خاطره صدري يلمك يمكن ينسى سنين عذابك الكاتبه / هتون الغيم ،

[اسطورة !]

ابتعد في صمت وارحل في هدوء
واترك جروحي تنام وتلتئم..
وان حصل عني العواذل وانشدوا
قل لهم خان المبادىء والقيم..
سمني غدار او سمني عدو
وانت سمي نفسك ب"سيد الشيم"
اترك احزاني وارحل
يمكن جروحي تطيب وتلتئم..

- البارت التاسع -

رغم تعبها الي واضح الا انه طلبها ترجع لشغلها..
و تسوي له الغداء الي يطلبه وما تتحجج بتعبها ..
وهي طبعا م تقدر ترفض اي طلب تفادي للعاقب ..
جهزت الغداء وحطت له دواه بطرف الصحن ..
خرجت متجهه لصاله وبيدها صحن الغداء ..
نزلته ع الطاوله وسالته اذا يبي شي بعد ..
اتجهت لدرج و كانت بتصعد غرفتها ..
بس وقفها صوته الححاد ..

: وين ..!
رغد : برروح غرفتي ..!
ضاري بحده : اجججلسي
رغد قربت منه : تعبانه والله بروح ارتاح شوي
ياسمين طيرت عيونها : لايكون ح ح حـ .. ـامل
سكتوا شوي يناظرون بعض ..
ياسمين بكل وقاحه : ترا م نتشرف فيك فكيف تحملين من اخوي

رغد كانت ساكته خايفه ترد وتنضرب ..
نفس المره الي فاتت واتجهت لدرج بصمت ..

ياسمين بصراخ : مو انتي ي بنت الحاتمي الي تجيبين لنا الولد م نبيه منك نخاف يطلع لخواله
رغد م تحملت اكثر وبقهر وعيون تلمع : لاتخافين مو حامل
وبسخريه : لاني م ابي ضناي يطلع عليكم

واتجهت لدرج بكل هدو ولاكانها قالت شي ..
مو متوقعه العاصفه الي خلفتها بعدها ..
بس سمعت صراخه العالي وارتعبت ..
وماكان عندها خيار غير انه تصعد غرفتها..
وتقفل عليها تامن شوي لحد ما تطيب الامور ..
بس كان اسرع وسحبها من وسط الدرج بيده اليمين ..
واعطاها كف قوي طاحت من بعده بكل قسوه ..
لاخر الدرج بقوه واضحه من صوت الطيحه ..
حست فيه نزل لها وصار يدوس على يدها ..
وهي تان وتبكي من الالم الي تحس فيها ..
زادت الالم بجسمها ممن غير الم ظهرها ..
بكت بوجع ع حالها من المها وظلمهم ..

و لما شافته دار بظهره عنها ..
دخلت الغرفه القريبه منها وقفلتها مرتين ..
وتخبت خلف المكتب بخوف ورهبه وهي ترجف ..
من كثر مابكت وصارخت تحس انها بتموت ..مسحت الدم من اطراف فمها و انفها ..
وهي تدعي ربي يفرجها عليها ..
ونزلت راسها بين يدينه ..
تحس بغثيان فضيع ..

: ي ربي من وين الاقيها الحين من ضاري ولا اخته اااه الله ياخذني وارتاح منهم يمه يبه ي ليتني مكانكم

ضاري يدق الباب بقوة : افتحي الباب ترى باكسره فوق راسك افتحححي
ياسمين : ضاري حبيبي خلااص
ضاري صرخ بوججها : وين خلاص م سمعتيها وش تقول ..!
ياسمين : هدي حالك م تستاهل تعصب عشانها
خزها ضاري ومشى عنه متجهه لغرفته ..

رغد كانت تبكي بنحيب وبهمس : انا جنيت افتحلك والله ماافتح لو تموت عند الباب
وتكورت ع نفسها : ي ربي لمتى وانا انذل وانضرب وانهان ي رب هونها علي حسبي الله عليهم الله يوريهم يوم

و ظلت خلف المكتب متخبيه ..
تبكي وتتالم ل حتى نامت مكانها ..
وبدون م تحس بنفسها من كثر مابكت ..




**
--




واقفه وترمي للحمام حب متجاهله وجعها ..
وتغني لهم بصوتها الهادئ المتهجد ..

بس فجاءه حست بنغزات ببطنها ..
واشتد عليها الام لحد م حست ..
انه بيتقطع بطنها من الالم ..
مشت للكراسي القريبه منها ..
و هي منحنيه ع بطنها تتوجع ..
وتتاوه من الالم الي صار فوق تحملها ومايهدا ..
الا بحبه مسكن بس هالايام م صار ينفع ..
حطت يدها ع بطنها وهي تقرا ع نفسها ..
لعل وعسى ربي يخفف عنها المها وتعبها ..
ضلت فتره ع هالحال وهي مو قادره تصرخ ..
وصارت تبكي بانين ووجع لحدما ارتخت لثمتها ..

عرفها من عيونها ومن ستايلها الجرئي ..
: تسنيم ..!
تسنيم لارد
جاء بباله وقال يمكن مو تسنيم ..
بس لالا ان شفتها لما طلعت شنطتها وجزمتها فوشي ..
: تسنيم ردي علي وش فيك ..!
تسنيم م كانت ترد الا بانين ..
التفت حوالينه يمكن يلاقي احد بس م في ..
قرب منها : قومي معاي باوديك المستشفى
بدموع وشهقات بكى خافته : لآاا ابي امي الله يخليك
: انتي بعيده منهم
: سسلطان الله يخليك جيب امي
سلطان : بعيدين باوديك لهم

تسنيم بعد محاولات وقفت ..
وساعدها وهي مو حاسه ان وجهها مكشوف ..
قربت من عند اهلها بمسافه لكن م تحملت اكثر ..
وطاحت غير واعيه باي شي يصير حوالينها ..
رفع جواله واتصل ع سطام مفجوع ..
انتظره يرد م يقارب دقيقه واكثر ..
شالها بشكل سريع ..
وركض فيها للفندق متجهه لشقه البنات ..
طق الباب برجله اكثر من مره لحد ما فتحوا ..
وهما مفجوعين من الي يشوفونه ..
سطحها ع الكنبه وقبل م يخرج ..
صوت ع شهد ومرام : انتبهوا لها

رجع لمكان الشباب وهو يلهث ونفسه متقطع ..
انفجعوا الشباب ووقفوا من حالته ..
سلطان : سطام قوم معاي
سطام وقف وبخوف : وش فيك ..!
سلطان : تسنيم طاحت كانت تتالم وتبكي وبعدها غابت عن الوعي
سطام بخوف واضح بوجهه : وينها ..!
سلطان : عند البنات

وبسرعه ركض سطام لجناح البنات ..
و بدقائق معدوده صار عند تسنيم ..
ومن شاف شكلها حملها بسرعها ..
و نقلها لاقرب مستشفى وطمن اهله ..
عشان م ينفجعون ويضنون فيها شي ..

**
-



عقدت حواجبها مستغربه ..
ريحه العوده والعطور واصله لغرفتها ..
وواضح بالحركه الي بالبيت ان فيه عزيمه ..
استغربت مين اللي بيجي ..!
عادة م يسون كذا الا اذا جاء ضاري وبغصه كملت ..
او احد من اصدقاء ابوي الله يرحمه ..

بس ضاري تو امي جايه من عنده ..
ومستحيل يكونون اصدقاء ابوي ..
لانهم مسافرين من مده لشهور ..
غريب مين الي بيجي ..!

قطعت تفكيرها بشكل سريع لما تذكرت الصيدليه ..
رفعت جوالها واتصلت على السواق ..
وصته ع اغراض من الصيدليه ..
وقامت وتوضت وصلت ..
لبست بنطلون جينز رمادي فاتح ..
وبلوزها سكري فيها ورد بمدرجات البنك ..
رفعت شعرها بعشوائيه لفوق ..
وانتبهت لجوالها الي ينبهه ..
وردت بسرعه بعد ماشافت الاسم ..

: نعم رضا
رضا : انا جيب اغراض بس م في احد يجي ياخذ
نهى بهدو اشبه بالهمس : اتركهم عند الباب
رضا : ان شاء الله

فتحت الباب ..
القت نظره ع الصاله ..
من اعلى الدرج وبسرعه نزلت ..
بعد ما تاكدت ان م في المكان احد ..
عشان م تقابلهم وتزداد المشاكل والكلام ..

فتحت الباب الخارجي بسرعه واخذت الكيس ..
راجعه لداخل بس تجمدت من الشخص الواقف ..
لابس ثوب سعودي وشماغ احمر ونظارت شمسيه..
مميز بعارضه الامارتي وشعره الي يوصل لاذونه..
مع انها ماشافته من ثمان ل سبع سنوات ..
الا انها عرفته و مستحيل تنساه هذا حب الطفوله ..
رجعها لايام قديمه بالحيل ياما حاولت تنساها ..
و هو اكيد عرفها من غمزاتها الجذابه الي ماتغيرت ..

اخر مره شافها وهي ب 5 ابتدائي ..
و بدون شعور تسللت دمعه من عينها ..
م تعرف وش سببها غير انها تذكرت زمن مضى ..
حست ع نفسها وبخطوات سريعه رجعت لغرفتها ..

: سيف
سيف بارتباك : امر
مساعد : تاخرت كلها خطوتين تجيب الاوراق وترجع
سيف : اعذرني كنت اكلم رفيجي - صديقي - حمد مساعد : عذرك معاك انا الي اسف
سيف بضحكه : ي رَيال بنقضيها اعذار
ضحك مساعد
وسيف بسرعه خرج ..
وجاب الاوراق من سيارته ورجع ..

- بالمجلس -

سيف بغصه : مثل م تعرف ي خوي الوالده ورحمه الله عليها والحين ابي ادور للوالد
مساعد : عادي نقدر نحلها بس وش اسم العائله بالضبط وابي معلومات عن ابوك او اي شي وبدله لك ان شاء الله
سيف ناوله الاوراق : هذي اوراق فيها جميع المعلومات الي اعرفها عن ابوي
مساعد اخذ الاوراق : تمام واستبشر خير باعرفه لك بوقت قياسي بما انه من اهل الشرقيه
سيف : الله يوفجك ويفتحها بويهك
مساعد : اجمعين ي رب

انتبهه ع جوالها الي يهز و رد ..
: الو ، ان شاء الله ، طيب
قفل ..،

ووقف : حياك الغداء جاهز
سيف وقف معاه : الله يسلمك

غسلوا يدينهم و اتجهوا لغرفه الطعام ..
و تغدوا متبادلين سواليف الاجواء هنا وهناك ..
و بعد الغداء استاذن سيف ..


**
--



عصافير الحب كانوا جالسين بكوفي ..
هادئ بعيد عن ضجه الناس ..

وقف : حبيبتي بخرج اكلم دقائق وارجع
: ليش م تكلم هنا
ابتسم لها : م يسمحون باستخدام الجوال بالداخل
بادلته الابتسامه : طيب
كان بيمشي بس وقفه صوتها ..

: مناف لاتتاخر ترا م اعرف شي هنا
مناف ب ابتسامه : قلت لك م بتاخر تطمني
خرج مناف وهو يناظر فيها من خلف الزجاج ..
عشان ماتغيب عن عينه ويتطمن عليها ..

ندى نادت ع القرسون ..
وبصعوبه م ععرفت كيف تطلب ..
القرسون فهم انها تبي تطلب بس مو عارفه ..
اشر لها ع لوحه الطلبات والمشروبات ..
وهي حركت يدها بمعنى ع كيفك..
وبثواني نزل لها كاس بشكل انيق ..
رفعته وكانت بتشربه بس صراخ مناف وقفها ..
ندى بخوف وقفت : وش فيك ..!
مناف : هذا المشروب كله كحول
ندى طاح الكاس من يدها وتكسر ..
وبعيون يملاها الدموع : والله م كنت اعرف ي رب سامحني ي رب سامحني
مناف سحبها له : عادي ي قلبي هدي حالك

واشر للقرسون اعطاه مبلغ ..
م يعرف كم بس عشان الكاس المكسور ..
حط يده بيدها : يلا نخرج نتمشى شوي
ندى هزت راسها بالايجاب
وحطت يدها بيده وخرجوا ..
: ندى بنرجع الفندق
ندى : احسن لاني احس بصداع
لمها بيده اليمين : فيك شي ..!
ندى : عادي يمكن عشان م نمت امس
مناف وهما يمشون : مم ندى
ندى : لبيه
مناف : لباك بس بسالك امس تسنيم جاتها حمى او شي
ندى بخوف : فيها شي ..!
مناف : لا بس حمى خفيفه
ندى بشهقه وبدت الدموع تتجمع بعيونها : لاتكذب علي اختي فيها شي
مناف : والله م فيها الا العافيه واذا تبين تروحين لها بنروح الحين
ندى مسحت دمعه تسللت لخدها : اي والي سلمك ابي اتطمن
مناف : من عيوني

وقف اقرب سياره ..
وكلم سطام عشان يساله عن المستشفى ..
واتجهوا له ..


**
--



بهاللحضه كان الكل عند تسنيم ..
ناظرت رها ب سما و اشرت لها تجي جنبها ..

وقفت سما وجلست جنبها : وش فيك ..!
رها ويده ع بطنها : بموت ابي دوره المياه تعالي معاي
سما بعبوس : م اقدر اطلع بجلس مع امي احسها تعبانه شوي
رها : طيب بروح لوحدي
ووقفت خبرت امها وخرجت للحمام ..،

كانت هناك اكثر من عيون تتبعها ..
و لما اختفت عن الانظار حست بيدين ع كتفها ..
و تشدها لها ب قوه و بعنف و قسوه مولمه ..
صرخت صرخه انقطعت بيد هالشخص ..
اكيد رجال لان يده يد رجال ..
و ضل حابس انفاسها فتره ..
لحد ما حست ان الدنيا ظلمت ..
و المكان ظلم و ما فيه نور ابد ابد ..
وغابت عن الوعي تماما جاهله بالي حوالينها ..

كان رجال واضح انه سكران ..
و الشرطه كانت محوطه المكان عشانه ..
وهو كان بيهرب بمساعده رها و عبايتها السودا ..
بس م حسب حساب ان ربي معاها ..
ومصير الظالم ينكشف ..

وماحس الا بظربه ع وجهه اخلت توازنه ..
وطاح من بعدها ع الارض بشكل قوي وقاسي ..
حاول يقوم بس ضربه ثانيه اقوى رجعته مكانه ..
و بعدها فقد الوعي تماما لانها اساسا كان سكران ..
شال رها بسرعه ودخلها باحد الغرف وبلغ الشرطه..
وهو و رها اختفوا و بعد دقائق اخذته الشرطه ..
بس المكان محوط ب العسكر من كل جهه ..
واذا خرجوا صارت مشكله ولازم تحقيق ..
فضل مكانه تفادي لهالشي كله ..

- بالغرفه الي فيها رها -

نثر ع وججها قطرات من المويه ..
وضرب على وجهها ضرب خفيف ..
وسرعان ما صحت وهي ترجف ..
حاول يسكتها بسرعه وسكتت ..

: اسكتي الشرطه لا يسمعونك
رها وهي تبكي بصمت وبصوت يرجف : ماجد ..!
ماجد : لاتفهمين غلط والله مو انا الي كان معاك رجال سكران والشرطه كانت محوطه المستشفى عشانه
رها وهي تبكي : كككذاب
ماجد : والله ثم والله ماكذب واذا تبين اسالي ثامر اكيد يعرف من ضجه المشفى وليش اصلا موجودين
رها كانت تبكي ومغطيه ع وجهها بيدينها ..

ماجد انتبهه لجواله الي يدق ..
رد : وعليكم السلام ، موجوده ، لا بس عشان الشرطه وتجمعهم م قدرنا نطلع وشفتها خايفه فجلست قريب منها ، م نقدر نطلع الحين الشرطه محوطه المكان ، ان شاء الله ، العفو ، طيب الله يحفظكم
وقفل ..،

وقف : ثامر رجع الفندق واخذ امي وامك
رها بشهقه : وانا ..!
ماجد : برجعك لاتخافين والحين تغطي عشان نرجع للبنات
رها ظلت دقيقه كامله ..
تستوعب انها جالسه معاه بدون غطاء ..
وقفت وبسرعه تغطت ووقفت ..

وبهمس : اسف والله انـ ..
ماجد : مايحتاج تتاسفين عذرك معك
وفتح الباب بس كان الشرطه موجوده ..
التفت لرها : م نقدر نطلع الحين
رها بهمس : بيطولون ..!
ماجد : مدري بس اجلسي الحين لحد ما يروحون

رها رفضت تجلس وضلت واقفه ..
وماجد جلس ع الكرسي يطقطق بجواله ..

ناظرت بساعتها و هي تهز رجلها بتوتر ..
رفعت نظرها الي وقع على ماجد ..
وبكل جراءه تاملته فتره ..
لاحظت ان اكثر شي يميزه ..
العارض المرسوم باحتراف وجمال ..
وبسرعه بعدت نظرها لما شافته وقف ..

طل من فتحه الباب وكان المكان خالي ..
وبدون م يناظر فيها : يلا

ومشى ومشت وراه لحد ما وصلوا الاستراحه ..
التفتت له : اء ماجد شكرا
ماجد : العفو

كانت بتدخل بس نادها : اطلعي انتي وسما انتظرك بالسياره
رها : طيب

ودخلت وجلست بهدو جنب سما وخبرتها ..
استاذنوا رها وسما من ام سطام وتسنيم وندى ..
ونزلوا ل ماجد الي ينتظرهم بالسياره ..



**
--



فتحت عيونها ببطئ ..
بس م قدرت تشوف بوضوح ..
تحس الرؤيه عندها ضبابيه مو واضحه ..
قفلت عيونها وهي تعصر ذاكرتها ..
تتذكر الي صار لها قبل ساعات ..
وسرعان م تذكرت وبدت دموعها تسيل ..

: في ايه ليه بتبكي ي اميره ..!
اميره ناظرته وكأن رويتها بدت توضح ..
اميره بصوت هامس واضح فيه التعب : ابي تركي
الدكتور : مم ماقدر
اميره : ليش ..!
الدكتور : لازم قبل مايدخل تركي يحققون معاك الشرطه
اميره بشهقات بكا صرخت بوجهه : ابي تركي بالاول
الدكتور : والله ماعرفش رقمه
اميره : بس انا ابيه يعني ابيه
الدكتور : هو اكيد قايي اليوم
اميره بصراخ : ماتفهم ابي تركي
الدكتور : طيب اهدي ي بنتي انا بدور عليه
وكان طالع و شاف تركي ..

الدكتور تنهد : الحمدلله ان انتا موقود
تركي : ليش فيه شي ..!
الدكتور : اميره تصرخ و تنده لك
تركي : فيها شي ..!
الدكتور : عندها انهيار عصبي ورافضه دخول الشرطه
تركي : طيب اقدر ادخل ..!
الدكتور : لا الشرطه اولا
تركي : طيب تعال اتفاهم معاهم

وبعد تفاهم رضوا يدخل وهما قريب من الباب ..

تركي دخل بعد م طق الباب : أميره ..!
اميره : مين الي طعني ..!
تركي : صديق عمك
اميره وهي تبكي : مين هو ..!
تركي : م اعرف اسمه بس اعرف شكله رجال كبير بالسن دبدوب وعنده سكسوكه و قصير
اميره بقهر و صوت عالي : والله ان يندمون
تركي : طيب اهدي الحين حتى الشرطه اذا ماتبينهم باخليهم يخرجون
اميره : ابيهم ابقولهم عن كل شي
تركي : بس وضعك م يسمح
اميره : مممستحيل اتركك اكيد بيهرب
تركي : طيب استهدي بالله الحين بادخلهم لك

وخرج نادى ع الشرطه الي دخلو وسالوها ..
طبعا هي قالت لهم عن الشقه والخمور والمخدرات الي معاهم وكل شي ..
ماتركت شي بخاطرها ..



**
--



ب مكتب الدكتور المشرف على حاله تسنيم ..
سطام وابو سطام جالسين ينتظرون الدكتور ..


- وبعد دقائق من الانتظار -


: السلام عليكم
سطام وابو سطام بصوت واحد : وعليكم السلام

طبعا طلبوا دكتور عربي عشان يتفاهمون معاه ..

ابو سطام : ها ي دكتور بشرني عن حاله تسنيم
د : واللهِ بعد الفحوصات والكشف اكتشفنا ان عندها قرحه المعده مع ان هالمرض مايجي الا بسن متقدم
سطام : طيب وش سببه ..!
دكتور : هي كانت تستخدم مضادات
ابو سطام : ايه كان عندها الم بيدها بالمفصل وكانت تاخذ مضادات
الدكتور : اوه عشان كذا لانها استخدمت المضادات بشكل واسع واطول
سطام : والحل ..!
الدكتور : طبعا ع طلب الاستاذ حمد اجرينا فحوصات مكثفه و اشاعات مختلفه وتبين ولله الحمد انه لايوجود اورام و ماشابهه ذلك والعلاج بيكون ادويه حبوب و حميه غذائيه
سطام وابو سطام : الحمدلله
ابو سطام وقف وسلم ع الدكتور : مشكور ي دكتور الله يجزاك خير
الدكتور : اجمعين

وخرجوارمن مكتب الدكتور لغرفه تسنيم ..
الي كانوا جالسين عندها ام سطام وندى ..
بعد ماتطمنوا من الدكتور على تسنيم ..


توقعاتكم ..!
- ياسمين ي ترى بيلين قلبها بيوم ل رغد ..!
- اميره وحالتها ..!
- نهى و حب الطفوله سيف ..!
- تسنيم و مرضها ..!

[اسطورة !]

أصبر ياقلبي وأنتظر خل الحزن مكتوم
كل المعاني تغيرت وأتضحت الصوره
صار الصدق في هالزمن مثل الوفا معدوم
ونفوسنا تجرحت والفرحة مكسورة
كل المبادئ تنشري واللي معاه يسوم
حتي المشاعر ارخصت والكلمة مهدوره

- البارت العاشر -

من بعد ضربه لها بالامس ..
هددها انها لو ماتسكت بتندم ..
وامرها ترجع ل شغلها وهالمره سماح ..
بس اذا انعادت م تلوم الا نفسها ع تطاولها ..

- ب احد مدن الشرقيه -
- بقصر الوافي -

جالسين كلهم بالصاله يناظرون بالتلفزيون ..
مندمجين مع فلم كوميدي يضحك ..
قطع عليهم جوال ضاري ..
الي يرن بشكل مستمر من فتره ..
ناظر بالرقم ورد بعد م اشر ل ياسمين ..
توطي على صوت التلفزيون شوي عشان يكلم ..


: الو . وعليكم السلام ورحمه الله . الحمدلله . ان شاء الله .طيب ع الساعه 6 تمام تكون موجود عندي عشان يمدينا ع الرحله . معسلامه


قفل الجوال ونزله ع الطاوله ..
و نادى على سولا رئيسه الخخدم ..
وامرها تنادي رغد من غرفتها بسرعه ..
اللي نزلت له بعد تردد و خخوف ..
من الظلم الي ينتظرها تحت ..

رغد اخذت نفس وبهمس وهي تناظر ب الارض : ن نـ نعم
بدون م يناظر لها : رحلتنا بكره يعني ابيك 5 ونص جاهزه
رغد رفعت نظرها له : ليش اسافر معاك ..!
ناظر لها بحده : جهزي حالك وبس
ياسمين ب ضحكه استهزاء و سخريه ..
رفعت خصل شعرها البنيه الناعمه خلف اذنها ..
وكملت وهي تستهزا : مو متعوده تسافر كيف تجهز حالها بنت الفقر

رغد سكتت ومشت تكضم غضبها وتداري دموعها..
بس م تحملت اكثر لما سمعت اخر كلامها الجارح..
كان فيها سب قوي لاهلها وخاصه لامها وابوها ..
ورجعت وانفجرت بياسمين والدموع بعيونها ..

رغد مسحت دمعتها الي تمردت ونزلت ع خدها المطبوح فيه اثار كف ضاري بالامس : انا بنت فقر طيب وش زدتي علي فيه ي بنت العز بس بالمال وسخ الدنيا بس والله ثم والله لو تتكلمين عن اهلي ثاني مره بالشينه ان تندمين اهلي ربوني صح ومتربيه ومعروفين اهلي والحمدلله بالعلم الزين
ومن بين اسنانها : م برد عليك بالفاظك القذره

ياسمين وقفت واتجهت لها و برمشه عين..
قطعت كلامها بكف قوي طيح رغد من 6 درجات للارض ..
طاحت بقوه وسحبت شعر رغد الي انفتح ..
وهي ترميها بكلام م ينقال بحق مسلم ..

: يااااااااااااااااسمين

ارتعبت من صرخته الي هزت اركان الققصر ..
وماحست الابكف اقوى من كفها ل غد ..
طيحها على حافه الدرج ب قوه ..
ضاري بغضب من بين اسنانه : تعديتي حدودك مره واتمنى م ترجعين لي الا اذا احترمتي نفسك والحين جهزي حالك زوجك بيجي

ياسمين ضلت فتره مصدومه مرعوبه ..
حست ع نفسها وبسرعه صعدت غرفتها ..
تجمع اغراضها وهي تفكر ب افكار جنونيه ..
لكن رغد كان حالها غريب ششبه مغمى عليها ..

قروب منها وبحده : رغد قومي غرفتك
رغد ع حالتها وبدون رد متكوره ع نفسها
قوب منها وبخوف حركها : رغد فيك شي ..!
رغد بهمس تكورت ع بطنها اكثر ويد ع جنبها : بـ بـ ـبـ بـ .. ـمـ .. ـوت
جلس ملاصق لها وهزها ع خفيف : وش تحسين فيه ..!
رغد ضلمت الدنيا ب عيونها و وقفلتها ..
غايبه عن الوعي تماما ..
ضاري رفعها وصار وجهها بين يدينه : ررغغدد
رغد لارد

شالها بسرعه والخوف يتسلل لقلبه ..
خوف م عمره حس فيه من قبل ..
اذا ماتت فهو قاتل بلا رحمه ..
قتلها بعد م عذبها وجرحها ..
صح يبي يعذبها بس مو يقتلها ..




.. بودعك وبودع الدنيا معك ..
.. جرحتني قتلتني ..
.. غفرت لك قسوتك ..
.. بودعك من غير سلام ..
.. ولا ملام ولا كلمة مني تجرحك ..


