تسلم ايدك يا هدير على الفصل
فى استقرار لبعض أبطالنا و مشاكل بدأت تتحل
علاقة يارا بأكرم المتوترة قدرت يارا باحتوائها تعالج التوتر و تتفهم أكرم و ممكن يبتدى يحكى معاها أصل المشكلة فى حياته ، مروان على فكرة مستفز فى طريقته مع أكرم بمعنى جه يكحلها عماها أو ممكن هو أدرى بالطريقة اللى تستفز أكرم بما أنه عارف عنه كل حاجة .
كويس قوى أن سيلين سعت لتميم بنفسها و جائزتها الكبرى أنها سمعت بنفسها ردود تميم على أنجى و صده لها و ممكن تعتبر اللى حصل بينهم فى المكتب بداية و المهم أن كل واحد فيهم عاوز يبتدى صح مع التانى .
مياس و ياسين و استقرارهم و سعادتهم بتظهر من خلال كلماتك يا هدورة بحس أنك بتكتبى الجزء الخاص بياسين و مساس بمزاج عالى و اللى زيهم ليلة و حمزة .
ليلة مشفقة عليها جدا و قدوم جدها عثمان و احساسه بيها خلانى أقول أن حبها موجود جواه بس كعادة أهل الصعيد البنت عندهم حمل تقيل و سترتها أحسن و يمكن هو ظلم ليلة قبل كده بس هو الوحيد اللى يقدر يقف لحمزة ، و حمزة ده حكايته حكاية يعنى خايف أن يصارح هالة بحقيقة جوازه من ليلة و خايف على مشاعرها و كلامه مع ليلة طوب ناشف و ما فكرش مرة واحدة إذا كان كلامه بيزعلها و لا لأ ، مشكلة العلاقة بين حمزة و ليلة أنه اعتبرها شخص مسلم به فى حياته و اتفرض عليه و عارف أن ليلة ما لهاش حد عيره و علشان كده عاش حياته معاها و لا راعى مشاعرها زى ما راعى الست هالة .
تسلم ايدك يا هدورة و ربنا يطمنا عليكى و على أدم
| 
آخر 10 مشاركات
23-07-16, 12:44 PM
855Likes
.png)
العرض العادي
