الرواية كلمة رائعة لاتكفي حقها كلها غموووض كل فصل وكل سطر قريته مكنش بيدي اي مجال لاي توقع ليا للاحداث من الاخر رواية غير متوقع احداثها كل كابل ليهم حدوتة وكل حدوده جواها غموض اكبر
اقتباس:
|
انا مبسوطة اوي ان الرواية ادتك الاحساس دا يا حبيبتي .. بحاول على اد مقدر اكتب حاجة محترمة ومختلفة ومشوقة
|
لما بدات اتعرف ع جوزيف وانجل عرفت انه امريكي وهي عراقية استنتجت انه انقذها من وطن كان بيحتضر منكرش ان جوايا حصل نفور كونة امريكي وجندي كمان كان بيخدم هناك ف الجيش معنديش غير نفور قوي من ناحيته مع ان واضح انه كويس بس مضايقني بردووو مش قادرة اتعايش قصه حبهم حاي لو ضحي وحتي لو دافع عنها بانسانيته فانا مش شايفه غير المجازر الي كانت بتحصل هناك عقلي بيدين نموذج جو ومش عارفه افكر فيه كبطل نموذجي بيحب وبيحارب مجتمعين ببساطة مش عارفه اشوفه خالص يمكن لو قريت الجزء الاول كنت عرفت اشوفة من زاويه تانيه بس ببساطة حتي الزاوية دي رافضه اشوفه مش عارفه هو شعور كريه وخلاص شعور غبي كمان لان بعيدا عن كونة امريكي وجندي خدم ف حرب العراق فجانب الحماية لحبيبته ملاك فظيع الحمايه والحب والامان هو من الاخر نموذج رائع بعيدا عن جنسيته عارفه ان كلامي شبه عنصري ههههه بس صعب احبه مهما كان ومهما عمل نبعد عن دول لان مشاعري ناحيتهم فعلا عنصرية
اقتباس:
انا بطالبك بشدة انك تقرأي حرب مع الراء وهتفهمي ابعاد شخصية جوزيف ميلر
جوزيف مدخلش الحرب بمزاجو.. هو مش جندي رسمي فالجيش.. هو جندي مكلف.. الدندي الرسمي بيدخل الجيش وهو عارف فيه قتل عشان كدا معملتوش جندي رسمي وعملتو مكلف يعني هو شخص عادي بس مرتبط ككل الامريكان بمعاهدة استنفار الطاقات فالحرب والتجنيد للشعب في حالة الحروب ودا ت ايقافو بعد حرب فيتنام وتم اعادة العمل بالقانون بعد حرب العراق...
جوزيف دخل الجيش رغماً عنو .. ومش كدا وبس دا اخوه هو الي دفع رشوة عشان يستدعوه
ومش بس كدا دا مقتلش ولا اعتقل... وهو الي خلص ملاك من المعتقل وهرب بيها .. كمان كان مناهض اصلا للحرب وبيطلع مظاهرات ومرة اتضرب من مكافحة الشغب بسبب دا.. وكمان كان بيساعد العراقيين بحملات الاغاثة ...