**
--



- بالكوفي -

لاحظ جوال مساعد الي يرن من فتره ..
اشر ل مساعد ع جواله بس طنشه ..

: مساعد شو بلاك م ترد ع الجوال
مساعد : ازعاج
سيف : رد ي ريْال يمكن شي ضروري
مساعد رفع الجوال ورد ..
وصله صوتها : مساعد الله يخليك تجي الحين
مساعد بخوف : وش فيك ..!
اسماء : عمتي هاوشت نهى و نهى قافله عليها وحالتها حاله والله خايفه عليها حتى ماسمعها تبكي ولا لها اي صوت
مساعد تنهد : طيب وينها الحين ..!
اسماء : ب غرفتها
مساعد : خلاص اتركوها فتره وانا بتفاهم معاها اذا جيت
اسماء : طيب بس لاتتاخر
مساعد : طيب يلا معسلامه
وقفل ..،

سيف : مساعد عسى ماشر
مساعد : ماشر
سيف سكتت لانه فهم السالفه ..
من صوت اسماء العالي ..
بس م حب يتدخل..

مساعد بتردد : سيف ابي دكتور نفسي
سيف : مم انا عندي درست مع تخصصي نفس
مساعد : مم لا ابي
قاطعه سيف بنص عين : ماعيبتك
مساعد : لا لاتفهم ي سيف غلط بس الصراحه ابيه ل
وسكت ..،
سيف : تبغيه لمنو ..!
مساعد بتردد : ل نهى و نهى م بتتجرأ عليك وكذا
سيف : مو مشكله ب اغير شكلي
مساعد : مدري اخاف تعرفك وتصير مشكله
سيف : لاتخاف حالات تمر علي كذا وتعدي ع خير
مساعد : طيب متى نبدا
سيف : لو تبي الحين
مساعد : لا ابي ادبر الامور هاليومين وارد لك خبر
سيف : ع راحتك وانا مويود - موجود - باي وقت
مساعد : مشكور الله يفرج همك
سيف : امين .. ولو وايبنا

وقف مساعد واعتذر من سيف ..
وركب سيارته راجع للبيت ..



**
--


البنات كلهم مجتمعين عند تسنيم ..
البنات و الحريم والغرفه مره زحمه ..
و تسنيم كانها تضايقت من هالزحمه ..

شهد ناظرت بمرام واشرت لها ..
ووقفوا بنفس اللحضه ..
شهد ب ابتسامه عذبه : يلا تسنيم م تشوفين شر واخر اوجاعك ي رب
و لبست طرحتها ..
المزين طرفها بخط بنفسجي غامق ..
نفس يدين عبايتها الكتف و لبست النقاب ..
و استاذنتهم و خرجت قبل مرام تدور لسلطان ..

: نزل الكوفي تحت

التفت لمصدر الصوت وكشرت ..
ومشت متجاهلته و كلها ثواني ولحقتها مرام ..
نزلوا الكوفي ويدينهم بيدين بعض ..
لمحوا سلطان من بعيد جالس ..
اتجهوا له وجلسوا معاه ..
رفع سلطان نظره عاقد حواجبه ..
شهد بضحكه : لايكون م تبينا نجلس معاك
مرام جلست وطلبت لها مويه : على قلبك
سلطان : ي ليل البلشه كنت بافتك منكم
مرام بشهقه : اء ياللي م تستحي ع وجهك تفتك من عيونك
سلطان : وبعد صرتوا عيوني واضح انكم ماخذين بانفسكم مقلب
مرام التفتت لشهد : اقول شهيد لا يكون اخوك شاف له وحده تركيه ولعبت بعقله
شهد اكتفت بضحكه ..
مرام : واخزياه تاخذ من غير بناتنا وعربنا جيبها انت بس اقطع رقبتها الي م تستحي
سلطان ضحكه ضحكه قويه : خلاص اسكتي يقطع بليسك
مرام : طيب بسكت لكن وش رايك نطلع
سلطان وقف : يلا

مرام وشهد وقفوا ومشوا معاه ..
وقف سياره وركبوا ..
سلطان كان يتكلم مع السائق ب لغه غير مفهومه ..

- وبعد فتره -

مرام بهمس : سلطان
سلطان : همم
مرام : طولنا واحنا ندور بالسياره شكل السواق م عرف الفندق
سلطان : الا يعرفه بس حبيت اروح مشوار بسيط وحبيت اخذكم معاي
مرام : اها
وسكتوا وكلها دقائق ..
ودخلوا منطقه كلها جبال شاهقه باللون الابيض ..
والجو بدا يبرد بشكل واضح وسريع ..
شهقت مرام لما قربوا شوي من جمال المنظر ..
: ثلجججججج
شهد باعجاب : يجنن

وقفت السياره ونزل سلطان ومرام وشهد ..
سلطان ب ابتسامه : من امس لليوم وانا ادور لكم على مكان يعجبكم عاد سمعتهم الصبح يتكلمون عن منتجع ساكليكينت للتزلج قلت نروح
مرام تدور حوالين نفسها : يجننن
شهد التفت لسلطان تضحك : الله يسعدكك ي رب
سلطان : امين

طبعا كان شعور سلطان م ينوصف ..
خاصه لما شاف اخواته مستانسين ومبسوطين ..
يحاول يسعدهم ومايكونون بحاجه احد ..
ابتسم ع ضحكهم وهبالهم ..
: تبون تتزلجون
شهد ومرام بصوت واحد : ايه

اخذهم سلطان وصعدوا لاعلى الجبل ..
واخذوا زلاجات ..

مرام : الحين اوريكم اتزلج بالالواح مابي جزمه
واخذت لوح : 1 .. 2 ..... 3
وبسرعه انطلقت ولكن م تعدت المترين ..
الا وطاحت ع وجهها تتقلب بالثلج ..
وشهد وسلطان يضحكون عليها ..

وقفت وهي تتوعد فيهم ..
ومازالت صامده رغم الالم هههههه ..
تجرب اللوح وكيف تتزلج فيه ببراعه وجد ..
وكملوا يومهم بوناسه وهما جنب بعضهم البعض ..





**
--



لاحظت عمتها اللي خرجت بكل هدو ..
وخرجت على الكراسي الي برا ..
كانت تتحرك بانزعاج ..

: عمه
رفعت نظرها لها : سما
سما بحنيه : وش فيك ..!
: احس المكان مكتوم مره وتعرفين فيني ربو م اتحمل هالكتمه
سما : طيب معاك علاجك او بخاخك
: ايه جيبه يمه من شنطتي

سما رجعت الغرفه واخذت البخاخ ..
ورجعت لام ثامر الي كانت جالسه وتسعل ..
وبخت بفمها كم من بخه وجلست جنبها : كيفك الحين ..!
ام ثامر : احسن شوي
سما : تبين مويه تهدي الكحه ..!
ام ثامر : م في الا بارده و اخاف تهيجها اكثر
سما وقفت ورها طلعت لهم مستغربه ..
سما : طيب بروح اجيب لك من تحت
ام ثامر : لا والله م تروحين بيجي ثامر الحين وارسله

: كأني سمعت اسمي

وقفت سما ..
ام ثامر : كنت سما بتنزل تجيب لي مويه برا الثلاجه بس قلت ثامر بيجي الحين ويجيب لي
ثامر خز سما ورها و كشر : م يحتاج احد يروح
والتفتت لامه وابتسم : ابشري انا بروح ثواني وتكون عندك
ام ثامر : الله يرضى عليك ي رب
ونزل ..،

وبدقائق رجع وبيده علبه مويه ..
اعطاه امه وجلس جنبها ..

: يمه تبين نرجع الفندق
ام ثامر : اي والي يعافيك احس المكان كتمه
ثامر : من عيوني
وسند امه لحد ماوقفت ..
ونادى ع رها الي خرجت معاهم ..
و يدها ب يد امها تسندها مع ثامر ..


**
--



محتار وش فيها ..!
من رجعت وهي تبكي وتصيح ..

: ياسمين قلبي انتي وش فيك ..!
ياسمين لارد ..
جلس جنبها وضمها لصدره وهو يمسح ع شعرها بحنيه : ضاري زعلك ..! صار لك شي ..!
وسكت شوي : طيب خايفه من شئ ..! انا معاك وماراح اتركك
ياسمين كانت على حالها وتبكي ..
حاول معاها اكثر من مره بس ماردت ..
الا بشهقات بكا متتاليه ..
وقف : طيب بنزل اجيب جوالي من السياره وارجع لك

خرج برا الغرفه ..
ونزل متوجهه لسيارته ..
فكر وش يسوي ب الاخير ..
قرر يتصل ع ضاري عشان يفهم الي صاير ..
واخذ جواله و جلس ب الحديقه اتصل على ضاري ..
الي مارد حاول اكثر من مره بس لارد ..
قفل الجوال بقهر ورجع لياسمين ..
الي كانت تبكي بشكل مستمر ..
تركها وجلس باصاله محتار ..

: محمد وش فيها ياسمين تبكي ..!
محمد : علمي علمك ي خوي من اخذتها من عند اخوها وهذي حالتها
تركي استغرب : اتصل ع ضاري
محمد : اتصلت بس مارد
تركي : طيب روح لها يمكن تفهم السالفه
محمد : توني طلعت من عندها مارضت تقول لي
تركي : حاول مره ثانيه
محمد بحيره : مدري مدري
اخذ بيده تركي : حاول مابتخسر شي
محمد ابتسم له : طيب يلا عن اذنك
تركي : اذنك والا خشمك
وضحك : امزح امزح روح الله معاك

ابتسم محمد و دخل الفلا ..
و صعد لغرفته هو و ياسمين ..
و تركي ركب سيارته ..

حاول فيها مرات كثيره ..
وبعد محاولات هدات ..
و حكت له السالفه ..
بعد تردد ..

محمد وقف بصدمه : ياسمين انتي سويتي كذا ..!
ياسمين وهي تبكي : ايه
محمد بغضب وهو راص اسنانه : ياسمين للاسف احس ان توني عرفتك والله لو بدال ضاري باسوي اكثر من الي سواه
وتنهد : بس لان ضاري يحبك ماسوى لك شي بس كف وصراخ


وخرج من عندها مصدوم ..
وهي رجعت تبكي اكثر و اكثر ..


**
--



تناظر ب الفراغ ودموعها متحجره ب عيونها ..
من تتذكر الي صار و تتذكر ان عمها السبب ..
تحقد عليه اكثر واكثر و هي تتمنى موته ..
اليوم قبل بكره و هالدقيقه قبل الساعه ..
فزت لما انتبهت ل الدكتور اللي دخل ..
وعدلت نفسها بالم رافضه المساعده ..


: ابي اخرج
الدكتور ب مراوغه : ايه زهئتي منا ..!
اميره لارد
الدكتور : تبغين نخرجك ..! لازم تتجاوبين مع العلاج
اميره بهمس : مابي العلاج
وعدلت طرحتها عليها وتلثمت بشكل بسيط ..
لما سمعت صوته ..

تركي : كيفك اليوم ..!
الدكتور : والله تبغى تخرج
تركي : بس م تشافت تماما للحين
الدكتور : قول لها يمكن تهدى وتقتنع
التفتت لها تركي : وش فيك ..!
اميره بهمس : اوعدك ي تركي ماجيب لك المشاكل مره ثانيه وماتشوفني ابد والله يجزاك خير
تركي فتح عيونها ع الاخير : انتي وش تقولين ..! ماراح اتركك لحد ما اتطمن عليك
اميره : سامحني ع كل شي
تركي : متاكد انك مو بخير باتركك الحين وارجع اكلمك بعدين بس ارتاحي


الدكتور فضل يخرج وتركي خرج معاه ..
يسال عن حالتها و يتطمن عليها ..



**
--


نرجع لاراضي تركيا
- وتحديدا باحد فنادق انطاليا -


فتحت جوالها ع صوت الرساله ..
بدت تقرأ الكلام عاقده حواجبها ..


أحبك قالها قلبي قبل لاينطق لساني
أحبك عاشت بدمي قبل لاتبصر ايامك
أحبك وش كثر ما ادري؟ أحبك مالها اوزاني
أحبك ليت تسألها وتغنيها على الهامك
أحبك ليتها توصل غلاك وحجم تحناني
أحبك كلمةٍ توقف شموخٍ وهيَ قدامك
أحبك جات لك تحمل وفا واحساس وجداني
أحبك ليت تمنحها الأمان ونشوة احلامك
أحبك هي لها معنى أنا وياليت تهواني

أحبك يعني انت اللي عشقت آثار أقدامك
أحبك جات تشرح لك وتشدو لك على الحاني
أحبك أذهلت فكرك ولام الله من لامك
أحبك خذها واضربها على مليااار تلقاني
أحبك لو تحللها تراها تغني انغامك
أحبك جات بايامك تضمك في شكل ثاني
أحبك ليت تقبلها وتكيفها على

احبك .. احبك
انا بك هيمان وعاشق ..



استغربت وبنفس الوقت ضحكت بقوه ..
وهي تناظر بالفراغ وتفكر ب افكار مجنونه ..
بس بترت افكارها على صوت ثامر اللي يناديها ..

ارسلت : غلطان
جاها الرد : احبك
رها قفلت جوالها ورمته من دون اهتمام ..
وهي تضحك بصوت خافت : شكل حبيبته طفشت منه فارسلت له رقمها غلط

وجلست جنب امها ونست كليا سالفه الرسائل ..
شد انتبهاها حديث امها وثامر ..

رها بصدمه : بتخطب شهد ..!
ثامر : أن شاء الله
ام ثامر : صراحه هالبنت دخلت قلبي عقل وثقل
رها كانت تعرف بسالفه سطام و شهد بس م قدرت تقول لهم : مم يمه احس شهد و ثامر مو لايقين ع بعض
ثامر وامه بنفس الوقت : ليش ..!
رها : كذا مو لايقين ع بعض و مدري مدري
ووقفت ورجعت غرفتها ..
ماتبي تقول لاحد عن اعجاب سطام بشهد ..



**
--

توقعاتكم ..!
- رغد ب تودع هالحياه لظالم ..!
- رها وهالمجهول وش بيصير بينهم ..!
- اميره ب تترك تركي و وين ب تروح ..!
- وش موقف سطام من خطبه ثامر لشهد ..!
- موقف محمد من ياسمين ب ياثر بعلاقتهم ..!
- نهى ب تتقبل سيف كطبيب بعد ماكان حبيب ..!

[اسطورة !]

الحزن أن تفارقِ ولا تفارقِ
فتصمتي ويبقى صوتكِ في أذني
وتغيبي وتبقى صورتكِ في عيني
وترحلي وتبقى أنفاسك ِفي قلبي
وتختفي ويبقى طيفك ِخلفي يمزقني

- البارت الحادي عشر -

- بالمستشفى -
يناظر فيها من خلف الزجاج ..
الاطباء والممرضات ملتفين حواليها ..
الاجهزه محوطتهم والواضح ان حالتها صعبه ..
مشى بتوتر وقلق واضحين مقابل غرفتها ..
ينتظر احد يطمنه عليها ولو بكلمه ..
ضل نص ساعه او تزيد وهو على حال ..
حس بالباب ينفتح ويطلعون منه الي ب الغرفه ..
ركض لواحد من الاطباء الي يعرفهم من زمان ..
: دكتور ناصر
د.ناصر : ضاري ..!
ضاري : كيف رغد ..!
د.ناصر : تعال مكتبي
ضاري مشى خلفه لحد ما دخلوا المكتب ..
ناصر : قفل الباب
ضاري قفل الباب وبخوف من ملامحه : بشرني ..!
ناصر بسخريه : وش ابشرك فيه البنت حالتها صعبه
ضاري خاف اكثر : وشو وش فيها ..!
ناصر : اولا وين لقيتها ..! لابد من تواجد زوجها
ضاري سكتت شوي وتنهد : انا زوجها
ناصر بعصبيه : تستهبل انت ..! ترا حاله البنت صعبه
ضاري : والله انها زوجتي
ناصر بصدمه : اجل من سوا فيها كذا ترا لازم بوجود الشرطه
ضاري بنفاذ صبر : طيب قولي وش فيها ..!
بهاللحضه دخلت الممرضه ..
وناولت ناصر اوراق وخرجت ..
تفحص ناصر الاوراق فتره ..
ورفع نظره ل ضاري ..
: زوجتك حامل
ضاري هز راسه بالنفي ..
ناصر شوي وينفجر بوجهه : انا اقولك انها حامل م سالتك
ضاري : ايششش ..!
ناصر عقد حواجبه باستغراب : وش فيك ..!
ضاري وكان هموم الدنيا ع راسه : ولاشئ
ناصر رجع يقرا الاوراق وبعد فتره ..
رفعع راسه عن الاوراق : وش سبب هذا كله ..! من الي سوا فيها كذا ..!
ضاري : اولا قولي وش فيها بالضبط
ناصر : الظاهر منها كله كدمات وجروح وكسر باليد وغير ذلك عندها نزيف و جفاف م لاحظت ..!
ضاري بصدمه : تتكلم جججد ..!
ناصر : ضاري ركز معاي هالامور مافيه مزح
ضاري نزل راسه بين يدينه : طيب وش هالجفاف وش اعراضه ..!
ناصر : وزنها بينقص كثير تستفرغ اكثر من 3 مرات يوميا ودائما تحس ب العطش وتشرب مويه كثير و
ضاري شرد بباله لما كان تتسلل اخر الليل ..
للمطبخ وتشرب كاسين مويه متوسطه ..
وتاخذ كاس كبير مويه لغرفتها ..
يعني كل هذا بسببي انا الي سويت كذا ..
ي ربي ساعدني ي ربي وش اسوي ..
وقف : طيب مشكور بس الحين لازم اخذها وباعرضها ع دكتور اعرفه برا
ناصر : والشرطه ..!
ضاري لمعت عيونه بشكل غريب : المره الاولى طلبتك طلب ومانفذت لي طلبي حتى ولا ربعه والحين طلبي الثاني ابعد الشرطه وهالحركات وساعدني اطلع زوجتي
ناصر فهم سبب لمعه عيونه : تامر امر الحين اتكفل بكل شي وبتصحى ان شاء الله بعد ساعتين تقدر تاخذها بس لازم لها عنايه والا بتضرر هي والجنين وضررها اكبر
ضاري : مايامر عليك ظالم تسلم
وخرج متوجهه لغرفتها ..
دخل وجلس جنبها ..
نزل عيونه على بطنها ..
وش بيصير لو تعرفين بحملك ..!
جلس عندها يناظرها بس باله ابد مو معاها ..
لحد م غفى و الافكار تاخذه لكل مكان ..
- بعد ساعتين ونص -
صحت وشافته بجنبها ..
تحس نفسها عطشانه بالحيل ..
وبهمس : ض ضـ ضاري ضاري
ضاري لارد
رجعت تهمس لحد م صحى ..
رغد : تـ تكـ ـفى اءءبـ ـي مـ ـويه عـ ـطـ ـشانـ ـه
وقف وبسرعه جاب لها المويه وساعدها تشرب ..
رجعت انسدحت وقفلت عيونها بتعب ..
م تعرف وش صار لها ولا كيف ..!
ضاري : بنطلع الحين
رغد لارد
اصلا بهالحضه م تبي غير الراحه وبس ..
وهو خرج ينهي اوراق خروجها ب سرعه ..
وخلال ساعه ونص صاروا واقفين امام القصر ..
: رغد
رغد : همم
ضاري : لاتزلين باجيب الشنط وانزل
رغد بتعب واضح بصوتها : بس انا م جهزت شي
ضاري : عادي انا قلت للخدم يجهزون شنطتك واي شي تحتاجينه بناخذه من هناك يمكن نجلس 6 شهور او 7 شهور
رغد : ب بـ بس لازم انزل
ضاري ب استغراب : ليش ..!
رغد بوهن : الله يخليك ابي انزل
ضاري : طيب ع راحتك بانزل الشنط عشان م نتاخر ع رحلتنا وانتي اذا بتبدلين او شي ع راحتك قدامنا 5 ساعات ع الطياره
رغد استغربت معاملته : شكرا
ونزلت ودخلوا سوا ..
صعدت غرفتها بالاصنصير ..
فتحت الدولاب وماكان فيه الا بجامه وروب ..
اخذت البجامه ودخلت الحمام- وانتوا بكرامه - ..
واخذت دش خفيف بصعوبه من يدها الملفوفه ..
وتوضت وخرجت تجفف شعرها شوي ..
ودعت غرفتها وذكريتها مع هالغرفه ..
وهي تدعي ربي انها م ترجع لها ..
قفلت الباب ونزلت للمطبخ ..
اخذت مويه وخرجت ..
شافته واقف عند السياره ..
على جواله و ل لباب ظهره ..
م تعرف ليش بهاللحضه كانت بستفرغ ..
و تحس ان اطرافها ثقيله وبتدوخ ..
وبصوت خافت : ضضضاري
التفت وركض لها بسرعه لما حس انها بتطيح ..
ضاري يضرب ع وججها بخفيف : ررغغدد
شالها لسياره وسرعان م صحت ..
وطلبت مويه وهي تاشر ع شنطتها ..
ناولها علبه المويه وركب وهويناظر لها ..
اتصل على الدكتور ناصر واخذ منه توصيات ..
**
--
كانوا مجتمعين بجناح ابو سطام ..
محتفلين بخروج تسنيم ب السلامه ..
الي خرجت اليوم والواضح ان عندها ..
- قرحه المعده -
وصفوا لها ادويه واكل مخصص وخرجوها ..
- عند الرجال -
: حبيت اتكلم قدام الكل دام الجميع موجودين
الكل باصوات متفرقه : امر ي سطام
سطام التفت لابوه : بعد اذنك يبه
ابو سطام : امر ي بوك
سطام : مايامر عليك عدو بس حبيت اطلب سلطان طلب
سلطان باندفاع : لك م طلبت
سطام : م يصير بهالسرعه
وبابتسامه : حبيت القرب منك اكثر و اطلب اختك شهد زوجه لي
سلطان : من عندي فهي لك لكن لازم اشاورها
سطام : اكيد لازم و سلمت
ابو سطام ب ابتسامه واسعه : الله يفرح قلبك ي ولدي
سطام : اممين والجميع ي رب
الكل امنوا .. وبعدها بدات التباريك والدعوات ..
استاذن الكل وكل خرج جناحه ..
- عند ثامر بجناحهم -
تمدد على سريره ..
وتذكر خطبه سطام لشهد ..
ابتسم و دعا الله وهو يردد - خيره - ..
وتذكر كلام رها وتاكد انها كانت تعرف بخطبه سطام ..
وعينه على شهد ويبي يخطبها والاغلب يعرف ..
حمد ربي انه ما خطبها قبل سطام وصار شي ..
فز على صوت جواله وقطع حبل افكاره ..
حطه سايلنت ودخل بفراشه ونام ..
- عند سلطان -
طبعا سلطان م كان متوقع هالشي ..
ولاجاء بباله ابد انه ب يخطب شهد ..
وعشان يقطع هالتفكير نزل لجناح الحريم ..
قاصد شهد بيخبرها ويشوفف رايها ..
اتصل ع مرام الي ردت بثواني ..
: مرام ابي شهد تطلع لي الحين
مرام : شهد نايمه ، اذا تبي شي باجيك انا
سلطان : لا خلاص ي قلبي م في داعي
مرام : ي حظ شهد تعطيها وجهه اكثر مني
سلطان : واضح من الي مرتزه معاي بكل مكان واعطيها وججهه اكثر من شهد
مرام ضححكت ..
سلطان : يلا انتبهي لنفسك واتركيي عنك حركات الهبال
مرام بضحكه : ان شاء الله وانت كمان
وقفلت ..،
نزل بالوبي ..
كان مشاري جالس تحت ..
سلطان : وش فيك هنا
مشاري بضحكه : سحبوا علي العيال
ضحك سلطان : جاء بالي انك ترقم البنات
مشاري اطلق ضحكه عاليه : والله م رقمت بحياتي الا مره وقفطني ابوي
سلطان : بصالحك عشان تعقل
مشاري ضحك ..
سلطان رمى عليه مفتاح جناحهم ..
: اطلع الجناح وانا بروح اجيب لنا اكل
مشاري : باجي معاك
سلطان : لا والله روح ريح وانا بجيب
مشاري : يلا
صعد مشاري الجناح ..
وسلطان خرج يجيب الاكل ..
مرام بعد م قفلت من سلطان ..
رجعت للبنات ..
سما : ماشاء الله احس سلطان مره طيب
مرام : الله لايحرمنا منه
وبضحكه : طبعا وهو الله لايحرمه منا
سما ضحكت معاها متجاهله نظرات اختها ..
الحارقه لها م تبيها تضحك معاهم ابد ..
سما بتفكير : ممم مرام !
مرام : هلا
سما بغمزه : وش رايك نصحي البنات بطريقتنا
مرام فهمت عليها : يلا
وقفوا ثنيناتهم وهما يضحكون ..
متجهين لغرفه ندى وشهد ..
اخذوا علب مويه الصغيره ..
وفتحوها فتحات صغيره من فوق ..
مرام : 1 ، 2 ، 3 .... go
كانت مرام ترش المويه ع شهد ..
وسما كانت ع ندئ ..
ندى وشهد صحوا مفجوعين ..
ويصرخون عليهم ودخلوا بهواش ..
بس بالاخير انتهى لصالح ندى و شهد ..
- عند الحريم -
ام مناف : مدري احس سفرتنا هذي مو مريحه صح
ام ثامر بتذمر : اي والله كنت بقوله بس استحيت
ولفوا ع ام سطام الي كانت جالسه بعيد عنهم شوي ..
: ها وش رايك ي ام سطام ..!
ام سطام : الصراحه م كنت اعرف وين وجهتنا والا لو اعرف م سافرت
ام مناف : اجل بنقولهم يعجلون برجعتنا خلال هاليومين
ام ثامر : اي والله ي ليت واذا رجعنا ناخذنا شاليه افضل او رحله للبر والسفره الجايه كيفهم يسافرون لوحدهم
ام مناف : اي والله بكيفهم
ام سطام : اجل بخبر ابو سطام عشان نخلص كل شي بدري
ام مناف : تمام
واتفقوا يكلمون رجالهم ..

