آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-03-15, 04:28 PM
| #281 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة  
|  السلام عليكم ورحمة الله وبركاته مساء الخيرات والسرور قد أكون انا من المقصرين في الرد على فصول الرواية الا انني احاول قدر الامكان ان ارد على فصول الرواية ولكن عندما يكتب احد ما رد قد يسيئ الى الكاتبة او يثير لديها بعض من المشاعر السلبية وهي التي تقتطع من وقتها ووقت عائلتها الكثير الكثير ألا يجب ان يكون جزاء الاحسان الا الاحسان فالف شكر لكاتبتنا الرائعة ولمشرفاتنا الرائعات اللواتي لايدخرن جهدا في نقل كل ما هو مميز مرة اخرى ادعو الجميع ان ينظروا الى الامر كأنما احد يدعوك لوليمة غداء او عشاء أيكون من اللباقة ان تاكل وتخرج دون ان تشكر صاحب الدار على كرمه وعذرا لكوني تدخلت بالموضوع ولكنه شي يحبط الكاتبات جمعة مباركة على الجميع | ||||||||
|  |
|
06-03-15, 08:29 PM
| #282 | ||||
| نجم روايتي وعبقرية عالم الازياءوفائزة ثالثة بحكاية غلاف وفراشة الروايات المنقولة 
| اولا حابه قول ان الكاتبات مش بتجبر حد على المتابعه احنا القراء اللى بنتابع الروايه بارادتنا فعلشان كده لازم نراعى الظروف وكمان مش نسبب احباط للكاتبات واذا كان اى قارئ مش عجبه الروايه بسهوله جدا جدا انه مش يفتح صفحاتها مفيش داعى نقول كلام حارج او يسبب احباط الكاتب بصى يانونى انا بعلنها من هنا اى عضو فى حزب الموكوس المتخلف تركى يستخبى انا مش طايقه الواد ده خالص ليه طوله اليد وقله الادب يعنى تركى يرضى غسان يعمل كده فى العنود واللهى حرام انا لو مكان رهف عمرى مااسمحه ابدا وكمان افضل لها تنفصل عنه بدل طوله اليد ديه غريب ومعندوش دم اما بالنسبه للعنود استغلى طوله صبر وبال غسان معاكى ووانت لو شايفه فى حاجه غلط ممكن توجهه وتخليه يعدل من نفسه واخلاقه بس العنود بصراحه زودتها وتستاهل اللى يجى لها من غسان اما الهبله جورى كان الله فى عون البشريه من تخلفها مشهد الفرح والرقص وودعهم للعنود رائع نونى تسلم ايدك وشكرا على الالتزامك فى المواعيد وطوله البارتات وشكرا فيتامين سى للنقل السريع | ||||
|
| |
|
10-03-15, 10:25 AM
| #283 | ||||||||||||
| نجم روايتي وكاتبة في قسم قصص من وحي الاعضاء وشاعرة متألقة في القسم الادبي  
| السلام عليكم ورحمة الله وبركاته [imgl]https://www.rewity.com/vb/signaturepics/sigpic103387_3.gif[/imgl] اول مرة أحط رد هنا مع انه ودي ولكن كنت في الطايرة لما قريت الرواية وفصولها من الألف للياء وما سمحت لي الفرصة والحين وصلت وضبط الامور المهم والاهم اني من أشد المعجبين برواية وبصاحبة الرواية من بدايتها لين النهاية القهر يالي تعيشه رهف عشته معها كل دمعة وكل صرخة حسّيت طلع من بلعومي قبل بلعومها لو اقول انه صرخت الوجع حسّيت فيه مزقتني حالتها في بداية القصة قاهرتني ،ذبحتيني سوت فيها عجايب الدنيا ويوم ورا يوم اكره المدعو تركي مع اني كنت متاكدة مليون بالمئه انه يعشقها لاني كل ما كنت اقرأ بارت ارجع وأراجعه أدور بين السطور على معنى الحب وحبه لقيته بصورة وحشيه ظالم اكررررهه يعني ما اعرف هو تخرج من اي مدرسة حب ،في حب بهذي الصورة بالله العظيم في احد يحب بوحشية طيب موب مشكلة فهمنا انه عصبي مرررررة ونكدي مررررة بس مشكلته الوحيدة انه موب معترف في انه عصبيته تدمر كل شيء يبنه او بمعنى أصح يحاول يبنيه بأساس غلط عصبيته مشكلة عودة وممكن هو من تأثير شغله مع انه مفروض العكس ولكن كل شخص وله شخصية مختلفة وخاصة العسكري بس جد هو مشكلته موب قادر يعترف في غلطته هذا اولا ولا هو راضي يعترف انه عصيبه تدمر منكن لو يقدر يصارح نفسه بها الشيء راح يتحول لشيء ثاني ،راح ينجز شي راح يحاول يخفف من عصبية ويمسك أعصابه لكن وين هذا لا شعور ولا هم يحزنون رهف انا مو البداية كنت معاها لانه وجعها من وجعي يالي عاشته ما كان سهل عليها ابد وخصيصا التلاعب في شرفها الكل كان يجوف الموضوع عادي ويتدبر بزواج لكن هنا الاصعب بس محد يفهم ولا يشوف الزواج والعيشة مع الخطأ كان اصعب شيء بس بعد ما طلع الموضوع كله لعب في لعب وانا حقيقة انصدمت صدمة عمري بالموضوع ما توقعت أبدا ممكن يكون كذا بس راجعت الفصل مرات عشان أتأكد والتمست الإيمان في قلب تركي <<<طلع مؤمن هههه ما علينا بس لنجي للواقع وخصيصا بعد ما ولدت الأخت رهف لا يا ماما ما عاد أوقف معاج ولا مع تركي ،كلهم مخهم مصدّي يعني خلاص انتي زوجته وام ولده حاولي قد ما تقدري تغيري من حياتج ولا راضية في العذاب يعني طيب ما علي زعلج وسوالف هذي تعصيبه بلسان واخرتها تزعلي من حكيه يالي مفروض تعرفه انه زوجها عصبي والاهم معرفه انه العصبي يقول كلام مرات ما بعينيه يعني موب لازم تاخد كلامه بعين الاعتبار "احاول اشرح حالتي انسانة عصبية انا " يعني خلاص عشتي معاه وعرفتي انه إنسان عصبي وحالته حالة ونقطة ضعفه الكبيرة انتي تداعي حبتين وسوس حركات حبتين راح