03-02-15, 11:48 PM
| #645 | ||||||||
| نجم روايتي 
|  هو مش الفصل ميعاده بكره برضه بس كووووووووويس انه نزل النهارده خليني بس في الاول اعلق في السريع علي الفصل اللي فات عشان معرفتش اعلق عليه للاسف اتاري ام دعد معرفتش تحب جوزها الراحل ياترى ليه ؟؟ كان قلبها معلق بغيره ؟؟ ولا ببساطه شديده معرفتش تبادله الحب الا انه دعد عارفه ان ابوها كان سعيد معاها حتى لو هي مكنتش بتحبه ودلوقتي لاقيت الحب اللي كانت بتدور عليه وشكله حب صادق وطالع من القلب " تريدين أن أخبرك عن الحب... أخبرك عما يشعله بنا، و كيف يجعل كل شيء فينا ملائماً للحبيب... أخبرك أنه شعور مستحيل... نبض قلبك يتوقف فقط عندما تسمعين صوته... كلك تنزلقين في ملحمة من الحرارة التي تشعل كل حواسك ما أن يقترب من محيطك... ليست عيناك فقط من تراه، بل عين روحك تراه... عين قلبك تراه... عين حاجتك تراه... كل حواسك ستمتلك عيناً و ستراه... بكل خلية في جسدك سترينه... بكل عصب سترينه... بل بكل مداركك سترينه!... الحب ليس أعمى كما يقولون، لا يا ابنتي إنه ليس أعمى، بل مبصر... مبصر أكثر من اللازم، و تلك الرؤيا مؤلمة بقدر لذتها... الأمر هو أنه أحياناً يحرق كل تعقل مع كبر تلك الصور في قلوبنا! " اعتقد ان ده احلى معنى للحب قرأته ... برافو بجد يا ايمو الكلام جميل وعاجبني اوووووي ^_^ ومش عاجبني انا لوحدي ... ده عجب دعد اللي حسيت ان الكلام متوجه ليها هي مخصوص شكلك ناقص سنه وتعترف انها بتحب الوحش زياد رغم كل اللي فات وشافته وعانته وكمان الفتره اللي قضيتها في القصر عنده الا انها حبيته بكل قوه ... ياترى بقى هتعترف بالحب ده ولا هتستنى لما يجي هو يعلن اعترافه وتملكه ليها بس الاهم ان الاتنين فرحانين بنجاحهم في شغلهم زياد سعيد ان اسم الصانع رجع بقوه واثبت ان مصانع الصانع مهما واجهت وانهارت الا انها بترجع تقف من تاني وبقوه كمان واهو الحفله دي كانت فتحه خير عليه .... فاضل عايزه في شغل معنى كده انه هيبقى جمب دعد وقت اكبر  بس صفوت الحقير ده ليه عين يطلع يهدد كده مش كفايه ان بنته مجنونه وحقيره بس شكلها بنته الوحيده وقدرت تقنعه انها برئيه والبنت الطيبه اللي مالهاش في اي حاجه وطبعا ما فقدها هيركز كل همه انه ينتقم من الجاني في نظره الغبي ميعرفش ان بنته هي الجاني وهي كل حاجه على دماغها ياترى هيكتفي باللي عمله في مصانع الصانع ؟؟ ولا رغبته في الانتقام لسه مبردتش ؟؟ ممكن يحول اتجاهه وينتقم من زياد شخصيا ؟؟ وزياد هيسكتله المرة دي ؟؟ عن نفسي لا اتمنى هذاااااااا خليه يربيه ويطلع اللي علمته في بنته على دماغه بس فعلا زياد هيقول لدعد على كل حاجه ؟؟ ولا هيقولها اللي يسكتها بيه بس وهي رد فعلها هيبقى ايه ؟؟ هي متأكده انه مش قتلها ما هي كانت موجوده اصلا اليوم ده لين الحقيره اللي انا بكرهها وهفضل اكرهها اللي النهايه اتاريها هي اللي جريت وراه وشاغلته عشان توقعه في الفخ وحصل زي ما هي عايزة واكتر وياعيني عليها لما قالت انها مش بنت هوى ... اومال اللي بتعمله ده ايه ان شاء الله ؟؟ ومش هيشفعلها عندي انها تزوجت عرفي .... لان ببساطه الزواج العرفي مش زواج لا كان فيه شهود ولا كان العقد موثق ولا كان في اي نيله وانا اعرف اللي بيتزوج عرفي بيعمل كده عشان مزاجه وفقط وكمان عشان لما يحب يخلع يخلع في ثانيه وادي متعتكم ماشيه تمام جدااا وطظ في توثيق العقد وتخلي الامر رسمي وقانوي مهاب بان على وشه الحقيقي قلب في ثانيه على دعد والاهم قلب على ابوه وكمان طلع انه لا عايز يتزوج ولا يكون ليه بيت ولا عايز حتى يستمر في علاقه جاده يعني كل اللي عايزاه علاقه لمده كام شهر ويشوف غيرها يلا خلى الغبيه تشيل نتيجه اللي بتعمله بجد بكرههاااااااااااااااااااا ااااااااا هي عاحبها وحابه اللي فيه وبتعمل ده ؟؟ ولا حالتها المجنونه مأثره عليها ومش مخلياها تعرف هي بتعمل ايه ؟؟ ولا عايزة تجرب تكون واحده حقيره مثلا عايزة تثبت لنفسها ايه ؟؟ ولا الادق عايزة تثبت لزياد انها مش اخته الطيبه الحنونه عمتا انا مش طايقها ومتأكده ان اللي عملته هيجي على دماغها هي اول واحده وبكرة نشوف ايمو الفصل رووووووعه هقرأ الفصل اللي بعده واجيلك  | ||||||||
|  |
|
04-02-15, 12:44 AM
| #647 | ||||||||
| نجم روايتي
| فصل النهارده بقى كان قوي جدااااا دعد مكنتش متوقعه الصراحه انك هتعترفي بحبك لزياد ومش اي اعتراف ... ده ياقلبي اعتراف في الجووووووووون الا اني عجبتني شجاعتها في اللي عملته ... هي لو كانت استنيت انه يعترف هو الاول كانت هتستنى كتيييييييييييييير ... يبقى كان لازم تأخد الخطوة الاولى وتتحرك بقى بس للاسف النتجيه مكنتش في صالحها ابدااااا زياد مش بس رفض حبها ... ده اهانها ... جرحها ... شوه الحب في عينيها بكلامه القاسي خلاها تعترف انه مش عايز حبها خاااالص ... اللي عايزة جسدها ياخد منه اللي عايزه وبعدين ولا يعرفها اووووووف كلامه كان كتير صعب ومؤلم  الا ان زي ما قالت دعد ... هو جبان وخايف خايف يدخل تجربه جديده تكون زي اللي دخلهم وفشل فيهم فشل ذريع ممكن يكون خايف ليجرحها زي ما جرح اخته ودمرها مع الذكر انه مكنش يقصد يحصل لاخته كل ده ومش بعيد يكون خايف ليصدق ان في حد بيحبه بقوة كده الا انه ضيع كل ده في لحظه .... يبقى يتحمل بقى اللي هيحصله واهو بدأ يجني ثمار اللي عمله بدايه من خوفه وقلقه على دعد خاصه لما عرف انها هتاخد اجازة وهتغيب فتره وكمان لما عرف طبعا انها لما كانت في الخارج كانت زي ما هي برئيه ومش زي ما هو فاكر ابدااااا ياترى هيكتفى بكده ولا هيتدخل ؟؟ ودعد هتنفذ كل اللي سمعته من فاتن ؟؟ انا بقول ياااااااااااااااااااااااا ريت .... خليه يتربى بقى  فاتن وفاضل ^_^ بجد قصتهم حلوة اوووووي ... حبهم لبعض وكمان حبهم لدعد رائع اتمنى ان الطفل يوصل بالسلامه وفرحتهم تكمل بقى الغبيه لين بجد كويس انك شايفه ان اللي بتعمليه بقى اوفر اوي ولازم تخلي كل حاجه رسمي وقانوي ومستعجله ليه ؟؟ خليكي شويه كمان مبسوطه ان كلام زياد خلاكي تحسي قد ايه انتي ولا حاجه خلاكي تحسي انك غبيه وحقيرة وبتدمري نفسك بنفسك رغبتك الحمقاء المستفزه انك تشوفي اخوكي الوحيد عينه بتتكسر وهو بيشوف اخته غلطت وفرطت في نفسها ونزلت لمستوى حقير بنفسها يعني محطش جرها للي هي عملته ده وكمان عايزة تشوف علاء وهو بيعرف الحقيقه وتديه على قفاه ليييييييييه عشان صديق اخوها يبقى لازم تنتقم منه وتدمره عشان اخوها يتدمر يعني بتاخد العاطل في الباطل ... وهو كل اللي عمله انه طلبها للزواج وعايزاه زوجه ليه في حياتها يحترمها ويخلص ليه وفوق كل ده اكيد هيحبها اينعم هو مش هيقول كده في الاول ولا يصرح بحبه لانه ببساطه لسه ميعرفش انه بيحبها هو متمسك بيها لانها اللي قدامه وبيحاول يحقق الحلم اللي كان بيشوفه زمان وكمان هو عارف الحاله اللي فيها واللي اتعرضتله فاكيد مش هيروح يقولها بحبك كده من اول مرة لانه هيسمع اشمعنى بتحبني دلوقتي ؟؟؟ وكنت فين لما اتجوزت ؟؟ وليه سابتني للمجنون ده؟ وليه وليه وليه قال يعني هي مكنتش قادره تقول لا وترفض الزواج من البدايه عمتا الكلام مش هيفيد بحاجه اللي حصل حصل يبقى ايه اللي هيحصل بعد كده ؟؟ الزفت مهاب هيعمل ايه ؟؟ محدش يقولي انه هيغير ويقول دي زوجتي والكلام ده زوجه مين يا ابو زوجه ؟؟؟ اذا كنت انت مش عايزاه اصلا في حياتك مش عايزاه كزوجه ولا كحبيبه دائمه يبقى هتعمل ايه بقى لما تشوفهم مع بعض وعلاء هياخد باله من حاجه .... ولا هيعترض ويقول دي خطيبتي وكلام من ده والزفت مهاب هيعرف ان الغبيه بتلعب بيهم هما الاتنين ولا ايه اللي هيحصل بالظبط صهيب نال اللي يستحقه مع انه يستاهل الا اني حاسه بشفقه ناحيته تبا  الا ان ده ميمنعش انه يستحق كل اللي بيحصله هو شكله مكنش طبيعي ... مريض بقى ... مجنون ... اي حاجه الا انه مكنش طبيعي شكل كمان اللي عمله في الغبيه لين كان كتير جداااااااااا يخربيتك انت اللي وصلتها للحاله المجنونه دي ... الا انها برضه هي اللي وصلت نفسها في الوضع اللي فيه ده ... هي وبس بس زياد هيعمل فيه ايه تاني ؟؟ كده الراجل خلاص ضاع وهيضيع وهيتفضح في كل حته هو هياخده يموته مثلا ؟؟ ولا ناوي يعمل ايه فيه ايمو الفصل جميل جداااا ... بجد عجبني اووووي تسلم ايديكي حبيبتي ... وياريت بجد تنزلي فصل يوم الجمعه او السبت في انتظارك على ناااااااااااااااار  | ||||||||
|
| |
|
04-02-15, 01:11 AM
| #649 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| مشكورة إيمان على الفصل المميز ... كنت أتوقع من زياد القسوة و لكن بهذا الشكل أبداً و مع دعد خصوصاً ... و حمقاء هى لو تخيلت أن الطريق سيكون قصير أو بسيط أو حتى متوقعاً فهو رجل مليئ بالعقد و معجون بالألم و الخيانة من أقرب الناس إليه حتى أخته التى ينتقم لأجلها و يتحمل القسوة منها تخون نفسها قبل أن تخونه و تتحين الفرصة كى تسدد له الطعنة التى لا قيام بعدها ... إنتقامه المرسوم من طليق لين بمنتهى البشاعة ... أعلم أنه يستحق و لكن كون الإنتقام لابد أن يؤكل بارداً و عن قصد و ترصد هذا يجعل الأمر كأننا نعيش فى غابة الكل يرسم بها و يخطط لصيد الطريدة ... حزينة هذه الحياة ولا أتمناها لدعد و لا حتى للين ... إيمان متابعاكى و شكراً لك | |||||
|
| |
 |
| أدوات الموضوع | |
| انواع عرض الموضوع | |
|
|
123Likes
.png)
.png)
العرض العادي