**
--
مجتمعين ويناقشون حالة نهى ..
مققررين يبدون العلاج ع انها م تعرف ..
مساعد وافق بدون اذن امه الي اصلا م بتعرف ..
سيف : بابدا معاها العلاج بس وش رايك تيسلون - تجلسون - عندنا فتره علاجها
مساعد : لا م اقدر اسافر مره شغلي هالايام مهم وعندي دوره برا
سيف : والله ودي ايلس - اجلس - هنيه واساعدك بس م اقدر اودر - اترك - شغلي
مساعد تنهد : كاسره خاطري يومين م شفتها وبالليل اسمعها بس تبكي
سيف بباله - نهى البنت الفله صارت هاي حالتها م اصدق - : طيب السبب الرئسي وشو ..!
مساعد عدل جلسته : خلها ع الله
سكتوا فتره ..
وكان كل واحد يفكر بعالمه الخاص ..
سيف قطع الصمت : مساعد
مساعد : نعم
سيف : انا نويت اتزوج
مساعد : ابركها من ساعه بس من هي تعيسة الحظ ..! من بنات اخوالك ..!
سيف بضحكه : لا انا ابي سعوديه من ديرتي
مساعد : وبتاخذها معاك الامارات
سيف : هيه
مساعد : الله يوفقك بس انت اختار وانا اروح اخطبها لك
سيف ب ابتسامه : م يحتاي تعب عمرك هي قريبه - م يحتاح تتعب نفسك -
مساعد : اجل بنخطبها لك قريب
سيف : وين قريب ي رِيال - رجال - انا لازم اخطبها اليوم عشاني باسفر وابغيها ترد لي بالفتره الي بسافر فيها
مساعد بضحكه : مستعجل
سيف : لا مو مستعجل بس انا مرتب الامور ببالي وان شاء يصير كل شي تمام
مساعد : ان شاء الله
سيف : الصدق ي مساعد م بطول عليك انا بالاساس يايي - جاي - كنت ابي القرب منكم
مساعد سكتت مصدوم ..
سيف : الصدق كنت باشوف رده فعلك قبل عشان م اتفشل
مساعد بابتسامه : وش تتفشل منه ..! انت رجال م يعيبك شي والف بنت تتمناك وانا من عندي موافق اذا وافقت
سيف : الله يكتب اللي فيه خير
مساعد : امين ي رب
ووقف سيف : اتمنى ترد لي قبل م ارجع السعوديه عشان اجهز حالي هو كله يوم بروح وارد فيه
مساعد : ان شاء الله
سيف : يلا الله يحفظك لازم اروح الحين طيارتي بعد شوي
مساعد : الله يحفظك
وتوادعوا من بعض ..
وكل واحد راح بطريق ..
**
--
لبست عبايتها وتلثمت وخرجت من جناح البنات ..
تحس ب نوم فضيع ففضلت انها تروح جناحهم ..
صعدت الدور الثالث اللي كان فيه جناحهم ..
ولما قربت استغربت ان الباب مفتوح ..
دخلت وقفلت الباب ورمت عبايتها ع الكنب ..
وهي تنادي على سلطان : سلطان سلطان
دخلت كل الغرف بس م شافت احد
: شكله مو موجود
طبعا كان فيه شخص يراقبها ..
وخايف يقوم و تشوفه و تخاف ..
ظل مكانه متجمد لحدما تشوفه هي ..
ومقفل عيونه ولا التفتت لجهتها عشان ماتحس ..
سمعت الجرس الباب يرن وبسرعه فتحت ..
: سلطان وينك ..!
سلطان بشهقه : وش جابك هنا ..!
مرام بضحكه : جيت عشان اجلس على قلبك
سلطان بعصبيه : مجنونه انتي مشاري هنا
مرام باستغراب : لا م في احد
سلطان : الا قلت له يطلع هنا
مرام : شفت الباب مفتوح بس م شفت احد داخل
سلطان طلع جواله واتصل ع مشاري ..
وكانت المفاجاءه ان جواله يرن بالصاله ..
مرام : يمكن نساه
سلطان اتجهه لصاله وانصدم لما شاف مشاري ..
كان دافن وجهه بالكنبه وكانه نايم ..
اشر لمرام تدخل الغرفه ..
وهو قرب منها واخذ الكاس الي جنبه..
و صبه دفعه وحده عليه وهو يصرخ فيه ..
قام مفجوع ويشاهق : ي النذل وش سويت
سلطان : تركت باب الجناح مفتوح تبي ذولاء المهبل يسرقونا
مشاري وقف : ارحمنا ي الي عنده مال قارون وخايف عليه ترا كلها فنيلتين وسروال وان كثرت جوال و عشره ريال
سلطان : افرض بعد يسرقون اختي
مشاري يستهبل : وش دخل اختك بالموضوع
سلطان : بالغرفه
مشاري يكتم ضحكته وبشهقه : ماقلتي لي ان فيه احد والا كان م دخلت الجناح
سلطان : حتى انا م كنت اعرف والا ماكان بترك تصعد لها اخاف بعد ترقم مره ثانيه وانا الي اقفطك
مشاري ضحك : لا خلاص توبت بعد هذيك المره
سلطان : تستاهل
فتحوا الاكل وبدوا ياكلون ..
لكن سلطان انتبه لجواله وبسرعه رد ..
لما شاف الاتصال من السعوديه ..
: السلام عليكم ورحمه الله
سلطان : اهلين وعليكم السلام ورحمه الله
: كيفك !
سلطان ب استغراب : الحمدلله بس من معاي ..!
: احد جنبك اذا احد جنبك ابعد عنه
سلطان قام وخرج برا الجناح ..
وهو مستغرب من كلام هالرجال ..
سلطان : امر ي اخوي
: انا ضاري الوافي
من سمع سلطان الاسم تجمع الدم بوجهه ..
ضاري باندفاع : لوسممحت اسمعني ولاتقاطعني
مر الوقت وهما يكلمون بعض ..
تقريبا اكثر من ساعه ..
سلطان بهدو : من حقك هالشي ، بس ابي اكلم رغد ..!
ضاري : بهالوقت اسمح لي بس من نرجع السعرديه ابشر
سلطان عقد حواجبه : انت الحين بالسعوديه
ضاري : انا بالمطار بسافر من 6 شهور ل 7 شهور
سلطان
سلطان : امنتك بالله تنتبه عليها انا متاكد انها مرت عليها اوقات قاسيه
ضاري : بعيوني بس لاتنسي الي قلت لك عليه
سلطان : ابشر
ضاري : تبشر بالجنه يالله معسلامه ينادون ع طيارتي
سلطان : معسلامه
قفلوا ورجع سلطان لمشاري ..
وضاري لرغد الي كانت جالسه ع الكراسي ..

**
--
نزلت وسمعت امها ومساعد يتكلمون ..
فضول قاتل جعلها تقترب من الباب ..
بس م قدرت تسمع الاصوت امها ..
لان صوت امها بطبيعته مرتفع ..
ام مساعد : مساعد لاتتعب متاكده انها بتفشلنا ومابتوافق
مساعد علا صوته : يمه بجرب سيف صديقي وعارفه زين والله لو م اعرفه واثق فيه م وافقت عليه
ام مساعد : بعدين م بترضى تروح تسكن معاه
مساعد : يمه لاتحكمين يمكن توافق ..!
ام مساعد : خلاص قفل الموضوع اصلا انا مو مرتاحه لهالزواجه
مساعد : يمه ويمكن يسكن هنا وتتغير الاحوال اذا التقى بابوه
ام مساعد : خلااص بعدين انا ابي لها واحد كبير شوي يعقلها
مساعد : يمه فكري واللي يسلمك
: بس انا موافقه
مساعد وامها بنفس اللحضه : نهى ..!
نهى سكتت وماردت عليهم ..
مساعد : تتكلمين ججد ..!
ام مساعد : لاتاخذ ع كلامها تهذي
نهى تحارب دموعها : ايه اتكلم جد واعرف يمه انك تبيني اتزوج ولد اختك الشايب عشان عنده مال وحلال بس انا مابيه ومستحيل اوافق عليه
ام مساعد : يعني بتوافقين ع سيف
نهى باصرار : ايه
ام مساعد : توقفين بوجهي
نهى نزلت دموعها غصبا عنها : يمه ولامره تركتي لي فرصه اختار دائما انتي الي تختارين عني ولامره تركتي لي فرصه الاختيار
ام مساعد بحده : نهى
نهى : هذي حياتي انا اللي بعيشها وانا لي حق اختار
ام مساعد ناظرتها مصدومه ..
يمكن من هذرتها او من الحقيقه ..
بس متاكده انها الحقيقه الي تتجاهلها ..
مساعد استانس ..
وبابتسامه : استخيري و ردي لي خبر
نهى : موافقه خلاص
مساعد وقف : الله يوفقك يعني ابلغه
نهى هزت راسها بالايجاب ..
وتركتهم نهى بوسط صدمتهم ..
ورجعت غرفتها تقفل عليها ..
فتحت دولابها وشافت صورتها ابوها ..
ضمتها ع صدرها ودموعها تنزل بصمت ..
يبه الي سويته الصح ..!
بس والله خايفه انصدم بسيف ..
او يمكن ينصدم فيني و ماعجبه ..
ادع لي يبه انت مو معاي بهالحضات ..
بس اكيد تحس فيني صح يبه ..!
رد علي والله اشتقت لك ..
ي ليت اني مت معاك ..
ولا تركتك وحدك دنيتي بعدك صعبه ..
آآآه يبه اشتقت لك ي غالي ..
ونامت وهي تبكي ..
- عند مساعد -
: والله ي سيف مستحي منك م اعرف وش اقولك
سيف ظن انها م وافقت : لا عادي يَ رَيال الله يوفقها كيف م كان ردها
مساعد : والله ي سيف هي
وسكت فتره ..،
سيف : مساعد وش فيك ارمس
مساعد : اءء مممبروك
سيف باندفاع : وافقت ..!
مساعد : ايه
سيف والابتسامه ع وجهه : يبارك فيك الحمدلله والله خفت انها ماتوافق وهي بهالحاله
مساعد : الله يوفقكم ي رب
سيف : اممين يَ رب
وسكتوا شوي ..
سيف : مساعد الجد اببدا معاها العلاج بس لازم استعيل بالملكه و الزواج بهالشهر اذا مافي مانع
مساعد : بسالها وارد لك خبر
سيف : عيل بانتظارك
مساعد : الله يكتب الله فيه الخير
سيف : امين
ووقف : استاذنك ي بو عبدالرحمن طيارتي الحين
مساعد : توصل بالسلامه ، بحفظ الله
سيف : يسلمك ،معسلامه
وقفلوا من بعض ..،
**
--
من عرفت بخطبه سطام ..
وهي زعلانه و مقهوره ع اختيار ولدها ..
مو مستوعبه بعد رفضه لزواج والبنات الي خيروه فيهم ..
يختار هالبنت لا وبعد م اخذ شورهم ..
وقفت واخذت جوالها ..
اتصلت على سطام بسرعه ..
و جاها الرد بعد ثواني معدوده ..
: هلا بالغاليه
ام سطام بغضب : اي غاليه ..! لو كنت عندك غاليه م سويت الي سويته
سطام ب استغراب : يمه وانا وش سويت ..!
ام سطام : تخطب بنت الفقر بدون م تخبرني ..!
سطام : يمه هذا اختياري
ام سطام : اختيارك للاسف مو موفق وياليت تكنسل هالخطبه باي طريقه
سطام : يمه اسف رايي م بغيره وهذي حياتي
ام سطام : سطام
سطام : لبيه
ام سطام : تعال الجناح اتفاهم معاك
سطام : ان شاء الله
وقفل الجوال متوجه لجناحهم ..
وكلها دقائق وصار عند باب غرفه امه ..
طق الباب ب هدو ودخل بعد ما فتحت له ..
: اجلس
جلس ع طرف السرير : امري يمه
ام سطام وهي واقفه : ابيك تنهي هالخطبه باسرع وقت
سطام : اسف يمه بس ممستحيل
ام سطام فتحت عيونها ع الآخير : تبيني اغضب عليك
سطام فز و باس يدينها : يمه هذا حياتي انا اللي لازم اختار شريكت حياتي مو انتم
ام سطام : وشريكت حياتك ماحبها
سطام : بتحبينها مع الوقت واذا ما حبيتها على الاقل بتتقبلينها
وجلس هو وامه على طرف السرير ..
سطام : الله يخليك يمه لاتضغطين علي ابيها ومابي غيرها العمر يركض تكفين يمه تكفين
ام سطام بدون ما تناظر فيه : تحبها ..!
سطام فاجئه سؤال امه بس رد بكل صرآحه : من اول م شفتها
ام سطام بجمود : الله يوفقك بس ترا تتحمل اسلوبي معاها لاني م اطيقها
سطام باس راس امه والفرحه بعيونه : الله لايحرمني منك يالغاليه ويسعدك اضعاف م اسعدتيني
ام سطام : امين
خرج سطام والابتسامه ع وجهه ..
شافته ندى وبسرعه فزت له ..
: وافقت ..!
سطام بابتسامه : ايه
ندى بادلته الابتسامه : الله يوفقك ي رب
سطام : امين
خرج وهو مستانس والفرحه واضحه بوجه..
وندى رجعت للبنات والابتسامه على وجهها ..
و هي تدعي ربي ان شهد توافق على سطام ..
**
--
رغم الالم الي تعاني منه الا انها قاومت ..
وخرجت من غرفتها حتى من المسشفى بكبره ..
وقفت سياره تاكسي و رجعت الشقه ..
اخذت اغراضها ونزلت وهي تسحبها بيدها اليمين..
وصفت ل السايق يرجع لبيت عمها ..
- بدقائق -
وصلت ونزلت البيت بس استغربت الهدؤء ..
دخلت غرفتها وقفلت الباب عليها 3 مرات ..
ناظرت غرفتها الي تحمل كل معاني الالم ..
مسحت دمعتها اللي تسللت لخدها ببطئ ..
و انسددحت على فراشها ب تعب و وجع ..
وهي تفكر ب حظ تركي الي رماها عليه ..
وبعد طول تفكير ..
قررت تشتغل وتدرس ..
عشان تعتمد على ححالها ..
و ما تحتاج آي احد ابدا ابدا ..
**
--
- بمستشفى الدواء -

دخل غرفتها و فتح الباب بهدو ..
بس تفاجاء ان مافيه احد ..
خرج وسال الدكتور ..
قال انها خرجت بدون اذن ..
وبدون مايعرفون انها خرجت ..
وبسرعه خرج و ركب سيارته ..
و اتصصل على تلفون الشقه ..
بس مافي آي رد من احد ..
اتصل ع صاحب الشقق ..
وقال له انها جت من ربع ساعه ..
قفل منه : بتذبحين نفسك ي اميره بتهورك
وماهي الا ثواني ووقف مقابل الشقق ..
نزل و هو متجهه لشقه فتح الباب ..
ودخل كان المكان هدو و مضلم ..
نادى عليها بس مامن مجيب ..
دخل الغرفه كمان مافي احد ..
خرج من الشقه وقفل الباب بقوه ..
و ركب سيارته متجهه ل بيت عمها ..
**
--

[اسطورة !]

الضحك ماهو علامة مستريح
والبكى احيان مايوحي بحزن
خذ مثل مني انا قلبي جريح
وابتسملك من غرابيل وشجن
وان بكيت يجوز ابكي من صحيح
من جرح,من ظلم ,من صدمة زمن
او يجوز ابكي على شان استريح
او نتيجة شوق او حزن وندم

- البارت الثاني عشر -

من ركبوا الطياره وهي نايمه ..
خاف يكون بعد صاير لها شئ ..
وبعد تردد هز كتفها اكثر من مره ..

فتحت عيونها بذبول ووهن : همم
ضاري : فيك شي ..! تحسين بشي ..!
رغد هزت راسها بالنفي ..
ضاري سكت شوي ..
ورجع يلتفت لها : طيب وش حسيتي فيه لما كنتي بتدوخين ..!
رغد جلست عدل وبهمس : ولاشي
ضاري : قولي لي عشان اقول لدكتور
رغد تجنب نظراته : ولاشي
ضاري بحده : تكلمي عشانك انتي
رغد بعد تردد : آآء حسيت ان اطرافي ثقيله واني ب استفرغ
ضاري : بس ..!
رغد : بس

فتح الاب تبعه وفتح ع ايميله وتافف : م رد
وبعد دقائق من الانتظار جاه الرد ..

( آهلا بك ا.ضاري
اطلعت ع الحاله
ومن الحظ الجميل انها في بدايه الحمل
وسنكافح الجفاف ببعض الادويه والمغذيات
وفي حين وصولك
مر بي بالمستشفى
لابد من تواجدها عندي ع الاقل شهر
او تواجد ممرضه معها
ولك الحريه بالاختيار
تحياتي : د . مارتن )

قفل الاب وابتسامه ع وجهه : الحمدلله
رغد : كم بقى ونوصل
ناظر بساعته : اوهه بس ساعه
رغد : يعني انا نمت كثير
ضاري : تقريبا 5 ساعات
رغد : استغفرالله
حاولت تسحب شنطتها ..
بس م قدرت من يدها المكسوره ..
ساعدها و رفع لها شنطتها وطلع لها المويه ..
الي كانت تبي الشنطه عشانها ..
شكرته واخذت المويه ..
وشربت منها شوي ..
ورجعت تقفل عيونها بتعب ..


- بعد ساعتين ونص -
- بالمستشفى -


رفضت تبقى ب المستشفى ..
فقرر ياخذ لها ممرضه معاهم ..
قضوا وقت ممل في مشوار طويل ..
واخيرا وصلوا ل مكان كانه ريف ..
فيه حديقه كبيره و في وسطها ..
فلا كبيره وفخمه بشكل غريب ..
كانها كوخ بس بشكل فلا ..
نزل ودخل قبلهم ..

ورغد والممرضه دخلوا ..
بس تفاجوا من ظلمه الفلا ..
ولاكان فيها نور ابد ..
جلست عند الباب الخارجي ..
خايفه من الضلام الي يملا الفله..
جلست م يقارب ساعه والظلام بدا يخيم عليها ..
والخوف بدا يتسلل لقلبها من صوت حفيف الاشجار ..
والافكار تلعب براسها توديها وتجيبيها ..
معقوله بيتركني بالغربه ..! وبهالمكان ..!
ي ربي ي حبيبي يارب رجعني لاهلي ..
بكت بخوف وتعالت شهقاتها من شافت ضل شخص ..
م تقدر تشوفه عدل من الضلمه ..
وصرخت بخوف وظلمت الدنيا بعيونها ..
و طاحت ب الارض غايبه عن الوعي من الخوف ..




**
--



كانت رحلتهم الساعه 3 الفجر ..
وقبل رحلتهم حبوا يستغلون الوقت ..

كانوا الشباب مجتمعين ..
والبنات كمان مابينهم الا مسافه بسيطه ..
يعني يسمعون بعضهم اذا تكلموا او ضضحكوا..

الشباب كان كل واحد يقترح مكان ..
بالاخير استقروا ع متحف انطاليا الاثري ..
البنات بصراخ وبصوت واحد : لاااا
العيال ب استغراب : وش فيكم ..!
مرام و رها بصوت واحد : متحف لا
ندى و سما : وش نبي فيه
رها : اي والله وش دخلني باثار تركيا عشان اشوفهم مابيهم
مرام : نجلس بالفندق ونقابل فيسات بعض احسن
شهد : مرام اسكتي
مرام رفعت يدها لفمها من ورا لثمتها : ها سكت

مشاري : طيب خلاص تبون نروح مول
ماجد يتمتم : بتروح فلوسنا ي حمار
مشاري بضحكه خبث : خلاص ي بنات يقول ماجد حسابكم الليله عليه
ماجد بشهقه : ي الضالم تبيني افلس
ثامر وهو يضحك : الرجال م يتراجع بكلامه
ماجد : رجال غصب عنكم و مو دافع شي تبغون تفلسوني
ثامر : عادي وش وراك
ماجد : اجمعهم لزوجتي
سلطان بضحكه : وتنسفهم بيوم واحد
ماجد ضحك : حلالها
مناف : واحنا
ماجد : ولي امركم انا

طبعا البنات كانوا يضحكون عليه ..
ماجد : مم او عندي فكره
الكل باصوات متفرقه : وش هي ..!
ماجد كمل : نتقاسمهم باخذ ثنتين انا الي بدفع عنهم
سطام : خلاص بنختار لك
ماجد باندفاع : والله م يختار الا انا مجانين انتم بتبلشوني ب 2 طلباتهم كثيره
سطام : طيب يلا اختار
ماجد : باخذ سما و ممم
سطام : خذ معاها
ماجد قاطعه : ورها

ناظروا كلهم برها مستغربين ..
طبعا رها ابتسمت من خلف الثمه ..
وهي تتجنب نظرات الي حوالينها ..
وتطقطق بجوالها تشغل نفسها ..

ماجد ناظرهم كيف يناظرون ببعض : ظن السوء ماهو زين
وبضحكه : باشرح لكم ليه اخترت الثنتين اولا سما طيبه فديتها م بتاخذ السوق كله زي بعض الناس وناظر بساره و رها اكثر وحده تستحي بينكم
كل البنات ناظروا ب رها : متاكد انت تقصد رها
رها باندفاع : خير وش فيني يعني

ماجد طبعا يعرف انها م تحب ملابس البنات ..
واكثر شي سبورات و ب المول الي بيرحون له ..
نادرا السبورات والمحلات الشبابيه اغلبها عالميه ..
ونسائيه بحت او رجاليه رسميه وكذا ..

اتفقوا وركبوا ب اربع سيارات ..
متجهين ل - شي مول - ..



**
--



طق الباب اكثر من مره ..
بس ماسمع منها اي رد ..
فتح الباب بهدو ودخل ..

كانت الغرفه ظلام الا من نور خافت من الابجوره..
والمكيف بارد بشكل و متلحفه ببطانيه ثقيله ..
قفل المكيف و فتح الستاير و قرب منها ..

وبهمس : نهى نهى
نهى لارد
سحب الحاف عن وجهها وبهمس : نهى
فتحت عيونها ببطئ : نعم
مساعد : ابي اتكلم معاك قومي
نهى : م بينا اي كلام
مساعد : باتكلم معاك عن سيف
من سمعت اسمه فتحت عيونه عدل : طيب
وكانت بتقوم بس حست ببلل ملابسها ..
وبارتباك : م مساعد خلاص انزل وبنزل وراك
مساعد وقف : بس لاتتاخرين

وخرج وقفل الباب بعده ..
نهى بعد م تاكدت انه نزل ..
فزت و قفلت الباب بالمفتاح ..
و اخذت مفرش سريرها و كورته ..
ورمته ببانيو دوره المياه - وانتوا بكرامه - ..
وواخذت دش سريع بدقائق ..
ولبست بنطلون اسود ..
وبلوزه ترابيه ..

ونزلت ..،
القت السلام و جلست ..
مساعد : سيف كلمني اليوم يبي الملكه والزواج بهالشهر وش رايك ..!
نهى سكتت شوي : كيفكم
مساعد : يعني بهالشهر عادي ترا م بقى بهالشهر الا اسبوع ونص
نهى : اعرف
ام مساعد : مستحيل ان هالبنت صاحيه اكيد عقلها فيه شي
نهى وقفت : موافقه
مساعد : الله يتمم ع خير

و رفع جواله واتصل ع سيف ..
يحدد معاه موعد الملكه والزواج ..
تحت استغراب ام مساعد واسماء ..
الي مو عارفين شي من سبب هالعجله..

طبعا مساعد حدد المكله بعد يومين ..
والزواج بعد اسبوع و ثلاث ايام ..




**
--



بالمجمع كانوا متقسمين ..
كان سلطان واخواته جالسين ب كوفي ..
وماهي الا ثواني وانظموا لهم ..
ندى و تسنيم وسطام ..

ندى : بنات تجون معاي
شهد : وين ..!
ندى : بنروح ل معرض ازياء هنا
شهد وقفت : اي

اصلا من شافت سطام م تبي تجلس ..
تبي تقوم باي طريقه بدون ما يحسون ..

ندى : مرام .. تسنيم تجون ..!
مرام : انا م اقدر تكسرت رجولي
تسنيم بصوت هادئ ع غير العاده : وانا م فيني
سطام : تسنيم تعبانه ..!
تسنيم هزت راسها بالنفي ..
سكتوا فتره ..،
تسنيم : سطام باقوم اجيب لي مويه اباخذ حبوبي
سلطان : هذي العلب كلها جديده المهبل ذي طلبت 6 مويه
سطام ناولها وحده ..
وهي قامت طاوله جنبهم ..
عشان تاخذ راحتها اكثر وماتتقيد ..
اخذت حبوبها وحطت راسها ع الطاوله ..

: انسه ي انسه
رفعت راسها وعدلت لثمتها : ماذا ..!
بدا يتكلم كلام مو مفهوم ..
التفت سلطان ومن شافه وقف واتجهه له ..

سلطان : ماذا هناك ..!
الرجال كان يتكلم بلغه غريبه عليهم ..
سلطان : سوري ولكن لم افهم م قلت فالغتك غريبه علي
الرجال : انا حقا اسف ولكن هذه الفتاه متعبه
سلطان : لا انها بخير
الرجال : تعرفها
سلطان : نعم ..!
الرجال : اذن اهتم بها خفت كثير حينما وضعت راسها ع الطاوله ولم ترفعه فتره
سلطان ب ابتسامه : شكرا لك

مشى الرجال ..
وسلطان كان بيرجع ..
بس وقفه صوت تسنيم : وش كان يبي
سلطان : يسال عنك
تسنيم : عني ..! بس انا م سويت شي
سلطان : شافك طولتي حاطه راسك ع الطاوله فخاف ان فيك شي
تسنيم : اها شكرا

سلطان رجع لمكانه ..
وسطام م يعرف وش صاير ابد ..
قلبه مع ندى الي وصاها تعرف وش رده فعل شهد..

- عند ندى وشهد -

يدينهم بيدين بعض ويتمشون ..
ندى : شهوده وش قررتي بزواجك
شهد ب استغراب : اي زواج ..!
ندى : زواجك من سطام
شهد : من قال اني بتزوجه
ندى : يعني مو موافقه
شهد : لا مو موافقه اصلا لو انه يبيني صدق كان جاء وخطبني من سلطان بس الموضوع واضح
ندى ب استغراب : يعني م تعرفين
شهد : بايش ..!
ندى : سطام خطبك من سلطان قدام الكل
شهد بشهقه : امما ..!
ندى : والله
ناظرتها شهد بصدمه ..
ندى رفعت حاجب : ما قال لك سلطان

شهد هزت راسها بالنفي وسكتت ..
وهي تفكر بالسالفه الي م توقعتها ..
وتمشوا فتره والصمت ساد عليهم ..




