روايتي الثانية : رحت ارفع الراس وجيت وراسي مكسور "مكتملة"

[رااي]

روايتي الثانية " رحت ارفع الراس ورجعت وراسي مكسور "

~~
المقدمة .
"حقاً لا اعرف كيف حدث ذالك ، لا استطيع التفكير جيداً انني تائه من اكون ؟ من انا ؟ هل انا صبي او فتاة ؟ لماذا الطريق مضلم ؟ لا استطييع ان ارئ
بوضوع ، انني احتاجك احتاجك بأن تمسك يدي ، ارجوك ساعدني دُلني من أنا من أكون ؟ من أنا ؟"
" عزيزتي مهما حصل لا تنهاري لا تضعفي ابقي كما عرفتكِ قوية جباره لا يهزها شيء انني اتوسل اليكِ قفي بوجه الدُنيا اخبريهم من انتِ اخبريهم انكِ
جبارة قوية لطيفة حليمة رائعة لا تسمحي لمن هم اقل منكِ ان يتشمتو فيكِ مهما اصبحتي انتِ ملك لي انا سوا اكنتي صبي ام فتاة حاربي كل الظروف "
"رغُم كل شيء سـ اضل كما انا لن يجبرني زماني لن تجبرني ظروفي ، سوا اكنت صبياً ام فتاة شخصيتي واحدة لا اعرف ماذا حدث لي تماماً كُل ما
اعرفة انني تغيرت بشكل جذري لكن ارجوك انتظرني .. "
~~
مددت يدي بكسل شديد لطاولة وانا منتبة جداً للكتاب الذي بين يدي اخترت زر الاجابة والسماعات في اذناي وعدستي لم تتحرك عن الكتاب الذي بين يدي
اجبت : همم
بصوت عالٍ اردف : من سنة وانا اتصل عليك ما ترد ؟
بعدم مبالاه : همم ؟
احسست باني قد اوصلته لـ " النرفزة " التامة من نبرة صوتة العالية : عشر دقائق وانا عند الباب يا زفت تطلع لي مو تتلعثم وتتخبى بالبيت كنك حرمة
يلا لا نتاخر عن جلسة التصوير !
ابتسمت بسخرية وتعدلت من وضعيتي تناثر شعري الكثيف بعدتة بضجر حطيت حد لـ الكتاب في الجزء اللي وصلت له وقفت بخمول ونزعت ثوبي و
رميتة بالارض بكسل دخلت لـ " دورة المياة " وشغلت المااي اللي انسكب بسرعة البرق على جسمي ابخبركم عن حياتي بما انني اجهز انا اصغر فرد
بالعائلة اكبر وحده فينا اخُتي " هوازن " باختصار انسانة فاشلة ! بالنسبة لنا لانه درست بمدارس اهليه وجابت نسبة ضععيييفة جداً تخرجت من الثانوي
ورفضت تدخل الجامعة تحت مسمى " مالي خلق ادرس " لكن ابوية ما تركها بحالها وخيرها بين امرين الزواج او الدراسة وطبعاً تزوجت ولها الان
" هياام " كوب من امها من الشكل والاطباع والدراسة ! بثالث اعدادي ثم دنيتي " فيصل " برابع ابتدائي ثم "حسام " بأول بعد هوازن يجي اخوية
" عزيز " الانسان اللي فرق كثير عن اختي هوازن كان جداً ذكي ومتفوق ورفع راس ابوية ودخل قسم طب بالجامعة والان يدرس برا وراح يخلص
دراستة بعد كم اسبوع بعدها الطائش " الياسين " واختصاره " ياسين " كان مجنن المعلمين كثييير ولكن كان ما يرضى بالنسبة القليلة ابداً وهذا اللي
مرضي ابوية اهم شيء عنه ارفع الراس بعدها جات اختي اللي اكبر مني ولكن كانت مريضة من ولادتها وتوفت وهي ما كملت الـ 40 يوم وفق انهيار
امي اللي بغت تنجن بعد شهرين ودرسو الاطباء حالت اختي رفضو ان امي تحمل لكن الصدمة كانت توها حامل فيني ! انجنو وامروها تنزله لكن ابويه
رفض وحلف لو اجي مشوهه راضي وتخاصمو الاطباء وابوية وصارت مشكلة وامي ما كانت تبغاني لانة تخاف اصيب بنفس مرض اختي لكن ابويه
معاند مرت تسعة اشهر ثقييلة على العائلة كلها وجيت على الدنيا لكن كما توقعو صار فيني المرض وقتها كانو مجتمعين فريق طبي علشاني بعد خمسه
اشهر شفيت الحمد لله من المرض لكن ما صارت عندي مناعة ! يعني مناعتي قليلة بالمره سكرت الموية وطلعت من " دورة المياة " وانا انشف شعري
يعني باختصار بعد اللي صار لي صرت " دلوع " العائلة اللي طلباتة اوامر وكان ياسين يغاار مني كثير خصوصاً ان ابويه معلقني فية كثير وكان
ياخذني ولا ياخذ ياسين لانة كان فوضوي ومزعج ! كبرت وما ان وصلت الاعدادية طلبتني المدرسة العالمية تحت مسمى " اني انسان ما انتاسب مع
متوسطي العقول " وهذي المدرسة اللي ينجح فيها ويكون الاول يكون الاول على المملكة العربية السعودية كان ابوية فرحاان كثييير بعدها تعرفت على
" شاهين " صاحب دنيتي ما اعرف كيف تعلق فيني رغم اني كنت عدوي بشكل ولا زلت كذالك لبست ثوبي بعد ما نشفت شعري اخذت كامي ومشيت
وكالعادة بين رجليني كورتي نزلت وانا العب بالكورة واسوي فيها حركات سمعت ضحكت امي : شوي شوي يا ابني لا تطيح
