آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
03-02-16, 07:12 PM
| #363 | ||||
| فراشة الروايات المنقولة 
|  تسلمي على هذا البارت الجميل والله فرحت بَـكأŠـسّ خدوج خلصت من زوجها الله لايعطيه العافيه على السواه فيها واتمنى العلاقه بين سامي وغلا تتحسن اما بالنسبة الى وليد والله اتمنى هو ريتاج تتحسن الأمور بينهم بَـكأŠـسّ حتى يحرون لطيفة | ||||
|  |
|
04-02-16, 07:21 AM
| #365 | ||||
| نجم روايتي وفراشة الروايات المنقولة 
| يا جماعه ماذا يعني الانفلوب الاحمر. بريد مسكر. يعني الروايه. غير مكتمله. صح. او انا غلطانه. فهموني بليز معظم الروايات اللي تابعتهم مسكرين. ليش حبذا لو حد يعلمنا انهم من غير تكمله عشان ما نفوت عالموقع | ||||
|
| |
|
04-02-16, 05:31 PM
| #366 | ||||||
| فراشة الروايات المنقولة 
| تسلم الأيادي يا جميل روعه خصوصا الفقره بتاعه خدوج وهي بتطلع الفلوس اتخيلت غلا وسامي وهما متنحين ههههه واول مره اتعاطف مع لطفطف والله صعبت عليا برده صعبه واحد يتجوز علي واحده ولا هما مخطوبين وكرهت أسامه كنت بلتمسله العذر في الأول بس بعد كده كرهته لإنه واحد غبي ايده سبقه عقله مش بيفكر وعلي طول يضرب ونا بكره اي راجل يمد ايده علي اي انثي في نظري مش بيبقي راجل حتي لو كان ايه السبب. شكرا جزيلا لامارا ربنا يسعدكم | ||||||
|
| |
|
06-02-16, 12:01 AM
| #368 | ||||||||
| مراقبة عامة ومشرفة منتدى الروايات المنقولة  
| آللهم إني استغفرك وأتوب أليك اللهم صل وسلم على نبينا محمد " صلو عليه " الروآيه لا تليهكم عن الصلاة اللهم بلغت اللهم فاشهد " ،، ،، ،، البآرت الثالث والثلاثون ،، ،، ،، ،، ،، ،، ،، ،، ،، ،، : أنتِ طلاق سامي ناظر أمه بصدمه وبعد بخوف عليها في هالعمر تتطلق ...بلاش كان من الطلاق ..هو مطلعها من البيت ومستحيل يرجعها بعد .....يعني ماله داعي ...كان يطلقها ...قال بعصبية :ليه كذآ يبه والله ماتستاهل كل ذا غلا بقهر:والله إنها انفكت منه ام سامي ناظرته بحسافة هذي نهايتها كذا معه ..بعد هالسنين العذاب اللي ذاقتها ....معه يصير كذا بهالسهولة يطلقها وين العشرة ...اللي بينهن ...اشلون يطلق ام عياله ..... عشان وحده توه جايبها ...لا يعرف خيرها من شرها خلاص كان أول عندي أمل ..يتعدل وعشان كذا اصبر بس الحين خلاص ...رفعت رأسها وناظرت سامي وغلا وقالت وهي تحاول تبلع الغصه : ماعليه حسافه امشوا طلعوني من هنا بس ومسكت يد سامي وهي حاسه ان الضغط شل عليها .... ،، ،، ،، ،، ،، ،، بيت ابو غلا بدريه ناظرته بقهر : حرام عليك راجح وش تقول أنت ابو غلا ببرود : وش اسوي أمك ماتعاشر من حقه ابوك يطق عليها بوحدة بدريه بصرخه: بنتك اللي تتعاشر ماشاءالله ابو غلا بحده : الحين وش دخل بنتي فيه وبعد بنتي وش زينها عند رجلها بدريه هزت رأسها بقهر:اففف ماهو وقته أبد الحين المهم أمي بتسكن عندي هالفترة حتى سامي يحصل شقه ابو غلا :الله يعيني وافي انفك انبليت أنا أقول سوي اللي تبونه انا مالي دخل فيكم بدريه بقهر منه : ليه صاير كذا وش فيك عليها وبعد أكيد مالك دخل وأنت أربعة وعشرين ساعة هايت وماشوفك ابو غلا بعصبية: لا تقولي هايت واحترمي شيبتي على إلاقل بدريه وقفت وبزعل :متغير كثير راجح .. ابو غلا وقف ومسكها وهو حزين عليها فعلاً مقصر كثير قال بأسف : آسف بس والله الي اسويه عشانك وعشان هالي جاي في الطريق ابي أمن مستقبله بدريه ناظرت عيونه وقالت بشك :مستقبله اللي بتأمنه إذا كان ابو غلا حط يده على فمها وقال بحده:لا تكملي وروحي شوفي ايش ناقص عشان امك وراح اجيبه الحين بدريه هزت رأسها ..