09-09-18, 05:38 PM
| #3777 | ||||
|  الرواية قوية جدا وبما انها من ارض الواقع هذا يعني راح نشوف الظلم والاذية والالم يكتنف كل بطل من ابطالنا ومؤكد كل واحد عنده فقيد بسبب الاوضاع الي مرينا بيها من سنووووات الى الان وما نعرف متى تنتهي .. الله يفرجها ع الكل .. تعرفين اسومة كيف وصلتي الصقيع بداخلي .. اقصد هنا صقيع الغربه .. تذكرين حديثنا عن لندن .. قبل فتره صديق العائلة كان بلندن سنوات طويلة ما قدر يكمل يكول الغربة قتلتي كلتله تشعر ببرودة لندن كال اي لندن باردة المشاعر وكأنه يتكلم عني وعنج .. من قرات اليوم مشهد الابطال وهم بالغربة رأسا اجه ع بالي هالحديث.. من يوصل الكاتب الشعور للقارئ وخصوصا باعماقة هذا دليل ع نجاح ما كتبت اناملة وانت نجحتي وبأتقان ان توصلين هالوجع بالذات للقارئ حتى يشعر بيه .. كأني اني مكان يزن او يمام .. كأني اني الغريبة بشوارع مهما كانت حديثة جنب ناس مهما كانت متفتحه الا ان قلبي لايزال قابع في بلد الصراعات والنزاعات في البلد الي طقسه يكون طول مدار السنه حار .. رغم كل هذا يكون الحنين هو الشي الوحيد الي يسيطر ع الانسان حتى لو يوصل لأوج نجاحاته بالغربة .. يمام عند بيت خاله يشتغل مغترب قبل يزن .. يزن فضل الغربه ليش وشنو الاسباب الي جعلته يوافق بهذه السرعه .. شنو هو الي يتمناه هل قصدة انه يريد يحضن بغداد او هناك بغداد اخرى تحتل قلبه وكامل عقله .. وجع يزن وهو يشير بقبضته ع قلبه دليل ان هذا الرجل يعيش قصة صعب ينساها ما اعرف اذا كانت قصة حب ومشاعر لان ع حد علمي عائلتة بخير .. رغم ان وسام اخوه الان ربما يكون ع مشارف الموت او الخطف او الضياع او ربما هجره ما اعرف ولا اريد اخمن شي لان بعدنا بالبدايه.. كل الي اتمناه ان يكون خبر عدم العوده خير . .... ورد جميلة هادئة انسانة عايشة من اجل هدف بالمجتمع تعليم الاطفال بعيدة عن القيل والقال ... الحلو فيها انها تتكلم الي تريد وتصمت اذا تعف ان الكلام يأخذ منحنى اخر احلى شي فيها انها ما تستمع لهذرة النساء الي ما تخلص طبعا امثال عايدة هواية بالمجتمع الله يرزقها واحد حاد الملامح ههههه ديااار اهلا بك منور الفصل والله يا عيني عليج اسومة تعرفيه هالشخصية المفضلة عندي وطالعه بكل هذا الكبرياء والاناقة والكلام الي يخبل اني اغرق اغرق هههههه ديار صح نشوفه هيج تكلم مع ورد بس احس بيه انسان عندة شخصية قوية وكيان مستقل.. والظاهر يسكن بعيد او ظروف عمله تحكم حتى ميزوح بنت اخوه الي فقدت والديها وطبعا هذا حدثت كثير .. الله ينتقم من الي كان السبب ويتم طفلة صغيره .. ديار من هسه ويتغزل بورد والظاهر راح يبقى ملازم لرياض الاطفال يعد ما شاف ورد ويمكن انعجب بيها .. ياعيني عليه حتى وهو يتعذر يكون هازء او يريد يوصل صورة انه مسكين ما عمل شي .. حبيت حوارهم كان عفوي سلس او هي تحسيها انسانة ع نياتها بسيطة جميلة الي بقلبها ع لسانه بس مو مع كل شخص بس الي يرتاح قلبها الهم . فصل مميز اسومة حبيبتي عاشت ايدج اختيارج للكلمات قوي جدا .. حبيت كثير من الفصل ابدعتي كل الحب الك وبانتظارك بشووووق حياتي مما اعجبني اقتباس: | ||||
|  |
 |
| أدوات الموضوع | |
| انواع عرض الموضوع | |
|
|
65Likes
العرض العادي