تخليه في صبعج ومن هنا كلميه بهدوء ووصلي له انه عصبيته تاثر على حياتهم ،اشوي اشوي راح يرضى ويسمع لج ويعرف انه في مشاعر في قلبج بس لو نجي البارت السابق ما توقعت ولا واحد بالمئة يالي صار توقعت عصبيته كالعادة ولكن الهجوم العنيف وأنها تعترف بهذا الوضع اسميه ابداع من قلب عنود ما ألومها أبدا انها تعيش مع شخص تظن انه واعي بنات او بالمعني كان ولكن هي لازم تحط ببالها شيء انه الانسان يتغير لأكون صريحة وواقعية انا لو كنت مكانها اكيد ما راح ارضى مثلها بس بالتصرفات وقلة اللسان امممممممممممم ممكن اهدي اشوي واكيد هي مع الوقت بتهدي يعني شهر شهرين تمل وممكن تسمع له وتقرر بعدها حياتها لا يمكن تستمر هي الثانية في النكد ،من ناحية اقول حسن تأدبت ههههه عشانها خلت رهف تروح مع تركي وما حست بها الإحساس جاه دورها وتظن انه محد يحس به طلوووووووول عجييييب ها الانسان بلا برستيج بلا مصاخة بس موب كل مرة حذاري هههه بس حبوبين الناس يالي كذا ،ناس يجوفون الحياة ببساطة جوري ،البنت هذي حد يفهمني ليش مسميها جوري هههههه ما يلايق بس كثير تذكريني باختي الله يحفظها نفس الحركات ونفس رفعت الضغط بالضبط الله يعين تسلم صاحبة القلم وصاحبة الإبداع احيج من قلبي على الرواية الفكرة ،الأبطال والالتزام كل ما فيها عجيب وتحفة وروعة سلبتني وأخذت كل أحاسيسي سؤال النهاية بس تركي وايد يصرخ من أعماقه أعماقه ورهف تصرخ من أعماقها بعد انا لما يصرخوا اصرخ معاهم المشكلة حنجرتي تتعب هم ما يحسوا بالتعب وخصيصا هذا الكلام موجه لتركي أفندي بسك خلاص بسك صراخ اذيتنا رحمت صوتك وحنجرتك الذهبية سلمت يمناج وربي يخليج ويقويج على الرواية وتكلمها وأبطالها العسل لج ودي ،اعجابي بقلمج رقية التعديل الأخير تم بواسطة لامارا ; 10-03-15 الساعة 12:27 PM | ||||||||||||
|
| |
|
12-03-15, 04:48 PM
| #284 | ||||||||
| مراقبة عامة ومشرفة منتدى الروايات المنقولة  
| الخامس والأربعون @@@@@@@@@ لا إله إلا انت سبحانك اني كنت من الظالمين الروايه لا تلهيكم عن الصلاة @@@@@@@@@@@@@@@@@@@@ @@@@@@@@@@ قبل كل شيء حابه اشكر جميع الأخوات اللي منقوله لهم الروايه في المنتدى ألمجاور فديتكم ربي مايخليني منكم ي الغوالي ولولا الله ثم تشجيعكم لي ماكنت استمريت واشكرر كل من يدافع عني وعن روايتي ياحبي لكم قراءة ممتعه للجميع ' وهالبارت هديه لحزب تركي فديتهم''''''' اااه قلبي يعورني على حزب رهف بس يالله الجاي احسن @@@@@@@@@@@@@@@@@@@@ @@@@@@@@@@@@@@ " " " غسان ناظرها بقهر لما وقفت: اقول اجلسي شوي بس وحنا ماشين عنود وهي خلاص دموعها نزلت وهي تاخذ شنطتها في يدها : ابي اغسل وجهي وين غسان ببرود وهوو ياشرر بيدة: شوفي قدامك امشي سيدة تشوفي المغاسل قدامك عنود هزت راسها ومشت وين ماقال لها وفعلاً شافتها قدامها دخلت وقفت قدام المرايا وهي تمسح دموعها ومقهورة من نفسها ليه بكت كذا هي قويه ماتبي تصيرر ضعيفه من اول موقف ناظرت نفسها شافت الكحل خرب ونزل على خدودها غسلت وجهاا بالمويا أكثر من مره بقهرر وسحبت فاين ونشفت وجهااا عنود وش فيك خليك قويه ماعليك فيهن فتحت الشنطه وجددت مكياجهاا على السريع ورتبت لبسها ورجعت شافتهم كلهم متجمعين جلست بهدوء على كنبه منفردة كذا تبي تقهر غسان اللي كان اول جالس على نفس الكنبه الللي جالسه عليهاا غسان حس وده يذبحها فشلته يعني مابيك تجلس قريب مني رفع ساعته لما سمع صوت آذان المغرب وقف: يالله رايح اصلي عنود وقفت : يالله نمشي غسان بسخريه: قلت رايح اصلي وش فيك معاد تسمعي وطلع عنود جلست وهي مصدومه وش فيه كذا قلب عليهااا ناظرت ام غسان وقالت بهدوء:ابي اصلي ام غسان وهي توقف:تعالي هنا في المجلس وكلنا بنصلي بعدها رجع غسان وتودع اهله وعنود ساكته وركبووا السيارة عنود وهي تناظرر الشارع بعد ماحرك السيارة:مابي اسافر غسان طنش كلامها: تبي عند اهلك ولا نروح الشقه ونأخذ شنط السفر اللي نزلتها ا لعصرر ونتطلع للمطار عنود عرفت انه معناد قالت بهدوء:خلاص ودني عند اهلي شوي واطلع غسان : ياليت ماتتأخري لسى ورانا مشوار للمطار عنود بطفش وبقهر:خلاص طفشتني مطار ومطار تقول اول مره تبي تسافر غسان : اللهم طولك ي روح @@@@@@@@@@@@@@@@@@ @@@@@@@@@@ في بيت ام فيصل الجدة لسى معصبه والكل جالس يقنع فيها تجلس ام فيصل بعجز: يمه فديتك خلاص والله خليه بس يرجع وعد مني لك اخليه يعتذر منك الجدة بصرخه: وش هو يعتذر يخسى مابي اكلمه ولا يجي صوبي سوسن: خلاص ميمه فديتك لا اسافر وانتوو كذا جوكم الجدة ناظرتها:متى مسافره انتي سوسن: بعد يومين حجزي الجدة: سفرت جدي سوسن بصدمه:هووو علامك قلبتي علي جوري ورهف طلعوو يشوفووا وش صار مع الجدة وطفشووا من الصياح وعندهن امل ان عنود بتجي جوري بتريقه: افاا لسى هنا انتي الجدة بقهرر: ايه على قلبتس جالسه جوري : لا وش اللي غير رايك الجدة : بس عشان اقرهتس واحرتس ي العوبه ام فيصل بصوت واطي : ياليت من اول طلعت لك جوري ااه طلعت روحي واناا