24-10-14, 10:37 PM
| #1 | |||||||||
| نجم روايتي ومشرفة سابقة وفراشة متالقة بعالم الازياء  
|  تبعثرنا مشاعرنا الكاتبة / بعثرة مشاعر ،  السلام عليكم ورحمة الله وبركاته شلونكم يا قمرات نقدم لكم باقة جديده من الروايات الخليجيه وان شاء الله تروق لذائقتكم الراقيه قراءة ممتعة  .gif "Eh S(7)") | |||||||||
|
|
24-10-14, 10:40 PM
| #2 | |||||||||
| نجم روايتي ومشرفة سابقة وفراشة متالقة بعالم الازياء
| بسم الله الرحمن الرحيم .......... قاام وهو يحس انه مصدع ورأسه يعور رفع يده بيفرگ عينه بسبب الاضاءة القويه الي المته بس انتبه لابره المغذي بيده يعني هو بالمستشفى يحس نفسه مو مستوعب يحاول يتذكر شسالفه بعدها استوعب الموضوع وتذگر الي صار وهو يتذكر كلام الدكتور وهو يخبره باللي صار وكيف تفاصيل الحادث والموته الشنيعة الي ماتوها بكككى والي زااد بكاااه وهو يتذكر كلمت الدكتور الي اصدمته : انا اسسف ياخوي بس لما لقيوا السيارة كانت للاسف منفجرة وقطعها متطايرة ومالقينا جثث والاكيد انهم يا انحرقوا ترمدوا يا اكلتهم الطيور ومثل ما تعرف ما لقوا السيارة الا بعد تقريباً يومين بكككى وهو منهااار . ................ گان توه طالع من المحاظره وهو حده طفشاان من الجامعه لااا وتوه اول ترم له وطفش كيف راح تعدي الايام الجايه شوي انتبه للجاي جهته وهو ينااادي عليه بصووت عالي عشان ينتبه له وقف وطالععه بإستغراب شكل عننده شئ مهم هالمره راح له وقال بفضول : شعندگ تصارخ من اخر الجامعه الله لايبلانا طالعه بحمااااس قوي وقال : جدي يقول يبي الكل عنده يوووم الخمميس في شي لازم الكل يعرفه وهو شي مهم حتى خلا عمي يجي من فرنسا وهو توه رايح قريب طالعته وانا اقول: وش تتوقع عند جدي هالمره شكل وراااه سالفه وسالفه خطيره بعد طالعني ببتسامه : ايييه تخيل هو قال بس عماني وحريمهم يجون بس ويقول ورعانكم لا تجيبونهم معگم قاله وهو يقلد جدي بالكلام وكيف يحرگ يده بعدين هدل صوته وقال ماعلينا منه لازم نعرف السالفه صح طالعته ببتسأمه إجراميه: صحييين مو واحد قالي وهو رايح : خلااص نتفاهم بالباقي بعدين ........................... كان مستغرب وش يبي فيه ابوه وهو توه رايح من شهر وملزم الا يجي حتى لو تركت دورته اكيد السالفه فيها إن بس وقطع عليه تفكيره وتحليلاته زوجته وهي تجلس قدامه وتقول : عسى خير وش فيه عمي داق ما يدق الا لظروره وش صاير طالعها وقال ببتسأول : هي سالفه بس مدري وش هي ابوي يقول الخميس اكون هناگ وانتي معي لحالنا يبينا في موضوع اننا واخواني وحريمهم قالت له بحيره: والله عمي لاقال موضوع اعرف ان فيه سالفه موب هينه بس الله بعيننا شكلها مصيبه وجلست تفگر ........................ كانت توها طالعه من المدرسه بتروح للبيت وهي تمشي بالشارع لان البيت مو بعيد مره شافت سياره وقفت جنبها وانفتحت الشباگ وطلعت منها يد رمت عليها ظرف ابيض وتسكرت الشبااگ ومشت السيارة استغربت وش السالفه وبعدها خذت الظرف وحطته بشنطتها وقررت اذا رجعت البيت تشوفه وهي مستغربه من هذا وليه ما نزل يسلمه لها ممكن غلطان بيرميه لشخص غيرها طالعت الشارع مافيه من هالجهه احد غيرها اكيد قاصده لها بس كيف عرفها وهي بالعبايه استغربت شوي وبعدها طنشت وقالت : اوووه مردي بعرف اذا لي ولا لغيري اذا فتحته وكملت مشيها وهي تحس بالحرر ................. وببس الى هنا نهاية البارت طبعاً البارت هذا مقتطفات من كل شخصيه وفيه شخصيات ما طلعت للان هاذي بس البدايه - وش سالفه الشخص الي بالمستشفى؟ - والجد وش موضوعه الي جمع عياله عشانه ؟ - البنت والظرف ووش قصتها وهل هو لها او لغيرها ؟ ....................... | |||||||||
|
|
|
24-10-14, 10:41 PM
| #3 | |||||||||
| نجم روايتي ومشرفة سابقة وفراشة متالقة بعالم الازياء
| تابع البارت الأول .. كان مابين ذكرياته ونظرة معلق بمنطقة معينة بالسقف يحس نفسه سجين ذكرياته معهم نزلت دمعه من عينه وتبعتها دمووع دمووع فرقى اغلى ناآس على قلبه دموع تبكي اهله دموعه تبكي ابوه الاب الحنون الي علمته دنيته وقوته ابوه الي كان رغم شدته عليهم فهو الاحن عليهم يبكي امه جنتته الي راحت راحت ولا عاد بترجع كيف بيدخل البيت ولا يشوفها كيف يأگل اكل ماهو من يدها يبكي لا احد يلومه ع بكاءة هذول امه وابوه يعني جنته وناره يعني حياته وموت قلبه الي ينبض هذا هم بكىى وارتفع صوت شهقاته المكتومة وهو يشوف طيف اختته وهي تبتسمم له وهي تضربة تتمشگل معه تأخذ اغراضه بكى وهو يسمع صدىى ضحكتها تررن في اذنه شافها قدامه مادة ايدها له يبيها يبي يروح معها جلس يبي يمسگ يدها ابتسم من بين دموعه وهو يشوفها تناديه مد يده لها بسس اختفت هاذي ماهي الا سرااب خيااال اخته خلااص راحت وماعاااد لها رجعةة مستحيل ترجع خلاص بكى وبكى وانهار وهو يشوف عايلته الصغيره تختفي حياة الي يعيشها تنتهي سعادة تنهدم قدامه اصعب شعووور تفقد ابوك امك اختك عايلتك كلهم سواء بلمح البصر راحوا بكككى وانهار وهو يردد : ليييش لييش خلوني لييش ما خذوني معهم ليييش انا ابيييهم لييش لييش يتركوني ليش واختلطت كلماته بشهقاته وعبراته وانتفتح عليه باب الغرفة والدكتور يدخل وهو يردد: لاحول ولا قووة الا بالله الله يصبرگ عظظم الله اجرگ ياخووي . لف عليه بقووة وبنظرة غريبه انتتت كذااب ما ماتوا ابوي حي وامي تنتظرني بالبيت حتى اختي كلهم ينتظروني كلههممم انت كذااب كذاابين كلكمم كلكمم وبداء صوته يختفي شئ فشئ لما سكت فجاءة وهو يلف على الدكتور وهو يقول : ابي اشوفهم الدكتور طالعه بهدوء وهو محتار بعدين تكلممم بهدوء: امم والله مدري وش اقول لك ياخوي بس الصراحةة لما صار الحادث ما وصلتنا ولاجثة والشرطةة حطت احتمال انفجار الجثث لانه ما لقيوها والسيارة كانت منفجرة مثل ماقلت لك من قبل .. ...…………………… تركي وهو ماسك جواله ردد ردد ياغبي بعد ثلاث رنات رد مشعل : هلا نعمم وش تبي انت تركي بعصبية : وش ابي يا غبي ياثور نسيت وهمس سالفة جدي اليوم مشعل فزز : اييييه جدي هاه وش صار تركي : لاوالله يعني بروح لحالي لا حبيبي بتجي معي ولا ما بقول لك مشعل بحمااس : طيب ثواني وانا عند بيت جدي بعد خمس دقايق تركي :يلا امشش ودخلوا للبيت جدهم الكبير نوعاً ما راحوا توهم بيدخلون المجلس مسكت صوفا ( الخدامة) دايم هي اللي تخرب عليهم وتفضحهم صوفا: كيير كيير انتا ايش يبقا هنا بابا كبير في يقول ما يبي انتا يجي هينا ( خير خير انت وش تبي الجد يقول ما يبيكم تجون هنا ) تركي : يالليل الهمم وخرري لا اخمكك بكف يرتب لك وجهك صوفا: ايش ايش هبيبي انتا يضرب انا كف ؟ وهي تتخصر تركي بعصبية وصوت واطي عشان ما يطلع جده : وخري الله يأخذك لا تفضحينا صوفا وهي تحرك حواجبها بشر : اوكي انا في وروح بس انتا شوفي انا ايش سوي وراحت فتحت باب المجلس : بابا كبير هذا توركي ومشعل يبغا انتا العم طالعها :اطلعي وسكري الباب وانا بجي وطلع لهم عمهم : خير وش تبون ما تدرون ان ابوي موب فاضي لمبزرتكم مع ذا الشغالة يلا اذلفوا البيت ولا قسم بالله لا اطلع حرتي فيكم مشعل وتركي ناظروا بعض وفقدوا الامل : طيييب وراحوا طالعين من البيت تركي: مادام عمي معصب وفيها حره فسالفة خطيرةة مشعل : يب يب بس يلا خبر اليوم بفلوس بكرا ببلاش تركي: يب بس خسارة كنت بجننهم وتسذا يلا راحت علينا ، المهم تجي معي المول نفلها ترا اليوم خميس مشعل ناظرة بيأس : ياخي مليون مره اقول بطل حركاتك ترضى احد يكلم خواتك تركي بتفكير : اممم لا خواتي موب معطينه وجهه المهم لا تقلقنا بتجي ولا مشعل : لا بسلامتك بس لاتنسى ترى الدنيا دواره تركي طنشه وراح يركب سيارته ..................................... الخمميس الساعة عشر ونصف .. الليل الجد مجتمع بأولاده وبناته ومايدري كيف يقول الموضوع لهم تننهههد تنهيدة من القلب وهو يقول بتوتر كبيير : آه اسمعوا فيه شئ مهم لازم تعرفونه وهو اااء لف لابوه وهو يقول بقلق : يبه عسى ماشر وش السالفةة الي مخليتك متوتر كذا وطالبني اجيك وتوني مسافر قوول خوفتنا يابوي ابو تركي: اييه والله يايبه قوول ريحنا وقول الجد تنهد وهو يطالع عياله : مدري وش اقول لكمم بس الي بقوله لكمم هوو انه اا انا متزوج ع امكمم وهو يناظر لرد فعل الجده الجده شهققت شهقةة قوية وقالت بصوت خانقته العبره : متز متزوج علي يابو عبدالله ماتوقعتها منگ بس لليش وش انا مقصرة عليك فيه قوول واصدقني يابو عبدالله طالبتگ قوول الجد طالعها بندمم : لا والله يام عبدالله والله انك ما قصرتي علي بشئ بس السالفة طوويلةة وبعدين بأقولها فيه شئ اهمم الحين الكل تلفت ع بعض وش الشئ الاهم من امهم وزواج ابوهم وقالوا : وش الاهم يايبه ؟! رد الجد بهدوء عكس الي بداخله وهو يقول الحقيقة ان عندي عيال من زوجتي الثانيةة وو - تنهد بقووه وهو يحاول يقوي نفسه - وو واحد من عيالي توفىى اليوووم هو وزوجته وعياله وامتلات عيونه بدموع فقد ولده الي مات قبل يقابله ويصارحة بكل شئ . الكل : لاحول ولا قوة الا بالله كممل الجد وصوته تطغى عليه العبرة ورجفة البكا الي عمرهم ماحسوا بها بصوت ابوهم القوي الشديد الحازم : ووزوجتي ماتحملت الصدمةة وتوفت اليوم لما سمعت الخبر وبدت تنزل دموعه بهدوء وهو يردد لاحول ولا قوة الا بالله يحاول يصبر نفسةة لكن هيهات قامت ام عبدالله وجلست جنبه ومسكت يده وهي تقول بحب الزوجة ووفاها : لاحول ولاقوة الا بالله استهدي بالله يابو عبدالله اذكر الله رد ودموعه تقاطع صوته : كييف كييف قولي لي ماتوا وانا ظالمهم ماتوا وانا ماريحتهم ماتوا وهمم شايلين علي ماتوا وهمم يكرهوني ماتوا يام عبدالله ماتوا وارتفع صوت بكاءة بكل ندددم ع الماضي مسكت يده وهي تحاول تهديه : تصبر يابو عبدالله تصبر ذا ابتلاء من ربي اصببر واحتسب العيال كل واحد طالع الثاني مايدري شيقول من الصدمةة كل الي سووه كل واحد اخذت زوجته وطلع وهم ما يدرون يلومون ابوهم ولا ايش بالضبط ؟. قام الجد يبي يووقف تضببت عنده الرؤيةة وطاح ع الارض قدام زوجته الي صرخت بخوف وصدمه : ابو عبدالله !!. ............................ دخلت غرفتها ورمت شنطتها بتعب ودخلت تأخذ لها شوور بارد بعد المدرسة والمشي بهالحر طلعت وهي مروقة طالعت مفرشها الي ع الارض وابتسمت وهي تشوفه بنظرها مغري للنوم ورمت نفسها عليه ورااحت بسابع نومه وهي ناسيةة الظررف وسالفته !. ................. نهايةة البارت طبعاً هالبارت تكملة للاول الي هو تعريفي بس توقعاتكمم الجد وش صار له ؟ البنت والظرف وهل لها دور مهم بروايتنا ؟! الولد الي بالمستشفى ايش سالفته وايش بيصير له ؟! انطابعكمم عن الروايةة من بدايتها ؟! ارحب بأنتقاداتكمم بس بدون تجريح ..! | |||||||||
|
|
|
24-10-14, 10:42 PM
| #4 | |||||||||
| نجم روايتي ومشرفة سابقة وفراشة متالقة بعالم الازياء
| فيييه خطأ بسيط بالبارت هو بالمقطع هذا كممل الجد وصوته تطغى عليه العبرة ورجفة البكا الي عمرهم ماحسوا بها بصوت ابوهم القوي الشديد الحازم : ووزوجتي ماتحملت الصدمةة وتوفت اليوم لما سمعت الخبر وبدت تنزل دموعه بهدوء وهو يردد لاحول ولا قوة الا بالله يحاول يصبر نفسةة لكن هيهات الصحيح .. كممل الجد وصوته تطغى عليه العبرة ورجفة البكا الي عمرهم ماحسوا بها بصوت ابوهم القوي الشديد الحازم : ووزوجتي ماتحملت الصدمةة ودخلت بغيبوبة اليوم لما سمعت الخبر وبدت تنزل دموعه بهدوء وهو يردد لاحول ولا قوة الا بالله يحاول يصبر نفسةة لكن هيهات اعتذر عن الخطأ ..! | |||||||||
|
|
|
24-10-14, 10:44 PM
| #5 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثاني .. بالمستشفى الساعة ١١ مساءً صحى الجد وشاف عياله حووله كلهمم للحظة نسى حزنه وهو يشوف عياله كلهم حوله ماينقصهمم احد ، الا لحظهه انتبه ناقص ولده فهد وينه يااالله كمم مرر وهو ماشاف ولده واخرتها يموووت كذا بهالبساطة حتى ماقدر يشوف جثته ولاشئ تحسسسف اييه وندمم بعد لككن وش يفيد ندمه الحين مو هو السبب في بعد ولده مو عناده هو السبب قطع عليه تفكيرة اصوات عياله متفرقين : الحمدلله ع سلامتك يبه - فيني ولافيك - ماتشوف شر بالنسبة للكل كانوا خايفين يصير لابوهم شئ بس الحمدلله ربي ستر قالت الجده بعدهم : الحمدلله سلامتك يابو عبدالله ماتشوف شرر خوفتنا عليككك ضحكك ولده سعود وهو يقول : اصلاً ابوي يتغلا يبي يشوف مكانته عندك يمه طالعة الجد بنص عين وقال : لييش قالولك سعودوه اتغلى واتدلع عند نجلاء . ضحكك سعود وهو يقول : لببببى نجولتي بسس قالت الجده : سعودوه خل عنك ابوكك ضحكك الجد : اييه وش زينها عجوزتي تدافع عني وهو يحارش الجده الجدة ماكان مخها معهم للحظة راح عقلها بعييييد وهي تفگر ليش متزوج علي ؟ومن هي ؟!ومتى تزوج ؟؟وعنده عيال منها طيب ليش ؟! الجد هزها مسك يدها وهو يقول : ام عبدالله وش فيتس سكتت الجدة وه الاسئلة حارقةة قلبها قالت: مافيني شئ قممم ياسعود رجعني البيت انا ماحب المستشفيات الكل استغرب وش فيها توها تضحك !!. .................................... طلع من دورة المياة بعد ماغسل وجههة وجلس ع سرير المستشفى الابيض وهو يفكر بأهله وبحياته بدونهم كيف بيعيش تنههههد تنهيده من اعماااقه وهو يحاول يصبر نفسه ويردد: إنا لله وإنا إليه لراجعون ، إنا لله وإنا إليه لراجعون ،، يآرب صبرني يآرب اغفر لهمم وارحمهم يآرب يآرب اسكنهم فسيح جنااتك يآرب صبرني ع فرقاهم يآرب ثبتهم عند السؤال يآرب وبدء يبكي من جديد ويشهق ما هو سههل عليه فرقاهم كلهمم مرةة وحده ماهو سهل ابدد تأمل ارجاء الغرفة وهو يتذكر لما انكسرت رجلة من قبل كانوا كلهم عنده ابوه امه اخته كانو ملتمين حوله بالورد والشوكلت طالع حوله الحين وينهم هو محتاجهم الحين بهاللحظة يحتاج اي شخص معه مسسح دموعه وهو يحاول يقوي نفسه خلاص البكاء ماراح يفيدهم بشئ لازم بقوي نفسة له ثلاث ايام بالمستشفى خلاص لازم يطلع خنقته المستشفى شوي ودخل الدكتور وهو يقول : السلام عليكم رد : وعليكم السلام ابتسم الدكتور : هاه ان شاء الله تطلع اليوم يا فارس ولا بتظل عندنا ترا ملينا منكك ههههه ابتسم ابتسامة مارضت تطلع : لا ان شاء الله بطلع خلاص جلس الدكتور ع الكرسي وهو يقول بابتسامة: ماشاء الله نفسيتك احسسن شكل اهلك زاروك اليوم رفع فارس رأسة بإستغراب وهو مو مصدق : اهلي وينهم همم حيين ما ماتوا ؟؟ .............................................. في بيت ابو تركي بالضبط غرفة تركي الساعة ١٢ منتصف الليل كان يسولف مع خويته زي مايسميها قال : لا لا حبيبتي بس خلاص نعسان ابي انام رد بدلع ومياعة وهي تقول : لاا عات حبيبي انا تفشانة خليكك شوي بسس يعني بتنام وتترك حبيبتكك بعد الجوال تركي وهو يقول بصوت واطي : وعععع الله يلوعها كبدها تتماصخ وماخلتني انام ماالت بس شكلي بسحب عليها قالت : وينك بيبي تسمعني انت تركي بطفشش: لا نمممت خلاص ابي انام ارحميني قالت : اوكي تيب بس اول ما تصحى كلمني ترا انا اشتاق لكك تركي وهو يسلكك : اييه حبيبتي اكيييد وش فيكك انا اقدر اصببح ع صوت غير صوتك يلا مع السلامةة ردت : بااي تصبح ع خير حبي سكر وهو ماسمع غير بااي ، وهو يتأفف :افففف قلللق قلللق والله قلللق مااالت عليها طفشت منها شكلي بسحب عليها بس خل لما القى وحدة غيرها ، ولا اقوول لا اول شئ خل اشوف ان كانت مزززة ولا وبعدها اقرر .............................. نهااية البارت ..! عموماً توقعاتكمم ..!! | |||||||||
|
|
|
24-10-14, 10:46 PM
| #6 | |||||||||
| نجم روايتي ومشرفة سابقة وفراشة متالقة بعالم الازياء
| البارت الثالث .. ، ، سبحان الله وبحمدة سبحان الله العظيم ، ، ,, ، مؤلم .....عندما نبكي ب شده وحينما يسالوننا لم البكاء نصمت وكاننا قد صفعنا.. ليس استغرابا لــ السؤال ولاخوفا من الاجابه ولكن لان الحروف الـ ثمانيه و العشرون لن تصف حجم الالم الذي يحتوينا فـــ نصمت لاننا نعجز عن التعبير عن مدى اوجاعنا .. ، ,, في حارة عاادية جداً في بيت اقلل من عاادي بيت فقيييير الخميس الساعة ١٢:٣٠ الليل : قممممر وووجع قومي جعلهم يحطونكك بالقبر قمممممر وصمممخ قومي يا كلببة ي### ي#### كانت نايمة مثل سندريلا لا كانت اجمل من سندريلا كانت قمر اسم على مسمى بملامحها الناعمة شعرها الاسود الطويل وعيونها الرصاصيه الناعسة بشرتها بيضاء جمييله وطولهامتوسط كانت تعتبر جممميلة ،،،صحت مفجوعة من صراخ زوج امها وعمها الوحيد وارتعبت منه : نععمم ععمممي وش بغيت ؟. رد بعصبية : وش ابي يا### من اللي رمى الملف اللي جبته معي بالزبالة من؟! هاه انطقيي ؟!!. ردت وهي مو عارفة ايش يقصد : عممي اي ملف ؟! انا والله ما اعرف وش تقصد ؟! شدها من شعرها وهو يقول : قلت لك الملف الملف الازرق اللي جبته اليوم انا قايل انه لمديري ايش ترمينه بالزبالة ؟! انتي تدرين انه مهم ؟ وممكن يزيد راتبي اذا رجعته له ؟! ردت وهي تتذكر الملف : ايييه عمي بس والله مو انا اللي راميته ليش برميه وش بستفيد .! عصب ازوود وهو يرد بصراخ يسمعه اللي بشارع : وش بتستفيدين اكيد بتستفيدين اني انطرد وبعدها تتشمتين فيني لاني ماعندي وظيفة غير هذا وبعد ويش وظفوني !! انا عارف انتي مثل ابوكك تبين تتشمتين فييني الله يحرقكك انتي وابوك شهقت قمر وهي تسمعه يدعي ع ابوها لا اي شئ الا ابوها مو حرام عليه ابوها ميت ليش يدعي عليه حرااام ليش وقفت بعصبيةة وهي تقول : احترررم نفسكك صح انك عمي لكن مالك حقق تدعي ع ابوي ابوي ميت تدعي ع واحد ميت لكن ان شاء الله تلحقة طلعت عيونة من العصبية : تدعييين علي يابنت ابوك انا داري هاذي اخر رحمتي فيك لكن غلط اللي يسوي معروف بناس ناكرة ياقليلة الادب لكن الظاهر انتي ماتربيتي ومحد بيربيك غيري ياوجهه الفقر. واخذ عقاله وبدا يضربها به وهي تصرخ متألمة تستنجد بأبوها الاب الغالي اللي مات ومن مات حياتها صارت تعيسة : يببببااه ايي يباااه تعال ساعدني ضحكك العم : اسمعوا وش تقول بس قال ايش قال يبه ابوك زده بالقبر وتعففففن بعد من وين بيطلع لكك هاه فهميني من وين ههههههه لكن تدرين انا مبسوط بصراخكك ذا هذا ما يجي شئ عند فشلتي بكرة قدام المدير لا سألني عن الملف ، انتي اللي جبتي لنفسك تستاهلين وكمممل ضرب فيها .!!! قمر متألمة تصرخ : يببه يببه يبببه اه اهئئ ، يممه يممه تكفين ساعديني انا بنتك يممه اه اه طالعتها امها