جيتك عشق جيتك وله جيتك جنون بقلم / أوقآآت ( مكتملة )

[فيتامين سي]

	بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته أعضاء روايتي الغالين نقدم لكم رواية (( جيتك عشق جيتك وله جيتك جنون )) بقلم / أوقآآت قراءه ممتعه للجميع ...

[فيتامين سي]

أتشرف بطرح روايتي الأولى بهذا المنتدى الرائع الذي كان يشاركني جميع أوقاتي..

لاأشعر بالوحدة مطلقا وأنا أتواجد هنا بينكم..
طوال تلك السنوات التي قضيتها وأنا أقرأ بصمت خلف الشاشة..

رغبت الان أنا أشارك معكم بالرقي والتميز..

جيتك عشق..جيتك وله..جيتك جنون..



أوقآآت

[فيتامين سي]

رابط لتحميل الرواية

https://www.rewity.com/forum/t345083.html#post11128160

بسم الله الرحمن الرحيم

الرواية من نسج الخيال لكن من واقع الحياة المؤلمة

كيف جمعت القسوة والحنان ..
وكيف يجتمع الحب المستحيل والعشق المجنون ..

كيف يعيش الانسان وقلبه محطم..
وتعيش الام من غير قلب عندما تحرم من أبنها..
وماهو شعور من يحب من طرف واحد..

كيف يستطيع الانسان أن يثق بمن حوله ..

بعد صدمات الحياة المؤلمة له..
كيف تكون زوجه على الاوراق فقط..
وهو يتألم لذلك...
وكيف ان الدنيا صغيرة ولا بد من ان تجمعنا يوما بمن نحب..


طلع بسرعة من المستشفى بعد مازار صديقة اللي مسوي حادث وكان يطالع بساعته حتى يشوف كم باقي على موعد طيارته لكندا..

نزلت من السيارة بسرعة تبي تكذب لموت والديها بحادث

فجاءة..

اصدموا ببعضهم ..

رفعت عينها التي امتلت بالدموع
دمعة يتم..
دمعة فراق..
دمعة ألم..
دمعة ضياع..
دمعة ابن مفقود..


قال هو: أسف مانتبهت..

أكتفت هي بالنظرإليه ثم دخلت مسرعة للمستشفى


بعد سنتين..








في احد أشهر الاحياء الراقيه بالخبر..
صحى من نومه واخذ شور ولبس جنز رمادي وتشيرت ابيض عليه خطوط باللون

الرمادي..وتعطر من عطره المفضل جورج أرماني ولبس ساعته السويسرية وأخذ نظرته السوداء من ديور وطلع من غرفته..

قابلته أخته على الدرج تركض بكل مرح وتقول: فصولي تكفى فكني من راشد وتخبت وراءه..
جاء راشد مسرع وملابسه مبلولة ماء ويبي يمسكها وقال :أنا ماراح يفكك مني أحد أذا أنتي كبتي علي كأس موية أنا الحين بشيلك وبرميك بالمسبح
شهقت ليان وقالت: اهون عليك عاد..
قال فيصل : خلاص امسحها المره بوجهي وأوعدك لو عادتها أنا اشيلها واحذفها لك بالمسبح..
قال راشد : علشانك هالمرة هذي بس وكمل يصعد الدرج يبي يغير ملابسه
قالت ليان: خوش أخو ولا بعد جايه ابي فزعتك أنت وجهك..
قال فيصل: أنا ووجهي هاه..وطول صوته وقال:
تعال ياراشد وسوى اللي تبي فيها..
قالت ليان : لإلإلإ أسفة ماقصدي وقربت منه وطبعت بوسه على خده..
قال فيصل: تسلمين لي ياقمر يالله أنا طالع تبين شي..
قالت ليان :وين
فيصل: أبي أمر على المحل وبعدها بروح المستشفى عندي شوية شغل..
قالت ليان: الله يعينك حتى يوم الخميس ماترتاح فيه..
فيصل: يالله باااااااااايو..

تعريف بالعائلة..
فيصل عمره27 سنه وهو انسان ناجح والدليل انه قدر يصير دكتور وهو بالعمرهذا كان يدرس بكندا وتخصصه دكتور أعصاب وهو طويل شوي وعريض الكتوف ولونه برونزي طبيعي وعيونه عسلية واسعه كثيف الرموش وشعره طويل شوي على حد الرقبة ومقصص بشكل مرتب ومسوي خنجروعليه رزه ووسامه تخلي الكل ينجن عليه (على كثر المعجبات لكن عمره مافكر بالمغازل او انه ينزل للمستوى هذا فيه شوي غموض وعصبية وبقلبه حنان الكون مخفيه

راشد عمره 22 سنه وهو مرح وطيوب ويدرس بجامعة الملك سعود حاسب طويل وابيض
وشكله وسيم لكن ماهومثل فيصل..
ليان عمرها 12 وهي دلوعة البيت وماحد يرفضها لها طلب طولها وسط ودبدوبة شوي وبيضاء مره
وشعرها قصير ومسويته قصة فكتوريا.
الام متوفية قبل سنة وهذا اللي يخلي فيصل يدلع ليان..
الاب رجل أعمال ناجح ومن كبار الشخصيات لكن دايم يسافر..



بمكان ثاني داخل مجمع(.....) من أشهر المجمعات بالرياض..
كانت تتسوق بالمجمع مع صديقة عمرها عبير ودخلت محلها المفضل وكان كبير مرة وراقي جدا
وجلست تتفرج على الموديلات الجديدة
قالت عبير€: شهد شوفي هذاك وتأشر على واحد واقف بالمحل تتوقعين سعودي أو لا
قالت شهد من غير ماتطالع : عبير بطلي السوالف هذي متى تعقلين هذا وانتي متزوجة ..

ضحكت عبير وقالت :أنا كنت أشوف بس تبين أغمض عيني يعني وغير كذا هو اصلا يخلي الواحد يلتفت صوبه غصب

طنشتها شهد وأشرت على مدير المحل وقالت بالنكليزية: Please sir( لو سمحت سيدي)
التفت فجأة للصوت الانثوي الطاغي وأشر على المدير أنه يبقى مكانه وهو راح يشوف الزبونه ماكان هذا طبع فيصل ولا مرة اهتم بالزباين وحتى هومستغرب من تصرفه..
قرب منها وشهد من غير ماترفع عيونها قالت بالنكليزية :متى تبدأالخصومات على هذه القطعه..
وكانت تأشر على تيشرت بلون الموف وفيها ورد صغير بلون الوردي على الصدر وكانت مرة ناعمه وراقية
رد عليها بالانكليزية وهو ضايع من صوتها وقال: سوف أسال المدير الان
رفعت شهد راسها مستغربة لانها كانت تتوقع انه المدير لكن شافت شاب وسيم وانسحرت بالعيون العسلية اللي عليه وبالخنجر اللي مسويه لكن بسرعة بدلت االافكار اللي براسها وقالت بعصبية : لقد استدعيت المدير أنا لماذا جاءت انت ..وفيصل ماكان مستوعب وش تقول.. أبحر بعيونها الرمادية ورموشها الكثيفة وباللثمة اللي مسويتها وكان يقول بنفسه هذي هي نفس العيون اللي شفتها قبل سنتين مستحيل أنسى ذيك العيون أخيرا لقيتك أنا مستحيل أخليها تضيع مني مرة ثانية وصار يردد نفس السؤال اللي من سنتين .. عيونها طبيعيه أو عدسات..أما شهد مشت للجهة الثانية من المحل جتها عبير مسرعة وقالت : شهد تكفين أبي جوالك شوي خلص الشحن علي وأنا أكلم مربية ولدي سامي..قالت شهد بحب: أخذي الشنطة كلها ومدت شهد شنطتها لعبير وكملت تفرج على الملبوسات وكانت عيون فيصل ماتفارقها غصب أنجذب لها وماكان قادر يبعد عيونه عنها واللي استغربه أكثر انها ماعبرته
ولا حتى نظرة أعجاب << لا تلومونه متعود على نظرات الاعجاب بسبب وسامته

مشت عبير بسرعة متوجهه لشهد ورمت عليها بكيت دخان حصلته بشنطتها وقالت عبير بكل عصبية : شنوا هذا ياشهد ..
التفت شهد وفجاة ضرب زاوية علبة الدخان عين شهد وتالمت كثير لدرجة أن الاغراض اللي بيدها طاحت
قرب فيصل بسرعة لشهد وهو خايف عليها..
عبير بسرعة قربت لشهد وقالت : أسفة شهد ماكان قصدي تكفين سامحيني
شهد كانت مغمضة عينها بيدها وتتألم

قرب فيصل وقال : لو سمحتي أختي فيك شي..
عبير شافت الباكيت اللي طايح وبسرعة أخذته ودخلته شنطه شهد وقالت :يالله نمشي
عبير كانت تظن ان شهد بس متالمه عادي وانصدمت لما بعدت يدها عن عينها ولقتها تبكي وعينها صاير حمراء بقووة

قال فيصل: تفضلي أختي هنا وأشر على اريكه بالمحل مسكتها عبير وجلستها على الاريكه ..
قال فيصل بنفسه وجع يوجعني شكلها عيني صابتها وأنا الخبل جالس افكر عيونها طبيعها او عدسات ونسيت أذكر اسم الله
قرب فيصل من شهد وقال بكل أدب: ممكن اشوف عينك..
أرفعت شهد وجهها وكانت اللثمه شوي وتطيح وبسرعة عدلتها وقالت باسلوب استفزاز :لا يكون أنت دكتور وأنا مدري..

قال فيصل بكل ثقة : أيه أنا دكتور ممكن اشوفها الحين..

قالت عبير بكل خوف وهي تشوف عين شهد اللي بدأت تصير زرقاء من داخل ..: شهد تكفين خليه يشوفها..

قالت شهد عبير دقي على السواق خليه يجي الحين

قرب مدير المحل وقال لفيصل: سيدي فيصل هل هناك مشكلة..
قال فيصل : لا
رفعت شهد عينها لجهة فيصل وناظرت له بنظرة الم وحزن لما أنذكر اسمه..وبسرعة ابعدت عينها عنه..
فيصل استغرب هالنظرة المؤلمة
وكان يتمنى يخطفها ويبعدها عن أي شي يألمها
وجه المدير كلامه لشهد وقال: سيدتي أم فيصل هل أنتي بخير..!

علامه صدمة وتعجب وذهوووووووووووول على وجه فيصل..!!

وش قصة شهد الغامضة....!!

وفيصل شلون مانساها لسنتين...!!

ونظرة الحزن لاسم فيصل بعيونها الرمادية ليه.....!!

[فيتامين سي]

البارت الثاني..



قالت شهد وهي تمسح دموعها بكل عنف رافضة نزولها لانها تتعتبرها ضعف وقالت بكل احترام لمدير المحل:
أنا بخير واعتذر بشدة على الازعاج
قالت عبير: شهودي والله اسفة ماكان قصدي..
وقفت شهد وقالت بكل حب لعبير: عادي عبورة ماصار شي واصلا أنا استاهل..

دق جوال شهد وقالت عبير: جاء السواق يالله..


طلعوا بسرعة من المحل وفيصل لازال واقف بمكانه .. يمكن اصابته الخبيه لان البنت اللي اعجب فيها طلعت متزوجة وعندها ولد والدليل أن المدير نادها باسم ام فيصل وبنفس الوقت أعجب كثير فيها لانها مانظرته باعجاب لانها متزوجة ومحافظة على نفسها مومثل الباقيات

توجه فيصل بسرعة للمدير وقال له:هل تعرف الفتاة..

قال المدير : أيهما
قال فيصل : اللي ناديتها باسم أم فيصل..
قال المدير: نعم
قال فيصل: منذ متى تعرفها

قال المدير: منذ خمس سنوات وهي من أفضل الزبائن لدينا..
وفي السنتين الاخيرة أصبحت تشتري
من المحل بكميات كثيرة ومقاسات مختلفة

قال فيصل : اريدك ان تتصل بي ضروري اذا جاءت إلى هنا مرة أخرى..

ناظر المدير له مستغرب..
فيصل بنبرة عصبية: هل فهمت..

المدير : نعم سيدي..



عبدالعزيز : مستحيل اتزوجها ..

الابو : هذي بنت عمك وانت أحق فيها من الغريب..

عبدالعزيز: مستحيل اتزوج شوق لو مايبقى غيرها بالدنيا..

الام بحنان : لكن هي ماشاء الله عليها حلوه وتناسبك..

عبدالعزيز بكره : قصدك مغروره وماتشوف الناس شي..

الابو : كل شي يجي بالقوة الا الزواج..أنا راح اتفاهم مع اخوي خلاص سكروا السالفة..

باس عبدالعزيز راس ابوه : مشكور يالغالي..

عبدالعزيز عمره 28 سنة يشتغل رقيب بالمباحث بشكل متخفي بشرته بيضاء وعيونه سوداء واسعه وكثيف الرموش طويل ومفتول العضلات له سكسوكة خفيفة مع الشارب.. عصبي واكثر وقته ساكت..
هو وحيد أمه وابوه..

