وصلت لاخر درجة ووقفت الكورة بالارض قربت منها وبست راسها : كيف حالكِ يا دنيتي ؟
ابتسمت بحب الواضح من عيونها لي : بخير دامني اشوفك بسعادة
جلست جنبها : فين ياسين ما يجلس عندكِ
هزت كتوفها : هالصبي المجنني طالع ياليت كل الاولاد مثلك انتا وعزيز كان مرتاحة منو
ضحكت او بالاحرى ابتسمت بداخلي : لو انكِ مخبرتني انزل لكِ مو جالس فوق وانتِ تحت
اردفت وهي عارفة اني مهموس بالقراءة : لا كُنت عارفة انك تقراء لية اشوشر عليك
ضيقت عيني : امممي شفيكِ كدا انا ابنكِ - رن جوالي وسكرت في وجهو - امي امانة تبغي اجلس عندك
برفض : لا ي ابني روح مع صاحبك انا حتجيني ام شاهين
ارتحت : يعني الان هياً عند الباب - وقفت - يلا امي حاروح تبغي اجيب لك حاجة
بابتسامة : لا حبيبي دير بالك بحالك
ودعتها ومشيت تقابلت انا وياسين بيخرج لكنة : اوة شعنده حبيب الماما طالع من الغرفة
طنشتة ومشيت : قلت اشوف ايش تسوي مختفي واكيد في مصيبه مسويها
مشى خلفي وبعصبيه : ساااامي يا كلب
ضحكت علية : شفت اكيد في مصيبة - ولفيت له واحط عيني بعينة - طالع عيوني هه هه شوف خايفة
كان مصدوم من حركتي وابتسمت وانا الف والعب بكورتي او على كلام ياسين اسوي حركات بهلوانية وقفت يوم طاحت عيني على ثلاثة نساء حسيت
بخجل وغضيت بصري وابتعدت شوي عن الباب اردف ياسين : تفضلي يا خاله ادخلي
بخجل : تسلم ، - بشك - سامي او ؟
ضحك : لا خالتي انا الياسين دا سامي
انحرجت وجت امي وهي ترحب بالحرمة وسحبني ياسين ومشيت بعد ما دخلو سحبت يدي : ياسين خير ؟
ضحك وهو يغمز لي : اعجبتك احدهم
رفعت حاجبي : امداني اطالعهم - مشيت بكورتي - يلا شاهين برا سلام
طلعت وهو خلفي يصرخ : يا معفن وانا ما قلت طلعت حب لي
ركبت السيارة ولا سمعت باقي كلامة : سلاام
حرك السيارة : وعليكم السلام ، كان ما طلعت
بخجل : تقابلت مع امك عند الباب فـ تاخرت
انفجر ضحك : ومستحي بعد ؟ راس مالها امي دائما تشوفك
حكيت خدي : ولو تعرف ان مالي علاقة بالنساء
ضل يضحك علي يبغى " ينرفزني " لكن طنشتة وطالعت النافذة صحيح انا مالي علاقة بالنساء ابد هوزان اختي وخوالي واعمامي كلهم بجدة موطننا
الاصلي لكن بسبب شغل ابوية اللي يلزم علينا نسافر كثير معاه صرنا بعيدين عنهم وقليل نجي لجدة علشان كذا علاقاتي مختصرة بـ " امي " وبس ! حتى
هوازن اختي قليل اشوفها او اكلمها لانها مشغولة بحياتها واذا عطلو اولادها اجت لمنا حسيت باللي يشر قدام عيوني : انت معي ؟
انتبهت : هلا ؟
عقد حواجبة : تسمعني ؟
طالعته : كُنت سرحان
استرخى على الكرسي وهو يكمل قيادة : دائما مو معاي ، كنت اقول اننا تاخرنا عن اللي بنصورهم اتصلو تو
وقف قدام الحديقة اللي بنصور فيها واردفت : وصلنا ماله داعي القلق
نزلنا وانا برجلي كورتي وشاهين يدورهم بعيونه انا وشاهين مصورين ونحب التصوير كثير ، كثير ناس يطلبون منا نصور اطفالهم او نصورهم تصوير
خارجي لعبت بكورتي وانا ارفعها وشاهين يكلمهم او ينسق معاهم لف لي وبصوت عال : سامي يالله
وقفت لعبي وتقدمت لهم كان رجل او شاب بالجامعة تقريباً وبجنبة بنت صغيرة كانت جميلة جداً ما اعرف لية ذكرتني بـ حُسام ابن اختي مديت يدي و
صافحني : سامي صح ؟
بهدوء : اي صح
ابتسم : تشرفت اني قابلتك معاك خالد
ابتسمت لاول مره مو علشانة علشان اسمه الشبية باسم اغلى البشر عندي " ابويه " : الشرف لياً اخوية خالد
طالعت الطفلة وابتسمت لي لفيت وانا اطلع اغراضي وابتدينا بالتصوير انا وشاهين ونحاول نبرز احسّن النتائج خلصنا تصوير مع اذان المغرب وودعنا
الرجال وهو يقول انه بيجي بكراً بياخذ الصور منا او بالاحرى من شاهين لاني اكيد ما بحضر اتجهنا للمسجد وصلينا المغرب ورجعنا لسياره شاهين
تكلم شاهين : صدق الرجال مره طيب وخلوق لو احد منه وتاخرنا علية كان عصب وتنرفز
رفع حاجبي بسخريه : اوة اللي يسمعك يقول انه جلست تتكلم معاه وجالسين مقهى ولكن ما تكلمت معاه الا كلمتين
شاهين : بس من اسلوبة مره جميل - بنغزة - مو مثل بعض الناس
طالعته بنص عين شفته يبتسم بانتصار يحسب حاله تشمت فيني : سبحان الله مدري شسوي يا اخوي ما انلام اذا صار اسلوبي مو عاجبك لانه مقابل وجهك
24 ساعه وزهقت منك
فتح عيونه بصدمة : ايااا !
