آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
21-02-16, 06:57 AM
| #411 | ||||
| نجم روايتي وفراشة الروايات المنقولة 
|  رواية رائعة بالرغم من القهر والظلم اللي فيها قهر الزوجة الثانية وظلم واستبداد من قرارات العم المتحكم بالجميع ، بالرغم من انه بالاخر صار ينصف ريتاج شوي وليد وغروره وتسلطه على ريتاج واستسلامه بالاخير امام جمالها وكذبه على لطيفة الظلم اللي طال ريوف واسامة سوا اسامة نظلم من قبل اخوه واستفزازه له وبيكملها بمحاولة اخذ اسيل ، يا كرهي لرائد واستهتاره، والظلم الاكبر لريوف ، بس يا قهري عليها على اللي تحملته من خالتها العقربة واخوها وجاي اسامة كمل عليها ، ناصر ومنيرة ، ناصر ضعيف شخصية ومنيرة متنمرة وبالاخر طاحت على راسها وعنادها خرب عليها ومستحيل تتنازل ، غلا وسامي بالرغم من الاستهتار والعربجة وقلة الاحترام ، يبقو احلى ثنائي عزيزتي بالانتظار دائما لمعرفة نهاية كل ثنائي وكيف تنحل مشاكلهم كل الشكر للكاتبة والناقلة كل الود | ||||
|  |
|
21-02-16, 07:52 PM
| #412 | |||||||||||||
| مراقبة عامة وقائدة فريق التصاميم والفوتوشوب  
| شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . شـكــ وبارك الله فيك ـــرا لك ... لك مني أجمل تحية . | |||||||||||||
|
| |
|
23-02-16, 09:01 PM
| #415 | ||||||||
| مراقبة عامة ومشرفة منتدى الروايات المنقولة 
| لاإله إلا الله وحده لا شريك له له الملك وله الحمد وهو على كل شيء قدير استغفر الله العلي العظيم آللهم صل وسلم على نبينا محمد " صلو عليه " الروآيه لا تليهكم عن الصلاة اللهم بلغت اللهم فاشهد ،، ،، ،، البآرت السابع والثلاثون ،، ،، ،، السلام عليكم كيفكم ي عسولات .. حابة اقولكم شيء قبل القراءة سوري حباببي والله مقدر التزم بموعد ثابت إلا هو ..جمعة وثلاثاء ... والله حاولت بس ماقدرت ..احسه التزام وفي ضغط علي بقوة...والكتابه يبي لها رواق ..ومزاج ..وانا مابي انضغط وأكتب اي كلام ويطلع ماهو بالمستوى المطلوب الي مايرضيكم .. وآه من مزاجي اللي بعض مرات يكون معكر وقتها اكره شيء اسمه كتابه ... ...وي دوب امسك الجهاز إلا رميته وانا ماكتبت حرف.... ف عشان كذا شفت افضل شيء احدد لكم كل نهاية بارت متى انزل بعد الكتتتتت اللي تعشقونه .....ههههههههههه ... وخليكم واثقين ان شاءالله راح تكتمل مدام ربي ...معطيني عمر ...وفيه شغله حابه اقولكم .واطلب منكم بعد ياليت لاحد يقول .شخصية تركي مثل اسامه لا بعيده كثير عن شخصية اسامه لا تقولون انه مثله ابد خلاص تركي انتهت قصته وهذا قصته تختلف من كل النواحي ... واكرر واقول ... لاحد يقارن بين ابطال الرواتين علقوا على ابطال هذي الروآيه هذايك الروايه لها صفحه .الي حاب يعلق على. ابطالها ...... .. ..ومشكورين ي أحلى فانز على الردود هناا وفي المنتديات المجاورة وكونوا متأكدين دايماً أقراها كامله ...واقولكم بدونكم وبدون دعمكم كان نوني ماقدرت تكمل ..مع اللي تمر فيه ..... ،، ،، وبعد تحيه لحزب ريتاج وحزب لطوف حبيبة قلبي .... ونشوف مين اللي بينتصر في النهاية ^^^ ويارب لطوف. ويالله ي عسولات قراءة ممتعه للجميع. ... ،، ،، ،، ،، ريتاج حست بفشله. .من تصرف أخوها. . ناظرت وليد اللي باين شكله مصدوم أكثر،،،منها ... وليد وهو فاتح عيونه:تقولها صادق عصام بسرعة: يالله يالله برااااا بذات أنت ماهو طايق اشوف وجهكك شوق خافت ..من كلام عصام ..ايش فيه ..كذا يتكلم على أخوها بس ارتاحت يوم سمعت رد وليد ...يعني مازعل وليد عض شفته : بنطلع بس خمس دقايق واسحبك غصب عنك .. عصام قفل في وجههه ..ولف لها. ..وناظرها بحب .. ي ناس ماهو مصدق ....قرب منها بدفاشة : حي الله هالوجهه ارفعي راسك خلينا نشوفك زين ... شوق عقدت حواجبها ..يتغزل في وجهاا ويقول لها ارفعي خلينا نشوفك زين ....وش ذا العقل الي جاي به من أمريكا ... عصام شافها لسى منزلة رأسها قال ..: افاا كل ذا خجل طيب كم أعطيك ...وترفعي وجهكك يالله ترى كريم حدي وابوي ماشاءالله من فرحته بجيتي كل يوم يرمي علي مبلغ ... شوق لا لا لهنا وبس رفعت رأسها وقالت بصدمه :تعطيني فلوس .. عصام فكها ضحك على صدمتها قال وهو يناظر ملامح وجهاا ..اللي يعشقهااامن صغره ..:ههههههه وش اسوي اخوك النشبه بيرجع ...وأنتِ بتضيعي الوقت بالحياا ...الي ماله داعي ومبروك ي قلبي شوق رفعت جاجب : توك تبارك .. عصام انبسط حيل وهي تكلمت معه ...قال بتريقه :صدق الفلوس تخلي الواحد يطخ ... شوق تنقهر من هالحركات ليه...يحبون يستفزونها كذا...وآخر شيء يطلع نفس الأسلوب هو بعد ..شكل.العايله كل أبوها فيهم هالطبع وقفت بقهر : انا اللي بطلع قبل مايطلعك وليد وخلى وفلوسك لك مابيها عصام وقف بسرعة: وانا ولد ابوي شكلي زعلت الشوق والله جالس أخذ بنصيحة خويي قالي ..طيح الميانه معاها من أول مره ولا بتتعب .. شوق صغرت عيونها : الحين جالس تتطبق نصيحة خويك عصام وهو ماسك ضحكته :اي والله وشكل نصيحته بتجي على رأسي شوق قالت بقهر وهي تعطيه ظهرها : اوك خلي خويك ينفعك هو والنصائح يعطيك ... عصام بسرعة مسكها وقال بحب: والله اموت فيك وش فيك كذا عصبتي ...روقي ي عسل اخوك حاسب علي الوقت .. شوق خجلت ...وبسرعة رجعت نزلت رأسها عصام بسرعة : هاا شفتي رجعتي نزلتي رأسك أجل ماينفع ...فيك إلا ...وسكت وهو يشوف الباب ينفتح ويدخل وليد .... .. رفع حاجب وقال بقهر:خير خير ي الاخو مدرعم وليد رفع ساعتة وناظرها :لك أكثر من عشر دقايق يالله اطلع ...الحين بيزفونها للحريم وبعدها اجلس معاها ... شافه بيتعرض قال ترا أحمد ربك بترجع فاقتصرها واطلع ...قبل مايعصب عليك ابوي ...اذا امي تضايقت عشان تأخرت ماطلعت لضيوف عصام بقهر: يعني حتى امك نشبه ،، ،، ،، في المرر جاين كان ..عشان يزفون شوق ويباركون لهم ريتاج حطت يدها على فمها يوم سمعت رده ..وهي تناظر خالتها اللي ابتسمت ..قالت بآسف: دومه كذا دج في كلامه ام عصام الي بعد تفشلت : والله جاي مستخف مدري وش بلاه ام وليد ابتسمت وقالت : ماعليه عريس ماينشرهه عليه و دخلت عليهم وقالت بأبتسامه : اي والله بنشب لك وبأخذها عصام انصدم من دخولها ومن ردها عليه يعني سمعت يالله ..وش فيني ...كذا ماعرف أثمن كلامي كله من وليد ..ناظره بحقد و قرب منها وسلم فوق راسها بخجل : انا افدك تغفري الزلة ...والله ولدك حدني ...مغلس علي من مبطي وجت عليك الغاليه ... وليد بستفزاز :يمه لا تسامحيه وازعلي منه ذا من بدايتها مسوي فيها وداخل ينتقم يقال مني ... ام عصام اللي واقفه ناظرت وليد بحقد ..