بطرف عين وقالت : ما وراي الا انتي تستاهلين تأدبي عشان ثاني مرة ما ترمي شئ مو لكك بكتت بألام : يممه والله مو انا يممه امهاا : اوف اسكتي خلاص صدعتي رأسي راشد اتركها خلاص خلها تقوم تنظف البيت وتنظف غرفتي لانها تراب قالت بنتها : اييه يمه وانا بعد ابيها ترتب غرفتي رد راشد : والله ما اخليها الا لما اطلع حرتي بها ،، وهو يكممل ضررب بالمسكينه ........................... الجمعة بعد صلاة الجمعة .. رجع الجد من المسجد مع عياله بعد ماطلع من المستشفى طبعاً الجدة كانت متغيرة من يوم رجعت من المستشفى { كان شاغل بالها شئ واحد بس الجد ليش تزوج علي ليشش } دخل الجد بيته وهو ينادي : يام عبدالله وينس ؟! يام عبدالله .!! لف ع عياله وهو يقول :وين امكم اختفت العادة ترد علي !! راح بيجلس بالصالة شافها جالسة ع الكنب الجد بتساءل : ام عبدالله وراتس ما تردين الجد مو معه ابداً تفگر وتتذكر وش مسوية عشان يتزوج علي ،، يافضيحتي بين الناس ! الجد هزها : ام عبدالله الجده : هاااه بسم الله انتوا جيتوا من الصلاة الجد تنهد : جاايين من ساعة وش انتي تفكرين به قامت الجد وهي تقول : ولا شئ ولاشئ ، بروح اجيب القهوة لكمم وقامت وهي مشغول بالها بنفس الموضوع ..!! جلس الجد وهو يتمتم : وش فيها ذا المرة انهبلت اكلمها ماترد واسألها تقول ولاشئ ،، الله يعيين بسس ! جلس جنبه ولده سعود وهو يقول : الا اقوول يبه ابوه قول ياكثر هذرتكك ؟! سكت سعود شوي وبعدها قال : صدق وش سالفة ولدك اللي مات وتقول انك متزوج ع امي ليش؟! قالوا اخوانه : ايه صدق يبه احنا مو فاهمين شئ قول لنا السالفة . الجد سكتتت ثم رد : هالموضوع انسوا اني قلت لكم شئ عنه خلاص انتم مالكم علاقة به سعود قال بإستنكار : كيف مالنا علاقة واخونا مات وعياله ومرت ابونا بغيبوبة فهمني يايبه !!؟ ابوها بحده وشبة عصبية : قلت مالكم علاقة يعني مالكم علاقة واقطع الموضوع يا سعود ترا ماني ناقصك انت بعد .! سكت سعود وهو خايف ع ابوه لان الدكتور منبهم انه كبر بالسن ومحتاج راحة ويبعد عن الضغوط .. ....................................... في بيت ابو مشعل هو متوفي دخل البيت بعد ما صلى الجمعة وهو يروح لامه باس يدها وراسها وهو يقول : اخباركك يالغالية امه وهي تتأمل ولدها بملامحة بشرتة الحنطيةجسمه العريض شعره شبه اشقر وعيونه العسلية وش كثر تحب هالولد وتحمد ربها مليون مره ان عندها ولد مثله متحمل مسولية اهله بعد ما مات ابوة قالت بابتسامة : بخير عساكك بخير ياولدي ابتسم وهو يقول : الحمدلله ،، الا اقول وين مشاري ؟! تنهدت امه وهي تقول : اخوك مشاري ما خلا بامك عقل اقومة للصلاة مايقوم الله يصلحة يجمعها سواء ولا هالايام مدري وش عنده صاير يجلس بغرفته اربع وعشرين ساعة عجزت ادق عليه ما يفتح لي تهند مشعل وهو يقول : الله يهديه انا بقوم اشوف وش فيه امه قالت : ايه رح عساك يفتح لكك ولا يرددعليك ذا الولد حاله ما عجبني من بعد موتت ابوك الله يرحممه . قام مشعل وهو مستغرب وش في اخوه !؟ راح لغرفته ودق الباب مره مرتين ثلاث ولا رد استغرب فتحة الباب مقفل دق مره ثانيه وهو يقول : مشاري ميشو افتحح ، مشاريي ولا رد هنا مشعل خاف لا يكون صار بأخوه شئ : صار يدق بقوة مشاريوه افتحح ،، مشاري شوي سمع صوت اخوه يرد : ما ابي شئ ابي انام رد مشعل بسرعة : مشاري افتح انا مشعل ابي اكلمك توهق مشاري : هاه ممشعل ، يووه خله بعدين انا تعبان بنام مشعل بإصرار: مشاري قلت لك افتح يعني افتح مشاري قام من فراشة يتسحب وقف عند المراية شاف وجهه مرهق وعيونه حمراء من التعب تنهد وراح للباب فتحة ودخل سريرة بسرعة وتغطى بالبطانية . دخل مشعل وسكر الباب وراه وطالع الغرفة وهو يقول : ليش كذا الغرفة صايرة شغل اللمبة وفتح الستاير كلها وهو يقول : غرفتك يبي لها تهوية وتنظيف قولهم ينظفونها رد مشاري من تحت البطانية : طيب وسكت جاء مشعل وجلس ع طرف السرير وهو مستغرب : مشاريوه وش فييكك ،، مو ع عوايدك العادة تعاند وتتعاوش معي وينك من ثلاث ايام اجي البيت ما اشوفك ياطالع يابغرفتكك سكت مشاري ماعنده رد كمل مشعل : وامي بعد زعلانة مننكك تقول اننك مختفي بغرفتكك من امس الصباح ولارحت المدرسة ليش ؟ صاير شئ معاك ؟! تحت البطانية مشاري متردد يقول لاخوه ولا لا اخر شئ رد وصوته مبحووح ببحة غير بحة صوته العادية : لا ولاشئ ماصار شئ سكت مشعل بعدها قال : متأكد ؟! مشاري بتعب : اييه اييه . مشعل سكت بعدها قال : ليش تكلمني من تحت البطانية قوم وكلمني زين مشاري : انا ابي انام سكر اللمبه والدريشة !؟ مشعل بإستنكار : مشاريوه جد جد ماهي من عوايدك تنام يوم كامل وتبي تنام زياده انت اول ماتحب النوم وش صار ؟ اكيد فيك شئ ؟ قوول يالله !. ......................................... في بيت ابو تركي المغرب .. نزل تركي وتوه صاحي من النوم شاف اهله جالسين بالحديقة راح وجلس معاهم ويسولف ويضحكك ومبسوط شوي قال : احمم الا اقول يبه أبوه : قول ياولدي تركي : احمم شسممه ذا جدي وش كان يبي منكمم ابووه سكتت فتره يفكر بعدها قال: مايبي شئ تركي : الا فيه شئ مهم حتى مايبينا نعرفة يالشباب ليش ؟!! ابوه. طالعة بنص عيين : وانت وش درااكك ؟! وبعدين انت كنت جاي هذاك اليوم عشان كذاا ؟؟ توهق تركي وضحكك يسللك : ههههههه لا يباا بس بالصدفة كنت جاي اسلم ع جدي ،، المهم منت بقايل لي يبه ؟ ابوه : لا مافيه شئ بس كان يبينا بخصوص الشركة ، لا تشيل همم تركي ماصدق كلام ابوه شككه انه فيه موضوع مهم : اهـااا طيب يلا انا بطلع توصون شئ ؟ امه : وين ياولدي ورى ما تجلس معنا كله طالع برا البيت !! تركي ببسامة : يالغالية مقدر الحين مواعد واحد من الشباب ، بس ان شاء الله بعدين بجلس ويااتس امهه : نشوف كل يوم نفس الكلام تعيده علي ضحكك تركي : يلا سلااام طلع ركب سيارته وبدأ يتمشى في الشوارع وبس طلع جوالة الايفون ودق ع ولد عمه وصاحبه واخوه وكل شئ بالنسبة له : هلااا شعوول مشعل : اهلييين وش عندكك ؟ تركي: ياخيي طفشش تجي معي المول نتمشى شويات مشعل: اممم الحين ماقدر جالس مع اهلي شويات ، نخليها بوكره ونطلع والعيال كلنا تركي سكت شوي : اوكي بكرة بكرة ، يلا شقلب عن وجهي مشعل : سلام وسكر تأفف تركي وشذا الطفششش راح كوفي وجلس وهو طفش بدأ يطقطق بجوالة وشوي شاف رقم (( جواهر )) ابتسم وهو يقول بما اني طفشان خل ادق عليها ودق بعد ثلاث رمات ردت عليه : الو جواهر : نعمم تركي : اخباركك حبيبتي جواهر بمياعة : حبيبتك هاه وساحب علي ! تركي : لا ياقلبي توني صاحي من النوم جواهر : صدقتتكك تركي : افاا ما تصدقين حبيبك تروككك جواهر الا صدقتكك خلاص ،، اخباركك حبيبي تركي ابتسم بإستهزاء : تمام { شاف بنت مرت من قدام المحل ابتسم وكمل } تمام التمام ،، الا اقول جوج ابوي يدق خمس دقايق واتصل عليكك جواهر: اوكي انتظررك لا تتأخر . تركي : اييه يلا سلاام سكر وطلع برا المحل وهو يلحق البنت : احممم انتي البنت التفت وهي مستغربة بس شافت قدامها شخصصص وسييمم بشرته بيضاء شعره اسود وعيونه سوداء لكن فيها جاذبية كان طوويل وعريض شوي : نعمم!! ابتسم وهو يقول : ابي رقممك .. ^_^ البنت ماتنكر جماله لكن مستحيل تعطي اي ولد وجهه : صددق وققح رووح دور لكك زباله مثلكك ومشت وركبت سيارة لكزس ضحكك تركي وهو يقول : يالببييه والله مشكلتها بنت عز خاف ابوي يعرفهم ولا كان لنا تفاهم ثاني ،، ومشى وهو يردد كلامه بنفس الاسلوب (( وققح روح دور لكك زباله مثلكك )) ههههههههه لبببى صوتها يجنن بس لو ان عندها لتغة بالراء كان يالله قسسسم ما اتركها لو ابوها وزير وضحكك وهو يرجع للكوفي طلع جواله ورجع دق ع جواهر : هلا بقلبي جواهر : اهلليين تركي : اقول حبي ابي اشوفكك ، طفشششت من المكالمات الجوال ما يوصل شعوري للك ابي اشوفك وجهه لوجهه جواهر بنفسها ( هه ياجواهر ماهو اول واحد يطلب بس شسوي ذا عنده فلوس اييه لقيتها ) ردت بدلع : ما اقدر حبيبي تركي : ليييش ،، ماتثقين فيني ؟ جواهر ( ههه يالاسلوب عباله بزر ) ردت : لا مو كذا تبي الجد تركي باستغراب : ايييه جواهر : الصدق انا ما ارسل صوري ولا اقابل احد لانني مشوههة كل من شافني كرهني تركي سكت ( افف وشذا ) : طيب من ايش؟! جواهر : من حريقة لما كنت صغيرةة تركي : اهـااا خسارة كنت ابي اشوفكك ، والصدق ترا ما كلمتك الا عشان ابي اقابلك بالنهاية بس اذا كذا انسيني ولا عاد تتصلين علي . جواهر : لحظظظه لحظظظه تركي تركي بملل : خيييير جواهر سكتت مترددة وهي تفكر : اءء شوف عندي لكك اقتراح بيرضيكك تركي : وشش ؟! جواهر بتردد : بعدين بتصل واقولكك الحين بسكر مستعجلة استغرب تركي لانها ما اعطته مجال للرد علطول سكرت استغرب وش اقتراحها ؟ ........................... وبسسس نهاية البارت .. ارائكم انتقاداتكم ارحب بها انتظروني بالبارت الجاي .. ^_^ | |||||||||
|
|
|
24-10-14, 10:50 PM
| #7 | |||||||||
| نجم روايتي ومشرفة سابقة وفراشة متالقة بعالم الازياء
