23-03-15, 07:03 AM
| #11 | ||||||||
| مراقبة عامة ومشرفة منتدى الروايات المنقولة  
|  ان شاء الله تستمتعون بالقراءه.. ..البارت التاسع.. طالعت فيه بنظره جانبيه قصده ان بس علشان طلب ابوه مو منه خلاص غيرت رائي بنتظر عبدالرحمن اساسا يكفيني اهتمام ابو جهاد فيني يعني هذا اهتمام ابوي ولا نوع ثاني ان شاء الله انه من النوع الثاني رجعت طالعت بالسياره بس مظلله مااشوف شي تكتفت وانا الف عنه شوي واطالع بالطريق انتظر رجوع عبدالرحمن ثواني وسمعت جوالي يدق فتحت شنطتي طلعت جوالي وانا اسمع جهاد يقول""الو"" طلع جواله الي يدق نفس رنتي رجعت الشنطه ع كتفي والجوال بيدي كانت اذني معاه بدون شعور لانه سكت فتره طويله وبعدها قال""فهمت ساعه واجيك،يعني متى،مشغول برجع ابوي البيت،بالسياره،لا ماطلعنا،لا مااقدر ياشيخ،خلاص طيب فهمت"" وسكر في البدايه وانا اسمعه حسيت انه مشغول مره وبديت استوعب انه نفسه مدير الشركه الحالي وواقفه معاه بس طبعا احساسي كان اعمق بمراحل وانا اوقف مع ابو جهاد قلت وانا ارجع له كلامه""لا تخليني ااخرك"" بتكون بنفس معنى كلامه اذا قصده طرده ولا ذوق قال بعد تنهيده وعيونه ع سيارتهم""متى بيجي اخوك"" يعني ماكانت ذوق دام هذا رده قلت""بيتٲخر"" ماابغى كرمه انا اقدر انتبه لنفسي قال وكٲنه سمع تفكيري""ماعندي وقت وانتي كبيره كفايه لتنتبهين ع نفسك وتفكرين بمستقبلك بعد"" رفعت عيوني وطالعت فيه وهو يمشي لسيارتهم فهمت الجزء الاول بس افكر بمستقبلي اش قصده مافهمت طالعت بالسياره وانا اتمنى ينزل ابوجهاد مثل اول ويثبت لي انه مو بس اهتمام ابوي بس نزل القزاز وحرك يده بطريقة مع السلامه وتحركت السياره اش قال له اكيد كذب ان اخوي جاء ولا معقوله مايفكر فيني ابو جهاد مافي تقدم بس يعني علشاني جيت لزيارته اهتم بس الحين معد اقدر اشوفه حتى لو رجع الشركه ماراح اقدر ادخل عنده واتكلم معاه كذا في المكتب كيف راح تتطور طيب بالجوال بس هو رجال كبير مااتوقع يناسبه هذا النوع يارب ماتكون كذا انتهت السالفه وانتهت كل احلامي تنهدت وانا احس الامل ضعيف ياربي ابغى هذا الزواج اكثر من اي شي ثاني لان بعده كل شي بيصير بيدي ماراح ايٲس اذكره فيني بالجوال اسٲل عن اخباره واذا طلع توقعي صحيح ماراح اتواصل كثير بس حتى ماينساني حتى يرجع الشركه وبعدها يجي الحل ان شاء الله والرقم بسٲل عند و فكرت شوي عند مين عبدالرحمن لا وجوهره لا بعد اذا شفته راح اطلبه رقمه راح اتشجع حسيت اني استحريت مره بسبب الشمس انتظرت خمس دقايق وبعدها شفت عبدالرحمن جاي بالطريق لسى طلعت من المواقف اقرب له حتى نستعجل تعبت انتظر طلعت السياره وقلت"علي المكيف"وبعدها وصلنا بدون كلام بس طبعا غير لما طلبت الصرافه اعطاني بدون نفس ليش ع باله بخليها عنده انا اعرف حبه لها دخلت البيت و ع طول ع الحمام حتى رميت شنطتي عند باب الحمام والعبايه فسختها جوه اخذت دش ووضيت وانا اسمع اذان العصر طلعت صليت وانا ميته جوع طلعت من الغرفه وانا اتذكر ان امي قالت ناقصه اشياء ضروريه للغدا يعني لسى ماسوت اذا كذا بطلب من المطعم دخلت المطبخ وانا اشم ريحة اكل حلوه قلت وانا عند الباب""جاتك الاغراض ميته جوع"" اللتفتت علي قبل ماتشيل الصحن وقالت""لا تو جات سويت الي موجود"" قلت وانا امشي وراها""شكله لذيذ وين جدتي"" قالت وهي تحط الصحن""زعلانه مثل العاده انه راح حسن بدون مايسلم عليها"" ابتسمت وانا اقول""بروح اجيبها"" صح كلام جدتي قوي بس بنسبه لي عادي منها بس لو من احد ثاني مستحيل اتقبل مثل كذا راح اكرهها بس يمكن تعودت والا علشان ارد عليها بنفس مستوى كلامها وعارفه انها ماتشيل بقلبها فتحت الباب وانااقول""يلله الغدا جاهز"" قالت بدون ماتطالع فيني""بعد ماشبعتي تذكرتيني شغلي التلفزيون واطلعي"" قلت وانا ادخل اكثر""دام ناديتك يعني بقيت لك يلله قومي"" ساعدتها تجلس ع الكرسي وطلعتها الصاله وهي تقول""محد عايش في هذاالبيت امك مشغوله في البيت وانتي تنامين بشغلك وعبدالرحمن المدرسه مشغلته كٲنكم راميني بالدار ماافرق عن ام اسماعيل"" ع كيفها بس عبدالرحمن الي عاذرته قلت وانا اعدلها وابعد عنها""شغلي شاغلني علشان اجيب الفلوس بس ماعليك ان شاء الله اتزوج رجال غني واجيب الفلوس بدون شغل"" قلتها بضحكه وكٲني امزح بس ابغى اشوف ردة فعل امي الي جالسه ع السفره وجدتي الي بدت تٲكل قالت جدتي""محد بيطالع في بنت ماتجلس في بيت ابوها شوفي كم عمرك وانتي لسى جالسه جنب امك"" قالت امي""لسى صغيره الزمن تغير تصبر حتى يجيها رجال مايسافر ويتركها وحدها ومسؤلية كل شي عليها لا تصبر"" متعقده امي ومكبره السالفه دايما كذا كل شي تكبر حجمه مبالغه بس يمكن هذا الشي منجد مٲثر عليها بس ناتج كلامها رجال غني ابوي مسافر لانه يشتغل ويصرف علينا طبعا هذا تفكيره كذا دايما عند هذا الموضوع محد يتكلم طلع عبدالرحمن من غرفته وانا قربت اشبع حركات تافهه انه زعلانه مايٲكل وكذا نادوه وجلس ياكل انا شبعت بس جلست شوي ماسويت نفس حركاته البايخه شوي وقمت وانا مبتسمه لانه قام حتى قبلي تكفى يامسدود نفسك من زعلي دخلت غرفتي وعدلتها لصلاة المغرب وتو غمضت عيوني سمعت امي تقول بصدمه""تاج اش هذي الحوسه"" قلت حرف حرف وانا مغمضه عيوني""مااشوف شي بنام"" مافيني تقول رتبي ولا طلعي الملابس الوسخانه وانا لسى مغمضه عيوني سمعت حوستها بالغرفه وهي تدعي لي بالهدايه لما قمت لصلاة المغرب عدلت المنبه لصلاة العشى ورجعت نمت صحيت الساعه خمسه من المنبه ولسى كسلانه انسدحت نص ساعه وبعدها اخذت دش سريع ولبست بجامه مافيني حيل ورفعت شعري مثل العاده ولبست عبايتي وانا متفاجاءه من الدولاب المرتب صح لما صحيت لاحظت نظافة الغرفه بس ماجاء في بالي ان النظافه والترتيب بتدخل في الدولاب حتى طلعت شكرت امي وانا افطر ع السريع وطلعت لما قالت امي انه بالسياره اول ماحركها قال بصوت طبيعي وكٲنه قرر ينسى المشكله""اليوم تبغين تروحين المستشفى"" او قرر انه يعرف وين وصلنا قلت وتعمدت الاختصار""طلع"" حرك راسه بطريقة طيب شكله غير رايه بيكمل زعله دام مافي فايده لانه سكت حتى وصلنا طلعت من السياره وانا ادور سيارة ابو جهاد اعرفها بس ماجاء اليوم للحين ع الاقل مريت وماكان موجود خالد ياسلام للحين ماداوم تٲخر قلت بنصر""للحين ماداوم الاستاذ خالد"" قلت الاستاذ بمسخره قاهرني ادري اني استاهل الانذار بس اعرف السبب مو مثل ماهو قال خليني اتزوج ابو جهاد اني لا اطلع سبب يغير يغير مكانه قالت شوق الجوال بيدها""في الطريق"" تدافع عنه جلست ع الكرسي وجوهره تقول بضحكه""وصرنا نعرف اخباره بعد"" قالت شوق وهي تحط الجوال ع المكتب وتتكلم بصدق""تصدقون مره متفاجاءه من خالد امس في وقت متٲخر وانا اكلمه قلت نفسي بحلا بعد ماسكرت بعشر دقايق دق علي وقال الحلا عند الباب مره منصدمه منه شخصيته غير عن هنا"" وانا بعد تفاجاءة معقوله عند احساس هذا الشخص مو راكب كلامها ع خالد اقصد استاذ خالد قالت احلام بصدمه مثلي""احلفي شوق منجدك والله"" قال بحماس وهي توقف""والله حتى مصورته بوريك"" قالت اريج""طيب شفتيه"" قالت شوق وهي تحكي بضمير""لا فتحت الباب ماشفت احد وسٲلته قال انه حطه وراح بس انا اتوقع طلب توصيل بس يعني انه يفكر غريبه"" قالت احلام""يلله تحمست اعرف ذوقه"" وبديت الشغل عن نفسي بس شوق واحلام بنفس الموضوع وجوهره تحكي خوفها انها تحمل الحين تبغى سنتين ع هذا الجو دخل الاستاذ خالد وقال""اخت تاج المدير طالبك"" فتحت فمي بعدم استيعاب وبعدها بعفويه طالعت بالجهاز تٲكدت من الصفحه ان مافيها اي اخبار ولا غيرتها حتى قلت علشان اتٲكد""انا"" قال خالد بعدم صبر""طلبك بالاسم"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (سكان القبور وحيدون ، اغلقت صحفهم وبدأت آخرتهم ، فلندعوا لهم بقدر حبهم وبقدر ماتفطرت قلوبنا حزناً على فراقهم . اللهم ارحم واغفر لـ ابوي واختي واسكنهم الجنه..امين يارب العالمين). | ||||||||
|  |
|
23-03-15, 07:16 AM