اقنع فيك والحين على طول عشان بس تعاندي جوري ااه يمه ربي يطول في عمرك ههههههه وهي ميته ضحك على نظراتها لجوري الجدة وهي ترفع نفسها وتضرب بعصاها في الأرض: شوفي انا ماقعدت إلا لما اقنعوني ولا انا مو بجالسه بس شفقت على حالهن بغن يموتن علي جوري بقهر: مين اقنعها نفسي اعرف سوسن وهي ترفع يدها تحب تنرفز جدتها: انا ماقنعتك جدة بلا هياط ام فيصل بصرخه: سوسن سم ان شاءالله الجدة فاتحه عيونها:هياط واناااابنت ابوي تقوليهاا في وجهي اجل بيتي بيتي ينتظرني وهي تناظر رهف وانتي كملي يالله معاهن عشان مرتن اروح معاد ارجع وهي تضرب بعصاتها الارض بيتي يعني بيتي لا تحاولن رهف ناظرتها غصب عني ضحكت عليهاا فديتها ي ناس احبها موت : افااا لوو تطلعي طلعت معك جوري وهي تنط بفرحه: كويس نرتاح منكن الثنتين والله حلفت تجهيز الشنط علي حلفت محدن يقوم جدة اقول اجلسي والله ماتقومي خلاص علي يعني علي وعفشكم كله كمان الجدة تناظرها بقهرر ام فيصل بصرخه:جوري وسوسن انقلعووا من هنا الجدة بسخريه: هذا اللي ربي قدرتس عليه اقول اهجدي وكاد احسن لاني مابي اسمع صوتس ام فيصل بهدوء: يمه ربي يعافيك ماعليك فيهن هم كذا يحبن يمزحن معك سوسن وهي تتقرب منها وتسلم على راسها وتضمها: والله بيتنا بدونك مايسوى جوري بصرخه: لوسمحتي انتي مو ساكنه هنا لا تحكي عنا انتي ساكنه هناك ومرتاحه الجدة :وش قصدتس انتس مو مرتاحه وانا عندتس يمه وديني بيتي ابي احفظ ماي وجهي اللي بقي منه فديتس يمه ام فيصل مسكت جوري وسحبتها بكتفها وطلعتها برا الصاله وضربتها بقوه على ظهرها بقهر وبصرخه:قسم بالله ترجعي قتلتك الجدة وهي مسويه فيهااانها انتصرت على جوري: القهوة بسرعه سوسن :ابشري بعزتس اللحين وهي زاهبتن لتس الجدة ناظرتها بقهر عرفت انها تتمسخر على هرجها :الرد عليتس تصغيرر عقل بنتك طولك وانتي مسويه فيها بزرر وتقلدن ياشين الحريم الللي انتي منهن ام فيصل غمزت لسوسن عشان تتطنش وماترد عليهاا مافيها عاد تجلس تقنع فيها سوسن دخلت المطبخ وحطت القهوة على النار وخذت جوالها ودقت على رقم تركي الثاني: تركي وهو ينتظر منها مكالمه ارسل لها لوو ترضى تقول له رد بسرعه: هلا سوسن بشري سوسن : خلاص خالي جااا اخذها تركي بصدمه: ايششششش استغفر الله العظيم بس ياربي انا اللحين رايح لها بيتها سوسسن شفقت عليه: امزح معك جالسه ومتربعه كمان وتتشرط تبي قهوة جديدة مصدقتن روحها بقوه تركي ضحك غصب عنه على جدته يموت فيهاا : فديتها جاي الحين والله مو مرتاح وهي زعلانه مني سوسن : اوك حبيبي شفت كيف ي تركي ماتهون علي تجلس زعلان على طول دقيت عليك افرحك انها رضيت تركي بطفش: ايوه وبعدين وش تبي سوسن : ماابي شيء بس ابيك تعرف اني تركي قاطعها يدري انها مارح تخلص:اقول بلى مذله طيب ولاتنسي اني انا ارسلت لك عشان تقولي لي سوسن: وليه ماارسلت لزوجتك أجل تقولك مدام هذا ردك علي ي الدفش تركي زوجتي اااه ي زوجتي ودي اذبحها مو ارسل لهاا قال بحدة: مالك شغل وقفل في وجهاا سوسن تناظر الجوال بصدمه: اااه ي قليل الخاتمه تققفل في وجهي ارسلت له والله راح اسوي لك حظرر تركي رد بسرعه ارسل لها (ياليت ) سوسن بقهر : كش عليك ي المتكبر تركي رجع بشارع بيتهم يبي يراضي جدته فتح باب السيارة ونزل وشاف فيصل قدامه وهو يكلم في جواله في الحوش ناظرة بقهر بس طنش ومشى مايبي يعطيه اكثر من قدره فيصل وهو يبي ينرفزه: كيفك عمووو تركي لف له وقال بتكبرر:نعم تكلمني فيصل بسخريه وهوو يناظر حوله: ماشوف غيرك وش فيك عمووو على حد علمي انك ذكي ولا يكون صرت مهلوس تركي وهوو ماسك نفسه غصب مايبي يدوسه قال بقهر: ودك تتصفق ابشر قولي عشان مااضيع وقتي وقتك فيصل ضحك بصوت عالي: صراحه ماودي وكمل ضحكة بسخريه تركي بعصبيه:أجل انقلع فيصل تقرب منه وهوو يلعب بجواله في يده وقال بكل حقارة :كله توصيله ترى تركي ناظره بقهر لا والله هذا مو ناوي يكفي شر مسكه من عند ياقة ثوبه وقال وهو صاك على سنونه :عيد ماسمعت فيصل وهوو يدف يده عنه: اقول لك ت و ص ي ل ه وهو يمد في الحروف عشان يغيضه تركي رماه على الارض وطاح فيه رفس وضرب وفيصل كل ماقام يرجع تركي يسدحه ويضرب فيه فيصل ندم انه تعرض له حاول يقوم بس مافي ذبحه غسان توه وقف سيارته عنود اول مانزلت سمعت صراخ فيصل وتركي وهوو يسب فيه ركضت عرفت ان فيه مصيبه منهم الاثنين غسان دخل وراها بسرعه شافهم بسرعه تقرب وحاول يرفع تركي عن فيصل اللي اختفى من عرض وطول تركي : استهدوا بالله هذا شيطان دخل بينكم تركي وهوو يتف عليه : ي ......... خلك رجال ثاني مره وخلك قد كلامك عنود وهي تمسك مع فيصل عشان يقوم وهي مقهورة من تركي ليه يضربه كذا : قوم حبيبي فيصل وهوو يحس فمه كله دم مسحه وقال بقهر :اقسم بالله اقهرك اصبر علي ي تركي ال......... تركي دف غسان اللي ماسك فيه من اول: والله اذبحك قبل ماتقهرني غسان رجع مسك تركي اللي هايج تقول ثور ماقدرر فيه حس طاقته كلهاا نزفهاا قال بصرخه:خلاص انت ادخل بيتكم وعيب تقول لعمك كذا