| البارت الرابع .. ,, ، اصعب مافي الحياه ان يجبرك الزمن على شي لا تريده تمنيتُ العيشَ كما تريد نفسي ولكن عاشتْ نفسي كما يريدُ زماني ! ، ,, جلس الدكتور ع الكرسي وهو يقول بابتسامة: ماشاء الله نفسيتك احسسن شكل اهلك زاروك اليوم رفع فارس رأسة بإستغراب وهو مو مصدق : اهلي وينهم همم حيين ما ماتوا ؟؟ ابتسم الدكتور بهدوء : لا يافارس مو اهلك اهلك انا اقصد عائلتكك .! تركي سكتت ثواني : عائلتي زاروني متى ؟! الدكتور بإستغراب : توقعت انهم جوو عشاننكك ،، الطاهر اني غلطان بس عمانك كانوا بالمستشفى امسس فارس استغرب ( يعني لي عمان طيب ليش ابوي ماقال لنا ،، لحظظظه ليش مازاروني ليش ماعزوني ما يدرون بموت ابوي يالله وش السالفة ) قال الدكتور : اهـاا مشكور احمم دكتور اقدر اطلع اليوم ابتسم الدكتور : اكييد الحمدلله صحتك تمام تقدر تطلع الحين بس انتبه لنفسكك ماعاد ابي اشوفك بالمستشفى ^_^ ابتسم تركي بتسليك : اييه ولا يهمك وضبط اوراق الخروج وطلع مشىىى عالرصيف وهو يفكر آهه آهه ياكثر ما كان ابوي متحمس لجيتنا هنا اخخخ ليتنا ما جينا بس او بس لو انني رحت مع ابوي وما تأخرت كان الحين انا معهم مو عايش لوحدي آهه استغفر الله وش هالكلام يافارس الله يرحمهم بس ويصبرني يآرب . وقف تاكسي : روح فندق  (.....)التاكسي : اوكي ........................................ ببيت الجد الساعة 9:30 مساء الجد جالس بصاله يفكر ولدي ومات ومرتي وفي غيبوبه يارب هونها اقول لاحفادي عن اللي صار والا لا ، لا احسن خلهم مايدرون اذا دروا بيتلقفون واحسن شئ الموضوع يضل مخفي عنهم ما ابي اطيح من عينهم واصلاً خلاص مافي احد يدري باللي صار الا انا خلاص اخيراً الماضي بيتسكر جت الجدة وجلست : اقول يابو عبدالله فيه شئ شاغل بالي من يومين .. الجد : وشهو الجده : ابي اعرف ليش انت متزوج علي وعندك ولد منها ،، واصلا من هي الحرمة الجد : غللطة وانتهت سكري الموضوع ولا كأني قلت لكم شئ خلاص الجده : تمزح معي يابو عبدالله كيف انسى وانت للحين متزوج علي وهي ع ذمتك الجد سكت : طلقتها من سنين خلاص مرتاحة سكري الموضوع وماعاد ابي اسمع به ابددد انا راسي عورني من هالسالفة سكتت الجده وهي تقول بنفسها خلاص الحرمة وطلقها وولده ومات هذا اهم شئ مع اني ابي اعرف ليش تزوجها من الاساس ووش السالفة بس يلا مردة بيتكلم ..................................... في احد المياتم .. الساعة 10:30 بغرفة بعض البنات ،، كانوا جالسين سوالف وضحكك مع بعض قال وحده : بنات اليوم نبي نسهر وننبسط ونسولف وش رايكم البنات : اييه - موافقة - وناسة - من زمان عن السهرات قالت جوري ببتسامة : بنات وين جوج ؟ البنات : مدري قالت وحده : خليها مدري وش تبين بها وحده بنت حرام واخلاقها استغفر الله الثانية : اييه مانبيها ووحده : اللي تبي تجلس معها تروح ولا تجلسون معنا ما نبي نخرب جونا بوجودها الثانية : اصلاً يكفي انها معنا بالغرفة امم الهمم محد يبيها مالت عليها ,,, كانت بتدخل الغرفة سمعت كلامهم من لما قالوا بنت حرام عرفت انها المقصودة ما يتكلموا عنها الا بهاللقب واحيانا ينادوها به امتلأت عيونها بالدموع وابهدت عن الغرفة واهي تروح للاخر الحديقة جلست والدموع مالية عينها هيي شذنبها بغلطة غيرها ليش ينكتب عليها الهم بسبب شهوة اهلها ليش تونصن بوصمة عار بشئ هي مالها علاقة به مو هم لحالهم كل الناس يبتعدوا عنها بس لانها ماعندها اهلها وش ذنبها اهي ياكثر ما تمنت تموت اذا سمعت هالكلمة من الگل خلاص لمتى لمتى وينسبونها لغلطة غيرها بكككت وشهقاتها تطلع بسببهم الكل يظلمها من حوالها مجتمع غبي يعتقد ان اللقيط شخص حقير ماله مشاعر مايحس منعدم شعوره ليش هالنظره ليش بسببهم تغيررت ،، كانت غير ماكانت كذا ما كانت بهالتفكير ما كانت بهالاخلاق ما كانت كذا كلامهم اثر فيها كلمة وحده تدور برأسها اذا اهلي كذا انا وش بصير انا حدي بنت حرام مالها اهل اهلها رموها انا فضيحة آهه ياكثر ما جت هالقناعة براسها ) حتى انها تبي تاخذ بعثه برا تبعد عن هالمجتع عن هالكلام الجارح ماهي قادره درجاتها ما تساعدها حاولت واجهدت نفسها ماقدرت ليش الزمن والحياة والمجتمع ضدها بس عشانها بنت حرام .. ، ، الثانية : من جد مالت عليها اذا جت انكتم ما اقدر اخذ راحتي جوري بحزن ع صاحبتها : بنات خلاااص حراام عليكم هي مالها ذنب هي قالت لاهلها ارموني كذا وحده : جوري لا تدافعي عنها عشان لا احد يكرهكك جوري بعصبيه : حرام عليكم يابنات والله جواهر مالها ذنب ترا كلامكم قاسي لو سمعتكم بتزعل { مادرت انها سمعت كل شئ } وهذا قدر ربي هي ما تمنت هالشئ تخيلوا نفسكم مكانها بترضوا بهالكلام ينقال لكم ردووا ؟؟! سكتوا .. قالت وحده : الحمدلله لو اني بمكانها ماراح اسوي حقارتها واروح اكلم شباب الثانية : اييه انا سمعتها مره تكلم واحد تقول حط الفلوس عند الشباك وحده : اييه اصلاً اللي اساسه حرام وش تتوقعي منه قالت ثانيه : لا والله يستر وش تسوي بعد ؟؟! معهم ولا ليش يعطونها فلوس انتوا عارفين وش اقصد قاطعتهم جوووري : بسسس بسسس ياويلكم من ربي ما تخافون تغتابون البنت وتطعنوا بشرفهاا حراام عليكككم ما توقعتكم كذا يا بنات اللي بتقول شئ ثاني عن جوج لا عاد تكلمني ولا اكلمها وتنسى اننا صاحبات بيوم جوج صاحبتي واختي وما ارضى عليها . ودخلت سريرها وهي متضايقة قالت بقهر : تصبحوا ع خير قالت وحده : افف طاريها خرب السهره قبل ما تبدأ قال جوري : قلت تصبحوا ع خير بليز ابي انام سكتوا البنات لانهم يعزوا جوري ويقدورها ويعتبرها اختهم وامهم وصديقتهم لان اخلاقها عسسل وما ترضى بالغلط قاموا البنات ووكل وحده دخلت فراشها تفكر بحيتها ومستقبلها وتحلم شوي وانفتح الباب ودخلت جواهر بالظلمة وراح لفراشها ودخلت تحت البطانية جوري قامت وهي مبتسمة : جوووج جواهر وش رايكك نسهر ونسولف سواء جواهر : ما ابي جوري : امم براحتكك تصبحي ع خير جواهر بنفسها ( آهه منك يا جوري ماوقفتي عند حدهم وهم يتكلموا عن صاحبتكك والحين تبين تجلسي معي بكل قوة وجهه ،، تستاهلي اللي بيجيكك )) ونامت وهي تفكككر بحياة الجاية ابتسمت بررضى عن اللي سوته .. ............................... كان في مكتبه الفخمم حاط رجل ع رجل يناظر جوالة من يومين ينتظر اتصالها ولحد الحين ما اتصلت تأفف بضجر ماهو متعود ينتظر شئ اللي يبيه يجيه محد يتجرأ يتجاهله الا هي تجاهلته ابتسم بخبث وبتوعد وهو يقول لنفسة : طيب طيب يا ،... ، بتشوفين انا تتجاهليني ولا تردي علي انا محد يتجرأ يخليني انتظر ثانيه وانتي تخليني انتظر يومين بدون رد طيب طيب راح اوريكك كنت معطيك فرصة بس ما تستحقي فتح لابتوبه وبدأ يشتغل عليه وهو مبتسسسم ومتوعد وبكل غرور يقول : انا اذا بغيت شئ اجيبه ما تهمني الطريقة اهم شئ اجيبه وضحكككك خلص شغله وقفل لابتوبه وقف وطلع ورفع جواله وهو يتصل ع مدير اعماله : سالم وش عندي بكرة سالم : طال عمرك عندك اجتماعين مع شركة .... وشركة .... وفيه عندك سفره الظهر لدبي وبس طال عمرك ...... : شوف يا سالم السفرة اجلها لساعة 3 انا عندي كم شغله طيب سالم : بس طال عمرك كذا ببتأخر ع الاجتماع اللي بدبي و قاطعة : سالم لا تقعد تبسبس سوي الي قلت لكك واذا مو عاجبهم ما يهوني في شركات غيرهم فااهم سالم : اييه طال عمركك ،، تامر بشئ ثاني ......: لا خلاص سلام وسكر بدون يسمع رد طلع من مكتبه ونزل الدرج بهيبته وهو يقول : وين نوف ونواف ؟؟ ................................ وقف عند الفندق نزل وخذا المفتاح وراح الجناح دخل رمى نفسسسه ع السرير وهو يحسس بخنقةة : يآرب امووووت ما ابي اعيش بدونهمم يآرب آهه استغفر الله بس انا وش قمت اقول قام وغسل وجهه جلس ع السرير يفكر : حزني ما راح يرجعهم ولا دموعي خلاص يافارس سوو شئ ينفعهم ،، رفع يده وهو يشوف معه خمس مئة ابتسم وهو يقول : اييه احسن شئ اتصدق لهم هذا شئ يفيدهمم مو دموعي اييه اييه آهه ونزلت دموعه فاقدهمم حيل مفروض الحين هو واهله بنفس الجناح بهالفندق ابوه قال راح يستأجروا هنا بس وش صار الحين شاف الغرفة من حوله مافيها الا هوو وينهم المفروض ابوه هناك يقرأ الجريدة وامه بالمطبخ تسوي العشاء وأخته هنا بجوالها وهو جالس بينهم بس وينهم هنا ماحوله احد بس هو وينهمم آهه بس قام وغسل وجهه مره ثانية وطلع وهو مو متحمل نفس الجناح اللي ابوه استأجره لهم كلهم بيجلس فيه بدونهم .. راح بدء يمشي ويمشي ولا هو عارف وين يروح ، تذكر وعد ابوه له وهو يقول : انا ادل كل شئ بالرياض بوريك كل الرياض ياولدي تنهد وقال : يببه وينننك ويننك انا ضايع بدونكك ، يمممه وينننننك ولدكك ما اكل بيموت من الجوع فاقد طبخكك يمممه ،، فررح يارووح اخووك ويننك اخوك من بعدك حياته مافيها فرح كلها احزاان ،، آهه ارجعوا لي تكفون ابي اشوفكم لاخر مرره يبببببه يمممه وينكمم جلس ع الرصيف وهو يتأمل السيارات اللي تمشي وعيونه تلمع بالدموع اللي ما يبيها تنزل تنهد وهو يقول : يآرب اموت والحقهم مابي حياتي بدونهم آهه وقف ومشى بيروح للشارع الثاني ما انتبه الا ع صوت البوري وتضريبات السيارة وقف مصدوم وهو يشوف السيارة المسرعةة بإتجاهه .. ................................. نهاية البارت .. توقعاتكمم * فارس ايش راح يحصل له ؟؟ * من المجهول ؟ ومن يقصد؟! * ايش سالفة جواهر وايش ناويةة .. * والبقية توقعاتكم بالنسبه لهم .. انتظروني بالبارت الجاي .. | |||||||||
