عشقت ذاك الغرور الي يحليك الكاتبة / دلعي يكفيني ، عمانيه ، مكتمله - الصفحة 7

اسطورة ! · 11-04-15, 02:54 AM

البآرت الــ58:
تاففت اسما بصوت مسموع
انجرحت مريم
قالت اسماا :اوووف مريوم خليني قاعده هنيه..اربع وعشرين ساعه ناشبه لي....اووف شو ها!!

انجرحت مريم وبنفس الوقت انجرح عيسى اللي كانت نظرات سعود وفهد عليه كانهم يقولون له ليش مب قادر تربي زوجتك.
اسما ليش قاعده تتصرف جي.قهره شعرها اللي ظاهر نصه.والروج اللي حاطتنه.
انتفض من العصبيه بس حاول يهدي نفسه
اهدى يا عيسى
اهدى ياعيسى
اهدى ياعيسى
اخذ نفس عميق
فتح عيونه..عشان يمشي اللعبه صح.
كان لابس كندوره وعليها كاب احمر من فراري
حاط الكاب تحت شعره الكثيف باهمال
قام واقف مد ايده لاسماء
طالعته اسما ورفعه حاجبها يعني شو
مد عيسى ايده جدامهاا وقال بابتسامه:خلينا نتمشى
رفعت عينها بملل وقالت بنرفزه:عيسسسى..روح امشي بروحك.مب ناقصتنك انا
رفع الكاب عن شعره وطالعها بحده وركز فيها..رص ع اسنانه عسب يكتم غضبه من هالمخلوقه
هالنظره ماغابت عن فهد..لاحظ انه علاقه اسماء بعيسى ابد مب زينه.يمكن يتظاهرون انها زينه..بس الكرهه واضح من الطرفين.عوره قلبه ع عيسى ..اسماء جرحته جدامهم
فهد مد ايده لعيسى وقال بمزاح يحاول يغطي ع اللي صار:تعال اني ابغي اتمشى..حرمتك لاحق عليها
عيسى كان واقف وفهد قام..مد عيسى ايده ورفع فهد عشان يوقف
سعود طالع اسماء وقالها:وانتي بعده هالاسلوب الخايس اوياج..انا قلت خلاص البنت تزوجت وعقلت .اثاريج دمرتي زياده
طالعته بنص عين.وقالت بكرهه:وانت مته بتترك اللقافه عنك..ياكرهي لك
التفتت ع فهد.ابتسمت لها وطالعت عيونه.قالت بهدو:فهود اقعد ماشبعت من سوالفك.ولله مشتاقه لك
عيسى خلاص يحس نفسه بينفجر.مشى تارك فهد وراه..فهد ع طول مشى معاه

سعود ابتسم لها بسخريه:عداااال انا اللي احين ميت عليج..
قام واقف ولبس نظارتي وقال بجمود:انتبهي لعيسى..صدقيني اذا استمريتي ع هالاسلوب بيكرهج
ومشى عنها
ام فهد كانت لاهيه تكلم جارتها بالفون
ماانتبهت للي صار
رصت اسما ع اسنانها وقامت واقفه.اطالع سعود لين م ابتعد عنها وقال بكل حقد:الله ياخذك انت وهالعيسى اللي ابتليت بيه.
.
.
.
.

وقف عيسى حذال البحر
غمض عيونه بقوه يحاول يهدي انفاسه من العصبيه
حس بايد ع كتفه
لف يطالع شاف فهد يبتسم له بضيجه:عيسووه..هدى نفسك...ماشي يسوى تحرقك اعصابك عشانه
طالعه وقال بهدو:فهد شو بينك وبينها!!
وقف فهد يطالعه مب مستوعب السوال
التفت عيسى للبحر دخل ايده فشعره وقال بنفس نبرته:لما كنا فشعر العسل ..هه..اربع وعشرين ساعه تيب سيرتك..فهد وفهد وفهد..فالبدايه قلت عاااادي.ولد عمهااا شرات اخوها..ولازم تتكلم عنك جدامي..
قعد ع الرمل:امس لما قلت لها بنروح اوياكم بالشاليه..تغيرت اميه وثمانين درججججه..كل ها عشان تشوفك..
طالع فهد وعليه شبهه ابتسامه:وقبل شوي شغت بروحك شصار..لا تقول انه ما بينكم شي
.
.
فهد قعد حذاله وتنهد.كرهه اسما الف مره..شيقول..يقوله كنت احبها..بس اهيه سافرت عنه..شيقووووول
فهد:عيسى شهالكلام..انت تعرف اني متزوج..شوهالخرابيطط.اسماء بنت عمي وبسسس..واهيه اصلا طبعها جي..
عيسى سكت يتامل البحر..ماعجبه
فهد:اسمع..انت لازم تسوي................
.
.
.
.
.
.
.
.
.
.
بعد ماتفاهم عيسى وفهد
راح يبغي يروح يرح راسه مصدع
مر عند قعده الحريم
نادته يدت عيسى
قالت له:ابويه فهد وين حرمتك
ابتسم لها فهد:نايمهه بغرفتها
يدت عيسى:ولله هاي البنت انا اول ماشفتها دخلت قلبي..اذا لقيتها صاحيه قول لها تنزل ابغي اقعد اوياها
هز راسه:ان شالله خالوه..يلا بخليكم احين

مشى عنهم وراح للفله..دخل الغرفه ولقاها قاعده منسدحه ع السرير وتطالع السقف..ايد تحت راسها.والايد الثانيه على بطنها
قفل الباب واخذ المفتاح..ظهر له ملابس وراح الحمام ياخذ له شور سريع
طلع ولقاها ع نفس وضعها
بس طنش ماتهمه
ظبط المنبهه ع اذان المغرب
وع طول اول ما حط راسه ع المخده..راح فسابع نومه.
.

اما اهيه قامت تصلي العصر وعقبها رجعت انسدحت مره ثانيه
كارهه نفسها
لان فهد نايم حذالهاا
تاففت تبغي تطلع ماتبغي تقعد فمكان قاعد فيه..حست انها مخنوقه..بس ها شي مب يديد عليها..دومها مخنوقه
بعد ساعات
سمعت صوت فونها يرن تكاسلت ترد
بس لما سمعته يرررن

قامت من ع السرير واخذته
استغربت الرقم!!!!!
وقفت حذال الشباك.فتحت الستاره وقالت :الوو
...:السلام عليككم..اوياي ساره ال....
عقدت حواجبها:عليكم السلام..ايواا اوياج ساره
...:اخت ساره..نحن من جامعتج متصلين
استغربت اي جامعه!!!
بس بعدها تذكككرت..يوووه الججامعه شخبري
ساره:هلاا
..:انقطعتي فجاءه عن الجامعه..راح عليج الكورس الاول و الثاني..اتصلنا بج عشان تاكدين علينا..هل هالكورس بتداومين.او خلاص بتركين الدراسه..لانه مابقى اوياج الا فرصه وحده .اذا ماداومتي الكورس الياي بتروح عليج الدراسه..هذا اخر انذار يوصلج من الجامعه..عقبها بتنطردين
تنهدت
كان حلمها تكمل دراستها..بس فهد اول مارجع من بريطانيا هدم لها هالحلم
اصلا اهيه مستغربه..عبالها خلاص طردوها من الجامعه..مابقت اوياها الا فرصه وحده..تقدر ترجع احلامها...اصلا فهد خلاااص ماله دخل فيها...
قالت:مته بيبدي الكورس الياي!!
..:عقب ثلاث شهور
ساره:خلاص ان شالله..برتب اموري.وبشوف الظروف اذا تساعد وان شالله بداوم

قفلت من المكالمه
واهيه بعدها مب مستوعبه..عندها فرصه ذهبيه..فهالزمن اهم شي للانسان شهادته.عسب يقدر يآمن ع الوضيفه
اخذت نفس تقوي فيه نفسها
مابتفوت هالفرصه من ايدها

حست بايده ع خصرها ..همس لها:انتي ما تتوبين..قايل لج مليووون مره..دراسه لا تحلمين فيها

دفها وراح
حاولت تهدي نفسها
التفتت له وقالت' بسخريه:هه هالكلام قبل..كنت شرات الخدامه تحت ريولك..اي شي قلت له نفذته.بس احين بليييز خلك بعيد عني..لا تتدخل فيني..ولا اتدخل فيك

مشت عنه بس مسك ايدها وابتسم ابتسامه شيطان..قال بهدوووووو:ههههههههههههههه� � لا غصبن عنج بتدخل فيج..انتي حرمتي ياحياتي..كيف م اتدخل فيجججج؟؟؟؟
سحبت ايدها وطنشته
راحت قعدت ع السرير
مسك غترته وقعد يتعصم جدام التسريحه..
قالها بحده:سمعيني عدل ...انت مب ياهل..وهالسالفه شيليها من بلاج.
طالعها من المرايه:تعرفيني ززززين..اذا عصبت شسوي

ساره ولا عبالها..ماسكه فونها تعابل فيه..صايره عصبيه وايد..ماتقدر تمسك نفسها..قالت بصوت عالي :اوووووووف شهالحاله..قلت لك مالك دخل فيني..وبتطلقني غصببببببببببن ع اللي ربوك

.
.
هالكلمه خلت كل الشياطين تنقز جدامه
راح لها وعطاها كف ع ويهاا.لدرجه انه خدها انرمست اصابعه فيه عدددل..مسك ايدها وقومها
فتح الدولاب واخذ شيلتها وعبايتها وفرها عليه
قال والشرار يطلع من عينه:لبسي
ساره عرفت اذا عاندته عادي يذبحها واهوا جي معصب
لبيت شيلتها وعبايتها ببررررررود
مسك ايدها وسحبها اوياه
نزلو ماكان احد موجود
ركبها السياره ومشى
تطالع الدرب بس ساكته ..
قهرها ليش يسوي جي.
قالت بنص الدرب:ووين ماخذني..هه اكيد ع المحكمه..عشان تطلقني صح!
ابتسم واهو مركز ع الدرب:بتشوفين بروحج

دق قلبها بخخخخخوف من نبره صوته..عرفت انه ما بيرحمها..تعرررررفه زززين..بكل حالته..واهوا احين يبغي يتهووور..حطت ايدها ع قلبها تحاول تهدي نبضاتها
طالعت الطريج
كله جججبال وصححراء
حضنت ايدها
عرفت انه بيفرها هنيه وبيروح
واهو كل ماله ويبتعد عن الشارع العاام
مافي اي اضووا ابد
غير نور القمر
بلعت ريجها اطالع المكان كككيف موحش
عورها قلبها انه بعد واااااااااايد عن الشارع وكل ماله يبتعد..عشان اذا فرها ماتقدر توصل لاحد ابدددد
عقب تقريبا ربع ساعه من المشي فالصحر
وقف السياره والتفت لها
قالها:تبغيني اطلقج..وما اتدخل فيج...حتا انا م ابغيج...بفرج هنيه#ياشر بايده ع المكان# ولما بترجعين هه هذا اذا رجعتي بيت اهلج صاحيه..ساعتها بطلقج
ظلت سرحانه بلمكان..اهوا يبغي يهينها ويجرحها
اخذت نفس من اعماقها والتفت صوبه بابتسامه:،ان شالله
فتحت الباب ونزلت..صكرت الباب بكل قوتها.شو يتحسب!!بيقدر يذلها ويخليها تترجاه انه مايتركها
التفتت ع المكككان مووووووحححححش بقوه وبااارد
بلعت ريجها وراحت تقعد تحت شجره مافيها غير اغصاان يااابسه
قعدت تحتها تطالع السماء
اما اهوا لما شافها قعدت حرك السياره ومشى
ساره كان عندها امل انه بيرجع
لا تخافين بيرجع بيرجع ببرجع.مستحيل يخليني هنيه بروحي..بيرجع..ظلت تردد هالكلام لحد م اختفت السياره وانوارها من المكان
بلعت ريجها..لما اختفى ضوء السياره ..حست بلخووف يسري بضلوعها..تمسكت بالشجره بقوه.واهيه عندها امل انه يرجع لها باي لحظه
فونها!!
ضلت ترتجف
صوت الكلاب تحس بيخترق اذنها...من غير الحششرات الي ع الشجره المتسانده عليها..والطيور اللي ع الاغصان..حتا فونها مااخذته اوياها..احين لا سمح الله..اذا اهوا ما رجع لها..كيف بتتصرف!!كككيف ووكككيف
ضلت تستغفر وتدعي الله يلين قلبه ويرجع
غفت ع جذع الشجره وماحست بنفسها
.
.
.
بعد ساعات سمعت صوت فزت من الخووف ع صوت سياره من بعيد..طالعت الساعه اللي فايدها..انصدمت الساعه٢ الفجججججر..فهد شو من العقل اللي فيه..يتركها كل هالمده
بلعت ريجها زياده لما سمعت صوت السياره يقترب من المكان زياده وزياده..يمكن فهد!!!بس لااا صوت هالسياره قوووي مب نفس صوت سياره فهد
حضنت نفسها وسندت راسها ززياده ع جذع الشجره عشان ماحد ينتبهه لها..وقلبها دقاته كل مالها وتزيد
انتبهت ع السياره دفع رباعي بيضا وقفت ع بعد مسافه مب بعيده عنها..يعني تقدر تشوف كل ششي بوضوح..نزل منها شابين
شكل السياره صابها شي
قعدو يعابلون فيها
...:ابراهيم ياخي شوف المكان كككيف يخخخوف..اتصل لاحد من الربع يفزع لنا
ابراهيم:هههههه هيثموه تخااف!!ياريال شو يخوفك..الدنيا خاليه
هيثم:اوووف انا هالاماكن ماحبها..احس تيب لي الضيج..وفوني مافيه جرج..اتصل ياريال دبر عمرك.شوف فيصل .بدر..اي احد ..اهم شي اتصل جوفهم
ابراهيم:ههههه زين يالخواف..بشوف بدر
مشى مسافه ورفع فونه بس ماحصل رد
قال لهيثم:بدور مايرد عليه
هيثم قعد ع السياره من جدام:اووف.اتصل شوف فيصل..
ابراهيم هز راسه واتصل
بعد لحضات
ابراهيم:هلاا الشيخ
..
..ابراهيم:وين انته!!
..
..
ابراهيم:ياخوك..الفزعه..سيار� �ي تعطلت فالبر
..
..
ابراهيم:تعرف المكان اللي نسهر فيه دوم فالبر!!
.
..
ابراهيم:ايووا ..نحن بالطريج..يعني انت تعال وبتشوفنا جدامك
..
..
ابراهيم:دخيلك لا تتاخر ..هههههه تعرف هيثموه كيف معه فوبيا من هالاماكن

..
ابراهيم:مشكور خوك م تقصر..
التفتت لهيثم:احينه بيي
ركب ابراهيم السياره وقعد يعابل بفونه
وهيثم ع حالته قاعد ع السياره يتامل السما
فتح ابراهيم زجاج السياره وقال بصوت عالي:هيثموه وين فونك..بخليه لك بالجرج
هيثم نزل ومد لابراهيم الفون
ورجع مكانه بس هالمره واقف ويتلفت ع المكان
.
.
حست بيغمي عليها..مالقت السياره غير هالمكان عسب تخترب فيه...الله يستر شو راح يصير..حسبي الله عليك يافهد
لصقت فالشجره تحاول تخبي نفسها عنهم
قلبها بيوقف فاي لحظه من الخووف
شافت عنكبوت يمشي ع عباتها
بلعت ريجها وعضت شفايفها عشان م تصرخ ويشوفونها
.
.
.
.
.
.
عند شيخه
كانت نايمه فزت من النوومممم
شافت كابوسس
غمضت عيونها تحاول تهدي نفسها
اللهم اجعله خير اللهم اجعله خير
التفتت ع مكان حماده ماحصلته
شافت الساعه ٢ الصبح
فتحت الستاره وشافت الانوار بعدها شغاله
شربت ماي
بدلت ملابسها واخذت شيلتها وطلعت برا
ماشافت احد ابد قاعد
اخذت نفس وقعدت مجابل البحر
والحلم بعده ماثر فيها!!
تكرهه الاحلام..
حطت ايدها ع راسها م تبغي تتذكر
ارتجفت من البروده
سمعت صوت وراها
:شو ياينج هنيه فهالوقت!!
مسكت شيلتها لا تطير من الهوا اللي يضربها بقوه
قعد حذالها شاف دموعها
قالها:اووف شواخ انتي ماتملين من هالدمووع!!شفيج هالمره؟!

غمضت عينها..طريقه سواله..خلتها تندم الف مره لانها نزلت من الغرفه
مسحت دموعها..حطت ايدها ع ركبتها وخلت ويهاا ع ايدها..
حماده بصوت هادي:شفيج؟؟مارديتي علي
شيخه قالت والدموع بعيونها:حلمت ساره
حماده تنرفز من عالطاري
كملت شيخه:شفتها بالصحرا وبروحهاا..محتاجه لي..حلمتها تقول شواخ دخيلج افزعي لي..مظلومه انا مظلومه

بلع ريججججه ..شو لو كان الحلم صحيح..واهيه مظلومه!!!
هز راسه :اضغاث احلام...من كثر ماتفكرين فيها حلمتي هالحلم
شيخه رفعت راسها ومسحت دموعها:حماده دخيلك..حتى لو كانت مب مظلومه.ابغي اكلمه..م اقدر اتحمل هالعيشه بدون اختي..دخيلك خلافاتكم ومشاكلكم بعدها عني...م اقدر اصبر عنها اكثر من جي
دف راسها بايده قال بملل:شواخ خلااااص عاد..كم مره قلت لج م ابغي اسمع هالسيره!!!!ساروه انسيها نفس مانسيناها انا واخواني
شهقت واهيه تصيح:حرام عليك ولله حرااااااااااااام..اكرهكك وفحياتي م بكرهه شخص شراتك
قامت مشت عنه
دخلت الغرفه وكانت بتقفلها
قبل لا تقفلها فتح الباب وصكرهه بكل قوه
حماده بعصبيه:شهالكلام اللي قلتيه قبل شوي!!!
شيخه قعده ع السرير مسحت دموعها وقالت بصوت بشويش:فالبدايه بعدتني عن هلي..وعقبها بعدتني عنك..واحين بعدتني عن ساروه..منو بقى لي..منوووووووووو!!
وقف جدامها:اهلج بعدتي عنهم برضاج..ثاني شي كيف يعني بعدتج عني!!!!!!!شو هالخرابيط
شيخه:مب خرابيط...انت واحد م اعرفه..مدري شصاار لك..تغيرت علي فجاءه..ندمت قد شعر راسي اني اخذتك..ياريتني تحملت بعدك كنت فعيوني ملاااك...احين اكتشفت انه عيوبك وااايد وااايد..ماحد يقدر يتعايش اوياها
تكتف وقالها ببرود:هه وشو اهيه عيووبي!!
شيخه بصراحه:انسان مزاجي الواحد مايقدر يفهمك..ناكر معرووف ع اتفهه سبب تخليت عن اختك ونسيت اهيه شو كانت بالنسبه لك..اقرب وحده لك..اناني تبغي الاهتمام لكنك ماتعطي..مهمل..عصبي ..مب قد المسئوليه..ياهل كانك طفل صغير....ماتعرف تحب.واح..
قاطعها بصرخه:بسسسسس..مدام كل هالاشيا فيني ليش رضيتي تاخذيني!!
شيخه هزت راسها:قلت لك..كنت فعيني ملاك..ماتصورتك جي..
فر كابه ع التسريحه وانسدح ع السرير:ولله عاد ها انا..رضيتي فيني اهلا وسهلاا..مارضيتي بالطقاق

تنهدت:غصبن عني برضى فيك..انا حامل
.
.
.
.
.
.
.

