آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
26-11-15, 07:08 PM
| #21 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الباررت الاخير الجزء الثاني في مستشفى الهند المركزي قام طارق من البنج وكان جنبه عصام ووليد .كان يحاول يقوم بس ما قدر من الألم وعصام قام بسرعة عصام: ارتاح طال عمرك طارق بتعب: عصام رباب رباب انا اعرف انو خالد هرب وما مسكوا الشرطة عصام: لا تخاف طال عمرك طويلة العمر بخير طارق: ابي أقوم اروح اشوفها انا وعدتها اني لو رجعت راح اخرجها اكيد الحين جالسة تنتظرني وليد: طارق ارتاح رباب بخير طارق بعناد: ابي اشوفها الحين ابي ارجع الفندق دخل عبدالله: واذا قلت لا ما أتوقع انك تكسر كلمتي طارق : عبدالله تكفى قلب يقول لي انو رباب فيها شي عبدالله: مو قلتلك ما فيها الا العافية طارق: اصدقك ولا اصدق قلبي عبدالله: اللي يعجبك بس المهم ما في طلعه من هنا .وليد وعصام ارجعوا الفندق عند البنات عصام ووليد: ان شاء الله طلعوا عصام ووليد من الغرفة وراح وليد عند رباب عند طارق عبدالله: حرام عليك خوفتنا عليك كذه طارق : عبود عبدالله: هلا طارق : سالتك بالله اللذي لا اله الا هو رباب وش فيها عبدالله تنهد: ما فيها شي بس جاها انهيار عصبي لانه خالد بعد ما اطلق عليك النار كلمها وقال لها انك مت طارق : طيب ليش كذبتم على عبدالله: اللي فيك كافيك طارق : كيفها الحين عبدالله: قامت قبل نص ساعة تقريبا واعطوها مهد ورجعت نامت طارق: ابي اشوفها عبدالله: جدي ارسل طايرة طبية علشان تنقلكم انت ورباب طارق: انا عندي كم شغلة خذوا رباب معاكم وعبود لا اوصيك على رباب حطها في عيونك وقام طارق من السرير بصعوبة وجلس يلبس ملابسه عبدالله: يامجنون انت وش تسوي طارق:عبود اتركني اموت ولا اشوف دمعت رباب .لازم ارجع بنتها عبدالله: طارق بلاش من حركات الأطفال طارق مسك يد عبدالله: عبود انا اعشق رباب يوم اشوف دمعتها احس نفسي اني مو رجال .وتبيني اشوفها تموت قهر على بنتها وانا عايش لا مستحيل اضحي بحياتي ولا اشوف دمعت رباب ترك طارق يد عبدالله وطلع من الغرفة وعبدالله اتصنم مكانه ولا تحرك بعد يومين في الرياض قامت كالعادة وهيا تصيح رباب تصيح: طارق طارق تكفى لاتموت وتتركني طارق تكفى عبدالله: رباب طارق راح يجي طارق ما مات رباب تضرب عبدالله: كذاب خالد ارسل لي الصورة لا تكذب كانت تضرب سارة والممرضة: اتركوني اروح ابي طارق عبدالله يكلم الممرضة: اعطوها مهدا اعطتها الممرضة مهدات ورجعت نامت سارة بخوف: الين متى يعنى راح تضل على هذا الحال وليد:؛ لحد ما يوصل طارق سارة: كيف طارق الحين وليد: عصام قال انه بخير فارس: يلا انا استاذن الحين بروح اخذ لي شور وارجع وليد: طيب بس اجلس ارتاح لك يومين وانت في المستشفى فارس: لو صحيت اعطوني خبر وليد: الحين احنا طالعين وعبدالله وعهود راح يجون يجلسوا عندها فارس: خلاص طيب قول لعبود يكلمني طلع فارس من الغرفة وهوا مار شاف هنوف على الكراسي تبكى وفي يدها جوال هنوف: حسبي الله عليك انت وامال .الله ينتقم منكم شر انتقام الولد: هيا كلها ثلاث أيام وتنتهى المدة هنوف: ارسل الصور لابوي والله ما عليك منى طالما ابوي واخوي واثقين في اخلقي وقفلت الخط وجلست تبكى .قرب فارس منها فارس: هنوف وش صار هنوف رفعت راسها: ولاشي فارس: هنوف تكلمي يمكن اقدر اساعدك هنوف صرخت: قلتلك ما صار شي فارس تكتف: ترى انتي كذه راح تضيعي نفسك .وعلى فكرة انا سمعت المكالمة حقتك هنوف وسعت عيونها: ايش قلت فارس: اللي سمعته هنوف:وربى اني مظلومة ولا اني اعرفه وربى فارس جلس في الكرسي القريب منها : قوليلي وش صار هنوف قالت السالفة كاملة لفارس وبعد ما خلصت فارس: لا تخافين ما راح يصير الا اللي تبين وان شاء الله انا راح اساعدك .اعطكيني الحين الرقم اللي يكلمك منه الولد هنوف اعطت فارس الرقم وشكرتها وطلع فارس من المستشفى في قصر الجد عبدالله الكل كان مجتمعين دخل عبدالله ومعه سارة ووليد :السلام عليكم الكل: وعليكم السلام سارة وهنوف سلموا على جدها واعمامها ودخلت عند الحريم والعيال جلسوا شوي الجدعبدالله:كيفها الحين عبدالله تنهد:والله ما صار شي جديد يا جدي تقوم تصرخ ويرجعوها على المهدات الجدعدالله: الحمد الله على كل حال عبدالعزيز: وليد وليد: سم يبه عبدالعزيز: بعد ما تنام وترتاح خذا واحد من عيال عمك وراحوا السوبر ما ركت اشتروا أشياء ووزعوها على الفقراء واعطوهم فلوس وليد: ان شاء الله يبه . الحين انا ما راح انام بروح الحين .وطالع في العيال .ياعيال من يروح معايه ماجد وقف: انا اروح معاك راكان: لا خليك انا اروح معاه نايف: لا انت ولا هوا انا بروح عبدالمجيد: كلكم لا تزعلون انا بروح معاه بدر:انتم مره تعبتم .انا اروح معاه محمد: وليد انا بروح لؤي: وانا بعد مهند: وانا كمان لازوم اروح امجد: انا الكبير وانا راح اروح الجد عبدالله: اسمعوا يا عيال (وليد وماجد ومحمد ومهند ومجيد ) مع بعض و( نايف وامجد وراكان ولؤي ) كل مجموعة يشتروا ويرحون يوزعون الكل قام: ان شاء الله عند الحريم شيخة: سارة كلمتي وليد علشان ياخذني بعد الصلاة لاختك سارة: ايوه يمه بس قال راح يقول لعبود يا خذك علشان هوا بيطلع ابوي قاله يسوي شغل منيرة: نكلم السايق ياخذنا نورة: كيفها رباب سوسو سارة: والله يا عمه على نفس الوضع ندى: طيب طارق وش صار عليه سارة: عصام يقول انو الدكتور قال انه بخير حصة: الله يرجعه بسلامة ويقوم رباب بسلامة الكل: امين يا رب جوال سارة رن سارة: ايوه هلا مجودي ماجد: روحي سوسو راح ندخل طريق سارة: اوكي دقايق بس