وراحت وهي شاكه ..فيه .... ،، ،، ،، ،، بيت ابو وليد في غرفة شوق من وقت وامها قايله. ..لها ان عصام جا ... وهي فرحانة. وطاير بعد ..يآرب أجمعني فيه بالحلال يآرب قالت بهمس وش ناوي عليه ي المتغلي ... آه هل جاي وناوي تملك ولا مثل السفرية الي قبلها جيت ..ورحت كذآ. .ابتسمت يوم تذكرت كلمة ريتاج انها مشفوحة على العرس...لا ماهي مشفوحة بس عجزت ....قبل كان محيرة له وبعدها رسم الخطبه ..من حول خمس سنوات وهي توها تتخرج من الثانويه ... سحبت الجوال ...وهي تشوف محادثة ريتآج. .((أقول ي وخيتي مدري وش فيه الرجآل جاي وماهو يمنا أبد متنكر للكل الله يستر لا يجحد بعد إنك خطيبته )) الثانية ((والله إني متحسفه على شبابك راح كذآ وأنتِ تحتري وهو كل مره يطلع بشيء ...والحين جاي ومتنكر بعد أول كان يتعذر بس الحين يالله لطفك بس لا يكسر قلبك )).. عضت شفتها بقهر ..ودها تعرف ليه يطلع جنونها عليها بس ...سوت لها حظر وريحت حالها بس ماعليه بترد عليها وتعرف لها. ...وجهه لوجهه ... يكون أحسن .... ،، ،، ،، ،، ،، عند سامي ،، ،، رجع السيارة وقال بتعب وهو يسند حاله على المقعدة:احسن وحدة هذي حالياً يالله انزلوا لبكرة وراح أبد ادور شقه تكون سكن على طول غلا نزلت بتعب من العصر طالعين ....حسيت بألم في ظهري ...ناظرت خدوج ...اللي آحسها مكسورة حيل وطول الوقت ساكته...مشينا ورا.. سامي ..ودخلنا الشقه كانت غرفتين ...وصاله . أحسن شيء غرفتين عشان نأخذ راحتنا ...جلست على أول كنبه بتعب وانا اناظر الشقه ... قلت بهمس : حلوة بكم الليله سامي بهمس: والله انها غالية حيل لو جلسنا أسبوع فلوس خدوج راحت وابتسم وهو يناظر امه : ها كيف ي خوخه عساك مبسوطه بس ام سآمي بقهر وزعل على الحال الي وصلت له: والله مانبسط إلا في بيتي ... بس عساه ان شاءالله ينحرق باللي فيه وكاد قلبي يبرد شوي حسبي الله عليه حرق قلبي ليت ربي يحرق قلبه قريب سامي بضيق : خلاص يمه طلعيه من بالك عشان ترتاحي ولا إذا كذآ استمريتي صدقيني بتتعبي .. ام سامي مسحت دمعتها الي نزلت غصب عنها : الحين يطلقني عشان البزر اللي جايبها غلا بحزن عليها ..أول مره تشوفها كذا : ليه تبكي والله هذا افرح لو طلقني خليك قويه مثل ما عرفتك ..ولا تبكي عشان رجآل ماقدر العشرة .... سامي قرب منها وضمها لصدره: يمه أكره اشوفك كذا ماهو متعود أبد ....دايم قويه ...اشلون شيء مثل ذا يكسرك كذآ ام سامي بغصة بوجع :وهذا شيء قليل يمه عشرة اربعين سنة راحت كذا غلا ناظرتهن بقهر من ذي المره ودي .... أعرف وشهوله هالمحزنه ....والله انها انفكت قلت غصب عني: والله ماعليه حسوفه عساه المرض ان شاءالله سامي بصرخة وهو يمد يدة : غلا شوفي غرفتك يالله فارقي غلا وقفت بقهر: اففف لا تصارخ وبعدين والله إني صادقه ابوك مابه شيء ينبكي عليه سامي قفل عيونه بقهر: شكلك اليوم بعد بتطلقي أنتِ الثانيه ام سامي بوجع ناظرته غلا ببقهر: مالت والله يقال يهددد روح زين أحسن شيء تسويه سامي بعصبية :والنهاية يعني غلا وقفت : اوفف خلاص منقلعه .. وأخذت شنطتها اليد ..ومشت ناحية الغرفة اللي أشر عليها سامي ...أعجبتها حيل ..آه أحسن من بقالة ابو مفلح الي كانت عايشه فيها ...وقفت بجنب التسريحة ..ناظرت حالها ..شافت وجها تحس حالها سمنانه شوي ..نزلت نظرها لبطنها .اللي شوي بارز توها..دخلت الرابع ...وهي تحس بنغزة خفيفه من فتره لفترة .تجيها.....جلست على السرير ... وهي ودها تأخذ شور بارد ...