فوقت سابق
منى قاعده اهيه وراشد ع الكراسي
منى مب مصدقه اللي سمعته عن ساره من خواتها
بس قاعده وتطالع الفراغ
راشد:ريحي نفسج..بسج من هالتفكككير
منى اطالع نفس النقطه وتهز راسه:مب مصدقه.مب مصدقه انه ساره جججي..اعرفها زززين مستحيل تسوي جججحي...كيف كنت غبيه..ومالاحظت..كككيف!!
راشد مسك ايدها:ساره مب ججججي..صدقيني مظلومه
سحبت ايدها بقوه:رشووود لا تدافع عنهاا..شعرفك انت فيهااا!!!تركي بروحه قالي السالفه..رحت اتاكد منه
راشد:سمعيني
قاطعتها..فتحت عيونها بصدمه:لا يكون انت كنت تعرفها قبل
ماكملت كلامها فجاءه كف راشد
تستاهله كيف تقدر تفكر هالتفكير فبنت اختها
الغيره عمت قلبها..خلتها تقول كلام مافكرت فيه
راشد قام معصب:لما بتعرفين كيف تفكرين..حزتها تعالي
قام واقف واهوا بنفسه يسب فهد
ماتوقع انه يوصل لهدرجه.ويوصل السالفه لاخوانها
قاعد يتوعد فيه
يبغيه يكون بروحه عشان يعرف كيف يتفاهم اوياه
اما منى ظلت ماسكه خدها وتطالع بالفراغ
ليش مد ايده عليها
اول مره يسويها!!
يمكن ظلمت ساره!!
لالا ساره مب مظلومه
اككككيد عصب عشان انه يعرفها!!
اكككيد
قامت واقفه تبغي تلحق عليه
ماتعرف انها اذا لحقت عليه شو ممكن يصير
احسن لها لما ماحصلته
رجعت قعدت ع الكرسي تحاول تفكر عدل
لا تتسرعي يامنى لا تتسرعي
.
.
.
.
.
.
.
كنت منسدحه ع السريرر تشوف التلفزيون
مصكره النور..مافي نور غير نور التلفزيون
دخل الغرفه
وفتح الدولاب طلع له ملابس وتعداها
اسما طالعته ورفعت حاجبها اونه زعلان خ يولي
بعد ماطلع انسدح ع السرير
اخذ فونه وقعد يعابل فيه
بين كل فتره وفتره يضحك بضحكته المزعجه
تنرفزت من ضحكه.حست انه السالفه فيها ان!!
بعد فتره التفت لها وقالها بملل:اوياج سماعه!!
قالت بدون نفس:لاااااا
وصله اتصال ورد عليه
عيسى:هلاا هلاا يامرحبا الساع
..
عيسى:بخخير الحمدلله..شحالكم؟
..
عيسى:هههههه الله يخليكم
..
عيسى:لحظه لحظه..
نزل الفون من ع اذنه ومشى باتجاه الباب
طلع برا
عرفت انه يكلم بنت.ليش يتكلم بصيغه الجمع
مستحيل يكلم واحد من ربعه بصيغه الجمع
والغريب انه ماتكلم عن اليوم اللي صار!!!
اككيد عنده شي
غلقت التلفزيون وفرت الريموت بكل عصبيه
تغطت بقوه وكانها تطلع قوتها بالمفرش
.
.
.
.
.
.
.
عند فهد
بعده ينتفض من العصبيه
مافي شي يقدر يهديه
زيد السرعه ومشى
مب قادر يفكر بالشي اللي يسويه
وصل عند القهوه
دخل واهو مب حاس بنفسه
طلب له شيشه
وقعد يشيش
اول مره يجربهاا
كانت فاضيه
مافيها الا اهوا وكم شخص
شيش لي ماحس صدره احترق
طلع برا القهوه
وقف حذال سيارته وقعد يككككح يحس نفسه انقطع من كثر الكحه..ركب السياره وراح الشاليه

اسطورة ! · 08-08-15, 09:41 PM

البارت الـــ59:

رحت عنه وقعدت بنفس المكان.اللي كنت قاعده فيه
تنهد وقال:ركبي بنروح
سكت عنه .اتامل المكككان
لما شافني معانده
قعد حذالي وظل يتامل اوياي
بعد فتره حسيت براسه ع كتفي
غمضت عيوني ابغي ادفه
رفعت ايدي
بس فجاءني واهوا يكححححح من قلبه
رفع راسه وحطى ايده ع صدره والايد الثاني ع حلجه
ويكككككككح بقوه
لدرجه انه عيونه صارت حمراء وكلها دموع
لما انتهت نوبه الكحه
رجع ظهره للخلف وانسدح ع الرمل
ماهان عليه اجوفه تعبان وما اسئله بحكم العشره اللي بيننا..
طالعت عيونه وقلت له بجمود:شفيك!!
سحب الغتره من ع راسه
ودخل ايده فشعره
تنهد وقال:شارب شيشه..مب متعود عليها
غريبه!!يشرب شيشه!!!!!
اذكر صح انه كان يدخن زقاير
بس من فتررررره لي فتره
لما يكون معصب بسسسس
ليش يسوي بعمررره ججججي!!!!
طالعت جدامي وقلت له:من مته تدخن هالسم!!
اعتدل فقعدته وقال بهم:البركه فيجججج..ماحد فهالدنيا يخليني اعصب شراتججججج..جلبتي حياتي فوق حدر..
قلت له بهدوءءء:لا تقعد تلومني..فيك عقل وتقدر تفكر..لاتقعد تقول بين كلمه والثانيه انا السبب
فهد مسك ايدي
وسحبتها بقوه
فهد:بسافر انا السبوع الياي
رفعت كتفي:شسويلك!!!سافر.الله يحفظك
فهد بجديه:بسافر امريكاء 3 شهور..كنت ابغي اخذج اوياي بس حالتج ما اظن تسمح تركبين طياره
رفعت حاجبي:شبلاها حالتي؟!
فهد بسخريه:هه""حححححامل..واخاف ولدج يطيح او يصير فيه شي
نقزت من الخرعه لما قال جي:بسسسم الله الرحمن الرحيم عليه..اصلا مستحيل اسافر اوياكككك..لا تنسى انك بتطلقني
تمدد مره ثانيه ع الرمل وضحك بضحكته المزعجه:ههههههههههههههه خخخير ياحياتي..خخخخير ان شششالله
شهقت وقمت من مكاني
قام مخترع اوياي:شفيج شفيج!!!شو صار لج؟!
طالعت السما وقلت له:ابغي اصلي..اذن الفجر من مده.ما احب اآخر صلاتي
فتح السياره بسويج وقال:ركبي..حتا انا ماصليت
ركبت وحطيت راسي ع الزجاج.وغفيت من التعب..وايد صارت اشيا فهاي الليله..هدت حيلي
حسيت به يهزني:قووومممي..ساااره قووووومي
فتحت عيوني بشويش ،طالعت المكان شفته موقف السياره حذال مسيد صغير ع الشارع العام
حكيت عيوني ونزلت
قالي:اخذي السويج من تخلصين...ركبي السياره
هزيت راسي.اخذت السويج ومشيت
صليت وقريت قراآن وقعدت اقري اذكار الصبح واستغفر..نسيت نفسي
انتبهت اني تاخرت عليه
قمت وعدلت شيلتي واخذت لي كوب ماي من ثلاجه المسيد وطلعت..رحت عند المواقف لقيته واقف وويطالعني بغيض..مديت له السويج واخذه بقوه
ركبنا وقال:تدرين عاد لو كان السويج اوياي.جان حركت السياره وتركتج هنيه
طالعته بسخريه:هه.خلاص تعودت ع هالسوالف..مب يديده...تتركني وتروح
طالعني بنص عين وقال:لانج تستاهلين
سكت عنه م ابغي اتجادل اوياه
بعد فتره قالي:ماتبغين ريوق!!
تكتفت وهزيت راسي:لااا
فركت عيني ...حسيت ايدي ثجيله
بعدتها عن عيني وقعدت اطالعها
زغت شبلاهاا!!!!
كانت من صوب الابهام منتفخه بقووه ولونها جي بنفسجي.واحسها ثجيله وتطلع حراره
لف فهد علي وانتبه علي اني مركزه فايدي
طالع ايدي وقال:بلاها صايره جي
رفعت كتفي مدري
حسيته يبغي يضحك
التفتت عليه وقلت له بحده:خخخير..ليش تضحك
فهد ماقدر يمسك ضحكته..ضحك بضحكته الكريهه:ههههههههه شوفي اصابعج كيف صايرات..كانهن نقانق
عطيته نظره بلع حلجه
سكت وظل يطالع الطريج
مسك ايدي وقعد يتحسسها
التفت لي وقال بخوف:لا يكون لادغتنج عقرب
بلعت ريجي مرتين ورا بعض من الخوف
لاني سامعه انه في مره حامل لدغتها عقرب وتسرب سم العقرب للجنين.وماات
نزلو دموعي وقلت له بغبنه:ودني المستشفى بسرعه ..ودني
رفع حاجبه:اهدي اهدي..شبلاج تصيحين..ترا مايسوووى وانا مب متاكد اذا لدغت عقرب او لاا.اهدي
صحت زياده:بسرعه ودنـــي
قعدت اصيح من قلبي^لو كنت بوعيي كنت بضحك ع نفسي..شكلي يضحك...اصيح من قلبي وفهد فاتح عيونه مستغرب
كان يطالع الطريج ويطلع ضحكته وعقبها يطالعني
.
.
بس الاكيد اني صحت بسبب الضغوط اللي صارت لي
سمعته يتافف:لاحول ولا قوه الا بالله..وين بحصل لج مستشفى فهالصحرا
عقب ربع ساعه شاف مستشفى لف جهته
نزلنا وانا حاطه ايدي ع قلبي.مب قادره افكر.اهم شي البيبي مايصير فيه شي
دخلت مع الدكتور وكشفو ع ايدي
اكتشفو انها لدغه حشره ثانيه مب عقرب..بس عادي ماتاثر ابد لا علي ولا على الجنين
كتب مرهم لي
طلعنا
مرينا ع الصيدليه اخذنا المرهم وطلعنا
ونحن طالعين شفت بوستر كككككبير ع الجدار فممر المستشفى شد انتباهي
قعدت اقري كان عن الاطفال المعاقين حديثين الولاده
ع طول نزلت راسي
م ابغي اقري
ان شالله ولدي بيطلع سليم
حاطه امل فبالي انهم مب متاكدين لما قالو لي بيكون معاااق
نزلت دمعه من عيني.
مسحتها بسرعه شافني
سمعته يعاتبني:عقب الولاده ذنبه برقبتج.اذا تاذى وصابه شي انتي اللي تتحملين مسئوليته...كل اللي تفكري بيه نفسج..ماتفكرين كيف اذا عاش وكبر كيف بيعاملونه اليهال اللي بعمره.كيف بيعيش واهوا ناقص.م اقول الا حسبي الله عليج
رص ع كيس الدوا ومشى تاركني اصارع دموعي
ليش اصيح!!
لايكون كلامه هزني!!!!!
لا يكون انا صج انانيه!!!
بس انا ام انا مب انانيه
الام مستحيل تتخلى عن ضناها مستحيل
انا اول مانبض فبطني حسيت باحساس اول مره احسه
احساس رفعني لسماء من الفرحه
كيف اتخلى عنه كيف!!!!
انا مب غلطانه بقراري ولله العظيم مب غلطانه
اخذت نفس اهدي نفسي وطلعت لسياره
ركبت بهدووو
طوول الطريج كنا ساكتين
اهوا باينه فملامحه العصبيه
شاد ع الدركسون بقوه
عروج ايده واضحححه وبقوه
وانا اناظر ايدي وتفكككككيري بعيد
بعييييييييييييييييد ححححيل
كارهه اللحظه اللي بوصل فيها لشاليه
قعدت فيه يوم واحد وصابني اكتئاب
اللي مريحني انه باجر بنروح
شفت عمتي ام فهد قاعده اهيه ويدت عيسى ع الكراسي المجابله البحر
حسيت قلبي ارتعش لما شفت يدت عيسى
هالانسانه غييييييير
احبها
مع اني شفتها مره وحده بس
اتمنى ارتمي بحضنها
تغمرني بحنانها اللي يشع من عيونها
بس عمتي!!!!اروح واسلم واقعد اوياهم
اخافها ما ترحب فيني وتبهدلني
شرات ملجه اسما
فركت ويهي
وايد حواجز تمنعني اني اروح اوياهم
اولها اني صرت انسانه انطوائيه
احب العزله
زواجي من فهد علمني هالشي
ماحب اختلط بالناس
حتى لو كانو هالناس جريبين مني
خلاص صار فيني طبع
طلعني صوته من دوامت التفكير لما قال:روحي سلمي عليهن..ما ابغيج تفشليني زياده..كافي انهم من اوصلو يسالون عنج وانا اتحجج
مشى جهتهم
غمضت عيوني
وفتحتهن
مشيت خلفه مجبوره
سلم عليهم وقعد
تنهدت وقلت :السلام عليكم
رحت لعمتي وبستها فوق راسها
ويدت عيسى بستها ع راسها وع ايدها
واهيه فديتها ع طول حضنتني وقالت:وين اللي بتسال عن امها وبتزورها.اتريتج يا بنتي وانتي اختفيتي فجاءه ..كل ماسالت عنج احد قالو لي موجوده
م ابغي اضعف
ولا ابغي اصيح
كفايه صياح
بس ولله حضنها شرات حضن امي
صوتها كلامها شكلها اسلوبها
كل شي كل شي شرات اميه
قعدتني حذالها وقعدت تسولف اوياي وتسالني عن اخباري وانا مندمجه اوياها بالسوالف
م اهتميت لعمتي ولا طالعتها ابد
كنت قاعده اركز فملامح اميه
طبعا اهيه قالت لي ما اناديها غير اميه
فديتها ولله
قام فهد استاذن بيروح يرقد
صبيت لي حليب
فاجاتني عمتي لما قالت بحده:ليش م رضيتي تعقين الولد اللي فبطنج دام انه بيظهر ع هالدنيا معاق
عورني كلامها
بس مالقيت الا اني ارفع لها راسي وابتسم.قلت لها:ماحد يقدر يعق ضناه.راضيه فيه سليم ولا معاق.عاي كتبت ربي
ام فهد:الله يعين ولدي.بشيب واهوا صغير
ابتسمت لي اميه يدت عيسى وقالت:حبيبتي احسن لج تمسكي فيه واهتمي بنفسج تغذي زين..احتسبي الاجر.ماتدرين بالاخره يمكن يكون سبب فدخولج الجنه
قامت عمتي عن الكرسي بقوه
لما راحت التفتت لي وقالت:بلاج اميه شايله فوق راسج هموم..مب زين لج..انتي صغيره لا تكدرين خاطرج
استغربت كيف عرفت!!!!!
قالت:لا تكذبين..عيونج فيها حزن...كانه عمرج تسعين سنه..لا تتضايقين ي اميه..لا يهمج احد
نزلت دموعي وقلت لها:ماحد يحبني..كل احد فحياتي يكرهني.ريلي،اخواني،خواتي،� �هل ريلي..كلهم يكرهوني كلهم..ولله صعبه اعيش مع عالم يكرهوني
زادت شهقاتي:ولله ماسويت شي .بلعكس دوم احاول اكسب رضاهم.كرهت حياتي وكرهت كل شي فيها
ضمتني لحضنها وقالت :اميه قولي الحمدلله..انتي بخير..عايشه فهالدنيا عشان ترضين ربج..ماعليج منهم..مصيرهم يرجعون لج ندمانين..كرسي حياتج لربج ولج ولولدج ..لا تهتمين بلباقي.لو كانو غالين ماعليج منهم
مسحت دموعي
صح ليش انا مهتمه!!!بس انا حالي حال باجي البنات.ابغي احد يهتم فيني يحبني يدلعني يخفف عني الامي
حسيت انه الوقت المناسب عشان افتح قلبي لشخص المناسب..شخص فاهم هالحياه.عاش اغلب تجاربها

حكيت لها كل شي
لو خليت شي فقلبي زياده بنفجر
اول شي خبرت سالفتي سعود
بس ماكان يقدر يفيدني..ولا حتا بالنصيحه
لانه ياهل شرات عمور مايقدر يوقف بويهه اخوه
بس للامانه لما فضفضت له حسيت براحه .كانه هم وانزاح..
خبرتهاا عن كككل شي
حضنتني وقعدت تمسح ع ظهري،قاالت لي:ياميه لا تتسرعين وتطلبين الطلاق. عيل انا شقول.عرست وانا عمري 13 سنه وريلي اكبر عني بوووايد..اخذني صغيره اشتغلت ع بيت كامل من اصبح لين امسي م اقعد دقيقه من كثرت الاشغال.يضربني ويحرقني بالنار ع اتفهه الاسباب.ماكنت اشتكي.اذا اشتكيت بكون انا الغلطانه.بيضربوني اهلي وبرجع غصبن عني عنده..كنت شرات الخدامه تحت ريله .ماكان يحبني .اصلا فزمنا ماكنو يعترفون بشي اسمه حححب.ماعدنا هالخرابيط..حياتنا كانت صعبه.يبنيتي حياتج بالنسبه لحياتنا قبل نعيم..تمسكي فريلج وطيعي اوامره.لا تضيعينه من ايدج لاسباب سخيفه.عقب بتندمين قد شعر راسج..ريلج ولد حلال وشارينج مب راضي يطلق.واهم شي عارف دينه ويخاف الله..تمسكي فيه بعيوبه باجر بتقدرين تغيرينه
تنهدت كلامها بلسم ع الجرح.لو كانت تتكلم عن شخص ثاني يمكن اطبق اللي قالته.بس فهد!!!مستحيل..ماينفع اسوي اللي قالته..
قعدت تسولف وعقبها كل وحده راحت تنام بغرفتها لحزه الظهر
دخلت الغرفه ولقيته منسدح ع السرير ايد تحت راسه والايد الثانيه ماسك فيها الفون جدام ويهه
طالعت الساعه
شفتها سبع
اخذت لي ملابس
دخلت اخذ لي شور
طلعت وشفته ع حالته
صكرت التكييف لانه كان برد
انسدحت ع السرير
مافيني حححححيل ابد
سمعته يقول:لما بتقومين الظهر قوميتي عسب اصلي
غمضت عيوني وغطيت ع قولتهم في سبات عميق
.
.
.
حسيت باحد يهزني
فتحت عيوني بشويش
شفته جدامي بايد يهزني من كتفي
والايد الثانيه يمسح بيها ع شعري
مبتسم ويقول:قومي،صلي الظهر وبنتغدا
لما حسيت بنفسي
مسك ايده اللي ع شعري وبعدتها بقوه
قعدت وعدلت شعري
اخذت لي ملابس ورحت اتوضى واخذ لي شور
صليت ووقفت ع المرايه اعدل شكلي
حسيت ويهي باهت يحتاج حياه
حطيت روج وردي ومسكرا وبلشر
رفعت شعري باهمال
دخل الغرفه وقال:يلا نروح نتغدا
مزاجي اليوم زفت لاني مانمت وايد
طالعته وقلت له بجمود:عليك بالعافيه.نغدا بروحك.انا م ابغي
وقف مجابلني وتكتف.قالي:وليش ان شالله ماتبغين تتغدين؟!
قلت له :بس جي.ماابغي اتغدا مع الناس اللي برا
فهد بسخريه:هه ترا الناس اللي برا اهلي واهلج
رفعت شعري اللي ع عيني اخذت نفس وقلت له بهدوء:انا ماعندي اهل.
وقف يطالعني فتره
طاحت عيني بعينه. قال بهمس:انا كل هلج
نزلت راسي اربكتني كلمته.بس هذا فهد
ما ابغي قربه ولا ابغي اسمع كلامه
ماابغي احس بمشاعر غبيه اويااه
اللي صار لي كفاااااايه
بس نظراته!!!!!
شجعت نفسي تظاهرت بالقوه قلت له:اعيش طول العمر وحيده ولا اقبل انك تكون لو فرد من اهلي
مسك ذراعي تكلم من بين اسنانه:عاد انا ريلج..يعني غصب عنج اكون لج كل اهلج
حسيته بيكسر ايدي
ابتسمت له:انت شو من الناس!!!انا ماحبك افهم عمري ماحبيتك.
ضغطت ع قلبي وكملت:خنتك قبل لا اتزوجك اويا ولد عمي حتى عقب ماتزوجتك ضليت اخونك...شو تبغا ف وحده خاينه عمرها ماصانت ريلها!!!ليش ما تطلقني وتفكني منكك!!!روح ياعمي البنات وايد فهالدنيا!!ليش تعلقني اوياك ليشششش!!
حسيته يفلت ايدي بشويش
عورني قلبي لما شفت الدموع تجمعت فعيونه ويطالع الفراغ
كنت بصرخ بقوله انا اكذب عمري ماحبيت احد شراتك..بس هذا لمصلحتنا..خلاص العيشه اويا فهد مستحيله..وهذا اللي كان لازم يصير من زماان..ماكان لازم اتامل ووايد واقول بيعرف الحقيقه واهوا مصمم ع اني خاينه!!!!!!!
حسيت نفسي قااااااااااسيه بس هذي الطريقه الوحيده اللي تخلي فهد يطلقني
قعد ع السرير ع حالته يطالع السرير مب مصدق
رفع راسه ونزلت دمعه من عينه
بسرعه مسحها وقالي:روحي عسى ربي يحرق قلبج مثل ماحرقتي قلبي
صرخ علي بكل قوه:انتي دمرتيني
كان نفسي اروح واحضنه واقوله انا كككككذابه كككككذابه بس لا اشوف دموعك
دعوته استجابت انحرق قلبي لما شفت دموعه
بس ليش هالقد تاثر!!!اهوا كان حاط فباله هالصوره عني!!!ليش تاثر ليشششششش!!!يمكن لانه مايبغي يصدق هالشي عني.مايبغيني اعترف جدام ويهه
دخل يغسل ويهه
وانا طلعت من الغرفه
احس جو الغرفه يخنقني
طالعت من الزجاج
شفتهم قاعدين حذال البحر يتغدون
الحريم بروحهم والريايل بروحهم
بس حذال بعض
والسما كلها غيووم سسود
تنهدت ونزلت اوياهم
بجرب اقعد اوياااهم
سلمت عليهم
والكل التفت لي
ردو السلام
حسيت اني مخنوقه زياده ومالي نفس للغدا
ندمت اني نزلت
شفت نظرات ميره وشما واسما كرهه
ريم وشيخه منزلات راسهن ماطالعني
اميه يدت عيسى اطالعني بحنان
عمتي تكمل غداها
وفي وحده ماعرفتها
قعدت ع طرف الفرشه مجابله البحر
سمعتهم يكملون سوالفهم بس انا ابد مب اوياهم
هموم الدنيا ع ويهي
اصارع دموعي م ابغيها تنزل
الجو يخووف السماء سود بالقوووو
وهوا قوي
والبحر هايج
نفسي بظبط..شرات مشاعري فهاللحظه
سمعت صوت فهد يسلم
التفت عليه شفته شايل جنطه ملابس فايده
قال لامه بضيج:اميه الدوام اتصلو لي.جدمو السفره..عقب خمس ساعات
حسيت كانه احد طعني فقلبي
قامت امه وخواته يسلمون عليه
مسحت دموعي بسرعه ليش يسافر وسفره عقب اسبوع!!!
امه وخواته قعدو يصيحون
واهوا يهديهم
ابغي اشرد من هنيه
ابغي ادخل الفله
م ابغي احد يشوف دموعي
م ابغي احد يسالني ليش ما سلمتي عليه
وقفت وشفته يطالعني بنظره
طول عمري مابنساها
حسيتها عتاااب مع كرهه
الضيجه باينه فويهه
نزلت راسي ومشيت بشويش
دخلت الغرفه ورميت نفسي ع السرير
اصيحححح!ليش اصيح!!دموعه كسرتني دموعه خلتني اكرهه نفسي
دموعه بتعذبني طول عمررري
كنت ابغيه يطلقني.ماكنت طايقه قربه!!شو تغير
اهه منكككك يافهد
طووول عمرك بتضل معذبني وتعذبني
طالعت من شباك الغرفه
فهد واقف حذال السياره وحذاله الشباب يودعونه
اخر شي حضن تركي وركب سيارته ومشى!!!
دمووعي مب قادره اوقفهن
حطيت ايدي ع الزجاج وانا ادعي
الله يرجعه بالسلامه
مع انه مب اول مره يسافر
بس هالمره سافر واهوا مكسور
الله ياخذني لما فكرت اكسره
سمعت احد يدق الباب
بسرعه مسحت دموعي
فتحت الباب لقيت عمور
قالي:جهزي اغراضج بنرجع
قلت له:ليش؟!
رفع كتفه:خلاص بيرجعون..ماحد يبغي يقعد وفهد مب موجود
هزيت راسي .ودخلت الم اغراضي
لبست عباتي ونزلت الجنطه لانها كانت خفيفه مافيها وايد اغراض
نزلت ولقيت عمتي فويهي
طالعتني بنظره
كرهتني فيها حياتي
نزلت راسي وكملت طريجي
وقفت حذال الباب شفتهم كلهم متجمعين
اتصلت لعمور
قلت له:عموور ووينك!!انا واقفه حذال الباب
عمور:انا رجعت مع سعود..شوفي لج احد من اخواني ترجعين اوياه
فتحت عيوني قلت له من بين اسناني:يعني تبغاني ارجع مع منوه!!انت تعرف ككيف يكرهوني
عمور:سوري ساروه بس ولله ضروري تروحين اوياهم انا مشغول
صكرت فويهه
يعني ارجع مع منوو!!
رفعت راسي ابغي اشوف احد ارجع اوياه
بس انشل جسمي لما شفت كل السيارات تحركت وما ظل احد غيري
بلعت ريجي
شسوي اححححين!!!
ليش تركوني هنيه!!!معقوله ماحد انتبه لي!!!
كيف اتصرف
قعدت ع الباب وانا ارتجف
المنطقه بعيده.يعني مستحيل القى تاكسي احينه
وبعدين الجو بروحه يخووف
ومثل ماتوقعت بدا المطر ينزل
فتحت فوني بسرعه اتصل لعمور
بس من قوه الامطار ماكان في ارسال
فريت الفون حذالي وقعدت اصيح
ححححرام ولله حرام
كيف بقدر اتصرف
برررررررررد دخل لعظامي
ابتعدت عن المطر وقعدت ع الباب من الجهه اللي مايبللني المطر
حاولت اهدي نفسي
عمور اكيد بيحس بغيابي اكيد بيرجعون لي
انتظرت ربع ساعه وماحد رجع
نص ساعه
ساعه
ساعتين وماحد رجع
صياحي يزيد كل مازاد المطر
امتلت الدنيا من ماي المطر
بين فتره وفتره كنت احاول اتصل لعمور بس ماشي فايده
لو امي وابوي عايشين اكيد ماكانو بينسوني هنيه
بيتاكدون اذا رجعت او لا
بيحسون بغيابي
ياااااليتهم هنيه
ما ابغي شي من هذي الدنيا
بس ابغي امي وابوي يرجعون
اصعب شي فهالحياه انك تكون يتيم
حاسه نفسي منبوذه من هالحياه بدونهم
حطيت ايدي ع ركبتي وحطيت راسي عليهن
وقعدت اصيح
افرغ كل شي بقلبي
تبللت من ماي المطر
بس كل همي احين انه احد يرجع لي
..:انتي منو!وشتسوين هنيه بروحج!!
ماصدقت لما سمعت الصوت رفعت راسي
تجدم مني وانصدم لما شافني
وقف مجابلني وفاتح عيونه.قالي بعصبيه:شتسوين هنيه
مسحت دموعي بايدي.قلت له:اتركوني هنيه..ماحد حس بغيابي
مسك ايدي ورفعني:قومي قومي
قمت اوياه وانا ارجف
فتحت الباب بمفتاح
سحب جنطتي ودخلت اوياه
صعدنا الغرفه حط الجنطه حذالي وقال:بدلي ملابسج
اخذت لي ملابس ودخلت اخذ لي شور سريع
طلعت
شفته واقف حذال الشباك يطالع الجو برا
لبست شيله وعبايه ثانيه
طالعني وسحب الجنطه وطلع
طلعت اوياه.قفل الباب
فتح السياره وركبت
حرك وكان مركز بالشارع ابد ما التفت لي
وانا بين فتره والثانيه اشهق من كثرت الصياح اللي صحته
بس لحظه!!اهوا ليش رجع!!!!!!!!
ابغي اعتذر له
بس وضعي مايسمح
اخذ فونه
شفت عروق ايده واضحه
شكله معصب
الله يعين
اتصل ع احد
كان بالايفون والصوت اكيد بيوصلني
فهد يحاول يضبط اعصابه:الو..تركي وين ساره!!
تركي:هلاا فهد..مع عمور ليش!!
فهد بعصبيه:لا مب مع عمور..انت نسيت انه عمور وسعود رجعو قبلكم!!!!
تركي:اكيد عيل مع حماده او خلود.انت بلاك معصب
فهد من بين اسنانه:انتو اخوان انتو!!!ساعتين ونص وماحد فقدها!!!نسيت اوراق مهمه فالشاليه ولما رجعت قبل شوي لقيتها قاعده تنتظر احد يرجع لها بلمطططر..ياخي افرض اني مانسيت اوراقي ولا رجعت..كيف بتتصرف.انت واخوانك ابد مب مال مسئوليه..كل واحد اناني مايهتم غير بنفسه
تركي عصب:احسن لو خليتها تموت هناك
فهد من بين اسنانه:تررركي باي
صكر بويهه وفر الفون
وقف حذال بيتنا
طالع جدام وقال بجود نزلي
فتحت الباب وقلت له:توصل بالسلامه
التفت لي وقال بحده:الله لا يسلمج
صرخ علي:نزلي
نزلت وصكرت الباب
اخذت جنطتي ودخلت غرفتي
طحت ع السرير وقعد اصيح.اندب حضي
اللي رماني فطريجه
غفيت وانا ع حالتي ماحسيت بنفسي
.
.
.
.
.
*فهد*
احس نفسي مطعون قلبي ينزف
صعب تعيش عارف حقيقه انسان كان يساوي حياتك
بس الاصعب انه يواجهك بوساخته جدام ويهك
اهون تعرف الحقيقه.بس لا يصدمك ويواجهك
بتنتهي بتموت وانت حي
هذا حالي مع ساره
بس اخوانها!!!
لهدرجه مافيهم رحمه
انا ع كثر ماكرهتها
بس قلبي عورني لما شفتها قاعده بروحها بلمطر تنتظرهم
نزلتها ومشيت لطريج المطار
لما كسرتني ساره بكلامها تصلت لربعي بالدوام
وقلت لهم يجدمون الرحله
ابغي اروح بعيد عن الضغوطات.
ابغي انسي خيانتها
ابغي انسى طعونها فمكان بعييييييييد
وصلت المطار خلصت الاجراءات الروتينيه بالمطار
سمعت نظا الطياره
ورحت لبوابه المغادرين
دخلت هالبوابه وانا مكسسسسور
اتمنى بعد ثلاث شهور
ارجع وانا فهد القوي
اللي مايهمه شي
سميت باسم الله وركبت الطياره
اتمنى اني امحي كل ذكرى لي اويا ساره
هالانسانه لازم امحيها من حياتي
ابغي ارجع البلاد وانا نسيان منو ساره بحياتي!!

