ابكتبك في مساء العاشقين،اني في هواك لمن المغرمين بقلم/دلعي يكفيني ،عمانية

[فيتامين سي]

البااااااااارت الثاني عشششششر:


العدو احيان ما منه مضره
غير حقد ينقله في وسط جوفه

البلا في صاحبن كل ما تبره
يجحد المعروف ما كنه يشوفه
.
.
.
.
عايشه:عهود نحن لازم نتكلم

تنهدت عهود بملل وقعدت ع الكنبه حطت ريل ع ريل وقالت:خخخير

عايشه:نحن لازممممم نتفاهم

عهود:ع شوه؟؟

عايشه:منو ها الي متصل لج العصر؟؟!

عهود:عواششش مالج خص.بعدين ها مب فوني فون ربيعتي نست فونها اوياي بلمدرسه

قامت مطنشه وجود عايشه ودخلت غرفتها

عايشه:نحن ماخلصنا كلامنا

صكرت عهود الباب

قامت عايشه ع غرفتها معصبه

واهيه تتوعد ف عهود تقول لزيود عن سوالفها
.
.
.
.

فطومه كانت ماشيه فالصاله تبغي تطالع التلفزيون

ناداها سعيد:فطووووومه

التفت له:شوه؟؟

اشر ع غرفه ملاك :روحي قولي لملاك تيي غرفتي انا وابوي نبغي نكلمها

فطومه تاففت:اووف روح بروحك انا ابغي اطالع التلفزيون

سعيد بعصبيه:قلت لجججج روحي

طالعته بنظره وراحت ع غرفه ملاك

فتحت الباب وقالت بنفس خايسه:ملاكوه روحي غرفه سعود..اهوا وابوي يبغون يرمسونج

ملاك كانت قاعده ع الارض وفارشه كتبها واقلامها حذالها

ماسكه ف ايدها كتاب وقاعده تذاكر

طالعت فطومه وقالت لها بغيض:اول شي دقي الباب وعقب ادخلي

فطومه:المهم روحي يتريونج

ملاك صكرت الكتاب وفرته ع الارض مشت لفطومه ووقالت لها:ماعرفتي شوه يبوني؟

هزت فطومه راسها:لا بس سعود معصب..انتي شوه مسويه؟

دفته ملاك وطلعت:ماسويت شي..وخري ع طريجي


راحت ع غرفه سعيد

دقت الباب بشويش

ودخلت

شافت ابوها واحمد وسعيد قاعدين

خافت ليش مجتمعين فغرفه سعيد!

اصلا ملاك طبيعتها خوافه تخاف من هالثلاثه

ملاك بشويش:امر ابويه

بو سعيد اشر لها تقعد:اقعدي ابغي انا واخوانج نرمسج بموضوع

طالعت اشكال اخوانها

سعيد عاقد حواجبه بقوه

واحمد عادي كان طبيعي

هز راسه واشر لها تقعد حاس انها خايفه

قعدت حذاله

بو سعيد:امس سعيد كلمج عن زايد ولد عمج

بلعت ريجها لما عرفت عن هالموضوع خافت يغصبونها عليه

هزت راسهاا بخوف:هيه

بو سعيد:شرايج؟؟؟

ملاك نزلت راسها:مب موافقه

بوسعيد:ليش؟؟

ملاك تنهدت:اول شي ابغي اكمل دراستي ..وثاني شي انتو تعرفونه زايد كيف..!!

بوسعيد:اذا ع الدراسه بيخليج تدرسي..واذا ع اطباعه اكيد بيتغير عقب العرس

هزت راسها:ممممممب موافقه مستحيل

فرك سعيد راسه وقال بشويه عصبيه:ليششششش!!قلنا لج بنخليه ينفذ كل شروطج..

صابتها الغبنه

طالعت ابوها وقالت:ليش تبغوو ترموني عليه..مافي شي بالغصب

تنهد بو سعيد

نزل راسه وقعد يفكر

تكلم احمد:حتى لو وافقت ملاك انا مستحيل اوافق..زيود مستحيل يتغير احينه ولا عقب العرس...

سعيد معصب:احححححمد لا تعقد الاموووور

بان الهم ع ببو سعيد

طالع ملاك وقال:م اقدر اغصبج ع شي..هاي حياتج ...صحيح انا م اقدر ارميج هالرميه ع زيود

سعيد طالع ابوه وقال:ابووويه انته شوه تقول.!!ملاكك لازم توافق

بوسعيد:خلهااا..زايد انا بتفاهم اوياه

قامت ملاك حست سعيد شوي وبيقوم يصفعها

الجو حده متكهرب

احمد:شسالفتك انته ليش تبغاها توافق ع زيود غصب

طلعت قبل لا تسمع الاجابه

دخلت غرفتها وريلها مب قادره تشيلها

ابتسمت لما تذكرت كيف ياتها الشجاعه تقولهم رايهاا بدون خووف

تنهدت براحه

بس في شي فداخلها مب متطمن لسعيد!!

ليششش يبغيها توافق طيب غصب؟؟؟؟؟

رجعت لكتبها

فتحت الكتاب

طاحت ورقه جدامها

فتحتها !!

تذكرت الدكتور حمد

ابتسمت قامت وقعدت ع السرير

اخذت فونها من الجرج

فتحت الورقه وبدت تنقل الرقم للفون

سيفته

وفتحت الواتس اب

بدت تكتب

ملاك:السلام عليكم ورحمه الله وبركاته..دكتور حمد شحالك؟؟!انا ملاك اذا عرفتني!!!حبيت اشكرك ع

النصايح الي قلتها لي...انا طبقت الي قلته ورفضت ولد عمي.وتفاجات انه ابوي وقف اوياي وقال اهوا

بيحل السالفه الي لين احينه مجهوله بنظري...حبيت اشكرك ع كلامك

رسلت الرساله واهيه ممتنه لهالشخص الي قالها ترفض ..كان عبالها اذا بترفض بتكون ردت فعل اهلها سلبيه بس بلعكس كانت ايجابيه نوعا ما

رجعت لكتبها والتهت تذاكر

سمعت صوت رساله ففونها

فتحت ولقت من دكتور حمد

حمد:العفو

رفعت حاجبها!!!العفوووو بس!!!!!!!!!

صحيح انها ما كانت تنتظر كلام ثاني بس ع الاقل يعبر يكتب كم كلمه

مب بس العفوو!!

[فيتامين سي]

هالكلمه حسستها انها مب مروغوب فيها ترسل

حذفت رقمه وحذفت المحادثه ماتبغي تتضايق عشان كلمه


ندمت وووايد انها رسلت له

فرت الفون ع السرير

ورجعت لكتبهاا

.
.
.
.
.
.