يريحها شوي بس الشنطه في الصالة .. وفيها كسل ....مافيها تطلع تقول لسامي يدخلها ناظرت سامي اللي دخل قالت براحة: جيت بوقتك أسحب لي الشنطه خلني أخذ شور ي ريحني شوي سامي قرب منها وبحده : ثاني مره تبي تاوسي امي قولي كلام مثل الناس او اسكتي محد طلب فزعتك فاهمه غلا بعصبية: أنت وش فيك علي وبعدين وش قلت عشان تعصب كذا درينا انك ماترضى في ابوك بس شوف وش سوى في أمك خلك مع الحق ... سامي قال بحده :خلاص اسكتي ..وامي ربي يأخذ حقها لا أنا ولا أنتِ غلا بقهر واقفه معاهم في هالازمه وهذا جالس بس يصارخ قالت وهي تحاول تمسك حالها ماتبي تعصب أكثر وفي النهاية هي تجلس تتوجع اذا صارخت : شوف عارفة ان حياتي وحياتك مدة مؤقته بس ياليت تحترمني شوي وماتجلس تغلط علي وتحسسني انك متحملني غصب .. سامي سحبها وجلسها جنبه وحط يده على كتوفها :مجنونه أشلون تفكري كذا بالعكس كبرتي في نظري بعد وقفتك مع امي بس بعض مرات تزويديها شوي .أشر على فمها...ذا امسكيه شوي نعيش في سلام غلا ناظرته ورفعت حاجب : بسوي حالي محترمه وماراح ارد عليك .قولي امك نامت الحين .. سامي ايه دخلتها غرفتها وان شاء تنام عاد والله ان قلبي يتقطع عليها ... غلا : آه ابوك ذا سامي قاطعها وحط يده على فمها :اوشش خلينا ننام بكرة وراي مشوار من الصبح طالع ادور سكن لنا ..... غلا بقهر فكت يده: افف كتمتني كم مره اقولك لعاد تسوي هالحركه سامي : وانا كم مرة قايل لسانك لا يطول ..غلا : المهم مصدق فعلاً ان امك تملك هالمبلغ ... سامي رفع حاله شوي وتسند على ظهر الكرسي بتعب :ايه فتحت الصندوق الحين وشفت المبلغ ...بنفسي ... غلا عضت شفتها وهي لسى مستغربه أشلون معاها هالمبلغ: يمه مين يصدق آه وعيشة الفقر اللي كنتم عايشينها ليه طيب كذا خبتها سامي بقهر هالبنت متى تعرف تحكي قال بحده : مالك دخل ولا تفكري في فلوسها أبد غلا بقهر: مين قالك بفكر فيها والله لايعوزني عليها ..الحمدلله أعرف أدبر عمري من زمان ..بس آه في ناس وقفت لي حسبي الله عليهم سامي بقهر:جالسه تتحسبي علي صح غلا :جالسه اتحسب على اللي نكد علي وحرمني وظيفتي آه كان الحين معي فلوس أكثر من أمك سامي عض شفته بقهر: مين منعك غيري وأكيد قصدك مني غلا :تو الناس تدري إنك أنت وايه قصدي منك وبعد لاتمن اوك ثاني مره .. سامي : طيب الحين جالسه في هالشقه على حساب من وقف وهووو.:يناظر الغرفة وش رايك فيه غلا ودها تخنقه رفض يخليها تجلس بيت ابوها ..والحين جالس يمننن قالت وهي ودها تقهره : حتى لو ماهي حلوة بس تطلع احسن من بقالة ابو مفلح بكثير سامي : والله مدري كيف اقدر انام في مكان غير غرفتي غلا: عشتووو اللي يسمعك يقول سايب غرفة على حق انزل بس شوف لنا مطعم قريب وخذ لنا عشا والله ميته جوع وخلني اشوف امك لاتنام حتى تأكل سامي : اوك بس أخذ شور قرفان من حالي .... وقرب منها وخربط شعرها وبهمس... آسف اذا زودت في الحكي غلا صدت بزعل: مستحيل اسامحك سامي عض شفته وابتعد عنها: عساك غلا رفعت حاجب : شايف حالك ولا يتهيا لي سامي ضحك: ههههههههههه وش اسوي صاير غني غلا :صادق من حقك امك معاها مية الف سامي اعوذ بالله من عينك غلا :اموت واعرف اشلون جمعتهن ............ ،، ،، ،، ،، ،، بيت ابوعصام في غرفة ريتاج ابتسمت على شوق ..سوت لها حظر مرة وحدة .. رن الجوال في يدها...شافت رقمه ماشاءالله توه يتذكر ردت ببرود : الو وليد وهو واقف عند البيت قال بجمود: اطلعي انا برا ريتاج :ان شاءالله بعدها لبست العبايه وراحت لغرفة امها ...طقت الباب ودخلت شافتها ...جالسه ...