اسطورة ! · 08-08-15, 09:43 PM

البارت آلــ60:
نزل ع ارض امريكا.
اخذ له نفس عميق
عشان يقدر يبتدي رحلته
رحله لازم تغيره من كل النواحي
كان متمسك بلبسه
لابس كندوره لونها ترابي
متعصم بغتره بيضا
لابس نظارته
له هيبه بهاللبس اللي احيانا يلبسه
عكس الشباب
لما يسافر يلبس هالملابس
وفالبلاد يلبس بدلات..
لانه فالدوام دايم يلبس البدله تبع الجمارك
ولما يكون فالبيت اوا طالع يلبس بدلات
بس اليوم حب يغير
خلاااص اهوا اصلا مقرر يغير حياته كلها
خلص اجراته فالمطار
استلم جناطه وطلع للفندق
صلى صلواته وواخذ له شور سريع ونام
.
.
.
.
.
دخلت البيت وع طول ع غرفتها
قعدت ع االسرير
وصاحت من قلب
ف صدرها ضيجه
لازم تفرغها عن طريق الصياح
تتخيل انه فهد مارجع
جان اهيه لاحين قاعده فالشاليه تحت المطر.
تلوم عمور ليشش انه يعرف اخوانها كيف يكرهونها
واهوا بكل بساطه شال نفسه وراح!!!!0
كان المطر يزززيد
مسحت دموعها واخذت لها ملابس
دخلت تاخذ لها شور ححححار يدفيها
كانت بعدها تحس بلبرد بعظامها
فتحت باب غرفتها وشافت كيف انه المطر غزير
ومافي مظله حذال غرفتها البعيده عن غرف اخوانها
حطت ايدها فوق راسها
واركضت للمطبخ
دخلت ولقت شيخه وميره يزهبون العشااء
ماتكلمت ابد
اللهم اخذت لها كوب من الدولاب
وصبت فيه ماي ححححار
سوت لها كوفي ع السريع
قبل لا تشيل الكوب
قالت لها ميره باسلوب استفزها:وانتي ان شالله ليش م تقعدين اويانا تسوين العشا؟!
كانت حاطه ايدها ع خصرها لما تتكلم والايد الثانيه ع ماسكه بيها الخاشوقه وواقفه جدام الجدر
التفتت لها ساره وكانت بتفتح حلجها تتكلم
بس قطع عليها دخول شما للمطبخ اهيه وولدها فارس
صكررت الضلاليه اللي كانت تحميها من ماي المطر وفرتها ع الطاوله
شافت ساره وقالت :انتي هنيه!!
حبت ساره تتطمش ع خواتها
من زماان ما اخذت اخبارهن
وبنفس الوقت تبغي تثبت لهن ان ساره الضعيفه ماتت..هاي ساره اللي ماحد يعرفها ابد
اخذت كوبها وقعدت ع كرسي
شربت منه وقالت بشبه ابتسامه:مثل م تشوفين.انا هنيه
مسكت ايد ولدها وقعدته ع واحد من الكرسي واهيه قعدت ع الكرسي المجابل ساره
حطت ايدها ع الطاوله وقالت بابتسامه خبيثه:شدعوه يختي.ابد م نشوفج..نحن خواتج لا يكون نسيتينى!!!

التفتت لهم ميره اللي كانت تعابل بالعشا وضحكت ضحكتها الرنانهةة:ههههههههههههههه� �هههه هيه لاه شموه..فهود نساها كل اهلها
شماء حطت ايدها ع خدها:ههههه الله يديم المحبه
*ساره*
طالعت ميره عين بعين وقلت بهدو وبنفس الوقت بحده:اممممين
فرت ميره الخاشوقه وقعدت ع الكرسي حذال شما قالت بستهزاء:ساروه حبيبتي ليش تخلين ريلج يسافر بروحه!انتي ماتخافين يخووووووووووونج
ابتسمت عسب اغيضها..هاي تبغي توصل لشي وانا مستحيل ابين لهل شي.قلت:عاد تصدقين اهوا قال لي لاااازم اسافر اوياه.بس تعرفين البيبي...مايسمحون لي اسافر هالفتره
شما ببتسامه تحمل كل معاني الخبث:حز فخاطري لما قالو لي انه ولدج بيكون معااق.شكله فهد شرد للامريكان يبغي ينسى انه بيكون ولده جي
حسيت بغصه فقلبي من كلامها بس لبست قنااع البرود وقلت:بلعكس انتي لازم تفرحين لي..لاني بحصل الاجر منه...الله يسهل علي ولادته ويحفظه ان شالله
شما لما حست انه مافي فايده من كلامهم.وانهم ماقدرو يستفزوني..حطت عينها بعيني وقالت بجديه:الا صج بغيت اسالج..ليش فهد ضاربنج هذاك اليوم وخلى اخواني يضربونج زياده.واحين حماده وتروك وخلود كلهم مايكلمونج..ليش
نزلت راسب ماعرفت شو اقول او كيف ابرر..غمضت عيوني وفتحتها..اخذت نفس ورفعت راسي عشان ترجع ثقتي بنفسي.قلت والابتسامه ع ويهي:ههههههههه وانتي بعدج حشريه؟!..هالطبع ابد ما تيوزين عنه!!
شما تلعثمت وقالت:هه مسوده ويهه ريلج اكيد..عسب جي ماتعرفين تردين

قلت لها بحححده:مالج دخل رجاء فحيااتي.بس حبيت اقولج...ترا فهد ابد ماله دخل بسالفه ولا ضربني مثل ما انتي تقولين..بلعكككس فديته عصب ع اخوانج..

ابتسمت لهم ببراآه عسب استفزهم قلت:ماعلينا من هالكلام..انا احاتي فهودي احين..تتوقعون وصل ولا بعده.؟!ماتتخيلون كيف اشتقت له واهوا بعده ماكمل يوم من راح

دخل عمور المطبخ وقال:وصل وطفر بيي يتصل لي من ساعه..يقولي حبي ساره م ترد علي واشتقت لها وابغي اتطمن عليها ومن هالسوالف..ترا ريلج طفره..روح فتحي فونج وردي عليه
فتحت عيوني ع الاخر مب مصدقه.طالعت عمور وشفته يغمز علي..
طالعت اشكال ميره وشماء
شفت القهر والحسد بعيونهن..مب مصدقااات
شربت باجي النسكافيه وقمت من ع الكرسي

شواخ بنت عمي طول هالجلسه واهيه قاعده ع الكرسي وضامه ايدها لبعض ومنزله راسها..ابد مارفعت راسها..حتى اهيه ما مسامحتنها.لانها اكثر وحده تعرفني
بس للاسف فهالوقت حتى اللي يعرفك اكثر من نفسك
يصدق عنك اي كلام يسمع الناس تتكلم عنه

قمت من ع الكرسي رحت صوب الباب
طالعت المطر
ع نفس الحاله
بعده ماشاء الله غزير
سمعت عمور من وراي يقول:لحظه انا وياج بنروح
شفته ماسك الظلاليه
فتحها فوق راسه وتجدم مني
رحت تحتها ومشينا صوب غرفتي
قلت له بشويش: عمور شسالفه الاتصال!!!
عمور:ههههه.انا سمعت كل شي بينج وبين شما.عسب جي قلت هالكلام..م ابغيهم يتشمتون فيج..اصلا بعده فهد ماوصل طيارته طارت من ساعه

اهاااااااااااااء احين فهمت
ياعمري عمووور حبيبي
وقفنا عند باب غرفتي
قعدت اطالعه
ابتسم لي بغباء.قال:لا اطالعيني جي.ترا بعطيج كككف ع ويهج
مسكت ايده وقلت له:م اعرف كيف اطلع من يزاك
لكن فجاءه تذكرت سالفه الشاليه
لما راح عني
ع طول عصبت
قلت له بعصبيه:تصدق انك اكبر حيوان وحقير فهالدنياء!!!!!
فتح عيونه وقال يبرر:بلاج بلااج!اتغشمر تعرفي انج ماتهوني اعطيج ككف!
عطيته نظره وقلت له:تعرف انه لولا فهد رجع.جان انا احين باقيه فالشاليه
رفع حاجب وقال:كيف يعني!!
خبرته السالفه
عمور بعصبيه:دشي غرفتج.انا بتفاهم اويهم
مسكت ايده:وين وين..انا قلت لك.عشان مره ثانيه تكون قد المسوليه
عصب علي زياده:قلت لج دشي داخل
سحب ايده ومشى صوب باب الميلس
اكيد هناك اخواني مجتمعين!!
بس احسن خل يحسون شوي.مع اني م اظن انه فيهم قلوب وتحس
دخلت غرفتي وصليت العشاء
ماابغي اتعشى ابغي اناام
اللي صار امس واليوم وووايد
فوق طاقتي
اول الصحرا وعقبها فيصل وفهد وسفرت فهد والشاليه واخر شي شماتت خواتي فيني
الله يصبرني
.
.
.
دخل عمور الميلس
كان تركي وحماده قاعدين
وقف جدام تركي ورفع ايده بتهديد جدامه قال بغضب يطلع من عيونه:ياحيوان صج انكككك مب ريال كم مره كلمتك وقلت لك اخذها اوياك لا تنساها تاركنها بالساعات تحت المطر بروحها..انت شو من البشر م تحسسس!!!!
طالعه تركي.قاله بحده:نزل ايدكككك من جدامي لا اكسرها.لا تنسى اني اخوك العود.يعني غصبن عنك تحترمني
عمور:م بحترمك.كيف تبغاني احترمك وانت تصرفاتك تصرفات واحد ياهل
تدخل حماده قال لعمور بصراخ:عمــــــــر لسانك بينقص لو عليته زياده ع اخوك
عمور كل ماله ويعصب زياده من اخوانه المستهترين:مالت عليكم من اخوان.م اتشرف يكون معي اخوان عقولهم شرات القواطي اخــ..
قاطعه ككف من تركي
مسكه من قميصه وقاله بصراخ:اسمعني اذا م تتشرف فينا خذ قشك واطلع برا البيت فاهم!!!!!
مسك عمور خده مكان الكف طالعه بنظره
وطلع
.
.
.
كنت غافيه سمعت الباب ينفتح بكل قوه
رفعت راسي شفت عمور
ويهه احححححمر
فز قلبي عليه
ع طول قلت له :عموور بلاااك؟!
قعد حذالي ع السرير منزل راسه
تنهد وقال بشويش:لمي اغراضج..هالبيت مالنا قعده فيه ابد
رفعت حاجبي:عمور بلاك.وين بنروح فهالليل!!
طالعني بعصبيه وقال:لمي اغراضجججج وبس!!
حسيت انه عمور صابه شي بسببي
مع انه اللي بنسويه تهور بس عجبتني الفكره انه نطلع من هاالبيت بعيد عنهم
وقفت ولبيت عبايتي
اصلا اغراضي ملمومين
ماعندي دولاب احط فيه ملابسي
كانن بلجنط
ابد مافكرت بعواقب اللي بنسويه
بلعكس تحمست
ابتسمت لعمور وقلت له:انا جاهزه
مسك الجنط
قبل لا يطلع عطبته سويج سيارتي
اخذت فوني وبطاقات البنك
واغراض البيبي وطلعنا
قعدت فالسياره
واهوا راح ياخذ اغراضه
دخل السياره وتوكل ع الله وقعد يسوق
قالي السالفه كلها
كرهت تركي زياده
ليش يصفعه!!
حيوووان
قلت له :عموور خفف السرعه..شوف الدنيا كلها مطر
هز رايه بدون لا يتكلم
من طلعنا وفونه يرن
رفعت فونه
خلود يتصل
قلت له:رد عليه
م رد علي
فتحت الاتصال وحطيت الفون ع اذنه
طالعني بغيض وعقبها مسك الفون
عمور:خخخير!!
..

عمور:مالك خص
..
عمور علا نبره صوته:قلت لك لا تتدخل.وهالبيت خلاص مالنا رجعه فيه
..
عمور:ولله ماارجع وانا حلفت
..
عمور:فستين داهيه مالكم خص وين رايحين..خلاص انا وساره احلمو تشوفونا
..
عمور:تصدق عاد مب انا الياهل.انت واخوانك اليهاال..انا مدري انتو كيف تفكرون..خلاص قلت رجعه مب راجع
..
عمور:هه دور لين تمل..اوعدك انك مابتشوفنا من هاللحظه
..
عمور:باي باي لا تقعد تهدد
صكر الفونه وفره جدامه
طالعته قلت له :شيبغي!!
عمور:قاعد يهدد يبغانا نرجع
قلت له:انزين عمور نحن احين وين بنروح؟!
رفع كتفه وتنهد:مدري!!
قعدت افكر وووين بنروح
وقف حذال البحر
ونزل
انا ظليت فالسياره
اخخخيرااا ماحد يقدر يساعدنا غيره
.
.
.
.
.
.
كانت قاعده بلغرفه
رشود يسبح
بعده مايكلمها
يبغي يربيهاا
عشان تبطل هالشك اللي بيدمر حياتهم
كانت منسدحه
رن فونه حذالها
شافت الرقم غريب
مسكت الفون
ودخلت الواتس اب
من باب الملل
ماكانت حاطه نيه انها تفتشه
فتحت المحادثات
وتقعد تقري السوالف
فكرت يمكن رشود يراسل بنات
فتحت جهات الاتصال وقعدت تشوف اسم اسم
فتحت كل المحادثات عشان تهدي الوسواس الخناس اللي فصدرها
فتحت ع جروب ربعه
وانصدمت من اللي شافته
كانت بتحذف الجروب بس اهوا
طلع من غرفه تبديل الملابس
شاف فونه اوياها
رفع حاجبه وقال:شتسوين بفوني!!!
قامت وراحت له
وقفت مجابلتنه
رفعت الفون بويهه وقالت:يالحقير شو هااااا؟!
ركز بالفون وعقبها طالعها ببرود:شفيج تصارخين!!!
فرت الفون ع الرخام
تفتت الشاشه
داسته بريلها الين ما صار قطع
فتح عيونه انصدم من حركتها
رفعت صبعها جدام عينه بتهديد:ولله يارشوود ولله ان دخلت جروبات شرات هاي ياويلك
فااااااااااااهم!!!
مسك صبعهاا ورص عليه عليه
قالها بصراخ:انتي قد الحركه اللي سويتيهاا!!!
رفعت له عينها وقالت:هيه قدها..اشوفك تعصي ربك وتبغاني اسكت..انت ماتخاف تموت وهالصور وهالفيديوات تكون بفونككك!!!هالوصخ كيف تقدر تشوفهن..انت ماتخاف من عذاب ربي ماتخخخخخخخاف!!
حاول يهدي نفسه مسح ع ويهه وقال:انا هالاشيا ماشفتهن الا احين..اصلا هالقروب انا م ادشه ابد ولا اعرف عن الاشيا اللي يرسلونها فيه
تنهدت بقوه وقالت بشويش:اتقى الله فنفسك..حرام عليك تشوف هالمحرمات ولله حرام
مشت عنه بس لحقها
مسكها من ايدها ولفها عليه قالها :مب مصدقتني!!!!
رفعت كتفها:كيفك كل واحد يعرف الصح من الغلط..لما بتتحاسب يوم القيامه بتتحاسب بروحك.ليش ادخل نفسي فيك.وانت اصلا م تسمع كلامي ابد.ليش اتعب نفسي واحرق اعصابي وانت مايهمك شي غير نفسك،
تنهد وقاال:وربي اني م ادري عن هالاشيا الا احين..تعرفين اني اخاف ربي ..اهم شي بحياتي رضى ربي..ولله ثم ولله انه هالصور وهالفيديوات اول مره اشوفهن..وبعدين شهالكلام.اذا انتي ماتهميني منو بيهمني!!!!
حط ايده ع راسها وقال:هالقوطي اللي فراسج مته بيفهم اني احبج
نزلت راسها بعدها معصبه منه
رشود بابتسامه:المفروض انا اللي ازعل.فتشتي فوني وعقبها كسرتيه
قالت بغيض:لانك تستاهل
راشد:هههههههههه اويه بلاج معصبه.خلاااص يابنت الحلال.
.
.
.
.
.
.
.
ادري ان البارت
قصير ووايد احداث ناقصه
ان شالله بنزل الجزء الثاني لهالبارت خلال هاليومين
دمتم بوود متابغيني
واعذروني لو مارديت عليكم او تاخرت
لاني هاليومين منغضطه وايد

اسطورة ! · 08-08-15, 09:44 PM

تكملت البارت الــ60:

