعده انه يمسك نفسه وكمان خاف يتفشل من تركي ناظرهاا وبحده شوي: شوفي اناااابي ارجعك والله بس متفشل من اخوك بس اوعدك ماانزل مكان نلف شوي على الأقل لمدة نص ساعه ونرجع هاا وش رايك عنود تنهدت بقهرر:اااااه منك ومن اخوي غسان وهوو يناظر الطريق وبحزن: خلاص عنود تحملي بس نص ساعه عنود هزت راسهاا بهدوء: اوك راح اتحمل نص ساعه بس العمرر كله معاك كيف اتحمله قولي غسان بصرخه غصب عنه:خلاص راح ترجعي سندرتي راسي عنود كشت مكانهاا يمه معقول ذا يصرخ حست بخوف بالعكس توقعت انه مايعرف يصرخ حتى او يرفع صوته انصدمت فيه غسان ندم انه صرخ عليهااا مايبي كذا بس غصب عنه حس انهاا خافت منه : استغفر الله العظيم ي بنت الناس حاولي تصيري عاقله وتثمني كلامك لاني مااحب اغلط على احد ترى والله موو طبعي اصارخ اوو اسوي فيها وكمل بحزن: يمكن تنفكي مني قريب محدن ضامن عمره يعني فكري في يومك ذا معي لاتفكري في حياتك بعدين عنود بحزن على حالهاا وحالة: ماينفع لبعض حناا غسان بهدوء وهوو يمسك يدهاا:ليه تقولي كذا وحنا تونا بسم الله عنود تنهدت بتعببب غسان بهدوء: طيب خليناا ننزل مطعم ونتعشى والله مااكلت من امس وش رايك انا وعدتك بس ذبحني الجوع عنود بقهرر من كذبه توه يقول خلاص ماراح ننزل اوف : اذا بعدهاا اخلص موافقه غسان داس على نفسه: ايه اوعدك واتجههه للمطعم وهوو ساكت وقف ونزلووا يبي يمسك يدهاا قالت بهمس: تصدق اكره مااعلي ان رجل يمسك يد زوحته في مكان عام احس انهاا حركه مالهاا داعي غسان وهو يرفع يده:اوك على راحتك وحجز طاوله ودخلوو عنود وهي لسى بحجابهاا المطعم فخم بدرجه ماتتصور اول مره تتدخله بس حاسه بكتمه وقهر وطفش نفسهاا تسكر عيونهاا وتفتحها تكون عند رهف وجوري اول مره تتطلع بدونهم غسان وهو جالس مقابلهاا : افتشي مافي احد عنود بطفش: مو لازم كذا مرتاحه غسان : واناامو مرتاح عنود طنشته غسان مد يده يبي يفتح غطاهاا اللي على وجهاا عنود سبقته هي فتحته وقالت بمسخره: يالله تمنقل ان شاءالله انك تندم وتتتفكني منك غسان : ليه كذا ي عنود عنود تحس نفسهاا خجلانه منه بس غصب عنهاا تسوي انها قويه هي ماناظرت حتى وجهه زين تتكلم معه وهي منزله راسهاا غسان ومد يده ورفع وجهاااوبهمس : عنودي والله احبك عيونك ذي هي السبب جت سهم في قلبي عنود رفعت ناظرته بصدمه عرفت انه اكبرر مغازلجي فيك ي السعوديه كلهاا من حنان صوته ومن نظراته تحسه جريي سهم ان شاءالله في بلعومك بقهرر على حظهااوبهمس: كل مره توضح صورتك عندي.وهي تناظره بحتقار انتهي البارت ....... ان شاءالله مااكون شريرة في لقفله هههههههه فديتكم بس والله مدري وش يجيني نهايه البارت مو منذله ولا شررر مثل إلاشاعه اللي مطلعينهاا عني بعض الناس وهم عارفين انفسهن والمقصد للتشويق فقط لاتنسوني من دعواتكم نوني استودعتكم الله سبحان الله وبحمده سبحان الله العظيم | ||||
|
| |
|
22-02-15, 12:07 AM
| #246 | ||||
| نجم روايتي وعبقرية عالم الازياءوفائزة ثالثة بحكاية غلاف وفراشة الروايات المنقولة 
| نونى بعد تحليل طويل لحاله رهف وتركى وصلت ان هما الاتنين عندهم تخلف عقلى وراثى كمان انا دلوقتى خوفى على مشعل الصغنن لياخذ العدوى هههههههه تركى فى حد بيحب حد بيقول لها انه حيتجوز عليها وهى الغبيبه بدل ما تنكد عليه وتقرفه فى حياته ماهى متاكده انه بيحبها وهو بنفسه اعترف بذلك بدل ماتستغل حبه لها وخاصه انها كمان بدات تحبه لا بتسوء علاقتهم اكتر الاتنين محتاجين قعده صراحه متبادله دلوقتى انا مش مع رهف بس تركى اصبح له مبرر لتصرفاته عنود كان الله فى عونها وغسان لازم يستحمل تسلم ايدك نونى شكرا لامارا | ||||
|
| |
|
22-02-15, 12:04 PM
| #247 | ||||||||
| مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين 
| فصل اليوم يجنن تسلمي نوني بجد روعه وشكرا لامار على النقل تركي ورهف لاعبين باعصابي منرفزيني محتاجين احد يعدلهم بديت اكره شخصياتهم وعقولهم السخيفه غسان مجبور يتحمل لانه شوه صورته بعينها من سنين ولازم يحاول يغير نظرتها وحده وحده جوري الله يعين الكل عليها شكلها بتموتهم ناقصين عمر منتظره القادم بشوق وان شاء الله يكون في تقدم بحالة تركي ورهف | ||||||||
|
| |
|
22-02-15, 07:27 PM
| #248 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
| السلام عليكم ورحمة الله وبركاته مساء الخيرات والسرور والسعادة يانوني يعني انا تركي راح يجلطني انا مو رهف هو انت تتفاهم علمود تريد منها تظهر حبها وهيامها بك ياتركي افندي وشنو هاي العصبية على كل شي تافه غسان وعنود ارجو ان يجدا الطريق الصحيح وان لاتستمر عنود في ابعاده بهذه الطريق دون ان تجد نقطة مشتركة ببينهما فكل ماتفعله هو لن يفيدها لانه اصبح زوجها وانتهى الامر سلمت يمينك يالامار | ||||||||
|
| |
|
23-02-15, 03:02 AM
| #250 | ||||||||||
| نجم روايتي  
| بصراحه الروايه هنا كل لما اقراها بشعر اني ملاك ومش اي ملاك ،،،،،دا عندي جناحين وبطير والمفروض يتعملي تمثال كمان ابطال الروايه كلهم مجانين رهف،،،،،كتله عند متحرك تركي،،،،،كتله عصبيه متحركه جوري،،،،كتله جنان متحرك عنود،،،،،،كتله غباء متحركه فيصل،،،،،كتله رخامه متحركه كل الابطال بصراحه مفيهمش حد عاقل حتي الست الكباره ام تركي ،،،،هي كمان بتجنن ساعات الجده ،،،،دي ست سكر ،،،،ومجنونه هي كمان الروايه ممتازه بصراحه ومشوقه ومليانه مواقف مش عارفه الكاتبه بتفكر في كل المواقف والاحداث دي ازاي ممتاز وشكرا علي النقل | ||||||||||
|
| |
|
| أدوات الموضوع | |
| انواع عرض الموضوع | |
|
|
87Likes
.png)
العرض العادي