تصلي انتظرت لما كملت صلاة ..وقربت منها وسلمت عليها وقالت بهمس: تطمني يمه أنا بخير ي الغالية ام عصام رفعت رأسها وناظرتها : رايحة كان جلستي اليوم بعد ريتاج بكذب: ايه يمه وليد دق علي وقال جاي ... وصعبه ارده ..لو مادق كان عادي جلست ام عصام هزت رأسها :روحي حبيبتي معه وربي يسعدك ي ريتاج هذا اللي ابيه بس ..وبشك على إني عارفة وش في نفسك بس ماعليه ....ربي يصبرك ... ريتاج ابتسمت وهي تتطمنها:مافي نفسي شيء غير إني مرتاحه يمه لا تحاتي .. وطلعت ... وهي تحس بفرحة وامها قايمه معاها وحاسة فيها ..... طلعت وركبت السيارة وردت السلام بهدوء وليد : عليكم السلام ريتاج بعتب : ي ليت ي وليد لو دقيت تحترمني وترد علي ماهو كل مره تسفهني كذا وليد بحده :ماسفهتك كنت مشغول وقتها ... وبعد قريت رسالتك وجيت لك وش صار يعني الحين اللي يسمعك يقول قايل لك ارجعي انا ومطلعك بعد من بيت أهلك غصب أنتِ وهالنفسيه جايه فيها ...ترى بنفسك ارسلتي وقلتي تعال ريتاج حست ..بقهر من كلامه يعني جالس يذل ويذكرها إنها هي الي ارسلت له آه بس لو تدري بس وش اللي حدني قالت بحده ..:لا تفتكر ميته برجع بس عشان خاطر أخوي والله ابي هالزواجه تتم على خير وبعدها ي وليد تحلم تشوف رساله مني وليد بصرخة :ي هالزواجه اللي سندرتي رأسي فيها ترا والله لو احلف إنه مايأخذها ريتاج بتحدي وقهر بعد من صراخه :تحلم حبيبي ماتقدر توقف لهم..مدام ابوي وعمي فيه وأكبر دليل حالك ماقدرت توقف لهم وتزوجتني غصب عنك وليد حس بعصبية أكثر من كلامها اللي أستفزه حيل قال بتهديد وهو صاك على سنونه ..:والله ي ريتاج تتحدي ريتاج ناظرت الدريشة بدون ما ترد عليه ...وش فيها معصبه ..وجالسة تراددد...بس غصب عنها استفزها اليوم قال لها إنها هي مرسله ... وليد حاول يهدي حاله جلس ..يستغفر الله ... .... | ||||||||
|
| |
|
06-02-16, 12:04 AM
| #369 | ||||||||
| مراقبة عامة ومشرفة منتدى الروايات المنقولة
| اليوم الثاني .. .. طلعت من غرفتها ..وهي فرحانة ..إن أهلها بيجون اليوم. وقفت يوم سمعت صراخ لطيفه . فتح الباب وليد فجأة ناظرها بحده تحركت...عضت.. شفتها غبية أشلون وقفت كذآ الحين ..يفتكر ...إنها تسمع لهم وليد بسرعة قفل الباب وتحرك تقدمها بقهر ..قال بحده :هالمرة ماتوقع تقدري تنكري صح ..أول حاولت أكذب حسام بس الحين بنفسي شايفك ماهو شينه هالعاده ي ريتاج ورفع حاجب ريتاج ناظرته ببرود ظاهري وهي تغلي من قهرها : ماتهمني صدقت ولا كيفك وبعد طلعت من الغرفة سمعت صراخ لطيفه عليك ... وقفت وانا مستغربه الكاتبن جالسين يصرخن عليه وهو ساكت ورفعت حاجب وهي ناويه تغيضه والله اتاري الشجاعه عندي بس ...يمه على بعض الرجآل بس وتعدته تبي تنزل وليد بسرعه مسك يدها ولفها لها بقهر :ريتاج عارفة كبر كلامك ... ريتاج بألم : فك يدي ولا والله ي وليد مايصير خير اليوم والي فيها فيها خلاص طفشت منك فك عني وليد قال بهمس وهو معصب: ابشري بعزك والله لا احرق قلبك ولا ماكون ولد أبوي ريتاج سحبت يدها بقوة منه وزفرت بعصبيه :بالطقاق أنت وماتتطول يدك ونزلت افتكرت ينزل وراها بس شكله رجع ..وقفت وحاولت تهدي حالها ...استغفر الله العظيم ...يعصب الواحد غصب .مستفز بقوة بعد ..حست حالها شوي هدت ..كملت نزولها وهي .تشوف شوق طالعة من المطبخ وفي يدها مبخرة تبخر الصالة ..ابتسمت وهي ناوية تنسى الي صار من شوي و بخبث: ي ويلي ترا حده المجلس شوق عضت شفتها بقهر جالسه مغلسه عليها من أمس. . رفعت المبخرة بتهديد:وبعدين يعني ماكفاك الحظر يعني ريتاج ضحكت : ههههه آسفه خلاص ...