عنود مسكت يد فيصل : تكفى فيصل امش معي فيصل بقهر ودموعه نزلت غصب عنه : والله ي عم مااسامحك وتعرف انت وش سويت فيني الله يقهرك مثل ماقهرتني تركي حس بشفقه عليه سكت مارد عليه بذات لما شاف دموعه بس عصب لما سمعه يقول فيصل :والله اخليك تتطلقها ولا مااكون ولد ابوي تركي : تخسى ي ......... ماعاد إلا هي غسان ناظرهم بصدمه: هذا وش يقول تركي دخل وطنشهم مايبي غسان يفهم او يعرف شي عنود شفقت على فيصل تحسه مجروح وعاشق في نفس الوقت بس خلاص لازم يفهم انها زوجة عمه صارت فيصل حضن عنود وقال بقهرر:احبهاااا غسان مو فاهم معقول قصده من خطيبتة بس تركي قال انها رفضته وهو خطبها وافقت عليه ايه اكيد قصده منها لأنه قال راح اخليك تتطلقها سكت ماحب يحرج فيصل فيصل حس على حاله وانقهرر من نفسه كيف قدرر يضعف قدامهم كذاابعد عنود عنه بهدوء اعطاهم ظهرة ودخل بيتهم عنود بحزن عليه: ربي يعوضك وناظرت غسان ماتدري وش تقول غسان ماحب يتدخل او يحرجها بشي: ساعه وارجع لك اوك عنود هزت راسها ودخلت تركي دخل معصب نكد عليه زيادة رتب حاله شوي قبل مايدخل لان حالته انعفست من المضاربه ومافي على تحقيق امه شافهم كلهم متجمعين: رد السلام وتقرب من ميمته وانحنى عليها وهو يقبل راسها : معليش ميمه حقك علي غلطت وابي السماح الجدة وهي لافه وجهااا : روح ربي يسامحك تركي جلس قريب منها وكان رهف جالسه من اول قريب منها رهف حست بخوف لما جلس قريب منهم وريحة دخانه مع عطره بس كان ريحة الدخان غالب شكله يكرف من وقت ماطلع هوو كذا لو عصب غبي مايدري انه يتعب صحته ااااه بس مين يفهم نفسي ادخل مخه واشوف كيف يفكرر تركي وهوو يمد يده على كتوفها ويضمها له: فديتك يمه والله آسف وش تبي وترضي علي الجدة : تبيني ارضى عليك خاف الله في مرتك تركي بحدة: وش انا مسوي فيها الله يهديك وناظر رهف بتهديد لو قالت لها شيء الجدةبزعل: شوف كيف ينقلب حالك لما اقولك كذا رهف بسرعه: مايقصر معي تركي ي ميمه ماعليك انتي بس ارضي عنه هوو ترى مو قصده بس اناعصبته شوي وطلع عن طورة إلا هو مافي مثله تركي ناظرها بسخريه:شفتي يمه تقول مافي مثلي اجل السماح ابيه من قلبك يجعلني فدوتن له الجدة :خلاص رضيت مدام رهف قالت ماتقصرر انا رضيه عنك تركي بقهر: نفسي اعرف وش حبك في هالنتففه الجدة وهي تحرجه: مثل ماحبها قلبتس وسويت الهاويلل ي ولد ابوتس ولا نسيت جيتك عندي وطول الوقت تسألني عنها هاا اذكرك زود واللي تبي بس تسويه عشان تاخذها وتتطولها بس خبرتس انت مو مقدر النعمه تركي انكتم من رد جدته وناظر رهف مثل اللي يقول لها كان زمان احبك رهف حست بفرحه من كلام الجدة ناظرته تشوف كيف بس نزلت راسها بسرعه من نظرته لها حست بعيونه فيها حقد اول مره تشوفه فيها تركي لما شاف عنود واقفه عند باب الصاله تذكرر معي لكم مفاجأة بس خربت علي استعجلتي ي عنود ماامداني اقول لهم نسي عنهم حاسه هالفيصل حتى ترحيب بغسان مارحب عنود وهي تتقدم بفرحه لهم وهي تقرب من امها وتضمها: يمه وبكت ام فيصل فرحانه بجيتهاا: هلا يروح امك انتي وهي تبعدها شوي وتناظرها ليه تبكي كذا عنود هزت راسهاا: ابي اجلس عندك رهف تقربت منها: عنودي عنود فكت امها وضمت رهف بقوه: بنتي رهف وهي تبكي معاها: حتى اناا ماابيك ي عنود تروحي تركي كان وراهم وسمع كلام رهف مد يده وبعد رهف بعنف : ابعدي عنها خليني اسلم عليهاا وبهمس لزقه استغفر الله بس رهف حست فعلاً انه كارها من قلب وبعدت شوي وشافته حضن عنود يسلم عليها وقال بهمس: معليش عفسني فصيل وماخلاني ارحب فيكم الا وين زوجك لسى برا عنود بقهر حتى اسم فيصل ماينطقه زين : لا راح سوسن بضحكه: هلا هلا بعروستنا عنود بهدوء: هلا فيك جوري وهي تسمع صوت عنود جت تركض بسرعه وقفت: لا لا لا عنود وجت بسرعه ضمتهاا وبكت البيت بدونك مدري كيف اوصفلك عنود تبي بس تكه على البكي : حتى انا بدونكم مو شيء جوري ناظرت تركي بحقد: الله ينتقم منك مثل مافرقتنا يالظالم تركي بصدمه ناظرهاا : ايششش جوري فكت عنود وشردت للغرفه وقفلت على نفسها تركي بصرخه: قسم بالله تتطلعي تنقتلي اليوم واخليك فعلاً تشوفي الظلم على حقيقه الجدة وهي تناوله عصاها:خذ روح برد قلبي شوي فديتك تركي بقهروهو يرجع يجلس على الكنب : الزفته قفلت الباب إلا والله ماتسلم سوسن قامت بعد ماسلمت على عنود وجت وفي يدها القهوة وحلى جايه فيه وحطته على الطاوله رهف وقفت تساعدها سوسن:حي الله عنود تصدقي وناسه وانتي مو هنا امي جالسه معي وعرفت قيمتي وجوري منقلعه في الغرفه لحالها وانا ماخذه راحتي في البيت تركي وهو يناظرهاا يبيها تسكت قال وهو ياخذ عصى الجدة: سوسن قسم بالله بذي لو ماتسكتي سوسسن ناظرته:صدقت جوري انك ظالم تركي : اقول وش رايك تلحقي اختك وهوو يرفع العصا سوسسن وهي مسويه نفسها زعلانه : افاا وهذا واناختك الكبيره لا كذ بزعل تريكان وانا زعلي شين الجدة بسخريه:ايه هو كذا مايحترم الكبير تركي ضحك غصب على نغزات جدته على انه ماله مزاج بس جدته ذي تروقه : هههههههههه رهف تقربت