خرج فيصل من المحل وتوجه بعدها للمستشفى اللي يشتغل فيه

شهد تكلم السواق : توجه للمستشفى ياراجو..
قال راجوا: طيب مدام..
قالت عبير: شهودة عينك تعورك قالت شهد : ايه شوي..
قالت عبير: انا اصلا عصبت مرة لما شفت الدخان بشنطتك وانفعلت وماحسيت بنفسي ألا وأنا أرمية بوجهك ..كملت بنرة حنونة شهودة ليه كذا ماني مصدقة أنك تدخنين أنتي اللي فيك مكفي مانتي ناقصة امراض ..

قالت شهد بضعف: غصب عني ياعبير انا ابي اتنفس أحس نفسي مخنوقة..
كاره روحي وكاره الحياة تعبت خلاص ماني قادرة امثل اني قوية وأني اتحمل خلاص طاقتي انتهت
قالت عبير: من متى طيب وانتي تدخنين..؟

قالت شهد : مالي ألا كم شهر وترى والله ماهو دايم

قالت عبير الله يعينك ويصبرك..


وصلوا المستشفى ودخلت شهد عند دكتور عيون وكشف على عينها ومر بال شهد قصيدة ابن فطيس لما قال:..
لكنٌ يا دكتور جعلك ما تهونأبغيك كلمة رأس دامك ما بديتصورة عديل الروح عندك فالعيونوأخاف تقطعها بموسك ما وعيتولا عليك أمر..أطوها تحت الجفونوعقبه لو تقطع عيوني ما شكيتهي رأس مالي والعرب ما يدركونأني على باب الممات و ما حكيت



قال الدكتور ان القرنية اصيبت بخدش والسبب من زاوية العلبة وكتب لشهد قطرة معقمة للعين ومراهم
طلعت شهدوعبير من عند الدكتور قالت عبير : الحمد الله على سلامتك وانا اسفـــ
قاطعتها شهد وهي تقول بروح مرحة : اسفة ماكان قصدي خلاص عبورة هذا اعتذارك للمرة المليون وجلست تضحك تبي تخفف من شعور الذنب اللي عند عبير..



بعد صلاة العشاء في بيت فيصل

دخل ولقى ليان عند التلفزيون قرب منها وباس راسها وعفس شعرها وقال: شخبار الحلوة

ليان : بخير ياأحلى أخو بالدنيا

بعدين قربت منه وقالت : تكفى فصولي ابيك توديني عند ديما ( ديما بنت عمها واكبر منها بسنة)

قال فيصل: من عيوني ماطلبتي شي روحي تجهزي بسرعة وانا انتظرك هنا ..

وجلس على الاريكة وليان بسرعة البرق توجهت لغرفتها وهو يضحك على ركضها

رجع رأسه لوراء ومر طيف شهد بباله وتذكر عيونها اللي سحرته من سنتين وصوتها الانثوي..

في كفها خاتم وفي خدها خال .... وفي عينها غيم وعمارات وبيوت الخال شفته واضحٍ من ورى الشال .... والخاتم الماس مرصع بياقوت والعمر في العشرين كني مانيب زال .... والجسم كنه من جبل ثلج منحوت
وتنهد من قلب وقال بنفسه أستغفر الله البنت متزوجة وأنا أفكر فيها صدق أني خبل
لكن وش يسوي باكيت الدخان معها.؟؟؟

سمع صوت الباب وفتح عيونه وشاف راشد توه يدخل قال راشد : مساء الخير خيو..

فيصل :: مساء النور شخبارك ..

راشد : تمام اعذرني أنا بروح أنام الحين لا يصحيني أحد
فيصل بخوف : ليه عسى ماشر وش فيك تنام توى الناس الساعة 7
راشد : لا مافيني شي بس مواصل من أمس وفيني النوم

فز فيصل من مكانه وقرب لراشد وقال بنبرة غضب ممتزجه بنبرة خوف : كم مرة قلت لك لا تواصل أسهر لكن لا تواصل ليه تحب تعاند أنت
راشد :: يووووه ترى مالي مزاج لمحاضراتك الحين يالله بااااااااااايو

وصعد لغرفته
فيصل يعتبر نفسه الاب والام والاخ وكل شي خاصة مع سفر الوالد الدايم ووفاة امه حس انه هو المسؤل عن اخوانه
نزلت ليان بسرعة من الدرج وقالت بمرح : أنا جاهزة
قال فيصل : مافيه روحه لبيت عمي

انقهرت ليان وقالت بزعل : ليه..

قال فيصل : علشان مرة ثانية ماتركضين على الدرج

قربت ليان منه وحاولت تقرب تبوس خده وتعتذر لكن هي قصيرة شوي بالنسبة له

قالت ليان بمرح : ماودك تنزل شوي وتخليني ابوسك واعتذر

قال فيصل مابي اعتذار ابيك ماتركضين أخاف تطيحين وتنكسر رجلك

قالت ليان : تطمن وحقك علي..



بمكان ثاني وفي فيلا صغيرة لكن جدا راقية بالتصميم وفي حي فخم بالخبر ..

كانت بطلتنا شهد جالسة على الاب توب وعليها بجامه من لاسنز علاق تفاحي وبرمودا أخضر غامق جتها الخدامه وقالت : مدام العشاء جاهز
شهد : شكرا لك

وتوجهت لطاولة الطعام وجلست عليها وكان كل ماتشتهي من اصناف الطعام موجودة

قالت بعتب للخادمة : ماريا لماذا كل هذا الطعام

قالت ماريا بحب: من أجلك فأنتي من الصباح وانتي لم تأكلي شيئا..
مر طيف فيصل ولدها ببالها وقالت بنفسها آه يافيصل وش تسوي الحين ونزلت دمعه حارة مولمة لفراق الابن

قالت ماريا: أن ربي معه ولن يتركه وعليك بالدعاء

رفعت شهد كفيها بصدق للسماء وقالت بقلب أم صادق : يارب احفظه من كل مكروه يارب ارجعه لي ولا تحرمني منه وبدأ صوتها يجهش بالبكاء فقامت من الطاولة وتوجهت لغرفتها ودخلت بنوبة بكاء شديدة..

بطلتنا شهد عمرها 25 سنه بشرتها صافية وبيضاء جسمها رويان ومتناسق
طويلة وعيونها رمادية واسعة وكثيفة الرموش حواجبها مرسومة رسم خشمها صغير وشفايفها توتية رهيبة وفيها حبة خال على خدها

وجهها دائري وشعرها مقصص على وجهها يوصل لتحت الكتف
يعني ملامحها طفولية بيبي فيس مرة
وكيوت فيها شموخ وكبرياء وقوة مصطنعه قدام الناس
تكره شي اسمه رجال وراح
نعرف باقي التفاصيل بالاحداث الجاية..



في صباح يوم جديد واحداث جديدة ..

دقت عبير جرس الفيلا وفتحت لها ماريا الباب..

عبير: صباح الخير صحت شهد ..

ماريا : صباح النور ايه وجالسة تفطر تفضلي ..
دخلت عبير على شهد وبكل حب قربت منها وسلمت عليها قالت عبير: صباح الخير ..
شهد: صباحك ورد يالغلا
عبير شلونك اليوم عسى نمتي البارحة وماعورتك عينك

قالت شهد

وانا أٌقول وش جابك على الصبح

عبير: طرده هذي يعني

شهد : البيت بيتك لكن قلت غريب تاركه خالد من الصبح ..

يعني أنا أغلى منه

عبير: وهذي فيها شك أنتي موبس صديقتي أنتي أختي وحياتي وكل دنينتي

شهد : خلاص بس عاد لا يسمعك خالد ترى يذبحني أنا..

عبير: ههههههه هو وده بذبحك من زمان

قالت شهد : شاركيني الفطور تفضلي

عبير: من غير ماتقولين اصلا

وجلست بجنبها على الكرسي..عبير: شخبار الدراسة

شهد:: تمام


عبير : متى راح تسافرين لفرنسا

شهد : بعد شهر يمكن راح اناقش رسالتي للماجستير وارجع على طول ( شهد تحضر للماجستيروتسافر لفرنسا بس اوقات الامتحانات ووقت مناقشة الرسالة)

عبير بكل صدق: ربي يوفقك ويفتح لك ابواب رحمته
شهد : تكفين دعواتك لي..
عبير بتردد : شهودة ياليتك تكشفين هناك وتتاكدين أكثر..الدكاترة هناك أحسن من هنا..

شهد وهي متضايقة: ماراح أكشف ولا شي أنا الحمد الله بخير

عبير: طيب إلى متى ووضعك كذا.. أنتي لازم تشوفين حياتك..
نزلت شهد قطعة الخبزه من يدها وقالت : الحمد الله انا خلصت ونادت ماريا..

ماريا : نعم..

شهد: أبي قهوة تركية تعدل مزاجي .. وهاتيه بالحديقة..

ماريا : حاضر

التفت لعبير وقالت: كملي فطورك انتظرك بالحديقة..
وطلعت..

عبير بنفسها صدق أني غبية أحد يسوالف بالسوالف هذي من الصبح
خلني اقوم الحقها..

قربت من شهد وهي جالسة على كرسي بالحديقة وقالت: شهد لا تزعلين مني..

شهد : عبير أرجوك انا حياتي كذا معجبتني وخلاص لا عاد تفتحين الموضوع هذا الله يخليك..
عبير: شهد أنا مو مرتاحة وانتي وضعك كذا أهلك وتوفوا بالحادث قبل سنتين وانتي مالك أي اقارب بالدنيا لا عم ولا خال..وأنتي الحين تعتبرين مطلقة
وحتى زوجك العلة أخــ.. قاطعتها شهد وهي بكل عصبية تقول :عبير كافي خلااااااااااااااص..

مايحتاج تذكريني وش سوى أصلا انا مانسيت ولا عمري راح انسى انه أخذ فيصل من حظني مايحتاج كل شوي تذكريني اسكتي خلاص.. وقامت وخلتها

أخذت عبايتها وشنطتها بسرعة من الغرفة وطلعت الحقتها عبير تنادي : شهد وقفي وين تروحين
قالت شهد: بطلع للبحر مع السلامه..

رجعت عبير لبيتها وهي شايلة هم صديقتها وتؤام روحها ..
قرب منها خالد وقال: عبير من وين جاية
عبير : من عند شهد رحت ابي اتطمن عليها وافاتحها بموضوع الزواج واقول لها ان صديقك يبي يتقدم لها لكن هي ماعطتني فرصة..
خالد : ماعليش ياقلبي شكل جروحها للحين ماتشافت..
ربك كريم يجبر بخاطرها انشاء الله
عبير: أمين ربي يسمع منك..



وش المرض اللي شهد مصابه فيه..!!!!

وليه تكره الرجال ...!!

ورافضة الزواج..
فيصل وشهد ..وفيصل ..كيف راح تكون حكايتهم..

[فيتامين سي]

البارت الثالث..



طقت ليان الباب على فيصل وقالت : فصول قوم صلاة الجمعة لا تفوتك..
فيصل : طيب هذا أنا قمت

وتتوجه لغرفة راشد وتطق الباب : رشوووود قوم يالله الصلاة

راشد : طيب طيب

فجاءة انفتح باب غرفة ابوها وطلع بهيبته وعلى وجهه ابتسامة رضى..

ركضت ليان بسرعة لعنده وضمته..

ليان : هلا وغلاا بابا الحمد الله على السلامة..

الاب فهد : الله يسلمك..

ليان : متى جيت.. وليش ماعلمتني..

الاب : اليوم الفجر وحبيت اسويها مفاجاءة







جالسة على البحر وتردد هالابيات..
ليه طيفك لاغزى نومي بكيت.. =وأصحى من نومي غريق بمدمعي! وليه ذكرك لا سمعته انتهيت...! =وأكتم الونات وأعض أصبعي...! آآآآآآه ياولدي وينك الحين..


رجعت بذاكرتها قبل ثلاث سنوات..

ياشهد شهوده وينك تعالي أبيك..

تركض شهد لعند ابوها وتجلس بجنبه..
شهد: هلا سم امر تدلل بس

وتدخل الام ومعها صينية شاي..
الام بضحكة قالت: شوي شوي على ابوك
الاب: شهد يابنتي طلبتك لا ترديني
شهد بكل حنان: عيوني لك يالغالي..
الاب: أنا ابي اتطمن عليك ياأبوي قبل يصير لي شي
تقاطعه شهد بخوف: بسم الله عليك

الام: شهد يابنتي أنتي الحين ماشاء الله كبرتي وصرتي مرة

وجاء الوقت اللي نزفك لبيت رجلك واشوف عيالك..

نزلت شهد رأسها بكل حياء..
الاب: تقدم لك واحد وانا سالت عنه ولقيته مناسب لك اسمه صالح ...هو شاب ووسيم وغني ومعه شهادة ويشتغل بالاعمال الحرة

شهد : لكن انا توي صغيرة ابي اكمل دراستي..
الام : عمرك 20 يابنتي وهو ماراح يرفض أنك تكملين دراستك..