**
--



يدينهم بيدن بعض ..
ويمشون و ماجد يمشي وراهم ..

: سما .. رها
التفتوا له : سواق والا شغاله عندكم عشان تمشون وانا وراكم
رها اطلقت ضحكه لااردايه ..
وسما ضحكت : اطفين تعال
رها رفعت يدها لفمها تهدي ضحكها شوي : اطفين ..!
سما : م تضحك اقصد اسفين
ماجد اطلق ضحكه عاليه : كنت اظنك تقصدين شي م كنت اتوقع انك بتقولين اسفين
سما زعلت ومشت عكسهم ..
بس ماجد مسكها بسرعه ..

ماجد : مجنونه انتي ..! تخيلي تضيعين
سما : مابضيع
ماجد رفع مجله بيده : ي الواثقه اقول امشي لاهفك بهالمجله
سما : تتهددني
ماجد : بتقلبينها مسلسل كويتي يلا امشي
سما بضحكه : تههدني ي جاسم
ماجد : اي اهددج
سما : يالي م تستحي
ماجد : انتي طالج
سما بشهقه : تطلقني ي جاسم

رها وهي تضحك : يلا طيحي ع الجدار طيحه حياه الفهد
سما وماجد ضحكوا ..
ماجد : اقول م تبون تشترون شي
سما : انا مابي شي
رها سكتت تناظر بجوالها ..
ماجد : يلا بسرعه خذوا الي تبون
رها : انا م اعجبني شي
ماجد وهو يضحك : نصرني ربي ع مشاري
ورفع يدينه : احسن ي رب مشاري يفلس بسبب ساره
سما : حححرام عليك تدعي عليه
ماجد : اقول اسكتي

ومشى : تعالوا عندي لكم مفاجاءه

ودخلوا محل ساعات جميل مره ..
اشر لهم يجلسون على الكنبات ..
وهم مستغربين وش يبي هنا ..
جلسوا على جوالتهم شوي ..

وبعد ربع ساعه نادهم ماجد وخرجوا ..
التفت لهم : والله كنت امزح معاكم عاد انتوا شكلكم استحيتوا وماشتريتوا شي فحبيت اجيب لكم شي ع ذوقي
واعطاهم الاكياس : عاد كيفكم اعجبتكم او ماعجبتكم بس خلوها ذكرى
سما : حبيبي ليش تعب نفسك والله جد ماعجبني شي
ماجد : تستاهلون والله
بعد ماسكتوا تكلمت رها : ماجد
ماجد : نعم
رها : مشكور وماقصرت بس اسف ماقدر اقبل الهديه
ماجد : لييش ..!
رها : مافيه سبب عشان اقبلها
ماجد : انا اخترتكم عشان تتسوقون ع كيفكم بس م اعجبكم شي فما حبيت تطلعون كذا والكل يعرف اني ماخذنكم يعني عادي
رها : اسفه والله ماقدر
ماجد : والله ي رها ان تاخذينها انا اشتريتها لكم وماتصلح لغيركم
رها سكتت ..
ماجد : ماينفع اتفاهم معاك بتفاهم مع ثويمر

ومشوا راجعين ل شباب والبنات ..
وكلم ماجد ثامر وقبلت اخيرا رها الهديه ..
اجتمعوا ورجعوا الفندق يجهزون حالهم لرجعه ..
لان رحلتهم تقريبا بعد 4 ساعات ونص ..





**
--




جاب شركه تنظف الفلا ..
تنظيف بالكامل من برا ومن داخل ..

: سيف
سيف التفت : ححمد ..!
حمد : متى وصلت ..! وشو هالتنظيف كله ..!
سيف ضحك : سوال واحد عشان ارد ..! تعال نطلع بالحديقه اخبرك
حمد : يلا

- بالحديقه -

سيف : حمد انا بتزوج
حمد : ابركها من ساعه بس حدد عشان نسير نخطبها لك
سيف : خلاص خطبتها
حمد : كيف ..! ومين ..!
سيف : أخت مساعد ربيعي
حمد : وافقت والا تتريا موافقتها ..! - تنتظر موافقتها -
سيف ب ابتسامه واسعه : وافقت وحددت الملكه والزواج
حمد طير عيونه : شو ..!
سيف : شو بلاك ..!
حمد ب استغراب : بهالسرعه
سيف : ي حمد الصدق البنت عايبتني من كنا صغار ومن زمان وانا اعشم عمري يوافقون بس كانت امي تحطمني تقول م بيوافقون ومن وافقوا طرت من الفرحه وتم كل شي
حمد : ومتى الملكه والزواج
سيف ب ابتسامه : الملكه بعد يومين والزواج بعد اسبوع و ثلاث ايام
حمد بصدمه : ليش هالسرعه بالملكه و الزواج ..!
سيف : الظروف ي خوي
حمد : الله يوفجك
سيف : امين ي رب

طلبوا شاي من كوفي جنبهم ..
وجلسوا يسولفون و يجهزون لزواج سيف مع بعض ..



**
--




رن الجرس مرات ..
بس مافيه اي مجيب يرد ..
وبعد تردد دفع الباب بقوه ودخل ..

: اميره اميره

كان يناظر بكل غرفه يمشي من عندها ..
تذكر غرفتها وبسرعه ركض لها وصار يطق الباب ..
بس م كان فيه اي رد وبعد دقيقه كامله وهو يسمع صوتها ..
كسر الباب المهتري و دخل و هو يناظر فيها ..
كانت منسدحها ع فراشها الارضي البسيط ..
وتان بالم و ضاغطه ع بطنها بيدها اليمين ..

: اميره وش فيك ...!
اميره بعيون يملاها الدموع : تركي ..!
تركي : ليش طلعتي من المستشفى ..!
اميره : سامحني ع كل شي سويته فيك بس الي بقوله لك اتركني باجيب لك المشاكل
تركي : اميره قومي معاي
اميره خبت وجهها ب المخده : ماقدر
تركي : اميره الله يخليك قومي واسمعي كلامي شوفي كيف وجهك شاحب
اميره بهمس : لا
تركي : طيب وش اللي المك كتفك ..!
اميره : شويه الم وبيروح
وقفلت عيونها بوجع ..
تركي وقف و شال شنطتها الي م فتحتها من جت ..
وحطها على كتفه وساعد اميره تقوم رغم عنها ..
وخرجوا من البيت وركبوا السياره ..
و رجع متوجهه ل الشقه ..

- بعد نص ساعه -

تركي : اجلسي هنا وانا بجيب لك شي دافئ عشان بطنك و اعقم جرحك
اميره : انا بسوي لي كل شي
و ماهي الا دقائق معدوده وصار بيدها كوب حليب دافئ ..
اميره بدون م تناظر له بعكس جرأته هو : تركي تتوقع لو عرفت زوجتك ب جلستك هذي معاي كذا بترضى ..!
تركي ابتسم : انا مو متزوج
سكتت مصدومه توقعت انه متزووج : طيب امك اختك اي احد
تركي : الله يرحمهم ما معاي بهالدنيا بعد الله الا محمد
اميره : يخليه لك بس ممكن ابي طرحتي
تركي ب اندفاع : لا
اميره : مايحق لك تشوفني كذا
تركي ببرود : يحق لي
اميره و دموعها بعيونها : سويت لي اشياء كثير و جزاك الله خير لكن ي تركي مالك حق تناظرني كذا انا مو بالي ببالك
كملت و بعصبيه : بعدين لاتقول يحق لك بصفتك من ..! ابوي او اخوي ..! حححررررامممم
تركي ب ابتسامه : حبيبك وضحك
اميره سكتت شوي مصدومه ..
وبعد م استوعبت الي قاله : تركي انا مو بالي ببالك عشان
قاطعها : انا م قلت كذا
اميره : لا تضحك علي هه اصلا انت وين وانا وين ..!
تركي شدها من معصمها بقوه : مابينا فرق بس الفرق انك خسرتي ثروتك و انا للحين محتفظ ب ثروتي بسسس هذا الفرق فاهمه
اميره بالم : اترك يدي آآآه توجعني
تركي وقف وبحده : والله ثم والله ي اميره لو تطلعين من الشقه ان م تلومين الا نفسك
اميره وقفت و هي تبكي : مستحيل تمنععني
تركي رفع المفتاح الي بيده : ب اقفل عليك
اميره انهارت وطاحت بالارض ع ركبها تبكي : باقتل نفسي بانتحر بارتاح بارتاح مابيكم كلكم نفس بعض ككككللككككممم
ماتحمل يقسى اكثر : اهدي الحين ولك الي تبين
اميره : ماتقدر
تركي : تذكرين يوم قلته لك اول مالتقينا ننفذت لك طلبك صح ..!
اميره : بس هالطلب انا الي بنفذه م يصير غيري
تركي : وشو طيب ..!
اميره : عمي
تركي : اقولك ب شي عمك بيقيمون عليه الحد تعرفين ليش ..!
ناظر فيها يترقب رده فعلها وكمل : لانه يساعد ع ترويج المخدارات ويدخلها السعوديه بطرق غير شرعيه و كم من الضحايا سببهم هو و اصدقائه
اميره رفعت يدينها لوجهها وهي تبكي : سامحني يبه بس يستاهل عذبني عيشني بجيم
تركي : خلاص ارتاحي الحين
اميره : بس لا تقفل علي الباب
تركي وقف : اسف لازم اقفل عليك الباب

اميره ترجته بس هو قفل الباب وخرج ..



**
--


توقعاتكم ..!

- رغد وموقفها اذا عرفت بحملها ..!
- ي ترى وش قال ضاري ل سلطان ..!
- شهد وزواجها ويترى بتوافق ع سطام..!
- ي ترى وش صار ل رغد ب هاالضلام ..!
- سيف وبتسير امور زواجه نفس مايبيها ..!
- اميره و جراءه او بالاصح وقاحه تركي ..!

[اسطورة !]

الزمن يفرض سؤال كل إجاباته محال
السعادة شي واضح وماهي من وحي الخيال
كلنا محد سلم من تعاسة أو ألم أو جراح
بس منهو الي من وسط قلبه أبتسم




- البارت الثالث عشر -

- بعد يومين -

مقفل عيونه ومنسدح ع الاريكه الي جنبها ..
مرت من قدامه ذكرى صارت قبل يومين ..

--

انفجع من صوت صرختها ..
وركض للمكان الي هي متواجده فيه ..
وتفاجاء بشكلها وهي طايحه على الارض ..
شالها و هي يضرب ع وجهها بخفيف ..
وينادي عليها وبعد فتره صحت ..

: لاااا ضضضاري لاا تتركني
ضاري : انا هنا
رغد بصراخ هستيري : ضاري وين ..! ابي ضاري
رفعها لحضنه وهو يهديها : اهدي انا هنا

ونادى ع الممرضه الي جابت له مويه ..
مسح وجهها بمويا وهو يقرا عليها ..
رفعت نظرها له وتاكدت انه هو ..
ضمته بقوه من خوفها وهي تبكي : حرام عليك ليه تتركني ..! ابي ارجع لاهلي ..! تكفى لاتتركني بالغربه وتروح م اعرف شي حتى لغه والله م اعرف
ضمها لصدره وغطاها : خلاص اهدي م بتركك ابد
رغد : توعدني
ضاري : اوعدك بس اهدي

رجع ينادي ع الممرضه ..
الي جت و بيدها الممغذي ..
نزل نظره لها وهو يفكر بحملها ..
انتبهه للممرضه الي ركبت لرغد مغذي ..

رغد : ليش اخذ مغذي ..!
ضاري : عشانك م اكلتي ولا اهتميتي بنفسك صابك جفاف
رغد لارد ورجعت تبكي ..
ضاري رفع شعرها عن وججها : وش فيك ..! تحسين بشي ..! يالمك شي ..!
رغد : انت تكذب علي مو جفاف انا متاكده ان فيني شي الله لايسامحك انت السبب انت السبب
ضاري : والله فيك جفاف والله

وشرد بباله آه لو تدرين وش فيك ..
وش بيصير لك وش بيصيبك ..!
الله يستر بس اكيد م بقولك ..
لحدما تنتهي هالفتره شوي ..

ضاري : تبين مويه او عصير .. ! وش بخاطرك ..!
رغد : مويه بس
ضاري : بس لازم اكل
رغد ب اندفاع : لااا
ضاري : لازم تتغذيين بطلب لك وكلي لو بس شوي
رغد دمعت عيونها : والله م اقدر ب استفرغ
ضاري ساعدها تشرب مويه ..
: طيب عصير اي عصير مشتهيته
رغد : ولاشي بس ابي مويه تكون جنبي دائما
ضاري ب ابتسامه اول مره تشوفها كذا : طيب


--


رجع للواقع ع صوتها وعيونها الي توها تنفتح ..
من الظهر وهي نايمه تعبانه بشكل ..
ضاري : كيفك الحين ..!
رغد بتعب : الحمدلله
جلست بمساعده ضاري : كم الساعه
ضاري : 5 المغرب
رغد بشهقه : ما صليت العصر والمغرب

ووقفت ببطئ وتعب ..
اتجهت لدوره المياه ..
وهو اصر الا يرافقها ..

رغد : ممستحيل تدخل معاي
ضاري مسك يدها ودخلها : بساعدك
رغد احمرت خدودها : والله لاطلع اذا م طلعت
ضاري بضحكه : خلاص بطلع

خرج ..،
وهي وضت وصلت وطوت سجادتها ..
فتحت دولابها الي بالغرفه بس كان فاضي ..
فتحت عيونها ع الاخير مصدومه وين راحت ..
خرجت لصاله : ضاري وين ملابسي ..!
ضاري : بالغرفه الي تحت م ابيك تطلعين الدرج تعب عليك
رغد : الي وين بالضبط ..!
ضاري : يلا ننزل مع بعض عشان ادلك عليها
وقبل م ترد حط يده بيدها ..

ونزلوا ..،
فتح غرفه قريبه من مكتبه ومن الصاله ..
استغربت موقعها غريب نوعا ما ..
: هذي غرفتك

ناظرت بصدمه ..
وهي تلتف حوالينها ..
كانت غرفه قليل بحقها كلمه رائعه ..
كانت الارضيه باركيه بيج كانه قطعه وحده..
والجدران عباره عن ورق بالون الابيض ..
وفيه ورد صغير بالون الاورنج ..
والاثاث كله ابيض بابيض ..
بس المفرش اللي بالون الاورنج ..
والجدار يتوسطه نافذه زجاجيه كبيره ..
تطل على اشجار واسوار الحديقه الخضراء ..
رغد : هذي لي ..!
ضاري : ايه لك شكلها مريح صح ..!
رغد ب ابتسامه فقدتها من زمان : تجنن
قربت من النافذه تناظر بالحديقه مستمتعه ..
صح كان ظلام وليل بس كان فيه انوار ..

ممكن الاشياء البسيطه تفرح ..
بس مفعولها مايدوم كثير ..

شكل الانوار والقمر بظلمه الليل رائع ..
ضمها من وراها : اعجبتك ..!
رغد ب ابتسامه باهته : مره حلوه
ضاري : اذا تبين تبدلين ملابسك ب الدولاب انا طالع وبرجع بعد فتره

وخرج بعد م باسها ع جبينها ..
وخرج من الفلا بكبرها لسيارته ..
وهو يفكر ب كلام د.ناصر عن رغد ..
وكلام الرجال الغريب االي صادفه بالمشفى ..

الرجال الغريب : انتبهه عليها
ضاري رفع حاجبه وبعصبيه : وش دخلك
: شايب بسن ابوك الله يرحمه تقوله وش دخلك
ضاري : تعرفني ..!
: مو مهم اذا اعرفك او لا المهم انتبهه عليها قبل لاتندم وافتح صفحه جديده مع زوجتك وضناك
و مشى خطوتين والتف لضاري : ترا اذا ماتت فانت القاتل انت القاتل خاف ربك بهالبنت الي لاحول لها ولاقوه وترا الحامل تحتاج رعايه ارحمها ارحمها ي ضاري
وكانه تذكر شي رجع لضاري وطلع ظرف من جيبه وحطه بيد ضاري ..

و اختفى عن عيون ضاري ..
الي كان تحت تاثير كلام هاارجال ..
فتح ضاري الضرف ببرود و خوف من الي فيه ..
سحب ورقه بيضاء من داخل الضرف ..
جلس والورقه بين يدينه وبدا يقرا ..
و دموععه بدت تنزل مع كل كلمه يقراها ..
م قدر يكمل وقفل الورقه وقفلها و حطها بجيبه ..


رجع للواقع على صوت السياره ..
الي طافته بسرعه وكانت بتصدمه ..
وهو مازال يفكر ب رغد و حالتها ..



**
--



بما ان الملكه مافيها احد غريب ..
بس امها و اسماء و حريم اعمامها ..
وبناتهم المتزوجين وحريم عيال اعمامها..
رفضت تروح للكوفيرا وهي الي بتعدل نفسها ..
ورفضت يجيبون حتى كوفيرا للبيت ..
لدرجه انها قفلت الباب ع نفسها ..

كانت جالسه كالعاده بسريرها ..
ومتلحفه بلحاف خفيف ..
سمعت اذان العصر ..
وبسرعه فزت وتوضت وصلت ..
جلست ع سجادتها تبكي
تكلم ابوها وكانها يسمعها ..
يبه م شفتهم كيف يعاملوني ..
حتى احس انهم استانسوا لما وافقت ..
يبون الفكه مني ومن ازعاجي نفس ماقالوا ..
خايفه يبه يكون سيف نفسهم ..
والله خايفه ادع لي ..

مسحت دموعها وقامت ..
طوت سجادة صلاتها و حجابها ..
وتوجهت ل دولابها ..
فتحته تدور لها فستان ..
كان اول فستان طاحت عيونها عليه حفر ..
والفستان الثاني بدون اكمام - سواريه او توب - ..
والثالث طويل يدينه طويله و و و ..
بالاخير استقرت ع فستان عنابي مخمل طويل ..
ع جسمها بالضبط لنص فخذها بعدها يوسع ..
يدينه طويله بس فتحه ظهره وصدره واسعه ..
لبسته بدون اي اكسسورات ..
وسوت شعرها البني القصير ويفي بطريقه جميله ..
وسوت ميك اب هادئ بس كحل اسود وروج احمر ..
وجلست تهدي نفسها ..
وهي تردد - سيف مو نفسهم سيف غير - ..
ي رب ما تخيب املي فيه والله هو اخر امالي ..
رفعت اصابعها لفمها وبدت تقضم اظافيرها بقلق ..
وبسرعه طارت ل دوره المياه - وانتوا بكرامه - ..
تخاف تبلل ع نفسها مع ان لها يومين كامله ..
وهي تحاول ماتشرب سوائل عشان م تتفشل ..
بهاليوم خاصه لانه يوم غير عن كل الايام ..

خرجت وهي و تعدل نفسها ب كل هدو ..
وقفت مقابل التسريحه ودمعت عيونها ..
شكلي مو مقبول اخاف يقول مو حلوه ..
او يقول لبسك او مكياجك مو حلوين ..
مرت فتره طويله وهي ع هالحال ..
ما تحس ب الثقه بنفسها ابد ..
بس قطعت هالافكار لما اذن للمغرب ..
وبسرعه اتجهت لمصدر راحتها لبست حجابها ..
وبدت تصلي وهي تحاول م تبكي ..
وكلها دقائق ومساعد يطق الباب ..

: نهى
نهى فتحت الباب بهدو ..
مساعد ناولها الكتاب : وقعي هنا و و و و
سوت الي طلبه مساعد بكل هدوء ..
مساعد قرب منها وباس جبينها : الف مبروك
نهى لارد ..
مساعد بابتسامه : انزلي للمجلس سيف ينتظرك

وخرج ..،
نهى وقفت ونزلت للمجلس ..
بس م قدرت تدخل من الخوف والتوتر ..
ما فيه احد جنبها هي لوحدها طوال يومها ..
تنهدت ودخلت ببطئ وهي تترقب رده فعل سيف..
و لما وصلت لنص المجلس القت السلام ..
و هي تناظر بالارض و يدينها ترجف ..

سيف كان يناظرها باعجاب م كانها نهى ..
الي يعرفها من زمن ..
وقف ومازالت عيونه عليها يتاملها..
ويبارك لنفسه فيها ..
قرب منها بكثير و باس جبينها ..
وبصوت اقرب من الهمس باذنها : مبروك ي قلبي
م قدرت ترد وفضلت تسكت ..
تهدي من رجفتها الواضحه ..
ضم يدينها وسحبها معاه ..
لطرف الكنب وبهدو : ابتسمي ي قمر
غصب عنها ابتسمت تذكرت ابوها بكلمته ..
المخلوطه بكميه من الحنيه و المحبه ..

مد يده للعربه المزينه بالورد الاحمر ..
الي يتوسطه الذهب بطريقه حلوه ..
اخذ سلسال الذهب وقربه من نحرها ولبسها ..
سيف : صار ايمل لما لبستيه
وبضحكه : اقصد اجمل نسيت انك تكرهين الكلام الي ابدل فيه ج للياء

حست براحه من كلامه وضحكه ..
بس م نست خوفها وشعورها بالوحده ..
خاصه ان ما فيه احد من اهلها كان معاها ..

اخذ الدبله ولبسها و ناولها دبلته : بتلبسيني والا اعتمد ع روحي
اخذت دبلته وقربت يدها من يده تلبسه ..
بس من رجفتها طاح الخاتم ثلاث مرات ..
اخذه سيف وبابتسامه : خلاص لاتعبين روحج انا بلبسه

حمدت ربي انه لبسه من نفسه ..
عشان م تتعرض للاحراج مره اخرى ..
حس بتوترها ورجفتها فما حب يضغط عليها اكثر..
وبحنيه باسها بخدها الي احمر خجل ..
وهمس لها : بسم الله عليج قمر
وبعد عنها : يلا خذي راحتج

وخرج والابتسامه م فارقته ..
و هي رجعت لغرفتها بسرعه ..
م تبي تسلم ع احد ولاتشوف احد ..
تعرف ان حريم اعمامها بيضحكون عليها ..
عشانها ما راحت لكوافيرا وتجهزت من فتره ..
قفلت عليها الباب وتسندت عليه ..
و هي مرتاحه من سيف ..
بس تحس حنيته مو مقبوله تخاف تتعلق فيه ..
ويطلع بعد فتره نفس الي حوالينها ..
رمت حالها ع السرير تدعي ربي ..
ييسر امرها ولايفجعها بسيف ..




**
--




الرجال مجتمعين الي قرروا يروحون مزرعه ابوسطام الي بالخرج ..
واتفقوا الجميع خلال يوم واحد ..
وكل بدا يجهز اغراضه ..

- ابو سطام وعائلته -

ابو سطام بحنيه : تسنيم ي ابوك جهزتي اغراضك
تسنيم هزت راسها بالايجاب
ابو سطام : تحسين بتحسن والا ...!
تسنيم : الحمدلله احسن
ايو سطام : وعلاجتك تاخذينها بمواعيدها
تسنيم : اي الحمدلله
ابو سطام : الله يشفيك ي بنتي
تسنيم ب ابتسامه لاول مره : امين
ابوسطام انتبهه لندى الي نازله من الدرج ..
: جهزتي اغراضك لايكون نسيتي شي
ندى باست راس ابوها : تطمن يبه
ابو سطام وقف : تكونون قبل الساعه 10 جاهزين
تسنيم وندى بصوت واحد : ان شاء الله

- بمكان ثاني -

مرام بتذمر : شهد م اعرف وش اخذ
شهد ب ابتسامه : تعالي انا باطلع لك الحين
سلطان : اعتمدي على نفسك شهد مو دايمه لك
مرام باندفاع مو فاهمه المقصود : بسم الله ع اختي لاتتفاول عليها
سلطان ضحك : روحي روحي

شهد وقفت وججها احمر لانها فهمت قصده ..
سلطان لاحظ حركته وشك انها تعرف ..

: شهد اذا خلصتي ارجعي لي ابيك بموضوع
مرام : وانا ..!
سلطان : م احد قالك من قبل انك نشبه ..! انا قلت شهد م قلت مرام
مرام مثلت انها زعلانه : انقلع
سلطان بضحكه : احسن لاترضين
مرام عدلت نفسها : اصلا من قال اني زعلانه
سلطان : طيب ي اللي مو زعلانه روحي جهزي لاني ابيك جاهزه قبل 10
مرام : تصريفه

مرام سحبت شهد لغرفتها ..
وبرجاء : جهزي لي انتي
شهد : طيب خلاص
وفتحت الدولاب وطلعت شنطه صغيره لمرام ..
رتبت لها فيها 4 بجايم وروب قصير و والبقيه برمودات وبناطيل وتنوره قصيره ..
قفلت شنطتها : خلاص تمام
مرام باستها : احبك ي اجمل اخت
شهد بضحكه : ي ويلي ع المصالح
مرام : اجل انقلعي لسلطان دامني ام مصالح
شهد وقفت : طيب ي ام المصالح

وخرجت لسلطان ..
: سلطان
سلطان بحنيه : تعالي اجلسي ابيك بموضوع
شهد جلست مقابله : وشو ..!
سلطان : مم صراحه م اعرف ابدا بهالمواضيع ابد بس ببدا لك بالموضوع ع طول سطام ولد عمي خطبك وبصراحه انا وافقت ومابقي الا رأيك
شهد احمر وجهها وبنفسها - اتزوج هالمتطفل الشايب مممستحيل - ..
سلطان ابتسم ع شكلها ووقف : فكري واستخيري والله يكتب لك اللي فيه الخير
وخرج ..،

شهد : وين الخير وهو بوجهي اتفهه شي يتلقف فيه لا ويبيني اتزوجه
مرام بصراخ : بتتزوجين..!
شهد بعصبيه : اصص فضحتينا
مرام : وشو وشو
شهد ووجها احمر : اجلسي ي زفت واقولك
مرام جلست جنبها والفضول بجننها ..
شهد حكت لها السالفه بالكامل ..
مرام : انتي بنت محضوظه والا سطام من يعطي وجهه
شهد : اقول اسكتي وريحنا
مرام طيرت عيونها : لايكون مو موافقه
شهد : ايه
مرام بصدمه : من جدك انتي .!
شهد : اولا انسان متطفل ثانيا انتي قلتيها م يعطي احد وجهه يعني وش فيني زود هاه لاني اتوقع انه بيتزوجني عشان يرضي عمي واعيش طوال حياتي بتعاسه لاا والف لا
مرام وقفت : انتي بكيفك بس والله ي شهد احس انه يحبك من تصرفاته وكلامه
شهد ب استهزاء : اي صح صح يلا نروح نجهز


- بمكان ثاني -

بحضنه الاب وجالس يطقطق عليه ..
من قيم لقيم ومن برنامج لبرنامج ..
واضح انه متجهز من فتره وطفشان ..