*اسماء*
كنت قاعده بلغرفه بروحي
ملاااااانه
وعيسى من رجعنا من الشاليه متغير علي
يولي اصلا مايهمني
اذكر لما ركبنا السياره واحتا راجعين
كل شوي يوصله مسج ع الفون
وابتسامته شاقه الحلج شق
صح انه مايهمني
بس ليلتها ماقدرت انام
افكر منو اللي مفرحنه لهدرجه
مب حب ولا غيره!!فضوول
عيسى مب من النوع اللي يعجبني
احسه خفيف
ع طول حبني وصار متعلق فيني
انا احب الريال يكون ثجيل مايلتفت للوحده مهما صار
مثل فهد ولد عمي!!آه يافهد
اللين احين احس غيابه كاسرني..
صح اني تاقلمت اعيش اويا عيسى
بس بظل مب متقبلتنه اللين مايطلقني
لو طلقني بحاول بكل قوتي اني اخلي فهد يحبني شرات قبل
لاني اكتسفت انه علاقته اويا حرمته
ابد مب زينه!!
اصلا ساره غبيه..في احد اوياه فهد ويتعامل اوياه شرات ماتتعامل اهيه مع فهد..
سمعت صوت الباب يتبطل
طالعته دخل
اشر لي بايده: سلام
قعد ع طرف السرير ونزل راسه لفونه
ظل ساكت فتررررررره
وانا بعد ع فوني قاعده
التفت لي وقال:اسماء بسالج
رفعت كتفي:شو
حك لحيته وقال:مريم بنت عمج كم عمرها
قعدت اتذكر:اممم اظن 22 سنه تقريبا
رجعت اطالع فوني
وعقبها رفعت راسي بسرعه.
ليشششش يسال عنها!!!!!!
رفعت له حاجبي وقلت:ليش تسال!!!
ببرود قالي:عادي.شفتها بالشاليه واحين تذكرتها..تقدرين تقولين من باب الفضول
استفزني كلامه فريت فوني بعيد ورصيت ع اسناني:خل مريم بعيد عنك.رجاء لا تدخل فضولك فيهاا
عيسى بحده:بلاج عصبتي!لاتقعدين ترفعين صوتج علي..وبعدين شفيها لو سالت عنها..ترا حتى انتي شوفي تصرفاتج اللي ساكت عنها
قلت له بتساؤل:اي تصرفات!!
فر غترته ع السرير وانسدح:تتكشخين لفهد وتقزينه قز جدام عيني وانا ساكت
توترت م عرفت ڜو ارد عليه
التفت لي وركز عيونه بعيوني:ماعلينا من هالسالفه لانج ماهميتني ولا رح تهميني.المهم روحي سوي لي عشاء حدي يوعان
قعدت ادور الصدق بعيونه.صج انا ماهميته!!!كذاب كنت اشوف الحب فعيونه..حتى الاهتمام!كان يشع من عيونه
شفته ياشر لي بايده:ااووووي بلاج.وين سرحتي
بلعت ريجي ونزلت راسي
وين قوووتي!!
اصلا ليش تاثرت!!!
حتا انا مايهمني ولا راح يهمني!!
كل اللي يهمني فهد..
بس بعد احسه كسرني بكلمته
رجعت شعري ورى اذني وقلت له:ماسويت عشا.اطلب لك من المطعم
قام من ع السرير وقال بعصبيه:اووووووووووف شو هالحاله انتي مته بتصيري وحده سنعه.ليش دومج جي غبيه
سحب غتره من ع السرير بقوه وطلع وصفق اوياه الباب
نزلت دمعتي بسرعه
من بعد ما تزوجنا
هاي اول مره يعلي صوته علي
كان دوم يعصب بس مايجرحني بالكلام..
انا م احبه قسم بالله ماحبه
.
.
.
.
.
.
.
كنا طالعين عشان ناخذ اغراض للبيت
اهوا كالعاده لاهي بعالمه
مليت منه
حتى من بعد ماعرف اني حامل
ابد ما اهتم فيني
وصلنا السوبر ماركت ونزلنا
ماكنت متغشيه لانه ابد مايهمه اني اتغشى اولا بلمختصر مايغار
اخذت السله وقعدت اختار اغراض
وقف حذالي وقال بهمس:تغشي!!
رفعت له راسي منصدمه معقوووله!!!!
قلت له :ليش
حماده بنفس الهمس:ربعي هناك تغشي
طالعت وين ما ياشر شفت اربعه اشكالهم ابد ماعجبتني
نزلت اللي فايدي ع الرف وقلت له:مابتغشى
حماده عصب ورص ع اسنانه:تغشي مافيني يشوفونج وعقبها يخبىون الباجين ويقولو شفنا حرمت حماده.تغشي

يعني مب غيره مثل ما انا توقعت؛مالت علي..خايف ربعه يشوفوني ويقعدو يتكلمو

طنشته وقعدت اختار الاغراض عنااد فيه
رص ع ايدي وقال:حسابج فلبيت
سحب السله وراح يحاسب
وانا مااخذت اغراض تكفيني!!!
طلعت برا وقعدت انتظره حذال السياره
فتح لي السياره وركبت
ركب وحرك بسرعه
صرخ علي:هاي اخر مره اخذج اوياي مكان
قلت له:هه انا اللي مستحيل اروح اوياك مره ثانيه
ظليت طول الوقت فالسياره اندب حظي
ليش اخذته ليشششش!!
عورني قلبي بقوه
وايد فيه ريايل شرات حماده
اهم شي بحياتهم ربعهم
زوجتهم تكون هااامش
يمكن يحبون حريمهم
بس مايعرفون كيف يعبرون عن حبهم
قلت له بعد تفككككككككير بشويش:انا بروح بيت اهلي
حماده ظل ساكت مركز فالطريج
وصلنا وع طول رحت غرفتي
لميت شويه اغراض فالجنطه
وطلعت
كان واقف ع باب الصاله
مصكر الدرب
دزيته وبغيت اطلع لكنه مسك ايدي ودخلني داخل:خلي عقلج فراسج وقعدي هنيه
مسحت دموعي بكل قوتي
قلت له بصراخ:مابقعد هنيه وخر عني!!!
قفل الباب وانسدح ع السرير
قال:يابنت الحلااال تراج زهقتيني..كل هالخرابيط خليها عنج.لاتدمرين حياتج بهالسوالف
مسحت دموعي وقعدت
مافي حل غير اني اعامله شرات معاملته لي
انا اوريك ياحماااده
كل الاهتمام اللي كنت اسويه حقك خلاااص انسساه
.
.
.
.
.
.
.
وصلت لمقر العمل اليديد
اللي بيكون لمده ثللث اشهر
عرفوني ع الشغل وكيف بيكون
راسلينا انا ووحده
حطونا بنفس المكتب
ماشفتها اوياي بالطياره
لانها مسافره امريكاء قبلي باسبوع
دخلت المكتب وشفتها
ماقدرت انزل عيوني من عليها
من جمالهاا
استغفر الله مب زين مب زين
اسمها روضه
سلمت ووقفت حذال مكتبها مديت ايدي
بس اهيه نزلت راسها
اويه بلاني صاير منتزق!!كاني ماشفت حريم بحياتي
قلت لها بشبه ابتسامه :سوري
ردت لي الابتسامه وقعدت
قالت:يامرحبا بككك..كيف جاهز لشغل
قعدت ع مكتبي وقلت:هيه متحمس
روضه:ههههه حتى انا كنت جي متحمسه.بس احين ابغي ارجع خلاص مليت
فتحت الاب توب وقلت لها:شكلج بس كنتي تبغي تجربين السفر
هزت راسها وقلت:كنت ابغي اشوف امريكا.بس احين خلاص ابغي ارجع..مب حلوه بدون لمه اهلي
بديت اشوف الاوراق وطالعت ساعتي قلت لها:بتتعودين عادي كلها غمضت عين وبتطير هالثلاث اشهر
روضه:ياليت
قعدت اباشر الشغل
وبين كل لحظه والثانيه اقعد اطالعها
دقت الساعه1 وخلصنا الشغل
رجعت الشقه
صليت وبدلت ملابسي ونمت

اسطورة ! · 08-08-15, 09:44 PM

البارت ال61:
*شيخــه*
كنا مجتمعين فالصاله كلنا
انا وميره وشماء وريم وامون اختي
وخالد وحماده وتركي وسيفوه ومحمد اخوي
طبعا كلهم رضو علي ماعدا امي وفيصل
تركي معصب بقوه من حركه عمور
نتصل لهم وابد ماشي فايده احين كملو يومين ونحن مانعرف ارضهم من سماهم
ساره وعمور غالقين فوناتهم
وسالو سعود وباجي ربعه لكن ابد ماحد يدري عنهم شي كانهم فص ملح وذب
اختفو فجاءه
تركي:انا اليوم بروح المطارات اشوف يمكن طلعو برا البلاد
حماده قاعد تحت وساند راسه ع الكنبه قعد يضحك:ههههههههه اونه يعني انت ماتعرف عمور كيف خواف.مايقدر يسافر بروحه
تركي واصله حده شكله متنرفز بالقو
يعني فوق ما انه غلطان احين معصب.ياخي ليش تعصب وانت اللي طاردنه من البيت..
تركي :احين فهد لو سال عن ساره شقوله!!!
ميره:الله يهديها ساره حاطه عقلها شرات عقل عمور هالياهل..ليش تطاوعه!!
شماء:قوله الصج..ليش تكذبون عليه..خله يرجع يدورها ويكسر راسها
طالعها محمد بنظره يعني مالج خص .قال:بلعكس ساره عاقله واللي سووه صح..تركي ترلك انت طردته.واهوا ريال مب ياهل عشان تعاملونه جي..ياخي مرات تحسه اعقل واحد فيكم.وايد مهمشينه فحياتكم..احسكم ابد ماتحترمونه
تركي:محمد دخيلك هذا لو كان عاقل ماسوى اللي سواه
حماده:لما بيحتاجون فلوس بيرجعون لا تكبرون السالفه
تركي:كيف مانهتم وساره حامل والله يعلم بحالتها كيف.منو بيداريها!!!
حماده:عدال كانك كنت فارش لها الارض ورود.دخيلك تركي لا تقعد تتفلسف
قام حماده واشر لي:بروح مع ربعي انا
طنشته .واهو ماكان ينتظر مني جواب .ع طول اخذ سويج سيارته من ع الطاوله وطلع
قام سيفوه اخوي وقال لتركي:تركي قوم خلنا نروح مع واحد من ربعي يشتغل بلمطارات يمكن يقدر يفيدنا
قام تركي ومحمد وسيف واطلعو
شماء:محمد اخذ اوياك فارس..لاتتركه هنيه.م اقدر اراكض وراه
محمد شال فارس:امشى ياروح بابا خلنا نطلع
تمسك فيه فارس واطلعو
اما خالد قعد يكلم ريم بشويش وعقبها طلع لغرفتهم
ظلينا نحن البنات
تكلمت ريم:تصدقون السبوع الياي عيد ميلاد خلود.ومب عارفه شو اخذ له هديه؟
شماء:اممم خذي له عطر .او اساليه اهوا خاطره فشوه!!
ريم بحيره:مب عارفه احس كل هالاشيا جديمه..ابغي اخذ له شي يفرحه.ابغيه اطلعه من هالضغوطات اللي عايشنها..من جهه شغله ومن جهه ثانيه ساره وعمور
امون:شرايج تحجزين فمنتجع وتقضون لكم هناك يومين منها تغير جو ومنها خلود يطلع من الضغوطات
رفعت ريم حاجبها.وابتسمت:ولله فكره حلوه بحاول اسويها
ميره:تصدقون قبل يومين كنت قاعده انظف الغرفه لقيت تحت اغراض سيف حجوزات لفندق لاسبوع ولما قعدت اقري لقيته نفس التاريخ اللي بكون مكمله فيه الاربعين
امون غمزت لها:اونه..سيفوه اخوي مب هين
شماء:وبنتج وين بتخلينها؟!
ميره:اوياج طبعا
شماء:سيري لاه.مب ناقصه ويع راس انا.خليها اويا عمتي
ميره:يصير خير لبعدين
كنت اسمعهم كل وحده تتكلم عن ريلها وشو سوى حقها وشو اخذ لها من هديه ووالطلعه اليايه بتكون وين.وانا مع كلمه يقولونها اضايق اكثر واكثر مب حسد..لااا بس اقارن بيني وبينهم..والنقص اللي عايشتنه.ترا انا بنت وابغي اعيش حياتي واشوف الدنيا.ابغي اشوف الحب كيف..مب بس كلمه تنقال.بلعكس الحب افعال..وهالشي اللي مالقيته فحماده.اهوا قالي الكلمه.بس شفايدتها بدون فعل؟؟؟!
حسيت اني لو بقعد زياده بنفجر
اخذت فوني وطلعت للحوش اشم شويه هواء
قعدت ع الطاوله اتامل الزراعه
قاطع افكاري قعدته ع الكرسي مجابلني
رفعت نظري له وعقبها طالعت الزراعه مره ثانيه
حماده:شفيج!
هزيت راسي وتنهدت:ماشي
حماده:اها.شي عشاء؟!
رديت عليه:لا ماحد طبخ اليوم.بياخذون من المطعم
حماده:اهاا.اصلا مب مشتهي عشاء.احس بطني يعورني ماعرف بلاه من يومين
طالعته ورجعت اطالع الزراعه:زين
سكتنا فتره واهوا يطالعني
عقب فتره قال:غريبه اليوم ساكته ماتتكلمين.مب من عوايدج
رفعت كتفي:بس جي
حماده:اشوفج تتكلمين بالقطاره!!
سكت عنه .مالي نفس اتكلم اوياه.قويت نفسي عشان م اساله عن بطنه بلاه..خله بعامله شرات مايعاملني.يمكن يحس ع دمه شوي
قام من ع الكرسي:لو قاعد مع ربعي فلعزبه ابرك لي من مجابلج..لما بتعرفين تتكلمين دقي لي.انا رايح مع ربعي
ظليت منزله راسي م ابغيه يشوف دمعتي
طلع وانا دخلت غرفتي انام
مارح انتظره
ايامي اوياك ياحماده شكلها قلت
وقريب بمل من تصرفاتك
.
.
.
.
.
.
*ريم*
بعد ماراحن البنات
دخلت غرفتي واخذت شور ع السريع
لبست لي بلوزه بنفسجيه وسكني اسود
سويت لي ميكب خفيف
دقيت لخلود وقلت له انا جاهزه
لبست عبايتي والشيله
طبعا الغشوه لانه مايرضى اطلع بدونها
اتصل علي وقالي اطلع برا
ركبت سيارته وحرك
شميت ريحه عطره وقعد قلبي يدق بسرعه
مع اني خلاص تعودت عليه
بس بعدني استحي منه بقوه
كل ماشفته يدق قلبي
وصلنا المطعم
وقعدنا بطاوله منعزله عن الناس
قعد يسولف وانا اطالعه وابتسم
احبه وما اتخيل حياتي بدونه
ابتسم لي ابتسامه زادت جماله
جماله اه من جماله
بعور قلبي.م ابغي البنات يشوفونه..غيرتي تجتلني
كل ما اطالع ويهه احس الحياه شكثر حلوه
تنهدت بصوت عالي
مسك ايدي وقالي:سلامت قلبج من هالتنهيده.بشوه كنتي تفكرين
ارتبكت شو اقوله.افكر بجمالك ولا جمال حياتي اوياكك!!
بلعت ريجي وقلت له بسرعه:من اليوع
خلود:صج!لايكون مللتج بسوالفي
ابتسمت له:لا ولله ..امل من كل شي الا منك ومن سوالفك
خلود:فديتج ولله .حبيبه عيني
انتبهت انا شقلت.ازيه بلاني قاعده اخورها بالكلام
هالمره اهوا تنهد ورص ع ايدي
قلت له بخوف:خلود شفيك!!
خلود بضيج بان ع ويهه:كل ما اتذكر تطنيشي لج ومعاملتي الخايسه فااول زواجنا يعورني قلبي.دايم افكر بهالسالفه ويعورني قلبي عليج
رصيت ع ايده وسكتت
خلود:ابغيج تسامحيني وتمسحين هالذكرى من بالج
نغزني قلبي..انا اللي ابغيك تسامحني..اقوله اني انا الكذابه من اختك!!!نحن ماكنا نعاملها عدل وانها صادقه فكل كلامها!!!خايفه اقوله ويكرهني..لانه يكرهه الكذب وثاني شي اني ظلمت اخته واستمريت فالكذب .بنيت حياتي ع تعاسه غيري..اكيد بيكرهني !!لااا اكيد بكون غبيه لو قلت له .بدمر حياتي لانه اذا عصب يتحول انسان ثاني م يعرف يرحم..بس اهوا دايم يقولي انه متضايق من هالسالفه ومب قادر ينساها لانه ظلمني.اخافه يقعد يتذكرها ع طول.باجر لا عرف الحقيقه بيكرهني لانه بيحملني ذنب اخته.بس ياغبيه كيف بيعرف الحقيقه!!واهوا مايصدق ساره.وبعدين ساره مب من النوع اللي بحب يسوي مشاكل بين الناس.يعني ارتاح من هالناحيه واكمل حياتي..بس ياويلج ياريم من عذاب ربج..بلعت ريجي يارب سامحني يارب سامحني..كيف اتصرف..اصلا كيف غفلت عن هاالنقطه.ياربي سامحني ودلني لطريج الصح
وصل العشاء وانا ابد ما اكلت شي
كنت قاعده افكر بالسالفه
اللين ماغلبني الشيطان ووعدت نفسي اني م تفكر بهالموضع واسكت
عاتبني اني م اكلت بس شسوي مالي نفس للاكل ابد
.
.
.
.
.
*عيسى*
دخلت البيت ع الساعه ٣ الفجر
كنت سهران اويا حماده وباجي الربع بلعزبه
دخلت الصاله ولقيتها قاعده بالصاله تشوف التلفزيون
اول ماشافتني نقزت وتعلقت فذراعي والابتسامه شاقه حلجها:وينك انت ليش تاخرت
سحبت ايدي ووقفت جدامها:ليش تبغين شي
اسما والابتسامه كل مالها وتزيد:بارك لي اليوم اتصلو لي حصلت الوظيف اللي طول عمري احلم بيه.يااااااااااااي عيسوووه ولله مب مصدقه
قلت لها:ولا تصدقين ابد لانج مابتشتغلين دامج ع ذمتي
ودزيتها من ع طريجي
ظلت واقفه مكانها تستوعب اللي قلته لها
اخذت لي ملابس ودخلت اسبح
طولت لاني اعرفها بتقعد تزن ع راسي
وانا بروحي مصدع
ومثل ماكنت متوقع لقيتها واقفه حذال التسريحه تنتظرني
نشفت شعري بالفوطه وفريتها ع الرخام
اسماء باسلوب اول مره تكلمني فيه.كان باين الضيج بويهاا.تكلمت بهدوء:عيسى خلنا نتكلم شوي
وقفت جدامها وتكتفت
قلت لها:خير شعندج؟!
رفعت راسها لي وقالت بصوت مرتجف:فهمني ليش م تبغاني اشتغل!!
قلت لها:ناقصنج شي!!
هزت راسها:لاا
رفعت لها حاجبي:عيل شعنه تبغين تشتغلين
نزلت دمعتها.مالمست خدها
ع طول طاحت من عينه للارض.قالت:حرام عليك لا تحرمني اكثر شي تمنيته..لا تحرمني من تامين مستقبلي
طنشته ومشيت لسرير انسدحت قلت لها:صكري هالسالفه م ابغي اسمعها.واذا بتطلعبن طفي النور
سحبت اللحاف عني وقالت بصراخ:مب ع كيفك..غصبن عنك بشتغل.قلت بتفاهم اوياك بهدؤ لكنك مب ويهه الواحد يسوي لك احترام.اهيه كلمه وحده رضيت ولا انرضيت بشتغل يعني بشتغل
كل كلمه منها حرقت الدم اللي بضلوعي
قمت واقف وعطيتها سطار
كسر عظام ويهاا
رجعت اقعد وقلت لها بتهديد:قسم بالله ان كلمتيني بهالطريقه مره ثانيه ياويلج.حيوانه وحده
فتحت الباب وطلعت وصوت صياحها فجر طبلت اذني
طفيت النور وانسدحت ع السرير
اذا كنت قبل شوي اتغشمر اوياها وابغي احرق اعصابها.احين تخسي اخليها تشتغل ولله ثم ولله مدامها ع ذمتي ماتشتغل فمكان
سمعت صوت اذان الفجر
تعوذت من ابليس وقمت اتوضى
لبست كندورتي وغترتي
وطلعت للمسيد
شفتها قاعده فالصاله سرحانه
بس تولي هاي ماينفع اوياها طيبه ولا احترام
صليت وقريت قران وعقبها رحت بيت يدتي
اصلا بيت يدتي ملاصق لبيتي
دخلت غرفتي الجديمه ونمت
.
.
.
.
.
قمت من النوم صليت الفجر ورحت اسبح
عقبها سويت لي كوب نسكافيه
وقفت ع المرايه
تذكرت روضه
ابتسمت وغمزت للمرايه
اخذت فوني وطلعت لدوام متحمس
مدري شو سبب هالحماس
دخلت المكتب وشفتها قاعده جدام مكتبها
سلمت وابتسمت لها
رفعت عيونها لي وابتسمت ردت علي السلام والتفتت للاب توب تبعها
قعدت ع مكتبي وقلت لها:شحالج اليوم؟
روضه بابتسامتها:بخير الحمدلله.
ياخي مدري ليش هالبنت شدتني لها
ابتسامتها ابد ماتفارق ويهاا
ويهاا بشوش
انتبهت انها متوتره من نظراتي لها
ع طول نزات راسي
مب جي عااد لا تخورها
بلااااني اوووف
شفتها قامت ووقفت حذال مكتبي
مدت لي صحن
قالت لي:تريقت!!
قلت لها:تبغين الصراحه.لاا وحدي يوعان
اخذت عنها الصحن وفتحته
رفعت نظري لها:من صجج طابخه هالسوالف هنيه؟
حطت ايدها ع حلجها:ههههه لا .هالسوااف اخذتها من مطعم جريب هنيه..مطعم خليجي
رجعت ع مكتبها
قلت لها:عيل الغدا اليوم عليج فهالمطعم.عزميني ع مجبوس دياي
هزت راسها بابتسامه:فالك طيب.مايصير خاطرك الا طيب
قلت لها:م تقصرين
نزلت نظري لصحن.كان عباره عن لقيمات وهريس ومحلى
اكلت ع السريع وشكرتها
وعقب بديت اخلص شغلي
وبين الفتره والثانيه اقعد اطالعها
وحتى واهيه بانشغالها تبتسم.يمكن للاوراق ههه.والله هالبنت عجيبه
طرت ع بالي فجاءه ساره
مدري ليش نغزني قلبي
شفت فوني يرن نساني ساره
طلعت برا المكتب ورديت
كان تركي يتصل
سال عن علومي واخبارري
ولله اني مشتاق له
تركي:امم فهد ابغي اقولك شي بس مدري كيف.
حطيت ايدي ع قلبي نبره صوته م تبشر بخير
تنهدت وقلت له:شصاير!!!
تركي:ساره
قلت له:شفيها لا يكون اولدت!!
تركي:لاا مب جي.ساره وعمور من اسبوع ما ندري وينهم..دورناهم فكل مكان لمن ماشي فايده كانهم فص ملح وذاااب
خبرني السالفه كلها وكيف انه ضرب عمور وطلع عنهم معصب
قلت له:اذا حصلتوهم رد علي خبر
.
.
اوووف يعني انا م ارتاااح!!!هاي ساره لو لقيتها بذبحها عشان افك الناس من بلاويها.وين اذلفت وووين!!!فستين داهيه ان شالله..مالي خص ماتهمني.بعدين عمور ريال يعتمد عليه..اكيد مبتعدين عن اخوانهم فتره وعقبها بيرجعون
رجعت المكتب وانا احاول انسى السالفه
فاجاتني روضه لما قالت:بلاه ويهك اعتفس

احسها عادي وايد ماخذه علي
وتحاول تتقرب مني
بس مافي غيرها
خلني اججججرب هالحل
يمكن تنسيني ساره وطوايفها
طلعنا نتغدى
وقعدت تتكلم عن نفسها
اكتشفت انه عمرها23 سنه
انا اكتفيت بالصمت م ابغي اكلمها عن حياتي الخاصه
استاذنت عنها ورجعت الشقه
حاولت انام بس كل م اغمض عيني اتخيل ابتسامتها.وصوتهاو وعيونها
.
.
.
.
قمت من النوم متضايق
صورت فيصل ابد ماغابت عن بالي
صليت الفجر واخذت شور
طلعت برا الشقه اتمشى
ابغي امحي صورت فيصل من بالي
ليششش مب قادر اطلعه من عقلي
الله ياخذك يافيصل
حتى وانت بعيد مب مخلني ارتاح فحياتي
حسبي الله عليك
قعدت فمطعم مفتوح ع الشاطي
شمعنى اليووم!!تذكرته
لا يكككككون!!!!
بسرعه اخذت الفون ودقيت لتركي انتظرته يرد
فهد:الوو تركي!
تركي:هلاا فهوود
فهد قلت له بسرعه:تركي اسمعني احين تروح لفيصل ولد عمك وتساله عن ساره..اكيد اهوا يعرف وينه
تركي بستغراب:شدخل فيصل!!
فهد:اهوا اساس المصايب.انا متاكد انه اهوا ورى السالفه..روح له احين وغصبن عنه بيقولك مكانهم
تركي تنهد:تمام احينه بروح اشوفه
صكرت عن تركي وضربت بايدي ع الطاوله بكل قوه
الحقيره اكيد اوياه اككيد..ليش مافكرت بيها من قبل
الله ياخذهم
قاطع افكاري صوتها:بلاك معصب من صباح الله خير
رفعت راسي وشفتها واقفه حذالي
نزلت نظارتها وقعدت ع الكرسي مجابلتني بابتسامه:عادي اقعد!!
هزيت لها راسي وتنهدت
قالت:فهد.عسى ماشر شفيك!!
مسحت ع راسي وطالعت البحر:متضايق شوي
روضه:فض فض لي اذا عادي
طالعتها بحيره..ليش تتقرب مني بهالشكل
روضه بجديه:لا اطالعني جيه.انت فغربه ومحتاج تفضفض لاحد..
تنهدت وقلت لها:زوجتي مختفيه من اسبوع ولا احد يعرف عنها شي
فتحت عيونها بصدمه،بلعت ريجها وقالت:انت متزوج
هزيت راسي وطالعت تحت
ظلت ساكته
فاجاتني رده فعلها
بس اهيه صاجه انا محتاج افضفض لاحد
اخذت نفس عميق وخبرتها السالفه
وانا اخبرها شفت ملامحها تهدي واخر شي بان عليها الراحه
قالت لت لي بنبره واثقه زاهيه اطالعني عين بعين:اكتشفت انك ماتحبها من كلامك عنها.