سكتت شهد لفترة وبعدها رفعت عينها لابوها وامها وشافت الوله بعيونهم..

قالت بحيا: اللي تشوفنه..

وصعدت الدرج تركض..


تزوجت شهد من صالح

وصار يصحيها بضرب وينومها عليه..

وماقدرت تقول شي لابوها خاصة ان فيه القلب..

وحاولت تصبر وتتحمل..

وجلست تمثل على أهلها دور الزوجة السعيدة..

وحاولت أنها ماتحمل أبدا وأكلت حبوب منع للمحل..

لكن..

أرداة الخالق عزوجل جعلتها تحمل

وبين فرحتها من الحمل وخوفها من المجهول..

أنجبت ابنها فيصل..

وشعرت بالامومة ولذتها..
واصبحت لاتهتم لسواه حتى دراستها أجلتها

وكان والديها سعيدين بحفيدهما..


صالح كان كثير السفر والغياب عن المنزل..
وفي ليلة قلبت حياة شهد..

وفي احد الليالي سمعت اصوات من المكتب..
اقتربت من مكتب صالح وسمعته يتحدث بالجوال يقول..:

صالح:انا الحين الشرطة تدور علي لازم أختفي

......:..........


أنا قتلت الرقيب و 2شرطي معه أنت فاهم ..
يعني راح أخذ فيها اعدام على طول..

طيب طيب..

المخدرات قدرت اصرفها وجابت مبلغ خيالي..

شهقت شهد وسمعها صالح وسكر الجوال بسرعة..

صالح: وش تسوين هنا

شهد والخوف مسيطر عليها وهي تشوف الدم على ثيابه

صالح يمسكها مع شعرها..جالسة تتجسسين علي..
يالكلبة يا.......


وضربها بالعقال ومسكها بقوة وضربها بالجدار..

طاحت شهد من طولها وهي تقول:انا ماسمعت شي أتركني ارجوك

صالح : تدرين وش ابي اسوي بأخذ فيصل معي واختفي للابد..

شهد بفزع: لالالالا ارجوك خذ عمري لكن لاتاخذ ولدي مني
صالح: لازم أضمن أنك ماتتكلمين وتعلمين علي.. الشرطة
شهد : مستحيل اقول شي صدقني الله يخليك..
قص الساني اذا علمت عليك لكن لاتاخذ فيصل مني..

صالح:شوفي ياشهد اذا سمعت انك علمتي علي الشرطة والله أرسل لك فيصل جنازة واخليك تدفنينه..سامعه..

وترك شعرها وتوجه لغرفة فيصل واخذه وهو نايم وشهد تمشي وراءة وتترجاه يترك ولدها

لكن من غير فايدة كان صالح شيطان بشكل انسان

صحى فيصل على صوت الصراخ وجلس يبكي
شهد: يمه فيصل لا تبكي بسم الله عليك يمه..
صالح : دفها بعيد وضرب راسها زاوية الطاولة..

وطلع صالح ومعه قلب شهد فيصل..

الخدامه لما شافت الدم يسيل من شهد على طول دقت على أمها وخبرتها..

جلست شهد بغيبوبة لمدة اسبوع

والكل حولها يسال :: وين فيصـــــــــــــل..

صحت شهد من الغيبوبة

وانفجعت لما تذكرت اللي صار..واصابها انهيار عصبي..




يمه مات ،،

كل شي كنت أحسة حي في هذي الحياة ,,
الامل في رجعة الأحباب ’’ صوت الأمنيات ’’
وكل شي كنت أحبه .. مر وودعني وفااااااات.. ،،





حاول ابو شهد يدور على صالح وحفيده لكن من غير فايدة

الابو: شهد يابنتي أنا علمت الشرطة وهم راح يدورن على صالح وفيصل..

شهد بخوف وهي تتذكر كلام صالح..

شهد: لا لا تعلم الشرطة لا تقول لاحد صالح راح يذبح فيصل اذا درت الشرطة

وعلمت ابوها بالسالفة..

الاب راح وقال للشرطة أنه صالح اخذ ولده معه لعند أعمامه وراح يرجعه

وقالت الشرطة أن الامر بيد المحكمة..

انعزلت شهد عن العالم وبعد شهر وصلتها ورقة طلاقها من المحكمة

وورقة ثانية من صالح يقول انه راح يرجع فيصل لها أذا هدت الاموار..

وعاشت شهد على الامل هذا..

بعد 3 شهور صار حادث مولم لاهل شهد..وتوفوا بالحادث..

وكانت صدمه قوية لشهد..أثرت على حياتها..


قطع الذكريات راجو وهو يقول: مدام شهد يالله يرجع البيت صار الظهر الحين..

شهد : أمسحت عيونها وقامت من الرمل وودعت البحر..


نزل بكل هيبة لابس الثوب الابيض والشماغ
ليان: ماصارت تعبت وانا اصحيك

فيصل بنفسه الحق على ذيك العيون اللي مسهرتني..

مشتـاق لـك ..فـوق إحتمالـك..وظنـك=وأتخيلـك ..وأرسـم غرامـك..مسافـاتتايـه مــع الأيــام ..نـشـاد..عـنـك=من ويـن ..ماوجهـت ..شفتـك ..متاهـاتويـن أنـت ..ماترحـم ..عيـون ٍ..بكنـك=هلت على بعدك ..مـن الوجـد..عبـراتالبـارح ضلوعـي ..علـيـك..إشتكـنـك=ليلي طويـل ..وسهرتـي ..ويـل وآهـاتياقلـب ..الايـام ..إغـدرن..وأطعنـنـك=زانت لك أوقـات ٍ ..وشانـت لـك أوقـاتطبـع الليالـي ..تقتلـب ..لـو..عطـنـك=باكر ..مثل ماأعطتْك ..بتقـول لـك هـاتياصاحبـي يـوم ..المشـاعـر ..يجـنـك=جاتك ظما ..ترجي من الوصـل..رشـاتواليـوم ..رويـانـة جـفـا..ماأرتـونـك=لا فــي ..بدايتـهـا ..ولا .. فالنهـايـاتأصعب أمر ..لاصرت عايش ..على أنك!!=مبسـوط ..لكـن داخلـك فيـه ..ضيقـاتتحـس كونـك ..ضايـق ٍ فيـك ..ل نـك=إنسان مات ..ولكـن ..الصـدق..مامـاتلو تنطق ..عروقـي ..حكـت ..آآآآآه منـك=ياللي ..معك ..كانت ..ليالـي..وجلسـاتياليتنـي ..مـن يـوم ..فارقـت..عـنـك=فارقت عن دنياي .. (( من ضمن الأموات ))





فيصل بحب: ياأجمل صباح لاحلى بنوتة بالدنيا..

راشد من وراءه: قصدك احلى دبة بالدنيا هههههههههههههههههه

ليان وهي تاخذ المبخرة من الخدامة : طيب اشوف مين راح يبخرك بالعود ياسيد راشد..

فيصل: راحت عليك

ليان بسرعة يالله بابا ينتظرنا على الطاولة الاكل..
راشد: وليه ماتتكلمين من الاول..

فيصل يقرب من ابوه ويسلم عليه ويحب راسه..
فيصل : الحمد لله على السلامة يالغالي..

الاب: ربي يسلمك شخبارك عساك بخير..

فيصل : بخير يوم أني أشوفك..

راشدبمرح : اقول مناك يالله خلني اسلم على الحبيب..

ويقرب لابوه ويسلم عليه ويبوس راسه..

راشد: تو مانورت الشرقية يالغالي..

الاب: منورة بوجدكم..


مر الاسبوع على ابطالنا فيصل ينتظر جيتها للمحل علشان يقابلها..
وشهد مجتهدة بالدراسة وكان الصدع والالم مايفارقها ..


هل راح يلتقي فيصل بشهد..!!

وإلى متى الصداع راح يستمر على شهد..!!

وعبدالعزيز ورفضة للزواج لبنت عمه شوق هل انتهى فعلا..!!

[فيتامين سي]

البارت الرابع..


عبدالعزيز : انا اليوم بروح الاستراحة ومتاكد ان نواف راح يكون متواجد فيها علشان الاحتفال بمنصبه الجديد بتجارة المخدرات..

الضابط : انتبه لنفسك وراح نهجم بالموعد المحدد..

عبدالعزيز : الله يوفقنا أنشاء الله ونقبض عليهم..





شوق: ماما صديقتي عازمتني لحفلة عيد ميلادها أبي أروح..

الام وهي مو مهتمه : كيفك ..


دانه : شوق الحفلة وين ..

شوق : ماما ماسألتني تجين انتي وتسأليني...

دانه / انا اختك الكبيرة وخايفه عليك..

شوق : خليك بزوجك وعيالك وفكيني من عقدك..

دانه عمرها 18 سنه مغروره حيل ملامحها هادئة ممزوجه بجمال جذاب..

متوسطة الطول بشرتها بيضاء وشعرها بني طويل لنص ظهرها..

شوق تكلم بالجوال: اسمعي يا رهيف ترى ماراح اطول بالحفلة لان بكرة عندي امتحان

رهيف : لا عاد السهرة صباحي
شوق : مرة ثانية ياقلبي..

رهيف : طيب ترى أنا بأخذك معي ..

شوق : لاتكون الاستراحة بعيده..

رهيف بخباثه..: لاقريبة تطمني..




,,,,,,,,,,,






شهد: عبير تجين معي اشتري ملابس علشان بكرة بزور ملجاء الايتام..
عبير: ودي لكن خالد عازمني الليله على مطعم..
شهد: ههههههههه طيب العزيمة بالليل والحين حنا 10 الصبح

عبير: أدري لكن لازم اتجهز من بدري و...
قاطعتها شهد: خلاص عارفة موالك لما يعزمك خويلد..
الله يخليكم لبعض..

عبير:شهد ترى امي تبيك تزورينها بالمؤسسة الخيرية حقتها..
أم عبيرلها دور فعال وتعتبر من سيدات المجتمع وعايلة عبير تعتبر من أغنى العائلات المعروفة بالشرقية

شهد: انشاء الله من عيوني..

,,






توجهت شهد لمجمع....

ودخلت محلها المفضل وبدأت تشتري..
المدير لما شافها على طول أتصل بفيصل..لكن حصل جواله مقفل..



فيصل وهو جالس على مكتبة يراجع اوراق االمرضى

بندر : ممكن ادخل..
فيصل : هلا بالغالي نور المكتب..

بندر وهو يصافحه : منور فيك..


فيصل : تصدق انك على بالي كنت ابي اشوفك ضروري..

بندر : خير انشاء الله..

فيصل : ام عيون رمادية شفتها..

بندر : قصدك اللي معذبتك..

فيصل : آآآه يابندر ماكنت اصدق بالحب من اول نظرة..


بندر : ياعيني على العاشق الولهان لكن شلون من سنتين وانت للحين مانسيتها..

فيصل بحب: ومين يقدر ينسى ذيك العيون..وترى بيني وبينك لثمتها طاحت وشفت وجهها..

بندر: سوالفك طويلة.. تعال نطلع للمقهى ..


فيصل : على أمرك..ياطويل العمر..


وقف فيصل وفسخ الباطلو الابيض ونزله وقبل يطلع دق تليفون المكتب..

بندر : رد يمكن أحد يبيك ضروري..

فيصل: الو..

Ok okوسكر التليفون بسرعة

بندر: مين

فيصل باتسامه : ام عيون رمادية يالله اشوفك بعدين..وطلع يركض..

بندر : شكل الولد غرقان مو عاشق بس..


,,



اما فيصل ماصدق وهو يسمع مديره يقول أنها بالمحل..

اسرع لناحية المجمع ودخل وهو ماهو قادر يلحق انفاسه من الركض

توجه على طول ناحية المحل وشافها
جالسة تتشتري ومعها خدامتها...

قرب من المدير وقال بكل ثقة .: لا أريدها ان تعرف اني صاحب المحل
واخبر الباقين من العاملين هل هذا مفهوم

المدير : حسنا

فيصل كان يسوي نفسه يرتب الملابس وهو يسرق النظر لها..

شافهاكانت لابسة نظارت شمسية من جفنشي..واللثمة مغطيه باقي ملامحها..

انقهر انه ماشاف عيونها..

بعدين تذكر فجاءة أنها متزوجة وأنا اللي يسويه حرام وعيب
ونقد على نفسه لف ظهره يبي يطلع من المحل..

ويطلعها من حياته..

وهو معطيها ظهره..


,,,,




نادت شهد : لو سمحت ابي مقاسات مختلفة من الون هذا..

غصب التفت عليها..

فيصل : على أمرك..

ارفعت راسها وهي تحس ان الصوت سمعته قبل كذا..

ولما شافته تذكرت..

وقالت بنفسها لو كان دكتور ليش يشتغل بالمحل..
طيب يمكن للحين يدرس ويبي شي يساعده علشان كذا اشتغل..
شكله مستعجل على مسمى دكتور..