لعبت بحواجبي وسكتنا او انا اسكت وهو يتكلم وانا اسلك له فجئه وقفت السياره استغربت : ايش فيه ؟
بضجر : خلص البنزين يلا انزل نكمل مشي
نزلت من السياره بعد ما وقفناها على جنب ونزلنا من السياره واحنا راجعين قبل ما ندخل الحي تكلم : اقول سامي
: هلا ؟
اشر على المحل بعيونه : شرايك نروح لعمي بو فلاح من زمان ما رحنا لمة
هزيت اكتافي : لية لا ؟
غيرنا طريقنا لمحل عمي " بو فلاح " هذا رجال كبير بالسن عندة محل وكثير نروح له انا وشاهين انسان طيب كثير واحياناً ما نحصل مكان هادئ ندرس
فية نروح لمة ونلبي له اغراضة واحتياجاتة هذا الرجل له حكايه وحكايته جميلة جداً انسان حب من كُل قلبة تزوج اللي يحبها وعاش احسّن حياة لكن
بعد فتره اكتشف انه عقيم انهار وانهار كثيير ولكن زوجته وقفت معاه وكانت راضية ووافقت انها تبقى معاه مع رفض اهلها بانها راح تضيع شبابها
خصوصاً انها ببداية عمرها لكن وقفت بوجهه الكل شفتو الحب ايش يسوي ؟ وصلنا المحل وملت الابتسامة وجهه يوم شافناً وانشرح صدرة تقدمناً لمة
وتكلمناً : مساء الخير يا عمّ
بفرحة : هلا بأولادي هلا مساء النور والسرور
قبلت راسة : كيفك يا عمي ان شاء الله بخير
كان ماسك يدي ويحس ان الدنيا مو ساعيته من الفرحه يالله قد ايش هو يحبنا ويعتبرنا مثل اولادو : بخير انتم وش اخباركم - بخوف - امس ما جيت لمي
وقلقت عليك
طالعني شاهين بتانيب ضمير : والله عمي امس كنا نذاكر ولا حصلنا وقت نجي لمك اعذرناً
قاطعه : لا يا ابني اهم شيء دراستك ولو متى ما حسيت نفسك فاضي تعال لمي
ابتسم : تامر امر عمي ، تحتاج شيء ناقصك حاجة ؟
بنفي : لا واللهِ ما ناقصني حاجة واذا نقصني راح اقول لك انت اول شخص ، الله يرضى عليك ي ابني
شاهين : امين عمي
التفت لي : وانت ي سامي ايش اخبارك ؟
تاملت ملامح وجهو المتجعدة ولحيتة البيضاء وحركت شماغو مستحيل انسى هذي الملامح مهما صار : الحمد لله ي عمي بخير
تكلم شاهين : يلا عمّي نستاذنك بنرجع للبيت نذاكر دعواتك لنا
بابتسامة : الله معاكم ي اولادي ربي يحفضكم ويوفقكم وين ما كنتو
ودعناه ومشيناَ واحنا نحس بنظراته تطالعنا ودعواتو واصلة لمسامعنا تكلم شاهين : ياليتني رحت لمة امس ما كنت عارف انه بيتضايق كذا
طنشتة وانا عارف شاهين قد ايش يراعي مشاعر الاخرين كمل : خلاص سامي كل يوم بنروح له طيب
سكت ولف لمي بعصبيه : وانت ما غير تلعب بالكورة تكلم معاي شوي !
هزيت كتوفي بلا مبالاه : وانا ايش دخلي ؟ تبغا تروح روح ما مسكت يدك وقلت لا تروح
رفع حاجبو : وانت
بلا مبالاه : اذا بغيت اروح حاروح
انصدم : ساامي ! انت شقاعد تقول تعرف عمي بو فلاح يحبنا كلنا وبغانا نجي لمة دائما
رجعت العب بالكورة ولا قلت كلمة : سااامي لا تطنشني لا تصير بارد معاي انا شاهين مو احد غريب
غيرت الموضوع : اقولك ابرجع للبيت ابذاكر بكراً المادة صعبة كثير وابرجع اذاكر
فهم اني ابغى اسكر الموضوع وكمل احتراماً لرغبتي : تعال لبيتي اكيد الان بيتكم بيكون ازعاج وانا بيتي فاضي
سكت وقلبت الفكرة براسي صحيح حاضايق اهل شاهين لو ارجع لبيتنا ولا راح ياخذو راحتهم : اوكي
بعد خمسة دقائق وصلنا بيتهم دخلنا وهوا قبلي فجئه سمعت صرخة بنات واردف شاهين بعجل : سامي انتظر لا تدخل
وقفت مكاني وسمعته وهو يكلم خواته : ايش جابكم ؟ مو كنتو ببيت سامي
ردت احدهم : زهقنا وجينا واريام عندها مراجعه فرجعنا قبل ماما
شاهين : اجل سامي معاي يبغى يذاكر ولا يبغى يرجع للبيت علشان ما يضايقكم جهزو لي القهوه
شهقت احدهم وردت البنت الثانية : خلاص انتو اجلسو بالصالة واحنا بنجهز لكم القهوه
شاهين : اوكي
ابتعدو وتكلم بصوت عالٍ : سامي تعال
دخلت وانا منحرج وهو يرحب فيني جلسنا وقلت بارتباك : شاهين اذا خواتك هنا عادي ابرجع بيتنا
قاطعني : اقول اسكت بس واحنا ايش بنسوي بنسوي ازعاج ؟ بنذاكر ماراح يكون اي ازعاج
سكت دامة هوا راغب انا انكد على نفسي لية ؟ طلعت اوراقي والكتاب وشاهين جاب كتابة وصرنا نراجع شوي وسمعنا طرق باب قام شاهين وفتح وجاب
القهوه والشكولت حطهم وصب لي شربت شوي : ليه قومت اختك وخليتها تصلح قهوه
بكذب : وش حاجتها فاضية
رفعت حاجبي : تراني اسمع ما كنت اصم
ضحك : طيب سلك لي وبعدين ايش اللي بقهرك لو صلحت قهوه هذا جزاتي ابصير سنع قدامك
استرخيت على الكنب : الله يعافيك كنت ابغاك تصلح لي انت القهوه
شرق وهو يكح ضحكت علية بقوة وضحك معايا : شاهين تذكر يوم بالمخيم التدريبي يوم يامرك الاستاذ تصلح القهوه وجبت لنا قهوه مدري شتبي
ضحك بقوة : كنت منحرج مدري وين اودي وجهي وقتها خصوصاً يوم ذقتوها وتغير لون وجهه
: صدق انت اهبل ؟ ما تعرف تصلح قهوه
ضحك : والله ماني بنت اعرف اطبخ - بنغزه - تحسبني مثل بعض الناس طباخين
رميت علية المنديل : وش حكايتك انتا اليوم ما غير بلسانك بعض الناس بعض الناس تراك تسبني وانا ساكت لك
بجديه : الا صدق سامي غريبه كيف انتا طباخ وانتا دلوع
بنفس الجدية : انتا ما تلاحظ انك صاير تاخوذ لهجتي كثير
حك خدة : صدق ؟ ما حسيت
رجعت عيوني على الكتاب : من حبك لشخص تبدا تقلدو بكل حاجة حتى بلهجتو
بسخريه : ايوا واضح
سكتنا ورجعنا نذاكر خلصنا على الساعة تسعة سكر شاهين الكتاب : اخيراً مـ ..
