آخر 10 مشاركات
|
| |||||||||||||
| مشاهدة نتائج الإستطلاع: اكثر ثنائى حبيته فى الروايه وعجبتنى عمايلهم السودا (استطلاع متعدد الاختيارات) | |||
| نزار وأريج |     | 341 | 66.21% |
| أدهم وغرام |    | 131 | 25.44% |
| آدم وأروى |    | 76 | 14.76% |
| أمجد وسما |    | 42 | 8.16% |
| الثلاثى ماهر .... قمر .... عبدالرحمن |    | 55 | 10.68% |
| إستطلاع متعدد الإختيارات. المصوتون: 515. أنت لم تصوت في هذا الإستطلاع | |||
 |
| | LinkBack | أدوات الموضوع | انواع عرض الموضوع |
15-05-15, 08:08 PM
| #852 | ||||||||||||
| نجم روايتي  
|  اقتباس:
ما شاء الله | ||||||||||||
|  |
|
15-05-15, 08:58 PM
| #855 | ||||||||||||
| نجم روايتي وكاتبة في قسم قصص من وحي الأعضاء  
| الفصل الواحد والعشرون وعدتكأن لا أُتَلْفِنَ ليلاً إليكِ وأنْ لا أفكّرَ فيكِ، إذا تمرضينْ وأنْ لا أخافَ عليكْ وأن لا أقدَّمَ ورداً... وأن لا أبُوسَ يَدَيْكْ.. وَتَلْفَنْتُ ليلاً.. على الرغم منّي.. وأرسلتُ ورداً.. على الرغم منّي.. وبِسْتُكِ من بين عينيْكِ، حتى شبِعتْ وعدتُ بأنْ لا.. وأنْ لا .. وأنْ لا.. وحين اكتشفتُ غبائي ضحكتْ... وَعَدْتُ... بذبحِكِ خمسينَ مَرَّهْ.. وحين رأيتُ الدماءَ تُغطّي ثيابي تأكَّدتُ أنّي الذي قد ذُبِحْتْ.. فلا تأخذيني على مَحْمَلِ الجَدِّ.. مهما غضبتُ.. ومهما انْفَعَلْتْ.. ومهما اشْتَعَلتُ.. ومهما انْطَفَأْتْ.. لقد كنتُ أكذبُ من شدّة الصِدْقِ والحمدُ لله أنّي كَذَبتْ... * **************** ¤عوده قبل أسبوع¤ [نزار] فى لحظه كان هيتنازل عن خطته وييشوف سكينه يقطع بيها أعصابه كلها ويفصل أطرافه عن جسمه أنما راسه محتاج لها مسدس فيه 6رصاصات يسكنوا فى دماغه غمض عينه وخد نفس هيكمل الخطه للنهايه مش بعد ماخلص كل حاجه هيخربها وعشان عارف غضبه المجنون أقسم أنه مش هيقتله غير لما يخسره كل ما يملك رفع جفنه وبنظره حارقه قعد على الكرسى __وسع الكرافته الزرقاء اللى لابسها وسأل بتأتأه:أزز أى أنا عاا رف نزأر وأريج لي ه هاه __حرك وشه بعيد عنه صعب والله الموقف أقوى من شخصيته الناريه أدم ينجح جدآ فى الاختبار ده لكن هو لأ رفع بطاقته ومدها قدامه وقال : أنا نزار صقر (رفع ورقه وحطها على أخر المكتب) دى صوره من عقد جوازى وأنت ماضى انك وكيلها صح أنت ممضتش حاجه ولا أصلآ تعرف ان بنتك أتجوزت بس قدام القانون بنتك فى عصمتى __أتكلم وهو لسه تحت تأثير الصدمه :أريج مخطوفه __رفع موبايله وحرك صوابعه ع الشاشه وصله صوت أدهم قال بحده:أدينى أريج __كان نظره ثابت عليه فتح الاسبيكر وشافه جمد لما سمعها بتقول : نعم __قال بهدوء:حبيبى أنتى كويسه __سكتت ثوانى وردت باختصار: كويسه __نزل عينه للموبايل وكمل:الحمد لله قلت أتطمن عليكى أنبارح كان برد __أيآ كان ردها ميهمش بس بيتمنى غباءها يشتغل وتجاوب بس : لأ مانت دفتنى أنبارح نسيت __لوكانت قدامه كان باس راسها على الدخان اللى هيخرج من ودان والدها قرب سراج بسرعه فى محاوله أنه يخطف الموبايل وهو بينادى:أرر __قفل السكه صرخ سراج:بنتى عندك وبرضاها هاااه أزاى أصلا متقبلاك __ميل راسه :بص كويس كده مش أحلى من هشام __صرخ وهو بيخبط بأيده ع المكتب : رجعللللللى بنتييي (شاور بأيده ع الباب)وغوررر فى داااهيه __فى لحظه واحده وقف وبوكس واحد رجع وش سراج ورا لف حوالين المكتب ومسك بأيده الاتنين جاكيته ورجعه ورا لما خبطه فى الحيطه وقال بحقد :قلتلك ليا فى الشركه أكتر منك أشتريت من أسامه محمود وطلعت جلال وحسن مسعود الاسهم اللى أنت بعتهالهم عشان تسدد ديون البنوك اللى أنا بعلاقاتى قومتهم عليك __فك أيده بقرف وبص للساعه ببرود حاول يتقنه رغم فشله فيه :همشى دلوقتى ومن بكرا هاجى أتابع شغلى أه نسيت أقولك فيه أجتماع بكرا الساعه 11عشان كل واحد يعرف حدوده __لم أوراقه وسحب جاكيته وبص لسراج اللى وشه أحمر م الغضب كمل وهو خارج:متنساش تقول للبوليس ان أريج مرااتى عندى وانها مش مخطوفه ده منعآ للفضايح يعنى __خرج بخطوات ثابته دى أول صدماتك ياسراج كده خسر بنته وماله صح لسه فيه شويه فلوس لكن هيتأكد انه يخليه ع الحديده __خلاص هو كشف نفسه لسراج ولازم يكون جاهز لأى حركه غدر منه مش هيكون منصور تانى هيكون أبن منصور **************** [أدهم] قاطعهم أتصال نزار بصت للموبايل وغطت بقها