قطع افكاره جوالها الايفون وهو يدق بأغنية ..

شهد: هلا عبير غيرتي رأيك وتبين تجين للمجمع..
عبير : لا أبدا لكن حبيت اعلمك أن صديق خالد للحين مصر يبيك..
شهد: عبير خلاص قفلي على الموضوع قلت لك زواج مابي أتزوج..
واذا راح تفتحين الموضوع مرة ثانية ماراح اكلمك..
عبير: طيب طيب لا تزعلين أنا حبيت اعطيك فرصة اخيرة..
شهد : يالله عاد عطلتني بااااااايو..


...




نور أمل ولحظة فرح وسعاد لاتقدر بثمن لفيصل اللي سمع المكالمة..

فيصل بنفسه الحمد الله والشكر لك يارب..
يارب لك الحمد يارب لك الحمد..
يارب اجعلها من نصيبي يارب..

لكن عندها ولد عادي مومشكلة لوعندها عشرة ابيها وماأبي غيرها << ياعمري وين الولد بلاك ماتدري



شهد: لو سمحت لو سمحت لي ساعة اناديك..
فيصل:لبيه سمي
شهد طيرت عيونها: نعـــــــــم
فيصل بربكة/ اسف وربي اسف
كنت سرحان..

شهد بحزم: جبت المقاسات اللي قلت لك..
فيصل : ايه نعم

وكانت شهد تتسوق لبنات الميتم وتركب كل تشيرت على بنطلون من غير الفساتين والاكسسوارت..


وكان مرة مرهق الشوبينق لان كان عدد البنات عشرة وغير كذا باقي العيال بعد وعددهم 7

قالت ماريا بتعب: مدام خلاص خليه بكرة يكمل..
شهد بتعب.: لازم اليوم مابي اروح من غير هدايا..
بعدين ناظرت لمارايا ورحمتها وقالت : ماريا اطلعي انتي وراجو فوق واشربي عصير..
( طبعا ماريا تصيرزوجة السواق راجو وهم كانوا يشتغلون عند اهلها واستمروا عندها)

ماريا: طيب وانتي مدام
شهد: انا شوي واجي روحي انتي..

ماريا : طيب
خلصت شهد من ملابس البنات وتوجهت للطرف الثاني من المحل وكملت للعيال

وكان اعمار العيال مابين السنة الى 7 سنوات بالملجاء

وكانت وهي تشتري تتخيل فيصل ولدها..
العاملين اللي بالمحل تعبوا من جد وكل شوي يبدلون مع بعض الا فيصل باقي مستمر معها

كانت تختار الملابس بعناية وذوق راقي..

وتطلب عدة مقاسات مختلفة والوان ثانية..

طبعا هي حافظة مقاسات البنات والعيال ولا عمرها لخبطت بينهم

فجاءة مسكت رأسها..وقالت آآآآآآآه بصوت مسموع..
فيصل أخترع عليها وقرب منها وقال : سلامات وش فيك..

شهد ماهي قادرة توقف ومستندة على علاق الملابس وطاحت الشنطة منها
ومسكت راسها تتالم..

فيصل بخوف: تعالي اجلسي هنا.. ومسكها مع يدها وهي ماعرضت لانها كانت فعلا تعبانة وعلى وشك الاغماء

جلسها على الاريكة وراح لشنطتها اللي على الارض وجابها لها

ناد على المدير وطلب كوب ماء بسرعة..


قرب فيصل لها وتجرأ يشيل النظارة الشمسيه من عيونها..
شاف العيون اللي عذبته..

جاء المديرمسرع ومعه ماء بارد وقال :نتصل بالاسعاف..

شهد بضعف واضح : لا
فيصل شاف العاملين كلهم مجتمعين عليها ..

حس بالغيرة تقطع صدره وبغضب بصوت مرتفع: كل واحد يشوف شغله يالله..


شهد وهي تمسك راسها وتشد عليه قالت بتعب: ابي الحبوب بسرعة
فيصل بربكه/ وينها
اشرت شهد على الشنطة
فتح الشنطة ولقى كيس مخمل لونه أحمر <<راح نعرف شنو هذا بعدين..

ولقى حبوب مسكنه لالم الاورام والاعصاب
وانصدم وخاف انه فيها شي
وهو بعمله كادكتور مختص يشوف حالات كثيرة مثل شهد واغلبها يطلع الخبيث
نفض الفكرة من راسها

وطلع حبه ومدها لها ومسك كوب الماء بيده الثانية..

شهد نزلت اللثمة عنها << وياليتها مانزلتها

فيصل ماقدر يرمش من شدة الجمال اللي قدامه كانت اية بالجمال درس برى وشاف كثير بنات لكن مثلها ابدا

جلس يذكر الله عليها بسره ويدعي لها

شهد أخذت الحبة منه حطتها بفمها حتى من غير ماء لانها تعودت عليها

جت ماريا تركض لها تقول: اسفة مدام

شهد أشرتها تسكت..جاء راجو بسرعة وقال: السيارة جاهزة نمشي

فيصل : اصبر شوي حتى يخف الالم لانها ماهي قادرة توقف<< طبعا راجو وماريا يفهمون سعودي لانهم من زمان بالسعودية.

بعد لحظات حست شهد على نفسها وانها من غير لثمة وبسرعة لبستها بربكة فيصل عطاه ظهره علشان مايحرجها اكثر

بعد عشر دقايق وقفت شهد بكل شموخ والبست نظارتها واخذت الشنطة بيدها شافها فيصل وفز قلبه معها..

شهد بكل ادب: شكرا لك

فيصل: مايحتاج تشكريني

كان وده يسالها عن المرض اللي فيها كان يبي يكشفها عليها بنفسه ويتاكد من فحوصاته..

لكن شهد ماعطته فرصة وتوجهت للمدير ..

شهد بالانكليزية: اعتذر عن الازعاج..

المدير اللي تعود يشوف شهد كل شهر وتعود على الصداع اللي عندها

قال بكل احترام : لا تتعتذري واتمنى لك الشفاء العاجل

شهد: شكرا

ارجوك حاسب المشتريات بسرعة اريد الذهاب..

فيصل:اتركيها بوقت ثاني شكلك تعبانه مرة

التفت شهد وبكل كبرياء مجروح لانها انحطت بموقف مثل كذا وهي اخر شي تبيه نظرة شفقه

قالت : ماطلبت استشارتك ورجاء لاتتدخل


فيصل عزة عليه كرامته قال: ماهو علشانك علشان بس ماتطيحين بالمحل عندنا ونبتلش فيك..

صدمــــــــــــــــــــــ ــــــــــــــــــة




انصدمت شهد وانصدم فيصل اللي توه ينتبه وش قال


شهد بغضب: ومن تكون حظرتك

فيصل ساكت..

عادت شهد نفس السؤال وبغضب اقوى وصوت مهتز ومجروح

ومن تكون حظرتك..


رد واحد من العاملين وقال : السيد فيصل صاحب المحل...


ناظر له فيصل بغضب بمعنى ليه تقول..


التفت شهد للمدير وقالت :انهيت الحساب..


المدير: نعم

والمبلغ المطلوب هو .......

بعض العاملين اعتادوا على الاسعار وبعضهم يرى ان المبلغ كبير ليصرف على ملابس

شهد مدت الصرافه وانهت المعاملة

وبعدها افتحت شنطتها ومدت للمدير اكرامية ألفين ريال وقالت
وزعها على العاملين تعبتهم معي << هي دايم اذا جاءت تشتري تسوي كذا

فيصل بكل شموخ : رجعي اكراميتك ماهم بحاجة..

التفت شهد عليه وقالت بكل ثقة: لاتقطع ارزاقهم


ومشت وتركته من وراءه


وتاكد هو انه مستحيل يشوفها مرة ثانية

خاصة بعد ماعرفت انه صاحب المحل..



انتهى البارت وأتمنى اشوف تفاعلكم ..

[فيتامين سي]

البارت الخامس..

من عرفت الدنيا ماعمري خضعت ومن بعدتي صرت افكر بالخضوع













قال بنفسه أتركها تروح ..


,,


لكن أنا متاكدة انها اذا راحت ماعاد اشوفها..

ومن غير شعور لحقها..
شافها تركب سيارتها البنز اللي تدل على انها بنت عز..

أخذ رقم لوحة السيارة..

وركب سيارته الاودي ومشى وراها..


شهد : راجوا نزلني بالبيت وابيك تروح تجيب الاغراض هذي من المكتبة..

ومدت له ورقة..

راجوا : طيب مدام..

نزلت شهد ودخلت بيتها..

فيصل تنهد براحة لانه عرف بيتها
العصر ماريا تصحي شهد من النوم..

ماريا: مدام شهد هذا مدام نورة تحت..

شهد : طيب قدمي العصير وانا الحين جاية..
قامت شهد من سريرها وتوضت وصلت فريضتها

لبست بنطلون جنيز أزرق وتوب أبيض ماسك على الصدر وصندل ابيض عالي وحطت روج وردي وبلاشر على خدودها واتركت شعرها ينزل على كتوفها

ولبست ساعتها الالماس
وتعطرت من قوتشي..

طالعت بنفسها بالمراية جذابه وكل الموصفات اللي كل البنات تتمناها فيها

لكن مايهمها الجمال تبي راحة البال..
تبي ولدها يرجع لاحظانها..

تنهدت بتعب..

وأرسمت ابتسامة على شفايفها ونزلت..


شهد: السلام عليكم..

نورة: وعليكم السلام ياهلا والله..

شهد : هلا فيك نور البيت بوجودك

نورة : منور فيك يالغلا..
وش الزين كل مالك وتحلوين أكثر
شهد : تسلمين من ذوقك..

نورة تصير عمة عبير وهي سيدة اعمال ولها الكثير من المشاريع الخيرية..

عمرها 45 متزوجة وعندها عزام وفارس وجنان

وكذا مرة تقدمت اخطبت شهد لولدها عزام لكن شهد رفضت..

نورة: شهد أنا جيتك اليوم واتمنى أنك ماترديني..

شهد: اللي أقدر عليه بسويه..

نورة: أبيك تستلمين فرع المؤسسة الخيرية اللي بالدمام..

أنا واثقة فيك وادري أنك أفضل وحده ماشاء الله عليك عقل وثقل وادب واخلاق..
وغير كذا أنتي اصلا ترعين مركز الايتام ..
شهد : هذا أنتي قلتيها عندي مركز ايتام وغير كذا لا تنسين
اني جالسة ادرس واحضر للماجستير..

نورة : يعني ابدا ماتقدرين..
شهد : يالغالية ماكان ودي اردك..

لكن غصب عني ودي اخدمك بعيوني..

نورة : تسلم عيونك يالله انا ماشيه توصين شي..

شهد : لا بالله ماتروحين الحين اجلسي وتعشي معي..

نورة باتسامة: تسلمين ياقلبي لكن مشغولة..
وترى أنا جيتك من المكتبة على طول يعني حتى البيت مامريت عليه..

شهد : عساك على القوة دوم..

نورة : تسلمين بأمن الله..

شهد : سلمي على جنان ..

نورة : يوصل انشاء الله..


مشت شهد معها للباب وودعتها..

ماريا : مدام تبين عشاء

شهد : yes

وابيه بالحديقة..

طلعت شهد للغرفتها واخذت باكيت الدخان ونزلت للحديقة..

جلست على الارجوحة وشغلت الزقارة وتنهدت من قلب..

وتفكر بنفسها تقول شكلي مالقيت أحد اتمرد عليه غير نفسي..

ومر بالها فيصل وتذكرت نظراته لها لما جاءها الصداع

شافت نظرات خوف صادقة بعيونه..
لكن وش بيني وبينه علشان يخاف علي كذا

بعدين تذكرت لما قال مانبي نبتلش فيك.


تعشت شهد بهدؤ كالعادة ماعندها من يشاركها

ماغير طيف ولدها وابوها وأمها..


تذكرت عبير وقالت غريبة مادقت اليوم علي..

واضغطت على ارقام عبير بخفة ..

وجاها صوتها وهي تضحك..

عبير بضحك: هلا قلبي..

شهد : وين الغيبة يالدبة..

عبير: نسيتي اني كلمتك الصبح وقلت أني معزومة..

شهد اضربت على راسها بخفة وقالت : يوووووووه عبورة اسفة نسيت يالله باي

قبل يزعل خويلد مني..


عبير: ههههههههه اصلا زعل اول ماشافك تدقين ..

وجلست اضحك عليه ماتوقعت انه يغار منك..

شهد :: هههههههههههههههه يالله بااااااايو

صعدت شهد لغرفتها وجلست على الابتوب وكملت تحضير للرسالتها





ليان تلعب مع فيصل بلاستيشن..

ليان : ياشينك يافصول خلني افوز..

فيصل: العبي زي الناس وتفوزين..
دق جوال فيصل وشاف المتصل بندر

صرخت ليااااان :: قوووووووووووووووووووول


فيصل : لا غش جوالي دق..