|
|
|
24-10-14, 10:52 PM
| #8 | |||||||||
| نجم روايتي ومشرفة سابقة وفراشة متالقة بعالم الازياء
| البارت الخامس .. ,, ، ليسَ كُل ألمٌ يُحكى ، فَ بعضُ الألمْ تَغِصُّ بهِ?ِ الحنْجرَه?ِ ذَهاباً وإياباً ,, ، بالليل الساعة ١:١٥ جلس تركي ع الكرسي بالحديقة رفع رأسة لفوق يتأمل النجوم والقمر للحظه جاء بباله كلام جواهر ظل يفگر فيـه .. [ نرجع للمكالمة بين جواهر وتركي كانت الساعة ١٠:٣٥ ] جواهر : الوو تركي : نعمم جواهر : احمم اء شوف تذكر لما قلت لكك عندي اقتراح بيرضيكك تركي : ايي بس ماقلتي لي قلتي بعدين وسكرتي جواهر ببتسامة : بقولكك الحين ، اسمع تركي : اخلصي علي ! جواهر : شوف الصدق انا ما كلمتك الا لاني اعرف ان عندكك فلوس ، استغرب تركي : اهـا يعني كنتي تبين فلووس ههههههههههههههههههههه لهدرجة هههه انقهرت جواهر وقالت : المهم مثل ماقلت لكك انا مشوهه وانت تبي بنت تطلع معكك وتشوفها وما تكون مشوهةة صح ؟ تركي : صحين اخلصي جواهر : طيب انا اعرف وحده قممممر لا قلت قممممر وو تركي قاطعها بحماس : صادقة انها قمرر جواهر بقهر : اييه واحلى من القمر بعد تركي تحمس : كان قلتي كذا من اول شوفي انتي تبي فلوس بعطيكك بس قولي لها تطلع معي ، وش رأييكك جواهر : لا ، شوف هي ما تطلع الا مع اللي يعجبوها وهي مره شافتك وماعجبتها فعشان كذا بعطيك رقمها وانت ضبطها براحتكك تركي ببتسامة : ما عجبتها هاه ؟ طيب طيب ،، بس وش يثبت انها قممر مثل ما تقولين جواهر : احلف لكك انها قمرر تركي بخبث : لا لا انا ما اصدققكك ابي اشوفها ارسلي لي صورتها شهقت جواهر :هئئئ لا لا ماعندي صورتها انت كلمها وقل لها ترسلها لكك تركي: بشهقتك هاذي اثبتي انكك كذابة ، كنتي تبين الفلوس وبتسحبين علي او تلزقين لي وحده قبيحة جواهر : لا والله بس اذا ارسلت لكك صورتها بتعرف انها انا وانا ما ابي ادخل نفسي بمشاكل معها تركي بهدوء : طيب اصبري امخمخ شوي وسكتت يفكرر جواهر سكتت وبنفسها ( الله يستر منه شكله داهية دخلت نفسي في بلوة ) تركي : هيييه جواهر !! جواهر : ننعم ! تركي بخبث : انتي وش تبين الفلوس له ؟؟ جواهر : ماللك علاقة .. تركي : طيب شوفي قولي لي كم تبي وبعطيكك بس ترسلين لي صورتها جواهر تفككر : اممم المبلغ مو قليل تركي : كممم ؟ جواهر بلعانة : ٧٠٠٠ ريال تركي. : اوكي هي لكك بس لازم اقابلكك تعطيني الصوره يد بيد واعطيكك فلوسكك ، وش قلتي جواهر استغربت المبلغ كثير علشان صوره بس فرحت خلاص كذا تقدر تسافر علطول : اممم لازم اقابلكك تركي : ايه وصراحة انا ما اثق انها بتعجبني جواهر : الا بتعجبكك وبتشوف . تركي : اوكي جواهر : شوف بنتقابل بمكان عام طيب تركي : اوكي بس انا بحدده ! جواهر : طيب اهم شئ مكان عام تركي : اييه خلاص مطعمم .... الساعة ١٠ جواهر : لا لا مقدر ١٠ اذا ٧ ولا ما ابي تركي : اففف طيب طيب ٧ خلاص موافقة جواهر : ايييه اتفقنا بس اي يوم تركي :بكرة . جواهر : اوكي ،، يلا بااي وسكرت ,,,,,, رجعع للواقع وهو يفكر وش راح يصير بكرة ابتسمم بخبث والفكرة عاجبته ضحكك وقام وهو يقول : خلنا ننام يا تروك ورانا بكرة شغل مهم .......................................... في بيت ابو مشعل .. في غرفة مشاري بالتحديد كان منسدح ع سريره ويفگر .. آهه بس لو ابوي موجود وحيي ابوي وعدني انه يحظر حفل تخرجي من المتوسط ونفذ وعده بس بعد هو وعدني مايتركني ليش تركني ؟سحب صورة ابوه من تخت مخدته وتأملها وهو يقول : آهه يا يبه ليتكك ما مت ليتني انا اللي مت ، يبه مرت اربعة شهور ع موتكك الكل تعود الا انا ليش ، معقوله كلهم نسوكك امي مشعل مرام معاذ منار كلهم عادي عايشين الا انا ليش؟ آهه بس . قاام وقف عند المرآية تأمل وجهه شكله بشرته البيضاء عيونه العسلية حاجبة مرسوم بشكل جمميل وشعره الاشقر ملامحه كانت جممميلة جداً وناعمة شويات بس احلى شئ فيه رفعت الحاجب دايم يرتفع حاجبه تلقائياً ضحكك وهو يشوف حاجبة كيف ارتفع : هههههههههههه لازم اتميلح يعني ههههههه سگت وتذكر ابوه قبل يموت [ كيف كان يضحكك معه وهو يقول له : الحين وش فيكك ياولدي حتى حاجبكك مثلكك مايركد اببدد ] : آهه بس يا يبه وينكك انت الشخص الوحيد اللي يفهمني بدون ما اتكلم آهه الله يرحمكك يايبه بس ما قدرت اتعود ع فراقكك .. انتبه ع نغمة جواله وهو يرن راح للسرير وانسدح وأخذ جواله شاف المتصل ...... رمى جواله ع جنب وهو متجاهل المتصل : شويات ومردكك بتمل يا ...... لكن المتصل كان مصررر يددق يددق وماعنده ايه نيه يسكرر تأفف مشاري ورد : نعمم الطرف الثاني : هلا هلا مشاري بطفش : نعمم وش عندكك ؟؟ اخلص ترا مالي خلق شئ ! رد الطرف الثاني بضحكة : افاا ليش وش فيكك يالغالي ههه مشاري : مافيني شئ ، ماقلت وش عندكك اخلص ابتسسم وقال : طيب طيب شكلك طفشاان المهم وش رأيكك نطلع وتغير جو مشاري : ما ابي مشكور ، اخلص وش عندكك داق ترا بسكر .... : طيب طيب المهم ترا اليوم بنجمتع كلنا ،، وش رأيكك بتجي ؟؟ مشاري : بشوف اذا جيت شفتوني ، يلا سلام وسكر بدون يسمع رد وقفل الجوال ورماه ع الارض : اففف وش اسوي انا ؟؟ .................................................. .. منسدح على سريرة يفگر بأشياء كثير .. قطع عليه تفكيرة دخول الخدامة : مستر مستر فز وهو مستغرب كيف تتجرأ تدخل كذا : خير !! ايش صاير ؟! بدأت تلهث الخدامة وهي خايفة من الجاي : مستر اءء هذا بنت مافي موجود فز بعصبيه وراح لعندها : كيف مو موجودة وينهااا؟ الخدامة : ماعرف ماعرف هي كان في نوم انا روح مطبخ دقيقة ارجع بنت مافي موجود عصب بينجن كيف اختفت طلع من غرفته وهو يقول : اسمعيني زين اقلبوا البيت فوق تحت طلعوها لي لو من تحت الارض فاهمه وبتهديد،، ولا ترا والله بتشوفون شئ مايسركم الخدامة ترجف من الخوف : اوكي اوكي مستر نزل ركضض وركب سيارته وطلع وهو يدور عليها ،، بالاماكن القريبة بدا يدور يدور وهو متوعد للخدامة بس خل يلقاها بالاول ............................................... صحى وهو ما يشوف شئ حوله حاول يحرك ايده لكنها كانت مربوطة استغرب وقف طاح بدأ يحركك رجله سمع صوت السلاسل شهق بصدمة : وش صار انا وينن ؟؟ نزل راسة وضم رجوله وهو يبي يبعد الربطة عن عينه لحد ما طاحت الربطة ،، تلفت حوله يبي يشوف شئ لكن للأسف كانه ماشال الربطه عن عينه مايشوف شئ من حوله كل شئ ظلام حرك رأسه وتألمم : آهه آهه انا وينن ياربي ارحمني آهه بدأ يصرخ وهو يحس بالالم يزيد : انااا ويين ؟؟ من انتوووا !؟ وش سويتوا فيني ؟! وينكمم ؟؟ وين ... آهه انقطع نفسة واغمى عليه وطاح ............................................... في الحي الفقير في بيت راشد .. گانت تكنس الحوش بعزز الظهر والشمممس تحرق كل هذا عقاب من عمها راشد ببعد ماضربها ضرب الكلاب جابها الظهر ورماها في الحوش بدون جزمة وعطاها مكنسة وقال لها بعصبيته : شوفي عقااب لكك يازباله بتكنسين الحوش فاهمه شهقت قمر : لا حرام عليكك عميي والله حرر والشمس تحرق الله يخليك والله بكنسه بس خلها بالليل ابتسم بلعانه زوود : وهذا المطلوب ان الشمس تحرقكك ! انصدمت وامتلأت عيونها دموع : حرام عليك انا شسويت عشان تعذبوني كذا ؟ سفهها وقفل باب اللي يدخل للصاله عشان ما تدخل لحد مايرجع وطلع من البيت .. وقفت بمكانها والشمس ماليه الحوش كله بدت تصيح بكل ألمم : والله ماسويت لهم شئ حراام عليهم حرامم اهـئ اهـئ ناظرت الحوش بحزن ودموع مالها الا تكنسه او راح يجيها ضرب زيادة خذت المكنسة وهي تمسح دموعها وبدت تكنسه والشمس تحرقها والحراره حرقت رجولها كل شئ تنط من الحرارة وتتحسب عليهم وتستغفر لحد ما اتعبت : آهه يآرب ساعدني وارحمني يآرب آهه والله حاره والله حرام عليهم اخر شئ جلست بالارض ودخلت رجولها بقميصها المتهري المستعمل هه اصلاً ماعمرها لبست شئ جديد كلها مستعمله لا وامها ما تعطيها الا اقبح الملابس بس هي عادي عندها اهم شئ انه لبس تلبسه رغم القهر ان اختها تلبس احسن منها بس هي طيبه عمرها ما فكرت بالحقد دايم تتغاضى ،، تنهدت بألم وهي تشوف الحوش ماخلصت الا نصه وخلاص تعبت لو توقف زياده بالحر هذا راح يغمى عليها ،،، بكت بكت بخوف من عمها القاسي اذا جاء ماراح يخليها بحالها بكت من برود امها وعدم اهتمامها دايم دايم عمها يضربها وامها ساكته بكت من شماتت اختها بكت مثل كل يوم من ٧ سنين وهي تبكي ع حالها رفعت رأسها وطاحت عينها على .. ................................................ نهاية البارت .. توقعاتكمم وارآئكمم .. | |||||||||
|
|
|
24-10-14, 10:57 PM
| #9 | |||||||||
| نجم روايتي ومشرفة سابقة وفراشة متالقة بعالم الازياء