من عنود ساسرتها: كيف معك غسان عنود بطفش: اسكتي بس والله احس اني طفله لما اشوفه واطول لساني واحس بشجاعه مدري اشلون رهف بتريقه: ايه حبيبتي من الكبت الللي نحس فيه من اخوك ودنا نمسك اي احد ونمردغه كمان عنود: هههههههه صادقه والله رهف : بس انتبهي حياتي يمكن مايقدر يصبرر ثاني عنود بخوف: ايه لما يعصب يخوف بس اقوي نفسي واطنش تركي من اول يشوفهاا تتكلم مع عنود ومايدري وش يقولون شاف جواله يرن رفعه وهو يبتسم: هلا والله غسان اللي واقف برا: اهلين فيك اشوفك رايق خلاص هجدت شياطينك تركي :هههههههههه وراح تهجد زياده لما يجيك انت المقسوم وش هوله تحشر نفسك ي خي كان خليتني ابرد حرتي زود ناظر اللي في الصاله كلهم انظارهم تحولت له غير السالفه مايبي حد يدري انه صارت مشكله غسان: الله يهديك بس اقول قول لااختك تتطلع انا برا ورانا طيارة تركي بحدة : ليه ماتدق على جوالها ولايكون ماترد غسان بسرعه : لا لا جوالها مقفول وشكلها لسى ماشحنته تركي بشك: اوك وقفل وناظر عنود يالله زوجك يقول وركم طيارة عنود حست ودها تبكي ي ناس ماتبي تسافر هزت راسها بهدوء وقفت سوسن بحزن عليها: وين بدري عنود : ورانا طياره ام فيصل بهدوء: ربي يحميك ان شاءالله رهف بحزن وهي توقف معاها وتضمها: وين مسافره عنود: يقول مفاجأة مدري وين سوسن وهي تضحك: حركات غصن طلع عنود اتجهت للغرفه حقتهم ودقت الباب على جوري وفتحت لها وهي خايفه اخذت بعض اغراض محتاجتها وطلعت بعدها تودعها اللكل بكى وصارت مناحه تقول ماراح ترجع تركي وهو يضحك ويسحبها من حضن رهف: خلاص امشي الرجال رجع يدق وناظر رهف وبحدة وانتي وش هالبكي كله خلاص بترجع لكم ومسكها من يدها وطلعها معه وبهمس : كويس وانتي ماقلتي لهم عشان المشكله وهو يضمها بحنان عنود خليك عاقله مع غسان ترى والله يستاهل كل خير والخبل يحبك ترى وسامحيني عنود وهي تضمه ياناس تحبه وهو كذا حنون : انا ماعمري زعلت عليك تركي بتريقه: لا والدعاوي الللي تسمعيني فيها عنود وهي تمسح دموعها :ههههه فديتك تركي فتح البوابه وطلع وهوو ماسك في يدهاا بحنان يحس بحزن على فراقهااا : يالله بحفظ الله وانت مااوصيك وتقرب وهوو يحضنه ويسلم عليه الا وين ان شاءالله السفره عنود تقول مفاجأة قلت لها غسان بهمس:ابشر ماطلبت في عيوني ان شاءالله وقالت لك مفاجأة تركي بتريقه ناظره:انت معك من اصله عيون شوف كيف صغرها غسان ضربه بقوه:اقول لا تشوف حالك تركي وهوو يرجع له بوكس على خفيف: احسن منك غسان حس بألم من قوة الضربه: وش ذا ياربي على هالايد معك تركي وهو يضحك: قسم بالله خفيف يالمايع غسان طنشه وركب السياره ومشى وهوو يأشرر بيده له تركي دخل الصاله ماشاف احد قدامه مافي إلا امه وجدته اكيد مسوين مناحه في غرفهم البنات ياحبهم لدراما توجههه لغرفته يبي ينام دخل شافها قدامه جالسه تبكي حس بحزن عليها بس كل مايتذكر كذبها وكمان الزفت فيصل وهوو يقول كلها توصيله يعني وش قصده ااااه قال بحدة : شوفي شقتك من بكرة تمشي معي وتجهزيها عشان مايكون لي اي ملامه في الللي ابي اسويه رهف ناظرته بصدمه وهي تمسح دموعها:وش بتسوي تركي بحده: مالك شغل اللي عندي لك هو شقتك وانثبري فيها رهف وهي تبي تفهمه وبخوف: تركي تكفى ابيك تسمعني بس شوي وانت بعدها سوي اللي تبي تركي بصرخه: وش اسمع تدري وش صار قبل ساعه رهف هزت راسها بخوف: لا تركي بعصبيه:انا والزفت تضاربنا وبغيت اذبحه ووالسببب ايش جالس يرمي حكي يقول كلها توصيله شفتي كيف خليتي هالزفت يتكلم علي رهف بخوف وكره لفيصل ذا: والله ي تركي غصب عني وقفت وتقربت منه ومسكت يده ابيك تسمعني بس تركي ناظر يده اللي في يدها ورفع راسه شافها وهي تترجى حس بشفقه وفي نفس الوقت حاقد عليهاا بس كابر على نفسه وسحب يده منهاا وقال بحدة: ابعدي عني وماابي اسمع شي قلت لك وجودك سببه مشعل واللي عندي لك هو بيت واجلسي مع ولدك فيه وبس هذا اللي عندي ومدافعتك قدام جدتي ماتمشي علي رهف بقهرر ليه مايفهم وبعدين وش هالاسطوانه الجديده وجودك سببه مشعل نعم نعم هذا مايصلح اسكت له لا لا رهف مايصلح تفكي لسانك راح يدفنك مكانك وتذكري الللي تقف معك مو هناا :طيب ممكن اعرف وش قصدك بس وكمان يوم قلت كذا عند ميمه لاني وعدت نفسي ماابي احد عاد يسمع بمشاكلنا بس هذا قصدي منه تركي بحقارة :لا من جدك ماتبي حد يدري ليه عقلتي وانا مدري اذكرك على طول في شيء بينا البيت كله يدري ولا نسيتي وكمان افضل ماتعرفي وش قصدي وضحك بسخريه رهف بقهر: على قولك كان زمان في أمور لازم اتكلم بس اللحين خلاص انا كبرت عقلي وحابه أحافظ على حياتي معاك و من حقي اعرف وش تبي تسوي والشقه تجهزها لي واجب عليك تركي وهوو رافع أحد حواجبه: لا ي شيخه واجب اقول احمدي ربك لااارميك بس برا هالبيت وشوفي من يستقبلك بعدها ولدك ذا والله ماتشوفيه قال ايش تحافظ على حياتها معي رهف بصدمه من حكيه : يعني وش هوو تركي ليه كذا صايرر قاسي شوف انا مستعده اسامحك على كف امس وكلامك اللحين وماراح اغلط عليك من ثاني بس