ليان بمرح : مالي شغل فيك ..

وقف فيصل ورد على بندر..

فيصل: هلا وغلااااااا

بندر : هلا بك..
فيصل شلونك ..
بندر: قصدك عقب ماسحبت علي..

فيصل بضحكة : ههههههههههههههههه اعذرني والله

أوعدك بكرة اعوضك..
بندر : وليش مو الحين..

فيصل : ليان ضايق صدرها ومابي اتركها لوحدها ..

بندر بتفكير..: طيب هات ليان معك خلها تتعرف على خواتي ..
فيصل : مادري والله

بندر: تعال يالله انت وياها من غير تفكير..

فيصل: خلها بكرة طيب

بندر : اكيد..

فيصل / اكيد


رجع فيصل ليان ولقاها نايمه عند التلفزيون..

فيصل يابعد الدنيا ياليان..

وشالها بين يدينه مثل الطفل الصغير..

ونزلها على سريرها..


,,,,




شوق ورهيف واقفات عند المدخل ..

رهيف : بسرعة فسخي عباتك..

شوق : هههههههههه من غير ماتقولين...

شوق كانت لابسه فستان أسود قصير للركبة الظهر عاري والصدر فيه تطريز خفيف..
وشعرها مسويته بف خفيف وتاركته ناعمه ..

والروج بلون المشمش والعيون مكحله بالاسود..

رهيف دايم تغار من شوق وجمالها الهادئ ..
رهيف : طالعه خيال ::<< اصبري علي شوي..

شوق وهي تبخ من عطرها لانكوم: من غير ماتقولين أدري..

دخلوا داخل الاستراحة

شوق بصدمة : شنو هذا..

رهيف بمكر: حفلة شنو فيك..

شوق : هذي حفلة مختلطة ..

وجالسة تدور بعيونها بالرجال اللي يشرب واللي يرقص واللي يتغزل بالبنت اللي جنبه..

شوق : مستحيل اجلس هنا..

رهيف ؛ هههههههههههههههه وريني شلون راح ترجعين البيت يادلوعة البابا..


عبدالعزيز وهو يمثل انه مندمج بالحفلة : ههههههههههههههههههههه بصراحة الحفلة هذي رهيبة.. شوف البنت اللي هناك شلون تهز..


مشعل واحد من تجار المخدرات الصغار على قولتهم..: ناظر هناك وانت صادق شوف القمر اللي نازل..


لف عبدالعزيز وشاف شــــــــــــــــــــــــ ــــــــوق...


عصب وتمنى يقوم يدفنها بمكانها..

عبدالعزيز بكل برود : الصيده هذي لي بعد اذنك..


قام متوجه لشوق...


شوق نقزت من اللي مسكها مع يدها..

عبدالعزيز بين اسنانه : أمشي وأنتي ساكته يالكلبة..


شوق : عبدالعزيز أشوى انك هنا صديقتي سوت فيني مقلـــ

قاطعها عبدالعزيز : أكلي تبن ياحيوانه...


وسحبها معه وراح وحده من الغرفة..



سكر باب الغرفة.. وشوق ترجف بمكانها..

شوق والدموع بعيونها : صدقني ماكنت ادري..

عبدالعزيز ضربها كف على وجهها : بعتي شرفك ..

شوق وهي تشاهق : اسمعني تكفى..

عبدالعزيز رفسها بطنها : ولا كلمة سامعه..

ناظر ساعته وشاف الوقت المحدد للعملية قرب..


عبدالعزيز وهو يمسكها مع شعرها : هذا مفتاح السيارة حقتي ابي تتخبين بسرعة فيها مو ناقص فضايح ..

الحين الشرطة راح تهجم وياويلك لو تتحركين من مكانك...

شوق : عبدالعزيز والله انك ظلمتني...

عبدالعزيز : حسابك بعدين ..

فتح الباب وشاف الطريق خالي...


وبسرعة هربها للسيارة ..


ورجع مكانه عادي...


مشعل : وين القمر اللي معك..

عبدالعزيز ويسوي نفسه محتاج للمخدر: خلصت منها وهي بالغرفة ابي منك ابرة اذا معك تكفى محتاج..

مشعل بمكر: عندي اللي احسن من كذا..


عبدالعزيز : مين هذا اللي جاء وكلهم يرحبون فيه..

مشعل : هذا نواف أشطر واحد بالسوق ..




دخلت الشرطة وانتشروا بكل مكان وقبضوا على اللي يوزعون السموم هذي..

ربي يحمي المسلمين منها..



شوق وهي جالسة بالمرتبة اللي وراء ومتخبيه جاني الموت خلاص عبدالعزيز عصبي وماراح يصدقني..
شلون يصدقني وهو شافني بعيونه..

ركب عبدالعزيز السيارة ..

شوق لافه عباتها عليها وتشاهق..



عبدالعزيز يسوق السيارة بعصبية



عبدالعزيز : اسمعي يازفت بكرة راح اجي اخطبك ونتزوج لا تحسبين علشان سواد عيونك لا علشان الفضيحة اللي سويتها ونزلتي رؤسنا بالارض..

شوق : لكن أنا..

عبدالعزيز : لو اسمع انك رافضة تاكدي اني راح ادفنك بمكانك ومحد يقدر يقول ليش..
وبصراخ فاهمه..


شوق : فاهمه..


نهاية البارت

[فيتامين سي]

البارت السادس



يوم جديد على ابطالنا..


عبير : مدام شهد وين ..

ماريا : بالحديقة ..

نزلت عبير عبايتها وتوجهت للحديقة ..

شافت شهد تدخن..ومانتبهت لها..

رجعت عبير للصالة ونادت ماريا..

ماريا: yesمدام

عبير: قولي لشهد أني انتظرها بالصالة..

ماريا ok

شهد : وينها الحين
ماريا : بالصالة..

شهد بنفسها أكيد انها شافتني وماحبت تحرجني..


طفت شهد الزقارة..

وصعدت لغرفتها وتعطرت ونزلت..


شهد بتسامه : هلا وغلا

عبير: هلابك ياقلبي..

شخبارك..

شهد تمام وانتي..

عبير : الحمد الله..وش مشاريعك..
شهد : ياطويلة العمر لازم احدد عشر مدراس مختلفة من الناحية الاجتماعية والمادية وغيره واسوي بحث ..

عبير : ليش..
شهد : لان الاهل يختلفون فيه الغنية وفيه العادية وفيه اللي على قد حالهم
و كذا راح اكون سويت تطبيق بالميدان وادعم الرسالة للماجستير أكثر..

(طبعا شهد رسالة الماجستير بعلم الاجتماع والموارد البشرية..)

عبير : ربي يعينك..

على الغداء..

فيصل : تجهزي ياليان العصر ابيك تروحين معي..

ليان بفرح :وين الملاهي..

فيصل : ههههههههههههههه لا ياقلبي بزور صديقي بندر وهو قال هات اختك تتعرف على خواتي..

ليان بخجل : لا مابي

فيصل : ليش

ليان : استحي مابي

فيصل: بلا دلع والعصر اشوفك جاهزه

دخل راشد..

راشد: مرحبا..

فيصل : ياهلا والله..تعال تغداء

راشد : متغدي..

ليان بنغزه: شلون الجامعة..<< لانراشد له كم يوم ماداوم

راشد وهو يرفع حاجب : تمام


ومشى وتركهم..



العصر..
فيصل: افتح الباب

بندر : ثواني ..

نزل فيصل الجوال والتفت لليان وقال بحب: تطمني راح تعجبيهم..

وتاكدي انك راح تصيرن مبسوطه

بعد ساعة ..

فيصل : بشري عسى انبسطتي..

ليان : بالحيل فووووووووق ماتتصور بصراحة ..
فيصل : تتمسخرين انتي..

ليان : يحق لي.. ولا وحده فيهم عبرتني قمة الغرور ماكان احد معه فلوس الا هم..


وشكل بندر طفرة جينيه وطلع حبوب وعسل..


فيصل : ههههههههههههههههه حلوة طفرة جينيه..


























الصباح بالمدرسة..





طلعت ليان من الحمام وانتم بكرامه..

وسيطرعليها الخوف ماتدري وش اللي يصير..

وحده من المدرسات كانت ماره من عند الحمامات وشافت ليان وهي تبكي..


المدرسة : وش فيك..

لا رد..

المدرسة بعصبية: تكلمي وش فيك..

ليان بخوف : مافيني شي..

المدرسة : قدامي يالله على فصلك..


طلعت وصارت تمشي وراء المدرسة..

وقفت المدرسة وعلى وجهها ابتسامه بكل نفاق..

المدرسة : هلا وغلا باستاذة شهد..
شهد برسمية: هلا بك..

المدرسة : تامرين شي..

شهد : لا شكرا كنت ابي اجيب ماء..

المدرسة : ارتاحي وانا أجيب لك..

المدرسة تكلم ليان بكل عطف: حبيبتي ليان هاتي موية من المقصف..

رفعت ليان وجهها وكانت عيونها حمراء وخشمها أحمر من اثر الدموع..
ليان ببراءة: تكلميني أنا ياستاذة:<< ماهي متعودة على الكلام الزين من المدرسة


المدرسة بنفاق: ايه ياقلبي..

مافات شهد شكل ليان وعرفت ان ليان مستغربة من الاستاذة وهذا دليل ان الاستاذة ماهي صادقة بتعاملها

<< شهد ذكية مرة ومايفوتها أي شي


شهد بحب: تعالي معي ياليان وريني وين المقصف..

المدرسة طيرت عيونها وخافت ان ليان تفضحها وتقول عن تعاملها

شهد ماتركت مجال ومسكت ليان من يدها..

حست برجفتها..

شهد بحب : لا تخافين..

ليان : استاذة انتي جديدة هنا..

شهد: انا هنا زيارة بس جالسه اسوي بحث..

ليان بخيبه لانها ارتحت لشهد : قهر ليتك تصيرين استاذتي..

شهد ابتسمت..

وصلتها ليان للمقصف واخذت ماء وعصير..

شهد : تفضلي ومدت العصير لها..

ليان بحياء : شكرا وعقدت حواجبها ومسكت بطنها..

وتذكرت اللي شافته يوم دخلت الحمام..

وطاحت دموعها ببراءة..

شهد خافت وقربت منها: وش فيك..

لا رد..

مسكت يدها شهد وخذتها معها للغرفة اللي مخصصينها المدرسة لشهد
( طبعا المدرسة من ارقى المدارس بالخبر وتعتبر لبنات الاغنياء والادارة خصصت غرفة لشهد لانها تعرف شهد من سمعتها واعمالها الخيرية)

شهد تسحب الكرسي وتجلس ليان عليه..

شهد : ليه تبكين أحد ضايقك..

ليان استحت من نفسها وقالت بصوت خافت : لا

شهد : طيب ليش تبكين تعبانة..

ليان : بطني يعورني و...وسكتت

شهد:تبين ادق على ماما تجي تاخذك..

ليان شهقت أكثر وصارت دموعها مثل الشلال على وجههاوقالت بكل صدق: ياليت..

شهد جاء على بالها ان امها متطلقة ومن زمان ماشافتها ..

شهد:بستفسار " ماما وينها..

ليان : متوفية قبل سنة..

شهد بحزن على : الله يرحمها..

المفروض انك ماتبكين لانك اذا بكيتي راح تعذبينها..

شوفي أنا شلون قوية وأمي وابوي متوفين..

ليان رفعت عينهاوشافت الحب والعطف والصدق بعيون شهد

شهد : ماعندك خوات واخوان..
ليان : عندي اخوان 2 بس وبابا دايم يسافر..
حزنت شهد عليها لان ماعندها خوات بنات..

شهد بتفاؤل : انتي محظوظة انا وحيدة وماعندي اخوان..

ليان رجع الم بطنها وبكت اكثر..

شهد:وش فيك لا تبكين

نقطة ضعف شهد الدموع ..

ليان : بطني صار يعورني اكثر من اول..

شهد : انتي اول مرة يعورك بطنك..

ليان نزلت عيونها / ايه..

شهد: نزل منك دم..

ليان ارفعت راسها متفاجاة..: شلون عرفتي..

شهد برحمة : لان كل البنات يصير معهم كذا..

ليان : لكن مافيه احد علمني..

شهد ارحمتها اكثر وتذكرت لما كانت بعمر ليان لما جتها الدورة وشلون امها كانت معها..

شهد : هذا معناته انك صرتي الحين مرة وكبيرة..

ليان : انا خفت كثير يوم دخلت الحمام
وماعرفت وش اسوي..

قطع حديثهم الاستاذة عند الباب..

الاستاذة : ليان ارجعي على فصلك
شهد : لا اتركيها ليان تعبانه
وياليتك تجبين حبتين بنادول لها..
الاستاذة بغيض : طيب..

شهد اعتبرت ليان مثل اختها الصغيرة شرحت لها كل شي وعلمتها وش تسوي وش تلبس..
شهد : ولا تنسين لازم تشربين الشوربة..