بأيدها وهى بتضحك البنت دى تشبهه الاطفال أبتسامتهم تشد ضحكتهم تفرح حزنهم يلين الحجر رفعت أيدها وقالت:شكله ميعرفش انى أنا بيتكلم بطريقه مش لايقه عليه خالص __ أبتسم بحزن متعرفش ان نزار مع والدها دلوقتى وهى الضحيه بينهم :قلتلك نتجوز و أنتى تهربى من نزار و أنا أهرب من مراتى __لمعت عينها بشقاوه :أنت متجوز __حس بضيق كتم أنفاسه من السيره وقال:أيوه ومراتى حامل __رفع راسه بصدمه من صوت تصقيفها وفرحتها :واااو يعنى هتبقى بابا ويجيلك نونو شبهك وشبهه مامته ويكبر قدامك وهتحبه أووى __حس بقلبه دق بعنف طفل خاص بيه هو ياخد ملامحه ويمكن يسرق ملامح غرام الجميله أتنهد وقال بصدق:أنتى مافيش منك (رفع أيده يشرحلها بيأس)بس أنا مش مستعد أكون أب مش عايزه دلوقتى __ملامحها جمدت وعينهادمعت عقد حواجبه وقرب منها بعدت عنه وقالت :متجيش هنا تانى (أتخنق صوتها بالدموع) كنت فاكراك طيب قبل ماتقول انك مش عايزه فكرت فيه فكرت فمشاعره أنا هقولك حسيت بأيه لما بابا مبلغش البوليس ونسانى حسيت ان (نزلت دمعتين يشبهوا اللؤلؤ من عينها ورفعت أيدها لقلبها) قلبى وجعنى __عطته طهرها ومشت بسرعه وكأنها مش عاوزه تعيض قدامه مشى لعربيته وركبها ميل بكل جسمه ع الدريكسيون أتمنى أنه مجاش تعبيرها يشبه الاطفال قلبى وجعنى توقع منها تعبير أقسى لكن أريج تشبه الكريستال شفافه نقيه من وقعه ممكن تتكسر وتلاقى نفسك بتتمنى ترجع زى ماكانت بس اللى بيتكسر عمره مايتصلح ************** [ماهر] كان واقف برا لما جت قمر وفضلت تشكيله من جدها اللى قال عليها حرمه وعلى عبدالرحمن راجل وكالعاده ضحك فحلفت لتقول لوالدته ودخلت دقايق وسمع صوت صراخها بيرج المكان دخل بسرعه وهو مفكر انه جدته حصلها حاجه __لقى نادر أخوه بيضرب فى قمر بعنف ووالدته بتحاول تفكها منه أتقدم وسحبها منه وهى أتحمت فى طهره صرخ:فى أيه بتضربها كده ليه __مسكت قمر فى دراعه وشدته وهى بتحاول تقول بعياض :ضاااربنى عاااشان أخ تى غرررام __ فى ثانيه أنمدت أيد أخوه ونزلت بكل قوتها على وش قمر حس الدم فار فى راسه فضل يشتم فى أخوه وحاول يتهجم عليه لكن والدته وقفت قدامه وهى ماسكه صدره وبتحلفه يبعد عن أخوه __شد قمر برا وأتصل بعبدالرحمن لأول مره يحس ان قمر بتعيض بجد وشها أحمر وبتشهق كل فتره قعد على درجه السلم وحضنها وصل عبدالرحمن وحصل تاتش تانى مع أخوه __خد قمر وهو ناوى يخلى جدها يشوفها بالمنظر ده مشكله أكتر عائلات البلد انهم بيحقدوا على عايله صقر لان الكبير اللى كلامه يمشى ع الكل منهم غير ان كلهم مراكز عاليه فيهم الدكاتره والمهندسين ورجال الاعمال وأغلب الاراضى لعيال صقر وهما أكبر عايله فى البلد __نادر أخوه بقى زاد عنهم بانه كان عايز يخطب غرام وبعد ما طلبوها بحوالى أسبوعين أتجوزت أدهم صقر __مسح على شعر قمر وهو بيخطى لبيت جدها لكن وقفته أيد عبدالرحمن:متعملش مشاكل ده برضه أخوك وولا أنت ولا حتى قمر هتفرحوا وأهلكوا بيتعاركوا __بصله بأمتنان قد أيه بيحترم الانسان ده وطى عبدالرحمن لقمر:أدخلى ياقمر __قمر بعياض:لأ ماهر هياخدنى السوبر ماركت عشان يصالحنى هو مش أخوه __أبتسم مش هتتغير أبدآ :بس متخربيش بيتى زى كل مره __هزت راسها وهى بتمسح عيونها:هشترى بيبسى بس __دايمآ تقول كده وميرجعش الا مفلس بص لعبدالرحمن اللى قال :أنا جدى كان عايزنى عن أذنكوا __ عدى من قدامهم ودخل بص لقمر اللى مسكت أيده:شفتى الواطى خلع كنت ناوى أدبسه فى الحساب ************** [سراج] النهارده كان أسوأ أيام حياته كونه يقف مهزوم ووأبن منصور يقف يفتخر بأنتصاراته ومش قادر ينطق فمحتاج عمر فوق عمره عشان يستوعب اللى حصله خرج جنونه على جيداء صرخ:فييييين أريج تعررررفى أيه عنها أنطقى أريج فى خطر __صرخت :معرفش والله ماعرف هى بس كلمتنى عشان أجيبلها هدوم وقالت انها هربانه منك لكن بعد كده عرفت انها بتحب واحد وهربت معاه __حرك أيده بعشوائيه وهو بيكسر كل اللى تطوله أيده وصرخ: كدب أررريج صح كنت قاسى عليها لكن عارف قيمتى عندها __أتنفس بقوه وهو حاسس ان الجدران بتضيق عليه لما هتكسر ضلوعه محبش حد غيرها فى حياته كلها حتى أخواته البنات نصب عليهم فى ورث والدهم وقاطعهم من سنين __لتانى مره ولاد صقر يحسسوه بالهزيمه والعجز المره الاولى أنتقم أنتقام قاسى والمره دى مش هيرتاح ولا هيغمض عينه غير لما يكسر