اجبرتني ظروفي اني اعيش بين ذئاب بشرية / للكاتبة ملاذ الصمت²

[لامارا]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته نقدم لكم رواية اجبرتني ظروفي اني اعيش بين ذئاب بشرية للكاتبة ملاذ الصمت² قراءة ممتعة للجميع۔۔۔۔۔

[لامارا]

بسم الله الرحمن الرحيم

السلام عليكم ورحمة الله وبركاته

روايتي الثانية الاولى ماتوفقت فيها ووقفتها وهذي الثانية بعنوان "اجبرتني ظروفي اني اعيش بين ذئاب بشرية" بقلمي انا ملاذ الصمت..سامح الله يدا اقتبست مما اكتبه..بسم الله قراءة ممتعة

__________.

[لامارا]

استغفر الله 💜

البارت الاول..
__________.

بأحد الأحياء المتواضعة وفي ظلام الليل الدامس يقع منزل بطلة روايتي كانت تصرخ وتستنجد بجدتها اللتي كانت تضع يدها على فمها وتبكي وهي ترى حفيدتها تضرب ومن مين من عمها ؟ اللي المفروض يكون ابوها !
: جدتيييي آآآه وتشهق وتبكي بقووة كان يضربها بالسوط(مررة يعوور انا ماجربته لكن قريت عنه ومعرف اوصفه)
عمها بصراخ: انا اوريكي يا بنت### اجل تكلمينه وتطلعين معاه وانا اقول بنت اخوي برئية طلعتي من تحت لتحت وجوال وطلعة من بعد اليوم مااافي وبعد يومين بتتزوجين راشد غصبا عنكك وبصراخ هز البيت: سساااممعههه
كانت شبه جثه ميته على الارض وماردت عليه
عصب كثير وقرب لها وشد شعرها بأقوى ماعنده لدرجة حست انو فروة راسها بتطلع من مكانها وكرر سؤاله: سسااممعهه
هزت راسها بالايجاب وهي تبكيي
رماها على الارض بكل وحشية وطلع من الغرفة والبيت كله
قربت لها جدتها مسكت راسها وحطته على فخذها وهي تشوف الكدمات بكل وجهها: قومي يابنتي قومي اهئئ>شهقة
اما هي فكانت بعالم ثاني كانت فاقدة وعيها
بعد ساعتين⚡
فتحت عيونها وغمضتها بسرعة بانزعاج من النور السرير مو سرير غرفتها والريحة مو غريبة عليها بعد ثواني استوعبت هي فين(وين) هي بالمستشفى فتحت عينها للمرة الثانية وهي تناظر حولها كانت جدتها جالسة على الكرسي وتقرا قرآن هي الوحيدة اللي تهتم فيها
جدتها: نوف صحيتي يا بعد قلبي والله ماكان بيدي شيء
ناظرتها نوف بعيون ذابلة وهزت راسها بمعنى(ادري)
جدتها وهي تناظرها: ها يا بنتي اخلي سامي يكتب لكي خروج
نوف بحزن واضح: جدة ما ابي ارجع الله يخليكي
جدتها تنهدت: يا بنتي انا فكرت بحل لكي وبقليل من جنون سامي لقيت حل لكن ممكن يكون صعب و..(سكتت)
ناظرتها نوف وكانها تقول (كملي)
جدتها بتردد: اءءء امم ممكن تتخلين عن اشياء كثيرة
ومنها شعرك وجنسك وصوتك
نوف من جواها استغربت الفكرة لأن هي الوحيدة اللي تقدر تقرأ افكار جدتها فعرفت وش فكرتها خافت وتحمست بس اكتست قناع البرود: عرفت وش قصدك وانا موافقة
ناظرتها الجدة بفرحة: جد موافقة
هزت راسها بـ(اي)
الجدة: اه يا بنتي بشتاق لكي لكن وش اسوي مابي اليد حيلة
(رفعت يدها)حسبي الله عليك يا عمران(عم نوف)
نوف: لا ياجدة لا تتحسبين عليه حرام
جدتها اجل اليوم نروح للسوق نشتري اغراضك الجديدة
-صباح اليوم التالي 🎵

________________.

بس الين هنا اوقف اول بارت لي بلييز ابي ردود تشجعني
ومع البارتات بتعرفون سبب كره عم نوف لنوف توقعاتكم؟!
وش فكرة الجدة؟
وسبب كره عم نوف لها؟
تحياتي: ملاذ الصمت

[لامارا]

السلام عليكم شكراً على الردود في البارت الماضي خليكم متفاعلين معي وابشروا بالبارتات♡.. اترككم مع البارت انا ملاذ الصمت قراءة ممتعة
_____.
الحمدلله💜

"‏ﺭﺑﻲ ﻫﺐ ﻟﻨﺎ ﻗﻠﻮﺑﺎً ﻣُﻄﻤﺌِﻨﻪ ﻻ ﻳُﺆﺫﻳِﻬﺎ ﺑﻼﺀ ﺍﻟﺪُﻧﻴﺎ ﻭﻻ ﻳُﺸﻐﻠﻬﺎ ﺳﻮﻯ ﺭﺿﺎﻙ♡"


البارت الثاني

_____.
صباح اليوم التالي🎵
الجدة:نوف يا بنتي قومي
نوف:هممم
الجدة:قومي تأخرتي على المدرسة"وبصوت واطي(منخفض)" روحي حتى تودعي صديقاتك اليوم اخر يوم لكي
نوف فتحت عيونها وبغباء:ليه اخر يوم احنا لسا بالفصل الاول
الجدة:قومي "بصوت عالي" بسرعههه وبعدين بتتذكرين

قامت نوف بسرعة وراحت للحمام"يكرم القارئ' غسلت وجهها وفرشت اسنانها وتوضت وصلت الفجر لمن خلصت تذكرت ليه اخر يوم لها اليوم بتروح السوق وبكرة بتنقل مدرستها لمدرسة ثانية كانت خايفه من الفكرة ولكن كل شيء ولا انها تتزوج
لبست مريولها ورفعت شعرها كعكة واخذت شنطتها ونزلت