بهاللحضه نزلت ساره وبيدها شنطتها وبهمس : هه تظنين انك فزتي لما خطبك لاريحي بالك والله ان تندمين
مناف الي كان جالس : مممين الي يندم ..!
ساره ب ارتباك واضح : م احد

مناف طنشها وسكتت ..
وهو مو متطمن ابد لها ..
شرود بالها من لما رجعوا ..
زايد هاليومين اكيد فيه سبب ..
طبعا ساره كانت تخطط وتفكر ..
كيف تبعد بين سطام و شهد ..
مستحيل تروح احلامها ..
واكيد بتسوي اي شي ..
عشان توقف هالزواج ..
وتنهيه للابد ..،


- وعند الثنائي الي دومهم هواش -

تسحب شنطه الكتف ع الارض باهمال ..
وتدندن مع mp4 والسماعات الموصله باذنها ..

: رها
رها لارد لانها م تسمع من السماعات
: ررهااا
كمان م استمعت له
مشى باتجهها بغضب ..
ولما وقف قدامها رفعت عيونها له ..
وشالت السماعات من اذونها ..

ثامر بغضب : لمتى هالاهمال ها
رها : اي اهمال ..!
ثامر : شوفي حالتك
وهو ياشر عليها : هذي بنت بالله ..!
تعلمي من البنات الي بعمرك حتى اللي اصغر منك م يسون كذا

رها عيونها بالارض وتلعب بشعرها ..
وثامر يراقب حركاتها بغضب من تطنيشها ..
ثامر : والله ي رها
رها رفعت عيونها : والله ي رها ايش ..! بتمد يدك علي والا بتحبسني والا و و و
غصب عنها نزلت دموعها الي م كانت بتنزل : لو كان ابوي موجود م كنت بتهددني بهالشكل ولاكانت بتعايرني وتقارني بالبنات
ثامر قاطعها : اقارنك فيهم عشان تحسين لو امي ماتلبسك ملابس بنات بالغصب وتعدل من اسلوبك كان م سويتي شي من هذا كله
رها بسخريه : اذا كل طلعه بتطلعنا تهزاني فيها لا تطلعنا ابد وانا م ابي اطلع
وركضت لغرفتها وهي تبكي ..

جلس اسفل الدرج وراسه بين يدينه : ي ربي هي حساسه وماتفهم اننا نبي مصلحتها
: لا يمه بالعكس الي سويته صح
رفع راسه : يمه ..!
ام ثامر ابتسمت له : بالعكس كلامك صح خلها تحس وتترك الاهمال عنه حتى بالعزايم بالزواجات انا الي اجبرها تلبس وتعدل شعرها م كانها بنت
ثامر تنهد وسكت ..
وبعد دقيقه مرت عليهم بصمت ..
وقف وصعد لغرفه رها ..
طق الباب اكثر من مره بس م ردت عليه ..
عرف انها زعلانه ومابترد فدخل ..

كانت جالسه ع السرير مكتفهه رجولها بيدينها ..
ومنزله راسها على رجولها ..
: رها
وقرب منها وضمها له : لاتزعلين ي قلبي بس ابيك تفهمين وتعرفين اني ماسويت كذا الا لاني احبك وابيك تهتمين بنفسك شوي
رها : بس انت دوم تهددني وتعصب علي
ثامر بابتسامه : دوم اذا عصبت عليك عصبت عشان شي بصالحك صح
رها هزت راسها بالايجاب
ثامر رفع راسها عنه : طيب ليه الزعل
رها لارد
ثامر وقف : طيب يلا قومي غسلي وجهك ونزلنا
رها وقفت معاه : مافي داعي
ثامر : وش كنا نقول
رها بتذمر : طيب طيب

تنهد ونزل قبلها وهي نزلت بعده ..



**
--



تناظـر في الفراغ و لـما شافــته رجعت تحقد عليه..
هي بس دقائق معدوده الي حست فيها بالفرح ..
و بعدها رجعت ل وكر الحزن و الالم و الفراق ..
تحس ما فيه ل حياتها آي معنى ب بعد اهلها ..
اعتادت كليا على الضرب و الشتم و العقاب..
لكن هـ الشي كلـهـ ما تــحس فــيـه نــهــائـيــا ..
لأن المها و قهرها الداخلي أشد وأقوى ..
ما يخـفــفـه لا الـمـكـان ولا الزمــان ..
ومابخففه الا بعدها عنه للابد ..

انتبهت له يتكلم مع النيرس ..
بس م عرفت وش يقول لهها ..!
تمنت لو سمعته وش يقول ويحكي ..
نزلت نظرها للارض لما شافتهم جايين ..
م تبي تشوفه ابد تبغضه بشكل ..
تتمنى لو ماتشوفه ابدا ..
وترتاح منه ومن همه ..
ماتعرف هالشي شبه مستحيل ..

صارت هاليومين بس تبكي وتاخذ مهدي وتنام ..
بس اليوم الي تحركت وقامت من فراشها ..
جلس جنبها قرب الاكل ورفع الملعقه لفمها ..
بس رمت يده بعيد عنها وطاحت الملعقه ..

رغد بصراخ : مابي م تفهمون اتركوني بحالي والله مابقى فيني شي و
قطعت كلامها واستفرغت بوجع والم ..
كحت بتعب وهو مد كاس المويا يشربها ..
بعدت الكاس بشكل سريع وانكب ع بلوزتها ..

رغد بصراخ : ارحمني ولو مره اطلع واتركني مابي اكل م تفهم
نزلت راسها بين يدينها ..
وهي تضغط عليه ب قوه ..
تحاول تخفف من المها شوي ..
قربت منها الممرضه بس صرخت فيها ..
بعد الممرضه عنها و امرها تخرج ..
وقرب منها وضمها غصب عنها ..
رفضت حضنه حاولت تبعد ..
بس هو مكتفها بقوه ..
ومكتف يدينها ..

ضاري بهمس : اهدي والا والله مايصير خير
رغد بتعب: مابي مابي اتركني
ضاري بهدو : احد زعلك وانا برا ..!
رغد لارد
ضاري : طيب اهدي
رغد ب استسلام وهي تبكي وتشاهق : الله يريحني منك اكرهك والله اكرهك

م اهتم لكلامها وضل ضامها لحتى هدت ..
طلب من النيرس مغذيه ركبتها لها ..
وكلها دقائق معدوه ونامت ..




**
--




كانت نايمه بعمق وراحه لاول مره ..
ماتعرف ليش ..! يمكن لانها شافت ابوها ..
شافته بالاحلام بعيد عن الواقع مبتسم ويضمها ..
رفض يتكلم معاها بس الواضح انه فرحان ..
وبنفس الوقت تحس فرحته مو كامله ..

فزت على صوت جوالها ..
الي اهداه لها سيف ..
كان رقم غريب ..

رمته ع الكرسي بعد م حطته صامت : اكيد هذا سيف
رجع يتصل مره ثانيه ..
وهي بعد تردد ردت ..
: الو
: صباح الخير
نهى بهدو : صباح النور
سيف : شكلي ازعيتج - ازعجتك -
نهى : لاعادي
سيف : مم نهى ممكن اقولج شي بس تفهمني
نهى : تفضل
سيف : انا ابي عرسنا يتم قريب
نهى بتردد : متى يعني ..!
سيف : ابي يوم الخميس هذا مابيج - م ابيك - تتعبين عمرج بفره السوق وكذا ابيك نفس م انتي نهى الي اعرفها من زمان
نهى : طيب سيف اء
سيف : عيون سيف امري
نهى بلاشعور : خايفه
سيف : خايفه من شوي
نهى : اء ولاشي
سيف : نهى تكفين وافقي بتعرفين بعدين ليش ابي استعيل - استعجل - بالعرس
نهى : مم كيفك
سيف بفرح : يعني موافقه ..!
نهى : اي
سيف بصراخ : والله احبج
نهى اكتفت ب ابتسامه ..

وهو ودعها وقفل ..
وبسرعه اتصل ع مساعد ..
وخبره تقديم الزواج وليش ..!



**
--


طبعا الكل تجهز ..
واتفقوا يمشون المزرعه جميع ..

ابو مناف اخذ رها وسما مرام معاه ..
وكمان ام مناف وساره ..
بعد طلب من سما الي الحت عليه ..

ومشاري وماجد ومناف بسياره ..
وشهد وسلطان بسياره ..
وتسنيم وام يطام وابو سطام بسياره ..
و ثامر وامه بسياره ..

ومشوا جميع مع بعض ..



**
--


- اميره-

سمعت الباب ينفتح ..
شدت البطانيه على وجهها ..
ومثلت انها نايمه عشان تتجاهله ..

- تركي -

نزل الاكياس بالمطبخ المكشوف ..
الي يطل ع جزء كبير من الصاله ..
عقد حواجبه ب استغراب وينها ..
وسرعان م جاء بباله تهديدها له ..
بانها بترتاح من هالدنيا و تنتحر ..
نادى عليها وهو يدور ب الغرف ..
فتح غرفه النوم وشافها متغطيه ..
قرب منها بخوف و بعد الحاف ..

: اميره
اميره انفجرت بصراخ : كيف اظمن على نفسي منك وانت بهالجراءه او الوقاحه
ووبكا : لو كان عندي اهل كان م سويت كذا
خرج : طيب البسي وتعالي ابيك
اميره : مابي مابي
تركي تركها وطلع ..
هو صح م يحق له يشوفها كذا ..

كانت لابسه قميص بنك فاتح ..
بدون اكمام بس سلك الي يرفعه ..
و اغلب صدرها و يدينها مكشوفه ..
تعوذ من الشيطان ومن افكاره ووقف ..
خرج من الشقه ومن العماره بكبرها ..
و اتجهه للبحر الي من جاء م مره ..

رفع عيونه ل السماء : ي رب سامحني ان شاء الله باتركها لحالها

توقعاتكم ..!
- تركي لوين بيوصل مع اميره ..!
- ضاري والرجال و الظرف ..!
- نهى وزواجها من سيف ..!
- رحله الحاتمي ل للمزرعه ..!
- ساره ووش ناويه عليه ي ترى ..!

[اسطورة !]

مٌحزن ..
عندمـآ تعيش أغلب تفاصيلك بِ مفردك !
دون أن يحتويك قلب يٌشاركك ..
فـ تبقى ضائع .. تحــاول التمٌسك بِ خيوط فرحك ..
فـ تجدهـآ اختفت !
فـ تجدهـآ أختفت !
فـ تجدهـآ أختفت !
فـ تجدهـآ أختفت !

- البارت الرابع عشر -

- صباح يوم جديد بالمزرعه -

تمشي بممرات الحديقه وحجابها على اكتافها ..
وشعرها الاسود القاتم مرفوع ذيل حصان ..
يتحرك مع حركات الهوء بعشوائيه ..

شافت خيل اسود من بعيد شعره يتاطير مع الهواء ..
واقف بشموخ وعزه ويصهل بصوت خفيف ..
من شافته وبدون اي تفكير ركضت له ..
وقربت منه بهدو و بخوف ..
وبعد ما تطمنت لحركاته ..
صارت تمسح ع شعره ..
: سبحان الله م اجملك
لفت حوالينه اكثر من مره ..
وهي تتامله ب اعجاب و روعه ..


كان بيده السرج تبع الفرس ..
جلس بالارض يلبس البوت الاسود ..
والخوذه السوداء ورجع متجهه للفرس ..
بس لما خرج من الاسطبل انصدم لما شافها ..
كالعاده ضل يتاملها فتره و هو يحلف ب حبها ..
: احممم احم
بدون م تلفت رفعت حجابها ع راسها ..
وكانت بترجع الفلا بس وقفها صوته ..

: شهد
ميزت نبره صوته وبتافف : نعم
سطام : ينعم عليك بس اذا طلعتي مره ثانيه لاتطلعين بهالبس
شهد بغضب : بصفتك ايش ..!
سطام ثبت السرج ع الفرس : بصفتي زوجك
شهد : بصفتك متطفل لاغير
سطام : افهم انك مو موافقه
شهد اعطته ظهرها : افهم الي تفهمه
سطام ركب ع الفرس وبسرعه عرض طريقه ..
: بتوافين غصب عنك
شهد رفعت حاجب : م في شي يجبرني اوافق ..!
سطام : اذا تبين تظمنين مستقبل اخوانك وحياة اختك الي م تعرفون وش حالها
شهد فاتحه عيونها ع الاخير : تهددني ..!
سطام يقلدها : افهمي الي تفهمينه .. بس بتوافقين عشان اخوانك لان قلبك طيب
شهد لمعت عيونها بشكل غريب : متطفل و ماعندك احساس
ومشت وتركته يفكر هل حركته صح اولا ..!
رجعت للفلا وشافت ندى بوجهها ..
بس تجاهلتها ومشت عنها ..

تبعتها ندى وانصدمت لما شافتها تبكي ..
: شهوده وش فيك تبكين
شهد مكتفه رجولها بيدينها ..
ومنزله راسها ع ركبها وتبكي ..
ندى : شهد قولي وش فيك ..!
شهد م ردت عليها ابد ..

خرجت ندى من عندها ..
وخرجت للمكان الي كانت فيه شهد ..
وماشافت احد ..
كانت بتدخل بس لمحت فرس سطام ..
وبسرعه رجعت له ركض ..

: سطام
سطام ببرود : نعم ..!
ندى : قابلت شهد
هز راسه بالايجاب
ندى : وش قلت لها ..! ليش تبكي ..!
سطام فتح عيونه ع الاخير : تبكي ..!
ندى هزت راسها بالايجاب : وش قلت لها
سطام نزل من ع الفرس وحكى لها السالفه كلها ..
ندى بشهقه : انت صاحي ليش تسوي كذا
سطام يضعط بيدينه ع جواله بقهر : اححبها وهي رافضتني وش تبين اسوي ..! اتركها بهالبساطه ..! وتنهد : والله احبها ولاول مره احب لدرجه اني بفرض نفسي عليها لحد م تتيسر

ندى مصدومه م توقعت سطام بحياته انه بيحب لهدرجه : سطام بس لو كلمتني احسن من انك تسوي كذا
سطام : باشوف اذا م نفعت طريقتي تدخلي
ندى وقفت : ع راحتك

وتركته متجهه للفلا ..
وهي غير راضيه بالي صار ..



**
--



لما سمع الجرس فز وفتح الباب ..
اخذ اكياس الاكل من فرانك وشكره ..
نزل الاكل ع الطاوله وبدا يفتح الاكياس ..
و ينادي رغد تاكل بس ما استمعت له ..
دخل الغرفه وكانت نايمه ع سجادتها ..
استغرب كثره نومها وخاف انها تعبانه ..
وقرب منها وهز كتفها ب خفه وهدو ..

: رغد
رغد لا رد
هز كتفها اكثر وبخوف : ررغغدد
فتحت عيونها ببطئ : هممم
: لازم نروح المستشفئ حالتك م تطمن
رغد بنعاس : لالا م فيني شي
وقامت ..
دخلت دوره المياه - وانتوا بكرامه - ..
وغسلت وججها وخرجت ..
كان ينتظرها عند الباب ..

: تعالي تغدي
رغد : طيب
خرجت من الغرفه واول م خرجت الصاله ..
وشمت ريحه الاكل رجعت الحمام بسرعه ..
وهي تستفرغ بوجع والم من بطنها الخالي ..
لحقها وهو خايف عليها حالته م تطمن ابد ..
سحبها لحضنه لما خرجت وجلس بطرف السرير ..

ضاري : قولي لي وش تحسين فيه
رغد بوجع : ولاشي
ضاري : تكلمي
كانت بتقوم من حضنه ..
بس مسكها بقوه وثبتها بحضنه بقوه ..
ضاري : تكلمي بسرعه
رغد والدموع باطراف عيونها : الله يخليك ابي اشوف اخواني اخاف اموت وانا م شفتهم الي فيني مو بس جفاف
ضاري ضمها اكثر ولاول مره و هو يمسح ع شعرها : طيب قولي لي وش فيك..!
رغد تمسح دموعها : م اشبع من النوم واغلب الاكل لما اشمه بسرعه استفرغ و صرت م اقدر اشرب الا مويه بس م اقدر اكل
ضاري ضمها لحضنه بقوه وفهم انه من الحمل وبهمس : تعرفين ...! مم الله يكون معاك ترا من الجفاف ي قلبي
رغد الي اول مره تسمعها منه حست بهموم الدنيا ع اكتافها م تعرف ليش وبغصه : ماني بقلب احد غير اهلي
ضاري : اوعدك ي بنت ابوك بترجعين لاخوانك بس زياره
رغد بدموع : ي رب هالمره م تكذب علي
ضاري ب ابتسامه وعيون تلمع : وش الي مشتهيته من اكل او عصير او اي شي
رغد رغم تعبها الا انها خجلانه من جلستها بحضنه..
خاصه وجهها الي كان برقبته ..
رغد : ولاشي
ضاري ب ابتسامه : م تبين عصير توت
رغد بخجل احمرت خدودها : ومويه
ضاري : تامرين امر عاد الله يعيني واكل معاك توت
رغد : جيب لك الي تبي مو لازم تاكل توت
ضاري : عادي اجيب سمك
رغد باندفاع : لااا الحمدلله ع النعمه بس ريحته م اتحملها
ضاري بضحكه خفيفه : تامرين امر
باسها بخدها ب رقه ..
ووقف : واروح اجيب لك توت
رغد : شكرا

خرج مستانس وفرحان ..
وهو يحمد ربي كان خايف ان الي فيها مرض ..
نزل للسوبر ماركت الي مقابلهم واشترى ..
حليب وعصير وكروسان وايس كريم ..
طبعا كلها توت مشكل ..

وهو يفكر ..،
هالضنا نعمه من ربي لازم احافظ عليه ..
لازم اعوض كل شي مر وو مضى ..



**
--



- زواج نهى -


مع انها رفضت زواج وطقطقه ..
الا ان سيف اصر يسوي لها زواج ..

وقفت تستعد لزفتها وهي مرتبكه ..
من يومين م شربت سوائل عشان م تبلل ..
دخلت اسماء : قراتي ع نفسك ..!
هزت راسها بالايجاب : ايه
اسماء قربت منها وضمتها : بافقدك والله
نهى : م راح تفقدوني
اسماء بعدت عنها : نهى لو ما تتركين هبالك لااهفك كف
ووقفت : يلا بتبدا زفتك
نهى : طيب

كانت نهى لابسه فستان ابيض ..
توب و نفس فساتين ساندرلا ..
ومن الصدر والبطن لولو مرتب ..
وماسكتها باقه ورد احمر طبيعي ..
شعرها كان كيرلي ببف بسيط وطرحه طويله ..
ومكياجها كحل اسود راسم عينها وروج احمر ..

وكلها دقائق وانزفت ع اغنيه راشد الماجد ..
- عقد الياسمين - ..

ياعقد ورد الياسمين

يازهرة فل وزهرتنين

يابي نور ياضي العين

يانهى يامكبر غلاك

هلي على العالم

هلي علينا بالوجه الحنون

يلي تساوي بالعيون

يابدر هالكون وسناه

هلي علينا بالوجه الحنون

يانهى تياوي العيون

يابدر هالكون وسناه

لا اله الا الله


مرت الليله عاديه ..
بدون احداث مهمه ..

- الساعــ 2 ونص ـــه -
- ب الفندق -

من دخلوا الجناح الخاص فيهم ..
وهي جالسه وساكته ..
جلس جنبها ..

: تبين نجلس هنا هالاسبوع والا نرجع الامارات
نهى بهمس : على راحتك
سيف ب ابتسامه : حتى راحتج مهمه عندي

نهى م تنكر ان اسلوبه يعجبها ..
بس م تبي تتعلق فيه تخاف يخذلها ..

سيف : طيب روحي بدلي ع بال م يحضر العشاء
نهى : طيب
وقفت واتجهت للغرفه ..

طبعا تذكرت انها م صلت العشاء ..
وبسرعه صلت ووضت وبدلت ..
بقميص عشبي ساده خفيف ..
لنص الساق ويدينه كت ..
انتهت و ماخرجت خايفه ..
خايفه يجبرها ع شي م تبيه ..
ودعت الله وشجعت نفسها تخرج ..

لاحظ انها طولت وقف يناديها ..
بس خرجت ووقفت قريب منه ..
نهى بصوت خافت : سيف تعشاء لوحدك
سيف قرب منها وسحبها لحضنه : انا باوكلج - باكلك - بيديني
نهى احمرت خدودها وهي تحاول تخلص نفسها ..
سيف : يلا افتحي فمج - فمك -
نهى بعد تردد فتحت فمها ..
واكلت كم من ملعقه : خلاص
سيف : وين خلاص بس شوي
نهى : واللي يعافيك خلاص
سيف : طيب ع راحتج بس ترا هذي اخر مره اسايرج واقول خلاص المره الجايه باوكلج الصحن كله

نهى اكتفت ب ابتسامه ..
وهي تحاول تهدي رجفه يدينها ..
سيف : نهى
نهى بعدت عن حضنه ..
سيف : نهى خذي راحتج انا م بجبرج ع شي لحد ما تتعودين علي
نهى دمعت عيونها : شككرا سيف
سيف : بس هذا م يمنع اننا نكون بغرفه وحده طيب
نهى بخجل همست : طيب

سكتوا شوي ..،
بس قطع صمتهم الاذان ..
ردد خلفه سيف بصوت واضح ..
وبعد م انتهى الاذان وقف : يلا نصلي ونام لان عندي لك مفجاءه ع المغرب
نهى وقفت معاه ..
وصلت لانها كانت واضيه ..




**
--



- صباح يوم جديد -

فزت من بينهم ..
وهما يناظرون فيها ب استغراب ..

: بنات
سما ومرام بصوت واحد : عندها مصيبه
رها بضحكه : مو مصيبه عادي
سما : خلصي وش فيك ..!
رها : تعرفون جهه المزرعه الشماليه
سما : ايه
مرام : لا
رها : الزبده فيها ترميم بس من ورا الحقول
سما : طيب ..!
رها : بعدتهم عربيات كبيره ينقلون فيها اكياس الاسمنت
مرام كملت : تبين نسرقها ونلعب فيها
رها غمزت لها : بالضبط ي فاهمني
مرام : بس الرجال موجودين
رها : لا بنلعب فيها اذا راحوا الرجال صلاه الجمعه
سما : والعمال ..!
رها : اليوم جمعه مافيه عمال
مرام : طيب يلا نروح
سما باندفاع : لا والله انا اخاف
مرام ناظرت ب رها وضحكت : سما خوافه بس نخليها تراقب
سما : تمام انسب مهمه
رها : وانا و مرام بنروح نجيبها
مرام : يلا

وقفوا مع بعض واخذوا شراشف يتغطون فيها ..
و خرجوا ركض ل المكان اللي تعرفه رها ..
اخذوا العربه وصاروا يسحبونها بسرعه ..
لجهه الفلا لساحه الخلفيه عشان يخبونها ..
ورجعوا لسما وهما يلتقطون انفاسهم من الركض..
ومرت ساعه ولما تاكدوا ان الرجال خرجوا ..
رجعوا لساحه الخلفيه واخذوها بعجله ..
اول من ركب رها دفعوها بسرعه ..
وهي تصرخ وتقول وقفوا ..
بعد محاولات وقفوا العربه وهم يضحكون ..
رها : بروح البس بنطلون وارجع م عرفت العب بالتنوره
سما : نتتظرك

راحت رها ..،
مرام ركبت وسما تدفعها ..
مرام بصراخ : يييييييييياززززفت وقفي تنورتي ارتفعت صارت شورت
سما م قدرت توقف العربه من الضحك ..

: انتوااااا

التفتوا لمصدر الصوت برعب ..
سما : والله والله مو انا
مرام وققت بسرعه وتخبت ورا سما ..

: يلااا ادخخخلوا
سما رجعت الفلا وتركت مرام تركض خلفها..
مرام والدموع بعيونها : ليش تتركيني
سما توها تستوعب الموقف : والله اسفه مرام
مرام بكت وهي تسب سما ..
سما ضمتها : خلاص والله اسفه
مرام : وش بيقول عني هذي ثاني مره اصادفه بدون شي
سما وهي تضمها : خلاص اهدي والله مشاري طيب

مشاري ركب سيارته ..
متجهه لصلاه الجمعه ..

معقوله يعني طلعت البنت الي دخلت غرفتي ..
تقرب لي و ب استغراب ي ترى مين هي ..!
مم بنات خالي حمد اعرفهم و رها لا ..
مم اوه يمكن من بنات خالي فهد ..
وبتر تفكيره وصوله للمسجد ..
نزل واخذ جواله وقفل سيارته ..



**
--



كانوا الحريم بالمطبخ ..
يسون الغداء قبل م يرجعون الرجال ..

دخلت شهد وقربت من ام مناف : عمتي وش تبين اساعدك فيه ..!
ام مناف : لا م بقى شي بس بقطع الحلا واوزع السلطات
شهد : عنك انا بسويها
ام مناف : ارتاحي يمه
شهد : والله لاسويها شي بسيط ماستاهل
ام مناف : الله يرضى عليك

شهد اخذت صحن السلطه ..
ووزعتهم بصحون صغيره وبشكل انيق ..
وقطعت الحلا بشكل جميل ..
ونثرت عليه شوي من حبوب التزين الذهبيه ..