نزار شاف فى عيونه منصور صقر قاعد وحاطط رجل على رجل وكأنه بيقوله شفت أبنى شفت ولاد الصقر __مشى وأتجاهل جيدا اللى بتسأله :أريج فى خطر ازاى __ خرج من بيت جيداء ركب عربيته وشاور للسواق يتحرك لكن الاتصال اللى جاله من هشام اللى قال بخوف :بيقولوا لقوا جثه أريج _أنتفض من مكانه وصرخ :أنت بتخرف بتقول أيه *************** بعد أسبوع [أروى] سعيده جدآ و هتطير م الفرحه من يومين زارهم جده وخطب رسمى وحددوا كتب الكتاب بعد ثلاث أسابيع مقدرتش تعترض وقتها بس أكيد هى مش مع كتب الكتاب بدرى المفروض يكون قبل الجواز بأيام __وقبل مايخرج خرجت عمه أدم علبه قطيفه كبيره وكان فيها طقم دهب هديه الجد تقيل جدآ وفخم بس ميناسبهاش هى بتميل للبساطه أكتر __مشت للشباك مكانها المفضل الايام دى تراقب دخوله وخروجه مشيته الكسوله وكأنه بيتكرم ع الارض بلمس رجله __رفعت موبايلها أتعودت يكلمها مره فى اليوم والمكالمه متاخدش أكتر من دقيقتين لاهو بيفتح حوار وحتى هى بتختصر لانها بتستحرم الكلام وهما لسه اللى بينهم خطوبه __أترعشت أيدها لما رن الموبايل برقمه ردت : السلام عليكم __قال باختصار:وعليكم __صمت ثوانى قبل ما يقول: شفت عربيتك تحت العماره من ساعه مخرجتيش __أيد مثبته بيها الموبايل والتانيه رفعتها على قلبها وهى مستمتعه بدقاته وردت: لأ معنديش شغل النهارده __أتكلم بكسل: طيب مش هتشترى فستان وحاجات كتب الكتاب __ كتب الكتاب هيعملوله حفله فى الصعيد :اممم آددم مش حاسس ان المفروض نأجل كتب الكتاب شويه __ :لا مش حاسس . __ قالت بأعتراض:أنا يعنى كنت بقول أحسن لو نخليه قبل الفرح __ :لأ __ أتنهدت أدم ميعرفش حاجه أسمها نقاش :ليه لأ الناس بتتعرف على بعض قبل الارتباط الرسمى __أدم :دول الناس الطبيعين لكن أنتى مبتخلنيش حتى أمسك أيدك يا تتخلى عن مبادئك أو نكتب الكتاب __ضغطت بأيدها على بقها تمنع شهقتها ده رد واحد يقوله لخطيبته قال:سكتتى يعنى __ أتنحنحت عشان صوتها يخرج لكن فى النهايه خرج بهمس : عايزنى أقول أيه أنت خلاص مقرر حتى مش عايز تسمعنى __قال بملل : بلاش الكلام الكبير ده جدى أصلآ أتفق مع ؤوفه و أنتهى الكلام فى الموضوع ده __ وضحت :عمو أسمه رؤوف __أدم لازم يتعلم يحترمها وحتى كلامه عن عمها يكون بطريقه كويسه نزلت دموعها بس من غير صوت قال : أنتى عايزه تتخانقى يعنى __فلتت منها شهقه ومقدرتش ترد الانسان ده هيخلص عليها مافيش فيه فايده حتى وهو مزعلها مش قادره تقفل السكه وهو لو أنهى كلامه هيقفل متكلمش وهى ضاغطه بأيدها بقها عشان عياضها ميوصلوش قال :شفتى ده اللى بقوله لو كنا كاتبين الكتاب كنت جيت وصالحتك لكن لو جيت ممكن ألمس أحضن أب __رفعت أيدها بأحراج :آدددم __ قال بجديه : أدخل النار عشانك يعنى __ أبتسمت ووشها ولع وقالت : أوكى خلى كتب الكتاب فى ميعاده عشان جدو ميزعلش __ :طيب أدهم خلص من مراته وهيتسلى علينا مع السلامه هاشوفه عايز أيه __بصت للموبايل بصدمه أدم بيقول مع السلامه مش قادره تصدق حضنت الموبايل ودقات قلبها وصلت للجنون وهى حاسه ان الحياه لونها بمبى أدم هيتغير هيتغيييييييير ************** [غرام] راحت تطمن على جدتها فى بيت عمها فجأه دخل نادر أول ماشافته وقفت وأستأذنت : هأمشى أنا بقى (بصتله بكرهه) ميجمعنيش مكان واحد مع ابن ابنك __بصلها بسخريه: ماحناش جد المجام يابت عايله صقر __قالت بحده : بنننت الجاسر غصب عنك ومرات أدهم صقر (لمست بأيدها بطنها)وأبوعيالى (بصت لمرات عمها ) يا خالتى قولى لعمى يحرررم عليا بيته لو مجابليش حقى م الكلام اللى قاله أبنه لقمر عن جوزى وعن خالى موسى __مشت بشموخ وهى واثقه ان عمها هيقلب الدنيا على راس نادر أتجاهلت توسلات جدتها ومرات عمها اللى خرجت وراها خرجت م البيت لكن فجأه حست باللى لفها من دراعها بقوه :أياكى تكونى فاكره اللى خلجك مخلجش غيرك __قالت بحده وثبات:سيب أيدى يازباله __رفع أيده لكن عمها وماهر مسكوه وعمها لفه وضربه كف الناس أتجمعت وعمها بيصرخ : منخلجش اللى يلمس بنات المرحوم وأنى عايش عجطعلك يدك يانادر __سحب ماهر نادر لجوه وعمها قرب منها وباس راسها : أمسحيها فى عمك ياروح عمك والله ما لسانى عيخاطب لسانه واصل __خدت نفس تحلف ان عمها ده فيه ريحه والدها اللى أتوفى وعمرها 12سنه همست بضيق: أنا مش زعلانه منك ياعمى ربنا يخليك ليا __حضن كتفها بأيده