كانت واقفه حذال الدريشه

تطالع فطومه وعبود

يلعبون فالحوش

بس فكرها ابد مب اوياهم

قاعده تفكر بحميد

تدق له من الصبح

ولا يرد عليها

معصبه منه
رفعت فونها مره ثانيه

اتصلت له

بس نفس الشي

مافي رد ابد

مع انه اخر ظهور له بالواتس قبل دقايق

وهالشي وايد قاهرنها

فرت الفون ع السرير وطلعت

راحت للحوش

مع عبود وفطومه

شافت يدتها قاعده ع الكرسي

راحت وقعدت حذالها

مهره:يدووووه

يدوه:هلااا امي

مهره:شوه تسوين لين احينه مب راقده؟

يدوه تاشر ع عبود:مب طايع يروح اوياي يرقد

مهره طالعت عبود وقالت بصوت عالي:عبوود عن السخافه روح ناام..مسهر يدوه لهالوقت

يدوه:خليه مستانس.انا لاحقه ع النوم

مهره:فديتج يدوه..قومي انا بنام اوياج

يدوه:قعدي شوفي الجو شحلاته

مهره:هيه والله الجو روووعه..

طالعت يدتها:عيل اميه وابويه وين؟

يدوه:راحو ينامو قبل شويه

مهره:هييييه

يدوه:امييه مهره بلاه ويهج صاير جيه!انتي متضايقه؟؟!

تنهدت مهره وهزت راسها:هيه مضايقه شوي من ربيعتي

يدوه:بلاها اربيعتج؟!

مهره:ادق لها ماترد علي

يدوه:لا تضايقين ي اميه.والله ماشي يستاهل تكدرين خاطرج عشانه

مهره:......

يدوه ابتسمت:امس حلمتج

مهره ابتسمت:وشوه عاد حلمتيني؟؟

يدوه:حلمتج بتعرسين

رفعت مهره ايدها:الله يسمع منجج

يدوه:هههههههههههه مستعيله

مهره بحماس:هيه والله يدوه.ابغي اعرس اليوم قبل باجر

يدوه:الله يرزقج ان شاءالله بالزوج الصالح

تنهدت مهره:اممين

يات لهم فطومه تصيح من قلبها

يدوه :باسم الله الرحمن الرحيم ..بلاج تصيحين

فطوم تصيح وتاشر ع عبدالله:ضربني

مهره وقفت وراحت لعبدالله:عبوووووووود ليش تضربها؟

عبدالله قعد ع للكرسي الي قاعده عليه مهره:خ تولي هالدلوعه

يدوه:ليش ضربتها؟!

عبدالله:ماضربتها.رميت عليها الكوره وصاحت

فطومه تمسح دموعها:اصلا اهوا متعمد يضربني

عبدالله يقلدها:اصلا اهوا متعمد يضربني

عدل صوته وقال بحده:قسم بالله لو ماسكتي اقوم احينه صج اضربج.فضحتينا الناس نايمين

مهره مسكت راسها:عبود احين هاي شوه يسكتها

عبدالله:يوم اقولج دلوعه

دخل احمد من الباب

ياي من برا

لما شافهم متجمعين

مشى صوبهم

احمد منزعج وياشر ع فطومه:بسس بسسس..من مشغل هالاسعاف

عبدالله ضحك

فطومه تزيد صياح:انت الاسعاف مب انا

يدوه:بس حبيبتي فطومه

فطومه:انتي ججججب

احمد طالعها بحده وقال:فطووووووومه لو ماعدلتي كلامج بزيدج احينه بكككف

مشت عنهم داخل

مهره:اوووف كككككيف صوتها مزعججججج

احمد:شفيها؟

يدوه:كانت تلعب اهيه وعبود وشاتها بالغلط بالكره

احمد قعد ع الكرسي ويطالع عبدالله:اشك انه بالغلططط

عبدالله:بلغلط

احمد طالع مهره وظل ساكت

اشرت له:شفيككك تطالعني

ظل يطالعها وساكت

هز راسه

تنهد وقاام

مهره تطالعهم :ها اليوم بلاه؟

يدوه:ما يندرى شفيه

قامت وطالعت عبود:يلا عبدالله اميه..امشى بنروح ننام

عبدالله ابتسم ومسك ايد يدته :ان شاءالله اميه

راحو

وظلت مهره قاعده بروحها

تتامل الزراعه

وتفكر بحميد

فجاءه تذكرت عبدالعزيز وعهود

ارتجفت لا اراديا

بلعت ريجهاا

تخاف ينفذ تهديده

بس لااااا

اصلا اهوا ما بايده شي عشان يقدر يسويه

.
.
.
.
.
.
.
.
.
.
.
.
.
......:نحن اليوم يايين نخطب بنتكم لولدنا ع سنه الله ورسوله

..:فديتج..هاي الساعه المباركه

......:الله يبارك فيج

..:انتو اهلنا والبنت بنتكم..والله انها ماتغلى عليكم

..:حححبيبتي والله لو درنى هالدنيا مابنلقى شرات بنتكم..شاوروها وتشاورو ..وردو لنا خبر

...:خير ان شاءالله...والله اني اتمناها له من لما كانو صغار

....:الله يتمم الامور ان شاءالله ع خير
..
.
.
.

[فيتامين سي]

~






لآ سلطة لنآ على قلوبنآ ..
هي تنبض لمن أرآدت
.
.
.

سعيد:زايد ماشي لك نصيب اويانا..ملاك تبغي تكمل دراستها

ابتسم له زايد لخبث وقال:مب مشكله

سعيد تكلم بجديه:واتمنى الي بينا يضل بينا

جدم زايد راسه لسعيد وقال:انا اسسسف...بشر عمي انه خبركم اليوم بيوصل لكل الناس

سعيد ضرب طاوله المطعم وقال بحده:لو سمحت.رجاء لا تتدخل فخصوصيات ابوي

زايد:وانا شدخلني ف ابوك؟؟؟انا عرفت شي ولازم ابلغ الجميع عنه

سعيد:شوه بتستفيد؟

وقف زايد وقال بكل كره:اكسر راسكم..

سعيد:ماعاش الي يكسر راسنا وراس ابوي

زايد:بكسره وبتشوف

سعيد ماهمه الناس الي بالمطعم

قال بتهديد بصوت عالي:وربي ي زيود لو شميت ريحه الخبر اويا احد..وربي ماتلوم الا نفسك ع الي بيحصل لك

اشر زايد بايده بعدم مبالاه:روح روح..مايهمني تهديدك...هدد من اليوم لي باجر ماحد سامع صوتك

اخذ نفس يهدي نفسه..غمض عيونه وقال بكل هدووووء:زين ي زيوود.بتششوف

اخذ فوناته وقام

طلع من المطعم واهوا

حده يغلي من القهر

مسك فونه واتصل لابوه

بو سعيد:هلاا سعيد

سعيد:هلا ابويه

بوسعيد:هاه شصار؟

سعيد:الحيوان يهددني

بوسعيد:كيف؟

سعيد:خلاص بيقول لهم

بوسعيد:انا بكلمه

سعيد: يولي لا تكلمه..الحيوان اونه يبغي يكسر راسنا

تنهد بو سعيد:والحل؟

سعيد:خله يقول والي فيها فيها

بوسعيد:حسبي الله ونعم الوكيل فيه من ولد اخو

سعيد:الحيوان وربي انا الي بادبه

بوسعيد:خلاص سعيد اتركه عنك.لا تتدخل

سعيد: لكن ....

