22-06-15, 11:15 PM
| #1 | ||||||||||||
  
|  امرأة على الضفة الاخرى   المقدمة هناك .. حيث تجد الحزن والغموض والغرابة ... تجدها ... انها هي ... امرأة ولكن....انها على الضفة الاخرى... الفصل الاول في شوارع القاهرة المزدحمة المليئة بالكثير من السيارات والضجيج...كانت هي تسير بهدوء شديد...لم تكن تهتم لكل هذه الضوضاء... امراة في العقد الثالث من عمرها...اتسمت ملامحها بالجمال...ولكن من نوع خاص جدا ... حملت عيناها الكبيرتان البنيتان الواسعتان الكثير من الثقة والجاذبية...وعكست شفتاها الكبيرتان شخصية قوية وجذابة...عكست ملامحها بشكل عام شخصية امراة قوية وجادة...اما عن ملابسها فكانت ترتدي حجابا طويلا واسعا تميزت به عن الاخريات بالاناقة والجمال... كان الحزن يظهر عليها وعلى ملامحها وعلى ملابسها السوداء كانت شاردة جدا...حتى اصطدمت باحدهم... كان رجلا طويل القامة وسيم الملامح انيق للغاية... قال لها بروقي شديد: انا اسف جدا انتي كويسة؟ نهضت قائلة دون ان تنظر اليه:ايوة انا كويسة حصل خير انا الي غلطانة... قال لها بابتسامة جميلة:ولا يهمك ده احنا حتى قرايب... قالت له ومرة اخرى دون النظر اليه:قرايب؟ هو:جرى ايه يا ملك؟ انا عادل ابن عمك نسيتيني ولا ايه؟ قالت ملك بجدية بالغة:اهلا يا استاذ عادل ازي حضرتك..سلم كتير على عمو وطنط ويسر عادل بدهشة :حضرتك؟ايه ياملك الرسمية دي ؟؟ ده احنا بقالنا كتير اوي مشوفناش بعض من ساعت ما انا رجعت من السفر ملك ببعض الضيق:حمد لله على سلامتك...عن اذنك هم عادل لاستوقافها ولكنه منع نفسه وقال بغضب: ايه قلة الزوق دي؟ \\\\\\\\\\\\\\\\\\\\\\\\\\\\\\\\\\\\\\\\\\\\\\\\\ قومي يا لبنى افتحي الباب -يوووه مين الي هيكون جه -هيكون مين يعني اكيد حد من اخواتك يا اما ملك يا اما ياسر قومي شوفي -يوووه حاضر ياماما وقفت لبنى لتفتح الباب وهي فتاة جميلة طويلة ممشوقة القوام في العقد الثالث من عمرها شعرها اشقر طويل منسدل ووجهها جميل ذو بشرة سمراء فتحت الباب لتدخل ملك وتقول ببعض الغضب:سلام عليكم لبنى:وعليكم السلام ايه مالك في ايه جلست ملك على الاريكة وخلعت حجاب راسها فسقط شعرها البني الناعم المنسدل على ظهرها ليبلغه بقليل واعطى وجهها جمالا اخاذ فاتن وقالت: مفيش الام:مفيش ازاي شكلك مضايق ..حد ضايقك في الشغل؟ ملك:لا ياماما بس قابلت عادل ابن عمنا جلست لبنى على الاريكة بجانب اختها الكبيرة قائلة:عادل؟طب وفيها ايه ملك:كلمني طبعا عادي فاكرني هرد عليه طبعا تنحت ولميت الكلام ومشيت لبنى:غلطانة كده هياخد فكرة وحشة عنك ملك:الله؟؟ وانا غلطانة انا عملت الصح لازم يعرف اني مبكلمش شباب وانا قصدت اعمل كده عشان هو بيستهبل عارف اني مبكلمش شباب وبرده بيكلمني عادي وبعدين ما ياخد فكرة وحشة بناقص الام: انتي اتصرفتي صح هو غلطان لازم يعرف انكم مش زي اي بنات من الي بيعرفهم هو... يلا سيبنا من الموضوع ده وتعالوا نفكر هنعمل ايه لما اخوكوا ادهم ييجي من السفر.. لبنى: ااه ...مش مصدقة اخيرا هنشوفه بعد خمس سنين غياب ...