وأيده التانيه مسح جبينه م العرق ووشه أحمر م الضيق:ياللا عوصلك __مشى معاها وهو بيحكيلها على أفعال نادراللى هتموته وقفوا عند بيت جدها وقال: والله يابنتى ان أنتى وجمر أغلى من اسراء * ****************** [عبدالرحمن] نزار هيسافر ويسيبه هنا عند جده محمد مرحش الصعيد من أخر زياره ليه من أسبوع __حس بصدمه من تصرف قمر كان متوقع ان فى طفله بتعتبر نفسها مسئوله منه وبتثق فيه لكن فى الحقيقه هى لما بتلجأ وتتحامى ملجأها هو ماهر الراجل اللى بيجيب حقها __بص لجده وجدته ونزار أخوه اللى قاعد جنبهم جدته وخالته بيتعمدوا يمدحوا فى همسه لكن اللى بيفكروا فيه مستحيل لا نزار ينفع لهمسه ولا همسه تنفع له وواضح جدآ ان مافيش بينهم أعجاب حتى __وقف نزار وعينه عليه عارف قايمه الاوامر اللى هيقولها لكن قال بأختصار:كللل اللى قلتهولك يتنفذ وموبايلك مايتقفلش __وقف جده :استنى يانزار عايزك شويه فى المكتب **************** [سراج] حط أيده على دقنه الطويله هيموت م القهر البوليس قرر ان أريج ماتت لانهم لقوا جنب الجثه موبايل أريج لما دخلوه يشوف الجثه حس الارض أتحركت من تحته كانت مشوهه أريج متستحملش الوجع ده هى أرق بكتير من كده __مخرجش م البيت من أسبوع حزنآ على بنته اللى بيكدبوا ويقولوا ماتت أريج لايمكن تموت وقف وأتصل بمنسى بحده :أسمع هو عنده أخ ولاد عم وجده أقتل أى حد فيهم بفضل يكون أخوه بس المهم يبات قلبه محروق __منسى :الكلام ده كبير مينفعش ع التلفون لازم نتفق ع المقابل الاول ويمكن نقتله هو أحسن ده شخص مش سهل __قال بحده:لا أشمت فيه الاول الموت هيريحه م اللى هيشوفه منى قولى مكانك وأنا جاى __هزراسه وهو بيسمع رد منسى نزار الاسبوع اللى فات وصله م السكرتيره انه شغال فى الشركه وكأنها ملكه م البدايه * **************** [همسه] أستغربت نزار عايزها فى أيه فتحت باب المكتب ومكانش موجود مشت للبلكونه لقته عاطيها طهره وأيده ملفوفه ع الترابزين والدخان بيخرج م السيجاره اللى فأيده : نعم يانزار عايزنى فأيه __رد من غير مايلف :جدى كلمنى فى موضوع خطوبتنا وأنا وافقت __رفعت حواجبها بدهشه وردت بنفس أسلوبه الواثق : لو ماكنتش واثقه ان محدش يقدر يجبرك كنت قلت جدو أجبرك __رفع السيجاره وخد نفس ومردش رفعت أيدها ورجعت بيها شعرها لورا ودنها :أنت مش ملاحظ اننا مننفعش لبعض _ _لف وسند ع الترابزين بطهره : لييه مننفعش مش ست برضه ولا أيه أه (رمى السيجاره وداس عليها ) عايزه تشتغلى وتصرفى ع البيت وأنا أطبخ وأغسل الحاجات دى نبقى نتفاهم فيها بعدين __أنقهرت من أسلوبه : مافيهاش حاجه لما تساعدنى وتطبخ وتغسل __ أبتسم أبتسامه جانبيه :عارفه المشكله الحقيقه فى جوازنا أيه __ :أيه . __ :ان مينفعش راجل يتجوز راجل زيه __ مشى من قدامها بعد مابص للساعه نفخت بعصبيه يعنى هى راجل عشان بس بتطالب بحقوقها تبقى راجل هى كل اللى عايزاه انسان مثقف يحترمها ويشجعها ويفرح لنجاحها مش شخص زى نزار عنده الست مكانها المطبخ بسس **************** [أدهم] فطس م الضحك على أسلوب أدم : لاياشيخ مبتمسكش أيدها __أدم : أنكتم . __ضحك أكتر: لا وخايف تدخل النار أتاريك حابس فى قلبك يا ضنايا __ :أدهم أخرس بقا ( لف راسه ليه) انا قلت النهارده هتكون جد __ : ياعم أنا فرحان نزار حررريف لعبها صح بس صعبانه عليا أريج ياااه يأدم لو شفتها هتموت فيها __ رد ببرود :مش عايز اشوفها __وقف وهو بيخرج موبايله اللى بيرن :بس نزار مش صريح معانا فى حاجه مخبيها __ رفع الموبايل فى نفس الوقت اللى رفع كوبايه الميا وشرب بص للموبايل وشرق وطى وهو بيكح وشاور ع الموبايل لادم لكن البارد رفع كتفه ببرود خد نفس وقال :رد وقوله أدهم تعبان __أدم :بس أنت مش تعبان عايزنى أكدب __بصله بغيظ ورد :الموبايل بيترعش م الفرحه والله (حط أيده ع السماعه وهمس) أو م الخوف __جده بغضب: تعالى دلوجيت وخد مرتك أحسن تجيلك على نقاله __قال من غير شعور :بعد الشر (أتنحنح)عملت أيه معصبك كده __ : فعايلها سودا فضحتنا بين الناس __عقد حواجبه :أنااا جاى بس بشويش عليها ياجدى متنساش انها حامل __قفل معاه وقلبه بيدق اللقاء اللى خاف منه قرب بقاله أسبوع بيفكر أزاى يصلح حياته مع غرام أكيد جرحها برفضه للطفل بس بعد كلامه مع أريج حس انه تافه حتى لو حصله حاجه مع أم زى غرام فأبنه فى أمان ************** [المنسى] خيانته لرجل الاعمال سراج الحكيم بدأت من يومين بس لما جاله شاب شكله نطيف و أبن ناس وعرف ان أسمه نزار صقر قبل أى كلام فتحله شنطه مليانه فلوس وقاله :لو ساعدتنى مبرروك عليك كل دول واللى هتطلبه بعدها هتاخده __طبعآ رد وعينه بتلمع :أنا خدام رجليك __أتفقوا ع الخطه والنهارده التنفيذ أبتسم لما شاف عربيه سراج بتقرب منه نزل م الباب اللى ورا سلم عليه وقال سراج وهو مضيق عينه م الشمس : عايز كام عشان تنفذ __أبتسم :بص ياباشا أنا جبتلك اللى يقدر يدخل أى مكان ويخلص عاللى انت عايزه __دخلت العربيه التانيه ودى لتاجر المخدرات اللى هيضحى بيه فهمه أن سراج معاه مخدرات وعايز يبيعها __سراج عقد حواجبه بغضب :مين ده __نزل التاجر فى نفس الوقت اللى أقتحمت عربيات الشرطه المكان نزل الشنطه اللى فأيده وماسكها بمنديل جنب سراج بشويش وبعد عنه __ قبضوا عليهم الشرطيين ولما قربوا منه قال وهو بيحط أيده فى جيبه :أيه ياباشا دانا اللى مبلغ وأهى بطاقتى كمان (مدها للصابط وشاور على سراج)الاخ ده قالى ان عنده مخدرات عايز يبيعها (شاور ع التاجر) وده عايز يشترى (رفع أيده ) وأنا أبيع نفسى لكن شباب البلد لأ لأ ياباااااشا ربناا ينتقم منكم يامفترين ياظلمه __صرخ الصابط بحده :أخرررس يالاه __ سحبوهم قرب بخفه من سراج وهمس :بيسلم عليك نزار منصور (على صوته) يارب أنت الجببببببار خد حقنا يااااارب __وقبل ما يركبوا سراج عربيه الشرطه وقع سراج ع الارض فتح بقه بصدمه :مااات *************** [أريج] بقالها يومين بتعيض جرحه المره دى أقسى من ضربه ليها ومن كل حاجه ذاقتها على أيده نزار مكانش الوحش اللى أتعودت عليه لا ده كان ديناصور بيبخ نار من بقه بتحرقها __ رفعت راسها على صوت الاشباح قعدت ع السرير وحضنت ركبتها لما نزار قعد هنا الأشباح مطلعتش بدأت تسمع أصوات متتداخله مرعبه طفل بيعيض وصوت قطط ورياح الكهربا فصلت فضلت تصرخ تصرخ سمعت صوت الباب بيتفتح ولمحت الشبح الاسود صرخت :مناااااااااااااااار ياااااااااااااااااااااسر أاااااااااااااااااااااا بااااااااااابا أاااااااااااااااااااااااا اا __غمضت عينها بقوه وصرخت بشكل متواصل وأيديها على ودنها قرت كل القراءن اللى حفظهولهااا نزار فجأه سكتت الاصوات وبعد دقايق فتحت عينها لقت الكهربا أشتغلت والشبح أختفى __نطت بسرعه وزقت الباب ورجعت ع السرير نامت وهى حاضنه أيدها اللى بتترعش بقوه ودموعها بتنزل يومين مأكلتش منامتش ومتحركتش م السرير معندهاش طاقه لأى حاجه غمضت عينها وغطت نفسها ومحستش باللى حولها ************** [غرام] بعد مارجعت بنص ساعه جدها بعتلها وعصب عليها شكله عرف من حد وأتصل بأدهم قدامها طلعت بهدوء وحضرت شنطتها رن الموبايل برقم أدهم أتجاهلته نفس الموبايل ده اللى طول الاسبوع بيجيلها رسايل فيه من مايا عن لحظاتها الرائعه مع أدهم __بس هى اللى غلطت لما عرفت الحقيره دى رقمها مددت فتره على السرير دخلت قمر زى الاعصار :جدى بيقولك بسرعه أنزلى عشان تغورى مع جوزك __ بصتلها بعصبيه ووقفت لبست العبايه ووقفت قدام المرايه تعدل حجابها وشالت شنطه الايد ونزلت دخلت المجلس سند جدها على عصايته ووقف بصت لادهم اللى سرحان ومكشر جدها :خد مرتك وأتوكل __هنا رفع عينه وبصلها خرج جدها ووقف أدهم على حيله وبغضب : أيه اللى هببتيه ده __رفعت أيدها هى مش هتتخانق عشان خاطره وهو ييجى يحاسبها لكن قبل ماتنطق كان سحبها لحضنه لف أيده عليها بشوق خد نفس وطبع بوسه رقيقه على كتفها وهمس بصدق : وححشتييينى __ صوته صادق لكن لسانه أكيد بيكدب رفع راسه وبص لوشها بأبتسامه :مافيش وأنت كمان __رفعت أيدها لبقها بتمثيل :أممم (شاورتله يبعد وبعد دخلت حمام المجلس وهى بتحاول ترجع لكن مافيش فايده مسحت بقها وبصتله كان واقف ع الباب وبيبصلها بقلق ) متقربش منى كده تانى __كملت :وبعدين أيه اللى أنت لابسه ده __بص لهدومه بغيظ :نععم __ قالت برجاء:ممكن تخلع الحظاظات والسلسله بجد مش قادره أبصلك __أدهم بعصبيه :المفروض أصدق الفيلم اللى أنتى عاملاه ده __أتنهدت بخبث : أدهم أسأل أى حد أنا بجد بتعب لما أشوفك __قال بعند : مش هسأل ومش هتغير مش لازم تبصيلى وورينى هتقاومى وسامتى أزاى __ لا فعلآ ردود فعله تضحك قال : ياللا أتفضلى قدامى * **************** [نزار] دخل المزرعه ولاحظ نظرات الاستغراب من الحارس