اسطورة ! · 08-08-15, 09:46 PM

البارت الَـ62:
قالت لي بنبره واثقه واهيه اطالعني عين بعين:اكتشفت انك ماتحبها من كلامك عنها

بلعت ريجي مدري ليش حسيت بتوتر فجاءه
كملت:فهد انت انسان كل بنت تتمناك لا تكرس حياتك لوحده خاينه شوف حياتك

مدري ليش حسيت بسعاده لما قالت لي .حبيت احرجها جدمت راسي ع الطاوله وقلت لها بهمس:حتى انتي تتمنيني!!!

فكرت انها بتستحي وعادي تروح لكنها فاجاتني لما رفعت راسها بابتسامه عذبه قالت بنفس الهمس:لاااا انا م اتمناك

رفعت حاجبي شهالغرور اللي تملكه
حبيت اكمل اللعبه اوياها.قلت لها بنبره جاده:معقوله م تتمنيني.يعني فرضا لو خطبتج بترفضين

قلت لها هالكلمتين ع اساس انها مجرد كلمه عابره

ابتسمت لي وقالت بشويش:اصلا م تقدر تخطبني..

رفعت لها حاجبي وقلت بسخريه:ليش عاد!!

اشرت علي وقالت:تخاف من قلبك وتخاف من ساره.امممم احسك تخاف تسوي هالخطوه

استفزتني بالقوو لما قالت عني جيه.ضربت ايدي ع الطاوله متنرفز قلت لها:مب خخخخايف

حطت عينها فعيني وقالت بسخريه:اثبت لي انك مب خايف.اثبت لي انك ريال وماتخاف من حرمتك.وانك اصلا م تحبها

رصيت ع اسناني وقلت لها بدون تفكير:شو تبغيني اسوي عشان اثبت لج

ابتسمت ابتسامه دوختني وقالت بهمس:املج علي احينه

طلعت عيوني من محاجرها لما قالت جيه
مسكت ايدي وحضنتها فايدها:م بنخسر شي.انا وانت بغربه بروحنا ..وكل واحد منا محتاج شخص يحتويه.ع الاقل خلنا نجرب حضنا ..او خلني اجرب انسيك ساره فهالايام واذا ماحررتك منها نهائيا خل كل واحد منا يمشي بطريج..واوعدك ماحد يدري بعلاقتنا..ونبتعد عن طريج الحرام

اسلوبها فالكلام كافي غير ابتسامتها اللي تذوب الصخر.مدري ليش عقلي توقف عن التفكير.من غير شعور ومن غير تفكير بعواقب اللي بسويه هزيت لها راسي وقلت لها كاني مسحور :موافق
خلني اجرب حضي من دون تفكير هالمره.لاني فكرت وفكرت وفكرت قبل وبالنهايه ساره شسوت!!!!!
دفعت الحساب وقمنا
ماكنت عارف كيف اجراءات الملجه باامريكا.بس روضت كانت عارفه بكل شي يا الشيخ ووملجنا وكانو الشهود شخصين من السفاره..حسيت هاليوم وايد قصير بلمح البصر صارت روضه زوجتي!!!!!
بعد الملجه ظليت قاعد احس ريولي مب قادره تشيلني من ارضي..عورني راسي بقووووه.غمضت عيوني وصوره ساره ابد مافارقت خيالي
حسيت بروضه تقعد بحضني
طالعتني وقالت بشويش:احلف لك اني اقدر اساعدك..انت بس لا تفكر وخلنا نعيش اليوم بيومه
طالعتها هالبنت جريئه وايد
وووووووايد
ماعرفتها الا من جم يوم واحينه تصير حرمتي..كيف انا غبي
.غبي غبي احسني تندمت
وكانها عارفه افكاري حطت ايدها ع ويهي وقالت:ندمان!!
احس لساني مربوط كيف قدرت تاثر عليه وتستفزني وتغويني بكلامها
ابتسمت بشويش وقالت :ليش تندم!!!ترا قلت لك اذا م نسيتها كل واحد بيمشي فطريجه
انت بس عيش حياتك ولا تفكر باي شي ثاني
غمضت عيوني احاول اكذب هالشي
مستحيل انا اعرس جي مستحيل
احس نفسي تخبلت
خلاااص بنفجر
راسي مب قادر يركز من كثر الافكار
في شي بداخلي مستانس وبنفس الوقت عقلي مب راضي يقتنع
سمعتها تقول بدلع:انت وووايد جججميل..اآه اجمل شخص جابلته بحياتي..كيف ساره خانتك؟وعندها هالجمال كله
رصيت ع ايدها وقلت لها بحده:خلاص لا تذكريني بساره
ابتعدت عني وقعدت ع الكنبه المجابلتني:امممم انزين بحاول
قمت واقف ووقفت اوياي
سمعتها تقول:خلنا نروح ناخذ اغراضي من الشقهه
جابلتها وقلت لها بجديه:خليني اتقبل اللي صار وعقب فتره انا بخبرج مته تاخذين اغراضج لشقتي
مسكت ايدي وسحبتني اوياها:تطردني شو؟لالا بويه خلاص انا حرمتك من اليوم كل اغراضي بشقتك
وقفت ووقفت اهيه قلت لها بنبره حاده:لا تفرضين نفسج زياده
ابتسمت كالعاده وباست خدي:امش امش خل عنك هالسوالف
مشيت اوياها مجبور
لو ساره كلمتها بهالنبره بتنزل راسها وبتخاف.لانها جباااانه.مب نفس هاي..ماتخاف من شي ابد
مشينا لشقتها ماكانت وايد بعيده عن شقتي
اخذت الاولي والتالي كل شي اخذته اوياها
اضطرينا ناخذ تكسي من كثر الاغراض وصلنا حذال العماره اللي ساكن فيها
عطيتها المفتاح وقلت لها تاخذ اغراضها فوق وانا باخذ عشى وبرجع
هه اوني معرس جي
مشيت عنها
رن فوني شفت سعود يتصل بي
اوووف مالي بارض قسم بالله
اللي فيني كافيني
رديت عليه
:خير شتبغي؟!
سعود:اعوذ بالله شبلاك انته ترد جيه
قلت له بحده:كيفي شتبغي؟!
سعود:بالاول انت قولي شفيك!اخلاقك صايره زززفت!
وصلت المطعم وقعدت ع الكرسي برا:عرست
سعود:منو عرس؟!
تنهدت وقلت له:اناا اليوم الصبح ملجت اخذت وحده اوياي بالدوام
سعود سكت فتره وعقب قال:احلف
حلفت له
سعود معصب ويصارخ علي:ياخيوان كيف تعرس وذيج الفقيره مافكرت بيها!!!وولدك اللي ياي بالطريج.انت لو فيك خير ماعرست ونحن مانعرف ارضها من سماها..حس ع دمك شوي واترك عنك هالتصرفات دخيلك

استفزني لما قعد يصارخ علي كاني اصغر عياله قلت له بنفس نبره صوته:خلها تزووول. يعلكم م تحصلونها .ماتهمني.
صكرت بويهه وفريت الفون ع الطاوله
مسحت ع شعري بقوه
شفت الناس اللي بلمطعم يطالعوني مستغربين ليش معصب!
ماهموني اخذت الفون وطلبت لنا عشى
ماطول اقل من ثلاث دقايق والعشى اوياي
رحت لشقه ودخلت
حطيت العشاء ع الطاوله وفريت المفاتيح والفون
لقيتها واقفه بلغرفه جدام الكبت ترتب الملابس
التفت لي وحطت ايدها ع خصرها قالت بقهر:فهد شو هاا!؟انت كيف عايش بهالفوضه؟!
فريت نفسي ع السرير باهمال وحطيت ايدي ع عيوني والايد الثانيه تحت راسي قلت بتعب:طفي النور تعبان بنااام
تركت اللي فايدها وقعدت حذالي ع طرف السرير سحبت ايدي ع عيني وقالت بابتسامه:قوم قوم خلنا بنتعشى اول شي
عقدت حواجبي وقلت لها:انتي ليش كله تبتسمين
زادت ابتسامتها وقالت :في احد يشوف هالويهه ومايقدر يبتسم؟!!
قعدت اطالعها عجيبه هالانسانه.
قالت بدلع:فهااااااااااد قوووووووم
مدري ليش التعب فجاءه راح
قمت اوياها وتعشينا احسها مسيطره علي
غصب عني تخليني اسوي الاشياء
بابتسامتها
بهاللحظه حسيت فعلا اني مب ندمان ع قراري
.
.
.
.
.
.
#سآارهه#
خلصت ترتيي البيت
كان ببت صغير
ع قد حالنا
ع البحر
غرفتين وصاله كل غرفه اصغر من الثانيه
والمطبخ برع بروحه فالحوي الصغييير
كان صغير بمعنى الكلمه وجديم
طبعا هالبيت اخذناه اجار
بمساعده سعود
اللي تكفل باجاره
اصر انه يساعدنا
بلعكس قال لنا انه هالقرار اللي كان لازم نتخذه من زمااان
ماحد يدري بمكانا
خلاص نحن قررنا نعيش حياه يديده
اخوانا نسيناهم صفحه وانتهت
حتى ارقامنا بدلانهم
احين انا بنص الشهر السابع
تنهدت من قلبي
يلا مابقى شي شهر ونص وبولد.
عمور كل يوم يطلع الصبح يدور له ع وضيفه ومايرجع الا الظهر
كل يوم سعود يتغدا ويتعشى اويانا
ولله مب عارفه كيف اطلع من يزاه
كان حزه العشاء
قاعده بالصاله انتظر عمور وسعود عشان ايون يتعشون
دخلو راجعين من صلاه العشاء
قعد عمور حذالي وسعود مجابلني ع الكنبه
طالعتهم مستغربه قلت لهم:بسم الله بلاكم عافسين ويهكم جي؟!
نزل سعود راسه
طالعته مستغربه حسيت بخوف
التفتت لعمور
بلعت ريجي وقلت له بخوف:شصاير؟
عمور فرك شعره بايده ومسك ايدي
فجر القنبله بويهي لما قال:فهد تزوج اليوم الصبح!!
نقلت نظري لسعود ابغي اكتشف الصج
بس للاسف نزل راسه
حسيت بيغمى علي
الخبر صدمني
شلع قلبي من مكانه
بس صرخت صرخه هزت البيت هز
حطيت ايدي ع بطني
لما حسيت بالويع يزيد ويزيد
طالعوني عمور وسعود
بخوف مب عارفين كيف يتصرفون
مسكت ايد عمور وقلت له وانا اللهث
:بولد عمووور اخذوني المستشفى بسرعه
بلع ريجه
قلت له بالم:روح غرفتي بتحصل جنطه فيها الاغراض
عضيت ايدي من قو الالم
سعزد مرتبك مب عارف شو يسوي
مسكني عمور وركبني السياره وسعود حرك ع طول شرات البرقه
طول الوقت كنت اتالم بقوه
من الالم الي فبطني
واالالم اللي فقلبي
وصلنا الطواري
وع طول يابو لي كرسي متحرك
قبل لا ادخل غرفه الولاده مسكت ايد عمور وقلت له بشويش وانا اعض ع شفايفي:لا تقولون لاحد ..عموور انا حاسه اني مابظهر من هالغرفه
رصيت ع ايده اكثر وقلت:اذا مت قولهم اني مسامحتنهم ع ظلمهم لي واولهم فهد
عمور باسني ع راسي ونزلت دمعه من عينه قال بصوت يرتجف:لا تقولين جي..الله يقومج بالسلااامه
دفتني الممرضه لاني كنت اتالم وايد
.
.
.
.
.
.
.
.
دخلت غرفه الولاده
وعمور وسعود قعدو ينتظرون
قام سعود والتوتر باين بملامح ويهه:عمور نحن لازم نقول لامي او لخواتك..ساره محتاجه بهالوقت شخص يعرف هالسوالف
عمور كانت ملامحه جامده م يبين اي شي بويهه.قال ببرود:لا لا تقول لاحد
وقف سعود مجابلنه:فهد لازم يدري
عصب عمور من طاري فهد رص ع اسنانه وقال بقهر:لا تقول لاحد
رفع سعود فونه مطنش عمور
ماكان في ارسال بامستشفى
ظهر سعود لحديقه المستشفى
بعد عده محاولات
رد عليه فهد
.
.
.
.
#فهد#
كنت ذيج الساعه قايم من اانوم
شفت روضه راقده حذالي
رفعت شعري عن جبهتي بضيجه
قمت اسبح واتوضى واصلي
كنت اصلي والفون مسوي لي ازعاج
حتى ماعرفت اركز بصلاتي
عقب ماخلصت
رديت ع سعود بقهر:خير شتبغي
رد علي وقال:ارجع البلادد
يتغشمر ها ولا شوه!!
حطيت ايدي ع خصري وقلت له بسخريه:،هه وليش ان شالله!
سعود بهدوء:انا قلت لساره انك تزوجت
غمضت عيوني يعني درت!!
قلت له بشويش:يعني شتبغيني اسوي.وبعدين مته حصلتوها.ووين كانت!
سعود بضيجه:ساره بغرفه الولاده احين.تعبانه وايد.اصلا انا اعرف وين كانت بس م ابغي احد يدري
رفعت حاجبي:كيف بغرفه الولاده..على م اذكر اهيه بعدها فالسابع؟
حسيت سعود عصب:انصدمت لما قلت لها انك تزوجت
سكت ماعرف شو اقول
سمعته يترجاني:دخيلك فهد ارجع عشانها.حالتها وايد كانت صعبه. وايد كانت تعبانه وووايد..كانت تقول لنا انها حاسه انها بتموت بعد الولاده .دخيلك فهد عشان الايام اللي بينكم
حسيت قلبي عورني عليها
يمكن شفقه!!بس اكيد انه ماحب
او اكيد اني قاعد اكذب ع نفسي
مدري مدري
حاولت اجمع قوتي وقلت له:شو تبغاني اسوي لها..عندها الدكاتره انا م بفيدكم بشي.وبعدين خلها تتحمل قرارها.اهيه اللي تحدتني فهالشي واحين تتحمل االنتايج
صكرت عنه وانسدحت بالصاله ع الكنبه بكل تعب
ساره بخخخير مافيها شي
من يومها قويه
اكيد مابياثر فيها شي بسيط مثل ها
كنت احاول اثبت لنفسي انها بخير
وانه سعود يبالغ عشان ارجع
حسيت بشخص واقف حذالي
رفعت راسي شفتها واقفه
مسكت ايدي وقالت:اكيد يبالغ عشان ترجع
تنهدت وهزيت راسي
قعدت حذالي وقالت:بروح اسوي لك الريوق وعقبها بنروح الدوام اويا بعض
مارديت عليها
اما اهيه قامت وراحت ع المطبخ
شغلت التلفزيون وقعدت اشوف اي شي ممكن انه يلهيني عن التفكير
.
.
.
.
.
بعد تقريبا اربع ساعات اظهرت الممرضه من غرفه الولاده
ع طول لما شافوها عمور وسعود اركضو لها
وقفو مجابلينها.
عمور بخوف:هاه شحالها!!
الممرضه:بخير بس وين ريلها
سكت عمور
سعود نزل راسه وقال:مسافر
الممرضه:الدكتوره لازم تتكلم مع احد مسئول عنها عن حالتها
عمور:ليش اهيه شفيها!
الممرضه ابتسمت لهم عسب يروح الخوف منهم:اهيه بخير بس صارت اوياها شويه مشاكل لازم ريلها يعرف بيها
سعود كانه تذكر :كيف البيبي
الممرضه:ولد و
سكتت شوي اخذت نفس وقالت:اظن انتو عارفين عن حالته كيف بتكون
هز عمور راسه بضيجه
الممرضه:بس الحمدلله ع كل حال اهم شي انه بخير ومع الايام ان شالله الله بيشفيه.كل شي باراده رب العالمين وبعدين اهوا احين باللحضانه لانه انولد بالشهر السابع لازم يكتمل نموه وعقب الفحوصات بنتاكد من حالته
عمور بلهفه:اقدر اشوفه!!
هزت الممرضه راسها ولحقوها عمور وسعود
ادخلو الحضانه ووقفت حذال سرير بزجاج
كان نايم داخل السرير
صغييييير وووايد يمكن نفس حجم كف الايد او اصغر
قعدو يتاملونه بعده مافيه اي ملامححح
قعدو دقيقتين وعقبها ظهرو من الحضانه
دلتهم الممرضه ع غرفه ساره
قعد سعود بالانتظار ودخل لها عمور بلغرفه
.
.
.
.
.
.

#اسماء#
قعدت انتظره هاذيج الليله بس مارجع وانا قاعده ع اعصابي
مرت ثلاث ايام وانا ابد ماشفته
يستهابل هذا اكككيد
كيف يقدر يتركني ثلاث ايام بلبيت بروحي
مايخاف علي!!!
ع حزه العصر لبست ملابسي
وطلعت من البيت قررت اروح بيت يدته
لانه اكيد هناك اهوا قاعد
المقابله مابقى عليها غير يومين
لازم اقنعه
بحاول بكل الطرق
بس الاكيد انه بيوافق
لازم ابين جدامه اني طيبه
يمكن يحن علي شويه
فتحت باب الحوي
ومثل ما توقعت
لقيته قاعد بلحوي ع الحصير اهوا ويدته ونوف
اول ماشافني رفع لي حاجبه
ماغهمت حركته
خ يولي م تهمني حركاته
رحت وبست راس يدته وايدها
لازم عشان الخطه تمشي صح
قلت لها:شحالج يدوه!
يدته:اسماء!!بخير ابويه انتي شحالج
قلت لها بابتسامه بريئه:بخير الحمدلله
مديت ايدي لنوف وسلمت عليها ونفس االشي جابلتها بابتسامه:نوفان شحالج
نوف فاتحه عيونها مب مصدقه انه هاي اسما وتتعامل اوياها جي
مدت ايدها وهزت راسها وبعدها مب مستوعبه
طنشت عيسى وقعدت حذال يدوه
قلبت ملامح ويهي لضيج وقلت ليدوه بحزن:يدوه انا ابغي اشتكيلج من هاه
اشرت بصبعي ع عيسى
يده طالعت عيسى وعقب طالعتني:شوه مسوي بج!!
غصبت عمري اني انزل دمعه من عيني وقلت:يدوه تخيلي من ثلاث ايام ماشفته تاركني بلببت بروحي احاتيه.ماذقت الراحه فهالثلاث ايام.الشيطان لعب بعقلي من كثر ما اوسوس
طالعته شفته رافع حاجبه ويطالعني