وحشني اوي ملك: ااه الام:طب اسكتوا بقا هتخلوني اعيط ابتسمت ملك ابتسامة جميلة قائلة: لا لا متعيطيش انا هقوم اغير هدومي واخد دش واجي نتكلم سوا.. ///////////////////////////////////////////////////// اشعل ياسر سيجارته بينما قال له سميح : ايه يا باشا هتيجي معانا انهاردة ولا هتقلي اخواتي واهلي والكلام ده نظر ياسر اليه بعينيه البنيتان الجميلتان اللتان كانتا نسخة طبق الاصل من عيني اخته قائلا ببرود: هاجي معاكوا ..انا خلاص مبقاش يهمني... سميح : ايوة كده خليك منفض كده /////////////////////////////////////////////////////// اخرج ياسر المفتاح من جيبه ليدخل الى المنزل وكانت الساعة قد تجاوزت الثانية عشرة بعد منتصف الليل دخل بهدوء الى المنزل فوجد ملك امامه تقف ويظهر على وجهها الغضب فقبل راسها قائلا : ازيك يا قمر ملك بغضب:كنت فين يا ياسر؟ -مش هتبطلي بقا العادة دي مش هتبطلي تفتكري ان انا لسة الطفل الصغير؟ -رد على سؤالي كنت فين؟ ياسر ببرود:ملكيش دعوة هم ياسر للذهاب فامسكت يده قائلة : استنى هنا انا اختك الكبيرة لما اكلمك ترد عليا انا مش راضية اعلي صوتي عشان ما اصحيش ماما كانت قلقانة عليك جدا واتصلنا عليك اكتر من مرة ع الموبايل مبتردش ياسر بنفاذ صبر: حاضر يا ملك هقولك...كنت سهران مع سميح ملك: تاني...مش هوده الولد الي بسببه شربت الزفت السجاير دي ... مش هتبطل بقا ياسر: ابطل ليه يعني لاهي غلط ولا عيب ولا حرام ملك: نعم؟؟؟ غلط وعيب وحرام كمان وممكن توصلك تشرب قرف كتير تاني و.. قاطعها ياسر قائلا بغضب:والله مش ذنبي انك متعقدة من جوزك والي عمله قبل كده والي وصله ساد الصمت للحظات وتغيرت ملامح ملك من الغضب للحزن نظر لها ياسر بشفقة وانب نفسه كثيرا همت ملك للذهاب ولكنه استوقفها قائلا : انا اسف يا ملك سامحيني مكانش قصدي افكرك.. ارجوك سامحيني ملك بدون النظر اليه:خلاص ياسر : استني انا اسف خلاص مش هشرب سجاير تاني اوعدك.. استدارت ملك له بابتسامة رائعة قائلة: بجد؟ ياسر: بجد ضمت ملك اخاها ياسر اليها بحب شديد قائلة : انا مليش في الدنيا غيركوا يا ياسر بعد ما بابا مات..بحبكوا اوي مش عايزة حد يحصله حاجة فيكوا ياسر: واحنا بنموت فيكي.. ملك بابتسامة رائعة: انت هتنام؟ ياسر برقة: لا مش دلوقتي ملك: طب تيجي نعد مع بعض شوية نتفرج ع اللاب ؟ ياسر: قشطة.. هروح اخد دش واغير واعمل القهوة واجي ملك بابتسامة رائعة : ماشي يا حبيبي... ////////////////////////////////////////////////////////// في شوارع المانيا الرائعة كان السائق يسير بالسيارة التي تحمل ادهم كان ادهم يتكلم في جواله -حبيبي يا مايكل والله -روح يا ندل بقا كده اتفاجئ انك راجع مصر كمان اسبوع بس -والله عندك حق انا اسف بس متقلقش مش هطول هناك -ماشي ياعم يابختك ويا بخت العروسة الي مستنياك في مصر -بنت حلال والله انها مستنية واحدة تانية كانت فسخت على طول -يلا ياعريس مبروك -الله يبارك فيكك يا حبيبي لااازم تيجي -هههههه هحاول والله -اوك سلام يا باشا -سلام فتح السائق باب السيارة لادهم لينزل منها .. رجل طويل القامة شديد الوسامة اشقر الشعر حملت عيناه الخضراوتين الناعستين كثيرا من الثقة والانفة وقف ينظر الى منزله كان عبارة عن طابقين يحيط بهما حديقة واسعة مليئة بالزهور اعطته منظرا راائعا اخاذا كان يتامله ليودعه فهو ايضا يحب منزله هذا... هم للدخول ثم تذكر شيئا ما وقال: نهار مش اسود المفروض دلوقتي معاد مكالمتي لمصر اوبا وجرى الى الفيلا ليستقبل المكالمة //////////////////////////////////////////////////////////// بنت مستفزة -ما تنسى بقا يا عادل -غيظاني اوي يا يسر البنت دي انا عادل فهمي ازاي تكلمني كده -انت عارف نظامهم مبيكلموش شباب وكده -نكديين يعني -جايز برده......