ماتدري ليه ماتطيقه .. قربت من عصام وهي تبارك له بحنان وبعد سلمت على شوق .. وباركت لها .. وليد :يالله يالله عصام صغر عيونه وناظر ريتاج :معاد اقول إلا الله يعين اختي عليك بس .. م وليد :ماعليك في وليد الحين بس تتطلع للحريم واوعدك تجلس معاها للفجر عصام بفرحه سلم فوق رأسها : تسلمي ي خالة والله مدري كيف مخلفه ذا الجامد ،، ،، شوق انزفت ...للحريم .. وهي تحس بخجل ..... وبعدها ....الكل قام للعشا..... غلا بهمس لريتاج بعد مافضي المجلس : كيف شوق كان ريتاج بكذب : الحيا كله راح وغصب طلعتها لزقة أعوذ بالله تخيلي استنجدت بوليد عشان يطلعها ومانفع فيها الا عقال وليد غلا :اخخ وش ذا ي شوق فشله شوق بغيض :هالمره ماراح ارد عليكم ..وبكبر عقلي ..بس أنت ي ريتاج بعلم عليك عصام غلا بضحكه : والله اني كنت مكذبتها .. بس الحين لا والله صادقه شكلك غصب طلعتي..مدام كذآ تقوليها بطلاقة عصام انا جلست شهر مقدر انادي اسم زوجي شوق بقهر : أجل وش تناديه غلا بضحكه : أشر له يفهم ع طول فيهم ربي يطول في عمره شوق بقهر: روحوا تعشوا وفكوني ريتاج : وهذي تجي نخليك لحالك .. شوق بغيض:مابيكم تجلسوا معي نادوا لي اسيل المايعه أفضل منكم غلا بستفزاز : سمعتوا وش تقول نادوا لي عصام صدق مافيها حيا ريتاج بضحكه : ايه سمعت .... شوق صرخت بقهر: انقلعوااااا ريتاج مدت يدها لغلا امشي حبيبتي ...هذي محد يسوي فيها معروف.... غلا رحت معاها وانا ميته ضحك على شوق.. شفنا اسيل تضبط حالها في المرايا ... قلت : والله حلوة مايحتاج اسيل بدلع : عارفة حالي غلا : يالله تعشي معنا بس اسيل بدلع :لا ماكل دهون في الليل جسمي يخرب غلا ناظرت جسمها : وش يخرب فيه معصقلة بتموتي ..امشي بس وخلي عنك هاالمياعه اللي مخربه عليك اسيل : لا ماحب اللحم ورفعت يدها يدي تصير ريحتها ياي مقدر أقول خلاص روحوا انتوا ايش تبغوا فيني اففف منكدين علي هنا وفي المجلس. ... ريتاج بحده : الله يكرم النعمه قولي اسيل : الله يكرم النعمه ...بس ماحبه تيب غصب هوو غلا :تيب آه بس الحجه ماهو عليك والله ريتاج :امشي من الصبح واقفه على رجولي ماكليت شيء غلا هزت رأسها : انسدت نفسي مابي عاد بعد ماطلعت أختك هالعيوب كلها ..امشي بس ..نتقهوى ...ونحلي ... ابرك ...ولا روحي ازنطي لحالك ريتاج بقهر : وحده الفاظها سوقيه والثانيه أول ماتحكي ودك تذبحيها.. غلا :روحي بس الي لسانها ينقط سكر اسيل ناظرت غلا : ريتاج كدا هي ثقيله دم غلا: وعععع يقال تردي الحين ليتك سكتي ابرك ريتاج راحت عنهن هذولا فاضين لو جلست ..معاهم بتضيع وقتها ...دخلت المطبخ ..وهي تأكد على ميري تشعل فحم وتبخر الضيوف ...بعد العشا..وتسوي قهوة زيادة ... طلعت شافت ام لطيفه ...و لطيفه يتكلمون عند الممر ويوم شافوها سكتوا .. بس لفتتها كلمة لطيفه : يمه والله مو حلوة رائد على شينه احسن منها ..هزت رأسها وهي ماهي عارفة وش يقصدون . لطيفه بقهر بعد ماراحت ريتاج : افف منها ذي بعد ..ضروي تتطلع الحين ... ام لطيفه وهي تسحب فاين : امشي بس ساكته لطيفه بقهر :يمه والله ولدك ذا لو فعلاً ابوي راح معه بذبحه ام لطيفه وهي ترتب حالها على المرايا :خلاص الموضوع في يد ابوك تعرفيه مايتراجع وانا متأكدة بينرفض ....شفتي ام ريتاج كيف سلمت علينا مجاملة بس لطيفه بقهر:ليه حنا الي ماخذين رجل بنتها مالت عليهم ..بس مو كنهم هم الي قاهريني وحارقين قلبي . .. ام لطيفه قالت بهدوء: خلاص كم مره قايله لك لا تتعبي حالك وابتسمت لام وليد يوم اقبلت عليهم بهمس خلاص فكيها شوي. ... ،، ،، ،، ،، في سيارة سامي ،، ،، غلا ركبت السيارة بتعب : هاا كيف انبسطي غلا :كثير بس آه ودي ارقص ..بس خالتي عيت علي سامي فتح عينه بصدمه وقال بحده :ليه أنتِ ماعندك احساس وش ذي ترقصي ... غلا : خير خير وش فيها يعني بيطح ولدك من رقصه سامي عض شفته بقهر وش يسوي فيها ذي أبد ماعندها عقل ولا وش السالفة قال بقهر:يعني الدكتورة الحين وش قايلة حملك معرض للاجهاض غلا : وين ذا الكلام يوم لي شهرين الحين شوي وادخل الخامس خلاص شوفه بدا يسنتر قدامي و هانت باقي ثلاثه شهور وارتاح سامي بقهر:ي سلام شهر وين طيرتيه ولا ناويه تولدي في الثامن عشان صدق مرحلة خطر ... غلا ابتسمت : اخس عندك معلومات بعد ماهو هين اتاريك وبعدين ..التاسع لا تحسبه سامي :آه تصدقين احسك صاير غبية ومدري كيف فيك استهبال يقهر .. ولعلمك بعد.هذي المعلومه معروفه من زمن جدي غلا ضحكت :ههههه شفت كيف يوم ..كنت اقولك سامي خفف من استهبالك....آه كنت تحلف إلا تجننني لما صرت نسخه منك والحين تحمل.... سامي ابتسم :لا والله ماهو مثلك ابد أنتِ بغباء غلا : اخس ي الذكي ...اقول سامي ي شينك وأنت مسوي عاقل سامي رفع حاجب وبتهديد وزود السرعة :والله انك صادقه في ذي والحين تحملي جنوني .... غلا صرخت بخوف: هييييي حرام عليك ولدك ولدك والله انت بضيعه سامي خفف السرعة هو يضحك. ... غلا بقهر :اكرك سامي لما تسوي كذا سامي :ماجبتي شيء جديد ماهو على طول كارهتني غلا : يمه يمه على الي يتمسكن ويمثل دور الضيعف الي ماكلين حقه اقول سامي ماهو علي اوك ..مثل على امك ذا الدور سامي ابتسم : المهم أول ماوصلتك بيت خالتك دق علي صاحب الشقه ورحت دفعت له مقدم إيجار وخلاص من بكرة بنعزل جهزي اغراضنا .... غلا بقهر : ليه دفعت قبل ماشوفها يمكن ماحبها سامي :شفتيها في الجوال يكفي .... غلا بسخريه :بالله ذاك تصوير مصورها تقول ماسكه فيك كهرباء الغرفة كلها تتتهتز جابت الي حول .... سامي عض شفته بقهر:اقول بلى هياط الحمدلله وحنا حصلنا شقه بهالسعر .....والشقه ماعليها كلام ....وبعدين لو سمحتي هذا تصوير احترافي .. وش يعرفك فيه أنتِ ... غلا : امحق احتراف ...وبهمس بفلوس.. امك تخلينا ندفع مقدم لبيت ملك ...ماهو إيجار .... سامي صغر عيونه : سمعتك .اوك غلا بدون مبالاة :مر بس خذلي عشا سامي :ليه ماعشوك بيت خالتك غلا :لا ماتعشيت سدت نفسي وحده دلوعه .. طول الوقت ياي سوفاج مابي .ايش هدا ليه انتم كدا .... دلع ماسخ .....آه بس لو يفكوني عليها سامي ضحك من قلب :ههههههههههه يعني الحين كل ذا قالته وبعدين وش دخل الأكل عشان ماتتعشي غلا وهي تذكر اسيل ودلعها قالت بغيض:اي والله دبلت كبدي ودي ازنطها زنط ...دلوعه حيل وسدت نفسي من العشا أقولك سامي ابتسم : حلوو البنت تكون دلوعه ...وبدقة لها يبيها تفهم ...الرجآل يموت في الدلوعه ..وي حظ من يحصل دلوعه تعيشه كذا بس سكت من الضربه الي جته غلا عضت شفتها بقهر ..وش ذا الغباء فيني اذكر المرة عند الرجال ...طارت عيونها من كلامه قالت بصرخه وهي تضربه : نعم نعم أقول استح على وجهكك سامي بضحكه : بسم الله ايش فيه غلا بقهر:سق وانت ساكت قبل ما اوريك الدلع على اصوله سامي بهمس:ليت والله بدل دور العربجيه الي دبل كبدي انا .صدق..... غلا بصرخه:سمعتك والله ...وهذا انا عجبتك ولا سامي كمل عنها : انقلع صح غلا ابتسمت :انت سبيت نفسك بنفسك مالي دخل سامي : قولي بس وش حابه تأكلي غلا وهي تقلد اسيل مدت يدها وحطتها على يده وبدلع : على كيفك سم سم سامي عفس وجهه :الله يسم العدوء وش ذا الدلع الللي يغث .. غلا وهي ماسكه ضحكتها ...:ماعرفت لك طولت الساني شوي قلت عربجيه تدلعت قلت وش ذا الدلع. .. | ||||||||