وبقهر وشلون يهون عليك تسوي حظر شوق صغرت عيونها : لا بالله ريتاج : من جد شوق اهون عليك شوق بقهر: سويته وقلبي بارد بعد مالت عليك أنتِ واخوك بعد ريتاج : ي حرام وش مسوي فيك هو الحين شوق بصرخة : ريتاج ريتاج رفعت يدها :خلاص فكينا ...اف ... وراحت المطبخ ...تساعد ميري ... فتحت الثلاجة انصدمت من الحلى اللي أكثر من نوع ناظرت ميري : ليه ذا كله ترا أهلي بس اللي جاين ميري هزت رأسها : لا هذا مدام مو انا سوي هذا شوق ريتاج فكيتها ضحك غصب عني الله يونسك ي شوق مثل ماونستيني بعد ماخوك العله قلب مزاجي ... ...الخبله معذبه نفسها ... خليني أصدمها واقولها ...عصام مايحب الحلى كثير .. أعطيه حوامض مايخلي شيء. ..شفتها دخلت ابتسمت بخبث وانا اناظر جهة الثلاجه :ي حرام ماراح يذوقه مسكينه ميري تعبت فيه كذا شوق بقهر : ليه طيب وبعد ميري ماتقصر بيض الله وجهاا دايم تشرفنا قدام الضيوف ماهي أول مرة ريتاج بتمثيل:والله ان قلبي يتقطع عليها تعبت كذا شوق بنرفزة : ليه طيب ريتاج وهي ماسكه ضحكتها : عصام مايحب الحلى قربي منه حوامض اوك بس حلى أبد مايقربه شوق عضت شفتها وهي متحسفه ..ماسوت معجنات ..أكتفت بالمقبلات اللي مع العشا ..بتجي ..وهاتي ي كرف في ..حلى من الصبح قالت بقهر:سبحان الله فيه كثير مايحبوا الحلى ريتاج وهي ماسكه ضحكتها :يالله حنا نأكله ولا يهمك ي ميري تعبك ماراح يروح باطل شوق بقهر ودها تذبحها :اقول بلاش تكثري منه ترا صايرة دوبه هالأيام ريتاج رفعت كتوفها ببرود: عادي نأكل هالحلى وبعدها نبدأ نسوي رجيم ..ورفعت يدها وهي تناظر ساعتها موكأن أهلى . . تأخروا ..الله يستر لا عصام بعد يعتذر اليوم مثل أمس شوق صغرت عيونها بقهر: بعد على شينه اعتذر أمس ريتاج ايوه كذا والله عصبت: آيه أعتذر يقول ماهو فاضي اللي عنده كلها إجازة بسيطه وده يقضيها مع اخوياه مايبي يضيعها في العزايم ....الفاضيه شوق بعصيية : حسبي الله عليه ...آه والله عمري اللي ضاع على وأحد مايستاهل ريتاج مسويه مصدومه:بسم الله وش فيك على أخوي تتحسبي عليه وهذا وهو سأل عنك يقول قولي لبنت العم هانت كلها سنوات قليله وراح تعدي ان شاءالله ومصيركم تجتمعوا شوق بقهر وهي تتلفت تبي اي شيء تطقها فيه .. ريتاج بسرعة..... ركضت ..لبرا ..الصالة ..شافت عمها في وجهاا وقالت وهي تتخبى وراه: تكفى ي عم انا في وجهك بنتك اليوم شريرة مدري وش في شياطينها قايمه أعوذبالله شوق بقهر : وبعد تعوذي ي الخايسه ..والله ماغيرك شريره ابو وليد وهو مسبوط وهو يناظر ريتاج اللي أول مره يشوفها تضحك كذا من وقت ما دخلت هالبيت :افاا والله ي شوق ريتاج شريرة وكاد إنك غلطانه شوق بقهر:ايه ساحرتك هالبنت لعبت بحسبتنا كلنا عشانها ريتاج وهي تتحلف فيها بعد كلمتها الأخيرة طيب شوق والله لا اخليك اليوم تصحيي قالت بتمثيل : شفت شفت ي عم بنفسك جالسة تقط علي كلام من الصبح ..مدري وش فيها مشتطه علي يالله قولي ايش سويت لك بالله .. وهي تلعب بحواجبها عارفة انها ماتقدر تقول ايش السبب مخليها كذا معصبه منها بستفزاز يالله قولي وش سويت شوق بقهر مافيها تحكي قدام أبوها إنها من امس جالسه تستفزها وجالسة. ..تتمسخر عليها قالت بقهر : ايه ما تقدري علي إلا انا اما .. غيري متوطي في بطنك بعد ابو وليد بحده : والله ماعاش ولا كان اللي يتوطى فيها وأنا موجود وبصرخه الحين عرفت إنك أنتِ اللي غلطانه ريتاج مازعلت أبد وبعد من حقها تقول كذا استفزتها بما فيه الكفايه...