صحيح ده ادهم بيقولوا جاي الاسبوع الجاي -رغم ان اخته رزلة بس انا بحبه اوي هو وياسر وحشني اوي ادهم -يلا ربنا يرجعه بالسلامة /////////////////////////////////////////////////////////// كانت تقف في الشرفة تستنشق الهواء الطلق مررت يدها في خصلات شعرها الاسود القصير الناعم وكانت تنظر بعينيها الزرقاوتين الجملتين الى السماء تتاملها قطع تاملها صوت جوالها الذي وصلت اليه رسالة جديدة تناولت جوالها وفتحت الرسالة وقراتها لينا ...ازيك يا قمر.. يا احلى عروسة.. ادهم خلاص طيارته اتحدد معادها يوم الثلاثاء هيوصل هنا المغرب ان شاء الله جهزي نفسك بقا يا قمر عشان ادهم مستعجل عالقمر وعايز يكتب الكتاب على طولللل انهت لينا قراءة الرسالة ونظرت بسعادة الى الخاتم اللذي يزين يداها الجميلتان وابتسمت بخجل ... روابط الفصول المقدمة والفصل الاول .. اعلاه الفصل الثاني .. في نفس الصفحة الفصول 3 ، 4 ، 5 ، 6 ، 7 ، 8 الفصل 9 الفصل 10 التعديل الأخير تم بواسطة كاردينيا الغوازي ; 01-07-15 الساعة 06:03 AM | ||||||||||||
|
|
23-06-15, 08:43 AM
| #2 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
| السلام عليكم ورحمة الله وبركاته اهلا بك في وحي الاعضاء وان شاء الله تلاقي النجاح والمتابعة الطيبة روايتك كانت في قسم القصص الطويلة المتسلسلة وهو مكان العرض الخاطئ حيث يفترض عرض الرواية ابتداء في القسم العام انا نقلتها لك ويمكنك الاستمرار بتنزيل الفصول وربنا يوفقك اتمنى منك المرور على هذا الموضوع للاطلاع على قوانين القسم ومواضيع اخرى تفيدك دليل الكتاب والكاتبات الجدد وقوانين قسم قصص من وحي الأعضاء كما غيرت في تصميم الرواية الذي وضعته لان كان عليه اسم منتدى اخر وهذا مخالف لقوانين المنتدى لذلك وضعت بدلا منه اسم منتدانا ... وبما انك تنشرين هنا وهناك بنفس الوقت فاتمنى منك نشر كل الاجزاء التي نشرتها في المنتدى الاخر حتى يتساوى العرض هنا وهناك ... وارجو منك ايضا تنزيل الفصول بنفس الوقت في المنتديين ... | ||||||||
|
|
|
23-06-15, 12:24 PM
| #3 | ||||||||
| مشرفة وكاتبة في منتدى قصص من وحي الأعضاء ومحررة واعدة بعمود الأعضاء 
| مبروك الروايه الجديدة بداية موفقة شايفة ان ملك و رد فعلها مع عادل شوية مبالغ فيه و لكن بعد تفكير و كلامها مع امها واضح ان علاقتهم مش قوية يعني مش بيشوفو بعض كتير فعشان كده قطعت معاه بالكلام ايضا واضح انها مطلقة او منفصله و ده بجتمعنا الشرقي ﻻزم تحاسب علي كل تصرفتها خوف من تفسير و كلام الناس فلقيت في الاخر ان ده رد الفعل الطبيعي ياسر و صديق السوء اللي بيخليه يغلط و لكن ملك ترجع تقومو و اعتقد بوجود ادهم ممكن يكون له تأثير اقوي عليه في انتظار فصولك القادمة و زي ما كاردي قالت حاولي تنزلي باقي الفصول عشان تكوني ماشية بنفس التوقيت في المنتدين بس نصيحة متنزليش الفصول كلها بيوم واحد يعني مثلا كل يوم فصل لحد ما توصلي لنفس الترتيب هنا و هناك بالتوفيق ان شاء الله | ||||||||
|
|
|
26-06-15, 12:46 AM