بالمدرسهه🎵
نزلت عبايتها ودخلت للمدرسهه وعلى طابورها اول ماشافت صديقتها راحت وسلمت عليها وبعد ما خلصت الاذاعة طلعت على فصلها واول حصة كانت الابلة(المعلمة) غايبة فجمعوا كراسي على شكل دائرة وجلسوا صحباتها كلهم اللي كانوا 7 بنات مع نوف
سمية:بنات طفش
ليان:مرررة
ريما بحماس:شرايكم نلعب صراحة وجراءة
البنات:قدام
ريما لفت القارورة وطلعت على سمية تسأل وجميلة تجاوب
سمية:صراحة ام جراءة
جميلة:صراحة
سمية بمكر:تحبين
جميلة ناظرتها بنص عين:طبعا لا
سمية وهي تغمز:عليينا هالحركات (وقالت وهي تقلدها) عموري
البنات كلهم ضحكوا وجميلة وجهها انصبغ احمر البنت خجوولة
سلوى:خلاص بنات شوفوا كيف صار وجهها يلا ريما لفيها
لفت القارورة وطلعت على لمار تسأل ونوف تجاوب
لمار:صراحة ام جراءة
نوف:صراحة
لمار:قد سويتي شيء وندمتي عليه
نوف:اممم لا بس ممكن بالمستقبل
لمار:كمان متأملة انه في المستقبل
نوف~بلاك ماتدري اني ببدأ بهالشيء من بكرة
سمية:نوفف نوف
نوف انتبهت:هلا
سمية:وين رحتي
نوف:معاكم معاكم
روان:يلا وين احنا
نوف حكت راسها بغباء لانها ماكانت معهم وكذا مر اليوم كله دروس بس اول حصة ما كان في شيء

واقفة برى والشمس بتحرقها طلعت سلوى من المدرسة
سلوى:نوفة
نوف:هلا
سلوى:للحين ما رحتي تعاي اوصلك اخوي جا
نوف بخجل:لا خلاص الحين سامي بيجي اكيد
سلوى:اوكي براحتكك
بعد 5 دقايق جا سامي
نوف دخلت السيارة:سامي خير متأخر
سامي:راحت علي نومة
نوف:بالله حزنتني الحين انا انلطع(اجلس) تحت الشمس انتظرك وحضرتك تقول(وتقلده) راحت علي نومة اننن بسس
سامي: يلا نوفة وين تبينا نتغدا
نوف سحبت علي السالفة:نفسي بماك
سامي:طيب وبعد ماك
نوف:مع اني مستغربة ليه بس عادي نروح ستاربكس
سامي:ابشري
وبعد ربع ساعة وصلوا ماك"ماكدولاندز"
سامي:ايش تبي
نوف:تشيكن ماك وحمضيات حجم كبير وبطاطس والسندويتش بدون خضار وكتشب
سامي:اوكك؛ وطلب لنوف وهو طلب لنفسه وجبة تشيز ماك
وبعد ما جا الطلب نوف اخذت وجبتها وصارت تاكلها اما سامي جلس يناظرها وما أكل
نوف انتبهت انه ماياكل:عمي
سامي:... >>يعني لا رد
نوف:يا عمم سام ساميي
سامي انتبه:هلا
نوف:ليه ما تاكل
سامي:ايه الحين باكل (وفتح وجبته وبدا باكلها نوف ناظرته باستغراب وكملت اكلها)
وبعد ماخلصوا راحوا ستاربكس ورجعوا البيت لان نوف تعبانة

المغرب🌅..
نوف وهي لابسة عبايتها:جده يلا
الجده نزلت:يلا يا بنتي الا وين سامي
نوف:برى يستنانا
خرجوا وركبوا بسيارة سامي وصلهم للسوق وقال انه بينتظرهم بالكوفي لين ما يخلصوا
الجدة:ها يا بنتي عندك محل معين نروح له
نوف:اعرف محل واحد كنت اشوف سامي يشتري منه
الجدة:اجل خلينا نروح له
دخلوا المحل واختاروا ٣ بيجامات بس كانت واسعة وبنطلون اسود فضفاض واشتروا جزم واشياء كثير ولادية
الجدة بتعب:ايش باقي ما اشتريناه
نوف:باقي المشد خلاص يا جدة روحي اجلسي مع سامي وانا بكمل
الجدة:ايه والله يا بنتي يكون احسن لاني تعبت
نوف وصلت جدتها لطاولة سامي
نوف:سامي خلي جدتي عندك بشتري شيء وبرجع
سامي:بس بسرعه يا نوف
اشترت مشد ورجعت لعند سامي
نوف:سام يلا انا خلصت
سامي:يلا امي تعبت كثير
نوف:اووك يلا
بالمواقف🚗
سامي مكان السواق ونوف جمبه والجدة ورى نايمة
نزلوا الجدة للبيت وراحوا للمشغل حتى نوف تقص شعرها
بالمشغل💇🏻‍♀️
نوف:لو سمحتي ابي اقص شعري لفوق رقبتي بشوي
الكوافيرة>>يووه نسيت اسمها😅:بس هيك بدك
نوف:وكمان ابي ارجع لون شعري الاساسي(شعر نوف اشقر)
الكوافيرة:ليش شو كان لونو
نوف:اسود
الكوافيرة:ماشي (وقصت شعرها ورجعت لونه)
الكوافيرة تناظر نوف اللي تشوف نفسها بالمراية:بسم الله عليكي أمر ما شاء الله العين تحرسك
نوف بخجل:شكراً كلك ذوق
وبعد يوم طويل وشاق نوف رجعت البيت ونامت
________.
وبس الين هنا انتهى البارت اتمنى يكون اعجبكم♥️♥️
ابي ردود لان البارت يعتبر طويل ولا؟
واول بارتين بتكون مومهمة فقط توضيح الشخصيات بس الاصل ان شاء الله بالبارت الثالث✨
ومارح يكون في تعريف للشخصيات انتو بتعرفوها بنفسكم وهذا البارت وضح لكم سامي ايش يقرب لنوف!وايش بتسوي نوف


توقعاتكمم🔥
تحياتي:ملاذ الصمت🌸

[لامارا]

السلام عليكم نبدا بالبارت على طول انا ملاذ الصمت قراءة ممتعة
____.
سبحان الله
‏اللهم جَبرا يتعجّب له أَهل الأَرضِ والسّماء 💕