طالعت يدوه وكملت:يدوه اهوا مايخاف علي ولا جان م تركني هالمده بروحي.مايخاف احد يدخل البيت بغيابه!!!
شفت ملامح يدوه تتحول للعصبيه
طالعت عيسى وقالت له:مسود الويه ليش تكذب وتقول ماخذنها بيت اهلها!!!
سكت عنها مارد ع يدته
وقعد يعابل يفونه
قهرتني حركته
ع الاقل يحترمها
ويرد عليها
شو هاالتربيه عافاني الله
ظلت تنتظر منه جواب
بس شكلهم متعودين عليه ي يطنش م يرد
قمت متنرفزه وقلت له:احين تاخذني بيت اهلي انا ماقاعده اوياك ولا دقيقه
اهوا ع نفس حالته مارد علي
منزل راسه لفونه ويبتسم
حسيت بنار وسط صدري من حركاته السخيفه
ينرفز قسم بالله
اخذت فوني وقلت له:اوكي لا ترد
قعدت ادور ع رقم علي ولد عمي
قالت لي يدوة:يابوي قعدي عشان خاطري لا تروحين
م رديت عليها حطيت الفون ع اذني انتظر علي يرد
بعد كم رنه رد
قلت له:السلام عليك علي
علي:اهلين اسما عليج السلام
:مشغوول؟!
علي:لا ولله قاعد فالبيت.عسى م شر؟!
:تقدر تمرني .ابغيك تاخذني بيتكم
علي:وين عيسى!
رصيت ع اسناني:تقدر ولا لااا!!!
علي:بيج بس م اقدر امرج من دون شور ريلج
قلت له من النهايه:اوك ع راحتك..باخذ لي تكسي مشكور
صكرت فويهه قهرني
طنشتهم وطلعت من بيتهم قعدت احاول ادقدق ع سعود بس مايرد
اصلا مستحيل سعود يرد
من يومه يكرهني
دخلت الغرفه واخذت لي كم غرض ع السريع قبل لا ايي عيسى ويمعني اني اطلع
لبست عبايتي وشيلتي وطلعت.فتحت باب الصاله بس تفاجات انه مقفول
حاولت افتحه بس مقفول
سمعت حسه وراي يقول:انثبري هنيه.ماشي طلعه
فريت الجنطه ع الارض والتفتت صوبه.رصيت ع اسناني وقلت له بحده:عطني المفتااح.
دخل المفتاح فجيب كندورته وراح عني فوق
حسيت بشياطيني تتناقز جدامي
لحقته بسرعه
ومسكته من ايده قلت له بعصبيه:عطني المفتاح ياخي مب غصب اقعد اوياك
سحب ايده وكمل طريجه
يالله كيف يقهر
فتح باب الغرفه وانسدح ع السرير
يلعب باعصابي قسم بالله
مديت ايدي وقلت بصراخ :عطني المفتاااح انا مب مجبوره اقعد اويااك..ياخي ابغي افتك.منك خلني بحالي
ضل مغمض عيونه مافتحها ابد
ولا كانه منزعج من صوتي
ياربي هذا اللي بيذبحني قهر
اسلوبه يقتل
فتحت باب الغرفه وصكرته بكل غيض ان شالله ينكسر مايهم
قعدت بالصاله احاول اهدي نفسي
كيف بيفتح لي ككككيف
ماشي غير هالطريقه
رحت صوب باب الصاله وقعدت اضربه بكل قوتي شرات المينونه
ابغي اكسره حاولت وحاولت
وصوت الباب كان مزعج ححححيل
ماحسيت الا بعيسى يلصقني ع الباب ويعطيني هذاك الكف ع ويهي
ولله دار راسي من قوته
عيسى بغضب يطلع من عيونه:سكت عنج قلت يمكن تتادبين بس انتي شرات الحيوان م تسكتين الا بالضرب دز راسي ع الباب ومشى
وقف بنص الصاله ورفع ايده بتهديد:قسم بالله اذا سمعت لج حس م تلومين الا نفسج

كمل طريجه فوق
خةفني قسم بالله قعدت بالصاله بخوف خايفه يرجع ويضربني
اول مره اشوفه جي معصب
لميت ايدي ع ويهي وقعدت اصيح
ويهي ووايد يعورني
اكيد بينتفخ وبيشوهني هالكف
وصحت زياده لانه عيسى صاير شخص ماينطاق تغير حيل..بدايه زواجنا كان هااااادي ابد م يعصب.يدور رضاي
هالانسان اللي اوياي احين مختلف
عكسسسس عيسى
متغير ١٨٠ درجه

اسطورة ! · 08-08-15, 09:47 PM

#شيخه#
بالصاله
الساعه٩ الصبح
قاعده اتريق
واطالع التلفزيون
انفتح باب الغرفه طلع منها حماده
ماطالعته قعدت اشرب شاي واطالع التلفزيون
اوني مركزه مع اني م اعرف اصلا شو كان ظاهر بالتلفزيون
وقف جدامي
رفعت له راسي وقلت له :خوووز ابغي اشوف
صكر التلفزيون ورجع لي معصب
قالي بعصبيه:ليش م قومتيني لدوام!!
قلت له ببرود:نسيت
حماده بعصبيه:لا تخبلين بي.كل يوم تقوميني شمعنى اليوم نسيتي!!!
رفعت نبره صوتي شوي وقلت له:اقولك نسيــت شيوب يعني!!!
حماده بحده:اعرف انج م نسيتي.انتي من جم بوم مدري شصاير بعقلج.صايره باارده.تتعمدين تطنشين كل شي يخصني
قمت واقفه حطيت الكوب ع الطاوله ومشيت للغرفه
قلت له وانا امشي:نسيت.كيفك لا تصدق
مسكني من ايدي وقال بصراخ:لا تتكلمين جي.لا تخليني اذبحج هنيه
التفتت له ورفعت راسي.قلت له ببراءه:شسويت انا احين!!!
حمادهغمض عيونه وزفر من قلبه
فرني بعيد عنه وقال:زهبي ملابسي والريوق اللين م اسبح
مشيت لسرير وانسدحت وتغطيت قلت له ببرود:بطني يعورني وايد.الحمال متعبني.جهز ملابسك بروحك
طالعني مب مستوعب
صرخ علي صرخه والله اني انتقزت من الخوف:ششششششششششيخخخخخه
بس مابينت له اني خايفه قلت له بقهر:شوه شوه شوه.اقولك مب قادره شو يعني اكذب عليك
هز راسه وقال:هين ماعليه انا اللي بوريج شغلج.خليني ارجع من الدوام.احينه مب فاضي لج
فتح الدولاب واخذ له ملابسه

طير ياعمي انت تبغاني اهتم فيك واداريك لكن انا بالطقاق مب كاني انسانه
انا اللي بوريك ياحماده هين
.
.
.
.
.
.
فتحت عيوني واحس الم مب طبيعي فجسمي
شفت عمور واقف حذال راسي
ع طول قالي:الحمدلله ع السلامه
حاولت اقعد
قلت له بالم :عمور كيف البيبي!
ابتسم لي:بخير فالحضانه
بغيت اتاكد:ولد!!
عمور مسك ايدي:هيه ولد.شو بتسمينه
ارتحت انه بخير قلت له:عبدالعزيز
عمور بحماس:ماشفتيه كيف صغغغغير.اول مره اشوف بيبي صغير جي.
ابتسمت له زغمضت عيوني بتعب
كل الالم راح وانا اسمع انه بخخخير
ابغي اشوفه واحضنه
بس م رضو يخلوني اشوفه احين
لانه يعتبر من الاطفاال الخدج
لازم يحطونه بالحضانه عسب يكتمل نموه
عقبها دخل سعود وسلم علي وبارك لي
عاتبته لانه قال لفهد
بس اللي ريحني انه فهد ماهمه شي
طول الوقت والممرضات يسالون عن فهد وانه لازم يقولون له عن حالتي
وانا شرات الهبله مب فاهمه شي

اسطورة ! · 08-08-15, 09:50 PM

البارت آلـ63:
عقب هالليله م قدرت انام
صوره فهد م تفارق خيالي
كيف قدر يخووون حبنا جي
حتا لو في بينا مشاكل
بس اهوا يقول انه يحبني
بس للاسف احين اكتشفت اني ابد م اهمه
لانه لو كان يحبني صج. حتا لو كنت خاينته مثل م يقول مستحيل يقدر يفكر بوحده غيري
وفهد مب بس فكر بوحده ثانيه
فهد تزوج
يعني بدآ حياه يديده
بيعطيها الاهتمام اللي كان حارمني اياه
بيدلعها
وبيحبها
بيضحك لها
بيبتسم لها
مارح يضربها شرات ماكان يضربني
نزلت دمعه من عيني مسحتها بسرعه وطالعت سقف غرفه المستشفى.اطالع كل شي لونه بااهت.من بعد ماسمعت انه فهد تزوج
يعني خلاااص حبنا صار ذكرى
بالنسبه لي آحلا ذكرى فحياتي
عكس فهد يمكن تكون هاي آسوى ذكريااته
بس احلا شي فهالذكرى
عبدالعزيز!!
عبدالعزيز انا لين احين م شفته
احس قلبي منقسم نصين
نصه ينزف من الخياااانه
ونصه يتقطع من الشوق
ابغي اشوف عبدالعزيز
ابغي المه فحضني واشم ريحته
نزلت من ع السرير ولبست شيلتي
فتحت الباب بتعب
لقيت الممرضه جدامي تبغي تدخل الغرفه
خبرتها اني ابغي اشوف ولدي
واهيه ماقصرت دلتني ع الحضانه
فتحت باب الحضانه وشفت شكثر يهاال صغار فيها
قعدت انقل عيوني بين اليهال بلهفه
يمكن اعرف عبدالعزيز
شفت ع الزاويه محطوط يمكن خمسه كل واحد بسرير وها الخمسه الاطفال المولودين قبل موعد ولادتهم
وقفت حذال الزجاج وقعدت اتاملهم
اكيد عبدالعزيز واحد منهم
سمعت الممرضه وراي تقول:هاه م عرفتي ولدج؟!
هزيت لها راسي ب"لا"
اشرت ع اصغر واحد
الممرضه بابتسامه:هالصغير ولدج
كان صغير ححححححيل
مغمض عيونه ولونه احمممممممر
الممرضه:ان شالله بالايام اليايه بتوضح ملامحه
مارديت عليها قاعده اطالعه
ياااالله شكثر صغير
ها كيف بيعيش!!
سبحان الله
بلعت ريجي لما فكرت انه ممكن يموت
عقلي م قدر يستوعب انه هالبيبي الصغيررررر ممكن يكبر ويعيش لانه كان شكله غريب وصغير حيل
طالعت الممرضه وقلت لها بصوت يرجف:بيعيش!!
م توقعت الممرضه السوال
حطت ايدها ع كتفي وابتسمت لي:لا تخافين ان شالله مافيه الا العافيه. وبعدين لا تخافين نحن وااااااااايد تصير لنا حالات بالمستشفى جيه.الولاده قبل الموعد.والحمدلله احين كبار ومافيهم الا العافيه.انتي بس لا توسوسين وان شالله كل شي بخير
هزيت لها راسي ورجعت التفتت له
قالت لي:منو بتسمونه!!
تحرك ع خفيف ياااااااعمري
قعدت اركز ع حركاته م ابغيه يغيب عن عيني ولا لحظه
قلت لها وانا ابتسم له:عبدالعزيز
انشغلت الممرضه اويا باجي الاطفال بالحضانه
ضاق صدري لما قعدت اردد فداخلي
"عبدالعزيز بن فهد"
ياااالله يافهد وينك تشوف ولدك
نزلت دموعي لما تذكرت كيف كان يلح علي اني انزله
وانه ماله دخل ابد بهالبيبي ومارح يتحمل مسئوليته
حسيت بدوار من كثر التفكير والوساوس
طالعته نظره اخيره وطلعت من الحضانه للغرفه
عقبها ادخلت اوياي الدكتوره وقالت لي اقدر اطلع باجر من المستشفى
بس عبدالعزيز بيظل اوياهم لحد ما يكتمل نموه
يعني عقب شهر لشهرين
.
.
.
.
دخل البيت متضايق من فهد
قعد بالصاله فر نفسه ع الكنبه بكل ضيجه
مهما يكون ساره وايد.جريبه منه
يعتبرها اخته
سمع امه تقوله:ابويه بلاه ويهك مصفر جي.!
مرر ايده الثنتين ع شعره وعقب نزل راسه تحت قعد يطالع الارضيه
اكيد بيفرحون
رفع راسه شاف امه وفاطمه حرمت اخوه علي وريم ومريم
طالع ولد فاطمه وقال بجديه:اميه ساره اليوم اولدت
امه بنفس خايسه:شتبغاني اسوي لها يعني.
ريم متفاجاه:سعود انت تعرف وين مكانهم!!!ليش م تقول
فاطمه باستغراب:بعدها اهيه فالسابع كيف جي!
طالع امه وقال:وولدج معرس فامريكا
ام فهد حطت ايدها ع صدرها:منو فهد!!!
هز سعود راسه
ام فهد بانفعال:حسبي الله عليج ياساره.مته ربي بياخذج وبنفتك منج..ولدي خذ كافره والسبايب انتي
انقهر سعود ليش تكرهه واهبه الله يعلم بحالتها
وايد عوره قلبه عليها
يعني فوق الظلم اللي انظلمته كل اللي حولها يكرهونها!!!الله يعينج ياساره كم بتتحملين
قال لامه بعصبيه:انتي بس ها اللي يهمج.ماهمتج الفقيره اللي الله يعلم بحالتها.كل اللي همج ولدج.اطمني ماخذ له وحده من هنيه مسافره اوياهم لشغل.حسبي الله ونعم الوكيل فيه
ام فهد قامت واقفه وقالت بصراخ:جليل الحيا اللي م تستحي ع وبهك ترفع صوتك علي عشان هذيج الخايسه.م يكفي انها كانت ساحره اخوك اللين ما الله فكه من بلاها.خلها تولي
اشرت بصبعها بتهديد:ولله لو سمعتك مره ثانيه تتحسب ع اخوك لا تلوم الا نفسك
قام سعود وقال بنفس نبرته:انتي م تخافين احد يسوي جي ببناتج.خافي ع بنت الناس ترا الدنيا دواره
طلع وصفق اوياه الباب بكل قوته
قعدت امه ع الكرسي:ابركها من ساعه احسن خل ياخذ عليها بدل الوحده ثلاااث من يرجع فهد غصبن عنه بيطلقها
مريم بجديه اول مره تنطقها:لا اميه حرام عليج شذنب ولدهم تشتتونه من صغره
ام فهد اخذت كوب الشاي من ع الطاوله وشربت عقبها قالت:لا تتفلسفين ع راسي.الله العالم اذا هالولد ولد حلال ولاا لااا
شهقت فاطمه من هالكلام قالت بحزن:عموه مب زين عليج ولله حرام.ان بعض الظن اثم
قامت مريم تتحلطم:استغفر الله بس من هاالكلام..اذا فيكم خير قولو هالكلام جدام فهود مب من وراه

كانت تقصد امها بهالكلام
كلهم يتنرفزون من تفكير امهم المب طبيعي احيانا
ريم كانت تسمع الكلام مبتسمه
تبغي تقول لاسماء وشماء وميره باسرع م يمكن عشان يقعدون يتشمتون
دقت ع خالد وقالت له يمر عليها ضروري
بعد تقريبا ربع ساعه اركبت اويا خالد بالسياره
مثلت الضيج ع ملامح ويهاا
قالت السلام بششششويش
رد عليها خلود السلام وحرك
طالعها وقالها بابتسامه:يالله لهدرجه من قادره تقعدين بدوني
ابتسمت له وقالت:شفت كيف م اقدر اقعد دقيقه بدونك
مسك ايدها وباسها
اخذ نفس عمييييق وقال:الله لا يحرمني منج ان شالله
ابتسمت له وعقبها التفتت لفونها اخذته بسرعه سوت ادخلت الواتس ع الجروب اللي فيه اهيه وشماء وميره وشيخه واسماء
كتبت لهم:بناااات بنااات اللحقو
ردت شماء:هلاا شصااير!
ريم:بسرعه تجمعووو ابغي اقولكم سالفهه
اسماء:هلاا ريموه شفيج!
ميره:شو!!
شيخه:كلنا اجتمعنا شو صاير!
ريم:م بتصدقوني
ريم:فهد اخوي متزوج وحده اوياهم بالدوام
كلهن رسلن فيسات مستغربه
ريم:ساره من سمعت الخبر م قدرت تستحمل ع طول اولدت
اسماء:ححححححلفي!!
ريم:قسم بالله سعود قبل شوي كان معصب ع فهد.اهوا اللي قالنا
شماء رسلت فيسات قلوب:قسم احلا خبر سمعته..ابغي اشوف شكل سااره ولله اتشمت فيها شماته
ميره:هههههههههه يحليلها ساروه!
اسمأء:خلها تستاهل
شيخه:حححححرام.اخوج شو من الناس ليش يتزوج عليها.ولله انه نذل
ريم:اقول جب جب لا تقعدين تسبين اخوي.ولله تستاااااااهل
شيخه:انتو شو من الناس فرحانين وقاعدين تتشمتون .م تخافون باجر يصير لكم جي!!
ريم:اوووف لا تنكدين علينا.لا وسمعو شصار
ميره:شوه بعد صار!
ريم:امي احلفت انه عقب م يرجع فهد بتخليه يطلقها
شيخه:حسبي الله عليه.الله ينتقم منهم ان شالله
شماء:شيخوه كلي تبن .لا تخليني اخلي حماده يصفعج
شيخه:مالت عليج انتي واخوج.عداااال عن يسمع لج
اسماء:انتو ليش دخلتو هالسخيفه اويانا بلجروب!
شيخه:ماحد سخيف غيرج.م يشرفني اقعد فجروب كله ذنوب.بس لا تنسون ان الدنيا دواره.وانا اول وحده بضحك اذا صار فيكن شي.
وظهرت من الجروب
فرت الفون ع السرير معورنها قلبها عورها ع ساره
بعدها ندمانه انها م اوقفت اويا ساره
كانت تخاف من حماده
بس احين م يهمها لا حماده ولا غيره
كل اللي يهمها انها تشوف ساره وتستسمح منها
سمعت صوت الباب ينفتح بقوه شافت حماده شكله معصب
وقف جدامها وقال بعصبيه:انتي شو مسويه لشموه اختي؟!
ماتدري من وين ياتها القوه قامت ووقفت مجابلتنه وقالت بنبره عاااااليه:اختك هاي شو من الناااااس!!!!!يعني فوق غلطها تشتكي لك..خلها تولي ..م تهمني لا انت ولا خواتك ولا احد كل اللي يهمني احين ساره..قاعدات يتشمتن عليها ليش انه فهد تزوج..شو من الخوات هاييلا!!م يخافن ربهن.انا مادري كيف خواتك بيربن عيالهن وكل هالكره فقلبهن.الله يعينهن ع نفسهن بصراحه
دفرته من طريجها ومشت برا وحماده بلحقها
دخلت صالتهم وشافت شماء وريم وميره قاعدات بزاويه يتكلمن بشويش
وتركي وخالد قاعدين بنص الصاله يشوفون التلفزيون
فتحت الباب بقوه لدرجه انه كل اللي بصاله طالعوها
مسكها حماده من ذراعها وقال بعصبيه:تعالي خلينا نتفاهم بروحنا
سحبت ذراعها بقوه التفتت لشماء وقالت بعصبيه:خلاص ارتحتي لما قلتي لحماااده!!!!
قامت شماء جدامها وقالت باعلى من نبره شيخه:خير خير بلاج داخله تزاعجين.
شيخه:ولله انج م تستحين ع ويهج
وقف حماده بوسطهن وصرخ ع شيخه:فهميني انتي شفيج شسالفه.فاضحتني بين اخواني
رفعت له شيخه راسها وكانت تنتفض من العصبيه خلاااااص انفجرت .اشرت ع ريم وقالت:قبل شوي هاي داشه الجروب بالوتساب فرحانه تزاقرنا يوم سالنها شفيج بشرت خواتك انه فهد تزوج ع اختك وامها من يرجع فهد بطلقه من ساره وانه ساره مب قدرت تستحمل الخبر واولدت قبل موعدها ..فرحانه وتمن اهيه وخواتك يتشمتون فساره..مب كانها اختهن.قسم بالله انا اول مره اشوف ناس جي
اشرت ع شماء:ولما رمستهن وقلت لهن الشماته مب زينه الدنيا دواره قالت هاي بخبر عليج حماده.شو عبالها بسكت عن الحق عشااانك!!!!!
حماده مسك راسه تنهد رص ع اسنانه وقال لشيخه:احين كل هالصراخ عشان ها السالفه!
شماء:اصلا حرمتك م فيها ادب..انت مب عارف كيف تربيها
قالت هالكلام عشان تستفز حماده زياده
مسك شيخه من ذراعها وقالها بشويش:امشي نتفاهم برا
سحبت ايدها وقالت:تصدق عااد ياليتني سمعت كلاام فيصل لما قال انك مب قد المسئوليه..م بينا تفاهم انا بروح بيت اهلي
دفته ع طريجها وطلعت
ريم بلعت ريجها وطلعت بعد
لحقها خالد
بقى بالصاله تركي وشماء وميره
تركي تم ينقل نظره بينهن
قال بهدوء:مهما صار بتظل ساره اختنا..انا م الومها لانها صغيره.الومنا نحن..م اهتمينا فيها ماحسبنا حساب انها صغيره وماعندها احد يعلمها الصح من الغلط.اصلا خلااص اهيه تعلمت من غلطها..انتن خواتها الكبار المفروض م تتشمتون عليها شرات اليهال
نزلن راسهن مب عارفات شو يقولن
قام تركي واقف قال لشماء:منو قال لريم انه ساره بلمستشفى!!
شماء:لا يكون بتروح لها
تركي بحده:شششششماااء
شما تتافف:اوووف سعود اللي قالهم
اخذ فونه وطلع
.
.
.
عند ريم وخالد
دخلت الغرفه تبغي تروح الحمام"الله يكرمكم"
بس اهوا كان اسرع
سحبها من ايدها وقال بحده:شهالكلام اللي سمعته!!!
بلعت ريجها وقالت :اصلاا شيخه كذابه
صرخ عليها:ليش سويتي جي!!
سحبت ايدها وقالت بخوف:اوووف قلت لك شيخه كذابه
تكتف وقالها:عيل شو السالفه؟!
رفعت شعرها بتوتر وقالت:كل الساالفه اني خبرتهم الساالفه بلجروب وشيخه عبالها انه نحن فرحانين بلي سواه فهد..يعني اهيه كبرت السالفه ع الفاضي
مد لها ايده وقال:عطيني فونج بشوف اذا شيخه مكبره السالفه مثل م تقولين
مسكت فونها بقوه وقالت:يعني مب واثق فيني!!
خالد بحده:ريييييييم.عطيني
ريم هزت راسها:سوالف بنات انت شلك فيها!!!
خالد بعصبيه:اي سوالف بنات وحماده يبغي يصفع شيخه!!!خلصيني بسرعه عطيني الفووووون
هزت راسها وقالت:م بعطيك
مد ايده وسحب الفون من ايدها بقوه
فتحه ودخل الواتس اب
قعد يقري
فر عليها الفون وقال بستهزا:وبعد فرحانه تبغين تبشرينهم بلخبر..ولله اني انصدمت فيج..ماعبالي عقلج عقل ياهل..كل شي ياريم الا الكككككككذب
صرخ عليها:الااااا الككككككذب
هز راسه وطلع براء
ريم تنهدت وقعدت ع طرف السرير:حسبي الله عليج ياشيخه الفتانه..وحسبي الله عليج ياساره كل المشاكل من تحت راسج
.
.
.
.
.
.
طلع من البيت ركب السياره ودق ع فون سعود
تساند ع الدركسون
لما سمع صوت سعود اعتدل فقعدته
سلم عليه وعقبها قاله:سعود وين عمور وساره!!
سعود بحده:مادري.لا تسالني عن احد
تركي تنرفز منه قاله بعصبيه:سعوووووود شو هالاسلوب!!سالتك ووين عمور!!!انا ادري انك تعرف وينهم.بسرعه تكلم
سعود:تركي م اقدر اقول لك عن مكانهم عمور بيزعل علي
تركي بحده:انزين قولي ساره باي مستشفى!!!
سعود تنهد شاف انه لازم يقوله:بمستشفى ......
تركي:زين مشكور.واخوك من يرجع بتفاهم اويااه
صكر عنه واتجه للمستشفى اللي قاله عنه
كان زحمه شوي بالطريج
بعد ربع ساعه وصل المستشفى.سالهم فالرسبشن عنها
وقف حذال باب غرفتها متردد شيسوي
اخذ نفس ودخل الغرفه
شافها نايمهه ع السرير
ماشاف ملامح ويههاا
كانت متغطيه كامل بلغطى
مشئ بخطوات ثقيله لجهتها متردد
وقف حذالها سحب الغطى عنها بشويش
شاف ويهااا ذاااااابل مب هاي سااره اللي كانت كلها حيويه
احين بس لاحظ الفرق
من اخذها فهد واهيه مب ساره الطبيعيه
مب ساره الاوليه الطفله
شسويت فيها يافهد شسووويت!!!!!!
نغزه قلبه كيف قدر يستوعب انه هالملاك اللي قدامه يقدر يغلط
حس بندم
مسك قلبه بقووه
اهوا حتا م تاكد اذا صج خانت فهد او لا!!
ع طول سمع كلام فهد وصفعها اهوا وحماده
يمكن اول مره يضرب احد هالضرب
والمشكله انها بنت كيف تقدر تستحمل هالضرب
وفهد فالاخير شسوئ!!
تزوج عليها!!
مسح ع ويهاا وشعرها بحنيه
تضايقت من حركاته
فتحت عيونها بشويشششش
اول ما استوعبت انه اللي جدامها تركي
فزت من مكانها
حطت ايدها جدام ويهاا
خايفه لا يضربها
اعتدل فوقفته
نزل راسه للارض وقالها بجديه:الحمدلله ع السلامهه
ظلت تطالعه مستغربه م ردت عليه
حتا اهوا ضل ساكت دقايق مب عارف شو يقول
اخر شي تنهد ورفع راسه مسك ايدها وقالها:ساره ..بسالج سوال واتمنى انج م تكذبين علي .نحن ظلمناج؟!
من طريقه سواله انه يقولها اتمنى انج م تكذبين يعني اهوا عارف انها كذابه
سحبت ايدها وقالت ببرود:مايهم شي احين.مارح يرجع شي اذا قلت الصج
تركي:دخيلج ساره اتكلمي
سحبت الغطاء
وغطت ويهها قالت له:بنام
رجع سحبه عنها
طالع عيونها وقالها:ساره انا ظلمتج ولا لا؟!!!!!
جاوبته ببرود:اسال نفسك
ماقدرت تكمل دور البارده اللي مب هامها شي
نزلت دمعه من عينها من دون لا تلمس خدها ع طول طاحت ع ايدها وابتدت عقبها الموع
كملت كلامها واهيه تحاول تكتم عبراتها:تركي انا الغلط الوحيد اللي سويته فحياتي اهوا اني تواصلت مع فهد بدون علمكم..يمكن كنت يااهل بس فهد ابد م رحمني ظل يصدق كل اللي يسمعه
شهقت فكلامها من كثر م العبره خانقتنها بس مسحت دنوعها اللي تزيد وكملت:ندمت وربي ندمت..انا ليش م رضيت اتزوج فهد!!!
لاني كنت عارفه اني مارح نتفاهم انا وياه..من قبل لا يملج علي واهوا يكرهني ..ياليتكم ماغصبتوني عليه جان احين حالي مب جي...ياليتني ماسمعت كلامكم واخذته