انت تركي قاطعها: لا لا صراحه تعبتي حالك اقول انقلعي عني بس خليني اخذ شور وانقلع المقلط اوف تذكر ان محمد نايم فيه دفها عن طريقه بقهر وهو يضحك بسخريه على كلامها قال ايش اسامحك طيري زين ودخل الحمام ياخذ شورر بارد رهف حسيت بحقد عليه خير شايف حاله علي هالمره طيرر انت والله كان زمان ودك بنظره مني مالت عليك خلاص رهف طنشيه اوف كل مره اوعد نفسي اني اطنشه بس كلامه يقهرر ويخليني ارد عليه غصب وكمان اخاف لوو سأل واطنشه هالمره متغير من جد علي الله لايبارك فيك ي فيصل الحقيرر شوف كيف قلبت حياتي بين يوم وليلة ناظرت ولدي والله لو تموت ي تركي ماتقدر تفرقني عنه انحيت اخذته ضميته بقوه لصدري وانا ابكي ماراح يفرقنا إلا الموت ي روح امك ......... @@@@@@@@@@@@@@@@@@@@ @@@@@@@@@@@@@@@ في السيارة عنود بخوف: يارب مايقابل فيصل قدامه غسان بهدوء: ان شاءالله لا وبعدين الله يهدي تركي ذبحه بالطق عنود : وكمان يهدي فيصل دايم يرمي حكي اكيد نرفزه غسان : وش بينهم عنود سكتتت غسان ندم انه سالهااا ياربي انا وش لي أسأل انقهر من نفسه كان جالسه تسولف معي اول مره كذا تتكلم بهدوء قمت خربت على نفسي وصولو الشقه ونزلووا غسان : ياليت بسرعه تأخذي اللي تبي وترتبيها مافي وقت عنود اتجهت لغرفة النوم واخذت الشنطه اللي مانفتحت واخذت من الملابس الللي كلها جديده حق تجهيزها واخذت كم قميص نوم بس كلها ساترة يقال مستحيه وكمان تقول تخب عليه مالت وهي تناظره كيف فرحان وهو يرتب اغراضه غسان قفل الشنطه اللي في يده وتقرب منها ووضمها وقال بهمس: راح اخليك تنسي كل شيء ولا مااكون غسان عنود بصدمه وخجل كمان سكتتت وهي تسمعه يهمس غسان لفها له وقال بحب: والله احبك عنود ناظرته : حبك هنا بس في بيت اهلك تقلب وقالت بدلع غصب عنها نسيت كيف صرخت علي غسان : انتي السببب قهرتيني بعدين شوفي انا معك في كل شيء بس لما تردي على امي بوقاحه لا مستحيل اسكت عنود بصدمه: انا وقحه غسان وهو يضحك:ايه وبسرعه يالله مشينا ي حبك لكثرة الحكي عنود لا هذا ماينفع فيه لازم اعطيه كم كلمه عشان يتذكرر مين هووو قالت بتكبرر : اقول غسان غسان : هلا عنود وهي تلبس العبايه تقربت منه وقالت :لاتصدق حالك اني تكلمت معك شوي بس شوي تفتكر اني نسيت مين انت وايش سويت غسان بحدة : ممكن تمشي عنود هزت راسهاا:ايه مممكن ليه لا وهي تضحك لما شافته عصب وسكت ايه مو قلت لكم كم كلمه تسكته وهم متجهين للمطار وكان ساكتين ولا حد فتح فمه نزلووا بعد ماغسان أمن سيارته في المواقف وكمل كل شيء اتجههه لها ومسكها من يدها بهدوء واتجهوو لصالة الانتظار كل ذا وعنود مقهورة ماتدري وين بتسافر لازم تسأله : وين مسافرين غسان ببرود وهوو يناظر قدامه :اممما مولازم ومو مايهمك عنود بقهر: ايه مايهمني واي مكان معك بيكون غسان كمل عنها : يجنننن عنود بقهر وبهمس :وش فيك انت كذا غسان طنشها وقف : وش تبي اطلب لك ولا تبي تأخذي معي قهوة تركيه ان راسي لف وصدع من لسانك الطويل عنود طنشت ماردت عليه غسان :اوك اجل مثلي ومشى عنود جلست حسيت بمللل وكمان معي قهرر مدري وين ذا الغبي مسفرني نفسي اعرف بس اكيدد اللحين لما يدعون لركوب الطياره راح اعرف لانهم بيحددوا المكان ناظرته وهو يأخذ الطلب وجاي ناحيتي غسان وهوو يناولها كوب القهوة وجلس قريب منها شرب من قهوته : ماودك تعرفي وين عنود وهي تناظر لكوب القهوة في يدها طنشته:ذا اشلون اشربه اللحين قدام الناس غسان وهو داري انها راح تنقهر:اوك خليك ماسكته حتى اكمل كوبي وبعدها اخذه منك عنود بقهر وبصوت واطي : ي سلام يعني خذيته لك وانا الخدامه الللي ماسكته لك غسان طنشها وهوو يناظر في الناس عنود انقهرت لما طنشها شافت بنات مارين متجهين للكراسي اللي بيجلسووا عليها قالت بهمس: نزل عيونك ي المغازلجي حتى وانامعك ماااحترمتني غسان ناظرها بصدمه : ايش عنود : لا ي شيخ عامل نفسك مو فاهم اقول حرام هذولا لهم اخوان واهل واكيد ماراح يرضووا احد مثلك مايخاف ربه يناظرهن غسان وده يذبحها لا هذي مزودتها بالمره وكمان ماتحترم المكان قال بحدة وهوو صاك على سنونه : والله ي عنود لو حنا في مكان غيرر ذا وهو يناظر الصاله حوله قسم بالله ماتعدي لك واخاف ربي من غيرر ماتقولي عنود بسخريه وبهمس:ايه مره غسان طنشها وعرف ان الحكي معاهاماله فايدة طيب لما متى راح يصبرر بالله هذي وش ناويه عليه حس بغيض وبقهرر لانه عارف نفسه انه مافكر حتى في اللي مرووا من حوله ربي يسترعليهن هذي كيف تفهم انه تاب خلاص يعني تبي تمسكهاا علي ولا هي معطيتني فرصه افهمها دايم تحرق دمي بكلامها قطع عليه صوت جواله رفعه شاف رقم اخته ساره ابتسم رفعه : هلا والله ساره وهي تبكي وتصرخ: غسان اللحق عليناا منصور طاح علينا وطلال وامي كلهم راحووا فيه المستشفى غسان بفجعه وهو يوقف :ايشششش ساره تبكي: ماابيه يموت مره مره مايتكلم ولا يتحرك وراحوا وخلوني غسان:اووك سكري اللحين وان شاء الله مافي الاالعافيه ودقي على ابوي اوك عنود انفجعت ذا وش فيه كذا وجههه انخطف ومين الللي كلمه وقلب حاله كذا يمه لايكون في شيء سألت بخوف: وش فيه غسان وهوو يدق رقم طلال بس مايرد: اوف وقتك الحين عنود وقفت :وش فيه قول غسان مسكها من يدهاا:امشي امشي اخوي تعبان وماراح اسافر وهو في المستشفى عنود بصدمه: ايش تعبان مين من اخوانك غسان بخوف :منصور خليك ساكته مااافيني ارد عليك وفك يدها وهوو يطلع مسرع متجههه لسيارة اللي تو وقفها عنود كنت بسرعه امشي معه ياربي خوفني ذاا ركبت السيارة قلت بهدوء لما شفته حرك: ان شاءالله مافي إلا العافيه غسان بخوف وتوترر: مدري مدري ساره تقول طاح لاحركه ولا شيء الله يستررر عليه عنود وهي تتطمنه: قول يارب خيرر غسان وهوو يحاول ينتبه لطريق : يارب عنود بخوف ذا بيروحنا بسرعته :غسان انتبههه لطريق وخففف من هالسرعه جالس تتجاوز بطريقه غلط غسان طنشهاا وهوو يزود في السرعه عنود بصرخه لما شافته يتجاوز بطريقه تخوف لا لا والله راح نروح فيها وبصرخه:انت يعني تبي تلحقنا بااخوك غسان بصرخه مافيه يسمع شيء يبي يموت عشان يطمن على اخوه والزفت طلال مايرد وامه كمان وهذي تقرقر على راسه: انكتمي مابي اسمع صوتك وهو يناظر جواله وانت يالزفت رد علي عنود انقهرت من صرخته ليه اللحين يصرخ مع نفسك اوف خلاص عرفنا انه قلقان بس مو تروحنا احسن شيء أسأله : اللحين راحين المستشفى على طول غسان بقهر من سؤالها:لا ي شيخه أجل وين عنود :بس انا كيف لا ودني عند اهلي وروح انت غسان : مفروض تقولي اقف معك واجلس مع امك وزوجة اخوك موو ودني بيت اهلي عنود بقهر من حكيه يعني وش هي ماتعرف الواجب ولا ايش :لو في البيت عادي بس في المستشفى وش اسوي بعدين اكيد اخوانك وابوك موجودين غسان طنشها ومارد عليها وحمد ربه وهوو يشوف اللفه اللي توديه للمسشتفى وبعدها بدقايق وقف قريب من المستشفى قال بسرعه:تبي تنزلي ولا تجلسي في السيارة عنود بخوف : لا انزل وين اجلس في هالليل في السيارة غسان بسرعه : يالله أجل ونزلووا وبعدها اتجهههه غسان للي في الإستقبال يسأل بعد مااعطاه اسم المريض على طول حوله لقسم العنايه المركزة غسان بصدمه:وين الموظف بحزن: ربي يشفيه ان شاءالله غسان اشرر لعنود تلحقه وهوو يمشي ويحس انه بيفقد اخوه عنود بهمس وهي تمشي قريب منه:وين في اي قسم قال غسان بحزن: في العناية عنود بحزن على حال أخوه: ربك كريم غسان : والنعم بالله وشاف اهله كلهم جالسين وشاف امه جالسه وتبكي منهارة وكمان زوجته تقرب من امه : يمه حبيبتي لا تخافي ام غسان رفعت راسها وشافته: غسان مين قال لك غسان: ماعليك اللحين وهوو يببعد شوي خجلان من زوجة اخوه طلال وهوو واقف عند باب العنايه وبحزن يناظر الارض : جيت ي غسان معاد سافرت غسان بقهر منه:ايه جيت ليه ماترد وبعدين ليه مادقيت علي انت واي سفر اللحين طلال : والله جوالي في البيت مو عندي وقتها حتى مافكرنا بسرعه جت زوجته تركض وحناا رحنا مثل المجانين ابو غسان جا هو ساره مفجوع بعد ماادقت عليه ساره : وش فيه منصور ام غسان بصرخه: لا تعبت حالك ماشاءالله ولدك له ساعتين هنا يمكن وانت جاي اللحين ابو غسان: والله مو وقتك قولي طلال كيف حالته طلال اشرر على الوحة الي مكتوب فيها العنايه المشددة: بالله يبه مدام انه هنا كيف بتكون حالته غسان بهدوء:خلاص طلال لا تفجع امي وزوجته ان شاءالله مافي إلا الخيرر وياما ناس دخلووا هنا وطلعووا ام غسان وهي تتدعي وتبكي:يارب ورجعت ضمت ايمان وساره اللي منهارة تبكي عنود كنت اناظرهم من بعيد شوي يمه قلبي تقطع شفت غسان يأشرر لي اقرب مشيت ناحيتهم واناا احس بخجل من تواجد ابوه واخوه اللي ملزق في باب الغرفه غسان بهمس لما قربت منه: روحي هدي امي وساره وقولي لها شيء مو كذا جايه صنم عنود هزيت راسي : مدري وش اقول لهم غسان : اي شيء يمكن يسمعومنك ويهدون وكمان شوفي زوجته عنود مشت ناحية ام غسان وحطت يدها على كتفها :اهدي ي خاله ان شاءالله مايصيرر له شيء ام غسان بصرخه :ابعدي عني ي الشؤم مثل اختك تزوجت ومات ابوك واللحين انتي تزوجتي ولدي وشكل اخوه بيروح فيها عنود بصدمه من حكيهاا :ايشششش غسان تقرب منهم لما سمع كلام امه :يمه الله يهديك وش هالكلام ام غسان وهي معصبه :يعني كذب مو انت قلت لي ان اختها يوم زواجها ابوها صار عليه حادث ومات ابو غسان بعصبيه لما شاف كيف كسرت خاطر البنت هي وهالكلام اللي كله تخريف من عندها:انتي ماتهجدي ي مره حتى وانتي في هالأزمة ام غسان طنشتهم وقامت دخلت الاستراحه اللي في نفس المممررر وسحبت ايمان وساره معاهاا الللي من وقت ماجت ماوقفت بكي طلال منزل راسه من وقت ماامه رمت كلام على زوجة غسان اوف الله يهدي امي كلامها كبيرر عنود بهمس ودموعها تنزل : ي ليت توديني الشقه ولا بيت اهلي يكفي خلاص شفت ان وجودي مو مرحب عند امك غسان هز راسه بهدوء وهو يمسك يدهاوبحزن عليها:يالله اوديك الشقه وهوو يكلم ابوه :اوصلها وارجع ان شاءالله طلال : غسان اجلس مع زوجتك وانا هنا وابوي كلنا ماراح نقصرر وكمان الدكتور قال ان شاءالله يفيق غسان بزعل:وش