ام سطام وهي داخله المطبخ : وش ههههذاا
شهد : وشو ..!
ام سطام : ذا مو ترتيب م تعرفين ترتبين
شهد : والله مرتب
ام مناف وام ثامر ناظروا بالصحون وبصوت واحد : ماشاء الله
ام ثامر : شغل مرتب
ام مناف : والله جميل ومتساوي
ام سطام بطرف عين : ماعجبني
ام مناف وام ثامر وسط استغربهم : من جدك ..!
ام سطام : اي
شهد بطيب نيه : طيب اغيره ..!
ام ثامر : لالا كذا حلو ليش تغيرينه
ام سطام خزتهم وخرجت ..

ام مناف : خلاص يمه شهد والله ان تروحين للبنات
شهد : طيب
وخرجت ..،
ام مناف تنهدت : الله يعين هالبنت والله ان تعذبها غاليه
ام ثامر : اي والله
ام مناف : سطام يحبها بشكل والله لكن امه تكرهها
ام ثامر : اخاف يتاثر ب امه
ام مناف : لا ان شاء الله مايتاثر و الله يوفقهم ويسر لهم
ام ثامر : امين




**
--




واقفه تنتظر تركي يجي ..
طال انتظرها و كانت بترجع ..
بس شافته جآي ب اتجاه مكتبه ..

: د.تركي
تركي التفت لها : هلا
: انا مها من الاستقبال مم حبيت اسالك اذا ممكن ..!
تركي : تفضلي
مها : تعرف رقم اميره او مكانها ابيها بموضوع
تركي : مم اتوقع م عندها جوال وبيتهم مدري
مها : طيب شكرا دكتور
تركي : العفو

ودخل مكتبه وهو يبفكر فيها ..
ع كثر م شفت من اجنبيات وعربيات ..
الا ان هالاميره جذبتني بشكل كبير وواضح ..
بدا يشوف شغله و يدخل المرضى واحد واحد ..
و بالرست الي كان من الساعه 2 ل ساعه 4 العصر..
اخذ مفاتيح سيارته و طار لشقه الي فيها اميره ..
وقف مقابل الباب وطلع المفتاح ودخله بالباب ..
و ماهي الا ثواني و نزعه و رجع ل سيارته ..
وهو يتعوذ من الشيطان ورجع ل عمله ..

اول مادخل نادى مها ..
يستفسر منها وش تبي ب اميره ..



**
--



جالسين يتغدون بهدو ..
فزت رها على هزه جوالها بجيبها ..
دخلت يدها بجيب بنطلونها السماوي الفاتح ..
وفتحت الرساله الي صارت يوميا متعوده عليها ..


ياأعز النساء! همي ثقيل
هل بعينيكِ مرتعٌ ومقيل؟

هل بعينيك حين أوي لعينيك
مروج ٌخضرٌ وظلٌ ظليل؟

هل بعينيك بعد زمجرة القفر
غدير وخيمة ونخيل؟

يا اعز النساء! جئتك جوعان
طعامي كاّبة وذهول

ياأعز النساء! جئتك حيران
فأين الحادي وأين الدليل؟

ياأعز النساء! جئتك ظماّن
فأين الأكواب والسلسبيل؟

يا أعز النساء جئتك حصانا مثخنا
هده السباق الطويل

كسرت ساقه فجن اباء
كيف يحبو هذا الجواد الأصيل؟


ابتسمت و ارسلت لهالرقم للمره 12 - غلطان - ..
ويرد عليها بكلمه واحده - أحبك - ..
بس هالمره غير رد عليها ..
- لا مو غلطان ي رها عيني - ..
غصت ب لقمتها من قرات الرساله ..
ولفت انتباه الكل الي صاروا يقدمون لها المويا ..
شربت رشفتين ورجعت تفكر بهالمجهول ..
مو غلطان يقصدني كيف و مين ..!
م قدت تاكل ووقفت واعتذرت ..
ورجعت لغرفتها تبحث عن الاسم ..
بس م قدرت تعرف صاحبه ابد ..


**
--


يتغدون بصمت ..
هو ياكل وقريب بينهي صحنه ..
وهي م اكلت ولا لقمه وحده وصحنها جديد ..

: ياسمين
رفعت نظرها له ..
محمد : كلي
ياسمين بهمس وهي تناظر بصحنها : الحمدلله
محمد : ياسمين تبين تريحين خاطرك
ياسمين رفعت عيونها له : ايه
محمد : اعتذري
ياسمين لمعت عيونه وبغصه : اكثر من 15 مره بس مايرد
محمد : ترا ضاري سافر
ياسمين : اعرف
محمد : تعرفين رقمه الدولي ..!
ياسمين : عرفت انها سافر لالمانيا و عندي رقمه بالمانيا
محمد : تبين اكلمه لك
ياسمين : لا خلاص بحاول
وتنهدت : واذا مارد بانتظر لحد مايرجع
محمد : بيطول بيجلس 6 شهور
ياسمين بشهقه : ايشششش ..!
محمد : والله
ياسمين نزلت راسها بين يدينها ..
واكتفت بتنهيده من قلب ..





**
--

توقعاتكم :
- رغد و تغير ضاري ..!
- شهد بتوافق ع سطام ..!
- نهى وسيف و أجمل ثنائي ..!
- ساره وعدم ظهورها بالبارت ..!
- رها والرسائل الغريبه وهالشخص الاغرب ..!
- ياسمين وكيف تراضي ضاري .. !

[اسطورة !]

لاصرت تدري ليه تبكي عوآآآفي
على الأقل تدري وش اللي بكيته ..

الموت من يبكي على شي خافي
ومن دون ادنى ذنب كانك جنيته..!

- البارت الخامس عشر -

- رغد -


مستغربه حالتها بشكل ..
متاكده فيها شي غير الجفاف ..
تقريبا شهر كامل وهي على هالحال ..
نومها غير طبيعي وكمان تشتهي اشياء غريبه ..
و تستفرغ اذا شمت بعض الاكل ..
لدرجه انها صارت ماتاكل ..
بس تشرب مويه ..

جلست تفكر فتره ..
وسرعان م جاء ببالها الحمل ..
تذكرت وش كان يصير بالمسلسلات والافلام ..
دمعت عيونها وخافت تطلع حامل ..
م تبي هالشي يكون صدق ..

بهاللحضه ..،

انفتح باب الغرفه ..
وتعلقت عيونها ب عيونه ..
خايفه من مصيرها المجهول ..
ابتسم لها وطلع له ملابس واخذ دش وبدل ..
وقف ع التسريحه يجفف شعره ..
ولما انتهى التفت عليها ..

ضاري : قومي نطلع الحديقه شوي و ترا جبت لك كيكه توت لذيذه
هزت راسها بالنفي ..
لان الغصه مانعتها تتكلم ..
ضاري بتساول : بتنامين ..!
دخلت بفراشها بدون م تكمل كلمه ..
قرب منها : رغد فيك شي
رغد تخبي وجهها عنه : ابي انام ..!
ضاري : بس نص ساعه من صحيتي معقوله فيك نوم ..!

رفعت الحاف على وجهها ..
وبهمس : اتركني
عقد حواجبه مستغرب ..
وبعد الحاف عن وجهها : رغـ .
بتر كلامه متفاجئ ب عيونها ..
الي غرقانه بالدموع بشكل واضح ..
ضاري : وش فيك ..!
رغد م قدرت ترد الا بشهقه ..
جلس جنبها مستغرب : تتالمين من شي ..!
رغد اكتفت ب هز راسها بالنفي ..
ضاري جلس جنبها وهو يسالها ..
بس كانت ع حالها وماترد ..
ضاري : طيب قومي معاي نطلع بس حابسه نفسك هنا
رغد كانت محتاجه تطلع ..
تتغير نفسيتها شوي بس رفضت ..
لكن مع اصراره والحاحه قبلت ب عرضه ..
ناولها جكيته الجلد عشان تتدفا وخرجوا ..
و ما مداه يطلعون الا ورن جواله ..
ناظر بالاسم وبسرعه رد ..

: اهلا . نعم سابيعه . لالا 5 مليون . السعر مشروط وانا لن اغيره ابدا . حظا اوفر . الى القاء
وقفل ..،
رغد وبحضنها ارنب صغير : وش بتبيع ..!
ضاري : الفندق
رغد : معاك فندق ..!
ضاري : ايه فندق *******
رغد بحركه طفوليه فزت : ججد ..! مرهه جميل شفت صور له واو يجنن يجنن ماشاء الله
وسكتت شوي : مم طيب ليش تبيعه ..!
ضاري شال الارنب من حضنها واطلقه بالارض : ذكرى احول ادفنها بهالبيعه
رغد باندفاع غريب : مستحيل تدفن
ضاري ب استغراب : ليش ..!
رغد تنهدت : لو الذكرى بتندفن ب بيع كان طلبت الطلاق بشتى انواع الطرق عشان ادفن ذكراك بس لاسف مستحيل تدفن
ضاري رجع راسه ع السور الي خلفه : آآآه الله يمحي هالذكرى
كانت بتشيل الارنب الي اطلقه ..
بس وقفها صوته : لا تشيلينه اخاف فيه مرض او شي
رغد : طيب ليش م تتاكد من الحيونات الي هنا ان كانت مريضه او لا ..!
ضاري : فيه دكتور يكشف عليها كل اسبوعين بس م يصير تمسكينها وعندك جفاف
رغد تذكرت اذا هي حامل جد : صح
ناظر فيها ضاري وابتسم ..

وهي وقفت وشافت كلب مسعور ..
يركض بشكل سريع من خلف السور ..
واذا قفز شوي صار فوق راس ضاري ..

رغد بصراخ : ضااااااري
وتاشر له ع الكلب ..
ضاري فز من صراخها ..
وناظر ب المكان الي تاشر عليه ..
وبسرعه سحب رغد ودخلوا اسطبل الخيول ..
اللي كان قريب منهم ب شكل كبير ..
وقفل الباب و اتصل ع الحارس ..

ضاري بغضب : فكتووووور لماذا اطلقت سراح الكلب ..!
فكتور : لم افعل
ضاري : امامك نصف ساعه فقط للامساك به وربطه والا طردت من العمل
فكتور : حسنا حسنا

قفل ضاري بعصبيه ..
والتفت ع رغد وقرب منها ..
سحبها من خصرها بيده اليمين ..
وبهمس قريب من اذنها : كان بامكانك تدفنين ذكراي و تتركين الكلب يشوف شغله معاي
رغد : اتمنى اقسى عليك نفس قسوتك بس ماقدر
ضاري : تحبيني ..!
رغد بحده : السماء اقرب لك
ضاري : طيب ليش انقذتيني
رغد ببرود : قلبي م يتحمل اقسى ع احد
ضاري : بس مو انتي الي بتاذيني
رغد : بس بيدي حل و انـ ..
ضاري قاطعها و ضمها لصدره بقوه وهو يردد :

أحبك يآبعد كل القصايد وآلحكيّ وآلبوح . . !
أحبك يابعّد كل الوجيه اللي على بالي . . !

رغد بغصه : لاااتكذب
ضاري : صادقه كنت اكذب ع نفسي زمان واقول لك اكرهك لكن الي بالقلب من اول م شفتك يعاكس كرهي
رغد : لو كنت تحبني م سويت هذا
ضاري بعصبيه : لاااااااتلوميني
رغد : م فيه سبب يخليك تسوي هالشي فيني
ضاري بنفس عصبيته : فيه والله فيه اذا عرفتي بتعذريني
رغد : وشو ..!
ضاري يبي ينهي هالسالفه باي ثمن : يلا طلعنا
رغد : لاا الكلب يمكن برا

ضاري رفع جواله واتصل ع فكتور ..
وتاكد منه انه ربطه عدل ..
اخذ بيدها وخرجوا يتمشون ..
رفع نظره لشمس الي بدت تغيب ..
متامل تغيب معاها ذكرياته المره ..
: يلا ندخل بدا الليل يخيم
واخذ بيدها متجهين للقصر ..

- بعد دقائق -

نادى على سولآ ..
سولآ : بماذا تامر ا.ضاري
ضاري : كعكه التوت
رغد ب اعتراض : انا ماباكل
م اهتم بكلامها : يلا جيبيها
سولآ : حسنا
وبدقائق صارت مقابلهم ..
اخذ السكين وقطع قطعتين وزعهم بصحنين ..
مد لها احد الصحون : يلا كلي
رغد رفعت يدها ودفعت الصحن الي بيده : لاتكفى
ضاري : لازم تاكلين
رغد : ضاري افهمني والله ماقدر اكل
وبخجل : ب استفرغ
ضاري : حاولي لو بس ملعقتين
وبدون م ينتظر منها آي رايي اخر
رفع الملعقه لفمها : يلا
رغد بتردد فتحت فمها واكلت القطعه ..
اكلتها وهي تجبر نفسها ماتستفرغ ..
وبعد مانتهت مد لها قطعه ثانيه ..
بعدت يدها : ضاري ماقدر
ضاري : بس هذي وخلاص
رغد هزت راسها ب النفي ..
ضاري : حاولي
رغد : طيب بس هذي
ضاري : بس
فتحت فمها واكلت القطعه ..
وما مدها تكملها الا وهي ركض للحمام - وانتوا بكرامه - ..
وهي تستفرغ بوجع من بطنها الخالي ..
غسلت وججها و خرجت من الحمام ..
وتفاجاءت انه ينتظره عند الباب ..
رغد : قلت لك م اتحمل
ضاري : لازم تحاولين
رغد بتهيده : ان شاء الله
ضاري : طيب روحي ريحي شوي انا بطلع واذا تبين شي نادي ع سولآ
رغد : طيب



**
--



- شهد -


مرهقه بشكل مواصله ما نامت ..
تفكر ب الي صار امس مع سطام ..
ناظرت بالشمس الي بدت تسلل للغرفه ..
و فزت من فرشها وبدلت ملابسها ..
لبست بنطلون اسكيني اسود ..
و تي شيرت بنك و رمادي ..
رفعت شعرها بعشوائه ..
و حطت قلوس فقط ..
نزلت تغير جوها شوي ..
واول م نزلت ب الصاله ..
شافت سلطان واقف عند المطبخ ..

بابتسامه : صباح الخير
سلطان : صباح الورد لاحلى شهوده
شهد بخجل : تسلم
كانت بتدخل المطبخ بس تذكرت سلطان : سلطان اسوي لك شي ..!
سلطان ابتسم لها : لا افطرت ، بس ابيك انتي ..!
شهد : امر
سلطان بحنيه : فكرتي ..!
شهد هزت راسها بالايجاب ..
سلطان : وش قولك وقرارك ..!
شهد تحارب دموعها : آءء انا موافقه
باس جبينها : والله كنت ابيك توافقين بس م كنت ابي اضغط عليك
شهد بادلته الابتسامه ونزلت دموعها ..
فسرها انها دموعها خجل او خوف او فراق ..
مسح دموعها بحنيه : مبروك ي قلبي
شهد بهمس : يبارك فيك
سلطان : يلا انا طالع تبين شي
شهد : سلامتك

خرج وهي دخلت بالصاله ..
شغلت التلفزيون تتناسى الموضوع ..

وفجاءه ..،

صوت من خلفها يناديها بهمس ..
التفتت و شافته واقف يبتسم : ها كيف الحلوه ..! وافقت والا ..!
ارتعبت من قربه وجراته وغطت وجها بيدنها : انقلع مني خاف الله
: حلالي وكيفي ..!
شهد برجفه : سطام والله لاصرخ والم عليك اهل البيت روح عني
سطام اتجهه للباب : يلا سلام

وخرج ..،
من شافته خرج ..
نزلت دموعها قهر ..
وهي تمتم بكلام مو مفهوم ..
ياليتني مت معكم وماجيت هنا ..

: هه وش فيها العروسه زعلانه وتبكي

شهد لارد وكانت ع حالها ..
: اوه لايكون تهاوشتي انتي وسطام
وبضحكه : والله مالومه وش عاجبه فيك ..!
شهد وقفت ومسحت دموعها : ساره ابلعي لسانك واحترمي نفسك
ساره : اوه اوه عصبت
واطلقت ضحكه عاليه ..
شهد طنشتها وصعدت غرفتها ..
المشتركه بينها وبين ندى ومرام ..
وهي تحارب دموعها لا تنزل ..




**
--



- رها -


صحت وناظرت بساعتها ..
رمت الحاف ب نشاط بعد نومها امس ..
واتجهت للحمام - وانتوا بكرامه - ووضت وصلت..
فتحت النور ع تسنيم و سما ..
الي يصرخون ويسبونها لانها فتحته ..
وبدلت بجامتها ب بنطلون بني ..
وبلوزه تايقر بني وبيج ..
وتركت شعرها الي يوصل لاسفل ظهرها بطبيعته ..
ونزلت متوجهه ل المطبخ عشان تفطر ..
جلست ع الطاوله بهدو ع غير العاده ..

: ماري جيبي لي توست وجبنه وكوب شاي
ماري : اوامر الفطور حليب
رها بعصبيه : طيب واللي م يحب الحليب
ماري رفعت اكتافها : انا م يعرف
رها : طيب عصير .!
ماري : عصير طبيعي
رها : طيب جيبي لي عصير برتقال
ماري : طيب

وكلها دقيقه وصار الصحن قدام رها ..
: تفضلي
ركبت السماعات اللي م تستغني عنها ..
وتاكل بكل هدو وصمت ..
مو منتبهه للي بالمطبخ ابد ..
لانه كان مطبخين بينهم فاصل زجاجي بباب ..
بالمطبخ الي داخل طاوله خشبيه كبيره ..
و بالمطبخ الصغير وحده صغيره بكرسين ..
كانت جالسه عليهم رها ..

دخلت ساره المطبخ ..
ومن شافتها جالسه ولا كان احد موجود ..
عصبت و بدت افكار الشر براسها تدور ..
وقفت وهي تنادي ع رها بصوت عالي ..
بس رها ماكانت تسمعها ابد ومندمجه ..
ضربت كتف رها بقوه وهي تصرخ عليها ..
بعدت رها السماعات ووقفت معصبه ..

رها : سلامات ..!
ساره : داخله وجالسه بكل ثقه ولا كان احد موجود بالمطبخ خافي ربي طيب
رها رفعت حاجب : وليش اخاف ي ست ساره ..!
ساره : ماجد هنا وانتي جالسه ولا كانه موجود
رها رجعت تجلس : انتي تحبين المشاكل لدرجه وصلت الكذب والتخيل
ساره : ي **** ي ******
رها فتحت عيونها مصدومه من كلام ساره ..

: سسسسسساره احترمي نفسك

فزت ب خوف من الصوت ..
وناظرت بالمكان الي كان فيه ماجد جالس ..
ماجد : رها لو سمحتي اطلعي ابي اطلع
وبكل عصبيه رفع يده وطبع كف ع وجهه ساره ..
وهو يهزاها ع كلامها الي م ينقال بحق مسلم ..

وخرج ..،
رها خرجت تجلس بالصاله ..
وساره صعدت غرفه امها تبكي وتشكي لها ..





**
--



- نهى -


صحت على صوت جوالها ..
ورفعته وردت بدون م تشوف الاسم ..
بس من سمــعت الــصوت ب ســرعه قامــت ..

: السلام عليكم
بصوت كله نوم : وعليكم السلام
: للحين نايمه ..!
نهى : اءء لاا بس آء تعبانه شوي
ام مساعد : كيفك مع سيف عسى ما فشلتينا ..!
نهى بغصه : يمه
ام مساعد : نعم
نهى : شوي واكلمك
ام مساعد : لا خلاص بس والله ي نهى لو وفشلينا مع الرجال

وقفلت بدون م تسمع اي رد من نهى ..
ناظرت نهى بسيف وحمدت ربي انه نايم ..
اخذت لها ملابس بشكل سريع من شنطتها ..
الي جهزتها ب طلب من سيف ..
وركضت للحمام بسرعه ..
تبدل ملابسها المبلله ..

بدلت بس تحس ان فيها ريحه ..
وما ارتحت لحد ما اخذت دش ..
ولما خرجت كان سيف جالس ..
ويبتسم لها : صباح الخير
نهى بهمس : صباح النور

سيف : يهزتي - جهزتي - شنطتك ..!
نهى هزت راسها
سيف : اباسمع صوتك
نهى بصوت خافت : ايه
م حب يحرجها كثير ووقف ..
سيف : حبيت نريع الامارت اعرفك عليها لحد موعد سفرنا
نهى : بنسافر ..!
سيف : ايه
نهى : ل وين ..!
سيف : مفاجاءه ي قلبي
نهى سكتت وقفت تسرح شعرها ..
وهو دخل دوره المياه بعد ماجهز لبسه ..
واخذ دش سريع وخرج بعد فتره ..
و لبس تي شيرت رمادي ..
وبنطلون جينز اسود ..

سيف ب ابتسامه : ياهزه ..!
نهى : ايه
سيف : يلا

نزل شنطته وشنطتها وحطهم بالسياره ..
وقضوا 4 ساعات بالطريق للامارات ..
واخيرا وصلو للفلا سيف الدورين ..
بس رغم بساطتها الا انها جميله ..

سيف : حياج
ونزل هو ونهى ويده بيدها ..

دخلت حديقه الفلا الصغيره معجبه فيها ..
كان شكل الفلا من برا حجر بيج وترابي ..
من دخلت انبهرت من الصاله الواسعه ..
بالوانها الي م بين الهادئه والفخمه ..
ب الابيض و الذهبي الفخم ..
اتجهوا لدرج وصعدوا ..
اشر لها ع باب ع اليمين ..

سيف : دخلي ريحي بالغرفه وانا بروح ايب - اجيب - الشنط دقائق وراجع

ونزل ..،
من نزل دخلت مكان م اشر لها ..
فتحت الباب ب كل هدو ..
كانت غرفه يغلب عليها الون البني ..
جدرانها ذهبيه والسرير بني يتوسط الغرفه ..
كانت فخمه بجد التفتت حوالينها ب اعجاب ..
حست بيدين ع اكتافها التفتت وكان سيف ..

سيف : اعيبتج ..! م اعرف كيف ذوقج فسويتها ع ذوقي
نهى باعجاب : تجنن
سيف : اهم شي اعيبتج
نهى ابتسمت بخجل ..
سيف : بتنامين
نهى : لا
سيف : عيل - اجل - شو رايج نطلع ..!
نهى : ع راحتك
سيف لفها له : نهى قلبي ترا حتى راحتج مهمه اذا م تبين مو لازم تقولين ايه
نهى : طيب
سيف : عيل يلا نزلنا الف فيج كل بوظبي مكان مكان

وخرجوا مع بعض ..،



**
--




- تسنيم ، سما -


صحت تسنيم وسما بنفس الوقت ..
ناظروا بسرير رها مستغربين انها صحت بسرعه ..

قامت تسنيم و توجهت لدوره المياه - وانتوا بكرامه - ..
بعكس سما الي فتحت شنطتها ..
وطلعت تنوره جلد اسود قصيره وبلوزه بيضاء ..
وجلست بطرف السرير تنتظر تسنينم تخرج ..

: صباح الخير
سما رفعت راسها وبابتسامه : صباح النور
رها جلست وهي تتافف ..
سما : وش فيك ..!
رها : اختك هذي بتجنني
سما : وش سوت ..!
رها قالت لها بالسالفه ..
سما كشرت بضيق من حركات ساره : تعرفين اسلوب ساره م يحتاج اشرح لك
رها : اوف اوف

بهاللحضه خرجت تسنيم من دوره المياه ..
واخذت حبوبها وكاس مويه وجلست ..

رها : تسنيم من جدك ..!
تسنيم : وشو ..!
رها : تاخذين الحبوب وبطنك خالي ..!
تسنيم : عادي
رها : بس م يصير
تسنيم : متعوده
رها : كيفك بس ترا م يصير تشربينها وبطنك خالي
ووقفت ووقفت معاها سما ..
الي دخلت تبدل ملابسها ..



**
--



- أميره -


أستغربت له ثلاث أيام م مر عليها ..
صارت تفكر ب افكار غريبه و جنونيه ..
التفتت حوالينها و لمحت التليفون جنبها ..
بس المشكله م تعرف آي رقم غير رقم بيتهم ..

وقفت تدور بالصاله بالاخير ..
اتصلت ع الاستقبال بس ماحد رد ..
رمت جوالها على الكنب ودخلت المطبخ ..
اخذت كأس مويا و جلست بصاله تقلب بالقنوات ..
وبعد فتره رمت الريموت بطفش وانسدحت ..
ع الكنبه الطويله البيضاء وهي تلعب ..
برجولها - وانتوا بكرامه - بالهواء ..

رفعت جوالها تلعب فيه شوي ..
و رجعت تقلب بين الققنوات ..
وبعد ماصابها الملل والياس ..
علقت السماعات ب اذونها ..
وشغلت الرقيه بصوت السديس ..
وقفلت عيونها عشان تنام ..
وماهي الا دقائق ونامت ..
على صوت يبعث الراحه في النفس ..




**




- ندى -


بزاويه كلها عشب اخضر ..
و ع الاطراف اشجار مختلفه ..
جالسه ومكتفه رجولها لصدرها ..
من دخل وشافها قرب منها بهدو ..
و تمدد خلفها بهدو وبدون ماتحس ..

وبصوت خافت : ليش حبيبي زعلان
فزعت وبشهقه : مناف خوفتني
ضمها من الخلف بقوه : وش فيك جالسه لوحدك
ندى ب ملل : طفشانه كلهم نايمين بس انا
باس خدها : وليش الطفش وانا موجود انتي بس امري وش تبين
ندى بتفكير : مم ابي اركب ع الخيل
مناف : الحين ..!
ندى اكتفت ب هز راسها بالايجاب ..
مناف : شمس
ندى : عادي عادي من فتره وانا اطلب سطام وابوي بس مارضوا
وقف و بابتسامه : انا معاك
ومد يده لها : يلا
ندى بفرح : جججججد،..!
مناف : والله
فزت وحضنته وباست خدها : شكرا
مناف : يلا
تعلقت بيده ومشوا ب اتجاهه للاسطبل ..
سحب فرسه بعد ما سرج السرج ..
عليها وضبط الجام ..

مناف : يلا
ندى : بس تركب معاي
مناف : اكيد مابتركك لوحدك
شالها وركبها ع الفرس وركب خلفها ..
ب البدايه كان يمشي الفرس ب خفيف ..
ومع الوقت صار يركض وندى بدت تخاف ..