| #12 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت العاشر.. طالعت في البنات ابغى افهم منهم بس هم بعد يطالعون فيني يبغون يفهمون معقوله جاء ابو جهاد غصب منعت ابتسامتي تطلع صح امس طلع من المستشفى ويمكن جاء اليوم يشوف اوضاع الشركه وطلبني علشان يمكن علشان ماادري بروح واشوف وقفت بعد ماسمعت خالد يقول""الحين"" طلعت من المكتب وانا احاول اكون طبيعيه لاني ابغى اطلع بسرعه اخاف يقول بٲي طريقه اني امس رحت عنده شديت الطرحه ع شعري وكملت مشي وانا اتمنى انه ناداني لسبب مو قوي او واضح علشان اتٲكد اني اثرت عليه دخلت وانا عيوني ع مكتب المدير بس مافي احد طالعت بالسكرتير وقلت بستغراب""طالبني المدير"" قال""ايوه تفضلي اجلسي دقيقه ويرجع"" جلست ع الكنبه الفرديه لما رجع السكرتير لشغله يعني تٲخرت ولا لا يمكن يبغى يخلص شغله وبعدها اشوفه تحمست اقول شي يعجبه مره فكرت وبعدها قررت اذا سٲل عن امس بقول ان اخوي تٲخر بس انا قلت لكم جاء علشان تروح ترتاح حلو صح يعني مهتمه طيب اطلبه رقمه كيف اطلبه اقوله بتطمن ع صحتك من فتره لفتره اذا قال بيسافر بس اذا هنا بيجلس ماادري بس ابو جهاد سهل الكلام معاه يتسلسل الكلام بطريقه طبيعيه وقفت لما وقف السكرتير لاني كنت سرحانه وانا اطالع فيه ولما تحرك انتبهت هنا هدوء مو طبيعي حتى الكيبورد ماله صوت طالعت بالداخل وكان جهاد انتظرت يدخل ابو جهاد وراه حتى سمعت جهاد يقول لسكرتير""لا تحول اتصالات علي واتصل ع يوسف الاحمد وقول له يرسل الطلبيه وقت مايكون جاهز احنا ننتظر"" قال""حاضر"" دام هو الي يشتغل يعني ماجاء ابو جهاد طالعت بجهاد وهو كمل مشي ودخل مكتبه مافهمت يعني محد طالبني بس قال السكرتير بعد ماجلس ورفع التلفون لاذنه""تفضلي ادخلي"" وانشغل بمكالمته حسيت بتردد كبيره وانا امشي بتجاه المكتب واشوف جهاد جالس ع الكرسي ويرتب الورق بملف ماني متٲكده انه طلبني اخاف اتفشل بس السكرتير قال تفضلي اكيد يعني طلبني ولا كان سٲله عن مقابلتي دقيت الباب المفتوح دقه بسيطه ودخلت وقف وهو يقول""اجلسي"" جلست بنفس مكاني امس وانا اشوفه يجمعها سوا الاوراق واخذها ومشى لدولاب صغير فتح الدرج وحط الملف فيها وسكره وانا اطالع فيه بترقب اش بيقول بيحملني شي علشان الصفقه الي يقول خربتها لف وقال وهو راجع ع كرسيه""متى رجع لك اخوك"" قلت وانا معقده حواجبي""ماتٲخر"" اكيد ماناداني علشان هذا يعني الموضوع مو عمل يمكن يقول بعدي عن ابوي مثل مايقول عبدالرحمن اذا عرفو عياله بيصيرون حوله طيب ليش في المكتب علشان يبين سلطته علي من الحين اقول اني ماراح اغير رائي مهما سوا تكتفت لما جلس ع كرسيه وقال""فهمت"" فتح الدرج وطلع ورقه وحطها ع المكتب وريح يدينه ع المكتب وطالع فيني في هذا الوقت حطيت في بالي كل شي واستعديت له لو طلع مسدس مااستغرب بس انا قلت ماراح اغير رائي ودامه بيتكلم يعني شاف التٲثير ع ابوه يعني اتقدم انا قلت بعدم راحه لما شفته يطالع فيني بتركيز شوفني اذا جيت بيتكم""طلبتني"" حرك راسه بطريقة ايوه ورجع ظهره ع الكرسي وقال""عرفت انك طموحه وذا الشي ابدا مو عيب فيك بس في طرق اسهل واضمن"" بديت اتوتر يعني مثل ماتوقعت بيبعدني عن ابوه في هذي اللحظه تٲكدت ان لي مكانه عند ابو جهاد يعني عادي اذا طلعني من الشركه جهاد وكم يوم ويرجعني ابو جهاد قلت وانا ارفع راسي""وانا مؤمنه بذا الشي"" قال بشبه ابتسامه""يعني اضمن موافقتك"" قلت لاني خفت من ابتسامته""ع ايش"" قال وهو يقدم كرسيه وياخذ الورقه الي طلعها من الدرج""صفقه والربح فيها مضمون"" طالعت بالورقه بس طبعا مافهمت شي لانه معكوسه بنسبه لي صفقه ومعاي قلت بعد مافتحت فمي كذا مره بتكلم وارجع اسكره ماني عارفه اش اقول بالنهايه قلت""من اي نوع"" صراحه انتبهت مع كلامه ومع المقصد لدرجة نسيت انه رئيس الشركه الحالي شكل انا طبعي كذا لما جلست مع ابو جهاد نسيت والحين نسيت يمكن لاني مشغوله جدا بمعنى كلامه اش قصده باسهل واضمن قال""الموضوع سهل ماراح اطلب منك شي انتي راح تكونين المستفيده اكثر مني"" حركت راسي بطريقة طيب علشان يكمل كلامه مع اني مو فاهمه كيف مستفيده اكثر منه مو قادره افهمه وهو متعمد يمدد في السالفه ماوراه شغل ولا هذا اسلوبه التجاري كمل كلامه وهو يمد الورقه لي""هذي الورقه فيها قيمة فوائدك"" اخذتها وانااسمع كلامه كانت مرقمه الورقه (1-دخل شهري بمبلغ........... ،2-راتب شغلك ملكك ،3-تعويض بمبلغ..........نهاية الاتفاق ،و4-.............) كمل كلامه لما رفعت راسي اطالع فيه وانا احس نفسي غبيه لاني مو فاهمه شي ""نحدد الدخل الشهري بالي يرضيك هو ونهاية الاتفاق ورقم اربعه راح تحطين فيها اي طلب تبغينه وراح نوقع عليها بشهود والي يخل بالاتفاق راح يدفع غرامه نحددها برضانا"" فهمت كل شي قاله بس اش مطلوب مني هذا الي مافهمته قلت بالي جاء في بالي""واش مطلوب مني"" قال بسهوله""ولا شي تعرفين ابوي كان بالمستشفى وسبب دخوله انا ولا ابغى ارفض له طلب وارجع ادخله المستشفى بسبب رفض ولا لعب الناس عليه قلبه مايتحمل(وسكت ثواني واخذ نظره تحذيريه مافهمتها هو يعرض علي ويحذرني اوافق يعني) ووهو طلب اتزوج وانا طلقت الجازي من شهرين تقريبا لانها ماقدرت تتٲقلم مع وقت شغلي وانا ماابغى اغير شي من حياتي كذا مرتاح بس علشانه قررت ادور لي وحده تعتبر هذا الزواج اتفاقيه لمدة خلينا نقول حول سبعه شهور وبعدها ننفصل وبكذا ابوي يفهم اني ماانفع لزواج ومايحس بتأنيب الظمير وانتي فيك هذي المواصفات فهمت انك تحبين الشغل والفلوس راح تستفيدين بالي تطلعين فيه من هذي الاتفاقيه تقدرين حتى تبدين شغلك الخاص وراح اساعدك حتى يكبر وزواجنا راح يكون كامل قدام اهلك مثل قدام اهلي ماله داعي تقولين عن اتفاقنا واي طلب تطلبينه خلال الفتره راح انفذه لك كذا انا استفيد راحت بالي اشتغل بدون مااحس اني ظالمك ونفذت رغبة ابويه وانتي بتستفيدين مشروع خاص وراح ينتهي الزواج مثل ماانتي وبعدها تقدرين تكملين حياتك"" خليته يتكلم حتى يخلص اخذت نفس عميق وقلت""ابوك يدري"" قال بحرص شديد""لا بس لمحة له اذا سمعت موافقتك بقول له وطبعا بنظره راح يكون زواج كامل"" حركت راسي بطريقة طيب وانا اعض ع شفايفي بقوه امنع اي كلمه تطلع قال بعد سكوت شوي وانا اطالع بالارض""اش قلتي ماراح نٲخذ وقت كثير بتجهيز راح يكون هادي بما ان ابوي تو طالع من المستشفى"" اش راح يكون ردة فعلي في بالكم جهاد يعطيني شي مؤقت وابو جهاد يعطيني شي دايما اش بختار يعني اكيد الدايم ابغى الراحه طول العمر مو بس فتره اجربه ويروح من يدي اذا تعودت عليه وبعدين هذا جهاد مايناسبني قلت وانا اوقف""مايناسبني عرضك جهاد"" تعمدت اقول اسمه ابين له ان مو هذا طموحي واستصغره تغيرت نظرته بطريقه غريبه مافهمت يعني تفاجاء اني رفضت ولا معصب ولا يتوعدني ماني عارفه حطيت الورقه ع المكتب وكل الي في بالي احطها واطلع بسرعه لما وصلت عند الباب سمعته يقول بصوت هادي""ردك اسمعه بعد اسبوع"" مارديت عليه طلعت من جهة مكتبه وانا اطالع بالساعه كانت وحده الا دخلت المكتب وانا حاطه في بالي ارد ع سؤالهم قلت اول ماطالعو كلهم فيني""طول الوقت يتكلم عن اهمية الصفقه الي خسرها بسببي علشان الاعلان راسي اوجعني من تٲنيبه"" اخذت شنطتي وطلعت جوالي وانا طالعه من المكتب محد كلمني ع بالهم مثل العاده اخذ نفس عميق وارجع دقيت ع عبدالرحمن ولا رد كتبت رساله(تعال لي في موضوع قوي يخص ابو جهاد) شوي ودق مارديت عليه لاني رجعت جوالي الشنطه ماراح اطلعه ابغاه يجي باسرع وقت ماني عارفه اش اسوي وقفت عند البوابه وكلام جهاد في راسي يدور مو قادره اوقفه جاء عبدالرحمن باسرع من العاده محد يعرف عن الموضوع الا هو طبعا راح اكلمه مااقدر اخلي الموضوع لي وحدي اول ماطلعت السياره قال بدون مايتنفس""ها اش صار"" قلت بختصار""جهاد عرض علي الزواج لفترة مع فوائد طبعا"" قلت اخر كلامي يتريقه من عرضه ع باله كذا خلاص اقنعني قال بستغراب""مين جهاد هذا"" قلت بعصبيه من عقله المقفل""مين يعني اش فيك جهاد رئيس الشركه الحالي ولد ابو جهاد"" قال وهو يطالع فيني بعدم فهم""جهاد مو هنا سافر مع ابوه اليوم"" حسيت العالم سكت حولي قلت"شكلك مخربط شفته قبل شوي" قال"والله سافر" قلت بصوت منخفظ متقطع""مين ذاك طيب"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (قال تعالى : { فسبحان الله حين تمسون وحين تصبحون } سبحان الله • سبحان الله • سبحان الله سبحان الله • سبحان الله • سبحان الله سبحان الله • سبحان الله •*) | ||||||||
|
| |
|
24-03-15, 07:59 AM