ما كمل كلمتو الا وجوالة يرن رفعه ورد وهو يرحب اما انا ما كنت مهتم كثير كنت اراجع اخاف انو فاتنني نقطة او شيء لكن شدني بكلامو : لا انا و
سامي ؟ .. خلاص احنا ما معانا سيارة تعال انت خذنا .. طيب طيب .. سلام
سكر وطالعني : هذا حمد ويقول ان الاولاد يبغو نطلع لمطعم او شيء الكورنيش نتمشى فية ونتعشى ونرجع
سكرت كتابي وانا اشيل اوراقي : الله يساعدك
استغرب : ما راح تروح معاي
هزيت اكتافي : ومن متى العلاقة ماشاء الله
باستغراب : سامي ذولاء حمد والباقي
طالعته : من متى علاقتي بحمد وباقي الاولاد ؟
بحيرة : من المتوسط
نفيت : شاهين انتا مخطي انا مالي علاقة باحد الا انتا بس تبغى تروح الله معاك انا حارجع للبيت
وقفت ووقف معاي : سامي اشبك ؟ تعال معانا بس اليوم طيب
رفضت : روح انتا اشبك علياً غصب اروح ؟ عادي انا حارجع وانام
كنت حامشي لكن وقفني : انت الى متى كذا ما تتكلم مع احد ولا تحاكي احد سامي حرام عليك الكل صار ياخذ فكرة سيئة عنك مع انو مو كذا صارو
يالفون كلام عليك وانت مو دااري انقهر وانا اشوفهم يحكون بشيء مو فيك سامي تعال معاي اليوم واكسر كلامهم
مشيت لكن حسيت باليد القوة اللي تسحبني لها : والله ان تروح معاي
عقد حواجبي يوم اصتدمت بالطاولة وانسكت القهوه البارده على توبي فكيت يدة بقوة ومسكت المكان : ممكن تشوف كان فية احد قدامي ابغى اغسلو
حسيتو ارتبك ومشى وبعد دقائق ناداني اتجهت لـ " دورة المياه " وصرت اغسل ثوبي وهو جنبي : خلاص حتروح معاي
رفعت عيوني : ماراح اروح وخليهم يحكو اللي يحكو كلامهم مو هامني دامني واثق بنفسي
بقهر : سامي والله حس فيني انا اعرف اكثر انسان وانقهر لما اسمعهم يتكلمو عنك بالكلام الباطل ولا اقدر ادافع عنك سامي تعال معاي اليوم
حسيت انو مصمم ولا اقدر اهروب مثل كُل مرة : ما اقدر والقهوه المنسكبة على توبي ؟
سمعت صوت طرق باب اتجهه شاهين وبعدها رجع وبيده جينز و تيشيرت : هذول ملابس يلا البس - وحك ذقنه - كنت حاجيب لك ثوب بس تعرف انت
نحيف وانا عريض فما فية ثوب على مقاسك
اخذتهم وانا متضايق : خلاص حالبسهم وامري لله
شفت الفرحة ملت وجهو : خلاص انا انتظرك برا
طلع وسكر الباب تنهدت وانا اطالع الملابس اللي بيدي فصخت ملابسي ولبست الجينز والقميص الابيض وفوقها تيشيرت اسود استغربت وانا اشوف
التيشيرت الاسود والجينزعلى مقاسي غريب شاهين فيه فارق اجسام بيننا طالعت شكلي بضيق ما احب الجينز ودائما علياً ثياب ونادر البس بنطال
طلعت وبيدي ملابسي شافني شاهين اللي متجهز وصفر : ايش ذا الزين وين كُنت مخبي عنا دا كلو ؟
بضيق : اقول خليك من كلام الغزل دا كني حرمتك تتغزل فيني وابغى كيس
ضحك بقوة على كلامي وعلى ضيق اللي ماليني علشاني حاروح مجبر اخذ ملابسي : انا اباخذها اغسلها وارجعها لك بكراً هو صحيح انو بتطلع بس ؟
صدق كنت شايل هم أُمي اذا شافت ملابسي متوسخه وحتقوم القيامة : تفعل خير
رن جوالة وسكر وحط الملابس وبصوت عالٍ : انفال خذي الملابس واعطيها الخدامة تغسلها وقولي لامي اني طالع
مشينا وتذكرت : صحيح شاهين الملابس اللي علياً حقات مين ؟ مو مقاسك ذول
ابتسم : توقعت تلاحظ هذوالي ملابس خواتي لانو انت هيكل عضمي ملابسي ما تجي عليك ابد
تذكرت ريحة العطر النسائي وباحراج : لية تقول لهم ؟
بلا مبالاه : بس قلت لهم جيبو اصغر ملابس عندي ولكن ما حصلو وجابو من ملابسهم انا ما قلت شيء
نسيت كل شيء يوم طالعت باللي جاي ياخذنا حسيت بقهر الدُنيا جاي قدامي تصادمت نظراتنا سويت نظرتي المعتادة البرود والا مبالاه ركب شاهين
قدام وركبت خلف شاهين سمعتهم يسلمو على بعض وانا كنت ملتزم الصمت تحرك واحنا متاجلين بعض طلعت جوالي من جيبي وارسلت رسالة لامي
اني حاتاخر بسرعة رن جوالي حطيتة صامت هذي امي اكيد تبغى توصيني على نفسي علشان ما امرض حطيت يدي على ذقني وانا اطالع الشوارع
والسياره يحل الصمت ومن شوارع الشرقية المعروفه بزحمتها اكيد حنتاخر ما نصل رن جوالي من جديد ورجعت حطيته صامت طالعني من المراه
وبهدوء : لية ما ترد ؟
طالعته ورجعت اطالع الشوارع بصمت وانا مطنشة حسيت شاهين ارتبك واردف : يمكن رقم غريب او شخص ما يبغى يرد علية
اردف ونظراته لسى مسلطة علياً : اهاااا
اردف وهو يغير الموضوع : الا وين بنروح ؟
بهدوء : بنطلع للخُبر هناك بنتفق وين بنروح او اي مطعم
الخُبر ؟ : ومع هذي الزحمة نصف ساعة ونطلع من الدمام وقت طويل جداً كمل شاهين : ومين بيجي ؟
: كل الشباب بدون استثنى