ندى : مناف خفف السرعه شوي
مناف : ناظري حوالينك شوفي المنظر جميل
ندى : لا اخاف ورفعت يد ع عيونها ..
ويد محوطه خصر مناف ..
الي حوطها بيده ..
مناف : خلاص اوقف لانها م بتهدى الا اذا وقفت
ندى : اي تكفى

وقفها مناف ..
ونزل وشال ندى من ع الفرس ..
وهو يضحك : خوافه
ندى : مو خوافه انت الي تسرع

: ماشاء كان فلم رومانسي جميل

ندى ومناف بصوت واحد : ماجد ..!
ماجد : لاخياله
ندى عدلت شيلتها عليها و تلثمت ..
مناف بعصبيه : من متى وانت هنا ..!
ماجد : توني
وغمز له : من نزلت ندى من ع الفرس
مناف بعصبيه : ليش ماتكلم انك موجود
ماجد : بدت الغيره ترا اذكر ندوه ام شوشه
ندى بعصبيه : اسكت بس ي ابو سعابيل
ماجد : لاتتبلين علي
ندى : لا والله ماكذب حتى ابوي و ثويمر وسطام كانوا يسمونك سعبوله
هنا مناف م قدر يمسك نفسه واطلق ضحكه عاليه : ي ليت انكم تشوفون اشكالكم وانتو تتهاوشون
ماجد : كلها من زوجتك ام شوشه
ندى زعلت وطنشته ..
مناف بحده : ممماجد بسس
وركض لندى الي مشت واخذ بيدها ..
وسحبها لحضنه رغم صدها ..

: لاتاخذين بكلامه هالبزر
ندى ماردت عليه ..
مناف ناظر بعيونها ومسح دمعتها : يكفيك انا وراي فيك ي روحي
ندى ضمته وهي تبكي : احبك

مناف فجاءه ..،

فز بسرعه : هلا والله يبه كيفك وش اخبارك
ندى من سمعت كلام مناف ..
دفت عنها مناف وهي تمسح دموعها ..
وركضت بسرعه للفلا خجلانه ..
لانها متاكده انه شافهم عمها ..

ابومناف اطلق ضحك وغمز له : انت الي كيفك تمام االتمام صح ..!
مناف بابتسامه : الحمدلله
ابو مناف : الله يوفقكم

وتعدا مناف باتجاهه للاسطبل ..

**
--

توقعاتكم :

- شهد وموافقتها ع سطام ..!
- رغد و ضاري و تغيره معاها ...!
- اختفى تركي بهالبارت وش سره ..!
- ساره وكثره مشاكلها مع العائله كلها ..!
- نهى وحالتها و خوفها من امها اكثر شي ..!

[اسطورة !]

**- مخرج -**



الاستغفار يؤثر على حسب نية المستغفر اي لأي شيء تستغفر لطلب مال.. ولد. نجاح.. توبة.. فعلى نية المستغفر يكون الأثر بإذن الله.
-يحتاج الاستغفار لنية صادقة ومخلصة لله وأن تدرك معناه وأن تفهم المراد منه فالنية لها اثرها في حياتك كلها.
-الله لا يخلف الميعاد وإذا تخلف الاثر فاعلم ان هناك امرا تسبب به.
-الاستغفار كالدعاء اما يأتيك ما طلبت وإما يأتيك غير طلبك واما يصرف عنك سوءاً بسبب استغفارك او ان
يدخر الله لك ما استغفرت ليوم القيامة فيجازيك جزاء الضعف عنده جل في علاه

تعالى:
(( ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا
وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) ))
فوئد الاستقفار

أنه طاعة لله عز وجل.

أنه سبب لمغفرة الذنوب
:
" فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراًا"
نزول الأمطار
"يُرْسِلِ السَّمَاء عَلَيْكُم مِّدْرَاراً"
4 - الإمداد بالأموال والبنين
"وَيُمْدِدْكُمْ بِأَمْوَالٍ وَبَنِينَ"
دخول الجنات
"وَيَجْعَل لَّكُمْ جَنَّاتٍ"
زيادة القوة بكل معانيها
"وَيَزِدْكُمْ قُوَّةً إِلَى قُوَّتِكُمْ"
المتاع الحسن
" يُمَتِّعْكُم مَّتَاعاً حَسَناً "
دفع البلاء
" وَمَا كَانَ اللّهُ مُعَذِّبَهُمْ وَهُمْ يَسْتَغْفِرُونَ"
وهو سبب لايتاء كل ذي فضل فضله
"وَيُؤْتِ كُلَّ ذِي فَضْلٍ فَضْلَهُ"

العباد أحوج ما يكونون إلى الاستغفار، لأنهم يخطئون بالليل والنهار، فاذا استغفروا الله غفر الله لهم.
الاستغفار سبب لنزول الرحمة
"لَوْلَا تَسْتَغْفِرُونَ اللَّهَ لَعَلَّكُمْ تُرْحَمُونَ"
وهو كفارة للمجلس.
وهو تأسٍ بالنبي ؛ لأنه كان يستغفر الله في المجلس الواحد سبعين مرة، وفي رواية: مائة مرة.

[اسطورة !]

مَ زلت ابكي ذلكَ البكاء الصامت ,
وَ مَ زلت اعبر عن استيائي بَ الصراخ !
مَ زلت لا اقوى على فعل شيء ,
إلا العتب وَ الدعاء !
مَ زلت احتاجك ييَ رببَ , لتدفع عني هذا البلاء

- البارت السادس عشر -




- شهد -

لامة نفسها ب البالطو تبع سلطان ..
وجالسة على درج المزرعه الخارجي ..
ضامه يدينها لبعض وتدعي ربي يخفف همها ..
و ناسيه إنها من دون حجاب ..
نظراتها بالفراغ وبيدينها اللي بحضنها..
رفعت راسها لما حست باحد واقف قدامها...
تعلقت عيونها الي يملاها الدموع بعيونه ..
نظراتها كانت قهر واحساس بالذل ..
كان بيتكلم بس نظراتها له عقدت لسانه ..

وقفت ومشت حافية على الأرض متجهه للفلا ..
كان يتمنى لو يشيلها ويدخلها غصب عنها ..
بس هو ماله حق يلمسها الحين ..

بصدمة : سطام ..!
سطام التفت له : هلا
سلطان بغضب : للحين م صارت حلالك لا تقرب منها مره ثانيه
سطام ببرود : عن قريب حلالي ان شاء الله
وبابتسامه : بعدين ليش اقرب منها يمكن هي الي خرجت لي
سلطان بعصبيه ارتفع صوته : تعرف عن مين تتكلم ..!
وقرب منه وبفحيح : ترا انت تتكلم عن شهد الي والله لاشك بنفسي ولا اشك فيها ، صاحي انت ..!
سطام : وش فيك عصبت ..! هدي حالك
سلطان يستغفر : والله ي سطام ان شفتك تقرب منها او تضايقها م تعرفها طوال عمرك
سطام : طيب وش قلت انا عشان تعصب
سلطان : راجع كلامك و اتوقع ان كلامي مفهوم
وتركه متجهه للفلا ..
دخل وكانت قريب من الباب خايفه من صراخهم ..
شهد ركضت له : وش فيك تصرخ ..!
سلطان ب ابتسامه : نمزح لا تاخذين الامور بجديه
شهد بادلته الابتسامه بابتسامه باهته : اها
سلطان : تبين شي قبل م اطلع ..!
شهد : سلامتك
خرج ..،

ومن بعد ماخرج سلطان ..
ما امنت تجلس بالصاله خايفه يشوفها ..
صعدت غرفتها و شافت ندى جالسه تلعب بجوالها..
جلست ع طرف سريرها بهدو وهي تحرك رجولها بتوتر ..

: شهد
شهد التفتت لها : همم
ندى فزت وجلست جنبها : شهد اعرف الي صار بينك وبين سطام و انا م رضيت و
شهد ب انكار تحاول م يتدخل احد : اي موضوع ..!
ندى : لما هددك
شهد عقدت حواجبها : وليش يهددني ..!
ندى : شهد والله هو الي قال لي لاتستهبلين
شهد : تاكدي من كلامه انا م قابلته الا مره بالغلط وسالني عن حالي وبس
ندى بعصبيه : شهد تكلمي بجد وبلا استهبال
شهد : طيب انا اتكلم بجد
ندى وقفت : استغفرالله
وخرجت برا الغرفه قبل ماتعصب ع شهد ..،

من طلعت ندى ..
ودموع شهد بدت تنزل بالم ع حالها ..
بكت ب وجع وقهر وهي تكتم شهقاتها ..
تبي احد يواسيها تمنت لو رغد موجوده ..
كان يمكن حالها اهون لان فيه احد قريب منها ..

اآآآآه ي رغد كيف حالك الحين ..!
الله لايفجعني فيك ويجعلك باحسن حال ..
مسحت دموعها لما سمعت حركه عند الباب ..
وقامت للحمام - وانتوا بكرامه - ..




**
--



- رغد -


داخله بفراشها بس مو نايمه ..
تبكي بصمت وتحاول تكتم شهقاتها ..
تمنت احد يملا حياتها بس م تمنت تنحرم منه ..
دعت ربي يفرجها عليها من اوسع ابوابه ..
وجلست فتره معلقه عيونها بالفراغ ..

: رغد
رغد لارد
ضاري : ررغد
انتبهت له وجلست ..
جلس جنبها ولاحظ دموعها..
مسحها باطراف اصابعه ..
ضاري : وش فيك كنتي تبكين ..!
رغد سكتت شوي ..
وبهمس : ضاري
ضاري : لبيه
رغد والغصه بحلقها : هو اءء انا مثلا اذا حملت وولدت بتاخذه مني و و ولا اشوفه ابدا ابدا
ضاري ابتسم وفهم قصدها : اذا تبين تجلسبن معاي حياك الله وضناك معاك واذا م تبين الله معاك و ضناي معاي

رغد سكتت شوي وبعدها انفجرت بكا ..
سحبها لحضنه وهو يمسح ع شعرها بحنيه ..

ضاري : م راح اتركك
ردت عليه بشهقه : بس انا ابي اخواتي واخوي
ضاري : بتشوفينهم بس زيارات
: لا انا ابي اجلس معاهم دائما
ضاري : اجل انسيني وانسي ولدك اذا ربي كتب
رغد رفعت نظرها له ..
و بصوت مبحوح : بتضل قاسي مابيغيرك الزمن
ضاري : هو
رغد : مين ..!
ضاري وقف : ولاشي ولاشي
رغد بقهر : ققققاااااسي

ناظر فيها بنظرات غريبه وخرج ..،
اول ماخرج جاء ع باله ..

الله يسامحك عذبتها وانت السبب ..
ذنبها برقبتك حسبي الله ..

رمى نفسه على اريكه الصاله البيضاء الكلاسيكيه ..
وهو يناظر بالسقف الخشبي المنقوش بالذهبي ..
و يفكر ب الحاله الي هما فيها اثنيناتهم ..
صحى من تفكيره ع صوت ادموند ..

: نعم ..!
ادموند : مم ا.ضاري اود ان اخبرك بامر ما
ضاري فز وعدل جلسته : ماهو ..!
ادموند بخوف من نظراته ..
وتكلمت بسرعه وهي تناظر ب الارض : لها 4 ايام لم تاخذ المغذي
ضاري ب العربي : ايششش ..! ي غبيه ليش ماتقولين لي ..!
ادموند : ماذا ..!
ضاري وقف وارتعبت اكثر ..

: اجلبي المغذي الى غرفت رغد
هزت راسها بالايجاب : حسنا
وراحت ركض تجيبه ..
وهو رجع ل غرفه رغد ..
كان يسمعها تاخذ دش بالحمام ..
جلس بطرف السرير يلعب ب مفاتيحه ..
مر تقريبا ربع ساعه وهو ينتظر وادموند بالصاله ..

: ضاري ..!
ضاري وقف وبعيون يملاها الغضب : ليش م تاخذين المغذي ..!
رغد بخوف سكتت ..
ضاري بصراخ : تكلمي
رغد برجفه تقدمت خطوتين ..
و هي تلم الروب عليها ب قوه ..
مدت يدها له وبرجفه فضيعه : شوف يدي تعورني والله
ضاري وبعصبيه : لازم تاخذينها لازم والله ل .
وبتر كلامه لما نزل عيونه لظهر كفها ..
كانت عليه بقعه كبيره بالون البنفسجي ..
و اطرافها تميل لسواد كانها حرق من حوادث ..

رفع نظره لها وشاف دموعها ..
الي تنزل بخوف وصمت ..
ضاري : من ايش ..!
رغد ع حالها وبهمس : والله من المغذي
ضاري بصوت عالي : ادمموند
وبثواني صارت واقفه مقابله ..
ضاري : تعالي
واشر ل كف رغد : ليش كذا ..!
ادموند : انه شي طبيعي من كثره الابر بمكان واحد
ضاري : كيف اخفف منها ..!
ادموند : ستزول مع الوقت و مع كريمات ساجلبها بعد قليل ان اردت
ضاري : حسنا
وجلس بطرف السرير وسحب رغد لحضنه ..
: اعطيها المغذي بكفها الاخر
ادموند : حسنا
رغد حاولت تقوم من حضنه : لااا والله يعور
ضاري : هشش بيدك الثانيه
رغد : بعد
ضاري : لازم ب المغذي
ركبت ادموند المغذي بعد ماثبت ضاري رغد ..
ضاري : حسنا ادموند شكرا لك والان اذهبي اكملي اعمالك
ادموند : حسنا

من خرجت ادموند ..
تمدد ع السرير و سحب رغد بخفه وحذر لحضنه ..
رغد ب اعتراض : ببدل ملابسي
ضاري : الحين نامي يمديك
رغد : بس دقائق
ضاري : اوششش نامي
وضمها بقوه ووجها بصدره ..
ويدها الي فيها المغذي ع خصره ..



**
--



- أميره -

من سمعته على الباب طارت له ..
بعد مالبست عبايتها وعدلت لثمتها ..

انفجع اول مافتح الباب بوقفتها مقابله ..
: وووين ..!
اميره وهو تتمسك ب مقبض الباب : الله يخليك بروح
تركي : وين طيب..!
اميره بدون م تناظر فيه : محتاجه اغراض
تركي : باجيبها لك
اميره : لامابي انا باخذهم انا م يصير

و فلتت منه و هي تركض ل برا الشقه بسرعه ..
ركض لها كان بيسحبها بس سحب طرحتها ..
و انفتح شعرها من قوه شدته ل طرحتها ..
رجعت تشد طرحتها منه بس ماتركها ..
و دخلها الشقه ب قوه و هو معصب ..

تركي بعصبيه رماها ع الجدار وقرب منها : وين تبين تهربين ..!
وبصراخ وعصبيه اكثر : تبين الشارع الي كنتي فيه ..! تبين شله اصحاب الخمر والمخدرات ..!
وبصران : تبينهم يغتصبونك ويسلبونك شرفك هاه ..!
اميره و دموعها تملا وجهها الطفولي : ابي اهرب عشان م اسمع هالكلام اذا انت الي تعرف عني كل شي تقول كذا فكيف الناس ..! ابي اهرب عشان ارتاح
وبصراخ : انت لك الحريه وانا مقفل علي بالشقه ليييششش ..!
ورفعت يدينها لوجهها : تناظرني وتجلس معاي وكاني اختك او امك ححرام عليك ي خي 3 ايام م تعرف انا حيه انا ميته غير اني بهالشقه بسس
تركي بهدو بعكس انفعالها : تبين تعرفين ليش حابسك ..!
وتنهد : وتعرفين ليش م مريتك الايام الي راحت ..!
اميره دفعته عنها : ماعندك عذر ماعندك
تركي قرب منها اكثر : حابسك لاني اعرفك متهوره وماجيتك هالثلاث الايام لاني
وسكت ..
اميره صرخت فيه : لانك وشو ..!
تركي : لاني خايف عليك من نفسي
وبعصبيه : عرفتي الحين ليش ..!
اميره من سمعت كلامه خافت اكثر و دفعته : طيب بعد عني
ناظر فيها فتره وبدون وعي ..
طبع بوسه عميقه على شفايفها ..
و من حس ع مصيبته الي سواها ..
سحب مفاتيحه وقفل عليها و خرج ..
ركب سيارته وضرب ع الدركسون ..

: ي ربي انا وش سويت ..! ليش م مسكت نفسي ليييششش انا لازم ادور حل ب اسرع وقت

- اميره -

كانت واقفه بمكانها متجمده لادموع ولا تعابير ..
بهالحضه استرجعت بوسات ابو جمال ..
و كيف كانت تحته تصارخ و تضربه ..
والي زاد الطين بله تركي وبوسته ..
طاحت ب نفس مكانها الي واقفه فيه ..
وقفلت عيونها بالم وبدت دموعها تنزل ..
الي صار اهانه لها ودليل ع ضعفها وهوانها ..
استسلمت لبكاها وشهقاتها الي تحاول تهديهم ..
بس مامن فائده ابد ب العكس يتعالون من القهر ..
ضلت ع هالحال فتره طويله لحد مانامت مكانها ..





**
--



- نهى -


قفل شنطته و نزلها هي وشنطه نهى ..
ونهى جهزت شنطتها و نزلت قبله ..

سيف : طولت عليج
نهى : لا
سيف بصوت عالي : مايا ممايا
طلعت من المطبخ تنشف يدينها : نعم د.سيف
سيف : باغيب شهر او اكثر ابغي هالشهر يمر وكاني موجود طيب
مايا هزت راسها بالايجاب : طيب
سيف : و زوج مال انتي معاه راتب شهرين يعني كل شي تمام
مايا : شكرا دكتور
سيف : العفو يلا بحفظ الله

وخرج وبعده خرجت نهى ..
فتح لها الباب وبابتسامه : تفضلي
نهى : شكرا ودخلت
التفت لراجو : راجو
راجو : نعم
سيف : نفس ماوصيتك طيب
راجو : طيب
سيف : معسلامه
وركب السياره متوجهين للمطار ..

- بعد ساعتين بالطياره -

سيف ضم يدينها بيدينه : ماتبين تعرفين وين بنسير
نهى بعدم اهتمام : عادي
سيف بابتسامه واسعه : حتى لو كانت لندن عادي
نهى بفرح : ججججد ..!
سيف : والله
نهى : من زمان اتمنى اروح لها
سيف : اعرف
عقدت حواجبها : كيف ..!
سيف رجع راسه ع المقعد وقفل عيونه وهو يتذكر : تذكرين زمان لما كنا نيلس بالليل تحت القمر ونقول امانينا زي المسلسلات الكرتونيه
نهى ب استغراب : تتذكر للحين ..!
سيف : امانيك ي نهى كانت شي مهم واتمنئ احققها
نهى بفرحه واضحه بعيونها : شكرا والله شكرا الله يسعد قلبك
سيف : ويسعدك

كانت حركاتها تدل ع مدى سعادتها ..
ابتسامتها الي مافارقتها ولا لحضه ..
عيونها المفتحه االي تناظر بالنافذه ..
كثير و كثير توضح انها مستانسه ..




**
--



- ساره -


تدور بالغرفه وهي تفرك يدينها ببعضها ..
وتمشي تفكر بالي بيصير اذا تزوج سطام شهد ..
ايام مرت وهي تفكر فيهم ..
و كيف بتفقد سطام للابد ..!

: يمه ساره وش فيك ..!

ساره بارتباك : مافيني شئ يمه
ام مناف : متاكده ..!
ساره بابتسامه مصطنعه : ايه
ام مناف : طيب وش فيك مانمتي للحين ..!
ساره : مافيني نوم
ام مناف : طيب اجلسي مع البنات ..
ساره : ماحبهم
ام مناف بحنيه : من يومين يمه وانا شايفتك مو ع بعضك فيك شي ..!
ساره : لا مافيني شي
ام مناف وقفت : ع راحتك انا بنزل تحت
واخذت طرحتها : تنزلين معاي ..!
ساره اكتفت بهز راسها بالنفي .
نزلت ام مناف للحريم والبنات ..

جالسه على طرف السرير لوحدها ..
تفكر ب مخططاتها الدنئيه والجنونيه ..
وبعد تفكير وجهد قررت تسوي الي ببالها ..
فزت من مكانها وهي تدور على رقم ..
سجلته من فتره ب جوالها القديم ..
وجاء الوقت الي تستخدمه فيه ..

بعد دقائق لقته وبسرعه ضغطت اتصال ..
وبعد محاولات كثيره رد الجهه الثانيه ..

: الو
ساره : ام عامر
: اي
ساره : انا من طرف هنادي ابيك بشغله
: انا الحين ممشغوله تعالي بعد 3 شهور
ساره بشهقه : لاا مممره بعيد
: عندي شغل
ساره : الله يخليك باعطيك الي تبين
: طيب بعد شهر وشوي هذا اقصى حد
ساره ب استسلام : طيب شكرا

وقفلت ..،
وتنهدت : حتى هذي م طلع منها فايده اوف




**
--




كانوا البنات جالسين ب الصاله ..
مع ام مناف و ام سطام وام ثامر ..
ويضحكون مع بعض ومستانسين ..
دخلو بموضوع الشعر والجمال ..

ام مناف : تصدقون انا بحياتي م شفت جمال شعر زي شعر جواهر ام شهد و مرام الله يرحمه
شهد ب استغراب : ججد ي عمه شفتي امي ..!
ام مناف : ايه شفتها مرتين مره زرتها ببدايه زواجها من ابوك ومره قبل م تتزوج
مرام بغصه : بس شعر امي الله يرحمها قصير
ام مناف : لا كان قبل طططويل لاسفل ظهرها وكثير وكانت تسويه جديله ماشاء الله كانت طويله وسوداء سواد الليل و ناعمه
مرام : زي شعر شهد و رغد ..!
ام مناف : م اعرف رغد بس تقريبا زي شعر شهد بس امكم اججمل
شهد ومرام بصوت واحد : الله يرحمها

ام ثامر لاحظت عيون شهد ومرام ..
الي تلمع بالدموع وحبت تغير الموضوع ..

ام ثامر : بنات وش رايكم تسون حلا بيت ..!
ام مناف : اي والله مشتهيه حلا طريقته بجوالي
مرام : تامرين امر باسويه لك اصلا كم عندنا عمه نوره
ام مناف ب ابتسامه : يسعدك ي رب
ندى بنص عين : عمتي تتوححمين ..!
سما طيرت عيونها : لا لا انا اخر العنقود مايجي احد بعدي
ام مناف احمر وججها : عيالي ع طولي و اتوحم لالا وين
شهد : عادي اصلا الي يشوفك م يعطيك عمرك الحقيقي
مرام فزت عندها وشدت خدودها : فديتها الصغيره والله اول م شفتك توقعت اكبر عيالك ساره
ام ثامر وهي تضحك : خلاص شفوا كيف صار وجهها الوان استحوا
ندى وهي تضحك : خلاص


اخذوا البنات من جوال ام مناف الحلا ..
واتجهوا للمطبخ يسونه ..



**
--




- محمد -
- تحديدا بمستشفى الدواء -

دخل المستشفى وهو يناظر عن يمينه وعن شماله..
لمح احد الممرضين المساعدين ل تركي وناده ..

: امر ا.محمد
محمد : تركي داوم اليوم ..!
: ايه
محمد : دخل مرضى اليوم له والا ..!
: بس 7 مرضى والبقيه اعتذرنا لهم
محمد : طيب تعرف متى خرج ..!
: د.تركي بمكتبه الحين
محمد ب استغراب : بمكتبه و ماخذ الا 7 مرضى
التفت ع الممرض : طيب شكرا
وودعه وخرج ..
: العفو ولو

توجهه محمد لمكتب تركي بسرعه ..
فتح الباب بقوه : انت وش فيك عليك شكاوي كثير ..!
تركي لارد
محمد قرب من تركي ..
لما شافه منزل راسه ع المكتب ..
وخاف انه تعبان او فيه شي ..
هز كتفه بخفه : تركي
تركي بهمس : اتركني
محمد : تركي وش فيك ..!
تركي بغضب : خلاص اتركني مالي خلق لاحد
محمد جلس جنبه : انا اي احد ي تركي ..!
تركي : تكفى الي فيني مكفيني
محمد : تكلم وش فيك خوفتني ..!
تركي لارد
محمد : اذا روقت وهديت الحقني بمكتبي والا اقول انا بجيك
ووقف ..،
تركي رفع راسه : محمد انتظر
التفتت له محمد مصدوم من عيونه الحمراء : تركي ليش عيونك كذا وججهك معفوس ..!
تركي تنهد : سويت مصيبه
محمد بخوف : تكلم وش سويت
تركي : باتزوجها
محمد فهم انها اميره من كثر ما تركي يتلكم عنها هالفتره : وش سويت بالبنت ..!
تركي : خخخلاص باتزوجها مو لاازم تعرف التفاصيل
محمد صرخ بوجه : اغـ ..
تركي قاطعه : كنت بس ربي ستر و خرجت ولا برجع الا والشيخ معايي
محمد : تركي اصحى انت من ججدك ..!
تركي بعصبيه : ايه من جدي و اقولك شي
محمد : وشو ..!
تركي : صرت اخاف عليها من نفسي
محمد : انتبهه ي تركي الا الحرام واذا وصلت لهالحال ملك باسرع وقت
تركي : ابيك تجي معاي عشان املك
محمد : وعمها ..!
تركي : عمها دقيقه صاحي وباقي اليوم سكران وبعدين هو الحين بالمستشفى
محمد : بس لاتروح لها لحد ماجي معاك فاهمم
تركي : ان شاء الله

محمد وقف وخرج ..
وهو مصدوم من حاله اخوه ..
الي م توقع توصل لهالامرحله بسبب مراهقه ..
من سمع كلام تركي حس صدره ضايق ..
و ماتحمل يجلس ب المستشفى اكثر ..
وخرج من المستشفى متوجهه للقصر ..

- بالقصر -

من دخل وهي تتصل ..
وتوقف وتجلس ب توتر ..

: ياسمين وش فيك ..!
ياسمين بغصه : اشتقت لضاري شهرين ماسمعت صوت
محمد : تعالي جنبي اقولك شي
ياسمين جلست جنبه : وشو ..!
لمها بيده اليمين لصدره : ياسمين انتي غلطتي وهذا عقاب غلطتك و اوعدك اذا رجعوا ارجع الامور تمام
ياسمين غصت بشهقتها واطلقتها ..
تبعتها دموعها : لاتلومني
محمد اكتفى بتنهيده ..
ورفع راسها وهو يمسح دموعها ..
ياسمين : ليش م يحس اشتقت له ..!
محمد ب ابتسامه : وانا ماشتقتي لي يومين غايب عنك
ياسمين نزلت راسها ع صدره وبهمس : محمد مهما تكلمت لك وحكيت وش تعني لي و وش كثر احبك مابيوصلك احساسي
محمد ضمها بقوه : احبك وترا ماحب اشوف دموعك
ياسمين : مو كثري
انسدح وسحبها معاه : ابي انام مره تعبان من امس مانمت
ياسمين : ومن امس انتظرك
محمد دفن وجهه بشعرها ..
وقفل عيونه وماهي الا دقائق ودخل بنوم عميق ..