بس كملت وهي تمثل إنها اطيب منها وان الحق لها بعد: ماعليه عمي هي كذا دايم ترمي علي حكي وبذات اليوم مالومها أبد شوق شافت وليد نزل من فوق ...وهو معصب ... قالت بصرخة قهر: وليد ليه كذا ماتعرف تربي حريمك وليد بعصبية: أقول ماهو وقتك أبد لا اجيبك أنتِ وهم الحين جميع ريتاج لصقت في عمي زيادة وانا اناظرة ..مسكين شكله معصب حدة ..اخخ لطيفه مسويه في العمايل الله يقويها ان شاءالله ويقويني بعد ... ابو وليد عقد حواجبه : علامك نازل بشرك وماهو محترم أحد وليد بضيق مطفشته لطيفه من وقت مادرت إنه مسوي عزيمة لعصام وهي مسويه حريقة ..والحين إلا يوصلها غصب بيت أهلها مافيها تتسقبل أهل ريتاج وبعد ريتاج والي صار معاها من توو قهره وعصبه حيل قال وهو يحاول يمسك حالة مافيها بعد يعلق مع أبوه ...: مافي شيء يبه وناظر لطيفه اللي نازلة من فوق وهي معصبة حدها... ابو وليد بضحكه يوم شاف لطيفه معصبه قال :تذكر انك مسوي عزيمه وليد بضيق ناظر ابوه ماهو وقت مسخرته أبد ..قال : أكيد يبه وقال بحده وهو يكلم ريتآج. ..شوفي ايش ناقص عشان تعطيني خبر قبل ماراجع البيت ... ريتاج ببرود: أهلي ماهو اغراب عادي لو نقص شيء من أهل البيت .. وليد وده يصرخ عليها هي وهالرد بس آه الخايسه مسويه فيها قدام ابو بس هين ي ريتاج ...قال بحده: مهما كان ماحب شيء ناقص حتى لو كان مين وناظر لطيفه اللي وجهاا أحمر من قوة العصبية .. يالله أنتِ بعد ابو وليد بتريقه بعد ماطلعوا :هذي اللي مبردة خاطري فيه هالخروف ريتاج ناظرت شوق اللي شكلها زعلانه قربت منها وهي تبوسها شوق بقهر : ابعدي عني ريتاج ناظرت عمها: شفت ي عم إني اطيب منها ابو وليد بثقه : طالعة مثل عمك ريتاج بصدمة يمه ..على طيبة عمها بس سكتت وهي تقول بهدوء:ربي يخليك تعال أجلس ودقايق تشوف القهوة الي يحبها قلبك وناظرت شوق خلاص أنتِ هاتي من الحلى اللي مسويته وبعد روحي يمديك تسوي حامض باقي شوي ويوصل وغمزت لها شوق تتمنى أبوها ماهو موجود ....كان عرفت لها مدري وش فيها اليوم ثقيلة دم صايرة وغثيثة .. راحت غرفتها ..وهي مقهورة منها .... ،، ،، ،، ،، ،، ،، ،، في بيت ابو اسامه في الصالة رفعت سماعة التلفون بعد مادقت رقمه ...قالت بجمود أول ماسمعت صوته : السلام عليكم اسامه الي توه صحي من النوم ....قال بصوت ثقيل :عليكم السلام هلا يمه .. ام اسامه بجمود: متى ناوين ترجعون من السفر اسامه بتوتر سند حاله يخاف يكذب الجاسوس رائد يقول لها إنه رجع هو صح ماقابله بس مايدري كيف أول ....عرف مكان شقته فأكيد هذي بعد ماهي صعبه عليه قال بقهر : جينا امس في الليل ام اسامه رفعت حاجب : مسرع هالشهر العسل ولا خلاص مليتوا من بعض يحق لكم من متى متزوجها اسامه وهو يغير الموضوع: أمري يمه وش بغيتي ام اسامه : مدام هنا يوم الخميس بسوي حفلة إستقبال ... اسامه بضيق : وشهوله يمه تكلفي على حالك اماسامه بحده: اي كلافه هذي علومنا من زمان لازم نسوي حفلة للعروسه ولا زوجتك ماتستاهل ي اسامه اسامه بسرعة : أشلون يمه ماتستاهل تستاهل وزود بعد ام اسامه ابتسمت بسخريه :قلت لي تستاهل وزود أجل لا تعارض ثاني مره قلنا زواج سويت فيها والحين حفلة بسيطه بين الأهل بعد معارض اسامه قال وهو خايف لا تقول خلي خالة مرتك تجي :خلاص مثل ماتحبي سوي لها اللي تبي ام اسامه : وينها مرتك اسامه وقف وقال بكذب :شكلها في المطبخ الحين اخليها تكلمك ام اسامه بسخريه :ماشاءالله مره وحدة ..بعد في المطبخ .... وهي عروس يالله الحمدلله كان إختيارك ..في محله ... اسامه عض شفته ليه صاير غبي كان قال لها نايمه ..وش بيضر يعني ب تشوفه لو كذب عليها إنها ماهي نايمه جنبه...