| #5 | ||||||||||||
| نجم روايتي وكاتبة في قسم قصص من وحي الأعضاء  
| مبررررررررررررروك الروايه بفرح جدآ لما الاقى روايه فيها لهجه مصريه بحس انها قريبتى كده ملك أخلاق أحسن انها كبتت عادل وطبعآ لو بنت حرقت دم الراجل بيقول عليها معقده ونكديه ولو كانت مراته أوأخته و حرقت دم راجل غيره بينشكح ويقول عليها محترمه أدهم هو اللى أشقر وعيونه ملونه وخطيبته لينا عينها زرقا دول بنى ادمين أصلآ الاخ ياسر حسه ان نهايتك غامقه ربنا يستر لانه طالما رمى ودانه لصاحبه المعفن يبقى خلاااااااص | ||||||||||||
|
|
|
26-06-15, 06:59 AM
| #6 | ||||||||||||||||
| اقتباس:
اقتباس:
اقتباس:
اقتباس:
شكراااا للردود الرااائعة والجزء الجديد دلوقتي ان شاء الله التعديل الأخير تم بواسطة كاردينيا الغوازي ; 26-06-15 الساعة 08:24 AM | ||||||||||||||||
|
|
|
26-06-15, 07:19 AM
| #7 | ||||||||||||
|  الجزء 2 اشرقت الشمس بثوبها الذهبي اللمع وتسلل نورها الساطع بهدوء لغرفة ملك التي كانت نائمة ووجهها كالقمر تماما عند ظهوره...رن المنبه بصوته المزعج ليوقظها من نومها العميق اخرجت يدها من تحت البطانية لتقفله فوجدت لبنى تقف امامها وشعرها مبعثر حول وجهها وعيناها ناعستان وتقول بصوت ناعس:طب انتي بتصحي الساعة 7 الصبح عشان تروحي المدرسة ذنبها ايه بقا اختك الي بتنزل شغلها 10 الصبح تصحى ع الصوت الغلس ده نهضت ملك من فراشها ومررت يدها على شعرها لتبعده عن عينيها فابى ذلك وانسدل ثانية على عينيها ليعطي وجهها لوحة فنية فاتنة ... وقالت بصوتها الرخيم :كده كده لازم تصحي بدري عشان تعملي التمارين لو عايزة قوامك يفضل زي ماهو كده... لبنى وهي تعود لفراشها:ياسلام انا قمر اصلا مش محتاجة تمارين زيك ضحكت ملك ووضعت يدها في خصرها قائلة:يعني انا الي محتاجة ههه انا بقولك كده بس عشان النشااط و قطع كلامها طرقة على الغرفة فقالت:اتفضل .. دخل ياسر الغرفة بوجه مبتسم قائلا :صباح الخير ملك بابتسامة رقيقة :صباح النور يا ياسر.. صحيت بدري يعني .. ياسر :هنزل انهاردة اروح لعمو فهمي يمكن يلاقيلي شغل هو قلي ان هو هيدور وانا بصراحة مستعجل... ملك:ربنا يوفقك وتلاقي شغل قريب.. ياسر:وربنا يوفقني ويبقى شغل بيكسب كده عشان اريحكوا.. ملك:ربنا يخليك يا ياسر ياسر:امال لبنى لسة نايمة؟ يلا تعالوا عشان ماما صحيت اهي وبتحضر الفطار ملك وهي ترتدي قرطها بسرعة :ايه لوحدها طيب انا رايحة اساعدها وانت بقا صحي لبنى ذهبت ملك بينما تسلل ياسر لفراش لبنى وجلس وجذب الغطاء من فوقها فقالت بانزعاج:بس بقا يا ياسر عايزة انام ياسر :قوووووووووووووووومي الفطاااااااار انتفضت لبنى من الفراش قائلة:ما انا عارفة انك مش هتسيبني حاضر هقووم ياسر بضحك:يلا يا بنت بسرعة.. /////////////////////////////////////////////////////////// كانت لينا تجلس على الاريكة وتقرا كتاب ما وتبتسم ابتسامة جميلة خرج هو من الغرفة ولم ينظر اليها واتجه نحو الباب بلا مبالاة لينا:استنى يا يوسف ...... وقف ونظر اليها ببرود وقال بضيق:عايزة ايه فاتجهت نحوه وقالت برقة:انا اسفة... يوسف بابتسامة خفيفة:خلاص حصل خير بس اوعي تكلميني في الموضوع ده تاني... لينا :خلاص مش هكلمك فيه انا بس كنت شايفة ان ملك هتبقا مناسبة ليك بس لو مش