قاطعه ابوه بححده:سسعيد..خلاص خلك برا السالفه

سعيد بقله حيله:ان شاءالله ابويه

بوسعيد:يلا ارجع البيت الوقت متاخر وايد

سعيد:ان شاءالله

صكر عنه واهوا يتحسب فداخله ع زايد

مشى بسيارته مب عارف ووين يروح

لكنه فالنهايه وقف حذال بيت عمه

سند راسه ع الدركسون

يبغي ينتقم من زااايد

فكر

وفكر

وفكر

وفالنهايه

ابتسم من قلبه

ع هالفكره المينونه

الي طلعت بعقله

فكر فيها عدل

ورجع يبتسم مره ثانيه

حتى بانت صفت اسنانه البيضاء

ارخى جسمه

وتنهد من قلبه

حرك سيارته واهوا فداخله يدعي

انه الي فباله يصير جريب

.
.
.
.
.
.
.
.
.
دخل البيت

شاف امه وخواته قاعدات بالصاله

اوياهم منصور وعبدالرحمن

عبدالعزيز:السلام عليككم

الجميع:عليكم السلام ورحمه الله وبركاته

قعد عبدالعزيز حذال امل اخذ منها بنتها شهد

وقعد يلاعبها

ام عبدالعزيز:عبدالعزيز وينك انته من يومين عن البيت

ابتسم لها:الله يسلمج كنت ببالعزبه اويا حميد

ام عبدالعزيز:شوه تسوون؟؟

عبدالعزيز:مسوي صيانه من اول ويديد للعزبه

منصور:شكلي بعزم ربعي فالعزبه مره وحده

عبدالعزيز:يحلمووون

شوق:انزين عزوز انت مته بتاخذنا عزبتك؟؟والله خاطري ادخلها

عبدالعزيز:حتى انتي تحلمين..مب ناقصني الا اشكالكم يدخلون عزبتي

شوق:امممممممممميه شوفي عزوز

عبدالعزيز:ههههههههههههههه� �ههههههههههههههه

ام عبدالعزيز:خلي عزوز يتزوج وان شاءالله عقب كلنا بنروح اويا بعض

امل:عاد لين مايعرس نحن شوه يصبرنا

تنرفز من هالطاري


ترك شهد بنت امل ع الكنبه وقام

وقفه صوت امه:هاه غبدالعزيز مته قررت تتزوج؟

التفت لها واصنع ابتسامه

قال بنبره غررررررررررررريبه :جريب ان شاءالله

شوق:هالكلمه دوم نسمعها

مارد عليها وصعد ع غرفته

دخل وفر نفسه بكل قوه ع السرير

م انتبه ع امل لما لحقته

امل:شفيك تضايقت لما فتحو سالفه العرس

طالعها ورفع حاجبه:ماتضايقت

امل قعدت حذاله

ابتسمت وقالت:انزين ماقلت لي شحالها؟

عبدالعزيز:منو؟؟

امل بابتسامه كبيره:عروستك عايشه؟؟!

قعد من السرير وجابل امل

قال بنبره واثقه وتخوف ونظراته لبعيييييد:انا عروستي اسمها مهرررررررررررررره

[فيتامين سي]

بارت الثالث عشر:

ولو يحن الوقت
شوي و التقي فيك !
يا لذة دموع الفرح
في وقتها



فتحت عيونها ع صوت المنبه المزعج

شافت الساعه 5 الفجر

طفت المنبه

ورجعت انسدحت ع سريرها

تحس فيها ضيجه مب طبيعيه

شي كابت ع صدرها

تحس بحرقااان بقلبها

ماتدري ليش

ضغطت ع قلبها تحاول تهدي نبضاته

غمضت عيونها بقوه

تنهدت وقالت:لا اله الا انت سبحانك اني كنت من الظالمين

مدت ايدها ع الكوميدينا واخذت مشبك شعر

رفعت شعرها وقامت من ع السرير

ادخلت الحمام ^وانتو بكرامه^

تتوضاء لصلاه الفجر

توضت لبست شال الصلاه

وفرشت سيادتهاا ع الارض

صلت بخشوع

وعقبها قعدت تستغفر

عل وعسى تروح عنها هالضيجه

لما حست نفسها ارتاحت شوي

رجعت السياده مكانها

اخذت لها المصحف الكريم

وقعدت تقري سوره البقره وعقبها قرت سوره ياسين واخر شي سوره مريم

تنهدت براحه

صج انه القران اهوا الدوا الوحيد لضيجتنا

لا اغاني ولا ادويه تريح الانسان

الي يريحه صلاته وقرانه واستغفاره

يفيده في الدنيا انه يبعد عنه الهم والضيج ويفيده ف اخرته

صكرت المصحف الكريم

ورجعته ع التسريحه

قعدت ع السرير

تدور عن فونها

بس ما لقته

تذكرت انها امس بليل قبل لا تنام كانت حاطتنه بالجرج

مفضي

راحت ناحيه البلك ع الارض وقعدت ع الرخام البااارد

سندت راسها ع الجدار ومسكت الفون

فتحت ع الواتس ع محادثه حميد

شافته كاتب لها:مهره لما بتقومين ضروري تكلميني ..في موضوع مهم لازم تعرفينه

رفعت حاجبها اصلا اهيه زعلانه منه

امس طول اليوم تحاول تدق له بس م يرد

كتبت له:هلا

طلعت من محادثته

شافت من ضمن المحادثات الي واصلتنها


محادثه حمده اخت حميد

ابتسمت وفتحت محادثتها

تحب هالبنت حيل

ماتدري ليش يمكن لانها اخت حميد؟؟!

شافتها راسله لها:مهور وربي انا اسفه

حمده:دوم كنت اقولج حميد مايصلح لج بس انتي ماتسمعين كلامي

حمده:وربي متفشله منج ع الي سواه

حمده:امس تناجرت انا وياه وحلفت م اكلمه طول حياتي

حمده:صج انه اخوي.لكن وربي انج اغلى عنه

حمده:مايستاهلج

حمده:ارجوج لا تدخلين صداقتنا فالسالفه

حمده:كل شي قسمه ونصيب بس انا كنت عارفه تفكير حميد من البدايه

حمده:ع العموم احمدي ربج انج ما ارتبطتي ب اخوي وربي انه مايصلح لج

حمده:السموحه منج حياتي


نزلت الفون فحضنها

عضت ع شفايفها

شتقصد حمده؟؟؟؟؟؟؟؟؟؟؟؟

بلعت ريجها

الكلام الي كاتبتنه حمده مافهمت ولا كلمه منه

شكله شي صاير

رجعت للفون وكتبت لها

مهره:حمده شصاير؟؟؟؟

مهره:مافهمت من كلامج شي!!

طالعت اخر ظهور لها

الساعه 1 بليل

يعني احينه راقده


اتصلت لحميد كم مره بس ماشي فايده

مايرد عليها

رجعت لها الضيجه مره ثاني

اكيد شي صاااير!!

تنهدت

قامت بتطلع للصاله

لكن وقفها صوت الفون

شافت حميد متصل لها

قفلت الباب

ورجعت تقعد ع السرير

اخذت الفون وردت عليه

حميد:الو

مهره:............هلاا

حميد:مهره

مهره:........