| #13 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت الحادي عشر.. رفع اكتافه عبدالرحمن وهو يفكر قلت بسرعه لما تذكرت""قال ابوي داخل المستشفى وهو بمكتب المدير اكيد جهاد"" عقد حواجبه وقال""اش قال لك بالتحديد"" اخذت نفس ابعد احساس الضياع الي احس فيه تخربط علي وحكيت له الي اتذكر من كلامه حاولت اتذكر اسم الي طلقها بس نسيت كان يمكن عرفت معقوله هذا غير جهاد وكله ابو جهاد ع الشغل ويقصد بابوه اي شخص كان ولا يمكن يحترمه ولا مدري اش السالفه قال عبدالرحمن لما سمع كلامي""دقيقه طيب اسٲل الحارس هذا"" كان يقصد ابو موضي اكيد بيقول له معد صرت احاول اطلع مين بس انتظر يرجع عبدالرحمن ويقول وعيوني عليه اول مافتح الباب قلت وانا الف عليه بكامل جسمي""عرفت مين"" ضحك وقال""ياغبائنا معروفه هذا ولده الثاني ليث"" حرك السياره وانا اقول""بس قالو جهاد هو الي بيستلم الشركه"" قال بعد ماطلعنا من المواقف""ترتيبات بينهم اكيد المهم كويس انك رفضتي في البدايه هذا بيخليك في عيونه ماتهمك الفلوس لهذي الدرجه وبعدين توافقين بسبب ظروفك"" قلت بقوه""ماراح اوافق بس سبع شهور بعدين انا متٲكده انه ماقال كذا الا علشان يبعدني عن ابوه واساسا هذا الشي بقوله لابو جهاد واخليه يعرف اني مارضيت طريقته غريبه مو مرتاحه ابدا من كلامه في شي مو طبيعي"" قال عبدالرحمن بثقه""بيصير يتجنبك لانه مستحي من تصرف ولده ولا يقدر يتزوجك وولده فكر فيك خلاص انسي ابو جهاد وفكري فعرض ليث انتي بتحددين المبالغ مثل ماقلتي لي وبتسوين مشروع الخاص ومعد تحتاجين شي وكذا اسهل لك من حياتك مع ابو جهاد"" قلت وانا احرك راسي بطريقة لا""ع كيفك تفسر الامور انا ماابغى شي مؤقت ابغى شي دايم وبعدين كل شي بيد ابو جهاد مو في يد اولاده لا بنتظر ابو جهاد يرجع من السفر"" قال بعد ماقلب شفايفه بعدم استحسان""ايوه خليك كذا حتى كل الاثنين يروحون من يدك وش دراك يمكن يطول ابو جهاد يمكن يرجع المستشفى يمكن معد فيه وقت هو رجال كبير"" قلت وانا اطالع فيه بطرف عيوني""رجال كبير الحين تقول كذا قلت لك تقلب الامور ع كيفك"" قال بعد ماطالع فيني شوي ورجع يطالع قدام""لا ماغيرت رائي ولا قلبته بس في امور استجدت اول كان مو موجود غيره بس الحين ليث اساسا حتى عند اهلنا كيف نظرتهم لو جاء خطب ليث ولا ابو جهاد يمكن مايوافقون عليه وحتى قدام صاحباتك ليث احسن لك وفكرت ان سبعه شهور الي معقده الموضوع وش دراك يمكن تكون دايما بشطارتك مثل مالفتتي نظر ابو جهاد مو صعبه تلفتين نظر واحد عايش معاك لفتره ويمكن حتى تربطينه بولد"" حركت راسي بطريقة لا وانا اضحك بستهزاء مو معقول هذا الرجال قلت""اول شي واهم شي ماابغى اظلم احد وتقول اربطيه بولد والولد هذا كيف يعيش برايك مستحيل اذا بوافق بوافق ع شروطه كاملها هذي اتفاقيه فقط مو زواج"" قال بصوت منخفظ بس اسمعه""غبيه"" قلت بابتسامه""انت الغبي هدفي واضح ومحدد ماراح اغيره"" قال وهو يحرك راسه بطريقة طيب""قدامك اسبوع تغيرين رايك فيه"" يعني هو ع باله بغير رائي مثل ماجهاد اقصد ليث قال بثقه ان بعد اسبوع اقول رائي بس انا ماراح اغيره مهما كان سبحان الله لو بنت ثانيه في مكاني كان حست بالاهانه لانه يعرض زواج مثل كذا بس انا حسيت انه يلعب علي انا مااشوف الزواج مثل ماتشوفه حنان وجوهره ولا حتى شوق الي فاجائتني ذيك المره بنظرتها انا احس اذا ماكٲنو الطرفين استفادو شي من الزواج فالزواج غلط لازم يكون خطوه لقدام مو لورا امي كانت تدرس ولما تزوجت ابوي قطعت دراستها ووقفت مكانها وابوي تو اشتغل بدل مايكون نفسه تزوجت وتدين يعني بنظري زواجهم غلط كلهم رجعو لورا انا اذا تزوجت ابو جهاد ببداء بمشروعي الخاص وهو المجله يعني خطوه لقدام هو اذا وافق فان اكيد في باله الي بيستفيده لاني ماني عارفه اش ناقصه وهو رجال ذكي اكيد بيحدد اهدافه لما وصلنا البيت دخلت الحمام وضيت وصليت الظهر وجلست النت وبحثت عن ابو جهاد بشوف منجد سافر ووين اتوقع موجود شي له ولقيت كلام مختصر عن مرضه وسفره لنقاها واستلام ولده ليث لشغله رجعت بحثت عن ليث مالقيت له شي وبحثت عن جهاد لقيت انه حظر مع ابوه مناسبات كثير يعني هو الي يعرف الشغل ليش صار ليث بحثت عن صوره لجهاد جاني فضول اعرف شكله دامه جاء بمناسبات يعني فيه اكيد تو لقيت له صوره مع ابو جهاد سمعت باب الغرفه ينفتح بسرعه سكرته واللتفت اشوف مين قالت امي وهي تدخل""رجعتي اليوم بدري ليش"" قلت وانا الف عليها بالكرسي""حسيت راسي يوجعني بس الحين تمام الحمدلله"" قلت نفس السبب للبنات علشان كذا طلع بسهوله قالت وهي تعدل سريري""طيب قومي تغدي وارتاحي شوي"" وقفت وقلت""خلاص طيب سيبي السرير الحين بنام عليه ويرجع يخرب"" تنهدت بعدم رضى وطلعت وراي تغديت وعبدالرحمن يسولف واندمجت معاه حتى سمعت جدتي تقول""ياولدي لاتخلي قلبك ابيض كذا غلطت عليك وجالس تسولف معاها"" قال عبدالرحمن بابتسامه""تعرف تاج تعتذر"" رفعت حواجبي وقلت""الا ياجده ولدك راعي مصالح قرر يرضى علي لحاجه في نفسه"" قالت جدتي بعصبيه""شفت كيف ماينفع معاها الطيب اعطيها ذاك الكف الي يخليها تعرف قيمتك"" حركت راسي بطريقة لا بعدم رضى وانا اكمل اكلي قالت امي""لا تدخلين بينهم يمه خلاص تراضو انتهى الموضوع"" ع بالي كذا انتهى الموضوع بتدخل امي بس قال عبدالرحمن""لا ماانتهى الموضوع بس اش اسوي هي تهددني"" لما رفعت عيوني له بصدمه غمز لي يحب احساس احد يدافع عنه فيه هرمونات انثويه كثيره قالت جدتي وواضح لو بيدها قامت لي""والله ياتاج والله وهذاني حلفت برب الناس كلها لو اسمع عبدالرحمن...."" قاطعها عبدالرحمن لما شاف جدية حلف جدتي""امزح يمه امزح انا الي غلطت عليها بالاول وخلاص تراضينا"" قالت جدتي بطرف خشمها""لا تغطي عليها"" ضحك عبدالرحمن بقوه قالت امي وهي توقف وتشيل الصحن بيدها""ماادري متى بتكبرون انتم"" قال عبدالرحمن وهو يطالع فيني تكلم بصوت منخفظ اتوقع بس انا الي سمعته""بعد اسبوع تكبر"" قلت بصوت منخفظ له""وقت مايرجع ابو جهاد من السفر اكبر"" مدري شلون ماخذ الموضوع تحدي لقدرات اقناعه اعرف اسلوبه علشان كذا ماراح اسمع كلامه مره ووقفت ورحت غرفتي عدلت المنبه لصلاة العصر ونمت.. اول مادخلت المكتب كنت انتظر اسٲلتهم واستفساراتهم ولا انهم عرفو شي كنت متوقعه كل شي بس محد تكلم الكل مشغول حتى احلام تشتغل جلست ع الكرسي وحطيت شنطتي ع الارض وانا اشوف ورقه حسيت بخوف منها وتوتر لانها ذكرتني بورقة الانذار ذيك الي اخذتها قبل ايام رفعت الورقه ماكانت تشبه بس ذيك كانت نفسها انذار بس السبب عدم الالتزام بمواعيد الخروج بدون استٲذان او عذر واضح غمضت عيوني لثواني احاول اتماسك هم نص الراتب خصموه والحين زادو عليه خصم مايفيد شي الي بقي من الراتب ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (إلى اللذين كثرت مشاغلهم وتزاحمت مواعيدهم ، . يقول الله تعالى.. . "" فاقرءوا ماتيسر منه "". ..لاتهجروا القران ففيه بركه ومثوبه وراحه..) | ||||||||
|
| |
|
24-03-15, 08:07 AM
| #14 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت الثاني عشر.. يعني اش افهم من هذا اسلوب ضغط يعني ع باله كذا راح اوافق اش هذا الاسلوب وش بيستفيد مااقنعني كلامه في شي ولا ليش كذا مصر يستخدم كل شي بيده هذا غش خلاص مااعجبني العرض انتهينا ماله داعي هذا الاسلوب الملتوي ماراح اتزوج الا ابو جهاد ويشوف وكل هذا بوصله لابوه يستغل اني اشتغل هنا اخذت الورقه وقمت مافي بالي الا اقول له اش يسوي بهذي الورقه وكيف يٲكلها اش معنى انا الي تجيني الانذارات بين الكل ليش علشان ماوراي احد عارف ان مالي رائ انا مجرد موظفه بس ماراح استمر كذا وينه ابو جهاد الحين طلعت من المكتب ومريت من مكتب خالد بدون مايسٲل شكله فهم لان اكيد الورقه وصلته هو الي حطها ع مكتبي يداوم من بدري مديرنا كفو عليه صراحه لما شافني السكرتير قال""المدير بجتماع"" من الفجريه اجتماع قلت بعد ماسكرت فمي ثواني علشان مااسب مع ان عمري ماقد سبيت بس الحين توقعت من القهر اش معنى يختارني انا بس يبغى يخرب علي احلامي قلت""متى ينتهي"" قال""نص ساعه"" جلست ع الكنبه بنتظره ماراح ابدا شغل حتى ادخل عنده رفعت يدي اطالع بالساعه علشان احسب الوقت وطالعت بمكتبه لما دخلت امس شفت طاوله كبيره للاجتماع بزاويه ماتبان من مكاني يمكن يكونون فيها ويمكن بمكان ثانيه المهم انه بالحالتين راح اعرف اذا خلص يا هم يطلعون يا هو يرجع مكتبه جاء السكرتير كذا اتصال وهو بعد اتصل يرتب موعد ع الغداء مع اشخاص بعد ماحجز في المطعم شكل شغله حلو وممتع بس طبعا مايناسبني انا مستحيل اعرف ارتب وقت لمواعيد والتزامات دايما مااعرف الوقت المناسب بس غريبه ماراح معاه الاجتماع اللتفتت ع الباب لما سمعت اصوات وكانو رجالين وهو وقفت لما طلعو من الباب مرو من عندنا كان واحد يتكلم بصوت منخفظ شوي وبعفويه وبشكل طبيعي يعني اني اطالع فيهم حتى يلفون بس اللتفت لسكرتير لما سمعته يقول""الاخت تاج حسن في انتظارك من نص ساعه"" طالعت بليث وانا احاول استرجع عصبيتي وشجاعتي بس بعد النص ساعه هذي والتفكير بشي ثاني هديت خلاص بس انا ابغى اعترض بقوه وثقه وعصبيه عقدت حواجبي يعني بخطوه اولا بس ماكنت محتاجه خطوه ثانيه لان كلامه رجع عصبني حقيقه قال بنبرة صوت عمليه""خليها تنتظر اطلب رئيس قسم المبيعات"" ودخل مكتبه طالعت فيه وهو معطيني ظهره وراجع لمكتبه حتى جلس كنت اغلي من القهر كل شي ممنوع لانه رئيسي بالشغل مااقدر ادخل مكتبه بدون اذنه ماابغى اطلع من الشركه حتى اثبت وجودي عند ابو جهاد اذا رجع خلاص مو مشكله مشيت بجهة السكرتير وحطيت ورقة الانذار عليه وقلت له بكل هدوء""اعطيني قلم لو سمحت"" طالع فيني بستغراب وهو يمد القلم قلبت ورقة الانذار وكتبت (رائ اهلي مهم بسٲلهم واتوقع اني مااستاهل هذا الانذار) حطيت القلم وقلت""لو سمحت اعطيه هذي الورقه اذا صار عنده وقت"" وطلعت من مكتبه انا مو موافقه بس ابغى اكسب وقت اذا كنت رافضه بقوه راح يحاول يضغط علي بٲي طريقه بس اذا يعني ماعندي مانع ماراح يستخدم هذا الاسلوب وقت مايعرف برفضي ان شاء الله مايتٲخر ابو جهاد ولا لا بٲخذ رقمه الخاص من