هو نفسه مستغرب ليه جه هنا والمفروض يتجهه للمطار بالذات بعد اللى عمله فيها من يومين فتح باب الاوضه ودخل كانت نايمه على جنبها ومتغطيه __مشى ليها وقدامها قرفص ومتحركش عينه على ملامحها قبضتين أيدها مفرودين تحت خدها شعرها ملفوف بأهمال وخصلتين منه على وشها رموشها مرتاحه على خدها شفايفها بازره وكأنها مكشره رفع أيده لمس بيها خدها بشويش كانت بشرتها مشدوده دليل انها عيضت قبل ماتنام __نزل على ركبه واحده وهو بيقرب وشه من ملامحها وخد نفس يستنشقها فيه كتم نفسه وأحتفظ بريحتها ووقف __بصلها مره أخيره وخرج بنت سراج عااااارف بس بعد اللى حصل أول أنبارح أتأكد أنه أنحرف عن المسار اللى رسمه لحياته وأنه عايز يمتلك أريج حتى لو كان بينه وبينها دم وصلت أفكاره الجنونيه لدرجه انه فكر يخليها تكمل حياتها هنا ويبدل الحراس بستات وتعيش ليه وعشانه وبس __تفكير أنانى لاول مره يفكر كده طول عمره عايش عشان الغير ومهمل نفسه ليه النهارده حاسس انه محتاج وعايز من يوم ماعرفها وهو بقى متطلب كان عارف ان القرب من سراج لعنه وأكيد صابته اللعنه __والدليل أنه خطب من ساعات قليله خطب البنت اللى كان بيسخر من جده لما يكلمه عنها بيسخر من أفكارها شخصيتها طريقه لبسها الرسميه وكأنها خارجه من أجتماع خطبها عشان يهرب من طفله أكتشف بعد ماجرحها ان برائتها مش مصطنعه وكل هدفه م الخطوبه أنه يوم مايقرر يملك أريج هى مش هتكون لغيره لكن هوو هيكون لغيرها * **************** [أدهم] مابتقدرش الرومانسيه مبتتأثرش جماد بس جميييييله لدرجه لاتقاوم وجذابه وكأنها مغناطيس وهو قطعه الحديد اللى لزقت فيها بسس هو بالنسبه لها شخص لايطاق مقرف __يعنى هو أخفى غضبه من خناقتها مع أبن عمها وأجل الكلام فى الموضوع لبعدين وعبر عن شوقه الحقيقى ليهاوهى تجرى ع الحمام __طلع جاب شنطتها وسلم على عمته ووصته عليها وأكدت أن ستات كتير بيتوحموا على جوازهم بصراحه هو أول مره يسمع عن الموضوع ده ومش عاجبه أبدآ يعنى أيه واحده كل ماتشوفه ترجع أهانه لتاريخه مع الحريم __ طلع لقاها فاتحه أبواب العربيه سأل :مركبتيش ليه __ حركت أيدها قدام وشها :بهوى العربيه ريحتها لاتحتمل __دخل الشنطه ومد جسمه للعربيه وشم رفع راسه بغيظ :ده معطر ولا تحبى نعدى ع الزريبه أجيبلك قرصين جله تشميهم فى الطريق (بعتذر ع الالفاظ) __ أتنهدت :أدهم متتريقش أنا تعبانه __رقت ملامحه :طيب أعمل أيه __طلعت من شنطتها برفان ومدتهوله :رش منه فيها __ أخدها بأبتسامه حنونه وغرق العربيه بريحتها فتحت الباب اللى ورا وركبت ضغط سنانه :سواق أنااا __قالت برقه :معللش كده أحسن عشان متزهقش __ضرب عجله العربيه برجله وأبتسم بغل : وأنا أزهق منك ياقلبى برضه ......ياللا قدام __رفعت راسها وكشرت بضيق دخل راسه وباس خدها بقوه وبأيده التانيه قرص خدها التانى :عقابآ ليكى __قفل الباب ولف ركب وأتحرك بالعربيه بس مانتهاش الموضوع لحد هنا زهقتتته لو يحن عليها ويكلمها تقول متكلمنيش ولما يشغل أغانى تقول عايزه أنام ولو شغل تكييف تقول بردانه ولو قفله تقول حرانه حررررررررام *************** اليوم التالى [أدم] بدأ شغل المجاملات اللى كان سبب رفضه لاعلان الخطوبه الصبح لقى مرات خالها بتخبط وفتح وهو شبه نايم قالتله أنها جت تاخد أروى عشان يلفوا ويشتروا الفستان خرجت أروى وأنصدمت لما شافت اللى عملته مرات خالها أعتذرت منه __بس فهم مرات خالها العادات هنا العريس بيختار الفستان مع العروسه ويدفع تمنه وهو دلوقتى فى المول مع أروى اللى سرحانه وملامحها متتفسرش وكل فستان مش عاجبها قال بملل : مكنتش أعرف انك ممله كده __ قربت منه وهمست بضيق:آددم لسه باقى 3أسابيع بس طنط صممت __بص لعينها ثوانى وأكتشف ان لونها عسلى أممم شعور حلو لما حد يشكيلك سبب ضيقه قلد همسها بأستخفاف :بس أحنا جينا خلاص __جاوبت وهى بتبص على مرات خالها : أنا مش عايزه أشترى من هنا __ رفع راسه بفهم وقال :متخافيش أنا اللى هادفع __طبعآ رفضت بس ولا عبرها وأختار هو فستان سكرى بقماشه أحمر غامق من تحت الصدر قاسته ورفضت تطلع بيه قدامه سأل : مقاسك __هزت راسها بالموافقه أشترى ورفضت انها تشترى أى حاجه تانيه وانها هتتسلى الوقت الجاى فى الباقى ولانه كان زهق فمعترضش وقبل مايخرج أفتكر أمر جده أنه يشتريلها شبكه تشرف قدام الناس قال :أستنى هنتشترى