حميد:في موضوع ضروري لازم اكلمج فيه

عورها قلبها لما قال جيه

نبره صوته وايد جديه

حاسه انه بيقول لها شي بيضايجها

مهره:هلاا

حميد:ماينفع هنيه

مهره:حميد شصاير؟!

حميد:اليوم بعد صلاه العشا ابغي اشوفج ضروري.في موضوع صار ولازم تعرفينه

مهره:حميد انت تعرف اني م اقدر اش..

قاطعها حميد بصرخه:مهررررررررررررررررر� �رره قلت لجججججج لازم اشوفج

خافت منه

مهره بصوت مهزوز من الخوف:حميد دخيلك قولي شصاير

حميد:اذا تبغين تعرفين تعالي اليوم

مهره بلعت ريجها وضلت ساكته

شكلها السالفه ككبيره

حميد بحنان:لا تنسين اليوم نحن بنكمل 3 سنوات من حبينا بعض

مهره طنشت كلامه وقالت:حتى حمده اختك راسله لي حميد ماينفع لج والسموحه وانا اسفه..حميد

دخيلك قولي شصاير؟

حميد:حمممممده؟؟؟شوه قالت لج بعد؟؟

مهره:مافهمت كلامهاا

حميد:مهره اليوم ضروري اشوفج.بقولج كل شي

تنهدت وهزت راسها:بحاول مع اني خايفه احس شي صاير

حميد:لا تخافين ماصاير الا الخير

مهره:عسى خير

حميد:بخليج احين بروح انام

مهره:تصبح ع خير

صكر عنها الخط بدون لا يرد عليهاا

فرت الفون ع السرير

وبدت دموعها تنزل

مب مرتاحه ابد

انسدحت ع السرير

وبدت الافكار تهاجمها

هزت راسها بقوه تبغي تمسح كل فكره سلبيه

بدت تتكلم بشويش:اكيد حميد يبغي يفاجاءني بشي.اكيد لانه قال اليوم نحن بنكمل 3 سنين

ابتسمت بشويش ع هالتفكير

بعد دقايق غفت بدون لا تحس
.
.
.
.
.

انتبهت ع صوت الباب يندق بقوه

حكت شعرها

[فيتامين سي]

انزعجت وايد

مشت وعيونها بعدها مغمضه من النوم

فتحت الباب

حكت عيونها

شافت احمد واقف

وايد ع خصره

احمد:حضرتج ليش نايمه لين احين؟؟وليش اساسا قافله الباب

مهره بصوت مبحوح حيل:ليش شوه الوقت احين؟؟!

احمد يدف الباب ويدخل غرفتها:الله يسلمج صلينا المغرب وانتي بعدج راقده

مهره بصدمه:اححححلف؟؟

احمد:اكذب عليج يعني؟؟؟وبعدين ليش قافله الباب؟مب من عوايدج تقفلين الباب

دخلت اوياه

اخذت مشبكها ورفعت شعرها:امس بليل قفلته عشان ابدل ملابسي وشكلي نسيته مقفول

احمد:انزين يلاا بدلي ملابسج باخذج بيت خالي

رفعت حاجبها:بيت خالي؟؟؟؟؟ انا م اعرفهم عشان اروح معهم

احمد:ولا انا اعرف عيالهم بس عازمينا شوه نسوي؟

مهره:م بروح

‘خال مهره كان يشتغل فالخارج وطول حياته اهوا وزوجته وعياله عايشين برا..ولما تقاعد قبل اسبوع

رجعو البلاد وعزمو اهل مهره،

مهره تذكرت حميد

عظت شفايفها طالعت احمد وقالت:لااا مابروح..اصلا انا ربيعتي عازمتني اليوم

احمد قعد ع السرير:منو من ربعج؟اويانا فالجامعه؟

رفعت حاجبها وقالت:لاااا مب اويانا فالجامعه.اربيعتي من ايام المدرسه.وكلنا بنتجمع اليوم اوياها

احمد:عواشي بتروح اوياكم؟

مهره:لاا..ماتعرفها عواش

احمد:انزين كيف بتروحين؟امي وملاك ويدوه وفطومه وعبود راحو قبل ساعه بيت خالي وينتظروني

اخذج

مهره:سعيد راح؟!

احمد:لا سعيده قاعد يسبح وبيروح احينه

مهره:عيل روح انت اويا سعيد فسياره وحده

ابتسمت له ابتسامه كبيره وقالت:وانت عطاني سويج سيارتك

احمد:لا ابويه سيارتي غاليه عليي .وانتي ماتعرفين تسوقين

مهره طالعته:بليز احمد لا تخذلني جدام ربعي

احمد ابتسم:منو عمج؟

رصت ع اسنانها وقالت بشويش:احممد

ابتسم زياده وقال:منو تاج راسج؟

رصت زياده ع اسنانها:احمد التبن

رفع حاجبه وقال:عيدي الي قلتيه؟

مهره :سلاماتك قلت احمد تاج راسي

ابتسم لها :دام جيه تستاهلين السياره

طلع السويج من جيبه ومده لها:اخذي بس حافظي عليها

مهره:يعني لازم تذلني عشان تعطاني المفتاح

سمعو سعيد فالصاله ينادي احمد

احمد قام:هاه بلاه قاعد يصارخ.بروح له عن يتنذل ويروح عني

مهره:استغفر الله ماصليت الظهر والعصر والمغرب

احمد:روحي مهور مب زين تاخرين صلاتج لين احين

طلع من الغرفه واهيه دخلت الحمام تتوضاء

توضت وصلاه الظهر والعصر والمغرب
.قبل لاتقوم من ع السياده

سمعت اذان العشاء

فقعدت تستغفر لين مايقيمون الصلاه

صلت العشاء وقامت تاخذ لها شور ع السريع

لبست لها

قميص شيفون ابيض

وتنوره مخططه بخطوط عريضه بالابيض والازرق

راحت للفون شافت حميد راسل لها قبل ساعه عن المكان

اتصلت له وقالت له انها تتجهز وبتيي


رجعت ع التسريحه حطت لها اساس رسمت عينها من فوق

حطت مسكرا ع رموشهاا

رسمت حواجبها

وحطت روج بني فاتحححح

حطت بلاشر نفس اللون

لبست عبايتها

لمت شعرها ولبست الشيله

قعدت تطالع شكلها

كانت حدها سمبل

جيه ستايلها بلجامعه يعني ماتكلفت وايد

اخذت لها شوز رصاصي نفس لون الجنطه

ماتعطرت لانها اصلا ماتحب تتعطر اذا طلعت مكان

اخذت لفه ع البيت

بس كان فاضي تمااماااا

البيت صاير موحش حيل

طلعت برا عند الباركنات ركبت السياره وحركت

ع المكان الي قال عنه حميد

كالعاده ع البحر
.
.
.
.
.
.

كانو مجتمعين ع البحر

فارشين لهم بساط وقاعدين عليه

محمد وحميد ويوسف وعبدالعزيز

حميد مخطط لهالعشاء

محمد قاعد ع طرف البساط يشوي لهم لحم

حميد وووو يوسف كل شوي يطالعون بعض ويبتسمون

شك عبدالعزيز فوضعهم؟؟؟؟

بس طنش وقعد حذال محمد

محمد:وربي انهم يخططون لشي


عبدالعزيز رفع حاجبه!!!