ما كان يناظر شاهين ابداً كانت عيونة مسلطة علي والا على الشارع قطع عليهم حديثهم جوالي وهوا يرن من جديد طالعت المتصل ما كنت ابغى ارد
قدامة كذا مزاج ما ابغاه يسمع ايش حاقول لكن المتصل شخص مستحيل اطنشة رديت : الو ؟
وصلني صوته اللي مثل الاغاني يداعب اذاني لا تلموني من حُبي له كل شيء جميل منو : الو سامي
بهدوء : هلا والله
بهدوء : فينك اتاخرت ما رجعت
: انا طالع وحتاخر شوية
سمعت ضحك ياسين وعرفت ان امي اللي امرته يحاكيني وفعلاً تاكدت ضنوني وانا اسمع صوتها : لية ما ترد علياً ؟
كتمت ضحكتي جوااي : كنت عارف ايش بتقولي فما رديت
بعصبيه : طيب رُد شوية بس او لازم ارسل ابوك يتصل فيك يعني ؟
سكت وسكتت وكملت : متى حترجع ؟
: ما اعرف
: لا تروح لمطاعم تعورك وتوقف عند الهواء الحين تمرض
بعجل : اوكي تامري امر
بحنان : مع السلامة
سكرت وتنهدت قد ايش امراضي تسبب لاهلي ازمات وبضعف مناعتي اللي اي نسمة هوا تطيحني على السرير لكن بنفس الوقت قلق امي الزائد معقدني
دائما تتصل وتقلق علياً خصوصاً انو ابوية يعتبرني يدة اليمين او مثل ضلة ودائما ياخذني معاه واذا سافر او طلع او رحنا للبر كان دائما يفتخر فيني
كثيير وكثيير وكثيير كاني شيء عظيم دائما يردد هالجملة " يمكن ربي كاتبك تكون سندي وهذا سبب وقوفي بوجهه الاطباء وعدم تنزيلك " وهذا الشيء
المجنن امي كثير من شدة تعلقة فيني بالاعياد بسبب دوامة ما يخليني اروح مع اهلي لجده ويبغاني اجلس معاه سمعت صوت شاهين : ابوك ؟
هزيت راسي بـ " اي " اردف " جراح " بسخرية : لسى يعتبرك طفل ويوصيك على نفسك ؟
رفعت حاجبي : طفل ؟ هه لا غلطان حبيبي لا تفسر الامور من راسك
طالعني : اجل لية متصل ؟
: ما عملوك اهلك ان التطفل بخصوصيات الناس عيب ؟
اسكت ولا تكلم بكلمة وبدوري طنشتة وبعد وقت طويل وصلناً وكانو متفقين على مطعم ومنتهين نزلنا واتجهنا لهم وانا طول الوقت ملتزم الصمت سلمنا
وجلسنا وطلبو وصارو يسولفون وانا ملتزم الصمت بعكس شاهين اللي يسولف ويضحك وقف وطالعني عمر : وين ؟
: الحمام ، تروح معاياً
انحرج وحس بدمو وان سؤالة بايخ مشيت واتجهت لدورة المياة الصدق ما كنت ابغاها بس كنت ابغى ابتعد عنهم طلعت برا ومشيت وبعد ما حسيت اني
طولت رجعت بطريقي وقفني شخص : لو سمحت
لفيت له واردف : معليش ابسئلك انا ماني من الخُبر لكن ابغى اعرف المقهى ......... فين مكانة
فكرت وانا احاول اتذكر اسمة ووصفت له وشكرني ومشى كنت حامشي لكن وقفني صوته المزعج : طيب قول انك ما تبغانا وجاي مجبور
طالعته واسكت كمل : بعدين لية تكلم اشخاص مثل كذا - بغرور - احنا ما نتكلم مع الاشخاص العاديين بدون اهداف
هذا اكثر شيء يقهرني وينرفزني بنفسي مدرستي مميزة وايضا صحيح اننا ما نعتبر من الاشخاص العاديين نحنا مصنفين على قدراتنا وبعيدين كل البعد
عن هولاء الاشخاص من شدة ان المدرسة ما تبغانا نختلط بهولاء الاشخاص اوقات دوماتنا تختلف والطلبة يحتقرون اي شخص من الاشخاص العاديين او
من يتكلم معهم ادرفت بهدوء : اذا كنت ما يسمح لك انك تكلم الاشخاص العاديين انا ما يشرفني اتكلم معاك لانني اعلى منك مهارات وقدرات و درجاااات
شددت على اخر جملة ومشيت عنه وحسيت اني رجعت شوي من قهري رغم اننا مميزين لكن لية ما نكلم باقي الناس وش فرقنا عنهم كلنا نهايتنا تراب
واصلنا من تراب وحنرجع لتراب اللي قدر انو يرفعنا عن غيرنا يقدر ان ينزلنا لغيرنا حسيت بنظرات " جراح " المقهوره خلفي يمشي رغم كل شيء
جراح يحاول يجيب درجات حلوة ويحاول يرتفع لكن انا كنت دائما ارفع منه وكان مقهور مني مضى الوقت بطيئ تعشينا ورجعنا لدمام نزلت عند بيت
شاهين واخذت اغراضي وكورتي اللي احسها فارقت رجلي وان رجلي ضايعة بدونها رجعت للبيت على اقدامي طبعاً وصلت البيت ودخلت سمعت صوت
ياسين العالي صدق هالولد صوته طويل : هذانا جبنا طارية وجاء
سمعت صوت بكى استغربت احنا ما عندنا اطفال لكن من شفت اللي جاي مسرع لمي وحضن رجولي ابتسمت ونزلت لمة وحضنته : وينك تاخرت
انا مليت وانا انتظرك
ابتسمت : معليش حبيبي ما كُنت عارف انك جيت من جدة لو اني عارف كان جيت لمك بالمطار
مشيت وحطيت اغراضي جنب الباب : السلام عليكم
الكل : وعليكم السلام
سلمت على ابوية واُمي وعلى هوازن : الحمدلله على سلامتك
ابتسمت : الله يسلمك
جلست جنب ياسين واردف : وانا مالي سلام
كملت : شايفك العصر لية اسلم عليك من جديد
جلس جنبي فيصل وكمل ياسين : هذا سامي جاء اشغلت راسي تبغاه يجي