اكلم البنات ماجد: طيب ياقلبي قفلت سارة وكلمت البنات حطوا الجلال ودخلوا العيال العيال: السلام عليكم الكل: وعليكم السلام الجد خديجة: ياهلا والله بعيال كيفكم الكل: الحمدالله بخير الجدة خديجة تكلم الخدامة: صبي القهوة بدات الشغالة تصب وتنول باليسار الجدة خديجة: الله يقلع ابليس بيمن باليمين عبدالمجيد بمزح:يمه وش الفرق بين اليمين واليسار الجدة خديجة: زي الفرق بين السما والأرض نايف: والله الجدة خديجة: ايوه ماجد: يمه الجد خديجة: هلا ماجد: زي السما والأرض ولا زي الشمس والقمر الجدخديجة بترقيقه:ههههههه زي الليل والنهار امجد: تم تدمير الجبهة بجناح وليد: العايلة اليوم كلهم ما خذين حشيش الجد خديجة: اعطيتكم وجه بزيادة نايف: بزيادة ولا نقصان الجد خديجة أعطت نايف نظره خلته يسكت في احد فلل الطائف قامت مروقه ثنوة: هاي أمها: وعليكم السلام ثنوة تككلم الشغالة: جابي فود قليل الدسم . اخذت الجهاز وجابت على قناة الأغاني وجلست تترقص ثنوة:أقول مامي أمها: هلا ثنوة: رباب المرض طلعت من المستشفى أمها: لا ثنوة: عساه تموت يارب أمها: استغفر الله العظيم ايش سوت لك البنت ثنوة: كذه بس اكرها يا رب تموت أمها: استغفر الله العظيم على فكرة الملائكة قالت لك ولكي مثلها ثنوة: يااخي تجيب المرض وما ادري على ايش فهد يموت عليها أمها: ايوه صح على طارى فهد ثنوة فرحت موت يوم سمعت اسم فهد : وش فيه فهد أمها: قرار يتزوج ثنوة في قلبها وأخيرا ربي راح يجمعني مع فهد : ومين هيا سعيدة الحظ أمها: راح يأخذ بنت راشد محمد ثنوة حست الزمان توقف وما حست الا بدموعها على خدها أمها: ثنوة حبيتي وش فيكي ثنوة ما ردت ورمت الجهاز وطلعت غرفتها وقفلت الباب وجلست تبكي كل هذي السنين وانا انتظرك وسويت سحر علشان انت ورباب ما تزوجون وفي النهاية يصير كذه ليششششششششششششششششششششششش اخذت جوالها وكلمت صديقتها : الو منى: اهلين ثنوة ثنوة: فهد راح يتزوج منى: اكيد انتي صح ثنوة: لا راح يتزوج وحده اليوم اليوم ابيكي تحجزين لي موعد عند الساحرة اللي عندك منى: بس انتي تعرفين لازم نحجز عندها من قبل في عندها زحمه ثنوة: راح اعطيها اكثر منهم كلميها منى:الحين راح اكلمها مع السلام ثنوة: باي مره اسواء أسبوع كئيب على كل العايلة من اكبرها لا صغرها ورباب على نفس حالها .وزي كل مره قامت تنادى باسمه رباب: طارق طارق تكفى لا تتركني .اتركوني ابي اروح عند طارق اتركوني الممرضات كانوا ما سكينها علشان يعطونها المهدا .تكلم بصوته الرجولي طارق: اتركوها مو قالت لكم اتركوها الممرضة : , But we have a cradle give has ordersبس احنا عندنا أوامر انو نعطيها مهدا طارق: And I said, Let her alone وانا قلت اتركوها طلعوا الممرضات من الغرفة وطارق راح وحضن رباب رباب تبكى بصوت بقطع القلب : ليش تركتني ليش رحت وخليتني طارق: بس يروح طارق انتي بس ما عد اخليكي بس رباب تمسكت فيه: طارق هذا انت .طارق لا تتركني .خالد قال انك مت .اترك خالد ما نبي منه شي طارق: والله ما راح اتركك بس انتي اهدي في غرفة عبدالله الممرضة: دكتور عبدالله رباب قامت وكنه راح حقنها جاء رجال ومنعنه نحقنها عبدالله: من هو الممرضة: ما نعرف عبدالله عصب: كيف تخلون كل من هب ودب يدخل عندها قام عبدالله وهو خايف وراح جري على غرفة رباب ودخل من دون ما يطق الباب عبدالله بفرح: طارق .حمدالله على سلامتك طارق: الله يسلمك .هذي الأمانة اللي خليتها عندك عبدالله: وربى حتى انا ما كان عجبني وضعها رباب: طارق ابي اطلع من هنا طارق: ابشري يا عيون طارق .الحين اخليهم يطلعونك رباب مسكت طارق بقوة: كلمهم من هنا أخاف تروح وما ترجع طارق: والله راح ارجع رباب ببراءة: والله ترجع طارق ابتسم: والله ارجع واصلا عند اليوم شغل كثير رباب: اوكي طارق: عبودي اقدر اخذها عبدالله: ايوه خلاص انت خليك معها وانا بروح اسوي لكم اجراءت الخروج طارق: يعطيك العافية عبدالله: الله يعافيك راح عبدالله وخلص اجراءت الخروج طلع رباب من المستشفى واخذها على طول لقصره طارق: تو ما نور القصر رباب: بوجود أصحابه اكيد طارق كلم الخادمة: وين امي الخادمة ببتسامة: ماما نايم .حمدالله سلامة انت مدام طارق: الله يسلمك طلع طارق على جناحة واخذ رباب معه .دخلوا الجناح وجلست رباب على طرف الكنب .راح طا رق وفتح الدولاب وطلع ملابس لنفسه ولرباب طارق: وش رايك ياروحي انتي تاخذي شور علشان نفطر رباب: اوكي طارق: اجل قومي خذي لك شور وانا راح انتظرك لحد ما تخلصين رباب بتسامة: ان شاء الله حبيبي قامت رباب واخذت لها شور وبعد ما طلعت طارق: نعيما رباب بتسامة: الله ينعم عليك شالت رباب المنشفه من شعرها المبلل وخق طارق على شكلها وقام بسرعة وراح لها طارق: شكلك يجنن رباب ابتسمت بخجل ونظراتها في الأسفل: شكرا طارق:يالبى انا على الخدود الحمره هذي وطبع بوسة على خدها رباب انحرجت مره وبان على ملمح وجهها طارق: ترى انتي كذه تخليني اروح ملح رباب بصوت كله براءة: طاررق طارق: لا انا كذه ما اقدر وربى ما اقدر رباب تصرف الموضوع:انا جوعانة طارق: راح امشي التصريفة هذي المرة يلا انا اليوم راح اسوي لك احلى فطور بيدي رباب ابتسمت: يلا طيب نروح طارق: يلا يا روحي وقلبي انتي نزلوا طارق ورباب وتوجهوا لمطبخ علشان يسون الفطور بعد ما طارق طلب من الخدم والطباخين يطلعوا في المستشفى دخل غرفة عبدالله بخوف بعد ما حصلها في غرفتها فارس: عبود رباب وين عبدالله: وش فيك مرعوب كذه اجلس فارس: اقولك رباب مو موجودة عبدالله: وربى اعرف طارق اخذها فارس: يعنى رباب قامت ايوه وصارت زي الحصان ماشاء الله فارس بفرح: الحمد الله الحمد الله الحمد الله عبدالله: بس لاتقول لاحد لانه طارق قال راح يسوي عزيمة فارس: ان شاء الله رن جوال فارس ورد فارس:الو الشيخ: كيفك يافارس فارس: الحمد الله كيفك انت عساك بخير الشيخ: الحمدالله بخير الله يسلمك اقدر اقابلك الحين فارس: ايه سلمك الله .