كيف فهم له محمد

محمد:تتوقع ليش حميد اصر انه نتعشاء اليوم اويا بعض فهالمنطقه المعزوله!!!!!مافيها الا نحن

رفع عبدالعزيز كتفه:هالايام حميد وايد متغير..مب قادر افهم له ابد

محمد:الله يستر منهم

عبدالعزيز:انت لا تحاتى وخلص الي فايدك بسرعه تراني ميت من اليوع

محمد ابتسم:فالك طيب

عزوز:فالك مايخيب بو جسوم.عيل وين سيفوه؟

محمد:سيف مريض ماقدر ايي ع البحر لا تزيد عليه الحراره

عزوز:يحليه

رن فون حميد

طالعهم وقال:شباب انتو تعشو..انا دقايق وبرجع لكم.عنظي لكم مفاجاءه


قام بدون لا يسمع لهم

ابتعد عنهم

رد ع مهره

حميد:هاه مهره وينج؟!!

مهره:وصلت بس ما اشوفك وين؟

حميد:امشي بتشوفين سيارتي

^كانو الشباب كلهم يايين فسياره حميد^

مهره بخوف:حميد شوه هالمكان..وربي خايفه

حميد:تخافين وانا عندج؟!

سكتت م ردت عليه

حميد:شفت اضوا سيارتج.اتجدمي بعدج شوي

‏

في عيوني لوم
وبـ قلبي عتاب
والعهـدّ تسأل :
ولاتلقى مُجيب
كيف يعشقني
ويآخذْه “ الغياب ”
اللّي يعشق كيف
عن خلّه يغيب

وصلت عند حميد

بركنت السياره بعيد شوي عن سياره حميد

م انتبهت للشباب الي قاعدين ورا السياره مجابل البحر

صابتها قشعريره لما شافت حميد

اخذت نفس تهدي نفسها

فتحت الباب ونزلت

تجدم منها حميد

ابتسم لها

مد ايده يبغي يسلم عليها

رصت ع ايدها وضمتها وراها

ضل حميد ماد ايده وعيونه عليها

حميد بصوت هادي:شوه ما بتسلمين علي؟!

مهره رفعت راسها وقالت بشويش:بلاك حميد تتغشمر!!!

حميد ابتسم زياده:يعني تخافين مني؟!

مهره :مب سالفه خوف..انت تعرف هالشي انه حرام

تجدم شوي وقال بسخريه:كلمتيني وتعرفين انه حرام...يتي تشوفيني وتعرفين انه حرام.لما مديت لج
ايدي قلتي حرامممم؟؟؟؟؟؟

[فيتامين سي]

طالعته مب فاهمه شقصده

مشى عنها ناحيه الشباب

حميد:تعااالي ابغيج تشوفين شي

ظلت واقفه مكانها

حميد:تعااالي

مشت كم خطوه

يوسف:يلاا تعاال حموود بتتعشى

وقفت مكانها ماتحركت لما سمعت الصوت

صابتها رجفه قوويه ماقدرت حتى انها تنطق

التفت لها حميد وقال بصوت عالي:تعاالي لا تخافين هذول ربعي

قام يوسف وطالع المكان الي يطالعه حميد

يوسف شاف مهره والتفت لحميد:حمووود منو هالمزه

لما قال جيه حست ع نفسها وع طول رفعت الشيله وتغشت بها

ريلها ماقدرت تشيلها لسياره

ظلت واقفه مكانها متحنطه من الخوف

قام عبدالعزيز ومحمد يطالعون

شافو بنت واقفه وحذالها سياره جريبه منهم

حميد ابتسم لربعه وطالعها:افااا مهره ليش اتغشيتي!هذولا ربعي اعتبريهم اخوانج

نزلت دمعه من عيونها

بعدها مب مصدقه ولا تبغي تصدق الي حميد قاعد يسويه

تجدم منها

لكنها رجعت خطوتين

وقف حميد

دخل ايده فجيبه وطلع منها خاتم صغير

التفت لها وعقب التفت لربعه الي كانو مب عارفين كيف يفسرون هالموقف

حميد ابتسم ولبس الدبله فصبعه:شباب باركو لي

صابها مهره ذهول كيف يبغي يخطبها وووعادي عنده انه ربعه يشوفونها؟؟

طالعها وابتسم:مهره!!انا خطبت بنت خالي........انتي م تلزميني ابد

طالع ربعه واشر عليها:هاه شباب منووو يدور عروس ويبغي يتزوج!ترا مهره مستعده تتزوجه

غمز عليهم :تراها مزه مثل ماقال يوسف

غمضت عينها تتمنى تموت ولا تسمع هالكلاام

طالعت ربعه وانصدمت اكثر لما شافت عبدالعزيز واقف ويطالع حميد ويطالعها

حميد:مهره انتي ماكنتي الا وسيله عشان اكسر راس احمد اخوج...ماحبيتج ولا بحبج..انا احب بنت

خالي من زماااااااااااااااان..حب طاهر حب شريف حب اخرته زواجج.

تجدم يوسف وع شفايفه ابتسامه كبيره:مدام انج وصلتي معنا تعالي تعشي اويانا

غمز لهاا

لكنه وقف لما سمع عبدالعزيز يقول لحميد:ححححححميد وربي انك خسيس

التفت لهم يوسف

تجدم عبدالعزيز من حميد وعطاه بكس ع ويهه بكل قوته

عبدالعزيز فقمه عصبيته:ياحححيوااان ججيه تجاازى البنت بعد ماحبتكك تسوى فيها جيه!!!!!

طالعه حميد

مسك خده مكان الضربه:انت شدخلكك؟؟؟شدخلكككك؟؟؟

عبدالعزيز طالع مهره وقال بكل عصبيه:وانتي اركبي سيارتج وروحي بيتكم...هذا حيوان مايستاهل ولا

ذره من حبج له


حميد طنش كلامه واتجهه لمهره

مسك ايدها وقال:اهيه بروحها يات لعندي انت لا تتدخل

سحبت ايدهااا بقوه وعطته ككف ع ويهه

ماتدري كيف تجرات وعطته كف

لكن لكل فعل ردت فعل!
مسك ايدها بقوه لكن عبدالعزيز مسك ايد حميد بقوه لصقه ع السياره وضربه بكسات بكل قوته

ماتصور انه حميد حقير لهدرجه

محمد فتح باب السياره لمهره وقالها:توكلي اختي..وخلي هالحيوان يولي

ركبت بسرعه فالسياره وحركتها بكل سرعه

وقف محمد بين عبدالعزيز وحميد

محمد:خلاص عزوز اتركه عنك.