ليان : انشاء الله..

شهد: بشري عسى خف الوجع الحين بعد الحبوب..

ليان بتسامة: ايه الحمد الله

شهد : تمددي على الكنب هنا واترتاحي ماهو ضروري تروحين الفصل ..
شهد تعرف تتعامل مع البنات الصغار لانها دايم تروح للملجاء وتجلس مع البنات وتسوالف معهم
وتخلي الواحد غصب يرتاح لها ويسوالف لها عن كل شي

قامت شهد وجلست على المكتب وكملت باقي الشغل..

وقت الانصراف الظهر..

ليان بحزن : استاذة شهد انتي ماراح تجين بكرة..

شهد بحب: لا ياقلبي خلاص ماعندي شي هنا ..

ليان / لكن ودي اشوفك وابي اعزمك على عيد ميلادي
شهد بتفكير: انا ما احضر حفلات ياقلبي لكن بعطيك رقم جوالي وتدقين علي اذا احتجتي شي

لكن وعد ماتعطينه أحد ..

ليان بفرحة ماتوصف : من عيوني واوعدك محد يدري

عطتها شهد الرقم ومدت ورقة لها
شهد : ابيك تعطين الورقة هذي لاهلك..

ليان : ليش انا سويت شي زعلتك بشي..

قاطعتها شهد : لا ياعمري انتي عسل وغير كذا فيه احد يزعل من اخته الصغيرة..

ليان براحة: اشوا طيحتي قلبي..

شهد :هههههههههههههه سلامت قلبك يالله اشوفك على خير..

[فيتامين سي]

البارت السابع






شهد: ماريا ياماريااااااااااا


ماريا تركض : يس مدام ..

شهد : ابي كوب عصير فريش

ماريا :ok لكن مايبي غداء انتا
شهد : لا مابي بس عصير


شهد : قولي لراجوا يجهز السيارة العصر
صعدت شهد لغرفتها وشغلت الفواحة بريحة الياسمين ودخلت الحمام وعبت البانيو ماء بارد

وارخت جسمها فيه..
طلعت شهد من الحمام عليها الروب..

وتوجهت للطاولة اللي عليها العصير وشربت تروي عطشها وتخفف من الحر اللي تحس فيه..

ثواني معدودة واذن العصر يرتفع ..

صلت شهد فريضتها ولبست تنور رمادية ميدي وتي شيرت اسود وصندل اسود..
وحطت غلوس مشمشي وبلاشر برونزي..

وحطت مسكار خفيفها لانها اصلا ماهي محتاجتها..

تعطرت من قوتشي واخذت شنطتها من باربري
نزلت بخطوات خفيفة على الدرج ..

ماريا : مدام ليش مافي نوم انتي من صبح في شغل..

شهد : لازم اودي هدايا حق ملجاء انت خلاص في سوي تغليف..

ماريا : يس مدام

شهد : يوووووووووه هاتي علبة الحبوب حقتي على التسريحة..

ماريا بخوف : في وجع ..

شهد : لا مافي شي بس لازم احطها بالشنطة..




فيصل : راشد علامك متغير منت مثل أول..
راشد :لا متغير ولا شي..

فيصل : طيب وينك مانشوفك مثل اول ولاتقعد معنا..وتسهر..

راشد : انت تدري اني عند اخوياي وين بروح..

فيصل :انتبه لنفسك


ليان/ مساء النور..
فيصل وراشد : مساء الخير..


فيصل : وانتي وينك بعد ليش ماتغدتي..

ليان : ماكنت مشتهيه.. ماحبت تقول انها تعبانة لانها مستحيه

فيصل بحزم: لا حول الله بصراحة حال البيت كذا مو عاجبني..

اسمع انت وياها..
الفطور والغداء والعشاء مالقى احد متخلف عنه..

فاهمين..

راشد: العشاء لا انا دايم معزوم..

فيصل : بالله عليك اللي اعرفه انك انت اللي تعزم دايم..

متى احد من اخوياك دفع<< قصد فيصل ان اخوياك مستغلينك وبس

راشد قام من غير ولا كلمة..


رفعت ليان سمعت التليفون ودقت على المطبخ وطلبت شوربة..

فيصل : غريبة ليان من متى تحبين الشوربة اذكر حتى رمضان ماتشربينها..

ليان :حبيتها غصب من كلام استاذة شهد..

سرح فيصل وتذكر شهد وانه من زمان ماشافهاوقال بنفسه لازم اروح لبيتها واشوفها لو من بعيد..

مو قادر اصبر عنها..

ليان: يووووووووه تذكرت ورقة عطتني اياها الاستاذة شهد
وقامت تجيبها..


مدت ليان الورقة وهي تقول: غريبة الاستاذة كاتبتها بالانكليزي.ومافهمت شي..

اخذ فيصل الورقةمنها ..

ليان : ياليتك تتزوجها يافصولي ياعليها عيون تذبح وجمال مو طبيعي ..

حتى انها كشخة مرة ياليتها تصير ابلتي..

فيصل مندمج بالورقة ويقرأ...
شهد كتبت بالورقة طبعا بالانكليزي وانا بترجمة على طول..


السلام عليكم..
الى عائلة ليان فهد ....

لقد كتبت لكم هذه الرسالة بالانكليزي حتى لاتعرف ليان مضمونها وتنحرج..

أنا باحثة بعلم الاجتماع وصادف اليوم وجودي بمدرسة ليان

أن ليان جاتها اليوم الدورة الشهرية وكانت تبكي بشدة من الالم و الخوف ومن جهلها بهذه الاموار

اريد منكم الاهتمام بها وشرح امور الحياة لها وكيف تحافظ علىنفسها خاصة بعد بلوغها

والذي عرفته منها انه لا يوجد ماتفعله بوقت فراغها..

ان ليان ماهرة جدا بالرسم اشغلوا وقتها بهذه الموهبة واجعلوها تصقلها..

اعتذر بشدة اذا تجاوزت حدودي..

وتدخلت بامورحياتكم..

لكن براءة ليان أجبرتني على ذلك..

أختكم..

الاستاذة شهد..

فيصل رفع راسه: ليان مين هذي شهد ..
ليان وهي تشرب من الشوربة: وش اسوالف عليك من الصبح اقولك هذي استاذة اول مرة تجي للمدرسة حقتي وهي تقول ان عندها بحث وخلاص ماراح تجي مرة ثانية
فيصل أعجب كثير باسلوب شهد وبعقلها ونصحها ..
<< شلون اذا عرف انها هي نفس البنت اللي يحب..


تذكر فيصل ليان واللي صار معها وبأبتسم على جنب..

فيصل: شلونك الحين ليان..

ليان شرقت بالشوربة وكحت..
فيصل : بسم الله عليك ومد لها ماء..

ليان : بخير أنا ليش استاذة شهد وش كتبت لك..

فيصل انتبه ويصرف : تقول ان رسمك حلو مرة..

ليان :صدق..وهذي هي ماشفت الا رسمه وحده بالكراسة قالت كذا..

فيصل بتفكير :وش رأيك نطلع للمكتبة ونشتري لك لوحات والوان واخليك ترسمين دايم..

ليان :: وناسة عاد انا اموت بالرسم وكذا ماراح اصير طفشانة ابدا..







الابو : عجزت افهم لك ياعبدالعزيز مره ترفض ومره تبيها..

عبدالعزيز: فكرت وقلت مابي اسبب مشاكل بيننا وبين عمي..

وغير كذا لواخذها علشان عمي هو طيب ويستاهل..

الابو : على بركت الله نروح المغرب ونخطبها..



تمت خطبة عبدالعزيز من شوق وطلب ان الملكة والزواج الاسبوع الجاي..

عزام ابو شوق: لكن ياولدي هي باخر سنة بالثانوي اصبر حتى تتخرج..
عبدالعزيز : لا بصراحة ما اقدر انتظر سنة كاملة ودراستها تكملها عندي..

العم عزام: انا ماعندي مانع لكن هي ماراح توافق تعرف البنات..

عبدالعزيز بثقة : اسالها ياعمي..






عزام €بذهول : عيدي وش قلتي ياشوق...

شوق بنكسار : موافقة يابابا..


عزام : ترى منتي مجبورة يابنتي توافقين الحين عادي بعد ماتتخرجين..


شوق : لا يابابا الموضوع مايفرق عندي اللي تبيه انت وعبدالعزيز سوه..




شهد : متى صار هذا..
مديرة الملجاء: قبل يومين..

شهد بعصبية :وليش ماعطتوني خبر..

المديرة : ماحبينا نزعجك ..

شهد : الحين شلونه..

المديره طيب الحمد الله لكن الاطباء يقولون انه بحاجة عملية علشان يسكرون الثقب اللي بالقلب..

شهد: مومشكلة انا بسفره يتعالج برى على حسابي..

المديرة: ماتقصرين جمايلك مغرقتنا.. والمستشفى اللي هنا زين..

شهد : لا لازم يروح برى أنا بكرة اخلص الاوراق والاجراءت..



دخلت العنود بفرح : قولوا وش رايكم فيني..

شهد بتسامة: ماشاء الله تاخذين العقل..

العنود تقرب من شهد وتبوسها: الا قولي انك انتي تاخذين العقل يا اختي..

العنود بنت صغيرة عمرها 15 سنة تربت بالملجاء من يوم صار على اهلها حادث قبل عشر سنوات ومالها أي اقارب

دخلت افراح وطارت عيونها وسحبت العنود من شعرها : اقول بعد ي مناك يالله شهوده اختي انا..
مي : على كيفكم أنتم ..واجتمعوا كل البنات حول شهد بحب
شهد بفرحة: انا اختكم كلكم..

بنات الملجاء عشرة
واعمارهم مابين 16 والعشر سنوات

المديرة:هههههههههههههههه خلاص ذبحتوا البنت..

منى: بسم الله عليها..

شهد : يالله ياقلبي أنا بروح اعذروني لازم أمر على قسم الاولاد الحين ودي اشوف سالم اتطمن عليه..



رغد : صح انتي راح تساعدين سالم وماتتركينه..

شهد : اكيد ياقلبي..


ودعتهم شهد وراحت قسم الاولاد..


طبعا الاولاد لهم قسم خاص فيهم ومنعزل شوي عن
قسم البنات والاولاد اللي فيه اعمارهم ماتجاوز 12سنه وكل العاملين عليهم نساء

واللي اكبر من كذا ملجاء ثاني مختص بالرجال


دخلت شهد عليهم ووزعت الهدايا والملابس والالعاب مثل عادته كل شهر..

المديرة : تعبتي نفسك ياشهد..

شهد : بصراحة انا زعلانة ليش ماعطتيني خبر عن سالم..

قالت المدير: علمتك موضي << موضي هذي مديرة قسم البنات

شهد :ايه..
المهم شلونه الحين..


المديرة :الحمد الله احسن تعالي شوفيه..

راحت شهد معها
شافت سالم منسدح على السرير قربت منه وباسته على خده..
سالم بفرح : هلا شهودة اشتقت لك..

شهد والدموع تلمع بعينها : وانا اشتقت لك أكثر..
شلونك الحين

سالم: طيب ولا تخافين علي اصلا انا قوي مثل زورو

شهد بتسامة: اصلا انت اقوى زورو..

سالم : شهد قولي لهم يتركوني العب بس مخلني منسدح..

المديرة : لا ياسالم الدكتور قال لازم ماتلعب ولا تركض ..علشان ماتتعب اكثر

سالم : انا طفشت وش اسوي..


شهد بتفكير : طيب شرايك نجيب تلفزيون عندك بالغرفة واجيب بلاستيشن لك

المديرة : عندنا بلاستيشن اللي انتي اشتريتها..

شهد تبي ترفع معنويات سالم : لا بجيب وحده خاصة لسالم..


سالم تشقق من الوناسة : شهوووووووودة وناسة انا احبك..

شهد وانا احبك اكثر..
نسيت اقولكم ان عمر سالم عمره 8 سنوات

سلمت شهد على الباقين وطلعت

راجو: مدام وين تبين تروحين..
شهد : البيت..

وشهد بالسيارة حست أن الصداع بدأ يرجع لها وعلى طول فتحت شنطتها واخذت حبة مسكن..

شهد بنفسها لازم اروح للدكتورة تكتب لي مسكن ثاني هذا ماينفع..


نزلت شهد من السيارة..

وكانت عيون فيصل تراقبها دخلت شهد البيت وماهي الا ثواني وطلعت مرة ثانية تنادي راجو..

فيصل كان يبي يروح لكن يوم شافها طلعت وقف مكانه..

شهد : تعال ياراجو نسيت اودي هدايا سامي ولد عبير..

راجو: طيب..

ورجعوا ركبوا السيارة..

فيصل مشى وراهم من غير شعور

شهد تكلم عبير بالجوال ..

عبورة : خلي الخدامة تطلع بعطيها اكياس..

عبير تعودت على شهد دايم تشتري هدايا لسامي..
عبير: لا ابيك تدخلين.. العشاء جاهز..