مسافة الطريق واكون عندك الشيخ: انتظرك اجل فارس: مع السلام الشيخ: مع السلام فارس قفل: عبود يلا انا استاذن عبود:وين فارس :عندي شغل يلا سلام عبدالله : الله معاك طلع فارس من عند عبدالله .وعبدالله راح يدور على المرضى ويشوف احوالهم سارة بقلق: ماجد لحد الحين ما نزلت حرارته ماجد: ياروحي انتي عادي مو هنوف شافته وقالت مافيه شي وفوق كذه لو منتى مرتاحة ناخذه على المستشفى سارة: لا خلاص راح أقوم احط له كمدات باردة ماجدة: اوكي ياقلبي جواد بدلع: ماما انا مره تابان (تعبان) ماجدة: ياحمارلا تخوف امك زيادة سارة: مجودي لاتقوله حمار بعدين يمرض زيادة ماجد: سارة سارة: خلاص سكتنا ريم: الحين انت مصر على هذي السفره بدر: يا روحي انتي لاوزم اسافر ريم: بس انا مو مرتاحة بدر: ليش ياقلبي انتي ريم: ما ادري كذه مرتين اصلي واستخير ما ارتاح بدر : يعنى مصره ما اروح ريم: وربى ياليت بدر جلس على طرف السرير وجلسها معه : بما انو حبيتي مو موافقة فخلاص راح اكنسل الروحة ريم بفرحة: صدق بدر: اكيد ياقلبي انتي في المطبخ بعد ما خلصوا من تحضير الفطور طارق: وش رايك حبيتي رباب: الشكل حلو باقي الطعم طارق: الجو شكله جنان ناكل في الحديقة رباب ابتسمت: فرصة حلوه ومستحيل اضيعها طارق اجل نمشي رباب: يلا كلموا الخادمة وحطت لهم الصحون على الطاولة وراحوا مع بعض الحديقة طارق: اليوم انتي اميرتي وانا راح اكلك وش رايك رباب بدلع: بعددين اصير طفلة طارق: واحلى طفلة في نظري ياقلبي انتي رباب استحت مره طارق: ربوبه رباب ببراءة: هلا طارق :لاتخليني اتهور الحين رباب تضيع السالفة : يلا ناكل قبل ما يبرد الاكل طارق ضحك: يلا طيب انا اكلك افتحي فمك الشيخ: الحين احنا عرفنا اسم الولد ولنا فترة نحاول نمسكه لانه من قبل دمر بنات كثير وكانوا ضحية على ايدا ابائهم واخوانهم ومنهم من مات ومنهم اللي في المستشفى .بس الحين كل اللي نحتاجه انو نمسك البنت اللي تنشر صورهم فارس: انا مستعد أكون معاكم لاخر لحظة في القبض على المفسدين في بلادنا الله يحميها الشيخ: الله يكثر من امثالك ويحفظ شباب وبنات المسلمين من الفساد فارس: اللهم امين يارب . بعد العصر الكل اجتمع في قصر الجد عبدالله لانه اليوم خميس والكل يجتمعوا عنده الخميس ويجلسوا عنده ويوم السبت في الليل يرجعون بيوتهم في مجلس الرجال كانت رايحة القهوة العربية مالى المكان مختلطه بريحة البخور الملكي الفخر والحلويات الشرقية اللي محطوطة على الطاولات وتمر خلاص المرصوص بطريقة جدا رائعة الكل كان موجود كبار وصغار من العيال وكل واحد اكشخ من الثاني واشكالهم تدل على انهم عيال عز الجدعبدالله: أقول عبدالله عبدالله: هلا ياجدي الجد عبدالله: وش عندك انت اليوم من اللي راح يجي عبدالله: والله مااقدر أقول ياجدو عبدالعزيز: طيب نعرفه عبدالله: عز المعرفة وليد: طيب احس انو احنا مالنا داعي عبدالله: لا قال يبي يشوف الكل عند الحريم كان نفس الوضع عند الرجال من حيث القهوة والبخور والتمور والحريم والبنات كانوا بكامل زينتهم واناقتهم شيخة: انتم وش سالفتكم ياعهود عهود: وربى يا خالة ما اعرف عبود قال لي جهزوا القهوة في ناس راح يجون اسيل: عهود من جد ما قالك عبدالله عهود: وربى ما قالي الجد خديجة: خلونا نصبر ونشوف نهايتها مع عبدالله وصل الموكب الأول من السيارة لقصر الجد عبدالله مكون من تسع سيارات كلها سودة .طارق كلم عبدالله عبدالله: يلا الحين راح اطلع استقبالهم طارق: اوكي يلا الين ما نجي احنا عبدالله: اوكي قفل عبدالله من طارق وكلم عهود تستقبل الحريم طلع عبدالله ومعه ابوه وجده وعمه عبدالرحمن وعمه مشاري يستقبلوا الضيوف نزلوا من السيارة بعد ما شافوا عبدالله عبدالله: ياهلا ياهلا والله . يا الله حيه يا الله حيه الجد عبدالله: يا الله حيه جد طارق : الله يحييك ويبقيك الجدعبدالله: تفضلوا تفضلوا جد طارق: زاد الله فضلك زاد الله فضلك دخلوا الرجال على المجلس وطبعا هم اهل اميرة ام طارق(ابوها واخوانها الكبار سعيد هو اكبر اخوانها وبعد حسين وبعدين احمد واصغر واحد اياد وكلهم متزوجين وعندهم عيال ماعدا اياد ) عند الحريم دخلوا الحريم ووراهم الخدمات شايلين هدايا فخم من شكلها وهم(ام اميرة واميرة واختها نسرين وزوجات اخوانها اللي هما سعاد زوجة سعيد واحلام زوجة حسين ودلال زوجة احمد ) الجدة خديجة: يامرحبا تو ما نور البيت جدة طارق: بوجود أصحابه والله الجدة خديجة: تفضلوا حياكم الله جدة طارق:زاد الله فضلكم وبعد عشر دقايق وصل الموكب الثاني ومكون من 6 سيارات كل سيارة افخم من الثانية مشعل يكلم ابوه في الجوال: يبه وصلنا سعيد: طيب يلا الحين اجيكم مشعل : ان شاء الله قام سعيد عبدالله: على وين سعيد: وصلوا العيال عبدالله: ارتاح مكانك .وليد ماجد عبدالمجيد راحوا استقبلوهم وليد قام: ان شاء الله وطلعوا يستقبلون العيال ونفس الشي البنات الحريم كانوا مع بعض والبنات مع بعض ونفس الشي عند الرجال في قصر طارق قاموا على صوت المنبه طارق بحنية: ربوبة حبيتي يلا قومي رباب: طارق ابي انام شويه طارق: ياروحي انتي جالسين ينتظرونا لو رجعنا تنامين زي ما تبين رباب بدلع : ماابي ابي انام طارق:روبي يلا ياروحي انتي يلا رباب: طيب بس عشر دقايق طارق: اوكي لحد ما اطلع من الحمام اوكي رباب: اوكي قام طارق ودخل الحمام واخذ له شور وبعد ما طلع صح رباب واخذت لها شور وبعد كذه صلوا وبعد ما خلصوا طارق بدا يسرح شعر رباب طارق ببتسامة: اليوم راح نروح عند عمي رباب: اوكي طارق: بس ترى كل اهل امي بيرحون هناك رباب: ليش طارق ابتسم: ليش يعنى ما تبيهم يرحون رباب : لا والله .