حطيت يدي على كتفه وانا اقربة لي : كلش الا الشيخ فيصل
طالعني ابويه : سامي
بثقل : سم ؟
ابتسم : سم الله عدوك ، بكراً حيجون اهلي وراح يبيتون عندي طول اجازة الاسبوع ابغاك توقف جنبي وتكون مستعد
بهدوء : تامر امر يالغالي ، متى حيجو ؟
: على المغرب بعدها اليوم التاني ابغاك انت والياسين تتكفلو بكل شيء وتشرفو على الاكل فطور غدا عشاء قهوه شاي حنستاجر للحريم استراحه علشان
ياخذو راحتهم وانا عزمت مجموعة رجال وحنروح للبر ويمكن نبيت ويمكن لا
هزيت راسي بـ " اي " وكمل : الياسين مثل ما قلنا انت بكرا حتشوف وش ناقص امك واختك وتوفر لهم الاغراض وانتا يا سامي اذا رجعت من الدوم
حتكون معاياً نجهز لضيافة الرجال
كملنا انا والياسين : حاضر
وقف ووقفنا معاه : يلا روحو نامو لا تتاخرو بكراً ورانا يوم طويل ، تصبحو على خير
كلنا : وانتا من اهلو
راحو امي وابويه ينامو وجلسنا كملت هوازن : انا كمان حاروح انام مع الباقي يلا فيصل
فيصل : لا حانام عند سامي
هوازن : فيصل تعال نام بسريرك
مسكني برجاء وكملت : خلاص هوازن خلية ينام عندي
هوازن : لا حيضايقك وبعدين في سريره يضيق عليك له
نفيت : خلية عندي ما علية ما حيضايقني
هزت اكتافها : اوكي تصبحو على خير
ردينا : وانتِ من اهله
لف عليا الياسين بحماس : فين كُنت ما توقعت تطلع مع الاولاد ابداً
هزيت اكتافي : شاهين اجبرني
ياسين : فين رحتو ؟ ومع مين ؟
: للخُبر - كشرت - مع جراح
انصدم : كدااب
طالعته بضيق وكمل بسرعة :اسئلك بالله ما اتمشكلتو
: لا
ياسين : لا تكذب كم مره اتمشكتو
بضيق : ايش حكايتك تكذبني من اليوم ، ما اتمشكنا بس تنغيز كلام
بدارما : توقعت يكون اكشن وتقوم الحرب ، المهم ايش المطعم ؟
بتفكير : والله ما اعرف جديد لكن اكلهم مو حلو مرة
كشر : ايش هذول بدون ذوق - بحماس ـ اتخيل اليوم رحت مع عبود لنادي الخيول وشفت اصدقاؤة صدق ما يلعب عبود
استغربت : طيب ؟
بحماس : اقولك حماس واتقول لياً طيب ؟
وقفت وانا اتثاوب : المهم تعال نام بكراً فيه شغل واجد
بضجر : صحيح بكراً عندي اف ما بتهنا فية الصباح
ضحكت : يلا تصبح على خير
اتجهت لغرفتي ومعايا فيصل شفت ثيابة فوق سريري : فيصل بدل ملابسك وانا حبدل وننام طيب ؟
هز راسة بطاعة وبدلنا على السريع وانسدحت بسريري وبجنبي فيصل وانا العب بشعرة وهو يحكي لياً عن مدرستو واصحابو لحد ما غط بالنوم بدون ما
يحس غطيتة زين واخذت الكتاب وكملت قراه ونمت والكتاب بيدي بدون ما احس ...
صحيت مع اذان الفجر قمت واتجهت لـ " دورة المياة " وتوضيت طلعت وشفت فيصل نايم ابتسمت واقتربت منه وانا اصحية : فيصل فيصل
لف للجهه الثاني بنوم : ماما حنام شوية
: فيصل اصحى انا سامي
حسيتة جمد وثواني وتعدل وهوا يلف لي وكانه مو مستوعب : سامي ؟
بهدوء : ايوا يلا حبيبي توضى لصلاة والا ابروح واسيبك هنا
وقف بسرعة ممزوجه بكسل : لا استنى
وفعلاً توضى بسرعة وانا رحت لبست ملابسي ودقائق وفيصل جاهز طلعنا سوا وشفت ابويه وهوا يسكر ازرار كمة طالعني وابتسم ! ابتسمت له غصب
عني سمعت صوت امي وهيا تقوم الياسين : اليااااسسسين يا ابني اصحى حتتاخر عن الصلاه - وطلعت - ثلاثة دقائق وحاجي وياويلك اذا ما صحيت
يوم طلعت شافتني واردفت بصوت عالٍ : ياليتك متل سامي تصحى بدون ما اصاحيك
بصوت عال : سامي سامي سامي سامي يا امي صحيت مو لازم ترجعي تعيدي الاسطوانة كل صباح وياليت كل الاولاد متل ولدك المدلل
ضحك ابويه من قهر الياسين الواضح : الياسين ابوية يلا لا تتاخر عن الصلاة
ما ردت علية يمكن دخل الحمام او رجع ينام رحنا للمسجد وصليت سنة الفجر وقبل الاقامة اجاء الياسين ثم اقام المسجد وصلينا الفجر ومن خلصنا
رجع الياسين بسرعه يبغى ينام اما انا جلست اقرئ شوية قران مثل ما عودني ابويه ومن خلص ابوية رجعناً ومعاياً فيصل طبعاً كان جو الصباح جميل
جداً والشمس لسى توها مشرقة وصوت العصافير يملى المكان دخلنا البيت وسلمت على امي وهوازن وجلسو اما انا صعدت غرفتي وجلست اكمل قراءة
الكتاب سمعت صوت طرق باب : ادخل
طلت من الباب ببجامتها الصفراء وشعرها الاسود القصير العاكس بياض جسمها وابتسامتها مزينة وجهها رغم النوم اللي لاعب بعيونها : صباااح الخير
: صباح النور
بمرح : ادخل او لا ؟
هزيت اكتافي وانا اقرئ : اتفضلي
دخلت وهي تتامل بغرفتي : امس جينا وانتة مو موجود كُنت حانتظرك بس مدري كيف نمت
: نوم العافية ، ان شاء الله اشبعتي ؟
ابتسمت : نص ونص حارجع انام تعرف ما ورايا دوام بس قلت اسلم عليك و