طلعت اللي فخاطرها حطت ويهاا بين ايدها وكملت صياح..يمكن اخيرا حصلت احد تقوله اللي فقلبها من لما تزوج عليها فهد...مجرد سماع الخبر هدمها
كيف بتقدر تواجهه من بعد ماحطمها ع الاخر...
حست بايد تركي ع راسها
رفع راسها
مسحت باجي دموعها
شافت تركي نظراته م تطمن
ماقدرت تقري شو شعوره فهاللحظه كان حازم اوياها لم تكلم وقال:يعني كنتي تعرفينه قبل لا ياخذج!!
هزت راسها ونظراتها للارض لانها غلطانه ماتقدر تنكر
ضرب بايده ع الطاوله اللي جدامه بقوه قال بقهر:كيف كنت غافل لهدرجه كيف م اكتشفت هالشي ..يعني كان يستغلني
صرخ بقوه :ليشششششش!!لو كنت ادري حزتها جان ذبحتج انتي وياه النذل
طالعها وهز راسه:يعني مب ظالمنج مثل ماكنت مفكر
طالعها باسف وقهر بنفس الوقت
مشى
لكنها وقفته لما قالت بقله حيله:مثل م زوجتوني له بالغصب.تطلقوني منه غصصصصب.
التفت عليها بقوه ورجع مشى باتجاهه مسك ايدها ورص عليها قال واهوا راص ع اسنانه:طلاق تشيلينه من بالج مثل م اخترتيه من البدايه احين تحملي اخطائج
غمضت عيونها وقالت:وربي اني ندمااانه وشلت فوق خطائي واكثر..اللي شفت يكفي دخيلك تركي اوقف اوياي دخيلك طلقني منه..
تركي:من يرجع من السفر تروحين اوياه وانتي وياه انسو انكم تعرفوناء
مشى وصكر الباب اوياه بكل قوه
رمت نفسها ع الوساده م تبغي تفكر باي شي
المشاكل ابد م تخلص من حياتها
صارت تشوف حياتها بتشئوم
مب قادره تشوف المستقبل
ولا حاسه انه حياتها بتكون حلوه
كانت متوقعه انه الايام اللي يايه بتكون نفس اللي راحت كلها مشاكل بمشاكل.
مسحت اخر دمعه من عيونها وغمضتها احسن حل النوم عشان تغيب عن المشاكل موقتاآ
.
.
.
.
.
.
كان قاعد اهوا وروضه ببلكونه شقتهم يطالعون القوارب اللي فلميناء المجابل الشقه
قعدت حذاله وقالت له:فهود بلااك تفكر!!شاركني شتفكر فيه
طالعها ساكت وعقب رجع يطالع البحر
رصت ع ايده بحنيه:حبيبي شفيكككك ولله اتضايق لما اشوف حالك جي
رفع لها حاجبه:حبيبي!!!!من مته!!
ابتسمت له وقالت له بدلع:من اول مره شفتك فيها.. وبعدين انت ريلي حرام اقولك حبيبي!!
غمض عيونه وتنهد
طالعها وابتسم:حلالج
زادت ابتسامتها وقالت:انزين فهودي شفيك متضايق!!
رجع راسه ع الكرسي وقال:سعود قال للكل انتي تزوجتج
روضه :يعني مب بس لاهلك!
فهد طالع البحر:قلت لج للكل
روضه:يعني قال لساره!!!
رفع كتفه وتنهد
روضه بصراحه: عشان جي انت متضايق صح!!لانه ساره درت
فهد:م يخصه
قامت واقفه قالت بضيجه:امبلا عشان جي
دخلت لصاله
قعد يفكر يلحقها ولا لااا!!!
ماحس بنفسه الا واهوا يلحقها قعد حذالها ع الكنبه مسك ايدها وقالها:روضه بلاج قلت لج مب عشان جي!!
مسحت دمعتها ع السريع
انتبه لدموعها وعوره قلبه
حضنها وقال:ولله مب عشان جي.انا تضايقت عشان ابوي اتصل علي وحسيت من صوته انه متضايق او فيه شي..صوته مب طبيعي قعد يعاتبني
تمسكت فيه اكثر وقالت:اوعدني م تتركني!!
قومها اوياه:قومي نرجع ع البلكونه.
مسكت ايده وقالت باصرار:اوعدني!!!
ابتسم لها:اوعدج يلا ابتسمي ترا مب حلو عليج التكشيره
حاولت تكتم ابتسامتها بس م قدرت
ضحك عليها وسحبها اوياه ع البلكونه
.
.
.
.
طلع من المستشفى
وكان حده متضايق
بعده مب قادر يستوعب
انه فهد كان يطعنه من وراء ظهره
واهوا اللي كان دوم يتكلم عن خواته جدام فهد خصوصا ساره لانها كانت صغيره وملعوزتنه ع اساس انه فهد شرات اخوه مستحيل يغدر فيه
لو قاله ماكان تضايق هالقد
حاس انه انخدع من اقرب الناس له
طاح من عينه
لو جدامه هالحظه جان قطعه لقطع
قعد يسترجع الاحداث ويربطهن مع بعض
كيف ما لاحظ
لما يتكلم عن ساره فهد دوم يوصيه عليها ويسال عنها
ليش كان غبي لهدرجه
تمنى الزمن يرجع ماكان امن فهد عليها
المشكله مب هنيه
المشكله انه حتا لما تزوجها كان يشك فيها ماحافظ عليها شرات ماكان يقول انهم متفاهين ويحبون بعض
يعني كل هذا تمثيل!!!!
تمنى يشوفه فاللحظه يطلع كل قهره
ركب سيارته
اخذ فونه
لازم يواجهه
لازم تنكشف كل اللعبه
اتصل له انتظر لحظات
بس مارد عليه
اكيد مارح يرد
هين يافهد هين
.
.
.
.
دخلت غرفتها وقفلت الباب وراها
وحماده يدق ع الباب
شوي وبيتكسر
اخذت فونها واتصلت ع مايد قالت له يمرها بسرعههه
اخذت جنطه ولمت اغراضها
سمعت صوت الفون ردت ع مايد وقالها انه وصل خبرته يدخل غرفتها ع طول
سحبت الجنطه وفتحت الباب
كان واقف مجابل الباب لما فتحته
خافت من شكله
كان حده معصب
شاف الجنطه فايدها تكتف وتساند ع الباب قالها:رجعي جنطتج لا اطلع حرتي فيج
ارتاحت لما شافت مايد يدخل الصاله
ع طول سحبت جنطتها وراحت لمايد
لما شاف جنطتها استغرب
طالعها وعقب طالع حماده
مايد:بسم الله الرحمن الرحيم شصاير!!شفيكم!!
مسحت دمعتها وقالت له:انا مالي قعده فهالبيت خلاص ابغي ارجع بيتنا
مايد متفاجاء:شو انتي تخبلتي تبغين فيصل يذبحج!!
اشر لها بايده:توكلي عند ريلج عن الدلع
شيخه:هيه ابغي فيصل يذبحني ولا اني اتحمل العيشه هنيه
حماده قعد ع الكنبه وقال لمايد:عقل اختك وخلها ترجع بطيب
شيخه قالت له بقهر:مابعقل وبرجع بيتنا ومن هاللحظه انته لا تتدخل فيني
مايد عصب عليها :شششيخه انتي تخبلتي اذا رجعتي البيت فيصل مستحيل يخليج ترجعين لحماده
طالعت حماده وقالت بضيجه باينه ع ملامح ويهاا:وهذا احسن حل اني مستحيل ارجع هنيه
اشرت ع حماده وطالعت مايد:هذا ما رحم اخته كيف تبغاه يرحمني انا الغريبه!!
تنرفز حماده وقالها:شهالكلام الفاضي انتي زوجتي مب غريبه
طالعته بنظره وسحبت جنطتها
سمعت صوته يقول:اوك روحي بيتكم وعااااد انتظري لين م ارجعج
نزلن دموعها وكملت طريجها
لحقها مايد حاول يخليها ترجع
لكن راسها يابس
لقت شماء فطريجها
شافت نظرات الشماته من هالخبيثه
بس م اهتمت لها ابد سحبت جنطتها وطلعت من الباب
اخذ عنها مايد الجنطه ودخلو بيتهم
بما انه بيتهم وبيت عمهم الباب بالباب
شافت امها قاعده بلحوي ع الحصير
عورها قلبها لما شافت امها
امها لما شافتها وقفت منصدمه من اللي ادخلت
تجدمت شيخه خطوات لكن صوت امها وقفها
ام فيصل:اوقفي!!! اللي تبيع امها واخوانها عشان واحد مالها دخله لهبيت
شيخه حاولت تبين انها قويه:يمه دخيلج سامحيني
سمعو صوت من وراهم:شعندج يايه هنيه؟

اسطورة ! · 08-08-15, 09:51 PM

البارت 64:
سمعو صوت من وراهم:انتي شو يايبنج هنيه!!
بلعت شيخه ريجهاا من صوته
"ياك الموت ياتارك الصلاه"
لفت راسها باتجاهه
شافته يلوح الكاب فوق راسه باهمال
شكله رايق
والله يستر من فيصل اذا روق
وقف جدامها وهز راسه جدامها اشر بايده ع المكان:شو تسوين فبيتنااااااا!!
نزلت دمعه من عينه ونزلت راسهاا قالت بصوت يرتجف:مالي غير هالمكان
فيصل علا صوته وبانت السخريه والغضب فنبرته:هه،،احين تقولين مالج غير هالمكان..وحمااده!!اللي شردتي اوياه للمحكمه وتزوجتيه بدون شورنا وغصب عنا.وووووينههه عنججج.!ولا غير رايه.مايبغي وحده اهلها متبرين منها شوه!!
زادت دموعهاا
لفت راسها لامها عشان تتكلم بس امها لفت راسها الصوب الثاني
ماتبغي تضعف جدام بنتها وتسامحها
لانه كسرت ظهرها بزواجها من حماده
رفعت راسها لفيصل وقالت له:دخيلك فيصل انا اللي فيني كافيني..استاهل اللي حصلته.بس دخيلك خله يطلقني ماباه ماااااباااه
فيصل بسرعه:تستاهلين يعله لو ذبحج.ولله ماهميتيني ابد
شيخه بضعف:وين اروح!!
فيصل:ف ستين داهيه مايهمني
طالعت امها وقالت:اميه انا حححامل..وين اروووححح!!منوه لي فهالدنياء غيركككم
مايد ماحاول يتدخل لانه عارف نهايه الكلام مع فيصل نهايه مسدوده..حب يختصر الطريج ع شيخه قالها:امشي برجعج عند حماده
صرخت عليه بانهياااار:ولله ما ارجع له لو اموووت مارجعت له
مسحت دموعهاا ومسكت جنطتها
طالعتهم بانكسار وسحبت الجنطه اوياها
وقفها كلام مايد:وين بتروحين!!
شيخه رفعت كتفها: ف ستين داهيه مثل مايقول فيصل
ماحست الا بايد فيصل تمسك ذراعها:مستعد اسامحج واخلي الكل يسامحج بس بشرط
حست بالفرح بداخلها ماقدرت تخبي فرحتها هزت راسها:موافقه اهم شي تسامحوني
ابتسم لها فيصل بخبث:تتطلقين من حماده
مهما كان اهيه تحبه وماتبغي تنفصل عن حماده بهالسرعه هاي
بس مافي طريقه غير انها توافق او توهم فيصل بالموافقه ع الاقل
هزت له راسها
ابتسم لها وطالع امه:اميه عشان اللي فبطنها سامحيها
بس امه ماردت عليه
طالعت شيخه بلوم ودخلت داخل
التفت فيصل لشيخه وقال بحنيه ابد ماتركب ع شخصيته:ماعليه اميه زعلانه من خوفها عليج..اهيه نفس باجي الامهات تبغي تفرح ببنتها وتزفها جدام كل الناس..بس انتي الله يهداج فاجاتيها بيوم وليله صرتي متزوجه خليتها جدام الامر الواقع.الناس كلو ويهنا.بس ماعليه كلها ايام وبترضى عليج..انتي دلوعتها
سحبها لحظنه وظل يمسح ع شعرها
ارتاحت ححححيل من كلام فيصل
وبان قد شو اهيه غلطططت
ومايد يطالع فيصل مستغرب
كل يوم يثبت لهم انه شخصيته متناقضه ححححيل.ماحد قادر يفهم هالانسان
بس ياويل شيخه منه اذا كانت تخدعه وماتبغي تتطلق من حماده..ساعتها صج بيذبحها
.
.
.
.
آسما
ضلت اسبوع كامل ع نفس الحااال
عيسى سحب منها الفوون وكل مايظهر مكان يقفل الباب اوياه
عشان تعرف منو عيسى وتحسب له حححححساب فحياتها
عانت وايد فهالاسبووع
كرهت عيسى من قلبهاا تمنت انه يموت لانه حابسنها ومب فاتح لها المجال عشان تنتفس
سيطر عليها خارجياآ بس من الداخل مستحيل يملك ذره من قلبها
كانت قاعده بالغرفهه لابسه عبايتها تنتظره يوصل
عشان تقوله ان البيت مافيه اغراض ولازم يروحون يشترونها
دخل ولما شافها بلعبايه هز راسه ومشى لدولاب
وقفت جدامه وقالت بجديه:عيسى نحن مب يهال..خلنا نتفاهم
التفت لها حطى ايده ع خصره وقال ببرود :خخخير.ع شو نتفاهم.وبعدين ليش لابسه عبايتج!!
اسماء:البيت مافيه اغراض ابد..انا من الصبح انتظرك عشان نروح نشتري اغراض.يوعانه ابغي اكل لي شي
عيسى مشى لدولاب وطلع له ملابسه قالها:كتبي لي الاغراض اللي تبينهن فورقه وانا بسبح وبروح السوبر ماركت اخذهن
مسكت ذراعه
التفت صوبها
اسماء:حرام عليك
مسك ايدها بقوه وصرخ عليها باعلى صوته:لا تقوووووولين حححححححرااااام
فتحت عيونها خايفه منه..بلعت ريجها اول مره يصرخ عليها جي
حاولت تتكلم بس صوتها اختفى من الخوف
عيسى صكر باب الدولاب بقوه وجابلها وتكلم بنفس نبره صوته العاليه:لااا تقولين حرام ولله انج تستاهلين الحبس بسجن.ترا كل سوالفج اعرفها..انا مب غشيم.فيصل وربعه بس ساكت ابغي اشوفج لوين بتوصلين..وامس خالد كلمني يشتكي .يقولي اقبض زوجتك وربيها بدل لا تقعد تتشمت ع خلق الله.
سكتت مب عارفه ش تقول
معقوله ريم قالت لخالد !!!
بس شو مصلحته
والمصيبه الاكبر
كيف عرف سالفه فيصل!!
يمكن فيصل قاله بس فيصل م يسويها
اخذت لها نفس وقالت بثقه:دام انك عارف سوالفي ليش ما تطلقني!!
اخذ ملابسه وطالعها بسخريه:ههههههههههههههههه بطلقج لا تحاتين بس اول بعطيج كورس بلاخلاق ياحياتي
ومشى عنها
خوفتها نبره صوته وااايد
حاسه ان عيسى داهيه مب مثل ما اهيه متخيله انه بريئ وعلى نياته
الله يعينج يا اسمآا من اللي بتشوفينه من عيسى
.
.
.
.
.
.
.
.
.
.
.
طلع من البيت معصب
ركب سيارته واخذ فونه
بدون تفكير دق لعيسى عشان يوقف اسماء عند حدها
مهما صار عوره قلبه بقوه على ساره
ماينسى ايامهم
اخته حبيبته
مارضى
لما شافهم يتشمتون عليها
قعد يتمشى بسيارته بدون هدف يحاول يمسك اعصابه ع الساعه ٣ الفجر
رجع البيت
لقاها قاعده تنتظره بالصاله
دخل مطنشنها ولا كائنها موجوده
لحقته رمى نفسه ع السرير باهمال
قعدت ع طرف السرير
لحظه صمت ماحد تكلم
اهيه تنتظره يتكلم واهوا ساكت
اخيرا تكلمت قالت له بشويش:خلوود ترا انا سويت جي من قهري
مارد عليها
اخت نفس وقالت بحزن :انت لازم تفهمني..اختك كذبت عليك فالبدايه وانت صدقتها شي طبيعي بينولد بداخلي الكرهه لها..نحن بنات وهذي طبيعتنا نشيل ع بعض.بس صدقني انا ندمانه لاني صغرت نفسي لهمستوى وتكلمت بهالاسلوب.حط نفسك مكاني دخيلك خلود افهمني

مارد عليها ساكت
ريم نزلت دمعه من عينها:خلوود م اقدر انام وانت متضايج مني ..ولله حاسه بغلطي وحاسه بذنب لا تزيدها علي..اوعدك اني م اكررها
مسك ايدها وطالع عيونها:توعديني!!
هزت راسها ومسحت دمعتها بطرف ايدها:وربي اوعدك
هز راسه واخذ نفس:زين مسامحنج
شقت الابتسامه ع ويهاا:ربي لا يحرمني منك
.
.
.
.
.
.
بعد مرور شهرين
.
.
.
.
.
عيسى
.
.
ماغير معاملته اويا اسماء
حاس بندم انه تزوجها
ابد مايشوفها الا احيان
لانه منشغل بدوامه
واذا رجع يروح بيت يدته ياكل وعقبها يروح البيت ينام
واهيه من ذاك اليوم ساكته ماتقول شي
يمكن اخيرا حست بلي كانت تسويه
مارجع لها الفون
حاسه انها بتوصل لمرحله الجنون من كثر التفكير والوحده
الحزن بيذبحها
وعمها ابد ماسال عنها
.
.
.
خالد وريم
.

.
رجعت علاقتهم طبيعيه من بعد هذاك اليوم
عايشين طبيعي مثل اي ٢ يحبون بعض
قليل ماتكون بينهم خلافات
ويتعدوهن ببساطه
لانه خالد يحبها وريم تبغي تكسب رضاه باي طريقه
.
.
.
.
.
حماده
.
.
.
حاس بشي ناقصنه فحياته من بعد شيخه
وشي كبير بعد
فراغ ماله دوا ابد الا برجعه شيخه.
فقد وايد اشياء مثل اهتمامها وعتابها له وحبها وكل شي فيها
حس كثر شو اهوا كان غبي لما فرط شيخه بسبب شي سخيف اللي اهوا الطيش والاستهرار وعدم المبالاه
يمكن هذا الشي عقل حماده وخلاه يشوف حياته بالطريقه الصحيحه
ماحاول يكلمها ولا يدق عليها
لانه مستحي من افعاله.
دايم ياخذ اخبارها من عند مايد ولد عمه
اللي علاقته اهوا وياه ما تاثرت ابد
.
.
.
شيخه
.
.
.