ليث نفسه اذا ع باله موافقه بيعطيني وذاك الوقت هي فرصتي حسيت براحه اني تصرفت كذا وبصراحه حسيت بعد بغرور شوي اني بلعب عليه لان شي جواتي يقول انه جالس يلعب بس ماني عارفه كيف كذا راح اسكته عني حتى يعرف ابو جهاد مريت من عند خالد الي طالع من كتبنا وطالعت فيه بطرف عيوني بعد الحين ماراح يوصل اوراق مثل كذا وماراح نشوف السعاده ع وجهه بسبب توصيل اوراق مثل كذا دخلت المكتب وانا اسمع صوت غريب علي مو البنات بس طلعت الي بالقسم الي جنبنا كانو يشوفون شي بجهاز شوق واول ماطلعو قالت احلام""ها اش سويتي"" قلت وانا افتح جهازي""اعترضت وهو قال بنشوف"" قالت جوهره بصدمه""غير رائيه كذابه مستحيل يغير رائيه هذا ليث معروف انه مايغير قرار طلعه مهما كان الا اذا هو شاف انه غلط مو احد يقول له"" تعرف انه ليث ليش ماتكلمت طيب من زمان حتى اني قلت اسم جهاد بس هو ماعلق يعني اعجبه اني طلعت غبيه قدامه قلت علشان ارفع معنوياتي""بستثنائي طبعا قال بيشوف ماقال لي لا"" قالت حنان بابتسامه بارده""هو بس قالك بنشوف ماقال من عيوني ليش هذي الثقه"" طالعت فيها وقلت بصرامه""لان الحق معاي"" رجعت قالت حنان وهو تطالع بجهازها""اذا تبغين الحق انتي طلعتي قبل الموعد بساعتين وبدون عذر او استٲذان احنا توقعنا تٲخذين نفس مثل العاده وترجعين"" قلت وانا اطالع فيها بحده وهي مارفعت عيونها""يعني احمد الله ان مو انتي المسؤله"" هي ماتدري عن شي ليش تتكلم كذا يعني بعد كلامه اكيد ماراح ارجع المكتب ولا كٲن صار شي وبما انه المسؤال عن خروجي غصب عنه يقدر موقفي شكلي طالعه ع ابوي مااحب احد يتٲمر علي ويتشرط علشان كذا ابغى شغلي الخاص قالت جوهره بضحكه""ايوه والله الحمدلله انها مو هي ولا كان من شروط قبول الوظيفه يكون عندها كامل الاستعداد لسماع محاضراتها اليوميه ولا تعلق"" شكلها تبغى تغير الموضوع وتخففه ومنجد معد تكلمنا.. ركبت السياره وانا احس بتملل طول وقتي كنت انتظر تعليق ع الورقه اكيد يمديه شافها الحين نهاية الدوام معقوله نسي السكرتير ولا مالقي وقت ولا يمكن تناسها من قصد احس اذا شاف الورقه راح يكون له ردة فعل ع الاقل تعلمني انه شافها بس مافي ولا شي يوم عادي مر بلحظه جات في بالي فكرة انه احتمال غير رايه يعني هو قال ردك بعد اسبوع وجيته ثاني يوم يعني اكيد حس بفضول او نقول عرف ليش جيت كان سمع الكلام مني بس بسرعه نفيتها مااتوقع انه يتكلم عن موضوع مثل كذا الا فكر فيها كثير اكيد فهم علشان الانذار وهذي مو اول مره اعترض طالعت بعبدالرحمن الي يسوق بتركيز بطريقه غريبه عليه اكيد يفكر مو مركز قلت""اش فيك"" حرك راسه بطريقة ولا شي رجعت طالعت قدام ماراح اقول لعبدالرحمن اش سويت بيفكر انه اقنعني بكلامه طيب خلينا نكون واقعيين شوي ليث مافيه عيب شاب غني شكله مقبول واهم شي ولد ابو جهاد يعني ابراهيم لو ماحطيت في بالي ابوجهاد كان مستحيل اتردد ثانيه عريس لقطه بس بوضعي لا ابو جهاد وبس قلت بشوية حماس""تقدر تجيب رقم ابو جهاد الخاص"" لازم اكون في باله علشان كذا ابغى اذكر بنفسي قال بعد سكوت ثواني""ايوه بس بعد وقت"" عدلت جلستي وانا مبتسمه صراحه احساس حلو اني العب ع ليث ياما فكرت اني اصبح ع سكرتير ابو جهاد ويرد علي بس الحين وين وصلت لازم اهني نفسي لما وصلت البيت نزلنا وانا اشوف بعد البنت الي ساكنه فوقنا تنزل من السياره حركت لي يدها بطريقة سلام لما التفتت وشافتني رجعت لها نفس الحركه بدون احساس وبسرعه نزلت يدي ومشيت للبيت صح استغربت من حركتها مااعرفها علشان تسلم بس كان استغرابي اكثر من عبد الرحمن هو دايما لما نشوف اي احد اعرفه يسٲل حتى يجمع خلفيه كامله عن الشخص اش فيه الحين دخل بدون حتى يلتفت او يمكن حتى ينتبه لوجودها لما دخلنا البيت كانت امي وجدتي بالصاله جالسين جلس عبدالرحمن عندهم وانا مثل العاده رايحه غرفتي اخذ دش قبل مااتغدا بس وقفت لما سمعت عبدالرحمن يقول""تعالي اجلسي تاج شوي"" طالعت فيه وانا معقده حواجبي اش صاير اول مره يقول كذا قالت امي بقلق""اش فيه عبدالرحمن اش صار"" قالت جدتي وهي ترفع يدها""معروفه اش يجي من ورا بنتك"" قال عبدالرحمن بقلة صبر""تعالي تاج"" لاني لسى واقفه بمكاني رجعت وجلست وانا مو قادره احدد بٲي موضوع يتكلم قالت امي""لا تخوفني"" قال عبدالرحمن بابتسامه واسعه""مايخوف الموضوع الا يفرح اليوم ليث ولد ابو جهاد صاحب شركة الافلاك الي تشتغل فيها تاج اتصل علي وطلب نحدد يوم يجي يخطب تاج"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (امي حظ جميل قٌطف لي من بساتين الجنه اعيذك يا أمي من ليل يهديك هماً ،وانيناً يلبسك تعباً وحزناً يستوطن قلبك .""يارب تخليها لي وتطول بعمرها..) | ||||||||
|
| |
|
25-03-15, 11:38 PM
| #15 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت الثالث عشر.. قالت امي بحسره""المفروض يكلم ابوها بس وينه عنا"" قالت جدتي""هذا خالها بحسبة ابوها"" قال عبدالرحمن وهو يحرك يده""مثل ماقالت امي انا خالها وعادي اذا كلمني بس طبعا ماراح يجون البيت الا بوجود حسن"" نسيو الموضوع الاساسي وفكرو يكلم مين سكتو كٲنهم يستوعبون الفكره وعيون عبدالرحمن عليهم وانا عيوني عليه ماطالع فيني ولا لمحه يعني هذي ردة فعل ليث ع الورقه ع بالي اني لعبت عليه وسكته عني مو انه يتصرف كذا حاسه انه لعب علي طبعا بمشاركة عبدالرحمن كيف يقول لي قدامهم كلهم ليش ماقال بالسياره يعني هذا الي كٲن يفكر فيه كيف يخليني اوافق عليه وهذي انسب طريقه لان مستحيل اذا رفضت ليث وتقدم لي ابوه بتوافق مستحيل والحين يبغون يكلمون ابوي المستحيل مااعرفه برفض ليث وبخلي ابوه يخطبني وراح اوافق وهم كيفهم قالت جدتي بنبرة شك""مين قلت"" قال عبدالرحمن""هذا ولد رئيس الشركه والحين هو الي مستلمها لان ابوه بالمستشفى"" عارفه اش قصده بهذا الكلام يبعد ابو جهاد عني في المستشفى كٲنه شيبه قالت امي وبصوتها واضح فيه الابتسامه لاني ماشلت عيوني عن عبدالرحمن""وش رايك تاج"" بكل جرائه طالع فيني عبدالرحمن وقال""انا قلت له ينتظر فتره حتى نرد علي يعني فكري براحتك"" قالت جدتي وهي تحرك راسها بطريقة ايوه""هذا كلام الاصول دام نوى يخطب اكيد بتوافقين صح يابنتي"" انا ماانتبهت لكلام جدتي في البدايه مقهوره من هذي الخشبه بس سمعتها قالت يابنتي اول مره تقول لي يابنتي وقفت وقلت بحده""تعال عبدالرحمن"" ومشيت بتجاه غرفتي بخطوات سريعه وقفت عند الباب اول ماشفته قلت وانا امدد بحروفي""مثل ماكلمته وتفاهمت معاه توصل له رفضي وابغاك تجيب لي رقم ابو جهاد الحين بس كيف انت ادرى"" ماعندي كلمات توصف احساسي بتصرف ليث وعبدالرحمن كٲنهم اتفقو علي غبي عبدالرحمن غبي مايعرف وين الصح ماابغى اقعد اتكلم معاه وانا عارفه اسلوب عبدالرحمن يطلع نفسه معاه حق وليش اتكلم انا معاه كذا بس ابغى اكلم ابو جهاد قال بعد تردد""تاج اسمعي لا تخربين ال...."" قاطعته وقلت بعد مامسحت عيوني بعصبيه""الرقم"" طلع جواله من جيبه وفهمت انها موافقه فسخت عبايتي ورميتها ع السرير ودخلت الحمام اغسل وجهي ماابغى اسمع لعبدالرحمن وهو يكلمه ابغى الناتج الرقم وبس فسخت الساعه وحطيتها ع المغسله وفتحت ازرار كمي الي تو حسيتها ضايقتني طلعت من الحمام وانا ناويه اذا بيتٲخر بٲخذ اسرع دش بس كٲن واضح بنهاية المكالمه قال اول ماسكر بعد تنهيد""قلت له بتحمد له بالسلامه مااقتنع قلت اني بسٱله اذا راضي ولا لا عن هذي الخطوه اقصد الخطوبه و...."" قلت بعصبيه""عبدالرحمن"" مصر يخرب علي اعطاه الرقم وهو عارف بيسٲله عن الخطبه مهما كٲن رايه راح يقول ايوه لان ولده كلمه ويعرف وواثق بعد ويستفسر ليش واحنا نتصل نتٲكد ياربي كنت ابغى اعرف اول مايسمع شلون راح تكون ردة فعله علشان اعرف صدق اثرت فيه ولا لا لان هو الاظمن واذا حسيته اتفاجاءه راح اقول له اني برفضه وابغاك انت بس خربو علي كل شي كل شي جلست ع طرف السرير واعطيت عبدالرحمن ظهري وانا اللعب باصابعي ماراح اسكت كذا ايوه ماراح اسكت بدق ع ابو جهاد وبقول ان ولده عرض علي فلوس وزواج علشان يبعدني عنك لانه يخاف اتزوجك ومو مشكله اخذ وقت طويل حتى يرجع يفكر فيني بعد ولده لان مستحيل ينسى الموقف قلت وانا اللتفت ع عبدالرحمن الي واقف في مكانه وشكله ينتظر اش بيصير""اخذت الرقم"" قال بهدوء""برسله لجوالك"" وقفت ادور لشنطه لقيتها عند الباب فتحها وطلعت الجوال ولما حفظت الرقم طالعت بعبدالرحمن انتظره يطلع قال لما فهم نظرتي وهو طالع""كلميه بٲي شي يجي في بالك بس صدقيني ماراح يخطبك لو مات عليك الاصول اصول اساسا حتى الناس بتقول خرف"" قلت بصوت عالي""انت بذات لا اسمع صوتك"" رجع دخل الغرفه وقال""مستحيل يرضى يخرب سمعته الي لها سنين عاليه"" ورجع طلع طنشت كلامه او بالاصح احاول اقفل عقلي علشان مايدخله كلامه دقيت ع الرقم وحطيته ع اذني رد بعد وقت مو قليل""هلا مين معاي"" قلت وانا احاول اوضح بصوتي ابتسامه""انا