|
| |
|
23-02-16, 09:03 PM
| #416 | ||||||||
| مراقبة عامة ومشرفة منتدى الروايات المنقولة
| اليوم الثاني ،، ،، فتحت عينها ..شافت الغرفة فاضية سحبت جوالها ..شافت الساعة خمس وشوي..... وقفت وطلعت من الغرفة. .للحوش ..حست بخوف .. لسى الجو باقي ظلام شوي ...مشت ناحية الحمام الله يكرم القارئ. ..وتوضت ..وطلعت حست بهواء بارد ..دخلت الغرفة. ..صلت الفجر ...بعدها جلست تستغفر ...وتذكر أذكار الصباح. .ودها تطلع ... الجوو برا مايتعوض ...خلت الجلال عليها ...وطلعت ... الحوش ..ناظرت لناحية غرفة الجدة غريبه ...ماصحت ماهو صيته تقول حنا نصحى ..مع الديك ...اشوف الديك صيح وخلص ... وهم أبد مالهن حس ... بس كلها دقايق. .وشافتها طلعت من الغرفة ...وهي لابسه جلالها ...خليني اصبح عليها قبل ماتنقد علي مثل صيته يوم تقول اني ماهو بطايقتهم .....قلت بهدوء : صبحك الله بالخير الجده صغرت عيونها : صاحية بدري غريبة بنات.. المدن ماهي لهن.. القومه بدري ريوف هزت رأسها ..يآربي وش تقول لها .. وبعد وش فيهن متحاملين على بنات المدن قلت بقهر : البنات السنعات في كل مكان ....حسيت ماحبت ردي عليها ... ..الجدة هزت رأسها ..وجلست وهي تناظرها :روحي زهبي لي القهوة ..لما تجي صيته تحضر الفطور ...بدل وقفتك كذآ ريوف : ان شاءالله إذا تبي فطور ابشري قولي بس ايش اسوي وانا اسويه لك الحين الجده بحزم:محدن يعرف لفطوري غير بنتي وأنتِ يالله تطلع منتس قهوة زينه ريوف مشيت ناحية المطبخ.. بعد ردها يالله كيفها بس أهم شيء. .ماتنقد علي .....سويت قهوة ..يآرب تحبها. .. حسيت فيها شديده كثير ومتحاملة علي بعد...ياربي وش ذا الحظ ..مافي حد من أهله طيب غير ...لطيفه . طلعت وحطيتها قدامها ..ناظرتها بتوتر كان تسبح ..صبيت قهوة ..وناولتها : سمي الجده : اسامه في المسجد ريوف هزيت رأسي وانا مدري وينه ..من وقت ماصحيت ماشفته ..جلست اناظر شبك الغنم. .قلت وانا مبسوطه من الصغيرة الي تناقز قلت بأبتسامه : ي حليها ذي تهبل الجده :اذكري ربك ريوف : ماشاءالله .. خليني اقوم ابرك شكلها ماهي طايقتني أبد. ... الجده بحده :اجلسي افطري شوي وتجي صيته ريوف قلت بضيق :شبعانه الحمدلله ...مشيت لناحية الغرفة. .ليت ارجع شقتي بسرعة هنا مارتحت..وبعد احس كل شيء غريب ..علي...ناظرت الباب يوم فتح نزلت رأسي يوم شفته دخل ....اوه وقتك الحين ...أنت بعد بحده :قومي نفطر معاهم عمتي صيته جت ريوف قلت بدون نفس :مابي فطور الحمد لله شبعانه اسامه بحده:اقول امشي ... ريوف بطفش : مابي انت روح افطر معاهم وبرجى تكفى خلنا نروح خلاص ..يكفي ماهو لازم تقضي اليومين كلها اسامه بحده : بنجلسها وغصب عنك وا مشي ساكته عمتي متعنيه بالفطور عشانك والحين ترفضي ... ريوف ...وقفت غصب ..مشيت معه ...أول ماطلعنا من الغرفة كانت في وجهي ترحب:هلا هلا والله بالعروس الي منوره قريتنا ي حبي لك ي اسامه انت ومرتك تفضلي تفضلي الفطور زاهب ريوف ناظرت اسامه وقلت : مشكورة ليه مكلفة على حالك صيته :هوو اي كلافة امشي مسويه لتس فطور ماذقتي مثله وبذات مع خالتس ام رجلك ماهي بذاك الزود في الأكل اعرفها واعرف طباخها .... ريوف ناظرت اسامه يوم تكلمت على امه ....بس شفته مطنش هزيت راسي وقربت وجلسنا على الفرشة .. ناظرت الأكل ...كان عصيد ...وسمن ..وبعد لبن ... وبعد كبدة ...سميت بالله وأخذت من الخبز الي هي مسويته واكلت كبدة بس رميت اللقمه ...من يدي بخوف من صرختها : حلفت ماتبدي بذا ذوقي العصيد أول ريوف لاحول وش ذي البلشة قلت بهدوء:ماحبه وناظرت الجده اللي ناظرتني بحده شكل ردي ....ماعجبها صيته بصدمه: هووو ماتحبه والله العافية فيه يمه وناظرت اسامه وانت بعد لايكون ماتبيه اذكرك بس تخم منه اسامه ببرود: ماعليك بأكل ان شاءالله ريوف خفت امد يدي مرة ثانيه تصرخ . علي بس يوم قال اسامه: كلي وهو يقرب مني صحن الكبدة استغربت بس ميلت فمي بسخريه ليه مستغربه ماهو دايم يمثل قدامهم مامديت يدي بعناد له بس شفت.. نظرته الحادة ..الي وجهها لي طنشت ومديت يدي للعصيد الي مدري اقدر أكله او لا أخذت اول لقمة حسيت حالي بغص ماحبيت طعمه أبد ... الله يكرم النعمه ويديمها يآرب. ... صيته:ايه يمه كلي كلي زين والله واللبن طازج الحين حلبت من هالماعز المزيونه وناظرت حول الشبك ... ريوف لا لا تكفين تسكتي ..تخليني ابلع أول .. وبعدين اي ماعز تقصد ..ناظرت حول الشبك.وين م تأشر ..قلت بصدمه: من ذي اخذتي الحليب صيته ضحكت بصوت عالي:هههههه ايه من ذي يمه ناظرت اسامه زوجتك ذي سالفة اقول ماقلتي لنا كم معك خوات ....خليني كذا أخذ وحده منهن ...واجلس ارتز بهن قدام أهل القريه خذينا حضريه ... الجدة بحده :ماهو قايلة لتس ام اسامه ان ماعندها خوات وش فيتس عقلتس ضارب بزيادة اشوف .... صيته بزعل :حرام عليتس يمه نسيت ...والله كان ودي أخطب لحمود ولدي كذا بنت مزيونه وأكيد قلت خواتها مثلها .... بس يالله مالنا حظ في الزين الجده بحده:ةماعرفنا لتس أنتِ مره للصقر ومره لحمود.. صيته : آه يمه ودي يطلع من الدوره إلا انا مزهبه له مره وكذا ابيها احضريه ودي اطلع من بنات القريه .. الجده بعصبية : والله بنات القرى مافي ازين منهن كلهن سنع ماهو مثل الحضريه مرقادها لليل ونومتها وقت قومة العالم صيته بيضق من كلام امها وهي تناظر ريوف اللي منزلة رأسها :يمه خلاص وش فيتس ناسيه ان ذي بنت المدن اسامه ابتسم وهو مبسوط ..والله هالريوف دواها جدته تربيها من أول وجديد...ليت فيه يخليها عندها وتبرد قلبه شوي ...ناظر ناحية ريوف اللي منزله رأسها .. وقال بخبث: والله انك صادقة يمه وناظر صيته تكفين ولدك ... اخطبي له وحده ..تعرفيها احسن من الي ماتعرفيها ..وتذكري دايم ان قدامك.. الظاهر والخافي يعلم به الله ريوف ناظرته بقهر ..عارفة وش معني كلامه ....بس قلت وانا ادافع عن بنات القرى وبنات المدن الي جالسين ينقصن منهن :والله كلهم فيهم ابركه بنات الديرة او بنات المدن ..والحين كلهن مافي فرق بينهن .. والنصيب هوو اللي يحدد ..وين ومن مين يأخذ ... صيته: اي والله انتس صادقة يمه والله كلهن فيهن الخير ... اسامه رفع حاجب ..من كلامها. مستغرب ...يدري فيها ماتعرف ترد دايم ساكته ...بس عرف انها مقهورة قال بعناد:ماعليك ي عمه اخطبي له من هنا احسن والله تعرفونها ويكون متعوده على العيشه هنا .. صيته وهي لسى مصممه :لا مرتك نعرفها خلاص .. وان شاء الله الجده بصيق قاطعتها : لاحول تقولك ماعندها خوات صيته ناظرت امها بعتب:يمه علامتس مشتطه علي ..ماعندها خوات عندها بنات خالة عمه ..ابيي منهن وبس .. ريوف بضيق وهي تناظر جدة اسامه تحس فيها ماسكه اعصابها بقوة ماتدري ليه كذا ماهو طايقتها ..معقول اسامه قايل لها ..هزيت رأسي لا مستحيل يسويها ...بس قلت عشان اسكت ذي اللي سندرت رأسي الا تتطلع لي خوات من تحت الأرض : ماعندي .... صيته قاطعتها بصدمه: مقطوعه من اشجره.. أنتِ والا وش السالفة كل ماسألنا ..قلتي ماعندي. ... اسامه زفر بضيق وش ذي الأسئلة الي عيت تنتهي بس صدمه رد ريوف : لا مو مقطوعه من شجره ولا شي الحمدلله عندي أهل وعندي خالات وعندي بنات خالة صيته بفرحة: حلووومدام عندك بنات خاله اي هذا اللي ابيه ساكين وين في الرياض ولا منطقه ثانيه ابي اروح اخطب ان شاءالله الله لايعوق بشر .... ريوف ناظرت اسامه اللي شكله بدا يعصب قلت ببرود : في الهند صيته بصدمه :نعم وش حدهن يروحوا الهند .. ريوف : مافي شيء حدهم بس فين يجلسوا آكيد بلدهم ..الهند وشي طبيعي جالسين فيها ناظرت اسامه اللي وده يقوم يذبحني ناظرت صيته وهي مصدومه ... صيته ضربت على صدرها بقوه وهي مصدومه: أنتِ هنديه الجدة ناظرت أسامه ...وقالت بحده : وش ذا الكلام تقوله مرتك .... اسامه بسرعة تدخل :لا لا ي عمه قصدها ريوف قاطعته ومو هي الي تستعير من أهل أمها قالت بكل فخر : جدتي هنديه وتزوجت واحد سعودي وكان عندها بنات في الهند من رجلها الأول وماخلفت لجدي غير امي بس وابتسمت لهن وهي رافعه راسها يعني حفدية الهنديه ..وبعد افتخر ان عندي خالات في الهند ودي بشوفتهم بس ي حسرتي ماغير صور لهن عندي بس وسكتت وهي تشوف علامات الاستغراب وبعد الصدمه كملت وهي تقول...كلنا عند ربي وأحد ...... اسامه ماسك حالة بالقوة ...لايقوم لها .. الحين وش يفكه من لسان أهل ابوه يعني يوم سطرت لهن هالحكاية كلها ....بيصدقوا ولا بيفهموا ..آه ماهو محذرها ....السالفة عناد ولا وشهوو صيته رفعت يدها:لا لا لا مالنا في ذا والله يمه صادقة بنات الديرة ابرك ..ونعرفهن ونعرف اصلهن ... ريوف ...حسيت بقهر وعصبية ..يعني وش فيني ناقص اذا جديي هنديه ليه كذا نظرة بعض الناس ... صيته :وانا اقول من وين لها هالزبن اتاري جدتها هنديه ريوف وقفت ومشت ناحية الغرفة وانا اسمع رد العجيز... الجده بحده:الزين في بناتنا ماهو ناقص إلا كاملين والكمال لله وناظرت اسامه.... وش حدك تأخذ غريبة كذا اسامه بقهر وقف وقال بضيق : نصيب يمه صيته رفعت رأسها وناظرته :بالله تجلس وخلنا نسولف ولا تزعل من امي ..وبعد خلاص هذي ...مرتك وربي يسعدك معاها اسامه : افاا ازعل من الغالية عشان مره لا والله ماتجي أبد الجده ابتسمت بثقل ...ايه كذآ هذا تربيتها ...واكيد ماتخيب فيه وفي الصقر.... دخل الغرفة وهو معصب .قال وهو صاك على سنونه مايبيهم يسمعونه ..: اشلون تقولي كذا يعني وش مستفيده منه ... ريوف رفعت رأسها ببرود : وش قلت فيه غلط عشان تعصب كذا اسامه قرب منها وبحده:ضروي يعني تسطري لهن العايلة المشرفة ريوف بقهر : مشرفة وغصب عنك اسامه بسخرية : ايه بدليل احسنوا التربية ريوف ..عضت شفتها بقهر .قالت بغصة : خلاص كملت مني والحين بديت في أهلي يالله كمل الله يقويك ...بس تذكر امي وابوي في قبرهم اسامه بعصبية قاطعها ونزل نفسة شوي وقال بحده: وش محذرك فيه ممكن افهم ليه العناد . ريوف ابتعدت شوي عنه وبعصبية : ماهو بعناد بس سألوني عن أهلي وقلت لهم وبعد رأسي مرفوع ...أقولها للميلون ... اسامه بقهرمد يده وسكر فمها مايبي يسمع صوتها قال بقهر:ليت فيني ارميك هنا عشان تتربي وتعرفي كيف تتسنعي .. ريوف بخوف هزت رأسها ..وبعد حست بكتمه يوم قفل فمها بيده ...آه تنهدت براحه يوم بعد يده ..قالت برجى وهي تمسك يده :لا اسامه مابي اجلس هنا تكفى ...عارفة انك تكرهني بس مابي هنا تكفى رجعني لشقه ... اسامه دف يدها بقرف :انكتمي ريوف بكت غصب عنها : تكفى اسامه مابي هنا والله توبه معاد افتح فمي بس تكفى لا تخليني هنا اسامه استغرب ..كل ذا الصياح ...عشان ماتجلس هنا ..قال : كلها أسبوع ..وراجعين اصبري . ريوف فتحت عينها بصدمه : وشهوله أسبوع .. أنت قلت يومين والحين مر يوم باقي يوم ... اسامه رفع حاجب وميل فمه وقال وهو يبي يغيضها: كذا قررت شافها بتتكلم قال لاتعبي حالك أسبوع يعني أسبوع . ريوف حسيت بقهر .....بس مابليد حيلة لو بتعترض لبكرة ماراح يرجع عن قرارة ... يالله يعين أسبوع وارتاح ... مسحت دموعي ...وناظرته استغربت كان يناظر فيني رفعت حاجب خير.... اسامه بسخرية : اي زين اللي تشوفه عمتي .... ريوف قلت ببرود وانا ابعد عنه ..:مدري اسألها ..... ،، ،، ،، ،، في بيت ابو وليد... في جناح وليد ..... ناظرها وهوحاس فيها وبزعلها ... قال بآسف : لطيفه زعلانه ومن حقك والله لطيفه ناظرته..وهي تحس بحرقة . ...في كسر ..بينهم صار .صعب ترجع مثل قبل معه..قالت بسخرية : أحمد ربك بس وانا لسى عندك .. وليد عقد حواجبه من ردها بس مسك حاله لانه عاذرها قال بصدق: والله ي لطيفه احمد الله كل مرة وأنت من نصيبي ومهما كان لاتفكري في يوم ينقص غلاك أبد الا يزيد وربي يشهد وبرجى: خلي سالفة الحبوب وجيبي بندر لطيفه ميلت فمها بسخرية : وشهوو اجيب بندر لا هذا محكور على ريتاج.... ولا نسيت ابوك طالبه ...من مين وبصرخة وليد تكفى ترا ابعد عني الحين والحبوب والله ماتركها لما ريتاج تطلع من حياتي هذاك الوقت اظمن اماا الحين لو تركتها اخاف اخلف ويمسكوني باليد الي توجعني لاني ماهو الي تترك ضناها ولا يصير مصيري مثل منيرة ..بيت أهلها وعيالها قدامها ....وخايفة اي وقت يجي يأخذهم .... وليد عصب من كلامها قال بحده: خلينا من منيره وناصر الحين والحبوب ... ماهو راضي تشربيها لطيفه :بالناقص مايهمني ...ومن اصله بروح بيت أهلي حتى ارتاح من ريتاج واسمها بعد ...وليت ي وليد مثل مادخلنا بالمعروف نطلع بالمعروف ....أقولها بصراحه ابي اطلع بأقل الخساير .. وليد عقد حواجبه وهو مستغرب اول مره يشوفها كذا والله يموت لو يخسرها ...وقال بقهر :مجنونه أنتِ وش ذي نطلع بالمعروف لطيفه وش به عقلك .... لطيفه صرخت في وجههه : والله لو فعلاً فيني عقل كان ماطاوعتك .. اعيدها للميلون ....ليت جلست على رأيي ليت وانفكيت منك ومن هالحرقة الي احسها حرقت قلبي وكان ..شفت نصيبي مع الي أحسن منك يقدرني ..ومحدن يشاركني فيه .. وليد بعصبية صرخ: لطيفه خلاص اسكتي ...ومقدرك لأنك معصبة وماهو حاسة وش تقولي ...إلا ردي بيكون مايعجبك لطيفه ابتسمت : انحرقت أجل انا وشهو ..اشوف عكس الي تقوله لي وتوعدني فيه وتبيني اسكت والله عندي أهون لو قلت لي ي بنت الناس خاطري فيها ...وابي اعدل ...ماهو ابوي قالي وابوي زعلان مني . ابوي اخاف يعصب علي ..ويسوي مشاكل وفي الاخير يوم كشفتك وكشفت كذبك قلت لي في الوجهه مثل مالك لها بصرخه وش تبي خلاص مبروك عليك هي وانا فكني من ذا كله وبغصة وجعتني حيل ...... ... وليد ..حس بخوف لا يفقدها كلامها معه مايطمن قال بصدق:مستحيل اتنازل عنك بسبب أي أحد .وهذي كلمة مني اي عقبة بينا وبتبعدني عنك بنفسي ازيلها قالها وهو مقفل عيونه ..مقهور من حاله تخيل ريتاج قدامه اشلون بعد يقدر يزيلها مثل مايقول من حياته ناظر لطيفه ..بس هذي حب حياته. ..وحب طفولته ببححه:ابي فرصة أخيرة منك وصدقيني ماراح تشوفي اللي بيسعدك على طول . استاهلها هالفرصه لطيفه لطيفه هزت رأسها بلاوهي تناظر عيونه ...قالت بغصة :خلاص كملت كل الفرص وليد : مو من قلبك أكيد .. لطيفه ..ماتدري ليه ...بكلمة منه تنسى كل شيء .... تكره حالها ..اذا ضعفت كذا ......بس بعد هي معذورة هذا وليد آه صعب التخلي عنه .همست :آخر فرصة وليد تأكد بعدها لو ايش قاطعها : وانا قدها ..^^^(( حزب ريتاج في منتصف الجبهه )) ^^آللهم لا شماته ،، ، التعديل الأخير تم بواسطة فيتامين سي ; 13-11-16 الساعة 09:41 PM | ||||||||
|
| |
|
23-02-16, 09:05 PM
| #417 | ||||||||
| مراقبة عامة ومشرفة منتدى الروايات المنقولة
| بعد أسبوع ،، ،، ،، في شقة سامي الجديده غلا جلست على السرير بتعب ...يالله انكديت في هالاسبوع صح سامي ماقصر جاب عمال ينظفوا الشقة ...قبل جيتنا بس ماهو بذيك النظافة ...بس آه الشقة تصفر مافيها غير سرير نوم لخالتي ...وغرفة نوم لنا ...لسى يبي لها أثاث. . دق جوالي. ..رفعته كان سامي : هلا سامي : كيفكم وش مسوين غلا :بخير الحمدلله امك توها افطرت .والحين بسوي قهوى ونتقهوى .. سامي :حلوو ..اوك ترى بدريه جايه بعد شوي ..وصفت لهم المكان ... غلا حست بوزي وع وش جايبها ذي ..بس تذكرت إني بشوف أبوي : اوك سآمي برجى : تكفين غلا اي كلمه كذا ولا كذا طنشي عشاني غلا حست بوزي وقلت : ولا يهمك ازهلها وسكتت يوم سمعت جرس الشقه قلت بصدمه مسرع وصولوا سامي :آيه من أول دقوا علي وتوني افضى اعطيك خبر بس تأكدي قبل تفتحي اوك غلا :ان شاءالله وطلعت وانا متشوقه أشوف أبوي ... بس تذكرت سامي يقول تأكدي قبل ...قلت مين جاني صوتها المتذمر: افتحي بسرعة خست من الحر حست بوزي اففف وفتحته ..وانا انتظرها تدخل وبعد أبوي ودي اشوفه ....قلت بقهر يوم دخلت لحالها. ..وينه ابوي بدريه :عنده شغل ..وبعدين لما يجي لي بينزل يسلم على أمي قالتها وهي تغيضها ... غلا يسلم على امك طيب ..وبنته ...ليه م سأل عني .بس حاولت امسك أعصابي .. ..وقلت بهدوء: تفضلي خالتي داخل ... دخلت ...وانا رحت المطبخ سويت قهوة .عشاني وعشان. خالتي طبعاً ذي والله مافكرت فيها ولا افكر اضيفها بعد .....أول مادخلت قالت خالتي : ابوك ذا نشبه حرمني من بنتي ...يالله شفتها .. بدرية بدلع: حرام عليك يمه يموت فيني مفروض تفرحي ان بنتك تزوجت وأحد يعشق التراب الي تمشي عليه غلا عضيت شفتي بغيض.. يمه يمه اسمعوا بس ..آه ابوي وش معجبه فيها عشان يلزقها فيه كذآ ولا يعشقها مثل ماتقول ..حطيت الصحن وقلت : الله أعلم بدريه بقهر:يعني وش بيشغلني عن امي غير روروا ام سامي ميلت فمها : ي شينتس وأنتِ تتدلعيه أكبر مني عساه الوجع ... ان شاءالله اللي حرمني منتس ي الهفه وأنت مطاوعته .. غلا فاتحه فمي ..بصدمه مو مستوعبه اسم الدلع تذكرت شيب ابوي ... قلت : ي هي قويه ابوي صار روروا يآرب الطف فينا بس وناظرت خالتي بعتب خاله لا تدعي عليه ادعي على بنتك وانا ارفع حاجب اغيضهاااا...لو تبي تجي والله مافي قوة تمنعها عن امها .... بدريه ناظرتها بقهر: بدلعه غصب عنك فاهمه وبعدين فارقي خليني اجلس مع امي شوي. ..اففف غلا جلست على السرير ...جنب خالتي من الناحية الثانيه ...وحطيت رجل على رجل وقلت وانا اغضيها:معليش البيت بيتي.. والمكان الي احبه أجلس فيه ورفعت حاجب .. ... ام سآمي بقهر: ماهو بيتس انا اللي مستأجرته غلا انصدمت من رد خالتها ...بس سكتت ..هي وعدت حالها معاد تغلط عليها ...بس ذي الضفدع والله ماتسكت لها ... آه اسمعوا وش تقول .....كورت يدي بقهر ... بدرية بقهر: يمه ذولا بيخمون دراهمك وأنتِ كل مره مسكنتهم في مكان ...اسمعي الحين وش تقول البيت بيتها وأنتِ اللي خسرانه ومكلفه عمرك حرام والله ..شقى عمرك يضيع كذا ارتحتي من ابوي تطلع لك هالسعلوه غلا بعصبية:انا سعلوه ي ال ****** وبقهر كملت قول دارهم امك محد جا يمهاا ...وناظرت خالتي ابيها تتكلم بس لا ساكته ..وش فيها تنمرت علي يوم شافت بنتها .... بدريه بسخرية : أجل من وين لا تقولي سامي ترا كله راتبه مايعدي سته الف ..يالله يكفيكم يومين يقوم الحين يحجز شقه بذاك الكلام ...فارقي بس و فكينا مشاكلك غلا وقفت بعصبيه وقلت وانا مقهورة منهم حرام وهو جالس يتعب ويحط القرش على القرش وفي النهاية ذا ردهم: والله إذا أخذ اخذ من أمه مافيها شيء ...وبعد هي ساكنه معه ومافيها شيء لو اعطته ومصيره يرجعها لها وعلى طاري المشاكل أنتِ اللي جايخ بشرك لنا ..... بدرية بقهر : امه حبيبتي وو واجب عليه يسكنها ويصرف عليها بعد مايجازيها ....ماهو أنتِ اللي تصرفي ...عشان تجلسي تحاسبي عليها ...وإذا جيت بشريي على قولك من حقي خايفة على دارهم امي تبيني اشوفها تصرف فيها عليك واسكت ... ام سامي ناظرت غلا وقالت : والله انك صادقة فلوسي كلها بتروح .....وهم ماغير أكل من المطاعم وهاتي ي بلع الليل كله وهم ساهرنين و ضحكهم واصل لعندي.. وكله على ظهرتس ي خدوج ....والحين الشقة تبي أثاث ..عزالله فلست ... غلا بقهر ليه لما تشوف بنتها تنقلب كذآ ..وهي معي لحالنا وش زينها ..بس والله ام سامي مالومها هذا طبع فيها بس الخايسة ذي اللي جايه بشرها وتحرش امها علينا ليه ....وقفت بقهر ذولا حرام ارد عليهم ..رحت غرفتي ..وتمددت .وصحت بقهر آخر عمري ذولا يجلسون يذلون فيني ويحاسبون علي .كله منك ي سامي ...انت الي حرمتني وظيفتي ...الا كان حطيت الحين في عيونهن ملح ورديت عليهن الرد الي يبرد قلبي ....وبعد..حزنت على سامي والله ......حرام .. جالس يحط راتبه كله عشان مايحتاج فلوس امه مثل ماقالي..معقول أخذ وانا مدري ..يجي بس واسأله ....عشان أكون في الصورة .... واعرف ادافع عن حالي .....كرهت كل شيء ودي اطلع من حياتهم اليوم قبل بكره ....وطيب ي بدريه كلها اربعه شهور وراجعه لك والله اكرهك عيشتك واقص هاللسان الطويل عليك .. وناظرت بطنها ..وبقهر أنت بعد اطلع ودي انفك بسرعة بس مدري ليه احس بحساس غريب علي ملازمني من يوم بدا يتحرك في بطني .. احس صعب اتنازل عن ...ولدي ولابنتي .. كيف برميه كذا ..هزيت رأسي وانا ابعد عني هالافكار ..كلها. ..غلا لازم تقسي قلبك عشان تنفكي من هالعايلة ... وكم مره وعدتي حالك ماتفكر ي كذا ... وبهمس طيب سامي ....والي احسه صوبه ....هزيت رأسي ..لا خليك قويه ..وبينكم اتفاق ...خلاص ...مسحت دموعي .... وسحبت المفرش وغطيت حالي انام احسن من الجلسة معاهم ... ،، ،، ،، ،، بعد صلاة العصر ... في بيت ابو وليد دخل جناحه على صوت صراخها ...على اللي تكلمه في الجوال عقد حواجبه مستغرب.... لطيفه أول ماشافت اسامه قفلت الجوال ورمته بقهر :غبي مدري كيف يفهم وليد قال بتعب :سلامات ليه هالعصبية كلها .. لطيفه وقفت وقربت منه ..: ماعليك حبيبي أنت ارتاح الحين وخلك من التافهه رائد وليد بفضول : كل ذا العصبية والموضوع تافه لطيفه بقهر : مابي انكد عليك الحين حياتي وانت جاي من سفرك تعبان بس مدام ودك تعرف اسمع بالله الغبي ذا يبي يخطب اسيل بنت عمك ....ناسي اللي بينا ... وليد بصدمه ...اشلون وكيف يخطبها ....لا مابقي له غير هالامل ...لا لا بسرعة نزل ...وشاف ابوه في الصاله ...بسرعه قال له انه يبه وراح المكتب معه .... في الدير ،، ،، جالسين تحت ...النخله ... ريوف الجوو يجنن اليوم مطر من الصباح ..وكان قوي حيل..وبعد .فرحانه أكثر لانه اخر يوم لنا هنا ...طلعت جلست مغصوبه ..معاهم بعد ماسمعني السيد... كم كلمه ... عشان اطلع معاهن..صرت أكره جلستهم .من تذمرهم اما الجده ذي سالفتها سالفة معي ....صح ماتتكلم علي صايرة بس ماحب نظراتها لي ..احسها تشوفني ولا شيء. .. ناظرت يد اسامه الممدوده بالفنجان ....أخذت الدلة وصبيت له اسامه رفع الفنجان وتقهوى :اليوم الجو مايتعوض ...صراحه حق تتطعيس ...وتمشيه .... الجده بجمود: هالمره طول شهاب علي علامه أبوك معاد يفكر إني لحالي ..وابي من يونسني ...على قصوره اشوفه بالحسره يقوم يأخذ عني شهاب بعد اسامه حس بزعلها ..قال بشفقة عليها: ماعليه يمه أبوي والله مطمن وحنا عندك ..وبعد غصب عنه مخلي شهاب يسافر بداله عشان الحلال اللي يبوونه من برا الديرة وهو مافي حيل سفر ...و كلها أسبوع ان شاءالله ويجي عارفة ابوي مايثق في حد غيرة ...وبعد مشاركه ..وحلالهن وأحد ..وانا الحين برجع أخذ إجازة وبرجع اجلس عندك لما يجي شهاب ولا يهمك .. وان شاء الله ماينقصك شيء وانا موجود.... ريوف ابتسمت ..بنفك منه أجل اسبوع الحين يوم ارجع الرياض اكيد ماراح يرجع يأخذني.. معه ويرجع لحاله يجلس عند جدته ب هي فرحه لي .. ...وبعد الملقوفه اليوم ماجت ابد...اللهم لك الحمد....بس فتحت فمي بصدمه من كلامه الأخير ... : ورويوف بتجلس عندك ان شاءالله ..... انا مثل ماقلت لك اشوف اوضاع دوامي وجاي ...كلها يوم او نص يوم .. ...ان شاءالله وانا عندكم. ... ..وشهوو اجلس ...آه .اشلون اجلس. ..هنا ...بس سكتت مافيني اعترض ...قدام جدته ..والله بتأكلني بلسانها .. بس فرحت بردها . الجده بجمود وهي توقف : خذ مرتك معك وانا ماعلي قصور طول عمري ساكنه لحالي وماعلي خوف ...بس يوم نقدت على ابوك عشان أحب جلسات الصقر .... اسامه : افا يمه تقوليها في وجهي خلاص اخذ مكاني شهاب... بس ماعليه بطنش ..وبتجلس عندك ريوف وشهوله أخذها وهو كلها يوم واحد بس وتشوفيني قدامك وبعد خليها تساعدك وتشوف طلباتك الجده ناظرت ريوف بتصغير : خير ان شاءالله يالله ابروح اقيل شوي ريوف تابعت الجده بقهر ..لما دخلت غرفتها ناظرته وانا فيني غصه :والله ماجلس هنا بعد وجدتك ماهي طايقتني أبد اسامه بعصبية :وشهوو تحلفي بعد ريوف بقهر :وش اسوي شوفها كيف ردت عشان جلوسي هنا ماتبيني ولا طايقتني ابد اسامه بعصبية : مره امك ماتحبني ومره جدتك ماهي بطايقتني وش القصة معك ريوف هزيت رأسي وانا ماسكه دموعي مابي اصيح قدامه ..:لا قصة ولا شيء بس مقدر أجلس هنا وبعد المكان يخوف .. اسامه عقد حواجبه : وش الي يخوف فيه هنا أمان أكثر كلن في حاله .... ريوف :انا عارفة انك تكرهني وماودك بشوفة وجهي وتبي الفكه مني بس عندي حل يرضيني ويرضيك .. تكفى ماتخليني هنا رجعني الشقة وأنت خذلك شقه ثانية عشان أهلك مايحسون اذا رجعت جلست عندهم تكفى اسامه الله يخليك لا تدور اعذار عشان تنفك من خشتي وتقوم.. ترميني هنا وصاحت غصب عنها .. اسامه ناظرها وقال وهو منهي حديثة :اقول بلا دراما مامنها فايده وبتجلسي وغصب عنك وكلها يوم ..وراجع لك ماقلت بخليك هنا على طول بس حتى شهاب يرجع...جلستنا هنا ريوف مسحت دموعي بقهر: طيب ليه بنتها صيته ماتجلس وبعد واشوفها على طول هنا و جالسة عندنا ..وماتقصر ..ماله داعي جلوسي والله اسامه : ورعانها مين يبات عندهن مافي غيرك فاضي وتقدري تنومي عندها وبحده خلاص اختصريها على عمرك وعلي وماله داعي تحاولي. ..بتجلسي ومن فوق خشمك ريوف بعصبيه من كلامه اللي ينرفز : ماهو جدتك دايم تنام من حالها ..قول انك تبي الفكه وبس اسامه بيرد بس ....قطع عليه صوت جواله شاف رقم ابوه .. رد وهو يرحب : هلاوالله بالغالي ابو اسامه وهو مستعجل : هلا هلا المهم تعال دقيت على امك تقول باقي في الديرة اسامه :ايه يبه جالس عند جدتي ترا حدها ضايقة بدون شهاب .. ابو سامه :ماعليه يومين وتشوفه قدامها وقول للغاليه لا تحط في نفسها وان شاء الله اذا فضيت جيت جلست انا وامك بعد عندها نغير جووو المهم الحين داق عليك ابيك تجي بسرعة اسامه بعد اذا فضيت يالله مطولها هالجايه .. اسامه عقد حواجبه: ايش فيه يبه ابو اسامه :بنخطب لاخوك الليله موعدنا ..مع الرجآل اسامه شد على الجوال بغيض قال وهو صاك على سنونه: بالبركه ايش المطلوب ابو اسامه بحده : تجي معنا وش فيك معاد تعرف علوم الرجاجيل ولا أخوك ماله حق عليك ...تروح معه ويالله بسرعة حرك مواعدين الرجال بعد صلاة العشاء ... ... اسامه وهو مقفل عيونه بصبر: ابشر يبه ساعتين تشوفني قدامك ... ان شاءالله و ناظرها بحقد ..ليته يخليها تجلس هنا على طول كارها وكاره وجودها الي حرمه من اللي يبيها ... ريوف بخوف لما وقف : وين رايح لا تقول الحين بتروح وتخليني اسامه بعصبية :والله انها جتني من السماء لو دراي كنت من أول رميتك هنا ..وراح غرفة جدته سلم عليها ..وطلع ...وهو معصب ... ريوف صاحت بقوة ..ماتبي تجلس هنا ...والله شكل جديته ماهي هينة بترجع لها عذاب ....مرة ابوها ...مسحت دموعها وتنهدت ريوف يعني الحين اسامه اللي مريحك ماهو هنا ولا هناك كله عذاب....سمعت صوت السيارة يوم حركت ..وقفت بقهر ...وراحت الغرفة ...وهي تدعي عليه بقهر .. مثل ماتركها وحيده كذآ ..... ،، ،، ،، ،، في شقة ناصر له أسبوع محتار ...مايدري يسمع كلام ابوه. اللي كل يوم يعيده ويزيد فيه ..ولا يحاول في منيره ..ترجع له ..طفش ..من كثر مايدق عليها ماترد .. حس بقهر وقت المصروف ...ترسل له ...بس كذا لا فتح الواتس ..شاف ظهورها من دقايق ارسل لها بتهور وعصبية (( آخر فرصة لك والله ولا بيصير شيء لا راح يرضيني ولا يرضيك )) ثواني وصله الرد عض شفته متحسر على حاله . آكيد بيكون ردها كذا مدام ارسل لها هالرساله ... ((بالناقص مايهمني)) بوجع كتب لها (( خربتي حياتنا بعنادك ودي اعرف هالعناد وين بيوصلنا )) ارسلت له ((خلاص مالي شغل في حياتك اللي انتظره منك ورقة طلاقي بس )) بعزة نفس ..ارسل لها (( بتجيك اول مأخذ عيالي منك )) ثواني وشاف رقمها ينور الشاشه رد ....قفل عيونه من صرختها : ماتقدر تحرمني منهم والله اذبحك ناصر بصرخه اعلي : ايوه وانا انحرم منهم عادي منيرة بعصبيه ...:ناصر ليه حاب تقهرني كذا وش مسويه فيك عشان كل ذا الانتقام ناصر ارحمني خلاص ... ناصر عض شفته وهو يسمع كلامها قال بمحاوله أخيره: ي بنت الناس السالفة ماهي انتقام بس انا مالي ذنب انحرم منهم وبصرخة عيالي ذولا مثل ماهم عيالك طفشت وانا كل يومين واقف عند بيتكم وانتظر حد يطلعهم لي ارحميني أنتِ قبل طفشت وانا اقول متى تعقل وتفكر مره صح منيره بقهر : ناصر خلاص خليت كل شيء وقلت لك تزوج والله يستر عليك بس اللي ابيه عيالي هذي صعبه بعد علي حرام والله ولا اقولك لا تطلق خلاص راضيه أكون معلقه بس عيالي ماتأخذهم ناصر قال بهمس:طيب وانا مكان عندك عض شفته بندم مايبي يذل حاله أكثر .... منيره بشوق له انت حبيبي بس كسرتني قالت بمكابرة:مالك وجود في حياتي اللي يفكر يبيعني ابيعه ولا أفكر ناصر قفل عيونه وجعته بردها ليته ماسأل قال وهو منهي المكالمة: اي وقت عيالي أخذهن منك انتظري اتصالي وغصب عن خشمك بعد واذا أنتِ عايفة العيشة معي انا عايفه أكثر سمع صرخة الاعتراض قفل في وجهاا.....وهو معصب دق على ابوه وقال له : يبه انا جاهز اليوم ...نروح ابو وليد وهو معصب: الحين بتخطب سبقك اللي أرجل منك وأنت اجلس انتظر متى مرتك تحن عليك وتعطيك إشارة. . الرخمه . ناصر فتح عينه بصدمه : مين اللي سبقني . وخطبها ... ابو وليد بعصبية : لك عين تسأل قفل في وجههه وهو ثاير... ناصر تنهد بضيق من وين يحصلها من ابوه ولا من منيره ... ناظر المحادثة الواتس اللي وصلت..انصدم من محتوى الرساله (( تعال لهم اي وقت تلقاهم جاهزين وربي يحفظهم واثقه فيك انك بنتبهه لهم أكثر مني )) زفر بعصبية ..كذا ي منيره ......اخذ مفتاحه وراح لبيت ابوه يشوف الحريقة اللي تنتظره ...آه على التهزئ اللي بيسمعه الله يعينه ...بس والله انه انفك...من ذي الخطبه اللي ناشب له فيها .. ... | ||||||||
|
| |
|
23-02-16, 09:08 PM
| #418 | ||||||||
| مراقبة عامة ومشرفة منتدى الروايات المنقولة
| ريتاج طول الأسبوع .. ..من بعد ملكة اخوي لا كلمني ولا شيء ماهي بالعادة ابتسمت بسخرية ...شكل الكناري طايحين حب في بعض فكه منه و الله يسعدهم .......ومن شوي ... جاا من السفر ... وعلى طول سلم على الكل في الصالة ..وطلع وبعدها نزل وأخذ عمي ...معه للمكتب وبعدين ..طلع جناحه من غير حتى مايوجهه لي اي كلمه . اونظره..ومن وقتها عمي . طلع . معصب ...مدري وش علامه هو بعد ....وش قايل له وليد ....دخلت المطبخ مع شوق ..وحضرت القهوة والحلى وطلعنا الصالة على صراخ عمي ورميته ..للجوال في الأرض .. خفت صراحه ..قلت بهمس وانا اناظر شوق الله يستر .... ابو وليد معصب: ماحد بيقهرني غير ولدك ريتاج عقدت حواجبها أكيد قصده ..وليد ....الله يستر .... ام وليد : ودي اعرف وش مصلحتك خلاص لو..له نصيب بيأخذها ..غصب عن الكل بس شكل نصيبهم ماهو مع بعض هدى عشان صحتك .... ابو وليد صرخ بعصبية : كلكم ماتفهمون راح لغرفته وهو معصب . ام وليد بقهر:حرام والله بدل مايروح مع ولده ويحاول يصلح بينهه وبين مرته لا جالس معصب ليه الولد مايبي يخطب ولا احد سبقه عليها....وسكتتت وهي تناظر ريتاج نزلت رأسها ماقدرت تكمل ..ريتاج ناظرت خالتها الي منزله راسها وبعد شوق وهي ماهي فاهمه شيء ...بس شكت من كلام خالتها ....وش قصدهم ومين اللي مالة. . نصيب يأخذها ناظرت شوق الي قالت :يمه ماعليه بيهدى وان شاء الله هالمره هي ترفضه المره الأولى هو رفضها والحين هي ان شاءالله ...وتوافق على الي جاا وخطبها .. ...قلت بشك:لايكون ناصر رجع خطب مره ثانيه ... شوق بقهر :ايه ريتاج بعصبية : مره ثانيه وشهوله ..البنت رفضت وخلاص انتهى لموضوع شوق الي عارفة بخطبة رائد لاسيل قايله لها لطيفه من قبل يومين ..وبعد قايله انها معترضه . قالت وهي تبري أخوها ..وانه ماوده بعد هو بهالزواجه : هوو الي رفض ي ريتاج وناصر الي يبيه الحين مرته ترجع له وابوي هو الي غاصب عليه ريتاج بقهر : هو ولا هي مايهمني اللي يهمني الحين اختي والله ماتبيه حرام ام وليد : عند عمك ماينفع الحكي ذا ..واليوم رايحين بعد ..وعليها البنت ناس جاين يخطوبها ريتاج بصدمه:مين اللي جاين يخطبوها فهموني مو فاهمه شيء ام وليد :والله مدري يمه وليد قال لابوه وبعدها عمك عصب وهذا حاله من امس .... ريتاج بقهر : وشلون يعني يكفي انا ضعت باقي اسيل عمي وش يبي يوصل له خلاص ... وبعد وليد ليه يقول له وش مصلحته : مالي مصلحه ...واحمدي ربك غيرك يتمنى عيشتك وبعدين مين أنتِ عشان شايفة حالك كذا علينا ورافضه بعد زواجه اخوي من أختك مفروض توبسي يدك وجهه وقفى وأنا زوجك وعمك يبي لكم الكفوو هذا جزاه ريتاج بعصيية : وينه ذا الي تقوله .كفوو وليد بعصيية : وش قصدك ريتاج بصرخه : وليد ابعد عني ابد مو وقتك الحين ...... لطيفه الي واقفه جنبه ناظرت وليد بشماته:مسكين وليد ذي الي ذابح عمرك عليها شوفها وش تقول وتصرخ جالسه بعد عليك شوق بحده : لطيفه حبيبي ماهو لازم تشحنيه زيادة وريتاج من حقها هذي اختها ..والحين هي معصبة ماتدري وش تقول ..