فيصل سكت عن سالفه طلاقها من حماده
لانه يعتبر الطلاق باطل واهيه حامل
قرر انه ينتظر لحد ماتولد وعقبها اهوا اللي بيتصرف وبيحرق قلب حماده
امها عقب اسبوعين سامحتها وصارت تدلعها لانها حامل وتداريها
اما عن علاقتها بحماده
كل يوم حبها لحماده يختفي من قلبها
شهرين ولا سال عنهاا
يعني ابد ماتعني له شي فحياته ولا تهمه ولا كان رجعها من اول يوم رجعت فيه بيت اهلها
..ماتتصادف وايد اويا شماء وميره لانها مقاطعتنهن من هذاك اليوم وابد ماتكلمهن
.
.
.
.
.
.
تركي
.
.
.
.
.
ينتظر فهد ع احر من الجمر يبغي يشوفه جدام ويهه.يتصل له بس م يرد عليه
تصالح اهوا وعمور وحاول فيه يرجع البيت
بيت عمور عاند بعد ما حصل ع وظيفه حلوه اهوا وسعود
يداومون فمكان واحد
تركي مازار ساره بعد ماظهرت من المستشفى ابد
بعده شايل فقلبه عليها وايد
.
.
.
.
.
.
فهد
.
.
.
.
علاقته اويا روضه صارت مثل اي اثنين متزوجين..نسته ساره وبدت تنولد فقلبه مشاعر يديده لروضه ..يتجاهل مكالمات تركي
وحاط فباله اول مايرجع البلاد بيتفاهم اوياه.مايدري انه تركي عرف عن كل شي
خلصته الدوره على خير وراجعين البلاد اليوم
.
.
.
.
.
.
ساره
.
.
.
.
.
.
تغيرت نفسيتها وايد بعد الولاده
صارت وحده ثانيه تحب تهتم بشكلها وبمظهرها لنفسها مب لاي احد ثاني..اهيه كانت جي من قبل بس بعد المشاكل اللي صارت هملت شكلها ولا صارت تهمتم بنفسها..جسمها رجع شرات اول مب هيكل عضمي..كل يوم تروح المستشفى تشوف عبدالعزيز
واليوم بيظهرونه بالمستشفى لانه اكتمل نموه
دايما تحاول تتناسى فكره انه مابيقدر يمشي
فصغره مابياثر فيه بس من بيبدي يكبر بتلاحظ الشلل اللي فرجله
.
.
.
.
.
بطياره
.
..حاجزين درجه اولى
قاعده حذاله متحمسه تشوف اهله
حتا اهوا كان فرحان انه بيشوف اهله بعد ثلاث شهور بس اللي مضيج خلقه.المواجهه مع تركي
روضه:وين بنعيش!
فهد:فبيت هلي..فقسمي الجديم
روضه:لااا مابنسكن هناك
رفع لها حاجبه:لا ولله..عيل وين تبغينا نسكن!!
رفعت كتفها:ما بسكن فمكان عايشه فيه حرمتك الاوليه
طالعه ببرود وقالها بحده:انا كم مره قلت لج هالموضوع م ابغي اسمعه منج..
هزت راسها وطالعت جدام م تبغي تكلمه
تعرفه اذا كلمها جي يعني معصب او مضايج
خلت راسها ع كتفه بتنام لحزه الوصول وفعلا نامت لين م اوصلو
ماحست الا بصوت فهد يقومها بشويش:روضه..روضضضه..قومي وصلنا
فتحت عيونها بشويش
طالعت يمين ويسار
انتبهت انها بطياره وانهم اوصلو
قام واخذت جنطتها ولحقت فهد
خلصو باقي الاجراءات بالمطار
قعدو ينتظرو سعود عسب يستقبلهم
دق فون فهد :هلاا وينك انت يارياال
سعود:شفتك احين ياي خلك مكانك
فهد :زين
صكر عنه وفعلا ثواني وشاف سعود جدامه استقبله بالاحضان هذا اخوه واشتاق له ححححيل
التفت فهد ع روضه واشر لها تقوم
طالع سعود وقالع بابتسامه:هذي زوجتي روضه
سعود حتا ماطالع صوبها
قال لفهد ببرود:يلا خلنا نروح السياره تشتغل
انحرج فهد من تصرفه
خاطره يمسك سعود ويعطيه كف ع ويهه.
حس بايدها تمسك ايده قالت له بشويش:ماعليه حبيبي خله
تنهد اخذ الجناط ومشو
طول الطريج واهما ساكتين
فهد متنرفز من حركه سعود
فجاءه رن فون سعود
طالع الفون وعقبها طالع فهد
انتبه فهد لحركته وقاله:شفيك!!
سعود هز راسه:ماشي
رفع الفون لاذنه ورد
:عليج السلام هلاا ساره
طالع فهد يبغي يشوف رده فعله
فهد رفع راسه وعقبها طالع الطريج جدام مب مهتم
سعود:احين مشغول ليش!!
..
سعود:ايواا صححح نسيت انه اليوم موعد خروج عزوز..ماعليه مابتاخر عندي شغله بخلصها وبيج
..
سعود:تقدرين تنتظرين لساعه!!
..
سعود:ههههههه ماعندج غير هالحل.ماتخلين احد يوصلج المستشفى غيري
..
سعود:ولله احذرج.بذبحج انتي وعمور لو رحتو
..
سعود:هههههه ان شالله.يلا في امان الله
صكر عنها وفر الفون بعيد
سمع فهد يقوله:بامر منو تسمونه عبدالعزيز!!
طالعه سعود وقاله باحتقار:فهد واللي يسلمك انت اخر واحد تتكلم عن عبدالعزيز. لا تنسى انك متبري من مسئوليته
التفت فهد جدام وقال ببرود:صح انا ش لي ادخل نفسي من البدايه شايل ايدي من مسئوليته..خل امه تربيه
سعود يبغي يستفزه:بتربيه وبتشيله بعيونها بس انت لا تتدخل
فهد بحده:بحريقه قلت لك مالي دخل.خلاص عاد
انتبه سعود لطريج وسكت عنه
روضه طول الطريج واهيه ع اعصابها
بعد تقريبا ساعه وصلو البيت
كانت ام فهد وخواته وابوه واخوه علي باستقبالهم
كلهم خذوه بالاحضان
وامه ماصدقت من شافت روضه
قعدت تهلي وترحب فيها
ماقدرت تخبي فرحتها
واهيه حبت تعامل ام فهد اوياها
سلمو عليها خواته
بوفهد سلم ع روضه عادي
عقبها طالع فهد بعتاب
قاله:مته ناوي تشوف ولدك
تافف فداخله اخذ نفس وقال: ابويه انا ها الولد مالي دخل فيه خله مع امه احسن
بوفهد بغضب: تزوجت وماحد فينا تكلم.لكن تعق ولدك مع هالفقيره بروحه هذا الشي لا يرضى لا الله ولا رسوله
فهد يحاول يمسك اعصابه جدام ابوه:ابوي كلتمك ع عيني وع راسي بس هالشي خاص فيني وما ابغي احد يتدخل فيه
بوفهد:ليش مب ناوي ترجع ساره!!
ام فهد:يخسي يرجعها ..بيطلقها اليوم قبل باجر
صرخ عليها بوفهد:ججججب انتي..
سعود فضل انه ينسحب ويروح يوصل ساره المستشفى:انا احسن لي اوصل ساره المستشفى بدل هالصراخ
مشى لكن وقفه بو فهد:اوقف..فهد اللي بيروح يوصل حرمته وبيطلعو ولدهم من المستشفى
فهد بحده:ابويه ماله داعي ها..
قاطعه بو فهد:ولله لو مارحت لا انت ولدي ولا انا ابوك.مثل ما تتبرى من ولدك انا بتبرى منك
دعى ع سعود وع ساره فداخله الف مره
اخذ العنوان من عند سعود وتحرك
دخلت روضه قسمهم واهيه خاطرها تقطع بوفهد الف قطعه
وصل فهد بيت ساره
دق الباب بغيض يبغي يذبحها
كل المشاكل اللي تصير له بسببها
فتح عمور الباب وانصدم لما شاف فهد
صكر الباب وقاله ببرود:خخخير
فهد :شحالك عمور
عمور كارهنه مب قادر حتا يشوف ويهها:من شفتك مب بخير
تنهد فهد وقاله:خل ساره تيي عسب نروح نطلع عبدالعزيز من المستشفى
عمور:مب محتاجينك
رص فهد ع اسنانه وقاله:انت بلاك تكلمني جي
عمور:وكيف تبغاني اكلمك..انثر لك ورود واستقبلك بالاحضان..انت لو حد غيرك بيستحي ع ويهه .ياي عندنا بكل قوات عين
تكتف فهد وقاله:وانا شسويت!
ضحك عمور بسخريه:هه..روح روح حرمتك تنتظرك
دخل وصكر الباب اوياه
ضل فهد واقف جدام الباب يدعي ع عمور
يعني من صجهم احين معصبين لاني تزوجت
ولله كيفي باخذ ثنتين وثلاث واربع فوق راس ساره ولا يهمه احد
تحرك للبيت وصل وع طول دخل الغرفه
لقى روضه جدامه تنتظره
روضه بعصبيه:شفتها حبيبت القلب..وانت ماصدقت ابوك قالك جي ع طول خطفت تركض عشان تشوفها
رفع شعره عن ويهه وقال بعصبيه:روضه قسم بالله اللي فيني يكفيني.لا تزيدينها علي
روضه:معصب اكيد ما مليت من شوفتها
صرخ عليها:روووووووووضه
التفت لها وقال:ماشفتها اخوها مارضى.وبعدين لا تحسسيني اني انا اللي ابغي اشوفها.انتي شفتي كيف ابوي غصبني
روضه بشويش:مالت عليه من ابو
فهد:قلتي شي
روضه بابتسامه:هيه روح اسبح وعقبها ارتاح
اخذ فوطته وقال:زين زهبي لي ملابسي
.
.
.
.
.
.
.
.
بعد ما راح فهد دخل عمور
ساره كانت لابسه تنتظر سعود:منو كان عند الباب!!
عمور:ربيعي..يلا جاهزه
ساره:هيه جاهزه بس وين سعود كانه تاخر
هز راسه:امشي انا اللي باخذج.سعود صار اوياه ضروف مابيقدر يمر عليج
هزت راسها واخذت جنطتها اوياها
ركبو السياره وتحركو للمستشفى
وساره دقات قلبها تسبقهاا
اخخخخير ولدها بيصير فحضنها
اوصلو المستشفى
راح عمور يخلص اجراءت الخروج
واهيه راحت للمرضه عشان تجهزه لها

اسطورة ! · 08-08-15, 09:53 PM

البارت 65:
راح عمور يخلص اجراءات الخروج
وانا رحت للمرضه عشان تجهز عزوز لي
قعدت ع الكرسي انتظر منتظره اللحظه اللي تعطيني الممرضه عزوز
صح اني كل يوم اشوفه بس هاللحظه احسها غير
هاللحظه اللي بلمه بحظني ومابتركه ابد
شعوور ابد ما ينوصف
قعدت ع اعصابي
سمعت الممرضه تقول:تفضلي وهذا ولدج
رفعت راسي وع طول قمت واقفه واخذته بين ايدي
يااعمممممري ولله ما مصدقه
كان نايم قعدت ابوسه بشويش
ابغيه يصحى لاحق ع النوم
شفت عمور يتجدم مني
عمور:عطيني اياه بشيله
طالعته بنظره:روح بعدني ماشبعت منه
عمور يطالعني بخبث:زين لا تعطيني..من احين اقولج بعدين لا تقولين "يقلد صوتي" عموور خله اوياك شوي..عمور تعبانه شيله اوياك
نذذذل اعرفه يسويها
مديت ايدي وعطيته:خذ خذ نذل واحد
شاله عني وقعد يبوسه بقوه
ضربته ع كتفه:عموور حرام بتخوفه جيه
قعد يضحك مطنشني
مشينا ورحنا باتجاه الباركنات
شفت شخص واقف حذال السياره عاطنا ظهره
طالعت عمور وعمور رفع كتفه يعني مدري
لما سمع صوت خطواتنا التفت لنا
كان
ترككككي
خفت لما شفته
احس وراه شي.مب ياي ع الفاضي
تركي:تاخرتو وايد من نص ساعه قاعد انتظركم
عمور:لو اتصلت لي كنت بخبرك
تركي يطالعني وعقب يطالع عمور:المهم ماعليناا..عموور احين مثل ماتعرف انه ساروه محتاجه احد يساعدها فرعايه عبدالعزيز.وانت مشغول ماتقدر تساعدها..فا احسن حل انكم ترجعون البيت
عمور طالعني كانه يقول شرايج
تكلمت بسرعه:مشكور مب محتاجين احد
طالعت عمور ابغيه يتكلم
بس عمور ساكت كانه سرحان
تركي بقهر:ساره خلاص يكفي ثلاث شهور وانتو بعيد.الناس بدت تاكلنا من كلامهم
عمور تنهد وطالع تركي:زين احين بنروح نلم اغراضنا وبنرجع بيت ابويه
م استوعبت اللي قاله عمور
طالعته بقهر وقلت له:عمووووووور
عمور يكلم تركي:مابنتاخر .
ابتسم تركي وقال:زززين انا بروح البيت احين لاتتاخرون
ركب سيارته ومشى
ظليت اطالع عمور
ودي اذبحه ليش يسوي جي
فتح السياره ودخل
ركبت اوياه وانا احس اعصابي بتنفجر باي لحظه
تحرك وماقال اي كلمه
عقب صمت
تنهد عمور وقال:ساروه ترا هالشي من مصلحتج..لا تزعلين مني
طنشته وانا خاطري اذبحه
وصلنا البيت واخذت عنه عزوز بقوه ودخلت
مشى وراي وقال:يلا لمي اغراضج عسب نروح نتغدا اوياهم
طالعته بغيض وقلت له:عمور اكرهك
قعد ع الكنبه بالصاله يلعب لمفتاح سيارته مطنشني
شسوي مجبوره ارجع البيت
حطيت عزوز ع السرير
وقعدت اجهز الاغراض
لبست عبدالعزيز ملابسه
وطلعنا
كنت الصبح فرحانه
بس كل فرحتي راحت
مضايقه بقوه
م ابغي اشوف ميره ولا شما
ولا حماده وخلود وريم ولا شيخه
م ابغي اشوفهم
اللي ياني منهم وايد
وصلنا وانا م ابغي انزل
شفت تركي واقف حذال الباب شكله بيدخل
بس لما شافني انا وعمور وقف حذال عمور وقال:عبالي بتعاندون
عمور:حق شو العناد وهالشي اصلا فمصلحتها
نزل عمور وانا بقيت فالسياره
ماقادره انزل احس قلبي يعورني م ابغي انزل لمكان انذليت فيه
بس عمور قطع علي لحظات تفكيري وفتح الباب اخذ عزوز ووقف قبالي قالي بنبىه حسيته تعبان من كل شي:ساره دخيلج قومي اوياي
مسحت دمعتي ع السريع ونزلت
حتا عمور غدر فيني
كرهته بقوه
مشيت وراه
دخلنا مب باب الشارع
وشفتهم قاعدين بلحوش ع الكراسي اللي حذال الحديقه
خلود وحماده وتركي
صح اني اشتقت لهم
بس قلبي شايل عليهم بقوه
تجدم لهم عمور وقامو يسلمون عليه
وحماده اخذ عزوز وقعد يلاعبه
بلعت ريجي مب عارفه اروح غرفتي ولا اروح اسلم عليهم
قلبي يقول هذيلا اخوانج لازم تسلمين عليهم
بس عقلي مب مستوعب اني واقفه جدامهم.مستحيل اروح لهم واهما اللي ذلوني..شبعوني ضرب ع الفاضي.عشان احد مايستاهل
بس كالعاده انا بهالمواقف م اعرف اتصرف
سمعت تركي يقولي:تعاالي ساره سلمي ع حماده وخلود
زادت دقات قلبي
اخذت نفس عمممممميق
ومشيت تجاهم
وقفت حذال خلود ومديت ايدي
مد ايده بدون حتا لا يطالع ويهي
بمجرد مالمس ايدي سحب ايده كانه متكهرب
اخذت نفس وسلمت ع حماده
بس حماده كان يطالعني بنظرات ماعرفت كيف افسرهن
ضل ماسك ايدي ويطالعني
قالي:شحالج ام عبدالعزيز!
هزيت راسي وقلت بصوت يالله ينسمع:بخير
سحبت ايدي واهوا بعده يطالعني
قعد عمور ع الكرسي وقعد تركي وحماده
تركي:ساره قعدي
قلت له:لا ابغي اروح انامم
مسك عمور ايدي وقالي:قعدي عقب بتنامين
طالعته بقهر بلاه اليوم يتصرف جي
قعدت اللعب باصابعي
واسمع حماده يلاعب عزوز
حماده:ههههههه ياحياتي..تروك شوف يشبه فهود لاه!!
عمور:اليوم لما يا عند بيتنا طردته
خالد:طردت منو؟!
عمور:فهد
تفاجاءت لما قال عمور جي
ليش مته فهد رجججع!!
خالد يطالع تركي:كلمته!!
تركي:قبل شوي راسل لي يبغاني اشوفه عند البحححر
حماده بحده:بروح اوياككك
تركي:خلك انا بتفاهم اوياه
ياااااويلي شكله تركي قالهم عن السالفه
قام خلود واقف:سمعوني انا ماتدخلوني فسوالفكم.م ابغي علاقتي انا وحرمتي تتاثر بخرابيطكم
طالعه تركي وقال من بين اسنانه:بس هذا اللي يهمك.علاقتك انت وحرمتك ماتتاثر.؟!واختكككك!!ماخفت عليها
طالعني خلود بنظره تمنيت الارض تنشق وتبلعني وقال:مدام اختي ما احترمتني ولا خافت علي من كلام الناس.ليش اخااف عليهاا
وراح
طلع من الباب
عمور:خ يولي لا تهتمين
صاح عزوز
حمدت ربي لانه قعد يصيح
اخذت من عند حماده وبسرعه مشيت م ابغي اقعد اوياهم زياده
خايفه من مواجتهم
خايفه يجرحوني زياده شرات ماجرحني خلود
مشيت للغرفه الجديمه ودخلت فيها
.
.
.
.
.
.
.
.
رن فون تركي
حطه ع السايلنت وقاام
ركب سيارته وحرك بكل سرعته
فاقل من ثلاث دقايق وصل صوب البحر

شاف سياره فهد صافطه عند البحر وصفط حذالها
نزل واهوا مايشوف شي جدامه غير الخيااااانه
من نزل التفت لي فهد
مد ايده لكن تركي كان اسرع وعطاه بوكس ع ويهه
ماتوقع فهد لهدرجه تركي شايل عليه
حط ايده ع فكه
تكلم تركي:ماتوقعتك فيوم من الايام خاااين..كيف قدرت تنهش فلحمي وانا شايلنك ع راسي..انا ما احمل ساره المسئوليه..كل الذنب يطيح فوق رقبتك.اهيه كانت ياااهل..كيف قدرت تخدعها وتخدعني...وربي ماتخيلت فيوم انك كنت تكذب علي وتمثل انك اخوووي
كان متاثر حيل واهوا يتكلم
حاس قلبه بيوقف
كيف مايوقف واعز شخص فحياته خخخخاين.
سكت فهد ماقدر يحصل كلمه تبرر موقفه
التفت تركي ع البحر
تنهد فهد وقااال بعد صمت:وربي يا تركي كنت احبهاا
مسح تركي ع ويهه بكل عصبيه وصرخ ع فهد:اسسسسسسسسسكت.لا تقول احبهاا...انت عذبتها وهنتها.خليت اخوانها يكرهونها.واخر شي تقول كنت احبها.دخيلك اسكت..
فهد صرخ ع تركي:عبالك مب ندمااان!!انا ندمت الف مممره..كرهت حياتي والسبه اختككك.لا تقعد تزيديني فوق همي همممم
تركي مب قادر يضربه ولا قادر يصارخ عليه زياده..هذا اخوووه اللي ما يابته امه.مب عارف ككككيف يتصرف اوياه
قعد ع صخره مجابل البحر:طلقها..واعتبر فحياتك ماعرفت احد من عايلتنا لا انا ولا ساره ولا اخواني..وحتا ولدك انساه
استفزت فهد هالكلامات كيف يقدر يبيع صداقتهم لخطاء ندم عليه الف مره قال لتركي بجمود:انت واختك واخوانك كيفكم.بس ولدي احين تروح تعطيني اياه
قام تركي ومسك فهد من كندورته بس صرخ عليه فهد:هذااا ولدي وغصبن عنكم باخذه
غمض تركي عيونه وقال:تفاهم انت وساره انت مالي دخل فيكم
فهد بجمود:احين رايح لها
طنشه تركي وركب سيارته وحرك
نفس الشي فهد ركب سيارته وتحرك صوب بيت تركي
اهوا مايهمه لا ولده ولا حتا ساره
كل اللي يهمه انه يحرق قلبها عشان انها خبرت تركي.ضيعت علاقتكم عشان غلطه تافهه باعتقاده
ليشششش قالت له عن كل شي ليشششش!!مفروض هذا شي ماحد يعرف فيه
وصل عند البيت وماكان في اي سياره حذال الباب
قفل سيارته ونزل
فتح الباب وع طول دخل غرفتها لانها بعيده عن غرفهم
قفل الباب اوياه
تلفت فالغرفه يدورها بس مالقاها
سمع حس ياهل ع السرير
طالع السرير ومشى له بخطوات بطييئه واهوا عيونه مازالت تطالع الياهل
وقف حذال السرير وقعد يتامله
نسخخخخه مصغره منه
سبححححححان الله
غمض عيونه وفتحهن يمكن يتخيل
تردد يشيله او لا
بس مشاعر الابوه اللي انولدت بهاللحظه ماقاومت
ع طول مد ذراعه وشاله بحضنه
حظنه بقوه وقعد يشم ريححته
ريحه يهال مختلطه بعطر ياااماا عجز يتخلص منه
ريحه عطرها
باسه بقوه يبغي يتاكد اذا اهوا بحلم او واقع
قعد يلاعبه
سمع صوتها من وراه:انت شتسوي هنيه!!!
رجع عبدالعزيز مكانه والتفت لها
ظل مصدوم من شكلهاا
معقوله هاي سااره!!
مستحححححححيل!!
هاي مب ساره
تنح فشكلهاا
كانت متغيره حححححيل
شعرها ويهاا حتا طريقه لبسها متغيره
كانت مهتمه بنفسها وايد
بلع ريجه من الي يشوفهه
صج انها قبل كانت ججميله
بس احين جمالها صاير يعور القلب
تجدم منها
بس اهيه رجعت تساله مره ثانيه:شو تسوي هنيه
فهد ونظراته ابد ماشالها عنها قالها بدون تفكككير:ياي اخذج واخذ ولدنا للبيت
احين تاكد انه مايقدر يبعد عنها
حس قلبه بيفضححه من كثر ما ينبض
بدون شعور تجدم منها وحظنها
كان وده يدخلها فضلوعه
كل ماحاولت تتكلم يزيد فحظنه لهاا
فهد يهمس لهاا:ثلاث شهور م اشتقتي لي!!
حاولت تمسك نفسها م تبغي قلبها يفضحها ولا تبغي دموعها تفضحححها
بعدته عنها وقالت:مبروكك سمعت انك تزوجت
هالجمله كفيله انها ترجعه للواقع
حاول يخفي مشاعره
ارتبك وقال:الله يبارككك فيج
فاجاته لما قالت:حبيتها
قعد حذال ولده وقال بشويش:ماتتخيلين كككيف صارت ماليه حححياتي

تاكدت انها صارت هامش بحياته
مسك عبدالعزيز وشاله
جابلته وقالت:لو سمحت..تذكر كلامككك زين..من البدايه انت شايل ايدك وقايل مارح تتحمل مسئوليته..لا ترجع فكلامك احين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري