04-03-15, 03:46 PM | #1 | ||||
| على الفطره ___قصه واقعيه بلعاميه___ اسمي ابراهيم وعمري الان 27 وقصتي طويله وصدقيه وهي تتكلم عن بنت اسمها نوف الي قالها ~الجمال~ ياجميله وكلنا من القصيم وبنفس المحافظه ونا انسان على نيتي على ماقالو اكثر الي عرفني والي خلاني اكتب هالقصه هو الشوق ماأطول عليكم بالمقدمه والقصه من اولها وتراها طويله بلنسبه للي يخش جوها وببدأ ان شاء الله من قبل اعرف البنات وكنت على قولتهم صوفي ماحب اكلم بنات ولا فكرت واشوف البنت مثلها مثل أختي في تاريخ 1433 تخرجت من الدوره العسكريه الدفاع المدني وكنت مملك على بنت من جماعتنا من قبل الدوره العسكريه والي جلست فيها 12 شهر إلى 5 ايام ، بعد ماتخرجت جلست شهرين واحتفلنا بزواجي وطلعت من القصر إلى بيتها واستقبلتني عمتي ونسيبي احلى استقبال ويوم دخلت المجلس كانت العروسه واقفه ومنزله راسها من الحيا وجيت حبيت على راسها واخذت السكين وقطعت لها من الحلا وشلت الشال الي على وجهها ويالبى هالوجه السموح البريء وبغيت ابوسها بس قلت مالها داعي قدام عمتي ومسكت نفسي وثقلت شوي وقلت يلاا استأذن وقالو بدري وتعذرت بالتعب ولا انا ابي اجلس مع شريكة حياتي وش ابي فيكم وصراحه يوم حلوو وكنت مبسوط واخذت العروسه وطلعنا للشارع وفتحت لها الباب وطلعنا للبيتنا ويوم وصلنا استقبلتها بالحضن والبوس ثمً توضينا وصلينا ركعتين وجبت لها العصيرات والحركات وجلسنا نسولف وهي كانت خااااايفه كل ماتحركت تناظر برجليني ويديني وانا ابتلشت ماودي اتحرك وشوي ونسمع صوت الحصى على الدريشه بس ويوم فتحتها واحصل العيال يضحكون ماعلينا مزوح سامجه واول ليله صارت حلوه لنا ومانمنا إلا الساعه 3 وكنا نفكر ووين نروح واقترحت علي نروح الجنوب نفسها تروح لها وقلت تم وشوي شوي وبدأ الأكشن ونمنا ويوم صحيت الصبح واعوذ بلله وانا احس بضيقه وعفت نفسي واليوم الي تزوجت وكنت ابتسم لها وما أوضح ان فيني شي -توقعت انها نفسيه - وركبنا سيارتنا وطلعنا المغرب وكنت مخبي لها خاتم ورا المرتبه وحنا بالطريق عطيتها وحبيتها واسولف معها ولا كأن فيني شي مع اني مااداني شوفتها وهي بللعكس والله مافيها شي وكلن يتمناها وسافرنا ورجعنا بالسلامه وكل هالوقت وانا بضيقه بس فيني ميزه انها ماتبين ضيقتي واول ماوصلنا المحافظه قلت لها انزلي وخذي مفتاح البيت ونامي وبكرا خلي احد ياخذك انا بروح للدوام - دوامي بالمدينه - قالت انت بإيجازه ليه تروح قلت اتصلو علي ولازم اروح قالت طيب ارتاح قلت مرتاح بس مثل ماعلمتك -نفسيه بس كلامنا هادي - قالت طيب ونزلت للبيت ونا طلعت واخذت شقه بنفس المحافظه علشان اهج عنها وقفلت جولاتي وجلست افكر اني اطلقها وكانت هالفكره. براسي من ثاني يوم بالزواج وهذا اليوم لنا 10 ايام وجلست بالشقه يوم لحالي ماكلمت احد وطلعت ادور بالسياره وامسك خطوط فاضيه وبعدها فتحت الجولات وحصلت موجود منهاا كثيير وحقدت عليها وحصلت موجود من ابوي وامي وكذا واحد واتصلت على ابوي وقال وينك