تاج اش اخبارك وكيف صحتك"" قال بصوت واضح فيه الترحيب""تاج زوجة ولدي المستقبليه ياهلا ياهلا انا توقعت هذا الشي من اول مره تفاجاءه بوجودك في غرفة المستشفى"" قلت بتحطم كبير""ليش"" كنت اقصد ليش ردة الفعل هذي معقوله مااثرت برجال كبير بس شكله فهم غلط وماانتبه لنبرة صوتي لانه قال بحماس ""لانه منع الموظفين يزوروني وحط حواجز قدام باب غرفتي وشافك اكثر من مره تعديتيها موجوده عندي قلت لك انك اول زايره تذكرين"" قلت""امم"" لاني خلاص ابغى اسكر الاتصال بس بعد ع باله اني مندمجه لانه قال""عرف انك وحده جريئه وماتتبعين التعليمات وهذا عكس الي تعود عليه من البدايه توقعت هذا اليوم ربي يوفقكم"" قلت بصوت يأس""مع السلامه"" سكرته بسرعه ماحاولت ابين شي بس اخذت الي ابغاه فهمت انه انتهى حطيت الجوال جنبي ابو جهاد راضي كل الرضى حتى مافكر فيني لثانيه يقول من اول يوم توقع كذا يعني حتى لو رفضت ليث راح اخسرهم اثنينهم واخسر وظيفتي غمضت عيوني ثواني وبعدها فتحت عيوني بقوه لا طبعا لا راح اوافق ع ليث ع الاقل اكسب شي مااضيع الفرصه هذي راح احاول استغل الشرط والمبالغ الي احددها قد مااقدر انا من البدايه هدفي هو الفلوس علشان مشروعي وليث عنده فلوس خلاص بوافق واحاول استغل بعد السبعه شهور مثل ماحدد انسدحت ع السرير وطالعت بالسقف مااحس بحزن لاني خسرت ابو جهاد لا لاني خسرت الراحه الدايمه خلاص بستغل الفرصه الي قدامي وبلاش ندم ع الي سويته لان يمكن هذا هو الي خلى ليث يعرفتي هو يقول زواج قدام الناس يعني حتى وجهي ماراح يتٱثر بصير زوجة رئيس الشركه والكل بيقدرني وراح اخذ لي مكتب وحدي مو مع البنات وراح اروح وارجع بسياره حلوه مع سايق وابدا مشروعي بوقتي الباقي هو مشغول بشغله وانا مشغوله بوقتي وبنظرت الكل اني جبت راس ليث وخليته يتزوجني هذي الافكار بردة ع قلبي هذا الزواج ع نفس قناعتي راح يعطيني خطوه لقدام وبعد ليث قال الاشياء الي بيستفيدها حاولت استرجع وجه ليث بس يعني مو مره واضح وحاولت اركبه انه زوجي وبعيش معاه بس مو قادره اتخيل لازم اغير نظرتي عنه صليت العصر ونمت بدون مااعطي عبدالرحمن فكره عن موقفي الجديد خليه يتعب من التفكير مع ان يمكن بدون موقفه هذا للحين نظري ع ابو جهاد الي حتى مافكر فيني يعني رُب ضارة نافعه.. طلعت السياره وحرك وهو كل شوي يطالع فيني للحين ماقلت له لاني نمت لاخر الليل اكلت وكان الكل نايم والصبح امي موجوده بس في السياره مافي مانع قلت بدون مقدمات""اش قال لك ليث بالاتصال"" قال وهو يرفع اكتافه""ماقال كلام كثير بس سلم وسٲل عن اخباري برسميه وقال نحدد وقت وقلت له ان شاء الله قال انتظر اتصالك وسكر"" قلت وانا معقده حواجبي""من وين جاب رقمك"" قال بابتسامه""اكيد بيجيبه هذا ليث ابراهيم"" قلت وانا اطالع فيه بطرف عيوني اشوف ردة فعله""راح استغل الفرصه وبوافق"" طالع فيني لثواني وبعدها صفق بيده بس بسرعه رجع مسك الدركسون بعد ماشاف سياره قدامنا خففت السرعه فجاءه وقال بضحك""ذكيه"" دام ماضيعت عرضه للحين ذكيه مع اني امس كان قصدي شي ثاني بس عرفت اتصرف مهما كانت نيتي رجع قال""كذبت عليك ماكان اتصاله قصير"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (رحل ابي واختي ولكن كالمسك مازلت رائحتهم عالقة بكل زاويه من زوايا المكان الذي يجمعنا وإياهم رحلوا وظل حبل الدعاء هو الوصل بيننا ربي افتح على قبورهم نسائم رحمتك ولاتجعل آخر عهدنا بهم في الدنيا وابني لنا ولهم بيوتا في جنةالفردوس..امين يارب العالمين..) | ||||||||
|
| |
|
26-03-15, 11:31 AM
| #16 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت الرابع عشر.. ضحكت او بالاصح طلعت هواء مو عارفه بيوقف وين عبدالرحمن يعني ماكان ناوي يقول حتى اوافق قلت""اش قلتو"" قال وهو يعني يسترجع كلامهم""اتصل وانا لسى بالسياره ماوصلت الجامعه(يعني اول مااعطاه الورقه السكرتير مو هو يسوي مشغول وماعنده وقت)وقت عرف عن نفسه(ضحك وكمل)سويت نفسي مو مهتم قلت اهلا وبس بمعنى كلامه ان يبغى نحدد له يوم وكذا قلت له قصدك الصفقه"" فتحت عيوني لاخره وانا اقول""عبدالرحمن ليش كذا انا الغلطانه الي ق..."" قال بعدم صبر لما شاف صدمتي""اش فيك فكري اهم شي ان يكون معاك احد يعرف علشان مايلعب عليك في الاوراق قلت له اني اعرف لانك ماتخبين عني شي وان ع بالك هو جهاد علشان كذا بسرعه رفضتي لانك تعرفين ان عنده طفل وانتي تحبين الاطفال وماتبغين تخربين حياتهم بس يعني لما عرفتي انه ليث فكرتي في الموضوع علشان حالتنا وطبعا حكيت له عن ابوك وامك خليتك كٲنك تضحين بمستقبلك علشان اهلك"" غطيت بيدي عيوني وقلت بصوت منخفظ""كذا ع باله انا مثاليه بيتفاجاء لما يعرفني"" قال""بيكون تزوجك بعدين ليش كذا مهتمه في كل النواحي هو قالها حتى لي سبعه شهور سوا كنتي مثاليه او لا بينتهي الموضوع اهم شي الحين مايغير رايه"" وسكتنا بس عقلي مو راضي يوقف تفكير بهذا الموضوع ماابغاه يتوقعني شي وبعدين يتفاجاء ابوه لما كلمته بالجوال قال ان الي اعجبه اني مااتبع النظام ومع انه حط حواجز ع قوله دخلت والله هي جات كذا صدفه وعفويه ماكان احد موجود وجيت المستشفى مو بمعنى ان ماتهمني الاوامر مثل مافي راسه ماخذ عني فكره مو قريبه من شخصيتي يعني علشان كذا اختارني في باله اني وحده ماعندي حدود واحتمال اجرب ولا انتبه ان عيوني ع ابوه احترت في الموضوع بقوه لما وصلنا قال عبدالرحمن بابتسامه واسعه""كم يوم وبتجين لهذي الشركه وانتي بنظر الناس مو بس موظفه"" اخذت نفس عميق وفتحت الباب ماراح افكر الا بذي الطريقه هدفي وبس شلون راح استفيد من هذي الفرصه اما انه بيتفاجاء فما اتوقع مو هو يقول انه يبغى يشتغل طول الوقت بدون مايحس بتٲنيب الضمير يعني ماراح يعرفني بالاساس اخذت نفس اطول وانا اطرد كل الافكار وبس وحده الي استوطنت كل خليه وخلتني احس اني وصلت الي ابغاه رفعت ذقني وانا امر من عند مكتب خالد خلينا نشوف شلون تتغير معاملتك معاي وشلون تحترمني صبحت ع البنات وانا اجلس ع الكرسي وبعد هم نشوف شلون تكون ردة فعلهم اذا عرفو اني بصير زوجة رئيسهم ابتسمت وانا افتح الجهاز كل شي بيتغير للافضل ان شاء الله قالت حنان""اليوم رايقه ماشاء الله انا مانمت زين ودي ارجع البيت تقدرون تغطون علي"" ضحكت جوهره وقالت""انا بوصلك مره"" قالت احلام""وانا بغطيك"" ضحكت حنان وقالت""يعني مافي امل"" بعد فتره بترك هذا المكان واروح لمكان اهم اشتغلت بحماس كبير فتره واترك هذا الشغل وابدا مشروعي ياربي مو مصدقه و ع طاري هذا الكلام دخل خالد وبيده اوراق حطها ع مكاتبنا وقال بصوت كريه بنسبه لي مدري اش هو السبب الاساسي الي خلاني اكرهه كذا ""هذي نتائج اجتماعنا اقروها وبتفهمون راح تبدا المقارنه من بداية الشهر الجديد يكون التغيير بعد شهر للافضل"" رفعت الورقه كان كلام كثير جدا فيها لما قريتها كلها فهمت انهم يبغون يكون شهر تجريبي بيننا وبين قسم فني واذا نتايج الشهر هذا هم افضل منا راح يستلمون شغلنا واحنا ندور ع شغل ثاني كان هذا بمعنى التحدي لنا اكيد هذي فكرة خالد قال شلون نطلع البنات من الشركه ويجلسون في بيوتهم او بالاصح بالمطبخ في بالهم ان الفنيين بيكون الافضل لهم نسيو الفتره الي لنا في هذا القسم وراح يكون الافضل لنا رفعت عيوني وانا اطالع فيه وذقني مرفوع مو عارف ان لي يد بذا الموضوع فتره واكون في بيت ليث واقول له وبما اني بكون زوجه طبيعيه قدام الناس فاكيد انه بيرضى يخلي القسم مثل ماهو دام انا اشتغل فيه بعد مااطلع كيفه قال خالد""فيه سؤال"" قالت شوق بٲبتسامه""لا شكرا حبيبي"" قال خالد وهو طالع""استاذ خالد لو سمحتي"" ضحكت احلام بقوه وقالت جوهره وهي واضح انها تبلع ضحكتها""تقولين خلاص صار يحبك ولو ايش تطلبين يعطيك هذا هو حبه "" قالت شوق بعصبيه""والله ماكذبت منجد هو غير بالجوال يقول في الشغل مايقدر يعاملني غير"" قالت حنان"" خلاص طيب حتى انتي في الشغل لا تقولين له كذا"" قالت شوق وهي تطالع بجهازها""طلعت عفويه تعودت اقول له كذا بالجوال"" مدري ع ايش شايف نفسه خالد هذا فشلها قدامنا حتى محد تكلم عن الموضوع الاساسي الي جاء علشانه انا عن نفسي ضامنه مكانتي هم اش بيسوون لسى احنا قربنا من نص الشهر تقريبا بقي نص شهر لنجهز خططنا بعد مااثبت مع البنات ان قسمنا افضل راح اطلع من الشركه وابدا مشروعي ان شاء الله يعني اول شهر من زواجنا بكون مشغوله باثبات الذات وهو يكمل حملة التجديدات بالشركه.. نزلت من السياره وانا اقول""ماادري ماشفته وبس والله ماشفته"" طول اليوم كنت متوقعه اي شي من ليث امس كنت منتظره وطلع مع عبدالرحمن واليوم عبدالرحمن متوقع عندي شي وماابغى اقوله حلفت له علشان يتٲكد وتنتهي هذي السالفه دخلت البيت وكان امي وجدتي بالصاله قالت امي اول ماشافتني""كلمت ابوك وبيجي اليوم ان شاء الله"" حركت راسي بطريقة طيب وانا رايحه غرفتي قالت جدتي""لا تنامين