شهد : لا مستعجلة ابي اروح..

عبير ماحبت تضغط عليها لان شهد كل ماشافت سامي بكت لان سامي وولدها فيصل مولدين بنفس الشهر يعني اعمارهم متقاربة

عبير: طيب على راحتك..

فتحت الخدامة الباب.. وكان سامي يلعب بالحديقة ولما شاف شهد عن الباب ركض بسرعةوهو يضمها..

سامي: ثهوده << شهودة

شهد : ياعيونها انت شلونك..
سامي : طيب..

مدت شهد الهدايا للخدامة وراحت بسرعة..

سامي بصوت عالي: ثكرا ثهودة << شكرا شهودة


ركبت شهد السيارة وهي شبه منهارة

شهد : راجوا ودني للبحر
هذي شهد كل ماتضايقت راحت للبحر...

فيصل كان يراقب الموقف وشاف شهد وهي تضم الصغير وشاف ربكتها وهي تمشي راجعه للسيارة

شاف الطريق للكورنيش وبقى يمشي وراهم بالسيارة حس بشعور غريب كان يبي يتطمن على شهد ويتاكد انها رجعت البيت..

جلست على الرمل وراجوا كان واقف عن السيارة..

تذكرت ابتسامة سامي ودعت ان ربي يخليه لاهله..
سرحت بفيصل ولدها وكالعادة تفكر وش يسوي الحين نايم ولا صاحي شبعان او جوعان..
غصب عنها طلعت زقارة وجلست تدخن بقهر..

فيصل ماهي معقولة تدخن<< منصدم..

طبعا فيصل نزل للكورنيش وجلس بمكان بحيث يشوف شهد وشهد ماتشوفه..

ماعرف ان شهد اصلا ماهي مع العالم..


وش راح يصير على البحر..

وهل شهد راح ترجع للبيت سليمه..

[فيتامين سي]

البارت الثامن

بعد ثلث ساعة تذكرت شهد سالم وانها لازم تروح بكرة بدري وتخلص اوراق السفر..

وقفت ورمت الزقارة بعيد وعدلت اللثمة شافوها3 شباب وقربوا منها..

الاول : ياليتني زقارة..

الثاني : ’’’’’آآآآآآآه ياويل حالي..

الثالث: اخر زمن مابقوا البنات للعيال شي..

شهد طنشتهم ولا ردت عليهم ومشت بكل ثقة وغرور..

راجو قرب منها اول ماشاف الشباب

الثاني : تفضلي معنا..نسليك ومسكها مع يدها ..
فيصل على طول جاء عندها

شهد عطته كف / بعد يدك يالواطي..

فيصل بعصبية : خير انت وياه وشتبون..

الثالث : نبي ام اللثمة هذي..

فيصل : احترم نفسك وانقلع من هنا...
الاول : قل انك تبيها لروحك..

شهد بنفسها هذا فيصل صاحب المحل وش جابه هنا

قرب فيصل بعصبية ومسكه من ثوبه .
.
اجتمعوا الشباب على فيصل..يبون يضربونه..




فجاءة صوت رصاص..


التفتوا وشافوا شهد معها مسدس وتوصبه ناحيتهم..


شهد بكل ثقة: الرصاصة الاولى بالهواء..

والثانية برأسكم أذا مارحتوا..


فيصل علامة استفهام كبيرة..


الشباب من يوم شافوا السالفة كذا وماغير غبرتهم


شهد : شكرا على وقفتك..

فيصل وهومتفاجا من جراتها:بنت ومعها مسدس..

شهد تدخل المسدس بالكيس صغير من المخمل الاحمر وتدخله شنطتها..
شهد : مرخص تطمن..
راجوا : يالله مدام نمشي مايبي مشكلة ثانية..

فيصل :أنتي غموض..

شهد : هذا أحسن شي..


ومشت وتركته واقف مكانه...


فيصل :مرحبا عبدالعزيز..
عبد العزيز: ياهلا والله بابو فهد..

فيصل : شلونك وش اخبارك..

عبدالعزيز: بخير الله يسلمك

انت بشرني عنك..
فيصل : بخير الحمد الله .. بغيت منك خدمة يالغالي..

عبدالعزيز: أمر أنت بس..

فيصل : تسلم مايأمر عليك ظالم..

أبيك تجيب لي معلومات ومالقيت غيرك يقدر يساعدني..


عبدالعزيز : تم طلبك عطني الاسم بس..

فيصل هذي المشكلة ما اعرف غير ان اسمها شهد ..

عبدالعزيز واثق من صديقه وانه مو راعي سوالف وخرابيط..

عبدالعزيز : طيب أي شي يساعدني..

فيصل : معي رقم لوحة سيارة سواقها..
وخجل انه يعطيه عنوان بيتها لانه مايبي عبدالعزيز ياخذ فكرة غلط عنه وانه لاحقها..

عبدالعزيز :خلاص اعتبر الموضوع منتهي يومين وانا اجيب لك برنت كامل عنها..


ليان: وين السواق تأخر
الخدامة :الحين يجي..

راشد : على وين..

ليان : بروح الصيدلية اجيب شوي كريمات..<< ماتعرف تصرف..

راشد : ليش موناقصك بياض ولسى صغيرة على السوالف هذي..

ليان : وانت وشتبي

راشد بعصبية: احترمي نفسك وتكلمي زين..

ليان : محترمة نفسي الحمد الله لكن انت اللي معصب من غير داعي..

وغير كذا انت ليش ماتروح الجامعة ..

راشد :وانتي وش دخلك..

ليان : انا اختك وخايفة عليك..

فيصل دخل ويسمع اصواتهم..

وش فيكم..

ليان : راشــ
يقاطعها راشد بعصبية :ولا كلمة فهمتي
وصعد لغرفته فوق..


الخدامة : جاء سواق..

فيصل : وين تبين..

ليان : الصيدلية..

فيصل :وش تبين فيها..

ليان بقهر: وش فيكم انا رايحة صيدلية مو شارع التحلية..
بس معصبين علي..

فيصل تذكر اللي بالورقة وقال بنفسه صدق انها كبرت وصارت تعرف بالسوالف..
فيصل : لا ابدا تحبين اوصلك
ليان بربكة ووجهها صار احمر: لا شكرا..

ابتسم فيصل على اخته اللي عرف وش تبي وتمنى لو أمه موجوده تساعدها..
ليان :باي

فيصل : بايات

شوي وترجع ليان للصالة من جديد..

فيصل : وش نسيتي ناقصك فلوس..

ليان: لا معي صرافتي لكن بدق على استاذة شهد اسئلة شي..


فيصل : تعرفين رقمها..

ليان : ايه عطتني اياها وقالت اذا بغيت شي ادق عليها..

فيصل : خوذي جوالي

ليان : لا عيب بعدين يتخزن رقمها عندك..
فيصل : ماشاء كبرتي ياليان وصرتي تعرفين

ليان : من زمان وانا كبيرة لكن انتم ماتدرون..

وجلست بجنب تليفون البيت وطلعت الورقة من محفظتها ودقت ..


فيصل يتابع الاخبار..

دق جوالها وهي نايمه ردت من غير ماتشوف الرقم..
شهد :الو..

ليان/ مساء الخير..

شهد : مين معي..

ليان : أنا ليان فهد اللي بالمتوسطة...

شهد وهي تتذكرها:هلاوغلا..

ليان: اسفة شكلك نايمة وصحيتك

شهد : عادي لا يهمك..


ليان: كنت ابي اسالك عن..وتسكت وتناظر بفيصل هو يسمعها او لا..

فيصل يتابع الاخبار


ليان تصرف فيصل : يالاخو تكفى ابي ماء احس اني شرقت..

فيصل لف عليها وقال وشتبين ..

ليان : ابي ماء لو سمحت ..

فهم فيصل عليها: طيب من عيوني...

وبكل تواضع واخوه راح المطبخ يجيب ماء..


ليان:اسفةلكن لازم اصرف اخوي مستحيه يسمعني..

شهد ::ههههههههه لكن عليك تصريفة رهيبة..
جلست ليان تسالها عن اشياء خاصة تخص البنات من الصيدلية..
دخل فيصل وكانت ليان معطيته ظهرها.. وللحين تسال..
رجع فيصل وترك اخته على راحتها..


,,,



ليلة زواج شوق وعبدالعزيز...
طبعا الزواج عائلي ...

دخلوا الجناح بالفندق..

شوق مرتبكة حيل
عبدالعزيز : انقلعي الغرفة مابي اشوفك..

شوق بخاطر مكسور: ممكن بس تسمعني..

عبدالعزيز بصراخ وهو يقرب يمسك فكها بعصبية : اكرهك انقلعي الله ياخذ عمرك ويفكني منك...



شوق : آآآآآمين عسى الموت ياخذني ويريحني منك ياظالم..لفت تبي تدخل الغرفة..

عبدالعزيز والشرار بعيونه مسك يدها بقوة : ظالم ها..

واللي سويته انتي شنو اسمه يالرخيصة..


شوق : بس مافيه احد رخيص غيرك ..

كف على خدها

عبدالعزيز : جربي تطولين السانك شوفي شنو راح يصير..


دخلت شوق الغرفه ورمت نفسها على السرير تبكي حالها..

من يوم تحدد الزواج وهي لاتنام ولاتاكل ذبحها الهم والتفكير

صحت الصبح وانتبهت انها نامت بثوب زواجها وتذكرت كابوس حياتها عبدالعزيز..

غيرت ملابسها ودخلت الحمام واخذت شور بارد ...
شوق أنا لزم ابقى قوية وماأبكي بسهولة انا واثقة من نفسي ..

الله ياخذك يارهيف..دمرتني..

لبست فستان ابيض مشجر بالسماوي...لنص الساق...

كحلت عيونها بالازرق وكثفت الماسكار حطت بلاشر وردي وروج وردي مع غلوس..

تعطرت من عطرها لانكوم واتركت شعرها على طبيعته..


طلعت للصالة وماحصلته موجود جلست عند التلفزيون تتدعي الامبالاة..
بعد ساعة ..

دخل عبدالعزيز : رتبي اغراضك نبي نروح للشقتنا


قامت شوق من غير ماترد..قرب عبدالعزيز لعندها ومسكها مع شعرها .: أنا لما اكلمك ماتعطيني ظهرك وتمشين.. تردين علي وتقولين أنشاء الله فاهمه..

شوق وهي تمسك دموعها : انشاء الله..

نفض عبدالعزيز يده وبعد عنها..

هو أنقهر لما شافها كاشخة وجالسة عند التلفزيون..

اصبري علي ياشوق اذا ماخليتك تكرهين الدنيا..


عبير: هلا والله بعمتي شلونك..

نورة : هلابك شخبارك..

عبير : بخير الله يسلمك..
نورة : وين سامي ما اشوفه..

عبير مع ابوه طلع للحديقة..

نورة : شلون شهد ودراستها..

عبير .: تمام ماعليها..

نورة : عرفتي اني خطبت لعزام ولدي..

عبير: والله عساه الف مبروووك..

نورة/: الله يبارك لك..

عبير : مين من جماعتنا..

نورة : لا هي تصير بنت صديقتي..

عبير الله يوفقهم..

نورة : امين يارب..وترى الزواج بعد شهر..

عبير: مستعجلين..

نورة: مو القصد لكن أحمد يبي يسافر يكمل دراسته برى..

وانا خايفة عليه مابيه يروح لوحده الغربة صعبة وقلت يتزوج وياخذها معه

عبير : صادقة وزين ماسويتي..

نورة : تحضرين عزيمتي بكرة..
عبير: انشاء الله..
نورة : وهاتي معك شهد خليه تغير جو..

عبير : احاول..
نورة : انا بدق عليها واعزمها وأكــد حضورها..


شهد €: عبير مالي مزاج احضر..

عبير باصرار: ماهو على كيفك.. وعمتي اكثر من مرة تعزمك وتردينها فشلة..

شهد : بشرط اسلم واطلع ..

عبير : انتي تعالي بس..


عبير: بروح السوق اشتري لي فستان تجين معي..

شهد : لاعندي اوراق لسالم الصغير لازم اخلصهن..

عبير: شهد بصراحة اللي انتي تسوينه كثيرة يكفي انك تصرفين على الملجاء وهذا من غير الهدايا..

بعد تبين تسفرينه يتعالج على حسابك..

شهد بحنان : ماهو كثير ومافيه احسن من كفالة اليتيم..

وغير كذا الخير كثير الحمد الله وش تبين اسوي بالملايين اللي عندي..

عبير :ليتك تسافرين تعالجين نفسك من الصداع اللي ذبحك..

شهد : باااي يالله مشغولة..

عبير : بايات..




ليلة العزيمه

,,


لبست شهد فستان تركواز علاق ضيق من عند الصدر وماسك على الجسم..

طويل وفيه فتحة على جنب..ولبست صندل فضي بشريطه..

كحلت عيونها بأزرق فاتح وحطت غلوس وردي ولبست خاتم ياقوت وساعتها الالماس

تعطرت وأكلت علاجها ونزلت..