بس سوال طارق: لو راحنا تشوفين ليش .وبعدين تعالى احسك فجاة توترتي رباب: ولاشي طارق حط المشط وجلس قبلها :بوبتي تقدرين تكذبين على الكل بس انا لا قوليلي ليش متوتره رباب: لا بس يمكن علشان اول مره راح اشوفهم طارق بحنية: ترى والله كلهم عسل مو علشانهم قريبي لا والله رباب ابتسمت: خلاص ماني متوتره طارق: اوكي يلا قومي شوفي الفستان اللي جبت لك هو رباب: يلا كلها دقايق ولبسوا طارق ورباب طارق لبس ثوب اسود ولبس غتره بيج وحط العقال وبخ من عطره المفضل عطر سان ايف لوران رباب لبست فستان لون تركوزي بدون اكمام ماسك من فوق ووسيع من تحت ولبست طقم من اللولو وشعرها طارق هوا اللي سواها لها هوا ولبست صندل بلون الأبيض وختمت اناقتها بعطرها Miss Dior مسكت عبايتها على طرف يدها وباليد الثانية مسكت شنطتها التركوزيه والأبيض .نزلت وقابلت طارق يوم شافها وقف وتنح فيها رباب ببتسامة: خلصت طارق قرب منها ومسك يدها: سبحان اللي خلقك ملاك وربى ملاك رباب: انت بعد شكلك يجنن طارق: وربى مو احلى منك رباب استحت: جعلني ما انحرم منك طارق: امين ولا منك يا رب الشغالة: بابا هذا مدام انتي واجد حلو طارق ابتسم وطلع من جيبه فلوس: ولأنه مدام انا حلو هذا حق انتي الشغالة ابتسمت وراحت طارق: يلا ياحلوتي رباب: يلا طلعوا من القصر وطارق فتح باب السيارة لرباب وانطلقوا لقصر الجد عبدالله بعد المغرب وصلوا رباب وطارق وطارق كلم عبدالله استقبله وبعدين كلموا عهود علشان تستقبل رباب عند باب الحريم عهود بفرح ضمت رباب : ربوبه يا روحي انتي رباب: كيفك ياقلبي عهود: الحمدالله تمام كيفك انتي رباب:بخير يقلبي عهود: وش الجمال هذا رباب: عهود احس نفسي متوترة طارق قال انو اهل امه هنا عهود: ايوه جاوا وليش التوتر ياقلبي وربى انهم يجننون وطيبين وبمزح وش هل الجمال فستانك روعة رباب: من جد طارق اختاروا .اقول عهود كلمي البنات ابي اشوفهم قبل ما ادخل عند الحريم عهود: مين من البنات تبين رباب: سارة وهنوف وريم كلمت عهود البنات وكلها دقايق وجاوا سارة: ربوبة حياتي انتي رباب: ياروحي ربوبتك انتي سارة: كيفك رباب: بخير عساكي بخير ياقلبي هنوف تدف سارة: وخري خلاص وقتك .وحشتني يا دوبة رباب: وانتي اكثر ريم: ربوبة وش هذي الطلة الحلوه رباب: طلتك احلى ياقلبي هنوف: متى طلعت من المستشفى رباب: اليوم الصبح عهود: انا ارويك ياعبادي تخيلي ماقالي رباب: طارق محلفه انو ما يقول لاحد .يلا ياحلوات ند\خل البنات: يلا عند الرجال دخل بكل هبية ورزه وعلى يمينه عبدالله والكل يوم شافه عما الهدوء طارق : السلام عليكم الكل بفرح: وعليكم السلام سلم على جده وبعدين عمه عبدالله وبعدين على أبو زوجته وبعدين سلم على خواله والكل الجدعبدالله بفرح: حمدالله على سلامتك ياوليدي طارق: الله يسلمك ياعمي وبعد الجد عبدالله الكل بدا يتحمد له بسلامه عند الحريم دخلت بثقة ممزوجه بالتوتر والخوف على يمينها عهود وهنوف ومن الناحية الثانية سارة وريم اول وحده شافتها خلود خلود صرخت: ربااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااب رباب فزت وبعدين ابتسمت: خوخه جات خلود جري ورمت نفسها في حضنها :وحشتني رباب: انتي اكثر ياقلبي على صوت خلود جوا باقي البنات (اسيل نوف حصة ندى ريما هند رغد ) اسيل ودموعها على عيونها: ربوبتي رباب: لا تبكى لا ينزل الكحل والله اضحك عليكي رغد: روبى ياقلبي انتي رباب تسلم على رغد: كيفك ياقلبي رغد: بخير ياحياتي ندى: افسحوا الطريق لاميرة الامراء ندو العسل رباب: ياهلا والله باميرة الامراء نوف: بنات بعدوا عنها انا وريما نبي نسلم عليها ريما : ايوه صح لا تخربوا شعورنا هنوف: بداو الاثنين ذولاء رغد: بابنات بعدوا عنها تدخل تسلم على الكبار دخلت رباب المجلس والك التفت عليها وبدا يسمى سلمت على الكل اميرة بفخر: هذي هي رباب يمه .تعالي يا بنتي اجلسي جنبي جدة طارق: كيفك يا بنتي رباب بادب: بخير عساكي بخير .كيفك انتي يا جدة جدة طارق: نحمدالله ونشكره اميرة تاشر: هذي نسرين اختي وهذي أحلام وسعاد ودلال زواجات اخواني رباب بحياء: تشرفنا نسرين: ماشاء الله تبارك الله أحلام: طحت ياطارق وامك ماسمت عليك ملاك ماشاء الله دلال: انا متاكده انو عيالكم راح يطلعوا ولا احلى ماشاء الله الام حلوه ولاب حلو رباب وجهها صار احمر سعاد: بس عاد خليتم البنت تصير طماطم اميرة: روحي يابنتي اجلسي مع البنات رباب:ان شاء الله يمه عند البنات دخلت وسلمت على البنات قربيات طارق وجلست داليا: وأخيرا من زمان نبي نشوفك ميار: من جد ملاك ماشاء الله طلعتي احلى بكثير مما تخيلتك رباب بحياء : شكرا هذا من ذوقكم حبيبتي اشواق: انا اشواق بنت سعاد رباب: تشرفنا حبيبتي بنان: وانا بنان خطيبة طارق مسبقا رباب ببتسامة: تشرفنا حبيبتي بنان ضحكة: امزح معاكي ترى طارق يصير اخوي برضاعة جيهان: حسبي الله على ابليس .وربى لو كنت مكانها كان قمت وطراتك من بيتنا .انا جيهان دلوعة العائلة رباب: هلا حبيبتي تشرفنا تالا: انا تالا لاتنسين هدية التخرج حقتي رباب: ان شاء الله ياقلبي داليا: بوبة خلصتي دراسة رباب: لا باقي 4 سنين تالا وسعت عيونها: باقي ما تخرجتي من الثانوي رباب ضحكت: لا خلصت الثانوي انا في الجامعة بنان: انا كمان في الجامعة سنة كم انتي رباب: ثالث جامعة ميار: طيب ليش باقي لك أربعة المفروض سنة رباب: لاني ادرس طب داليا: ماشاء الله تبارك الله .