عايز خلاص.. يوسف:ايوة الله ينور عليكي انا مش عااايز معقدين لينا بحزن:المحترمين دلوقتي بقوا معقدين يا يوسف.. يوسف بغضب:بقلك ايه احنا لسة متصالحين متعصبنيش لينا: خلاص خلاص بلاش يوسف:سلام انا نازل لينا:هتروح فين تاني يوسف:يووه هروح اسهر مع اصحابي ايه بطلي خنقة بقا.. لينا: طب ممكن متتاخرش.. يوسف:ليه لينا ببراءة:بخاف اعد لوحدي.. نظر يوسف اليها قليلا ثم ابتسم ببرود قائلا:حاضر مش هتاخر.. ////////////////////////////////////////////////////////////////// كانت ملك في الصف تعطي الدرس للطلبة وعندما انتهت خرجت مع صديقتها للمشي في فناء المدرسة ... فاستوقفها رجل متوسط القامة وسيم الى حد ما ملابسه فخمة عكست زوق راقي للغاية... انه ((حسن)) مدير المدرسة... قالت هي بجدية بالغة:صباح الخير وهمت للذهاب فقال لها:لو سمحتي يا انسة ملك .. فوقفت بتململ وكانت صدقتها جانبها تبتسم وتعرف ما الامر وقالت:طيب يا ملك انا هروح ورايا اشراف.. همت ملك لاستوقافها لكنها ذهبت سريعا ثم استدارت ملك بجدية قائلة:استاذ حسن لو سمحت انا مبكلمش رجالة خالص وحضرتك كذا مرة توقفني بالطريقة دي.. حسن:انا مش قصدي اي حاجة انا بس عايز رقم اخوكي او والدتك عشان اجي واتكلم وصدقيني انا مش قصدي اييي حاجة انا بس مش عارف اوصلكوا ازاي فبضطر اكلمك انتي دايركت... صمتت ملك قليلا ثم قالت بجدية: استاذ حسن انا هكلم حضرتك بصراحة انا معنديش اي استعداد اتجوز دلوقتي .. وربنا يوفق حضرتك وتلاقي بنت الحلال قريب ...عن اذنك.. نادى عليها حسن لكنها لم تكترث ومضت في طريقها فعاد الى مكتبه بخيبة امل... ///////////////////////////////////////////////////////////////////// ياعم جرب بس.. ياسر:بس يا يوسف والا همشي والله واسيبكوا سميح:ياعم سيبه هو جدع نكدي اصلا... ياسر:يانهار اسود نكدي؟؟؟عايزني اشم مخدرات وتقولي نكدي لو مشمتش يوسف:انت حر بقا اهي حاجة الواحد بيطلع فيها قرف الحياة ياسر:ليه يا يوسف ده لو اختك لينا عرفت دي تروح فيها يوسف باستهزاء:ههه ومين هيعرفها يعني ياسر: محدش هيعرفها بس مسيرها تعرف هيبان عليك وبعدين الي مضايقك في عيشتك يعني؟ عقب سميح قائلا بضحك:قول ايه الي عاجبنا في عيشتنا يوسف:ههه على رايك......... حجات كتير اوي يا ياسر....... ماما وبابا الي راحوا في حادثة عربية ... واختي الي بتشتغل عشان ... ههه عشان تصرف عليا ياسر:ما انت مشكلتك انك مبتثبتش في اي شغلانة... ماهو لازم في الاول تستحمل شوية ... شغل شركة الادوية الي انت كنت بتدرب فيها دي عايز صبر وانت مستحملتش كلمتين من رئيسك في العمل ومشيت... يوسف:عايزني اسيبه يهزئني واسكت؟؟ ياسر: ما انت وقتها الي تكاسلت في الشغل وكان لازم هو يزعقلك كده يوسف :خلاص ياياسر كفاية بقا ... انا عايز انسى كل حياتي القديمة ومفيش بينسيني غير ده.. نهض ياسر قائلا بحزن :يااه ... اتغيرت اوي يا يوسف.. يا ترا ادهم لما ييجي من السفر ويلاقي الحال كده هيعمل ايه؟؟ ////////////////////////////////////////////////////////////////////////// في المانيا... وقف ادهم وابتسم ابتسامة عريضة وهو يقف في منزل صديقه اللذي فاجئه بحفلة وداع كبيرة راائعة ودعا اليها جميع اصدقائهم ابتسم ادهم قائلا بالالمانية: شكرا يا جماعة بجد فرحتوني اوي اقترب منه صاحب الشركة التي يعمل فيها ادهم قائلا: انا بشكرك يا ادهم على الجهد الي انت اديته للشركة ... وكنت بتمنى انك متقررش انك ترجع مصر تاني ...