تاج حتى تٲكلين وانت عبدالرحمن"" ادري ان جدتي تحبني ومهتمه فيني بس ولا مره وضحت بكلامها يعني حتى جدتي تغيرت معاي بالمعامله لاني بتزوج واحد غني لانها امس ماقالت يابنتي الا لما سٲلت عبدالرحمن مره ثانيه مين هو قلت لكم الفلوس اهم شي بالدنيا قلت بابتسامه""ان شاء الله"" كل شي بيتغير للافضل ان شاء الله.. كل يوم اداوم انتظر اي لمحه تدل ع انه بيكمل في الموضوع من بعد ماكلمه عبدالرحمن وقال له حياك قال انه بينتظر ابوه يرجع من السفر توقعته مستعجل بس للحين مافي شي بديت احس ان مشروعي بصدد اني اخسره مو هو صفقه يعني الطرف الثاني له رائي وعبدالرحمن يدري بكل شي بكلمه يتصل عليه ويسٲله اذا غير رائيه بس لما قلت كذا لعبدالرحمن عصب قال ماراح نتكلم ولا شي هو الي بدا الخطوه الاولى وكلمك يبغي يكمل ولا يرجع احنا بنفس مكاننا بعدين المفروض مانوضح ان احنا موافقين بقوه انا قلت له بتردد كٲني مو موافق بس انتي ماتسمعين الكلام انسي الموضوع بعدين هو يعرف ان اثنين عرفو بخططه مستحيل يزيد العدد اكثر يعني يسبك ويروح لوحده ثانيه انتظري سمعت كلامه وهذاني انتظر من فتره حتى ابوي رجع سافر وقال وقت مايتصل الرجال بيرجع قربنا ع بداية شهر المقارنه كذا سميناه وصرنا مشغولين اكثر نخطط وننفذ ونجدد ونحدد مسؤليات كل وحده صح مشغوله لراسي بس كل لحظه اتوقع شي من ليث يتصل يجي البيت يطلبني المكتب اقابله عند البوابه ولا صار شي من هذا بس بنهاية الشهر لما استلمت راتبي وكان منخصم للانذارين عضيت شفايفي وانا احطها بالشنطه راح ننظغط اكثر هذا الشهر الحين عرفت وتٲكدت ان في شي وان الافضل لي معد اتفائل اول ماطلعت السياره بما ان عبدالرحمن هو الي سوا كل شي بهذا الموضوع قلت له وانا احاول مااحس بيٲس مو معقوله يكلم اخوي وبعدين يغير رائيه هو يدير شركه اكيد انه تعود اذا قال شي ينفذه ليش تٲخر طيب قال عبدالرحمن هو يحرك السياره""اليوم رجع ابو جهاد من السفر اذا مر يومين وهو ماجاء راح اتصرف"" قلت بطفش من انه مخلي الموضوع يخصه وحده""ماتتصرف حتى تقول لي"" مع اني اشك يقول بعد طيب اما قبل لا بس هو مجتهد في الموضوع اكثر مني عارف انه بيستفيد واليوم كان هو اليوم المنتظر اتصل ليث ع عبدالرحمن كنت جالسه جنبه ع الغدا لما دق جواله وراني الشاشه وقام راح غرفته يكلم يعني لسى ع كلامه بس كان ينتظر ابوه مثل ماقال اخذت نفس عميق وانا احاول ماابين ابتسامتي والله خفت الفتره الي راحت مره خفت ينتهي الموضوع عند هذا الحد اول ماطلع من غرفته طالعت فيه ابتسم بعد ماغمز لي يعني ماشي الموضوع الحمدلله قال اول ماجلس""هذا ليث يقول بكره بعد صلاة العشى بيجون"" قالت جدتي براحه""الحمدلله يعني بيجي ماسمع عنها شي"" طالعت فيها وانا معقده حواجبي صح جدتي كذا دايما اسلوبها بس من بعد ماسمعت بخطبتي تغيرت معاملتها علشان كذا ماادري ماتقبلتها منها قالت امي بسرعه بضحكت توتر""قصدها فرحانه لك تعرفين جدتك عندها اهم شي البنت تتزوج"" حركت راسي بطريقة طيب بدون مااتكلم ماتغيرت معاملتها معاي الا لما عرفت مين اوكي انا ابغى ابدا مشروع وحدي وعبدالرحمن يبغي يبدا حياته وامي تبغى ابوي يرجع البيت علشان كذا فرحانين انه غني بس جدتي ليش بس اتزوج وخلاص يمكن علشان كذا ماتقبلت منها فرحتها وكٲنها تفكر في ولدها بس هو صح ولدها يمكن له كل الفضل بس طبعا مابقول له بس انا بعد بنتها قمت ودخلت المطبخ اغسل يدي وانتظر عبدالرحمن وماانتظرت اول مادخلت دخل وراي قال بفرحه""بكره بيجي مع ابوه يخطب علشان كذا يبغى اليوم نقابله نحدد كل شي وماعنده وقت الا العصر ووافقت الحين تجهزي وانا بقول لامك نروح نشتري لتقديم"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (اللهم صُحبة صالحة تشدّ أزرنا تُساندنا لا ترتدي الغياب لأجل ألفِ عذر و زلة ، اللهم أصدقاء حتى الظلال حتى الجنّة *). | ||||||||
|
| |
|
26-03-15, 11:34 AM
| #17 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت الخامس عشر.. قلت بسرعه""دقيقه دقيقه ماقلت لي برايك كم المفروض احدد بالشهر وكم بالنهايه"" عارفه اعتمدت كثير عليه بهذا الموضوع بس احسه اعرف مني بالخطوات اما النتايج انا اعرف منه قال مبلغ ضعف راتبي لشهري قلت بتردد""اخاف يرفض"" قال وعيونه ع باب المطبخ""لا مو كثير عليه ويلله روحي البسي نتكلم بالسياره"" رحت غرفتي وفتحت الدولاب غصب طلعت لي شي مناسب لبعض من الحوسه سكرت الدولاب وغيرت بغرفتي بعد ماسكرت الباب ولبست عبايتي وحذياتي وانا احط الجوال بالشنطه الثانيه دق الباب رحت فتحته وانا احط الشنطه ع كتفي وقلت لما شفت انه عبدالرحمن""كلمت امي"" قال وهو يطالع فيني بعدم رضى""ايوه انتي كذا بتروحين"" طالعت بعبايتي ورفعت عيوني وانا اقول بشك""ليش اغير عبايتي"" قال وهو يحرك راسه بطريقة لا""مو المشكله بالعبايه المشكله بوجهك منتي حاطه شي"" قلت وانا امشي قدامه""انا كذا عاجبني"" اسلوبه بعض الاحيان من كثر ماهو حلو يقنع وبعض الاحيان يتكلم عادي كٲنه يسب ع مزاجه قال""وانا عاجبني بس لو تحطين كحل روج بيعجبني اكثر"" قلت وانا افتح باب الشارع واطالع فيه""منجدك انت تعرف اني مااحط شي بوجهي وانا طالعه من البيت"" يعني هو حلو اني امشي ع حسب قناعاتي بدون محد يتحكم فيني بس انه يقول لي كذا مااعجبني مره قال وهو يطلع من الباب قبلي""ولا حتى في البيت"" قلت بعصبيه وانا اسكر الباب""كيفي"" ماعلق ع كلامي الا لما طلعنا السياره قال بهدوء وهو ناوي يقنعني""ادري كيفك بس اليوم يختلف اعتبريها نظره شرعيه الي تغطي وجهها تدخل عنده من غير عبايه انا قلت شوية مكياج مااتوقع فيها شي وبنروح قسم عوائل طبعا ومحد بيشوفك غيرنا بنتظرك هنا انزلي في وقت"" قلت بهدوء مثله""حرك عبدالرحمن مابنزل بذات في هذا الموضوع ماتقدر تغير رائي فيه اساسا افكر اغطي وجهي"" رفع اكتافه وهو يحرك السياره اول مره اقول لاحد عن هذي الفكره ومالقيت تفاعل المفروض يحمسني اكثر لو اقول لامي بتفرح هي كانت تقول لي زمان غطي وجهك واقول لها السنه الجديده بداية الشهر الجاي حتى تعودت وامي تعودت بعد بس ماراح اقول لها حتى اقرر وماراح تكون رجعه فيه ان شاء الله وقفنا عند مسجد لصلاة العصر دايما عبدالرحمن مستعجل بس هذي المره بزياده يبغى يعلمه انه ع الموعد بعد الصلاه رجعنا السياره قلت بستغراب لما ماتحرك""اش تنتظر"" قال وهو يطالع بالسيارات بتركيز""قربنا من المطعم بنتظر هنا ماابغى نتٲخر عن الموعد المحدد بس بعد ماابغى نجي قبله"" رجعت ظهري وقلت بعدم استحسان وانا اتكتف""مطعم بعد العصر"" قال وهو يطالع فيني بطرف عيونه""الرجال مشغول قال ان ماعنده الا هذا الوقت يٲكل ونتفق"" حاولت اتجاهل كل افكار ان يشوفنا ولا شي وانه يحس انه تفضل علينا بهذا الوقت وان يبغى يخلص وخلاص وفكرت بنقطه معينه وهو شرطي ابغاه يشتري بيتنا نفسه الدور الي احنا فيه والي فوق كيفه وابغى شغل لابوي وبعدين انا اجدد سيارة ابوي وهذي السياره واعطيها لعبدالرحمن ويبقى مشروعي هو وعدني يساعدني حتى يكبر والمبلغ الي مع الطلاق راح يكون محفوظ بالبنك وطبعا راتبي بعطيه ابوي مع راتبه لاربعه شهور لتعديل البيت وبعدها راح اخليه لي مع المبلغ الشهري من ليث راح يكون اكثر من كافي اخذت نفس عميق وقلت بابتسامه""راح يتغير كل شي"" قال عبدالرحمن بٲبتسامه واضحه بصوته""ايوه كل شي"" حسيت بصفاء هذا الجو حسيت بهدوء وسكينه بس مااستمر هذا الاحساس لان اول ماقال عبدالرحمن بحماس""الحين الوقت المنتظر"" وحرك السياره حسيت بتوتر وكذا الم بمعدتي مافي شي يخوف كل شي بيدبره عبدالرحمن انا بس جالسه كنت اهدي نفسي بهذي الفكره وانا انزل من السياره مشيت جنبه كان المطعم من جوه افخم بمراحل من برا شي يفتح النفس اول مادخلنا قابلنا شخص قال""اهلا بزيارتك نحجز لكم طاوله ولا محجوزه"" قال عبدالرحمن وواضح الثقه بصوته""محجوزه بٲسم ليث ابراهيم"" قلت له بصوت منخفظ""لا عبدالرحمن يمكن..."" سكتت لما قال""تفضلو الطاوله جاهزه"" ومشى قدامنا كان جزء من المطعم مكشوف لبعض وبجزء كل طاوله لها خصوصيتها واحنا اشر لنا ع وحده من هذا النوع جلست قبل عبدالرحمن وهو جلس جنبي وانا اقول""شكلنا جينا بدري"" قبل مايتكلم عبدالرحمن جاء نادل وصب لنا مويه وحط ع الطاوله المنيو وراح فكرت لو انه ماقدر يجي مشغول مثل العاده ياان يكون موقفنا بايخ مره عضيت ع شفايفي بتوتر بدا احساس التوتر يرتفع صرت مو مرتاحه بمكاني نفسي اوقف احرك رجلي شوي وبعدين ارجع اجلس ان شاء الله يتٲخر شوي علشان اتعود ع الجو بس طلع العكس كل مامرت ثانيه زياده زاد احساس عدم الراحه خلاص يجي وننتهي من هذا الموضوع كنت جالسه بجنب عبدالرحمن قلت وانا اطالع فيه""تٲخر خلينا نروح لين متى بننتظره"" رفعت نظري اكثر لما سمعت صوت ليث يقول""اعتذر ع التٲخير"" وقف له عبدالرحمن وسلم عليه وهو يقول بابتسٲمه واضحه بصوته لانه كان معطيني ظهره""احنا مالنا وقت من جينا"" غمضت عيوني لثواني وجمعت كل قوتي وشجاعتي وخليت هدفي بين عيوني وفتحتها لقيت ليث يطالع فيني مانزلت عيوني خليت الامر طبيعي حط الشنطه جنبه بالكرسي المقابل لي وجلس هو بالكرسي الثاني ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. ( قال ربِّ اغفر لي وهب لي ملكا ) #كرم ربك يجعلك لا تتردد أن تجمع في دعاء واحد بين الاستغفار من ذنب كبير ، وطلب العطاء والخير الوفير | ||||||||