الله يسهل لك رباب: امين يارب تالا رفعت يدها لسماء: يارب اعطيني عقل وادخل طب مع رباب وهنوف الكل ضحك: امين يارب هنوف: بنات قوموا الحديقة الخلفية احس الجو جنان بنان بخفة دم: بنات في عندكم شباب وسيمين داليا: يا قليلة الادب والله لعلم عليك بنان: بنات ترى والله امزح لا يروح فكركم بعدين ريم: والله نعرف كلنا بنات ريما: طلعنا بنات الكل: ايوه طلعوا البنات وجلسوا على العشب وحولهم حلويات وعصيرات وشوي يلعبون وشوي يغنون وعلى هذا الحال وكان جو فلة لاخر حد .رن جوال رباب رباب: الو طارق: يالبى انا الالو من فمك فديتها ياناس وجهها رباب صار احمر وبداو البنات تعليق وطارق سمعهم بنان: خالو طارق وش قالك تالا: يا الله احس نفسي في فيلم حصة : يلا بسرعة ردي بسرعة بنان: بوبة قولي كم احبك يا روميو ندى: لا احنا في السعودية قولي يا عنتر رباب بحياء: بنات طارق: قولي طارق يقول ياويلكم كلكم رباب: ياويلكم من طارق بنان بصوت عالي: خالو طارق قول بصوت عالى احببببببببببببببببببببببب بببببببك طارق: احببببببببببببببببببببببب ببببببببببببببببببببببببب بببك يا ربوبتي البنات بداو يصفرون وتصيح طارق: أقول اعقلوا .ربوبه حبيبتي ممكن تكلمين خالتي تطلع عند الباب ابي اسلم عليها رباب: ثواني اشوف لك طريق علشان تدخل طارق: اوكي حبيبي باي رباب: باي | ||||
|  |
|
26-11-15, 07:09 PM
| #22 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| قامت رباب دخلت تشوف طريق لطارق وتركت البنات وسط تعليقتهم .كلها ثواني ودخل طارق ومعه رباب وكان فيه (جدة طارق وامه وشيخة ونسرين والجدة خديجة ) طارق: السلام عليكم الكل: وعليكم السلام سلم طارق على الكل وجلس وجلس رباب على رجوله رباب بهمس: طارق خليني أقوم طارق بعناد أطفال: لا نسرين: طارق استحيي على وجهك وخلي البنت في حالها طارق ضمها لحضنه: ماابي هذي ملكي انا لوحدي بس جدة طارق: اقلها انتظر نقوم ياقليل الادب طارق: عادي ياجده ليش قليل ادب جدة طارق: عيب تحضن مرتك قدامنا طارق: عادي ياجدة انا عايش طول عمري بره وشفت انو عادي نسرين: باخذ رباب عندي لمدة سنة كاملة طارق : والله ما تاخذينها نسرين: طارق ما ابي اخليك تصوم طارق : اعطيكي أي شي تبين بس رباب لا نسرين: ابي الفندق حقك اللي في دبي طارق: وربى اعطيكي هوا كمان لو تبين ازيدك اعطيكي اللي في نيورك نسرين: اميرة قومي عقل ولدك انمسح اميرة: ليش نسرين: من زمان أقول له يعطيني جناح من الفندق حق دبي مو راضي والحين قلت باخذ رباب قال لا راح يعطيني الفندق اميرة: شفتي كيف رباب سرقة قلبه نسرين: الا بقوة سرقة قلبه جدةطارق: قولوا ماشاء الله تبارك الله نسرين واميرة: ماشاء الله جات رباب بتقوم من فوق طارق طارق : على وين رباب بخجل: بجلس جنبك طارق: لا تجلسين على رجولي نسرين: يا ولد اترك البنت طارق: لا تخلني اتهور نسرين: يعنى وش راح تسوي ياولد اميرة طارق: تبين تشوفين نسرين: ايه ابي اشوف طارق باس رباب في خدها .ورباب بسرعة دفنة وجهها في حضنه اميرة: طارق الله اش أقول على ابليسك احرجت البنت طارق: ملكي انا بس جدة طارق رفعة العصاية وكانت تضرب طارق بمزح: قوم قوم بسرعة روح طارق: يصير اخذ رباب معايه جدة طارق: تعال تعال خذها طارق قرب واخذ له علقه جدة طارق: وش فيك تعال خذها بعد يوم طويل الكل راح لبيتهم ورباب جلست في قصر الجد عبدالله مع هنوف .الكل كان نايم بس رباب وهنوف كانوا مع بعض هنوف: من جد فرحانة لك من قلب يا روحي انتي رباب: تسلمين يا روحي انتي .وعقبال ما افرح لك هنوف حضنت رباب وبكيت في حضنها : رباب تعبانة وربى تعبانة رباب بخوف: هنو وش فيكي هنوف: انا في مصيبة يا رباب في مصيبة رباب: هنوف قومي كلميني وفهمني وش صار هنوف تبكي: تعر فين امال رباب: ايوه وش فيها هنوف: صورتني وانا في الجامعة واعطتها ولد وهو يهددني يقول لو ما طلعت معه راح يرسل الصور لاخواني وابويه .والله يارباب اني مااعرفه وربى رباب بصدمة: هنوف دقيقة بس انا مو فاهمة شي هنوف : امال مره من المرات جاتني وسالتني انتي مخطوبة .قلت لا وبعدها باسبوعين اخوها جاء على الجامعة ياخذها وسحبتني قالت تعالى وصليني عند الباب وفي نفس الوقت جوالى اتصال وامجد قالي اطلع انا اليوم راح اخذك وانتي تعرفين يوم أكون مع امجد ما اغطي وجهي طالعنا مع بعض انا وامال وبعد كذه شافني اخوها .قبل شهر جاء اخوها وابوها عند ابوي وخطبوني بس ماجد رفض . بعدها بيومين اتصل على بس ما رديت وجلس يتصل أعطيت شغالتنا ترد ويوم ردت قالها عليه قالها وين هنوف قالت ماهي فيه وجوالها في البيت وقفلت وبعدها ارسل رساله انصحك ياهنوف انك تردين وبعدها رجع اتصل وما رديت رجع ارسل رسالة ويوم فتحت الر سالة انصدمت كانت صورتي بعدها بخمس دقايق اتصل ورديت وبدا يتكلم واستمر الوضع لمدة أسبوع وبعدها طلب انو اطلع معه وطبعا انا عارضة الفكرة كليا وبعدها بدا يهدني بصورتي .تخيلي يا رباب قبل يومين امي وابويه طلعوا وانا جلست في البيت وبعد ما طلعوا بنص ساعة اتصل يقول انو هوا عند\ البيت افتح الباب طبعا ما أعطيت الموضع أهمية وبعدها طلع المسدس وحطته على راس الحارس ودخل وهو ما سكه ونتامي شغالتنا القديمة كانت في الدور الأرضي وهوا كان يصيح اطلع ياهنوف اطلعي .نتامي طلعت جرى وفتحت باب الغرفة حقتي وبسرعة قفلته بمفتاح .وانا اسالها وش صار دخلتني تحت السرير وقالتلتي لا تطلعين مهم يصير كلها دقايق وسمعت باب غرفتي ينطق بقوة ارتعبت يا رباب ونتامي قالت ماما مافي هنا وطلق طلقة من المسدس ما حسيت بنفسي الا وانا امسك الجوال واكلم ماجد كنت ابكى وأقول له الحق على راح يقتنلنا احق على وهو كان يصارخ علي وما قدرت أتكلم نتامي سحبت الجوال واتصلت على الشرطة وكان في دورية في الحي وبعد كذه يوم سمع صوت الدورية شرد والدورية كانوا ياخذوا أقول الحارس والشغالات ماجد دخل البيت ويوم شافني منهارة ضمنى لحد ما هديت بعد راحت المستشفى عندك وكلمني الولد بعدها فارس كان طالع من عندك وسمع المكالمة وجاني وسالني وقلت مافي شي جبرني أتكلم وقلتله السالفة كاملة وقالي لا اخذ هم راح يساعدني والولد اول كلمني وقال بكره اخر موعد لو ما طلعت معه راح يرسل الصور (بكيت) والله راح يقتلني ماجد والله رباب ضمتها واخذت جوالها اتصلت على فارس بس ما رد عليها وجلست رباب تهدي فيها :كل شي راح يكون بخير ياقلبي بس انتي اهدي في بيت جدة طارق ميار: أقول طارق عجبتني خطيبتك احس انها دخلت مزاجي مره طارق: الحمد الله انكم حبيتوها بنان: بس باين عليها خجولة مرررررره طارق: يالبى انا فديتها وش تبوها تطلع داليا: ايوه الله احس اني رحمتها اليوم تالا: طروق وش راح تعطيني هدية انا مره احب رباب طارق: وش تبين تالا: ابي تذكرة سفر ذهابا وإيابا مع فلوس الفندق طارق: على وين تالا: إسطنبول طارق: اوكي اعتبري من الحين انو تذكرتك محجوزة تالا بفرح: والله طارق: وليش انا اكذب تالا قامت تنقز من الفرح طارق: يلا ياحلوات انا استاذن بروح انام بنان: بتنام ولا بتكلم حبيبتي الروح طارق: الاثنين مع بعض طلع طارق واخذ له شور وكلم رباب طارق: ربوبتي حبيبتي وش فيكي رباب : ولا شي ياقلبي طارق: قولي والله رباب تنهدت: صدق مافيني شي طارق: لا بعد هذي التنهيد اكيد في شي رباب: والله حبيبي مافي شي بس بيت عمي تعبانة شوي طارق: لا تاخذين هم ياقلبي والله يشفيها .يلا ياحلوتي انتي الحين ابيكي تقومين وتنامين بكره وراكي يوم حافل رباب: ليش وش عندنا طارق: مفاجاة رباب: اوكي باي طارق: مع السلام حبيبتي في صباح يوم جديد هنوف كانت تكلم فارس : مشكورة ما ادري كيف اردها لك فارس: ماسوينا شي هذا واجبننا .ويلا ما أطول عليكي مع السلام هنوف : مع السلام على الساعة اثنين هنوف راحت صحت رباب من النوم .قامت وصلت وقالتلها تلبس عبايتها عندهم مشوار رباب: هنوف من صدق مشوار في الظهر هنوف بفرح: يب علشانه مهم لو ماكان مهم ما كان اخذتك رباب: طيب امر لله بس استنى استاذن من طارق هنوف: كلمت ميار تكلمه ووافق وصلوا على المشغل ونزلوا بسرعة ويوم دخلوا شافوا ريم ريم ببتسامة: بسرعة ما عندنا وقت رباب: وش فيكم كلكم اليوم مستعجلين وش عندكم هنوف: طلعت لطارق مناسبة مهمة وبما انك زوجته لازم تحضرين رباب: حتى انتم راح تحضرون ريم: اكيد لازم بدأت الكوافير تحط المكياج على وجه رباب وبعد ما خلصت بدأت الشعر وبعد العشاء على الساعة 9 خلصوا البنات هنوف: لازم نروح الحين القاعة رباب: كيف اروح القاعة بدون فستان ريم: طارق قال انو حط الفستان في القصر وما قدر يجي هنا رن جوال رباب وكان المتصل فارس .هنوف ردت هنوف: الو فارس: حياتي خلصتي هنوف: انت اهلك ما ربوك تتصل على ارقام الناس قلة ادب ومصخره فارس باحراج: اسف على بالي انك رباب هنوف باحراج: سوري على بالى واحد من المعاكسين فارس : خلصتوا هنوف: ايوه فارس: اوكي يلا اطلعوا طلعوا البنات من المشغل وبسرعة على القاعة .دخلوا من الباب الخلفي ودخلت رباب بسرعة علشان تلبس فستانها كلها دقايق وشافت رباب الكل مجتمعين قربت شيخة وباست رباب على جبينها: مبروك يا روح امك انتي رباب اللي مو فاهمة شي اميرة: مبروك يا قلبي وبما انك بنت لو طارق سوا لك شي راح أكون جنبك نورة: مبروك يابنتي .الله يوفقك ويسعدك وكلها دقايق ودخلوا الرجال وانزفوا (الجد عبدالله و مشاري وعبدالله و وليد و فارس و فهد و محمد ) ومن اهل طارق(جده و سعيد واحمد واياد وحسين) رقصوا وسوا عرضت بالسيوف وبعد زفتهم انزفت رباب مع طارق وكانت الزفت روعه وعلى مستوى .نزلت رباب من الدرج وكان طارق يسنتها عند اخر درجة وبعد ما خلصت مسك يدها وانزفوا على شعر من تاليف طارق لحد ما وصلوا الكوشه افتحت الانوار وطارق ورباب رقصوا مع بعض بعد ما خلصوا الزفت والناس سلموا عليهم طارق: ربوبة عندي لكي مفاجاة اشر طارق بيده وانطفت الانوار وما باقي الا ضوء بسيط على اعلى الدرج نزل منه جواد ببدلة الرسمية ومن الناحية الثانية جود بفستان ابيض زي حق رباب في كل شي طلعت رباب وما صدقت عيونها اللي تشوف لحد ما وصلوا لهم وفقت رباب ومن الصدمة ما قدرت تتكلم بين جود وجواد كانت شوشو بفستان الأحمر الي طلع عليها كيوت وهيا تضحك .وفي يدها شرايط نازلة مربوط فيه.ا دبلتين رباب ضمت شوشو وطارق قرب منهم .لا تبكين .