الشركة احتمال تقع من غيرك... ادهم بابتسامة واثقة:متقلقش يا برنس انا هرجع تاني..مش هتاخر.. ومبسوط اوي اني شفتكم كلكم قبل معاد الطيارة... ///////////////////////////////////////////////////////////////////////////// كانت تجلس امام المراة تضع اخر لمسة .. ارتدت عقدها الذهبي ...الذي زين رقبتها البيضاء الجميلة ...ثم تركت شعرها لينسدل على ظهرها...كان جمالها اخاذا بمجرد النظر اليه...وجهها الجميل ذو الملامح المحددة الرائعة... وقفت بقامتها الطويلة الممشوقة وبثوبها الذي جعلها كاميرات القرن ال19 عشر وارتدت حذائها العالي وابتسمت بفرح ...كيف لا وشقيقها الحبيب سياتي اليوم....شردت قليلا تتذكر ملامح وجهه..وقطع تفكيرها الباب الذي فتح لتدخل شقيقتها لبنى..كانت جميلة للغاية وقالت وهي تضع اللمسة الاخيرة من المساحيق على وجهها:كده حلو يا ملك؟ ملك برقة شديدة:حلو بس انا شايفة انك بتبقي احلى من غير مكياج لبنى:هو انتي مش هتحطي برده؟ ملك: تؤ تؤ لبنى:بصراحة انتي مش محتاجة بس انا بعيدعنك بحط عشان اداري الحجات الوحشة ههه ملك:ههه وحشة ايه بس ده انتي قمر قالت لبنى بخفة:ايوة امر بالستر ههه ..شكلي هغير منك الي بعرفه على طول ان الاخت الصغيرة بتبقى احلى من الكبيرة بس بدات اعرف انه غلط ههه ملك:طب يلا يا اختي يا رايقة عشان الضيوف مستنيين بره.. لبنى:هو فين اصحاب ادهم صحيح ابتسمت ملك قائلة:كلهم راحوا المطار مع ياسر عشان يستقبلوه هناك... /////////////////////////////////////////////////////////////////////////////// هبطت الطائرة التي تحمل ادهم على ارض مصر ...ابتسم بفرح وخلع نظارته الشمسية ونزل من الطائرة ....ثم نظر فوجد ياسر يقف ومعه اصدقاءه.. ابتسم ادهم بتاثر وقال بشوق:ياسر.. قال ياسر بفرح شديد:ادهااااام جرى ياسر الى ادهم وعانقه بشدة وكان الفرح يملا كلا منهما ادهم بشوق كبير:ايه ده يا ولد بقا كده تبقا طولي حتة واحدة ياسر :انت الي قصرت هههه سلما على بعضهما بحرارة شديدة ثم بدا ادهم يسلم على اصدقاءه بشوق كبير كانوا في منتهى السعادة يتبادلون المزاح والاسئلة ويتهاوشون على ادهم... وقطع مزاحهم هذا ..ذلك الصوت الذي نادى على ادهم ببرود شديد... تغيرت ملامح ادهم ...نعم كان يشعر بالقشعريرة تسري في جسده ... هو يعرف هذا الصوت جيدا...لكن كيف؟؟؟؟ استدار كلا من ياسر وادهم ونظرا ...نعم نعم...انه هو بعينيه ...ذلك الشخص...لكن.....كيف ومتى؟؟؟ التعديل الأخير تم بواسطة كاردينيا الغوازي ; 26-06-15 الساعة 08:24 AM | ||||||||||||
|
|
|
26-06-15, 02:05 PM
| #8 | ||||||||||||
| نجم روايتي وكاتبة في قسم قصص من وحي الأعضاء
| طااااااااااايب هى ملك معقده فعلآ يعنى ليه رفضت حسن معقوله يكون جوزها كرهها فى الجواز والرجاله أصلآ لبنى عسل وياسر لازم يبعد عن صحابه لانهم بيحاولوا يفسدوه مش يعنى غلطوا بس ينصحوا صاحبهم اللى بيحبوه اوعى تجرب عشان متتعودش أدهم رجع وانا فى انتظار الفصل الجاى بشوووووق | ||||||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
.png)
.png)
.png)
العرض العادي