فتحت الصفحة الثانية من الكتاب : وانا قُلت ما جيتي حُبا لي
ضحكت وهياً تطالعني : قلبي اللي فاهم علياً - سكت وكملت - سامي حبيبي قلبي روحي عمري
بطفش : ايش ؟
بسرعة : انا حاقولك قبل اقول لالياسين لانو اكيد بيرفض وحيكون مشغول ويبغى الاولاد بكراً البنات يبغو يروحو للكورنيش الجديد وماما رفضت نروح
مع السائق وابغى نروح معاك تكفى سامي
طالعتها : طيب بشويش
بفرحة : موافق ؟
: كم انتو ؟
بتفكير : انا وجُمانة وفرح ثنتين بس
تنهدت : خلاص اوكي بس ذكريني لاني حانسى
صرخت بفرحة : شكررااا حبيبي
طلعت بسرعة من الغرفة رجعت اقرئ بكتابي فتره طويلة من الوقت بعدها قمت تروشت واستعديت للمدرسة بعد ما لبست نزلت واخذت شنطتي والكورة
برجلي وصلت لطابق الارضى شفت ابويه وامي يفطرون وهوازن جالسه بعيد جلست على الطاولة : السلام عليكم
الكل : وعليكم السلام
صبيت لي قهوه وجلست اطالعهم ابويه يقرئ جريدة وامي وهوازن جالسين يكتبو بس ما اعرف ايش بالضبط طالعت بكوب قهوتي وانا سرحان اليوم
حيجو عماني من سنة تقريباً ما شفتهم لانو بالعيد الفطر اللي فات جلست عند ابوية وبعيد الاضحى حجيت ولا شفتهم الصحيح اني ما اعرف احد فيهم
ولا اعرف اولاد اعمامي لانو اذا جيت اسلم على جدتي وبعدها انشغل بطلعاتي او مع ابويه او اجلس بالبيت واحنا اذا جينا نكون باوقات اجازات ويكون
الكل مسافر او الاغلبية سمعت صوت ابوية : ساامي
رفعت راسي شفتو واقف : سم
ابتسم : يلا خلني اوصلك
قمت بسرعة واعطاني مفتاح السياره : روح شغلها
اخذت المفتاح : حاضر
اخذت شطنتي ورفعت كورتي : يلا امي مع السلامه
: مع السلامه حبيبي دير بالك على حالك
: حاضر مع السلامة هوازن
طالعتني : مع السلامة
دفيت كورتي برجولي وطلعت بسرعة شغلت السياره وجلست ثواني واجاء ابوية ركب وحرك انا مدرستي خارج الدمام يمكن بيني وبينها ساعه كدا :
اليوم حتطلع سيارتك ؟
: ايوه بس ماراح استلمها اليوم حاستلمها بكراً لاني حاكون مشغول اليوم
كمل وعيونو على الخط : حاتعبك اليوم ولا راح تقدر تنام شوية مثلي او مثل الياسين
قاطعته : ابويه ليه هالكلام ؟ انا راضي وبعدين ما راح اتعب كثير
: الله يرضى عليك ي ابني ويكملك بعقلك
اكتفيت بابتسامة وبعد وقت طويل وصلنا المدرسة نزلني بمكان بعيد شوي لاني انا ابغى امشي بكورتي نزلت : يلا ابويه ادعي لياً
: الله يوفقك حبيبي
سكرت الباب ومشيت وانا اسلي نفسي بكورتي لحد ما وصلت المدرسة ادخلت المبنى وانا ما زلت العب بالكورة بركبتي : واحد ثنين واحد ثنين واحد
ثنين واحد
: سامي ؟
وقفت وطالعت خلفي شفت استاذ البدينة واقف وبيدينة كتب ويطالعني : اوه استاد صباح الخير
ضحك : صباح النور متحمس
وقفت الكورة : يعني تقدر اتقول
ابتسم : متحمس للمباره
: اكيد مو دي الكورة
مشى جنبي : خليناً نشوف ابدعاتك
: اكيد لا تشيل هم
طالعني : اكيد ماراح اشيل هم على لاعب الكورة 24 ساعة معاه
: شكراً
وقف : يلا اشوفك وقت المباره
وقفت : اوكي سلام
مشيت بسرعه ودخلت الصف حطيت شنطتي وصلني صوت شاهين من اخر الصف : ساااامممي
طالعته وجاء يسرع : فية نقطة نسينا ندرسها - وحط الكتاب على الطاولة - شوف هذا التمرين اكيد بيجيبة
وصار يشرح لي لكن قاطع شرحة دخول الاستاد والكل رجع الكل لمكانة وابتدت الحصة الاولى مر اليوم الدراسي ببطئ شديد وعلى الساعه اربع بالتمام
رنت الحصة الخيرة وصارو الطلاب يطلعون كنت جالس اشيل اغراضي وجنبي شاهين مشيت ومعاي كورتي اردف شاهين : سامي ايش رايك اليوم
نطلع الخٌبر او شيء
: لا ما اقدر
بلا مبالاه : الا راح امرك المغرب
بشرود : اليوم حيجو عماني
وقف فجئة استغربت ولفيت له وانا اطالعة باستغراب اردف : اعمامك ؟
هزيت راسي بـ " أي " مشى وهوا مستغرب : غريب ما عمرهم اجو لشرقية - تذكر - تعال انت تعرفهم اصلاً
هزيت اكتافي بلا مبالاه : تصدق اني ما اعرف عنهم شيء اللهم انهم اخوان ابوية
بشرود : صحيح انتا السنة اللي فاتت ما رحت لهم
: على العموم انت ماراح ترجع لـ أبو ظبي ؟
بحماس : صحيح نسيت اقول لك بعد ما اخلص هالسنة ترا بنرجع كلنا لـ ابو ظبي - بفرحة - ما بغينا
ابتسمت لحماسة ولف لي : سامي تجي معانا ؟
ضحكت علية : اتخيل اجي وين ؟
استغرب : تجي تدرس - وبصدمة - لا تقول لي انك بتدرس هُنا بالسعودية ؟
طالعت قدام : تعرف ابويه مقدر اتخلى عنه
بصدمة : بس سامي حرام انت بمدرسة مميزة ولو تخرجت اكيد مجهزين لك بعثة