كم مره اقولك اني ما احب اشوف دموعك رباب تبكى وطارق حضنها قدام الناس طارق همس في اذنها: علشاني لا تبكين بليز اكتفت رباب بهز راسها طارق: مسحتي دمعته يوم مات ابويه ومن بعدها حلف ما تنزل دمعتك ابد طلعت بنان وهمست في اذن اخوها طارق يطلع رباب: ترى مو انا والله بنان وباسها على خدها والبنات كلهم جلسوا يصحون بحماس ورباب ما تعرف وين تودي وجهها طارق يكلم بنان: ترى هم كذه يخلوني اتهور بنان: لا دخيلك ما نبي البنت يغمى عليها طارق: يمه نبي نروح اميرة: اصبر شوي اقلها الناس يدخلون يتعشوا طارق: يمه انا وش دخلني فيهم اميرة بصبر: طارق لا تجنني ترى انت مو اول واحد يتزوج طارق بالحح : بلييييييييييييييييز نسرين: وش تبي ياطارق طارق: ابي اخذ زوجتي واروح نسرين: طيب راحوا طارق: امي تقول لا نسرين: توكلوا على الله راحت سارة وجابت عباية رباب وكلهم ودعواهم لانههم من هناك بيرحون المطار شيخة: طارق ما اوصيك على بنتي طارق: ان شاء الله ياخالة رباب في قلبي شيخة: ما اصيكي يابنتي على زوجك رباب: ان شاء الله يمه وبعد كذه البنات جوا وودعوها وبعد ما طلعوا من القاعة اتجهوا لمطار وفارس هوا اللي كان يسوق السيارة وباقي الجيش وراهم فارس: طروق ياويلك لو بكيت اختي طارق: ليش هوا انا اقدر ابكيها فارس: بوبتي لو سوي لك شي اعطيني تلفون طارق بمزح: رجاء هي ربوبتي مو بوبتك سمعت فارس: لا ماسمعت سمعني وصلوا المطار وودعوا الكل وانطلقوا سنغافور في الطايرة طارق: تبين تعرفين من متى احبك رباب ابتسمت : عرق الملقفه طاق فيني من واحنا في الهند طارق : طيب يا قلبي انت . تفتكرين ياروحي انا يوم مات ابويه رباب ابتسمت : 00000 طارق : اعرف انك ما تفتكرين انا راح اقولك ((((((((((((نرجع لماضي ))))))))))))) يوم مات أبو طارق كان عمره 15 سنه وكان مررره متعلق في ابوه لدرجة ما توصف ويوم ما دفنوا ابوه كان يبكى بشكل يقطع القلب وما رضي يقابل احد وقتها كانوا في قصر الجد عبدالله وكان في الحديقة الخلفية جالس يبكى . كانت رباب تمشى بفستانها الوري وظفيرتين وشكلها مررره حلوه رباب بصوت طفولي: ليش تبكى طارق طالع فيها بدون ما يرد رباب قربت منه ومسحت دموعه : لا تبكى . انا اصير باباك طارق غصب عنه ضحك : بس انتي بنت رباب: عادي . اصير ولد وبعدين انت ما تبكى طارق: خلاص ما راح ابكى رباب : يلا قولي بابا طارق ضحك: بابا رباب تحاول تضخم صوتها: نعم ياولدي طارق سحب خدودها: زينك بس رباب ضحكت: وأخيرا ضحكت . يلا مع السلام بعدين ماما تخاصمني . باي طارق: باي (((((((((نرجع لحاضر ))))))))) طارق: ومن ذاك الوقت ماراحتي من بالى . حلفت يمين انو اللى ينزل دمعتك راح يندم رباب ابتسمت: من جد صار كذه . خلاص راح اظل ابوك طارق: لا انتي مو ابويه . انتي زوجتي وروحي وام عيالي ان شاء الله بعد مرررررررررررررررررور سنتين في المنطقة الشرقية وامام البحر الكل كان مجتع كبار العائلة ما صار شي مهم في حياتهم . وليد وريما تزوجوا وعندهم ولدين مشاري وعبدالعزيز ريم وبدرجاتهم بنت بعد يوسف . سارة وماجدالله لا يغير عليهم حبهم . عهود وعبدالله عصافير حب ياناس .فهد تزوج وعنده بنت الحين اسمها رباب وحرمته طلبت الطلاق لانه لحد الحين يحب رباب وتركت له بنته .وفارس وهنوف تزوجوا بس ما لهم كثير ويجننون مع انو رباب وفارس مجننين هنوف وطارق .خالد رجع وطاب من الجميع انهم يسمحوا بعد ما صار مشلول والكل سامحه وربى جازه على فعايلة والحين عايش مع مادلين ورامي راكان ونوف عندهم بنوته تجنن اسمها منيره عبدالمجيد واسيل كل يوم حبهم يكبر معاهم ويعشوا حياتهم بسعادة مع عيالهم شهد تزوجت قبل شهرين وكل اللي اعرفه انها مبسوطة ثنوة انمسكت عند الساحرة اللي راحت لها وابوها زوجها واحد شايب حصة وندى تزوجوا وكلهم الاثنين الحين حوامل رغد كل ما انخطبت ترفض وتتحجج بتربية تولين بس هي في الحقيقة اتعقدت من زوجها الأول نايف كل يوم يقول يبي يتزوج أربعة وجدي وعده بعد ما يخلص دراسته راح يزوجه وحده والباقي هو يصرف نفسه رباب رجعت تكمل دراستها وطارق يدعمها بكل قوته جوادبعصبية: يمه قولي لبنتك تغطى وجهها سارة: احلف وانت واقف علشان اصدقك جواد: يمه في عيال ومن اول يناظرون فيها ماجد: أقول اترك اختك في حالها وسيبك من الكلام الفاضي هذا راح جواد وهو معصب منيرة: حرام عليكم زعلتم حفيدي علشان بنتكم الهبلة شيخة: والله جود ست البنات وما فيه منها اثنين منيرة: والله ما ادري وش اللي عجبكم فيها مغروره شيخة: يحق لها مو هيا ست البنات جود: يالبه انا جده حبيبتي .فديتك شيخة: فديتك يا عيون جدتك ريم: ريما الله يسعدك قوليلهم يقومون يشوفون بنتي .الحمل متعبني ريما: وين الشغالة حقتها كيد راح تنتبه لهم ريم: لا انا ما اضمن الشغالة هنوف: لا تخافين ما راح يصير لهم شي نوف: هنوف انتي في الشهر الكم هنوف: الرابع وفارس محلفني ما أقوم ولا اتحرك ريما: كانك اول وحده تحمل هنوف: احد اخذ رايك ميار: بنات مايصير كذه ابي اتزوج بنان: لا تستعجلين على رزقك داليا: وراكي هم وش طوله ميار: ايوه العبوا بعقلي طبعا لانكم انتم مخطوبات كان تلعب بتراب وشافها نفس شكلها وهي صغير ه نسخة مكرره منها وراح صوابها شالها بحنية وحب فهد: ايش اسمك يا حلوه شوشو: شوشو فهد: وش اسم ماما شوشو: ماما يوسف : اسم أمها خاله رباب فهد: وانت يا بطل ايش اسمك يوسف: انا يوسف ولد بدر فهد: ياهلا والله ونعم فيك حبيبي يوسف ابتسم وببراءة: وش أقول فهد: تقول الله ينعم عليك يوسف: الله ينعم عليك فهد: عفيه عليك يا بطل تنهد فهد بقوة : سرقت قلبي وتركتني انا وبنتي خالد جالس مع مادلين ورامي مادلين : شوبك خالد حزين هيك خالد تنهد: تتوقعين رباب سامحتني مادلين : رباب قلبها ابيض وكبير . ما بتوقع انها بتشيل عليك خالد ابتسم : تصدقين ما ادري وش كنت راح اسوي في الدنيا بدونك مادلين : الله يخليك لنا . وان شاء راح ترجع وتمشي مثل اول وبنعيش حياتنا انا وانت ورامي عند العيال الصغار رامي: انا اقدر اغطس في الماي 3 دقائق حمودي: انا اكثر منك انا 3 دقتايق ونص لؤي: يلا اغطسوا وانا ومهند راح نحسب محمد: اوكي يلا مهند: 1 2 3 وعند البنات خلود: وأخيرا كبرتم يا تولين و وجدان تولين: خوخه ابي اقولك شي خلود: ايش تولين: لؤي يقول يبي يتزوجك لو كبرتى خلود ضحكت: ايش . انا ما راح اتزوج خلاص