البارت الثالث

____.
صباح يوم جديد
نوف:سام المدرسة داخلية
سامي:لا حكومية بمدرستي
نوف:فين حنسكن
سامي:بشقة صاحبي
نوف شهقت:هئ بنسكن مع ولد
سامي:لا هو مسافر
نوف ارتاحت:آاه اشوى
سامي طلع اوراق من شنطته الظهر:وهذي اوراقك باقي الصورة
نوف تحمست:وريني وريني الله اسمي نواف بن محمد
سامي:يلا البسي الثوب عشان الصور
دخلت نوف غرفتها ولبست ثوب ابيض مع غترة"شماغ" لونها ابيض وتلثمت فيها وشعرها القصير الأسود مو باين مررة
سامي صفر:الله وطلعتي ولد مز->شدد على حرف"ز"
نوف:احم احم ادري
سامي:لا لا الصوت مررة لا
نوف تحاول تخشن صوتها:احم كيف
سامي:لا
نوف خشنته اكثر:كذا
سامي:ايوا كذا تمام
نوف:اجل يلا نروح الاستوديو
راحوا للاستوديو وأخذوا كم صورة حتى يحطوها بالاوراق حقتها اللي بالقوة طلعها سامي
سامي:طيب بكرة بنروح للمدرسه ونسجلك
نوف:طيب بس عمي متى بيجي
سامي:اظنه المغرب عشان كذا خلينا نلم اغراضنا حتى قبل مانروح ناخذها
نوف:اوكك بروح أرتب اغراضي وبناام
سامي:حتى انا زيك
وفعلا كل واحد راح على غرفته ورتب اغراضه ونام
”تسريع الاحداث“
نوف نامت اليوم كله بس كانت تصحى تصلي وتنام اما سامي خرج مع اصحابه حتى يمهد لاصحابه عن نوف ويقلهم انو في طالب جديد وكذا
الساعة 12:00
سامي:نوف نوف
نوف:ها
سامي:قومي بنطلع من البيت
نوف فتحت عين وحدة:ليه
سامي:امي تقول انه عمران بيجي الظهر
نوف قامت بسرعه:يمه يمه اكيد بيجيب الشيخ
سامي:عشان كذا اقلك قومي خلينا نروح الشقة من الحين
نوف:طيب انا بلبس الثوب واودع الجدة ونروح
سامي:طيب بسرعه
لبست نوف الثوب والغترة حطتها على كتفها
وراحت تسلم على جدتها
نوف دخلت الغرفة وشافت الجدة نايمة:مع السلامة جدتي احبكك
َركبوا السيارة وانطلقوا للشقة اللي كانت بعيدة نوعا ما عن بيتهم حتى مايعرفهم العم
سامي وهو يسوق:نوف ترى ما رح اسكن معاكي
نوف:ليه
سامي:عشان عمران ما يعرف مكانك اذا راقبني
نوف وهي فيها النوم:اوكك طيب
وصلوا للعمارة اللي فيها الشقة وكانت عمارة👌🏻
نوف:الله الشقه خيااال
سامي:ايوا ما شاء الله صاحبي وحيد واهله معطينه ذي الشقة هدية
نوف:تصدق احس ودي الحين اشوف صاحبك
سامي:هو قريب بيجي قريب يلا انا بروح
نوف:اوكك بشوف الشقه سي يو
"خرج سامي ودخلت نوف للغرف تفرفر فيهم"
نوف:هذي الصالة كبيرة والوانها ذهبي وفضي تجنن هالالوان مع بعض ولا الكنب يووه يخقق"دخلت غرفة قريبة من الصالة" امم هذي شكلها غرفة الولد لان الوانها نفس الوان الصالة معقول بيكون مطقم مع الصالة يمكن مدري بس خليني استكشف هالغرفة" فتحت الدولاب"اوه كل هاللبس لا شكله ولد كاش وبقووه يعني هو ايش اخذ معاه غير ذول وشكله يحب العاب الفيديو"فجعها دق الجرس"يمهه مين جا معقوله الولد لا لا ما اظن"راحت وناظرت من العين السحرية وشافت سامي فتحت الباب" بسم الله ليه جيت
سامي:افا ما تبيني
نوف:لا بس يعني استغربت
سامي حك راسه:نسيت اوريكي اصحابي
نوف:اوكك يلا وريني
"فتح جواله على صورة فيها ٤ عيال والخامس سامي"
نوف:هذول خوياك!
سامي:هيه لا تخقي
نوف:اساميهم بسرعه تحمستت
سامي:اللي شعره لرقبته بشرته برونزية شوي وعيونه حادة هذا رعد واللي جمبه قصير شوي شعره كدش ابيض هذا راكان واللي بيضحك طويل ونحيف هذا بسام وهذا بدر صديقي الروح بالروح بدر يعرف عني كل شيء
نوف وهي تناظر الصورة:ايت واحد الشقه حقته
سامي:ولا واحد اللي حقته الشقه مو موجود ما يحب التصوير
نوف باحباط:لا كنت ابي اشوفه
سامي:وترى في عيال ثانيين لكن ذول المقربين
نوف:اوكك بس خفت من رعد
سامي:هو شوي عصبي وما يعطي للبنات وجه
نوف بحدة:انا بكون قدامه ولد
سامي:ادري امزح
نوف:احسب بعد
"بعد ساعة"
سامي:يلا بسرعه حطي اغراضك بالغرفة والبسي بنروح الاستراحة واعرفك على العيال
نوف:حماااس يلا بروح البس"دخلت الغرفة"
سامي بطفش وهو يناظر الجوال:نوف مو سنه بسرعه "خرجت"
سامي ناظرها:هلا بولد اخوي هلا
نوف:سامي بالله شكلي حلو
سامي:الا غطيتي علي يا بنت
نوف ضحكت بتوتر وناظرت نفسها بالمراية
كانت لابسة بنطلون جينز واسع ازرق مع بلوزة نص كم سبور ولبست فوقه جاكيت اسود جلد خلته مفتوح يعني ما قفلته وجزمتها اديداس بيضة واخر شيء شعرها كانت لابسة عليه كاب ابيض جا مع اللبس يجنن طلعت نوف جد جميلة باللبس ذا
سامي:يلا ليه تاخرتي
نوف:انتظر الكاتبة تخلص وصف
سامي:عساها خلصت بس
نوف:خلصت بعد مافصفصتني فصفصة
سامي وقف جمبها:وانا بعد اوصفيني
سامي كان لابس بيجامة زرقة مخططة بالابيض بس البنطلون اللي مخطط ولابس جزمة بيضة ومسوي شعره سبايكي وطالع جونااان
سامي: يلا على السيارة بنتأخر
____.

انتهى البارت اتمنى يكون عجبكمo̴̶̷̤ˬo̴̶̷̤

قولولي رايكم بطريقة السرد للوصف مثلا اللبس وكذا؟

اعتذر عن التاخير وكان ودي اعوض عن التاخير لكن ما ارتحت اسبوعين الا جات الاختبارات الثانية وعاد لازم اشد حيلي هالمرة بحاول اجيب درجات حلوة ادعوليي♡♡
وبس اسفة اذا طولت عليكم♡
توقعاتكم ايش بيصير معها بالاستراحة؟

[لامارا]

السلام عليكم اعتذر عن التأخير اللي استمر لعدة شهور بالبداية كان سببها الدراسة لكن بعدها ما لقيت التفاعل اللي يساعدني ويشجعني ارجع لكن الحمدلله متابعين روايتي على الواتباد اسعدوني بتفاعلهم وهذا بارت العوده♥️♥️اخليكم معاه انا ملاذ الصمت قراءة ممتعة♥️
_____
البارت"الرابع"
ستطِيب لنَا الدُنيا يومًا و ننسَى مُّرها ..
_____
-نوف..
وصلنا للاستراحة كان الباب حقها كبيير وباين انها كبيرة من جوا لفيت على سامي شفته يخرج مفتاح من جييه ويفتح باب الاستراحة أول ما فتحه هبت نسمة هوا بارده واضح انه جوا في مكيفات كثير التفت على سامي اللي ناداني
سامي:شفيك تنحت عند الباب ادخل ادخل
نوف~يووه سرحت عند الباب يلا بسم الله دفيت الباب ودخلت
-الرواية..
اول ما دخلو من الباب استقبلهم باب غرفة ثانية وعلى اليمين غرفه زجاجية الواضح من برى انها مشتل ورود وعلى اليسار كان في ممر مو واضح لفين يودي نوف اول ما شافت الغرفه الزجاجية انهبلت الا تشوفه لأن الورد عشقها لكن سامي منعها دخلو للغرفه اللي كانت قدامهم
سامي:السلام عليكم شباب
الشباب بردود مختلفة:اهلين:وعليكم السلام:هلا:حياك
دخل سامي وراح لعند عيال جالسين بصدر المجلس وجلس بالأرض بحيث انه يصير قدامهم ونسي نوف عند الباب
واحد من العيال لنوف:هي ياولد انت اللي على الباب
التفتت نوف له بدون ما تقول شيء
الولد:علامك واقف عند الباب تعال تعال هنا(واشر جنبه)
بالبداية خافت نوف انها تجلس جمب ولد وسامي واضح انه مو منتبه لها لازم تروح حتى ما يشكو فيها راحت وجلست
الولد كحركه عفوية حط يده على كتفها:ايوا ايش اسمك
نوف بان على وجهها ملامح ضيق انه مو عاجبتها الحركه:اسمي نو..نواف
الولد اول ماشاف وجهها شال يده:اسف اذا ضايفتك على العموم انا خالد
نوف:لا عادي
خالد:امم ايش تقرب لسامي
نوف:عمي
خالد بتفكير: ما اذكر كان عنده ولد اخ غير راشد
نوف وواضح انها وصلت حدها: مالك دخل فيني سيبني
سمعت صوت سامي يناديها لفت عليه:هلا
سامي بصوت عالي عشان تسمعه:تعال هنا اعرفك على العيال
قامت وراحت لعند سامي
سامي:هذول العيال اللي وريتك صورهم بالجوال
نوف ساكتة تناظرهم~خير مره حلوين احلى من الصور كيف بجلس معاهم
واحد من أصحاب سامي:يا ولد شفيك سرحت
نوف ناظرته~مين ذا اييه تذكرت هذا راكان:لا معاكم معاكم
..:واضح
نوف ناظرته~من هذا كمان اممم ايه بسام
نوف تهمس لسامي:سام بروح الحمام
سامي:اخرجي عند الباب لفي يمين بتلاقي ممر امشي فيه ورح يكون الحمام قدامك
نوف قامت:تمام
راكان:على وين
نوف وهي معطيته ظهرها:الحمام الله يكرمك
نوف..
وهذا الباب ناظرت يمين شفت الممر بس تذكرت الغرفه الزجاجية اللي على اليسار جا ببالي اني اروح لكن خفت احد يشوفني لفيت ورى شفت الغرفه مظلله من برى ما يوضح الشخص اللي برى كثير وسامي والباقين مو منتبهين لي بروح خمس دقايق وارجع مشيت على روس اصابيعي وفتحت الباب كان مفتوح استغربت لكن دخلت انصدمت من اللي شفته كان زهور أنواع وألوان وأشكال من جد هذا المكان اللي ينقال له جنة الارض ما قدرت اقاوم ورد الفل وأخذت لي وردة قطفتها بدون ما انتبه وحطيتها على أنفي يا ان ريحتها تجنن خلاص دخت وانا اشمها غمضت عيني وصرت اتذكر اشياء حلوه جدتي امي وابوي قبل ما ينفصلو كانوا زوجين يعشقوا بعض لكن قدر الله انهم ينفصلو نزلت دمعه من عينها وهي مغمضة لكن الدمعه أصرت انها تخرج ما انتبهت للي واقف ورى شجرة يناظرها من اول ما دخلت ما ينكر انه عصب أول ما قطفت الوردة لكنه انصدم لمن نزلت دمعتها جلس يفكر مين هذا الولد انا اول مره اشوفه تنحنح ممكن تسمعه
نوف انفجعت اول ما سمعت نحنحه:يمه بسم الله الرحمن الرحيم
.. خرج من ورى الشجرة وبسخرية:خوفتك يمامي
ناظرته بخوف:م مين انت
.. ناظرها من فوق لتحت:انت اللي مين داخل الغرفه بدون ما تستأذن
نوف:انا كنت ابغى الحمام وجيت هنا
.. قرب منها ونزل راسه لها لأنه أطول منها:وجيت هنا ماعرفت تطلع
نوف رفعت رأسها بتوضح له لكنها صدمت بذقنه والتقت عينها بعينه~ياربي شفته من قبل هذا اكيد واحد من أصحاب سامي ياربي مين ايوا ايوا عرفته
..:خلصت تأمل
نوف استحت ونزلت راسها بهاللحظة دخل شخص ما كان متوقع حضوره
نوف:ااء سا
ما كملت كلمتها الا وسامي ساحبها من يدها:هش ولا كلمة
خرجوا برى اما اللي جوى طلع باكيت سجاير من جيب الجينز اللي لابسه وولع وحده وحطها بفمه وهو يفكر معقولة سامي يشك فيه
نروح عند نوف اللي سحبها سامي للممر
سامي:ايش كنتي تسوي معاه تكلمي
نوف:سامي تشك فيني مو انت قلت هذا اللي ما يعطي وجه ليه الحين تتوقع اني اجلس عنده افهم السالفة وبعدين احكم علي
سامي بمحاولة لتهدئة نفسه اخذ نفس:تكلمي اسمعك
نوف قالت له انها كانت بتروح الحمام وجذبها منظر الغرفه وووو
سامي:تمام اسف ما كنت اقصد اني أشك فيه لكن شكلكم يعني
نوف:عادي بس ارجوك سامي لا تكرر هالشك مره ثانية لأنه بيكون سبب فراقنا
سامي:تمام يلا نرجع للمجلس
نوف:لا ابغى ارجع مالي نفس
سامي:مع انك ما جلستي كثير لكن يلا نعلمهم ونروح
(حوارهم هذا كان بصوت منخفض♥️♥️)
سامي:يلا شباب مع السلامة
.. :وين ما جلستو
سامي:معليه اعذرنا يا بدر بس نواف تعبان شوي
تعالت أصوات الشباب:سلامات،ما يشوف شر،تمام
سامي رفع يده وهو خارج:الله يسلمكم مع السلامة
مشت وراه نوف وركبو السيارة وصلها سامي لباب الشقة سلم عليها ونبهها انه ما تفتح لأي احد يدق عليها وأنها تتغطى كويس وتدفا وووووو
💢قبل ما ينتهي اليوم نرجع لورى شوي وقت حضور عمران:
وسمية(زوجة عمران) :هلا بأبو راشد هلا
عمران:اهلين وين العيال
وسمية تنادي بصوت عالي:راشد مرام تعالو عند ابوكم
جا راشد وهو متكشخ ووراه اخته مرام سلمو على ابوهم
مرام وراشد:الحمدلله على السلامة يبه
عمران:الله يسلمكم اجلسو كيفكم
مرام:تمام يبه
راشد:الحمدلله(وبحماس) يبه متى املك على نوف
عمران رجع راسه لورى وغمض عيونه تذكر ايش صار ببيت امه
_اول ما وصل راح بيت أمه سلم عليها وسألها عن سامي
الجدة:سامي اليوم بينام بالاستراحة
عمران:ونوف
الجدة توترت:اه نوف ما ادري فينها اليوم صحيت الصباح ما لقيتها
ناظرها عمران وعيونه حمرت من العصبية:يمه ايش بتقولي
الجدة:والله العظيم صحيت ما لقيتها شوفني حلفت ما تصدق امك
عمران مسح بيده على جبهته:حسبي الله عليها بس لو اني اعرف فينها
فتح عينه على صوت وسميه:خير يا عمران ايش سار
عمران:نوف هربت يعني زواج مافي
قام راشد:ايش يعني هربت ايش يعني مافي زواج مو انت قلت بتزوجني
عمران صرخ:انا قلت ما كنت داري انها بتهرب وهالسامي اكيد له يد بالموضوع حسابي معه
خرج راشد من البيت ومرام راحت غرفتها
وابوها وامها راحوا عرفتهم حتى ينامو
__
وبس الين هنا انتهى بارت العودة اتمنى يكون أعجبكم التنزيل حيكون كل جمعة بارت أو بارتين وإذا تغير الموعد رح اقولكم لا تنسو تكتبو توقعاتكم تحياتي ملاذ الصمت♥️♥️

[لامارا]

السلام عليكم ببدأ بالبارت على طول انا ملاذ الصمت قراءة ممتعة♥️♥️
___.
"البارت الخامس"
‏" الصدمات لا توقف القلب لكنها توقف الإحساس ".
___.
صباح يوم جديد🌅:
نبدأ ببطلتنا نوف قامت الساعة 4 ونص الفجر دخلت الحمام"يكرم القارئ' أخذت لها دش يصحصحها لبست بجامة رمادية بأكمام طويلة وسروال واسع شوي توضت وأخذت جلالها الوردي مع الطرحة المزخرفة بأوراق الشجر رفعت يدينها الين اذنها كبرت بكلمة "الله اكبر" صلت الفجر مع السنة سلمت وجلست على السجادة تقرأ أذكار بعد الصلاة ولمن انتهت وقفت تلم السجادة وهي تردد "استغفر الله" شافت الساعة الموجودة على الجدار بالشكل الدائري الساعة 5 و عشر دقايق تقدمت لجوالها الموجود على التسريحة بالكفر الذهبي ودخلت"جهات الاتصال" وبدت تقلب بالأسماء لحد ماتوقفت اصابعها عند إسم "sam" رفعت الجوال حتى استقر عند اذنها وبعد ٣ رنات رد بصوت كله نوم سامي:نعم
نوف:السلام عليكم
سامي يتكلم وهو مغمض:وعليكم السلام ايش في
نوف:اصحى عشان المدرسة لمتى بتجلس نايم
سامي:انتي شايفة كم الساعة قبل ما تتصلي الساعة 6 ونص نروح
نوف بتتكلم قاطعها صوت قطع المكالمة "طوط"
نوف تناظر الجوال:انا اوريك تقفل الجوال بوجهي
بعدها راحت للمطبخ خرجت توست وحطت عليه جبن سايل مع قطع دائرية من الخيار أكلت وقامت عشان تلبس المشرد وليست ملابسها لبسها كانت عبارة عن ثوب ابيض مع غتره بيضة مسكته بيدها لأنها ما تعرف تضبطه وأخذت ساعة من الدرج لونها اسود ولادية بxxxxب بيضة ورشت عطر رجالي قوي شوي حطت على يدها وفركتها باليد الثانية ومسحت بيدها ورى اذنها وورى رقبتها رجعت العطر مكانه وغطت اذنها بشعرها حتى مايبان خرم اذنها ولبست جزمة "يكرم القارئ' سوده مخططة بالأبيض وجلست بالصالة تشوف جوالها
💢نروح لبيت الجدة اللي كان نايم هناك سامي بس قفل المكالمة ماقدر يرجع ينام قام تروش هو كمان وخرج بعدها لبس ثوب ابيض مع غتره بيضة سواها بطريقته المعتادة(مارح اعرف اوصف طريقته لاني ما اعرف كيف يسووها) اخذ ساعة زرقة بxxxxب ذهبية وبخ من عطره القوي بس الريحة جميلة لبس جزمة بيضة برباط ابيض بس أغمق من لون الجزمة بشوي
مسك جواله واتصل على نوف بعد اول رنه ردت
سامي:سلام نوف انزلي عند البقالة القريبة منك انا جاي
نوف:تمام
بعد ربع ساعه وصل سامي للبقالة وكانت نوف تنتظره ومعها عصير من البقالة
نوف وهي تركب:السلام عليكم
سامي:وعليكم السلام كيفك
نوف بعد ما دخلت وقفلت الباب:تمام الحمدلله
سامي:انا كلمت المدير يخليكي بنفس الفصل حقي
نوف:مين معانا من اصحابك
سامي:راكان وبسام
نوف بعفوية سألت:ورعد
سامي التفت لها بحدة ورجع نظره للطريق:بفصل ثاني
نوف:ساااميي والله مو زي اللي انت فهمته انا وضحت لك
سامي:اسف ما اقدر اشوف بنت اخوي مع صاحبي حتى لو بالغلط
نوف ما ردت عليه ولفت للشباك تشوف البيوت تروح عنهم وإذا في شجرة تمشي بسرعه كأنها خايفه أو تتهرب من نظرات نوف رفعت عينها لفوق الجو فيه كم غيمة تجري وتسابقهم الشمس طالع منها شوي قريب يبدأ وقت الشروق ناظرت كيف الله سبحانه وتعالى ابدع بصنع كونه الحي اللي كانو فيه كان جمييل واضح إبداع الله فيه رددت بينها وبين نفسها "سبحان الله" قاطع تأملها صوت عمها سامي:نوف نوفة ايش فيكي من اول وصلنا
لفت عليه:اسفه سرحت
سامي:يلا. انزلي
نوف نزلت رجلها ونطقت: بسم الله
باب المدرسة ما كان بعيد عن مكان وقوف السيارة مجرد كم خطوة الا هم قدام الباب والحارس اللي الشيب ملا راسه الا ان شكله ما يدل انه كبير
سامي ونوف:السلام عليكم
الحارس "عبد القادر" :وعليكم السلام اهلين سامي
سامي:هلا عمي اعرفك على ولد اخوي نواف
الحارس:اهلين نواف"وبمزح" يلا يلا تأخرتوا يا طلاب
سامي ونوف:هههههه يلا مع السلامه
نوف وهي تمشي مع سامي على الدرج:يحليله حبيته
سامي:ايه العم عبد القادر ينحب بسرعه
نوف وقفت قدام الفصل اللي متوجهين له واشرت عليه:هذا
سامي:ايوا (فتح باب الفصل ودخل)
أصوات الفصل عاليه صراخ وضحك وأصوات مو واضح ايش هي لكن لمن انفتح الباب عم الصمت على الجميع الكل ترك اللي بيده ووجه نظره للطالب اللي مع سامي البعض ذكر الله عليها لان شكلها كان جميل والبعض الآخر الحقد عمى قلبه بدون سبب حتى قبل ما يعرف مين هالشخص اللي قدامه
نوف خافت من نظرات الشباب الموجه لها قربت من سامي ومسكت شوي من ثوبه من ورى سامي ما اهتم للنظرات ومشي لقبل اخر الفصل وجلس جلست نوف جنبه بحكم انها
ما تعرف فين تجلس وجنبه فاضي جلست شوي
دخل الأستاذ القى السلام وحط كتاب مادته على طاولة المعلم وفوقه حط أقلام السبورة المادة اللي عليهم كانت"رياضيات"
الأستاذ"رامي" :فين الطالب الجديد
قامت نوف بتوتر ورفعت يدها وهي واقفة:انا
الأستاذ مسك الدفتر حق التسجيل الموجود على الطاولة من اول:ايش اسمك
نوف:نواف بن محمد آل..
الأستاذ يكتب اسمها بالسجل:تمام أخذت الكتب
نوف:لا لسا
الأستاذ:طيب الحين انزل المستودع خذ الكتب عشان تبدأ
نوف لفت نظرها لسامي وهو ناظرها وقال بصوت واطي:روح وانا بقول اني بروح للحمام وأخرج أوقف عند الباب
سامي قام من مكانه عشان تخرج نوف مشيت بخطوات هادية وخرجت من الباب الحديدي المتوسط ووقف قريب من الباب وصارت تشوف المدرسة الجدران الأرضية ما وقفت 5 دقايق الا طلع سامي:ما تأخرت صح
نوف:لا ابد يلا نروح بسرعه
صاروا يشمو بطريقة"الهرولة" وصلوا للمستودع وشافوا الاستاذ حق المستودع
سامي:استاذ محمد في طالب جديد جاي عشان الكتب
الاستاذ:سامي ايش عليكم الحين
سامي:رياضيات
الاستاذ:معقولة رامي خرجك تجي معه
سامي ناظره:يعني هو ولد اخوي ومايعرف شيء عن المدرسة
الأستاذ لف وفتح الباب ودخل:فاهمك فاهمك هالمره سماح
سامي:ههههههه
نوف تناظرهم مستغربة من الميانه بينهم
الأستاذ طلع حزمة كتب:هاه انتبه يضيع كتاب أو ينقطع
نوف:ان شاء الله
أخذوا الكتب كاملة وسامي راح الحمام وغسل يده ووجهه عشان يأكد انه راح للحمام😂وانتظر نوف تدخل بعدها دخل والاستاذ ما قال شيء وفتحت الكتاب وتابعت الدرس انتهت الحصة الأولى وبدأت بالثانية حصة"الكيمياء" ما صارت أحداث تنذكر مجرد استاذ دخل وأعطى درسه وخرج وبعدها الحصة الثالثة"انجليزي" مثل الحصص اللي قبلها نروح للفسحة"البريك" اللي رح يصير فيه حدث يرعب نوف بعطيكم مقطع منه🌝:
نوف رجعت لآخر شيء وصدمت بالجدار:آآآء
..:ايش فيك ترتجف ناظر بعيونها الدموع ملتها ونزلت دمعه منها مد يده ومسحها:مارح اسوي لك شيء خلاص انا بروح
راح ونوف نزلت للأرض واحتك جسمها بالجدار
____
هذا البارت الخامس اتمنى أعجبكم اعذروني على التأخير لكني قسمت البارت ونزلته بالواتباد وبس خلصت جمعته ونزلته هنا❤️

[لامارا]

السلام عليكم اعتذر على التأخير ببدأ البارت على طول بعيدا عن المبررات انا ملاذ الصمت قراءة ممتعة♥️
___

البارت"السادس"

‏"وأهجُر كل مايؤذيك، ولا تلتفت ".
___

انتهت الحصة الأولى وبدأت بالثانية حصة"الكيمياء" ما صارت أحداث تنذكر مجرد استاذ دخل وأعطى درسه وخرج وبعدها الحصة الثالثة"انجليزي" مثل الحصص اللي قبلها نروح للفسحة"البريك" سامي: يا عيال خلينا اليوم بالفصل
بدر:اوك بس خلي احد ينادي الباقيين
سامي:روح انت ناديهم
بدر: راحت الهيبة ههههه
راح شوي ورجع معه رعد وبسام
نوف نزلت غترتها وهمست باذن سامي:بروح الحمام
سامي:طيب قوم اوديك
نوف:لا ما يحتاج قول لي مكانه وانا اروح
بدر:ايش في
سامي كان بيتكلم قاطعته نوف:بروح الحمام وبسأل عن مكانه
راكان:خلاص انا بروح معاه لاني ابغى الحمام
نوف ناظرته ما تبغى بس قالت:تمام يلا
راكان وهو يمشي بالممر وجنبه نوف:عندك اعمام غير سامي
نوف بدون ما تناظره:على اساس ما تدري
راكان ضحك:بتكلم معك بس ماعندي سالفة
نوف:مو لازم تتكلم
َكلموا مشي اللي كان من الفصل بالممر وبالدور اللي تحت كان الحمام"يكرم القارئ' الحمام كان فاضي دخل راكان ودخلت نوف الحمام اللي جنبه شوي وخرجت كان راكان لسا ما خرج غسلت يدها ومسحت وجهها ناظرت بالمراية شافت وراها ولد متى دخل ما تدري ناظرها وقال:اهلا يا حلو
خافت منه ومن نظراته اللي كانت تتفحصها لفت له وصارت قدامه قرب منها وصار ما يفصل بينهم الا اربع خطوات..ثلاثة..اثنين خافت نوف وصارت تردد بنفسها"لازم ما ابين له اني خايفة لازم" اخذت نفس وناظرته اول ما عرفته همست: ب بدر
رد بصوت هامس:ترى ما رح آكلك
مد يده لشعرها وصار يحرك شعرها هنا نوف خافتت وكل الجمل اللي واست نفسها فيها تبخرت ناظر بعيونها كيف تغلغلت بالدموع وجسمها بيرتجب نوف رجعت لآخر شيء وصدمت بالجدار:آآآء
قال لها:ايش فيك ترتجف ناظر بعيونها الدموع ملتها ونزلت دمعه منها شال يده من شعرها ومسح دمعتها:مارح اسوي لك شيء خلاص انا بروح
راح ونوف نزلت للأرض واحتك جسمها بالجدار ونزلت على الارض ودموعها على خدها سمعت صوت صوت القفل حق الحمام قامت بسرعه وسوت تغسل وجهها
خرج راكان:انت لسا هنا
نوف حاولت تخشن صوتها كثير عشان تخفي صوتها الباكي:ايه كنت انتظرك نرجع سوا
راكان:معليش اخذت برد اليوم وتأخرت شوي"وباستغراب" كان في احد هنا كاني سمعت صوت
نوف خافت يقول لسامي:لا لا ما كان في احد بس كنت افكر لكني رفعت صوتي شوي
راكان بعد ما غسل يده:اها اوك خلينا نروح تأخرنا
رجعوا للفصل وكان قدام العيال فطاير وعصاير
راكان:مين تبرع اليوم واشترى
سامي وهو ياكل من الساندويتش:بدر
سرت رجفه بجسم نوف وعلى طول ناظرت بدر
بدر انتبه لها وبادلها بالنظرات وغمز لعا فهمت نوف انه غمز لها عشان ما تقول لسامي سمعت سامي يناديها لفت له:هلا
سامي:خذ لك فطيرة
نوف:لا ما ابغى مو مشتهي
سامي:بس تشتهي كل
صارت تناظر الجدار وتفكر اللي بتسويه صح او خطأ جانب منها يقول صح والجانب الثاني غلط 5 دقايق ودق الجرس لانهم تأخروا بالحمام بدأو الطلاب بالدخول للفصول وكل واحد جلس مكانه ينتظروا الاستاذ دخل الاستاذ القى السلام والطلاب ردوه طول الحصة كانت نوف شاردة وما انتبهت كثير على الدرس مرت الحصة وبدأت اللي بعدها نوف"لازم انتبه للدروس مو معقولة اسرح بالحصص عشان شخص مثله" وبدأت الحصة اللي بعدها كانت"احياء" ركزت نوف على الدرس وحفظت بعض النقاط بالدرس لانها متعوده انها تحفظ الدرس بالحصة اسهل لها واخر حصة كانت"جغرافيا" وانتهى اليوم الدراسي رجعت نوف للشقه وسامي لبيت الجدة نوف اول ما وصلت نزلت الثوب تروشت ولبست لها بيجامة بيضة مرسوم عليها باندا صورة تقريبية للبيجامة👇🏻:

مشطت شعرها وبعدها شغلت التلفزيون ومسكت الريموت حطت قناة عشوائية وهي تناظرها سرحت تحس نفسها كرهت العيال"ليه انا يعني ما لقى غيري حرام عليه اول يوم وارعبني كذا" وصارت تبكي فجأة سمعت دق على الباب استغربت لان سامي لمن يرجع من المدرسة يتجنب يجي لها للشقة عشان لو عمران يراقبهم او شيء مسحت دموعها وقامت للباب ناظرت من العين السحرية ما شافت احد فتحت الباب ناظرت يمين يسار مافي احد ناظرت بالارض لقت ورقة اخذتها وهي مستغربة قفلت الباب ودخلت ناظرت الظرف ابيض سادة لفت نظرها الحرف المكتوب على ظهر الظرف كان مكتوب بخط عريض"M" زاد استغرابها ما تذكر احد اسمه يبدا بهذا الحرف جاها فضول تعرف اللي جواه فتحت الظرف داخله كان في رسالة فتحتها كان محتواها
"انتِ قوية،،لا تخلي اي شيء يقتل هالقوه ويخلق منها ضعف لا تخلي اللي صار لك اليوم يأثر عليك،،انا على ثقه بأنك رح تتخطي هذي المرحلة مرحلة الضعف،،وترجعي اقوى من قبل،،انتقمي من اللي كان السبب."
نوف:بسم الله الرحمن الرحيم مين هذا وكيف عرف وليه كاتب انتقمي من اللي كان السبب بلون احمر ياربي حتى الخط طباعة يعني مارح اميز الخط (قرت الرسالة مرة ثانية) بس صراحة الكاتب مدري الكاتبة صادقين انا لازم انتقم وما ابين لاي احد ضعفي (تذكرت شيء وضربت جبهتها) يووه نسيت انا متعلمه الدفاع عن النفس فين راح لما قرب مني يلا ما عليه المرة الجاية>ترقع لنفسها😂اخذت الرسالة ورجعتها بالظرف واخذتهم وحطتهم بدولاب غرفتها بعد ما خلصت انسدحت على السرير بتاخذ قيلولة بعد ما صلت الظهر
نوف:مين المرسل وكيف جابها وانا اول ما اندق الباب فتحته ايه صح مو هذي عبارة اغنياء اكيد فيها كاميرات بس اصحى ان شاء الله انزل اشوف(وبعد هذي الافكار دخلت بنوم عميق)
___
نروح عند بطلتنا الجديدة
كانت جالسة بالصالة ومافي غير صوت المكيف اما هي بيدها الجوال وتناظر فيه ماهي عارفه كم رمز الجوال سمعت صوت الباب وقفت على طول وراحت عنده:احمد كم رمز الجوال
احمد ارتبك:ايش تبغي فيه
:ابغى اشوف ايش جواه
احمد:زينب ي قلبي مو انا قلت لك انه تفرمت بعد الحادث
زينب:ايوا عشان كذا ابغاه لانه يعتبر جديد
احمد:زينب رجعيه بالدولاب
زينب تكتفت والجوال لسا بيدها:لا ما ابغى
احمد يقرب منها:زينب جيبيه بسرعه
زينب خافت من نظراته وبسرعه مدت يدها له واعطته الجوال
احمد:ايه كذا كوني مطيعة (واخذ الجوال ورجعه بالدولاب)
زينب زعلت ورجعت جلست على الكنبة
احمد:سويتي الغداء
زينب:لا ما سويت
احمد:كويس لاني جايب غدا معي
جاب صحنين وحط فيهم الرز وحط السفره وفوقها الصحنين وملعقتين ومشروب غازي سمى بالله وبدأ ياكل
احمد:زينب كلي
زينب:ما ابغى
احمد:اذا ما اكلتي رح اوديك عند امي
ما خلص جملته الا زينب جالسة على السفره وبتاكل ضحك على شكلها وهي بتاكل عشان ما تروح عند امه
خلصوا اكل وشالوا الصحون والملاعق
احمد:انا داخل انام الجوال اللي بالدولاب ما تلمسيه
زينب ناظرته كذا(😒) ولفت عنه
دخل احمد الغرفه ينام اما زينب راحت للشباك وصارت تناظر منه الناس اللي بتمشي والسيارات والشارع وتتذكر كيف التقت بأحمد...صحيت لقت نفسها بغرفه صغيره شوي المغذي جنبها والغرفه بااردة كأنها بمستشفى دخلت الممرضة ومعها شخص ما عرفت مين هو راح لعندها وجلس على السرير جنبها:زينب صحيتي اخيرا
زينب:مين انت
احمد ما انصدم لانه كان عارف:انا زوجك احمد
زينب راسها عورها حطت يدها عليه:متى تزوجنا
احمد:قبل سنه
زينب تحاول تتذكر ايش صار لها وكيف جات لهنا كشرت من الوجع اللي داهمها
أحمد بخوف:تحسي بشيء انادي الدكتور
زينب:لا لا خلاص راح الالم
احمد:لا تفكري كثير انا رح اقلك كنا انا وانتي متزاعلين وكنت براضيك وخرجنا لمطعم لكن بعد ما تصالحنا قلتي انك بتخرجي قبلي انا دفعت الحساب وبس خرجت وراكي كنتي بالارض والدم حواليكي جات الاسعاف وأخذتك وبعدها قال الدكتور انك فقدتي الذاكرة وما رح تتذكري اي شيء
زينب سمعت صوت براسها يصرخ:لاااااا وصوت بكا
زينب بهدوء غريب:انا بنام الحين ممكن تخرج
احمد كان بيقول لا بيجلس معها بس احترم رغبتها وخرج
زينب تفكر"من جد هذا زوجي ليه ما احس اني احبه معقولة عشاني فاقدة الذاكرة" غمضت عينها "خلاص مو مهم اكيد رح اعرف بعدين" وبعدها مرت 3 ايام وهي بالمستشفى
صحيت من ذكرياتها على نسمة هوا قوية حركت معها خصلة من شعرها الاشقر رجعت الخصلة ورى اذنها بيدها تنهدت وقفلت الشباك ودخلت تنام

___


بكذا انتهت التكملة ايش رايكم حلو النظام انزل البارت على جزئين؟ ابغى توقعات تشجع😍♥️♥️وايش رأيكم بالابطال الجدد؟ وهل رح يكون بينهم وبين بطلتي نوف لقاء؟ مين المجهول اللي ارسل لنوف الرسالة وكيف عرفها؟
كل هذا ان شاء الله رح تعرفوه بالبارتات الجاية اتمنى لكم يوم جميل ودي لكم♥️♥️