يوسف مسك عبدالعزيز وقال بعصبيه:وانت شدخلك بينها وبينه؟؟؟؟؟؟؟

عبدالعزيز:البنت تححححبه تعشششقه.تخيل انت اختك يصير فيها جيه!!مافي اطهر منها وايي واحد

شرات حميد يقص عليها بكم كلمه وتصدقه!!شوه بتكون رده فعله

عبدالعزيز كان يتكلم بقهر لانه كان يعرف انه مهره تحب حميد حححححيل

ماتصور ابد حميد يسوي مثل هالشي

كم مره قاله اذا تلعب ع البنت اتركها

لكنه كان دوم يقول انه يحبها وبيتزوجهااا

كلمها عبدالعزيز مرتين وحس اهيه شكثر تحب حميد

طالع حميد الي كان ماسك ويهه من قوه الضربه

عبدالعزيز:خساره فيك كلمه اخوو

محمد:ماتوقعتك لهدرجه حثاله..كنت تقدر تقولها انك خطبت بالفون...والله حرام عليك تهينها بهالطريقه

حميد بعصبيه:مالكم دخخخخل ...

وقف وعدل كندورته

جابل عبدالعزيز ومحمد وقالهم واهوا يرص ع اسنانه :الشرهه مب عليكم الشرهه علي مرابع ناس

شراتكم

محمد:وربي بعد الي سويته م اتشرف فيك انك تكون اربيعي

مشى عبدالعزيز وقال:من اليوم ورايح انسى واحد اسمه عبدالعزيز

حميد:فستين داهيه..بلي مايحفظك ان شاءالله.

يوسف وقف حذال حميد:خلهم يولون ماعندهم سالفه هالخمه.ع اساس هم الي اخلاقهم زينه

حميد سكت

ركب سيارته

ركب اوياه يوسف وحرك

قعد عبدالعزيز ومحمد ع البساط

محمد يتكلم بقهر:والله لو ماضربته انته.كنت ناوي اذبحه هالحيوان

عبدالعزيز:خله يولي.ولا مره بحياتي تخيلت انه حميد يسوي هالحركه

محمد:الا بسالك اهوا صج خطب؟!

عبدالعزيز:مدري والله..

محمد:شسالفه هالبنت؟!

عبدالعزيز يطالع البحر:من تقريبا سنه قالي انه يحب وحده تصير اخت ربيعه.وربي يامحمد لو سمعته

كيف يوصفها مابتقول هالانسان ممكان انه يغدر فيها.كان دوم يتكلم عنها وعن حبها وكيف اهيه طيبه

حيل وتحبه..حتى اهوا دوم يقولي ابغي اتزوجها وماابغيها تضيع من ايدي..بس مدري كيف صار كل

شي جيه فجاءه!!!!

محمد:الله يهديه

عبدالعزيز:امين

مسك فونه واتصل لمنصور

عبدالعزيز:منصور وينك؟!

منصور:اتعشى.ليش؟!

عبدالعزيز:من تخلص تعال لي انا ع بحر ال....

منصور:اوف..ليش رايح هناك!

عبدالعزيز:انت تعال وبس.لا تكثر اسئلتك

منصور:زين ابويه انا احين بيي مابتاخر

عبدالعزيز:زين

صكر عنه وظل اهوا محمد يتريون منصور
.
.
.
.
.
.
كانت حدها منهاره

ماتعرف كيف وصلت للبيت

بعدها مب مصدقه الي صار

فتحت الباب وادخلت

لكن وقفها صوت احمد الي كان حده معصب:شبعتي من حميد؟
.
.
.
.نهايه البارت
توقعاتكم؟

[لامارا]

//

حسناء في كحلها يا صاح تؤذيني = وعشقها في الحشا قد رام تكفـيني
عمان سرى هواها بجوفي كالبراق إلى = ان استوى بفؤادي يوم تـكوينــي
يا ناعس الطرف مهـــــلا ما الهوى = ترف إلى متى بالجوى والصد تصليني
فنظرة من سواد العين يا أملي = أو زورة ٌ في ظلام الـليل تكـفيني
يبقى غرامي بكم يا مهجتي حـلما = أو قصة ً من حـكاـيات الـشيطان
الحب في عالم الأشباح أحـسبه = قد انتهى عصرهُ مـن عهدِ حطين
ما الحب في عصرنا الحــالي سوى ذهب = أو فضة ٍ أو رصـــيد ٍ من ملايين
أين الحبيبة والإلهام ُ يا زمن ُ = أين التي ريقها كالـــــماء يرويني
أين التي كحبيبات الندى سقطت = على جراحي ومن سقم تداويـــني
أين التي قولها إن لاحظت غضبي = كالسيل والبحر والأنهار يـطفيني
مات الوفاء ُ وقد ولت مواسمه = فأورثت جمرة ً في الـقلب تكويني
لذا وقفت الهوى والشعر في بلدي = وفي حب النـبي ذخر المساكين
//

[فيتامين سي]

البارت الرابع عشر:
َ




م اخاف ..
من حزني على
فراق شهور !
اخاف :
لا أشيّب وانا
م نسيتك


ف السياره

يوسف:وشوه بتسوى احين؟

حميد مندمج فالسواقه ونظراته ابد ما تطمن بخير

سكت فتره يفكر

بعدين قال بشويششش:بعد شوي بتعرف

يوسف:ليش سويت جيه؟!

حميد طالعه وابتسم:من سنين احلم بهاللحظه واخيرا حققتها

يوسف:ليش انزين؟!يعني لو انا بدالك.كنت بلعب بيها بطلع اوياها وبوعدها بالزواج وبعدين بقولها بنت

الناس مافي نصيب..ليش ماسويت جيه؟

ضحك بخبث:ههههههههههههههههههه فكرت اسوي جيه بس وايد كانت صعبه..عنيده..ماترضى
بهالسوالف..بعدين شفت انه احسن حل اكسرها جدام الشباب..افجر جدامها خبر خطبتي

يوسف:بس والله انها جميله.عيونهاا تذبح

حميد سكت ماهمه كللم يوسف

يوسف:انزين بعدني انا مب فاهم ليش سويت لها جيه!يعني اهيه ضرتك بشي؟؟؟؟قالت لك شي!!

حميد هز راسه:اهيه مالها دخل بالسالفه ابد

يوسف:عيل؟!

حميد:اهيه كانت مجرد لعبه اتسلى فيها وانتقم فيها بنفس الوقت

يوسف :تنتقم من منو؟!

حميد:من احمد اخوها.

سكت يوسف فتره

رفع حاجبه بصدمه لما تذكر

قال:لا يكون احمد ارفيجنا ايااااام زمااان

ابتسم حميد:هيه احمدد

سكت يوسف واهوا بعده منصدم

يتذكر شصار قبل جم سنه

.
.
.
.
كان حميد عمره 22 سنه

واحمد كان ف اخر سنه بالثانويه

.
.
.
كانت الساعه 10 بليل

احمد وواحد من ربعه اسمه بدر

طالعين ياخذون لهم عشاء

فالسياره

بدر:هاه احمد كم عندك فلوس!

ضحك احمد:ماعندي ولا ريال

بدر طالعه بغيض:خل عنك الغشمره..طلع فلوسك نبغي ندفع

احمد:والله ماعندي فلوس..انت الي عازمني يلا ادفع

سكت بدر وطالع ناحيه الهندي

يايب لهم الطلبيه

بدر:حتى انا مفلسسسس

احمد يدخل ايده فجيبه:زين خلنا نروح نسحب فلوس وعقب بنرجع ناخذ عشانا

فتح بدر زجاج السياره للهندي

بدر:خل العشاء اوياك.انا دقايق بروح جيب فلوس وبرجع

الهندي عصب:ليش هزا مصخره.ليش يطلب عشاء ومافي فلوس!