يالله ليه قال لها في المطبخ ..طلع من الغرفة ...وهو يشوفها نايمه ...قدامه على الكنبه قرب منها ونزل نفسه شوي وهزها من ..عند كتفها ...ماصحت هزها من ثاني بقوة شافها فتحت عيونها وتناظره.. بخوف ...أشر على الجوال .. وانها تسكت ماتوضح إنها توها صاحيه ...وينكشف كذبه ... ريوف هزت راسها بدون فهم وقالت بتوتر وهي تشوف الجوال في يده ويأشر بالثانيه :ايشش فيه اسامه بسرعة: هذي يمه جالسه تحضر لي أكل واعطاها الجوال وبحده كلميها ريوف مفزوعه حدها ..هذا جاي طب عليها فجعها .. .والحين بعد يعطيها الجوال ماهي فاهمه شيء قالت بتردد: الو ام اسامه بجمود: السلام عليكم كيفك وكيف اسامه معك ريوف رفعت نظرها لاسامه الي واقف على رأسها :بخوف: كلنا بخير الحمدلله ام اسامه :خلاص كملي شغلك واسامه يقولك ايش كنت ابي منك يالله في حفظ الله ريوف ...ايش كان تبي مني ..الله يستر ... ناولت اسامه الجوال ... اسامه آخذه منها ورجع الغرفة بدون مايتكلم عليها .... ريوف استغربت ايش تبي ..وليه اسامه ماقال .. طنشت ورجعت تكمل ...نوم أفضل لها من التفكير بس ليت ترجع تقدر تنام ..... | ||||||||
|
| |
|
06-02-16, 12:06 AM
| #370 | ||||||||
| مراقبة عامة ومشرفة منتدى الروايات المنقولة
| في السيارة قالت بقهر:بعد ماتكرم أهل حبيبة القلب تذكر ان عندك زوجة اوك وليد بعصبية صرخ: لطيفه ناسيه إنه ولد عمي قبل مايكون أخو زوجتي لطيفه بقهر: وليد لا تقول زوجتي اقسم بالله أموت مقدر حرام عليك حس فيني وليد حاول يهدي اعصابه شوي : لطيفه حبيبتي تتوقعي الحين وقت هالكلام وهو يناظر بيتهم انزلي الحين وبعد ما أكرم ضيوفي راح نتفاهم ان شاءالله انتظريني لاتنامي ومسك يدها عشاني حبيبتي تحملي .. لطيفه سحبت يده بقهر ....تكذب لو تقول تقدر تحاول تتصنع انها عادي خلاص مافيها والله نزلت وقفلت الباب بقوة وليد قفل عيونه ...من قوة ضربها بالباب ...عض شفته بعصبية ..من وين يحصلها صدق راعي الثنتين ماهو مرتاح ... حرك سيارته....ومتجهه للبيت ...... ،، ،، ،، ،، في شقة أسامه ،، ،، طلع من الغرفة بعد مأخذ شور وصلى ..وهو مقهور ضيع صلاة الظهر والعصر جماعه ...مايدري كيف نام بعد الفجر وماحس بحاله..الا قبل ماامه تدق بشوي ....شافها قدامه مثل ماهي ..قال بحده : قومي صلي ... ريوف ...ناظرته ...وقالت بهمس : صليت الحمدلله اسامه بقهر: طيب مدام صاحيه وقت الصلاة وشهوله ..ماتصحيني ليه كذا أنتِ. .وكم مره أكرر عليك صحيني وقت الصلاة ريوف جلست وهي ترفع شعرها ....الي نازل على وجهاا قالت ببرود : فيه منبه عندك الله لا يهينك عدله ماراح تخسر شيء اسامه بقهر صرخ: نومي ثقيل ..افهمي عاد لازم حد يصحيني ريوف وقفت : ان شاءالله هالمرة اصحيك ومرت من عنده وهي ناوية تدخل غرفة النوم ...كاره وجوده بالمرة ...تحس بذل معه ...وبذات مع الطريقة اللي معيشها فيها ...ماتبي كذآ ..... مايدري انه يذبحها ...اشلون تتحمل كل ذا ... اسامه بجمود وهو يشوفها تعطيه ظهرها : سوي قهوة رأسي صاك علي ولا فيه تمر هاتي معاها وتعالي أبيك ريوف عقدت حواجبها يبيها وش يبي بعد ..هزت رأسها : ان شاءالله راحت المطبخ ..وسوت له قهوة ..وحضرت له تمر وجلست تنتظر القهوة تغلي ...عشان تحط الهيل. . قفلت عيونها ..وسندت رأسها ...على الدولاب ..وفيه دمعه نزلت من عينها على خدها مسحتها ...وقربت من الدلة ....وقفلت عن النار وأخذت الصينه . . وراحت فيها ..ودها تتكلم معه ..وتقول له ماتبي...كذا يستمر وضعهن ...تعبت خلاص ....من الضغط ..