|
| |
|
27-03-15, 12:00 PM
| #18 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت السادس عشر.. قال ليث وهو يطالع بعبدالرحمن الي مقابل له""اخرني الطريق زحمه المهم اخبارك"" قال عبدالرحمن بابتسامه""ايوه زحمه هذا الوقت معذور ان شاء الله بس مايكون عندك مواعيد بدري"" نزلت عيوني وطالعت بيدي الي بحضني منجده هذا خلي ليث يفتح الموضوع مو هو ع طول حتى ماارتاح ليش مستعجل مو هو يبغى يبين انه متردد وكذا مثل ماقال بالاتصال ولا ولا نسى قال ليث""ابدا"" طالعت فيه بطرف عيوني لاني استغربت الجواب المختصر بس لما شفته اخذ شنطته وفتحها عرفت انه بدا الشغل شديت ظهري ورفعت راسي مثل ماقلت هذا شغل فقط ماله علاقه بٲي شي ثاني لا انا استخسرت بنفسي ولا هو استخسر نفسه شغل بين الطرفين وانا مو غلطانه قال عبدالرحمن""اول كل انت قلت انك مااكلت"" يعني اني اعرفه وصحبه وميانه قال ليث بصوت رسمي""الاولى للعمل"" وطلع الاوراق من الشنطه وحطها ع الطاوله وكمل كلامه وهو يطالع بعبدالرحمن""اذا اتفقنا ع كل شي بتصل ع محامي قريب هنا يخلي الامور قانونيه"" ولا كٲني موجوده ولا كٲني صاحبة الرائ قلت بقهر من تجاهلي""اتوقع المحامي بصفك دايما"" طالع فيني ليث لثواني كانت نظرتي بالبدايه نرفزه منهم شوي وتحولت لاصرار ماراح اغير رائي بس استمرار نظره مركز علي صارت نظرتي شك بكلامي اش قلت لايكون خربت شي رجعت ظهري لورا وكٲني اوسع المسافه اكثر قال بهدوء وصوت عملي""مو مشكله اي محامي ماتفرق يثبتها وبس"" اش قصده يصغر تفكيري وكٲنه يعاملني ع قد عقلي تٲكدت لما قال عبدالرحمن وكٲن الفكره نفسها عن كلامي في راسه""ايوه صح ماتفرق علشان كذا القريب افضل"" اخذت الكوب المويه الموجوده ع الطاوله وشربت منه كان جاء عبدالرحمن وحده وخلص الامور وانا وقعت كان افضل حطيت الكوب وطالعت بليث لما قال وهو يقلب بالاوراق""اذا من البدايه مافي ثقه"" رفع حواجبه يكمل فيها الجمله قال عبدالرحمن بسرعه""لا طبعا في ثقه وانا قلت محاميك هو افضل حل وتاج نفس رائي صح تاج"" بعدت عيوني عن ليث لما طالع فيني وكٲنه ينتظر جوابي حسيت نظرته مستفزه لانه كان يطالع بهدوء وكٲن الامر يخصني وحدي وان اذا رفضت قام وبس طالعت بعبدالرحمن وكان هو بعد يطالع فيني برجاء عضيت ع شفايفي بكبت لشعوري وانا احرك راسي بطريقة ايوه ماراح اتكلم اش قصده من جاء وهو قاعد يحسسني ان الموضوع مايهمه غير لما تكلم بالمكتب مو بس تكلم ماسكت الا لما قال كل شي عنده والحين هذا اسلوبه قال ليث""تمام اذا هذي الورقه وهذي النسخ ثلاثه وحده بتكون عند المحامي وورقه عندكم وورقه عندي"" عدلت طرحتي بطريقه عفويه وانا مستغربه اني استغربت ان هذا الزواج مجرد شغل مخطط ومرتب من هذي الاجراءات الي يقول عليها ليش التعقيد هذا انا ماتوقعت كذا ع بالي اتفاقيه نوقع عليها اثنيننا وخلاص ليش محامي ونسخ قلت بعد مابلعت ريقي""ليش مايكون الاتفاق بيننا بس ماله داعي اوراق ومحامي"" رفع حواجبه الثنتين وتكتف وقال وهو يرجع ظهره ع الكرسي""لهذي الدرجه تثقين فيني"" بعدت عيوني عنه ع طول لعبد الرحمن اشوف ردة فعله بعد ماحسيت من كلام ليث ونظرته اني غبيه مااعرف شي قلت بسرعه علشان اتدارك الموقف وابين اني مو غبيه ولا اني ع نياتي تقدمت وحطيت يدي ع الطاوله""مو انا المستفيده الوحيده اذا مامشيت ع الاتفاق انا بعد ماراح امشي عليه"" حرك راسه بطريقة ايوه وهو مبتسم مافهمت ردة فعله طالعت بعبدالرحمن الي اعطاني نظره حاده اش فيه هو بعد حركت راسي بطريقة اش فيك وانا افرك يدي ببعض بحضني وانا متوتر دام عبدالرحمن اعطاني نظره حاده اذا في شي غلط مو بمصلحتي لانه بهذا الموضوع بذات مصر ومركز عليه اكثر مني يمكن كلامي يخلي ليث يغير رائيه بس اخذت نفس عميق بعد ماقال وهو يرجع الاوراق الشنطه""خلاص اتفاقنا بدون اوراق ومحامي راح يكون بيننا وبس"" وافق بسرعه اذا الموضوع بمصلحته اكثر قال عبدالرحمن""اكيد هذا رائي بعد الموضوع مفروض محد يعرفه"" يعني تصرفي صحيح اذا ليش النظره الحاده قال ليث وهو يحط يده ع الطاوله""اذا كذا الاتفاق راح يكون سريع نطلب و ع الاكل نتفاهم"" قلت بسرعه""شكرا بس احنا ورانا مشوار"" ماابغى نجلس اكثر من كذا الجو ابدا مو مريح ولا ابغى يستمر احساسه بالافضليه طول الوقت دام قلت ورانا شي ونبغى نخلص ونطلع يعني مو اليوم كله له وحده مثل ماهو مشغول وتٲخر وطلبنا بمطعم بعد العصر علشان حضرته مااكل يعني ع مزاجه هو قال عبدالرحمن""ايوه اكيد مانسيت"" وطالع فيني بابتسام اذا فهمت هذا الرجال ياناس قال ليث""اذا ماراح ااخركم اش هي طلباتكم"" صح من الظهر وانا في بالي نصل لهذي النقطه بس لما قالها كذا حسيت اني جالسه استغله واستغل وضعه اخذت نفس عميق وانا ابعد هذي الفكره من راسي مااستغله انا بعدين بعتبر مطلقه وراح اعيش معاه وانا امثل لاهله ان زواجنا ناجح يعني مااستغله هو كبير كفايه ينتيه لنفسه(نفس جملته الي قالها لي وانا انتظر عبدالرحمن يجي لي المستشفى لما كنت بالمواقف) هذي الفكره شدت من اصراري قلت المبلغ الي اتفقنا عليه انا وعبدالرحمن بس هو غير رائيه لانه قال بصدمه""تاج المبلغ كبير"" فتحت فمي ورجعت سكرته وانا مو فاهمه عليه والله متٲكده ان اتفقنا سوا قال ليث وهو يتكتف""لا تمام توقعت مبلغ اكبر هذا الشهري وبنهاية اتفاقنا كم"" قلت له المبلغ بدون ماارمش لانه مو كبير مره اعلى من الشهري شوي لاني استعد اقول شرطي وهو كبير صراحه بس هذا الي ابغاه اذا رفض راح الغي المبلغ الي بالنهايه واخفف الشهري بعد اهم شي شرطي قال ليث""تمام اتفقنا وشرطك"" هذا اسلوبه العملي يعني يقولون كل شي وهو يسمع وبعدها يقول رائيه تنحنحت وانا اعدل جلستي لانه صراحه كبير وماني عارفه شلون اقوله اخليه طلب عادي ومايتفاجاء بس دام توقع مبلغ اكبر من الي قلته فٲكيد انه عارف اني بستغل الفرصه هذي رفعت عيوني لما قال""قولي"" قال عبدالرحمن وهو يحرك راسه بطريقة لا""هذا الموضوع كله مو عاجبني انا بروح الحمامات ارجع الا انتم خلصتو"" وقام وطلع وانا عيوني عليه فهمة ردة فعله هذي قصده انه موعاجبه واذا قلت شرطي لازم يعلق وكذا وخاف يغير راي ليث علشان كذا اسلم طريقه يطلع من المكان رجعت طالعت بليث لما قال بجديه وكٲنه طفش من الانتظار""شرطك"" اسلوبه هذا ذكرني انه شغل ولازم اكون ربحانه في شغلي ولا ماله ماله داعي اشتغل قلت""بيتنا ٳيجار ابغاه ملك وابغى تشغل ابوي بالمكان الي تشوفه مناسب وبنفس الوقت يكون يناسبه"" اخذت نفس لاني قلت كلامي كله بنفس واحد طالعت فيه انتظر رده وهو كان يطالع بيده الي ع الطاوله وهو يدق باصابعه عليها حسيت مر وقت طويل وانا انتظر ردة فعله ع شرطي قبل مايرفع راسه ويقول كلامي بعيد جدا عن شرطي""ليش قلتي له دام تبغين الاتفاق بدون اثباتات"" طالعه فيه شويه استوعب سؤاله وبنفس الوقت انه بعيد عن توقعي وبعدها فهمت قصده عبدالرحمن قلت بختصار علشان نرجع لموضوعنا""مااخبي عنه شي"" قال""ماعندك اخوان"" حسيت انه قاعد يستجوبني وغصب علي ارد عليه قلت بدون نفس""لا"" هذا مو موضوعنا اذا موافق ع الشرط خليني اروح البيت بس ماكانت له نيه يرجع لشرط لانه قال"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (*والحمدلله تملأُ الميزان ) الحمدلله كم أطفأت وَجَعًا، كم أذهبت ألمًا كم زرعت في القلوبِ أَمَلًا.""""الحمدلله حمدا كثيرا مباركا فيه.. | ||||||||
|
| |
|
29-03-15, 03:15 AM
| #20 | ||||||||
| مراقبة عامة ومشرفة منتدى الروايات المنقولة