الشبكه بالمره __ردت بحده غريبه على شخصيتها الهاديه :خلاص جدو جاب شبكه كفاايه جدآ __شاور بعصبيه لأول مره يظهرها : متخلنيش ألغى كل حاجه دلوقتى بطلى جدال __بصتله والدموع ملت عينها دخل المحل وبعد دقايق لقى مرات خالها شداها سند بكوعه ع الترابيزه وكفه سند عليها خده وقال للعامل : ورينا يابنى اللى عندك __ كانت مجرد أيد مرات خالها يتقيس عليها الدبل وهى كأنها جماد خد نفس لأول مره حد يضرب سهم نار يخترق بروده قال : أنا فى العربيه __خرج م المول وركب العربيه خد نفس أستجمع فيه هدوءه وبرودت مشاعره اللى واجه بيها كل الصعاب ركبت جنبه رغم انهم وهما جايين ركبت ورا همست وهى بتفرك أيدها :آددم أنا أسفه __ أنهى الكلام بسخريه : خلى قريبتك تركب مش بنحب فبعض احنا __ مدت أيدها بتردد ولمست أيده بصلها وأتفاجئ بالدموع اللى بتنزل من عينها : عشان خاطرى أنزل وهاشترى اللى أنت عايزه ....... أسفه ياآدددم __سكت ثوانى وقال :لأ النهادره لأ يوم تانى نيجى من غير قريبتك .......ومتمسكيش أيدى حرام __لسه بترفع أيدها لف أيده وأحتضن أيدها وضغط ع الكلاكس عشان مرات خالها تركب ورا دخول الحمام مش زى خروجه ولو كانت بتفكر تنزل وتركب أم 44 دى جنبه تبقى بتحلم حاولت تشد أيدها بس عمل من الصين وبأيده الشمال لف الدريكسيون وأتوكل ع الله * **************** [نزار] قفل حزام الطياره وسند راسه وقال:سراج فى المستشفى ياعمى ومنها هيروح ع السجن ولما يعفن فى السجن شويه ويذوق اللى أنت ذقته هاقتله بأيدى (غمض عينه)وبعدها هارتاااااح __سمع صوت عمه :تسلم يدك ياولد أشهد أن منصور خلف صجر بس منين ليك القوه دى ياولد منصور __من دم منصور اللى بيجرى فى عروقه ومن دم منصور اللى شافه بيخرج من صدره ومقدرش يوفقه ومن شق فى رقبه أحن أم فتح عينه ورد:طول مافيه فلوس وفى ناس تبيع ضميرها عشان الفلوس فالضعيف يتحول غول ياعمى __رجع غمض عينه وصورتها وهى فاتحه بقها وعينها بصدمه مش مفارقه خياله فكر فى اللى حصل من تلات أيام *************** قبل ثلاث أيام [نزار] بعد ماخلص كلامه مع منسى مشى للمزرعه وهو بيسمع لمطربه كاظم الساهر وقف عند البوابه ونزل بص للحارس :مفتحتش يعنى __ :والله ياباشا مش عارف أقولك ايه مدحت مشى ونسى وخد مفتاح البوابه الكبيره معاه __بصله بغضب ورجع سحب كيس م العربيه وقفلها : تكلمه ييجى حالآ __دخل م الباب اللى بحجم جسمه فى طرف البوابه مشى فى أتجاه الفيلا لكن خطواته وقفت لما شاف المشهد الجميل ده ياسر واقف وجنب رجله قاعده أريج وجنبها أشرف المسئول عن الاسطبل ياسر مبتسم وهى بتمسك فى دراع أشرف وبتكلمه وأشرف خبطها بصوابعه على راسها ووقف قامت وهى بتحاول تضربه فمسك أيدها أشرف وهى بيضحك كل ده حصل قدام مدخل الفيلا __مشى بخطوات غاضبه مسكها من معصمها وقال لياسر بحده : لاه والله جايين هزروا أنت هتمسك برا وتجيب أحمد هنااا (لف على أشرف بنظره ناريه) وأنننت ماشوفش وووشك هنااا ..........ياللا غوروووا __مشوا الاتنين وعينهم للأرض لفت أيدها على أيده اللى ماسكه معصمها تحاول تفكها : نزززار __بصلها بحده وهو حاسس أن صدره بيتحرك من غضبه ساب معصمها ومسك فكها :شكل حياتك معايااا سودا (صرخ )مفكره لما تتلزقى فى كل راجل شويه هتخلصى مننننى __بعد أيده عن وشها بعنف وكمل :مشش قادرااا تنسى تربيتك الزباله صااايعه معندكيش ماننع أى حد يلمسك حتى أنا عمرك مامنعتينى عن حاجه بعملها ليييييه كل ده علمك سراج أزاى تكونى رخيصه منحله ونسى يعلمك تصللللى تعرفى ان حجابك فرض وأن جسمك ملك لجوزك بسس ههااااااا __ بص لملامحها وبرائتها وهى فاتحه بقها و عينها والدموع على وشك تنزل منها ضغط سنانه وسأل : ياااسرر جوززك (هزت راسها بلأ ) أشررررف جوززك (هزت راسها بلأ ودموعها نزلت) أنااااااا جوزك __هزت راسها بلأ أكتر من مره مسك دراعها وصرخ : لأ جوزززك .........بالورق أنتى مراتى بسس بشررع ربنا لأ .......فاهمه حاااجه __كل اللى قالته :أنا مش كدا __حط أيده على خدها وأكد :لأ أنتى كدا بسس أنا هعرف أربيكى __بعدت عنه : أنت متجوزنى أزاى __صرخ بحده :ميشرفنيش أنى أتجوز صاااايييييعه .......