احمد:بلاك معصب.دقايق وبنرجع مابنتاخر

الهندي بعده معصب:زين يلا روه مافي تاخير

بدر:ان شاءالله

رجع الهندي للمطعم

وتحرك بدر بالسياره

وقف حذال الصراف

احمد:خذ انت البطاقه واسحب كل الي فيها.تعرفه الرقم السري

بدر:انزل انت

احمد ياشر ناحيه شباب واقفين حذال سيايرهم:انا بروح زيود ولد عمي هناك.ابغيه شوي .مابتاخر

بدر:زين عطني البطاقه

اخذ البطاقه ونزل

واحمد راح لزيود

سلم عليه وقعد يسولف اوياه

استاذن عنهم ورجع لبدر

لكن كل اطرافه انشلت عن الحركه لما شاف بدر طايح ع الارض ومطعون بالسكين ف ايده

وحذاله واحد واقف

وكان شكله خايف شرات احمد من الي صار

احمد:بدوووووور منو سوا فيك جي!

لكن بدر ماقدر يرد من الالم الي يجتاحه

بسرعه اخذ فونه واتصل بالاسعاف وقالهم عن موقعهم

الشخص الي كان واقف حذال بدر كككان حميد

طالعه احمد بكره وكل غضب الدنيا فيه:ليش طعنته بالسكين؟

حميد اهوا الثاني خايف من الموقف كامل:مب انا...انا كنت ابغي اسحب وشفته طايح ع الارض

احمد صرخ فويهه:ياحيوان لا تستعبطططططط منو غيرك هنييه

مسكه حميد من كتفه وقال:احترم نفسك لما بتتكلم اوياي.ولا تقعد تتهم جيه بالباطل

فر احمد ايده وقعد يصحي بدر الي غطاه الدم

حميد:ساعدني بننقله المشفى.الاسعاف شكلهم بيتاخرو

احمد طالعه والشرار يطلع من عيونه:انت الي ذبحته وتبغي تشرد

حميد صرخ عليه:يابني ادم قلت لك مب اناااااااا

سكت لما سمع صوت الشرطه والاسعاف

صورو موقع الحادث

ونقلو بدر ع المشفى

قعدو يحققو اويا حميد واحمد

احمد اتهم حميد لانه ماكان في احد غيره فمسرح الجريمه

نزف بدر وايد

لذالك تعب فالبدايه

بس الضربه الحمدالله كانت خفيفه مب عميقه

لما صحى استجوبوه الشرطى

وسئلوه منو الي سوا فيه جيه!

قالهم انه ماشاف الي ضربه

فجاءه حس بالسكين تنغرز ف ايده

وطاح غشيان من الالم

وبما انه احمد كان شاهد

فثبتت التهمه ع حميد

لانه كل الادله تقول حميد الي طعن بدر

انسجن حميد سنه كامله مع انه كان بريئ

لانه اصلا الي ضرب بدر


واحد ثاني اسيوي

لما شاف بدر ساحب فلوس

اعتدا عليه بالسكين

اخذ الفلوس وشرد فوقت قياسي

اهل حميد كانو كل يوم يترجون اهل بدر عشان يتنتزلون ع القضيه

بس ماكان في فايده ابد

بس بعد سنه تنازلو اهل بدر عن القضيه بتدخل كبار القبايل والشيوخ فالسالفه

اصلا بدر قام ع طول بعد اسبوع من الضربه

حميد كان كل يوم فالسجن يتحلف لاحمد وانه بينتقم منه شر انتقام

لما طلع من السجن

حب يلعبها ع نار هاديه

تعرف ع احمد وصار رفيجه الروح بالروح

مع الايام حميد نسى الي صار

بس شرارت الانتقام ماتموت سنه من عمره راحت بسبب ظلم احمد له

لما شاف مهره حب ينتقم عن طريقها

لانه شاف مافي شي غالي ع احمد كثر اهله وبالاخص خواته

[فيتامين سي]

مرت الاياااام وتعرف ع مهره

كان يبغي يفضحهم شر فضيحه

بس للاسف مهره ماكانت تتجاوب اوياه

ماكانت ابد ترضى تطلع اوياه

اللهم تتكلم اوياه بالفون

شاف انه الطريج صعب حححيل لهالشي

فقرر يبدل الخطه وووويكسر اخته جدام الشباب

بعد مده عرف احمد خطه حميد

وانه ما صار صديقه الا عشان ينتقم منه

فصارت بينهم مشكله كبيره

راح احمد لمهره وقالها تقطع علاقتها نهائيا بحميد وهددها

لكنها كانت تعشق شي اسمه حميد

عشان جيه

استمرت فهلاقتها اويا حميد بالسر

الين ماخطب بنت خاله وصار الي صار

.
.
.
.
.
.
وقف حميد السياره حذال بيت اهل مهره واتصل لاحمد

انتظر دقايق لين م رد عليه احمد

حميد:الوو

احمد:هلاا ححححميد

حميد:انت وين احين؟

احمد:مشغول

حميد:انا واقف حذال بيتكم...تعاال لي ابغيك فموضوع ضروري حيل

احمد:قلت لك مشغول

حميد:تعاال ابغي اتفاهم اوياك

احمد بحده:فشوه؟!

حميد:بخصوص اختك مهرررررررررررررره

احمد بعصبيه:كل تبن ولا تنطق اسم اختي ع لسانك

حميد:هههههه زين تعال والله ابغي اقولك عنها شي مهم

احمد صار يغلي من النيران:خمس دقايق واكون عندك

حميد :انتظرك


صكر عنه

طالعه يوسف وقال:حميدوووه بس شوه تبغى تسوى بعد؟

حميد ابتسم:ولا شي.بس ابغي اقول لاحمد عن بلاوي اخته

يوسف سكت فتره

عقبها قال:لا حميد...حرااام..البنت مالها ذنب

حميد:يوم اختهم مب مربايه عدل.انا شسوي....وربي اخلي قلبه بعد شوي يحترق

يوسف:عشان الايام الي بينكم...ع الاقل عشان حبها الطاهر لك

حميد بحده:يسوف رجاء..لا تقعد تنصح..خل نصايحك لك بلييز

سكت يوسف

ماعجبه رد حميد

بعد انتظار.

وصل احمد من بيت خاله لبيتهم

وقف حذال سياره حميد

نزل واهوا حاس انه حميد وراه مصيبه

نزلو حميد ويوسف

احمد ع طول قال:هاه شعندك


حميد يبتسم:زين سلم بالاول

احمد بحده:خلصني شعندكك؟!

حميد طالع يوسف عقبها طالع احمد.رفع كتفه وقال ببرود:ماشي والله..بس بغيت اقولك انه قبل شوي

انا عازم ربعي ع البحر ويات اختك تتعشى اويانا

رص احمد ع اسنانه وقال:حميد احترم نفسك ولا تقعد تتكلم عن اختي جدام كل من هب ودب

حس يوسف والتفت يبغي يركب السياره

لكن حميد وقفه لما قال:يوسف لا تروح...