بضيق : شاهين مقدر انا اصبح ولا اشوف وجهه ابويه وتبغاني اجلس بالاسابيع والاشهر والسنين ما اشوفه ؟ والله اموت ، انا راضي كذا بعدين ايش
فيها جامعات السعودية هذا الياسين باحسن جامعة
بتردد : بس انت غير والياسين غير
قاطعته : عارف عارف اني متميز يرحم والديك سكر السالفة
حسيتة تضايق لكن بكيفة هوا يراضي نفسة اجل اطلع من السعودية ؟ واسيب ابوية لوحدة ؟ هذي اللي ما عمري فكرت فيها : خلاص ابسكر السالفة ,
تبغى اوصلك ؟
: لا شكراً
: مين بيمرك
: ماني صغير اعرف ادبر عمري
: طيب ما قلت حاجة سلام
ركب سيارتة ومشى وانا كملت طريقي وكنت شاارد وقفت انتظر ابوية او الياسين وتاخر الوقت بحثت عن تكسي واخذ وقت كثير وبعد فتره حصلت
ورجعت معاه للبيت لانة اكيد الكل مشغول وناسين امري وصلت بداية الحي دفعت لتكسي احسابو كان المغرب يذن صليت المغرب واتجهت لمتجر
عمي بو فلاح شفتة جالس يسبح سلمت علية وكعادة فرح فيني جلست شوي معاه وبعدها قمت ورجعت للبيت وكان مقلوب فوق تحت سمعت صوت
الياسين : ساامي ! كنت حاجي امرك
مشيت وانا اطنشو وتبعني : معليش سامي تعرف انشغلت وكذا والا كنت حاطلع اجيبك
وقفت بمنتصف الدرج : مين قال لك اعتذر
بخجل او تانيب ضمير : صدق نسيت مرة وابوية امرني اجيبك حتى السواق كان مشغول
مشيت : روح كمل شغلك
دخلت غرفتي ورميت شنطتي باهمال دخلت " دورة المياه " وتروشت ما اعرف كم جلست بالضبط لك اللي اعرفة طولت كثيير طلعت ونشفت شعري
ولبست ثوبي ولا لبست شماغ لاني ببساطة ما البس شماغ الا بالمناسبات الكبيرة حتى بالمدرسة ما البس تروشت بعطوراتي وطلعت من غرفتي
استقبلتني ريحة البخور المالية البيت نزلت وانا ابغى الحق على صلاة العشاء قبل يقيم شافتني امي وابتسمت : ماشاء الله تبارك الله
وقربت البخور لمي وهيا تبخرني سمعت ضحكت هوازن : اممي كتمتي الولد
بفرحة : يخلي لي هالولد عساني اشوفك عريس يارب
ضحكت : اممي قدامي مشوار اول حاجة زوجي ولدك الشايب تم تعالي لي
هوازن : اخاف تزوجك انتا اول
بزعل : افا امية تبغي الفكه مني ؟
جرتني لحضنها : لا قص لسان من يقول كدا يابني
صفرت هيام من فوق : ياي مقدر انا على الافلام اللي تقوم هنا
لفيت وطالعت هيام بفستانها الاحمر القصير ومكياجها الهادئ وكعبها العالٍ اللي مطولها اكثر وشعرها القصير مفيرتة ابتسمت : الله يا هوازن انتِ
اللي حتزوجي بنتك قبلي
رمشت : يحصل له يجي يخطب هيام بنت المشعل ؟
: طبعاً ، وداعية له امة بليلة القبر
صرخت : يالله ساامي انتا حاجة جميلة مرره يخلي لي هالخال
ابتعدت عنهم : يلا خلوني اروح اصلي اكيد ابويه حيعصب علياً
اتجهت للمسجد وصلينا سوا بعد ما اطلعنا احنا يالثلاثة ومعاناً اولاد هوازن وزوجها وكانو اعمامي وصلو دخلهم ابوية وهوا يرحب فيهم شفتو يسلم
على حرمة كبيرة بالسن شكلها جدتي وعلى عماتي اللي ما اعرف منهم دخلو البنات جوا وسلمت عليهم مسك كتفي احد اعمامي : خالد لا تقول هدا
سامي ؟
توجهت كل الانظار علياً حسيت بتوتر فضيع ابتسم ابوية وبفخر : ايوا هدا سامي
ضحك عمي : يالله قد ايش اكبرت ، تعرف مين انا ؟ انا عمك صالح
حسيتة طيوب جداً : اهلاً فيك عمي
دخلناهم المجلس وصبينا انا والياسين القهوه لهم واجلسنا بجانب بعض قالي الياسين : سامي تعرف اعمامي الان من اولادهم
بصدق : لا واللهِ
ضحك : شوف يالله انتا قد ايش قاطع ، هذا الرجال الكبير مرة دا عمي بو طارق وهذولا اولادو وهذا عمي
وصار يعدد لي اعمامي وابناءهم بعدها رحنا انا والياسين نشوف العشاء واستعداداتو وعلى الساعة 10:30 دخلو على العشاء وبعد ما خلصو ارجعو
جلسو بالمجلس هذي المره جلسو بجنبنا اولاد عمي تكلم واحد منهم : الياسين يالدُب ما تتصل ولا حاجة
ضحك ياسين : تعرف جامعه وكدا
تكلم احدهم : انتا يا سامي كيف حالك
: صدق تغيرت كثيير ، من زمان ما نزلت لجدة
: الحمدلله ، تسلم
ضحك اللي تو يحاكي ياسين : اكيد متخلبط ما يعرف مين احنا ، انا طارق ، وهدا ثامر وهذا شادي وهذا عماد
: اهلاً فيكم كلكم
ضرب عماد الياسين : شوف اخوك الذوق مو انتا اعوذ بالله
بعصبيه مصنعه : ايش ايش ؟ قوم اطلع برا
قمط : انا امزح
الكل : ههههههههههههههههههههههههه ههههههههههههههههههه
انتهى ّ


روابط الفصول

المقدمة و الفصل الاول .. اعلاه
الفصول 2 ، 3 ، 4 ، 5 ، 6 ،7 ... في نفس الصفحة
الفصول 8 ، 9 ، 10 ، 11 ، 12 ، 13
الفصول 14 ، 15 ، 16
الفصول 17
الفصل 18
الفصول 19 ، 20 ، 21
الفصل 22
الفصل 23
الفصل 24
الفصل 25
الفصل 26
الفصل 27
الفصل 28
الفصل 29 و الاخير