وقلت تصريفه بس مامشت على احد من اهلي واهلها وبعد كذا رحت للبيت وجلست معهم وساكت اكثر وقتي ليه ماادري (كتمه) وطلعت للشارع واحصل العيال برا وقالو بنطلع للرياض قلت معكم قالو توك متزوج قلت عادي قالو ماناخذك قلت بزعل ولا تكلموني ابد ورحت معهم وجلست بالرياض 3 ايام وهي تدق علي ماارد عليها إلين رجعت وابوي يتصل فيني وقال تعال ابيك وواجهته وفتح معي الموضوع بأسلوب والنتيجه اني طلعت لبيتها بعده واتصلت عليها وكانت متضايقه - مآلومها من نفسيتي - ويوم ركبت معي كانت الدموع بعيونها وكرهت نفسي وكرهت الدنيا وفكرت اروح اجاهد واطلع من الي انا فيه وقالت لاتسوي فيني كذا وليه تسوي كذا انا ناقصه شي مقصره بشي قولي وانا ارد لا ابد ومليون نعم فيك بس انا جتني نفسيه وعلى الموال الين وصلنا البيت ودخلنا الشقه واكشنناها كأننا بدينا من جديد وكنا نضحك ونسولف ويوم جى بكرا تقومني على الفطور ورجعت لي الضيقه وكنت اشم فيها ريحه تكتب وكرهت صوتها وهي تقومني وماودي اصحى على الواقع ودي اني ماأقوم ويوم قمت قلت وجلست الين العصر ونزلنا تحت عند اهلي وسولفنا واستغليت الفرصه وقلت اني مشغول وبمشي للرياض وبنزل -فلانه- عند اهلها وهي استغربت من طاري الروحه وسكتت وطلعنا من عندهم ونزلت زوجتي عند اهلها ورحت لأحد العيال وقلت خاوني للرياض عندي شغل وتخاوينا وجلست بالرياض يومين ورجعت للقصيم وجلست حوالي أسبوع ماكلمتها وبعدين جا دوامي وطلعت للمدينه وانا كل تفكيري الطلاق .. انتهى الجزء الأول روابط الفصول الفصل الاول .. اعلاه التعديل الأخير تم بواسطة كاردينيا الغوازي ; 05-03-15 الساعة 07:28 AM | ||||
05-03-15, 07:42 AM | #2 | ||||||||
مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء
| السلام عليكم ورحمة الله وبركاته اهلا بك اخي في وحي الاعضاء اتمنى ان تجد المتابعة الطيبة التي تتمناها بعد اذنك روايتك كانت في مكان العرض الخاطئ حيث انك وضعتها في قسم الطويلة المتسلسلة ويفترض عرضها في القسم العام لقسم وحي الاعضاء اتمنى منك المروم على هذا الموضوع فيه قوانين القسم ومواضيع اخرى مفيدة ... دليل الكتاب والكاتبات الجدد وقوانين قسم قصص من وحي الأعضاء انا قرأت الجزء الاول اعجبتني البداية واثارت اهتمامي للاسباب من هذا النفور الغريب غير المبرر من العروس ما هو سببه وبهذه السرعة الغريبة والبنت ما فيها اي عيب او قصرت بشي ننتظر ونشوف .... بالتوفيق | ||||||||
05-03-15, 10:39 AM | #3 | |||||||
مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| صباح الخير زواج طبيعي ... ليلة اولى طبيعيه ... صباح اليوم الثاني نفور ونفسيه كما تسميه !!!!!!!!!! لماذا والاغرب بعد فتره عندما عادوا لبيتهم كانت ليلتهم اكشن وطبيعيه ... والصبح عادت النفسيه ..!!! ماهذا التذبذب بالمشاعر ,,,,,, والبنت كما تقول لاعيب فيها ؟؟ بالانتظار لمعرفة السبب | |||||||
مواقع النشر (المفضلة) |
أدوات الموضوع | |
انواع عرض الموضوع | |
|
|