| ان شاء الله تستمتعون بالقراءه.. ..البارت السابع عشر.. قال"عندك خوال غيره(حركت راسي بطريقة لا اعطاني سؤال ثاني قلت لكم جالس يستجوبني)واعمام"" رجعت حركت راسي بطريقة لا بدون مااقول حرف طالع فيني لثواني وبعدها رجع ظهره ورفع المنيو الي ع الطاوله وتم يطالع فيه يعني انتهى الكلام اخذ الي يبغاه من المعلومات عني وخلاص ماقال شي عن الشرط موافق مو عاجبه دام الحين مافي اوراق مثل مااقترحت حضرتي لازم يقول انه موافق علشان يعتبر اما انه يسكت كذا بعدين يقول انا ماوافقت عليه كحيت كحه صغيره مصطنعه علشان تساعدني وقلت بتردد""موافق ع الشرط"" قال بشبه عصبيه استغربتها بدون مايبعد المنيو عنه""لو عندي اعتراض كان قلت"" ليش معصب يحس ان غصب عنه وافق اذا يحس كذا انا وش عرفني باخلاقه يمكن مايمشي ع كلامه اذا موموافق كليا ندمت ع كلامي مره ليش بدون اثباتات لو فكرت زين بس انا ماني واثقه فيه ابدا وهذا اهم شي عندي قلت""انا ابغى ت....."" سكتت لما قاطع كلامي ينادي النادل طالعت فيه لثواني قصده انتهى الكلام بس هذا مو تصرف عملي منه اساسا انا مااعرف شلون يتصرف وقت العمل بس هذا بعيد عن الاسلوب الناجح في العمل انتظرت حتى طلب ولاحظت انه كان يطلب لي ولعبدالرحمن ماراح اقول له شي اذا قال انه موافق مره بنرجع البيت لما راح النادل قلت""ومتى راح تشغل ابوي"" قلت الجزء الاسهل علشان اشوف رده لو في موضوع ثاني كان قمت ورحت من اول ماقاطعني بس ماراح اجي لين هنا بالوقت الي يبغاه واروح بدون مااكون مرتاحه ومتطمنه تكتف ورجع ظهره ورا وقال""بعد الزواج"" وقفت وانا اقول""تمام"" وثبتت الشنطه ع كتفي وانا اطلع من الجلسه كنت انتظره يعلق ع قومتي وانه طلب اكل وكذا بس ماسمعت صوته ابدا كملت خطواتي لباب المطعم وانا تو اكتشف ان الطلب كان لموعد ثاني بعدنا مو لنا لان احنا قلنا مانبغى مدري ليش حسيت انه غلط بحقنا يعني يحدد موعد مع موعدنا مع اني انا بنفسي عارفه ان احنا ماراح نطول واحنا الي قلنا مستعجلين وحتى ماحسسنا ان لازم نستعجل لان وراه شي يعني ليش انزعج فتحت باب السياره وكان عبدالرحمن ينتظرني فيها قال اول ماجلست""ها اش صار"" قلت وانا اللتفت عليه واطلع انزعاجي عليه""اول شي انت تسكت تصرفاتك وكلامك كله شوشني مافهمت اش تبغى توصل"" قال""تصرفت مثل ماالمفروض اسويه ماغلطت انا طلعت حتى يكون الشرط بينكم ومااعرفه حتى اعترض عليه المهم اش قال لك"" قلت وانا ارفع اكتافي""ولا شي ماعلق ولما سٲلته مره ثانيه قال لو عندي اعتراض كان قلت"" ابتسم وقال وهو يحرك السياره""تمام اذا اتفقتو ان شاء الله مافي شي يخرب ويتم هذا الزواج"" قالها من قلب كانت فرحته اكثر من ابوي لما جاء العشى علشان بكره بيجون الرجال ع العشى سٲلني ابوي ان كان عندي شرط طالعت بعبدالرحمن ورجعت طالعت في ابوي وقلت""ايوه مايمنعني اشتغل"" قال عبدالرحمن بسرعه""مايحتاج تقول هو مو من النوع هذا اكيد بيخليك تشتغلين"" قال ابوي وهو يقطع الموضوع""ماطلبت الا حقها"" طالعت بعبدالرحمن بطرف عيوني وانا امنع ابتسامتي مافيها شي بس ابين له اني بشتغل بشركه مو ع باله بجلس في البيت دام فيه مبلغ شهري لي لما دخلت غرفتي جاني عبدالرحمن يخاصم ليش اتشرط تبغين تنفرين الرجال منك ومن هذا الخوف الزايد خلاص احنا اتفقنا وكل شي بيمشي ان شاء الله كلامه وتٲنيبه مامنغ النوم عني نمت براحه وداومت وطول الوقت انتظر تلميحه ع خطوبتي بس كانو مشغولين بسالفة سالم الي ارسل ورد لمكتب اريج وهي كانت طايره فيها وقامت شوق تتحدى انا ماينتهى الدوام الا معاها ورد مسكت جوالها مع ان مابينهم الا كم خطوه بس معروفه اخلاق خالد يستحي من الحريم طلعت من الدوام وانا مو قادره استوعب ان الليله هي اهم خطوه بحياتي راح اصير زوجة ولد صاحب الشركه ادري بعيد العلاقه بس ماعندي الا هذي وراح استغلها لاخر نفس طول الطريق وعبدالرحمن وهو يوضح لي حماسه لهذا اليوم مو بس كلام حتى حركات ولماوصلت البيت استقبلت اغرب استقبال لانه كان من جدتي الي قالت لي ليش اتٲخر ماصار شي وكل هذا الاهتمام حتى في بيتي كيف في العمل قلت لكم الفلوس كل شي رفعت ذقني وقلت وانا امشي لغرفتي""بٲخذ دش وبتغدا"" مو بس هذا كان حدود اهتمام جدتي الغريب علي زاد لما كانو الرجال عند ابوي قلت بابتسامه وانا اطالع بجدتي""فجاءه كذا صرتي تحبيني"" كنت ابغى اسمع تفسيرها لمجرد الكلام لاني عارفه ومتٲكده ليش صارت كذا تحبني قالت وهو تطالعني بحده مع نبرة صوت عاليه معتاده""الغلط مني الي اهتم فيك"" ولفت كرسيها وقامت امي بسرعه تساعدها ودخلت غرفتها لما طلعت امي قالت""ليش عليها يعني مااعجبك اهتمامها"" قلت وانا ابتسم بمسخره""لا مااعجبني كنت ابغاه علشاني مو علشان حساب زوج المستقبل"" قالت امي وهي تحرك راسها بطريقة لا""اش هذا التفكير جدتك تعرفينها تقدر الزواج وهي عارفه انها فتره وتروحين بيتك وبتشتاق لك"" ماغير قناعتي كلامها بس ماعلقت بكره حتى لو ماعرفو انا بقول بس مااتوقع احتاج لان لما رجع ابوي كانت الامور جديه وحددو الزواج مع موافقة امي وابوي وانا مااعترضت لاني حتى انا مستعجله لتحقيق شرطي وحلمي حددوه بنهاية الشهر يعني بعد عشرين يوم تقريبا ومثل ماقال زواج بسيط للحظه فكرت اني اخليه يوم مميز وماينسي وفخم بس بسرعه غيرت رائي لما ذكرت نفسي بنوع زواجنا ان شاء الله اذا تزوجت مره ثانيه بسوي الي نفسي فيه لان بيكون معاي فلوس وبسوي كل شي كل شي يجي في بالي لما صحيت الصبح كنت متحمسه اعرف ردة فعلهم عن الموضوع بدرجه كبيره لما قربت من مكتب خالد رفعت ذقني وشديت ظهري هذا هو وقت التغيير وكملت طريقي وانا مبتسمه بنصر لما وصلت اول ماشافني خالد وقف وقال بكل احترام""الف مبروك اخت تاج"" كملت طريقي بدون ماارد عليه اساسا وهو يتكلم انا كنت امشي الحين عرف الاحترام لما عرف ان غصب عليه يحترمني برجع له كل شي سواه فيني وتقليله بحقي لما دخلت المكتب قالت الجوهره بصوت عالي""يال.....(سبه)ليش ماتقولين لما سمعت كنت بطيح في مكاني"" ماحبيت سبتها الميانه مو كذا انا مااحب هذا النوع من المزح من زمان بس الحين الموضوع صار اني استحق احترام اكثر قلت بعد ماجلست بختصار""امس كانت الخطبه"" قالت احلام وهي توقف من كرسيها بصدمه""كيف اختارك انتي"" وجلست ع طاولتي اش افهم من سؤالها ان مااستحق انا اكون زوجته قلت وانا افتح الجهاز بدون نفس""اسٲلي ليث"" تعمدت اقول اسمه اش هذا الاسلوب ادري انهم تفاجاءو بس مو كذا سمعت حنان تقول بدون ماارفع راسي""مسرع انغريتي"" ماعلقت ع كلامها يعني علشان قلت اسٱليه صرت مغروره قالت احلام""لا صدق كيف عرفك ووين شافك"" رفعت راسي وقلت""لما رحت مكتبه اعترض ع الانذار عرفني"" انا ماانغريت بس اسلوب الصدمه هذا مو حلو صفقت جوهره وقالت بضحكه""ياسلام ياسلام حب من اول نظره"" ابتسمت بدون مااعلق قالت احلام وهي تتكتف""الحين مافي غيري سنقل"" قالت اريج""الف مبروك تاج متى حددتو الزواج ولا فيه ملكه"" قلت بٲبتسامه""لا زواج نهاية الشهر ان شاء الله"" قالت احلام بضحكه""ماعنده صبر"" ضحكو البنات وانا معاهم بس مو نفس السبب الي ضحكهم قالت حنان""مو كان مملك متى طلق ماسمعنا"" قالت احلام بعد غمزه""اول ماشاف تاج"" تذكرت صح انه مملك بس ع بالي متزوج وطلق نسيت بس اخوه الي متزوج اتذكر بعد تكلمو عن فخامة ملكته ع مين نسيت اسمها هو قاله بس نسيت بعد ماا تذكر اذا حدد وقت طلاقه بس اتذكر السبب هو اندماجه بشغله طول اليوم ماتركت ابتسامتي كان الجو غير بنسبه لي وهم طول اليوم يعلقون ع الموضوع اخيرا بيصير الي اتمناه الاحترام من كل الناس وانا طالعه من الدوام تٲكدت ان كل الي بالشركه عرفو من نظرتهم واحترامهم لي مو قادره اصدق ان الي اتمناه يصير متى بس اجهز مشروعي بس طبعا بعد خمسه شهور ابدا اجهز مشروعي ان شاء الله وبعد شهرين اطلع من الشركه وخلاص ابدا لنفسي اش هذا النعيم ياناس لما وصلت البيت كانت امي مشغوله تكتب كل الي تبغى تجدده في البيت قبل الزواج حاولت اقنعها ان مايحتاج تجدد شي وتضيع الفلوس بعد الزواج انا بسوي لها كل هذا بس رفضت ومو راضيه تسمعني تقول بيجون اهله وبعزم الجيران لازم كل شي يكون جاهز عند هذي النقطه وقفت من الكلام ادري ان الخطوبه كانت طبيعيه وكذا بس ماابغى يجيب اهله عندنا البيت اساسا ماابغى تزيد العلاقه هي فترة شهور ماله داعي يجون يكفي يوم الزواج يعرفون امي وخلاص ماله داعي زيارات دخلت غرفة عبدالرحمن وقلت له السالفه تفهم بسرعه وقال ان معاي حق يكفي الحي الي ساكنين فيه غير كليا عن الاحياء الي يسكنون فيه منجده ماابغاهم يطالعون فيني بدونيه هي فترة شهور راح اعيشها مثلهم مثلي قلت""طيب كيف"" قال وهو يٲخذ جواله من ع السرير""بكلم ليث وبقول له ان امك تعبانه هذي الفتره وماله داعي يجون اهله يكفي ليلة الزواج"" حركت راسي بطريقة لا وانا رافعه حواجبي وقلت""سلامتها مومنجد بتقول هذا الكلام وبهذا الاسلوب اش فيك"" ضحك وقال بغرور""لا طبعا للحين انتي ماتعرفيني وتعرفين اسلوبي الفريد هذا المنجز بس"" قلت بصدق""اعرفه طيب بتكلمه الحين"" وانا اطالع بالساعه كانت ثلاثه العصر يعني لسى بدوام قال عبدالرحمن""ايوه الحين عادي"" قلت""بجلس هنا بسمعك"" قال وهو يرفع الجوال""اجلسي وتعلمي"" قلبت شفايفي بعدم استحسان بس هو ماطالع لانه دق عليه وتكلمو شوي بموضوع عام وبعدها سٲله عن اخبار امه ماادري اش رد عليه بس قال عبدالرحمن""طيب راح تجي لزواجك"" وحطه سبيكر سمعت ليث يقول""لا مابتجي هي مو راضيه اساسا"" ..نهاية البارت.. ..عافاكم.. ..عجايب.. الحمدلله. ..بأذن الله لي حسنه ولك حسنه.. (أيقظنِي يا الله على نُور الجنة .. إن غفت عيني بـ أمرك ولم تستيقظ ..امين يارب العالمين..) | ||||||||
|
| |
 |
| أدوات الموضوع | |
| انواع عرض الموضوع | |
|
|
148Likes
.png)
العرض العادي