ما اقدر احب احد بعد وليد وجدان: طيب خلاص وليد تزوج ريما خلود تنهد : يب خلاص علشان كذه ما اقدر احبه احد ثاني واتزوجه تولين: كيفك انا راح اتزوج وجدان: وانا كمان خلود: كلكم محمد وجدان وتولين مع بعض : لا خلود: ايوه وجدان: انا طبعا حمودي تولين: وانا رامي خلود: الحمدلله والشكر فارس جالس ومعه رباب وهنوف وطارق فارس سحب خدود رباب: تجنن هل الخدود ياناس رباب بدلع: فروسي عوراتني فارس باسها: ياعمري انا راح الألم رباب: فارس يبوسني وما يروح فارس: ياروحي انا فديتها وربى تجننن ياناس طارق يكلم فارس: بعد عن زوجتي هنوف تكلم رباب: وانتي كمان بعدي عن زوجي فارس حط اصبعه على راسه: كيفي اختي رباب تعاند هنوف: صح اخوي طارق جلس بين رباب وفارس : اشوف الحين وش راح تسون فارس سحب رباب وجالسها فوق رجوله : كذه راح نسوي طارق سحب رباب: ترى بعدين اغار منك فارس ضحك: هوا انت لوحدك زمان الكل كانوا يشكوا اننا اخوان بس بصراحة البنت هذي احبها بجد طارق طالعه بنص عين فارس: حب حب مو حب حب طارق: احتاج تفسير فارس: يعنى حب اخواه حب طاهر مو حب زواج (وخبطه على راسه) وعلى فكرة تراها اختتتتتتتتتتتتتتتتتتتتتتت تتتتتتتتتتتتي طارق يكلمهم : استكتوا ابي اقولكم شي الجد عبدالله: قول يا ولدي ونسمعك طارق: انا ورحي عندنا لكم خبر جد طارق: اللي هوا طارق: حبيبة قلبي انا حامل الكل جلس يهنهم ويبارك لهم طارق : اسمعوا اسمعوا الكل طالع فيه طارق: طالعوا السماء كلهم طالعوا السماء وبدات الألعاب النارية تزين السماء واستمر العرض لمدة نص الساعة واخر شي كتبوا بالطائرة النفثه اسم رباب طارق بصوت عالى : احببببببببببببببببببببببب ببببببببببببببببببببببببب ببببببببببببببببببببببببب ببببببببببببببببببببببببب ببها ياناس اااااااحححححححححححححححححح ححححححححححححححححححححببببب ببببببببببببببببببببببببب ببها طالع فيهم : ياناس فهموها اني احبهااااااااااااااااااااا ااااااااااااااااااااااااا ااااااااااااااااااا بنان: يا رباب والله طارق يحبك الجد عبدالله: طارق يحبك يابنتي الجدة خديجة: يحبك طارق عبدالعزيز: طارق يحبك يا بنت ابوكي شيخة: طارق يحبك يا عمري انتي اميرة: ولدي يحبك يا بنتي جد طارق وجدته: ولدنا يحبك يا بنتي نسرين: وربى طارق يحبك منيرة وعبدالرحمن: طارق يحبك يا رباب نورة ومشاري: طارق يحبك ميار: ايوا الله يحبك ويموت فيكي هنوف : رباب طارق يحبك عبدالله: ربوبه طارق يحبك عهود: رباب طارق يحبك وليد: روبى طارق يحبك ماجد: طارق يحبك نايف: طارق يحبك نوف :رباب طارق يحبك ريما: رور طارق يحبك راكان:طارق يحبك داليا: طارق يموت فيكي رباب حصة:طارق يعشقك يا رباب مووووووووووووووت ندى: طارق يحبك رغد: لا تفرطين فيه ترى يحبك هند: طارق يحبك امجد: طارق يحبك فهد :طارق يحبك يا رباب في قلبه(وانا اعشقك واعشق التراب اللي تمشين فيه) اسيل : طارق يحبك يا روبى وانتي تستحقيه عبدالمجيد :طروق يحبك خلود:طروق يحب بوبه وبوبه تحب طروق وجدان:طارق يحبك لوي : طارق يحبك محمد:طارق يحبك مهند: طارق يحبك تولين: طارق يحبك جود:طارق يحبك جواد: طارق يحبك يوسف:طارق يحبك شيخة بنت عبدالله: طارق يحبك عمة رباب شوشوتطالع فيهم . خلود: شوشو قولي شوشو: قولي خلود: ماما شوشو: ماما خلود: بابا شوشو: بابا خلود: يحبك شوشو: حبك بنت : صح اننا ما نعرفك بس ترى من جد شكله يحبك صديقتها: لا تضيعنه من يدك فارس: طارق يحبك يا رباب بس مو اكثر مني طارق بجد : والله اكثر رباب بكيت وبخجل : وانا كمان احبه طارق وقف قدامها ومسح دمعتها برقه: انا ايش قلت على الدموع هذي (ونزلت دمعته) يوم اشوفك تبكين احس نفسي مو رجال وربى يا رباب وربى دمعتك تهز رجولتي وربى مااكذب رباب: وانا بعد ماابي اشوف دمعتك طارق : فهموها ياناس اني احبهااااااااااااااااااااا اااااااااااا ودمعتها تهز رجولتي رباب: فهموا ياناس اني احبه ومستحيل أعيش بدونه الجد عبدالله بمزح: ما تحسوا انكم زودها جد طارق: عيال اخر زمان نايف بمزح: تغارون بنان: الا بقوة يغارون طارق باس جبينها : جعلني ما انحرم منك رباب: امين ولا منك . احبك طارق: احبك واموت في التراب اللي تمشين فيه وأخيرا Roby: طارق دقيقة بس طارق: هلا Roby : في بنات خاقين عليك طارق: ويرضيهم دمعة رباب تنزل Roby : طيب وش اسوي انا . طارق: قوليلهم مستحيل عيوني تشوف غيرها Roby: الله الله على الرومانسية . فهود ماتبي عروس فهد: لا خلاص راح اربى ربوبتي Roby : اوكي يلا اقلبوا وجيهكم . ابي انزل البارت الكل : باي وأخيرا Roby: لحظة لحظة الكل : نعم Roby: طارق معجباتك يسلمواعليك طارق: ما اعرفهم Roby: معجباتك من تغاريد وعبير وغرام رباب: نعم نعم عيدي ما سمعت Roby: ولاشي . هو مجرد سلام رباب: لو سلام بس مو مشكلة . تعالى ياطارق ما عليك منها . وانتي حسابك معايه بعدين Roby: بس وصلت الأمانة . الله وأخيرا لكل بداية نهاية وهااا انا قد وصلت لنهاية مشوار واكملت روايتي برغم من الصعوبة والضغوطات التي مررت بها .اتمنى من كل قلبي انا الرواية نالت على اعجابكم وشكرا خاص لكل من ساندني في انهاء الرواية فقد حصلت الدعم من خلال تشجيعهم لي . وردودكم كانت دافع قوي جدا لي واخر ما أقول انتظروني في روايتي القادمة باذن الله (يتيمة بس لي الله ) إلهي.. أنا الفقيرُ إليكَ في غِنايَ.. فكيف لا أكونُ فقيراً إليكَ في فقري؟!! وأنا الجَهول إليكَ في عِلمي.. فكيف لا أكونُ جَهولاً إليكَ في جَهلي؟!! النهاية | ||||
|
| |
|
| أدوات الموضوع | |
| انواع عرض الموضوع | |
|
|
1Likes
.png)
العرض العادي