قلتلك قبببل كده محدش هيفيدك غيرررى حتى هشام وأبوكى خلااااااص طلعولك شهاده وفاه يعنى أنتى ميته أنتهيتى عند الحكومه وعند أهلللك __فضلت ثابته فتره ونظرها عليه حتى دموعها وقفت غمض عينه وفتحها لما بيعصب بيوجع بكل الطرق قال بهدوء :جبتلك كتب بالانجليزى هتعرفك على الاسلام أقريها __ هزت راسها بأستفهام : هما بيعملوا فيا كده ليه أنا وحشه أوى كده مامى... بابى....هشام......ليه ولا حد فيهم حبنى ليه كلكوا بتكرهونى ......مش عاوزه منهم غير شويه حنان بسس وهرضى والله هرضى وأفررح .......... أقتلنى __بصلها بصدمه قالت بصوت متقطع م الدموع : ممكن تقتلنى وتخلصوا منى كلكم __شاور بأيده بضيق :أدخللى جوا ياللا __همست : ليه جيت __ : خلاص يا أريج مشش هاجى تانى أدخلللى __ أتحركت ببطئ قال :أستنى خدى الكيس ده __مدت أيدها وخدته ودخلت وقف مكانه نفخ وهو مصدوم من نفسه وأنفعاله وقال كلام مكانش ناوى يقوله أبدآ بس قرب يخلص من خطه الانتقام ويشوف هيعمل معاها أيه ************* | ||||||||||||
|
| |
|
15-05-15, 09:15 PM
| #856 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي 
| انا دخلت اقرأ من غير تسجيل لكن وصلت ل __أيآ كان ردها ميهمش بس بيتمنى غباءها يشتغل وتجاوب بس : لأ مانت دفتنى أنبارح نسيت ههههههههههههههههههههههههه هههههههه هذا رد فعلي سجلت عشان اقولك ياسمك ايه .. اصلي معرفش اسمك ... لو بكره مضهرتش يبقى دمي برقبتك ههههههههههههههههههههههههه | |||||||
|
| |
|
15-05-15, 09:49 PM
| #857 | ||||||||||
| كاتبة في قسم قصص من وحي الأعضاء 
| فصل راااااائع امممممممم نبدي منين من احلى اثنين بالنسبة لي غرام وادهم مين حيجنن الثاني انا مع غرام قلبا وقالبا خليه يذوق من اللي مذوقو للبنات غرام شخصية بس هو قلب حديد وبيستحمل شكلو وقع وما حد سمة عليه ادم اللي فهم الدين وبيطبقو بحذافيره اعجبني التحول مع ابقاء لمسة من ادم القديم المتهكم البارد واروى بنت لطيفة بس حاسة انها ضعيفة شوية وما مقدرة نفسها حق قدرها بس لايقين على بعض نزاااااااااااار الجبار وانتقامه اللي انهاه على اكمل وجه ولكن ماذا بعد ؟؟؟ ماذا سيفعل بخصوص اريج وهمسة اللي طلعتلنا منين اريج تلك الطفلة المحتاجة للحنان من اي كان سواء كان حارس او سائس او سائق لا يهم بالنسبة لها ولكن تبقى هي ضحية الجميع سلمت يداك بانتظار اخبار حياة وموسى ...........ز | ||||||||||
|
| |
|
15-05-15, 10:02 PM
| #858 | ||||||||
  
| روووعة الفصل جنان دي عيلة صقر حكاااية. ..وابطالنا رووعة الي دووم مكشر والي متفائل والي كئيب والي جدي والبنات الي طيبة والي على نياتها والي مجنونة والي مكارة ههههه ...ييجننوا حياتي ابدعتي | ||||||||
|
| |
|
15-05-15, 10:40 PM
| #859 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| اولا لاداعي للشكر لاننا لو لم نجد ان روايتك تستحق ان نتابع مافعلنا ذلك ... كما انني لايمكن ان اقرأ شيء يمتعني ويسعدني ولا ارد بشيء يوازيه لان من الانصاف ان نقدر من يبذل جهده لكي يقدم شيء يسبب السعاده لغيره اعود للفصل .. ابدأ من النهايه هل زواج اريج ونزار حقيقي او ورقه مزوره ؟؟ بصراحه لم افهم ماحصل من يومين بين نزار واريج .... هل امتلكها .. او الاصح اخذها بالغصب وهذه سبب حالتها او لم يفعل كما تبينين نهاية الفصل ؟؟ لاني تلخبطت ادم هذا الفصل كان البطل بصراحه .. طله يعرف يغرد .. هههههههههههه لا والاخ يريد يمسك ويحضن ويب.... الخ اقول لو اروى لم توقف تغريده كان وصل لغاية فين هو بعد البو........ ايه ؟؟؟ غرام ............ مسختها بصراحه .. كان المفروض تاخذ نزار عشان تشوف نجوم الظهر .. لولا ادهم عنده طولة بال كان حصلت هوايل قمر ..... عمها جاب الصح هي جمر ..... والله كنت خايفه من انتقام سراج بس نزار طلع حاسب حساب كل شي هل تمت خطوبة نزار وهمسه فعلا او همسه ستمتنع ولن توافق ؟؟ وهل يريد نزار الاستمرار بالموضوع للنهايه ؟؟ الان موسى ونزار بالطريق لحياة بانتظار وصولهم الاسبوع القادم بشوق كبير | |||||||
|
| |
|
15-05-15, 10:41 PM
| #860 | |||||||
| مشرفة وكاتبة في قسم قصص من وحي الأعضاء ومراسلة خاصة بأدب وأدباء في المنتدى الأدبي
| الذين يشاهدون محتوى الموضوع الآن : 11 ( الأعضاء 8 والزوار 3) um soso, نهاد على+, سهام هاني, ام رناد, lolo ahmed, Just give me a reason, ماهينور عمروي | |||||||
|
| |
|
| أدوات الموضوع | |
| انواع عرض الموضوع | |
|
|
22Likes
.png)
.png)
العرض العادي