تقول انت مسافة الطريق بس واكون عندكم ان شاءالله يالله سلام وهوو متجههه لسيارة عنود ركبت السيارة وبكت على طول غسان مايدري وش يقول بس حاول يهديها: خلاص عنودي ومفروض تكوني اعقل من كذا وتستوعبي ان امي مو في وعيها اللحين من خوفها على اخوي بس عنود بقهر وهي تمسح دموعها: مقدره خوفها على ولدها بس مو بذي الطريقه تجرح فينا كذا بدون سببب ومدام حنا شؤم على قولها ليه وافقت على زواجك مني غسان بتعب: عنود وقت كلامك اللحين عنود بقهر:لا وقت كلام امك اللي من توو غسان مارد عليها عارف انها مقهورة وانها فشلتها قدام اهله بس وش يسوي ذي امه ي ناس وقف السيارة قريب من الشقه وقال بهدوء وهو يطفي السيارة : يالله عشان انزلك وارجع عنود بقهر وهي تناظر قدام:ماابي انزل قلت لك ودني عند اهلي غسان بقهرر منها ومن عنادها:طيب ليه مافتحتي فمك يوم قلت اوديك الشقه اللحين تقولي لما وصلنا امشي انزلي الله يهديك قدري شوي ان اخوي في المستشفى مافيني تأخر عليه عنود بهدوء: اوك غسان مايبها تزعل زياده : وبعدين شوفي الساعه كم باقي شوي وتصل وحدة اكيد نايمين اهلك وفك الباب ونزل شافها فكت بابها بدون اعتراض ونزلت معه وصلها لشقه واعطاها ظهرة وطلع مستعجل............. @@@@@@@@@@@@@@@@@@@ @@@@@@@@@@@@ | ||||||||
|
| |
|
12-03-15, 04:51 PM
| #285 | ||||||||
| مراقبة عامة ومشرفة منتدى الروايات المنقولة
| شـكــ وبارك الله فيك ـــرا لك ... لك مني أجمل تحية . التعديل الأخير تم بواسطة فيتامين سي ; 29-10-18 الساعة 08:07 AM | ||||||||
|
| |
|
12-03-15, 10:31 PM
| #287 | ||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة
| السلام عليكم ورحمة الله وبركاته مساء الخيرات والسعادة والسرور يافيتامين سي والله انا قلبي راح يطق من هال التركي هذا يريد يتزوج عليها روح الله ياخذك فأما اليتيم فلا تقهر وانت ماشاء الله شنو وشنو نعدد مصايبك ونقول كان يحبها والغاية تبرر الوسيلة وغيره بس حقيقة انا اقول انه فيصل يستحقها اكثر بكثيييييييييييييير من تركي الذي سامها سوء العذاب وبدون وجه حق هو يعاملها كجارية لا زوجة عمي حتى الجارية عندها حقوق مو مثل رهف وية تركي اتخيل لو ابيها حيا او لو كان لديها اخ هل كان سيبرز عضلاته على رهف هكذا لا والمصيبة يريد يخطب سارة مصيبة تاخذك انت وياها بيوم واحد عنود اعتقد انها راح تطير غسان منها وكل خوفي من انه يموت منصور ويجبروه يتزوج زوجته وتضطر عنود ان تتحمل الم وجود زوجة ثانية في حياة غسان الذي لم تمنحه فرصة للتفاهم رهف تغيرت كثيرا وتريد ان تحيا حياة تحافظ بها على ابنها كل خوفي من تصرف بائس من تركي يؤذي به رهف ويندم وقت لاينفع الندم سلمت يمينك يانوني بانتظارك | ||||||||
|
| |
|
14-03-15, 10:19 AM
| #288 | ||||||||
| مشرفة ،كاتبة ،قاصة وأميرة واحة الأسمر بمنتدى قلوب أحلام وقلم مميز وحي الكلمة وبطلة اتقابلنا فين ؟ ومُحيي عبق روايتي الأصيل- مفكرة وحارسة وكنز السراديب وقاصة هالوين 
| شكرا نونا شكرا فيتامين سي فصل ممتع وشيق جدا لاكن يتزوج تركي للا والف لا انا كنت ابتديت اشك اني صايره اكره تركي واليوم اتاكدت روح منك لله انشاء الله تعمل حادث وانت رايح تخطب وما يسلم فيك عظم وتصير ساره منحوسه مثل عنود وما تموت لا تتعذب وانت تشوف رهف تتركك وتروح لفيصل ولو اني كرهت فيصل بسبب نذالته وما اعذر حبه لها ابدا باسلوبه الوضيع ولو ان عمه تركي كان اكثر وضاعه منه بس اخير الشرين المهم ينغاض تركي ويموت قهر وعنود روحي يا شيخه غبيه مثل اخوك ياريته يكفخك مثل تركي شكلك متعوده هذا الاسلوب نونا بلييييز دخلي رهف بغيبوبه قهر وخلي تركي ينذبح باحساس الذنب على حبيبته لو عندك افكار تقهر تركي احسن ياريت اهم شي ما يرجع القهر فيها | ||||||||
|
| |
|
14-03-15, 11:17 AM
| #289 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته ههههه حبيبات قلبي نداء الحق وبين الورقه والقلم انا عندي فكره أحلى خلي تركي يخطب ساره وأنا واثقه أن ساره بترفضه لأن ما أظن بتوافق عليه وهو متزوج رهف اللي معجبه هي بجمالها ولا أظن أمها بترضى خليه يتفشل لما ينرفض للمره الثانيه وخلينا نقول الثالثه لوحسبنا رفض رهف له اول ساعتها بتشمت فيه رهف لكن أخاف أمه وجدته يردونه مايخطب ساره ومايخلوننا نشمت فيه مالت عليه وعلى عقله المتخلف كلمه من فيصل الحقير تعميه وتخليه يجن وبعد مايتفشل برفض ساره يسير له الحادث وتنكسر يده اللي مدها على رهف مدري ليه حاسه كل هذا مايبرد قلبي قاهرني تركي | ||||||||
|
| |
|
14-03-15, 12:30 PM
| #290 | |||||||||
| نجم روايتي وعضو الموسوعة الماسية بقسم قصص من وحي الاعضاءوفراشة الروايات المنقولة
| اقتباس:
صباحك ورد وياسمين يافيتامين سي اي والله زيدونا من هاي الافكار الخلاقة لتعذيب تريكي اللي ماعنده احساس ولا نخوة | |||||||||
|
| |
|
| أدوات الموضوع | |
| انواع عرض الموضوع | |
|
|
87Likes
.png)
العرض العادي