وقربت من ريتاج تبيها تهدى .... ام وليد بعتب:وش ذي المشاكل اللي حنا فيها وناظرت ريتاج الي وجهااا محمر من العصبية وأنتِ يمه هدي وماعليه ان شاءالله ربي يحلها من عنده ويفكك اختك من هالزواجه الي عمك مصمم عليها ...وبيقهر الضعيفه وليد بقهر: يمه الله يهديك على ذا الحكي والله ماتحصل مثل ناصر ريتاج بدقه له : والله انك صادق ناصر رجال ينشرى بالذهب و وماينعاف أبد بس اسيل ماتبي تروح على ضرة وذا من حقها لطيفه بقهر:وليه أنتِ ماسويتي مثلها وبعد ناظرت ام وليد ايه ماعترضتي يوم وليد خطب هذي وهي تأشر عليها بتصغير ولا عادي انا انقهر بالطقاق ومنيره حرام تنقهر ...وش ذا الظلم ... وليد بصرخه : لطيفه انكتمي ام وليد بزعل : والله يمه انا مالي كلمه مثل م انتي شايفه عمك هو المسير لكل شيء وانتم عندي واحد يعلم الله لطيفه ناظرت وليد اللي شكله عصب عليها ..ماهو وقته تقلبه عليها هي ي دوب جالسه تسحبه لها .. .وحالفة ماتخليه يشوف غيرها .. بسرعة تقدمت من امه وسلمت فوق راسها وقالت :والله يمه من حرقة قلبي قلت كذا إلا أنت مافي مثلك وناظرت وليد اسفه وليد ريتاج طلعت غرفتها ..وهي تركض ...تبي تدق على امها ..وليد لحقها عرف انها بتدق وبتخرب عليهم ...الروحه اليوم. ...دخل الغرفة وسحب الجوال من يدها وقال بحده:وش بتقولي لهم ريتاج بصرخة :هاتي جوالي ومالك شغل أقول اللي أبيه وليد بعصبية :عشم ابليس في الجنه اليوم تأخذينه ريتاج بعصبية: خذه بالطقاق الحين اروح بنفسي لعمي واقنعه واذا رفض السواق يودنيي لابوي و ودفته بتطلع وليد مسكها من عند كتوفها وهو خايف تقنع ابوه فعلا لو يشوفها كذا منهارة واكيد عنده ولا زعل ريتاج ..قال بقهر :وش فيك كذا اليوم متهورة ..وش مستفيده منه لو وقفتي في وجهه ابوي . وقال بكذب .صدقيني خسرانه ...قد حاولت قبلك الف ...عشان امنع هالزواج .... ريتاج بقهر : لا تكذب مين اللي قايل لعمي عن الخطبه الي مدري انا عنها حتىعمي دخل معك المكتب طلع معصب وخالتي بعد قايله الحين انك قايل له شي وليد بتوتر: لا تظلميني ... انا يوم أخذته المكتب .. حاولت اقنعه مايوقف في وجهه الي جاي يخطب ..صدقيني لو مره ريتاج بصرخه وهي مصدومه : مين الي جاي يخطب وش تقول أنت ابي افهم عشان أصدقك. .. وليد : رائد اخو لطيفه خطب أختك اسيل وليوم متوعدين لزيارة ابوك ريتاج بصدمه هزت رأسها : قصدك اسامه ..ماهو رائد صح وليد : لا رائد اسامه اعرس خلاص .... ريتاج بقهر صرخت: طيب ابعد عني...حاولت تفك نفسها منه وتبعده بقوه عنها لازم تروح عند اهلها لازم... وليد دفها بقوه على ظهرها صرخت ب آآآه... جلس في الأرض وقال وهو حزين عليها وبهمس : اسف والله وفي نفسه ...(( هذا آخر امل عندي لازم اتمسك فيه )) قال بكذب : اوعدك راح اوقف في وجهه ناصر وابوي ...صدقيني بمنع هالزواج ..و طلع من هالغرفة وقفل الباب بالمفتاح ... ريتاج تحس ظهرها انقسم ..من قوة الطيحه ..عضت شفتها بألم ....آه .وش تسوي أجل كيف تنقد أختها..وليه يقفل وش مصلحته ... .. حاولت تقوم تدق ...الباب ....بس أكيد مافي .. حد بيسمعها .. كلهم تحت. .. جلست على السرير وهي تفكر ..شوي .بعقل ..وتترك العصبية الي الحين عقدت الموقف أكثر بدون فايده ..آه ي اسيل ي قهري عليك..من ناصر .لرائد ..وبعد ذا وش يبي يخطبها ..وكيف أهله جاين يخطبون ..وامه حتى كلام ماتتكلم علينا ...عضت شفتها بغيض اشلون تجلس كذا وبعد .. صعبه تمسخر حالها ..أكثر ..وتوضح لهم ان وليد قفل عليها الباب .. ..وبعد بتتفشل أكثر لان المفتاح ونسخته مع بعض ماهي مفصوله يعني بيقولون لها انتظري ....لما يجي ..خليها تجلس بدون مافي حد يحس عليها ..أفضل ....وبقهر والله ي وليد أنت وحركتك ماراح اسامحك وبقهر اي محاوله حاولتها لو صدق حاول ومانع الزواج كان ...ماحبسني الخبيث ..قال ايش بيوقف في وجهه ناصر بصرخه : كذاب ...انهارت على السرير وهي تصيح آه وش ذا الحظ اللي علينا .... ي بنات جاسم..... ،، ،، ،، ،، . .... في بيت ابو عصام جالس في المجلس ...ينتظر ابواسامه قال بيزوره ... بس مستغرب وش سبب الزيارة ....من زمان عنه .. ...رفع جواله ..يوم رن شاف رقم اخو رد وهو يرحب: هلا والله ابو وليد بجمود: هلا فيك ..وينك فيه ابو عصام عقد حواجبه : في البيت منتظر ابو اسامه قال بيمر علي وتعال حياك توني بدق عليك ... ابو وليد ناظر وليد يعني صدق الكلام ...اللي قالة له ... بحده: جاي ان شاءالله الله يعوق بشر ابو عصام : حياك الله البيت بيتك ي خوي قفل من عنده وهو ماهو مرتاحه من صوت أخوه ،، ،، ،، في السيارة ناظره وبقهر : دق على هالهامل ذا وخله يجي بسرعة مانصلي إلا بجنب المسجد الي قريب بيت عمك وليد ابتسم بخبث : ابشر يبه الحين ادق عليه وفعلاً كلها دقايق ...وناصر قابلهم في الطريق ....وراحوا جميع ،، ،، ،، في سيارة رائد ابو اسامه : والله خليت شهاب يروح بدالي عشان خاطرك رائد بفرحة: فديت الاب الحنون انا اروح لك فدوة يبه آه مافي غيرك وقف معي ... ابو اسامه وهو يناظره أقول ضبط بس التشخيصه وتذكر حنا رايحين نخطب ماهو نشتري حلال انت وهالتشخيصه يقال شريطي ... : رائد : والله يبه مأتثر فيك ....انت وتشخيصتك ... ابو اسامه ناظره بحده رائد وهو يضحك:آسف يبه ابو اسامه : شوف بس اخوك وينه فيه رائد : : خله يبه على راحته اهم شيء انه جاي .... ابو اسامه :وليه مايجي يجي وغصب عن خشمه ... رائد ابتسم بفرح ....احسن شيء الشايب في صفي . وصولوا ..لبيت ابو عصام ...ونزلوا...ابو اسامه دق على اسامه يشوف وينه فيه تطمن يوم قال انه قريب من بيتهم ..... اسامه طبعا لاحد يسأل عن حاله ..رايح وهوو..مجبور بس مايبي شماته من رائد اكثر ...آخر شيء يتوقعه ...يروح مع اخوه ويخطب له اللي كان مفروض من نصيبة ... تنهد آه ي قلة البخت .. وصل بيت ابو عصام.. ونزل... ... ... ،، كتتتتتتتتتتتتت انتظروني يوم الأحد بإذن الله ،، ،، ،، ،، لا ابيح والا احللل من ينقل روايتي او يقتبس منها بدون ذكر اسمي & نـــونـي بنت الجنوب & ولا ابيح اللي ينقلها على الانستقرام حتى بذكر آسمي استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " | ||||||||
|
| |
|
23-02-16, 09:24 PM
| #419 | ||||||||
| مراقبة عامة ومشرفة منتدى الروايات المنقولة
| الذين يشاهدون محتوى الموضوع الآن : 42 ( الأعضاء 11 والزوار 31) فيتامين سي, اوراق رومانسيه, Um.mnar2001, أميرة القدس, عراقيــه, بنت المدينة 666, أم الريان, yasser20, أم حمزة أم حمزة, توتــة♥, forgiveness قراءة ممتعة لكم وردود مشجعة للغالية نوني | ||||||||
|
| |
|
| أدوات الموضوع | |
| انواع عرض الموضوع | |
|
|
27Likes
.png)
.png)
العرض العادي