| البارت السادس .. ، رفعت رأسها وطاحت عينها على صنبور الحوش الموصل بالليّ (( الخرطوم )) ابتسمت بسعاادةة خلاص عندها الحل الحين ،، قامت بحماس وهي تركض له وراحت شغلتها وبدت تنكب الموية البارده صرخت بفرحة : يسسس { حطت يدها ببراءة ع فمها خوف تسمعها امها او اختها ويخربوا خطتها للتنظيف واللعب } ، ,, أرأيتم كيف تشرق الشمس بعد حلكة الليل ! كذلك الفرح لايأتي إلينا إلا بعد أن يشتد بنا الآلم .. ,, ، ، بدت تكب الموية ع الارض ،، شافت ان المويه تنكب بس تحتاج احد يكنس الارض عشان تصير نظييفة مثل مايبها عمها رمت الخرطوم ع الارض وخلته يكب المويه وهي تنكس وتفرك بس كانت مبسوطة ببرودة المويه عكسس اول كانت الارض حاررقة وقفت ،، وقفت بتروح للجهة الثانية زلقت وطاحت بدت تضحك بسعادة : ههههههههههههههههههه زين ما انكسرت رجلي هههههههههههه وقفت مره ثانية وكملت تنظييف وكل شوي تطيح وتضحكك وتكممل وهي بقمةة السعادة لما خلصت انسدحت ع الارض المليانة مويه وهي تضحكك وتقول : يااربييه احلى تنظيف بهالظهر ههههه فللله ،، الله يخليكك لي ياعمي دايم طلعني انظف بالظهر هههههههههههه ثم قطعت ضحكتها وهي تشهق : هئئئئ نسيت الموية راحت ركضضض تسكرها شافت الحووش كله موووية : ياويلي اذا جاء عمي وشاف ذا المويية ( جلست بالارض ) يارب تنشف بسرعة يآرب ثم وقفت وهي تشوف المويه اللي عند باب الشاررع شهقققت بقووه : ياويلللللي الموية طلعت للشارع اكيد الجيران بيقولون لعمي ، ياويلي بمووت بمووت ، يآرب مو كثيرة خل اشوف اذا كثيرة ولا لا ,, قامت وراحت للباب وبدت تسممع مافيه صوت بالشارع فتحت الباب بشويش والهواء كان ضدها يفتح الباب كله وهي ماسكه الباب بقووة عشان لا ينفتح كله طلعت رأسها بهدوء عشان تشوف الشارع فيه مويه كثيرة ولا لا بسس شافت ... .............................................. في بيت ابو تركي 4:30 العصر .. صحى وتروش ونزل لاهله جلسس معهم سوالف وضحكك ثم شوي شهققق بقووة : يوووه نسييت ابوه : وش فيكك ياولدي وش نسيت ؟؟ تركي بضحكةة تسليكية : هههههههه نسيت اني بروح للمول امه بعصبيه شوي : وذا الشهقة عشان المول ؟! طيرت عقلي قلت وش نسى واخرتها موول !! تركي ببراءة : اسسف بس تحمست شويات نطت اخته تهاني بحمااس : تروووكك اي موول تركي بنص عين : وش دخلكك ؟؟ تهاني : ابيك توديني لمول ... تركي بسماجة : أبيكك ولا أمكك هاهاها ،، المهم تلايطي موب فاضي لكك تهانيي : بلييز ترووكي اهون عليكك توأمتكك العسل ابوه : تركي وراك انت رايح رايح خذ اختكك معكك وتراها تؤامكك مفروض محد يوديها ويجيبها الا انت تركي بعد ما كسرت خاطره توأمة وهو اصلاً مايقدر يرفض لها طلب ،، صح قدامها لا ومدري ايش بس يرجع يجيب لها اللي تبي ومايحب يشوفها زعلانه منه : طيب طيب الله يعين ع القلق الحين بتفر بي كل المولات ،، يلا قومي سريع نطت تهاني بفرحة : والله ،، يالبيييك قسمم اجملل اخوو وباست خده وراحت طيران تجيب عبايتها ضحكك الكل ع رجتهاا .. في السيارة .. تركي ناظر اخته : وش تبين من السوق تهاني بعباطه : عييب دي حاقات بنات تركي بهبال : اهـا يعني ست قاطعته تهاني وهي منحرجة بس تخفي احراجها بالهبال : عييب عييب ياولد اختشيي بأه الله عيال مبتختشيش ضحكك : ههههههه يعني انتي اللي تختشي يابت ضحكت وقالت : لا والله بس ابي عطر شميت ريحته مع وحده من البنااات تجننن تركي لف بصدمة : جاية معي وبتروحين السوق عشان عططر !! تهاني ببراءة : والله والله ريحته تجنن عجبني واذا ماشريته بيتقطع قلبي ، والصدق انا قلت لوحده من البنات عنه وقلت بجيبه بكره اوريكك شكله ،، ترضىى اختكك تؤامك تغير كلمتها وتتفشل قدام البنات والله موب حلوه بحقي ولا حقكك يا اخي تركي وهو يسكتها : بس بس خلاص وجعع مسجل حشىى استغفر الله ، طيب طيب بنجيبه ولا عاد تسولفين لاحد عن شئ ، وترا اخر مرره عيديها وياويلكك ترا ما بوديك المره الجاية ضحكت تهاني : ترا قد قلت لي نفس الكلام ع هذاكك المكياج هههه .. وهذا انت وديتني الحينن ههههههههه تركي بنص عين : يعني رجعني يا تركي بدون ما اشتريه ، طيب تأمرين شهقت تهاني : لا لا والله اسسفه ،، خلاص خلني اشتريه وبعوضكك طبب تركي برواقة : تعوضيني ب أيش ؟ تهاني تفكر : امم مدري اء اء لقيتها عازمتكك ع ايسكريم ع حسابي ، وش قلت تركي بتفكير : فكرة مش بطاله ، موافق تهاني : يسسس ابتسم وراح للمول اللي تبيه اخته وهو مبسوط من زمان عن طلعه مع تؤامة .. .................................................. وقف ومشى بيروح للشارع الثاني ما انتبه الا ع صوت البوري وتضريبات السيارة وقف مصدوم وهو يشوف السيارة المسرعةة بإتجاهه تجمد خلاص ما استوعب الا والسيارة قريبه مرره غممض عينه بخوف ، صح قبل ثواني كان يتمنى يموت بس الجد انه يخاف غممض عينه بقووووه ماحس الا بشخص دفه بقوه لوراء ،، كان مغمض عينه بقوه متوقع انه بيموت لكنن انقذه الشخص اللي دفه للان خايف ومافتح عينه الا لما سمع صوت خبطه شئ بالسيارة فتح عينه بقوه خايف السيارة ما صدمتني صدمت مين اجل ؟.. ............................................ كانت طالعة مع بنت عمها من المطعم وماشين باتجاه السيارة بس وقفت وهي تسمع تضريب البواري وراء بعض لفة مستغربه وشافت سيارة مسرعة بتصدم واحد وهو واقف متنح ومغمض عينه تركت بنت عمها وراحت ركضض له مع انها ما تعرفة بس تبي تنقذه ركضت باسرع ما عندها وهو ما كان بعيد حيل ركضضت ودفته باقوى ماعندها لورااء لما تهاوئ الشخص وطااح ع الارض بس بعيد عن المكان اللي بتمر فيه السيارة ،، هي دفته باقوى ماعندها كانت شبهه متأكده انها بتحتاج قوه عشان تدفه لكنه طاح بسهوله ع وراء مما خلاها تطييح فوقه وطارت شنطتها من يدها وخبطت بالسيارة .. .. بالنسبه له هو فتح عينه بخوف اذا السيارة ما صدمته هو صدمت من ؟ فتح عينه بسرعة وشاف بنت طايحة فوقه صحيح كان حاس ان فيه شخص طاح فوقه بس ما اهتم اهم شئ السيارة لا تكون صدمت شخص شاف الشنطة طايرة بالهواء لفووووق وطاحت ع الارض بقوه وتناثرت الاغراض اللي بداخلها كان شبهه جالس رجع طاح ع ظهره من هول ما شاف لولا الله ثم هالشخص اللي ابعده كان هو مكان هالشنطه اخذ شهييق وزفير يبعد الروعة منه بعدها حس بخبطه ببطنه فزز بسرعة وهو يشوف البنت اللي طايحة عليه انصددم وناظر الشنطه البيضاء اللي ع الارض والبنت اللي تحاول تبعد وهو يقول بداخله : معقوولة بنت تنقذني بنت انقذت حياتي ،، انتبه ع نفسه وقام بسرعة وساعده تبعد جلس ع الارض وهي قدامها ماسكة يدها بألمم قال بسرعة وبخوف : فييكك شئ صار لكك شئ ؟؟ ردت بألمم وهي همها انها انقذت شخص : انت بخير اخوي ؟ رد بسرعة : ايه انتي فيكك شئ ؟ ردت بألمم وهي تحاول توقف : آهه لا ماعليكك مافيني شئ ، الحمدلله ,, وقفت وهي تقاوم الالم ما تبي تظل جالسه قدام شخص ماتعرفة وقفت ع رجلها وهي تتألم بس تقاوم الالم ماسمعت الا صراخ بنت عمها وهي جايه تركض : مرااااام مرااام ! لفت لجهه بنت عمها وماحست الا بنفسها بتطيح بس مسكها هالشخص وهو يقول بتوتر وارتباكك : اء اء انتبهي لا تطيحين ,, وتركها ابعدت عنه مسافة وقالت : مشكور , عن اذنكك قبل يرد جت بنت عمها وهي تلهث بخووف : مرام مرام فيكك صار لكك شئ ؟ ،، انتي مجنونه تروحين كذا لو السيارة صدمتكك انتي وش بتستفيدين ؟! مجنونه يا غبيه لو صار لكك شي ما بسامحككك وضمتها بقوووه تألمت مرام من ضمتها القوية وقالت بضحكة تسليكيه وهي ناسيه الشخص اللي وراهم : ههههه خلاص غيداء وش فيكك ؟ كل ذا خوف علي لا تخافين ماصار لي شئ ابعدت غيداء شوي وهي تناظرها : أكييد وريني يدكك ليش ماسكتها اكيد تألمكك هاتي اشوف وسحبت يدها وهي ترفع كم العبايه بخوف على بنت عمها واختها اللي ماجبتها امها شهققت مرام وسحبت يدها بقوه : انهبلتي خبلله انتي تشوفين يدي بالشارع قدام الناس ودفت بنت عمها وهي تقول : وخري يامجنونه بروح الم اغراضي احسسن لي منكك ومشت وقفت ناظرت الاغراض بالارض توها بتنحني تأخذها حست رجلها تألمها وقفت بسرعة تنهدت وهي ماتبي بنت عمها تحس فيها,, دايم تكابر وتخفي المها عن الكل , قالت : يآرب وتوها بتنحني شافت اللي جالس بالارض يلم اغراضها بسرعة بعدها وقف وقال بتوتر : اء مدري كيف اشكرك والله مدري انت انقذتيني مشكوورة ومد لها اغراضها وشنطتها وقال بأحراج وهو يمد جوالها المتكسر : اء اسف جوالكك انكسر ردت باحراج وهي تأخذ اغراضها بسرعة : ماعليه حصل خير ،، ممشكور وتوها بتلف وتروح قال : ا لحظظه ،، شسمه انا بأعوضكك قالت وهي تحس انه بيزودها : نعممم !! رد بسرعة : انا لا تفهميني غللط بس انا السبب انه انكسر وبأشتري لكك ثاني ردت بسرعة : لا هذا قضاء وقدر وعادي انا اقدر اشتري لي جوال ، مشكور رد بسرعة : لا لا انا السبب وانا بأشتري ثاني وو ,, قاطعته بنت عمها وهي تقول مرام ىالله ماخليكك لازم نروح المستشفى شوفي يدكك لفت مرام بقوة وهي تخز بنت عمها، بمعنى اسكتي قال بسرعةة : اء يدكك فيها شئ خلاص اء بوديك المستشفى قالت بحده وصرامة : لو سمحت قلت لكك مشكور ومانبي منكك شئ ، تقدر تتوكل على الله قال : لا كل اللي صار بسببي وانا ماراح اخليكم بدون تعويض ، يعني يدك وتأذت ورجلكك بعد وجوالك انكسر شهقت غيداء : انكسسر جواللككك !!! مرام : ماله داعي وانا ما طلبت منكك تعويض ، جزاك الله خير قال باعتراض : لا ماراح اخليك بدون تعويض شوفي يا اوديكك المستشفى واشتري لكك جوال بدل اللي انكسر ،، شهقت غيداء وهي تسمع اقتراحهه : مرام لا توافقين ذا مجنون يبينا نركب معه كممل وهو متجاهل غيداء وكلامها : اوو روحي المستشفى وانا بدفع التكلفة وعلميني قيمة الجوال عشان ادفع لكك ردت مرام : لو سمحت انا طلبت تعويض رد : لا بس مرام : خلاص اذن روح بطريقك وانا بروح بطريقي ولفت وهي تأشر لبنت عمها بمعنى تعالي مشى وراها وهو يقول : لا تمشين كذا قلت لكك قولي كم سعر الجوال وتكلفة المستشفى هنا عشان ادفع لكك مشت وهي متجاهلته ماراح تعطيه مجال .. وقف قدامهم وهو يحاول يضبط اعصابه : شوفي انا مو متكرم عليكك انا السبب وبدفع تعويض ردت وهي تبيه يبعد : تبي تدفع تعويض ،، روح ادفع لصاحب السيارة اللي خبطته الشنطه طيب ؟ رد بعصبيه : ولد الك## ال### الله يلعنه انحاش حتى مافكر يوقف يشوف ىش صار شهقت غيداء وهي تقول : هئ لا تلعن رد : استغفر الله ، المهم بسرعة كم التعويض قالت بعناد : مو محتاجة تعويض من واحد طيب ؟ قالت غيداء بهمس : مرام خلا ص قولي له اي مبلغ وخل نمشي ،، شوفي شكلنا موب حلوه واقفين مع واحد بنص الشارع تنهدت مرام وهي تحس كلام غيداء صح قالت : طيب يا اخ خلاص عطني 500 هذا التعويض رد بنص عين : احم اسمي فارس ،، وبعدين تطقطقين علي جوال قيمته اقل شئ الف تقولي خمس ميه غير تكلفة المستشفى ؟؟ ردت بعصبيه : انت الظاهر بتطولها يا اخ الظاهر لازم اتصل اخوي يتفاهم معكك ابتسم وقال : اييه اتصلي عليه عشان اتفاهم معه الظاهر انتي غبيه وما تفهمين قالت بعصبيه : اوووف ، وبعدين ترا جد بأتصل تنهد وقال : طيب طيب ،، باين ما تبين تتصلين خلاص ماراح اجبركك طلع بوكه من جيبه وطلع منه 3 الاف ومدها لها ناظرت وقالت : انا قلت 500 رد : بس هذا بيكون سعر الجوال بدون عباطهه غييداء قالت : مرام خلاص اخذيها خل نمشي بسررعة تاففت ورجلها تألمها من الوقفه : طيب هات وخذتها ومشت معصبه ومعها غيداء لف لجهه الثانيه ومشى راجع للشقة وهو يضحكك عليها ولازال مصدوم من كل اللي صار ..... .................................... المغرب الساعة 6:30 رجع تركي البيت مع اخته بعد ما تسوقوا من المول واكلو ايسكريم وهو مبسوط ومرووق حدده ،، راح بسرعة لغرفته بدل ملابسه ونزل سريع بيطلع شافته امه : ويين ياولدي توكك راجع مع اختكك تركي بأستعجال وهو توه يتذكر جواهر وموعده معها بعد نص ساعة : مستعجل يمه عندي مشوار مهم قالت امه : والله يولدي ما يخوفني عليكك الا كثر مشاويركك وطلعاتكك باس رأس امه بسرعة وقال وهو يطلع من البيت : ماعليكك يمه ولدك ما ينخاف عليه راحت امه المطبخ وهي تردد : الله يحفظكك ياولدي ويحميكك من عيال الحرام . ..................... الساعة 5:45 المغرب لبست جواهر عبايتها وجت بتطلع قالت جوري : بتطلعين وين بتروحين ؟ جوج مسكتها وحده من البنات : خلكك منها هاذي ما وراها الا الهياته الله يستر علينا بسس طلعت جواهر متجاهلتهم مستعجله تبي تمر المول اول .. قالت جوري بعصبيه : وبعدين هالموضوع تكلمنا قيه امس ما تفهمون استغفر الله بسس وراحت وهي متضايقة من كلام البنت .. عند جواهر راحت المول اول شرت لها غطوه عشان ما تنكشف كذبتها (( بانها متشوههة )) ولبستها شافت الساعة توها 6:45 راحت وشرت لها ايسكريم وبدت تأكل وهي مروقه شهقت وهي تشوف الساعة 7 راحت للمطعم المتفقين عليه ع ما وصلت كانت الساعة 7:30 ........................ الساعة 7:00 وصل تركي للمطعم وجلس بعد ما ضبط اموره جلس ينتظر وينتظر مرت ربع ساعة تافف وهو يقول : اخخ شكلها سحبت علي بنت اللذين افف شافت ساعته قال بصبر نص ساعة اذا ما جت بروح انتظر وهو يتافف وكل شوي يشوف ساعته لحد ما جت 7:30 تافف من نص ساعة وهو كل ما دخلت بنت يطالعها يمكن تكون هي رفع نظره وشاف الطاوله اللي جنبه ورجع يناظر طاولته رفع راسه مره ثانيه شافت بنت لابسه لابسه غطوه وجزمتها كحلليه وشنطتها كحليه كبيرة قال بنفسه : معقوله هي هاذي ، صح هي قالت انها مشوهه يمكن تلبس غطوه يآرب هي لاني طفششت شافها متجهه لجهته جت وقفت قدامه وقال بتردد وهي تحس بداخلها بتوتر اول مره تقابل واحد وجهه لوجهه قوت نفسها وهي تردد : اول واخر مره ايه ياجواهر اول واخر مره قالت بهمس : تركي ابتسم تركي وقف بحماس : جواهر جواهر خافت شويات : قالت احمم اييه ابتسم وهو يجلس : تفضلي جلست وهي متوتره وقلبها يدق طبول تركي برواقة : تشربين شئ جواهر بسرعة : لا بس معكك الفلوس؟ تركي بخبث : أكييد وانتي معكك الصوره ؟؟ ردت بسرعةة : اييه ،، عطني الفلوس ضحكك : هههههه طيب طيب لا تستعجلين ،، تلفت حوليه وبعدها طلع الفلوس وحطها فوق الطاوله وقال : الصوره وين طلعت من شنطتها ظرف ابيض وحطته ع الطاوله اخذه تركي بسرعة وهو يقول : لحظظه اتأكد قالت بسررعة وهي خايفة احد بشوفهها فتح تركي الظرف وطلع الصوره وشافها ابتسموقال : خلاص مشكوره ياقممر خذت الفلوس بسرعة ووقفت وهي تدخلها بالشنطه ضحكك وقال : وش فيكك خايفة حتى مافيه باي قالت بسرعة : بااي وطلعت برا المطعم ضحكك تركيي : ههههههههههههههههههههه طيب وشاف الصوره ابتسم ودخلها بجيبه وبدأ يشرب عصيرة برواقة .. ،، طلعتت بسرعة وهي تحس بخوف من هالشخص اللي اسمه تركي تحسه خبيث وذكي ماتدري بس خافت منه اكثر من كل الشباب طلعت من المطعم وهي تردد : الحمدلله مرت ع خير ، مرت ببالها شكلها وهي تعطيه الصوره ابتسمت وقالت : هيين ياجوري ، شوفي وش بيجيك ، متااكدع تركي ماراح يتركك بحالكك لفت لجهه الثانيه بتوقف لها تاكسي عشان ترجع بس ...... ............................................. نهاية البارت .. توقعاتكمم .. ارائكم .. انتقاداكمم .. .. كلها تهمني .. .. مابي رد بدون توقعات .. | |||||||||
|
|
|
24-10-14, 10:58 PM
| #10 | |||||||||
| نجم روايتي ومشرفة سابقة وفراشة متالقة بعالم الازياء
| البارت السابع .. ,, ، بعد منتصف الليل / ينتابني الحنين لماضي وانفض دكام الذكريات ﻷتأمل حاضري واستمتع به ، ,, دخل الشقة ورمى نفسه ع السرير ضحكك بقووه : هههههههههههههههههه ياحليلها جننتها ههههههههـ وفجاءة بدأ يبكي : انا انا كيف اضحكك ،، كيف اضحك وابوي وامي واختي مو عندي كييف كيف ابيهم ابي اهلي من يرجعهم لي بدأ يصرخ بصوت اعلى ،، من يرجعهم لي من ؟؟ ماسمع الا صدىى صراخه بالمكان بكى وبكى لحد ماغفت عينه والدموع معلقة بأهدابها ............................. فتحت الباب بشويش والهواء كان ضدها يفتح الباب كله وهي ماسكه الباب بقووة عشان لا ينفتح كله طلعت رأسها بهدوء عشان تشوف الشارع فيه مويه كثيرة ولا لا بسس شافت سيارة سوداء كششخه فتحت فمها اقوىى شئ وهي تتأمل السيارة بإنبهار وتردد بهمس : الله تجنن ماشاء الله ، في احد بحارتنا عنده مثل هالسيارة ، ماشاء الله عليهم مو مثل سيارة عمي الددسن فجاءة جتها فكرة مجنونه ليش ما تقرب وتشوف السيارة احسن ، تركت الباب وهي تطلع بجسمها كلها ثم شهقت وهي تستوعب انها بقميصها وما عليها عباية ، دخلت ورجعت تمسكك الباب وتطلع رأسها وهي تناظر السيارة بخيبه أممل كانت تبي تشوفها بشكل اقرب توها بتدخل شافت باب السيارة ينفتح شهقت شهقة أليممه : هئئ زين اني مارحت اشوفها من قريب ولا كان توهقت جت بتدخل بهدوء ، بس وقفت وهي تشوف الشخص اللي نازل من السيارة انبهرت وهي تقول : ماشاء الله كشخخخخه ، الله يخليه لاهله لا لا اكيد متزوج الله يخليه لزوجته ههههه ياحضها فيه كشخه وسيارته تجنن ههههههههه شوي وهي تناظره شافته سكر باب السيارة ومشى بثقه بس كان فيه مويه في الارض بسببها وهو ماحس بنفسه الا وهو زالق زلقققه قووويه واعتفس الشماغ والثوب توصخ شوي بالمويه والتراب تلفت حوله وهو منحرج من طيحته ويتمنى ان محد شافة وهو يطيح بالنسبه لها في نص تأملها شافته يزلق ما قدرت تمسكك نفسها حطت يدها ع فمها ما تبي يطلع صوتها بس ماقدرت : ههههههههههههههههههههههههه ه قوويه طيحته ههههههه دخلت بسرعة وسكرت الباب بس الباب خبط بقوه : فطست ضحكك زياده : هههههههههههههه والله مسكين راحت كشخته ههههههههههههههه بيرجع يكشخ هههههههههههه .. التفت بفجعة وهو يسمع خبطت الباب تفششل فيه احد شافه قرب من البيت وسمع ضحكك استغرب وقرب اكثر وهو يشوف الشارع فاضي لحد ماصار وراء الباب بالضبط سمع ضحكها وكلامها عصب شويه وهو متفشل بعدها ابتسمم مايدري ليش بس ابتسم ع ضحكتها ،، راح لسيارته وهو مبتسم فجاءه بدأ يضحكك : ههههههههههه شكلها هالخبله هي اللي شافتني ، احم خلاص ههههه احم احم شاف نفسه بمرايه السياره الشماغ مايل وحالته حاله رجعع يضحكك وهو يحركك سيارته راجع من وين ماجاء .. ......................................... لفت لجهه الثانيه بتوقف لها تاكسي عشان ترجع بس ماحست الا بمنديل ينحط ع فمها بقوه ويكتمها لفت تبي تشوف الشخص بس تضببت عندها الرؤيه وطاحت بين يديه راح بسرعة وركبها السيارة ومشى قبل يشوفهم احد حطها بالسيارة بعد ما ربط ايديها سواء ورجليها بعد بعدها عدل نفسه وبدأ يسوق السيارة وطلع جواله وهو يتصل ع رقم انتظر ثواني ور الطرف الثاني وهو يقول : بشّر ابتسم وهو يقول : كل شئ تمام مثل ما تبي ابتسم الطرف الثاني وهو يقول: كفوو ،، شوف تأكد انكك ربطتها صح وسكر فمها بعد وخلها معكك ، عندي كم شغله اخلص واجي اوكي رد : اوكي مثل ما تبي ، بس هاه فلوسي ضحكك : وقال خمس دقايق وتوصلكك سكر منه وهو رايح للمكان اللي اتفقوا عليه بعد ما وقف وسكر فمها ... .................................... وقف وركب سيارته بحماس وهو يناظر الصوره : تجننن قمممر وربي قممر هههه ، والله وطلعتي مب سهله يا جواهر مد يده لدرج السيارة حط الصوره وقفله وشغل المسجل ع اغنيه وعلاّ الصوت وهو يحسس نفسه بقممممة الروقان قطططع عليه اندماجة ورواقته جواله وهو يهتز بجيبه طلعه وهو يشوف المتصل { شعولي } رد : هلا بكك حيي من جاء عكس .. قاطعة مشعل وهو يضحكك : شعندي مرووق تركي : هاااه ؟ مشعل ضحكك: قصر صوت المسجل عشان تسمع ضحكك تركي وهو يوطي صوت المسجل : من عيوني ياعيوني ،، يلا وطيته وش كنت تقول مشعل بضحكه : اقول شعندي مرووق ؟ تركي بحماس وزله لسان : اكييد مروق ما تبيني اروق بعد ما قطع كلامه وهو يستوعب وش قال مشعل بضحكة : كممل كممل بعد ما ايش ؟؟ تركي بترقيع : بعد ما اتصلت علي ياقلبي وروحي انت مشعل : ههههههه تسلكك لي ياحيوان ، طيب بنروح ويا الشباب اليوم المول بدونكك تركي : لاااا مشعل : اجل اقول وش مخليك منبسط هيكك تركي : تؤبشني اللبناني هههههه مشعل بلقافة : لا تصرف رد تركي : على ؟؟ مشعل : وش عندكك مروق ، عشان بعدم ما ،، كممل تركي بتصريفه : طيب طيب ياقلق بعد شوي بتعطيني محاظرة من محاظراتكك ، اقول اكيد مروق بعد ما تذكرت اني بنروح المول سولء ويالشباب مشعل بتدقيق : ماهي اول مره نروح المول سواء تركي بضحكة : لا ياحبي من زمان ما رحنا المول كلنا وتبي الصدق كلكم مزز تسذا بيضبط الترقيم هع مشعل بعصبيه مصطنعة : لا يالكلب يعني تبينا بس عشان تكششخ صددق موب كفو احد يطلع معكك تركي : والله محد قالكك تسأل عن السبب ^_* مشعل : يلا تلايط بطلت اقولكك وين رايحين بنروح بدونكك عشان تعرف تركي بفجعة : لا شعولي حبيبي قلبي روحي انت ماتسويها فيني مشعل بتريقة : خل عنكك ترا انا موب وحده من خوياتكك ،، المهم رايحين مول .... تركي بضحكة : طيب متى مشعل : بعد نص ساعة طيب تركي : ok مشعل : سلاام وسكر ضحكك تركي وهو يقول : يالله اليوم اووم الفلله والرواقة اعتقد انا اسعد شخخص اليوم وعلاّ صوت المسجل وهو يكمل تمشي بالشوارع لحد ما تجي الساعة 8 .................................... كانت بالسيارة مع بنت عمها معها معصبه : اوووف منه قلللق قسسم قللق الواحد ناقصه ضحكت غيداء : محد طقكك ع يدكك وقالك صيري سوبر مان وانقذي حياته مرام بابتسامة : مدري كذا تبين الصدق لو الود ودي انقذ كل الناس ما ابي احد يموت انا حاسه بشعور لما تفقدين شخص ما ابي احد يفقد احد مثل مافقدت ابوي الله يرحمه ،، بس تصدقين ماشاء الله جممميل الله يخليخ لاهله رحمتها غيداء : خلاص مرومة الله يرحمه ، وضحكت تبي تغير الجو : ههههههه بس صراحة نطتكك عليه غطت ع سوبر مان انا قلت البنت انسرق جوالها ولا شئ عشان كذا نطت ذا النطه اثاريكك منقذته عشانه خققه ضحكت مرام : هههههههههههههههههه حرام عليكك ضحكت غيداء من ضحكك بنت خالها : هههههههه عاد لو تشوفين شكلك والله رهيب ليتني صورتكك مرام بضحكةة : كان ذبحتكك قال ايش قال اصوركك سكتت غيداء شوي وبعدين قالت بجديه : مراموه مرام : لبيه غيداء : الحين جد يدكك ورجلكك تألمكك ترا بنروح المستشفى مرام بتصريفة : لا لا من قال لكك انها تألمني غيداء : بدون محد يقول باين انها تألمككك اعرفكك حيوانه تخبين صح مرام تصرف بنت عمتها ماتبي تروح المستشفى تكرهه شئ اسمه مستشفى : لا مع نفسكك لو تألمني بجلس اضحكك معكك واسولف غيداء بنص عين : أكيد مرام وهي تكابر ويدها تألمها بقوووه لان طيحتها كاانت ويدها ملوية بشكل غلط : اكيدين بس انتي ريحي ورجعينا البيت بس غيداء : طيب طيب ولفت ومسكت يد مرام بسرعة مرام شهقة : اييي اييي ياكلبه فكيي يدي تعورين ياحيوانه سهقت غيداء وتركتها بسرعة وقالت بعصبيه وخوف : كل ذا وتقولين مافيني شئ هذا بس مسكت مسكة خفيفه ،، مع نفسكك بنروح المستشفى مرام : لا لا غيداء تكفين ماحب المستشفيات غيداء بإصرار : قلت بنروح يعني بنروح (سليم ) روح هذا مستشفى سليم ( سواق الجد والجده ) : اوكي اوكي وراحوا المستشفى ومرام معانده : غيداء ترا ماراح انزل غيداء : ماهو بكيفك بتنزلين ولا ترا والله ادق ع مشعل اخليه يجي يتفاهم معكك مرام بتحلطم وهي تنزل : طيب طيب نزلنا ياقلق بس بنت امكك وابوكك دقي ع مشعل بس والله ما اخليكك بحالكك ضحكت غيداء : واو سوبر مان يهددني ودخلوا المستشفى شافوا يد مرام كانت ملتويه لفوها لها وطلعوا وراحوا لبيت الجد .................................. قآم وشاف وجهه بالمراية : آهه خلاص الله يرحمكك يا يبه قام يسحب نفسه وهو يتذكر كلامه مع اخوه مشعل ,,, مشعل بإستنكار : مشاريوه جد جد ماهي من عوايدك تنام يوم كامل وتبي تنام زياده انت اول ماتحب النوم وش صار ؟ اكيد فيك شئ ؟ قوول يالله !. مشاري ساكت ماعنده ردد سحب مشعل البطانية وهو يشوف وجه اخوه وعيونه الحمراء : شفييك مشاري فييكك شئ قولي انا اخوكك سكت مشاري مو عارف شيقول لاخوه مشعل : مشاري لا تخوفني عليكك ، قولي شفيكك كذا وليش عيونكك حمراء سحب مشاري البطانيه وغطاء نفسه وقال وصوته تغطيه العبره : مشععل انا ابي ابوي قسم تقطع كلامة مع بكاءة ، قسم مشتاق له مشعل ابعد البطانيه وشاف وجهه اخوه ودموعه تغطيه ضمم اخوه بقوه : مشاري كلنا نشتاق لابوي ، بس مابيدنا شئ مابيدنا الا اننا ندعي له مشاري بصياح : بس بس يامشعل انتوا مو مثلي انا كنت دايم مع ابوي انا فقدته مره ابي ابوي ،، وزاد بكاءة ،، مشعل ليش ابوي اللي مات ليش ابونا انا ليش ؟؟ ضممه اخوه بقوه وهو متقطع قلبه ع اخوه : مشاري خلااص هذا قضاء وقدر ، احنا ما لازم نعترض ع القضاء والقدر مايصلح مايصلح يا مشاري مشاري بصياح : انا انا مابعترض بس بس ابي ابوي يامشعل مشعل تنهد : خلاص مشاري ترا صياحكك هذا مايفيد ابوي انا مثلكك اشتاق لابوي بس كل ماشتقت دعيت له لما تدعي له ابوي رح يعرف انكك مشتاق له وبيفرح بدعاكك اكثر من صياحكك ،، وبعدين نسيت كلام ابوي لكك مو ابوي دايم يقول لنا الرجال ما يصيح دايم صح ولا لا ؟ ابعد مشاري وهو يمسح دموعه : انا اتذكر بس اشتاق له مقدر غصب غصب اصيح تنهد مشعل : خلاص سوو مثل ماقلت لكك ادع له دايم هذا احسن شئ طيب مشاري : طيب خلاص انا بدعي له ابتسم مشعل بغصه ع حال اخوه المتعلق بابوه : طيب يلا ورني ابتسامة حلوه ابتسم مشاري وهو يبوس رأس اخوه الكبير : مشكور مشعل مادري وش بسوي بدونكك ضحكت مشعل وهو يعفس شعر اخوه : اووص وش هالكلام مابين الاخوان مشكور وخرابيط ، وعاد هاه من اليوم ابيكك ترجع مشاري الاول مثل ماكان ابوي موجود ابيكك تطلع وتتمشى طيب ؟ مشاري ببتسامة : طيب قام مشعل وهو يسحب اخوه للمغسلة : يلا غسسل وانزل اجلس معنا ترا بستناكك تحت ,, خذا له لبس ودخل يتروش وهو معزم بخاطره : خلاص راح ارجع مثل اول ايه خلاص طلع وهو مبتسم ولبس وكششخ وخذا جواله وهو يفكر وين اروح عاد نزل وهو يشوف الساعة 8:30 شاف امه تحت جالسه ومعها معاذ ومنار اخوانه الصغار بالروضة راح لها وباس رأسها ويدها وهو يقول : يممه انا اسف اني هالايام ماجلس معكم ومافتحت لكك الباب ضمته امه وعيونها مليانه دموع : ماعليه ياولدي اهم شئ انت بخير انا كنت خايفة عليكك ياقلب امكك ابتسم : الحمدلله مافيني شئ بس كنت متضايق شويات هالفتره قاطعته امه باهتمام : وش اللي مضايقكك ياولدي ؟ ابتسم : كنت يمه الحين الحمدلله تمام راحت الضيقة لاتشيلين همم تلفت وهو يقول: وينهم ؟! امه : من ؟ مشاري بتسأل : مرام ومشعل ابتسمت امه : مشعل اخوكك طالع مع عيال عمكك يقولون بيروحون المول ماقال لكك ابتسم : الا قال لي امه تكمل : ايه واختكك مرام راحت بيت جدكك تقول بتطلع مع بنت عمكك مشاري بلقافة : اي وحده امه ببتسامة : غيداء مشاري وقف : اهـا ، يلا اجل انا بعد بطلع تبين شئ امه فرحت بيطلع اخيرا : لا ياحبيبي بس انت اطلع ووسع صدركك طلع من البيت وهو يفگر وين يروح تذكر انه بيطلعون العيال ومعهم الشخص اللي دق عليه طلع جواله ودق عليه بعد ثلاث رنات رد : هلا مشاري : وينكم مجتمعين فيه ابتسم : بتجي زين اذكرك تقول طفشان تعرف استراحة ..... الاستراحة اللي جنبها مشاري : اييه ايه عرفتها مسافة الطريق وجاي ... : اوكي ننتظركك مشاري : يلا سلام وسكر ركب سيارته رايح للاستراحة وصل المكان شاف فيه استراحتين جمب الاستراحة تسأل : اي وحده وهو يشوف الثنتين شاف وحده بابها مفتوح : قال اكيد هاذي هي ودخل ، بس ماشاف احد من العيال الاستراحة فاضيه استغرب : غريبه وينهم راح يمم وحده من الغرفة بس شههق وهو .............. ................................... قبل دقايق .. كان بالسيارة كل شوي يتلفت يشوفها يووه وين يحطها فيه بعد ما دفع لشخص وخذاها توهق شوي تذكر وراح مسرع للاستراحة الي مسأجرها اسبوع ابتسم ودخل حطها بوحده من الغرف وهو يشوفها شلون نايمه ضحكك وطلع بعد ما تأكد انه ربطها صح ............................... نهاية البارت .. توقعاتكمم .. ارائكمم ..! | |||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