طالع احمد وقال:ترا يوسف كان اوياي لما اختك يات معي....بس للاسف اختك انا ما تنفعني لانها اول

شي مب مأدبه تطلع اويا شباب...انا خطبت ورجاء امسك اختك وقولها لا تقعد تلاحقني من مكان لي

مكان جدام الشباب تترجاني اتزوجها

ماقدى احمد يمسك اعصابه

تجدم من حميد وعطاه بوكس ع فكه

مكان البوكس الي عاطنه له عبدالعزيز

طاح ع الارض

تالم زياده لما حس بالدم يطلع من حلجه

لكنه مسح الدم بطرف ايده وابتسم لاحمد:الشباب كلهم كانو مجتمعين..شافو مهره واستغربو من وقاحتها

.

صرخ عليه احمد:ياحيوان ككككككككذاب

كان يبغي يزيده بس يوسف وقف جدامه

يوسف:حميد مب كذاب..اختك يات عندنا وحميد قالها انه خطب

دف احمد يوسف عنه وراح لحميد

رفع اكمام كندورته وعطاه بكس ثاني:ياحققققير

قام حميد ع حيله وقال بشر:اخيرا قدرت انتقم منككككككككككك

فر ع احمد فون وقال:شوف كل مسجات اختك

ركب ع السياره بسرعه

كل شياطين الدنيا ركبت راس احمد من كلامهم

ركض يوسف لسياره

وحرك حميد بكل سرعته

اخذ احمد الفون وقعد يصارخ بكل صوته:حححححححححححميد ياحححححححيووووان وربي

اذبحكككككككككك

شاف واحد من جيرانهم طلع لما سمع صوت صريخ احمد

فدخخل البيت ينتظرها

قعد فالصاله يعض اصابعه من القهر
ينتظرها تدخل

ياويلها من عذابه

انتظر تقريبا نص ساعه

فجاءه سمع صوت من برا

انفتح الباب ببطى كبير ودخلت مهره

كانت حدها تعبانه وهلكانه من الصياح

بس ابد م اهتم لشكلها التعبان

قام من ع الكرسي وتوجه لها

احمد بصوت يملاه القسوه قالها:شبعتي من حميد!!!

رفعت راسها منصدمه

اككككيد حميد قاله عن كككل شي

تجدم منها

مسك ايدها بقسوه ورص ع ايدها بقوووه

احمد:ليش خدعتييييييني!!!ليش ماسمعتي كلااااامي

امتلا وييهاا دموع زياده

مهره بكل انسكار:دخيلك احمد...الي صار لي قبل شوي هد حيلي..دخيلك لا تزيدني..انا اخذت جزاتي واكثر بعد

احمد صرخ عليها:فضحتينا جدام الناسسسس..كسرتي ظهورني لا بارك الله فيج

رفع ايده وعطاها ككككف

خلاها تطيح ع الارض من قوته

مسك راسه بعصبيه:الحيوااانه الله ياخخخخذج

تمسكت بطرف الكرسي وقامت

وقفت ع حيلها

تجدم منها احمد يبغي يطلع كل حرته فيها

لكنه تجمد مكلنه لما انفتح الباب بقوه ودخلت امه

ويمشي وراها بوسعيد وكل ملامح الحزن ع ويهه

دخل سعيد ويدوه وعبود وفطومه وملاك

وكلاهم الضيج تارس وييهم

ام سعيد بصراخ:طططططططططلقني والله م اعيششش اوياك دقيقه وحده طلقني

بو سعيد:استهدي بالله يابنت الحلااال

ام سعيد صرخت عليه:قلت لك طططلقني..روح للخامه الي متزوجها

راحت غرفتها تلم اغراضها

لحقها بوسعيد

مسخت مهره دموعها بسرعه

ماتبغيهم يشكون بشي

احمد طالع سعيد وكل علامات التعجب فوق راسه:سعوود شصاير بسم الله..بلاها امي تطلب الطلاق

فر سعيد روحه ع الكنبه وقال بكل غيض:الحيوان زيوود كله منه.....


احمد راح جهه سعيد وقال:شوه سوا بعد..شوه صار؟

فر الكاب من ع راسه ومسك راسه بايديه الثنتين بضيجه

اخذ نفس عميقققق وقال:ابوي متزوج على امي..وماحد كان يدري غيري وغير زيود الي عرف بالغلط..لما رفضته ملاك قعد يهدد انه بيفضح السر.وفعلاا اليوم بالعزيمه دخل بيت خالي وقال للكل عن السالفه

احمد بصدمه:ابوي متزوجج؟

هز سعيد راسه:ومب بس جيه..متزوج وحده كبر مهره ومسجل كل حلالنا باسمها وعنده منها ولد عمره 3 سنين

احمد:ليش ابوي يسوي جيه!

يدوه تصيح:عنده حرمه شرات الذهب..شوه يبا ببنت الشوارع هاي!!!!!حسبي الله ونعم الوكيل عليه

سعيد:الريال معذور..وبعدين ابويه ماغلط..امي لاتقعد تكبر السالفه

طلعت امه من الغرفه وسمعته لما قال جيه

ام سعيد بصراخ:انا مب مكبره الشي.السالفه بروحها كبيره....كيف اقعد اوياه واهوا اصلاا باع 35 سنه من حياته عشان وحده كبر عياله....انا كنت حاسه انه وراه شي..عصبيته مب طبيعيه...متغير عليي فكل شي...كيف اقعد اوياه!خله يولي انا مب محتاجه لشايب يخوون..بيت اخوي مفتوح لي فاي وقت ...والله م اقعد هنيه دقيقه وحده

طلع بو سعيد وقال بنفس الصراخ:وخير ياطير انا تزوجت مب اجرمت.

[فيتامين سي]

سعيد:انت خنت...تزوجت هند!!تعرف منو هند!!!!!هاي اككككبر خربوطه فالبلاد..قصت عليك بكم كلمه وتزوجتها

بوسعيد:احترمي نفسج ولااا تقعدين تسبين هند

ام سعيد :قلت لك طلقني..وحريقه تاخذك انت وهند

بوسعيد الي صار ويهه احمر من العصبيه ماقدر يتمالك نفسه:انتي طالق

.شهت ملاك ومهره ويدوه

يدوه:حسبي الله ونعم الوكككيل...حسبي الله ونعم الوككككيل فيكككك

ظلو قاعدين ع هالحال كل واحد حاط ليده ع خده ويفكر بلي صار

انفتح الباب ودخل خالهم اخو ام سعيد

من شكله كان معصب

وقف ع الباب وقال بصوت عالي:امممم سسسسعيد...امممم سسسعيد

طلعت ام سعيد وتسحب جنطه كبيره وراها

ام سعيد تكلم فطومه:فطومه امشي اوياااي

مسحت فطومه عيونها ومشت ورا امهاا

مشى وراها سعيد وقال:اممميه دخيلجججج لا تعقدين الامور زياده

خالهم ناصر:سعععيد...خل امك فحالها

طلعو من الصاله

ماتحملت مهره كل الي صار

دخلت غرفتها وطاحت ع السرير تعبر عن شعورهااا

تحس فيها غصه والحل عشانها تروح الصياح
.
.
.
.
.
.
.
نهايه البارت