**
--


- رها -


كعادة جوالها يصحيها من نومها ..
برسائله المعتاده و المختلفه ..

فزت و رفعت شعرها البني المتناثر ع وجهها ..
و سحبت ربطه شعر من جنبها ..
ورفعت شعرها فيها ..
سحبت جوالها تقرا الرسائل ..
الي صارت متعوده عليهم ..


صبَـاٱحُ الشوق ..

صبَـاٱحُ آلٺجُاٱهُل آلمَقصود ..
ۈٺمَثيُل آني بدونك . .
حيُلَ مبُسَوْطِ : (


ابتسمت و رمت الجوال ع مخدتها ..
و قامت و بسرعه توضت وصلت ..
فتحت دولابها تختار لها لبس ..

استقرت بالاخير على بنطلون بيج اسكيني ..
وبلوزه خفيفه في ورد بمدرجات البني والبيج ..
بربطه من العنق بشكل جميل يبرز فخامه البلوزه ..
و فتحت شعرها البني الويفي بطبيعته ع ظهرها ..
رفعت غرتها الي طالت واطراف شعرها ..
و حطت قلوس وواقي شمس ونزلت ..
دخلت المطبخ وفتحت الثلاجه اخذت كاس عصير..
و خرجت للحريم الي كانوا جالسين بالصاله ..
يتقهون قهوه الصباح ويسولفون ..

و ماهي الا ثواني من جلست ..
الا وصل صوت يعلن وصول مسج جديد ..
فتحته ب سرعه بعد ما نزلت كاسها على الطاوله ..
انصدمت وفتحت عيونها على الاخير ..
وهي تقرا المسج الي توه وصل ..

- جميل البيج عليك بس بالغره اجمل -

وبارتباك : يمه مين صاحي من الشباب ..!
ام ثامر : والله يمه ماعرف
ام مناف : الا شفت ثامر وسلطان وماجد
ام ثامر : ليش ..!
رها ب ارتباك : لالا ولاشي بس كنت ابي غرض يجيبونها لنا بالعصرش


وققفت محتاره بهذا المجهول ..!
معقوله يكون سلطان او ماجد ..!
لالا ممستحيل م شفت منهم شي ..
او يكون ثامر يستهبل علي ..
بس لا مو حركات ثامر ..
ضلت تفكر بهالمجهول ..
الي م تعرف مين هو ..

**
--‏​لكل لحَُظآٺيُ معَاٱك


توقعاتكم ..!
- رها والمجهول ..!
- ساره و خططها ..!
- تركي وجنونه ب اميره ..!
- سيف ب يقدر يعالج نهى ..!
- ضاري واعترافه بحبه ل رغد ..!
- سطام وجراته مع شهد الي مو متقبلته ..![

[اسطورة !]

حَياتي تسيرُ على نظام غريبْ

لم اجد تفسيرٌ حَتى الآن ..
أيامٌ مٌتتالية مملوءة ب حزن فائض
بعدُها أيامٌ رتيبة ممله لا شيء فَيها . .
وَ بعُدها صَدماتٍ تجعلُني لا أغادرَ
ال ا̄لوسادة وَ عينايّ تُمطرُ غيثّ الربيع الغزير

- البارت السابع عشر -


- بعد 3 ايام -

رجعوا الكل عشان المدارس ..
و الجامعات بتبدي بعد اسبوع ..
ولازم للكل بتجهيزات قبل الدوام ..



- بالمانيا -
- تحديدا بمدينه ميونخ بريف روتاتش -


من دخلت القصر الريفي ..
مادخلت غرف كثيره بالقصر ..
وجاء اليوم الي حبت تستكشف فيه غرف القصر ..
فتحت الغرف كانت عاديه يملاها الغبار ..
مافي شي يميز كل غرفه عن الثانيه ..
بس شد انتبهاها باب فيه قلب ..
دخلت الغرفه بفضول وفتحت الانوار ..
كانت غرفه نوم هادئه كل شي فيها بيج ..
الا المفرش بالون الرماني فيه ورد بيج ..

جلستت تتاملها فتره وكانها شافتها من قبل ..!

وسرعان م تذكرت الغرفه الي لبست فستانها فيها..
تشبهها كثير كثير الا باشياء بسيطه يختلفون ..
فتحت الدولاب و شافت فستان طفله ..
قصير وهادئ بالون الابيض فقط ..
مع جزمته و طوق الورد تبعه ..

: ليش تدخلين هنا ..!
رفعت الفستان : القصر توك اشتريته
من شاف الفستان الي بيدها ..
صرخ في وجهها بعصبيه ..
ولمعت عيونه لاول مره بالدموع ..
بشكل اربعه من قبل م يتكلم ب كلمه ..

: لا تلمسينه بسرعه نزليه بالدرج
رغد بخوف : طيب طيب
: والله لو اشوفك تطلعينه مره ثانيه
رجعته مكانه وقفلت الدولاب ب خوف ..
خرج وخرجت بعده متجهه لغرفتها ..

محتاره وش سالفه هالطفله مع ضاري ..
شافته خرج برا القصر وبدون م يلتفت لها ..
ركب السياره و حركها ب سرعه جنونيه ..

وقفت ب استغراب من حركاته ..(

لهدرجه غاليه ع قلبه هالطفله ..
رجعت الغرفه تبي شي تفهمه ..
من هاللغز الغامض بالنسبه لها ..

فتحت الدولاب بس م لقت شي ..
ادراج التسريحه وكمان م في شي ..
كان اخر امل لها الشفنيره فتحت ادراجها ..
وكمان م فيه شي كانت بتخرج بس لمحت شنطه..
وكانها شنطه سفر فتحتها وكان الي فيها اوراق ..
بدت تفتش بالاوراق بس م في شي مهم ..
كلها رسمات اطفال و ارقام وحروف ..
وكيفيه كتابة اسم - وريف - ..
بطرف الشنطه (
كانت اوراق ، روضه وتسجيل ..
فتحتها بعدم اهتمام للامر ..

وقفلتها بس م قفلت اللغز ..
اللي مصره تعرف وش سالفته ..
وقفت بسرعه وقفلت الباب بهدو ..
خافت يجي ويشوفها رجعت للغرفه ..

رجعت لغرفتها هي ..
وناظرت نفسها ب المرايه و بحيره : ي ترى انا باي شهر بالثالث او الرابع
نزلت نظرها لبطنها وهي تتحسسه ..
صار واضح شوي و ابتسمت ..
تتخيل هالطفل شكله حركاته ..
كل شي صارت تتخيله ..
بس من تذكرت ضاري ..
بترت ابتسامتها بتنهيده ..
حست ان روحها بتطلع معاها ..





**
--





- شهد -


طلعوا من المستشفى وهو لام يده على خصرها ..
ويسالها عن حالها الحين كيف صارت ..!
صار لهم 3 ساعات بالمستشفى ..
بسبب الحمى الي صارت لها ..
وعشان تحليل الزواج ..

شهد : الحمدلله احسن
سلطان فتح لها السياره ورجع لصدليه ..

بانتظارها لسلطان مر من قدامها احداث اليوم ..
لما هاوشها و صارخ عليها في بدايت اليوم ..
لما مارضت تروح المستشفى عشان تحلل ..
صار لهم من رجعوا ثلاث أيام تمامم ..
وهي كل يوم تاجل تحلل للزواج ..

مسحت دمعتها الي تسللت من عينها بسرعه ..
و عدلت جلستها لما سمعت باب السياره ينفتح ..
من دخل ناولها كيس الادويه تبعها وشغل السياره..
: شهوده كل شي موضح ع الادويه التزمي فيها
شهد بهدو : طيب
خرجوا من مواقف السيارات : تبين شي قبل مانرجع القصر
شهد : لا تسلم
رجعت راسه ع المقعد ..
طبعر طريقهم كان صمت ..
ل حد ماوصلو ل باب القصر ..
سلطان : شهوده بروح مشوار مهم لاتنتظروني ع العشاء
شهد : ان شاء الله بس لاتتاخر عشان ما نقلق عليك
سلطان بابتسامه : 10 ونص وانا عندكم
شهد : طيب الله يحفظك
سلطان : ويحفظك


نزلت ومن شافها سلطان دخلت حرك سيارته ..
كانت تمشي ب خطوات ثقيله ..
تحس انها شوي وتطيح ..
تعبها صار فوق تحملها وطاقتها ..
خوفها من حياتها المجهوله بالنسبه لها ..
تشوفها بكوابيسها المرعبه الي تصحيها من نومها ..


من شافها مشيتها ركض لها : شهد وش فيك ..! تعبانة..!
هزت راسها بالنفي ..
: متاكده ، م فيك شي ..!
شهد بدون م تناظر فيه ونقابها مازال عليها ..
وبصوت متهجد : سطام روح عني
سطام : طيب بس
قاطعته و صارت تبكي : انت الي فيني لو تفكني منك ي متطفل ي الشايب انا بخير
سطام ب ابتسامه : اذا السالفه كذا اجل حلم ابليس بالجنه
شهد : ي ربي والله م سويت شي غلط بحياتي لدرجه انك تسلط هالانسان علي
سطام بابتسامه قاطعه : حبيبتي بدال م تدعين علي جهزي للملكه احسن من تذمرك هذا ابيك تكونين اجملهم كلهم طيب
ومشى عنها خطوتين : احبك
شهد بقهر مسحت دمعتها : حبك برص
قهرها بضحكته العاليه ..
الي تتردد باذنها ..

ودخلت بسرعه والغضب مسيطر عليها ..
وعيونها مليانه دموع متوجهه لغرفتها ..
مطنشه نداءت مرام لها ..




**
--




- أميره -


من بعد حركته م صارت تظمن على حاله منه ..
من تركها وهي لابسه عبايتها خايفه على نفسها ..
من هجومه و لابسه تحت العبايه ملابس مستره ..

كانت جالسه ع الكنه بالصاله ..
ومن سمعت الاذان وقفت تترنح ..
ب مششيتها ب تثاقل و تعب هالكها ..
ويدها على بطنها تبي شي دافئ يخفف المها ..

دخلت المطبخ ..،
بس ما كان فيه الا علب فاضيه ..!
حتى شاي ، نسكافيه ، حليب اي شي مافيه ابد ..
رجعت الغرفه ودخلت بفراشها وعبايتها عليها ..
تحاول يهدا المها اذا تدفت عدل ..
وصارت تبكي من الالم لحدما غفت ..
وماهي الا دقائق ..،
وصحت مفجوعه من كابوسها ..
وصوت الباب الي ينفتح وبسرعه لمت حالها بقوه..
متجاهله الوجع الي ب كتفها و بطنها ..
سمعت اصوات رجال يدخلون و جن جنونها ..
فزت بتقفل الباب بس دخل قبل م تقفل ..

تركي بهمس وبدوثن مقدمات : اذا سالك الشيخ موافقه قولي ايوه
اميره ب خوف : اوفق ع وشو ..!
تركي : تتزوجني وبعد م نملك لك الحريه
اميره بقهر : طيب واذا م وافقت
تركي بعصبيه : والله لاحرمك حريتك والا تبين اقرب لك بالحرام
اميره وهي تبكي : اتركني تكفى
تركي : بتوافقين والا ..!
اميره : مو موافقه
تركي ضم يدينها وتغيرت ملامح العصبيه تماما : تكفين وافقي والله لو وافقتي لاسوي لك المستحيل عشان ترضين بس وافقي
اميره بصد : م اضضمنك
تركي ب رجاء : تكفين
اميره سكت شوي وبتردد : توعدني ..!
تركي : اوعدك ي عيونه
اميره لارد
تركي بنفاذ صبر : وش قلتي موافقه ..!
اميره ب تردد : اممم موافقه

تركها وخرج وهو مستانس ..
وضبط كل شي مابقى الا توقيعها ..
طبعا الشيخ اصر الا يسمع رايها بدال اهلها ..
نادها تركي و هي قربت من الباب ..

الشيخ : ي بنتي انتي موافقه ع تركي عبدالله العدلي زوجا لكي
اميره ب ارتباك : لا آآ

تركي طارت عيونه و عصب ..
كيف توعده و تخلف ب وعدها ..
بس سرعان م ارتاح من سمع ردها ..

اميره بندفاع وارتباك : اقصد آيه
الشيخ : نعم والا لا ححددي ي بنتي
اميره : نععم
ناظرها تركي ب حده وهي رجعت الغرفه ..
بعد دقائق استاذن الشيخ و اصر محمد الا يوصله ..

وبعد م خرجوا رجع لها معصب : ليش تقولين لي موافقه بعدين تقولين لا
اميره : والله م عرفت وش اقول مرتبكه
تركي شدها من كتفها بقوه : ترا انا مو لعبه
اميره تاوهت من الالم : هذا وعدك لي ..!
تركها وجلس بطرف السرير ..
وهو يحاول يكضم غضبه ..
وهي من تركها ركضت لصاله ..
تكتم شهقاتها وبكاها ..

بس م قدرت تكتمها اكثر حست انها غصت فيها ..
واطلقت شهقه تحس قلبها انزع معها من مكانه ..
التفتت ب خوف لما حست ب يدنه على كتفها ..
و فزت بس هو سحبها لحضنها و ضمها بقوه ..
غير مبالي ب تاوهاتها و رجاها له بانه يتركها ..
وسحب طرحتها ورماها بالارض بعيد عنها ..

تركي : اووششش اهدي تمنيت هالحضن من زمان
اميره وهي تبكي : اتركني انت قلت لي حريتي
تركي : افهمي والله ابيك انتي
ودفن وجهه بشعرها الي يفتنه دوم ..
بسواده من لما شافه وهو ييضمها اكثر ..
وهي بعد محاولت من الافلات استسلمت ..
عشان ما يالمها اكثر و بعد فتره ارخى يدينه ..
وهي وقفت ب سرعه مبتعده عنه ..

تركي وقف : تبين تبدلين والا جاهزه
اميره بخوف م وضحته كتفت يدنها : ليش ابدل..!
ابتسم : عشان نطلع
اميره بصد : مابي اطلع
تركي : بنطلع بس مطعم ونرجع
اميره : لا بس ابي مسكن
تركي : مابتاخذين المسكن وبطنك خالي
اميره تنهدت : طيب قول والله م تسوي لي شي وتوديني مكان ثاني
تركي اطلق ضحكه : وين اوديك ..!
اميره بخجل من ضحكه : شقه ثانيه بيت ثاني اي مكان
تركي : والله م عندي الا هالشقه والقصر و القصر م بانقلك فيه الحين لحد م اشهر بزواجي وكذا
و ب ابتسامه : يلا نطلع
اميره بترد : لالا انقلع
طير عيونه : استحي توك عروس
اميره غطت وججها بخجل : هاه واذا ..!
تركي ضحك وسحبها من يدها : امزح معاك
وبعد يدنها عن وجهها : وش فيه وجهك قلب احمر ..!
دفته وهي تناظر بالارض وبهمس : خخلاص
ابتسم : طيب نطلع ..!
اميره بتردد : طـ طيب
ضم يدها : اوعدك مايصر الا الي تبينه بس ثقي فيني

واخذ بيدها وخرجوا ..




**
--




بعيد عن اراضي الوطن
- بببرطانيا وتحديدا ب لندن -


- نهى -


واقفه مقابل نافذه الصاله الزجاجيه ..
تناظر بالمطر وبدون شعور نزلت دموعها ..
دعت ربي مع هالمطر يحنن قلب امها عليها ..
حست بيدين على خصرها و تجذبها ..

دفن راسه برقبتها وهو يضحك بخفه : كنت اترياج - انتظرك - بس ماشي فايده - بس مافي فايده - فصعدت لج
نهى لارد وماحست نفسها الا صارت تبكي اكثر ..
خاف عليها وبسرعه لفها له وعلامات الخوف ع وجهه ..

: نهى شو بلاج ..!
نهى بشهقه بكا : ابي ابوي
ضمها بقوه : الله يرحمه ادعي له ترا صياحج عليه م ينفعه
نهى ع حالها وتبكي ..
ضلت فتره طويله ع هالحال ..
هو ماينكر ان حالتها غريبه بالنسبه له ..
الحالات الي تمر عليه تتجاوب بس نهى عنيده ..

صار يمسح على شعرها بحنيه : نهى حبيبتي خلاص
نهى لارد و كانت تبكي ..
سيف : اقوولج شي ترا اذا م قمتي ولبستي باشيلج بملابسج هذي
نهى طنشته ..
بس هو كان جاد بتهديده ..
وشالها بسرعه متجهه لباب وهو يضحك ..
نهى بصراخ : نزلني خلاص بالبس والله
سيف : واذا سحبتي علي
نهى : والله بالبس
سيف : طيب ابتسمي
نهى ناظرت بالارض ..
وهو بحركه سريعه رفع وجهها ..
وشد خدودها بخفه عشان تبتسم ..
ابتسمت ع حركاته الي دوم تروقها ..
سيف : شفتي خليتج تبتسمين والحين روحي بدلي عشان نروح مكان يجنن بيعيبج وايد وايد
نهى : طيب

وكلها دقائق وصارت نهى جاهزه ..
وخرجوا ويدينهم بيدين بعض ..

وقف سياره وركبوا ..
كان المشوار طويل شوي ..
سيف : نهى
نهى : نعم
سيف بتردد : خبريني عن حياتج دراستج كل شي افتحي لي قلبج
نهى بهمس : يهمك ..!
سيف بنفس همسها و قريب من اذنها : كثير
نهى بارتباك من قربه : م احد اهتم لي من قبل كيف تهتم لي انت ..!
سيف : لاني احبج والله ي نهى من وانتي صغيره وانا احبج
نهى احمرت خدودها وسكتت ..
سيف : وش قلتي بتخبريني والا ..!
نهى بتردد : حياتي من بعد ابوي مـ .. ـالها طعم دراستي كملت 3 ثانوي و و مـ..ـا كملت الجامعه
سيف : الدراسه شي مهم ليش م كملتي ..!
نهى مسحت دمعتها الي خانتها : آء امي رفـ..ـضت
سيف : طيب ..!
نهى : احب الجلسه مع مساعد وزوجته و امي بـ بس
سيف : بس وشو ..!
نهى : ها لا ولاشي
سيف ماحب يضغط عليها اكثر و ب ابتسامه : طيب انا ابيج تكملين بتكملين ..!
نهى ب استغراب : ججد ..!
سيف : والله
نهى بفرحه : يعني اقدر الحين
سيف : عيوني انتي ايه كملي و اذا تبين تاخذين الماستر و الدكتوراه م عندي اي مانع بس بالامارات
نهى امتلت عيونها بدموع : شكرااااااا
سيف ب ابتسامه : طيب باطلبج طلب اذا عادي
نهى : امر ..!
سيف : مايامر عليج ظالم بس انا اخوف ..!
نهى هزت راسها بالنفي ..
سيف : طيب ميبوره علي قولي الصدق ..!
نهى بخجل : والله مو مجبوره انا الي وافقت
سيف : حلو انا باطلبك طلبين
وسكت شوي : مابيك تهزين راسك ابي اسمع صوتك وبوضوح و تسولفين معاي عادي طيب
نهى هزت راسها ..
سيف : وش قلت..!
نهى بابتسامه : طيب
سيف : اي وابي هالابتسامه الجميله دوم
نهى : ان شاء الله

انتبهه لسياره الي وقفت ..
طلع مبلغ من جيبه وناوله السائق ..
و نزلوا و يدينهم ب يدين بعضهم ..
وقف عند بائع عصيرات وطلب موكا ..
ناولها واحد واخذ واحد ..

: تحبين الموكا البارد زي زمان والا ..!
نهى : اكيد
سيف بابتسامه : اجل ماتغيرتي
ودنا براسه لمستواها وقرب من اذنها : بس زاد حلاج
نهى بخجل : سسيف خلاص
سيف بابتسامه : عيونه طيب
مشوا شوي و وقفوا مقابل لعبه ..
تسمى - عجله الزمن - تطل ع مدينه لندن بالكامل..
ناظر فيها : الحين بتشوفين منظر ججميل
نهى : جد ..!
سيف : والله يلا نركب
نهى باندفاع : لااا اخاف
سيف سحبها من يدها : والله م تخوف تعالي تشوفين
نهى : لا لاا
سيف اقنعها باسلوبه لحد ما اقتنعت ..
ركبوا و لمها جنبه وبدات العجله تتحرك ..

سيف بهمس : شفتي م تخوف
نهى مقفله عيونها وماسكه يد سيف بقوه : مابشوف
سيف : نهى حبيبتي افتحي عيونج
نهى : لآ اخافف
سيف ضمها له بقوه : فتحي عيونج
نهى بتردد : ماتخوف ..!
سيف : والله م تخوف
فتحت عيونها ببطئ وهي تناظر ..
سيف : تخوف ..!
نهى سكتت فتره : تجنن
سيف وهو يضحك : شفتي ي الخوافه
نهى اكتفت بابتسامه ..
وهي مستمتعه ب المناظر الطبيعيه ..
وتلتفت يمين ويسار ب اعجاب وفرحه ..




**
--





كالعاده بعد اذان المغرب ..
يلتمون ع قهوه المغرب ..
يسولفون و يضحكون ..

: يمه ثامر
ثامر : امري يمه
ام ثامر : يمه اخطب لك الحين ..!
ثامر ابتسم : والله ماردك
ام ثامر : الله يوفقك ي ولدي عاد البنت جاهزه
ثامر : من هي يمه ..!
ام ثامر : ساره بنت عمتك نوره عمتك الله العالم انه تلمح لي هالايام
ثامر : ع راحتك

رها الي كانت تسمعهم ..
و تلعب ب جوالها ..

فزت وباندفاع : يمه ساره لااا
ام ثامر : ليش ..!
رها : يمه والله م تناسب ثامر
ثامر : ليش ..!
رها : لاتسالوني ليش بس جالسه معاها اكثر الوقت واشوف انها م تناسب ثامر
ام ثامر : وش السبب طيب ..!
رها : يمه انا اعرف مصلحت اخوي وابي له وحده تناسبه م يتعذب معاها وبنفس الوقت اعرف ساره وميولها
ام ثامر : طيب و سما

ثامر باندفاع : لا سما صغيره مابيها
ام ثامر : لا مو صغيره
رها : يمه سما و ساره م كانهم اخوات واذا مصره ع بنات عمتي سما تناسب لثامر وبقوه
ام ثامر : عشانك تحبينها ..!
رها : والله يمه مو عشاني احبها بس الجد جد لاحظي سما طيبه وحنونه واجتماعيه عكس ساره تماما
ام ثامر : خلاص انا باشوف
والتفتت ع ثامر : يمه اذا لقيت وحده تناسبك اخطبها و خلاص
ثامر : اللي يريحك ي الغاليه
ام ثامر : الله يرضى عليك

خرج ثامر ..،
ورها راحت غرفتها ..
وام ثامر جلست تفكر فتره طويله ..
اخذت بهالفتره قرر وبنت مناسبه لثامر ..

اخذت التلفون وبثواني جاها الرد..
: السلام عليكم ، كيفك يمه ..! ، الحمدلله ، اذا امك جنبك خليها تكلمني

ام ثامر : السلام عليكم
: وعليكم السلام ورحمه الله
ام ثامر : كيفكم ..!
: الحمدلله ، كيفكم انتوا ..!
ام ثامر : الحمدلله
وسكتوا شوي ..

ام ثامر : والله ي نوره حبيت اكلمك بموضوع واخذ رايك
ام مناف : امريني
ام ثامر : مايامر عليك عدو
وسكتت شوي : بناتك بسم الله عليهم ماشاء الله ادب واخلاق وزين ووالله حبيت اخطب بنيتك لثامر
ام مناف ب فرحه : ي بعد قلبي ومن وين نلاقي احسن من ثامر
ام ثامر : الله يسلمك
ام مناف : حياكم باي وقت
ام ثامر : اجل اعتبرها موافقه
ام مناف : اكيد
ام ثامر : اجل الله يكتب الي فيه الخير ي رب
ام مناف : امين

وقفلوا من بعضهم ..،



**
--




- رها -


وصلها مسج كالعاده قبل م تنام ..
فتحته بسرعه متعوده تقرا رسايله قبل النوم ..
بس خايفه منه و من يكون ..


دِخيِلگّ لو مَره صَحنِي
من' عَز نوِمي ☇..
قِليّ ترَێ اشششتقت لك
قۆمَمَ

تفاجاءت بوصول مسج ثاني ..
- أذا تبين تعرفين من اكون تعالي مجمع الراشد عند محل *** -

تسارعت دقات قلبها بخوف ورعب ..
دقت ع الرقم الي رفض يرد ..
و ارسل مسج اخر ..

- ريحي بالك ماراح ارد قابليني احسن -
رها : السماء اقرب لك
قفلت الجوال وضغطته بين يدينه بقوه ..
لدرجه انها كان بينكسر من ضغطها ..
و هي تفكر بهالمجهول الجرئ ..
صحاها مسج فزت عليه ..
فتحته وكلها قهر ..
- مو لازم تجين بس انا الي باجيك باقرب وقت ممكن -
من قرأت رسالته زاد قهرها منه ..
ورمت الجوال وهي تتحلف في هالمجهول ..

وقفت وبسخريه : قال يجيني
جمعت كتبها الي ع الارض : هه لا وبعد يحبني

وقفت وجهزت شنطتها ومريولها ..
وكل شي تحتاجه ل الدوام ..
وحطت راسها ونامت ..

توقعاتكم ..!

- نهى و سيف ..!
- اميره و زواجها من تركي المفاجئ ..!
- مين خطبت ام ثامر سما والاساره ..!
- رها و هالمجهول لوين ب يوصلون ..!
- وش سالفه هالطفله وريف وضاري ..!

**- مخرج - **

اللهم صل وسلم على نبينا محمد !
https://youtu.be/kVRnLVu-NhI