اللي مسببه لها جلست وصبت له ...وناولته ... اسامه ببرود: امي...تقول مسويه لك إستقبال ...يوم الخميس ....وبعد ردي على الجوال عشان لطيفه تبي تتفق معك...:يبون يأخذون لك فستان ..ويحجزن لك كوفيرا ...حتى في ذي ما تعرفي ومفشله عمرك آه بس على هالحظ... ريوف بقهر :مابي لا استقبال ولا شيء وبجراءة وحظك ماهو اردى من حظي ... اسامه بحده : وترددي بعد اشوف بالله فشلي امي ورديها وبعدين احمدي ربك وهم معبرينك ريوف آه الله يصبرني بس هذا لسانه ينقط سم ..قلت وانا ابي انهي السالفة : اوك الله يجزاها الخير وإذا على الفستان ..روح فيني السوق ..وانا أعرف اشتري وبعد الكوفيرا عادي اقرب صالون اروح فيه وش فيها صعب يعني عشان يتعبوا حالهن ويحجزون لي .... اسامه : أقول بلا هياط ...و أفتحي.. جوالك وتفاهمي معاهن ريوف هزت رأسها بدون صوت ... هي ماتفكر في ذي الشكليات أبد ..وبعد ودها تقول لاسامه مافيها تتحمل الذل أكثر من كذا ...قضمت أظافرها ...وهي متوترة اسامه ناظرها ..ورفع حاجب. ..أبد ماهي طبيعية. . يحس فيها ...شيء ..ودها تقوله .وبعد يتمنى لو تغلط عليه عشان يقوم يبرد قلبه شوي ..مقهور منها مسويه حالها قويه وترد ..بعد ..على شينها مسويه فيها ...قال وهو يبيها تتكلم :عندك شيء ناظرته بتوتر هزت رأسها وهي تتمنى مايعصب عليها : ماراح اروح ريوف انكمشت على حالها بخوف .. يوم شافت نظرة عيونه ماتبشر اسامه رفع حاجب:عيدي ريوف بهمس : خلاص كان ماودي تصير هالحلفه اسامه ناظر عيونها ..حس بحزن عليها مايدري ليه ..وبذات يوم شاف دمعتها عالقة ..وبعد نظرة الخوف اللي بسرعة بانت في عيونها من قربه قال بهمس :خلاص الحلفه مدام امي حكمت بتصير بس مدام متضايقه انهم يختارون لك فستانك بقولهم يخلونك على راحتك وأعطاها ظهره وطلع من البيت .. ريوف حست بنتصار.. .. لأول مرة تقدر تتكلم عليه كذا ومن اليوم ورايح ماراح تسكت له ...طفشت كل لليلة تسمع منه ابشع الكلمات ... وبعد مستحيل ..تخليهن يشفقن عليها أكثر. .. وتروح السوق ..وتأخذ لها أفضل فستان ... وتروح أحسن مشغل ..وتوضح لهن أنها تعرف تلبس وتكشخ تكره نظرات امه ...المتعاليه ...وشوفة حالها عليها .... ،، ،، ،، ،، ،، ،، في مقلط الرجآل بعد العشاء بعد ماقام من العشا قال وهو يناظر أخوه وليد :جاد الله على من تكلف ابو وليد وليد مع بعض : بالصحه والعافيه عصام : تسلمون والله ابو وليد: يجعله هني ان شاءالله وليد : الله يسلمك وتستاهلوا أكثر عصام بأبتسامه : تسلم ي الغالي في المجلس : وليد ناول القهوة لعمه وعصام وجلس جنب ابوه ... ابو وليد :هاا ي عصام كم باقي عصام : باقي هالسنه ان شاءالله وارتاح من ذا كله ابو وليد :الله يوفقك ابو عصام قال بهدوء : حنا بعد ي خوي جايين نبي نحدد وقت للملكه والزواج لأن شهر اللي معه .. وليد بسرعة قال : بعد اذنك يبه وناظر عمه ..اسمحلي ي عم ...ملكه وزواج ماتصير ............. :: :: :: :: ......... كتتتتتتتتتتتتت عارفة قفله محترمه بس وش اسوي دايم كذا عرق النذاله يطق فجأة انتظروني حبايبي بإذن الله يوم الثلاثاء ... نشوف وش اللي بيههببه الكابتن ،، ،، ،، ،، لا ابيح ولا اسامح من ينقل روايتي او يقتبس منها بدون ذكر اسمي ولا ابيح اللي ينقلها على الانستقرام حتى بذكر آسمي استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " التعديل الأخير تم بواسطة فيتامين سي ; 16-08-20 الساعة 07:10 PM | ||||||||
|
| |
|
| أدوات الموضوع | |
| انواع عرض الموضوع | |
|
|
27Likes
.png)
.png)
العرض العادي