دا بقى انسان كويس ولا لا؟
|
نيجي لصخر وزنبق قصتهم غريبة مش قادرة اصدق ان زنبق بالعهر ده احساسي بيقول انها فتاة لم تمس وبالرغم من ده الا ان روحها ملوثه يعني هي بدين نفسها وبتحاول تتطهرها من اثم معذب ضميرها بالرقص الصوفي وباللون الابيض يمكن يدخل جواها احساس بالهدؤ هي مفتقداه ومش قادرة تعيشه جوه نفسها انتي قلتي ف جمله ان صخر شافها مرتين بتعيط اول مرة ايام لما كان بيحبها وقالت له ابوها تعبان وانه عرف بعد كده ان ده وهم كذبت بيه عليه انا استنتاجي الرهيب ان ف الوقت ده كان فعلا شخصيتها الحقيقية بس ممكن ف الوقت ده حد طلب منها انها تتواجد ف حياته مقابل مثلا شئ مصيري فهي تنازلت عن مبادئها بس بالرغم من ده حبته اما عن الحادثه الي هي تسببب له فيها ممكن هي تكون افتكرتة مات مثلا او حد اوهمها بكده او هي ببساطه بعدت قصرا عنه وقالت كفايه ماجالووو مني ممكن مثلا كانت بتشتغل ف شغل مشبوة عشان تسد مصاريف مع العلم انها فترة لما قابلته او لما كانت مزقوقة عليه فعلا حبته ولما اذته قررت انها تسافر بلد باردة زي سكانها وهناك اضطرت تشتغل الشغل المشبوة ده والي زاد اكتر ان صخر بعد فترة من محاوله ايجادها لتغذية انتقامة شاء سؤ الحظ ان وقتها تكون بتشتغل ف الملهي ده والي لما دفع ليلتها ثمن ليها شاف الجرح ف عيونها لانها رغم الفساد الي كانت فيه الا ان قلبها متصورش ان حبيبها يشوفها بالصورة المزيفة الي هيا عليها واراهن وقتها انه مطلهاش لانه تقزز منها واكيد هي هربت منه ومن المكان الي كانت بتشتغل فيه اكن الكيل طفح بظهورة تاني ومحاولة شرائة وتقززة منها ومن الحال الي وصلت ليه وان زنبق عماله بتعاقب نفسها اكنها تستحق العقاب انا يمكن اكون الفت قصة وهميه بس احساسي بيقول انها مظلومة بس اعمي القلب والبصر مش شايف ده وهي بإحساس الذنب جواها مش مديه لنفسها غير دور المستشلم اكنها بتخلص نفسها من ذنوبها الي هي اكيد ضحيه فيها
اقتباس:
|
يا تحليلاااااااااااااااااااا اااتك ...
|
اما عن ارورا وكايل فكايل بدات تجذبة ارورا بس اتمني ارورا اهليه يمشي حافي يقول انا حسحس وحسحس انا وتخليه يجري وراها يطلب رضاها وهي ترد عليه بإبتسامة باردة يكتشف بعدها ان الابتسامة دي تخص بيها هوااا بس وباباها ويبقي هيموت وينول بس حيويتها مع اي حد غيرة
اقتباس:
|
ههههههههههههههه دي هتنفخو بس استني علا
|
الفلاح وحبيبته النارية قصتهم حلوة وخفيفة مش معقدة اتمني يفهمها بقي ويحاول عشانها وكفاياه تجريح وهي تبطل جنان وكدب وتحاول تكسب ثقته بعيدا عن الداما
اقتباس:
|
التعقيد جاي لسا يا اوختشي
|
امممم فاضل مين تالي اه ويل وتين دول قصتهم هتبقي صعبه شويه لان اختلاف الاديان عقبه صعب تخطيها هي مش هتقدر تقف ادام عيلتها عشان واحد ف نظرهم مسلم وفوق ده كمان همجي ضارب للنساء قصتهم شيقة بس بالرغم من ان عادي المسلم يتجوز مسيحيه دينا الحنيف بيديلووو الحق ده الا ان العرف هيقف ادامهم عرف وتقاليد عيلته وعيلتها بس بالرغم من ده الان التفاهم مابينهم حلووو اوي ❤❤
اقتباس:
|
دي المشاكل هي الموقفة وليد عن احاسيسو تجاه تين وضيفي لدا احساسو العميق انها مش بريئة زي بنات بلدو
|
اخيرا بقي اخر تونز ماثيو وكيرا التضاد مابينهم عامل جذب رهيب مش قادرة احدد طابع قصتهم لان ملامحها لسه مبانتش قدامي ولحين حدوث ده تقبلي مروري وف انتظار القادم بشوق وبجد شابووو ليكي قلم رائع يستحق المتابعة اسعدني مروري هنا اوووي رواية رائعة حمستني للتواجد هنا ف المنتدي من جديد واحلي تقييم لعيونك
30-12-16, 01:37 PM
60Likes
لكن كلي أمل انه يلقى اللي تحبه 
العرض العادي