بقصرنورة..



الكل يسوالف ويضحك..واللي تشرب قهوة واللي معها عصير...


دخلت شهد وفسخت عباتها عند المدخل ورتبت شكلها

دخلت المجلس وكانت نورة بستقبالها..

نورة : ياهلا وغلا نور البيت يالغالية..

المجلس صار هدؤء ومافية أي صوت..
شهد صايرة مثل الحورية..

قمة الانوثة والنعومة والاناقة..
عبير انتبهت لنظرات الحريم
وجلست تسمي عليها وتذكر اسم الله..

شهد : منور بوجودك ..

دخلت وسلمت على الموجودين بكل ثقة.. وسلمت على ام عبير وخواتها
أم عبير: هلا بنت الغالية ..

شهد ياهلا فيك شلونك ياخالتي..

ام عبير : لو اخباري تهمك كان سيرتي علي..

شهد :والله اني مقصرة معك اعذرني..


أم عبير و ام شهد كانوا جيران من زمان وهذا سبب العلاقة القوية بين شهد وعبير..

وشهد لما توفوا أهلها باعت الفيلا واشترت فيلا صغيره على قدها..

قربت عبير منها

عبير: عسى قريتي أذكرك

شهد بتسامه: تطمني..
جود أخت عبير قربت من شهد وقالت: أحلى ياقمر غطيتني علينا

جود عمرها 20 سنه مملوحة بيضاء طويلة وفيها شبه من عبير مغرورة شوي وتحب تفتخر بمركزأبوها وأمها..

شهد: كل الحلا بعيونك
جود : خلك جاهزة بكره..
شهد : ليش..

جود تناظر لعبير : شكل عبير ماقلت لك..

عبير : نسيت راح من بالي..

جود : بكرة نبي نطلع نتمشى بالراشد أنا وعبير وأنتي وفاتن ودي انبسط خاصة انه بكر الخميس < فاتن اخت عبير الثانية..
شهد : لا مابي وانا وش دخلني بينكم ..

عبير بعصبية : وش الكلام هذا ياشهد أنتي أختنا..

وبكرة خليك جاهزة فاهمه

نادت نورة شهد
تسوالف لها عن المؤؤسسة

وتاخذ برأيها ببعض الاموار..

نورة: بصراحة فكرتك روعة وبحاول اطبقها..

عبير::حرام عليكم بس بالشغل تسوالفون..

استاذنت شهد بعدها ورجعت البيت وسط اعتراض الكل

رجعت شهد البيت وأخذت شور ولبست قميص أحمر لنص الساق عليه رسمات قلوب بيضاء..

وجففت شعرها علشان ماتاخذ برد..

أخذت كتاب لابن خلدون وجلست تقرأ فيه..

بعد فترة زاد الصداع معها واخذت حبة مسكن بعدها بثلاث ساعات رجع مرة ثانية

وكان راسها كانه راح ينفجر..

واخذت حبة مسكن ثاني..

شهد بنفسها غريبة بالعادة حبة ومفعولها عشر ساعات

لازم امر على الدكتورة بأقرب فرصة..
,,,,




عبدالعزيز بصراخ : ياحيوانة انتي وين الغداء..

شوق وهي تجي تركض من المطبخ : تفضل هذا الغداء..

عبدالعزيز : شنووووووو هذا..


شوق : بيض مسلوق وخبز وشاي..

عبدالعزيز : احد يتغداء بيض مسلوق يامتخلفة..

حزت بخاطر شوق الكلمة : ماجيت من المدرسة الا متاخر كان عندي حصة سابعة ..


عبدالعزيز : مو شغلي مرة ثانية حضري الغداء الصبح قبل تروحين..


شوق : قلت لك هات خدامه لكن انت ماتبي..

عبدالعزيز باستهزاز :وانتي وش حضرتك على الاقل الخدامه بفلوس وانتي ببلاش..

والحين انقلعي من قدامي..


عبدالعزيز بنفسه ليش انا قاسي كذا ماكان هذا طبعي لكن هي نزلت رؤسنا بالارض..



تستاهل كل مايجيها..



عبدالعزيز : شووووووووووق


جت شوق بسرعة له : نعم..

عبدالعزيز : هاتي موية دافية وسوي مساج لرجليني تعورني..

شوق من غيرنفس لانها تعبانة من الدوام : طيب..

عبدالعزيز : تكلمي عدل ..

شوق ببتسامه مصطنعه : انشاء الله

عبدالعزيز يلعن شكلها على اللبس اللي عليها راح تجنني كل يوم شكل..

كانت شوق لابسه بنطلون أحمر سكيني وبدي ابيض وفيه خطوط مموجه باللون الاحمر..
ورافعه شعرها بشريطه حمراء ونازل خصل على وجهها
أخاف اقولها لا تلبسين كذا تحسب اني ميت عليها او انها اغرتني..



راحت لغرفتها وتحممت لبست بجامتها السماوية.. وصلت الظهر ..

حطت راسها على الوسادة وفكرت بحياتها..

هي تنام بغرفة وهو بغرفة ثانية..

الى متى راح ابقى كذا لازم عبدالعزيز يعرف الحقيقة واني للحين بنت..وكانت رهف خادعتني ماهي انا اللي انزل راس ابوي

لكن شلون وهو مايتنزل يلمسني ويعتبرني رخيصة ومضيعه شرفي..



رجع بالليل من عند اخوياه ..
وماشافها عند التلفزيون كالعادة ..

راح غير ملابسه وسهر على فلم أجنبي..


حس بالجوع وقال ابي اقومها من نومها تسوي عشاء << يبي ينكد عليها بس..

دخل غرفتها

وكانت باردة حيل كانها القطب الشمالي ..

شافها نايمه ..
هذي شلون تنام بالبرودة هذي وراح طفى المكيف


قرب من عندها..

عبدالعزيز : انتي قومي..

عبدالعزيز طول صوته..: شووووق قومي..


استغرب لانها ماردت قرب منها وشاف العرق بجبينها لمس جبينها وكان حار بقوة..

عبدالعزيز من متى وهي كذا..

عبدالعزيز يحاول يصحيها : شوق تسمعيني..

شوق صحت لكن تحس بالتعب بجسمها لما شافت عبدالعزيز : ماسويت شي..

عبدالعزيز : قومي اوديك المستشفى..


شوق : لا تذبحني ماسويت شي...

عبدالعزيز حن قلبه عليها : ماراح اسوي لك شي بوديك المستشفى..


شوق وهي للحين تهلوس: رهيف هي السبب

عبدالعزيز لازم تتحمم وانزل حرراتها بسرعة قبل اوديها المستشفى..


شالها بين يدينه ودخلها الحمام وفتح الماء البارد عليها..

شوق بصياح: بارد الماء طلعني مابي..
عبدالعزيز : اصبري شوي خلي حرارتك تنزل..

شوق : تكفى مابي



بعد عشر دقايق..
طلعها من الحمام ولف عليها الفوطة توجه للدولاب حقها وطلع لها بجامه ثانيه..

عبدالعزيز : غيري ملابسك والبسي عباتك بسرعة..

طلع وتركها..



شوق طلعت حنون ياعبدالعزيز ..


غيرت ملابسها وراحت المستشفى واخذت اجازة...

عبدالعزيز معصب : الحين بفهم عمرك 18 سنة وللحين تبكين من ابرة..

شوق بعفوية وخجل : غصب عني..

عبدالعزيز : ليت خوفك كان اكبر لربك وماخنتي اهلك..
شوق بدفاع : الحمد الله خايفة ربي وماعمري اغلطت..

عبدالعزيز : واضح ماشاء الله أقول ولا كلمة مابي اسمع صوتك..



.,,,,


فاتن : نورت السيارة شهودة..
شهد : تسلمين ..

اسمعوا أهم شي مانطول نتعشى ونرجع..

جود :ههههههههههههههه احلمي..

نبي نسهر لنص الليل ..

كومار شغل السيدي احلام..

كومارا : طيب..

عبير: كملت بعد اغاني ..

فاتن : خلونا ننبسط..


فاتن عمرها 17 وهي برونزية شوي طالعها على ابوها
دلوعة مرة وكلمتها تتنفذ..

طول المسجل اخر شي..
شهد : ههههههههههههه كل هذا فرحة بالخميس


ووصلوا الراشد..


وكانت انظار الكل للبنات الاربعة اللي نزلوا من الهمر الاسود


..وواضح عليهن انهن من كبار العوئل..

من طريقة مشيتهن وشنطهن الماركة اللي ماتقل قيمة الشنطة عن خمس الالف ريال..

كانوا قمة بالانوثة والهيبة بنفس الوقت..

لانهم مايناظرون احد..

فاتن تحاكي البنات: يالله اشبعوا غروكم صبايا بنظرات الاعجاب..

عبير:اقول انطمي
دخلوا لكافي وطلبوا قهوة..وشيز كيك..

وكان فيه واحد بس يطالع بجود ويبتسم..

شهد انتبهت وماعلقت..

فاتن: وجع فيه هالخبل كان عمره ماشاف بنات..

تقصد اللي يطالع بجود..


عبير شافته وقالت بعصبية: جود عدلي لثمتك



جود ولا عبرتهم اصلا..

شهد بدا يرجعها الصداع وعلى طول اخذت علاجها قبل يزيد عليها..


عبيرشهقت فجاءة وحطت يدها على فمها من الصدمة ..


البنات كلهم : وش فيك علامك..

عبير بتوتر:ولا شي..

فاتن: وش السخافة كل الشهقة هذي ومافيه شي..

شهد بخوف: علامك عبير

عبير : نسيت اوصي المربية على حاجة
وناظرت شهد بمعنى بعدين اقولك

قاموا تمشوا ..

وعبير ماكانت رايقة ابدا ..
شهد / يالله نبي نرجع تعبت وانا ادور..

عبير :اصلا مافية شي جديد السوق..


فاتن: شكلي اشتري من النمسا اذا سافرنا..

جود: تبوني ادق على كومار..

عبير : ايه بسرعة..

جاء كومار وصعدوا السيارة..

فاتن بسرعة حط سيدي راشد الماجد..

وطول الصوت اخر شي..

وبدأت اغنية راشد ..

وفاتن وجود يهزون مع بعض..

وشهد تضحك عليهم..

وعبير ماكانت معهم..


عبدالعزيز: مرحبا فيصل شخبارك..

فيصل بلهفة ماقدر يخفيها: بخير الله يسلمك..

عبد العزيز حب يحرق اعصابه شوي: وشلون الاهل طيبين..

فيصل : تمام الحمد الله..


سكت عبدالعزيز..
وفيصل ينتظره يتكلم..

فيصل..: الو وينك..

عبدالعزيز : معك لكن ما ادري وش اقول..

فيصل بحسرة : ماقدرت تعرف شي..

عبدالعزيز : لا

سكت فيصل


فيصل : صار خير ماقصرت..

عبدالعزيز بضحكة:ههههههههههههه
فيصل : حرقت اعصابي تنصب علي انت

عبدالعزيز :بصراحة صوتك وانت ملهوف شي..

فيصل : خلص علي

عبدالعزيز: ياطويل العمر اسمها شهد متعب...

من عائلة غنية ومعروفه
سمعتها أطيب من المسك..
كانت متزوجة قبل ثلاث سنوات
وفجاءة اختفى زوجها وولدها اللي عمره سنة وترى اسم ولدها فيصل..

دخلت غيبوبة لمدة اسبوع ولما صحت صار فيها انهيار عصبي بسبب اختفى ولدها..

ابوها كان مقدم شكوى ضد زوجها لانه اختفى فجاءة هو وحفيده لكن بعدين سحبها
وطلب انهم ما يدورون عليه وما ندري ليش يمكن مهدد

الووووووو معي فيصل..

فيصل : ايه معك كمل..

عبدالعزيز : وش اكمل بصراحة البنت معاناة حياتها..

بعد شهرين من اختفى ولدها توفوا اهلها بحادث ومالها أي اقارب..يعني الله يعينها ضربتين بالرأس توجع

سوت مسجد لوالدينها
وتكفلت بدار ايتام..

وهي حاليا تبي تسفر ولد صغير من الملجاء للخارج يتعالج على حسابها

وهي بدت تدرس الماجستير بعلم الاجتماع والموارد البشرية وتبي تسافر بعد شهر لفرنسا

فيصل :يعني ماراح ترجع ..

عبدالعزيز:اللي فهمته ان الفيزاء اللي مقدمه عليها لمدة اسبوع اتوقع انها تناقش رسالتها
وترجع بس

عبدالعزيز: ايه تذكرت بعد.. قدمت خطاب للامارة قبل سنة ونص تطالب بمسدس شخصي يحميها لانها تعيش بالبيت بالحالها

فيصل : مشكووووور والله ماقصرت مستحيل انسى فضلك يالغالي..

عبدالعزيز: ماسويت شي وبالخدمة باي وقت..



آآآآآآآآه ياشهد كيف قدرتي تتحملين المصايب هذي كلها ..